Urdu Poetry

log TuuT jaate hain ek ghar banaane mein

2011-03-14T09:43:00.000-07:00

log TuuT jaate hai.n ek ghar banaane me.n
tum taras nahii.n khaate bastiyaa.N jalaane me.n

aur jaam TuuTe.nge is sharaab-Khaane me.n
mausamo.n ke aane me.n mausamo.n ke jaane me.n

har dha.Dakate patthar ko log dil samajhate hai.n
umr biit jaatii hai dil ko dil banaane me.n

faaKhtaa kii majabuurii ye bhii kah nahii.n sakatii
kaun saa.Np rakhataa hai usake aashiyaane me.n

duusarii ko_ii la.Dakii zindagii me.n aayegii
kitanii der lagatii hai usako bhuul jaane me.n

cheharo.n kii dhuup aa.Nkho.n kii geharaa_ii le gayaa

2011-03-14T09:40:00.000-07:00

cheharo.n kii dhuup aa.Nkho.n kii geharaa_ii le gayaa
aa_iinaa saare shahar kii biinaa_ii le gayaa

Dube huye jahaaz pe kyaa tabsaraa kare.n
ye haadasaa to soch kii geharaa_ii le gayaa

haalaa.Nki bezubaan thaa lekin ajiib thaa
jo shaKhs mujh se chhiin ke goyaa_ii le gayaa

is vaqt to mai.n ghar se nikalane na paa_uu.Ngaa
bas ek kamiiz thii jo meraa bhaa_ii le gayaa

jhuuTe qasiide likhe gaye us kii shaan me.n
jo motiyo.n se chhiin ke sachchaa_ii le gayaa

yaado.n kii ek bhii.D mere saath chho.D kar
kyaa jaane vo kahaa.N merii tanhaa_ii le gayaa

ab asad tumhaare liye kuchh nahii.n rahaa
galiyo.n ke saare sang to saudaa_ii le gayaa

ab to Khud apanii saa.Nse.n bhii lagatii hai.n bojh sii
umro.n kaa dev saarii tavanaa_ii le gayaa

miscellaneous

2011-02-02T01:04:00.000-08:00

Wafa k Naam se Hum Anjan the
Kisi ki Bewafai se Shayad Pareshan the

Humne Wafa Denei Chahi Tu Pata Chala
Hum Khud Bewafai K Naam se Badnam the

Har shaam tumse milne ki adat si ho gayi
Phir rafta rafta tumse Mohhabbat si ho gayi

Shayed yeh taaza si judai ka tha assar
har shakal bus kuch teri surat si ho gayi
...
Ek naam jhilmilane laga dil ke taaq per
Ek Yaad jaise Baais-e-Raahat si ho gayi

Khud ko sajaa sanwar ke rakhne ka shok tha
Phir apne aap se mujhe nafrat si ho gayi

Meine kuch beyaan safaayi mein nahin diya
Bus chup raha to khud hi wazahat si ho gayi

poetry

2011-01-30T02:48:00.001-08:00

mohabat kay sab bab band karna chahtee hoon
per sach kahon,aisa kab main chahtee hoon
har baar jisya inkar karon,takrar karon...
phir uss sey hi izhar karon, ikrar karon
yeah ajab museebat ishq bana
main khud sey chuupna chahtee hoon
ab dil per chalta zoor nahi
main tanhaee main khona chahtee hoon

naar2007@gmail.com is inviting you to http://www.millatfacebook.com

2011-01-29T05:29:00.000-08:00

You are invited to http://www.millatfacebook.com

Attached message:

Please join this new service and let's have fun on our Islamic Facebook

This invite was sent by someone you know.

Acha Lagta Hi

2011-01-28T09:06:00.000-08:00

just heart touching

2011-01-28T08:59:00.000-08:00

WO PANI KI LEHRON PE KYA LIKH RAHA THA
KHUDA JANAY HARF-E-DUA LIKH RAHA THA,

LIKHAY THAY JISNAY WAFA K MANAY ADHURAY,
WOH SHAKHS PYAR KI INTEHA LIKH RAHA THA,

ZARA USKI AANKH EK AANSU NA NIKLA,
WO JIS WAQT LAFZ-E-SAZA LIKH RHA THA,
MOHABBAT MEIN NAFRAT MILI THI USAY,
WO HAR SHAKHS KO BEWAFA LIKH RAHA THA,

IS QADAR ZAMANAY WALON NAY USAY SATAYA,
WO PYAR K JAZBAY KO "GUNAH" LIKH RAHA THA.

Muqadar...!

