VELLUVANGAD : നമ്മുടെ വെള്ളുവങ്ങാട്

വെള്ളുവങ്ങാട്ടിലെ പുതിയ വിശേഷങ്ങൾ അറിയാൻ താഴെ ലിങ്കിൽ ക്ലിക്ക് ചെയ്യുക

2024-11-19T18:15:00.001+05:30

പുതിയ വിശേഷങ്ങൾ അറിയാൻ നമ്മുടെ പേജുകൾ ഫോളോ ചെയ്യുക

ഇൻസ്റ്റാഗ്രാം: https://www.instagram.com/velluvangad_stories/

ഫേസ്ബുക്ക് : https://m.facebook.com/velluvangad/

2016-11-20T14:24:00.000+05:30

ചരിത്രം വെള്ളുവങ്ങാടിലൂടെ
[Velluvangad - History]

സാമൂഹ്യചരിത്രം

ക്രിസ്തുവര്‍ഷം ഏഴും എട്ടും നൂറ്റാണ്ടുകളില്‍ കേരളത്തിലേക്ക് കുടിയേറിയ ആര്യവംശജരായ ബ്രാഹ്മണരാണ് ഇവിടുത്തെ ഭൂമി മുഴുവന്‍ കൈയ്യടക്കിവച്ചത്. എ.ഡി 600 വരെ, ഇവിടെ ബ്രാഹ്മണരോ, ബ്രഹ്മസ്വം-ദേവസ്വം സമ്പ്രദായങ്ങളോ ഉണ്ടായിരുന്നില്ലെന്നും, “അധ:കൃതര്‍” എന്നും “പട്ടികജാതിക്കാര്‍” എന്നും വിളിക്കപ്പെടുന്ന കേരളത്തിലെ ആദിമനിവാസികളായ, കീഴാള അടിസ്ഥാനവര്‍ഗ്ഗത്തിന്റേതായിരുന്നു ഇവിടുത്തെ ഭൂസ്വത്തുക്കള്‍ മുഴുവനുമെന്ന് ചരിത്രസൂചനകള്‍ സാക്ഷ്യപ്പെടുത്തുന്നു. നാടുവാഴികള്‍, കോവിലകങ്ങളിലും കൊട്ടാരങ്ങളിലും, ബ്രാഹ്മണര്‍ ഇല്ലങ്ങളിലും മനകളിലുമാണ് താമസിച്ചിരുന്നത്.

--- വെള്ളുവങ്ങാട് ----

ടിപ്പു സുൽത്താൻ 1788 ൽ പടയോട്ടം നടത്തിയത് വെള്ളുവങ്ങാടിന്റെ രാജവീഥിയിലൂടെയായിരുന്നു. തമ്പടിക്കാൻ പറ്റിയ സ്ഥലം അന്വേഷിക്കുമ്പോഴാണ് ഒരു ജനവാസ കേന്ദ്രവും അവിടെ അർദ്ധനഗ്നരായ സ്ത്രീകൾ നീരാട്ട് നടത്തുന്ന കാഴ്ചയും കണ്ടത്. ടിപ്പു സുൽത്താൻ സ്ത്രീകളോട് മാറുമറക്കാൻ പറയുകയും അവർക്ക് ചേല കൊടുക്കാൻ കല്പിക്കുകയും ചെയ്തു. വെള്ളം സുലഭമായി കിട്ടുന്ന അങ്ങാടിയായതിനാൽ 'വെള്ളാട്ടങ്ങാടി' എന്ന പേരിൽ പിന്നീട് അറിയപ്പെടാൻ തുടങ്ങി. വെള്ളാട്ടങ്ങാടിയിൽ നിന്ന് ക്രമേണ ജനങ്ങൾ താമസം മാറ്റി പോയതിനാൽ വെള്ളാട്ടങ്ങാടി കാട്ടു പ്രദേശമായി മാറി അതോടുകൂടി വെള്ളാട്ടങ്ങാടി വെള്ളാങ്കാടായും ക്രമേണ 'വെള്ളുവങ്ങാട് ' ആയും അറിയപ്പെടാൻ തുടങ്ങി.

-- ചേലക്കലാപം --

ടിപ്പുസുൽത്താന്റെ പടയോട്ടത്തിൽ ഞെരിഞ്ഞമർന്ന വെള്ളാട്ടങ്ങാടിയുടെ തിരുമുറ്റത്ത് നിന്നും പൊട്ടിപ്പുറപ്പെട്ട ഒരു ഒരു ഐതിഹാസിക സമരമാണ് ചേലക്കലാപം.സ്ത്രീകൾക്ക് മാറുമറയ്ക്കാൻ പാടില്ലാത്ത അക്കാലത്ത് മാറുമറക്കാനുള്ള അവകാശത്തിനു വേണ്ടിയുള്ള സമരമായിരുന്നു ചേലക്കലാപം.മൂരിപ്പാടത്തിനും വല്യാത്രപ്പടിക്കും ഇടയിലുണ്ടായിരുന്ന ആ പുരാതന നാഗരികതയുടെ അവശിഷ്ടങ്ങൾ ഈ അടുത്ത കാലം വരെ അവിടുണ്ടായിരുന്നു.

-- മാളികപ്പുറത്ത് നിന്നും ചാടിയ കഥ --

കുടിയാന്മാരെ ഒഴിപ്പിക്കൽ കേസുമായി ബന്ധപ്പെട്ട് 1884-ൽ വെള്ളുവങ്ങാട് തറിപ്പടിക്കൽ പാലത്തിങ്ങൽ ഉണ്ണീന്റെ നേതൃത്വത്തിൽ ഉണ്ടായ കലാപത്തിൽ ജഡ്ജി വധിക്കപ്പെട്ടതായി ചരിത്ര രേഖകളിൽ കാണാം. ഉണ്ണീനെ കിട്ടാതെ അരിശം പൂണ്ട ബ്രിട്ടീഷ് പട്ടാളം അദ്ദേഹത്തിന്റെ മകൻ മൊയ്തീനെ പിടിച്ചു.അദ്ദേഹം മാളിക മുകളിൽ നിന്ന് താഴേക്ക് ചാടി രക്ഷപ്പെടുകയും ചെയ്തു.

-- മലബാർ കലാപവും വെള്ളുവങ്ങാടും --

ഇന്ത്യന്‍ സ്വാതന്ത്ര്യ സമര ചരിത്രത്തിലെ പ്രധാന സംഭവങ്ങളിലൊന്നായ മലബാര്‍ കലാപത്തിന്‍റെ സ്മരണകള്‍ ഉറങ്ങുന്ന മണ്ണാണ് വെള്ളുവങ്ങാട്.
1700-കളുടെ ഉത്തരാര്‍ദ്ധം മുതല്‍ ഒറ്റപ്പെട്ട ഒട്ടേറെ കര്‍ഷകകലാപങ്ങള്‍ മലബാറില്‍ അരങ്ങേറിയിട്ടുണ്ട്. 1790-കളില്‍ ഒളിപ്പോര്‍ വിദഗ്ദ്ധരായിരുന്ന എളംപുളശ്ശേരി ഉണ്ണിമൂസയുടെ നേതൃത്വത്തില്‍ നടന്ന നികുതിനിഷേധ പ്രക്ഷോഭം കര്‍ഷകസമര ആദ്യസംഭവമായിരുന്നു. നേരിട്ടുള്ള യുദ്ധത്തിലൂടെ മാപ്പിള കര്‍ഷക കലാപകാരികളെ കീഴ്പ്പെടുത്താനാവില്ലെന്ന് ബോദ്ധ്യപ്പെട്ട വെള്ളക്കാര്‍ കരിനിയമങ്ങളും നിരോധനങ്ങളും ഏര്‍പ്പെടുത്തി അവരെ അടിച്ചമര്‍ത്താന്‍ തുടങ്ങി.
നേരിട്ടുള്ള യുദ്ധത്തിലൂടെ മാപ്പിള കര്‍ഷക കലാപകാരികളെ കീഴ്പ്പെടുത്താനാവില്ലെന്ന് ബോദ്ധ്യപ്പെട്ട വെള്ളക്കാര്‍ കരിനിയമങ്ങളും നിരോധനങ്ങളും ഏര്‍പ്പെടുത്തി അവരെ അടിച്ചമര്‍ത്താന്‍ തുടങ്ങി. “മാപ്പിള ആക്ട്” എന്ന കിരാതനിയമം പ്രയോഗത്തില്‍ വരുത്തി.

1920-കളോടെ ദേശീയ സ്വാതന്ത്ര്യസമര പ്രസ്ഥാനം ഇവിടെ ആവേശകരമായി ഉയര്‍ത്തെഴുന്നല്‍ക്കാന്‍ തുടങ്ങി. 1920 ഡിസംബറില്‍ നാഗ്പൂരില്‍ ചേര്‍ന്ന കോണ്‍ഗ്രസ് സമ്മേളനത്തോടെ നാടുനീളെ കോണ്‍ഗ്രസ് കമ്മിറ്റികളും ഖിലാഫത്തു കമ്മറ്റികളും സംഘടിപ്പിക്കപ്പെട്ടു. മഞ്ചേരിയില്‍ വിപുലമായ രീതിയില്‍ കോണ്‍ഗ്രസ് കോണ്‍ഫെറന്‍സ് നടന്നു. എ.പി.നാരായണമേനോന്റെയും കട്ടിളശ്ശേരി മുസ്ളിയാരുടെയും നേതൃത്വത്തില്‍ പാണ്ടിക്കാട് ഖിലാഫത്ത് കമ്മിറ്റി രൂപികരിച്ചു. 1921 ആഗസ്റ്റ് 26-ന് 3000-ത്തോളം മാപ്പിള യോദ്ധാക്കളും, ക്യാപ്റ്റന്‍ മക്കന്റായിയുടെ നേതൃത്വത്തിലുള്ള വെള്ളപട്ടാളവും പൂക്കോട്ടൂരില്‍ വച്ച് ഘോരമായ യുദ്ധം നടന്നു. ആഗസ്റ്റ് 31-ന് തിരൂരങ്ങാടിയില്‍ രണ്ടാമത്തെ യുദ്ധം നടന്നു. മലബാര്‍ കലാപത്തിന്റെ അധിനായകരില്‍ പ്രധാനിയും വള്ളുവങ്ങാടിന്റെ അടുത്തുള്ള നെല്ലിക്കുത്ത് സ്വദേശിയുമായ

പാലത്തുമൂലയില്‍ ഏരിക്കുന്നന്‍ ആലി മുസലിയാർ. 1922 ഫെബ്രുവരി 17-ന് കോയമ്പത്തൂര്‍ ജയിലില്‍ വെച്ച് ആലി മുസലിയാരെ തൂക്കിലേറ്റി.

വാരിയം കുന്നത്ത് കുഞ്ഞഹമ്മദ് ഹാജിയുടെയും ആലിമുസ്ലിയാരുടെയും ഗുരുനാഥന്‍ കുന്നുമ്മല്‍ കുഞ്ഞിക്കമ്മു മൊല്ലയായിരുന്നു.1872 ല്‍ കുഞ്ഞിക്കമ്മു മൊല്ലയുടെ ഓത്തുപള്ളി, മൊല്ല മാസ്റ്ററാല്‍ മലയാളം പഠിപ്പിക്കുന്ന എഴുത്തുപള്ളിക്കൂടമാക്കി മാറിയിരുന്നു.

മലയാള പാഠങ്ങള്‍ ഇവിടെ നിന്നാണ് കുഞ്ഞഹമ്മദ് ഹാജി കരസ്ഥമാക്കി.എ.എം.എല്‍.പി സ്‌കൂള്‍ വള്ളുവങ്ങാട് എന്ന പേരില്‍ ഈ സ്‌കൂള്‍ ഇന്നും വെള്ളുവങ്ങാട് പ്രവര്‍ത്തിക്കുന്നുണ്ട്.

