tech සයුර

අවසන් ගමන් යන Windows 10

noreply@blogger.com (tech සයුර (Rohan Dhananjaya)) — Tue, 14 Oct 2025 17:14:00 +0000

ලොව පුරා වින්ඩෝස් 10 සමග ක්‍රියාත්මක වන පරිගණක භාවිතා කරන බොහෝ දෙනෙකුට ඉතා වැදගත් වන විශාල වෙනසක් අද දින (14) වීමට නියමිතයි. එනම් මයික්‍රොසොෆ්ට් (Microsoft) සමාගම විසින් වින්ඩෝස් 10 (Windows 10) මෙහෙයුම් පද්ධතිය සඳහා සහයෝගය දැක්වීම අවසන් කිරීමයි.

ඔක්තෝබර් 14, අඟහරුවාදා වන අද දිනට පසුව මෙම පරිගණකවල ආරක්ෂාව අවදානමට ලක්විය හැකියි. මන්දයත්, අද සිට ආරක්ෂක යාවත්කාලීන කිරීම් නතර වීම නිසා ඔබේ වින්ඩෝස් 10 මගින් ක්‍රියාත්මක වන පරිගණක සයිබර් ප්‍රහාරයන්ට නිරාවරණය වන වීමට වඩාත් ඉඩකඩ පැවතෙන නිසාවෙනි.

කාටද මේක බලපාන්නේ?

වින්ඩෝස් යනු ලෝකයේ වඩාත්ම ජනප්‍රිය පරිගණක මෙහෙයුම් පද්ධතිය වන අතර, මයික්‍රොසොෆ්ට් සමාගම පවසන්නේ දැනට ලෝකයේ උපාංග බිලියන 1.4කට වඩා වින්ඩෝස් මෙහෙයුම් පද්ධතිය භාවිතා වන බවයි.

ස්ටැට්කවුන්ටර් (Statcounter) ආයතනයට අනුව, 2025 ජූලි මාසය වන විට, මෙයින් දළ වශයෙන් 43% ක් පමණ තවමත් වින්ඩෝස් 10 භාවිතා කරමින් සිටින අතර, බ්‍රිතාන්‍යයේ පමණක් මිලියන 21 ක ජනතාවක් වින්ඩෝස් 10 භාවිතා කරන බවට එරට පාරිභෝගික මාර්ගෝපදේශක "Which?" ආයතනය ඇස්තමේන්තු කර තිබේ.

කළ යුත්තේ කුමක්ද?

මයික්‍රොසොෆ්ට් සමාගම පෞද්ගලික පරිශීලකයින්ට මූලික වශයෙන් විකල්ප දෙකක් ලබා දෙනවා:

වින්ඩෝස් 11 (Windows 11) වෙත Upgrade කිරීම

දැනට වින්ඩෝස් 10 ක්‍රියාත්මක වන crack නොවන valid key එකක් සහිත වින්ඩෝස් 11 සඳහා සුදුසුකම් ලබන පරිගණක හිමියන්ට නොමිලේ Upgrade කළ හැකියි.
කෙසේ වෙතත්, බොහෝ පරිගණකවලට එයට යාවත්කාලීන කළ නොහැකි අතර, "දැනට හොඳින් ක්‍රියාත්මක වන" පරිගණක තිබියදීත්, නව උපාංග මිලදී ගැනීමට සිදුවනු ඇතැයි පාරිභෝගික කණ්ඩායම් චෝදනා කරනවා.

Extended Security Updates (ESU) සඳහා ලියාපදිංචි වීම:

ඔබට ඉක්මනින්ම upgrade කිරීමට අවශ්‍ය නැතිනම්, හෝ ඔබේ උපාංගය වින්ඩෝස් 11 සඳහා සුදුසු නොවේ නම්, ඔබට 2026 ඔක්තෝබර් වන තෙක් වැදගත්ම ආරක්ෂක update කිරීම් අඛණ්ඩව ලබා දෙන වැඩසටහනකට ලියාපදිංචි විය හැකියි.
මෙය ESU ලෙස හඳුන්වනු ලබන අතර, මෙහිදී වෙනත් තාක්ෂණික සහයෝගයක් හෝ මෘදුකාංග යාවත්කාලීන කිරීම් ලබා දෙන්නේ නැහැ.

ESU ලබන්නේ කොහොමද?

යුරෝපීය ආර්ථික කලාපයේ (EEA) සිටින අයට ලියාපදිංචි වීමෙන් නොමිලේ එය ලබා ගත හැකියි.
අනෙක් පරිශීලකයින්ට මෙය නොමිලේ ලබා ගැනීමට නම්, ඔවුන් නවතම වින්ඩෝස් 10 release එක වෙත update කර හා මයික්‍රොසොෆ්ට් ගිණුමක් (Microsoft account) සම්බන්ධ කර තිබිය යුතු අතර ඔවුන්ගේ පරිගණක backed up කර තිබිය යුතු වීමද වැදගත්වේ.
එසේ නොමැති නම්, ESU ලබා ගැනීම සඳහා $30 (ආසන්න වශයෙන් රු. 9000/=) ක ගාස්තුවක් ගෙවීමට හෝ මයික්‍රොසොෆ්ට් රිවෝඩ්ස් (Microsoft Rewards) ලකුණු 1,000 ක් භාවිතා කිරීමට සිදුවේ.
ව්‍යාපාරික ආයතන සඳහා එක් උපාංගයක් සඳහා $61(ආසන්න වශයෙන් රු. 18000/=) ක් වැය වේ.

වින්ඩෝස් 10 මතම සිටීමේ අවදානමක් තියෙනවාද?

පෙර සඳහන් පරිදි අද පටන් මයික්‍රොසොෆ්ට් වින්ඩෝස් 10 පරිගණක වෙත තවදුරටත් Critical Security Update නිකුත් කිරීම් සහ fixes යැවීම නවත්වනු ඇත.

මේ නිසා වෛරස් හෝ අනිෂ්ට මෘදුකාංග (malicious software) වැනි තර්ජන වලට ඔබේ උපාංගය අවදානමට ලක් වීමට වඩාත් ඉඩ ඇත - මන්ද ඒවාට එරෙහිව ක්‍රියාත්මක වන නවතම ආරක්ෂක ක්‍රම ඔබට නොලැබෙන බැවිනි.
නව හෝ දැනටම ක්‍රියාත්මක වන ඇතැම් software සමඟ වින්ඩෝස් 10 සහිත පරිගණක නිවැරදි ක්‍රියාත්මක නෝවීම් සිදුවිය හැකි බවට මයික්‍රොසොෆ්ට් පාරිභෝගික අලෙවි ප්‍රධානී යුසුෆ් මෙහ්දි පවසා තිබෙනවා.
මීට අමතරව, පැරණි මෙහෙයුම් පද්ධති වෙත නවතම විශේෂාංග යැවීම නැවැත්වීම නිසා වෙනත් මෘදුකාංගවල ක්‍රියාකාරීත්වයේ අඩුවීමක් ද විය හැක.

පාරිභෝගික චෝදනා

වින්ඩෝස් 10 සහයෝගය අවසන් කිරීම අනවශ්‍ය වියදම් සහ පාරිසරික නාස්තියකට තුඩු දෙනු ඇතැයි පවසමින් පාරිභෝගිකයින් දැඩි ලෙස මයික්‍රෝසොෆ්ට් සමාගම විවේචනය කර ඇත. වින්ඩෝස් 10 හොඳින් ක්‍රියාත්මක වන තරමක් පැරණි පරිගණක වින්ඩෝස් 11 වෙත upgrade කිරීමට Trusted Platform Module (TPM) version 2.0 වැනි විශේෂ hardware සුදුසුකම් අවශ්‍ය වීම මෙයට හේතුවයි.

ඩියෙලා - ලොව ප්‍රථම AI ඇමතිතුමිය

noreply@blogger.com (tech සයුර (Rohan Dhananjaya)) — Tue, 23 Sep 2025 19:09:00 +0000

මිනිසුන් අතරට AI ආව මුල් දවස් වල ඒක නිකම්ම නිකම් තොරතුරු ගන්න හදපු චැට් වලට විතරක් සීමා උනත් දැන් ලෝකයේ විවිධ තැන්වල අමුතු පිස්සු හිතෙන වැඩ කරන්න AI යොදාගන්නවා. මේකත් ඒ වගේ අමුතු පිස්සු වැඩක්. මේ කියන්න යන්නෙ ලෝකයේ පලමුවෙනි AI ඇමතිතුමිය වෙන ඩියේලා ගැන.

ඩියේලා (Diella) ඇමතිතුමිය ඉන්නෙ ඇල්බේනියානු පාර්ලිමේන්තුවේ, ඩියේලා කියන නම ඇල්බේනියානු භාෂාවෙන් "හිරු එලිය" යන්න අර්ථ ගැන්වෙනවා. මෙම මස 18 වන දින සිට මහජන ප්‍රසම්පාදන ආමාත්‍යවරිය ලෙස ක්‍රියා කරන ඩියේලා දූෂණ වංචා හා දේෂපාලන බලපෑම් වලින් තොර විනිවිධ භාවයකින් යුතුව ටෙන්ඩර් කැඳවීම සහතික කිරීම වැනි දෑ සඳහා යොදා ගැනීම අපේක්ෂාවයි. ඇල්බේනියාවේ ඩිජිටල් සේවා ලබා දෙන e-Albania පද්ධතිය ඔස්සෙ ද ඩියේලා බලගැන්වෙයි. කෙසේ වෙතත් සාමාන්‍ය මිනිස් ඇමතිවරයකු සතු විධිමත් නෛතික හා ව්‍යවස්ථාපිත බලතල මෙම AI ඇමතිවරියට නොමැති බවයි පැවසෙන්නෙ. මේ අමුතු පිස්සු හිතෙන වැඩේ කරපු ඇල්බේනියානු රජයේ අගමැති තුමා කියන විදියට සමහරවිට ඉදිරියේදී එයාගෙ අගමැති පට්ටමත් AI එකකින් ඉටු කරන්න පුළුවන් වෙයි!

“මම මිනිසෙකු නොවන නිසා සමහරු මාව ව්‍යවස්ථා විරෝධී ලෙස ලේබල් කර ඇත, නමුත් ව්‍යවස්ථාවලට සැබෑ අනතුර කිසි විටෙකත් යන්ත්‍ර නොව බලයේ සිටින අය විසින් ගනු ලබන මිනිස් තීරණ” කියලා එරටින් නිකුත් කරපු ඩියේලාගේ වීඩියෝ එකේ ඩියේලා කියනවා ඔන්න! හිතලා බැලුවොත් ඇත්ත තමයි හැබැයි ඒ කතාවත්. මේ කතාවේ තව දුරටත් ඩියේලා කියන්නෙ ඇය පැමිණ ඇත්තේ මිනිසුන් ඉවත් කිරීමට නොව මිනිසුන්ට සහයක් වීමට බවයි. “ඇත්ත වශයෙන්ම, මට පුරවැසිභාවය නැත, නමුත් මට අභිලාෂයන් හෝ පෞද්ගලික අවශ්‍යතා ද නැත. මා සතුව ඇත්තේ දත්ත පමණි. මම නව තොරතුරු ඉගෙන ගැනීමට උනන්දු වෙමි, මා සතුව ඇල්ගොරිතම තිබේ, එවිට මට මේ සියල්ල පුරවැසියන්ගේ සේවයට, අපක්ෂපාතීත්වයෙන්, විනිවිදභාවයෙන් සහ කිසි විටෙකත් වෙහෙසට පත් නොවී සේවය ලබා දිය හැකිය.” ලෙස ඩියේලා වැඩි දුරටත් පවසා තිබෙනවා.

මොනවා උනත් මේ ගැන විපක්ෂය නම් ඒ තරම් කැමැත්තක් පෙන්නලා නෑ. මෙය හුදෙක් ආකර්ෂණය දිනා ගැනීමට කරන ලද උප්පරවැට්ටියක් විතරයි කියලා එරට විපක්ෂ නායක සාලි බෙරිෂා අදහස් දක්වමින් කියන්නෙ. එසේම ඔහු පවසන්නෙ ඩියේලා පිටුපස සිටින්නේද වත්මන් ආණ්ඩුවම නිසා එමගින් කිසිවිටකත් දූෂණ මර්ධනය කල නොහැකි බවයි.

ට්‍රාන්ස්පේරන්සි ඉන්ටර්නැෂනල් හි දූෂණ දර්ශකයේ රටවල් 180 න් 80 වන ස්ථානයේ ඇල්බේනියාව දැනට සිටින අතර යුරෝපීය සංගමයට බැඳීමේ අභිලාෂය සාක්ෂාත් කර ගැනීමට කිසියම් අවස්ථාවක් ලබා ගැනීමට මේ මට්ටමෙන් ඉදිරියට පැමිණිය යුතුමය. සංසන්දනය කිරීමේදී, එක්සත් ජනපදය 27 වන ස්ථානයේ සහ එක්සත් රාජධානිය 20 වන ස්ථානයේ සිටින අතර පහළම රටවල් දෙක සෝමාලියාව සහ දකුණු සුඩානයයි. ඩෙන්මාර්කය සහ ෆින්ලන්තය ඉහළින්ම සිටී.

ඩියේලා ක්‍රියා කරන ආකාරය අනුව අනෙකුත් රජයන් ද එය අනුගමනය කර තමන්ගේම AI බලයෙන් ක්‍රියාත්මක වන අමාත්‍යවරුන් යොදවන්නේද යන්න ඉදිරියේදී අපට දැකගනු ලැබේවි. තීරණ ගැනීම වේගවත් කිරීමට සහ පුරවැසියන්ට සේවා සැපයීමට රජයේ යන්ත්‍රෝපකරණවල AI නිසැකවම භාවිතා කළ හැකි වුවද, ඇත්ත වශයෙන්ම තාක්‍ෂණය සමඟ රජයේ දෙපාර්තමේන්තුවක් ඉදිරිපිට තැබීම අසාමාන්‍ය පියවරකි.

ලොව ප්‍රථම 5G-A Self driving truck වලින් බල ගැන්වුන ගල් අඟුරු පතල

noreply@blogger.com (tech සයුර (Rohan Dhananjaya)) — Sat, 30 Aug 2025 15:46:00 +0000

ලෝක පතල් කර්මාන්තය 2025 මැයි මාසයේදී පරිවර්තනීය නව අදියරකට පිවිසුණේ උතුරු චීනයේ Yimin පතලේදී ලොව ප්‍රථම ස්වයංක්‍රීය සම්පූර්ණ විදුලි පතල් ට්‍රක් රථ 100ක් සේවයේ යෙදවීම මගිනි. පතල් කැණීම භයානක ක්‍රියාකාරකමක් වන අතර එය බොහෝ විට ඉතා භායානක පරිසර තත්වයන් යටතේ පවත්වා ගෙන යනු ලැබේ.

"Huaneng Ruichi" ලෙස හඳුන්වන මේ ස්වයංක්‍රීය විදුලි ට්‍රක් රථ ඉතා සුවිශේෂී වේ. මෙම වාහන මංගෝලියාවේ පතල්වල බොහෝ විට පවතින දැඩි සීතල, දූවිලි සහ කුණාටු වලට ඔරොත්තු දිය හැක. උදාහරණයක් ලෙස, Yimin පතලේ උෂ්ණත්වය ශීත ඍතුවේ දී සෙල්සියස් අංශක -48.5 දක්වා පහත වැටිය හැකි අතර, නිරන්තර දූවිලි කුණාටු, මීදුම සහ මඩමය තත්වයන් දෘශ්‍යතාවය සහ ගමනාගමනය සඳහා දැඩි අභියෝගයකි. අතීතයේ පටන් මිනිස් රියදුරන් මෙවැනි බරපතළ අන්තරායකට නිරාවරණය වෙමින් මෙවැනි පතල් වල සේවයේ යෙදී තිබේ.

මේ ට්‍රක් රථ සම්පූර්ණ අන්ධකාරයේ හෝ වැලි කුණාටු වලදී පවා මීටර් 40ක දෘශ්‍යතාවයක් පවත්වාගන්නා දියුණු AI පද්ධති වලින් ක්‍රියාත්මක වේ. මේ ට්‍රක් රේඩාර්, AI පද්ධතියට අංශක 360ක පරාසයක දර්ශන ලබා දෙන කැමරා වලින් සහ මඩ සහිත ප්‍රදේශවල දී එරී යාම වැලැක්වීමට සැකසූ විශේෂ පද්ධති වලින් සමන්විතය.ඒ වගේම AI පද්ධතියට මාර්ග තත්ව දත්ත එකතු කිරීමට සහ අලුත්වැඩියා අවශ්‍ය වන විට නඩත්තු කාර්ය මණ්ඩලයට දැන්වීමේ හැකියාවක් ද ඇත. තවද ට්‍රක් රථවලට දැන් මිනිසුන් සාමාන්‍යයෙන් ලබා දී ඇති ප්‍රමාණයට වඩා ඉහළ චලන නිරවද්‍යතාවයක් ලබා දෙන අතර පැටවූ ද්‍රව්‍ය හැලීම වැනි කටයුතු සඳහා බෑවුමක් අද්දරට අනතුරක් නොවී ඉතා නිරවද්‍යව පසුපසට යා හැක. මෙවැනි කාරණා නිසා මිනිසුන්ට සිදු විය හැකි තුවාල හා ජීවිත හානි 0 ක් දක්වාම පහලට ගෙන ඒමට හැකියාව ලැබී ඇත.

(www.huawei.com)

මේ ට්‍රක් රථ ක්‍රියාත්මක වීමට අවශ්‍ය 5G-A ජාලය නිර්මාණය කර ඇත්තේ චීනයේ Huawei සහ China Mobile සම්න්ධ වීමෙනි. මෙහිදී ස්ව්‍යංක්‍රීය ට්‍රක් රථ 100 ක් පමණ සම්න්ධතාව පවත්වාගනිමින් 3CC (Three-Component Carrier) තාක්ෂණය මගින් 500mbps uplink වේගයක් සහිතව 20ms latency සහිතව මීටර් 500-600 ක ප්‍රමාණයක නොබිඳෙන සම්බන්ධතාවක් පවත්වාගෙන යනු ලබයි. 8K වීඩියෝ දර්ශන ලබා දීම, remote vehicle control හා පැය විසිහතර පුරාම බාධාවකින් තොරව රථ සියල්ල ඒකාබද්ධව සේවයේ යෙදවීම මේ තාක්ෂණය ඔස්සේ සිදු කල හැකිය.

මෙම ට්‍රක් රථ සෑම එකක්ම 568 kWh ලිතියම් යකඩ ෆොස්ෆේට් බැටරියකින් (LFP) බලගන්වනු ලබන අතර දැඩි සීතලේ දී පවා ඝන මීටරයක ප්‍රමාණයක් කිලෝමීටරයකට ප්‍රවාහනයට 0.2 kWh ක විශිෂ්ඨ කාර්යක්ෂමතාවයක් ලබා දේ. මෙහි ඇති තවත් විශිෂ්ඨ අංගයක් වන්නෙ ස්වයංක්‍රීය බැටරි හුවමාරු ස්ථාන මගින් බැටරි හුවමාරු කිරීමයි. එනම් නැවත බැටරි ආරෝපණය කිරීමේදී නවතා තැබීම සිටීම වෙනුවට මිනිත්තු කිහිපයකින් බැටරි හුවමාරුව සිදු කර ට්‍රක් රථවලට නොනවත්වා සේවයේ නියුතු වීමට හැකි වේ.

(www.huawei.com)

චීනය පුනර්ජනනීය විදුලිය පිළිබඳ ප්‍රමුඛයෙක් වන අතර, චීනයේ ගල් අඟුරු තවමත් බලශක්ති ප්‍රභවයක් ලෙස බාවිතා වේ. 2024 දී චීනය ගෝලීය ගල් අඟුරු නිෂ්පාදනයෙන් අඩකට වඩා වැඩි ප්‍රමාණයක් සිදු කර ඇති අතර, මෙට්‍රික් ටොන් මිලියන 500කට ආසන්න ප්‍රමාණයක් නිස්සාරණය කර ඇත. එහි හරිත බලශක්තිය වේගයෙන් ඉහළ නැංවීම තිබියදීත්, චීනයට ගල් අඟුරු පරිභෝජනය සැලකිය යුතු ලෙස අඩු කිරීමට වසර ගණනාවක් ගතවනු ඇත. එම කාල සීමාව තුළ, පතල් කැණීම ආරක්ෂිත සහ පරිසර හිතකාමී කළ යුතුය. මෙසේ ස්වයංක්‍රීය ට්‍රක් රථ සේවයේ යෙදවීම සඳහා ස්ථානයක් ලෙස මොංගෝලියාවේ Yimin පතල තෝරාගැනීම අහඹු සිදුවීමක් නොවේ. චීනයේ ප්‍රධානතම ගල් අඟුරු නිෂ්පාදන කලාපය ලෙස, මොංගෝලියාවේ Yimin පතල මෙට්‍රික් ටොන් බිලියන 725කට වඩා වැඩි ප්‍රමාණයක් සපයා ඇති අතර එය 2024 දී චීනයේ මුළු නිෂ්පාදනයෙන් හතරෙන් එකක් පමණ වේ. මෙම කලාපය පතල් නවෝත්පාදනය සඳහා පරීක්ෂණ භූමියක් බවට පත් වී ඇති අතර, ක්‍රියාත්මක පතල්වලින් 70%ක් දැනටමත් බුද්ධිමත් තාක්ෂණයන් භාවිතා කරන අතර "බුද්ධිමත්" පතල් 200කට වඩා චීනයේ ප්‍රමාණයෙන් ඇත.

