Jaffna Muslim

டிக்டாக் வாக்குவாதம் முற்றியதால், ஷார்ஜாவில் அடித்துக் கொல்லப்பட்ட இஸ்மாயில்

noreply@blogger.com (www.jaffnamuslim.com) — Fri, 5 Jun 2026 13:51:59 +0200

UAE - ஷார்ஜாவில் சமூக ஊடக தகராறு ஒன்று உயிரிழப்பில் முடிந்தது. ஆன்லைன் டிக்டாக் வாக்குவாதம் முற்றியதால், தெருவில் பட்டப்பகலில் ஒரு இந்திய வெளிநாட்டவர் கத்தியால் குத்தப்பட்டு, தடியால் அடித்துக் கொல்லப்பட்டதாகக் கூறப்படுகிறது.

இறந்தவர் இஸ்மாயில் பொன்னன் இப்ராஹிம் குட்டி என அடையாளம் காணப்பட்டுள்ளார். தென்னிந்திய மாநிலமான கேரளாவைச் சேர்ந்த 40 வயதான இவர், துபாயில் உள்ள ஒரு பேக்கரியில் ஊழியராகப் பணிபுரிந்து வந்தார். இவர் சமூக ஊடகங்களில், குறிப்பாக டிக்டாக்கில் தீவிரமாக இயங்கி வந்தார்.

அவரது பின்தொடர்பவர்களின் கூற்றுப்படி, இஸ்மாயில் மற்ற சில டிக்டாக்கர்களுடன் அந்தத் தளத்தில் நேரலையில் வாக்குவாதத்தில் ஈடுபட்ட பிறகு இந்தக் கொலை நடந்துள்ளது. அல் நஹ்தாவில் உள்ள ஒரு பூங்காவிற்கு அருகில் தன்னைச் சந்திக்க வருமாறு இஸ்மாயில் அந்த நபர்களுக்குச் சவால் விடுத்ததாகவும், அதன் பிறகு பல நபர்கள் அவரை வழிமறித்துத் தாக்கியதாகவும் கூறப்படுகிறது.

24 மணி நேரத்திற்குள் மகிந்தவைக் கைது செய்யலாம், வழங்கப்பட வேண்டிய தண்டனை தூக்கிலிடப்படுவதுதான்...

noreply@blogger.com (www.jaffnamuslim.com) — Fri, 5 Jun 2026 09:20:36 +0200

மகிந்த ராஜபக்ச தூக்கிலிடப்படாவிட்டால், ஜனாதிபதி அநுரகுமார தலைமையிலான அரசாங்கம் நாட்டை கட்டியெழுப்பியுள்ளது என்பதை ஏற்றுக் கொள்ள முடியாது என ஃபீல்ட் மார்ஷல் சரத் பொன்சேகா கூறுகிறார். கொழும்பில் இடம்பெற்ற நிகழ்வொன்றில் பொன்சேகா மேற்குறித்த கருத்தை வெளியிட்டுள்ளார்.

ஜனாதிபதி அநுர உட்பட இந்த அரசாங்கம் எவ்வளவுதான் பெருமை அடித்துக் கொண்டாலும், மகிந்த வுக்கு தண்டனை வழங்கப்படாவிட்டால், தற்போதைய அரசாங்கம் இந்த நாட்டை கட்டியெழுப்பியுள்ளார்கள் என்பதை நாங்கள் ஏற்றுக் கொள்ள மாட்டோம்.

இந்த அரசாங்கம் மக்களுக்கு சேவை செய்யும் தனது கடமையை, அதனை நிறைவேற்றும் நாளில் நாங்கள் ஏற்றுக்கொள்வோம். இதுதான் யதார்த்தம். இதுதான் உண்மை. நாங்கள் அதிகாரத்தில் இல்லாவிட்டாலும், உண்மையைப் பேச நாங்கள் அஞ்ச மாட்டோம். 24 மணி நேரத்திற்குள் மகிந்தவைக் கைது செய்யலாம். ராஜபக்சவுக்கு வழங்கப்பட வேண்டிய தண்டனை, அவர் தூக்கிலிடப்படுவதுதான்.

தங்கத்தின் விலை இன்றும் வீழ்ந்தது

noreply@blogger.com (www.jaffnamuslim.com) — Fri, 5 Jun 2026 08:34:33 +0200

இலங்கையில் நேற்றைய தங்க விலையுடன் ஒப்பிடுகையில் இன்று (05) 24 கரட் தங்கம் பவுண் ஒன்றுக்கு 1000 ரூபாயால் குறைந்துள்ளதாக அகில இலங்கை நகையக வியாபாரிகள் சங்கம் தெரிவித்துள்ளது.

அந்தவகையில், தற்போதைய தங்க விலை நிலவரப்படி,

24 கரட் தங்கம் பவுண் ஒன்று 386,000 ரூபாயாக விற்பனை செய்யப்படுகிறது.

22 கரட் தங்கம் பவுண் ஒன்று 355,200 ரூபாயாகவும், விற்பனை செய்யப்படுகிறது.

இதன்படி, 24 கரட் தங்கத்தின் ஒரு கிராமின் விலை 48,250 ரூபாயாகவும்,

22 கரட் தங்கத்தின் ஒரு கிராமின் விலை 44,400 ரூபாயாகவும், விற்பனை செய்யப்படுகிறது.

முஸ்லிம்கள் என்ற பெயரை திட்டமிட்டு தவிர்த்தார்கள்...

noreply@blogger.com (www.jaffnamuslim.com) — Thu, 4 Jun 2026 22:42:04 +0200

தில்லியில் ஹவுஸ் ராணி என்கிற பகுதியில் திடீர் தீ விபத்து. மக்கள் பரிதவிக்கின்றார்கள்.

ஆமிர் கான், முஹம்மத் சுஹைப், வஸீம் ராஜா, முஹம்மத் அஃப்ஸல் ஆகிய 4 முஸ்லிம்கள் சட்டென்று தீக்குள் பாய்கின்றார்கள். தகிக்கும் சுவர்கள், புகை நிறைந்த படிக்கட்டுகளின் ஊடே மக்களைக் காப்பாற்றுவதில் முனைகின்றார்கள். ஏராளமானோரை வெற்றிகரமாகக் காப்பாற்றுகின்றார்கள்.

மேல்தளத்தில் பதைபதைத்து நிற்கின்ற மக்களின் அபயக் குரலைக் கேட்கின்றார் ரியாசுத்தீன். மெத்தை வியாபாரி. உயர்தர, கனத்த மெத்தைகள்தான் அவருடைய ஸ்பெஷாலிட்டி.

ரியாசுத்தின் உடனே தீர்மானிக்கின்றார். கடையிலிருந்த உயர்தர மெத்தைகளை வெளியே எடுத்து வந்து ஒன்றன் மீது ஒன்றாக வைத்து பரப்பி வைக்கின்றார். மேல்தளத்திலிருந்து மக்களை குதிக்கச் சொல்கின்றார். மெத்தை மேல் குதித்து சொற்பக் காயங்களுடன் மக்கள் உயிர் தப்புகின்றார்கள்.

முஸ்லிம்களின் இந்தத் தீரச் செயல் பரப்பரப்பாகப் பேசப்படுகின்றது. காணொளிகள் வைரலாகின்றன. மக்கள் கொண்டாடுகின்றார்கள்.

பத்திரிகைகளும் பாராட்டி எழுதின. என்ன எழுதினார்கள் தெரியுமா?

‘மக்களின் உயிர்களைக் காப்பாற்றிய உள்ளூர் மக்கள்’

முஸ்லிம்கள் என்ற பெயரை திட்டமிட்டு தவிர்த்தார்கள்.

எல்லாப் புகழும் இறைவனுக்கே!

(Azeez Luhftullah)

முஸ்லிம் சட்டத்தை உடனடியாக ரத்துசெய் - ஐ.நா. அலுவலகத்தில் முறைப்பாடு

noreply@blogger.com (www.jaffnamuslim.com) — Thu, 4 Jun 2026 22:19:53 +0200

ஐக்கிய நாடுகள் சபையினால் அங்கீகரிக்கப்பட்ட சிறுவர் உரிமைகள் தொடர்பான சர்வதேச உடன்படிக்கைக்கு முரணாகவும், இலங்கையின் அரசியலமைப்பை மீறும் வகையிலும் நீண்டகாலமாக நடைமுறையில் உள்ள முஸ்லிம் விவாக மற்றும் விவாகரத்துச் சட்டத்தை உடனடியாக ரத்து செய்ய நடவடிக்கை எடுக்குமாறு வலியுறுத்தி, ஐக்கிய நாடுகள் சபையின் கொழும்பு அலுவலகத்தில் (04) முறைப்பாடு ஒன்று கையளிக்கப்பட்டது.

