தப்லீக் ஜமாஅத் ஓர் ஆய்வு !!!

ரத்துல் முஹன்னத் நூலுக்கு அரபுலக ஸுன்னி உலமாக்களது ஒப்புதல்

2026-02-20T03:02:16.602-08:00

இதோ யெமனில் உள்ள ஹனஃபீக்களின் முஃப்தி ஷெய்கு காசிம் ஸாலிஹ் முஹம்மது குஸைம் அல்-ஜபீதி அல்-யமானி حفظه الله அவர்களின் **ரத்துல் முஹன்னத் அலல் முஃபன்னத்** என்ற நூலுக்கு அளித்த அங்கீகாரத்தின் தமிழ் மொழிபெயர்ப்பு:

بسم الله الرحمن الرحيم

அல்லாஹ்வின் பெயரால் - அருளாளன், கருணையாளன்.

எல்லாப் புகழும் அல்லாஹ்வுக்கே உரித்து. அவன் தன் அடியார்கள் மீது ஆதிக்கம் செலுத்துபவன், ஞானமுடையவன், நன்கறிந்தவன். மிக உயர்ந்த, மேலான, முழுமையான, பரிபூரணமான சலவாத்தும் ஸலாமும், நற்செய்தி சொல்பவனாகவும், எச்சரிப்பவனாகவும் இருக்கும் நமது தலைவரான முஹம்மத் ﷺ அவர்கள் மீதும், அவர்களின் உயர்ந்த குடும்பத்தினர் மீதும், தோழர்கள் மீதும், மறுமை நாள் வரை அவர்களைப் பின்பற்றுபவர்கள் மீதும் உண்டாகட்டும்.

நான் என் திறனுக்கு ஏற்ப, **ரத்துல் முஹன்னத் அலல் நஹீக் அலம்பேதீ அல்-முஃபன்னத்** என்ற தலைப்பில் உள்ள நூலைப் பார்வையிட்டேன். இந்நூலின் ஆசிரியர், புகழ்பெற்ற ஷெய்கு அறிவாற்றல் மிக்க அறிஞர், அஹ்லுஸ் சுன்னாவின் சிங்கம், சிறந்த விவாத வீரர், முஃப்தி அபுல் ஃபத்ஹ் முஹம்மது ஹஷ்மத் அலீ கான் ஹனஃபீ, மாதுரீதீ, காதிரீ, ரிழ்வீ, ஹிந்தி رَحِمَهُ ٱللَّٰهُ அவர்களால் எழுதப்பட்டது.

இந்நூலை மொழிபெயர்த்து திருத்தியவர் அஷ்-ஷெய்கு அல்-அல்லாமா அபு ஆதிகா அஸ்ஹார் அஹ்மத் அல்-அம்ஜதீ அல்-மிஸ்பாஹீ அல்-அஸ்ஹரீ ஆவார். அவர் ஜாமியுல் அஸ்ஹர் பல்கலைக்கழகத்தில் உஸூலுத்தீன் பீடத்தில் ஹதீஸ் துறையில் பட்டம் பெற்றவர். (அல்லாஹ் அவருக்கு நல்வாழ்வு அளித்து, பாதுகாத்து, முஸ்லிம்களுக்கு பயனளிக்கட்டும். நிச்சயமாக அல்லாஹ் மிகப்பெரும் கொடை வள்ளல்).

இந்நூலை நான் ஆராய்ந்தபோது, இது பொருள்களை தெளிவாக வெளிப்படுத்துவதில் பெரும் திறமை கொண்ட மொழிபெயர்ப்பு என்பதையும், சொற்களையும் வாக்கியங்களையும் ஒழுங்காக அமைத்திருப்பதையும் கண்டேன். அல்லாஹ் மிக உயர்ந்தவன், அவன் இதை தன் நற்செயல்களின் தராசில் வைக்கட்டும் - அன்று செல்வமோ மக்களோ பயனளிக்காது, தூய்மையான இதயத்துடன் வருபவரைத் தவிர.

அன்பார்ந்த வாசகரே! இந்நூலின் சிறப்புகளையும் அதன் ஆசிரியரின் முயற்சிகளையும் - நகல் செய்யப்பட்ட கூற்றுகளை கவனமாக ஆராய்ந்து, ஏமாற்றுகளை விளக்கியதையும், பொய்யர்களின் சந்தேகங்களையும் பொய்களையும் மறுத்ததையும் - ஆசிரியரே தன்னுடைய நூலில் தெளிவாக வெளிப்படுத்தியுள்ளார். அதைவிட அதிகமாக நான் விவரிக்க முடியாது.

நான் இந்நூலின் ஆசிரியர், மொழிபெயர்ப்பாளர் ஆகியோருடன் இணைந்து கொள்ளும் ஆசையால் தூண்டப்பட்டு, **ஹுஸாமுல் ஹரமைன் அலா மன்ஹரில்குஃப்ரி வல் மய்ன்** என்ற நூலுடன் இணைந்து குரல் கொடுக்க விரும்புகிறேன். அவர்களுடன் இணைந்து அணியை பெருக்கி, உண்மையையும் அதன் மக்களையும் ஆதரிப்பதில் பங்கு பெற விரும்புகிறேன்.

நிச்சயமாக ஆசிரியர் இதில் சிறப்பாக செயல்பட்டு மற்றவர்களுக்கு பயனளித்துள்ளார். அவர் புரிதலிலும் விளக்கத்திலும் உயர்ந்த நிலையில் உள்ளார். இந்நூலை மூன்று பிரிவுகளாக அமைத்துள்ளார்: பொது அகீதா, நபித்துவம், நபிமார்கள் عليهم السلام மற்றும் அவ்லியாக்கள் رحمهم الله ஆகியோரின் கப்றுகளை ஜியாரத் செய்வது மற்றும் அதனுடன் தொடர்புடையவை. இதன் அடிப்படையில் நாற்பத்தி ஒரு அத்தியாயங்களை ஏற்பாடு செய்துள்ளார்.

அல்லாமா அபு ஆதிகா அவர்கள், வஹ்ஹாபிய்யா, தேவ்பந்திய்யா, காதியானிய்யா மற்றும் பிற வழிகெட்ட பிரிவுகளை மறுத்த புகழ்பெற்ற அறிஞர்களின் பெயர்களை சேர்த்து சிறப்பாக செயல்பட்டுள்ளார். அவர்களை ஐந்து வரலாற்று தலைமுறைகளாக ஒழுங்குபடுத்தியுள்ளார். குறிப்பாக மூன்றாம் தலைமுறையில், வீரமிக்க இமாம், ஹதீஸ் கலைஞர், ஃபிக்ஹ் அறிஞர், அஹ்லுஸ் சுன்னா வல் ஜமாஅத்தின் இமாம் அஹ்மத் ரிழா கான் رَحِمَهُ ٱللَّٰهُ அவர்களை குறிப்பிடுகிறேன்.

இந்த இமாம்களை பட்டியலிடுவது, ஒவ்வொரு காலகட்டத்திலும் அறிஞர்களின் கவலை - முஸ்லிம்களின் அகீதாவை கெடுப்பவர்களை எதிர்த்து, அவர்களின் ஒற்றுமையை பிரிப்பவர்களுக்கு எதிராக எச்சரிப்பது என்பதை உணர்த்துவதற்காகவே. சந்தேகமின்றி ஒவ்வொரு நீதிமான மாணவரும் வாசகரும் இந்த பெருமையான ஆவணத்தை - அறிஞர்களையும் அவர்களின் மறுப்புகளையும் உள்ளடக்கியதை - மகிழ்ச்சியுடன் பார்ப்பார்கள்.

ஏமாற்றக்காரர்கள், வீரமிக்க இமாம், ஃபிக்ஹ் அறிஞர், முஜத்தித், அஹ்லுஸ் சுன்னா வல் ஜமாஅத்தின் இமாம் அஹ்மத் ரிழா கான் عليه رحمة الرحيم الرحمن அவர்களின் **ஹுஸாமுல் ஹரமைன்** நூலுக்கு ஆட்சேபனைகளை எழுப்பி, குற்றச்சாட்டுகளை சுமத்தினர் - ஆனால் அக்குற்றச்சாட்டுகளுக்கு அவர்களே தகுதியானவர்கள். எனவே, விவாதம் செய்ய அறிந்த ஒரு அறிஞர் களத்திற்கு இறங்க வேண்டியிருந்தது - போராட்டத்தில் வல்ல ஒரு வீரர். அவர் **ஹுஸாமுல் ஹரமைன்** (இரு புனித இடங்களின் வாள்) ஐ தவறான **அல்-முஹன்னத்** (வாள்)க்கு எதிராக உயர்த்தினார். புகழனைத்தும் அல்லாஹ்வுக்கே! அல்-முஹன்னத் உடைக்கப்பட்டது.

முடிவாக, அல்லாஹ் தஆலா, மிக உயர்ந்தவன், மிகப் பெரியவன், மிகத் தூய்மையானவன் - அவனிடம் பிரார்த்திக்கிறேன்: முஸ்லிம்களை வலுப்படுத்துவானாக, தெளிவான உண்மையில் அவர்களை ஒன்றிணைப்பானாக. வல்லமையும் ஆற்றலும் அல்லாஹ் தஆலாவிடமே உள்ளது, மிக உயர்ந்தவன், மிகப் பெரியவன். நமது தலைவரான முஹம்மத் ﷺ அவர்கள் மீதும் அவர்களின் குடும்பத்தினர் மீதும் தோழர்கள் மீதும் அல்லாஹ்வின் சலவாத்தும் ஸலாமும் உண்டாகட்டும்.

அல்லாஹ்வின் ஏழையடியான்,

காசிம் ஸாலிஹ் முஹம்மது குஸைம்

ஹனஃபீக்களின் முஃப்தி, ஜபீத், யேமன்

5ஆம் ஜுமாதல் ஆகிரா, 1442 ஹிஜ்ரி

தேவ்பந்திகளும் வஹாபிகளும்

2025-09-19T06:57:00.001-07:00

தேவ்பந்தி இல்யாசி தப்லீக் ஜமாத்தின் முன்னோடியான மவ்லவி ரஷீத் அஹ்மத் கங்கோஹி தமது பதாவா வில் வஹாபிசத்தின் நிறுவனர் இப்னு அப்துல் வஹாப் நஜ்தி தமீமீ பற்றி பின்வருமாறு எழுதியுள்ளார்,

" முஹம்மது இப்னு அப்துல் வஹாப் என்பவர் வஹாபி என்றழைக்கப்படுகின்றார்.அவர் நல்ல மனிதர்.அவர் ஹன்பலி மத்ஹபை பின்பற்றியவர் என்று சொல்லப்படுகின்றது. அவர் பித்அத்துகளையும் ,இணைவைத்தலையும் வெறுத்தார்."

" முஹம்மது இப்னு அப்துல் வஹாபின் ஆதரவாளர்கள் வஹாபிகள் என்றழைக்கப்படுகின்றனர். அவர்களது கொள்கைகள் மிகவும் சிறப்பானவை."

[ 📕 பதாவா ரஷீதியா ,பக்கம் 292]

இதனைப் பின்பற்றி தேவ்பந்திகளின் பத்வா வழங்கும் தளமும் மறுபதிப்பு செய்துள்ளனர்,

பதில் மொழிபெயர்ப்பு : அப்துல் வஹாப் நஜ்தியின் ஆதரவாளர்கள் தான் வஹாபிகள் எனப்படுவோர்.அப்துல் வஹாப் நஜ்தி ஹன்பலி மத்ஹபை பின்பற்றும் அஹ்லுஸ் ஸுன்னத் வல் ஜமாத்தை சார்ந்தவர்.சில விஷயங்களில் நமது முன்னோடிகளான ஷாஹ் இஸ்மாயில் ஷஹீதிற்கும் ,அவருக்கும் இடையே முரண்பாடுகள் உண்டு.அவர்களைக் குறித்து நாம் நல்லவிதமாக எண்ணம் கொள்ள வேண்டும்.அவர்களைக் குறித்து கெட்ட விதமாக பேசக்கூடாது .

தமிழக ஜமாத்துல் உலமா உலமாக்கள் தமது பயான்களிலும்,இணையதளங்களிலும் வஹாபிகள் என்று கூறிக் கொண்டே வழகெட்ட கொள்கையுடைய தேவ்பந்திகளை ஆதரிப்பது ,தமது கையால் தமது கண்ணை தாமே குத்துவது போல தான் முடியும் !

தப்லீக் ஜமாத் என்னும் வழிகேடு

2024-02-24T03:24:00.001-08:00

தப்லீக் ஜமாஅத் வழிகேட்டின் மொத்த உருவம்

இன்றைக்கு நம்முடைய சமூகத்தில் பரவலாகப் பலராலும் பேசப்படுகின்ற ஒரு இயக்கம் தப்லீக் ஜமாஅத் அகும் . நபிமார்கள் செய்த வேலையை வழி காட்டும் ஒரே வழிகாட்டி தப்லீக் ஜமாஅத் என அவ்வியக்கத்தைச் சார்ந்தவர்கள் மக்களிடத்தில் தங்களை அறிமுகப்படுத்திக் கொள்கிறார்கள் .

பலரும் இதன் பெயரினைக் கேட்டு அதன் வெளிவேஷத்தைக் கண்டு மயங்கி அதனை உண்மையான இயக்கம் எனக் கருதி அதன் பின்னே செல்லமுற்படுகின்றனர் . உண்மையில் இவர்களின் நோக்கம் என்ன ? மக்களை நேர்வழி படுத்த வந்தார்களா ? இல்லை மக்களை வழிகேடுக்க வந்தார்களா ? என்றால் நமக்கு அதிர்ச்சியான விஷயம் தான் காத்துருக்கிறது .

தப்லீக் ஜமாஅத் நிலை :

முதல் முதலில் இந்தியாவில் வஹ்ஹாபி கொள்கையை பரப்புவதற்க்கு உருவாக்கப்பட்ட இயக்கமே ! தப்லீக் ஜமாஅத் தான் .ஏனென்றால் ? இவ்வியக்கத்தை உருவாக்கிய தலைவர் இல்யாஸ் , அவரது ஆசிரியர்கள் , பேசிய பேச்சுகளும் ,எழுதிய எழுத்துகளும் , இவ்வியக்கத்தின் அசல் நோக்கம் , வஹ்ஹாபிசத்தை பரப்புவது தான் என்பதை தெளிவுபடுத்துகிறது .

தப்லீக் ஜமாஅத் உண்மை நிலையை தோலுரித்து காட்டுவதற்காக ,தப்லீக் ஜமாஅத் குறித்து மறுக்க இயலாத உண்மைகளை அந்த இயக்கத்தை உருவாக்கிய தலைவர்களின் நூல்களில் இருந்தே எடுத்து காட்டி மக்களுக்கு அது ஒரு மோசமான இயக்கம் தான் .அதனைவிட்டு விளகி நடப்பது நம்மின்மீது கடமை தப்லீக் ஜமாஅத் சுன்னத் ஜமாஅத் அல்ல என்பதை புரிந்து கொள்ளுங்கள் .

இந்தியாவில் முதலில் வஹ்ஹாபி கொள்கையை பரப்பியது யார் ?

பதிமூண்றாவது நூற்றண்டில் மிக பிரபலம் பெற்ற தில்லி மாநகரில் கல்வியில் பேரும் புகழும் வாய்ந்த அஜீஸிய்யாக் குடும்பத்தில் ( ஷெய்குனா ஷாஹ் அப்துல் அஸீஸ் முஹத்திது திஹ்லவிய்யி ரஹிமஹூல்லாஹ் அவர்களின் குடும்பத்தில் ) முஹம்மது இஸ்மாயீல் என்றொருவர் பிறந்தார் . இவர் அதிக புத்திக் கூர்மையானவர் . சில சமயம் புத்திக்கூர்மை ஈமானையும் , மார்க்கத்தையும் நாசப்படுத்தும் என்பதை நாம் விளங்க முடிகின்றது .

உலகத்தில் உள்ள வழிகேடர்கள் எல்லாம் பெரும்பாலும் புத்தி சாலியாக தான் இருப்பார்கள் என்று இமாம் கஸ்ஸாலி ரலியல்லாஹூ அன்ஹூ அவர்கள் கூறினார்கள் '' மா தல்ல மன் தல்ல இல்லா பி இஹ்திமாமில் அகல் '' வழிகேட்டவர்களை எல்லாம் பாருங்கள் பெறும்பாலும் அறிவுடையவர்களாக இருப்பார்கள் .(உதாரணம் ) காதியானி ஒரு நல்ல திறமைசாலி ஆனால் கடைசியாக நான் தான் நபி என்று வாதிட்டதன் காரணம் அவனுடைய அறிவுதிறன் தான் ,

மௌலவி இஸ்மாயீல் என்பவர் ஹஜ்ஜூக்கு செல்ல நினைத்தார் .அப்போது ஹிஜாஸிக்கு போனார்கள் , மொளலவி இஸ்மாயீலுக்கு அங்குதான் வஹ்ஹாபிகளுடைய பிறபல்யமான '' கிதாபு தவ்ஹீத் '' என்ற நூல் கிடைத்தது . மௌலவி இஸ்மாயீல் தான் '' கிதாபு தவ்ஹீத் '' என்னும் நூலை '' தக்வியத்துல் ஈமான் '' என்னும் பெயரில் ஃபார்சியிலும் அதன் மொழிபெயர்ப்பை உருதுவிலும் எழுதி இந்தியாவில் வஹ்ஹாபிய விஷத்தை தூவினார்.

மௌலவி இஸ்மாயீல் , அப்துல் வஹ்ஹாபு நஜ்தியைப் பின்பற்றி மக்கா முஷ்ரிக்கீன்கள் விஷயத்தில் இறங்கிய ஆயத்துகளை எல்லாம் முஸ்லிம்கள் பெயரில் சுமத்தி ஷிர்க்கைப் போட்டு எல்லா முஸ்லிம்களையும் முஷ்ரிக்குகள் என்று முடிவு செய்தார் . நபிமார்கள் , இறைநேசர்கள் ,சன்மார்க்கப் பெரியோர்கள் , எல்லோரையும் பற்றி கடுமையாக, கேவலமாக பேசினார் .

கடைசியாக செருப்புக்கேற்ற ஜோடிச் செருப்பு வாய்ந்தது என்பதற்கொப்ப முந்தின வஹ்ஹாபியான அப்துல் வஹ்ஹாப் நஜ்தி உடைய கிதாபு தவ்ஹிதில் எவறெற்றை எல்லாம் எழுதியிருந்தாரோ அவையனைத்தையும் - இல்லை இல்லை அதற்கு மேலும் இந்த மௌலவி இஸ்மாயீல் தன்னுடைய தக்வியத்துல் ஈமானில் எழுதிவிட்டார் . மேலும் வஹ்ஹாபிக்கொள்கையைப் பரப்புவதில் மௌலவி இஸ்மாயீல் போக்கு முஹம்மது இப்னு அப்துல் வஹ்ஹாபு கையாண்ட வழியாகவே இருந்தது .

முஸ்லிம்களில் சிலர் மௌலவி இஸ்மாயீலால் ஏமாற்றமடைந்தார்கள் . சுன்னத் ஜமாஅத்து உலமாக்கள் மௌலவி இஸ்மாயீலின் கொள்கைகளை வெளிப்படுத்தி கொள்கையில் இவரும் வஹஹாபிகளேதான் என்பதை முஸ்லிம் மக்களுக்கு தெளிவாக எடுத்துக் காட்டினார்கள் .

உண்மையை உணர்ந்த முஸ்லிம்கள் இவர்களை விட்டு வெருண்டோடினார்கள் ,

முடிவாக வஹ்ஹாபிக் கொள்கை முஸ்லிம்களில் ஒப்புக்கொள்ளப்படாமல் போய்விட்டது .

இவ்வாறாக ஏறத்தாழ ஒன்றரை நூற்றாண்டாகியும் இந்தியாவில் வஹ்ஹாபிய்யாக்களுடைய முயற்சிகளெல்லாம் பலனற்றுப் போய்விட்டது ? . இதைபார்த்த வஹ்ஹாபிய்யாக் கூட்டத்தார்கள் எப்படி நாம் மக்களுக்கு மத்தியில் நம்முடைய கொள்கையை பறப்புவது , எந்த வேடத்தில் போனால் நம்முடைய கொள்கையை பறப்பமுடியும் , என்று சிந்திக்க அறம்பித்தார்கள் வஹ்ஹாபிய்யாக் கூட்டத்தார்களில் மௌலவி இல்யாஸ் என்ற பெயருடையவர் ஒரு கூட்டத்தை உற்பத்தி செய்து அந்த கூட்டத்திற்க்கு '' தப்லீக் ஜமாஅத் '' என்று பெயர் சுட்டினார் .

வஹ்ஹாபி உலமாக்களையும் , பிரசங்கிகளையும் , ஒன்று கூட்டினார் . வஹ்ஹாபிக் கொள்கையைப் பிரச்சாரம் செய்வதற்க்கு தடங்கல் ஏற்படாதவாறு , பொது ஜனங்கள் இக்கொள்கைகளைச் சந்தோஷமாக ஏற்றுக் கொள்ளக்கூடியவாறும் சில திட்டங்களை ஏற்படுத்தினார் .

தப்லீக் ஜமாஅத் தோற்றம் & தோற்றியவர்கள்:

தப்லீக் ஜமாஅத்தின் தோற்றம் 1926 ல். வட இந்தியாவைச் சேர்ந்த மௌலவி இல்யாஸ் காந்தலவி அவரால் உருவாக்கப்பட்ட இயக்கமே தப்லீக் ஜமாஅத்தாகும் ,

மௌலவி இல்யாஸின் குருமார்கள்

1. மௌலவி இஸ்மாயீல் தெஹ்லவி

2. மௌலவி காசிம் நானுத்தவி

3. மௌலவி கலீல் அஹ்மத் அம்பேட்டி

4. மௌலவி ரஷித் அஹ்மத் கங்கோஹி

5. மௌலவி அஷ்ரஃப் அலி தானவி

தப்லீக் ஜமாஅத் என்பது கலிமா , தொழுகை , பற்றி இஸ்லாமிய மக்களிடம் உபதேசம் செய்து மக்களை நல்வழி படுத்துகிறோம் , எங்களுக்கு எந்த கொள்கைகளைப் பற்றியும் , பேசவோ , வாதிக்கவோ , நோக்கம் மில்லை , நேரம் மில்லை , என்று இவர்கள் வெளியில் சொல்லிக்கொள்ளவும் செய்வார்கள் . ஆனாலும் இந்த தப்லீக் ஜமாஅத்தை உண்டாக்கிய மௌலவி இல்யாஸின் வார்த்தைகளையும் & எழுத்துக்களையும் , பார்த்த பின் , கேட்ட பின் இவர்களின் நாட்டம் கலிமா , தொழுகைகளைச் சரியாகச் செய்யும்படி போதிப்பது மட்டுமில்லை .

அத்துடன் பொதுமக்களைத் தங்கலுடைய கொள்கையில் கொண்டு திருப்பி வஹ்ஹாபிய்யாக் கொள்கையைப் பரப்புவது தான் அவர்களுடைய குறிக்கோள் , நோக்கம் , என்பதை நீங்களே புரிந்து கொள்வீர்கள் .

குர்ஆன் & ஹதீஸ் மூலம் தப்லீக் ஜமாஅத் பற்றிய ஆய்வு:

தப்லீக் ஜமாஅத் இயக்கம் சுன்னத் ஜமாஅத் அல்ல

குழப்பங்களும் , சோதனையும் , நிறைந்த இக்காலத்தில் புதிய புதிய கொள்கையுடையவர்கள் , விதற்பமான கூட்டத்தார்களும் , வருவது திகைப்பையும் , ஆச்சரியத்தையும் , கொடுக்க கூடிய விஷயமல்ல !எனென்றால் ? ஏறக்குறைய '' 1400 '' ஆண்டுகளுக்கு முன்னதாகவே '' நபிகள் கோமான் ஸல்லல்லாஹூ அலைஹிவஸல்லம் அவர்கள் இப்படி பட்ட புதிய கூட்டத்தார்கள் தோன்றுவார்கள் என்பதை பற்றி முன்னறிவிப்பு கூறி எச்சரிக்கை செய்து உள்ளர்கள் .

ஹதீஸ் : 1

நபிகள் கோமான் ஸல்லல்லாஹூ அலைஹிவஸல்லம் அவர்கள் கூறினார்கள் : யூதர்கள் எழுபத்தோரு கூட்டமாக அல்லது எழுபத்திரண்டு கூட்டமாக பிரிந்தார்கள் , அப்படியே கிருஸ்துவர்களும் , என்னுடைய உம்மத்துகள் எழுபத்தி மூன்று கூட்டங்களாக பிரிவார்கள்

(அறிவித்தவர் : அபூ ஹூரைரா ரலியல்லாஹூ அன்ஹூ , நூல் : திருமிதி )

ஹதீஸ் : 2

நபிகள் கோமான் ஸல்லல்லாஹூ அலைஹிவஸல்லம் அவர்கள் கூறினார்கள் : இஸ்ரவேலர்கள் எ ழுபத்திரண்டு கூட்டங்களாக பிரிந்தார்கள் , என்னுடைய உம்மத்துக்கள் எழுபத்தி மூன்று கூட்டங்களாக பிரிவார்கள் . ஒரு கூட்டத்தாரை தவிர மற்றெல்லாக் கூட்டத்தார்களும் நரகவாதிகள் , யா ரஸூலுல்லாஹ் (ஸல்லல்லாஹூ அலைஹி வஸல்லம்) அந்த ஒரு கூட்டத்தார் யார் ? என ஸஹாபாக்கள் கேட்டார்கள் : நானும் என்னுடைய ஸஹாபாக்களும் எந்த கொள்கையிலிருக்கிறோமோ . அந்த கொள்கையுடையவர்கள் .

(அறிவித்தவர் : உமர் ரலியல்லாஹூ அன்ஹூ , நூல் : திருமிதி )

'' நானும் என்னுடைய ஸஹாபாக்களும் இருக்கிற கொள்கைய் இருப்பவர்கள் '' என்று நபிகள் கோமான் ஸல்லல்லாஹூ அலைஹிவஸல்லம் அவர்கள் கூறினார்கள் : அல்லவா அந்த ஒரு கூட்டம் எது என்பதை பற்றிய விளக்கத்தை '' மிஷ்காத்து ஷரீஃபின் விரிவுரையான '' மிர்காத்து '' என்னும் கிரந்தத்தில் அதன் ஆசிரியர் '' முல்லா அலி காரீ '' ரலியல்லாஹூ அன்ஹூ அவர்கள் சொல்கிறார்கள் :

لا شك و لا رىب انهم اهل السنة والجماعة

''அவர்கள் சுன்னத் வல் ஜமாஅத் அந்தக் கூட்டத்தார்கள் என்பதில் எவ்வித சந்தேகமோ , ஐயப்பாடோ கிடையாது ''

மேலே கூறப்பட்ட ஹதீஸ்களில் ஈடேற்றம் பெறுகிறவர்கள் சுன்னத் ஜமாஅத் கூட்டம் ஒன்றுதான் .மற்றகூட்டத்தார்களெல்லாம் நரகவாதிகள் என்று நமக்கு தெரியவருவது போல நபி ஸல்லல்லாஹூ அலைஹிவஸல்லாம் அவர்களுடைய உம்மத்து பல வகையாகப் பிரிவார்கள் .அவர்களில் பலதரப்பட்ட கொள்கையுடைவர்கள் தோன்றுவார்கள் என்றும் தெரியவருகிறது .

நபி ஸல்லல்லாஹூ அலைஹிவஸல்லாம் அவர்களுடைய முன்னறிவுப்பின் பிரகாரம் பல கூட்டங்கள் வந்து பெயர் மறையும் புதைகுழியில் மறைக்கப்பட்டு இன்று பொதுஜனங்களுக்கு அவற்றின் பெயர் கூடத் தெரியாத அளவுக்கு மாண்டு மறைந்து போனது .

ஆனால் சில கூட்டத்தார்கள் இன்று வரையும் பொது மக்களை ஏமாற்றி வழிகெடுக்கக் கூடிய வேலையிலேயே கண்ணும் கருத்து மாயிருக்கிறார்கள் அத்தகைய கூட்டத்தார்களில் வஹ்ஹாபியக் கூட்டத்தார்கள் மிக முக்கியமானவர்கள் .

தப்லீக் ஜமாஅத்தை கண்டால் தூரவிலகு :

நபிகள் கோமான் ஸல்லல்லாஹூ அலைஹிவஸல்லம் அவர்கள் வழிகேடான கூட்டத்தினரை விட்டுத் தூரவிலகி இருக்கும் படி சொல்லி இருக்கிறார்கள் . அப்படி விலகி இருப்பதன் மூலமாகத்தான் நம்முடைய ஈமானை பதுகாத்து கொள்ளவும் தீனுஸ் இஸ்லாத்தை பேணிக் கொள்ளமுடியும் .

ஹதீஸ் : 1

ان الني صل الله علىه و سلم قال فاياكم و اياهم لا يضلونكم لا يفتنونكم

( رواه مسلم )

நபிகள் கோமான் ஸல்லல்லாஹூ அலைஹிவஸல்லம் அவர்கள் கூறினார்கள் : '' நீங்கள் அந்த வழிகெட்ட கூட்டங்களை விட்டும் தூர விலகி இருங்கள் ; அவர்களை உங்களிடம் வரவிடாதீர்கள் . அப்படியானால் அவர்கள் உங்களை வழிகெடுக்கவோ , உங்களை ஃபித்னாவில் ஆக்கவோ முடியாது ''

நமக்கு இந்த ஹதீஸிலிருந்து கிடைக்கும் கருத்து :

கெட்ட கூட்டங்கள் , தீயகொள்கைக்காரர்கள் உடைய தீங்கு பாதிக்காமல் நீங்கள் உங்களைக் காப்பாற்றிக்கொள்ள வேண்டுமானால் உங்களை அவர்களின் சகவாசத்தை விட்டு அகற்றித் தடுத்துக்கொள்ளுங்கள் என்பதாகும் .

ஹதீஸ் : 2

عن ابي موسي الاشعري رضي الله عنه عن النيي صل الله عليه و سلم قال انما مثل الجليس الصالح وجليس السؤ كحامل المسك ونافخ الكيرفحامل المسك اما ان يهديك وانما ان تبتاع منه واما ان تجد منه ريحاطيبة ونافخ الكير اما ان يحرق ثيابك و اما ان تجد منه ريحا خبيثة

( رواه بخاري, مسلم )

நபி ஸல்லல்லாஹூ அலைஹிவஸல்லம் அவர்கள் கூறினார்கள் : நல்ல நண்பனுக்கும் கெட்ட நண்பனுக்கும் உதாரணம் கஸ்தூரி வைத்திருப்பவனையும் , கொல்லன் உலை ஊதுபவனையும் போன்றாகும் .கஸ்தூரியை வைத்திருப்பவன் ஒன்று உனக்கு கஸ்தூரியைத் தருவான் . அல்லது நீ அதை அவனிடத்தில் ( பணத்திர்க்கு ) வாங்குவாய் இல்லாவிட்டாலும் கஸ்தூரியின் நல்ல வாடையையாவது பெற்றுக்கொள்வாய் . கொல்லன் உலையை ஊதுபவனோ உன்னுடைய ஆடையைக் கரித்துப் போடுவான் . இல்லாவிடில் அதிலிருந்து துர்வாடையையாவது பெற்றுக்கொள்வாய் .

(அறிவித்தவர் : அபூமூஸல் அஷரிய்யி ரலியல்லஹூ அன்ஹூ நூல் : புகாரி , முஸ்லிம் )

ஹதீஸின் கருத்து :

நபி ஸல்லல்லாஹூ அலைஹிவஸல்லம் அவர்கள் ஓர் உதாரணம் கூறி உபதேசம் செய்திருக்கார்கள் . நல்ல குணம் நல்ல கொள்கையுடையவர்களின் நேசம் , சகவாசம் மனிதனுக்கு எந்த விதத்திலும் பிரயோசனம் செய்யக்கூடிய தாக இருக்கிறதோ அதுபோல கெட்ட்வர்களின் கெட்டகொள்கையுடையவர்களுடைய நேசம் , சகவாமும் மனிதனுக்கு எந்த வகையிலும் தங்கடம் செய்யக்கூடியதாகவே இருக்கும் மென்பதை தெளிவு படுத்தியிருக்கிறார்கள் ;

ஹதீஸ் : 3

عن انس رضي الله قال قال رسول الله صلي الله عليه و سلم مثل جليس السوع كمثل صاحب الكيران لم يصبك من سواده اصابك من دخانه

رواه ابوداؤد,

நபி ஸல்லல்லாஹூ அலைஹிவஸல்லம் அவர்கள் கூறினார்கள் : கெட்டவனோடு சிநேகம் வைப்பவனாகிறவன் கொல்லனுடைய உலையண்டையில் இருப்பவனைப் போலாவான் . அதன் கரி உன்னைத் தொடாது போனாலும் அதன் புகையாவது உன்னைத் தொடும் .

(அறிவித்தவர் : அனஸ் ரலியல்லாஹூ அன்ஹூ , நூல் : அபூதாவுத் )

ஹதீஸின் கருத்து :

கெட்டவருடைய சகவாசத்தாலும் , வழிகேடருடைய உறவாலும் மனிதன் வழிகெட்டுப் போகாவிடினும் வழிகேட்டின் குணப்பாட்டையாவது அவசியம் ஏற்றுக்கொள்ளவும் , கொள்கையில் கெட்டுப்போகவும் நேரும் .

ஹதீஸ் : 4

عن الني صلي الله عليه وسلم من مشي الي صاحب بدعة ليوقره فقد اعان علي هدم الاسلام

رواه , الطبراني

'' கெட்டகொள்கைக்காரர்களை சங்கை செய்வதற்காக அவர்களோடு நடப்பவன் நிச்சயமாக இஸ்லாம் மார்க்கத்தை உடைத்துத் தகர்த்துப் போடுவதற்கு உதவி செய்தவனாகிறான் ''

அறிவிப்பவர் : முஆஃத் ரலியல்லாஹூ அன்ஹூ நூல் : தப்ரானி

ஹதீஸ் : 5

عن الني صلي الله عليه وسلم وان لقيتموهم فلا تسلموهم

رواه ابن ماجه

அவர்களைக் ( கெட்ட கொள்கைக்காரர்களை ) சந்திப்பீர்களேயானால் அவ்ர்களுக்கு ஸலாம் சொல்லாதீர்கள் ''

(அறிவித்தவர் : ஜாபிர் ரலியல்லாஹூ அன்ஹூ நூல் : இப்னு மாஜா )

ஹதீஸ் : 6

عن الني صلي الله عليه وسلم وان مرضوا فلا تعودوهم وان ماتوا فلاتشهدوهم

رواه ابوداؤد٩

'' அவர்கள் வியாதியஸ்தர்களாக இருந்தால் நோய்விசாரிக்கப் போகதீர்கள் , அவர்கள் மரணித்துவிட்டால் அவ்ர்களுடைய ஜனாஸாத் தொழுகையில் கலந்து கொள்ளாதீர்கள் ''

(அறிவித்தவர் : இப்னு உமர் ரலியல்லாஹூ அன்ஹூ நூல் : அபூதாவுத் )

மேலே குறிப்பிட்ட ஹதீஸ்களை நன்கு சிந்தித்து உண்மையை உணர்ந்து இதயத்தில் பதியவைத்து தீய கூட்டத்தினரின் உறவையும் , பந்தத்தையும் , அகற்றி நல்லோர்களான சுன்னத் ஜமாஅத்தார்களுடனேயே சகவாசம் பூண்டிருப்பிர்களாக . இன்ஷா அல்லாஹூ தொடரும் ...

நாம் தப்லீக் ஜமாஅத்தை ஏன் வழிகேடு என்கிறோம் :

நம்மைப் பார்த்து ஷிர்க் செய்பவர்கள் , பித்அத் செய்பவர்கள் , கப்ர் வணங்கிகள் , என்று வசைப்பாடுவதால் தப்லீக் ஜமாஅத்தை வழிகெட்ட கூட்டம் என்று நாம் கூறுவது இல்லை மாறாக தப்லீக் ஜமாஅத்தை நாம் வழிகேடர்கள் என்று கூறுவது இஸ்லாத்தின் உயிர் நாடியான( அசலான ) அடிப்படைக் கொள்கை கோட்பாடுகளிலேயே அவர்கள் கைவைத்ததுதான் அதாவது நமது உயிருக்கும் மேலான எம்பெருமானார் முஹம்மது ஸல்லல்லாஹூ அலைஹி வஸல்லம் அவர்களின் மரியாதைக்கு பங்கம் விளைவிக்கும் விதமாக பேசியிருப்பதாலும் , எழுதியிருப்பதாலும் , இன்னும் அந்த கிதாபுகளை ( புக்குகளை ) அச்சிட்டு கொடுப்பதாலும் தான் நாம் அவர்களை வழிகெட்ட கூட்டம் என்கிறோம் .

ஏனெனில் குர்ஆனில் அல்லாஹூத்தஆலா நேர்வழியில் நடக்க வேண்டும் மென்று மட்டும் கட்டளையிடவில்லை , வழிகெட்டோரின் வழியை விட்டுதப்பிக்க வேண்டும் என்று கட்டளையிடுகிறான் . ஆகவே இஸ்லாத்தின் அசல் , அடிப்படை கோட்பாடுகளில் கைவைக்கும் . தப்லீக் ஜமாஅத்தினரின் . வேடத்தைதோலுரித்துக்காட்ட வேண்டிய நமது கடமையாகும் .

தப்லீக் ஜமாஅத்தை உருவாக்கிய தலைவர்களின் கூற்றுகளை & எழுதியிருப்பதை காணும் எந்த ஒரு முஸ்லிமுகளும் அவர்களை நேர்வழியிலுள்ளவர்கள் என்று சொல்லமாட்டார்கள் . சுன்னத் ஜமாஅத் உலமாக்களை ( நம்மை ) என்னக்குறை பேசினாலும் பரவாயில்லை . நம்மை பற்றி என்ன எழுதினாலும் கவலையில்லை . இஸ்லாத்தின் அசல் அடிப்படைக் கொள்கை கோட்பாடுகளில் , நபிகள் நாயகம் ஸல்லல்லாஹூ அலைஹி வஸல்லம் அவரகளின் மரியாதை விஷயத்தில் கை வைப்பவர்கள் ,

• காதியானிகளாக இருந்தாலும் சரி

• தேவ்பந்திய தப்லீக் ஜமாஆத்தாக இருந்தாலும் சரி

• தவ்ஹித் ஜமாஅத்தாக இருந்தாலும் சரி

• இந்திய தவ்ஹித் ஜமாஅத்தாக இருந்தாலும் சரி

• தமுமுக இருந்தாலும் சரி

• ஜாக்காக இருந்தாலும் சரி

• அஹ்லே குர் ஆனாக இருந்தாலும் சரி

• அஹ்லே ஹதீஸாக இருந்தாலும் சரி

• ஃபாபுலர் பிரண்ட் ஆஃப் இந்தியாவாக இருந்தாலும் சரி

• தாருல் ஹூதாவாக இருந்தாலும் சரி

• தாருல் அர்கம்மாக இருந்தாலும் சரி

• ஜமாஅத்தே இஸ்லாமியாக இருந்தாலும் சரி

• மர்கசுஸ் ஸலாமாக இருந்தாலும் சரி

•

எந்தப் பிரிவினராக இருந்தாலும் சரி

அவர்களது கருத்துக்களைக் கண்ணுற்ற நம்மால் நம்மால் மௌனம் கொள்ளமுடியாது .

உங்கள் கேள்வி :

எந்த உலமாக்கள் சம்பந்தமாக சர்ச்சை நடக்கிறதோ அவர்களெல்லாம் மவ்த்தாகி விட்டார்கள்.ஆனால் கை சேதம் இன்னும் அவர்களால் (தப்லீக் தலைவர்களால் ) ஒரு தரப்பினருக்கிடையில் கருத்து மோதல் நீடிக்கிறது.

நீங்கள் சொல்வது உண்மைதான்.என்றாலும் சர்ச்சை அந்த மரணித்து விட்ட பெரியார்களின் தனிப்பட்ட சொந்த விஷயங்களில் அல்ல.மாறாக,அவர்கள் நபி ஸல்லல்லாஹூ அலைஹி வஸல்லம் அவர்களை பற்றி தரக்குறைவாக எழுதியிருப்பதால்தான்.ஆகவே தப்லீக்தலைவர்களின் கருத்துக்கு இஸ்லாம் வழங்கும் தீர்வு என்ன என்பதை ஃபத்வாக வெளிப்படுத்தாமல் சர்ச்சை ஓயப்போவதில்லை.

உலகில் உள்ள உலமா பெருமக்கள் வழங்கிய சில ஃபத்வாக்கள் ( மார்க்கத் தீர்ப்புகள் ) மட்டும் பாருங்கள் :

1. மக்கா,மதினாவிலுள்ள 34 மபெரும் மார்க்க மேதைகள் '' ஹூஷாமுள் ஹரமைன் அலா மன்ஹரில் குஃப்ரிவல்மைன் "என்ற தலைப்பில் ஹிஜ்ரி 1324 ல் ரஷீது அஹ்மது கங்கோஹி,கலீல் அஹ்ம்மது அம்பேட்டி,அஷ்ரஃப் அலி தானவி ( இல்யாஸின் குரு )ஆகியோர்கள் காஃபிர்கள் என ஃபத்வா தந்துள்ளார்கள்.

2. இந்தியாவின் பல பாகங்களிலிருந்து சங்கைக்குரிய 268 உலமாக்கள் '' அஸ்ஷவாரிமுல் இந்தியா '' என்ற தலைப்பில் மேற்கூறப்பட்டவர்கள் காபிர்கள்,முர்த்ததுகள் என்ற மார்க்கத் தீர்ப்பு ஹிஜ்ரி 1345 ல் வழங்கியுள்ளார்கள் .

3. இந்தியாவிலுள்ள 45 உலமாக்கள் '' அல் அதாபுல் பஃஸ்அலாரஃஷி இல்யாஸ் '' என்ற தலைப்பில் ஹிஜ்ரி 1327 -ல் இல்யாஸ் காஃபிர் என்று ஃபத்வா கொடுத்துள்ளார்கள்.

4. வேலூர் பாக்கியாத்துஸ்சாலிஹாத் அரபிக் கல்லூரி முன்னால் முதல்வரும்,சென்னை மாநில ஜமாத்துல் உலமா சபை நிரந்தர கௌரவத் தலைவருமான மௌலானா.மௌலவி.அல்லாமா முஃப்தில் அஃலம் செய்ஹூ ஆதம் ஹஜரத் அவர்கள் அவர்களும்,கல்லூரி பேராசிரியர்கள் அனைவரும் தப்லீக் ஜமாஅத்தில் சேரக் கூடாது.அது ஒரு நூதன வழிகெட்ட கூட்டம் என ஃபத்வா கொடுத்துள்ளார்கள்.

5. தமிழ்நாடு அரசு முன்னாள் பிரதம காஜி.மௌலானா அல்லாமா முஃப்தி முஹம்மது ஹபீபுல்லாஹ் ஹஜரத் அவர்கள் '' தப்லீக் ஜமாத்கீ அஸ்லியத் '' என்ற தலைப்பில் இல்யாஸ் தப்லீக்கில் சேரகூடாது அது வழிகேடானது என ஃபத்வா கொடுத்துள்ளார்கள்

6. மஹாராஸ்டிய மாநில அரசாங்க காஜியும் கூட இல்யாஸ் தப்லீக்கை எதிர்த்து ஃபத்வா கொடுத்துள்ளார்கள்.

7. தப்லீக்ஜமாஅத்துக்கும் இஸ்லாத்துக்கும் சம்மந்தமில்லை என்றுதான் தீர்ப்பு வந்தது ஜர்ஜீமெண்ட் NO,CC 2799/77 .

8. சமஸ்தே கேரள ஜமீயத்துல் உலமா சபை ஃபத்வா கமிட்டி தப்லீக் ஜமாஅத்தார்களின் சகல நூல்களையும் ஆராய்ந்து தீர்வு கண்டு இந்த இல்யாஸின் தப்லீக் ஜமாத்தில் சேரக்கூடாது என்று 1965-ல் ஃபத்வா தந்துள்ளது.இந்த ஃபத்வா 10-11-1965 கேரள '' சந்திரிகா'' இதழில் வெளிவண்துள்ளது .

ஏன் ? எதற்க்கு ? இப்படி ஃபத்வாக்கள் கொடுத்துள்ளார்கள்,இதற்க்கு என்ன காரணம் இல்யாஸ் அவர்களின் ஆசிரியர்கள் ஒரு சில கூற்றை எடித்துக்காட்டுகிறேன்.ஏன் ? என்றால் தமிழில் ஒரு பலமொழி சொல்வார்கள் ஒரு பானை சோற்றுக்கு ஒரு சோறு பதம் என்பது போல இவர்கள் வழிகெட்ட கொள்கையை பற்றி உங்களுக்கு தெரியும் ஏன் இவர்களை காஃபிர் என்று சொல்கிறார்கள்.என்பதை விளங்கிகொள்வீர்கள்.

1. மௌலவி காசிம் நானுத்தவி இவர் தேவ்பந்த் மதரஸாவின் ஸ்தாபகரும்,தேவ்பந்திய கூட்டத்தின் முதல் இமாமும் ஆவார் :

இவரது அவலச்சனத்தை பாருங்கள் ; தேவ்பந்தீயான காசிம் நானூத்தவி தமது "தஹ்தீருந்தாஸ்" என்னும் நூலில் 24-ல் ( ஹஜ்ரி 1290-ம் ஆண்டு வெளியீட்டில் ) '' ஒரு வேளை நபி ஸல்லல்லாஹூ அலைஹி வஸல்லம் அவர்களின் காலத்திற்குப்பின் யாராவது ஒருவர் தன்னை நபி என்று வாதித்தால் அதனால் முஹம்மத் நபியவர்கள் இறுதி நபி இல்லை என்பதல்ல.மாறாக அவர்களது காலத்தில் அவர்களது பூமியில் அவார்கள் இறுதி நபி.ஒரு வேளை வேறொரு நபி வந்தால்,அவர் அவரது காலத்தில்,அவரது பூமியில் அவர் இறுதி நபியாக இருப்பார் '' என இஸ்மாயில் தெஹ்லவி சொன்னதை காசிம் நானூத்தாவி தெளிவாகவே கூறினார்.இதன் காரணமாகவே இவர் மிது காஃபிர் ஃபத்வா கொடுக்க்ப்பட்டது.

நபிகள் நாயகம் ஸல்லல்லாஹூ அலைஹி வஸல்லம் அவர்களுக்குப் பின் எக்காலத்திலும்,எந்த பூமியுலும் எந்த நபியும் வரப் போவதில்லை என்பது குர்ஆன் & ஹதீஸ் அடிப்படையில் அமைந்த ஒட்டுமொத்த உலக முஸ்லிம்களின் இஜ்மாவான கொள்கையாகும்.

மிர்ஜா குலாம் அஹ்மத் காதியானி :

இந்த வழிகெட்ட தேவ்பந்தீய ( தப்லீக் )ஜமாஅத் கூறிய இதே விளக்கத்தைக் கூறித்தான் வழிகெட்ட காதியானிகளின் தலைவன் மிர்ஜா குலாம் அஹ்மத் தன்னை நபி என்று வாதிட்டான்.இதன் காரணமாக இவர் மீது காஃபிர் என கொடுக்கப்பட்டது.

இருபிரிவினருக்குமிடையில் இவ்விஷயத்தில் ஒரே ஒரு வித்தியாசம் தான்.அதாவது தேவ்பந்தீகள் நபிகளாருக்குப் பின் ஒரு நபியின் வருகை சாத்தியம் என்றார்கள்.காதியானி நபிகளாருக்கும் பின் நபி சாத்தியம்தான்.அந்த நபி நான்தான் என்று கூறினான்.

காதியானிகளை வழிகேடர்கள்,காஃபிர்கள் என்று தேவ்பந்திகளும் கூறுகின்றானர்.ஆனல் காதியானிகள் நாயகத்திற்குப் பின் நபி இருப்பது சாத்தியம் என்பதற்கு தேவ்பந்தீ காஸிம் நானூத்தவியின் தஹ்தீருன் நாஸையே ஆதாரமாக எடுத்துக் காட்டினார்.

என்ன ! வேடிக்கையான விஷயம் பாருங்கள்.தவறான கொள்கையுடைய வழிகேடர்களை ஒதுக்க வேண்டிய சமூதாயத்தின் தலைவர்களான இஸ்லாத்தின் காவலாளான உலமாக்களின் கடமை.ஆனால் அந்தோ பரிதாபம்.

இந்த வழிகெட்ட தேவ்பந்தீகளின் கொள்கைக் காவலாளிகளான உலமாக்கள் சிலர் : '' ஏதோ ஒரு சில இடத்தில் அப்படிக் கூறினார்கள் என்பதற்காக தேவ்பந்தீய (தப்லீக் ) உலமாக்களை வழிகேடர்கள் என்று கூறாதீர்கள் அவர்கள் பல இடங்களில் பல சமயங்களில் நபிகள் நாயகம் ஸல்லல்லாஹூ அலைஹி வஸல்லம் அவர்களுக்குப் பின் நபி இல்லை என்பதை ஒப்புக் கொண்டிருக்கிறார்கள் "" என்று வக்காலத்து வாங்குகிறார்கள்.

இன்னும் சிலரோ '' அவர்கள் அந்த அர்த்தத்தில் கூறவில்லை.மக்கள் அதை தவறாக விளங்கிக் கொண்டனர் '' என்று வியாக்கியானம் பேசுகின்றார்கள்.இஸ்லாத்தின் அடிப்படைக் கொள்கைக்கு எதிராக இவ்வளவு தெளிவாக சொல்லப்பட்டிருக்கிறது.இதைக் கூட விளங்கிக் கொள்ளமுடியாத அளவிற்கு முஸ்லிம்கள் முழுமுட்டாள்களாகி விட்டார்கள் என்று நினைக்கிறார்களா ?

மேலும் 10,000 முறை நாயகம்தான் இறுதி நபி என்று கூறினாலும் ஒரு தடவை நாயகத்திற்குப்பின் நபி சாத்தியமென்று கூறினால் அதற்குப் பெயர் நேர்வழியா ? ஏன் ? மிர்ஜா குலாம் அஹ்மத் காதியானி கூட பல இடங்களில் நாயகத்தின் இறுதி நபித்துவத்தை உண்மை என்று கூறியாதாக வந்துள்ளது தான்.அதற்காக அவர் நாயகத்திற்கு பின்பு நபி சாத்தியம் என்று கூறியதையும்,தான் நபி என்று வாதிட்டதையும் ஏற்றுக் கொள்ள முடியுமா ?

2 : மௌலவி கலீல் அஹ்மத் அம்பேட்டி :மௌலவி இல்யாஸ் காந்தலவியின் இரண்டாவது குருவும் ஆவார்

'' பராஹீனே காத்திஆ '' என்ற நூலை கலீல் அஹ்மத் அம்பேட்டி வெளியிட்டார்.அதில் பல தவறான கொள்கைகள் பேசப்பட்டிருப்பதுடன் கீழ்கண்டவாறும் கூறப்பட்டுள்ளது.

