NAGORE FLASH

கைது செய்யப்பட்ட MGK நிஜாமுதீன் அவர்கள் விடுதலை

noreply@blogger.com (.) — Mon, 19 Feb 2018 00:28:00 +0530

முன்னதாக நாகூர் கந்துரிக்கு வருகை தந்த ஆளுநர் Banwarilal Purohit அவர்களுக்கு நிலக்கரியால் நாகூர் மக்கள் அடைந்துவரும் துன்பங்களை தெரிவிக்கும் முகமாக ஆளுநருக்கு நிலக்கரி மாலை அணிவிக்கப்படும் என அறிவிப்பு செய்து இருந்தார் சகோதரர் MGK நிஜாமுதீன் அவர்கள்.

இதன் பெயரில் இன்று அதிகாலை MGK யை கைது செய்து திட்டச்சேரி காவல்நிலையத்தில் வைத்தனர். இந்நிலையில் தற்போது நாகூர் காவல் நிலையம் அழைத்து வரப்பட்டு சரியாக 11:00 PM மணியளவில் விடுதலை செய்யப்பட்டுள்ளார்.

கைது நடவடிக்கையின் போது கண்டனத்தை பதிவு செய்தவர்களுக்கும், நேரில் சென்று ஆறுதலும், வாழ்த்தும் தெரிவித்த அனைத்து நல் உள்ளங்களுக்கும், மனித நேயத்தோடு சட்ட விதிகளுக்கு உட்பட்டு நடந்து கொண்ட காவல் துறைக்கும் நன்றி தெரிவிப்பதாக MGK தோழமைகள் வாட்ஸ ப் குழுமம் சார்பாக அறிவிக்கபட்டுள்ளது.

நாகூர் மக்களே உங்களை நீங்களே கேவலபடுத்தி கொள்ளாதீர்கள்

noreply@blogger.com (.) — Wed, 31 Jan 2018 01:32:00 +0530

நாகூர் ஜனவரி 31:

நிலக்கரி இறக்குமதி செய்யும் மார்க் துறைமுகத்தை பற்றி நிறைய பேசப்பட்டுவிட்டது, நிறைய எழுதப்பட்டுவிட்டது , இதற்காகவே அமைப்புகள் துவங்கப்பட்டு ஒன்றுக்கு இரண்டு வழக்குகள் போடபட்டுவிட்டது எனினும் இன்னும் நமக்கான தீர்வு கிடைக்கவில்லை.

நம்மிடையே அனேக அமைப்புகள் , இயக்கங்கள் , ஜமாஅத்கள் என வேறுபட்டு பாரபட்சத்தோடு பயணித்தாலும் நிலக்கரி துகள்கள் உண்டாக்கும் பதிப்புகளுக்கு எந்த பாரபட்சமும் இல்லை. அதனால் தான் என்னோவோ இயக்கங்கள் வேறுபட்டாலும் முழக்கங்கள் ஒன்றாக இருக்கிறது நிலக்கரிக்கு எதிராக..அமைப்பு பெயர்கள் வெவ்வேறு இருந்தாலும் ஒவ்வொரு அமைப்பும் ஒவ்வொரு கோணத்தில் நிலக்கரிக்கான போராட்டங்களை முன்னெடுத்து வருகிறது. வரவேற்கதக்கது.

இப்படி தனிதனியாக போராடுவதைவிட ஒன்றாக ஒற்றுமையாக சேர்ந்து போராட்டம் செய்தால் வீரியமாக இருக்குமே , துறைமுக தரப்பை பீதியடைய செய்யுமே என பல சகோதரர்கள் தங்கள் ஆதகங்களை பதிவு செய்து வருகிறார்கள்.

உண்மை தான். ஆனால் எதார்த்தத்தை புரிந்துகொள்ள வேண்டும். தனித்து இயங்கதான் இவர்கள் இயக்கம் கண்டுள்ளார்கள் அவர்களை போய் ஒன்றாக சேருங்கள் சேருங்கள் என்று நிர்பந்திப்பது நகைப்பிற்குரியது.

இங்கே நாம் கேள்வி எழுப்புவது என்னவென்றால்.., என்ன தான் இவ்வளவு போராட்டங்கள் , விழிப்புணர்வுகள் , மனு மற்றும் வழக்கு பதிவு செய்தல் என பல முயற்சிகளை நாகூரில் உள்ள பொதுநல சிந்தனையுள்ள சில சகோதாரர்கள் , அமைப்புகள் செய்து வந்தாலும் நம் ஊரின் வெகுஜன மக்கள் கண்டும் காணாதது போல் , எதுவுமே நடக்காது போல் நடந்துகொள்வது ஏன் ?

அவர்களுக்கு தங்கள் ஊரின் நிலைபற்றியோ , காற்றுமாசால் தொடர்ந்து பாதிக்கபட்டுவருவது குறித்தோ ஏதாவது சிந்தனை இருக்கிறதா என்ற கேள்விக்கு பதில் இல்லை என்று தான் சொல்ல வேண்டி இருக்கிறது.

எருமமாட்டின் மீது மழை பெய்தது போல் என்று சொல் வழக்கம் ஒன்று இருக்கிறது அது அப்படியே நம் ஊர் மக்களுக்கு கனகச்சிதமாக பொருந்தும் எனலாம். வார்த்தைக்கு மன்னிக்கவும் தவிர்க்கமுடியவில்லை.

எவன் எக்கேடு கெட்டு போனால் என்ன என்பது போல் நடந்து கொள்கிறார்கள். தங்களை சுற்றி என்ன நடக்கிறது , வருங்கால சந்ததிகளுக்கு நாம் செய்து வைத்துவிட்டு போக வேண்டிய பொறுப்புகள் என்ன என்பதை மறந்தவர்களாக இருப்பதை பார்க்க முடிகிறது.

ஏங்க நாங்க தான் வெளிநாட்டில் இருந்து கொண்டு பங்கெடுக்க முடியாமல் இருக்கிறோம் உங்களுக்கு என்ன ஊரில் தானே இருகிறீர்கள் போங்களேன் கலந்து கொள்ளுங்களேன் போராட்டத்தில் என்றால்.,

பதில் வருகிறது பாருங்கள் , அட போங்கணீ இவனுவோ அவன் அவன் கட்சி , சங்கம்ன்னு வெச்சிக்கிட்டு போராட்த்தை நடத்தி பொட்டி வாங்கிவிட்டு போயிடுவானுவோ இதுல நாங்க கலந்துகொள்ள வேண்டுமா போங்கணீ வெளிநாட்டில் இருந்துகிட்டு பேச வந்துட்டாரு என்று ஜகா வாங்குகிறார்கள்.

இது போன்ற பொது புத்தி மிக ஆபாயாகரமானது இது போன்ற சிந்தனைகளை மக்களிடம் கடந்த காலங்களில் விதைததின் விளைவு, இன்று பல சகோதரர்கள் தங்கள் நேரத்தை செலவழித்து முழுமூச்சாக இதற்காக போராடி வருவதையும் பாதிக்கிறது.

எந்தவித போரட்டத்திற்கும் நம் ஊர் மக்கள் உளமார விரும்பி பெரும்பான்மையாக பங்கேடுப்பதே இல்லை. இதில் மேலும் கொடுமை என்னவென்றால் நிலக்கரிக்காக ஒரு அமைப்பு போராட்டம் நடத்தினால் அடுத்த அமைப்பினர் அதற்கு போக மாட்டார்கள் , பிறகு இவர்கள் நடத்தும்போது அவர்கள் கலந்து கொள்ள மாட்டார்கள் , ஒரு சிலர் மட்டுமே விதிவிலக்கு. இப்படியும் இருக்கிறது.

எனவே நாம் முதலில் நல்ல சிந்தனைகளையும் , மாற்றங்களையும் நம்மிடம் ஏற்படுத்தி நம் சுற்றமும்சூழ ஆரோக்கியமாக வாழ இந்த நிலக்கரி இறக்குமதியை தடை செய்யாமல் ஓயாக்கூடாது.

பிப்ரவரி 01/02/2018 அன்று தமுமுக சார்பாக நடத்தப்படும் போராட்டத்திற்கு ஊர் மக்கள் திரளாக கலந்துகொண்டு , துறைமுக நிர்வாகத்தை அதிரவைக்க வேண்டுமாய் ஊரில் நமக்காக போராடிவரும் சகோதரர்கள் சார்பாக மிகவும் உருக்கமாக நாகூர் மக்களிடம் கேட்டுகொள்கிறேன்.

இந்த போராட்டத்தை இயக்க வேறுபட்டால் , தனிநபர் விருப்பு வெறுப்பாலோ யாரேனும் சீர்குலைக்க , நீர்த்துபோக செய்வார்கள் என்றால், இதை விட தம் சொந்த ஊருக்கு அவர்கள் செய்யுங்கள் துரோகம் வேறு இல்லை.

நாகூர் மக்களே , நாகூர் மக்களே உங்களை நீங்களே கேவலபடுத்தி கொள்ளாதீர்கள். உங்களுக்காக உங்களோடு போராடும் அனைத்து தரப்பு மக்களுக்கும் பொது சிந்தனையின் பால் நின்று ஆதரவும் ஊக்கமும் கொடுங்கள்.

வெற்றிபெறுவோம் இன்ஷாஅல்லாஹ்.

இப்படிக்கு

உங்கள் அப்துல்லாஹ்.

ஆதாரம் கொண்டு வர முடியுமா – மீடியாக்களுக்கு பகிரங்க சாவல் விடுத்துள்ள ஜாகிர் நாயக்

noreply@blogger.com (.) — Sat, 9 Jul 2016 20:52:00 +0530

பிஜேபி மீது தற்போது எழுந்துள்ள 45 ஆயிரம் கோடி ஊழல் குற்றச்சாட்டுகளை திசை திருப்புவதற்காக மொட்ட தலைக்கும் முழங்காலுக்கும் முடிச்சு போடும் விதம் ஜாகிர் நாயக் குறி்த்த சர்ச்சையை எழுப்பியுள்ளது பிஜேபி அரசு.

பிஜேபி அரசு மீது எழுந்த 45 ஆயிரம் கோடி ஊழல் குற்றசாட்டை குறித்து வாய் திறக்காத நேஷனல் மீடியாக்கள் ஜாகிர் நாயக் சர்ச்சையை தூக்கி பிடிக்கின்றது.

இஸ்லாம் மதத்தை சாராத சமூக ஆர்வலர்கள் இது குறித்து சமூக வலைதளங்களில் கேள்வி எழுப்பி வருகின்றனர்.

மீடியாவில் ஜாகிர் நாயகிற்கு எதிராக பேசும் டைம்ஸ் நவ் அர்னாப் பிஜேபியின் பின்னனியை சோ்ர்ந்தவர் என சோசியல் மீடியாவில் பல முறை விமர்சிக்கப்பட்டவர் என்பதும் இதை உறுதிப்படுத்துகின்றது.

தனது மீது எழுந்துள்ள விமர்சனங்களுக்கு முற்றுப்புள்ளி வைக்கும் விதமாக ஜாகிர் நாயக் அவர்கள் ஒட்மொத்த இந்திய மீடியாவிற்கு பகிரங்க சவால் விடுத்துள்ளார்.

அதில் , ”பங்களாதேஷ் ல் நடந்த தாக்குதலுக்கு நான் தான் காரணம் எனது பேச்சால் தான் அவ்வாறு நடந்தது என பங்களாதேஷ் அரசு தெரிவித்திருப்பதாக ஆதாரப்புர்வமான ஒரு செய்தியை கொண்டு வாருங்கள் பார்ப்போம்” எனத் தெரிவித்துள்ளார்.

மேலும் சமீபத்தில் தான் மலேசியாவிற்கு சென்று அங்குள்ள அனைத்து அமைச்சர்களையும் சந்தித்து வந்தேன் எனக்கு அங்கு தடை விதித்துள்ளதாக மீடியாக்கள் அப்பட்டமாக அவதூறு பரப்புகின்றது எனவும் அதில் குறிப்பிட்டுள்ளார்.

பங்களாதேஷ் அரசு அதிகாரிகளுடன் தொடர்பு கொண்டு தானே பேசியதாகவும் அவர்கள், நாங்கள் எதுவும் அப்படி சொல்ல வில்லை அந்த செய்தியை நாங்கள் நம்புவும் இல்லை எனக் பங்களாதேஷ் அரசு அதிகாரிகள் தெரிவித்ததாகவும் ஜாகிர் நாயக் அவா்கள் இதில் கூறியுள்ளார்கள்.

ஜாகிர் நாயக்கின் இந்த பேச்சை உறுதிப்படுத்தும் விதமாக பங்களாதேஷ் அரசு இன்று ஒரு செய்தி வெளியிட்டுள்ளது. இதில் பங்களாதேஷ் ன் உள்துறை அமைச்சர் அசாத்துஸ்ஸமான் அவர்கள் இந்த தாக்குதலில் இஸ்ரேலுக்கு தொடர்பு உள்ளது எனக் குறிப்பிட்டுள்ளார். Source : http://www.bbc.com/news/world-asia-36462026

சம்பந்தபட்ட அரசே ஒன்றும் சொல்லதா நிலையில் வரிந்து கட்டிக் கொண்டு பிஜேபி அரசு வருவது ஏன் மீடியாக்கள் முனைப்பு காட்டுவது ஏன் ? முஸ்லிம்களுக்கு இந்தியாவில் நெருக்கடி கொடுக்க வேண்டும் என்ற எண்ணம் தான் இதற்கு காரணம் என்பதை தவிர வேறு ஒன்றும் இல்லை.

ஜாகிர் நாயகம் வெளியிட்டுள்ள வீடியோ அவரது இந்த சாவை ஏற்க மீடியாக்கள் தயாரா ?

நாகூர் கடற்கரையை சுத்தம் செய்யும் பணி - JAQH அழைப்பு

noreply@blogger.com (.) — Wed, 17 Feb 2016 12:19:00 +0530

அஸ்ஸலாமு அழைக்கும்..,

குப்பை கூலங்களின் கூடாரமாக காட்சியளிக்கும் , நாகூர் கடற்கரையை சுத்தம் செய்யும் பணியை JAQH சார்பாக செய்ய முடிவெடுத்துள்ளது வரவேற்கதக்கது.

நம் சுற்றுபுறத்தை தூய்மையாக வைத்துகொள்ள வேண்டிய பொறுப்பு நம் அனைவருக்கும் இருக்கிறது. அதுவும் கடற்கரை என்பது மிக முக்கியமான ஓர் அழகான பொது இடம் , அதை தூய்மையாக வைத்திருக்க வேண்டியது அவசியம்.

இதில் கவனிக்கபட வேண்டிய விஷயம் என்ன வென்றால் ஊர் மக்களைவிட , தர்காவிற்கு வரும் வெளியூர் மக்களே அதிக அளவில் கடற்கடரையில் நேரத்தை செலவிடுகிறார்கள்.., இந்த அளவிற்கு குப்பை கடற்கரையில் சேர்வதற்கும் அவர்களே முக்கிய காரணம்.

இதற்க்கு தர்கா நிர்வாகம் எந்தவித நடவடிக்கையும் எடுப்பதில்லை ,நாகூரை சுற்றுலா தளம் என்று பெருமையாக சொல்லிகொள்ளும் இவர்கள் அதற்குண்டான பராமரிப்புகளை செய்கிறார்களா..? நாகை நகராட்சி இதை கண்டுகொள்கிறதா ?

JAQH இந்த தூய்மை பணியை செய்ய முன்வந்துள்ளது வரவேற்கத்தக்கது.

எனினும் இன்னும் ஒரு மாதத்தில் நாகூர் கந்தூரி வர இருக்கிறது , வெளியூர் மக்கள் அதிகஅளவில் வந்துபோவார்கள் .. கடற்கரையில் தற்போதுள்ள குப்பை கூலங்கள் அகற்றப்பட்ட வேகத்தில் மீண்டும் சேர ஆரம்பிக்கும் என்றே என்ன தோன்றுகிறது.

எனவே தர்கா நிர்வாகமே இதற்க்கு பொறுப்பேற்று , தொடர்ந்து தூய்மைபடுத்தும் பணியை மேற்கொள்ள வேண்டும்.

SIO நடத்திய தேர்வு வழிகாட்டுதல் நிகழ்ச்சி

noreply@blogger.com (.) — Mon, 15 Feb 2016 12:51:00 +0530

அஸ்ஸலாமு அலைக்கும் வரஹ்மத்துல்லாஹ்.

இந்திய மாணவர இஸ்லாமிய அமைப்பு (Sio)- வின் சார்பாக நாகூர் ஹமீதிய்யா நர்ஸரி பள்ளி அரங்கத்தில் 10 மற்றும் 12ம் வகுப்பு மாணவர்களுக்கான "தேர்வு வழிக்காட்டுதல் நிகழ்ச்சி" இன்று மாலை மக்ஃரிப் தொழுகைக்கு பிறகு நாகூர் முஸ்லிம் சங்கத்தில் சிறப்பாக நடைப்பெற்றது. Sio-வின் நாகை மாவட்டத் தலைவர் சகோ. H. சமீம் அக்தர்.B.E., இந்நிகழ்வி்ற்க்கு தலைமைத் தாங்கினார்.

நாகூர் ஹிலுரு ஜாமிஆ மஸ்ஜித் இமாம் மெளலவி. சாதாத் அவர்கள் கிராத் ஓதி நிகழ்ச்சியை தொடங்கி வைத்தார்.

அதை தொடர்ந்து "கல்வியின் தத்துவம் - Philosophy of Education" என்பதை குறித்து தனது உரையின் வாயிலாக விளக்கினார் Sioவின் நாகை மாவட்ட முன்னால் தலைவர் J. முஹம்மது ரியாஸ்.M.Com.,

அதை தொடர்ந்து தேர்வு வழிக்காட்டுதல் பயிற்ச்சியை தன்முனைப்பு பயிற்சியாளரும், ஆசிரியருமான ஜனாப். முஹம்மது சலீம் M.SC, B.ED.., இதில் தேர்வு காலங்களில் கடைபிடிக்க வேண்டிய ஒழுங்கு முறைகள், உளவியல் தயாரிப்பு, தன்னம்பிக்கை, உணவு பழக்க வழக்கம், படிக்கும் முறை, தேர்வெழுதும் முறை என பல கோணங்களிலும் மிக சிறந்த ஆலோசனைகளை அவர் வழங்கினார்.

நிகழ்ச்சி முழுவதையும் அழகாக தொகுத்து வழங்கினார் Sioவின் நாகை மாவட்ட துணை செயலாளர் H.முஹம்மது ரியாஸ் அஹமது.

இந்நிகழ்வில் 100க்கும் மேற்ப்பட்ட மாணவ- மாணவிகளும், 60க்கும் மேற்ப்பட்ட பெற்றோர்களும் கலந்துக் கொண்டனர் அல்ஹம்துலில்லாஹ்

நன்றி : அஸ்லம்.

கௌதியா மேல்நிலை பள்ளியில் PFI நடத்திய கல்வி & வாழ்க்கை வழிகாட்டி நிகழ்ச்சி.

noreply@blogger.com (.) — Sun, 14 Feb 2016 14:48:00 +0530

அஸ்ஸலாமு அழைக்கும்.

பாப்புலர் பிரான்ட் ஆஃப் இந்தியா என்ற சமூதாய அமைப்பின் மூலம் நமது கௌதியா மேல்நிலை பள்ளியில் மாணவ , மனைவியர்களுக்கான கல்வி மற்றும் வாழ்க்கை வழிகாட்டும் நிகழ்ச்சி சிறப்பாக நடைபெற்றது.

