ആറാമിന്ദ്രിയം

Body -Turkish[ Film Review ]Adarsh P Nair

noreply@blogger.com (Baiju R Nair) — Tue, 13 Dec 2011 02:45:00 -0800

മറ്റൊരു ഫിലിം ഫെസ്റ്റിവല്‍ കൂടി..സിനിമയെ സ്നേഹിക്കുന്ന കേരളത്തിലെ പ്രേക്ഷകര്‍ ഒരു ഉത്സവമായി മാറ്റിയിരിക്കുന്ന ചലച്ചിത്രമേളയിലെ മറക്കാനാകാത്ത കാഴ്ച്ചകളിലേയ്ക്ക് .

Movie Name : Body
Directed by 'Mustafa Nuri'
Language :Turkish
Camera : A. Emre Tanyildiz
Editor : Eray Ilhan
Cast : Hatice Aslan, Hakan Kurtas,
Cengiz Bozkurt, Sayla Halis, Sebnem Dilligil,
Neslihan Yeldan, Ilayda Suren

Review

സ്ത്രീ ശരീരത്തിന്റെ ഭാഷയെ,അതിന്റെ ആകര്ഷണത്തിനെ,അത് മനുഷ്യ മനസ്സില്‍ ഉണ്ടാക്കുന്ന സ്വാദീനത്തെ പറ്റിയൊക്കെ വളരെ സരളമായ ഭാഷയില്‍ പറഞ്ഞു പോകുന്ന സിനിമയാണ് മുസ്തഫ നൂരി സംവിധാനം ചെയ്ത ബോഡി.ഈ സിനിമ കഥാപാത്രങ്ങളില്‍ പലരുടെയും ജീവിതത്തിലെ നേര്‍ കാഴ്ചകളെ പ്രതിഫലിപ്പിക്കുന്നു.

                                                              ലേയ്ല പഴയ കാല നീല ചിത്രങ്ങളില്‍ അഭിനയിച്ചിരുന്ന ഒരു നടിയാണ്.അവളുടെ പഴയ കാല കാമുകന്‍ യിമ്ലാസ് ഇത്തരം സിനിമകളുടെ സംവിധായകനും.എന്നാല്‍ ഭൂതകാല ഓര്‍മ്മകള്‍ക്കിപ്പുറം ലെയ്ല കന്ടുമുട്ടുന്ന ഇസ്സാറ്റ്‌ എന്ന ചെറുപ്പക്കാരന്‍,ഈ രണ്ടു കഥാപാത്രങ്ങള്‍ തമ്മില്‍ ഉടലെടുക്കുന്ന തീവ്ര ബന്ധത്തിന്‍റെ കഥയാണ് ബോഡി എന്നാ തന്റെ ചിത്രത്തിലൂടെ മുസ്തഫ നൂരി പറയുന്നത് .

                                                             ലെയ്ലയും കാമുകന്‍ യിമ്ലാസും വര്‍ഷങ്ങളായി ജര്‍മനിയില്‍ അശ്ലീല സിനിമകളുടെ നിര്‍മ്മാണ രംഗത്ത് പ്രവര്‍ത്തിക്കുകയാണ്.ഇരുപത്തിയഞ്ച് വര്‍ഷങ്ങള്‍ക്കു ശേഷം അവര്‍ ഇസ്താന്ബുളിലേക്ക് തിരികെ വരുന്നു.ഇസ്താന്ബുളില്‍ വെച്ച് പരിചയപ്പെടുന്ന ഒരു പെണ്‍കുട്ടിയെ യിമ്ലാസ്‌ തന്റെ പുതിയ കാമുകിയാക്കുകയും അവളുടെ ഒപ്പം ജീവിതം ആരംഭിക്കുകയും ചെയ്യുന്നതോടെ ലെയ്ല മാനസികമായി തകരുന്നു.അവള്‍ മയക്കുമരുന്നിന്റെയും മദ്യത്തിന്റെയും അടിമയാകുന്നു,അതേ സമയം ഇസ്താന്ബുളില്‍ ജോലി അന്വേഷിച്ചു നടക്കുകയാണ് ഇസ്സാറ്റ്‌ എന്ന ചെറുപ്പക്കാരന്‍.ജീവിതത്തില്‍ പല തരത്തിലുള്ള വേദനകളും അനുഭവിച്ച ആളാണ്‌ ഇസ്സാറ്റ്‌.കൂടെയുള്ള അമ്മയ്ക്കും സഹോദരിക്കും ഇസ്സാറ്റ്‌ ആണ് ഏക ആശ്രയം.ഇസ്സാറ്റ്‌ ജോലി അന്വേഷിച്ചു നടക്കുമ്പോള്‍ യിമ്ലാസിനെ കണ്ടുമുട്ടുന്നു.തന്റെ പുതിയ നീല ചിത്രത്തിലേയ്ക്ക് നായകനെ അന്വേഷിച്ചു നടക്കുകയായിരുന്നു യിമ്ലാസ്‌.അവന്‍ യിമ്ലാസിന്റെ കൂടെ ജോലി ചെയ്യാന്‍ തയ്യാറാണെന്ന് അറിയിച്ചു,എന്നാല്‍ ചില കാരണങ്ങളാല്‍ ആ ചിത്രം മുടങ്ങി പോകുന്നു.പക്ഷെ അതോടെ അവിടെ വെച്ച് കണ്ടു മുട്ടുന്ന ഇസ്സാറ്റും ലെയ്ലയും പ്രണയ ബന്ധത്തിലേക്ക് വഴുതി വീഴുന്നു.തന്നെക്കാള്‍ ഇരുപതു വയസിന്റെ പ്രായക്കുറവ് ഇസ്സാറ്റി നുന്ടെന്നു പല വട്ടം ലെയ്ല അവനോടു സൂചിപ്പിക്കുന്നുന്ടെന്കിലും പ്രായം അവരുടെ പ്രണയത്തിനു വിലങ്ങു തടി ആകുന്നില്ല .അതേ സമയം യിമലാസ് പുതിയ ചിത്രം നിര്‍മ്മിക്കാന്‍ പല ശ്രമങ്ങളും നടത്തുന്നു.ഒടുവില്‍ തന്റെ ഭാര്യയെ തന്നെ അയാള്‍ അതിനു ഉപയോഗിക്കുകയാണ്.തുടര്‍ന്ന് ഈ കഥാ പാത്രങ്ങളുടെ ജീവിതത്തിലുണ്ടാകുന്ന സങ്കീര്‍ണ്ണമായ പല പ്രശ്നങ്ങളിലൂടെയും ചിത്രം പുരോഗമിക്കുന്നു.മറ്റൊരു വശത്ത് ഇസ്സാറ്റിന്റെ അമ്മയും സഹോദരിയും തമ്മിലുള്ള മാതൃ പുത്രീ ബന്ധത്തിന്‍റെ ഊഷ്മളമായ ഭാവങ്ങളും ചിത്രം ആസ്വാദകനിലേക്ക് പകര്‍ന്നു നല്‍കുന്നുണ്ട്.

                                                             ഒടുവില്‍ എല്ലാ പ്രശ്നങ്ങളും അവസാനിച്ചു ലെയ്ലയും ഇസ്സാട്ടും ഒന്നിക്കുന്നിടത്താണ് ചിത്രം അവസാനിക്കുന്നത്.നീല ചിത്ര ങ്ങന്ളില്‍ അഭിനയിക്കേണ്ടി വരുന്ന ഒരു സ്ത്രീയുടെ ജീവിതത്തിലെ പല പ്രശങ്ങങ്ങളും സംവിധായകന്‍ തുറന്നു കാട്ടിയിട്ടുണ്ട് ,ചിലര്‍ സ്ത്രീകളുടെ മനസ്സ് ആഗ്രഹിക്കുന്നു മറ്റു ചിലര്‍ ശരീരവും ഈ രണ്ടു അവസ്ഥകളിലും ബാലിയാടാകുന്നത് സ്ത്രീകള്‍ ആണെന്ന കാഴ്ചപ്പാടും ചിത്രം പ്രതിഫലിപ്പിക്കുന്നുണ്ട്.ചിത്രത്തില്‍ എടുത്തു പറയേണ്ട മറ്റൊരു കാര്യം കാമറയുടെ സര്‍ഗ ശേഷി കാമറാമാന്‍ എമ്രെ ടാനില്ഡിസ് ഫലപ്രദമായി ഉപയോഗിച്ചിരിക്കുന്നു എന്നതാണ്.ഇണ ചേരലിന്റെ വൈകാരികമായ ഭാവങ്ങള്‍ സൂക്ഷ്മമായി പകര്‍ത്തിയിരിക്കുന്നു.നിലവാരമുള്ള എഡിറ്റിംഗ്,ഒഴുകുന്ന അവസ്ഥ സൃഷ്ടിക്കുന്ന പശ്ചാത്തല സംഗീതം.അവഗണിക്കപ്പെട്ട ഒരു സമൂഹത്തിന്റെ നേര്‍കാഴ്ച്ചകള്‍ എന്നാ വിശേഷണം ഈ ചിത്രത്തിനു അനുയോജ്യമാണ്.

                                                           ഫിലിം ഫെസ്റ്റിവലുകള്‍ വിവാദമാകുന്ന കാഴ്ചകള്‍ക്ക് തിരുവനന്തപുരത്തും മാറ്റം വന്നിട്ടില്ല.അത് അവഗണിക്കാം പക്ഷെ ഇത്തരം ചലച്ചിത്ര മേളകളില്‍ പലപ്പോഴും പ്രദര്ശിപ്പിക്കപ്പെടുന്നത് ബുദ്ധി ജീവി മേലങ്കിയണിഞ്ഞ നിലവാരം കുറഞ്ഞ ചിത്രങ്ങലാണെന്നതാണ് സത്യം.അതെ പറ്റി പിന്നീട് പറയാം,പക്ഷെ ബോഡി എന്ന ചിത്രം ഇതില്‍ നിന്ന് വെത്യസ്തമാണ് പ്രേക്ഷകനിലേക്ക് ഇറങ്ങിച്ചെല്ലുന്ന ഉന്നത നിലവാരമുള്ള ഒരു സിനിമ എന്ന് നിസ്സംശയം പറയാം.സംവിധായകനൊപ്പം തന്നെ കഥാപാത്രത്തോട് നൂറു ശതമാനം നീതി പുലര്‍ത്താന്‍ കഴിഞ്ഞ നടീ നടന്മാരും ഈ വിജയത്തില്‍ പങ്കാളികളാണ്.ഈ ചലച്ചിത്ര മേളയില്‍ ഏറ്റവം കൂടുതല്‍ പ്രേക്ഷകര്‍ കണ്ട ഒരു ചിത്രമാണിത്.പ്രമേയപരമായ പ്രത്യേകതകളെ സര്‍ഗശേഷി കൊണ്ട് വരച്ചു കാട്ടിയ മുസ്തഫ നൂരിക്ക് നന്ദി.
By,
Adarsh P Nair
Elangattil House,
Vallicode PO,
Pathanamthitta,
Kerala.

[Note: Mustafa Nuri
Born in Nicosia, Cyprus in 1973, Mustafa Nuri graduated in communications from Istanbul University and he also has a master's in Turkish culture. He directed numerous commercials, many of which won prizes in the Crystal Apple competition. BODY marks his directorial debut in features.]

ചങ്ങമ്പുഴ കവിതകള്‍ Changampuzha Kavithakal

noreply@blogger.com (Baiju R Nair) — Fri, 9 Dec 2011 00:11:00 -0800

ചങ്ങമ്പുഴ കൃഷ്ണപിള്ള :-[1911-1948]
ഒരു തലമുറയുടെ ലഹരിയായിരുന്നു ചങ്ങമ്പുഴ കവിതകള്‍ വിരഹവും പ്രണയത്തിന്റെ ചൂടും ചൂരും ഇടകലര്‍ന്ന ചങ്ങമ്പുഴ കവിതകള്‍ .ആസ്വദിക്കുക പ്രണയത്തിന്റെ അഗ്നിയില്‍ സ്വയമെരിയുക

1] മനസ്വിനി

മഞ്ഞ തെച്ചീപ്പൂങ്കുല പോലെ
മഞ്ജിമ വിടരും പുലർകാലേ,
നിന്നൂലളിതേ, നീയെന്മുന്നിൽ
നിർവൃതി തൻ പൊൻകതിർപോലെ!

ദേവ നികേത ഹിരണ്മയമകുടം
മീവീ ദൂരെ ദ്യുതിവിതറി
പൊന്നിൻ കൊടിമരമുകളിൽ ശബളിത-
സന്നോജ്ജ്വലമൊരു കൊടി പാറി!

നീലാരണ്യ നിചോള നിവേഷ്ടിത-
നിഹാരാർദ്രമഹാദ്രികളിൽ,
കാല്യലസജ്ജല കന്യക കനക-
ക്കതിരുകൾകൊണ്ടൊരു കണിവെയ്ക്കേ
കതിരുതിരുകിലൂമദൃശ്യ ശരീരകൾ.
കാമദ കാനന ദേവതകൾ
കലയുടെ കമ്പികൾ മീട്ടും മട്ടിൽ
കളകളമിളകീ കാടുകളിൽ!
മഞ്ഞല മാഞ്ഞിളവെയ്ലൊളിയിൽ,ദല-
മർമ്മരമൊഴുകീ മരനിരയിൽ

ഈറൻ തുകിലിൽ മറഞ്ഞൊരു പൊന്നല
പാറി മിനുങ്ങിയ തവഗാത്രം.
മിത്ഥ്യാവലയിത സത്യോപമരുചി
തത്തി ലസിച്ചൂ മമ മുന്നിൽ!
ദേവദയാമയ മലയജശകലം
താവിയ നിൻ കുളിർനിടിലത്തിൽ.
കരിവരിവണ്ടിൻ നിരകൾ കണക്കെ-
ക്കാണായ്പ്പരിചൊടു കുറുനിരകൾ!
സത്വഗുണശ്രീ ചെന്താമര മലർ
സസ്മിതമഴകിൽ വിടർത്തിയപോൽ,
ചടുലോൽപല ദളയുഗളം ചൂടി-
ചന്ദ്രിക പെയ്തൂ നിൻവദനം!

ഒറ്റപ്പത്തിയോടായിരമുടലുകൾ
ചുറ്റുപിണഞ്ഞൊരു മണിനാഗം
ചന്ദനലതയിലധോമുഖശയനം
ചന്തമൊടിങ്ങനെ ചെയ്യുമ്പോൾ,
വിലസീ, വിമലേ ചെറിയൊരു പനിനീ-
രലർ ചൂടിയ നിൻ ചികുരഭരം!
ഗാനം പോൽ, ഗുണകാവ്യം പോൽ മമ
മാനസമോർത്തു സഖി നിന്നെ....

തുടുതുടെയൊരു ചെറു കവിത വിടർന്നു
തുഷ്ടിതുടിക്കും മമ ഹൃത്തിൽ!
ചൊകചൊകയൊരു ചെറുകവിത വിടർന്നൂ
ചോരതുളുമ്പിയ മമ ഹൃത്തിൽ!

മലരൊളി തിരളും മധുചന്ദ്രികയിൽ
മഴവിൽക്കൊടിയുടെ മുനമുക്കി,
എഴുതാനുഴറീ കൽപന ദിവ്യമൊ-
രഴകിനെ, എന്നെ മറന്നൂ ഞാൻ!
മധുരസ്വപ്ന ശതാവലി പൂത്തൊരു
മായാലോകത്തെത്തീ ഞാൻ!
അദ്വൈതാമല ഭാവസ്പന്ദിത-
വിദ്യുന്മേഖല പൂകീ ഞാൻ!....

രംഗം മാറി-കാലം പോയീ,
ഭംഗംവന്നൂ ഭാഗ്യത്തിൽ
കൊടിയവസൂരിയിലുഗ്രവിരൂപത
കോമരമാടീ നിന്നുടലിൽ.

കോമളരൂപിണി, ശാലിനി, നീയൊരു
കോലം കെട്ടിയമട്ടായി.
മുകിലൊളിമാഞ്ഞൂ, മുടികൾ കൊഴിഞ്ഞൂ
മുഖമതി വികൃതകലാവൃതമായ്,
പൊന്നൊളി പോയീ കാളിമയായി;
നിന്നുടൽവെറുമൊരു തൊണ്ടായീ.
കാണാൻ കഴിയാ-കണ്ണുകൾ പോയീ;
കാതുകൾ പോയീ കേൾക്കാനും!

നവനീതത്തിനു നാണമണയ്ക്കും
നവതനുലതതൻ മൃദുലതയെ,
കഠിനം!- ചീന്തിയെറിഞ്ഞാരടിമുടി
കടുതലരാകിന വടുനിരകൾ!

ജാതകദോഷം വന്നെന്തിന്നെൻ
ജായാപദവി വരിച്ചൂ നീ?
പലപലരമണികൾ വന്നൂ, വന്നവർ
പണമെന്നോതി-നടുങ്ങീ ഞാൻ.
പലപലകമനികൾ വന്നൂ, വന്നവർ
പദവികൾ വാഴ്ത്തീ- നടുങ്ങീ ഞാൻ
കിന്നരകന്യകപോലെ ചിരിച്ചെൻ-
മുന്നിൽ വിളങ്ങിയ നീ മാത്രം,
എന്നോടരുളി: "യെനിക്കവിടുത്തെ-
പ്പൊന്നോടക്കുഴൽ മതിയല്ലോ!....
നിന്നുടെ പുല്ലാങ്കുഴലിതെനിക്കോരു
പൊന്നോടക്കുഴലാണല്ലോ!. ...."

പുളകമണിഞ്ഞിട്ടുടനടി ഞാനൊരു
പുതുലോകത്തിലെ യുവ നൃപനായ്.
ഇന്നോ ഞാനാ നാടുഭരിക്കും
മന്നവനല്ലോ, മമനാഥേ!
നീയോനിഹതേ, നീയോ?-നിത്യം
നീറുകയാണയി മമ ഹൃദയം.
കണ്ണുകളില്ല, കാതുകളില്ല-
തിണ്ണയിൽ ഞാൻ കാൽ കുത്തുമ്പോൾ,
എങ്ങനെ പക്ഷേ വിരിപ്പൂ ചുണ്ടിൽ
ഭംഗിയിണങ്ങിയ പുഞ്ചിരികൾ?
അന്ധതകൊണ്ടും ഭവനം സേവന-
ബന്ധുരമാക്കും പൊൻതിരികൾ?
അപ്പൊൻതിരികൾ പൊഴിഞ്ഞു വെളിച്ചം;
തപ്പുന്നോ പിന്നിരുളിതിൽ ഞാൻ?...
ദുർവ്വാസനകളിടയ്ക്കിടെയെത്തി-
സർവ്വകരുത്തുമെടുക്കുകിലും,
അടിയറവരുളുകയാണവയെന്നോ-
ടൊടുവിൽ-ശക്തിതരുന്നൂ നീ!
പ്രതിഷേധസ്വര മറിയാതെഴുമ-
പ്രതിമഗുണാർദ്ര മനസ്വിനി നീ
എങ്കിലുമേതോ വിഷമ വിഷാദം
തങ്കുവതില്ലേ നിൻകരളിൽ?
ഭാവവ്യാപക ശക്തി നശിച്ചോ-
രാവദനത്തിൻ ചുളിവുകളിൽ
ചില ചില നിമിഷം പായാറില്ലേ
ചിന്ത വിരട്ടിയ വീർപ്പലകൾ?
നിൻകവി,ളമലേ, നനയുന്നില്ലേ
നീ കുടികൊള്ളും വിജനതയിൽ?
കൊടുകാറ്റലറിപ്പേമഴ പെയ്തിടു-
മിടവപ്പാതി പ്പാതിരയിൽ
ശാരദ രജനിയിലെന്നതുപോൽ, നീ
ശാലിനി, നിദ്രയിലമരുമ്പോൾ.
അകലത്തറിയാത്തലയാഴികൾത-
ന്നകഗുഹകളിൽ നിന്നൊരു നിനദം,
പരുകിപ്പെരുകി വരുമ്പോലെന്തോ
സിരകളെയൊരു വിറയറിയിയ്ക്കേ.
കാട്ടാളൻ കണയെയ്തൊരു പൈങ്കിളി
കാതരമായിപ്പിടയുമ്പോൽ,
പിടയാറില്ലേ നിൻഹതചേതന
പിടികിട്ടാത്തൊരു വേദനയിൽ?....

