Jaffna Muslim

இலங்கைக்கு கிடைக்கவுள்ள டொலர்கள்

noreply@blogger.com (www.jaffnamuslim.com) — Thu, 21 May 2026 11:20:34 +0200

சர்வதேச நாணய நிதியத்திடமிருந்து இந்த மாதம் 27ஆம் திகதி 700 மில்லியன் டொலர் நிதி கிடைக்கும் என எதிர்பார்ப்பதாக நிதி மற்றும் திட்டமிடல் பிரதி அமைச்சர் அனில் ஜெயந்த தெரிவித்துள்ளார்.

இன்று (21) பாராளுமன்றத்தில் உரையாற்றிய போதே அமைச்சர் இதனைத் தெரிவித்தார்.

"ஏற்றுமதி மற்றும் வெளிநாட்டுப் பணப்பரிமாற்றங்களுக்கு மேலதிகமாக, வெளிநாட்டு நாணயத்தைப் பெற்றுக்கொள்வதில் இந்த 27ஆம் திகதி சர்வதேச நாணய நிதியத்திடமிருந்து பெரும் எதிர்பார்ப்பு உள்ளது. அதன் பணிப்பாளர் சபை நமக்கு 700 மில்லியன் டொலர்களை வழங்கும் என நம்புகிறோம். அத்துடன், ஆசிய அபிவிருத்தி வங்கியிடமிருந்து இந்த வருடத்திற்குள் 480 மில்லியன் டொலர்கள் வரை பெற்றுக்கொள்ள முடியும். உலக வங்கியிடமிருந்து 150 மில்லியன் டொலர்களும், அதன் அணுக்க நிறுவனம் ஒன்றிடமிருந்து 50 மில்லியன் டொலர்களும் கிடைக்கவுள்ளன. எனவே, இதனை மேலாண்மை செய்வதில் எந்தவொரு சிக்கலும் ஏற்படாது."

பல்டியடித்த சுமனரதன தேரர்

noreply@blogger.com (www.jaffnamuslim.com) — Thu, 21 May 2026 07:31:49 +0200

மட்டக்களப்புக்கு விஜயம் மேற்கொண்டுள்ள ஜனாதிபதி அநுர குமார திசாநாயக்கவை நேரில் சந்தித்துக் கலந்துரையாடியதை அடுத்து, அவருக்குத் தனது முழுமையான ஆதரவை வழங்குவதாக அம்பிட்டியே சுமனரதன தேரர் அறிவித்துள்ளார்.

அத்துடன், தாம் இனிமேல் "ராஜபக்ச நிகாய" (ராஜபக்ஷ முகாம்) என்பதில் இருந்து முற்றாக விலகிச் செயற்படப் போவதாகவும் அவர் குறிப்பிட்டுள்ளார். இந்தச் சந்திப்பின் பின்னர் அவர் வெளியிட்டுள்ள காணொளி அறிக்கை ஒன்றில் இந்த விடயங்களை அவர் சுட்டிக்காட்டியுள்ளார்.

ஜனாதிபதியின் மட்டக்களப்பு விஜயத்தின் போது அவரைத் தொடர்புகொள்ள தாம் முயற்சிப்பதாகவும், அந்த முயற்சி தோல்வியடைந்தால் அடுத்தகட்டமாகத் தாம் ஒரு தீவிரமான நடவடிக்கையை முன்னோக்கி எடுக்கப் போவதாகவும் முன்னதாக ஒரு செய்தியைப் பகிர்ந்திருந்ததாகத் தேரர் குறிப்பிட்டுள்ளார்.

ஜனாதிபதியைச் சந்திப்பதற்கான வாய்ப்பு தமக்குக் கிடைக்கும் என்று தாம் ஆரம்பத்தில் எதிர்பார்க்கவில்லை என்றும் அவர் கூறியுள்ளார்.

தமது முந்தைய செய்தியை அடுத்து, சிரேஷ்ட காவல்துறை அதிகாரிகள் மற்றும் ஜனாதிபதி பாதுகாப்புப் பிரிவின் (PSD) அதிகாரிகள் தலையிட்டு, ஜனாதிபதியுடனான சந்திப்புக்குரிய ஏற்பாடுகளைச் செய்துகொடுத்ததாகத் தேரர் தெரிவித்தார்.