சிங்கள ராவய தேசிய அமைப்பின் தலைவர் அக்மீமன தயாரத்ன தேரர் தலைமையிலான குழுவினர், குறித்த கோரிக்கையை முன்வைத்து இந்த முறைப்பாட்டை கையளித்தனர். 1951 ஆம் ஆண்டின் 13 ஆம் இலக்க முஸ்லிம் விவாக மற்றும் விவாகரத்துச் சட்டமானது, 12 வயதுக்கு உட்பட்ட சிறுமிகளைக் கூட விவாகம் செய்துகொள்ள அனுமதிப்பதன் மூலம், அது ஒரு சிறுவர் துஷ்பிரயோகமாகவே அமைகின்றது என்பதை வலியுறுத்தி இந்த முறைப்பாடு கையளிக்கப்பட்டது.

முறைப்பாட்டை கையளித்த பின்னர் சிங்கள ராவய தேசிய அமைப்பின் தலைவர் அக்மீமன தயாரத்ன தேரர் ஊடகங்களுக்கு கருத்து தெரிவிக்கையில்,

ஐக்கிய நாடுகள் சபையின் சிறுவர் உரிமைகள் உடன்படிக்கையின்படி, 18 வயது பூர்த்தியடையாத எவரும் சிறுவராகவே கருதப்படுகின்றனர். இனம், மதம், சாதி, குலம் அல்லது அரசியல் பின்னணி என எதுவாக இருந்தாலும், இந்த அடிப்படை வரையறையில் எந்த மாற்றமும் இருக்க முடியாது. ஆனால், இலங்கையில் நடைமுறையில் உள்ள 1951 ஆம் ஆண்டின் 13 ஆம் இலக்க முஸ்லிம் விவாக மற்றும் விவாகரத்துச் சட்டமானது, எமது நாடு ஏற்றுக்கொண்டுள்ள சர்வதேச உடன்படிக்கையை முற்றாக மீறும் வகையில் அமைந்துள்ளது.Beaches & Islands

குறிப்பாக, இந்தச் சட்டத்தின் கீழ் குவாஸியின் அனுமதியுடன் 12 வயதுக்கு உட்பட்ட சிறுமிகளைக்கூட விவாகம் செய்து கொள்வதற்கு இடமளிக்கப்படுகிறது. இது சிறுவர் உரிமைகளை மட்டுமன்றி, சிறுவர் துஷ்பிரயோகத்திற்கு வழிவகுக்கும் ஒரு பாரதூரமான செயற்பாடாகும். நாட்டின் பொதுவான சட்டத்துக்கு அமைய, முஸ்லிம் அல்லாத ஒரு நபர் 17 வயதுடைய ஒருவருடன் பாலியல் ரீதியாகத் தொடர்புபட்டால், அவர் சட்டத்தின் முன் குற்றவாளியாக்கப்பட்டு 10 அல்லது 15 ஆண்டுகள் வரை சிறைத்தண்டனைக்கு உள்ளாக்கப்படுகிறார். அவ்வாறிருக்கையில், ஒரு குறிப்பிட்ட சமூகத்துக்கு மாத்திரம் இத்தகைய சட்ட ரீதியான சலுகைகளை வழங்கி, நாட்டின் பொதுச்சட்டத்தை விஞ்சும் இத்தகைய செயற்பாடுகளுக்கு அனுமதிப்பது அடிப்படை உரிமைகளை மீறும் செயலாகும்.

மத ரீதியாகவோ அல்லது இன ரீதியாகவோ நாட்டின் சட்டங்களை மாற்றியமைக்க முடியாது. அனைத்துப் பிரஜைகளும் சட்டத்தின் முன் சமமானவர்களே. இத்தனை காலமும் இவ்வாறானதொரு சட்ட ஏற்பாடு எவ்விதம் நடைமுறையில் இருந்தது என்பது எமக்கு பாரதூரமான கேள்வியாக உள்ளது. இது சிறுவர்களின் அடிப்படை உரிமைகளைப் பாதுகாப்பதற்கான சர்வதேசக் கடப்பாட்டையும், நாட்டின் அதியுயர் சட்டமான அரசியலமைப்பையும் மீறும் ஒரு செயற்பாடாகும்.

எனவே, இந்தச் சட்ட ஏற்பாடுகளை வன்மையாகக் கண்டிப்பதோடு, சிறுவர் துஷ்பிரயோகத்துக்கு வித்திடும் இந்த சட்டத்தை உடனடியாக ரத்து செய்வதற்குத் தேவையான துரித நடவடிக்கைகளை எடுக்குமாறு ஐக்கிய நாடுகள் சபையிடமும், அரசாங்கத்திடமும் நாம் வலியுறுத்துகிறோம். இது தொடர்பான சட்ட ரீதியான அடுத்தகட்ட நடவடிக்கைகளை முன்னெடுக்கவும், இந்த அநீதியான சட்டத்தை இல்லாதொழிக்கவும் எமது ராவய அமைப்பு தீர்மானித்துள்ளது என்றார்.

தேவதையாக ஓடிவந்த பாத்திமா ஸைஹ்ரா

noreply@blogger.com (www.jaffnamuslim.com) — Thu, 4 Jun 2026 07:20:27 +0200

அந்த பிஞ்சுக் குழந்தையின் உயிரைக் காப்பாற்ற தேவதையாக ஓடி வந்த சிறுமி; மரணத்தின் விளிம்பிலிருந்து இரண்டரை வயது குழந்தையை மீட்ட 10 வயது பாத்திமா.

அந்தச் சிறுமியின் துணிச்சலுக்குப் பின்னால் நம்மை ஆச்சரியப்படுத்துவதோடு கண்களையும் கலங்க வைக்கும் ஒரு பெரிய கதை இருக்கிறது நண்பர்களே. கோதமங்கலம் கப்பூங்காச்சிறாவைச் சேர்ந்த பாத்திமா ஸைஹ்ரா என்ற அந்த 10 வயது சிறுமி,

உண்மையிலேயே அந்தக் குழந்தைக்காக கடவுளின் தூதராக வந்திருக்கிறாள். சம்பவம் நடந்தபோது அவள் தனது சைக்கிளில் சென்று கொண்டிருந்தாள்.

அவளுடன் இருந்த அத்தைதான் குளத்தில் இரண்டு கைகள் மட்டும் மேலே தெரிந்ததை திடீரென கவனித்தார். குளத்தில் மூழ்கிக் கொண்டிருப்பது ஒரு பிஞ்சுக் குழந்தை என்பதை உணர்ந்த உடனே, பாத்திமா ஒரு நொடி கூட யோசிக்கவில்லை. அவளது மனதில் இருந்தது அந்தக் குழந்தையின் உயிரைக் காப்பாற்ற வேண்டும் என்பதுதான். சைக்கிளிலிருந்து குதித்தவள் நேராக குளத்திற்குள் பாய்ந்தாள்!

தண்ணீரில் மூழ்கியிருந்த அந்த இரண்டரை வயது குழந்தையை அவள் அணைத்தபடி மேலே தூக்கி வந்து கரைக்குக் கொண்டு வந்தாள். கரை சேர்ந்ததும் பதற்றப்படாமல் குழந்தையின் கன்னத்திலும் முதுகிலும் மெதுவாகத் தட்டி, வயிற்றுக்குள் சென்றிருந்த தண்ணீரை வெளியேற்ற முயன்ற அவளது சமயோசித புத்தி உண்மையிலேயே வியக்க வைக்கிறது. நான்கு வயதிலிருந்தே நீச்சல் கற்றிருந்ததால்தான் இந்தச் சிறிய வயதிலேயே அவளால் இத்தனை தைரியமாக குளத்திற்குள் குதிக்க முடிந்தது.

சற்று யோசித்துப் பாருங்கள்; ஒரு நிமிடம் தாமதமாகியிருந்தால்கூட அந்தக் குடும்பம் எவ்வளவு பெரிய இழப்பைச் சந்தித்திருக்கும்! தனது உயிரைப் பற்றிக் கவலைப்படாமல் மற்றொரு குழந்தையின் உயிரைக் காப்பாற்றிய பாத்திமாவை எவ்வளவு பாராட்டினாலும் அது போதாது. நீதான் உண்மையான ஹீரோ; கேரளத்தின் பெருமை!

இறைவன் உன்னை எப்போதும் ஆசீர்வதிக்கட்டும்...🤲

தவறான தகவல்களை பரப்புவதன் மூலம், விலைகளை செயற்கையாக உயர்த்தும் நிலை

noreply@blogger.com (www.jaffnamuslim.com) — Thu, 4 Jun 2026 07:10:47 +0200

இலங்கையில் இறக்குமதி கட்டுப்பாடுகளை விதிக்கும் நோக்கம் ஏதுமில்லை என இலங்கை மத்திய வங்கியின் ஆளுநர் நந்தலால் வீரசிங்க தெரிவித்துள்ளார்.