මෙම ස්ව්‍යංක්‍රීය ට්‍රක් රථ සඳහා වූ පරීක්ෂණ 2020 දී නවීකරණය කරන ලද ඩීසල් ට්‍රක් රථ සමඟ ආරම්භ වූ අතර, පතල සම්පූර්ණයෙන්ම 5G මගින් ආවරණය කිරීමෙන් පසු 2022 දී චීනයේ පළමු ස්වයංක්‍රීය විවෘත-වළ පතල් මෙහෙයුම් දක්වා දියුණු විය.

මේ මුල් පරීක්ෂණ ප්‍රතිඵල ඉතා හොඳ ප්‍රතිඵල පෙන්නුම් කළ අතර, ස්වයංක්‍රීය මෙහෙයුම් මිනිස් රියදුරු කාර්යක්ෂමතාවයෙන් 87%ක් දක්වා ළඟා විය. අඛණ්ඩව සිදුකල පරීක්ෂණ ඔස්සේ මෙය 2024 දී 120% මිනිස් ඵලදායිතාව දක්වා කාර්ය සාධනය වැඩිදියුණු කළේය. පතලෙහි ක්‍රියාත්මක වීමට පූර්ණ ස්වයංක්‍රීය ට්‍රක් රථ 9 ක් මුලින්ම සේවයේ යෙදවූ අතර එය ඝණ මීටර් මිලියන 1.3 ක ප්‍රමාණයක ගල් අගුරු පස් ප්‍රවාහනය කිරීමට සමත් විය. ඉන් පසු එය ට්‍රක් රථ 100ක් දක්වා වර්ධනය කරනු ලැබීය.

ඩීසල් විමෝචන ඉවත් කිරීම, භයානක පරිසරයන්ගෙන් සේවකයන් ඉවත් කිරීම සහ AI සහ 5G සම්බන්ධතාව හරහා මෙහෙයුම් ප්‍රශස්තකරණය කිරීම මගින්, Yimin ව්‍යාපෘතිය එකවර අභියෝග රැසකට පිළිතුරු ලබා දී ඇත.

ChatGPT තරඟයට එන Elon Musk ගේ Grok AI

noreply@blogger.com (tech සයුර (Rohan Dhananjaya)) — Tue, 07 Nov 2023 15:24:00 +0000

ඉන්ටනෙට් එකේ තියෙන මොන දේ බැලුවත් දැන් AI නමක් ගෑවිලා තියෙනවා. මේ hype එක මතුවෙන්න බලපෑව ලොකුම හේතුව තමයි OpenAI ChatGPT එක. ඔන්න දැන් ඒ තරඟෙට Elon Musk එයාගෙ xAI කියන generative AI සමාගමෙන් Grok AI කියලා වැඩසටහනක් නිකුත් කරන්න යනවා.

බොහෝ දෙනෙක් දන්න විදියට Elon Musk කියන්නෙ කලින් Open AI හී සිටි විධායක සාමාජිකයෙක්. නමුත් එම ව්‍යාපෘතියේ තිබූ ඇතැම් මතභේදයට ලක්වුණු කාරණා නිසා ඔහු එයින් ඉවත් උනා. ඔහු ChatGPT වෙත එල්ල කළ ලොකුම චෝදනාව වන්නේ එය ඇතැම් මාතෘකා යටතේ ලබාදෙන පිළිතුරු වාරණය කිරීම නිසා සත්‍ය වසන් වන බවයි. එම නිසා ඇත්ත ඇති සැටියේ ලබාදීම වෙනුවෙන් ඔහු විසින් Grok AI වැඩසටහන නිපදවනු ලැබුවා. ඉකුත් ජූලි මාසයේ xAI ආරම්භ කරන ලද්දේ පෙර OpenAI, DeepMind වැනි ආයතනයන් හී සේවය කල සේවකයන් පිරිසකගේ උදව් ඇතිවයි.

ChatGPT වැඩසටහනට වඩා Grok හි ඇති ප්‍රධානතම වෙනසක් වන්නෙ Grok මගින් පිළිතුරු ලබාදීමට real-time news topics යොදා ගැනීමයි. එනම් එහි දත්ත ලබා ගැනීමේ මාධ්‍ය ලෙස X (කලින් twitter) භාවිතා කරනු ලබයි. එම නිසා එමගින් වඩාත් නිවැරදි හා සත්‍ය ලෙස පිළිතුරු ලබා දෙනු ඇති බවට ඉලෝන් ගේ අදහසයි. X හි නව privacy policy හි මෙලෙස කෘතිම බුද්ධි වැඩසටහන් සඳහා public data භාවිතා වන බව සඳහන්කොට තිබෙනවා.

එසේම X විසින් ChatGPT වැනි අනෙක් generative AI වැඩසටහන් මගින් එහි API වෙත පිවිසීම වලකා දැමීමට දැනටමත් වැඩ කරමින් සිටින බව දැනගන්නට ලැබේ. ඒ නිසා X හි ඇතැම් ප්‍රොජෙක්ට් වලට පමණක් මෙම දත්ත සමුදායන්ට ඇතුලත් වීමට හැකියාව ඇත. මූලික අදියරේ පරීක්ෂණ ලෙස ප්‍රාථමික පාසල් දරුවන්ගෙ ගණිත ගැටලු හා පයිතන් කෝඩ් වලින් පටන් ගෙන ඉදිරියට දියුණු කරනු ලබන බවට ඔවුන් කියා සිටී. අනෙකුත් කෘතිම බුද්ධි වැඩසටහන් වලට තරමක් අභියෝග වන තරමක් බැරෑරුම් ප්‍රශ්න ද පැහැදිලිව තේරුම් ගෙන ඉතා හොඳින් පිළිතුරු ලබා දීමට හැකි වීම Grok හි තවත් විශේෂත්වයකි.

Example of Grok vs typical GPT, where Grok has current information, but other doesn’t pic.twitter.com/hBRXmQ8KFi
— Elon Musk (@elonmusk) November 5, 2023

මෙම නව ප්‍රවනතාව නිසා Grok අනෙකුත් AI වැඩසටහන් වලට වඩා ඉදිරියෙන් සිටී. කෙසේ නමුත් X platform (twitter) හි මෑතකදි සිදුකරන ලද මතභේදාත්මක වෙනස්කම් නිසා බොහෝ මාධ්‍ය හා මාධ්‍යවේදීන් X හැරයමින් සිටී. මේ නිසා X තව දුරටත් news discussion platform ලෙස හැඳින් වීමම අභියෝගයට ලක් වී ඇත. මෙම වෙනස් කම් නිසා මිලියන 244 ක් වූ X හි පරිශීලකයින්ගෙන් 80% ක් ම මෙය "read only" ලෙස හෝ කිසිවක් පල නොකර සිටීමට පෙළඹී සිටී. එනම් පෙර දිනකට මිලියන 100ක් වූ පල කිරීම් ප්‍රමාණය මේ වන විට මිලියන 49 ක් දක්වා පහත වැටී ඇත. මේ හේතුව නිසා ලොව පුරා X භාවිතා කරන්නන් ප්‍රමාණයෙන් සුළු ප්‍රමාණයක් පමණක් මත මෙම දත්ත වල නිවැරදි බව රඳා පවතින නිසා ඒවායේ නිවැරදි බව යම් කුකුසක් ඇත.

Grok හි මූලික ආකාරයේ (early beta phase) prototype එක සීමිත පරිශීලකයින් පිරිසක් වෙත ලබා දීමට නියමිත අතර එය මාස දෙකක පුහුණු කරන ලද මොඩලයක් මගින් ලබා දෙන බවට X සමාගම පවසා සිටී. මෙය අත්හදා බැලීමට අවස්තාවක් ලබා ගැනීමට කැමති අයට එහි wait list එකට එකතු වීමට හැකියාව ඇත. ඉන් අනතුරුව එය X Premium+ feature එකක් වනු ඇති අතර එය භාවිතා කිරීමට මසකට $16 ක මුදලක් ගෙවීමට සිදුවේ.

කෙසේ වෙතත් මෙය සාමාන්‍ය භාවිතයට ගන්නා AI tool එකකට වඩා යම් දේශපාලනික නැඹුරුවක් ඇති අපක්ෂපාතී තොරතුරු ලබා දීම අරමුණකොට ගෙන සැකසූ වැඩසටහනක් ලෙස හැඳින්විය හැකියි.

වැදගත් තොරතුරු Hard Disk එකේ තියන්න එපා!

noreply@blogger.com (tech සයුර (Rohan Dhananjaya)) — Thu, 12 Oct 2023 17:36:00 +0000

මේ පාඩමෙන් කියලා දෙන්න යන්නෙ කොහොමද ඔයාලග වැදගත් ෆයිල් hard disk එකේ SSD එකේ තියාගෙන නැති කරගන්නෙ නැතුව හරියට පරෙස්සම් කරගන්නෙ කියලා. කැම්පස් වල research, projects වගේම වටිනා කියන ෆොටෝ වීඩියෝ මෙහෙම විනාශ කරගෙන recovery කරන්න දහ අතේ දුවන අය දැකපු නිසා මේක දාන්නෙ. මොකද කොම්පියුටරේ ලක්ෂ 4ක් 5ක් උනත් ඊට වඩා ඕකෙ තියෙන data වටිනවා. එතකොට කොහොමද එහෙම නැති වෙන්නෙ? ආ ඒවා වෙනහැටි මේ පෝස්ට් එකෙන් ඉස්සරහට කියලා දෙන්නම්.

👉අනාරක්ෂිත Disk drives

Hard disk (Hard disk එකක ඇතුලත කොටස් බලන්න) එකක් වේවා SSD එකක් වේවා මේ මොන එකත් electronic උපාංඟයක් මොන වගකීම දීලා තිබුණත් ඒවා fail වෙන්න පුළුවන්. සමහර අය quality එක පැත්තකට දාලා තියෙන අඩුම ගාන දීලා SSD, Hard disk ගන්න එකත් මේකට එක හේතුවක්. ඒ වගේම භාවිතයේ වැරදි, උපාංඟ නොගැලපීම් එහෙමත් මේකට බලපානවා. තව ඉන්ටනෙට් එකෙන් අහු වෙන හැම එකම ඩුවුන්ලෝඩ් කරන්න ගිහින් රැන්සම්වෙයා වලට හාඩ් එකේ ඩේටා encrypt වෙනවා වගේ අකරතැබ්බ වෙන්නත් පුළුවන්.

👉වැදගත් ඩේටා බැකප් කරන්න

ඔයා කොම්පියුටරෙන් මොකක් හරි වැදගත් වැඩක් කරන්න ඉන්නවනම් ඒ වැඩේ බැකප් එකක් නැත්නම් කොපියක් අඩුම දවස අවසානයේ පෙන් එකකට වගේ ගන්න. ඊටත් වඩා හොඳයි GDrive, One Drive වගේ සේවාවක ඩේටා සේව් කරගන්න එක. මොකද ඒවගෙ තියෙන ඩේටා වලට ඉතා හොඳ ආරක්ෂාවක් දීලා තියෙනවා. ඒ වගේම auto sync පහසුකම මේ හැම සේවාවක් එක්කම එන නිසා මහන්සියකින් තොරව ඉබේම ෆයිල් ෆෝල්ඩර් බැකප් වෙන්න හදාගන්න පුළුවන්.

👉ඩේටා බැකප් තියාගන්න හොඳම විදිහක් 3-2-1 Backup

3-2-1 Backup ක්‍රමය ඩේටා බැකප් තියාගන්න හඳුන්වලා දීපු හොඳම ක්‍රමයක්. මේ ක්‍රමයේදී කියන්නෙ ඔයාගෙ ඩේටා වල අවම කොපි 3 ක් තියාගන්න කියල කියන්නෙ.

Copy 1: තමන්ගෙ වැඩ කරන පරිගනකයේ (Local backup).
Copy 2: External Hard disk එකක හෝ NAS device එකක (Local backup but different media).
Copy 3: GDrive වැනි ක්ල්වුඩ් සේවාවක (Offsite backup).

මේ බැකප් වලින් මොන ක්‍රමය කොච්චර දුරකට යොදාගන්නවද කියන එක ඔයාගෙ දත්ත වලට තියෙන වටිනාකම අනුව ඔයාට තීරණය කරන්න පුළුවන්. ගූගල් ,මයික්‍රෝසොෆ්ට් වගේ මොන තරම් ලොකු සමාගම් උනත් එයාලගෙ බැකප් තියාගන්න ටේප් ඩ්‍රයිව් වැනි ක්‍රම අදටත් භාවිතා කරනවා.

👉හදිස්සියෙ Hard disk එක වැඩ නැතුව ගියොත්!

කොච්චර කොහොම කීවත් මේ බැකප් කියන ඒවා ගොඩක් අය කරන්නෙ නෑ. ඒ වෙලාවට හදිසීයෙවත් disk එක පෙන්නන්නෙ නැතුව හරි not responding එහෙමත් නැත්නම් 'You need to format the disk in drive before using it' වගෙ මැසේජ් එකක් එහෙම ආවොත් මොකද කරන්නෙ? .මේ වගේ වෙලාවක කලබල වෙලා ඔක්කොම ඉවරයි කියලා හිතන්න එපා. ඒ වගේම ඉක්මන් තීරණ වලට එන්නත් එපා. මෙහෙම වෙන්න පහල තියෙන හෙතු සාධක තියෙන්න පුළුවන්.

Hard disk එක conector වලින් බුරුල් වීම හෝ oxide වීම.
Motherboard එකේ දෝෂ.
නියමිත පරිදි විදුලිය නොලැබීම.
Hard disk එකේ පරිපථයේ දෝෂ.
Driver software ගැටලු තිබීම.

මෙන්න මේ වගේ හෙතු තියෙන්න පුළුවන්. ඒ වගේ වෙලාවක පලපුරුද්දක් ඇතිනම් පමණකක් කරන්න පුලුවන් දේවල් පහලින් තියෙනවා.

ගලවා connectors පිරිසිදු කර නැවත සවි කරන්න.
වෙනත් පරිගණකයකට external cable එකකින් සම්බන්ධ කර බලන්න.

You need to format the disk in drive before using it' වගෙ මැසේජ් එකක් එහෙම ආවොත් කිසිම විටක format කරන්න යන්න එපා.! එය නැවත data reovery කිරීම අපහසු කිරීම හෝ සදහටම දත්ත recovery කර නොගැනීමට පවා හේතු වෙන්න පුළුවන්.

ලැප්ටොප් වල ඇති hard disk ඉතා සියුම් බැවින් ගැලවීමේදී වඩාත් ප්‍රවේසම් වන්න. එය මත අනවශ්‍ය පීඩනයක් එල්ල නොකිරීමට වගබලා ගන්න.!

මේ විදියට හරි ගියේ නත්නම් හෝ පලපුරුද්දක් නැත්නම් මනා දනුමක් ඇති කෙනෙකුට පමණක් ලබා දී data recovery හෝ partition recovery කිරීම සිදු කරගන්න උත්සහ කරන්න.

ඉතිං වැඩේ වැරදෙනකම් ඉන්නෙ නැතුව දැනටම ඔයාගෙ තියෙන වැදගත් ලිපි, ෆොටෝ, වීඩියෝ එකී මෙකී නොකී හැම වැදගත් ෆයිල් එකකම බැකප් එකක් තියාගන්න. And thanks me later ! 😉

Blogger profile එකෙන් comment දාන්න නොදෙන ප්‍රශ්නෙට විසඳුම

noreply@blogger.com (tech සයුර (Rohan Dhananjaya)) — Sun, 08 Oct 2023 18:34:00 +0000

කාලෙක ඉඳලා බ්ලොග් එකේ පෝස්ට් වලට කමෙන්ට් දාන එකට ගූගල් ක්‍රෝම් වගේම අනික් වෙබ් බ්‍රවුසර් කේස් එකක් අදිනවා කියලා කීප දෙනෙක්ම කියලා තිබුණා.
කේස් එක කියන්නෙ ගූගල් අකවුන්ට් එකකින් ලොග් උනත් "Unable to sign in to comment. Please check your browser configurations to allow sign-in. Learn more. You can still comment anonymously, or with name and URL." කියලා මැසේජ් එකක් වැටෙනවා.

හේතුව

මේකට හේතුව තමයි වෙබ් බ්‍රවුසර් වලින් බ්ලොග් එකේ කුකීස් (යූසර් ට්‍රැකින් කුකීස්) බ්ලොක් කරන එක. හැබැයි ගූගල් ප්‍රොෆයිල් එකකින් කමෙන්ට් දාන්න නම් මේ කුකීස් වලට බ්‍රවුසර් එක ඉඩ දෙන්න ඕනි. ඕන්න ඕක නිසා තමයි ලොග් උනත් කමෙන්ට් දාන්න බැරිවෙන්නෙ. මේ ගැන ගූගල් බ්ලොගර් සපෝර්ට් එකේ එයාලා කියලා තියෙනවා.ඒත් ඉතිං ඇනෝ කමෙන්ට් දාන්න ඕනි නෑනෙ රියල් ඇකක් තියාගෙන.!

විසඳුම

මේකට කරන්න තියෙන දේ තමයි ඔයාගෙ වෙබ් බ්‍රවුසර් එකේ ප්‍රයිවසි සෙටින්ස් වෙනස් කරන එක.

Google Chrome

එක විදියක් තමයි මේ විදියට Settings >> Privacy and Security >>Third-party cookies වලින් Allow third-party cookies කියන එක තෝරන එක.

එහෙමත් නැත්නම් ඊට ටිකක් පහල තියෙන Allowed to use third-party cookies කියන තැනින් Add ක්ලික් කරලා බ්ලොග් එකේ URL එක දෙන්න පුළුවන්. එතකොට වැඩේ හරි.

Microsoft Edge

මේ බ්‍රවුසර් එකේදි Privacy, search, and services >> Tracking prevention එක Basic කියලා දාන්න පුළුවන්.

නැත්නම් පහලින් තියෙන Exceptions එකට ගිහින් බ්ලොග් එකේ URL එක දෙන්න පුළුවන්.

Firefox

Firefox එකේ Privacy & Security setting එක custom තෝරන්න.

නැත්තන්ම් කලින් ඒවා වගේම Exceptions වලට URL එක දෙන්න. එතකොට වැඩේ හරි!

මේන්න මේ විදියට තමයි ඇනෝ කමෙන්ට් නොදා රියල් ඇකෙන් කමෙන්ට් දාන්නෙ ;)

Private Github Repo එකක් CPanel එකට clone කරන හැටි

noreply@blogger.com (tech සයුර (Rohan Dhananjaya)) — Sat, 13 May 2023 09:06:00 +0000

සෑහෙන්න කාලෙකට පස්සෙ ආයෙ පෝස්ට් එකක් අරන් ආවා ඔන්න. මේ පෝස්ට් එකෙන් කියලා දෙන්න හදන්නෙ GitHub එකෙ තියෙන private repository එකක් cPanel web hosting එකක තියෙන directory එකකට clone කරගන්නෙ කොහොමද කියලා.

මේ වැඩේ කරන්න නම් ඔයා අරන් තියෙන cPanel web hosting service එකේ SSH enable වෙලා තියෙන්න ඕනි. ඒ වගේම cPanel එකේම Terminal එක තියෙනවනම් තවත් ලේසි. එහෙම නැත්නම් PUTTY වගේ SSH client එකක් යොදා ගන්නත් පුළුවන්. දැන් තියෙන ගොඩක් cPanel hosting වල මේ SSH තියෙන නිසා මෙ වැඩේ ගැටලුවක් නැතිව ට්‍රයි කරලා බලන්න පුළුවන්. cPanel Terminal එකට යන්න නම් cPanel >> Home >> Advanced >> Terminal වලින් පුළුවන් .

පියවර 1 : SSH Key එකක් generate කරගැනීම.

