Jaffna Muslim

பௌத்த பிக்குவை கௌரவித்த முஸ்லிம்கள் (படங்கள்)

noreply@blogger.com (Jaffna Muslim) — Tue, 18 Jun 2013 15:24:07 PDT

அனுராதபுரம் மாவட்டம் ஹொரவப்பொத்தானை முஸ்லீம் மக்கள் ஏற்பாடு செய்திருந்த கௌரவிப்பு விழா சிறப்பாக அண்மையில் ஹொரவப்பொத்தானை முஸ்லீம் மகா வித்தியாலயத்தில் நடைபெற்றது.

அனுராதபுர மாவட்ட சாசனா பல மண்டலே புதிய செயலாளர் பதவியைப் பெற்ற விமலரத்ன தேரரை முஸ்லீம்கள் கௌரவிக்கும் நிகழ்வாக இது ஏற்பாடு செய்யப்பட்டிருந்தமை குறிப்பிடத்தக்கது.

இந்நிகழ்வில் ஹொரவப்பொத்தானை நகரை சூழவுள்ள பல விகாரைகளின் விகாராதிபதிகள் ஹொரவப்பொத்தானை பிரதேச உலமா சபை உறுப்பினர்கள், பிரதேச மௌலவிகள் மற்றும் வடமத்திய மாகாண சபை உறுப்பினர் ப..சஹீது, பிரதேச செயலாளர் சாந்த தசனாயக்க பிரதேச சபை உதவி தவிசாளர் எ.ஆர்.எம்.உசைன், வலயக் கல்வி அலுவலக உத்தியோகத்தர்கள், பாடசாலை அதிபர்கள மற்றும் ஆசிரியர்கள்;, நகர வர்த்தகர்கள், அரச மற்றும் அரச சார்பற்ற நிறுவனந்களின் உத்தியோகத்தர்கள் மற்றும் கிராம மக்கள் பலரும் கலந்துகொண்டதுடன் இந்நிகழ்விற்கு =பேச்சாளராகக் கலந்து கொண்ட ரத்னபுர கலீல் மௌலி, கௌரவிக்கப்பட்ட விமலரத்னா தேரர் உட்பட பலர் உரையாற்றினர்.

இந் நிகழ்வில் ஹொரவப்பொத்தானை வாழ் முஸ்ம்கள் சார்பாக மௌலவீ எ.எல்.மாபீர் அவர்களும் ஹோப் ஓப் பியூப்பில் சார்பாக வை.எம். நிம்சாத் அவர்களும் அனுராதபுர மாவட்ட சாசனா பல மண்டலே புதிய செயலாளர் பதவியைப் பெற்ற விமலரத்ன தேரர் அவர்களுக்கு நினைவுச்சின்னம் வழங்கி வைத்தனர்.

புகை பிடித்து சகோதர முஸ்லிம்களை படுகொலை செய்ய துணைநிற்காதீர்கள்..!

noreply@blogger.com (Jaffna Muslim) — Tue, 18 Jun 2013 15:18:26 PDT

மௌலவி ஏ .எல் .எம் . இர்ஷாத் (ஹலீமி )

ஹபர் பாதின் இஸ்லாமிய நிலையம் - சவுதி அரேபியா)

இன்றைய உலகில் புகை பிடிப்பவர்களின் எண்ணிக்கை பல கோடியை தாண்டி வருகிறது. அதே போல முஸ்லிம்களும் பல பேர் கொல்லப்பட்டு வருகின்றனர். புகை பிடிப்பதற்கும் முஸ்லிம்கள் கொல்லப்படுவதற்கும் என்ன சம்பந்தம் என்று கேட்கத் தோன்றுகிறதா?

இதோ சி.ஐ.ஏ.யின் அறிக்கையிலிருந்து நமக்கு கிடைத்த தகவல் வருமாறு;

1. உலக மக்கள் தொகை 650 கோடி.

2. மொத்த முஸ்லிம்களின் எண்ணிக்கை 200 கோடி.. (அதாவது ஒவ்வொரு 4 மனிதனுக்கு ஒரு முஸ்லிம்)

3. உலகில் சிகரெட் புகைப்பவர்களின் எண்ணிக்கை 115 கோடி அல்லது 18 %.

4. அவர்களில் முஸ்லிம்களின் எண்ணிக்கை 40 கோடி.

நீங்கள் அறிய வேண்டிய முக்கிய விவரம்,

பிலிப்மோரிஸ் என்ற சிகரெட் நிறுவனம் தான் உலகிலேயே அதிக அளவில் சிகரெட் உற்பத்தி செய்து விற்கும் நிறுவனம். தனது மொத்த லாபத்தில் பிலிப்மோரிஸ் 12 %. இஸ்ரேலுக்கு நன்கொடையாக (முஸ்லிம்களுக்கு எதிராக நடக்க) இருக்கிறது. 40 கோடி முஸ்லிம்கள் நாளொன்றுக்கு ஒரு சிகரெட் புகைத்தால் 80 கோடி அமெரிக்க டாலர்கள் பிலிப்மோரிஸ் நிறுவனத்திற்குக் கிடைக்கிறது.

12 % லாப இஸ்ரேலுக்கு முஸ்லிம்களுக்கு எதிராக நடக்க நன்கொடையாக கொடுக்கப்படுகிறது. 8 கோடியில் 12 %96 லட்சம் டாலர். பிலிப்மோரிஸ் நிறுவனம் தானே கொடுக்கிறது வேறு நிறுவனம் கொடுக்கவில்லையே என்று தவறாக எண்ணிவிடாதீர்கள். அனைத்து நிறுவனங்களின் மூலமாக கூட அனுப்பப்படலாம்..

ஆக ஒரு நாளைக்கு ஒரு பாக்கெட் சிகரெட் புகைப்பதால் ஒவ்வொரு நாளும் இஸ்ரேலுக்கு 96 லட்சம் டாலர் அங்குள்ள முஸ்லிம்களை கொள்ள நன்கொடையாக பிலிப்மோரிஸ் நிறுவனம் மூலமாக வழங்கப்படுகிறது. ஆகவே முஸ்லிம்களே..! இன்று முதல் புகை பிடிப்பதை நிறுத்துவதன் மூலம் நம் பாலஸ்தீனிய சகோதரர்களை ஓரளவுக்காவது காப்போம்...

புகையிலையை பயன்படுத்துவது நாகரீகத்தின் அடையாளமாக கருதும் அளவுக்கு பெரும்பாலானோரை அது ஆட்கொண்டுள்ளது. நவநாகரீக பெண்களையும் இப்பழக்கம் சுற்றி வளைத்துள்ளது. இந்த புகையிலை நாகரீக வளர்ச்சிக்கேற்ப பல்வேறு பரிமாணங்களில் தனது உயிர் கொல்லி வேலைகளை கச்சிதமாக செய்து வருகிறது.

ஒரு காலத்தில் புகையிலையாக மட்டுமே பயன்படுத்தப்பட்டு வந்து பின்பு சுருட்டாக பின்பு பீடியாக சிகரெட்டாக பான்பராக்காக குட்காவாக போதை தரும் பீடாக்களாக இவ்வாறான பல்வேறு முகங்கள் இந்த புகையிலைக்கு உண்டு. இதில் புகையிலையை புகையிலையாக பீடாக்களாக பான்பராக்குகளாக பயன்படுத்துவதை பொருத்தமட்டில் யார் அதை உட்கொள்கிறாரோ அவரை மட்டுமே பாதிக்கும். ஆனால் புகைப்பதை பொருத்தமட்டில் புகைப்பவர் மட்டுமல்லாது அவருக்கு அருகாமையில் உள்ளவரையும் சேர்த்தே பாதிக்கும்.

புகை பிடிப்பவர் அருகே புகை பிடிக்காதவர் ஒருவர் இருந்தால் புகைப்பவர் விடும் புகையை இவர் சுவாசித்து புகைக்காத மனிதருக்கும் நோய் வரும் நிலை. சிகரெட் புகைக்காமல் அடுத்தவர் பிடித்த சிகரெட் புகையால் பாதிக்கப்பட்டு ஆண்டு தோறும் சுமார் 6 லட்சம் பேர் பலியாகி வருவது தெரிய வந்துள்ளது.அவர்களில் 40 சதவீதம் பேர் குழந்தைகள் மற்றும் 30 சதவீதம் ஆண் பெண் அடங்குவர். மேலும் இதயநோயினால் 3 லட்சத்து 79 பேரும் 1 லட்சத்து 65 பேர் மூச்சு கோளாறு சம்பந்தப்பட்ட நோயினாலும் 36 ஆயிரத்து 900 பேர் ஆஸ்துமாவினாலும் 21 ஆயிரத்து 400 பேர் நுரையீரல் புற்று நோயினாலும் ஆண்டு தோறும் மடிகின்றனர். புகையிலை பொருட்களில் சிகரெட் முதலிடத்தை வகிக்கிறது.* சிகரெட்டில் 4 ஆயிரம் வேதிப்பொருட்கள் கலந்துள்ளன. இவற்றில் 43 வேதிப் பொருட்கள் புற்றுநோயை ஏற்படுத்தக்கூடியவை.

உலக அளவில் 6 விநாடிக்கு ஒருவர் புகைப்பிடிப்பதால் மரணத்தை தழுவுகிறார்.

1 - ஆண்டிற்கு 60 லட்சம் பேர் சிகரெட் உள்ளிட்ட புகையிலை தயாரிப்புகளால் உயிரை துறக்கின்றனர்.

2 - 2030-ம் ஆண்டிற்குள் இந்த எண்ணிக்கை ஒரு கோடியாக அதிகரிக்கும் என கணக்கிடப்பட்டுள்ளது.

3 - வளரும் நாடுகளை சார்ந்தோர் 70 சதவீதம் பேர் இதில் அடங்குவர்.