இது போன்ற நிகழ்சிகள் தொடர்ந்து நடத்தப்பட வேண்டும். பள்ளி நிர்வாகமும் இது போன்ற நிகழ்ச்சிகளை மாணவர்களுக்கு நடத்தி பள்ளியின் கல்விதிறன் மேம்பட உதவி செய்ய வேண்டும்.

PFI இது போன்ற நிகழ்ச்சிகளை ஒவ்வொரு வருடமும் நடத்த வேண்டும் என்று கேட்டுகொள்கிறோம். வாழ்த்துக்களை தெரிவித்துகொள்கிறோம்.

களமிறங்கிய போராட்ட குழுவிற்கு ஆதரவுகொடுப்போம்.

noreply@blogger.com (.) — Wed, 10 Feb 2016 20:53:00 +0530

தொடர்ந்து காற்றில் பரவிவரும் நிலக்கரி துகள்கள், கண்டன ஆர்ப்பாட்டம் அறிவிப்பு

noreply@blogger.com (.) — Mon, 4 Jan 2016 07:55:00 +0530

அஸ்ஸலமு அழைக்கும்..

மீண்டும் நிலக்கரி துகள் அதிகஅளவில் ஊர் முழுவதும் காற்றில் பரவி வருவதால் பிரச்சனை அதிகரித்துள்ளது. இதை கண்டிக்கும் வகையில் ஆர்ப்பாட்டம் அறிவிக்கப்பட்டுள்ளது. அனைவரும் கலந்துகொள்ளுங்கள்.

இதற்க்கு நிரந்தரதீர்வை எட்டும்வரை ஓயாமல் போராடவேண்டும் என்பதே நம் அனைவரின் வேண்டுகோள்.

தாக்கப்பட்ட மசூதிக்கு தனது சேமிப்பை அன்பளிப்பாக தந்த சிறுவன்!

noreply@blogger.com (.) — Mon, 23 Nov 2015 19:47:00 +0530

அமெரிக்காவில் தாக்குதலுக்கு உள்ளாக்கப் பட்ட மசூதிக்கு சிறுவன் ஒருவர், தனது சொந்த சேமிப்புப் பணத்தை நிவாரணத் தொகையாக வழங்கை அனைவரது பாராட்டையும் பெற்றுள்ளார்.

அமெரிக்காவின் டெக்ஸாஸ் மாகானத்தைச் சேர்ந்த ஏழு வயது சிறுவன் ஜேக் ஸ்வான்சன். பாரீஸ் தாக்குதலுக்கு எதிர்ப்பு தெரிவித்து முஸ்லிம் எதிர்ப்பாளர்கள் சிலர் சிறுவன் ஜேக் ஸ்வான்சன் வசிக்கும் பகுதியில் வசிக்கும் பகுதியில் உள்ள மசூதியை சூறையாடியுள்ளனர். மேலும் மசூதியில் பாதுகாப்பாக வைக்கப்பட்டிருந்த முஸ்லிம்களின் புனித நூலான திருக்குர்ஆன் கிழித்து வீசப்பட்டிருந்தது.

இந்த சம்பவத்தை கண்ட இச்சிறுவன் தனக்கு ஐபேட் ஒன்று வாங்குவதற்காக சேமித்து வைத்திருந்த 20 டாலரை மசூதி நிவாரண செலவுக்காக நன்கொடையாக அளித்துள்ளார்.

இந்நிலையில் சிறுவனது செயலைப் பாராட்டி, அமெரிக்க முஸ்லிம்கள் சங்கம் ஸ்வான்சனை கௌரவப்படுத்தும் விதமாக நன்றிக் கடிதத்துடன் ஒரு ஆப்பிள் ஐ-பேட் சேர்த்து வழங்கி உள்ளது.

சகிப்புத் தன்மை - இந்துத்துவ ஸ்டைல்!

noreply@blogger.com (.) — Fri, 6 Nov 2015 23:53:00 +0530

இந்தியாவின் பிரபலமான நடிகர் ஷாருக் கான். இந்தி சினிமா உலகில் "கிங் கான்" என அழைக்கப்படும் பெரிய நடிகர். அவர் தமது 50ஆவது பிறந்த நாள்யொட்டி 'ட்விட்டரி'ல், "இந்தியா ஒரு மதச்சார்பற்ற நாடு. இங்கே கருத்து சுதந்திரம் உண்டு.

சகிப்புத்தன்மையற்ற சூழல் நிலவுவதால் நாட்டுக்குத்தான் பாதிப்பு ஏற்படும். இதே நிலை தொடருமேயானால், முன்னணி நாடாக இந்தியா உருவாவதற்குப் பெரும் தடைக்கற்களாக இந்த விஷயங்கள் இருக்கும்" என்று கூறி இருந்தார்.

ஒரு பொறுப்பான 'இந்திய பிரஜை' என்ற நிலையில், இந்தியா முன்னேறுவதற்குத் தடையாக, கருத்து சுதந்திரமும் சகிப்புத் தன்மையும் இல்லாச் சூழல் நிலவுவதாக உண்மையான அக்கறையுடன் சொல்லிவிட்டார்.

அவர் சொன்னதை மெய்ப்பிக்கும் வகையில் - அதாவது இந்தியாவில் கருத்து சுதந்திரமும் சகிப்புத் தன்மையும் இல்லை - என்பதை எழுத்துப் பிசகாமல் மெய்ப்பிக்கும் வகையில் - இந்துத்துவம் எதிர்வினை புரிந்துள்ளது.

வி எச் பி யின் அதிரடி நாலாந்தரப் பேச்சாளரான சாத்வி பிராச்சி, ''ஷாருக் கானின் சகிப்புத்தன்மை குறித்த கருத்திற்காக, அவர் மீது தேசத்துரோக வழக்குப் பதிவு செய்து, அவரை பாகிஸ்தானிற்கு நாடு கடத்த வேண்டும்; மத்திய அரசு அவருக்கு வழங்கியுள்ள பத்மஸ்ரீ விருதை, ஷாருக் கான் திருப்பியளிக்க வேண்டும்; ஷாருக் கான் பாகிஸ்தானின் ஆதரவாளராகச் செயல்படுகிறார்;. அந்நாட்டின் சித்தாந்தங்களைத் தமது கருத்துகளின் வாயிலாக அவர் இங்கு பிரதிபலிக்கிறார்" என்று புலம்பியிருந்தார்.

ஆளும் பா ஜ க பொதுச் செயலாளர் கைலாஷ் விஜயவர்கியா என்பவரும் இதே கருத்தை மொழிந்துள்ளார். ''ஷாருக் கான் இந்தியாவில் வசிக்கிறார். ஆனால் அவரது உயிர் பாகிஸ்தானில் உள்ளது. அவரது திரைப்படங்கள் நம் நாட்டில் கோடிக்கணக்கான ரூபாயை வசூல் செய்கின்றன. ஆனால், இந்தியா சகிப்புத்தன்மையற்ற நாடாக இருப்பதாக அவர் கருதுகிறார். சகிப்புத்தன்மை தொடர்பாக ஷாருக் கான் தெரிவித்த கருத்து, பாகிஸ்தானும் இந்தியாவுக்கு எதிரான நடவடிக்கையில் ஈடுபடும் அமைப்புகளும் வெளியிடும் கருத்துகளைப் போன்றே உள்ளன. மொத்தத்தில் ஷாருக்கான் தேச நலனுக்கு எதிரானவர்" என்று குதித்துள்ளார்.

நாடாளுமன்றத்தில் பா ஜ க உறுப்பினராக இருக்கும் இந்துத்துவ தீவிரவாதியான ஆதித்யநாத் என்பவரும் ஷாருக் கான் பாகிஸ்தானுக்குச் செல்ல வேண்டும் என்று சொல்லி விட்டார். "ஷாருக்கானின் மொழிக்கும் ஹபீஸ் சயீதின் மொழிக்கும் அதிக வித்தியாசமில்லை. இவர்கள் பாகிஸ்தானுக்குச் செல்வதை வரவேற்கிறோம்.” என்று ஆதித்யநாத் கூறியுள்ளார்.
ஓர் 'இந்திய பிரஜை'க்கு இந்தியாவில் கருத்து சுதந்திரம் இல்லை; சகிப்புத் தன்மை இல்லை என்று சொன்னதை உடனடியாக இந்துத்துவம் நிரூபித்துள்ளது.

ஷாருக் கான் பாகிஸ்தான் பற்றி எதுவும் கூறாத நிலையில் இவர்கள் அவரை பாகிஸ்தானுக்கு நாடு கடத்த வேண்டும் என்று சொல்கின்றனர். இந்துத்துவக் கும்பல் மட்டுமே எப்போதும் பாகிஸ்தானைப் பற்றி நினைத்துக் கொண்டும் பேசிக்கொண்டும் இருப்பது ஏன் எனப்புரியவில்லை.

இந்து சமயம் சார்ந்த, இன்ஃபோசிஸ் நாராயண மூர்த்தி போன்றவர்களும் ரகுராம் ராஜன் போன்றவர்களும் சகிப்புத் தன்மையின்மை பற்றிப் பேசியபோதும் அறிவியலாளர்களும் எழுத்தாளர்களும் விருதுகளைத் திருப்பியனுப்பியபோதும் அவர்களை நாடுகடத்துவது பற்றி இந்துத்துவக் கும்பல் எந்தக் கருத்தும் சொல்லவில்லை. அவர்களை பாகிஸ்தானுக்குக் கடத்த முடியாது. உலகின் ஒரே இந்து நாடு என்று இவர்கள் சொல்லிக்கொண்டிருந்த நேபாளமும் இப்போது மதச்சார்பற்ற நாடாகி விட்டது.

எல்லாவற்றுக்கும் மேலாக, இந்தியாவின் குடியரசுத் தலைவர் பிரணாப் முகர்ஜியும் சகிப்புத் தன்மையின்மை பற்றிப் பேசியுள்ளாரே; அவரை எந்த நாட்டுக்குக் கடத்துவீர்கள்?

முஸ்லிம்களை மட்டும் பாகிஸ்தானுக்கு நாடுகடத்துவதே இவர்களின் நோக்கம். இவர்கள் என்ன பாகிஸ்தானின் ரியல் எஸ்டேட் ஏஜெண்டுகளா ?

இந்தியாவில் கருத்து சுதந்திரமும் சகிப்புத் தன்மையும் இல்லை என்பதற்கு நரேந்திர தபோல்கர், பேராசிரியர் கல்புர்கி ஆகியோரின் படுகொலையும் தாத்ரியில் முகமது அக்லாக்கின் படுகொலையும் அண்மைக் காலச் சான்றுகளாக இருக்கின்றன என்று கூறி, அறிவுஜீவிகளும் அறிவியலாளர்களும் எழுத்தாளர்களும் தங்களது விருதுகளைத் திருப்பிக் கொடுத்தனர். அப்போது, "விருதுகளைத் திருப்பிக் கொடுப்பதா; ஆகுமா; அடுக்குமா" என்று இந்துத்துவச் சார்பாளர்கள் கொதித்தனர். இப்போது பிராச்சி, "ஷாருக் கான் விருதைத் திருப்பிக் கொடுக்க வேண்டும்" என்கிறார்.

இவர்களுக்கு நிலையான ஒரு கருத்தோ கொள்கையோ கிடையாது. ஒரே கொள்கை இந்தியாவில் இருப்பவர்களை பாகிஸ்தானுக்கு நாடு கடத்துவது மட்டுமே :-)

ரகுராம் ராஜன் பொருளாதார மேதை. 2003 ஆம் ஆண்டு முதல் 2006 ஆம் ஆண்டு வரை சர்வதேச நிதியத்தில் தலைமைப் பொருளாதார நிபுணராகப் பணி புரிந்தவர். 2008ஆம் ஆண்டில் இந்திய பிரதமரின் பொருளாதார ஆலோசகராக நியமனம் பெற்றார். 2012ஆம் ஆண்டில் பிரதமரின் தலைமைப் பொருளாதார ஆலோசகராகப பதவி உயர்வு பெற்றார். இப்போது இந்திய ரிசர்வ் வங்கி ஆளுநராகப் பணிபுரிகிறார்.

இவர் அண்மையில் டெல்லி ஐ.ஐ.டி. கல்வி நிறுவனத்தில் நடந்த பட்டமளிப்பு விழாவில் பேசிய போது , ”இந்தியக் கலாசாரம் சுதந்திரமாகச் செயல்படுவதற்கு அனுமதிக்கப்படவேண்டும். சகிப்புத் தன்மைக்கும் சுதந்திரத்துக்கும் போராட வேண்டியது அவசியமானது. ஏனெனில் சகிப்புத் தன்மைக் குறைவு என்பது பாதுகாப்பு இல்லாமைக்குச் சமமாகும். எனவே எந்தவொரு விஷயத்திலும் திணிப்பு என்பது இருக்கக் கூடாது. மாற்றுக் கருத்துகளுக்கும் மதிப்பளித்திடவேண்டும்.” என்று பேசினார்.

இந்துத்துவ ஊதுகுழலான சுப்பிரமணியன் சாமி, "ரகுராம் ராஜன் ரிசர்வ் வங்கிக்குப் போக வேண்டும். தம் வேலையை மட்டும் பார்க்க வேண்டும். தாத்தா மாதிரி பேசக் கூடாது. ரிசர்வ் வங்கி நாசமாக ராஜனே காரணம். பிரதமர் உடனடியாக இவரை டிஸ்மிஸ் செய்ய வேண்டும். என்ன சகிப்புத் தன்மை? தீவிரவாதத்தைப் பொறுத்துக் கொள்ள முடியுமா?" என்று ட்விட்டரில் கேட்டுள்ளார்.

சித்தராமையா வழிப்போக்கனோ அல்லது சாதாரண பிரஜையோ அல்லர். ஒரு மாநிலத்தை ஆளுகின்ற முதலமைச்சர்.

அவர், "எனக்குப் பிடிக்கும் என்றால் நான் மாட்டிறைச்சி உண்பேன்." என்று சொன்னதற்காக, கர்நாடக மாநில, சிமோகா மாவட்ட பாரதிய ஜனதா கட்சித் தலைவர் எஸ்.என். சென்னபசவப்பா , ''சித்தராமையாவுக்கு தைரியம் இருந்தால் சிமோகா வந்து மாட்டிறைச்சி சாப்பிடட்டும். இங்கு வந்து பசுவை வெட்டிப் பார்க்கட்டும். அவரது தலையை உடலில் இருந்து எடுத்து நாங்கள் கால்பந்து விளையாடுவோம்'' என்று கொலை மிரட்டல் விடுத்தார்.

ஆளும் பா ஜ க உள்ளிட்ட இந்துத்துவக் கும்பலின் சகிப்புத் தன்மை என்பது இதுதான். இந்த விஷயத்தில் இவர்கள் எவ்வித ஒளிவு மறைவோ நளினமோ இன்றி உடனடியாக எதிர்வினையாற்றித் தங்கள் நிலையைத் தெளிவு படுத்தி விடுவார்கள்..இதுதான் இந்துத்துவ ஸ்டைல்!

பா ஜ க தலைவர்களும் சட்டமன்ற நாடாளுமன்ற உறுப்பினர்களும் வாய்க்கு வந்ததையெல்லாம் உளறினாலும் "அது கட்சியின் கருத்தில்லை; அவரது சொந்தக் கருத்து" என்று மழுப்பி விடுவார்கள். ஆனால் சகிப்புத் தன்மை- கருத்து சுதந்திரம் போன்றவற்றில் மட்டும் ஒரே குரலில் கூவுவார்கள்.

சகிப்புத் தன்மை இல்லையெனக் கருத்துச் சொன்னதற்காக தேசதுரோக வழக்குப் போட வேண்டும் என பிராச்சி கூறியுள்ளார். அதன் பிரிவு இ.த.ச 124 ஏ ( I P C 124 A )ஆகும் இந்தியத் தண்டனைச் சட்டத்தின் நான்காவது பிரிவில் அரசுக்கு எதிரான குற்றங்களின் கீழ் பிரிவு 124 A அரசுக்கு எதிரான குற்றம் எது என்பதைப் பின்வருமாறு வரையறுக்கிறது:

"சட்டப்படி அமைக்கப்பட்டுள்ள அரசாங்கத்தை, மக்களுக்கு எதிராகச் செயல் படுகின்ற அரசாங்கம் என்கிற வெறுப்பையும் அல்லது விரோத உணர்ச்சியையும் தூண்டி விடுவதற்காக ஒருவர் தம்முடைய எழுத்தால் அல்லது பேச்சால் அல்லது சைகையால் அல்லது படத்தால் அல்லது வேறு எந்த விதத்திலாவது செயல்பட்டால் குற்றமாகும்.

இந்தக் குற்றத்திற்கு ஆயுள் தண்டனையுடன் கூடிய அபராதமோ அல்லது மூன்று ஆண்டுகள் சிறைத் தண்டனையுடன் கூடிய அபராதமோ அல்லது அபராதம் மட்டுமோ விதிக்கப்படும்."

இது இந்தியாவை ஆண்ட பிரிட்டிஷாரால், விடுதலைப் போராட்டத்துக்கு எதிராகக் கொண்டு வரப்பட்ட சட்டமாகும். இன்றுவரை அதை வைத்துக் கொண்டு அரசியல் எதிரிகளையும் தமக்குப் பிடிக்காதவர்களையும் மிரட்டுவதற்காக ஆள்வோர் பயன்படுத்துகின்றனர்.

"சாராயக் கடையை மூடு" என்று பாடியதற்காக அண்மையில் பாடகர் கோவன் மீதும் இப்பிரிவு பாய்ச்சப் பட்டு, உயர்நீதி மன்றத்தில் அரசு சார்பில் பல்டியடிக்கப் பட்டது. கோவன் மீது பிரிவு 153 சமூகத்தில் இரு பிரிவினருக்கிடையில் மோதல் ஏற்படுத்துதல், பிரிவு 502/1 அவதூறு செய்தல் ஆகிய சட்டப் பிரிவுகளின் கீழும் வழக்குப் பதிவு செய்திருக்கிறார்கள்.

நியாயமாகப் பார்த்தால் பிராச்சி, சாக்ஷி, ஆதித்யநாத் எச் ராஜா போறோர் மீது இப்பிரிவுகள் பாய்ச்சப்பட்டிருக்க வேண்டும்.

ஓர் ஆறுதலாக சுப்பிரமணியன் சாமி மீது இப்போது வழக்கு நடக்கிறது.

இந்து - முஸ்லிமிடையே வெறுப்பை தூண்டும் வகையில் பேசியதற்காக சுப்பிரமணியன் சாமி மீது டெல்லி, மும்பை, அஸ்ஸாம், மொகாலி மற்றும் திருவனந்தபுரம் நீதிமன்றங்களில் வழக்குகள் நிலுவையில் உள்ளன. இவற்றுக்கு எதிராக உச்சநீதிமன்றத்தில் சுப்பிரமணியன் சாமி மனு கொடுத்திருந்தார்.. அதில் தாம் 2007ஆம் ஆண்டு எழுதிய பயங்கரவாதம் தொடர்பான புத்தகத்துக்கு எதிரான வழக்குகளுக்கும் அவர் தடை கோரியிருந்தார்.

