පරිගනක Tricks

මොබිටෙල් හා ඩයලොග් දුරකථන වලට නොමිලයේ MMS යැවීම

2013-08-09T22:45:00.005-07:00

මෙම ලිපියෙන් අද මම කියන්න බලාපොරොත්තු වෙන්නේ කොහොමද අපි ඩයලොග් හෝ මොබිටෙල් දුරකතනයකට නොමිලයේ MMS යවන්නේ කියලා. මේ සඳහා අවශ්‍ය වෙන්නේ ඊ-මේල් ගිණුමක් පමණයි. මම මේ සඳහා භාවිතා කරන්නේ නොමිලයේ ලබාගත හැකි GMAIL ගිණුමක්. මේ සඳහා කරන්න තියෙන්නේ බොහොම ලෙහෙසි දෙයක්. ඔබට අවශ්‍ය වන්නේ මොබිටෙල් දුරකතනයකට MMS පණිවිඩයක් යැවීමට නම් මුලින්ම ඔබේ ඊ-මේල් ගිණුමට ගොස් අලුත් ඊ-මේල් පණිවිඩයක් යැවීම තෝරන්න. ඉන් පසු එම නව ඊ-මේල් පණිවිඩයට ඔබට යැවීමට අවශ්‍ය වන පිංතුරය එකතු(Attach) කරන්න. ඔබට යම් පනිවිදයකුත් යැවීමට අවශ්‍ය නම් එය ඊ-මේල් එකෙහි සඳහන් කර පහත ආකාරයට පහත ලිපිනයට එම ඊ-මේල් පණිවිඩය යවන්න.

ඔබට යැවීමට අවශ්‍ය වන්නේ මොබිටෙල් දුරකතනයකට නම් ....

+94XXXXXXXXX@mms.mobitel.lk

ඔබට යැවීමට අවශ්‍ය වන්නේ ඩයලොග් දුරකතනයකට නම් ....

+94XXXXXXXXX@mms.dialog.lk

මෙහිදී යැවීමට අවශ්‍ය දුරකථන අංක XXXXXXXXX කොටස වෙනුවට යොදන්න අවශ්‍ය වෙනවා. උදාහරණයක් විදියට ඔබට පණිවිඩය යැවීමට අවශ්‍ය දුරකථන අංකය 0711234567 නම් +94711234567@mms.mobitel.lk යන ලිපිනයටද ඔබට පණිවිඩය යැවීමට අවශ්‍ය දුරකථන අංකය 0771234567 නම් +94771234567@mm.dialog.lk යන ලිපිනයටද ඊ-මේල් ලිපිය යවන්න.

මෘදුකාංග නිෂ්පාදනයට අවශ්‍ය ICON නොමිලයේ ලබාගැනීම I

2013-04-04T13:44:00.000-07:00

ඔබ මෘදුකාංග නිෂ්පාදනය කරන කෙනෙක් නම් ඔබට අත්‍යවශ්‍ය වනදෙයක් තමයි එම මෘදුකාංග වලට අවශ්‍ය වන graphics ලබාගැනීම. මේ අවශ්‍යතා අතර ප්‍රධාන තැනක් ගන්නවා චලනය වන icons. ඉතින් මෙම ලිපිය එවැනි චලනය වන icon ලබන්නේ කොහොමද කියල විස්තර කරන ලිපි පෙළක පලවෙනි ලිපියයි.
මුලින්ම මම ඔයාලට ලබාදෙන්නේ පහසුවෙන් Loading Icons ලබාගැනීමට පුළුවන් වන ආකාරයක්. ඇත්තටම මේක වෙබ් සයිට් එකක්.

http://ajaxload.info/

ඔයාල මේ ලින්කුවෙන් දැක්වෙන වෙබ් සයිට් එකට ගියාම දැකගන්න පුළුවන් පහල දාල තියෙනවා වගේ පිටුවක්. මේ පිටුවේ Indicator type කියන තැනින් අවශ්‍ය icon එකේ ස්වරුපය තෝරාගෙන background හා foreground එනම් පසුබිම් හා මතුපිට වර්ණයන් අවශ්‍ය පරිදි තෝරා Generate It click කිරීමෙන් අවශ්‍ය icon එක ලබාගත හැකි වෙනවා. Transparent Background check box එක check කර තිබීමෙන් අපිට පසුබිම විනිවිද පෙනෙන ආකාරයට icon එක නිර්මාණය කරගත හැකි වෙනවා. ඊටපසුව Download it මගින් එම icon එක බාගත කරගන්න පුළුවන්.

පහසුවෙන් සිංහල type කරන්න පුළුවන් වෙන විදියට වින්ඩෝස් පරිගණකය සකස් කර ගැනීම

2013-02-15T21:33:00.002-08:00

අද අන්තර් ජාලය තුල බොහෝ විට ඉංග්‍රීසි වලට අමතරව විවිද භාෂා භාවිතා වෙනවා. එත් අපිට තියෙන යතුරු පුලුවරුවෙන් පහසුවෙන් ටයිප් කරන්න පුළුවන් වෙන්නේ ඉංග්‍රීසි වචන විතරයි. එමනිසා සිංහල වගේ වෙනත් භාෂාවකින් ටයිප් කරන්න නම් වෙනත් තැනක ටයිප් කරලා අවශ්‍ය තැනට ගන්න වෙනවා. මෙම ලිපියෙන් මම කියන්න යන්නේ එහෙම අවශ්‍ය වෙන්නේ නැති පහසු ක්‍රමයක් ගැනයි. අපිට ඉංග්‍රීසියෙන් ටයිප් කරන ගමන්ම ඉබේම සිංහලට පරිවර්තනය කරගන්න පුළුවන්. ටයිප් කරන්න තියෙන්නේ සිංග්ලිෂ් ක්‍රමයට.

මේ සදහා අපි පොඩි මෘදුකාංගයක් ස්ථාපිත කරන්න අවශ්‍ය වෙනවා. එය ගූගල් සමගම විසින් නොමිලයේ ලබාදෙන සේවාවක්. ඉතා කුඩා මෘදුකාංගයක්. එය බාගත කරගැනීම සඳහා පහත ලිපිනයට යන්න

http://www.google.com/inputtools/windows/index.html

ඉන්පසු ඔයාට ඔය මම පහල දාල තියෙනවා වගේ පිටුවක් ලැබේවි. එහි දකුණු පස තියෙන භාෂා වලින් ඔයාට අවශ්‍ය වෙන භාෂාව තෝරාගන්න. මම සිංහල තෝරලා තියෙන්නේ. අංක 1 පරිදි.

ඊට පසුව අංක 2න් දැක්වෙන පරිදි ගූගල් සමාගමේ කොන්දේසි කියවා එයට එකග වීමට ටික් කරන්න. පසුව Download කියන ලින්කුවෙන් මෘදුකාංගය බාගත කරගන්න.

සමහර අවස්ථාවල බාගත කිරීම සඳහා විමසුමක් ලැබුන හොත් එය Accept කරන්න. බාගත වීම අවසන් වූ පසු එය දෙවරක් ක්ලික් කර ක්‍රියාත්මක කරගන්න. එවිට තවත් වින්ඩෝවක් පැමිණ ඔබේ පරිගණකයට මෘදුකාංගය ස්ථාපිත වේවි.

නිවැරදිව ස්ථාපිත වුවාට පසු ඔයාට යතුරු පුවරුවේ Shift යතුර හා Alt යතුර එකවර තද කිරීමෙන් අවශ්‍ය භාෂාවට මාරු විය හැකියි. ඔයා සිංහලට මාරු වී ඇති විටක ටයිප් කරන වෙලාවට පහත රුපයේ පරිදි පොඩි මෙනුවක් ඇවිත් ඔයා ටයිප් කරන වචනය හදුනාගැනීමට සලස්වයි.

මෙම මෘදුකාංගයට හුරුවීමෙන් වඩාත් පහසුවෙන් ඉංග්‍රීසි තරම්ම වේගයෙන් ඔයාටත් සිංහල භාවිත කරන්න පුළුවන්. මේක අන්තර්ජාලයට පමණක් නෙමේ. වෙනත් ටයිප් කරන්න තියෙන ඕනෑම තැනකට යොදාගන්න පුළුවන්. විශේෂයෙන් facebook වැනි සමාජ ජාල තුල චැට් කිරීමට හෝ පොස්ට් දැමීමට යොදාගත හැක. ඉතින් එහෙනම් සිංහල අයට සිංහලෙන්ම තම අදහස් ප්‍රකාශ කරන්න පුළුවන්. වෙනත් භාෂා අවශ්‍ය යට වෙනත් එකකින්.

එහෙනම් මේ පිලිබඳ තවත් මොනවා හරි දැනගන්න තියෙනවනම් හෝ මොනවහරි කියන්න තියෙනවනම් පහලින් comment කරන්න. එහෙමත් නැත්නම් මට email කරන්න. නැවත ඊලග ලිපියෙන් හමුවෙමු.

වින්ඩෝස් 7 පරිගනකයක Access Denied Folders තුලට යාම

2012-12-04T07:21:00.004-08:00

ඔයාටත් තියෙන්නේ වින්ඩෝස් 7 මෙහෙයුම් පද්ධතිය යොදවපු පරිගනකයක් නම් බොහෝ විට මේ ප්‍රශ්නයට මුහුන දීලා ඇති. එනම් හාඩ් ඩිස්ක්(hard disk) එක තුල සමහර ගොනු(folders) තුලට යාමට උත්සාහ කරන විට ඉහත රූපයේ පරිදි පණිවිඩයක්(Access Denied) ඇවිත් නවතීම. බොහෝ විට මේ ප්‍රශ්නය එන්නේ වින්ඩෝස් සිස්ටම් ගොනු තුලට යාමට උත්සාහ කරද්දී. ඉතින් බොහෝ විට මේ වින්ඩෝස් සිස්ටම් ගොනු සිස්ටම් හයිඩ් කරලයි තියෙන්නේ. අපි කලින් ලිපියකින් බැලුව කොහොමද ඒ හයිඩ් කරපු ගොනු පරිගනකයේ පෙනෙන විදියට සකස් කරගෙන වයිරස් වගේ ප්‍රශ්න වලින් බේරෙන හැටි. ඒ ලිපිය බැලුවෙ නැතිනම් පහතින් එයට ගිහින් බලන්න

http://pariganakatricks.blogspot.com/2012/01/folder-exe-pen.html

ඉතින් අපි බලමු මේ විදියට තියෙන ගොනුවක් තුලට යන විදියට ගොනුව වෙනස් කරගන්න විදිය. මුලින්ම කරන්න ඕනෙ අදාල ගොනුවේ හිමිකරු වෙනස් කරගැනීම. මේ සදහා බොහෝ විට Administrator User Account එකක් අවශ්‍ය වෙන්න පුලුවන්. ඒත් සාමාන්‍ය User Account එකකිනුත් උත්සාහ කරල බලන්න පුලුවන්

මුලින්ම අදාල ගොනුව Right Click කරලා Properties වින්ඩෝව ලබාගන්න. එතනින් Security(Tab) තෝරලා Advanced Click කරන්න. එතනින Owner කියන Tab එක තේරුවම ඔයාට පහල පරිදි වින්ඩෝ එකක් ලැබේවි.

එතනින් Edit කියන එක තෝරලා ඔයාගෙ නම අදාල වින්ඩෝ එකෙ Type කරන්න. ඔයා ඇඩ්මින් කෙනෙක් නම් කියල type කරත් කමක් නෑ. ඊට පස්සේ check names click කරන්න. ඔයා හරියට නම type කරානම් ඔයාගෙ නම එතන වැටේවි. ඊට පස්සේ OK click කරල apply click කරන්න. ඊට පස්සෙ නැවතත් ok කිහිපසැරයක් click කරන්න.

හරි. දැන් නැවතත් කලින් විදියටම ඒ ගොනුවේ Properties මෙනුව අරගන්න. එතනින් Security මෙනුව අරගෙන Edit ගිහින් Add click කරන්න.

ඊට පස්සේ එන මෙනුවේ everyone කියල type කරන්න. ඊට පස්සෙ check names click කරන්න. ඔයා හරියට type කරල නම් Everyone කියල නම ඒවි.

ඊට පස්සේ OK කරලා Full Control කියන එකෙ Select කරල Apply කරන්න. දැන් ආපහු OK කිහිපවතාවක් click කරන්න. සමහර විට confirm කරන්න තව වින්ඩෝ එකක් ඒවි. අවොත් එකත් continue කරන්න.

දැන් ඔයාට ඒ ගොනුවත් සාමාන්‍ය ගොනුවක් විඩියට භාවිතා කරන්න පුලුවන්. ඉතින් මොකක් හරි ගැටලුවක් හරි මතයක් හරි තියෙන්වා නම් පහලින් comment කරන්න. එහෙමත් නැතිනම් මාව email මගින් සම්බඳ කරගන්න. නැවතත් තවත් වැදගත් ලිපියකින් හමුවෙමු.

මෘදුකාංග වලට අවශ්‍යය වෙන එක එක වර්ගයේ ශබ්ද අන්තර්ජාලයෙන් බාගත කර ගැනීම...

2012-10-04T11:36:00.003-07:00

මේක ඉතින් පෝස්ට් එකකට ලියන්න තරම් වැදගත් නැද්ද මන්දා. ඒත් මේ වෙබ් එක මට හම්බුන වෙලාවෙ මට නම් මාර වැදගත් කමක් දැනුනා. ඉතින් ඔයත් මෘදුකාංග නිෂ්පාදකයෙක් නම් මේක ඔයාටත් ගොඩක් වැදගත් වේවි. විශේෂයෙන්ම ගේම් (games) නිෂ්පාදකයන්ට.

