സ്നേഹിതൻ

നിങ്ങള്‍ക്കും ആകും ഒറ്റയ്ക്ക് ഇതുപോലെ

2026-09-12T14:11:21.292+05:30

നിങ്ങള്‍ക്കും ആകും ഒറ്റയ്ക്ക് ഇതുപോലെ

കഴിഞ്ഞ തിരുവോണം നാളില്‍ മനോരമ ചാനല്‍ വാര്‍ത്ത കണ്ടുകൊണ്ടിരുന്നപ്പോള്‍ പ്രതികരിക്കാന്‍ തോന്നിയ ഒരു കാര്യം ഉടന്‍തന്നെ മുഖ്യമന്ത്രിയുടെ വെബ് സൈറ്റിലേക്ക് നേരിട്ട് സെന്‍ഡു ചെയ്യുകയുണ്ടായി. അതിന്റെ ഗുണം കഴിഞ്ഞ ക്രിസ്തുമസ് നാള്‍ മുതല്‍ ഈസ്റ്ററും കടന്നു ഇതാ ഈ ഓണത്തിന് കേരളീയര്‍ അനുഭവിക്കുന്നു

2024-07-20T13:12:00.000+05:30

ഇന്ന് രാവിലെ ഓണ്‍ലൈന്‍ കുര്‍ബാന കൂടിയത് ഐ.എം.എസ്. ധ്യാനഭവനിലായിരുന്നു. ഇന്നത്തെ സുവിശേഷവായന വിധവയുടെ ചില്ലിക്കാശിനെക്കുറിച്ചായിരുന്നു. എത്രയോ പ്രാവശ്യം കേട്ട സുപരിചിതമായ സുവിശേഷഭാഗം. പക്ഷെ, ആ കുര്‍ബാന സമയം മൊത്തം എന്‍റെ ചിന്തകള്‍ ഈ വരികളില്‍ ഉടക്കിനിന്നു. വിധവ കൊടുത്ത രണ്ട് ചെമ്പ് തുട്ട് അന്ന് കാണിക്ക ഇട്ട എല്ലാവരെയും കാള്‍ വലുതായിരുന്നത്രേ. ഇതിന്‍റെ ധനതത്വശാസ്ത്രം എനിക്ക് മനസ്സിലാകുന്നില്ലല്ലോ എന്നൊരു ചിന്ത. അപ്പോഴൊരു മറുപടി. ദൈവത്തിന് കൊടുക്കുന്നത് സ്വര്‍ഗ്ഗത്തില്‍ രേഖപ്പെടുത്തുന്നത് എപ്പോഴും ശതമാനത്തിലാണത്രേ? ഒരു രൂപ കൊടുത്താലും 1000 കോടി കൊടുത്താലും രേഖപ്പെടുത്തുക അത് ശതമാനമായി മാത്രമെന്ന്. കൊടുത്ത തുക മാത്രമല്ല, ശേഷം കയ്യിലുള്ള തുകയും ദൈവം എണ്ണുമത്രേ? അതില്‍നിന്നും ശതമാനം കണ്ട് അതാണ് രേഖപ്പെടുത്തുക എന്ന്. വിധവയ്ക്ക് ആകെ 2 നാണയം മാത്രമേ ഉണ്ടായിരുന്നുള്ളു. മിച്ചമില്ലാത്തതിനാല്‍ ശതമാനം 100 നേടി. മറ്റുള്ളവരാകട്ടെ കയ്യില്‍ ഏറെ മിച്ചം കരുതുകയും ചെയ്തു.. പണ്ട് എസ്.എസ്.എല്‍.സി. പരീക്ഷ ജയിക്കാന്‍ 600ല്‍ 210 മാര്‍ക്ക് വേണമായിരുന്നു. അതായത് 35 ശതമാനം. എന്നാല്‍ സ്വര്‍ഗ്ഗത്തിലെ ഈ പരീക്ഷ ജയിക്കാന്‍ വെറും 10 ശതമാനം മതിപോലും. ജസ്റ്റ് പാസ്സ്... പക്ഷെ, ഈ ജസ്റ്റ് പാസ്സ് മാര്‍ക്ക് എനിക്ക് എന്നെങ്കിലും നേടാനാകുമോ ആവോ?

