Tamilnadu Elementary School Teachers Fedaration

INCOME TAX FORM

noreply@blogger.com (Unknown) — Wed, 6 Feb 2013 20:56:00 +0530

UPDATE 8-2-2013 ITS WORK RIGHTLY

நீண்ட இடைவேளைக்குப் பிறகு ....... உங்களுக்காக புதிய வருமானவரி செலுத்தும் படிவம் (Protect செய்யப்பட்டது )
எளிமையாக பயன் படுத்தும் வகையில் அமைக்கப்பட்டுள்ளது.

For Download Click below...

Ms Excel 2003- 2007 Format

Ms Excel 2007 format

( இதில் ஏதேனும் பிழை இருக்குமானால் testf.kvl@gmail.com or https://www.facebook.com/groups/testfkilvelur/ மூலம் தெரியப்படுத்தவும் , இல்லையேல் நண்பர்களுக்கு பகிரவும்... NO any watermark and Lable )

noreply@blogger.com (Unknown) — Sun, 17 Jun 2012 12:14:00 +0530

CCE Training Module Download Here

Download in PowerPoint Presentation(pptx)

Download in PDF (pdf)

புகாருக்கு உள்ளான ஆசிரியர்கள் கலந்தாய்வுக்கு முன் இடமாற்றம் | Kalvimalar - News

noreply@blogger.com (Unknown) — Sun, 17 Jun 2012 08:28:00 +0530

புகாருக்கு உள்ளான ஆசிரியர்கள் கலந்தாய்வுக்கு முன் இடமாற்றம் | Kalvimalar - News

சமச்சீர் கல்வி-மாணவர் சேர்க்கை அதிகரிப்பு

noreply@blogger.com (Unknown) — Sun, 17 Jun 2012 08:27:00 +0530

சமச்சீர் கல்வியால் அரசு பள்ளிகளில் மாணவர் சேர்க்கை அதிகரிப்பு | Kalvimalar - News

noreply@blogger.com (Unknown) — Wed, 13 Jun 2012 20:00:00 +0530

இன்று (13-06-2012) மாலை தமிழகம் முழுவதும் அந்தந்த வட்டார தலைநகரங்களில் தமிழ்நாடு தொடக்கப்பள்ளி ஆசிரியர் கூட்டணியின் சார்பில் ஏழு அம்ச கோரிக்கைகளை வலியுறுத்தி மிகப்பெறும் ஆர்ப்பாட்டம் வட்டார உதவித் தொடக்கக் கல்வி அலுவலகம் முன்பு நடை பெற்றது.

கீழ்வேளூர் வட்டார ஆர்ப்பாட்ட நிகழ்வுகள்..

மேலும்..... பார்க்க.....

noreply@blogger.com (Unknown) — Fri, 8 Jun 2012 07:09:00 +0530

noreply@blogger.com (Unknown) — Fri, 8 Jun 2012 06:36:00 +0530

தமிழகத்தில் உள்ள இன்ஜினியரிங் கல்லூரிகளில் பி.இ., பி.டெக்., படிப்புகளுக்கான கவுன்சிலிங் தேதி மாற்றி அமைக்கப்பட்டுள்ளது. அதன்படி, பொது கவுன்சிலிங் வரும் ஜூலை 13ம் தேதி துவங்குகிறது.

ஆண்டுதோறும் சென்னை அண்ணா பல்கலைக்கழகம் நடத்தும் இன்ஜினியரிங் கவுன்சிலிங் இந்தாண்டு ஜூலை 9ம் தேதி துவங்கும் என்று முன்பு அறிவிக்கப்பட்டிருந்தது. ஆனால், தற்போது கவுன்சிலிங் தொடர்பான அனைத்து தேதிகளும் மாற்றி அமைக்கப்பட்டுள்ளன.

மாற்றியமைக்கப்பட்ட தேதி விவரம்:

ஜூன் 25ம் தேதி ரேண்டம் எண் வெளியீடு

ஜூன் 30 ம் தேதி ரேங்க் பட்டியல் வெளியீடு

ஜூலை 5ம் தேதி விளையாட்டு பிரிவு மாணவர்களுக்கான கவுன்சிலிங் துவக்கம்

ஜூலை 7 முதல் 11ம் தேதிவரை தொழிற்பிரிவு மாணவர்களுக்கான கவுன்சிலிங்

ஜூலை 12ம் தேதி மாற்றுத் திறனாளிகளுக்கான கவுன்சிலிங்

ஜூலை 13ம் தேதி முதல் பொதுப் பிரிவினருக்கான கவுன்சிலிங் துவங்குகிறது.

இந்த புதிய கவுன்சிலிங் தேதி விவரங்களை சென்னை அண்ணா பல்கலைக்கழக துணைவேந்தர் மன்னர் ஜவகர் வெளியிட்டார்.

noreply@blogger.com (Unknown) — Fri, 8 Jun 2012 06:32:00 +0530

Direct Recruitment of Assistant Elementary Educational Officer 2010 - 11

I. EXAMINATION RESULTS
To query your Result, enter your Roll No.( 11AE 01000000)

(for all the candidates who have written the examination)

CLICK HERE

Please Click Here Tentative List of Candidates called for certificate verificaiton

noreply@blogger.com (Unknown) — Sun, 6 May 2012 10:23:00 +0530

அரசு பள்ளிகளில், குறிப்பிட்ட பாட ஆசிரியர்கள் எண்ணிக்கை, அதிகளவில் இருப்பதால், அவர்களை மாறுதல் செய்த பிறகே, ஆசிரியர் பொது மாறுதல், "கவுன்சிலிங்' நடத்த திட்டமிடப்பட்டு உள்ளது. எனவே தான், விண்ணப்பங்கள் பெறுவது நிறுத்தப்பட்டு உள்ளதாக, துறை வட்டாரங்கள் தெரிவித்தன.

இடமாறுதல் "கவுன்சிலிங்'

அரசு பள்ளிகளில் பணியாற்றும் ஆசிரியர்களுக்கு, மே, ஜூன் மாதங்களில், பொது பணியிட மாறுதல், "கவுன்சிலிங்' நடத்தப்படும். இதற்காக, ஆசிரியர்களிடம் இருந்து விண்ணப்பங்கள் பெற்று, பின் ஆசிரியர் காலியிட பட்டியல் வெளியிடப்பட்டு, பொது மாறுதல் "கவுன்சிலிங்' நடத்தப்படும்.

