पोखरा विश्वविद्यालय साहित्य

त्यो कलेजको झ्याल बाट चिहाउने तिमी होइनौ by K.R. Dhakal

2019-01-15T15:34:00.001+05:45

त्यो कलेजको झ्याल बाट चिहाउने तिमी होइनौ ?
मेरो आँखा सँग आँखा जुधाउने तिमी होइनौ ?
म मौन छु, शालिन छु, क्यै सोचेकै छैन,
अनि फेरी मलाई हेर्दै मुस्काउने तिमी होइनौ ?
न त मैले चिनेको छु, न त नाता पर्छ,
तर फेरी कफी पिउन बोलाउने तिमी होइनौ ?
घरी दायाँ घरी बायाँ गर्दै मेरो पसलको,
अघी आई ओठ टोकी सर्माउने तिमी होइनौ ?
टाढा हुँदा लुकी हेर्ने, एक्लै के के के के सोच्ने,
झट्ट “ढकाल” अघि पर्दा लजाउने तिमी होइनौ ?

तिम्रो रुपले जुनको ज्योति निल्छ भनेका छन् by K.R. Dhakal

2019-01-15T15:31:00.001+05:45

तिम्रो रुपले जुनको ज्योति निल्छ भनेका छन्,
नौनी भन्दा कोमल तिम्रो दिल् छ भनेका छन्,
दुनियाँले हाँसो गर्दै गिज्याएको सुनेकी छौ ?
तिम्रो मेरो जोडि खुबै मिल्छ भनेका छन् ।

खेल देखाउन बाँकि नै छ बल्ल त अभ्यास भइरहेछ by Aavash Bhai

2019-01-15T15:29:00.002+05:45

खेल देखाउन बाँकि नै छ बल्ल त अभ्यास भइरहेछ #
'सबै अस्त्र परास्त गर्ने कलम हो' पूर्णविश्वास भइरहेछ ##
|| १ ||
जुन दिन मैले उसलाई महलमा आश्रय दिएको थिए #
त्यही दिनदेखि आफ्नो भने सडकमा बास भइरहेछ ##
|| २ ||
बिचरा भ्रस्टचारी बेइज्जत सहेर पनि बाँचिरहेछ #
मरेपनि सहिदले हेप्छन उसलाई यो सन्त्रास भइरहेछ ##
|| ३ ||
कोहि खान नपाएर त धेरै खान नजानेर मरिरहेछन #
धनिगरिब दुबैको मृत्युको कारण आखिर गास भइरहेछ ##
|| ४ ||
चोरेर मन कहाँसम्म जान्छौ? पख प्रमाण सहित पक्रन्छु#
जल, थल, वायुमण्डल सबैतिर तिम्रै तलाश भइरहेछ ##
|| ५ ||
स्वार्थी समाजमा इमान्दार हार्ने "आभाष" हुन थालेपछि #
समाहित हुनकै खांतिर ऊ अलिअलि बदमास भइरहेछ ##
|| ६ ||