ஷைத்தானும்க்கும்,மலக்குல் மவ்த்தான இஜ்ராயீல் அலைஹிஸ்ஸலாமுக்கும் எல்லா மனிதர்களின் நிலையையும் அறியக்ககூடிய கல்வி இருக்கிறது என்பதை அடிப்படையாகக் கொண்டு அந்தளவு கல்வி நபிகள் நாயகத்திற்குமிருக்குறது என்று கூறுவது சரியான ஆதாரமாக அமையாது ஏனெனில் ஷைத்தானுக்கும்,இஜ்ராயீல் அலைஹிஸலாம் அவரக்ளுக்கும் எல்லா மனிதர்களின் நிலையையும் அறியும் கல்வி இருப்பது குர்ஆனில் தெளிவாக சொல்லப்பட்டிருக்கிற்து.

ஆனால் நபிகளாருக்கு அந்தளவிற்கு அறிவு உள்ளதற்கு குர்ஆனில் என்ன ஆதாரமிருக்கிறது ? ( பராஹீனே காதிஆ பக்கம் 51 )

நஊதுபில்லாஹ் ! அல்லாஹ் காப்பாற்ற வேண்டும் நபிகளாரின் இல்ம் கல்வி ஞானத்தில் குறைகாண்பதில் எப்படி துனிச்சல் வந்திருக்கிறது பாருங்கள் !

நாயகமே ! தாங்கள் அறிந்திராத அனைத்தையும் தங்களுக்கு கற்பித்து விட்டோம் என்றும்,பல வசனங்களின் மூலமும் சஹீஹான ஹதீஸ்களின் மூலமும் கல்வியில் நபிகளாரை விஞ்சியவர் எவருமில்லை.அல்லாஹ்வின் படைப்புககளிலேயே,நபிமார்களிலேயே மிக மிக மேன்மைக்குரியவர்களும்,மிக மிக அதிகமாக கல்வி,ஞானம் வழங்கப்பட்டவர்களும் நமது கண்மனி நாயகம் ஸல்லல்லாஹூ அலைஹி வஸல்லம் அன்னவர்கள் என்பதை தெளிவாகச் சொல்ல்ப்பட்டிருப்பதும்,அதுவே ஒட்டுமொத்த இஸ்லாமியர்களின் கொள்கையாக இருந்தும்,ஷைத்தானுடைய கல்வியை விட நபிகளாருக்கு அதிக கல்வி ஞானமுண்டு என்று தெளிவாக கூறப்பட்டால் தான் இவர்களை ஏற்றுக்கொள்வார்களாம் ?

நபிகளாரின் கல்வி,ஞானத்தோடு அல்லாஹ்வின் சாபத்திற்குறிய ஷைத்தானின் கல்வி ஒப்பிடுவதே மிகப் பெரிய வழிகேட்டுத்தனமில்லையா ? அதிலும் ஷைத்தானுடைய கல்வியை விட நபிகளாரின் கல்வி,ஞானம் அதிகம் என்பதற்கு ஆதாரமில்லை என்று கூறியிருப்பது எவ்வளவு பெரிய வழிகேடு ?

இறுதி நபித்துவத்திற்கும்,எல்லா படைப்புகளை விடவும் அதிக கல்வி,ஞானம் பெறுவதற்கும் நமது ரசூல் எந்த விதத்தில் குறைந்து போய் விட்டார்கள் ? நம் ரசூல் நாயகம் ஸல்லல்லாஹூ அலைஹி வஸல்லம் அவர்களை தரந்தாழ்த்திப் பேசுவதற்கு எப்படி அவர்களுக்கு தைரியம் வருகிறது ? இதன் காரணமாகவே இவர் மீது கஃபிர் என ஃபத்வா கொடுக்கப்பட்டது.

3 : மௌலவி ரஷித் அஹ்மத் கங்கோஹி இவரிடமே இல்யாஸ் 10 வருடங்கள் கல்வி பயின்றுள்ளார்

இந்திய வஹ்ஹாபிய குழுவின் தலைவர் இஸ்மாயில் தெஹ்லவீயை பின்பற்றி முதலாவதாக அல்லாஹ் பொய் சொல்லுவது இடம்பாடுதான் ( சாத்தியம்தான் ) என்று சொன்னர்.பின்னர் அவர் கையொப்பதோடு ஒரு ஃபத்வா (இது பம்பாயில் அச்சடிக்கப்பட்டது அதை பல போட்டோ காப்பிகள் எடுக்கப்பட்டது.மதீனா ஷரீஃபிலும் ஒரு காப்பி இருக்கிறது ) அதில் அவர் சொல்கிறார் அல்லாஹ் பொய் சொன்னதாக நம்பி அல்லாஹ் பொய் சொல்லி விட்டான்,இந்த குறைபாடு அல்லாஹ்விட்த்தில் ஏற்பட்டுவிட்டது.என்று ஒருவன் சொன்னால் அவனை காஃபிர் என்று சொல்லுவது இருக்கட்டும்.அவனை ஃபாஸிக் ( கெட்டவன் )என்றும் கூட சொல்லாதீர்கள்.ஏனென்றால் அநேக உலமாக்கள் அப்படி அவன் சொன்னது போல் சொல்லியுருக்கிறார்கள்.

இவ்வாறு அல்லாஹ்வின் பரிசுத்தத்தின் மீதே இந்த தேவ்பந்தி ஆலிம் குறை காணுகிறார்கள்.இதன் காரணமாகவே இவர்மீது காஃபிர் என ஃபத்வா கொடுக்கப்பட்டது. இன்னும் இவர் வழிகெட்ட வஹ்ஹாபிய்ய ஜமாஅத்தின் தலைவர் முஹம்மது பின் அப்துல் வஹ்ஹாப் நஜதியை நல்லவர் என்றும் வல்லவர் என்றும் புகழ்ந்து தள்ளுகிறார்.அந்த வழிகேடன் எழுதிய கிதாப் தௌஹீத் என்னும் நூலை ஒவ்வொரு முஸ்லீமும் படிப்பதும் பின்பற்றுவதும் அவசியம் என்று வஹ்ஹாபிய்யத்திற்க்கு வக்காலத்து வாங்குகிறார்.இன்னும் மீலாது நபி கூடாது நேர்சைகளை சாப்பிடுவது ஹராம் ஆனால் காகத்தை சாப்பிடுவது கூடும் என்று பல தவறான ஃபத்வாக்கள் கொடுத்தவர்.இவை அனைத்தையும் ஃபதாவா ரஷீதிய்யா என்னும் நூலில் காணலாம்.

4 ;மௌலவி அஷ்ரஃப் அலி தானவி :

தப்லீக் ஜமாஅத்தின் மூலம் அஷ்ரஃப் அலி தானவியின் கொள்கையை பரவலாக்க விருப்புகிறேன் என்று தப்லீக் ஜமாத்தின் ஸ்தாபகர் மௌலவி இல்யாஸ் காந்தலவி யாரை குறித்து பேசினாரோ அந்த நபரே இவர் .

ஹிஜ்ரி 1319-ல் கிபி 1901-ல் அஷ்ரஃப் அலி தானவி ஹிப்ளுல் ஈமான் என்னும் ஒரு நூலை எழுதி வெளியிட்டார்.அதில் எழுதுகிறார்.

" நபிகளாருக்கு மறைவான விஷயங்களை அறியக் கூடிய ஞானம் உண்டு என்று ஏதோ ஒரு ஆதாரப்படி எடுத்துக் கொண்டாலும் நபிகளாருக்கு மறைவான விஷயங்கள் எல்லாமே தெரியுமா ? அல்லது ஒரு சில விஷயங்கள் மட்டும் தான் தெரியுமா ? ஏனெனில் ஒரு சில விஷயங்கள் தான் தெரியும் என்று எடுத்துக் கொண்டால் அதில் நபிகளாருக்கு என்ன தனிச் சிறப்பு இருக்கிறது ?ஒரு சில மறைவான வஷயங்கள் சாதாரண மனிதார்கள்,குழந்தைகள்,பைத்தியங்கள்,இவ்வள்வு ஏன் கால் நடைகள்,மிருகங்களுக்குக் கூடத் தெரியுமே!

( ஹிப்ளுல் ஈமான் பக்கம் : 8 )

நம் சிந்தனைக்கு :

எந்த நபிக்கு முன்னால் முந்திக் கொண்டு பேசினாலோ,சப்தமிட்டுப் பேசினாலோ செய்த நன்மைகள் எல்லாம் அழிந்துவிடுமோ,எந்த நபிக்கு முன் வாய்திறந்து பேசுவதற்க்கு கூட ஸஹாபாக்கள் அச்சப்பட்டார்களோ,எந்த நபிக்கு முன் வானவர்கள் கூட மிக மிக கவனத்துடன்,ஒழுக்கத்துடன் நட்ந்து கொண்டார்களோ அந்த நபியுடைய கல்வியின் வஷயத்தில் கொஞ்சம் கூட கண்ணியமில்லாமல்,ஓழுக்கமில்லாமல்,பைத்தியம்,மிருகம்,கால் நடைகளின் கல்வி,விஷயத்தோடு சம்பந்தப்படுத்திப் பேசக் கூடிய மிக மோசமான வழிகேட்டில் உள்ளவர்கள்தான் தேவ்பந்தீ (தப்லீக் ) உலமாக்கள்.இதன் காரணமாகவே இவர் மீது காஃபிர் என ஃபத்வா கொடுக்கப்பட்டது

தேவ்பந்தீய (தப்லீக் ) உலமாக்களின் வாசகங்கள்,நாயகத்தின் கண்ணியத்தை குறைக்கும் விதமாக மட்டுமின்றி,அவர்களது கல்வியை,ஞானத்தை,தரத்தை சாதாரண மனிதர்கள் விலங்குகள் ஏன் ? சாபத்திற்க்குரிய ஷைத்தானின் கல்வி,ஞானத்திற்க்கும் மட்டமாக இறக்கிப் பேசுகின்றனர்.

ஆகவே வேடதாரிகளான தேவ்பந்தீய உலமாக்களை நம்பி வழிகேட்டில் போவதை விட்டும் அப்பாவி முஸ்லிம்களைக் காக்கும் நோக்கில் சுன்னத் வல் ஜமாஅத் அறிஞர்கள் தேவ்பந்தீகளின் கொள்கை,கோட்பாடுகளையும்,அதன் வழிகேட்டையும் பற்றி பேச்சுக்களாகவும்,எழுத்துக்களின் மூலமும் நிறைய வெளியிட்டுக் கொண்டே இருக்கிறார்கள்.

அது மட்டும் மின்றி அவர்கள் தங்களது தவறான பேச்சுக்களையும்,நூல்களிலுள்ள தவறான வாசகங்களையும் நீக்கி,மறுப்புத் தெரிவித்து வெளியிட வேண்டும்.அதற்காக அல்லாஹ்விடம் பாவமன்னிப்புக் கோர வேண்டும் என்று சஅஹ்லுஸ்சுன்னத் வல் ஜமாஅத் உலமாக்கள் தரப்பிலிருந்து தேவ்பந்தீ (தப்லீக் ) ஜமாஅத் உலமாக்களுக்கு சொல்வழியும்,கடிதங்கள் வழியும் கோரிக்கை வைக்கப்பட்டது.ஆனால் நமது கோரிக்கைக்கு செவிசாய்க்கவில்லை.

எனவே "அல்முஃதமதுல் முஸ்தனது" என்னும் நூலில்;

1. மிர்ஜாகுலாம் அஹ்மத் காதியானி,

2. காஸிம் நானுத்தவி

3. ரஷீத் அஹ்மத் கங்கோஹி

4. அஸ்ரஃப் அலி தானவி

5. கலீல் அஹ்மத் அம்பேட்வி

போன்ற தேவ்பந்தீ ( தப்லீக் ) உலமாக்களின் வாசகங்களின் எடுத்துக்காட்டி அதிலுள்ள அடிப்படை,அசல் கொள்கைத் தவறுகளை ஆதாரங்களோடு சுட்டிக் காட்டி மேற்கண்ட நபர்களின் மீது குஃப்ர் ( காஃபிர் ) ஃபத்வாவை வெளியிட்டு அவர்களது கொள்கை இஸ்லாத்தின் அசல் அடிப்படைக் கொள்கைக்கு எதிரானது.அவர்கள் இஸ்லாத்தை விட்டு.இஸ்லாத்தின் தூய கொள்கையை விட்டு நீங்கி விட்ட காஃபிர்கள் என்று தீர்ப்பளித்தார்கள்.

இந்த ஃபத்வா தேவ்பந்தீய ( தப்லீக் ) உலமாக்கள் மற்றும் மிர்ஜா குலாம் அஹ்மத் காதியானி மீதுள்ள சொந்த விருப்பு வெருப்புகளின் காரணமாக வெளியிட்ட தீர்ப்பல்ல.மாறக கோடான கோடி முஸ்லிம்கள் தாங்கள் உயிரை விட நேசிக்கக்கூடிய, நபிகள் நாயகம் ஸல்லல்லாஹூ அலைஹிவஸல்லம் அவர்களின் மீது குறைகண்ட காரணத்திற்க்காத் தான்.

மேலும் நம் கருத்தானது தேவ்பந்து வஹாபிகள் தவ்ஹீது வஹாபிகளை விடபன்மடங்கு முனாஃபிக்தனமான செயல்பாட்டுடன் அல்லாஹ் பொய் சொல்வது சாத்தியம்,நபி மூத்த சாகோதரர்,ஷைத்தானைன் இல்முக்கு குர்ஆனில் ஆதாரம் உண்டு,நபியின் மறை ஞானத்திற்கு ஆதாரமில்லை,நபியை தொழுகையில் நினைவு கூறுவது மாடு,கழுதை,விபச்சாரத்தை நினைவு கூறுவதை விட கேவலமானது.ரஸூல்மார்கள்,நபிமார்கள்,வலிமார்கள் மவுத்தாகி மண்ணோடு மண்ணாகி போனர்கள்.மீலாது,மௌலுது ஹாரம்.ஃபாத்திஹா,தப்ரூக்,நேர்ச்சை சாப்பிடுவது ஹராம்.

இப்படி அடுக்கி கொண்டே போகலாம்.அத்தனை வஹாபிய்ய விஷயங்களையும் தேவ்பந்து உலமாக்களும்,தப்லீக் ஜமாஅத் தலைவர்கலும் திரும்ப திரும்ப தத்தமது நூல்களில் பக்கம் மாற்றி பக்கம் புதிய புதிய பதிப்புகளில் அச்சுப் போட்டுக் கொண்டேயிருக்கிறார்கள் என்கிற போது வாசகர்களே ! நீங்களே உங்கள் நெஞ்சில் கைவைத்து சொல்லுங்கள் அவர்களுடைய நூல்களில் உள்ளதை நன்றாக பார்த்து வாசித்தபின் உங்கள் மனச்சாட்சிபடி கூறுங்கள். இன்ஷாஅல்லாஹ் !

பராஅத் பற்றி தேவ்பந்தி தப்லீக் ஜமாஅத்

2024-02-23T23:56:00.001-08:00

*தப்லீக் - தேவ்பந்திகள் பராஅத் இரவு பற்றி வெளியிட்ட வழிகேட்டு பத்வா:*

*Question ID: 46145*

Country: Pakistan

Title: *15 Shaaban night*

*Question* : I know that night of 15th Shaban (Shab-e- Barat) is a very sacred night. But I have read in some books that all hadiths pertaining to this night are very weak and that no special prayers are to be done for this night. Kindly tell me whether this is correct or not in the light of the holy Quran and sunnah. And also what is the belief of Ulama of Deoband about it?

*Answer* ID: 46145

Bismillah hir-Rahman nir-Rahim !

(Fatwa: *1095/851/B=1434* ) Yes, all the hadiths related to the virtues of 15th of Shaban are weak, but all the scholars of hadith agree that it is lawful to practice weak hadiths if it is related to fazail (virtues). However, it is not lawful to practice weak hadiths if it is related to ahkam (commandments). No special worship is narrated in this night. However, if someone wants to pray he may do so in his house individually. People should not give it celebration look in the pathways or in the mosques during this night; it is the practice of Ahl Batil (deviants).

Allah (Subhana Wa Ta'ala) knows Best

Darul Ifta,

Darul Uloom Deoband, India.

_Source_ : https://darulifta-deoband.com/home/en/Innovations--Customs/46145.

பதில் விளக்கம் தமிழில் :

பராஅத் இரவின் பழாயில் பற்றி வரும் ஹதீதுகள் அனைத்தும் பலகீனமானவை.எனினும் முபஸ்ஸிரீன்களது கூற்றாகிறது அமல்கள் குறித்து வரும் பலவீனமான ஹதீதுகளை ஏற்றுக் கொள்ளலாம்.

எனினும் பலவீனமான ஹதீதுகளை அஹ்காம் எனும் கட்டளைகள் குறித்து ஏற்க வேண்டியதில்லை.இந்த இரவில் எவ்விதமான சிறப்பான இபாதத்தும் அறிவிக்கப்படவில்லை.

எனினும் எவராவது பராஅத் இரவில் தொழுதிட விரும்பினால் அவர் தனியே தனது வீட்டில் தொழுது கொள்ளட்டும்.

மக்கள் பள்ளிவாசல்களில் ஒன்றுகூடி கொண்டாடுவது பித்அத் கூட்டதாரின் செயல்முறையாகும்.

சுருக்கமான பதில் :

பராத் இரவு என்று ஒன்று இல்லை

அதில் செய்யப்படும் சிறப்பு வணக்கங்கள் பித்அத் ஆகும்

*தப்லீக் ஜமாத்தின் மார்க்க தீர்ப்பு*

எனவே முன்னோர்கள் செய்த அமல் என்று பொதுமக்கள் யாரும் சிறப்பு வணக்கங்களில் ஈடுபட வேண்டாம்

பித்அத் யாவும் வழிகேடு என்பதை அறிந்து கொள்ளவும்.

இன்று தமிழகத்தில் மத்ஹபு மறுப்பாளர்களான போலி தவ்ஹீது கூட்டத்தாரின் முன்னோடிகள் இந்த தேவ்பந்த் தப்லீக் ஜமாத் வஹாபிகள்.

இதில் பின்னர் வந்த ஒரு கூட்டத்தை எதிர்த்து மற்ற முன்னோடி கூட்டத்தை பெரிய மத்ரஸா,எங்களது உஸ்தாதுகள் ஓதிய மத்ரஸா என்பதால் மவ்னம் காப்பது என்பது முனாபிக்தனமாகாதா ???

இந்தியாவில் வஹாபிசத்தை முதன்முதலாக பரப்பியது

2024-01-17T10:04:00.001-08:00

இந்திய துணை கண்டத்தில் முதன் முதலாக வஹாபிய கொள்கைகளை பரப்பியவர்கள் எவர் என்று வஹாபிய மார்க்க அறிஞர் தமது நூலில் எழுதியுள்ளதை ஆதாரமாக கீழே தருகின்றோம்.

இது குறித்து அக்காலத்தில் வாழ்ந்த அநேக அஹ்லுஸ் ஸுன்னத் வல் ஜமாத் உலமாப் பெருமக்கள் தமது கிதாபுகளில் பதிவு செய்திருந்தாலும், அதை ஏற்க மறுக்கும் வஹாபிய கொள்கைகளை பின்பற்றும் தேவ்பந்தி தப்லீக் ஜமாத் மற்றும் ஹதீஸ்,ஜமாத்தே இஸ்லாமி வஹாபிகள் குறைந்தபட்ச நேர்மை இருக்குமானால் தமது நூல்களில் உள்ள மேற்கோள்களையாவது ஏற்றுக் கொள்வர் அல்லது இதனை காணும் பாமரர்கள் உண்மையை அறிவர்.

இனி வஹாபிய மார்க்க அறிஞர் அஹ்மது ஸயீத் என்பார் தமது நூலில் பின்வருமாறு எழுதுகின்றார்,

" ஸயீத் அஹ்மது ரேபரேலி ஹஜ் செய்திட மக்கா சென்ற பொழுது ,அங்கு அவர் இப்னு அப்துல் வஹாப் நஜ்தி தமீமியின் மத்ஹபை ஏற்றுக் கொண்டார்.பின்னர் அவர் இந்தியா திரும்பியதும் வஹாபிசத்தை பரப்ப ஆரம்பித்தார்.கப்ருகளை ஜியாரத் செய்வது மற்றும் எவரையாவது வஸீலாவாக்குவதையும் ஹராமாக்கினார் "

நூல் : ஜுஹ்மஉல் இஸ்லாஹ் பீ அஸ்ரில் ஹதீத் ,பக்கம் 126

சிந்திக்கும் ஆற்றலைப் பெற்றவர்களே , கொஞ்சம் இந்த வாக்குமூலத்தை சீர்தூக்கிப் பாருங்கள். அஹ்லுஸ் ஸுன்னத் வல் கொள்கைகளான வலிமார்களை ஜியாரத் செய்வது மற்றும் அவர்களை வஸீலா ஆக்குவது ஆகியவற்றை ஹராமாக்குவது தான் சத்திய வழிமுறையா ???

இந்த மேற்கூறிய ஸெய்யத் அஹ்மது ரேபரேலியின் ,மாணவர் தான் இஸ்மாயில் திஹ்லவி. இவர்களது வழிகெட்ட கொள்கைகளால் தான் இமாமுல் ஹதீத் பில் ஹிந்த் ஷாஹ் வலியுல்லாஹ் முஹத்திஸ் திஹ்லவி قدس الله سره العزيز அவர்களது கான்காஹ்வை விட்டும் இவர்கள் விரட்டி அடிக்கப்பட்டார்கள்.தில்லியின் ஜும்மா மஸ்ஜிதில் இவர்கள் வழிகேடர்கள் என்று பத்வா வழங்கப்பட்டது .இறுதியில் பால்கோட்டில் முஸ்லிம்களால் வெட்டி வீழ்த்தவும் பட்டார்கள்.

இத்தகைய நபர்களை தூக்கிக் கொண்டாடுவது இரண்டே கூட்டத்தார் தான். முதலாவது நாங்களும் மதுஹபு வாதிகள் தான் என்று வெளிரங்கத்தில் கூறிக்கொண்டு உள்ரங்கத்தில் சையது அகமது லேபரேலி மற்றும் இஸ்மாயில் திஹ்லவியின் வஹாபிய கொள்கைகளை பின்பற்றும தேவ்பந்தி தப்லீக் ஜமாத் வஹாபிகள்.இரண்டாவது கைர் முகல்லிதுகளான அஹ்லே ஹதீஸ்,ஸலபி,ஜாக்,ஜமாத்தே இஸ்லாமி ஆகியோர்.

சமீபகாலமாக இந்த வழிகெட்ட வஹாபியை புனிதமிகும் காதிரியா ஜிஷ்தியாவின் ஆகப்பெரிய ஷெய்கு என்ற மாயத்தோற்றத்தை விதைத்து தரீக்கத் என்ற பெயரில் வியாபாரக் கிளைகளை பரப்பும் நூரிஷா கூட்டத்தார்.

இவர்களைப் பற்றி ஆஷிகுர் ரஸூல் F.M.இப்ராஹீம் ரப்பானி ஹழ்ரத் رَحِمَهُ ٱللَّٰهُ அவர்கள் அவர்களுடன் பழகி,அவர்களது முனாபிக்தனத்தை தாம் நடத்திய " அஹ்லுஸ் ஸுன்னா" பத்திரிக்கையில் 90களில் தோலுரித்து எழுதினார்கள்.

இஸ்மாயில் திஹ்லவியும்,முஹம்மது அலி ராம்பூரியும் 'கர்னுஷ் ஷைத்தான் ' இப்னு அப்துல் வஹாப் நஜ்தியை பின்பற்றும் வழிகேடர்கள் என்று கீழக்கரையில் அரசாட்சி புரியும் சங்கைக்குரிய இமாமுல் அரூஸ் மாப்பிள்ளை லெப்பை ஆலிம் நாயகம் قدس الله سره العزيز தமது கிதாபான மஆனியில் எழுதியுள்ளது இங்கு குறிப்பிடத்தக்கது.

இத்தகைய வழிகேடர்களின் மாயவலையில் வீழ்ந்து ஈமானை இழந்திடாமல் வல்ல நாயன்,தனது ஹபீப் முஸ்தபா ﷺ அவர்கள் பொருட்டால் நம் அனைவரையும் காப்பானாக! آمین بجاہ سیّد المرسلین صلّی اللّہ علیہ وسلّم

ஹிதாயத்துல் அனாம் இலாஜியாரத்தில் அவ்லியாஇல் கிராம்

2022-11-24T11:52:00.001-08:00

குத்புல் மஜீது,கருணைக்கடல்,நாகூர் எஜமான் நாயகம் قدس الله سره العزيز அவர்களது பேரப்பிள்ளை *அல்லாமா ஸெய்யது முஹம்மது பாக்கர் ஸாஹிப் ஆலிம் காதிரி நாகூரி* رَحِمَهُ ٱللَّٰهُ அவர்கள் அக்காலத்தில் தர்கா,ஜியாரத்,வஸீலா தேடுவது,உரூஸ் கொண்டாடுவது ,நேர்ச்சை செய்தல்,போர்வை போர்த்துவது,பூ,புஷ்பம் போடுவது குறித்து இதையெல்லாம் வழிகேடு என்று பிதற்றி்த் திரிந்தவர்களுக்கு மறுப்பாக எழுதிய ஆதாரப்பூர்வமான அஹ்லுஸ் ஸுன்னத் வல் ஜமாத் கொள்கை நூல் 📕 *" ஹிதாயதுல் அனாம் இலாஜியாரதில் அவ்லியாஇல் கிராம் "* .

*1951* வெளிவந்த முதல் பதிப்பிற்கு பல்வேறு உலமாக்கள் சரிகண்டு ஒப்புதல் அளித்துள்ளனர். அதைத் தொடர்ந்து 2வது பதிப்பிற்கும் பல்வேறு உலமாக்கள்,ஷெய்குமார்கள் ஒப்புதல் அளித்துள்ளனர்.அவர்களுள் குறிப்பிடத்தக்கவர்கள் பின்வருமாறு : -

(1) அல்லாமா நஹ்வி முஹம்மது இஸ்மாயில் ஆலிம் முப்தி காஹிரி رَحِمَهُ ٱللَّٰهُ

(2)மஹ்ழரதுல் காதிரியா அரபுக்கல்லூரி முதர்ரிஸ் அல்லாமா முஹையத்தீன் தம்பி ஆலிம் رَحِمَهُ ٱللَّٰهُ

(3) காயல்பதி ஸாஹிபு தைக்கா அப்பா பிரமுகர் அல்லாமா முஹம்மது அப்துல்லாஹ் லெப்பை ஆலிம் ஸதகலி رَحِمَهُ ٱللَّٰهُ

(4)காயல்பதி முத்துவாப்பா வலி அவர்களது திருப்பேரர் கொம்பாலிம் என்ற அல்லாமா ஸூபி முஹம்மது இஸ்மாயில் லெப்பை ஆலிம் رَحِمَهُ ٱللَّٰهُ.

(5) மதராஸ் அரசு காழி அல்லாமா முஹம்மது ஹபீபுல்லாஹ் ஸாஹிப் رَحِمَهُ ٱللَّٰهُ

(6) பாக்கியாத்துஸ் ஸாலிஹாத்,மஹ்ழரதுல் காதிரியா அரபுக் கல்லூரியின் முன்னாள் முதல்வர் அல்லாமா உத்தமபாளையம் முஹம்மது அபூபக்கர் கிப்லா ஹழ்ரத் رَحِمَهُ ٱللَّٰهُ

(7) ஷெய்கனா ஸூபி ஹழ்ரத் நாயகம் قدس الله سره العزيز

(8) உலகெங்கும் தாவா பணி செய்த ஷெய்கனா மீரட் மவ்லானா அப்துல் அலீம் ஸித்தீகி قدس الله سره العزيز அவர்களது அருந்தவப் புதல்வர் அல்லாமா ஷாஹ் அஹ்மது நூரானி رَحِمَهُ ٱللَّٰهُ

இன்னும் அநேக உலமாக்கள் இந்நூலுக்கு ஒப்புதல் அளித்துள்ளனர்.

இந்நூலின் *முன்னுரையில்* ,அல்லாமா அஷ்ஷெய்கு ஸெய்யது முஹம்மது பாக்கர் ஸாஹிப் ஆலிம் நாகூரி رَحِمَهُ ٱللَّٰهُ அவர்கள் நூல் எழுதப்பட்டதன் பிண்ணனியை பின்வருமாறு விளக்குகின்றனர்.

" எம்பெருமானார் ரசூலே கரீம் ﷺ அவர்கள் நஜ்தைக் குறிப்பிட்டு, " இங்குதான் அதிர்ச்சிகளும், குழப்பங்களும் உண்டாகும். இங்கிருந்து தான் ஷைத்தானுடைய கொம்பு உதயமாகும் " என முன்னறிவிப்பு செய்தார்கள் ( மிஷ்காத்,ஸஹீஹ் புகாரி )

அவ்வாறாகவே சுமார் 200 ஆண்டுகளுக்கு முன்பு நஜ்து தேசத்தில் அப்துல் வஹ்ஹாபும் அவருடைய மகன் முஹம்மது இப்னு அப்துல் வஹ்ஹாப் உண்டாயினர். அவ்விருவரையும் பின்பற்றியவர்கள் தான் மௌலவி இஸ்மாயில் திஹ்லவியும், அவரைச் சார்ந்தவர்களும் . அக்குழுவினர் இரு பிரிவாகப் பிரிந்தார்கள். வெளிரங்கமாக தங்களை வஹ்ஹாபிகள் என்று காட்டிக் கொண்டவர்கள் ஒரு குழுவினர். அவர்கள் எந்த மத்ஹபைவயும் ஏற்று பின்பற்றாதவர்கள். வெளிரங்கத்தில் தங்களை வஹாபிகள் என்று காட்டிக்கொள்ளாமல் ,அந்தரங்கத்தில் வஹாபியாக இருக்கக்கூடியவர்கள் மற்ற குழுவினர். இவர்கள் ஹனபி - ஹன்பலி என வெளிக்கு மத்ஹபுகளில் ஏதாவது ஒன்றினை பின்பற்றுவதாக சொல்லிக் கொண்டு முற்றிலும் வஹ்ஹாபிக் கொள்கைகளையே தங்கள் கொள்கையாகக் கொண்ட 'முகல்லிது' வேடதாரிகள்.

இவர்களில் முந்திய கூட்டத்தினரின் அபாயங்களை, விட பிந்திய இந்த கூட்டத்தாரின் அபாயங்கள் மிகவும் பயங்கரமானவை. ஏனெனில் இவர்கள் 'மத்ஹபு' என்ற போர்வையைப் போர்த்திக்கொண்டு முஸ்லிம்களை வழிகேட்டில் ஆக்க முற்பட்டிருக்கிறார்கள். இவர்கள் தங்கள் நயவஞ்சக தந்திர உபாயத்தினால் ஸுன்னத் வல் ஜமாஅத் உடைய நல்ல கொள்கைகளில் ஆகி இருந்த அநேகர்களை பொல்லாங்குடைய வஹ்ஹாபிய்யத்தான வழிகேட்டின் அளவில் இழுத்துப் போட்டு விட்டனர்.

வஹ்ஹாபிகளான அவர்களது கொள்கை கூற்றுகளை பாருங்கள்:

" முஹம்மது நபி ﷺ அவர்கள் மரணித்து மண்ணோடு மண்ணாகுப் போய் விட்டார்கள். அவர்களுடைய ரவ்ழாவிற்கு ஜியாரத்திற்காகப் போவது ஷிர்க் ( இணைவைத்தல்) ஆகவும்.

யா நபி! யா முஹம்மது ! யா ரஸூல்லல்லாஹ் ! என்று அழைத்துக் கூப்பிடுவது ஷிர்க்காகும்.அவ்விதம் அழைத்துக் கூப்பிடுபவர் காபிராக இருப்பார்.

முஹம்மது நபி ﷺ அவர்கள் மறைவான சங்கதிகளை அறிய மாட்டார்கள்.தொழுகையில் அவர்களுடைய ஞாபகம் வருவதானது மாடு,கழுதையின் ஞாபகம் வருவதை விட மிகக் கெட்டதாகும்.அவர்களுடைய முஃஜிஸாத்து ( அற்புதங்களை) விட சூனியக்காரர்களின் சூனியம் அதிக சக்தி வாய்ந்தது. அவர்கள் ஷபாஅத் செய்வார்கள் என நம்புவது ஷிர்க்காகும்.

நபிமார்கள், அவுலியாக்களின் கப்ருகள் புத்துகளுக்கு(விக்கிரகங்களுக்கு) ஒப்பாகும். அவைகளை தகர்த்து எறிய வேண்டும். அவர்களுக்கு எத்தகையோ சக்தியும் கிடையாது. அவர்கள் பால் உதவி தேடுதல் (வஸீலா) ஷிர்க்காகும். அவர்களுக்கு நேர்ச்சை செய்வது ஹராமாகும்.

சகல நபிமார்கள், ஸஹாபாக்கள், அவ்லியாக்கள் ஆகியவர்கள் அல்லாஹ்வின் தகுதிக்கு முன் செம்மானை விட கீழ்த்தரமானவர்கள்.

மீலாதுந் நபி கிருஷ்ண ஜெயந்திக்கு ஒப்பாகும்.

காதிரியா, ஜிஷ்தியா, நக்ஷபந்தியா முதலான தரீக்காக்கள் வழிகேடானவை.

மவ்லிது, பாத்திஹா, கத்தம் முதலானவற்றின் ஷீர்னி ( உணவுப் பொருள்) ஹராமாகும்.

அவுலியாக்களின் பெயராலும், மவுத் தானவர்களின் பெயராலும் கத்தம் பாத்திஹா ஓதி அதன் பலனை அவர்கள் பால் ஈஸால் தவாப் செய்வது, பிராமண புரோகிதர்கள் அவர்களுடைய வேதத்தை ஓதி ஸ்லோகம் படித்து பிதுர்களுக்கு திதி செய்வது போன்றே ஆகும்."

அல்லாஹ் காப்பாற்ற வேண்டும். மேற்சொன்னவகைகளும் அவை போன்ற தவறான நூற்றுக்கணக்கான கொள்கைகளும், வஹாபிகளின் வழிகேடான கொள்கைகளாகும். இத்தகைய வழிகெட்ட கொள்கைகள் பால் வஹாபிய மௌலானா, மவ்லவிகளும், மார்க்கத்தில் மறுமலர்ச்சிக் காண விரும்புவதாக சொல்லிக் கொள்பவர்களும், சமூகத்தில் சீர்திருத்தம் செய்வதாக தம்பட்டம் அடித்துக் கொள்பவர்கள்களும், தாங்கள் வழிகேட்டில் இருப்பதை அறியாமல் ஏனைய முஸ்லிம் பெருமக்களை நேர்வழியில் ஆக்க முற்படுவதாக மனப்பால் குடித்துக் கொண்டு வழிகெடுக்க முற்படுகிறார்கள்.

கண்மணி நாயகம் ﷺ அவர்கள் ," இப்லீசை நஜ்து தேசத்து செய்யக்கூடிய உருவத்திலே காண்பார்கள்" என்ற விபரம் சரியாகவே இருக்கிறது.

நஜ்து தேசத்து வஹ்ஹாபி ஷைகு உடைய " *கிதாபுத் தவ்ஹீத்"* வின் உர்து மொழி பெயர்ப்பு நூல்களாகிய *'தக்வியதுல் ஈமான்','ஸிறாத்துல் முஸ்தகீம்','இதுபாத்துத் தவ்ஹீத்'* போன்ற ஆபாச மலக்குவியல்களிலிருந்து சிலவற்றை பொறுக்கி *'தவ்ஹீதோ இபாதத்'* என்ற பெயரில் வடநாட்டு வஹ்ஹாபி மவ்லவி ஒருவர் உருதுவில் அச்சிட்டு இருக்கின்றார். அதை *'ஏகதெய்வ வணக்கம்'* என்ற நாமத்தால் *தென்னாட்டு பாக்கவி ஒருவர்* தமிழாக்கம் செய்து இருக்கின்றார். அதை மற்றொரு 'பீடி மௌலவி' அச்சிட்டு இலவசமாக விநியோகம் செய்துள்ளார்.

மேலும் *'ஜியாரத்துல் குஃப்ர்' , 'அவ்லியாக்களை அவமதிப்பதிக்காதீர்' ,'* *மகான் ஷாகுல் ஹமீத்',' ஏக தெய்வ வணக்கம்'* முதலான சில்லறைத் துக்கடாப் பிரசுரங்கள்- அதிக விஷத்தை உடைய நச்சரவத்திற்கு நல்ல பாம்பு என்று பெயர் உள்ளது போல - வஹ்ஹாபிய விஷ வித்துகளைக் கொண்ட மேற்சொன்ன நூற்கள் பெயரால் கவர்ச்சிகரமான பெயர்களை சூட்டிக் கொண்டு நஜ்து சைத்தானிய பணியை தென்னாட்டில் செய்து வருகின்றன. இத்தகைய கொள்கை கெட்டவர்கள் தங்களை வஹாபிகள் என்று சொல்லிக்கொள்வார்களானாலும் பரவாயில்லை. ஆனால், இவர்களோ அவ்வாறு சொல்லாமல் தங்களை ஸுன்னத் ஜமாஅத்தார்கள் என்று வேறு சொல்லிக் கொள்கிறார்கள், எனவே தான் இவர்களுக்கு எதிர்ப்பும் மறுப்பும் ஏற்படுகின்றன. உள்ளொன்று புறமொன்றுமாயிராமல் வெளிக்கும் தங்களை வஹ்ஹாபிகள் என்று பகிரங்கமாக அறிவித்து தங்களது வஹ்ஹாபியக் கொள்கைகளை இவர்கள் பரப்பினால் இவர்களை யார் ஆட்சேபிக்க போகின்றார்கள் ! "

*****************

1950 களில் இப்பிரச்சாரம் செய்த கூட்டம் நிச்சயம் பீஜேவின் தவ்ஹீத் ஜமாத் அல்ல. அவர்களுக்கு முன்னரே அட்சரம் பிசகாமல் அதே கொள்கையை பரப்பிய தப்லீக் தேவ்பந்தி வஹாபிகளை மட்டும் கண்டும் காணாமல் செல்வது நியாயமா ???

இது தான் தீனுக்கு ஸுன்னத் ஜமாத் உலமாக்கள் என்று கூறிக் கொள்பவர்களது சேவையா???ஏனிந்த இரட்டை வேடம் ???

ஒரே கொள்கையை மத்ஹபை மறுக்கும் பீஜே தவ்ஹீத் கூட்டம் சொன்னால் தவறு ,தப்லீக் தேவ்பந்திகள் கூறினால் எங்கள் அகாபிர் என்ற சப்பைக்கட்டா ???எதற்கு இந்த இரட்டை வேடம் ??? கேவலம் அழிந்து போகும் உலகாதாயங்களுக்காகவா ???

அரபுலக உலமாக்களுடன் தேவ்பந்திகளின் தொடர்பின் யதார்த்தம்

2020-06-05T11:55:00.000-07:00

தமிழ் இஸ்லாமிய சமூக ஊடகங்களில் சமீப காலமாக தங்களின் முன்னோடிகளின் கொள்கை நிலைப்பாடுகள் அப்பட்டமாக வெளிப்பட்டு சாயம் வெளுப்பதைக் கண்டு புழுவென துடிக்கும் தேவ்பந்தி தப்லீக் ஜமாத் ஆதரவு உலமாக்களும் , தேவ்பந்தி முன்னோடிகளை தங்களது ஸில்ஸிலாவில் கொண்டுள்ள போலிகளும் சில உத்திகளை கையாண்டு வருகின்றனர் . அது ஒன்றும் புதிய விஷயம் அல்ல.

இவர்களது தேவ்பந்தி தப்லீக் ஜமாத் சாத்திகள் வட இந்தியாவிலும் , பாகிஸ்தானிழும் , அமேரிக்கா ,பிரிட்டன் நாடுகளிலும் செய்து இணையத்தில் அரங்கேற்றிவற்றை இவர்கள் தமிழ் சூழலில் மறுபதிப்பு செய்துள்ளனர் . இவற்றிக்கான அநேகம் மறுப்புகளும் இணையவெளியில் உள்ளன .எனினும் அந்தோ பரிதாபம் தமிழ்'இஸ்லாமிய சூழலுக்கு இதை நவீனமாக இவர்கள் இறக்குமதி செய்கின்றனர் .

அதில் இவர்கள் கையாளுவது இரண்டு விஷயங்கள்

* அரபுலக ஸுன்னத் வல் ஜமாத் இமாம்கள் தேவ்பந்திகளை ஏற்றுக் கொண்டு ,அவர்களிடம் கல்வி பயின்று இஜாஸத் பெற்றுள்ளனர் . (எனவே தேவ்பந்தி முன்னோடிகளை எங்களது ஸில்ஸிலாவில் கொண்டுள்ள போலிகளான நாங்களும் உண்மையான தரீக்கத் வாதிகள் தான் )

* அரபுலக ஸுன்னத் வல் ஜமாத் இமாம்கள்இப்னு தைமிய்யாவை புகழ்ந்துள்ளனர் (எனவே தேவ்பந்தி முன்னோடிகளை எங்களது ஸில்ஸிலாவில் கொண்டுள்ள போலிகளான நாங்களும் அஷ்ரப் அலி தானவியை புகழ்வது ஆகுமானதே )

இது ஓர் நீண்ட கால பிரச்னை. தேவ்பந்தி தப்லீக் ஜமாஅத் வஹாபி முன்னோடிகளின் வழிகெட்ட கொள்கைகள் கொண்ட நூற்கள் உருது மொழியில் உள்ளன .அவை அரபியில் இல்லை . ஆனால் அரபியில் இவர்கள் ஹதீத் நூற்களின் ஷரஹ் , ஸீரத் போன்ற அஹ்லுஸ் ஸுன்னத் நூற்களை மொழிபெயரத்துள்ளனர் .

எனவே அந்த நூற்கள் மூலம் இவர்களின் அறிமுகம் அரபுலக உலமாக்களுக்கு கிடைக்கும் பொழுதும் , ஏற்கனவே அரபுலகில் பெரும் பிரச்னை மத்ஹப் மறுக்கும் வஹாபிகளாக இருக்கும் நிலையில் , தங்களை ஹனபி,மாதுர்தி மற்றும் தஸவ்வுப் உடைய பிர்கா என்று வெளிரங்கத்தில் காட்டிக் கொண்டு தேவ்பந்திகள் வரும் பொழுது இயல்பாக இவர்களையும் அஹ்லுஸ் ஸுன்னத் வல் ஜமாத்தினர் எனக் கருதுவது தன்னிச்சையான ஒன்று .

ஆனால் அதற்கு அரபுலக உலமாக்கள் தேவ்பந்தி முன்னோடிகளின் குப்ரியத்தான கொள்கைகளை முழுக்க ஏற்றுக் கொண்டு இவர்களை பரிசுத்தப் படுத்திவிட்டனர் என்பதல்ல அதன் அர்த்தம் .

அரபுலக ஸுன்னத் வல் ஜமாத் இமாம்களின் தேவ்பந்தி தப்லீக் ஜமாத்துடன் தொடர்பு :

தேவ்பந்தி முன்னோடிகளின்(ஸயீத் அஹ்மத் ரேபரேலி ,இஸ்மாயில் திஹ்லவி ,காஸிம் நானொத்வி ,அஷ்ரப் அலி தான்வி , ) குஃப்ரியாத்தான நூற்கள் யாவும் உர்துவிலும் ,சில பார்சியிலும் உள்ளது .இவை தற்போது பல்வேறு பதிப்புகளை கண்டுள்ளன . நவீன கால மொழி நடைபாணியிலும் அமைந்துள்ளன . இன்னும் இவற்றில் சில பதிப்புகளில் மோசடிகளும் நடைபெற்றுள்ளன .எனினும் அவற்றின் மூல பிரதிகளும் இன்றும் அஹ்லுஸ்'ஸுன்னத் வல் ஜமாத் உலமாக்கிடமும் உள்ளன ,இணையவெளியிலும் உள்ளன .

இனி பெரும்பாலான அரபுலக உலமாக்கள் அரபியை தமது தாய்மொழியாக கொண்டு கல்வி கற்றும் , நூற்கள் எழுதியும் , பாடம் நடத்தியும் வந்துள்ளனர் . ஒரு சிலர் அரபல்லாத வேறு மொழியினை தமது தாய் மொழியாக கொண்டிருந்தாலும் , அவர்கள் சிந்தனை வழிமுறை மற்றும் இயங்கிய அறிவுசார் தளம் என்பது அரபு மொழியே.

இமாம் ஜாஹித் கவ்தாரி மற்றும் அபுல் பத்தாஹ் அபுல் குத்தாஹ் ஆகியோர் தேவ்பந்திகளை புகழ்ந்ததின் யதார்த்தம் :

இமாம் ஜாஹித் பின் ஹசன் அல் கவ்தாரி அல் ஹனபி அல் அஷ்அரி  رحمه الله அவர்கள் (1296-1371) உஸ்மானிய கிலாஃபத்தின் இறுதி ஷைகுல் இஸ்லாமின் துணை ஷைகுல் இஸ்லாமாக இருந்தவர்கள் .இமாம் அபுல் பத்தாஹ் அபுல் குத்தாஹ் மற்றும் அல் குமாரி ஆகியோர் இவரின் மாணாக்கர் .

அன்னாரின் மறைவையொட்டி இமாம் அபூ ஜஹ்ரா தமது புகழஞ்சலியில் பின்வருமாறு எழுதுகிறார்கள் :

" இமாம் அல் கவ்தாரி  رحمه الله ஒரு உண்மையான அறிஞர்; அறிஞர்கள் அவருடைய அறிவை அறிந்தார்கள். அவரைச் சந்திப்பதற்கு பல வருடங்களுக்கு முன்பே நான் அவரை அறிந்தேன். சத்தியத்தின் ஒளி வெளிவந்த அவரது எழுத்துக்கள் மூலம் நான் அவரை அறிந்தேன். அவர் வெளியிடத் தொடங்கிய கையெழுத்துப் பிரதிகளின் விளக்கவுரைகள் மூலம் நான் அவரை அறிந்தேன். அல்லாஹ்வின் மீதாணையாக ! கையெழுத்துப் பிரதியைப் பற்றிய எனது ஆச்சரியம், ஆசிரியரின் விளக்கவுரையைப் பற்றிய எனது ஆச்சரியத்துடன் பொருந்தவில்லை. அசல் கையெழுத்துப் பிரதி ஒரு சுருக்கமான நிருபமாக இருந்தபோதும், அதைப் பற்றிய இமாமின் விளக்கவுரைகள் அதை அவசியம் படிக்க வேண்டிய ஒரு முக்கிய படைப்பாக மாற்றிவிடும்.

அவர் அரபு அல்லாத எழுத்தாளர் என்றும், அஜமி என்றும் வாசகரின் மனதில் தோன்றாது ... ஆயினும் அது உண்மையில் ஆச்சரியமளிப்பதாக இல்லை, ஏனென்றால் அவர் இஸ்தான்புல்லில் (அல்-அஸ்தானா) வாழ்ந்த நேரத்தில் வம்சாவளி, கல்வி மற்றும் அன்றாட வாழ்க்கையில் துருக்கியராக இருந்தார், ஆனால் அவரது அறிவார்ந்த வாழ்க்கை முற்றிலும் அரபு மொழியாக இருந்தது, ஏனெனில் அவர் அரபியைத் தவிர வேறு எதுவும் படிக்கவில்லை, அவரது சிந்தனையை அரபியைத் தவிர வேறு எதுவும் நிரப்பவில்லை "

[ நூல் - இமாம் கவ்தாரி அவர்களது மகாலத் நூலுக்கு இமாம் அபூ ஜஹ்ரா அவர்களது முன்னுரை ,ரியாத் பதிப்பு ]

இமாம் அல் கவ்தாரி  رحمه الله அவர்கள் புகழ்ந்த தேவ்பந்தி உலமாக்களின் நூற்கள் அனைத்தும் ஸஹீஹ் முஸ்லீம் ,அபூ தாவூத் ,திர்மிதி போன்ற ஹதீத் ஷரீபின் ஷரஹ் ஆகும் .

இனி இமாம் அல் கவ்தாரி அவர்கள் தேவ்பந்தி தப்லீக் ஜமாத்தினரின் குப்ரியத்தான கொள்கைகள் நிறைந்த உருது ,பார்சி நூற்களை வாசித்திருப்பார்களா ? அவர்கள் காலத்தில் யாரேனும் அரபியில் மொழிபெயர்த்து ,அதை அவர்கள் வாசிந்திருந்தால் "ஹுஸாமுல் ஹரமைன் " பத்வாவில் கையெழுத்திட்ட சங்கைக்குரிய மக்கா ,மதீனா உலமாக்கள் போன்று தான் முடிவெடுத்திருப்பார்கள் என்பது திண்ணம் .

* அல் இஷ்பாக் அலா அஹ்காம் அல் தலாக் - தலாக் பற்றிய ஜம்ஹுர் இஜ்மாவிற்கு முரண்பட்ட இப்னு தைமியாவிற்கு எதிரான மறுப்புரை

* அல் ஜவாப் அல் வாபி பி ரத் அலா அல் வாய்ஜ் அல் அவ்பி - ஸுபியாக்கள் பற்றிய அவ்ப் நகரைச் சேர்ந்த பிரச்சாகருக்கு எதிரான மறுப்புரை

* மஹ்க் அல் தவக்குல் பி மஸாலா அல் தவஸ்ஸுல் - கண்மணி நாயகம் அவர்களை தவஸ்ஸுலாக ஏற்க மறுப்பவர்களுக்கான மறுப்புரை

* அல் லம்மத்ஹபிய்யா கன்தரத்து அல் லத்தீனியா - மத்ஹப் மறுப்பு இறைமறுப்புக்கான நுழைவாயில்

இமாம் அல் கவ்தாரி  رحمه الله அவர்கள் எழுதிய எண்ணற்ற நூற்களுல் மேற்குறிப்பிட்ட நூற்கள் இன்றும் தேவ்பந்தி தப்லீக் ஜமாத்தின் முன்னோடி இஸ்மாயில் திஹ்லவிக்கும் ,அதே போன்ற கருத்துக்களை கொண்டுள்ள அவரின் பிர்காவைச் சேர்ந்த உலமாக்களுக்கும் இன்றும் பொருந்தும் . இமாம் அல் கவ்தாரி  رحمه الله அவர்கள் நிச்சயமாக தேவ்பந்தி தப்லீக் ஜமாத்தின் வழிகெட்ட வஹாபிய கொள்கைகளை அங்கீகரித்து அவர்களை புகழவில்லை .

மாறாக இந்த தேவ்பந்தி தப்லீக் ஜமாத் 'அல் முஹன்னத் ' நூலுக்கு என்ன முனாஃபிக் தனம் செய்தார்களோ ,அதைப் போலவே இவர்கள் ஸுன்னத் வல் ஜமாத் அகீதா நூற்களை அரபியில் மொழிபெயர்த்து ,அரபுலக ஸுன்னத் வல் ஜமாத் உலமாக்கள் மத்தியில் தங்களைப் பற்றிய நல் அபிப்பிராயம் உண்டாக செய்த மற்றுமோர் சதித் திட்டம் .இவர்களின் வரலாற்றை ஆரம்பம் முதல் அறிந்தவர்கள் இவர்களது முனாபிக் தனமான செயல்பாடு பற்றி அறிவர் .

இதைத் தவிர குறிப்பிட்டு சொல்ல வேண்டிய விடயம் தேவ்பந்த் மத்ரஸா மற்றும் இன்ன பிற அவர்களது பிர்கா சார்ந்த மத்ரஸாக்கள் மூலம் அவர்கள் குறிப்பிடத்தக்க (PR and Marketing Network) உறவை மேம்படுத்தும் சந்தை தொடர்பை உண்டாக்கினர் .

