AWE OF WILLPOWER

Value of Time

2023-06-18T05:21:00.001-07:00

നിങ്ങൾ പറഞ്ഞുകൊണ്ടിരുന്നാൽ ഈ ലോകത്ത് ഒന്നും സംഭവിക്കാൻ പോകുന്നില്ല. അതിന് നിങ്ങൾ ചെയ്തു കാണിക്കാൻ തയ്യാറാവുക തന്നെ വേണം. ഈ ലോകം നിങ്ങളുടെ സ്വഭാവം അല്ല; നിങ്ങൾ എന്തു ചെയ്യുന്നു എന്നാണ് ചോദിക്കാനുള്ളത്. സമയം എന്നത് വളരെ അമൂല്യമാണ്. ചിലർക്ക് സമയം പോകുന്നില്ല എന്ന പരാതി. ചിലർക്ക് ആകട്ടെ സമയം കിട്ടുന്നില്ല എന്ന പരാതിയും. ജീവിതത്തോടൊപ്പം സമയവും കടന്നു പോകും. സമയത്തോടൊപ്പം ജീവിതവും. അതെപ്പോഴും ഓർമ്മ വയ്ക്കുക. നല്ല സമയത്തിനായി നിങ്ങൾ കയ്യും കെട്ടി കാത്തിരിക്കുകയാണെങ്കിൽ സമയവും കാലിൽ കാലുകയറ്റി വെച്ച് കാത്തിരിക്കുകയാണ് നിങ്ങളുടെ പരിശ്രമവും കാത്ത്. സമയം കടന്നു പോകുന്നത് നിങ്ങൾ ശ്രദ്ധിക്കാറില്ല. പക്ഷേ കാലം കഴിയുമ്പോൾ പലതും അത് നിങ്ങളുടെ ശ്രദ്ധയിൽപ്പെടുത്തും. നിങ്ങൾ നോക്കുമ്പോൾ എല്ലാവരും നിങ്ങളോടൊപ്പമുള്ളതായി തോന്നും. എന്നാൽ സമയം നിങ്ങളെ ബോധ്യപ്പെടുത്തും ആരൊക്കെയാണ് നിങ്ങളോട് ഒപ്പം എന്ന്. സമയം വളരെ വിചിത്രമാണ്. സമയത്തോടൊപ്പം സഞ്ചരിച്ചാൽ അത് നമ്മളെ മഹാനാക്കും. സമയത്തിന് എതിരായി സഞ്ചരിച്ചാൽ അത് നിങ്ങളെ നശിപ്പിക്കുകയും ചെയ്യും. സമയം എന്നത് വളരെ മൂല്യമുള്ളതാണ്. നിങ്ങൾക്ക് അതിനെ ഒന്നുകിൽ വജ്രം ആക്കാം. അല്ലെങ്കിൽ കല്ലായി തന്നെ ഉപേക്ഷിക്കാം. അത് എന്തുതന്നെയായാലും