நான்

rolltop - புதிய மடிக்கணினி, இனி வரும் காலங்களில்

noreply@blogger.com (தமிழ் மகன்) — Sat, 11 Dec 2010 02:40:00 +0000

ஒரு காலத்தில் ஒரு பெரிய அறையே வேண்டும் கணிணியை வைக்க. அந்தக் காலம் மாறி ஒரு அறையின் மூலையில் கணிணிகளை வைத்துக்கொள்ளலாம். பின்னர் சூட்கேஸ் போல் மடிக்கணிணிகள் வந்தன.

இனி வரும் கணிணி எப்படி இருக்கும் என எப்போதாவது யோசித்து பார்த்திருக்கிறீர்களா?
மேலும் படிக்க

மழை - தண்ணீரின் பயணமாய்

noreply@blogger.com (தமிழ் மகன்) — Tue, 07 Dec 2010 05:02:00 +0000

கதிரவன் துணைகொண்டு உன்னை ஆவியாக்கி

உன்னுள் இருந்து உப்பை நீக்கி

வெண்மேகங்களுக்கு இடையே உன்னை அனுப்பி

வெண்மையை கருமையாக்கினேன்.

புகுந்த இடம் பிடிக்கவில்லையோ?

நீ புகுந்த மேகத்தின்மேல் கோபமோ?

மேலும் படிக்க

(13) - நான் பரிந்துரைக்கும் சட்டைகள் - Blogger templates

noreply@blogger.com (தமிழ் மகன்) — Mon, 06 Dec 2010 07:06:00 +0000

முன்னரே, வலைப்பதிவுக்கு புதிய சட்டை மாட்டுவது, எப்படி என்று விளக்கியிருந்தேன். பல பேருக்கு இந்த சட்டைகளைத் தேடுவதே மிகுந்த சிரமமாக இருக்கும். எனக்கு பிடித்த சில சட்டைகளை உங்களோடு இந்த இடுகையில் பகிர்ந்துகொள்கிறேன். தேவைப்பட்டால் உங்கள் வலைப்பதிவிற்கு பயன்படுத்திக் கொள்ளுங்கள்.

சட்டை மாட்டுவது எப்படி என அறிந்துகொள்ள இங்கே பார்க்கவும்.

மேலும் படிக்க

(12)-வலைப்பதிவில் ஒட்டெடுக்க..

noreply@blogger.com (தமிழ் மகன்) — Mon, 29 Nov 2010 02:54:00 +0000

வலைப்பதிவு என்பது நம் கருத்துக்களை மற்றவர்களுடன் பகிர்ந்துகொள்ளவே என்பது பெரும்பாலானோரின் கருத்து. ஆனால் வலைப்பதிவின் மூலம் மற்றவர்களின் கருத்துக்களையும் நாம் சேகரிக்கலாம். அதற்கு நம் வலைப்பதிவிலேயே ஒட்டெடுப்பும் நடத்தி வாசகர்களை ஒட்டளிக்கச் செய்யலாம்.

உதாரணமாக இந்தியாவின் அடுத்த பிரதமர் யார்?, நீங்கள் வலைப்பதிவு வைத்துள்ளது எதற்காக? இந்த வலைப்பதிவு நன்றாக உள்ளதா? மன்மதன் அம்பு திரைப்படம் நன்றாக இருக்கிறதா? என நம் வலைப்பதிவிலேயே நம் வாசகர்கள் மூலம் வாக்கெடுக்கலாம்.

மேலும் படிக்க

இரு இந்திய அணிகள்.

noreply@blogger.com (தமிழ் மகன்) — Thu, 14 Oct 2010 13:35:00 +0000

வெவ்வேறு நாட்கள், வெவ்வேறு ஊர்கள், வெவ்வேறு மைதானங்கள், வெவ்வேறு அணிகள், எதிர்கொண்டதும் வெவ்வேறு அணிகள். போட்டியிட்டது இந்திய அணிகள், எதிர்கொண்டது ஆஸ்திரேலிய அணிகள். இந்திய அணிகளில் ஒன்றுக்கு வெற்றி, இன்னொன்றுக்கு தோல்வி. ஆனால் சாதனை புரிந்தது இந்திய அணிகள். இது எப்படி சாத்தியமாயிற்று.

2010 அக்டோபர் பதிமூன்றாம் தேதி பெங்களூரு சின்னசாமி மைதானத்தில் இந்திய கிரிக்கெட் அணிக்கு 207 ரன்கள் இலக்கு நிர்ணயித்தது ஆஸ்திரேலிய கிரிக்கெட் அணி. அந்த கடின இலக்கையும் கடந்து வெற்றி பெற்றது இந்திய கிரிக்கெட் அணி.
மேலும் படிக்க

எந்திரனால் உருவான விளம்பரம்.

noreply@blogger.com (தமிழ் மகன்) — Fri, 08 Oct 2010 03:18:00 +0000

எந்திரன் படம் பார்த்து உருவான விளம்பரம். மிக அருமையாக உள்ளது. பார்த்து ரசியுங்கள். (ஒன்றரை நிமிடம்).

மேலும் படிக்க

வித்தியாசமான 10 படங்கள்.

noreply@blogger.com (தமிழ் மகன்) — Tue, 05 Oct 2010 02:35:00 +0000

இந்தப் படங்கள் எதுவுமே போட்டோஷாப் பயன்படுத்தி உருவாக்கப்பட்டவை அல்ல.

1)இது ஒரு கலப்பு மிருகம். வரிக்குதிரையையும், ஈகுவைன் என்னும் மிருகத்தையும் கலந்து உருவாக்கப்பட்ட ஜீப்ராய்ட்.

மேலும் படிக்க

(11) - Share பட்டனை உங்கள் பதிவில் இணைக்க.

noreply@blogger.com (தமிழ் மகன்) — Mon, 04 Oct 2010 04:15:00 +0000

உங்கள் பதிவுக்கு வரும் வாசகர்கள், படித்தது பிடித்திருந்தால் சமூக வலைத்தளங்களில் பகிர வாய்ப்பு உள்ளது. அதன் மூலம் மேலும் நிறைய வாசகர்கள் நம் பதிவுக்கு வருவார்கள். இதற்கு உதவும் வகையில் சமூக வலைத்தளங்களின் சுட்டியை நமது வலைப்பதிவில் கொடுக்கலாம். ஆனால் நிறைய வலைத்தளங்கள் உள்ளதால் அது சற்று கடினம். இதற்கு உதவுகிறது Share button. அதை எப்படி இணைப்பது என்பது பற்றி இப்போது பார்க்கலாம்.

மேலும் படிக்க

எந்திரனை அபார வெற்றியாக்கிய சூரியன்.

noreply@blogger.com (தமிழ் மகன்) — Sun, 03 Oct 2010 07:45:00 +0000

162 கோடி, இயக்குநர் சங்கர், ரஜினி, ஐஸ்வர்யா, சன்பிக்சர்ஸ், ஏ.ஆர்.ரஹ்மான் என பெரிய தலைகள் சேர்ந்து உருவாக்கிய உலகத் தமிழ் ரசிகர்களால் பெரிதும் எதிர்பார்க்கப்பட்ட படம் எந்திரன். கதையெல்லாம் உங்களுக்கே தெரியும், இருந்தாலும் சொல்றேன். விஞ்ஞானி ரஜினி தன்னைப் போலவே ஒரு ரோபோட்டை உருவாக்குகிறார். இந்த ரோபோவுக்கு மனித உணர்ச்சிகளை உண்டாக்குவதனால் வரும் பிரச்சனைகளும், இவரும், இவர் உருவாக்கிய ரோபோவும் ஐஸ்வர்யாவை காதலிப்பதுதான் கதை.

