البيولوجيون المغاربة

شناهوالدورديال الصفائح الدموية ؟

2020-08-10T22:41:00.003+01:00

كلنا كنعرفو منين كتوقع لينا إصابة في الجسم ديالنا،كيكون عندنا جرح على مستوى الأوعية الدموية الشيء الذي يسبب في حدوث نزيف و لكن من بعد مدة على حسب العمق ديال الجرح كيتوقفالنزيف و كيبدا الجرح يلثم و يتجمع . شكون لكيدخل باش توقع هاد العملية لي من خلالها كيتصلح اتار لي خلاه الجرح ؟

الصفائح الدموية

كتعتبرمن مكونات الدم الرئيسية, حيت عندها بزافديالالوظائف لكتشكل في المناعة وكتساعد في اصلاح خلايا السرطان.... و لكن الدور ديالهاالأساسي هو تخثر الدم باش يتوقف النزيف من الأوعية الدموية المصابة ;و هادشي كيتم على شكل مراحل أولها هاد الصفائح كتلتصقبلبلاصة لفيها الجرح من بعد كيتغير الشكل ديالها من مستديرة لشكل اسطواني و هادشيكيدل على ان الصفيحة غاتفرز البروتينات ليكايتواجدو بداخلها و لكنسميوهم ب عوامل النمو وهدا هو السبب باش كتساعد في عملية الشفاء من الجروح لكنتعرضو ليها وأخر مرحلة هي منين كيتجمعو هاد الصفائح بيناتهم و هادشيكنسميوه جلطة الدم لكيتم بترسب الفيبرين هو بروتين في البلازما من بعد الصفائح مكتبقاش ك مجتمعة و با التالي كيتسد الجرح.

العدد الطبيعي للصفائح في الدم و أثاره

العدد الطبيعي للصفائح في الدم كيتراوح مبين 15000حتى 450000ألف صفيحة في كل مم مكعب.

يعني إلى نقص على هاد العدد فهاد الحالة كيكون الإنسان معرض لنزيف حاد بسبب جرح بسيط حيت الدم مغيتوقفش وهدا هو الدور الرئيسي ديال الصفائح فهاد الحالة الطبيب كينصح هاد الناس باش ياخدو أدوية عندها نفس المفعول.

أما إلى زاد على العدد الطبيعي فهنا الإنسان كيكون معرض لوقوع جلطة في العروق حيت وجود بزافديال الصفائح كتر من القياس كيساهمو في تخثر الدم و بالتالي كتوقف الدورة الدموية وتوقف الدم يعني الموت و الطبيب في هاد الحالة كيوصي باش ياخدو أدوية مضادة للصفائح يعني كتمنعها من أنها دير الدور ديالها.

و هادشيعلاش أي واحد قبل ميديرشي عملية جراحية كيديرتحليلة الدم باش يشوفو العدد ديال الصفائح ويشوفوالحالة ديال المريض

كمياء الشوكولا

2020-06-27T19:28:00.002+01:00

الشوكولا كتحتوي على اكثر من500-300 من المواد الكميائية المعروفة, فمن بين هاد المواد كاينين مواد كيتفاعلو مع الدماغ وكيغيرو مزاج الانسان.

الشكولا كتحتوي على :الفنيل ايثيل امين(PEA),انانداميد(anandamide),الثيوبرومين, الكافين, السيروتين, الفينولات, الزانثين, الهيستامين, ومكونات اخرى بحال الكاكاو, الزبدة, السكر ومسحوق لحليب, حيث ان الزبدة كتعتبر العنصر الاكثر اهمية.

الشكولا مصدر غني بالحمض الدهني المشبع لي كيساعد على توازن الكوليسترول في جسم الانسان.

1)- فنيل ايثيل امين (2-phényléthylamine) :

هو مركب عضوي عندو صيغة كميائية C8H11N , وكيتعتبر ثالت مكون والابرزفي الشوكولا, والالكلويد (Alcaloïde) الطبيعي لي كيفرزو الدماغ مني الناس كتحب شي حد. داكشي علاش كيسموه عقار الحب. فنيل ايثيل امين هو نوع من الامفيتامينات (Amphétamines) لي كاينة في الدماغ وكتشتغل كمنبه طبيعي ; هو مادة كتستخدم لمكافحة التعب, حيث ان الامفيتامينات كتزيد من تركيز الدوبامين ولي هو ناقل عصبي كيساهم في بزاف الوظائف الاساسية, بحال الممارسات الحركية, الانتباه, التحفيز, التعلم والحفظ والاهم من هادشي هو ان الدوبامين عنصر اساسي في تحديد المكافات الطبيعة للجسم.

2)- الكافين ::

مفيد بزاف لصحة الانسان لكن بمقدار (300ملليغرام او اقل في اليوم), حيث انه كيزيد من افراز السيروتونين( لي كيلعب دور مهم في تنظيم المزاج), فهادالالكلويد كيحفز الجهاز العصبي المركزي وتدفق الدم في الدماغ, وكيقلل من التعب وكيعزز ايضا المزاج التنفس وظيفة القلب والاوعية الدموية.

3)- ثيوبرومين (Théobromine) :

وهو ثنائي ميثيل زانثين, كيتسمى ايضا ب "كزانثيروز" (Xantheose) عندو صيغة كميائية C7H8N4O2. فالثيوبرومين مشتق من الثيوبروما ولي هو اسم صنف من شجرة الكاكاو لي مشتقة من الجذور اليونانية , وهاد الثيروبرومين ما كيحتويش على البروم (عنصر كمياءي من عناصر الجدول الدوري). فهو كيتعتبر دواء طبيعي للسعال, وكيتستعمل كموسع للاوعية في علاج ارتفاع ضغظ الدم, اضافة لهادشي فهو كيحسن من صلابة مينا الاسنان , كيرفع معدل ضربات القلب وكيرفع حتى مستوى الكوليسترول عالي الكثافة HDL.