ദേവനന്ദയുടെ മരണവും ഷാള്‍ ദുരൂഹതയും

2020-03-03T08:31:00.000+05:30

ദേവനന്ദയുടെ മൃതദേഹത്തിന് സമീപം ആ ഷാള്‍ എങ്ങനെ വന്നു? മറനീക്കാതെ ദുരൂഹത. (മനോരമയുടെ കണ്ടുപിടുത്തമോ?)
ദേവനന്ദ വീടിനകത്ത് കളിച്ചുകൊണ്ടിരുന്നപ്പോള്‍ ഷാള്‍ ധരിച്ചിരുന്നുവെന്നും പുറത്ത് അമ്മയുടെ സമീപത്തേക്ക് വന്നപ്പോള്‍ ഷാളില്ലായിരുന്നുവെന്നുമാണ് മൊഴി. അമ്മ പുറത്തേക്ക് പോകുമ്പോള്‍ സ്വീകരണമുറിയിലെ സെറ്റിയില്‍ കിടക്കുകയായിരുന്ന ഷാള്‍ (അമ്മയുടെ കഴുത്തില്‍ കിടന്നതല്ലെന്നോര്‍ക്കുക) കുട്ടി എടുത്തിട്ട് കളിക്കവേ ആണ് ആ അജ്‍ഞാതന്‍ തട്ടിക്കൊണ്ടുപോയതെങ്കില്‍ ആ ഷാളും കൂടെ പോവുക സ്വാഭാവികംമാത്രമല്ലേ. കുട്ടി അതണിഞ്ഞത് അമ്മ കണ്ടില്ലെന്നല്ലേ ഉള്ളൂ. അപ്പോള്‍ നിമിഷനേരംകൊണ്ട് തട്ടിക്കൊണ്ടുപോയി എന്ന കാര്യത്തില്‍മാത്രമല്ലേ ദുരൂഹത കാണാനുള്ളൂ. അതുപോലെ തട്ടിക്കൊണ്ടുപോയത് കുട്ടിയെ എടുത്തുകൊണ്ടാണെങ്കില്‍ ചെരുപ്പ് വീട്ടില്‍ത്തന്നെ കാണുക സ്വാഭാവികമല്ലേ? തട്ടിക്കൊണ്ടുപോകുന്നവര്‍ കുട്ടിയെ ചെരുപ്പിടിയിച്ച് തട്ടിക്കൊണ്ടുപോകുമോ? അപ്പോള്‍ ഷാള്‍ കുട്ടിയോടൊപ്പം പോയതും ചെരുപ്പ് വീട്ടില്‍ത്തന്നെ കണ്ടതും തട്ടിക്കൊണ്ടുപോയി എന്ന സാധ്യതയ്ക്ക് ബല്ം പകരുക മാത്രമല്ലേ ചെയ്യേണ്ടത്. ഇവകള്‍തമ്മില്‍ പൊരുത്തപ്പെടാതെ വരുമ്പോഴല്ലേ ഷാളും ചെരുപ്പും ദുരൂഹത ഉണര്‍ത്തേണ്ടതുള്ളൂ.
ഇവിടെ മനോരമ, വാര്‍ത്തകള്‍ക്ക് ഒരു തുടര്‍ച്ച കൊടുക്കാന്‍ ഒന്നുമില്ലാത്തതുകൊണ്ട് കച്ചിത്തുരുമ്പായി ഷാള്‍ ഒരു മഹാസംഭവം ആയി ആഘോഷിക്കാനൊരുങ്ങിയതാണോ? അതോ, വീട്ടുകാര്‍ ഷാള്‍ ഒരു ദുരൂഹത എന്ന് കൂടെക്കൂടെ ആവര്‍ത്തിക്കുന്നതാണോ? ഷാള്‍ ഒരു ദുരൂഹത എന്നമട്ടില്‍ വീട്ടുകാര്‍ കൂടെക്കൂടെ ആവര്‍ത്തിക്കുന്നതാണെങ്കില്‍ അതുതന്നെ പുതിയൊരു ദുരൂഹതയായി കരുതരുതോ? "ആരെയും നമുക്ക് കണ്ണടച്ച് വിശ്വസിക്കാന്‍ പറ്റില്ലല്ലോ?"
വാല്‍ക്കഷണം- കിംവദന്തിപോലെ കുട്ടി അമ്മയോടൊപ്പം അമ്പലത്തിലോ മറ്റോ പോയപ്പോഴാണ് കാണായാതെങ്കില്‍ വീട്ടില്‍ കിടക്കേണ്ട ഷാള്‍ ആറ്റില്‍ കിടക്കുന്നതും വെള്ളത്തില്‍ കിടക്കേണ്ട ചെരുപ്പ് വീട്ടില്‍ കിടക്കുന്നതും ദുരൂഹമാവുകയും ചെയ്യാം.

ദേവനന്ദയുടെ മരണം - ദുരൂഹത മറനീക്കി പുറത്തുവരട്ടെ.