परिवर्तन by K.R. Dhakal

2019-01-15T15:24:00.005+05:45

मैले समयलाई बदलेँ
वा समयले मलाइ बदल्यो ?
अब म शीवरात्रीमा ब्रत गर्दिन
बरु चिलम भरेर गाँजा तान्नेछु
मात्तिएर पाइला चाल्नेछु
भगवानको अघि यो शीर झुक्ने छैन,...
हरेक विहान शंख फुक्ने छैन,
रक्सी खाएर उफ्रनेछु,
दौरा सुरवाल र ढाका टोपी फालेर,
खैरो बनाउनेछु कपाल पालेर,
जीन्स पाइन्टमा टालो हाल्नेछु,
हातका औँलामा नङ्ग्रा पाल्नेछु,
मेरो हिँजोको स्प्लेन्डर बदलेर
हुटिट्याउँ जस्तो VR किन्नेछु
नाङ्ला जत्रा चस्मा लाएर हिन्नेछु
अब हिन्नेछु कपाल बाटेर
टुप्पी काटेर,
दुनिया ढाँटेर
ओ युवति
त्यतिबेला तिमी लिफ्ट माग्न नविर्सनु,
किनकी म परिवर्तन हुँदैछु,
अब म पनि आधुनिक हुँदैछु ।।
पर्ख,
पर्ख, म पनि चुरोट पिएर देखाइदिन्छु,
मोजमस्तिमै जीएर देखाइदिन्छु,
आउ सँगै बसेर चरेस तानौँ,
सुइ हानौँ,
आउ आठ दश जना कुटौँ,
दुइ चार हजार लुटौँ,
प्रेम गर्दिन,
अहँ, जलेर मर्दिन म,
बरु तिमीसँग रात कटाउँछु,
गर्भपात गराउन अस्पताल पठाउँछु,
आमाको खुट्टा मिच्ने हातले
म सुर्ति मिचेर देखाइदिन्छु,
टु पिस लाएर आउ,
म फोटा खिचेर देखाइदिन्छु,
ओ युवति,
तिमी नै होइनौ मलाई पाखे भन्ने?
तिमी नै होइनौ मलाई लोइरे भन्ने ?
अब म परिवर्तन भएर देखाइदिन्छु,
अब म आधुनिक भएर देखाइदिन्छु ।
अब,
बुद्धिचाल खेल्नुको सट्टा,
पुलहाउस धाउनेछु,
लोक गितलाई पाखा लाएर
हिपप र्याप गाउनेछु,
भजन किर्तन फालिसकेँ,
हिँजै मोबाइलमा Blue Film हालिसकेँ,
बैसाख एकलाई विर्सिएर
January 1st मा New Year मनाउँछु,
अब कहाँ आलु च्युरा खाने ?
शुद्ध भैँसीको सुकुटि मगाउँछु,
आउँदै गरेको Valentine's Day मा
म तिमीलाई Love Propose गर्नेछु,
तिमीले Accept गर्न नभुल्नु,
म तिमीसँग जीवन कटाउँदिन,
आउ बरु सँगै आजको रात कटाउँ,
स्विकार गरेर आउ,
किनकी,
म परिवर्तन भइसकेँ,
म आजैदेखि आधुनिक भइसकेँ ।।

म तिम्रै प्रेमी बन्न तयार छु by K.R. Dhakal

2019-01-15T15:19:00.003+05:45

म तिम्रै प्रेमी बन्न तयार छु ।
मायाको बाटो खन्न तयार छु ।
तिमी स्विकार्छ्यौ भने VALENTAIN'S DAY मा ।
फूल दिएर I LOVE YOU भन्न तयार छु ।

सारा काम जानेकी भित्र्याउँछु by K.R. Dhakal

2019-01-15T15:17:00.002+05:45

सारा काम जानेकी भित्र्याउँछु,
कुलको इज्यत धानेकी भित्र्याउँछु,
आफ्नो केही उपायै लाएन,
अब बाउले छानेकी भित्र्याउँछु ।

हरेक गल्तिहरु भुल हुँदैनन् by विश्वराज लामिछाने

2019-01-15T15:14:00.002+05:45

हरेक गल्तिहरु भुल हुँदैनन्
सबै पलासहरु फुल हुँदैनन्
बैँसमा स्याल घोर्ले बन्छ,
उर्लने खहरेहरु मुल हुँदैनन्
तर्न जङ्घार तरे पनि,
तार्ने साँघुहरु पुल हुदैनन्,
सबैको आफ्नै परिभाषा हुन्छ,
जमातहरु सँधै हुल हुँदैनन्

