Use Online Banking

इंटरनेट जगतातला धोकायदायक पासवर्ड

noreply@blogger.com (Anonymous) — Tue, 11 Mar 2014 02:19:00 +0000

नमस्कार मित्रांनो आपण सर्व इंटरनेट युजर आहात मग आपण एक लक्षात ठेवा इंटरनेट जगतातला सर्वात साधा आणि सोपा पासवर्ड आहे 123456 आणि या आधी २०१२ साली सर्वात लोकप्रिय पासवर्ड होता password. जगातील लाखो इंटरनेट युजर्स या पासवर्डचा वापर करत होते.

जर तुम्हीही असाच पासवर्ड वापरत असाल, तर तो त्वरीत बदलून टाकणे कधीही चांगले आहे. यामुळे तुमच्या बँक अकाऊंटपासून, इंटरनेट जगताशील सर्वच गोष्टी सुरक्षित राहणार आहे.

इंटरनेट सिक्योरिटी डेव्हलपर कंपनी स्प्लॅश डेटाने २०१३ च्या खराब पासवर्डची एक यादी तयार केली आहे. यावरून 123456 हा पासवर्ड सर्वात जास्त वेळेस, सर्वात जास्त युझर्सने वापरला आहे.

ही यादी चोरले गेलेले आणि पोस्ट केलेल्या पासवर्डच्या आधारावर बनवण्यात आलेली आहे. 123456 हा पास १३ कोटी युझर्सने २० लाख वेळेस वापरला आहे.

विज बिल ऑनलाईन भरणा कसा करावा.

noreply@blogger.com (Anonymous) — Thu, 06 Sep 2012 09:23:00 +0000

वीज बिल भरण्यासाठी ग्राहकांना आता रांगेत उभे राहण्याची झंझट उरणार नाही, किंवा कार्यालय बंद झाले म्हणून उद्यावर बिल भरणा ढकलता येणार नाही. कारण, आता वीज कंपनीतर्फे जिल्ह्यातील 11 बिलिंग युनिटच्या क्षेत्रातील लघुदाब वीज ग्राहकांसाठी इंटरनेटवरून बिल भरण्याची सुविधा उपलब्ध करून दिली आहे. या सुविधेमुळे ग्राहकांना घरबसल्या किंवा सायबर कॅफेतून बिल भरता येईल.

वीज कंपनीतर्फे ग्राहकांना दरमहा बिल देण्यात येते. बिल प्राप्त झाल्यावर ग्राहकांना ते वीज कंपनीच्या विविध भरणा केंद्रात स्वतः जाऊन भरावे लागते. तेथे काही वेळेस गर्दी असल्यास रांगेत ताटकळावे लागते. ग्राहकांचा वेळ वाया जातो. ही बाब लक्षात घेऊन आता वीज कंपनीतर्फे माहिती तंत्रज्ञानाच्या साहाय्याने ग्राहक सेवेत सुधारणा करण्याच्या दिशेने प्रयत्न सुरू आहेत. त्याचाच एक भाग म्हणून सर्व लघुदाब वीज ग्राहकांना बिले इंटरनेटवरून क्रेडिट कार्ड, डेबिट कार्ड व नेट बॅंकेने भरता येतील. महावितरण कंपनीने बॅंकेच्या साहाय्याने स्वतःची पेमेंट गेटवे सुविधा सुरू केली आहे.
कसे भराल बिल
इंटरनेटच्या माध्यमातून वीजबिल भरण्यासाठी महावितरणाच्या http://billing.mahadiscom.in/ या संकेतस्थळावर जाऊन ग्राहक आपले बिल पाहू शकतात. बिलावर उपलब्ध असलेला ग्राहक क्रमांक व बिलिंग युनिट क्रमांक टाकून इंटरनेटद्वारे बिल कसे भरावे याची कार्यपद्धती संकेतस्थळावर उपलब्ध करून दिली आहे. या योजनेचा आतापर्यंत अनेक ग्राहकांनी लाभ घेतला आहे. याशिवाय या सुविधेच्या संदर्भात अधिक माहिती व तक्रारीसाठी महावितरण कंपनीने मुंबईतील प्रकाशगड मुख्य कार्यालयात एक विशेष सहाय्यता केंद्र सुरू केले आहे. या ग्राहक केंद्राशी helpdesk-pg@mahadiscom.in या इ-मेलवर संपर्क करू शकतात. जिल्ह्यातील ग्राहकांनी सुविधेचा लाभ घ्यावा, असे आवाहन श्री. परदेशी यांनी केले आहे.

मोबाइल बँकिंगनंतर आता टॅब्लेट बँकिंग

noreply@blogger.com (Anonymous) — Mon, 03 Sep 2012 16:31:00 +0000

इंटरनेट बँकिंग, मोबाइल बँकिंगच्या अत्याधुनिक सुविधा उपलब्ध असतानाच आता बँकिंग जगताने नव्याने होऊ घातलेली टॅब्लेट क्रांती कॅश करण्याचा विचार केला आहे. त्यासाठी ‘टॅब बँकिंग’ ही नवी सेवा सुरू करून खासगी क्षेत्रात अग्रणी असलेल्या बँकांनी पहिले पाऊल टाकले आहे. या सुविधेमुळे ग्राहकांना आता खाते उघडण्यासाठी बँकांच्या शाखेत हेलपाटे न मारता घरच्या घरी किंवा कार्यालयातच ते उघडता येऊ शकेल. केवळ इतकेच नाही, तर आणखी चार नवीन सेवा बँकांनी उपलब्ध करून दिल्या आहेत.
ग्राहकांना अखंडित व आनंदपूर्ण अनुभव देण्यासाठी 5 एमपी कॅमेरा व जलद प्रोसेसर असलेला हाय-एंड कस्टमाइज्ड टॅब्लेट ही या उत्पादनाची वैशिष्ट्ये आहेत.बँक अधिकारी या टॅब्लेटमार्फत अर्ज भरण्यासाठी ग्राहकांना मदत करतात. यामध्ये बिल्ट-इन तपासणीची सोय आहे, ज्यामुळे अर्जातील सर्व तपशील बरोबर असल्याची आणि आवश्यक ती सर्व माहिती बरोबर घेतल्याची खात्री मिळते.
ग्राहकाचा फोटो घेण्यासाठी आणि त्याची केवायसी कागदपत्रे स्कॅन करण्यासाठी उपयोग. त्यामुळे प्रत्यक्ष दस्तऐवज सादर करण्याची गरज नाही. माहिती पूर्ण भरून झाली की, ती तातडीने बॅक-एंड यंत्रणेत अपलोड केली जाते आणि यामुळे बँक खाते उघडण्याची प्रक्रिया झटपट होण्यास मदत होते. बँकेच्या अधिका-यांना आमच्या इंटरनेट बँकिंग आणि मोबाइल बँकिंग माध्यमांविषयी व अन्य उत्पादनांविषयी ऑडिओ व्हिज्युअल प्रात्यक्षिक दाखवता येईल.
ग्राहकांच्या विविध प्रश्नांना उत्तरे देण्यासाठी टॅब्लेटमध्ये विविध साधने व कॅल्क्युलेटर इन-बिल्ट आहेत. उदा. ज्या प्रकारे मासिक सरासरी बाकी मोजली जाते किंवा मुदत ठेवीचे व्याजदर कालावधीशी जोडले जातात वा ग्राहकांना ब्रँच लोकेटरविषयी सांगितले जाते.
24 बाय 7 इलेक्ट्रॉनिक शाखा
बँकेने 24 * 7 इलेक्ट्रॉनिक शाखा दाखल केल्या आहेत, ज्या सर्व बँकिंग व्यवहारांसाठी वन-स्टॉप शॉप आहेत. ग्राहकांना त्यांच्या सोयीच्या वेळेनुसार, विविध ऑटोमेटेड उपकरणांच्या व किऑस्कच्या मदतीने स्वत:चे स्वत: व्यवहार करता येतील.
इलेक्ट्रॉनिक शाखा चेक डिपॉझिट मशीन, डेबिट कार्ड स्वाइप करून इंटरनेट बँकिंग सेवा वापरता येईल असे संवादात्मक किऑस्क, तातडीने पैसे जमा करणारे कॅश डिपॉझिट मशीन आणि आयसीआयसीआय बँकेच्या कस्टमर केअर कर्मचाºयासोबत चोवीस तास व्हिडिओ कॉन्फरन्सिंग अशा सुविधा देतात. सध्या 18 ठिकाणी 25 इलेक्ट्रॉनिक शाखा आहेत.
ग्राहकांचा फायदा असा :
ग्राहकांना घरात बसून खाते उघडता येईल. फोटो काढण्यासाठी वा केवायसी कागदांच्या प्रती काढण्यासाठीही घराबाहेर जावे लागणार नाही. खाते उघडण्याची प्रक्रिया विनासायास असेल. ग्राहकांना प्रात्यक्षिक पाहता येईल. इंटरनेट व मोबाइल बँकिंग माध्यमांविषयी माहिती करून घेता येईल तसेच सर्व उत्पादने पाहून त्यातून योग्य त्या उत्पादनाची निवड करता येऊ शकेल. ज्या सर्व गोष्टी वेळ व ठिकाणाच्या सोयीनुसार करता येतील