இதன் மூலம் இரு தரப்பினருக்கும் இடையில் சுமுகமான கலந்துரையாடலை நடத்த வழிவகை செய்யப்பட்டது.

இந்த மாதத்திற்குள் ஆசியாவிலேயே மிக, மோசமாகச் செயல்படும் நாணயமாக இலங்கை ரூபாய்

noreply@blogger.com (www.jaffnamuslim.com) — Thu, 21 May 2026 07:15:07 +0200

இந்த மாதத்திற்குள் ஆசியாவிலேயே மிக மோசமாகச் செயல்படும் நாணயமாக இலங்கை ரூபாய் பதிவாகியுள்ளதாக 'புளூம்பெர்க்' இணையதளம் தெரிவித்துள்ளது.

உலக அளவில் முன்னணி வணிக இணையதளமான புளூம்பெர்க், இலங்கை ரூபாய் குறித்து வெளியிட்டுள்ள அறிக்கையிலேயே இந்த விபரம் குறிப்பிடப்பட்டுள்ளது.

கடந்த சில நாட்களாக டொலருக்கு நிகரான இலங்கை ரூபாயின் மதிப்பில் வீழ்ச்சி ஏற்பட்டுள்ளதோடு, அது மேலும் குறையக்கூடும் என்றும் அந்த அறிக்கையில் சுட்டிக்காட்டப்பட்டுள்ளது

டொலர் தடுப்பாடு ஏற்படாமல் இருக்க சகல பிரஜைகளும் ஒத்துழைப்பை வழங்க வேண்டும்

noreply@blogger.com (www.jaffnamuslim.com) — Wed, 20 May 2026 21:53:44 +0200

குறுகிய காலத்திற்கு எரிபொருள் பயன்பாட்டை மட்டுப்படுத்த வேண்டும்.

இறக்குமதி செலவினத்தையும் குறைப்பதற்கு நடவடிக்கை எடுக்க வேண்டும்,

டொலர் தடுப்பாடு ஏற்படாமல் இருக்க சகல பிரஜைகளும் ஒத்துழைப்பை வழங்க வேண்டும்

ஜனாதிபதி அநுர குமார திஸாநாயக்க

காசாவுக்கு மனிதாபிமான பொருட்களை எடுத்துச் சென்றவர்களுக்கு ஏற்பட்டுள்ள கொடூரம் (வீடியோ)

noreply@blogger.com (www.jaffnamuslim.com) — Wed, 20 May 2026 19:19:36 +0200

காசாவுக்கு மனிதாபிமான பொருட்களை எடுத்துச் செல்லும் வழியில் தடுக்கப்பட்டு பிடிக்கப்பட்ட ஆர்வலர்களை, பென் க்விர், உலகமே காண அவமானப்படுதுகிறான். கப்பல் குழுவின் சில உறுப்பினர்கள் பென் கிவிர் கண் முன்னாலேயே தைரியமாக "பாலஸ்தீனத்தை விடுவி" என்று முழக்கமிட்டனர்.

30 ரூபாய் அதிக விலையில் விற்றவருக்கு 500.000 ரூபாய் அபராதம்

noreply@blogger.com (www.jaffnamuslim.com) — Wed, 20 May 2026 11:16:34 +0200

இறக்குமதி செய்யப்பட்ட கீரி சம்பா அரிசியை நிர்ணயிக்கப்பட்ட அதிகபட்ச சில்லறை விலையைவிட கூடுதல் விலைக்கு விற்பனை செய்த குற்றத்திற்காக, முல்லேரியா கடைக்காரர் ஒருவருக்கு மாளிகாகந்த நீதவான் நீதிமன்றம் 500,000 ரூபாய் அபராதம் விதித்து தீர்ப்பளித்துள்ளது.

கொழும்பு மாவட்ட நுகர்வோர் விவகார அதிகாரசபை (CAA) அதிகாரிகள் நடத்திய அதிரடி சோதனையின் போது, குறித்த கடையில் ஒரு கிலோ அரிசி நிர்ணயிக்கப்பட்ட விலையை விட 30 ரூபாய் அதிக விலைக்கு விற்கப்பட்டமை கண்டுபிடிக்கப்பட்டது.