இறக்குமதி கட்டுப்பாடுகள் விதிக்கப்படும் என்ற தவறான தகவல்களை பரப்புவதன் மூலம், தேவையற்ற தேவையை உருவாக்கி, சில இறக்குமதிப் பொருட்களின் விலைகளை செயற்கையாக உயர்த்தும் சூழலை உருவாக்கும் நிலை ஏற்பட்டுள்ளது.

“இறக்குமதி கட்டுப்பாடுகளை விதிப்பதன் மூலம் அமெரிக்க டொலருக்கான தேவையை குறைப்பது போன்ற செயல்முறைகளில் ஈடுபடும் நோக்கம் ஏதுமில்லை” என அவர் தெளிவுபடுத்தியுள்ளார்.

குவைத், பஹ்ரைன் நாடுகள் மீது ஈரான் நடத்திய தாக்குதல்கள் சுய பாதுகாப்பிற்காக நடத்தப்பட்டவை

noreply@blogger.com (www.jaffnamuslim.com) — Wed, 3 Jun 2026 22:24:40 +0200

குவைத் மற்றும் பஹ்ரைன் நாடுகள் மீது ஈரான் நடத்திய ஏவுகணை மற்றும் டிரோன் தாக்குதல்கள் தங்களின் சுய பாதுகாப்பிற்காக நடத்தப்பட்ட "தற்காப்புத் தாக்குதல்கள்" என ஈரான் வெளியுறவு அமைச்சர் அப்பாஸ் அராக்சி தெரிவித்துள்ளார்.

ஈரானியப் படைகள் குவைத் மற்றும் பஹ்ரைனில் உள்ள குறிப்பிட்ட சில இடங்களை மட்டுமே இலக்கு வைத்துள்ளது. ஏனெனில், அந்த இடங்களைத்தான் அமெரிக்கப் படைகள் சிவிலியன் கப்பல் போக்குவரத்தின் மீது தாக்குதல் நடத்தவும், போர்நிறுத்த ஒப்பந்தத்தை மீறவும் பயன்படுத்தி வருகின்றன. தடைகளாலும் போரினாலும் சாதிக்க முடியாத ஒன்றை, மேலும் ஒரு போரைக் கொண்டு வந்து சாதித்துவிட முடியாது என குறிப்பிட்டுள்ளார்.

ஈரான் மீதோ அல்லது ஈரானிய கடற்படை மீதோ எப்போதெல்லாம் தாக்குதல் நடத்தப்படுகிறதோ, அப்போதெல்லாம் அந்தத் தாக்குதல் எங்கிருந்து தொடங்கப்பட்டதோ அந்த இடத்தைக் குறிவைத்து ஈரானிய இராணுவம் தக்க பதிலடி கொடுக்கும் என்று அவர் சுட்டிக்காட்டியுள்ளார்.

3 கோடி ரூபா பணத்தை கொள்ளையடித்துக் கொண்டு ஓடிய நபர்

noreply@blogger.com (www.jaffnamuslim.com) — Wed, 3 Jun 2026 15:16:08 +0200

ஹொரணையில் உள்ள அரச வங்கி ஏடிஎம் (ATM ) இயந்திரத்தில் வைப்பதற்காகக் கொண்டுவரப்பட்ட 3 கோடி ரூபாவிற்கும் அதிக பணம் அடங்கிய பணப்பையை நபரொருவர் கொள்ளையடித்து தப்பியோடியுள்ளார். இன்று பிற்பகல் (3) இந்த சம்பவம் இடம்பெற்றுள்ளது

வங்கியின் பாதுகாப்பு மற்றும் பணப் பரிமாற்ற நடவடிக்கைகள் இடம்பெற்றுக் கொண்டிருந்த வேளையிலேயே இந்தத் திருட்டுச் சம்பவம் இடம்பெற்றுள்ளதாக முதற்கட்ட விசாரணைகளில் இருந்து தெரியவந்துள்ளது.

வங்கி ஊழியர் ஒருவர் 2 பணப்பைகளை எடுத்துக்கொண்டு வங்கியின் பின்புறக்கதவு வழியாக உள்ளே சென்றபோது, அங்கு வந்த நபர் ஒருவர் பணப்பைகளை வலுக்கட்டாயமாக பறித்துக்கொண்டு தப்பிச்சென்றுள்ளதாக தெரிவிக்கப்படுகின்றது. பணத்தைத் திருடிய நபர் குறித்து இதுவரை எந்த தகவலும் வெளியாகவில்லை என்றும் தெரியவந்துள்ளது. See less

ரூபா இன்றும் சரிந்தது

noreply@blogger.com (www.jaffnamuslim.com) — Wed, 3 Jun 2026 12:08:28 +0200

இலங்கை ரூபாயின் மதிப்பு இன்று (03) அமெரிக்க டாலருக்கு எதிராக மேலும் சரிந்துள்ளது.

இலங்கை மத்திய வங்கியின்படி, அமெரிக்க டாலரின் வாங்கும் விகிதம் ரூ. 326.75-லிருந்து ரூ. 328.00 ஆகவும், விற்கும் விகிதம் ரூ. 336.60-லிருந்து ரூ. 337.97 ஆகவும் அதிகரித்துள்ளது.

ஆஸ்திரேலிய டாலர், யூரோ மற்றும் ஸ்டெர்லிங் பவுண்ட் உள்ளிட்ட பல்வேறு வெளிநாட்டு நாணயங்களுக்கு எதிராக இலங்கை ரூபாயின் மதிப்பு பெருமளவில் உயர்ந்துள்ளது.

பஹ்ரைன் மற்றும் குவைத் தினார்களுக்கு எதிராக ரூபாயின் மதிப்பு குறிப்பிடத்தக்க அளவில் சரிந்துள்ளது.

கோட்டாபாய வெளிநாடு செல்ல தடை

noreply@blogger.com (www.jaffnamuslim.com) — Wed, 3 Jun 2026 08:56:39 +0200

ஈஸ்டர் ஞாயிறு பயங்கரவாதத் தாக்குதல் தொடர்பான விசாரணைகளுக்கு அமைவாக, முன்னாள் ஜனாதிபதி கோட்டாபய ராஜபக்ஷ மற்றும் 2 இராணுவ அதிகாரிகளுக்கு வெளிநாட்டுப் பயணத்தடை விதிக்குமாறு கோட்டை நீதவான் பசன் அமரசேன உத்தரவிட்டுள்ளார்.

ஈஸ்டர் ஞாயிறு பயங்கரவாதத் தாக்குதல் தொடர் தொடர்பாக, அரச புலனாய்வுச் சேவையின் முன்னாள் பணிப்பாளர் ஓய்வுபெற்ற மேஜர் ஜெனரல் சுரேஷ் சலே சந்தேகநபராகப் பெயரிடப்பட்டுள்ள வழக்கு இன்று (03) விசாரணைக்கு எடுத்துக்கொள்ளப்பட்ட போதே இந்த உத்தரவு பிறப்பிக்கப்பட்டுள்ளது.

நீ ஒரு கிறுக்கன், இப்போது எல்லோரும் உன்னை வெறுக்கிறார்கள்..

noreply@blogger.com (www.jaffnamuslim.com) — Wed, 3 Jun 2026 07:44:20 +0200

பேச்சுவார்த்தையிலிருந்து விலகுவதாக ஈரான் மிரட்டியதைத் தொடர்ந்து, நெதன்யாகுவிடம் டிரம்ப்: “நீ ஒரு கிறுக்கன். நான் மட்டும் இல்லையென்றால் நீ சிறையில் இருந்திருப்பாய். நான் உன்னைக் காப்பாற்றுகிறேன்.”

பேச்சுவார்த்தையிலிருந்து விலகுவதாக ஈரான் மிரட்டியதைத் தொடர்ந்து, பெய்ரூட் மீதான திட்டமிடப்பட்ட தாக்குதலை ஒத்திவைக்குமாறு அதிபர் டிரம்ப் உடனடியாக இஸ்ரேலியப் பிரதமர் நெதன்யாகுவைத் தொலைபேசியில் அழைத்ததாக ஆக்சியோஸ் செய்தி வெளியிட்டுள்ளது.

அந்த அழைப்பில், அதிபர் டிரம்ப் நெதன்யாகு மீது வெளிப்படையாகக் கோபமடைந்து, “நீ ஒரு கிறுக்கன். நான் மட்டும் இல்லையென்றால் நீ சிறையில் இருந்திருப்பாய். நான் உன்னைக் காப்பாற்றுகிறேன். இப்போது எல்லோரும் உன்னை வெறுக்கிறார்கள். இதன் காரணமாக எல்லோரும் இஸ்ரேலை வெறுக்கிறார்கள். என்ன மயிரைச் செய்து கொண்டிருக்கிறாய்?” என்று கூறினார்.