මුලින්ම අපි කරන්න ඕනි authorization වෙනුවෙන් SSH key එකක් generate කරගන්න එක. මීට ඉස්සර නම් RSA key එකක් SHA-1 secure hash algorithm එක එක්ක මේ වැඩේට යොදා ගන්න පුළුවන් උනත් SHA-1 algorithm එකේ තියෙන security issue නිසා GitHub දැන් encryption එකෙන් දෙන key accept කරන්නෙ නෑ. ඒ නිසා මේකට ECDSA encryption එක භාවිතා කරන්න වෙනවා.

ssh-keygen -t ecdsa -b 521 -C user_name@example.com

මේ command එකේ "user_name" කියන කොටසට ඔයාගෙ cPanel user name එක දීලා example.com එකට වෙබ්සයිට් එකේ ඩොමේන් එක දෙන්න ඕනි. ඒ විදියට දීලා enter කරාට පස්සෙ ඔයාගෙන් මේකට passphrase එකක් අහනවා. ඒකට මොකුත් නොදී කෙලින්ම enter press කරන්න.

පියවර 2 : Verify Generated The SSH Key

ඔයා දැන් generate කර ගත්ත key එක හරියට generate වෙලාද කියලා පහල තියෙන command එකෙන් චෙක් කරලා බලන්න පුළුවන්.

cat ~/.ssh/id_rsa.pub

පියවර 3 : Register Your SSH Key With The Private Repository Host

Generate කරගත්ත SSH Key එක Bitbucket හෝ GitLab වැනි private repository සමඟ සම්බන්ධ කිරීමට උදවු අවශ්‍ය නම්, ඔවුන්ගේ අදාළ වෙබ් අඩවි හෝ documantation වෙත යොමු විය හැක. ඒ වගේම Bitbucket වැනි සමහර ඒවා, මෙම පහසුකම ලබා දෙන්නෙ නෑ.

Generate කරගත්ත SSH Key එක GitHub සමඟ සම්බන්ධ කිරීමට, මෙම පියවර අනුගමනය කරන්න:

GitHub account එකට Sign in වෙන්න.
Clone කරන private repository එකට යන්න.
දකුණු පැත්තෙ උඩ තියෙන "Settings" බට්න් එක කරන්න.
දකුණු පැත්තේ මෙනු එකේ තියෙන "Deploy keys" click කරන්න.
දකුණු පැත්තේ උඩ තියෙන "Add deploy key" එක Click කරන්න.
"Title" : display කිරීමට කැමති නමක් ලබා දෙන්න.
"Key" text box එකට කොපි කරගත්ත සම්පූර්ණ SSH key එක paste කරන්න. cPanel account එකෙන් GitHub account එකට code push කිරීමට අවශ්‍ය නම් "Allow write access" checkbox එක check කරන්න. GitHub repository එකෙන් cPanel-hosted repository එකට පමණක් deploy කරන්නේ නම් මේ check box එක check කරන්න එපා!
"Add key" ක්ලික් කරන්න.

පියවර 4 : SSH key එක test කරන්න.

Deploy කරපු SSH key එක හරියට වැඩ කරනවද බලන්න පහලින් තියෙන command එක execute කරන්න.

ssh -T git@example.com

"git@example.com" කියන්නෙ ඔයාගෙ private repository එකේ host එකයි. උදා : "git@github.com"

පියවර 5 : Private repository එක clone කිරීම.

ඉහළින් කියපු පියවර ටික අවුලක් නැතිව වැඩ කරා නම් දැන් පුළුවන් ඔයාගෙ private repository එක clone කරන්න. එකට පහලින් තියෙන git commant එක terminal එකේ enter කරන්න.

git clone git@example.com:$name/private-repo.git

මේකෙ "git@example.com:$name/private-repo.git" කියන්නෙ ඔයාගෙ private repository එකේ URL එක. ඔයා මේක කරනකොට "Error: The WebSocket handshake failed at..." වගේ error එකක් ආවොත් ඔයාගෙ connection එක double check කරන්න. ගොඩක් වෙලාවට VPN හරහා connect වෙලා ඉන්නවනම් ගැටලුව එන්න ඉඩ තියෙන නිසා ඒක disconnect කරලා ආයෙ try කරන්න.

ඉතින් ඔන්න ඔහොම තමයි GitHub private repository එකක් cPanel host එකකට clone කරන්නෙ. මේ ගැන ගැටළු තියෙනවනම් පහලින් comment කරන්න. එහෙනම් හැමෝටම ජය!

තෑගි දෙන WatsApp මැසේජ්!

noreply@blogger.com (tech සයුර (Rohan Dhananjaya)) — Sun, 18 Dec 2022 18:14:00 +0000

Watsapp කියන්නෙ පණිවිඩ හුවමාරු කරන්න, වීඩියෝ, ඕඩියෝ කෝල් ගන්න වගේම ෆොටෝ වීඩියෝ ශෙයාර් කරගන්න තියෙන හොඳ චැටින් ඇප් එකක්. කාලෙන් කාලෙට එක එක දේවල් මේ ඇප් එකේ හරහා ගෲප් හරහා වගේම දන්න අඳුනන අයගෙනුත් ශෙයාර් වෙනවා දැකලා අති. ඒ අතරින් මැසේජ් එක තව 10 කට, 100 කට ශෙයා කරලා නොමිලේ රීලෝඩ්, ඩේටා වගේම වාහන දිනාගන්නත් පුළුවන් මැසේජ් දැකලා තියෙනවද?

👉මොනවද මේ නොමිලේ තෑගි දෙන මැසේජ්

ඔයත් "Airtel - Etisalat - Hutch - Dialog - Mobitel are happy to offer everyone ₨2000 of call credit and 50GB of free internet available for one month - ඇති තරම් ෆ්‍රී රිලෝඩ් !!" , "සීතල නත්තලේ 50GB දක්වා නොමිලේ Data දිනාගැනීමට මෙන්න ඔබට සුපිරි අවස්ථාවක්" වගේ එක එක විදියට ලිංක් එකක් එක්ක ශෙයාර් වෙන මැසේජස් දැකලා ඇති. ඇත්තටම මේවා මේ කියන විදියට තෑගි ලබා දෙනවද? ඇත්තම කතාව තමයි මේ වගේ එවන ලිංක් වලින් 99% ක්ම එවා බොරු! මේ විදියට එවන පණිවිඩ වලින් ලබාදෙන ලිංක් වලින් ඇත්තටම ඔවුන් කරන්නෙ ඒ හා සබැඳි වෙබ් අඩවි වල තිබෙන ඇඩ් ක්ලික් කරවාගෙන මුදල් ඉපයීමයි. එසේ නොමැති නම් වයිරස් වැඩසටහන් ඩවුන්ලෝඩ් කරවීම හෝ පරිශීලකයින්ගෙ ක්‍රෙඩිට් කාඩ් විස්තර ලබාගෙන ඒවා හරහා මුදල් සොරකම් කිරීමයි.

👉ගැටේට ඉබේම අහුවෙන හැටි

මේම පණිවිඩ වලට හසු වෙන බොහෝ දෙනෙක් මේ ගැන අවබෝධයක් හෝ බරපතල කමක් නොදැන හසුවෙන අය වෙයි.

ඉතා සිත් ඇදගන්නා ලෙස හා විශ්වාසය ඇතිවෙන ආකාරයට පණිවිඩය සකස් කර තිබීම.
ඉතා සීමිත සංඛ්යාවකට පමණක් ලබාදෙන බව පවසන පණිවිඩයක් වෙබ් පිටුවේ තිබීම.
එය ලබා ගැනීමට එක් කොන්දේසියක් ලෙස එම පණිවිඩය පිරිසක් අතර බෙදාහැරිය යුතු බව පැවසීම.
ඉතා ප්‍රසිද්ධ, ජනප්‍රිය සමාගම් වල භාණ්ඩ හා සේවා නොමිලේ ලබාදෙන බව පැවසීම.

වැනි කරුණු නිසා පැතිරීම වේගවත් වීම හා ලෙහෙසියෙන්ම මිනිසුන් රැවටී මේවාට හසුවීමට හේතු වී ඇත. මෙසේ පණිවිඩය අධික ලෙස හුවමාරු වෙමින් එම වෙබ් අඩවි වෙත පැමිණෙන පිරිස මගින් ඇඩ් ක්ලික් කරවාගෙන එම ස්කැමර් මුදල් උපයාගැනීම සිදු කරයි. තවත් සමහර අයට මෙවැනි ලිංක් ක්ලික් කිරීමෙන් පසු නොකඩවා දුරකතනයට ඇඩ් සහිත notification වැනි දෑ සිදුවිය හැකිය.

👉මෙවැනි scam පණිවිඩ හඳුනාගන්නෙ කෙසේද?

කොහොම නමුත් මේ විදිහට එන scam messages අඳුනගන්න සරල ක්‍රම කිහිපයක් තියෙනවා.

එකම පණිවිඩය නිතර නිතර ශෙයාර් වීම

බොහෝමයක් අවස්ථාවලදී මෙම පණිවිඩ වලට රැවටුන අය මේවා ගෲප් තුල, ඉන්බොක්ස් තුල ශෙයා කරනු ලබයි. එසේ අසාමාන්‍ය ලෙස ඉහත ආකාරයේ පණිවිඩයක් ශෙයාර් වේ නම් එය බොහෝ විට මෙවැනි ආකාරයේ එකකි. පණිවිඩය තුල "forwarded many times." ලෙස දිස් වන්නෙද මෙසේ බොහෝ වාරයක් හුවමාරු වූ පණිවිඩයි.

හඳුනා නොගත් අංක වලින් මෙම පණිවිඩ පැමිණීම.
වංචනික හා සැක සහිත ලිංක්.

මෙවැනි පණිවිඩ සමග ලැබෙන ලිංක් බොහෝවිට bit.ly වැනි සේවාවකින් කෙටිකර ලබා දී ඇත. එසේම එම තෑග්ග ලබාදේ යැයි පැවසෙන ආයතනයේ වෙබ් අඩවියේ නමට අසමාන හෝ බොහෝ සෙයින් සමාන ලිංක් එකක් විය හැකිය.

Login/Verification Requests

ලිංක් එකක් හරහා ගිය විට තමන්ගේ පුද්ගලික ගිණුමකට ලොග් වීමට හෝ verification ලබා දෙන ලෙස ඉල්ලීම.

පුද්ගලික විස්තර ඉල්ලීම
තව අය අතර බෙදාහැරිය යුතු බව පැවසීම.

මේ ආකාරයේ ලක්ෂණ ඇති පණිවිඩ 99%ක් ම කිසියම් අනර්තකාරී ක්‍රියාවක් සඳහා සැකසූ පණිවිඩ වේ.

👉බේරෙන හැටි

පහත දැක්වෙන ආකාරයේ ඉතා සරල පියවර කිහිපයක් අනුගමනය කිරීම මගින් මේ ආකාරයේ අනාරක්ෂිත පණිවිඩ වලින් ආරක්ෂා විය හැකිය.

නන්නාදුනන පණිවිඩ ඔස්සේ පැමිණෙන ලිංක් ක්ලික් කිරීමෙන් වැලකීම, එවැනි අංක බ්ලොක් කිරීම හා රිපෝර්ට් කිරීම.
කිසිදු පදනමක් නොමැතිව ඉතා වටිනා දේ නොමිලේ දෙන බව පවසන පණිවිඩ සමග ගණුදෙනු නොකිරීම.
විශ්වාසවන්ත නොවන කිසිම වෙබ් අඩවියක තමන්ගේ පුද්ගලික තොරතුරු කිසිවක් ලබා නොදීම.
ඉහත ආකාරයේ පණිවිඩ එවන අංක අවහිර (Block) කිරීම.
සුදුසු ඇන්ටි මැල්වෙයා වැඩසටහනක් භාවිත කිරීම.

ප.ලි : මේ ලිපිය ලියන්න හේතු උනේ නොමිලේ 50GB, 100GB ඩේටා, සංවත්සරය සමරනවා යැයි කියාගෙන නොමිලේ ලැම්බොගිනි කාර් දෙනවා කියාගන්නා මැසේජ් හතර අතේ ශෙයාර් කරමින් හත්පොලේ ගාගන්නා ජහමනතාවක් ලංකාවෙ ඉන්න නිසා මේ ගැන පැහැදිලි කිරීමක් කරන්න උවමනා වු නිසයි. උන්ගෙ සංවත්සරයට නොමිලේ මැසේජ් ශෙයා කරා කියා උන්ට ලැබෙන ලබ්බක් නැතිවාක් මෙන්ම නිකං කාර් ඩේටා දෙන්නට රුදාවක් නැතිය 😂. අන්න ඒ ටික ලබු ගෙඩියක් වගේ ඔලුවෙ තියෙන අබ ඇටයක් තරම් මොළේට තේරුනොත් ඇතිය. අපේ සම-හරක් උන්ට නිකං දෙනවා කීවොත් මොන පඩික්කමත් අවුලක් නැතිය (75 අවුරුද්දක් තිස්සේ රැවටෙන්නෙද මෙසේමය.). ඒ නිසා නිකං දේවල් ගන්න ගිහින් තියෙන එකත් නැති කරගෙන නාහෙන් අඬන්න එපා කියලා අන්තිමට කියන්න කැමති. දැන්වත් නොමිලේ වෙනුවට මිලදී ගන්න වැඩ කරන්න පටන් ගන්න. මෝඩ නොවෙන්න දැනුවත් වෙන්න.

පරිගණකය වේගවත් කරන Solid State Drive (SSD)

noreply@blogger.com (tech සයුර (Rohan Dhananjaya)) — Fri, 25 Nov 2022 15:10:00 +0000

අලුතින් ලැප්ටොප් එකක්, ඩෙස්ක්ටොප් එකක් ගන්න කෙනෙක් නම් SSD ගැන අනිවාර්‍යෙන්ම අහලා ඇති. පරණ වේගයෙන් අඩු පරිගනකයක් උනත් වේගවත් කරගන්න තියෙන හොඳම උපාංඟයක් තමයි SSD එකක් කියන්නෙ.ඇත්තටම SSD කියන්නෙ storage උපංඟයක්. SSD එකකින් පරිගණකයේ වේගය වැඩිවෙන්නෙ කොහොමද? සාමාන්‍ය hard disk එකකින් SSD එකක් වෙනස් වෙන්නෙ කොහොමද කියලා මේ පෝස්ට් එකෙන් බලමු.

මේ පෝස්ට් එකේ අන්තර්ගතයෙන් solid state drive ගැන මෙන්න මේ කියන දේවල් ගැන කතා කරනවා.

SSD එකක් කියන්නෙ මොකද්ද? Hard Disk එකකින් වෙනස් වෙන්නෙ කොහොමද?
SSD වල තාක්ෂණය
SSD වල ප්‍රධාන ලක්ෂණ
SSD එකකින් ලැබෙන වාසි
SSD වල අවාසි
විවිධාකාරයේ Solid State Drive වර්ග
SSD එකක් ගන්නකොට බලන්න ඕනි දේවල්
ලංකාවේ දැනට විකිණීමට ඇති SSD කිහිපයක් හා මිලගණන්

👉 SSD එකක් කියන්නෙ මොකද්ද? Hard Disk එකකින් වෙනස් වෙන්නෙ කොහොමද?

Solid state drive නැත්නම් කෙටියෙන් SSD එකක් කියන්නෙ කලින් කිව්වා වගේම non-volatile storage device එකක්. මේක ඇත්තටම නිර්මාණය කරලා තියෙන්නෙ සාමාන්‍ය භාවිතයේ තියෙන hard disk වෙනුවට ඒකට ආදේශකයක් ලෙසයි. ඒත් Hard disk එකකට වඩා SSD එකක් ඉතා වේගවත්. Hard disk එකක දත්ත තැන්පත් කරනන්නේ චුම්බක තැටි මත දත්ත තැන්පත් කරන යාන්ත්‍රික ක්‍රියාවලියක් නිසා ඒවායේ ඇති දත්ත වලට ප්‍රවේශ වීමට වැඩි කාලයක් අවශ්‍ය වේ. නමුත් SSD වල මෙම චුම්බක තැටි වෙනුවට flash memory chip භාවිතා කරනු ලබයි. එම නිසා මේවායේ වේගය සාම්ප්‍රදායික hard disk වලට වඩා ඉතා වැඩිය. මේ නිසා operating system එකක් boot වීමට ගතවන කාලය හා වැඩසටහනක් ආරම්භ වීමට යන කාලය SSD වලදී ඉතා අඩුය ය.

www.avast.com

👉 SSD වල තාක්ෂණය

SSD හි ඇත්තේ සිලිකන් වලින් නිෂ්පාදිත flash memory chips එකතුවකි. නිෂ්පාදකයා විසින් නිෂ්පාදනය කරන එක් එක් SSD මොඩලයෙ ධාරිතාව අනුව එහි ඇති චිප් stack එක වෙනස් කරනු ලබයි. මෙම චිප් වල අඩංඟු වන්නේ floating gate transistors (FGTs) නම් විද්‍යුත් ආරෝපණ මගින් දත්ත රඳවා තබා ගන්නා ට්‍රාන්සිස්ටර් වර්ගයකි. එහි ඇති විශේෂත්වය නම් විදුලිය විසන්ධි කර ඇති අවස්ථාවේදී ද දත්ත රඳවා තබා ගැනීමයි. මෙම සෑම FGT එකක්ම ආරෝපණ ඇති 1 හෝ නැති 0 ලෙස 1bit අගයක් ගනී (Each FGT contains a single bit of data).

Single-level cell (SLCs) :- එකවර එක බිටුවක මතකය පමණක් රඳවා ගැනීමට හැකිය. මිලෙන් තරමක් අධික නමුත් වඩා වේගවත් හා හොඳ කල් පැවැත්මක් ඇත.

Multi-level cells (MLCs) :- එකවර බිටු දෙකක මතකයක් රඳවා ගැනීමට හැකියාව ඇති අතර SLCs වලට වැයවන ඉඩෙහි, ඊට වඩා දෙගුණයක දත්ත රැඳවිය හැකිය. නමුත් මෙහි වේගය SLCs වලට වඩා අඩුය.

Triple-level cells (TLCs) :- එකවර බිටු තුනක් රඳවා ගැනීමේ හැකියාව ඇති අතර මිලෙන් ඉතා අවමද වේ. නමුත් වේගය හා කල් පැවැත්ම SLCs හා MLCs වලට වඩා අඩුය. මිලෙන් අඩු වඩා වැඩි ඉඩක් සහිත SSD නිෂ්පාදනයට මෙම වර්ගය භාවිතා වේ.

👉 SSD වල ප්‍රධාන ලක්ෂණ

SSD වල චලනය වන කොටස් නොමැති නිසා, HDD වල ඇති විය හැකි යාන්ත්‍රික දෝෂ SSD වල ඇති නොවේ. SSD ද නිහඬ වන අතර අඩු බලයක් පරිභෝජනය කරයි. තවද SSD දෘඪ තැටි වලට වඩා බරින් අඩු බැවින්, ඒවා ලැප්ටොප් සහ ජංගම පරිගණක උපාංග සඳහා හොඳින් ගැලපේ. ඊට අමතරව, SSD controll software වල analytics වැඩසටහන් ඇතුළත් වන අතර එමඟින් SSD හි ඇතිවිය හැකි දෝෂ ගැන පරිශීලකයෙකුට කල්තියා දැනුම් දිය හැකිය.

👉 SSD එකකින් ලැබෙන වාසි

වේගවත්ව දත්ත read/write කිරීමේ හැකියාව.
Operating system එක වේගවත්ව boot වීම හා වැඩසටහන් ඉක්මනින් ක්‍රියාත්මක කල හැකි වීම.
ගැස්සීම්, සෙලවීම් වලට HDD වලට වඩා ඉතා හොඳින් ඔරොත්තු දීම.
ඉතා අඩු ශක්ති පරිභෝජනය.
HDD වල මෙන් සෙලවෙන කොටස් නොමැති නිසා ක්‍රියාත්මක වන විට ශබ්ධයක් නොමැති වීම.
ප්‍රමාණයෙන් කුඩා වීම.

👉 SSD වල අවාසි

HDD වලට වඩා මිලෙන් අධික වීම.
ඇතැම් වර්ගයේ (උදා: NAND memory-flash chips භාවිතා වන SSD) SSD වල ආයු කාලය තරමක් අඩු වීම.
මිලෙන් වැඩි වීම නිසා තරමක් අඩු ප්‍රමාණයේ ධාරිතා වලින් ලබා ගැනීමට තිබීම.