நீதிமன்றத்தில் கடை உரிமையாளர் தனது குற்றத்தை ஒப்புக்கொண்டதை அடுத்து இந்த அபராதம் விதிக்கப்பட்டுள்ளது

பாடசாலை மாணவன் உயிரிழப்பு

noreply@blogger.com (www.jaffnamuslim.com) — Wed, 20 May 2026 07:51:34 +0200

மூதூர் - 64 ஆம் கட்டைப் பகுதியில் இடம்பெற்ற மோட்டார் சைக்கிள் விபத்தில் ஆணைச்சேனை பகுதியை சேர்ந்த 19 வயது றிஸ்வான் சிப்கி எனும் பாடசாலை மாணவன் உயிரிழந்துள்ளதுடன் அவருடன் மோட்டார் சைக்கிளில் பயணித்த மற்றுமொருவர் இளைஞரும் காயமடைந்துள்ளார்.

நேற்றிரவு (19) இவ் விபத்துச் சம்பவம் இடம்பெற்றுள்ளது. மோட்டார் சைக்கிள் வேகக் கட்டுப்பாட்டை இழந்து பாதையை விட்டு விளகி இவ் விபத்துச் சம்பவம் இடம்பெற்றதாக தெரியவருகிறது.

விபத்தில் உயிரிழந்த இளைஞனின் ஜனாஸா மூதூர் தள வைத்தியசாலையின் பிரேத அறையில் வைக்கப்பட்டுள்ளதுடன் காயமடைந்த இளைஞனும் அதே வைத்தியசாலையில் அனுமதிக்கப்பட்டு சிகிச்சை பெற்று வருகிறார்.

தென்மேற்குப் பருவப் பெயர்ச்சி...

noreply@blogger.com (www.jaffnamuslim.com) — Wed, 20 May 2026 07:35:49 +0200

நாட்டின் மீது தென்மேற்குப் பருவப் பெயர்ச்சி மழை நிலைமை படிப்படியாகத் தாபிக்கப்பட்டு வருவதாக வளிமண்டலவியல் திணைக்களம் அறிவித்துள்ளது.

மேல், சப்ரகமுவ மற்றும் வடமேல் மாகாணங்களிலும் காலி, மாத்தறை, கண்டி மற்றும் நுவரெலியா மாவட்டங்களிலும் அவ்வப்போது மழையோ அல்லது இடியுடன் கூடிய மழையோ பெய்யக் கூடும். சில இடங்களில் 50 மில்லிமீற்றருக்கும் அதிகமான ஓரளவு பலத்த மழைவீழ்ச்சி எதிர்பார்க்கப்படுகின்றது.

இடியுடன் கூடிய மழை பெய்யும் வேளைகளில் அப்பிரதேசங்களில் தற்காலிகமாக வீசக் கூடிய பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளைக் குறைத்துக்கொள்ள தேவையான முன்னெச்சரிக்கை நடவடிக்கைகளை மேற்கொள்ளுமாறு பொதுமக்கள் கேட்டுக்கொள்ளப்படுகிறார்கள்.

யுத்தம் இல்லாத, அமைதி நிறைந்த ஒரு சுதந்திரமான நாட்டில் முன்னோக்கி பயணிக்க அழைக்கிறேன்

noreply@blogger.com (www.jaffnamuslim.com) — Tue, 19 May 2026 19:44:11 +0200

போர் வீரர்கள் தாய்நாட்டை விடுவிக்கும் போராட்டத்தில் ஈடுபட்டபோது, அவர்களின் நோக்கமும் பிரார்த்தனையும் தாய்நாட்டை ஓர் அபிவிருத்தியடைந்த நாடாக மாற்றுவதே என்றும், அந்தப் பிரார்த்தனையை நிறைவேற்ற அரசாங்கம் அர்ப்பணிப்புடன் செயல்பட்டு வருவதாகவும் ஜனாதிபதி அநுர குமார திசாநாயக்க தெரிவித்துள்ளார்.