4 - 10 சிகரெட் பிடிப்பவர் 4 ஆயிரத்துக்கும் மேற்பட்ட நச்சு பொருளை உட் கொண்டு வெளியிடுகிறார். இவரால் மனைவி குழந்தைகள் பாதிக்கப்படுகின்றனர்.

5 - பியூட்டேன் காட்மியம் ஸ்டியரிக் ஆசிப் அம்மோனியா நாப்தலமைன் போலோனியம் உள்பட வேதிப்பொருட்கள் சிகரெட் புகையில் உள்ளன. இவை வெடிகுண்டு பூச்சிக் கொல்லி மருந்து தயாரிக்க பயன்படுபவை.

6 - புகை பழக்கம் அனைத்து உறுப்புகளையும் பாதிக்கிறது. மாரடைப்பு நுரையீரல் நோய் புற்றுநோய் சர்க்கரை பக்கவாதம் தமனிச்சுருக்கம் குறிப்பாக கால் கை தமனிகள் அடைப்பு ரத்தக்கொதிப்பு ஏற்படுகிறது. புகை பிடிப் போருக்கு மாரடைப்பால் இளவயதிலும் திடீர் மரணம் ஏற்படலாம்.

7 - இது இருதய துடிப்பை யும் ரத்த கொதிப்பையும் கூட்டுகிறது. மூக்குப்பொடி புகையிலை உண்பது பீடி புகைப்பதும் சிகரெட்டுக்கு சமமானதே. ஆண்களுக்கு மலட்டுத்தன்மையும் வீரியக் குறையும் ஏற்பட வாய்ப்புள்ளது. புகை பிடிப்போரின் குழந்தைகளுக்கு சளி இருமல் மூச்சுத்திணறல் ஏற்படலாம்.

8 - சிகரெட் போன்ற புகையிலை பொருளில் புற்றுநோயை உற்பத்தி செய்யும் நச்சுப்பொருட்கள் உள்ளன. இவை வாய் தொண்டை மூச்சுக்குழாய் உணவுக்குழாய் சிறுநீரக பாதை வரை எங்கு வேண்டுமானாலும் புற்று நோயை ஏற்படுத்தும்.

9 - நுரையீரல் நோய் புற்று நோய் ஏற்பட காரணம் புகை பிடிப்பதே.

10 - உலக மக்கள் தொகையில் ஆஸ்துமா 15 சதவீத மக்களையும் சி.ஓ.பி.டி. என்ற இளைப்பு நோய் 5 சதவீத மக்களையும் பாதித்துள்ளது. இதற்கு புகை பிடிப்பதும் காரணம்.

11 - சிகரெட் புகைப்பதால் நுரையீரல் 30 வயதில் 60 வயதுக்குரிய தன்மையுடன் செயல்படும்.

12 - புகையிலை தொடர்பான சிகரெட் பீடி போன்ற வற்றை வாங்க தினமும் குறைந்தது 20 ரூபாய் செலவழிக்க வேண்டியுள்ளதால் பொருளாதார பாதிப்பும் ஏற்படுகிறது.

இத்தகைய தீங்களிக்கும் புகைப்பிடிக்கும் பழக்கமுடையவர் ஒரு முஸ்லிமாக இருந்தால் அவர் மற்றவருக்கு தீங்கை நாடுவதால் அவர் சிறந்த முஸ்லிமாக ஆகமாட்டார்.

நபி[ஸல்] அவர்கள் கூறினார்கள்; ‘பிற முஸ்லிம்கள் எவருடைய நாவு கையின் தொல்லைகளிலிருந்து பாதுகாப்புப் பெறுகிறார்களோ அவரே முஸ்லிமாவார். மேலும் அல்லாஹ்வால் தடுக்கப்பட்டவற்றைவிட்டு ஒதுங்கியவரே முஹாஜிர் எனும் துறந்தவராவார்’ என்று இறைத்தூதர்(ஸல்) அவர்கள் கூறினார்கள்” என அப்துல்லாஹ் இப்னு அம்ர்(ரலி) அறிவித்தார்கள்.[நூல்;புஹாரி]

மேலும் ஒரு முஸ்லிம் எல்லாவகையிலும் நன்மையான விஷயங்களில் பிறருக்கு முன்னுதாரணமாக திகழவேண்டும். தீமையான விஷயத்தில் முன்னுதாரணமாக திகழக்கூடாது. புகைபிடிப்பவர்கள் தன்னுடைய வீட்டில் சர்வ சாதாரணமாக புகைப்பதால் இவரை பார்த்து இவரது பிள்ளைகளுக்கும் இந்த பழக்கம் தொற்றிக்கொள்கிறது. அதுபோல் இவரது நண்பர்கள் உறவினர்கள் சிலரும் புகைப்பதற்கு இவர் காரணியாக அமைந்துவிடுவார். ஒரு முஸ்லிமை பொறுத்தவரையில் ஒரு நன்மைக்கு வழிகாட்டினால் அந்த நன்மையை உலகம் அழியும்வரை யார் செய்தாலும் அதிலும் இவருக்கு ஒருபங்கு நன்மை கிடைக்கும். தீமைக்கு வழிகாட்டினால் உலகம் அழியும்வரை இவர் காட்டிய தீமையை யாரெல்லாம் செய்கிறார்களோ அதிலிருந்து ஒரு பங்கு இவருக்கு கிடைக்கும்.

பொருளாதார வீண் விரயங்கள் புகைப்பிடிக்கும் ஒருவர் தான் இந்த பாழாய்ப்போன புகைக்கு செலவிட்டதை ஒரு ஆண்டு சேமித்து வைத்து பார்ப்பாரானால் அவரே பிரமிக்கும் அளவுக்கு ஒரு தொகை விரயமானதை உணர்வார். இத்தகைய வீண் விரயங்களுக்கு மார்க்கத்தில் அனுமதியுள்ளதா?

நபி[ஸல்] அவர்கள் கூறினார்கள்; மறுமையில்] அடியானின் பாதம் நகராது நான்கு கேள்விகளுக்கு பதிலளிக்காதவரை; அதில் ஒன்றுதான் எந்தவழியில் சம்பாதித்தாய்; எந்தவழியில் செலவழித்தாய்..?( திர்மிதி]நாளை மறுமையில் அல்லாஹ் மேற்கண்ட கேள்வியை கேட்கும்போது நாம் செலவு செய்த பட்டியலில் சிகரெட் மற்றும் புகையிலைக்காக அளித்த காசும் வருமே! அதற்கு என்ன பதில் சொல்லமுடியும்? சிகரட் பிடிப்பது மார்க்கத்தில் ஆகுமானது எனவே சிகரெட்டுக்காக செலவழித்தேன் என்று கூறமுடியுமா? அல்லது சிகரெட் பிடிப்பது உடம்புக்கு நல்லது எனவே சிகரெட்டுக்காக செலவழித்தேன் என்று கூறமுடியுமா? இந்த வீண் விரையத்திற்காக இறைவன் தரும் தண்டனையை தாங்க முடியுமா? சிந்திக்க வேண்டும்.புகை பிடிப்பவர்கள் சைத்தானின் சகோதரர்கள்; அல்லாஹ் கூறுகின்றான்; إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا - سورة الإسراء الآية 27

நிச்சயமாக விரயஞ் செய்பவர்கள் ஷைத்தான்களின் சகோதரர்களாவார்கள்; ஷைத்தானோ தன்னுடைய இறைவனுக்கு நன்றி கெட்டவனாக இருக்கின்றான். (17:27)சிகரெட்டுக்காக செலவழிக்கும் பணத்தை ஒரு ஆண்டு நீங்கள் சேமித்தால் எத்துனை ஆயிரங்களை விரயமாக்கியிருக்கிறோம் என்று கணக்கிடமுடியும். ஒரு பாக்கெட் சிகரெட்டுக்காக செலவிடும் காசை ஒரு ஏழைக்கு தர்மம் செய்தால் உங்கள் செல்வமும் பெருகும். மறுமையில் நன்மையும் கிடைக்கும். இவை எல்லாவற்றிற்கும் மேலாக இறைவன் நமக்கு பகுத்தறிவை வழங்கியுள்ளான். காசையும் கொடுத்து கெடுதியை வாங்குவதுதான் பகுத்தறிவா என்று சிந்திக்க வேண்டும். எனவே அல்லாஹ் நம் அனைவருக்கும் நேரான வழியை காட்டுவானாக ஆமீன் .

ஆண் உறுப்பு இரண்டானது - பிளாஸ்ரிக் சத்திர சிகிச்சையளித்து டாக்டர் ஜெமீல் சாதனை

noreply@blogger.com (Jaffna Muslim) — Tue, 18 Jun 2013 15:16:46 PDT

(Tn) அக்கரைப்பற்று ஆதாரவைத்தியசாலையில் சத்திரசிகிச்சை நிபுணராகப் பணியாற்றும் டொக்டர் எஸ். எம். ஜெமீல் ஒன்றரை மணி நேரமாக மேற்கொண்ட சத்திரசிகிச்சையின் மூலம் 2 வயதுக் குழந்தையின் பிறப்புறுப்பு சீர் செய்யப்பட்டுள்ளது. இரு பிரிவுகளாகப் பிளந்த ஆண் உறுப்பு பிளாஸ்ரிக் சத்திர சிகிச்சையின் மூலம் சீர் செய்யப்பட்டுள்ளது. இது வைத்தியத் துறையில் ஒரு சாதனையாகும்.

தச்சுத் தொழில் செய்யும் வேலைத் தளத்தில் விளையாடிக்கொண்டிருந்த பிள்ளை அங்கு வைக்கப்பட்டிருந்த மின் இயக்கத்தில் இருந்த துளையிடும் கருவியைக் கையில் எடுத்து தவறுதலாக இயக்கிய போது ஆண் உறுப்பு இரண்டாகப் பிளந்துள்ளது.