വെള്ളുവങ്ങാട് കാരക്കുറിശ്ശി ജുമുഅത്തു പള്ളിയില്‍ ഒത്തുകൂടി പ്രാര്‍ത്ഥനയോടെ മാത്രമേ മൊയ്തീന്‍ കുട്ടി ഹാജിയും പിന്നീട് കുഞ്ഞിമുഹമ്മദ് ഹാജിയും യുദ്ധത്തിന് പുറപ്പെട്ടിരുന്നുള്ളൂ. ആലിമുസ്‌ലിയാരും കുഞ്ഞഹമ്മദ് ഹാജിയും പല സുപ്രധാന തീരുമാനങ്ങളും എടുത്തിരുന്നത് ഈ പള്ളിയില്‍ വെച്ചായിരന്നു. വള്ളുവങ്ങാട് കാരക്കുറിശ്ശി ജുമുഅത്തു പള്ളിയില്‍ വുദു എടുക്കുന്നതിനായി വലിയൊരു കുളമുണ്ട്. ഈ കുളത്തിനുള്ളില്‍ മണ്ണാത്തിപ്പുഴയിലേക്കുള്ള ഒരു തുരങ്കം ഉണ്ടായിരുന്നു. ഏകദേശം ഒരു കിലോമീറ്ററിലധികമുള്ള തുരങ്കത്തിലൂടെ യുദ്ധസമയത്ത് യാത്ര ചെയ്തിരുന്നു എന്നത് കുഞ്ഞഹമ്മദ് ഹാജിയുടെ യുദ്ധതന്ത്രത്തിനും ബുദ്ധി സാമര്‍ഥ്യത്തിനും മതിയായ തെളിവാണ്. ഈ തുരങ്കത്തിന്റെ ചില ഭാഗങ്ങള്‍ ഇന്നും വെള്ളുവങ്ങാട് തെക്കേമണ്ണ കുന്നിൻ മുകളിൽ കാണാം.

ബ്രിട്ടീഷുകാര്‍ വള്ളുവങ്ങാട്ടേക്കു കടക്കാതിരിക്കുന്നതിന് കാക്കത്തോട് പാലം കുഞ്ഞഹമ്മദ് ഹാജി തകര്‍ത്തിരുന്നു. അക്കാലത്തെ പ്രധാന പാതയിതായിരുന്നതിനാല്‍ ബ്രിട്ടീഷുകാര്‍ പാലം പുതുക്കി പണിയുകയും ചെയ്തിരുന്നു. കാക്കത്തോട് വഴി കടലുണ്ടി പുഴയിലൂടെയായിരുന്നു ഹാജിയും കൂട്ടരും സഞ്ചരിച്ചിരുന്നത്.

ഇന്ത്യയുടെ വിമോചന പോരാട്ടത്തില്‍ സമാനതകളില്ലാത്ത വിധം സാഹസികവും ഉജ്ജ്വലവുമായ അധ്യായമായിരുന്നു പാണ്ടിക്കാട് യുദ്ധം. 1921 നവംബര്‍ 18-ന് രാത്രിയില്‍ കുഞ്ഞഹമ്മദ് ഹാജി, ചെമ്പ്രശേരി തങ്ങള്‍, പയ്യനാടന്‍ മോയിന്‍ എന്നിവരുടെ നേതൃത്വത്തില്‍ 2000-ത്തോളം മാപ്പിള യോദ്ധാക്കള്‍ പാണ്ടിക്കാട് പോലീസ് സ്റ്റേഷനു സമീപമുള്ള ചന്തപ്പുര വളഞ്ഞു. എല്ലാവിധ ആയുധസന്നാഹങ്ങളുമായി ലഹളക്കാരെ നേരിടാനെത്തിയ ഗൂര്‍ഖപട്ടാളം ചന്തപ്പുരയിലാണ് തമ്പടിച്ചിരുന്നത്. “കുക്രി” എന്നാരു പ്രത്യേകതരം വാളുപയോഗിച്ച് യുദ്ധം ചെയ്യുന്ന ഗൂര്‍ഖകളെ നേരിട്ട് എതിര്‍ത്തു തോല്‍പിക്കുവാന്‍ അക്കാലത്ത് ഒരു ശക്തിക്കും സാധ്യമല്ലായിരുന്നു. മതില്‍ തകര്‍ത്ത് യോദ്ധാക്കള്‍ അകത്തു കടന്നു. രണ്ടു മണിക്കുറിലേറെ നീണ്ടുനിന്ന ഘോരമായ യുദ്ധം നടന്നു. പാണ്ടിക്കാട് യുദ്ധത്തിനു ശേഷം കുഞ്ഞഹമ്മദ് ഹാജിയും സംഘവും പോലീസ് സേനാവിഭാഗത്തിന്റെ പന്തല്ലൂര്‍ ക്ലബ്, പോലീസ് സ്റ്റേഷന്‍, പോസ്റ്റോഫീസ്, സര്‍വ്വെ ആഫീസ് എന്നിവ ആക്രമിച്ചു. മൂന്ന് പോലീസുകാരെ കൊലപ്പെടുത്തി. 1922 ജനുവരി 6-ന് കാളികാവില്‍ വെച്ച് കുഞ്ഞമ്മദ് ഹാജി പിടിക്കപ്പെട്ടു. ജനുവരി 20-ന് കുഞ്ഞഹമ്മദ് ഹാജിയെയും ചെമ്പ്രശേരി തങ്ങളേയും മലപ്പുറത്ത് കോട്ടകുന്നിന്റെ വടക്കേ ചെരിവില്‍ വച്ച് ബ്രിട്ടീഷുകാര്‍ വെടിവച്ചു കൊല്ലുകയായിരുന്നു.

സാംസ്കാരികചരിത്രം

മഞ്ചേരിയുടെയും പാണ്ടിക്കാടിന്റെയും ഇടയിൽ കടലുണ്ടിപ്പുഴയേരത്ത് സ്ഥിതി ചെയ്യുന്ന ഒരു പ്രദേശമാണ് വെള്ളുവങ്ങാട്. എല്ലാവിധ മത വിഭാഗക്കാരും ഇവിടെ സമ്മിശ്രമായി വസിക്കുന്നു.
രാജ്യഭരണം, നാടുവാഴിത്തം, ജന്മിത്വം, സാമ്രാജ്യത്വം തുടങ്ങിയ അധികാരവാഴ്ചയുടെ വ്യത്യസ്തങ്ങളായ ചരിത്രഘട്ടങ്ങളിലൂടെ, അധ്വാനത്തിന്റെ കൂട്ടായ്മയിലൂടെ, സമരോത്സുകമായ മുന്നേറ്റങ്ങളിലൂടെ കടന്നുപോന്ന ഒരു ജനതയുടെ പിന്‍മുറക്കാര്‍ എന്ന നിലയ്ക്ക് പാണ്ടിക്കാടിന് സമ്പന്നമായൊരു സാംസ്കാരികപൈതൃകമുണ്ട്. വ്യത്യസ്ത ജാതിമത വിഭാഗങ്ങളില്‍ പെട്ടവരായിരിക്കുമ്പോള്‍ തന്നെ, ഭിന്നമായ വിശ്വാസങ്ങളും ആചാരാനുഷ്ഠാനങ്ങളും പുലര്‍ത്തുന്ന, ഇവിടുത്തെ ജനവിഭാഗങ്ങള്‍ തമ്മില്‍ പരസ്പരധാരണയുടേയും സഹിഷ്ണുതയുടേയും സര്‍വ്വോപരി സാഹോദര്യത്തിന്റെയും മഹത്തായൊരു സാമൂഹ്യബന്ധം ഇവിടെ നിലനില്‍ക്കുന്നുണ്ട്. കലാരൂപങ്ങളുടെയും നാടന്‍ പാട്ടുകളുടെയും ഒരു നിധി ശേഖരം തന്നെ ഈ ഗ്രാമത്തിന് പൈതൃകമായികിട്ടിയിട്ടുണ്ട്. ആരാന്റെ പണിപ്പാടങ്ങളില്‍ ഏഴകളായി ഒടുങ്ങിത്തീരുന്ന ജന്മത്തിന്റെ നോവുകളും രോഷവും പകയും ചേര്‍ന്ന അടിസ്ഥാനവര്‍ഗ്ഗത്തിന്റെ കലാരൂപങ്ങളെല്ലാം ഇന്ന് അന്യംനിന്നുപോകുന്ന നിലയിലാണ്. നന്മയുടേയോ, ഏതെങ്കിലും മൂല്യത്തിന്റേയോ യാതൊരു കണികയും രക്തത്തില്‍ പോലുമില്ലാതിരുന്ന തമ്പുരാക്കളെന്ന അധ്വാനിക്കാതെ ഉണ്ടിരുന്ന വര്‍ഗ്ഗത്തിന്റെ പടിപ്പുരകള്‍ക്ക് പുറത്തും കളിമുറ്റങ്ങളിലും ഈ മണ്ണിന്റെ മക്കള്‍ ഒരുകാലത്ത് ഇങ്ങനെ ഉറഞ്ഞു പാടിയിരുന്നു. “കൊയ്യാനും മാണം ഞങ്ങള്…, മെതിച്ചാനും മാണം ഞങ്ങള്….., നെല്ലൊക്കെ അവുത്തായ……, ഞങ്ങളെ കണ്ടൂടോ………”. പഞ്ചായത്തിലെ എല്ലാ സാമൂഹ്യവിഭാഗങ്ങള്‍ക്കും സ്വന്തമായ കലാരൂപങ്ങളും അനുഷ്ഠാനമാധ്യമങ്ങളും ഉണ്ടായിരുന്നു. തുയിലുണര്‍ത്തുപാട്ട്, കൈകൊട്ടികളിപാട്ട്, ചെറുമപാട്ട്, കല്ല്യാണപാട്ട്, ശീവോതിപാട്ട്, പുള്ളുവന്‍ പാട്ട്, തിരുവാതിരപാട്ട് തുടങ്ങിയ പാട്ടുരൂപങ്ങളും ചെറുമക്കളി, പറയന്‍കാള, കോല്‍ക്കളി തുടങ്ങിയ നാട്ടുരൂപങ്ങളും ഗ്രാമീണ ജീവിതത്തിനു സാംസ്കാരികവെളിച്ചം നല്‍കി അടുത്ത കാലം വരെ സജീവമായി നിലനിന്നിരുന്നു. മാപ്പിളമാര്‍ക്കിടയില്‍ വാമൊഴി രൂപത്തില്‍ പ്രചരിച്ചുപോന്ന മാപ്പിളപാട്ടുകള്‍ പുതിയകാലത്ത് പുതിയ രൂപഭാവങ്ങളോടെ നിലനില്‍ക്കുന്നുണ്ട്.

തറിപ്പടി സ്ഥിതി ചെയ്യുന്ന വെള്ളുവങ്ങാട് കരിങ്കാളികാവ് കാളീക്ഷേത്രത്തിലെ ആണ്ടോടാണ്ട് നടത്തിവരുന്ന ഉത്സവം ദേശവാസികള്‍ ജാതിമതഭേദമെന്യേ ആഘോഷിക്കുന്നു.വര്‍ഷങ്ങളുടെ പഴക്കമുള്ള വെള്ളുവങ്ങാട് വലിയ പള്ളി.

മുന്‍കാലങ്ങളില്‍ കൊണ്ടാടപ്പെട്ടിരുന്ന ആണ്ടുനേര്‍ച്ചകള്‍ ജാതിമതഭേദമെന്യേ ജനങ്ങള്‍ പങ്കുകൊണ്ടിരുന്ന ഉത്സവാഘോഷങ്ങളാണ്.വെള്ളുവങ്ങാട് പ്രദേശത്ത് 10-ൽ കൂടുതൽ ക്ലബുകൾ പ്രവർത്തിക്കുന്നുണ്ട്.

കടപ്പാട് : Abdul salah

: : : VELLUVANGAD : : :

Country : INDIA

State : KERALA

District : MALAPPURAM

Thaluk : EARNAD

Panjayath : PANDIKKAD

Village : VETTIKKATTRI

Post office : Velluvangad south,Velluvangad

pin code- 676521

ഇര്‍ഫാന്‍ പഞ്ചായത്ത്തല കേരളോത്സവത്തിന്‍റെ വേഗതയേറിയ താരമായി

2012-10-28T16:04:00.002+05:30

പഞ്ചായത്ത് തല കേരളോല്സവത്തില്‍ 100,200 എന്നിവയില്‍ ഒന്നാമതെത്തി മത്സരത്തിലെ വേഗതയേറിയ താരമായ ഇര്ഫാനെ ആദരിച്ചു..ക്ലബ്‌ സ്പൈക്ക് ഉപഹാരമായി ഇര്‍ഫാന് നല്‍കി..