இன்று (19) பத்தரமுல்லையில் நடைபெற்ற 17 ஆவது தேசிய போர் வீரர்கள் நினைவு தின விழாவில் கலந்துகொண்டு உரையாற்றும் போதே ஜனாதிபதி இதனைத் தெரிவித்தார். அங்கு மேலும் கருத்து தெரிவித்த ஜனாதிபதி,

இந்நாட்டின் இரண்டு கோடி மக்களின் கண்ணீரைத் துடைத்த அனைவருக்கும் எமது உத்தம மரியாதையையும் கௌரவத்தையும் செலுத்துகிறோம். அதில் எமது போர் வீரர்கள் ஒரு சிறந்த சேவையைச் செய்துள்ளனர். அவர்கள் இல்லாவிட்டால் இந்த இரண்டு கோடி மக்களின் கண்ணீரைத் துடைக்க முடிந்திருக்காது. அந்தப் பணியின் முன்னோடிகள் நீங்கள், உங்களுக்கு மீண்டும் மீண்டும் எமது கௌரவத்தைச் செலுத்துகிறோம். மேலும் யுத்தம் இல்லாத, அமைதி நிறைந்த ஒரு சுதந்திரமான நாட்டில் முன்னோக்கி பயணிக்குமாறு நான் அழைக்கிறேன்.

பள்ளிவாசல் துப்பாக்கிச் சூட்டில் பெரும் உயிரிழப்புகளை தடுத்துநிறுத்தி, உயிர் தியாகியான அமீன் அப்துல்லாஹ்

noreply@blogger.com (www.jaffnamuslim.com) — Tue, 19 May 2026 10:53:01 +0200

கலிபோர்னியா பெரிய பள்ளிவாசல் துப்பாக்கிச் சூட்டில் நேற்று (18) பெரும் உயிரிழப்புகளை தடுத்து நிறுத்தி, உயிர் தியாகியான பள்ளிவாசலின் பாதுகாவலர் அமீன் அப்துல்லாஹ்.

அல்லாஹ் அவர் மீது இரக்கம் காட்டி, உயர் தரமான சுவனத்தை வழங்கட்டும்

கிழக்கு மாகாணத்தில் இனவாதத்தின் அடிப்படையிலேயே NPP செயற்பட்டு வருவது கவலையைத் தருகின்றது

noreply@blogger.com (www.jaffnamuslim.com) — Tue, 19 May 2026 10:27:43 +0200

இந்த அரசாங்கம் இனவாதத்தை ஒழித்து சகல சமுகங்களுக்கும் நியாயமான அடிப்படையில் செயற்படுவதாகக் கூறிக் கொண்டாலும் அது கிழக்கு மாகாணத்தில் இனவாதத்தின் அடிப்படையிலேயே செயற்பட்டு வருவது கவலையைத் தருகின்றது.

திருகோணமலை மாவட்டப் பாராளுமன்ற உறுப்பினர் இம்ரான் மகரூப் ஊடகங்களுக்கு விடுத்துள்ள அறிக்கையில் இவ்வாறு தெரிவித்துள்ளார். அதில் அவர் மேலும் தெரிவித்துள்ளதாவது,

கிழக்கு மாகாணம் தமிழ் பேசும் மக்களை பெரும்பான்மையாகக் கொண்ட மாகாணமாகும். இந்த மாகாணத்தில் தமிழ் பேசும் அதிகாரி ஒருவரை பிரதம செயலாளராக நியமிக்கும் மனநிலை இந்த அரசாங்கத்திற்கு இல்லை. கடந்த அரசாங்கங்கள் கடைப்பிடித்த கொள்கையையே இந்த அரசாங்கமும் இந்த விடயத்தில் கைக்கொண்டு வருகின்றது.

இதிலும் கவைலைக்குரிய விடயம் என்னவென்றால் பிரதம செயலாளராக இருக்கின்றவர் தற்போது விடுமுறையில் இருக்கின்றார். இதற்கான பதில் கடமையும் தமிழில் கடமையாற்ற முடியாத ஒருவருக்கே கிழக்கு மாகாண ஆளுநரால் வழங்கப்பட்டுள்ளது.

இந்த அரசாங்கம் இனவாதமில்லாத நியாயமான ஆட்சியை முன்னெடுப்பதாக ஊடகங்களில் கூறிக் கொண்டாலும் இனவாதச் செயற்பாடுகளில் ஈடுபடுவதை உறுதிப்பத்த கிழக்கு மாகாணத்தில் வழங்கப்படும் இந்த நியமனங்கள் நல்ல உதாரணமாகும்.