"கவுன்சிலிங்' நடைபெறும் நாளன்று காலையில், காலியிட பட்டியல் வெளியிடப்படும். அப்போது, பணிமூப்பு அடிப்படையில் ஆசிரியர்கள் அழைக்கப்பட்டு, அவர்கள் விரும்பும் இடங்களுக்கு பணியிட மாற்றம் செய்து, உத்தரவுகள் வழங்கப்படும்.

நடப்பாண்டு கவுன்சிலிங்கிற்காக, ஆசிரியர்களிடம் இருந்து விண்ணப்பங்கள் பெறப்பட்டு வந்த நிலையில், தொடக்க கல்வித்துறை மற்றும் பள்ளிக் கல்வித்துறை ஆகிய இரு துறைகளிலும், கடந்த சில தினங்களாக விண்ணப்பங்கள் பெறுவது நிறுத்தப்பட்டு உள்ளது.

காரணம் என்ன?

இதற்கு, ஆசிரியர்கள் மத்தியில் எதிர்ப்பு கிளம்பிய நிலையில், இந்த விவகாரம் குறித்து அதிகாரி ஒருவர் கூறியதாவது:

இரு துறை சார்ந்த பள்ளிகளிலும், குறிப்பிட்ட சில பாட ஆசிரியர்கள் எண்ணிக்கை, அதிகளவில் இருப்பது தெரிய வந்துள்ளது. அனைத்துப் பாட ஆசிரியர்களும், சம எண்ணிக்கையில் இருக்க வேண்டும். இந்த குறையை சரிசெய்யாமல், "கவுன்சிலிங்' நடத்தினால் பிரச்னை ஏற்படும்.

எனவே, முதலில் எந்தெந்த பள்ளிகளில், ஒரே பாட ஆசிரியர்கள் அதிகளவில் இருக்கின்றனரோ, அவர்களை, தேவையான வேறு பள்ளிகளுக்கு மாற்றி, அதன்பின் ஆசிரியர் மாறுதல் "கவுன்சிலிங்' நடத்தலாம் என, அரசு கருதியுள்ளது.

மே இறுதியிலோ அல்லது ஜூன் 15 தேதிக்குள், பொது மாறுதல் "கவுன்சிலிங்' நடைபெறும். அரசாணை வெளிவந்ததும், "கவுன்சிலிங்' தேதி முடிவு செய்யப்படும். இவ்வாறு, அந்த அதிகாரி தெரிவித்தார்.

noreply@blogger.com (Unknown) — Sun, 6 May 2012 10:17:00 +0530

தமிழகத்தில் நடப்பு கல்வி ஆண்டில் 6 ஆயிரத்திற்கும் மேற்பட்ட ஆசிரியர்களுக்கு பதவி உயர்வு வழங்க அரசு உரிய நடவடிக்கைகளை மேற்கொண்டுள்ளது.தமிழகத்தில் தொடக்க கல்வித் துறையின் கீழ் பணியாற்றும் இடைநிலை ஆசிரியர்களுக்கு ஆண்டு தோறும் பதவி உயர்வு வழங்கப்பட்டு வருகிறது.

நடப்பாண்டில் சுமார் 2 ஆயிரம் இடைநிலை ஆசிரியர்கள் பட்டதாரி ஆசிரியர்களாக பதவி உயர்வு செய்யப்படுகின்றனர்.இதில் இடைநிலை உடற்கல்வி மற்றும் சிறப்பாசிரியர்களிடமிருந்து பட்டதாரி ஆசிரியர் (தமிழ்) பதவி உயர்வு தற்காலிக சீனியாரிட்டி பட்டியலில் 1,227 பேர் இடம் பெற்றுள்ளனர்.

இதே போல், பள்ளிக் கல்வித் துறையை பொறுத்தவரை அரசு மேல்நிலைப் பள்ளி தலைமை ஆசிரியர்களாக பதவி உயர்வு பெற முதுகலை ஆசிரியர்கள், உடற்கல்வி இயக்குனர் 2 பணியிடங்களில் இருந்து சீனியாரிட்டி பட்டியல் தயாரிக்கப்பட்டுள்ளது. இதில் பல்வேறு மாவட்டங்களை சேர்ந்த 638 பேர் இடம் பெற்றுள்ளனர்.

மேலும், அரசு மேல்நிலைப் பள்ளி தலைமை ஆசிரியர்களாக பதவி உயர்வு பெற அரசு உயர்நிலைப் பள்ளி தலைமை ஆசிரியர்களின் சீனியாரிட்டி பட்டியல் தயாரிக்கப்பட்டு இதில் 215 பேர் இடம் பெற்றுள்ளனர்.நகராட்சி மேல்நிலைப் பள்ளி தலைமை ஆசிரியர்களாக பதவி உயர்வு பெற நகராட்சி உயர்நிலைப் பள்ளி தலைமை ஆசிரியர்களின் சீனியாரிட்டி பட்டியல் தயாரிக்கப்பட்டுள்ளது. இதில் 10 பேர் இடம் பெற்றுள்ளனர்.

நகராட்சி மேல்நிலைப் பள்ளி தலைமை ஆசிரியர்களாக பதவி உயர்வு பெற தகுதியான நகராட்சி மேல்நிலைப் பள்ளி முதுகலை ஆசிரியர்கள் சீனியாரிட்டி பட்டியல் தயாரிக்கப்பட்டுள்ளது. இதில் 18 பேருக்கு தலைமை ஆசிரியர்களாக பதவித உயர்வு வழங்கப்படுகிறது.

மேலும், உயர்நிலைப் பள்ளி தலைமை ஆசிரியர்களில் இருந்து மாவட்ட கல்வி அலுவலர்களாக பதவி உயர்வு பெற தயாரிக்கப்பட்டுள்ள சீனியாரிட்டி பட்டியலில் (17.1.2006 வரை) 82 பேர் இடம் பிடித்துள்ளனர்.அரசு மேல்நிலைப் பள்ளி தலைமை ஆசிரியர்களில் இருந்து மாவட்ட கல்வி அலுவலர்களாக பதவி உயர்வு பெற தயாரிக்கப்பட்டுள்ள சீனியாரிட்டி பட்டியலில் (20.4.2001 வரை) 63 பேர் இடம் பிடித்துள்ளனர்.