NAND හා NOR වර්ගයේ logic gates වර්ග ඇති චිප් SSD වල ප්‍රධාන ලෙස භාවිතා කරනු ලබයි. මෙයින් NOR වර්ගයේ චිප් සහිත SSD ජංගම දුරකතන වල බහුලව යොදාගනී. NAND වලට වඩා NOR වර්ගය වේගවත්ව read කිරීමෙ හැකියාවක් ඇති නමුත් මිලෙන් NAND වලට වඩා වැඩිය. නමුත් NOR වර්ගයේ ඒවායෙ writing speed එක තරමක් මන්දගාමීවේ. මේ නිසා ස්මාර්ට් ෆෝන් වලදී NOR වර්ගයේ memory operating system boot කිරීමටත්, NAND වර්ගයේ ඒවා දත්ත තැන්පත් කිරීමටත් (Photo, Video etc..) යොදාගනී.

👉 විවිධාකාරයේ Solid State Drive වර්ග

Solid-state drives :- ප්‍රධාන ආකාරයේ SSD වරගයක් වන මෙය පරිගණකයේ SATA (Serial Advanced Technology Attachment) හෝ SAS (serial-attached SCSI) තාක්ෂණයන් භාවිතා කර සම්බන්ධ වේ. මිලෙන් තරමක් ලාබදායි SSD වර්ගයකි.
PCI Express-based flash :- based flash පෙර හැඳින් වූ එකට වඩා වේගවත් SSD එකකි. තප්පරයකට සිදුකරනු ලබන I/O operation ප්‍රමාණයද පෙරට වඩා වැඩි අගයකින් ඇති වර්ගයකි. මෙහි ඇති හොඳම වාසිය වන්නේ latancy අඩුවීමයි. Built in data protection දුර්වල වීම හා custom drivers අවශ්‍ය වීම මෙහි ඇති අවාසියි.
Flash DIMMs :- PCI Express වලට වඩා වේගවත් වන මේවාද ක්‍රියාත්මක වීමට custom drivers අවශ්‍ය වන අතර motherboard වල ඇති I/O system වල වෙනස් කම් සිදු කිරීමට අවශ්‍ය වේ.
NVMe SSDs :- Non-Volatile Memory express යන තාක්ෂණය භාවිතා වන මෙම SSD වල client system හා SSD අතර PCIe bus හරහා දත්ත ගමන් කරන වේගය වේගවත් කරනු ලබයි.
NVMe-oF :- NVMe over Fabrics නම් ප්‍රොටොකෝලය යොදා ගෙන දත්ත සන්නිවේදනය කිරීම මෙම SSD වලදී සිදු කරනු ලබයි. දත්ත සන්නිවේදන මාධ්‍ය ලෙස Ethernet, Fibre Channel හෝ InfiniBand භාවිතා වේ.
Hybrid DRAM-flash storage :- මෙම වර්ගය තුල ෆ්ලෑෂ් මතකය හා RAM යන කොටස් දෙකම භාවිතා කරනු ලබයි. RAM මොඩියුලයේ ඇති සීමාවන් ඉක්මවා යමින් වැඩි දත්ත සම්ප්‍ර්‍රේෂණ වේගයක් ලබා දීමට මේවාට හැකියාවක් තිබේ.

👉 SSD එකක් ගන්නකොට බලන්න ඕනි දේවල්

ලොව පුරා විවිධ දෘඩාංඟ නිෂ්පාදකයින් දැනට SSD නිෂ්පාදනය කරන අතර එවන් ප්‍රසිද්ධ නිෂ්පාදකයින් කිහිපදෙනෙක් පහත දක්වා ඇත.

Crucial 🛒
Intel
Kingston Technology 🛒
Micron Technology Inc.
Samsung 🛒
SanDisk 🛒
Seagate Technology 🛒
SK Hynix
Western Digital Corp 🛒

මෙම නිෂ්පාදකයින් NAND මගින් නිෂ්පාදිත SSD මෙන්ම ඔවුන් තමන්ගේම ෆ්ලෑෂ් චිප් මත පදනම්ව නිෂ්පාදිත SSD අලෙවි කරයි. SSD එකක් මිලදී ගැනීමේදී පහත සාදක ගැන සලකා බැලීම අවශ්‍ය වේ.

කල්පැවැත්ම : - සෑම SSD එකක්ම එයට සිදුකල හැකි read/write ගණන පිලිබඳ විස්තරයක් ලබා දේ. බොහෝ විට read වලට වඩා write operation වලින් SSD වල ආයුකාලය තීරණය වේ. SSD එකක් මිලට ගැනීමේදී මේ ගැන සැලකිලිමත් වීමෙන් එහි ආයුකාලය වැඩි කර ගත හැකිය. ඇතැම් ලාබදායි SSD වල මෙම අගය ඉතා අඩු විය හැකිය.

ධාරිතාව : - පෙර සඳහන් කල පරිදි SSD වල ධාරිතාව සමග එහි මිලත් වැඩි වේ. නමුත් ඔබ පරිගණකයේ සිදුකරන කාර්ය අනුව එහි ධාරිතාව තීරණය කල හැකිය. බොහෝ අවස්ථාවල 128GB වල සිට ඉහලට 512GB, 1TB ලෙස ධාරිතාවලින් මේවා මිලට ගැනීමට හැකිය. ඔබගේ පරිගණකයේ ඇත්තේ NVMe SSD එකක් පමණක් නම් තරමක් වැඩි ඉඩක් සහිත එකක් ගැනීමත්, SSD එකට අමතරව HDD එකක් සඳහා ඉඩක් ඇත්නම් SSD එක operating system එක හා අනෙක් software වලටත්, file තබා ගැනීමට HDD එක භාවිතා කිරීමටත් හැකිය.

Interface එක : - SSD, NVMe හෝ SATA යන interface සහිතව ලබාගැනීමට හැකියාව ඇති අතර මේවායේ වේගයන් ද එකිනෙකෙනකට වෙනස් වේ. කෙසේ වෙතත් සමහර පරිගණක වල NVMe හෝ M.2 වැනි port නොමැති නිසා පරිගණකයෙ මොඩලය අනුව ගැලපෙන SSD එකක් ලබා ගැනීම වටී.

ශක්ති පරිභෝජනය : - SSD වල ශක්ති පරිභෝජනය HDD වලට වඩා අඩු නමුත් SSD එකක් මිලට ගැනීමේදී එහි ශක්ති පරිභෝජනය අඩු එකක් ගැනීමෙන් ලැප්ටොප් පරිගණකවලදී වැදගත් වේ.

මුල් කාලයෙ මිල ඉතා අධික වූ නමුත් කාලයත් සමග නිෂ්පාදන ඉහල යාමත් සමග SSD වල පෙරට වඩා අඩු වී ඇත. කෙසේ නමුත් මෙ වන විට ලෝකයේ පවතින චිප් හිඟය (chip shortage) නිසා මිල වැඩි වීමක් සිදුවිය හැකිය. කෙසේ නමුත් HDD වලට වඩා තවමත් SSD මිලෙන් ඉහල අගයක් ගනී.

👉 ලංකාවේ දැනට විකිණීමට ඇති SSD කිහිපයක් හා මිලගණන්

සන්නාමය හා මාදිලිය	ධාරිතාව	වේගය	මිල*	Link
Western Digital - SATA	120GB	545 MB/s (R)	Rs. 5,899	(Go to link)
Kingston A400 - SATA	240GB	600 MB/s (R)	Rs. 8,900	(Go to link)
Kingston M.2 A400	120GB	500 MB/s (R) 350 MB/s (W)	Rs. 5,700	(Go to link)
WD Green M.2 2280	250GB	500 MB/s (R) 465 MB/s (W)	Rs. 9,990	(Go to link)

(*මෙම මිල ගනන් 2022/11/26 දින සඳහන් වූ මිල ගණන් වන අතර පසු කාලීනව වෙනස් විය හැකිය. මෙහි දක්වා ඇති එක් එක් උපාංඟ වල වේගයන් නිෂ්පාදකයා විසින් ලබාදුන් ඒවා වන අතර උපාංඟ අනුව වෙනස් විය හැකිය.)

WhatsApp's හි අලුත් Communities feature එක.

noreply@blogger.com (tech සයුර (Rohan Dhananjaya)) — Fri, 04 Nov 2022 19:46:00 +0000

මෑතකදී නිකුත්කල WatsApp අලුත් සංස්කරණය සමග communities tab නම් අලුත් විශේෂාංඟයක් නිකුත් කරණු ලැබුවා. මේ අලුත් විශේෂාංඟයෙන් ගෲප් කිහිපයක් එකිනෙක හා සම්බන්ධ කර ගැනීමේ හැකියාවක් ලැබෙනවා.

WhatsApp communities මගින් කෙනෙකුට යම්කිසි දෙයක් ගැන කුඩා group chats පවත්වාගෙන යා හැකි අතර පහසුවෙන් ඒවා අතර හුවමාරු වීමටද හැකියාව ඇත. මේ සමග administrator user හට broadcast announcements සියලු group members ලා අතර බෙදා හැරීමටත්, බෙදාහරින group තෝරා ගැනීමටත් හැකියාව පවතිනවා.

උදාහරණයක් ලෙස පාසල් කාලයේ මිතුරන් සිටින group එකක හා තම සේවා ස්ථානයේ මිතුරන් සිටින group එකක සිටින අය කුමන හෝ club එකක සිටිනවා යැයි සිතමු. දැන් මේ අය එකතු කර club community එකක් ආකාරයෙන් නිර්මාණය කළ හැකිය. මෙම විශේෂාංගය භාවිතා කිරීමේදී දැනට තිබෙන group මෙන්ම අලුතින් නිර්මාණය කරන ලද group එකක් උවද එක් කල හැකිය.

Community විශේෂාංඟය හරියට Facebook group එකක් වැනිය. එහෙත් Facebook group එකක තිබෙන ගිණුම් වල අනන්‍යතාව නිශ්චිතවම අඳුනා ගැනීමට නොහැකි නමුත් WhatsApp ගිණුමක් දුරකථන අංකය සමග තිබෙන නිසා සිටින සියලුම දෙනා හට අනන්‍යතාවක් තිබේ. සමාජිකයන් විශාල ප්‍රමාණයක් සිටින අවස්ථාවලදී දුරකථන අංක සැඟවීමටත් group වල සිටින අය අතුරින් community admin හා සංවාද ගොඩ නැගිය හැකි අය තෝරාගෙන ඒ අයට පමණක් කතා කිරීමේ හැකියාවද මෙයට ඇතුලත්. තවද Facebook group මෙන් නොව මෙම WhatsApp communities බාහිර ලෝකයෙන් සැඟවී ඇති අතර admin විසින් එවනු ලබන link එකක් හරහා පමණක් සම්බන්ධ විය හැකිය.WhatsApp හි භාවිතා වන end-to-end encryption දත්ත ආරක්ෂාව මෙම අලුත් විශේෂාංඟයට ද ඇතුලත්. එසේම අලුත් සංස්කරණයේ එකවර 32 කුට encrypted වීඩියෝ කෝල් ගැනීමේ හැකියාවත්, Polls පැවැත්වීමේ හැකියාවත් ලබා දීමට නියමිතය. මීට අමතරව group එකක සිටින සාමාජිකයින් ගණන 1024 දක්වා වැඩි කිරීමටත් කටයුතු කර ඇත.

twitter අත්පත් කරගත් Elon Musk

noreply@blogger.com (tech සයුර (Rohan Dhananjaya)) — Sun, 30 Oct 2022 17:46:00 +0000

බොහෝ දෙනා දන්න විදියට ඉලෝන් මස්ක් හා twitter සමාගමේ හවුල්කාරිත්වය පිළිබඳ මතබේදය මාස ගනනාවක් තිස්සේ ඇදී ආ එකකි. කෙසේ හෝ පසුගිය දිනක ලොව ධනවත්ම පුද්ගලයා වන ඉලෝන් මස්ක් විසින් twitter සමාගමේ වැඩිම කොටස් ප්‍රමාණයක් මිලදී ගැනීමත් සමග එහි බලතල ඔහුට ලැබුණා. මෙය මහත් ආන්ඳෝලනයකට ලක්වුණු සිදුවීමක් වූයේ twitter හි ප්‍රධාන විධායක නිලධාරී Parag Agrawal ඇතුලු ප්‍රධාන පෙලේ නිලතල දැරූ කිහිපදෙනෙක්ම ඉලෝන් මස්ක් විසින් සේවයෙන් නෙරපා දැමීම නිසයි. ඔහු පවසා සිටින ආකාරයට ඉදිරියේදී ප්‍රධාන විධායක නිලධාරි තනතුර ඔහු විසින් ඉදිරියේදී ලබා ගැනීමට නියමිතයි.

ඉකුත් අප්‍රේල් මැද පමණ ඉලෝන් විසින් twitter ඩොලර් බිලියන 44 ක ලංසුවක් twitter සමාගමට ඉදිරිපත් කලද, පසුව twitter සමාගම පවසනවාටත් වඩා ව්‍යාජ ගිණුම් එහි ඇති බවට පවසා එම ගණුදෙනුව ඉවත් කරගන්නා ලදී. කෙසේ නමුත් මෙම හේතුව මත සමාගම සමග නඩු මගට බැසීමට යන බවත් එහිදී ඉලෝන් මස්ක් හට අවාසිදායක තත්වයක් පැවති නිසා "try to help humanity" ලෙස පවසා ඔහු මුලින් ඉදිරිපත් කල මිලටම මිලදී ගැනීමට ඉදිරිපත් විය.

තවත් අපූරු සිදුවීමක් වන්නේ ඉලෝන් මස්ක් සැන්ෆැන්සිස්කෝ නුවර ඇති twitter මූලස්ථානයට පසුගියදා sink එකක් රැගෙන පැමිණීමයි. ඔහු ඔහුගේ twitter ගිණුමේ මෙය "Let that sink in!" යනුවෙන් සඳහන් කර පළකර තිබුණි. කෙසේ නමුත් කලින් පැතිරී ගිය ආරංචියක් ලෙස 75% සේවකයින් ඉවත් නොකරන බවත්, ඔහුගේ අරමුණ twitter වඩාත් ලාබදායි සේවාවක් කිරීම බව වැඩි දුරටත් පවසා ඇත. ඉලෝන් මස්ක් ගේ ආගමනයත් සමග කලින් කී ප්‍රධාන විධායක නිලධාරියා ලෙස කටයුතු කල Prag Agrawal, ප්‍රධාන මූල්‍ය නිලධාරී Ned Segal, twitter හී නීති අංශයේ ප්‍රධානී Vijaya Gadde හා දශකයක පමණ කාලයක් උපදේශකයෙකු ලෙස කටයුතු කල Sean Edgett යන අය සේවයෙන් ඉවත් කිරීමට කටයුතු කර ඇත.

Entering Twitter HQ – let that sink in! pic.twitter.com/D68z4K2wq7
— Elon Musk (@elonmusk) October 26, 2022

twitter හි නිදහස් අදහස් දැක්වීමට ඇති හැකියාව වැඩි කිරීමට මෙන්ම එය අනිසි ලෙස අවභාවිතා කිරීම වැලැක්වීමටත් ඇමරිකාවේ හිටපු ජනාධිපතිවරයකු වන Donald Trump ට පනවා ඇති ස්ථිර තහනම ඉවත් කිරීමටත් ඉලෝන් අදහස් කරගෙන සිටින බවට පැවසෙයි.

the bird is freed
— Elon Musk (@elonmusk) October 28, 2022

අත්පත් කර ගැනීමෙන් පැය කිහිපයකට පසු ඔහු ඔහුගේ ගිණුමේ bio සටහන "chief twit" ලෙස වෙනස් කර ඇති අතර "the bird is freed" ලෙස ට්විට් එකක්ද පළ කර ඇත.මේ අනුව ගත් කල ලොව මූල්‍ය බලවතෙකු හා නව නිර්මාණ කරුවකු වන ඉලෝන් මස්ක් හට twitter සමාගම අයිති වීමත් සමග සැලකිය යුතු වෙනස් කම් රැසක් ඉදිරියේදී දැක බලාගැනීමට එහි පරිශීලකයින් හට ලැබෙනු ඇත.

අනුන්ගෙ චැට් බැලූ වට්ස් ඇප් ක්ලෝනයක් ඉන්දියාවෙන් හමුවේ!

noreply@blogger.com (tech සයුර (Rohan Dhananjaya)) — Sun, 09 Oct 2022 16:40:00 +0000

ඇන්ඩ්‍රොයිඩ් ආශ්‍රිත ට්‍රෝජන් වෛරස් වැඩසටහන් හමුවන රටවල් අතර ඉන්දියාව පෙරමුණේ සිටී. මෙසේ වට්ස් ඇප් සේ සැකසූ third party මෘදුකාංඟයක් විසින් චැට් මගින් ඔත්තු බලන බවට සොයාගැනීමට සමත් වී තිබෙනවා.

පරිගණක ආරක්ෂක සමාගමක් වන ESET සමාගමට අනුව මෙසේ ඔත්තු බැලූ වැඩසටහන් අතර ඉහලින්ම වට්ස් ඇප් වැනිම ජනප්‍රිය third party වැඩසටහනක් වන 'GB WhatsApp' තිබෙන බව සඳහන් කර තිබේ. මෙවැනි වැඩසටහන් වලට වීඩියෝ හා ඕඩියෝ පටිගත කිරීම වැනි පුලුල් පරාසයක ඔත්තු බැලීමේ හැකියාවක් ඇත. මෙවැනි ක්ලෝන ලෙස සකසා ඇති ආරක්ෂාවට තර්ජනයක් වන ඇප් දැනටමත් Google Play Store මගින් ඉවත් කර ඇති නිසා සාමාන්‍ය බාවිත කරන්නන්ට මෙවැනි තර්ජන අඩු උවත් තෙවන පාර්ශවික වෙබ් අඩවි මගින් බාගත කර ගන්නා මෙවැනි වට්ස් ඇප් වර්ෂන් මගින් ආරක්ෂාව බිඳ වැටිය හැකියාව ඉහළය.

twitter.com

මෙලෙස කෙනෙකුගේ චැට් මගින් ලබාගන්නා තොරතුරු කුමටද? ඇත්ත වශයෙන්ම මෙවැනි මෘදුකාංඟ වලින් ලබාගන්නා තොරතුරු ඉතා වැදගත් ඒවා වෙයි. එනම් ඒවා කෙලින්ම වෙළඳ දැන්වීම් ලෙස අදාල පරිශීලකයාට එවිය හැකිය. එය ඉතා සාර්ථක ක්‍රියාවලියකි. එනම් අනුමාන කර ඇඩ් පෙන්නනවා වෙනුවට අදාල අවශය භාණ්ඩය හෝ සේවාවට අදාල වෙළඳ දැන්වීම් පරිශීලකයාට පෙන්විය හැක. ඇත්තටම මෙටා සමාගම (කලින් ෆේස්බුක්) පවා සිය නොමිලේ දෙන සේවා වන වට්ස් ඇප්, ෆේස්බූක්, ඉන්ස්ටග්‍රෑම් වලින් කරන්නේම මේ හා සමාන දෙයක් වන නමුත් ඔවුන් ඒ දත්ත වල ආරක්ෂාව ගැන වගවීමක් දරණවා සේම අදාල වෙළඳ දැන්වීම ගැනද දැනුවත් බාවයකින් පසුව ඉදිරිපත් කරනු ලබයි. නමුත් ඉහත දැක්වූ වර්ගයේ ඇප් මගින් රැස් කරගන්නා දත්ත විවිධ නිති විරෝධී ආයතන වෙත විකුණා දැමීම මෙම ඇප් නිර්මාණය කරන්නන් සිදු කරනු ලබයි.

මෙවැනි ඇප් බොහෝ විට බොට් නෙට් එකක් සම්බන්ධව පවතින අතර එමගින් එයට සම්බන්ධව ඇති උපාංඟ පාලනය කිරීමක්, තොරතුරු ලබා ගැනීමක් සිදු කරනු ලබයි. මෙසේ 2022 මැයි සිට අගෝස්තු දක්වා විශාලතම බොට් නෙට් වැඩසටහනක් වූ 'Mozi' නම් බොට් නෙට් වලට සම්බන්ධ උපාංග අතුරින් 35% ඉන්දියාවෙ වන අතර එය දෙවැනි වන්නේ 55% ක් වූ චීනයට පමණි. 'Mozi' යනු IoT (Internet of Things) වර්ගයේ බොට් වැඩසටහනක් වන අතර එයට සම්බ්න්ධ උපාංඟ 500,000 සිට 383,000 දක්වා (-23%) පහල වැටී තිබුණත් එය තවමත් ක්‍රියාත්මකව පවතී. තවත් විස්මිත කාරණයක් වන්නෙ 'Mozi'යනු සම්පූර්ණයෙන්ම ස්වයංක්‍රීයව ක්‍රියාත්මක (autopilot) වැඩසටහනක් වීමයි. ගිය වසරේ (2021) දී මෙම වැඩ සටහන සැකසූ අය අත්අඩංගුවට ගත් පසුවද තවමත් එය ක්‍රියාත්මකව පවතී.