एनईएफटी व्यवहार

noreply@blogger.com (Anonymous) — Sun, 02 Sep 2012 15:20:00 +0000

इंटरनेटद्वारे बँकिंग व्यवहार करणे हे आपल्याकडे आता काही नवीन बाब राहिलेली नाही. देशातील बहुराष्ट्रीय व खासगी क्षेत्रातील बँकांनी इंटरनेट बँकिंग आपल्यादेशात सर्वात पहिल्यांदा आणले. आता या स्पर्धेत सार्वजनिक क्षेत्रातील बँकांनी उडी घेतली आहे. एक बाब लक्षात घेतली पाहिजे की, या इंटरनेट बँकिंगव्दारे व्यवहार करताना ही सेवा देणाऱ्या बँकांनी सुरक्षिततेला महत्त्व दिले आहे. सुरुवातीला अनेकांना इंटरनेट बँकिंगच्या सुरक्षिततेबाबत शंका वाटत असता. परंतु ही पध्दती अत्यंत सुरक्षित आहे, असे सर्वात प्रथम नमूद करावेसे वाटते. अशा प्रकारे तुम्ही अत्यंत सुरक्षित पध्दतीने घरबसल्या बँक खात्यातील आपले व्यवहार काय झाले आहेत ते तपासू शकतो. किंवा कोणतेही व्यवहार करु शकतो. त्याच्या जोडीला अनेक मूल्यवर्धीत सेवांचा लाभ आपल्याला इंटरनेट बँकिंगच्या माध्यमातून घेता येतो.

टी.डी.एस. चौकशी

गेल्या आर्थिक वर्षांत तुमच्या खात्यातून प्राप्ति कर किती कापण्यात आला हे तुम्ही पाहू शकता. त्याचबरोबर चालू आर्थिक वर्षांत तुम्हाला किती कर द्यावयाचा आहे तसेच तुम्ही किती कर भरावयाचा आहे हे सर्व व्यवहार तुम्हाला इंटरनेट बँकिंगव्दारे पहाता येतील. तुमच्या खात्यात व्याजाची रक्कम १०,००० रुपये झाली की, त्यावर टी.डी.एस. कापला जातो. तुमच्या खात्यातील टी.डी.एस.ची स्थिती तपासण्यासाठी केवळ ३० मिनिटे खर्च करावी लागतील. अशा प्रकारे तुम्हाला कर विषयक नियोजन घरी बसून करता येईल. बँक अधिकाऱ्याच्या सहीने दिलेले टी.डी.एस. प्रमाणपत्र प्राप्तिकर खात्यात सादर करता येईल.

डिमांड ड्राफ्ट मिळविणे

इंटरनेट बँकिंगच्या माध्यमातून तुम्हाला घर बसल्या डिमांड ड्राफ्ट मिळणे अतिशय सोपे झाले आहे. बँकेच्या वेबसाईटवर जाऊन डिमांड ड्राफ्टसाठी रक्कम कपात करण्याचा आदेश तुम्ही तुमच्या खात्यात दिला की, तुम्हाला ज्या खात्यात रक्कम पाठवायची असेल तेथे काही क्षणात पोहोचते. त्यानंतर ड्राफ्ट घरपोच पोहोचविणे किंवा त्याची डिलिव्हरी तुम्ही स्वत: बँकेतून जाऊन घेणे असे दोन पर्याय स्वीकारु शकता. अनेक सार्वजनिक क्षेत्रातील बँकांनी १० हजार रुपयापर्यंतच्या ड्राफ्टवरील कमिशन माफ केले आहे. त्यानंतर एक लाख ते पाच लाख रुपयांवरील ड्राफ्टवर १०० रुपये कमिशन आकारले जाते.

बँकअंतर्गत निधी हस्तांतरण

देशातील बँकांमध्ये इलेक्ट्रॉनिक पध्दतीने बँक अंतर्गत निधी हस्तांतरीत करण्यात येतो. यासाठी दोन प्रकारच्या पध्दती अस्तित्वात आहेत. यातील पहिल्या पध्दतीनुसार नॅशनल इलेक्ट्रॉनिक्स फंड ट्रान्फर नुसार निधी हस्तांतरीत केला जातो. यात रिझव्‍‌र्ह बँक ही सेवा पुरविते. त्यांच्या मार्फत हे पैसे हस्तांतरीत केले जातात. या सेवेव्दारे किमान कितीही व जास्तीत जास्त पाच लाख रुपयांची रक्कम हस्तांतरीत केला जाते. दुसऱ्या पध्दतीनुसार, एन.ई.एफ.टी. ही सेवा सोमवार ते शुक्रवार सकाळी ८ ते ११.३० वाजेपर्यंत उपलब्ध असते. यात आलेले पैसे रिझव्‍‌र्ह बँकेकडे पाठविले जातात आणि तेथून ती रक्कम संबंधीत खात्यात पाठविली जाते.