2020-03-01T11:54:00.000+05:30

ദേവനന്ദയുടെ മരണം - ദുരൂഹത മറനീക്കി പുറത്തുവരട്ടെ.
ഈ ദുരൂഹമരണത്തില്‍ ഇപ്പോള്‍ ഒന്നാം സാക്ഷിയായി കണക്കാക്കാവുന്നത് ദേവനന്ദയുടെ മാതാവാണ്. ചുരുളുകള്‍ തുടങ്ങുന്നത് പ്രസ്തുത വീട്ടില്‍നിന്നുംതന്നെയാണ്. അതിനാല്‍ ഏറെ ദുഃഖത്തോടെ ദേവനന്ദയുടെ മാതാവിനോട് വ്യക്തതകള്‍വരാന്‍വേണ്ടി മാത്രം ചില സംശയങ്ങള്‍ നിരത്തട്ടെ.
1. സംഭവസമയത്ത് മുന്‍വശത്തെ കതക് പൂട്ടിയിരുന്നത് അകത്തുനിന്നല്ലേ?
2. കുട്ടിയെ കാണാതാകുമ്പോള്‍ മുന്‍വശത്തെ കതക് തുറന്നല്ലേ കിടന്നത്?
3. അകത്തുനിന്നും പൂട്ടിയ കതക് പുറത്തുനിന്നൊരാള്‍ക്ക് എങ്ങനെ തുറക്കാന്‍ സാധിക്കും?
4. പോലീസ് നായ യാത്ര തുടങ്ങുന്നത് പിന്‍വശത്തെ വാതിലിലൂടെ തുണികഴുകിക്കൊണ്ടുനിന്നു എന്നു പറയുന്ന സ്ഥലത്തുകൂടെയല്ലേ?
5. ദേവനന്ദ സ്വയം മുന്‍വശത്തെ കതക് തുറന്നിട്ടിട്ട് പിറകുവശത്തെ വാതിലിലൂടെ അമ്മയുടെ ശ്രദ്ധയില്‍ പെടാതെ ഒരു കൌതുകത്തിന് പോലീസ് നായ പോയ വഴിയിലൂടെയെല്ലാം യാത്രചെയ്തിരിക്കാനും കാലുതെററി പുഴയില്‍ വീണതാകാനും സാധ്യതയില്ലേ?
ഇനി ഒരു രണ്ടാം സാക്ഷിയുള്ളത് കുട്ടിയെ കുളിപ്പിക്കാന്‍വന്ന സ്ത്രീയാണ്.
1. താങ്കള്‍ ഇളയ കുട്ടിയെ കുളിപ്പിക്കാന്‍ വരുമ്പോള്‍ ദേവനന്ദ ഉറങ്ങുകയാണെന്ന് മാതാവ് പറഞ്ഞറിഞ്ഞതാണോ? അതോ നേരിട്ടു കണ്ടതാണോ?
2. അപ്പോള്‍ മാതാവ് തുണിയലക്കാന്‍ തുടങ്ങിയിട്ടുണ്ടാകുമോ? അതോ അതിനുമുമ്പേ തിരികെ പോയോ?
3. ഇളയ കുട്ടിയെ കുളിപ്പിച്ച് തിരികെ പോയി ഏകദേശം എത്രസമയം കഴിഞ്ഞാവും കുട്ടിയെ കാണാതായിട്ടുണ്ടാവുക.
ഇനിയുമെവിടെയോ കേട്ടു ഒരു മൂന്നാം സാക്ഷിയുടെ മൊഴി. അത് അയല്‍വീട്ടുകാരിയാണ്. മാതാവ് വീടിനു പിന്നില്‍ തുണികഴുകുന്ന വേളയില്‍ കുട്ടിയുമായി ജനലിലൂടെ സംസാരിച്ചുവെന്നാണ് ആ മൊഴി. ആ മൊഴി സത്യമാണോ? ആ മൊഴിയില്‍ ആ നല്ല അയല്‍ക്കാരി ഉറച്ചുനില്‍ക്കുന്നുണ്ടോ? കുട്ടിയുമായി സംസാരിച്ചത് ഈ പറയുന്ന 15 മിനിട്ടിനിടയില്‍ത്തന്നെയാണോ?
അങ്ങനെയെങ്കില്‍ ആരായിരിക്കും ഒരു വീട്ടില്‍നിന്നും ഒരു കുഞ്ഞിനെ ബോധംപോലും കൊടുത്താതെ സുബോധത്തോടെ കുഞ്ഞിന് ഒന്ന് ഒച്ചപോലുംവയ്ക്കാന്‍ കഴിയാതെ നിശബ്ദം കൊണ്ടുപോകാന്‍ കഴിയുന്ന ആ അദൃശ്യകരം? ഒന്നുറപ്പായി. കുഞ്ഞ് വെള്ളത്തില്‍വീണാണ് മരിച്ചത്. രണ്ട്.... എന്‍റെ വിശ്വാസം ഒന്നുകില്‍ കുഞ്ഞ് ആരെയോ കണ്ട് ഭയന്നോടി (ഏതെങ്കിലും പട്ടിയെയുമാകാം.) വെള്ളത്തില്‍ വീണതാകാം. അല്ലെങ്കില്‍ നൈസായി കൂട്ടിക്കൊണ്ടുവന്നവര്‍ നൈസായി തള്ളിയിട്ടു!
ഇനി ചിന്തിക്കാനേ പാടില്ലാത്തതാണ്.
അടുത്ത സാക്ഷികള്‍ ആരുമില്ലേ ആ നാട്ടുകാരായി?
അമ്മ പറയുന്നതനുസരിച്ച് പ്രസ്തുത ദിവസമോ കഴിഞ്ഞ 5 വര്‍ഷത്തിനകമോ പോലീസ് നായ പോയ വഴിയിലൂടെ ദേവനന്ദയുടെ മാതാവ് സപ്താഹം നടക്കുന്ന അമ്പലത്തിലോ മറ്റെവിടെയങ്കിലുമോ പോയിട്ടില്ലെന്ന മൊഴി നമുക്ക് കണ്ണുമടച്ച് വിശ്വസിക്കാമോ?
ഒരിക്കലും ഞാന്‍ ചിന്തിച്ചത് സംഭവിക്കാതിരിക്കട്ടെ എന്ന് ആത്മാര്‍ത്ഥമായി പ്രാര്‍ത്ഥിച്ചുകൊണ്ട് നിര്‍ത്തുന്നു. ദുരൂഹതകളുടെ കണ്ണികള്‍ എങ്ങും വിട്ടുപോകാതെ കൂട്ടിക്കെട്ടാന്‍വേണ്ട പ്രകാശം സര്‍വ്വേശ്വരന്‍ എല്ലാവര്‍ക്കും നല്‍കട്ടെ. നന്ദി... നല്ല നമസ്ക്കാരം.

Way of the Cross

2020-02-28T11:09:00.000+05:30

കുരിശിന്‍റെ വഴി ജപിക്കുന്നവര്‍ക്ക് ഈശോയുടെ വാഗ്ദാനങ്ങള്‍.

