Africanu

الضمير الميت

2013-08-17T00:01:00.000-07:00

انع ضميرك

فقد مات مقتولا برصاصك

بحقد ملكته قلبك

بكره أعمى

أطفأ نور بصيرتك

و افرح

فقد صرت حيوانا ناطقا

الشماتة فيك

تجتث ما بقي من إنسانيتك

عاجل إلى محمود درويش

2013-08-15T23:55:00.000-07:00

حتى الأحلام أزهقوها

و فجروا كل النواصي و المرابض

لم يبق سواء أشلاء

ودماء

و نار انتطفئت جذوتها

فوق المقابض

ثم من تقاتل

بالأمس كان العدو واحد

و الأمل

و الحلم

و القلب واحد

اليوم أصبح أخ لك في الوطن عدو

و أخ لك في الدين مناهض

و أخ لك في الدم سفاح للدم

للروح قابض

الجيوش العربية .... لولا الربيع العربي لصدأت مزنجراتها

2013-08-14T23:52:00.000-07:00

لما كنا صغار كنا نعتقد أن أرييل شارون هو الأشد وحشية و دموية على الإطلاق كنا نراه المحطة الأخيرة متاع الشر و الفتك والإنسانية

اليوم عشنا وشفنا أن شارون كان طفلا رضيعا مقارنة ببشار و السيسي و القذافي و غيرو وغيرو بل أن شارون أكثر شرفا ووطنية منهم فهو لم يطلق رصاصة واحدة على مواطنيه بل مات محبوبا في إسرائيل و بكت علييه البواكي

الواحد عاش وشاف ليرى كل هذا الكم من الوحشية من الجيوش العربية التي لولا الربيع العربي لصدأت مزنجراتها و أسلحتها و طائرتها و مدفعيتها في الثكنات بينما العدو رابض على الحدود

إلى كل المحاربين من أجل المساواة بين المرأة و الرجل

2013-08-13T23:50:00.000-07:00

إلى كل المحاربين من أجل المساواة بين المرأة و الرجل :

فلتكن حربكم من أجل المساواة بين المرأة الفقيرة و المرأة البرجوازية هناك فقط لا تكون حروبكم خاسرة

نعم نساء بلادي نساء ونصف

2013-08-13T23:48:00.000-07:00

نعم نساء بلادي نساء ونصف

تحية للمرأة الكادحة التي لا يريدونها و لاتعجبهم

التي لا تراها في الإعلام

التي لا تصل معاناتها فلا يسمعونها و إذا سمعوها صموا آذانهم عنها

تحية للمرأة التونسية المظلومة و المصطهدة رغم قوانينهم و رغم جمعياتهم و رغم سفرهم إلى ما وراء البحار ليتشدقوا ويتحدثوا باسمها

إعذروها

2013-08-13T23:46:00.000-07:00

أعذروها ... آنذاك لم تكن تعرف أنهم راحلون

وقد قبضت الثمن قبل رحيلهم

ولم تكن معنية بإصلاح ما يفسدون

وكأنها اليوم في نفسها تردد عيد بأي حال جئت ياعيد

ألفة يوسف في قرطاج تؤدي فروض الولاء

التاريخ لا يرحم

2013-08-13T23:43:00.000-07:00

في مثل هذا اليوم من سنة 2001 و بمناسبة عيد المرأة التونسية كتبت جمعيّة النساء الديمقراطيّات:

"نحمّل السلطات التونسيّة مسؤوليّة إنتشار الزيّ الطائفي المسمّى بالحجاب و نطالبها بمزيد من الاجرائات و السياسات الواضحة للإنتشار المتزايد لهذا الزيّ وسط النساء التونسيّات "

الجراءات هي تضييق الخناق على المتحجبات و سحلهن في الشارع و منعهن من الدراسة من قبل البوليس و أفراد الشعب المزروعة في كل الإدارات لأنهن اخترن التحجب