மேலும் படிக்க

குரோம் பயன்படுத்துவோர்க்கு ஒர் வசதி.

noreply@blogger.com (தமிழ் மகன்) — Sat, 02 Oct 2010 02:41:00 +0000

கூகுளின் பிரவுசரான குரோமை பயன்படுத்துபவரா நீங்கள்? தினமும் நீங்கள் உங்களுக்கு வந்த மெயில்களை பார்க்கிறீர்கள், சமுதாய வலைத்தளங்களுக்குச் செல்லுகிறீர்கள், நாளிதழ் படிக்க ஒரு தளத்திற்குச் செல்லுகிறீர்கள், பதிவிட மற்றும் பதிவுகளை படிக்க ஒரு தளத்திற்குச் செல்லுகிறீர்கள். அதாவது தினமும் ஒரு குறிப்பிட்ட பத்து பதினைந்து தளங்களை உபயோகப்படுத்துகிறீர்கள். பெரும்பாலும் கணினியை திறந்ததும் இந்த தளங்களை பயன்படுத்துகிறீர்கள்.

மேலும் படிக்க

பூமி பெரியதா?

noreply@blogger.com (தமிழ் மகன்) — Mon, 27 Sep 2010 11:42:00 +0000

பூமி பெரியதா சிரியதா? நீங்கள் இருக்கும் இடத்தை வைத்து பூமியை ஒப்பிட்டு பார்த்தால் பூமி மிகப் பெரியது. பூமி இருக்கும் இடத்தை வைத்து ஒப்பிட்டு பார்த்தால் பூமி மிகச் சிரியது. கீழே உள்ள படத்தை பாருங்கள் உங்களுக்கே புரியும்.

மேலும் படிக்க

(10) - உங்கள் பதிவுக்கு Live Traffic Feed widget இணைக்க

noreply@blogger.com (தமிழ் மகன்) — Sun, 12 Sep 2010 14:35:00 +0000

உங்கள் வலைப்பதிவுக்கு வரும் வாசகர்கள் எத்தனை மணிக்கு வந்தார்கள், எப்படி வந்தார்கள் போன்றவற்றை தெரிந்துகொள்ள மற்றும் மற்ற வாசகர்களுக்கு தெரியப்படுத்த உதவுவது இந்த விட்ஜெட். இதை எப்படி இணைப்பது என்பது பற்றி இப்போது பார்க்கலாம்.

முதலில் http://feedjit.com/freeLiveTrafficFeed/
என்ற தளத்திற்குச் செல்லுங்கள். www.feedjit.com தளம் மூலமும் செல்லலாம். (வீடியோவினை பாருங்கள்)

மேலும் படிக்க

விநாயகர் சதுர்த்தி

noreply@blogger.com (தமிழ் மகன்) — Sat, 11 Sep 2010 02:07:00 +0000

விநாயகர் சதுர்த்தி முதன்முதலில் மகாராஷ்டிராவில் மட்டுமே கொண்டாடப்பட்டுவந்தது. பால கங்காதர திலக், பிள்ளையார் என்பவர் அனைவருக்கும் பொதுவானவர் என்ற எண்ணத்தைக் கொண்டுவது இந்த விழாவை நாடு முழுவதும் பரப்பினார். விநாயகரின் பிறந்தநாளை கொண்டாடுவதே விநாயகர் சதுர்த்தி ஆகும்.

ஒரு நாள் பார்வதி தேவி குளிக்கச் சென்றாள். அங்கு காவலுக்கு தனது உதவியாளர்கள் யாரும் இல்லாததால், தன் உடம்பில் இருந்த அழுக்கு மூலம் ஒரு சிறுவனை உருவாக்கி உயிர்கொடுத்து காவலுக்கு நிக்கச்சொன்னார். யாரையும் உள்ளே விடவேண்டாம் எனவும் கட்டளையிட்டார். அப்போது அங்கே வந்த சிவபெருமானை தடுத்தான் அந்தச் சிறுவன். கோபமுற்ற சிவபெருமான் அவன் தலையை துண்டித்தார். பின்னர் பார்வதியின் மைந்தன் என்பதை அறிந்த சிவபெருமான் அச்சமுற்று, தன் பூதகணங்களை அழைத்து அவர்கள் முதலில் பார்க்கும் ஜீவராசியின் தலையை துண்டித்து எடுத்துவருமாறு கூறினார். அவர்கள் முதலில் பார்த்ததோ ஒரு யானையை. சிவபெருமானின் கட்டளைப்படி அந்த யானையின் தலையை துண்டித்து எடுத்துவந்தனர். அதனை சிவபெருமான் அந்த சிறுவனின் உடம்பில் ஒட்டவைத்து மீண்டும் உயிர் கொடுத்தார். அப்போது வெளியே வந்த பார்வதி பிள்ளை யாரு? எனக் கேட்டார். அதுவே அச்சிறுவனுக்கு பெயராகிவிட்டது. ஆம் அச்சிறுவன் தான் பிள்ளையார். இப்படித்தான் பிள்ளையார் பிறந்தார்.

இப்படிபட்ட வீரமான விநாயகரின் பிறந்தநாளைக் கொண்டாடுவதே விநாயகர் சதுர்த்தியாகும். அனைவருக்கும் விநாயகர் சதுர்த்தி நல்வாழ்த்துக்கள்.

(9) - பதிவுகளை பிரபலப்படுத்துவது

noreply@blogger.com (தமிழ் மகன்) — Fri, 10 Sep 2010 11:56:00 +0000

இந்த தொடர் பாடத்தின் மூலம் வலைப்பதிவை உருவாக்குவது, அதில் எப்படி பதிவு இடுவது போன்றவைகளை பார்த்தோம். எழுதிய பதிவுகளை எப்படி பிரபலபடுத்தி மற்றவர்களிடம் நம் வலைப்பதிவை எடுத்துச் செல்வது என்பது பற்றி பார்க்கலாம். இதற்கு பெரிதும் உதவுவது இணையத்தில் இருக்கும் திரட்டிகளே.
தமிழிஷ்.காம்: இது ஒரு முன்னோடியான திரட்டி. தற்போது இண்ட்லி எனும் தளத்துடன் இணைந்துள்ளது. பல பதிவர்களை உருவாக்கியதில் தமிழிஷூக்கும் பங்கு உண்டு. ஒரு பதிவை இட்டு அதில் தமிழிஷில் இணைத்துவிட்டால் குறைந்தது பத்து பேராவது உங்கள் வலைப்பதிவிற்கு வருகை தர வாய்ப்புண்டு. அந்தப் பதிவு பிரபலமடைந்துவிட்டால் நூற்றுக்கணக்கான வாசகர்கள் உங்கள் பதிவுக்கு நிச்சயம் வருவார்கள்.

உலவு.காம்: இந்த திரட்டியும் நம் பதிவுக்கு வாசகர்களை வரவழைக்கிறது. உங்கள் பதிவை இணைக்கும் போது உங்கள் வலைப்பதிவின் முன் தோற்ற புகைப்படத்தையும் தானே இணைத்துக்கொள்கிறது. இதனால் அந்த புகைப்படத்தை பார்த்தும் சில வாசகர்கள் வருவார்கள்.

தமிழ்பெஸ்ட்.காம்: மற்ற திரட்டிகளை பொருத்தவரையில் நன்றாக இருந்தால் மட்டுமே வாசகர்கள் நம் பதிவுக்கு ஓட்டுப்போடுவார்கள். ஆனால் தமிழ்பெஸ்ட்டை பொருத்தவரை யார் வேண்டுமானாலும், பயனர் அல்லாதவர் கூட, நன்றாக இல்லை என ஓட்டளிக்கலாம்.

தமிழ்10.காம்: இதுவும் ஒரு நல்ல திரட்டிதான். ஒரு பதிவுக்கு குறைந்தது பத்து ஹிட்டுகளாவது கொடுக்கும் தளம். கிட்டத்தட்ட தமிழிஷை போன்ற ஒரு தளம். என் பதிவுகளுக்கு பல வாசகர்களை தந்த தளம்.