കുരിശ്ശിന്‍റെ വഴി ജപിച്ചുകൊണ്ടപേക്ഷിക്കുന്നവ ലഭിക്കും.
ആത്മാര്‍ത്ഥമായി സഹകരിച്ച് എന്‍റെ സഹനവഴികളെ ജപിക്കുന്ന ഏവര്‍ക്കും ഞാന്‍ നിത്യജീവന്‍ വാഗ്ദാനം ചെയ്യുന്നു.
ജീവിതകാലം മുഴുവനും പ്രത്യേകിച്ച് മരണസമയത്ത് അവരുടെ സഹായത്തിന് ഞാന്‍ ഓടിയെത്തും.
ആരെങ്കിലും വയലിലെ ലില്ലികളെക്കാളും കടല്‍ത്തീരത്തെ മണല്‍ത്തരികളെക്കാളും അധികമായി പാപം ചെയ്താല്‍ത്തന്നെയും കുരിശിന്‍റെ വഴി ജപിക്കുന്നതിലൂടെ അതെല്ലാം ഞാന്‍ മായിച്ചുകളയും. എന്നാല്‍ വിശുദ്ധ കുര്‍ബാന സ്വീകരണത്തിനുമുമ്പ് ചാവുദോഷം കുമ്പസാരിക്കണമെന്നത് ഇതിനാല്‍ ഒഴിവാകുന്നില്ല.
പതിവായി കുരിശിന്‍റെ വഴി ജപിക്കുന്നവര്‍ക്ക് സ്വര്‍ഗ്ഗത്തില്‍ പ്രത്യേക മഹത്വം ലഭിക്കും.
അവര്‍ ശുദ്ധീകരണസ്ഥലത്ത് പോകേണ്ടിവന്നാല്‍ മരിച്ചതിന്‍റെശേഷം വരുന്ന ആദ്യചൊവ്വാഴ്ചയോ വെള്ളിയാഴ്ചയോ അവരെ ഞാന്‍ സ്വര്‍ഗ്ഗത്തില്‍ പ്രവേശിപ്പിക്കും.
കുരിശിന്‍റെ വഴിയുടെ സമയത്തും മരണത്തിലും സ്വര്‍ഗ്ഗത്തിലും എന്നെന്നേക്കും ഞാനവരോടുകൂടെയുണ്ടായിരിക്കും.
മരണസമയത്ത് പിശാച് അവെര പ്രലോഭിപ്പിക്കുവാന്‍ ഞാന്‍ അനുവദിക്കുകയില്ല.
സ്നേഹപൂര്‍വ്വം കുരിശിന്‍റെ വഴി ജപിക്കുന്ന ഓരോരുത്തരെയും ആനന്ദത്താല്‍ ഞാനെന്‍റെ അനുഗ്രഹങ്ങള്‍ നിറയ്ക്കുന്ന ഒരു കുസ്തതോന്തിയാക്കിമാറ്റും.
പതിവായി കുരിശിന്‍റെ ജപിക്കുന്നവരുടെ നേരെ എന്‍റെ ദൃഷ്ടി തിരിഞ്ഞിരിക്കും. അവരെ എപ്പോഴും സംരക്ഷിക്കുവാനായി എന്‍റെ കരങ്ങള്‍ അവരുടെ ചുറ്റുമുണ്ടായിരിക്കും.
ഞാന്‍ ആണികളാല്‍ കുരിശുമായി ബന്ധപ്പെട്ടിരിക്കുംപോലെ കുരിശിന്‍റെ വഴി ജപിച്ച് എന്നെ വണങ്ങുന്നവരുമായി ഞാന്‍ ബന്ധപ്പെട്ടിരിക്കുന്നു.
എന്നില്‍നിന്ന് വിട്ടുമാറി പാപം ചെയ്യാതിരിക്കത്തക്കവിധമുള്ള അനുഗ്രഹങ്ങള്‍ ഞാന്‍ അവര്‍ക്ക് നല്‍കും.
പതിവായി കുരിശിന്‍റെ വഴി ജപിക്കുന്നവരുടെ മരണസമയത്ത് എന്‍റെ സാന്നിദ്ധ്യം നല്‍കി ഞാനവരെ ആശ്വസിപ്പിക്കും. അവരുടെ മരണം എളുപ്പമുള്ളതായിരിക്കും. ഞങ്ങള്‍ ഒരുമിച്ച് സ്വര്‍ഗ്ഗത്തിലേക്ക് പോവുകയും ചെയ്യും.
എന്‍റെ ആത്മാവ് അവര്‍ക്കൊരു ആവരണമായിരിക്കും. എന്‍റെയടുത്ത് എത്തുംവരെ അവരുടെ സഹായത്തിന് എപ്പോഴും ഞാന്‍ ഓടിയെത്തും.

SYMPHONY TV GLOBAL INDIAN DR J ALEXANDER IAS PART 02

2019-11-23T21:55:00.001+05:30

SYMPHONY TV GLOBAL INDIAN DR J ALEXANDER IAS PART 01

2019-11-23T07:43:00.001+05:30

OCEANOS Under Water Tunnel Expo 2019 | Cochin | Jazz World

2019-10-23T20:02:00.001+05:30

നിങ്ങളുടെ വരിക്കാര്‍ നായ്ക്കളല്ല. മനുഷ്യരാണ്.

2019-08-02T13:58:00.000+05:30

മുന്‍നിര ദൃശ്യ -ശ്രാവ്യ മാധ്യമങ്ങള്‍ വിസര്‍ജ്ജ്യം വിളമ്പരുത്. നിങ്ങളുടെ വരിക്കാര്‍ നായ്ക്കളല്ല. മനുഷ്യരാണ്.

എന്‍റെ കുഞ്ഞുനാളില്‍ എന്‍റെ നാട്ടില്‍, വീട്ടില്‍ കക്കൂസ് ഉണ്ടെങ്കിലും കുട്ടികളും മുതിര്‍ന്നവരില്‍ ചിലരെങ്കിലും സ്വന്തം പുരയിടത്തിലോ, ആള്‍പ്പാര്‍പ്പില്ലാത്ത മരക്കമ്പുവിളകളിലെ രണ്ട് മരക്കമ്പുകള്‍ക്കിടയിലോ കണ്ണടച്ചിരുന്ന് ആരും കാണാതെ രണ്ടിനുപോയിട്ടുള്ളവരാണ്. അങ്ങനെയായിരിക്കാം "വെളിക്കിറങ്ങുക" എന്ന വാക്ക് രൂപപ്പെട്ടത്. ഇന്നാരും വെളിക്കിറങ്ങാറില്ല. "അകത്തിറങ്ങുന്നവര്‍" ആയി മാറി നാം. ഈ വെളിക്കിറങ്ങുന്നതൊക്കെ നാട്ടിലുള്ള നായ്ക്കള്‍ ഭക്ഷിച്ച് തൃപ്തരാകുമായിരുന്നു. അങ്ങനെ വെളിക്കിറങ്ങുമ്പോള്‍, തലേന്ന് കഴിച്ച പച്ചത്തക്കാളിയുടെ കുരു, സ്കൂള്‍ വിട്ടുവന്ന് വാട്ടിയ ചീനിയോടൊപ്പം കഴിച്ച പഴുത്ത പച്ചമുളകിന്‍റെ കുരു എന്നിവ ആ മണ്ണില്‍കിടന്ന് കിളിര്‍ത്ത് നല്ല തക്കാളിയും പച്ചമുളകുമൊക്കെ പിടിക്കുന്നത് അനുഭവത്തില്‍ ഞാന്‍ കണ്ടിട്ടുണ്ട്.