വർണ്ണം, നിഴലു, വെളിച്ചം, നാദം
വന്നെത്താത്തൊരു തവ ലോകം
അട്ടിയി,ലട്ടിയി,ലിരുളിരുളിൻമേൽ
കട്ടപിടിച്ചൊരു പാതാളം!
ഇല്ലൊരു തൈജസകീടം കൂടിയു-
മെല്ലാ,മിരുളാണിരുൾ മാത്രം!
മമതയിലങ്ങനെ നിന്നരികേ ഞാൻ
മരുവും വേളയി,ലൊരുപക്ഷേ,
നീലനിലാവിലെ വനമേഖലപോൽ
നിഴലുകളാടാമവിടത്തിൽ!
തെല്ലിടമാത്രം-പിന്നീടെല്ലാ-
മല്ലാ,ണെന്തൊരു ഹതഭാഗ്യം!
നിൻ കഥയോർത്തോർത്തെൻ കരളുരുകി-
സ്സങ്കൽപത്തിൽ വിലയിക്കേ,
ഏതോനിർവൃതിയിക്കിളികൂട്ടി
ചേതനയണിവൂ പുളകങ്ങൾ!
വേദന, വേദന, ലഹരിപിടിക്കും
വേദന-ഞാനിതിൽ മുഴുകട്ടേ!
മുഴുകട്ടേ, മമ ജീവനിൽ നിന്നൊരു
മുരളീ മൃദൂരവമൊഴുകട്ടേ.

2] സ്പന്ദിക്കുന്ന അസ്ഥിമാടം

അബ്ദമൊന്നു കഴി,ഞ്ഞിതാ വീണ്ടു-
മസ്സുദിനമതെൻ മുന്നിലെത്തി.
ഇച്ചുരുങ്ങിയ കാലത്തിനുള്ളി-
ലെത്ര കണ്ണീർപുഴകളൊഴുകി!
അത്തലാലലം വീർപ്പിട്ടുവീർപ്പി-
ട്ടെത്ര കാമുകഹൃത്തടം പൊട്ടി!
കാലവാതമടിച്ചെത്രകോടി
ശ്രീലപുഷ്പങ്ങൾ ഞെട്ടറ്റുപോയി!-
പൊട്ടിടാത്തതെന്തെന്നിട്ടുമയ്യോ,
കഷ്ട,മിക്കാച്ചു നീർപ്പോളമാത്രം!

ദു:ഖചിന്തേ, മതി മതി,യേവം
ഞെക്കിടായ്ക നീയെൻമൃദുചിത്തം!
ഇസ്സുദിനത്തിലെങ്കിലുമല്പം
വിശ്രമിക്കാനെനിയ്ക്കുണ്ടു മോഹം.
ആകയാ,ലിന്നകമലിഞ്ഞെന്നി-
ലേകണേ നീയതിനനുവാദം!
സല്ലപിച്ചു കഴിച്ചിടട്ടിന്നാ
നല്ലകാലസ്മൃതികളുമായ് ഞാൻ!....

സുപ്രഭാതമേ, നീയെനിയ്ക്കന്നൊ-
രപ്സരസ്സിനെക്കാണിച്ചുതന്നു.
ഗേഹലക്ഷ്മിയായ് മിന്നുമൊരോമൽ-
സ്നേഹമൂർത്തിയെക്കാണിച്ചുതന്നു.
പ്രാണനുംകൂടിക്കോൾമയിർക്കോള്ളും
പൂനിലാവിനെക്കാണിച്ചുതന്നു.
മന്നിൽ ഞാനതിൻ സർവ്വസ്വമാമെ-
ന്നന്നു കണ്ടപ്പൊഴാരോർത്തിരുന്നു!
കർമ്മബന്ധപ്രഭാവമേ, ഹാ, നിൻ-
നർമ്മലീലകളാരെന്തറിഞ്ഞു!

മായയിൽ ജീവകോടികൾ തമ്മി-
ലീയൊളിച്ചുകളികൾക്കിടയിൽ,
ഭിന്നരൂപപ്രകൃതികൾ കൈക്കൊ-
ണ്ടൊന്നിനൊന്നകന്നങ്ങിങ്ങു പോകാം.
കാലദേശങ്ങൾ, പോരെങ്കി,ലോരോ
വേലികെട്ടി പ്രതിബന്ധമേകാം.
ഉണ്ടൊരു കാന്തശക്തിയെന്നാലും
കണ്ടുമുട്ടുവാൻ ദേഹികൾക്കെന്നാൽ!
എന്നുകൂടിയിട്ടെങ്കിലും,തമ്മി-
ലൊന്നുചേർന്നവ നിർവൃതിക്കൊള്ളും!
മർത്ത്യനീതി വിലക്കിയാൽപ്പോലും
മത്തടിച്ചു കൈകോർത്തു നിന്നാടും!
അബ്ധി,യപ്പോഴെറുമ്പുചാൽമാത്രം!
അദ്രികൂടം ചിതൽപ്പുറ്റുമാത്രം!
ഹാ, വിദൂരധ്രുവയുഗം, മുല്ല-
പ്പൂവിതളിന്റെ വക്കുകൾമാത്രം!

മൃത്തു മൃത്തുമായൊത്തൊരുമിച്ചാൽ
മർത്ത്യനീതിയ്ക്കു സംതൃപ്തിയായി.
ജീവനെന്താട്ടെ, മാംസം കളങ്കം
താവിടാഞ്ഞാൽ സദാചാരമായി.
ഇല്ലിതിൽക്കവിഞ്ഞാവശ്യമായി-
ട്ടില്ലതിനന്യതത്വവിചാരം!
കേണുഴന്നോട്ടെ ജീവൻ വെയിലിൽ
കാണണം മാംസപിണ്ഡം തണലിൽ!....

പഞ്ചത ഞാനടഞ്ഞെന്നിൽനിന്നെൻ-
പഞ്ചഭൂതങ്ങൾ വേർപെടും നാളിൽ,
പൂനിലാവലതല്ലുന്ന രാവിൽ,
പൂവണിക്കുളിർമാമരക്കാവിൽ,
കൊക്കുരുമ്മി, ക്കിളി മരക്കൊമ്പിൽ,
മുട്ടിമുട്ടിയിരിയ്ക്കുമ്പൊ,ഴേവം,
രാക്കിളിക,ളന്നെന്നസ്ഥിമാടം
നോക്കി, വീർപ്പിട്ടു വീർപ്പിട്ടു പാടും:-

"താരകളേ, കാൺമിതോ നിങ്ങൾ
താഴെയുള്ളോരീ പ്രേതകുടീരം?
ഹന്ത, യിന്നതിൻ ചിത്തരഹസ്യ-
മെന്തറിഞ്ഞു, ഹാ, ദൂരസ്ഥർ നിങ്ങൾ?
പാലപൂത്ത പരിമളമെത്തി-
പ്പാതിരയെപ്പുണർന്നൊഴുകുമ്പോൾ;
മഞ്ഞണിഞ്ഞു, മദാലസയായി
മഞ്ജുചന്ദ്രിക നൃത്തമാടുമ്പോൾ,
മന്ദമന്ദം പൊടിപ്പതായ്ക്കേൽക്കാം
സ്പന്ദങ്ങളിക്കല്ലറയ്ക്കുള്ളിൽ!
പാട്ടുനിർത്തി, ച്ചിറകുമൊതുക്കി-
ക്കേട്ടിരിക്കുമതൊക്കെയും നിങ്ങൾ.
അത്തുടിപ്പുകളൊന്നിച്ചുചേർന്നി-
ട്ടിത്തരമൊരു പല്ലവിയാകും:

'മണ്ണടിഞ്ഞു ഞാ, നെങ്കിലുമിന്നും
എന്നണുക്കളി, ലേവ, മോരോന്നും,
ത്വൽപ്രണയസ്മൃതികളുലാവി
സ്വപ്നനൃത്തങ്ങളാടുന്നു, ദേവി!....'

താദൃശോത്സവമുണ്ടോ, കഥിപ്പിൻ
താരകളേ, നിങ്ങൾതൻ നാട്ടിൽ? .

3] ഹേമ

വനികാംഗനയാൾതൻ മന്ദഹാസാങ്കുരങ്ങൾ
തനിയേ കവർന്നവൾ കുമ്പിളിൽ നിറയ്ക്കുന്നു.
അയൽ വീട്ടിലെ സഖിയെത്തിടാൻ നേരം വൈകു-
ന്നതിലുണ്ടവൾക്കൽപം താപവുമുൽക്കണ്ഠയും.
കണ്ഠനാളത്തെത്തിരിച്ചവളെ പ്രതീക്ഷിച്ചു
കണ്മണി കൂടെക്കൂടെക്കണ്ണയയ്ക്കുന്നു; നോക്കൂ!
തഴുകീ തരുണാർക്കൻ തങ്കരശ്മിയാ,ലെന്നാൽ
മുഴുവൻ മാഞ്ഞിട്ടില്ല മൂടൽമഞ്ഞെല്ലാടവും.
തണലും വെയിലുമില്ലെങ്ങുമേ;- സുഖംതരും
തണവുള്ളൊരുകാറ്റു വീശുന്നുണ്ടിടയ്ക്കിടെ ,
ലജ്ജയിൽമടിച്ചാദ്യമായിത്തൻ നാഥൻ വാഴും
മച്ചിലേയ്ക്കൊരു മുഗ്ദ്ധപോയിടുന്നതുപോലെ.
തോളത്തുനിന്നപ്പപ്പോളിഴിയും നീരാളപ്പൂ-
ഞ്ചേലത്തുമ്പിളംകരവല്ലിയാലൊതുക്കിയും;
മഞ്ജുളമണിനൂപുരാരവം വീശുംപടി
കഞ്ജകോമളമായ കാലിണചലിപ്പിച്ചും;
സമ്പന്നവസന്തത്തിൻനൃത്തമണ്ഡപമായ
ചെമ്പനീരലർക്കാവിൽ വാഴുന്നു വിലാസിനി.
ആർത്തിയാർന്നാറ്റിലേയ്ക്കു പോകുവാനായ് തൻകൂട്ടു
കാത്തുനിന്നീടുമൊരു മാൻകിടാവിനെപ്പോലെ.
നീലക്കാറൊളിച്ചുരുള്ളകം മേലേ ചിന്നി
ലോലഫാലകംസ്വേദാങ്കുരത്താൽ പേർത്തും മിന്നി.
അവൾതൻ കരാംഗുലി സ്പർശനസൌഭാഗ്യത്താ-
ലതിധന്യരായ്ത്തീരും കുസുമങ്ങളെ നോക്കി;
മെത്തിടുമസൂയയാൽ യുവത്വം തുളുമ്പീടു-
മെത്രയോ ഹൃദയങ്ങൾ തുടിച്ചിട്ടുണ്ടാകില്ല!
ഉഷസ്സും ലജ്ജിച്ചിട്ടു,ണ്ടോമലിൻ കണ്ണഞ്ചിക്കും
സുഷമാമുകുരത്തിൽ തന്മുഖം നിഴലിക്കെ!
മഞ്ഞുതുള്ളികളേറ്റു കുളുർത്തപനീർപ്പൂവിൻ
മഞ്ജിമ സവിശേഷമുടലാർന്നതുപോലെ;
രമ്യമാം മധുവിധുകാലത്തെ സ്വപ്നം പോലെ-
യമ്മലർത്തോപ്പിലിതാ ലാലസിക്കുന്നു ഹേമ!!
അരികത്തൊരു കൊച്ചുപൂഞ്ചോല പാടിപ്പാടി
നുരയാൽ ചിരിച്ചുകൊണ്ടൊഴുകിപ്പോയിടുന്നു;
സൽപ്രേമസമ്പന്നയാമൊരു പെൺകൊടിയുടെ
സുപ്രഭാമയമായ ജീവിതത്തിനെപ്പോലെ!
അതിന്റെ തടത്തിങ്കലേയ്ക്കതാ വന്നെത്തുന്നു
മതിമോഹനാകാരരാം രണ്ടു യുവാക്കന്മാർ.
ഒരുവനുടൻ നിത്യമുണ്ടായീടുമ്പോ,ലന്നു-
മൊരു തൂമിന്നൽപ്പിണർ പായുകയാ,യുൾത്താരിൽ!
ഹേമ പൂ പറിക്കുവാനെത്തിടും സമയമി-
താണെന്നു നന്നായവനറിയാം പണ്ടേതന്നെ.
അവളെ ഭൂവല്ലിയാൽ ചൂണ്ടിക്കാണിച്ചു മന്ദ-
മവനോതുന്നു, തന്റെ വിശ്വസ്തസുഹൃത്തോടായ്:-
"എന്നെന്നുമെനിക്കൊരു പുളകാങ്കുരം നൽകാ-
നെന്നാശാലതികതൻ വസന്തമതാ നിൽപൂ!!.

4] തുഷാരഗീതി

സ്വാഗതം സവിതാവേ, നിർമ്മലാത്മാവേ, സ്വാമിൻ,
ഭാഗധേയത്താലെനിക്കങ്ങയെക്കാണാറായി!
ധന്യനാമവിടുത്തെക്കാരുണ്യാതിരേകത്താ-
ലെന്നാത്മാവൊരു കൊച്ചുതേജോമണ്ഡലമിപ്പോൾ,
ഞാനൊരുമഞ്ഞുതുള്ളി- തെറ്റിപ്പോയ് ക്ഷണികത
നാനാത്വങ്ങളിലൊരു നീർപ്പോളയെക്കാൾ തുച്ഛം.
ഭൂമിക്കും നാകത്തിനുമൊന്നുപോലൊരു രത്ന-
സീമയായ് നിലകൊള്ളും ചക്രവാളത്തെപ്പോലെ,
നിത്യമല്ലാത്തോരെന്നിലെന്തിനാണവിടുത്തെ
നിസ്തുലപ്രഭാപൂരം ചൊരിഞ്ഞു പാഴാക്കുന്നു?
ഇത്തേജോഭരം തെല്ലും താങ്ങുവാൻ കെൽപില്ലല്ലോ
സത്വരം, സ്വാമിൻ, രാഗമൂക ഞാൻ മൂർച്ഛിച്ചാലോ?
ഒരുകാലത്തും തല പൊക്കിടാത്തിപ്പുൽക്കൊടി-
ക്കൊരുഭാരവുംകൂടിയേറ്റിയെൻജനിയാൽ ഞാൻ!
കമ്മർസാക്ഷിയാം ഭവാനെന്നോടു നിശ്ശബ്ദമായ്
നർമ്മസല്ലാപം ചെയ്വതാരുമിന്നറിയേണ്ടാ,
ഈ നിഗൂഢമാം ദിവ്യപ്രേമമൊന്നല്ലി,തമോ-
ലീനമായൊരെൻജന്മം വെളിച്ചമാക്കിത്തീർത്തു?
അകളങ്കാത്മാവാകുമങ്ങയോടെനിക്കൊട്ടും
പ്രകടിപ്പിക്കാനില്ല ശക്തി, യെൻ കൃതഞ്ജത.
നിസ്തുലരാഗത്താലെൻ ഹൃദയം വികസിക്കെ
നിർജ്ജീവ വസ്തുക്കൾക്കും സൌന്ദര്യമായ് ഞാൻപോലും.
അവസാനിച്ചീടാത്ത പുളകാങ്കുരത്തിനാ-
ലവനീദേവി നിത്യമൂകയായ് നിലകൊൾകെ,
പരിപാവനയാമജ്ജനനി കാൺകെക്കാൺകെ-
പ്പരിപൂർണ്ണതയിങ്കൽ ചെന്നു ഞാൻ ലയിക്കാവൂ!
പക്ഷികൾ മനോജ്ഞമാം പഞ്ചമഗാനങ്ങളാൽ,
വൃക്ഷങ്ങൾ മധുരമാം മർമ്മരാരവത്തിനാൽ,
ലതകൾ നൃത്തത്തിനാൽ, പുഷ്പങ്ങൾ സുഗന്ധത്താൽ,
സതതം ചിത്തം തുടിച്ചെന്നെന്നുമാനന്ദിക്കും.
നിസ്സാരമാകും, ക്ഷണം മാഞ്ഞുപോമൊരു വെറും
നിശ്ശബ്ദ മന്ദസ്മിതം മാത്രമാണെന്നാനന്ദം.
ആയതിൻ പരിധിയാണെന്നുടെ പരിപൂർത്തി;
മായണമതിങ്കൽ ഞാനെത്തിയാലപ്പോൾത്തന്നെ!
അലഘുപ്രഭയോലുംതവ ദിവ്യാംശുവൊന്നി-
ലലിഞ്ഞുചേർന്നീടുവാൻ വെമ്പലായി മേ, ദേവ!
മായുന്നതെന്തിനായ് ഞാൻ?- തന്മൂലം ഭവദ്രശ്മി
മാമകാഭയാലൽപം മിന്നിക്കാനായാലായി!
രാഗചുംബിയാം തുച്ഛജീവിതം മദീയം ഹാ!
ത്യാഗത്തിലെത്തിപ്പൂ ഞാൻ!- വിരമിക്കട്ടെ, നാഥ!

5] സൌന്ദര്യലഹരി

പച്ചിലച്ചാർത്തിൻ പഴുതിങ്കലൂടതാ കാൺമൂ
പശ്ചിമാംബരത്തിലെപ്പനിനീർപ്പൂന്തോട്ടങ്ങൾ.
ഇത്തരം സൌന്ദര്യം ഞാൻ നുകരാൻ തുടങ്ങിയി-
ട്ടെത്ര കാലമാ,യെന്നാലിനിയും തീർന്നില്ലല്ലോ!
ഓരോരോ ദിവസവുമത്യനർഗ്ഘമായീടും
ചാരുതയൊന്നീ ലോകഗാളത്തെപ്പുതുക്കുന്നു.
അല്ലെങ്കിൽ, പ്രാപഞ്ചികജീവിതത്തിനെ, നമ്മ-
ളെല്ലാരുമിതിൻമുൻപേ വെറുത്തുകഴിഞ്ഞേനെ!
പൂർവ്വദിങ്ങ്മുഖത്തിങ്കൽ സിന്ദൂരപൂരംപൂശി-
പ്പൂവിനെച്ചിരിപ്പിച്ചുവന്നെത്തും പുലരിയും;
മുല്ലമൊട്ടുകൾവാരി വാനിങ്കൽ വിതറിക്കൊ-
ണ്ടുല്ലാസഭരിതയായണയുംസന്ധ്യാ ശ്രീയും;
വാനിലുല്ലസിച്ചിടും വാര്മതിയൊഴുക്കുന്ന
പൂനിലാവിങ്കൽ കുളിച്ചെത്തിടും രജനിയും;-
എന്തിനിപ്രകൃതിയിൽ സൌന്ദര്യമയമായു-
ള്ളെന്തും,ഹാ ജീവിതത്തെ മധുരിപ്പിച്ചീടുന്നു!
കുളിർത്തമണിത്തെന്നൽ സൌരഭോന്മദം പൂണ്ടു
തളിർത്ത തരുക്കളെത്തഴുകിത്തളരവെ;
അന്തരംഗാന്തരത്തിലംബരാന്തത്തെയേന്തി-
ത്തന്തിരകളാൽ താളംപിടിച്ചു പാടിപ്പാടി
പാറക്കെട്ടുകൾതോറും പളുങ്കുമണി ചിന്നി-
യാരണ്യപ്പൂഞ്ചോലകളാമന്ദമൊഴുകവെ;
മരന്ദം തുളുമ്പുന്ന മലരിൽ ചുറ്റും കൂടി
മുരളും തേനീച്ചകൾ പറന്നു കളിക്കവെ;
വല്ലികാനടികൾ നൽപല്ലവാകുലമായ
ചില്ലകൈയുകളാട്ടി നർത്തനം ചെയ്തീടവെ;
അറിയാതവരോടുകൂടി നമ്മളു,മേതോ
പരമാനന്ദപ്രവാഹത്തിങ്കൽ മുഴുകുന്നു.
ഈ വിധം മനോഹരവസ്തുക്കളെല്ലാം നമ്മെ-
"ജ്ജീവിക്കു, ജീവിക്കു," കെന്നുൽബോധിപ്പിപ്പൂ നിത്യം.
"നുകരു,നുകരു,മത്സൌന്ദര്യം!"-നമ്മോടിളം-
മുകുളം വികസിച്ചു നെടുവീർപ്പിട്ടോതുന്നു.
"മുറുകെ മുകർന്നീടുകോമനേ, പിന്നെപ്പിന്നെ
മറവിക്കകത്തേയ്ക്കു വീണടിയേണ്ടൊരെന്നെ!"
പാടലദലാധരം പേർത്തുമുച്ചലിക്കെ,ച്ചെ-
റ്റാടലാർന്നളിയോടു പനിനീർപ്പൂവർത്ഥിപ്പൂ.
ജീവിതലഘുകാവ്യത്തിൻ പകർപ്പവകാശം
കേവലം മരണത്തിനുള്ളതാണെങ്കിലാട്ടെ;
നിത്യസുന്ദരമാകും, സ്നേഹഗീതിയാലതു
നിസ്തുലമാക്കിത്തീർക്കാനാവുകി, ലതേ കാമ്യം!
സായാഹ്നരാഗംപോലെ സർവ്വവും തേയാം, മായാം
പോയാലോ പോയി;-പിന്നെയൊന്നു, മില്ലെല്ലാം ശൂന്യം!
ഇന്നുനാമുള്ളോ,രില്ലാത്തവരായ്ത്തീർന്നിടേണം
പിന്നാലെവരുന്നോർക്കൊരന്ധാന്വേഷണത്തിനായ്.
ഇന്നലെ,ത്തേങ്ങിത്തേങ്ങിയെന്തിനോകരഞ്ഞു ഞാ-
നിന്നിനിച്ചിരിക്കട്ടെ;- നാളെഞാനൊഴിഞ്ഞേയ്ക്കാം!
പുതുമേ, വീണ്ടും വീണ്ടും പുൽകുക ലോകത്തെ നീ
'മതി!'- യെന്നവളെക്കൊണ്ടോതിക്കാതൊരിക്കലും!