തീരുമാനം നിങ്ങളുടെതാണ്. ഒരു കാര്യം ഓർമ്മ വയ്ക്കുക. വാച്ചിലെ സമയത്തെ ശരിയാക്കി എടുക്കുന്ന ഒരുപാട് പേരെ നിങ്ങൾക്ക് കാണാനാകും. എന്നാൽ സ്വന്തം സമയത്തെ സ്വയം ശരിയാക്കിയെടുക്കാൻ നിങ്ങൾ തയ്യാറാവേണ്ടതുണ്ട്. ഒരാൾക്ക് നിങ്ങൾ നൽകുന്ന സമയം വളരെ ആലോചിച്ചു മാത്രം നൽകുക. കാരണം നിങ്ങൾ നൽകിയ എന്ത് സാധനവും നിങ്ങൾക്ക് തിരിച്ചെടുക്കാം. എന്നാൽ നിങ്ങൾ നൽകിയ സമയത്തെ ഒരിക്കലും നിങ്ങൾക്ക് തിരിച്ചു കിട്ടില്ല. എന്ത് ചെയ്യണം എന്ന് ആലോചിച്ച് സമയത്തെ നഷ്ടപ്പെടുത്തി കളയരുത്. അതല്ലെങ്കിൽ സമയം തീരുമാനിക്കും നിങ്ങളെ എന്തു ചെയ്യണമെന്ന്. നിങ്ങൾ ഒരാളുടെ ഇപ്പോഴത്തെ സ്ഥിതി നോക്കി അയാളുടെ ഭാവിയെ കളിയാക്കാൻ നിൽക്കരുത്. സമയമെന്നത് എപ്പോഴും മാറിമറിയും. അത് ഏതൊരു സാധാരണക്കാരനെയും നിമിഷ നേരം കൊണ്ടു കോടീശ്വരൻ ആക്കും. നിങ്ങൾ ഒരുപാട് കഠിനാധ്വാനം ചെയ്തിട്ടും നിങ്ങൾക്ക് ഒന്നും ലഭിക്കുന്നില്ല എന്ന് പരാതി ആണെങ്കിൽ ഒന്ന് ഓർമ്മിക്കുക. നിങ്ങൾ ചെടികൾക്ക് ദിവസവും നനയ്ക്കുന്നുണ്ടാകും. എന്നാൽ അത് കായ്ക്കുകയും, പൂക്കുകയും ചെയ്യുന്നത് വർഷത്തിൽ ഒരിക്കൽ മാത്രമാണ്. അതിനാൽ തന്നെ നിങ്ങൾ നിങ്ങളുടെ കഠിനാധ്വാനം തുടർന്നുകൊണ്ടിരിക്കുക. നിങ്ങളുടെയും സമയം വന്നെത്തും. അപ്പോൾ നിങ്ങളുടെ കഠിനാധ്വാനത്തിന്റെ മൂല്യം നിങ്ങൾക്ക് മനസ്സിലാകും. നിങ്ങളുടെ സമയം നിങ്ങളെ ജീവിക്കാൻ പഠിപ്പിക്കും.