2011-01-03T09:15:00.000-08:00

Meri jaan sun lo!
Mera ab muqadar
faqt tum ho ya phir meri tabahi
agar mere hatho ki sari lakerein
tmhare miln ki faqat aik rekha se mehroom hongi
to me apne hatho ki sari lakeerein khurch dunga...
Sun lo...

Saal-e-nau aageya...

2011-01-01T21:47:00.000-08:00

Aane wali baharo k dar par
sada dae rahi hi khizaa
thak gayi hu mein mjhe izn-e-rukhsat mile
taa k phir zindgani ka bdle samaa
wo wafur-e-namu hi k sb chadrein barf ki
zindagi ki hararat se ghulne pighalne lagein
sookhi shakhein nai konpalo ki hamak se
lachakne lahakne mehakne lagein
khol do dar k taza hawao se
bhar jaye aik aik ghar
jashn-e-fasl-baharaa bipa ho
k jhoome musarat se sara nagar
phir bahar aagayi hi kharaaj isko
naa deeda khushion ka do
jese kaliya chitakti hein hanste hein gul
aise tm bhee hanso
mjh ko iqrar hi dene aati hu me
zard hone ka har shakh e gul ko peyam
kiya karu maalik asar ka hi azal se
yehi intazam o nizam
qadr hoti baharo ki kese bhala
jo dayar e chaman me na aati khizaa
valihana lubhaate na hargiz kbhi
sabza o gul samr ye shajr e gulfishaa
so mjhe khush dili se kaho alvidaa
saal e nau aageya hi purana geya
or likh di hi tmhare liye
waqt k haath pr taazgi ki dua...

Written by Najma Yasmeen Yousaf

Tm yaad aye...

2011-01-01T07:21:00.000-08:00

Mere ghar k ujre aangan me koi phool khila tm yaad aye
tere shehr k basne valo me koi shakhs mila tm yaad aye
wo jo kehte thay baad mere kr yad mjhe tm ro'o ge
sach pooch kisi ki aankh se koi ashk gira tm yaad aye
tere naam se youn maanoos huye k ab tak hi kasak baqi
jab b mere in honto ne koi naam liya tm yaad aye
me ne zakhm he itne khaye thay k dard he mjh se rooth geya
me ne jab bhee dik k zakhmo ka hisab kiya tm yaad aye
har baar me tjhko bhoolne ki kasmein khata hu
par jab bhee kisi ne hans k mjhe pe apna kaha tm yaad aye
khud se krke nafrat me to teri yaad bhulana chahta tha
khud se gila wafa ka jab bhee kiya me ne to tm yaad aye
bhula k tjhko me ne dil Rab se lagana chaha tha
jab Rab ko sajda krne jo mera sir jhuka tm yaad aye

Jhulsi c ik basti me!

2010-12-31T04:10:00.001-08:00

haa kl dekha ham ne is ko, dekhne ka jisko armaa tha

wo jo apne shehr se aagay, qariya bagh o baharaa tha

soch rha hoo jang se pehle, jhulsi c is basti me

kesa kesa ghar ka maalik, kesa kesa mehmaa tha

sb galiyo me taranjin thay or hr taranjin me sukhiyaa thee

sb k g me aane wali kl ka shoq-e-farawaa tha

melo thelo, baajo gaajo baarato ki dhoome thee

aaj koi dekhe to smjhe, ye to sada beyaabaa tha

charo jaanib thande choolhe, ujre ujre aangin hein

wrna har ghar me thay kamre, hr kamre me samaa tha

ujli or pur nur shabihe roz namaz ko aate thee

masjid k in taaqo me bhe kia kia diya frozaa thaa

ujri mandi, laghir kute, toote khambe, khali khet

kia is nehr k pul k aage shehr khamoshaa tha?

aaj k ik roti khatir card dikhata phirta hi

poore camp ko rooi dae dae aisa aisa dehqaa tha

taab nhi hr aik se pooche, baba tjh per kiya guzri

aik ko rok k poocha hmne seena iska bariyaaa tha

bola log to aye jaye basti ko phir bsna hi

mere he tinko ki khatir aya sara toofaa tha

aag k andir or tapish hi, aag k bahir or he aanch,

shayad koi deewana hoga! beshak chak-e-gareebaa tha

Written By Great Poet Ibne Ansha

Or Kia Ham se Ab Kaza Legi...