കേരളോത്സവത്തില്‍ വിജയികളായവരെ ക്ലബ്‌ ആദരിച്ചു

2012-10-28T14:39:00.000+05:30

പഞ്ചായത്ത് തല കേരളോല്സവത്തില്‍ വിജയികളായവരെ വെള്ളുവങ്ങാട് ചലഞ്ജേര്സ് ക്ലബ്‌ ആദരിച്ചു..വിജയികള്‍ക്കുള്ള മെഡലും പുരസ്കാരവും നല്‍കി..അദുപ്പ,ശാഹുള്‍ ഹമീദ്,ഷെമീം,കുഞ്ഞിപ്പ വി.കെ എന്നിവര്‍ പ്രസംഗിച്ചു..

വിളംബര ജാഥ നടത്തി

2012-10-28T14:26:00.000+05:30

വെള്ളുവങ്ങാട് എ.എം.എല്‍..പി സ്കൂലിലെ വിദ്യാര്‍ഥികള്‍ ദേശീയ ഗണിതശാസ്ത്ര വര്‍ഷം - 2012 അനുബന്ധിച് വിളംബര ജാഥ നടത്തി

ഹൃദയം നിറഞ്ഞ വലിയ പെരുന്നാള്‍ ആശംസകള്‍

2012-10-28T14:01:00.001+05:30

സമൂഹത്തില്‍ ശാന്തിയും സമാധാനവും നിലനിര്‍ത്തനമെന്നും അതോടൊപ്പം മൈത്രിയുടെയും സഹോദര്യത്തിന്‍റെയും ദിനങ്ങള്‍ പുലരണമെന്നുമാണ് ഇസ്ലാം മതം നല്‍കുന്ന വിശുദ്ധ സന്ദേശം. തന്നെ അധിക്ഷേപിക്കാനും അപമാനിക്കാനും ശ്രമിച്ചവരെ തന്‍റെ ജീവിതചര്യകള്‍ക്കൊണ്ട് ആകൃഷ്ടരാക്കി ഇസ്ലാം മതത്തിലേയ്ക്ക് ആകര്‍ഷിക്കുകയാണ് നബിതിരുമേനി ചെയ്തത്.ഹൃദയത്തില്‍ അനുകമ്പയും ആര്‍ദ്രതയും ഉണര്‍ത്തി ഒരു ബലിപ്പെരുനാള്‍ കൂടി വത്തെത്തിയിരിക്കുന്നു.

അല്ലാഹുവിന്‍റെ കല്പനയ്ക്കും പ്രീതിക്കും വേണ്ടി ഏറ്റവും വിലപ്പെട്ടതിനേപ്പോലും തൃജിക്കുവാന്‍ മനുഷ്യന്‍ തയ്യാറാകുന്നതിന്‍റെ മഹത്തായ സൂചനയാകുന്നു ബക്രീദ് . പരിപൂര്‍ണ്ണമായ ത്യാഗത്തിന്‍റെയും സമര്‍പ്പണത്തിന്‍റെയും സഹനത്തിന്‍റെയും ആഘോഷമാണ് ബക്രീദ് .ഇസ്ലാം കലണ്ടര്‍ വര്‍ഷത്തിലെ പന്ത്രാണ്ടമത്തെ മാസമായ ദുല്‍ഹജ്ജ് മാസത്തിലെ പത്താം ദിവസമാണ് ബക്രീദ് ആഘോഷിക്കുന്നത്. ബലിയര്‍പ്പണവുമായി ബന്ധപ്പെട്ട ഒരു ആഘോഷം കൂടിയാണ് ബക്രീദ്. ചെറിയ പെരുന്നാളിലെ ഫിത്-ര്‍ സക്കാത്തിനെക്കാളും ശ്രേഷ്ടമാണ് ബലി നല്‍കലെന്നാണ് വിശ്വാസം.ഇബ്രാഹിം നബിയുടെ മകന്‍ ഇസ്മയിലിനെ ബലി നല്‍കാന്‍ തയാറായതിന്‍റെ സ്മരണയ്ക്കാണ് ബലിപെരുന്നാള്‍ ആഘോഷിക്കുന്നത്. ഇസ്ലാം വിശ്വാസപ്രകാരം ദൈവത്തിനായി മൃഗങ്ങളെ ബലിയര്‍പ്പിക്കുക എന്നത്‌ ഏറ്റവും വിശുദ്ധമായ കര്‍മ്മമാണ്‌.
ആഘോഷം അല്ലെങ്കിൽ ആനന്ദം എന്ന് അർത്ഥം വരുന്ന “ഇവ്ദ്’ എന്ന വാക്കില്‍ നിന്നാണ് ‘ഈദ്’ ഉണ്ടായത് .ബക്രീദ് മറ്റൊരു പേരാണ് ഈദ് – ഉല്‍ – സുഹ , “സുഹ’ എന്നാല്‍ ബലി. തനിക്കേറ്റവും പ്രിയങ്കരമായത് ഈശ്വര സന്നിധിയില്‍ ബലിയായി നല്‍കി, സ്വയം തിരുബലിയാകുക എന്നതാണ് ബക്രീദിന്‍റെ ആത്യന്തിക സന്ദേശം.ആ ബലികളെല്ലാം സ്നേഹത്തിനും സഹനത്തിനും വേണ്ടിയായിരിക്കണം. ബലി എന്നത്‌ വെറുമൊരു മരണമോ, ഒരു ജീവിതത്തിന്‍റെ ഇല്ലായ്മയോ അല്ല. അത്‌ ഒരു സമര്‍പ്പണമാണ്‌. അത്‌ എന്തും ത്യജിക്കാനുള്ള ഒരു മനസിന്‍റെ അവസ്ഥയാണ്‌.
ഈ ദിനത്തില്‍ ആശംസകള്‍ നേരുത് കൊണ്ട്‌ മനസ്സിലെ വിദ്വേഷങ്ങൾ നീക്കി വിശ്വാസികളില്‍ ഇണക്കവും പരസ്പര സാഹോദര്യവും സ്നേഹവും കാരുണ്യവും ബന്ധവും ഊട്ടിയുറപ്പിക്കാനും ഒപ്പം മനസ്സുകളിലെ പക നീക്കി തെറ്റിധാരണകള്‍ മാറ്റുകയും ചെയ്യാനായിരിക്കണം. പെരുന്നാ‍ള്‍ ആശംസകള്‍ നേരുന്നത്‌ ഒരു നല്ല പ്രവൃത്തിയാകുന്നു‍, അതിന്‍റെ മഹത്തരവും സ്വാധീനവും അമൂല്യവുമാകു ന്നു എന്നാണ് മഹാന്‍മാ‍ര്‍ പറഞ്ഞിരിക്കുന്നത്.
ബലിപെരുന്നാള്‍ ദിനത്തിലെ പ്രധാന കര്‍മ്മങ്ങള്‍ എന്തൊക്കെയെന്ന് നോക്കാം ഒന്നാമതായി, ദൈവത്തിന് വേണ്ടി ളുഹറിന് മുമ്പായി രണ്ട് റകഹത്ത് പെരുന്നാള്‍ നിസ്കാരം നടത്തുക. രണ്ടാമതായി, തക്ബീര്‍ ചൊല്ലുക. മൂന്ന്, പെരുന്നാള്‍ നിസ്കാരത്തിന് ശേഷം മൃഗങ്ങളെ ബലിയറുക്കുക. നാല്, പെരുന്നാള്‍ ആശംസകള്‍ കൈമാറുക അതിനായി ബന്ധു വീടുകളില്‍ സന്ദര്‍ശനം നടത്തുക.എന്നിവയാകുന്നു.
വിശ്വാസത്തിന്‍റെ കുന്നിന്‍ മുകളില്‍ ഭക്തിയുടെ സാഗരസീമയില്‍ സന്ദേശവുമായി ഉദിച്ചുയരുമ്പോള്‍ മക്കയിലേക്കുള്ള ഉദ്യാനപാതകള്‍ ആത്മാവിലേക്ക് കൂടുതല്‍ അടുത്തു വരുന്നു.ത്യാഗത്തിന്‍റെയും സ്നേഹത്തിന്‍റെയും ആത്മസമര്‍പ്പണത്തിന്‍റെയും സ്മരണകളുണര്‍ത്തി വീണ്ടുമൊരു ബലി പെരുനാള്‍ . ദൈവം വലിയവനാകുന്നു.. സര്‍വ സ്തുതിയും ദൈവത്തിനാകുന്നു എന്ന് അർത്ഥം വരുന്ന അല്ലാഹു അക്ബര്‍ , അല്ലാഹു അക്ബര്‍ , അല്ലാഹു അക്ബര്‍ ; ലാഹിലാഹ ഇല്ലല്ലാഹു അല്ലാഹു അക്ബര്‍ … എന്ന തക്ബീര്‍ ധ്വനികള്‍ നാനാഭാഗത്ത് നിന്ന് മുഴങ്ങുകയായി.
എവിടെയും ദൈവത്തെ പുകഴ്ത്തി കൊണ്ടുള്ള തക്ബീര്‍ ധ്വനികള്‍ മാത്രം. പള്ളികളും ഈദ്ഗാഹുകളും പ്രാര്‍ഥനകളാള്‍ മുഖരിതമായിരിക്കുന്നു. എങ്ങും സന്തോഷവും ആഹ്ലാദവും നിറഞ്ഞിരിക്കുന്ന ഈ സുദിനത്തിൽ ,സമാധാനത്തിന്‍റെ, സ്നേഹത്തിന്‍റെ, സാഹോദര്യത്തിന്‍റെ സന്ദേശങ്ങള്‍ പ്രചരിപ്പിക്കാന്‍ ഈ ബലി-പെരുന്നാള്‍ ദിനം ഉപകരിക്കട്ടെ എന്ന് ആശിച്ചുകൊണ്ട് ഏവര്‍ക്കും ബക്രീദ് ആശംസകള്‍

പച്ചകറി വിത്തുകള്‍ വിതരണം ചെയ്തു

2012-10-14T15:23:00.001+05:30

സമഗ്ര പച്ചക്കറി വികസന പദ്ധതിയുടെ ഭാഗമായി കൃഷി വകുപ്പ് നല്‍കിയ പച്ചക്കറി വിത്തുകള്‍ സ്കൂളില്‍ വിതരണം ചെയ്തു.വെള്ളുവങ്ങാട് ..a

ഫുട്ബാള്‍ : വെള്ളുവങ്ങാടിനു ജയത്തോടെ തുടങ്ങി

2012-10-14T15:14:00.001+05:30

കേരളോത്സവത്തിന്‍റെ ഭാഗമായി നടന്ന ഫുട്ബാള്‍ മത്സരത്തില്‍ വെള്ളുവങ്ങാടിന് ജയം...
വിന്നേര്സ് പാണ്ടിക്കാടിനെയാണ്‌ ചലഞ്ജേര്സ് വെള്ളുവങ്ങാട് എതിരില്ലാത്ത ഒരു ഗോളിന് തോല്പിച്ചത്.ഒന്നാം പകുതിയില്‍ പനാല്‍ടിയിലൂടെ വെള്ളുവങ്ങാടിന് വേണ്ടി ഷെരീഫ് വിജയഗോള്‍ നേടി..

പെരുമ്പാമ്പിനെ പിടികൂടി

2012-10-13T22:06:00.000+05:30

ബുധനാഴ്ച രാവിലെ 11 മണിയോടെ വെള്ളുവങ്ങാട് തറിപ്പടിയില്‍നിന്ന് പിടികൂടിയ പെരുമ്പാമ്പിനെ നാട്ടുകാര്‍ പോലീസ് സ്റ്റേഷനിലെത്തിച്ചു.നാട്ടുകാര്‍ പിടികൂടി പോലീസ് സ്റ്റേഷനിലെത്തിച്ച പെരുമ്പാമ്പിനെ ചാക്കിലാക്കുന്നതിനിടെ എഎസ്‌ഐക്ക് കടിയേറ്റു. പാണ്ടിക്കാട് പോലീസ് സ്റ്റേഷനിലെ എ.എസ്.ഐ. ഉണ്ണികൃഷ്ണന്റെ കൈയിലാണ് പെരുമ്പാമ്പ് കടിച്ചത്. കടിയേറ്റ ഉണ്ണികൃഷ്ണനെ സ്വകാര്യ ആസ്പത്രിയില്‍ എത്തിച്ചു ചികിത്സ നല്‍കി.