இந்த நான்கு திரட்டிகளை மட்டுமே பரிந்துரைக்கிறேன். இதில் ஒவ்வொன்றிலும் ஒரு கணக்குத் தொடங்கிக் கொள்ளுங்கள். இலவசம்தான்!. பின்னர் நீங்கள் ஒவ்வொரு பதிவை வெளியிட்டதும், இந்த தளங்களுக்குச் சென்று உங்கள் பதிவை இணைத்துவிடுங்கள். பல்வேறு வாசகர்கள் அதற்கு ஓட்டு போடுவார்கள். நிறைய ஓட்டுகள் விழுந்தால் நிறைய ஹிட்ஸ்கள் கிடைக்கும். எப்படி இருந்தாலும் பதிவு நன்றாக இருந்தால் உங்கள் வலைப்பதிவுக்கு நிச்சயம். நிறைய வாசகர்கள் வாருவார்கள்.

திரட்டிகள்:
www.tamilish.com
www.tamil10.com
www.thamilbest.com
www.ulavu.com

மற்ற திரட்டிகள்:
www.yaaldevi.com
www.namkural.com
www.bogy.in
www.iniyatamil.com
www.tamildaily.com
.

பாடம் 8- அலெக்ஸா விட்ஜெட் இணைப்பது எப்படி - வீடியோ

noreply@blogger.com (தமிழ் மகன்) — Wed, 01 Sep 2010 09:00:00 +0000

ஒவ்வொரு தளத்திற்கும் அலெக்ஸா ரேங்கிங் என்பது உண்டு. இன்று அலெக்ஸா மதிப்பீட்டில் கூகுள் முதலிடத்தில் உள்ளது. சில தமிழ் வலைப்பதிவுகளிலும் நீங்கள் இதை கண்டிருக்கலாம். இதை எப்படி உங்கள் வலைப்பதிவில் இணைப்பது எப்படி என்பது பற்றி பார்க்கலாம். இதற்கு நீங்கள்

www.alexa.com/siteowners/widgets

என்ற தளத்திற்குச் செல்லவேண்டும். மேலும் எப்படி இணைப்பது என்று தெரிந்துகொள்ள வீடியோவினை பாருங்கள்.

அலெக்ஸாவில் traffic rank, traffic graph மற்றும் site stats என்ற மூன்று விதமான விட்ஜெட்டுகள் உள்ளன. site stats என்பதிலேயே traffic rank இருக்கும். என்னைப் பொருத்தவரை site stats மட்டுமே போதுமானது என்பதால் வீடியோவில் site stats எப்படி இணைப்பது என்பது பற்றி விளக்கியுள்ளேன். அது போலவே மற்ற விட்ஜெட்டுகளையும் இணைத்துக் கொள்ளலாம். இந்த வீடியோ பதிவு முயற்சியைப் பற்றி உங்கள் கருத்துக்கள கூறுங்கள்.
.

வித்தியாசமான அயர்லாந்து அரசின் தேர்வு - நகைச்சுவை

noreply@blogger.com (தமிழ் மகன்) — Sat, 28 Aug 2010 01:58:00 +0000

சமீபத்தில் வந்த மெயில்...

கேள்விகள்

விடைகள்

இதில் பல பேர் விடை தெரியாமல் தோல்வியுற்றனர்..

ஹி! ஹி!

குறிப்பு: இது உண்மையா பொய்யா என்பதெல்லாம் தெரியாது. ரசிக்க மட்டுமே!!!

பாடம் 7 - உங்கள் வலைப்பதிவுக்கு டெம்ப்ளேட் மாத்த

noreply@blogger.com (தமிழ் மகன்) — Fri, 27 Aug 2010 01:18:00 +0000

நாம் வலைப்பதிவை உருவாக்கும் சமயத்தில் நமது வலைப்பதிவிற்காக ஒரு டெம்ப்ளேட்டை தேர்ந்தெடுத்திருப்போம். அது நமக்கு பிடிக்காததாக கூட இருக்கலாம். அப்படி நாம் வேறு வழியின்றி தேர்வு செய்த டெம்ப்ளேட்டை இந்தப் பாடத்தில் எப்படி மாத்துவது என்பது பற்றி பார்க்கலாம். பிளாக்கர் தளத்தில் சில டெம்ப்ளேட்டுகளே இருப்பதால் நாம் நமக்கு பிடித்தமான டெம்ப்ளேட்டை வேறு ஒரு தளத்தில் இருந்து தரவிறக்கி உபயோகிக்கலாம். அல்லது பிளாக்கரில் இருக்கும் வேறு டெம்ப்ளேட்டுகளையும் உபயோகிக்கலாம்.

இலவசமாக டெம்ப்ளேட்டுகள் தரும் சில தளங்கள்:
http://btemplates.com/
http://www.allblogtools.com/
http://freetemplates.blogspot.com/
http://www.bietemplates.com/
http://www.deluxetemplates.net/
http://www.bloggertemplatesfree.com/

இந்தத் தளங்களில் இருந்து உங்களுக்கு தேவையான டெம்ப்ளேட்டை தரவிறக்கிக் கொள்ளுங்கள். தரவிறக்கினால் உங்களுக்கு ஒரு .zip கோப்போ அல்லது .xml கோப்போ சேமிக்கப்படும். .zip கோப்பாக இருந்தால் அதனுள் இருக்கும் .xml கோப்பை பிரித்து எடுக்கவும். பெரும்பாலும் இந்தத் தளங்கள் டெம்ப்ளேட்டின் பெயரிலேயே ஒரு .xml கோப்பை கொடுக்கும். மேலும் சில தளங்கள் அத்துடன் சேர்த்து சில கோப்புகளையும் கொடுக்கும். இதில் நமக்குத் தேவைப்படுவது xml கோப்பு மட்டுமே. அதை சேமித்துக் கொண்டபின்

DASHBOARD ->>
DESIGN ->>
EDIT HTML

என்பதற்குச் செல்லுங்கள். அதில் தற்போது உங்கள் பதிவில் இருக்கும் டெம்ப்ளேட்டை சேமித்துக்கொள்வது நல்லது. நீங்கள் டெம்ப்ளேட்டை மாற்றிய பின்னர் ஏதாவது பிரச்சனை இருந்தால் உடனே பழைய டெம்ப்ளேட்டிற்கு மாற்றிக்கொள்ளலாம். இதற்கு BACKUP/RESTORE TEMPLATE என்பதன் கீழ் உள்ள Download full template என்பதை தேர்வு செய்து உங்கள் பழைய டெம்ப்ளேட்டை சேமித்துக்கொள்ளுங்கள்.

பின்னர் choose file என்பதை தேர்வு செய்து உங்களுடைய புதிய டெம்ப்ளேட்டுக்கான xml கோப்பை தேர்வு செய்து கொள்ளுங்கள். தேர்வு செய்த பின் upload என்பதை தேர்வு செய்து அதை தரவேற்றினால் வேலை முடிந்தது. புதிய டெம்ப்ளேட்டில் உள்ள கோடிங்குகளில் ஏதேனும் தவறு இருந்தால் பிளாக்கர் ஏற்றுக்கொள்ளாது. எல்லாம் செய்த பின்னர் கிழே உள்ள SAVE TEMPLATE என்பதை அழுத்துங்கள். அவ்வளவுதான். இப்பொழுது உங்கள் வலைப்பதிவுக்குச் சென்று பார்த்தால் புதிய டெம்ப்ளேட் மாற்றப்பட்டிருக்கும்.
.