ஆட்சியைப் பிடிக்க பலநூறு பொய்களை இந்த அரசாங்கம் சொன்னது இப்போது எல்லோருக்கும் தெளிவாகத் தெரிகின்றது. அதேபோல இனவாதமில்லை என்று பொய்யைக் கூறி தொடர்ந்து இனவாதத்தை இந்த அரசு முன்னெடுத்து வருகின்றது என்பதை இந்த நியமனங்களில் இருந்து நாம் தெளிவாக அறிந்து கொள்ள முடிகின்றது

இலங்கை சகோதரியின் விடுதலைக்காக உரத்து குரல் எழுப்புவோம்..

noreply@blogger.com (www.jaffnamuslim.com) — Tue, 19 May 2026 08:44:07 +0200

பலஸ்தீனில் மனிதாபிமானப் பணிக்காக துணிந்து சென்ற, நமது இலங்கை சகோதரியின் விடுதலைக்காகவும், அவர் பாதுகாப்புக்காகவும் உரத்து குரல் எழுப்புவோம்..

ரத்தமல்யாய பகுதியில் இருந்து...

noreply@blogger.com (www.jaffnamuslim.com) — Tue, 19 May 2026 08:20:59 +0200

புத்தளம் . ரத்தமல்யாய பகுதியில் இருந்து...

Home டிலிவரியும் செய்யப்படும்.

தொடர்புகளுக்கு 0751398416 

எரிபொருள் குறியீடு தொடர்ந்து நடைமுறையில் இருக்கும்

noreply@blogger.com (www.jaffnamuslim.com) — Tue, 19 May 2026 08:16:41 +0200

எரிபொருள் விநியோகத்திற்காக விதிக்கப்பட்டுள்ள QR குறியீடு முறைமை தொடர்ந்து நடைமுறைப்படுத்தப்படும் என நிதி மற்றும் திட்டமிடல் பிரதி அமைச்சர் அனில் ஜயந்த தெரிவித்துள்ளார்.

இன்று (19) பாராளுமன்றத்தில் இது குறித்து கருத்துத் தெரிவித்த அவர், எரிபொருள் நுகர்வை இயன்றவரை குறைக்கும் நோக்கிலேயே இந்த முடிவு எடுக்கப்பட்டுள்ளதாகக் கூறினார்.

ஈரான் மீது நடத்த திட்டமிடப்பட்டிருந்த தாக்குதலை தற்காலிகமாக நிறுத்திய ட்ரம்ப்

noreply@blogger.com (www.jaffnamuslim.com) — Tue, 19 May 2026 08:12:45 +0200

யுத்தத்தை முடிவுக்குக் கொண்டுவரும் உடன்படிக்கையொன்றை எட்டுவதற்கான பேச்சுவார்த்தைகளுக்கு வாய்ப்பளிக்கும் நோக்கில், ஈரான் மீது நடத்த திட்டமிடப்பட்டிருந்த தாக்குதலை தாம் தற்காலிகமாக நிறுத்தியுள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.

இதன்போது கருத்துத் தெரிவித்த ட்ரம்ப், "நாளை ஈரான் மீது நடத்தவிருந்த தாக்குதலை மேற்கொள்ள வேண்டாம் என அமெரிக்க இராணுவத்திற்கு நான் அறிவுறுத்தியுள்ளேன். எனினும், ஏற்றுக்கொள்ளக்கூடிய உடன்படிக்கையொன்றை எட்ட முடியாவிட்டால், உடனடி அறிவித்தலின் மூலம் ஈரான் மீது முழுமையான, பாரியளவிலான அளவிலான தாக்குதலை நடத்துவதற்கு தயாராக இருக்குமாறு அவர்களுக்கு மேலும் உத்தரவிட்டுள்ளேன்" என்று கூறியுள்ளார்.

ஹோர்முஸ் நீரிணையை மீண்டும் திறப்பதற்கான உடன்படிக்கையை எட்டுவதற்கு கடுமையான அழுத்தங்களுக்கு உள்ளாகியிருக்கும் ட்ரம்ப், இதற்கு முன்னரும் யுத்தத்தை முடிவுக்குக் கொண்டுவரும் உடன்படிக்கையொன்று மிக அருகில் உள்ளதாக நம்பிக்கை வெளியிட்டிருந்ததுடன், உடன்படிக்கை எட்டப்படாவிட்டால் ஈரான் மீது கடுமையான தாக்குதல்கள் நடத்தப்படும் என இதே போன்று எச்சரித்திருந்தார்.

