ராஜாவின் பார்வையிலே

ஜூனியர் விகடன், ரிப்போர்ட்டர், நக்கீரன்

noreply@blogger.com (ராஜா) — Tue, 24 Jan 2012 05:10:00 -0800

இந்த வார ஜூனியர் விகடன், குமுதம் ரிப்போர்ட்டர், நக்கீரன் இதழை டவுன்லோடு செய்ய கீழே உள்ள லிங்கில் கிளிக் செய்யவும்.

22.01.2012 ஜூனியர் விகடன்

26.01.2012 குமுதம் ரிப்போர்ட்டர்

18.01.2012 நக்கீரன்

தற்போது வெளியிடப்பட்டுள்ள இதழ் என்னால் நேரடியாக வெளியிடப்படவில்லை. இணையதளத்தில் நீங்கள் தேடினாலும் கிடைக்கும். சம்பந்தபட்ட இதழ்கள் எதிர்ப்பு தெரிவித்தால், நீங்கிவிடுவேன்.

ஆனந்தவிகடன், குமுதம்

noreply@blogger.com (ராஜா) — Tue, 24 Jan 2012 04:56:00 -0800

இந்த வார ஆனந்தவிகடன், குமுதம் இதழை டவுன்லோடு செய்ய கீழே உள்ள லிங்கில் கிளிக் செய்யவும்.

25.01.2012 ஆனந்தவிகடன்

25.01.2012 குமுதம்

16.01.2012 சினிமா என்க்ஸ்பிரஸ்

தற்போது வெளியிடப்பட்டுள்ள இதழ் என்னால் நேரடியாக வெளியிடப்படவில்லை. இணையதளத்தில் நீங்கள் தேடினாலும் கிடைக்கும். சம்பந்தபட்ட இதழ்கள் எதிர்ப்பு தெரிவித்தால், நீங்கிவிடுவேன்.

வாஸ்துப்படி படுக்கை அறை அமைப்பது எப்படி?

noreply@blogger.com (ராஜா) — Thu, 19 Jan 2012 05:37:00 -0800

நமது வாழ்க்கையின் ஏறக்குறைய கால்வாசிப் பகுதியை படுக்கை அறையில் தான் கழிக்கிறோம். நாள் முழுவதும் கடுமையாக உழைக்கும் நமக்கு நல்ல ஓய்வும் தூக்கமும் மிகவும் அவசியம். சாஸ்திர சிறப்புடன் அமைந்த படுக்கை அறையால் தான் ஆழ்ந்த நிம்மதியான உறக்கத்தை நமக்கு கொடுக்க முடியும். படுக்கை அறையை அமைப்பதற்கு சரியான பகுதி தென்மேற்கு மூலைதான்.

ஏற்கனவே தென்மேற்கு மூலையில் மாடிப்படியோ, பூஜை அறையோ அமைத்து இருந்தால் படுக்கை அறையை எந்த அளவிற்கு இந்த மாடிப்படி அல்லது பூஜை அறைக்கு அடுத்து தென்மேற்கை ஒட்டி அமைத்து கொள்ள முடியுமோ அந்த அளவிற்கு ஒட்டி அமைத்துக் கொள்ள வேண்டும். முடிந்தால் படுக்கை அறையை சதுரமாகவும் அமைக்கலாம். இல்லாவிட்டால், செவ்வகமாக அகலத்தை போல் நீளம் இரண்டு மடங்கிற்கு மேலே போகாதவாறு அமைக்க வேண்டும்.

படுக்கை அறையில் தெற்கு மற்றும் மேற்கு சுவர்களில் பரண் (கர்ச்ற்) அமைத்து கொள்ளலாம். பரணுக்கு கீழேயே மர வேலைப்பாடுடன் கூடிய கப்போர்டையும் அமைத்து கொள்ளலாம்.

படுக்கை அறையில் இரும்பு பெட்டி அல்லது பீரோவை வைக்க விரும்புவர்கள் தென்மேற்கு மூலையில் கிழக்கு அல்லது வடக்கு நோக்கி வைக்க வேண்டும். படுக்கை அறையை ஒட்டியே கழிவறையை அமைக்க விரும்புபவர்கள், அதை படுக்கை அறைக்கு வடமேற்கு மூலையை ஒட்டி வருவது போல் அமைத்து கொள்ள வேண்டும்.

தெற்கு மற்றும் மேற்கு பகுதியில் மர கப்போர்டு வைக்கும் பகுதியில் தரையை 3 முதல் 6 அங்குலம் வரை தூக்குவது நல்லது. படுக்கை அறைக்குள் கட்டிலின் தென்மேற்கு மூலையை ஒட்டி, இரும்பு பீரோ அல்லது அலமாரியை அமைத்துக் கொள்ள வேண்டும்.

படுக்கை அறையில் கட்டில் போட்ட பின்பு தெற்கிலும், மேற்கிலும் குறைந்த இடைவெளியும், வடக்கிலும் கிழக்கிலும் அதிக இடைவெளியும் இருக்க வேண்டும். படுக்கை அறையிலேயே டிரஸ்சிங் டேபிள் போட விரும்புவர்கள் வடமேற்கு மூலையை ஒட்டி வடக்கு அல்லது கிழக்கு முகமாக போட வேண்டும். படுக்கை அறைக்கு ஜன்னல்களை உச்சப்பகுதிகளான தென்கிழக்கு மூலையின் தெற்கு மற்றும் வடமேற்கு மூலையின் வடக்கில் வைக்க வேண்டும். ஏர்கண்டீஷனரை வடமேற்கு மூலையை ஒட்டி வருவது போல் அமைத்து கொள்ள வேண்டும்.

தென்மேற்கை ஒட்டி போடப்பட்டுள்ள கட்டில், தெற்கில் தலை வைப்பதற்கு வசதியாக தென்பக்கம் தலையணைகள் தென்புறம் 7 அடி உயரத்தில் மர வேலைப்பாடுடன் கூடிய பரண், பரணுக்கு கீழே துணிகள், பெட்ஷீட்டுகள் தலையணைகள் இரும்பு பெட்டிகள் அல்லது பீரோ ஆகியவைகளை வைத்து வெளியே தெரியாமல் அழகாக மூடி கொள்வதற்கு வசதியாக மர வேலைப்பாடுகள் கூடியப் போர்டுகள் மற்றும் வடமேற்கு மூலையை ஒட்டி அமைந்துள்ள ஜன்னல் ஆகியவற்றை அமைக்க வேண்டும்.

பில்லா 2 ரெடி

noreply@blogger.com (ராஜா) — Thu, 19 Jan 2012 00:44:00 -0800

சூப்பர் ஸ்டார் ரஜினிக்கு திருப்புமுனை ஏற்படுத்திய பில்லா படத்தின் ரீமேக் படம் கடந்த 2007ல் வெளியானது. இந்த படம் அஜித்துக்கும் திருப்புமுனையாக அமைந்தது.

‘இந்தப் படத்தில் அஜித்தை தவிர வேறு யார் நடித்தாலும் நல்லா இருக்காது. அவரை நடிக்க வையுங்கள் என அஜித்தை, ரஜினி தேர்வு செய்தார்.’ தீபாவளி அன்று வெளியான பில்லா பிரமாண்ட வெற்றி பெற்றது.

இதைத்தொடர்ந்து பில்லா 2 தொடங்கும் எண்ணம் அஜித்துக்கு ஏற்பட்டது. இதற்கான வேலைகள் நடக்க ஆரம்பித்தன. ‘உன்னைப்போல் ஒருவன்’ படத்தை இயக்கிய சக்‌ரி டொலோட்டி இயக்கத்தில், யுவன் ஷங்கர் ராஜா இசையில், ஆர்.டி.ராஜசேகர் ஒளிப்பதிவில் படம் தொடங்கி வெளியாக தயாராக உள்ளது.

பொங்கலுக்கு பில்லா 2 படத்தின் போஸ்டர்கள் வெளியிடப்படும் என்று ஏற்கனவே அறிவித்திருந்தார்கள். அறிவித்தபடி பொங்கலுக்கு பில்லா 2 போஸ்டர்களை வெளியிட்டனர். மங்காத்தாவுக்கு மாறாக இளமையுடன் இருந்த ஆக்ரோஷ அ‌ஜீ‌த்தின் புகைப்படங்கள் ரசிகர்களை ரொம்பவே கவர்ந்துள்ளன.

பில்லா இரண்டாம் பாகத்தில் டேவிட் என்ற சாதரண தமி‌‌ழ் இளைஞன் எப்படி பில்லா என்கிற டானாக மாறினான் என்பதை காட்டியிருக்கிறார்கள்.

மங்காத்தாவைவிட பில்லா 2 ஓபனிங் அதிகமாக இருக்கும் எதிர்பார்க்கப்படுகிறது.

குங்குமம்

noreply@blogger.com (ராஜா) — Wed, 18 Jan 2012 09:35:00 -0800

இந்த வார குங்குமம் இதழை டவுன்லோடு செய்ய கீழே உள்ள லிங்கில் கிளிக் செய்யவும்.

23.01.2012 குங்குமம்

ஜூனியர்விகடன்

noreply@blogger.com (ராஜா) — Wed, 18 Jan 2012 09:23:00 -0800

இந்த வார ஜூனியர்விகடன் இதழை டவுன்லோடு செய்ய கீழே உள்ள லிங்கில் கிளிக் செய்யவும்.

18.01.2012 ஜூனியர்விகடன்

தற்போது வெளியிடப்பட்டுள்ள இதழ்கள் என்னால் நேரடியாக வெளியிடப்படவில்லை. இணையதளத்தில் நீங்கள் தேடினாலும் கிடைக்கும். சம்பந்தபட்ட இதழ்கள் எதிர்ப்பு தெரிவித்தால், நீங்கிவிடுவேன்.

ஆனந்தவிகடன், குமுதம், குங்குமம்

noreply@blogger.com (ராஜா) — Tue, 17 Jan 2012 05:16:00 -0800

இந்த வாரத்தின் ஆனந்தவிகடன், குமுதம், குங்குமம் ஆகிய இதழ்களை டவுன்லோடு செய்ய கீழே உள்ள லிங்கில் கிளிக் செய்யவும்.

18.01.2012 ஆனந்தவிகடன்

18.01.2012 குமுதம்

16.01.2012 குங்குமம்

‘பென்’ பிறந்த கதை

noreply@blogger.com (ராஜா) — Tue, 10 Jan 2012 08:12:00 -0800

'எழுதுகோல்' என்று தூய தமிழில் எத்தனை பேர் சொல்கிறோம். நம் மனதில் தோன்றும் எண்ணங்கள், கருத்துகள் ஆகியவற்றைப் பதிவு செய்யும் பதிவுக் கருவி, பேனா. அது தோன்றிய விதம் தெரியுமா?

இன்று நாம், பயன்படுத்துவதற்கு எளிதான பேனாக்களைப் பயன்படுத்துகிறோம். ஆனால் ஆரம்ப காலத்தில் அப்படி இல்லை. பேனாவுக்குப் பல நூற்றாண்டு வரலாறு உண்டு என்பது ஆச்சரியமான விஷயம்.

‘லத்தீன்’ மொழியின் ‘பென்னா’ என்றால் ‘பறவையின் இறகு’ என்று பொருள். ‘பென்னா’ என்பதே ஆங்கிலத்தில் ‘பென்’ என்றும், தமிழில் ‘பேனா’ என்று மாறியது.

5ம் நூற்றாண்டில் ‘இறகுப் பேனா’ வழக்கத்துக்கு வந்தது. அது 18ம் நூற்றாண்டு வரை பயன்பாட்டில் இருந்தது குறிப்பிடத்தக்கது.