சென்னை தினம்

noreply@blogger.com (தமிழ் மகன்) — Sun, 22 Aug 2010 00:23:00 +0000

சென்னை தினம் இன்று, ஆகஸ்ட் 22, கொண்டாடப்படுகிறது. அதை ஏன் இன்றைக்கு கொண்டாடவேண்டும் என யோசித்துக்கொண்டே தகவல் களஞ்சியமான விக்கிப்பீடியாவில் தேடினேன். ஒருவழியாக விடை கிடைத்துவிட்டது. தற்போது சென்னை கோட்டை இருக்கும் நிலத்தின் ஒரு சிறிய பகுதியை நம்மை ஆள வந்த வெள்ளைக்காரன், அதாவது கிழக்கு இந்திய கம்பெனி, 1639ஆம் ஆண்டு அந்த இடத்தை ஆண்ட சந்திரகிரியின் கடைசி மன்னனிடம் இருந்து அபகரித்துக் கொண்டதை கொண்டாடுவதே சென்னை தினமாம்.

என்ன ஒரு வேடிக்கை? நாம் நாட்டு நிலத்தை காசு கொடுத்து வாங்காமல் அபகரித்துக் கொண்ட வெள்ளையனை பாராட்டி கொண்டாடுவதற்கா சென்னை தினம். என்னதான் இந்தியாவை விட்டு வெள்ளையவர்களை வெளியேற்றினாலும், அவர்களின் கலாச்சாரத்தையும் மொழியையும் நாம் இன்னும் வெளியேற்றவில்லை. அவர்கள் சென்றாலும் அவர்களின் நிழல் இங்கேயேதான் இருக்கிறது போலும்.

மையிலாப்பூர் டைம்ஸின் ஆசிரியரான வின்சண்ட் டி சொஸாவும், மெட்ராஸ் மியூசிங்ஸின் ஆசிரியரான் முத்தையாவும் இணைந்து உருவாக்கியதே இந்த சென்னை தினம் என விக்கிப்பீடியாவில் குறிப்பிடப்பட்டுள்ளது. சென்னையின் பழைய நினைவுகளையும், இன்றைய நிகழ்வுகளையும் கொண்டாடுவதே சென்னை தினத்தின் நோக்கம். முதன் முதலில் சில அரிய கருப்பு வெள்ளைப் புகைப்படங்களுடன் தொடங்கிய இந்த சென்னை தினம் இன்று வெகுவாக வளர்ந்திருக்கிறது.

சென்னை, சிங்காரச் சென்னை என்று எப்படி பேர் வந்தது என்றே தெரியவில்லை. சிங்காரமாய் அழகாய் உள்ளதா சென்னை? இப்போது ஏதோ மாற்றங்கள் தெரிந்தாலும் எனது பார்வையில் சென்னை சிங்காரமாக இல்லை, அசிங்கமாகவே உள்ளது. அன்றைய சென்னையும் இன்றைய சென்னையும் ஒப்புமைபடுத்தி பார்க்க என்னால் முடியவில்லை, ஏனெனில் நான அன்றைய சென்னையை பார்த்ததே இல்லை.

இங்கு நடைபாதைகள் உள்ளது நடப்பதற்காக அல்ல, கடைகள் வைப்பதற்காக. பல சாலைகள் உள்ளன, ஆனால் சிலவை சாலைகளாகவே இல்லை. எக்கச்சக்க விதிமுறைகள் உள்ளன, கடைபிடிப்பதற்காக அல்ல, மீறுவதற்காக. சென்னை ஒரு காஸ்டிலி நகரம், ஒரு மெட்ரோ பாலிடன் சிட்டி. சென்னையில் யாரைப் பார்த்தாலும் ஒரு கேள்வி எழும். ஒங்க சொந்த ஊர் எது? சென்னை வாழவந்தவர்களின் இடம். தமிழ்நாட்டின் தலைநகரம். தலைநகரம் தலைவர்களின் நகரமாகவே ஆகிவிட்டது. ஆம் தெருவுக்கு ஒரு கட்சிதொடங்கினால் தலைநகரம் தலைவர்களின் நகரம் தானே.

அரசியல் தலைநகரம் மட்டுமல்ல பல துறைகளின் தலைநகரம் கூட. தகவல் தொழில்நுட்ப கம்பெனிகளின் நகரம். இதனால் சென்னைக்கு ஒரு நன்மை கூட - மின்சாரம் துண்டிக்கப்படாது(ஒப்பந்தம் வேலை செய்கிறது). சினிமாத் துறையை பெருக்கிவரும் நகரம். இதனால் சினிமா ஆசையில் சென்னைக்கு குடிபெயர்ந்த இளைஞர்களும் உண்டு. பழங்கால சென்னையைப் பற்றி எனக்குத் தெரிந்த ஒன்றே ஒன்று, கூவம் ஆற்றில் படகு போக்குவரத்து நடைபெற்றதாம். ஆனால் கூவம் இன்று சென்னையின் மிகப்பெரிய கழிவுக்கூடம். பத்தடி தூரத்தில் இருந்தாலே மூக்கை பொத்திக்கொள்கிறோம். மரங்கள் பல இடங்களில் கட்டிடங்களாக உருவாகின்றன.

இப்படி இருக்கும் சென்னையை உண்மையிலேயே சிங்காரச் சென்னையாக மாற்ற முயற்சிகள் மேற்கொள்ளப்பட்டுவருகின்றன என்பதும் மறுக்கமுடியாத உண்மை. சென்னை மாநாகராட்சியும் தமிழக அரசும் இணைந்து இங்கு பல நாட்கள் மூடிக்கிடந்த பூங்காக்களை சீரமைத்து அழகாக்கி பொதுமக்களுக்காக திறந்தது. இதில் தியாகராய நகர் பனகல் பூங்காவும் அடங்கும். முக்கிய சாலைகளில் உள்ள சுவர்களில் தமிழகத்தை சித்தரிக்கும் வண்ண ஓவியங்கள் தீட்டப்பட்டுவருகின்றன. அங்கங்கு காணப்படும் விளம்பர பேனர்களும் அகற்றப்பட்டன. முக்கியமாக கூவம் ஆற்றை மீண்டும் அதன் பழைய நிலைமைக்கும் கொண்டுவரும் முயற்சிகளும் மேற்கொள்ளப்பட்டுவருகின்றன. இந்த முயற்சிகள் தொடர்ந்தால் சென்னை சிங்காரச் சென்னையாக ஆகிவிடும்.

நேற்றைய சென்னையில் அடுக்குமாடி கட்டிடங்கள் இருந்திருக்காது. இன்று அடுக்குமாடி கட்டிடங்கள் தான் அதிகம். நாளை சென்னை முழுவதும் அடுக்குமாடி குடியிருப்புகளால் நிரம்பி வழியத்தான் போகிறது. நேற்றைய சென்னை மரங்கள் நிரைந்ததாக இருந்தது. இன்று ஏதோ சில மரங்கள். நாளை மரங்களே இல்லாத சென்னையாகத்தான் இருக்கும். இப்படி நேற்று, இன்று, நாளை என அடுக்கிக் கொண்டே போகலாம்.

சென்னை இப்படி ஆனதற்கு சென்னையில் வாழும் ஒவ்வொரு மனிதனும் காரணமே!! கண்ட இடங்களில் குப்பையை போடுகிறோம், எச்சில் துப்புகிறோம், மொழியை கேவலப்படுத்துகிறோம், மேலும் என்னன்னவோ செய்கிறோம். இனிமேல் இப்படி இல்லாமல் நிச்சயம நாளைய சென்னையை சிங்காரச் சென்னையாக ஆக்குவோம் என்று உறுதியேற்று சென்னை தினத்தை கொண்டாடுவோம்.

.