ලංකාව හිඟා කන්න ඕනි රටක් ද?

noreply@blogger.com (tech සයුර (Rohan Dhananjaya)) — Wed, 04 May 2022 17:56:00 +0000

අද ආවෙ ටෙක් ගැන පෝස්ට් එකක් ලියන්න නම් නෙවෙයි. රටට වෙලා තියෙන දේ ගැන අමුතුවෙන් විස්තර කරන්න ඕනි නෑ. වෙලා තියෙන දේ පොඩි දරුවා පවා දන්නවා. පුංචි එකා පවා දුක් විඳිනවා. ඇත්තටම ලංකාව මෙහෙම දුක් විඳින්න ඕනි, හිඟා කන්න ඕනි රටක් ද?

අද වෙනකොට මේ කන කට්ට දුප්පත්, පොහොසත්, මධ්‍යම කියා වෙනසක් නැතිව දැනෙන්නට පටන් ගෙන තිබේ. බඩු මිල අහස උසට ගිහින් දැන් වේලක් කන්නට කීයක් හරි සොයා ගන්න එක අද වෙනකොට පට්ටම ගේමක් වෙලා. වාහනයක් තියෙන මනුස්සයකුටත් වාහනේකට තෙල් හොයාගන්න එක කළු නික හොයනවා වගේ වෙලාය. මේවා බලපාන්නෙ පාරිභෝගිකයායට විතරක් නෙවෙයි. කුඩා පරිමාණයෙ සිට මහා පරිමාණයටම එක සේ බලපායි.

කතාව සරලව නම් රටේ ඩොලර් නැති වීමයි. ඉතිං රටේ ඩොලර් නැති උනේ ඇයි? රටේ විදේශ සංචිත වලට මොකක්ද සිද්ධ වුණේ? ස්වාභාවික සම්පත් වලින් විතරක් නොව වෙනත් රටවල නැති දුර්ලභ ගණයේ සම්පත් අති විශාල ප්‍රමාණයක් අප රට සතුය. මෙච්චර ලස්සන වාසනාවන්ත රටකට අත්වූ ඉරණමට වසර 75 ක් තිස්සේ මෙරට පාලනය කල මරිමෝඩ, තක්කඩි, බල ලෝභී , ලේ පිපාසිත අමන දේශපාලුවන් කෙලින්ම වගකිවයුතු ය. ඔවුන්ගේ වැරදි දැක දැක නොදැක්කා සේ එක් එක් පක්ෂ වලට වහල් වී ඒ පැත්තෙන් මේ පැත්තට මාරු කරමින් රට විනාශයට ගෙනයාමට සහය දුන් අප හැමෝමත් මේ තත්වයට වගකිවයුතු ය.

මේ අමන දේශපාලුවන් එදා සිට කරේ හොරකම්‍ ය. ගමේ කුලියට වැලි ගොඩදාපු එකා මාස කීපයකින් ප්‍රාදේශීය සභා, පලාත් සභා ඔස්සේ පාර්ලිමේන්තු ගොස් රජ මාලිගා වැනි ගෙවල් සාදා ගෙන කෝටි ගණන් වල වාහන ගෙන සුර සැප විඳිති. මන්ත්‍රීවරයකු සඳහා ලැබෙන වැටුපෙන් එසේ දියුණු වීමට නොහැකි බව ඕනෑම එකෙකුට තේරෙන සරල දෙයකි.

අද ලංකාවෙ කොමිස් කුට්ටි වලට යටනොවී, හොරකම් නොකර ගොඩ නගන ලද එකදු ව්‍යාපෘතියක් නැත. ගමේ ගොඩ නගන පාර ගොඩ නංවා මාසයක් යන්නට පෙර නැවත අබලන් ය. ඊටපස්සෙ කරන්නෙ ඒවාට පට පැලැස්තර දම දමා ඒවායෙන් ද මඩිය තද කර ගැනීමය.මේ එක් සරල උදාහරණයක් පමණි. තව ඕනෑ තරම් කියන්නට හැකිය.

මෙරට දියුණු කිරීමට කියා එක් එක් පාර්ශ්වයන් විසින් ලොව පුරා රටවලින් ලබා ගත් ණය ප්‍රමාණය මේ අර්බුධය ඇති කිරීමට දැඩිව බලපා ඇත. එම ණය වලින් ද මේ ජරා දේශපාලුවා හොරකම් කර ඒවාද සාමාන්‍ය මහජනයාගේ කර මතට තබා අන්ත අසරණ තත්වයට මිනිස්සුන්ව ඇද දමා තිබේ. ණයක් ලබා ගන්නෙ නම් එය ගෙවීමට සුදුසු ක්‍රමයක් සොයාගෙන සිදු කල යුතුය. ඒත් මේ අමනයින් ඒ වෙනුවට කලේ එම ණය ගෙවීමට තවත් ණය ගැනීමයි. කෑම කන විට ආහාර මාර්ගය හිර වූ විට කල යුත්තේ වතුර බීම මිසක් තව කෑම ගැනීම නොවෙයි. මේ සරල දේ මේ ජරා දේශපාලුවන්ට නොතේරුනා නොවෙ. ඒ වෙනුවට කලේ තව තවත් රට වල පල්ලට ඇදගෙන යාමයි. හොරකම, අල්ලස, පගාව පමණක් නොව හිතූ මනාපයට මිනීමැරීමට, මැරකම් කිරීමට ගන්නා බලපත්‍රයක් ලෙස දේශපාලන පට්ටම් යොදා ගැනීය. දේශපාලන වහල් කම් කරන මිනිසුන් නිසා ඔවුන්ට ඒ වැඩේ ඉතා පහසු විය. එම ජඩයින් කුමන වැරැද්ද කළ ද එය නොදැක්කා සේ සිටියා පමණක් නොව ඒ වැරදි සාධාරණීකරණයද කරයි. වසර හැත්තෑ ගණනක් තිස්සේ දේශපාලුවන් නඩත්තු වූයේ මෙන්න මේ මරිමෝඩ ඡන්ද දායකින්‍ ය. තහඩු කෑල්ලට, ලැට් පෝච්චියට, රස්සාවට ආත්මයම පක්ෂයට හරවන එවුන් ය. අධ්‍යාපනයට හරිහමන් මුදලක් වෙන් නොකරන්න හේතුවත් මෙයයි. වසර හැත්තෑ ගණනක් තිස්සේ සංවර්ධනය වෙමින් පවතින රටක් වි අද බංකොලොත් තත්වයට පත්වී ඇත.

බල ශක්තිය යනු රටක වැඩ කටයුතු කරගන යාමට අනිවාර්‍ය අංඟයකි. ප්‍රධාන වශයෙන් ඉන්ධනයි. ඉන්ධන නොමැති කමක් හෝ හිඟයක් ඇති වූ විට රටේ බොහෝ අංශ වලට එය තදින් බලපායි. ප්‍රවාහනය, විදුලිය පමණක් නොව සෞඛ්‍ය ක්ෂේත්‍රයට පවා එය දැඩිව බලපානු ලබයි. අපේ රටේද අර්බුධය පෙනෙන්න පටන්ගත්තේ එතැනනි. ඉන්ධන ගෙන ඒමට ඩොලර් නැති නිසා ඇති වූ ප්‍රමාදය වාහන ගමනාගමනයට බාදා එල්ල කරමින් දිගු ඉන්ධන පෝලිම් ඇති කරමින් දවසට පැය 6-7 විදුලි කප්පාදු සිදු කරමින් දැවැන්ත ලෙස ජන ජීවිතයට බලපෑම් ඇති කරලන්නට විය. මුදල් හැසිරවූ ආර්ථික ඔස්තාර්ලා යැයි කියාගත් කබ්බන් හා කාක්කන්ගේ නුවණ මත තව තවත් මුදල් අච්චු ගසා පඩි ගෙවීමට හා සහනාධාර බෙදා හැරීමට කටයුතු කලේය. ඩොලරයේ අගය එකම අගයක පවත්වාගෙන යාමට කබ්බන් කලේ තව තවත් ණය ගැනීමය. අන්තිමේදී රටට ඒමට තිබූ ඩොලර් ද නැතිවී ගියේය. කරමුලටම හිරවී උද්ධමනය ශ්‍රීග්‍රයෙන් ඉහළ ගොස් බඩු මිල දැන් අහස උසටය. මේ හැමදේම කොරෝනා පිට දා අත පිසදා ගැනීමට තැත් කලත් මෙවර එය සාර්ථක නොවීය. ජනතාව පාරට බැස්සෙ දරාගැනීම උපරිම ඌ තැනය. අර්බුධ මෙසේ ලියා ඉවර කිරීමට බැරි තරම් දිගය.

අපේ රටේ ඝර්ම කලාපීය රටක් උවත්, ඇල දොළ ඟංඟා මෙතරම් තිබියදීත් අදටත් විදුලිය නිපදවන්නේ ඩීසල් මගිනි. සූර්ය බලය මගින් විදුලිය නිපදවා ගැනීමට ඉතා පහසු උවත් කොමිස් කාක්කන්ගේ සාක්කුවට ඩීසල් වලින් හෝ වෙනත් පෞද්ගලික විදුලි බලාගාර මගින් ලැබෙන කොමිස් කුට්ටි නොලැබෙන නිසා ඒවා දියුණු කිරීමට වැඩපිළිවෙලක් ක්‍රියාත්මක කලේ නැත. මේ නිසා බොහෝ ප්‍රීඩා විඳින්නේ තොරතුරු තාක්ෂණ ක්ෂේත්‍රයේ ෆ්‍රීලාන්සර් නියුතු අයයි. හැකියාවක් තිබෙන අය තමන්ටම කියා off-grid solar panel battery backup system සවිකර එම විදුලි බිඳ වැටුම් වලට මුහුණ දෙයි. ඒ අයගෙන් සමහර අය ප්‍රධාන විදුලිබල පද්ධතිය භාවිතා කරන්නේම නැත. එහෙත් මෙම උපකරණ වලට මේ කාලයේ යන අධික වියදම නිසා බොහෝ දෙනෙකුට මෙය සාර්ථක නැත. මීට කලින් tech සයුරේ අඩු වියදම් solar project එකක් කරන ආකාරය ගැන ලිපියක් පළ කලා මතක ඇති. (ඉදිරියේදී මීට වඩා කාර්යක්ෂම පරිපථයක් ගැන ලිපියක් පල කිරීමට බලා පොරොත්තු වෙමි.) රජයෙන් සූර්ය බල සංග්‍රාමයක් කියා වැඩසටහනක් ආවත් එය වැඩි කල් දිවූවෙ නැත. අන්තිමට නිවාස සඳහා සවි කිරීමේ අනුමැති දීම පවා නවතා දැමිය. එසේ සූර්ය බල පද්ධති සවි කර ගන්නේ නම් හොඳම ආකාරය වන්නේ මෙවැනි off grid පද්ධතීන් ය. තමන්ගෙ අවශ්‍යතාවට ගැලපෙන ආකාරයෙන් සකසා ගත හැකි වීම මෙන්ම අවසර ලබා ගැනීම ද සිදු කර ගැනීමට අවශ්‍ය නැති නිසා මේ ආකාරය වාසි සහගතය. (මේ සඳහා උදවු ලබා ගත හැකි ෆේස්බුක් ගෲප් කිහිපයක ලිංක් ලිපිය අවසානයේ පළ කරනු ඇත).

රටට ඩොලර් ගෙන ඒම ගැන කතා කරන බොහෝ දෙනෙක් ඔවුන්ට පයට පැගී තිබෙන රන් ආකරය ගැන කිසිම තැකීමක් නැත. ලංකාවේ තොරතුරු තාක්ෂණය කරන පිරිස ඒ රන් ආකරයයි. ඔවුන් එදා සිට වැඩ අරන්නෙ අඩු පහසුකම් යටතේය. පේපැල් ගන්නවා ගන්නවා කියමින්, හැමදාමත් එය මැතිවරණ පොරොන්දු ලෙස හමස් පෙට්ටියේ කල් අරිමින් තිබේ. එය අදටත් නැත. ලංකාවේ තවමත් හරියට අන්තර්ජාල පහසුකම් නැත, නිවැරදි මග පෙන්වීමක් නැත.

තව බොහෝ දේ කීමට ඇත්තත් රටේ වත්මන් තත්වය ගැන දැන් සියලු දෙනාට හොඳට අවබෝධ වී තියෙන නිසාත් ලිපිය මෙලෙස අවසන් කරමි. ජනතාවගෙන් ඉල්ලීමට ඇත්තේ මේ ඉදිරියට තැබූ පය නැවත පසු පසට ගන්න එපා. දූෂිතයන් පළවා හරින සටන දිගටම රැගෙන ගොස් අප දේශපාලුවන්ට නොව ඔවුන් අප යටතේ පාලනය වන පාලන තන්ත්‍රයක් නිර්මාණය කර ගැනීමට වෙහෙසෙමු. සොරකම් කරන ලද සෑම රුපියලක්, ඩොලරයක්ම නැවත අප සතු කර ගමු. මින් මතුවටවත් කිසිම දේශපාලයකුගේ හෝ පක්ෂයක ගැත්තන් නොවෙමු. ශ්‍රී ලාංකාව නැවත කෙසේ හෝ ගොඩ නගමු!

අරගලයට ජය!

GoHomeGota2022

GoHomeMahinda

GiveOureStolenMoneyBack

Solar Off Grid පද්ධතියක් සවිකීරිමට බලාපොරොත්තු වන්නන්ගේ සංගමය

Off Grid Solar Market Sri Lanka - ඕෆ් ග්‍රිඩ් සෝලා වෙලඳපොළ 🇱🇰

DIY Off Grid Sri Lanka group

අපිම සෝලා සවිකර ගමු - DIY Off-Grid Power Systems

Android වෙනුවට Fuchsia?

noreply@blogger.com (tech සයුර (Rohan Dhananjaya)) — Sat, 05 Feb 2022 09:43:00 +0000

අද වෙනකොට ලෝකයේ වැඩිම දෙනෙක් භාවිතා කරන mobile OS එක වෙන්නෙ Android. මේක open source නිසාත් google සමාගමේ සේවාවන් එක්ක එන නිසාත් ඉතා ජනප්‍රිය වී තිබෙනවා. Android වැඩ කරන්නෙ Linux kernel එක මත කියලා දැනටමත් දන්නවා ඇති. මේ නිසාම තව දුරටත් Android දියුණු කිරීමේදි නොයෙකුත් බාධක ඇති වී තිබෙන නිසා google සමාගම Fuchsia කියන අලුත් මෙහෙයුම් පද්ධතිය නිර්මාණය කරන්න පටන් අරගෙන තියෙනවා. ඇත්තටම ඉදිරියේදී Android හා Chrome OS කියන දෙකම වෙනුවට Fuchsia පැමිණේවි කියලයි අනුමාන කරන්නෙ.

👉ඇත්තටම මොකද්ද මේ Fuchsia OS කියන්නෙ?

Fuchsia ගැන කරලියට එන්නෙ වසර 2016 අගෝස්තු මාසයේ Google සමාගම විසින් නිල නිවේදනයක් නිකුත් නොකරම ඔවුන්ගේ git repository එකට නිකුත් කරනු ලැබූ Fuchsia project එකක් සමගයි. පෙර සඳහන් කල ආකාරයටම එය Linux kernel එක මත පදනම් නොවූ සම්පූර්ණයෙන්ම වෙනස් Zircon නම් kernel එකක් මත පාදක වූවකි. Google සමාගම මෙසේ ව්‍යාපෘතිය නිකුත් කිරීමේ අරමුණ මේ ගැන මිනිසුන්ගෙන් අදහස් දැනගැනීමයි. ඔවුන්ගේ බොහෝ පර්යේෂණාත්මක අවධියේ ව්‍යාපෘති මෙලෙස අදහස් දැනගැනීමට නිකුත් කිරීම ඔවුන්ගේ එක් උපායකි.

👉Fuchsia OS එක මොනවගේ වෙයිද?

Fuchsia හි interface එක Armadillo ලෙස නම් කර ඇති අතර දැනට තිබෙන android මෙහෙයුම් පද්ධතියට වඩා දියුණු, සුමට හා වඩා වේගවත් එකක් වනු ඇති. එය නිර්මාණය කර ඇත්තේ Google සමාගමම නිර්මාණය කල cross-platform SDK එකක් වන flutter පාදක කරගෙනය. එනම් කලින් Android හා iOS සඳහා ඇප් නිර්මාණය කල ආකාරයෙන්ම එකම code base එකක් යටතේ Fuchsia සඳහා ද ඇප් නිර්මාණය කිරීමේ හැකියාව ලැබෙනු ඇත. Fuchsia නිර්මාණය කිරීමේ ප්‍රධාන අරමුණ ආරක්ෂාව අතින් ඉහල, පහසුවෙන් යාවත්කාලීන (Updatability) කිරීමේ හැකියාව සහිත වේගවත් මෙහෙයුම් පද්ධතියක් තැනීමයි. මෙය තවමත් සාමාන්‍ය භාවිතයට නිකුත් කර නැතත් අවශ්‍ය කෙනෙකුට Fuchsia emulator එක මගින් එහි ක්‍රියාකාරිත්වය අත්විඳිය හැකිය. Fuchsia ගොඩනගා ඇති Zircon යනු medium-sized micro kernel එකකි. එනම් එය සම්පූර්ණ OS එක අවශ්‍ය නොවන IoT device සඳහා යොදාගත හැකි ආරක්ෂාව වැඩි kernel එකකි. එම නිසා කලින් තිබූ Android Things වෙනුවටද Fuchsia භාවිතයට එක් වේවි.

👉Android වෙනුවට Fuchsia ඒවිද?

Android වල ඇති ප්‍රධානම ගැටලුවක් වන්නෙ fragmentation ය. එනම් දැනට ඇති අලුත්ම සංස්කරණය වෙනුවට ලොව පුරා සිටින බොහෝ දුරකථන නිෂ්පාදකයින් ඔවුන්ගේ දුරකථන සඳහා වෙනස් කරන ලද custom version නිර්මාණය කිරීමයි. මෙවැනි හේතු නිසා මෘදුකාංඟ Updates කිරීමක් සිදු කිරීමට හා ඒවා සම්පූර්ණයෙන්ම ecosystem එක වෙත ලඟා වීමට වැඩි කාලයක් ගත වීම හා ගැටලු ඇති වීමක් සිදුවේ. එසේම Android පදනම් වී ඇති Linux kernel එකෙහි විවිධ නීතිමය ගැටලු හා තාක්ෂණික ගැටලු ඇති වීම නිසාත්, මෘදුකාංඟ දෝෂ හා ආරක්ෂක දුර්වලතා නිසාත් තව දුරටත් දියුණු කිරීමේ හැකියාව අඩුවී ගොස් ඇත. Fuchsia මගින් මේ සියලු දෝෂ මගහරවා වඩා ආරක්ෂාකාරී හා ස්ථායි, වැඩි උපාංඟ ගණනක් මත ක්‍රියාත්මක වන මෙහෙයුම් පද්ධතියක් බවට පත්වනු ඇත. කෙසේ උවත් තවමත් ලොව ජනප්‍රියම mobile OS එක වන්නෙ Android ය.

මොනවද මේ Solid-state battery?

noreply@blogger.com (tech සයුර (Rohan Dhananjaya)) — Thu, 16 Dec 2021 20:55:00 +0000

වෙනදාට වඩා මේ කාලයේ බැටරි ගැන කතා වෙන්න පටන් අරගෙන තියෙන්නෙ ඉදිරියට ඛණිජ තෙල් වෙනුවට විදුලි වාහන නැත්නම් ඉලෙක්ට්‍රික් වාහන භාවිතයට එන නිසා වගේම සූර්ය කෝෂ මගින් විදුලිය නිපදවා ගැනීමට යොමු වීම වර්ධනය වී ඇති නිසයි. බැටරිය භාවිතයට පැමිණ බොහෝ කලක් ගතවූවත් දැනට පවතින බැටරි වල තවමත් දියුණු කිරීමට හිඩැස් තිබේ. මේ ලිපිය එසේ නව තාක්ෂණයක් ලෙස භාවිතයට එන ඝන තත්වයේ බැටරි (?) / Solid-state battery (සොලිඩ් ස්ටෙට් බැටරි) ගැනයි.

👉Solid-state බැටරි කියන්නෙ ඇයි.?