මේ මම කියන වෙබ් එකේ නම soundjay.com . පහල තියෙන ලින්ක් එකෙන් ඒකට යන්න පුලුවන්.

http://www.soundjay.com

ඒකට ගියාම තියෙනවා ප්‍රධානව වෙන් කරල කොටස් කීපයකට. ඉතින් ඒ ඒ කොටස් වලින් ඔයාට කැමති කොටස තෝරගත්තම ඒ කොටසට අදාල ශබ්ද තියෙන පිටුවට පිවිසෙන්න පුලුවන්. ඒ පිටුව පහත පිංතූරයේ වගේ වේවි.

ඒ පිංතූරයේ රතු පාටින් දක්වලා තියෙන තැන click කිරීමෙන් ඔයාට අවශ්‍යය විදියට ඒ ශබ්ද ෆයිල් එක බාගත කරගන්න පුලුවන් වෙනවා.

හදපු බ්ලොග්ස්පොට් බ්ලොග් එක ටිකක් ලස්සන කර ගැනීම

2012-09-13T09:00:00.003-07:00

මීට පෙර ලිපියෙන් අපි හැදුවනෙ බ්ලොගර් එකෙන් බ්ලොග් එකක්. ඉතින් මේ ලිපියෙන් බලමු කොහොමද ඒ බ්ලොග් එකට එක එක ඒවා එකතු කරලා ලස්සන කරගන්නේ කියලා. ඔයා කලින් ලිපිය කියෙව්වෙත් නැත්නම් බ්ලොග් එකක් හදාගන්න විදිය දන්නේත් නැත්නම් කලින් ලිපිය මුලින්ම කියවලා ඉන්න.

ගූගල් බ්ලොගර් මගින් තමන්ටම කියලා බ්ලොග් එකක් නිර්මාණය කිරීම

මුලින්ම ඔයාගෙ බ්ලොග් එකට ගිහින් දකුණු පැත්තේ ඉහලින්ම තියෙන sign in කියන එකෙන් ගිහින් ලොග් වෙන්න. ඔයා බ්ලොග් එකට ගියහම sign in කියලා එකක් නැතිනම් ඔයා ලොග් වෙලාමයි ඉන්නේ. එතකොට ඔයාට ලැබේ මේ පහල දාලා තියෙනවා වගේ පිටුවක්.

මෙහි රතු පාටින් රවුම් කරලා තියෙනේ බ්ලොග් එකේ තියෙන අපිට වෙනස් කරන්න පුලුවන් එක කොටසක් වෙනස් කරන්න ඔන නම් ඔබන්න ඕන තැන. මේවගේ තැන් ඔයාගෙ බ්ලොග් එකෙත් සමහර විට ඇති. නැත්නම් ඊලගට මම කියන්නේ ඒවගේ කොටස් ඔයාගේ බ්ලොග් එකට එකතු කරගන්න හැටි. ඉතින් මේවගේ කොටසක් එකතු කරල තියෙනවා නම් ඒවා වෙනස් කරන්න පුලුවන් මේ රවුම් කරල තියෙන කොටස එබීමේන්.

එහෙනම් දැන් අපි බලමු කොහොමද අලුතෙන් මේ වගේ කොටසක් එකතු කරගන්නේ කියලා. ඒකට මුලින්ම ඔය ඉහල දාල තියෙන පින්තූරයේ නිල් පාටින් රවුම් කරල තියෙන Design කියන ලින්ක් එක ඔබන්න. එතකොට මේ පහල තියෙනවා වගේ පින්තූරයක් ලබේවි.

සමහර විට මීට වඩා ටිකක් විතර වෙනස් ඇති. එහෙම උනාට කමක් නෑ. ඉතින් මෙහි වම්පස කෙලවරේම තියෙන මෙනුවෙන් තමා ඔයාගේ බ්ලොග් එකේ වෙනස් කම් කරන්න තියෙන්නේ. දැන් අපි හදන්නේ ඔයාගෙ බ්ලොග් එකට අලුත් මොනවහරි කොටසක් එකතු කරන්නනේ. ඒ සදහා Layout කියන එක ඔබන්න. එතකොට දැනට ඔයාගේ බ්ලොග් එකෙ සැකැස්ම බලාගන්න පුලුවන් වේවි. ඒක ඔය මම පහල දාල තියෙන එක වගේ වේවි.

මුලින්ම කියන්නම් වම් පැත්තේ ඉහලින්ම තියෙන කොටස ගැන. ඒ කියන්නේ Favicon කියල තියෙන එක. ඒකෙන් කරන්නේ අපෙ බ්ලොග් එකේ icon එක වෙනස් කරන එක. මේ icon එක තමයි ඔය මම දාල තියෙන පින්තූරයේ ඉහල රතු පාටින් රවුම් කරලා තියෙන icon එක. මේකේ හැටියටනම් තැබිලි පාට icon එක. ඉතින් මම අර කලින් කියපු තැන Edit කියන එක ඔබලා ඔයාට පුලුවන් ඔයාගෙ බ්ලොග් එකට ඕන icon එකක් යොදාගන්න.

ඊලගට ඔයාට පුලුවන් ඔය Add a Gadget කියල තියෙන තැන් ඔබලා අලුත් කොටසක් බ්ලොග් එකට එකතු කරගන්න. ඒක ගත්තම ඔයාට පහල පින්තූරයෙන් වගේ පිටුවක් ඒවි.

ඒකේ තියෙනවා ඔයාට බ්ලොග් එකට එකතු කරන්න පුලුවන් විවිද කොටස්. මෙහි තියෙන ගොඩක් ඒවා බ්ලොගර් එකෙන් ලබාදෙන අයිතම. ඒ ඕන එකක් ඔයාට බ්ලොගර් මගින් දෙන උපදෙක් පහසුවෙන් තේරුම් අරන් ඔයාගේ බ්ලොග් එකට එකතු කරගන්න පුලුවන්. ඒවගේ වැදගත් දෙක තුනක් අපි වෙනත් ලිපියකින් බලමු. දැන් මම කියන්න යන්නේ බොහෝවිට අපිට HTML JAVASCRIPT මගින් එකතු කරන්න පුලුවන් කොටස් ගැන.

අපිට අපේ බ්ලොග් එකට වෙනත් වෙබ් අඩවියකින් සපයන කොටසක් එහෙමත් නැතිනම් Gadget එකක් එකතු කරගන්න පුලුවන් වෙන්නේ මේ HTML/Javascript කියන කොටසෙන්. ඔයා HTML/JavaScript ගැන දන්නවනම් ඔයාට ඕන විදියෙ කොටසක් HTML/JavaScript වලින් ඔයාටම නිර්මාණය කරලා මේකට එකතු කරන්න පුලුවන්. එහෙම නැතිනම් වෙනත් වෙබ් අඩවියකින් ලබාදෙන Code එක මේකට දාගෙන ඒ අදාල Gadget එක ඔයාගේ බ්ලොග් එකට එකතු කරගන්නත් පුලුවන්. ඒ සදහා මුලින් ම ඔය ඉහලින් දාල තියෙන පින්තූරයේ තියෙනවා වගේ HTML/JavaScript කොටසෙහි දකුණුපසින් තියෙන නිල් පාට එකතු කිරීමේ ලකුණ ඔබන්න. එතකොට අලුත් පිටුවක් එවි.ඔයාගෙ පුලුවන් ඕන HTML/JavaScript Code එකක් ඒකට Paste කරලා එහෙමත් නැතිනම් Type කරලා Save කරන්න. ඊට පස්සෙ ඒ අදාල කොටස ඔයාගේ බ්ලොග් එකට එකතු වේවි. ඉතින් අර Add a Gadget කියන එක ඔබන්නේ නැතුව එහාට මෙහාට ඇදලා ඒක තියෙන තැන වෙනස් කරගන්නත් පුලුවන්. ඒක ඔයාට කරල බලද්දිම තේරේවි.

හරි. මේක හරියටම තේරෙන්නත් එක්ක මන් වෙනත් වෙබ් අඩවියකින් ලබාදෙන එකක් ඔයාගේ බ්ලොග් එකට එකතු කරන හැටි කියලා දෙන්නම්. මුලින්ම මේ පහල දාල තියෙන ලින්ක් එකට යන්න.

http://www.clocklink.com/gallery.php?category=FREE

ඊට පස්සේ එන පිටුවෙන් ඔයාට ඕන clock එකක් තෝරලා ඒක යටින් තියෙන view html කියන එක ඔබන්න. එතකොට ඔයාට එන පිටුවෙන් Accept කියන එක එබුවම එන පිටුවෙ තියෙනවා අවශ්‍යය කරන HTML code එක. ඒ තියෙන කොටස සම්පූර්ණයෙන් copy (Ctrl+C) කරගෙන අර මම මුලින් Paste(Ctrl+V) කරන්න කියපු එකට paste කරන්න. ඊට පස්සේ Save කරානම් හරි.

ඉතින් මේ විදියට ඔයාට පුලුවන් නොයෙකුත් විදියේ Gadgets ඔයාගෙ බොල්ග් එකට එකතු කරගන්න. Google එකට ගිහින් Add new gadgets to my blog කියල type කරානම් ඕන තරම් හොයාගන්න පුලුවන් එක එක වර්ග වල Gadgets. ඉතින් මේ ලිපියට අදාල ප්‍රශ්න මොනවා හරි තියෙනවා නම් comment එකක් දාල ඉදිරිපත් කරන්න. එහෙමත් නැත්නම් මට Email කරන්න. තවත් කියන්න ඕනයි කියල දෙයක් හම්බ උනොත් අපහු මේව ගැන ලිපියකින් හමුවෙමු.

Fine me on Google+

2012-05-10

ගූගල් බ්ලොගර් මගින් තමන්ටම කියලා බ්ලොග් එකක් නිර්මාණය කිරීම

2012-09-09T10:55:00.000-07:00

මේ ලිපියෙන් මම කියන්නේ කොහොමද තමන්ටම කියලා බ්ලොග් එකක් හදාගන්නේ කියලා. ගොඩක් අය මේක දන්නවා ඇති. ඒත් නොදන්න අයත් ඉන්න නිසා සරලවම අපි වැඩේ පටන් ගමු. දැන් අපි හදන්න යන්නේ ගූගල් සමාගම නොමිලයේ ලබාදෙන බ්ලොග්ස්පොට් එහෙමත් නැතිනම් බ්ලොගර් උපයෝගී කරගෙන කරන බ්ලොග් එකක්. මුලින්ම ඔය පහල දාල තියෙන ලින්ක් එකට යන්න.

http://www.blogger.com

මෙහිදී අපිට ඕන වෙන එකම දෙය තමයි ගූගල් එකවුන්ට් එකක්. ඒ කියන්නේ Gmail එකවුන්ට් එකක්. ඔයාට එහෙම එකවුන්ට් එකක් නැතිනම් මුලින්ම එකක් හදාගන්න වෙනවා. ඒකට මේ දාලා තියෙන ලින්ක් එකට යන්න.

https://accounts.google.com

ඔයාට එකවුන්ට් එකක් තියෙනවානම් ඔයාගෙ නමයි රහස් පදයයි භාවිතා කරල ඇතුලත් වෙන්න(sign in). ඔයාට එකවුන්ට් එකක් නැතිනම් Sign Up කියන එකට ගිහින් අලුත් එකවුන්ට් එකක් හදාගන්න.

මුලින්ම ඔයා http://www.blogger.com කියන ලින්ක් එකට ගියාම පහල දාල තියෙනවා වගේ එකක් ලැබේවි.

පිංතූරය පේනවා මදිනම් ඒ මත ක්ලික් කරලා ලොකු කරගන්න

මගේ බ්ලොග් තුනක් තියෙන නිසා තමයි ඔය විදියට එන්නේ. ඉතින් ඔයාගේ ඔය විදියට වඩා ටිකක් වෙනස් වේවි. මුලින්ම ගන්න ඕන කියන එක. ඊට පස්සේ ඔයාට ඔය පහල තියෙනවා වාගේ එකක් ඒවි.

පිංතූරය පේනවා මදිනම් ඒ මත ක්ලික් කරලා ලොකු කරගන්න

ඒක ඔයාට අවශ්‍යය පරිදි පුරවන්න ඕනා. එකේ Title කියන එකට ඔය නිර්මාණය කරන්න යන බ්ලොග් එකට අදාල මාතෘකාවක් යොදන්න. ඊට පස්සෙ Address කියන එකටත් ඒ අදාල Title එකටම ගැලපෙන නමක් ටයිප් කරන්න. මේ නම තමයි මෙතනින් පස්සේ ඔයාගෙ බ්ලොග් එකට යන ලිපිනය විදියට භාවිතා කරන්නේ. බොහෝවිට ඒ නම අපහු වෙනස් කරන්න බැහැ. Title එක නම් වෙනස් කරන්න පුලුවන් පස්සේ.

පේනවා මදිනම් ක්ලික් කරලා ලොකු කරගන්න

හැබැයි මේ ඇඩ්ඩ්‍රස් එක හැම වෙලාවෙම ඔයාට ඕන එකම ගන්න බැරිවෙන අවස්ථාවල් තියෙනවා. මොකද මේ ඇඩ්ඩ්‍රස් එක තවත් කවුරුහරි ඔයාට කලින් අරන් තිබුනොත් ඔයාට ඒක ගන්න දෙන්නේ නැහැ. මේ දාල තියෙන පින්තූර දෙක එහෙම අවස්ථා දෙකක්. ඒවගෙන් දකුණු පැත්තේ තියෙන එක තමා නිවැරදි එක.

ඉතින් ඔයත් ඔයාගෙ ඇඩ්ඩ්‍රස් එක හරි ඇඩ්ඩ්‍රස් එකක් කියල එයාල කියනකම් වෙනස් කරන්න වේවි.