பாடம் 6 - பின்னூட்டங்களை பராமரிக்க

noreply@blogger.com (தமிழ் மகன்) — Fri, 20 Aug 2010 13:36:00 +0000

நாம் எழுதும் ஒவ்வொரு பதிவுக்கும் பல பேர் பின்னூட்டம் இடுகிறார்கள். அதில் தேவையில்லாத பின்னூட்டங்கள், பெயர் சொல்ல விரும்பாத அனானிமஸ் பின்னூட்டங்கள் என பல பின்னூட்டங்கள் நமக்குத் தொல்லை கொடுப்பதகாவும் அமையலாம். இதில் நம்மை ஊக்கப்படுத்தி உற்சாகப்படுத்தி வரும் பின்னூட்டங்களும் அடங்கும். இப்படி நமக்கு வரும் பின்னூட்டங்களை எப்படி பராமரிப்பது என்று இப்போது பார்க்கலாம். முதலில்

DASHBOARD
SETTINGS
COMMENTS

என்ற இடத்திற்குச் செல்லுங்கள். அதில்

COMMENTS
WHO CAN COMMENT
COMMENT FORM PLACEMENT
COMMENTS DEFAULT FOR POSTS
COMMENTS TIME STAMP FORMAT
COMMENTS FORM MESSAGE
COMMENTS MODERATION
SHOW WORD VERIFICATION FOR COMMENTS
SHOW PROFILE IMAGES ON COMMENTS
COMMENT NOTIFICATION EMAIL

என்று பின்னூட்டங்கள் சார்ந்தவை இருக்கும். இதில் ஒவ்வொன்றையும் எப்படி பயன்படுத்துவது என பார்க்கலாம்.

1)உங்களின் முந்தைய பதிவுகளில் இதுவரை இருக்கும் பின்னூட்டங்களில் மறைக்கவோ காண்பிக்கவோ COMMENTS என்பதனை பயன்படுத்தலாம். ஆனால் இதன் மூலம் நீங்கள் பின்னூட்டங்களை நிரந்தரமாக அழிக்க முடியாது.

2)அனானிமஸ் பின்னூட்டங்களை WHO CAN COMMENT? மூலம் தடுக்கலாம். இதில் registered users என்பதனை தேர்வு செய்து விட்டால் பெயர் சொல்ல விரும்பாத பின்னூட்டங்களை தடுத்துவிடலாம். ஜி-மெயில் கணக்கு உடையவர்கள் மட்டுமே பின்னூட்டங்கள் அளிக்கவேண்டும் என நினைத்தால் users with google accounts என்பதை தேர்வு செய்யலாம். அல்லது உங்கள் வலைப்பதிவை பின் தொடர்பவர்கள் மட்டுமே பின்னூட்டம் அளிக்கவேண்டும் என நினைத்தால் only members of this blog என்பதை தேர்வு செய்யலாம்.

3)எந்த இடத்தில் பின்னூட்டப் பெட்டி அமையவேண்டும் என்பதை தீர்மாணிக்க உதவுவது COMMENT FORM PLACEMENT. உங்கள் பதிவில் பின்னூட்டப் பெட்டி ஒரு புதிய முழுத்திரையில் தோன்றவேண்டும் எனில் full page என்பதையும், ஒரு சின்னத் திரையில் தோன்றவேண்டும் எனில் pop-up window என்பதனையும், பதிவிற்கு கீழேயே தெரியவேண்டும் எனில் embedded window என்பதனையும் தேர்வு செய்துகொள்ளலாம்.

4)உங்களின் சமீபத்திய பதிவில் பின்னூட்டங்களை அனுமதிக்க அல்லது நிராகரிக்க COMMENTS DEFAULT FOR POSTS உதவுகிறது. இதில் மாற்றம் ஏதும் செய்ய தேவையில்லை. வேண்டுமென்றால் உங்கள் புதிய பதிவுகளில் பின்னூட்டங்களை நிராகரித்துக்கொள்ளலாம். ஆனால் பழைய பதிவுகளில் பின்னூட்டங்களை இதன்மூலம் நிராகரிக்க முடியாது.

5)பின்னூட்டங்கள் பதிவிடப்பட்ட நேரம் எப்படி தெரியவேண்டும் என்பதை COMMENTS TIME STAMP FORMAT மூலம் தேர்வு செய்யலாம். இதில் கொடுத்துள்ள ஏராளமான மாதிரிகளை பார்த்து நேரத்தின் தோற்றத்தை தேர்வு செய்யலாம்.

6)பின்னூட்டப் பெட்டியின் மேல் "கருத்தை சொல்லிட்டு போங்க" போன்ற வாசகங்களை தோன்ற செய்ய உதவுவது COMMENT FORM MESSAGE. என்ன வாசகம் இடம்பெற வேண்டும் என நினைக்கிறீர்களோ அதனை அங்குள்ள பெட்டியில் எழுதிவிடுங்கள். அந்த வாசகம் உங்கள் அனைத்து பதிவுகளில் உள்ள பின்னூட்ட பெட்டிகளுக்கு மேல் தோன்றும்.

7)உங்களுக்கு வரும் பல பின்னூட்டங்களில் தேவையானவற்றை மட்டும் வெளியிட உதவுவது COMMENT MODERATION. இதில் always என்பதை தேர்வு செய்துவிட்டால் பதிவுகளில் வரும் பின்னூட்டங்கள் அனைத்தும் உங்கள் அனுமதிக்கு பின்னரே வெளியிடப்படும். இதன்மூலம் தேவையில்லாத பின்னூட்டங்களை தடுக்கலாம். only on posts older than என்பதை தேர்வு செய்து உங்கள் பழைய பதிவுகளில் வரும் பின்னூட்டங்களை தேவையானவற்றை மட்டும் வெளியிடலாம். இல்லையேல் never என்பதை தேர்வு செய்து வரும் அனைத்து பின்னூட்டங்களையும் வெளியிடலாம்.

இதன் கீழ் இருக்கும் பெட்டியில் இருக்கும் உங்கள் ஈ-மெயில் முகவரியைக் கொடுத்தால் வலைப்பதிவை பின் தொடராதவர் எவரேனும் பின்னூட்டம் இட்டால் உங்களுக்குத் தெரிவிக்கப் படும்.

8)பின்னூட்டம் இடுபவர் மனிதர் தானா என்பதை உறுதிப்படுத்த பிளாக்கர் கொடுத்த வசதியே SHOW WORD VERIFICATION FOR COMMENTS. பின்னூட்டப்பெட்டியின் கீழ் word verification தோன்றவேண்டுமா அல்லது வேண்டாமா என்பதை இதன் மூலம் நீங்கள் முடிவு செய்துகொள்ளலாம்.

9)பின்னூட்டத்தின் அருகில் பின்னூட்டம் இட்டவரின் புகைப்படம் தெரியவேண்டுமா அல்லது வேண்டாமா என்பதை முடிவு செய்ய உதவுவது SHOW PROFILE IMAGES ON COMMENTS. yes அல்லது no என்பதை தேர்வு செய்து இதனை நீங்கள் முடிவு செய்துகொள்ளலாம்.

10)COMMENT NOTIFICATION EMAIL: எவரேனும் பின்னூட்டம் இட்டால் அதை பிறருக்குத் தெரியப்படுத்த உதவுவதே இது. இதில் அதிகபட்சமாக பத்து ஈ-மெயில் முகவரிகளைக் கொடுக்கலாம். கொடுத்தபின் எவரேனும் பின்னூட்டம் இட்டால் அனைத்து முகவரிகளுக்கும் மெயில் மூலம் தகவல் தெரிவிக்கப்படும்.

இதில் தேவையான மாற்றங்களை செய்த பின் SAVE SETTINGS என்பதை அழுத்தி மாற்றங்களை சேமித்துக்கொள்ளுங்கள். அவ்வளவுதான்.

.

பாடம் 5 - உங்கள் பதிவில் சரியான தேதியும் நேரமும் தெரிய.

noreply@blogger.com (தமிழ் மகன்) — Sat, 14 Aug 2010 02:35:00 +0000

நீங்கள் ஒவ்வொரு முறை பதிவை வெளியிடும்போதும் அதில் தேதியும் நேரமும் சேர்ந்தே வெளியாகும். சில நேரங்களில் சரியான தேதி தெரியாமல் அதற்கு முந்தைய தேதியோ அல்லது பிந்தைய தேதியோ தெரியும். இதற்கு காரணம் உலக்கத்தில் ஒவ்வொரு நாட்டிலும் வெவ்வேறு நேரமும் தேதியும் பின்பற்றுவதே காரணம்.