ஈரானுடனான ராஜதந்திர உறவுகளை நெதன்யாகு சீர்குலைக்க முயற்சிப்பதாக டிரம்ப் கருதியதால், இரு தலைவர்களுக்கும் இடையே நடந்ததிலேயே இதுதான் மிக மோசமான அழைப்பு என்று ஒரு அமெரிக்க அதிகாரி கூறுகிறார்.

News Sources Axios

தானாக ஓடிய ரயில் - பெரும் விபத்து தவிர்க்கப்பட்டது

noreply@blogger.com (www.jaffnamuslim.com) — Wed, 3 Jun 2026 07:14:39 +0200

குருணாகல் ரயில் நிலையத்தில் நிறுத்தி வைக்கப்பட்டிருந்த களனி குமாரி என பிரபலமாக அழைக்கப்படும் ரயில், ஓட்டுநர் எவருமில்லாமல் தானாகவே முன்னோக்கி நகர்ந்த சம்பவம் பரபரப்பை ஏற்படுத்தியுள்ளது.

அதேநேரத்தில் மட்டக்களப்பு நோக்கி பயணித்துக் கொண்டிருந்த மீனகயா அதிவேக ரயிலுடன் மோதவிருந்த பெரும் விபத்து தவிர்க்கப்பட்டுள்ளது.

ரயில் பிரேக் செயலிழந்ததால், அது எந்தவொரு கட்டுப்பாடும் இன்றி பொத்துஹெர திசையை நோக்கி தானாகவே நகரத் தொடங்கி, நிறுத்த கடுமையாக முயற்சித்த போதிலும், கட்டுப்பாடின்றி நகர்ந்து, குருணாகல் தொடருந்து நிலையத்திலிருந்து சுமார் 400 மீட்டர் தொலைவில் உள்ள நைலிய ரயில் நிலையத்திற்கு அருகிலுள்ள மலை போன்ற மேடான பகுதியில் ஏறி தானாகவே நின்றுள்ளது.

போருக்கு மத்தியிலும் ஈரானின், ஒரு அற்புதமான செயற்பாடு

noreply@blogger.com (www.jaffnamuslim.com) — Tue, 2 Jun 2026 18:42:43 +0200

மத்திய கிழக்கிலேயே மிகப்பெரிய புற்றுநோய் சிகிச்சை மையத்தை ஈரான் திறந்துள்ளது.

தெஹ்ரானில் அமைந்துள்ள இந்த மருத்துவ மையத்தில் 37 சிறப்புத் துறைகள், 11 இமேஜிங் மற்றும் கதிர்வீச்சு சிகிச்சை இயந்திரங்கள் மற்றும் 96 கீமோதெரபி படுக்கைகள் உள்ளன.

இந்த மையத்தில் அனைத்து வகையான புற்றுநோய்களுக்கும் சிகிச்சை அளிக்கப்படும். இதன் மொத்த முதலீடு சுமார் 1 பில்லியன் டாலர் ஆகும்.

இது ஆண்டுதோறும் 200,000 நோயாளிகளுக்கு சிகிச்சை அளிக்கும் என எதிர்பார்க்கப்படுகிறது மற்றும் 280 புற்றுநோய் நிபுணர்கள் இங்கு பணிபுரிகின்றனர்.

அர்கம் நூராமித் வெளியிட்டுள்ள விளக்கம்

noreply@blogger.com (www.jaffnamuslim.com) — Tue, 2 Jun 2026 10:25:20 +0200

ஹஜ் பயணத்தின் போது சவூதி அரேபியா இராச்சியத்தில் ஏற்பட்ட சமீபத்திய விசாரணைகள் தொடர்பான நன்றியும் விளக்கமும்.

அனைத்து புகழும் உலகங்களின் இறைவனான அல்லாஹ்வுக்கே உரியது. நபிகள் நாயகம் முஹம்மத் (ஸல்) அவர்களுக்கும், அவர்களின் குடும்பத்தினருக்கும், தோழர்களுக்கும், அவர்களின் வழிகாட்டுதலைப் பின்பற்றுவோருக்கும் அமைதியும் அருளும் உண்டாவதாக.

புனித ஹஜ் கடமையை நிறைவேற்றுவதற்காக சவூதி அரேபியா இராச்சியத்தில் தங்கியிருந்த காலத்தில் ஏற்பட்ட சமீபத்திய நிகழ்வுகள் குறித்து சுருக்கமாக விளக்க விரும்புகிறேன்.

புத்தசாசன, சமய மற்றும் கலாசார அலுவல்கள் அமைச்சின் கீழ் செயல்படும் முஸ்லிம் சமய மற்றும் கலாசார அலுவல்கள் திணைக்களத்தின் நூல் பரிசீலனைக்குழு உறுப்பினராக நான் வகித்த பங்கிற்கு தொடர்பாக ஒருவர் அளித்த முறைப்பாட்டின் அடிப்படையில், என்னை மினா பொலிஸ் நிலையத்தில் முன்னிலையாகுமாறு கேட்டுக்கொள்ளப்பட்டது. அங்கு அந்த முறைப்பாட்டுடன் தொடர்புடைய சில விடயங்கள் குறித்து என்னிடம் விசாரணை மேற்கொள்ளப்பட்டது.

இந்த செயல்முறையின் போது, சவூதி அரேபியா இராச்சியத்திற்கான இலங்கைத் தூதுவர் மேதகு அமீர் அஜ்வாத் அவர்கள், ஜித்தாவிற்கான இலங்கைத் துணைத் தூதர் ஓய்வு பெற்ற நீதிபதி எம். எம். லஃபார் தாஹிர் அவர்களுடன் இணைந்து, சமய மற்றும் கலாசார அலுவல்கள் பிரதியமைச்சர் கௌரவ முனீர் முலஃபர் அவர்களின் ஆலோசனையின் பேரில் சம்பந்தப்பட்ட அதிகாரிகளுடன் பேச்சுவார்த்தை நடத்தினர்.

மேலும், சவூதி அரேபியா இராச்சியத்தின் இஸ்லாமிய அலுவல்கள் அமைச்சின் அதிகாரிகளிடமும் சில தகவல்களை வழங்குமாறு என்னிடம் கோரப்பட்டது. துரதிருஷ்டவசமாக, இந்த வழக்கமான செயல்முறைகள் பலவிதமான வதந்திகளுக்கும் ஊகங்களுக்கும் வழிவகுத்தன. அவற்றில் பல உண்மைக்குப் புறம்பானவையாக இருந்தன.

எனது சவூதி அரேபியா தங்கியிருந்த காலப்பகுதியில் எந்த நிலையிலும் நான் கைது செய்யப்படவோ, தடுத்து வைக்கப்படவோ இல்லை என்பதையும், சவூதி அதிகாரிகளால் எனது கடவுச்சீட்டு எப்போதும் பறிமுதல் செய்யப்படவில்லை என்பதையும் தெளிவாக வலியுறுத்த விரும்புகிறேன்.

அல்லாஹ்வின் அருளால், சவூதி அரேபிய வெளியுறவு அமைச்சின் ஆலோசனையுடனும், மேதகு அமீர் அஜ்வாத் அவர்களின் ஒத்துழைப்புடனும், நான் 2026 மே 31 ஆம் திகதி பாதுகாப்பாக இலங்கைக்கு திரும்பினேன்.

இந்த முழு காலப்பகுதியிலும் அகில இலங்கை ஜம்இய்யத்துல் உலமா (ACJU) அமைப்பு விரைவாகவும் பொறுப்புடனும் செயல்பட்டது. ACJU உறுப்பினர்கள் நேரடியாக இலங்கை பிரதமர் அலுவலகத்துடன் தொடர்புகொண்டு, எனது பாதுகாப்பு மற்றும் நலன் தொடர்பான கவலைகளை எடுத்துரைத்தனர். அதோடு, வெளியுறவு அமைச்சுடனும் தொடர்பு கொண்டு, பதில் வெளியுறவு அமைச்சர் கௌரவ அருண் ஹேமச்சந்திர அவர்களைச் சந்தித்து தேவையான அனைத்து இராஜதந்திர உதவிகளும் வழங்கப்படுவதை உறுதி செய்தனர்.

எனது நலனையும் பாதுகாப்பான மீள்வருகையையும் உறுதிப்படுத்த தனிப்பட்ட கவனமும் ஆதரவும் வழங்கிய பிரதமர் டாக்டர் ஹரிணி அமரசூரிய அவர்களுக்கும், பதில் வெளியுறவு அமைச்சர் கௌரவ அருண் ஹேமச்சந்திர அவர்களுக்கும் நான் விசேட நன்றியைத் தெரிவித்துக்கொள்கிறேன்.