യാത്ര-കവിത[Poem]Yothish Aranmula

noreply@blogger.com (Baiju R Nair) — Wed, 7 Dec 2011 04:36:00 -0800

എന്നുമെന്‍ യാത്രകളിലെല്ലാം

മനസ്സിന്‍ പുസ്തകതാളില്‍

കുറിച്ചിട്ട പ്രണയം -

തിരയുന്നു.........

ഓരോ യാത്രയും

പ്രണയത്തിലേക്കുള്ള പിന്‍വിളികള്‍.....

ഹൃദയത്തിന്‍ -

അകത്താളുകളില്‍ സൂക്ഷിച്ച

മയില്‍ പീലിതണ്ടുകളിലൂടെ ......

എവിടെയോ മറന്നു വച്ച -

ഓര്‍മകളുടെ മുത്തുകളിലൂടെയും

വളപ്പൊട്ടുകളിലൂടെയും..,

ഒടുവില്‍-

നഷട്ടപ്പെട്ടു പോയ

ബാല്യ കാലത്തിന്‍റെ

ചിതലരിച്ച ഓര്‍മകളില്‍............

നിറ കണ്ണുകളോടെ-

യാത്ര പറഞ്ഞകന്ന -

കളിക്കൂട്ടുകാരിയുടെ നൊമ്പരങ്ങളില്‍

അലിഞ്ഞില്ലാതാകുന്ന യാത്ര .........

By, യോതിഷ് ആറന്മുള

നാം വഞ്ചിക്കപ്പെടരുത് Truth Behind save Mullapperiyar campaign

noreply@blogger.com (Baiju R Nair) — Thu, 1 Dec 2011 13:21:00 -0800

കേരളം ഇന്ന് ഏറ്റവും കൂടുതല്‍ ചര്‍ച്ച ചെയ്യുന്ന മുല്ലപ്പെരിയാര്‍ അണക്കെട്ടുമായി ബന്ധപ്പെട്ട ചില കാര്യങ്ങള്‍ പറഞ്ഞു കൊള്ളട്ടെ,നിങ്ങളില്‍ പലര്‍ക്കും ഈ ചിന്തകളോട് യോജിക്കാന്‍ കഴിയില്ല എന്നറിയാം,പക്ഷെ സത്യം സത്യമല്ലാതാകുന്നില്ല.

മുല്ലപ്പെരിയാര്‍ ഡാം തീര്‍ത്തും അപകടാവസ്ഥയിലാണ്,ലോകം കണ്ട ഏറ്റവും വലിയ ദുരന്തത്തിലേക്ക് കാര്യങ്ങള്‍ നീങ്ങുകയാണ് ഈ കാര്യങ്ങളിലൊന്നും യാതൊരു സംശയവുമില്ല,പക്ഷേ ചില കാര്യങ്ങള്‍ നാം മനസിലാക്കേണ്ടിയിരിക്കുന്നു.മുല്ലപ്പെരിയാര്‍ അപകടാവസ്ഥയിലായത് ഒരു ദിവസം കൊണ്ടല്ല,കഴിഞ്ഞ അറുപതു വര്‍ഷമായി അത് ആരും ശ്രദ്ധിച്ചില്ല എന്നെ ഉള്ളു,ഈ ഡാം ഇന്നല്ലെങ്കില്‍ നാളെ തകരുമെന്നത് ഉറപ്പാണ്,പക്ഷേ പുതിയൊരു ഡാം പണിയുക എന്നതാണോ നാം നേടേണ്ട ആദ്യ ലക്‌ഷ്യം,അല്ലെന്നു തന്നെ പറയാം,പിന്നെ ഈ നടക്കുന്ന സമരങ്ങള്‍ ഒക്കെ എന്തിനു വേണ്ടി?

മാറുന്ന സമര മുഖങ്ങള്‍

1]കഴിഞ്ഞ കുറെ വര്‍ഷങ്ങളായി വരാന്‍ പോകുന്ന അപകടത്തെ മുന്‍ കൂട്ടി കണ്ട ചിലര്‍ തങ്ങളുടെ എരിയുന്ന മനസിന്റെ ഭീതിയെ ജ്വലിപ്പിച്ച്ചു നടത്തിയ സ്വാഭാവിക പ്രതികരണങ്ങളായിരുന്നു മുല്ലപ്പെരിയാര്‍ സമര ചരിത്രത്തിലെ ആദ്യ അദ്ധ്യായങ്ങള്‍.

2]അതിനു ശേഷം അഭ്യസ്ത വിദ്യരായ ചില ആധുനിക മലയാളി ബ്ലോഗ്ഗെര്മാര്‍ റീ ബില്‍ഡ് മുല്ലപ്പെരിയാര്‍ ഡാം എന്ന പേരില്‍ നടത്തിയ കാംപയിനുകളിലൂടെ ഈ സമരം വേറിട്ടൊരു പാത സ്വീകരിച്ചു.

3]അതിനു ശേഷം സാധാരണക്കാരായ ഏതൊരാള്‍ക്കും പ്രാപ്യമായി തീര്‍ന്ന ഓണ്‍ലൈന്‍ കൂട്ടായ്മകളിലൂടെ ഈ സമരം ജനകീയമായി.

4]ഓണ്‍ലൈന്‍ കൂട്ടായ്മകളില്‍ തീക്കാറ്റ് പോലെ പടര്‍ന്നു പിടിച്ചു ഈ സമരം ഏറ്റെടുക്കാതെ നമ്മുടെ മാധ്യമങ്ങള്‍ക്ക് മുന്‍പില്‍ മറ്റു വഴികള്‍ ഇല്ലായിരുന്നു.അതിനു മുന്‍പും മീഡിയ ഈ വിഷയത്തില്‍ ഇടപെട്ടിരുന്നുവെങ്കിലും കൃത്യമായ രീതിയിലുള്ള ഫോളോ അപുകള്‍ ഇതിനു ശേഷമാണ് ഉണ്ടായത്

5]ഈ വിഷയം മാധ്യമ ശ്രദ്ധ നേടി കഴിഞ്ഞ ശേഷമാണ് അവസാന ഘട്ടത്തില്‍ രാഷ്ട്രീയ പാര്‍ടികള്‍ ഇതില്‍ ഇടപെടുന്നത്,അതായത് ഈ സമര ചരിത്രത്തിലെ ആവസാന കണ്ണികളാണ് രാഷ്ട്രീയ പാര്‍ടികള്‍
[എന്തൊരു വിരോധാഭാസം രാഷ്ട്രീയ പാര്‍ടികള്‍ തുടക്കം കുറിക്കേണ്ട ഈ സമരം മറ്റു വഴികളില്ലാതെ അവസാനം ഏറ്റെടുക്കേണ്ടി വരികയാണ്]

6]ഇനിയാണ് ഈ സമര ചരിത്രത്തിലെ ആവസാന അദ്ധ്യായത്തിലേക്ക് കടക്കുന്നത്.ജനകീയ സമരങ്ങളെ ഹൈ ജാക്ക് ചെയ്യാനുള്ള അവരുടെ ശേഷി ഒരിക്കല്‍ കൂടി തെളിയിച്ചു കൊണ്ട് ഈ സമരം അവരുടെതാക്കി മാറ്റിയിരിക്കുന്നു

അതൊന്നും നമ്മെ നേരിട്ട് ബാധിക്കുന്നില്ല കാരണം നമ്മുടെ പരമമായ ലക്‌ഷ്യം ജനങ്ങളുടെ സുരക്ഷയാണ്,എന്നാല്‍ ഇപ്പോള്‍ സംഭവിക്കുന്നതെന്താണ്?അത് ചര്‍ച്ച ചെയ്യുന്നതിന് വേണ്ടിയാണ് ഈ ലേഖനം

മുല്ലപ്പെരിയാര്‍ പ്രശ്നം തകര്‍ന്ന അണക്കെട്ട് പോലെ താറുമാറാകുന്നു

"എല്‍ ഡി എഫ് അധികാരത്തില്‍ വന്നാല്‍ മുല്ലപ്പെരിയാറില്‍ പുതിയ ഡാം നിര്‍മ്മിക്കും"ആദ്യ വെടി പൊട്ടിച്ചത് പ്രതിപക്ഷ നേതാവാണ്‌,അല്ലെങ്കിലും അത് അങ്ങനെ ആയിരിക്കണമല്ലോ നമോവാകം,"പുതിയ അണക്കെട്ടെന്ന കേരളത്തിന്‍റെ ആവശ്യത്തില്‍ ഉറച്ചു നില്‍ക്കും" ആരാ പറയുന്നത് നമ്മുടെ മുഖ്യമന്ത്രി അങ്ങേക്ക് വന്ദനം,പ്രധാനമന്ത്രിയെ കാര്യങ്ങള്‍ ബോധ്യപ്പെടുത്താന്‍ ശ്രമിക്കും,പറയുന്നത് മറ്റാരുമല്ല ഉന്നതനായ ഒരു കേന്ദ്ര മന്ത്രിയാണ്,ആദര്‍ശ ധീരാ അങ്ങേക്കും വന്ദനം.ഇനി എ തൊട്ടു ഇസഡ് വരെയുള്ള കേരള കൊണ്ഗ്രസുകാരുടെ ഊഴമാണ് എന്താണെന്നും ഏതാണെന്നും നോക്കാതെ അവരും വിഷയത്തില്‍ ഇടപെട്ടു നിരാഹാരം തൊട്ടു അടി തട വരെയായി.കുറ്റം പറയരുത് ബിജെപിയും മോശമാക്കിയില്ല,ഹര്‍ത്താലും മറ്റു കലാ പരിപാടികളും.ജയലളിതയുടെ പത്ത് മുപ്പതു കോലം എല്ലാവരും കൂടി കത്തിച്ചു,പെട്രോള്‍ വില കൂടിയത് കൊണ്ടാണോ എന്നറിയില്ല ചിലയിടങ്ങളില്‍ കോലം കത്ത്തിക്കലിനു ഉപയോഗിച്ചത് മന്ണണ്ണ ആണെന്നറിയുന്നു.

ഇതിനിടക്ക്‌ ആര്‍ക്കും മനസിലാകാത്ത ചില മുദ്രാ വാക്യങ്ങളും കേട്ടു അതൊന്നും ഇനി പറഞ്ഞിട്ട് കാര്യമില്ല.നമ്മുടെ അഞ്ചാറു കേന്ദ്ര മന്ത്രിമാര്‍ ഏപ്പം തോപ്പം നിന്ന് പറഞ്ഞിട്ടും കമാ ന്നൊരു അക്ഷരം മിണ്ടാതിരുന്ന പ്രധാന മന്ത്രി പുരൈട്ചി തലൈവിയും കലൈഞ്ഞരും ചെറുതായൊന്നു മസില് പിടിച്ചപ്പോള്‍ ഈ വിഷയത്തിലേക്ക് കടന്നു വന്നിരിക്കുകയാണ് ,അതാണ്‌ കഴിവ്.തമ്മില്‍ കണ്ടാല്‍ കൊലവേരി പൂണ്ടു നടക്കുന്ന ഇവര്‍ തമിഴ് നാട്ടുകാരന്റെ ഒരു പ്രശ്നം ഒരു പൊതു പ്രശ്നം വരുമ്പോള്‍ ഒറ്റകെട്ടാണ്.

സത്യത്തില്‍ നമുക്ക് പിഴച്ച്ചെതെവിടെയാണ്,ഒരു പ്രധാന വിഷയം മീഡിയ ആഘോഷിക്കുമ്പോള്‍ അതില്‍ നിന്നും നമുക്കെന്തെങ്കിലും പ്രയോജനം ലഭിക്കുമോ എന്ന് ചികഞ്ഞു നോക്കുന്ന അവസ്ഥയില്‍ നിന്നാണ് പ്രശ്നങ്ങളുടെ തുടക്കം,കുറച്ചു നാള്‍ മുന്പ് സന്തോഷ്‌ പണ്ടിറ്റെന്ന പ്രതിഭാസം കടന്നു വന്നപ്പോള്‍ നാം അത് ആഘോഷിച്ചു,അയാളെ അനുകൂലിച്ച്ചും വിമര്‍ശിച്ചും ഇടുന്ന ഒരു അപ് ഡേറ്റ് കള്‍ക്കും അയാളുടെ പ്രശസ്തിയുടെ ഒരു പങ്കു പാട്ടാല്‍ ഉണ്ടായിരുന്നു, അതിനു മുന്‍പ് സൌമ്യ എന്ന പെണ്‍കുട്ടി ക്രൂരമായി കൊല ചെയ്യപ്പെട്ടപ്പോഴും പ്രതിഷേധിക്കാനെന്ന പേരില്‍ നാം കാണിച്ചു കൂട്ടിയതും ഇതൊക്കെ തന്നെ,സത്യത്തില്‍ പല വിഷയങ്ങളും പലര്‍ക്കും ഒരു പബ്ലിസിടി സ്ടന്റ്റ് ആണ്,സന്തോഷ്‌ പണ്ടിടിനെ വിളിച്ചു ഇന്റെര്‍വ്യൂ എടുക്കുന്നവരും സൗമ്യയുടെ മരണം സെന്‍സേഷനായി അവതരിപ്പിച്ചു സാമൂഹിക പ്രതിബദ്ധത എന്ന പേരില്‍ മുതലെടുപ്പ് നടത്തി ടി ആര്‍പി രടിംഗ് കൂട്ടിയ മീഡിയ പ്രവര്‍ത്തകരും ഇത് തന്നെയാണ് ചെയ്യുന്നത്,അന്ന ഹസാരെയുടെ സമരം ഈ ഗണത്തില്‍ പെടുത്താവുന്ന ഒരു ക്ലാസികള്‍ ഉദാഹരണമാണ്,അത് പോലെയാണ് ഈ വിഷയവും നാം കൈകാര്യം ചെയ്യുന്നത്,സത്യത്തില്‍ ഈ വിഷയം പരിഹരിക്കപ്പെടണം എന്ന് ആത്മാര്‍ഥമായി ആഗ്രഹിക്കുന്ന എത്ര പേരുണ്ട് നമുക്കിടയില്‍,രാഷ്ട്രീയക്കാരുടെ കാര്യം പോട്ടെന്നു വെയ്ക്കാം സാധാരണക്കാരായ നമ്മളോ?ഇവിടെ പരിഹാരത്തെ പറ്റി ചിന്തിക്കാതെ ഉടനടി പരിഹാരം കാണാന്‍ സാധിക്കാത്ത ചില വിഷയങ്ങളാണ് നമ്മള്‍ ഉയര്‍ത്തുന്നത് എന്താണ് കാരണം,പുതിയതൊന്നു കിട്ടുന്നത് വരെ നമുക്ക് ആഘോഷിക്കാന്‍ എന്തെങ്കിലും വേണം എന്തിനേറെ,ഈ വിഷയത്തെ കുറിച്ച് പറഞ്ഞു വരുന്ന ഈ പോസ്റ്റു പോലും അത്തരത്തില്‍ ഒരു ചിന്തയില്‍ നിന്നുണ്ടായതല്ലേ എന്ന് ആരെങ്കിലും എന്നോട് ചോദിച്ചാല്‍ ആണെന്ന് സമ്മതിക്കേണ്ടി വരും,കാരണം പലപ്പോഴും നമ്മുടെ മനസ് അത്രമേല്‍ അധപതിച്ചു പോകുന്നു.

പ്രത്യാശയുടെ കിരണങ്ങള്‍

എന്നാല്‍ എല്ലായ്പ്പോഴും അങ്ങനെ തന്നെ ആകണമെന്ന് നിര്‍ബന്ധമില്ല,ഈ വിഷയത്തില്‍ തന്നെ നമുക്കത് കാണാം പല ഓണ്‍ലൈന്‍ കൂട്ടായ്മകളും ഈ വിഷയത്തില്‍ സ്വാഗതാര്‍ഹമായ നിലപാടുകള്‍ എടുക്കുന്നുണ്ട്.സേവ് മുല്ലപ്പെരിയാര്‍ എന്ന ഓണ്‍ലൈന്‍ കൂട്ടായ്മ പോലെ ഈ വിഷയത്തിന്റെ ഏതാണ്ട് എല്ലാ തലങ്ങളും ചര്‍ച്ച ചെയ്യുന്ന ഗ്രൂപ്പുകളും ഉണ്ട്,ഇത്തരം വിഷയാങ്ങള്‍ മലയാളിയുടെ മനസ്സില്‍ തീക്കാറ്റ് പോലെ പടര്ത്തുന്നതില്‍ ഇത്തരം കൂട്ടായ്മകള്‍ ശ്രദ്ധേയമായ പങ്കു വഹിക്കുന്നു.അത് നാം ബാന്‍ എന്ടോ സള്‍ഫാന്‍ കാംപൈനില്‍ കണ്ടതാണ്,ഐത്തരം കൂട്ടായ്മകള്‍ക്ക് കൃത്യമായ ഒരു ദിശാ ബോധം നല്‍കുകയാണ് നാം ചെയ്യേണ്ടത്.അത് പോലെ തന്നെ രാഷ്ട്രീയ പാര്‍ടികളും ചിലപ്പോഴൊക്കെ നല്ല തീരുമാനങ്ങള്‍ എടുക്കാറുണ്ട്,നമ്മുടെ നേതാക്കളായിരുന്ന ശ്രീ പ്രേമചന്ദ്രന്‍, പി ജെ ജോസഫ്‌ തുടങ്ങിയവര്‍ മികച്ച നിലപാടുകള്‍ ഈ വിഷയത്തില്‍ സ്വീകരിച്ചിട്ടുണ്ട്,അതി വൈകാരികത പ്രകടമായെങ്കിലും പി ജെ ജോസഫ്‌ പറഞ്ഞ ഒരു നിര്‍ദേശമാണ് കനാല്‍ വെട്ടി മുല്ലപ്പെരിയാറിലെ ജല നിരപ്പ് താഴ്ത്താന്‍ ജനങ്ങള്‍ മുന്നിട്ടിറങ്ങണം എന്നത് ,എന്ത് ലക്ഷ്യത്തിന്റെ പുറത്ത്താനെങ്കിലും യുവമോര്‍ച്ച പോലെയുള്ള സംഘടനകള്‍ കനാല്‍ നിര്‍മ്മാണം ഉടന്‍ നടത്തുമെന്ന് പറഞ്ഞത് ഒരു പരിധി വരെ ഈ ഭീഷണി തല്‍ക്കാലം നിയന്ത്രിക്കാന്‍ സഹായിക്കും,അത് പോലെ തന്നെ ഡി വൈ എഫ് ഐ അടക്കമുള്ള സംഘടനകള്‍ക്കും ഈ വിഷയത്തില്‍ ഒരു പാട് കാര്യങ്ങള്‍ ചെയ്യാനുണ്ട്,