1780ல் சாமுவேல் ஹாரிசன் என்பவர் உருக்கினால் ஆன பேனாவைத் தயாரித்தார்.

1809ல் ஜோசப் பிராமா என்பவர், பறவையின் இறகை, தற்போதுள்ள வடிவில் வெட்டி ‘நிப்’பை உருவாக்கும் கருவியைத் தயாரித்தார்.

ஜான் ஹாக்கின்ஸ் என்பவர் மாட்டுக்கொம்பு, ஆமை ஓடு ஆகியவற்றைக் கொண்டு ‘நிப்’ செய்தார். ‘நிப்’ன் முனையில் ‘இரிடியம்’ வைக்கும் பழக்கம் 1882ல் வந்தது. அதே ஆண்டு ஜான் மிட்சல் என்பவர் எந்திரத்தினால் செய்யப்பட்ட உருக்கு ‘நிப்’பை கண்டுபிடித்தார்.

1859ல் முதல்முறையாக ‘ஊற்றுப் பேனா’ (‘பவுண்டன் பென்’) காப்புரிமை பதிவு செய்யப்பட்டது. 1883ம் ஆண்டில் அமெரிக்க நாட்டைச் சேர்ந்த வாட்டர்மேன் என்பவர் அனைவரும் பயன்படுத்தத்தக்க ஊற்றுப் பேனாவைத் தயாரித்தார்.

அனைத்திலும் தமிழர்கள் நாம் முன்னோடி என்பதில் சந்தேகம் இல்லை. நம்முடைய இலக்கியங்கள், புராணங்களில் இருந்து பல தகவல்கள் மேலை நாட்டு அறிஞர்களால் எடுக்கப்பட்டு பிரபலப்படுத்தப்பட்டு உள்ளது.

உதாரணம், நமது ராமாயணத்தில் ராவணன் சீதையை கடத்திக் கொண்டு செல்ல புஷ்பக விமானத்தை பயன்படுத்தினான். இந்த தகவல் தான் தற்போதைய விமானத்திற்கு முன்னோடி என்பது எனது தாழ்மையான கருத்து.

அதைப்போன்றே பல ஆயிரம் ஆண்டுகளுக்கு முன்னே குத்தாணியை பயன்படுத்தி பேனாவிற்கு அடிகோல் வகுத்தது தமிழர்களாகிய நாம் தான் என்பதில் பெருமையே.

தமிழ் சினிமா 2011

noreply@blogger.com (ராஜா) — Mon, 2 Jan 2012 09:33:00 -0800

இணையத்தில் நான் பார்த்த வகையில், 2011ல் அதிகமாக முதல் 10 இடங்களைப் பிடித்த தமிழ் சினிமாவை எனது பார்வையில் தொகுத்து இருக்கிறேன். இதில் தமிழ் சினிமா 2011முதல் 10 படங்களில் மங்காத்தாவுக்கு முதலிடம்!

1. மங்காத்தா - அஜீத் - அர்ஜுன் - த்ரிஷா - லட்சுமிராய் - ப்ரேம்ஜி நடித்து, வெங்கட் பிரபு இயக்கத்தில் வெளியான படம். 130 கோடி வசூல் ஆகி பாக்ஸ் ஆபிசில் முதலிடம் பிடித்தது. 2011ல் கூகுள் இணையதளத்தில் அதிக முறை பார்த்த பட்டியலில் மங்காத்தா 7வது இடத்தை பிடித்தது. இந்த படத்தின் மூலம் அஜித்துக்கு மேலும் மிகப்பெரிய மாஸ் கிடைத்தது.

2. தெய்வத் திருமகள் - விக்ரம் - அனுஷ்கா - சந்தானம் - அமலா நடித்திருந்த இந்தப் படம் ஏ எல் விஜய்யின் வெற்றிப் படம். விக்ரமை புதிய கோணத்தில் காட்டியது.

3. காஞ்சனா - சின்ன பட்ஜெட்... மிகப் பெரிய லாபம் என்ற வகையில் தமிழ் - தெலுங்கில் வசூலை அள்ளிக் குவித்த படம் காஞ்சனா. ராகவா லாரன்ஸ் தன்னை திறமையான இயக்குநர் என மீண்டும் இதில் நிரூபித்திருந்தார்.

4. கோ - ஜீவா - கார்த்திகா நடிப்பில் வெளியான படம். சொல்லப் போனால், இருவருக்குமே லைஃப் கொடுத்த படம் இது.

5. எங்கேயும் எப்போதும் - மார்க்கெட் இல்லாத நடிகர்கள் என சாதாரணமாக வந்த இந்தப் படம், ஏ ஆர் முருகதாஸ் - ஸ்டார் பாக்ஸ் நிறுவனங்களின் கூட்டுத் தயாரிப்பு என்பதால் முக்கியத்துவம் பெற்றது.

6. வேலாயுதம் - விஜய், சந்தானத்தின் நடிப்பு ரசிகர்களை கவர்ந்தது. விஜயின் வெற்றி பட்டியலில் இடம் பிடித்த படம். நல்ல வசூல்.

7. 7ஆம் அறிவு - ஏ ஆர் முருகதாஸ் என்ற திறமையான இளைஞர் மீது தமிழ் ரசிகர்கள் வைத்திருந்த மரியாதை ப்ளஸ் நம்பிக்கை. ஆனால் அந்த நம்பிக்கை முதல் முறையாக இந்தப் படத்தில் தோற்கடிக்கப்பட்டது. அதிக எதிர்பார்ப்பும் ஒரு காரணம். இருப்பினும் தமிழர்கள் மறந்த ஒரு தமிழனின் கதையை அறிய வைத்த பெருமை முருகதாஸையே சேரும்.

8. அவன் இவன் - விஷாலுக்கு நல்ல பெயர், பாலாவின் புது முயற்சி! மற்றபடி எதிர்பார்ப்பு அதிகம் இல்லை.

9. காவலன் - விஜய்யின் 6 தொடர் தோல்விகளுக்கு முற்றுப் புள்ளி வைத்த படம்.

10. ஆடுகளம் - தனுஷுக்கு தேசிய விருது பெற்றுத் தந்த படம். மேலும் பல தேசிய விருதுகளையும் வென்ற இந்தப் படம்.

noreply@blogger.com (ராஜா) — Fri, 22 Oct 2010 07:38:00 -0700

குழந்தைகள் படிப்பில் நம்பர் 1 ஆக வேண்டுமா?

நாம் வாழும் வீடு, நம்முடைய முன்னேற்றத்திற்கு பயன்படும் விதம் அமைப்பதற்கு வாஸ்து சாஸ்திரம் பெரும் பங்கு வகிக்கிறது. அந்த வகையில் குழந்தைகளின் படிப்பிற்கும் வாஸ்து சாஸ்திரத்தில் நல்ல அமைப்புடன் குழந்தைகள் படிக்கும் அறையை அமைப்பதற்கு வழி கூறுகிறது.
வீட்டின் ஒவ்வொரு அறையையும் வாஸ்து சிறப்புடன் அமைக்கும் நாம், குழந்தைகளுக்கு அவசியமான உடல் வளர்ச்சியும், ஆரோக்கியமும், சுறுசுறுப்பும், நல்ல படிப்பு திறமையும் நன்கு வளம் பெற வாஸ்து சாஸ்திரத்தை கண்டிப்பாக பின்பற்ற வேண்டும்.
                 குழந்தைகள் படிக்கும் அறைக்கு என வாஸ்து சாஸ்திரமும் சில விதிகள் வகுத்துள்ளது.
வடக்கு திசை இயற்கை சக்திகளையும், வடதுருவ காந்த சக்தியையும், வீட்டினுள் பரவ வழி செய்கிறது. கிழக்கு திசை சூரியனில் இருந்து வெளிப்படும் நல்ல சக்திகளை கிரகித்து மூலையை சுறுசுறுப்பாக்குகிறது. வடமேற்கு மூலை காற்றின் பரிபூரண சக்தியால் அமைதியையும், மனதின் ஆழ்ந்த ஒரு நிலைப்பாட்டை அளிக்கிறது.
                 அதனால், குழந்தைகளின் படுக்கையறையை வடக்கு, கிழக்கு, வடமேற்கு, மேற்கு திசைகளில் அமைக்கலாம். வடமேற்கு மூலை மிகவும் சிறந்தது.
                 வடகிழக்கு மூலையில் அமைந்த குழந்தைகள் படிக்கும் அறை அவர்களின் மூலைக்கு சிறந்த நினைவாற்றலை அளிக்கும். வடக்கில் உள்ள படுக்கையறை நல்ல முன்னேற்றததையும், அதிக மதிப்பெண்களையும் எளிதாக பெற்றுத்தர உதவும். கிழக்கில் அமைந்த அறை நல்ல சுறுசுறுப்பை அளித்து, முதல் மாணவர்களாக மாற்றும்.

               தென்மேற்கு மூலையில், தென் கிழக்கு மூலையில், குழந்தைகள் கண்டிப்பாக படுக்கவோ, படிக்கவோ கூடாது. இத்திசைகளில் உள்ள அறைகளில் அதிகமாக உபயோகிக்கும் குழந்தைகள் படிப்பில் மிகவும் பின்தங்கியே காணப்படுவார்கள். நல்ல நடத்தையும், பழக்கவழக்கங்களும் அவர்களிடம் இருக்காது. அவர்களது எதிர்காலமும் பாதிக்கப்படும்.
                  மேலும், மாணவர்கள் பயன்படுத்தும் புத்தக அலமாரியை பெட்ரூமின் தென்மேற்கு மூலையில் அமைத்து பயன்படுத்துவது நல்லது. ஆனால், அதை எக்காரணம் கொண்டும் வடகிழக்கு மூலையில் வைக்கக் கூடாது.
                    இதேபோல், படிக்கும் மேஜையை வடக்கு, கிழக்கு திசையை நோக்கி அமரும் விதமாக போடவேண்டும். படுக்கும்போதும், படிக்கும்போதும் கண்ணாடி தெரியுமாறு இருப்பதை தவிர்க்க வேண்டும். படிக்கும் குழந்தைகளை கிழக்கில் தலை வைத்து உறங்கச் சொல்வது நல்லது. இது அவர்களுக்கு ஆழ்ந்த தூக்கத்தையும், மறுநாள் நல்ல சுறுசுறுப்பையும் கொடுக்கும்.
                     இவற்றை எல்லாம் நீங்கள் பின்பற்றினால் குழந்தைகள் படிப்பில் நம்பர் 1 தான்!

காரல் மார்க்ஸ்

noreply@blogger.com (ராஜா) — Wed, 13 Oct 2010 03:20:00 -0700

உலக மக்கள் தொகையில் பாதிப்பேர் கம்யூனிசத்தின் செங்கொடி ஆட்சியின் கீழ் இருந்த காலம் ஒன்று உண்டு. இந்த கம்யூனிசம் உருவாக முதல் வித்திட்டவர் காரல் மார்க்ஸ்.

உலகில் நடந்த பல புரட்சிகளுக்கு விதையாய் இருந்த காரல் மார்க்ஸ், பிறக்கும் போது மென்மையானவர். நடுத்தரவர்க்கத்தில் வழக்கறிஞரான ஒருவருக்கு மகனாக பிறந்தார். இவர் பிறந்த போது ஐரோப்பாவில் தொழிற்புரட்சி உச்சத்தில் இருந்தது. பசுமை புரட்சியின் போது விவசாயிகளை எப்படி நிலப்பிரபுக்கள் அடிமைகள் போன்று நடத்தினார்களோ, அப்படியே தொழில் புரட்சியின் போது முதலாளிகள், தொழிலாளிகளுக்கு குறைந்த கூலி கொடுத்து கசக்கிபிழிந்து வேலை வாங்கி கொண்டிருந்தனர்.