இதை எப்படி சரி செய்வது என்பது பற்றி பார்க்கலாம். முதலில்

DASHBOARD
SETTINGS
FORMATTING

என்ற இடத்திற்கு செல்லுங்கள். அதில்

DATE HEADER FORMAT
ARCHIVE INDEX DATE FORMAT
TIME STAMP FORMAT
TIME ZONE

என்று பதிவின் நேரம் மற்றும் தேதிக்கு சம்பந்தப்பட்டவை காணப்படும். அதில் உங்கள் பதிவில் நேரமும் தேதியும் எப்படி தெரியவேண்டும் என அதில் இருக்கும் ஏராளமான முறைகளில் ஏதாவது ஒன்றை தேர்வு செய்து கொள்ளலாம்.

மேற்சொன்னபடி தேதியும் நேரமும் சரியாக தெரிய TIME ZONE என்னும் இடத்தில் உங்கள் நாட்டிற்கான நேரத்தை தேர்வு செய்யுங்கள். உதாரணமாக நீங்கள் இந்தியாவில் இருந்தால் GMT +5.30 என்பதனை தேர்வு செய்யுங்கள். தேர்வு செய்த பின்னர் கீழே SAVE SETTINGS என்பதனை அழுத்துங்கள்.

இனி நீங்கள் எழுதும் பதிவுகளில் சரியான நேரமும் தேதியும் தோன்றும். அதுமட்டுமல்லாமல் நீங்கள் எழுதிய பதிவுகளிலும் நேரமும் தேதியும் மாறியிருக்கும்.

25 வித்தியாசமான முகவரி அட்டைகள்.

noreply@blogger.com (தமிழ் மகன்) — Thu, 12 Aug 2010 13:01:00 +0000

ஒருவர் எப்படி வேலை பார்க்கிறார் என்பது வேறு. ஒவ்வொருவரும் முதலில் தன்னை அறிமுகபடுத்தும் போது தன்னைப் பற்றி மற்றவர்களிடம் முதலில் நல்ல முத்திரையை பதிக்க வேண்டும் என நினைப்போம்.

வேலை பார்க்கும் ஒவ்வொருவரும் தனக்கான முகவரி அட்டைகளை வைத்திருப்போம். பெரும்பாலும் அதில் நமது பெயரும் முகவரியும் மட்டுமே இருக்கும். கொஞ்சம் வித்தியாசமாக சிலர் யோசித்து தங்கள் முகவரி அட்டைகளை உருவாக்கி உள்ளனர். இந்த அட்டைகளை கொடுத்தால் தன்னைப் பற்றிய ஒரு நல்ல எண்ணம் உருவாகாதா என்ன? பார்த்துச் சொல்லுங்கள்.

பாடம்-4 பதிவுகளை பாதுகாப்பது எப்படி?

noreply@blogger.com (தமிழ் மகன்) — Thu, 12 Aug 2010 12:09:00 +0000

போன பதிவில் ஒரு புதிய பதிவை எப்படி வெளியிடுவது என்பது பற்றி பார்த்தோம். இந்தப் பதிவில் உங்கள் பதிவுகளை எப்படி பாதுகாப்பது என்பது பற்றி பார்க்கலாம். முதலில் கீழ்கண்டபடி செல்லுங்கள்.

DASHBOARD
SETTINGS
BASIC

BASIC என்பதன் கீழ் முதலில் BLOG TOOLS என்பது காணப்படும். அதில் IMPORT BLOG, EXPORT BLOG, DELETE BLOG என்று மூன்று பிரிவுகள் காணப்படும்

1)உங்கள் பதிவுகளை சேமிக்க முதலில் EXPORT BLOG என்பதனை தேர்வு செய்து உங்கள் பதிவுகளை xml கோப்பாக தரவிறக்கி உங்கள் கணினியில் சேமித்து வைத்துக்கொள்ளுங்கள். இதில் உங்கள் அனைத்து பதிவுகளும் இருக்கும். உங்கள் வலைப்பதிவு முடக்கப்பட்டால் இந்த கோப்பை பயன்படுத்தி நீங்கள் உங்கள் பதிவை மீட்டெடுக்க முடியும்.

2)உங்கள் வலைப்பதிவு முடக்கப்பட்டுவிட்டது எனில் நீங்கள் ஒரு புதிய வலைப்பதிவை உருவாக்கி அதில் IMPORT BLOG என்பதனை தேர்வு செய்து நீங்கள் சேமித்த கோப்பை மீண்டும் தரவேற்றி உங்கள் பதிவுகளை புதிய வலைப்பதிவில் கொண்டுவரலாம்.

நீங்கள் இரு வலைப்பதிவுகளில் நடத்திவந்தால் ஒரு வலைப்பதிவில் உள்ள அனைத்து பதிவுகளையும் இன்னொரு வலைப்பதிவில் கொண்டுவர இதே முறையை பயன்படுத்தலாம்.

பாடம்-3 NEW POST

noreply@blogger.com (தமிழ் மகன்) — Sun, 08 Aug 2010 13:49:00 +0000

போன பாடத்தில் dashboardஐப் பற்றி சிறிய அறிமுகம் போல ஒரு பதிவு எழுதினேன். இந்தப் பாடத்தில் எப்படி ஒரு பதிவு வெளியிடுவது என்பது பற்றி பார்க்கலாம். முதலில் உங்கள் DASHBOARDல் இருந்து NEW POST என்பதனை தேர்வு செய்து உள்ளே செல்லுங்கள். ஒரு வோர்ட்பேட் போன்ற விண்டோ ஒன்று தோன்றும்.

அதில் உங்கள் பதிவின் தலைப்பு கொடுத்துவிட்டு பதிவை எழுதுங்கள். நீங்கள் உங்கள் பதிவின் எழுத்தை அதிகரிக்கலாம், எழுத்தை மாற்றலாம், மேலும் வோர்ட்பேட்டில் உள்ளது போலது போலவே bold, italic, strike, போன்றவைகளும், எழுத்து நிறமும், எழுத்துக்குப் பின்னால் உள்ள நிறமும் தேர்வு செய்துகொள்ளலாம்.

Link: நீங்கள் எழுதும்போது ஏதாவது வேறொரு வலைப்பக்கத்துக்கு இணைப்பு கொடுக்க நினைக்கலாம். அதற்கு அந்த வலைப்பக்கத்தின் முகவரியை கொடுக்காமல், ஏதாவது ஒரு எழுத்தை அழுத்தினால் அந்த வலைப்பக்கம் தோன்றுவது போல் இணைப்பு கொடுக்கலாம். அதற்கு உதவுவதே இந்த Link.

நீங்கள் எந்த வார்த்தையின் மூலம் இணைப்பு கொடுக்க வேண்டும் என நினைக்கிறீர்களோ அந்த வார்த்தையை தேர்வு செய்து கொண்டு Link என்பதனை அழுத்துங்கள். உங்களுக்கு மேலே உள்ளது போல் ஒரு திரை திறக்கும். அதில் web address என்பதில் இணைக்கவேண்டிய வலைப்பதிவின் முகவரியைக் கொடுங்கள். வேண்டும் என்றால் நீங்கள் ஒரு ஈ-மெயில் முகவரிக்கும் இணைப்பு கொடுக்கலாம். கொடுத்தபின் OK என்பதனை அழுத்தினால் நீங்கள் தேர்ந்தெடுத்த வார்த்தையில் அந்த வலைப்பக்கம் இணைக்கப்பட்டிருப்பதை உறுதிபடுத்தும் வகையில் அடிக்கோடு காணப்படும்.

நீங்கள் கொடுத்த இணைப்பு வேறு ஒரு திரையில் திறக்கவேண்டும் என நினைத்தால் நீங்கள் உங்கள் html கோடிங்கை மாற்றவேண்டும். அதற்கு நீங்கள் edit html என்பதனை கிளிக் செய்யுங்கள். அதில் நீங்கள் இணைத்த வார்த்தையின் அருகே கீழுள்ளதைப் போல் ஒரு கோடிங் இருக்கும்.