ദുരന്തത്തിന്‍റെ കണക്കെടുപ്പ്

മുല്ലപ്പെരിയാര്‍ ഡാം തകര്‍ന്നാല്‍ സംഭവിച്ചേക്കാവുന്ന ദുരന്തത്തിന്‍റെ ഇപ്പോള്‍ നടക്കുന്ന കണക്കെടുപ്പ് ഗുണത്തെക്കാള്‍ ഏറെ ദോഷം ചെയ്യും,ഈ ദുരന്തത്തില്‍ മരിചെക്കാവുന്ന ആളുകളുടെ അംഗ സംഖ്യയാണ് .ആദ്യ ഘട്ടത്തില്‍ ഇടുക്ക് ഡാം കൂടി തകര്‍ന്നാല്‍ പത്ത് ലക്ഷത്തോളം പേര്‍ മരിക്കുമെന്നായിരുന്നു വിലയിരുത്തല്‍ എന്നാല്‍ ഇപ്പോള്‍ അത് നാല്‍പ്പതു ലക്ഷമായി ഉയര്‍ന്നിരിക്കുന്നു ,സത്യത്തില്‍ ഇത്തരം കണക്കുകള്‍ തമിഴ് നാട് ഒരു ആയുധമായി എടുത്താല്‍ അത്ഭുതപ്പെടരുത്.നാം ചിന്തിക്കേണ്ടത് വേറൊരു തലത്തിലാണ്,മരണം ഒരാളുടെ ആണെങ്കിലും അത് സമൂഹ മനസാക്ഷിക്ക് ഒരു വേദന സമ്മാനിക്കും.അതുപോലെ തന്നെ 30 ലക്ഷം ആളുകള്‍ മരിക്കുമോ ഹൈക്കോടതിയുടെ മൂന്നാം നില മുങ്ങുമോ എന്നോന്നുമുള്ള വിവാദങ്ങള്‍ നിര്‍ത്താം . ഒരു ലക്ഷം പേര്‍ മരിച്ചാലും അത് കേരളത്തിനെന്നല്ല ലോകത്തിനു തന്നെ താങ്ങാന്‍ പറ്റാത്ത ഒരു ദുരന്തം ആയിരിക്കും. ഒരു ദുരന്തം അത് ചെറുതായാലും വലുതായാലും ഒഴിവാക്കാനുള്ള വഴികള്‍ ആലോചിക്കാം

കവിതയ്ക്ക് ഭാരമേറുന്നതും കാണാതെ പോകുന്നതും [Poem] Jamshid Eramangalam

noreply@blogger.com (Baiju R Nair) — Fri, 18 Nov 2011 04:25:00 -0800

സ്വിച്ചമര്ത്തിയാല്‍
പാളത്തില്‍ നിന്ന്
ചിതറിത്തെറിച്ച മാംസക്കഷണങ്ങളിലേക്കും,
തളം കെട്ടിയ രക്തത്തില്‍
തുറിച്ചു നില്‍ക്കുന്ന കണ്ണുകളിലേക്കും
പരന്നിറങ്ങുന്ന വെളിച്ചം.

ഇല്ലെങ്കില്‍
നിശബ്ദതയിലേക്ക്‌
തുളഞ്ഞു കയറുന്ന മൂളലുകളും
ഓരിയിടലുകളും അടയിരിക്കുന്ന ഭീതിതമായ ഇരുട്ട്.

അതുകൊണ്ടല്ലേ
ശവത്തിനു കാവലിരിക്കുന്ന
പോലീസുകാരന്‍റെ
കയ്യിലെ
ടോര്‍ച്ചിന്
രാവേറുന്തോറും ഭാരമേറി വരുന്നത്.

അരികിലൊരു
പൂ വിരിയുന്നത്
അത്
കാണാതെ പോകുന്നത്.

===============================

Jamshid T

Thaithottathil (h)

Eramangalam PO

Balussery

Phone: 9961437080

ബോധി ധര്‍മ്മന്‍ ഒരു കേരളീയന്‍ Bhodhi Dharmman is from Kerala

noreply@blogger.com (Baiju R Nair) — Wed, 16 Nov 2011 23:48:00 -0800

ഭാരതത്തിന്‍റെ ചരിത്രത്തില്‍ കാലം സുവര്‍ണ്ണ ലിപികളാല്‍ രേഖപ്പെടുത്തിയ ഒരു നാമമാണ് ബോധി ധര്‍മ്മന്‍.അടുത്ത കാലത്ത് പുറത്തിറങ്ങിയ തമിഴ് സിനിമയായ ഏഴാം അറിവ് ബോധി ധര്മ്മനെ പറ്റിയുള്ള ചര്‍ച്ചകള്‍ വീണ്ടും സജീവമാക്കിയിരിക്കുകയാണ്.ചിത്രത്തില്‍ ബോധി ധര്‍മ്മനെ തമിഴ് നാട്ടിലെ പല്ലവ രാജ വംശവുമായി ബന്ധപ്പെടുത്തിയിരിക്കുന്നു.ആരായിരുന്നു ബോധി ധര്‍മ്മന്‍ ? സത്യത്തില്‍ ബോധി ധര്‍മ്മന്‍ വരുന്നത് തമിഴ് നാട്ടില്‍ നിന്നാണോ?അതറിയുവാന്‍ കുറച്ചു പിന്നിലേക്ക്‌ സഞ്ചരിക്കണം

ബുദ്ധമതത്തിന്റെ ചരിത്രം

ബുദ്ധമതത്തിന്റെ ചരിത്രം ആരംഭിക്കുന്നത് ക്രി.മു. ആറാം നൂറ്റാണ്ടില്‍ ശ്രീ ബുദ്ധന്റെ ജനനത്തിനു ശേഷമാണ്. ഇന്ന് നിലവിലുള്ളതില്‍ ഏറ്റവും പ്രാചീനമായ മതവിശ്വാസങ്ങളിലൊന്നാണിത്. ഇന്ത്യയില്‍ ഉടലെടുത്ത ബുദ്ധമതം പിന്നീട് നിരവധി രാജ്യങ്ങളിലേക്കും സംസ്കാരങ്ങളിലേക്കും പടര്‍ന്നു പന്തലിക്കുയുണ്ടായി. തന്മൂലം ഇന്ത്യയുടെ സംസ്ക്കാരത്തിനു പുറമേ ഹെല്ലനിക, മദ്ധ്യേഷ്യ, കിഴക്കനേഷ്യ, തെക്കുകിഴക്കനേഷ്യന്‍ രാജ്യങ്ങള്‍ എന്നിവിടങ്ങളിലെ സംസ്ക്കാരങ്ങള്‍ ഈ മതത്തേയും, ബുദ്ധമതം ഈ സംസ്കാരങ്ങളെയും സ്വാധീനിച്ചു. ഒരു കാലഘട്ടത്തില്‍ ഏഷ്യയിലെ ഏറ്റവും പ്രധാനപ്പെട്ട മതം ഇതായിരുന്നു. ബുദ്ധമതത്തില്‍ തന്നെയുള്ള തേര്‍വാദ(ഥേര്‍ വാദം), മഹായാന, വജ്രയാന, ഹീനയാന തുടങ്ങിയ സിദ്ധാന്തങ്ങള്‍ വിവിധ ഘട്ടങ്ങളില്‍ രൂപം കൊള്ളുകയും അവ ഒരോന്നും മറ്റുള്ളവക്കുമേല്‍ ശക്തിപ്രാപിക്കുകയോ ക്ഷയിക്കുകയോ ചെയ്തിട്ടുമുണ്ട്.

പശ്ചാത്തലം

ഭാരതീയ സംസ്കാരത്തില്‍ ബുദ്ധ മതത്തിനുള്ള സ്വാദീനം വളരെ വലുതാണ്‌,ഒരു കാലത്ത് ലോകം മുഴുവന്‍ സ്വാദീനമുണ്ടായിരുന്ന ഒരു സംസ്കാരത്തിന്റെ തണലിലാണ് ബുദ്ധ മതം ലോകം മുഴുവനും വളര്‍ന്നു പന്തലിച്ചത്,ഇന്നും അതിന്റെ അലയൊലികള്‍ നമുക്ക് കാണാം,ചൈനയുടെ അധിനിവേശത്തില്‍ നാശോന്മുഖമായ ഭാരത സംസ്കൃതി ത്രിവിഷ്ടപം എന്ന് ദേവ നാഗരിയില്‍ വിളിച്ച തിബറ്റിന്റെ ആത്മീയാചാര്യന്‍ ദലൈലാമയുടെ പലായനമാണ് ഇന്നിന്‍റെ യാദാര്‍ത്ഥ്യം.ഇനി തിരികെ ബോധി ധര്മ്മനിലേക്ക് വരാം.

കളരി പയറ്റും ആയോധനകലകളും

കളരി പയറ്റ് ലോകത്തിന്റെ പല ഭാഗങ്ങളിലും അറിയപ്പെടുന്നത് എല്ലാ ആയോധന കലകളുടെയും മാതാവ് എന്ന പേരിലാണ്,നാം ആധുനിക കാലത്ത് ബ്രൂസ് ലീ പോലെയുള്ള ആളുകളുടെ സിനിമകളില്‍ കണ്ടു പരിചയിച്ച കുന്ഗ് ഫു പോലെയുള്ള പല ആയോധനകലകളും കളരി പയറ്റില്‍ നിന്നാണ് ആരംഭിച്ചത് എന്ന് പറഞ്ഞാല്‍ നമുക്ക് വിശ്വസിക്കാനാകുമോ ?എന്നാല്‍ സത്യമതാണ്.
കേരളത്തിന്റെ ചരിത്രവുമായി വളരെ അധികം ബന്ധമുള്ള ഈ ആയോധനകല നൂറ്റാണ്ടുകളുടെ പഴക്കമുള്ള ഒന്നാണ് ഭാരതത്തില്‍ ഇന്നും കളരി പയറ്റില്‍ അടിസ്ഥാന പരമായി യാതൊരു മാറ്റവും ഉണ്ടായിട്ടില്ല,അത് കൊണ്ട് തന്നെ കളരിയിലെ മുറകളും ചുവടുകളുമെല്ലാം അതിന്റെ ആരംഭ ഘട്ടത്തില്‍ നിന്നും പ്രകടമായ രീതിയില്‍ മാറിയിട്ടില്ല,എന്നാല്‍ ആറാം നൂറ്റാണ്ടിന്റെ അവസാനത്തോടെ ചൈനയടക്കമുള്ള വിദേശ രാജ്യങ്ങളില്‍ കളരി പയറ്റ് നിരന്തര മാറ്റങ്ങള്‍ക്കു വിധേയമായിക്കൊണ്ടിരുന്നു,ഏഷ്യയില്‍ ആയോധന കലകളുടെ അവസാന വാക്കും നിരവധി പ്രമുഖ ആയോധന കലകളിലെ നിപുണന്മാരെ സൃഷ്ടിക്കുകയും ചെയ്ത ഷാവോലിന്‍ ടെമ്പിളിന്റെ വേദികളിലാണ് ഈ മാറ്റം നടന്നത്,എങ്ങനെയാണ് കളരി പയറ്റു ചൈനയിലെത്തിയത്?പല വാദങ്ങളും നിലവിലുണ്ട്,പ്രാചീന കാലങ്ങളില്‍ ഭാരതം സന്ദര്‍ശിച്ച വിദേശ സഞ്ചാരികളിലൂടെയും മറ്റും അത് സംഭവിച്ചിരിക്കാം,ആയോധന കലകളില്‍ പ്രമുഖരായ ആളുകള്‍ വിദേശങ്ങളില്‍ പ്രചരിപ്പിക്കുകയും ചെയ്തിരിക്കാം.കാര്യങ്ങള്‍ ഇങ്ങനെ ഒക്കെ ആണെങ്കിലും അഞ്ചാം നൂറ്റാണ്ടിലോ ആറാം നൂറ്റാണ്ടിലോ ചൈന സന്ദര്‍ശിച്ച ആയോധനകലകളില്‍ അതി നിപുണനായ ഒരു ബുദ്ധ സന്യാസിയുടെ പേര് ചരിത്രത്തില്‍ രേഖപ്പെടുത്തിയിട്ടുണ്ട്.ആ നാമമാണ് ബോധി ധര്‍മ്മന്‍.

ബോധി ധര്‍മ്മന്‍

ഹാന്‍ ചൈനീസ് ഷാവോലിന്‍ ഫിസ്ടിന്റെ പിതാവായി അറിയപ്പെടുന്ന ബോധി ധര്‍മ്മന്‍ ചൈനയില്‍ എത്തിയത് തന്നില്‍ നിക്ഷിപ്തമായ ബുദ്ധ മത പ്രചാരണം എന്ന ലക്ഷ്യത്തോടെയാണ്.കേരളത്തിലെ ബുദ്ധ മതത്തിന്‍റെ സുവര്‍ണ്ണ കാലഘട്ടമായിരുന്നു അത്,കളരി പയറ്റു പോലെയുള്ള ആയോധനകളുടെ ആചാര്യന്‍ എന്ന നിലയില്‍ പ്രശസ്തനായത്തിനു ശേഷമാണ് അദ്ദേഹം തന്‍റെ കടമ നിര്‍വഹിക്കുവാനായി പുറപ്പെട്ടത്.യി ജിന്‍ ജിംഗ്,ബ്രൂസ് ലി വികസിപ്പിച്ച കുന്ഗ് ഫു വിന്‍റെ പിതാവായും ബോധി ധര്മ്മനെയാണ് കാണുന്നത്,കുന്ഗ് ഫു വിനു കളരി പയറ്റുമായുള്ള സാമ്യവും ബോധി ധര്മ്മനെ കുറിച്ചുള്ള അറിവുമാകണം തനിക്കു കളരി പഠിക്കുവാനുള്ള ആഗ്രഹമുണ്ടെന്ന് ബ്രൂസ് ലീ യെ കൊണ്ട് പറയിപ്പിച്ചത്.ആത്മീയവും ശാരീരിക പരിശീലനവും തമ്മില്‍ ബന്ധിപ്പിച്ചു കൊണ്ടുള്ള ഒരു രീതിയാണ് ബോധി ധര്‍മ്മന്‍ തിരഞ്ഞെടുത്തിരുന്നത് എന്ന് മനസിലാക്കാം.അദ്ദേഹം പിന്നീട് ചൈനയില്‍ നിന്ന് മടങ്ങി വന്നില്ല എന്ന ഒരു നിരീക്ഷണം പ്രബലമാണ് അദ്ധേഹത്തിന്റെ അവസാന കാലത്തെ കുറിച്ചുള്ള വ്യെക്തമായ ചിത്രങ്ങള്‍ നിലവിളില്ല്ല ഇക്കാര്യത്തെ കുറിച്ച്.ബോധി ധര്‍മ്മന്‍ ദക്ഷിണേന്ത്യയില്‍ ജീവിച്ചിരുന്നു എന്ന കാര്യം എല്ലാ ചരിത്ര ഗവേഷകരും സമ്മതിക്കുന്നു എന്നാല്‍ അതെവിടെയായിരുന്നു എന്ന കാര്യത്തില്‍ അഭിപ്രായ വെത്യാസങ്ങള്‍ ഉണ്ട് ,എന്നാല്‍ അത് തമിഴ് നാടല്ലെന്നും സഹ്യ പര്‍വ്വത്തിനുപ്പരമുള്ള കേരളത്തിലാണെന്നും വിശ്വസിക്കാനുള്ള ഒരു പാട് കാരണങ്ങള്‍ നിലവിലുണ്ട്,ബോധി ധര്‍മ്മന്‍ ജീവിച്ചിരുന്ന കാലഘട്ടത്തില്‍ തമിഴ് നാട്ടില്‍ ബുദ്ധ മതം അധികം പ്രചാരം നേടിയിട്ടില്ലായിരുന്നു എന്നതാണ് വസ്തുത മാത്രവുമല്ല അക്കാലങ്ങളില്‍ കേരളത്തില്‍ അത് പ്രബലവുമായിരുന്നു.കേരളം എന്ന വാക്ക് ആദ്യമായി ഉപയോഗിക്കപ്പെട്ടിരിക്കുന്നത് ബുദ്ധ മത സ്തൂപങ്ങളിലോന്നിലാണ്,ആ കാലഘട്ടത്തിലെ കേരളത്തിലെ ബുദ്ധ മത സ്വാദീനം ഇത് വിവരിക്കുന്നു.ബ്രാഹ്മണനായിരുന്നു ബോധി ധര്‍മ്മന്‍ എന്നാല്‍ ബുദ്ധ മതം സ്വീകരിച്ചതോടെ ജാതീയമായ കെട്ട് പാടുകളില്‍ നിന്നും അദ്ദേഹം മുക്തനായി,ധര്‍മ്മന്‍ എന്ന പേര് അക്കാലങ്ങളില്‍ കേരളത്തിലെ വിവിധ ബുദ്ധ മത പ്രചാരകര്‍ സ്വീകരിച്ചിരുന്നു,അത് കൊണ്ട് തന്നെ ബുദ്ധ മതം സ്വീകരിക്കും മുന്പ് അദ്ധേഹത്തിന്റെ പേര് മറ്റൊന്നായിരുന്നിരിക്കാം,പ്രമുഖ ബുദ്ധ വിഹാരമായിരുന്ന ഇന്നത്തെ കൊടുങ്ങല്ലൂരിനടുത്തുള്ള ഏതോ സ്ഥലത്ത് അദ്ദേഹം ജീവിച്ചിരുന്നു എന്ന അനുമാനം അന്ഗീകരിക്കപ്പെട്ടെക്കാം,തുടര്‍ പഠനങ്ങള്‍ നടത്തുകയാണെങ്കില്‍ ഈ വാദം സംശയാതീതമായി തെളിയിക്കാം.

ലഹരി -കവിത[ഹാഫിസ്] Lahari -Poem [Hafiz]

noreply@blogger.com (Baiju R Nair) — Wed, 16 Nov 2011 04:18:00 -0800

എത്രയും നീയാല്‍ വെറുക്കുന്നതൊക്കെയും
ചിത്തം പടര്‍ത്തുന്ന വീഞ്ഞാക്കി മാറ്റവെ
അത്രയും നീ തന്നെ മൊത്തിക്കുടിച്ചിട്ടു
ഹൃത്തകം വീണ്ടും നിറയ്ക്കല്ലെയോമനേ...

നിന്‍ യൌവനാത്മരാഗത്തിന്റെ ദീപ്തിയില്‍
വെന്തെരിഞ്ഞീടാന്‍ കൊതിച്ചുയിര്‍ ചേര്‍ത്തു ഞാന്‍
ചുറ്റുവാനാഞ്ഞിടേ, നീ തല്‍ സ്വരൂപത്തെ
കെട്ടടക്കീടിലും പൊള്ളുന്ന ലഹരിയായ്‌..

പാപദാഹത്തിന്റെ പാനപാത്രങ്ങളില്‍
പാതിസോമം സ്ഖലിച്ചീടുമെന്‍ മോഹത്തെ
ബോധങ്ങളില്‍ നിന്‍ ചഷകമായ്‌ തോന്നിച്ചു
പിന്നെയും നാവേന്തി നുകരുന്ന മദിരയായ്‌...

'ആദിസ്നാന'ത്തിനുന്‍മാദിപോല്‍ നീയൂര്‍ത്ത
നേര്‍ത്ത നീര്‍ധാരയെന്‍ കണ്ണൂറ്റെ സന്ധ്യ തന്‍
കാന്തിയേറ്റുന്നിളം കാറ്റിന്നു നല്‍കി നിന്‍
കൂന്തലും നീറ്റിപ്പകരുന്ന ലഹരിയായ്‌ ...

തിങ്കളായ്‌ നിന്‍ പ്രതിബിംബം തിളങ്ങുന്നൊ-
രെന്‍ മുഖത്തെന്നും തെളിഞ്ഞിടും കണ്ണാടി
കണ്ടു കണ്‍ വലിയുമാ നോക്കിന്റെ മൂര്‍ച്ചയില്‍
കൊണ്ടു പൊട്ടിത്തകര്‍ത്തൊഴുകൂന്ന രുധിരമായ്‌ ..