மல்வானை காணி பல்கலைக்கழக மானியங்கள் ஆணைக்குழுவால் கையகப்படுத்தப்படும்

noreply@blogger.com (www.jaffnamuslim.com) — Mon, 18 May 2026 21:46:21 +0200

இன்றைய நாட்களில் பெரும் பேசுபொருளாக மாறியுள்ள மல்வானை காணியை, பல்கலைக்கழக மானியங்கள் ஆணைக்குழுவால் கையகப்படுத்தப்படும் என பிரதமர் ஹரினி அமரசூரிய தெரிவித்துள்ளார்.

அனைத்துப் பல்கலைக்கழக மாணவர் ஒன்றியத்தின் மாணவப் பிரதிநிதிகளுடன் இன்று (18) நடைபெற்ற கலந்துரையாடலின் போதே அவர் இதனைத் தெரிவித்துள்ளார்.

மாணவர்களின் குரலுக்குச் செவிசாய்த்தமைக்கும், அரசாங்கம் என்ற ரீதியில் மாணவர் நலன்புரிப் பிரச்சினைகளில் தலையிட்டமைக்குமான பலன்களாகும். மல்வானை காணியையும் பல்கலைக்கழக மானியங்கள் ஆணைக்குழுவிடம் கையகப்படுத்தி, சாத்தியக்கூறு ஆய்வு ஒன்றை நடத்திய பின்னர், அதனைப் பொருத்தமானதொரு உயர்கல்வி நிறுவனத்திடம் ஒப்படைக்க நாம் நடவடிக்கை எடுப்போம்." என்றார்

இலங்கையரான சமீரா இஸ்ரேலினால் கடத்தப்பட்டார் (வீடியோ)

noreply@blogger.com (www.jaffnamuslim.com) — Mon, 18 May 2026 20:02:39 +0200

இலங்கையரான சமீரா மஹ்பூப்தீன், இஸ்ரேலினால் கடத்தப்பட்டுள்ளார். சமீரா ஒரு தாய். அவர், செயின்ட் ஜோன்ஸ் மருத்துவமனையில் பணிபுரியும் மருத்துவரும், அவசர உதவிச் சிகிச்சையாளருமாவார். காசாவுக்கு அத்தியாவசிய மனிதாபிமான உதவிகளை கொண்டு செல்லும் குளோபல் சுமுத் ப்ளோட்டில்லாவில் மருத்துவப் பணியாளராக உள்ளார்.

வாழை மரத்தின் நடுவிலிருந்து...

noreply@blogger.com (www.jaffnamuslim.com) — Mon, 18 May 2026 09:06:08 +0200

கொட்டகலை பகுதியில் உள்ள வீட்டுத் தோட்டம் ஒன்றில், வாழை மரத்தின் தண்டுப் பகுதிக்கு நடுவிலிருந்து வாழைக்குலை ஒன்று வெளிவந்துள்ளது.

வாழை மரத்தின் உச்சிப் பகுதியிலேயே வாழைக்குலை தோன்றுவது வழக்கம். ஆனால், இந்த மரத்தின் நடுப்பகுதியில், இரு தண்டுகளுக்கு இடையில் இருந்து வாழைக்குலை வெளிவந்துள்ளது.

இந்த அதிசயப் பின்னணியைக் கொண்ட வாழைமரத்தை அப்பகுதி மக்கள் பலரும் ஆர்வத்துடன் நேரில் வந்து பார்வையிட்டுச் செல்கின்றனர். சமூக வலைத்தளங்களிலும் பகிர்ந்தும் வருகின்றனர்.

மக்களிடம் பலகோடி ரூபாய்களை கொள்ளையடித்த அமித் வீரசிங்க பிடிபட்டான்

noreply@blogger.com (www.jaffnamuslim.com) — Sun, 17 May 2026 20:59:32 +0200

எல்ல மற்றும் திகன ஆகிய பகுதிகளில் 'கபானா' தங்குமிட விடுதிகளை அமைக்கும் திட்டத்தைச் செயற்படுத்துவதாகக் கூறி, மக்களிடம் பல கோடி ரூபாய் பண மோசடி செய்த 'அபினவ நிவஹல் பெரமுன' அமைப்பின் தலைவர் அமித் வீரசிங்க மற்றும் அவரது தனிப்பட்ட செயலாளர் ஆகியோர் கைது செய்யப்பட்டுள்ளனர்.

குறித்த கபானா திட்டத்துக்காக 30 இலட்சம் மற்றும் 20 இலட்சம் ரூபாய் பணத்தை முதலீடு செய்த இருவர் வழங்கிய முறைப்பாடுகளின் அடிப்படையில் விசாரணைகளை மேற்கொண்ட போதே காவல்துறையினரால் இவர்கள் கைதுசெய்யப்பட்டனர்.