त्यसै त्यसै टोलाउँदा कती राम्री देखिएकी by Aahish Danai

2019-01-15T15:11:00.004+05:45

त्यसै त्यसै टोलाउँदा कती राम्री देखिएकी ।
यता हेर्दै लजाउँदा कती राम्री देखिएकी ।।
अरुबेला तिमीलाई सामान्य नै लाग्ने गर्थ्यो ।
त्यो कपाल फुकाउँदा कती राम्री देखिएकी ।
चुरा कस्तो सुहाएको सारी कस्तो सुहाएको ।
अझ गाजल लगाउँदा कती राम्री देखिएकी ।।
के मा चित्त बुझेन खै केही पत्तो पाईएन ।
थोरै थोरै रिसाउँदा कती राम्री देखिएकी ।
अरे राम्री देखिनुको पनी सिमा हुनुपर्छ ।
ठिकै लाग्थ्यौ आज आउँदा कती राम्री देखिएकी ।
आशिष माग्छु त्यो मुहारमा हाँसो सधै रहोस् ।
मन्द मन्द मुस्कुराउँदा कती राम्री देखिएकी ।।

हर चिजकी ज्ञाता तिमीलाई साष्टङ्ग प्रणाम by Aahish Danai

2019-01-15T15:07:00.004+05:45

हर चिजकी ज्ञाता तिमीलाई साष्टङ्ग प्रणाम
हे सरास्वती माता तिमीलाई साष्टङ्ग प्रणाम
सबैको आखाँकी नानी तिमी बिद्याकी खानी तिमी
हौ बिद्यार्थीकी छाता तिमीलाई साष्टङ्ग प्रणाम
अज्ञानलाई ज्ञानको ज्वती छर्न सक्ने तिमी
तिमी नै हौ बिधाता तिमीलाई साष्टङ्ग प्रणाम
तिमीसंग सदा ज्ञानको आशिष माग्ने गर्छु
तिमी ज्ञानकी दाता तिमीलाई साष्टङ्ग प्रणाम

दिन बिग्रन्छ अनि साता बिग्रन्छ by K.R. Dhakal

2019-01-15T14:54:00.001+05:45

दिन बिग्रन्छ अनि साता बिग्रन्छ ।
र यो जीन्दगीको खाता बिग्रन्छ ।।
सायद यो भाग्य नै टुटेर होला,
साउने झरीमै छाता बिग्रन्छ ।।
प्रेम कहानी बेबारिसे हुन्छन्,
जब डायरीको गाता बिग्रन्छ ।।
ए कान्छी!, मलाई "दाई" नभन,
नत्र तिम्रो मेरो नाता बिग्रन्छ ।।

टोलाएर बस्ने गर्छु तिमीलाई हेर्दै by Aahish Danai

2019-01-15T14:50:00.002+05:45

टोलाएर बस्ने गर्छु तिमीलाई हेर्दै
यो मनको प्यास भर्छु तिमीलाई हेर्दै
अरे मझ्नु पनी त मरेको थ्यो लैलाको प्यारमा
तिमी भन भर्खर मर्छु तिमीलाई हेर्दै

घरी घरी मलाई हेर्दै जिस्काउन बन्द गर by Ashish Danai

2019-01-14T23:38:00.001+05:45

घरी घरी मलाई हेर्दै जिस्काउन बन्द गर
बन्द गर झ्यालबाट चिहाउन बन्द गर

यसैपनी सराबी त्यो हेराई तिम्रो डर लाग्दो
त्यसमाथी तिमी गाजल लगाउन बन्द गर

घाईते हुन्छु तिम्ले हेर्दा नजरैको तिरबाट
त्यसैले तिमी नजर जुधाउन बन्द गर

खै के के भाछ थाहा छैन तिमीलाई भेटेदेखी
झनै सपनीमा आई सताउन बन्द गर

बोल्दिन म तिमीसंग कती पटक भनु मैले
फेरी पनी आशिष भन्दै बोलाउन बन्द गर

मुस्कान सँगै अलिकती प्यार मिसाएको भए by रोसन तल्कोटे

2019-01-14T23:36:00.002+05:45

मुस्कान सँगै अलिकती प्यार मिसाएको भए
यौबनको बसन्तमा बहार मिसाएको भए
जूनलाई हेरी रात त कटाउनु त पर्दैन थियो होला
परेलीमा सपनाको उपहार पठाएको भए।।।।।