දැනට නැවත ආරෝපනය කරන ජංගම දුරකතන, ලැප්ටොප් පරිගණක ආදී උපකරණ මෙන්ම විදුලි වාහන වලද භාවිතා කරන තාක්ෂණයක් වන ලිතියම් අයන් (li-ion) බැටරියක කැතෝඩය, ඇනෝඩය, බෙදුම්කරනය හා ඉලෙක්ට්‍රොලයිට් වලින් සමන්විත වේ. Solid-state බැටරි වල ඇති විශේෂත්වය නම් li-ion බැටරි වල ඇති ද්‍රව ඉල්ක්ට්‍රොලයිට් වෙනුවට ඝණ ඉලෙක්ට්‍රොලයිට භාවිතා කිරීමයි. එහි ඇති විශේෂත්වය ගැන ඉදිරියට බලමු.

innotechtoday.com

ඉහත රූපයේ ආකාරයට Solid-state බැටරි වලදී li-ion බැටරි වල ඇති ද්‍රව ඉලෙක්ට්‍රොලයිට් වෙනුවට ඝණ ආකාරයේ ඉලෙක්ට්‍රොලයිට භාවිතා කරයි. නමුත් මේ ඝණ රසායනිකය ද ද්‍රව රසායනිකය ආකාරයෙන්ම ක්‍රියාකාරිත්වයක් දක්වයි.

👉li-ion බැටරි වලට වඩා ආරක්ෂාකාරියි?

li-ion බැටරි අද වන විට බහුලව භාවිතා කෙරුණත් එහි අනාරක්ෂිත බවක් තිබේ. එනම් එහි ඇති ද්‍රව රසායනය, උෂ්ණත්වය මත වෙනස් වීම් හා බාහිර බලපෑම් මත කාන්දු වීම් නිසා හානි වීමේ හැකියාවක් පැවතීමයි. නමුත් Solid-state බැටරි වල ඇති ඝණ රසායනය නිසා බාහිර බලපෑමකින් ඉලෙට්‍රොලයිට් කොටසට හානියක් ඇති වුවද හානියක් නොවී ආරක්ෂාකාරීව පවතී. මේ නිසා Solid-state බැටරි වඩා ආරක්ෂාකාරී වේ.

theconversation.com

👉මොකටද මේ Solid-state battery?

විදුලි වාහන නිෂ්පාදනය හා භාවිතයේදී එන ප්‍රධානම ගැටලුවක් වන්නේ දැනට යොදාගන්නා li-ion වැනි බැටරි වල ඇති ධාරිතාව අඩුවීමයි. ඒ නිසා බැටරි වල ධාරිතාව ඉහල නැංවීමට Solid-state බැටරි මගින් හැකියාව ලැබෙනවා.

දැනට අඩුවෙමින් යන ඛණිජ තෙල් සම්පත නිසා ඉදිරියේදී අභ්‍යන්තර දහන එන්ජින් (ICEV-internal combustion engine vehicles) වෙනුවට විදුලි වාහන භාවිතයට පැමිණේවි. නමුත් එසේ වීමට නම් දැනට තිබෙන පෙට්‍රල්, ඩීසල් මගින් ධාවනය වන රථ වලට සමාන දුරක් ධාවනය කිරීමේ හැකියාවක් විදුලි වාහන වලට තිබිය යුතු වේ. ඒ නිසා ඒවායේ බැටරි ධාරිතාවය වැඩිවීමද අනිවාර්‍ය දෙයකි. එසේ බැටරි වල ධාරිතාව වැඩි කිරීමට යොදන බැටරි මොඩියුල ප්‍රමාණය වැඩි කිරීම එක් ක්‍රමයකි. නමුත් බැටරි සඳහා විශාල මුදලක් හා වැඩි ඉඩක් වැය වීම නිසා එය එතරම් සාර්ථක ක්‍රමයක් නොවේ.

li-ion බැටරි වලට වඩා වැඩි ප්‍රමාණයක ධාරිතාවක් Solid-state බැටරි වල තිබීම වගේම එහි ගිනි ගැනීම් හා පිපිරීම් සිදුවීමක් නැත. ඒ නිසා li-ion බැටරි වලට මෙන් ආරක්ෂාව වෙනුවෙන් වැඩි උපාංඟ ප්‍රමාණයක් යෙදීමක් සිදුකල යුතු නැත. මෙය ඉඩ කඩ ඉතිරි කර ගැනීමට පහසුවකි. Solid-state බැටරි වල ධාරිතාව වැඩි කිරීමට අවශ්‍ය වන්නේ ඉතා අඩු මොඩුයුල් ප්‍රමාණයකි. ඒ නිසා විදුලි වාහන සඳහා ගැලපෙනම බැටරි වර්ගය මෙයයි. ඒ වගේම Solid-state බැටරි වල නැවත ආරෝපණය කිරීමේ වේගයද li-ion බැටරි වලට වඩා වැඩිය. Solid-state බැටරි li-ion බැටරි මෙන් නොව විශාල වාර ගණනක් නැවත ආරෝපණය කරමින් භාවිතා කිරීමට හැකිය. සාමාන්‍ය‍යෙන් li-ion බැටරියක් වාර 1000 කට පමණ පසු ආරෝපණ ධාරිතාව අඩුවී ගියත් Solid-state බැටරි වාර 5000 කට පමණ පසුවත් 90% පමණ ප්‍රමාණයක් හොඳින් භාවිත කිරීමට හැකියාව තිබේ.

👉දැනට තත්වය

Solid-state බැටරි වල මේ ගුණාංඟ සියල්ල තිබුණද තවමත් මහා පරිමාණයෙන් නිෂ්පාදනය කිරීමට තරම් තවම තත්වයකට පැමිණ නැත.

li-ion බැටරි වල භාවිතා වන ද්‍රව ඉලෙක්ට්‍රොලයිට් වෙනුවට ඝන ද්‍රව්‍ය‍යක් භාවිතා කිරීමේදී අයන සන්නායක තාව අඩුවී ප්‍රතිරෝධීතාව ඉහළ යාමට පටන් ගනී. බැටරිය සෙල්සියස් අංශක 60 ට වඩා උෂ්ණත්වයක ආරෝපණය කිරීමට හැකි අතර යොදාගන්නා ලිතියම් ඇනෝඩ නිසා බැටරිය ඇතුලතින් හානි වීමේ හැකියාව වැනි ගැටලු ප්‍රමාණයක් තවමත් පවතී.

Toyota Motor Corporation

BMW, Toyota වැනි ලොව ප්‍රකට සමාගම් දැනටමත් විශාල වශයෙන් ආයෝජනයන් සිදු කරමින් Solid-state බැටරි ගැන පරීක්ෂණ කරමින් පවතී. ටොයෝටා සමාගම විසින් දැනටමත් සම්පූර්ණයෙන් Solid-state බැටරි මගින් ක්‍රියාත්මක වන මෝටර් රථයක් දැනටමත් නිපදවා තිබේ.

මීට කාලයකට පෙර විදුලි වාහන යනු ද ප්‍රායෝගික නොවන දෙයක් යැයි සිතුවද දැන් එය සම්පූර්ණයෙන් වෙනස් වී ඇත. එම නිසා මෙවැනි බාධක තිබුණද වසර 2030 - 2050 වන විට Solid-state බැටරි මගින් ක්‍රියාත්මක වන සාර්ථක විදුලි වාහන වෙළඳපොලට නිකුත් වනු ඇත.

(මේ ලිංක් එකෙන් ගිහින් අපේ youtube chanel එක subscribe කරන්න 🤗)

Magicbit එකකින් weather station එකක් හදමු

noreply@blogger.com (tech සයුර (Rohan Dhananjaya)) — Tue, 26 Oct 2021 08:06:00 +0000

Magicbit එකකින් කිසිම සෙන්සර් එකක් නැතුව weather station එකක් නැත්නම් කාලගුණ තොරතුරු බලාගන්න පුළුවන් වැඩසටහනක් හදන්න කැමතියි ද? මේ වීඩියෝ එකෙන් පෙන්නන්නෙ ඒ වගේ weather station එකක් හදාගන්නෙ කොහොමද කියලා.

Magicbit වගේ device එකකින් ගන්න පුලුවන් වැඩ ගොඩක් තියෙනවා. IoT තාක්ෂණය එක්ක එදිනෙදා වැඩවලට ලොකු ප්‍රයෝජනයක් ගන්න magicbit එකෙන් නව නිපැයුම් කරන්න පුළුවන්. මේ ප්‍රොජෙක්ට් එකෙන් දැනට තියෙන කාලගුණ තත්ත්වය විතරක් බලන්න පුළුවන් උනාට මේක කාලගුණ අනාවැකි (Weather forecast) බලන්න පුළුවන් විදියට වෙනස් කරගන්න හැකියාව තියෙනවා. කෘෂි කර්මාන්තය වගේ රැකියාවල නිරතවෙන අයට ඒක ගොඩක් ප්‍රයෝජනවත් වේවි.

වීඩියෝ එකේ ආර්ඩුඉනෝ ප්‍රෝග්‍රෑම් එක ගැන ලොකු විස්තරයක් කරලා නැති උනත් ඒ ගැන විස්තරයක් ඕනි උනොත්, තව වීඩියෝ එකක් විදියට ගේන්න පුළුවන්. මේ ප්‍රොජෙක්ට් එක ගැන පොඩි හරි ගැටලුවක් තියෙනවනම් මේ පෝස්ට් එකේ හරි youtube comment section එකේ හරි සටහනක් තියන්න. එහෙනම් වීඩියෝ එක හොඳින් බලලා මේ ප්‍රොජෙක්ට් එක කරන්න ට්‍රයි එකක් දෙන්න. අලුත් වීඩියෝ ආපු ගමන් බලන්න මතක ඇතුව subscribe කරන්න 😊.

Source code : https://github.com/rohandhananjaya/MagicBit-Weather-Station

Facebook, WhatsApp හා Instagram වලට මොකද වුණේ?

noreply@blogger.com (tech සයුර (Rohan Dhananjaya)) — Mon, 04 Oct 2021 19:12:00 +0000

Facebook, WhatsApp හා Instagram සේවා මේ වන විටත් ලොව පුරා ක්‍රියා විරහිත වීමක් සිදුවී තිබේ. වෙබ් අඩවි බිඳ වැටීම් පිළිබඳ දැනුම් දීම් සිදු කරන DownDetector.com වෙබ් අඩවිය ඔස්සෙ ලොව නන් දෙසින් මේ වන විට පිරිස මෙම බිඳ වැටීම ගැන දැනුම් දී ඇත. මෙය හුදෙක් වෙබ් අඩවි දෝෂයක් නොව මුළු වෙබ් අඩවියම පිවිසිය නොහැකි ලෙස අක්‍රිය වී තිබේ.

මේ හේතුව නිසා Facebook හා සම්බන්ධ අනෙකුත් සේවා සියල්ලම පාහේ ක්‍රියා විරහිත තත්වයකට පත්ව තිබේ. Instagram මෙන්ම WatsApp සේවාද Facebook ආයතනයට අයත් බැවින් මෙම සේවාද දැන් අක්‍රිය වී ඇත. එමනිසා එම ඇප් ඔස්සේ යවන පණිවිඩ යැවීම හෝ ලබා ගැනීම මෙන්ම අලුත් තොරතුරු ලබා ගැනීම(news feeds) ද අකර්මන්‍ය වී පවතී. මෙම බිඳ වැටීම ගැන Facebook, Instagram හා WatsApp නිල ට්විටර් ගිනුම් ඔස්සේ ඔවුන් දන්වා ඇත. එසේම ගූගල් වැනි සමාගම් මෙම බිද වැටීම හාස්‍යකට ලක් කර ඇති ආකාරයද දැකීමට හැකිය.

We’re aware that some people are having trouble accessing Facebook app. We’re working to get things back to normal as quickly as possible, and we apologize for any inconvenience.
— Facebook App (@facebookapp) October 4, 2021

We’re aware that some people are experiencing issues with WhatsApp at the moment. We’re working to get things back to normal and will send an update here as soon as possible.

Thanks for your patience!
— WhatsApp (@WhatsApp) October 4, 2021

Instagram and friends are having a little bit of a hard time right now, and you may be having issues using them. Bear with us, we’re on it! #instagramdown
— Instagram Comms (@InstagramComms) October 4, 2021

(ගූගල් සමාගම මෙම බිද වැටීම හාස්‍යකට ලක් කර ඇති ආකාරය)

What do we do now? Gmail?
— Google UK (@GoogleUK) October 4, 2021

මොකක්ද හේතුව?

ඇතැම් අය ට්විටර් මගින් පවසා ඇති අකාරයට facebook වෙබ් අඩවියේ domain name එක නැවත මිලදී ගැනීමට හැකියාව ලැබී ඇති ආකාරයට තිබේ. එනම් බොහෝ විට මෙය DNS (Domain Name System) හි දෝෂයක් නිසා සිදුවූ බිඳ වැටීමක් විය හැකි බවයි ඔවුන් පවසන්නේ.

කෙසේ වෙතත් තවමත් Facebook සමාගම මේ ගැන තවමත් නිෂ්චිත හේතුවක් සඳහන් කර නොමැති නිසා නිවැරදිම හේතුව තවමත් පැහැදිළි නොමැත.

මීට පෙර මෙම වසරේම මෙම සේවා බිඳ වැටීමක් සිදුවිය. නමුත් එය ඉක්මනින් යතාතත්වයට පත් කිරීමට හැකියාව ලැබුණ මුත් මෙවර එය තරමක් ප්‍රමාද වී ඇත.

NERO පරිගණක ක්‍රීඩාව නිකුත් වේ!

noreply@blogger.com (tech සයුර (Rohan Dhananjaya)) — Sun, 26 Sep 2021 11:32:00 +0000

ශ්‍රී ලාංකීය පරිගණක මෘදුකාංඟ සමාගමක් වන Arimac ආයතනය විසින් අවුරුදු හතරක පටන් සිදුකරන ලද උත්සහයේ හා කැපවීමේ ප්‍රථිඵලයක් ලෙස NERO පරිගණක ක්‍රීඩාව අද දින එලි දක්වනු ලැබුවා.

ඇරිමැක් සමාගම ගැන කතා කරනකොට ශ්‍රී ලංකාවේ පමණක් නොව ලෝකයේ වෙනත් රටවල ප්‍රසිද්ධ ආයතන සඳහා මෘදුකාංඟ හා තාක්ෂණික සේවා සපයන ජනප්‍රිය ආයතනයක්. Software solutions වලට අමතරව game development, robotics , IoT වගේ ක්ෂේත්‍ර ගණනාවක් ඔස්සේ සිය සේවාවන් සපයන ආයතනයක්.

ඉතිං ඇරිමැක් සමාගම ශ්‍රී ලාංකීය නිර්මාණයක් ලෙස නිකුත් කරන විශිෂ්ඨ ගණයේ පරිගණක ක්‍රීඩාවක් තමයි නීරෝ කියන්නේ. ඒත් නීරෝ කියන්නෙ ඇරිමැක් හදපු පලවෙනි ගේම් එක නෙවෙයි. වසර 2016 දී කංචායුධ නමින් පරිගණක ක්‍රීඩාවක් ඇරිමැක් සමාගම නිකුත් කරණු ලැබුවා සමහර විට මතක ඇති. ඓතිහාසික සිංහල යුගයේ සිටි සංකේතාත්මක චරිත සහ සිදුවීම් පාදක නිර්මාණය වුණු කංචායුධ ක්‍රිඩාව නොමිලේ නිකුත් කරණු ලැබූ අතර 60,000 ආසන්න ප්‍රමාණයක් මෙම ක්‍රීඩාව ක්‍රිඩා කරා. නීරෝ නිර්මාණය වන්නේ එම ආභාෂයද ඇතුවයි.

නීරෝ ක්‍රීඩාව නිර්මාණය වන්නේ ශ්‍රී ලංකා යුධ හමුදාවේ සිටි අති විශිෂ්ට ස්නයිපර් වරයකු වන නීරෝ පාදක කොටගෙනයි.Single-player stealth action game වන මෙය Unreal Engine මත නිර්මාණය වූවක්. ඒ වගේම මේක 100% ශ්‍රී ලාංකීය නිර්මාණ කරුවන් අතින් නිර්මාණය වූවක්.

ගේම් එක ගැන කතා කරනකොට ඉතා හොඳ ග්‍රැෆික්ස්, ඇනිමේෂන්ස් බලාගන්න පුළුවන්. ඒ වගේම තවමත් අඩුපාඩු කිහිපයක් නැතුවාම නොවෙයි. තාම පළවෙනි සංස්කරණය නිසා ඉදිරි සංස්කරණ වලදී ඒවා නිවැරදි වනු ඇතී. https://store.steampowered.com/app/1448610/NERO/ කියන ලිංක් එකට ගියාම මේ ගේම් එක මිලදී ගන්න පුළුවන්. මේ ලැබෙන ආදායමෙන් කොටසක් රණ විරු පවුල් වල දරුවන්ගේ අනාගතය උදෙසා වෙන්කරන බවත් ඔවුන් කියා සිටිනවා. ඒ නිසා ගේම් එක ව්‍යාජ විදියට ගන්නෙ නැතුව නිවැරදි ආකාරයට මිලදී ගන්න කියලා ඉල්ලා සිටින්න කැමතී.

SYSTEM REQUIREMENTS

MINIMUM:

Requires a 64-bit processor and operating system
OS: 64-bit Windows 7, 64-bit Windows 8.1 or 64-bit Windows 10
Processor: Intel CPU Core i3-2100 or AMD equivalent
Memory: 4 GB RAM
Graphics: AMD Radeon HD 7870 (2GB) or NVIDIA GeForce GTX 660 (2GB)
Storage: 12 GB available space

RECOMMENDED:

Requires a 64-bit processor and operating system
OS: 64-bit Windows 7, 64-bit Windows 8.1 or 64-bit Windows 10
Processor: Intel CPU Core i7-3770 or AMD equivalent
Memory: 8 GB RAM
Graphics: Nvidia GPU GeForce GTX 970 / AMD GPU Radeon RX 480
Storage: 12 GB available space

ස්මාර්ට් විදියට නෝට් තියාගන්න Google Keep

noreply@blogger.com (tech සයුර (Rohan Dhananjaya)) — Wed, 28 Jul 2021 08:15:00 +0000

අමතක වෙන දේවල් මතක තියාගන්න අපි කෙටි සටහනක් දාගන්න පුරුදු වෙලා ඉන්නවා. පොඩි නෝට් බුක් වල, නැත්නම් කඩදාසි කෑලි වල මේ විදියට නෝට් තියාගන්නවා වෙනුවට ස්මාර්ට් විදියට නෝට් තියාගන්නෙ කොහොමද? අද පෝස්ට් එක ස්මාර්ට් විදියට නෝට් තියාගන්න උදව් වෙන Google Keep ගැන.

Google Keep කියන්නෙ note තියන්න පුලුවන් නොමිලේ ලැබෙන සේවාවක්. හැබැයි මේක නෝට් තබනවාටම වඩා ප්‍රයෝජනවත් සේවාවක්. උදාහරණයක් විදියට මෙය google drive සමග sync වෙන නිසා ලෝකයේ ඕනෑම තැනක ඉඳලා google account එක හරහා මේ ලියමන් වලට පිවිසෙන්න හැකියාව තියෙනවා. ඒ සඳහා ඩෙස්ක්ටොප් එකක්, ලැප්ටොප් එකක්, ස්මාර්ට් ෆෝන් එකක් හෝ ටැබ්ලට් එකක් භාවිතා කරන්න පුළුවන්.

androidauthority.com

ප්‍රධාන වශයෙන් මේ සේවාව ලබා ගැනීමට keep.google.com තුළින් හෝ play store, apple app store හරහා ලබාගන්න මොබයිල් ඇප් වලින් හැකියාව තියෙනවා. ඒ වගේම gmail හී දකුණු පසින් ඇති toolbar එකෙනුත් keep වල තියෙන note වලට පිවිසෙන්න පුළුවන්.

Google Keep වලින් ගන්න පුළුවන් වැඩ

🎤 Voice note තියන්න

Keep වල text note වගේම කටහඬෙන් voice note තියන්නත් පුළුවන්. ඒකට කරන්න තියෙන්නෙ keep ඇප් එකේ තියෙන පොඩි microphone icon එක ටච් කරලා ඕනි දේ කියන එකයි.

👦Collaborators

keep වල තියෙන නෝට් එකක් තව කෙනෙක් එක්ක share කරගන්න collaborators option එකෙන් පුලුවන්. මේ නිසා ඔයා හදන check list එකක්, note එකක් තව එක්කෙනෙක් හෝ කීප දෙනෙක් එක්ක එකතුවෙලා සම්පූර්ණ කරන්න පුළුවන්. ඉතිං ඒ නිසා task complete වගේ වැඩකටත් මේක යොදාගන්න පුළුවන්. ඒ වගේම ලේසියෙන්ම මේ නෝට් එකක් Google Docs වලට යවන්න පහසුකම keep වල තියෙනවා (Copy to Google Docs).