കേരളോല്സവം : വെള്ളുവങ്ങാടിന് മികച്ച തുടക്കം

2012-10-12T22:50:00.000+05:30

പഞ്ചായത്ത് തല കേരളോല്സവത്തില്‍ വെള്ളുവങ്ങാടിന് മികച്ച തുടക്കം...കേരളോല്സവത്തിന്‍റെ ഭാഗമായി നടന്ന 5000 മീറ്റര്‍ കൂട്ടയോട്ടത്തില്‍......... വെള്ളുവങ്ങാടിന്‍റെ റിയാസിന് ഒന്നാം സ്ഥാനം നേടി.രണ്ടാം സ്ഥാനം വെള്ളുവങ്ങാടിന്‍റെ ആഷികും പാണ്ടിക്കാടിന്റെ താരവും തമ്മില്‍ പങ്കുവെച്ചു..മൂന്നാം സ്ഥാനത്ത് വെള്ളുവങ്ങാടിന്റെ പ്രജീഷ് ഫിനിഷ് ചെയ്തു...കൂടുതല്‍ മത്സരങ്ങള്‍ വരും ദിവസം നടക്കും...

കോണ്‍ക്രീറ്റ് തകര്‍ന്നു; വെള്ളുവങ്ങാട് പാലം അപകടത്തില്‍

2012-10-12T00:02:00.002+05:30

പാണ്ടിക്കാട്-മഞ്ചേരി റൂട്ടില്‍ കാക്കാത്തോടിന് കുറുകെയുള്ള വെള്ളുവങ്ങാട് പാലം അപകടാവസ്ഥയില്‍. പാലത്തിന്റെ കോണ്‍ക്രീറ്റ് പൊളിഞ്ഞ് കമ്പി പുറത്തുകാണുന്ന നിലയിലാണ്. പാലത്തിന് മുകളില്‍ പലയി

ടത്തും വലിയ കുഴികളും രൂപപ്പെട്ടിട്ടുണ്ട്.

തോട്ടില്‍ നിന്നുള്ള അനധികൃത മണല്‍വാരലും പാലത്തിന്റെ സുരക്ഷയ്ക്ക് ഭീഷണിയാകുന്നുണ്ട്. ദിവസേന ആയിരക്കണക്കിന് വാഹനങ്ങള്‍ കടന്നുപോകുന്ന പാലത്തിന്റെ അപകടാവസ്ഥ മാസങ്ങളായിട്ടും അധികൃതര്‍ കണ്ടില്ലെന്ന് നടിക്കുകയാണ്.

എത്രയും പെട്ടെന്ന് അറ്റകുറ്റപ്പണികള്‍ നടത്തി പാലം സംരക്ഷിക്കണമെന്നാണ് നാട്ടുകാരുടെ ആവശ്യം.

പഞ്ചായത്തുതല കേരളോത്സവം

2012-10-11T23:56:00.002+05:30

പഞ്ചായത്തുതല കേരളോത്സവം

പാണ്ടിക്കാട് പഞ്ചായത്ത്തല കേരളോത്സവം മത്സരങ്ങള്‍ കൊളപ്പറമ്പ് എസ്.ആര്‍.എ.എഫ്. മൈതാനത്ത് നടക്കും. ഗെയിംസ് ഇനങ്ങള്‍ 12 മുതലും കലാകായിക മത്സരങ്ങള്‍ 20, 21 തിയ്യതികളിലും നടക്കും. ഗെയിംസ് ഇനങ്ങളുടെ അപേക്ഷ എട്ടിനുള്ളിലും കലാകായിക മത്സരങ്ങളുടെ അപേക്ഷ 15നുള്ളിലും പഞ്ചായത്തോഫീസില്‍ നല്‍കണം.

അര്‍ജെന്റിന ജേതാക്കളായി

2012-10-11T23:56:00.001+05:30

വെള്ളുവങ്ങാട് നടന്ന അര്‍ജെന്റിന - വേള്‍ഡ് 11 കപ്പില്‍..............., അര്‍ജെന്റിന ജേതാക്കളായി...എതിരില്ലാത്ത രണ്ടു ഗോളുകള്‍ക്കാണ് ജയിച്ചത്

മലമ്പാമ്പിനെ പിടികൂടി

2012-09-27T21:33:00.001+05:30

വെള്ളുവങ്ങാട് : തെക്കേമന്ന മന്ജപ്പുള്ളി അലവിയുടെ വീട്ടുമുറ്റത്ത് നിന്ന് മലമ്പാമ്പിനെ പിടികൂടി.മലമ്പാമ്പിനെ കരുവാരക്കുണ്ട് വനപാലകരെ ഏല്പിച്ചു.

2012-08-31T23:53:00.003+05:30

ഓണാഘോഷം മുടക്കി മഴ

2012-08-30T16:17:00.000+05:30

കര്‍ക്കടകം മുഴുവന്‍ ഒളിച്ചുകളിച്ച മഴ കഴിഞ്ഞ രണ്ട് ദിവസമായി പെയ്യാന്‍ തുടങ്ങിയതോടെ വെള്ളത്തിലായത് ഓണാഘോഷ പരിപാടികള്‍ ആസൂത്രണംചെയ്ത ക്ലബ്ബുകളും സംഘടനകളും. കഴിഞ്ഞ കുറച്ചുവര്‍ഷങ്ങളായി നാട്ടിന്‍പുറങ്ങളിലെ ഓണാഘോഷം ക്ലബ്ബുകള്‍ ഏറ്റെടുത്തിരിക്കുകയാണ്. ക്ലബ്ബുകള്‍ നടത്തുന്ന ഓണാഘോഷ പരിപാടി ജാതിമത വ്യത്യാസമില്ലാതെ ഗ്രാമീണ ഉത്സവമായി മാറുകയാണ്.

ഓണാഘോഷത്തിനിടയ്ക്ക് മഴയും എത്തിയതോടെ പകിട്ട് കുറഞ്ഞിരിക്കുകയാണ്. മഴ പെയ്തതോടെ പലരും ആഘോഷങ്ങള്‍ നീട്ടിവെച്ചിരിക്കുകയാണ്. മഴയെ അവഗണിച്ച് ചിലര്‍ പരിപാടിയുമായി മുന്നോട്ട് പോയെങ്കിലും ജനപങ്കാളിത്തം കുറവായിരുന്നു.

ഓണാശംസകള്‍..............

2012-08-30T15:01:00.000+05:30

പൊലിപ്പാട്ടുകളുടെ ഈണമൊഴിഞ്ഞെങ്കിലും..
മലയാളിമനസ്സിന് അടരുവാന്‍ വയ്യ.
അത്തപൂക്കളവും, ഊഞ്ഞാലും, ഓണക്കളികളും എല്ലാം
ഇന്ന് നമുക്ക് ഏറെക്കുറേ അന്യമാണെങ്കിലും...ആവണിമാസത്തില്‍ പൂവിളികളുമായ് പൊന്നോണമെത്തുമ്പോള്‍ .........
മനസ്സില്‍ ഗൃഹാതുരത്വത്തിന്റെ വേലിയേറ്റം.സന്തോഷത്തിന്റെയും സമാധാനത്തിന്റെയും,
നിറവാര്‍ന്ന ഒരു പൊന്നോണം എല്ലാവര്‍ക്കുമാശംസിക്കുന്നു...
ലോകത്തിന്റെ നാനാഭാഗത്തുമുള്ള മലയാളികള്‍ ജാതിമത ഭേദമന്യേ ഈ ഉത്സവം ആഘോഷിക്കുന്നു. ഓണം സംബന്ധിച്ച് പല ഐതീഹ്യങ്ങളും ചരിത്രരേഖകളും നിലവിലുണ്ടെങ്കിലും ഓണം ആത്യന്തികമായി ഒരു വിളവെടുപ്പുത്സവമാണെന്ന് കരുതിപ്പോരുന്നു. ചിങ്ങമാസത്തിലെ അത്തം നക്ഷത്രം മുതല്‍ തുടങ്ങുന്ന ഓണാഘോഷം തിരുവോണം നാളില്‍ പ്രാധാന്യത്തോടെ ആഘോഷിക്കുകയും ചതയം നാള്‍ വരെ നീണ്ടു നില്‍ക്കുകയും ചെയ്യുന്നു. തൃക്കാക്കരയാണ്‌ ഓണത്തപ്പന്റെ ആസ്ഥാനം. അവിടെയാണ്‌ ആദ്യമായി ഓണാഘോഷം നടത്തിയത് എന്നാണ്‌ ഐതിഹ്യമെങ്കിലും അതിനേക്കാള്‍ വളരെ മുന്‍പ് തന്നെ തമിഴ് നാട്ടിലും മറ്റും ഓണാഘോഷം നടന്നിട്ടുള്ളതായി സംഘ കൃതികള്‍ വെളിപ്പെടുത്തുന്നു. സംഘകാലകൃതിയായ 'മധുരൈകാഞ്ചി 'യിലാണ്‌ ഓണത്തെക്കുറിച്ചുളള (ഇന്ദ്രവിഴാ) ആദ്യ പരാമര്‍ശങ്ങള്‍ കാണുന്നത്‌. കാലവര്‍ഷം കഴിഞ്ഞ് മാനം തെളിയുന്ന ഈ കാലത്താണ് വിദേശകപ്പലുകള്‍ പണ്ട് സുഗന്ധദ്രവ്യ വ്യാപാരത്തിനായി കേരളത്തില്‍ കൂടുതലായി അടുത്തിരുന്നത്. അങ്ങനെ സ്വര്‍ണ്ണം കൊണ്ടുവരുന്ന ഈ മാസത്തെ പൊന്നിന്‍ ചിങ്ങമാസമെന്നും ഓണത്തെ പൊന്നോണമെന്നും വിളിക്കാനുള്ള കാരണമതാണ്. കേരളത്തില്‍ വിളവെടുപ്പിനേക്കാള്‍ അതിന്റെ വ്യാപാരത്തിനായിരുന്നു പ്രാധാന്യം എന്നതാണ് ഇന്ദ്രവിഴയും ഓണവും തമ്മില്‍ ഉണ്ടായ വ്യത്യാസത്തിനു കാരണം...എല്ലാവര്‍ക്കു ഹൃദയം നിറഞ്ഞ ഓണാശംസകള്‍..............

ഹൃദയം നിറഞ്ഞ ചെറിയ പെരുന്നാള്‍ ആശംസകള്‍

2012-08-18T18:40:00.001+05:30

മെയിലാഞ്ചി ചോപ്പിന്റെ മോന്ച്ചുമായി
സ്നേഹത്തിന്റെ നറൂപൂക്കള്‍ വിരിയിച്ചു കൊണ്ട് വീണ്ടുമൊരു പെരുന്നാള്‍ കൂടി വരവായി....

ഒരു മാസം നീണ്ട കഠിനവ്രതത്തില്‍ സംശുദ്ധമാക്കിയശരീരവും ആര്‍ദ്രമാക്കിയ മനസ്സുമായി ഇസ്‌ലാം മതവിശ്വാസികള്‍ ഇന്ന് 'ഈദുല്‍ഫിത്തര്‍' എന്ന ചെറിയപെരുന്നാള്‍ ആഘോഷിക്കും.