பட்டதாரி ஆசிரியர்களில் இருந்து அரசு உயர்நிலைப் பள்ளி தலைமை ஆசிரியர்களாக பதவி உயர்வு பெற தயாரிக்கப்பட்டுள்ள சீனியாரிட்டி பட்டியலில் (18.1.2002 வரை) 2,416 பேர் இடம் பிடித்துள்ளனர்.முதுகலை ஆசிரியர்களில் இருந்து வட்டார வள மைய மேற்பார்வையாளர்களாக பதவி உயர்வு பெற தயாரிக்கப்பட்டுள்ள பட்டியலில் (14.12.2011 வரை) 181 பேர் இடம் பெற்றுள்ளனர்.

தமிழகத்தில் தொடக்க கல்வித் துறை, பள்ளிக் கல்வித் துறை ஆகியவற்றின் கீழ் பணியாற்றும் சுமார் 6 ஆயிரம் பேருக்கு மேல் இந்த கல்வி ஆண்டில் பதவி உயர்வு வழங்கப்படுகிறது என்பதால் ஆசிரிய, ஆசிரியைகள் "குஷி' அடைந்துள்ளனர்.

noreply@blogger.com (Unknown) — Sun, 29 Apr 2012 10:53:00 +0530

அரசு நிர்ணயித்துள்ள தேதிக்கு முன்பே வெளியான அறிவிப்பின்படி தேர்ந்தெடுக்கப்பட்ட ஆசிரியர்கள் தகுதித்தேர்வு எழுத தேவையில்லை - மதுரை ஐக்கோர்ட் உத்தரவு...

noreply@blogger.com (Unknown) — Sun, 29 Apr 2012 10:29:00 +0530

ஆசிரியர்கள் பொதுமாறுதல் தொடர்பாக விண்ணப்பிக்கலாம் என்று நேற்று முன்தினம் பள்ளிக் கல்வித்துறை அனுப்பிய சுற்றறிக்கை, நேற்று அதிரடியாக ரத்து செய்யப்பட்டது. இதனால் ஆசிரியர்கள் குழப்பம் அடைந்துள்ளனர்.

பள்ளிக்கல்வி மற்றும் தொடக்கக் கல்வித்துறையின் கீழ் இயங்கும் பள்ளிகள் அனைத்திலும் பணியாற்றும் ஆசிரியர்களுக்கு ஆண்டுதோறும் பணியிட மாறுதல் வழங்க கவுன்சலிங் நடத்தப்படுகிறது. அதன்படி, இந்த ஆண்டுக்கான பணியிட மாறுதல் கவுன்சலிங் நடத்த வேண்டும் என்று ஆசிரியர்கள் கோரிக்கை வைத்தனர். இதையடுத்து, அனைத்து மாவட்ட முதன்மைக் கல்வி அலுவலர்களுக்கு கடந்த இரண்டு நாட்களுக்கு முன்பு பள்ளிக் கல்வித்துறை ஒரு சுற்றறிக்கை அனுப்பியது.

அதில், “அனைத்து அரசு மற்றும் நகராட்சி, உயர்நிலை, மேல்நிலைப் பள்ளிகளில் பணியாற்றும் பட்டதாரி, முதுநிலை பட்டதாரி ஆசிரியர்கள், தலைமை ஆசிரியர்கள் விருப்பம் உள்ளவர்கள் பொது மாறுதல் கவுன்சலிங்கில் பங்கேற்கலாம். அதற்கான விண்ணப்பங்களை அந்தந்த பள்ளி தலைமை ஆசிரியர்களிடம் 28ம் தேதிக்குள் கொடுக்க வேண்டும்.

அவற்றை தொகுத்து 30ம் தேதிக்குள் சம்மந்தப்பட்ட மாவட்ட முதன்மைக் கல்வி அலுவலர்களுக்கு தலைமை ஆசிரியர்கள் அனுப்ப வேண்டும். மாவட்டம் விட்டு மாவட்டம் மாறுதல் கோருவோர் விண்ணப்பங்கள் மே 15ம் தேதிக்குள் அனுப்ப வேண்டும்” என்று கூறப்பட்டு இருந்தது.

இதையடுத்து ஆசிரியர்கள் மகிழ்ச்சி அடைந்தனர். ஆனால் நேற்று மாலை அவசரம் அவசரமாக அனைத்து மாவட்ட முதன்மைக் கல்வி அலுவலர்களுக்கு ஒரு இ-மெயில் வந்தது. அதில் ????? மறு உத்தரவு வரும் வரை யாரும் மாறுதல் விண்ணப்பங்கள் பெறக்கூடாது ????? என்று தெரிவிக்கப்பட்டுள்ளது.

இதனால் ஆசிரியர்கள் குழப்பம் அடைந்துள்ளனர். மேலும், கவுன்சலிங் இல்லாமல் மறைமுகமாக மாறுதல் வழங்கப் போகிறார்களோ என்று சந்தேகம் அடைந்துள்ளனர்.

noreply@blogger.com (Unknown) — Sat, 28 Apr 2012 17:34:00 +0530

இனி குழந்தைகள் டி.வி. பார்க்கலாம்!!! தப்பில்லை

தமிழகத்தில் பள்ளி மாணவ, மாணவிகளுக்கு உதவும் வகையில் கேபிள் டிவி வழியாக புதிய அரசு கல்வி ஒளிபரப்புச் சேவையை துவங்க உள்ளது. இந்த தொலைக்காட்சி வாயிலாக மாணவர்களுக்கு கல்வியை அளிக்கும் நிகழ்ச்சிகளை தயாரிக்க ஆர்வமுள்ள ஆசிரியர்களிடம் இருந்து விண்ணப்பங்கள் வரவேற்கப்படுவதாக தமிழக அரசு அறிவித்துள்ளது.

தினந்தோறும் 1 முதல் 12ம் வகுப்பு பாடத்திட்டங்களில் இருந்து பாடப்பகுதிகள் திறமை வாய்ந்த ஆசிரியர்களால் தயாரிக்கப்பட்டு ஒளிபரப்பப்பட உள்ளது.