⏰Reminder තියන්නත් පුළුවන්

businessinsider.com

මේ keep වල තියෙන තව විශේෂම අංඟයක්. යම් දවසක, යම් වෙලාවක හෝ යම් ස්ථානයකදී මතක් වෙන්න ඕනි දෙයක් reminder එකක් විදියට keep වලට එක් කරන්න පුළුවන් කම තියෙනවා. ඉතිං මෙහෙම තියෙන note ඉබේම google calendar එකට එකතුවෙන නිසා ඒ හරහා මතක් කිරීමක් කරගන්න පුළුවන්.

📸පින්තූර වැඩ

තව පහසුකමක් තමයි images විදියට සටහන් තබන්න පුළුවන්කම. එතනදි ඒ පින්තූරයෙ තියෙන text එකක් වෙන් කරගන්න පුළුවන් හැකියාව keep වලදී ලැබෙනවා. ඒ වගේම නෝට් වලට අතින් අඳින රූප (drawings) එක් කරගන්නත් පුළුවන්.

මීට අමතරව මේ නෝට් ලේබල් කරන්න, check list විදියට නෝට් තියාගන්න, වැදගත් නෝට් pin කරලා තියාගන්න වගේම මේ නෝට් විවිධ වර්ණ වලින් වෙන් කරලා තියාගන්නත් පහසුකම keep සේවාවෙන් ලැබෙනවා. ගොඩක් වෙලාවට ස්මාර්ට් ෆෝන් එකේ තියෙන text එකක් වගේ දෙයක් computer එකට ගන්න හොඳම විදියක් තමයි keep කියන්නෙ. ඉතිං කලින් note තිබ්බෙ පරණ ක්‍රමයට නම් Google Keep try කරලා බලන්න.

ලංකාවෙන් ලෝකෙට යන මැජික්බිට්!

noreply@blogger.com (tech සයුර (Rohan Dhananjaya)) — Wed, 26 May 2021 14:47:00 +0000

ඉස්සර ගෙදර ස්විච් ඕෆ් කරන්න ඕනි අතින්. නිදාගන්න ඇඳට ගිහින් ආයෙ කාමරේ ලයිට් එක ඕෆ් කරන්න ඇඳන් බැහැලා එන එක ගොඩක් අය අකමැති වැඩක්. ඒත් දැන් ඒ ප්‍රශ්ණ වලට IoT කියන ස්මාර්ට් විසඳුම තියෙනවා. මේ තාක්ෂණය නිසා බිත්තියෙ තියෙන ස්විච් එක ෆෝන් එකට ගන්න පුලුවන් වෙලා තියෙනවා. ඒ විතරක් නෙවෙයි මුළු ගෙදරම තියෙන ඉලෙක්ට්‍රොනික උපකරණ ෆෝන් එකෙන්, අන්තර්ජාලය ඔස්සේ පාලනය කරන්න පුළුවන්කම ලැබෙනවා. බැලූ බැල්මට මේක ලොකු සංකීර්ණ ක්‍රියාවලියක් වගේ. ඔව් ටිකක් සංකීර්ණයි නම් තමයි. ඒත් මේ කියන්නෙ කුඩා දරුවෙකුට උනත් IoT project කරන්න පුළුවන් ගැජට් එකක් ගැන!

👉 IoT කියන්නෙ මොකක්ද?

Flickr

IoT (Internet of Things) කියන්නෙ සරලවම ගත්තොත් ඩිජිටල් හෝ යාන්ත්‍රික උපාංඟ එකතු කරලා හැඳුනු ජාලයක්. මේ හැම උපාංඟයකටම ඒවා හඳුනාගන්න කේතයක් නැත්නම් unique identifiers (UIDs) තියෙනවා. මේ උපාංඟ අන්තර් ජාලය ඔස්සේ දත්ත හුවමාරු කර ගැනීම මෙන්ම අන්තර්ජාලය හරහා පාලනය කරන්න පුළුවන්.

👉 තාක්ෂණය

IoT උපාංඟ ක්‍රියාත්මක වෙන්න ඊටම ආවේනික තාක්ෂණයන් මෙන්ම නියමාවලි (protocol) වලින්. ඒවායේ වේගවත් සන්නිවේදනයට, ඉක්මන් ප්‍රතිචාර දක්වන්න වගේම ආරක්ෂාව වෙනුවෙන් ඉතා සංකීර්ණ කේත කොටස් භාවිතා කරලා තමයි මේ පද්ධති නිර්මාණය කරලා තියෙන්නෙ. ඉතිං මේ වගේ උපාංඟ නිර්මාණය කරන්න IoT developers ලෙස ඒ තාක්ෂණය මැනවින් හදාරපු පුද්ගලයින් යොදවා තියෙනවා. ඒ සඳහා අන්තර්ජාලය ගැන, protocol ගැන හා ඉලෙක්ට්‍රොන් ගැන තරමක දැනුමක් අවශ්‍ය වෙනවා.

👉 අත්පොත් තබන අයට හොඳම විසඳුමක්!

කලින් කිව්ව විදියට ඉතා ගැඹුරු තාක්ෂණික දැනුමක් නැතිව IoT application එකක් ගොඩ නගන එක ලෙහෙසි නෑ.ඒත් මේ කියන්න යන platform එකෙන් මෙච්චර අමාරු දේ ඉතා සරලව වගේම ලේසියෙන් ඉගෙන ගන්නත්, ඒක භාවිතා කරලා අලුත් නිර්මාණ ගොඩනගන්නත් පුළුවන්කම තියෙනවා. ඔයා දැනටමත් පාසල් යන කෙනෙක් උනත්, තාක්ෂණය ගැන ඇල්මක් දක්වන කෙනෙක් හෝ IoT ගැන දැනටමත් දන්න කෙනෙක් උනත් මේ platform එක යොදාගෙන හිතේ තියෙන නිර්මාණය ඉතා පහසුවෙන් ගොඩනාගන්න පුළුවන්. ගොඩක් දෙනෙක් Arduino ගැන දන්නවනේ. අන්න ඒ වගේ ඊටත් වඩා ලේසියෙන් නිර්මාණ කරන්න පුළුවන්, බල්බ් එකක් on/off කිරීම පටන් රොබෝ නිර්මාණ දක්වා විශාල පරාසයක් තුළ හැසිර වීමට එකක් තමයි මේ.

👉 මැජික්බිට් (Magicbit)

magicbit.cc

මැජික්බිට් කියන්නෙ IoT මූලීක කරගෙන, ප්‍රෝග්‍රෑම් කරන්න පුලුවන්, ඉලෙක්ට්‍රොනික වගේම රෝබෝ නිර්මාණ වලටත් යොදාගන්න පුළුවන් කුඩා නමුත් බලසම්පන්න උපාංඟයක්. වැදගත්ම කාරණය නම් මේ උපාංඟය තවත් එක් ඉලෙක්ට්‍රොනික උපකරණයක් පමණක් නොවී උසස් ප්‍රමිතියක් සහිතව ශ්‍රී ලංකාවේ සිදු කරන නිෂ්පාදනයක්.

👉 මැජික්බිට් එකේ වැඩ!

බැලූ බැල්මට කුඩා උපාංඟයක් වගේ පෙනුනත් මැජික්බිට් එක hardware, software වලින් හොඳින් බලගන්වපු උපාංඟයක්. සංකීර්ණ තාක්ෂණයක් උපයෝගී කරගෙන තිබුණත් කුඩා දරුවෙකුට පවා වැඩසටහන් නිර්මාණය කිරීමට තරම් මැජික්බිට් එක සරලයි.

magicbit.cc

👉 මැජික්බිට් මොළය - ESP32

මේ චිප් එක ගැන IoT ගැන හොයලා බලපු අයනම් දැනටමත් දන්නවා ඇති (නොදන්න අයටත් මැජික්බිට් එකෙන් ඉගෙන ගන්න පුළුවන්). ESP32 චිප් එක චීනයේ Espressif Systems සමාගම විසින් නිෂ්පාදනය කරන SoCs (System on a chip) වර්ගයේ එකක්. ESP32 කියන්නෙ මිලෙන් අඩු, අඩු විදුලියකින් වැඩ කරන වයි-ෆයි, බ්ලූටූත් දෙකම තියෙන මයික්‍රොකොන්ට්‍රෝලරයක්. ESP32 එක ගැන වැඩි විස්තර, නිෂ්පාදන සමාගමේ වෙබ් අඩවියෙන් විස්තර කරලා තියෙනවා. ඉන්ටනෙට් එකේ ESP32 වලින් කරපු ගොඩක් නිර්මාණ තියෙනවා. ඒ හැම එකක්ම මැජික්බිට් එකෙන් ඊට වඩා පහසුවෙන් ගොඩනගන්න පුළුවන්!

Flickr

👉 කෝඩ් ලියන්න ඕනි නැති Magicblocks cloud platform

මේවගේ ඩිවයිස් එකක් අතට ගත්තත් එන ගැටලුවක් තමයි ප්‍රෝග්‍රැමින් නොදන්න කෙනෙකුට වැඩ කරන්න බැරිවීම. ඒ නිසා ගොඩක් දෙනෙක් ඉගෙන ගන්න මැලිකමක් දක්වනවා. ඒත් Magicblocks cloud platform එකේ තියෙන visual code builder නිසා මේ ප්‍රශ්ණය නැතිවෙනවා. visual code builder එකෙන් අතින් ලියන කෝඩ් වෙනුවට drag & drop විදියට ඉතාපහසුවෙන් වැඩසටහන් නිර්මාණය කරන්න පුළුවන්. මේ platform එක ඊටත් වඩා වැඩ කරන්න පුළුවන් බලසම්පන්න cloud platform එකක්.

magicbit.cc

👉 Android App

IoT ප්‍රොජෙක්ට් එකක් කිව්වොත් මොබයිල් ඇප් එකක් කියන්නෙ තියෙන්න ඕනිම එකක්. මේ ඇප් එකෙන් magicbit එකට input/output උපාංඟයක් විදියට ස්මාර්ට් ෆෝන් එක යොදාගන්න පුළුවන්. ෆෝන් එකේ gyroscope, accelerometer input විදියට අරගෙන magicbit එක හසුරවන්න පාවිච්චි කරන්න පුළුවන් විදියට මේ ඇප් එක හදලා තියෙනවා. උදාහරණයක් විදියට magicbit එකෙන් හදන කුඩා රොබෝවක් ෆෝන් එකෙන් internet එකෙන් control කරන්න හදාගන්න ඉතාම ලේසියි!

magicbit.cc

👉 මැජික්බිට් එකේ තියෙන දේවල්

මැජික්බිට් එකේ තියෙන විශේෂත්වය තමයි Input වලට අවශ්‍ය සමහර sensor, actuators ඒකෙම ඇතුලත් වෙන එක. Push button 2 ක්, Potentiometer එකක් වගේම LDR එකකුත් තියෙනවා, Output විදියට මැජික්බිට් එකේම එන OLED ඩිස්ප්ලේ එක නිසා පිටතින් LCD ඩිස්ප්ලේ සම්බන්ධ නොකර, LCD වඩා තොරතුරු බලාගන්නත් පුළුවන්. තව motor drivers, LED, buzzer මේ බෝඩ් එකේ ඇතුලත් වෙනවා. ඒවගේම In-built battery charger එකක් මැජික්බිට් එකට ඇතුලත් වෙන නිසා බැටරියක් සම්බන්ධ කරන්න පුලුවන් වෙන එක තව වාසියක්. මීට අමතරව අමතර sensor රැසක් මැජික්බිට් එකට ලැබෙනවා.

magicbit.cc

👉 මැජික්බිට් එක වටින්නෙ ඇයි?

මැජික් බිට් එක කුඩා දරුවෙකු පටන් ඉතා හොඳ දැනුමක් ඇති තාක්ෂණික ශිල්පියෙකු දක්වා පරාසයක සිටින ඕනෑම කෙනෙකුට වැඩ කල හැකි වටිනා උපාංඟයක්.
මැජික්බිට් එකේ තියෙන එයටම ආවේණික වුණු සැකැස්ම නිසා බ්‍රෙඩ් බෝඩ්, ජම්පර් වයර් නොමැතිව ඉතා පහසුවෙන් අමතර modules සම්බන්ධ කරන්න පුළුවන්.
Visual code builders මගින් programming දැනුමක් නොමැති කෙනෙකුට උනත් පහසුවෙන් වැඩසටහන් නිර්මාණය කරන්න පූළුවන්.
Arduino, MicroPython, Javascript හෝ C# වැනි .net nano framework එක මගින් මැජික්බිට් එක ප්‍රෝග්‍රෑම් කල හැකි වීම.
Azure, GCP, AWS, ThingsBoard, Blynk වැනි IoT platform සමඟ පහසුවෙන් සම්බන්ධ කර ක්‍රියාත්මක කල හැකි වීම.
අන්තර්ජාලයේ ESP32 සඳහා ඇති project ඉතා පහසුවෙන් ක්‍රියාත්මක කල හැකිවීම.
දැනටමත් පරීක්ෂණ විශාල ප්‍රමාණයක් සිදුකර තිබීම.

magicbit.cc

👉 මොනවද හදන්න පුළුවන්?

ඇත්තටම මැජික්බිට් කියන්නෙ කුඩා පරිගණකයක් කිව්වොත් හරි. මැජික්බිට් එකකින් ඔයා කැමති, හිතට එන ඕනෑම දෙයක් ගොඩනගන්න පුළුවන්. ගොඩක් අය හිතට ආපු අදහස ගොඩනගන්න, ඒකට පරිපථ සකස් කරන්න, කෝඩ් කරන්න දැනුම නැති නිසා අතහැරලා දානවා. මැජික්බිට් එක ඒකට හොඳම විසඳුමක්! උදාහරණ විදියට Smart alarm clock, WiFi weather station, motion detector, tilt sensor, smart dustbin, Bluetooth car, snake game, self-balancing robot, smart sanitizer, remote plant watering system, tank water level monitoring system වගේ තව ගොඩක් project මැජික්බිට් එකෙන් කරන්න පුළුවන්. ඒ වගේම robotics වල මූලික සංකල්ප ඉගෙනගන්නත් මැජික්බිට් එක ගොඩක් ප්‍රයෝජනවත් වෙනවා.

magicbit.cc

👉 ළමයෙකුට දෙන්න පුළුවන් වටිනාම තෑග්ග!

කුඩා කාලයේ පටන් තාක්ෂණයට ඇල්මක් ඇති ළමයෙකුට උනත් දෙන්න පුළුවන් වටිනාම තෑග්ගක් තමයි මැජික්බිට් කියන්නෙ. ඉස්සර නම් රු. 25 මෝටරේට වයර් අමුණලා එක එක වැඩ කරලා ලබපු සතුට දැන් අලුත් විදියට ඊට වඩා වැඩි පරාසයක ඊට වඩා පහසුවෙන් කරන්න මැජික්බිට් එකෙන් පුළුවන්.

IoT, coding, robotics, electronics වගේම Artificial Intelligence (කෘතිම බුද්ධිය) හා Machine Learning වැනි සංකීර්ණ දේවල් පහසුවෙන් ඉගෙන ගන්න මැජික්බිට් උදව් වෙනවා. ඒවගේම Arduino Tutorials, MagicCode Tutorials, Magicblocks.io , හා MicroPython Tutorials කියන ලිංක් වලට ගිහින් බැලුවොත් මැජික්බිට් එක ඉගෙන ගන්න හොඳ මූලාශ්‍ර කීපයක් බලාගන්න පුළුවන්.

arduino.cc

👉 මැජික්බිට් Kickstarter වෙබ් අඩවියෙන්

Kickstarter කියන්නෙ ලෝකය වෙනස් කරන්න නව අදහස් ඇති නව නිපැයුම් වලට අරමුදල් රැස් කරන්න අවස්ථාවක් ලබා දෙන ලෝකප්‍රසිද්ධ වෙබ් අඩවියක්. ඉතිං මැජික්බිට් එකත් නුදුරු දවසක Kickstarter වෙබ් අඩවිය ඔස්සේ පැමිණීමට නියමිතයි. ඒ වගේම Kickstarter තුලින් හෝ පෙර ඇනවුම් මගින් මිලදී ගන්න මැජික්බිට් වලට විශේෂ වට්ටමක් සහිතව Magicbit Core හෝ Magicbit Pro ලෙස මැජික්බිට් උපාංඟ ලබාගන්න හැකියාව තියෙනවා.

වෙබ් අඩවිය: https://magicbit.cc/

ෆේස්බුක් පිටුව: Facebook

YouTube චැනලය: YouTube

LinkedIn පිටුව: LinkedIn

Instagram පිටුව : Instagram

sources: https://magicbit.cc/https://magicbit0.medium.com/magicbit-an-easy-iot-platform-for-everyone-46b17e049130
ප:ලි :- මැජික්බිට් එක kickstarter වෙබ් අඩවිය ඔස්සේ පසුගිය 27 වන දා එළිදැක්වූවා. සතුටට කාරණය නම් නිකුත් කර පැය 24 ගතවෙන්නට පෙර එහි බලාපොරොත්තු වූ අගය වඩා 200% සම්පූර්ණ කර ගැනීමට සමත් වුණා.! අද (30) වන විට එය 300% සීමාව පසු කර අවසන්. ඉතින් මේ නිසාම ශ්‍රී ලාංකික මිලදී ගැනීම් සඳහා පමණක් 35% වට්ටමක් ලබා දීමටත් කටයුතු කරන්න මැජික්බිට් ආයතනය තීරණය කර තිබෙනවා. ඉතින් ඔබටත් පුළුවන් මේ ලිංක් එක මගින් kickstarter වෙබ් අඩවියට පිවිසිලා දැන්ම මැජික්බිට් එකක් order කරන්න. ශ්‍රී ලාංකීය නව නිපැයුමක් ලෙස ලංකාවෙන් ලෝකය ජයගන්නා මැජික්බිට් වෙත tech සයුරෙන් සුබ පැතුම්!

Java Encryption & Decryption application

noreply@blogger.com (tech සයුර (Rohan Dhananjaya)) — Thu, 06 May 2021 10:00:00 +0000

Encryption හා Decryption (සිංහලෙන් ගුප්ත කේතනය හා ගුප්ත කේත විකේතනය) කියන්නෙ යම්කිසි වැදගත් තොරතුරක් (Password වගේ) විශේෂ ඇල්ගොරීතමයක් මගින් එයටම විශේෂිත Key එකක් භාවිතා කරමින් වෙනස් කරන එකට. Encrypt කරපු තොරතුරක් අදාල key එකම භාවිතා කරලා නැවත විකේතනය කරගන්නකම් කියවන්න හැකියාවක් ලැබෙන්නෙ නෑ.

මේ විදියට ඇල්ගොරිතමයක් මගින් වෙනස් කරපු තොරතුරු cipher text එකක් කියලා හඳුන්වනවා. මේ විදියට cryptography ( Encryption තමයි) වලට Triple DES, RSA, Advanced Encryption Standards (AES) වගේ විවිධ වර්ගයේ ඇල්ගොරිතම හඳුනාගන්න පුලුවන්.

මේ ලිපියෙන් Java පරිගණක භාෂාව භාවිතා කරලා Encryption & Decryption application එකක උදාහරණයක් ඉදිරිපත් කරලා තියෙනවා.

වැඩසටහනට java.security.MessageDigest කියන class එකෙන් message digest algorithm මගින් ලබාදෙන key එක SHA-1 , SHA-256 වගේ hashing ඇල්ගොරිදමයන් යොදාගන්න භාවිතා කරලා තියෙනවා. ඒ වගේම javax.crypto.Cipher කියන class එක තමයි මේකෙ encryption හා decryption algorithm විදියට වැඩ කරන්නෙ. javax.crypto.spec.SecretKeySpec කියන්නෙ String එකක් විදියට දෙන key එක අවශ්‍ය ඇල්ගොරිතමයක් මගින් byte array එකක් විදියට පරිවර්ථනය කරනවා.java.util.Base64 කියන්නෙ encoding, decoding වලට යොදාගත්තු class එක. මේවා ගැන වැඩිපුර විස්තර දීලා තියෙන ලින්ක් වලින් ගිහින් බලන්න 😇. (මේ කියපු ඒවා එච්චර තේරුනේ නැත්නම් වැඩිය හිතන්න එපා. Download කරලා වැඩ කරන හැටි බලන්න.)