മനുഷ്യരുടെ വിശപ്പും ദാഹവും ക്ഷീണവുംഎല്ലാവരും മനസ്സിലാക്കുന്നതിനുവേണ്ടി ഹിജ്‌റരണ്ടാം വര്‍ഷം മുതലാണ് പുണ്യങ്ങളുടെപൂക്കാലമായ റമദാന്‍ മാസത്തിലെ പകല്‍മുഴുവനും ആഹാരം വെടിഞ്ഞ് നോമ്പ് നോറ്റുന്നത്ആരംഭിച്ചത്. പാപങ്ങള്‍ കരിച്ചുകളയുന്നമാസംഎന്നര്‍ത്ഥം വരുന്ന 'റമദാനിയ' വ്രതംഅനുഷ്ഠിക്കുന്നവരുടെ അതുവരെയുള്ള എല്ലാതെറ്റുകളും ദൈവം പൊറുത്തുകൊടുക്കുമെന്നാണ്വിശ്വാസം.
ഷഅബാന്‍ മാസത്തിന്റെ അവസാനത്തോടെആരംഭിക്കുന്ന വ്രതാനുഷ്ഠാനം ഷവ്വാല്‍പിറകാണുന്നതോടെയാണ് അവസാനിക്കുന്നത്.ഇതോടൊപ്പം തന്നെ റംസാന്‍ മാസത്തില്‍ മാത്രം'ഇഷാഅ് നമസ്‌കാരത്തോടനുബന്ധിച്ച് നടക്കുന്ന ഒരുമണിക്കൂറിലധികം നീളുന്ന ത്യാഗനിര്‍ഭരമായ'തറാവീഅ്' നമസ്‌കാരവും അവസാനിക്കും.പെരുന്നാള്‍ ദിവസം സുബ്ഹിനമസ്‌കാരത്തോടെതന്നെ പള്ളി മിനാരങ്ങളില്‍നിന്നും 'അള്ളാഹു അക്ബറള്ളാഹു...വലില്ലാഹില്‍ ഹംദ്' എന്ന തക്ബീര്‍ ധ്വനിമുഴങ്ങിക്കൊണ്ടിരിക്കും. പെരുന്നാള്‍നമസ്‌കാരംവരെ ഈ തക്ബീര്‍ അലകള്‍ഇടവേളയില്ലാതെ നൂറുനൂറുകണ്ഠങ്ങള്‍ഏറ്റുചൊല്ലിക്കൊണ്ടിരിക്കും.

പുതുവസ്ത്രമണിഞ്ഞ് സുഗന്ധവസ്തുക്കള്‍ പൂശിമസ്ജിദുകളിലും ഈദുഗാഹുകളിലും ഒത്തുകൂടുന്നവിശ്വാസികള്‍ സൂര്യോദയത്തിന് നിശ്ചിത മാത്രകഴിഞ്ഞ് ഇമാമുകളുടെ നേതൃത്വത്തില്‍ പെരുന്നാള്‍നമസ്‌കാരം നടത്തും. ഇമാമുകള്‍ പെരുന്നാള്‍സന്ദേശവും ഖുത്ത്ബയും നടത്തുന്നതോടെപെരുന്നാള്‍ പ്രാര്‍ത്ഥനകള്‍ പൂര്‍ണമാകും.
നമസ്‌കാരത്തിനുശേഷം ഹസ്തദാനം ചെയ്തുംആലിംഗനം ചെയ്തും ആഹ്ലാദം പങ്കിട്ടശേഷംഎല്ലാവരും പിരിയും... ഒത്തിരി സ്നേഹത്തോടെ ചെറിയ പെരുന്നാള്‍ ആശംസകള്‍....

ശവ്വാല്‍ മാസപ്പിറവി അറിയിക്കണം

2012-08-18T13:28:00.005+05:30

കോഴിക്കോട്: റമദാന്‍ 29ന് ശനിയാഴ്ച മാസപ്പിറവി ദര്‍ശിക്കുന്നവര്‍ വിവരമറിയിക്കണമെന്ന് ഖാദിമാരായ പാണക്കാട് ഹൈദരലി ശിഹാബ് തങ്ങള്‍ (0483 -2836700), സമസ്ത കേരള ജംഇയ്യതുല്‍ ഉലമ ജനറല്‍ സെക്രട്ടറി ചെറുശ്ശേരി സൈനുദ്ദീന്‍ മുസ്ലിയാര്‍ (0483- 2710146), കോഴിക്കോട് ഖാദി മുഹമ്മദ് കോയ തങ്ങള്‍ (0495- 3219318, 9447172149) എന്നിവര്‍ അറിയിച്ചു.

ശനിയാഴ്ച സൂര്യന്‍ അസ്തമിച്ചശേഷം കാസര്‍കോട്ട് 24 മിനിറ്റും കോഴിക്കോട്ട് 25 മിനിറ്റും കൊച്ചി 26 മിനിറ്റും തിരുവനന്തപുരത്ത് 27 മിനിറ്റും കഴിഞ്ഞാണ് ചന്ദ്രന്‍ അസ്തമിക്കുക. മാസപ്പിറവി കാണുന്നവര്‍ 0495-2722801-805, 9447295342 നമ്പറില്‍ അറിയിക്കണമെന്ന് ഹിലാല്‍ കമ്മിറ്റി ചെയര്‍മാന്‍ എ.പി. അബ്ദുല്‍ ഖാദിര്‍ മൗലവി അറിയിച്ചു.
ശനിയാഴ്ച മാസപ്പിറവി കാണുന്നവര്‍ താഴെ ഫോണ്‍ നമ്പറുകളില്‍ അറിയിക്കണമെന്ന് കോഴിക്കോട്, മലപ്പുറം, വയനാട്, കണ്ണൂര്‍, പാലക്കാട്, തൃശൂര്‍ ജില്ലാ സംയുക്ത മഹല്ല് ജമാഅത്ത് ഖാദിമാരായ കാന്തപുരം എ.പി. അബൂബക്കര്‍ മുസ്ലിയാര്‍, കെ.പി. ഹംസ മുസ്ലിയാര്‍, എന്‍. അലി മുസ്ലിയാര്‍, സയ്യിദ് ഇബ്രാഹിം ഖലീലുല്‍ ബുഖാരി, ബേപ്പൂര്‍ ഖാദി പി.ടി. അബ്ദുല്‍ഖാദിര്‍ മുസ്ലിയര്‍ എന്നിവര്‍ അറിയിച്ചു.
ഫോണ്‍: 0495-2720945, 0483-2734690, 0493 -6203385.

മഴയില്‍ കുളിച്ച് ചിങ്ങം ഒന്ന്‌

2012-08-18T12:44:00.000+05:30

മലയാളികളുടെ അഭിരുചികള്‍ മാറിയതനുസരിച്ച് കാലാവസ്ഥയിലും മാറ്റങ്ങള്‍. കര്‍ക്കിടകത്തില്‍ മഴ അപൂര്‍വ്വമായപ്പോള്‍ തെളിഞ്ഞ കാലാവസ്ഥ പ്രതീക്ഷിച്ച ചിങ്ങമാസത്തിന്റെ തുടക്കം മഴയില്‍ കുളിച്ചു.

ചിങ്ങം ഒന്നിന്‌ വെള്ളുവങ്ങാട് കനത്ത മഴയാണ്‌ രേഖപ്പെടുത്തിയത്

ചിങ്ങം പിറന്നു; ഇനി ഐശ്വര്യത്തിന്റെ നാളുകള് ...

2012-08-18T12:28:00.000+05:30

മുന്പ് കാലവർഷം കൃത്യമായി പെയ്തിരുന്ന, കൃഷി സന്പന്നമായിരുന്ന കേരള നാട്ടിൽ വറുതിയുടെ നാളുകളായിരുന്നു കർക്കടക മാസം നൽകിയിരുന്നത്. ആ ദുരിത നാളുകൾ തീർന്ന് വിളവെടുപ്പിന്രെ ആഘോഷവും സന്പദ് സമൃദ്ധിയുടെ ആഹ്ളാദവും വിതറുന്ന നാളുകൾക്കാണ് ചിങ്ങത്തിൽ തുടക്കമാകുന്നത്.

വറുതിയുടെയും കെടുതിയുടെയും ആടി മാസത്തിന് വിട. ഇനി സമൃദ്ധിയുടെയും സന്തോഷത്തിന്റെയും വരവറിയിക്കുന്ന ചിങ്ങമാസം. മലയാളി പുതുവര്‍ഷമായി കൊണ്ടാടുന്ന ചിങ്ങം ഒന്നാണ് ശനിയാഴ്ച. പുതുവര്‍ഷപ്പുലരി മലയാളികള്‍ കര്‍ഷകദിനവും ഭാഷാദിനവുമായി ആചരിക്കുന്നു.

ഐശ്വര്യ ദേവതയെ വരവേല്‍ക്കാനുള്ള ഒരുക്കത്തിലായിരുന്നു കഴിഞ്ഞദിവസങ്ങളില്‍ കേരളം. കര്‍ക്കിടകത്തിന്റെ കഷ്ടപ്പാടുകള്‍ക്ക് അറുതി വരുത്തി വീടുകളിലെ പൊടിയും മാറാലയും നീക്കി ചായമടിച്ച് കഴുകി വൃത്തിയാക്കി വയ്ക്കും. പഴയ പാത്രങ്ങളും ചൂലുംമുറവുമൊക്കെ പ്രതീകാത്മകമായി ഉപേക്ഷിച്ച് പുതിയവ വാങ്ങി ഉപയോഗിച്ച് തുടങ്ങുന്നത് ആവണിപ്പുലരിയിലാണ്. മുന്‍കാലങ്ങളില്‍ വീടുകള്‍ ചാണകം മെഴുകി വൃത്തിയാക്കി, മുറ്റത്തു ചാണകവെള്ളം തളിച്ച് ശുദ്ധിവരുത്തിയിരുന്നു. പറമ്പുകള്‍ കരിയില അടിച്ചുകൂട്ടി തീയിടും. ചാണകം മെഴുകിയ നിലങ്ങള്‍ ടൈല്‍സിനും മാര്‍ബിളിനുമൊക്കെ വഴിമാറിയെങ്കിലും ചിങ്ങത്തലേന്ന് നിലം കഴുകി വൃത്തിയാക്കുന്ന പതിവ് ഇന്നും ഉപേക്ഷിയ്ക്കാന്‍ ബഹുഭൂരിപക്ഷവും തയാറായിട്ടില്ല.

കര്‍ഷക കുടുംബങ്ങള്‍ക്കും ചിങ്ങമാസം ഏറെ പ്രിയപ്പെട്ടതാണ്. കലവറകളും പത്തായങ്ങളും നിറയുന്ന കാലം. ഇന്ന് അന്യനാട്ടില്‍നിന്നു വരുന്ന അരിയും പച്ചക്കറി കൊണ്ടായാലും ചിങ്ങത്തെ ആഘോഷമാക്കാറുണ്ട് മലയാളി.

ഓണാഘോഷം നടക്കുന്ന മാസമാണ് ചിങ്ങം. ചിങ്ങമാസത്തിന്റെ പ്രധാന്യം തന്നെ ഓണമാസമെന്ന നിലയിലാണ്. ഓണം പോലൊന്ന് മലയാളികള്‍ക്കു വേറെയില്ല. എല്ലാം കൊണ്ട് ജീവിതം നിറസമ്പന്നവും ആഘോഷഭരിതവുമാകുന്ന കാലമാണിത്. പൂക്കളും പൂവിളികളുമായി ഓണത്തിരക്കുകളുമായി നാടിന്റെ മുഖച്ഛായ തന്നെ മാറും. ഈ മാസം 21-നാണ് അത്തം. തിരുവോണം 29-നാണ്.

സ്വാതന്ത്ര്യദിനാശംസകള്‍

2012-08-18T11:50:00.002+05:30

പ്രശ്നങ്ങള്ക്കും മീതെ തന്നെയാണ്. അതാണമൃതമെന്നാണു കവി പാടിയത്.സ്വാതന്ത്ര്യം എല്ലാവര്ക്കും വേണമെന്ന ചിന്തയും പ്രധാനം തന്നെ. അതിന്റെ ആഴത്തിലുള്ള അര്ത്ഥവും..

രാജ്യം സ്വാതന്ത്രത്വത്തിന്റെ 66 വര്‍ഷങ്ങള്‍ പിന്നിടുന്ന ഈ അവസരത്തില്‍ മഹത്തായ രാഷ്ട്രത്തിന്റെ മതേതരത്വവും അഗണ്ടാതയും പോറല്‍ എല്കാതെ സൂക്ഷികേണ്ടത് ഓരോ ഭാരതീയന്റെയും കടമയാണ്.

പ്രശസ്ത പാശ്ചാത്യപണ്ഡിതന്‍ മാക്‌സ്മുള്ളറിനെ ഉദ്ധരിച്ചുകൊണ്ട് എം.പി. അബ്ദുസ്സമദ് സമദാനി മാതൃഭൂമിയില്‍ എഴുതിയ “ഭാരതീയ മാഹാത്മ്യത്തിന്റെ സ്വാതന്ത്ര്യപര്‍വം” എന്ന ലേഖനം തുടര്‍ന്ന് വായിക്കുവാന്‍ READ MORE ക്ലിക്ക് ചെയ്യുക.