التاريخ لا يرحم و كل من عاصر تلك الفترة يعلم كم عانت النساء و كم ضيق عليهن

أعلام

2013-08-09T23:40:00.000-07:00

في بلدي فقط

أعلام تـــُرفع في السماء

خفّاقة عالية

و أعلام تغطى بها الأجساد العارية

أعلام تكفن بها

جثامين الجنود القانية

وأعلام تفصل سلعة

لكل غانية

تحيا تونس

2013-07-31T23:32:00.000-07:00

سوف نبقى هنا .. كي يزول الألم

سوف نحيا هنا .. سوف يحلو النغم

موطني موطني .. موطني ذا الإباء

موطني موطني .. موطني يا أنا

رغم كيد العدا .. رغم كل النقم

سوف نسعى إلى .. أن تعم النعم

سوف نرنو إلى .. رفع كل الهمم

بالمسير للعلا ومناجاة القمم

فلنقم كلنا .. بالدواء والقلم

كلنا عفو على .. من يصارع السقم

فلنواصل المسير .. نحو غايات أهم

ونكون حقا .. خير أمة بين الأمم

الأسود البواسل

2013-07-30T23:37:00.000-07:00

رسالة مضمونة الوصول

ليست ...

ككل الرسائل

إلى عشاق المناصب

و المراكز

و الساعين إلىها

بكل الوسائل

إلى من لا تهمه

امنيات الفقير

و آهات الشريد

و لا تعنيه تلك المسائل

تواضع قليلا

وتفحص معي

كيف حال الأسود البواسل

الأغلبية الصامتة

2013-07-30T23:30:00.000-07:00

في تونس الآن فعلا أصبح لدينا أغلبية صامتة

من الناس اللي لا تابع هذا و لا هذا

من الناس اللي فدت من البلاطوات متاع السياسة و تبادل التهم

فدت من النهضة اللي في بالها هي وحدها صوت الشعب و هي اللي تمثل الخير و الأخرين شر المرعوشة الخايفة المتذبذبة اللي لا تحاسب و لا تخلي شكون يحاسب و مع هذا شادة في الحكم بإيديها و ساقيها

فدت من المعارضة الهدامة البهيمة اللي فشلت حتى في المعارضة اللي تكره النهضة أكثر من اللي تحب تونس

فدت من تقسيم التوانسة بين إخوان و جبهاويين و تجمعيين و سلفيين

فدت من دعوات العنف و القتل و الفتنة اللي خرجت من الفايسبوك و وصلت للتلافز و الإذاعات

الناس تيقرت منكم الكل يا سياسيين بيمينكم و يساركم

الناس فاهمة وواعية انكم تجريوا على الكراسي و لايهمكم في شكون يموت و شكون يحيى في شكون ياكل و في شكون بايت جيعان

فاحذروا هذه الأغلبية اللي كرهت المخير فيكم

الشعب التونسي ما يموتش

2013-07-30T23:27:00.000-07:00

هذه المحنة مع ألمها و سوادها بإذن الله ستجعل التوانسة إيد واحدة أكثر من أي زمان كان
التوانسة ضد كل من يدعو للكراهية و الاستبداد و فرض الأمر الواقع
ضد كل من يدعو للفوضى و للعنف و التناحر و التصادم
يا توانسة كونوا إيد واحد و شوف التونسي على اختلاف رأيو و توجهاتو خوك موش عدوك
ابعد عن كل توجه او فكرة أو خاطرة تفرق التوانسة على بعضهم أو راي يخليك تتمنى الشر لأخوانك ولاد بلادك
الكلنا توانسة ضد الفتنة و ضد العنف

وطني يؤلمني

2013-07-30T23:26:00.000-07:00

نا جندي من جنود تونس

2013-07-29T23:24:00.000-07:00

يسأله مراسل القناة : كان تقدّم نفسك ؟

الجندي الجريح يرد بابتسامة بكّاتني :

نا نحب تونس ..نا جندي من جنود تونس .. نداء الى التوانسة بش يتوحدوا .. رانا نحبوا تونس .. رانا كلنا نقولوا اشهد ان لا اله الا الله .. وشكرا