இதற்கான கல்வி நிகழ்ச்சிகளைத் தயாரிக்கும் பணியில் மாநிலக் கல்வியியல் ஆராய்ச்சி பயிற்சி நிறுவனம் ஈடுபட்டுள்ளது. இதற்காக நிகழ்ச்சிகளைத் தயாரிப்பதில் ஆர்வமும், ஆனுபவமும் உள்ள ஆசிரியர்களைப் பயன்படுத்தத் திட்டமிட்டுள்ளது. ஆர்வமுள்ள ஆசிரியர்களின் பட்டியல் தயாரிக்கப்பட்டு பயிற்சி நிறுவனத்திற்கு அனுப்ப வேண்டும் என்று தமிழக அரசு அனைத்து பள்ளிகளுக்கும் சுற்றறிக்கை அனுப்பியுள்ளது.

noreply@blogger.com (Unknown) — Sat, 28 Apr 2012 17:14:00 +0530

தமிழகம் முழுவதும் பகுதிநேர ஆசிரியர்கள் நியமிக்கப்பட்டு இரண்டு மாதங்களாகியும், அவர்களுக்கு இன்னும் சம்பள வழங்கப்பட வில்லை. அனைவருக்கும் கல்வி திட்டம் மூலம், உடற்கல்வி, ஓவியம், கைத்தொழில் மற்றும் கணினி படிப்பு முடித்தவர்கள், மாதம் ரூ.5 ஆயிரம் சம்பளத்தில், 4 ஆயிரத்துக்கும் மேற்பட்டோர் பகுதிநேர ஆசிரியர்களாக நியமிக்கப்பட்டனர். மார்ச் முழுவதும் பணியாற்றியும், முதல்மாத சம்பளம் அவர்களுக்கு வழங்கப்படவில்லை. ஏப்ரல் மாதமும் முடிய உள்ளது.

முதன்மைகல்வி அலுவலக வட்டாரங்கள் கூறியதாவது: சிறப்பாசிரியர்களுக்கு எஸ்.எஸ்.ஏ., மூலம் நிதி ஒதுக்கி, அந்தந்த கிராம கல்வி குழுவில் உள்ள தலைவர் மற்றும் தலைமையாசிரியர் கையெழுத்திட்டு, ஆசிரியர்களுக்கு சம்பளம் வழங்க வேண்டும். மார்ச் மாதத்தில் இடையிலும், கடைசியிலும் சிலர் பணியில் சேர்ந்துள்ளனர். அவர்கள் குறித்து கணக்கிடப்படுகிறது. ஒரு மாதத்தில் 12 நாள்கள் பணியாற்றி இருந்தால், முழு சம்பளம் வழங்கப்படும். குறைவான நாட்கள் எனில், அதற்கேற்ப சம்பளம் வழங்கப்படும். சில பள்ளிகளில் இருந்து ஆசிரியர் பட்டியல், பணியாற்றிய நாட்கள் விபரம் வரவில்லை. வந்தபின், ஒருசில நாட்களில் சம்பளம் வழங்கப்படும், என்றார்.

noreply@blogger.com (Unknown) — Sat, 28 Apr 2012 17:13:00 +0530

"கல்வி இணை செயல்பாடுகளில், பகுதி நேர ஆசிரியர்கள் ஈடுபடுத்தப்படுவர்' என, மாநில கல்வியியல் ஆராய்ச்சி பயிற்சி இணை இயக்குனர் பழனிச்சாமி தெரிவித்தார். ஒன்று முதல் எட்டாம் வகுப்பு மாணவர்களுக்கு முப்பருவ கல்வி முறை, இந்தாண்டு முதல் அமல்படுத்தப்பட உள்ளது. இதற்கான, "தொடர் மற்றும் முழுமையான மதிப்பீட்டு' முறை குறித்த பயிற்சி, ஒவ்வொரு ஒன்றியத்திலும் ஆசிரியர்களுக்கு நடத்தப்பட்டு வருகிறது.

ராமநாதபுரம், மண்டபம் ஒன்றியங்களில் நடந்த பயிற்சியை, மாநில கல்வியியல் ஆராய்ச்சி பயிற்சி இணை இயக்குனர் பழனிச்சாமி ஆய்வு செய்து பேசியதாவது:

வரும் கல்வி ஆண்டிலிருந்து ஒன்று முதல் எட்டாம் வகுப்பு மாணவர்களுக்கு, ஜூன் முதல் செப்டம்பர் வரை ஒரு பருவமும், அக்டோபர் முதல் டிசம்பர் வரை ஒரு பருவமும், ஜனவரி முதல் ஏப்ரல் வரை ஒரு பருவமும் நடத்தப்படுகிறது. ஒரு பருவத்துக்கு ஒரு புத்தகம் மட்டுமே.இந்தியாவில் முதன் முதலாக தமிழகத்தில் தான் இவ்வாறு நடைமுறைப்படுத்தப்படுகிறது. இதன் முக்கிய நோக்கம், மாணவர்களின் செயல்பாடுகளை அதிகப்படுத்துவது. மாணவர்கள் எதில் திறமையாக இருக்கின்றனரோ அதில் ஈடுபடுத்துவது. இதன் மூலம் கல்வியைத் தவிர, மற்ற இணைச் செயல்களான வாழ்க்கை கல்வி, தையல், ஓவியம், விளையாட்டு உள்ளிட்டவற்றில் திறன் மேம்படுத்த நடவடிக்கை எடுக்கப்படும். இந்த பணியில், 16 ஆயிரத்து 450 பகுதி நேர ஆசிரியர்கள் ஈடுபடுத்தப்படுவர். ஆசிரியர்களும் இதில் பங்கேற்க வேண்டும். முப்பருவ கல்வி முறையில், 40 மதிப்பெண்கள் வளரறி மதிப்பீடாகவும் (செயல்பாடுகளை வைத்து), 60 மதிப்பெண்கள் தொகுத்தறி மதிப்பீடாகவும் (தேர்வு முறையில்) வழங்கப்படும். செயல்வழி கற்றல் முறை (அட்டை முறை) இதனால், மூன்றில் ஒரு பங்கு குறைக்கப்பட்டுள்ளது. அடுத்தாண்டு, ஒன்பதாம் வகுப்பு, அதற்கு அடுத்த ஆண்டு, 10ம் வகுப்பில், இந்த முப்பருவ கல்வி முறை அமல்படுத்தப்படும். இவ்வாறு பழனிச்சாமி கூறினார்

noreply@blogger.com (Unknown) — Sat, 28 Apr 2012 17:06:00 +0530

"தமிழாசிரியர்" என்பதை, இனி, "பட்டதாரி ஆசிரியர் (தமிழ்)" என ஆசிரியர்கள் குறிப்பிட வேண்டும் என்று, பள்ளிக் கல்வித்துறை உத்தரவிட்டுள்ளது.