சுப்பிரமணியன் சாமி மனு மீது பதிலளிக்குமாறு உள்துறை அமைச்சகத்துக்கு உச்சநீதிமன்றம் நோட்டீஸ் அனுப்பியிருந்தது. இதை ஏற்று உள்துறை அமைச்சகம் , "கருத்து சுதந்திரம் என்ற பெயரில் வெறுப்பைத் தூண்டும் பேச்சுகளை ஒருபோதும் அனுமதிக்கவே முடியாது. இத்தகைய பேச்சுகளுக்குத் தண்டனை வழங்கக் கூடிய ஐ.பி.சி. சட்டப் பிரிவுகள் மிகவும் சரியானவையே. இந்தியாவின் குடிமக்களிடையே வெறுப்பைத் தூண்டும் பேச்சுகளை நாம் அனுமதித்தால் மிக மோசமான நாசத்தையே ஏற்படுத்தும். இதனால் கலவரங்கள் ஏற்படும். சமூக அமைதியைப் பாதிக்கும் வகையில் நல்லிணக்கம் மிகவும் சீர்குலைந்து போய்விடும். பல்வேறு ஜாதி, மதங்களைச் சேர்ந்த அனைத்துத் தரப்பினரும் ஒற்றுமையாக வாழ வேண்டும் என்பதையே நமது அரசியல் சாசனம் வலியுறுத்துகிறது. அமைதியை நிலைநாட்டவும் சமூக நல்லிணக்கத்தைக் கடைபிடிக்கவும் நமது அரசியல் சாசனம் விதித்துள்ள நியாயமான சில கட்டுப்பாடுகளையும் சட்டப்பிரிவுகளையும் கேள்விக்குள்ளாக முடியாது. வெறுப்புப் பேச்சுகளைப் பேசுவோருக்குச் சட்டப்படி உரிய தண்டனை வழங்க வேண்டும். மேலும் சுப்பிரமணியன் சாமி, 2007ஆம் ஆண்டு பயங்கரவாதம் தொடர்பாக ஒரு புத்தகம் எழுதியுள்ளார். அந்தப் புத்தகம் முழுவதுமே இந்துக்களுக்கும் முஸ்லிம்களுக்கும் இடையே பகைமையை ஏற்படுத்தும் வகையில்தான் அமைந்துள்ளது. இந்த நூலை எழுதிய சுப்பிரமணியன் சாமி சட்டத்தை முழுவதுமாக மீறியுள்ளார். ஆகையால் சுப்பிரமணியன் சாமி தாக்கல் செய்த மனுவைத் தள்ளுபடி செய்து அவர் மீதான வழக்கில் விசாரணையைத் தொடர்ந்து நடத்த வேண்டும்." என பிரமாணப் பத்திரத்தில் தெரிவித்துள்ளது.

தாமதமாக இப்படிச் செய்வதை விடுத்து உடனுக்குடன் நடவடிக்கை எடுத்தால் இந்தியாவில் கருத்து சுதந்திரமும் சகிப்புத் தன்மையும் சமூக நல்லிணக்கமும் நின்று நிலவும். இதை ஆள்வோர் புரிந்து கொள்வார்களா அல்லது இது ஒரு கண்துடைப்பு நடவடிக்கையா என்பதைப் பொறுத்திருந்து பார்ப்போம்

ஏனெனில் முன்பு ஒரு முறை, சேதுசமுத்திர திட்டத்துக்கு முட்டுக் கட்டை போட, இந்துத்துவ சக்திகளும் அ இ அ தி மு கவும் ராமர்பாலம் இருக்கின்றது என்ற பிரச்சனையைக் கிளப்பிய போது, ராமாயணக் கதைக்கும் கதாபாத்திரங்களுக்கும் வரலாற்றுச் சான்று இல்லை என மத்திய அரசு கூறிவிட்டு, இந்துத்துவக் கும்பலின் எதிர்ப்பால் பல்டியடித்ததைப் போல் இப்போதும் பல்டியடிக்க மாட்டார்கள் என்ற உறுதி இல்லை.

நல்லது நடந்தால் நாடு உண்மையிலேயே முன்னேறும்.

இந்நேரம்

இந்நேரம் .காம் // நன்றி - நச்சினார்க்கினியன்

நீ யார் எங்களுக்குப் பிச்சை போட?

noreply@blogger.com (.) — Mon, 19 Oct 2015 12:15:00 +0530

"முஸ்லிம்கள் இந்தியாவில் வாழ்ந்து கொள்ளலாம்; ஆனால் அவர்கள் மாட்டுக்கறி சாப்பிடுவதை விட்டுவிடவேண்டும்" என ஆர் எஸ் எஸ் பிரச்சாரக் பொறுப்பிலிருந்த - இப்போது ஹரியானா மாநில முதலமைச்சராக இருக்கும் மனோஹர்லால் கட்டார் என்பவர் கூறியுள்ளார்.

இந்துத்துவ பயங்கரவாத சக்திகளால் ஆட்டுவிக்கப்படும் பா. ஜ. கட்சியானது, அறுதிப்பெரும்பான்மையுடன் இந்தியாவின் மத்திய அரசைக் கைப்பற்றியதுமே நடுநிலையாளர்களும் பிற்படுத்தப்பட்ட, தாழ்த்தப்பட்ட மற்றும் சிறுபான்மைச் சமுதாய மக்களும் எதற்காக அச்சப்பட்டார்களோ அது படிப்படியாக நிறைவேறி வருகின்றது.

ஆம்! இந்தியாவின் ஒற்றுமையும் ஒருமைப்பாடும் நிலைக்குமா என்ற அச்சம்தான் அவர்களிடம் இருந்தது.

2014 ஆம் ஆண்டு, நாடாளுமன்றத்துக்கான தேர்தல் நடக்கும் முன்பே," மோடியைப் விமர்சிப்பவர்கள் பாகிஸ்தானுக்குப் போகவேண்டியதுதான்; வருங்காலத்தில் அவர்களுக்கு இந்தியாவில் இடம் இருக்காது. பாகிஸ்தானில் மட்டுமே இடம் இருக்கும்" என பீகார் மாநில பாஜக தலைவர்களுள் ஒருவரான கிரிராஜ் சிங் மிரட்டிய போத ு எவ்வித அதிர்ச்சியும் ஏற்படவில்லை. இவர்கள் அதிகாரத்துக்கு வரும் முன்பே இப்படி என்றால், வந்த பின் இன்னும் என்னென்னவெல்லாம் பேசுவார்களோ; செய்வார்களோ என்ற அச்சமும் ஐயப்பாடுமே ஏற்பட்டன.

பாபா ராம்தேவுடன் மனோஹர் லால் கட்டார்தேர்தல் முடிந்தது. இந்துத்துவ சக்திகளே எதிர்பாராத அறுதிப்பெரும்பான்மையை பா.ஜ.க பெற்றது. தமக்காகப் பேசிய கிரிராஜ் சிங்கை மத்திய அமைச்சரவையில் சேர்த்து அழகு பார்த்தார் மோடி அதனால் அச்சக்திகள் இன்னும் வீரியத்துடம் களமிறங்கி, இந்தியாவின் ஜனநாயகத்துக்கும் கண்ணியத்துக்கும் பெருமைக்கும் அடையாளச்சின்னமாக விளங்கும் நாடாளுமன்றத்திலேயே "பாகிஸ்தானுக்கு ஓடு" எனும் வெறிக்கோஷத்தை முழங்கினர் .

"மோடியை விமர்சிப்பவர்கள் பாகிஸ்தானுக்கு ஓடுங்கள்" என்று கிரிராஜ் சிங் சொன்னது 'வெளியில் பேசிய பேச்சு'. ஆனால் மதிப்பு மிகுந்த ஜனநாயக பீடமான நாடாளுமன்றத்தில் ஓர் உறுப்பினர் சக உறுப்பினர்களைப் பார்த்து "பாகிஸ்தானுக்கு ஓடு" எனக் கூறியது அவமானகரமானது

பா ஜ. க ஆட்சியைப் பிடித்த உடனே -- 2014 ஜூலை மாதம் 17 ஆம் தேதி -- டெல்லி மகாராஷ்டிர பவனிற்குச் சென்ற சிவசேனாக் கட்சியைச் சேர்ந்த நாடாளுமன்ற உறுப்பினர்களுக்கு, மகாராஷ்டிர உணவு வகைகள் வழங்கப்படாததால் அங்கு பணியாளராக இருந்த அர்ஷத் ஸுபைர் என்பவரின் வாயில் வலுக்கட்டாயமாகச் சப்பாத்தியைத் திணித்து எதிர்ப்பைத் தெரிவித்தனர்.

முஸ்லிமான அந்தப் பணியாளர் புனித ரமலான் நோன்பிருந்த நிலையில் அவரது வாயில் சப்பாத்தியைத் திணித்த பிரச்சனை நாடாளுமன்றத்தின் இரு அவைகளிலும் எழுப்பப்பட்டது. மக்களவையில் எதிர்க்கட்சி உறுப்பினர்கள் சிவசேனா உறுப்பினர் ராஜன் விச்சாரேவின் மீது நடவடிக்கை எடுக்க வேண்டும் எனக்கோரிக்கை முழக்கங்கள் எழுப்பிக் கொண்டிருந்தனர். அப்போது பாஜகவைச் சேர்ந்த உறுப்பினர் ரமேஷ் பிதூரி என்பவர் அச்சுறுத்தும் வகையில் அவையின் மையப்பகுதிக்கு வந்து உறுப்பினர்களை நோக்கி, " பாகிஸ்தானுக்கு ஓடுங்கள்; இது ஹிந்துஸ்தான்" எனக் கத்தினார்.

இப்போது மாட்டைப் பிடித்துத் தொங்குகிறார்கள் .

உத்தரப்பிரதேச மாநிலத்தில் தாத்ரியில் மாட்டுக்கறி தின்றதாக வதந்தியைப் பரப்பி முஹம்மத் அக்லாக்கை அடித்தே கொன்றனர் இந்துத்துவ பயங்கர வாதிகள்.

இதற்குப் பொதுமக்களும் எதிர்க்கட்சியினரும் கண்டனம் தெரிவித்தனர்.

இதற்கு எதிர்வினையாகப் பன்றிக்கறி உண்ணும் போராட்டம் நடத்தப் போவதாக பா ஜ கட்சியின் தேசியப் பொதுச்செயலாளர் எனும் பொறுப்புக் கொடுக்கப்பட்டிருக்கும் பா ஜ கட்சியின் நாலாந்தரப் பேச்சாளர் ராஜா அறிவித்தார்.

தாராளமாகச் சாப்பிடு. மாடு தமக்குப் புனிதம் என ராஜா வகையறா கூறுகின்றனர் பன்றி அசுத்தம் என முஸ்லிம்கள் கூறுகின்றோம். எங்கள் மறை கூறுகிறது. எனவே ராஜா மட்டுமின்றி, ராமகோபாலன், மோஹன் பகவத், சுப்ரமணியம் சாமி சாக்ஷி மகாராஜ், கட்டார், மோடி ஆகியோரும் பன்றிக்கறி சாப்பிட்டால் முஸ்லிம்களுக்கு எவ்விதக் கவலையுமில்லை. மாட்டைப்போல் பன்றியையும் அவதாரமாகவும் தெய்வமாகவும் கருதும் இந்துகளின் கவலை அது.

பெரும்பான்மையான இந்துக்களால் உண்ணப்படும் மாட்டிறைச்சிக்கு முஸ்லிம்கள் மட்டும் தாக்கப்படுவது இந்துத்துவ பயங்கரவாதத்தால் மட்டுமே என்பதில் ஐயமில்லை.

வி எச் பி யின் பொதுச்செயலாளர் சுரேந்திர ஜெயின் எனும் அறிவிலி, சவூதியில் பன்றிக்கறி சாப்பிட முடியுமா என மகாப்பெரிய தத்துவத்தை உதிர்த்துள்ளார்.

அட 'அறிவுக்கொழுந்தே'!

பன்றி முஸ்லிம்களுக்கு அசுத்தமான- தடை செய்யப்பட - உணவு. அதனால் சவூதி மட்டுமின்றி உலகில் வாழும் எந்த முஸ்லிமும் பன்றிக்கறி சாப்பிட மாட்டான். முஸ்லிம் நாடுகளில் பன்றி வளர்க்கப்படுவதுமில்லை.வாழ்வதுமில்லை.

ஐக்கிய அரபு அமீரகம், போன்ற வளைகுடா முஸ்லிம் நாடுகளில் வாழும் ஐரோப்பியர், சீனர், ஃ பிலிப்பைனியர் போன்ற வெளிநாட்டவருக்காகச் சில பேரங்காடிகளில் மட்டும் இறக்குமதி செய்யப்பட்ட பன்றி இறைச்சி விற்கப்படுகிறது.ஆனால் மாடு அப்படியன்று. உலகில் மத வேறுபாடின்றி எல்லா நாடுகளிலும் மாடுகள் வளர்க்கப்படுகின்றன.

பால் கறந்து குடிக்கப் படுகின்றது.அதன் இறைச்சி உண்ணப்படுகிறது. இந்துக்களில் ஒரு பிரிவினர் மட்டுமே புனிதமாகக் கருதும் மாடு, பெரும்பான்மையான இந்துக்களால் உண்ணப்படுகிறது. ஆனால் மாட்டிறைச்சி என்ற காரணம் சொல்லப்பட்டு முஸ்லிம்கள் மட்டும் தாக்கப்படுவது இந்துத்துவ பயங்கரவாதத்தால் மட்டுமே என்பதில் ஐயமில்லை.

மாட்டுக்கறி சாப்பிட்டதற்காக ஜம்மு காஷ்மீர் மாநிலத்தில் ஒரு சட்டமன்ற உறுப்பினர் மீது பா ஜ கட்சியின் சட்டமன்ற உறுப்பினர்கள் கொலைவெறித் தாக்குதல் நடத்தியுள்ளனர்.

மாட்டைக் கொன்றால் 5 ஆண்டு சிறை, மகாராஷ்டிர மாநிலத்தில்... மத்திய பிரதேசத்தில் 7 ஆண்டுகள்,....ஹரியானாவில் 10 ஆண்டு வரை கடுங்காவல் தண்டனை விதிக்கப்படுமாம். . மாட்டை விற்கும் விவசாயி அல்லது வியாபாரி, வாங்குபவர், மாடுகளை ஏற்றிச் செல்லும் வண்டியோட்டி, மாடுகளை அறுப்பவர், சமைப்பவர், சாப்பிடுபவர் உள்ளிட்ட அனைவரும் இச்சட்டங்களின்படி தண்டனைக்குரிய குற்றவாளிகள் ஆவர்.. மாட்டுக்கறி வைத்திருப்பதாகவோ, சாப்பிடுவதாகவோ சந்தேகப்பட்டால் ஒரு கீழ்நிலைக் காவலர் கூட வீடு புகுந்து சோதனை செய்யலாம் என்ன ஒரு அறிவாளித்தனம்.?

கிரிமினல் குற்றச்சாட்டுகள் உள்ள நாடாளுமன்ற உறுப்பினர்களுள் ஒருவரான சாக்ஷி மகாராஜ் தம் வழக்கமான கொலை வெறிப்பேச்சில், தம் தாயான மாட்டைக் காப்பாற்ற " கொலைக்கும் தயங்க மாட்டோம்" என்று அறிவித்து விட்டார். கூடவே உ.பி. மாநில அமைச்சர் ஆஸம்கான் பாகிஸ்தானி என "அடையாளம் கண்டு" விஷம் கக்கியுள்ளார்.

இந்நிலையில்தான் ஹிமாச்சல் பிரதேசத்தில் நேற்று, மாடுகளை விற்பனைக்காகக் கொண்டு சென்ற, உத்தரபிரதேசத்தைச் சேர்ந்த 20 வயதேயான அக்தர் எனும் பெயருள்ள ஒரு முஸ்லிம் இளைஞனை இந்துத்துவ பயங்கரவாதக் கும்பல் மாட்டின் பெயரால் அடித்தே கொன்றுள்ளது. "மாட்டுத் தாய்க்காகக் கொலையும் செய்வோம்" என்று சாக்ஷி மகாராஜ் சொன்னதை மெய்ப்பித்து அடித்தே கொன்றுள்ளனர் பயங்கரவாதிகள்.

இத்தனை நடந்தும் மோடி வாய்திறவாமல் ரசித்துக் கொண்டுள்ளார்.

ஹரியானா முதலமைச்சர் முஸ்லிம்களுக்குப் பிச்சை போடுகிறார் - "வேண்டுமானால் இந்தியாவில் வாழ்ந்து கொள்" என.. இந்தியாவில் வாழ முடியாவிட்டால் பாகிஸ்தானுக்குத்தானே முஸ்லிம்கள் போக வேண்டும் என்ற எண்ணம்.

நாங்கள் என் பாகிஸ்தானுக்குப் போக வேண்டும்?

நீ யார் எங்களுக்குப் பிச்சை போட?

இது எங்கள் நாடு; ஆயிரம் ஆண்டுகள் நாங்கள் வாழ்ந்த - வாழும் நாடு. ஆண்ட நாடு!

உங்கள் சதியால் பாகிஸ்தான் பிறந்த போதும் அங்கு போகாமல் இங்கே வாழும் எம் தாய் நாடு இது.

அறுதிப் பெரும்பான்மையும் அதிகார மமதையும் எப்போதும் கூட வாரா. ஐந்தாண்டுகளுக்கொருமுறை தேர்தல் வரும். அப்போது இந்திய மக்கள் பாடம் புகட்டுவார்கள். மாட்டரசியலுக்கு மாற்றரசியலைத்தேடி ஒரு முடிவு எடுப்பார்கள். அப்போது அது உங்களுக்கு மரண அடியாக இருக்கும் என்பதை மறக்க வேண்டாம்.

நன்றி - மஹ்மூத் அல் ஹஸன்

மாட்டுகறிக்காக , மனிதஉயிரை கொலை செய்த மிருகங்கள்.

noreply@blogger.com (.) — Thu, 1 Oct 2015 21:12:00 +0530

பிஜேபி ஆட்சியில் நாடு நர மாமிசக் காடாகி விட்டது

பசுவைக் கொன்று சாப்பிட்டதாகப் வேண்டுமென்றே புரளியை கிளப்பி, திட்டமிட்டு முஸ்லிம் ஒருவரை படுகொலை செய்துள்ளனர், அவரது மகனின் கண்களும் குருடாக்கப்பட்டுள்ளன.. நடவடிக்கை எடுத்த காவல்துறையின்மீது இந்து அமைப்புகள் தாக்குதல் நடத்தியுள்ளது நாட்டையே அதிர்ச்சியில் ஆழ்த்தியுள்ளது...

தாதரி (உபி) அக்.1 உத்தரப் பிரதேசம் மாநி லம் தாதரி நகருக்கு அரு கில் உள்ள ஒரு கிராமத் தில் மாட்டு மாமிசம் சாப்பிட்டார்கள் என்று கூறி தந்தை கொல்லப்பட் டார். அவருடைய மகனை அடித்துக் கண்களைக் குருடாக்கிய கொடூரச் சம்பவமும் நடந்துள்ளது. தாதரி நகருக்கு அருகில் உள்ள பிசாரா என்ற கிராமத்தில் திங்கள் அன்று பசுமாடு ஒன்று காணாமல் போய்விட்ட தாகவும், அந்தப் பசுமாட் டின் மாமிசம் முகமது அக் லாக் வீட்டில் இருப்பதாக வும் சிலர் வேண்டுமென்றே கூறினர்.