இந்த நிலையில் அக்கரைப்பற்று ஆதார வைத்தியசாலையில் அனுமதிக்கப்பட்ட குழந்தைக்கு உடனடியாக டொக்டர் ஜெமீல் தலைமையில் இயங்கிய வைத்தியக் குழு 1 1/2 மணி நேர பிளாஸ்ரிக் சத்திர சிகிச்சையை மேற்கொண்டு சாதனை படைத்துள்ளது. தற்போது குழந்தை நலமாக வைத்தியசாலையில் சிகிச்சை பெற்று வருகின்றது.

சத்திரசிகிச்சை நிபுணர் ஜெமீலின் அயராத முயற்சியை வைத்தியசாலையின் பணிப்பாளர் டாக்டர் எம். எம். தாkம் பாராட்டியுள்ளார்.

50,000 ரூபாய்க்கு ஆசைப்பட்டு 1 1/2 கிலோ போதைப் பொருளை எடுத்துவந்தவர் கைது

noreply@blogger.com (Jaffna Muslim) — Tue, 18 Jun 2013 15:12:52 PDT

(Tn) சென்னையிலிருந்து 1 1/2 கிலோ ஹெரோயின் போதைப் பொருளை கடத்தி வந்த திஹாரிய பகுதியைச் சேர்ந்த வர்த்தகர் ஒருவர் நேற்று கைது செய்யப்பட்டுள்ளார் என சுங்க திணைக்கள பேச்சாளர் லெஸ்லி காமினி தெரிவித்தார். நேற்றுக்காலை சென்னையிலிருந்து வந்திறங்கிய ஸ்ரீலங்கன் எயார் லைன்ஸக்குச் சொந்தமான யூ. எல். 122 ரக விமானத்தில் வந்த நபர் ஒருவரின் பயணப் பொதியை விமான நிலைய போதை ஒழிப்பு பிரிவினர் சோதனை

செய்த போதே 1 1/2 கிலோ ஹெரோயின் கண்டுபிடிக்கப்பட்டு ள்ளது. கறுவா, ஏலம், கராம்பு போன்றவற்றை பயண பொதிக்குள் வைத்து அதன் நடுவே ஹெரோயின் போதைப் பொருள் மறைத்து வைக்கப்பட்டிருந்தமையும் கண்டு பிடிக்கப்பட்டுள்ளது. 53 வயதுடைய இந்த வர்த்தகர் தாம் சென்னையிலிருந்து வரும் போது பயணப்பொதியை ஒருவர் தம்மிடம் தந்ததாகவும் இதனை இலங்கைக்குக் கொண்டு சென்று சேர்த்தால் 50,000 ரூபா தருவதாக அந்த நபர் கூறியதாக தெரிவித்துள்ளார். சுமார் ஒரு கோடியே 20 இலட்சம் ரூபா பெறுமதியான ஹெரோயின் போதைப்பொருள் கைப்பற்றப்பட்டதுடன் திஹாரிய வர்த்தகரும் கைது செய்யப்பட்டுள்ளார்.

இஸ்லாம் படிப்பிக்கக்கூடிய மௌலவி ஆசிரியர்களுக்கு தட்டுப்பாடு

noreply@blogger.com (Jaffna Muslim) — Tue, 18 Jun 2013 15:10:37 PDT

(ஜென்நதுல் ஜூமீரா)

கிழக்கு மாகாணத்தில் உள்ள சிங்கள,தமிழ் ,கிறிஸ்தவ பாட சாலைகளில் பல முஸ்லிம் மாணவர்கள் கல்வி கற்கின்றனர். எனினும் அப்பாடசாலைகளுக்கு இஸ்லாம் படிப்பிக்கக் கூடிய மௌலவி ஆசிரியர்களை நியமிப்பதில் கிழக்கு மாகாண கல்வி திணைக்களம் போடுபோக்குடன் செயல்படுவதாக மாணவர்களின் பெற்றோர் வருத்தம் தெரிவிக்கின்றனர்.

குறிப்பாக அம்பாறை மாவட்டத்தின் கல்முனை கல்வி வலயத்தில் இந்த நிலை அதிகமாக காணப்படுகின்றது. கல்முனை கல்வி வலயத்தில் உள்ள உவெஸ்லி உயர் தர பாடசாலை, கார்மேல் பற்றிமா தேசிய பாட சாலைகளில் பெரும்பாலான முஸ்லிம் மாணவர்கள் கல்வி கற்கின்றனர் ஆனாலும் அவர்களுக்கு இஸ்லாம் பாடம் போதிக்கப்படுவதில் அசமந்தம் காட்டப்படுகின்றது.

இவ்விடயம் தொடர்பாக பெற்றோர்கள் குறித்த பாடசாலைகளின் அதிபர்களிடம் கேட்ட போது மௌலவி ஆசிரியர்களை நியமிப்பதாலோ அல்லது இஸ்லாம் பாடம் கற்பிபதாலோ எமக்கு எந்தவொரு குறையும் இல்லை. இஸ்லாம் பாடம் புகட்டகூடிய ஆசிரியர்கள் நியமிக்கப் படாமைதான் குறையாக உள்ளது.என அவர்கள் கூறுகின்றனர்.

இவ்விடயம் தொடர்பாக கல்முனை வலயக்கல்விப் பணிப்பாளர் யு.எல்.எம். ஹாசீம் இடம் கேட்ட போது, கல்முனை கல்வி வலயத்தில் மௌலவி ஆசிரியர் தட்டுப்பாடாக உள்ளது எனவும் பயிற்றப்பட்ட ஆசிரியர்களின் உதவியுடன் இக்குறையை நிவர்த்தி செய்வதாகவும் குறிப்பிட்டார். எனினும் குறித்த பாட சாலைகளில் இஸ்லாம் பாடம் கற்பிக்கும் ஆசிரியர்கள் இல்லை என்றே மாணவர்களும் பெற்றோர்களு கூறுகின்றனர் .

கிழக்கு மாகாண கல்விப்பணிப்பாளர் எம்.ரீ .நிசாம் முன்னர் கல்முனை வலயக்கல்விப் பணிப்பாளராக இருந்தவர் அவருக்கு கல்முனையில் உள்ள அத்தனை நடவடிக்கையும் அக்குவேறு ஆணிவேராக தெரிந்தவர். எனவே எங்களது பிள்ளைகளது இஸ்லாம் பாட கல்விக்கு குறித்த பாடசாலைகளுக்கு மௌலவி ஆசிரியர்களை நியமித்து குறைகளை போக்க வேண்டும் என பெற்றோர்கள் கோரிக்கை விடுத்துள்ளனர்.

இப்தார் என்ற போர்வையில்...!

noreply@blogger.com (Jaffna Muslim) — Tue, 18 Jun 2013 15:08:56 PDT

(எம்.ஸித்தீக் ஹனீபா)

மீண்டும் மற்றொரு ரமழான் மாதத்தை எதிர்கொள்கின்றோம். இப்புனித மாதத்தை அலங்கரிக்க பலர் தயாராகின்றனர். இந்நிலையில் இக்கட்டுரை எழுதப்படுகின்றது.

இப்புனித மாதத்தை வழமை போன்று வரவேற்று அதனை ஏதோ ஒரு வகையில் கழித்து விடுவோம் என்ற சிந்தனையில் இருந்து நாம் செயற்படாமல் இதனை உரிய முறையில் வரவேற்று, அதன் ஊடாக பயன்பெறுவோம் என்ற நோக்கத்தில் இந்த மாதத்தை வரவேற்போம்.

யாசகர்களின் மாதம், கஞ்சி வழங்கும் மாதம், இரவு நேரங்களில் வீதி விளையாட்டுக்களில் ஈடுபடும் மாதம், அரட்டை அடிக்கும் மாதம், பகல் காலங்களில் தூங்கும் மாதம், வீண் விரயம் செய்யும் மாதம் என்று நம் சமூகத்தைக் குறைத்து மதிப்பிடும் மாதமாக பிற சமூகத்தவர்கள் எடை போடும் அளவுக்கு நாம் செயற்படுவதிலிருந்து தவிர்ந்து கொள்வது காலத்தின் தேவையாகும்.

இம்மாதத்தை அரசியல்வாதிகள் அடுத்த தேர்தலுக்கு வாக்குகளை அதிகரித்துக் கொள்வதற்காக எவ்வாறு பயன்படுத்துவோம் என்று திட்;டம் தீட்டுகின்றார்கள். கடந்த முறை ஆயிரம் பேருக்கு ஒரு பொது இடத்தில் இப்தாருக்கான ஏற்பாடுகளை செய்த அரசியல்வாதிகள், இம்முறை ஐந்து நட்சத்திர ஹோட்டலொன்றில் இதனை ஏற்பாடு செய்வோம் என சிந்திக்கின்றார்கள்.

அரச சார்பற்ற அமைப்புக்கள், சமூக சேவை இயக்கங்கள் கடந்த முறையிலும் பார்க்க பாரிய அளவில் இப்தாரை ஏற்பாடு செய்ய வேண்டும் என்பதற்காக பதாதைகளை தயாரிக்கின்றார்கள். பொதுமண்டபங்களில் கடந்த காலங்களில் ஏற்பாடு செய்த இப்தார் நிகழ்வை, இம்முறை சொகுசு விடுதியொன்றில் நடத்துவதற்காக ஏற்கனவே பணத்தை ஒதுக்கி விட்டார்கள்.

சர்வமதம் என்ற போர்iவில் பிற மதஸ்தலங்களைத் தேடியும், மதகுருமார்களை இணைத்தும் இப்தார் வைபவங்களை ஏற்பாடு செய்ய தயாராகின்றனர். இவ்வாறு பல்வேறு விதமாக பலரும் இப்தார் பற்றி சிந்திப்பதை தற்போது அவதானிக்க முடிகிறது.