இதுகுறித்து, மாவட்ட சி.இ.ஓ.,க்களுக்கு வந்துள்ள உத்தரவு: "பள்ளி உதவி ஆசிரியர்" என்பது, இனிமேல், பட்டதாரி ஆசிரியர் என, பெயர் மாற்றம் செய்யப்பட்டுள்ளது.

இனிமேல் தமிழாசிரியர் என எழுதாமல், அதற்கு பதிலாக, பட்டதாரி ஆசிரியர் (தமிழ்) எனவும், அதேபோல் பிற ஆசிரியர்கள், பட்டதாரி ஆசிரியர் (ஆங்கிலம்), பட்டதாரி ஆசிரியர் (அறிவியல்), பட்டதாரி ஆசிரியர் (வரலாறு) என, பாட வாரியாகக் குறிப்பிட வேண்டும்.

பெயர் மாற்றம் செய்யப்பட்டதையே, வருகை பதிவேடு, ஆவணங்கள் உட்பட அனைத்திலும் குறிப்பிட வேண்டும். தமிழக தமிழாசிரியர் கழக கோரிக்கைப்படி, இவ்வாறு பெயர் மாற்றம் செய்யப்பட்டுள்ளது என, அந்த உத்தரவில் தெரிவிக்கப்பட்டுள்ளது.

noreply@blogger.com (Unknown) — Fri, 27 Apr 2012 20:49:00 +0530

தொடக்கக்கல்வி இயக்குனரின் செயல்முறைகள் ந.க.எண். 09502 / டி1 / 2012, நாள். 27.04.2012.

2012 - 2013ஆம் கல்வி ஆண்டில் ஊராட்சி ஒன்றியம் / மாநகராட்சி / நகராட்சி / அரசு தொடக்க மற்றும் நடுநிலைப் பள்ளிகளில் பணிபுரிந்து வரும் ஆசிரியர்களுக்கு பொதுமாறுதல் வழங்குவதற்கு மாவட்ட தொடக்கக்கல்வி அலுவலர்கள் தயார் நிலையில் இருக்கும் பொருட்டு உதவி தொடக்கக் கல்வி அலுவலக விளம்பர பலகையில் ஒட்டி அதன் மூலம் ஆசிரியர்களிடம் மாறுதல் விண்ணப்பங்கள் பெறுவது சார்பாக அறிவுரைகள் வழங்கப்பட்டது.

தற்போது மேற்படி பணிகளை அடுத்த அறிவிப்பு பெறப்படும் வரை நிறுத்தி வைக்கும்ப்படும்படி அனைத்து மாவட்ட தொடக்கக் கல்வி அலுவலர்களும் கேட்டுக் கொள்ளப்படுகிறார்கள்.

noreply@blogger.com (Unknown) — Thu, 26 Apr 2012 21:03:00 +0530

திருத்தி அச்சடிக்கப்பட்ட, புதிய பத்தாம் வகுப்பு பாடப் புத்தகங்கள், இன்று முதல் மாநிலம் முழுவதும் விற்பனைக்கு வருகிறது. அரசு மற்றும் அரசு நிதியுதவி பெறும் பள்ளிகளுக்கான புத்தகங்கள், ஒன்பதாம் வகுப்பு தேர்வு முடிவுகளுக்குப் பின், பள்ளி நிர்வாகங்கள் பெற்றுக் கொள்ளலாம் எனவும், தனியார் பள்ளிகளுக்கான விற்பனை, இன்று முதல் நடைபெறும் எனவும், பாடநூல் கழகம் அறிவித்துள்ளது.

தி.மு.க., ஆட்சியில், ஒன்று முதல் பத்தாம் வகுப்பு வரை சமச்சீர் கல்வி திட்டம் கொண்டு வரப்பட்டு, முதலில் முதல் மற்றும் ஆறாம் வகுப்புகளுக்கு, திட்டம் அமல்படுத்தப்பட்டது. மீதியுள்ள வகுப்புகளுக்கு நடப்பு கல்வியாண்டில் அமல்படுத்தப்பட்டது. பாடப் புத்தகங்களில், கருணாநிதியைப் பற்றியும், தி.மு.க.,வைப் பற்றியும் பல கருத்துக்கள் இடம் பெற்றிருந்ததாலும், போதிய அளவிற்கு தரம் இல்லை என்பதாலும், இந்த கருத்துக்கள் நீக்கப்பட்டபின், மாணவர்களுக்கு பாடப் புத்தகங்கள் வழங்கப்பட்டன.

தேவையில்லாத பகுதிகள் நீக்கம்:

இந்நிலையில், ஆசிரியர் பயிற்சி இயக்குனகரம், தேவையில்லாத பகுதிகளை நீக்கம் செய்தும், தேவையான கருத்துக்களை சேர்த்தும், பாடப் புத்தகங்களில் திருத்தம் மேற்கொண்டது. இதன்பின், பாடப் புத்தகங்கள் அச்சிடப்பட்டன. இந்தப் புத்தகங்கள், இன்று முதல் மாநிலம் முழுவதும் விற்பனைக்கு வருகிறது என, பாடநூல் கழக நிர்வாக இயக்குனர் கோபால் அறிவித்துள்ளார்.

பாடநூல் கழகம் அறிவிப்பு:

இலவச பாடப் புத்தகங்களைப் பொறுத்தவரை, அரசு மற்றும் அரசு நிதியுதவி பெறும் பள்ளிகளுக்கு, அந்தந்த மாவட்டங்களில் தேர்வு செய்யப்பட்டுள்ள மையங்களுக்கு, அச்சகங்களில் இருந்து நேரடியாக அனுப்பப்பட்டுள்ளன. முதன்மைக் கல்வி அலுவலர்கள், தங்கள் மாவட்ட பள்ளிகளுக்கு 26ம் தேதி (இன்று) முதல் அனுப்பி வைப்பதற்கான ஏற்பாடுகளை மேற்கொள்ளவும் உத்தரவு வழங்கப்பட்டுள்ளது. ஒன்பதாம் வகுப்பு தேர்வு முடிவுகள் வெளியானபின், இப்புத்தகங்கள், தலைமை ஆசிரியர்கள் மூலமாக மாணவர்களுக்கு கிடைக்கும்.