மேலும், இலங்கை ஹஜ் குழுவை வழிநடத்திய சமய மற்றும் கலாசார அலுவல்கள் பிரதியமைச்சர் கௌரவ ஷெய்க் முனீர் முலஃபர் அவர்களுக்கும், முஸ்லிம் சமய மற்றும் கலாசார அலுவல்கள் திணைக்கள பணிப்பாளருக்கும், ஹஜ் குழுத் தலைவர் ரியாஸ் மிஹுலார் அவர்களுக்கும், குழு உறுப்பினர்களுக்கும், இந்த விடயத்தை சுமூகமாகத் தீர்க்க tireless-ஆக உழைத்த அனைத்து அதிகாரிகளுக்கும் எனது மனமார்ந்த நன்றிகளைத் தெரிவித்துக்கொள்கிறேன்.

இலங்கை அரசாங்கத்திற்கும், சவூதி அரேபியா அரசாங்கத்திற்கும், சவூதியில் உள்ள இலங்கை தூதரகத்திற்கும் மற்றும் துணைத் தூதரகத்திற்கும், இலங்கைக்கான சவூதி அரேபியா தூதுவர் மேதகு ஷெய்க் காலித் அல்-கஹ்தானி அவர்களுக்கும், அகில இலங்கை ஜம்இய்யத்துல் உலமா தலைவர் ஷெய்க் எம். ஐ. எம். ரிஸ்வி முஃப்தி அவர்களுக்கும், ACJU உறுப்பினர்களுக்கும், Traveller Global நிறுவனத்தின் ரிஸ்மி ரியல் அவர்களுக்கும், எங்களது ஹஜ் குழு உறுப்பினர்களுக்கும், பொறுப்புடன் செயல்பட்ட சமூக ஊடக செயற்பாட்டாளர்களுக்கும், உலகம் முழுவதும் இருந்து அக்கறை, ஆதரவு மற்றும் ஒற்றுமையை வெளிப்படுத்திய நண்பர்கள், அறிஞர்கள், நல்வாழ்த்துநர்கள் மற்றும் இலங்கை முஸ்லிம் சமூகத்தினருக்கும் எனது இதயப்பூர்வமான நன்றிகளைத் தெரிவித்துக்கொள்கிறேன்.

குறிப்பாக, என்னை தங்களது துஆக்களில் நினைவுகூர்ந்த அனைவருக்கும் நான் மிகவும் நன்றியுள்ளவனாக இருக்கிறேன். இந்த காலத்தில் எனக்கும் எனது குடும்பத்தினருக்கும் வழங்கப்பட்ட துஆக்கள், செய்திகள் மற்றும் ஆதரவுகள் எங்களை ஆழமாக நெகிழச்செய்தன.

இப்போது நான் பாதுகாப்பாக நாடு திரும்பியுள்ள நிலையில், இனிமேலும் உறுதிப்படுத்தப்படாத தகவல்களைப் பரப்புவதிலிருந்தும் தேவையற்ற ஊகங்களில் ஈடுபடுவதிலிருந்தும் அனைவரும் விலகி இருக்குமாறு மரியாதையுடன் கேட்டுக்கொள்கிறேன். எவ்வித விடயங்கள் மீதமிருந்தாலும், அவை தேவையான சட்ட மற்றும் நிர்வாக நடைமுறைகளின் ஊடாக முறையாக கையாளப்படும்.

நாம் அனைவரும் புரிந்துணர்வு, ஒற்றுமை மற்றும் பரஸ்பர மரியாதையுடன் முன்னேறுவோமாக. இந்த நிகழ்வுகளால் யாருக்காவது சிரமமோ மனவருத்தமோ ஏற்பட்டிருந்தால், அவர்களிடமிருந்து பணிவுடன் மன்னிப்புக் கோருகிறேன். இந்த காலத்தில் உதவி செய்த அனைவருக்கும் அல்லாஹ் நன்மை வழங்குவானாக என்று பிரார்த்திக்கிறேன்.

அல்லாஹ் நம்மை அனைவரையும் நேர்வழியில் நடத்துவானாக. நம்மிடையிலான ஒற்றுமையை வலுப்படுத்துவானாக. தவறான புரிதல்கள் மற்றும் பிளவுகளிலிருந்து நம்மை பாதுகாப்பானவனாக ஆக்குவானாக. நமது மார்க்கத்திற்கும், நாட்டிற்கும், மனிதகுலத்திற்கும் உண்மையுடனும் நேர்மையுடனும் சேவை செய்யும் வாய்ப்பை நமக்கு அளிப்பானாக.

ஷெய்க் அர்கம் நூராமித்

இந்நிலை தொடருமானால், நாட்டின் பொருளாதாரம் பேரழிவிற்கு உள்ளாக்கும்

noreply@blogger.com (www.jaffnamuslim.com) — Tue, 2 Jun 2026 09:31:38 +0200

எரிபொருள் விலைகள் அதிகரிக்கப்பட்ட போதிலும், விற்கப்படும் ஒவ்வொரு லிட்டர் எரிபொருளிலிருந்தும் இலங்கை பெட்ரோலியக் கூட்டுத்தாபனம் இன்னும் கணிசமான நிதி நட்டத்தை எதிர்கொண்டு வருவதாக அதன் தலைவர் டி.ஜே.ராஜகருண தெரிவித்துள்ளார்.

உலக சந்தையில் எரிபொருள் விலைகள் கடுமையாக உயர்ந்துள்ள போதிலும், அரசாங்கம் பெருமளவிலான மானியங்களை வழங்கிப் பொதுமக்களைப் பாதுகாத்து வந்ததாகக் குறிப்பிட்ட அவர், எனினும் இந்த மானியங்களுக்காக ஒதுக்கப்பட்ட நிதி தற்போது வேகமாகத் தீர்ந்து வருவதாக எச்சரித்துள்ளார்.

ஒரு லிட்டர் டீசலுக்கு 100 ரூபாவும், ஒரு லிட்டர் பெட்ரோலுக்கு 20 ரூபாவும் மானியமாக வழங்குவதற்காக அரசாங்கம் 57 பில்லியன் ரூபா என்ற பிரம்மாண்ட தொகையை ஒதுக்கியிருந்தது. இந்த நிதி நிவாரணமானது கடந்த ஏப்ரல் மற்றும் மே மாதங்களில் பேணப்பட்டதுடன், இந்த ஜூன் மாதத்திலும் தொடரும் என அவர் குறிப்பிட்டுள்ளார்.

எனினும், இதற்கென ஒதுக்கப்பட்ட நிதி இந்த ஜூன் மாத இறுதியுடன் முழுமையாகத் தீர்ந்துபோகவுள்ளதால், நாட்டின் பொருளாதாரத்தில் மேலும் ஸ்திரமற்ற நிலை ஏற்படுவதைத் தடுப்பதற்காகவே அரசாங்கம் எரிபொருள் விலைகளை அதிகரிக்க நிர்பந்திக்கப்பட்டது என அவர் விளக்கமளித்துள்ளார்.

எரிபொருள் இறக்குமதிக்காக வெளிநாடுகளுக்குச் செல்லும் டொலர்களின் அளவு பாரியளவில் அதிகரித்துள்ளமை இந்நெருக்கடியை மேலும் தீவிரப்படுத்தியுள்ளது. முன்னைய மாதங்களில் மாதமொன்றிற்கு 100 மில்லியன் முதல் 120 மில்லியன் டொலர் வரை மட்டுமே காணப்பட்ட எரிபொருள் இறக்குமதிச் செலவு, கடந்த மாதத்தில் 522 மில்லியன் டொலர்களாகக் கடுமையாக உயர்ந்துள்ளது.

இந்த அசாத்திய டொலர் வெளியேற்றம் வெளிநாட்டு நாணய மாற்றுச் சந்தையை கடுமையாகப் பாதித்துள்ளது எனத் தலைவர் எச்சரித்துள்ளார். இந்த நிலை தொடருமானால், அது எரிபொருள் விலையை மட்டுமன்றி, நாட்டின் அனைத்துப் பொருட்கள் மற்றும் சேவைகளின் விலைகளிலும் சங்கிலித் தொடர் விளைவை ஏற்படுத்திப் பொருளாதாரத்தைப் பேரழிவிற்கு உள்ளாக்கும் என எச்சரித்துள்ள அவர், எரிபொருள் நுகர்வை விவேகமான முறையில் குறைத்துக் கொள்ளுமாறு பொதுமக்களிடம் கேட்டுக்கொண்டுள்ளார்.

ஒரு லிட்டர் எரிபொருளுக்கான உண்மையான அடக்கவிலை விபரம், கூட்டுத்தாபனம் எதிர்நோக்கும் நட்டங்கள் குறித்த விபரங்களை அதன் தலைவர் பின்வருமாறு வெளிப்படுத்தியுள்ளார்.