4)- انانداميد (Anandamide) :

هو مركب عضوي موجود في الشوكولا بتركيز منخفض وهو من الاحماض الدهنية المتعددة المشبعة لي الصيغة الكميائية ديالو هي C22H37NO2. فكلمة Anandamide تم الاخد ديالها من الكلمة السننسكريتية "ananada" لي كتعني البهجة الفرح او السعادة , لان هاد المركب عندو بنية كميائية مماثلة ل THC ( Tétrahydrocannabinol رباعي هيدروكانابينول) وهي الجزيئة لي مشهورة في نبتة القنب الهندي, فهي كتحتوي على خصائص نفسية كتعمل على الجانب النفسي,وتعديل الايقاع الدماغي زيادة على هادشي فعندها خصائص مضادة للالتهابات ,لكن كيتعتبر جزء هش حيث كينهار بزربة وبكل سهولة.

فبعد عملية الابتلاع, كتفكك انانداميد بواسطة الانزيم FAAH ( حمض امين ايدرولاز Fatty acid amide hydrolase) وهي المسؤولة عن الشعور يالسعادة لي كنحسو بها بعد تناول الشكولا.

المصدر :

The Chemistry Of Chocolate International Journal of Innovative Research & Growth 8(10) · September 2019 with 1,744 Reads DOI: 10.26671/IJIRG.2019.10.8.101

شناهوا الدم ومناش كيتكون؟

2020-06-24T13:55:00.004+01:00

كولشي كيعرف بلي الدم ديالنا عندو وظائف كثيرة على الجسم ديالنا ولكن لي خاصنا نعرفوه هو منشاش كيتكون وشنو الدور ديال كل مكون.

تعريف للدم:

الدم هو سائل بيولوجي حيوي كيشمل 8%من الجسم ديالنا وهذا نسبة للكتلة ديالو لي كتكون في الحالة العادية 5 لتر من الدم في جسم الإنسان وهو نسيج ضامّ، أي هو من الأنسجة الرئيسيّة، وعندو وظائف مهمة في الجسم ديالنا

وظائف الدم:

كيحمل الأكسجين من الرئتين وكينقلو للأنسجة -

كيُرجع ثاني أكسيد الكربون لي تنتج في الأنسجة إلى الرئتين لي كنعرفوها بعملية الزفير -

- كيوصل المواد الغدائية لجميع خلايا الجسم لي كيخليها تزود بالطاقة باش نمارسوا الأنشطة ديالنا اليومية

- كيطرد الدم الفضلات من خارج الجسم، وهادشي بواسطة أجهزة الإخراج الكلى والجلد والجهاز البولي

-كيحافظ على التوازن المائي في الجسم ،كيخزن الماء لي يحتاجو الجسم دالنا وكيوصلو لجميع الأعضاء،وكيخرج الفائض منو خارج الجسم فحال العرق و البول.

-كيحافظ الدم على توازن درجة الحرارة الجسم.

مكونات الدم:

الكريات الحمراء:

هي وحدة من مكونات الدم الخلوية لكتواجد بعدد كبير في الدم ، كتنتج في نخاع العظم، صغير لحجم، دائرية،هادشي لي كيساعدها بالمرور عبر الأوعية الدموية الصغيرة بمرونة. وكتحتوي خلايا الدم الحمراء على الهيموغلوبين، وهو بروتين أحمر غني بالحديد لي كيعطي الدم لونه الأحمر، ووظيفة خلايا الدم الحمراء الرئيسية، هي نقل الأوكسجين من الرئتين إلى الأنسجة، وحمل ثاني أكسيد الكربون، والفضلات من الأنسجة إلى الرئتين للتخلص من غاز ثاني أكسيد الكربون، وإلى الكليتين، والكبد للتخلص من الفضلات الأخرى.

الكريات البيضاء:

كتتكون خلايا الدم البيضاء داخل نخاع العظم، هذه الخلايا كتميز باحتوائها على نواة، وقادرة على الحركة، وكتعتبر جزءً رئيسي من جهاز المناعة في الجسم، وكتلعب دور مهمّ في حماية الجسم من العدوى، عن طريق تدمير العوامل المعدية والخلايا السرطانية، أو عن طريق إنتاج الأجسام المضادة، ومعظمها عندها عمر مكيتجاوزش بضع ساعات إلى عدة أيام، ولكن البعض منها يمكن يبقى في الجسم لسنوات عديدة، و تختلف خلايا الدم البيضاء في خصائصها وعددها،وارتفاع عدد خلايا الدم البيضاء، أو انخفاضهاعندو دلالات طبيّة، ومَرَضيّة عديدة.

Ø انواع الكريات البيضاء :

الخلايا المتعادلة : بالانجليزية (Neutrophils) : تتخصص بالدفاع ضد العدوى الجرثومية, خاصة الالتهابات البكتيرية وحالات الحروق, الجلطات والجروح.

الخلايا اللمفاوية : (بالانجليزية : Lymphocytes) : كتشكل هاد الخلايا خط دفاع الجسم ضد اي عدوى فيروسية, بحال التهاب الكبد وفيروس تضخم الخلايا.

الخلايا وحيدات النوى : ( بالانجليزية : Monocytes) : كترتفع فقط في حالات الالتهابات المزمنة بحال السل.

الخلايا الحمضية : (بالانجليزية : Eosinophils) : كترتفع استجابة للاصابات الطفيلية والحساسية وتفاعلات الادوية.

الخلايا القاعدية: (بالإنجليزية: Basophils): مسؤولة بالدرجة الأولى عن الاستجابة للحساسية، بحيث تقوم بإفراز الهستامين، مما يؤدي إلى تمدد الأوعية الدموية.

الصفائح الدموية:

كتلعب دور أساسي في التخثر(كتمنع نزيف الدم) لأنها كتملأ الفجوات لي كتسببها الجروح أو التقرحات فور حدوثها وقبل ظهور عوامل التخثر الأخرى.