2010-12-29T05:29:00.000-08:00

Char Din zindgi nibha legi

aakhrish maut he sanbhale gi

maut se agar farar ho jaye

zindgi tjhko maar daley gi

maut se qabal maar de khudko

zeest apna tujhko bna legi

zindgi hi ghamo ka majmua

maut gham se tjhko churaa legi

jaan o dil to luta chuke anjum

or kia hm se ab qaza le gi

Poet:

Javaid Anjum

December phir guzarta ja rha hi

2010-12-28T21:07:00.000-08:00

December guzarta ja rha hi

bhot yakh bsta or thandi hawayein

mere paikar me utri ja rhi hein

teri tasveer ko dhundla rhi hein

sandesa koi to aye kahee

kbhi to aas k jugno bhee chamke

koi umeed ka roshan diya ho

chalo khawabo he me koi mila ho

magar subah o sa amsal bhee sb

shagofe, konpalein mere janu ki

musalsal roz murjha rhee hein

mere jazbo ka noha ga rahi hein

december phir guzarta ja rha hi

Zara thehro...

2010-12-28T06:33:00.000-08:00

December k jaate hue lamhe
zara thehro...!
Abhi takmil krni hi
abhi to kayi kaam krne hein
adhore hein kayi manzir
un me rang bharne hein
hijr k zard mausam me
visk k phool khilne hein
abhi to yar baqi hein
abhi aghyar baqi hein
abhi hi faisla baqi
abhi to parkh krni hi
december k jaate hue lamhe
zara thehro...!
Abhi kitni kahani hi
zamane ko sunani hi
khizaan k zard pato ki
khoye suragho ki
abhi kitni kahani hi
zamane ko sunani hi
december k jaate hue lamhe
zara thahro...!
Abhi be naam nazmo ko
koi unwan dena hi
anjani khatao ka
tavan dena hi
hava k hath khushboo ko
koi paiman dena hi
tnha hi mera lashkar
neya ik hosla
niya saman dena hi
december k jaate lamhe
zara thehro...
Abhi jaldi hi q tmko
abhi tak kaam baki hein
abhi to kaam krne hein

Umeed

2010-07-10T21:53:00.001-07:00

Kisi ki yad dil me hai koi ehsas baqi ha

Badlte mosmon k darmiyan ik raz baqi ha

Abhi to me safar me hoon milengi manzilen mujh ko

Mgr in raston k darmiyan ak sath baqi ha

Kahin pr sham dhalti ha kahen par rat hoti ha

Abhi to chandni ha chand ki rat baqi ha

Chale aao ksi din tm hamara hal b dekho

Hamara jism murda ha mgr ik sans baqi ha

Umed ha phr milega wo hame 1din

Khuda par ha bhrosa abhi Khuda ki zaat baqi hai..

--------------------------------------------------------------
Ovi Mail: Making email access easy
http://mail.ovi.com

By wasi shah...

2010-07-10T21:50:00.001-07:00

Kis kadr anokha hy raabta muhabbat ka

Kb na janay ho jaye mojza muhabbat ka

Apni zaat sy b wo ajnabi sa lgta hy

Jis k sath hojay haadsa muhabbata muhabbat ka

Doston sy 'WASI' agr tmhen muhabbat hy,

Doston ko mat dena mashwara muhabbat ka..!

--------------------------------------------------------------
Ovi Mail: Making email access easy
http://mail.ovi.com

Ghazal

2010-05-06T02:41:00.001-07:00

Bohat khamosh rehta tha
Kisi sy kuch na kehta tha

Wo jab bhi muskurata tha
Baharain aa si jati thin

Us k ek pal ki udasi sy
Khizain aanay lgti thin

Hamain mehsoos hota tha
K jaisay her ek mosam
Usi ki dastras mein ho

Mgr ek din........

Mera bas itna kehnay pr

"HAM AB MIL NA PAYEN GAY"

Wo itna toot kr roya

Smandar sochta hoga
Uski ankhon mein ya mujh mein

Paani kis mein ziyada hai:)

Jahan per tm nhi hote...

2010-05-01T12:57:00.001-07:00

Wahan Na Phool Khiltay Hain Na Hi Mosam Badaltay Hain..Wahan To Kuch Nahi Hota Jahan Per Tum Nahi Hotay..

humain Waisay To yahan Har mohabbat Aasani Se Milti Hai..
Per Mera DIL Nahi Lagta Jahan Per Tum Nahi Hotay..

Yahan To Log Sadiyon Ko Bhi Lamhon Mei Badaltay Hain..
Mera Ik Pal Nahi Kat'ta
Jahan Per Tum Nahi Hotay..

Sabab Roonay Ka Wo Poochen To Qasid Itna Keh Dena..
Mujhe "Hansna" Nahi Aata Jahan Per "Tum" Nahi Hotay....