ഉടല്‍ നെയ്ത നീലയില്‍ നിറമേറെ വിതറിയും
ചടുലതാളങ്ങളില്‍ വേഗം കലര്‍ത്തിയും
തരിമണല്‍ കാല്‍പ്പാട്‌ കാറ്റില്‍ പറത്തിയും
പിറകേ നടത്തും ,പകര്‍ന്നിടാ,ലഹരിയായ്‌..

എണ്റ്റെ സാമീപ്യം നിലയ്ക്കുന്നൊരുറവയാം
പുഞ്ചിരിച്ചാറും മൊഴിത്തേനുമെന്നുമെന്‍
നെഞ്ചില്‍,വിടാതെ പുകച്ചു ഞാന്‍ നിര്‍ത്തുന്ന
നിന്‍നിരാസത്തിന്‍ വിഷച്ചുരുള്‍മധുരമായ്‌....

നടനമയഗാനലയകാവ്യപൂര്‍ണ്ണം ദേവി
തുടരുമെന്‍ ഹൃദയമതിലൊന്നു ചേര്‍ന്നലിയവേ
ഉടനെ നിന്‍ വേദിയും താളും മറച്ചെന്നെ
നടകളില്‍ ചങ്ങലത്താഴിട്ട ലഹരിയായ്‌...

എത്രയും നീയാല്‍ വെറുക്കുന്നതൊക്കെയും
ചിത്തം പടര്‍ത്തുന്ന വീഞ്ഞാക്കി മാറ്റവെ
അത്രയും നീ തന്നെ മൊത്തിക്കുടിച്ചിട്ടു
ഹൃത്തകം വീണ്ടും നിറയ്ക്കല്ലെയോമനേ...

നിറതുള്ളി വിങ്ങുന്ന വീഞ്ഞിന്റെയാഴങ്ങ-
ളൊരു ദീര്‍ഘനിമിഷമാം രശ്മിസാന്നിധ്യമായ്‌
കവരല്ലെ,ക്ഷണികമായ്‌ വറ്റവേ മാഞ്ഞു നീ
ക്ഷണമേഘമായവിടെ നിറയല്ലെ,യെന്‍പ്രിയേ...

വിരഹാനുഭൂതി തന്‍ ചുടലയില്‍ മരണമാം
നുര,പൊന്തിയരികിലായുരുളുന്ന വേളയില്‍
ഹിമതുള്ളിയായ്‌ തൊട്ടുണര്‍ത്തി നീ പുലരികള്‍
മമ ജീവനില്‍ വീണ്ടുമേകല്ലെ പ്രണയമേ....

----------------------------------------------------

Hafiz Muhammed

============

Thavannoor House

Kizhakkoth po

Koduvally

Kozhikode

Phone: 9496842971

ക്ഷേത്ര സമ്പത്തിന്‍റെ നാള്‍ വഴികള്‍ [ലേഖനം]History of Sree Padmanabha Swamy Temple's Wealth

noreply@blogger.com (Baiju R Nair) — Thu, 10 Nov 2011 08:49:00 -0800

അടുത്ത നാളുകളില്‍ തലസ്ഥാന നഗരിയെ ലോക ശ്രദ്ധയില്‍ കൊണ്ട് വന്ന ഒരു സംഭവമാണ് തിരുവനന്തപുരം ശ്രീ പത്മനാഭ സ്വാമി ക്ഷേത്രത്തിലെ അളവറ്റ സമ്പത്തിന്‍റെ വ്യാപ്തിയെ കുറിച്ചുള്ള വെളിപ്പെടുത്തല്‍,ഇത് ഏതെങ്കിലും നിധി കണ്ടെത്തിയ സംഭവത്തോട് ഉപമിക്കാനാകുന്ന ഒന്നല്ല,അത് കൊണ്ട് തന്നെ ക്ഷേത്ര സമ്പത്തിന്‍റെ നാള്‍ വഴികളിലൂടെ ഒന്ന് സഞ്ചരിക്കുകയാണ്.

                                                     പത്മനാഭസ്വാമി ക്ഷേത്രം

തിരുവനന്തപുരം നഗരത്തിന്റെ മുഖമുദ്രയാണ് അനന്തശായിയായ പത്മനാഭ സ്വാമി ക്ഷേത്രം. ഹൈന്ദവ വിശ്വാസ പ്രകാരം, ആയിരം തലയുള്ള അനന്തന്‍ എന്ന സര്‍പ്പത്തിന്മേല്‍ വിശ്രമിക്കുന്ന മഹാവിഷ്ണുവാണ് ഇവിടെ പ്രതിഷ്ഠ. ക്ഷേത്രത്തിന് ചുറ്റിനും ഉള്ള കോട്ട മതില്‍ ക്ഷേത്ര പരിസരത്തിന് സംരക്ഷണം നല്‍കുന്നു. ഈ കോട്ട മതിലിന്റെ കിഴക്കേ കോട്ട വാതിലിന് അഭിമുഖമായാണ് ക്ഷേത്രത്തിന്റെ പ്രധാന ഗോപുരം സ്ഥിതി ചെയ്യുന്നത്.

പത്മനാഭ സ്വാമിയുടെ ഭക്തനായ തിരുവിതാംകൂര്‍ മാര്‍ത്താണ്ഡ വര്‍മ്മ മഹാരാജാവ് രാജ്യം ഭഗവാന് സമര്‍പ്പിച്ച രേഖകള്‍ ആണ് തൃപ്പടിത്താനം (തൃപ്പടി ദാനം) എന്നറിയപ്പെടുന്നത്.ഇതിനെത്തുടര്‍ന്ന് ഈ നാട്ടുരാജ്യത്തിലെ ഭരണാധികാരികള്‍ പദ്മനാഭദാസര്‍ എന്നറിയപ്പെട്ടിരുന്നു.

                                           ക്ഷേത്രം

108 ദിവ്യദേശങ്ങളിലൊന്നായ ക്ഷേത്രം കിഴക്കോട്ട് ദര്‍ശനമായാണ്. നാലുവശവും തമിഴ് ശൈലിയില്‍ തീര്‍ത്ത അലങ്കാര ഗോപുരങ്ങളുണ്ട്. വടക്കുകിഴക്ക് പത്മതീര്‍ത്ഥക്കുളമാണ്. ധാരാളം ദാരുശില്പങ്ങളും ചുവര്‍ച്ചിത്രങ്ങളുമുണ്ട്. കൊടിമരമുണ്ടെങ്കിലും ബലിക്കല്‍പ്പുരയില്ല.

ശ്രീകോവില്‍ ദീര്‍ഘചതുരാകൃതിയിലാണ്. അനന്തശയനരൂപത്തിന് അനുയോജ്യമായതുകൊണ്ടാണത്. കടുശര്‍ക്കരയോഗക്കൂട്ടുകൊണ്ടും 12008 സാളഗ്രാമങ്ങള്‍ കൊണ്ടും നിര്‍മ്മിച്ച 20 അടി പൊക്കമുള്ള ഭഗവദ്വിഗ്രഹം കിഴക്കോട്ട് ദര്‍ശനമായി ശ്രീകോവിലില്‍ വാഴുന്നു. രണ്ടരികത്തും ഭൂമീദേവിയും ലക്ഷ്മിദേവിയുമുണ്ട്. മൂന്നു കഷ്ണങ്ങളായിമാത്രമേ വിഗ്രഹം കാണുവാന്‍ കഴിയൂ. അതിനുപിന്നില്‍ ഒരു കഥയുണ്ട്.

ഒരിക്കല്‍ ഗുരുവായൂരപ്പന് വില്വമംഗലം സ്വാമിയാര്‍ ശംഖാഭിഷേകം നടത്തുകയായിരുന്നു. അപ്പോള്‍ ഭഗവാന്‍ വന്ന് അദ്ദേഹത്തിന്റെ കണ്ണുകള്‍ പൊത്തിപ്പിടിച്ചു. ദേഷ്യം വന്ന വില്വമംഗലം ഇതിനെതിരെ പറഞ്ഞപ്പോള്‍ ഭഗവാന്‍ അനന്തന്‍കാട്ടിലേക്കുപോയി. അനന്തന്‍കാട് എവിടെയാണെന്നറിയാത്ത വില്വമംഗലം അവിടം തപ്പിനടന്നു. അതിനിടെയില്‍ തൃപ്രയാറിലെത്തിയപ്പോള്‍ ഭഗവാന്‍ അത് ശുചീന്ദ്രം സ്ഥാണുമാലയപ്പെരുമാളുടെ ജടയാണെന്ന് അദ്ദേഹത്തോട് പറഞ്ഞു. അങ്ങനെ അദ്ദേഹം അനന്തന്‍കാട്ടിലെത്തിയപ്പോള്‍ ഭഗവാന്റെ ഒരു വിഗ്രഹം കിട്ടി. അത് പ്രതിഷ്ഠിക്കുന്നതിനിടയില്‍ ഭഗവാന്‍ പ്രത്യക്ഷനായി. അദ്ദേഹം എന്നിട്ട് പറഞ്ഞു : "മൂന്നുഭാഗങ്ങളായിമാത്രമേ എന്നെ കാണാവൂ." അങ്ങനെയാണ് പത്മനാഭസ്വാമി പ്രതിഷ്ഠിക്കപ്പെട്ടത്. ആദ്യമുണ്ടായിരുന്ന വിഗ്രഹം കത്തിയപ്പോഴാണ് നിലവിലെ വിഗ്രഹം പ്രതിഷ്ഠിച്ചത്. ഗണപതി, നരസിംഹം, ശ്രീകൃഷ്ണന്‍, അയ്യപ്പന്‍, നാഗങ്ങള്‍, ക്ഷേത്രപാലര്‍, ഹനുമാന്‍ എന്നിവരാണ് ഉപപ്രതിഷ്ഠകള്‍.

മീനമാസത്തില്‍ രോഹിണി കൊടികയറി അത്തം ആറാട്ടായും തുലാമാസത്തില്‍ അത്തം കൊടികയറി തിരുവോണം ആറാട്ടായും രണ്ട് ഉത്സവങ്ങളുണ്ട്. രണ്ടിനും ഭഗവാന്‍ ശംഖുമുഖം കടപ്പുറത്താണ് ആറാടുന്നത്. തുലാമാസത്തില്‍ത്തന്നെ തിരുവല്ലം പരശുരാമസ്വാമിയും ഇതേപോലെ ഉത്സവം നടത്തുന്നു.

                                                'തൃപ്പടിദാന'വും 'പൊന്നുതമ്പുരാ'നും

1750 (ചില രേഖകളില്‍1749) ജനവരിയിലാണ് മാര്‍ത്താണ്ഡവര്‍മ രാജ്യം ശ്രീപദ്മനാഭസ്വാമിക്ക് സമര്‍പ്പിക്കുന്ന 'തൃപ്പടിദാനം' എന്ന ചടങ്ങ് നടത്തിയത്. രാജാവ് ശ്രീപദ്മനാഭ സ്വാമി ക്ഷേത്രത്തില്‍ ഉടവാള്‍ സമര്‍പ്പിച്ചശേഷം തിരുവിതാംകൂര്‍ രാജ്യം ശ്രീപദ്മനാഭന് സമര്‍പ്പിക്കുന്നതായും അദ്ദേഹത്തിന്റെ ട്രസ്റ്റി അല്ലെങ്കില്‍ പ്രതിനിധി എന്ന നിലയില്‍ താനും തന്റെ അനന്തര രാജാക്കന്മാരും'ശ്രീപദ്മനാഭ ദാസന്‍'മാരായിരിക്കുമെന്നും പ്രഖ്യാപിച്ചു. ഇതോടെ തിരുവിതാംകൂര്‍ ശ്രീപദ്മനാഭന്‍ വകയും രാജാവ് അദ്ദേഹത്തിന്റെ പ്രതിനിധിയുമായി

തിരുവിതാംകൂര്‍ രാജ്യത്തെ തന്റെ കുലദൈവമായ ശ്രീപദ്മനാഭന് സമര്‍പ്പിക്കുകയും രാജാവ് അദ്ദേഹത്തിന്റെ ദാസനായി മാറുകയും ചെയ്ത നടപടി മാര്‍ത്താണ്ഡവര്‍മയുടെ തന്ത്രശാലിത്വത്തിന് നിദര്‍ശനമാണ്. ശ്രീപദ്മനാഭ സ്വാമി ക്ഷേത്രത്തെപ്പോലെ പ്രസിദ്ധമായിരുന്ന തിരുവട്ടാര്‍ ആദികേശക്ഷേത്രത്തില്‍വെച്ച് (ഇപ്പോള്‍ കന്യാകുമാരി ജില്ലയില്‍) തന്റെ വാള്‍ പൂജിച്ച് വാങ്ങിയശേഷമാണ് മാര്‍ത്താണ്ഡവര്‍മ ഡച്ചുകാരുമായിട്ടുള്ള യുദ്ധത്തിന് കുളച്ചലിലേക്ക് പുറപ്പെട്ടത്. അതിന് എത്രയോ മുമ്പ് തിരുവനന്തപുരത്തെ ശ്രീപദ്മനാഭസ്വാമിക്ഷേത്രം പുതുക്കിപ്പണിയണമെന്നും അവിടം തന്റെ പ്രധാന ആരാധനാലയമാക്കണമെന്നും മാര്‍ത്താണ്ഡവര്‍മ ഉറച്ചിരുന്നതായി രേഖകള്‍ വ്യക്തമാക്കുന്നു. അതിന് ഉദാഹരണമാണ് 1739 ല്‍ (കുളച്ചല്‍ യുദ്ധം നടക്കുന്നതിന് രണ്ടുവര്‍ഷംമുമ്പ്) അദ്ദേഹം കുരുമുളക് നല്കുന്നതിന് വിലയായി ഡച്ച് ഈസ്റ്റ് ഇന്ത്യാകമ്പനിയോട് 10,000 കഴഞ്ച് സ്വര്‍ണം ആവശ്യപ്പെട്ടത്. ഇത് ശ്രീപദ്മനാഭസ്വാമിക്ഷേത്രത്തില്‍ 'ഹിരണ്യഗര്‍ഭം' എന്ന ചടങ്ങ് നടത്താനായിരുന്നുവെന്ന് ഡച്ച് രേഖകള്‍ എഡിറ്റ്‌ചെയ്ത ഗാലറ്റി രേഖപ്പെടുത്തിയിട്ടുണ്ട്. വടക്കോട്ടുള്ള രാജ്യങ്ങള്‍ ഓരോന്നായി പിടിച്ചെടുത്ത് മാര്‍ത്താണ്ഡവര്‍മ പടയോട്ടം തുടരുന്നതിനിടയിലും ശ്രീപദ്മനാഭസ്വാമി ക്ഷേത്രം പുതുക്കിപ്പണിയാനും വിഗ്രഹം പുനര്‍നിര്‍മിക്കാനും നടപടി തുടര്‍ന്നുകൊണ്ടിരുന്നു. നേപ്പാളിലെ ഗണ്ഡകീനദിയില്‍ നിന്നും കൊണ്ടുവന്ന സാളഗ്രാമങ്ങള്‍ ഉപയോഗിച്ച് കടുശര്‍ക്കരയോഗം പ്രകാരം, ശില്പി ബാലാരണ്യകൊണിദേവനെക്കൊണ്ട് ശ്രീപദ്മനാഭന്റെ പതിനെട്ട് അടിനീളമുള്ള വിഗ്രഹം നിര്‍മിച്ചു. ഈ വിഗ്രഹം ഇന്നും ഭക്തജനങ്ങള്‍ക്ക് അദ്ഭുതമാണ്. മൂന്ന് വാതിലുകളിലൂടെ മാത്രമേ ഈ വിഗ്രഹം ദര്‍ശിക്കാനാവൂ. തിരുവനന്തപുരത്തെ തിരുമലയില്‍ നിന്നു കൂറ്റന്‍ പാറ വെട്ടിക്കൊണ്ടുവന്ന് ഒറ്റക്കല്‍ മണ്ഡപം പണിതു.

കൊടിമരത്തിനുള്ള തേക്കുമരം കൊണ്ടുവന്നത് കാക്കച്ചല്‍മലയില്‍ (ഇപ്പോള്‍ തമിഴ്‌നാട്ടില്‍) നിന്നാണ്. കരിങ്കല്ലുകൊണ്ട് ക്ഷേത്രത്തിലെ ശീവേലിപ്പുര നിര്‍മിക്കാന്‍ 4000 കല്‍പ്പണിക്കാരും 6,000 കൂലിക്കാരും നൂറ് ആനകളും ഉണ്ടായിരുന്നതായി രേഖകളില്‍ നിന്ന് തെളിയുന്നു.

ക്ഷേത്രത്തിന് ചുറ്റും കോട്ടകെട്ടാനും ഗോപുര നിര്‍മാണത്തിനും നടപടി സ്വീകരിച്ചു. 1750 (ചില രേഖകളില്‍1749) ജനവരിയിലാണ് മാര്‍ത്താണ്ഡവര്‍മ രാജ്യം ശ്രീപദ്മനാഭസ്വാമിക്ക് സമര്‍�B4�്ദേഹത്തിന്റെ ട്രസ്റ്റി അല്ലെങ്കില്‍ പ്രതിനിധി എന്ന നിലയിപദ്മനാഭ സ്വാമി ക്ഷേത്രത്തില്‍ ഉടവാള്‍ സമര്‍പ്പിച്ചശേഷം തിരുവിതാംകൂര്‍ രാജ്യം ശ്രീപദ്മനാഭന് സമര്‍പ്പിക്കുന്നതായും അദ്ദേഹത്തിന്റെ ട്രസ്റ്റി അല്ലെങ്കില്‍ പ്രതിനിധി എന്ന നിലയില്‍ താനും തന്റെ അനന്തര രാജാക്കന്മാരും 'ശ്രീപദ്മനാഭ ദാസന്‍'മാരായിരിക്കുമെന്നും പ്രഖ്യാപിച്ചു. ഇതോടെ തിരുവിതാംകൂര്‍ ശ്രീപദ്മനാഭന്‍ വകയും രാജാവ് അദ്ദേഹത്തിന്റെ പ്രതിനിധിയുമായി. പിന്നീട് മാര്‍ത്താ ണ്ഡ വര്‍മമാരില്‍ അവസാനത്തെ ഭരണാധികാരി ശ്രീ ചിത്തിരതിരുനാള്‍ ബാലരാമവര്‍മ മഹാരാജാവ് വരെ ഭരണം നടത്തിയത് ശ്രീപദ്മനാഭനെ മുന്‍നിര്‍ത്തിയാണ്. സ്വാതന്ത്ര്യത്തിനുശേഷം തിരുവിതാംകൂറും കൊച്ചിയും ലയിപ്പിക്കാന്‍ തീരുമാനിച്ചപ്പോള്‍ ശ്രീ ചിത്തിരതിരുനാള്‍ ബാലരാമവര്‍മ മഹാരാജാവ് ആകെ നിസ്സഹായനായി. തന്റെ പൂര്‍വികനായ മാര്‍ത്താണ്ഡവര്‍മ, ശ്രീപദ്മനാഭന് സമര്‍പ്പിച്ച രാജ്യം താന്‍ എങ്ങനെയാണ് കൊച്ചിയുമായി ലയിപ്പിക്കുന്നതെന്നായിരുന്നു അദ്ദേഹത്തിന്റെ സന്ദേഹം. മഹാരാജാവിന് ശ്രീപദ്മനാഭനോടുള്ള ഭക്തിയും പൂര്‍വിക രാജാക്കന്മാരോടുള്ള പ്രതിപത്തിയും മനസ്സിലാക്കിയ ഇന്ത്യാസര്‍ക്കാര്‍ ഒരു നിര്‍ദേശം മുന്നോട്ടുവെച്ചു. ലയനത്തിനു വിളംബരം തയ്യാറാക്കാനും ചടങ്ങുകള്‍ നടക്കുന്നസമയത്ത് തിരുവിതാംകൂര്‍ ചീഫ് ജസ്റ്റിസിനെക്കൊണ്ട് വായിപ്പിക്കാനുമായിരുന്നു നിര്‍ദേശം. അത് മഹാരാജാവ് സ്വീകരിച്ചു.