البلازما:

(بالإنجليزية: Plasma)، وهي عبارة عن المادة السائلة في الدم، لونها شفاف كيميل إلى الأصفر، وكتشكل البلازما نسبة 55% من مكونات الدم، و كيشكل الماء نسبة 90 ٪ من بلازما الدم ، في حين أنّ أقل من 10 ٪ من البلازما هي مواد ذائبة، معظمها بروتينات ، بالإضافة إلى الفيتامينات، والمواد المغذية، مثل: الجلوكوز، والأحماض الأمينية،كتعمل البلازما على نقل الدم إلى جميع أنحاء الجسم، بالإضافة إلى نقل المواد المغذيّة، ومنتجات نفايات الخلايا، والأجسام المضادة ،وبروتينات التخثّر، والهرمونات لي كتساعد في الحفاظ على توازن الجسم.

مكان انتاج الدم :

تاريخ الفيتامينات (الجزء الاخير2)

2020-06-21T19:22:00.004+01:00

تاكاكي كانيهيرو

في شرق اسيا , كان الارز الابيض هو الاكثر استهلاكا وكان الغذاء الاساسي للطبقة الوسطى, فبكثرة ما كانوا كيستهلوا فتحوا المجال امام مرض جديد من امراض سوء التغذية ولي هو البيري بري , وهو مرض كينتج عن نقص في الفيتامين B1 . ففي عام 1884 لاحظ الطببب تاكاكي كانيهيرو من خلال العمل ديالو في البحرية الامبراطورية اليابنية, ان هاد المرض لي هو البيري بري كان فقط عند افراد طقم السفن لي عندهم رتبة منخفضة, لي كايكلو ارز بوحدو, في حين انه ماكانش نتشر بين الافراد لي كانوا متبعين نظام غذائي غربي.

وهنا بدا تاكاكي بالتجارب ديالو على الطواقم, الطاقم لول من الافراد تناولوا الارز الابيض فقط, والطاقم الثاني خدا طعام كيتضمن اللحوم الاسماك الشعير الارز والفاصوليا. النتيجة كانت هي تسجيل 161 شخص من الطاقم لول كيعاني من البيري بري و 256 حالة وفاة في هاد الطاقم, بينما الطاقم الثاني سجل فقط 14 حالة كتعاني من المرض وسجلات حتى وفاة في الصفوف ديالهم.

وبالتالي هاد النتائج قنعات تاكاكي والبحرية اليابنية بشكل كافي بلي النظام الغذائي هو السبب ورا هاد المرض, ولكن اعتقدوا بالخطا بلي توفير كميات كافية من البروتين غادي تمنعو.

هادشي خلا كريستيان ايكمان في عام 1897, يبحث في الامراض لي عندها علاقة بنقص في النظام الغذائي, وكتشف بلي الا عطينا الدجاج ارز اخر غير الارز الابيض فمو كيساعد في منع نوع من انواع البيري بري ولي هو اعتلال الاعصاب المحيطية.

في العام التالي , فترض فريدريك هوبكنز ان بعض الاطعمة كتحتوي على مكملات غذائية, من غير البروتينات الكربوهيدرات الدهون وغيرها لي هما ضرورين لوظائف جسم الانسان.

في عام 1910, العالم اليابني اوميتارو سوزوكي قدر انو يعزل اول مركب فيتامينات, وبالتالي فهو نجح في ستخراج مركب من المغذيات الدقيقة لي قابلة الذوبان في الماء وهي كتكون من الاساس من نخالة الارز.

في عام 1912, ستاطع كاسيمير فانك(Casimir FUNK) هو اختصاصي كمياء حيوية امركي من اصل بولندي, في فصل المادة السئولة عن مرض البيري بري , ولي طلق عليها اسم الفيتامين, وهاد المادة كانت هي الفيتامين B1(الثيامين).

وبالتالي كيكون الفيتامين B1 هو ثاني فيتامين تكتاشف بعد الفيتامين A ; حيث انه في اواخر القرن 18م ولول قرن 19م, تم استخدام دهون زيت السمك لعلاج الكساح في الفئران, حيث ان هاد المغذيات كانت قابلة للذوبان في الدهون فقط ولي تسمى مضاد الكساح A , وهكدا كيكون اول نشاط حيوي معزول هو الفيتامين A , ولكن من بعد غادي يتم التسمية ديالو باش يصبح دبا سميتو فيتامين D4 .

المصدر: Schlienger, J. L., & Monnier, L. (2011). L’épopée de la découverte des vitamines: The history of the discovery of vitamins. Médecine des maladies Métaboliques, 5(6), 593-597.

تاريخ الفيتامينات( جزء1)

2020-06-21T12:57:00.004+01:00

جيمس لند

من قديم الزمان, كانت الماكلة حاجة مهمة في الحفاظ على الصحة من الامراض, قبل ما يتعرفو ان السبب مورا هاد الوقاية هو وجود فيتامينات فهاد الاغدية. فالمصريون القدمى , كانو اول وحدين عرفو بلي تناول الكبدة كتساعد الشخص على مكافحة العمى الليلي, وهو مرض كيسببو نقص في الفيتامين A2.

في عصرالنهضة, بدات مجموعة من الرحلات البحرية حول المحيطات بهدف الاكتشاف, فهاد الرحلات كانت كتستغرق مدة طويلة بزاف باش ترجع مرة اخرى الديار ديالها, وبالتالي فالحاجة للفواكه والخضروات الطرية كانت كتقل , هادشي لي ادى لظهور بزاف الامراض بين اطقم السفن اهمها : مرض الاسقربوط, هو مرض كينتج عن نقص في فيتامين C , حيث ان في لبدية ديال المرض كيحس الشخص المصاب بارهاق شديد, شحوب في الوجه, كيتبعو تكون بقع على الجلد خاصة في منطقة الفخذين والساقين, وكتصبح اللثة عندها طبيعة اسفنجية , وكيخلها معرضة للنزيف بسبب ضعف الشعيرات الدموية لي فيها, فكلما تزادت حدة المرض الا وتزادت معاه خطورة الاعراض فمثلا: المريض كيولي يحس بالاحباط وفقدان جزئي للحركة, وسقوط الاسنان , لكن الخطير فهادشي هو انو تبان جروح مفتوحة متقيحية مصحوبة بحمى واعتلال عصبي لي كيودي في الاخير للموت اثر النزيف لي كيتعرضو لو بسبب هاد الاعراض.