இனி அபுல் பத்தாஹ் அபுல் குத்தாஹ் அவர்களும் (1917- 1997) புகழ்ந்ததோடு அல்லாமல் சில நூற்களை அரபியில் மொழிபெயர்த்தும் உள்ளார் . பலதரப்பட்ட இஸ்லாமிய அறிஞர்களின் செல்வாக்கு அவரின் மீது ஆளுமை செலுத்தியது .

1940 களில் எகிப்தில் முஸ்லீம் சகோதரத்துவத்தின் தலைவரான ஹசன் அல்-பன்னாவை சந்தித்தார். அவர் சிரியாவுக்குத் திரும்பியபோது, அவர் முஸ்லீம் சகோதரத்துவத்துடனும் , தாவாவின் பணியியிலும் மிகவும் சுறுசுறுப்பாக இருந்தார், ஏனெனில் அவரது இயல்பு மிகவும் நம்பகமானதாக இருந்தது, மேலும் அவர் தனித்துவமான தலைமைத்துவ குணங்களைக் கொண்டிருந்தார்.

அவர் சவுதி அரேபியாவை தனது வசிப்பிடமாக அமைத்துக் கொண்ட பிறகு, அவரது பல கருத்துக்கள் மாறின. மேற்கண்ட நபர்கள் மீது தனக்கு மிகுந்த மரியாதை இருப்பதை அவர் காட்டுகிறார், மேலும் அவர்களை மிகவும் பாராட்டுகிறார். இப்னு தைமியாவைப் பற்றி பேசிய தமது ஆரம்பகால படைப்புகள் மற்றும் தஹ்கீக் மற்றும் குறிப்புகளையும் தருகிறார்.

அவர் இப்னு தைமியாவுக்கு "ஷெய்க் அல்-இஸ்லாம்" போன்ற உயர்ந்த பட்டங்களை பல முறை தருகிறார், மேலும் அவரை ஒரு காஃபிர் என்று அறிவித்ததை அபத்தமானது என்கிறார் (பக். 24-30).
இப்னு தைமியாவின் மாணவர் இப்னு கயீமைப் பெரிதும் பாராட்டுகிறார், மேலும் அவர் அவரை காஃபிர் என்று அறிவித்ததாகக் கூறப்படும் பொய்யை மறுக்கிறார் (பக். 30-35).வெளிவந்த தமது மற்ற தஹ்கீக்குகள் பற்றியும் குறிப்பிடுகின்றார் .

இறந்தவர்களுடன் இஸ்திகாதாவை அவர் மறுத்தார் (பக். 35-38). அவர் அதை அனுமதிக்கிறார் என்றும் அது ஷிர்க் என்று கூறுபவர் காஃபிர் என்கிறார் .

பின்னர் இதற்கு முற்றிலும் மாறாக முரண்பட்டு ,இது அப்படியல்ல, முற்றிலும் பாத்தில் மற்றும் அவர்களிடம் "நான் அதை எங்கே சொன்னேன்?" என்று வினவுகிறார் .
பின்னர் அவர் இஸ்திகாதா அனுமதிக்கப்படாது என்று கூறுகிறார். அவர் தனது முந்தைய தஹிக்கில் ஒன்றைக் குறிப்பிடுகிறார், அங்கு அவர் அப்துல் ஹை லக்னவி பயன்படுத்திய 'கவ்த் அல்-தகலைன் ' என்ற வார்த்தையை மறுக்கிறார்.

அவர் முஹம்மது இப்னு அப்துல் வஹாபிற்கு மரியாதை செலுத்துகிறார், அவரை இமாம் அல்-தாவா என்று அழைத்து, அவரது பெயருக்குப் பின்னால் 'ரஹ்மத்துல்லாஹி அலைஹி ' என்றும் கூறுகிறார்.
இப்னு தைமியா உண்டாக்கிய தவ்ஹீத்தின் பிரிவுகளை அவர் ஒப்புக்கொள்கிறார் (பக். 38).

அவர் தனது ஆசிரியர் இமாம் கவ்தாரியின் நிலைப்பாட்டை விவாதித்து, அவர் தனது பல ஆசிரியர்களில் ஒருவர் என்று கூறுகிறார். இமாம் கவ்தாரி சொன்ன எல்லாவற்றையும் அவர் ஏற்றுக் கொள்ள வேண்டும் என்று அதற்கு அர்த்தமல்ல என்கிறார் . பின்னர் அவர் ஹலபில் ஒரு பெரிய ஷெய்கு இருப்பதாகக் கூறினார், அவர் இப்னு தைமியாவை முற்றிலும் நேசித்தார், மேலும் "தூதுத்துவம் முடிவுக்கு வரவில்லை என்றால், இப்னு தைமியா ஒரு நபியாக இருந்திருப்பார்" (!) என்றும் கூறினார்.

[ நூல் - கலிமாத் ஃபி கஷ்ப் அபாத்தில் வ இஃப்திராத் , அபூ பத்தாஹ் அபூ குத்தாஹ் ]

முஹத்தித் ஏ ஹரமைன் ஷரீப் ஸெய்யித் முஹம்மத் பின் அலவி அல் மாலிக்கி அவர்கள் தேவ்பந்த் உலமாக்கள் பலரிடமும் ,இன்னும் குப்ர் பத்வா வழங்கப்பட்ட தேவ்பந்தி முன்னோடிகள் சிலரிடமும் இஜாஸத் பெற்றதின் விளக்கம் :

முஹத்தித் ஏ ஹரமைன் ஷரீப் ஸெய்யித் முஹம்மத் பின் அலவி அல் மாலிக்கி  رحمه الله அவர்கள் தங்களது கல்வியின் ஆரம்ப காலத்தில் ,தேவ்பந்திகளின் உண்மை கொள்கையினை அறியாத காலத்தில் ஜக்கரிய்யா காந்தலவி தேவ்பந்தியிடம் ஹதீத் கற்றார்கள். ஆனால் அன்னவர்கள் தஸவ்வுப் உடைய ஸில்ஸிலா இஜாஸத்தை பரேலி அஃலா ஹழ்ரத் அவர்களது கலீஃபா , குத்பே மதீனா ஜியாவுத்தீன் மதனீ அவர்களிடம் பெற்றார்கள் .இன்னும் பரேலி அஃலா ஹழ்ரத் அவர்களது மகனார் இமாம் முஸ்தபா ரிழா கான் அவர்களிடமும் ஹதீதுக்கான இஜாஸத் பெற்றுள்ளார்கள் .

ஷரீப் ஸெய்யித் முஹம்மத் பின் அலவி அல் மாலிக்கி  رحمه الله அவர்கள் அஹ்லுஸ் ஸுன்னத் கொள்கை விளக்க நூலான 'மஃபாஹீம்' நூலை எழுதிய பின்னர் திருடனுக்கு தேள் கொட்டியது போல் இந்த தேவ்பந்தியாக்கள் தங்களின் வஹாபிய விசுவாசத்தை காட்ட அன்னாரின் மீது முப்ததி என்று   பத்வா வெளியிட்டார்கள் .

தேவ்பந்திகள் Sunniform.com என்ற விவாத தளத்தை ஆங்கிலத்தில் நடத்தி வந்தனர் . உலகின் பல பகுதிகளில் இருந்தும் அஹ்லுஸ் ஸுன்னத் வல் ஜமாத்தினர் இதில் பங்குபெற்று வாத பிரதிவாதங்கள் நடந்தேறின . வழக்கம் போல் தேவ்பந்திகள் நாங்கள் ஹனபி,மாதுர்தியாக்கள் என்று தங்கள் புரட்டுகளை முன் வைத்தனர் . ஆனால் இந்த பத்வா இதில் வெளிவந்ததும் இவர்கள் குட்டு வெளிப்பட்டு இவர்களின் உண்மையான முகம் வெளிவந்து சந்தி சிரித்தது . தளத்தை இழுத்து மூடினர் தேவ்பந்திகள்.

அந்த விவாத தளத்தின் பதிவு

https://web.archive.org/web/20100130043500/http://www.sunniforum.com/forum/showthread.php?53234-Beliefs-of-Muhammad-Alawi-Maliki-and-Ulama-of-Deoband

தமிழாக்கம் :

முஹம்மத் பின் அலவி அல் மாலிக்கியின் கொள்கைளும் , தேவ்பந்த் உலமாக்களும் :-

ஜாமிஆ மதனியா பஹவல்பூரின் உஸ்தாதும்,தேவ்பந்திகளின் இமாமுமான அல்லாமா ஸர்பராஸ் கான் ஸப்தார் அவர்களது பேரனுமாகிய  ஹாபிழ் ஸபறாஸ் கான்   எழுதுகிறார்கள்,

"எனது பாட்டனார் அஹ்லுஸ் ஸுன்னத் வல் ஜமாத்தின் மஸ்லக்கோடு வலுவானஇணைப்பையும் ,தொடர்பையும் கொண்டிருந்தார் என்பது அனைவருக்கும் தெரியும்.இந்த விஷயத்தில் அவர் சிறிதளவும் நெகிழ்வுத்தன்மையை பொறுத்துக்கொள்ளவில்லை மற்றும் 'லா யக்பூன லவ்மத லயீம் ' (குற்றம் சாட்டப்பட்டவர்களின் குற்றச்சாட்டுக்கு அஞ்சாதவர்கள்) என்பதன் ஒரு சரியான உருவகமாக இருந்தார்.

மக்காவை சேர்ந்த ஓர் அரபி முஹம்மத் அலவி மாலிக்கி ஸாஹிப் (மஸ்லக்கால் பரேல்வி ) , 'அல் ஜகாயிர் அல் முஹம்மதியா' மற்றும்  'ஹவ்ல் அல் இஃதால் பி ஜிக்ர மவ்லித் அல் நபி அஷ் ஷரீப் 'என்னும் இரு நூற்களை எழுதியுள்ளார் . இந்த புத்தகங்களின் பல உள்ளடக்கங்கள் சவூதி உலமா போர்ட் மற்றும் மக்கா காழி ஷைகு அப்துல்லாஹ் பின் சுலைமான் பின் மானி அவர்களால் ஆட்சேபிக்கப்பட்டன .அவர் இந்நூற்களுக்கு மறுப்பாக ஹிஜ்ரி 1403ல் 'ஹிவார் மா அல் மாலிக்கி பீ ரத் முன்கரத்தி வ தலாலித்' என்ற நூலினை வெளியிட்டார் .

இந்த புத்தகம் வெளியான பிறகு, அலவியின் ஆதரவாளர்கள் 'இஸ்லாஹ்-இ-மஃபாஹிம்', 'மாஃபாஹிம் யஜிபு அன் துசாஹாவின்' உருது பதிப்பை வெளியிட்டபோது, அது அஹ்லுல் ஹக்கைத் தாக்கியது, புதுமைகள் (பிட்அத்) மற்றும் ஷிர்க் தூய மார்க்கமாக வழங்கப்படுகின்றன என்பது புரிந்தது .
எனவே, மூத்த அறிஞர்கள் ஆட்சேபனைகளை எழுப்பினர், அதற்கு எதிராக தங்கள் கட்டுரைகள், ஃபதாவாக்கள் மற்றும் கடிதங்களில் மக்களை எச்சரித்தனர்.

'இஸ்லாஹ்-இ-மஃபாஹிம்' என்பது ஷிர்க்  மற்றும் பித்அத்தை  அடிப்படையாகக் கொண்ட நம்பிக்கைகள் மற்றும் நடைமுறைகளின் தொகுப்பாகும். இது தந்திரமாக தவ்ஹீத் மற்றும் சுன்னா என்று பெயரிடப்பட்டது . அவரது வழக்கம்படி, என் பாட்டனார் ஹக் மற்றும் அஹ்லுல் ஹக் ஆகியோருடன் பக்கபலமாக இருந்து 'இஸ்லாஹ்-இ-மஃபாஹிம்' மற்றும் ஸெய்யித் முஹம்மத் அலவியின் புத்தகங்களில் குறிப்பிடப்பட்டுள்ள பிற தவறான கருத்துக்களிலிருந்துதம்மை விலக்கிக் கொண்டார்.

ஒருமுறை நான் அவரிடம் அலவி மாலிகி சாஹிப்பைப் பற்றி கேட்டபோது, அவர் கூறினார்: 'ஹத்ரத் காதி [' காயிதே அஹ்லுஸ் -சுன்னா 'அல்லாமா காதி மஜார் உசேன், ஷெய்க் அல்-இஸ்லாம் மவ்லானா மதானியின் கலீஃபா முஜாஸ்,] அவர்களது அதே கருத்துக்கள் என்னிடம் உள்ளன. பின்னர், டாக்டர் முப்தி அப்துல் வாஹித் (லாகூரின் ஜாமியா மதானியாவின் முப்தி)அவர்களின் 'முஹம்மது அலவி மாலிகி கே அகாயித் உங்கி தஹ்ரிக்கத் கே ஆயினே மே' [முஹம்மது அலவி மாலிகியின் நம்பிக்கைகள் அவரது படைப்புகளின் வெளிச்சத்தில்] என்ற ஒரு கட்டுரையை வாசித்துக் காண்பித்தேன். சில வாசகங்களைக் கேட்ட என் பாட்டனார் , 'அஹ்மத் ரஸா கான் பரேல்வியை விட அவர் அதிக பித்அத்தியாக உள்ளார் ' என்று கூறினார்.

தேவ்பந்தின் உலமாக்கள்  ஸெய்யித் முஹம்மத் அலவியின் சில புத்தகங்களுக்கும் குறிப்பாக 'மஃபாஹிமுக்கும்' எதிராக எச்சரித்தனர். தேவ்பந்தின் பல அறிஞர்கள் மஃபாஹிமில் ஏராளமான அகாயித் மற்றும் மசாயில்களுக்கு மறுப்பை எழுதினர். அதையெல்லாம் ஒன்றாக 'தஹ்கிகி நஸர்' என்ற புத்தகத்தில் வெளியிட்டது. இந்த புத்தகத்தை தாருல் உலூம் கராச்சியின் பட்டதாரி முப்தி முஹம்மது அபுபக்கர் அலவி , ஷெய்குல் -ஹதீஸ் மவ்லானா ஜக்கரிய்யாவின் கலீஃபா மவ்லானா முஹம்மது இஸ்மாயில் படாத் மதானியின் அறிவுறுத்தலின் பேரில் தொகுத்துள்ளார் . இதை லாகூரின் மதரஸா குத்தம் அஹ்லுஸ் -சுன்னத் வெளியிட்டனர்.

தேவ்பந்தின் உலமாக்கள் 'மஃபாஹிம்' மற்றும் அவரது பிற புத்தகங்களில் குறிப்பிடப்பட்டுள்ள முஹம்மது அலவி மாலிகியின் அகாயித் பற்றிய விரிவான மறுப்பை எழுதினார்; அவர் தனது புத்தகங்களில் ஊக்குவித்த நம்பிக்கையின் காரணமாக அவரை முப்ததி என்றும் அஹ்லுஸ் -ஸுன்னத்  வல்-ஜமாவை விட்டும் வெளியேறிவிட்டார் என்று அறிவித்தனர் .

விரிவான கண்டனத்தை எழுதிய அறிஞர்கள் பின்வருமாறு:

1.அல்லாமா காழி மழ்ஹர் ஹுசைன் , சக்வால்
2.ஷைகு முஹம்மத் யூசுப் லூதியான்வி , கராச்சி
3.முப்தி ஸய்யித் அப்துல் ஷக்கூர்,சர்கோதா
4.முப்தி அப்துல் சத்தார் ,கைர் அல் மதாரிஸ், முல்தான்
5.முனைவர் முப்தி அப்துல் வாஹித் ,லாஹுர்

மஜ்லிஸ் தஹ்கீகாதி இஸ்லாமி பாகிஸ்தானின் (இஸ்லாமிய ஆராய்ச்சி அகாடமி) தலைவரான முப்தி அப்துல் சத்தார்,ஸெய்யித் முஹம்மது அலவி மாலிகியை மறுத்து எழுதியதைத் தொடர்ந்து பின்வரும் அறிஞர்கள் இந்த ஆவணத்தில் கையெழுத்திட்டு முப்தி அப்துல் சத்தாருடன் முழுமையாக உடன்பட்டனர்.

1. முப்தி ஜமீல் அஹ்மத் தன்வி, ஜாமியா அஷ்ரபியா லாகூர்
2. முப்தி தகி உஸ்மானி, கராச்சி.
3. முப்தி ரஃபி உஸ்மானி, கராச்சி.
4. டாக்டர். அல்லாமா காலித் மஹ்மூத், யு.கே.
5. ஷேக் சையித் நபிஸ் ஷா அல்-ஹுசைனி, லாகூர்.
6. மவ்லானா அமீன் சப்தார் ஒகார்வி, கைர் அல்-மதரிஸ் முல்தான்.
7. 'அல்லாமா அப்துல்-கயூம் ஹக்கானி, தாருல் உலூம்  ஹக்கானியா அகோரா கட்டக்.
8. முப்தி ஷேர் முஹம்மது அலவி, ஜாமியா அஷ்ரபியா லாகூர்.
9. மவ்லானா ஆஷிக் இல்ஹாகி புலந்த்ஷஹ்ரி, மதீனா.
10. முப்தி முஹம்மது ஃபரித், அகோரா கட்டக்.
11. மவ்லானா முஹம்மது இஸ்மாயில் படாத் மதானி, மதீனா.
12. முப்தி நசீர் அகமது, ஜாமியா இம்ததியா பைசலாபாத்.
13. முப்தி அப்துல் சலாம் சட்காமி, பானூரி டவுன் கராச்சி.
14. மவ்லானா முஹம்மது அக்பர், காசிம் அல்-உலூம் முல்தான்.
15. மவ்லானா ஃபைத் அகமது, காசிம் அல்-உலூம் முல்தான்.
16. மவ்லானா அப்துல் கானி, ஜாமியா மதானியா லாகூர்.
17. மவ்லானா ஜமால் அகமது, தார் அல்-உலூம் பைசலாபாத்.
18. மவ்லானா ஜாவேத் உசேன் ஷா.

முஹம்மது அலவி மாலிகி மீது மவ்லானா லூதியன்வி தேவபந்தியின் ஃபத்வா.

முஹம்மது அலவி மாலிகிக்கு ,மவ்லானா லூதியானாவி பைஅத் கொடுத்ததாக சிலர் வதந்தி பரப்பினர். இந்த நேரத்தில் மவ்லானா லூதியன்வி முஹம்மது அலவி மாலிகியின் முகத்தை நான் பார்த்ததில்லை,
இனிமேலும் நான் பார்க்கவும் விரும்பவில்லை என்றும் எழுதினார். நான் இன்னும் அவரை ஒரு முப்ததி
என்று கருதுகிறேன் என்று கூறினார் .

தேவ்பந்தின் உலமாக்கள் முஹம்மது அலவி மாலிகியை மறுத்த சில கொள்கைகள் :

1. மண்ணறைகளில் இருக்கும் நல்லடியார்களிடம் உதவி கோரி அழைப்பது அனுமதிக்கப்படுகிறது என்றும், அவர்கள் அழைக்கப்படும் போது அவர்கள் தசர்ருப் செய்து எங்களுக்கு உதவுவார்கள் என்றும் நம்புங்கள். படைப்பினங்களிடம் துஆ செய்து மற்றும் வழிமுறைகளுக்கு மேலே உள்ள விஷயங்களை அவர்களிடம் கேட்பது (மா பவ்க் அல் அஸ்பாப் ) அனுமதிக்கப்படுகிறது.

2. பூமான் நபி அவர்கள் ஹாழிர் நாழிர் அல்லது வேறுவிதமாகக் கூறினால், உலகில் எங்கும் நடக்கும் ஒவ்வொரு விஷயத்திற்கும் சாட்சியாகவும் விழிப்புடனும் இருக்கிறார்கள் .

3. பரிசுத்த நபிநாதருக்கு இறுதி நாளின் சரியான நேரம் உட்பட 5 விஷயங்களைப் பற்றிய முழுமையான அறிவு உள்ளது; புனித தூதருக்கு முதல் நாள் முதல் கடைசி வரை காணப்படாத முழுமையான (குல்) அறிவு வழங்கப்பட்டுள்ளது.

4. உலக மற்றும் வானங்களின் சாவிகள் புனித நபிக்கு ஒப்படைக்கப்பட்டுள்ளன என்ற நம்பிக்கை.

5. சொர்க்கம், நரகத்தை வழங்குவதற்கும், ரிஸ்க் (வாழ்வாதாரம்) வழங்குவதற்கும் அதிகாரம் புனித நபிக்கு வழங்கப்பட்டுள்ளது.

6. பூமான் நபி அவர்களின் பெயரால் சத்தியம் செய்வது அனுமதிக்கப்படுகிறது.

8.முஃஜிஸாத், கலாக் மற்றும் கசாப் பற்றிய கலந்துரையாடல்.

9. ‘அகாயித் மற்றும் ஃபிக்ஹ் ’ விஷயங்களில் பலவீனமான ஹதீத்தைப் பயன்படுத்துதல். கூற்றுடன் எந்த தொடர்பும் இல்லாத ஆதாரங்களை கொண்டு வருவது இதனால் சாதாரண மக்களை குழப்பமடையச் செய்து ஏமாற்றுகிறது.

10. நபிமார்களை பஷர்கள் (மனிதர்கள்) என்று மட்டும் குறிப்பிடுவது ஷிர்க் !

இந்த அறிஞர்களால் 'தஹ்கீகி நசர்' புத்தகத்தில் விவாதிக்கப்பட்ட இன்னும் பல ஃபிக்ஹி சிக்கல்கள் உள்ளன. முழுமையான மறுப்பு மற்றும் விவாதத்திற்கு அந்த புத்தகத்தைப் பார்க்கவும்.

இன்றுவரையிலும் தேவ்பந்தி தப்லீக் ஜமாத்தின் இந்த இரட்டை வேஷம் தொடர்கின்றது .இந்த நூற்றாண்டின் மிகப்பெரும் மார்க்க மேதையான ,துருக்கியைச் சேர்ந்த ஷெய்கு மஹ்முத் எப்பெந்தி நக்ஷபந்தி அவர்களுக்கு இந்த தேவ்பந்திகள் சமீபத்தில் தேவ்பந்தின் முன்னோடி காஸிம் நானோத்வி பெயரில் விருது ஒன்றினை அளித்தனர் . அதை தங்களுக்கான அங்கீகாரமாக வழக்கம் போல் இணைய வெளியில் நாடகம் நடத்தினர் .

சமீபத்தில் பரேலி அஃலா ஹழ்ரத் அவர்களது பேரனார் தாஜுஸ் ஷரியா முப்தி அக்தர் ரிழா கான் அவர்கள் மதீனாவில் இருந்த சமயம் ஷெய்கு அஹ்மத் குப்பேலி நக்ஷபந்தி (ஷெய்கு மஹ்முத் எப்பெந்தி நக்ஷபந்தி அவர்களின் கலீபா மற்றும் மாணவர் ) சந்தித்து தேவ்பந்திகளின் கொள்கை பற்றி வினவினார் . அவர்களின் முன்னோடிகளின் வழிகெட்ட கொள்கையை விளக்கி'பின்னர் ஷெய்கு அஹ்மத் குப்பேலி

அவர்கள் கூறினார்கள் ' தேவ்பந்திகள் தம்மை நக்ஷபந்திகள் என்று கூறிக்கொண்டு துருக்கியில் வருகை தந்து உலமாக்களையும் , மக்களையும் வழிகெடுகின்றனர் .நான் துருக்கி சென்று இன்ஷா அல்லாஹ் அவர்களின் உண்மை முகத்தை மக்களிடம் சொல்வேன் ' என்றார்கள் .

பின்னர் தாஜுஸ் ஷரியா முப்தி அக்தர் ரிழா கான் அவர்கள் செப்டெம்பர் 2014ல் துருக்கி சுற்றுப்பயணம் மேற்கொண்டு நேரிடையாக அஹ்லுஸ் ஸுன்னத் வல் ஜமாத் உலமாக்களை சந்தித்து தேவ்பந்திகளின் வழிகெட்ட கொள்கைகளை விளக்கினர்.அப்போது அன்னார் ஷெய்கு மஹ்முத் எப்பெந்தி நக்ஷபந்தி அவர்களையும் சந்தித்து விளக்கம் கூறிய நிகழ்வும் நடந்தது .அதன் ஆவணப்படுத்தப்பட்ட பதிவுகள் 'துருக்கி ஸபர்நாமா'என்று வெளிவந்துள்ளன.

இதைப் போலவே தேவ்பந்தி தப்லீக் ஜமாத்தின் கொள்கையான 'அல்லாஹ் பொய் சொல்வது சாத்தியம்' என்பதைப் பற்றி சமீபத்தில் இணையவெளியில் தேவ்பந்திகள் ஆங்கிலத்தில் பயான் செய்து வழிகெடுக்க முற்பட்ட பொழுது அரபுலக உலமாக்களான ஷஹீத் ரமதான் அல் பூத்தி , ஷெய்கு அபூ ஆதம் அல் நரூஜி , ஷெய்கு ஸாலிஹ் பின் ஸித்தினா ஆகியோர் இது அஹ்லுஸ் ஸுன்னத் வல் ஜமாத்திற்கு மாற்றமான கொள்கைகள் என்று திடமாக மறுத்துள்ளனர் .

இதுதான் தேவ்பந்தி தப்லீக் ஜமாத் வஹாபிகளின் இரட்டை வேஷம். இத்தகையோரைப் பற்றித்தான் அல்லாஹுத்தஆலா தன் திருமறையில் பின்வருமாறு கூறுகின்றான் ,

தவிர அவர்கள் நம்பிக்கை கொண்டவர்களைச் சந்தித்தால் "நாங்களும் (உங்களைப் போல்) நம்பிக்கையாளர்கள்தான்" எனவும் கூறுகிறார்கள். ஆனால், அவர்கள் (நம்பிக்கையாளர்களை விட்டு விலகித்) தங்களின் (தலைவர்களாகிய) ஷைத்தான்களுடன் தனித்து விட்டாலோ "நிச்சயமாக நாங்கள் உங்களுடன்தான் இருக்கிறோம். ஆனால், நாங்கள் (நம்பிக்கையாளர்களைப்) பரிகாசம் செய்(யவே அவ்விதம் அவர்களிடம் கூறு)கிறோம்" எனக் கூறுகின்றனர்.

[அல் குர்ஆன் 2:15]

தேவ்பந்தி தப்லீக் ஜமாத்தும் ,மீலாதும்

2019-11-18T20:58:00.001-08:00

கைர் முகல்லித் வஹாபிகள் போன்று , தேவ்பந்தி தப்லீக் ஜமாத் வஹாபிகளும் அஹ்லுஸ் ஸுன்னத் வல் ஜமாத்தினர் சங்கைமிகு ரபீயுல் அவ்வல் மாதம் கொண்டாடி மகிழும் கண்மணி நாயகம் صلى الله عليه و سلم அவர்களின் மீலாத் ஷரீபை பித்அத் ,அனுமதியில்லாத செயல் என்ற கொள்கை கொண்டவர்களே .

ஆனால் இன்று சமீபகாலமாக தமிழக தேவ்பந்தி தப்லீக் ஜமாத்தினர் மீலாத் குறித்த தமது போலி நாடகத்தை இணைய வெளிகளில் (பதிவு தளங்கள் , முகநூல் ,வாட்சாப் போன்றவற்றில் ) நடத்தி வருகின்றனர் . தாங்களும் , அஹ்லுஸ் ஸுன்னத் வல் ஜமாத்தினர் போன்று மீலாத் கொண்டாடுபவர்கள் தாம் . தங்களின் மீது சுமத்தப்படும் வீண் பழி இது என்றும் , அத்துடன் தங்களின் வழக்கமான பல்லவியான பரேல்விகளின் அபாண்டமான அவதூறு என்றும் .

இனி தேவ்பந்தி தப்லீக் ஜமாத்தினர் தம் முன்னோடிகள் மீலாத் பற்றி என்ன எழுதியுள்ளனர் , இதுநாள் வரை தேவ்பந்தி தப்லீக் கொள்கை பரப்பும் அவர்களது மத்ரஸாக்களின் பத்வாக்கள் என்ன என்றும் ஆதாரங்களுடன் பார்ப்போம் .

உலகெங்கிலும் ரபீயுல் அவ்வல் மாதம் பரவலாக ஒதப்படுவது புர்தா ஷரீப் , பர்சன்ஜி மவ்லித்,மங்கூஸ் மவ்லித் ,ஹரீரி மவ்லித் மற்றும் அந்த பகுதிகளில் வாழ்ந்த இறைநேசர்கள் கோர்வை செய்த மவ்லித் .தமிழகத்தில் பரவலாக ஒதப்படுவது ஸுப்ஹான மவ்லித் ஆகும் . இதில் பெருமானார் صلى الله عليه و سلم அவர்களின் ஜனனத்தை குறிக்கும் பகுதியை ஓதும் பொழுது கியாம் நிலையில் எழுந்து நின்று சங்கை செய்வதும் , கண்மணி நாயகம் صلى الله عليه و سلم அவர்களும் , இறைநேசர்களும் , மலக்குமார்களும் ஹாலிராகின்றார்கள் என்பதும் அஹ்லுஸ் ஸுன்னத் வல் ஜமாத்தினர் தம் நம்பிக்கை .

இனி தேவ்பந்தி தப்லீக் ஜமாத்தினர் தம் முன்னோடி , இந்திய வஹாபியிசத்தின் மூலம் இஸ்மாயில் திஹ்லவி ஹாழிர் , நாளிர் நம்பிக்கை பற்றி தமது தக்வியத்துள் ஈமான் , நூல் பக்கம் 8ல்

" அல்லாஹ்விற்கு இடைபொருளாக இருப்பவர் ஹாழிர் , நாளிர் என்றும் , அவர் விவகாரங்களில் விவாதிக்க அவருக்கு அதிகாரம் உண்டு என்றும் நம்பிக்கை கொள்பவர் ஷிர்க்கில் உள்ளார் . அந்த இடைப்பொருள் நபிமார்களோ ,வலிமார்களோ ,மலக்குகளோ ,ஜின்களோ என்று எதுவாக இருந்தாலும் அதில் வேறுபாடு இல்லை . இத்தகைய செயலில் ஈடுபடுபவர் காபிர் - அவர் நபிமார்களோ ,வலிமார்களோ ,ஷுஹதாக்கள் , ஷைகுமார்கள் , ஜின்கள் என யாரைக் கொண்டு தேடினாலும் சரியே "

தேவ்பந்தி தப்லீக் ஜமாத்தினர் தம் மற்றோர் முன்னோடி ரஷீத் அஹ்மத் கங்கோஹி தமது பதாவா ரஷீதியா ,பக்கம் 41 ல்

"மவ்லித் பித்அத் ,கியாம் நிலையில் எழுத்து நிற்பது பித்அத் " என்று எழுதியுள்ளார் .

இனி காலம் ,காலமாக பொய்யும் ,புரட்டும் மட்டுமே பேசி மக்களை ஏமாற்றும் தேவ்பந்தி தப்லீக் ஜமாத்தினரது மற்றோரு வரலாற்றுத் திரிபு தாங்கள் இமாமுல் ஹிந்த் ஷாஹ் வலியுல்லாஹ் முஹத்திஸ் திஹ்லவி رضي الله عنه‎ அவர்களது மஸ்லக்கை சார்ந்தவர்கள் என்று பேசித் திரிவது . ஆனால் இந்த முனாஃபிக்குகளுக்கும் ஷாஹ் வலியுல்லாஹ் முஹத்திஸ் திஹ்லவி رضي الله عنه‎ அவர்களது மஸ்லக்குக்கும் கடுகளவும் தொடர்பில்லை என்பது அன்னார் தம் குடும்பத்தினரும் , அவர்களது ஸில்ஸிலா என்னும் ஞான வழிப்பாட்டை ஏற்று நடப்பவர்களும் இன்று வரை நமக்கு உணர்த்தி வருகின்றார்கள் .

ரஷீத் அஹ்மத் கங்கோஹி தமது பதாவா ரஷீதியா ,பக்கம் 50 ல்

கேள்வி: ஷரீயத்திற்கு மாற்றம் இல்லாத வகையில் நடத்தப்படும் மவ்லித் ,உரூஸ் நிகழ்வுகள் - உதாரணமாக இமாம் ஷாஹ் அப்துல் அஜீஸ் முஹத்திஸ் திஹ்லவி رضي الله عنه‎ அவர்கள் நடத்தியது போன்று ; அவ்வாறானதை நீங்கள் அனுமதிக்கப்பட்டது என்று கூறுகின்றீர்களா , இல்லையா ? இமாம் ஷாஹ் அப்துல் அஜீஸ் முஹத்திஸ் திஹ்லவி رضي الله عنه‎ அவர்கள் உண்மையாகவே வ்லித் ,உரூஸ் மஜ்லிஸ்கள் நடத்தினார்களா ?

பதில் : மவ்லித் நிகழ்வை கொண்டாட ஓர் கூட்டத்தை ஏற்பாடு செய்வது - அது ஷரீயத்திற்கு மாற்றம் இல்லாத வகையில் நடத்தப்படுவதாக இருந்தாலும் , ஆனால் அது விழாவாகவும் ,மக்களை அழைப்பதுமாகவும் ( இஹ்திமாம் , ததயி) இருப்பதால் , இக்காலத்தில் அவ்வாறு செய்வது சரியல்ல . உரூஸ் நிகழ்வுக்கும் இதே பதிலே . பல விஷயங்கள் முன்னர் அனுமதிக்கப்பட்டதாக ( முபாஹ் ) ஆக இருந்தது , ஆனால் பின்னர் அனுமதி மறுக்கப்பட்டு விட்டது . மவ்லித் ,உரூஸ் மஜ்லிஸ்கள் இத்தகைய ஒன்றுதான் .

நமக்கு உண்டாகும் கேள்வி சிராஜுல் ஹிந்த் இமாம் ஷாஹ் அப்துல் அஜீஸ் முஹத்திஸ் திஹ்லவி رضي الله عنه‎ அவர்கள் மவ்லித் அல்லது உரூஸ் மஜ்லிஸ்களில் எவ்வாறு கலந்து கொண்டனர் - மக்கள் கூடுவதற்கான ஏற்பாடுகள் இல்லாமல் , அல்லது ஒரு குறிப்பிட்ட நாள் மற்றும் தேதியில் அவர்களை ஒன்றுகூட அழைக்காமல் ? தேவ்பந்த் மத்ரஸாவில் எந்த ஒரு நிகழ்வும் மக்கள் கூடுவதற்கான ஏற்பாடுகள் இல்லாமல் , அல்லது ஒரு குறிப்பிட்ட நாள் மற்றும் தேதியில் அவர்களை ஒன்றுகூட அழைக்காமல் நடக்கின்றதா என்ன ? குப்ரான மாற்று மத சாமியார்களை தேவ்பந்தில் மேடையேற்றி அவர்களிடம் ஞானம் பெறும் நிகழ்வுகள் கூட இவ்வாறு தான் தேவ்பந்தில் நடைபெற்றதா ? ஷரீயத்தை கடுமையாக பின்பற்றுபவர்கள் என்று வாய் சவடால் விடும் தேவ்பந்தி உலமாக்கள் இதை கண்டிப்பார்களா ?

https://www.indiatoday.in/latest-headlines/story/ramdev-charms-deoband-crowd-59988-2009-11-04

சிராஜுல் ஹிந்த் இமாம் ஷாஹ் அப்துல் அஜீஸ் முஹத்திஸ் திஹ்லவி رضي الله عنه‎ அவர்கள் இவை குறித்து ஆட்சேபம் தெரிவித்த மவ்லவி அப்துல் ஹக்கீம் பஞ்சாபி என்பவருக்கு பதில் அளிக்கும் விதமாக எழுதினார்கள் :

" எதைக் கொண்டு விமர்சனம் செய்கின்றாரோ அதைப் பற்றிய விமர்சிப்பவரின் அறியாமையே விமர்சனத்தின் காரணம் . ஷரீயத்தின் சட்டதிட்டங்களைக் கொண்டு எவையெல்லாம் அனுமதிக்கப்பட்டுள்ளதோ அவற்றை தவிர வேறு எதையும் யாரும் கடமையான செயலென கூற இயலாது . ஆம் , ஸாலிஹான முஸ்லிம்களின் கபூரை ஜியாரத் செய்து , நல்லமல்கள் செய்து அதன் மூலம் பரக்கத்தை பெற்று , குர்ஆன் ஓதி ,துஆ செய்து அதன்பின்னர் உணவு அல்லது இனிப்பு வகைகளை பகிர்வது முஸ்தஹபான ஓர் காரியம் , அறிஞர்களின் இஜ்மா பிரகாரம் நன்மையான செயல் . உரூஸ் என்று நாள் குறிப்பது ,ரூஹ் இப்பூவுலகை(தார் அல் அமல் ) பிரிந்து வெகுமதியின் உலகை(தார் அல் தவாப் )   அடைந்ததை  நினைவு கூறும் பொருட்டே அன்றே அல்லாமல் வேறில்லை . அதனை எந்த ஒரு நாளிலும் செய்யலாம் , அது வெற்றிக்கும் , இரட்சிப்புக்கும் காரணமாகும் செயல் தான் ."

[நூல் - ஜுப்ததுன்  நஸாயிஹ் ,பக்கம் 42 ]

ரஷீத் அஹ்மத் கங்கோஹி தமது பதாவா ரஷீதியா ,பக்கம் 72 ல்

ஷாஹ் வலியுல்லாஹ் முஹத்திஸ் திஹ்லவி رضي الله عنه‎ அவர்களும் ,அவர்களது தகப்பனார் ஷாஹ் அப்துர் ரஹீம் முஹத்திஸ் திஹ்லவி رضي الله عنه‎ அவர்களும் மவ்லித் மஜ்லிஸ்கள் நடத்தியதாக 'துர் அல் தாமீன் 'நூலில் குறிப்பிடப்பட்டுள்ளதையும் , இமாம் ஸுயூத்தி رضي الله عنه‎ அவர்களும் அதனை ஏற்றமிகு செயல் ( முஸ்தஹ்சின் ) என்று தமது 'ஹுஸ்ன் அல் மகாசித்  'நூலில்   குறிப்பிடப்பட்டுளதையும் மேற்கோளிட்டு கேள்விளையாளர் மவ்லித் பற்றி வினவுகின்றார் .

திருடனுக்கு தேள் கொட்டியது போல் முழித்து , தாம் நெருக்கடியில் சிக்கியதை அறிந்த ரஷீத் அஹ்மத் கங்கோஹி , ஷாஹ் வலியுல்லாஹ் அவர்களை பித்அத்தி என்றும் சொல்ல முடியாது, மவ்லித் ஆகுமானது என்று தனது வஹாபிய கொள்கைக்கு மாறாகவும் சொல்ல முடியாது என்பதால் ,மேலோட்டமாக பட்டும்படாமல் இந்த இடத்தில் தமது கருத்தை பதிவிடுகிறார் .

ஷாஹ் அப்துல் அஜீஸ் முஹத்திஸ் திஹ்லவி رضي الله عنه‎ அவர்கள் மவ்லித் மஜ்லிஸ்கள் ஆகுமானது என்றும் கண்மணி நாயகம் صلى الله عليه و سلم  அவர்களின் பிறப்பை குறித்த மகிழ்ச்சியை வெளிப்படுத்துவதே மவ்லித் மஜ்லிஸ்களின் நோக்கம் என்பதே உலமாக்களின் ஏகோபித்த அபிப்பிராயம் என்று கூறினாலும் , ரஷீத் அஹ்மத் கங்கோஹி தமது முடிவில் தடுமாறவில்லை .

" வெகுமதியை எந்த நாளிலும் எத்தி வைப்பது ஆகுமானது ,ஷரீயத்தில் அதற்கு என்று குறிப்பிட்ட எந்த நாள் , நேரம் தான் என்பது கிடையாது . மேலும் அதனை பிறந்த நாளிலோ அல்லது மறைந்த நாளிலோ எத்தி வைப்பதும் ஆகுமானது . எனவே குறிப்பிட்ட நாளில் தான் நிகழாத வேண்டும் என்ற கட்டாயம் ஏதும் இல்லாமல் , ஏதாகிலும் ஒரு நாளில் செய்தால் , மற்றும் வெகுமதியை கொடையளிக்கும் போது பொதுமக்களுக்கு இடையூறு இல்லாமல் செய்தால் ,அத்தகைய நிகழ்வில் எந்த தீங்கும் இல்லை . இப்படி ஒரு செயலை அனைவரும் அனுமதிக்கப்பட்ட ஒன்றெனவே கூறுவர் . ஷாஹ் அப்துல் ரஹீம் அவர்களின் செயல்முறையும் இதன் அடிப்படையிலேயே நிகழ்ந்தது , இதனை ஒரு ஆதாரமாக நம் காலத்தில் நடக்கும் பித்அத்திற்கு எடுக்க இயலாது .

மேலும் , நிகழ்வில் உணவை அளித்தது நன்மையை தேடிக் கொள்ளும் பொருட்டிலே தான் ;ஏனெனில் அதுகூட நாயகத்துடன் உண்டான தொடர்பின் காரணமாக ( என்று தான் மேற்கோளில் உள்ளது ), கண்மணி நாயகம் அவர்களின் பிறப்பை குறித்த மகிழ்ச்சியை வெளிப்படுத்துவதோ அல்லது நாயகம் صلى الله عليه و سلم அவர்களின் மவ்லித் ஒருங்கிணைப்பு மஜ்லிஸ் என்றோ இல்லை . எனவே மவ்லித் கொண்டாட எந்த ஆதாரமும் இல்லை . மேலும் ஸுயூத்தி அவர்களது காலத்தில் நமது காலத்தில் உள்ள பித்அத்துகள் இல்லை . ஸுயூத்தி அவர்களது மகாஸித் பற்றி மேலும் அறிய பராஹீனே காத்தியாவை பார்க்கவும் . அல்லாஹ் எல்லாம் அறிந்தவன் "

ரஷீத் அஹ்மத் கங்கோஹி தமது பதாவா ரஷீதியா ,பக்கம் 90 ல்

மவ்லித் கொண்டாடுவதன் அனுமதி பற்றியும் , ரஷீத் அஹ்மத் கங்கோஹியின் ஷெய்கு ஹாஜி இம்தாதுல்லாஹ் முஹாஜிர் மக்கி رضي الله عنه‎ அவர்கள் மவ்லித் மஜ்லிஸ்களில் கலந்து கொள்வது பற்றியும் கேள்வியாளர் வினவுகின்றார் ; ஆனால் இது ரஷீத் அஹ்மத் கங்கோஹியை ஈர்க்கவில்லை :

மவ்லித் மஜ்லிஸ்கள் குறித்த விரிவான ஆய்வுகளுக்கு பராஹீனே காத்தியா நூலினை பார்க்கவும் . ஸுபியாக்கள் ,ஷெய்குமார்களது,முன்னோடி அறிஞர்கள் ஆகியோரது சொல் ,செயல் ஆதாரமாக ஏற்க இயலாது .

நாயகம் அவர்களது சொல் ,செயல் மற்றும் முஜ்தகித் இமாம்களின் கருத்துக்களையே ஆதாரமாக ஏற்றுக் கொள்ள முடியும் .

ஆனால் இதே தேவ்பந்தி தப்லீக் ஜமாத் வஹாபிகள் , அவர்களின் மீது 'ஹுஸாமுல் ஹரமைன் 'பத்வா சங்கைமிகு மக்கா ,மதீனா உலமாக்கள் வழங்கியதும் , என்ன செய்தார்கள் .

கலீல் அஹமத் அம்பேட்வி ' அல் முஹன்னத்' நூலில் மவ்லித் பற்றி என்ன எழுதி பத்வா கேட்டார் ? இந்நிலையில் வாசகர்கள் ரஷீத் அஹ்மத் கங்கோஹி தமது பதாவா ரஷீதியா ,பக்கம் 50 ல் எழுதியுள்ளதை மீண்டும் ஒருமுறை பாருங்கள் .

மெளலவி கலீல் அஹ்மத் அம்பேத்வி தானே கேள்விகளைக் கேட்டு ,அதற்கு தேவ்பந்திகளின் நிலைப்பாடு பல்வேறு விஷயங்களில் என்ன என்பதை தமது பதிலாக எழுதியுள்ளார் .

கேள்வி எண் 21: [அல் முஹன்னத் ]

" நீங்கள் பெருமானார் ஸல்லல்லாஹு அலைஹி வ ஸல்லம் அவர்களின் மெளலித் கொண்டாட்டங்கள் ஷரீயத்தின் படி அனுமதிக்கப்படாத ஒன்று என்றும் அது குற்றம்(கபீஹ்),பித்அத்,ஹராம் என்று சொல்கின்றீர்களா ? அல்லது இது விஷயத்தில் வேறு ஏதாவது கூறுகின்றீர்களா ? "

இனி மெளலவி கலீல் அஹ்மத் அம்பேத்வி கடுகளவு நேர்மையுடைய ஒரு தேவ்பந்தியாக இருந்தால் என்ன சொல்லியிருக்க வேண்டும்,

" ஆமாம்,எங்களின் ஸ்தாபகர் இஸ்மாயில் திஹ்லவி இம்மாதிரியான கொண்டாட்டங்களை முஷ்ரிக்கான நடைமுறை என்கின்றார் .எங்களின் ஷைகு ரஷீத் அஹ்மத் அனைத்து மெளலித் வைபவங்களையும் அனுமதியில்லாதது என்று தனது நூல்களிலும்,பத்வாக்களிலும் கூறியுள்ளார்.நாமும் இம்மாதிரியான மெளலித் விழாக்கள் ஹிந்துக்கள் தங்களின் கடவுள் கிருஷ்ணனை கொண்டாடும் கிருஷ்ண ஜெயந்தி விழா போன்று என்று கூறியுள்ளோம் "(பதாவா ரஷீதியா ,பராஹீனே காத்தியா )

இந்த பதிலை கலீல் அஹமத் தனது அல் முஹன்னதில் எழுதியிருந்தால் எத்துணை அஹ்லுஸ் சுன்னத் வல் ஜமாத்தைச் சார்ந்தவர்கள் அதில் கையொப்பமிடுவார்கள் !!

ஆனால்,கலீல் அஹ்மத், வஹ்ஹாபி பித்னா எவ்வாறு அரபுலகில் வேகமாக பரவி வந்ததையும், அஹ்லுஸ் சுன்னத் வல் ஜமாத்தைச் சார்ந்த சத்திய உலமாக்கள் அதை எதிர்த்து வந்ததையும் அறியும் அளவுக்கு அறிவு பெற்றிருந்தார் .

கலீல் அஹ்மத் அல் முஹன்னதில் என்ன எழுதினார் என்று அறியும் முன் தேவ்பந்திகளின் மற்றொரு அறிஞரான அன்வர் ஷாஹ் காஷ்மீரி(இறப்பு 1933) மெளலித் பற்றி என்ன எழுதினார் என்று பார்ப்போம்

وأحدثه صوفي في عهد سلطان إربل سنة ( 600 ) ، ولم يكن له أصل من الشريعة الغراء

العرف الشذي شرح سنن الترمذي - (2 / 82 مؤسسة ضحى للنشر والتوزيع)
"அது சுல்தான் இப்ரில் காலத்தைச் சார்ந்த ஸூபி ஒருவரால் கண்டுபிடிக்கப்பட்டது மேலும் இதற்கு நமது தூய்மையான ஷரீயத்தில் எந்த ஆதாரமும் இல்லை "

இனி,மெளலானா கலீல் அஹமதுவின் பதில் அல் முஹன்னதில் என்ன என்பதைப் பார்ப்போம் .

"எந்த ஒரு முஸ்லீமுக்கும் பெருமானார் صلى الله عليه و سلم அவர்களின் பிறப்பை கொண்டாடுவதிலோ,பேசுவதிலோ எந்த பிரச்சனையும் இல்லை. இன்னும் யாரும் பெருமானார் அவர்களின் செருப்பைப் பற்றியோ அல்லது அவர்கள் பிரயாணம் செய்த பிரயாணியைப் பற்றி பேசுவதையோ கூட பித்அத் என்று சொல்ல முடியாது.பெருமானார் அவர்களுடன் தொடர்புடைய எல்லா சம்பவங்களையும் பற்றியும் மனிதர்களைப் பற்றியும் பேசுவது அழகான ஒரு செயலாகும் இன்னும் எங்களிடத்தில் அது 'முஸ்தகப் '.அது பெருமானார் அவர்களின் வாழ்க்கையைப் பற்றி பேசியோ அல்லது அன்னாரின் கனவுகளைப் பற்றி பேசி பிறப்பைக் கொண்டாடுவது எங்களிடத்தில் பரிந்துரைக்கப்படுகின்ற ஒரு செயலாகும்" .

ஆக கலீல் அஹ்மத் அரபுலகை சார்ந்த அஹ்லுஸ் ஸுன்னாஹ் அறிஞர்களை திருப்திபடுத்தும் பொருட்டு இந்த பதிலை அல் முஹன்னதில் எழுதினார் என்பது திண்ணம் .

மேலும் சில வரிகளுக்கு பின் அவர் எழுதுகிறார் ,

"நாம் பெருமானாரின் மெளலித் பற்றி பேசுவதற்கு எதிரானவர்கள் அல்லர் ,ஆனால் அதில் கலந்து விட்ட தவறான விஷயங்களுக்கு எதிர்ர்பாக உள்ளோம் .உதாரணமாக நீங்கள் இந்தியாவில் உள்ள மெளலித் மஜ்லிஸ்களில் ஜோடிக்கப்பட்ட விஷயங்கள் (மவ்து ) பேசப்படுகின்றன ,ஆண்கள் மற்றும் பெண்கள் அந்த சபைகளில் ஒன்றாக கலந்து கொள்கின்றனர் , மின்விளக்குகளும் தேவையற்ற வீண் விரயங்களும் நடைபெறுகின்றன,இதில் கலந்து கொள்வது 'வாஜிப்' என்று சொல்கின்றனர் ,கலந்து கொள்ளாதவர்களை விமர்சிக்கின்றனர் .இதுவெல்லாம் போக இன்னும் பல ஷரீயத்திற்கு மாற்றமான பல்வேறு விஷயங்கள் எல்லா மெளலித் மஜ்லீஸிலும் நீக்கமற நிறைந்துள்ளன ".

இது அல் முஹன்னதில் உள்ள பொய்களின் முதல் ஆரம்பம் !

இத்தகைய இரட்டை நாவுள்ள முனாஃபிக்குகளைப் பற்றித்தான் , திருமறை கூறும் ஸுரா அல் முனாஃபிகூனின் சமகால சாட்சியம் இவர்கள்தான் .

தேவ்பந்த் மத்ரஸாவின் மீலாத் பற்றிய பத்வா

தமிழகத்திலுள்ள தேவ்பந்தி தப்லீக் மத்ரஸாக்களும் தமது தாய் மத்ரஸாவை பின்பற்றி மீலாத் கூடாது என்று பத்வா அளித்துள்ளனர். அவை காஷிஃபுல் ஹுதா (சென்னை ), அன்வாருல் உலூம் (திருச்சி ),மளாஹிருல் உலூம் (சேலம்), தற்சமயம் தேவ்பந்தி தப்லீக் ஆக்கிரமிப்பில் உள்ள தமிழகத்தின் தாய் மத்ரஸா பாக்கியாத்துஸ் ஸாலிகாத் (வேலூர் ) . இவை மீலாத்திற்கு எதிராக பத்வா வெளியிட்டுள்ளனர் .