عندما تغيب المحاسبة

2013-02-24T03:39:00.002-08:00

عندما تغيب المحاسبة لمن قتل و لمن أعطى الأوامر لكي يقتل ومن سرق البلاد و قتل و عذب و هجر و اغتصب و افتك

عندها فقط تعود شعارات مثل شعار مع بن علي نجحنا ومعه نواصل

تذكير ببعض من دماء سفكت لا زالت لم تجف بعد

و رسالة لمن يملأون الدنيا ضجيجا و صراخا على شكري بلعيد و لطفي نقض و نسوا حاتم بالطاهر و سفيان ميموني ومحمد العماري وغيرهم ممن أصبحت قضيتهم تجارة كاسدة لا يصلح البيع و الشراء فيها

صورة ملتقطة من مظاهرة أقيمت في شارع الحبيب بورقيبة تونس يوم 23/02/2013

هل يجوز الإحتفال ب 14 جانفي عيد الثورة

2013-01-09T05:33:00.001-08:00

في ظل من يقضي ليالي من فئة 500 د الليلة الواحدة
ومن يجوب العالم بأموال سرقها بلا حساب و لا مراقبة
ومن يتحصل على مرتب 4000 د (وأكثر) و يطالب بالزيادة في المنح
و من و من و من
هل يفتي لنا الشيخ بشير بلحسن يحرمة الإحتفال بيوم 14 جانفي مادام الفقراء ازدادوا فقرا و الأغنياء زادوا ثرواتا إلى ثرواتهم و الفاسدين يرتعون بأموال هي ملك للشعب في الداخل و الخارج
هل لنا أن نفتخر بثورتنا ونحن لم نحاسب فاسدا ولم نعاقب سارقا ولم نسترجع أموالا منهوبة
ولم ننهي معاناة البؤساء في هذه البلاد

كرامة الجوع و جوع الكرامة

2012-11-16T22:04:00.000-08:00

عندما يموت تونسي جراء إضراب للجوع فمعناه أنه بلغ درجة من اليأس و الشعور بالظلم و القهر و المذلة و عدم الاكتراث به والاحتقار لحاله فقد معه كل أمل و كل قدرة و كل استجابة
عندما يموت واحد في تونس جراء إضراب جوع ولا يسمع به أحد إلا بعد موته فيما تضرب على غيره الطبول و تبكي عليه البواكي و تعقد له المؤتمرات فمعناه أن تونس لم تحصل فيها ثورة بعد
و ان الذي خرج ذات مساء لما هرب الديكتاتور وصاح بأعلى صوته بن علي هرب عليه أن يسحب كلماته فبن على باق ما بقيت نفس ممارساته
عندما يموت أحد التوانسة بعد

إضراب جوع لمدة خمسون يوما في بلاد رئيسها استمد شعبيته من دفاعه عن حقوق الإنسان فالأحرى بهذا الرئيس أن يستقيل إن كان على مبادئه
عندما يموت أحد التوانسة جراء إضراب جوع وتونس تحكمها حكومة اسلامية تحبس بأوامر من الخارج دون إدانة و دون دليل من خرجوا غاضبين للرسول الأعظم صلى الله عليه وسلم لتصبح

أحداث السفارة التهمة الجاهزة لدى أجهزتها الأمنية و العدلية ...فعليها أن تتخلى عن صفتها الإسلامية فمن العيب جدا ان تتصف بما ليس فيها

بلادي تعج بالإسلاميين و الحقوقيين و المناضلين و الناشطين و المحترمين جدا كلهم يتحركون و يتكلمون تغمرهم الأضواء
بلادي مات فيها تونسي لم يكمل بعدثلاث عشرون ربيعا من عمره رويدا رويدا تاركا ورائه رضيعا و أرملة في زنزانة بعيدة رطبة في العتمة .