இந்த நிலையில் முக மது அக்லாக் மற்றும் அவர்களது வீட்டில் உள் ளவர்கள் தான் பசுவை வெட்டி சமைத்து தின்று விட்டார்கள் என்றும், மீதமுள்ள மாமிசத்தை குளிர்சாதனப்பெட்டியில் வைத்துள்ளார்கள் என்றும் அந்த ஊரில் உள்ள சில இந்து அமைப்பைச் சார்ந் தவர்கள் வதந்தி பரப் பினர்.

இதனை அடுத்து அந்த ஊரில் உள்ள கோவில் ஒன்றில் இந்து அமைப்பினர் மக்கள் அனைவரையும் கூடச் சொன்னார்கள். கூட்டத் திற்குப் பிறகு முகமது அக்லாக் பசுவை வெட்டிய தாகவும் அதைத் தின்று விட்டு மீதமுள்ள மாமி சத்தை தெருவில் வீசிய தாகவும், ஆகையால் பசு வைத் தின்ற குடும்பத் திற்கு தகுந்த தண்டனை தரவேண்டும் என்றும் மக் களை தூண்டிவிட்டனர். இந்தச் சம்பவம் குறித்து கொலை செய்யப்பட்ட முகமதுவின் மகளான சாஜிதா பத்திரிகையாளர் களிடம் கூறும்போது எங்கள் வீட்டிற்கு திங்கள் கிழமை நள்ளிரவு காவிக் கொடிகளைப் பிடித்துக் கொண்டு பலர் கும்பலாக வந்தனர்.

கும்பலைக் கண்டு பயந்து கதவை மூடி விட்டோம். ஆனால் அந்த கும்பல் கதவைக் கோடரி மற்றும் கம்பிகள் கொண்டு தாக்கத் துவங்கி விட்டனர். சில நிமிடங் களில் கதவு உடைந்து விட்டது. உள்ளே வந்த சிலர் என் தந்தையை அடித்து வெளியே இழுத் துச் சென்றனர் பிறகு கோடரியால் தலையில் அடித்தனர். எனது மூத்த சகோதரனை செங்கலால் தாக்கினர்.

எனது தாயாரையும் அடித்தனர். பிறகு எனது ஆடைகளையும் கிழித்து எறிந்து என்னை அரை நிர்வாணமாக்கினார்கள் என்று கூறினார். இச்சம்பவம் நடந்த போது அந்த ஊர் மக்கள் அனைவரும் வேடிக்கை பார்த்துகொண்டு இருந் தனர். இந்தச் சம்பவத்தில் முகமத் அக்லாக் சம்பவ இடத்திலேயே மரண மடைந்தார். அவரது 26 வயது மகன் டானிசின் பார்வையும் பறிபோனது. இந்தச் சம்பவம் குறித்து மாவட்ட காவல்துறை ஆணையர் கூறும் போது, ஊரில் உள்ள கோவிலில் சிலர் கூடி வதந்திகளைப் பரப்பியுள்ளனர். சரியாக இரவு 10 மணியளவில் ஊரில் ஒன்று கூடிய மக்களில் சிலர் பசுவைத் திருடி அதைக் கொன்று சாப்பிட்டவர்களுக்கு தண்டனை தர வேண்டும் என்று கூறினார்கள்.

இதனை அடுத்து திரளான மக்கள் கையில் ஆயுதங் களுடன் அக்லாக் வீட் டிற்குச் சென்று தாக் குதல் சம்பவத்தில் ஈடு பட்டுள்ளனர். மொத்தம் 10 பேர் மீது குற்றச்சாட்டு பதிவு செய்யப்பட்டுள்ளது. இதில் 4 பேர் கைது செய்யப்பட்டுள்ளனர். 6 பேர் தலைமறைவாகியுள் ளனர் என்று கூறினார். இந்து அமைப்புகள் எதிர்ப்பு காவல்துறையினர் 4 பேரைக் கைது செய்ததை எதிர்த்து ஊரில் உள்ள இந்து அமைப்புகளைச் சேர்ந்தவர்கள் வன்முறை யில் இறங்கினர். காவல் துறையினரின் இரண்டு மோட்டார் சைக்கிளுக்குத் தீ வைத்தனர். காவல் துறை வாகனத்தையும் அடித்து நொறுக்கித் தீ வைத்தனர்.

வன்முறைச் சம் பவம் கட்டுக்கடங்காமல் போனதைத் தொடர்ந்து மாஜிஸ்ட்ரேட் சிறப்பு காவல்படையினரை சம்பவ இடத்திற்கு வரவ ழைத்தார். சிறப்புக்காவல் படையினர் ஊருக்கு வராமல் தடுக்க சாலை களில் சேதமேற்படுத்த முனைந்த கலவரக்காரர் கள் மீது காவல்துறையினர் தடியடி நடத்தினர். ஆனால் வன்முறையாளர்கள் காவல்துறையினர் மீது பயங்கர ஆயுதங்களால்

தாக்கத் தொடங்கியதும் காவல் துறையினர் துப்பாக் கிச் சூடு நடத்தினர். இதில் ஒருவர் காயமடைந்தார். கல வரக்காரர்கள் தாக்கியதில் 3 காவலர்கள் காயமடைந்த னர். சிறப்பு கலவரக் கட்டுப் பாட்டு பிரிவு காவல்துறையி னர் 3000 பேர் அந்த பகுதி யில் முகாமிட்டுள்ளனர். கொலை செய்யப்பட்ட அக்லாக் என்பவர் மட்டும் தான் அந்த ஊரில் வசதியாக வாழ்ந்தவர். சுமார் 400 குடும் பங்கள் அடங்கிய அந்த ஊரில் 2 முஸ்லீம் குடும்பம் மாத்திரமே உள்ளன. பக்ரீத் பண்டிகைக்காக ஒரு குடும் பத்தினர் வெளியூர் சென்று விட்டனர். பசு மாட்டின் மாமிசம் அல்ல இந்த நிலையில் மாநில காவல்துறை ஆணையர் கூறும் போது குளிர்சாதனப் பெட்டியில் உள்ள மாமிசம் ஆரம்ப பரிசோதனையின் படி அது பசு மாட்டின் மாமிசம் அல்ல என்று கூறினார்.

உலகளவில் பரபரப்பு!

உத்தரப் பிரதேசத்தில் உள்ள பிசாரா கிராமத்தில் மாமிசம் வைத்திருந்தார் என்ற வதந்தியை அடுத்து அடித்துக் கொலைசெய்யப் பட்ட முகமது அக்லாக் மற் றும் கண்கள் குருடாக்கப் பட்டு உயிருக்குப் போராடிக் கொண்டு இருக்கும் அவரது மகன் டானிஸ் விவகாரம் உலக அளவில் பெரும் பர பரப்பை ஏற்படுத்திக் கொண்டு இருக்கிறது. இரண்டு நாட்களுக்கு முன்பு தான் அமெரிக்கா சென்ற மோடி இந்தியா முன்னேறி வருகிறது, நான் பிரதமர் ஆன பிறகு உலகமே இந்தியாவை திரும்பிப் பார்க் கிறது என்று கூறியிருந்தார். ஆனால் அவர் இதைச் சொல்லிவிட்டு டில்லி திரும் பும் முன்பே மாட்டு மாமி சத்தை வைத்திருந்தார்கள் என்ற வதந்தியின் பெயரில் இந்து அமைப்புகள் ஒன்று சேர்ந்து ஒரு குடும்பத்தையே அடித்து நொறுக்கியுள்ளனர். அனல் கக்கும் உ.பி. எம்.பி.,

இது குறித்து உத்தரப்பிர தேச சமாஜ்வாடி நாடாளு மன்ற உறுப்பினர் ஆஜம் கான் கூறியதாவது: மோடி பிரதம ரானதில் இருந்து அவரது பரிவாரங்கள் மிகவும் உற் சாகமாக இருக்கின்றன. அவர்களின் உற்சாகம் அள வுக்கு மீறிச் சென்று கொண் டிருக்கிறது. மனிதர்களின் உயிரை எடுப்பதுதான் மோடி பரிவாரங்களின் முழு நேரவேலையாகப் போய்விட் டது. இந்துத்துவா அரசியல் என்பது இப்படி முஸ்லீம் மக்களின் உயிரை எடுத்துத் தான் நடத்தவேண்டும் என் பது முசாபர் நகர் கலவரத்தி லேயே தெரிந்து விட்டது. ஆனால் உங்கள் பரிவாரத் தின் இந்த அராஜகப் போக் கால் இந்தியாவின் நற்பெயர் உலக அளவில் களங்கமேற் பட்டு வருகிறது. 2002-ஆம் ஆண்டு குஜராத் கலவரத்தின் வடு இன்னும் ஆறவில்லை. உங்கள் பரிவாரத்திற்கு நீங் கள் தலைமை வகிக்கின்றீர் கள். அப்படி என்றால் இவர் களின் இந்த கொடூர வன் முறைக்கும் நீங்கள் தான் பொறுப்பேற்கவேண்டும். ஊரில் தனியாக உழைத்து முன்னேறி வாழ்ந்த ஒரு இஸ்லாமியனை இப்படி வன்மம் வைத்து அடித்துக் கொலை செய்வது நீதியா? மோடி அவர்களே, அடக்கி வையுங்கள்

குஜராத்தில் கொலைக ளைச் செய்த போதே அமை தியாக இருந்த உங்களுக்கு இது எல்லாம் பெரிதாகவே தெரியாது. ஆனால் இந்தியா போன்ற மாபெரும் குடியரசு நாட்டில் இது போன்ற செயல்கள் தற்போது தொடர்ந்து நடந்துவருவது மிகவும் அபாயகரமானது. உங்களின் பரிவாரங்களை அடக்கிவையுங்கள் என்று கூறினார். மேலும் 2017இல் நடை பெற இருக்கும் உத்தரப் பிர தேச தேர்தலுக்கு முன்பு பாஜக இதைவிடக் கொடூர மான செயல்களைச் செயல் படுத்தத் திட்டமிட்டுள்ளது என்றும் கூறினார்.

ரூ.10 லட்சம் நிவாரணத் தொகை முகமது அக்லாக்கை இந்து அமைப்புகள் கொலை செய்த விவகாரம் தொடர் பாக பேசிய உபி முதல்வர் அகிலேஷ் யாதவ் பேசும் போது, அக்லாக் கொலையா னது மிகவும் துக்ககரமான நிகழ்ச்சியாகும், கொலையான முகமது அக்லாக் குடும்பத்தி னரின் வீடு முற்றிலும் சேத மடைந்துள்ளது. அவர்க ளுக்கு முதல்வர் நிவாரண உதவியாக ரூ10 லட்சம் அரசு சார்பில் வழங்கப்படும். பலத்த காயத்துடன் மருத்துவமன யில் சேர்க்கப்பட்ட அவரது மகன் டானிஸின் அனைத்து மருத்துவ உதவிகளையும் அரசு சார்பில் வழங்கவும் உத்தரவிட்டுள்ளேன். மேலும் இந்தச் சம்பவத்தில் ஈடுபட்ட வர்கள் யாராக இருந்தாலும் அவர்கள் மீது சட்டப்படி கடுமையான நடவடிக்கை கள் எடுக்க உத்தரவிட்டுள் ளேன் என்றார்.

பாஜ.க. எம்.எல்.ஏ. ஆணவப் பேச்சு

உத்தரப் பிரதேச பாஜக தலைவர்களுள் ஒருவரான சிறீசந்த சர்மா என்பவர் கூறும் போது மக்களின் உணர்வு களை மதித்து நடக்கவேண் டும், ஊர் மக்கள் இந்துக்கள். இந்துக்கள் பசுவைத் தெய்வ மாக மதிப்பவர்கள், அவர் களுக்குப் பசுவைக் கொலை செய்து அதை சாப்பிடுவ தைப் பார்த்தால் ரத்தம் கொதிக்கத்தான் செய்யும், என்றார். அப்பகுதி பாஜக சட்டமன்ற உறுப்பினர் நாகர் சிங் கூறியதாவது:

ஊரில் ஒருவர் மாட்டி றைச்சியைத் தின்பதைப் பார்த்துக் கொண்டு அமைதி யாக இருந்து அதற்காக காவல்துறையை எதிர்பார்ப் பது என்பது மக்களால் இய லாத காரியம், இது போன்ற சம்பவங்கள் ஆங்காங்கே நடக்கும் போது காவல்துறை யால் என்ன செய்யமுடியும்? என்றார். ஊரில் பட்டறை வைத்து பிழைப்பு நடத்தும் முகமது அக்லாக் சமீபத்தில் விளைநிலமும் வாங்கியுள் ளார். மிகவும் ஏழைக் குடும் பமாக இருந்த தனது குடும் பத்தை தனி மனிதனாக உழைத்து வீடுகட்டி, தற் போது நிலமும் வாங்கியுள் ளார். அவருடைய மகன் தற் போது விமானப் படையில் பொறியாயளராக பணியாற்றி வருகிறார். அவர் மனைவி, மற்றும் 70 வயது தாயாரும் தாக்கப்பட்டுள்ளனர்.

சம்பவம் நடந்த சில மணிநேரத்திற்கு முன்பு அங்குள்ள கோவில் ஒன்றி லிருந்து முகமது அக்லாக் கையும் அவர்களது குடும்பத் தையும் ஊர்மக்கள் ஒன்று சேர்ந்து அடித்துக் கொலை செய்யுங்கள் என்று அறி வித்து இருக்கிறார்கள். இந்த விவகாரம் தொடர்பாக அந்த ஊர் கோவில் அர்ச்சகரை காவல் துறையினர் விசா ரணை செய்து வருகின்றனர்.

இதற்கான விலையை விரைவில் இவர்கள் கொடுத்தே தீரவேண்டும்.

நன்றி : விடுதலை..

ஏன் இசையமைக்கவில்லை என்று அல்லாஹ் என்னிடம் கேட்டால்..!! -ஏ.ஆர்.ரஹ்மான்.

noreply@blogger.com (.) — Thu, 17 Sep 2015 00:52:00 +0530

சகோதர சகோதரிகளுக்கு அஸ்ஸலாமு அழைக்கும்..

சமீபத்தில் மீடியாக்களில் மிக பெரிய விவாத பொருளாக மாறியிருக்ககூடிய செய்தி இசையமைப்பாளர் ஏ.ஆர்.ரஹ்மானுக்கு எதிராக மும்பையை சார்ந்த ராஸா அகாடமி' என்ற முஸ்லிம் அமைப்பு கொடுத்த ஃபத்வா (மார்க்க தீர்ப்பு).

அதவாது இரானிய இயக்குனர் மஜித் மஜிதி இயக்கும் ‘முஹம்மது: மெசஞ்சர் ஆஃப் காட்’ ( நபி ஸல் அவர்களின் வாழ்க்கை வரலாறு) என்ற திரைப்படத்துக்கு ஏ.ஆர்.ரஹ்மான் இசையமைத்துள்ளார். இந்த நிலையில் இப்படத்தின் இயக்குனர் மற்றும் ஏ.ஆர்.ரஹ்மான் ஆகியோருக்கு எதிராக மும்பையைச் சேர்ந்த 'ராஸா அகாடமி' என்ற முஸ்லிம் அமைப்பு ஃபத்வா கொடுத்திருந்தது.

அந்த அமைப்பு கொடுத்த ஃபத்வாவில் இந்த படத்தின் பெயரே எங்களுக்கு உடன்பட்டதில்லை, இந்த படத்தில் நபிகள் நாயகத்தை ஒருவேளை தவறாக சித்தரித்திருந்தால் பலர் கேலி செய்யும் நிலை ஏற்படலாம்.. எனவே இந்த படம் தடை செய்யபட வேண்டும் , இந்த படத்தை இயக்கிய மஜிதி மற்றும் ஏ.ஆர்.,ரஹ்மான் மீண்டும் கலிமா சொல்லி இஸ்லாத்திற்குள் வர வேண்டும் என்று அந்த அமைப்பு மார்க்க தீர்ப்பு கொடுத்துள்ளது.

இதற்க்கு ஏ.ஆர்.,ரஹ்மான் விளக்கமும் அளித்துள்ளார்.

இதில் பல விசயங்களை நாம் கவனத்தில் கொள்ள வேண்டும்/

முதலில் ராஸா அகாடமி என்ற மும்பையை சேர்ந்த இந்த அமைப்பிற்கு ஃபத்வா வழங்க தகுதி இருக்கிறதா.. இந்த அமைப்பு இந்திய முஸ்லிம்களின் பிரதிநிதியா என்றால் கண்டிப்பாக இல்லை.. மேலும் இந்த அமைப்பு இஸ்லாத்தின் அடிப்படைக்கு எதிரான சூபிசம் கொள்கையை பின்பற்றும் அமைப்பு.

சரி இவர்கள் ஃபத்வா கொடுக்கலாம் என்று வைத்துகொள்வோம். முறையாக இஸ்லாத்தை பின்பற்றும் அமைப்பு என்று வைத்துகொள்வோம். இவர்கள் ஃபத்வா வில் ஏதாவது உருப்படியான வாதம் இருக்கிறதா என்றால் அதுவும் இல்லை முரண்பாட்டின் மொத்த உருவமாகவே இருக்கிறது. எப்படியெனில்...

**முஹம்மது - மெசஞ்சர் ஆஃப் காட் என்ற திரைப்படம் இன்னும் வெளியாகவில்லை. அதனால் அதில் முஹம்மது நபி(ஸல்) அவர்களை பற்றி தவறாக சித்தரிப்பு என்பது இவர்கள் அனுமானமே ஆகும் ஆகவே அனுமானங்களை வைத்து மார்க்க தீர்ப்பு வழங்க வேண்டிய அவசியம் என்ன.

**முஹம்மது என்ற பெயரில், முஹம்மது நபி(ஸல்) அவர்களை பற்றி படம் எடுப்பதே உடன்பட்டதில்லை என்றால்.., ஏற்கனவே the message - the story of islam என்ற படம் 1976ல் வெளியாகி உலகம் முழுவதும் பல மொழிகளில் மொழிபெயர்க்கப்பட்டது. அந்த படம் முழுக்க முழுக்க அல்லாஹ்வின் தூதர் நபி(ஸல்) அவர்களை பற்றியது தான். அதற்க்கு எந்த எதிர்ப்பும் , இதுநாள் வரை இவர்கள் தெரிவிக்கவில்லை... முஹம்மது என்று திரைபடத்திற்கு பெயரிடுவதே மார்க்கத்தை விட்டு வெளியேற்றும் செயல் என்று எந்த அடிப்படையில் இவர்கள் மார்க்க தீர்ப்பு வழங்குகிறார் என்று தெரியவில்லை.

** மேலும் அந்த படத்தில் முஹம்மது நபி (ஸல்) அவர்களின் உருவத்தை பிரதிபளிப்பது போன்ற ( நபி(ஸல்) இப்படி தான் இருப்பார்கள் என்பது போன்று வேறு ஒருவரை நடிக்க வைப்பது) காட்சிகள் இருக்கிறது என்று இயக்குனரோ , அதன் தயாரிப்பாளரோ கூறியதில்லை...