இதனை மவ்லானா சலீம் சிராஜி ஹழ்ரத் (முதல்வர் , ஜாமியா நாஸிருஸ்ஸுன்னா ,சென்னை ) அவர்கள் தமது "தப்லீக் ஓர் ஆய்வு "நூலில் ஆவணப்படுத்தியுள்ளனர் .

அத்துடன் இந்த தேவ்பந்தி தப்லீக் ஜமாத்தினர் , மவ்லித் நிகழ்வுகளை மடை மாற்றும் விதமாக Seerah Conference , தமிழில் வரலாற்று நூற்களை படியுங்கள் என்று இலைமறை காயாக தமது வஹாபிய சித்தாந்தந்தை புகுத்துகின்றனர் . இவை வேண்டாம் என்று யாரும் சொல்லவில்லை ,ஆனால் இவற்றை குறிப்பாக ரபீயுல் அவ்வல் மாதத்தில் மீலாத் சமயத்தில் சொல்வது இவர்களின் விஷமத்தனமேயாகும் .

காசுக்காக , தாம் வகிக்கும் பதவிக்காக , சமுதாய நிர்ப்பந்தத்தின் காரணமாக தேவ்பந்தி தப்லீக் ஜமாத்தினர் ஒரு சில இடங்களில் மீலாத் நிகழ்வுகளில் கலந்து கொண்டாலும் , தமிழக முஸ்லிம்கள் இவர்களிடம் எச்சரிக்கையாக இருப்பது ஈமானுக்கு நலம் !

பிரிவினையின் கால அட்டவணை

2019-11-11T23:26:00.005-08:00

ஷியாக்களின் மீதான தேவபந்திகளின் பாசம்

2019-10-26T14:33:00.001-07:00

தேவ்பந்திகளின் மவ்லானா ரஷீத் அஹ்மத் கங்கோஹியை பொறுத்தமட்டில் அண்ணலெம் பெருமான் அவர்களின் உத்தம தோழர்களை சாபமிடுபவன் ,அஹ்லுஸ் ஸுன்னத் வல் ஜமாத்தை விட்டும் வெளியேறிவனாகி விடமாட்டான் !

பாகிஸ்தான் பதிப்பு :

ரஷீத் அஹ்மத் கூறுகின்றார் ;

" உரூஸ் நிகழ்ச்சியில் கலந்து கொள்வதை ஒருவர் கட்டாயம் (இல்திசாம் )என்று கருதி செய்தாலும் அல்லது விருப்பப்பட்டால் கலந்து கொள்ளலாம் என்று நினைத்தாலும் சரி, உரூஸ் கொண்டாடுவது பித்அத் ,அனுமதியில்லாத செயல் . தேதி குறிப்பிட்டு ஜியாரத்தில் ஒன்று கூடுவது பாவம் , அதில் வேறு விஷயங்கள் இல்லாவிட்டாலும் கூட (கவ்வாலி ,ஸமா ) . பெருமானாரின் ஸஹாபாக்களை யாரேனும் தக்ஃபீர் செய்தால் ,அவன் சபிக்கப்பட்டவன் ,அத்தகைய நபரை இமாமத் செய்ய அனுமதிக்க கூடாது . இன்னும் அவன் தன்னுடைய இந்த பெரும் பாவம் (கபீரா குனாஹ் ) காரணமாக அஹ்லுஸ் சுன்னத் வல் ஜமாத்தை விட்டும் வெளியேறிவனாகி விடமாட்டான் . அன்புடைய முஹம்மத் யஹ்யா ,ஸலாம் . என்னிடம் இல்முல் கைப் பற்றி 2-3 நூற்கள் உள்ளன . இன்னும் பராஹீனே காத்தியா நூலும் இல்முல் கைப் பற்றியும் ,உரூஸ் பற்றியும் கையாள்கிறது . "

இந்திய பதிப்பு 1:

இந்திய பதிப்பு 2:

சமீபத்திய பதிப்பு (திரிக்கப்பட்டது ) :

இது பழைய பாதிப்புகளைப் போன்றே பதில்கள் உள்ளன .எனினும் வெளியேறிவிட மாட்டான் என்பது திரிக்கப்பட்டுள்ளது .

" உரூஸ் நிகழ்ச்சியில் கலந்து கொள்வதை ஒருவர் கட்டாயம் (இல்திசாம் )என்று கருதி செய்தாலும் அல்லது விருப்பப்பட்டால் கலந்து கொள்ளலாம் என்று நினைத்தாலும் சரி, உரூஸ் கொண்டாடுவது பித்அத் ,அனுமதியில்லாத செயல் . தேதி குறிப்பிட்டு ஜியாரத்தில் ஒன்று கூடுவது பாவம் , அதில் வேறு விஷயங்கள் இல்லாவிட்டாலும் கூட (கவ்வாலி ,ஸமா ) . பெருமானாரின் ஸஹாபாக்களை யாரேனும் தக்ஃபீர் செய்தால் ,அவன் சபிக்கப்பட்டவன் ,அத்தகைய நபரை இமாமத் செய்ய அனுமதிக்க கூடாது . இன்னும் அவன் தன்னுடைய இந்த பெரும் பாவம் (கபீரா குனாஹ் ) காரணமாக அஹ்லுஸ் சுன்னத் வல் ஜமாத்தை விட்டும் வெளியேறிவனாகி விடுவான் . அன்புடைய முஹம்மத் யஹ்யா ,ஸலாம் . என்னிடம் இல்முல் கைப் பற்றி 2-3 நூற்கள் உள்ளன . இன்னும் பராஹீனே காத்தியா நூலும் இல்முல் கைப் பற்றியும் ,உரூஸ் பற்றியும் கையாள்கிறது . "

ரஷீத் அஹ்மத் கங்கோஹி ஷியாக்களை காபிர் என்று கருதியவர் அல்லர்

"
ஷியாக்களை காபிர் எனக் கருதுவோர் அவர்களின் மைய்யத்தை துணியால் சுற்றி ,கபரில் அடக்கம் செய்வர் . ஷியாக்களை பாஸிக் என்று கருதுபவர் ,அவர்களின் மரித்த உடலுக்கு முறையான இஸ்லாமிய சடங்குகளை செய்வர் . நான் அவர்களை தக்ஃபீர் செய்வது இல்லை "

இன்னும் , ரஷீத் அஹ்மத் கங்கோஹி ஸஹாபாக்களை ஒரு முஸ்லீம் சாபமிட்டால் அவன் பாவியாவான் (அஹ்லுஸ் ஸுன்னத் வல் ஜமாத்தை விட்டும் வெளியேறிவிடமாட்டான் )

"அபூ ஸுஃப்யான் மற்றும் இக்ரிமா அவர்கள் இஸ்லாத்தை ஏற்றார்கள் .இன்னும் இக்ரிமா அவர்கள் பல ஜிஹாதுகளில் கலந்து கொண்டார்கள் . அஸத் அல் காபாவில் எழுதப்பட்டுள்ளது , ஸஹாபாக்களை அவமரியாதை செய்பவன் பாஸிக் . "

அன்வார் ஏ ஸாதியா தர் பயான் ஏ மவ்லுத் வ பாத்திஹா

2019-10-23T18:03:00.003-07:00

அன்வார் ஏ ஸாதியா தர் பயான் ஏ மவ்லுத் வ பாத்திஹா

[download link: PDF]

ஆசிரியர் : அல்லாமா முப்தி முஹம்மத் அப்துல்  ஸமி 'பே தில்' ஸஹரான்பூரி رحمه الله (மறைவு 1318 ஹிஜ்ரி )

ஆரம்பகால கல்வி : அல்லாமா ரஹ்மத்துல்லா கீரான்வி முஹாஜிர் மக்கி رحمه الله  (மத்ரஸா ஸவ்லாதியாவின் நிறுவனர் ,மக்கா முக்கரமா  ,மறைவு 1308 . மவ்லானா அஹ்மத் அலி முஹத்திஸ் ஸஹரான்பூரி , மவ்லானா ஷைகு முஹம்மத் தான்வி , முஹம்மத் காஸிம் நானோத்வி .

மேற்படிப்பு : சத்ர் அல் ஸுதுர் மவ்லானா முப்தி சத்ருத்தீன் ஆஸர்தா திஹ்லவி .
கவிதை : மிர்சா அஸதுல்லாஹ் கான் காலிப் திஹ்லவி . 'பே-தில்'   என்று புனைபெயர் (தகல்லுஸ்  ) சூட்டிக் கொண்டார் .

ஆன்மீக ஆசான் : ஷைக் அல் மஷாயிக் மவ்லானா இம்தாதுல்லாஹ் பாரூக்கி ஜிஷ்தி தான்வி முஹாஜிர் மக்கி رحمه الله  (மறைவு 1317 ஹிஜ்ரி ) . இன்னும் தனது ஷைகிடம் இஜாஸத்தும் ,கிலாபத்தும் பெற்றார்கள் . அன்னாரின் ஷெய்கு அவர்களும் இன்னும் பல கலீபாக்கள் இருந்தனர் .அவர்களுள் சிலர் : மவ்லானா லுத்புல்லாஹ் அலிகரி (மறைவு 1334 ஹிஜ்ரி ) , மவ்லானா அஹ்மத் ஹசன் கான்பூரி (மறைவு 1322 ஹிஜ்ரி ) , முஹம்மத் காஸிம்   நானோத்வி (மறைவு 1297), ரஷீத் அஹ்மத் கங்கோஹி (மறைவு 1322) , அஷ்ரப் அலி தான்வி (மறைவு 1362) .

இறுதியாக குறிப்பிடப்பட்ட மூவர் வழிதவறிவர்களாகி , தமது ஆன்மீக வழிகாட்டியாகிய ஷெய்கு  இம்தாதுல்லாஹ் ஜிஷ்தி முஹாஜிர் மக்கி رحمه الله  அவர்களின் போதனைகளுக்கு மாற்றாக நடந்தனர் .

மறைவு : அல்லாமா முப்தி முஹம்மத் அப்துல்  ஸமி 'பே தில்' ஸஹரான்பூரி رحمه الله   அவர்கள் மிராத் என்னும் ஊரில் , ஹிஜ்ரி 1318ல் துனியாவை விட்டும் மறைந்தனர் .

படைப்புகள் :  1. நூரே ஈமான் (கவி) , 2 .சல்ஸபில்  (கவி) , 3.ராஹத் ஏ குலூப் , 4 .பஹார் ஏ ஜன்னத் , 5 .மல்ஹர் ஏ ஹக் , 6. ஹம்த் ஏ பாரி , 7.  அன்வார் ஏ ஸாதியா தர் பயான் ஏ மவ்லுத் வ பாத்திஹா , 8. தாஃபி அல் அவ்ஹாம் பீ மஹ்பில்   கைர் அல் அனாம் , 9. கவ்ல் அல் நபி பி தஹ்கீக் அஸ்ஸலாமு அழைக்க அய்யுஹன் நபி .

அன்வார் ஏ ஸாதியா தர் பயான் ஏ மவ்லுத் வ பாத்திஹா நூல் எழுதப்பட்டதன் வரலாற்று பின்னணி :

தேவ்பந்தின் உலமாக்களும் ,கைர் முகல்லிதுகளும் இணைந்து நான்கு பக்க பத்வா ஒன்றை ஹிஜ்ரி 1302ல் (1884) வெளியிட்டனர் (ஹாஷ்மி பிரஸ் , மிராத் ) . இந்த சிறிய கையேடு , " பத்வா மவ்லூத் வ உரூஸ் வகைறா " என்னும் தலைப்பிட்டு வெளிவந்தது . அந்த பத்வா மீலாத் கொண்டாடுவதை பித்அத் என்றும் ,வழிகேடு என்றும் கூறியது .

இந்த பத்வாவுக்கு ஒப்புதல் அளித்தவர்கள், மூன்று கைர் முகல்லித் அறிஞர்கள் ; ஹாபிதுல்லாஹ் , ஷரீப் ஹுசைன் , மற்றும் இலாஹி பக்ஷ் மற்றும் தேவ்பந்தி தப்லீக் ஜமாத்தின்  அறிஞர்கள் ; முஹம்மத் யாகூப் ( மத்ரஸா தேவ்பந்தின் தலைமை ஆசிரியர் ) ,முஹம்மத் மஹ்மூத் ஹசன் தேவ்பந்தி , முஹம்மத் அப்துல் ஹாலிக் தேவ்பந்தி , ரஷீத் அஹ்மத் தேவ்பந்தி.

அதன்பிறகு சில மாதங்கள் கழித்து , மற்றுமொரு 24 பக்க பத்வா மீலாத் கொண்டாடுவதை மறுத்து வெளியிடப்பட்டது . அதனுடன் முன்னர் வெளியிடப்பட்ட நான்கு பக்க பத்வாவும் இந்த புதிய கையேட்டில் இணைக்கப்பட்டது .

இந்த பத்வாக்கள் முஸ்லிம்களிடையே குழப்பத்தையும் , ஒழுங்கின்மையையும் ஏற்படுத்தின .அப்பகுதியில் இருந்த பெரும்பாலான முஸ்லிம்கள், ஷைக் அல் மஷாயிக் மவ்லானா இம்தாதுல்லாஹ் பாரூக்கி ஜிஷ்தி தான்வி முஹாஜிர் மக்கி رحمه الله அவர்களின் மாணவர்களாகவும் , முரீதுகளாகவும் இருந்தனர் .

கால சூழ்நிலைகளின் காரணமாக ஷைக் இம்தாதுல்லாஹ் முஹாஜிர் மக்கி رحمه الله   அவர்கள் மக்கா முகர்ரமாவிற்கு ஹிஜ்ரி 1276ல்(1859) ஹிஜ்ரத் செய்தனர் . எனவே முஸ்லிம்கள் ஷெய்கு இம்தாதுல்லாஹ் முஹாஜிர் மக்கி رحمه الله   அவர்களது நெருங்கிய கலீபா ,அல்லாமா முப்தி முஹம்மத் அப்துல்  ஸமி 'பே தில்' ஸஹரான்பூரி رحمه الله அவர்களின் உதவியை நாடினர் .

எனவே இப்பெருந்தகை தமது கடமையை நிறைவேற்றும் பொருட்டு , 'அன்வார் ஏ ஸாதியா தர் பயான் ஏ மவ்லுத் வ பாத்திஹா' என்னும் நூலை எழுதி ஆதாரமற்ற ஆட்சேபனைகளுக்கு பதில் அளித்தார் . இந்த புத்தகம் பதிப்பித்து சில நாட்களில் ,எல்லா பிரதிகளும் விநியோகிக்கப்பட்டன . இந்நூல் பல்வேறு தரப்பினரால் சிறப்பாக ஏற்றுக்கொள்ளப்பட்டு , அநேகர் உள்ளங்களில் ஈடில்லா மகிழ்ச்சியை ஏற்படுத்தியது .

தேவ்பந்தின் தப்லீக் ஜமாத்தின்  அறிஞர்களும் நூலினை படித்தார்கள் ,அது தங்களின் அஸ்திவாரத்தை ஆட்டம் காண வைத்துவிடும் என்றும் அறிந்தனர் . அவர்கள் அந்நூலுக்கு மறுப்பாக , 'அல் பராஹீனே காத்தியா அலா தலாம் அல் அன்வார் அல் ஸாத்தியா ' என்னும் நூலினை எழுதினர் . இந்த நூலினை ரஷீத் அஹ்மத் கங்கோஹி எழுதி , அதனை தனது மாணவர் கலீல் அஹ்மத் சஹரான்பூரியின்(மறைவு 1346 ஹிஜ்ரி ) பெயரில் வெளியிட்டார்.

ரஷீத் அஹ்மத் கங்கோஹி ,மீலாத் ,உரூஸ் பித்அத் ,அனுமதியல்லாத செயல் என்று கூறியதுடன் மட்டுமல்லாது அதற்கப்பாலும் எல்லை மீறி , மீலாதை கொண்டாடும் இஸ்லாமியர் காபிர்களை விடவும் மோசமானவர்கள் என்று குறிப்பிட்டார் . இது மட்டுமல்ல , அவர் அதற்கு மேலும் சென்று , தனது  நூலில் மேற்கோள் காட்டியவை :

1. அல்லாஹ் பொய் சொல்லவது சாத்தியம் (பக்கம் 10 )

2. அல்லாஹ்வின் தூதர் அவர்கள் ஓர் சாதாரண மனிதர் (பக்கம் 12)

3.நாயகம் அவர்களின் ஞானத்தை விடவும் ,ஷைத்தானுக்கும் ,மலக்குல் மவ்த்துக்கும் அதிகமான ஞானம் உண்டு .இன்னும் ஷைத்தானின் ஞானத்தை பற்றிய ஆதாரங்கள் குர்ஆனில் உள்ளது ,எனினும் இத்தகைய ஆதாரங்கள் நாயகம் அவர்களின் பேரில்  இல்லை .இன்னும் இவ்வாறு ஷைத்தானின் ஞானம் பற்றி நம்பிக்கை கொள்வது ஷிர்க் அல்ல , ஆனால் நாயகம் அவர்களின் பேரில் நம்பிக்கை கொள்வது ஷிர்க் . (பக்கம் 120 ) .

4.கண்மணி நாயகம் அவர்களுக்கு தமது அந்திம நிலை என்னவென்று தெரியவில்லை . (பக்கம் 121 )

5. நாயகம் அவர்கள் உர்து மொழியை தேவ்பந்தின் அறிஞர்களிடம் கற்றார்கள் . (பக்கம் 63 )

மேலும் இந்நூல் அல்லாமா முப்தி முஹம்மத் அப்துல்  ஸமி 'பே தில்' ஸஹரான்பூரி رحمه الله அவர்களை சாபமிடுவதை கொண்டே நிரப்பினர் .

மறுபுறம் , 'அன்வார் ஏ ஸாதியா ' நூல் ஷெய்கு இம்தாதுல்லாஹ் முஹாஜிர் மக்கி رحمه الله   அவர்களை அடைந்தது . அந்நூலை முழுவதும் படித்த பின்னர்
ஷெய்கு இம்தாதுல்லாஹ் முஹாஜிர் மக்கி رحمه الله   அவர்கள் தமது ,முரீதும் ,கலீபாவுமான முப்தி முஹம்மத் அப்துல்  ஸமி 'பே தில்' ஸஹரான்பூரி رحمه الله அவர்களது பணியை பாராட்டி கடிதம் எழுதினார்கள் . ( 22 ஷவ்வால் ,ஹிஜ்ரி 1302 / 1886 தேதியிடப்பட்டது ) .

ஷெய்கு இம்தாதுல்லாஹ் முஹாஜிர் மக்கி رحمه الله   அவர்கள் 'அன்வார் ஏ ஸாதியா ' நூலின் இரண்டாம் பதிப்பில் கடுமையான சொற்பிரயோகத்தை தவிர்க்குமாறும் ,தமக்கு மேலும் பல பிரதிகள் அனுப்புமாறும் கூறினர் .

இதனால் ஹிஜ்ரி 1306ல் , அல்லாமா முப்தி முஹம்மத் அப்துல்  ஸமி 'பே தில்' ஸஹரான்பூரி رحمه الله அவர்கள் கடுமையான சொல்லாடலை தவிர்த்து புத்தகத்தை பதிப்பிட்டார்கள் . அதனை பின்னர் பல பகுதிகளுக்கும் அனுப்பினார்கள் .

தமது கலீபாக்களுக்கு இடையே வேறுபாடுகள் வெடிப்பதைக் கண்ட ,ஷெய்கு இம்தாதுல்லாஹ் முஹாஜிர் மக்கி رحمه الله   அவர்கள் , முஸ்லிம்களிடையே பிரிவினையை உண்டாக்கிய ,இவ்வேறுபாடுகளைக் களைய ஓர் கையேட்டினை வெளியிட்டார்கள் .

'பைஸ்லா ஹப்த் மஸ்அலா' என்னும் அந்த நூல் ஏழு சர்சைக்குள்ளான விஷ்யங்களைப் பற்றியது :

1. மீலாத்
2.பாத்திஹா
3.உரூஸ் ,ஸமா
4.யா ரஸூலல்லாஹ் என்று அழைப்பது
5.இரண்டாவது ஜமாஅத்
6.இம்கான் ஏ நதீர்
7.இம்கான் ஏ கித்ப்

'பைஸ்லா ஹப்த் மஸ்அலா' என்னும் நூல்  கிடைக்கப்பெற்றதும் , தேவ்பந்தி அறிஞர்கள் அதனை தீயில் இட்டு கொழுத்தி விட்டு ,தங்களது ஆன்மீக வழிகாட்டியாகிய  ஷெய்கு இம்தாதுல்லாஹ் முஹாஜிர் மக்கி رحمه الله   அவர்களது கொள்கைகளுக்கு எதிராக வழிகெட்டு சென்றனர் .

இந்த சம்பவம்  பற்றிய ஓர் பதிவு தமிழகத்தில் இந்த தேவ்பந்தி தப்லீக் வஹாபிகளின் போலி தரீக்காவை சேர்ந்த ஆரணி பாவா என்ற கமாலுத்தீன் பாகவி எழுதிய 'தேவ்பந்தின் 200 வருட இறைநேசர்கள் 'என்ற நூலிலும் குறிப்பிடப்பட்டுள்ளது .   .

அஹ்லுஸ் ஸுன்னத் வல் ஜமாத்தின் உலமாக்களுக்கு 'அல் பராஹீனே காத்தியா ' நூல் கிடைக்கப்பெற்றதும் அவர்கள் அறைகூவல் இட்டனர் . மவ்லானா குலாம் தஸ்தகீர் குஸுரி ,கலீல் அஹ்மத் அம்பேத்வியை முனாஜாராவிற்கு அழைத்தார்கள் .

இந்த முனாஜாரா ஹிஜ்ரி 1306ல் ஷவ்வால் மாதம் , பஹவல்பூரில் நடைபெற்றது . தேவ்பந்தி தப்லீக் ஜமாத்தினர் இந்த விவாதத்தில் மண்ணை கவ்வினர் . அஹ்லுஸ் ஸுன்னத் வல் ஜமாத்தின் உலமாக்கள் 'கலீல் அஹ்மத் அம்பேத்வியும் ,அவரது சக  அறிஞர்களும் வஹாபிகள் என்றும் ,அஹ்லுஸ் ஸுன்னத் வல் ஜமாத்தை விட்டும் விலகியவர்கள் என்றும் ' முடிவு செய்யப்பட்டது .

மேற்சொன்ன விவாதம் பற்றிய சம்பவங்களும் , குறிப்புகளும் 'தக்தீஸ் அல் வகீல் அன் தவ்ஹீன் அல் ரஷீத் வ கலீல் ' என்று ஓர் நூல் வடிவில் பதிவு செய்யப்பட்டது .

[download link: PDF]

'அன்வார் ஏ ஸாதியா தர் பயான் ஏ மவ்லுத் வ பாத்திஹா'   நூலுக்கு ஒப்புதல் அளித்த சமகால அஹ்லுஸ் ஸுன்னத் வல் ஜமாத்தின் உலமாக்கள் :

1.அபுல் ஹஸனாத் மவ்லானா அப்துல் ஹை லக்னவி பிரங்கி மஹல்லி رحمه الله  (மறைவு ஹிஜ்ரி 1304)

2. மவ்லானா பைஜூல் ஹசன் சஹரான்பூரி (மறைவு ஹிஜ்ரி 1304)

3.மவ்லானா ரஹ்மத்துல்லாஹ் கீரான்வி முஹாஜிர் மக்கி رحمه الله  (மறைவு ஹிஜ்ரி 1308)

4.மவ்லானா முப்தி முஹம்மத் இர்ஷாத் ஹுசைன் முஜத்திதி ராம்பூரி رحمه الله  (மறைவு ஹிஜ்ரி 1311)

5.மவ்லானா குலாம் தஸ்தகீர் குஸுரி(மறைவு ஹிஜ்ரி 1315)

6.ஷெய்கு இம்தாதுல்லாஹ் முஹாஜிர் மக்கி رحمه الله   (மறைவு ஹிஜ்ரி 1317)

7.தாஜுல் புஹுல் மவ்லானா அப்துல் காதிர் பதாயூனி رحمه الله  (மறைவு ஹிஜ்ரி 1319)

8.மவ்லானா வகீல் அஹ்மத் ஹனஃபி சிக்கந்தர்புரி (மறைவு ஹிஜ்ரி 1322)

9.மவ்லானா முஹம்மத் பாரூக் அப்பாஸி சார்யகோடி (மறைவு ஹிஜ்ரி 1327)

10.மவ்லானா அபூ முஹம்மத் அப்துல் ஹக் ஹக்கானி திஹ்லவி (மறைவு ஹிஜ்ரி 1335)

11.மவ்லானா முஹம்மத் அப்துல் மஜீத்  பிரங்கி மஹல்லி (மறைவு ஹிஜ்ரி 1340)

12.இமாம் அஹ்மத் ரிழா கான் காதிரி பரேல்வி رحمه الله   (மறைவு ஹிஜ்ரி 1340)

மவ்லவி காஸிம் நானோத்வியும் ,தக்தீருன் நாஸ் நூலும் - 2

2019-03-21T21:35:00.000-07:00

காஸிம் நானோத்வி எழுதிய தக்தீருன் நாஸ் மூலநூலின் சில பதிவுகள்

"முதலில் , காத்தமுன் நபி என்பதன் அர்த்தத்தை நாம் சரியாக விளங்கிக் கொள்ள வேண்டும் . பொது மக்களுக்கு , நபிகள் நாயகம் அவர்கள் காத்தமுன் நபி என்பதன் அர்த்தம் என்னெவென்றால் , நபிகள் நாயகம் அவர்களின் காலம் பிற நபிமார்களுக்குப் பின்னால் என்பதும் , இறுதி நபி என்பதுமாகும் . எனினும் புரிந்து கொள்ளுபவர்களுக்கு (ஞானமுள்ளவர்கள் ) முதல் அல்லது இறுதி நபியாக இருப்பதில் எந்த மென்மையும் இல்லை என்று உணர்ந்துள்ளனர் . "

[நூல் - தக்தீருன் நாஸ் ,பக்கம் 4,5 ]

தேவ்பந்தி தப்லீக் பிர்காவிற்கு கண்மணி நாயகம்  صلى الله عليه و سلم அவர்கள் இறுதி நபியாக இருப்பதில் எந்த மேன்மையும் ,சிறப்பும் இல்லை என்று கொள்கை கொண்டுள்ளனர் .

தேவ்பந்திகளினால் நடத்தப்படும் இணையம் /முகநூல் /வாட்சாப் குழுக்களில் அவர்களின் முன்னோடிகளைப் பற்றி பேசினால் அதற்கு மறுப்பும் ,நீக்கமும் செய்கின்றவர்கள் ,    கண்மணி நாயகம்  صلى الله عليه و سلم அவர்களை நிந்தனை செய்த தமது முன்னோடிளை புகழ்பவர்களை நெஞ்சம் நிறைந்து நேசிப்பர் . என்னே முனாஃபிக் தனம் !

அல்லாஹ் سبحانه و تعالى‎ கண்மணி நாயகம்  صلى الله عليه و سلم அவர்களையும் ,ஏனைய நபிமார்களையும் நேசித்து , அவர்களின் அடிச்சுவட்டை அப்படியே பின்தொடபர்களை நேசம் கொள்ள நமது இதயங்களை திறப்பானாக ! ஆமீன் !

"நபிமார்கள் தங்களது உம்மத்துகளை விட சிறந்தவர்களாகவும் , உயர்ந்தவர்களாகவும் இருப்பது ஞானத்தில் மட்டுமே . அமல்கள் என்று வரும் போது உம்மத்தினர் சிலசமயம் நபிமார்களுக்கு சரிசமமான அந்தஸ்தையும் சிலசமயம் அதை விடவும் உயர்ந்த அந்தஸ்தை அடைகின்றனர் ".

[நூல் - தக்தீருன் நாஸ் ,பக்கம் 7 ]

மேற்கூறிய மொழிபெயர்ப்பை வாசித்த பின் தவ்பா செய்து ,ஷஹாதத்  சொல்லிவிடவும் . எத்தகைய ஈமானை பறிக்கும் செயல் !

இனி தேவ்பந்திகளிடம் இது பற்றி கேட்டால் ,அவர்கள் இதை எவ்வாறெல்லாம் நியாயப் படுத்துவார்கள் தெரியுமா .  அவர்களின் மோசடியான கூற்று , நபிகள் நாயகம் தமது 40 வது வயதில் தான் அமல்களை ஆரம்பித்தார்கள் . இனி முஸ்லிமான ஒரு சிறுவன் தனது 5 வயதில் திக்ர் செய்ய ஆரம்பித்தால் , அவன் அமல்களில் நபிமார்களையும் முந்தி விடுவான் . நவூது பில்லாஹ் !

" நபிகள் நாயகம் அவர்களது சமகாலத்தில்,எங்கோ ஓரிடத்தில் வேறு ஒரு நபி  இருப்பதாக நாம் கருதினாலும் ,அது நபிகள் நாயகம் காத்தமுன் நபி என்பதில் எந்த விளைவையும் ஏற்படுத்தாது . "

தேவ்பந்திகளே உங்கள் மனசாட்சியை தொட்டு சொல்லுங்கள் ,உங்களது நெருங்கி உறவுகளைப் பற்றி தவறாக கற்பனை செய்தால் , ஏற்றுக்கொள்வீர்களா?

ஆனால் ஸய்யிதுல் அன்பியா  கண்மணி நாயகம்  صلى الله عليه و سلم அவர்கள் மீது எவ்வாறு அனுமானம் கொள்ள முடிகின்றது ?

[நூல் - தக்தீருன் நாஸ் ,பக்கம் 18 ]

" எதிர்காலத்தில் வேறு ஏதேனும் ஒரு நபி வருவதாக நாம் கருதினால் ,அது நபிகள் நாயகம் அவர்கள் இறுதி நபி (கத்மியத் முஹம்மதி ) என்பதில் எந்த மாற்றத்தையும் ஏற்படுத்தாது ".

[நூல் - தக்தீருன் நாஸ் ,பக்கம் 34 ]

இவர்கள் உருவாக்க முயன்ற கருத்துருவாக்கம் என்ன என்று மணி அடிக்கின்றதா ?

இந்த பதிவையும் ,இதற்கு முன்னர் தமது முன்னோடிகளைப் பற்றி என்ன கூறினார்கள் என்று முந்தைய பதிவிலும் வாசித்துப் பாருங்கள் இஸ்லாமிய அன்பர்களே !

இரண்டையும் தொடர்புபடுத்தி , தமது முன்னோடிகளுக்கு எந்த வாசலை திறக்க எத்தனித்தார்கள் என்பதை அறியுங்கள் . ஆனால் அவர்களை எல்லாம் முந்திக் கொண்டு சபிக்கப்பட்ட குலாம் அஹமத் காதியானி அந்த வாசலின் வழியே நுழைந்தான் .

காதியானிகள் கத்தமே நுபுவ்வத் பற்றி கூறுபவற்றை , தேவ்பந்தின் நிறுவனர் காஸிம் நாணோத்வி கூறுவதுடன் ஒப்பிடுப் பாருங்கள்

மவ்லவி காஸிம் நானோத்வியும் ,தக்தீருன் நாஸ் நூலும் - 1

2019-03-21T00:16:00.000-07:00

கத்மே நுபுவ்வத் குறித்து தேவ்பந்தி தப்லீக் ஜமாத்தின் கொள்கைகள் என்ன ?
இது விஷயமாக தேவ்பந்திகள் இயற்றிய நூற்கள் கூறுவது என்ன ?

மவ்லவி காசிம் நாணோத்வி தேவ்பந்தி தப்லீகி பிர்காவின் முன்னோடிகளில் ஒருவர் . தாருல் உலூம் தேவ்பந்தின் ஸ்தாபகர்களில் ஒருவர் . இவர் "தக்தீருன் நாஸ் " என்னும் நூலில் எழுதிய குப்ரியத்தான கொள்கைகளால் மக்கா ,மதீனா ஷரீஃபை சார்ந்த 30க்கும் மேற்பட்ட அஹ்லுஸ் ஸுன்னத் வல் ஜமாஅத் உலமாக்களாலும் ,இந்தியாவைச் சார்ந்த 268 உலமாக்களாலும் காபிர் என்று தீர்ப்பளிக்கப்பட்டார் .

அந்த நூலில் மவ்லவி காஸிம் நானோத்வி எழுதுகிறார் : -

பொதுவான பாமர மக்களின் சிந்தனை காத்தமுன் நபி என்பதன் அர்த்தம் ,நபிகள் நாயகம் அவர்களின் காலம் முன் சென்ற நபிமார்களின் காலத்திற்கு பின்னால் என்பதும் ,அவர்கள் தான் இறுதி நபி என்பதும் என்று எண்ணுகின்றனர் . எனினும் மதிநுட்பமுடைய அறிஞர்களின் கருத்து என்னவென்றால் முந்தியோ ,பிந்தியோ இருப்பதில் எந்த சிறப்பும் இல்லை .

ஒருவேளை நாயகம் அவர்களுக்குப் பின் ஒரு நபி பிறந்தாலும் , அதைக் கொண்டு காத்தமுன் நபி என்று இருப்பதில் எந்த மாற்றத்தையும் ஏற்படுத்தாது . எனவே நபிகள் நாயகம் அவர்களது காலத்தில் வேறு கிரகத்திலோ அல்லது இதே கிரகத்திலோ ஒரு நபி இருந்தாலோ அது எந்த வேறுபாட்டையும் உண்டாக்காது .

மவ்லானா முஹம்மத் பாஸில் என்பாருக்கு எழுதிய ஓர் கடிதத்தில் ,காஸிம் நாணோத்வி எழுதுகிறார் : -

காத்தமுன் நபி என்பதன் அர்த்தம் ,நேர்கோட்டில் பொருள் கொள்பவர்களுக்கு நபிகள் நாயகம் அவர்களின் காலம் எல்லா நபிமார்களின் காலத்திற்கு தூதுத்துவத்திற்குப் பிந்தியது என்றும் அவர்களுக்கு பின்னர் வேறு யாரும் நபியாக வர முடியாது என்பதாம் . எனினும் நீங்கள் அறிவீர்கள் இதைக் கொண்டு தனிப்பட்ட புகழோ ,தீங்கோ ஏதுமில்லை என்பதை நீங்கள் அறிவீர்கள் .

பின்வரும் பதிவுகளை வாசிக்கும் முன்னர் காஸிம் நோனோத்வியின் இந்த
கூற்றை உங்கள் சிந்தையில் ஏற்றுங்கள் .

காசிம் நானோத்வியின் கப்ரை பற்றி :

" தாருல் உலூம் தேவ்பந்தின் முன்னாள் பொறுப்புதாரி மவுலானா ரஃபீயுத்தீன் சாஹிப் அவர்களின் கஷ்ப் ஆகிறது , தேவ்பந்த் மதர்ஸாவின் நிறுவனர் மவுலானா காஸிம் நாணோத்வியின் கப்ர் ஒரு நபியின் கப்ரினுள் அமைந்துள்ளது என்பதாம் ."

[முபஷ்ஷிராத் , பக்கம் 36, தாருல் உலூம் தேவ்பந்த் வெளியீடு ]

ஸவானெஹ் காஸிமி என்பது தேவ்பந்தின் புகழ்பெற்ற அறிஞர் , மவ்லானா முனாஜிர் ஹசன் கீலானி என்பரால் எழுதப்பட்ட நூல். காசிம் நாணோத்வியின் சுயசரிதை நூல் . தேவ்பந்தால் வெளியிடப்பட்டது .

அதில் கூறப்பட்டுள்ளது ,

" ஒரு முறை மவ்லானா காஸிம் நாணோத்வி தம்முடைய ஞானாசிரியர் ஹாஜி இம்தாதுல்லாஹ் அவர்களிடம் , நான் தஸ்பீஹ் செய்ய உட்காரும் போதெல்லாம் மிகுந்த சிரமத்தை உணருகின்றேன் . உன்னுடைய இதயத்திலும் ,நாவிலும் நூறு டன் எடையுள்ள கற்களை யாரோ சுமத்தியது போன்றும் ,சர்வமும் முடங்கியது போன்றும் உணருகின்றேன் .

அதற்கு ஹாஜி சாஹிப் அவர்கள் கூறினார்கள் :

இது வஹீ அருளப்படும் போது நபிகள் நாயகம் அவர்களுக்கு ஏற்பட்ட அனுபவத்தை போன்ற ஓர் நுபுவ்வத்தின் ஆசீர்வாதங்களில் ஒன்று . அல்லாஹ் உம்மை நபிமார்களின் வேலைக்கு தேர்வு செய்துள்ளான் "

[நூல் - ஸவானெஹ் காஸிமி , பாகம் 1, பக்கம் 259 ]

அதன் உர்து ஆக்கம் ,

"யே நுபுவ்வத் கா ஆப் கா கல்ப் பர் பைஜான் ஹோதா ஹை ,அவ்ர் யே வஹ் சிக்ள் ஹை ஜோ ஹுஜுர் ஸல்லாஹு அலைஹி வஸல்லம் கோ வஹி கி வக்த் மௌஸூஸ் ஹோதா தா , தும் சே ஹக் தஆலா ஒ காம் லேனா ஹை ஜோ நபியோ சே லியா ஜாதா ஹை " .

அர்வாஹெ ஸலாசா என்னும் நூல் ,புகழ்பெற்ற தேவ்பந்த் உலமாக்களின் கூற்றுகளையும் , சம்பவங்களையும் கையாள்கிறது . அதை எழுதியவர்கள் அமீர் ஷாஹ் கான் மற்றும் மவ்லானா ஜாஹிர் ஹசன் கசூரி . மவ்லவி அஷ்ரப் அலி தான்வி அதற்கு ஹாஷியா எழுதியுள்ளார் . அது தேவ்பந்திகளிடம் வரலாறு மற்றும் படிப்பினை பெறுவதற்கு என்று புகழ்பெற்ற நூல் . அதனை ஹகாயாதே அவ்லியா , அஸ்லாபே தேவ்பந்த் , ஷஹான் தில்லி என்றும் வேறு பெயர்களில் வெளிவந்துள்ளது .

அதில் எழுதப்படுள்ளது ,

'ஹழ்ரத் ரஷீத் அஹமத் கங்கோஹி தமது மாணவர் மவ்லானா முஹம்மது யஹ்யா காந்தள்வியிடம் ஷாமி நூலில் ஓர் பத்வாவை பார்வையிட சொன்னார்கள் . மவ்லானா முஹம்மது யஹ்யா காந்தள்வி அந்த குறிப்பிட்ட பத்வா நூலில் இல்லை என்று பதில் அளித்தார்கள் . மவ்லானா ரஷீத் அஹமத் கூறினார்கள் இது எவ்வாறு சாத்தியம் ? நூலை என்னிடம் கொண்டு வாருங்கள் என்றார்கள் . அந்த நூல் ரஷீத் அஹ்மத் சாஹிப் அவர்களின் முன் கொண்டு வரப்பட்டது .

அது சமயத்தில் ஹழ்ரத் ரஷீத் அஹ்மத் அவர்கள் தமது பார்வையை கிட்டத்தட்ட இழந்து விட்டார்கள் . அவர்கள் அந்த நூலை எடுத்து , மூன்றில் இரண்டு பங்கு பக்கங்களை வலதுபுறமும் , ஒரு பங்கு பக்கங்களை இடப்புறமும் திருப்பி ,ஒரு பக்கத்தை எடுத்தார்கள் . இடப்பக்கதத்தின் அடியில் பார்க்குமாறு கூறினார்கள் .அந்த பத்வா அங்கு காணப்பட்டது . எல்லோரும் வியந்து போனார்கள் . ரஷீத் அஹ்மத் கங்கோஹி அவர்கள் ,' என் நாவில் இருந்து தவறான ஒரு சொல்லும் வராது என்று அல்லாஹ் எனக்கு வாக்குறுதி கொடுத்துள்ளான் ' என்று கூறினார்கள் .

[ நூல் - அர்வாஹெ ஸலாசா ,பக்கம் 292 ]

இது முடிவல்ல . இதன் விளக்கவுரையில் மவ்லவி அஷ்ரப் அலி தான்வி பின்வருமாறு எழுதியுள்ளதை காணுங்கள் ,

' இது தற்செயலாக நிகழ்ந்த ஒரு சம்பவமாக இருக்கலாம் ,ஆனால் விஷயம் அவ்வாறல்ல . அது மவ்லானா ரஷீத் அஹ்மத் அவர்களுடைய கஷ்ப் , இல்லையெனில் குறிப்பிட்ட பக்கத்தை சுட்டிக்காட்டி வலியுறுத்தி இருக்க மாட்டர்கள் .

உங்களுக்கு நினைவூட்டுகின்றேன் ,

" நபிகள் நாயகம் அவர்கள் மறைவான ஞானம் உள்ளது என்று நம்பிக்கை கொள்வது தெளிவான ஷிர்க் "

[ நூல் - பத்வா ரஷீதிய்யா ,ரஷீத் அஹ்மத் கங்கோஹி ]

இன்னுமொரு சுவாரஸ்யமான சம்பவம் ,

" ஒரு நாள் மவ்லானா ரஷீத் அஹ்மத் கங்கோஹி அவர்கள் மிகுந்த உற்சாகத்தில் (ஜோஷ் ) காணப்பட்டார்கள் . தஸவ்வுரே ஷெய்கு என்பது பற்றி பேச்சு நடந்து கொண்டிருந்தது . அவர்கள் ,'நான் பேசட்டுமா ? ' என்று மவ்லானா ரஷீத் அஹ்மத் கங்கோஹி கேட்டார்கள். மக்கள் ,ஆம் என்றனர் .

'நான் பேசட்டுமா ? ' என்று மவ்லானா ரஷீத் அஹ்மத் கங்கோஹி மீண்டும் கேட்டார்கள். மக்கள் ,ஆம் என்றனர் .

'நான் பேசட்டுமா ? ' என்று மவ்லானா ரஷீத் அஹ்மத் கங்கோஹி மீண்டும் கேட்டார்கள். மக்கள் ,ஆம் என்றனர் .

அப்போது ரஷீத் அஹ்மத் கங்கோஹி கூறினார் , ' மூன்றாண்டு காலமாக ஹாஜி இம்தாதுல்லாஹ் அவர்களின் முகம் எனது கல்பிலே இருந்தது ,அவர்களின் அனுமதியில்லாமல் நான் எந்த காரியத்தையும் செய்ததில்லை ' .

அதன் பின்னர் ரஷீத் அஹ்மத் கங்கோஹி மிகுந்த உற்சாகத்துடன் , 'நான் பேசட்டுமா ? ' என்று கேட்டார்கள். மக்கள் ,ஆம் என்றனர் .

ரஷீத் அஹ்மத் கங்கோஹி கூறினார் , ' பல்லாண்டுகளாக நபிகள் நாயகம் என்னுடை கல்பிலே இருந்தார்கள் , அவர்களின் அனுமதியில்லாமல் நான் எந்த காரியத்தையும் செய்ததில்லை ' . (அடிக்குறிப்பு : கான் சாஹிப் எத்தனை ஆண்டுகள் என்று கூறியது நினைவில்லை ) .

அதன் பின்னர் ரஷீத் அஹ்மத் கங்கோஹி இன்னும் மிகுந்த உற்சாகத்துடன் , 'நான் பேசட்டுமா ? ' என்று கேட்டார்கள். மக்கள் ,ஆம் என்றனர் .

ஆனால் அவர் அமைதியாக இருந்தார் .மக்கள் கேட்ட பொழுது , அதை விட்டு விடுங்கள் என்றார் .
[ நூல் - அர்வாஹெ ஸலாசா ,பக்கம் 292 ]

ரஷீத் அஹ்மத் கங்கோஹி என்ன சொல்ல விரும்பவில்லை என்பது விளங்குகின்றதல்லவா !

இதில் குறிப்பிட வேண்டிய விஷயம் , ரஷீத் அஹ்மத் கங்கோஹி தமது கல்பில் நபிகள் நாயகம் அவர்களே நிறைந்திருந்ததாக கூறினார் . நாயகத்தின் நூர் அல்லது திருமுகம் என்று கூறவில்லை .  அப்படியானால் நாயகம் அவர்களின் சங்கைமிகு ரவ்ளா ஷரீப் காலியாக இருந்ததா ?

ஏனெனில் அஷ்ரப் அலி தான்வி எழுப்பியுள்ள கேள்வி தான் அது

' மவ்லித் மஜ்லிஸ்கள் பல இடங்களில் ஒரே சமயத்தில் நடைபெற்றால் , நாயகம் அவர்கள் எங்கு செல்ல வேண்டும் ,எங்கு செல்ல வேண்டாம் என்று எவ்வாறு முடிவு செய்வார்கள் '.
[ நூல் - பத்வா இம்தாதியா , பாகம் 4, பக்கம் 58 ]

ஆஷிக் இலாஹி மீரடி தேவ்பந்தி சிந்தனைப் பள்ளியின் நபர் . அவர் எழுதிய நூல் தான் 'தஸ்கிரதுர் ரஷீத்' .   அது 2 பாகங்களாக வெளிவந்த ரஷீத் அஹ்மத் கங்கோஹியின் சரிதையை கூறும் நூல் . தேவ்பந்தால் வெளியிடப்பட்டது .

மவ்லானா ஆஷிக் இலாஹி மீரடி  ,பல முறை ரஷீத் அஹ்மத் கங்கோஹி கூறியதைக் கூறியுள்ளதாக எழுதுகிறார் ,

' கேளுங்கள் ! சத்தியம் என்பது ரஷீத் அஹ்மத்தின் நாவில் இருந்து வருவது தான் . நான் இக்காலத்தின் வழிகாட்டியும் , இரட்சிப்பும் (ஹிதாயத் வ நஜாத் )  என்னை பின்தொடர்வதை(இத்திபா ) அன்றி இல்லை என்று சாட்சியமளிக்கின்றேன் . '

[நூல் - தஸ்கிரதுர் ரஷீத் , பாகம் 2,பக்கம் 17 ]

இன்னுமொரு சுவாரஸ்யமான சம்பவம் ,

ஆஷிக் இலாஹி மீரடி , ஆக்ராவைச் சேர்ந்த முன்ஷி முனீர் அஹ்மத்தின்   கனவை விவரிக்கின்றார் .

' கங்கோஹ் நகரில் ஓர் ஷியா இருந்தான் . அவன் இறந்த பின் ,அவனை நான் கனவில் கண்டேன்,அவனது கட்டைவிரலை பற்றிக் கொண்டேன் . அவன் பயந்து நடுங்கி , என்ன வேண்டும் உனக்கு என்றான் . நான் மரணித்திற்குப் பின் உன்னுடைய நிலை என்ன ? என்று கேட்டேன் . அவன் மிகக் கடுமையான வேதனையில் உள்ளதாகவும் , தாம் ஒரு முறை நோய்வாய் பட்டு இருக்கையில் , மவ்லானா ரஷீத் அஹ்மத் தன்னை காண வந்ததாகவும் , தமது உடலின் எந்த பாகத்தையெல்லாம் மவ்லானா தொட்டார்களோ ,அவை எல்லாம் வேதனையை விட்டும் பாதுகாப்பாக உள்ளதாக கூறினார் . அதன் பின்னர் நான் விழித்தெழுந்து விட்டேன் . '

[நூல் - தஸ்கிரதுர் ரஷீத் , பாகம் 2,பக்கம் 324  ]

இது போன்று மற்றோரு சம்பவமும் அதே நூலில் கூறப்படுள்ளது ,

' மவ்லானா இஸ்மாயிலின் ஒரு பணியாள் இருந்தான் . அவன் இறந்த பின் ,அவனை யாரோ ஒருவர் கனவில் கண்டார் . அவனது முழு உடலும் தீயில் வெந்து கொண்டிருந்தது , உள்ளங்கையைத் தவிர . அவனை கனவில் கண்ட நபர் மரணித்திற்குப் பின்  உன்னுடைய நிலை என்ன ? என்று கேட்டார் .அவர் கூறினார் தாம் செய்த கெட்ட அமல்களுக்காக தண்டனை அனுபவிப்பதாகவும் , தமது உள்ளங்கையைத் தவிர தமது முழு உடலும் தீயில் வெந்து போவதாகவும் கூறினார் . தமது உள்ளங்கையைக் கொண்டு மவ்லானா இஸ்மாயிலின் பாதங்களைத் தொட்டதால் இந்த விலக்கு அளிக்கப்படுவதாகவும் , 'நாம் அந்த உள்ளங்கையை எரிப்பதைக் கொண்டும் வெட்கப்படுகின்றோம் ' என்று சொல்லப்பட்டதாகவும் கூறினார் '.

இவ்விரு சம்பவங்களை மீண்டுமொருமுறை வாசித்து , ஸஹீஹ் புஹாரியில் உள்ள ,தமது அடிமை துவைபாயை உரிமையிட்ட அபூலஹபின் ஹதீதை   நினைவில் கொள்க !

தேவ்பந்தி தப்லீக் ஜமாத்தினர் இத்தகைய நம்பிக்கைகளை கொண்டிருப்பது அவர்களின் சுய முடிவு .

ஆனால் இதே கூட்டத்தினர் , நமது ஈருலக இரட்சகர் கண்மணி நாயகம் முஸ்தபா صلى الله عليه و سلم அவர்கள் பற்றி தமது நூற்களில் எழுதியுள்ளவற்றை சீர்தூக்கி ஆய்வு செய்து பாருங்கள் !

இல்யாஸி தப்லீக் ஜமாத்தும் தேவ்பந்தின் முன்னோடிகளும்

2018-10-19T09:20:00.000-07:00

நவீனகால இணையதள இல்யாஸி தப்லீக் ஜமாத்தின் வினோதமான பிரச்சாரம், குப்ரியத்தான விஷயங்களை எழுதியும் ,பரப்பியும் வந்த இஸ்மாயில் திஹ்லவி , அஷ்ரப் அலி தானவி , ரஷீத் அஹ்மத் கங்கோஹி ,காஸிம் நாணோத்வி ,கலீல் அஹ்மத் அம்பேத்வி போன்றோருக்கும் எங்களுக்கும் எந்த தொடர்பும் இல்லை . அவர்கள் கூறியதற்கு அவர்களே பொறுப்பு .

தப்லீக் ஜமாஅத் இவர்களை ஏற்கவில்லை .நாங்களும் ஸுன்னத் ஜமாத் தான் .அதுவும் பிக்ஹில் ஹனபி ,ஷாஃபி மத்ஹபை பின்பற்றுகின்றோம் . அகீதாவில் அஷ்அரி ,மாதுர்தியாக உள்ளோம் . இன்னும் சொல்லப்போனால் நாங்கள் தஸவ்வுப் உடைய ஸில்ஸிலா உடையவர்களாக உள்ளோம் .

தப்லீக் ஜமாஅத் அமல்களை செயல்படுத்தாத நவீன கால இஸ்லாமிய சமூகத்திடையே அதை உயிர்ப்பிக்கவே வந்துள்ளது . இதைக் கொண்டு இன்று எத்தனை அநேகம் பேர்கள் தொழுகையாளிகளாக மாறியுள்ளனர் .எனவே அது தான் அசல் நோக்கம் . தப்லீக் ஜமாஅத் முன்னோடிகள் வஹாபிகளுக்கு எதிரி என்றல்லாம் பிரச்சாரம் செய்து வருகின்றனர் .

பாமர இஸ்லாமியர் ஒருவர், கேட்பதற்கு மிகவும் எதார்த்தமாக உள்ள விஷயங்கள் தானே என்று எண்ணவும் கூடும் . ஆனால் தேவ்பந்தி முன்னோடிகளுக்கும் ,இல்யாஸி தப்லீக் ஜாமத்திற்கும் உள்ள தொடர்பு என்ன ? என்பதை ஆதாரங்களுடன் விரிவாக காண்போம் .