இவ்வாறான இப்தார் வைபவங்களுக்கு யாரை அழைப்பது? இந்த நட்சத்திர ஹோட்டல்களில் நோன்பு திறப்பவர்கள் யார்? அதில் அரைவாசிப் பேர் நோன்பு நோற்காதவர்கள் என்பதை நாம் மறந்து விடலாகாது. நோன்பு திறப்பதற்கான ஏற்பாடுகள் என்ற போர்வையில் பல்லாயிரம் அல்லது பல இட்சம் ரூபாக்களை இவர்கள் ஒதுக்குகின்றார்கள். அங்கு எந்தளவு வீண் விரயம் இடம்பெறுகின்றது என்பதை கடந்த கால இப்தார் நிகழ்வுகளில் கலந்து கொண்டவர்களுக்குத் தெரியும்.

இஸ்லாம் காட்டிய இப்தார் இதுதானா என, மாற்று மதத்தவர்கள் குறைத்து மதிப்பிடும் அளவுக்கு நம்மவர்கள் நடந்து கொள்வது வேதனையைத் தருகின்றது. நபியவர்கள் தனது வாழ்க்கையில் வழங்கிய வழிகாட்டல்கள் இதுதானா என பிற மதத்தவர்கள் சிந்திக்கும் அளவுக்கு நமது செயற்பாடுகள் அமைந்து விடலாகாது. நாம் அறிந்தோ அறியாமலோ விதவிதமான உணவு வகைகளையும் பழங்களையும் குளிர்பானங்களையும் இரவுச் சாப்பாட்டையும் தயாரித்து, அதனை வழங்குவதோடு நின்று விடாமல் மிகுதியை குப்பை தொட்டிகளில் போடும் அளவுக்கு நமது செய்ற்பாடுகள் அமைந்து விட்டன.

ஒரு பேரீத்தம் பழத்தைக் கூட வாங்க முடியாத நிலையில் எத்தனை ஏழைகள் அங்கலாய்க்கும் போது, நாம் நட்சத்திர ஹோட்டல்களில் யாருக்காக இப்தார் வைபவங்களை ஏற்பாடு செய்கின்றோம் என்பதை சிந்தித்து பாருங்கள். இம்முறையாவது இந்த வீண் விரயங்களை முற்றிலும் தவிர்க்கும் வழிவகைகளைக் கண்டறிய வேண்டும்.

தலைநகரிலும் அதற்கு வெளியிலும் உள்ள பள்ளிவாசல்களுக்கு வெள்ளிக்கிழமை ஜூம்மா தொழுகைக்கு சென்று திரும்பும் போது எத்தனை பேர் கையேந்தி நிற்கின்றார்கள். தலைநகரிலுள்ள பள்ளிவாசல்களிலிருந்து வெளியேறும் போது நூற்றுக் கணக்கான நம் சகோதார சகோதரிகள் அங்கு கையேந்தி நிற்கும் காட்சிகளை நம்மவர்கள் கண்டு கொள்ளாமல் இருப்பது வேதனையைத் தருகின்றது. இவர்களின் பிரச்சினைகளைக் கேட்க இந்த பள்ளிவாசல் நிருவாகிகள் முன்வந்தார்களா?

பள்ளிவாசல்கள் நிர்மாணிக்கப்பட வேண்டும். அவை அலங்கரிக்கப்பட வேண்டும். காலத்தின் தேவைக்கேற்ப பல மாடிகளைக் கொண்ட கட்டிடங்களாக நிர்மாணிக்கப்படலாம். அவற்றில் வித்தியாசமான மின் விளக்குகளால் அலங்கரிக்கலாம். பல வர்ணங்களை பூசி நவீன தொழில் நுட்ப கருவிகளைப் பொருத்தி அங்கு வருகை தரும் மக்களுக்கு மட்டுமன்றி, ஏன், கடல் கடந்த நாடுகளில் வாழ்வோருக்கும் ஒளிபரப்புகின்றார்கள். ஆனால், பள்ளிவாசல்களுக்கு வெளியே கையேந்தி நிற்கும் இவர்கள் எங்கிருந்து வந்தவர்கள், இவர்கள் ஏன் கையேந்துகின்றார்கள்? இவர்களின் நிலைமை என்னவென ஏறிட்டு பார்க்காத நமது சமூகத் தலைவர்கள், வசதி படைத்த தனவந்தர்கள், பள்ளிவாசல் நிருவாகிகள் தவறிவிடுகின்றனர்.

அங்கு யாசகம் கேட்டு வருபவர்களுள் எத்தனை இளம் சகோதரிகள் இருக்கின்றார்கள் என்பதை நோக்குவதற்கு இவர்கள் தவறி விட்டார்கள். இந்த இளம் சகோதரிகள் வறுமையின் காரணமாக தவறான வழியில் சென்றால், இதற்கான பொறுப்பை நம் சமூகத் தலைவர்கள் ஏற்றுக் கொண்டே ஆக வேண்டும்.

பள்ளிசால்களுக்கு பழிங்குக் கற்களை பதிக்கின்றார்கள். அதற்கு மேல் காப்பட் விரிப்புக்களை விரிக்கின்றார்கள். அதற்கு மேல் பல அலங்கார விரிப்புக்களையும் விரிக்கின்றார்கள். இவை எதற்காக செய்யப்படுகின்றது என்பது புரியவில்லை. வறுமை, நிராகரிப்புக்கு இட்டுச் செல்வது என்பது நபி மொழி. இந்த வறிய மக்களின் துயர் துடைக்க சமூகத்தில் வசதி படைத்தவர்கள் இல்லாமல் இல்லை. வீண் விரயத்தைத் தவிர்த்து ஆடம்பரங்களைக் குறைத்து சமூகத்தில் கீழ் மட்டத்தில் உள்ளவர்களின வாழ்க்கையில் ஒளியூட்ட எதிர்வரும் ரமழான் மாதத்த்pலாவது நமது அரசியல்வாதிகள், சமூகத் தலைவர்கள், வசதி படைத்த தனவந்தர்கள் முற்படுவார்களா?

இப்தார் என்ற போர்வையில் செய்யப்படும் வீண் விரயத்தைத் தவிர்ப்போம். தேவையானவர்களை இனங்கண்டு உதவுவோம். 100 ரூபா, ஆயிரம் ரூபா நோட்டுக்களை மாற்றி கையேந்தி வருபவர்களுக்கு பெருமைக்காக பங்கிடுவதிலிருந்து தவிர்ந்து கொள்வோம்.

வசதியில்லாமல் வாழ்க்கையைக் கொண்டு நடத்த முடியாது விட்டாலும், வாய் திறக்க கூச்சப்படும் அநேக சகோதரர்கள் நம் மத்தியில் உள்ளார்கள் என்பதை உணராமல் இருக்கின்றார்கள். கடந்த காலங்களில் நாம் விட்ட பல தவறுகள் காரணமாக எம்மீது சுமத்தப்படும் குற்றச் சாட்டுக்களுக்கு பதில் கூற முடியாமல் பதுங்கிக் கொண்டிருகின்றோம்.

இந்நிலையில் தொடராக நாம் விடும் தவறுகளை உணர்ந்து செயற்படாமல் எமது வாய்களுக்கு பூட்டுப் போட்டவர்களாக இருக்க வேண்டிய துர்ப்பாக்கிய நிலையை அவதானிக்கின்றோம்.

மன்னர் அப்துல்லாவின் எச்சரிக்கை

noreply@blogger.com (Jaffna Muslim) — Tue, 18 Jun 2013 15:05:26 PDT

"சில நாடுகள் தொடர் ஆபத்தான முயற்சிகளை மேற்கொள்வதோடு மற்றைய நாடுகளின் உள்விவகாரங்களிலும் தலையிடுகிறார்கள், இது பிராந்தியத்தில் பதற்றத்தினையும் உறுதியற்ற நிலைப்பாட்டினையும் உருவாக்கும்" என்று இரு புனித ஹரம் ஷரீபின் பொறுப்பாளரான மன்னர் அப்துல்லா நேற்று எச்சரித்தார்.

சிரியாவில் தொடரும் படுகொலைக்களரி, மனித உரிமைகளுக்கு எதிரான பரவலான அத்துமீறல்கள், அம்மக்களுக்கு எதிரான ஆயுத நடவடிக்கைகள் ஆகிய நிகழ்ச்சிகளின் விளைவுகள் பற்றி மீளாய்வு செய்யப்பட்டது.

சர்வதேச இஸ்லாமிய ஊடக அமைப்பின் பொதுச்செயலாளர் ஹசன் அஹ்தாழ் மன்னரின் இவ்வறிக்கையினை வரவேற்றதுடன் "இது இஸ்லாமிய உலகின் சமாதானத்தினையும், பிராந்திய ஒருமைப்பாட்டினையும் பலப்படுத்தும் ஒரு பிரதிபலிப்பு" என்று குறிப்பிட்டார்.

அரபு செய்திக்கு கருத்து தெரிவித்த அவர், ஹிஸ்புள்ளாவினதும் ஈரானின் ஆயுதரீதியான உதவியும் சிரியாவில் தொடரும் வன்முறைகளை தூண்டிவிடுகின்றது.இது அப்பிராந்தியத்தின் எல்லா பகுதியிலும் ஸ்திரமற்ற நிலையை உண்டாக்குவதுடன் பதற்றநிலையும் உண்டு பண்ணுகிறது.

புதிய ஜனாதிபதி சீர்திருத்தவாதி ஹசன் ரவ்ஹாணி இன் தலைமையில் சிரியாவிற்கான ஈரானின் அரசியல் கொள்கை மாற்றத்தினை சவூதி வரவேற்கிறது என்றார் அஹ்தாழ்."நாங்கள் ஹசன் ரவ்ஹாணியிடமிருந்து சிரியாவிற்கான ஜனநாயகத்தினையும் அறிவு சார்ந்த ஒரு நிலைப்பாட்டினையும் எதிர்பாக்கிறோம்.பசார் அல்- ஆசாத் தனது மக்களை தானே கொன்று குவிக்கின்றார்" எனக்குறிப்பிட்டார்.