Motivational Words

2023-06-18T05:20:00.002-07:00

വിഷമം എന്നത് ഈ ലോകത്തിലെ എല്ലാവർക്കുമുണ്ട്. ചിലർ അത് പുറത്ത് കാണിക്കുന്നു. ചിലർ അത് എല്ലാവരെയും മറച്ചുവെക്കുന്നു എന്ന് മാത്രം. പ്രശ്നങ്ങൾ എല്ലാവരെയും തേടിയെത്താറുണ്ട്. ചിലർ പ്രശ്നങ്ങളെ പരിഹരിച്ച് മുന്നോട്ടു പോകുന്നു. ചിലർ ആ പ്രശ്നങ്ങളിൽ പെട്ട് ജീവിതം നശിപ്പിക്കുന്നു. എല്ലാവരും പ്രണയിക്കാറുണ്ട്. ചിലർ മനസ്സുകൊണ്ട് അത് ചെയ്യുമ്പോൾ മറ്റു ചിലർ തലച്ചോറു കൊണ്ട് അത് ചെയ്യുന്നു എന്ന വ്യത്യാസം മാത്രം. ബന്ധങ്ങൾ നിങ്ങൾക്ക് എല്ലാവരുമായി ഉണ്ടാകാറുണ്ട്. ചിലർ സ്നേഹത്തോടെ അത് ചെയ്യുമ്പോൾ ചിലർ ശത്രുതയോടെ അത് ചെയ്യുന്നു. നമ്മുടെ യാത്രയിൽ പലരും നമ്മളോടൊപ്പം വന്നുചേരാറുണ്ട്. ചിലർ അവസാനം വരെ നമ്മുടെ കൂടെ നിൽക്കുന്നവർ ആയിരിക്കും മറ്റു ചിലർ പാതിവഴിയിൽ നമ്മളെ ഉപേക്ഷിച്ചു കടന്നു കളയുന്നു. സുഹൃത്തുക്കൾ നിങ്ങൾക്ക് എല്ലാവർക്കും ഉണ്ട്. ചിലർ നിങ്ങളെ സ്നേഹിക്കുന്നു. ചിലർ നിങ്ങളെ ഉപയോഗിക്കുന്നു അത്ര വ്യത്യാസം മാത്രം. ഈ ലോകത്ത് എല്ലാവരും ജീവിക്കുന്നുണ്ട്. ചിലർ ജീവിതം ആസ്വദിക്കുന്നു. മറ്റു ചിലർ ജീവിതത്തെ നശിപ്പിക്കുന്നു. നിങ്ങളെ എങ്ങനെ നശിപ്പിക്കാം എന്ന് ചിന്തിച്ച് കൂടെ കൂടുന്നവരാണ് നിങ്ങൾക്ക് ചുറ്റിലും ഉള്ള പലരും. നിങ്ങൾ വിജയിക്കുമ്പോൾ പ്രശംസകൾ കൊണ്ട് മൂടാൻ ഇവർ മുൻപന്തിയിൽ ഉണ്ടാവുകയും ചെയ്യും. നമ്മൾ ഒരിക്കലും വിശ്വസിക്കാത്ത ആളുകൾ ആയിരിക്കും ആവശ്യസമയത്ത് നമ്മളോടൊപ്പം ഉണ്ടാവുക. നമ്മുടെ കൂടെ ഉണ്ടാകും എന്ന് വിശ്വസിച്ചവർ പുറകിൽ നിന്ന് ചതിക്കുന്നത് എത്രയോ വട്ടം ഞാൻ കണ്ടിട്ടുണ്ട്. സമയം ഈ ലോകത്ത് എല്ലാം മാറ്റിമറിക്കും. നിങ്ങളുടെ ലക്ഷ്യത്തെ, നിങ്ങളുടെ വഴികളെ, എല്ലാറ്റിനുമുപരി നിങ്ങളെ തന്നെയും. നിങ്ങളുടെ ജീവിതത്തിലെ കയ്പേറിയ അനുഭവങ്ങൾ ഒരുനാൾ നിങ്ങൾക്ക് ജീവിതത്തിൽ മധുരം പകർന്നു നൽകും. ദേഷ്യം മൂലം നിങ്ങളെ വിട്ടു പിരിഞ്ഞു പോകുന്നവർ പിന്നീട് എപ്പോഴെങ്കിലും നിങ്ങളിലേക്ക് തിരിച്ചു വരാം. എന്നാൽ ചിരിച്ചു കൊണ്ട് നിങ്ങളെ വിട്ടു പിരിഞ്ഞു പോകുന്നവർ പിന്നീട് ഒരിക്കലും നിങ്ങളിലേക്ക് കടന്നു വരില്ല. നിങ്ങളെക്കുറിച്ച് നല്ലത് പറയാൻ ആരും ഉണ്ടാകില്ല. എന്നാൽ നിങ്ങളെക്കുറിച്ച് മോശം പറയാൻ എല്ലാവരും ഉണ്ടാകും. ഈ ലോകത്ത് ആസാധ്യമായത് ഒന്നുമില്ല. നിങ്ങൾ പോരാടാൻ തയ്യാറാണെങ്കിൽ നേടിയെടുക്കാൻ കഴിയാത്ത ലക്ഷ്യവും ഇല്ല. എല്ലാവരും പറയുന്നത് കേൾക്കുന്നവർ ജീവിതത്തിൽ പരാജയപ്പെടുക മാത്രമാണ് ചെയ്യുക. നിങ്ങളുടെ വഴി നിങ്ങൾ സ്വയം തിരഞ്ഞെടുക്കുക തന്നെ വേണം. അങ്ങനെയാണെങ്കിൽ നിങ്ങൾ വിജയിക്കും.