بين الظلمة والضوء لايكمننا بعد الحديث عن الكرامة مادام هناك من يموت جوعا وقهرا وظلما
=====================
تفاصيل الحدث

الساسة الخـضـّارة أو الخضّارة الساسة

2012-09-19T04:44:00.000-07:00

السياسة في تونس ولات كي سوق الزهروني المكتض بالخضارة
كل واحد يغني على سلعتو و يقول " إيجا هاو عندي الممو" و" يامادام سعاد...." و "يازوالي إيجا خوذ"

و المواطن التونسي تذهله الالوان والأشكال والكلام المرتب المنمق و الصوت الشجي الخادع و تتعبه الأسوام
الساسة الخضارة في تونس أو الخضارة الساسة إن صح التعبير و التعبير هكة أصح
لادين لهم
ديما يتعاركوا
الخضارة البارح مع بعضهم في القهوة في طرح رامي يخلصوا على بعضهم المشروب و اليوم في السوق عارك ومعروك و انت بيك و انت صفتك و انت نعتك و انت غشاش
كذلك الخضارة البارح مناضلين في نفس الحزب
اليوم على صفحات الجرائد و امام الكاميرات يخونون بعضهم ويكيلون التهم المرفوقة بالتخوين و أحيانا مزوجة بالسباب إلى من كان حليفا صديقا مخلصا بالأمس
الخضارة كل فصل يتبدل كلامهم
فما خضارة كان يقولو البرتقال أحسن غلة
لتتبدل أحسن غلة في الربيع إلى الفاروله
لتصبح في الصيف خوخا و في الخريف عنبا
و فما خضارة كانو يقولو بعد 23 أكتوبر ماعادش تشوفو وجهي
لنراه اليوم صاحب كتلة في المجلس التأسيسي رغم انه لم يشارك في الإتخابات و لم ينتخبه أحد
ومنهم من كان يقول أن حقوق الإنسان خط احمر بعد الثورة فنجد في عهد رئاسته أن الوضع لم يتبدل
توانسة يموتو تحت التعذيب
مراة يغتصبوها ثلاثو بوليسية
سلفيين يقتلون في المظاهرات كأن وزير الداخلية أسمه رفيق الحاج قاسم
تعذيب أثناء التحقيق
ومنهم من رفع لواء الإسلام عاليا خفاقا يرفف ويبشر بخلافة سادسة تحت وابل من التكبير و التهليل و الدموع
فلا وجدنا لا إسلاما و لا هم يحزنون
نفس كلام بن علي من القواعد إلى القيادات عن الوهابية و كهوف الظلام و السلفية و الإرهابيين و تونستان والإسلام المعتدل اللايت الممزوج بالسماحة والمحبة لأمريكا الصديقة لنا و الصديقة لإسرائيل و هل اسرائيل عدوة أصلا ؟
كل يغني على سلعته و كل يشتري و يبيع و يساوم في هذا الشعب المسكين الذي تعجبه المعروضات فيرى الأسوام فلا يشتري و أن اشترى فكثيرا ما يعود بسلعة مضروبة طعمها أكتشف أنه علقم ولونها البراق أصبح شاحبا
لك الله يا شعب يا زوالي