இந்தத் திட்டத்துக்காக மக்களிடமிருந்து பெருமளவு பணம் திரட்டப்பட்ட போதிலும், திட்டம் எதுவும் செயற்படுத்தப்படவில்லை. அமித் வீரசிங்க என்பவரால் விளம்பரப்படுத்தப்பட்ட இந்த கபானா திட்டத்துக்காக, மக்கள் பல கோடி ரூபாய்களை முதலீடு செய்துள்ளமை ஆரம்பகட்ட விசாரணைகளில் இருந்து தெரியவந்துள்ளது.

அமெரிக்கா, ஈரானின் அதிகாரப்பூர்வ கோரிக்கை

noreply@blogger.com (www.jaffnamuslim.com) — Sun, 17 May 2026 20:47:32 +0200

அமெரிக்கா மற்றும் ஈரானின் அதிகாரப்பூர்வ கோரிக்கைகளை பார்ஸ் நியூஸ் வெளியிட்டுள்ளது:

அமெரிக்காவின் கோரிக்கைகள்:

- போரினால் ஏற்பட்ட சேதங்களுக்கு இழப்பீடு இல்லை,

- ஈரானின் 400 கிலோ யுரேனியத்தை அமெரிக்காவிற்கு ஒப்படைத்தல்,

- ஈரான் நாடு முழுவதும் ஒரே ஒரு அணுசக்தி நிலையத்தை மட்டுமே பராமரிக்க வேண்டும்,

- ஈரானின் முடக்கப்பட்ட சொத்துக்களை விடுவிக்கக் கூடாது,

- அமெரிக்க-ஈரான் பேச்சுவார்த்தைகளின் வெற்றியைப் பொறுத்து போர் நிறுத்தம் நிபந்தனைக்குட்பட்டது, நிரந்தர போர் நிறுத்தம் உறுதி செய்யப்படவில்லை.

ஈரானின் கோரிக்கைகள்:

- லெபனான் உட்பட அனைத்து முனைகளிலும் போர் நிறுத்தம்,

- ஈரான் மீதான அனைத்துத் தடைகளையும் நீக்குதல்,

- ஈரானிய அரசுடன் தொடர்புடைய முடக்கப்பட்ட அனைத்து சொத்துக்களையும் விடுவித்தல்,

- போரினால் ஏற்பட்ட சேதங்களுக்கு இழப்பீடு,

- ஹோர்முஸ் ஜலசந்தியின் மீதான ஈரானின் இறையாண்மையை அங்கீகரித்தல்.

பதவி விலகுகிறார் ஹனீப் யூசுப்

noreply@blogger.com (www.jaffnamuslim.com) — Sun, 17 May 2026 20:28:59 +0200

மேல் மாகாண ஆளுநர் பதவியிலிருந்து தான் விலகுவதற்குரிய விருப்பத்தை ஜனாதிபதியிடம் தெரிவித்துள்ளதாக ஆளுநர் ஹனீப் யூசுப் உத்தியோகபூர்வமாக அறிவித்துள்ளார்.

எனினும், புதிய ஆளுநர் ஒருவர் நியமிக்கப்படும் வரை பதவியில் நீடிக்குமாறு ஜனாதிபதி விடுத்த கோரிக்கையை அவர் ஏற்றுக்கொண்டுள்ளார்.

தனது பதவி விலகல் மற்றும் ஊடகங்களில் வெளியாகும் செய்திகள் குறித்து தெளிவுபடுத்தி இன்று (17) அவர் வெளியிட்டுள்ள ஊடக அறிக்கையிலேயே இந்த விடயம் குறிப்பிடப்பட்டுள்ளது.

சிக்கப் போகிறார்களா..?

noreply@blogger.com (www.jaffnamuslim.com) — Sun, 17 May 2026 09:25:40 +0200

கோட்டாபய ராஜபக்ச ஜனாதிபதியாக பதவி வகித்த காலத்தில் கோவிட் 19 தொற்றின் போது ரெபிட் அண்டிஜன் பரிசோதனை கருவிகள் இறக்குமதியில் நடந்த மோசடி தொடர்பில் இலஞ்ச ஊழல் ஆணைக்குழு விசாரணைகளை நடத்த தீர்மானித்துள்ளது.