அதிகரித்த ஹஜ் பயணிகளை உள்வாங்குமுகமாக இரு புனித தலங்களை விஸ்தரிக்கும் இந்த முயற்சியை இரட்டிப்பாக்குமாறும் அதற்கான அனைத்து வளங்களையும் பாவித்து துரிதப்படுத்துமாறும் அதிகாரசபைகளை மன்னர் அப்துல்லா வேண்டிக்கொண்டார்.இந்த இரு மஸ்ஜித்களின் கட்டிட விரிவாக்கம் பற்றியும், "மத்தாப்" ( கஹ்பாவைச் சுற்றியுள்ள தவாப் செய்யும் பரிதி வடிவ பகுதி) பற்றியும் மதீனாவின் புனித சூழல் விச்தைப்பு பற்றியும் அமைச்சரவையில் கலந்தாலோசிக்கப்பட்டது என கலாச்சார தகவல்கள் அமைச்சர் அப்துல் அஸீஸ் ஹோஜா தெரிவித்தார்.

புனித மக்கா ஹரம் ஷரீப் 2.2 மில்லியன் மக்கள் சுற்று வளம் வருமளவு விஸ்தரிக்கபடுவதுடன் புனித நபியவர்களின் மஸ்ஜிதுன் நபவி ஒரே நேரத்தில் 2 மில்லியன் மக்கள் தொழும் அளவு விஸ்தரிக்கப்படும்.

தம்பதிகளின் பேஸ்புக் நெருக்கம் விவகாரத்து வரை கொண்டு செல்லும்..!

noreply@blogger.com (Jaffna Muslim) — Tue, 18 Jun 2013 15:03:21 PDT

இளம் தம்பதிகள் பேஸ்புக்கில் அதிகம் நேரம் செலவிட்டால், அவர்களுக்கிடையே சண்டை, நம்பிக்கையின்மை போன்ற பிரச்னைகள் ஏற்பட்டு, அது விவகாரத்து வரை கொண்டு செல்லும் என்று ஆய்வில் தெரியவந்துள்ளது. அமெரிக்காவின் மிசௌரி பல்கலைகழகத்தில் ஸ்கூல் ஆப் ஜர்னலிசம் பயிலும் ஆய்வு மாணவர் ரஸ்ஸல் கிளேட்டனும், ஹவாய் மற்றும் செயின்ட் மேரீஸ் பல்கலைகழக மாணவர்களும் சேர்ந்து ஆய்வு நடத்தினர். பேஸ்புக் பயன்படுத்தும் 18 முதல் 82 வயது வரை உள்ளவர்களிடம் இந்த ஆய்வு மேற்கொள்ளப்பட்டது.

எத்தனை நாளைக்கு ஒரு முறை பேஸ்புக்கை பயன்படுத்துவீர்கள், எவ்வளவு நேரம் பயன்படுத்துவீர்கள், பேஸ்புக்கை பயன்படுத்துவதால் தற்போதைய துணையோடு அல்லது முந்தைய துணையோடு என்னென்ன பிரச்னைகள் உருவானது என்பது குறித்த பல கேள்விகள் அவர்களிடம் கேட்கப்பட்டன.

ஆய்வு முடிவு குறித்து கிளேட்டன் கூறியதாவது:

பெரும்பாலானவர்கள் தங்களுக்கு பிடித்தமானவர்களோடு தொடர்பு கொள்ளவதற்குதான் பேஸ்புக்கை அதிகம் பயன்படுத்துகின்றனர். இதில் பலர் தங்களது முன்னாள் துணையின் நட்பை தொடரவும் அதிக அளவில் பேஸ்புக்கை பயன்படுத்துவது தெரியவந்துள்ளது. இதனால் பலரும் தங்களது துணையின் பேஸ்புக்கை கண்காணிப்பதை வழக்கமாக வைத்துள்ளனர். இது அவர்களிடையே உள்ள நம்பகத்தன்மையை குறைப்பதோடு, பழைய நட்பு குறித்த சர்ச்சைக்கும் காரணமாகிறது. இதனால் தற்போதைய துணையை ஏமாற்றுவதற்கான வழிமுறைகளை எல்லாம் அவர்கள் கையாள்வது தெரியவந்தது. இது விவாகரத்தை நோக்கி இட்டு சென்றதாகவும் பலர் தெரிவித்தனர்.

காதலர்கள் மற்றும் புதுமண தம்பதிகள் போன்ற புதிதாக இணைந்த ஜோடிகளிடம்தான் இந்த பாதிப்பு அதிகம் இருந்தது. அதாவது உறவு பலப்படாத நிலையில், ஒருவருக்கு ஒருவர் சந்தேகம் கொள்வது அதிகமாக இருக்கிறது. இப்படிப்பட்ட நிலையில்தான் அதிக பேஸ்புக் பயன்பாடு, உறவில் விரிசலை ஏற்படுத்துகிறது என்று கண்டறியப்பட்டுள்ளது.

இதுபோன்ற பிரச்னைகள் ஏற்படாமல் தடுக்க வேண்டும் என்றால், காதலர்கள் மற்றும் புதுமண தம்பதியினர் பேஸ்புக்கில் நேரத்தை செலவிடுவதை அளவோடு வைத்துக் கொள்ள வேண்டும்.இவ்வாறு கிளேட்டன் கூறினார்.

உலகிலேயே மிகப்பெரிய சுரங்கம் டுபாயில் திறக்கப்படுகிறது

noreply@blogger.com (Jaffna Muslim) — Tue, 18 Jun 2013 14:58:54 PDT

இந்த கோடை காலத்தில் உலகில் மிகப்பெரிய காற்று சுரங்கம் துபாயில் திறக்கப்படுகிறது. அமெரிக்காவில் 15.8 மீட்டர் உயரமும், சிங்கப்பூரில் 17.2 மீட்டர் உயரமும் கொண்ட காற்று சுரங்கங்கள் ஏற்கனவே உள்ளன. துபாயில் தற்போது கட்டப்பட்டுள்ள கண்ணாடியால் ஆன ''இன்பிளைட் துபாய்'' காற்று சுரங்கம் 20 மீட்டர் உயரம், 5 மீட்டர் அகலம் கொண்டதாக அமைக்கப்பட்டுள்ளது. அடுத்த மாதம் இது திறக்கப்படுகிறது.

இதுகுறித்து, சுரங்க மைய பயிற்சியாளர் மேத்யூ ஆடம் காக்னி கூறியதாவது,

இந்த காற்று சுரங்கம் 4 மாடிகளைக் கொண்டதாக இருக்கும். 4 மிகப்பெரிய மின்விசிறிகள் சுற்றும். மின்விசிறிகள் மூலம் உருவாகும் காற்று 115 கிலோ எடை கொண்ட பொருளையும் அந்தரத்தில் பறக்க வைக்கும். இந்த மையத்துக்குள் செல்லும் பார்வையாளர்கள் கண்ணாடி கோபுரத்தின் உள்ளே பறந்து மகிழலாம்.

சுமார் 3,650 மீட்டர் உயரத்தில் பறக்கும் விமானத்திலிருந்து கீழே குதித்தால் காற்று விசை எப்படி இருக்குமோ, அந்த அளவுக்கு காற்று சக்தியை உணர முடியும். பறக்கும்போது வெளியிடங்களை பார்க்க முடியாது. ஆனால் வானத்திலிருந்து விழும் உணர்வை பெற முடியும். தரையில் விழுந்து காயம் ஏற்படும் அபாயம் இல்லை. இவ்வாறு காக்னி கூறினார்.

ஆப்கானிஸ்தான் படைகளிடம் நேட்டோ படைகள் பாதுகாப்பு பொறுப்பை ஒப்படைத்தன.

noreply@blogger.com (Jaffna Muslim) — Tue, 18 Jun 2013 14:53:57 PDT

ஆப்கானிஸ்தான் படைகளிடம், நேட்டோ படைகள், பாதுகாப்பு பொறுப்பை நேற்று முறைப்படி ஒப்படைத்தன.

அடுத்த ஆண்டு இறுதிக்குள், வெளிநாட்டு படைகள் வாபசாக ஒப்பந்தம் மேற்கொள்ளப்பட்டுள்ளது. இதன் ஒரு நடவடிக்கையாக, ஆப்கானிஸ்தானின், 95 மாவட்டங்களின் பாதுகாப்பு பொறுப்பை, நேட்டோ படைகள், ஆப்கானிஸ்தான் படைகளிடம், நேற்று ஒப்படைத்தன.

தலிபான்களின் அச்சுறுத்தல் உள்ள ஒரு சில மாவட்டங்களில், நேட்டோ படைகள் தொடர்ந்து, பாதுகாப்பில் ஈடுபட்டுள்ளன.இது தொடர்பாக காபூலில் நேற்று நடந்த விழாவில், நேட்டோ படை தளபதி ஆன்டர்ஸ் பாக் குறிப்பிடுகையில், ""பத்து ஆண்டுகளுக்கு முன், ஆப்கானிஸ்தானுக்கென எந்த படையும் இல்லை. தற்போது, ஆப்கன் ராணுவம் மற்றும் போலீசில், 3.5 லட்சம் வீரர்கள் உள்ளனர். தேவைப்பட்டால், ஆப்கானிஸ்தானுக்கு தொடர்ந்து உதவ தயாராக உள்ளோம்,'' என்றார்.