ഞാനിത് പറയാന്‍ കാരണം കഴിഞ്ഞ മൂന്ന് ദിവസമായി മനോരമ പത്രത്തില്‍ കണ്ട ഒരേ വാര്‍ത്തയുടെ തുടര്‍ച്ചാവതരണവും അതിന് മനോരമ നല്‍കിയ അമിത പ്രാധാന്യവും ആണ്. ഈ മൂന്ന് നാല് ദിവസമായി മനോരമയുടെ താരം എന്‍റെ നാട്ടുകാരനായ എനിക്ക് ഏറെ പ്രിയങ്കരനായ മൊട്ടജോസ് എന്ന അപരനാമത്തില്‍ അറിയപ്പെടുന്ന ജോസിന്‍റെ വാര്‍ത്തകളാണ്. ഈ ജോസ് മനോരമയിലും മറ്റ് പത്രങ്ങളിലും ഇതുപോലെ നിറഞ്ഞുനില്‍ക്കാന്‍ തുടങ്ങിയത് ഇന്നും ഇന്നലെയും അതിന്‍റെ തലേന്നും മാത്രമല്ല. മൂന്ന് ദശാബ്ദമായിക്കാണും ബഹിര്‍കോളം ബോക്സ് വാര്‍ത്ത ഫുള്‍ സൈസ് ഫോട്ടോവച്ച് അച്ചടിക്കാന്‍ മനോരമകള്‍ തുടങ്ങിയിട്ട്. ചുമ്മാതല്ല ജോസ് ഈ പണിയില്‍ ഉറച്ചുനില്‍ക്കുന്നത്. ഇതില്‍പ്പരം വാര്‍ത്താ പ്രാധാന്യം. മറ്റേത് പണിക്ക് കിട്ടും. ഇതിന്‍റെ ഒരംശം വാര്‍ത്താ പ്രാധാന്യം ലഭിക്കാത്ത നല്ലതുചെയ്ത എത്രയോ മന്ത്രിമാരുണ്ട് നമ്മുടെ സംസ്ഥാനത്ത്. കിട്ടിയാല്‍തന്നെ ഏറിയാല്‍ 5 വര്‍ഷം. പിന്നെ വിസ്മൃതിയില്‍. എന്‍റെ നാട്ടില്‍ത്തന്നെ ദാരിദ്ര്യത്തില്‍ വളര്‍ന്ന് പഠിച്ച് ഐ.എ.എസ്. നേടി അയല്‍ സംസ്ഥാനത്ത് ചീഫ് സെക്രട്ടറിവരെയായി വിരമിച്ച് രാഷ്ട്രീയപ്രവേശനം നടത്തി അവിടെ മന്ത്രിയായി... വൈ.എം.സി.എ.യുടെഅഖിലേന്ത്യാ സാരഥിയായ ഒരു മനുഷ്യന്‍ ഇന്നുമുണ്ട്. ഒരു വിവാദത്തില്‍പ്പെട്ടപ്പോള്‍ പത്രക്കാര്‍ തിരക്കിവന്നതല്ലാതെ മറ്റെന്ത് പ്രാധാന്യമാണ് മനോരമകള്‍ ഇക്കാലമത്രയും ഈ വ്യക്തിക്ക് നല്‍കിയിട്ടുള്ളത്? അതുപോലുള്ള വ്യക്തികളെ വലുതാക്കി പത്രങ്ങള്‍ അവതരിപ്പിച്ചിരുന്നെങ്കില്‍ എത്രയോപേര്‍ക്ക് അത് പ്രചേദനമായേനെ.
വിവാദത്തില്‍പ്പെട്ടതുകൊണ്ടുമാത്രം ഏറെക്കാലം നിറഞ്ഞുനിന്ന കെ. ബാബു ഇന്നെവിടെ. ഇന്ന് ഒരു വിവാദവുമില്ലാത്തതിനാല്‍ ഉമ്മന്‍ചാണ്ടിയെവിടെ? ഒരു പത്രവും കാണില്ല. ..മാത്രമല്ല നല്ലതിനെ ഒരിക്കലും വലുതായിക്കാണാന്‍ "മനോരമകള്‍"ക്ക് ഒരിക്കലും തോന്നാറില്ല. അതിന് ഒരു ചെറിയ ഉദാഹരണമാണ് ഇന്നത്തെ മനോരമയിലെ ജോസ് വാ‍ര്‍ത്തയും ടി.കെ.എം.എഞ്ചിനീയറിംഗ് കോളേജ് നിര്‍മ്മിച്ച് നല്‍കിയ വീടുകളുടെ താക്കോല്‍ദാനചടങ്ങിന്‍റെ വാര്‍ത്തയും. മൊട്ടയ്ക്ക് പുട്ടിന്‍റെ വലിപ്പം... താക്കോല്‍ വെറും പീരയും... വാര്‍ത്തകള്‍ ഞാന്‍ വിശദീകരിക്കുന്നില്ല. പച്ചയ്ക്ക് വിളമ്പുന്ന തത്തുല്യവും വിസര്‍ജ്ജനപരവുമായ ഇത്തരം കളര്‍ഫുള്‍ ബഹുകോളം വാര്‍ത്തകള്‍ വായിച്ചാല്‍ പച്ചത്തക്കാളിയും പഴുത്തമുളകുംപോലെ ചില മനസ്സുകളില്‍ ചില വിഷവിത്തുകള്‍ പൊട്ടിമുളയ്ക്കും. ധാരാളം ഫലം കായ്ക്കും. അത് വീണ്ടും വാര്‍ത്തയാക്കാം. എന്താല്ലേ?
വാല്‍ക്കുറി: ഊട്ടുന്നവന്‍ അറിഞ്ഞില്ലെങ്കിലും ഉണ്ണുന്നവന്‍ അറിഞ്ഞ് ഈണ് നിര്‍ത്തിയാല്‍ മതി. നാട് നന്നാവും.