<a href="http://example.com">இங்கு கிளிக்</a>

இதை நீங்கள் கீழ்கண்டது போல் மாற்றியமைத்தால் நீங்கள் இணைத்த வலைப்பக்கம் புதிய திரையில் தோன்றும்.

<a href="http://example.com" target="_blank">இங்கு கிளிக்</a>

Image: நீங்கள் ஒரு பதிவில் ஒரு புகைப்படத்தை இணைக்க உதவுவது இந்த Image சுட்டி. ஏதாவது ஒரு புகைப்படத்தை நீங்கள் இணைக்க விரும்பினால் இணைக்க வேண்டிய இடத்தில் cursorஐ வைத்துவிட்டு Image சுட்டியை அழுத்தவும். உங்களுக்கு கீழ்கண்டதை போல் ஒரு திரை தோன்றும்.

அதன் மூலம் நீங்கள் உங்கள் கணினியில் உள்ள புகைப்படத்தை தரவேற்றம் செய்தோ அல்லது ஏற்கனவே தரவேற்றப்பட்ட புகைப்படத்தின் சுட்டியையோ கொடுத்து நீங்கள் உங்கள் பதிவில் புகைப்படத்தை இணைக்கலாம். புகைப்படம் தோன்றியவுடன் அது எந்த இடத்தில் இருக்கவேண்டும் எவ்வளவு பெரிதாக இருக்கவேண்டும் என்பதையும் நீங்கள் முடிவு செய்யலாம்.

புகைப்படம் தோன்றியவுடன் புகைப்படத்தின் மேல் கிளிக் செய்தால் மேலுல்லதை போல் ஒரு சின்ன பெட்டி தோன்றும். அதன் மூலம் நீங்கள் பதிவில் புகைப்படம் எப்படி தோன்றவேண்டும் என்பதை முடிவு செய்யலாம். மேலும் add caption என்பதனை தேர்வு செய்து புகைப்படத்தைப் பற்றி சிறிய விளக்கமும் அளிக்கலாம்.

Video: உங்கள் கணினியில் இருந்து வீடியோவை தரவேற்றி இணைக்க விரும்பினால், video சுட்டியை அழுத்தி புகைப்படத்தை இணைப்பது போலவே இணைக்கலாம். மேலும் யூடியூப் போன்ற தளங்களில் இருந்தும் வீடியோக்களில் embed code ஐ பயன்படுத்தி வீடியோக்களில் இணைக்கலாம்.

Jump Break: உங்கள் வலைப்பதிவின் முகப்பு பக்கத்தில் பதிவின் ஆரம்ப சில வரிகள் மட்டும் தெரியவேண்டும் எனில் jump breakஐ பயன்படுத்தலாம். பதிவின் முதல் சில வரிகளுக்குப் பின்னர் cursorஐ வைத்து jump break சுட்டியை அழுத்தினால் ஒரு கோடு தோன்றும். முகப்பு பக்கத்தில் கோட்டிற்கு மேல் உள்ள வரிகள் மட்டுமே தோன்றும். அதற்கு கீழ் Read More என்பது தோன்றும். அதை கிளிக் செய்தால் முழு பதிவும் தோன்றும்.

மேலும் வோர்டில் உள்ளது போலவே எழுத்துக்களை align செய்யலாம், Numbered list, Bulleted list, Quote, Spell Check போன்றவற்றையும் உபயோகிக்கலாம். மேலும் இந்திய மொழிகளில் எழுதுவதற்கான சுட்டியும் உள்ளது. இதில் தமிழும் உள்ளது. பல தமிழ் பதிவர்கள் இதில் இருக்கும் சுட்டியை பயன்படுத்துகிறார்கள்,மேலும் பலர் தமிழில் எழுதுவதற்காக சில மென்பொருட்களையும் பயன்படுத்துகின்றனர்.

இதன் கீழ் post options என்ற இணைப்பும் உள்ளது. அதை கிளிக் செய்தால் அந்த பதிவிற்கான settings தோன்றும். அதில் நீங்கள் உங்கள் பதிவிற்கான வாசகர் கருத்துக்களை அனுமதிக்கலாம் அல்லது வாசகர்களை கருத்துக்களை ஏற்க மறுக்கலாம். Edit HTML Line Breaks என்பதில் நீங்கள் எந்தவித மாற்றமும் செய்ய தேவையில்லை. பதிவில் enter செய்தாலே Line Breaks உருவாகிவிடும். நீங்கள் பிளாக்கர் டிப்ஸ் எழுதுபவராக இருந்தால் சில html கோடிங்குகளை நீங்கள் உங்கள் பதிவில் இட வேண்டியிருக்கும். அச்சமயங்களில் நீங்கள் compose settings என்பதில் show HTML literally என்பதை தேர்வு செய்துகொண்டால் வசதியாக இருக்கும். மேலும் உங்கள் பதிவை எழுதிவிட்டு அதை எப்போது வெளியிட வேண்டும் எனவும் தீர்மானித்து வெளியிடலாம். அதற்கு Post date and time என்பதின் கீழ் Scheduled at என்பதில் பதிவை வெளியிட வேண்டிய நேரமும் தேதியும் குறிப்பிட்டு Publish Post என்பதனை அழுத்தினால் நீங்கள் குறிப்பிட்ட நேரத்தில் பதிவு வெளியாகும்.

மேலும் நீங்கள் பதிவுகளை பாதி எழுதிவிட்டு save செய்துகொள்ளலாம். மீண்டும் நேரம் கிடைக்கும்போது edit posts என்பதில் நீங்கள் சேமித்த பதிவு இருக்கும். அதில் edit என்பதை தேர்வு செய்து நீங்கள் முழு பதிவையும் எழுதி வெளியிடலாம். நீங்கள் முன்னரே வெளியிட்ட பதிவுகளும் edit postsல் இருக்கும், நீங்கள் அதிலும் edit என்பதை தேர்வு செய்து மாற்றங்களை செய்து வெளியிடலாம்.

உங்கள் பதிவு எப்படித் தோன்றும் என்பதை preview அழுத்தி பார்த்துக்கொள்ளலாம். எல்லாம் எழுதிய பின்னர் publish post என்பதை அழுத்தினால் பதிவு வெளியானதை உறுதி செய்யும் வகையில் ஒரு திரை தோன்றும். அதில் view post என்பதை தேர்வு செய்து நீங்கள் உங்கள் புதிய பதிவை உங்கள் வலைப்பதிவில் காணலாம். எப்படி பதிவை வெளியிடுவது என்பதை தெரிந்துகொண்டீர்களா? அடுத்த பதிவில் சந்திக்கிறேன்.

பாடம்-2 DASHBOARD

noreply@blogger.com (தமிழ் மகன்) — Sat, 07 Aug 2010 02:14:00 +0000

போன பாடத்தில் உங்கள் வலைப்பதிவை எப்படி உருவாக்குவது என்று பார்த்தோம். வலைப்பதிவை உருவாக்கியபின் நீங்கள் ஒவ்வொரு முறையும் பிளாக்கர் தளத்தில் நுழையும்போது முதலில் தோன்றுவது DASHBOARD. அதை எப்படி பயன்படுத்துவது என்பதை பற்றி இந்தப் பாடத்தில் பார்க்கலாம்.

Dashboardல் உங்களுக்குச் சொந்தமான அனைத்து வலைப்பதிவுகளை காணப்படும். நீங்கள் இங்கிருந்தபடியே உங்கள் பிளாக்கர் கணக்கின் மூலம் எத்தனை வலைப்பதிவுகளை வேண்டுமானாலும் உருவாக்கலாம். அதற்கு நீங்கள் create a blog எனபதனை தேர்வு செய்யவேண்டும்.