                                                ഹിരണ്യഗര്‍ഭവും കിരീടധാരണവും

ശ്രീപദ്മനാഭസ്വാമിക്ഷേത്രത്തില്‍ ഹിരണ്യഗര്‍ഭം തുലാപുരുഷദാനം, മുറജപം, ലക്ഷദീപം തുടങ്ങിയ നിരവധി ചടങ്ങുകള്‍ ഏര്‍പ്പെടുത്തി ഇന്ത്യ ഒട്ടാകെയുള്ള വിഷ്ണുഭക്തരെ ഇവിടേക്ക് വന്‍തോതില്‍ ആകര്‍ഷിച്ചതും മാര്‍ത്താണ്ഡവര്‍മയാണ് . ഇതില്‍ 'ഹിരണ്യ ഗര്‍ഭം' എന്ന ചടങ്ങ് കിരീടധാരണത്തോടനുബന്ധിച്ചാണ് നടത്തിയിരുന്നത്. തുലപുരുഷദാനം എന്നത് ഒരു ത്രാസിന്റെ ഒരറ്റം രാജാവും മറുഭാഗത്ത് അത്രയും തൂക്കം സ്വര്‍ണവും തൂക്കി അതു നാണയങ്ങളാക്കി ബ്രാഹ്മണര്‍ക്കും മറ്റു പുരോഹിതര്‍ക്കും സംഭാവന ചെയ്യുന്ന ചടങ്ങായിരുന്നു. ഈ നാണയങ്ങളുടെ ഒരു ഭാഗത്ത് 'ശ്രീപദ്മനാഭ' എന്ന് ആലേഖനം ചെയ്തിരുന്നു. 'ഹിരണ്യഗര്‍ഭം' എന്ന വാക്കിന് 'സ്വര്‍ണഗര്‍ഭം' എന്നാണര്‍ഥം. താമരയുടെ ആകൃതിയില്‍ പത്തടി ഉയരവും എട്ടടി ചുറ്റളവുമുള്ള അടപ്പുള്ള ഒരു സ്വര്‍ണപ്പാത്രം നിര്‍മിക്കുന്നു. ഇതില്‍ പാല്, വെള്ളം കലര്‍ത്തിയ നെയ്യ് തുടങ്ങിയ പഞ്ചഗവ്യങ്ങള്‍ പകുതി ഭാഗത്ത് നിറയ്ക്കും. ഇതിനുമുമ്പ് പുരോഹിതന്മാര്‍ വേദ വിധിപ്രകാരമുള്ള സ്‌തോത്രപാരായണം നടത്തും. പൂജാകര്‍മങ്ങള്‍ക്കുശേഷം രാജാവ് ഏണിയിലൂടെ പാത്രത്തിലിറങ്ങുന്നു. അപ്പോള്‍ പുരോഹിതന്മാര്‍ അതിന്റെ മുകള്‍ഭാഗം അടയ്ക്കുന്നു. പത്ത് മിനിറ്റിനുശേഷം മഹാരാജാവ് പാത്രത്തില്‍നിന്നു പുറത്തുവരും. അദ്ദേഹം നേരേ പുരോഹിതന്മാരുടെ അകമ്പടിയോടെ ശ്രീപദ്മനാഭന്റെ മുമ്പിലെത്തി സാഷ്ടാംഗപ്രണാമം നടത്തും. അപ്പോള്‍ പുരോഹിതന്മാര്‍ കുലശേഖരപെരുമാള്‍ കിരീടം മഹാരാജാവിന്റെ തലയില്‍ ചാര്‍ത്തുന്നു. ഇതോടെയാണ് മഹാരാജാവ് 'പൊന്നുതമ്പുരാന്‍' ആകുന്നത്. കിരീടധാരണദിവസം മാത്രമേ രാജാവ് കിരീടം വെക്കൂ. കാരണം രാജ്യം ശ്രീപദ്മനാഭനായതിനാല്‍ രാജാവ് കിരീടം വെക്കാറില്ല. ചടങ്ങുകള്‍ക്കുശേഷം സ്വര്‍ണപ്പാത്രം നാണയങ്ങളാക്കി പുരോഹിതന്മാര്‍ക്ക് നല്‍കുകയായിരുന്നു പതിവ്. വളരെയധികം പണച്ചെലവുള്ള ഹിരണ്യഗര്‍ഭം മാര്‍ത്താണ്ഡവര്‍മ മുതല്‍ ശ്രീമൂലം തിരുനാള്‍ വരെയുള്ള മഹാരാജാക്കന്മാര്‍ നിര്‍വഹിച്ചിട്ടുണ്ട്. എന്നാല്‍ പണച്ചെലവ് കണക്കിലെടുത്ത് ശ്രീചിത്തിര തിരുനാള്‍ ബാലരാമവര്‍മ ഈ ചടങ്ങ് ഉപേക്ഷിച്ചു.

ശ്രീ പദ്മനാഭസ്വാമി ക്ഷേത്രത്തില്‍ ഇപ്പോഴും തുടരുന്ന ചടങ്ങാണ് മുറജപവും ലക്ഷദീപവും. മുറജപത്തിന് മുറയ്ക്കുള്ള ജപം എന്നാണ് അര്‍ഥം. ആറ് വര്‍ഷത്തിലൊരിക്കലാണ് മുറജപം നടത്താറുള്ളത്. രാജഭരണകാലത്ത് ഇത് തിരുവിതാംകൂറിന്റെ സംസ്ഥാന ചടങ്ങായിരുന്നു. ഇന്ത്യയുടെ വിവിധ ഭാഗങ്ങളില്‍ നിന്നും ആയിരക്കണക്കിന് വൈദികര്‍ ഇതില്‍ പങ്കെടുക്കാന്‍ എത്തുമായിരുന്നു. മാര്‍ത്താണ്ഡവര്‍മയുടെ കാലത്ത് തുടങ്ങിയ ഈ ചടങ്ങിന് ലക്ഷക്കണക്കിന് തുക ചെലവാക്കുന്നത് പില്‍ക്കാലത്ത് ബ്രിട്ടീഷ് സര്‍ക്കാറിന് അലോസരം സൃഷ്ടിച്ചിട്ടുണ്ട്. കപ്പം നല്‍കാതെ, ലക്ഷങ്ങള്‍ ധൂര്‍ത്തടിക്കുന്നതായി അവര്‍ ഈ ചടങ്ങിനെ കണ്ടു. എന്നാല്‍ ഇതുസംബന്ധിച്ച് ഗവര്‍ണര്‍ ജനറല്‍ ഉള്‍പ്പെടെയുള്ളവര്‍ക്ക് നിവേദനം നല്‍കി പരമാവധി ചടങ്ങുകള്‍ വിജയിപ്പിക്കാന്‍ മഹാരാജാക്കന്മാര്‍ ശ്രമിച്ചിട്ടുണ്ട്. 56 ദിവസമാണ് മുറജപം നടക്കുന്നത്. എട്ട് ദിവസം കൊണ്ട് ഒരു മുറ എന്ന കണക്കിന് 56 ദിവസത്തില്‍ വേദം ഏഴു മുറജപിക്കും. വൈദികര്‍ മാത്രമല്ല, അന്യദേശങ്ങളിലെ രാജാക്കന്മാരും ചടങ്ങില്‍ പങ്കെടുക്കാന്‍ എത്തുമായിരുന്നു. മുറജപം സമാപിക്കുന്നത് ലക്ഷം വിളക്കുകള്‍ കത്തിച്ചായിരുന്നു.

                                                        ചടങ്ങുകള്‍

മാര്‍ത്താണ്ഡവര്‍മയുടെ കാലത്തുള്ള പല ചടങ്ങുകളും ഇന്നും ശ്രീപദ്മനാഭസ്വാമി ക്ഷേത്രത്തില്‍ തുടരുന്നു. അല്പശ്ശി, പൈങ്കുനി എന്നീ ഉത്സവങ്ങള്‍ അന്നും ഇന്നും പ്രധാനമാണ്. ഈ ഉത്സവത്തോടനുബന്ധിച്ച് ആറാട്ടുദിവസം ഉടവാള്‍ ഏന്തി നഗ്‌നപാദനായി മഹാരാജാവ് കടപ്പുറത്തേക്ക് എഴുന്നള്ളുന്ന ചടങ്ങ് ശ്രീ ചിത്തിരതിരുനാള്‍ മഹാരാജാവ് മരണം വരെ തുടര്‍ന്നു. ഇപ്പോള്‍ അദ്ദേഹത്തിന്റെ അനുജന്‍, ബ്രിട്ടീഷ് ഭരണകാലത്ത് ഇളയരാജാവ് ആയി അംഗീകരിച്ചിരുന്ന ഉത്രാടം തിരുനാള്‍ മാര്‍ത്താണ്ഡവര്‍മയാണ് ചടങ്ങുകള്‍ നടത്തുന്നത്. മഹാരാജാവ് പങ്കെടുക്കാറുണ്ടായിരുന്ന ശാസ്തമംഗലം എഴുന്നള്ളത്ത് ഇപ്പോള്‍ നിന്നുപോയി. എന്നാല്‍ തമിഴ്‌നാട്ടില്‍ നിന്നും നവരാത്രി വിഗ്രഹഘോഷയാത്രയും ശ്രീപദ്മനാഭ സ്വാമി ക്ഷേത്രത്തിനു മുമ്പില്‍ രാജാവ് അവയെ സ്വീകരിക്കുന്നതും പുതുവായ്പ് ചടങ്ങുമെല്ലാം ഇന്നും തുടരുന്നു. രാജകുടുംബത്തിലെ കാരണവരും ഇപ്പോഴത്തെ ശ്രീപദ്മനാഭ ദാസനുമായ ഉത്രാടം തിരുനാളും രാജകുടുംബാംഗങ്ങളും നിത്യവും ക്ഷേത്രത്തിലെത്തി ചടങ്ങുകളില്‍ പങ്കെടുക്കാറുണ്ട്.

                                                     ക്ഷേത്ര സമ്പത്തിന്‍റെ നാള്‍ വഴികള്‍

ക്ഷേത്രത്തില്‍ പതിന്നാലാം നൂറ്റാണ്ടുമുതല്‍ വന്‍ സ്വര്‍ണാഭരണങ്ങള്‍ ഉണ്ടായിരുന്നതായി രേഖകളില്‍ നിന്നു വ്യക്തമാണ്. കാലാകാലങ്ങളില്‍ പിഴയായും സംഭാവനയായും ധാരാളം ആഭരണങ്ങളും ആനകളും വസ്തുവകകളും ക്ഷേത്രത്തിന് കിട്ടിയിട്ടുണ്ട്. ഇതുകൂടാതെ മാര്‍ത്താണ്ഡവര്‍മ കൊച്ചിയുടെ അതിര്‍ത്തിവരെയുള്ള രാജ്യങ്ങള്‍ കീഴടക്കിയപ്പോള്‍ അവിടത്തെ സ്വത്തുക്കള്‍ അദ്ദേഹം ശ്രീപദ്മനാഭസ്വാമിക്കാണ് സമര്‍പ്പിച്ചത്. അന്ന് ഡച്ചുകാരും മറ്റ് യൂറോപ്യന്‍ രാജ്യങ്ങളുമായി കച്ചവടത്തിലേര്‍പ്പെട്ടിരുന്ന ചെമ്പകശ്ശേരി തുടങ്ങിയ രാജ്യങ്ങളില്‍ വന്‍ സമ്പത്ത് ഉണ്ടായിരുന്നു. കച്ചവടത്തിനുള്ള കരാര്‍ ഉണ്ടാക്കാനും മറ്റും വിദേശികള്‍ സ്വര്‍ണാഭരണങ്ങളും മറ്റും സംഭാവന ചെയ്തിട്ടുള്ളതും മാര്‍ത്താണ്ഡവര്‍മ ശ്രീപദ്മനാഭന് സമര്‍പ്പിച്ചിരിക്കാം.

മാര്‍ത്താണ്ഡവര്‍മയ്ക്കുശേഷം കാര്‍ത്തികതിരുനാള്‍ (ധര്‍മരാജാവ്) ഭരിക്കുന്ന സമയത്താണ് ടിപ്പുസുല്‍ത്താന്റെ ആക്രമണം മലബാറിലുണ്ടായത്. ടിപ്പു തിരുവിതാംകൂര്‍ ആക്രമണത്തിന് പുറപ്പെട്ടപ്പോള്‍, ധര്‍മരാജ മുന്‍കരുതല്‍ എന്ന നിലയില്‍ ട്രഷറിയില്‍ ഉണ്ടായിരുന്നവ ഉള്‍പ്പെടെയുള്ള വിലപിടിച്ച ആഭരണങ്ങളും മറ്റ് വസ്തുക്കളും ശ്രീപദ്മനാഭസ്വാമിക്ക് സമര്‍പ്പിച്ചിരിക്കാനും സാധ്യത ഉണ്ട്.

മറ്റൊരു അഭിപ്രായവും ഉയര്‍ന്നുവന്നിട്ടുണ്ട്. വേലുത്തമ്പിയുടെ കലാപത്തിനുശേഷം അധികാരത്തില്‍ വന്നത് ഗൗരീലക്ഷ്മീബായിയാണ്. കേണല്‍ മണ്‍റോ ആയിരുന്നു അന്നത്തെ റസിഡന്റ്. മണ്‍റോയ്ക്ക് ദിവാന്റെ അധികാരം കൂടി റാണി ഗൗരീലക്ഷ്മീബായ് നല്കി. അഴിമതിയും അരാജകത്വവും നിറഞ്ഞ ഭരണസംവിധാനം നേരെ ആക്കാന്‍ തന്ത്രശാലിയായ മണ്‍റോ പല നടപടികളും സ്വീകരിച്ചു. അതിലൊന്ന് ക്ഷേത്രപരിഷ്‌കരണമായിരുന്നു. ക്ഷേത്രങ്ങള്‍ക്ക് വന്‍ സ്വര്‍ണശേഖരവും സ്വത്തും ഉണ്ടെങ്കിലും പൂജാദികര്‍മങ്ങള്‍ നടക്കുന്നില്ലെന്ന് പരാതികിട്ടിക്കൊണ്ടിരുന്നു. ഇതിനുവേണ്ടി ആലോചിക്കാന്‍ ഒരു കമ്മിറ്റി രൂപവത്കരിച്ച് അവരുടെ അഭിപ്രായപ്രകാരം ക്ഷേത്രങ്ങള്‍ക്ക് ആവശ്യമായ തുക സര്‍ക്കാര്‍ നേരിട്ടു നല്‍കാന്‍ മണ്‍റോ തീരുമാനിച്ചു. പകരം അവിടത്തെ സ്വത്തുക്കളും മിച്ചംവരുന്ന സ്വര്‍ണാഭരണങ്ങളും സര്‍ക്കാര്‍ ഏറ്റെടുത്തു. ഈ ആഭരണങ്ങള്‍ വിറ്റ് ഇംഗ്ലീഷ് സര്‍ക്കാറിന് തിരുവിതാംകൂര്‍ നല്കാനുള്ള കപ്പത്തുക അടയ്ക്കുകയായിരുന്നു മണ്‍റോയുടെ ഉദ്ദേശ്യം. എന്നാല്‍ ഗൗരീലക്ഷ്മീബായി ഈ ആഭരണങ്ങള്‍ ശ്രീപദ്മനാഭന്റെ ഫണ്ടില്‍ നിന്നും വിലയ്ക്കുവാങ്ങി അവിടെ സമര്‍പ്പിച്ചുവെന്ന് പറയുന്നു. ഇതും ചരിത്രകാരന്മാര്‍ പരിശോധിച്ച് തീര്‍ച്ചപ്പെടുത്തേണ്ടകാര്യമാണ്. സംഗതി എന്തായാലും വലിയ പ്രതിസന്ധികള്‍ ഉണ്ടായിട്ടുപോലും ശ്രീപദ്മനാഭന്റെ നിധിശേഖരം തൊടാന്‍ ഒരു രാജാവും തയ്യാറായില്ലെന്നത് അവരുടെ ഭക്തിയുടെ മഹത്ത്വമാണെന്ന വാദം പരക്കെ അന്ഗീകരിക്കപ്പെട്ടതാണ്.

                                                           ഇനി എന്ത്?
ക്ഷേത്ര സമ്പത്ത് ഒരു കാരണവശാലും സര്‍ക്കാരിന് വിട്ടു കൊടുക്കാന്‍ കഴിയില്ല എന്ന പ്രഖ്യാപനമാണ് ഹൈന്ദവ സംഘടനകളുടെ ഭാഗത്ത് നിന്ന് ഉണ്ടാകുന്നത്,സുപ്രീം കോടതിയുടെ പരിഗനയിലുള്ള വിഷയമായതിനാല്‍ കൂടുതലായൊന്നും പറയാന്‍ കഴിയില്ല,എങ്കിലും ഏതെങ്കിലും ഒരു ആരാധനാലയത്തിന്റെ സമ്പത്ത് പൊതു സ്വത്താക്കണം എന്ന് പറയുവാന്‍ ആര്‍ക്കും അധികാരമില്ല

[കടപ്പാട് :
https://www.facebook.com/padmanabhajayam]

ധൂക്കുഡു മൂവി റിവ്യൂ (തെലുഗു)Dhookudu Movie review

noreply@blogger.com (Baiju R Nair) — Wed, 9 Nov 2011 00:56:00 -0800

ധൂക്കുഡു മൂവി റിവ്യൂ (തെലുഗു)

=================
Genre: Comedy/Action
Type: Straight
Banner: 14 Reels Entertainment

Cast: Mahesh Babu, Samantha, Parvati Melton (SA), Sonu Sood, Kota, Sayaji Shinde, Vennela Kishore, Shravan, Ravi Prakash, Ajay, Suman, Nassar, Chandra Mohan, Supreet, Tanikella Bharani, Sudha, Pragati, Sonia etc

Music: S Thaman
Cinematography: MV Guhan / Prasad Murella
Dialogues: Kona Venkat
Story: Gopi Mohan
Editing: MR Varma
Story - screenplay - dialogues - direction: Seenu Vytla
Producer: Ram Achanta, Gopichand Achanta and Anil Sunkara
Release date: 23 September 2011

തെലുഗു സിനിമാ ലോകത്തെ എല്ലാ കളക്ഷന്‍ റെക്കോര്‍ഡുകളും കാറ്റില്‍ പറത്തുന്ന ഒരു ചിത്രത്തെ കുറിച്ചു പറയാം.തെലുഗു സിനിമയിലെ എക്കാലത്തെയും കളക്ഷന്‍ റെക്കോര്‍ഡുകള്‍ തകര്‍ത്ത പോക്കിരി എന്ന ചിത്രത്തിനു ശേഷം തുടര്‍ച്ചയായ പരാജയങ്ങള്‍ ഏറ്റു വാങ്ങാനായിരുന്നു മഹേഷ്‌ ബാബുവിന് വിധി,വന്‍ വിജയമാകുമെന്ന് പ്രതീക്ഷിക്കപ്പെട്ട അതിഥി എന്ന ചിത്രം പരാജയപ്പെട്ടതോടെയാണ് അദ്ധേഹത്തിന്റെ ദുര്‍ വിധി തുടങ്ങിയത്.എന്നാല്‍ തെലുഗു സിനിമയിലെ ഒന്നാമന്‍ താനാണെന്ന പ്രഖ്യാപനം ഒരിക്കല്‍ കൂടി നടത്തുകയാണ് മഹേഷ്‌ ബാബു ധൂക്കുഡു എന്ന ഈ ചിത്രത്തിലൂടെ.