Kurishinte Vazhi | Way of the Cross Malayalam Full | KESTER

2019-03-08T09:17:00.001+05:30

Administrative Officer_UPSC

2018-07-31T08:31:00.000+05:30

യൂണിയന്‍ പബ്ലിക് സര്‍വ്വീസ് കമ്മീഷന്‍ ഡിഗ്രി യോഗ്യതയുള്ളവരില്‍നിന്നും അഡ്മിനിസ്ട്രേററീവ് ഓഫീസര്‍ തസ്തികയിലേക്ക് അപേക്ഷ ക്ഷണിച്ചു. അപേക്ഷാ സമര്‍പ്പണത്തിന്

Post Metric Scholarship for Students with Disabilities 2018-19

2018-07-31T08:01:00.000+05:30

പ്ലസ് വണ്‍ മുതല്‍ കോളജ്തലംവരെ 40% അംഗപരിമിതിയുള്ള കുട്ടികളില്‍നിന്നും പോസ്റ്റ് മെട്രിക് സ്കോളര്‍ഷിപ്പിന് അപേക്ഷ ക്ഷണിച്ചു. കുടുംബ വാര്‍ഷിക വരുമാനം 2,50,000 ലക്ഷം കവിയാന്‍ പാടില്ല. ഏത് മതവിഭാഗത്തില്‍ പെട്ടവര്‍ക്കും അപേക്ഷിക്കാം. അപേക്ഷാ സമര്‍പ്പണത്തിന്

PLUS ONE 2ND SUPPLY

2018-07-20T09:08:00.002+05:30

PG Nursing 2018

2018-07-20T08:40:00.001+05:30

KEAM 2018 : Option Registration

2018-07-20T08:33:00.000+05:30

Three Year LLB 2018 : Online Application can be submitted from 18/07/2018 to 28/07/2018

2018-07-20T08:27:00.000+05:30

plus one improvement/supplimentary exam

2018-07-19T19:41:00.001+05:30

ഒന്നാംവര്‍ഷ ഹയര്‍ സെക്കന്‍ററി ഇംപ്രൂവ്മെന്‍റ്/ സപ്ലിമെന്‍ററി പരീക്ഷകള്‍ പ്രകൃതി ക്ഷോഭം കാരണം 01/08/2018-നെ ആരംഭിക്കുകയുള്ളു. പുതുക്കിയ ടൈംടേബിള്‍ പിന്നീട്.

poly admission 2018 third allotment

2018-07-18T08:16:00.000+05:30

പോളി അഡ്മിഷന്‍ മൂന്നാം ഘട്ടം അലോട്ട്മെന്‍റ് ലിസ്റ്റ് വന്നു.

ഹൃദയം തകര്‍ന്ന കുട്ടിക്ക് സാന്ത്വനമായി ഫ്രാന്‍സിസ് പാപ്പാ.

2018-04-17T10:50:00.000+05:30

നിരീശ്വരവാദിയായ തന്‍റെ നല്ല പിതാവേ് സ്വര്‍ഗ്ഗത്തിലാണോ? ഹൃദയം തകര്‍ന്ന കുട്ടിക്ക് സാന്ത്വനമായി ഫ്രാന്‍സിസ് പാപ്പാ.

Fr. George Panackal Speech-1

2018-01-24T09:51:00.002+05:30

Holy Spirit - Fr Mathew Naickomparambil VC

2018-01-23T10:50:00.000+05:30

മരിയന്‍ ഗാനങ്ങള്‍ Old is Gold

2018-01-22T21:00:00.000+05:30

ബര്‍ക്കുമന്‍സ് കെ.എല്‍. നിര്യാതനായി

2017-12-26T07:37:00.000+05:30

ഞങ്ങളുടെ രണ്ടാമത്തെ സഹോദരന്‍ ബര്‍ക്കുമന്‍സ് കെ.എല്‍.(65) (വഴുതക്കാട് voltas lane rajiv nagar, തിരുവനന്തപുരം) കര്‍ത്താവില്‍ നിര്യാതനായി. ഭാര്യ പരേതയായ ജോസ്ഫൈന്‍ ലോബോ. മക്കള്‍-ദീപാ ബര്‍ക്കുമന്‍സ്, റെജി ബര്‍ക്കുമന്‍സ്. മാതാപിതാക്കള്‍ കണ്ടച്ചിറ കിഴക്കേകുഴിവിളയില്‍ പരേതരായ ലോറന്‍സ്-മറിയ ദമ്പതികള്‍. സഹോദരങ്ങള്‍- സോളമന്‍ കെ.എല്‍., ഐസക്ക് കെ.എല്‍, മേബിള്‍ കെ.എല്‍. വിനാംസി കെ.എല്‍., ജോസഫ് കെ.എല്‍., ഗില്‍ബര്‍ട്ട് കെ.എല്‍., ഷൈനി കെ.എല്‍. സംസ്ക്കാരം നാളെ (27/12/2017) 9.30ന് പാളയം സെൻറ്.ജോസഫ് കത്തീഡ്രലിൽ കുർബാനയും. ശേഷം സംസ്ക്കാരം പാറ്റൂർ ലത്തീൻ സെമിത്തേരിയിലും.

mob :9400808142

നാട് നന്നാവാന്‍ ഇനി രണ്ടേയുള്ളു മാര്‍ഗ്ഗം.