ஒரு லிட்டர் ஒட்டோ டீசலின் உண்மையான அடக்கவிலை 536 ரூபாவாகக் காணப்படும் நிலையில், அது சந்தையில் 407 ரூபாவிற்கே விற்பனை செய்யப்படுகிறது. இதன் காரணமாக, அரசாங்கத்தின் நிதியுதவிகளையும் தாண்டி ஒவ்வொரு லிட்டர் டீசலிலிருந்தும் கூட்டுத்தாபனத்திற்கு 29 ரூபா தொடர் நட்டம் ஏற்படுகிறது.

இதேபோன்று, ஒரு லிட்டர் பெட்ரோலை இறக்குமதி செய்து சுத்திகரிப்பதற்கு 494 ரூபா செலவாகும் நிலையில், அது 434 ரூபாவிற்கே விற்பனை செய்யப்படுகிறது. இதன் மூலம் ஒரு லீற்றர் பெட்ரோலிலிருந்து கூட்டுத்தாபனத்திற்கு 60 ரூபாவிற்கும் அதிக நிகர நட்டம் ஏற்படுகிறது.

இந்த நிதி நெருக்கடியைச் சமாளிப்பதற்காக, டிஜிட்டல் உள்கட்டமைப்பு அமைச்சுடன் இணைந்து, தேசிய எரிபொருள் கியூ.ஆர். குறியீட்டு முறைமையை 100 வீதம் கட்டாயமாக்குவதற்குப் புதிய கடுமையான கொள்கையொன்றை பெட்ரோலியக் கூட்டுத்தாபனம் அமுல்படுத்தவுள்ளது.

கடந்த காலங்களில் சில எரிபொருள் நிரப்பு நிலையங்கள் இந்த கியூ.ஆர். முறையைப் புறக்கணித்திருந்ததை ஏற்றுக்கொண்ட தலைவர், எனினும் தற்போதைய செயல்பாட்டுச் செலவுகளை ஈடுசெய்யும் வகையில் எரிபொருள் விற்பனையாளர்களுக்கான கமிஷன் தொகையை கூட்டுத்தாபனம் ஏற்கனவே அதிகரித்துள்ளதைச் சுட்டிக்காட்டினார்.

புதிய டிஜிட்டல் கண்காணிப்பு முறையின் மூலம், நாடளாவிய ரீதியிலுள்ள அனைத்து எரிபொருள் நிரப்பு நிலையங்களிலும் கியூ.ஆர். குறியீடு மூலம் எத்தனை லிட்டர் எரிபொருள் விநியோகிக்கப்படுகிறது என்பதை கூட்டுத்தாபனத்தால் இப்போது துல்லியமாகக் கண்காணிக்க முடியும்.

இது குறித்துப் பேசிய கூட்டுத்தாபனத்தின் தலைவர்,

"இந்த வாரம் முதல் நாங்கள் இதனை முழுமையாகக் கண்காணிக்கத் தொடங்குவோம். ஏதேனும் ஒரு எரிபொருள் நிரப்பு நிலையம் வாடிக்கையாளர்களுக்கு எரிபொருளை வழங்கும் போது இந்த கியூ.ஆர். குறியீட்டு முறையைத் தீவிரமாகப் பின்பற்றத் தவறினால், அவர்களுக்கு அண்மையில் வழங்கப்பட்ட அனைத்து நிதியுதவிகளும் ஊக்குவிப்பு தொகைகளும் உடனடியாக ரத்துச் செய்யப்பட்டு வெட்டப்படும்" என மிகவும் திட்டவட்டமாக எச்சரித்துள்ளார்.

கோர விபத்தினை ஏற்படுத்தியவன் தொடர்பில் வெளியான பல தகவல்கள்

noreply@blogger.com (www.jaffnamuslim.com) — Tue, 2 Jun 2026 09:22:03 +0200

மீகொட பகுதியில் அன்னதான வரிசையில் கோர விபத்தினை ஏற்படுத்திய நபர் தொடர்பில் பொலிஸார் பல தகவல்களை வெளியிட்டுள்ளனர்.

விபத்து முந்தைய நாள் நள்ளிரவு வரை அவிசாவெல்லை பகுதியில் மேலும் இருவருடன் மது அருந்தி, பின்னர் மூவரும் வாடகைக்காரில் ஏறி, அவிசாவெல்லை-கொழும்பு பிரதான வீதியில் கொழும்பை நோக்கி வேகமாக சென்றுள்ளனர். மயக்கமடையும் அளவுக்கு மது அருந்தியதாக கூறப்படும் நபர் வழியில் மேலும் இருவரை மோதிவிட்டு, அதிவேகமாக வாகனத்தை செலுத்திச்சென்றமை கண்டறியப்பட்டுள்ளது.

இதனையடுத்து நள்ளிரவு 12.30 மணியளவில் மீகொட சந்திப்பில் ரொட்டி தன்சல் நடைபெற்றுக்கொண்டிருந்த போது சாலையில் கடும் போக்குவரத்து நெரிசல் ஏற்பட்டுள்ளது. போக்குவரத்து நெரிசலைக்கண்டு, கடும் கோபமடைந்து, வரிசையில் காத்திருந்த மக்கள் மீது வாகனத்தை அதிவேகமாக மோதிச்சென்றதாக பொலிஸ் விசாரணையில் தெரியவந்துள்ளது.

இதனையடுத்து வாகனத்தை நிறுத்தாமல் சென்ற போது பொலிஸார் மற்றும் அங்கிருந்த இளைஞர்கள் குழு துரத்திச்சென்று கொடகம சந்திப்பில் பிடித்துள்ளனர்.இதன்போது அவர் போதையில் சுயநினைவின்றி சிரித்துக்கொண்டே இருந்துள்ளமை தெரியவந்துள்ளது.

இவ்வாறு கைது செய்யப்பட்ட சந்தேகநபரிடம் முறையான சாரதி அனுமதிப்பத்திரம் இல்லை என்பதும், வாகனத்தின் உரிமமும் முன்பே வழங்கப்பட்டிருந்தது என்பதும் தெரியவந்துள்ளது.

நிஸா டீச்சர்

noreply@blogger.com (www.jaffnamuslim.com) — Mon, 1 Jun 2026 23:24:03 +0200

1990 களின் பிறகு யாழில் இருந்து மள்வானைக்கு வந்து குடும்பமாக குடி பெயர்ந்தவர். மள்வானை அல் முபாரக் மத்திய கல்லூரியில் ஆசிரியராகப் பணியாற்றி வந்தார். இறுதியாக அல் முபாரக் கனிஷ்ட பாடசாலையிலும் தற்காலிக இணைப்பு பெற்று அல் மஹ்மூத் வித்தியாலத்திலும் கற்பித்தலில் ஈடுபட்டார்.

கடந்த சில வருடங்களாக நீரிழிவு அவரை கடுமையாக பாதித்து வந்த நிலையில் வீட்டில் சறுக்கி விழுந்து கால் உடைந்து plate மாற்ற வேண்டிய நிலையில் சிறுநீரக பாதிப்பும் ஏற்பட்டு கட்டிலோடே இருக்க வேண்டிய நிலையில் 1/6/2026 இல் வபாத் தாகியுள்ளார். அல்லாஹ் அன்னாரின் பாவங்களை மன்னிக்கட்டும். இந்த புனித மாதத்தின் திங்கள் தினத்தில் தன் பக்கத்தில் அழைத்துள்ளான். அவரது நிரந்தர மண்ணறை வாழ்வை மலர்ச்சியானதாக மகிழ்ச்சியானதாக மாற்றட்டும்

யாழில் இருந்து வந்து இங்கு ஆசிரிய பணியாற்றிய போது நான் 1997 களில் 7ம் வகுப்பில் இருந்தேன். அப்பொழுது மிக அழகாக தமிழ் கற்பித்தார். அவர் கற்பித்த அணியிலக்கணம் வேற்றுமை உறுப்புகள் இன்னும் மனதில் ஆழமாக பதிந்து இருக்கின்றன. அவரது பிள்ளைகளுக்கும் ஆரம்ப பிரிவிலும் உயர் தர கலைப் பிரிவிலும் கற்பித்துள்ளேன். சுமார் 15 ஆண்டுகள் தொழில் சார்ந்தும் அதைவிட அதிகமாக குடும்ப உறவு போலவும் வாழ்ந்துள்ளோம். நீங்கள் எனக்கு தம்பி போல என்று தான் கூறுவார். அவரது வீட்டில் என்ன விஷேசம் என்றாலும் ஒரு பங்கு வந்து சேரும். இப்படி நினைவுகளின் சாரலில் நிறையவே எழுதலாம். இன்று அவர் நாளை நாம் அவ்வளவு தான் வாழ்வு.

கஷ்டத்துக்கு மத்தியில் தாயகம் துறந்து இங்கு மள்வானை வந்து கண்ணியமாக வாழ்ந்தவர். அடுத்தவர்களுக்கு எப்போதும் தன் செல்வத்தால் உதவி செய்யக்கூடிய பண்பு அவரிடம் இருந்தது. கடன் கொடுப்பது, கஷ்டத்தில் கை கொடுப்பது அவரின் பிறவிக் குணம்.