اللهم صل على محمد اللهم صل عليه و سلم

2012-09-12T01:22:00.000-07:00

ثلاث وعشرون عاما ولم يسكن ولم يفتر ولم يسترح
ثلاث وعشرون عاما لم يعش فيها لنفسه ولأهله ، يصبح ويمسي ويبيت داعيا إلى عبادة الله وحده والكفر بما سواه
ثلاث وعشرون عاما يحمل على عاتقه هذا العبء الثقيل ، عبء الأمانة ، عبء البشرية كلها ، تصور حياتك بدون رسول الله صلى الله عليه وسلم ، تصور حياتك بدون إيمان ، و دون عقيدة و دون سـنّة ... ولله الفضل والمن.
ثلاث و عشرون عاما عاش فيها مجاهدا محاربا ، ذاق ألوانا
من العذاب و الإهانة ، ضربوه و جرحوه ، و بقي صابرا مبتسما حليما يعفو و يصفح و يواسي و يدعو لقومه .
عاش في المعركة الدائبة المستمرة أكثر من عشرين عاما ، لايلهيه شأن منذ أن سمع النداء لأول مرة نداء رب السماوات والأرض وتلقى منه التكليف
عرضوا عليه المجد و السلطان والسؤدد و الشرف والمال ، ولكنه أبى إلا أن يكون رجل أمة ، بل شرفها وشريفها وحبيبها .
ويستغربون أننا نحبه و كيف لا نحبه
وهو من هو بأبي وأمي هو ، يبيت ساجدا يبكي ويدعو يا رب أمتي يا رب أمتي
وهو من هو فداه روحي هو ، يبكي ويقول "اشتقت إلي إخواني ، اشتقت إلي إخواني" فيسألونه " أولسنا إخوانك يا رسول الله ؟" فيقول " لا أنتم أصحابي، أما إخواني فقوم يأتون من بعدي يؤمنون بي ولم يروني"
نعم يارسول آمنا بك ولم نرك وتذوب أفئدتنا شوقا لأن نكون معك
اللهم كتبت علينا أن لا نراه و أن لا نصحبه في الدنيا اللهم فلا تحرمنا صحبته في الجنة يا رب العامين

اللي برجو بالمرمى يموت في سطل بغلي

2012-09-08T22:33:00.000-07:00

قبالة جزيرة لمبيوني التي تبعد خمسين ميلا عن لامبادوزا الإيطاليا ابتلع البحر مركب صيد كبير يبلغ طوله عشر أمتار يقل حوالي 110 من التوانسة الحالمين بأموال أوروبا و العيش الكريم

110 مواطنا أنقذت منهم الزوارق السريعة الإيطالية وسفن الناتو الحربية وبعض الطائرات العمودية 56 فردا بينهم امراة في حين لا يزال البحث جاريا عن ناجين
أمهات ثكالى تتلوى لوعة عن فقدان فلذات الكباد
54 ماتوا قبل ان يحققوا أحلامهم بالوصول إلى إوروبا

بالطبع و كعادة الراكبين على الأحداث تم استغلال الفاجعة بسفج و قبح و دنائة...
وبعد أن كان الحارقون أشرار تخلصت تونس منهم و زوفرة وامارك متاع حبوسات و يستاهلوا و آش لزهم و جابولنا الفضح و الوباء و الكرّادي وكل العبارات البذيئة الرخيصة تجاه من حرقوا ايام حكم باجي قايد السبسي او باجي قايد الفلول
اختفت كل هذه العبارات فجأة و تحول الحارقون إلى شهداء و و تحول سبهم إلى ترحم خاشع لهم و انسكبت بدل العبرات دماءا تنضح على مواطنين تم إهمالهم في عهد الحكومة الإسلامية الماسكة بزمام الأمور