बिल पेमेंट

ही एक सर्वात मोठी सुविधा इंटरनेटव्दारे सेवेव्दारे उपलब्ध झाली आहे. या सेवेचा वापर करुन आपण वेळ, आपली उर्जा वाचवू शकतो. त्याहून सर्वात महत्त्वाचे म्हणजे यात बिल भरण्याचा आपण विलंब यात टाळू शकतो. दरमहा प्रत्येक बिलासाठी चेक लिहणे आपण यातून टाळू शकतो. बिल भरण्यासाठी असणाऱ्या लांब रांगेत उभे राहाण्याची आपल्याला गरज भासत नाही. इंटरनेटच्या माध्यमातून आपण अशा प्रकारे एका झटक्यात बिलाचा भरणा करु शकतो. यासाठी तुम्हाला बँकेच्या वेबसाईटला भेट देऊन तेथे असलेल्या सूचनांनुसार क्लिक केल्यावर क्षणात तुमच्या खात्यातून पैसे वजा होऊन बिलाचा भरणा केला जातो. तुमचे बिल भरले गेल्यावर तुम्हाला एस.एम.एस. देखील येतो. टेलिफोन, विज, विमा, क्रेडिट कार्ड व अन्य बिले भरण्याची सोय या सेवेव्दारे उपलब्ध होते. वर्षांतले ३६५ दिवस व २४ तासात कधीही आपण या सेवेचा लाभ घेऊ शकतो. त्याचबरोबर या बिलांच्या रकमेवर जास्तीत जास्त निधीचा कॅप ठेऊन आपण बिल भरण्याची स्टँडिंग ऑर्डरही देऊ शकतो. इंटरनेट बँकिंगचे व्यवहार करीत असताना काही सुरक्षिततेचे नियम पाळणे गरजेचे असते. सर्वात महत्त्वाचे म्हणजे तुमचा पासवर्ड गुप्त ठेवणे आवश्यक आहे. तसेच सतत पासवर्ड बदलत राहा.

बँकेत नविन खाते कसे उघडावे

noreply@blogger.com (Anonymous) — Sat, 01 Sep 2012 17:18:00 +0000

फायदे
आपली कमाई सुरक्षित ठेवणे,
बचत केलेल्या रकमेवर व्याज प्राप्त करण्यासाठी,
तिस-या पक्षाकडून पैसा जमा करुन घेण्यासाठी (चेक, बँक ड्राफ्ट, रोख किंवा ऑनलाईन)
यूटिलिटी बिलाचा भरणा करण्यासाठी (उदा. एलआयसी प्रीमियम, ट्रेनचे तिकीट बुकींग)
बँकेत खाते उघडण्यासाठी काय गरजेचे आहे
भरलेला अर्ज (हा संबंधित बँकेच्या शाखेतून घेता येतो)
दोन पासपोर्ट आकाराचे रंगीत फोटो.
ओळखपत्राची झेरॉक्स कॉपी
राहत्या पत्त्याची झेरॉक्स कॉपी
रोख रु. १००० (ही रक्कम प्रत्येक बँकेनुसार बदलते)
एक गॅरंटर (ज्याचे त्या आगोदर बँकेत खाते आहे) जो आपल्या अर्जावर सही करेल
सूचना: ओळकखपत्र आणि राहत्या पत्त्याच्या प्रमाणासाठी दोन वेगवेगळे कागद प्रस्तूत केले जावेत.
ओळखपत्र म्हणून दिल्या जाणा-या प्रमाणासाठी खालीलपैकी कोणतीही वस्तू वापरता येते :
पासपोर्ट (पत्ता वेगळा असतो अशा वेळी),
मतदान ओळखपत्र,
पॅनकार्ड,
सरकारी/ सैनिक ओळखपत्र,
एखाद्या मान्यताप्राप्त कंपनीचे ओळखपत्र,
वाहन परवाना
पोस्ट ऑफिसने जारी केलेले फोटो आयडी कार्ड
राहत्या पत्त्याच्या प्रमाणासाठी खालील पैकी कोणताही कागद लावता येतो :
क्रेडिट कार्ड स्टेटमेंट
पगार-पावती (पत्त्यासकट)
आयकर/ संपत्ति कर निर्धारण आदेश
वीज बिल
दूरध्वनी बिल
बँक खाते स्टेटमेंट
एखाद्या मान्यताप्राप्त कंपनीचे ओळखपत्र
कोणत्याही मान्यताप्राप्त सार्वजनिक प्राधिकरणाकडून पत्र
रेशन कार्ड
एलपी गॅस बिल
एकदा खाते उघडल्यावर, आपल्याला खालील कागदपत्र मिळतील :
आपल्या नावाचे फोटो असलेले पासबुक
एटीएम आणि डेबिट कार्ड (ह्यासाठी कमीतकमी दोन आठवडे लागतात)
चेक बुक (ह्यासाठीदेखील दोन आठवडे कमीतकमी लागतात)

