குங்குமப் பூ (Saffron Info)

புகையிலையை புறக்கணியுங்கள்.!

noreply@blogger.com (e-mail: bala.journalist@yahoo.com) — Sun, 01 Jun 2014 00:31:00 +0000

ஆரோக்கியமான இந்தியாவை உருவாக்க நாட்டு மக்கள் புகையிலை உபயோகிப்பதைத் தவிர்க்க வேண்டும் என்று பிரதமர் நரேந்திர மோடி அறிவுறுத்தியுள்ளார். உலக புகையிலை ஒழிப்பு தினத்தையொட்டி, பிரதமர் நரேந்திர மோடி "டுவிட்டர்' இணையதளப் பதிவில் கூறியிருப்பதாவது;

நாட்டில் புகையிலை உபயோகிப்பதால் ஏற்படும் தீமை மற்றும் புகையிலையை அறவே ஒழிப்பது ஆகியவை குறித்து மக்களிடம் விழிப்புணர்வை ஏற்படுத்த உறுதி ஏற்க வேண்டும். புகையிலையால் நுகர்வோர் மட்டுமின்றி அவர்களை சுற்றியுள்ள மக்களும் பாதிக்கப்படுவர். எனவே, புகையிலையை தவிர்ப்போம். ஆரோக்கியமான இந்தியாவை உருவாக்க அடித்தளமிடுவோம்'' என்று பிரதமர் நரேந்திர மோடி குறிப்பிட்டுள்ளார்.

கருத்துகள் வரவேற்கப்படுகின்றன. அன்புடன் பாலமுருகன்.

தூக்கு மேடைக்கு தப்பிய 15 பேர்.!

noreply@blogger.com (e-mail: bala.journalist@yahoo.com) — Tue, 21 Jan 2014 23:01:00 +0000

கருணை மனுக்கள் மீதான முடிவு எடுப்பதில் மிதமிஞ்சிய தாமதம், விவரிக்கப்படாத தாமதம் தண்டனை குறைப்புக்கு தகுதியானது என்று கூறி, வீரப்பன் கூட்டாளிகள் 4 பேர் உள்பட 13 வழக்குகளில் தொடர்புடைய 15 பேரின் மரண தண்டனையை உச்ச நீதிமன்றம் நேற்று ரத்து செய்து ஆயுள் தண்டனை ஆக குறைத்துள்ளது. தூக்கு மேடைக்கு தப்பிய அந்த 15 பேர் பட்டியல் வருமாறு:-

1. ஞானப்பிரகாசம்

2. சைமன்

3. மீசை மாதையன்

4. பிலவேந்திரன்

5. பிரவிண் குமார்

(இவர்கள் 5 பேரும் கர்நாடக மாநிலம் பெல்காம் சிறையில் உள்ளனர்)

6. சுரேஷ்

7. ராம்ஜி

8. குர்மீத் சிங்

9. ஜாபர் அலி

(இவர்கள் 4 பேரும் உத்தரபிரதேச சிறையில் உள்ளனர்)

10. சஞ்சீவ்

11. சோனியா

(கணவன், மனைவியான இந்த ஜோடி அரியானா சிறையில் உள்ளனர்)

12. சுந்தர்சிங் (உத்தராஞ்சல் சிறையில் உள்ளனர்)

13. மகன்லால் பெராலா

14. ஷிவு

15. ஜடேசுவாமி

நேசித்தவர்களை விட வெறுத்தவர்களே அதிகம்...!

noreply@blogger.com (e-mail: bala.journalist@yahoo.com) — Fri, 10 Jan 2014 01:42:00 +0000

பா.ஜ.க.மூத்த தலைவர் எல்.கே.அத்வானி தீவிர ஆர்.எஸ்.எஸ்.தொண்டர் என்ற அடையாளத்தினா லேயே அவரை நேசித்தவர்களைவிட, விரும்பாதவர் களே அதிகம். அதை அறிந்திருந்தபோதும் அதற்காக வருந்தாமல், தன் அடையாளத்தை இழக்க விரும்பாத துணிவான அரசியல்வாதி. இன்றைக்கு பாகிஸ்தானின் ஒரு முக்கிய நகராகயிருக்கும் கராச்சி, பிரிவினைக்கு முன் இந்தியாவின் ஓர் அங்கமாயிருந்தபோது, அங்கு பிறந்து வளர்ந்தவர் அத்வானி. நல்ல வசதியான, தெய்வ பக்தி நிரம்பிய சிந்தி குடும்பத்தில் பிறந்தவர். தொடக்க நாட்களில் கிரிக்கெட், டென்னிஸ் விளையாட்டுகளில் மட்டுமே ஆர்வமாக இருந்த அத்வானிக்கு, அரசியலை அறிமுகப்படுத்தியது அவரது பள்ளி நண்பர்.

அவருடன் ஆர்.எஸ்.எஸ்.ஸின் ஷாகாக்களுக்குச் சென்றவர், அதனால் ஈர்க்கப்பட்டு அதில் ஒன்றிப்போனார். அதற்கு முக்கியக் காரணம், தீ பிரிவினை என்பதையே அடியோடு ஆர்.எஸ்.எஸ். நிராகரித்ததுதான். கல்லூரிப் படிப்பை முடித்தபின் சில காலம் ஆசிரியப் பணியிலிருந்தபோது, தொடர்ந்த சமூக சேவைப் பணிகள் இவரது வாழ்க்கையில் ஒரு விபத்துக்கு வித்திட்டது.

கராச்சியில் நிகழ்ந்த ஒரு குண்டுவெடிப்புக்குக் காரணமான ஆர்.எஸ்.எஸ். காரர்களின் பட்டியலில் இவர் பெயரும் இருந்ததால் காவல்துறையிடம் இருந்து தப்ப, இந்தியாவிற்கு இடம் பெயர்ந்து, மும்பையில் சட்டம் படித்து, பின் முழுநேர அரசியல்வாதியானவர்.

ஆர்.எஸ்.எஸ்.ஸிலிருந்து பாரதிய ஜன சங்கம், ஜனதா மோர்ச்சா, ஜனதா என மாறி மாறி இவர் கடந்து வந்த அரசியல் பாதைகள், வலிகள் நிறைந்தவை. மொரார்ஜி தேசாய், சரண் சிங், வி.பி.சிங், சந்திரசேகர் போன்ற அரசியல்வாதிகள், தங்களை பலப்படுத்திக் கொண்டனர். தனது கட்சி தனித்து நிற்க, அதற்கு அகில இந்திய முகம் தேவை என உணர்ந்த அத்வானி, அதற்காகப் பாடுபடத் தொடங்கினார். எமர்ஜென்சி காலத்தின் கொடுமைகளிலிருந்து மீண்டு, கட்சியைக் கட்டமைத்து வெறும் 2 எம்.பி.க்களுடன் தொடங்கிய பா.ஜ.க.வை ஆட்சியைப் பிடிக்கும் அளவிற்கு வளர்த்தவர். 2002ல் வாஜ்பாயின் அரசில் துணை பிரதமராக இருந்தவர்.

கட்சியை வளர்க்க இவர் தேர்தெடுத்த ஓர் ஆயுதம் ரதயாத்திரைகள்.சோமநாத்தில் தொடங்கி, அயோத்தி வரை செல்லத் திட்டமிட்டு, வன்முறையில் முடிந்த முதல் யாத்திரையின் வெற்றியாகக் கருதப்பட்ட விசயம் பாபர் மசூதியின் இடிப்பு. ஹிந்துத்வா கோசத்தை ஓங்கி ஒலித்து தேர்தலில் வெற்றி பெற்றாலும், 1990 டிசம்பர் 6ல் நிகழ்ந்தது ஒரு தேசிய அவமானம் என்ற கறையையும் பெற்றுத் தந்தது. ஆனாலும், அத்வானி யாத்திரைகளைக் கைவிடவில்லை.

ஊழலுக்கு எதிராகவும், வெளிநாடுகளில் இந்தியர்கள் பதுக்கி வைத்துள்ள கறுப்புப் பணத்தை மீட்டுக் கொண்டுவரவும் வலியுறுத்தி, 38 நாட்கள் மக்கள் விழிப்புணர்வு யாத்திரை மேற்கொண்டார்.

கருத்துகள் வரவேற்கப்படுகின்றன. என்றும் உங்கள் பாலமுருகன்.

புத்தகம் என்ன செய்யும்?

noreply@blogger.com (e-mail: bala.journalist@yahoo.com) — Fri, 10 Jan 2014 01:30:00 +0000

‘புத்தகம் என்ன செய்யும்? ஏன் புத்தகம் படிக்க வேண்டும்’ என்று கேட்பவர்களுக்கு என்றைக்குமான பதிலாக உள்ளது ஒரு திரைப்படம். அது பிரபல பிரெஞ்சு இயக்குநர் த்ரூபா இயக்கிய ‘Fahrenheit 451’ என்ற படம். அமெரிக்க எழுத்தாளரான ரேபிராட்பரி எழுதிய விஞ்ஞானப் புனைக் கதையை த்ரூபா படமாக்கி இருக்கிறார். த்ரூபா இயக்கிய ஒரே ஆங்கிலப் படம் அது. Fahrenheit-451 என்பது புத்தகங்கள் எரிவதற்கான உஷ்ண நிலை.

எதிர்கால அமெரிக்காவில் இக்கதை நடக்கிறது. அங்கே புத்தகங்கள் தடை செய்யப்பட்டு இருக்கின்றன. யாராவது புத்தகம் வைத்திருந்தால் அவரைக் கண்டுபிடித்து உடனே மனநல மருத்துவமனைக்கு அனுப்பிவிடுவார்கள். அவரது புத்தகங்கள் உடனடியாகத் தீ வைத்து எரிக்கப்படும். அப்படி தீ எரிப்பதற்கு என்று தனியே இந்தப் படத்தின் கதாநாயகன் மாண்டெக் வேலை செய்கிறான். எவருடைய வீட்டிலாவது புத்தகங்கள் இருப்பது கண்டுபிடிக்கப்பட்டால், உடனடியாகத் தீ எரிப்புத் துறையில் அபாய மணி அடிக்கப்படும். தீ வைப்பதில் தேர்ச்சி பெற்ற வீரர்கள் அங்கே அனுப்பி வைக்கப்பட்டு, புத்தகங்களை கொளுத்தி வருவார்கள்.

ஒருநாள், வயதான பெண் ஒருவருடைய வீட்டில் புத்தகங்கள் கைப்பற்றப் பட்டு எரிக்கப்படுகின்றன. அப்போது புத்தகத்தில் இருந்து ஒரு வரியைத் தற்செயலாகப் படிக்கிறான் மாண்டெக்.அந்த வரியின் ஈர்ப்பில் புத்தகத்தைத் திருடிக் கொள்கிறான். தன்னைப் புத்தகங்களில் இருந்து பிரிக்க முடியாது என்று மல்லுக்கட்டும் வயதான பெண் தன்னைக் கொளுத்திக் கொள்கிறாள். புத்தகங்களுக்காக ஒரு பெண் ஏன் தற்கொலை செய்து கொள்கிறாள் என்று மாண்டெக்கால் அப்போது புரிந்து கொள்ள முடியவில்லை.

ரேபிராட்பரி

தன் மனைவியிடம் தான் ஒரு புத்தகம் திருடி வந்ததைப் பற்றிச் சொல்லி, அதில் உள்ள வரிகள் அவன் வாழ்க்கையைப் புரிந்து கொள்வதற்கு நெருக்கமாக உள்ளதாகச் சொல்கிறான். அதன் பிறகு தீ வைக்கச் செல்லும் இடங்களில் புத்தகங்களைத் திருடி வந்து படிக்கிறான் மாண்டெக். திருடிய புத்தகங்களைப் பிறர் அறியாமல் வீட்டினுள் ஒளித்து வைக்கிறான். புத்தகங்களைப் பற்றி அதிகம் தெரிந்து கொள்வதற்காக பேபர் என்ற பேராசிரியரை தேடிப் போகிறான். இருவரும் புத்தகம் பற்றி நிறையப் பேசுகிறார்கள்.

மனித குலம் அதன் கடந்த காலத்தை அறிந்து கொள்வதற்கு ஒரே வழிதான் இருக்கிறது. அது புத்தகம். மனிதக் கற்பனையின் மிக உயரிய விசயம் எழுத்து என்று அவர் புரியவைக்கிறார். அதற்குள் மாண்டெக் புத்தகம் படிக்கும் விசயம் அவன் மனைவியாலே அரசுக்குத் தெரியப்படுத்தப்பட்டு, அவன் தேடப் படுகின்றான். அவனை வேட்டையாடு கிறார்கள்.

உயிர் பிழைப்பதற்காகத் தப்பி அலைகிறான். அப்படி அலையும்போது நடமாடும் புத்தகங்களாக உள்ள ஒரு குழுவினரைக் கண்டுபிடிக்கிறான். அவர்கள் ஒவ்வொருவரும் ஒரு குறிப்பிட்ட புத்தகத்தை முழுவதாக மனப்பாடம் செய்து மனதிலே வைத்திருக்கிறார்கள். அந்தப் புத்தகங்களின் நடமாடும் வடிவம் போல அவர்கள் இருக்கிறார்கள். ஆகவே, உலகில் இருந்த புத்தகம் அப்படியே இருக்கிறது. அவர்கள் தங்களிடம் இருந்து மற்றவர்களுக்கு அந்த நினைவைப் பகிர்ந்துச் சொல்கிறார்கள்.

அந்தப் பணியில் இணைந்த மாண்டெக் பைபிளின் ஒரு பகுதியை முழுமையாக மனப்பாடம் செய்து, அவனும் ஒரு நடமாடும் புத்தகமாகி விடுகிறான். அந்ந நகரில் எதிர்பாராத யுத்தம் வெடிக்கிறது. குண்டு மழை பொழிகிறது. மனிதர்களைப் புத்தகங்களால் மட்டுமே மீட்க முடியும் என்று நடமாடும் மனிதர்கள் வேறு இடம் நோக்கிப் பயணம் செய்யத் தொடங்குகிறார்கள். அவர்களை வழி நடத்திப் போகிறான் மாண்டெக்.