ഭാരതീയ മാഹാത്മ്യത്തിന്റെ സ്വാതന്ത്ര്യപര്‍വം

Posted on: 15 Aug 2012

എം.പി. അബ്ദുസ്സമദ് സമദാനി

നാഗരികതകള്‍ക്കിടയില്‍ സഹവര്‍ത്തിത്വമാണ് കരണീയവും അനിവാര്യവുമെന്ന് തെളിയിച്ച രാജ്യമാണ് ഇന്ത്യ. നൂറ്റാണ്ടുകളിലൂടെ പരീക്ഷിച്ചുവിജയിച്ചതാണ് ഇന്ത്യയുടെ സഹവര്‍ത്തിത്വ സിദ്ധാന്തം

''പ്രകൃതിക്ക് കനിഞ്ഞരുളാന്‍ കഴിയുന്ന മുഴുവന്‍ സമ്പദ്‌സമൃദ്ധിയും ശക്തിയും സൗന്ദര്യവുംകൊണ്ട് അനുഗൃഹീതമായ രാജ്യം- ചിലയിടങ്ങളില്‍ ഭൂമിയിലൊരു സ്വര്‍ഗംതന്നെ- കണ്ടെത്താനായി ലോകമാകെ കണ്ണോടിച്ചാല്‍ ഇന്ത്യയെയാണ് ഞാന്‍ ചൂണ്ടിക്കാണിക്കുക. മനുഷ്യമനസ്സ് അതിന്റെ മികവുറ്റ സിദ്ധികള്‍ വികസിപ്പിക്കുകയും ജീവിതത്തിന്റെ മഹാസമസ്യകളെപ്പറ്റി വിചിന്തനം നടത്തുകയും പ്ലാറ്റോയെയും കാന്റിനെയും പഠിച്ചവരുടെ ശ്രദ്ധ ആകര്‍ഷിക്കുംവിധം അതില്‍ ചിലതിന് പരിഹാരം കണ്ടെത്തുകയുംചെയ്തത് ആകാശത്തിനുതാഴെ എവിടെയാണെന്ന് എന്നോടാരെങ്കിലും ചോദിച്ചാലും ഞാന്‍ ഇന്ത്യയെന്ന് മറുപടി പറയും''- പ്രശസ്ത പാശ്ചാത്യപണ്ഡിതന്‍ മാക്‌സ്മുള്ളര്‍ ഇന്ത്യയെക്കുറിച്ച് നടത്തിയ വിശകലനമാണിത്. അദ്ദേഹം ഒരിക്കലും ഇന്ത്യ സന്ദര്‍ശിച്ചിരുന്നില്ല. കണ്ണുകൊണ്ട് കാണാതെതന്നെ ചിന്താശീലന്മാരുടെയും സൗന്ദര്യാസ്വാദകരുടെയും ഹൃദയങ്ങളുടെ സ്വപ്നഭൂമിയായിത്തീര്‍ന്ന ഭൂപ്രദേശമാണ് ഭാരതം.

ഇന്ത്യയുടെ സങ്കരസംസ്‌കാരവും അതിന് ആധാരമായിരിക്കുന്ന സമാധാനപരമായ സഹവര്‍ത്തിത്വവും ഇന്ന് ലോകതലത്തില്‍തന്നെ കൂടുതല്‍ പ്രസക്തിനേടുമ്പോള്‍ രാജ്യത്തിനകത്ത് അത് സുഭദ്രമാക്കാനുള്ള വര്‍ധിച്ച ഉത്തരവാദിത്വം നമുക്കുണ്ട്.

'സംസ്‌കാരങ്ങള്‍ക്കിടയിലെ സംഘര്‍ഷം' എന്ന സാമുവല്‍ ഹണ്ടിങ്ടന്റെ സിദ്ധാന്തത്തെ പരിഷ്‌കൃതലോകം സ്വീകരിക്കുകയുണ്ടായില്ല. നാഗരികതകള്‍ക്കിടയില്‍ സഹവര്‍ത്തിത്വമാണ് കരണീയവും അനിവാര്യവുമെന്ന് തെളിയിച്ച രാജ്യമാണ് ഇന്ത്യ. നൂറ്റാണ്ടുകളിലൂടെ പരീക്ഷിച്ചുവിജയിച്ചതാണ് ഇന്ത്യയുടെ സഹവര്‍ത്തിത്വ സിദ്ധാന്തം.

''ഇന്ത്യയുടെ മണ്ണില്‍ ജനപഥങ്ങളുടെ യാത്രാസംഘങ്ങള്‍ വന്ന് പാര്‍ത്തുകൊണ്ടേയിരുന്നു. അങ്ങനെ ഇന്ത്യ നിര്‍മിതമായി വന്നു''- എന്ന് പ്രസിദ്ധ ഉറുദുകവി രഘുപതി സഹായ് ഫിറാഖ് ഗോരഖ്പുരിയുടെ പ്രസിദ്ധമായൊരു ഈരടിയുണ്ട്. തൊട്ടതൊക്കെ പൊന്നാക്കുന്ന പ്രകൃതമാണ് ഈ സാംസ്‌കാരിക സംഗമത്തിനുള്ളത്. ആഹാരരീതിമുതല്‍ വേഷ, ഭാഷാധികള്‍വരെ അതിന്റെ ശാലീനമായ സ്വാധീനത്തിന് വിധേയമായി. കലയിലും ശില്പകലയിലും വര്‍ണവൈചിത്ര്യമുള്ള സൗന്ദര്യസങ്കല്പങ്ങള്‍ വിടര്‍ന്നു. സംഗീതത്തില്‍ രുചിഭേദമുള്ള സ്വരജതികള്‍ പ്രവാഹംകൊണ്ടു.

വ്യക്തിക്കെന്നപോലെ സമൂഹത്തിനും തെറ്റുകള്‍ പറ്റാം. കഴിഞ്ഞകാല സമൂഹങ്ങളുടെ സുബദ്ധങ്ങളുടെയും അബദ്ധങ്ങളുടെയും ആകത്തുകയാണ് മാനവചരിത്രം. ഏതൊരു രാജ്യത്തിന്റെയും ഗതകാലചരിത്രത്തില്‍ ശരികള്‍പോലെ തെറ്റുകളും കാണും. അങ്ങിങ്ങ് ഒറ്റപ്പെട്ട അകല്‍ച്ചയുടെ പ്രവണതകള്‍ ഒഴിച്ചുനിര്‍ത്തിയാല്‍ ഇന്ത്യാചരിത്രത്തില്‍ എന്നും സഹിഷ്ണുതയുടെയും സൗഹൃദത്തിന്റെയും സഹവര്‍ത്തിത്വത്തിന്റെ ധാരകള്‍ തന്നെയാണ് നിറഞ്ഞുനിന്നതെന്ന് കാണാന്‍ കഴിയും.

ഭാരതീയ സമുദായങ്ങള്‍ക്കിടയില്‍ അകല്‍ച്ചയുടെ വിത്തുപാകിയത് വിദേശ സാമ്രാജ്യത്വ ശക്തികളായിരുന്നു. അടിമത്തം അടിച്ചേല്പിച്ചും ചൂഷണം മാത്രം നടപ്പാക്കിയും ജനതയുടെ അഭിമാനം കവര്‍ന്നെടുത്ത സാമ്രാജ്യത്വശക്തികള്‍ ഒന്നിനുപിറകേ ഒന്നായി അതിക്രമിച്ചുകടന്നുവന്ന് നാശംവിതച്ചപ്പോഴെല്ലാം ഇന്ത്യക്കാര്‍ അതിനെതിരെ ശക്തമായി പ്രതികരിച്ചു. അതേത്തുടര്‍ന്ന് പോര്‍ച്ചുഗീസുകാരും ഡച്ചുകാരും ഫ്രഞ്ചുകാരുമെല്ലാമെല്ലാം സ്ഥലംവിട്ടു. ബ്രിട്ടീഷുകാരിലൂടെ സാമ്രാജ്യത്വവും അതിന്റെ അതിക്രമവും ഇന്ത്യയില്‍ അതിന്റെ പാരമ്യത്തിലെത്തിയപ്പോള്‍ രാജ്യം പൂര്‍ണതയുള്ളൊരു പോരാളിയെ നേതാവായി ലഭിക്കാന്‍ കൊതിച്ചു.

വാല്മീകിക്കും ശ്രീബുദ്ധനും അശോകനും ഗുരുനാനാക്കിനും നിസാമുദ്ദീനുമെല്ലാം ചരിത്രത്തിന്റെ ചില സന്ദിഗ്ധതകളിലാണ് ഇന്ത്യ ജന്മംനല്‍കിയത്. അതിലേറേ തീക്ഷ്ണമായിരുന്നു ആധുനിക കാലത്തെ ചരിത്രസന്ധി. പൗരാണികതയും ആധുനികതയും തമ്മിലും പാരമ്പര്യത്തിനും പരിവര്‍ത്തനത്തിനും ഇടയിലും സേതുബന്ധനം സാധ്യമാക്കാന്‍ കഴിയുന്ന ഒരു മഹാത്മാവിനെയായിരുന്നു കാലം ആവശ്യപ്പെട്ടത്. ഭാരതത്തിന്റെ സ്വതഃസിദ്ധമായ ആത്മീയപ്രകൃതത്തില്‍ ആമഗ്‌നനാകുമ്പോഴും ആധുനികതയും അതിന്റെ സാംസ്‌കാരികവും രാഷ്ട്രീയവുമായ ബലവും ബലഹീനതയുമെല്ലാം ഗ്രഹിച്ച് അതിന്റെ ക്ലിഷ്ടമാര്‍ഗങ്ങളെ കണ്ടറിഞ്ഞ ഒരാള്‍. ഗുജറാത്തിലെ പോര്‍ബന്തറില്‍ ആ പുരുഷരത്‌നം ജന്മമെടുത്തു-മോഹന്‍ദാസ് കരംചന്ദ് ഗാന്ധി. ഭാരതീയനായ ചാണക്യനും പാശ്ചാത്യനായ മാക്യവല്ലിക്കും കാലംനല്കിയ രാഷ്ട്രീയമറുപടിയായിരുന്നു മഹാത്മാവ്.

അദ്ദേഹത്തിന്റെ നേതൃത്വത്തില്‍ നടന്നത് കേവലം സ്വാതന്ത്ര്യസമരമായിരുന്നില്ല, രാജ്യത്തിന്റെയും ജനതയുടെയും നവോത്ഥാനമുന്നേറ്റമായിരുന്നു. ആധുനിക ഇന്ത്യയ്ക്ക് ആവശ്യമായതെല്ലാം സ്വാതന്ത്ര്യസമരപ്രസ്ഥാനം നല്കി. ആ അടിസ്ഥാനങ്ങളിലാണ് ആധുനികഭാരതം സ്ഥാപിതമായിരിക്കുന്നത് എന്ന് എല്ലാവര്‍ക്കും എപ്പോഴും ഓര്‍മയുണ്ടായിരിക്കേണ്ടതാണ്.

സാംസ്‌കാരികമായ കൊള്ളക്കൊടുക്ക ഇന്ത്യന്‍ ജീവിതത്തിന് നല്കിയ ശക്തിയും സൗന്ദര്യവും ചെറുതല്ല. സാംസ്‌കാരിക അഭിമുഖം ഇന്ത്യയുടെ ബഹുത്വത്തിനും അതിന്റെ അന്തര്‍ധാരയായിരിക്കുന്ന ഏകത്വത്തിനും പുറംലോകത്തേക്ക് പ്രവേശിക്കാനാവശ്യമായ കവാടങ്ങള്‍ തുറന്നേകി. ഉദാഹരണമായി ബുദ്ധമതം പൂര്‍വേഷ്യയുമായും ഇസ്‌ലാം പശ്ചിമേഷ്യയുമായും ഇന്ത്യയെ ബന്ധപ്പെടുത്തി. വിനിമയസന്തുലിതത്വം (Exchange Equivilance) മൊഴിമാറ്റത്തിന്റെ ഏറ്റവും ചലനാത്മകമായ പ്രക്രിയയിലേക്ക് നയിക്കുന്നുവെന്ന ടോണി കെ. സ്റ്റെവാര്‍ട്ടിന്റെ നിഗമനം ഇന്ത്യന്‍ സാംസ്‌കാരിക സാഹചര്യത്തില്‍ സാക്ഷാത്കൃതമായി.