ഇനി ചിത്രത്തിന്‍റെ റിവ്യൂവിലേക്ക് വരാം
-------------------------------
ധൂക്കുഡു മൂവി റിവ്യൂ (തെലുഗു)
=================
ചിത്രമിറങ്ങി മുപ്പത്തി നാലാം ദിവസമാണ് ഈ സിനിമ കണ്ടത് പക്ഷെ തീയറ്റര്‍ ഹൌസ് ഫുള്‍ ആയിരുന്നു,കുടുംബ പ്രേക്ഷകരുടെ ഇടയില്‍ മഹേഷ്‌ ബാബുവിനുള്ള സ്വാദീനം മനസിലാക്കുന്നതിനു ഇത് സഹായിച്ചു.
ശങ്കര്‍ നാരായന്‍ [പ്രകാശ് രാജ്]എന്ന രാഷ്ട്രീയ നേതാവിന്റെയും അയാള്‍ തന്നെ പോലെ ഒരു രാഷ്ട്രീയ നേതാവാകണം എന്ന് ആഗ്രഹിക്കുന്ന ശങ്കര്‍ നാരായണന്റെ മകന്‍ അജയ് [മഹേഷ്‌ ബാബു]യുടെയും കഥയാണ് ചിത്രം പറയുന്നത്.ചിത്രത്തിന്‍റെ ആശയം സ്വീകരിച്ചിരിക്കുന്നത് രണ്ടായിരത്തി മൂന്നില്‍ പുറത്തിറങ്ങിയ ജര്‍മ്മന്‍ സിനിമയായ ഗുഡ് ബൈ ലെനിനില്‍ നിന്നുമാണ്,വളരെ ഗൌരവത്തോടെ ഗുഡ് ബൈ ലെനിന്‍ കൈകാര്യം ചെയ്ത ഒരു വിഷയം വളരെ രസകരമായി അവതരിപ്പിക്കുകയാണ് ധൂക്കുഡുവില്‍.അച്ഛന്റെ ആഗ്രഹങ്ങല്‍ക്കനുസരിച്ചു ജീവിക്കാന്‍ കഴിയാതെ പോയ മകന്‍ അച്ഛന് വേണ്ടി ഒരു മായിക ലോകം ഉണ്ടാക്കി കൊടുക്കുന്നതാണ് സിനിമയുടെ തീം.സാമന്തയാണ് ചിത്രത്തിലെ നായിക.ആക്ഷനും കോമഡിയും സമം ചേര്‍ത്താണ് ധൂക്കുഡു ഒരുക്കിയിരിക്കുന്നതെന്ന് പറയാം.

മഹേഷ് ബാബുവിന്റെ ഇന്ട്രോടക്ഷന്‍ ആരാധകരുടെ പ്രതീക്ഷക്കൊത്തുയരുന്നു.നിശാനാ ധനാ ധനാ ഗൂന്ജെ ജോറേ..........ആരാധകരെ കൈലെടുക്കാനുള്ള നമ്പരുകള്‍ സംവിധായകന്‍ യദേഷ്ടം മഹേഷ്‌ ബാബുവിന് വേണ്ടി ഒരുക്കിയിരിക്കുന്നു,ബ്രഹ്മാനന്ദം,എംഎസ് നാരായണ തുടങ്ങിയവരും ചിത്രത്തില്‍ തിളങ്ങുന്നുണ്ട്,വില്ലന്‍ വേഷം കൈകാര്യം ചെയ്തിരിക്കുന്നത് സോനു സൂദ് ആണ്,പോക്കിരിക്ക് ശേഷം മഹേഷ്‌ ബാബുവിന്റെ മറ്റൊരു പോലിസ് വേഷം കൂടിയാണ് ധൂക്കുഡുവിലെത്,ചുരുക്കത്തില്‍ പൈസ മുതലാക്കാവുന്ന ഒരു ചിത്രമാണ് ധൂക്കുഡു.സ്ഥിരമായി കാണുന്ന തരത്തിലുള്ള കഥയാണ് ചിത്രത്ത്തിന്റെത്,പതിവ് തെലുഗു സിനിമകളുടെ ശൈലിയില്‍ നിന്ന് വ്യെത്യാസമൊന്നുമില്ല,എങ്കിലും പ്രിന്‍സ് എന്ന തന്‍റെ വിളിപ്പേര് അന്വര്‍ത്ഥമാക്കുകയാണ് മഹേഷ്‌ ബാബു,ആരാധകരുടെ ആവേശം അതിനു തെളിവാണ്

Verdict :Megahit

Rating:Critics : 2.5/5,Aud :3.5/5

[ആറാമിന്ദ്രിയം :-
ഒരു ആവെരെജ് സിനിമ ആയിരുന്നിട്ടു പോലും പോക്കിരി മഗധീര തുടങ്ങിയ സിനിമകളുടെ കളക്ഷന്‍ റെക്കോര്‍ഡുകള്‍ ഭേധിചിരിക്കുകയാണ് ചിത്രം.ഇതെങ്ങനെ സംഭവിച്ചു എന്ന് നോക്കാം
-----------------------------------------------------
1]മഹേഷ്‌ ബാബുവിന്റെ ഒരു ചിത്രത്തിനു വളരെ കാലത്തിനു ശേഷം ലഭിച്ച നെഗറ്റീവ് അല്ലാത്ത ടോക് ആരാധകരെ ആവേശത്തിലാക്കി അതൊരു നിര്‍ണ്ണായക ഘടകമായി
2]റിലീസ് സമയം ചിത്രത്തെ സഹായിച്ചു
3]ചിത്രത്തിന്‍റെ ഉജ്ജ്വലമായ പ്രൊമോഷന്‍
4]മഹേഷ്‌ ബാബു ക്യാമ്പിനു തീയറ്റര്‍ ഉടമകളുമായുള്ള ബന്ധം
5]കുടുംബ പ്രേക്ഷകര്‍ക്കിടയില്‍ മഹേഷ്‌ ബാബുവിനുള്ള പിന്തുണ]

മലയാള സിനിമ ആക്രമിക്കപ്പെടുന്നു [Attack on Malayalam Movies]

noreply@blogger.com (Baiju R Nair) — Sun, 6 Nov 2011 07:58:00 -0800

മലയാള സിനിമ,ചരിത്രത്തില്‍ മുന്‍പെങ്ങും നേരിടേണ്ടി വന്നിട്ടില്ലാത്ത തരത്തിലുള്ള ഒരു ആക്രമണം ഇരന്നു വാങ്ങുകയാണ്.നമ്മുടെ സിനിമാ ലോകം എന്ന് പറയുന്നതില്‍ തന്നെ ആക്രമിക്കപ്പെടാനുള്ള സാധ്യതകള്‍ പതിയിരിക്കുന്നു.കാരണം നമ്മുടെ സിനിമാ ലോകം എന്നൊന്ന് ഇപ്പോള്‍ നിലവിലില്ല,ഇതര ഭാഷാ ചലച്ചിത്രങ്ങളുമായോ ലോക സിനിമയുമായോ തന്നെ നമ്മുടെ പ്രേക്ഷകര്‍ ബന്ധിപ്പിക്കപ്പെട്ടിരിക്കുന്നു,എന്തും സ്വീകരിക്കാന്‍ മടി കാണിക്കാത്ത മലയാളികളുടെ മനസ് നമ്മുടെ സിനിമയുടെ ശവപ്പെട്ടിയില്‍ അടിക്കുന്ന അവസാനത്തെ ആണിയായി മാറുകയാണോ? പരിശോധിക്കേണ്ടിയിരിക്കുന്നു

നിങ്ങള്‍ക്കറിയാമോ ?

----------------
1]ചൈനയില്‍ 20 വിദേശ ഭാഷ ചിത്രങ്ങള്‍ക്ക് മാത്രമാണ് പ്രദര്‍ശനാനുമതി നല്‍കുന്നത്

2]കേരളത്തിലെ 80 ശതമാനം തീയറ്ററിലും ഇപ്പോള്‍ അന്യ ഭാഷാ ചിത്രങ്ങളാണ് പ്രദര്‍ശിപ്പിച്ചു കൊണ്ടിരിക്കുന്നത്
ദീപാവലി റിലീസായി ഒരു മലയാള സിനിമ പോലും കേരളത്തില്‍ ഇറങ്ങിയില്ല

3]വിജയ്‌,സൂര്യ,അല്ലു അര്‍ജുന്‍ തുടങ്ങിയ അന്യ ഭാഷാ നായകന്മാരുടെ ചിത്രങ്ങളുടെ വരുമാനത്തിന്‍റെ 25 ശതമാനം കേരളത്തില്‍ നിന്നാണ് വരുന്നത്,ഇതില്‍ തന്നെ വിജയ്‌യുടെ പോക്കിരി [അഞ്ചു കോടി] എന്ന ചിത്രത്തിനു ശേഷം വന്ന ചിത്രങ്ങളുടെ വരുമാനത്തിന്‍റെ 30 ശതമാനവും കേരളത്തില്‍ നിന്നാണ് ലഭിക്കുന്നത്

4]തമിഴ് സിനിമയില്‍ വന്‍ റിലീസുകള്‍ ഉണ്ടാകുന്ന സാഹചര്യം മുതലാക്കിയാണ് ഒരു വിഭാഗം തീയറ്റര്‍ ഉടമകള്‍ സമരത്തിലേക്ക് കടക്കുന്നത്,ഈ സമരം എല്ലാ സിനിമകള്‍ക്കും എതിരായല്ല മലയാള സിനിമക്ക് മാത്രം ബാധകമായ ഒന്നാണ് എന്ന് പ്രേക്ഷകര്‍ തിരിച്ചറിയണം

5]കേരളത്തിലെ വിപണിയുടെ സാധ്യതകള്‍ മനസിലാക്കിയ അന്യ ഭാഷാ നടന്മാര്‍ നമ്മുടെ ആസ്വാദകരെ നിരാശരാക്കാതിരിക്കാന്‍ ശ്രദ്ധിക്കുന്നുണ്ട്.ഏഴാം അറിവ് റിലീസ് നു ശേഷം സൂര്യ ആദ്യം നല്‍കിയ അഭിമുഖങ്ങളിലോന്നു ഏഷ്യാനെറ്റ് ന്യൂസില്‍ ആണ് വന്നത്,വിജയ്‌ യും ആരാധകരെ നിരാശരാക്കിയില്ല,കഴിഞ്ഞ കുറച്ചു കാലങ്ങളായി വിജയ്‌ ചിത്രങ്ങളുടെ ചില ഭാഗങ്ങള്‍ കേരളത്തില്‍ വെച്ചാണ് ഷൂട്ട്‌ ചെയ്യാറുള്ളത്,അതിന്‍റെ അവസാന ഉദാഹരണം വേലായുധം എന്ന ചിത്രത്തിലെ കൊച്ചി അന്താരാഷ്‌ട്ര ഗ്രൗണ്ടില്‍ നൂറു കണക്കിന് ആളുകളെ സാക്ഷിയാക്കി ചിത്രീകരിച്ച ക്ലൈമാക്സ് രംഗം ആണ്

6]മറ്റു സംസ്ഥാനങ്ങളില്‍ അന്യ ഭാഷാ ചിത്രങ്ങള്‍ റിലീസ് ചെയ്യുമ്പോള്‍ നല്‍കേണ്ട ടാക്സ് കേരളത്തില്‍ നല്‍കേണ്ടതില്ല

7]മലയാള സിനിമയുടെ അവസ്ഥ മറാത്തി സിനിമാ ലോകവുമായി താരതമ്യം ചെയ്യണം ,ഹിന്ദി സിനിമയുടെ മുപ്പതു ശതമാനവും വരുമാനം മുംബൈ സര്‍ക്കിളില്‍ നിന്നാണ് അതായത് ബോഡി ഗാര്‍ഡ് പോലെയുള്ള ചിത്രങ്ങള്‍ മുംബൈ സര്‍ക്കിളില്‍ നിന്ന് ആദ്യ ദിവസം നേടിയത് ഏഴു കോടിയോളം രൂപയാണ്,പക്ഷെ ഒരു മറാത്തി സിനിമ ഒരു മാസം കൊണ്ട് അത്രയും തുക നേടിയാല്‍ അതൊരു വന്‍ വിജയമാകും,പക്ഷെ ഹിന്ദി സിനിമയുടെ ആധിപത്യം മറാത്തി സിനിമയെ തകര്‍ത്തു കളഞ്ഞു,നമ്മളും അതേ വഴിയില്‍ സഞ്ചരിക്കുകയാണോ

[വേലായുധം റിവ്യൂ] VELAYUTHAM REVIEW

noreply@blogger.com (Baiju R Nair) — Wed, 26 Oct 2011 05:33:00 -0700

Directed by     M. Raja
Produced by     Venu Ravichandran
Screenplay by     M. Raja
Starring :

Vijay,
Saranya Mohan,
Genelia Dsouza,
Hansika Motwani,
Santhanam,
Soori,
Abhimanyu Singh
Etc.

Music by     Vijay Antony
Cinematography     Priyan
Editing by     V. T. Vijayan
Studio     Aascar Films
Distributed by     Aascar Films
Ayngaran International
Release date    26 October 2011
Running time     160 minutes
Country     India
Language     Tamil
Budget     INR45 crore (US$10.04 million)

                                                    എല്ലാ തരത്തിലും ഒരു വിജയ്‌ ചിത്രമാണ് വേലായുധം,പച്ച മലയാളത്തില്‍ കാശ് മുതലാവുന്ന പടം എന്ന് പറയാം,ടിക്കെറ്റെടുത്ത് പടം കാണാന്‍ കയറുന്ന ആരാധകരെ ഒരു തരത്തിലും ചിത്രം നിരാശപ്പെടുത്തുന്നില്ല,ആരാധകരുടെ ആവേശം വാനോളം ഉയര്‍ത്തുന്ന ദൃശ്യങ്ങള്‍ ചിത്രത്തിന്‍റെ പ്രത്യേകതയാണ്.തന്‍റെ സഹോദരിയുടെ വിവാഹ ആവശ്യങ്ങള്‍ക്കായി ചെന്നൈ നഗരത്തിലെത്തുമ്പോള്‍ വേലു അറിഞ്ഞിരുന്നില്ല കാലം തനിക്കായി കാത്തു വെച്ചിരിക്കുന്നത് എന്താണെന്ന്,രാജ്യ ദ്രോഹ ശക്തികള്‍ പിടി മുറുക്കുമ്പോള്‍ അതിനെതിരെ ഒരു ദൈവദൂതനെ പോലെ പോരാടുകയായിരുന്നു അയാളുടെ ദൌത്യം.വേലുവില്‍ നിന്ന് വേലായുധത്തിലെക്കുള്ള അയാളുടെ വളര്‍ച്ചയില്‍ അയാള്‍ക്ക്‌ നേരിടേണ്ടി വരുന്ന പ്രശ്നങ്ങള്‍ അതാണ്‌ ഈ സിനിമയുടെ തീം.അധികമൊന്നും പുതുമകള്‍ അവകാശപ്പെടാനില്ലാത്ത ഈ തീം ഒരു സിനിമയായി വന്നപ്പോള്‍ സംവിധായകന്‍ പ്രകടിപ്പിച്ച സര്‍ഗ ശേഷിയാണ് ചിത്രത്തിന്‍റെ ഹൈ ലൈറ്റ്.ചിത്രത്തില്‍ വിജയുടെ നായികമാരായി എത്തുന്നത് ജെനീലിയ,ഹന്‍സിക എന്നിവരാണ്,മലയാളി താരം ശരണ്യ മോഹന്‍ വിജയുടെ പെങ്ങളായി എത്തുന്നു.

              പതിഞ്ഞ താളത്തില്‍ സഹോദരി സഹോദരന്മാരുടെ കുടുംബ ബന്ധങ്ങളെ പ്രതി പാദിച്ചു കൊണ്ട് തുടങ്ങുന്ന ചിത്രം,ആദ്യ ഇന്റെര്‍വെല്‍ ആകുമ്പോഴേക്കും വന്യമായ വേഗം പ്രാപിക്കുന്നു,ഇന്റര്‍വെലിനു ശേഷം ചിന്തിക്കാന്‍ പോലും സമയം നല്‍കാതെ ഒരു പ്രത്യേക പാലസ് പ്രകടിപ്പിക്കുന്നുണ്ട്,ചിത്രത്തിന്‍റെ വേഗം നിയന്ത്രിക്കുന്നതില്‍ സംവിധായകന്‍ വിജയിച്ചിരിക്കുന്നു,ഇതില്‍ രണ്ടാം പകുതിയിലെ ഒരു ട്രെയിന്‍ സീക്വന്‍സ് എടുത്തു പറയേണ്ടതാണ് .വിജയ്‌ ഫാന്‍സിനെ ആവേശ ത്തിന്‍റെ പര കോടിയില്‍ എത്തിക്കുന്ന വേറെയും ചില രംഗങ്ങള്‍ ചിത്രത്തിലുണ്ട്,ചിത്രം അവസാനിക്കുന്ന ലാസ്റ്റ് സ്റ്റില്‍ അടക്കം,മാസ് എന്ന് പറയാവുന്ന തരത്തില്‍ ആളുകള്‍ പങ്കെടുത്ത ഒരു ക്ലൈമാക്സ് അടുത്ത കാലത്ത്തുണ്ടായിട്ടില്ല,ഗാനങ്ങള്‍ ഉന്നത നിലവാരം പുലര്‍ത്തുന്നു എന്ന് പറയുവാന്‍ ആകില്ലെങ്കിലും ചിത്രീകരണ മികവു കൊണ്ട് ആ പരിമിതികള്‍ മറികടക്കാന്‍ കഴിഞ്ഞിട്ടുണ്ട്,അഭിനേതാക്കള്‍ അവരുടെ വേഷങ്ങള്‍ ഭംഗിയായി കൈകാര്യം ചെയ്തിരിക്കുന്നു.ക്ലൈമാക്സില്‍ ഒരു നല്ല മെസേജു കൊടുക്കുവാനും അണിയറ പ്രവര്‍ത്തകര്‍ക്ക് കഴിഞ്ഞിട്ടുണ്ട്,ആഘോഷമായി കാണുവാന്‍ കഴിയുന്ന എല്ലാ ചേരുവ കളുമടങ്ങിയ ഒരു പക്കാ എന്റര്‍ടൈനെര്‍ ആണ് വേലായുധം

Rating-8/10
Verdict -Super Hit

[Note:
വീണ്ടും പഴയകാല ഓര്‍മ്മകള്‍ ഉണര്‍ത്തി കൊണ്ട് താര സിനിമകള്‍ ഏറ്റു മുട്ടുന്ന കാഴ്ചയാണ് നമ്മുടെ തീയറ്ററുകളില്‍ കാണുവാന്‍ സാധിക്കുന്നത്,പുതിയ മലയാളം റിലീസുകള്‍ ഇല്ലാതെ ഒരു ദീപാവലി കടന്നു വരുമ്പോള്‍ നമ്മുടെ പ്രേക്ഷകര്‍ മറ്റു ഭാഷാ ചിത്രങ്ങള്‍ക്ക് കൈയടിക്കുന്നു ]

എന്‍റെ കവിത-കവിത[അനില്‍ കുരിയാത്തി ]Ente Kavitha-Poem[Anil Kuriyaththi]

noreply@blogger.com (Baiju R Nair) — Mon, 24 Oct 2011 01:24:00 -0700

അവളെത്ര
സുന്ദരിയാണെന്നോ ?

കസ്തൂരി പൂക്കുന്ന
തിരുനെറ്റി തടത്തിലാണ്
ഇന്നലെയീ കടല്‍കിഴവന്‍
സീമന്തം തൊട്ടത്‌ ...

ഇപ്പോള്‍
വൃഷ്ട്ടി വര്‍ഷങ്ങളില്‍
നിറഞ്ഞു തുളുമ്പാറുണ്ട്
ആ നക്ഷത്ര കണ്ണുകള്‍

അവളുടെ
തുടയിടുക്കുകളിലേക്കാണ്
കന്നി മാസങ്ങളില്‍
ശ്വാനമോഹങ്ങള്‍ ..
ഉരുകിയൊലിച്ചെത്തുന്നത്

പൊള്ളി പിടയാറുണ്ട് ,
ഉന്മത്തദാഹങ്ങളുടെ
ചാട്ടുളിതുമ്പിലാ
സഹന നൊമ്പരം

അവളിലേക്കൊന്നു,..
ഓടിയെത്താന്‍
ഉരുണ്ടു പിരളാന്‍
പുണര്‍ന്നുറങ്ങാന്‍ ,...