කොහොම හරි ඔයා හරි ඇඩ්ඩ්‍රස් එකක් තෝරගත්තට පස්සේ කරන්න තියෙන්නේ ඔයාට කැමති ආකාරයක ටෙම්ප්ලේට්(Template) එකක් තෝරගන්න එක. අදාල වින්ඩෝවෙන් කැමති එක මත ක්ලික් කරලා Create blog කියන එක ක්ලික්(click) කරන්න.

හරි. දැන් ඉතින් බොහෝ දුරට ඔයා බ්ලොග් එක නිර්මාණය කරලා ඉවරයි. දැන් තියෙන්නේ ඒ බ්ලොග් එකේ ලියන එක. ඒ සඳහා ඔයාට පුලුවන් අලුත් පෝස්ට් එකක් ලියන්න. ඒකට cරේටෙ නෙව් පොස්ට් කියන එක මත ක්ලික් කරන්න. පහල පින්තූරයේ රවුම් කරලා තියෙන තැන. ඊට පස්සේ ඔයාට අලුත් වින්ඩෝවක් ලැබේවි. පහල දාලා තියෙනවා වගේ.

පිංතූරය පේනවා මදිනම් ඒ මත ක්ලික් කරලා ලොකු කරගන්න

මේ වින්ඩොවේ ඔයාට අවශ්‍යය කරන පෝස්ට් එක ලියන්න පුලුවන්. ලිපියේ මාතෘකාව හා ලිපියේ බඳ කොටස ලියන්න තියෙන තැන් වලට අතරින් තියෙන මෙනුවෙන් ඔයාට එක එක ආකාරයට සකස් කරගන්න පුලුවන් ලියන අකුරු විදිය. අවශ්‍ය ෆොන්ට් එක ෆොන්ට් එකෙහි ප්‍රමාණය වර්ණය වගේ දේවල්. ඔයාටම ඒ ටික තෙරුම් ගන්න පුලුවන්. ඔයා ලියන බ්ලොග් එක ලියන්නෙ සිංහලෙන් නම් ඔයාට වෙනම සිංහල යුනිකොර්ඩ් ලියනයක් භාවිතා කරන්න වෙනවා. මම නම් භාවිතා කරන්නේ රියල් ටයිම් යුනිකොර්ඩ් කන්වර්ටර් කියන වෙබ් ඇප්ලිකේශන් එක. ඔයාට පහල තියෙන ලිපිනයෙන් ඒක ලබාගන්න පුලුවන්.

http://www.ucsc.cmb.ac.lk/ltrl/services/feconverter/t1.html

ඔයාට අවශ්‍ය කරන ලිපිය ලියුවට පස්සේ පුලුවන් publish කියන එක ක්ලික් කරලා ඒ පෝස්ට් එක පලකරන්න. පලකරාට පස්සේ පහල දාල තියෙනවා වගේ වින්ඩෝවක් ඔයාටත් ලැබේවි.

පිංතූරය පේනවා මදිනම් ඒ මත ක්ලික් කරලා ලොකු කරගන්න

හරි. දැන් ඔයා බ්ලොග් එකක් නිර්මාණ්ය කරලා පෝස්ට් එකක් පලකරලත් ඉවරයි. ඉතින් දැන් තියෙනේ බ්ලොග් එක ටිකක් ලස්සන කරලා වැඩ කෑලි ටිකක් එකතු කරන එක. ඔය ඉහත පිංතූරයේ වම් පැත්තේ තියෙන කියන එකට ගියාම ඔයාට පුලුවන් ඔයාගෙ බ්ලොග් එකේ සැකැස්ම බලාගන්න. ඒවා වෙනස් කරන්නත් අලුතෙන් එක එක ඒවා එකතු කරන්නත් පුලුවන්. ගිහින්ම බලන්නකෝ. ලස්සන දේවල් වගේම ඇඩ්සීන් වගේ මුදල් හොයන්න පුලුවන් ක්‍රමත් මේ ගූගල් බ්ලොගර් වල තියෙනවා. ඉතින් මේවා ගැනත් තොරතුරු එක්ක ලස්සන වැඩ කෑලි ටිකකුත් එක්ක බ්ලොග් එක ලස්සන කරගමු ඊලග ලිපියෙන්. එතකන් ඔයාම උත්සාහ කරල බලන්නකෝ.

පරිගනකයක් හයිබර්නේට් (Hibernate) කිරීමේ හොඳ හා නරක

2012-09-06T02:38:00.000-07:00

මුලින්ම බලමු මොකද්ද මේ හයිබර්නේට(Hibernate) කරන්වා කියන්නේ කියලා. අපි හිතමු අපි අපේ පරිගනකයෙන් මොකක් හරි වැදගත් වැඩක් කර කර ඉන්නවා කියලා. ඒත් හදිස්සියෙම අපිට සිද්ද වෙනවා මොනවහරි දෙයකට ඒ වැඩේ තාවකාලිකව නතර කරලා වෙන දෙයක යෙදෙන්න. එතකොට ඉතින් අපි අපේ පරිගනකය ඒ තිබුන විදියටම ක්‍රියාත්මක කරල තියන එක කරදරයක්. ගොඩක් වෙලා ඒ විදියටම තිබුනොත් විදුලියත් නිරපරාදේ නාස්තිවෙනවා. ඉතින් අපි පරිගනකයෙන් අයින් වෙන්නෙ ඉතා සුලු වේලාවකටනම් අපිට පුලුවන් ස්ලීප්(sleep) කියන විදියට පරිගනකය තාවකාලිකව නතර කරන්න. නමුත් එහිදී විදුලිය වැයවීම අවම වීමක් මිසක් නතර වීමක් සිදුවෙන්නේ නෑ. ඒක නිස වැඩි වේලාවක් එසේ තිබීම අපරාදයක්. ඉතින් මේ පරිගනකයේ අපි කරමින් හිටපු වැඩ ටිකත් ඒ විදියටම පවතින පරිදි කරන්න පුලුවන් හොදම දේ තමයි මේ හයිබර්නේට්(Hibernate) කරන්වා කියන්නේ. ඒත් මේ ක්‍රියාවලියත් නිතර නිතර සිදු කිරීම එච්චරම සුදුසු වෙන්නෙත් නෑ. අපි බලමු ඒකට හේතුව මොකද්ද කියලා.

මුලින්ම දැනගමු අපි පරිගනකයක් හයිබර්නේට්(Hibernate) කිරීමෙන් ඇත්තටම මොකද්ද වෙන්නේ කියලා. අපි පරිගනකයක යම්කිසි වැඩක් කරමින් ඉන්නකොට අපි කරන සියලුම වැඩ ටික තාවකාලිකව මතක තබාගෙන ඉන්නේ පරිගනකයේ තාවකලික මතකය. ඒ කියන්නේ රැම් එක. හැබැයි මේ රැම් එකට මතක තබාගත හැකි වෙන්නේ විදුලියට සම්බන්ද කරලා තියෙනකම් විතරයි. ඉතින් අපි පරිගනකය ක්‍රියාවිරහිත කරොත් ඒ කියන්නෙ ශට්ඩවුන්(shutdown) කරොත් මේ තාවකාලික මතකයේ තියෙන හැමදේම මැකිලායනවා. ඉතින් හයිබර්නේට්(Hibernate) කියන ක්‍රියාවලියේදී වෙන්නේ මේ රැම්(RAM) එකේ තියෙන සියලුම දත්ත අපේ පරිගනකයේ ස්ථිර මතකය වෙත පිටපත් කරන්වා. ඒ කියන්නෙ හාඩ් ඩිස්ක් එකට පිටපත් කරනවා. ඊට පස්සේ පරිගනකය සම්පූර්නයෙන් ක්‍රියා විරහිත කරන්වා. විදුලිය නැති උනත් ස්ථිර මතකයේ තියෙන දත්ත වලට හානි සිදු නොවෙන නිසා මේ පිටපත් කල දෙවල් ඒවිදියටම පවතිනවා අපි නැවත පරිගනකය ක්‍රියාත්මක කරනකම්. අපි නැවත පරිගනකය ක්‍රියාත්මක කරද්දි අර ස්ථිර මතකයේ තියෙන දත්ත සියල්ලම නැවතත් අපෙ තාවකාලික මතකයට එනම් රැම් එකට පිටපත් කරන්වා. ඉතින් අපිට මුලින් හයිබර්නේට්(Hibernate) කරන අවස්ථාවේ තිබුන විදියටම නැවත අපි කරගෙන ගිය වැඩ ටික දිගටම කරගන්න පුලුවන්. ඉතින් මේ විදියට හයිබර්නේට්(Hibernate) කරන එක ඉතාම ප්‍රයොජනවත් බොහෝ අවස්ථා වලට. ඒත් මේ ක්‍රමයි යම් යම් අවාසිත් නැතුවාම නොවේ. ඉතින් මේ පිලිබඳ හරියටම දැන ගැනීමෙන් අපෙ පරිගනකයට හානියකුත් නැතිව උපරිම කාර්යක්ෂම තාවයක් ලබා ගැනීමට හැකි වෙනවා. දැන් අපි බලමු මොනවද මේ අවාසි කියලා

මුලින්ම අපිට අත්විදින්න වෙන ලොකුම අවාසිය තමයි සාමන්‍යයෙන් පරිගනකය ස්ලීප්(sleep) කිරීම හෝ ශට්ඩවුන්(shutdown) කිරීමට වඩා හයිබර්නේට්(Hibernate) කිරීමට වැඩි කාලයක් ගත වෙනාවා. ඒ කාලට අපේ පරිගනකයේ රැම් එකෙහි ප්‍රමනයට අනුලෝමවත් හාඩ් ඩිස්ක් එකේ වේගයට ප්‍රතිලෝමවත් සමානුපාතික වෙනවා.

ඊලඟ ප්‍රශ්නය තමයි අපි හයිබර්නේට්(Hibernate) කිරීමට අවශ්‍යය වෙනව නම් කලින් පරිගනකට ඒ සඳහා සූදානම් කරලා තියන්න අවශ්‍යය වෙනවා. අපි පරිගනකයක් ගන්න විටම මේ සූදානම් කිරීම කරලා තියෙන්නත් පුලුවන්. සමහර විට අපි අදාල මෘදුකාංග ස්ථාපනය කිරීමේදිත් සූදානම් වෙනවා. කොහොම හරි ඔයාගේ පරිගනකයේ ශට්ඩවුන්(shutdown) කරන්න තීයෙන තැන ඒ කියන්නේ ස්ටාර්ට් මෙනුවෙහි තියෙන තැන හියිබර්නේට් කියලා යතුරක් නැතිනම් ක්‍රියාත්මක කරල නැහැ. මේක ක්‍රියාත්මක වෙන්නේ පරිගනකයේ වීඩියෝ කාර්ඩ් එක මගින් නිසා වීඩියෝ කාර්ඩ් එකේ ඩ්‍රයිවර්ස්(video drivers) අප්ඩේට් කරන එක තමා සුදුසු වෙන්නේ. මේ සූදානම් කිරීමක් කියලා කියන්නේ අපිට අවශ්‍යය අවස්ථාවක පරිගනකයෙහි ඇති තාවකාලික දත්ත පිටපත් කිරීමට හාඩ් ඩිස්ක් එකෙහි අවශ්‍ය තරම් ඉඩ වෙන් කර තැබීමක්. මේ ඉඩ ප්‍රමාණය ඔයාගෙ පරිගනකයේ රැම් එකෙහි ධාරිතාවට සමාන වෙනවා. ඉතින් අපේ රැම් එකෙහි ධාරිතාව වැඩි වෙන්න වැඩි වෙන්න අපිට මේ සඳහා වෙන් කරලා තියන්න අවශ්‍යය වෙන ඉඩ ප්‍රමාණය වැඩි වෙනවා. ඒකත් මේ ක්‍රමයේ තියෙන ප්‍රධාන අවාසියක්.

අවසාන වශයෙන් තියෙන අවාසිය තමයි අපේ හඩ් ඩිස්ක් එකෙහි ආයු කාලයට මේ හයිබර්නේට්(Hibernate) කිරීම අවාසි දායක ලෙස බලපෑම. ඕනෑම හාඩ් ඩිස්ක් එකක දත්ත ගබඩා කිරීමේ ආයු කාලයක් පවතිනවා. නැවත නැවත දත්ත මැකීමත් ගබඩා කිරීමත් නිස මේ කාලය ටිකෙන් ටික අඩු වෙනවා. ඉතින් අපි හයිබර්නේට්(Hibernate) කිරීම නිතර නිතර සිදු කරහොත් අපේ හාඩ් ඩිස්ක් එකෙහි මේ ආයු කාලය අඩු වීමක් සිදු වෙනවා. ඒ නිස නිතර නිතර හයිබර්නේට්(Hibernate) කිරීමත් අවාසි සහගත වෙනාවා.

ඉතින් මේ දේවල් සලකලා බලලා අවශ්‍යය පරිදි නිසිලෙස උපරිම කාර්යක්ෂම තාවයකින් පරිගනකය භාවිතා කිරීමට හුරුපුරුදු වෙන්න.