2017-03-23T14:52:00.000+05:30

കേരളത്തിലെ "പ്രമുഖ" പത്രങ്ങളോട് കേണുവീണൊരപേക്ഷ.
കേരളത്തിലെ പ്രമുഖ മനോരമ, പ്രമുഖഭൂമി, പ്രമുഖ കൌമുദി തുടങ്ങി പ്രമുഖ ദിനപ്പത്രങ്ങളെല്ലാം ഇനിമുതല്‍ ദിനപ്പത്രം ഫാമിലി പതിപ്പ്, കൊമേഴ്സ്യല്‍ പതിപ്പ് എന്ന് രണ്ടായി തിരിച്ച് അച്ചടിച്ച് വിതരണം ചെയ്താല്‍ വളരെ നന്നായിരുന്നു. കൊമേഴ്സ്യല്‍ പതിപ്പിന് ആകെ ചെയ്യേണ്ട മാറ്റം ഒന്നു മാത്രമേ ഉള്ളു. തലക്കെട്ടിനോടൊപ്പം കൊമേഴ്സ്യല്‍ പതിപ്പ് എന്നുകൂടി അച്ചടിക്കുക. ആയത് ചായക്കടകളിലും ബാര്‍ബര്‍ഷോപ്പുകളിലും മറ്റ് വാണിജ്യ-വ്യാപാര സ്ഥാപനങ്ങളിലും മാത്രം വിതറണം ചെയ്യുക. ദയവായി വീടുകളില്‍ വിതറണം ചെയ്യാതിരിക്കുക. ഫാമിലി പതിപ്പില്‍ തലക്കെട്ടില്‍ ഫാമിലി പതിപ്പ് എന്ന് മാത്രം കൊടുത്താല്‍പോരാ. ചരമപ്പേജിനെ വെല്ലുന്ന പീഢനപേജുകളും സകല മസാല വാര്‍ത്തകളും ഒഴിവാക്കുക. കൂടാതെ മോഷണം, പിടിച്ചുപറി ആതിയായവയുടെ എ-ഇസഡ് വിശദീകരണവും കുറ്റവാളികളുടെ കളര്‍ഫുള്‍ ഫോട്ടോ ഇട്ട് പ്രോത്സാഹിപ്പിക്കലും നിര്‍ത്തുകയും ചെയ്യണം. കാശിനുവേണ്ടി എന്തു പരസ്യവും പ്രസിദ്ധീകരിക്കുന്നത് നിര്‍ത്തലാക്കുക. നന്മയുള്ള വാര്‍ത്തകളും വിദ്യാര്‍ത്ഥികള്‍ക്കും ഉദ്യോഗാര്‍ത്ഥികള്‍ക്കും ഉപകാരപ്രദമായ വാര്‍ത്തകളും ധാരാളം ഉള്‍പ്പെടുത്തുക. പേജ് നിറയ്ക്കാന്‍ ആരോഗ്യത്തിന് ഹാനികരമായ കളറുകളും മസാലകളും ഉള്‍പ്പെടുത്താതെ അക്ഷരത്തിന്‍റെ വലുപ്പം കൂട്ടാം. എന്നെപ്പോലെയുള്ളവര്‍ക്ക് കണ്ണാടി വാങ്ങാതെ വായിക്കാന്‍ എളുപ്പവുമാകും. സത്യസന്ധമായതും വിശ്വാസയോഗ്യവുമായ പരസ്യങ്ങള്‍ മാത്രം ഉള്‍പ്പെടുത്തുക. കാരണം വായനക്കാരന്‍ ഈ പരസ്യങ്ങളും നിങ്ങളില്‍നിന്ന് കാശുകൊടുത്താണ് വാങ്ങി വായിക്കുന്നത്. എന്‍റെ വീടിന്‍റെ മുറ്റത്ത് രണ്ടുവര്‍ഷം മുമ്പ് വീണുകിടന്ന ഒരു ജമന്തിപ്പൂ അവിടെക്കിടന്ന് ഉണങ്ങി മണ്ണില്‍ ഒളിച്ച് ദിവസങ്ങളും മാസങ്ങളും അങ്ങനെ കിടന്നുകാണും. മഴപെയ്തപ്പോള്‍ അതില്‍ ഏതാനും വിത്തുകള്‍ കിളിച്ചു. വളര്‍ന്ന് പൂ പിടിച്ചു. സൌരഭ്യം പരത്തി. ആ ചെടികള്‍ ഉണങ്ങിപ്പോയെങ്കിലും അതില്‍നിന്നും വീണ വിത്തുകള്‍ മണ്ണില്‍ ഒളിക്കുകയും അടുത്ത മഴയത്ത് കിളിര്‍ത്ത് മുറ്റം നിറയെ ജമന്തിച്ചെടികള്‍ നിറയുകയും ചെയ്തു. അതുപോലെയാണ് പ്രമുഖ പത്രങ്ങള്‍ എന്ന വിഷവിത്ത് നമ്മുടെ മുറ്റത്ത് വിതറുമ്പോഴും സംഭവിക്കുന്നത്. ജമന്തി സൌരഭ്യം പരത്തിയെങ്കില്‍ പ്രമുഖപത്രങ്ങള്‍ പുറപ്പെടുവിക്കുന്നത് കൊടുംവിഷക്കായ്കളാണ്. ആ വിഷക്കായ്കള്‍ക്കിരകളായവരെ നാളെ പുതിയ വാര്‍ത്ത ആക്കുക. അത് വിറ്റ് കാശാക്കുക. ചര്‍ച്ച ചെയ്യുക. നമ്മെ വീണ്ടും വീണ്ടും വഷളാക്കുക. വെറും കച്ചവടത്തിന്‍റെ ഭാഗമാകരുത് നല്ല പാഠവും മറ്റും. വിഷപാത്രത്തിലല്ല നല്ലപാഠം വിളമ്പേണ്ടത്. അതിനാല്‍ നമുക്ക് കൈകോര്‍ക്കാം നല്ലൊരു നാടിനായി. നാട് നന്നാവാന്‍ ഇനി രണ്ടേയുള്ളു മാര്‍ഗ്ഗം. (ഒന്ന്) പ്രമുഖ പത്രങ്ങള്‍ നല്ലതുമാത്രം വിതറുക. അല്ലെങ്കില്‍ (രണ്ട്) നാം പ്രമുഖ പത്രങ്ങളെ വീട്ടില്‍നിന്നും പടിയടച്ച് പിണ്ടം വയ്ക്കുക.
നല്ലതു കാണുവാന്‍.... നല്ലതു കേള്‍ക്കുവാന്‍.... ഒത്തിരി ആശയോടെ,
ഗില്‍ബര്‍ട്ട് കെ. എല്‍. കണ്ടച്ചിറ
9400808142