தப்லீக் ஜமாஅத்

தப்லீக் ஜமாத்தின் முதல் அமீர் முஹம்மத் இல்யாஸ் காந்தலவி (மறைவு ஹிஜ்ரி 1362 / 1944 -44 ஆம் ஆண்டு ) - தப்லீக் ஜமாஅத்தின் நிறுவனர் .

ரஷீத் அஹ்மத் கங்கோஹி(பிறப்பு 1829 ஆம் ஆண்டு ) 1905ஆம் ஆண்டு மறைந்தார் . இல்யாஸ் காந்தலவி அவரிடம் 1899 ஆம் ஆண்டு (ஹிஜ்ரி 1315) பைஅத் செய்தார் .

அதன் பின்னர் சில காலம் கழித்து மவ்லவி இல்யாஸ் , மற்றோரு தேவ்பந்தி முன்னோடியான கலீல் அஹ்மத் அம்பேத்வியிடம் பைஅத் செய்தார் .

தேவ்பந்தி பிர்காவின் உலமாவான அபுல் ஹசன் நத்வி ,தப்லீக் ஜமாத்தின் நிறுவனர் இல்யாஸ் காந்தலவியின் வரலாற்றை கூறும் நூலை எழுதியுள்ளார் . அதன் பேர் 'மவ்லானா இல்யாஸ் அவ்ர் உன்கீ தீனி தஃவத்' என்பதாகும் . அந்த நூலுக்கு அணிந்துரை எழுதியவர் மவ்லவி இல்யாஸுடன் ஆரம்ப காலத்தில் பழகியவரும் , அவருடன் மேவாத் நகரில் இணைந்து சுற்றுப்பயணம் செய்தவருமான மன்ஸுர் நுஃமானி தேவ்பந்தி .

அதில் பல இடங்களில் இல்யாஸ் காந்தலவிக்கும் ,குப்ரான கொள்கையுடைய தேவ்பந்தி முன்னோடிகளுக்கும் உண்டான நெருங்கிய பந்தத்தை விவரிக்கிறார் .

இல்யாஸ் காந்தலவியை பற்றி அவரது தாய் வழி பாட்டி அம்மி பீ பற்றி கூறும் பொழுது ' இல்யாஸ் , நான் புனித ஸஹாபாக்களின் நறுமணத்தை உன்னிடம் நுகர்கின்றேன் '. சில நேரம் அவரது கையை இல்யாஸின் முதுகின் மீது வைத்தவராக அம்மீ பீ கூறுவார் ,' என்ன விந்தை புனித ஸஹாபா பெரும்மக்களின் உருவத்தை ஒத்தவர்கள் உன்னுடன் நடமாடுதை காண்கிறேன் ? '

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 4 ]

ரஷீத் அஹ்மத் கங்கோஹியின் நெருக்கம் :

மவ்லவி இல்யாஸின் மூத்த சகோதரர் முஹம்மது யஹ்யா 1893ஆம் ஆண்டு முதல் ரஷீத் அஹ்மத் கங்கோஹியிடம் இருந்தார் . முஹம்மது யஹ்யா தனது தந்தையின் அனுமதியுடன் இல்யாஸ்

காந்தலவிக்கு 10 அல்லது 11 வயது இருக்கும் பொழுது 1896 அல்லது 1897 ல் கங்கோஹ்கிற்கு மவ்லவி ரஷீத் அஹ்மத் கங்கோஹியிடம் கல்வி கற்க , தம்முடன் அழைத்து வருகின்றார் .

தமது 10 வயதில் வந்த தப்லீக் ஜமாத்தின் நிறுவனர் இல்யாஸ் காந்தலவி ,மவ்லவி ரஷீத் அஹ்மத் கங்கோஹியின் மறைவு வரை 1905 ஆம் ஆண்டு வரை அவருடனே தமது வாலிப காலத்தின் பெரும்பகுதியை கழித்தார் . அவர் மறையும் பொழுது இல்யாஸ் காந்தலவிக்கு வயது 10 .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 8,9 ]

இல்யாஸ் காந்தலவிக்கு , மவ்லவி ரஷீத் அஹ்மத் கங்கோஹியிடம் உண்டான நெருக்கம் எத்தகைய உறுதியானது என்றால் , மவ்லவி ரஷீத் அஹ்மத் கங்கோஹி இல்லாமல் அவருக்கு மனச் சாந்தி இல்லை . இல்யாஸ் காந்தலவி அடிக்கடி , பின்னிரவுகளில் உறக்கம் கலைந்து எழுந்து ,ரஷீத் அஹ்மத் கங்கோஹியின் முகத்தை தரிசனம் செய்த பின்னரே உறங்க செல்வார் . மவ்லானா ரஷீத் அஹமத் கங்கோஹியும் அவரிடம் பிரியமாக இருந்தார் .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 9 ]

மவுலானா ரஷீத் அஹ்மத் கங்கோஹி 1905 ஆம் ஆண்டு மறைந்தார் . மவுலானா இல்யாஸ் ரஷீத் அஹமத் கங்கோஹியின் மரணத் தருவாயில் அவரின் படுக்கை அருகே இருந்து ,ஸுரா யாஸீன் ஓதிக் கொண்டே இருந்தார் . ரஷீத் அஹமதின் மரணத்தைக் கொண்டு மிகவும் வேதனை அடைந்த அவர் , " இரண்டு அதிர்ச்சிகள் எனக்கு மிகவும் வேதனை அளிப்பதாக இருந்தது . எனது தந்தையின் மரணம் ,மற்றோன்று மவ்லானா ரஷீத் அஹமத் கங்கோஹியின் மரணம் " என்று அடிக்கடி கூறுபவராக இருந்தார் .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 11 ]

தேவ்பந்தின் தொடர்பும் ,கலீல் அஹ்மத் ஸஹ்ரான்பூரியின் தொடர்பும் :

1908ல் மவ்லானா இல்யாஸ் ,தேவ்பந்த் அரபிக் கல்லூரிக்கு சென்று திர்மிதி ,மற்றும் ஸஹீஹ் புஹாரி ஆகியவற்றை மவுலானா மஹமூத் ஹசனிடம் இருந்து கற்றார் . மஹ்மூத் ஹசன் ,மவ்லானா இல்யாசை அவரது ஆசான் ரஷீத் அஹமத் மறைந்து விட்டதால் ,கலீல் அஹ்மத் ஸஹரான்பூரியிடம் சென்று ஆத்மீக பயிற்சியும் ,அறிவுரையும் பெற்றுக் கொள்ள அறிவுறுத்தினார் . இதன் பின்னர் அவர் ஸுலூக் கின் பல்வேறு நிலைகளை கலீல் அஹ்மத் ஸஹரான்பூரியிடம் கற்றார் .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 11 ]

ஒரு முறை நான் நோய்வாய்ப்பட்டு ,மிகவும் உடல் நலிவுற்று படியில் கூட நடந்து செல்ல இயலாத நிலையில் இருந்தேன் . மவுலானா கலீல் அஹ்மத் ஸஹரான்பூரி தில்லி வந்துள்ளதாக திடீரென அறிவிக்கப்பட்டது . நான் மிகவும் உணர்ச்சிவசப்பட்டவனாக,எனது நோயையும் , சோர்வையும் மறந்தவனாக நடந்தே தில்லி சென்றேன் . வழியில் செல்லும் போது தான் அது பற்றிய நியாபகமே வந்தது .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 12 ]

மவ்லானா ரஷீத் அஹ்மத் கங்கோயின் ஆத்மீக ஆசான்களுடனும் ,பின்பற்றுபவர்களுடனும் வாடிக்கையாக தொடர்பு கொள்ளும் முறையை மவ்லவி இல்யாஸ் கொண்டிருந்தார் . ஷாஹ் அப்துர் ரஹீம் ராய்ப்பூரி மற்றும் அஷ்ரப் அலி தான்வி ஆகியோரை தனது இதயத்தில் ஏற்றி செயல்படுத்துவதாக கூறினார் . அவர்களும் ,அவரின் மீது மிகுந்த அன்பும் ,மரியாதையும் கொண்டிருந்தனர் .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 12,13 ]

ஒரு முறை ஷாஹ் அப்துர் ரஹீம் ராய்பூரி ,அஷ்ரப் அலி தான்வி ,கலீல் அஹ்மத் ஸஹரான்பூரி ஆகியோர் காந்தலா வந்திருந்தனர் . தொழுகையுடைய வக்தில் ,மவ்லவி இல்யாசை இமாமத் செய்யுமாறு கூறினர் . அப்போது குடும்ப நண்பர் ,மவ்லவி பத்ரூல் ஹசன் " பெரிய பெட்டிகளை இழுப்பதற்கு சின்ன இஞ்சினா " என்று நகைச்சுவையாக வினவினார் .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 14 ]

மழாஹிருல் உலூம் மத்ரஸாவுடன் தொடர்பு :

1910 ஆம் ஆண்டில் ,மத்ரஸாவின் பெரும்பான்மையான ஆசிரியர்கள் ஹஜ்ஜுக்கு சென்றதால் ,புதிய ஆசிரியர்களை அவர்களுக்கு பகரமாக நியமித்தனர் .அதில் மவ்லவி இல்யாஸும் ஒருவர் . ஹஜ் முடிந்து ஆசிரியர்கள் பணிக்கு திரும்பியதும் , தற்காலிகமாக நியமிக்கப்பட்ட அனைவரும் தங்கள் பணியில் இருந்து விடுவிக்கப்பட்டனர் .மவ்லவி இல்யாஸ் காந்தலவியைத் தவிர .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 14 ]

மவ்லவி இல்யாஸின் நிக்காஹ் :

மவ்லவி இல்யாஸ் காந்தலவி தமது தாய் மாமன் மவ்லானா ரவூப் ஹசனுடைய மகளை அக்டோபர் 17,1912 ஆம் ஆண்டு மணந்தார் . மவ்லானா அப்துர் ரஹீம் ராய்பூரி ,அஷ்ரப் அலி தான்வி ,கலீல் அஹ்மத் ஸஹரான்பூரி ஆகியோர் அவரின் நிக்காஹ்வில் கலந்து கொண்டனர் .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 14 ,15]

மவ்லவி இல்யாஸின் ஹஜ் :

1915 ஆம் ஆண்டு ,மவ்லவி கலீல் அஹ்மத் ஸஹரான்பூரி மற்றும் மவ்லவி மஹ்மூத் அல் ஹசன் ஆகியோர் ஹஜ் செல்ல முடிவு செய்தனர் . இதை அறிந்த மவ்லவி இல்யாஸ் தாமும் அவர்களுடன் இணைந்து ஹஜ் செய்ய நாடினார் . அவ்விருவரின் பிரிவால் இந்திய தேசம் இருளில் மூழ்கி விடும் என்றும் தம்மால் அவர்களை பிரிந்து ஸஹரான்பூரில் வாழ முடியாதுஎன்றும் எண்ணினார் . அதன் பின்னர் மவ்லவி கலீல் அஹ்மத் ஸஹரான்பூரி பயணித்த கப்பலில் உடன் பயணம் மேற்கொண்டு ஹஜ் செய்தார் .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 15]

மவ்லானா இல்யாஸ் ஏப்ரல் 1925 ஆம் ஆண்டு ,மவ்லவி கலீல் அஹ்மத் ஸஹரான்பூரியுடன் தனது இரண்டாம் ஹஜ்ஜை நிறைவேற்றினார் . அப்போது தான் மதீனாவில் இருக்கும் பொழுது தமக்கு தப்லீக் ஜமாத்தின் முறை இல்ஹாமில் வழங்கப்பட்டதாக கூறுகிறார் .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 32,33]

1938 ஆம் ஆண்டு மவ்லவி இல்யாஸ் ,மவ்லானா இஹ்திஸாமுல் ஹசன் ,மவ்லவி முஹம்மத் யூசுப் , மவ்லவி இனாமுல் ஹசன் மற்றும் ஹாஜி அப்துர் ரஹ்மான் ஆகியோருடன் தமது மூன்றாம் ஹஜ்ஜுக்கு பயணித்தார் .

இரண்டு வாரங்கள் கழித்து , மார்ச் 14, 1938 ஆம் ஆண்டு மவ்லவி இல்யாஸ் ஹாஜி அப்துல்லாஹ் , அப்துர் ரஹ்மான் மழ்ஹர் மற்றும்

மவ்லானா இஹ்திஸாமுல் ஹசன் ஆகியோருடன் சவூதி அரேபியாவில் தப்லீக் ஜமாஅத் பணிகளை ஆரம்பிக்க அனுமதி வேண்டி சுல்தான் இப்னு சவூதை சந்தித்தார் . மன்னர் அவர்களை சங்கையுடன் வரவேற்றார் .பின்னர் சுமார் நாற்பது நிமிடம் அவர்களுடன் கலந்துரையாடி பின்னர் விடையளித்தார் .

பின்னர் ஓர் நினைவுப் பத்திரத்துடன் மவ்லானா இஹ்திஸாமுல் ஹசன் ரயீசுல் குஜ்ஜத் (தலைமை காஜி ) யை சந்தித்து பேசினார் . அவரை மரியாதையுடன் வரவேற்ற தலைமை காஜி ,தாம் இந்த திட்டத்தை ஏற்பதாக அறிவித்தாலும் இதற்கு அனுமதி அமீர் பைசல் தான் வழங்க முடியும் என்றார் .

மக்காவில் இருந்த வரை தினமும் , காலையும் ,மாலையும் தப்லீக் ஜமாஅத் பணி நடைபெற்றது .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 42,43]

வஹாபிய அரசாங்கம் ஜஸீரத்துல் அரபில் உள்ள எத்துணையோ அஹ்லுஸ் ஸுன்னத் வல் ஜமாத் உலமாக்களை வீட்டுச் சிறையில் வைத்ததும் ,அவர்களை முடக்கியதும் நடைபெற்ற இக்காலத்தில் தான் இதுவும் நடைபெற்றது ,விந்தையிலும் விந்தை !!!

ஸஹரான்பூர் மத்ரஸாவும் தப்லீக் ஜமாத்தும் :

ஸஹரான்பூர் மத்ரசாவின் ஆசிரியர்கள் மவ்லானா இல்யாஸ் காந்தலவிக்கு நெருக்கமானவர்கள் . ஸஹரான்பூர் மத்ரஸாவின் நிர்வாக கமிட்டி செயலாளர் மவ்லானா முஹம்மத் ஜக்கரிய்யா , மவ்லானா அப்துல் லத்தீப் மற்றும் மத்ரஸா நிர்வாகிகள் அடிக்கடி தப்லீக் ஜமாஅத் பணிகளில் மேவாத் நகரில் ஈடுபட்டு , நிஜாமுதீனுக்கு மவ்லானா இல்யாஸ் விரும்பும் போதெல்லாம் வந்தனர் .

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 57 ]

இன்னும் இந்த நூல் முழுக்க தப்லீக் ஜமாத்தின் நிறுவனர் மவ்லவி இல்யாஸ் காந்தலவிக்கும் ஏனைய தேவ்பந்தின் முன்னோடி உலமாக்களான மவ்லானா மன்ஸுர் நுஃமானி ,மவ்லானா ஜக்கரிய்யா காந்தலவி , மவ்லவி ஹுசைன் அஹ்மத் மதனி ,தைய்யிப் தேவ்பந்தி ,மவ்லவி இக்ராமுல் ஹசன் ,நத்வத்துல் உலமா ,லக்னோ மதரஸாவுடன் உடைய தொடர்பும் ,நெருக்கமும் பற்றி சிலாகித்து சொல்லப்பட்டுள்ளது .

"தப்லீக் ஜமாத்தில் ,மழாஹிருல் உலூம் ,ஸஹரான்பூர் ,தாருல் உலூம் தேவ்பந்த் , நத்வத்துல் உலமா ,லக்னோவைச் சார்ந்த உலகமாக்களும் ,மாணவர்களும் ஒருவரோடு ஒருவர் இணைந்து செயல்படுவதைக் காண முடியும் "

[ நூல் - மவ்லானா இல்யாஸ் அவ்ர் உன்கீ தீனி தஃவத்,பக்கம் 126]

முத்தாய்ப்பாக தாருல் உலூம் தேவ்பந்தின் பின்வரும் பத்வாய்ப் பாருங்கள் . தப்லீக் ஜமாஅத் தான் தேவ் பந்த் ,தேவ்பந்த் தான் தப்லீக் ஜமாஅத் என்று இரண்டுக்கும் உள்ள தொடர்பை உள்ளங்கை நெல்லிக்கனி போல் விளக்கு கின்றது .

மவ்லவி இல்யாஸ் காந்தலவி தப்லீக் ஜமாத் என்று அமைப்பின் நிறுவனர் . அவர் தமது பால்ய காலம் முதல் ,தமது வாழ்வின் ஒவ்வொரு நிகழ்விலும் குப்ர் பத்வா வழங்கப்பட்ட தேவ் பந்தி முன்னோடிகளை தமது ஆசிரியர்களாக ஏற்றுக் கொண்டு அவர்களோடு நெருக்கம் காட்டியுள்ளார் .

மட்டுமல்லாது, அவர்களைத் தாம் இதயத்தில் ஏற்றி பின்பற்றுவதாகவும் கூறியுள்ளார் . அவர்களின் மறைவுக்குப் பின் தேவ்பந்தின் கொள்கையுடைய அரபிக் கல்லூரிகளின் உலமாக்களுடன் தான் பெரும்பாலும் தொடர்பு வைத்துள்ளார் . இது ஏதோ எதேச்சையாக நிகழந்த ஒன்றல்ல . மாறாக தமது வஹாபிய கொள்கையை உலமாக்களிடம் ஏற்றுக் கொண்டு அதைப் பரப்ப உண்டாக்கிய செயல் வடிவம் தான் தப்லீக் ஜமாஅத் .அதற்கு மக்களிடம் எதிர்ப்பு வந்தால் தேவ்பந்தி உலமாக்களின் ஆதரவைக் காண்பித்து ஏமாற்றும் ஏற்பாடே இது.

தமிழக உலமாக்களின் பெரிய கூட்டமைப்பான ஜமாத்துல் உலமாவோ , மதில் மேல் பூனை என்றும் ,ஆடு பகை குட்டி உறவு என்றும் இரட்டை வேஷம் போட்டுக் கொண்டிருக்கின்றது .

இடத்திற்கு தகுந்தால் போல் , தப்லீக் ஜமாத் வலிமையாக உள்ள இடங்களில் (திண்டுக்கல் ,மேல்விஷாரம் ,கடலூர் போன்று ) அதை தூக்கிப் பிடிப்பதும் , அது அல்லாத இடங்களில் ஸுன்னத் வல் ஜமாத்தின் வெளிப்படையான அமல்களை ஆகும் என்று பேசுவதும் ( மீலாத் ,மவ்லூத் ,ஜியாரத் ,உரூஸ் போன்று ) எள்ளி நகைக்கத்தான் தோன்றுகின்றது .

இன்றைய தகவல் தொழில் நுட்ப காலத்தில் மக்களையே ஏமாற்ற இயலாத நிலையில் ,அல்லாஹ்வையும் ,அவன் ஹபீப் கண்மணி நாயகம் صَلّى اللهُ عليهِ واٰله وسلّم அவர்களையும் நாளை எந்த முகத்தோடு சந்திப்பீர்கள் ,உங்களின் கடமையைப் பற்றி எழுப்பும் கேள்விகளுக்கு எங்கனம் பதில் அளிப்பீர்கள் .

அஹ்லுஸ் ஸுன்னத் வல் ஜமாத்திற்கும் ,இல்யாசீ தப்லீகி தேவ்பந்திகளுக்கும் உ இடையே உள்ள கொள்கை முரண்பாடு தீனுடைய அடிப்படை (தரூரியத் ஏ தீன் )களில் உண்டான முரண்பாடு .

இந்திய வஹாபியிசத்தின் தந்தை இஸ்மாயில் திஹ்லவியின் "தக்வியத்துள் ஈமான் " பற்றிய தேவ்பந்தின் பத்வாய்ப் பாருங்கள்

இப்னு அப்துல் வஹாப் நஜ்தி அல் தமீமி பற்றிய தேவ்பந்தின் பத்வாய்ப் பாருங்கள் . இப்னு அப்துல் வஹாப் அஹ்லுஸ் ஸுன்னத் வல் ஜமாத்தைச் சார்ந்தவனாம் !!!

அதை ஏதோ தேவ்பந்தின் உலமாக்களும் ,பரேலி உலமாக்களுக்கும் இடையே உண்டான கருத்து மோதல் , புரிதலில் உள்ள தவறு என்று இன்னும் எத்துணை காலத்திற்கு சப்பை கட்டு கட்டுவீர்கள் .

காஸிம் நாணோத்வியின் தவஜ்ஜு

2018-10-06T01:21:00.001-07:00

மவ்லானா முனாஜிர் ஹஸன் ஓர் ஆச்சரியமான சம்பவத்தை விவரிக்கிறார் . ஒரு சிலர் சட்டா மஸ்ஜிதில்(தேவ்பந்த் ) குழுமியிருந்தனர் . மவ்லானா யாகூப் (தேவ்பந்த் மத்ரஸாவின் பொறுப்பாளர் ) அந்த கூட்டத்தில் இருந்தார் . மவ்லானா யாகூப் கூறினார்கள்

" இன்று காலை தொழுது கொண்டிருக்கும் பொழுது எனது உயிர் மாண்டு விடும் நிலையில் இருந்தது . மக்கள் அவரிடம் என்ன காரணம் என்று வினவினர் ? . அவர் கூறினார் சூரா முஸம்மில் ஓதிய பொழுது ,எனது இதயம் ஓர் விந்தையான சக்தியின் காரணமாக திடீரென இறுகி ,எனது ரூஹ் எனது உடலை விட்டும் வெளியேற இருந்தது . ஆனால் எப்படியோ இந்த நிலை சிறிது நேரத்தில் மாறியது .

தொடர்ந்து அவர் கூறினார் ,தொழுகை முடிவுற்றவுடன் இந்த விஷயம் குறித்து ஆழ்ந்து சிந்தித்தேன் . என்னிடம் சொல்லப்பட்டது அந்த சம்பவம் நடந்த பொழுது மவ்லானா காஸிம் நாணோத்வி மேராத் என்னும் ஊரில் இருந்து என்னை நோக்கி தவஜ்ஜு செய்தார்கள் . இதன் காரணமாக எனது ரூஹ் எனது உடலை விட்டும் வெளியேறும் நிலைக்கு சென்று எனக்கு சங்கடம் ஏற்பட்டது .

மேலும் தொடர்ந்து

" எல்லாவற்றையும் அலசி ஆராயும் புத்தி உடையோர் இதனை எங்கனம் புரிந்து கொள்வர் . தேவ்பந்திற்கும் ,மேராத் நகரங்களுக்கும் இடையே அதிக தொலைவு இருந்தாலும் , இந்த தூரம் தடை ஏற்படுவதற்கு ஓர் காரணமல்ல " .

[ நூல் - சவானெஹ் காசிமி , பாகம் 1, பக்கம் 345 ]

ஆய்வு :

இந்த விந்தையான சம்பவத்தை எங்கனம் புரிந்து கொள்வது ? இல்யாஸி தப்லீகி தேவ்பந்திகள் விளக்கம் அளிப்பார்கள் என்று எண்ணுகின்றேன் . மவ்லானா யாகூப் மிகவும் உயர்ந்த தரஜா உடையவர் போலும் . தொழுகை முடிந்து ,நடந்த சம்பவம் பற்றி ஆழ்ந்து யோசித்த நொடிப் பொழுதில் ,எல்லாமே அவருக்கு காண்பிக்கப்பட்டது .

சில மாதங்களோ ,சில மணி நேரங்களோ அல்ல சில வினாடிகளில் வேறு ஓர் ஊரில் இருக்கும் மவுலானா காஸிம் நாணோத்வி தான் இதை செய்தார் என்று அறிந்தார் .

சிறிதேனும் வெட்கம் இருந்தால் தேவ்பந்திகள் தங்களது தலையை தொங்கிக் கொள்ளட்டும் . இதுதான் தங்கள் பிர்காவின் உலமாக்களை பற்றிய அவர்களின் நம்பிக்கை .

ஆனால் ஈருலக இரட்சகர் கண்மணி நாயகம் صَلّى اللهُ عليهِ واٰله وسلّم அவர்கள் பற்றிய அவர்களது நம்பிக்கை பின் வருமாறு

" பல விஷயங்களில் ,நபிகள் நாயகம் صَلّى اللهُ عليهِ واٰله وسلّم  அவர்கள் தவஜ்ஜு செய்தார்கள் ,அவர்கள் கவலையுற்றார்கள் ,அமைதி காத்தார்கள் . இப்க் உடைய சம்பவம் நிகழந்த பொழுது (உம்முல் மூஃமீனின் அன்னை ஆயிஷா رضي الله عنها அவர்கள் மோதிரம் தொலைத்ததும் ,இஸ்லாத்தின் எதிரிகள் அவதூறு பேசியதும் )   ,நாயகம் தவஜ்ஜு செய்தார்கள் எனினும் எதையும் அறிய முடியவில்லை . ஒரு மாதம் கழித்து வஹீ மூலமே அவர்களுக்கு அறிவிக்கப்பட்டது "

[ நூல் - ஹிப்ளுள் ஈமான் , பக்கம் 7,அஷ்ரப் அலி தான்வி  ]

உங்களது பிர்காவின் உலமாக்களை பெருமை பிதற்ற எத்துணை கதைகளை உங்கள் நூற்களில் எழுதியுள்ளீர்கள் . நொடிப்பொழுதில் தவஜ்ஜு செய்யும் உங்களது உலமாக்கள் ???

இல்யாஸி தப்லீகி தேவ்பந்தி வஹாபிகளே ,இன்னும் எத்துணை எத்துணை ஆதாரம் அளித்தால் ,உங்கள் முன்னோடிகள் கண்மணி நாயகம் صَلّى اللهُ عليهِ واٰله وسلّم அவர்கள் மீது அவமரியாதை செய்தனர் என்றும் ,அவர்களின் சங்கையையும் ,கண்ணியத்தையும் குறைத்தனர் என்பதை ஏற்றுக் கொள்வீர்கள் ???

மூஃமீன்களே ,நடுநிலை வேஷம் போட்டு உலக ஆதாயம் தேடும் உலமாக்களே , உண்மையில் நாம் நாளை கியாமத் வேளையில் உச்சந் தலையில் சூரியன் அனல் கக்கும் வேளையில் ,இப்பாவிகளுக்கு மன்றாடும் ஷபீயுல் முதனீபீன் தாஹா ரஸூல்
صَلّى اللهُ عليهِ واٰله وسلّم அவர்களின் ஷபாஅத்தை யாசிப்பீர்களேயானால் , கண்மணி நாயகத்தை அவமரியாதை செய்யும் முனாஃபிக்களை நேசிப்பதை விட்டும் விலகுங்கள் .

இத்துடன் இஸ்மாயில் திஹ்லவி "தக்வியத்துல்  ஈமான் " நூலில் எழுதியுள்ளதையும் காண்க

" அல்லாஹ்வையன்றி வேறு யாராகிலும் மறைவான ஞானம் உடையவர் என்று நினைத்தாலோ , அல்லது வேறு இடத்தில நடப்பவற்றை அறிகின்றார் என்று நினைத்தாலோ , அவர்கள் சுயமாக அறிந்தார்கள் என்றோ , அல்லது அல்லாஹ்வின் புறத்தில் இருந்து அறிவிக்கப் பட்டது என்று நம்பிக்கை கொண்டாலும் ,எல்லா நிலையிலும் அது ஷிர்க் "

[நூல் - தக்வியத்துள் ஈமான் , பக்கம் 10 ]

மன்ஸுர் நுஃமானி தேவ்பந்தி

2018-10-05T23:58:00.001-07:00

முஹம்மத் மன்சூர் நுஃமானி தேவ்பந்தி , தப்லீகி தேவ்பந்தி பிர்காவினர் மதிக்கும் இந்தியாவைச் சார்ந்த புகழ்பெற்ற மார்க்க அறிஞர் .  இவர் உத்தரபிரதேசம் மாநிலத்தில் சம்பல் என்னும் ஊரில் (பிறப்பு -15 ,திசம்பர் , 1905 ஆம் ஆண்டு  / இறப்பு - 4/5 மே ,1997) பிறந்தார் .

[ நூல்- தாருல் உலூம் தேவ்பந்தின் வரலாறு ,பாகம் 2, பேராசிரியர் முர்தாஸ் ஹுசைன் குரைஷி ,தேவ்பந்த் ,இந்தியா   ]

மற்றோர் தேவ்பந்தி முன்னோடியான அன்வர் ஷாஹ் காஷ்மீரியின் மாணவரான இவர், தேவ்பந்தில் 1927ல் பட்டம் பெற்றார் . மேலும் நத்வத்துல் உலமாவின் 4 ஆண்டுகள் பணியாற்றி ,அபுல் ஹஸன் நத்வியின் நெருக்கமான நண்பராக இருந்தார் . 1941ல் ஜமாத்தே இஸ்லாமியின் ஸ்தாபகர்களில் ஒருவராக இருந்து ,மவ்தூதி சாஹிபிற்கு அடுத்த நிலையில் 'நாயிப் அமீராக' இருந்தார் . பின்னர் 1942ல் மவ்தூதியுடன் ஏற்பட்ட முரண்பாட்டால் ஜமாத்தே இஸ்லாமியில் இருந்து விலகினார் .

இறுதியாக இல்யாஸி தப்லீக் ஜமாத்தில் தன்னை இணைத்துக் கொண்டார் . தாருல் உலூம் தேவ்பந்தின் 'மஜ்லிஸ் ஏ ஷுரா' ,'மஜ்லிஸ் ஏ ஆமிலா ' ஆகியவற்றிலும்  பங்காற்றினார் .

சமீப காலமாக இல்யாஸி தப்லீகி தேவ்பந்திகள் மன்சூர் நுஃமானி எழுதிய நூலான 'பைஸ்லா குன் முனாஜரா' வைக் கொண்டு பெருமை பிதற்றித் திரிகின்றனர் . இந்த நூலின் பெயரைக் கொண்டு ஏதோ விவாதத்தைப் பற்றிய நூல் என்று மேலோட்டமாகத் தோன்றலாம் .

ஆனால் நூலாசிரியர் நூலின் ஆரம்பத்திலேயே குறிப்பிடுகின்றார் (இஸ்மாயில் திஹ்லவி வஹாபிக்கு ஆதரவு கொடுத்து , புகழ்ந்த பின்னர் ) இந்த நூலானது ,1933ஆம் ஆண்டு லாகூரில் நடைபெறுவதாக இருந்த ஓர் விவாதத்திற்கு தாம் தயார் செய்திருந்த தன்னுடைய பதில் என்று . காவல் துறையின் தலையீட்டால் விவாதம் நடைபெறவில்லை .

அதன் பின்னர் நூலாசிரியர் இந்த பதிலை இமாம் அஹ்மத் ரிழா கான் ஹனபி மாதுர்தி காதிரி رضي الله عنه அவர்கள்(1856 -1921) குலாம் அஹ்மத் காதியானி மற்றும் நான்கு தேவ்பந்தி முன்னோடிகளின் குப்ரியத்தை வெளிக்காட்டி ,சங்கைக்குரிய மக்கா ,மதீனா உலமாக்களின் ஒப்புதலோடு வெளியிட்ட 'ஹுஸாமுல் ஹரமைன் ' நூலுக்கு மறுப்பாக வெளியிட்டார் . மன்சூர் நு ஃ மானியின் மேற்கூறிய மறுப்பு என்பது நான்கு தேவ்பந்தி முன்னோடிகளின் குப்ரியத்தான வாக்கியங்களுக்கு விளக்கம் அளிக்கும் பயனற்ற முயற்சியே அன்றி வேறில்லை .

முப்தி அஜ்மல் சம்பலி رحمتہ اللہ علیہ அவர்கள் (1318/1900- 1383/1963) , 1374/1954 ஆம் ஆண்டு எழுதிய தலைசிறந்த படைப்பான
" ரத் ஷஹாபே சாகிப்  பர் வஹாபி காய்ப் " என்னும் நூலில் ஹுசைன் டான்டவி தேவ்பந்திக்கு (1297/1879-1377/1957) மறுப்பாக மட்டும் இல்லாமல் , மன்ஸுர் நுஃமானி எழுப்பும் சகலவிதமான விளக்கங்களுக்கும் பதில் அளித்து உள்ளார்கள்  . இந்த தேவ்பந்தி உலமாக்கள் உட்புகுத்திய  எல்லாவிதமான தந்திரங்களுக்கும் ,தெளிவான பதிலும் ,மறுப்புரையும் வழங்கப்படுள்ளன .

பின்னர் சில ஆண்டுகள் கழித்து ,முப்தி ஷரீப் அல் ஹக் அம்ஜதி
رحمتہ اللہ علیہ அவர்கள்  (1339/1921-1421/2000) , 1409/1988 ஆம் ஆண்டு "ஸுன்னி -தேவ்பந்தி இக்திலாப் கா முன்சீப்பானா ஜாயிஸா " என்னும் நூலை எழுதினார்கள் .

இந்நூல் 'பைஸ்லா குன் முனாஜரா' நூலில் மன்ஸுர் நுஃமானி எழுதிய பொய்களையும் ,பித்தலாட்டங்களையும் எடுத்துக்காட்ட இயற்றப்பட்டது . முப்தி ஷரீப் அல்ஹக் அம்ஜதி  رحمتہ اللہ علیہ அவர்கள் அதில் வரிக்கு வரி மறுப்புரை எழுதியிருந்தார்கள் .

ரஷீத் அஹ்மத் கங்கோஹிக்காக சமைக்கும் கண்மணி நாயகம்

2018-09-23T13:58:00.000-07:00

தலைப்பை கண்டதும் உண்மை மூஃமீன்களின் நெஞ்சம் பதறத் தான் செய்யும் .

தேவ்பந்தி தப்லீக் வஹாபிகளின் மற்றோரு பொய் பித்தலாட்டங்களில் ஒன்று ,தமது முன்னோடிகளின் அந்தஸ்தையும் , மதிப்பையும் உயர்த்த எந்த அளவுக்கும் துணிந்து செல்வர் . எந்த அளவிற்கு என்றால் அது மூஃமீன்களின் உயிரினும் மேலான ஈருலக இரட்சகர் கண்மணி நாயகம் صَلّى اللهُ عليهِ واٰله وسلّم அவர்களின் கண்ணியத்தை குறைத்து தங்களின் முன்னோடிகளின் பெருமைகளை மேடையேற்றுவதில் ,பெருமை பீற்றுவதில் ,அகங்காரச் செருக்கில் அவர்களின் உஸ்தாதான இப்லீஸின் அடியொற்றி நடப்பவர்கள் .

" ஒரு முறை ஹாஜி இம்தாதுல்லாஹ் முஹாஜிர் மக்கி அவர்கள் ஓர் கனவு கண்டார்கள் . அதில் தமது சகோதரரின் மனைவி தமது விருந்தினர்களுக்கு உணவு சமைப்பதாக கண்டார்கள் . அப்பொழுது நாயகம் صَلّى اللهُ عليهِ واٰله وسلّم அவர்கள் வந்து கூறினார்கள் ," இங்கிருந்து எழுந்திருங்கள் . இம்தாதுல்லாஹ்வின் விருந்தினர்களுக்கு சமைப்பதற்கு நீங்கள் தகுதியானவர் அல்ல . அவரது விருந்தினர் உலமாக்கள் ,எனவே நானே சமைகின்றேன் " . ஹாஜி இம்தாதுல்லாஹ் அவர்களின் இக்கனவு மவ்லானா ரஷீத் அஹ்மத் கங்கோஹி ,அவரிடம் பைஅத் எடுத்ததன் மூலம் உண்மையானது .ஏனெனில் ஹாஜி சாஹிப் அவர்களிடம் பைஅத் எடுத்த முதல் உலமா அவர்தான் ."

[ நூல்- தஸ்கிரத்தூர் ரஷீத் , பாகம் 1,பக்கம் 75 ,புதிய பதிப்பு ]

ஷெய்கு ஹாஜி இம்தாதுல்லாஹ் முஹாஜிர் மக்கீ رضي الله عنه அஹ்லுஸ் ஸுன்னத் வல் ஜமாத்தை சார்ந்த காமிலான ஷெய்கு . கனவு அவர்தானே கண்டார் ,இதில் ரஷீத் அஹ்மத் கங்கோஹியை குற்றம் பிடிப்பது என்ன நியாயம் என்று நினைக்கலாம் .

தஸ்கிரத்தூர் ரஷீத் நூலானது ரஷீத் அஹமத் கங்கோஹியின் வரலாற்றை கூறும் நூல் .அவரது மகன் மஸுத் அஹ்மத் தின் உத்தரவின் பேரில் ,தேவ்பந்தி முன்னோடிகள் ஆஷிக் இலாஹி மீரடி , அப்துல் காதிர் ராம்பூரி ,மற்று கலீல் அஹ்மத் சஹ்ரான்புரி ஆகியோரின் எழுத்தாலும் முயற்சியாலும் வெளிவந்த நூல் . எண்ணற்ற ஹதீத் நூற்களையே பிறழ்வு செய்த இவர்கள் ,ரஷீத் அஹ்மத் கங்கோஹியை பரிசுத்தப் படுத்த ஹாஜி இம்தாதுல்லாஹ் முஹாஜிர் மக்கீ அவர்கள் மீது இட்டுக்கட்டி உள்ளனர் .

ஹிந்துக்களின் கடவுள் பற்றி ரஷீத் அஹ்மத் கங்கோஹி

2018-09-23T13:28:00.002-07:00

ஹிந்துக்கள் வணங்கும் பல்வேறு தெய்வங்களில் ராமரும் ,கிருஷ்ணரும் அடக்கம் . காபிர்களின் கடவுள் நம்பிக்கை இஸ்லாமிய நம்பிக்கைக்கு எதிரானது என்பதால் அதனை இணைவைப்பு என்று இஸ்லாமிய மார்க்க அறிஞர்களும் ,புகஹாக்களும் வரையறுத்துள்ளனர் .

நாங்களும் தீன் பணி செய்கின்றோம் ,சீர்திருத்தம் செய்கின்றோம் என்று வாய் கூசாமல் வஹாபிய கொள்கையை பரப்பும் தப்லீக் ஜமாத்தினரின் முன்னோடி ரஷீத் அஹ்மத் கங்கோஹி ஹிந்து மதக் கடவுளைப் பற்றி என்ன நம்பிக்கை கொண்டிருந்தார் என்று பாருங்கள் .

" ராமரும் , கன்ஹையாவும் நல்லவர்கள் . பின் வந்த மக்கள் தான் அவர்களுக்கு கெட்ட பெயரை உண்டாக்கினர் "

[நூல் - தஸ்கிரதுர் ரஷீத் , பாகம் 2, பக்கம் 359

ஆசிரியர் - ரஷீத் அஹ்மத் கங்கோஹி ]

இராமனும் ,கிருஷ்ணனும் வரலாற்று நபர்கள் அல்லர் .அவர்கள் இதிகாசங்களிலும் ,புராணங்களிலும் சொல்லப்பட்ட கதை மாந்தர்கள்(மஹாபாரதம் ,இராமாயணம் ) என்று இந்திய வரலாற்று ஆசிரியர்களே பல நூற்கள் எழுதியுள்ளனர் .

இன்னும் 14ஆம் நூற்றாண்டில் துளசிதாஸ் என்பவர் இயற்றிய இலக்கியமே பின்னர் இராம வழிபாட்டுக்கு மூலம் என்றும் சொல்லப்படுகின்றது .

[என்சைக்ளோபீடியா பிரிட்டானிக்கா ]

நமது கேள்வி எந்த ஆய்வுமே செய்யாமல் பொத்தாம் பொதுவாக பிற மதத்தினரின் கடவுளருக்கு வக்காலத்து வாங்கும் தேவ்பந்தி தப்லீகி ரஷீத் அஹ்மத் கங்கோஹி ,எத்துணை ஆதாரங்கள் இருந்தும் அல்லாஹு سبحانه وتعالىٰ வையும் , படைப்புகளின் காரணகர்த்தா கண்மணி நாயகம் صَلّى اللهُ عليهِ واٰله وسلّم அவர்களை நிந்தனை செய்தது ஏன் ???

ரஷீத் அஹ்மத் கங்கோஹியின் வஹாபிய வழிகேடு

நிலைகுலையும் தேவ்பந்தின் அஸ்திவாரம்

2018-05-01T07:29:00.002-07:00

நாம் இங்கு காணவிருப்பது தேவ்பந்தின் ஸ்தாபகர் மவ்லவி காஸிம் நாணோத்வியின் வரலாற்றைக் கூறும் 'ஸவானெஹ் காஸிமி' என்னும் நூலில் உள்ள ஓர் சம்பவத்தை . இந்த நூலை எழுதியவர் தேவ்பந்தி வஹாபி பிர்காவின் ஆகப் பெரிய அறிஞர் மவ்லானா முனாஸிர் அஹ்ஸன் கீலானி .

தமது ஸ்தாபகருக்கு செய்யும் மரியாதையாக தாருல் உலூம் தேவ்பந்தின் மூலமே இந்த நூல் வெளியிடப்பட்டது .தேவ்பந்தின் முதல்வரும் ,காஸிம் நாணோத்வியின் பேரருமான காரி தைய்யப் தமது பெயர் , இந்த நூலில் பதிப்பகத்தார் என்று வருவதை தமது பெரும் பேறாக கருதினார் .

ஸவானெஹ் காஸிமி

மவ்லானா முனாஸிர் அஹ்ஸன் கீலானி,மற்றோரு தேவபந்த் அறிஞர் மவ்லானா மஹ்மூதுல் ஹசன் அவர்களின்   மூலமாக ஒரு நிகழ்வை விவரிக்கிறார் ,

" மவ்லானா மஹ்மூதுல் ஹசன் தேவ்பந்தில் ஓதி கல்வி பயின்று பஞ்சாப் மாகாணம் நோக்கி பயணித்த ஒரு இளம் மவ்லானாவைப் பற்றி சொல்கிறார்

அந்த சிறிய ஊரின் மக்கள் தங்கள் மஸ்ஜிதின் இமாமாக இளம் மவ்லானாவை நியமித்தனர் . அவ்வூர் வாசிகள் வெகு விரைவில் இளம் மவ்லனாவிடம் நன்கு பழகினர் . சில மாதங்கள் கழித்து அவ்வூருக்கு மற்றோரு மவ்லானா  வந்து ,மார்க்க கல்வி விளக்கம் கொடுத்து ,பயான்கள் செய்ய ஆரம்பித்தார் . அவ்வூர் மக்கள் சிலர் புதிய மவ்லானாவின் பயான்களால் ஈர்க்கப்பட்டனர் . புதிய மவ்லானா அவ்வூர் பள்ளியின் இமாம் பற்றி விசாரிக்க ,அவரிடம் தேவ்பந்த்தில் இருந்து வந்த    இளம் மவ்லானா பற்றி சொல்லப்பட்டது .

தேவ்பந்த் மதரஸா பேரைக் கேட்டதுமே ,புதிதாக வந்த மவ்லானா மிகவும் கோபம் அடைந்தவராக ,இவ்வளவு காலம் தேவ்பந்தி  இமாமின் பின் நின்று தொழுத தொழுகை செல்லாது என்று பத்வா வழங்கினார் .

அவ்வூர்வாசிகள் தாங்கள் இவ்வளவு காலம் தேவ்பந்தின் இமாமிற்கு வீணாக சம்பளமும் வழங்கி தங்கள் தொழுகையையும் வீணாக்கி விட்டோமே என்ற மன சஞ்சலம் உண்டானது .அவர்களில் ஒரு மனிதர் தேவ்பந்தின் இளம் மவ்லானாவை அணுகி 'ஒன்று நீங்கள் இந்த புதிய மவ்லானாவிற்கு மறுப்புரை வழங்குகள் அல்லது நாங்கள் என்ன செய்ய வேண்டும் என்று முடிவு செய்யுங்கள் ' என்றார் .

இளம் தேவ்பந்தி மவ்லானா மிக பதற்றமடைந்தார் . தமது குறைவான அறிவின் காரணமாக ,புதிய மவ்லானா தம்மிடம் கலாம் ,தஸவ்வுப் பற்றி நீண்ட பயான்கள் மூலம் விளக்கம் அளித்தால் , தமது இந்த இமாமத் வேலை போய் விடும் என்று எண்ணினார் .இதையெல்லாம் எண்ணி பயந்தாலும் விவாதத்திற்கு ஒப்புக் கொண்டார் .

விவாதத்திற்கான இடம் ,நாள் ,நேரம் குறிக்கப்பட்டது . குறிப்பிட்ட நாளில் புதிய மவ்லானா கம்பீரமாக தலைப்பாகை அணிந்தவராக எண்ணற்ற நூற்களுடனும் ,தமது ஆதரவாளர்களுடனும் வந்தார் . ஆனால் இந்த பாவப்பட்ட தேவ்பந்தி மவ்லனாவோ  சோர்வான முகத்துடன் ,நடுங்கிய குரலில் ,மிகவும் பயத்துடன் அல்லாஹ் அல்லாஹ் என்றவாறு வந்தார் .

அந்த இளம் தேவ்பந்தி மவ்லானா , விவாதம் ஆரம்பமாகும் முன் ,முன்பின் அறியாத ஒரு நபர் அவர் அருகில் வந்து அமர்ந்து ,'ஆம் ,உரையைத் துவக்குங்கள் .பயப்படத் தேவையில்லை ' என்றார் . இந்த உத்தரவாதம் வந்தவுடன் தேவ்பந்தி மவ்லவி சற்று ஆறுதலும் ,மன வலிமையையும் பெற்றார் .

இளம் தேவ்பந்தி மவ்லானா அதன் பின் நாவில் இருந்து வந்த சொற்கள் என்னவென்றே தாம் அறியவில்லை என்கிறார் . ஆரம்பத்தில் புதிய மவுலானா சில பதில் அளிக்க முற்பட்டாலும் ,இளம் தேவ்பந்தி மவ்லானா அவரைப் பார்த்த பொழுது ,அந்த புதிய மவ்லானா எழுந்து நின்று அவர் காலடியில் தலையை வைத்து ,தலைப்பாகை சிதறி ,'நீங்கள் இவ்வளவு பெரிய மேதை என்று அறியாமல் பொய் விட்டது . அல்லாஹ்வுக்காக என்னை மன்னித்து விடுங்கள் .நீங்கள் கூறியது அனைத்தும் உண்மை .நான் தவறான வழியில் இருந்தேன் ' என்று அழுது புலம்பினார் .

அங்கு நடைபெற்ற அந்த காட்சி விவாதம் ஆரம்பிக்கும் முன் நடந்தவற்றிக்கு முற்றிலும் நேர்மாறானது . இளம் தேவ்பந்தி உலமா தமக்கு உதவ வந்த நபர் அதன்பின் காணாமல் மறைந்து விட்டார் என்கிறார் ."

[நூல் - ஸவானெஹ் காஸிமி ,பாகம் 1, பக்கம் 330-331 ]

இந்த கதையை விவரித்த பின் மவ்லானா முனாஸிர் அஹ்ஸன் கீலானி அந்த திடீர் நபர் பற்றிய பரம இரகசியத்தை உடைக்கிறார் .அவர் வேறு யாருமல்ல மண்ணோடு மண்ணாக மரணித்து மக்கிப் போன தேவ்பந்தின் ஸ்தாபகர் மவ்லவி காஸிம் நாணோத்வி .

மேற்கூறிய சம்பவத்தின் ஆய்வு :-

முதலாவதாக , தேவ்பந்தியாக்கள் எத்துணை முழுமனதுடன் மவ்லவி காஸிம் நாணோத்வியின் இல்முல் கைப் (மறைவான ஞானம் ) பற்றி ஒப்புக்கொள்கின்றனர் என்பதைப் பாருங்கள் . எந்தளவுக்கு என்றால் குறிப்பிட்ட இளம் தேவ்பந்தி மவ்லானா தடுமாறுகிறார் ,அவருக்கு இந்த இடத்தில், இன்ன நேரத்தில் உதவி தேவைப்படுகின்றது என்ற அளவுக்கு மறைவான ஞானம் . உடன் காஸிம் நாணோத்வி அவரை நோக்கி ஓடோடி உதவ செல்கின்றார் .

இரண்டாவதாக , காஸிம் நாணோத்வி தனது கபூரை விட்டு வெளியேறவும் ,விரும்பும் இடத்திற்கு செல்லவும் முடியும் என்று ஏற்றுக்கொள்ளப்பட்டுள்ளது .

மூன்றாவதாக , தேவ்பந்தி உலமாக்கள் தமது மரணத்திற்குப் பின் வந்து தமது ஆதரவாளர்களுக்கு உதவ இயலும் ,எனினும் நபிமார்கள் மற்றும் வலிமார்களை பொறுத்த மட்டில் அவ்வாறு ஒப்புக்கொள்ள இயலாது .

இந்த சம்பவத்தை விவரித்த பின் மவ்லானா  முனாஸிர் அஹ்ஸன் கீலானிக்கு திடீரென வந்த ஞானோதயம் ,தேவ்பந்தியாக்களின் வஹாபிய கொள்கைப் படி ,இவ்வாறான நம்பிக்கையை ஏற்றுக் கொள்வது கிடையாது . மாறாக இத்தகைய கொள்கையை 'முஷ்ரிக்கான கொள்கை ' என்று கூறித்தான் பழக்கம் . ஆக இந்த கதையை எவ்வாறு மக்கள் ஏற்றுக் கொள்ளும் வகையில் ஜோடிப்பது ? என்பதுதான் .

எனவே இத்தகைய கற்பனைக் கதையை தன்னிடம் கூறிய மவுலானா மஹ்முதுல் ஹசனின் கூற்றை ஒதுக்கித் தள்ளாமல் , தமது முன்னோடியின் அற்புத சக்தியை நிரூபணம் செய்ய தமது தேவ்பந்தி கொள்கையை  குழி தோண்டி புதைத்து விட்டார் .

இஸ்லாமிய பல்வேறு பிரிவுகளின் வரலாற்றையும் ஆராய்வோமானால் ,தேவ்பந்திகளைப் போல் தமது கொள்கையையே காவு கொடுத்த ஒரு வெட்கம் கேட்ட பிர்கா இருக்காது . இந்த அற்புத சம்பவத்தை கூறிய பின்னர் மவ்லானா  முனாஸிர் அஹ்ஸன் கீலானி அதற்கு ஒரு விளக்கவுரையும் எழுதியுள்ளார் . உங்களில் ஒரு சிலர் அதை படித்து அதிர்ச்சியும் அடையக் கூடும் !

விளக்கவுரை மொழிபெயர்ப்பு :

மரணித்த நல் அடியார்களின் ரூஹ் மூலம் உதவி உதவி தேடுதல் (இம்தாத் ) விஷயமாக தேவ்பந்தின் உலமாக்களுடைய நம்பிக்கையானது ,அஹ்லுஸ் ஸுன்னத் வல் ஜமாத்தின் நம்பிக்கை போன்றதே . இன்னும் ,அல்லாஹ்வே தன்னுடைய திருமறையில் வானவர்கள் மனிதர்களுக்கு உதவுவதாகக் கூறியுள்ளான் . பல ஸஹீஹ் ஹதீதுகளில் மிஃராஜ் சம்பவம் குறித்த அறிவிப்புகளில் நாயகம் صَلَّى اللّٰهُ عَلَيْهِ وَسَلَّمَ அவர்களுக்கு ஹழ்ரத் மூஸா عَلَيْهَا ٱلسَّلامُ அவர்கள் தொழுகையின் எண்ணிக்கை குறித்த விஷயங்களில் உதவியதாகவும் , நாயகம்  صَلَّى اللّٰهُ عَلَيْهِ وَسَلَّمَ அவர்கள் ஏனைய நபிமார்கள் பலரை சந்தித்ததாகவும்  , நன்மாராயம் பெற்றதாகவும் உள்ளது . எனவே இத்தகைய புண்ணிய ஆத்மாக்கள் அல்லாஹ்வால் துயரில் இருக்கும் முஸ்லிகளுக்கு உதவ தேர்ந்தெடுக்கப்பட்டுள்ளதென்றால் ,இதனை குரானின் எந்த ஆயத் அல்லது ஹதீத் மறுக்கின்றது ?