नसम्झदैँ धेरै कुरा सम्झाउँछ मान्छे by Ayrus Dev

2019-01-14T23:34:00.002+05:45

नसम्झदैँ धेरै कुरा सम्झाउँछ मान्छे
के बुझ्छ अनि के बुझाँउछ मान्छे

अचम्म पर्छु दुनिया गुन्गुनाएको देख्दा
के सुन्छ अनि के गाँउछ मान्छे

यादहरुमा दिल जलेको बेला
न बिर्साउछ न सम्झाँउछ मान्छे

देख्दा लाग्छ यो बारुदे संसार
पड्कन्छ अनि हराँउछ मान्छे

यति लोभ छ यो संसारमा आखिर
स्वर्गबाट पनि एतै आँउछ मान्छे

आँफै घाम आँफै चुरोट by Ayrus Dev

2019-01-14T23:32:00.002+05:45

आकाश हेरेर जुनको बयान नगरे हुन्छ
चोरहरुले नै सगुनको बयान नगरे हुन्छ
अरे यार आँखाले नै धेरै कुरा बुझ्छु म त
बोलि बोलिमा उनको बयान नगरे हुन्छ

भासिदो धरातल टेकी आकाश नछुनु जीबनमा by Phr Prabesh Dhakal

2019-01-14T23:30:00.000+05:45

भासिदो धरातल टेकी आकाश नछुनु जीबनमा
बैगुनीका खातिर कहिल्यै नरुनु जीबनमा
अरे घात ,अरे घात त जस्ले जतिबेला नि गरिदिनसक्छ यहाँ
मात्रै एउटैको अघिपछि , कहिल्यै नहुनु जीबनमा

अल्टिमेटम by K.R. Dhakal

2019-01-14T23:27:00.001+05:45

टुप्पी पालेर कासी पस्दिन्छु ,
शरीरभरी भस्म घस्दिन्छु ,
एक महिनाको अल्टिमेटम दे'को छु ,
नत्र म ब्रम्हाचारी बस्दिन्छु ।।

जूनले मेरा आसुँको शित बनाउछु भन्यो by रोसन "तल्कोटे"

2019-01-14T23:24:00.003+05:45

जूनले मेरा आसुँको शित बनाउछु भन्यो
सारङिले मेरो रुवाइको गीत बनाउछु भन्यो
आस्वसान् दिनु को पनि त हद हुन्छ नि ए! जिन्दगी
हासो उठ्दो त झन महल सँग मेरो प्रित बनाउछु भन्यो ।।।।