ജനാധിപത്യവും മതേതരത്വവും കാത്തുസൂക്ഷിക്കുക എന്നതുതന്നെയാണ് പരമപ്രധാനമായത്. പോരായ്മകള്‍ ഉണ്ടെങ്കിലും നാം അതില്‍ വിജയിച്ചു. എന്നാല്‍, ജനാധിപത്യത്തിന് ഭീഷണിയായി വളരുന്ന അഴിമതി രാഷ്ട്രഗാത്രത്തെ ബാധിക്കുന്ന കാന്‍സറായിക്കണ്ട് അതിന് ഗൗരവപൂര്‍ണമായ ചികിത്സനലേ്കണ്ടിയിരിക്കുന്നു. ''വലിയൊരു സ്ഥാപനമാകയാല്‍ വലിയതോതില്‍ ദുരുപയോഗം ചെയ്യപ്പെടാന്‍ സാധ്യതയുള്ളതാണ് ജനാധിപത്യം'' എന്ന ഗാന്ധിജിയുടെ മുന്നറിയിപ്പ് സ്മരണീയമായിത്തീരുന്നു.

അസംഘടിത മേഖലയെക്കുറിച്ച് പഠനംനടത്തിയ സെന്‍ഗുപ്തസമിതി പുറത്തുവിട്ട വിവരങ്ങള്‍ ഞെട്ടിക്കുന്നതായിരുന്നു. മുക്കാല്‍ഭാഗം ഇന്ത്യക്കാരും പ്രതിദിനം 20 രൂപയിലധികം ചെലവിടാന്‍ ഇല്ലാത്തവരാണെന്ന് സമിതി കണ്ടെത്തുകയുണ്ടായി. 'ദാരിദ്ര്യത്തിലേക്ക് കൂപ്പുകുത്തുന്നവര്‍' എന്ന ഒരു വിഭാഗത്തെയും സെന്‍ഗുപ്തസമിതി നിര്‍ണയിച്ചിരുന്നു. 24 രൂപയിലധികം നിത്യച്ചെലവിന് ഇല്ലാത്തവരെയാണ് അതില്‍ ഉള്‍പ്പെടുത്തിയത്. 77ശതമാനം ഇന്ത്യക്കാര്‍ ദരിദ്രരാണ് എന്ന് സമിതിയുടെ പഠനത്തില്‍ പറയുന്നത് സാമൂഹികമായ ഗുരുതരാവസ്ഥയാണ് സൂചിപ്പിക്കുന്നത്.

വര്‍ഗീയതയും വംശവെറിയും ഇനിയും വിട്ടുമാറിയിട്ടില്ല എന്നതിന് തെളിവാകുകയാണ് അസമിലെ സ്ഥിതിവിശേഷം. 'ഒറ്റരാഷ്ട്രം ഒരൊറ്റ ജനത' എന്ന അവസ്ഥയിലേക്ക് എത്തിച്ചേരുന്നതിന് തടസ്സമായി നില്‍ക്കുന്ന ഘടകങ്ങളെ തിരിച്ചറിയേണ്ടതുണ്ട്.വര്‍ഗീയത, തീവ്രവാദം, ഭീകരവാദം, അഴിമതി, വിവേചനം, അസമത്വം, സ്വജനപക്ഷപാതം എന്നിവയെല്ലാം നമ്മുടെ ജനാധിപത്യ മതേതര വ്യവസ്ഥയ്‌ക്കെതിരെ ഉയരുന്ന വെല്ലുവിളികളാണ്.

ഗാന്ധിജിയിലേക്കുള്ള വഴിദൂരം വര്‍ധിപ്പിക്കുന്ന എന്തും ഇന്ത്യയ്ക്ക് ഹാനികരമായിരിക്കും. മതേതരത്വത്തോടുള്ള നിതാന്തമായ പ്രതിബദ്ധതയിലും സാമ്പത്തികമായ പുരോഗമനവീക്ഷണത്തിലും ജവാഹര്‍ലാല്‍ നെഹ്രു നടത്തിയ ഉറച്ച കാല്‍വെപ്പുകളാണ് സ്വതന്ത്ര ഇന്ത്യയെ മുന്നോട്ടുനയിച്ചത് എന്നതും മറന്നുകൂടാ. ആധുനിക ഇന്ത്യയുടെ ശില്പി വിശാലവീക്ഷണത്തിന്റെയും ഉത്ക്കടമായ ഹൃദയാലുത്വത്തിന്റെയും പ്രകടമായ പ്രതീകമായിരിക്കുന്ന നെഹ്രു തന്നെയാകുന്നു. നെഹ്രുവിലൂടെ വേണം ഇന്ത്യയെ ശരിയായ അര്‍ഥത്തില്‍ കണ്ടെത്താന്‍. ഗാന്ധിജിക്കും പണ്ഡിറ്റ്ജിക്കും ഇടയില്‍ ഇന്ത്യന്‍ ദേശീയതയുടെ മറ്റൊരു മഹാസ്തംഭവുമുണ്ടായിരുന്നു. മതവും ന്യൂനപക്ഷവും മാത്രമല്ല ഇന്ത്യയും അതിന്റെ മതേതരത്വവും സര്‍വോപരി സ്വാതന്ത്ര്യസമരപ്രസ്ഥാനവും വിശകലന വിധേയമാകുമ്പോഴെല്ലാം പ്രാധാന്യപൂര്‍വം അനുസ്മരിക്കപ്പെടുന്ന മൗലാനാ അബുള്‍കലാം ആസാദ്. സകലവിധ വിഭജനവാദങ്ങള്‍ക്കും വിഘടന പ്രവണതകള്‍ക്കുമെതിരായ ശക്തമായ നിലപാടും താക്കീതുമായിരുന്നു അദ്ദേഹത്തിന്റെ ജീവിതം.

സ്വാതന്ത്ര്യദിനം ദേശീയമായ ഒരാഘോഷം മാത്രമല്ല, ഓരോ ഇന്ത്യക്കാരന്റെയും ഹൃദയത്തെ ജ്വലിപ്പിക്കുന്ന രാജ്യസ്‌നേഹത്തിന്റെയും ദേശാഭിമാനത്തിന്റെയും പ്രചോദനസ്രോതസ്സ് കൂടിയാണത്.

പുണ്യത്തിന്റെയും വിശുദ്ധിയുടെയും റമദാനിന് തുടക്കമായി.

2012-07-29T14:39:00.002+05:30

പുണ്യത്തിന്റെയും വിശുദ്ധിയുടെയും റമദാനിന് തുടക്കമായി. തലശ്ശേരിയില്‍ മാസപ്പിറവി കണ്ടതിനാല്‍ കേരളത്തില്‍ റംസാന്‍ നോമ്പ് ശനിയാഴ്ച തുടങ്ങി.പാണക്കാട് ഹൈദരലി ശിഹാബ് തങ്ങള്‍, കോഴിക്കോട് മുഖ്യ ഖാസി കെ.വി. ഇമ്പിച്ചമ്മദ്, ചെറുശ്ശേരി സൈനുദ്ദീന്‍ മുസലിയാര്‍, കോഴിക്കോട് ഖാസി മുഹമ്മദ് കോയ തങ്ങള്‍ , പാളയം ഇമാം ജമാലുദ്ദീന്‍ മങ്കട, കാന്തപുരം എ.പി അബൂബക്കര്‍ മുസ്ലിയാര്‍ എന്നിവരാണ് ഇക്കാര്യം അറിയിച്ചത്.വ്യാഴാഴ്ച മാസപ്പിറവി കേരളത്തില്‍ ദൃശ്യമാവാത്തതിനാല്‍ ശനിയാഴ്ച നോമ്പ് ആരംഭിക്കുമെന്ന് കേരള ഹിലാല്‍ കമ്മിറ്റി കഴിഞ്ഞ ദിവസം അറിയിച്ചിരുന്നു.

പതിനൊന്ന് മാസത്തെ കാത്തിരിപ്പിനൊടുവില്‍ അ
ല്ലാഹുവിന്റെ മഹത്തായ അനുഗ്രഹമായി ഒരു റമദാന്‍ കൂടി സമാഗതമാവുമ്പോള്‍ അടിഞ്ഞു കൂടിയ കറകളെ മായ്‌ചെടുത്ത് പുതിയ ഒരു ജീവിതത്തിനായി തയ്യാറെടുക്കുന്ന സന്തോഷത്തിലാണ് ഒരോ വിശ്വാസിയും. നീണ്ട പകലിലെ തികഞ്ഞ സംയമനത്തില്‍ അന്നപാനീയങ്ങളുപേക്ഷിച്ച് പ്രാര്‍ഥനയോടും ഭക്തിയോടും കഴിച്ചു കൂട്ടുന്നതോടെ അനാവശ്യവാക്കും പ്രവര്‍ത്തിയും അവനെ ബാധിക്കുന്നില്ല. രാത്രിയിലെ നമസ്‌കാരത്തിലൂടെയും ആര്‍ജ്ജിക്കുന്നത് അതേ വിശുദ്ധിതന്നെ. ദാന ധര്‍മ്മത്തിന്റെയും ഉദാരതയുടെയും മാസമായ റമദാന്‍..., വരാനിരിക്കുന്ന കാലങ്ങള്‍ക്ക് കൂടിയുള്ള മഹത്തായ പരിശീലന കളരിയാണ്. ദൈവിക വാക്യങ്ങള്‍ മാനവസമൂഹത്തിന് പകര്‍ന്നേകിയ നിമിഷങ്ങളുടെ ആഘോഷം കൂടിയായ റമദാനില്‍ വേദഗ്രന്ഥവുമായി പ്രത്യേകം അടുക്കുവാന്‍ ശ്രദ്ധിക്കുന്നതും അതു കൊണ്ട് തന്നെ.

പുണ്യത്തിന്റെ നിമിഷങ്ങളോടു കൂടിയ വിശുദ്ധിയുടെ രാപ്പകലുകള്‍ക്ക് അല്ലാഹുവിന്റെ അനുഗ്രഹങ്ങളും മാലാഖമാരുടെ ആശീര്‍വാദവും വന്നണയുന്നതോടെ പൈശാചികതക്ക് ബന്ധനവും നരകത്തിന് മതില്‍ക്കെട്ടും വീഴുന്നു. സ്വര്‍ഗത്തിലേക്കുള്ള പാഥേയമായി ഈ റമദാനെയും നാഥാ ഞങ്ങളില്‍ നിന്ന് സ്വീകരിക്കേണമേ...

റമദാന്‍: വിശുദ്ധിയുടെ മാസം

2012-07-29T13:46:00.002+05:30

മനസ്സിനെയും ശരീരത്തെയും കഴുകി വൃത്തിയാക്കുന്ന നമ്മുടെ വസന്തമാണ് റംസാന്‍. സഹനശീലവും ത്യാഗവും അനുഭവത്തിലൂടെ ശീലിപ്പിക്കുന്നതിനൊപ്പം സമൂഹത്തിന്റെ വ്യഥകളും വേദനകളും പങ്കുവെക്കാനുള്ള മനസ്സുകൂടി വളര്‍ത്തിയെടുക്കുകയാണ് റംസാന്‍. സ്രഷ്ടാവായ അള്ളാഹുവിന് സ്വയം സമര്‍പ്പിക്കാനും തെറ്റുകളില്‍നിന്നു മാറി ദൈവികചിന്തയില്‍ മുഴുകാനും അള്ളാഹുതന്നെ അടിമയ്ക്ക് നല്‍കിയ അസുലഭ മുഹൂര്‍ത്തമാണ് പരിശുദ്ധ റംസാന്‍ മാസം. ഇനിയുള്ള ദിനരാത്രങ്ങളില്‍ ദൈവികചിന്തയിലും പരിശുദ്ധ ഖുര്‍ആന്‍ പാരായണത്തിലുമായി വിശ്വാസികള്‍ ധന്യരാകും.