இவ்விழா நடக்கும் போது, பார்லிமென்ட்டுக்கு சென்ற எம்.பி., ஒருவர் மீது, தற்கொலை படையினர் தாக்குதல் நடத்தினர். இதில், அப்பாவி மக்கள் மூன்று பேர் பலியாயினர்.இதுகுறித்து, ஆப்கானிஸ்தான் அதிபர் ஹமீத் கர்சாய் குறிப்பிடுகையில், ""தலிபான்களை சமாளிக்க, ஆப்கானிஸ்தான் ராணுவத்தினர் தயாராக உள்ளனர். ஆனால், குண்டு வெடிப்பு சம்பவங்களால், ஆப்கானிஸ்தானில் ஸ்திரமற்ற நிலை உள்ளது,'' என்றார்.

21 வயதில் 11 குழந்தைகளுக்கு தாயான பலஸ்த்தீன சகோதரி

noreply@blogger.com (Jaffna Muslim) — Tue, 18 Jun 2013 14:47:49 PDT

(thinaharn) காசாவில் வாழும் 21 வயது பலஸ்தீனப் பெண் தனது 7 வருட திருமண வாழ்க்கையில் 11 குழந்தைகளுக்கு தாயாகி உள்ளார். இதில் ஒரே பிரசவத்தில் நான்கு மற்றும் மூன்று குழந்தைகளை பெற்றெடுத்துள்ள இவர் இரட்டை குழந்தைக்கும் தாயாவார்.

தனது ஒன்பது பெண் குழந்தைகள் மற்றும் இரு ஆண் குழந்தைகள் குறித்து மகிழ்ச்சியை தெரிவித்துள்ள தாய் இவர்களுக்கு உணவு வழங்க தனது கணவன் போதுமான வருவாயை ஈட்டவில்லை என குறிப்பிட்டுள்ளார். ‘அவர்களுக்கு போதுமான உணவு மற்றும் உடையை என்னால் வழங்க முடியவில்லை.... எனது வருவாய்க்கு அப்பால் அவர்களது நாளாந்த செலவு அதிகமாக உள்ளது’ என 25 வயது தந்தையான ராட் அல் பதாஷ், தொலைக்காட்சி போட்டியில் குறிப்பிட்டார்.

பலஸ்தீன ஜனாதிபதி மஹ்மூத் அப்பாஸிடம் இருந்தும் காசா பிரதமர் இஸ்மைல் ஹனியானிடம் இருந்து உதவிகள் கிடைத்த போதும் அது போதுமானதாக இல்லை என அரச ஊழியரான பதாஷ் குறிப்பிட்டார்.

‘அவர்களிடம் இருந்து எமக்கு கிடைக்கும் உதவிகள் குழந்தைகளின் நாளாந்த தேவைகளை ஒப்பிடும் போது போதுமானதாக இல்லை. பெரும்பாலான உதவிகள் குழந்தைகளின் மருந்து செலவுக்கே போகிறது’ என்றும் அவர் குறிப்பிட்டார்.

கடந்த 7 ஆண்டுகளுக்குள்ளேயே இந்த 11 குழந்தைகளும் பிறந்துள்ளதாக பலஸ்தீன பத்திரிகை குறிப்பிடுகிறது. இதில் ஒரே பிரசவத்தில் மூன்று பெண் குழந்தைகள், ஒரே பிரசவத்தில் நான்கு பெண் குழந்தைகள் மற்றும் இரட்டை ஆண் குழந்தைகளும் உள்ளடங்குகின்றனர்.

‘அவர்களுக்கு உணவு வழங்குவது, உடை அணிவிப்பது என நாளாந்தம் பிரச்சினையை சந்திக்கிறேன்’ என பெயர் குறிப்பிடாத அந்த தாய் தெரிவித்தார். பலஸ்தீனின் காசா பகுதி உலகின் அதிக பிறப்பு வீதம் கொண்ட பகுதிகளில் ஒன்றாக பதிவாகியுள்ளதோடு இதுவே உலகின் சனநெரிசல் கொண்ட பகுதிகளில் ஒன்றாகவும் பதிவாகியுள்ளது.

காசாவின் சனத்தொகை வீதம் 3.2 ஆகும். இது உலகின் 7 ஆவது அதிக சனத்தொகை வீதம் கொண்ட பகுதியாகும். வெறும் 365 சதுர கிலோ மீற்றர் கொண்ட காசாவில் சுமார் 1.7 மில்லியன் மக்கள் வாழ்கின்றனர்.

24 மணித்தியாலயத்திற்குள் 32 இலட்சம் ரூபாவிற்கு பேசிய விவகாரம்..!

noreply@blogger.com (Jaffna Muslim) — Tue, 18 Jun 2013 14:20:20 PDT

(Tm) கையடக்க தொலைபேசி கட்டணமாக 32 இலட்சம் ரூபாவை செலுத்தாத நபர் தொடர்பில் கொழும்பு கோட்டை நீதவான் நீதிமன்றத்தின் கவனத்திற்கு கொண்டுவரப்பட்டுள்ளது.

கையடக்கதொலை பேசியின் சிம்காட்க்கு ரோமிங் வசதியை பெற்றுக்கொண்ட நபரொருவர் 24 மணித்தியாலயத்திற்குள் 32 இலட்சம் ரூபாவிற்கு பேசியுள்ளமை தொடர்பிலேயே கொழும்பு ஊழல் மோசடி தடுப்பு பிரிவினர் விசாரணைகளை மேற்கொண்டுள்ளதுடன் அது தொடர்பில் நீதிமன்றின் கவனத்திற்கு நேற்று கொண்டுவந்தனர்.

கண்டி, திகனையை பிறப்பிடமாக கொண்ட எம்.முஹமட் மஹ்ரூப் என்பவரே 32 இலட்சம் ரூபாவிற்கான தொலைபேசி கட்டணத்தை செலுத்தவில்லை என்றும், 24 மணி நேரத்திற்குள் குறித்த நபர் 501 அழைப்புகளை ஏற்படுத்தியுள்ளதாகவும் கையடக்க தொலைபேசி நிறுவனம் நீதிமன்றத்தின் கவனத்திற்கு கொண்டுவந்தது.

சந்தேநபர் சார்பில் ஆஜரான சட்டத்தரணி குறித்த நபர் சிம்காட்டை இத்தாலியிலுள்ள தன்னுடைய உறவினருக்கு கொடுத்துவிட்டதாகவும் அவர் அந்த சிம்காட் அட்டையை ஒருபோதும் பயன்படுத்தவில்லை என்றும் நீதிமன்றத்தில் தெரிவித்தார்.

ஒருவர் தன்னுடைய பெயரில் பெற்றுக்கொண்ட சிம்காட் அட்டையை கைமாற்ற முடியாது என்று குறித்த கையடக்கதொலைபேசி நிறுவனத்தின் சார்பில் ஆஜரான சட்டத்தரணி நீதிமன்றத்தின் கவனத்திற்கு கொண்டுவந்தார்.

இந்நிலையில், சந்தேகநபருக்கு எதிராக ஒக்டோபர் 1 ஆம் திகதி குற்றப்பத்திரிக்கையை தாக்கல் செய்யுமாறு நீதவான் திலின கமகே பொலிஸாருக்கு உத்தரவிட்டார்.

பொத்துவில் பிரதேச செயலகத்தில் டெங்கு ஒழிப்பு சிரமதானம்

noreply@blogger.com (Jaffna Muslim) — Tue, 18 Jun 2013 13:39:07 PDT

(றனீஸ்ஆதம்)

பொத்துவில் பிரதேச செயலகத்தின் மாபெரும் டெங்கு ஒழிப்பு சிரமதானம் பிரதேச செயலாளர் எம்.ஐ.எம்.தௌபீக் தலைமையில் செவ்வாய்க்கிழமை 18-06-2013 இடம்பெற்ற போது உதவி பிரதேச செயலாளர் திருமதி எச்.எ.மாலினி, பிரதேச செயலக ஊழியர்கள், விஷேட அதிரடிப்படையினர், பொதுச் சுகாதாரப் பரிசோதகர்கள் சிரமதானத்தில் ஈடுபட்டுக் கொண்டிருப்பதைக் படத்தில் காணலாம்.

சாதனை மாணவன் நுஸ்கி மரணமடைந்தார்..!

noreply@blogger.com (Jaffna Muslim) — Tue, 18 Jun 2013 13:15:18 PDT

நிந்தவூர் அல் அஷ்ரக் தேசிய பாடசாலையில் உயர்தரத்தின் வர்தகப்பிரில் கல்வி கற்றுவந்த எம் .எஸ்.எம்.நுஸ்கி எனும் மாணவன் இன்று கண்டி வைத்தியசாலையில் இறைவனடி சேர்ந்தார்.

இவர் 2011ஆம் ஆண்டிலேயே கிழக்கு மாகாண பாடசாலைகளிற்கிடையிலான விழையாட்டுப் போட்டிகளில் முப்பாய்ச்சல் உட்பட பலபோட்டிகளில் கலந்துகொண்டு தங்கப்பதக்கத்தைப் பெற்று மாகாணத்தின் முதல்தர விளையாட்டு வீரன் என்ற பட்டத்தையும் தமதாக்கிக் கொண்டார்.

கல்வியிலும் ஒழுக்கத்திலும் பணிவிலும் சிறந்து விளங்கிய இந்த மாணவன் அதே ஆண்டு ,ஹோமாகம,மகிந்த ராஜபக்ச விளையாட்டரங்கில் நடைபெற்ற அகில இலங்கை பாடசாலைகளுக்கிடையிலான விளையாட்டுப்போட்டியில் 19 வயதுப்பிரிவின் கீழ் பங்குபற்றி ,முப்பாய்ச்சல் போட்டியிலே 14.65மீட்டர் பாய்ந்து புதிய சாதனை படைத்தார்,தங்கப்பதக்கத்தையும் தமதாக்கிக் கொண்டு தான் பிரநிதிப்படுத்திய கிழக்கு மாகாணத்திற்கும் ,தனது பாடசாலைக்கும் புகழை ஈட்டிக்கொடுத்தார்,

பாடசாலைக்கும், ஊருக்கும் புகழை தேடித்தந்து விட்டு இறைவனடி எய்திய இவரது ஜனாஸா நல்லடக்கம் நாளை 19-06-2013 காலை பாடசாலை ஆசிரியர் மாணவர்கள், ஜனாசாவைப் பார்வயிட்ட பின்னர் நிந்தவூரில் அடக்கம் செய்யப்படும்.