த்ரூபாவின் இப்படம் புத்தகம் வெறும் காகிதமல்ல என்பதைத் தௌ¤வாகப் புரிய வைக்கிறது. கண்ணாடி நம் முகத்தைக் காட்டுகிறது என்றால், அகத்தைக் காட்டுவதற்குப் புத்தகங்கள் மட்டுமே இருக்கின்றன. புத்தகம் இன்னொரு பிரபஞ்சம். அதன் உள்ளே இந்த பிரபஞ்சத்தின் தீர்க்க முடியாத புதிர்களுக்கான பதில் காணப்படுகிறது. ஒரு மனிதன் தன் வாழ்நாளில் சுயமாக அனுபவித்து அறிய முடியாத அத்தனையும் புத்தகம் வழியாக மனிதர்களுக்கு எளிதாக அனுபவமாகிறது.

கருத்துகள் வரவேற்கப்படுகின்றன. என்றும் உங்கள் பாலமுருகன்.

குடும்ப உறவுகளுக்காக அரசியல்.!

noreply@blogger.com (e-mail: bala.journalist@yahoo.com) — Thu, 09 Jan 2014 10:33:00 +0000

நாடு அடிமைப்பட்டுக் கிடந்தபோது, விடுதலை அடைய வேண்டும் என்ற லட்சியம் காங்கிரஸ் கட்சிக்கு இருந்தது. சமூக விடுதலை அடையாமல் நாட்டு விடுதலையால் பயனில்லை என்று திராவிட இயக்கங்கள் போராடின. பொருளாதாரச் சுதந்திரம் இல்லாமல் நாட்டு விடுதலையால் எந்தப் பயனும் இல்லை என்று பொதுவுடைமை இயக்கங்கள் வாதாடின. நாடா, வர்க்கமா, சாதியா என்ற விவாதம் நடந்த காலக்கட்டம் அது.

சுதந்திரத்துக்குப் பிறகு ஆட்சியைப் பிடிப்பது, அதிகாரத்தைத் தக்கவைப்பது, இப்படித் தக்கவைப்பதற்காக எந்தக் கீழான காரியத்தையும் செய்வது, அந்தக் காரியங்களுக்காகப் பெரும் பணம் குவிப்பது, அதிகாரப் பசியைத் தீர்த்துக் கொள்ள யாரோடும் சேருவது ஆகிய ஐந்தும்தான் அனைத்து அரசியல் கட்சிகளின் நோக்கமாக உள்ளது. இதில் ஆளும் கட்சி, எதிர்க்கட்சி என எந்த வித்தியாசமும் இல்லை. இந்த நிலையை மாற்ற வேண்டும். உறுதி கொள்ளுங்கள் வாக்காளர்களே.!

உங்கள் கருத்துகள் வரவேற்கப்படுகின்றன.

புத்தகங்கள் பற்றி...!

noreply@blogger.com (e-mail: bala.journalist@yahoo.com) — Thu, 09 Jan 2014 04:49:00 +0000

படைப்பது தவம். படிப்பது வரம் - கவிஞர் வைரமுத்து

மனிதர்களுடைய மனதின் கோணலை நேர்படுத்துவதுதான் புத்தகங்கள் - தமிழருவி மணியன்

ஒவ்வொரு புத்தகமும் ஒரு நல்ல துணைவன் - எஸ்.ராமகிருஷ்ணன்

ஒவ்வொரு நூலுமே எனக்கு மிகப்பெரிய பரிசு - இயக்குநர் வெற்றிமாறன்

புத்தகங்களைத் தொடும் போதே நாம் அனுபவத்தைத் தொடுகிறோம் - நா.முத்துக்குமார்

புத்தகங்களின் மூலமாக சொர்க்கத்தை நேரடியாக அறுவடை செய்ய முடியும் - தமிழச்சி தங்கபாண்டியன்

உங்கள் கருத்துகள் வரவேற்கப்படுகின்றன.

மாம்பழம் பழுக்க ராமதாஸ் புதுக்கணக்கு.!

noreply@blogger.com (e-mail: bala.journalist@yahoo.com) — Thu, 09 Jan 2014 01:30:00 +0000

மாம்பழம் சின்னத்தை தக்க வைக்கவே, பா.ம.க., நிறுவனர், ராமதாஸ், சமுதாய கூட்டணி அமைத்து போட்டியிட முடிவு செய்துள்ளதாக தகவல் வெளியாகியுள்ளது. அதேநேரத்தில், பா.ஜ.,வுடன் கட்டாயம் கூட்டணி அமைக்க வேண்டும் என்ற கருத்தும், அக்கட்சியில் வலுத்து வருகிறது.

தேர்தல் கமிஷனின் அங்கீகாரத்தை, அரசியல் கட்சிகள் பெற, பல நிபந்தனைகள் உள்ளன. ஒரு கட்சி மாநில கட்சிக்குரிய, அங்கீகாரத்தைப் பெற வேண்டும் எனில், லோக்சபா மற்றும் சட்டசபை தேர்தல்களில், 6 சதவீத ஓட்டுகளைப் பெறுவதோடு, குறிப்பிட்ட இடங்களில் வெற்றி பெற வேண்டும்.

சின்னம் பறிபோகும்:

தேர்தல் கமிஷனின் இந்த விதியை, 2009 லோக்சபா தேர்தலில், பூர்த்தி செய்ய, பா.ம.க., உட்பட, ஆறு மாநில கட்சிகள் தவறி விட்டன. அதற்கு காரணம், தேர்தலில், அந்தக் கட்சிகளுக்கு கிடைத்த படுதோல்வியே. அதனால், புதுச்சேரியில் பா.ம.க.,வின் அங்கீகாரத்தை ரத்து செய்வது தொடர்பான அறிவிப்பை, 2010ல், தேர்தல் கமிஷன் வெளியிட்டது. மேலும், 2011 சட்டசபை தேர்தலில், தி.மு.க., கூட்டணியில் இணைந்து போட்டியிட்ட பா.ம.க.,வால், மூன்று தொகுதிகளில்மட்டுமே வெற்றி பெற முடிந்தது. இருப்பினும்,அக்கட்சி, மாநில அளவில், 5.2 சதவீத ஓட்டுகளை மட்டுமே பெற்றது.

வரும் லோக்சபா தேர்தலில், 6 சதவீதத்திற்கு அதிகமான ஓட்டுகள் அல்லது குறிப்பிட்ட இடங்களில் வெற்றி பெற்றால் மட்டுமே, பா.ம.க.,விற்கு மாம்பழம் சின்னம் சொந்தமாகும். இல்லையெனில், பா.ம.க.,வின் மாம்பழம் சின்னத்தை, தேர்தல் கமிஷன் பறிக்க வாய்ப்புள்ளது. இந்த இக்கட்டான தருணத்தில், வரும் தேர்தலில், ஏதாவது ஒரு அரசியல் கட்சியுடன் கூட்டணி சேர்ந்தால், குறைவான தொகுதிகளில் மட்டுமே, பா.ம.க., போட்டியிட முடியும். அதனால், ஓட்டு சதவீதத்தை அதிகரித்து காட்ட முடியாது.

அதேநேரத்தில், ஜாதி அமைப்புகளை இணைத்து, தற்போது உருவாக்கியுள்ள, சமுதாயகூட்டணி சார்பில், மாநிலம் முழுவதும் உள்ள தொகுதிகளில், பா.ம.க., சார்பில், பலர் போட்டியிட்டால், தேர்தல் கமிஷன் இலக்கான, 6 சதவீதம் ஓட்டுகளை பெற முடியும் என்பதே, ராமதாசின் கணக்கு.அதாவது, பா.ம.க., தனித்துப் போட்டியிட்டால், வன்னியர்களின் ஓட்டுகளை மட்டுமே பெற முடியும்; மற்ற ஜாதியினர் ஏறிட்டுப் பார்க்க மாட்டார்கள். சமுதாய கூட்டணி எனில், மற்ற ஜாதியினரும், பா.ம.க., சார்பில், தேர்தலில் நிற்பர். ஏராளமான வேட்பாளர்கள், பா.ம.க.,வின் மாம்பழம் சின்னத்தில் நிற்கும் போது, ஓட்டு சதவீதம் அதிகரிக்கும், அதனால், சின்னத்தை தக்க வைத்துக் கொள்ளலாம் என்பதும், அவரின் மற்றொரு கணிப்பு.

தந்தைக்கு எதிராக:அதேநேரத்தில், 'வரும் லோக்சபா தேர்தலில் வெற்றி பெற்றால் மட்டுமே, கட்சியினரை தக்கவைக்க முடியும்' என, பா.ம.க., இளைஞர் அணி செயலர் அன்புமணி நினைக்கிறார். பா.ம.க., சார்பில், வேட்பாளர்களாக அறிவிக்கப்பட்டுள்ளவர்களின் மனநிலையும் அதுவாகவே உள்ளது. அதனால், இந்த விஷயத்தில், தந்தை ராமதாஸ் முடிவுக்கு எதிராக, பா.ஜ.,வுடன் கூட்டணி அமைக்கவும், விஜயகாந்தின், தே.மு.தி.க., அந்தக் கூட்டணியில் சேர்ந்தாலும், ஆதாயம் கருதி, அதை ஏற்றுக் கொள்ளவும், அன்புமணி திட்டமிட்டுள்ளதாகக் தெரிகிறது.

நியாயமா இது?

noreply@blogger.com (e-mail: bala.journalist@yahoo.com) — Mon, 08 Apr 2013 01:30:00 +0000

ஒரு வேளை பூகம்பமோ, சுனாமியோ ஏற்பட்டால் கூட 3 நிமிடங்களுக்குள் மொத்த அணுஉலையும் நிறுத்தப்பட்டு விடும் திறனை கொண்டது கூடன்குளம். ஒருவேளை கசிவு ஏற்பட்டாலும் கூட கோர் கேட்சர் அவற்றை அணுமின் நிலையத்திற்குள்ளேயே போரான் மூலம் செயலிழக்கச் செய்துவிடும். சுற்றுச்சூழலில் கதிர்வீச்சு பரவும் அபாயம் இல்லை என்பது அறிவியலாளர்களால் உறுதிப்படுத்தப் பட்டுள்ளது. எனவே, கதிர்வீச்சு அணுமின் உலையை விட்டு வெளியே வரும் என்றோ, செர்னோ பில் போல் அணுமின் நிலையத்தில் கசிவு ஏற்பட்டு விடும் என்றோ, புகுஷிமா போல் விபத்து நிகழும் என்றோ கவலை வேண்டாம்.

அணுமின் உலைகள் தீண்டத்தகாதவை அல்ல. பாதுகாப்பு அற்றவையோ, உயிருக்கு ஊறு விளை விப்பவையோ அல்ல. உலகம் முழுவதும் 440 அணுமின் நிலையங்கள் 31 நாடுகளில் இயங்கி வருகின்றன. அவற்றின் மூலம் 3 லட்சத்து 67 ஆயிரத்து 580 மெகாவாட் மின்சாரம் உற்பத்தி செய்யப்பட்டு வருகிறது. அமெரிக்காவில் மட்டும் 104 அணுமின் நிலையங்கள் செயல்படுகின்றன. ஜப்பான் நாடு இந்தியாவைப் போல் தொடர்ச்சியான நிலப்பரப்பைக் கொண்டதல்ல.

ஃபுகுஷிமா

அது பல்வேறு தீவுகளின் கூட்டம். மொத்தப் பகுதியும் பூகம்ப அச்சுறுத்தலால் சூழப்பட்டுள்ள ஜப்பானில் மட்டும் 51 அணுமின் நிலையங்கள் இயங்கி வருகின்றன. அங்கு புகுஷிமா டெயிச்சி அணுமின் நிலைய விபத்திற்கு பிறகு தற்போதும் சில அணுமின் நிலையங்கள் இயங்கி வருகின்றன; சில பாதுகாப்பு அம்சங்களை உறுதிப்படுத்துவதற்காக அதனுடைய இயக்கம் நிறுத்தி வைக்கப்பட்டு உள்ளன.

அமெரிக்கா, ஜப்பானுடன் ஒப்பிடுகையில் அணுமின் உற்பத்தியில் இந்தியாவின் பங்கு மிகவும் குறைவு. இந்தியாவில் மொத்தமுள்ள அனுமின் நிலையங்களில் 20 மட்டுமே இயங்கி வருகின்றன. சிறிய மட்டும் உடனுக்குடன் சரி செய்யப்பட்டுவிட்ட விபத்துக்களை தவிர்த்து விட்டுப் பார்த்தால், உலகளாவிய அணுமின் உற்பத்தியின் 50 ஆண்டுகால வரலாற்றில் இதுவரை 3 விபத்துக்கள் மட்டுமே நடந்துள்ளன.

அமெரிக்காவில் பென்சில்வேனியா பகுதிக்கு அருகில் உள்ள மூன்று மைல் தீவு (1979 மார்ச்); ரஷ்யாவில் உக்ரைன் பகுதியில் உள்ள செர்னோபில் (1986 ஏப்ரல்) ; ஜப்பானில் ஃபுகுஷிமா (2011 மார்ச்) ஆகிய 3 இடங்களில் நிகழ்ந்த விபத்துக்களே உலகின் கவனத்தை ஈர்த்தவை. இவற்றில் மூன்று மைல் தீவு விபத்தானது அணுமின் உற்பத்தியின் குழந்தைப் பருவத்தில் நிகழ்ந்தது.

செர்னோபில்

அணுமின் தொழில் நுட்பத்தின் வளர்ச்சியின் போக்கில் இத்தகைய குறைகள் எளிதில் களையப் பட்டுவிட்டன. செர்னோபில் விபத்தின் படிப்பினைகளால் புதிய தொழில் நுட்பம் மூலம் விபத்துக்கள் நேரா வண்ணம் அணுமின் நிலையங்கள் உருவாக்கப்பட்டுள்ளன. உருவாக்கப்படுகின்றன. புகுஷி மாவில் அணுமின் நிலையத்தில் எதுவும் வெடிக்கவில்லை என்பதும், பூகம்பம் மற்றும் சுனாமியின் இரட்டைத் தாக்குதலின் விளைவாக அணுமின் நிலையம் வெள்ளத்தில் மூழ்கியதால்தான் விபத்து ஏற்பட்டது என்பதும் நினைவில் கொள்ளத்தக்கது.