பதிவு செய்யப்படாத நிறுவனம் ஒன்றின் ஊடாக ரெபிட் அண்டிஜன் (rapid antigen test) பரிசோதனை கருவிகளை இறக்குமதி செய்ததில் அரசாங்கத்திற்கு நஷ்டம் ஏற்பட்டுள்ளதாக கிடைக்கப்பெற்றுள்ள முறைப்பாடு தொடர்பிலே விசாரணை நடத்த இலஞ்ச ஊழல் ஆணைக்குழு தீர்மானித்துள்ளது.

3.1 பில்லியன் ரூபாய் பெறுமதியான அண்டிஜன் கருவிகளை இறக்குமதி செய்ததில் இந்த மோசடி இடம்பெற்றுள்ளதாக அந்த முறைப்பாட்டில் குறிப்பிடப்பட்டுள்ளது.

4 சகோதரர்களின் ஜனாஸாக்கள் கண்டெடுப்பு

noreply@blogger.com (www.jaffnamuslim.com) — Sat, 16 May 2026 22:58:59 +0200

ஒரு திருமணத்திற்காகத் தாயகம் திரும்புவதற்குச் சில நாட்களுக்கு முன்பு, ஓமானில் ஒரு காரில் 4 பங்களாதேஷ் சகோதரர்கள் சடலமாகக் கண்டெடுக்கப்பட்டனர்.

காரின் ஏசி இயக்கப்பட்ட நிலையில் உறங்கிக்கொண்டிருந்தபோது அவர்கள் உயிரிழந்திருக்கலாம் என்பதே முதற்கட்ட முடிவாகும்.

கார்பன் மோனாக்சைடு வாயுவை சுவாசித்ததே மரணத்திற்குக் காரணமாக இருக்கலாம் எனச் சந்தேகிக்கப்படுகிறது.

உயிரிழந்த அனைவரும் ஒரே குடும்பத்தைச் சேர்ந்த உடன்பிறப்புகள் ஆவர். ஓமன் காவல்துறை இந்தச் சம்பவம் குறித்து வழக்குப் பதிவு செய்து விசாரணையைத் தொடங்கியுள்ளது.

11 இலட்சத்திற்கும் அதிகமான வழக்குகள் தீர்க்கப்படாமல் தேங்கிக்கிடப்பதாகத் தகவல்

noreply@blogger.com (www.jaffnamuslim.com) — Sat, 16 May 2026 22:54:36 +0200

இலங்கையிலுள்ள நீதிமன்றங்களில் ஒட்டுமொத்தமாக 11 இலட்சத்திற்கும் அதிகமான வழக்குகள் தீர்க்கப்படாமல் தேங்கிக்கிடப்பதாகத் தகவல்கள் வெளியாகியுள்ளன.

நீதி அமைச்சினால் வெளியிடப்பட்ட அறிக்கை ஒன்றில் இந்த விடயம் சுட்டிக்காட்டப்பட்டுள்ளதாக ஆங்கில ஊடகம் ஒன்று செய்தி வெளியிட்டுள்ளது.

இதன்படி, கடந்த 2025 ஜூன் 30ஆம் திகதி வரையான தரவுகளின் அடிப்படையில், நாடளாவிய ரீதியிலுள்ள 293 நீதிமன்றங்களில் மொத்தம் 1,134,474 வழக்குகள் நிலுவையில் உள்ளமை தெரியவந்துள்ளது.

இன்றுமுதல் வாகனங்களுக்கான இறக்குமதி சுங்கத் தீர்வை மீது 50% கூடுதல் கட்டணம்

noreply@blogger.com (www.jaffnamuslim.com) — Sat, 16 May 2026 08:51:17 +0200

வாகனங்களுக்கான இறக்குமதி சுங்கத் தீர்வை மீது 50% கூடுதல் கட்டணம் இன்று (16) முதல் அமலுக்கு வரும் வகையில், அடுத்த மூன்று மாதங்களுக்கு விதிக்கப்படவுள்ளதாக நிதியமைச்சு அறிவித்துள்ளது.

இருப்பினும், மே 15 அல்லது அதற்கு முன்னர் திறக்கப்பட்ட நாணய கடிதங்களுக்கு இந்த கூடுதல் கட்டணம் பொருந்தாது என நிதியமைச்சு தெளிவுபடுத்தியுள்ளது.