விற்பனைப் பிரிவு:

விற்பனைக்கான பாடப் புத்தகங்கள் (மெட்ரிக் பள்ளி மாணவர்களுக்கானது), பாடநூல் கழகத்தின் தலைமை அலுவலகத்திலும், மாநிலம் முழுவதும் உள்ள 22 வட்டார அலுவலகங்களிலும், 26ம் தேதி முதல் விற்பனை செய்யப்படும். மெட்ரிக் பள்ளி ஆய்வாளர்கள், பாடநூல் கழக வட்டார அலுவலர்களுடன் இணைந்து, புத்தகங்கள் விற்பனை பணியை மேற்கொள்வர். மெட்ரிக் பள்ளிகளின் முதல்வர்கள், அவரவர்களுக்கு தொடர்புடைய மெட்ரிக் பள்ளி ஆய்வாளர் அலுவலகத்தை தொடர்புகொண்டு, அவர்கள் ஒதுக்கும் நாள் மற்றும் நேரத்தில், பாடப் புத்தகங்களுக்கான தொகையை டிடி.,யாக செலுத்தி பெற்றுக்கொள்ளலாம்.

சென்னை பள்ளிகளுக்கு...:

சென்னையில் அதிகளவில் மெட்ரிக் பள்ளிகள் இருப்பதால், அனைத்துப் பள்ளிகளுக்கும் எவ்வித கால தாமதமும் இல்லாமல், உடனடியாக பாடப் புத்தகங்கள் கிடைப்பதற்கு ஏற்பாடுகள் செய்யப்பட்டுள்ளன. ஒரு பகுதியில் உள்ள சில பள்ளிகள் ஒருங்கிணைந்து, பாடநூல் கிடங்கில் இருந்து புத்தகங்களை, ஒரு மையத்திற்கு எடுத்துச்சென்று, இதர பள்ளிகளுக்கு பிரித்து வழங்க அறிவுறுத்தப்பட்டுள்ளது. 28,29 ஆகிய சனி, ஞாயிற்றுக் கிழமைகளிலும் பாடநூல் கிடங்குகள் இயங்கும்.

5 சதவீதம் கழிவு:

புத்தகங்களை தொகுப்பாகவோ அல்லது தனித்தனியாகவோ பெற்றுக்கொள்ளலாம். மெட்ரிக் பள்ளி முதல்வர்கள், 5 சதவீத கழிவு போக, மீதமுள்ள தொகைக்கு டிடி., கொடுத்து பெற்றுக்கொள்ளலாம். மாணவர்கள் வசதிக்காக, பாடநூல்கழக இணையதளத்திலும் (தீதீதீ.tஞுதுtஞணிணிடுஞிணிணூணீ.tண.ணடிஞி.டிண) பாடப் புத்தகங்கள் வெளியிடப்பட்டுள்ளன. இவ்வாறு கோபால் தெரிவித்துள்ளார்.

எல்லாமே 70 ரூபாய் :

தமிழ், ஆங்கிலம், கணிதம், அறிவியல், சமூக அறிவியல் ஆகிய ஐந்து பாடப் புத்தகங்களும், தனித்தனியாக தலா 70 ரூபாய்க்கு விற்பனை செய்யப்படும் என, பாட நூல் கழகம் அறிவித்துள்ளது. "செட்'டாக வாங்கினால், 350 ரூபாய்.

75 லட்சம் புத்தகங்கள் தயார்! :

பாடநூல்கழக வட்டாரங்கள் கூறும்போது,""பத்தாம் வகுப்பை, 10 லட்சம் மாணவர்கள் படிப்பார்கள் என கணக்கிட்டு, அதற்கேற்ப பாடப் புத்தகங்கள் அச்சிடப்பட்டுள்ளன. 75 லட்சம் பாடப் புத்தகங்கள் அச்சிடப்பட்டுள்ளன. எனவே, பற்றாக்குறை பிரச்னை வரவே வராது. மற்ற வகுப்புகளுக்கான புத்தகங்கள், படிப்படியாக பாடநூல் கழக குடோன்களுக்கு அனுப்பப்படும். மே 15 தேதிக்குள், அனைத்து வகுப்புகளுக்கான பாடப் புத்தகங்களும் தயாராகிவிடும்'' என்றனர்.

noreply@blogger.com (Unknown) — Thu, 26 Apr 2012 20:47:00 +0530

பாலியல் புகாரில் சிக்கும் ஆசிரியர்கள் இனி வேலையை இழப்பர்: அமைச்சர்

பாலியல் புகார்களில் சிக்கும் ஆசிரியர்கள் மீதான பிடியை இறுக்க, கல்வித்துறை திட்டமிட்டு உள்ளது. இந்தப் புகாரில் சிக்கும் ஆசிரியர்கள், டிஸ்மிஸ் செய்யப்படுவர் என துறை அமைச்சர் சிவபதி, ஏற்கனவே அறிவித்துள்ளார்.

தற்போது கூடுதலாக சம்பந்தபட்ட ஆசிரியர்களின் கல்வி சான்றிதழ்களை ரத்து செய்யலாம் எனவும், கல்வித்துறை பரிந்துரை செய்ய உள்ளது. மாணவியரிடம் பாலியல் ரீதியாக பிரச்னைகள் தரும் ஆசிரியர்களால், கல்வித் துறைக்கும், தமிழக அரசுக்கும் அவ்வப்போது தர்மசங்கடமான நிலை உருவாகிறது.

அமைச்சர் அறிவிப்பு: இதுபோன்ற புகார்களில் சிக்கும் ஆசிரியர்கள், உடனடியாக, "சஸ்பெண்ட்' செய்யப்படுகின்றனர். பின், சம்பள உயர்வு மற்றும் பதவி உயர்வுக்கு தடை உள்ளிட்ட, சில நடவடிக்கைகளை கல்வித்துறை எடுக்கும். ஆனாலும், இந்நடவடிக்கைகளால் ஆசிரியர்களுக்கு, பெரிய அளவில் பாதிப்பு எதுவும் ஏற்படாது.