في عام 1747, كتاشف الجراح الاسكتلندي جيمس ليند (1716-1794) ان الحمضيات كتساعد في منع الاسقربوط, من خلال بزاف تجارب سريرية قام بالاجراء ديالها على المرضى المصابين.

في عام 1753 , قام ليند بنشر او مقال على هاد المرض, حيث من خلال هاد المرضى وصى باستخذام الليمون والحامض لتجنب الاسقربوط, ولي تم التبني ديالو من قبل البحرية الملكية البريطانية. ولكن هاد الاكتشاف لي قام بيه ليند ماكانش مقبول من طرف بعثات المستكشفين للقطب الشمالي, حيث كانو كيعتاقدو بشكل عام انهم يقدرو يتجنبو الاسقربوط من خلال النظافة و ممارسة الرياضة بانتظام, بدل انهم يتبعوا نظام غذائي جديد.

هادشي لي خلا هاد البعثات تعاني لمدة طويلة من الاسقربوط وحتى امراض اخرى ناتجة عن نقص في النظام الغذائي. حيث انه في بداية القرن العشرين , كانت النظرية الطبية السائدة هو ان الاسقربوط ناتج عن الاطعمة المعلبة الملوثة.

في عام 1881, درس الطبيب الروسي نيكولاي اي لونين اثار ديال الاسقربوط في جامعة تارتو. حيث انه طعم الفئران بواحد مزيج صناعي من جميع مكونات الحليب لي كانت معروفة فداك الوقت, وهي البروتينات الدهون الكربوهيدرات والاملاح, والنتيجة كانت هو ان الفئران لي تلقات المكونات الفردية بوحدها ماتت , في حين ان الفئران لي خدات الحليب تطورات بشكل طبيعي.

وهنا ستخلص لونين ان واحد الغذاء طبيعي بحال الحليب خاص يحتوي على مكونات اخرى لي كانت بقا مجهولة فديك الوقت , غير المكونات الاساسية المعروفة. ولكن تم رفض الاستنتاج ديالو من قبل جوستاف فون بونجي.

لكن بطبيعة الحال قصة الفيتامينات ما سلاتش هنا , ففي شرق ديال اسيا.....(تتمة)ج2.

المصدر: Schlienger, J. L., & Monnier, L. (2011). L’épopée de la découverte des vitamines: The history of the discovery of vitamins. Médecine des maladies Métaboliques, 5(6), 593-597.

شنا هي الفيتامينات؟

2020-06-19T12:31:00.002+01:00

كيتعرض جسم الانسان لبزاف ديال الاعراض والامراض لي مكيعرفش السبب ديالها , حيث انو في اغلب الاوقات كيحس بتعب ارهاق او الم في شي بلاصة من الجسم ديالو, وهاد الاعراض تقدر تكون خفيفة وتمشي مع الوقت الا تدارك داك الشخص السبب ديالها , او تقد تراكم في الجسم وتسبب ليه امراض اخرى لاقدر الله تقدر تكون مضاعفة.

حيث ان الامراض لي كتكون مرتبطة بنقص في الفيتامينات , كتبين لينا بشكل واضح قلة وسوء النظام الغذائي لذاك الشخص المريض. فالفيتامينات عبارة عن واحد المركبات العضوية; فهي كتقوم بوظائف حيوية وفيسيولوجية داخل الجسم , فبلا بيها ما يمكنش يستقيم الجسم وبالتالي مكتستمرش الحياة, فهي كدخل جميع خلايا الجسم وكتعمل فيها باش تحافظ على حيويتها ونشاطها .

فكل فيتامين عندو وظائفو الخاصة لي كيتميز بيها, وعندو حتى وظائف مشتركة مع شي عنصر او عنصرين, فهو كيدخل في مجموعة من التفاعلات الكميائية والحيوية لي كتحدث داخل جسم الانسان, يعني اما يعمل بصورة طبيعية او كقرين انزيم coenzyme (لي هو عبارة عن مجموعة من الجزيئات الصغيرة بروتينة كتعمل على نقل المجموعات الكميائية بين الانزيمات).

كيستاطع الشخص الحصول على جميع احتياجتو الغذائية من الفيتامينات عن طريق الوجبات الغذائية المتناولة خصوصا الفواكه الخضروات والحبوب الكاملة.

تاريخ الفيروسات (الجزء الاخير3)

2020-06-18T12:22:00.004+01:00

بالرغم ان لويس باستور نجح في علاج داء الكلب, الا انه ما تكمنش باش يعرف العامل الرئيسي المسبب لهاد المرض وفترض انه يمكن يكون هاد المسبب صغير بزاف, ومايمكنش لينا نشوفوه.

وهنا دخل عالم الاحياء الدقيقة الفرنسي شارل شمبرلبد(1851-1931) , في عام 1884 وقدم واحد الاختراع جديد, لي هو عبارة عن مصفاة , وكتسمى اليوم مصفاة شمبرلند. هاد المصفاة عندها مسام صغرمن حجم البكتيريا, وبالتالي يمكن لينا نمررو أي محلول بكتيري , ونقوم بالتصفية ديالو.

شارل شمبرلبد

عام 1829: خدا عالم الاحياء الروسي ديمتري ايفانوفسكي (1864-1920) مصفاة شمبرلند باش يدرس فيروس التبرقش تبغ (mosaïque de tabac) ,حيث ان التجارب بينات ليه بلي وراق التبغ المصابة بعد السحق ديالها ,كتبقى معدية حتا ولو قمنا بالتصفية ديالها, وهنا ديمتري قتارح بلي يمكن هاد العدوى تكون ناتجة عن بعض السموم لي كديرها البكتيريا, ولكن ما كملش البحث ديالو فهاد الفترة.