Success Mantra

2023-06-18T05:19:00.003-07:00

വൈദ്യുതി ലൈനിലൂടെ വൈദ്യുതി കടന്നു പോകുന്നില്ല എങ്കിൽ ജനങ്ങൾ അതിൽ തുണി ഉണക്കാൻ ഇടും. അതുകൊണ്ടു തന്നെ ജീവിതത്തിൽ നിങ്ങൾ ഒരിക്കലും മറ്റുള്ളവർക്ക് ഉപയോഗിക്കാനുള്ള ഉപകരണമായി മാറാതിരിക്കാൻ ശ്രദ്ധിക്കുക. മറ്റുള്ളവർക്ക് നിങ്ങളെ പന്ത് തട്ടാനുള്ള അവസരം ഒരിക്കലും നൽകാതിരിക്കുക. ജീവിതത്തിൽ നിങ്ങളെ ചതിക്കാൻ തയ്യാറായി നിൽക്കുന്നവർക്ക് ഒരിക്കലും ഒരു അവസരം നൽകരുത്. അവരെ നിങ്ങൾ ഒരിക്കലും കൂടെ കൂട്ടുകയും അരുത്. എപ്പോഴും നിങ്ങളെ സ്നേഹിക്കാൻ അറിയുന്നവരെ അന്വേഷിച്ച് ഇറങ്ങുക. നിങ്ങളെ ഉപയോഗിക്കാൻ തയ്യാറായി നിൽക്കുന്നവർ സ്വയം നിങ്ങളെ അന്വേഷിച്ച് ഇറങ്ങിക്കോളും. മറ്റുള്ളവർ നിങ്ങളെക്കുറിച്ച് മോശം പറയുമ്പോൾ അത് ഒരിക്കലും നിങ്ങൾ മനസ്സിൽ വെച്ച് നടക്കരുത്. കാരണം ഈ ലോകത്ത് ഒരാൾ പോലും ഉണ്ടാകില്ല എല്ലാവരും നല്ലത് പറയുന്നതായി. ഒരു വ്യക്തി പറഞ്ഞ വാക്കുകൾ നിങ്ങളെ വേദനിപ്പിക്കുന്നുണ്ടെങ്കിൽ രണ്ടു തരത്തിൽ ചിന്തിക്കുക. ഒന്ന് ആ വ്യക്തി നിങ്ങൾക്ക് പ്രധാനപ്പെട്ടതാണെങ്കിൽ ആ വാക്കുകളെ മറന്നേക്കുക. നേരെമറിച്ച് അതല്ല എങ്കിൽ ആ വ്യക്തിയെ മറന്നേക്കുക. ഏതു തെരഞ്ഞെടുത്താലും അത് നിങ്ങളുടെ മനസ്സിനെ ശാന്തമാക്കും. ഈ ലോകത്ത് പ്രശ്നം നിങ്ങളുടെ ചിന്താഗതികൾക്ക് തന്നെയാണ്. നിങ്ങളെ മുകളിൽ എത്തിക്കുന്ന കോണിക്ക് നിങ്ങളെ താഴെ ഇറക്കാനും കഴിയും. നിങ്ങൾ നിങ്ങളുടെ ചിന്താഗതികൾ മാറ്റാൻ ശ്രമിക്കുക.അപ്പോൾ ജീവിതം തനിയെ മാറുന്നത് കാണാം. സന്തോഷം എല്ലാ ദുഃഖങ്ങളും മാറിയിട്ട് നിങ്ങൾക്ക് ലഭിക്കുന്നതാണ് എന്നത് വെറും മിഥ്യാധാരണയാണ്. സന്തോഷം എന്നത് എല്ലാ ദുഃഖങ്ങളെയും നിങ്ങൾ തട്ടിമാറ്റുമ്പോൾ ലഭിക്കുന്നതാണ്. നല്ലതായാലും, മോശമായാലും ജീവിതം നിങ്ങൾക്ക് ഒരുപാട് അനുഭവങ്ങൾ പകർന്നു നൽകുന്നുണ്ട്. അതാണ് ഈ ലോകത്തിലെ ഏറ്റവും മൂല്യമേറിയ വസ്തുവും. നിങ്ങൾക്ക് പുറകിൽ നിന്ന് നിങ്ങളെ കുറിച്ച് മറ്റുള്ളവർ കുറ്റം പറയുന്നുണ്ടോ? ഉണ്ടെങ്കിൽ നിങ്ങൾ ശരിയായ പാതയിലൂടെയാണ് യാത്ര തിരിച്ചിരിക്കുന്നത്. മുന്നോട്ടു തന്നെ പോകുക..