भारतीय बँकिंग व माहिती तंत्रज्ञान

noreply@blogger.com (Anonymous) — Wed, 22 Aug 2012 14:41:00 +0000

भारतात १९९०च्या दशकात माहिती तंत्रज्ञानाचा विकास आणि विस्तार इतक्या प्रचंड वेगाने झाला की, आज त्याने आपणा सर्वाचे अवघे आयुष्यच व्यापले आहे. संगणकाद्वारे होणारे व्यवहार तर आता अपरिहार्य झालेच आहेत, त्याचबरोबर ते आता काळाची गरजही झालेत. बँकिंगचे व्यवहारसुद्धा याला काही अपवाद नाहीत.
व्यवहारातील गतिमानता, अधिक अचूकता, वेगवान विस्तार, इ. फायदे ओळखून भारतात बँकांनी आपल्या व्यवहारात माहिती तंत्रज्ञानाचा वापर सर्वप्रथम सुरू केला. अगदी प्रारंभी आपल्या रोजगारावर गदा येईल, या भीतीपोटी कामगार संघटनांनी संगणकीकरणास विरोध केला होता, परंतु आता तो विरोध नाहीसा झाला आहे.
राष्ट्रीयीकरणानंतर बँकांचा शाखाविस्तार फार मोठय़ा प्रमाणात हाती घेण्यात आला. ठेवी-कर्जे यांचे प्रमाण वाढले. परिणामी अगदी अलीकडेपर्यंत पैसे काढायचे असोत की ठेवायचे असोत, कर्जे घेणे असो की धनाकर्ष (डी.डी.) काढणे असो, तासन् तास बिचारा ग्राहक रांगेत उभा, मोठाली लेजर बुक्स, फायलींची गाठोडी, कारकुनी व्यवहार, इ.मध्ये भारतीय बँकिंग गुदमरले होते.
या सगळ्याच्या शेवटाचा प्रारंभ झाला एम. नरसिंहम यांच्या अहवालानंतर. भारतीय बँकांची कार्यक्षमता व स्पर्धात्मकता वाढविणे, तसेच त्यांनी नफाक्षमता सुधारणे यासाठी बँकांचे संपूर्ण संगणकीकरण शक्य तितक्या लवकर करण्याची शिफारस नरसिंहम यांनी केली आणि गेल्या दहा वर्षांतील त्याचे दृश्य परिणाम आपल्याला आता दिसू लागले आहेत. आजकाल आपणास सर्वच बँकिंग (एनीव्हेअर बँकिंग), सर्वकाळ बँकिंग (एनीटाइम बँकिंग), २४x७x३६५ बँकिंग, स्वयंचलित निष्कासन यंत्र एटीएम, मोबाइल बँकिंग, इंटरनेट बँकिंग यांसारख्या सुविधा उपलब्ध झालेल्या आहेत. बँक व्यवहारात विक्रमी वेळेत व्यवहार पूर्ण करणे, कमीतकमी खर्चात व्यवहार करणे, अधिक कार्यक्षमपणे व अचूकतेने व्यवहार पूर्ण करून ग्राहकाची मर्जी राखणे यासाठी माहिती तंत्रज्ञानाच्या वापराला पर्याय अजिबात नाही.
बँकिंगमध्ये माहिती तंत्रज्ञानाचा अधिकाधिक वापर व्हावा. ग्राहकांना तत्पर कार्यक्षम सेवा मिळावी, बँकांची स्पर्धात्मकता वाढावी, या हेतूने रिझव्‍‌र्ह बँकेने १९९७ मध्ये हैदराबाद येथे इन्स्टिटय़ूट फॉर डेव्हलपमेंट अ‍ॅण्ड रिसर्च इन बँकिंग टेक्नॉलॉजी (आयडीआरबीटी) या संस्थेची स्थापना केली आहे. या संस्थेने इंडियन फिनान्शियल नेटवर्क (इनफिनेट) यंत्रणा विकसित केली आहे. सन २००० मध्ये भारतात फक्त ४००० एटीएम्स कार्यरत होती. गेल्या नऊ वर्षांत त्यात दहा पटीपेक्षा अधिक वाढ झाली आहे आणि आज भारतात ४४ हजार ९०० पेक्षा जास्त एटीएम्स वेगवेगळ्या बँकांनी बसविली आहेत. विशेष म्हणजे ही सर्व यंत्रे उच्च तंत्रज्ञानाचा वापर करून एकमेकांशी जोडली आहेत. परिणामी तुमचे क्रेडिट/डेबिट/एटीएम कार्ड महाराष्ट्रातील बँकेने जरी जारी केलेले असले, तरीही तुम्ही तुमचे पैसे अन्य कोणत्याही बँकांच्या एटीएममधून अगदी कोठूनही विनासायास काढू शकता. ग्रामीण भारतात भाषेचा अडसर निर्माण होऊ नये, म्हणून बायोमेट्रिक्स एटीएम्ससुद्धा सुरू होत आहेत.
माहिती तंत्रज्ञान व वाढती उलाढाल : भारतीय वित्त व्यवस्थेच्या वाढत्या विकासाबरोबरच वित्तीय व्यवहारांचे प्रमाणही वेगाने वाढत आहेत. २००५ मध्ये रिझव्‍‌र्ह बँक दरमहा साधारणत: २.७० लक्ष व्यवहार पार पाडत असे. सध्या दरमहा ही संख्या ४० लाखांवर गेली आहे. हे सर्व व्यवहार इलेक्ट्रॉनिक्स पद्धतीने पार पाडले जातात. २००१ मध्ये एकूण वित्तीय व्यवहाराच्या अर्धा टक्का एवढेच व्यवहार इलेक्ट्रॉनिक्स स्वरूपात होते, आता असे व्यवहार दरवर्षी ३० कोटीपर्यंत पोहोचले आहेत. यातील अगदी अलीकडील सुधारणा म्हणजे रियल टाइम ग्रॉस सेटलमेंट किंवा आरटीजीएस होय. या प्रकारच्या व्यवहारात वेळेचा अजिबात अपव्यय होत नाही. जसे तुम्ही तुमच्या मित्राला काही पैसे देणे आहात. तुम्ही आहात मुंबईत आणि मित्र आहे सिल्चरला. तुम्ही तुमच्या मित्राच्या बँकेच्या इथल्या शाखेत त्याच्या खात्यावर पैसे जमा करताच, तत्क्षणी त्याला तेथे पैसे प्राप्त होतात. बॅसल तत्त्वास अनुरूप अशी ही सुधारणा आहे. २००४ मध्ये भारतातील ४८०० शाखांतून सुरू असलेली आरटीजीएस ही सुविधा आता ५५ हजार शाखांमधून भारतभर विस्तारली आहे. नॅशनल इलेक्ट्रॉनिक फंड ट्रान्सफर (एनईएफटी) किंवा ‘निफ्ट’ यंत्रणा कार्यरत आहे. रिझव्‍‌र्ह बँकेच्या अलीकडील माहितीनुसार भारतीय बँकांनी १६७ दशलक्ष क्रेडिट/डेबिट कार्डे ग्राहकांना दिली आहेत. ७६ दशलक्ष किसान क्रेडिट कार्डेही उपलब्ध करून दिलेली आहेत. तरीही बँकांना याबाबतीत प्रचंड संधी अद्याप आहेत, कारण अद्याप ४०३ दशलक्ष मोबाइलधारकांपैकी १८७ दशलक्ष (४० टक्के) लोकांचे बँकेत खाते नाही. या व्यक्ती बँकांच्या संभाव्य ग्राहक होऊ शकतात.
बँकिंगमधील माहिती तंत्रज्ञानाचे फायदे : कोणत्याही क्षेत्रात नवीन तंत्र येत असताना त्यास मोठा विरोध होत असतो. लोकांच्या मनात त्याबाबत भीती किंवा असुरक्षितता असते, परंतु संगणकीकरण किंवा वर उल्लेखलेल्या माहिती तंत्रज्ञानाचे बहुविध फायदे आपण लक्षात घेणे आवश्यक आहे. सर्वप्रथम वित्तीय व्यवहारात गतिमानता येते, व्यवहारात सुसूत्रता आणि अचूकता येते, सुरक्षितता वाढते, गोपनीयता वाढते, ग्राहकाचे पैसे, वेळ आणि श्रम वाचतात. तसेच बँकांची कार्यक्षमता, नफाक्षमता वाढून देशात सुदृढ बँकिंग व्यवस्था प्रस्थापित करणे शक्य होते.
भविष्यातील आव्हाने : सप्टेंबर १९९९ ते मार्च २००८ पर्यंत सार्वजनिक क्षेत्रातील बँकांनी १५,०१६ कोटी रुपये संगणकीकरण आणि नेटवर्किंगसाठी खर्ची घातलेत. मार्च २००८ पर्यंत ३५,००० शाखांमधून कोअर बँकिंग सुविधा उपलब्ध करून दिली आहे. भारतीय बँकांच्या ९४ टक्के शाखांचे संगणकीकरण पूर्ण झाले आहे. असे असले तरीही माहिती तंत्रज्ञानाच्या वापरातून बँकिंगचे जाळे सर्वदूर विस्तारणे आवश्यक आहे. ग्रामीण बँकविरहित क्षेत्रात, निमशहरी भागातील लोकांना या सुविधा मिळणे आवश्यक आहे. अन्यथा आर्थिक दरी, डिजिटल दरीप्रमाणेच वित्तीय दरीसुद्धा निर्माण होईल.
स्मार्टकार्ड तंत्राचा वापर करणे, फिरती एटीएम्स सुरू करणे, भारतात दीड लाखाहून अधिक असणाऱ्या टपाल कार्यालयांचा विक्री केंद्रे (पीओएस) म्हणून वापर करता येईल. ग्रामीण भागात वीजतुटवडा असल्याने या यंत्रणांच्या वापरावर मर्यादा जरूर येतील, परंतु सौरऊर्जेसारख्या माध्यमातून त्यावर मात करणे सहजशक्य आहे.
ब्रॉडबँड आता खेडय़ापाडय़ांतही पोहोचतेय, मोबाइलधारकांची संख्या तर कोटींच्या घरात आहे. तळहातातील मोबाइलमधील आयसी हा स्मार्टकार्ड म्हणून वापरता आल्यास भारतातील प्रत्येक मोबाइलधारकास बँकिंग व्यवहारात आणता येईल. परिणामी वित्तीय समावेशकता (फिनान्शियल इन्क्लुजन) खऱ्या अर्थाने साध्य करणे शक्य होईल. याहीपलीकडे जाऊन व्हीएसएटी (व्हीसॅट) तंत्रज्ञानाद्वारेही बँकिंगच्या विस्ताराची शक्यता अजमावणे आवश्यक आहे. भविष्यात माहिती तंत्रज्ञानाचा वापर करून बँकांना भेदयुक्त (डिस्क्रिमिनेटिंग) सेवा देता येणार आहे. उदा. साधे सेव्हिंग खाते, सुपर सेव्हिंग खाते, क्लासिक सेव्हिंग खाते इत्यादी. स्पर्धेच्या जगात ग्राहक वाढविणे एवढेच पुरेसे नसून, असलेले ग्राहक टिकवून ठेवणे हेही तितकेच महत्त्वाचे आहे. त्या कामी बँकांचे ग्राहक संबंध व्यवस्थापन (सीआरएम) समृद्ध करण्यासाठी भरपूर माहितीचे संकलन, संचय आणि पुनर्वापर अपरिहार्य आहे. ही कामे मॅन्युअल स्वरूपात होणे केवळ अशक्यच आहे. जेवढय़ा वेगाने बँकिंग क्षेत्र नावीन्य स्वीकारते आहे, तितक्याच वेगाने काही अडथळे/आव्हाने यांचा सामनाही करावा लागणार आहे. भारतातील भौगोलिक व भाषिक विविधता हे त्यातलेच एक मोठे आव्हान आहे. स्थानिक भाषांमध्ये सॉफ्टवेअर विकसित करणे, व्यवहारात सुलभता आणणे आणि आतापर्यंत अशा व्यवहारांपासून जे वंचित राहिले त्यांच्या समावेशावर भर देणे, यांसारख्या आव्हानांचा सामना येणाऱ्या काळात भारतीय बँकांना करावा लागणार आहे. कमावलेल्या नफ्यातील काही भाग माहिती तंत्रज्ञानाबाबतच्या लोकशिक्षणावर बँकांनी खर्च केल्यास बँकांना अधिकाधिक ग्राहक आकर्षणे सोपे होईल. भारतीय बँका आणखी सुदृढ होण्यातील तो एक महत्त्वाचा टप्पा ठरेल. असो, येणाऱ्या काही वर्षांतच भारतीय बँकिंग माहिती- संदेशवहन- दूरसंचार क्षेत्रातील क्रांतीच्या माध्यमातून नवी शिखरे गाठेल, यात काहीही शंका नसावी.