اما الطرف المقابل فقد مر بجانب الحدث كأن هؤلاء ليسوا بتونسيين و ليسوا بمواطنين
وإلى ساعة كتابة هذه التدوينة لم يخرج علينا مسؤول ليترحم على من مات ليحسن أوضاعا يئس من تحسينها في بلاده
لا... فهم منهمكون في تزويج جماعي خيري تنقله الجزيرة على الهواء مباشرة
أما صفحاتهم على الفايسبوك فإنها أيضا تنقل المراسم بابتهاج بينما قلوب اخرى تتلوى بحزن لا يعلم قدره إلا الله
الصفحات تنقل الزيارة الفجئية التاريخية للديوانة الصفحات مشغولة بالرد على نوفل الورتاني الصفحات في لغط دائم و حملات ممنهجة ضد كل من تسول له نفسه القدح في .... الحكومة الشرعية
الحارق مخطئ لأنه عرض حياته للخطر هذا أكيد و لكن الحارق زوالي
ليست له أملاك كأملاك جراد
و لا سيارة كسيارة حمى الهمامي
و لا ملايين كملايين كتبة الدستور
و لا شركات كشركات وزراء الحكومة
و لا أصدقاء كأصدقاء حمادي الجبالي
الحارق انتظر ال400 فرصة عمل التي وعد بها نورالدين البحيري ذات مساء فطال انتظاره دون جدوى
الحارق حلم منذ ما يقرب عن العامين من ثورة قيل له أنها ثورة كرامة....
أن تتحسن أوضاعه فإذا به يرى أغبياءا
في مجلس تـاسيسي
يصيحون ويتصارعون...
و يقبضون الملايين أجرا لصراعهم و لغطهم
الحارق يرى نفسه كل يوم يموت آلاف المرات
بينما يرى من تقاسوا الأدوار بين حاكم ومعارض
يرهقون أنفسهم بمسائل لا تعنيه
بالنقاب و المرأة و المساواة
و السلفية
والفنانين التوانسة في المهرجانات
و الشريعة
وقصر العبدلية
و الديمقراطية
ووجدي غنيم
وسمير القنطار و الشيعة
و الشيوعية
و غيرها من المسائل التي لم تسهم في التخفيض في ثمن الخبز
الحارق أدرك بعد حين ان لا شئ تغير
و أن ألأغنياء بقوا أغنياء و أن الفقراء ازدادوا فقرا
و أن كل الساسة كاذبون و أن الظل لا يستوي و العود أعوج و أن اللي برجو بالمرمى يموت في سطل بغلي

يا نرجع لاباس عليا يا نروح في صندوق

وياكلني الحوت ولا نعيش في بلادي مهان
أطلبوا لهم الرحمة عسى أن يجدوا عند الله ما لم يجدوه عند خلقه

قبل سقوط القذيفة بثانية ◘ لحظة سقوط القذيفة ◘ بعد سقوط القذيفة بثانية ◘

2012-09-08T20:32:00.000-07:00

قبل سقوط القذيفة بثانية

لحظة سقوط القذيفة

بعد سقوط القذيفة بثانية

الوحيد الذي نجا

اللهم كن في عون إخواننا وأنزل عليهم الصبر والسكينة.
اللهم أنصرهم بجندك.
نصرا قريبا يا الله.

إلى الثوري جدا زياد كريشان

2012-08-31T17:09:00.001-07:00

ضع على عجل جميع المساحيق
علها تغطي وجهك القبيح
عسي ألا يعرفوا حقيقتك
ضع و لا تخجل و لا تستحي
فالاستحياء من شيم الشرفاء
و أنت يا عزيزي مذ عرفـْتك هاذي البلاد ما عشت قط شريفا
فعلام الخجل ؟

شنوة الفرق

2012-08-28T17:42:00.000-07:00

شنوة الفرق
بين اللي تعملوا النهضة غالط و داخل في نطاق العمالة للغرب و الإمبريالي

ة و لغايات انتخابية و معيز لو طاروا و اللي ضد النهضة هذاكا الباهي و المناضل و السياسي المحنك و اللي معاها قواد و خائن و بيوع وراكب على الثورة وتجار الدين و باش يهلكوا البلاد و اللاد داخل في متاهة
و بين اللي تعملوا النهضة مبروك و هذاكا هوة اللازم و داخل في نطاق سياسة المراحل وحد ما يفهم كيما القيادات و أحنا الأصح و موتوا بغيضكم و القيادات تعرف مصلحة البلاد أكثر من الناس الكل و مناضلين ومقدسين و فوق النقد و اللي ضد النهضة صهيوني تجمعي عميل و يتيم من أياتم بورقيبة و بن علي و الحكومة ناجحة و قوية و ثورية
♠♠♠♠♠♠♠♠♠ ما فما حتى فرق الزوز داخلين في حيط ♠♠♠♠♠♠♠♠♠