عام 1898: كرر عالم الاحياء الدقيقة الهولندي مارتينوس بيجيرينك (1851-1931) تجارب ديمتري, وصبح مقتنع بلي رشح ديال المصفاة كيحتوي على شكل جديد من واحد العامل معدي. وقال بلي هاد العامل كيضاعف فقط في الخلايا لي كانت كتنقاسم ووصفو بالعامل الجرثومي الذائب(contagium vivum fluidum) , يعني هاد العامل الممرض يمكن لو يختارق المسامات الصغيرة ديال المصفاة,اي عندو خصائص سائلة تقربيا.

مارتينوس بيجيرينك

واكد بيجيرينك بلي الفيروسات كانت سائلة في طبيعتها, بحيث هاد النظرية فقدات المصداقية ديالها بعد ما جا عالم الكمياء الحيوية وطبيب الفيروسات الامريكي وندل ميريدث ستانلي(1904-1971) , لي ثبت بلي هي في الواقع جسيمات ماشي سوائل. في نفس العام قام فريديرك لوفلر(1852-1915) وبول فرش(1865-1928) بتمرير اول فيروس حيواني من خلال مصفاة كتشبه اللولة ديال ديمتري, وبفضلها اكتاشفوا سبب الحمى القلاعية.

وندل ميريدث ستانلي

عام 1901: اكد والتر ريد, جيمس كارول وجيمي ولازيير على ان البعوض هو لي كيحمل العامل المسبب للحمى الصفراء.

عام 1911: قام بيتون روس بوصف اول ورم صلب لي هو عبارة عن "فيروس ساركوما روس" او "ساركوما الدجاح". فبعد الاكتشاف ديالو قام مجموعة من العلماء لي هما ; فارموس بيشوب وضوغت عام 1976 من اكتشاف الجينات الورمية ديال هاد الفيروس.

عام 1915: قام فريديك تورت باكتشاف الفيروسات لي كتصيب البكتريات وطلق عليها سميت "العاثيات".

عام 1934: قام ماكس بواحد اكتشاف مهم, كيقول بلي العاثيات كتكون من اجزاء متساوية من البروتينات وحمض نووي ريبوزي ناقص اكسيجين(ADN).

عام 1939: هو عام غادي نقدرو نشوفو فيه اول فيروس تحت مجهر الكتروني وهاد الفيروس كان فيروس التبغ, بواسطة العلماء كوش , انكوش وروسكا.

انطلاقا من عام 1948, مكنات التقنيات الجديدة لزراعة الخلايا, من عزل وتصنيف فيروسات جديدة, لي غتفتح المجال امام مجموعة من العلماء الباحثين باش يزيدو في الخدمة والبحث ديالهم ويتمكنوا من معرفة خبايا واسرار الفيروسات الى يومنا هذا.

https://www.researchgate.net/publication/283726846_Social_history_of_viruses :المصدر

تاريخ الفيروسات(الجزء2)

2020-06-17T10:14:00.003+01:00

ادوارد جينر والتلقيح:

من بعد ماري وورتلي مونتاغيو, هنا غيجي ادوارد جينر (17ماي-26يناير1823) وهو طبيب ملكي انكليزي, كان اول واحد كتاشف تلقيح امن وفعال لمرض الجذري.

فجينر من خلال البحوث والدراسات لي دارها, لاحظ بلي الناس لي كيخدمو في مجال حلب البقر ولي تصابو بجذري البقر, عندهم مناعة ضد مرض الجذري. لهادشي قرر جينر باش يختبر هاد النظرية.

في 14ماي1796 ختار جينر طفل سليم سميتو "جيمس فيبس" عمرو 8سنين. في 1 يوليوز1796 خذا جينر عينة من قيح جذري البقر وقام بالتطيعم ديالها للطفل في الذراع ديالو, وكرر هاذ العملية بزاف ديال المرات, وبالفعل الطفل نجا بعد كثر من 20 مرة بدون ما يستسلم للمرض.

وهنا تبين ان طريقة جينرفي التطعيم او التلقيح اكثر امانا من طريقة التجذير لولة. في عام 1801 تم تطعيم كثر من 100.000 شخص ضد هاد المرض, وفي عام 1840 قررت المملكة المتحدة باش الناس لي ما فحالهومش يحصلو على هاد التلقيح بالمجان, وفي نفس العام منعوا باش تمارس طريقة التجذير لولة وعلنوا عليها بانها ممارسة غير قانونية حيث كتسبب الوفيات.

عام 1853 صبح التطعيم اجباري بموجب قانون التطيعيم بالممكلة المتحدة, وكل شخص ما قامش بتلقيح ولادو قبل سن 3 اشهر غيقوم بتادية غرامة مالية. وبالفعل الناس خافت من العقوبة, وقامت بتطبيق هاد القرار, و ما جات 1912 حتى لقات بلي اقل من نصف عدد السكان من المواليد الجدد تلقحوا , وهادشي لي خلات المملكة في 1984 تراجع على هاذ القرار الاجباري بكون ان الناس وعات باهمية هاذ التليقيح على صحتهم وعلى صحة عائلتهم.

لويس باستور ولقاح داء الكلب:

داء السعار او الكلب تعرف في قرن 21م, انه كيصيب الثدييات البرية بحال الثعالب والخفافيش. هاد المرض معروف كثر من 4000سنة, في فرنسا خلال عهد لويس باستور(1822-1895) كانو مئات من لبشر كل سنة كيتصابوا بالعدوى, وبكثرة هاد الاعداد ناس فقدت الامل في انها شي نهار تقدر تبرا وتعالج من هاد لمرض, شي لي خلا باستور يقوم بالبحث على هاد الجرثومة في الكلاب المسعورة.