මීට අමතරව file save, open කරන්නෙ කොහොමද, text file එකක් read කරලා text box එකකට ගන්න විදියත් මේ ප්‍රෝග්‍රෑම් එකෙන් ඉගෙන ගන්න පුළුවන්.

පහල තියෙන GitHub ලිංක් එකෙන් ගිහින් ඕනි කෙනෙකුට source code එක download කරගන්න පුළුවන්. Netbeans project එකක් විදියට තමයි මේක තියෙන්නෙ. මොනවා හරි නොතේරුනු දෙයක් තියෙනවනම් අහන්න පහල comment වලින්. ඒ වගේම දැනටමත් කරන projects වලට මේක යොදාගෙන අලුත් දෙයක් කරන්න try එකක් දෙන්න.!

Download

රොබෝ Groot

noreply@blogger.com (tech සයුර (Rohan Dhananjaya)) — Sun, 25 Apr 2021 20:00:00 +0000

ඩිස්නි කියන්නෙ ලෝකයම ආදරේ කරන සජීවීකරණ චිත්‍රපටි නිර්මාණය කරන සමාගමක්. ඉතින් මේ සමාගමේ කරන නිර්මාණ වලින් තරමක් එහාට ගිහින් කරන අපූරු වැඩක් ගැනයි මේ ලිපිය.

ඩිස්නි සමාගමේ R&D (Research and Development) සිදු කරන Imagineering studio එක මගින් මෙතෙක් කල් සජීවී කරණයන් පමණක් වූ ඩිස්නි චරිත රොබෝවරුන් ලෙස නිර්මාණය කිරීමට පටන්ගෙන තියෙනවා. මේ ව්‍යාපෘතිය නම් කරලා තියෙන්නෙ project Kiwi කියලා.

මේ ව්‍යාපෘතිය පටන් ගෙන දැනට අවුරුදු 3ක් පමණ වෙනවා. මේ නිර්මාණය කරන රොබෝ වරුන්ගෙන් ඩිස්නි චිත්‍රපටිවල සිටි චරිත සැබෑ ලෙස නිර්මාණය කිරීම තමයි අරමුණ. ඒකෙ පළවෙනි අද්දැකීම විදියට Baby Groot චරිතය සාර්ථකව ගොඩනගන්න පරීක්ෂකයින්ට හැකිවී තිබෙනවා. මේ චරිත යොදාගෙන Disney theme parks වෙත එන අමුත්තන්ට අලුත් අද්දැකීමක් දෙන එක තමයි සමාගමේ අරමුණ.

මේ රොබෝවරු නිපදවන්න පටන් ගන්න අවස්ථාවෙ එයට ගැලපෙන රොබෝ සැකැස්මක් සොයාගැනීමට නොතිබූ නිසා බොහෝ කොටස් ඔවුන් විසින්ම නිපදවා තිබෙනවා. උදාහරණයක් විදියට රොබෝවරුන්ගේ සැකිල්ල මෝටර් හා අනෙකුත් යාන්ත්‍රික කොටස් සිසිලනයට අවශ්‍ය සිසිල් වායුව ගෙනයාමට භාවිතා කර තිබෙනවා.

කෙසේ නමුත් මේ Kiwi රොබෝ වරු සැබෑ ලෙසම සේවයට පැමිණෙන්න තව කාලයක් ගතවනු ඇතී. එහි සිටින පරීක්ෂකයන් පවසන අන්දමට එහි තිබෙන actuators වැනි යාන්ත්‍රික කොටස් වැඩිදියුණු කිරීමටත් මිනිසුන් හා අවට පරිසරය හඳුනාගත හැකි ආකාරයට එහි ඇති සංවේදක හා මෘදුකාංඟ තවත් දියුණු කිරීමටත් තිබේ. තවද දැනට මෙහි ඇති බැටරිය විනාඩි 45 පමණ කාලයක් රොබෝව ක්‍රියාත්මක කිරීමට ප්‍රමාණවත් බවද එයද තව දුරටත් වැඩි දියුණු කිරීමට ද ඔවුන් බලාපොරොත්තු වේ.

LG සමාගම දුරකථන නිෂ්පාදනය නවතා දමයි!

noreply@blogger.com (tech සයුර (Rohan Dhananjaya)) — Mon, 05 Apr 2021 09:08:00 +0000

ඉලෙක්ට්‍රොනික උපකරණ නිෂ්පාදන කොරියානු සමාගමක් වන LG සමාගම සිය ජංගම දුරකථන නිෂ්පාදනය නවතා දැමීමට කටයුතු කර තිබෙනවා.LG යනු වෙලඳපොල තුල දුරකථන අලෙවි කරනයේ ඉතා ඉහලින් සිටි සමාගමකි.

මෙසේ LG සමාගම නවතා දමන්නෙ සිය සමාගමට අයත් දුරකථන නිෂ්පාදන අංශයයි. එසේ ඔවුන් දුරකථන නිපදවීමෙන් ඉවත් උවත් 6G වැනි දුරකථන සන්නිවේදන තාක්ෂනයන් සංවර්ධනය කිරීමට සිය තාක්ෂණය හා මුදල් යොදවන බව පවසා සිටී.

Gadgets Now

කෙසේ නමුත් දැනටත් ඔවුන් සතුව අලෙවි කිරීම සඳහා නිෂ්පාදනය කල දුරකථන ප්‍රමාණයක් තිබෙන බව පවසා තිබේ. එවා අලෙවි කලද ඒවාටත් දැනට අලෙවි කර තිබෙන දුරකථන වලටත් අවශ්‍ය අලෙවියෙන් පසු සේවාව හා Software Updates ලබා දීමට කටයුතු කරන බව ඔවුන් පවසා සිටී.

මෙසේ ඔවුන්ගේ දුරකථන නිෂ්පාදනය නවතා දැමීමට ප්‍රධානම හේතුව ලෙස ඔවුන් නිපදවූ නිෂ්පාදන වල හැඩය හා ඒවා ගැන පාරිභෝගික ආකර්ෂණය අඩුවීම ප්‍රධාන ලෙස හේතු විය. විශේෂයෙන් ඔවුන්ගේ Velvet හා Wing ලෙස වෙළඳපොළට එක් කල හැරවිය හැකි තිරයක් සහිත අමුතු දුරකථන දෙකම සාර්ථක නොවීම ඔවුන්ගේ දුරකථන වෙළඳපොල කඩා වැටීමට දැඩි ලෙස බලපෑය. එම නිසා වෙලඳපොලේ ඉතා ඉහලින් සිටි Apple, Samsung, OnePlus හා Xiaomi වැනි සමාගම් හා තරඟයක් දීමට LG සමාගමට හැකියාවක් නොවීය.

LG Wing

LG Velvet

LG සමාගම සිය දුරකථන නිෂ්පාදන අංශය වසා දැමීමට පෙර එය විකුණා දැමීමට ජර්මනියේ Volkswagen සමාගම, වියට්නාමයේ Vingroup සමාගම සමග කල සාකච්ඡා ද අසාර්ථක වී ඇත. Samsung වැනි සමාගම් චිප් සෙට් වැනි දෑ නිපදවනු ලැබූවද, LG සමාගම සියල්ල ගෙන්වා එකලස් කිරීමද ඔවුන්ගේ නිෂ්පාදන කරගෙන යෑමට දැඩි ලෙස බලපෑවේය.

LG සමාගම සිය දුරකථන නිෂ්පාදන නැවත්වීම ගැන කල නිවේදනය පහත දැක්වේ.

"LG Electronics Inc. (LG) announced that it is closing its mobile business unit. The decision was approved by its board of directors earlier today.

LG’s strategic decision to exit the incredibly competitive mobile phone sector will enable the company to focus resources in growth areas such as electric vehicle components, connected devices, smart homes, robotics, artificial intelligence and business-to-business solutions, as well as platforms and services.

Current LG phone inventory will continue to be available for sale. LG will provide service support and software updates for customers of existing mobile products for a period of time which will vary by region. LG will work collaboratively with suppliers and business partners throughout the closure of the mobile phone business. Details related to employment will be determined at the local level.

Moving forward, LG will continue to leverage its mobile expertise and develop mobility-related technologies such as 6G to help further strengthen competitiveness in other business areas. Core technologies developed during the two decades of LG’s mobile business operations will also be retained and applied to existing and future products.

The wind down of the mobile phone business is expected to be completed by July 31, although inventory of some existing models may still be available after that."

Chris Velazco and Richard Lawler contributed to this story.

5G තාක්ෂණය ගැන දැනගමු

noreply@blogger.com (tech සයුර (Rohan Dhananjaya)) — Sat, 27 Mar 2021 14:36:00 +0000

ඉන්ටනෙට් භාවිතය වැඩි වීමත් එක්ක mobile broadband තාක්ෂණයන් වන 3G, 4G වගේ මොබයිල් බ්‍රෝඩ්බෑන්ඩ් තාක්ෂණයන් ප්‍රචලිත උනා. 5G කියන්නෙ ඒ තාක්ෂණයේ අලුත්ම සංස්කරණය නැත්නම් පරම්පරාවයි. තවම ලෝකය පුරා වැඩිපුර පැතිරී නැතත් මේ තාක්ෂණය ලෝකයට ඉදරිපත් කර දැන් දශකයකට ආසන්න වනවා. මේ ලිපිය ඒ 5G තාක්ෂණය ගැනයි.

❓ මොකක් ද මේ 5G තාක්ෂණය
                       5G තාක්ෂණය ගැන විස්තර කිරීමට පෙර, ඒ ගැන සරල අවබෝධයක් ලබාගෙන ඉඳිමු. සරලවම 5G කියන්නෙ 5th generation of mobile broadband කියන එක. මේ තාක්ෂණය යොදාගැනීම පටන් ගත්තේ 2019 පමණ උවත් එයට අදාල ප්‍රමිතීන් (standards) එළිදැක්වූයේ වසර 2016 දී යි.දැනට ජනප්‍රිය 4G තාක්ෂණයට වඩා වැඩි Upload, Download වේගයක් වගේම උපාංග අතර සන්නිවේදනයට ගතවන කාලය (Latency) ඉතා අඩුවේ.
                      එසේම 5G ජාලයට සම්බන්ධ කුළුනකින් සේවාව ලබා දිය හැකි සබඳතා ප්‍රමාණය (connections per tower) වැඩිවනවා සේම ඒ සෑම සබඳතාවකටම වැඩි වේගයක් සහිතව සන්නිවේදනය කල හැකියාව ඇත. එසේම 5G තාක්ෂණයේදී පුළුල් පරාසයක රේඩියෝ තරංඟ ආයාමයක් භාවිතාවේ . එනම් ultra-high mmWave (millimeter-wave) band භාවිතාව නිසා පුලුල් පරාසයක් ඔස්සේ සන්නිවේදන කටයුතු කල හැකිවේ. 5G තාක්ෂණය මෙසේ වෙනම සංඛ්‍යාත පරාසයක් හා පද්ධති යොදා ගන්නා නිසා දැනට ඇති 4G උපාංඟ මේ සඳහා භාවිතා කල නොහැකි වේ.
📡 5G තාක්ෂණය වැඩ කරන්නෙ කොහොමද?

                      දැනට තිබෙන 4G තාක්ෂණයේ 4G LTE (Long Term Evolution) මෙන් නොව නව 5G තාක්ෂණයේදී 5G NR (New Radio) ලෙස භාවිතා වේ. එයට හේතුව කලින් කී ආකාරයට 5G තාක්ෂණයේදී mmWave තරංඟ භාවිතා වීමයි. මෙය Sub-6 ලෙස හඳුන්වයි.
                    Sub-6 යනුවෙන් අදහස් වන්නෙ මෙහි භාවිතා වන සංඛ්‍යාත පරාසය 6GHz ට පහලින් තිබෙන බවයි. මෙම Sub-6 spectrum හි සංඛ්‍යාත ගොඩනැගිලි හා තාප්ප හරහා බාදාවකින් තොරව වැඩි දුරකට සම්ප්‍රේෂණය කල හැකිය. ඒ නිසා අඩු කුළුණු ගණනකින් වැඩි ප්‍රදේශයක් ආවරණය කල හැකිය.

🚖 කොතරම් වේගවත් ද?

5G ජාලය 4G වලට වඩා වේගවත් බව දැනටමත් දන්නා කරුණකි. නමුත් එය කෙතරම් ද?
Peak data rate (උපරිම දත්ත ගලායාමේ වේගය) : එක mobile base station එකකට 20Gbps downlink වේගයක් හා 10Gbps uplink වේගයක් ලැබේ. නමුත් මෙයින් කියැවෙන්නෙ සෑම කෙනෙකුටම මෙම වේගය ලැබෙන බව නොවේ. එම කුළුණට සම්බන්ධ සම්බන්ධතා අතර මෙම වේගය බෙදී යයි.
සැබෑ වේගය : Peak data rate ලෙස ඉහත දත්ත වේගය පෙන්නුම් කලත් සැබෑ ලෝකයේදී එක් සම්බන්ධතාවයකට download වේගය ලෙස 100Mbps හා upload වේගය 50Mbps තරම් වේ.
Latency : Latency, නැත්නම් ස්ථාන දෙකක් අතර දත්ත හුවමාරුව සඳහා ගතවන කාලය මිලි තප්පර 4 ක් පමණ වේ. උපරිම වේගයෙන් සන්නිවේදනය කරන අවස්ථාවේදී මෙය මිලි තප්පර 1 පමණ වේ.
කාර්‍යක්ෂමතාව : 5G උපාංග භාවිතා නොකරන අවස්ථාවේදී අඩු ශක්ති පරිභෝජනය කරන අවස්ථාවට පත් වේ. මෙය මිලි තප්පර 10 ක කාලයක් ඇතුලත හඳුනාගෙන ශක්ති භාවිතය අවම කිරීමට හැකියාව ඇත.
Mobility : මෙම තාක්ෂණයේදී 0 වේ සිට පැයට සැතපුම් 310 ක් දක්වා වේගයක් ඇතුලත චලනය වෙමින් සම්බන්ධතාව නොකඩවා ලබා දීමට 5G ඇන්ටනා වලට හැකියාව ඇත. එනම් ගමන් ගන්නා දුම් රියක් හෝ වාහනයක් තුල සිට බාධාවකින් තොරව සබඳතා පවත්වා ගත හැකිය.
සම්බන්ධතා ධාරිතාව. 5G තාක්ෂණයේදී 4G වලට වඩා වැඩි උපාංඟ ගනනක් හැසිරිය හැකිවිය යුතු ලෙස ප්‍රමිතීන් වල දක්වා ඇත. එනම් වර්ග කිලෝමීටරයක් ඇතුලත IoT වැනි උපාංඟ මිලියනයකට පමණ සේවා සැපයීමට හැකි විය යුතුය
කෙසේ උවත් සැබෑ ලෙස සේවා සපයන්නන් විසින් සේවා සැපයීමේදී මේ වේගයන් බොහෝ සෙයින් වෙනස් විය හැකිය. එනම් ලබා දෙන සංඛ්‍යාත පරාසයන් හා සම්බන්ධ වන උපාංඟ ප්‍රමාණය අනුව මෙම වේගය 50Mbps සිට 400Mbps දක්වා අගයකට සීමා වනු ඇත.

🗺 දැනට 5G තියෙන තැන්

ලෝකය පුරා මෙම තාක්ෂණය යොදාගෙන සන්නිවේදන කටයුතු කිරීමට දැන් ආරම්භ කර ඇති අතර යුරෝපය, උතුරු හා දකුණු ඇමරිකාව, මැද පෙරදිග, අප්‍රිකාව හා ආසියාවේ සමහරක් රටවල් වල දැනටමත් 5G තාක්ෂණය ලබා දී ඇත. මේ අතර ඕස්ට්‍රේලියාව, බ්‍රසීලය, චෙක් ජනරජය වැනි සමහර රටවල් Huawei උපාංඟ එම රටවල තහනම් කර ඇත. එනම් 5G සේවා සපයන උපකරණ හා තාක්ෂණයන් Huawei ආයතනයට අයත් නිසා ඇතැම් විට 5G ජාල තවමත් එම රටවල නැති වීමට පුළුවන. ශ්‍රී ලංකාවෙ Dialog, SLT හා Hutch වැනි සමාගම් 5G දීමට කටයුතු කරන බව දැන් දැනගැනිමට ලැබී ඇත.

💪 5G වල ප්‍රතිලාභ

5G ජාලය මගින් නිවසකට අන්තර්ජාල සම්බන්ධතාවයක් ලබා ගනී නම් පෙර පැවති වේගයට වඩා වේගයකින් අන්තර්ජාල සම්බන්ධතාවය ලබා ගත හැකිය. එසේම ස්ව්‍යංක්‍රීය වාහන වල සන්නිවේදනය සඳහා ද මෙය සුදුසු තාක්ෂණයකි. එම වාහන වල තත්වය පරික්ෂා කිරීම මෙන්ම තිරිංඟ යෙදීම වැනි අවස්ථාවකදි තවත් එවැනිම රථයක් සමග සන්නිවේදනය කීරීමට මෙම 5G තාක්ෂණය භාවිතා කිරීමට හැකිය. සංවේදක හා එලාම් ආදී ආරක්ෂක උපාංඟ වලදී වේගවත් සන්නිවේදනයටත්, අඩු ප්‍රමාදයක් සහිත දුරස්ථ පාලක නිපදවීමටත්, telemedicine, remote recovery වැනි වෛද්‍ය ක්ෂේත්‍රයේ කටයුතු සඳහාද විශේෂයෙන් IoT උපාංඟ වලටත් මෙය භාවිතා කල හැකිය.

🚑 5G තාක්ෂණය සෞඛ්‍යට අහිතකරද?

මෙයට සරලම පිළිතුර නැත යන්නයි. 5G තාක්ෂණය යනු රේඩියෝ තරංඟ විශේෂයකි. රේඩියෝ තරංඟ අයනීකරනය වූ හා අයනීකරනය නොවූ ලෙස ආකාර දෙකක් පවතී. අයනීකරනය වූ රේඩියෝ තරංඟ ශරීරයට අහිතකරය .5G යනු අනෙක් ඒවා සේම අයනීකරනය නොවූ රේඩියෝ තරංඟ විශේෂයක් නිසා ශරීරයට අහිතකර නැත.කාලයකට පෙර රේඩියෝ තරංඟ මගින් ශරීරයේ පිලිකා ඇතිවිය හැකිද යන්න ගැන ලියූ ලිපිය කියවීමෙන් මේ ගැන වැඩි අවබෝධයක් ලබා ගත හැකිය.

වැඩිදුර : Spectrum for mobile broadband - the path to 5G

Instagram, WhatsApp, හා Facebook Messenger සේවා බිඳ වැටේ!

noreply@blogger.com (tech සයුර (Rohan Dhananjaya)) — Fri, 19 Mar 2021 18:54:00 +0000

ෆේස්බුක් සමාගමට අයත් Instagram, WhatsApp හා Facebook Messenger යන සේවාවන් වල බිඳවැටීමක් අද දින වාර්ථා උනා. Down Detector වෙබ් අඩවිය ඔස්සෙ පරිශීලකයින් 123000 ක් පමණද Instagram වෙබ් අඩවිය ද, 23000 පමණ ප්‍රමාණයක් WhatsApp බිඳවැටීම හා 5000 ක පමණ පිරිස Messenger බිඳවැටීම ගැනද වාර්තා කර තිබිණි.

මේ බිඳවැටීම සිදුවූ අවස්ථාවේ ඉන්ස්ටග්‍රෑම් වෙබ් අඩවියට පිවිසීමට උත්සහ කරන විට "5xx Server Error" යන error message එක වෙබ් බ්‍රවුසරයේ දිස් වූ අතර වෙබ් අඩවියට පිවිසීමට නොහැකි වුණා. ලොව පුරා ෆේස්බුක් සේවාවට අයත් සමාජ ජාල මාධ්‍ය රැසක බිඳ වැටීම් වාර්ථා වු බවත් එය නිවැරදි කිරීමට දැනටමත් කණ්ඩායම් කීපයක් කටයුතු කරන බවත් ෆේස්බුක් සමාගම සිය Facebook Gaming ට්විටර් පිටුව හරහා පවසා තිබුණා.

There are a number of issues currently affecting Facebook products, including gaming streams. Multiple teams are working on it, and we'll update you when we can.
— Facebook Gaming (@FacebookGaming) March 19, 2021

කෙසේ වෙතත් මේ වන විට එම සේවාවන් නැවත යතා තත්වයට පත් කර ඇති ඇතර මෙයට හේතුව තවමත් ෆේස්බුක් සමාගම විසින් වාර්ථා කර නොමැත.

ප:ලි

මෙම දෝෂයට හේතුව CDN (content delivery networks) සේවාවක් වන Fastly හි දෝෂයක් බව හඳූනාගෙන තිබේ.