[நூல்- ஸவானெஹ் காஸிமி ,பாகம் 1, பக்கம் 332,சிவப்பு அடிக்கோடு ]

ஸுப்ஹானல்லாஹ் ! இது தானே சத்தியம் ! மரணித்த நல்லடியார்களின் ஆன்மாவைக் கொண்டு உதவி தேடுதல் சம்பந்தமாக அஹ்லுஸ் ஸுன்னத் வல் ஜமாத்தினர் எத்தகைய கேள்விகளைக் கேட்டோமோ ,அதையே தேவ்பந்தியாக்கள் தங்களை நோக்கிக் கேட்கின்றனர் . இதை குப்ர் ,ஷிர்க் என்று இவ்வளவு காலம் பிதற்றி வந்த தேவ்பந்தியாக்கள் பதில் அளிக்க வேண்டும் . இந்த விளக்கவுரையில்      மவ்லானா  முனாஸிர் அஹ்ஸன் கீலானி இது தான்   அஹ்லுஸ் ஸுன்னத் வல் ஜமாத்தின் கொள்கை என்று ஒப்புக் கொள்கிறார் .

ஆனால் அந்தோ பரிதாபம் மவ்லானா முனாஸிர் ,தமது முன்னோடி அஷ்ரப் அலி தான்வி ,தமது நூல் ஹிப்ளுள் ஈமான் ,பக்கம் 7ல் “பெருமானார் முஹம்மது صَلَّى اللّٰهُ عَلَيْهِ وَسَلَّمَ   அவர்களுக்கு அல்லாஹ்விடமிருந்து அளிக்கப்பட்ட மறைவான ஞானம் விலங்குகள், பைத்தியக்காரர்கள் மற்றும் குழந்தைகளுக்கும் உள்ளது போன்றே மேலும் அதற்கு சமமானதே “ என்று எழுதியுள்ளதை மறந்து விட்டார் .

இன்னும் மவ்லவி ரஷீத் அஹ்மத் "எவரொருவர் நாயகம் صَلَّى اللّٰهُ عَلَيْهِ وَسَلَّمَ   அவர்களுக்கு மறைவான ஞானம் அளிக்கப்பட்டது என்று கூறுவாரோ அவர் முஷ்ரிக் " என்று பத்வா வழங்கியதையும் மறந்து விட்டார் .

இனி அந்த கதைக்கு வருவோம் .

தொடர்ந்து அளிக்கும் விளக்கத்தில் ,

" இன்னும் தெளிவான உண்மை என்னவென்றால் , உலகில் எந்த வகையிலும் உதவி பெறும் ஒரு மனிதன் , அல்லாஹுதாலா தான் இந்த உதவியை தனது படைப்புகள் மூலம் அளிக்கின்றான் . உதாரணமாக வெளிச்சம் அளிக்கும் சூரியன் , பால் வழங்கும் பசு ,எருது போன்றவை . இது தான் சத்தியமான விளக்கம் ,இதை எவ்வாறு ஒருவர் மறுக்க இயலும் ? "

இன்னும் தமது இறுதியான விளக்கம் அளிக்கும் நோக்கில் ,மவ்லானா முனாஸிர் எழுதுகிறார் ,

"நாங்கள் இறந்த நல்லடியார்களின் ஆன்மாக்களிடத்தில் உதவி தேடுவதை மறுப்பவர்கள் அல்ல "
உர்து : புசுற்கோ கீ அர்வாஹ் சே மதத் லேனே கே ஹம் முன்கிர் நஹீ ஹைன்

[நூல்- ஸவானெஹ் காஸிமி ,பாகம் 1, பக்கம் 332,பச்சை அடிக்கோடு ]

மவ்லானா முனாஸிர் அஹ்மத் தமது முன்னோடி கலீல் அஹ்மத் அம்பேட்வி எழுதிய 'பராஹீனே காத்தியா ' நூலை தமது ஆயுளில் படித்ததே இல்லை போலும் . அதில் கலீல் அஹ்மத் " மலக்குல் மவ்த்தும் ,ஷைத்தானுக்கு உள்ள இல்முல் கைப் குர்ஆன் ,ஹதீத் கொண்டு ஆதாரப்பூர்வமாக நிரூபிக்கப்பட்டது ,  எனினும் நாயகம் صَلَّى اللّٰهُ عَلَيْهِ وَسَلَّمَ   அவர்களுக்கு அவ்விதமான ஆதாரங்கள் இல்லை என்றும் ,யாராகிலும் நாயகம் صَلَّى اللّٰهُ عَلَيْهِ وَسَلَّمَ   அவர்களுக்கு இல்முல் கைப் உண்டென்று நம்பினால் அவன் ஷிர்க்கில் உள்ளான் " என்று கூறியுள்ளதை பார்க்க வில்லை போலும் .

உங்கள் கண்களுக்கு புலனாகின்றதா ? மவ்லவி காஸிம் நாணோத்வியின் அமானுஷ்ய சக்தி கேள்விக்கு உள்ளாக்கப்படும் பொழுது ,குர்ஆன் ஹதீத் உடைய எல்லா ஆதாரங்களும் கொண்டு வரப்படுகின்றது . காசிம் நாணோத்வி மனித அற்புதர் என்று நிரூபணம் செய்ய , எல்லாவிதமான தர்க்கங்களும் ,உதாரணங்களும் உபயோகப்படுத்தப்படுகின்றன , மவ்லவி காசிம் நாணோத்வியின் உயர் அந்தஸ்தை நிரூபிக்க !

ஆனால் ,கைசேதம் ! படைப்பினங்களில் சிறந்த ,அல்லாஹ்வின் ஹபீப் , கத்மே நுபுவ்வத் நம் உயிரினும் மேலான கண்மணி நாயகம்
صَلَّى اللّٰهُ عَلَيْهِ وَسَلَّمَ அவர்கள் நிந்தனை செய்யப்படும் பொழுது இவர்கள் ஒருவரும் முன்வரவில்லை !

உங்களின் முன்னோடிகள் தொழுகையில் பெருமானார் صَلَّى اللّٰهُ عَلَيْهِ وَسَلَّمَ அவர்களின் நினைவு வருவது எருமை ,கழுதையின் நினைவில் மூழ்குவதை விட மோசமானது என்று எழுதிய போது எங்கே போனது குர்ஆனு,ஹதீத் உடைய  இந்த வசனங்கள் ,உதாரணங்கள் ???

உங்களுடைய முன்னோடிகள் கண்மணி நாயகம் صَلَّى اللّٰهُ عَلَيْهِ وَسَلَّمَ அவர்களின் இல்முல் கைபை விலங்கினங்களுக்கும் , பைத்தியக்காரர்களுக்கும் ஒப்பிட்ட பொழுது எங்கே சென்றது மிஹ்ராஜ் உடைய ஹதீத் ???

அப்பொழுது ஏன் உங்களில் ஒருவரும்
நாயகம் صَلَّى اللّٰهُ عَلَيْهِ وَسَلَّمَ அவர்களின் இல்முல் கைப் அல்லாஹ்வினால் வழங்கப்பட்டது , அல்லாஹ் தனது ஹபீப் முஸ்தபா  صَلَّى اللّٰهُ عَلَيْهِ وَسَلَّمَ அவர்களுக்கு தனது நாட்டத்தினால் மறைவான ஞானங்களை அளிக்கிறான் என்று ஏன் கூறவில்லை ???

இதன் பதில் வெட்ட வெளிச்சமானது . நாம் யாரை நேசிக்கின்றோமோ ,எதை உண்மை என்று நம்புகின்றோமோ அதற்கு ஆதரவளிப்போம் . மவ்லவி காசிம் நாணோத்வியின் அந்தஸ்து கேள்விக்குறி ஆகும் பொழுது , காசிம் நாணோத்வி தனது மண்ணறையில் இருந்து வெளிவந்து ,நடந்து ,தமது விருப்பத்தின் பேரில் அமர்ந்து எல்லாம் எப்படி ? என்ற கேள்வி எழும் போது "அல்லாஹ் தான் நாடிய ஆன்மாக்களுக்கு பிறருக்கு உதவும் ஆற்றல் அளித்தான் " என்று சொல்லப்பட்டது .

தமது மாணவர் கஷ்டத்தில் இருப்பது கபூரில் இருக்கும் காசிம் நாணோத்விக்கு எவ்வாறு தெரியும் என்பதற்கு "அல்லாஹ் இந்த ஞானத்தை வழங்கினான் " என்று சொல்லப்பட்டது .

ஆனால் மனவருத்தம் அளிக்கும் விடயம் என்னவென்றால் , சிலர் கண்மணி நாயகம் صَلَّى اللّٰهُ عَلَيْهِ وَسَلَّمَ அவர்களை நிந்தனை செய்த ,செய்கின்றவர்களை மறுப்பதே இல்லை . எந்த தேவ்பந்தி தப்லீகியிடமும் என்று நாயகம்   صَلَّى اللّٰهُ عَلَيْهِ وَسَلَّمَ அவர்களுக்கு மறைவான ஞானம் உண்டா ? என்று கேளுங்கள் , உங்களிடம் வழங்கப்படும் பதில் ' நாயகம்   صَلَّى اللّٰهُ عَلَيْهِ وَسَلَّمَ அவர்கள் படைப்பினங்களிலேயே அதிக ஞானம் வழங்கப்பட்டவர்கள் ' என்று .
கண்மணி நாயகம்  صَلَّى اللّٰهُ عَلَيْهِ وَسَلَّمَ அவர்கள் அல்லாஹ்வினால் மறைவான ஞானம் வழங்கப்படடவர்கள் என்ற பதில் வராது .

அவர்கள் இன்று வரை இல்முல் கைப் விடயமாக குர்ஆனின் தெளிவான விளக்கங்களை ஏற்பதில்லை ,  ஆனால் , 'அல்லாஹ் காசிம் நானோத்வியிடம் ,நீர் இந்த கிராமத்திற்குச் சென்று உங்களது மாணவருக்கு உதவுங்கள் ' என்று கூறப்பட்டுள்ளதை மனமுவந்து ஏற்பார்கள் .

தேவ்பந்தி தப்லீகி வஹாபிகளின் முத்த முதல் முன்னோடி இஸ்மாயில் திஹ்லெவி தனது நூல் 'தக்வியத்துள் ஈமானில் ' எழுதியுள்ளதை இங்கு எடுத்துக் காட்டுவது சாலத் தகும் .

  “கருமங்களை பூர்த்தியாக்குவது ,சிரமங்களை நீக்குவது, ஆபத்து நேரங்களில் உதவி வழங்குவது,இவை அனைத்தும் அல்லாஹ்வுக்கே மட்டுமே உரியன, மேலும் எந்த நபியும்,வலியும் ,ஷைகுமார்களும்,ஷஹீதும்,ஜின்னும்,மலக்கும் எந்தவிதமான உதவியும் செய்ய இயலாது. யாரேனும் ஒருவர் அவர்களின் மீது சபதம் செய்தாலோ அல்லது ஆபத்து நேரங்களிலும் அவர்களை நினைவில் கொண்டாலோ, அவர் ஒரு முஷ்ரிக் ஆவார்.அவர்களது நம்பிக்கை எதுவாக இருந்தாலும்,இவர்கள் சூயமாக சக்தியுடையவர்கள் என்றாலும் சரி,அல்லது இவர்கள் அல்லாஹ்வினால் சக்தி வழங்கப்பட்டு உதவுகிறார்கள் என்றாலும் ,எந்த நிலையிலும் இது ஷிர்க் “
[தக்வியதுல் ஈமான்,பக்கம் 10 ,தில்லி பதிப்பு ]

தேவ்பந்தி தப்லீகி வஹாபிகள் இனி இஸ்மாயில் திஹ்லவியின் நம்பிக்கை தவறென்று அதிகாரப்பூர்வமாக சொல்ல வேண்டும் ,இல்லை என்றால் காசிம் நாணோத்வியின் சம்பவம் ஷிர்க் என்று தீர்ப்பளிக்க வேண்டும் ! உண்மையை உரைப்பார்களா அல்லது வழக்கம் போல் தங்களது முனாபிக் தனத்தை வெளிக்காட்டுவார்களா ???

முதன்முதலாக தக்பீர் (تكفير‎‎ ) செய்தது யார் ?

2017-11-16T19:52:00.000-08:00

நவீன கால தேவ்பந்தி வஹாபிகளின் மற்றோரு மோசடிப் பிரச்சாரம் , இமாம் அஹ்மத் ரிழா கான் காதிரி பரேலி رضي الله عنه அவர்கள் தான் பரேலி உலமாக்கள் ,தேவ்பந்தி உலமாக்களிடையே பிரிவினை உண்டாக முதல் காரணம் என்று கூறி பொய் பிரச்சாரம் செய்வது . அறியாமையை தனது குணமாகக் கொண்ட முட்டாளை அன்றி வேறு யாரும் இவ்வாறு பிதற்றித் திரிவதில்லை .

இந்த பொய் பிரச்சாரத்தின் உண்மை தன்மை என்னவென்று ஆய்வு செய்வோம் :

இஸ்மாயில் திஹ்லவி முஸ்லிகளால் பால்கோட்டில் , கொல்லப்பட்டது 1831 ஆம் ஆண்டு . மாறாக இமாம் அஹ்மத் ரிழா கான் பரேலி رضي الله عنه அவர்கள் பிறந்தது 1856 ஆம் ஆண்டு , சுமார் 25 ஆண்டுகள் கழித்து .

இனி 'பிரிவினையின் மூல காரணம் யார் ? ' என்ற கேள்விக்கு விடை அளிக்கும் விதமாக , இஸ்மாயில் திஹ்லவி தனது நூலான 'தக்வியத்துள் ஈமான் ' பற்றி அளித்த ஒப்புதல் வாக்குமூலத்தை காண்போம் . இன்றளவும் தேவ்பந்தி வஹாபிகளால் அச்சிடப்படும் நூல் . அவர்களால் ஐனுல் இஸ்லாம் என்று கொண்டாடப்படும் நூல் 'தக்வியத்துள் ஈமான் '.

தக்வியத்துள் ஈமான்

இந்த வாக்குமூலத்தை தேவ்பந்தி வஹாபி பிர்காவின் ஹக்கீமுல் உம்மத் அஷ்ரப் அலி தானவி தமது நூலான 'ஹிகாயத்துள் அவ்லியா ' வில் பதிவு செய்துள்ளார் .

ஹிகாயத்துள் அவ்லியா

பக்கம் 83

பக்கம் 84

" உபகதை  59 :   கான் ஸாஹிப் கூறினார்கள் மவ்லவி இஸ்மாயில் திஹ்லவி , தக்வியத்துள் ஈமான் நூலை அரபியில் எழுதினார்கள் . அதனால் அதன் ஒரு பிரதி என்னிடமும் ,மற்றோரு பிரதி மவ்லவி ரஷீத் அஹமத் கங்கோஹியிடமும் ,மற்றுமொன்று பிரதி மவ்லவி நஸ்ருல்லாஹ் கான் குஜருவியின் நூலகத்திலும் இருந்தது . எனவே மவ்லனா அதை உர்துவில் மொழிபெயர்த்து , புகழ்பெற்ற ஆளுமைகளான செய்யத் மவ்லவி அப்துல் ஹை சாஹிப் , ஷாஹ் இஷ்ஹாக் சாஹிப் , மவ்லானா முஹம்மது யாகூப் சாஹிப் ,மவ்லவி பரீதுத்தீன் சாஹிப் முராதாபாதி ,முஃமீன் கான் மற்றும் அப்துல்லாஹ் கான் அலவி ஆகியோரை   ஒன்று திரட்டினார் .

அவர்கள் முன் தக்வியத்துள் ஈமான் சமர்ப்பிக்கப்பட்டது . அவர் கூறினார் ,' நான் இந்த நூலை எழுதியுள்ளேன் . இன்னும் இதில் சில இடங்களில் சிந்தனையற்ற வார்த்தைகள் சேர்த்துள்ளதை அறிவேன் . சில இடங்கள் கொடுமையானவை ,உதாரணமாக ,ஷிர்க் ஏ காஃபி என்று சொல்லப்படுபவை ஷிர்க் ஏ ஜலீல் என்று பெயரிடப்பட்டுள்ளது . இதன் காரணமாக எனக்கு உண்டாகும் பயம் என்னவென்றால் இந்த நூல் பதிப்பிக்கப்பட்டால் நிச்சயமாக குழப்பமும் ,அமளிகளும் உண்டாகும் .

நான் இங்கு தங்கினேன் என்றால் ,இதைபற்றி எட்டுஅல்லது பத்து வருடங்களுக்கு விளக்கம் அளிப்பேன் , எனினும் நான் இப்பொழுது ஹஜ் செய்ய நாடியுள்ளேன் , திரும்பிய பின்னர் ஜிஹாத் செய்வதே எனது நோக்கம் . எனவே என்னை இந்த வேலையை விட்டும் தவிர்க்கின்றேன் , என்னும் என்னைத் தவிர வேறு யாரும் இந்த முயற்சியை செய்ய முன் வரமாட்டார்கள் . எனவே தான் இந்த நூலை எழுதியுள்ளேன் , பிரச்சனைகள் உண்டாகும் எனினும் ஒருவருக்கொருவர் சண்டையிட்டுக் கொண்ட பின் சில காலத்தில் அமைதியாகி விடுவார்கள் என்று நம்புகிறேன் .

இதுவே எனது கவலை . நீங்கள் விரும்பினால் இதை பதிப்பித்து வெளியிடுவோம் அல்லது அளித்து விடுவோம் . அப்பொழுது கூடி இருந்தவர்களில் ஒருவர் சில இடங்களில் திருத்தம் செய்து வெளியிடுவோம் என்றார் . மவ்லவி அப்துல் ஹை சாஹிப் , ஷாஹ் இஷ்ஹாக் சாஹிப் ,முஃமீன் கான் மற்றும் அப்துல்லாஹ் கான் அலவி ஆகியோர் திருத்தம் செய்து தொகுத்து வெளியிடுவதற்கு எதிர்ப்பு தெரிவித்தனர் .

அதன் பின்னர் அனைவரும் ஒன்று கூடி பேச்சுவார்த்தை நடத்தி , திருத்தம் செய்வது தேவை இல்லை , நூல் அதன் மூல வடிவிலேயே வெளியிட வேண்டும் என்று முடிவு செய்து , அதன் பின்னர்  அது இவ்வாறு பதிப்பிக்கப்பட்டது . நூல் வெளியான பின் மவ்லவி இஸ்மாயில் ஹஜ்ஜுக்கு சென்று , திரும்பி வந்ததும் தில்லியில் தங்கினார் . இந்த காலத்தில் தில்லியின் தெருக்களிலும் ,சந்துகளில் மவ்லவி இஸ்மாயில் பிரச்சாரம் செய்தார் . மவ்லவி அப்துல் ஹை சாஹிப் பள்ளியில் ஆறு மாத காலம் தங்கிய பின் ஜிஹாதுக்கு கிளம்பினார் . இந்த செய்தியை நான் மவ்லவி அப்துல் கைய்யும் சாஹிப் மற்றும் எனது ஆசிரியர் மியாஜி முகம்மதி சாஹிப் அவர்களிடமும் இருந்து கேட்டறிந்தேன் "

[ நூல்- ஹிகாயத்துள் அவ்லியா (அர்வாஹே தலாதா  ) , உபகதை எண் 59, அஷ்ரப் அலி தானவி , ஜக்கரிய்யா புத்தக நிலையம் , தேவ்பந்த் , ஸஹரான்பூர் , உ .பி ,இந்தியா , பக்கம் 83-84 ]

   எந்த அறிவார்ந்த முஸ்லிம் இஸ்லாமியரிடையே குழப்பத்தை உண்டாக்கும் புத்தகத்தை முன்னரே கணித்து எழுதுவார் ?

இது எந்த மாதிரியான ஒரு இதயம் , இஸ்லாமியரிடையே சகோதரத்துவத்தையும் ,நலனையும் காட்டிலும் குழப்பமும் ,அமளிகளும் உண்டாக விரும்புவது ?

பளிங்கு கண்ணாடி போல் விளங்கும் விஷயம் இஸ்லாமியரிடையே முதன் முதலில் உண்டான பிரிவினையின் மூல கர்த்தா ,வேண்டுமென்றே கடுமையான சொற்களும் ,வழிகெட்ட கொள்கைகளும் கொண்ட இஸ்மாயில் திஹ்லவியின்  'தக்வியத்துள் ஈமான் ' என்னும் நூல் .

நாற்பெரும் பிக்ஹ் உடைய இமாம்களான இமாமுல் அஃலம் இமாம் அபூ ஹனீபா رضي الله عنه , இமாம் ஷாபிஈ رضي الله عنه , இமாம் மாலிக் رضي الله عنه , இமாம் ஹன்பல் رضي الله عنه    ஆகியோரை தக்லீத் செய்வதை மறுக்கும் கூட்டமான அஹ்லே ஹதீத் வஹாபிகளும் தம்முடைய முன்னோடிகளில் ஒருவராக ஏற்றுக் கொண்டுள்ளது இஸ்மாயில் திஹ்லவியை தான் .

இமாம் அஹ்மத் ரிழா கான் பரேலி காதிரி رضي الله عنه  அவர்கள் தமது காலத்தில் இஸ்மாயில் திஹ்லவியின் நூற்களை வாசித்து ,அதில் எழுபது குப்ரியத்தான விஷயங்களை பட்டியலிட்டு , அதற்கு மாற்றமான அஹ்லுஸ் ஸுன்னத் வல் ஜமாத்தின் கொள்கைகளை விளக்கினார்கள் .

எனினும் இஸ்மாயில் திஹ்லவியின் மீது குப்ர் பத்வா வெளியிடாததின் காரணம் , இஸ்மாயில் திஹ்லவி தமது இறுதி காலத்தில் தவ்பா செய்தார் என்று ஒரு கூற்று காரணமாக , இஸ்மாயில் திஹ்லவிக்கு சந்தேகத்தின் பலனை அளித்தார் .

ஒரு சாதாரண சொல் , இமாம் அஹ்மத் ரிழா கான் பரேலி  رضي الله عنه  அவர்கள் எவ்வளவு விசாலமான பார்வை கொண்டவர்களாக இருந்தார்கள் என்று விளக்கும் பொழுது , யார் தான் அன்னார் மார்க்கத் தீர்ப்பு அளிக்கும் போது தயங்கினார்கள் என்று கூற முடியும் ?

இந்திய வஹாபியிசத்தின் தந்தை

2017-11-14T20:44:00.002-08:00

இந்திய துணைக்கண்டத்தில் வஹாபியிசத்தின் நிறுவனர் இஸ்மாயில் திஹ்லவி(1193-1246 ஹிஜ்ரி / 1779-1831 ) . இவர் துரதிருஷ்டவசமாக அக்காலத்தில் புகழும் ,பேறும் பெற்று விளங்கிய இமாமுல் ஹிந்த் ஷாஹ் வலியுல்லாஹ் முஹத்தித் திஹ்லவி رضي الله عنها அவர்களின் குடும்பத்தைச் சார்ந்தவர் .

இஸ்மாயில் திஹ்லவி(1193-1246 ஹிஜ்ரி / 1779-1831 ) ==> அவரது தந்தை ஷாஹ் அப்துல் கனி திஹ்லவி (மறைவு 1203 ஹிஜ்ரி / 1788) அவர்கள் ==> அன்னாரது தந்தை இமாமுல் ஹிந்த் ஷாஹ் வலியுல்லாஹ் முஹத்தித் திஹ்லவி رضي الله عنها அவர்கள்

பால்கோட் நகரிலுள்ள இஸ்மாயில் திஹ்லவியின் சபிக்கப்பட்ட கபர்

இவர் தமது காலத்தில் அரபகத்திற்குச் சென்று ,இப்னு அப்துல் வஹாப் நஜ்தியின் நூலான 'கிதாபுத் தவ்ஹீத் ' நூலை வாசித்து ,அதன் பால் ஈர்க்கப்பட்டு அதை உர்துவில் மொழிபெயர்த்து , தமது எண்ணங்களையும் உள்ளடக்கி 'தக்வியத்துள் ஈமான் ' என்று வெளியிட்டார் .

சவூதி தாருஸ் ஸலாம் பதிப்பகம் வெளியிட்ட கிதாபுத் தவ்ஹீத் - தக்வியத்துள் ஈமான் உர்து பதிப்பு ,வஹாபிய சகோதர பாசம் !

இந்த புத்தகம் இந்திய -பாக் துணைக்கண்டத்தில் இதற்கு முன்னர் எந்தவொரு வழிகெட்ட இயக்கமும் செய்ய இயலாத வண்ணம் இஸ்லாத்திற்கும் ,அஹ்லுஸ் ஸுன்னத் வல் ஜமாத்திற்கும் பெரும் கேட்டை விளைவித்தது .

நாடெங்கிலும் நடத்தப்பட்ட கண்மணி நாயகம் ﷺ அவர்களின் புகழ் பாடும் மவ்லிதுன் நபி மஜ்லிஸ்கள் , பித்அத் என்று அழைக்ப்பட்டன . வலிமார்களின் உரூஸ் நிகழ்வுகள் இஸ்லாத்திற்கு முரணானது என்று கூறப்பட்டன . வலிமார்களை நாடி ஜியாரத் செய்வதும் ,அவர்களிடம் உதவி தேடுவதும் குப்ர் என்று கூறினர் ,இன்னும் அப்துல் முஸ்தபா என்று பெயரிடுவதே ஷிர்க் என்றனர் . இந்த புத்தகம் தான் இந்திய -பாக் துணைக்கண்டத்தில் அஹ்லுஸ் ஸுன்னத் வல் ஜமாத்தினர் இடையே பிரிவினையை உண்டாக்கிய முதல் மற்றும் முன்னோடி நூல் .

பாமர இஸ்லாமியர் குழப்பத்தில் ஆழ்ந்தனர் . ஏனெனில் இந்த புத்தகம் மேற்கூறப்பட்ட அமல்களில் ஈடுபட்ட அவர்களையும் ,அவர்களின் முன்னோர்களையும் காபிர் என்றும் முஷ்ரிக் என்றும் கூறியது . ஒவ்வொரு வீட்டிலும் சண்டை,சச்சரவுகள் உண்டாயின . உறவினர்கள் ,குடும்பத்தினர் இடையே பிரச்சினைகள் வெடித்தன .

அஹ்லுஸ் ஸுன்னத் வல் ஜமாத்தின் உலமாக்கள் இஸ்மாயில் திஹ்லவியை தில்லி ஜும்மா மஸ்ஜிதில் விவாதத்திற்கு அழைத்தனர் . அங்கு இஸ்மாயில் திஹ்லவி வெட்கி தலைகுனியும்படியான தோல்வியை தழுவினான் .

இன்னும் பெஷாவர் நகரத்திற்கு அஹ்லுஸ் ஸுன்னத் வல் ஜமாத்தின் உலமாக்கள் இஸ்மாயில் திஹ்லவியை விவாதத்திற்கு அழைத்து ,அங்கும் தோல்வியை சந்தித்தான் .

இஸ்மாயில் திஹ்லவியின் சமகால உலமாக்களில் அவனின் வழிகெட்ட கொள்கையை எதிர்த்து விவாதித்தும் , நூற்கள் எழுதியும் ,பத்வாக்கள் வெளியிட்ட உலமாக்கள் சிலர்.இவர்களில் அவரது குடும்பத்தாரும் ,அவரது சிறிய தந்தை ஷாஹ் அப்துல் அஜீஸ் முஹத்தித் திஹ்லவியின் மாணவர்களும் அடங்குவர் .

அல்லாமா பஜ்லே ஹக் கைராபாதி (ஷாஹ் அப்துல் அஜீஸ் முஹத்தித் திஹ்லவியின் மாணவர் )
மவ்லானா ரஷீதுதீன் கான் திஹ்லவி
ஷாஹ் மக்ஸுசுல்லாஹ் திஹ்லவி (இஸ்மாயில் திஹ்லவியின் உடன்பிறவா சகோதரர் )
ஷெய்கு முஹம்மது மூஸா திஹ்லவி (இஸ்மாயில் திஹ்லவியின் உடன்பிறவா சகோதரர் )
ஷெய்கு முஹம்மது ஷரீப் திஹ்லவி
முப்தி ஷுஜாவுத்தீன் அலி கான்
அல்லாமா பஜ்லே ரஸூல் பதாயுனீ
முப்தி ஸத்ருத்தீன் திஹ்லவி
ஷெய்கு அஹ்மத் ஸயீத் முஜத்திதி ராம்பூரி
ஷெய்கு ஹைதர் அலி பைஜாபதி
மவ்லனா அப்துல் மஜீத் பதாயுனீ
ஷெய்கு அப்துல் கபூர் ஸ்வாதி
ஷெய்கு முஹம்மது சுலைமான் தஉன்ஸ்வி
ஷெய்கு ஆலே ரஸூல் மறெர்ஹவி (ஷாஹ் அப்துல் அஜீஸ் முஹத்தித் திஹ்லவியின் மாணவர் )
மவ்லானா துராப் அலி லக்னவி

1835ல் ,தக்வியத்துள் ஈமான் முழு புத்தகமும் ஆதி முதல் அந்தம் வரை மதராஸ் உலமாக்கள் முன் வாசிக்கப்பட்டு , முப்பது உலமாக்களும் பின்வரும் பத்வா வெளியிட்டனர் : " யாராகிலும் ஒரு நபர் இந்த நூலில் குறிப்பிட்டுள்ளது போல் கொள்கை உடையவனாய் இருந்தால் அவன் காபிர் ,இஸ்லாத்தை விட்டும் வெளியேறியவன் ."

மதராஸ் உலமாக்களின் பத்வாவுக்கு ஒப்புதல் அளித்து தில்லி உலமாக்களும் 'தக்வியத்துள் ஈமான் ' என்ற வழிகெட்ட நூலுக்கு எதிராக பத்வா வெளியிட்டனர் .

தில்லியின் வீதியெங்கும் , ' இந்த நூல் கண்மணி நாயகம் ﷺ அவர்களை கண்ணியக் குறைவுபடுத்துவதாலும் , வலிமார்களை கண்ணியக் குறைவுபடுத்துவதாலும் இந்த நூலை யாரும் வாசிக்க கூடாது என்றும் . இத்தகைய நூற்களை வாசிப்பது தடை செய்யப்பட்ட ஒன்றென ' அறிவிப்பு செய்யப்பட்டது .

உஸ்தாதுல் உலமா மவ்லானா முஹம்மது வஜ்ஹீ சாஹிப் அவர்கள் 'தக்வியத்துள் ஈமான் ' நூலுக்கு மறுப்பு தெரிவித்து 'நிஜாமுல் இஸ்லாம் ' என்று நூலை எழுதினார்கள் . இந்த நூலுக்கு கல்கத்தாவைச் சார்ந்த 22 உலமாக்கள் ஒப்புதல் அளித்தனர் .

வழிகெட்ட 'தக்வியத்துள் ஈமான்' நூலுக்கு மறுப்பாக எழுதப்பட்ட சில நூற்கள் :-

குல்ஜார் ஏ ஹிதாயத் - மதராஸ் முப்தி ,அல்லாமா முஹம்மது ஸிப்ஹதுல்லாஹ்

தஹ்கீக் உல் பத்வா பி இப்தலில் தக்வா - அல்லாமா பஜ்லே ஹக் கைராபாதி

ஹயாத்துன் நபி - ஷெய்கு முஹம்மது ஆபித் சிந்தி

தஹ்கீக் உஷ் ஷிர்க் வத் தவ்ஹீத் - ஹாபிஸ் முஹம்மது ஹசன்

ஸலாஹுல் முஃமினீன் பி காதில் காரிஜீன் -மவ்லானா லுப் உல்ஹக் காதிரி

ஹுஜ்ஜதுல் அமல் பி இஃப்த்தால் இல் ஹைல் - மவ்லானா மூஸா திஹ்லவி

ரஸ்முல் கைராத் - மவ்லானா கலீலுர் ரஹ்மான் முஸ்தபாபாதி

துஹ்பத் அல் முஸ்லிமீன் பி ஜஸ்சாபி செய்யதில் முர்சலீன் - மவ்லானா அப்துல்லாஹ் சஹ்ரான்புரி

தஹ்லீல் மா அஹல்லாஹு பி தபஸீர் வ மா அஹ்ல் பிஹி லி கைரில்லாஹ் - மவ்லானா கலீலுர் ரஹ்மான்

சபீப்ளுள் நிஜாஹ் இலா தஹஸீல் இல் பலாஹ் -மவ்லானா துராப் அலி லக்கனவி
சபீனத் உல் நிஜாத் - மவ்லானா முஹம்மது அஸ்லமீ மதராஸி

நிஜாமே இஸ்லாம் -மவ்லானா முஹம்மது வஹீதுதீன் கல்கத்தா

குவத் உல் ஈமான் - மவ்லானா கறாமத் அலி ஜஉன்புரி

அஹ்காக் உல் ஹக் - மவ்லானா செய்யத் பத்ருத்தீன் ரிஸ்வி ஹைதராபாதி

கைர் உஸ் ஸாத் லி யவ்ம் மில் மியாத் - மவ்லானா கைருத்தீன் மதராஸி

நேம் முள் இன்திபாஹ் லி ரப் இல் லிஸ்த்திபாஹ் - மவ்லானா முஅல்லிம் இப்ராஹீம் ,பாம்பே

ஹிதாயத்துள் முஸ்லிமீன் இலா தரீக் கில் ஹக் கில் யகீன் - காழி முஹம்மது ஹுசைன் கூபி

துஹ்பா ஏ முஹம்மதியா தர் ரத்தே வஹாபியா - மவ்லானா செய்யத் அப்துல் பத்தாஹ் முப்தி காதிரி குல்ஷனபாதி

சிராஜுல் ஹிதாயத் - மவ்லானா குல்ஷனாபாதி

இந்த உலமாக்களைத் தவிர மவ்லானா இனாயத் கான் , மவ்லானா ஷாஹ் ரவூப் அஹ்மத் , மவ்லானா ஷாஹ் அஹ்மத் ஸயீத் முஜத்திதி ஆகியோர் கடுமையாக எதிர்த்து ,அதன் பித்னாவை முடிவுக்கு கொண்டு வர முயற்சித்தனர் .

இறுதியாக இஸ்மாயில் திஹ்லவி,அவனது உஸ்தாத் செய்யித் அஹ்மத் ரேபரேலியுடன் ,அவர்கள் இருவரும் அஹ்லுஸ் ஸுன்னத் வல் ஜமாத்திற்கு மாற்றமான கொள்கை உடையவர்கள் என்று தெரிந்ததும் , அல்லாஹ்வையும்,கண்மணி நாயகம் ﷺ அவர்களை கண்ணியக் குறைவுபடுத்துபவர்கள் என்று தெரிந்ததாலும் , பால்கோட் நகர பதான் முஸ்லிம்களால்கொல்லப்பட்டனர் .

தேவபந்திகளும் , கைர் முகல்லித் வஹாபிகளும் அவர்கள் இருவரும் சீக்கியருக்கு எதிராக போரிட்டு மடிந்தனர் என்று கூறி வந்தாலும் , அதற்கு சரித்திர சான்றுகள் இல்லை .

கண்மணி நாயகம் ﷺ அவர்கள் கூறினார்கள் , 'பித்னா கொலையை விட கொடியது ' . இஸ்மாயில் திஹ்லவி மடிந்தாலும் , அவனின் மரபு தொடர்ந்தது . அவனின் தவறிய , வழிகெட்ட கொள்கைகள் பரவின .

இஸ்மாயில் திஹ்லவியின் மறைவுக்குப் பின் அவனது ஆதரவாளர்கள் இரு பிரிவாகப் பிரிந்தனர் . அவர்களில் ஒரு கூட்டத்தார் தாம் இமாம் அபூஹனீஃபா அவர்களை பின்பற்றுவோர் என்று கூறினார்கள் . இவர்கள் பின்னாட்களில் தேவ்பந்திகள் என்று அழைக்ப்பட்டனர் .

மற்றோரு கூட்டத்தார் இமாம்களின் தக்லீதை ஏற்க மறுத்து தம்மை அஹ்லே ஹதீத் என்று அழைத்துக் கொண்டனர் .

இந்தியாவில் வஹாபிய பித்னாவின் ஆரம்பம் - 6

2017-10-27T14:25:00.002-07:00

அஹ்லுஸ் ஸுன்னத் வல் ஜமாத்தின் உலமாக்கள் ஒருவரை காபிர் என்று மார்க்கத் தீர்ப்பு வழங்குவதற்கான விதிகளையும் ,நிபந்தனைகளையும் விவரித்துள்ளனர் .

* தகல்லும் - ஒரு குறிப்பிட்ட வாக்கியம் நிச்சயமாகச் சொல்லப்பட்டது .

* கலாம் - அவ்வகையான வாக்கியம் நிச்சயமாக குப்ரானது .

* முதகல்லிம் - அவ்வகையான வாக்கியம் நிச்சயமாக அந்த நபரால் சொல்லப்பட்டது .

மேற்குறிப்பிட்ட நிபந்தனைகளில் ,சிறிதளவும் சந்தேகத்திற்கிடமில்லாத பொழுது (அல்லது சொல்லப்பட்டது தவறாக புரிந்துகொள்ளப்பட்டது என்றில்லாத போது ) அல்லது சொல்லப்பட்டதின் பெயரில் தகுந்த விளக்கம் அளிக்காத பொழுது தான் குப்ருடைய தீர்ப்பு வழங்கப்படும் . இதுவே தான் செயல்களுக்கும் ,வார்த்தைகளுக்கும் (குப்ரின் அளவில் கொண்டு சேர்க்கக் கூடிய ) பொருந்தும் . இதை ஒரு எளிய உதாரணம் கொண்டு புரிந்து கொள்ள முடியும் .

தம்மை முஸ்லிம் என்று உரிமை கோரும் ஜைத் தின் மீது குப்ருடைய மார்க்கத் தீர்ப்பு எப்பொழுது வழங்கப்படும் என்றால் , ஜைத் மார்க்கத்தின் அடிப்படை நம்பிக்கைகளில் (ஜரூரியத் ஏ தீன் ) , தனது வார்த்தைகளின் மூலமோ ,செயல்களின் மூலமோ மறுத்தாலோ அல்லது மாற்றமாக நடந்தாலோ , இன்னும் அத்தகைய மறுப்பும் ,மாற்றமும்

* நிச்சயமாக நடந்துள்ளது .
* அத்தகைய செயல்களும் ,சொற்களும் நிச்சயமாக குப்ரானது .
* அத்தகைய செயல்களும் ,சொற்களும் நிச்சயமாக ஜைத் உடையவை தான் .

மேலே மூன்று அம்சங்களும் உறுதியாக நிரூபிக்கப்பட்டு, உறுதி செய்யப்படுகின்றன எனும் பொழுது தான் ,குப்ருடைய மார்க்கத் தீர்ப்பு ஜைத் தின் மீது வழங்கப்படும் .

தேவபந்த்தின் முன்னோடி உலமாக்கள்(அஷ்ரப் அலி தான்வி ,முஹம்மது காஸிம் நாணோத்வி ,கலீல் அஹ்மத் அம்பேத்வி ,ரஷீத் அஹ்மத் கங்கோஹி  ) மற்றும் அவர்களது கூற்றுகளின் மீது அஹ்லுஸ் ஸுன்னத் வல் ஜமாத்தின் உலமாக்களின் தெளிவான நிலைப்பாடு என்னவெனில்   : இந்த குப்ருடைய வாக்கியங்களைப் பற்றி முழமையான அறிவுள்ள நபர் , மற்றும் அதைப் பற்றி தெளிந்த புரிதல் கொண்ட பின்னும்  , இத்தகைய நபர்களை காபிர்கள் என்று நம்ப மறுத்தால் ,அவர் தாமே காபிராவார் .

அதாகிறது , இந்த விஷயம் தொடர்பான முழுமையான அறிவும், அவ்வாக்கியங்களைப் பற்றிய முழுமையான புரிதலும் இருத்தல் , இரண்டாவது நபரின்(தேவபந்த் முன்னோடிகளின் அபிமானி அல்லது அவர்களை ஏற்றுக் கொண்டவர் ) மீது குப்ருடைய தீர்ப்பு வழங்குவதற்கு தேவையான நிபந்தனையாகும் .

நபிகள் நாயகம் ﷺ  அவர்களின் காலத்தில் இருந்து தொடங்கி அன்னாரின் தோழர் பெருமக்களான சஹாபாக்கள் , மற்றும் அவர்களைப் பின்தொடர்ந்து வந்த பெருமக்களான தாபயீன்கள் , மற்றும் தப்ஸீர் ,ஹதீத் ,பிக்ஹ் ,தஸவ்வுப் , ஸீரா மற்றும் தாரீக் நூற்களில் ஆவணப்படுத்தப்பட்டுள்ளவையே அஹ்லுஸ் ஸுன்னத் வல் ஜமாத்தின் கொள்கை கோட்பாடுகளும் ,செயல்பாடுகளும் ஆகும் .

இந்திய துணைக்கண்டத்தைப் பொறுத்தவரை வட நாட்டில் பிறங்கி மஹால் ,லக்னோ ,கைராபாத் , பதாயூன் மற்றும் பரேலி உலமாக்களின் பேச்சுகளும் ,எழுத்தும் மேற்குறிப்பிட்ட இந்த நம்பிக்கையின் தொகுப்பிற்கு இணங்க உள்ளவை .

இத்தகைய உலமாக்கள்  தான் ,இஸ்லாமிய உலமாக்களின் உண்மையான வாரிசுகளான , ஷாஹ் அப்துல் ஹக் முஹத்திஸ் திஹ்லவி رضي الله عنها அவர்கள்(மறைவு -ஹிஜ்ரி 1052) ,சிராஜுல் ஹிந்த் ஷாஹ் அப்துல் அஜீஸ் முஹத்திஸ் திஹ்லவி رضي الله عنها அவர்கள் (மறைவு-ஹிஜ்ரி 1239) ஆகியோரின் போதனைகள் மற்றும் கருத்துக்களின் உண்மையான சார்பாளர்கள் .

அவர்கள் இஸ்லாமிய கோட்பாடுகளில் முரண்படுகின்ற புதிய யோசனைகளை அவர்கள் ஏற்கவோ அல்லது தணிக்கை செய்யவோ இல்லை . தங்களின் முன்னோடிகளால் முன்வைக்கப்பட்ட மற்றும் பிரசுரிக்கப்பட்ட கோட்பாட்டை அவர்கள் சிரத்தையோடு சமரசம் செய்யாமல்  கடைப்பிடிக்கிறார்கள். இதை ஒரு விலைமதிப்பற்ற பரிசாக கருதுவதுடன் , தங்களின் இரட்சிப்புக்கும் ,ஏனைய இஸ்லாமியரின் இரட்சிப்புக்கும் இதுவே பாதை என்று கருதுகின்றார்கள் .

இமாம் அஹ்மத் ரிழா கான் காதிரி  رضي الله عنها அவர்களின் நெருங்கிய பிரதிநிதியான மவ்லானா நயீமுத்தீன் முராதாபாதி அவர்கள் எழுதுகின்றார்கள் , " ஸுன்னி என்பவர் , மா அன அலைஹி வ அஸ்ஹாபிஹி , என்பதற்கு வாழும் உதாரணமாக இருப்பவர் ஆகும் . அவர் குலபாயே ராஷிதீன்கள் ,மார்க்கத்தின் இமாம்கள் (பிக்ஹ் மற்றும் தஸவ்வுப் ), மற்றும் பிந்தைய உலமாக்களில் ஷைகு ஷாஹ்அப்துல் ஹக் முஹத்திஸ் திஹ்லவி رضي الله عنها , மலிக்குள் உலமா பஹ்ருல் உலூம்  மவ்லானா அப்துல் அலி பிராங்கி மஹாலி رضي الله عنها , மவ்லானா பஜ்லே ஹக் கைராபதி رضي الله عنها , மவ்லானா பஜ்லே பதாயூனி رضي الله عنها , முப்தி இர்ஷாத் ஹுசைன் ராம்பூரி رضي الله عنها , முப்தி ஷாஹ் அஹ்மத் ரிழா கான் பரேலி رضي الله عنها ஆகியோரின் கொள்கையின்படி இருப்பவர் . "
[அல் பகீஹ் - பக்கம் 9, அம்ரித்ஸர் , 21 ஆகஸ்ட் , 1925]

இமாம் அஹ்மத் ரிழா கான் காதிரி  رضي الله عنها அவர்கள் - அஹ்லுஸ் ஸுன்னத் வல் ஜமாத்தின் பிற உலமாக்கள் போன்று ,முஸ்லிம்கள் தமது அகீதாவில் உறுதியானவர்களாகவும் , தமது சமூக நிலைப்பாடுகளில் சிறந்து விளங்கவும் அறிவுறுத்தியுள்ளனர் .
இவை சிறு புத்தகங்களாக எழுதப்பட்டுள்ளன .பின்வருபவை அன்னாரின் பத்வாக்களின் பாடங்கள் ஆகும் ;

- ஷரீயத் மட்டுமே இறுதியான சட்டமாகும் , முஸ்லிம்கள் அனைவரின் மீதும் கட்டாயமானதும் ஆகும் .

- பித்அத்தை விட்டும் விலகி இருப்பது மிகவும் முக்கியமானது

- அறிவில்லாத ஓர் ஸுபி , செயற்பாடற்ற ஷெய்கும் ஷைத்தானின் பரிகாசம்

- குப்பார்களை பின்பற்றுவதும் ,வழிகேடர்களுடன் உறவாடுவதும் ,ஹிந்துக்களின் பண்டிகைகளில் பங்கெடுப்பதும் தடுக்கப்பட்டுள்ளது .

- அல்லாஹ் அல்லாதவற்றிக்கு வழிபாடு செய்யும் எண்ணத்துடன் ஸுஜூது செய்வது ஷிர்க் , சங்கை செய்யும் பொருட்டு ஸுஜூது
(سجده تعظيم يا تحيت)செய்தால் அது ஹராம் .

- சக முஸ்லிம்களை கேவலப்படுத்தி ,அவ்ர்களைக் காட்டிலும் தன்னை மேன்மையானவராகக் காட்டிக் கொள்வது தடுக்கப்பட்டுள்ளது .

- ஷியாக்கள் முஹர்ரம் மாதத்தில் வைக்கும் படிமவியலும் (தாஜியா) ,அவற்றை சங்கை செய்வதும் தடை செய்யப்பட்டுள்ளது .

- இசைக் கருவிகளுடன் கூடிய கவ்வாலி (ஸமா ) தடை செய்யப்பட்டுள்ளது .

- இஸ்லாமிய பெண்கள் ஜியாரத்திற்காக(வலிமார்களின் மகாம்களுக்குச் செல்வது ) பயணம் செய்வது அனுமதிக்கப் படவில்லை .

- உயிருள்ளவற்றின் படங்கள் வரைவதற்கு அனுமதி இல்லை .

- ஸலவாத் ﷺ என்பதை சுருக்கி   ஸாத் லாம் ஐன் மீம் என்று எழுதுவதற்கு அனுமதி இல்லை .

- மாதிரி கபுறுகளை (அடிப்படையோ ,ஆதாரமோ இல்லாதது ,மக்களிடையே வாய் வழி பரவியது  ) ஜியாரத் செய்வது கூடாது .

- ஈசாலே சவாப் என்ற எண்ணத்துடன்,  ஏழைகளுக்கும் ,தேவையுள்ளவர்களுக்கும் உணவளிப்பது அனுமதிக்கப்பட்டது . எனினும் செல்வதர்களைக் கூட அழைத்து விருந்து உபச்சாரங்கள் போல் நடத்துவதற்கு அனுமதி இல்லை .

மேலதிக விபரங்களுக்கு அல்லாமா யாஸீன் அக்தர் மிஸ்பாஹி அவர்கள் எழுதிய 'இமாம் அஹ்மத் ரிழா அவ்ர் ரத்தே பித்அத் ஒ முன்கராத் '  என்னும் நூலை காணவும் .

ஸவாத் அல் ஆஜம் என்னும் அஹ்லுஸ் ஸுன்னத் வல் ஜமாத்தினரை ஒட்டியே அன்னாரது நம்பிக்கைகள் இருந்தன ; பதாயூன் ,கைராபாத் , பரேலி உலமாக்கள் ,மஹ்ரேரா ஷரீப் ,கிச்சவ்சா ஷரீப் மஷாயிகுமார்களின் நம்பிக்கைகள் பின்வரும் செயல்கள் ,கொள்கைகள் அனுமதிக்கப்பட்டது என்பது  போன்றே இமாம் அஹ்மத் ரிழா கான் காதிரி  رضي الله عنها அவர்களது நம்பிக்கைகள் இருந்தன .

- அன்பியாக்கள் மற்றும் வலிமார்களின் தவஸ்ஸுல் அனுமதிக்கப் பட்டதாகும் .

- அன்பியாக்கள் மற்றும் வலிமார்களின் நினைவாக உள்ள பொருட்களை (ஆஸார் ஷரீப் ) சங்கை செய்வது அனுமதிக்கப்பட்டது .

- வலிமார்களின் மகாம்களை தவஸ்ஸுலின் எண்ணத்துடன் ஜியாரத் செய்வது அனுமதிக்கப்பட்டது .

- அனாச்சரங்கள் , அனுமதியற்ற செயல்களை விட்டும் அகன்ற வலிமார்களின் உரூஸ் நிகழ்வுகளை நடத்துவது அனுமதிக்கப்பட்டது .

- பெருமானார் கண்மணி நாயகம்  ﷺ அவர்களின் மீலாத் ,மவ்லித் மஜ்லிஸ்கள் நடத்துவதும் ,அவற்றில் கியாமில் எழுந்து நிற்பதும் அனுமதிக்கப்பட்டது .

- இறந்தவர்களுக்கு நன்மைகளை எத்தி வைக்கும் பாத்திஹா மற்றும் ஈசாலே சவாப் அனுமதிக்கப்பட்டது .

இந்த அமல்கள் நமது முன்னோடிகளால் செயற்படுத்தப்பட்டு வந்துள்ளன . இன்றும் உலகெங்கிலும் உள்ள 90% முஸ்லிகளால் இந்த அமல்கள்  செயற்படுத்தப்பட்டு வருகின்றன .