மார்க்ஸ் சட்டம் படித்தார். தத்துவ இயலில் டாக்டர் பட்டம் பெற்றார். தொழிலாளர்களுக்கு சாதகமான ஒரு நிலை காலப்போக்கில் ஏற்படும் என்ற சோஷலிஸ்டுகளின் கருத்தை மார்க்ஸ் ஏற்கவில்லை. திடீரென்று ஒருநாள் தொழிலாளர்கள் பொங்கி எழுவார்கள், புரட்சி வெடிக்கும், இந்த புரட்சியின் இறுதியில் தொழிலாளர்களின் ஆட்சி மலரும் என்று மார்க்ஸ் உறுதியாக சொன்னார். 'இது ஏட்டுச்சுரைக்காய் கறிக்கு உதவாது' என்று தான் அன்று மார்க்சின் வார்த்தையை உலகம் நம்பியது. ஆனால் 1917-ல் ரஷ்யா-வில் ஆகஸ்டு புரட்சி நடந்து கம்யூனிஸ்டுகள் ஆட்சியை கைப்பற்றிய போது மார்க்சின் வார்த்தைகள் உண்மை தான் என்று உலகம் ஒப்புக்கொண்டது.

மார்க்ஸ் எழுதிய 'மூலதனம்' புத்தகம் தான் கம்யூனிஸ்டுகளின் 'பகவத்கீதை'. 19-ம் நூற்றாண்டின் மாபெரும் மனிதர் என்று போற்றப்படுகின்ற காரல் மார்க்ஸ் தன் வாழ்வில் வறுமையைத் தவிர வேறு எதையுமே பார்க்கவில்லை. இதைப்பற்றி மார்க்சின் மனைவி ஜென்னி இப்படி எழுதியிருக்கிறார்.

'அலைக்கழிக்கப்பட்ட நிலையில் நான் அன்று வீடு திரும்பினேன். எங்கள் குட்டி தேவதை பிரான்சிஸ்கா மார்புச்சளியால் மூச்சு விட திணறிக் கொண்டிருந்தாள். வாழ்வுக்கும் மரணத்திற்கும் இடையே 3 நாட்கள் போராடி கடைசியில் அவள் தோற்றுப் போனாள். தாய்ப்பாலோடு என் நெஞ்சின் வேதனையையும், வருத்தத்தையும் சேர்த்து பருகியதால் தான் அவள் இறந்து விட்டாள் என்று நினைக்கிறேன். அவர் பிறந்த போது தொட்டில் வாங்க கூட எங்களிடம் பணமில்லை. இறந்த போது சவப்பெட்டி வாங்கக் கூட காசில்லை' மனதை ரணப்படுத்தும் இந்த வார்த்தைகள் அத்தனையும் உருக்கமானவை.
முதலாளிகளின் ஆதிக்கத்தை எதிர்த்தே எழுதிக்கொண்டிருந்ததால், மார்க்ஸ் எப்போதும் எவருக்கு கீழும் பணி புரிய தயாராய் இல்லை. தனது குழந்தைகள் வறுமையில் அடுத்தடுத்து இறந்து போவதை சகிக்க முடியாமல் மார்க்ஸ் ரெயில்வே நிறுவனம் ஒன்றில் குமாஸ்தாவாக வேலைக்கு சேர்ந்தார். சேர்ந்த கொஞ்ச நாளிலேயே அவரது கையெழுத்து சரியில்லை என்று வீட்டுக்கு அனுப்பிவிட்டது ரெயில்வே நிர்வாகம்.

அந்த அளவிற்கு மோசமான கையெழுத்து காரல் மார்க்சினுடையது. அவரது மனைவி ஜென்னி தான் பல சமயங்களில் தனது கணவரின் கையெழுத்தை படித்து மார்க்சிற்கு திரும்ப சொல்வார்.
1881-ல் ஜென்னி இறந்தார். அடுத்த 2 ஆண்டுகளில் மார்க்சும் இறந்துவிட்டார். இறக்கும் தருவாயில் உலகிற்கு நீங்கள் என்ன சொல்கிறீர்கள் என்று ஒருவர் கேட்டார்.

'தான் வாழும் போது உலகிற்கு எந்த செய்தியையும் சொல்லாத முட்டாள் தான் இறக்கும் போது ஏதாவது சொல்ல வேண்டும் என்று கூறி முடித்தார், மார்க்ஸ் அவர் தொடங்கிய கம்யூனிசம் இன்றும் வாழ்ந்து கொண்டு தான் இருக்கிறது.

noreply@blogger.com (ராஜா) — Tue, 12 Oct 2010 11:06:00 -0700

பாதியில் கவிழ்ந்த அரசுகள்

ஆரம்பத்தில் இந்தியாவில் எதிர்க்கட்சி என்றால் அது கம்யூனிஸ்டு மட்டுமே. சுதந்திரம் அடைந்ததில் இருந்து 1971 வரை காங்கிரஸ் தான் ஆட்சியில் இருந்தது. நேருவுக்குப்பின்னர் அவரது மகள் இந்திராகாந்தி பிரதமராக பதவியேற்றார். அவரது சில நடவடிக்கைகள் கட்சிக்குள் அதிருப்தியை ஏற்படுத்தியது. 1971-ல் இந்திராகாந்தி பிரதமராக இருந்தபோது, காங்கிரசின் மூத்த தலைவர்கள் அவருக்கு எதிராக திரும்ப அந்த ஆட்சி முடிவுக்கு வந்தது.

                    அதன் பின்னர் நடந்த தேர்தலில் தனிக்கட்சியை உருவாக்கி வெற்றி பெற்று மீண்டும் இந்திராகாந்தி பிரதமரானார். 5 ஆண்டு ஆட்சியின் இறுதிக் காலத்தில் 1975-ல் இந்திராகாந்தி தேர்தல் செல்லாது என்று அலகாபாத் ஐகோர்ட்டு தீர்ப்பளித்தது. இதையடுத்து நாடுமுழுவதும் நெருக்கடிநிலையை இந்திராகாந்தி அமல்படுத்தினார். மேலும் ஒரு ஆண்டு இந்திராகாந்தியே பிரதமராக நீடித்தார்.
                    பழைய காங்கிரஸ் தலைவர்கள், பல மாநில கட்சிகள் இணைந்து ஜனதா என்ற கட்சியை உருவாக்கினர். நெருக்கடி நிலை கால அத்துமீறல்கள், ஆட்சி மீது ஏற்பட்ட அதிருப்தி, எதிர்க்கட்சிகளின் ஒற்றுமை அனைத்தும் சேர்ந்து 1977 தேர்தலில் இந்திராகாந்தியை வீழ்த்தின. காங்கிரஸ் முதல்முறையாக ஆட்சியை இழந்தது. ஜனதா கட்சி ஆட்சியை பிடித்து, மொரார்ஜி தேசாய் பிரதமர் ஆனார்.
                      இருந்தாலும் கட்சி தலைவர்களிடைய ஏற்பட்ட கருத்து வேறுபாடு காரணமாக 1979-ல் அந்த ஆட்சி கவிழ்ந்தது. அதன்பின்னர் சில நாட்கள் காங்கிரஸ் ஆதரவுடன் சரண்சிங் பிரதமராக இருந்தார். காங்கிரஸ் தனது ஆதரவை வாபஸ் பெற்றுக்கொள்ள, 1980-ல் அந்த அரசும் கவிழ்ந்தது. அப்போது பாரதீய ஜனதா கட்சி உருவானது.
                    அதன் பின்னர் மீண்டும் காங்கிரஸ் ஆட்சியை பிடித்து இந்திரா காந்தி பிரதமரானார். 1984-ல் இந்திராகாந்தி படுகொலை செய் யப்பட்டதையடுத்து ராஜீவ்காந்தி பிரதமரானார். அடுத்து நடந்த தேர்தலில் வெற்றி பெற்று இவர் 5 ஆண்டுகள் முழுமையாக ஆட்சி செய்தார். காங்கிரசுக்கு எதிரான வலுவான எதிர்க்கட்சி யாக பாரதீய ஜனதா வளர்ந்தது.

              ராஜீவ்காந்தி அமைச்சரவையில் அமைச்சராக இருந்து அவரை எதிர்த்து விலகிய வி.பி.சிங் தலைமையில் தேசிய முன்னணி அமைக்கப்பட்டு, 1989-ல் ஆட்சி அமைந்தது. இதற்கு பாரதீய ஜனதா, கம்யூனிஸ்டு கட்சிகள் ஆதரவளித்தன. 1990 நவம்பரில் பாரதீய ஜனதா ஆதரவை வாபஸ் பெற்றதையடுத்து வி.பி.சிங் ஆட்சி கவிழ்ந்தது. அதன்பின்னர் காங்கிரஸ் ஆதரவுடன் சந்திரசேகர் தலைமையில் ஆட்சி அமைந்தது. 1991-ல் அந்த ஆட்சியும் கவிழ்ந்தது.
                     1991 தேர்தல் பிரசாரத்தின்போது ராஜீவ்காந்தி படுகொலை செய்யப்பட்டார். அதற்கு முன்னதாகவே சில கட்ட தேர்தல்கள் முடிந்திருந்தன. அந்த தேர்தலில் 195 எம்.பி.க்களை பெற்ற காங்கிரஸ் ஆட்சியை பிடித்தது. நரசிம்மராவ் பிரதமரானார். நேரு குடும்பத்தினர் அல்லாத நரசிம்மராவ் ஆட்சி முதல்முறையாக 5 ஆண்டுகளை பூர்த்தி செய்தது. 1996 தேர்தலில் எந்த கட்சிக்கும் பெரும்பான்மை கிடைக்கவில்லை. அதிக எம்.பி.க்களை கொண்டிருந்த பாரதீய ஜனதா கட்சி வாஜ்பாய் தலைமையில் ஆட்சி அமைத்தது. மற்ற கட்சிகளின் ஆதரவை பெற முடியாத நிலையில் அந்த ஆட்சி 13 நாளில் முடிவுக்கு வந்தது. பின்னர் தேவகவுடா, ஐ.கே.குஜ்ரால் ஆகியோர் பிரதமர் நாற்காலியில் சில நாட்கள் இருந்தனர்.