உலகெங்கிலும் உள்ள நானூறுக்கும் மேற்பட்ட அணுமின் நிலையங்களுக்கு மிக அருகில் 20 இலட்சம் பொறியாளர்களும், தொழில்நுட்ப வல்லுநர்களும் தங்கள் குடும்பத்துடன் வசித்து வருகின்றனர். அணுமின் நிலையங்களால் எத்தகைய கதிர்வீச்சு ஆபத்தும் இல்லை என்பதற்கு அவர்களே சாட்சி. அணுமின் உலை ஆபத்தானது என்றால் எந்தப் பொறியாளராவது அதில் வேலை செய்ய முன்வருவாரா? அவர்களது படிப்புக்கு ஆபத்தில்லாத பிற துறைகளில் வேலை கிடைக்காதா? அணுமின் நிலையத்தால் ஆபத்து என்பது நாம் வலிந்து கற்பிதம் செய்து கொள்வது தானே தவிர வேறல்ல என்பதற்கு இதற்கு மேலும் என்ன நிரூபணம் வேண்டும்.?

கூடன்குளம் அணுமின் நிலையத்தை பொறுத்தவரை மொத்த நிதி ஒதுக்கீட்டில் 40% உயர் பாது காப்பு அம்சங்களுக்குதான் செலவிடப்பட்டுள்ளது. முன்னெச்சரிக்கை நடவடிக்கைக்காக, மக்க ளின் விழிப்புணர்வுக்காக நடத்தப்படும் பயிற்சி என்பது இந்தியா உள்ளிட்ட உலக நாடுகளுக்கு புதிதல்ல. பாதுகாப்பு தொடர்புடையவற்றை மக்கள் தெரிந்து கொள்ள வேண்டும் என்று வெளிப் படுத்துவது இன்றியமையாதது. அதையே மக்களை பயமுறுத்தும் ஆயுதமாகப் பயன்படுத்துவதை ஏற்றுக்கொள்ள இயலாது. அணுமின் நிலையங்களில் மேற்கொள்ளப்பட்ட பல அடுக்கு பாதுகாப்பு ஏற்பாடுகளில் இவை ஒரு சில மட்டுமே. விரிவு கருதி எஞ்சியவற்றை இங்கு குறிப்பிடவில்லை.

கூடன்குளம் அணுமின் நிலையம்

புகுஷிமா அணுமின் நிலையம் சேதமுற்றதற்குக் காரணம் மனிதத் தவறுகளே என்று ஜப்பான் அறிவித்தது. இப்போது மீண்டும் புகுஷிமா அணுமின் நிலையம் உலையம் உற்பத்தியைத் தொடங்கியுள்ளது. செர்னோபில் அணுமின் நிலையத்தை ரஷியா கைவிட்டதைப் போல, ஜப்பான் செய்ய இயலவில்லை. ஏனென்றால், அவர்களுக்கு மின்சாரம் தேவை. அந்த சிறிய நாட்டில் அணுமின் உலையைத் தவிர வேறு மாற்றுத் தொழில்நுட்பம் இல்லை. வேறு வழியில்லாமல் இந்த முடிவுக்கு வந்துள்ளது ஜப்பான் அரசு என்பதை நாம் கவனத்தில் கொள்ள வேண்டும். ஏறக்குறைய தமிழ்நாடும் அத்தகைய நிலையில்தான் இருக்கிறது.

தமிழகத்தில் கடும் மின்வெட்டு நிலவுகிறது. இதனால் தொழிற்துறை முடங்கியுள்ளது; பொதுத் தேர்வு எழுதும் மாணவர்கள் படிக்க வழியில்லாமல் மெழுவர்த்தி வெளிச்சத்தில் படிக்கும் அவல நிலை; மின்சாரம் இல்லாமல் குறுவை, சம்பா சாகுபடி பாதிக்கப்பட்டு, விவசாயிகள் நிற்கதியாய் நிற்கும் நிலை... இதுபோன்ற கொடுமைகளில் சிக்கி திணறும் மக்கள் எதிர்பார்ப்பது, கூடன்குளம் அணுமின் நிலையம் எப்போது செயல்படத் தொடங்கும் என்றுதான்.

ஜப்பானை போல், தென்கொரியாவைப் போல் இப்போது கூடன்குளம் மின் உற்பத்தியை ஆவலுடன் எதிர்பார்க்கிறார்கள் தமிழக மக்கள். காரணம், நமக்கு வேறு வழியில்லை. நடுவண் அரசும் மாற்றந் தாய் மனப்பான்மையுடன் நடந்து கொண்டிருக்கிறது. கொடுக்க வேண்டிய மின்சார அளவைக் கூட நாள்தோறும் கூட்டியும் குறைத்தும் வழங்கி வருகிறது. இந்த அணுமின் நிலையத்தில் மின்உற்பத்தி தொடங்கினால், தமிழகத்தில் தற்போது நிலவும் 16 மணி நேர மின்வெட்டு கணிசமாக குறையும் என நிச்சயம் நம்பலாம். 2 ஆயிரம் மெகாவாட் மின்சாரம் உற்பத்தி செய்யும்போது தமிழகத்தின் தற்போதைய மின்வெட்டு பாதியாக குறையும் என நம்பப்படுகிறது.

இந்த நேரத்தில், அணுமின் நிலையம்... ஊழியர்கள் குடியிருப்பு முற்றுகை என தொடர்வது நியாயம் தானா? முதல் அணுமின் உலை மூலம் மின் உற்பத்தியை தொடங்கிய அடுத்த 6 மாதங்களிலேயே 2ஆவது அணுமின் உலை மூலம் மின்சார உற்பத்தியை தொடங்க முடியும் என்று நம்பிக்கை தெரிவிக்கின்றனர் அணுமின் நிலைய விஞ்ஞானிகள். கூடன்குளத்தில் 2 அணுமின் உலைகளும் செயல்படும் பட்சத்தில் 2 ஆயிரம் மெகாவாட் மின்சாரம் உற்பத்தியாகும்.

இதில் 925 மெகாவாட் மின்சாரத்தை தமிழகத்திற்கு வழங்குவதாக மத்திய அரசு கூறியுள்ளது. ஆனால், தமிழக அரசு இன்னும் போராடினால் 1,200 மெகாவாட் பெறக்கூடிய சாத்தியம் உள்ளது. கட்டணமும் ஒரு யூனிட் ரூ.2.50 மட்டுமே.! அதனால் கூடன்குளம் மூலம் மின்சாரம் உற்பத்தியா கும் நாளை தமிழகம் வழிமேல் விழிவைத்து காத்துக் கொண்டிருக்கிறது.

அணுமின் தொழில் நுட்பம் தொடர்ந்து மாறி மாறி வருகிறது . புதுப்பிக்கப்பட்டு வருகிறது. முதல் தலைமுறையில் தொடங்கி இன்று மூன்றாம் தலைமுறையை எட்டி, நான்காம் தலைமுறையை நோக்கிப் பரிணாம வளர்ச்சி அடைந்து வருகின்றது. ஆராய்ச்சி மற்றும் திருத்தங்களின் விளைவாக மென்மேலும் அதிகரித்து வரும் பாதுகாப்புக் கூறுகளுடன் அணுமின் நிலையங்கள் வடிவமைக்கப் பட்டு வருகின்றன என்பதை அனைவரும் புரிந்து கொள்ள வேண்டும்.!

உலகெங்கிலும் உள்ள மக்கள் அணுமின் நிலையங்களால் ஆசீர்வதிக்கப்பட்டு இருக்கிறார்கள். கூடன்குளம் மக்கள் மட்டும் சபிக்கப்பட்டு விட மாட்டார்கள். அணுமின் நிலையங்களில் தீர்வு காண வேண்டிய சிக்கல்கள் இன்னமும் நிறைய உள்ளன என்பதை ஒப்புக் கொள்கிறேன். அதனால், கூடன்குளம் அணுஉலையே வேண்டாம் என்று சொல்வது எந்தவிதத்திலும் ஏற்புடையதல்ல. இன்று இல்லாவிட்டாலும் எதிர்காலத்தில் அவற்றுக்கு தீர்வு காணப்படும்.

கூடன்குளம் எதிர்ப்பின் நோக்கம் உண்மை என்று கூறினாலும், அதற்கு காலம் இசைவாக இல்லை என்பதை போராட்டக்காரர்கள் புரிந்து கொள்ள வேண்டும். கூடன்குளம் அணுமின் நிலையத்தை மூட வேண்டும் என்ற கோரிக்கையை மின்தடையால் பாதிக்கப்பட்டுள்ள மக்கள் ஆதரிக்க தயாராக இல்லை. ஆகையால் பாதிப்புகளையும், இழப்பீடுகளையும் மட்டுமே இனி அவர்கள் பேச வேண்டும்.

கூடன்குளம் மக்களின் உயிருக்கும் - உடமைக்கும் எந்த பாதிப்பும் ஏற்படாமல் பார்த்துக்கொள்ள வேண்டிய முழு பொறுப்பு மத்திய மற்றும் மாநில அரசுகளுக்குத்தான் இருக்கிறது. மக்களுக்கு இன்னும் நம்பிக்கையை ஊட்டுங்கள். பாவம்... சிலரின் நயவஞ்சகத்தால், சுயலாபத்தால் மக்களின் மூளை கசக்கிப் பிழியப்பட்டு, மழுங்கடிக்கப்பட்டுள்ளது.

கருத்துகள் வரவேற்கப்படுகின்றன. அன்புடன் உங்கள் பாலமுருகன்.

அச்சம் தவிர்.!

noreply@blogger.com (e-mail: bala.journalist@yahoo.com) — Sun, 07 Apr 2013 06:51:00 +0000

ஒரு ஆராய்ச்சியாளர் தவளையை வைத்து ஆராய்ச்சி செய்துக் கொண்டிருந்தார். அவர் அதைத் ‘தாவு’ என்று சொன்னால் அது தாவும்படி பழக்கியிருந்தார். ஆராய்ச்சியில் அதன் கால்களில் ஒன்றை வெட்டிவிட்டு, தாவு என்றவுடன் தவளை மூன்று கால்களால் கஷ்டப்பட்டுக் குதித்தது. அடுத்து இன்னொரு காலை வெட்டி விட்டு, ‘தாவு’ என்றவுடன், அப்போதும் கஷ்டப்பட்டு குதித்தது.

மூன்றாவது காலை எடுத்ததும் மிகுந்த வலியுடன் ஒற்றைக்காலால் குதித்து எப்படியோ தாவியது. கடைசியாக நாலாவது காலையும் வெட்டிவிட்டு, ‘தாவு’ என்றார். நகரவே முடியாமல் தவளை பரிதாபமாக விழித்தது. தவளை அசையவே இல்லை. அவர், தன் ஆராய்ச்சி முடிவில் எழுதினார், ‘நான்கு கால்களையும் எடுத்து விட்டால் தவளைக்கு காது கேட்காது’ என்று.!

இப்படித்தான் பிரச்சனையின் உண்மையான காரணங்களைப் புரிந்து கொள்ளாமல் சிலர் தவறான முடிவுக்கு வந்து விடுகிறார்கள். வந்தும் இருக்கிறார்கள். இந்த ஆராய்ச்சி முடிவு போலதான் கூடன் குளம் அணுமின் நிலையப் பிரச்சனையும்.! உண்ணாநிலையில் தொடங்கி பல்வேறு வகையிலான போராட்டங்களை கையில் எடுத்து, தற்போதைய அணுமின் நிலைய விஞ்ஞானிகள் குடியிருப்பை முற்றுகையிடுவது என தொய்வில்லாமல் கூடன்குளம், இடிந்தகரை மற்றும் அணுமின் நிலையத்தை சுற்றியுள்ள பகுதி மக்கள் நடத்தி வருகிறார்கள்.

ஜப்பானில் புகுஷிமா அணுமின் நிலையம் நிலநடுக்கத்தால் நொறுங்கிப் போய், அணுக்கதிர் வீச்சு ஆபத்தான அளவுக்கு பரவிக் கொண்டிருப்பதாக பரப்பப்பட்ட வேளையில் கூடன்குளம் அணுமின் நிலையத்துக்கு எதிர்ப்பும், உண்ணாநிலையும் தொடங்கியது, 2011ஆம் ஆண்டு ஜூலை மாதம் 16 ஆம் நாள். அன்றிலிருந்து கூடன்குளம் அணுமின் நிலையம் பாதுகாப்பானது அல்ல... அல்ல... என திரும்பத் திரும்ப கூறி வருகிறது சுப.உதயகுமார் தலைமையிலான அணுசக்திக்கு எதிரான மக்கள் இயக்கம்.

அணுமின் உலை எதிர்ப்பு போராட்டம் 600 நாட்களை நிறைவு செய்துள்ளது. ஆனால், இவர்கள் நடத்தும் போராட்டம் நியாயம்தானா? என்று பார்த்தால் இல்லை என்றுதான் சொல்ல வேண்டியிருக்கிறது. கூடன்குளத்தில் நிகழ்ந்துவரும் அணுமின் எதிர்ப்புப் போராட்டங்கள் அறிவியலுக்கு எதிரானதும், பழைய காற்காலத்திற்குப் பாதை சமைப்பதுமான நிகழ்வுகளாக உள்ளன.

அணுமின் எதிர்ப்பு என்று சாதாரணமாகத் தொடங்கிய போராட்டம், அணுஉலையை மூடு என்ற ஒற்றை கோரிக்கை மூர்க்கம் கொண்டுள்ளது. இதற்கான காரணமும் - விளக்கமும் கொடுப்பதற்கு முன், கூடன்குளம் அணுமின் நிலையம் பற்றிய அடிப்படை விசயங்களை இவ்விடத்தில் பகிர்ந்து கொள்ள வேண்டியது அவசியம் என்று கருதுகிறேன்.