سامي الفهري هل يدفع ثمن نجاح برامجه

2012-08-25T21:28:00.000-07:00

أثارت مسألة إيقاف سامي الفهري يوم السبت 25/08/2012 الكثير من اللغط والجدل في الرأي العام التونسي
الكثير من المهاترات و التجاذبات و الإتهامات على موجات الإذاعات و الفضائيات و على صفحات الفايس بوك وعلى مواقع الأخبار الأكترونية

بين متهم و مؤيد

بين معارض يبكي على حرية الإعلام المخنوقة

وخائف من عودة الديكتاتورية

بين مستبشر ببوادر نجاح عملية اكبس التي أطلقها مؤيدو الحكومة الغير راضين عن آداءها

ومنتشي بانجاز يراه عظيما

وبين غاضب مما يراه عقابا صارما لسامي الفهري على خلفية انتقاده اللاذع للساسة الذين يحكمون

لا شك أن احترافية سامي الفهري و طريقة عمله المغايرة للآخرين التي ترتقي في الكثير من الأحيان إلى الجيد جدا رغم بعض المؤاخذات هي التي تثير الإعجاب والتعاطف مع الرجل
مادته الثرية و المتنوعة جعلت منه عاملا مؤثرا رغم الضغوطات التي مرت بها مؤسسته
و لكن هل يجعله هذا فوق القانون؟
القانون فوق الجميع
نعم فليحاسب سامي الفهري على أعماله قضائيا ان اقترف جرما و ليس علينا أن نعامله كبطل ثوري و ضحية رأي سجن لأنه انتقد الحكومة وضغط عليها و تجاوز أحيانا القواعد في النقد
لنترك القانون يأخذ مجراه
ولكن أليس الأولى أن يأخذ القانون مجراه في من هم أكبر من سامي الفهري و أخطر
أليس الأولى أن يأخذ القانون مجراه في رجال الأعمال الفاسدين الذين استغلوا علاقاتهم ببن علي و الطرابلسية
أليس الأولى فتح ملف القناصة ومن بث الرعب و الفوضى و فتح السجون و من استعمل قناته لإرهاب الناس و من استعمل جرائده لهتك أعراض المعارضين ومن استعمل قناته لبث الفتنة
أليس الأولى فتح ملف القضاة الفاسدين الذين باعوا ممتلكاتهم المكتسبة من الرشوة هربا من الحساب
أليس الأولى فتح ملفات الفاسدين في الوزارات و الإدارات و الولايات و المعتمديات و السفارات
أليس الأولى أن يأخد القانون مجراه في المقاولين الذين اكلوا أموال الناس و أرزاقهم و استفادون من القوانين الغبية متاع المناولة
أليس الأولى محاكمة من كانوا يتمعشون من وكالة الإتصال الخارجي
نرجو أن يكون سامي الفهري مقدمة لشانطي كبير و أن لا يكون كبش فداء لإرضاء الغاضبين أو رسالة شديدة اللهجة لمن تسول له نفسه انتقاد حكومة أصبحت محل انتقاد من حلفاءها و انصارها قبل معارضيها

الزبلة ...مسؤولية شكون الدولة ولا المواطن

2012-08-23T20:06:00.004-07:00

بينما هم جالسان كي العادة و العوايد في مقهى الحومة اتى عبد الستار و قريبه الزمڨري وانتحيا ناحية في طاولة منتظرين النادل ثم ما لبثا أن شاركاهما الجلسة بمجرد أن أومأ لهما فتحي مناديا
- إيجا ياعبد الستار و اقعد هاي لاحمة كي العادة
-السلام عليكم
-و عليكم السلام اهلا بيك و بضيفك
-يعيشك اش نوة أحوالكم نقدملكم ولد عمي جاء البارح من برلين

-مرحبا نتشرفوا
وبعد وابل من الترحاب.... تكلم عبد الستار
- مالي أركم صاخبين يا جماعة كي العادة مشات الكورة توة دورتوها سياسة

فأجابه حمدي
- تي هانا نتحدثوا حلى حملة اكبس أنا نقول أنو الحكومة موش خايبة شرعية و تخدم على روحها أم لازمها تكبس و تنقص من التردد و الارتباك اللي هي فيه ....