அடுத்து 1998-ல் நடந்த பொதுத் தேர்தலிலும் எந்த கட்சிக்கும் பெரும்பான்மை கிடைக்கவில்லை. பல்வேறு கட்சிகள் ஆதரவு டன் பாரதீய ஜனதா ஆட்சி அமைத்தது. ஆனால் அதுவும் 13 மாதங்களில் கவிழ்ந்தது. இந்திய அரசியலில் அதுவே கடைசியாக கவிழ்ந்த அரசாகும். அதன்பின்னர் நடைபெற்ற தேர்தலில் பாரதீய ஜனதா அதிக இடங்களில் வெற்றி பெற்று ஆட்சியை பிடித்தது. காங்கிரஸ் அல்லாத முதல் அரசு தனது 5 ஆண்டுகாலத்தை பூர்த்தி செய்தது. அந்த பெருமையை வாஜ்பாய் பெற்றார்.

noreply@blogger.com (ராஜா) — Tue, 12 Oct 2010 10:35:00 -0700

மின்சாரத் தொடக்கம்

               மின்சாரம் இல்லாத வாழ்க்கையைப்பற்றி நினைத்துக்கூட பார்க்க முடியாது. பெரும்பான்மையான இயந்திரங்கள் மின் சக்தியாலேயே இயங்குகின்றன. மோட்டார் கார்கள், ரெயில் என்ஜின்கள், விமானங்கள் அனைத்துக்கும் மின்சக்தி தேவையாக இருக்கிறது. எலெக்ட்ரிக் என்ற சொல் கிரேக்க மொழியான எலெக்ட்ரான் என்பதில் இருந்து தோன்றியது. ‘ஆம்பர்‘ என்னும் பொருள் துணியின் மீது உராய்ந்தால் அதற்கு சிறுசிறு துண்டு காகிதங்களை கவரும் சக்தி கிடைக்கிறது என்பதை கி.மு. 600-ல் கிரேக்க மக்கள் தெரிந்து வைத்திருந்தனர்.
                   உண்மையில் மின்சாரத்தை கண்டு பிடித்தவர் அலெக்சாண்டர் ஓல்டா என்பவர்தான். மின்சக்தியை உற்பத்தி செய்யும் எலெக்ட்ரிக் செல்லை முதன்முதலில் அவர் அறிமுகம் செய்தார். எலெக்ட்ரிக் செல் உருவாக்கப்பட்ட பிறகு மின்சக்தியில் இருந்து வெப்பசக்தி, ஒளிசக்தி மற்றும் காந்த விளைவுகளை பெறமுடிந்தது.
                  வோல்டா கண்டுபிடித்த செல்லில் ஒரு துத்தநாக தகடும், ஒரு தாமிரத் தகடும் நீர்த்த கந்தக அமிலத்தில் மூழ்கி இருக்குமாறு வைத்தார். இவற்றுடன் பொருத்தப்பட்டுள்ள கம்பிகளை இணைத்தால் மின்சக்தி கிடைக்கிறது. பிறகு இந்த செல் பல்வேறு விதங்களில் மேம்படுத்தப்பட்டது.

                  மின்சாரத்தை பொறுத்தவரையில் 1831-ல் மிகவும் புரட்சிகரமான செயலை செய்தவர் மைக்கேல்பாரடே என்பவர். ஒரு காப்பிடப்பட்ட தாமிரக்கம்பி சுருளின் இடையே காந்தத்தை முன்னும் பின்னும் நகர்த்தினால் மின்சக்தி உற்பத்தி ஆகிறது என்பதை அவர் கண்டு வெளியிட்டார். இதன் அடிப்படையில் மின்சார ஜெனரேட்டர்கள் அமைக்கப்பட்டன. 1867-ம் ஆண்டு ஜெர்மனி நாட்டில் முதன்முதலாக வெற்றிகரமாக டைனமோ என்ற ஜெனரேட்டர்கள் அமைக்கப்பட்டன. இதைத் தொடர்ந்து மின்சார மோட்டார்களும், டிரான்ஸ்பார்மர்களும் உருவாக்கப்பட்டன. 19-ம் நூற்றாண்டு இறுதிக்குள் உலகின் சில பகுதிகளில் மின்சார உற்பத்தி தொடங்கப்பட்டு விட்டது.
                    1858-ல் அமெரிக்காவால் அருவியை பயன்படுத்தி டர்பைன்களை சுழலச் செய்து அதன் மூலம் மின்சக்தியை பெறுவது கண்டுபிடிக்கப்பட்டது. அதைத் தொடர்ந்து நீர் மின்சார, அனல் மின்சார உற்பத்தி நிலையங்கள் அமைக்கப்பட்டன. 20-ம் நூற்றாண்டில் அணுசக்தி கண்டுபிடிக்கப்பட்ட பின்னர் அணுசக்தியால் மின்சக்தி உற்பத்தி செய்யும் நிலையங்கள் அமைக்கப்பட்டன. தற்சமயம் சூரியசக்தி மூலம் முழுமையான மின்சக்தியை பெறுவதற்கான முயற்சியில் விஞ்ஞானிகள் ஈடுபட்டு உள்ளனர்.

noreply@blogger.com (ராஜா) — Tue, 12 Oct 2010 10:24:00 -0700

கம்யூட்டருக்கு வால் பேப்பர் கிடைச்சாச்சு!!!

noreply@blogger.com (ராஜா) — Tue, 12 Oct 2010 07:34:00 -0700

வாத்சாயனர் வகுத்த 4 கட்டங்கள்

ஒவ்வொரு குடும்பத்திலும் நல்லவர்கள் உருவாக வேண்டும் என்றால் அவர்களுக்கு ஆரோக்கியமான செக்ஸ் உறவு குறித்த புரிதல் இருக்க வேண்டும். செக்சை பயன்படுத்தி தங்கள் உடலையும், அதன் மூலம் நாட்டின் ஆரோக்கியத்தையும் எப்படி பராமரிப்பது என்று சொல்லித் தரவே காம சாஸ்திரங்கள் ஏற்பட்டன. இப்படி எழுதப்பட்ட பல காம சாஸ்திரங்களில் வாத்சாயனர் எழுதிய காமசாஸ்திரம் சிறந்ததாக கருதப்படுகிறது.

வாத்சாயனர் தனக்கு முன்னால் பலர் எழுதிய அனைத்து நூல்களிலும் என்ன இருந்தது என்பதை தொகுத்து தந்திருந்தார். அவர்கள் சொன்ன கருத்துக்களில் ஏற்கக்கூடியது எது, ஏற்க முடியாதது எது என்பதையும் இனம்பிரித்துக் கொடுத்தார்.

காமசூத்திரத்தை படிக்கும் போது பல இடங்களில் சந்தேகம் ஏற்படலாம். அதற்கு அவரே கேள்வி கேட்டு பதிலும் சொல்கிறார். இப்போது ஏறக்குறைய அனைத்து இணைய தளங்களிலும் இருக்கும் ‘பிரிகுவன்ட்லி ஆஸ்க்டு கொஸ்டின்ஸ்‘ (எப்.ஏ.க்யூ) போன்றது அது.

ஒரு மனிதனின் வாழ்க்கையை நான்கு கட்டங்களாக பிரிக்கிறது, காமசூத்திரம். பூமியில் பிறக்கும் ஒவ்வொரு ஜீவனும் இந்த பூமிக்கு வந்த யாத்ரீகர்கள் என்று தான் ரிஷிகள் கருதினார்கள். இதனால் மனிதனின் வாழ்க்கை ஒரு பயணமாகவே கருதப்பட்டது.

இந்த வாழ்வின் முதல் கட்டம் பிரம்மச்சரியம். இதற்கு திருமணம் செய்து கொள்ளாமல் இருப்பது என்று அர்த்தம் அல்ல. இளம் பிராயத்தில் கல்விக்கு மட்டுமே முக்கியத்துவம் தர வேண்டும், மற்ற ஆசைகளை கல்வி முடியும் வரை ஒதுக்கி வைக்க வேண்டும் என்பதே பொருள்.

திருமணங்களில் காசி யாத்திரை என்று ஒரு சடங்கு உண்டு. அந்த காலத்தில் உயர்கல்வி காசியில் மட்டுமே இருந்தது. எனவே உள்ளூர் கல்வியை முடித்து விட்டு மேற்கல்விக்காக பிரம்மச்சாரி காசிக்கு புறப்படுவான். அப்போது தாய்மாமன் வந்து வழிமறித்து ‘மாப்பிள்ளை, படித்தது போதும், எனது மகளை திருமணம் செய்து கொண்டு இல்லற வாழ்வை மேற்கொள்ளுங்கள்‘ என்று கேட்டு மகளை திருமணம் செய்து வைப்பார்.

2-வது கட்ட யாத்திரையில் தாம்பத்திய உறவில் சுகம் அனுபவிப்பது, குடும்பத்தை காப்பாற்றுவது என இணைந்து செய்ய வேண்டிய கடமைகள் பல இந்த பருவத்தில் உள்ளன.

3-வது கட்டம் வான பிரஸ்தம். இதை ஓய்வுக்காலம் எனலாம். தோளுக்கு மேல் வளர்ந்துவிட்ட மகன் வசம் பொறுப்களை ஒப்படைத்து விட்டு, ஒதுங்கி நின்று அவனுக்கு வழிகாட்டுவது இந்த பருவம். எந்த அதிகாரமும் இல்லாமல், ஆனால் அனைத்துமே தன் கண் அசைவுப்படியே நடப்பதை பார்த்து பெருமிதமாக வாழும் கால கட்டம்.

லோக யாத்திரையின் 4-வது கட்டம் சன்னியாசம். எல்லா பொறுப்புகளையும் துறந்து விட்டு ஓய்வாக பொழுதை கழிப்பது, வீட்டிலோ அல்லது காட்டில் இருக்கும் ரிஷிகளின் ஆசிரமத்திலோ மீதி வாழ்க்கையை கழிப்பது.
ஒவ்வொரு குடிமகனும் இப்படி முறைப்படி லோக யாத்திரை மேற்கொள்ள தேவையான வசதிகளை செய்து கொடுப்பது, அரசனின் கடமை என்று காமசூத்திரம் சொல்கிறது.

வெறும் செக்ஸ் உறவு முறைகளை பற்றி மட்டும் பட்டியலிடாமல், வாழ்க்கை தத்துவங்களை பற்றியும் தெளிவாக சொல்வது, வேறெந்த காம சாஸ்திர புத்தகத்திலும் கிடையாது என்பது தான் வாத்சாயனரின் சிறப்பு.

noreply@blogger.com (ராஜா) — Tue, 12 Oct 2010 02:30:00 -0700

மனிதனும் நோய்களும்...

உலகில் மக்கள் அதிகமாக மடிந்து வீழ்ந்தது வெடிகுண்டாலோ, யுத்தத்தாலோ, புயல் வெள்ளம் போன்ற இயற்கை சீற்றங்களாலோ அல்ல. கிராமம் கிராமமாக, நகரம் நகரமாக ஆண், பெண், குழந்தை என்று வித்தியாசமே பார்க்காமல் லட்சக்கணக்கான மக்களை மாய்த்த கொடூரமான வில்லனாக நோய்கள்தான் இருந்தன.

அந்த காலத்தில் பெரியம்மை, போலியோ, வயிற்றுப்போக்கு என்று விதவிதமான நோய்கள் ஒவ்வொன்றும் அவதாரம் எடுக்கும் போது உலகில் மடிந்தவர்களின் பிரேதங்களை புதைப்பதா, எரிப்பதா? என்று முடிவு எடுக்க முடியாத அளவுக்கு உடல்கள் மலை போல் குவிந்து விடும்.

மருத்துவம் அடியெடுத்து வைக்காத ஆரம்ப காலம் அது. தென்அமெரிக்கா, கற்காலத்தை கடந்து கொண்டு இருந்த காலம். அதாவது 12 ஆயிரம் ஆண்டுகளுக்கு முன்பு உடல்நிலை சரியில்லை என்று யார்படுத்தாலும் அவர்களை பேய்பிடித்து இருப்பதாக சமூகம் கருதியது. மண்டை ஓட்டை உடைத்து துவாரம் போட்டால் மண்டைக்குள் இருந்து பேய் வெளியேறி விடும் என்று நம்பினார்கள். இந்த நம்பிக்கையால் நோய் பாதித்தவரின் வந்தவரின் கை, கால்களை கட்டிப்போட்டு விட்டு கூர்மையான ஆயுதத்தால் ஓங்கி ஓங்கி அடித்து ஓட்டை போடுவார்கள்.