باستور غيبدا الخدمة ديالو, فاول حاجة غادي يدير هو انو غيطحن النخاع الشوكي ديال الكلاب لي ماتت بهاد المرض, بعدما قام بالتجفيف ديالها بش يضعف الفيروس في الانسجة العصبية لمدة 10يام. من بعد شد كلب سليم وحقنوا بهاد الانسجة, والنتيجة كانت ان الكلب ما تصابش بالعدوى; وبقا باستور كيكرر هاذ التجربة بزاف المرات على نفس الكلب وبنفس الطريقة , أي انه كيقوم باستخدام انسجة ثم كيجففها لمدة قصيرة قل من 10 ايام في كل مرة , وفي كل مرة كان الكلب كيعيش حتى من بعد ما تحقن بانسجة عصبية نشيطة مصابة بالعدوى

وهنا نجح باستور باش يحصن هاد الكلب و50كلب غيرو, ولكن كمانش متاكد من نجاح هاد التجربة على بنادم, ففي 6 يوليوز 1886 جابت واحد الام الابن ديالها كلو عامر بعضات الكلب, وطلبت من باستور باش يعالجو,لكن باستور مكانش طبيب كان عالم احياء; فهاد اللحظة قرر لويس انو يجازف وخا كان عارف العواقب لي يمكن تحدث.

باستور قرر يحقن الطفل بانسجة ارنب مصاب بالسعار لمدة 10يام متتالية; وبالفعل الطفل جوزيف برا ورجع مع الام ديالو في 27 يوليوز.

في اكتوبر من نفس العام, نجح باستور في معالجة طفل اخر سميتو جين بابتيست جوليب فعمرو 15سنة , ولي تعرض لهجوم مني كان كيحمي اطفال وحدين اخرين من نفس هجوم الكلب المسعور. وهنا بقات باستور مستخدمة لاكثر من 50 سنة بعد هادشي , لكن حتى واحد مكان كيعرف المسبب ديال هذا المرض , .... (تتمة) ج3.

https://www.researchgate.net/publication/283726846_Social_history_of_viruses :المصدر

تاريخ الفيروسات (الجزء1)

2020-06-16T20:22:00.004+01:00

الامراض الفيروسية هي امراض معروفة من القديم، حيث انه بفضل البابليون عرفنا بلي داء الكلب كينتقل للانسان عن طريق العضة ديالو.

فداء الجذري هو بدوروخلف اعداد كبيرة من الوفيات، بحيث كيتعتبر من اقدم الفيروسات لي رافقات الانسان لسنوات طويلة، ولي كيدل على هادشي هو انو مجموعة من العلماء لقاواثر ديال هاذ الداء على مومياء لي في مصر.

فبعد ما تطور الفيروس من خلال الحيوان، ظهر اول مرة على البشر في اروبا وشمال افريقيا، ومن تم انتقل الى العالم الجديد (امريكا) عن طريق الاوروبين ايام الاستعمار الاسباني، هادشي لي خلا الوباء ينتشر وينتج عنو الملايين من الوفيات من السكان الاصليين لي مكانتش عندهم مناعة طبيعية ضد هاد الفيروس.

ماري وورتلي

ماري وورتلي مونتاغيو (1689-1762) هي كاتبة ارستقراطية، وزوجة عضو البرلمان ادوارد وورتلي مونتاغيو. في عام 1716 تم تعين زوجها سفير بريطاني في اسطنبول ايام الدولة العثمانية، وهنا غتبدا قصة ما يمسى بالتطعيم او التلقيح. من بعد ما لتحقات ماري بالزوج ديالها ،وفقط بعد اسبوعين من الوصول ديالها، اكتشفات واحد ممارسة وقائية من مرض الجذري، وهي ممارسة كيتم فيها حقن الجلد بقيح مريض جذري. فماري من بعد ما شافت هادشي قررت باش تحمي ولدها ادوارد لي فعمرو5 سنوات، بعدما مات خوها بهاد المرض.

رسلات ماري وورتلي لطبيب السفارة سميتو تشارلز ميتلاند باش يقوم بتجذير(حقن الجذري) لولدها. ومن بعد العودة ديالها لندن طلبات ماري، من ميتلاند باش يقوم بتجذير بنتها، ولكن هاد المرة امام اعين الطبيب الملكي. لكن كيف العادة ،وكيف ما معروف على ماري ،هي ماوقفاتش هنا بعدما لاحظات النتائج الايجابية ديال هاد التقنية، فهي طلبات من امير واميرة ويلز( هي بلد تابع للمملكة المتحدة كتحدها انجلترا من الشرق والمحيط الاطلسي والبحر الايرلندي من الغرب، كيف ما هو باين في الخريطة)، ولاد الملك جورج الثاني باش يتبناو هاد الاقتراح .

بالفعل الملك استجاب للطلب ديالها، وقام بالعفو الكامل ل 6 ديال سجانة،كان محكوم عليهم بلاعدام وكيتسناو تنفيذ الحكم.من بعد الموافقة ديالهم تم حقنهم بالجذري عام 1721م، والنتيجة شفاء جميع السجناء.وباش يزيدو يتاكدو من فعالية هاد العملية قررت واحد الفتاة من السجانة عمرها 19 سنة تنعس لمدة 6 اسابيع في سرير واحد المصابين بالمرض وهو طفل في عمرو 10سنين، وبعد مرور هاد المدة الفتاة ما تصابت بحتى عدوى.

نجاح ديال هاد التجربة خلتها تكرر مرارا وتكرارا على مجموعة من الناس، حتى اواخر 1770م ومن تم حتى واحد ما بقى عارف على شي حاجة سميتها الفيروسات،لكن هاد الممارسة كانت غالية بزاف ؤبالتالي بقات بعيدة على بزاف الناس لي مافحالهومش .

وهنا غتبدا القصة الثانية من تاريخ الفيروسات ..... (تتمة) ج2

https://www.researchgate.net/publication/283726846_Social_history_of_viruses :المصدر

شناهي التغذية ؟ (تعريف)

2020-06-13T17:58:00.008+01:00

التغذية هي علم كيشرح علاقة الطعام مع نشاط الكائنات الحية بشكل عام، من خلال اكل الطعام وطرده على شكل فضلات.