Abhi itna na rootha kar...

2010-05-01T12:54:00.001-07:00

Zara tham tham k barsa kar
abhi itna na rootha kar

Abhi to door hai manzil
Abhi khud ko na tanha kar

Teri aankhen smandar hain
Samandar ko na sehra kar

Mera dil doob jata hai
Mujhe aisay na dekha kar

Hawa mujh se kahay pagal
Na yun raston me betha kar

Wo ek din chhor jaye ga
Usay itna na chaha kar..!

Kaise hua...

2010-04-29T14:02:00.001-07:00

Khatam Apni Chahton Ka
Silsila Kaise Hua...?

Tu To Mujh Mein Jazb Tha,
Mujh Sy Juda Kaise Hua...?

Woh Jo Tere Aur Mere Darmiyan Aik Baat Thi...

Aao Sochain Shehar Us Sy Aashna

Kaise Hua...?

Chubh Gai Seeney Mein
Tooti Khawhishon Ki Kirchiyaan.

Kya Likhon,Dil Tootne Ka Haadsa Kaise Hua,?

Jo Rag-e-Jaan Tha Kabhi Milta Hai Ab Rukh Phair Kar.

Sochta Hoon,Is Qadar Woh Bewafa Kaise Hua...?

I love u in all times

2010-04-29T14:00:00.001-07:00

Nigahon k smander ka thikana chahte hain Hum

Humein tum se mohabat hy btana chahte hein Hum

Hume achi nahi lagti kisi mosum ki shadabi!

Tumhein bas apni sanso mein basana chahte hein Hum

Hamara ghar to roshan hai tamarey NAAM se lakin!

Tumare naam se jivan sajana chahte hein Hum

Humein her haal mein Tum se aqidat or mohabat hai

Tumhare pas Aane ka bahana chahte hein Hum..

Zamane beet jate hein...

2010-04-29T13:58:00.001-07:00

Muqadar Aazmane Mein Zamane Beet Jatey Hain,

Muraden Dil Ki Paney Mein Zamane Beet Jatey Hain...

Nahi Karta Koi Himat Agar Ezhar_e_Ulfat Ki,

Zuban Par Baat Laney Mein Zamane Beet Jatey Hain...

Mohabat Zindagi Mein Bari Mushkil Se Milti Hai,

Magar Isko Nibhane Mein Zamane Beet Jatey Hain...

Agar Ek Baar Aankhon Mein Achanak Aa basy Koi,

Usay Dil Se Bhulane Mein Zamane Beet Jatey Hain.")

Dard...

2010-04-29T13:55:00.000-07:00

Mera afsurda chehra is lie b zard rehta hai,

Muje apny ilawa b kisi ka dard rehta hai,

Tumhary dam Qadam se thi ye sab mosam ki rangeni,

Tumhary baad sara saal mosam sard rehta hai,

Tumhary baad baqi aur to sab thek hai lekin,

Jahañ ''DIL'' tha kabi pehle wahañ ab ''DARD"rehta hai..

Kabhi na jana...

2010-04-28T06:15:00.001-07:00

Bichherty lamhy jo main ny poochha ,

Tumhari aankhon ko kya hoa hy ?

To uss ki aankhon ki beeghi palkein bata rahi thein ,

Kahanian kuch ,

Suna rahi thein ,

Purany qissy gay dinon k ,

Aor uss k honton ki larzishon sy main sun raha tha kuch aisi baatein ,

K jin ki aahat ye keh rahi thi ,

K meri khatir bas itna kr lo ,

Ye chand saansein mera asasa ,

Tum in ko ly lo ,

Pr ess k badlay ye iltaja hy ,

Abhi na jana ,

Kabhi na jana...!!

By mohsin naqvi

2010-04-27T10:30:00.000-07:00

Harf-e-Ranjish pe koi Baat bhi ho Sakti hai,

Ain Mumkin hai Mulaqaat Bhi ho Sakti hai,

Zindagi Phool hai Khushbu hai magar Yaad rehay,

Zindagi Gardash-e- Halaat Bhi ho Sakti Hai,

Hum Ne Ye Soch k Rakha Tha Qadam Gulshan Mein,

Lala.o.Gul Mein Teri Zaat Bhi Ho Sakti Hai,

Chaal Chaltey Huey Shatranj Ki Baazi k Asool

Bhool Jao Gay To Phir Maat Bhi ho Sakti Hai,

Aik to Chhat k Bina Ghar Hai Hamara Mohsin,

Us Pe Ye Khouf k Barsaat Bhi ho Sakti Hai.