1988 நவம்பரில் ரஷ்ய அதிபர் மிகையில் கோர்ப்பச்சேவ், இந்தியப் பிரதமர் ராஜீவ் காந்தி ஆகிய இருவரும் கூடன்குளம் அணுமின் திட்டத்தில் கையெழுத்திட்டனர். பின்னர் சோவியத் ஒன்றியம் சிதறுண்டு போனதால் இத்திட்டம் சில ஆண்டுகள் தாமதமானது. அணுமின் நிலையத்திற்கும், ஊழியர் குடியிருப்பிற்குமான இடம் என்று ஆயிரக்கணக்கான ஏக்கர் நிலம் கையகப்படுத்தப்பட்ட போது கூடன்குளம் பகுதி மக்கள் முழு ஆதரவையும் நல்கினர். தொடர்ந்து கட்டம் கட்டமாக மக்களின் ஒத்துழைப்புடன் திட்டப் பணிகள் நடந்தேறி தற்போது, அணுமின் சோதனை ஓட்டம் முழு வெற்றி பெற்று நிற்கிறது.

அணுமின் நிலையம் இயங்குவதற் கும், மின் உற்பத்தி தொடங்குவதற்கு மான நாள் கிட்டத்தட்ட குறிக்கப்பட்டு விட்ட நிலையில், திடீரென எதிர்ப்புக் குலுங்கி நிற்கிறது. எங்கிருந்து வந்தது இந்த துணிச்சல்.? 1988 முதல் 2011 வரையில், ஏற்றக்குறைய கால் நூற்றாண்டு காலமாக இந்த உலைக்கு ஆதரவளித்தவர்கள் இப்போது திடீரென எதிர்ப்பது ஏன்? வெண்ணெய் திரளும் போது தாழியை உடைத்தே தீருவேன் என்று முரண்டு பிடிப்பது ஏன்?

அணுமின் நிலையம் தீயது என்றால் அப்போதே கொன்று இருக்கலாமே? அதை விடுத்து தும்பை விட்டு வாலை பிடிப்பது ஏன்? காலம் கடந்த போராட்டம் கரை சேருமா? குழந்தை வேண்டாம் என்றால் முதலிரவன்றே ஆணுறையை அணிந்து கொண்டிருக்க வேண்டுமே அல்லாமல், பனிக் குடம் உடையும் நேரத்திலா குழந்தை வேண்டாம் என்று கூச்சலிடுவது? இது பேதமை அல்லவா?

திடீரென முளைத்த இந்த ஆரவாரமான அணுமின் எதிர்ப்பின் பின்னணியை ஆராய்ந்து பார்த்தால் அறிவியலின் வறுமையும், சுயநலத்தின் முழுமையும் வெளிப்படும். அணுமின் எதிர்ப்பு என்ற நஞ்சு கூடன்குளம் மக்களின் மூளையில் வலிந்து திணிக்கப்பட்டுள்ளது என்பது சாதாரண மக்களுக்கும் புலனாகும். இது காலத்தின் கட்டாயமாகக் கூட இருக்கலாம்.

கூடன்குளம் அணுமின் நிலையம் இந்த மாதத்தில் உற்பத்தியை தொடங்கிவிடும் என்று பிரதமர் மன்மோகன்சிங் அறிவித்துள்ளார். முதல் யூனிட் தன் உற்பத்தியை தொடங்கி, அடுத்த 6 மாதங்களுக்குள் 2 ஆவது யூனிட் தன் உற்பத்தியை தொடங்கிவிடும் என்கிறார்கள். ஒவ்வொரு யூனிட்டும் தலா 1,000 மெகாவாட் மின்சாரம் உற்பத்தி செய்யும் திறன் கொண்டதாகும்.

இதுமட்டுமன்றி, கூடன்குளத்தில் மேலும் தலா 1,000 மெகாவாட் மின் உற்பத்தி செய்யக்கூடிய 3 மற்றும் 4வது யூனிட்களை தொடங்குவதற்கு பாதுகாப்பு தொடர்பான அமைச்சரவை குழு ஒப்புதல் தந்துவிட்டதாக ரஷிய ஜனாதிபதி விளாடிமிர் புடினிடம், பிரதமர் மன்மோகன்சிங் கூறியிருக்கிறார். முதல் 2 யூனிட்டும் ரூ.13 ஆயிரத்து 172 கோடி மதிப்பீட்டில் அமைக்கப்பட்டுள்ளன. மின் உற்பத்திக்கான சோதனை ஓட்டம் அண்மையில் வெற்றிகரமாக நடந்துள்ளது.

இந்த ஆண்டு இறுதிக்குள் 2 ஆயிரம் மெகாவாட் மின் உற்பத்தி செய்யப்பட்டுவிடும் என்கிறார்கள். இதனை அணுமின் நிலைய வளாக இயக்குநர் ஆர்.எஸ்.சுந்தர் தெரிவித்துள்ளார். ஆக, மின்சார உற்பத்திக்கான இறுதிக் கட்டத்திற்கு வந்துவிட்டார்கள். இத்தனை நாட்கள் வெவ்வேறு விதமான ஐயப்பாடுகளை கேள்விக் கணைகளாக கேட்டு வந்த உதயகுமார் குழுவினர், தற்போது சோதனை ஓட்டம் குறித்து சந்தேகம் கொள்கிறார்கள்.

மக்களுக்கு முன் அறிவிப்பு இல்லாமல் சோதனை ஓட்டம் செய்வது எந்த வகையில் நியாயம்? சோதனை ஓட்டத்தின் போது டயர்களை எரிப்பது போன்ற துர்நாற்றம் வந்தது. காதை பிளக்கும் இரைச்சல் சத்தம் கேட்டது. தரமற்ற ரஷிய உதிரி பாகங்களைக்கொண்டு, கூடன்குளம் அணுஉலை அமைக்கப்பட்டுள்ளது என அடுக்கடுக்கான புகார்களை கூறுகிறார் உதயகுமார். இவை எல்லா வற்றையும் மறுத்தும், சோதனை ஓட்டத்தால் எந்த பாதிப்பும் இல்லை என்றும் அணுமின் நிலையம் கூறியுள்ளது. ஆனாலும், இதையே திரும்பத் திரும்ப கூறிவருகிறார்கள் என்றால் என்ன அர்த்தம்?

அடுத்ததாக ரஷிய நாட்டில் உள்ள ஜியோபொடால்ஸ் என்ற நிறுவனத்திடம் இருந்து பெறப்பட்ட உதிரி பாகங்களைக் கொண்டுதான் கூடன்குளத்தில் அணுஉலை அமைத்தார்கள். அந்நிறுவனம் போலியான அணுமின் நிலைய கட்டுமான உதிரி பாகங்களை தயாரித்து இந்தியா போன்ற நாடுகளுக்கு சப்ளை செய்ததாக புகார் உள்ளதாக கூறுகிறார்கள். இதுகுறித்தும், அணுஉலையில் தற்போது மாற்றங்கள் செய்திருப்பதாகவும் வெளிவரும் தவகல்களுக்கும் அணுமின் நிலையத்தினர் பதில் அளித்திருந்திருந்தும் அடுத்த கட்ட போராட்டத்தில் ஈடுபடப் போவதாக கூறுவது எந்த வகையில் நியாயமாக இருக்கும்?

கூடன்குளம் உலைகள் VVER அல்லது WWER எனப்படும் ரஷ்யத் தொழில்நுட்பத்தால் ஆனவை. WWER என்ற ரஷ்ய மொழியின் எழுத்துக்கள் water-water energy (power) reactor என்று பொருள்படும். உலகெங்கும் பல்வேறு நாடுகளில் VVER உலைகள் இயங்கி வருகின்றன. உலகம் தழுவிய அணுமின் நிலையத் தொழில்நுட்பத்தில் இதுதான் உயர்ந்தது. உச்சகட்டப் பாதுகாப்புடன் கூடியது. அமெரிக்க அணுமின் உலைகள், கனடாவின் காண்டு உலைகள், ஐரோப்பிய பாணியில் அமைந்த பிரெஞ்சு உலைகள் ஆகியவற்றை எல்லாம் விட ரஷ்யாவின் VVER உலைகள் மேம்பட்ட பாதுகாப்புடன் கூடியவை என்பது உலகறிந்த உண்மை.

கூடன்குளத்தில் உள்ள மூன்றாம் தலைமுறையை சேர்ந்த VVER உலைகள் PWR (Pressurised Water Reactor) எனப்படும் அழுத்தமுறு இயல்நீர் உலைகள் ஆகும். இதன் எரிபொருள் சிறிதே செறிவூட்டப்பட்ட யுரேனியம் ஆகும். சாதாரணத் தண்ணீரே மட்டுப்படுத்தி (Moderator) ஆகவும், குளிர்விப்பி (Coolant) ஆகவும் செயல்படுகிறது. இந்த உலையில் கனநீர் (Heavy Water) பயன் படுத்தப்படவில்லை. ஏதேனும் விபத்து நேரும் சமயத்தில், அணுஉலைகள் தானியங்கி முறையில் மூடிக்கொள்ளும்.

இதற்காக, எதிர்மறை வெற்றிட குணகம் (Negative void Coefficient); எதிர்மறை ஆற்றல் குணகம் (Negative Power Coefficient) ஆகிய இரு பாதுகாப்பு ஏற்பாடுகள் இவற்றில் உள்ளன. எனவே உலையைத் தாண்டி கதிர்வீச்சு வெளிப்பாடு காற்று மண்டலத்தில் கலப்பது என்ற பேச்சுக்கே இடமில்லை.

எரிபொருள் உள்ள அணுஉலையின் மையப்பகுதி பேழை போன்ற ஒரு அமைப்புக்குள் இருத்தப் படுகிறது. தேங்காய்க்குள் இளநீர் இருப்பது போல், பலாப்பழத்தில் கனத்த முள் தோலுக்கு அடியில் சுளைகள் இருப்பது போல் யுரேனியம் எரிபொருள் உலைக்குள்ளேயே பாதுகாப்பாக வைக்கப் பட்டுள்ளது. எந்த நிலையிலும் கதிர்வீச்சு உலையைத் தாண்டி வெளியேறி விடக்கூடாது என்பதற் காகவே இந்த ஏற்பாடு.

மேலும் ஒரு பாதுகாப்புக் கவசமாக, மேற்குறித்த ஒட்டு மொத்த அமைப்பும் கனத்த கான்கிரீட் சுவர்களால் ஆன அரணால் சூழப்பட்டுள்ளது. அணுமின் உலையும், அதை சார்ந்த கட்டுமானங் களும் கடல் மட்டத்திற்கு மேல் 25 அடி உயரத்தில்தான் கட்டப்பட்டுள்ளன. சுனாமி ஏற்பட்டால், அலைகள் தொட முடியாத உயரத்தில்தான் உலை அமைக்கப்பட்டுள்ளது. அடுத்ததாக, பூகம்பம் வர வாய்ப்புள்ள இடத்தில் கூடன்குளம் அணுமின் நிலையம் அமைந்துள்ளது என்ற வாதம் முன் வைக்கப்படுகிறது.

பூகம்ப அதிர்வுகள் அந்தப் பகுதியில் ஏற்பட்டு இருக்கின்றன என்று கூறப்படுகிறது. முற்றிலும் இந்த கூற்று நிராகரிக்கப்படக் கூடியது. ஏனெனில், பூகம்ப பகுதி என்று சொல்லப்படுகிற Earth quake Zone 2ல் வருகிறது கூடன்குளம். இதுவரை உலக வரலாற்றில் Earthquake Zone 4க்கும், அதற்கும் மேம்பட்ட பூகம்பப் பகுதிகளில்தான் பூகம்பத்தின் தாக்கம் ரிக்டர் அளவு கோலில் 6க்கும் அதற்கு மேலும் வந்து அழிவுகள் ஏற்பட்டிருக்கின்றன.

Earthquake Zone 2ல் பூகம்பம் வந்து அதனால், பேரழிவுகள் நிகழ்ந்திருக்கின்றன என்பதற்கான வரலாறு இல்லை. 6 ரிக்டர் அளவு மற்றும் அதிகப்படியான (0.15g Acceleration) வரை உள்ள பூகம்பத்தையே தாங்கும் வலிமையுடன் கூடன்குளம் அணுமின் நிலையக் கட்டமைப்பு அமைந்து உள்ளது. நிலநடுக்க நடுவத்திலிருந்து 17 கிலோ மீட்டர் தொலைவில் உள்ள புகுஷிமா அணுமின் நிலையத்தையும், 1,800 கிலோ மீட்டர் தொலைவில் உள்ள கூடன்குளம் அணுமின் நிலையத் தையும் ஒன்றாக கருத முடியாது என அணுசக்தி கழகம் தெரிவித்திருப்பதை கவனத்தில் கொள்ள வேண்டும்.

கல்பாக்கம், தாராப்பூர் அணுமின் நிலையங்களால் மீனவர்களின் மீன்பிடிப்பு பாதிக்கப்படவில்லை என்று வல்லுநர் குழு சொல்வதையும் அவர்கள் காதில் போட்டுக்கொண்ட மாதிரி தெரியவில்லை. தான் பிடித்த முயலுக்கு மூன்று கால் என்பது போல், அணுஉலையால் பாதிப்பு பாதிப்பு என்று கூறி மக்களை திரும்பத் திரும்ப குட்டையை குழப்பி வருகிறார்கள்.