माझ्याबद्दल

noreply@blogger.com (Anonymous) — Wed, 06 Jun 2012 13:33:00 +0000

नमस्कार मित्रांनो

मी दत्तात्रय आवारे

सामान्य नागरिकांसाठी ई-बॅंकिंग सेवा सुरू होऊन 10 ते 12 वर्षे होऊन गेली असून, त्यात मिळणाऱ्या सुविधांमध्ये वाढच होत गेली आहे. मोबाईलवरून खात्यातील उलाढाल करायची साथही त्यास मिळाली आहे. या सेवा-सुविधा देण्यासाठी आणि त्यांची उच्च प्रतीची गुणवत्ता ठेवण्यासाठी भरपूर प्रयत्न आणि गुंतवणूकही होत आहे. परंतु, या सेवा-सुविधांचा वापर कितपत होत आहे, याचा आढावा घेण्याचीही आवश्‍यकता आहे.असं मला वाटतं म्हणून हा लेखन प्रपंच...
बाकी सर्व माझ्या लेखात आहे..

ई-बॅंकिंग सेवा

noreply@blogger.com (Anonymous) — Wed, 06 Jun 2012 13:04:00 +0000

आपली नेहमीची विविध प्रकारची बिले भरण्यास सर्वच सरकारी, निमसरकारी आणि खासगी संस्थांनी माहिती तंत्रज्ञान आणि दूरसंचार तंत्रज्ञानाचा वापर करून ही सुविधा आपल्या दाराशी उभी केली असताना आपण त्याचा वापर पूर्णपणे करतच नाही. एवढी मोठी गुंतवणूक करून उभारलेल्या अशा मूलभूत यंत्रणांचा वापर फक्त मर्यादित लोकच करीत आहेत, असे सध्या दिसते.

अशा परिस्थितीची मुख्यत्वे तीन स्पष्ट कारणे दिसून येतात. या सुविधा उपलब्ध आहेत आणि आपण त्याचा वापर करू शकतो ही माहितीच बहुतांशी लोकांमध्ये नसावी. दुसरे म्हणजे सर्व काही माहीत असून, या यंत्रणांवर विश्‍वास नसल्याने त्यांचा वापर टाळण्याचा "तथाकथित उत्तम मार्ग' पत्करणारा विचारी वर्ग. तिसरे, अशा सुविधा आहेत, पण त्याचा वापर कसा करावा, सुरवात कोठे करावी, हे माहीत नसल्याने, नाइलाजाने रांगेत उभे राहून बिले भरण्याचा सोपा उपाय निवडणारे नागरिक.

बिले भरण्यास, डेबिट/ क्रेडिट कार्ड, स्मार्ट कार्ड, इंटरनेट बॅंकिंग, एटीएम हे सोयीचे मार्ग झालेले आहेत. आणि आता त्यात मोबाईलची पण भर पडली आहे. सार्वजनिक बॅंका, खासगी बॅंका आणि काही सहकारी बॅंका या सुविधा देत असून, यातील डेबिट/ क्रेडिट कार्ड, इंटरनेट बॅंकिंग मधील बऱ्याच सेवा परिपक्व झालेल्या आहेत. या माध्यमांतून बीएसएनएल (लॅंडलाइन वा मोबाईल), महावितरणची वीज बिले, प्रॉपर्टी टॅक्‍स, ऍडव्हान्स टॅक्‍स आपण सहजपणे घरबसल्या भरू शकतो. इंटरनेट बॅंकिंगवर मिळणाऱ्या बऱ्याच सुविधा आता नुसते एटीएम वापरून घेता येत आहेत. उदा. इन्शुरन्सचा प्रिमियम भरणे, फिक्‍स्ड डिपॉझिट काढणे, टॅक्‍स भरणा आदी.