Windows පරිගණකයක නවතාගත නොහැකි වැඩසටහනක් නවතාලීම

2012-07-17T15:21:00.000-07:00

දැන් මම කියන්න යන්නේ නවත්තගන්න බැරි වැඩසටහනක් කොහොමද නවත්තගන්නෙ කියලා. ඒ කියන්නෙ close වෙන්නෙ නැති program එකක් කොහොමද close කරගන්නේ කියලා. මේක ටිකක් සරල දෙයක්. ඒත් සමහර අය නොදන්න නිසයි කියන්නේ. මුලින්ම අපි කරන්න ඕන Task Manager එක open කරගන්න එක. ඒ සදහා ක්‍රම කීපයක්ම තියෙනවා. පහසුම ක්‍රමය තමයි Ctrl + Shift කියන keys දෙක ඔබාගෙනම Esc key එක ඔබන එක. මේ ක්‍රමේ windows 7 වලට හා windows XP වලට වැඩ කරනවා. එහෙමත් නැතිනම් හෝ windows පරන version එකක් නම් Alt + Ctrl + Del කියන button තුනම එකවර press කරන්න. එතකොට සමහර විට Task Manager open වේවි.එහෙම නැතිනම් ඒක open කරන්න මෙනුවක් ඒවි.

එහෙමත් නැතිනම් අපිට පුලුවන් ඩෙස්ක්ටොප් එකේ යටින්ම තියෙන Task Bar එක මත click කරල එන මෙනුවෙන් Task Manager කියන එක තෝරගන්න.

Task Manager එක open කරගත්තම පහල දාල තියෙනවා වගේ පෙනේවි.

ඔයාල මේකෙන් Process කියන Tab එක තෝරගන්න ඕන. ඔය රතු පාටින් ලකුනු කරල තියෙනවා වගේ. ඊට පස්සෙ ඔයාලගෙ computer එකේ දැනට run වෙන ඔක්කෝම processes ඕකෙ බලාගන්න පුලුවන්. ඒවගෙන් ඔයාට නවත්තන්න ඕන වැඩසටහන තෝරල පහල තියෙන End Process button එක press කරන්න.

එතකොට එන window වට End process කියල දුන්නම program එක නවතිනවා. හැබැයි මේ ක්‍රමේ හැමතිස්සෙම program නවත්තන එක එච්චරම හොද නෑ. මොකද ඒක ඔයාගෙ සමහර data නැතිවෙන්න බලපානවා. ඒ වගේම ඔයාගෙ Hard Disk එක damage වෙන්නත් පුලුවන්.

ඉංග්‍රීසි වචන සාමාන්‍යකරණයට(Normalization) Porter Stemming ඇල්ගොරිතමය(Algorithm) - මෘදුකාංග නිර්මාපකයන් සඳහා(For Software Developers)

2012-07-07T14:21:00.002-07:00

මෙම ලිපියෙන් මම ලියන්න බලපොරොත්තු වෙන්නෙ මෘදුකාංග ශිල්පීන්ට(Software Engineers) ඉතාමත් වැදගත් වන එක් සුවිශේෂී ඇල්ගොරිතමයක්(algorithm) ගැන. මෙහි නම පෝටර් ස්ටෙමින් ඇල්ගොරිතමය(Porter Stemming Algorithm). මෙහි නිර්මාපකයා වන්නේ මර්ටින් පෝටර්(Martin Porter). මේකෙන් කෙරෙන්නෙ සාමාන්‍ය ඉංග්‍රීසි වචන වල අග කොටස් ඉවත් කිරීමේ ක්‍රියාවලියක්. උදාහරණයක් විදියට ගත්තොත් meeting කියන වචනය meet බවට පත් කරන්ව. ඒ වගේ tion, ies, s, වැනි අග කොටස් වචන වලින් ඉවත් කරන්ව. මේ ඉවත් කිරීම වචන සෙවීමේ මෘදුකාංග(word searching software) නිපදවීමට ඉතාමත් ප්‍රයෝජනවත් වෙන්වා. ඒ වගේම පරිවර්තක වැඩසටහන්(Translator software) වලට හා කෘතිම බුද්ධිය පිළිබඳ වැඩසටහන්(AI applications) වලට ඉතාමත් කාර්යක්ෂම විදියට යොදාගන්න පුලුවන්.
ඉතින් මේ අල්ගොරිතමය(algorithm) පරිගනක ක්‍රමලේඛන භාෂා(programming languages) රැසකින් නොමිලේම ලබාගැනීමේ හැකියාවක් තිබෙනවා. මෙම අල්ගොරිත්මය(algorithm) පිලිබඳ තවත් තොරතුරු දැනගැනීමට හෝ එම අල්ගොරිතමය(algorithm) ලබාගැනීමට පහත තියෙන වෙබ් අඩවියට පිවිසෙන්න.

http://tartarus.org/~martin/PorterStemmer/

ඒවගේම මෙම දැනුම තවත් කෙනෙකුට ලබාගැනීමට මෙම ලිපිය බෙදාහරින්න.

Windows පරිගනකයක USB ports ක්‍රියවිරහිත හෝ ක්‍රියාත්මක(disable or enable) කිරීම

2012-06-08T23:57:00.003-07:00

මම දැන් කියන්න යන්නෙ කොහොමද අපේ windows computer එකක USB disable කරන්නෙ කියලා. මේක විශේෂයෙන්ම අදාල වෙන්නේ USB pen drives (flash drives) disable කිරීමට. ඒත් USB modem වගේ අනෙකුත් USB උපාංග disable කිරීමටත් මේ ක්‍රමේ යොදාගන්න පුලුවන්.
මේකට කරන්න තියෙන්නෙ හරිම ලේසි දෙයක්. Windows Registry එකේ Key එකක Value එක වෙනස් කරන එක තමා කරන්න තියෙන්නෙ. හැබැයි මොනව හරි හේතුවකින් ඒ වෙනස් කරන Value එක ආපහු ඔයාට තිබුන තත්වෙට පත්කරගන්න බැරිඋනොත් ප්‍රශ්නයක් වෙන නිසා මුලින්ම බලමු කොහොමද අපි මේ තියෙන key value එක backup කරගන්නෙ කියල.
මුලින්ම System Registry එක open කරගන්න. ඒ සඳහා

start menu එක open කරලා යටම තියෙන search bar එකෙහි regedit කියල type කරන්න. එතකොට පහල දැක්වෙනව වගේ registry එකට යන link එක පෙනේවි. ඒක left click කරන්න.

එහෙම නැතිනම් run window එක open කරගෙන එහි regedit කියල type කරන්න. ඊට පස්සෙ run කියන එක press කරන්න. (Run window එක open කරගනීමට Alt, Ctrl keys අතරෙ තියෙන Windows key එක හා R key එක press කරන්න )
ඔයාට Registry එක open කරගන්න නම් administrative privileges තියෙන්න ඕන. ඒ කියන්නෙ ඔයා මේ computer එකේ admin කෙනෙක් වෙන්න ඕන. සමහර විට regedit කියන එක open කරන්නද කියල message box එකක් ඒවි. ඒකට YES click කරන්න.

Registry එක open උනාම ඔයාට ඔය වගේ window එකක් දැකගන්න පුලුවන් වේවි. ඒකෙන් ඔයා ඔය පහල දාල තියෙන key එක හොයගන්න ඕන. ඒක හොයාගන්න ඔයාට ඕනනම් Edit menu එකෙන් Fine අරගෙන ඒකෙ ඔය words ටික type කරල find කරන්නත් පුලුවන්. එහෙම නැතිනම් HKEY_LOCAL_MACHINE මුලින්ම පටන් ගන්න තැන තියෙන පොඩි ඊතලය click කරන්න. එතකොට ඒක ඇතුලෙන් තව list එකක් open වේවි. ඒකෙන් SYSTEM තෝරන්න. මේ විදියට ඔයාට පුලුවන් අවශ්‍ය key එක හොයාගන්න.
[HKEY_LOCAL_MACHINE\SYSTEM\CurrentControlSet\services\USBSTOR]

අවශ්‍ය key එක හොයාගත්තට පස්සෙ මුලින්ම කරන්න ඕන ඒකෙ දැනට තියෙන values backup කරගන්න එක. ඒකට ඔය පහල picture එකේ විදියට right click කරල Export කරන්න.

ඊට පස්සෙ ඔයාට පුලුවන් දැනට තියෙන values ටික file එකක් විදියට ඔයාට කැමති තැනක කැමති නමකින් save කරගන්න.
ඔයා values වෙනස් කරාට පස්සෙ මොකක් හරි ප්‍රශ්නයක් තිබුනොත් ඔය save කරපු file එක double click කරල ඔයාට පුලුවන් කලින් තිබුන values ටික නැවත restore කරගන්න.

දැන් අපි වෙනස් කරන්න ඕන දකුණු පැත්තෙ තියෙන start කියන value එක. start කියන එක double click කරන්න. එතකොට අලුත් window එකක් open වේවි. ඒකෙ value එක 3 නම් USB enable කරල තියෙන්නෙ. value එක 4 නම් disable කරල තියෙන්නෙ. ඔයාට ඕන කරන්න disable නිසා ඒ value එක 4 විදියට වෙනස් කරන්න. ඊට පස්සෙ OK click කරල computer එක restart කරන්න. එතකොට ඔයාගෙ ඔක්කොම USB ports disable වෙනවා. සමහර වෙලාවට restart කරන්න ඕන වෙන්නෙත් නෑ.
මේ විදියටම ඔයාට disable කරපු USB ports තියෙන computer එකක USB ports enable කරගන්නත් මේ ලිපිය ප්‍රයෝජනවත් වේවි.

---------------------------------------------------------------------------------------------------------------------------
ඔයාට මේ post එකේ මොනව හරි අවුලක් තියෙනවනම් comment එකකින් ඒ ගැන අහන්න. එහෙම නැත්නම් Email එකකින් අහල එවන්න.
ඔයාට මේ post එක වැදගත් කියල හිතෙනවනම් කාට හරි ඒකෙන් ප්‍රයෝජනයක් ගන්න මේක share කරන්න. තව ඉතින් මේකට Like එකක් දාල comment එකක් දාල යන්නත් අමතක කරන්න එපා.

Windows Computer එකේ අපිට ඕන Website එකක් Block කිරීම.

2012-02-22T05:17:00.001-08:00

මම දැන් කියන්න යන්නෙ අපේ Computer එකෙන් සමහර website වලට යන්න බැරි කරන්න පුලුවන් එක ක්‍රමයක් ගැන. ඔයාගෙ computer එක තව කට්ටිය use කරනවනම් හරි වෙන කාගෙ හරි computer එකකට මොකක් හරි website එකකට යන්න බැරි වෙන්න block කරන්න ඕනනම් හරි මේ ක්‍රමේ භාවිතා කරන්න පුලුවන්.
මේක කරන්නෙ මෙහෙමයි.
මුලින්ම ඔය පහල දාල තියෙන path එකට යන්න ඕන.
C Drive -> Windows -> System32 -> Drivers -> etc

C:\Windows\System32\drivers\etc

ඊට පස්සෙ ඒ ගිය folder එකේ තියෙනවා file එකක් hosts කියලා. ඒ file එක Right Click කරල Copy කරන්න (Ctrl + C). ඊට පස්සෙ ඔයාගෙ Desktop එකට ගිහින් Right Click කරල Paste කරන්න(Ctrl + V).

දැන් Start Menu එකෙන් Notepad එක Open කර ගන්න. ඊට පස්සෙ අර desktop එකට paste කරපු hosts කියන file එක notepad එකට ඇදල දාන්න. (desktop එකේ තියෙන hosts file එක notepad එකෙන් open කරන්න ). පහල දාල තියෙනවා වගේ window එකක් ලැබේවි.

ඒකෙන් පහලම තියෙන line එකෙන් පස්සෙ තව line එකක් එකතු කරන්න. ඔය මම පහල දාල තියෙන්වා වගේ.

මම ඔය දාල තියෙන විදියට www.yahoo.com දැම්මොත් yahoo.com site එකට යන්න බෑ. ඒ website එක block වෙනවා. මේ වගේ ඔයාට block කරන්න ඕන ඔක්කොම websites අලුත් lines වල ඔය විදියටම ලියන්න. ඕකෙ 127.0.0.1 කියල තියෙන්නෙ අපේ localhost IP address එක. ඒක වෙනුවට අපිට ඕන IP address එකක් දාන්න පුලුවන්. එතකොට ඊට එහා පැත්තෙ තියෙන hostname එක browser එකෙන් load කරපු ගමන් යන්නෙ අර IP එකට අදාල තැනට. ඉතින් මේ ක්‍රමෙන් පුලුවන් ඔයාලට ඕන website එකක් block කරන්න හරි ඕන site එකකට හරවල යවන්න හරි.

---------------------------------------------------------------------------------------------------------------------------
ඔයාට මේ post එකේ මොනව හරි අවුලක් තියෙනවනම් comment එකකින් ඒ ගැන අහන්න. එහෙම නැත්නම් Email එකකින් අහල එවන්න.
ඔයාට මේ post එක වැදගත් කියල හිතෙනවනම් කාට හරි ඒකෙන් ප්‍රයෝජනයක් ගන්න මේක share කරන්න. තව ඉතින් මේකට Like එකක් දාල comment එකක් දාල යන්නත් අමතක කරන්න එපා.

Folder EXE වයිරස් එක ආසාදිත Pen එකක දත්ත ටික බේරා ගැනීම.

2012-01-12T10:13:00.000-08:00

ගොඩක් ප්‍රසිද්ධ වයිරස් එකක් තමයි Folder EXE කියන Virus එක. මේක ගොඩක්ම තියෙන්නෙ Pen Drives වල. අපි Pen එක Computer එකට ගැහුවම එකේ තිබ්බ Files ටික පේන්නෙ නැතුව Shortcuts ටිකක් විතරක් පෙන්නනවා. ඔය පහල දාල තියෙන Pic එකේ වගේ.

මේ Shortcut Click කරත් ඔයාලගෙ Pen එකේ තිබ්බ Folders Open වෙන්නෙ නෑ. Click කරාම වෙන්නෙ වයිරස් එක තව තවත් පැතිරෙන එක විතරයි.