ضحك سامي فنظر فتحي شزرا وأكمل :
- و سي سامي يقول ارخفوا البندير توة وحدها تتكبس الحكومة انت آش تقول ؟

-أنا نقول انو الحكومة هاذي ترفس و المعارضة ترفس و الشعب قاد يخلص

- ضحك سامي بغيض قائلا الشعب هازوا الواد و النهضة تقول العام صابة

فأجابه فتحي بحنق أقعد أنت نهار الكل تنبر على النهضة نقصوا من الحس قاعدين نحكموا يا صفر فاصل كي لفظتكم الناس و ما جبتوا شئ وليتو تسبوا في الشعب
تكلم الزمڨري كأنه يريد التخفيف من الحدة فقال متسائلا :
بالله سامحوني أنا عندي نهارين تقريب توة ندور في العاصمة باهت كيفاش حاملين ها الزبلة اللي في الشوارع ياخي مافماش بلدية تي راني ريت أنواع الزبلة الكل في الشارع مالدبابز للساشيات للحكك و الكواخذ و التراب كيفاش ساكتين على الزبله هاذي الكل
تنطر سامي قائلا:لا عاد نحن ماو في عهد الخلافة السادسة مانعترفوش بالنظافة
فقاطعه فتحي كل العادة

- برى عاد خرّف توة في هاذي آش مدخلها الحكومة أحنا مسخين مللي كان الزين يحكم فينا أحنا الشعب الوحيد اللي نكتبوا على الحيوط الله لا ترحم والديه اللي يحط الزبلة برى للمدارس و للستادات و المنازه و للبلفيدير و لوسط البلاد و شوف الناس ولا على بالها
قداش منها ها الدولة
-اما زادة البلديات موش قاعدة تخدم قال عبدالستار لا فمة كماين قاعدة تدور لا فمة بوبلات ياخي الناس وين باش تحط زبلتها لا فمة برامج منظمة متاع لمان زبلة يخليوها تتكدس بالعشرة أيام في الثنية و مبعد يجيبولها دركتور يكب شطرها في الشارع ... الأعوان يكركوا

قال سامي ياولدي حكومة مضيعة البوسطة كنت تشوف الزبلة هاذي في عهد بن علي كان يمشي البلاد كي المنقالة الأعوان تخدم جاو الخوانجية ضاعت هيبة الدولة هذا إذا بقات دولة أصلا
قاطعه فتحي توة انت شيوعي وليت زادة تتحسر على بن علي و أيماتو
-اي ياسيدي نتحسر خاطر مكناش نشوفوا في الوسخ هذا حتى ولات عنا كوليرا يعجبكش توة
- يا ولدي آنا كوليرا ياخي تكذبوا كذبة تصدقوها كان على الحكومة هاي هبطت وزراء تنظف و ضحكتوا عليهم هاو عملوا حملات نظافة و شراو و عملوا و نظفوا آش تحب تعمل الحكومة كي الشعب موش واعي تي بالله كي تحط ورا كل مواطن عون تنظيف متاع بلدية ما تتفضش ....شوية من الحنة و شوية من رطابة اليدين
-قال الزمڨري وقد استوى قائما ليقوم معه عبدالستار فعلا ياجماعة المسؤولية مشتركة بين الدولة اللي لازم أولى أولوياتها نظافة البلاد لأنو هذاكا راس المال و زادة وعي الناس بأنو كيما تحرص على نظافة بدنك و دارك لازم تحرص على نظافة محيطك سامحونا يا جماعة لازم ننمشوا موضوع طويل

-السلام عليكم

-وعليكم السلام

-سمعتوا آش قال ماو البلاد ولات زبلة هاذي مسؤولية النهضة هاذي ما تحكيلي حتى حكاية

-ارتاح يا سامي ارتاح و فكّّـ عليها النهضة شوية