പ്രവാചകരും അവിടത്തെ അനുയായികളും രണ്ടുമാസങ്ങള്‍ക്കുമുമ്പു തന്നെ റംസാനിന്റെ വരവ് അറിയിക്കാനും അതിനെ സ്വീകരിക്കാനും സജ്ജരായിരുന്നു. ”റജബിലും ശഅബാനിലും ഞങ്ങള്‍ക്ക് നീ ബര്‍ക്കത്ത് നല്‍കുകയും പരിശുദ്ധ റംസാനിലേക്ക് ഞങ്ങളെ നീ എത്തിക്കുകയും ചെയ്യേണമേ” എന്ന് അവിടുന്ന് സദാ പ്രാര്‍ഥിക്കാറുണ്ടായിരുന്നു. സാധാരണ മാസങ്ങളില്‍ തന്നെ ധാരാളം ആരാധനകള്‍ ചെയ്യാറുണ്ടായിരുന്ന തിരുനബി റംസാന്‍മാസമായാല്‍ തന്റെ അരയുടുപ്പ് ശക്തമായി കെട്ടി പള്ളിയില്‍ ഇഅ്തികാഫ് ഇരിക്കാനും ഖുര്‍ആന്‍ പാരായണത്തിനും മറ്റ്ആരാധനകള്‍ക്കും വേണ്ടി മാത്രം സമയം ചെലവഴിക്കുമായിരുന്നുവെന്ന് ഹദീസുകളില്‍ നിന്ന് വ്യക്തമാകും.

ഒരു മാസത്തെ വ്രതാനുഷ്ഠാനത്തിലൂടെ അധമ വികാരങ്ങളെ ചുട്ടെരിക്കുന്ന ആത്മീയശക്തിയാര്‍ജിക്കുകയാണ് മനുഷ്യന്‍. ശരീരത്തിന്റെ ഇച്ഛകള്‍ മനസ്സിനെ മലിനമാക്കുന്ന ഉപഭോഗ ത്വരയുടെ നടുക്കയത്തിലാണിപ്പോള്‍ നാം ജീവിക്കുന്നത്. തിന്മകളുടെ പ്രലോഭനങ്ങള്‍ മനുഷ്യനെ നിരന്തരമായി അപഭ്രംശത്തിലേക്ക് നയിച്ചുകൊണ്ടിരിക്കുന്നു. പുതിയ സാങ്കേതിക വിപ്ലവങ്ങളും പുതിയ മാധ്യമങ്ങളും ശരീരത്തിന്റെ ഉത്സവങ്ങളാണ് വിറ്റഴിച്ചു കൊണ്ടിരിക്കുന്നത്. ഇതില്‍പ്പെട്ട് മനുഷ്യന്‍ ഒഴുക്കുവെള്ളത്തിലെ പൊങ്ങുതടിയെപ്പോലെ ദിശയറിയാതെ സഞ്ചരിക്കുകയാണ്. പതിനൊന്ന് മാസക്കാലം ഈ മായയില്‍ ജീവിക്കുന്ന മനുഷ്യനെ തൊട്ടുണര്‍ത്തി, ജീവിതത്തിന്റെ യഥാര്‍ഥ ലക്ഷ്യമായ ദൈവികസ്മരണയിലേക്കും ആത്മീയ ഉയര്‍ച്ചയിലേക്കും നയിക്കാന്‍ റംസാന്‍ നമ്മെ പ്രാപ്തരാക്കണം.

വര്‍ണശബളമായ ഈ ലോകത്തിനപ്പുറം ഇല്ലായ്മകളുടെ ചെളിക്കുണ്ടുകളുണ്ടെന്ന് സമൂഹം വിസ്മരിക്കുകയോ അത്തരമൊരു മറവിയിലേക്ക് സ്വയം രക്ഷപ്പെടുകയോ ചെയ്യുകയാണ്. ഇച്ഛകളെ തിരസ്‌കരിക്കാനുള്ള മനസ്സാണ് ഒരുമാസത്തെ വ്രതാനുഷ്ഠാനത്തിലൂടെ നാം നേടിയെടുക്കുന്നത്. ശരീരം ആവശ്യപ്പെടുന്നതിന് വഴങ്ങിക്കൊടുക്കില്ലെന്ന പ്രഖ്യാപനമാണത്. പാവപ്പെട്ടവരും നിരാലംബരുമായ ലക്ഷക്കണക്കിന് മനുഷ്യര്‍ നമ്മുടെ ചുറ്റും ജീവിക്കുന്നുണ്ടെന്ന ചിന്ത വിശപ്പനുഭവിക്കുന്നതിലൂടെ മനുഷ്യനുണ്ടാകുന്നു. അതുമൂലം ഒരുസാമൂഹികബോധം അവനറിയാതെ അവന്റെ മനസ്സിലേക്ക് വരികയും വിശപ്പനുഭവിക്കുന്നവന്റെ മാനസിക സ്ഥിതി മനസ്സിലാക്കാന്‍ അതുമൂലം അവന് സാധിക്കുകയും ചെയ്യുന്നു.

മുസ്‌ലിമിന്റെ ജീവിതത്തിലെ ഏറ്റവും പ്രധാന സവിശേഷത അവന്റെ സാമൂഹികബോധമാണ്. നമ്മുടെ ആരാധനകളോരോന്നും സമൂഹവുമായി ബന്ധിപ്പിച്ചു നിര്‍ത്തുന്നതാണ്. മനുഷ്യന്‍ ഒരു സമൂഹജീവിയാണെന്നും സമൂഹത്തില്‍ നിന്ന് മാറിയുള്ള ഒരു അസ്തിത്വം അവനില്ലെന്നുമാണ് ഇസ്‌ലാം അനുശാസിക്കുന്നത്. സമൂഹത്തിന്റെ വേദനകളും ദുഃഖങ്ങളും അതുകൊണ്ട് തന്നെ ഒരു മുസ്‌ലിമിന്റെ വേദനയും ദുഃഖവുമാണ്. ജീവകാരുണ്യ പ്രവര്‍ത്തനങ്ങളിലും സഹജീവികളെ സഹായിക്കുന്നതിനും മുന്‍തൂക്കം നല്‍കിയുള്ള റിലീഫ് പ്രവര്‍ത്തനങ്ങള്‍ക്ക് ശ്രദ്ധചെലുത്തേണ്ട മാസവും കൂടിയാണ് റംസാന്‍.

എല്ലാം വെട്ടിപ്പിടിക്കുകയും ആര്‍ത്തിയോടെ എല്ലാം സ്വന്തമാക്കാന്‍ ആഗ്രഹിക്കുകയും ചെയ്യുന്ന ഈ കാലഘട്ടത്തില്‍ സ്വന്തം സുഖങ്ങളും ആഘോഷങ്ങളും മാത്രം പ്രധാനമായി കാണുന്ന മനുഷ്യനു മുമ്പില്‍ കാലം ചതിക്കുഴികളൊരുക്കുകയാണ്. നമ്മുടെ ആഹ്ലാദങ്ങള്‍ക്കും വര്‍ണക്കൊഴുപ്പുള്ള ജീവിതത്തിനുമൊപ്പം നമ്മുടെ അയല്‍വാസികളുടെ ദുരിതജീവിതം വിസ്മരിച്ചു പോകരുത്. ഒരുനേരത്തെ ഭക്ഷണത്തിന് ഗതിയില്ലാതെ കരയുന്ന ഒരാളും അയല്‍വീടുകളിലുണ്ടാവരുത്. പരിശുദ്ധ ഖുര്‍ആനിന്റെ മാസമായ റംസാന്‍ ഇത്തരം ചിന്തകള്‍ക്ക് കൂടിയുള്ളതാവണം. പണക്കാര്‍ കൂടുതല്‍ പണക്കാരാവുകയും ദരിദ്രര്‍ കൂടുതല്‍ ദരിദ്രരാവുകയും ചെയ്യുന്ന ആഗോളവത്കരണത്തിന്റെ നീരാളിക്കൈകള്‍ നമുക്കുചുറ്റും പടര്‍ന്നു നില്‍ക്കുകയാണ്. ദാരിദ്ര്യവും പട്ടിണിയും ഒരുഭാഗത്ത് ഇപ്പോഴും നിലനില്‍ക്കുന്നുണ്ട്. ചെയ്യുന്ന ആരാധനകള്‍ക്ക് പതിന്മടങ്ങ് പ്രതിഫലം ലഭിക്കുന്ന മാസമാണ് റംസാന്‍. അതുകൊണ്ടുതന്നെ സ്വദഖകളും ദാനധര്‍മങ്ങളും അധികരിപ്പിക്കേണ്ടതും ഈ പവിത്രമാസത്തില്‍ തന്നെ.

ഇസ്‌ലാമിനെ അപഹസിക്കാനും അപമാനിക്കാനും ശ്രമിക്കുന്നവര്‍ എക്കാലത്തുമുണ്ടാകും. പവിത്രമായ ഈ മതത്തിന്റെ സല്‍പ്പേരിന് കളങ്കമുണ്ടാക്കുന്ന പ്രവര്‍ത്തനങ്ങള്‍ നമ്മുടെ ഭാഗത്തുനിന്നുണ്ടായിക്കൂടാ. സമൂഹത്തിലും പരലോകത്ത് അള്ളാഹുവിന്റെ മുമ്പിലും അത്തരക്കാര്‍ ഒറ്റപ്പെടുന്ന അവസ്ഥയാണുണ്ടാവുക. നിക്ഷിപ്തതാത്പര്യക്കാരായ ചിലര്‍ ഇത്തരം സമീപനങ്ങളെ പ്രോത്സാഹിപ്പിക്കുകയും അതിന് ജനപ്രീതി നേടിക്കൊടുക്കുകയുമാണ്. യഥാര്‍ഥ ഇസ്‌ലാമിന്റെ സൗന്ദര്യം പ്രസരിപ്പിക്കേണ്ട മുസ്‌ലിങ്ങള്‍ ഇത്തരം ചതിക്കുഴികളില്‍പ്പെട്ടുപോകരുത്. ഇസ്‌ലാമിന്റെ അടയാളങ്ങളായി മുസ്‌ലിങ്ങള്‍ ജീവിക്കുകഎന്നതാണ് ഏറ്റവും പ്രധാനം.

മതപ്രബോധനം ബലമായി നടത്തേണ്ട ഒന്നല്ല. പകരം വിശ്വാസിയുടെ ജീവിതമാണ് പ്രബോധനമാവേണ്ടത്. ആയിരം ആളുകളെ ഉപദേശിക്കുന്നതിലേറെ ഉത്തമം ഒരാള്‍ സ്വയം നന്നാവലാണ് എന്നതൊരു യാഥാര്‍ഥ്യമാണല്ലോ. അതിനുള്ള ഏറ്റവും നല്ല സമയമാണ് ഈ മാസം. മനസ്സും ശരീരവും ഒന്നിച്ചു ശുദ്ധീകരിക്കാനുള്ള ഈ കാലം നമ്മെ കൂടുതല്‍ വിശാലമായി ചിന്തിക്കാനും ശീലിപ്പിക്കുന്നുണ്ട്. സങ്കുചിത താത്പര്യങ്ങളുടെ ഇടുങ്ങിയ വഴികളില്‍ നിന്ന് വിശ്വാസി ഹൃദയവിശാലതയുടെ രാജപാതയിലേക്ക് സഞ്ചരിക്കുന്ന ഈ മാസം വിശ്വാസികളുടെ വസന്തമാകുന്നതങ്ങനെയാണ്. സ്വയം ചുരുങ്ങുന്ന ലോകത്തെ വിശാലമാക്കുകയാണ് വിശ്വാസികള്‍ ചെയ്യേണ്ടത്. എല്ലാ മതങ്ങളും മതവിശ്വാസികളും ഈ നന്മയുടെ കാലത്തെ ഒരുപോലെ ഏറ്റുവാങ്ങുകയാണ് ലോകമെങ്ങും.

സ്വലാത്ത് വാർഷികം നടത്തി

2012-06-01T02:10:00.001+05:30

വെള്ളുവങ്ങാട് റഹ്മാനിയ ജുമാമസ്ജിദിന്റെ കീഴിൽ സ്വലാത്ത് വാർഷികം നടത്തി..ചെരുശേരി ഉസ്താദ് ഉൾപ്പെടെ പ്രമുഖർ പൻകെടുത്തു..
സ്വലാത്ത് വാർഷികത്തോട് അനുബന്ദിച്ച് അന്നദാനവും നടന്നു..2 ദിവസം നീണ്ടുനിന്ന സ്വലാത്ത് വാർഷികം സമാപിചു