මේ වයිරස් එකෙන් කරන්නෙ ඔයාගෙ Pen එකේ තිබුන Folder වල නමින් EXE Files ටිකක් හදනවා. මේ Files වයිරස් ආසාදිත ඒවා. ඒවා Click උනාම මේ වයිරස් එක පැතිරෙන එක තමා වෙන්නෙ. ඒ වගේ ම ඔයාලගෙ Folder වල නම් වලින්ම Shortcuts ටිකක් හදනවා. මේ Shortcut Click කරාම වෙන්නෙ අර වයිරස් අසාදිත Files ටික Run වෙන එකයි. ඊට පස්සෙ අර ඔයාගෙ Original Folders ටික පේන්නෙ නැති කරනවා(Hidden කරනවා) .

එතකොට ඔයා Pen එක Computer එකට ගහල Open කරාම පේන්නෙ එක්කො අර Shortcuts ටික. එහෙම නැත්නම් ඔයාගෙ Folders වල නමින් හදපු EXE ටික. මේ දෙකෙන් මොකක් Click කරත් වෙන්නෙ Virus එක පැතිරෙන එක.

ඉතින් මේ වයිරස් එකෙන් ඔයාගෙ Pen එකේ තිබුන Folders ටික බේරගන්න කරන්න තියෙන්නෙ ඒ Hide කරපු Folders ටික Unhide කරන එක. එහෙම නැත්නම් ඒ ටික බලාගන්න ක්‍රමයක් හොයා ගන්න එක.

හැබැයි ඉතින් මේ විදියට Hide කරන්න පුලුවන් windows වල විතරයි . ඒක නිස මේ Pen එක Linux වල, Ubuntu වගේ එකකට ගැහුවම ඔයාගෙ Folders ටික කිසිම වෙනසක් නැතිව පෙන්නනවා. ඒකෙන් ඔයාට අනවශ්‍ය shortcuts ටික මකල දාල වයිරස් ටිකත් මකල වයිරස් එකෙන් බේරෙන්න පුලුවන්. නමුත් මම දැන් කියන්න යන්නෙ Windows වල ඉදන්ම වැඩේ ගොඩ දාගන්න විදිය.

සාමන්‍යයෙන් Windows Computer එකක Folders හා Files Hide කරන්න පුලුවන් ක්‍රම දෙකක් තියෙනවා. එකක් තමයි සාමන්‍ය විදියට Properties වලින් ගිහින් Hide this කියන එකට Tik එකක් දාල Hide කරන එක. තව ක්‍රමයක් තියෙනවා Hide Protected Operating System Files කියලා. මේ ක්‍රමේට තමයි Operating System එක Protected Files Hide කරලා තියෙන්නේ. ඒ වගේම මේ වයිරස් එක ඔයාගෙ Folders ටික Hide කරලා තියෙන්නෙත්. මේ විදියට Hide කරපු Folders බලාගන්න පුලුවන් අපිට මේ කියන Hide Protected Operating System Files එක Disable කරාම. ඒකට

__________________________________________________________________________________

Windows 7 නම්

Pen එක Open කරලා උඩම තියෙන

Organize-> Folder And Search Options

__________________________________________________________________________________

Windows XP නම්

Pen එක Open කරලා උඩම තියෙන

Tools->Folder Options

__________________________________________________________________________________

-> View Tab

Don't Show hidden files, folders, or drives-ON කියන එක වෙනුවට Show hidden files, folders, and drives-OFF කියන එක තෝරන්න. Hide protected operating system files කියන එක untik කරන්න.
ඒ වගේම Hide extensions for known file types-ON එකත් untik කරන්න.

ඊට පස්සෙ Apply කරලා OK කරන්න. දැන් ඔයාට ඔයාගෙ Folders ටික Hide වෙලා තියෙනවා බලාගන්න පුලුවන් වෙයි. ඔය පහල දාල තියෙන එක වගේ.

Hide Extensions for known file types-ON කියන එකත් untik කරපු නිස .exe කියන virus ටිකත් බලාගන්න පුලුවන් වෙයි. හැබැයි දැන් Operating System එක Hide කරපු Protected Files ටිකත් ඔයාට පේනව සමහර තැන් වල. විශේශෙන්ම ඔයාගෙ C drive එකේ. ඒව ඔයා මොනවා හරි වෙනසක් කරොත් එහෙම වෙන්නේ ඔයාට ආපහු computer එක On කරගන්නත් බැරි වෙන එක. ඒක නිස Pen එකේ ඇරෙන්න වෙන කිසිම තැනක තියෙන Folder , File එකකට මොකුත් නොකරන්න වගබලාගන්න.

සමහර වෙලාවට මේ වයිරස් එක දරුණුවටම ආසාදිත වෙලා තිබුනොත් ඔයාට මේ විදියට Unhide කරන්න දෙන්නෙ නෑ. අර tik එක අයින් කරලා OK කරද්දි ආපහු tik එක වැටෙනවා. ඒකට කරන පිලියම අපි වෙන ලිපියකින් බලමු. එතකන් Folders ටික ගොඩ දාගන්න ක්‍රමයක් කියන්නම්. Shortcut වල තියෙන්නෙ ඔයාගෙ Folders වල නම මනෙ. ඉතින් ඔයා Window එක උඩ තියෙන බාර් එකේ එකේ නම ගැහුවම ඒ Folder එක Open කරගන්න පුලුවන්. එහෙම නැත්නම් පොඩි Software එකකින් පුලුවන් ඔයාගෙ Hide කරපු Folders ටික ආපහු unhide කරගන්න.

ඔය පහල තියෙන Link එකෙන් පුලුවන් මේ මෘදුකාංගය නොමිලේ ම Download කරගන්න. හැබැයි මේ මෘදුකාංගයේ සියලු නිෂ්පාදිත අයිතිය තියෙන්නෙ Ruchira Ishara Fernando සහෝදරයට.

http://www.4shared.com/file/SJfFUSM7/Hide_folder___3.html

මේ මෘදුකාංගයෙන් අපිට Folder එකක් Hide කරන්නත් පුලුවන්. Hide කරපු එකක් Unhide කරන්නත් පුලුවන්. ඉතින් ඕන නම් මේක Folder Hider එකක් විදියටත් Use කරන්න පුලුවන්.

දැන් බලමු කොහොමද මේකෙන් අර Hide වෙච්ච folders ටික Unhide කරන්නෙ කියලා. ඒකට මුලින්ම ඔයාට කරන්න ඕනෙ Folder එකේ Path එක දැන ගන්න ඕනෙ. ඒකට මුලින්ම මේ Download කරපු Software එක ඔයාගෙ Pen එකට Copy කරගන්න. ඔයාගෙ Hide වෙච්ච Folders ටික බලාගන්න පුලුවන් නම් මේ Software එකේ තියෙන Browser එකෙන් ඔයාට ඒ අදාල Folder එක තෝරල Show hidden Folder click කරාම හරි. ඒත් වයිරස් එක දරුණුවටම ආසාදිත නම් Hide වෙච්ච Folders එහෙම බලාගන්නත් බෑනෙ. මුලින්ම ඔය පහල Pic එකේ වගෙ window එක උඩ තියෙන බාර් එකේ මැදින් click කරන්න. Enter Press කරන්න. එතකොට ඒ අදාල ඔයාගෙ Folder එකට යාවි.

ආපහු අර බාර් එකේ මැදින් click කරලා මුලු path එකම select කරල Copy (CTRL + C) කරගන්න. ඊට පස්සෙ අර software එකේ යට කොටුවට ඒක paste (CTRL + V) කරන්න. ඊට පස්සෙ Show hidden Folder click කරාම ඒ folder එක unhide වේවි.

Yes කියන එක දෙකෙන්ම තෝරන්න

Folders ටික ගොඩ දාගත්තට පස්සෙ අර Shortcuts ටිකයි EXE s ටිකයි මකල දාන්න. තව Autorun.inf කියල එකකුත් ඇති. ඒකෙන් තමයි Pen එක ගහපු ගමන් වයිරස් එක run වෙන්නෙ. ඒකත් මකල දාන්න. ඊට පස්සෙ ගොඩ. හැබැයි ඉතින් හොදම වැඩේ තමයි අවශ්‍ය Files & Folders ටික අරගෙන Pen එක Format කරලම දාන එක.
---------------------------------------------------------------------------------------------------------------------------
ඔයාට මේ post එකේ මොනව හරි අවුලක් තියෙනවනම් comment එකකින් ඒ ගැන අහන්න. එහෙම නැත්නම් Email එකකින් අහල එවන්න.
ඔයාට මේ post එක වැදගත් කියල හිතෙනවනම් කාට හරි ඒකෙන් ප්‍රයෝජනයක් ගන්න මේක share කරන්න. තව ඉතින් මේකට Like එකක් දාල comment එකක් දාල යන්නත් අමතක කරන්න එපා.

Windows Computer එකක Screen එක කරකැවීම(Rotate)...

2012-01-08T09:21:00.000-08:00

-90 Rotated

Vertically Flipped

Normal

+90 Rotated

මේක හරි සරල දෙයක්. එත් ගොඩක් ප්‍රයෝජනවත් වෙන අවස්ථා තියෙනවා. උදාහරනයක් හැටියට වැරදි පැත්තට Video කරපු Video එකක් බලන්න ගියාම එහෙම ගොඩක් ප්‍රයෝජනවත්. සමහරුන්ට ඉතින් Screen එක වැරදිලා Rotate කරගෙන අපහු යතා තත්වෙට ගන්න බැරුවත් යනවා. කොහොමහරි මේකට කරන්න තියෙන්නෙ Shortcut key එක භාවිතා කරන එක විතරයි. Keyboard එකේ Ctrl, Shift කියන Keys දෙක Press කරගෙන Arrow Keys හතරෙන් කැමති එකක් Press කරන්න. Press කරපු Arrow Key එක අනුව ඔයාගෙ Screen එක කරකැවේවි.

මේක ඔයාගෙ Computer එකේ Graphics Properties වලින් කරන්නත් පුලුවන්. ඒත් ලේසිම ක්‍රමේ තමයි Shortcut key එක භාවිතා කරන එක

---------------------------------------------------------------------------------------------------------------------------
ඔයාට මේ post එක වැදගත් කියල හිතෙනවනම් කාට හරි ඒකෙන් ප්‍රයෝජනයක් ගන්න මේක share කරන්න. තව ඉතින් මේකට Like එකක් දාල comment එකක් දාල යන්නත් අමතක කරන්න එපා.

එක පරිගනකයක් තුල Virtual විදියට පරිගනක(OS) කිහිපයක් භාවිතා කිරීම

2011-12-15T11:50:00.000-08:00

මම දැන් කියන්න යන්නෙ අපි එදිනෙදා භාවිතා කරන OS එකක් හරි කිහිපයක් හරි කොහොමද Virtual විදියට අපේ Computer එකට දාගන්නෙ කියලා.අපි හිතමු ඔයාගෙ Computer එකට Windows 7 දාල තියෙන්නෙ කියලා. තව ඔයාට ඕනෙ නම් Windows XP ත් දාගන්න ඔයාට Dualboot කියන විදියට ඒ දෙකම දාගන්න පුලුවන්. ඒත් ඒ ක්‍රමේ ටිකක් සංකීරණයි. ඒවගේම දැන් අලුතෙන් එන පරිගනක වලට පරන OS දාන්න බැරි අවස්ථා තියෙනවා. උදාහරණයක් විදියට අලුතෙන් එන Laptop වලට පරණ Windows XP version එක දාන්න බැහැ. ඉතින් මේ වගේ අවස්ථා වලදිනම් අපිට තියෙන එකම ක්‍රමේ තමයි මම දැන් කියන්න යන්නෙ. ඒකට use කරන්න පුලුවන් ගොඩක් මෘදුකාංග තියෙනවා. මම දැන් කියලා දෙන්න යන්නෙ VirtualBox කියන මෘදුකාංගය මගින් මේ වැඩේ කරගන්න හැටි.

මුලින්ම අපි මේ VirtualBox කියන මෘදුකාංගය ලබාගන්න අවශ්‍ය වෙනවා. මේ මෘදුකාංගය නොමිලේ ලබාදෙන මෘදුකාංගයක් නිසා අපට ඒ Website එකෙන් පහසුවෙන්ම ලබාගත හැකි වෙනවා. ඔයාට පුලුවන් මම මේ පහල දාල තියෙන Link එක මගින් ඒ මෘදුකාංගය ලබාදෙන Webpage එකට යන්න.

https://www.virtualbox.org/wiki/Downloads

ගිහින් එතනින් ඔයාගෙ පරිගනකයට අවශ්‍ය එක select කරගන්න. ඔයා use කරන්නෙ Windows නම් VirtualBox 4.1.6 for Windows hosts කියන තැන තියෙන Link එකෙන් Download කරගන්න පුලුවන්. ඒකට මේ එක click කරන්නත් පුලුවන්.

ඊට පස්සෙ ඔයාට VirtualBox මෘදුකාංගයේ Setup file එක Download වේවි. ඊට පස්සෙ කරන්න ඕනෙ ඒක install කරන එක.
සාමන්‍ය මෘදුකාංගයක් install කරන විදියට ඔයාට මේ software එකත් install කරගන්න පුලුවන්. ඊට පස්සෙ ඔයාට ඔය පහල තියෙනවා වගේ window එකක් ලැබේවි.