**மாறாக அப்படியான எந்த காட்சியும் இருக்காது என்று தான் இந்த திரைபடத்தை துவங்குவதற்கு முன்பே அந்த திரைப்பட குழுவினரால் தெரிவிக்கபட்டது. மேலும் ஆதாரபூர்வமான வாழ்க்கை வரலாற்றை தான் திரைப்படமாக எடுக்க இருக்கிறோம் என்று கூறினார்கள்...ஏற்கனவே வந்த தி மெசேஜ் படத்திலும் நபி(ஸல்)அவர்களின் கண்ணோட்டத்தில் காட்சி நகர்வது போன்று தான் இருக்கும். தனியாக அந்த charaterல் யாரும் நடிக்க வைக்கப்படவில்லை என்பது குறிப்பிடதக்கது.

**மஜிதி மற்றும் இசைஅமைப்பாளர் ஏ.ஆர் இருவரும் சினிமா துறைவில் பல காலமாக இருந்துவருபவர்கள் என்பதை அனைவருக்கும் தெரியும். அதிலும் குறிப்பாக சூபித்துவ கொள்கையில் இருக்கும் ராஸா அகாடமி என்ற அமைப்பை பொறுத்தவரை இசை மார்க்கத்தில் அனுமதிக்கப்பட்ட ஒன்று என்ற நிலைப்பாட்டில் உள்ளவர்கள். இதே நிலைப்பாட்டில் தான் ஏ.ஆர்.ரஹ்மானும் இருக்கிறார்.

** தர்கா, தர்காவாக போகக்கூடிய ஏ.ஆர் ரஹ்மானை பற்றி எதுவும் பேசாத இந்த அமைப்பு , இசையை ஆதரிக்கும் இந்த அமைப்பு , முஹம்மது என்ற படத்திற்கு இசை அமைத்த காரணத்திற்காக மீண்டும் கலிமா சொல்ல வேண்டும் என்று மார்க்க தீர்ப்பு வழங்க என்ன அருகதை இருக்கிறது இவர்களுக்கு என்று தெரியவில்லை.

**ராஸா அகாடமி இந்த அமைப்பு கேலிக்கூத்தான மார்க்க தீர்ப்பை வழங்க காரணம் சுய விளம்பரத்திற்காக தான் என்பது தெளிவாக தெரிகிறது. மேலும்

நாட்டில் எவ்வளவோ பிரச்சனைகள் இருக்க ராஸா அகாடமி ஃபத்வாவிற்கு மீடியா இந்த அளவிற்கு முக்கியத்துவம் கொடுக்க காரணம் வழக்கம்போல் மக்களின் சிந்தனை மாற்றத்திற்கும் TRPக்கும் தான்.

ஆகவே இதுபோன்றவை ஃபத்வா மார்க்கத்தை கேலிகூத்தாக்கும் செயல் எனவே இதை முஸ்லிம்களான நாம் புறந்தள்ளவேண்டும்.

இந்நிலையில் இந்த பத்வாவிற்கு ஏ.ஆர்.ரஹ்மான் விளக்கமளித்துள்ளார்.

அதில் "முகம்மது: மெசஞ்சர் ஆஃப் காட்’ படத்தை நான் இயக்கவோ, தயாரிக்கவோ இல்லை. அதற்கு இசை மட்டுமே அமைத்தேன். அந்தப் பணியில் கிடைத்த ஆன்மிக அனுபவங்கள் பகிர விரும்பாத தனிப்பட்ட விஷயம்.

நான் இஸ்லாமிய மார்க்கத்தின் அறிஞர் அல்ல. பாரம்பரியத்தையும், பகுத்தறிவையும் ஒரே சீராக நான் பின்பற்றுகிறேன். இங்கும், மேற்கிலும் நான் பயணிக்கிறேன், வாழ்ந்து வருகிறேன். அனைவரையும் நேசிக்க முயற்சிக்கிறேன்.

நான் அல்லாஹ்வை சந்திக்கும் பாக்கியம் எனக்கு கிடைக்கப் பெற்று, மனித இனத்துக்கு சேவை செய்வது என்ற செய்தியை எடுத்துச் செல்லும் முகம்மதின் படத்துக்கு ஏன் இசையமைக்கவில்லை என்று அல்லாஹ் என்னிடம் கேட்டால் நான் என்ன செய்வது...? என்று அப்பாவி தனமாக எதிர்கேள்வி கேட்டு தனது நிலைப்பாடு சரிதான் இதில் என்ன தவறை கண்டீர்கள் என்பது போல் விளக்கமளித்துள்ளார்.

அல்லாஹுடைய மார்க்கமான இஸ்லாத்தில் செய்யகூடாது என்று தடுக்கப்பட்ட ஒன்றை ஏன் செய்யவில்லை என்று அல்லாஹ் எப்படி கேட்பான் என்று நாம் ரஹ்மானுடன் எதிர் கேள்வி வைக்கலாம். ஆனால் உண்மைய சொல்ல வேண்டும் என்றால் ஏ.ஆர்.ரஹ்மான் புரிந்துள்ள இஸ்லாத்தில் இசை ஹலால் தான். இவ்வாறு தான் அவர் புரிந்துள்ளார்.

ஏ.ஆர்.ரஹ்மானை பொறுத்தவரை அவர் புரிந்துகொண்ட இஸ்லாத்தை அவர் நேசிக்கிறார் அதற்காக நேரம் ஒதுக்குகிறார் , மார்க்கத்திற்கு முக்கியதும் அளிக்கிறார் என்பதெல்லாம் சரி தான். எனினும் அவர் எந்த அளவிற்கு இஸ்லாத்தின் உண்மையான போதனைகளுக்கு நெருக்கமாக இருக்கிறார் என்பது விவாதத்திற்குறியதே.

இசை இஸ்லாத்தில் ஹராம் என்பது ஏ.ஆர்.ரஹ்மானுக்கு தெரியாதா , யாரும் சொல்ல வில்லையா என்றெல்லாம் நம்மில் பலர் பேசிகொள்வதுண்டு.

ஏ.ஆர்.ரஹ்மான் இஸ்லாத்தை தழுவ காரணமாக இருந்தது சூபிசம் கொள்கைவாதிகள் தான் எனவே அதன் அடிப்படையிலே தர்கா –இசை பற்றிய பார்வை அவருக்கு இருக்கிறது.

ஏ.ஆர்.ரஹ்மானை விடுங்கள் நம்மில் பலருக்கு கூட இசை மார்க்கத்தில் அனுமதிக்கபட்டதா இல்லையா என்ற தெளிவு இல்லை...

காரணம் பெரும்பான்மையானவர்கள் என்ன நினைக்கிறார்கள் என்றால் இசை ஹலாலாக இருந்திருக்க கூடாதா என்றே எண்ணத்திலேயே இசைக்கு ஆதரவான ஆதாரத்தை இஸ்லாத்தில் தேடுகிறார்கள்.

சில விஷயங்கள் தெளிவாக இருந்தாலும் நம் கண்களுக்கு புலப்படுவதில்லை காரணம் நம் உள்ளம் சத்தியத்தின் பக்கம் இல்லை, மன இச்சைபடியே செல்கிறது என்பதே உண்மை.

அல்லாஹ்வே அனைத்தையும் அறிந்தவன்.

மக்கா விபத்து குறித்து மகிழ்ச்சி தெரிவித்து பதிவிட்ட பா.ஜ.க நிர்வாகி கைது!

noreply@blogger.com (.) — Wed, 16 Sep 2015 13:10:00 +0530

சகோதர சகோதரிகளுக்கு அஸ்ஸலாமு அழைக்கும்.

சென்னை: மக்கா விபத்து குறித்து மகிழ்ச்சி தெரிவித்து ஃபேஸ்புக் சமூக வலைதளத்தில் பதிவிட்ட வேல்முருகன் என்பவரை காவல்துறையினர் கைது செய்துள்ளனர்.

கடந்த வெள்ளியன்று மாலை முஸ்லிம்களின் புனித நகரமான மக்காவில் கடும் மணல் காற்று மற்றும் பலத்த மழையின்போது கட்டுமானப்பணியில் ஈடுபட்டிருந்த கிரேன் முறிந்து விழுந்தௌ சுமார் 107 ஹஜ் யாத்ரீகர்கள் சஹீதானார்கள்.

உலகையே அதிர்ச்சியடைய செய்த இச்சம்பவத்திற்கு பலரும் இரங்கல் தெரிவித்திருந்த நிலையில், மதுரை திருமங்கலத்தைச் சேர்ந்த வேல்முருகன் என்ற பா.ஜ.க நிர்வாகி, "மக்கா சம்பவம் சந்தோஷமான செய்தி" என்று பதிவிட்டிருந்தார். அதனை அவரது நட்பில் உள்ள சிலரும் ஆதரித்திருந்தனர்.

இந்த நிலையில் மத உணர்வுகளை புண்படுத்தும் விதமாகவும், மத ஒற்றுமைக்கு உலை வைக்கும் விதமாகவும் இருந்த இப்பதிவுக்கு எதிர்ப்பு தெரிவித்த சில சமூக ஆர்வலர்கள் வேல்முருகனுக்கு எதிராக சட்ட நடவடிக்கை எடுக்குமாறு கோரியிருந்தனர்.

இந்த நிலையில் திருமங்கலத்தைச் சேர்ந்த அஜ்மிர் அலி என்பவர் இந்த குரூர மனப்பான்மை கொண்ட பதிவு குறித்து காவல்துறையினரிடம் புகார் செய்தார்.

இந்த புகாரின் அடிப்படையில், வேல்முருகனை காவல்துறை கைது செய்தனர். மேலும் இவர் மீது 153ஏ,295ஏ,(505(1)(C) மற்றும் (505) (2) ஆகிய பிரிவுகளின் கீழ் வழக்கு பதிவு செய்யப்பட்டுள்ளது.

எங்கள் நிறுவனத்தின் மீதான குற்றசாட்டை நிரூபிக்க முடியுமா "Amma.com" சவால்.

noreply@blogger.com (.) — Tue, 15 Sep 2015 11:12:00 +0530

சகோதர சகோதரிகளுக்கு அஸ்ஸலாமு அழைக்கும்..

Nagore Lawyer என்ற முகநூல் கணக்கின் ஊடாக சகோதரர் ஒருவர் NAGORE WIFI (AMMA.COM ) நிறுவனத்தின் மீது பல குற்றசாட்டை சுமத்தியிருந்தார்.

அந்த குற்றசாட்டுகள் அனைத்தும் அபாயகரமானவை..

இந்த நிறுவனத்தின் வாடிக்கையாளர்கள் ஒவ்வொருவரின் தனிப்பட்ட அந்தரங்கத்தையும் அதாவது NAGORE WIFI சேவையை பயன்படுத்தும் ஒவ்வொருவரின் மொபைலும் , கணினியும் சேவை வழங்கும் அந்த நிறுவனத்தின் கட்டுப்பாட்டில் வந்துவிடும். எந்த ஒரு DATAவையும் அவர்கள் திருடமுடியும். தவறாக பயன்படுத்த முடியும் என்ற குற்றசாட்டை முன்வைத்தமையால் அதை நம் தளத்தில் வெளியிட்டு சம்மந்தப்பட்ட நிறுவனம் விளக்கம் அளிக்கவேண்டும் என்ற கோரிக்கையை முன்வைத்தோம்.

அதன்படி அந்த நிறுவனம் கீழ்காணும் விளக்கத்தை அளித்துள்ளது.

மேற்கண்ட விளக்கத்தில் , இந்த குற்றசாட்டுகள் அனைத்தும் பொய்யென்றும் இது தொழில்போட்டி மற்றும் காழ்புணர்ச்சியினால் செய்யப்பட்ட பிரச்சாரம் என்றும் அந்த நிறுவனம் விளக்கம் அளித்துள்ளது.

மேலும் இந்த குற்றசாட்டை நிரூபித்து காண்பிக்க குற்றம் சுமத்தியவர்களால் முடியுமா ? என்றும் அந்த நிறுவனம் சவால்விட்டுள்ளது.

குற்றம் சுமத்தியவர்கள் நிரூபிக்க முன்வருவார்களா ..

பொறுத்திருந்து பார்போம்...

=========================

‘இந்த மாதமும் இந்த புனிதமிக்க மக்கமா நகரமும் இந்த நாளும் எப்படி புனிதமானதோ அவ்வாறே ஒரு முஸ்லிமின் கண்ணியம் உயிர் உடமைகள் புனிதமானவை. ஒரு முஸ்லிமுடைய கண்ணியம் அவனுடய இரத்தம் அவனுடைய சொத்து-செல்வங்கள் மற்ற முஸ்லிம்களுக்கு ஹராமாகும. (அறிவிப்பாளர் : இப்னு அப்பாஸ் ரளியல்லாஹு அன்ஹு, ஆதாரம் : புகாரி 1652)

மனிதனின் கண்னியத்தை நபிகள் நாயகம் ஸல்லல்லாஹு அலைஹி வஸல்லம் அவர்கள் மக்கா நகரத்தின் புனிதத்தன்மைக்கு இனையாக உவமித்திருப்பது மனிதனின் மானம் எவ்வளவு பெருமானம் மிக்கது என்பதையே காட்டுகின்றது.

எனவே பிறரின் மீது வீண்பழி சுமத்தி , ஒரு முஸ்லீமின் கண்ணியத்திற்கு குந்தகம் விளைவிப்பவர்களும்...

ஒரு முஸ்லிமின் மானத்தோடு விளையாடுபவர்களும் அல்லாஹ்வை அஞ்சிகொள்ளட்டும்.

அல்லாஹ்வே அனைத்தையும் அறிந்தவன்.

Nagore wifi மீதான குற்றச்சாட்டுகள் உண்மையா.

noreply@blogger.com (.) — Mon, 14 Sep 2015 20:10:00 +0530

சகோதர சகோதரிகள் அனைவருக்கும் அஸ்ஸலாமு அழைக்கும்...

சமீபத்தில் AMMA.COM என்ற பெயரில் நாகூர் முழுவதும் WIFI INTERNET (Nagore wifi) சேவை அறிமுகம் என்று விளம்பரம் செய்யப்பட்டு வருவதை நாம் அனைவரும் அறிவோம்.

இந்த கட்டண சேவையை பெறுவதற்கு முன்பாக அதன் தரத்தை TRAIL செய்து பார்க்க விரும்புவோருக்கு சில தினங்களுக்கு இலவசமாக இன்டர்நெட் சேவை வழங்கப்படும் என்றும் விளம்பரம் செய்யப்பட்டு அதன்படி இலவச சேவை வழங்கப்பட்டது.

இந்நிலையில் NAGORE LAWYER என்ற முகநூல் கணக்கின் மூலம் சகோதரர் ஒருவர் அதிர்ச்சியான செய்தியை amma.com நிறுவனரின் புகைப்படத்தை போட்டு வெளியிட்டுள்ளார்.

அந்த செய்தி இது தான் :

மேற்கண்ட செய்தியை படிக்கும்போது.. மிகவும் அதிர்ச்சியாக இருக்கிறது,

எனினும் இந்த நிறுவனத்தின் மீதான குற்றசாட்டை அதன் நம்பகத்தன்மையை நாம் கண்டிப்பாக ஆராய வேண்டும் அதன் பின்னரே நாம் எந்த ஒரு முடிவிற்கும் வர வேண்டும்.

ஏனெனில் இந்த நிறுவனம் இப்போது தான் ஆரம்பிக்கப்பட்டு வளர்ந்து வருகிறது ஆகையால் இது காழ்புணர்ச்சியினால் ஏற்படுத்தப்பட்ட குற்றசாட்டாக கூட இருக்கலாம்.. அல்லது அனுமானங்களாக கூட இருக்கலாம்.

தொலைத்தொடர்பு துறையில் இது போன்ற சந்தேகங்கள் வருவது இயல்பு தான் ஏனெனில் இதுபோன்ற இணையவழி திருட்டுகள் நடப்பதற்கு பல சாத்தியகூறுகள் இருக்கவே செய்கிறது.

அதே சமயம் இந்த குற்றசாட்டை முழுவதுமாக அலட்சியம் செய்ய முடியாது. காரணம் இது ஓவ்வொருவரின் அந்தரங்கத்தையும் எட்டிபார்க்கும் பாதகமான செயல்... ஆகவே நாம் என்ன சொல்கிறோம் என்றால்...

உடனடியாக அம்மா.காம் நிறுவனர் இந்த குற்றசாட்டிற்கு முறையான விளக்கத்தை அளிக்க வேண்டும். உங்கள் நிறுவனத்திற்கு எதிராக முகநூலில் செய்தி வெளியிடபட்டுள்ளது. வெளியிடப்பட்ட குற்றசாட்டு பொய்யாக , இட்டுகட்டபட்டதாக கூட இருக்கலாம் ஆனால் குற்றசாட்டப்பட்ட விஷயம் ஒவ்வொரு தனிநபர் சம்மந்தபட்டது ஆகையால் நீங்கள் பகிரங்கமாக குற்றச்சாட்டிற்கான மறுப்பை வெளியிட வேண்டும். உங்கள் வாடிக்கையாளர்களுக்கு நீங்கள் விளக்கமளிக்க வேண்டும் அதுவே இந்த குற்றச்சாட்டிற்கு நீங்கள் வைக்கும் முற்றுபுள்ளியாக அமையும் என்ற கேட்டுகொள்கிறோம்.

உங்கள் மறுப்பை nagoreflash@ymail.com என்ற முகவரிக்கு நீங்கள் அனுப்பினால், அதை நாகூர் பிளாஷ் தளத்திலும் உங்களின் மறுப்பாக வெளியிடுகிறோம்.

அல்லாஹ்வே அனைத்தையும் அறிந்தவன்.

நாகூர் தர்காவின் 15 கோடி மதிப்புள்ள மரகதக் கல் எங்கே ? - நெற்றிக்கண்

noreply@blogger.com (.) — Fri, 28 Aug 2015 11:45:00 +0530

ஏர்டெல் மூலம் இந்தியர்களை வேவுபார்க்கும் இஸ்ரேல்! அம்பலப்படுத்தியவருக்கு நோட்டீஸ்!

noreply@blogger.com (.) — Wed, 10 Jun 2015 13:52:00 +0530

பெங்களூரூவைச் சேர்ந்த புரோகிராமர் தேஜேஷ் GN. கடந்த ஜூன் 3-ம் தேதி ஏர்டெல் 3ஜி நெட்வொர்க் மூலம் தன்னுடைய வலைதளத்தைப் பயன்படுத்திருக்கிறார். அப்போது தளத்தின் சோர்ஸைச் சோதனை செய்தபோது ஒரு வித்தியாசமான ஜாவாஸ்க்ரிப்ட் (Anchor.js) கோடு சேர்க்கப்பட்டிருப்பதைப் பார்த்து அதிர்ந்தார். ஏனென்றால் ஒரு வலைதளத்தில், பயனீட்டாளரின் அனுமதியில்லாமல் ஜாவாஸ்க்ரிப்டைத் திணிப்பது தவறானது. தேஜேஷ் தன் வலைதளத்தில் இன்னொரு iFrame கோடும் இருந்ததை பின்னர் கண்டுபிடித்தார்.

இந்த இரு கோடுகளிலும் இருந்தது ஒரே ஒரு ஐபி முகவரி. 223.224.131.144 எனும் இந்த ஐபி முகவரியை ட்ரேஸ் செய்தபோதுதான் தேஜேஷுக்கு அதிர்ச்சி காத்திருந்தது. காரணம், இந்த ஐபியை வைத்திருந்தது பெங்களுரூவில் இருக்கும் பாரதி ஏர்டெல் நிறுவனம். இதைக் கொஞ்சமும் எதிர்பார்த்திருக்காத தேஜேஷ், பிரபல GitHub வலைதளத்தில் இதை அம்பலப்படுத்தினார்.