தற்காலத்தில் ஹிஜாஸ் மாகாணத்தில் வாழ்ந்து வந்த பாரம்பரியம் மிக்க குடும்பத்தைச் சார்ந்த , அஷ்ஷைகு ஸெய்யத் முஹம்மத் பின் அலவி அல் மாலிக்கி  அவர்கள் எழுதி அரபியில் வெளிவந்த நூல் , 'மபாஹீம் யஜிப் அல் துசஹ்ஹஹா ' [முதல் பதிப்பு ,1985,]   அஹ்லுஸ் ஸுன்னத் வல் ஜமாத்தின் நடைமுறைகளை விரிவான விளக்கமாக எடுத்துக்காட்டுகளும் ,ஆராய்ச்சியும் கொண்ட நூலாகும் . சம காலத்தின் பல அரபுலக மற்றும் ஆப்பிரிக்க ஸுன்னத் வல் ஜமாத் உலமாக்கலால் அங்கீகரிக்கப்பட்ட நூலாகும் . அவர்களில் பெரும்பாலானோர் 'ராப்தா அல் ஆலமி இஸ்லாமி' , மக்கா வின் அங்கத்தினர் ஆவர் . இந்நூல் இந்தியா ,பாகிஸ்தானில் உர்துவில் 'இஸ்லாஹே   பிக்ர் அவ்ர் இத்திக்காத் ' என்னும் பெயரில் மொழிபெயர்க்கப்பட்டு வெளிவந்தது .இந்நூல் "Notions That Must Be Corrected" ஆங்கிலத்திலும் மொழி பெயர்க்கப்பட்டுள்ளது .

ஸெய்யித் முஹம்மத் பாரூக் காதிரி ,இமாமுல் ஹிந்த் ஷாஹ் வலியுல்லாஹ் முஹத்தித் திஹ்லவி رضي الله عنها அவர்களது தசவ்வுப் உடைய நூலான 'அன்பாஸ் அல் ஆரிபீன் ' நூலின் உர்து மொழிபெயர்ப்பாளர் , அஹ்லுஸ் ஸுன்னத் வல் ஜமாத்தினரின் நடைமுறைகள் குறித்து எழுதுகின்றார்கள் ,
' எண்ணிப் பாருங்கள் ! என்ன ஷாஹ் அப்துர் ரஹீம் رضي الله عنها அவர்கள் ,இமாமுல் ஹிந்த் ஷாஹ் வலியுல்லாஹ் முஹத்தித் திஹ்லவி رضي الله عنها அவர்கள் , சிராஜுல் ஹிந்த் ஷாஹ் அப்துல் அஜீஸ் முஹத்தித் திஹ்லவி رضي الله عنها அவர்கள் ஆகியோர் எல்லாம் பரேல்விகளா ???

இமாம் ஷாஹ் அஹ்மத் ரிழா கான் பரேல்வி  رضي الله عنها அவர்களும் , தாருல் உலூம் தேவபந்த் மத்ரசாவும் இந்த பிரச்சனைகள் உண்டான பொழுது இருந்திருக்கவே இல்லை .

முரண்பாடு என்னவென்றால் இந்திய துணைக்கண்டத்தில் இருந்த அமைதியான சூழலை சீரழித்தது, துரதிருஷ்டவசமாக இந்த முக்கியத்துவம் நிறைந்த குடும்பத்தைச் சார்ந்த நபர் - இஸ்மாயில் திஹ்லவி மற்றும் அவனது நூல் தக்வியத்துள் ஈமான் . அவரது சிந்தனைகள் ஏற்றுக் கொள்ள இயலாதது . அவர் ஒரு விசித்திரமான யோசனையின் பால் சென்றார். அவரது அழைப்பின் வழிமுறை போர்க்களம் போன்று இருந்தது.

நான் அவரது நூல் தக்வியத்துள் ஈமானுக்கு ,அந்த நூல் வெளிவந்த உடன் அதற்கு மறுப்பாக பல்வேறு மொழிகளில் 250 நூற்களின் பட்டியலை நான் கண்டுள்ளேன் . இதன் மூலம் அந்த நூலுக்கு இஸ்லாமிய உலமாக்களும் ,பாமரர்களும் எவ்வாறான எதிர்வினை ஆற்றினார்கள் என்பது விளங்கும் .

நம்மிடம் எல்லா உலமாக்களும் ,ஸூபியாக்களும் ,பாமர இஸ்லாமியரும் குப்ரிலும் ,ஷிர்க்கிலும் ,பித்அத்திலும் இருந்தனர் என்றும் இஸ்மாயில் திஹ்லவி ஒட்டுமொத்த தேசத்திற்கும் அறிவுபுகட்டியதாகவும் , முதன் முதலில் இந்திய முஸ்லிம்களை உண்மையான தவ்ஹீதை (!) அறிமுகப்படுத்தியதாகவும் காரணமாவார் என்று கூறுவதற்கு எந்த ஆணித்தரமான ஆதாரமும் இல்லை .

சொல்லப் போனால் ,ஷாஹ் வலியுல்லாஹ் முஹத்திஸ் திஹ்லவி رضي الله عنها,ஷாஹ் அப்துல் அஜீஸ் முஹத்திஸ் திஹ்லவி رضي الله عنهاமற்றும் ஷாஹ் முஹம்மது இஸ்மாயில் திஹ்லவி ஆகியோருக்கிடையே இருந்த கால வேறுபாடு என்பது என்ன ? வெகு சில ஆண்டுகளே !

என்ன ஒட்டு மொத்த இந்திய துணைக்கண்டமும் இந்த குறுகிய காலத்தில் ஷிர்க்கிலும் குப்ரிலும் மூழ்கி விட்டதா ???

அவ்வாறு குப்ரிலும் ஷிர்க்கிலும் தான் மூழ்கி விட்டதென்றால் , ஹக்கீமுல் உம்மா ஷாஹ் வலியுல்லாஹ் முஹத்திஸ் திஹ்லவி رضي الله عنها மற்றும் ஷாஹ் அப்துல் அஜீஸ் முஹத்திஸ் திஹ்லவி رضي الله عنها ஆகியோர் இஸ்மாயில் திஹ்லவியைப் போல் அத்தகைய  கடுமையான சொல்லாடலை பயன் படுத்தவில்லை ???

நிதர்சனமான உண்மை என்னவென்றால் , ஸவாதே ஆஜம் என்னும் அஹ்லுஸ் ஸுன்னத் வல் ஜமாத்தின் கொள்கையை விட்டு தவறி சென்று முதன் முதலில் இந்திய துணைக்கண்டத்தில் குரல் எழுப்பியவர் இஸ்மாயில் திஹ்லவி . நிச்சயமாக இத்தகைய ஒரு அழைப்பு நஜ்தில் தோன்றிய முஹம்மத் பின் அப்துல் வஹாப் நஜ்தி அல் தமீமியின் அழைப்பை ஒத்து இருக்குமே அன்றி ஷாஹ் வலியுல்லாஹ் முஹத்திஸ் திஹ்லவி رضي الله عنها அவர்களின் அழைப்புப் பணி போன்று அல்ல !

[ நூல்- அன்பாஸ் அல் ஆரிபீன் ,பக்கம் 18-19 ,மக்தபா பலாஹ் , தேவ் பந்த் ]

அஹ்லுஸ் ஸுன்னத் வல் ஜமாத்தை பாதுகாக்கும் இயக்கமாகவும் , கண்மணி நாயகம் ﷺ அவர்களின் கண்ணியத்தை முஸ்லிம்களின் இதயத்தில் நிலைநிறுத்தும் காரியத்தை செயலாற்றுவதில் பங்கு பெற்றோரில் முக்கியமானவர்கள்  கைராபாத் ,பதாயூன் மற்றும் பரேலியைச் சார்ந்த உலமாக்களாகும் .

இந்த இயக்கம் இந்தியாவில் தோன்றிய வஹாபிய இயக்கங்களுக்கு பதில் அளிக்கும் வகையில் முக்கியத்துவம் பெற்றது . இதில் பெரும் பங்காற்றியவர்கள் இமாமே அஹ்லுஸ் ஸுன்னாஹ் இமாம் அஹ்மத் ரிழா கான் பரேலி  رضي الله عنها அவர்கள் .

அன்னார் தமது மகத்தான அறிவுத் திறமையாலும் , சிறந்த தலைமைப் பண்பின் காரணமாகவும் அஹ்லுஸ் ஸுன்னத் வல் ஜமாஅத்தின் கொள்கைகள் ,இமாம்கள் ஆகியோரின் கொள்கைகள் போற்றிப் பாதுகாக்கப்பட பாடுபட்டனர்.

இந்தியாவில் வஹாபிய பித்னாவின் ஆரம்பம் - 5

2017-05-11T00:40:00.000-07:00

இதற்கு முன் உள்ள பதிவுகளில் நாம் தேவ்பந்தின் முன்னோடிகள் எழுதியதாக நாம் சுட்டிக் காட்டியுள்ள குறிப்புகளும் ,கருத்துக்களும் வழிகேட்டின் மீதும் குப்ரின் மீதும் அடிப்படையாக அமைந்தவை .
மூல கருத்துக்களின் பிரதிகளை காண வேண்டுவோர் மவ்லானா முஹம்மது மான்ஷா தஸ்பீஹ் கஸவ்ரி எழுதிய 'தாவத் ஏ பிக்ர் ' என்னும் நூலைக் காணவும் .

இந்த கருத்துக்கள் இஸ்லாத்தின் அடிப்படை ஆணிவேரான அல்லாஹுத்தஆலா பற்றிய நம்பிக்கையையும் ,நுபுவ்வத்தின் புனிதத்தையும் களங்கப்படுத்துபவை .

இவை தான் இந்திய முஸ்லிம்களிடையே பிரிவினையின் ஆணிவேராக இருந்தன . இன்னும் இந்த நிலம் பிரிவினையின் போர்க்களமாக மாறவும் காரணமாயின .இஸ்லாத்தின் ஆன்மாவையே அழிக்கும் இதன் விளைவை இன்றும் இந்திய துணைக்கண்டத்தின் ஒவ்வொரு கிராமத்திலும்,
நகரிலும் ,பெருநகரங்களிலும் காணலாம்  .

நுபுவ்வத்தின் புனிதத்தையும் ,அகமியத்தையும் பாதுகாக்கவும் . அஹ்லுஸ் ஸுன்னத் வல் ஜமாத்தின் கொள்கைகளை பேணிக் காக்கவும் பல உலமாக்கள் முக்கிய பங்காற்றி இயங்கினர்.

அவர்களில் பிரிவினை தோன்றிய அதே மாநிலத்தில்(உத்திரபிரதேசம் )  இருந்து இயங்கியவர்களில் இருவர் மிகவும் முக்கியமானவர்கள் .

முஹிப்பிர் ரஸூல், தாஜுல் புஹூல் மவ்லானா அப்துல் காதிர் உத்மானி காதிரி பர்கத்தி பதாயூனி (அல்லாமா பஜ்லே ரஸூல் உத்மானி காதிரி பர்கத்தி பதாயூனி அவர்களின் மகனார் ) ,அல்லாமா பஜ்லே ஹக் கைராபாதி(ஷாஹ் அப்துல் அஜீஸ் முஹத்தித் திஹ்லவி அவர்களின் மாணவர் ) அவர்களின் மாணவர்.

இமாமே அஹ்லே ஸுன்னத் மவ்லானா அஹ்மத் ரிழா ஹனஃபி காதிரி பர்கத்தி பரேல்வி (மவ்லானா நகீ அலி கான் பரேல்வி அவர்களின் மகனார் ) ,அஷ் ஷைகு ஷாஹ் ஆலே ரசூல் காதிரி பர்கத்தி மெஹ்ராரவி (சிராஜுல் ஹிந்த் ஷாஹ் அப்துல் அஜீஸ் முஹத்தித் திஹ்லவி அவர்களின் மாணவர்) அவர்களின் கலீஃபா .

இவ்விரு பெருமக்களும் தமது காலத்தில் முக்கிய பங்காற்றினர்.இவ்விரு பெருமக்களும் மெஹ்ரேரா ஷரீபில் இருந்து பைஅத் ,இஜாஸத் மற்றும் கிலாபத் பெற்றிருந்தனர் .

இதில் இமாம் அஹ்மத் ரிழா கான் பரேல்வி (ரஹ்மத்துல்லாஹி அலைஹி) அவர்களின் தனித்தன்மையானது பெருமானார் கண்மணி நாயகம் (ஸல்லல்லாஹு அலைஹி வஸல்லம் ) அவர்களின் மீது கொண்டு மட்டில்லாத இஷ்க் ஆகும் .

அன்னாரின் பேரனார் மவ்லானா முப்தி அக்தர் ரிழா காதிரி பரேல்வி (ஹாபிதஹுல்லாஹ் ) அவர்கள் கூறுகின்றார்கள் ,"கண்மணி நாயகம் (ஸல்லல்லாஹு அலைஹி வஸல்லம் ) அவர்களின் முஹப்பத் தான் அவர்களது வாழ்வில் பிரதம கவனமாக இருந்தது . அன்னாரின் கூற்றும் ,செயல்பாடுகளும் கண்மணி நாயகம் (ஸல்லல்லாஹு அலைஹி வஸல்லம் ) அவர்களின் இஷ்கில் ஊறிப் போயிருந்தன,எந்தளவுக்கு என்றால் தமது உச்சந்தலை முதல் உள்ளங்கால் வரை கண்மணி நாயகம் (ஸல்லல்லாஹு அலைஹி வஸல்லம் ) அவர்களின் இஷ்கில் மூழ்கிப் போயிருந்தன . கண்மணி நாயகம் (ஸல்லல்லாஹு அலைஹி வஸல்லம் ) அவர்களின் முஹப்பத் தான் அவரது வாழ்வாகவும் ,அவரது செய்தியாகவும் இருந்தது . "

இங்கு குறிப்பிடத்தக்க விஷயம் யாதெனில் ,இமாம் அஹ்மத் ரிழா கான் பரேல்வி (ரஹ்மத்துல்லாஹி அலைஹி) அவர்களின் இஷ்க் என்பது தெளிவான தீர்ப்பு எடுக்க இயலாமல் தமது உணர்விழந்து சிந்தை மாறிப் போகும் நிலையில் அல்ல , மாறாக அவரது முஹப்பத் கண்மணி நாயகம் (ஸல்லல்லாஹு அலைஹி வஸல்லம் ) அவர்களின் விருப்பத்திற்கு இணங்குமாறு கட்டுப் படுத்துகின்றது . இஷ்கின் இந்த நிலையில் ,ஒரு மனிதனின் சுய விருப்பங்கள் மறைந்து ,தமது நேசரின் விருப்பங்களை பின்தொடருபவர் ஆகின்றார் .

இந்த நிலையைத்தான் ஹதீத் ஷரீபில் " மனிதனின் விருப்பங்கள் நான் கொண்டு வந்ததுடன்(தூது ) இணைந்துவிடுகின்றன " என்று கூறப்பட்டுள்ளது .

இந்த நிலையானது அன்னாரின் மார்க்க சேவைகளிலும் ,பணிகளிலும் வெளிப்பட்டுள்ளன . அவர்களின் ஒரு நூல் 'மகால் உல் உரபா பி இஜாஜி ஷரயின் வ உலமா '(مقال العرفاء بإعزاز شرع وعلماء) இதை நிலை நிறுத்த போதுமானது .

இந்த நூலில் அன்னார் ஷரீயத்தின் மேன்மையை விளக்கியுள்ளதோடு ,அதை எதிர்க்கும் நவீன காலத்தவரை மறுத்துள்ளார் . ஷரீயத்திற்கு மாற்றமான செயல்களை மருத்துள்ளதோடு ,முஸ்லிம்களை அவற்றை விட்டும் விலகி இருக்க அறிவுறுத்தி உள்ளார் .உதாரணமாக பெண்கள் இக்காலத்தில் தர்காவுக்கு சென்று ஜியாரத் செய்வது,வலிமார்களின் உரூஸ் போது நிகழும் அனாச்சாரங்கள் .சஜ்தா ஏ தழீம் ,மற்றும் தஜியா (அஹ்லே பைத்தினரின் ஷஹாதத்தின் நினைவாக ) ஆகியவை . இமாம் அஹ்மத் ரிழா கான் பரேல்வி (ரஹ்மத்துல்லாஹி அலைஹி) அவர்கள் இத்தகைய சடங்குகளில் இருந்து முஸ்லிம்கள் விலகிக் கொள்ளுமாறு மிக கடுமையாக வலியுறுத்தி உள்ளார்கள் .
[வாராந்திர ஹுஜும் .டிசம்பர் ,புது டில்லி .1988]

பேராசிரியர் முஹம்மது மசூத் அஹ்மத் நக்ஷ்பந்தி முஜத்திதி மழ்ஹரி ,முப்தி முஹம்மது மழ்ஹருல்லாஹ்  நக்ஷ்பந்தி முஜத்திதி(தில்லி பதேஹ்பூர் மஸ்ஜிதின் கதீப் மற்றும் இமாம்  ) அவர்களின் மகனார் ,எழுதுகின்றார்கள் :

" (1). இமாம் அஹ்மத் ரிழா முஹத்தித் பரேல்வி (ரஹ்மத்துல்லாஹி அலைஹி) அவர்கள் அல்லாஹ்வை பற்றியும் ,நபிமார்களைப் பற்றியும் தளர்வான வார்த்தைகள் அல்லது சொற்றொடர்களை பயன்படுத்துவது அதபுக்கு மாற்றமான ஒன்றெனக் கருதினார்கள் , ஏனெனில் அதன் நேரடிப் பொருள் சரியாக இருப்பதாக தோன்றினாலும் ,அவை அவமதிப்பை உண்டாக்குபவையே .

முஹத்தித் பரேல்வி அவர்களை பொறுத்தவரை அத்தகைய சொற்கள் பின்வரும் நூற்களில் இடம்பெற்றுள்ளன .

மவ்லவி காசிம் நாணோத்வியின் தக்தீருன் நாஸ் ,
மவ்லவி அஷ்ரப் அலி தான்வியின் ஹிப்ளுள் ஈமான் ,
மவ்லவி கலீல் அஹ்மத் அம்பேத்வியின் அல் பராஹீன் அல் காதியா ,
மவ்லவி இஸ்மாயில் தெஹ்லவியின் சிராத்தே முஸ்தகீம் மற்றும் தக்வியத்துள் ஈமான் ,
மவ்லவி மஹ்மூத் ஹுசைன் தேவபந்தியின் அல் ஜகத் அல் மகல் .

எனினும் மேற்கூறிய புத்தகங்களின் ஆசிரியர்கள் இந்த வாக்கியங்களை அவமதிப்பை ஏற்படுத்தும் அதன் நேரடிப் பொருளில் ஏற்க கூடாது என வாதிடுக்கின்றார்கள் ,ஏனெனில் அவர்களிடமும் அவமதிப்பு ஹராமாகும் . ஆனால் முஹத்தித் பரேல்வி அவர்களின் நிலைப்பாடானது அந்த புத்தகங்களின் வாக்கியங்கள் உர்து மொழியின் சாதாரண பேச்சுவழக்கில் உள்ளவை .
அதன் இயல்பான பொருள் உர்துவை தாய்மொழியாக கொண்டு பேசுபவர் எவ்வாறு பொதுவாக புரிந்து கொள்வாரோ அதுவே ஆகும் . எனவே தீர்ப்பு அத்தகைய அர்த்தத்தின் மீதே வழங்கப்படும் என்பதாம் .

(2) இரண்டாவதாக ,முஹத்தித் பரேல்வி (ரஹ்மத்துல்லாஹி அலைஹி) அவர்கள் குர்ஆனிலும் ,ஹதீதிலும் கண்மணி நாயகம் (ஸல்லல்லாஹு அலைஹி வஸல்லம் ) அவர்களின் புகழ் எவ்வாறு குறிப்பிடப்பட்டுள்ளதோ அவ்வாறே  அறிவிக்கப்பட  வேண்டும் என்றும் ,பரப்ப வேண்டும் என்றும் நம்பிக்கை கொண்டார்கள் .இதன் மூலம் எம்பெருமானார் (ஸல்லல்லாஹு அலைஹி வஸல்லம் ) அவர்களின் மேன்மையும் ,தரஜாவும் முஸ்லிம்கள் அறிந்துகொள்ளவும் அவர்களின் உள்ளம் கண்மணி நாயகம் (ஸல்லல்லாஹு அலைஹி வஸல்லம் ) அவர்களின் முஹப்பத்திலும்,சங்கையிலும் நிலைத்திருக்கும் என்று நம்பிக்கை பூண்டார்கள் .

எனினும் ,தேவபந்த்தின் உலமாக்கள் இந்த விஷயத்தில் அதிக எச்சரிக்கையுடன் இருக்க வேண்டும் என்று தேர்ந்தெடுத்தார்கள் . ஏனெனில் முஸ்லிம்கள் இது விஷயத்தில் எல்லை மீறிவிடுவார்கள் என்று நினைத்தார்கள்.

(3) இமாம் அஹ்மத் ரிழா முஹத்தித் பரேல்வி (ரஹ்மத்துல்லாஹி அலைஹி) அவர்களிடத்தில் பெருமானாரின் மீலாதை கொண்டாடுவது அனுமதிக்கப் பட்டதும் ,விரும்பத்தக்கதும் ஆகும் .எனினும் தேவபந்த்தின் உலமாக்கள் அதற்கு எதிரான நிலைப்பாட்டை கொண்டிருந்தனர் .

(4) இமாம் அஹ்மத் ரிழா முஹத்தித் பரேல்வி (ரஹ்மத்துல்லாஹி அலைஹி)  அவர்கள் பெருமானாரின் புகழ் பாடும் மவ்லித் மஜ்லிஸ்களில் கியாம் (எழுந்து நின்று சங்கை செய்வது ) பாராட்டுக்குரிய செயல் ,எனினும் தேவபந்த்தின் உலமாக்கள் இதை பித்அத் என்று கருதினர் .

(5) இமாம் அஹ்மத் ரிழா முஹத்தித் பரேல்வி (ரஹ்மத்துல்லாஹி அலைஹி)  அவர்கள் வலிமார்களின் உரூஸ் அனுமதிக்கப்பட்ட ஒன்றென (அதில் ஷரீயத்திற்கு மாற்றமான செயல்கள் நடைபெறாத பொழுது ) கருதினார்கள் . தேவபந்த்தின் உலமாக்கள் அதை அனுமதி மறுக்கப்பட்ட ஒன்றென கருதினர் .

(6) பாத்திஹா ஓதுவது (மரித்தோருக்கு ஈசால் சவாப் செய்தல் ) இமாம் அஹ்மத் ரிழா முஹத்தித் பரேல்வி (ரஹ்மத்துல்லாஹி அலைஹி)  அவர்களிடத்தில் அனுமதிக்கப்பட்ட ஒரு செயல் (அதில் ஷரீயத்திற்கு மாற்றமான செயல்கள் நடைபெறாத பொழுது ) . தேவ்பந்த்தின் உலமாக்கள் அதை அனுமதி மறுக்கப்பட்ட ஒன்றென கருதினர் .

சில பத்திகள் கழித்து பேராசிரியர் முஹம்மத் மசூத் அஹ்மத் எழுதுகின்றார்கள் :

தேவபந்த் முன்னோடிகளின் முர்ஷிதும் ஷைகுமான ஹாஜி இம்தாதுல்லாஹ் முஹாஜிர் மக்கி (ரஹ்மத்துல்லாஹி அலைஹி ) அவர்களும் இது விஷயங்களில் இமாம் அஹ்மத் ரிழா முஹத்தித் பரேல்வி (ரஹ்மத்துல்லாஹி அலைஹி)  அவர்களைப் போன்றே நம்பிக்கை கொண்டிருந்தார்கள் .அவர்கள் இது விஷயமாக எழுதிய நூல் 'பைஸ்லா ஹப்த் மஸ்லா' .இந்த இரு பிரிவினரையும் ஒன்றிணைக்கும் வண்ணம் இந்த நூல் எழுதபட்டது .

எனினும் தேவ்பந்தின் உலமாக்கள் அன்னாரின் கருத்துக்களை ஏற்கவில்லை . "
[நூல்- இமாம் அஹ்மத் ரிழா முஹத்தித் பரேல்வி ,பக்கம் 37-38,காதிரி கிதாப் கர் ,பரேலி ,பேராசிரியர் முஹம்மத் மசூத் அஹ்மத் ]

ஸலபுகளில் ஆரம்பித்து கலபுகள் வரை எல்லோரதும் ஏகோபித்த முடிவு நம் உயிரினும் மேலான கண்மணி நாயகம் (ஸல்லல்லாஹு அலைஹி வஸல்லம் ) அவர்களை அவமதிப்பது கடுமையான குற்றம் மற்றும் குப்ரை வெளிப்படுத்தும் செயலாகும் . குர்ஆன் ,ஹதீத் மற்றும் ஸஹாபாக்கள் .தாபியீன்களுடைய சொற்கள் இந்த சட்டத்தின் ஆதாரமாக அமைகின்றன .

இது விஷயமாக தாருல் உலூம் தேவபந்த்தின் ஷைகுல் ஹதீத் மவ்லானா ஹுசைன் அஹ்மத் டாண்டவி இது விஷயமாக எழுதுகின்றார்கள் ,
'நபிகள் நாயகம்  (ஸல்லல்லாஹு அலைஹி வஸல்லம் ) அவர்களை அவமதிப்பது குப்ராகும் . தெளிவான அவமதிப்பை விடுங்கள் ,ஒரு மனிதன் (தெளிவற்ற சொல்லாடல் காரணமாக )அவமதிப்பை ஒத்திருக்கும் சொற்களை பிரயோகிப்பானேயானால் ,இதுவும் குப்ர் என்னும் தீர்ப்பை வழங்கும் காரணமாகும் . '
[நூல் - மக்தூபாத் ஷைகுல் இஸ்லாம் ,வால்யூம் 2,பக்கம் 165]

இதைப் போன்றே இல்ஹாத் மற்றும் ஜந்தகா வும் குப்ர் . இன்னும் ஷரீயத்தின் ஆதாரங்களை சேகரித்த பின்பு , தீனுடைய அடிப்படை நம்பிக்கை சார்ந்த விஷயங்களை மறுக்கும் ஒருவரை காபிர் என்று தீர்ப்பு அளிப்பது கடமை . மவ்லானா அமீன் அஹ்சன் இஸ்லாஹி ,மத்ரஸத்துல் இஸ்லாஹ் (ஆசம்கர் ,உத்தர்பிரதேஷ் ) ஒரு கடிதத்தில் பின்வருமாறு எழுதுகின்றார்கள் ,
'மவ்லானா தானவி அவர்களின் பத்வா, மவ்லானா ஷிப்லி நுஃமானி அவர்களும் மவ்லனா ஹமீதுத்தீன் பாராஹி அவர்களும் காபிர் இன்னும் மத்ரசத்துள் இஸ்லாஹ் அவர்களின் பணியில் ஒரு அங்கம் வகிப்பதால் ,அது குப்ருடைய மத்ரஸா இன்னும் அதன் குப்ரியத் எந்த அளவுக்கு உள்ளதென்றால்  அந்த மத்ரஸாவின் தாவா பணிகளில் கலந்து கொள்ளும் உலமாக்கள் முல்கித் மற்றும் காபிர்கள்   என்று வெளியானது '
[நூல் - ஹக்கீமுல் உம்மத் ,பக்கம் 475 , ஆசிரியர் - அப்துல் மஜீத் தைராபாதி ]

அஷ்ரப் அலி தான்வியின் மாணவர் மற்றும் கலீபா அப்துல் மஜீத் தைராபாதி ,அஷ்ரப் அலி தான்விக்கு ஓர் கடிதம் எழுதி அதில் மவ்லானா ஷிப்லி நுஃமானி ,மவ்லானா ஹமீதுத்தீன் பராஹி ஆகியோரின் அறிவாற்றல்,தக்வா,மார்க்கப் பணிகள் ஆகியவற்றை   புகழ்ந்து எழுதினார். அஷ்ரப் அலி தானவி பதில் பின்வருமாறு எழுதினார் .
'இவை எல்லாம் செயல்கள் (அமல் ) . நம்பிக்கை இதை விட்டும் தனித்த ஒரு விஷயம் . நல்ல நம்பிக்கை தீய செயல்களுடன் இணைக்கப்படலாம் , எவ்வாறு தீய கொள்கைகளுடன் நன் நம்பிக்கை இணைந்திருப்பது போல் .'
[நூல் - ஹக்கீமுல் உம்மத் ,பக்கம் 476 , ஆசிரியர் - அப்துல் மஜீத் தைராபாதி ]

இந்த தலைப்பில் மேலதிக விபரங்கள் பின்வரும் நூற்களில் காணலாம் .
கிதாப் அல் ஷிபா - காழி இயாழ் அல் மாலிகி அல் அந்தலூசி(ரஹ்மத்துல்லாஹி அலைஹி ) , அஸ் சரீம் அல் மசலூல் - இப்னு தைமிய்யா , இஃபார் அல் முல்கிதீன் - அன்வர் ஷாஹ் காஷ்மீரி (ஷைகுல் ஹதீத் ,தாருல் உலூம் தேவபந்த் ) , அஷத்துல் அத்ஹாப் - முர்தஸா ஹசன் தர்பாங்வி (முதன்மை கல்வி செயலர் ,தேவபந்த் ) .இரண்டு தற்கால புதிய புத்தகங்கள் நமூஸ் ஏ ரஸூல் அவ்ர் கானூன் ஏ தவ்ஹீன் ஏ ரிஸாலத் - நீதிபதி முஹம்மத் இஸ்மாயில் குரேஷி , குஸ்தாக் ஏ ரஸூல் கி ஷரீ ஹைசியத் - முப் தி முஹம்மத் குல் ரஹ்மான் காதிரி .

அஹ்லுஸ் ஸுன்னத் வல் ஜமாத்தின் உலமாக்கள் நபித்துவத்தின் புனிதத்தை பாதுகாத்ததோடு , உறுதி செய்து நிறுவப்பட்ட நம்பிக்கைகள் மீது நிகழ்த்தப்படும் தாக்குதலுக்கு எதிராக ஜிஹாத் புரிந்தனர் .

அவர்களின் அடிச்சுவட்டை பின்பற்றி ,இமாமே அஹ்லுஸ் ஸுன்னாஹ் மவ்லானா அஹ்மத் ரிழா ஹனபி காதிரி பர்கத்தி பரேலி அஹ்லுஸ் ஸுன்னத் வல் ஜமாத்தின் கொள்கைகளை தமது எழுத்துக்களின் மூலம் காத்தார் .அன்னாரின் நூற்கள் கன்சூல் ஈமான் பீ தர்ஜூமத்துல் குர்ஆன் ,அல் அதாயா அல் நபவிய்யா பி அல் பதாவா அல் ரிழ்விய்யா ,ஜத் அல் மும்தர் அலா ரத் அல் முஹ்தர் , ஹதாயிகே பக்ஷிஷ் மற்றும் தவ்லா அல் மக்கியா ஆகியவை அத்தகைய குழப்பங்களுக்கு எதிராக   அன்னாரின் முயற்சியின் ஆதாரங்கள் .

அன்னாருடைய மார்க்க சேவைகளின் ஒரு பகுதி தான் பதாவா அல் ஹரமைன் ரஜபி நத்வத் அல் மைன் (ஹிஜ்ரி 1317 , 1899 ஆம் ஆண்டு ), அல் முஸ்தமத் அல் முஸ்தநத் (ஹிஜ்ரி 1320, 1902 ஆம் ஆண்டு ), ஹுஸாம் அல் ஹரமைன் (ஹிஜ்ரி 1324 ) ஆகியவற்றில் அவர்கள் மேற்கூறப்பட்ட தேவபந்தி முன்னோடிகளின் கூற்று குப்ர் என்று  மார்க்கத் தீர்ப்பு வழங்கி ,அதனை ஹரமைனின் உலமாக்களிடம் சமர்ப்பித்தார் .அவர்கள் அதற்கு ஒப்புதல் (தக்ரீஜ் ) வழங்கினார்கள் .

இது பற்றி மேலதிக விபரங்களுக்கு பாஜிலே பரேல்வி உலமா ஏ ஹிஜாஸ் கி நஜர் மேன் என்று பேராசிரியர் .முனைவர் .மசூத் அஹ்மத் எழுதிய நூலைக் காணவும் .

ஒரு பாகீஹ் மற்றும் முப்தியாக இமாம் அஹ்மத் ரிழா கான் பரேல்வி (ரஹ்மத்துல்லாஹி அலைஹி ) அவர்கள் ஆயிரக்கணக்கான பத்வாக்களை எழுதி,எண்ணற்ற கேள்விகளுக்கு பதில் அளித்தனர் . அவர்களின் சமகால ஸுன்னி உலமாக்களும் இந்த சேவையை செய்தனர் ஆயினும் ,இமாம் அஹ்மத் ரிழா (ரஹ்மத்துல்லாஹி அலைஹி ) அவர்களின் அந்தஸ்தானது அவர்கள் அனைவரின் சார்பாக பேசுபவராகயிருந்தது(செய்தி தொடர்பாளர் - Spokeperson) . அவர்கள் எப்பொழுதும் பொய்யான நம்பிக்கைகள் மற்றும் இஸ்லாத்திற்கு எதிரான சிந்தாந்தங்கள் ஆகிவற்றை எதிர்ப்பதில் முன்னோடியாக விளங்கினார் .

அன்னார் வஹாபிய பிரிவு மற்றும் அதன் கிளை பிரிவுகளை மிகச் சிறப்புமிக்க தனது திறமையினால் மறுத்ததன் காரணமாக ,பல போலியான குற்றச்சாட்டுகளுக்கு உள்ளானார்கள் .

அன்னார் தமது நூலான 'தம்ஹீதே ஈமான்' நூலில் எழுதுகின்றார்கள் ,

' பொதுமக்களை ஏமாற்ற இந்த ஆட்கள் ஒரு திட்டத்தை தீட்டியுள்ளனர் . அவர்கள் கூறுகின்றார்கள் , 'அஹ்லுஸ் ஸுன்னாஹ்வின் இத்தகைய உலமாக்களின் நம்பகத்தன்மை எத்தகையது ? அவர்கள் சின்ன சின்ன விஷயங்களில் தக்பீர் செய்கின்றனர் .அவர்களின் இயந்திரங்கள் மக்களை காபிர் என்று மட்டுமே கூறும் கட்டளைகளை கடைந்து அனுப்புகின்றன .
அவர்கள் மவ்லவி இஸ்மாயில் திஹ்லவி , மவ்லவி ஷாஹ் இஷ்ஹாக் ,மவ்லவி அப்துல் ஹை ஆகியோரை காபிர் என்று பத்வா கொடுத்துள்ளனர் . '
(இங்கு இமாம் அஹ்மத் ரிழா அவர்கள் தாம் இவர்கள் மீது குப்ர் பத்வா வெளியிடவில்லை என்கின்றார் )

இன்னும் அவர்களில் சிறிதும் வெட்கம் இல்லாதோர் நான் - ஷாஹ் அப்துல் அஜீஸ் ,ஷாஹ் வலியுல்லாஹ் ,ஹாஜி இம்தாதுல்லாஹ் ,மவ்லானா ஷாஹ் பஜ்லூர் ரஹ்மான் (அஹ்லுஸ் ஸுன்னத் வல் ஜமாத்தின் உலமாக்கள் ) ஆகியோரையும் ,இன்னும் அவர்களில் வெட்கம் என்னும் எல்லையைக் கடந்தவர்கள் ,நான் ஷைக் முஜத்தித் அல்பதானி (ரஹ்மத்துல்லாஹி அலைஹி ) அவர்களை காபிர் என்று கூறியதாக - நான் அல்லாஹ்விடத்தில் பாதுகாவல் தேடுகின்றேன் - கூறுகின்றார்கள் . (தாம் அவ்வாறு கூறவில்லை என்று வெளிப்படுத்துகின்றார்கள் ).

அவர்கள் யாரிடம் எல்லாம் தொடர்பு கொள்கின்றார்களோ ,அத்தகையோர் பெருமதிப்பு வைத்திருக்கும் பெரியார்களின் பெயர்களை குறிப்பிட்டு அவர்கள் மீது நான் தக்பீர் செய்ததாக கூறுகின்றனர் . இன்னும் உள்ளபடியே அவர்களில் சிலர் மவ்லானா முஹம்மது ஹுசைன் இலாஹாபதி அவர்களிடம் சென்று , நான் ஷைகுல் அக்பர் முஹைனுதீன் இப்னு அரபி (குத்திஸிர்ரஹு ) அவர்களின் மீது தக்பீர் செய்ததாகக் கூறினர் - நான் அல்லாஹ்விடத்தில் பாதுகாவல் தேடுகின்றேன் .

அல்லாஹுதஆலா சிங்ககைமிகு மவ்லானா அவர்களுக்கு சுவர்க்க பதியில் உயர்வான இடத்தை வழங்குவானாக ,அன்னார் அந்த பொய்யர்களை நம்பவில்லை . மாறாக அவர்கள் திருக்குர்ஆன் ஷரீபின் வசனத்திற்கு கீழ்ப்படிந்தார்கள் ,
'நம்பிக்கையாளர்களே! யாதொரு விஷமி உங்களிடம் யாதொரு செய்தியைக் கொண்டுவந்தால், (அதன் உண்மையை அறியும் பொருட்டு அதனைத்) தீர்க்க விசாரணை செய்து கொள்ளுங்கள். ' [49:6]
இன்னும் நான் அவ்வாறு கூறினேனா என்று என்னிடம் கேட்டு எழுதினார்கள் .

நான் அத்தகைய கூற்றை மறுக்கும் விதமாக நூல் வடிவில் ஒரு மறுப்புரை அவருக்கு பதிலாக எழுதினேன் , இன்ஜா அல் பாரி அந்த வஸ்வாஸில் முப்தாரி . அதை வாசித்த மவுலானா அவர்கள் 'லா ஹவ்ல வலா ஹுவ்வத்த இல்லா பில்லாஹ் ' என்றனர் . வஞ்சகத்தினால் முற்றுகையிட முயன்றவர்களின் சதியை முறியடித்தவர்களாக .
[நூல்- தம்ஹீதே ஈமான் ,பக்கம் 45-46,இமாம் அஹ்மத் ரிழா பரேல்வி ,இதாரா மஃரிப் ஏ நுஃமானியா ,லாகூர் ]

அஹ்லுஸ் ஸுன்னத் வல் ஜமாத்தின் முக்கியத்துவம் வாய்ந்த உலமாக்களில் ஒருவரான அல்லாமா ஸெய்யித் அஹ்மத் காஜ்மி அம்ரோஹாவி (அன்வாருல் உலூம் ,முல்தான் ) எழுதுகின்றார்கள் ,
'தக்பீர் (ஒருவரை காபிர் என்று பத்வா வழங்குவது ) உடைய விஷயத்தில் , எப்பொழுது எங்களுடைய நிலைப்பாடு என்னவென்றால் ,யாரேனும் குப்ருடைய வாசகங்களை உபயோகித்தால் ,நாம் அவரின் மீது தக்பீருடைய பத்வா வழங்குவதை விட்டும் விலக மாட்டோம் . அவர் தேவபந்தியோ ,பரேல்வியோ ,லீகைச் சார்ந்தவரோ ,காங்கிரசியோ ,நேச்சரியோ (இயற்கைவாதிகள் ),நத்வியோ யாராக இருந்தாலும் சரி . இது விஷயத்தில் நாம் நண்பரா அல்லது எதிரியா என்று பாகுபாடு பார்ப்பதில்லை .

இன்னும் நிச்சயமாக இதன் அர்த்தம் ,லீகைச் சார்ந்த ஒருவர் குப்ருடைய வாசகத்தை உபயோகித்தால் ,லீகைச் சார்ந்த எல்லோரும் காபிர்கள் என்று அர்த்தம் அல்ல அல்லது ஓர் நத்வி குப்ருடைய செயலை செய்தால் எல்லா நத்விக்களும் காபிர் அல்ல என்பதாம் . நாங்கள் தேவபந்த் ஊரில் வசிக்கும் எல்லா நபர்களையும், ஒரு சில தேவபந்த்தை சார்ந்தவர்கள் எழுதிய குப்ரான வாசகங்களுக்காக நாம் காபிர்கள் என்று கூறவில்லை .

நாமும் நமது முன்னோடிகளும் மீண்டும் மீண்டும் வலியுறுத்துவது , நாங்கள் தேவபந்த் அல்லது லக்னோ வாசிகள் அனைவரையும் காபிர்கள் என்ற மார்க்க தீர்ப்பு அவர்கள் அங்கு வசிப்பதன் காரணமாகவே நாம் வழங்கிவிடவில்லை . எம்மைப் பொறுத்தவரை , யார் ஒருவன் அல்லாஹுத்தஆலா வை,அவனது நபிமார்களை ,அவனது தேர்ந்தெடுக்கப்பட்ட நல்லடியார்களை நிந்தனை செய்கின்றானோ ,பல முறை எச்சரித்தும் தவ்பா செய்யவில்லையோ அவன் தான் காபிர் .இன்னும் நாங்கள் எத்தகையோர் அத்தகைய குப்ரை அறிந்து கொண்டு ,அவமதிப்பு அளிக்கும் அதன் அசல் அர்த்தங்களை அறிந்து கொண்டு , அத்தகைய அவமதிப்புகளை உண்மை என்று ஏற்று ,அவமரியாதை செய்பவர்களை நம்பிக்கையாளராகவும் . தங்களது தலைவர்களாகவும் ஏற்றுக் கொண்டுள்ளாரோ அவர்களை நாம் காபிர்கள் என்று மார்க்கத் தீர்ப்பு வழங்குகின்றோம் .

இது தவிர , யாதொரு முஸ்லிமையும் நாம் காபிர் என்று மார்க்கத் தீர்ப்பு வழங்குவதில்லை . நாம் காபிர்கள் என்று மார்க்கத் தீர்ப்பு வழங்கிய நபர்கள் மிகவும் குறைவு மற்றும் வறையரைப்படுத்தப்பட்டது (குறிப்பிட்ட பிரச்சனையின் அடிப்படையில் ) . இந்த குறிப்பிட்ட நபர்களைத் தவிர தேவ்பந்த் அல்லது பரேலியின் எந்த ஒரு முஸ்லிமும் காபிர் என்று தீர்ப்பளிக்கப்படவில்லை . அது போலவே லீக் மற்றும் காங்கிரஸ் கட்சியின் தொண்டர்களின் விஷயத்திலும் இதே நிலைப்பாடு தான் . எல்லா முஸ்லிம்களையும் நாம் முஸ்லிம்கள் என்றே கருதுகின்றோம் .'

[நூல்- அல் ஹக் அல் முபீன் ,பக்கம்  24-25 , அல்லாமா அஹ்மத் சயீத் காஜ்மி ,முல்தான் ]

முப்தி முஹம்மத் ஷரீப் அல் ஹக் அம்ஜதி , புஹாரி ஷரீபின் விரிவுரையாளரும் , தாருல் இப்தா,ஜாமியா அஷ்ரபியா ,முபாரக்பூரின் (இந்தியா ) தலைவரும் ஆனவர்கள் எழுதுகின்றார்கள் .
' பத்வா என்னும் மார்க்கத் தீர்ப்பு வழங்குவதற்கு பாமர மக்களிடம் வழக்கத்தில் உள்ள சொல்லாடல்(உர்ப் ) மட்டும்  போதுமானது அல்ல .
எனவே தம்மை தேவ்பந்தி என்று கூறிக் கொள்ளும் நபர் ,மற்றவர்களால் தேவ்பந்தி என்று அழைக்கப்படும் நபர் ,இந்த நான்கு தேவ்பந்துடைய உலமாக்களை தம்முடைய  தலைவர்கள் என்று ஏற்றுக் கொள்பவர் ,இன்னும் அஹ்லுஸ் ஸுன்னத் வல் ஜமாத்தினரை பித்அத்தி என்று அடையாளமிடுபவர் , ஆனால் எதார்த்தத்தில் இந்த நான்கு தேவ்பந்தி உலமாக்களின் குப்ர் வாக்கியங்களை அறியாதிருந்தால் ,அத்தகைய நபர் தேவ்பந்தி அல்ல (காபிர் என்று தீர்ப்பு வழங்கப்பட்டவர்) .அத்தகைய நபர் நம்பிக்கை மறுப்பாளர் அல்ல இன்னும் அவரது ஜனாஸா தொழுகையை தொழுவது இறைமறுப்பு அல்ல  .அல்லாஹ் நன்கு அறிந்தவன் .  '
[நூல்- மஆரிப் ஷரஹ் புஹாரி , பக்கம் 914,ரஜா அகாடமி  ]

மொழிபெயர்ப்பாளரின் குறிப்பு - ஷைகு ஷரீப் அல் அம்ஜதி அவர்கள் 'எதார்த்தத்தில் தேவ்பந்தி இல்லை ' என்று குறிப்பிடக் காரணம் ,இமாம் அஹ்மத் ரிழா மற்றும் ஏனைய ஸுன்னி உலமாக்களால் வழங்கப்பட்ட பத்வாவில் , 'தேவ்பந்தி' என்று பதம் ஒரு குறிப்பிட்ட சாராரையே குறிக்கும் .

இந்தியாவில் வஹாபிய பித்னாவின் ஆரம்பம் - 4

2017-02-07T14:40:00.001-08:00

கத்மே நுபுவ்வத் மற்றும் நஸீர் ஏ முஹம்மதி குறித்த விவாதங்களும் ,இப்னு அப்பாஸ் அவர்களுடைய அதர் பற்றிய கேள்விகளும் அதன் பதில்களும்

தேவ்பந்தி பிர்காவின் மவ்லவி முஹம்மத் காஸிம் நானோத்வி (தாருல் உலூம் தேவ்பந்தின் ஸ்தாபகர் ) தமது நூலான 'தக்தீருன் நாஸ்' ல் பின்வருமாறு எழுதுகிறார் ,

"சாமானிய மக்கள் ,பொதுமக்கள் “காத்தமுன் நபீயீன்” என்பதன் பொருள் நபிகள் நாயகம் (ஸல்லல்லாஹு அலைஹி வஸல்லம் ) அவர்களின் காலம் எல்லா நபிமார்களுக்கும் பிந்தியது என்றும் அவர்கள் தாம் இறுதி நபி என்றும் அர்த்தம் கொள்வர்.எனினும் விஷயம் அறிந்தவர்களுக்கு .பிந்தி வருவதிலோ அல்லது இறுதி நபி என்பதிலோ எந்த விசேஷமும் இல்லை என்று அறிவர் .

அண்ணலம் பெருமான் முஹம்மது ( ஸல்லல்லாஹு அலைஹி வஸல்லம் ) அவர்களுக்கு பின்னர் ஒரு நபி பிறந்தாலும் அது முஹம்மது ஸல்லல்லாஹு அலைஹி வஸல்லம் அவர்கள் தான் இறுதியானவர்கள் என்பதில் எந்த விளைவையும் உண்டாக்காது .எனவே அவர்கள் காலத்தில் வேறொரு நபி வேறு ஒரு கிரகத்தில் வருவதிலோ அல்லது இதே கிரகத்தில் வருவதிலோ எந்த வேறுபாடும் உண்டாகாது . "

[ நூல் -தக்தீருன் நாஸ் ,பக்கம் 24,மவ்லவி காசிம் நானோத்வி ]

மவ்லானா முஹம்மது பாசிலுக்கு எழுதிய கடிதத்தில் மவ்லவி காசிம் நானோத்வி பின்வருமாறு எழுதுகிறார் ,

“காத்தமுன் நபீயீன்” என்பதன் பொருளை எழுத்தியல் பொருளாக எடுப்பவர்கள் , நபிகள் நாயகம் (ஸல்லல்லாஹு அலைஹி வஸல்லம் ) அவர்களின் நுபுவ்வத் காலம் எல்லா நபிமார்களுக்கும் பிந்தியது என்றும் அவர்கள் தாம் இறுதி நபி என்று பொருள் கொள்வர் . எனினும் இந்த விஷயம் புகழோ ,தீங்கோ அளிக்கக்கூடிய ஒன்றாக இல்லை என்பதை நீங்கள் அறிவீர்கள் . "

[ நூல் - காசிம் உல் உலூம் ,பக்கம் 55 , முதல் கடிதம் ]

மவ்லவி அஷ்ரப் அலி தான்வி எழுதுகின்றார் ,

"மவ்லவி காசிம் நானோத்வி தக்தீருன் னாஸ் நூலை எழுதிய பொழுது ஒட்டுமொத்த இந்தியாவிலும் மவ்லவி அப்துல் ஹை என்பவரைத் தவிர வேறு யாரும் ஆதரிக்கவில்லை "

[ நூல் - அல் இபாதாத் அல் யவ்மியா , பக்கம் 580, அஷ்ரப் அலி தான்வி ]

மவுலானா முஹம்மது ஷாஹ் பஞ்சாபி , மவ்லானா பஜ்லே மஜீத் பதாயூனி , மவ்லானா ஹிதாயத் அலி பரேல்வி , மவ்லானா பஸீஹுத்தீன் பதாயூனி , மற்றும் ஷைகு முஹம்மது தான்வி ஆகியோர் மவ்லவி காசிம் நாணோத்வியின் 'தக்தீருந் நாஸ் ' நூலுக்கு எதிராக நூற்களை எழுதி அவற்றை கடுமையாக எதிர்த்தனர் .

ஹழ்ரத் மவ்லானா அப்துல் சமீ பேதில் ராம்பூரி ,ஷைகு ஹாஜி இம்தாதுல்லாஹ் முஹாஜிர் மக்கி (ரஹ்மத்துல்லாஹி அலைஹி ) அவர்களின் கலீபா மிகப் பிரபலமான நூலான 'அன்வாரே சாதியா ' என்னும் நூலை எழுதினார் .

இந்த நூல் எழுதப்பட்டதன் பின்னணி வரலாறை இங்கே காணவும்

இந்த நூலுக்கு பதில் அளிக்கும் விதமாக மவ்லவி கலீல் அஹ்மத் அம்பேத்வி ஸஹ்ரான்பூரி ( பிறப்பு - ஹிஜ்ரி 1269 - 1852 ஆம் ஆண்டு)

(மறைவு ஹிஜ்ரி 1346 - 1927 ஆம் ஆண்டு ) 'பராஹீனே காத்தியா ' என்னும் நூலை எழுதினார் .

இந்த நூலுக்கு மவ்லவி ரஷீத் அஹ்மத் கங்கோஹி அதன் கருத்துக்களை ஏற்று ஒப்புதல் வழங்கினார் . இந்த நூலில் நபிகள் நாயகம் (ஸல்லல்லாஹு அலைஹி வஸல்லம் ) அவர்களின் புனிதமிகு அறிவாற்றலை ,சபிக்கப்பட்ட ஷைத்தான் இப்லீசுடன் இஸ்லாமியர்களின் மனம் நோகும் வகையில் ஒப்பீடு செய்துள்ளார் .

கலீல் அஹ்மத் எழுதுகின்றார் ,

" இறுதி முடிவு : ஷைத்தான் மற்றும் மலக்குல் மவ்த்து ஆகியோருடைய நிலையை பார்த்த பின்னர் சிந்திக்க வேண்டிய விஷயம் யாதெனில் , அதைப்போன்று உலகமனைத்தையும் உள்ளடக்கிய பேரறிவு நபிகள் நாயகம் (ஸல்லல்லாஹு அலைஹி வஸல்லம் ) அவர்களுக்கு உண்டென எந்தவிதமான ஆவணப்படுத்தப்பட்ட ஆதாரமும் இல்லாமல் , வெறுமெனே தவறான ஒப்புமை கொண்டு மட்டும் நிரூபிக்க முயல்வது - இதற்கு பெயர் ஷிர்க் இல்லையென்றால் ,இது ஈமானின் எந்த பகுதி ?