சிகிச்சை எடுக்க வந்தவரோ துடிதுடித்து ரத்த வெள்ளத்தில் இறந்து போவார். நோய்க்கான சிகிச்சை என்பது உலகம் முழுவதும் இதேபோல்தான் அன்றைக்கு இருந்தது. பிற்காலத்தில் நாஜி படையினரிடம் யூதர்கள் பட்ட கஷ்டத்தை விட பல மடங்கு வலியை நோயாளிகள், மருத்துவர்கள் என்று வேஷம் போட்டுக் கொண்டு இருந்த பூசாரியிடம் மக்கள் அனுபவித்தார்கள்.

இயேசு கிறிஸ்து பிறப்பதற்கு 400 வருடங்களுக்கு முன்பு கிரேக்க நாட்டில் தோன்றிய ஹிப்போகுரோட்டஸ் என்பவர்தான் விஞ்ஞான முறைப்படி மருத்துவத்தை அணுகிய முதல் மனிதர். நோய்கள் வருவதற்கு பேய், பிசாசுகள் காரணம் இல்லை என்று முதலில் சொன்னவரும் அவர் தான்.

இறந்து போனவர்களின் உடலை ஆராய்ச்சிக்காக திறந்து பார்ப்பது குற்றம் என்று அன்றைய மதகுருமார்கள் கடுமையாக எச்சரித்து இருந்தார்கள். மனித உடலின் செயல்பாடு அந்த காலத்தில் மர்மமாக இருந்தது. ஹிப்போகுரோட்டஸை அடுத்து துருக்கி நாட்டை சேர்ந்த ஹேலன் என்ற மருத்துவர் வந்தார். மனித உடலில் உள்ள ரத்தம், சளி, பித்தநீர், கருப்பு பித்தநீர் என்று நான்கு வகையான திரவங்கள் இருக்கின்றன. இதில் எந்த ஒரு திரவத்தின் அளவு குறைந்தாலும் அல்லது அதிகமானாலும் அது நோய் தான் என்று பல ஆயிரம் வருடங்களுக்கு மேலாக கிரேக்கர்கள் நம்பிக் கொண்டு இருந்தார்கள். அந்த கருத்து உண்மை தான் என்று ஹேலன் சொன்னார். ஹேலன் மீது மிகுந்த நம்பிக்கை வைத்திருந்த மனித இனம் அதை உண்மை என்று கண்ணை மூடிக்கொண்டு நம்பியது.

16-ம் நூற்றாண்டில் மதங்களின் செல்வாக்கு சரிந்தது. அப்போது தான் மனித உடலை வைத்து ஆராய்ச்சி செய்ய உலகுக்கு வாய்ப்பு கிடைத்-தது. இதனையடுத்து இதயத்துடிப்பு, ரத்த ஓட்டம் பற்றி உலகுக்கு இருந்த தவறான கருத்து 1628 -ம் ஆண்டு வில்லியம் ஹார்வி என்ற ஆங்கிலேய விஞ்ஞானியால் தகர்க்கப்பட்டது. ஒவ்வொரு மனிதனுக்குள்ளும் இதயம் என்ற ஒன்று பிறப்பில் இரந்து இறப்பு வரை இடைவிடாமல் துடித்துக்கொண்டு இருக்கிறது என்று உலகம் முதன்முதலில் உணர்ந்த சமயம் அது. அதன்பின் மருத்துவத்துறை படிப்படியாக முன்னேறி இன்று செயற்கையாக செல்லை உருவாக்கும் அளவுக்கு வளர்ந்து இருக்கிறது.

noreply@blogger.com (ராஜா) — Mon, 11 Oct 2010 02:41:00 -0700

தொழிலதிபர் எடிசன்

தாமஸ் ஆல்வா எடிசன் மிகச் சிறந்த விஞ்ஞானி என்பது அனைவருக்கும் தெரியும். ஆனால் அவர் தொழிலதிபர் என்பது பலருக்கும் தெரியாத விஷயம். இவருடைய அம்மா ஒரு சாதாரண பள்ளி ஆசிரியை. அப்பா ஒரு ரியல் எஸ்டேட் தரகர். குடும்பத்தில் 7-வது குழந்தை இவர். பெரிய அளவிற்கு வசதியில்லாத குடும்பம்.
ஆனால் 12 வயது முடிவதற்குள்ளாகவே ஷேக்ஸ்பியர், சார்லஸ் டிக்கன்ஸ் என்று அனைத்து ஆங்கில இலக்கிய நூல்களையும் படித்து விட்டார். வாழ்க்கையின் தொடக்க காலத்தில் நிறைய போராடி இருக்கிறார். ரெயில்வே ஸ்டேஷனில் பேப்பர் விற்றிருக்கிறார்.

                    வாழ்க்கையில் எடிசன் பள்ளிக்கூடத்திற்கு போனதே மொத்தம் 3 மாதங்கள் தான். இதனால் தான் அவர் வேலைக்கு ஆட்களை எடுக்கும்போது கூட திறமையை மட்டுமே அளவு கோலாக வைத்திருந்தார். கல்வித்தகுதி பற்றி கவலைப்படவில்லை.
            ஜே.பி.மார்கன் என்ற அமெரிக்க தொழிலதிபரோடு சேர்ந்து எடிசன் எலக்ட்ரிக்லைட் கம்பெனி என்ற பெரிய தொழிற் சாலையை தொடங்கினார். இந்த கம்பெனி தான் பின்னாளில் ஜெனரல் எலக்ட்ரிக் என்று பெயர் மாற்றம் பெற்றது.
               எடிசனின் தொழிற்சாலையில் கண்டுபிடிப்புகளுக்கே முக்கியத்துவம் தரப்பட்டது. அமெரிக்காவின் நியூஜெர்சியில் உள்ள இவரது இன்வென்ஷன் பேக்டரியில் 14 தொழிற்கூடங்கள் இருந்தன. இவற்றில் 5 ஆயிரம் தொழிலாளர்கள் பணியாற்றினர். மெயின் தொழிற்சாலை மட்டும் 3 கால்பந்து மைதானம் அளவிற்கு பெரியது. அதில் 10 நாட்களுக்கு ஒரு புதிய கண்டுபிடிப்பை உற்பத்தி செய்ய வேண்டும், 6 மாதங்களுக்கு ஒருமுறை பெரிய கண்டுபிடிப்புகள் உருவாக்கப்பட வேண்டும் என்று இலக்கு நிர்ணயித்து செயலாற்றினர்.

அறிவியல் சூத்திரங்களுக்கு பதில், மனிதனுக்கு அன்றாடம் தேவைப்படும் பொருட்களை கண்டுபிடிக்க இங்கு முக்கியத்துவம் தரப்பட்டது. இவர் கண்டுபிடித்த போனோகிராப் தான் பின்னாளில் கிராமபோனாக மாறியது.
                    அலெக்சாண்டர் கிரகாம்பெல் கண்டுபிடித்த டெலிபோனில் பேசுவதற்கும், கேட்பதற்கும் தனித்தனி வழிகள் இல்லை. அதை மேம்படுத்தி எளிதில் பேசும் விதத்தில்   உருவாக்கியவர் எடிசன். தொடக்க காலத்தில் டைப்ரைட்டரில் அடிப்பது என்றால் அதற்கு தாளில் எழுதுவதை விட 2 மடங்கு நேரம் பிடிக்கும். வேகமாக அடிக்கும் விதத்தில் டைப்ரைட்டரை மாற்றி அமைத்தது எடிசன்தான்.
                    84-வது வயதில் எடிசன் இறக்கும் வரை தனது ஆராய்ச்சிக் கூடத்தில் தான் இருந்தார். இவர் இறந்தபோது, மின்விளக்கின் பயன்பாடு பற்றி மக்களுக்கு புரியும் விதத்தில் மின்விளக்குகள் கண்டுபிடிக்கப்படாமல் இருந்தால், எப்படி இருந்திருக்கும் என்பதை உலகிற்கு எடுத்துக்காட்டும் விதத்தில் நாடு முழுவதும் மின் விளக்குகளை ஒரு நிமிடம் நிறுத்தி, எடிசனுக்கு மரியாதை செலுத்தியது, அமெரிக்கா.

noreply@blogger.com (ராஜா) — Wed, 6 Oct 2010 07:30:00 -0700

இதுதான் சாஸ்திர சமையலறை!

சமையல் அறை பெண்கள் அதிக நேரம் செலவழிக்க கூடிய இடம் என்பதால், அந்த அறையை சாஸ்திரப்படி அமைப்பது நல்லது. அப்போதுதான், அங்கே அதிகநேரம் புழங்கும் பெண்களின் மனநிம்மதி, ஆரோக்கியம், விட்டுக்கொடுக்கும் மனப்பான்மை போன்றவை அதிகரிக்கும்.

சமையல் என்பது ஒரு கலை என்றாலும் கூட, சரியான தென்கிழக்கு (அக்னி) மூலையில் சாஸ்திரப்படி அமைத்த சமையல் அறையானது நல்ல சுவையான உணவை தயாரிப்பதற்கான ஆர்வத்தை பெண்களிடையே வளர்க்கும். சமையல் அறையை சதுரமாக 8க்கு 8‘ சதுர அடி அல்லது 10க்கு 10 சதுர அடி அல்லது 11க்கு 11 சதுர அடி என்று அமைத்தால் மிகவும் சிறப்பு.

இவ்வாறு தென்கிழக்கு மூலையில் அமைந்த சமையல் அறையில் அடுப்பையும் தென்கிழக்கு மூலையிலேயே அமைத்து, சமைப்பவர்களின் முகம் கிழக்கு திசையை பார்த்தாற்போல் இருப்பது போலிருக்க வேண்டும்.

சமையல் அறையின் வடகிழக்கு மூலையில் பாத்திரம் கழுவும் தொட்டியை அமைக்க வேண்டும். இந்த தொட்டி கிழக்கு மற்றும் வடக்கு சுவர்களை தாராளமாக ஒட்டி வரலாம்.

ஒருசிலர் பாத்திரம் கழுவும் தொட்டி வடக்கு சுவரை தொடக்கூடாது என்றும், இன்னும் சிலர் கிழக்கு சுவரை தொடக்கூடாது என்றும் கூறுவார்கள். இப்படி அமைத்தால் சமையல் அறையின் வடகிழக்கில் சிறிது எடை கூடுவதால் எந்தவிதத் தீமையும் இல்லை.

மேலும், இந்த சமையல் அறையின் கதவு வடகிழக்கில் வடக்கு பக்கத்தில் வருவதாலும், சமையல் அறையின் இதர பகுதிகளில் லாப்ட் மற்றும் ஷெல்ப்கள் வருவதாலும், அப்பகுதிகளில் வடகிழக்கு பகுதியைவிட மிக மிக அதிகமாக எடை இருக்கும். அதனால், பாத்திரம் கழுவும் தொட்டி வடக்கு, கிழக்கு சுவரை ஒட்டுவதால் எந்தவித பாதிப்பும் ஏற்படாது.

அத்துடன், வடக்கு அல்லது கிழக்கு சுவரை ஒட்டாமல் சமையல் மேடையையும், பாத்திரம் கழுவும் தொட்டியையும் அமைப்பது மிகவும் சிரமமாகும். அப்படியே சிறிய இடைவெளிவிட்டு அமைத்தாலும் அது சின்ன சந்தில் அடிக்கடி ஸ்பூன், கரண்டி போன்றவைகள் கீழே விழுவதும், பல்லி, புழு, பூச்சிகள் ஊர்ந்து செல்வதற்கு வசதியாகவும் இந்த இடைவெளி அமைந்துவிடும். எனவே இந்த இடைவெளி தேவையில்லை.