‘பெரிய உண்மைகளை மறைக்க, பெரிய பொய்யை பரப்புரை செய்ய வேண்டும். அதனை சிறிய பொய்யில் இருந்து தொடங்க வேண்டும். அப்போது உண்மையை மறந்து மக்கள் பொய்யை நம்பி விடுவார்கள்’ என்ற கொடுங்கோலன் ஹிட்லரின் வாக்கை மந்திரமாக எடுத்து, தற்போது அணு சக்திக்கு எதிரான மக்கள் இயக்கமும் கூடன்குளம் அணுமின் நிலையம் மீது கட்டவிழ்த்துவிட்டு உள்ளது. ஏறக்குறைய 20 மாதங்களாக இப்படி பொய் பரப்புரையை மேற்கொண்டு, கூடன்குளம் பகுதி மக்களை பீதியில் ஆழ்த்தி, மற்றவர்களை குழப்புவதை வேலையாக வைத்திருக்கிறது அணு சக்திக்கு எதிரான மக்கள் இயக்கம்.

விபத்துக்குள்ளான செர்னோபில் ரக அணுமின் உலைகள்தான் கூடன்குளத்திலும் உள்ளது என்ற அணுமின் எதிர்ப்பாளர்களின் கூற்று தவறாகும். செர்னோபில் உலைகள் RBMK வகை. கூடன் குளம் உலைகள் VVER வகை. தொழில்நுட்ப ரீதியாக இரண்டுக்கும் பெருத்த வேறுபாடு உண்டு. அதேபோல் ஜப்பான் புகுஷிமா டெயிச்சி அணுமின் நிலையம், முதல் தலைமுறையை சேர்ந்த 40 ஆண்டு காலப் பழமை வாய்ந்தது. பூகம்பம் அடிக்கடி ஏற்படும் ஜப்பானில், சுனாமியும் சேர்ந்து வந்ததால், 8 மணி நேரத்திற்குள் மாற்று மின்சக்தியை கொடுக்க முடியவில்லை.

அதாவது, சுனாமியினால் ஏற்பட்ட குழப்பத்தால், போக்குவரத்துத் தடையின் காரணமாக அந்தக் குறிப்பிட்ட காலக்கட்டத்திற்குள் கொடுக்க இயலாத சூழ்நிலையினால் அந்த விபத்து ஏற்பட்டது. அதனாலும் யாரும் உயிரிழக்கவில்லை. கதிர் வீச்சால் யாரும் பாதிக்கப்படவில்லை என்பது ஆதராங்களுடன் நிரூபிக்கப்பட்டுள்ளது. இதனோடு மூன்றாம் தலைமுறையை சேர்ந்த கூடன்குளம் அணுமின் நிலையத்தையும் ஒப்பீடு செய்வது என்பது ஏற்றுக்கொள்ளத்தக்கது அல்ல. அறிவியலுக்கு ஒவ்வாதது.

தொடர்ச்சி நாளை...

கருத்துகள் வரவேற்கப்படுகின்றன. அன்புடன் உங்கள் பாலமுருகன்.

ஆகாய விமானம்

noreply@blogger.com (e-mail: bala.journalist@yahoo.com) — Wed, 05 Sep 2012 02:38:00 +0000

நாம் இன்று காணும் பறவைகள் பல கோடி ஆண்டுகளாக வானத்தில் பறந்து வருகின்றன. இதில் முக்கியமாக பறவையினம், பூச்சியினம் மற்றும் வெளவால்கள் அடங்கும். ஆனால் மனிதனும் ஏதேனும் கருவியைக் கண்டுபிடித்து வானத்தில் பறப்பது மிகவும் சமீபத்தில் ஏற்பட்டதே. இது சில முக்கியமான விஞ்ஞான தத்துவங் களின் அடிப்படையில் செய்யப்பட்டுள்ளது.

நாம் அன்றாடம் பறக்க வைக்கும் பட்டத்தில் ஆரம்பித்து முறையாக மிதவை வானூர்தி, ஆகாய கப்பல், ஹெலிகாப்டர், வாணிபத்தில் பயன்படுத்தப்படும் விமானங்கள் மற்றும் ஒலியை விட வேகமாக பறக்கும் விமானம் என பலவிதமான கருவிகளை கண்டுபிடித்து பயன்படுத்தியும் வருகிறோம்.

ஒரு விமானம் பறக்கும் போது 4 விதமான விசைகள் அதன் மீது ஏற்படுகின்றன. இவை விமானத்தின் பளு என்ஜின்கள் ஏற்படுத்தும் உந்து விசை, இறக்கைகளின் மீது வேகமாக காற்று பாய்வதால் ஏற்படும் தூக்கு விசை மற்றும் காற்றில் ஏற்படும் உராய்வு மற்றும் சலனத்தால் ஏற்படும் தடைவிசை ஆகும். என்ஜின் ஏற்படுத்தும் உந்துவிசை விமானத்தின் பளு மற்றும் தடை விசையை எதிர்த்து முன்னேற வழி செய்கிறது.

ஒலியை விட வேகமாக பறப்பதென்றால் மணிக்கு 1235 கி.மீ. வேகத்துக்கும் அதிக மாகும். இதனை மேக் என்றும் சொல்லுவர். ரைட் சகோதரர்களான ஆர்வில் மற்றும் வில்பர் உலகத்தில் முதன் முதலாக டிசம்பர் 17, 1903 ஆம் ஆண்டு கட்டுப் பாட்டுடன் இயங்கும் விமானத்தை கண்டுபிடித்து சாதனை செய்தனர். விமானங் களின் ஒன்று, இரண்டு அல்லது நான்கு காற்றாடிகள் பயன்படுத்தப்பட்டன. இவை காற்றினுள் ஒரு திருகு போல வேலை செய்யும்.

ஆகவே காற்றழுத்தம் குறைந்தால் சிறப்பாக வேலை செய்யாது. 4000-6000 மீ. உயரத்துக்கு மேல் இவை பறக்க முடியாது. மேலும் வேகம் அதிகரிக்கும் போது இவை முந்தி செல்ல காற்றே தடையாக அமைந்தது. இந்த நிலையை சமாளிக்க ஜெட் விமானம் கண்டுபிடிக்கப் பட்டது. இவை10,000-12,000 மீ. உயரத்தில் காற்றழுத்தம் குறைவான பகுதியில் பறக்கின்றன.

இதுவரை மனிதனால் கண்டுபிடிக்கப்பட்டு தற்சமயம் புழக்கத்திலுள்ள விமானங் களில் மிகப்பெரியது போயிங்-747 ஆகும். இதனைவிட பெரியது ஏர்பஸ் A-380 ஆகும். போயிங்-747 ஜம்போ ஜெட் என்றும் அழைக்கப்படுகிறது. இதில் 600 பயணிகள் உட்கார்ந்து செல்ல முடியும். இதுவரை கிட்டத்தட்ட 2000க்கும் மேற்பட்ட 747 விமானங்கள் விற்கப்பட்டுள்ளன. இதுவரை எல்லா 747 விமானங்களும் சேர்ந்து 4200 கோடி கி.மீ. பயண தூரத்தைக் கடந்துள்ளன.

இவற்றில் இதுவரை 350 கோடி மக்கள் பயணம் செய்துள்ளனர். இவ்விமானம் பறக்கும் போது மணிக்கு 290 கி.மீ. வேகமும் உச்சி வானத்தில் பறக்கும் போது மணிக்கு 910 கி.மீ. வேகத்துடனும் கீழே இறங்கும்போது மணிக்கு 206 கி.மீ. வேகத்தில் பறக்கக்கூடியது. இதனை 0.85 மேக் என்றும் சொல்வர். ஒரு முறை எரி பொருள் நிரப்பிய பிறகு 13,000 முதல் 18,000 கி.மீ. வரை பறக்கவல்லது. ஒரு முறை எரி பொருள் நிரப்ப 2,40,370 லிட்டர் விமான டர்பைன் ஃயூயல் (ATF) தேவை.

கடந்த 35 ஆண்டுகளாக பெரிய விமானங்களில் ஒரே பெயராக இருந்தது போயிங் தான். இதற்கு சவால் விடும்படி தயாரிக்கப்பட்ட விமானம் இப்பொழுது ஏர்பஸ்-380 ஆகும். ஒரு போயிங்-747 விமானத்தில் கிட்டத்தட்ட 60 லட்சம் பாகங்கள் உள்ளன. இதில் 50 சதவீதம் ரிவட், போல்ட் மற்றும் இணைப்புக்காக பயன்படும் புரியாணிகள் ஆகும். இதைத்தவிர 274 கி.மீ. ஒயர்களும் 8 கி.மீ. நீளத்துக்கு குழாய்களும் பயன் படுத்தப்பட்டுள்ளன. மொத்தமாக 66,150 கி.கி. மிக அழுத்தமுள்ள அலுமினியம் பயன்படுத்தப்பட்டுள்ளது.

இதனுடைய இரண்டு இறகுகளும் 43,090 கிலோ எடை உள்ளவை மற்றும் இதன் பரப்பளவு 525 சதுர மீட்டர் ஆகும். விமானம் கீழே இறங்குவதற்கும் மறுபடி பறந்து செல்லவும் 16 முக்கிய லேண்டிங் கியர்களும், இரண்டு மூக்கு லேண்டிங் கியர்களும் பயன்படுத்தப்பட்டுள்ளன. இவ்விமானத்தின் உயரமான பகுதி 19.4 மீ. உள்ள இதன் வால் புறமாகும். இது ஒரு ஆறு மாடிக் கட்டடத்துக்கு சமம். முதன் முதலில் ரைட் சகோதரர்கள் பறந்த தூரத்தை இந்த விமானத்தின் சிக்கன சீட்டு இடத்தில் அடக்க முடியும்.

நன்றி: எஸ்.கணேசன், இந்திய விவசாய ஆராய்ச்சி கழகம், டெல்லி-110012.

கருத்துக்கள் வரவேற்கப்படுகின்றன. அன்புடன் உங்கள் பாலமுருகன்.

-logon: saffroninfo.blogspot.com

செவ்வாய் கிரகத்தில் ஒலித்த குரல்.!

noreply@blogger.com (e-mail: bala.journalist@yahoo.com) — Tue, 04 Sep 2012 01:20:00 +0000

அமெரிக்க விண்வெளி ஆராய்ச்சி நிறுவனமான ‘நாசா’ அனுப்பிய ‘கியூரியாசிட்டி’ ரோவர் விண்கலம், வெற்றிகரமாக செவ்வாய் கிரகத்தில் தரை இறங்கி ஆய்வுகளை மேற்கொண்டு வருகிறது. அடுத்த கட்டமாக, செவ்வாய் கிரகத்துக்கு மனிதர்களை அனுப்ப வேண்டுமானால், அவர்களுடன் தகவல் தொடர்பு ஏற்படுத்துவது முக்கிய மாகும். நாசாவின் ‘டீப் ஸ்பேஸ் நெட்வொர்க்’ (டிஎஸ்என்), பூமியிலிருந்து மற்ற கிரகங்களுக்கு அனுப்பப்படும் விண்கலத் துடன் தொடர்பு கொள்வதற்கான அதி நவீன வசதிகளைக் கொண்டுள்ளது.

அதற்காக, ‘நாசா’ நிறுவனத்தில் இருந்து அதன் நிர்வாகியும் விஞ்ஞானி யுமான சார்லஸ் போல்டன் தனது குரலை ஒலிப்பதவு செய்து ‘கியூரியாசிட்டி’ விண்கலத் துக்கு நவீன அறிவியல் தொழில்நுட்ப உதவியுடன் அனுப்பி வைத்தார். அவருடைய குரல் செவ்வாய் கிரகத்தில் ஒலித்ததுடன், மீண்டும் அந்த குரல் பூமிக்கும் வெற்றி கரமாக திரும்பி வந்தது குறிப்பிடத்தக்கது.

விஞ்ஞானி போல்டன் அந்த ஒலிப்பதவில், “கியூரியாசிட்டி விண்கலம் பூமிக்கு பல நன்மைகளை சேர்க்கும். செவ்வாய் கிரகத்தில் மனிதர்கள் கால் பதிக்கும் நாள் வெகு தூரத்தில் இல்லை என்பதால், புதிய தலைமுறை விஞ்ஞானி களுக்கு இந்த விண்கலம் ஊக்கமளிப்பதாக இருக்கும்” என்று பேசி இருந்தார். பூமிக்கு திரும்பி வந்த ஒலிப்பதிவும், கியூரியாசிட்டி அனுப்பிய செவ்வாய் கிரக தரைப்பகுதியின் வண்ணப்படமும் கலிபோர்னியாவில் ஆகஸ்ட், 28, 2012 அன்று வெளியிடப்பட்டது.

நாசாவின் கியூரியாசிட்டி திட்ட அதிகாரி தவே லாவெரி கூறியது: ரோவர் விண்கலம் குரல் பதிவை அனுப்பி இருப்பது, பூமிக்கு அப்பால் மனிதன் வசிப்பதற்கான சாத்தியக் கூறை ஆராயும் முயற்சியின் அடுத்த படிக்கல்லாக அமைந்துள்ளது. இதன் மூலம், செவ்வாய் கிரகத்தில் முதன்முதலாக காலடி எடுத்து வைப்பவர், உயிருடன் இருக்க முடியும் என்ற நம்பிக்கை பிறந்துள்ளது என்றார்.

கருத்துக்கள் வரவேற்கப்படுகின்றன. அன்புடன் உங்கள் பாலமுருகன்.

-logon: saffroninfo.blogspot.com

சாதனைக்கு ஒரு புத்தகம்

noreply@blogger.com (e-mail: bala.journalist@yahoo.com) — Mon, 27 Aug 2012 02:08:00 +0000

நாள்தோறும் உலகில் பலர் சாதனை புரிகிறார்கள். அந்த சாதனைகள் வெறும் வார்த்தைகளுடன் மட்டும் நின்று போகாமல் உலகம் உள்ளவரை நிலைத்திருக்கும் படி உருவாக்க நினைத்தார்கள். அந்த புத்தகம்தான் கின்னஸ்.

அயர்லாந்தை நாட்டை சேர்ந்த சர்க்யூபீவர் என்பவர்தான் கின்னஸ் புத்தகத்தை உருவாக்கினார். சாதனைகள் அத்தனையையும் கொண்ட இந்த புத்தகத்தை தன் ஒருவனால் எழுத முடியாது என்று உணர்ந்தார். அதற்காக லண்டன் சென்றார்.