യൌസേപ്പ് പിതാവിന്‍റെ തിരുന്നാളും ചില ചിന്തകളും

2017-03-18T11:25:00.000+05:30

ഇത് മാര്‍ച്ച് മാസം. വി. യൌസേപ്പ് പിതാവിന്‍റെ വണക്കമാസം. നാളെ മാര്‍ച്ച് 19 . യൌസേപ്പ് പിതാവിന്‍റെ തിരുന്നാള്‍. നാളെ മിക്ക ദേവാലയങ്ങളിലും യൌസേപ്പ് പിതാവിന്‍റെ ആഘോഷമായ തിരുനാളും സ്നേഹവിരുന്നും ഉണ്ടാകും. നല്ല ആ മാതൃക പിന്തുടര്‍ന്നാണല്ലോ ഇന്ന് മിക്ക ക്ഷേത്രങ്ങളിലും അന്നദാനവും സമൂഹസദ്യയും നടക്കുന്നത്. എന്‍റെ കുഞ്ഞുനാള്‍ മുതല്‍ ഞാന്‍ വീട്ടിലുണ്ടായിരുന്ന കാലംവരെയും ഞാന്‍ കണ്ടിട്ടുള്ള, അനുകരിച്ചിട്ടുള്ള ഒരു ശീലമുണ്ട്. തിരുനാളിന് ആവശ്യമായ വെള്ളം വീടുകളില്‍നിന്നും കുടംനിറച്ച് പള്ളിയില്‍ എത്തിക്കുക. എത്രയോ വര്‍ഷങ്ങള്‍ ഞാനതു ചെയ്തിട്ടുണ്ട്. ഇന്നാണ് അതിന്‍റെ അര്‍ത്ഥവും വ്യാപ്തിയും മനസ്സിലാക്കാന്‍ കഴിയുന്നത്. അന്ന് ദൈവം ദാനമായി തന്നതിന്‍റെ നന്ദിയും വെള്ളം കുടി മുട്ടിക്കരുതേ എന്ന പ്രാര്‍ത്ഥനയുമായിരുന്നില്ലേ അത്. ഇന്ന് ഒരു ലിറ്റര്‍ വെള്ളത്തിന്‍റെ വില 15 രൂപ. ഇക്കഴിഞ്ഞ ദിവസങ്ങളില്‍ എന്‍റെ അടുത്ത പ്രദേശത്ത് ഒരു ടാങ്ക് വെള്ളം (500 ലിറ്റര്‍) വിതരണത്തിന് വില 150 മുതല്‍ 300 രൂപവരെയായിരുന്നു. അന്ന് കുടവും വെള്ളവും വീട്ടില്‍നിന്നും പള്ളിവരെ (കണ്ടച്ചിറ) തോളില്‍ ചുമന്നതിന്‍റെ ഫലം, കഴിഞ്ഞ 19 വര്‍ഷമായി മാറി മാറി താമസിച്ച വീടുകളിലൊക്കെ സമൃദ്ധമായി നല്ല വെള്ളം കിട്ടിഎന്നതും ഇപ്പോഴും കിട്ടുന്നു എന്നതുമാണ്. അപ്പോള്‍ നമുക്ക് നന്ദിചൊല്ലി തീര്‍ക്കുവാന്‍ വാക്കുകള്‍ മാത്രം പോരാ. ഇനിയും കുടം നിറച്ചുതന്നെ കൊടുക്കണ്ടേ?
ഇനി സ്നേഹവിരുന്നില്‍ നമുക്ക് അല്പംകൂടി കടന്ന് ചിന്തിക്കേണ്ട സമയം കഴിഞ്ഞില്ലേ എന്നൊരു ചിന്ത. നമ്മുടെ സ്നേഹവിരുന്ന് കഴിയുമ്പോള്‍ മിക്ക ദേവാലയങ്ങളിലും ധാരാളം അരിയും പലവ്യജ്ഞനങ്ങളും പച്ചക്കറികളും അധികം വരാറുണ്ട്. ഇവ നാം ലേലം വിളിച്ച് കൊടുക്കുകയാണ് പതിറ്റാണ്ടുകളായി നമ്മുടെ പതിവ്. ഇക്കുറി അതിനൊരു മാറ്റം വരുത്തിക്കൂടെ. അധികം വരുന്ന അരിയും പലവ്യജ്ഞനങ്ങളും മറ്റ് ഉപകരണങ്ങളും ലേലം വിളിക്കാതെ വൈദീകന്‍ ആശീര്‍വദിച്ച് എല്ലാവര്‍ക്കും അല്പംവീതം നേര്‍ച്ചയായി കൊടുത്തുകൂടെ? ദാനമായി കിട്ടിയത് ദാനമായി കൊടുക്കാന്‍ ദേവാലയംതന്നെ മാതൃക കാണിക്കുന്നതല്ലേ വിശ്വാസജീവിതം?
ഇവിടെ നിറുത്താം. ഒരുതരം.... രണ്ടുതരം.... മൂന്നുതരം.....
ഇതു വായിക്കുന്ന ഏതെങ്കിലും വൈദീകരോ അജപാലനസമിതി അംഗങ്ങളോ ഇക്കാര്യത്തില്‍ മാതൃക കാട്ടാന്‍ മുന്നോട്ടുവരുമോ? വി. യൌസേപ്പ് പിതാവിന്‍റെ തിരുനാള്‍ മംഗളങ്ങള്‍ എല്ലാവര്‍ക്കും നേര്‍ന്നുകൊണ്ട്,
ഗില്‍ബര്‍ട്ട് കെ. എല്‍
കണ്ടച്ചിറ