சமையல் அறையின் உச்சப் பகுதியான வடகிழக்கில் சமையல் அறைக்கு வாசலை வைத்தபின்பு பின்வாசலை, தெற்குப் பகுதியில் கிழக்கை ஒட்டி ஏற்கனவே வடக்கில் உள்ள வாசலும் நேர்கோட்டில் வருவதுபோல் வைத்து கொள்ள வேண்டும். பின்வாசல் வேண்டாம் என்று நினைப்பவர்கள் இதே இடத்தில் ஜன்னலை தெற்கு சுவன் கிழக்கை ஒட்டி உச்சத்தில் வைத்துக் கொள்ளலாம்.

சமையல் அறையின் தெற்கு, மேற்கு சுவர்களில் லாப்ட் அமைத்து கொள்ளலாம். மேற்குச்சுவர் முழுவதுமே ஷெல்ப்கள், கப்போர்டுகள் அமைத்து கொள்ளலாம். தெற்குச்சுவரில் ஷெல்ப்கள், கப்போர்டுகள் அமைக்க விரும்புபவர்கள், பின்வாசல் அல்லது ஜன்னலுக்கு இடைஞ்சல் இல்லாமல் அமைத்துக்கொள்ள வேண்டும்.

சமையல் அறையை தென்கிழக்கு மூலையில் அமைக்க இயலாதவர்கள் வடமேற்கே மூலையில் அமைத்துக்கொள்ள வேண்டும்.

மொத்தத்தில் தென்கிழக்கு மூலையில் சாஸ்திரப்படி அமைந்த சமையல் அறையே முதலிடம் பெறும். எக்காரணம் கொண்டும் வடகிழக்கு மூலையில் சமையல் அறையை அமைக்கக்கூடாது. வடகிழக்கு மூலையில் சமையல் அறையை அமைத்தால் அந்த வீட்டில் வசிப்பவர்களின் அழகு கெடும். எவ்வளவு வருமானம் வந்தாலும் போதாது. பொருளாதார நெருக்கடி இருந்து கொண்டே இருக்கும்.

அதனால் சாஸ்திர சிறப்புடன் சமையல் அறையையும் அமைத்து, மகிழ்ச்சியான வாழ்க்கையை பெறுங்கள்.

noreply@blogger.com (ராஜா) — Sat, 25 Sep 2010 03:02:00 -0700

தமிழக கோவில்கள்

கோவில்கள் தேசத்தின் பாரம்பரிய அடையாளங்களுள் ஒன்று. உலகிற்கு தமிழகம் தந்த நன்கொடைகளில் கோவில் கலையும் ஒன்று.

ஆகம நெறியை அடிப்படையாக கொண்டு அமைக்கப்பட்ட கட்டிட சிற்ப நெறியே கோவில் கலை. மதுரை, தஞ்சை, காஞ்சி, திருவண்ணாமலை, திருவிடைமருதூர், ஸ்ரீரங்கம், ஸ்ரீவில்லிபுத்தூர் போன்ற நகரங்கள் பலவற்றிலும் இந்த கோவில் கலை சிறந்து விளங்குகிறது. தமிழர்களின் பெருமிதமாக நிமிர்ந்து நிற்கிறது.

கோபுரங்கள், கலசங்கள், கொடி மரங்கள், விமானங்கள், பிரகாரங்கள், கோட்டங்கள், கருவறைகள், சிற்பங்கள், ஓவியங்கள், வழிபடு உபகரணங்கள், ஆடை-அணிகள் என்று பன்முகம் கொண்டு விளங்குகிறது, கோவில்கலை. உண்மையில் ஆலயங்கள் ஆய்வுக்களஞ்சியங்கள் என்று வர்ணிக்கப்படுகின்றன. கோபுர கலசங்கள், பிரகார தூண்கள், விழாக்கால வாகனங்கள், தீபாராதனை தட்டுகள், துவார பாலகர்கள் என்ற ஒவ்வோர் அம்சமும் ஆய்வு செய்யக்கூடிய அளவுக்கு விரிவான பொருளையும், ஆழமான கருத்துக்களையும் கொண்டு திகழ்கின்றன.

கோபுரங்கள் என்பது கோவில் வாயில்களில் எழுப்பப்படும் உயரமான அமைப்பு. இவை கம்பீரமான தோற்றம் கொண்டவை. இவற்றின் கலசங்கள் மங்கல சிறப்புடையவை மட்டுமல்ல, அறிவியல் ரீதியாக இடிதாங்கியாகவும் பயன்படுகின்றன.
சோழ, பாண்டிய, நாயக்கர் கால கட்டுமானங்களை கொண்டவை. கோபுர சிற்பங்களில் சுதை உருவமும் ஓர் அம்சமாகும். இது தமிழக கோபுரங்களில் அதிகமான எண்ணிக்கையில் உள்ளன.

உதாரணமாக மதுரை மீனாட்சி அம்மன் ஆலயத்தில் கிழக்கு கோபுரத்தில் 1011 சுதை உருவங்களும், தெற்கு கோபுரத்தில் 1511 சுதை உருவங்களும், மேற்கு கோபுரத்தில் 1124 சுதை உருவங்களும், வடக்கு கோபுரத்தில் 404 சுதை உருவங்களும் இருக்கின்றன. தமிழ்நாட்டில் ஸ்ரீரங்கம் கோபுரமே மிக உயர்ந்தது.

கோவில் பிரகாரங்கள் அற்புதமான அழகுடையவை. கருவறையை வலம் வரும் வண்ணம் சுற்றுப் பாதையை கொண்டது. அழகிய தூண்களும் அற்புத சிற்பங்களும் பரிவார தெய்வீக கோட்டங்களும் கல்வெட்டுகளும் இந்த பிரகாரங்களில் காணப்படும். ஒன்று, மூன்று, ஐந்து என்ற ஒற்றைப்படையில் பிரகாரங்களின் எண்ணிக்கை இருக்கும். அகமுக பயணத்தின் அடையாளமாகவே இப்பிரகாரங்கள் இருக்கின்றன.

திருவிடைமருதூர் 5 சுற்றுகளையும், ஸ்ரீரங்கம் 7 சுற்றுகளையும் கொண்டுள்ளன. ராமேசுவரம் கோவிலின் 3-ம் பிரகாரம் உலகப்புகழ் மிக்கது.
கோவில்களின் தனிச் சிறப்புகளும் மிகவும் இனிமையானவை.
சிதம்பரத்தின் பொன்வேய்ந்த இரு சபைகளும் கனகசபை, சிற்சபை என்று அழைக்கப்படுகின்றன. சிதம்பர ரகசியமும், மதுரையின் பொற்றாமரைக்குளமும், திருவண்ணாமலையின் தீப தரிசனமும், கிரிவலமும், தஞ்சை பெரிய கோவிலும் உலக அளவில் நமது கோவில் கலையை கொண்டு சென்றுள்ளன.

உலகை நமது கலையின் பக்கம் ஈர்க்கும் அற்புத பெருமிதங்களாகவே கோவில்கள் விளங்குகின்றன.

noreply@blogger.com (ராஜா) — Fri, 24 Sep 2010 03:59:00 -0700

வண்ணங்கள் மனிதனின் வரம்

            வண்ணங்கள் மனித வாழ்வில் மிக முக்கியமான அங்கம். வண்ணங்களில் இருந்து மனிதனை தனியாக பிரிக்க முடியாது. வண்ணங்களை நாம் பார்த்து ரசிக்க நமக்கு உதவி செய்வது சூரியன் தான். சூரியன் இல்லை என்றால் நாம் வண்ணங்களை பார்க்க முடியாது.

           நிலவின் ஒளியில் நாம் பார்க்கும் எல்லாப் பொருளும் சாம்பல் நிறமாகவே தெரியும். போதுமான ஒளி இல்லை என்றாலும் பார்வை தெரியும். ஆனால் இயற்கையான நிறங்களை உணர முடியாது. சூரியன் தான் வண்ணங்களை ரசிக்க உதவுகிறது. முழு இருட்டில் நம்மால் எதையுமே பார்க்க முடியாது.
            ஆந்தைக்கும் சில வன விலங்குகளுக்கும் நம்மை விட இருட்டில் நன்றாக பார்க்கும் திறன் உண்டு. ஆனால் நிறங்களை பிரித்துப் பார்க்கும் திறன் மனிதனுக்கும், வண்ணத்துப் பூச்சிகளுக்கும், ஒரு சில பறவைகளுக்கும் மட்டுமே உண்டு. மற்ற எல்லா உயிரினங்களுக்குமே அந்த காலத்து சினிமாப் படம் மாதிரி எல்லாமே கறுப்பு வெள்ளையில் தான் தெரியும். மனிதன் கொடுத்து வைத்தவன். அதனால் தான் அவனால் வண்ணங்களை உணர முடிகிறது. வண்ணங்கள் இல்லாத மனித வாழ்வு கொடுமையான ஒன்று. அந்த அளவுக்கு வண்ணங்கள் மனிதனோடு இணைந்து இருக்கின்றன.
            நிறங்களை பிரித்து உணர உதவும் செல்கள் சரியாக செயல்படவில்லை என்றால், மனிதர்களாலும் கலர் பார்க்க முடியாது. இந்த செல்கள் ஓரளவு செயல் இழந்திருக்கும் போது சில வண்ணங்கள் மட்டும் தெரியாது. இதை நிறக்குருடு என்கிறார்கள்.
             கண்ணின் அதிசயம் அதன் லென்சில் தான் இருக்கிறது. புரதம் நிரம்பிய ஓவல் வடிவில் இருக்கும் இந்த சின்ன உறையான லென்சை சுற்றி தசைகள் உள்ளன. மிகவும் உறுதியான இந்த தசைகள் மிகக்கடுமையான உழைப்பாளிகள். இவை கெட்டிபடும் போது லென்ஸ் பருத்து, தடிமனாகி பக்கத்தில் இருக்கும் பொருட்களைப் பார்க்க உதவுகிறது. தசைகள் ரிலாக்ஸ் ஆகும் போது தட்டையாகி லென்ஸ் மெலிதாகி விடும். இதனால் தூரத்தில் இருக்கும் பொருட்களை சுலபமாகப் பார்க்க முடிகிறது.
             ஆதி மனிதனுக்கு விலங்குகளிடம் இருந்து தப்பிக்க, இரையை தேடி ஓட மட்டுமே பார்வை தேவைப்பட்டது. அதனால் குறைந்தபட்சம் 20 அடிக்கு அப்பால் உள்ள பொருட்களைச் சுலபமாக பார்க்க முடிந்தாலே போதும். இதனால் அக்கால மனிதனின் கண் தசைகள் ஓய்வாகவே இருந்தன. ஆனால் இன்றைய மனிதனின் நிலைமை வேறு. இன்றைய சூழ்நிலையில் படிப்பது, டேபிளில் கணக்கு எழுதுவது, கம்ப்யூட்டர் பார்ப்பது என்று எப்போதுமே அருகில் இருக்கும் பொருட்களை உற்றுப்பார்ப்பதே வேலையாகிப் போய் விட்டது. தொடர்ந்து ‘குளோசப்‘ வேலைகளையே அதிகம் செய்ய வேண்டியிருப்பதால் கண்தசைகள் எப்போதும் இறுக்கமாகவே இருக்கின்றன. கண்கள் விரைவில் களைப்படைந்து சோர்வடைய இதுவே காரணம்.
                லென்சின் முன்னும் பின்னும் திரவம் நிரம்பிய இரண்டு பகுதிகள் உள்ளன. முன்னால் இருக்கும் திரவம் தண்ணீர் போலவும், பின்னால் இருப்பது முட்டையின் வெள்ளைக்கரு போலவும் இருக்கும். ஒரு பொருளை நாம் பார்க்கும் போது இந்த இரு திரவப்பகுதிகளையும் நடுவில் இருக்கும் லென்சையும் கடந்து ரெடினா என்ற திரையில் பதியும் ஒளி தான் மூளைக்குப் போகிறது.
                தலையின் பின்பக்கத்தில் பலமான அடிபட்டால் அங்கிருக்கும் மூளையின் பார்வை பகுதிகளை தாக்கும். அதனால் நிரந்தரமாக பார்வை பறிபோகும் வாய்ப்பும் நிறைய இருக்கிறது. அதனால் தான் டூவீலரில் போகும் போது ஹெல்மெட் அணிவது தலைக்காயத்தில் இருந்து மட்டுமல்ல பார்வையை காப்பாற்றும் கவசம் என்பதும் உண்மையாகிறது.

noreply@blogger.com (ராஜா) — Wed, 22 Sep 2010 07:36:00 -0700

வியட்நாமின் ஒளி

உலக வரலாற்றின் புரட்சியாளர்களில் குறிப்பிடத்தக்க நபர், ஹோசிமின். பிரான்ஸ், ஜப்பான், அமெரிக்கா என பல நாடுகளின் யுத்தக்களமாக விளங்கிய வியட்நாமை மீட்டு சுதந்திரம் பெற வைத்தவர், இவர்.