பிரிட்டன் அரசாங்கத்திற்கு புள்ளி விவரங்களை சேகரிக்கும் நோரிஸ் மைக் வைகட்டர் மற்றும் ரோஸ்மைக் வைகட்டர் என்ற இரட்டையர்களை சந்தித்து தனது யோசனையை சர்க்யூபீவர் தெரிவித்தார். அவர்களும் முழு மனதுடன் ஒத்துழைப்பு தர முன்வந்தார்கள். 1955 ஆம் ஆண்டு ஆகஸ்ட் மாதம் 27 ஆம் தேதி முதல் கின்னஸ் புத்தகம் வெளிவந்தது. 198 பக்கங்களைக் கொண்டதாக அது இருந்தது. அன்றிலிருந்து ஆண்டுதோறும் வெளிவருகிறது.

இடையில் 1957 மற்றும் 1959 ஆம் ஆண்டுகளில் மட்டும் இந்த புத்தகம் வெளிவரவில்லை. அதற்கு என்ன காரணம் என்றும் தெரியவில்லை. முன்பெல்லாம் ஆங்கிலத்தில் மட்டுமே கின்னஸ் புத்தகம் வெளிவந்தது. இப்போது 40க்கும் மேற்பட்ட மொழிகளில் ‘கின்னஸ் புக் ஆப் வேர்ல்ட் ரெக்கார்ட்ஸ்’ வந்து கொண்டிருக்கிறது. இதில் இடம்பிடிக்கத்தான் எத்தனை எத்தனை விதமான போட்டிகள்.! புத்தகத்தை ஒரு முறை வாங்கிப் படித்து பாருங்கள் மலைத்துப் போய்விடுவீர்கள்.

கருத்துகள் வரவேற்கப்படுகின்றன. அன்புடன் பாலமுருகன்.

புனிதர் அன்னை தெரசா.!

noreply@blogger.com (e-mail: bala.journalist@yahoo.com) — Mon, 27 Aug 2012 00:40:00 +0000

யூகோஸ்லாவியா நாட்டில் ஸ்கோப்ஜி என்ற சிறு கிராமத்தில் ஓர் எளிய குடும்பத்தில் பிறந்தவர் தெரசா. பிறந்தது 1910 ஆகஸ்ட் 27-ம் நாள். இளம் வயதிலேயே தந்தையை இழந்தவர். தாயால் வளர்க்கப்பட்டவர். 1929-ல் இந்தியாவிற்கு வந்தார். லோரட்டோ மடத்தின் கொல்கத்தா கிளையில் இருந்து கொண்டு பள்ளிக்கூடமொன்றில் ஆசிரியையாகப் பணியாற்றினார்.

அன்னை வசதியற்ற வீட்டுப் பிள்ளைகளுக்குத்தாமே கல்வி கற்பித்திருக்கி றார்.ஆதரவற்ற முதியோர்களுக்கு அடைக்கலம் தந்திருக்கிறார். நோய் வாய்ப்பட்டு இறக்கும் தருவாயில் இருந்தவர்களைத் தத்தெடுத்து அவர்கள் நிம்மதியாய் மரணத்தை ஏற்கச் செய்வதற்காக ‘நிர்மல் இதயம்’ என்ற ஆசிரமத்தை ஏற்படுத்தினார்.

மனிதனின் முதல் தேவை அன்புதான் என்பதை உணர்ந்த தெரசா, தொழு நோயாளிகளுக் கும், எய்ட்ஸ் நோயாளிகளுக்கும் சேவையை விரிவுபடுத்தினார். தொழு நோயாளிகளுக்கு என்று ‘ப்ரேம் நிவாஸ்’ இல்லம் தொடங்கினார். அன்னையின் தொண்டு இந்தியாவோடு நின்றுவிடவில்லை. ஆஸ்திரேலியா, வெனிசுலா, கொலம்பியா, ஜோர்டான், ஏமன், ரோம், பொலிவியா ஆகிய நாடுகளிலும் கிளை விரித்திருக்கிறது.

1962-ல் பத்மஸ்ரீ விருது, 1962-ல் பிலிப்பைன்ஸ் நாட்டின் மிக உயர்ந்த விருதான ‘ராமோன் மக்ஸேஸே’ விருது, 1971-ல் போப் ஆண்டவரின் உலக சமாதானப் பரிசு, அமெரிக்காவின் ‘நல்ல சமாரித்தான் விருது’, 1972-ல் சர்வதேச நேரு சமாதனாப் பரிசு, 1976-ல் சாந்தி நிகேதனில் டாக்டர் பட்டம் இவை அன்னை பெற்ற விருதுகளில் குறிப்பிடத்தக்கவை.

இந்திய அரசு அவருடைய நினைவாய் தபால் தலை வெளியிட்டிருக்கிறது. 1980-ல் ‘பாரத ரத்னா’ விருது வழங்கிக் கவுரவித்தது. அன்னை தெரசாவின் பணியைப் போற்றும் உலக அமைதிக்கான நோபல் பரிசு 1979-ல் வழங்கப்பட்டது. வாட்டிகன் நகரம் ‘புனிதர்’ பட்டத்தை வழங்கியுள்ளது அவருக்கு கிடைத்த மிகப்பெரிய கவுரவம். இப்படி,தமது வாழ்வின் ஒவ்வொரு நாளையும் மற்றவர்களின் நலனுக்காகவே செலவிட்ட அன்னை 1997-ம் ஆண்டு செப்டம்பர் 5-ம் நாள் மரணமடைந்தார்.

கருத்துகள் வரவேற்கப்படுகின்றன. அன்புடன் பாலமுருகன்.

ஜனாதிபதி தேர்தல் விசித்திரங்கள்.!

noreply@blogger.com (e-mail: bala.journalist@yahoo.com) — Sat, 25 Aug 2012 09:45:00 +0000

1952 ஆம் ஆண்டு நடந்த முதல் ஜனாதிபதி தேர்தலில் 5 பேர் போட்டியிட்டனர்.
ஜனாதிபதி தேர்தலில் ஆர்.கே.நாராயணன்தான் அதிக ஓட்டுகள் வித்தியாசத்தில் (9,05,659) வெற்றி பெற்றவர்.
குறைந்த ஓட்டு வித்தியாசத்தில் (87,967) வெற்றி பெற்றவர் வி.வி.கிரி.
1967 ஆம் ஆண்டு நடந்த ஜனாதிபதி தேர்தலில் அதிகபட்சமாக 17 வேட்பாளர்கள் போட்டியிட்டனர். இதில் 9 வேட்பாளர்களுக்கு ஒரு ஓட்டு கூட கிடைக்கவில்லை.

இதற்கு அடுத்ததாக 1969 ஆம் ஆண்டு தேர்தலில் 15 பேர் போட்டியிட்டனர். இதில் 5 வேட்பாளர்களுக்கு ஒரு ஓட்டு கூட கிடைக்கவில்லை.
போட்டியின்றி தேர்ந்தெடுக்கப்பட்ட ஒரே ஜனாதிபதி நீலம் சஞ்சீவ ரெட்டி. மேலும் லோக்சபா சபாநாயகராக இருந்த ஜனாதிபதியானவர் இவர் மட்டுமே.
1974, 1982, 1987, 1997, 2002, 2012 ஆகிய தேர்தல்களில் 2 வேட்பாளர்கள் மட்டுமே போட்டியிட்டனர்.

கருத்துக்கள் வரவேற்கப்படுகின்றன. அன்புடன் பாலமுருகன்.

இந்திய ஜனாதிபதிகள் - ஓர் பார்வை.!

noreply@blogger.com (e-mail: bala.journalist@yahoo.com) — Fri, 24 Aug 2012 13:46:00 +0000

1. ராஜேந்திர பிரசாத்

பதவிக்காலம்: 13.5.1952 - 13.5.1957

வாக்குகள்: 5,07,400

இரண்டாமிடம் : கே.டி.ஷா

வாக்குகள்: 92,827

வித்தியாசம் : 414573

2. ராஜேந்திர பிரசாத்

பதவிக்காலம்: 13.5.1957 - 13.5.1962

வாக்குகள்: 4,59,698

இரண்டாமிடம்: என்.என்.தாஸ்

வாக்குகள்: 2,000

வித்தியாசம்: 4,57,698

3. எஸ்.ராதாகிருஷ்ணன்

பதவிக்காலம்: 13.5.1962 - 13.5.1967

வாக்குகள்: 5,53,067

இரண்டாமிடம்: ஹரிராம்

வாக்குகள்: 6,341

வித்தியாசம்: 5,46,726

4. ஜாகீர் உசேன்

பதவிக்காலம்: 13.5.1967 - 13.5.1969

வாக்குகள்: 4,71,244

இரண்டாமிடம்: சுப்பாராவ்

வாக்குகள்: 3,63,971

வித்தியாசம்: 1,07,273

5. வி.வி.கிரி

பதவிக்காலம்: 24.8.1969 - 24.8.1974

வாக்குகள்: 4,01,515

இரண்டாமிடம்: நீலம்சஞ்சீவ ரெட்டி

வாக்குகள்: 3,13,548

வித்தியாசம்: 87,967

6. பக்ருதீன் அலி அகமது

பதவிக்காலம்: 24.8.1974 - 21.2.1977

வாக்குகள்: 7,65,587

இரண்டாமிடம்: சதூரி

வாக்குகள்: 1,89,196

வித்தியாசம் 5,76,391

7. நீலம் சஞ்சீவ ரெட்டி

(போட்டியின்றி தேர்வு)

பதவிக்காலம்: 25.7.1977 - 25.7.1982

8. ஜெயில்சிங்

பதவிக்காலம்: 25.7.1982 - 25.7.1987

வாக்குகள்: 7,54,113

இரண்டாமிடம்: எச்.ஆர்.கண்ணா

வாக்குகள்: 2,82,685

வித்தியாசம்: 4,71,428

9.ஆர்.வெங்ட்ராமன்

பதவிக்காலம்: 25.7.1987 - 25.7.1992

வாக்குகள்: 7,40,148

இரண்டாமிடம்: கிருஷ்ண ஐயர்

வாக்குகள்: 2,81,550

வித்தியாசம் 4,58,598

10.சங்கர் தயாள் சர்மா

பதவிக்காலம்: 25.7.1992 - 25.7.1997

வாக்குகள்: 6,75,804

இரண்டாமிடம்: ஜி.ஜி.ஸ்வெல்

வாக்குகள்: 3,46,485

வித்தியாசம்: 3,29,319

11. கே.ஆர்.நாராயணன்

பதவிக்காலம்: 25.7.1997 - 25.7.2002

வாக்குகள்: 9,56,290

இரண்டாமிடம்: டி.என்.சேஷன்

வாக்குகள்: 50,631

வித்தியாசம்: 9,05,659

12. ஏ.பெ.ஜெ.அப்துல் கலாம்

பதவிக்காலம்: 25.7.2002 - 25.7.2007

வாக்குகள்: 9,22,884

இரண்டாமிடம்: லட்சுமி ஷேகல்

வாக்குகள்: 107366

வித்தியாசம்: 8,15,518

13. பிரதீபா தேவி சிங் பாட்டீல்

பதவிக்காலம்: 25.7.2007 - 25.7.2012

வாக்குகள்: 6,38,116

இரண்டாமிடம்: ஷெகாவத்

வாக்குகள்: 331306

வித்தியாசம்: 3,03,810

14 பிரணாப் முகர்ஜி

பதவிக்காலம்: 25.7.2012 முதல்...

வாக்குகள்: 713763

இரண்டாமிடம்: பி.ஏ.சங்மா

வாக்குகள்: 3,15,987

வித்தியாசம்: 397776

கருத்துக்கள் வரவேற்கப்படுகின்றன. அன்புடன் பாலமுருகன்.

விமர்சனத்திற்கு பயப்படலாமா.?

noreply@blogger.com (e-mail: bala.journalist@yahoo.com) — Fri, 24 Aug 2012 05:37:00 +0000

“எப்பொருள் யார் யார் வாய்க் கேட்பினும் அப்பொருள் மெய்ப்பொருள் காண்பது அறிவு” என்கிறார் வள்ளுவர். அறிவுரையோ விமர்சனமோ யார் வேண்டுமானாலும் சொல்லலாம். அதில் உள்நோக்கம் அற்ற உண்மை இருக்கிறதா என்று பார்க்க வேண்டும். அதே வள்ளுவர், விமர்சனம் செய்பவர் களுக்கும் ஓர் இலக்கணம் சொல்கிறார். “நன்றாற்றலுள்ளும் தவறுண்டாம் அவரவர் பண்பறிந்து ஆற்றாக்கடை” அதாவது நீ நல்லது செய்ய வேண்டும் என்ற நோக்கத்துடன் சொல்கிறாய். ஆனால், அது யாருக்கு செய்கிறாய் என்பது முக்கியம். பண்பற்ற மனிதர்களுக்கு நல்லது செய்தாலும் அது தவறுதான் என்கிறார். ஆட்சியாளர்களுக்கு மட்டும் அல்ல, அனைவருக்குமே இவைப் பொருந்தும்.!

அதை விடுத்து, “உண்மையை சொன்னால் (கொடநாட்டில் இருந்து ஆட்சிப் புரிகிறார் ஜெயலலிதா)உடனே புகழுக்கும்,பெயருக்கும் களங்கம் விளைவிப் பதாகக் கூறி அவதூறு வழக்குத் தொடருவது என்ன நியாயம்.? இது இங்கு மட்டுமல்ல. பெண் தலைமை வகிக்கும் மேற்கு வங்கத்திலும் உள்ளது. கார்ட்டூன் வரைந்ததற்காக பேராசிரியர் கைது... பொதுக் கூட்டத்தில் எதிர்த்துக் கேள்விக் கேட்டவர் கைது என்று அடாவடியில் ஈடுபடுவது மம்தாவுக்கும் புதிது அல்ல.! விமர்சனங்களைத் தாங்கிக் கொள்ள முடியாதவர்கள் எப்படி நிர்வாக ஆளுமை பெற்றிருப்பர் என்ற கேள்வி எனக்கு எழுகிறது.