புத்தளம் பாடசாலைகளுக்கிடையிலான வலயமட்ட கணித தினம்

noreply@blogger.com (Jaffna Muslim) — Tue, 18 Jun 2013 13:01:59 PDT

(அபூ நாதில்)

புத்தளம் கல்வி வலயத்திற்குட்பட்ட தமிழ் மொழி மூல பாடசாலைகளுக்கிடையிலான வலய மட்ட கணித தினம் பாலாவி முஸ்லிம் வித்தியாலயத்தில் இன்று நடைபெற்றது.

ஞானாசார தேரரின் தொலைக்காட்சி பேட்டி (வீடியோ)

noreply@blogger.com (Jaffna Muslim) — Tue, 18 Jun 2013 12:49:54 PDT

பொதுபல சேனாவின் செயலாளர் ஞானசார தேரர் தனியார் தொலைக்காட்சிக்கு திங்கட்கிழமை இரவு பேட்டியொன்றை வழங்கினார். இலங்கையின் சிறந்த தொலைக்காட்சி பெண் ஊடகவியலாளர்களுல் ஒருவராக கருதப்படும் டில்காவின் கேள்விகளுக்கு உரியமுறையில் அவர் பதில்களை வழங்கவில்லையென விமர்சனங்கள் முன்வைக்கப்பட்டுள்ளமையும் இங்கு குறிப்பிடத்தக்கது.

https://www.youtube.com/watch?feature=player_embedded&v=0PNaulVo104#!

கிண்ணியாவில் பதற்றம் - துப்பாக்கி பிரயோகம்

noreply@blogger.com (Jaffna Muslim) — Tue, 18 Jun 2013 10:20:01 PDT

கிண்ணியாவில் பொலிசாருக்கும், இராணுவத்தினருக்கும், பொதுமக்களுக்கும் மோதல் இடம்பெற்றதையடுத்து பதற்ற நிலை தோன்றியுள்ளது.

விறகு ஏற்றிவருவோர் தொடர்பில் எழுந்த பிரச்சனையே இந்த பதற்ற நிலைக்கு காரணமென கூறப்படுகிறது.

தற்போது அங்கு பெரும் முப்படையினர் குவிக்கப்பட்டுள்ள அதேவேளை நிலைமையை கட்டுப்பாட்டின் கீழ் கொண்டுவர துப்பாக்கி பிரயோகமும் மேற்கொள்ளப்பட்டுள்ளது. தற்போது இதுதொடர்பில் கிண்ணியா பெரியபள்ளிவாசலில் சம்பந்தப்பட்ட தரப்புகளிடையே முக்கிய பேச்சுவார்த்தையொன்று நடைபெற்று வருவதாகவும் கூறப்படுகிறது.

அரசியலமைப்பின் 13 ஆவது திருத்தச் சட்டம் - முஸ்லிம்கள் கூடி ஆராய வேண்டும்

noreply@blogger.com (Jaffna Muslim) — Tue, 18 Jun 2013 10:10:45 PDT

(மஸிஹுத்தீன் இனமுல்லாஹ்)

அரசியலமைப்பின் மீதான 13 ஆவது திருத்தச் சட்ட மூலமும் அதனடியாக மேகொள்ளப்பட்ட மாகாண அலகுகளுக்கான அதிகாரப் பரவலாக்கமும் : முஸ்லிம்களின் அடைவுகளும் பின்னடைவுகளும், இருந்தவற்றையெல்லாம் இழந்த பின்னர் வடக்கிலும் கிழக்கிலும் ஏன் இன்று தென்னிலங்கையிலும் பிச்சை வேண்டாம் நாயைப் பிடி என்ற நிலையில் இருக்கும் முஸ்லிம் அரசியல்வாதிகள் எவ்வாறான நிலைப்பாடுகளை எடுக்க வேண்டும்.. ?

"மேலெழுந்தவாரியாக 13 ஆவது அரசியலமைப்பு திருத்தச் சட்டத்தில் தென்னிலங்கை கைவைக்கக் கூடாது " என்ற நிலைப்பாட்டை எடுப்பது சுலபமாக இருந்தாலும் பல்வேறு கோணனங்களில் இந்த விவகாரம் ஆய்வுக்கு உற்படுத்தப் படல் வேண்டும்.

முதலாவதாக இலங்கையின் உள்விவகாரமாக மாத்திரம் எண்பதுகளின் ஆரம்பம் வரை இருந்த இனப்பிரச்சினை 1987 ஜூலை மாதம் 29 ஆம் திகதி கைச்சாத்திடப்பட்ட இந்திய இலங்கை உடன்பாட்டுடன் மொத்த தேசத்தினதும் வெளிவிவகாரத்தையும் அரசியலையும் பொருளாதாரத்தையும் தீர்மானிக்கின்ற பிரதான காரணியாக மாறியுள்ளது.

குறிப்பாக போருக்குப் பின்னரான இலங்கையில் தேசிய பிராந்திய மற்றும் சர்வதேச சக்திகளின் போட்டா போட்டிகளின் மையக்கருவாக மாறிவிட்ட இந்த விவகாரத்தை உள்நாட்டு அரசியலுடன் மட்டுப் படுத்தி பார்ப்பதனை விட முதற்படியாக வெளிநாட்டு இராஜ தந்திர நெருக்கடியாகவே பார்க்க வேண்டியுள்ளது.

இந்திய நலன்களை பிராந்தியத்தில் பேணுகின்ற இந்திய இலங்கை உடன்பாட்டிலிருந்து 13 ஆவது திருத்தச் சட்டத்தை வேறு படுத்திக் கையாள்வது எவ்வாறு கடினமானதோ அவ்வாறே 13 ஐயும் மாகாண சபை முறையையும் இந்தியாவையும் நிராகரித்து மேலை நாடுகளில் அபயம் தேடிய தமிழ் தேசியம் வரவளைத்துள்ள சர்வதேச சமூகத்தின் தலையீடுகளை நெருக்குதல்களை புறந்தள்ளியும் இந்த விவகாரத்தை முடியாதுள்ளது.

மேலே சொன்ன இரண்டு தரப்பினரையும் தவிர தென்னிலங்கை அரசியல் மற்றும் தமிழ் தேசிய அரசியல் இவை இரண்டுடனுமான கடந்த கால அனுபவங்களை கரிசனைக்கு எடுத்தே முஸ்லிம்களது நிலைப்பாட்டை முஸ்லிம் அரசியல் தலைமைகள் ஒன்று பட்டு எடுக்க வேண்டும்.!

விரிவாக எதனையும் கூறாது ஜெனீவாவில் இலங்கைக்கு எதிரான யுத்தக் குற்ற பிரேரணைகளை முன்மொழிந்த அமெரிக்கா இஸரேல் நோர்வே போன்ற நாடுகளும் அதற்கு ஆதரவளித்த இந்தியாவும் தத்தமது நலன்களை பேசித் தீர்த்துக் கொண்டு கிட்டிய எதிர்காலத்தில் இலங்கை விவகாரத்தில் தலையிட இந்த ௧௩ ஐ அறிய வாய்ப்பாக பயன் படுத்திக் கொள்வார்கள் என்று மட்டும் ஊகிக்கலாம்.

பிரதான தரப்புக்களான இந்தியாவும், நோர்வேயும், தமிழ்த் தேசியமும், இலங்கையின் பிரதான எதிர்க் கட்சியும் ஆரவாரமில்லாது திரை மறைவில் காய் நகர்த்துகின்ற பொழுது நிதானமிழந்து குறுகிய அரசியல் இலக்குகளுடன் கொக்கரிப்பது முஸ்லிம்களை இந்த விவகாரத்தில் பலிக்கடாவாக்க எடுக்கப் படும் முயற்சிகளுக்கே துணை புரியும் என்பதில் சந்தேகமில்லை.!

படுகொலைகளின் சூத்திரதாரி வாஸ் குணவர்தன பணியிலிருந்து நீக்கம்

noreply@blogger.com (Jaffna Muslim) — Tue, 18 Jun 2013 08:04:38 PDT

(Tm) வர்த்தகர் ஒருவர் கொலை செய்யப்பட்ட சம்பவம் தொடர்பில் குற்றப்புலனாய்வுப் பிரிவினரால் சந்தேகத்தின் பேரில் கைதுசெய்யப்பட்ட விளக்கமளியலில் வைக்கப்பட்டுள்ள முன்னாள் பிரதி பொலிஸ் மா அதிபர் வாஸ் குணவர்தன உடன் அமுலுக்கு வரும் வகையில் பணியிலிருந்து நீக்கப்பட்டுள்ளதாக பொலிஸ் ஊடகப்பேச்சாளர் புத்திக சிறிவர்தன தெரிவித்தார்.

ஜம்இய்யத்துல் உலமாவின் 'மக்தப்' மத்ரஸா - நாடு பூராகவும் விஸ்தரிப்பு

noreply@blogger.com (Jaffna Muslim) — Tue, 18 Jun 2013 07:07:17 PDT

(அப்துல்சலாம் யாசீம்)

அகில இலங்கை ஜம்இய்யத்துல் உலமா சபையின் கண்காணிப்பின் கீழ் நாடு ரீதியாக சிறுவர்களுக்கு இஸ்லாமிய விழுமியங்களை முன்னெடுக்கும் நோக்கில் 'மக்தப்' என்ற பெயரில் அல்-குர்ஆன் மத்ரஸாக்களை நடாத்தி வருகின்றது. இதில் சுமார் 13000 இற்கும் மேற்பட்ட மாணவர்கள் இதன் கீழ் கல்வி பயின்று வருகின்றார்கள்.