ஏனெனில் அத்தகைய விசாலமான அறிவு ஷைத்தான் மற்றும் மலக்குல் மவ்த்து உண்டென்பது அறுதிப்படுத்தப்பட்ட ஆதாரங்கள் மூலம்   நிரூபிக்கப்பட்டுள்ளது (நுஸுஸ் கதிய்யாஹ் ). அண்ணலம் பெருமான் முஹம்மது ஸல்லல்லாஹு அலைஹி வஸல்லம் அவர்களும் அதேபோன்ற ஆழமான அறிவுடையவர்கள் என்று என்று நிரூபிக்கும் குரான் ஹதீஸ் உடைய அறுதிப்படுத்தப்பட்ட ஆதாரம் எங்குள்ளது ? எல்லா அறுதிப்படுத்தப்பட்ட ஆவணங்களை மறுத்து இந்த ஒரு ஷிர்க்குடைய நம்பிக்கையை நிலைநிறுத்தவதற்கு  ".

"பராஹீனே காத்தியா " நூல் எழுதப்பட்டது ஹிஜ்ரி 1303ல் (1885ஆம் ஆண்டு ) . இந்த நூலைக் கொண்டு பெரும் அதிருப்தி ஏற்பட்டது .

அஹ்லுஸ் ஸுன்னத் வல் ஜமாத்தின் உலமாக்கள் இதை எதிர்த்தனர் . ஹிஜ்ரி 1306ல் (1888ஆம் ஆண்டு ) , பஞ்சாபின் பஹவல்பூர் நகரில் ஓர் விவாதம் நடந்தது , பஹவல்பூரின் நவாப் நவாப் முஹம்மது சாதிக் அப்பாஸியின் ஏற்பாட்டில் . இந்த நகரில் தான் அப்பொழுது கலீல் அஹ்மத் அம்பேத்வி பணி செய்து வந்தார் .

மவ்லவி மஹ்மூது ஹசன் தேவ்பந்தி மற்றும்  கலீல் அஹ்மத் அம்பேத்வி "பராஹீனே காத்தியா " நூலை ஆதரித்தும் ,
அஹ்லுஸ் ஸுன்னத் வல் ஜமாத்தின் சார்பாக மவ்லானா குலாம் தஸ்தகீர் கஸூரி வாதிட்டார்கள் . ஷைகுல் மஷாயிக் ஷாஹ் குலாம் பரீத் அவர்கள் இந்த  விவாதத்தின் நீதிபதியாக இருந்தார்கள் .

இந்த முழுமையான விவாதமும் "தக்தீஸ் உல் வகீல் அன் தவ்ஹீன் உர் ரஷீத் வ கலீல் " என்று நூல் வடிவில் வெளியிடப்பட்டுள்ளது .



இது தான் 'அஹ்லே தேவ்பந்த்' க்கு எதிரான முதல் பத்வா . மவ்லானா குலாம் தஸ்தகீர்   கஸூரி ஹாஷ்மி நக்ஷ்பந்தி அவர்களால் வெளியிடப்பட்டது .

இந்த விவாதம் முழுக்க முழுக்க எழுத்துப்பூர்வமானது ,மேலும்
மவ்லானா குலாம் தஸ்தகீர்   அவர்களின் வாதமானது ,

" என்னுடைய மறுப்பானது நீங்கள் படைப்புகளில் மிகவும் அறிவார்ந்தவர்களான நபிகள் நாயகம் (ஸல்லல்லாஹு அலைஹி வஸல்லம் ) அவர்களின் விசாலமான அறிவை மறுத்ததோடு , அவர்களின் அறிவை ஷைத்தானை விடவும் குறைவானது என்று கூறியுள்ளீர்கள் . இது மிகவும் மோசமான அவமரியாதை ஆகும்  "
[நூல் -தக்தீஸ் உல் வகீல் ,பக்கம் 93  ]

ரஷீத் அஹ்மத் கங்கோஹி , கலீல் அஹ்மத் அம்பேத்வி ஆகியோரின் ஷைகான ஹாஜி இம்தாதுல்லாஹ் முஹாஜிர் மக்கி (ரஹ்மத்துல்லாஹி அலைஹி ) ,மற்றும் பாக்கியத்துஸ் ஸாலிஹாத்தின் நிறுவனர் ஷம்சுல் உலமா அஃலா ஹஸ்ரத் அப்துல் வஹ்ஹாப் அல் காதிரி (ரஹ்மத்துல்லாஹி அலைஹி ) அவர்களின் ஆசிரியர்களில் ஒருவரான ஷைகு ரஹ்மத்துல்லாஹ் கீரான்வி  (ரஹ்மத்துல்லாஹி அலைஹி ) அவர்களும் அஹ்லுஸ் ஸுன்னத் வல் ஜமாத்தின் உலமாக்களை ஆதரித்து , மவ்லானா குலாம் தஸ்தகீர் அவர்களின் நிலைப்பாட்டை ஒப்புக்கொண்டு அவரது நூலான தக்தீஸ் உல் வகீல் க்கு ஒப்புதல் வழங்கி கையெழுத்திட்டனர் .

மவ்லவி ரஷீத் அஹ்மத் கங்கோஹி, கலீல் அஹ்மத் அம்பேத்விக்கு ஆதரவாக கையெழுத்திட்டுள்ளதை கண்ட  ஷைகு ரஹ்மத்துல்லாஹ் கீரான்வி  (ரஹ்மத்துல்லாஹி அலைஹி ) அவர்கள் கூறினார்கள் , " நான் மவ்லவி ரஷீத் அஹ்மத் 'ரஷீத் ' என்று நினைத்தேன் ,ஆனால் அவர் அதற்கு மாற்றாக உருவாக்கியுள்ளார் . அவர் கண்மணி நாயகம் (ஸல்லல்லாஹு அலைஹி வஸல்லம் ) அவர்களின் அறிவு ஷைத்தானை விட குறைவு என்று நிரூபிக்க மிகக் கடினமாக முயன்றுள்ளார் .இன்னும் அதற்கு மாற்றமான நம்பிக்கை கொள்வது ஷிர்க் என்று கூறுகின்றார் "
[ நூல் -தக்தீஸ் உல் வகீல் ,பக்கம் 419 ]

ஹிஜ்ரி 1319ல் ( 1901ஆம் ஆண்டு ) மவ்லவி அஷ்ரப் அலி தான்வி 'இல்முல் கைப் ' சம்பந்தமாக ஒரு கேள்விக்கு விடையளித்து 'ஹிப்ளுள் ஈமான் ' என்னும் நூலை எழுதினார் .

இந்த நூலில்,அஷ்ரப் அலி தான்வி நாயகம் (ஸல்லல்லாஹு அலைஹி வஸல்லம் ) அவர்களின் அறிவை ,பைத்தியக்காரர்களுடனும் ,மிருகங்களுடனும் ஒப்பிட்டு ,பெருமானார்  (ஸல்லல்லாஹு அலைஹி வஸல்லம் ) அவர்களுக்கு வழங்கப்பட்ட மறைவான அறிவைக் கொண்டு எந்த தனிச்
சிறப்புமில்லை என்று கூறியுள்ளார் .

அதன் அசல் கூற்று பின்வருமாறு ,
' இன்னும் ஜைத் கூறுவது போன்று நாயகம் (ஸல்லல்லாஹு அலைஹி வஸல்லம் ) அவர்களுக்கு வழங்கப்பட்ட மறைவான அறிவு என்னும் பண்பை சாட்டுவது உண்மையென்றால் , கேட்க வேண்டிய கேள்வியாதெனில் ,ஜைத் எதைக் குறிப்பிடுகின்றார் . அது மறைவான அறிவில் (இல்முல் கைப் ) ஒரு பகுதியையா அல்லது முழுமையாகவா ? ஜைத் அதில் ஒரு பகுதியை குறிப்பிட்டுகின்றார் என்றால் ,நாயகம் (ஸல்லல்லாஹு அலைஹி வஸல்லம் ) அவர்களின் மறைவான இல்மை கொண்டு என்ன சிறப்பு உள்ளது . இது மாதிரியான மறைவான இல்ம் எல்லோருக்கும் உள்ளது ,ஜைத் அமர க்கும் உள்ளது , இன்னும் குழந்தைகள் ,பைத்தியக்காரர்கள் ,மிருகங்கள் மற்றும் நான்கு கால் பிராணிகளுக்கும் உள்ளது  '.

ஹழ்ரத் ஸெய்யித் முஹம்மத் ஜீலானி ஹைதராபாதி அவர்களின் பேரர் ஸெய்யித் நஸீருத்தீன் ,ஸெய்யித் மொய்னுதீன் அவர்களின் மகனார் அஷ்ரப் அலி தான்வியின் இந்த கூற்றுக்கு தமது கண்டனத்தை பின்வருமாறு தெரிவிக்கிறார்கள் ,

"சிலர் அஷ்ரப் அலி தான்வி எழுதிய 'ஹிப்ளுள் ஈமான்' நூலை   எனது பாட்டனாரிடம் காண்பித்து அதைப் பற்றி கேட்டார்கள் . அவர்கள் அந்த நூலை வாசித்து 'மவ்லவி அஷ்ரப் அலி இல்முல் கைப் விஷயமாக மிகவும் அவமரியாதையாக எழுதியுள்ளார் என்றார்கள் ".

சில நாட்கள் கழித்து ஹைதராபாத்தின் மக்கா மஸ்ஜிதில் அஷ்ரப் அலி தான்வி இருந்த பொழுது ,எனது பாட்டனார் அவரிடம் எழுந்து சென்று தமது அருவருப்பை வெளிப்படுத்தி 'இந்த பத்தியில் குப்ர் உடைய வாடை உள்ளது என்றார்கள் '.

சில நாட்கள் கழித்து உலமாக்களின் ஒருங்கிணைப்புக் கூட்டம் மவ்லானா ஹாபிழ் முஹம்மத் அஹ்மத் (மவ்லவி காசிம் நாணோத்வியின் மகனார் ) அவர்களின் வீட்டில் நடைபெற்றது . அவர் எனது பாட்டனார் மீது அன்பு கொண்டவர் என்பதால் அந்த  ஒருங்கிணைப்புக்கு எனது பாட்டனாரையும் அழைத்தார் . அங்கு உலமாக்கள் 'ஹிப்ளுள் ஈமான்' நூல் பற்றி விவாதித்தனர் . எனது பாட்டனார் இது விஷயமாக தமது அருவருப்பை வெளிப்படுத்தி, இதைப் பற்றி ஓர் பத்வா வெளியிட்டார்கள் .

இதன் பின்னர் சில நாட்கள் கழித்து கண்மணி நாயகம் (ஸல்லல்லாஹு அலைஹி வஸல்லம் ) அவர்களை கனவில் கண்டார்கள் . நம் உயிரினும் மேலான நபிகள் நாயகம்   (ஸல்லல்லாஹு அலைஹி வஸல்லம் ) அவர்கள் அந்த நூலுக்கு மறுப்பு தெரிவித்ததைக் கொண்டு சந்தோசம் அடைந்து ,அதை 'அக்பாஹ் ' என்றும் கூறினார்கள் .    நபிகள் நாயகம்   (ஸல்லல்லாஹு அலைஹி வஸல்லம் ) அவர்கள் , 'நான் உம்மை கொண்டு மகிழ்வுறுகின்றேன் .உமக்கு என்ன வேண்டும் என்று கேட்டார்கள்' ? எனது பாட்டனார் இனி தமது இறுதிகாலம் வரை மதீனாவில் இருந்து அங்கேயே அடக்கம் பெற விரும்பினார்கள்.அவரது விருப்பம் ஏற்றுக்கொள்ளப்பட்டது ,அன்னார் மதீனா ஷரீபிற்கு ஹிஜ்ரத் செய்து ,ஏறத்தாழ பத்தாண்டு காலம் அங்கு கழித்து ஹிஜ்ரி 1364ல் மரணம் எய்தினார்கள் .

[நூல் - மகாமத் ஏ கைர் , பக்கம் 616, ஷாஹ் அபுல் கைர் அகாடமி ,தில்லி ]

ஹழ்ரத் மவ்லானா அபுல் கைர் நக்ஷ்பந்தி முஜத்திதி திஹ்லவி அவர்கள் சில காலம் கோதி இலாஹி பக்ஷ் ,மீரட் நகரில் வசித்தார்கள் . அந்த சமயத்தில் ஹாபிழ் முஹம்மது அஹ்மது ,மவ்லவி காசிம் நாணோத்வி தேவபந்தியின் மகன் மற்றும் அஷ்ரப் அலி தான்வி ஆகியோர் அவரது ஓர் அமர்வுக்கு வந்து அன்னாரை சந்தித்தனர் .

மவ்லானா குலாம் தஸ்தகீர் கசூரி அவர்களின் ஆதரவாளர் மவ்லவி அஷ்ரப் அலி தான்வியின் 'ஹிப்ளுள் ஈமான்' நூலின் கருத்துக்களை வாசித்துக் காண்பித்தார் .   ஹழ்ரத் ஷாஹ் அபுல் கைர் திஹ்லவி அவர்கள் அதனை முற்றிலும் வெறுப்பூட்டும் ஒன்றாக கண்டு ' இது தான் நீங்கள் செய்யும் மார்க்க சேவையா ? உங்களின் முன்னோர் எமது பாதையில் இருந்தனர் . இதை ஏன் எதிர்த்தீர்கள் ? என்று வினவ ,அஷ்ரப் அலி தான்வி 'நான் இதன் விளக்கத்தை வேறொரு புத்தகத்தில் எழுதியுள்ளேன்' என்றார் . ஷாஹ் அபுல் கைர் கூறினார்கள் 'பலதரப்பட்ட மக்கள் இதன் காரணமாக ஹக்கை விட்டு வெளியேறிவிட்டனர் . உமது விளக்கத்தின் தேவை என்ன எஞ்சியுள்ளது ? ' என்றார்கள் .

[நூல்-பஸ்மே கைர் அஸ் ஸைத் , பக்கம் 11,ஷாஹ் அபுல் கைர் அகாடமி ,தில்லி  ]

முஸ்லீம்களிடையே பிரிவினையின் ஆரம்பமும் ,முடிவும் அனைவரும் அறியும் வகையில் பளிங்கு கண்ணாடி போல் உள்ளது .

முஹம்மது ஹுசைன் (ரயீஸ் நஹ்டோர் ,ஜில்லா பீஜ்னோர்  ) அவர்கள் எழுதுகிறார்கள் ,

" இஸ்மாயில் திஹ்லவி தமது ஆதரவாளர்களுடன் தில்லியில் இருந்து லக்னோ வந்து தமது கொள்கைகளை பரப்ப ஆரம்பித்தார் . அந்த சமயத்தில் தான் மவ்லானா அப்துர் ரஹ்மான் விலாயதி அவர்கள் லக்னோவில் இருந்து வந்தார்கள் . அவர் தமது கராமத்துகளின் காரணமாக பிரபலமாகியிருந்தார் . இஸ்மாயில் திஹ்லவி இந்த காலத்தில் விவாதங்களைத் தவிர்த்து வந்தார் . லக்னோவை விட்டு கிளம்பும் முன் இஸ்மாயில் திஹ்லவி லக்னோவின் உலமாக்கள் வழிதவறிவிட்டனர் என்று கூறினார் . அவர் கல்கத்தாவில் இருந்து திரும்பி வந்து இந்த லக்னோவின் வழிதவறியவர்க்கு எதிராக ஜிஹாத் புரிவேன் என்றார் . இறைவனின் நேசர் மவ்லானா அப்துர் ரஹ்மான் விலாயதி அவர்கள் கூறினார்கள் 'மகனே ,இத்தகைய எண்ணம் உள்ள எவரும் திரும்புவதில்லை' "
[நூல்- பர்யாத் அல் முஸ்லிமீன் , ஹிஜ்ரி 1308/ 1890ஆம் ஆண்டு , முஹம்மது ஹுசைன் பஜ்நோரி ]

செய்யித் அஹ்மத் ரேபரேலியுடைய கொள்கைகளும் , இஸ்மாயில் திஹ்லவியின் எழுத்துக்களும் தமது முன்னோர்களின் நம்பிக்கைகளுக்கும் ,ஷாஹ் வலியுல்லாஹ் முஹத்தித் திஹ்லவி அவர்களின் கொள்கைகளுக்கும் மாற்றாக வழி தவறி சென்றன .

இதன் விளைவுகளை சுட்டிக்காட்டி மவ்லானா உபைதுல்லாஹ் சிந்தி தமது பார்வையை தெளிவாக வெளிப்படுத்துகிறார் ,
" காலம் செல்ல செல்ல , மூல கொள்கையில் இருந்து பிரிந்து சென்றதன் காரணமாக , முஸ்லிம்களின் தேசிய இயக்கமாக மாறியிருக்க வேண்டிய வலியுல்லாஹ் இயக்கம் கொள்கை பிரிவினையின் தளமாக மாறிப் போனது . இந்த பிரிவினை செய்யித் அஹ்மத் ரேபரேலி உடன் தொடங்கியது . இந்த இயக்கத்தின் மற்றோரு பிரிவான தேவ்பந்த் இயக்கமும் அதே முடிவை அடைந்தது . இன்றும் பெருவாரியான மக்கள் பரேலவிகளாக இருப்பதோடு இவ்விரு இயக்கங்களையும் குப்ர் கொள்கைகளை கொண்டவர்கள் என்றே கருதுகின்றனர் . "
[நூல்- இபாதாத் ஏ மல்பூஜாத் , பக்கம் 349, சிந்த் சாகர் அகாடமி , லாகூர் ,மவ்லானா உபைதுல்லாஹ் சிந்தி  ]

இந்தியாவில் ஹிஜ்ரி 1240/1825ஆம் ஆண்டுக்கு பின் உண்டான இஸ்லாமிய பிரிவினையின் காரணமும் ,அதன் காரணகர்த்தாக்களும் ,அதன் பின் புலமும் விவரிக்கப்பட்டுள்ளது .

அக்காலத்தில் வட இந்தியாவைச் சார்ந்த அஹ்லுஸ் சுன்னத் வல் ஜமாத்தை சார்ந்த  செல்வாக்கு நிறைந்த உலமாக்களின் சுருக்கமான பட்டியல் பின்வருமாறு ,

ஹிஜ்ரி 13ஆம் நூற்றாண்டு :

அல்லாமா அப்துல் அலி பிரங்கி மஹல்லி லக்னவி (1144-1235 ஹிஜ்ரி )
ஷாஹ் முஹம்மது அஜ்மல் இலாஹாபாதி (1160-1236 ஹிஜ்ரி )
ஷாஹ் அன்வாருல் ஹக் பிரங்கி மஹல்லி (1159-1239 ஹிஜ்ரி )
ஷாஹ் குலாம் அலி நக்ஷ்பந்தி திஹ்லவி (1158-1240 ஹிஜ்ரி )
ஷாஹ் அபூ சயீத் முஜத்திதி ராம்பூரி (1196-1226 ஹிஜ்ரி )
ஷாஹ் செய்யித் ஆலே அஹ்மத் காதிரி பரகதி மெஹ்ரார்வி (1160-1262 ஹிஜ்ரி )
ஷாஹ் அபுல் ஹசன் பர்த் ப்ஹுல்வாரவி (1191-1265 ஹிஜ்ரி )
ஷாஹ் அஹ்மத் சயீத் முஜத்திதி ராம்பூரி (1217-1277 ஹிஜ்ரி )
அல்லாமா பஜ்லே ஹக் கைராபாதி (1212-1278 ஹிஜ்ரி )
அல்லாமா அப்துல் ஹலீம் பிரங்கி மஹல்லி (1209-1285 ஹிஜ்ரி )
அல்லாமா பஜ்லே ரசூல் உத்மானி காதிரி பதாயூனி (1213-1289 ஹிஜ்ரி )
ஷாஹ் ஆலே ரஸூல் அஹ்மதி காதிரி பர்கத்தி மெஹ்ரார்வி (1209-1296 ஹிஜ்ரி )
மவ்லானா நகி அலி கான் பரேல்வி (1246-1297 ஹிஜ்ரி )

இன்னும் எண்ணற்றோர் .அல்லாஹ் இவர்களை பொருந்திக் கொள்வானாக ! ஆமீன் .

ஹிஜ்ரி 14ஆம் நூற்றாண்டு :

மவ்லானா அப்துல் ஹை பிரங்கி மஹல்லி லக்னவி (1264-1304 ஹிஜ்ரி )
முப்தி இர்ஷாத் ஹுசைன் முஜத்திதி ராம்பூரி (1248-1311 ஹிஜ்ரி )
மவ்லானா பஜ்லே ரஹ்மான் கஞ் முராதாபாதி (1208-1313 ஹிஜ்ரி )
மவ்லானா குலாம் தஸ்தகீர் குஸூரி லாகூரி (மறைவு 1315 ஹிஜ்ரி )
மவ்லானா அப்துல் காதிர் உத்மானி காதிரி பரகதி பதாயூனி (1253-1319 ஹிஜ்ரி )
மவ்லானா ஹிதாயத்துல்லாஹ் ராம்பூரி ஜான்புரி (மறைவு 1326 ஹிஜ்ரி )
மவ்லானா கைருத்தீன் திஹ்லவி (மறைவு 1326 ஹிஜ்ரி )
மவ்லானா அஹ்மது ரிழா ஹனஃபி காதிரி பரகதி பரேல்வி (1272-1340 ஹிஜ்ரி )
ஷாஹ் அபுல் கைர் நக்ஷபந்தி திஹ்லவி (1272-1341 ஹிஜ்ரி )
ஸெய்யித் ஷாஹ் அலி ஹுசைன் அஷ்ரபி கச்சோச்சாவி (1266-1355 ஹிஜ்ரி )
ஷாஹ் மெஹர் அலி கோல்ராவி பஞ்சாபி (1274-1356 ஹிஜ்ரி )

இன்னும் எண்ணற்றோர் .அல்லாஹ் இவர்களை பொருந்திக் கொள்வானாக ! ஆமீன் .

இந்தியாவில் வஹாபிய பித்னாவின் ஆரம்பம் - 3

2017-01-15T21:10:00.001-08:00

மவ்லானா செய்யித் அஹ்மத் ரஜா பிஜ்நோரி காசிமி அவர்கள் கூறுகின்றார்கள் ,

"வெட்கக்கேடான விஷயம் என்னெவெனில் இந்த புத்தகம் [தக்வியத்துள் ஈமான் ] காரணமானாக சுமார் 20 கோடி மக்கள் தொகை கொண்ட இந்திய முஸ்லிம்களில் ,தொண்ணூறு சதவீதம் ஹனபிக்கள் , இரண்டு பிரிவுகளாக பிளவுபட்டு போனார்கள் "

[நூல் -அன்வாருல் பாரி , பக்கம் 107, நஸீருல் உலூம் , பஜ்னுர் ]

மவ்லானா அபுல் கலாம் ஆசாத் எழுதுகின்றார்கள் ,

"மவ்லானா இஸ்மாயில் திஹ்லவி மவ்லானா முனவ்வருத்தீன்அவர்களின் பள்ளித் தோழர் . ஷாஹ் அப்துல் அஜீஸ் (ரஹ்மத்துல்லாஹி அலைஹி ) அவர்களின் மறைவுக்குப் பின் ,இஸ்மாயில் திஹ்லவி எழுதிய 'தக்வியத்துள் ஈமான் ' மற்றும் 'ஜிலாஉல் ஐநைன்' நூற்களின் மூலம் அவரது கொள்கைகள் நிலமெங்கும் பரவின .அந்த கொள்கைகளை எதிர்த்து உலமாக்கள் கிளர்ந்து எழுந்தனர் .

இந்த நூற்களை அதிகம் எதிர்த்த நபர் மவுலானா முனவ்வருத்தீன் .அவர் இதற்கு எதிராக பல நூற்களை எழுதினார் .இறுதியாக ஹிஜ்ரி 1240ல் பிரசித்தி பெற்ற அந்த விவாதம் ஜாமியா மஸ்ஜித் ,டில்லியில் நடைபெற்றது .இந்தியாவில் உள்ள அனைத்து உலமாக்களிடமும் பத்வா கோரப்பட்டது ,பின்னர் ஹரமைன் ஷரீபிலும் இருந்து பத்வா பெறப்பட்டது .அவரின் எழுத்துக்களில் இருந்து புலனாகின்றது என்னவென்றால் மவ்லானா முனவ்வருத்தீன் இஸ்மாயில் திஹ்லவியையும் அவரது மருமகன் அப்துல் ஹையையும் சமாதானம் செய்ய முயற்சித்தார் என்பதும் ,அவர்களை சம்மதிக்க வைக்கவும் எல்லா நடவடிக்கைகளையும் எடுத்தார் .

எனினும் எல்லா முயற்சிகளும் தோல்வியில் அடைந்த பின்னர் தமது கொள்கைகளை விவாதம் செய்தும் ,மற்ற உலமாக்களுக்கு மறுப்பு வழங்குமாறும் நிர்பந்திக்கப்பட்டார் . தில்லியின் ஜாமிஆ மஸ்ஜிதில் மிகப் பிரசித்தி பெற்ற அந்த விவாதம் நடைபெற்றது .
ஒரு பக்கம் இஸ்மாயில் திஹ்லவியும் அவரது மருமகன் மவ்லவி அப்துல் ஹை மற்றோரு பக்கம் மவ்லனா முனவ்வருத்தீன் மற்றும் தில்லியின் அனைத்து உலமாக்களும் .

[நூல் - ஆஸாத் கீ கஹானி ,பக்கம் 48,மக்தபா கலீல் ,உருது பஜார் ,லாகூர் ]

மவ்லானா மக்சுஸுல்லாஹ் பின் ஷாஹ் ரபிய்யுத்தீன் திஹ்லவி , மவ்லானா முஹம்மது மூஸா பின் ஷாஹ்  ரபிய்யுத்தீன் திஹ்லவி , மவ்லானா பஜ்லே ஹக் கைராபாதி (ஷாஹ் அப்துல் அஜீஸ் முஹத்தித் திஹ்லவி அவர்களின் மாணவர் ),

முப்தி சத்ருத்தீன் ஆஸுர்தாஹ் (ஷாஹ் அப்துல் அஜீஸ் முஹத்தித் திஹ்லவி அவர்களின் மாணவர் ), மவ்லானா முஹம்மது பஜ்லே ரஸூல் உத்மானி பதாயூனி , மவ்லானா அஹ்மத் ஸயீத் நக்ஷ்பந்தி திஹ்லவி , மவ்லானா ரஷீத்துத்தீன் திஹ்லவி ,மவ்லானா கைருத்தீன் தெஹ்லவி , ஹக்கீம் சாதிக் அலி கான் திஹ்லவி (மஸீஹுல் முல்க் ஹக்கீம் அஜ்மல் கான் அவர்களின் பாட்டனார் ),

மவ்லானா செய்யித் அஷ்ரப் குல்ஷன் ஆபாதி , மவ்லானா முக்லீசூர் ரஹ்மான் சட்கமி , மவ்லானா கலந்தர் அலி ஜுபைரி பானிபதி போன்ற எண்ணற்ற அஹ்லுஸ் ஸுன்னாஹ்வின் சத்திய உலமாக்கள் இந்த புதிய வஹாபிய கொள்கைகளுக்கும் ,கோட்பாடுகளுக்கும் எதிராக மறுப்புரைகளை தமது எழுத்தின் மூலமும் ,சொற்பொழிவின் மூலமும் வெளிப்படுத்தினர் .
அவர்கள் அஹ்லுஸ் ஸுன்னாஹ்வின் கொள்கைகளை பாதுகாக்க தமது மார்க்க அறிவினாலும் , செயலாலும்  இந்த புனித ஜிஹாதில் பங்கெடுத்தனர் .

அல்லாமா பஜ்லே ரஸூல் உத்மானி பதாயூனி அவர்கள் "தக்வியத்துள் ஈமான் " பற்றி ஏழு கேள்விகளை ஹழ்ரத் ஷாஹ் மக்சுஸுல்லாஹ் பின் ஷாஹ் ரபீயுத்தீன் பின் ஷாஹ் வலியுல்லாஹ் முஹத்தித் திஹ்லவி அவர்களிடம் சமர்பித்தார்கள் . இந்த கேள்வி -பதில்   ஒரு நூல் தொகுப்பாக " தஹ்கீக் அல் ஹகீகா " என்னும் பெயரில் ஹிஜ்ரி 1267ல் பம்பாயில் இருந்து வெளிவந்தது .

அவற்றில் மூன்றின் பதில்கள் பின்வருமாறு :

ஹழ்ரத் ஷாஹ் மக்சுஸுல்லாஹ் திஹ்லவி அவர்கள் எழுதுகிறார்கள் ;

" தக்வியத்துள் ஈமான் பற்றிய முதல் கேள்வியின் பதிலானது - நான் அதை தஃப்பியத்துள் ஈமான் ( அரபு எழுத்து faa கொண்டு )    - நான் அதனை மறுத்து "முஈதுல் ஈமான் " என்னும் பெயரில் எழுதிய தனிக்கட்டுரையே ஆகும் .

இஸ்மாயிலின் நூல் எமது குடும்பத்தினரின் பாரம்பரியத்திற்கு எதிரானது என்பது மட்டுமில்லாமல் ,நபிமார்கள் மற்றும் ரஸுல்மார்கள் காட்டித் தந்த தவ்ஹீதுக்கே எதிரானது ! ஏனெனில் நபிமார்களும் ,ரஸுல்மார்களும் வந்ததன் நோக்கம் மக்களுக்கு தவ்ஹீதை கற்றுத் தந்து அதன் வழியில் நடத்திக் காட்டவே ஆகும் .

இந்த புத்தகத்தில் தவ்ஹீதின் அடையாளமோ அல்லது நபிமார்களின் ஸுன்னாஹ்வின் அடையாளமோ இல்லை . எதையெல்லாம் இவர்கள் ஷிர்க் ,பித்அத் என்று அடையாளமிட்டு மக்களுக்கு கற்றுத் தருகிறார்களோ ,அவை நபிமார்களோ அல்லது அவர்களைப்  பின்பற்றியவர்களாலோ அவ்வாறு சொல்லப்படவில்லை . இதற்கு மாற்றாக அவர்களிடம் ஆதாரம் இருந்தால் ,அதனை நம்மிடம் தெரிவிக்க அவர்களின் ஆதரவாளர்களுக்கு கூறுங்கள் .

நான்காவது கேள்வியின் விடை ,

வஹாபியின் (அப்துல் வஹாப் நஜ்தி தமீமி ) நூல் உரை என்றால் ,இஸ்மாயிலின் நூல் அதன் விளக்கவுரை போல் உள்ளது .

ஐந்தாவது கேள்வியின் விடை ,

ஷாஹ் அப்துல் அஜீஸ் முஹத்தித் திஹ்லவி அவர்கள் பார்வை குறைபாடு காரணமாக பலவீனப்பட்டு இருந்தார்கள் . இஸ்மாயிலின் நூலைப் பற்றி கேள்விப் பட்ட அவர்கள் ,தாம் மட்டும் சுகவீனமாக இல்லையென்றால் ,ராபிழி ஷியாக்களுக்கு எதிராக எழுதிய "துஹ்பா இத்னா அஷரியா " என்னும்   மறுப்புரை போல் இஸ்மாயிலின் நூலுக்கும் மறுப்பு எழுதியிருப்பேன் என்றார்கள் .

அல்லாஹுதாலாவின் மாபெரும் கிருபையினால் நான் எழுதிய மறுப்புரை விளக்கவுரை நூலுக்கு(தஃப்பியத்துள் ஈமான்) மட்டுமல்லாது அதன் உரை நூலுக்கும்(கிதாபுத் தவ்ஹீத் ) மறுப்பாக அமைந்தது .

[ஆதாரம் - நூல் : அன்வார் ஏ அப்தாப் ஏ ஸதகாத் , பக்கம் 617-620, கரீம் ப்ரெஸ் ,லாகூர் , முஹம்மத் காஜி பஜ்லே அஹ்மத் லூதியான்வி நக்சபந்தி முஜத்திதி ]

இனி நாம் இஸ்மாயில் திஹ்லவியின் சீர்திருத்த இயல்பையும் (?) ,அவரின் பகுத்தறியும் தன்மையையும்(?) பின்வரும் சம்பவம் மூலம் காண்போம் ;

மவ்லவி அஷ்ரப் அலி தானவி எழுதுகின்றார் ,

" ஷாஹ் இஷ்ஹாக் கூறுகின்றார் , மவ்லவி இஸ்மாயில் 'ரபா யாதைன் '  (சலாஹ்வில் கைகளை உயர்த்துவது ) என்னும் செயலை செய்ய ஆரம்பித்த பொழுது , ஷாஹ் அப்துல் அஜீஸ் முஹத்தித் திஹ்லவி அவர்களின் மாணாக்கர் மவ்லவி முஹம்மது அலி ,மவ்லவி அஹ்மது அலி ஆகியோர் அன்னாரைச் சந்தித்து இதன் காரணமாக தேவையில்லாத குழப்பம் உண்டாகுமென்பதால் , மவ்லவி இஸ்மாயிலை எச்சரிக்குமாறு வேண்டுகோள் விடுத்தனர் .

ஷாஹ் அப்துல் அஜீஸ் அவர்கள் தமது வயோதிகம் மற்றும் பலவீனம்  காரணமாக தாம் விவாதங்களில் கலந்து கொள்வது இல்லை என்று பதில் அளித்தார்கள் .

ஷாஹ் அப்துல் காதிர் அவர்கள் ஷாஹ் அப்துல் அஜீஸ் அவர்களை சந்தித்த பொழுது ,அவரிடம் இஸ்மாயில் திஹ்லவியை ,பொது மக்களுக்கு குழப்பம் விளைவிப்பதால்  'ரபா யாதைன் ' என்னும் செயலை விட்டுவிடும்படி அறிவுறுத்துமாறு சொல்லப்பட்டது .ஷாஹ் அப்துல் காதிர் அவர்கள் தாம் இஸ்மாயிலுக்கு அறிவுறுத்த தயாராக உள்ளதாகவும் ,எனினும் அவர் கேட்க மாட்டார் என்று தயங்கினார் . மேலும் அந்த செயலுக்கு ஹதீதைக் கொண்டு எதிர்ப்பார் என்றும் கூறினார் .

அதனால் ,ஷாஹ் அப்துல் காதிர் அவர்கள் மவ்லவி முஹம்மது யாகூப் அவர்களிடம்   இஸ்மாயில் திஹ்லவியை ,பொது மக்களுக்கு குழப்பம் விளைவிப்பதால்  'ரபா யாதைன் ' என்னும் செயலை விட்டுவிடும்படி அறிவுறுத்துமாறு சொன்னார்கள் . மவ்லவி யாகூப் அவர்கள் மவ்லவி இஸ்மாயிலிடம் இது பற்றி கூறிய பொழுது , அவர் ,'மக்களிடம் குழப்பம் உண்டாவது குறித்து வருந்தினால் ,' ஒரு மனிதர் சோதனையான காலத்தில் ஓர் ஸுன்னாஹ்வை உயிர்பித்தால் , அவருக்கு நூறு ஷஹீதுகளின் அந்தஸ்த்து கிடைக்கும் ' என்ற ஹதீதுக்கு என்ன விளக்கம் தருவீர்கள் என்று பதில் அளித்தார் . கைவிடப்பட்ட ஓர் ஸுன்னாஹ்வை உயிர்ப்பிக்கும் பொழுது பொதுமக்களிடம் எதிர்ப்பு வரத்தான் செய்யும் என்றார் .

மவ்லவி யாகூப் இஸ்மாயிலின் பதிலை ஷாஹ் அப்துல் காதிர் அவர்களிடம் கூறினார் . அது கேட்ட ஷாஹ் அப்துல் காதிர் அவர்கள் கூறினார்கள் , ' என்னவொரு கைசேதம் ! நாம் இஸ்மாயில் ஒரு மார்க்கம் கற்றறிந்த அறிஞர் ஆகிவிட்டார் என நினைத்தோம் . ஆனால் அவர் ஒரு (சுலபமான )ஹதீதின் பொருளைக்   விளங்காமல் உள்ளார் . அவர் குறிப்பிடும் ஹதீத் எந்த செயல் ஸுன்னாஹ்விற்கு மாறுபடுகின்றதோ அதற்குத்தான் . 'ரபா யாதைன் ' என்னும் செயலை பொறுத்தவரை நாம் ஸுன்னாஹ்விற்கு மாறாக எதையும் செய்யவில்லை . எவ்வாறு கைகளை உயர்த்துவதும் ஸுன்னாஹ்வின் அடிப்படையில் உள்ளதோ அதைப்போன்றே கைகளை உயர்த்தாமல் இருப்பதும் ஸுன்னாஹ்வின் அடிப்படையில் தான் . "

[நூல் - அன்வார் ஏ தலாதா , ஹிகாயத் 73, இம்தாதுல் குராபா , ஸஹ்ரான்பூர் , ஹிஜ்ரி 1370 , அஷ்ரப் அலி தான்வி  ]

இஸ்லாமிய கொள்கை மற்றும் பிக்ஹ் உடைய மஸாயில்களில்  இஸ்மாயில் திஹ்லவியின் தவறுகளும் ,மாற்றமான போக்கும் உலமாக்களிடையே சர்சைகளை ஏற்படுத்தின . குறிப்பாக 'இம்கான் ஏ காதிப் ' மற்றும் 'இம்கான் ஏ நசீர் ஏ முஹம்மதி ' ஆகியவை கலகத்தை ஏற்படுத்தின .

அஹ்லுஸ் ஸுன்னத் வல் ஜமாத்தின் உலமாக்கள் இந்த விஷயங்களை தெளிவாகவும் ,துல்லியமாகவும் ,விரிவாகவும் விளக்கி உள்ளனர் .
இஸ்மாயில் திஹ்லவியின் நூலில் சர்ச்சைக்குறிய கருத்துக்களைக் கொண்ட அந்த வாசகம் பின்வருமாறு ,

"அந்த அரசனின்(அல்லாஹ்வின் ) மகிமை எப்படிபட்டதெனில் குன் (ஆகுக என்னும் கட்டளை ) என்னும் ஒரு நோடிப் பொழுதில் கோடிக்கணக்கான நபிமார்கள் , அவ்லியாக்கள் ,ஜின்கள் ,மலக்குகள் , முஹம்மது மற்றும் ஜிப்ரஈல் ஆகியோரை உருவாக்க முடியும்  "
[நூல்- தக்வியத்துள் ஈமான் ,பக்கம் 37 ]

அல்லாமா பஜ்லே ஹக் கைராபாதி (ஷாஹ் அப்துல் அஜீஸ் முஹத்தித் திஹ்லவி அவர்களின் மாணவர் ) ,இந்த சிந்தனையை ஷரியத்திற்கு மாற்றமானது என்று மறுத்தார்கள்.

அவர்கள் எழுதினார்கள் , குர்ஆன் ஹதீத் உடைய நஸ்ஸான (அறுதியான) ஆதாரங்களைக் கொண்டு கண்மணி நாயகம் (ஸல்லல்லாஹு அலைஹி வஸல்லம் )   அவர்கள் தான் இறுதி நபி ,அவர்களுக்கு பின் நபியோ,ரசூலோ வரப்போவதில்லை . நபிகள்  நாயகம் (ஸல்லல்லாஹு அலைஹி வஸல்லம் )   அவர்களைப் போல் இன்னொருவர் வருவார் என்பது சாத்தியமற்ற ஒன்று ,இன்னும் ஷரீயத் எதையெல்லாம் சாத்தியமற்ற அம்சங்கள் என்று  கூறுகின்றதோ அதில் நின்றும் உள்ளவை . நபிகள்  நாயகம் (ஸல்லல்லாஹு அலைஹி வஸல்லம் )   அவர்களுக்குப் பின் ஒரு நபி வருவார் என்று நம்பிக்கை கொள்வது அல்லாஹுத்தஆலா குர்ஆனில் தான் கூறியதற்கு மாற்றமாக  ஒன்றை செய்தான் என்று அவசியப்படுத்துவது போல் ஆகும் ,அதாவது அல்லாஹுத்தஆலா பொய் உரைத்தான் என்று . பொய் உரைப்பது ஒரு குறைபாடு இன்னும் அல்லாஹுத்தஆலா குறைபாடுகளை கொண்டிருப்பது இயலாதவொன்று . இதுபற்றிய மேலதிக விவரங்களுக்கு அல்லாமா பஜ்லே ஹக் கைராபாதி அவர்கள் எழுதிய 'தஹ்கீக் அல் பத்வா பீ இப்தால் அல் தகுவா ' என்னும் நூலைக் காணவும் .

இந்த புத்தகம் தேவ்பந்தி தப்லீக் வஹாபிகளின் கொள்கைகளான 'அல்லாஹ் பொய் சொல்லுவது சாத்தியம்' மற்றும் 'முஹம்மது (ஸல்லல்லாஹு அலைஹி வஸல்லம் )   அவர்களைப் போல் இன்னொருவர் வருவது சாத்தியம்' என்ற கொள்கைகளை தெளிவாக ஆதாரங்களுடன் மறுத்து அஹ்லுஸ் ஸுன்னத் வல் ஜமாத்தின் கொள்கைகளை நிலைநாட்டியது .

இந்த விஷயங்கள் சம்பந்தமாக இஸ்மாயில் திஹ்லவி ஒரு தனிக்கட்டுரை 'யக் ரோஜா' என்னும் பெயரில் எழுதினார் .இதற்கு அவரின் மாணவர் மவ்லவி ஹைதர் அலி டோங்கி உறுதுணையாக இருந்தார் .

இதற்கு மறுப்பளிக்கும் விதமாக அல்லாமா பஜ்லே ஹக் கைராபாதி அவர்கள் பாரசியில் எழுதிய நூல் 'இம்தினாஉன் நசீர் ' . இந்த நூலை ஜூஅன்புரைச் சேர்ந்த அல்லாமா செய்யித் சுலைமான் அஷ்ரப் அவர்கள் (அதிபர் ,இஸ்லாமிக் சயின்ஸ்,அலிகர் பல்கலைக்கழகம் ) 1908ல் வெளியிட்டார்கள் .

மவ்லானா அஹ்மத் ஹசன் கான்பூரி (முப்தி முஹம்மது லுத்புல்லாஹ் அலிகரி அவர்களின் மாணவர் மற்றும் ஹாஜி ஷைகு இம்தாதுல்லாஹ் முஹாஜிர் மக்கி அவர்களின் கலீஃபா    )     இந்த தலைப்புகளில் இஸ்மாயில் திஹ்லவிக்கு மறுப்பாக எழுதிய நூல் 'தன்ஸீஹ் அல் ரஹ்மான் அன் ஷீயத் அல் காதிபி வ அல் நுக்சான்  ' .

இதே தலைப்பில் மவ்லானா ஹக்கீம் செய்யித் பரகத் அஹ்மத் டோங்கி, இஸ்மாயில் திஹ்லவிக்கு மறுப்பாக ' அல் சம்சம் அல் காதிப் லிரா அசி அல் முப்தாரி அலல்லாஹி அல் காதிப் ' என்னும் நூலை எழுதினார் .

முப்தி முஹம்மது அப்துல்லாஹ் டோங்கி , இஸ்மாயில் திஹ்லவிக்கு மறுப்பாக 'இஜாலாத் அல் ரகீப் பீ இம்தினாயி காதிப் அல் வாஜிப் ' என்னும் நூலை எழுதினார் .

இது போன்ற எழுத்துகளின் மூலம் இம்மக்கள் அல்லாஹ் பொய் சொல்லுவது சாத்தியம் என்ற வஹாபிய கொள்கையை மிகச் சிறப்பாக எதிர்த்தனர் .

இனி அக்காலத்தில் உண்டான சச்சரவுகளை பற்றிய விஷயங்களை சற்றே ஒதுக்கிவிட்டு சற்று முன்னே நகரலாம் .

மிகப் பிரபலமான நக்ஷபந்தி முஜத்திதி ஷைகும் அறிஞருமான மவுலானா அபுல் ஹசன் ஜைத் பாரூக்கி திஹ்லவி அவர்களின் தமது காலத்தில் உண்டான பிளவுகளைப் பற்றிய  கூற்று சிந்திக்கத்தக்கவை  ,

" முஜத்திதே அல் பதானி ஷைகு அஹ்மத் பாரூக்கி சிர்ஹிந்தி அவர்களின் காலம் தொட்டு ஹிஜ்ரி 1240 (1825ஆம் ஆண்டு ) வரை இந்திய முஸ்லிம்கள் இரு பிரிவாக பிளவுபட்டு இருந்தனர் ,

அஹ்லுஸ் ஸுன்னத் வல் ஜமாஅத் மற்றும் ராபிழி ஷியாக்கள்

அதன் பின்னர் இஸ்மாயில் திஹ்லவி தோன்றினார்,
இவர் ஷாஹ் வலியுல்லாஹ் அவர்களின் தந்தைவழி பேரன் . மற்றும் ஷாஹ் அப்துல் அஜீஸ் ,ஷாஹ் ரபிய்யுத்தீன் ,ஷாஹ் அப்துல் காதிர் ஆகியோரின் சகோதரர் மகன் .

இவர் முஹம்மத் பின் அப்துல் வஹ்ஹாப் நஜ்தியின் சிந்தனைகளால் கவரப்பட்டு ,இப்னு அப்துல் வஹாபின் நூலான 'ரத்துல் இஷ்ராக்' கை வாசித்து அதன் கருத்துக்களால் ஈர்க்கப்பட்டார் .

இவர் 'தக்வியத்துள் ஈமான்' என்னும் நூலை உர்துவில் எழுதினார் . இந்த நூல் மார்க்க விஷயங்களில் தடங்களற்ற சுதந்திரத்தை உண்டாக்கும் காலத்தை தொடங்கி வைத்தது . சிலர் கைர் முகல்லிதுகலாயினர் ,சிலர் வஹாபிகளாயினர் ,சிலர் அஹ்லே ஹதீத் என்று தங்களை அழைத்தனர் சிலர் ஸலபிகள் என்று பிரிந்தனர் .

முஜ்தஹித் இமாக்களுக்கு மக்கள் அளித்த கண்ணியம் வெகுவாக குறைந்தது ,மார்க்க விஷயங்களில் சாதாரண  அறிவும் கற்றலும் உடையவர்கள் இமாம்களாயினர் .

மிகப்பெரும் சோகம் என்னவெனில் தவ்ஹீதின் பெயரால் கண்மணி நாயகம் (ஸல்லல்லாஹு அலைஹி வஸல்லம் ) அவர்களை மக்கள் நிந்தனை செய்யத் தொடங்கினர் . இது போன்ற சிதைந்த கருத்தாக்கங்கள் ஹிஜ்ரி 1240 (1825 ஆம் ஆண்டு )ரபிய்யுல் ஆகிர் மாதத்திற்கு பின் தோன்றின   . "

[நூல்- மவ்லானா இஸ்மாயில் திஹ்லவி அவ்ர் தக்வியத்துள் ஈமான் , பக்கம் 9, ஷாஹ் அபுல் கைர் அகாடமி ,மவுலானா அபுல் ஹசன் ஜைத் பாரூக்கி திஹ்லவி  ]

1871ஆம் ஆண்டு பதாயூனில் உள்ள ஷைக்கோபூர் என்னும் ஊரில் வைத்து ஒரு விவாதம் நடந்தது .

முஹிப்பிர் ரசூல் தாஜுல் புஹூல் அல்லாமா அப்துல் காதிர் காதிரி பரக்கத்தி பதாயூனி (மறைவு 1319 ஹிஜ்ரி - 1901 ஆம் ஆண்டு )
மற்றும்
மவ்லானா அமீர் அஹ்மத் பின் மவ்லவி அமீர் ஹசன் சஹசவாணி (மறைவு ஹிஜ்ரி 1306 - 1889 ஆம் ஆண்டு )
'அல்லாஹ் பொய் சொல்லுவது சாத்தியம்' , 'முஹம்மது (ஸல்லல்லாஹு அலைஹி வஸல்லம் )   அவர்களைப் போல் இன்னொருவர் வருவது சாத்தியம்' போன்ற தலைப்புகளில் .

மவ்லானா நசீர் அஹ்மத் சஹசவாணி (மறைவு ஹிஜ்ரி 1299 - 1881 ஆம் ஆண்டு ) இந்த விவாதத்தை பதிவு செய்துள்ளார் .

[நூல் -முனாஜாரா ஏ அஹ்மதியா ,ஹிஜ்ரி 1289 பதிப்பு ]

மவ்லானா அமீர் அஹ்மத் மற்றும் மவ்லானா நசீர் அஹ்மத் இருவரும் மவ்லானா முஹம்மது அஹ்சன் நானொத்வியிடம் சில காலம் கழித்தவர்கள் என்பது குறிப்பிடத்தக்கது .

இப்னு அப்பாஸ் உடைய அதரை ஆதாரமாகக் கொண்டு , அவர்கள் ஆதம் (அலைஹிஸ்ஸலாம் ) ,நூஹ்  (அலைஹிஸ்ஸலாம் ), இப்ராஹீம்  (அலைஹிஸ்ஸலாம் ),மூஸா  (அலைஹிஸ்ஸலாம் ),ஈஸா  (அலைஹிஸ்ஸலாம் ) ,முஹம்மது (ஸல்லல்லாஹு அலைஹி வஸல்லம் )  போன்று இன்னொருவர் வருவது சாத்தியம் என்ற நம்பிக்கையோடு மட்டுமல்லாமல் அதுதான் யதார்த்தமான நிலையும் கூட என்று அவ்விருவரும் நம்பினார்கள் .

பேராசிரியர் அய்யூப் காதிரி (கராச்சி ) அவர்கள் எழுதுகின்றார்கள் ,

" முக்கியமாக சுட்டிக் காட்ட வேண்டிய விஷயம் யாதெனில் பரேலி பதாயூனைச் சார்ந்த உலமாக்கள் ,மவ்லானா முஹம்மது அஹ்சன்  நானொத்வியின் கண்ணோட்டத்தை கடுமையாக எதிர்த்தனர் ,முரண்பட்டனர் . பரேலி உலமாக்களில் முன்னோடியாக எதிர்த்தவர்கள் மவ்லானா நகீ அலி கான் ,பதாயூன் உலமாக்களில் முன்னோடியாக எதிர்த்தவர்கள் மவ்லானா அப்துல் காதிர் ,மவ்லானா பஜ்லே ரஸூல் பதாயூனி அவர்களின் மகனார்   "

[நூல்- மவ்லானா முஹம்மது அஹ்சன்  நானொத்வி , பக்கம் 94, மஃத்பா உத்மானியா , பேராசிரியர் முஹம்மது அய்யூப் காதிரி ]

மவ்லானா அப்துல் ஹக் கைராபாதி ,மவ்லானா செய்யித் ஹுசைன் முஹத்தித் ராம்பூரி , மவ்லானா அப்துல் அலி ராம்பூரி ,முப்தி நூருந்நபி ராம்பூரி மற்றும் அஹ்லுஸ் ஸுன்னாஹ்வின் ஏனைய உலமாக்கள் இப்னு அப்பாஸ் உடைய அதரை ,அது குர்ஆனுக்கு எதிராக உள்ளதாக நிரூபணம் செய்ததோடு அது தவறான கொள்கை என  எதிர்த்தனர் .

ஹழ்ரத் முப்தி இர்ஷாத் ஹுசைன் ராம்பூரி அதில் நம்பிக்கைக்கு கொள்வது அஹ்லுஸ் ஸுன்னாஹ்வின் கொள்கைக்கு முரணானது என எழுதினார்கள் . ஏனெனில் 'காத்தமுன் நபிய்யீன்' என்றால் இறுதி நபி - அதாவது  முஹம்மது (ஸல்லல்லாஹு அலைஹி வஸல்லம் )  அவர்கள் .
[நூல் - தன்பீஹ் அல் ஜிஹால் , பக்கம் 26, முப்தி ஹாபிஸ் பக்ஷ் அனோல்வி ]