ऑनलाइन फसवणुकीचे प्रकार, एटीएम वापरून लुबाडले गेल्याच्या तक्रारी, इतर फसवणुकीचे प्रकार वर्तमानपत्रातून वाचनात येतात. अशा बातम्यांमुळे आर्थिक व्यवहारासाठी वापरले जाणारे तंत्रज्ञान कमकुवत आहे, असे वाटणे साहजिक आहे. परंतु, हा सर्व दोष तंत्रज्ञानाच्या पदरी टाकणे योग्य होणार नाही.

इंटरनेट बॅंकिंग सेवा साधारण 1999 मध्ये सुरू होऊन ऑनलाइन अकाउंट बघण्यापासून, पासबुक नोंदी, बिल भरणा, चेकबुक मागविणे, फिक्‍स्ड डिपॉझिट उघडणे, फंड ट्रान्स्फर, दुकानातून ऑनलाइन खरेदी, स्टॉक एक्‍स्चेंजवर शेअरची खरेदी/विक्री, विमान, रेल्वे, एसटीचे आरक्षण अशा वाढतच गेल्या आहेत. सेवा वाढविण्याबरोबर बॅंकांनी सुरक्षित सेवा देण्याच्या व्यवस्थापन पद्धतीत काळजीपूर्वक बदल केले आहेत. एका पासवर्डने मिळणारी इंटरनेट बॅंकिंग सेवा ही फंड ट्रान्स्फर करायचा असल्यास अजून एक प्रोफाइल पासवर्ड विचारते. त्रयस्थाशी आर्थिक व्यवहार करायचा झाल्यास, बॅंकेकडून व्यवहार पूर्ण करण्याआधी, काही बॅंका तुमच्या नोंद केलेल्या मोबाईलवर अजून एक कोड पाठवून तो कोड वापरण्यास अनिवार्य करतात. काही बॅंका तुमच्याकडे असलेल्या एटीएम कार्डवर असलेल्या ग्रीडमधील दिलेली अक्षरे/आकडे दिलेल्या क्रमात टाकल्याशिवाय व्यवहार पूर्ण करत नाही. क्रेडिट कार्डवरील व्यवहार हा क्रेडिट कार्डवरील माहितीव्यतिरिक्त अजून एका पासवर्डशिवाय पूर्ण करता येत नाही. एटीएम कार्डचा पिन चार आकडी असून, मोबाईलवरून व्यवहारासाठी सहा आकडी मोबाईल पीन वापरायचा असतो. ग्राहकांच्या किंवा नेटबॅंकिंग सेवा वापरणाऱ्यांच्या सुरक्षिततेसाठी, व्यवहारापूर्वी चेक, डबल चेक, ट्रिपल चेक केले जातात. तुमच्या व्यवहाराला जितके जास्त चेक्‍स, तितकेच अभेद्य सुरक्षाकवच!

हे सर्व बघता, नेटबॅंकिंग/ मोबाईल बॅंकिंग सेवेत आपली 100 टक्के फसवणूकच होईल, असे गृहीत धरणे चुकीचे ठरेल. ऑनलाइन फसवणुकीचे बरेच प्रकार आहेत. त्यात फिशिंग, स्पायवेयर, स्किमिंग असे प्रकार चालूच राहणार. सेवा देणाऱ्यांवर सेवेत खंड पाडण्यासाठी प्रयत्न किंवा यंत्रणेत बेमालूमपणे शिरण्याचा प्रयत्न बंद होणार नाही. परंतु, या सर्वांवर मात करण्यास आपण स्वत: सक्षम होणे आवश्‍यक आहे. त्यासाठी नेटबॅंकिंग/मोबाईल बॅंकिंग सेवा वापरताना काळजी घेणे जरुरीचे आहे. पासवर्ड, पिन सांभाळून ठेवणे हा त्यातील महत्त्वाचा मुद्दा.

ई-मेलवरून आलेल्या प्रलोभनांना बळी न पडण्याची काळजी घेतल्यास आपण आपला व्यवहार सुरक्षित ठेवू शकता. इन्फोटेकचे विषय शिकविताना, माझ्या एमबीए, इंजिनिअरिंग आणि चार्टड अकाउंटंटच्या विद्यार्थ्यांना मी सुचवीत आलेला प्रारंभिक प्रयोग आपणही करू शकता.

एक नवीन नेटबॅंकिंग अकाउंट उघडून त्या खात्यात बिले भरण्यासाठी जेवढी रक्कम लागते, तेवढीच ठेवून, नेटबॅंकिंग सेवेतून बिले भरण्याचा किंवा इतर सेवा वापरण्याचा आनंद घरबसल्या घेण्यास सुरवात करावी. मात्र, या सर्व सुविधा वापरण्याकरिता घरच्या घरी संगणक, टेलिफोन, इंटरनेट सेवा जोडणी, संगणक सुरक्षेसाठी अँटी व्हायरस, इंटरनेट/ मोबाईल बॅंकिंग सेवा घेण्याकरिता बॅंकेकडे अकाउंटची नोंदणी, एक ई-मेल अकाउंट आणि मुख्य म्हणजे संगणक व इंटरनेट वापरण्याचे मूलभूत ज्ञान असणे आवश्‍यक आहे.

बँक आर टी जी एस सुविधा म्हणजे काय?

noreply@blogger.com (Anonymous) — Mon, 28 May 2012 11:46:00 +0000

कोअर बँकिंगच्या पुढील प्रणाली म्हणजे आर टी जी एस याचा अर्थ Real Time Gross Settlement! अर्थात RTGS यंत्रणेद्वारे पैसे ट्रान्सफर करणे हे फक्त त्याच बँकांच्या शाखांच्या बाबतीत शक्य आहे की ज्या शाखा कोअर बँकिंग अंतर्गत जोडलेल्या आहेत.बॅँकेतील रक्कम हस्तांतर करण्यासाठी उपलब्ध असलेल्या ‘आरटीजीएस’ आणि ‘एनईएफटी’ सारख्या अत्याधुनिक सुविधा सध्या केवळ खासगी, राष्ट्रीयीकृत बॅँका यांच्यासह सदस्य बॅँकांनाच वापरता येऊ शकत होत्या; परंतु आता या सुविधा ग्रामीण विभागीय बँका आणि सहकारी बँकांना देखील उपलब्ध होत असल्यामुळे सगळ्याच बँक ग्राहकांचे निधी हस्तांतराचे काम अतिशय सुलभ होत आहे. आर टी जी एस द्वारे काही मिनिटात पैसे कुठूनही कुठेही जमा करण्याची सोय आहे.