2015 களின் இறுதியில் வாடகை வீடின்றி நான் அலைந்து திரிந்த போது, தனது வீட்டை தயக்கமின்றி ஐந்து மாதங்கள் வரை இலவசமாக தந்து முதல் நாளே எமக்கு சாப்பாடும் தந்து வாராந்தம் வெள்ளி சிறப்பு விருந்தும் அனுப்பி வைப்பார்.

தற்றுணிவான பெண். எந்த விடயமானாலும் பின்னால் கதைப்பதே இல்லை. ஆளுக்காள் நேருக்கு நேர். Cut and right பலருக்கும் பல வழிகளில் உதவியிருக்கிறார்.

அழகான கையெழுத்தோடு நிறைவான கண்கவர் சித்திரமும் வரையும் ஆற்றல் பெற்றவர். தனது குடும்பத்துக்காகவே இறுதிவரை வாழ்ந்தவர். அன்னாரின் பாவங்களை மன்னித்து நிறைவான கூலியை வழங்கி கௌரவிப்பானாக.

துல் ஹிஜ்ஜா மாத இறுதியில் திங்கள் தினத்தில் அடியார்கள் குறித்த பட்டோலை அலசப்படும் நாளில் பூரண திருப்தியோடு அன்னாரை ஏற்றுக்கொள்வாயாக.

அவரது கல்விப்பணிகளை ஏற்று மண்ணறையை ஒளியூட்டி சுவனப்பூஞ்சோலையாக ஆக்குவாயாக.

MMA Bisthamy

01/06/2026

பாலியல் துஷ்பிரயோகத்தில் கைதானவர் மௌலவி அல்ல

noreply@blogger.com (www.jaffnamuslim.com) — Mon, 1 Jun 2026 15:47:41 +0200

இறக்காமம் பிரதேசத்தில் 14 வயது சிறுமி ஒருவரை பாலியல் துஷ்பிரயோகம் செய்ததாக கைது செய்யப்பட்டுள்ள நபர் தொடர்பாக சமூக ஊடகங்களிலும் ஏனைய ஊடகங்களிலும் பரவி வரும் செய்திகளில் அவர் "மௌலவி" எனக் குறிப்பிடப்பட்டுள்ளமை தவறானதாகும்.

குறித்த சந்தேக நபர் எந்தவொரு அரபுக் கல்லூரியிலும் பட்டம் பெற்ற ஒரு மௌலவி அல்ல, மேலும் அவர் அகில இலங்கை ஜம்இய்யத்துல் உலமா சபையிலோ அல்லது இறக்காமம் கிளைச் சபையிலோ அங்கத்தவரும் அல்ல என்பதை எமது சபை உறுதிப்படுத்துவதுடன் பொதுமக்களின் கவனத்திற்கு கொண்டுவருகின்றோம்.

அகில இலங்கை ஜம்இய்யத்துல் உலமா

இறக்காமம் பிரதேச கிளை

2026.06.01

தன்சல் வரிசையில் நின்றவர்கள் மீது மோதிய வாகனம் - 6 பேர் பலி

noreply@blogger.com (www.jaffnamuslim.com) — Mon, 1 Jun 2026 06:59:42 +0200

மீகொடை பகுதியில் தன்சல் ஒன்றுக்காக வரிசையில் நின்றிருந்தவர்கள் மீது வாகனம் ஒன்று மோதி ஏற்பட்ட விபத்தில் 6 பேர் உயிரிழந்துள்ளனர்.

அவிசாவளையிலிருந்து கொழும்பு நோக்கி பயணித்த கெப் ரக வாகனம் ஒன்றே, மீகொட பகுதியில் வழங்கப்பட்ட தன்சலுக்காக வரிசையில் நின்றிருந்தவர்கள் மீது மோதியது.

வாகனத்தின் சாரதி தப்பிச் சென்ற நிலையில் கைது செய்யப்பட்டடு, மது போதையில் இருந்தமை தெரியவந்துள்ளது

ஹோர்முஸ் நீரிணை வழியாக டொலர்களை ஈட்டும் ஈரான்

noreply@blogger.com (www.jaffnamuslim.com) — Sun, 31 May 2026 12:38:22 +0200

அமெரிக்காவுடனான போர் நிறுத்தம் தொடங்கியதில் இருந்து, ஹோர்முஸ் ஜலசந்தி வழியாக 363 கப்பல்கள் கடந்து சென்றுள்ளன.

ஈரானிய ஊடகங்களின்படி, இதன் மூலம் வரி வசூல் வாயிலாக ஈரானுக்கு சுமார் 1.5 பில்லியன் டாலர் வருவாய் கிடைத்துள்ளது.

பிரான்ஸில் இலங்கையர் சுட்டுக்கொலை

noreply@blogger.com (www.jaffnamuslim.com) — Sun, 31 May 2026 11:12:48 +0200

பிரான்ஸ் பரிஸ் நகரில் இலங்கையர் ஒருவர் நேற்று 30.05.2026 அந்நாட்டு பொலிஸாரினால் சுட்டுக் கொல்லப்பட்டுள்ளார்.

கத்திகளால் மக்களை மிரட்டி, குத்திக் காயப்படுத்தியதாகவும் காவல்துறை உடனே சரணடைய கூறியபோதும் மறுத்ததனால் இச்சம்பவம் நிகழ்ந்துள்ளதாக கூறப்படுகிறது.

பிரான்ஸ் பொலிஸாரினால் சுட்டுக்கொல்லப்பட்ட இவர், முன்னாள் புலி உறுப்பினர் குட்டி என்ற பெயரில் அறியப்படுகிறார்.

11 வயது தங்கையை கொலைசெய்த 14 வயது சகோதரன்

noreply@blogger.com (www.jaffnamuslim.com) — Sat, 30 May 2026 21:51:26 +0200

மட்டக்களப்பு - ஏறாவூர் பொலிஸ் பிரிவிற்குட்பட்ட நீதிமன்ற வீதியில் உள்ள வீட்டில் தந்தை இல்லாத நேரத்தில் தனது 11 வயது சகோதரி கையடக்க தொலைபேசியை தர மறுத்த காரணத்தால் சகோதரனே அவரை கழுத்தை நெரித்து கொலை செய்த சம்பவம் பரபரப்பை ஏற்படுத்தியுள்ளது.

இந்த சம்பவம் தொடர்பில் முன்னெடுக்கப்பட்ட விசாரணையில் இன்று (30.05.2026) குறித்த சிறுவன் பொலிஸாரால் கைது செய்யப்பட்டுள்ளார்.

சதிஷா, என்ற சிறுமி குளியலறை தண்ணீர் தொட்டியில் விழுந்து உயிரிழந்த நிலையில் சடலமாக மீட்கப்பட்டார். இவரின் தாயார் வெளிநாட்டில் வேலைவாய்ப்பு பெற்று சென்றுள்ளதுடன், தந்தையின் பராமரிப்பில் 14 வயது சிறுவனும், 11 வயது சிறுமியும் வளர்ந்து வந்துள்ளனர்.

சம்பவ தினத்தன்று தந்தை வேலைக்காக வெளியில் சென்று வீடு திரும்பும் பொழுது தண்ணீர் தொட்டிக்குள் குறித்த சிறுமி சடலமாக கிடந்து, மீட்கப்பட்டு வைத்தியசாலைக்கு கொண்டு சென்ற வேளையில், குறித்த சிறுமி ஏற்கனவே உயிரிழந்து விட்டதாக மருத்துவர்கள் தெரிவித்துள்ளனர்.

இதனைத் தொடர்ந்து முன்னெடுக்கப்பட்ட விசாரணையில், சிறுமி தான் வைத்திருந்த கையடக்க தொலைபேசியை தர மறுத்தக் காரணத்தினால் சகோதரனுக்கும், சிறுமிக்கும் இடையே வாய்த்தர்க்கம் ஏற்பட்டுள்ளது. இதன்போது, சகோதரியின் கழுத்தை நெரித்ததையடுத்து அந்த இடத்திலேயே சிறுமி உயிரிழந்துள்ளார்.

அதன்பின்னர், சகோதரியை இழுத்து சென்று குளியலறையில் உள்ள தண்ணீர் தொட்டியில் போட்டுவிட்டு ஒன்றும் தெரியாதது போன்று வீட்டில் இருந்து பக்கத்து வீட்டுக்கு சென்றுள்ளார்.

அந்த சமயத்தில் வெளியில் இருந்து வீட்டுக்குள் வந்த தந்தை வீட்டில் பிள்ளைகளை காணவில்லை என தேடிய வேளையில், சம்பவம் தொடர்பில் தெரியவந்துள்ளது. 14 வயது சிறுவன் மீது சந்தேகம் கொண்ட பொலிஸார் மேற்கொண்ட விசாரணையில், சிறுவன் தான் சகோதரியை கொலை செய்துள்ளார் என்பது தெளிவாகியுள்ளது.