இந்த விவகாரம் தொடர்பாக, 18ம் தேதி சட்டசபையில் பேசிய பள்ளிக்கல்வி அமைச்சர் சிவபதி, ""பாலியல் புகார்களில் சிக்கும் ஆசிரியர்கள் மீதான நடவடிக்கையை கடுமையாக்குவது குறித்து, அரசு ஆலோசித்து வருகிறது. அவர்களை, "டிஸ்மிஸ்' செய்யலாமா என்பது குறித்து, ஆலோசித்து வருகிறோம்,' என்றார்.

அதிரடி நடவடிக்கை: அமைச்சரின் இந்த அறிவிப்பை, வழக்கம்போல் வெறும், "மிரட்டல்' என்றே ஆசிரியர்கள் கருதினர். ஆனால், தற்போது இந்த விவகாரம், "சீரியசாக;' மாறியுள்ளது. பாலியல் புகாரில் சிக்கும் ஆசிரியர்கள் மீது, என்னென்ன நடவடிக்கைகள் எடுக்கலாம் என, பள்ளிக் கல்வித்துறை ஒரு அறிக்கையை தயாரித்து உள்ளது.

அதில் கூறப்பட்டுள்ளதாவது: ஒழுக்கத்தை போதிக்க வேண்டிய ஆசிரியர்களே, மாணவியரிடம் தவறாக நடப்பதும், பாலியல் புகார்களில் சிக்குவதும், சமுதாயத்திற்கு ஆரோக்கியமான விஷயம் கிடையாது. இதுபோன்று அவ்வப்போது நடக்கும் சில சம்பவங்கள், கல்வித்துறைக்கு பெரும் களங்கத்தை ஏற்படுத்துகின்றன. எனவே, இவர்களை பணியில் இருந்து நீக்குவதுடன், அவர்களின் சான்றிதழ்களை ரத்தும் செய்யலாம். அப்போதுதான், வரும் காலங்களில் இதுபோன்ற பிரச்னைகள் நடக்காது. இவ்வாறு, அதில் தெரிவிக்கப்பட்டு உள்ளது.

விரைவில் பரிந்துரை: இதையே, தமிழக அரசுக்கு பரிந்துரை அறிக்கையாக அனுப்ப, கல்வித்துறை திட்டமிட்டு உள்ளது. "டிஸ்மிஸ்' செய்தால், சம்பந்தபட்ட ஆசிரியர்கள், தனியார் வேலைகளிலாவது சேரலாம். ஆனால், அவர்களின் சான்றிதழ்களையே ரத்து செய்வது, அவர்களின் ஒட்டுமொத்த வாழ்க்கைக்கும் உலை வைப்பது போல் ஆகிவிடும்.

அதிகபட்சமாக, தவறு செய்யும் ஆசிரியர்களை, "டிஸ்மிஸ்' செய்ய அரசு முடிவெடுக்கும் எனவும்; சான்றிதழ்களை ரத்து செய்யும் முடிவை அரசு எடுக்காது என்றும் கோட்டை வட்டாரங்கள் தெரிவிக்கின்றன.

அரசு பள்ளிகள் மட்டும்தானா?: தமிழ்நாடு ஆசிரியர் முன்னேற்ற சங்கத்தின் தலைவர் தியாகராஜன் கூறியதாவது: பாலியல் புகார்கள், அரசு பள்ளிகளில் மட்டுமில்லாமல், தனியார் பள்ளிகளிலும் அதிகம் நடக்கின்றன. துறைரீதியாக விசாரித்து, புகார் உண்மை என முடிவானால், அதிகபட்சமாக என்ன தண்டனை வேண்டுமானாலும், அரசு வழங்கட்டும்; அதை ஏற்கிறோம். பல இடங்களில், பொய் புகார்கள் அதிகளவில் வருகின்றன. அதனால், தீர விசாரிப்பது அவசியம்.

அதேநேரத்தில், சான்றிதழ்களை ரத்து செய்வது சரியல்ல; ஏற்க முடியாதது. எதற்கெடுத்தாலும், அரசு பள்ளி ஆசிரியர்கள் மீதுதான் குற்றம் சாட்டப்படுகிறது. தனியார் பள்ளிகளில், பாலியல் கொடுமைகள் நடக்கின்றன. விஷயம் வெளியில் தெரிந்தால், சம்பந்தபட்ட ஆசிரியரை வேலை நீக்கம் செய்து விடுகின்றனர். பின்னர், அந்த ஆசிரியர் வேறு பள்ளியில் சேர்ந்து, மீண்டும் சேட்டை செய்வார். இவர்களை கட்டுப்படுத்த அரசு, முதலில் நடவடிக்கை எடுக்க வேண்டும். இவ்வாறு தியாகராஜன் கூறினார்.

noreply@blogger.com (Unknown) — Tue, 24 Apr 2012 21:44:00 +0530

பதவி உயர்வு பெறும் இடைநிலை ஆசிரியர்கள், இடைநிலை ஆசிரியர் நிலையில் உள்ள இதர ஆசிரியர்கள், உயர்நிலைப் பள்ளி தலைமை ஆசிரியர்களுக்கு, தனி ஊதியம் வழங்கப் படாது என, தெரிவிக்கப் பட்டு உள்ளது.

தமிழக அரசு ஊழியர்களுக்கான சம்பள விகிதம், 2009ல் திருத்தி அமைக்கப் பட்டது. இடை நிலை ஆசிரியர்கள், இடைநிலை ஆசிரியர் நிலையில் உள்ள பிறவகை ஆசிரியர்கள் மற்றும் உயர்நிலைப் பள்ளி தலைமை ஆசிரியர்கள் பணியிடத்தில் சாதாரண நிலையில் உள்ளவர்களுக்கு, மாதம் 500 ரூபாய் சிறப்புப் படி வழங்கப் பட்டது. இதற்கு மாற்றாக, 750 ரூபாய் தனி ஊதியம் அளிக்க, 2011 ஜனவரி முதல் தேதியில் இருந்து அனுமதிக்கப் பட்டது.