එතනින් New කියන button එක click කරන්න එතකොට ඔයාට අලුත් virtual machine එකක් සාදා ගැනීමට අවශ්‍ය කරන උපදෙස් ලැබේවි.
ඔය මම දාල තියෙන වගේ Window එකක් අවිත් ඔයාට අලුතෙන් හදන්න ඕනෙ virtual machine එකේ නමයි දාන්න බලාපොරොත්තු වෙන OS එකයි අහයි. ඊට පස්සෙ Next button එක click කරාට පස්සෙ ඔයාට පුලුවන් අලුත් virtual machine එකේ hard drive එකේ size එක තීරණය කරන්න. ඒක සදහා ඔයා size එකක් තීරණය කරාට පස්සෙ ඔයාගෙන් option දෙකක් අහනවා. ඔයා දැනට Hard එකක් වෙන් කරලා නැතිනම් ඔයාට තෝරගන්න වෙන්නෙ Create new Hard Disk කියන option එක. එතකොට අලුතෙන් wizard එකක් open වේවි. එතෙන්දි ඔයාගෙන් අහනවා තවත් ප්‍රෂ්නයක්. ඒ තමයි ඔයා මේ virtual machine එකට use කරන hard එක Dynamically expanding storage ද එහෙම නැතිනම් Fixed-size storage ද කියලා. ඔයා Fixed-size storage තේරුවොත් ඔයා ඒකට දෙන size එක මේ virtual machine එක තියෙන කම් ඔයාට ඔයාගෙ සාමන්‍ය පරිගනකයෙන් use කරන්න බැහැ. ඒ ටික මේ Virtual Hard එක සඳහාම වෙන් වෙනවා. ඒත් ඔයා Dynamically expanding storage තේරුවොත් ඔයා දෙන size එක මුලින්ම වෙන් වෙන්නෙ නෑ. ඔයා Virtual Hard එක use කරන තරමට තමයි ඔයාගෙ ඇත්ත Hard එකේ ඉඩ යන්නෙ. ඉතින් හොඳම ක්‍රමේ තමා ඒ ක්‍රමේ. ඒකට Dynamically expanding storage select කරන්න. ඊට පස්සෙ next කරන්න. එතකොට ඔයාට අවශ්‍ය size එකයි ඒක save කරන්න ඕනෙ folder එකයි අහල window එකක් ලැබේවි. ඒකට සාමන්‍ය size එකක(2GB) දීලා ඒ දීපු ඉඩ ප්‍රමාණය free තියෙන folder එකක් උඩ තියෙන තැනට browse කරල දෙන්න. ඊට පස්සෙ finish කරන්න. එතකොට අර පරන window එකත් finish කරල close කරන්න පුලුවන්. එකත් finish කරාට පස්සෙ ඔයා Virtual machine එක හදලා ඉවරයි. දැන් ඒ අලුතෙන් හදපු machine එකේ නම දැක ගන්න පුලුවන් වේවි.
ඊට පස්සෙ ඒක click කරල start කියන button එක click කරාම අලුත් window එකක ඔයාගෙ virtual computer එක start වේවි. දැන් ඉතින් ඒකට සාමාන්‍ය Computer එකකට අලුත් OS එකක් දානවා වගේ OS එකක් CD හරි DVD එකක් හරි දාලා OS එකක් දාන්න තමයි තියෙන්නෙ. බැරි වෙලාවත් ඔයාට ඕන කරන CD rom එක හරි DVD rom එක හරි detect උනේ නැත්නම් අර අලුතෙන් open උන window එකේ තියෙන Devices කියන menu එක click කරල එතනින් ඔයාට ඕනෙ Drive select එක කරගන්න. ඊට පස්සෙ සාමන්‍ය Computer එකක් වගේ වැඩ කරනවා.

Windows පරිගනකයක Hardware(දෘඩාංග) පිලිබඳ විස්තර බලා ගැනීම

2011-12-12T12:27:00.000-08:00

මම දැන් කියන්න යන්නෙ අපේ windows computer එකේ Hardware(දෘඩාංග) වල විස්තර බලාගන්න පහසු විදියක්. විශේෂයෙන්ම අපිට ඕන වෙනවනෙ අපේ Ram එක කොච්චරද, VGA එක කොච්චරද, ඔය වගේ ගොඩක් දේවල් ගැන දැන ගන්න. මේ හැම දෙයක්ම වගේ බලාගන්න පුලුවන් තැනක් තමයි DXDIAG කියන මෘදුකාංගය (Software එක). ඒක Windows OS එකත් එක්කම එන මෘදුකාංගයක්. ඒක open කරගන්න කරන්න ඕනෙ Run window එක open කරගෙන dxdiag කියල type කරල ok කරන එක.

මෙහිදී සමහර විට open වෙන්න කලින් ඔයාලගෙන් confirm dialog එකක් අහාවි. එතකොට ඒකට yes කියල ලබාදෙන්න. ඊට පස්සෙ එක එක Tabs වලට මාරු වෙලා ඔයාට ඕන කරන විස්තර බලාගන්න පුලුවන්.

---------------------------------------------------------------------------------------------------------------------------
ඔයාට මේ post එක වැදගත් කියල හිතෙනවනම් කාට හරි ඒකෙන් ප්‍රයෝජනයක් ගන්න මේක share කරන්න. තව ඉතින් මේකට Like එකක් දාල comment එකක් දාල යන්නත් අමතක කරන්න එපා.

Welcome Screen එකේ පසුබිම් පිංතූරය වෙනස් කිරීම

2011-12-08T06:54:00.001-08:00

Windows 7 සඳහා -------------------------------------------------------------------------------------------------
දැන් මම කියන්න යන්නෙ Windows Computer එකක Welcome Screen එකේ Background Picture එක කොහොමද අපිට ඕන picture එකක් බවට පත්කරන්නෙ කියලා. ඒක හරිම ලේසි වැඩක්. ඕන කරන්නෙ හොඳ ලස්සන පිංතූරයක් විතරයි.හැබැයි ඉතින් මේ ක්‍රමේ හරියන්නෙ Windows 7 වලට විතරයි. Windows XP වලට කරන ක්‍රමය මන් ඊලඟට කියන්නම්.
අපේ Computer එකේ welcome screen එකේ background picture එක තියෙන්නෙ සාමාන්‍ය folder එකක්. ඉතින් අපි මේ folder එකට ගිහින් ඒකෙ තියෙන picture එක වෙනුවට අපිට ඕනා කරන picture එකක් දානවා. එච්චරයි.
දැන් අපි බලමු කොහෙද මේ folder එක තියෙන්නෙ කියලා.
ඔය මං පහල දාල තියෙන path එක තමා folder එකට path එක. ඔයාට පුලුවන් මන් මේ පහල දාල තියෙන path එක copy කරගෙන ඔයාගෙ Run Window එකේ මේක paste කරලා Enter key එක press කරන්න. Run Window එක open කරගන්න දන්නෙ නැතිනම් මේ post එක බලන්න. ඒකෙ තියෙනවා Run Window එක open කරන හැටි. එතකොට ඒ අදාල folder එකට යනවා.

C:\Windows\System32\oobe\info\backgrounds

ඊට පස්සෙ ඔයා දාන්න බලාපොරොත්තු වෙන picture එක මේ folder එකට paste කරන්න. එහෙම නැත්නම් ඇදල දාන්න. ඊට පස්සෙ කලින් තිබ්බ picture එක right click කරල rename කරන්න මුලට මොකක් හරි අකුරක් දාල. මොකද ඔයා දාපු picture එක ආපහු මුල එක බවට පත් කරගන්න ඔයාට ඕනෙ උනොත් අපහු ඒක rename කරන්න විතරයි තියෙන්නෙ. ඊට පස්සෙ අර ඔයා අලුතෙන් දාපු picture එක right click කරලා rename කරන්න කලින් picture එක තිබුන නමින්. ඒ කියන්නෙ backgroundDefault.jpg කියල (සමහර විට ඔයාගෙ Computer එකේ .jpg කියන කොටස පේන්නෙ නැතිව ඇති. එහෙම නම් ඒ කෑල්ල නැතිව backgroundDefault කියල විතරක් දාන්න නමට.). දැන් වැඩේ හරි.
හැබැයි මේකට ඔයා Log වෙලා ඉන්න Account එක Admin Account එකක් වෙන්න ඕනෙ. තව එකක් තියෙනවා මතක තියාගන්න. ඔයා දාන Picture එක ඔයාගෙ Screen එකේ size එකට සමාන උනොත් තමයි ඒක ලස්සනටම පෙන්නෙ. පොඩි උනොත් නම් upset ම වේවි. දාලම බලන්නකෝ.

Windows XP සඳහා ---------------------------------------------------------------------------------------------
දැන් අපි බලමු කොහොමද Windows XP එකක Welcome screen background එක වෙනස් කරන්නෙ කියලා.
මේකටනම් ඉතින් ඔයාගෙ Computer එකේ Registry එක ටිකක් වෙනස් කරන්න වෙනවා. ඒකට මම මේ කියල තියෙන විදියට කරන්න..
මුලින්ම ඔයාගෙ Run Window එක open කරගෙන ඒකෙ regedit කියල type කරන්න. ඊට පස්සෙ Keyboard එකේ enter key එක press කරන්න. එතකොට ඔයාව Registry එකට යාවි. ඒක මම මේ පහල දාල තියෙනවා වගේ එකක්. ඒකෙ වම් පැත්තෙ තියෙන set එකෙන් ඔය මම පහල දාල තියෙන එක තෝරගන්න.

Registry එකේ මොකක් හරි වෙනසක් කරන්න කලින් ඒ වෙනස් කරන්න යන value එක කලින් Backup කරගන්න එක තමා හොඳ. මොකද බැරි වෙලාවක් වත් මොනවාහරි වැරැද්දක් උනොත් ආපහු කලින් තිබුන value එක ඒ backup file එක double click කරල restore කරගන්න පුලුවන්. ඔයාට කරගන්න ඕනෙ value එක select කරල උඩ තියෙන file menu එකෙන් export කියන එක click කරන්න. එතකොට ඔයාට ඒක file එකක් විදියට නමක් දීල save කරගන්න පුලුවන්.
ඊට පස්සෙ ඔය මම කහ පාටින් highlight කරල තියෙන එක double click කරන්න. එතකොට අලුත් window එකක් open වෙනවා.

ඒකෙ ඔය ඊතලේ තියෙන තැන ඔයාට background එක විදියට දාන්න ඕනෙ picture එකේ full path එක දාන්න. හැබැයි ඔයා දාන එක එකක් වෙන්න ඕනෙ. නැත්නම් වැඩ කරන්නෙ නෑ. ඊට පස්සෙ එක OK කරන්න. දැන් වැඩේ ඉවරයි.
---------------------------------------------------------------------------------------------------------------------------ඔයාට මේ post එක වැදගත් කියල හිතෙනවනම් කාට හරි ඒකෙන් ප්‍රයෝජනයක් ගන්න මේක share කරන්න. තව ඉතින් මේකට Like එකක් දාල comment එකක් දාල යන්නත් අමතක කරන්න එපා. එහෙනම් නැවත හමුවෙන තුරු ආයුබෝවන්

පරිගනකය Startup වෙන්න යන කාලය අඩු කරගන්නෙ කොහොමද..

2011-12-07T06:13:00.001-08:00

අපි අපේ පරිගනකය ක්‍රියාත්මක කරලා ඒකෙන් වඩක් කරන්න පටන් ගන්න කොච්චර වෙලාවක් යනවද? මේ කාලය රඳා පවතිනවා ගොඩක් කරුනු මත. ප්‍රධානවම OS එක අනුව. ඊලගට වැඩිපුරම බලපාන්නෙ පරිගනකය ක්‍රියාත්මක වෙද්දි කොච්චර application ගානක් ක්‍රියාත්මක වෙනවද කියන එක.

ගොඩක් වෙලාවට මේ ක්‍රියාත්මක වෙන application අපිට ඕනෙ ඒවා නෙමේ. සමහර ඒව අපිට start up එකේදි ඕනෙ වෙන්නෙ නෑ. ඉතින් මේ run වෙන එක අපි නැවැත්තුවොත් අපේ පරිගනකය ක්‍රියාත්මක වෙන්න යන කාලය ගොඩක් දුරට අඩුකරගන්න පුලුවන්. ඒ වගේම අපිට කරදර කරන application, ඒවගේම විශේශයෙන්ම අපිට කරදර කරන වයිරස් බොහෝ දුරට අඩු කරගන්න පුලුවන්. ඉතින් මන් මේ ලිපියෙන් ඒ application start up දි run වෙන එක නවත්තන්න තමා කියල දෙන්න යන්නෙ.

මුලින්ම අපි බලමු කොහොමද මේ application start up එකේදි run වෙන විදියට හදන්නෙ කියලා. ඒකට ක්‍රම දෙකක් තියෙනවා. එකක් තමයි start up කියන folder එකට ඒ application එකේ short cut එකක් දාන එක. අනිත් ක්‍රමේ තමයි පරිගනකෙයේ registry එකේ ලියන එක.

බොහෝ විට ඉතින් ඔය ක්‍රම දෙකෙන් දෙවෙනි එක තමයි භාවිතා වෙන්නෙ. ඒත් අපි මුලින්ම පලවෙනි ක්‍රමේ බලමු.

අපේ windows computer එකේ තියෙනව start up කියල folder එකක්. ඒක අතුලෙ තියෙන හැම exe file එකක්ම අපේ පරිගනකය ක්‍රියාත්මක වෙනකොට run වෙනවා.

අපි බලමු මේ folder එක කොහෙද තියෙන්නෙ කියලා. මුලින්ම ඔයාගෙ start button එක click කරන්න. ඊට පස්සෙ All Programs යන්න. දැන් ඔතන තියෙනවා Start up කියල folder එකක්. ඒක click කරාම ඒ folder එක open වෙනවා.

දැන් ඉතින් ඔය folder එක අතුලෙ අනවශ්‍ය programs එහෙම තියෙනවනම් ඒව මකලා දාන්න.