கருத்துகள் வரவேற்கப்படுகின்றன. அன்புடன் பாலமுருகன்.

முயற்சிக்கத் தவறக்கூடாது.!

noreply@blogger.com (e-mail: bala.journalist@yahoo.com) — Fri, 24 Aug 2012 01:35:00 +0000

“நான் இளைஞனாக இருந்தபோது 10 காரியங்கள் செய்தால் அதில் 9 தோல்வி அடைவதைப் பார்த்தேன். என்னுடைய வாழ்க்கையில் தோல்வி அடைவதை நான் விரும்பவில்லை. 9 தடவை வெற்றி பெற என்ன செய்ய வேண்டும் என்று யோசித்த போது, எனக்கு ஓர் உண்மை பளிச்சென்று விளங்கியது. 90 முறை முயன்றால் 9 தடவை வெற்றி கிடைக்கும் என்பதுதான் அது. ஆகவே முயற்சிகளின் எண்ணிக்கையை அதிகப்படுத்திக் கொண்டேன்” என்றார் பெர்னாட்ஷா.

கருத்துக்கள் வரவேற்கப்படுகின்றன. அன்புடன் பாலமுருகன்.

பட்டினிச்சாவு பீதியில் இந்தியா?!

noreply@blogger.com (e-mail: bala.journalist@yahoo.com) — Mon, 20 Aug 2012 02:08:00 +0000

ஐக்கிய முற்போக்குக் கூட்டணி அரசின் ஆட்சிக் காலத்தின் பெரும் பகுதி உணவு தானிய உற்பத்திக்கு இயற்கை பெரிய பாதிப்பை உருவாக்கவில்லை என்றுதான் சொல்ல வேண்டும். பொதுவாகவே, நல்ல விளைச்சல் வந்த காலகட்டம் இது. அதுவும் கடந்த ஆண்டு இந்திய வரலாற்றிலேயே அதிகபட்ச உணவு தானிய விளைச்சல் கிடைத்தது. இப்படிப்பட்ட சூழலிலேயே, அரிசி விலை உயர்ந்து கொண்டே இருக்கும் போது, பற்றாக்குறை ஏற்பட்டால் என்னவாகும்?

“பயப்படத் தேவை இல்லை. இன்னும் ஓர் ஆண்டுக்கான அரிசி சேமிப்பில் இருக்கிறது” என்கிறார் உணவுத்துறை அமைச்சர் கே.வி.தாமஸ். ஆனால், இவர்களை நம்ப முடியாது. கடந்த 2009ல் நாட்டின் 177 மாவட்டங்கள் வறட்சியில் சிக்கியபோது, “பயப்பட வேண்டாம். இன்னும் 30 மாதங்களுக்கான உணவு தானியங்கள் கைவசம் இருக்கின்றன” என்றார் அமைச்சர் சரத்பவார்.

வறட்சியின் தாக்கம் அதிகரித்ததும் அடுத்த சில வாரங்களிலேயே “இன்னும் 13 மாதங்களுக்கான உணவு தானியங்கள் கையிருப்பில் இருக்கின்றன. தேவைப் பட்டால், இறக்குமதி செய்து கொள்ளலாம்” என்றார். 3 வாரங்களுக்குள் எப்படி 17 மாத தானியங்கள் காலியாகின என்ற கேள்வி எழுந்தபோதுதான் அமைச்சர் வாயில் வந்ததைச் சொல்லிவிட்டுப் போனது தெரிய வந்தது.

இந்தியாவில் அரசின் தானியக் கையிருப்புக் கணக்கு என்பது எப்போதுமே ஏட்டில் உள்ள கணக்கு. திறந்தவெளியில் வெயிலிலும் மழையிலும் புழுத்து, எலிகள் புகுந்து நாசமாக்கியது போக பயன்படுத்தத்தக்க அளவில் இருக்கும் தானியங்கள் குறைவு. இப்போதைய சூழல் முன்பைவிட மோசமானது. நாட்டின் 350 மாவட்டங்கள் வறட்சி அபாயத்தில் சிக்கி இருக்கின்றன. நாட்டின் முக்கியமான நீர்த்தேக்கங்கள் அனைத்தும் வறண்டு கிடக்கின்றன. நிலத்தடி நீர்மட்டம் அதலபாதாளத்துக்குப் போகிறது.

இந்தியாவில் கடந்த நூற்றாண்டுகளைப் போல வறட்சியால் பஞ்சம் ஏற்பட்டு கோடிக்கணக்கானோர் இறந்து போகும் சூழல் இன்றைக்கு இல்லாமல் இருக்கலாம். ஆனால், பட்டினிச் சாவுகள் இன்றைக்கும் நடக்கின்றன. ஒவ்வோர் வறட்சியும் எங்கோ ஆயிரம் குடும்பங்களை விவசாயத்தில் இருந்து வெளியேற்றுகிறது, எங்கோ ஆயிரம் குடும்பங்களைக் கடனாளிகள் ஆக்குகிறது. எங்கோ ஆயிரம் கறவை மாடுகளை அடி மாட்டுக்கு அனுப்பி வைக்கிறது. எங்கோ ஆயிரம் பேரைத் தற்கொலை செய்துகொள்ள வைக்கிறது. எங்கோ ஆயிரம் குழந்தைகளை ஊட்டச் சத்துக் குறைவால் கொல்கிறது.

கட்டுரையாளர்: சமஸ், ஆனந்த விகடன்.

கருத்துக்கள் வரவேற்கப்படுகின்றன. அன்புடன் பாலமுருகன்.

மீண்டும் உணவு பஞ்சம்?!

noreply@blogger.com (e-mail: bala.journalist@yahoo.com) — Sat, 18 Aug 2012 07:57:00 +0000

பருவ மழை பொய்ப்பதும், காலம் தாண்டிக் கொட்டித் தீர்ப்பதும் பருவநிலை மாற்றங்களில் சகஜம்தான். அமெரிக்காவில் இந்த ஆண்டு கடுமையான வறட்சி நிலவுகிறது. சீனாவிலோ அரை நூற்றாண்டில் இல்லாத அளவுக்கு மழை கொட்டித் தீர்த்தது. இதைக்கூட சாதாரணமான ஒரு செய்தியாகக் கடந்து விடலாம்... ஆனால் கடந்த 33 ஆண்டுகளில் இல்லாத அதிகபட்ச வெப்பத்தை டெல்லி எதிர் கொண்டது. சரிபாதி இந்தியா தென்மேற்குப் பருவ மழை பற்றாக்குறையால் வறட்சியில் சிக்க இருக்கிறது. இதை எப்படி எடுத்துக் கொள்வது?

இந்தியா எதிர்கொண்ட முக்கியமான பஞ்சங்கள் வங்கத்துப் பஞ்சமும் (1770) சென்னை மாகாணப் பஞ்சமும் (1877). வங்கத்துப் பஞ்சத்தின்போது, கீழ் கங்கைச் சமவெளிப் பகுதியான இன்றைய வங்கதேசம், மேற்குவங்கம், பீகார், ஒடிசா ஆகிய பகுதிகள் பாதிக்கப்பட்டன. ஏறத்தாழ ஒரு கோடிப் பேர் உயிரிழந்தனர்.

சென்னை மாகாணப் பஞ்சத்தின்போது, தக்காணப் பீடபூமிப் பகுதியான இன்றைய தமிழகம், கர்நாடகம், ஆந்திரம் ஆகியவற்றில் தொடங்கி மகாராஷ்டிரம் வரை பாதிக்கப்பட்டன. இதிலும் ஒரு கோடிப் பேர் மாண்டனர். பருவ மழை தவறி வறட்சிச் சூழல் ஏற்படும்போது எல்லாம் இந்தியா பதற்றத்துக்கு உள்ளாக, இந்த இரு பஞ்சங்களும் முக்கியமான காரணம். ஆனால், எப்போதுமே பஞ்சம் ஏற்பட வறட்சி ஓர் எரிசக்திதான்; ஆனால் மூல காரணம் அது அல்ல என்பதுதான் வரலாறு சொல்லும் செய்தி.

வங்கத்துப் பஞ்சம் ஏற்படுவதற்கான மூல காரணம், பிளாசி மற்றும் பக்சார் போர்களின் விளைவாக கிழக்கிந்தியக் கம்பெனியின் ஆளுகைக்குக் கீழ் வங்கம் வந்தது. ஆங்கிலேயர்கள் தங்கள் வருவாயைப் பெருக்கிக் கொள்ள நில வரியைக் கூட்டினார்கள். உணவுப் பயிர்களுக்குப் பதில் பணப் பயிர்களை ஊக்குவித்தார்கள். உணவு உற்பத்தி வீழ்ச்சி அடைய இது வழிவகுத்தது.

உணவுப் பற்றாக்குறை நிலவிய சூழலில், 1770ல் ஏற்பட்ட வறட்சி மக்களைப் பஞ்சத்தில் கொன்றழித்தது. சென்னை மாகாணப் பஞ்சம் ஏற்படுவதற்கான மூல காரணம், சிப்பாய்ப் புரட்சிக்குப் பின் சென்னை மாகாணம் கிழக்கிந்தியக் கம்பெனியின் கட்டுப்பாட்டில் இருந்து பிரிட்டிஷ் ஆட்சியின் நேரடிக் கட்டுப்பாட்டில் வந்தது. கடுமையான வரிவிதிப்பு. புதிய பணப் பயிர்கள் ஊக்குவிப்பு, ரயில்களின் துணையோடு முழுவீச்சில் ஏற்றுமதி என்று உணவு உற்பத்தியை நெருக்கடியில் தள்ளினார்கள் ஆங்கிலேயர்கள்.

வறட்சி ஏற்பட்டபோது மக்கள் விதை நெல்லைச் சமைத்துச் சாப்பிட்டபோதும்கூட, தானிய ஏற்றுமதியை ஆங்கிலேயர்கள் நிறுத்தவில்லை. மக்கள் ஒருவரை ஒருவர் அடித்துச் சாப்பிடும் நிலை ஏற்பட்டபோது, பஞ்சக் குழுவை அரசு அமைத்தது. உயிரைக் கையில் பிடித்துக்கொண்டு நின்றவர்களுக்கு அரை வயிறு உணவு அளிக்க நாள் முழுவதும் அவர்களை வேலையில் கசக்கிப் பிழியும் கூலித் திட்டத்தை அது அறிவித்தது.

சென்னையில் பக்கிங்ஹாம் கால்வாய் கட்டப்பட்டது எல்லாம் அந்தக் கால கட்டத்தில் தான். ஒரு பக்கம், பசியால் மக்கள் எலும்பும் தோலுமாகி கொத்துக் கொத்தாகச் செத்து விழ, இன்னொரு பக்கம் இலங்கை, பிஜி, பர்மா என்று உலகின் பல்வேறு பகுதிகளுக்கும் மக்கள் கொத்தடிமை சேவகத்துக்குப் போனார்கள். முந்தையை தலைமுறையினரிடம் தாது வருஷப் பஞ்சம் என்று கேட்டால், கதை கதையாகச் சொல்வார்கள். ராமாநாதபுரம் பகுதி கிராமப் புறங்களில் அப்போது வைக்கப்பட்ட கஞ்சித் தொட்டிகளைச் சிதிலம் அடைந்த நிலையில் இன்றைக்கும் பார்க்கலாம்.

நம் நாட்டின் மழைப் பொழிவில் 75 சதவிகிதத்தைத் தென்மேற்குப் பருவமழைதான் வருகிறது. நாட்டின் விவசாய உற்பத்தியை நிர்ணயிப்பதில் தென்மேற்குப் பருவ மழையின் பங்கு முக்கியமானது. இந்த ஆண்டு தென்மேற்கு மழைப் பொழிவு வழக்கத்தை விட 21 சதவிகிதம் குறைவு. இதன் விளைவை காரீஃப் பருவப் பயிர்களான அரிசி, எண்ணெய் வித்துக்கள் விளைச்சல் எதிர்கொள்ளும். 2011-12ல் நாட்டின் மொத்த அரிசி உற்பத்தி 103 மில்லியன் டன். இந்த ஆண்டு நிச்சயம் இதில் 10 சதவிகிதம் குறையும்.

இந்தியா போன்ற ஒரு விவசாய நாட்டில் பருவ மழை பொய்க்கும் என்று தெரிந்து விட்டால், வயலுக்கு ஒரு குட்டை, மழை நீர் சேகரிப்பு, விவசாயக் கடன் ரத்து, மானியவிலையில் இடு பொருட்கள், உணவு தானியப் பாதுகாப்பு, பொது விநியோகச் சீரமைப்பு என்று அரசு உடனடியாகச் செய்ய வேண்டிய பணிகள் ஏராளம். ஆனால், இந்திய அரசின் அலட்சியம், காலனி ஆதிக்கக் காலத்தை நினைவூட்டுகிறது.

கட்டுரையாளர்: சமஸ், ஆனந்த விகடன்.

கருத்துக்கள் வரவேற்கப்படுகின்றன. அன்புடன் பாலமுருகன்.

“தனித்தன்மை” என்றும் குறைவதில்லை.!

noreply@blogger.com (e-mail: bala.journalist@yahoo.com) — Fri, 17 Aug 2012 01:35:00 +0000

200 பேர் கூடியிருந்த அரங்கத்தில் ஒரு பேச்சாளர் ஒரு 500 ரூபாய் நோட்டைக் காட்டி, “யாருக்கு இது பிடிக்கும்” எனக் கேட்டார். கூடியிருந்த அனைவரும் தனக்கு பிடிக்கும் என கைகளைத் தூக்கினர். பேச்சாளர், “உங்களில் ஒருவருக்கு இந்த 500 ரூபாயைத் தருகிறேன். ஆனால் அதற்கு முன்...” என சொல்லி, அந்த 500 ரூபாய் நோட்டை கசக்கி சுருட்டினார்.