1890-ம் ஆண்டு தனது பெற்றோருக்கு 3-வது குழந்தையாக பிறந்தார். பெற்றோர் இவருக்கு வைத்த பெயர் கிங்சுங். ஜப்பான், பிரான்ஸ் நாடுகளிடம் அடிமையாக கிடந்த வியட்நாமை விடுவித்து நாட்டுக்கு ஒளியை கொண்டு வந்தவர் என்ற அர்த்தத்தில் ஹோசிமின் என்று பெயர் மாறியது. ஹோசிமின் சிறுவனாக இருக்கும்போது வியட்நாம் பிரான்சிடம் அடிமைப்பட்டுக் கிடந்தது. இது அவர் மனதை பாதித்தது.
                    வாலிபனான பிறகு தனது மக்களின் அடிமைச்சங்கிலியை உடைத்தெறிய உறுதி கொண்டார்.
                    பிரான்சின் ஆதிக்கத்தை எதிர்த்து போரிட்டார். வலிமையும், ஆயுத பலமும் கொண்டிருந்த பிரான்சை இவரால் ஒன்றும் செய்ய முடியவில்லை.
                    பிரான்சை ஜெயிக்க திட்டமிடுவதற்காக பாரீசிற்கு சென்று ஒரு போட்டோ ஸ்டுடியோவில் வேலைபார்த்தார். 1940-ல் வியட்நாமை பிரான்சிடமிருந்து ஜப்பான் கைப்பற்றியது. பிரான்ஸ் மீது இருந்த வெறுப்பில் வியட்நாம் மக்கள், ஜப்பான் ராணுவ வீரர்களை தங்களை மீட்க வந்த ரட்சகர்களாகவே பார்த்தனர்.
                  அப்போது வியட்நாம் திரும்பிய ஹோசிமின், ‘மூக்கணாங்கயிறுகள் மாற்றப்படுவது மாடுகளுக்கு மகிழ்ச்சி தராது. பிரான்சாக இருந்தாலும் சரி, ஜப்பானாக இருந்தாலும் சரி, நமக்கு பெயர் அடிமைகள் தான். இரண்டுபேரையுமே விரட்டினால் தான் நம்மால் சுதந்திர வியட்நாமை உருவாக்க முடியும்' என்றார்.
                  இதைக்கேட்ட ஜப்பான் ஹோசிமினை கைது செய்தது. நாடு முழுக்க அது கொந்தளிப்பை ஏற்படுத்தியது. பின்னர் ஹோசிமின் விடுதலையானார். கொரில்லா படையை உருவாக்கினார். 1945ல் இரண்டாம் உலகப்போரில் தோல்வி பயத்தில் ஜப்பான் இருந்தபோது, ஹோசிமின் படை ஜப்பானிடம் இருந்து வியட்நாமை கைப்பற்றியது. உடனடியாக தேர்தலும் நடத்தப்பட்டது. அந்த தேர்தலில் ஹோசிமினின் கம்யூனிஸ்டு கட்சி வெற்றி பெற்றது. மக்கள் தங்கள் தலைவனாக ஹோசிமினை கொண்டாடினார்கள்.
                 இதை பொறுக்க முடியாத பிரான்ஸ் உடனடியாக வியட்நாம் மீது போர் தொடுத்தது. முதல் வியட்நாம் யுத்தம் தொடங்கியது. போர்க்கப்பல்கள், போர்விமானங்கள், டாங்கிகள் என்று நவீன ஆயுதங்களோடு வந்த பிரான்சை சமாளிக்க ஹோசிமின்னின் படை திணறிப்போனது.
                 ஆனால் அடர்ந்த காடுகளில் கடுமையாக பயிற்சி பெற்ற ஹோசிமின் படை பிரான்ஸ் வசம் இருந்து வியட்நாமின் வடக்கு பகுதியை மீட்டது. தெற்கு பகுதி பிரான்ஸ் வசமே இருந்தது. பின்னர் அமெரிக்கா வடக்கு பகுதியை கைப்பற்றியது. தொடர்ந்து போரிட்ட ஹோசிமின் படை அதை மீண்டும் மீட்டது. பல ஆண்டுகளாக யுத்தக்களமாக விளங்கிய வியட்நாமில் இருந்து அன்னிய நாடுகள் விரட்டப்பட்டன. இரண்டு பகுதியும் இணைந்து ஒன்றுபட்ட வியட்நாம் 1976-ல் உருவானது.

பலநாடுகளின் போர்க்களமாக விளங்கிய வியட்நாமில், மக்கள் தலைவனாக என்றும் போற்றப்படுபவர் ஹோசிமின்.

noreply@blogger.com (ராஜா) — Sun, 19 Sep 2010 08:22:00 -0700

அலெக்சாண்டரின் மனதை மாற்றிய குதிரை

உலக சரித்திரத்தில் மறக்க முடியாத மாமன்னன் அலெக்சாண்டர். சிறுவனாக இருந்தபோதே அலெக்சுக்கு தான் ஒரு பேரரசன் என்ற எண்ணமே மனம் முழுவதும் வியாபித்து இருந்தது. யுத்தக்குதிரை ஒன்று யாருக்கும் அடங்காமல் போக்கு காட்டிக்கொண்டிருந்தது. அப்போது அலெக்ஸ் களத்தில் இறங்கினார்.

                     அவரது தந்தையும், மன்னருமான பிலிப்சுக்கு பெரும் அதிர்ச்சி.
'அலெக்சாண்டர், உன்னால் முடியாது, போர் வீரர்களாலேயே முடியவில்லை' என்றார். 'முடியும் அரசே, அப்படி முடியவில்லையென்றால், 13 டேலண்ட்ஸ் பணத்தை உழைத்து உங்களுக்கு கட்டி விடுகிறேன்' என்றார். பின்னர், குதிரையை நிதானமாக பார்த்தார். அதை நிழலான இடத்திற்கு அழைத்து சென்றார். குதிரை மிரட்சி அடங்கி அமைதியாக மாறியது.
                     சூரிய ஒளியில் தன் நிழலை பார்த்தே குதிரை மிரண்டு அந்த அளவிற்கு போக்கு காட்டியிருந்திருக்கிறது. இதை புரிந்து-கொண்ட அலெக்ஸ் திறமையாக கையாண்டு குதிரையை வழிக்கு கொண்டு வந்தார்.
   குதிரையின் அழகும் திடமும் அலெக்சுக்கு மிகவும் பிடித்துவிட்டது. இனி இது என் குதிரை என்று சொல்லி அதற்கு 'புகிபேல்ஸ்' என்று பெயர் வைத்தார். குதிரையில் ஏறி மைதானத்தை சுற்றிச்சுற்றி வந்தார். அன்று தொடங்கி அந்தக் குதிரை அலெக்சாண்டருடன் பல தேசங்களை கடந்து பயணம் செய்திருக்கிறது.
                     வாலிப வயதில் எல்லா ஆண்களுக்குமே பெண்கள் மீது காதல் வரும். ஆனால் அலெக்சாண்டருக்கு பூமி மீது தான் காதல் இருந்தது. அதேவேளையில் அலெக்சாண்டரின் தந்தை பிலிப்ஸ் இரண்டாம் கிளியோபாட்ரா என்பவரை திருமணம் செய்து கொண்டார். திருமணம் முடிந்த சில மாதங்களில் அரண்மனையில் ஒரு விருந்து நடந்தது. அப்போது கிளியோபாட்ரா கருவுற்றிருந்தார்.
                   விருந்தின்போது கிளியோபாட்ராவின் தந்தை 'உண்மையாக மாசிடோனியாவை ஆளப்போகிறவன் பிறக்கப்போகிறான்' என்றார். இதில் ஆத்திரமடைந்த அலெக்சாண்டர் கொதிக்கும் சூப்பை எடுத்து கிளியோபாட்ராவின் தந்தையின் முகத்தில் வீசினார். அன்று இரவே தந்தை பிலிப்சை கொலை செய்துவிட்டு அலெக்சாண்டர் மாசிடோனியாவின் அரியணையில் ஏறினார்.
                    அடுத்தடுத்து போர்கள், நிலங்கள் என அலெக்சாண்டரின் வாழ்க்கை சென்றது. பல நாடுகள் அவர் வசமானது. 17 ஆண்டுகள் கழித்து இந்தியாவில் போரஸ் மன்னனுடன் அலெக்ஸ் யுத்தம் நடத்திக்கொண்டிருந்தார். அப்போது திடீரென்று அவரது குதிரை புகிபேல்ஸ் இறந்துவிட்டது.
                   பூமி ஆசையில் தனது தந்தையையே கொன்ற மன்னனால், தனது குதிரையின் மரணத்தை ஜீரணிக்க முடியவில்லை. ஒருவாரம் குளமான கண்களுடன் போர்முனையில் நின்றிருந்தான் அந்த மாவீரன். தனது வாழ்வில் மிகப்பெரிய துக்கமாக தனது குதிரை இறந்ததைத்தான் அலெக்சாண்டர் குறிப்பிடுகிறார். குதிரை இறந்ததுமே, அலெக்சாண்டருக்கு சோர்வு ஏற்பட்டு விடுகிறது. நாடுபிடிக்கும் எண்ணத்தை கைவிட்டுவிட்டு தாய் நாடு திரும்ப முடிவு செய்கிறார். கடைசியாக வென்ற இந்தியாவை கூட போரஸ் மன்னனிடமே திருப்பிக்கொடுத்துவிட்டார்.
                  ஒரு மிகப்பெரிய வீரனின் வாழ்வை குதிரையின் மரணம் திசை திருப்பி விட்டது.
                                -----------------------------------------------