बन्धकी राखेर मुटु हिफाजत नहुदो रहेछ by Aavash Bhai

2019-01-14T23:22:00.003+05:45

बन्धकी राखेर मुटु हिफाजत नहुदो रहेछ
फाटेपछी टालिएन, दुरुस्तै मर्मत नहुदो रहेछ

कब्जा गरियो यसरि कुनै सर्तमा छोडिन्न रे
नजरबन्दी बनाइयो अहँ जमानत नहुदो रहेछ

कस्तो दोधार न सम्झौता हुन्छ न बहिस्कार
आफ्नै भनि खोस्नलाई प्रेम जफत नहुदो रहेछ

अदृश्य चोटले भित्रै मुटु दुख्यो छाती जल्यो
देखाउनलाई प्रमाण बाहिरि खत नहुदो रहेछ

रोगीलाई अस्पताल छन् हत्यारालाई कारागार
मन चोर्नेलाई उजुरी दिने अदालत नहुदो रहेछ

सहरभरी कुकुर कै अभिनन्दन भइरहेछ

2019-01-14T23:19:00.001+05:45

सहरभरी कुकुर कै अभिनन्दन भइरहेछ
यसरी नयाँ नेपालको उद्घाटन भइरहेछ

उसको सिरानीमुनी योग्यताको चाङ थियो
बाध्य भएर त्यो युवा पलायन भइरहेछ

पत्थरकी पार्वती पुजा गर्छाै महाशय
आफ्नै गृहदेवीको मानमर्दन भइरहेछ

बुढी आमैको बास अचेल बगर तिरै छ
नयाँ चिहानको जहाँ उत्खनन भइरहेछ

केवल सत्ताको पुलिन्दा रहेछ हाम्रो रगत
सम्झी सम्झी यी घाउहरुमा ऐठन भइरहेछ

म बिर्सन खोज्छु ति पुराना दिनहरुलाई
नशालु नयनको याद झन्झन् भइरहेछ

जब ऐनामा आफ्नो अनुहार देख्छु by Ashish Danai

2019-01-14T23:16:00.004+05:45

जब ऐनामा आफ्नो अनुहार देख्छु
म आफुलाई बुबाकै साभार देख्छु

मलाई चोर डाकासंग डर लाग्दैन
डर लाग्छ जब सिँहदरबार देख्छु

अरे यो सरकार के गरिरहेछ ?
सधै सिमा मिचिएको समाचार देख्छु

उन्को रातो गुलाब फिर्ता पठाईदिएँ
अचेल प्रेममा पनी म ब्यापार देख्छु

मैले जिन्दगी देखी हार खाईसकेँ
न मर्न सक्छु न जिउने आधार देख्छु

साँच्चै तिमी लुटिएको रात परेर हो by विश्वराज लामिछाने

2019-01-14T23:14:00.003+05:45

साँच्चै तिमी लुटिएको रात परेर हो
त्यहि अभ्यस्त लुटेराको हात परेर हो

हदै भए एक दुई पटक चुमेर छाडिदिन्थ्यो

शरिरै छाडेन मदिराको मात परेर हो

मैले पूज्ने देउता पनि मर्यो अरे सुन्छु by विश्वराज लामिछाने

2019-01-14T23:13:00.000+05:45

मैले पूज्ने देउता पनि मर्यो अरे सुन्छु
मगमगाउने डालीको फूल झर्यो अरे सुन्छु

उडाउँदा सप्नाहरु बगाउँदा रहरहरु
चरीले नि आफ्नो बसाईँ सर्यो अरे सुन्छु

वेसाहारा बेवारिस भौँतारीदा साथ खोज्दै
निर्दयीको पापी जालमा पर्यो अरे सुन्छु

आँशु पीडा यातनाले सीमा काटेपछी
पिँजडा मै आत्म हत्त्या गर्यो अरे सुन्छु

आज राती यो के भयो निन्द्रै लागेन by Ashish Danai

2019-01-14T23:10:00.001+05:45

आज राती यो के भयो निन्द्रै लागेन
अब भन गरौ कसो निन्द्रै लागेन

दिनरातै उनैलाई सम्झिरहन्छु
मायाँ बस्यो कि के हो निन्द्रै लागेन

आँखा अगाडी उन्कै तस्बिर आउँछ
लौ हजुर बर्बाद भो निन्द्रै लागेन

कोल्टे फेर्दैमा उज्यालो हुन्छ जस्तो छ
मैले साच्चिकै भनेको निन्द्रा लागेन

आउनुहोस् यहाँ चिनीदेखी नुनसम्म पाईन्छ by Ashish Danai

2019-01-14T23:08:00.002+05:45

आउनुहोस् यहाँ चिनीदेखी नुनसम्म पाईन्छ
र पाईन्छ चामलदेखी तिहुनसम्म पाईन्छ

चकलेट, बिस्कुट, चिउरा, भुजा भन्नै परेन
चना, केराउ, प्याजदेखी लसुनसम्म पाईन्छ

ग्याँस , चामल जस्ता बस्तु घरसम्मै पुर्याईन्छ
हो हजुर यहाँ ग्याँसदेखी साबुनसम्म पाईन्छ

कृपया बताउनुहोस् हजुरलाई के चाहिन्छ ?
हामीकहाँ मसलादेखी भुटुनसम्म पाईन्छ