ඊලගට බලමු අනිත් ටික අයින් කරන විදිය. ඒක තමා වඩා වැදගත් වෙන්නෙ. මොකද ගොඩක් application මෙන්ම වයිරස් පරිගනකය start වෙනකොටම run වෙන්න හදල තියෙන්නෙ එතනින්. ඒ කියන්නෙ registry එකෙන්. ඒත් අපිට registry එක අත පත ගානවට වඩා ලේසි ක්‍රමයක් තියෙනවා ඔය අනවශ්‍ය application run වෙන එක නවත්තන්න.

ඒකට ඉස්සෙල්ලම run window එක open කරගන්න ඕනෙ. මුලින්ම ඔයාගෙ start button එක click කරන්න. ඊලඟට එතනින් All programs ගන්න. ඊට පස්සෙ Accessories . ඊට පස්සෙ ඒක අතුලෙ තියෙනව Run කියලා.

එහෙම නැත්නම් ඔයා use කරන්නෙ Windows 7 නම් start button එක click කරපු වම පහලම තියෙන search text එකේ run කියල type කරන්න. එතකොට Run එක search වෙනව. ඊට පස්සෙ Enter key ගහපුවම හරි.

ඔයාගෙ තියෙන්නෙ Windows XP නම් Keyboard එකේ Ctrl key එක එක්ක R key එක ගහන්න. එතකොට නිකන්ම Run එක open වෙනවා.

දැන් ඔයාට ඔය මම පහළින් දාල තියෙනවා වගේ එක වෙලා ඇති.

දැන් ඒ open උන run window එකේ msconfig කියලා type කරල Enter key එක ඔබන්න. එතකොට අලුත් window එකක් open වේවි. ඒකෙන් Start up කියන tab එක තෝරගන්න. දැන් ඔය පහලින් tik දාල තියෙන application තමයි ඔයාගෙ computer එක start වෙද්දි run වෙන programs.
හැබැයි ඒවගෙන් Manufacturer කියන එකට අදාලව Microsoft කියල තියෙන ඒවනම් ඔයාගෙ OS එකත් එක්ක Microsoft එකෙන් ආපුවා. ඒවනම් untik කරන්න එපා. තව Manufacturer එකට අදාලව ඔයා install කරපු software එකක නමක් තියෙන ඒවත් ඔයාට ඒ software එක computer එක start වෙනකොට run වෙන්න ඕනෙ නම් ඒවත් untik කරන්න එපා. හැබැයි බොහෝ වෙලාවට Manufacturer එකට අදාලව Unknown කියල තියෙන්නෙ නම් එච්චර හොඳ application නෙමේ. ඒවා ඔයා දන්න ඒවා නෙමේ නම් untik කරන එක තමා හොඳම වැඩේ.

බැරි වෙලාවත් ඔයා ඔයාට ඕන කරන application එකකුත් untik කරල තිබුනොත් ඊලඟ පාර computer එක on කරද්දි ඒ application එක run වෙන්නෙ නෑ. ඒක ඔයාට ප්‍රශ්නයක් වෙන්න පුලුවන්. ඒක නිසා ඔයා මොන application එක untik කරත් ඒ දේ කරන්න කලින් ඒ කරපු නම කොහෙ හරි ලියාගත්තොත් ඇගට ගුන වේවි. නැත්නම් අයෙත් ඔක්කොම ටික tik කරන්න වේවි.

දැන් ඉතින් ඔයා ඔයාට අනවශ්‍ය application untik කරලා පහලින් තියෙන Apply button එක ඔබන්න. ඊට පස්සෙ OK button එක එබුවම වැඩේ හරි. සමහර විට ඔය මම දාල තියෙනවා වගේ message එකක් ඒවි. ඒකෙන් දෙවෙනි option එක තෝරගන්න. ඒ කියන්නෙ Exit without restart කියන එක.

දැන් ඉතින් බලන්න කලින්ට වඩා computer එකේ start up එක speed උනාද, ඔයාට වද දෙන application run වෙන එක නැති උනාද, වයිරස් එහෙම අඩු උනාද කියලා. බලලා ඔයාට මේ post එක වැදගත් කියල හිතෙනවනම් කාට හරි ඒකෙන් ප්‍රයෝජනයක් ගන්න මේක share කරන්න. තව ඉතින් මේකට Like එකක් දාල comment එකක් දාල යන්නත් අමතක කරන්න එපා. එහෙනම් නැවත හමුවෙන තුරු ආයුබෝවන්.

Close කරගන්න බැරි Application එකක් කොහොමද Close කරන්නෙ...

2011-12-07T01:00:00.001-08:00

අපි computer එකේ වැඩ කර කර ඉන්න කොට සමහර application struck වෙනවා. ඒ කියන්නෙ හිර වෙනවා. එතකොට ඒවගෙ close button එක කොච්චර click කරත් close වෙන්නෙ නැතුව යනව ටිකක් වෙලා යනකන්. හැබැයි ඉතින් අපිට එච්චර වෙලා බලාගෙන ඉන්න බැරි නම් ඒක බලෙන්ම close කරලා දාන හැටි තමා මන් දැන් කියන්න යන්නෙ.

හැබැයි මතක තියාගන්න ඕන දේවල් ටිකක් තියෙනවා. ඔයා එහෙම බලෙන්ම close කරාම එච්චර වෙලා ඔයා කර කර හිටපු වැඩේ (ඒ application එකෙන්) නැතුව යනවා. ඒ වගේම තමයි ඔයා එක බලෙන්නෙ කරන්න යන්නෙ. ඒක ඉතින් හැම තිස්සෙම කරන එක නම් එච්චර හොඳ නැහැ. හැබැයි ඉතින් කොහොමත් මම නම් computer එක on කරපු වෙලාවෙ ඉදන් දහ දොලොස් පාරක් වත් ඔය වැඩේ කරනවා. ඒත් ඉතින් ඒක හොඳ නැහැ.

අපි මේක කරන්න යන්නෙ TaskManager කියන Windows Application එක මගින්. ඒකෙ තියෙනව application එක close කරන්න ක්‍රම දෙකක්. එකක් නම් normally close කරනවා වගේම තමයි. ඒත් එකත් සමහර application හිර උන වෙලාවට වැඩ කරන්නෙ නැහැ. ඒත් දෙවෙනි ක්‍රමේ නම් ඕන application එකක් ඕනම් වෙලාවක close කරගන්න යොදාගන්න පුලූවන්. අපි බලමු මොකක්ද ඒ දෙවෙනි ක්‍රමේ කියලා.

මුලින්ම ඔයා කරන්න ඕනෙ TaskManager open කරගන්න එක. ඒකට ක්‍රම කිහිපයක් තියෙනවා. ලේසිම ක්‍රමේ කීවම ලේසිනෙ. ඒක නිසා ඒක මුලින්ම කියන්නම්

Keyboard එකේ Ctrl + Shift + Esc කියන keys තුන එක සැරේ ඔබන්න.

එහෙම නැත්නම් Alt + Ctrl + Delete කියන keys තුන ඔබන්න. බොහෝ වෙලා වට එතකොට open වෙන්නෙ menu එකක්. ඒකෙන් ඔයාට TaskManager තෝරගන්න පුලුවන්.
එහෙමත් නැත්නම් ඔයාගෙ ඩෙස්ක්ටොප් එකේ යටම තියෙනවනෙ bar එක. ඒක උඩ Right Click කරලා TaskManager තෝරගන්න.

තවත් ඉතින් ක්‍රම තියෙනවා. ඔය මදැයි දැනට.

ඔය එක ක්‍රමේ කට TaskManager Open කරගත්තම ඔය මම පහලින් දාල තියෙනව වගේ window එකක් ලැබේවි. ඒකෙන් අපි select කරගන්න ඔනෙ Processes Tab එක. ඒ Tab එක select කරාම දැන ඔයාගෙ computer එකේ run වෙන ඔක්කොම applications බලාගන්න පුලුවන්.

දැන් ඉතින් කරන්න තියෙන්නෙ ඔය අතරින් ඔයාට close කරන්න ඕනෙ application එක තෝරගන්න එක. ඒ වැඩේ ටිකක් විතර අමාරුයි. මොකද ඔයා වරදි එකක් තෝරල ඒක end කරොත් computer එක shutdown වෙන්න උනත් පුලුවන්. ඒක නිසා ඉස්සෙල්ලම ඔයා එක උනාට අවුලක් නැති කරගන්න. ඒ කියන්නෙ ඔයා කර කර හිටපු වැඩ ටික එහෙම save කරල ඉන්න. ඊට පස්සෙ ඔය මම කහ පාටින් highlight කරල තියෙන ඒවට අතවත් තියන්න එපා. මොකද ඒව OS මගින් කරන Processes .ඒවගෙ Username එක System කියල ඇති. එහෙම නැත්නම් හිස්ව ඇති. ඒත් ඔයාගෙ Computer එකේ Username එකෙන් තියෙන ඕන එකක් close කරාට වඩි අවුලක් යන්නෙ නෑ. වෙන්නෙ ඒ අදාල application එක close වෙන එක විතරයි.

දැන් අදාල process එක selec කරලා ඔය දකුණු පැත්තෙ තියෙන End Process කියන button එක press කරන්න. එතකොට ඔයාගෙන් අහනවා කරන්න close ඔනෙද කියලා. ඒකට End Process කියල දෙන්න. එතකොට ඒ application එකම close වෙලා යනවා. එච්චරයි. පලවෙනි පාර උනේ නැත්නම් තව පාරක් කරල බලන්න. කොහොමත් පලවෙනි පාරෙන්ම වෙනවා. එහෙමත් උනේ නැත්නම් ඉතින් computer එක restart කරන්නම වෙනවා.

සාමාන්‍යයෙන් ඔය TaskManager එකේ Processes නම තියෙන්නෙත් අදාල application එකේ නමින් ම තමා. ඒක නිසා ඒ අදාල process එක හොයාගන්න එක එච්චර අමාරු වෙන එකක් නෑ. කොහොම උනත් නිකන් ඉන්න ගමන් ඔයාගෙ TaskManager එක open කරල බලන්න මොනවද run වෙන processes කියල. මොකද එතකොට කවද හරි case එකක් ගිය වෙලාවකට ඔයාට පොඩි මතකයක් හරි තියෙනව මොනවද සාමන්‍යයෙන් තිබ්බ processes කියලා. එතකොට අලුත් එක නිකන්ම end කරල දාන්න පුලුවන්.

ඔයාගෙ computer එකේ run වෙන ඔක්කොම application ඔය Window එකේ පෙන්නනවා කිව්වනෙ. ඉතින් වයිරසුත් පෙන්නනව processes හැටියට. ඉතින් ඔයාට ඒ virus process එක වෙනම අදුරගන්න පුලුවන් නම් ඒ වයිරස් එක end කරල දාන්න පුලුවන්. ඒකට ඉතින් ඔයා TaskManager එක හැම තිස්සෙම open කරල කරල පුරුද්දක් තියෙන්නත් ඕනෙ. අපි වෙනත් ලිපියකින් බලමු කොහොමද වයිරස් ගාඩ් නැතිව ගොඩක් වයිරස් වලින් බේරෙන්නෙ කියලා.

ඔයාට මේ ලිපිය යම් විදියකින් ප්‍රයෝජනවත් උනා නම් මේකට මොනව හරි comment එකක් දාල share කරන්න. ඒක මට වගේම තව කෙනෙකුට කරන උදව්වක්. එහෙනම් ඊලඟ ලිපියෙන් හමුවෙන තුරු BYE

ඔබට බෙහෙවින් ස්තුතියි මාගේ මේ ලිපිය කියෙව්වට.

Thank You so much for reading this post by me. Good Luck

නොමිලේ වෙබ් අඩවියක් අන්තර්ජාල ගතකිරීම

2011-12-05T12:22:00.000-08:00

මම දැන් කියල දෙන්න යන්නෙ ඔයාලට ගොඩක් වැදගත් වෙන දෙයක්. ඒ කියන්නෙ ඔයාල හදාගත්ත වෙබ් එකක් කොහොමද නොමිලේම අන්තර් ජාලයට එක් කරන්නෙ කියලා. 

ඕනම වෙබ් page එකක් වෙබ් එකට දාන්න නම් අපිට ප්‍රධාන වශයෙන් කරන්න දේවල් දෙකක් තියෙනවා.

මුලින්ම අපි හදපු වෙබ් page එක host කරන්න ඕන.
ඊලඟට අපි domain name එකක් අරන් ඒක අපේ page එකට සම්බන්ද කරන්න ඕනෙ.

අපි බලමු මොනාද මේ domain names, hosting කියන්නෙ කියල.

අපි මේකෙ උදාහරණෙට ඉතින් හැමෝම දන්න facebook එකම ගනිමු.

අපි facebook එකට යන්න ඕන උනාම සාමාන්‍යයෙන් කරන්නෙ අපේ browser එක open කරල එකෙ address bar එකේ www.facebook.com කියල ගහන එකනෙ.මේ අපි type කලේ domain name එක.

ඒ කියන්නෙ වෙබ් page එකේ name එක.ඕක type කරාම වෙන්නෙ ඔය නමට අදාලව තියෙන address  එක හොයාගෙන ඒ address එකට අදාල server එක හොයාගෙන ඒ server එකේ තියෙන වෙබ් page එක අපෙ browser එකේ පෙන්නන එක. හැබැයි ඉතින් මේක සරල පැහැදිලි කිරීමක් විතරයි අපේ වැඩේට ඕන වෙන. අපි වෙනම ලිපියකින් බලමු කොහොමද මේ දේවල් හරියටම වෙන්නෙ කියල.

දැන් අපි බලමු කොහොමද මේ වැඩ දෙක කරගන්නෙ කියල.