इलेक्ट्रॉनिक माध्यमातून रक्कम सुविधा आणखी लोकप्रिय करण्याच्या उद्देशाने रिझर्व्ह बँक ऑफ इंडियाने आता विभागीय ग्रामीण बँका तसेच सहकारी बॅँकांना मध्यवर्ती ‘पेमेंट सिस्टिम्स’ समाविष्ट करून घेण्याची परवानगी दिली आहे. रिझर्व्ह बँकेच्या या निर्णयामुळे आता सर्वच बँकांना ‘आरटीजीएस’ आणि ‘एनइएफटी’ या प्रणालीच्या मदतीने इलेक्ट्रॉनिक स्वरूपात रक्कम हस्तांतर करता येऊ शकणार आहे.

अपवाद म्हणून ग्रामीण विभागीय बँकांनाही त्यांच्या प्रायोजित बँकांच्या मदतीने ‘एनईएफटी’ प्रणालीचा उपयोग करता येऊ शकणार आहे. त्याचबरोबर सर्व परवानाधारक बॅँकांना एनइएफटी आणि आरटीजीएस प्रणालीत सहभागी करून घेण्यासाठी उप सदस्यत्व देऊन या सुविधांचा आणखी विस्तार करण्याचा शिखर बॅँकेचा विचार आहे.

ग्राहकांचा फायदा असा - आरटीजीएस व्यवहार शुल्क हे ग्राहकाबरोबर असलेल्या बँकेच्या नातेसंबंधावर अवलंबून असते. हे शुल्क प्रति व्यवहार 50 रुपयांपासून ते 200 रुपयांपर्यंत असू शकते. आरटीजीएस प्रणाली पूर्णपणे कार्यान्वित झाल्यानंतर तुमच्या खात्यातील रक्कम शून्य दिवसात किंवा डिमांड ड्राफ्ट बँकेला सादर केल्यानंतर त्याच दिवशी तुमच्या खात्यात जातो. सध्या या प्रक्रियेला किमान तीन दिवस लागतात. विशेष म्हणजे डिमांड ड्राफ्ट प्रत्यक्ष हाताळण्याची जोखीमही यामुळे टळते. एनईएफटी प्रणालीमध्ये ग्राहक एखाद्या बँकेच्या शाखेत जाऊन त्याला ज्या व्यक्तीच्या खात्यात रक्कम हस्तांतरित करायची आहे, त्या खात्यात रोख रक्कम पाठवू शकतो. विशेष म्हणजे रक्कम पाठवणारी आणि रक्कम स्वीकारणारी व्यक्ती यांचे त्या बँकेत खाते असण्याची गरज नाही. त्यासाठी या प्रणालीमध्ये व्यवहारासाठी सांकेतिक क्रमांक दिला जातो. परंतु, यासाठी बँकेत येणाºया ग्राहकासाठी 50 हजार रुपयांची मर्यादा आहे.

आरटीजीएस म्हणजे काय ?

-आरटीजीएस (रिअल टाइम ग्रॉस सेटलमेंट) ही अशी प्रणाली आहे, ज्यामध्ये एका बँकेतून दुसºया बँकेत विनाविलंब रक्कम हस्तांतर करता येऊ शकते. याद्वारे 2 लाख रुपये हस्तांतरित करता येऊ शकतात.

-एनईएफटी (नॅशनल इलेक्ट्रॉनिक फंड ट्रान्सफर) च्या माध्यमातून देशातील कोणत्याही बँकेत पैसे हस्तांतर करता येतात. एका वेळी 50,000 रुपये हस्तांतरित होतात.

विशेष म्हणजे तुम्ही जर नेटबँकिंग करत असाल तर बँकेत न जाता आपण आपल्या घरच्या संगणकाद्वारे RTGS ऑपशन मध्ये जाऊन ज्या व्यक्तीला तुम्हाला रक्कम द्यावयाची आहे ,त्या व्यक्तीचा खाते क्रमांक द्यावा, काही बँका IFS Code विचारणा करतात.तेव्हा हा कोड संबंधित बँकेकडून घ्यावा. किंवा भारतीय रिझर्व्ह बँकेच्या http://www.rbi.org.in या संकेतस्थळावर आपणास संबधित बँकेचा IFS Code मिळेल. आर्थात असे व्यवहार करतांना तुम्ही बँक अधिकारी यांच्याशी चर्चा करणे आवश्य आहे.

मोबाइल बँकिंग म्हणजे काय?

noreply@blogger.com (Anonymous) — Mon, 14 May 2012 18:40:00 +0000

बँकांतील व्यवहार ग्राहकांना मोबाइलच्या माध्यमातून करता येणाऱ्या सुविधेला मोबाइल बँकिंग किंवा एसएमएस बँकिंग म्हणतात. कारण या सुविधेमध्ये थेट कॉल न करता एसएमएसच्या सहाय्याने व्यवहार केले जातात. साधारणपणे बँका या सुविधेसाठी पैसे घेत नाहीत, एसएमएसचा खर्च मात्र पडतो. यामध्ये तुम्ही केलेला व्यवहार एसएमएसच्या माध्यमातून काही क्षणात ग्राहकाच्या मोबाइल स्क्रीनवर वाचता येतो. मोबाइल कंपन्यांच्या सहकार्यातून वेगवेगळ्या बँका ही सुविधा देतात, त्यामुळे बँकेचा ज्या कंपनीशी करार आहे, त्या मोबाइल कंपनीच्या माध्यमातूनच व्यवहार करता येतो. या माध्यमातून व्यवहारासाठी साधारणपणे बँकेत बचत, चालू वा फिक्स्ड डिपॉझिट प्रकारचे खाते असायला लागते.

ही सेवा देणाऱ्या बहुतेक बँका पुढील सेवा देतात :

* कस्टमर आयडेंटिफिकेशनशी संलग्न खात्यांचा बॅलन्स कळतो.

* मुख्य खात्यात केलेले शेवटचे तीन व्यवहार कळतात.

* एकावेळी एका चेकचे स्टॉप पेमेंट करता येते.

* चेकबूकची मागणी नोंदवता येते.

* अकाउंट स्टेटमेंट मागवता येते.

* चेकच्या सद्यस्थितीची चौकशी करता येते.

* बिल पेमेंट करता येते.

* फिक्स्ड डिपॉजिटची चौकशी करता येते.

* मोबाइल नंबर बदलल्यास तसा बदल करता येतो.

* नॅशनल रोमिंग असल्यास देशभरातून ही सुविधा घेता येते.