இதன் அடிப்படையில் மூதூரிலும் முதன் முதலாக 'மக்தப்' மத்ரஸாவினை மூதூர் பெரிய பள்ளிவாயல் நிருவாகத்தின் பாரிய முயற்சியில் 17.06.2013ம் திகதி 20 மாணவர்களைக் கொண்டு ஆரம்பிக்கப்பட்டுள்ளது.

கம்பளை முஸ்லிம் மகா வித்தியாலயத்தின் அமுதவிழா - தபால் முத்திரையும் வெளியீடு

noreply@blogger.com (Jaffna Muslim) — Tue, 18 Jun 2013 07:00:53 PDT

(எம்.எம்.எம். ரம்ஸீன்)

கம்பளை முஸ்லிம் மகா வித்தியாலயத்தின் அமுதவிழா நேற்று 17.06.2013 அதிபர் எம்.பி.எம். சாஜஹான் தலைமையில் நடைபெற்றது. இதில் பாடசாலையின் 80 ஆம் ஆண்டு நிறைவை முன்னிட்டு தபால் திணைக்களத்தால் நினைவு முத்திரையும் வெளியிடப்பட்டது.

முசலியில் இரு மாடிகளைக்கொண்ட பள்ளிவாயல் அமைக்கப்படவேண்டும்

noreply@blogger.com (Jaffna Muslim) — Tue, 18 Jun 2013 07:50:59 PDT

(முசலியூர்.கே.சி.எம்.அஸ்ஹர்)

முசலிப் பிரதேச செயலாளர் பிரிவுக்குட்பட்ட பலகிராமங்களில இருமாடிகளைக் கொண்ட 2.5 கோடி ரூபாய்கள் பெறுமதியான பள்ளிகளை,தௌஹீத் ஜமாஅத்,ஜமாஅதே இஸ்லாமி போன்ற அமைப்புக்கள் முஸ்லிம் நாடுகளில் இருந்து பெரும் நிதவுதவிகளைப்பெற்று சிறப்பான கட்டிடநிர்மானபப்ணிகளைச் சிறப்பாகச் செய்து வருகின்றன.

வேப்பங்குளம்,கூளாங்குளம், பாலைக்குழி,கரடிக்குழி சிலாவத்துறை போன்ற கிராமங்களின் பள்ளிகள் மிகவும் அழகான வகையில் காட்சி தருகின்றன.இக்கட்டிடம் கிடைத்தமையை இட்டு இப்பிரதேச மக்கள் பெருமகிழ்வு அடைகின்றனர்.

1990 யுத்தத்தால் பாதிக்கப்பட்ட முசலிக்கிராமப் பள்ளிவாயல் கதவுகள்,யன்னல்கள்,அனைத்தையும் இழந்து மேற்கூரையுமின்றிக் காணப்பட்டது.சுவர்களும் பல இடங்களில் வெடிப்படைந்து காணப்பட்டது. முசலிப்பிரதேச செயலகப்ப்ரிவுக்குட்பட்ட அனைத்து முஸ்லிம் மக்களும் ஒன்றிணைந்து மரந்தடிகளையும்,தென்னங்கிடுகுகளையும் இணைத்து இப்பள்ளியை ஆரம்ப்pத்தனர். ஐவேளைத்தொழுகையும்,ஜும்ஆ தொழுகையும் சிறப்பாக இடம் பெற்றதை அனைவரும் அறிவோம் இக்கிராமம் மத்தியாக இருப்பதனால் பெரும் வியாபாரிகளும்,பொதுமக்களும்,அரச அதிகாரிகளும்,மஹிந்தோதய பாடசாலை மாணவர்களும் அதிகம் இங்கே வருகை தருகின்றனர்.

இப்பள்ளியின் வசதிவாய்ப்புகள்,போதாமலுள்ளதை அறியக்கூடியதாக உள்ளது.போதிய நீர்த்தடாக வசதிகள்,மலசல கூடங்கள் என்பனவும் போதாமலுள்ளன.பள்ளிவாயலின் வெளிச்சுவர்களும் பூசப்படாமல் இருப்பதை அவதானிக்க முடிகிறது.இங்கு புதிய இருமாடிகளைக்கொண்ட பெரிய பள்ளிவாயல் கட்டப்படவேண்டிய தேவை உள்ளது.அதனுடன் இணைந்த இஸ்லாமிய வழிகாட்டலும் உருவாக்கப்படவேண்டும்.முசலிப்பிராந்தியத்தின் மத்திய நிலையமாகவும் இப்பள்ளிவாயல் இயங்கவேண்டுமென இப்பிரதேச மக்கள் எதிர்பார்க்கின்றனர்.

முஸ்லிம் அமைப்புக்கள் இப்பிரதேசங்களுக்கு நேரடியாக வருகை தந்து முசலியின் பழைய பள்ளியைப்பார்வையிட்டு புதிய இருமாடிப்பள்ளியை நிர்மானிப்பதற்குரிய நடவடிக்கைகள் எடுக்கப்படவேண்டும் என முசலி மக்கள் எதிர்பார்க்கின்றனர்.

சிங்கள ராவய பாத யாத்திரை - முஸ்லிம்களின் இறைச்சிக் கடை மீது தாக்குதல்

noreply@blogger.com (Jaffna Muslim) — Tue, 18 Jun 2013 06:27:52 PDT

மிருகவதை மற்றும் மத பரப்புரைகளுக்கு எதிராக சிங்கள ராவய அமைப்பினால் முன்னெடுக்கப்படும் பாத யாத்திரை தங்கல்ல நகரில் ஆரம்பமானது.

தங்கல்ல பாத யாத்திரை ஆரம்பிக்கப்பதற்காக நடத்தப்பட்ட கூட்டத்தின் இடை நடுவே, நகரில் உள்ள மாட்டிறைச்சி கடை தாக்குதலுக்கு உள்ளானது. குறித்த கடை தீ மூட்டப்பட்டதாகவும் கூறப்படுகிறது.

இந்தநிலையில் சிங்கள ராவய நிலமை கட்டுப்பாட்டுக்குள் கொண்டு வரப்பட்டதாக சிங்கள ராவய அமைப்பின் ஊடக பேச்சாளர் மாகல் கந்த சுதந்த தேரர் தெரிவித்தார்.

இடம்பெயர்ந்தவர்கள் வாக்களிக்கும் சட்டமூலம் பாராளுமன்றத்தில் நிறைவேற்றம்

noreply@blogger.com (Jaffna Muslim) — Tue, 18 Jun 2013 06:20:12 PDT

இடம்பெயர்ந்தவர்கள் வாக்களிக்கும் வகையில் சமர்ப்பிக்கப்பட்டிருந்த (விசேட ஏற்பாடுகள்) சட்டமூலம் நாடாளுமன்றத்தில் நிறைவேற்றப்பட்டுள்ளது. குறித்த சட்டமூலம் சில திருத்தங்களுடன் நாடாளுமன்றத்தில் இன்று செவ்வாய்க்கிழமை (18.06.13) நிறைவேற்றப்பட்டுள்ளது.

எதிர்வரும் செப்டெம்பர் மாதத்தில் வடமாகாணசபைத் தேர்தலை நடத்த தீர்மானிக்கப்பட்டுள்ள நிலையில், 1983ஆம் ஆண்டு மே முதலாம் திகதிக்கும் 2009 மே 18ஆம் திகதிக்கும் இடையில் வடக்கிலிருந்து இடம்பெயர்ந்தவர்கள் வாக்களிப்பதற்கு வாய்ப்பளிக்கும் சட்டத்தைக் கொண்டுவர அமைச்சரவை அங்கீகாரம் வழங்கியிருந்தது.

வேறு எந்த இடத்திலும் வாக்காளர்களாகப் பதிவு செய்யாதவர்களுக்கே இந்த வாய்ப்பு வழங்கப்பட உள்ளதுடன் அதற்கான சட்டமூலமும் நீதியமைச்சரினால் நாடாளுமன்றத்தில் அண்மையில் சமர்ப்பிக்கப்பட்டது.

இடம்பெயர்ந்து வேறு மாவட்டங்களில் வாழ்வோர் சொந்த மாவட்டங்களில் வாக்காளராக பதிவு செய்வதற்கு தற்போது சட்டத்தில் இடமில்லை.

இந்த திருத்த சட்டமூலம் நிறைவேற்றப்பட்டால் 1983 மே முதலாம் திகதிக்கும் 2009 மே 18ஆம் திகதிக்கும் இடையில் இடம்பெயர்ந்த 15,000 பொதுமக்கள் வடக்கில் தம்மை வாக்காளராகப் பதிவு செய்ய வழி பிறக்கும் என்று அந்த சட்டமூலத்தில் தெரிவிக்கப்பட்டு இருந்தமை குறிப்பிடத்தக்கதாகும்.

பாராளுமன்றத்தில் வந்து அமர்ந்தார் ஜனாதிபதி மஹிந்த (படங்கள்)

noreply@blogger.com (Jaffna Muslim) — Tue, 18 Jun 2013 06:13:11 PDT

ஜனாதிபதி மஹிந்த ராஜபக்ஷ, இன்று செவ்வாய்க்கிழமை நாடாளுமன்றத்துக்கு திடீர் விஜயத்தை மேற்கொண்டார். யுத்தத்தின் போது இடம்பெயர்ந்தவர்கள் வட மாகாணசபைத் தேர்தலில் வாக்களித்தல் தொடர்பான சட்டமூலம் இன்று நாடாளுமன்றத்தில் நிறைவேற்றப்பட்டுள்ள அதேவேளை, ஜாதிக்க ஹெல உறுமயவினால் 21ஆவது திருத்தச் சட்டமும் இன்று மன்றில் சமர்ப்பிக்கப்பட்டது.