யார் தகுதியானவர்? :

இந்த தனி ஊதியம் தொடர்பாக பல்வேறு சந்தேகங்கள் எழுந்தன. இந்நிலையில் நிதித்துறை முதன்மைச் செயலர் சண்முகம் அளித்துள்ள விளக்கம்: சாதாரண நிலையில், 2011 ஜனவரி முதல் உள்ள இடைநிலை ஆசிரியர்கள், இடைநிலை ஆசிரியர் நிலையில் உள்ள பிறவகை ஆசிரியர்கள் மற்றும் உயர்நிலைப் பள்ளி தலைமை ஆசிரியர்களுக்கு, 750 ரூபாய் தனி ஊதியம் அனுமதிக்கப்பட்டுள்ளது. இவ்வாசிரியர்கள், 2011 ஜனவரிக்கு பின், தேர்வு நிலை அடையும் போதும், தர ஊதியத்தில் எவ்வித மாற்றமும் இல்லாமல், அவர்கள் பெற்று வரும் அடிப்படை சம்பளத்தில், மூன்று சதவீதத்துக்கு சமமான ஒரு ஊதிய உயர்வு மட்டுமே அளிக்கப்படுவதால், அவர்கள் இத்தனி ஊதியத்தை தொடர்ந்து பெறலாம். இந்த ஆசிரியர்களுக்கான தனி ஊதியம், ஆண்டு ஊதிய உயர்வுக்கும், அகவிலைப்படிக்கும், ஓய்வூதியத்துக்கும் கணக்கில் எடுத்துக் கொள்ளப்படும். இந்த ஆசிரியர்களுக்கு, 2010 ஆகஸ்ட் 1ம் தேதி முதல் அனுமதிக்கப்பட்ட சிறப்புப்படி, 500 ரூபாய்; 2006 ஜனவரிக்கு முன், தேர்வு நிலை, சிறப்பு நிலை எய்திய பணியிடங்களுக்கு மட்டுமே பொருந்தும். இந்த ஆசிரியர்கள் பதவி உயர்வு பெற்ற பின், உயர்பதவியில் சிறப்புப் படி தொடர்ந்து பெற தகுதியற்றவர்கள். இவ்வாறு, அவர் தெரிவித்துள்ளார்.

noreply@blogger.com (Unknown) — Sun, 22 Apr 2012 08:42:00 +0530

ஒன்று , இரண்டு மற்றும் மூன்று , நான்கு மற்றும் ஐந்து வகுப்புகளுக்கன் மதிப்பெண் பட்டியல் படிவம் மற்றும் மாணவர் வருகைக்கான படிவம் ஆகியவை பெற்றிட Please Click Below the Link

தொடக்க மற்றும் நடுநிலைப் பள்ளிகளுக்கான மதிப்பெண் பட்டியல் படிவங்கள்

Pay Commission Complaint

noreply@blogger.com (Unknown) — Sat, 21 Apr 2012 18:37:00 +0530

தமிழ்நாடு அரசின் ஊதியக் குறை தீர்க்கும் குழுவிடம் தங்கள் குறைகளைப் பதிவு செய்து கொள்ள 3.5.2012 கடைசி நாள் .

தங்களுக்கு ஏற்பட்ட ஊதியக்குழுவின் முரண்பாடுகளை நேரடியாகவோ அல்லது சங்கத்தின் மூலமாகவோ தெரிவிக்கலாம் . அதற்கான பதிவினை dspgrc@tn.gov.in என்ற மின்னஞ்சல் முகவரியில் 04-05-2012 க்கு முன் பதிவு செய்யவும்.

மேலும் விவரங்களுக்கு கிளிக் செய்க

noreply@blogger.com (Unknown) — Sat, 21 Apr 2012 07:54:00 +0530

வருங்கால வைப்பு நிதி சந்தாதாரர்கள், தங்களுக்கான பயனர் அடையாளம் மற்றும் கடவுச் சொல்லைப் பெற்றுக் கொள்ள வேண்டும் என அறிவுறுத்தப்பட்டுள்ளது.

வருங்கால வைப்பு நிதி ஆணையர் மதியழகன் வெளியிட்டுள்ள செய்திக் குறிப்பு: வைப்பு நிதி சந்தா செலுத்த, மின்னணு செலுத்துச் சீட்டு மற்றும் மாதாந்திர படிவம் எனும் திட்டம், கடந்த ஒன்றாம் தேதி கட்டாயமாக்கப்பட்டது. அதன்படி, மாதாந்திர வைப்பு நிதி சந்தா செலுத்திய உடனே, அந்தந்த தொழிலாளர்களின் வைப்பு நிதி கணக்குகள், தானாகவே புதுப்பிக்கப்பட்டு விடும். நிர்வாகத்தினர், இணையதளத்தில், சம்பந்தப்பட்ட படிவங்களை பூர்த்தி செய்த பின்னரே, வைப்பு நிதி சந்தா செலுத்த முடியும். விவரங்களை கொடுத்தபின், இணையதளம் மூலம், செலுத்துச் சீட்டு பெற்றுக் கொண்டு, வங்கிகளில் வைப்பு நிதி சந்தா செலுத்தலாம். வேறு எவ்வித படிவமும் செலுத்த வேண்டியதில்லை.

இப்புதிய நடைமுறைப்படி, அனைத்து நிர்வாகத்தினரும், தங்களுக்கான பயனர் அடையாளம் (user id) மற்றும் கடவுச்சொல் (password) பெற்றுக் கொள்ள வேண்டும். மேலும் விவரங்களுக்கு, www.epfindia.com அல்லது ro.tambaram@epfindia.gov.in என்ற மின்னஞ்சல் முகவரி மூலம், அல்லது, 044-22265332 என்ற தொலைபேசி மூலம் அறிந்து கொள்ளலாம். இவ்வாறு அந்த செய்திக் குறிப்பில் தெரிவிக்கப்பட்டுள்ளது.

noreply@blogger.com (Unknown) — Fri, 20 Apr 2012 22:36:00 +0530

ஆசிரியர்கள் பொது மாறுதல் கோரும் விண்ணப்பம்

noreply@blogger.com (Unknown) — Fri, 20 Apr 2012 22:33:00 +0530

ஆசிரியர் பணியிட மாறுதல் பற்றிய விவரம்