அதன் பிறகு வழக்கம் போல் உங்கள் வலைப்பதிவு தலைப்பு மற்றும் முகவரி கொடுத்து பின்னர் டெம்ப்லேட் தேர்வு செய்து உங்கள் வலைப்பதிவை உருவாக்கிக் கொள்ளலாம்.

Manage Blogs என்பதின் கீழ் உங்கள் வலைப்பக்கங்கள் அனைத்தும் காண்பிக்கப்படும். நீங்கள் கடைசியாக பதிவிட்ட வலைப்பதிவு முதலில் தோன்றும். ஒவ்வொரு வலைப்பதிவின் கீழும் NEW POST, EDIT POSTS, SETTINGS, DESIGN, MONETIZE போன்ற டேப்கள் இருக்கும்.

1) New post:

பிளாக்கரில் மிக முக்கியமான டேப் New post. இதன் மூலமே நீங்கள் உங்கள் வலைப்பதிவில் புதிய பதிவுகளை உருவாக்கி வெளியிட வேண்டும். New post என்பதனை அழுத்தினால் வோர்ட் பேட் போன்ற ஒரு விண்டோ தோன்றும். அதன் மூலம் நீங்கள் புதிய பதிவுகளை உருவாக்கி வெளியிடவேண்டும்.

இதன் அனைத்து அம்சங்களை பற்றியும் உங்கள் பதிவை எப்படி வெளியிடுவது என்பது பற்றியும் அடுத்து வரும் பதிவுகளில் காணலாம்.

2)Edit posts:

நீங்கள் வெளியிட்ட பதிவுகளில் ஏதேனும் தவறு இருந்தாலோ அல்லது மாற்றம் செய்ய விரும்பினாலோ நீங்கள் edit postsஐ தேர்வு செய்து மாற்றங்களை செய்து பதிவை வெளியிடலாம்.

3)Settings:

Settings மூலம் நீங்கள் உங்கள் வலைப்பதிவை பராமரிக்கவும், பாதுகாக்கவும் முடியும். இதிலும் ஏராளமான டேப்கள் உள்ளதால் இதனைப் பற்றியும் அடுத்து வரும் பதிவுகளில் பார்க்கலாம்.

4)Design:

இதன் மூலம் உங்கள் வலைப்பதிவின் தோற்றத்தை மாற்றி அழகாக்க முடியும். உங்களுக்குத் தேவையான படி html கோடிங்குகளை மாற்றி அமைத்து உங்கள் வலைப்பதிவை படிப்பவர்களுக்கு வசதியாக ஆக்க முடியும்.

5)Monetize:

Monetize என்பது கூகுள் Adsense மூலம் உங்கள வலைப்பதிவில் இருந்து பணம் சம்பாதிப்பதற்காக உருவாக்கப்பட்டது. ஆனால் நீங்கள் தமிழ் வலைப்பதிவை உருவாக்கப்போகிறீர்கள் என்றால் Adsense பெறுவது கடினம்.

இந்தப் பதிவு நீண்டுகொண்டே இருப்பதால் New post, Settings, Design பற்றி தனித்தனியாக அடுத்துவரும் பதிவில் காணலாம். மற்றபடி Monetize மூலம் நீங்கள் நினைப்பதுபோல் சம்பாதிக்க முடியாது என்பது எனது எண்ணம். சரி அடுத்த பாடத்தில் சந்திப்போம்.

பிளாக்கர் பாடம்

noreply@blogger.com (தமிழ் மகன்) — Thu, 05 Aug 2010 11:22:00 +0000

தமிழ் வலைப்பதிவுகள் பெருகிவரும் காலத்தில் வலைப்பதிவுகளை உருவாக்கி அதை அழகுபடுத்த பல பேர் முயற்சித்துக் கொண்டிருக்கிறீர்கள். எனவே வலைப்பதிவை உருவாக்குவது முதல் அதை அழகுபடுத்துவது, பதிவை எப்படி வெளியிடுவது என உங்களது பல கேள்விகளுக்கு விடையளிக்கவே இந்த பிளாக்கர் பாடம்.

இதன் மூலம் தொடர்ந்து பிளாக்கர் சம்பந்தப்பட்ட பதிவுகளை இட்டு வலைப்பதிவை தொடங்கப்போகும் உங்களுக்கு ஒரு உதவி செய்யலாம் என்ற எண்ணத்தில் இந்தப் பதிவை இடுகிறேன். இதற்கு வரவேற்பு இருந்தால் பிளாக்கர் பாடம் தொடரும்.

முதலில் எப்படி ஒரு வலைப்பதிவை உருவாக்குவது என்று பார்க்கலாம்..

வலைப்பதிவு என்பது கூகுள் தரும் இலவச சேவை. எனவே இதற்காக நீங்கள் பணத்தை செலவளிக்கவேண்டாம். உங்களுக்குத் தேவை ஒரு கூகிள் கணக்கு மற்றும் இணையத்துடன் கூடிய கணினி மட்டுமே.

பிளாக்கர் இணையதளத்தில் இருந்தே கூகுள் கணக்கை உருவாக்கமுடியும். ஒரு கூகுள் கணக்கை உருவாக்க இங்கு கிளிக் செய்யவும். உங்களுக்கு கீழ்கண்டதைப் போல் ஒரு விண்டோ ஓப்பன் ஆகும்.

அதில் உங்களுடைய ஈ-மெயில் முகவரி(email address), கடவுச் சொல்(password), உங்கள் வலைப்பதிவில் தெரிய வேண்டிய உங்கள் பெயர்(display name), உங்களுடைய பிறந்த தேதி, word verification போன்றவற்றை நிரப்புங்கள். உங்களுக்கு ஈ-மெயில் மூலம் புதிய தகவல்கள் வரவேண்டும் எனில் email notifications எனும் இடத்தில் டிக் செய்துவிட்டு, I accept terms and conditions என்பதில் டிக் செய்யுங்கள்.(Terms and Conditions பக்கத்தை படித்துவிட்டு டிக் செய்யவும்). அடுத்து CONTINUE என்பதை அழுத்தவும்.

உங்கள் விபரங்கள் சரியாக இருந்தால் அடுத்து உங்கள் வலைப்பதிவிற்கான தகவல்களை கேட்டு ஒரு விண்டோ திறக்கும். சரியாக இல்லையெனில் சரி செய்துவிட்டு CONTINUE அழுத்தவும்.

அதில் உங்கள் வலைப்பதிவின் தலைப்பு மற்றும் வலைப்பதிவு முகவரியை நிரப்புங்கள். நீங்கள் கேட்ட வலைப்பதிவு முகவரி இருக்கிறதா என்பதை உறுதி படுத்திக் கொண்டபின் CONTINUE அழுத்தவும். அது உங்களை அடுத்த் பக்கத்துக்கு அழைத்துச் செல்லும்.

அதில் உங்களுக்கு பிடித்தமான templateஐ தேர்வு செய்துவிட்டு CONTINUE என்பதை அழுத்தவும். உங்களுக்கு பிடிக்கவில்லை எனில் பின்னர் மாற்றிக்கொள்ளலாம். அதைப்பற்றி அடுத்துவரும் பாடங்களில் காண்போம். உங்களுக்கு வலைப்பதிவு தொடங்கப்பட்டதை உறுதி செய்யும் வகையில் ஒரு விண்டோ ஒப்பன் ஆகும். அதில் START BLOGGING
என்பதை அழுத்தியவுடன், உங்கள் வலைப்பக்கத்தின் posting பக்கத்திற்குச் செல்லும்.

அவ்வளவுதான். நீங்கள் ஒரு வலைப்பதிவை உருவாக்கிவிட்டீர்கள். இனி நீங்கள் கொடுத்த ஈ-மெயில் முகவரி மற்றும் கடவுச்சொல்லை வைத்து நீங்கள் உங்கள் பிளாக்கர் கணக்கை பராமரிக்கலாம். அடுத்த பதிவில் Dashboardஐ பற்றி பார்க்கலாம்.
.