இங்கேதான் ஒரு சின்ன ட்விஸ்ட்.

அடுத்த சில நாட்களில் இஸ்ரேலைச் சேர்ந்த பிளாஷ் நெட்வொர்க்ஸ் எனும் மும்பையில் இருந்த தனது வழக்கறிஞர்கள் மூலம் தேஜேஷுக்கு ஒரு Cease & Desist நோட்டீஸை அனுப்ப, ஷாக்காகி விட்டார் தேஜேஷ்.

ஏர்டெல் நிறுவனம் பயன்படுத்தியிருந்த ஜாவாஸ்க்ரிப்ட்டுக்கு உரிமை கோரியிருந்த இந்த நிறுவனம், இதைப் பற்றிய தகவல்களை இணையத்தில் இருந்து உடனடியாக நீக்குமாறு தேஷேஜ்-க்கு நோட்டீஸில் தெரிவித்திருந்தது. மேலும், தேஜேஷ்-ன் நடவடிக்கைகள் ஐ.பி.கோ 1860, தகவல் மற்றும் தொழில்நுட்ப சட்டம் செக்‌ஷன் 2000-படி சட்டப்படி தவறு என்கிறது ஃபிளாஷ் நெட்வொர்க்ஸ்.

இந்த நிறுவனம் தேஜேஷுக்கு நோட்டீஸ் அனுப்பியதோடு மட்டும் நிற்காமல், GitHub வலைத்தளத்துக்கும் DMCA (Digital Millenium Copyright Act) டேக்-டவுன் நோட்டீஸை அனுப்பி தேஜேஷ் பதிவேற்றியிருந்த தகவல்களை அகற்றவும் வைத்தது. ஃபிளாஷ் நெட்வொர்க்ஸ் நிறுவனம் நோட்டீஸில் தன்னுடைய Anchor.js ஜாவாஸ்க்ரிப்ட்டுக்கு உரிமை கோரியிருந்தால், இந்த ஜாவா கோடு மூலம் அந்த நிறுவனக்கும், ஏர்டெல்லுக்கும் என்ன காரியம் ஆகிறது என்று குறிப்பிடவேயில்லை. இத்தனைக்கும் ஏர்டெல், ஃபிளாஷ் நெட்வொர்க்ஸ்-ன் வாடிக்கையாளர்.

இங்குதான் நெட் நியூட்ராலிட்டி பிரச்னையும் சேர்கிறது. ஏற்கனவே இந்தப் பிரச்னையில் ஏர்டெல்லின் பெயர் அடிவாங்கியது எல்லோருக்கும் தெரியும். இப்போது ஏர்டெல்லின் இந்த செயல் அம்பலப்படுத்தப்பட்டு இருப்பதால், மேலும் பிரச்னைதான். ஏனென்றால், ஒரே வலைதளம் ஏர்டெல் நெட்வொர்க்கில் ஒரு மாதிரியும், வேறு ஒரு நெட்வொர்க்கில் வேறு மாதிரியும் தெரிவது தவறுதான்.

ஃபிளாஷ் நெட்வொர்க்ஸ் நிறுவனம் இதுகுறித்து எந்த விளக்கமும் அளிக்காத நிலையில், ஏர்டெல் நிறுவனம் தன்னுடைய வாடிக்கையாளர்கள் இணையப் பயன்பாட்டை கணக்கிடுவதற்கான தொழில்நுட்பம்தான் இது எனவும், ஒரு தனியார் நிறுவனம் மூலம் இதைச் செய்வதாகவும் விளக்கம் அளித்திருக்கிறது. மேலும், ஃபிளாஷ் நெட்வொர்க்ஸ் அனுப்பிய நோட்டீஸுக்கும், தனக்கும் எந்த சம்பந்தமும் இல்லை என தெரிவித்திருக்கிறது.

ஒரு இந்திய நிறுவனத்தின் செயல் குறித்து இணையத்தில் பதிவிட்டால், இஸ்ரேலில் இருந்து லீகல் நோட்டீஸ்! நல்லா இருக்கு!

பின்குறிப்பு: வோடஃபோன் நிறுவனமும் ஃபிளாஷ் நெட்வொர்க்ஸ் நிறுவனத்துக்கு வாடிக்கையாளராம்!, இஸ்ரேல் எந்த அளவிற்கு இந்தியாவில் உள்ள ஒவ்வொரு இந்தியனின் செயலையும் கண்காணிகிறது இதன் மூலம் ஆதாரத்தோடு அம்பலப்பட்டுள்ளது ...

ர. ராஜா ராமமூர்த்தி

நன்றி விகடன்

தரமான நிறைவான கல்விக்கு ஒரே வழி!

noreply@blogger.com (.) — Tue, 9 Jun 2015 10:47:00 +0530

நாட்டின் சட்டங்களில் "கல்வி பெறும் உரிமைச் சட்டம்" மிக முக்கிய ஒன்று. ஆறு முதல் பதினான்கு வயது வரையுள்ள ஒவ்வொரு மாணவனுக்கும் கல்வியை இலவசமாகக் கற்பதற்கான வாய்ப்புதான் இந்தச் சட்டம்.

இச் சட்டம் நமது தேசத்திற்குப் புதிதான ஒன்றல்ல. கல்வியாளர் அபுல் கலாம் ஆசாத் மற்றும் சட்டமேதை அண்ணல் அம்பேத்கர் இணைந்து கடந்த 1950-ஆம் ஆண்டு முன்வைத்த சட்டம்தான் இது. சமூகத்தில் அனைத்து தரப்பினரும் கல்வி பெற்று எங்கே உயர்ந்து விடுவார்களோ என்றெண்ணி சில சதிகாரர்களால் இச் சட்டம் நிறைவேறாமலே போய்விட்டது. இன்றளவும் அந்த "சமூக அநீதி" நடைமுறையில்தான் உள்ளது.

எதற்கெடுத்தாலும் மேலைநாடுகளை உதாரணம் காட்டும் நம் அரசியல் தலைவர்கள், கல்வியை இலவசமாக வழங்க வேண்டும் என்ற செயல்பாட்டை மட்டும் ஏன் பார்க்க தவறிவிட்டார்கள்?

குட்டி நாடான பின்லாந்து முதல் மாபெரும் சக்தியான அமெரிக்கா உட்பட அநேக நாடுகளில் உயர்கல்வி வரை அரசே இலவசமாக வழங்கி வருவதுதான் அந்த நாட்டின் மேம்பாட்டிற்கு மிக முக்கியக் காரணம். நம்மிடம் இல்லாத செல்வ வளமா, அந்த நாடுகளில்…! எத்தனை முறைகேடுகள்..! எத்தனை கோடிகள் கொள்ளைகள்..! அப்படியானால் காரணம் பணமல்ல. கல்வித்துறையில் சமூக அநீதி நிலைத்திருக்க வேண்டும் என்ற எண்ணம் இன்னும் நீடித்துக் கொண்டிருக்கின்றது என்பதுதான் காரணமோ..!

கல்வி பெறும் உரிமைச் சட்டம் வாயிலாகக் குறைந்தபட்சம் பள்ளிக்கல்வி படிப்பதற்கு உதவி செய்ய முன்வந்துள்ளார்களே என்ற ஆசை இருந்தாலும், அதை நடைமுறைப்படுத்துவதில் அரசு மேற்கொண்ட உக்திகள் நடைமுறையில் சாத்தியமில்லாதவை. ஏழை மாணவர்களுக்கு 25 சதவிகித இடஒதுக்கீட்டினை தனியார் பள்ளிகளில் பெற்றுக் கொள்ளுங்கள் என அரசு 2 வருடங்களுக்கு முன் கூறியது அரசின் கையாளாகாத தனத்தையே காட்டியது.

இன்றளவும் இந்த இடஒதுக்கீட்டின் அடிப்படையில் பெரும்பான்மையான மாணவர்கள் சேர்க்கப்படவில்லை என்பதுதான் உண்மை. சில பள்ளிகள் தங்கள் பள்ளிகளில் வேலை பார்க்கும் பியூன், ஆயம்மா போன்றவர்களின் பிள்ளைகளுக்குக் குறைந்த கட்டணத்தில் (இலவசமாக அல்லாமல்) இடமளித்து, அந்த நபர்களின் பட்டியலைக் கொண்டு இடஒதுக்கீடு கொடுத்துவிட்டோம் என்று கணக்கு காட்டுகின்றார்கள்.

இன்னும் சில பள்ளிகளில் "நீங்கள் கட்டணத்தைச் செலுத்தி விடுங்கள்; அரசு எங்களுக்குப் பணம் கொடுத்தால் அதனை நாங்கள் திருப்பித் தருவோம்!" என்று கட்டணம் வசூலித்துதான் சேர்த்துக் கொண்டனர். கொஞ்சம் யோசித்துப் பார்த்தால் அரசின் இந்த நடைமுறைப்படுத்துதல் என்பது முட்டாள்தனமானது என நம்மால் புரிந்து கொள்ள முடிகின்றது.

அரசினால் தனியார் பள்ளிகளை நடைமுறையில் கட்டுக்குள் கூடக் கொண்டுவர முடியவில்லை என்பதுதான் உண்மை. ஒவ்வொரு பள்ளிக்கும் கட்டணம் நிர்ணயம் செய்தார்கள்; தனியார் பள்ளிகள் பின்பற்றினவா? கல்வித்துறையில் தனியாரின் ஆதிக்கம் அளவுகடந்து சென்றுவிட்டது. தனியார் பள்ளிகள் தேவைதான்; அரசு தன் கடமையை முழுமையாகச் செய்துவிட்டு, இன்னும் சில தேவைகள் இருப்பின், அதனடிப்படையில் அரசின் நோக்கத்தையே அடிப்படையாகக் கொண்டு, அரசின் கட்டுப்பாட்டிற்குள் இயங்கும் அரசு அல்லாத பள்ளிகளாகத்தான் தனியார் பள்ளிகள் இருக்க வேண்டும். ஆனால், இங்கு அரசின் தேவைக்காகவோ அல்லது தனிமனித சேவைக்காகவோ தனியார் பள்ளிகள் செயல்படவில்லை. அரசை மீறிதான் அவை செயல்பட்டுக் கொண்டிருக்கின்றன. அதற்கு அங்கீகாரமும் கொடுத்திருக்கின்றது நமது அரசாங்கம்..!

சட்டம் இயற்றியதோடு, சட்டத்தை நடைமுறைப்படுத்துவதற்கான எந்த ஆரோக்கியமான வேலையையும் அரசு செய்யவில்லை. இதே தமிழகத்தில் அனைவருக்கும் இலவச கல்வி வழங்கி, ஒரு மாபெரும் கல்விப்புரட்சி செய்தவர்தான் மாமேதை காமராசர் அய்யா. கல்வி கற்க வேண்டும் என்ற விழிப்புணர்வே இல்லாத காலம் அது. அவர் பல்லாயிரக்கணக்கான கல்விக் கூடங்களை மட்டும் கட்டவில்லை. அங்கே படிப்பதற்கு பிள்ளைகளை அனுப்ப வேண்டும் என்று வீதிவீதியாக சென்று மாநிலத்தின் முதல்வரான அவரே பிரச்சாரம் செய்தார்.

இன்னும் ஒருபடி மேலே சென்று மதிய உணவுத் திட்டத்தை அறிமுகம் செய்ததோடு, அதற்கான நிதியை ஏற்பாடு செய்வதற்கு பிச்சையெடுக்கவும் தயாரென்று எட்டயபுரம் பொதுக்கூட்டத்தில் உரையாற்றினார். ஏழ்மை நிலையிலிருந்து வந்ததனாலோ என்னவோ, ஏழ்மை நிலையில் உள்ளவர்களின் துயர்துடைக்கப் பாடுபட்டார்.

ஆனால், இன்று அரசு செய்து கொண்டிருக்கும் ஒரே வேலை… அரசுப் பள்ளிகளுக்கு மூடுவிழா நடத்திக் கொண்டிருப்பதுதான்...! கேட்டால் குறைவான சேர்க்கைதான் நடைபெறுகின்றது என்று சப்பைக்கட்டுகின்றார்கள். தரமில்லையென்றால் தனியார் பள்ளிகளுக்கும் ஆள்வரமாட்டார்கள். அரசுப்பள்ளிகளில்தான் மேதைகள் பலர் உருவாகியிருக்கின்றார்கள் என்பது உண்மைதான். ஆனால், அப்போது நிறைவான, தரமான பள்ளிக்கூடங்கள் இருந்தன என்பதும் உண்மை. இப்போது அப்படியில்லை…! பள்ளிக்கூடங்கள் மட்டுமல்ல… அரசும்தான்.

மீண்டும் சொல்கின்றேன். கல்வித்துறையில் சமூக அநீதி காலூன்றி இருக்கின்றது. இந்த சிந்தனை களையப்படாமல், தரமான, நிறைவான கல்வி எல்லோருக்கும் கிடைக்கும் என்று எத்தனை சட்டங்கள் இயற்றினாலும் அவை வீணான சட்டங்களே…!

மு. சையது அபுதாஹிர்
ஆராய்ச்சி மாணவர்
பாரதியார் பல்கலைக்கழகம்.

தாழ்த்தப்பட்ட மற்றும் முஸ்லிம் , கிறிஸ்துவ மக்களுக்கு எதிராக ஆர்.எஸ்.எஸ் யின் ரகசிய சுற்றறிக்கை!

noreply@blogger.com (.) — Tue, 9 Jun 2015 09:35:00 +0530

மக்கள் தொகையில் பெரும்பான் மையினராக உள்ள தாழ்த்தப்பட்ட, பிற் படுத்தப்பட்ட ,- தலித் பகுஜன் மக்களை ஏமாற்றிப் பயன்படுத்துவது என்பதன் அடிப்படையில் அமைந்த பார்ப்பனீய நடைமுறையைப் பாதுகாப்பதுதான் இந்துத்துவாவின் அடிப்படை நோக்க மாகும் என்பதை, ஆர்.எஸ்.எஸ்.சின் கொள்கைகளையும், அறிக்கைகளையும் கூர்ந்து ஆராய்ந்து வந்த எண்ணற்ற கல்வியாளர்கள் சுட்டிக் காட்டியுள்ளனர்.

இந்துத்துவத்தைப் பற்றி அண்மையில் நான் காண நேர்ந்த ஆர்வமளிக்கும் ஓர் ஆய்வு அது பெற்றிருக்கவேண்டிய கவனத்தைப் பெறாமல் போனது பெரும் இழப்புக் கேடேயாகும். சியாம் சந்தின் காவியுடை பாசிசம் என்ற நூல் ஓர் மதி நுட்பம் நிறைந்த, நுணுக்கமாக மேற் கொள்ளப்பட்ட ஆய்வு நூலாகும். சியாம் சந்த் அரியானா சட்ட மன்ற உறுப் பினராக பல ஆண்டுகள் இருந்து, கலால், வரிவிதிப்பு, நகர்ப்புற மேம்பாடு, உணவு, வினியோகம், சமூக நலம் போன்ற பல துறைகளில் அமைச்சராகவும் சேவை செய்துள்ளார்.

ஆர்.எஸ்.எஸ். தனது பிரசாரகர்களுக்கு அனுப்பிய ஒரு ரகசிய சுற்றறிக்கையின் சில பகுதிகள் இந்நூலில் அளிக்கப்பட் டுள்ளது. முஸ்லிம்களையும், கிறித்துவர் களையும் தாக்குவதற்கு தலித் பகுஜன் மக்களைப் பயன்படுத்திக் கொள்ளும் பார்ப்பன உத்தியை அது தெளிவாகச் சுட்டிக்காட்டுகிறது. தலித் பகுஜன் மக்களை உயர்ஜாதியினரின் நிரந்தர அடிமைகளாக வைத்திருக்கும் நோக்கம் கொண்டது இது.

இந்நூலின் 143-44 ஆம் பக்கங்களில் இருப்பதை அப்படியே இங்கு தருகிறேன்.

சுற்றறிக்கையிலிருந்து . . . . ( . . . ) அம்பேத்கரின் ஆதரவாளர்களையும், முசல்மான்களையும் எதிர்த்து சண்டையிடுவதற்கான தொண்டர்களின் எண்ணிக்கையை உயர்த்த கட்சியில் தாழ்த்தப்பட்ட ஜாதி மக்களும், பிற்படுத்தப்பட்ட ஜாதி மக்களும் சேர்க்கப்பட வேண்டும்.

பழிவாங்கும் ஒரு நோக்கம் மற்றும் உணர்வுடன் இந்துத்துவக் கோட்பாடு மருத்துவர்களிடையேயும், மருந்தாளர்களிடையேயும் பிரச்சாரம் செய்யப்படவேண்டும். அவர்களது உதவியுடன் காலம் கடந்த மருந்துகளையும், தீவிரமான மருந்துகளையும் தாழ்த்தப்பட்ட மக்கள், பழங்குடியின மக்கள் மற்றும் முசல்மான்களிடையே வினியோகிக்க வேண்டும்.

சூத்ரர்கள், ஆதி சூத்ரர்கள், முசல்மான்கள், கிறித்துவர்கள் மற்றும் அது போன்றவர்களின் குடும்பங்களில் புதிதாகப் பிறந்த குழந்தைகளுக்கு, ஊசி மருந்து செலுத்தி அவர்களை முடவர்களாக ஆக்கவேண்டும். ஒரு ரத்ததான முகாம் நடத்துவது போல காட்டி இதனைச் செய்யப் பயன்படுத்திக் கொள்ளவேண்டும்.

தாழ்த்தப்பட்டவர்கள், முசல்மான்கள், கிறித்துவர்கள் குடும்பப் பெண்கள் விபச்சாரத்தில் ஈடுபடுவதைத் தூண்டிவிட்டு, ஊக்கம் அளிக்கவேண்டும்.

தாழ்த்தப்பட்டவர்கள், பிற்படுத்தப்பட்டவர்கள், முசல்மான்கள், கிறித்துவர்கள், குறிப்பாக அம்பேத்கர் வழிநடப்பவர்கள், உடலுக்குத் தீங்கு விளைவிக்கும் உணவை உண்ணச் செய்து அவர்களை முடமாக்கும் திட்டங்கள் தவறின்றி தீட்டி நிறை வேற்றப் படவேண்டும். நமது கட்டளைப் படி எழுதப்பட்ட வரலாற்றை தாழ்த்தப்பட்ட, பிற்படுத்தப்பட்ட மாணவர்களை படிக்கச் செய்வதில் சிறப்பு கவனம் செலுத்தப்பட வேண்டும்.

கலவரங்களின்போது தாழ்த்தப்பட்ட ஜாதி மற்றும் முசல்மான் பெண்கள் கூட்டங் கூட்டமாகக் கற்பழிக்கப்படவேண்டும். நண்பர்களையும், தெரிந்தவர்களையும் கூட விட்டு வைக்கக்கூடாது. சூரத்தில் நடைபெற்றது போல இந்தப் பணி நடை பெற வேண்டும்.

முசல்மான்கள், கிறித்துவர்கள், பவுத்தர்கள், அம்பேத்கர் வழிநடப்பவர்களுக்கு எதிரான பிரசுரங்கள் எழுதி வெளியிடும் பணி தீவிரப்படுத்தப்பட வேண்டும். அசோகர் ஆர்யர்களுக்கு எதிரானவர் என்பதை மெய்ப்பிக்கும் வழியில் கட்டுரைகளும், நூல்களும் எழுதி வெளியிடப்படவேண்டும்.