මුලින්ම අපි වෙබ් page එකක් හදා ගන්න ඕන. (හදල නැතිඋනත් කමක් නෑ ඉතින්)

ඊට පස්සෙ අපි හදපු වෙබ් page එක හොස්ට් කරන්න ඕනෙ. දැන් අපිට ඕනෙ මේ වැඩේ නොමිලේ කරගන්නනෙ. ඒකට ඉතින් නොමිලේ වෙබ් hosting service එක සපයන වෙබ් page එකක් හොයාගන්න ඕනෙ. අපි google එකෙන් try කරල බලමු එහෙම වෙබ් page එකක් හොයාගන්න.

මුලින්ම ඔයාගෙ වෙබ් browser එකට ගිහින් address bar එකේ www.google.com කියල ගහන්න. ඊට පස්සෙ ඔයා google site එකට යනවා. ඒකට ගියාට පස්සෙ ඔයාට search කරන්න ඕන දේ type කරන්න. ඊට පස්සෙ search button එක press කරන්න.

දැන් ඉතින් අපිට search කරන්න ඕනෙ free වෙබ් hosting දෙන site එකක්නෙ. එහෙනම් අපි type කරම free වෙබ් hosting service කියල.

මට ආපු list එක තමා ඔය දාල තියෙන්නෙ. ඔයාලටත් ඊට සමාන list එකක් ඇවිත් අති. දැන් මම අපේ වඩේට තෝරගන්නෙ http://www.000webhost.com කියන site එක. 

දැන් අපිට ඒ site එකට ගිහින් register වෙන්න සිද්ද වෙනවා. අපි බලමු කොහොමද ඒක කරන්නෙ කියල.

Step 1:

මුලින්ම http://www.000webhost.com වෙබි site එකට යන්න. එකට ඔයාලට address එක type කරන්න පුලුවන් http://www.000webhost.com කියල. එහෙම නැත්නම් මේ ලින්ක් එක click කරන්න.

එතකොට ඔයාලට මේ වගේ site එකක් දැක ගන්න පුලුවන් වේවි.

ඊට පස්සෙ කරන්න ඕන එකෙ register වෙන එක. 

ඒකට ඔය ලොකුවට Sign Up! කියල තියෙන button එක click කරන්න. එහෙම නැත්නම් මේ ලින්ක් එක click කරන්න.

‍ඊට පස්සෙ ඔයාලට මම පහළින් දාල තියෙනව වගෙ form ඒකක් ලැබෙයි.

අපි බලමු ‍‍කොහොමද මේ form එක fill කරන්නෙ කියල.

Step 2: 

මුලින්ම් ඔයා තීරනය කරන්න ඕනා කොහොම domain එකක්ද ඔය use කරන්න බලාපොරොත්තු වෙන්නෙ කියලා. මෙතන තේරීම් දෙකක් තියෙනවා. එකක් තමයි ඔයගෙම domain එකක් use කරන එක. එහෙම එකක් නැත්නම් 000webhost site එකෙන් දෙන domain එකක් use කරන්න පුලුවන්.

දැන් ඉතින් අපි මේ නොමිලේ වෙබ් එකක් හොස්ට් කරන්නනෙ යන්නෙ. ඉතින් අපිට කොහෙන්ද අපේම domain. ඉතින් අපි තෝරගන්න ඕනෙ දෙවෙනි එක. ඒ කියන්නෙ අපි පුරවන්න ඕනෙ අංක දෙකෙන් දැක්වෙන කොටුව. ඒකට ඔයාට ඕන නමක් type කරන්න. 

හැබැයි අපි type කරපු නම තව කවුරු හරි කලින් අරන් තියෙනව නම් අපිට ඒක පාවිච්චි කරන්න බැහැනෙ.

‍‍‍‍‍‍‍එහෙම උනොත් අපිට අන්තිමට error එකක් ඒවි අපි තෝරපු domain එක අපිට use කරන්න බැහැ කියල.
එතකොට ඉතින් ආපහු වෙන නමක් එතන type කරන්න වෙනවා. කමක් නෑ. ඒක ඒ වෙලාවට බලමුකො. ඊලඟට අංක තුනෙන් පෙන්නල තියෙන්නෙ ඔයාගෙ නම type කරන්න ඕන තැන. එතන ඔයාගෙ නම type කරන්න. ඊලඟට හතර කියල තියෙන තැන ඔයාගෙ email address එක type කරන්න. ඔයාට email එකක් නැත්නම් ඉතින් අලුත් එකක් හදාගන්නම වෙනවා. ඊට පස්සෙ ඒක ඒ අදාල කොටුවෙ type කරන්න.ඊට පස්සෙ පස්වෙනි කොටුවෙ ඔයාගෙ password එක type කරන්න. ඒකටනම් ඔයාට ඕනම password එකක් type කරන්න පුලුවන්. ටිකක් දිග password එකක් type කරන්න. එක අනිවාර්යෙන්ම අඩුම ගානෙ ඉලක්කම් එකක් හා අකුරු එකක් තියෙන්න ඕන. තව මොනාහරි අකුරු හයකට වඩා තියෙන්නත් ඕනා. ඊට පස්සෙ හයවෙනි කොටුවෙත් ඔයා අර කලින් type කරපු password එකම type කරන්න. ඊට පස්සෙ හත්වෙනි කොටුවෙ type කරන්න තියෙන්නෙ ඊට උඩින් තියෙන පිංතූරෙ තියෙන අකුරු ටික. ඒ ට්ක ඔයාගෙ තියෙන විදියටම type කරන්න ඕනෙ. දැන් ඔය මන් දාල තියෙන උදාහරනෙ නම් තියෙන්නෙ amoreta Frank, කියල වචන දෙකක්. ඔයාගෙ තියෙන එක තමා ඔයා type කරන්න ඕනෙ. ඊට පස්සෙ ඉතින් ඔය පහල තියෙන ටික් එක දාල create my account කියන button එක click කරන්න.දැන් ඉතින් ඔයා හරියට form එක පුරවල තිබුනනම් ඔයාට account එකක් create වෙලා පහල දාල තියෙන විදියෙ window එකක් ලැබෙනවා.

හැබැයි ඉතින් මොනාහරි වරදි නම් ඔයාට error එකක් ඒවි. බොහෝ දුරට වෙන්න පුලුවන් දේවල් තමයි

ඔයා තෝරපු domain name එක කලින් කවුරු හරි අරගෙන තියෙනව.

ඔයා enter කරපු email address එක වැරදි එකක්.

ඔයා enter කරපු password දෙක හරියට ගලපෙන්නෙ නෑ.

ඔය දේවල් ටික ආපහු සැරයක් බලලා අයෙත් උත්සාහ කරන්න.

ඔයාගෙ form එක සාර්ථක නම් ඊලඟට කරන්න තියෙන්නෙ ඔයාගෙ account එක validate කරන එක. ඒකට කරන්න තියෙන්නෙ ඔයාගෙ email account එකට ගිහින් දැන් 000webhost site එකෙන් එවල තියෙන email එක open කරල ඒකෙ තියෙන ලින්ක් එක click කරන එක. ඔය පෙන්නල තියෙනව වගේ email එකක් ඔයාලටත් ඇවිත් ඇතිනෙ. ඒකෙ උඩින් තියෙන link එක click කරන්න. එතකොට ඔයාගෙ registration එක සම්පූර්ණ වෙනවා. ඊට පස්සෙ ඔයාගෙ පහලින් දාල තියෙනව වගේ page එකක් ලැබේවි. ඒකෙ තියෙනවනෙ ඔය Refresh Status කියල link එකක්. ඒක කිහිප වතාවක් click කරාම හරි.

ඊට පස්සෙ ඔයාට අලුත් page එකක් ලැබේවි ඔය මම පහලින් දාල තියෙන picture එක වගේ.ඒකෙ තියෙනවනෙ link එකක් Goto CPanel කියල. ඊලගට ඒ link එක තමයි click කරන්න ඕනෙ. එතකොට ඔයාලව අලුත් page එකකට browse වේවි. ඒකෙන් තෝරගන්න ඕනෙ File Manager කියන එක. ඒකෙන් තමා අපි අපේ වෙබ් page එක හොස්ට් කරන්න යන්නෙ.

ඊට පස්සෙ සමහර විට ඔයාගෙන් Username එකකුයි Password එකකුයි ඉල්ලයි. සාමන්‍යයෙන් නම් Username එක ඒකෙ ගහලමයි තියෙන්නෙ. බැරි වෙලාවත් එහෙම නැති උනොත් ආපහු අර කලින් page එකෙන් තමයි Username බලාගන්න වෙන්නෙ. ඒ page එකේ දකුණු පත්තෙ උඩ තියෙන්ව Username කියල. ඒ Username එක අර අලුත් page එකට ගහල ඔයාගෙ password එකත් ගහල ලොග් වෙන්න. ඊට පස්සෙ ඔය මම දාල තියෙනව වගේ page එකක් ඔයාටත් ලැබේවි. ඒක තමා ඔයාගෙ හොස්ට් කරන්න යන server එකේ host කරන්න යන තැන. 

එතනින් public_html කියන ලින්ක් එක click කරන්න. එතකොට ඔයාව අලුත් folder එකකට යාවි.

එතෙන්ට තමයි ඔයාගෙ වෙබ් page එක upload කරන්න ඕනෙ. ඒකට එතන උඩ තියෙන upload කියන button එක ඔබන්න. දැන් තියෙන්නෙ ඔයාගෙ මුලු වෙබ් site එකම මේකට upload කරන එක. ඔයාගෙ වෙබ් site එකේ තියෙන්නෙ එක page එකක් විතරනම් එච්චර දුක් විඳින්න ඕනෙ නෑ. එතකොට කරන විදිය පහලින් තියෙනව.

දැන් ඔයාගෙ compter එකේ ඔයාගෙ වෙබ් site එක තියෙන තැනට ගිහින් ඒ site එකම zip file එකක් කරන්න. මම දාල තියෙන picture එක වගේ ඔයාගෙ වෙබ් එකට අදාල ඔක්කොම files ටික select කරල right click කරල send to compressed zipped folder කරන්න. එතකොට අලුතින් .zip file එකක් හැදෙනව. ඒ එක තමයි අපි upload කරන්නෙ. 

ඊට පස්සෙ අර අපිට අන්තිමට ආපු වෙබ් එකේ දකුණු පැත්තෙ තියෙන Browse button එක click කරන්න. එතකොට ඔයාට upload කරන්න තැනක් පෙන්නනවනෙ. ඒකට අර අලුතෙන් හැදුන .zip file එක select කරන්න. ඊට පස්සෙ එකේ උඩින් තියෙන කොල පාට හරිය click කරන්න. එතකොට අර file එක upload වෙනවා. හැබැයි ඒකට නම් ටිකක් වෙලා යාවි ඔයාගෙ connection එකේ speed එක අනුව. කොහොමහරි අන්තිමට ඔයාලට මේ වගේ window එකක් ඒවි. ඊට පස්සෙ කරන්න තියෙන්නෙ ඔය කොල පාට හරියක් ආපහු ඔබල back යන එක.back යන්න ඊට මෙහා පැත්තෙ තියෙන ඊතලේ click කරන්න. 

දැන් ඉතින් ඔයා වෙබ් page එක හොස්ට් කරල ඉවරයි. හැබැයි මතක තියාගන්න ඕනෙ තව කාරණයක් තියෙනවා. ඒක තමයි කවුරු හරි ඔයාගෙ වෙබ් page එකට යද්දි ඉස්සෙල්ලම පෙන්නන්නෙ index file එක. එහෙම file එකක් ඔයා upload කරල තිබුනෙ නැත්නම් ඒ folder එකේ තියෙන files list එකක් තමයි පෙන්නන්නෙ. ඒක නිසා ඔයාගෙ වෙබ් site එකේ තියෙන්නෙ එක page එකක් විතරනම් ඒ page එක index.html කියාල rename කරන්න. ඒක php file එකක් නම් index.php කියල rename කරන්න. ඔයාගෙ page කිහිපයක් තියේ නම් අනිවාර්යයෙන්ම එකක් index කියල rename කරන්නම වෙන්වා.

දැන් ඉතින් වැඩේ නම් ඉවරයි. දැන් ඉතින් තියෙන්නෙ test කරල බලන එක තමයි. ඒකට අර මුලින්ම ඔයා type කරපු domain name එක browser එකේ ගහල බලන්න.

මේ පිංතූරෙ අංක දෙකෙන් දාල තියෙන තැන ඔයා type කරපු name එක තමා ඔයාගෙ domain name එක. එතකොට ඔයාගෙ වෙබ් page එකේ URL එක වෙන්නෙ ඔය මුලු part එකම. මගෙ උදාහරනෙ හැටියට නම් browser එකේ www.newmydomain.netne.net ගැහුවම හරි. Test කරල බලන්න. 

මේකට අපිට නොමිලේ 000webhost site එකෙන්ම domain name එකකුත් දීපු නිසා වෙනම domain name එකක් හදන්න ඕනෙ උනේ නෑ. එහෙම දෙන්නෙ නැති site එකකින් හොස්ට් කරද්දි කොහොමද නොමිලේ domain name එකක් ගන්නෙ කියල අපි වෙනම ලිපියකින් බලමු.

ඔයාට මේ ලිපිය යම් විදියකින් ප්‍රයෝජනවත් උනා නම් මේකට මොනව හරි comment එකක් දාල share කරන්න. ඒක මට වගේම තව කෙනෙකුට කරන උදව්වක්. එහෙනම් ඊලඟ ලිපියෙන් හමුවෙන තුරු BYE

ඔබට බෙහෙවින් ස්තුතියි මාගේ මේ ලිපිය කියෙව්වට.

Thank You so much for reading this post by me. Good Luck