குறித்த சிறுவன் கைது செய்யப்பட்டுள்ளதாகவும், நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளதாக பொலிஸார் தெரிவித்துள்ளனர்

அனைத்து எரிபொருள் விலைகளும் அதிகரிப்பு

noreply@blogger.com (www.jaffnamuslim.com) — Sat, 30 May 2026 20:30:39 +0200

இன்று (30) நள்ளிரவு முதல் அமுலுக்கு வரும் வகையில் அனைத்து விதமான எரிபொருட்களின் விலைகளும் அதிகரிக்கப்பட்டுள்ளதாக பெற்றோலியக் கூட்டுத்தாபனம் அறிவித்துள்ளது.

திருத்தப்பட்ட புதிய எரிபொருள் விலைகள் வருமாறு:

எனக்காக இப்படி ஒரு நிலைமை உருவாக்கப்படும் என்று நான் சற்றும் நம்பவில்லை.

noreply@blogger.com (www.jaffnamuslim.com) — Sat, 30 May 2026 14:25:13 +0200

தூக்குத் தண்டனை பெற்று, 34 கோடி ரூபாய் மரணமடைந்த சிறுவன் குடும்பத்துக்கு கொடுத்து, சவூதி அரேபியா சிறையிலிருந்து விடுதலையான கேரளா அப்துல்ரஹீம் .

பதினெட்டு ஆண்டுகளுக்குப் பிறகு எனக்காக இப்படி ஒரு நிலைமை உருவாக்கப்படும் என்று நான் சற்றும் நம்பவில்லை.

உண்மை என்னவென்றால், இதிலிருந்து தப்பித்துவிடலாம் என்ற நம்பிக்கை எனக்கு ஒருபோதும் இருந்ததில்லை. ஆனால், உலகெங்கிலும் உள்ள மக்களின் அயராத முயற்சிகளும், மக்கள் நடவடிக்கைக் குழுவும், இந்தியத் தூதரகமும் இறுதியாகப் பலனளித்தன.

சவூதி குடும்பத்தினர் எனக்கு மரண தண்டனையிலிருந்து விலக்கு அளிக்க முடிவு செய்தபோது, அதற்கு ஈடாகச் செலுத்தப்பட வேண்டிய 34.35 கோடி ரூபாய் என்ற பெரும் தொகைக்காக என் நாடு முழுவதும் போராடியது. என்னை மீண்டும் உயிர் பெறச் செய்த அனைவருக்கும் நான் என்றென்றும் நன்றிக்கடன் பட்டிருக்கிறேன்.

2006, நவம்பர் 28 அன்று, 26 வயதில் ஓட்டுநராகப் பணிபுரிய ரியாத் வந்தடைந்தேன். ஆனால், எனது வருகை என் வாழ்க்கையை மாற்றிவிடும் என்று நான் ஒருபோதும் நினைக்கவில்லை. ஒரு மாதம் கழித்து, 2006, டிசம்பர் 24 அன்று, நான் #ரியாத்தில் உள்ள இஸ்கந்தர் சிறையில் இருந்தேன். உடல்நலக் குறைபாடுள்ள எனது ஆதரவாளரின் மகன் அனஸுடன் நான் வண்டி ஓட்டிக்கொண்டிருந்தபோது, நடந்த ஒரு சம்பவத்தில்தான் இது எல்லாம் தொடங்கியது.

அன்று அவனது எதிர்வினையிலிருந்து, சிக்னலை அணைக்குமாறு அவன் என்னிடம் சொன்னான் என்பதை நான் புரிந்துகொண்டேன். அவன் மிகவும் கோபமாக இருந்தான், மேலும் அவர்களின் மொழியைப் புரிந்துகொள்வதில் எனக்குச் சில சிரமங்கள் இருந்தன. நான் வண்டியை முன்னோக்கி நகர்த்தாதபோது, அவன் என் முகத்தில் துப்பினான்.

அந்தத் திடீர் ஆத்திரத்தில் நான் அவன் முகத்தை நோக்கி என் கையை ஆட்டினாலும், அது தற்செயலாக அவன் கழுத்தில் பட்டது. என் கை அவன் உடலில் பொருத்தப்பட்டிருந்த இயந்திரத்தில் பட்டது. அந்தச் சம்பவத்திற்கு இரண்டு நாட்களுக்குப் பிறகு அவன் இறந்துவிட்டதாக மருத்துவ அறிக்கைகள் கூறின. அங்கே நான் நீண்ட காலமாக சட்டத்தின் முன் ஒரு குற்றவாளியாக இருந்தேன். நீதிமன்றம் என்னை அழைக்கும்போதெல்லாம், அவர்களின் தந்தையோ அல்லது சகோதரனோ ஆஜராவார்கள், அதுவே நான் அவர்களைப் பார்த்த ஒரே தருணமாக இருந்தது. பின்னர், வழக்கறிஞர் மூலம் அனைத்தும் தெளிவுபடுத்தப்பட்டது. பிறகு 2012-ல், நீதிமன்றம் எனக்கு மரண தண்டனை விதித்தது. இறுதியாக, 18 ஆண்டுகளுக்குப் பிறகு, ஜூலை 2, 2024 அன்று, மரண தண்டனையை ரத்து செய்ய வேண்டும் என்று நீதிமன்றம் தீர்ப்பளித்தது. இருப்பினும், நான் 20 ஆண்டுகள் சிறைத்தண்டனை அனுபவிக்க வேண்டும் என்று நீதிமன்ற உத்தரவில் கூறப்பட்டிருந்தது.

சிறையில் கழித்த அந்த நீண்ட காலம் என்பது வெறும் துன்பமும் ஏமாற்றமும் மட்டுமல்ல. அங்கே என்னைப் போன்ற பலர் இருந்தனர். நிரபராதிகளாக இருந்தும் தண்டிக்கப்பட்ட பல நாடுகளைச் சேர்ந்தவர்களுடன் என் துயரங்களைப் பகிர்ந்துகொள்ள முடிந்தது. 28 ஆண்டுகள் வரை சிறையில் இருந்தவர்களும் இருந்தனர். பத்தனம்திட்டாவைச் சேர்ந்த ஒரு மலையாளியும் அங்கே இருந்தார். அவர்கள் அனைவருடனும் நான் மிகவும் நட்பாகப் பழகினேன். சிறையின் சூழலை நான் விவரிக்கத் தேவையில்லை. அந்த நான்கு சுவர்களுக்குள் இருந்த என் குடும்பத்தைத்தான் நான் மிகவும் ஏங்கினேன். கொலைச் சந்தேக நபர்களுக்கு, அவர்கள் முன்கூட்டியே பதிவு செய்திருந்த நான்கு எண்களுக்கு அழைப்பதற்கு 14 நிமிடங்கள் மட்டுமே அவகாசம் வழங்கப்பட்டது. ஆனால் மற்ற வழக்குகளில் உள்ளவர்கள் 10 மணி நேரம் வரை அழைக்கலாம்.

இவ்வளவு நடந்திருந்தாலும், அதைப் பற்றி ஒரு புத்தகம் எழுதவோ அல்லது அந்த நிகழ்வுகளை மீண்டும் நினைத்துப் பார்க்கவோ நான் விரும்பவில்லை. கடந்த காலம் கடந்துவிட்டது, நான் அனைத்தையும் மறக்க விரும்புகிறேன், இப்போது நான் ஒரு புதிய வாழ்க்கையைத் தொடங்க வேண்டும். பல ஆண்டுகளுக்குப் பிறகு என் தாய்நாட்டிற்குத் திரும்பியபோது, நாடு மிகவும் மாறிவிட்டதை உணர்ந்தேன். நான் சிறையில் இருந்ததால், பொதுவான தகவல்கள் பற்றி எனக்கு மிகக் குறைவாகவே தெரிந்திருந்தது. நாடும் சாலைகளும் மாறிவிட்டன, இப்போது நம் நாடு வெளிநாடுகளின் சாலைகளைப் போல இருக்கிறது. இப்போது, அனைவருடனும் கலந்தாலோசித்த பிறகு அடுத்தகட்ட நடவடிக்கைகள் குறித்து நான் முடிவு செய்ய வேண்டும். நான் மகிழ்ச்சியாக வாழ்வதற்கான வாய்ப்பை இறைவன் எனக்கு வழங்க வேண்டும் என்பதே என் ஒரே பிரார்த்தனை.

நான் திரும்பி வந்ததால், இந்த ஈத் எங்களுக்கு ஒரு பெரிய பண்டிகையாகிவிட்டது என்று என் அம்மா சொல்கிறார். அந்த வார்த்தைகள், நாங்கள் உணர்ந்த வலியின் மற்றும் காத்திருப்பின் ஆழத்தை உணர்த்துகின்றன..