இந்துக்களுக்கும் பார்ப்பனர்களுக்கும் எதிரான அனைத்து இலக்கியங்களும் அழிக்கப்படவேண்டும். தாழ்த்தப்பட்ட வர்கள், முசல்மான்கள், கிறித்துவர்கள், அம்பேத்கர் வழிநடப்பவர்களிடம் இத்தகைய இலக்கியங்கள் உள்ளனவா என்பது சோதனையிடப்படவேண்டும்.

அத்தகைய இலக்கியங்கள் பொது மக்களைச் சென்றடையாமல் இருப்பதை உறுதிப்படுத்திக் கொள்ளும் அளவில் மிகமிக கவனமாக இருக்கவேண்டும். இந்து இலக்கியம் மட்டுமே பிற்படுத்தப் பட்ட மற்றும் அம்பேத்கர் வழி நடப்பவர்களுக்கானதாக இருக்க வேண்டும்.

தங்களுக்கென ஒதுக்கப்பட்டு நிரப்பப் படாமல் உள்ள பேக்லாக் பணியிடங்களில் தாழ்த்தப்பட்டோரும், பழங்குடியினத்தவரும் எக்காரணம் கொண்டும் நியமிக்கப்பட அனுமதிக்கக்கூடாது. அரசுத் துறைகள், அரசு சார்ந்த துறைகள், அரசு சாரா துறைகளில் நியமிக்கப்படவும், பதவி உயர்வு அளிக்கப்படவுமான அவர்களது கோரிக்கை நிராகரிக்கப்படுவதையும், அவர்களைப் பற்றிய ரகசிய அறிக்கைகள் அவர்களது வேலையை பாழக்கும் வண்ணம் மோசமாக எழுதப் படுவதையும் கவனமாகக் கண்காணிக்க வேண்டும்.

தாழ்த்தப்பட்ட, பிற்படுத்தப்பட்ட மக்களிடையே நிலவும் போட்டி, பொறாமையை மேலும் மேலும் ஆழப் படுத்தி பலப்படுத்தவேண்டும். இதற்கு துறவிகள் மற்றும் சாமியார்களின் உதவியைப் பெற்றுக் கொள்ளவேண்டும்.

சமத்துவத்தைப் பிரச்சாரம் செய்யும் கம்யூனிஸ்டுகள், அம்பேத்கர் வழிநடப்பவர்கள், இஸ்லாமிய ஆசிரியர்கள், கிறித்து பிரசாரகர்கள், அண்டை அயலில் வாழும் கிறித்துர்கள் மீதான தீவிரத் தாக்குதல்கள் மேற்கொள்ளத் தொடங்கப்படவேண்டும்.

அம்பேத்கர் சிலைகள் மீது இன்னமும் பெரிய முயற்சியுடன் தாக்குதல்கள் நடத்தப்படவேண்டும். தாழ்த்தப்பட்ட, முஸ்லிம் எழுத்தாளர்கள் நமது கட்சியில் அதிக அளவில் நியமிக்கப்படவேண்டும். தாழ்த்தப்பட்டவர்கள், அம்பேத்கர் வழிநடப்பவர்களுக்கு எதிரான இலக் கியங்களை அவர்களைக் கொண்டு எழுதச் செய்து பிரச்சாரம் செய்யப்பட வேண்டும். இத்தகைய செய்திகள் முறையாகத் தொகுக்கப்பட்டு பிரச்சாரம் செய்யப்படுவதில் கவனம் செலுத்தப்பட வேண்டும்.

இந்துத்துவ எதிர்ப்பாளர்கள் போலி என்கவுன்டர்கள் மூலம் கொல்லப்பட வேண்டும். இப்பணி காவல்துறை மற்றும் பாராமிலிடரி சக்திகளின் உதவி யுடனேயே எப்போதும் கட்டாயமாக மேற்கொள்ளப்படவேண்டும்.

-- யோகீந்தர் சிக்கந்த் - தமிழில்: த.க.பாலகிருட்டிணன்-"காவியுடை பாசிசம்" என்னும் நூலிலிருந்து - "விடுதலை” ஞாயிறுமலர் 6-6-2015

நன்றி : இந்நேரம் .காம்

ஓடும் விமானத்தில் அவமதிக்கப்பட்ட இஸ்லாமிய சகோதரி

noreply@blogger.com (.) — Wed, 3 Jun 2015 12:38:00 +0530

முஸ்லிம்களுக்கு எங்கள் நிறுவனத்தில் வேலையில்லை, வாடகைக்கு வீடு இல்லை, ஹிஜாப் அணிந்து வரக்கூடாது, தாடி வைத்து இருக்க கூடாது என்று உலகில் முஸ்லிம்களுக்கு எதிரான கெடுபிடிகள் ,அடக்குமுறைகளை நாம் எதிர்கொண்டு வரும் இவ்வேளையில்...

அதன் உச்சமாக சமீபத்தில் ஓர் சம்பவம் நடந்துள்ளது..

நடந்த நிகழ்வு இதுதான் :

கடந்த மே 29 தேதி தாஹிரா அஹமது என்ற சகோதரி united airlines என்ற விமானத்தில் பயணித்து கொண்டிருக்கிறார்.. விமானம் 30,000அடி உயரத்தில் சென்று கொண்டிருக்கிறது.., விமான பணிப்பெண் நீங்கள் என்ன சாப்பிடுகிறீர்கள் என்று தாஹிராவிடம் கேட்க , எனக்கு diet coke வேண்டும் என்று கேட்டுள்ளார்.. கேட்டதை போல் diet coke வந்தது ஆனால் அது முன்னரே சீல் உடைக்கபட்டிருப்பதை பார்த்த தாஹிரா .. என்ன இது எனக்கு சீல் உடைக்காத diet coke வேண்டும் என்று கேட்டிருக்கிறார். அதற்க்கு அந்த பணிபெண் .. மன்னிக்கவும் சீல் உடைக்காத diet coke உங்களுக்கு தரமுடியாது என்று சொல்லிவிட்டார் .. பிறகு அதே பணிப்பெண் தாஹிரா இருக்கைக்கு முன்னே உள்ள ஒருவருக்கு சீல் உடைக்காத (cane beer) பீர் வந்து கொடுத்துள்ளார் அதை பார்த்த தாஹிரா , இவருக்கு கொடுக்கும்போது எனக்கு மட்டும் கொடுக்க ஏன் மறுத்தீர்கள் என்று பணிப்பெண்னிடம் கேள்வி எழுப்ப ..

அதற்க்கு அவர் கூறிய பதில் ... இதை (சீல் உடைக்கப்படாத diet coke) உங்களுக்கு(முஸ்லிம்களுக்கு) கொடுக்க எங்களுக்கு அதிகாரம் இல்லை , ஏனெனில் இதை நீங்கள் ஆயுதமாக பயன்படுத்த கூடும் என்று கூறியுள்ளார்.. இதை கேட்டவுடன் தாஹிரா தான் அவமதிக்கப்பட்டதை உணர்ந்து மனவேதனை அடைந்துள்ளார்.. நீங்கள் என்னை அவமதிக்கும் விதமாக நடந்து கொள்கிறீர்கள் என்று தனது ஆதங்கத்தை தாஹிரா முறையிட்டுகொண்டிருக்க ...

எதிரே அமர்ந்து இருந்த பயணி ஒருவன் எழுந்து .. ஏ முஸ்லிமே .. நீ வாயை மூடு என்று அசிங்கமான சொற்களில் பேசியுள்ளான் .. அதர்ச்சியான தாஹிரா , என்ன சொன்னீர்கள் என்று கோபமாக கேட்ட ..

ஆமாம் உனக்கே தெரியும் நீ அதை ஆயுதமாக பயன்படுத்தகூடியவள் தான் என்று கோபமாக கத்தியுள்ளான்... இதை எதிர்பார்க்காத தாஹிரா... சுற்றி இருக்கும் மற்றவர்கள் தனக்காக குரல் கொடுப்பார்கள் என்று பார்த்தால்... எல்லோரும் நிகழ்வை ஆமோதிக்கும் விதமாக நடந்தது கொண்டதை பார்த்து செய்வதைரியாது . மனவேதனையில் அழுதுள்ளார் ...,

மேற்கண்ட நிகழ்வு கடந்த மே 29 அன்று நடந்துள்ளது ... அடுத்த நாள் அவர் முகநூலில் தனக்கு நேர்ந்த விஷயத்தை post செய்யவும் .. விஷயம் பெரும் பரபரப்பை ஏற்படுத்தியது ...

விமான நிறுவனம் வெளியிட்டுள்ள செய்தி

இதற்க்கு விமான நிறுவனம் வருத்தம் தெரிவித்தாலும் அது ஏற்புடையாதாக இல்லை என்று தாஹிரா கூறியுள்ளார்.. இது ஒன்றும் diet coke கேட்டதனால் நடந்த சிறிய வாக்குவாதம் அல்ல .. இது முற்றியும் முஸ்லிம்களை தீவிரவாதியாக பார்க்கும் , அவமதிக்கும் செயல் .. அதிலும் நான் பலரால் அறியப்பட்ட ஓர் நபர் .. என் மதத்தை குத்திகாட்டி என்னை தீவிரவாதி என்ற அளவிற்கு பேசி தனது இனவெறியை வெளிபடுத்திய இச்சம்பவம் மிகவும் கண்டிக்க தக்கசெயல் என்று கூறியுள்ளார்..

(அமெரிக்க அதிபர் ஒபாமாவால் பாராட்டப்பட்டவர் தஹரா என்பது குறிப்பிடத்தக்கது. இஸ்லாமிய சமுதாயத்திற்காக இவர் ஆற்றிய பணிகளுக்காக வெள்ளை மாளிகையில் நடந்த நிகழ்ச்சியில் ஒபாமாவால் பாராட்டிக் கெளரவிக்கப்பட்டவர் தஹரா. மேலும் அமெரிக்க வெளியுறவுத்துறை சார்பில் ஆப்கானிஸ்தானுக்ும் சென்று வந்தவர் இவர். அமெரிக்காவின் இரட்டை முகத்தையே தஹராவுக்கு நேர்ந்த அவமரியாதை வெளிப்படுத்துவதாக உள்ளது.)

30,000 அடி உயரத்தில் பறந்து கொண்டிருந்த ஓர் விமானத்தில் Tahera ahmad என்ற சகோதரிக்கு நடந்த இச்சம்பவம் பல விஷயங்களை நமக்கு விளங்கபடுத்துகிறது...

முஸ்லிம்கள் என்ன உயர்பதவிகளில் இருந்தாலும் , எப்படி பட்ட துறையில் பணிபுரிந்தாலும் , எந்த நாட்டில் வசித்தாலும் .. முஸ்லிம்கள் என்றால் அவர்கள் தீவிரவாதியாக தான் இருப்பார்கள் என்ற பொதுபுத்தி உலகம் முழுவதும் உள்ள மக்கள் மனதில் மீடியாவினால் விதைக்கப்பட்டுள்ளதை தெளிவாக இச்சம்பவம் உணர முடிகிறது..

ஆனால் இதற்காக முஸ்லிமான நாம் உணர்ச்சிவசபடாமல் .. நிதானமாக இத்தகைய போக்கை எதிர்கொள்ள வேண்டும் .. என்ன தான் உலகமே ஒன்று திரண்டு முஸ்லிம்கள் தீவிரவாதிகள் தான் என்றாலும் .. நாம் கலங்கதேவையில்லை .. நாமே மறுமையில் வெற்றியாளர்கள் இன்ஷாஅல்லாஹ்...

அவர்கள் அல்லாஹ்வின் ஒளியைத் தம் வாய்களைக் கொண்டு (ஊதி) அணைத்து விட நாடுகின்றனர்; ஆனால்காஃபிர்கள் வெறுத்த போதிலும், அல்லாஹ் தன் ஒளியைப் பூரணமாக்கியே வைப்பான். (அல் – குர்ஆன்61:8)

புதுப் பொலிவுடன் பளிச்சிடும் தமிழக அரசின் இணையதளம்

noreply@blogger.com (.) — Thu, 28 May 2015 14:08:00 +0530

தமிழக அரசின் இணையதளம் புதுப் பொலிவுடன் பளிச் எனக் காணப்படுகிறது. பல்வேறு பொதுமக்கள் சேவைப் பிரிவும் இதில் தற்போது இடம் பெற்றுள்ளது.

தமிழக அரசின் இணையதளம்

உட்கார்ந்த இடத்திலிருந்தே பல சேவைகளை பொதுமக்கள் பயன்படுத்திக் கொள்ள இந்த தளத்தில் வசதி செய்யப்பட்டுள்ளது. பிறப்பு, இறப்பு சான்று பெறுவதற்கான விண்ணப்பம், ரேஷன் அட்டைக்கு விண்ணப்பிப்பது ஆகியவற்றுக்கு தனித் தனியாக அரசுத் துறைகளின் இணையதளத்திற்குப் போகாமல் இந்தத் தளத்திலேயே அத்தனைத் துறைகளுக்கும் ரவுண்டு அடித்து விட்டு வர முடியும். தமிழ், ஆங்கிலம் என இரண்டு மொழிகளில் இணையதளம் அமைந்துள்ளது.

நில உரிமை விவரங்கள் (Encumbarance Certificate), பத்திரப் பதிவு சேவைகள் உள்ளிட்டவை கொடுக்கப்பட்டுள்ளன. பிறப்பு, இறப்பு சான்றிதழுக்கு விண்ணப்பம், இருப்பிடச் சான்று, ரேஷன் அட்டை, ஓட்டுநர் உரிமம், நேட்டிவிட்டி சான்றிதழ் ஆகியவற்றுக்கு விண்ணப்பக்கத் தேவையான படிவங்களை டவுன்லோட் செய்து கொள்ளும் வசதியும் இடம் பெற்றுள்ளது.

அரசின் நலத் திட்டங்கள் உள்ளிட்ட விஷயங்களும் இணையதளத்தில் இடம்பெற்றுள்ளன. தமிழக அரசின் அன்றைய முக்கிய நிகழ்வு குறித்த புகைப்படங்கள், பத்திரிக்கை செய்திக் குறிப்புகள் உள்ளிட்டவையும் இடம் பெற்றுள்ளன. மற்றபடி மாவட்டங்கள் குறித்த விவரங்கள், சென்னை மாநகராட்சி உள்ளிட்டவை குறித்த பழைய விவரங்களும் இடம் பெற்றுள்ளன.

Thanks to oneindia

ரோஹிங்கிய முஸ்லிம்களும், பவுத்த தீவிரவாதமும்.

noreply@blogger.com (.) — Thu, 28 May 2015 14:05:00 +0530

மியான்மரின் யாங்கூன் நகரில் ரோஹிங்கிய முஸ்லிம்கள் மீது மியான்மர் அரசு அடக்குமுறையை கட்டவிழ்த்து விடுகிறது என்ற மேற்கத்திய நாடுகளின் விமர்சனங்களை எதிர்த்து 30 பவுத்த துறவிகள் உட்பட 300 பேர் ஆர்ப்பாட்டப் பேரணி நடத்தினர்.

இவர்கள் ஐ.நா. அமைப்பு மற்றும் மேற்கத்திய ஊடகங்களுக்கு எதிராக கோஷங்களை எழுப்பினர். ரோஹிங்கிய முஸ்லிம்கள் பலர் மியன்மர் அடக்கு முறை காரணமாக நாட்டிலிருந்து தப்பி படகுகளில் தெற்காசிய பகுதியில் அண்டை நாடுகளுக்குச் செல்கின்றனர்.

ரோஹிங்கிய முஸ்லிம்கள் வங்கதேசத்திலிருந்து படகில் சட்டவிரோதமாக வந்து குடியேறியவர்கள் என்று அவர்கள் மீது கடும் அடக்குமுறை ஏவி விடப்படுவதாக மியான்மர் அரசு மற்றும் அங்குள்ள தீவிர பவுத்தர்கள் மீது மேற்கத்திய ஊடகங்கள் விமர்சனம் வைத்து வருகின்றன.

படகில் போதிய வசதிகள் இல்லாமல் உயிருக்குப் பயந்தும், பிழைப்பு தேடியும் இவர்கள் இந்தோனேசியா, தாய்லாந்து, மலேசியா உள்ளிட்ட நாடுகளுக்கு செல்ல முயற்சி மேற்கொள்கின்றனர்.

இதில் மலேசியா - தாய்லாந்து எல்லைப் பகுதியில் ஆள் கடத்தல் கும்பலிடம் சிக்கி பலர் அவதிப்பட்டும், உயிரிழந்தும் வருகின்றனர். இந்நிலையில் நேற்று முன் தினம் தாய்லாந்து - மலேசிய எல்லைப்பகுதியில் கைவிடப்பட்ட பல ஆள்கடத்தல் கும்பல்களின் முகாம்களும் அங்கு சடலங்கள் பல புதைக்கப்பட்டு இருப்பது தெரியவந்தது. இதனையடுத்து மலேசியா ஆள்கடத்தல் கும்பல் மீது கடும் நடவடிக்கைகளுக்கு திட்டமிட்டு வருகிறது.

இந்நிலையில், தாய்லாந்து அதிகாரிகள் ஆள்கடத்தல் கும்பலுக்கு எதிராக நடவடிக்கையில் இறங்க படகுகளில் ஆட்களைக் கடத்தி வரும் கும்பல் அவர்களை அப்படியே விட்டுவிட்டு தப்பிச் செல்வதும் நடந்து வருகிறது.

இவ்வாறு படகில் அகதிகளாக வருபவர்கள் பற்றி “படகு மக்கள் நெருக்கடி” (boat people crisis) என்று மேற்கத்திய ஊடகங்கள் மியான்மர் மீது கடும் விமர்சனங்களை எழுப்பியுள்ளது.

இதனை எதிர்த்தே இன்று மியான்மர் பவுத்தர்கள் யாங்கூனில் பேரணி நடத்தியுள்ளனர். படகில் அவ்வாறு தத்தளிப்பவர்கள், மீட்கப்படுபவர்கள் வங்கதேசத்திலிருந்து அகதிகளாக வருபவர்களே, இவர்கள் தங்களுக்கு புகலிடம் கிடைக்க வேண்டும் என்பதற்காக தங்களை ரோஹிங்கிய முஸ்லிம்கள் என்று காட்டிக்கொள்கின்றனர், இதற்கு மியான்மர் அரசை குற்றம்சாட்டுவதா என்று ஆர்பாட்டத் தலைவர் கேள்வி எழுப்பினார்.

இவ்வாறு குடியேறுபவர்களை ‘பயங்கரவாதிகள்’ என்றும், ‘மிருகங்கள்’ என்றும் வர்ணித்து கோஷங்களை இன்று அவர்கள் எழுப்பியுள்ளனர்.

இது குறித்து மியான்மர் தேசிய அமைப்பு ஒன்றின் தலைவரான தர் வார் என்பவர், ராய்ட்டர்ஸ் செய்தி நிறுவனத்திடம் கூறும்போது, “வங்கதேசத்திலிருந்து வரும் 'படகு மனிதர்களை' ஏற்கவேண்டும் என்று சர்வதேச நாடுகள் மியான்மருக்கு நெருக்கடி கொடுத்தால், நாங்கள் எங்கள் அரசை அதனை ஏற்கவேண்டாம் என்று வலியுறுத்துவோம்” என்றார்.