பிறகு அதை சரிசெய்து, “இப்போதும் இதன் மீது உங்களுக்கு மதிப்பு இருக்கிறதா?” என்றார். அனைவரும் கைகளைத் தூக்கினர். அவர் அந்த ரூபாய் நோட்டை தரையில் போட்டு காலால் நசுக்கி அந்த அழுக்கான நோட்டைக் காட்டி, “இன்னும் இதன் மேல் உங்களுக்கு விருப்பம் இருக்கிறதா” என்றார். அனைவரும் கைகளைத் தூக்கினர்.

அவர் தொடர்ந்தார் “கேவலம் ஒரு 500 ரூபாய்த்தாள் பல முறை கசங்கியும் மிதிபட்டும் அழுக்கடைந்தும் அதன் மதிப்பை இழக்கவில்லை. ஆனால் மனிதர்களாகிய நாம் அவமானப்படும் போதும் தோல்விகளைச் சந்திக்கும் போதும் மனமுடைந்து போய் நம்மை நாமே தாழ்த்திக் கொள்கிறோம்.”

நம்முடைய மதிப்பு என்றைக்கும் குறைவதில்லை. இவ்வுலகில் உள்ள ஒவ்வொருவருக்கும் ஒவ்வொரு தனித்தன்மை இருக்கும். அதன்மதிப்பு என்றைக்கும் குறைவதில்லை. வாழ்க்கை என்ற பயிர்க்கு தைரியமும் தன்னம்பிக்கையும்தான் உரமும் பூச்சிக்கொல்லியும். ஆகையால் தன்னம் பிக்கையை இழக்காமல் வாழுங்கள்” என்றார்.

(நான் கல்லூரியில் படித்த போது N.S.S. வகுப்பில் 10 நாட்கள் மயிலாடுதுறை அடுத்த கோழிக்குத்தி என்ற கிராமத்தில் பணியாற்றினேன். அப்போது மாலை நேரத்தில் தன்னம்பிக்கை குறித்து வகுப்பு எடுக்கப்பட்டது. அப்போது, இந்தக் கதையை கேட்க நேரிட்டது. தற்போது இதனை தற்செயலாக ஒரு புத்தகத்தில் படித்தேன்.)

கருத்துக்கள் வரவேற்கப்படுகின்றன. அன்புடன் பாலமுருகன்.

'இறந்த பெண்ணிடம் செக்ஸ்.!'

noreply@blogger.com (e-mail: bala.journalist@yahoo.com) — Thu, 16 Aug 2012 10:18:00 +0000

“கிளியோபாட்ரா இறந்த போது பண்டைய எகிப்திய சம்பிரதாயப்படி அவர் உடல் 3 நாட்கள் புதைக்கப்படவில்லை. அந்த 3 நாட்களும் அவருடைய சடலம் பலரால் கற்பழிக்கப்பட்டதாம். எந்த வகை மனிதன் ஒரு பிணத்தைக் கற்பழிப்பான் என்று தத்துவஞானி ஒருவர் கூறியுள்ளார்.

அதைப் படித்தால் தாங்களும் புரிந்து கொள்ளலாம். 'எல்லா ஆண்களும் பெண்களைப் பிணமாக்கித்தான் வைத்து உள்ளனர்...குறைந்தபட்சம் உடலுறுவின் போது!’ சொன்னவர் ஓஷோ ரஜினீஷ்”

கருத்துக்கள் வரவேற்கப்படுகின்றன. அன்புடன் பாலமுருகன்.

ஆனந்த விகடனில் குங்குமப் பூ

noreply@blogger.com (e-mail: bala.journalist@yahoo.com) — Tue, 14 Aug 2012 02:01:00 +0000

விமர்சனம் செய்த ஆனந்தவிகடன் (08-08-2012) இதழக்கு நன்றி.

கருத்துக்கள் வரவேற்கப்படுகின்றன. அன்புடன் பாலமுருகன்.

பிரணாப்புக்கு வெளிநாட்டு சொகுசு கார்.!

noreply@blogger.com (e-mail: bala.journalist@yahoo.com) — Sun, 12 Aug 2012 02:03:00 +0000

ஜனாதிபதி பயணம் செய்ய புதிய வெளிநாட்டு காரான மெர்சிடெஸ் பென்ஸ் S-600 (W221) என்ற ரக கார்கள் பயன்படுத்தப்படுகின்றன. இது ஜெர்மனியின் ஸ்டட்ஹார்ட் என்ற இடத்தில் புல்மண்ட்கார்டு தொழிற்சாலையில் வடிவமைக்கப்பட்டுள்ளன. இவை மிகவும் சிறப்பான உட்புறங்களை கொண்டதாக தயாரிக்கப் பட்டுள்ளது. இதில் டிரைவர் மற்றும் ஜனாதிபதி ஆகியோருடைய இருக்கைகள் 2 தனி அறைகளாக பிரிக்கப்பட்டுள்ளது.

இதில் தானியங்கி கவுகள், குண்டு துளைக்காத கண்ணாடிகள், திரைப்படம், இசை ஆகிய நவீன வசதிகளை கொண்டுள்ளன. எந்த நேரமும் செய்திகளை பார்க்கும் வகையில் தொலைக்காட்சி உள்ளிட்டவையும் இதில் உள்ளன. உள்ளே இருந்து ஜனாதிபதியால் வெளியே உள்ள மக்களை பார்க்க முடியும். ஆனால், வெளியில் இருப்பவர்கள் உள்ளே இருப்பவரை பார்க்க முடியாத வகையில் மெர்சிடெஸ் பென்ஸ் S-600 வடிவமைக்கப்பட்டுள்ளது. மேலும் தட்பவெட்ப நிலைக்கேற்ற வகையில் உட்புறத்தை சூடாகவும், குளிர்ச்சியாகவும் வைத்துக் கொள்வதற்கான அமைப்புகளும் இதில் உள்ளன.

மிக நீண்ட பயணங்களை செய்வதற்கு வசதியாக சொகுசு ஷோபாக்கள் படுக்கைகளாக பயன்படுத்தும் வசதியும் செய்யப்பட்டுள்ளது. மேலும் செல்லும் வழியை கண்டறிந்து தெரிவிக்கும் ஜி.பி.எஸ். கருவிகள் மற்றும் அனைத்து வகையான செல்போன் சேவைகள் ஆகியவையும் செய்யப் பட்டுள்ளது. மேலும் தானாகவே இயங்கக்கூடிய தொலைபேசி வசதியும், அவசர தொலைபேசி அழைப்புகளும் உட்புறம் அமைக்கப்பட்டுள்ளன.

மேலும், எதிரும் புதிருமாக 2 வரிசை இருக்கைகளும் அமைக்கப்பட்டுள்ளன. அதுமட்டுமல்லாமல், ஏ.கே.47, எம்.67, கையெறி மற்றும் வெடிகுண்டுகள், உள்ளிட்டவற்றால் பாதிக்காத வகையில் சோதனை நடத்தப்பட்டு தரம் வாய்ந்த தொழில்நுட்பத்தால் தயாரிக்கப்பட்டுள்ளது. இதன் பெட்ரோல் டேங்க் 90 லிட்டர் எரிபொருள் நிரப்பும் வசதியுடையது. இதன் சக்கரங்களும் குண்டு துளைக்காத ரப்பரால் தயாரிக்கப்பட்டுளது.

ஏதேனும் சிறிய கோளாறோ, அசம்பாவிதமோ ஏற்பட்டால் கூட உடனே அலாரம் அடிக்கும் வகையில் மெர்சிடெஸ் பென்ஸ் S-600 அமைக்கப் பட்டுள்ளது. மேலும் சுற்றுப்புறத்தையும், காரின் உட்பகுதியையும் கண்காணிக்கும் வகையில் கண்காணிப்பு கேமராக்களும் பொருத்தப் பட்டுள்ளன. இத்தனை வசதிகளை கொண்ட ஜனாதிபதியின் கார் ரூ.12 கோடியாகும்.

முந்தைய குண்டு துளைக்காத 10 லட்சம் மதிப்புள்ள அம்பாசிட்டர் காரில் இருந்து, தற்போதைய ஜனாதிபதி பிரணாப் முகர்ஜிக்கு இந்த புதிய ரக கார் உருவாக்கப்பட்டுள்ளது. இது கடந்த குடியரசுத்தலைவர் பிரதிபா பாட்டீலுக்கும் வழங்கப்பட்டது. அதற்கு முன்னர், இந்தியாவில் தயாரிக்கப்பட்ட அம்பாசிட்டர் கார்களே பயன்படுத்தப்பட்டன. இவ்வகை கார்கள் மேற்குவங்காளத்தில் உள்ள உத்தர்பாரா என்ற இடத்தில் தயாரிக்கப்பட்டன.

கருத்துக்கள் வரவேற்கப்படுகின்றன. அன்புடன் பாலமுருகன்.

காங்கிரஸ் அல்லாத முதல் ஆட்சி.!

noreply@blogger.com (e-mail: bala.journalist@yahoo.com) — Sat, 11 Aug 2012 01:47:00 +0000

கேரளாவில் 1957 ஆம் ஆண்டு அமைந்த இந்திய கம்யூனிஸ்ட் கட்சி ஆட்சிதான், முதல் எதிர்க்கட்சி அமைச்சரவை என்று சுதந்திர இந்தியாவில் கூறப்படுகிறது. இங்கு, இ.எம்.எஸ்.நம்பூதிரிபாடு முதலமைச்சராக இருந்தார். பிற்காலத்தில் உச்சநீதிமன்ற நீதிபதியாக இருந்த வி.ஆர்.கிருஷ்ணய்யர், இந்த அமைச்சரவையில் அமைச்சராக இருந்தவரே. இந்த ஆட்சி இரண்டரை ஆண்டுகளே நீடித்தது. ஆட்சிக்கு எதிராக உள்நாட்டுக் குழப்பம் எழுந்தது.

இ.எம்.எஸ்.நம்பூதிரிபாடு

இதற்குப் பின்னணியில் காங்கிரஸ் கட்சியே இருந்ததாகச் சொல்வார்கள். இதனால், கம்யூனிஸ்ட் ஆட்சி கலைக்கப்பட்டு ஜனாதிபதி ஆட்சி வந்தது. மக்களால் தேர்ந்து எடுக்கப்பட்ட ஓர் ஆட்சியை 356 ஆவது சட்டப் பிரிவைப் பயன்படுத்திக் கலைக்கும் காரியம் முதன்முதலாக அரங்கேறியதும் அப்போதுதான். இதைத்தான், ‘வில்லன் வெற்றி பெற்றுவிட்டான்’ என்று வி.ஆர்.கிருஷ்ணய்யர் எழுதினார். அதற்குப் பிறகும், வில்லன் வெற்றி எத்தனையோ முறை வெற்றி பெற்று இருக்கிறான்.!

கருத்துக்கள் வரவேற்கப்படுகின்றன. அன்புடன் பாலமுருகன்.

ராணுவ வீரருக்கு வெள்ளி பதக்கம்.!

noreply@blogger.com (e-mail: bala.journalist@yahoo.com) — Sat, 04 Aug 2012 08:00:00 +0000

ஒலிம்பிக் துப்பாக்கி சுடுதல் போட்டியில் இந்திய வீரர் விஜய் குமார் வெள்ளிப் பதக்கம் வென்றார். 03-08-2012 அன்று நடைபெற்ற 25 மீட்டர் ரேபிட் ஃபயர் பிஸ்டல் பிரிவில் 30 புள்ளிகளைப் பெற்று விஜய்குமார் இந்த சாதனையை நிகழ்த்தினார். 112 ஆண்டுகால ஒலிம்பிக் வரலாற்றில் இந்தியாவுக்கு கிடைத்த 22 ஆவது பதக்கம் இது என்பது குறிப்பிடத்தக்கது. இதே பிரிவில் கியூபாவின் லியூரிஸ் பபோ 34 புள்ளிகளுடன் தங்க பதக்கத்தையும், சீனாவின் டிங் ஃபென் 27 புள்ளிகளுடன் வெணகலப் பதக்கமும் வென்றனர்.

இந்த ஒலிம்பிக்கில் இந்தியாவுக்கு கிடைத்த 2-வது பதக்கம் இதுவாகும். முன்னதாக 10 மீட்டர் ஏர் ரைபில் பிரிவில் ககன் நரங் வெண்கலம் வென்றது குறிப்பிடத்தக்கது.தான் பங்கேற்ற முதல் ஒலிம்பிக் போட்டியி லேயே பதக்கம் வென்றுள்ளார் விஜய் குமார். பெரிய அளவில் இவர் மீது எதிர்பார்ப்பு இல்லை யென்றாலும் சிறப்பாக விளையாடி வெள்ளி பதக்கம் வென்று இந்தியாவிற்கு பெருமைச் சேர்த்துள்ளார். 2010 தில்லி காமன்வெல்த் போட்டியில் விஜய்குமார் மூன்று தங்கமும், ஒரு வெள்ளியும் வென்றுள்ளார்.

26 வயதான விஜய்குமார் இமாச்சல பிரதேசம் ஹமிர்புர் மாவட்டத்தில் உள்ள ஹர்சோர் கிராமத்தை சேர்ந்தவர். இந்திய ராணுவத்தில் பணியாற்றும் விஜய் குமார், 2 ஆம் நிலை அதிகாரி அந்தஸ்தான சுபேதாராக உள்ளார். ஒலிம்பிக் போட்டிகளில் இதுவரை இந்தியாவுக்கு துப்பாக்கிச்சுடுதலில் நான்கு பதக்கங்கள் கிடைத்துள்ளன. 2004 ஏதென்ஸ் ஒலிம்பிக்கில் ராஜ்யவர்தன் சிங் ரத்தோர் வெள்ளியும், 2008 பெய்ஜிங் ஒலிம்பிக்கில் அபிநவ் பிந்த்ரா தங்கமும் வென்றிருந்தனர். தற்போது லண்டன் ஒலிம்பிக்கில் ககன்நரங் வெண்கலமும், விஜய்குமார் வெள்ளியும் வென்றுள்ளனர்.

கருத்துக்கள் வரவேற்கப்படுகின்றன. அன்புடன் பாலமுருகன்.