فالماكلة والشراب كيمد الانسان بالطاقة، وكيجعل الجسم يقوم بجميع الوظائف ديالو. فبهاذ الطاقة المستخلصة من الماكلة، اللانسان كيصبح قادر على تادية جميع النشاطات الحركية والفكرية، سواء قراءة او اي نشاط يومي اخر. فالماكلة كتزود الانسان بجميع المواد لي كيحتاجها من اجل بناء واصلاح الانسجة، فاي حاجة كنكلوها الا وعندها ثاثير مباشر على الصحة ديالنا، لذلك فالغذاء الصحي كيساعد على منع الاصابة ببعض الامراض، ويمكن ليه يساعد على الشفاء من امراض اخرى. وافضل المصادر لي يقدر يحصل منها الانسان على جميع الاحتياجات الغذائية ديالو هي الخضروات، الفواكه، الاسماك واللحوم، وحتى منتجات الالبان.

فسوء التغذية كيتعتبرمن اهم العوامل الرئيسة لي لها علاقة بحالات الوفيات بالنسبة للمسنين، ومن المعروف أنه مع التقدم في العمر كتحدث تغيرات فسيولوجية ووظيفية وصحية وهاذ التغيرات كتختلف درجتها ووقت حدوثها من مسن إلى مسن آخر.

لذلك واجب علينا نحافظو على صحتنا من صغرنا حتى لكبرنا، حيث الصحة والتغذية كنز الحياة.

شنا هي الصيدلة ؟ (تعريف)

2020-06-13T17:20:00.003+01:00

الصَّيْدَلَةُ هو علم كيختص بدراسة الادوية وكيفاش كتركب او كتصنع وكذلك الامراض لي تقدر تعالج.

كلمة الصيدلة مشتقة من اللغة اليونانية pharmakon, بمعنى "الدواء" أو "الطب". كتشمل مهنة الصيدلة العديد من الأدوار التقليدية مثل تركيب وصرف الأدوية، فالصيدلة كتتضمن أيضا تقديم المزيد من الخدمات الحديثة المتعلقة بالرعاية الصحية، بما فيهم الخدمات السريرية، واستعراض الأدوية، واستعراض سلامة وفعالية الأدوية، وتوفير معلومات عن الأدوية. وكلمة الصيدلية مشتقة من جذر كلمة صيدلة وهو مصطلح مستخدم من القرن ال15 و 17.

فالصيدلة كتستخدم كذلك طب الاعشاب ومجموعة من المواد لي كتستخرج من السموم والدليل على ذلك هو ذاك الرمز ديال ثعبان. اما بالنسبة لرمز الهاون أو المدقة فهو أحد الرموز الدولية للدلالة على مهنة الصيدلة حيث أنه كيستخدم لطحن وخلط الكيماويات لي كدخل في صناعة الادوية.

شناهي البيولوجيا الحيوية او الكمياء الحيوية ؟ (تعريف)

2020-06-13T17:14:00.002+01:00

البيولوجيا الحيوية او الكمياء الحيوية هو علم كيختص في دراسة التركيب الكميائي لجميع اجزاء الخلية لي كاينة فاي كائن حي سواء انسان، حيوان ، نبات ،بكتريات ،او فطريات. فمجموعة من العلماء ركزوا على البحث في هاذ التفاعلات الكميائية لي كطرا ، من خلال درس المكونات الخلوية للكائن الحي ، سواء من حيث التراكيب الكميائية للمكونات ، مناطق التواجد ديالها، وحتى دراسة التفاعلات الحيوية لي كتحدث داخل هاذ الخلايا من حيث البناء والتكوين او من حيث الهدم وانتاج الطاقة.

بالاضافة فهاذ المجال كيرتبط ارتباط قوي بعلم الاحياء الجزيئي، ولي هو دراسة جميع الاليات الجزيئية لي بواسطتها كيتم ترميز المعلومات الوراثية في الحض النووي.

شناهو الفيروس ؟ (تعريف)

2020-06-13T12:53:00.000+01:00

الفيروسات هي بشكل عام معدية وممرضة, فهي عبارة عن مجموعة من جزيئات بروتنية, كيكون عندها نوع واحد من الحمض النووي اما الحمض النووي الريبوزي او الحمض النوووي ناقص الاكسيجين.

بحيث ان اغلبية الفيروسات ما ميكمنش ليها ثكاثر بوحدها, فمن الضروري انه يتطفل داخل واحد خلية سليمة ويقوم بالانقسامات والنمو ديالو, وبالتالي كتصبح الخلية السليمة مريضة. فهاذ الاخيرة كتصيب جميع الكائنات الحية سواء: النباتات,الحيوانات, الانسان, اوحتا البكتريات فهاذ الحالة كيوليو الفيروسات البكترية سميتهم العاثيات.

شناهو علم الاعصاب ؟ (تعريف)

2020-06-13T00:56:00.000+01:00

علم الاعصاب هو علم كيهتم بدراسة الجهاز العصبي، سواء من ناحية الهيكل ديالو او وظيفتو، من المستوى الجزيئي الى مستوى الاعضاء، يعني من الجزيئات لي هي عبارة عن مجموعة من المواد الكميائية (نواقل عصبية) ، لي كتكون في بلاصة ارتباط خلية عصبية بخلية عصبية اخرى، وكتمكن هاذ المواد من تنظيم الاشارة العصبية لي جاية من الدماغ او لي غادية ليه، من بعد كيتم توزيعها بواسطة عدة مسارات التاشير باش توصل للاعضاء.