10 லட்சத்துக்கும் அதிகமான ரோஹிங்கிய முஸ்லிம்கள் மியன்மாரில் ‘நிறவெறி’ காலக்கட்டத்தில் வாழ்வது போல் வாழ்ந்து வருகின்றனர். ஆனால் இவர்களை வங்கதேசத்திலிருந்து சட்டவிரோதமாக வந்தவர்கள் என்று மியான்மர் அரசு கூறிவருகிறது.

பவுத்த துறவி ஒருவர் இவர்களைப் பற்றி கூறும்போது, “வங்காள மக்கள் பவுத்தமதத்தை மதிக்காதவர்கள். எனவே அவர்கள் மியான்மர் குடிமக்கள் கிடையாது. அப்படித்தான் பார்க்க முடியும்" என்று கூறியதை வைத்தே ரோஹிங்கிய முஸ்லிம்கள் எந்த வகை அடக்குமுறையை அங்கு அனுபவித்து வருகிறார்கள் என்பது தெரியவருகிறது.

தாய்லாந்து அதிகாரிகள் ஆள்கடத்தல் கும்பல் மீது எடுக்கும் நடவடிக்கை காரணமாக ஆள்கடத்தல் கும்பல் தப்பிச் சென்றதால் சுமார் 2,500 புலம்பெயர்ந்தோர் இன்னமும் கடலில் தத்தளித்து வருவதாக ராய்ட்டர்ஸ் செய்தி நிறுவனம் தெரிவித்துள்ளது.

இதற்கிடையே இந்தோனேசியா நாட்டின் ஜகார்த்தா நகரில் மியான்மர் நாட்டு தூதரகம் முன்பு இஸ்லாமிய பாதுகாப்பு முன்னணி அமைப்பினர் சிலர் “ரோஹிங்கிய முஸ்லிம்களை காப்பாற்றுங்கள்” என்ற வாசகம் அடங்கிய போஸ்டரை காண்பித்து தங்கள் எதிர்ப்பை மியான்மர் அரசுக்கு பதிவு செய்துள்ளனர்.

பின்னணி:

மியான்மரின் ராக்கைன் மாநிலத்தில் வாழ்ந்து வருபவர்கள் ரோஹிங்கிய மக்கள் ஆவர். இவர்கள் பேசும் மொழி ரோஹிங்கிய மொழி. இவர்கள் மியான்மர் மண்ணின் மைந்தர்கள் என்று கல்வியியாளர்கள் சிலரும், மற்ற வரலாற்றாசிரியர்கள் சிலர் இவர்களை வங்காளத்திலிருந்து வந்து குடியேறியவர்கள் என்றும் கூறிகின்றனர்.

அதாவது மியான்மர், பர்மாவாக இருந்த போது பிரிட்டீஷ் ஆட்சியில் ரோஹிங்கிய மக்கள் குடியேறியவர்கள் என்று ஒருதரப்பினரும், 1948-ம் ஆண்டு பர்மா விடுதலையடைந்த பிறகு சிறிய அளவில் குடிபெயர்ந்தவர்கள் என்றும் மேலும் வங்கதேசம் தனிநாடாக 1971-ம் ஆண்டு போருக்கு பிறகு, உருவான பிறகு, சிறிதளவும் மியான்மரில் குடியேறியவர்கள் என்றும் பல்வேறு விதமாக இவர்களைப் பற்றி வரலாற்றுக்குறிப்புகள் உள்ளன.

ஆனால் பிரிட்டன் காலனியாதிக்கத்துக்கு முந்தைய காலக்கட்டங்களில் முஸ்லிம்கள் அங்கு வந்து குடியேறியது பற்றிய எண்ணிக்கை விவரங்கள் சரிவர இல்லை.

இரண்டாம் உலகப்போர் காலக்கட்டத்தில் மிகப்பெரிய இன மோதல் வெடித்ததாகவும் இந்த வன்முறைக்கு பலர் பலியானதாகவும் வரலாற்றுக் குறிப்புகள் கூறுகின்றன. அப்போது முதல் மியான்மரின் ராக்கைன் பகுதி இன/மத ரீதியாக பிளவடைந்தது.

1982-ம் ஆண்டு ஜெனரல் நே வின் அரசு பர்மிய தேசிய சட்டத்தை கொண்டு வருகிறது. அதில் ரோஹிங்கியர்களுக்கு குடியுரிமை மறுக்கப்படுகிறது.

சுமார் 1 மில்லியனுக்கும் அதிகமான ரோஹிங்கியர்கள் அங்கு வாழ்ந்து வருகின்றனர். 2013 கணக்கெடுப்பின் படி 735,000 ரோஹிங்கியர்கள் மியான்மரில் இருந்து வருகின்றனர்.

சர்வதேச ஊடகங்கள் மற்றும் மனித உரிமை அமைப்புகள் உலகிலேயே அடக்குமுறைக்கு கடுமையாக ஆளாகும் ஒரு சிறுபான்மைச் சமூகம் ரோஹிங்கியர்கள் என்று அறுதியிட்டுள்ளது

அடக்குமுறை எப்படியெனில் அவர்கள் மியான்மரின் ராக்கைன் பகுதியிலேயே உள்நாட்டு அகதிகள் போல் வாழ்ந்து வருகின்றனர். பலர் அங்கிருந்து தப்பி மலேசியா, தாய்லாந்து, இந்தோனேசியா, வங்கதேசம் என்று அடைக்கலம் நாடுகின்றனர்.

இதில் ஆட்கடத்தல் கும்பலின் மனிதாபிமானமற்ற செயல்களுக்கு இவர்கள் இரையாவதும் தொடர்ந்து நடந்து வருகிறது.

2012-ம் ஆண்டு ராக்கைனில் பவுத்தர்களுக்கும் முஸ்லிம்களுக்கும் இடையே வன்முறை வெடித்தது. இதனையடுத்தே சர்வதேச நாடுகளின் பார்வை மியான்மர் மீது விழுந்தது.

மியான்மர் பவுத்த மதத்தை சேர்ந்த பெண் ஒருவரை ரோஹிங்கிய முஸ்லிம்கள் பாலியல் பலாத்காரம் செய்ததாக எழுந்த வதந்தியினால் கலவரம் மூண்டது. 2012ம் ஆண்டு ஜூன் 10-ம் தேதி மியான்மர் அரசு அவசர நிலை பிரகடனம் செய்தது. ஆகஸ்ட் 22-ம் தேதி அரசு தரப்பு செய்திகளின் படி கலவரத்தில் முஸ்லிம்கள் பலர் கொல்லப்பட்டதாக கூறப்பட்டது.

ஆனால் நிறைய வீடுகள், சுமார் 2500 வீடுகள் தீக்கிறையாக்கப்பட்டன. சுமார் 90,000 ரோஹிங்கிய முஸ்லிம்கள் தங்கள் இருப்பிடம் விட்டு அகதிகளாக வெளியேற நேரிட்டது.

அதன் பிறகு அங்கே தொடர்ந்து முஸ்லிம்களுக்கு எதிரான கலவரங்கள் மூண்ட படியே இருந்து வருகிறது.

ஆடை களையும் எக்ஸ்- ரே சென்டர்கள் : ஒரு பகீர் ரிப்போர்ட்!

noreply@blogger.com (.) — Mon, 25 May 2015 14:42:00 +0530

சென்னையில் பிரபலங்கள் வசிக்கும் பகுதியில் இயங்கிவருகிறது பிரபலமான அந்த மருத்துவமனை. இந்த மருத்துவமனையில் வெளிநாட்டைச் சேர்ந்த பெண் ஒருவருக்கு நேர்ந்த அவமானம்தான் தேசம் தலைகுனிய காரணம்.

தென் கொரியாவைச் சேர்ந்த அந்த இளம்பெண்ணின் பெயர் ஹாவா( பெயர் மாற்றப்பட்டுள்ளது). பெங்களுருவில் படித்தவர். அங்கு தன்னுடன் படித்த நண்பர்களை காண வருடத்திற்கொரு முறை சென்னைக்கு வந்துசெல்வதை வாடிக்கையாக கொண்டவர். அவரும் மருத்துவத் துறை சார்ந்த படிப்பை பயின்றவர்தான் என்பது குறிப்பிடத்தக்கது.

6 மாதத்திற்கு அப்படி சென்னை வந்தவர், தன் நண்பர்களை எல்லாம் சந்தித்திருக்கிறார். சொந்த நாட்டிற்கு புறப்பட்டு செல்வதற்கு ஒருநாள் முன்பு அவருக்கு திடீரென உடல்நிலை பாதிக்கப்பட்டது. விபரம் தெரியவந்த அவரது நண்பர்கள், பிரபலமான அந்த மருத்துவமனையின் பெயரைக் குறிப்பிட்டு மாலையில் அந்த மருத்துவமனைக்கு சிகிச்சைக்கு செல்லலாம் என்றனர்.

நண்பர்களுக்கு சிரமத்தை தர விரும்பாத ஹாவா அதை மறுத்துவிட்டு, அன்று மாலையே நண்பர்கள் குறிப்பிட்ட அந்த மருத்துவமனைக்கு தனியே அப்பாயின்மெண்ட் வாங்கிச் சென்றார். மருத்துவரிடம் தன் பிரச்னையை கூறியதையடுத்து, இதயம் சம்பந்தமான சில பரிசோதனைகளை செய்துவிட்டு தன்னை வந்து சந்திக்கும்படி கூறினார் மருத்துவர். மருத்துவமனையின் இன்னொரு தளத்தில் இயங்கும் பரிசோதனை மையத்தில் மறுதினம் அவருக்கு அப்பாயின்மெண்ட் கிடைத்தது.

மறுநாள், ஹாவா தனக்கு ஒதுக்கப்பட்ட நேரத்தில் பரிசோதனை அறைக்குள் சென்றார். மருத்துவர் பரிந்துரைத்த பரிசோதனை தாளை வாங்கிப் பார்த்த அங்கிருந்த பணியாளர், ஹாவாவை இயல்பான நிலையில் ஒரு எந்திரத்த்தில் படுக்க வைத்து சில சோதனைகள் செய்தார். 10 நிமிடங்கள் கழிந்தபின்னர் அவருடைய மேலுடையை கழட்ட சொன்னார். ஹாவா அதிர்ச்சியடைந்தார். காரணம் பணியாளர் ஒரு ஆண்.

'இதய பரிசோதனைதானே... இதற்கு உடையை களைய வேண்டுமா?' என ஹாவா அந்த பணியாளரிடம் கேட்க, ஆம் என்ற பணியாளர், "உங்களுக்கு எழுதப்பட்ட பரிசோதனைகள் அதிநுட்பமானது. உடையின்றி பல விதங்களில் சோதனை செய்தால்தான் நோயின் தன்மையை நுட்பமாக மருத்துவர் கணிக்க முடியும்” என ஆங்கிலத்தில் அவரிடம் தெரிவிக்க, ஆரம்பத்தில் சங்கடப்பட்ட ஹாவா, பணியாளரின் நம்பிக்கையான பேச்சால், துணிந்து பரிசோதனைக்கு தயாரானார்.

இருப்பினும் தன்னுடன் ஒரு பெண் பணியாளர் இருக்கவேண்டும் என அவர் விருப்பம் தெரிவித்தார். இன்று பெண் பணியாளர் யாரும் டூட்டியில் இல்லை என்ற அந்த பணியாளர், “அதுமட்டுமின்றி குறிப்பிட்ட இந்த பரிசோதனையின்போது வேறு யாரும் இருப்பது அவர்களுக்கு பாதிப்பை ஏற்படுத்தும்” எனக் கூறியிருக்கிறார். வேறு வழியின்றி நண்பர்கள் பரிந்துரைத்த மருத்துவமனை என்பதால், பணியாளர் சொன்னபடி தன் உடையை முற்றாக களைந்து அவர் சொன்ன விதங்களில் பரிசோதனைக்கு உடன்பட்டார்.

சில சமயங்களில் பணியாளர் அவரது மார்பகங்களை தொட்டும் பரிசோதனையை தொடர்ந்தார். அரை மணிநேரம் கடந்த நிலையில், பணியாளரின் சில செயல்கள் நெருடலைத்தர, அதற்கு மேல் பரிசோதனையைத் தொடர விருப்பமின்றி அங்கிருந்து வெளியேறினார் ஹாவா.
ஒரு பிரபல மருத்துவமனையில் பரிசோதனைக் கூடத்தில் மருந்துக்கு கூட பெண் பணியாளர்கள் இல்லாததும், பணியாளரின் வித்தயாசமான நடவடிக்கையாலும் குழம்பித் தவித்த ஹாவா, மறுநாள் தன்னை சந்திக்க வந்த நண்பர்களிடம் தனக்கு பரிசோதனை செய்யப்பட்ட விதத்தை அவர்களிடம் சொல்ல, அவர்கள் அதிர்ச்சிக்குள்ளானார்கள்.

இப்படி ஒரு பரிசோதனை தங்களுக்கு தெரிந்து இல்லை என்ற அவர்கள், ஹாவாவை அழைத்துக்கொண்டு அதே பரிந்துரைக் கடிதத்துடன் வேறு ஒரு மருத்துவமனையின் பரிசோதனை மையத்தினை அணுகி, ஹாவாவிற்கு பரிந்துரைக்கப்பட்ட சோதனைக்கான முறையை விசாரித்தனர். அவர்கள் சொன்ன தகவல்களைக் கேட்டு ஹாவா அதிர்ச்சியின் உச்சத்திற்கே சென்றார். காரணம் அதிகபட்சம் 5 நிமிடங்களே செலவாகும் அந்த பரிசோதனைக்கு, உடைகளை கழற்ற வேண்டிய அவசியமே இல்லையாம்.

ஹாவாவிற்கு இந்த தகவல் தெரியவந்தபோது அதிர்ச்சியின் விளிம்பிற்கு சென்றார். மேலும் அந்த அறையில் அந்த ஆண் பணியாளரால் தான் பாலியல் தொல்லைக்குள்ளாகியிருப்பதை உணர்ந்து வெட்கமும், ஆத்திரமும் கொண்டார். கூடவே அந்த அரை மணிநேரத்தில் பணியாளரின் செய்கைகள் வீடியோவில் பதிவு செய்யப்பட்டிருக்குமோ என்ற சந்தேகமும் எழுந்தது. காரணம் சில சமயங்களில் அறையில் ஒளிப் பரவியதாக அவர் தெரிவித்தார்.

நண்பர்களுடன் உடனடியாக அந்த மருத்துவமனை நிர்வாகத்தை அணுகினர் அவரது நண்பர்கள். தனக்கு நேர்ந்த அநியாயத்தை மருத்துவமனை நிர்வாகத்திடம் எடுத்துரைக்க அதற்கு எந்த அதிர்ச்சி ரியாக் ஷனும் காட்டாத நிர்வாகம், " அந்த பரிசோதனை மையம் கான்ட்ராக்ட் அடிப்படையில் நடக்கிறது. எங்களுக்கும் அந்த மையத்திற்கும் சம்பந்தமில்லை" என சர்வசாதாரணமாக சொன்னது.

சம்பந்தப்பட்ட பணியாளரை அணுகி ஹாவாவின் நண்பர்கள் ஆத்திரப்பட்டபோது அதை மறுத்த அந்த பணியாளர், ஹாவாவுக்கு பரிசோதனை 5 நிமிடங்கள் மட்டுமே நடந்தது என்றும், அவர் சொன்னதுபோல் எதுவும் நடக்கவில்லை என்றும், அவருக்கு மனநோய் எனவும் கூறி அவர்களை அனுப்பிவைத்தார்.

அசிங்கமும் வெட்கமும் பிடுங்கித்தின்ன நண்பர்களிடம் ஹாவா அழுதார். கொஞ்நேரத்தில் மருத்துவமனையில் இருந்து அவருக்கு போன் வந்தது. இந்த விவகாரத்தை இதோடு விட்டுவிடுமாறும், பிரச்னை எழுப்பாமல் “பத்திரமாக” நாடு திரும்புவது நல்லது என மறைமுகமாக மிரட்டியது அந்தக்குரல்.

பிரச்னை எழுப்புவது பாதுகாப்பானதல்ல என்ற நண்பர்களின் அறிவுரையையும் மீறி ஹாவா, ஒரு முடிவுக்கு வந்தார். தனக்கு நேர்ந்த அவலத்திற்கு வருத்தம் தெரிவிக்காமல் மறைமுக மிரட்டல் விடுத்த அந்த நிர்வாகத்திற்கு எதிராக போராடுவதென அந்தக் கணத்தில் முடிவெடுத்தார் ஹாவா. உடனடியாக தனது நாட்டு துாதரகத்தின் அனுமதிப் பெற்று காவல்நிலையத்தில் புகார் அளித்தார்.

புகாரின்பேரில் விசாரணை நடத்தப்பட்டது. ஹாவாவின் புகார் உறுதியானது. புகாரை திரும்பப் பெறக் கூறி, தனக்கு தெரிந்த அரசியல் நண்பர்கள் மூலம் ஹாவாவை மிரட்டியது மருத்துவமனை நிர்வாகம். கூடவே அந்த பணியாளர் ஆட்களால் பல்வேறு மிரட்டல்களை சந்தித்தார் ஹாவா.

ஆனாலும் புகாரை திரும்பப் பெறுவதில்லை என்ற முடிவில் உறுதியாக இருந்தார் அவர்.

சில நாட்கள் விசாரணைக்குப்பின் அந்த ஆண் பணியாளர் மீது வழக்கு பதிந்தது காவல்துறை. உடனடியாக சிறைக்கு அனுப்பப்பட்டான் அந்த கருப்பு ஆடு. வழக்கு இப்போது விசாரணை நிலையை எட்டியுள்ளது. சென்னை சைதாப்பேட்டை நீதிமன்றத்தில் நடக்கும் வழக்கு குறித்து தனது நாட்டிலிருந்து கேட்டறிந்து கொள்கிறார் ஹாவா. தான் ஆஜராகவேண்டிய வாய்தாவிற்கு சிரமம் கருதாமல் வந்துசெல்கிறார் இன்றும்.

ஹாவாவின் நண்பர்களின் உதவியுடன் அவரிடம் பேசினோம். சமூகத்தில் தங்களுக்குள்ள அந்தஸ்தை தவறாக பயன்படுத்துவோர்கள் தண்டிக்கப்படவேண்டியவர்கள். ஒரு சம்பவத்திற்காக அவர்களை மன்னித்தால் அடுத்த பல சம்பவங்களுக்கு அது உத்வேகம் அளித்து விடும். நான் வேறு நாட்டை சேர்ந்தவளானாலும் என் இந்திய சகோதரிகள் எதிர்காலத்தில் என்னைப்போல் பாதிக்கப்படக் கூடாது. அதனால்தான் வழக்கில் உறுதியாக இருக்கிறேன். வழக்கில் அவன் தண்டிக்கப் படுவது அவனைப்போன்றவர்களுக்கு ஒரு பாடமாக இருக்கும்” என்றார்.

பாராட்டுக்கள் ஹாவா!

- எஸ்.கிருபாகரன் THANKS TO VIKATAN

காரைக்கால் மாவட்ட அளவில் முதலிடம் பெற்ற முஸ்லிம் மாணவி.

noreply@blogger.com (.) — Fri, 22 May 2015 07:51:00 +0530