ऑनलाईन सुविधा बिलांच्या रकमा भरण्याची सेवा.

noreply@blogger.com (Anonymous) — Mon, 14 May 2012 18:24:00 +0000

ऑनलाईन सुविधा बिलांच्या रकमा भरण्याची सेवा
नव्या काळातील माहिती - तंत्रज्ञानाच्या पायाभूत सुविधांवर भर देत बँकेने ऑनलाईन ब-याच सुविधा बिलांच्या रकमा भरण्याची सेवा सुरु करुन सगळ्याच खातेधारकांना देण्यात येणा-या सोयींमध्ये अधिक नावीन्य आणले आहे.आपली बिले आपल्या डेस्कटॉपपर्यंत आणत अनेक बँकांनी सगळीच कार्यपध्दती सोपी आणि सोयिस्कर केली आहे. आपली टेलिफोन, मोबाईल, ईलेक्ट्रीसिटी , इन्शुरन्स आणि इतर बिले ईलेक्ट्रीसिटी अनेक पध्दतीने बँकेच्या इंटरनेट बँकींग वेबसाईटवरुन भरता येतात. आता बिले भरण्याच्या रांगेत उभे राहण्याची किंवा वेगवेगळ्या कलेक्शन काऊंटर बॉक्सपर्यंत जाण्याची आवश्यकता नसते. आपली बिले आपण केव्हाही, कुठूनही, अगदी सुट्टीवर असतानाही आपल्याला भरता येईल.

या सेवेचा लाभ कोण घेऊ शकते.?
नेटबँकिंग सेवा, बरोबर इंटरनेट बँकींग खाते असलेली कोणतीही व्यक्ती या सेवेचा लाभ विनाशुल्क घेऊ शकते.

या सेवेची कार्यपध्दती कशी असते ?
ऑनलाईन ऍक्सेस - कोणत्याही दिवशी, कोणत्याही वेळी, कुठेही. ही सेवा वर्षभर 365 दिवस दिवसभर चोवीस तास उपलब्ध असते. आपल्या बिलांच्या रकमा भरण्यासाठी फक्त आपल्याला इंटरनेटशी ऍक्सेस साधण्याची आवश्यकता असते.

नव्या बँक खात्याची आवश्यकता नसते :

सध्याच्या बँक खात्यांव्दारे आपल्याला बिले भरता येतात. या सेवेचा लाभ घेण्यासाठी क्रेडीट/डेबिट कार्डची आवश्यकता नसते.

अन्य व्यक्तींची बिले : आपले पती/पत्नी , मुले इत्यादींची बिलेही भरता येतात.
व्यवहारामधील खाजगीपणा : सर्व व्यवहार पूर्णपणे गुप्त असतात.

इंटरनेटवरील व्यवहारांमधील सुरक्षितता : प्रत्येक बँकेची वेबसाईट एसएसएलने सुरक्षित साईट म्हणून प्रमाणित केली आहे आणि ती पासवर्डने संरक्षित आहे.

बिल आणि रकमेचे पेमेंट : बिले देणा-या कंपन्यांच्या अटी आणि नियमांप्रमाणे आपल्याला बिलांच्या रकमा भरता येतील. संबंधित कंपनीच्या बाबतीत काही प्रश्न असेल तर कृपया सध्या जसे आपण करता तसेच त्या कंपनीशी थेट संपर्क साधा.

विशेष लाभ : आपले बिल ऑनलाईन भरा आणि विशेष लाभांचा फायदा घ्या. तपशिलांसाठी कृपया संबंधित बँकांची वेबसाईट पहा.
नेट बँकेच्या इंटरनेट बँकींग सुविधांचा लाभ घेण्यासाठी आजच अर्ज करा.

संपर्कासाठी

noreply@blogger.com (Anonymous) — Sat, 21 Apr 2012 04:27:00 +0000

ऑनलाईन बँकिंग म्हणजे काय?

noreply@blogger.com (Anonymous) — Fri, 13 Apr 2012 04:51:00 +0000

अनेक बँकांमध्ये इंटरनेट बँकिंग सुरु करण्यासाठी अर्जाची व्यवस्था असते. काही बँका तुम्हाला परस्पर ऑनलाईन बँकिग सुरु करण्याची परवानगी देतात. मात्र जो पर्यंत तुम्ही स्वत: बँकेच्या एखाद्या शाखेवर जाऊन तुमच्या ओळखीची पडताळणी करत नाही तो पर्यंत बँक कोणतेही देवाण घेवाणीचे व्यवहार करत नाही. तुम्हाला तुमचं ओळखपत्र आणि बँकेचे काही कागदपत्र सोबत घेऊन जावे लागतात. तुम्ही अजून बँक खाते उघडले नसेल तर ते उघडताना तुम्ही इंटरनेट बँकिंग विषयी विचारू शकता.
अनेक बँका एकाच फी आकारणीमध्ये इंटरनेट बँकिंग, टेलिफोन, मोबाईल अशा सर्व सुविधा देतात. याचाच अर्थ असा की जेव्हा तुम्ही इंटरनेट बँकिंगची सेवा घेता तेंव्हा खास पासवर्डच्या माध्यमातून तुमच्या खात्यावरची बाकी रक्कम मोबाईलवर बघू शकता. शिवाय तुमची बिलंही फेडू शकता. या प्रकारे तुमच्याकडे इंटरनेट सेवा नसली तरी तुम्ही बँक किंवा एटीएम मध्ये न जाताही बँकेचे व्यवहार करू शकता.
थोडक्यात इंटरनेट बँकिंग सुरु करण्यासाठी तुमचे ज्या बँकेत खाते असेल त्या बँकेचे सर्व पुरावे ,कागद पत्र घेऊन जावे.तेथील बँक अधिकारी यांना इंटरनेट बँक व्यवहार विषयी चर्चा करून ते फॉर्म भरून घेतील त्या नंतर १० ते १५ दिवसांनी तुम्हाला पोस्टाद्वारे बँक खात्याचा आय डी ,पासवर्ड व रक्कम ट्रान्सफर करण्यासाठी कोड इ.माहिती पाठवली जाते.आलेले कोड व पासवर्ड ने तुम्ही तुमच्या बँक खात्यात प्रवेश केल्यानंतर तुम्ही स्व:ता पासवर्ड बदलून घ्यावा.
इंटरनेट बँकिंगला काय खर्च येतो.
ब-याच बँका त्यांच्या इंटरनेट आणि टेलिफोन सेवेसाठी ठराविक मासिक रक्कम आकारतात. बँकेच्या इतर व्यवहारांसाठीही तुमच्याकडून पैसे घेतले जातात जरी ते एटीएम आणि बँकेच्या मानाने कमी असतात. पैशांच्या दळणवळणावर होणारा खर्च एटीएममुळे कमी होतो. वेळेत बिल भरल्यामुळे तुम्ही तुमचा वेळ आणि विलंबाची फी जी तुम्ही याआधी वेळेअभावी देत होता ती वाचवू शकता.
इतर बँका त्यांच्या सेवेसाठी किती पैसे आकारतात ते पहा. त्यांची इंटरनेट फी कमी असेल तर यांचे इतर आकारणीही कमी आहे का ते पहा. जर तशा सोयी असतील तर या नव्या बँकेत तुम्ही खाते उघडू शकता.
तुम्ही बँकेकडून आठवडयातून एकदा किंवा त्याहीपेक्षा कमी वेळा स्टेटमेंट मागून आकारणी आणखी कमी करू शकता. यामुळे तुमच्या खात्यात तुमची बिलं भरण्यासाठी पुरेसे पैसे आहेत हे तुम्हाला कळेल. मात्र ही बिलं अधिक असतील तर तुम्हाला बँकेलाही अधिक पैसे द्यावे लागतील.