هاذا المجال هو مجال متعدد التخصصات ، حيث انه كيتستخدم فيه علم الاحياء، الكمياء، الرياضيات و حتى المعلوميات. فعلم الاعصاب منين بدا كان كيهتم بدراسة الخلايا العصبية، في حين ان الدماغ كيتكون من جوج مجموعات من الخلايا الكبيرة ولي هي : الخلايا العصبية بسنبة 50 في المائة و الخلايا الدبقية حتى هي بنسبة 50 في المائة. حيث ان هاذ الاخيرة كتلعب دور اساسي ومهم في وظيفة الدماغ والسلوكيات الناتجة عنه

شنا هي الميكروبيولوجيا او علم الاحياء الدقيقة؟ (تعريف)

2020-06-13T00:52:00.000+01:00

علم الأحياء الدقيقة، البيولوجيا الدقيقة، علم الميكروبات، أو الميكروبيولوجيا هو علم كيهتم بدراسة الاحياء الدقيقة الغير المرئية لي مكتبانش بالعين المجردة ، اي البكتريات الفطريات وبعض الطحالب وحتى الفيروسات ولكن هاذ الاخيرة ماشي كائن حي .فرغم التطورات ديال هاذ العلم الا ان التقديرات كتقول إنو يالاه تم دراسة 0.03% من الجراثيم الموجودة في الكرة الأرضية فبالرغم أن الجراثيم تكتاشفت منذ 300 عام إلا أن الميكروبيولوجيا ما زالت في بداياته مقارنة بالعلوم الاخرى.

فعديد من العلماء العرب ساهمو في تدشين علم الطفيليات والأحياء المجهرية الدقيقة من بينهم العالم االرازي في كتابه "ابن سينا" ، وعلماء وحدين اخرين منهم ابو مروان بن زهر الاندلسي لي عرفه الغرب باسم "Avenzorai" ا، ففضلا على أنه أول من قدّم وصفاً سريريًّا لالتهاب الجلد الخام، وللالتهاب الناشفة والانسكابية لكيس القلب، وأول من ابتكر الحقنة الشرجية المغذية، والغذاء الصناعي لمختلف حالات شلل عضلات المعدة، وأول من استعمل أنبوبة مجوفة من القصدير لتغذية المصابين بعسر البلع، وقدم وصفً كامل لسرطان المعدة، فهو كذلك اول واحد كتاشف جرثومة الجرب وسماها "صؤابة"، فهذا الاكتشاف كيتخاذ به في علم الطفيليات والاحياء المجهرية الى يومنا هذا .

شناهو طب الاعشاب؟ (تعريف)

2020-06-12T18:07:00.000+01:00

طب الاعشاب هو انو نستعملو النباتات الطبية تحت اسم الادوية العشبية في علاج بزاف الامراض. هاذ الممارسة معروفة من قديم بحيث عندها الالاف السنين، وهادشي لي مكن الانسان انو يولد واحد معرفة طويلة وعميقة في هاذ المجال على مدى قرون، كحال الطب الصيني لي كيتعتبر كرائد في العلاج النباتي، فالعرب بدورهم لعبو دوركبير في تطوير هاذ العلم، وذلك بفضل غزواتهم وتجوالهم الديني، وجمع المعرفة المسبقة للشعوب لي كيسيطروا عليها. ومن ابرز ما كي اكد هادشي هو تاريخ دستور الادوية المغربي لي كيعود الى عام 711بعد الميلاد (السنةالثاية والتسعون للهجرة).

من بعد ومع تقدم الكمياء، مبقاش يمكن للطب الكلاسيكي يكون بلا وجود طب الاعشاب، واصبح من الممكن عزل المكونات النقية لاي نبتة وانتاج مشتقاتها الاصطناعية جزئيا، ثم تصنيح جزيئات مركبة كميائيا. فكل كل نبتة كتحتوي على مجموعة مواد حيوية ثانوية، بحال : المركبات الفينولية والزيوت الأساسية والتيربينويد والجليكوسيدات والتربين والفلويدات والتانيس، ولي ليها مجموعة من الثاثيرات العلاجية المختلفة ، مثل علاج امراض الحساسية، الكبد وامرض المناعة الذاتية وغيرها من الامراض.

علم الأحياء

2020-06-12T15:26:00.000+01:00

علم الأحياء هو علم طبيعي يُعنى بدراسة الحياة والكائنات الحية، بما في ذلك هياكلها ووظائفها ونموها وتطورها وتوزيعها وتصنيفها.^[1] الأحياء الحديثة هي ميدانٌ واسعٌ يتألف من العديد من الفروع والتخصصات الفرعيَّة، لكنها تتضمن بعض المفاهيم العامّة الموحدة التي تربط بين فروعها المُختلفة وتسير عليها جميع الدراسات والبحوث. يُنظر إلى الخلية في علم الأحياء عموماً باعتبارها وحدة الحياة الأساسية، والجين باعتباره وحدة التوريث الأساسية، والتطور باعتباره المُحرّك الذي يولد الأنواع الجديدة. ومن المفهوم أيضاً في علم الأحياء في الوقت الحاضر أنّ جميع الكائنات الحيّة تبقى على قيد الحياة عن طريق استهلاك وتحويل الطاقة، ومن خلال تنظيم البيئة الداخلية للحفاظ على

حالةٍ مُستقرةٍ وحيويّة

ينقسم علم الأحياء إلى فروع حسب نطاق الكائنات الحيَّة التي تدرسها، وأنواع الكائنات الحيَّة المدروسة، والأساليب المُستخدمة في دراستها. فتدرس الكيمياء الحيوية العمليات الكيميائية المُتعلقة بالكائنات الحيَّة، ويدرس علم الأحياء الجزيئي التفاعلات المُعقدة التي تحصل بين الجُزيئات البيولوجية، ويُعنى علم النبات بدراسة حياة النباتات المُختلفة، ويدرس علم الأحياء الخلوي الخلية التي تُعدّ الوحدة البنائية الأساسية للحياة، ويدرس علم وظائف الأعضاء الوظائف الفيزيائية والكيميائية لأنسجة وأعضاء وأجهزة الكائن الحي، بينما يدرس علم الأحياء التطوري العمليات التي أدّت إلى تنوّع الحياة، ويُعنى علم البيئة بالبحث في كيفيّة تفاعل الكائنات الحيَّة مع بيئتها