noreply@blogger.com (ராஜா) — Wed, 15 Sep 2010 07:57:00 -0700

உயிரின் கண்டுபிடிப்பு

         காதலன், காதலியிடம், ‘நீதான் என் உயிர்‘ என்கிறான். மந்திரவாதி கதைகளிலோ ஏழுகடல், ஏழுமலை கடந்து சென்றால் கூண்டில் இருக்கும் கிளியின் உடம்பில் அரக்கனின் உயிர் இருப்பதாக சொல்லப்படுகிறது. உண்மையில் உயிர் அத்தனை எளிதானதா என்றால் அது இல்லை. என் உயிரே நீதான் என்று சொல்வது போல் உயிர் என்பது மற்றவர்கள் வைத்துக் கொள்ளும் பொருள் அல்ல. உயிர் தொட்டுப்பார்க்க கூடிய விஷயமும் அல்ல.
                சுவாசிப்பதும், இதயத்துடிப்பும் தான் உயிர் என்றால் அதெல்லாம் செயல்பாடு தானே தவிர உயிர் இல்லை. இதயமும், நுரையீரலும் கூட சுற்றும் பம்பரம் போல் தான். சுற்ற வைப்பது எது என்பது தான் கேள்வி. இது தான் உயிர் என்று யாரும் கண்டு சொல்லவில்லை.
                 இதயமும், நுரையீரலும் தான் உயிர் என்றால் கனடா நாட்டில் 230 பாரன்ஹீட் வெப்பத்தில் வெந்நீர் ஊற்றுகளில் வாழும் பாக்டீரியாக்களுக்கு இதயம், நுரையீரல், சிறுநீரகம் எதுவும் கிடையாது. கர்ணனுக்கு தொடையில் உயிர் இருப்பதாக சொல்லும் கதையை விஞ்ஞானம் துளி கூட நம்பவில்லை. உயிர் ஒன்றும் இந்த இடத்தில் தான் இருக்கிறது என்று சொல்லக்கூடிய பொருள் இல்லை. எனவே தான் அறிவியல், அது எங்கு இருக்கிறது என்று துருவித் துருவி தேடத் தொடங்கியது.
                 இந்த நூற்றாண்டின் மிகப்பெரிய கண்டுபிடிப்பு உயிரின் ரகசியம் தான். உயிர் என்பது நமது உடலில் உள்ள செல்களில் தான் ஒளிந்து இருக்கிறது. உடலில் மொத்தம் 10 கோடி செல்கள் உள்ளன. ஒவ்வொரு செல்லின் மையத்தில் இருக்கும் உட்கரு என்று சொல்லக்கூடிய நியூக்ளியத்தில் 23 ஜோடி குரோமோசோம்கள் உள்ளன. இந்த குரோமோசோம்களில் டி.என்.ஏ. என்று சொல்லக்கூடிய ஆக்ஸ்ரிபோ நியூக்ளிக் அமிலம் என்ற ஏணி வடிவ பொருள் உள்ளது. இந்த முறுக்கப்பட்ட வடிவம் கொண்ட டி.என்.ஏ.வை விரிவுபடுத்தினால் 5 அடி நீளம் இருக்கும். இதுதான் நமது உயிரின் ஆதாரம். இதில் தான் ஜீன்கள் உள்ளன.
                  ஜீன்கள் தான் நாம் கருவாக உருவாகும் போது, நமது பெற்றோர்களின் உடல் அமைப்பு, குணங்கள், பரம்பரை நோய்கள் போன்றவற்றை கொண்டு வந்து சேர்க்கின்றன. நமது உயிரின் ரகசியமே ஜீன்களில் தான் உள்ளது என்பதை அறிவியல் கண்டுபிடித்து விட்டது. ஹியூமன் ஜீனோம் என்ற விதிப்படி மனிதன் மற்றும் ஜீவராசிகளின் ஜீன்களின் உள்ளே என்ன பதியப்பட்டிருக்கிறது என்பதை தனித்தனி வகையாக பிரித்து தேடிக் கொண்டு இருக்கிறது, விஞ்ஞானம். இன்னும் 50 ஆண்டுகளில் ஜீன்கள் பற்றிய விவரம் முழுவதும் மனிதன் கைக்கு வந்து விடும். ஆகவே உயிரின் ரகசியம் நமது செல்களில் உள்ள ஜீன்களில் தான் உள்ளது. கடந்த ஆயிரம் ஆண்டின் மிகப்பெரிய கண்டுபிடிப்பு இது தான்.
                                       ---------------------------------------

noreply@blogger.com (ராஜா) — Tue, 14 Sep 2010 04:03:00 -0700

                            சிறுகதை மன்னன் ஆண்டன் செகா

              உலக இலக்கியங்களில் ஷேக்ஸ்பியர் என்றால் நாடகம், ஷெல்லி என்றால் கவிதை இப்படி ஒவ்வொருவருக்கும் ஓர் அடையாளம் இருக்கிறது. அப்படி உலக அளவில் சிறுகதை என்றாலே இலக்கியவாதிகள் நினைவுக்கு வருபவர், ஆண்டன்செகா.
              ரஷ்ய தலைநகரமான மாஸ்கோவிற்கு அருகே உள்ள ஒரு சிற்றூரில் 1860-ம் ஆண்டு ஜனவரி 29-ல் பிறந்து, 44 வயது வரை வாழ்ந்த செகா 584 சிறுகதைகள் எழுதியுள்ளார். 12 நாடகங்களையும் எழுதியுள்ளார். இவர் முதன்முதலில் எழுதியது நாடகம் தான். ஏனோ நாடகம் எதிர்பார்த்த அளவு வெற்றி பெறவில்லை. அதனால் சிறுகதையை தேர்ந்தெடுத்தார்.
              ஆண்டன் செகா ஒரு முழுநேர டாக்டர். தனது மருத்துவ வேலைக்கு இடையே பல உன்னத படைப்புகளையும், கவிதைகளையும் எழுதினார்.
பொதுவாகவே நல்ல படைப்பாளிகள் பலரது வாழ்வு குழந்தைப்பருவத்தில் சோதனை நிறைந்ததாகவே இருக்கிறது. அதுபோன்று செகாவின் குழந்தைப்பருவமும் துன்பம் நிறைந்தே இருந்தது. செகாவின் மூதாதையர்கள் அடிமைகளாக இருந்தவர்கள். செகாவின் தாத்தா தான் முதலில் பணம் கொடுத்து வெளியில் வந்தவர்.
               செகாவின் தந்தை அவரை குதிரையை பார்த்துக்கொள்ளும் வேலைக்கு அனுப்பினார். மாஸ்கோவின் குளிரில், எந்த கம்பளி ஆடைகளும் இன்றி செகா வேலை பார்த்தார். தனது கடின உழைப்பால் படித்து மருத்துவரானார். இளமையில் அவர்பட்ட அவஸ்தைகள், பின்னாளில் படைப்புகளாக அவதாரம் எடுத்தன.
                இப்போது செகாவின் 150-வது ஆண்டுவிழாவை உலகம் முழுவதும் கொண்டாடுகிறார்கள். பாரீஸ் நகர வீதியில் சிலர் கழுத்தில் ‘செகாவை சந்தியுங்கள்’ என்று போர்டோடு இருப்பார்கள். அவர்களிடம் சென்றால் அவர்கள் ஒரு நாற்காலியில் உட்காரவைத்து செகாவின் சிறுகதை ஒன்றை வாசித்துக் காட்டுகிறார்கள். 3 நிமிடம் கழித்து கதை முடிந்ததும், “செகாவின் கதையை கேட்டீர்கள்; நன்றி” என்று கூறி வழியனுப்புவார்கள். இப்படி உலகம் முழுவதும் செகாவின் ரசிகர்கள் இருக்கிறார்கள்.
செகா எழுதிய கதைகள் 26 மொழிகளில் மொழி பெயர்க்கப்பட்டுள்ளன. 15 சிறுகதைகள் சினிமாவாக எடுக்கப்பட்டுள்ளன.
                தெருவில் நடந்து செல்லும் ஒரு மனிதனை ஒரு நாய் கடித்து விடுகிறது. அந்த வழியே செல்லும் அனைவரும் நாயை கூட்டி வந்தவனை திட்டித் தீர்க்கின்றனர். சற்று நேரம் கழித்து அந்த நாய் ராணுவ ஜெனரலின் நாய் என்று தெரிகிறது. உடனே அனைவரும் நாய் மீது தவறில்லை, கடிபட்ட மனிதன் மீது தான் தவறு என்று மாற்றி பேசுகிறார்கள்.
                மனிதர்களின் மனம் சூழ்நிலைக்கு ஏற்ப மாறுவதை தனது பச்சோந்தி என்ற இந்த கதையில் செகா அருமையாக வெளிப்படுத்தியிருப்பார். அவரது 150-வது ஆண்டுவிழாவில் அவருடைய கதைகளை படிப்பதே அந்த மாபெரும் படைப்பாளிக்கு நாம் செய்யும் மரியாதை.
                                       -------------------------------------------

noreply@blogger.com (ராஜா) — Sun, 12 Sep 2010 02:36:00 -0700

கடாய் முர்க்

தேவையான பொருட்கள்

சிக்கன்             - 500 கிராம்
வெங்காயம்    - 100 கிராம்
தக்காளி            - 100 கிராம்
பட்டை            - 5 கிராம்
இலவங்கம்   - 3 கிராம்
மிளகாய்         - 10 கிராம்
பூண்டு             - 25 கிராம்
இஞ்சி               - 25 கிராம்
மிளகாய்த்தூள் - 10 கிராம்
மஞ்சள்தூள்         - 1 தேக்கரண்டி
கொத்தமல்லி     - 15 கிராம்
எண்ணைய்         - 50 மில்லி
உப்பு            - தேவைக்கேற்ப
தேங்காய்ப்பால்      - தேவைக்கேற்ப

செய்முறை

                  வெங்காயம், தக்காளி நறுக்கி இஞ்சி, பூண்டை விழுதாக்கிக் கொள்ளவும்.
                  இரும்பு வாணலியில் எண்ணையை சூடு செய்து எல்லா கரம் மசாலாவையும் சேர்த்து வெங்காயம் சேர்த்து பொன்னிறமாக வறுக்கவும்.
                  இஞ்சி பூண்டு விழுது சேர்த்து வதக்கவும்.
                  மிளகாய் மஞ்சள் தனியா பவுடர்களை சேர்த்து நன்றாக கிளறி நீர் தெளிக்கவும்,
                   தக்காளியை வெங்காயத்துடன் சேர்க்கவும்,
சிக்கன் தேங்காய் பால் சேர்த்து சிக்கன் வேகும் வரை நீர் இல்லாமல் உலர்ந்து வரும் வரை சமைக்கவும்,
                   தாளிக்கவும் கொத்தமல்லியுடன் அலங்கரிக்கவும்,
                   பரோட்டா அல்லது புலாவுடன் சேர்த்து இதைப் பரிமாறலாம்.

                                    ------------------------------------

                                                  கோலி கபாப்

தேவையான பொருட்கள்

மட்டன்                    - 1 கிலோ
கடலை மாவு        - 1 கப்
கொத்தமல்லி     - 1 கப்
புதினா             - 1 கப்
கரம் மசாலா        - 1 தேக்கரண்டி
மஞ்சள் தூள்        - 1 தேக்கரண்டி
மிளகாய்த் தூள் - 1 தேக்கரண்டி
சோடா மாவு         - தேவைக்கேற்ப
எண்ணைய்         - வறுப்பதற்கு
உப்பு            - தேவைக்கேற்ப

செய்முறை

                    சோடாமாவு, எண்ணையை தவிர்த்து மற்ற பொருட்களை அரைத்து கொள்ளவும்
                     அரைத்த விழுதில் சோடாமாவு சேர்க்கவும் நன்றாக சிறுசிறு உருண்டையாகச் செய்யவும்.
                      எண்ணையை சூடு செய்து அதில் கோலி கபாபை நன்றாக வறுத்து எடுக்கவும்.
                      பச்சை மிளகாய் சட்னி அல்லது ரொட்டித் துண்டு மற்றும் வட்டமாக அகலவாக்கில் நறுக்கிய வெங்காயத் துண்டுகளுடன் இதனை சூடாகப் பரிமாறவும்.
                                     --------------------------------