ഹൃദയപ്രാന്തങ്ങളി-
ലെവിടെയോ
പ്രണയ ദൂരമളന്നൊരു
നിലാ മധുരം
തിളച്ചു തൂവുന്നുണ്ട്

സ്വപ്നങ്ങളില്‍ നിന്നും
ഒരാചാര
വെടിശബ്ദ്ധം കേട്ട്
ഞെട്ടി ഉണര്‍ന്നതാ
പട്ടില്‍ പൊതിഞ്ഞു
പൊതുദര്‍ശനത്തിനു
വച്ചിരിക്കുന്നു

'എന്റെ കവിതയുടെ
മരവിച്ച പ്രാണനെ'

ഇന്നലെ ...
കൈഞരമ്പറുത്തു
മരിച്ചുവത്രേ

പിഞ്ചിയ ഹൃദയത്തിലേക്ക്
ഇപ്പോഴുമവര്‍
ആചാരവെടിയുതിര്‍ത്തുകൊണ്ടിരിക്കുന്നൂ
-------------------------------------------

അനില്‍ കുരിയാത്തി: പരിചയപ്പെടുത്തലുകള്‍ ആവശ്യമില്ലാത്ത വ്യെക്തിത്വം, ഓണ്‍ലൈന്‍ ലോകത്തു നിന്നും ഒരു പിടി പ്രതിഭകളെ മലയാള സാഹിത്യത്തിനു നല്‍കിയ "ശ്രുതിലം" എന്ന ഓണ്‍ലൈന്‍ കൂട്ടായ്മയുടെ അമരക്കാരന്‍.ഇന്ത്യയൊട്ടാകെയും ഗള്‍ഫ് രാജ്യങ്ങങ്ങളടക്കം വിദേശത്തും പ്രവര്‍ത്തനം നടത്തി കൊണ്ടിരിക്കുന്ന രീതിയില്‍ ഈ കൂട്ടായ്മയെ വളര്‍ത്തി എന്നതാണ് അദ്ദേഹം മലയാള സാഹിത്യത്തിനു നല്‍കിയ ഏറ്റവും വലിയ സംഭാവന.തിരുവനന്തപുരം നഗരത്തിലെ സാഹിത്യ വേദികളില്‍ അനില്‍ കുരിയാത്തി ഒരു അനിവാര്യതയാണ്
Phone : 9037509585

ABHAMGURAM [അഭംഗുരം] Malayalam Short Film

noreply@blogger.com (Baiju R Nair) — Mon, 24 Oct 2011 00:52:00 -0700

പ്രതീക്ഷകളോ മുന്‍വിധികളോ ഒന്നുമില്ലാതെയാണ് അഭംഗുരം കാണുവാന്‍ ഇരുന്നത്,വളരെ നല്ല ഒരു ശ്രമം ചിത്രത്തില്‍ പ്രകടമാണ്,ഇനി ഈ ശ്രമം എത്രത്തോളം വിജയിച്ചു എന്ന് പരിശോധിക്കാം
ടൈറ്റില്‍ അല്ലെങ്കില്‍ ചിത്രത്തിന്‍റെ അഭംഗുരം എന്ന പേര് ഈ ഷോര്‍ട്ട് ഫില്മിന്റെ സ്വഭാവം പ്രതിഫലിപ്പിക്കുന്നു,ടൈറ്റില്‍ ഇത്തരം സിനിമകളുടെ ഭാവിയെ തന്നെ ബാധിക്കുന്നു എന്നതാണ് സത്യം,അതിന്‍റെ വിശദാമ്ശങ്ങളിലേക്ക് കടക്കുന്നില്ല,ഈ ഒരു ചിത്രത്തിന്‍റെ കാര്യത്തില്‍ ഒരു തൊണ്ണൂറു ശതമാനത്തോളം വിജയം കൈവരിക്കാന്‍ അണിയറ പ്രവര്‍ത്തകര്‍ക്ക് കഴിഞ്ഞിട്ടുണ്ട്.ഒരു ഹോസ്പിറ്റലില്‍ നിന്ന് തുടങ്ങുന്ന ഈ ചിത്രം പറഞ്ഞു പോകുന്നത് അവിടെ അഡ്മിറ്റ്‌ ചെയ്യപ്പെട്ട ഒരാളുടെ വിഭ്രമാത്മകമായ കഥയാണ്.അഭിനേതാക്കളുടെ കാര്യമെടുത്താല്‍ ഏതാണ്ടെല്ലാവരും അഭിനയത്തില്‍ വേണ്ട രീതിയിലുള്ള മിതത്വം പ്രകടിപ്പിച്ചിരിക്കുന്നു,നല്ല എഡിറ്റിംഗ്,ദൃശ്യങ്ങളും നന്നായിട്ടുണ്ട് എങ്കിലും ചില രംഗങ്ങളില്‍ ഒരു സെപിയ ടോണ്‍ കൊടുത്തിരുന്നുവെങ്കില്‍ ചിത്രത്തിന്‍റെ യദാര്‍ത്ഥ അസ്വാദനാനുഭവം ലഭിക്കുമായിരുന്നു എന്നൊരു അഭിപ്രായമുണ്ട്.,കഥയുടെ പരിണാമത്തില്‍ ചില ദൃശ്യങ്ങള്‍ അതിലുപയോഗിച്ചിരിക്കുന്ന പ്രോപെര്ടികള്‍ എല്ലാം എടുത്തു പറയേണ്ടവയാണ്,ഒരു വെളുത്ത പശ്ചാത്തലത്തില്‍ ഇരുവശത്തും നില്‍ക്കന്ന ജീവിതത്തെയും മരണത്തെയും വെളുപ്പ്‌,കറുപ്പ് എന്നീ നിറങ്ങളുള്ള കൊസ്ട്യൂമുകളിലൂടെ വെത്യസ്തമാക്കിയിരിക്കുന്നു എന്നൊരു വ്യാഖ്യാനം നല്‍കാം. ചിത്രത്തില്‍ ആദ്യം ശ്രധ്ധയാകര്ഷിക്കുന്നത് ചിത്രത്തിന്‍റെ ഓഡിയോ ട്രാക്ക് ആണ്,ചിത്രത്തിന്‍റെ പള്‍സ് നിയന്ത്രിക്കുന്നതില്‍ അതൊരു പ്രധാന ഘടകമാണ്,ക്ലൈമാക്സ് രംഗങ്ങളെ കുറിച്ചു ഇപ്പോള്‍ അധികം പറയുന്നില്ല,ഒരു നല്ല ആശയം പ്രകടമാക്കുന്നു എന്ന് മാത്രം പറയാം ,ചുരുക്കത്തില്‍ നല്ലൊരു അനുഭവം തന്നെ ആയിരുന്നു അഭംഗുരം എന്ന ഈ സിനിമ,ഒരേ ഒരു പരാതി ദൈര്ഘ്യം ഒന്ന് രണ്ടു മിനിട്ടുകള്‍ കുറച്ചിരുന്നെങ്കില്‍ നന്നായിരുന്നു എന്നതാണ് പക്ഷെ അതെവിടെ സാധിക്കുമായിരുന്നു എന്ന് പറയുവാന്‍ കഴിയുന്നില്ല,ഇത്തരം ശ്രമങ്ങളെ നാം ഓരോരുത്തരും പ്രോത്സാഹിപ്പിക്കേണ്ടതുണ്ട് എന്ന് പറഞ്ഞു കൊണ്ട് നിര്‍ത്തുന്നു [Baiju R Nair]

---------------------------------------------------------------------

{STORY: ABDUL SALAM

CINEMATOGRAPHY :ROBIN BR ,RAGESH

EDITING:SARIN KRISHNA

ART:SREELESH R.M

MUSIC :ABDUL RASHEED

SOUND EFX:PRASANTH NAIR

SOUND ENGINEER :SHAZ ABDULLA

PRODUCED BY:ABDUL SALAM,SARIN RAVI

SCREENPLAY DIALOGUE & DIRECTION :SARIN &SALAM}

മൂന്നു കവിതകള്‍ -കവിത[ഹരിശങ്കര്‍ കര്‍ത്താ ]Moonnu Kavithakal-Poem[Harisankar Karththa]

noreply@blogger.com (Baiju R Nair) — Mon, 24 Oct 2011 00:03:00 -0700

1.കഴപ്പ്
------
വസന്തം ചെറിമരങ്ങളോട് ചെയ്യുന്നത്
എനിക്ക് മൊബൈലില്‍ പകര്‍ത്തണം

2. ആസക്തി
---------
നിന്നെ കുറിച്ചുള്ള ഓര്‍മ്മകള്‍...
ഭാ!! എന്‍റെ പട്ടിയ്ക്ക് പോലും വേണ്ട..

എനിക്ക്
നിന്നെ മതി...ഉമ്മ!!!

3. അപകടം
---------
പട്ടിക്കൂടെന്നറിയാതെയാണ് നിന്റെ ഹൃദയം തുറന്നു നോക്കിയത്.
ഇപ്പോള്‍ നിന്‍റെ സ്നേഹം എന്നെ ഓടിച്ചിട്ട് കടിക്കുന്നു.

-----------------------------------------------------------------

ഹരിശങ്കര്‍ കര്‍ത്താ :തീക്ഷ്ണവും നൂതനുവുമായ ആശയങ്ങള്‍ ഉള്ളില്‍ പേറുന്ന യുവത്വത്തിന്‍റെ കൈയൊപ്പാണ് ഇദേഹത്തിന്റെ രചനകള്‍ ,ചെട്ടികുളങ്ങര ആണ് ഇദേഹത്തിന്റെ സ്വദേശം

വിലാസം
----------

Anacode,
Kaitha south,
Chettikulangara,
Mavelikkara,
Phone:9037272245

ഞാനെന്ന ഞാന്‍-കവിത [ഹരിദ് ശര്‍മ്മ കെ]Njanenna Njan-Poem[Harid]

noreply@blogger.com (Baiju R Nair) — Sun, 23 Oct 2011 11:53:00 -0700

ആരായാലും

ഏതായാലും

എന്തായാലും

എങ്ങനെയായാലും

എപ്പോളായാലും

എന്തിലായാലും

ഞാനെന്ന ഞാന്‍

ഞാനായിരിക്കും .

ഞാനെന്ന ഞാന്‍ ഇല്ലാതെ ,

പിന്നെന്തു ഞാന്‍ .?

ഞാനെന്ന ഞാന്‍ ഇല്ലാതെ ,

പിന്നെവിടെ ഞാന്‍ ?

ഞാനെന്ന ഞാന്‍ ഇല്ലാതെ ,

പിന്നെങ്ങനെ ഞാന്‍..?

ഞാനെന്ന ഞാന്‍ ഇല്ലാതെ ,

പിന്നെപ്പോഴാണ് ഞാന്‍ ?

എന്നാല്‍

ഞാനെന്ന ഞാന്‍ ഒന്നല്ല ..

ഞാനറിയുന്ന ഞാനും,

പിന്നെ ഞാനറിയാത്ത ഞാനും.!
-------------------------------

ഹരിദ് ശര്‍മ്മ കെ :ഓണ്‍ലൈന്‍ കൂട്ടായ്മകളില്‍ പരിചയപ്പെടുത്തലുകള്‍ ആവശ്യമില്ലാത്ത സാന്നിധ്യം,സരളവും താളാത്മകവുമായ രചനാ രീതി കൊണ്ട് യുവ കവികളില്‍ ശ്രദ്ധേയന്‍, കോഴിക്കോട് സ്വദേശിയാണ് ഇദ്ദേഹം

ഇഷ്ടം -കവിത [ജംഷിദ് എരമംഗലം]

noreply@blogger.com (Baiju R Nair) — Sat, 22 Oct 2011 07:57:00 -0700

ഈറനില്‍
ഒതുക്കിക്കെട്ടിയ
മുടിക്കെട്ടില്‍പ്പെടാതെ
ചിതറിവീഴുന്ന ജലത്തുള്ളിയെ

അടുക്കളത്തിരക്കില്‍
അടിവയറ്റിലേക്ക്
തെറുത്തുവെക്കുന്ന സാരിത്തലപ്പിനെ

കിടപ്പറയില്‍ മാറിക്കിടക്കുമ്പോള്‍
അതിരിട്ടുപുതയ്ക്കുന്ന
ബെട്ഷീറ്റിനെ

എന്‍റെ ചൂഴ്ന്ന നോട്ടത്തില്‍ പെട്ട്
നാണമാര്‍ന്നോഴിയുന്ന
അവളുടെ കണ്ണുകളെ

ഇഷ്ടം ........

അടുപ്പിലൂതി
കണ്ണു നിറയുമ്പോള്‍,
വിരലിലൂന്നി
എന്തിനില്‍ക്കുമ്പോള്‍

പിണക്കത്തിനു മുമ്പ്
മുഖം തിരിഞ്ഞു
പരാതി പറയുമ്പോള്‍

അബദ്ധത്തിന്‍
നഖപ്പാടുകളെ
ചുമ്പിച്ചുണര്‍ത്തുമ്പോള്‍

ഇടി വെട്ടുന്ന രാത്രിയില്‍
ഭയം
സ്നേഹമായ് പെയ്യുമ്പോള്‍

അവളെ,
സൂചിമുനയേക്കാള്‍
കൂര്‍ത്ത മൗനം ശീലിച്ചവളെ
ഏറെ ഇഷ്ടം............

-------------------------------------------

[ജംഷിദ് എരമംഗലം [ജംഷി]:വളര്‍ന്നു വരുന്ന യുവ കവികളിലെ ശ്രദ്ധേയ സാന്നിധ്യം,കോഴിക്കോട് സ്വദേശിയാണ്.ചേമ്പിലയിലെ രണ്ടു മഴത്തുള്ളികള്‍ , താരാട്ട് പോലെ ചിലത് ,പെയിന്റടിക്കുന്നവന്റെ കുപ്പായം,ഗ്ലോബിലെ വരകള്‍ എന്നിവയാണ് പ്രധാന കവിതകള്‍ ]

Jamshid T

Thaithottathil (h)

Eramangalam PO

Balussery

Phone: 9961437080

പരലോകവും പുനര്‍ജന്മവും [ആചാര്യ നരേന്ദ്ര ഭൂഷണ്‍ ]

noreply@blogger.com (Baiju R Nair) — Sat, 22 Oct 2011 00:09:00 -0700

പരലോകവും പുനര്‍ജന്മവും [ആചാര്യ നരേന്ദ്ര ഭൂഷണ്‍ ]

അവതാരിക : സക്കറിയ

ഡി സി ബുക്സ്

ഹൈന്ദവ വിശ്വാസമനുസരിച്ച് എന്ന പേരില്‍ നില നില്‍ക്കുന്ന മരണാനന്തര ലോകം എന്ന സങ്കല്‍പ്പത്തെയും അതെ ചുറ്റിപറ്റി നില്‍ക്കുന്ന അന്ധ വിശ്വാസങ്ങളെയും അതേ ഹൈന്ദവ വിശ്വാസ പ്രമാണങ്ങളായ വേദ,ഉപനിഷത്ത് വിശകലനങ്ങള്‍ ഉപയോഗിച്ചു തകിടം മറിച്ചു കൊണ്ട്,നിത്യ നൂതനവും ശാസ്ത്ര സങ്കല്പ്പങ്ങളോട് അടുത്ത് നില്‍ക്കുന്നതുമായ ഒരു ചിന്ത പ്രകടിപ്പിക്കുകയാണ് ആചാര്യ നരേന്ദ്ര ഭൂഷണ്‍ തന്‍റെ വിഖ്യാത കൃതിയായ പരലോകവും പുനര്‍ജന്മവും എന്ന രചനയിലൂടെ

                                                                             ഈ കൃതിയ്ക്ക് അവതാരിക എഴുതുന്ന പ്രമുഖ സാഹിത്യകാരന്‍ സക്കറിയ ഇങ്ങനെ പറയുന്നു "ആചാര്യ നരേന്ദ്ര ഭൂഷന്റെ ഈ അമൂല്യമായ ഗ്രന്ഥത്തിനു അവതാരികാ കര്‍ത്താവാകാന്‍ കഴിഞ്ഞത് എനിക്ക് ലഭിച്ച അസാധാരണ ബഹുമതിയായി ഞാന്‍ വിലമതിക്കുന്നു.മനുഷ്യത്വത്തിന്റെ സന്ദേശമാണ് - ആധ്യാത്മിക കടും ചായങ്ങള്‍ പുരട്ടിയ സ്വപ്ന ലോകങ്ങളിലെക്കുള്ള ക്ഷണമല്ല -ഈ ഗ്രന്ഥത്തില്‍ മുഴങ്ങുന്നത് "

                                                                            സകാമ കര്‍മ്മങ്ങള്‍ ചെയ്യുന്നവര്‍ മരണ ശേഷം പ്രാപിക്കുന്ന അവസ്ഥകളെ ആചാര്യ നരേന്ദ്ര ഭൂഷണ്‍ വിശകലനം ചെയ്യുന്നതിങ്ങനെ

ധൂമ ദശ
രാത്രിവത്ദശ
കൃഷ്ണപക്ഷീയദശ [അപരപക്ഷീയദശ]
ദാക്ഷിണായിനിദശ [ക്ഷാണ്‍മാസികദശ]
പൈതൃകദശ
ആകാശീയദശ
ചാന്ദ്രമസീദശ

ഇവയൊന്നും ഏതെങ്കിലും ലോകവുമായി ബന്ധപ്പെട്ട സങ്കേതങ്ങളല്ല,ആത്മ തേജസിന്റെ അളവ്കോലുകള്‍ ആണ്.യുക്തി ഭദ്രമായ ഇത്തരം വിശകലങ്ങള്‍ കൊണ്ട് ഭൌതിക ലോകത്തില്‍ പരേതാത്മാക്കള്‍ നടത്തുന്നു എന്ന് പറയപ്പെടുന്ന ഇടപെടലുകളെ നിരസിക്കുകയും കാല ചക്രത്തിന്റെ അനിവാര്യതകളെ പ്രകടിപ്പിക്കുകയും ചെയ്യുന്നു രചയിതാവ് ഈ കൃതിയിലൂടെ.

                                                                          സാമ്പ്രദായിക രചനാ സങ്കല്‍പ്പങ്ങളെ നിരാകരിച്ചു കൊണ്ട് സത്സംഗ രൂപത്തിലാണ് രചന നിര്‍വഹിക്കപ്പെട്ടിട്ടുള്ളത്.അമൂല്യങ്ങളായ വേദ ഉപനിഷത്ത് വിശകലനങ്ങളാല്‍ സമ്പന്നമാണ് രചന.സംശയങ്ങളെ പ്രോത്സാഹിപ്പിച്ചു കൊണ്ട് അതിനുത്തരം നല്‍കുന്ന രചനാ രീതി,വികലമായ വിശകലനങ്ങള്‍ മൂലം ഇരുണ്ടു പോയ ഹൈന്ദവ സങ്കല്‍പ്പങ്ങളെ തേച്ചു മിനുക്കിയെടുക്കുകയാണ് രചയിതാവ് ചെയ്തത്,രചന അവസാനിക്കുമ്പോള്‍ ഈ സംസ്കാരത്തിന്റെ ആശയങ്ങള്‍ സ്വര്‍ണ്ണം പോലെ തിളക്കമുള്ളതാകുന്നു.ഈ ശ്രേണിയില്‍ ഇന്ന് മലയാളത്തില്‍ ലഭ്യമായ ഏറ്റവും മികച്ച രചന എന്ന് 'പരലോകവും പുനര്‍ജന്മവും' എന്ന ഈ കൃതിയെ വിശധീകരിക്കാം,ഏതൊരാളും വായിച്ചിരിക്കേണ്ട ഒരു കൃതിയാണിത്.

                  ആചാര്യ നരേന്ദ്ര ഭൂഷണ്‍


1937ല്‍ ചെങ്ങന്നൂരില്‍ ജനിച്ചു ,1970 മുതല്‍ ആര്‍ഷ നാദം വൈദിക മാസിക ആരംഭിച്ചു ,ബാലാ ഗംഗാധര തിലകന്‍റെ ഗീതാ രഹസ്യം തര്‍ജമ ചെയ്തു ,ചതുര്‍ വേദ സംഹിത ,സത്യാര്‍ത്ഥപ്രകാശം,പുരൂരവസ്സും ഉര്‍വശിയും,വേദ പര്യടനം,യോഗേശ്വരനായ കൃഷ്ണന്‍ തുടങ്ങിയവ മുഖ്യ കൃതികള്‍ ,ആദ്യത്തെ അമൃത കീര്‍ത്തി പുരസ്കാരം [2001]നേടി.2009ല്‍ തന്‍റെ ആചാര്യ പദവി നിരസിച്ചു കൊണ്ട് ശ്രദ്ധേയനായി.2010 നവംബര്‍ 16 ന് . 73ആം വയസില്‍ അന്തരിച്ചു.

എഴുതി തീരാത്ത ഗാനം പോലെ മുല്ലനേഴി

noreply@blogger.com (Baiju R Nair) — Fri, 21 Oct 2011 22:47:00 -0700

ഒല്ലൂര്‍ ആവണിശേരിയില്‍ മുല്ലനേഴി മനയിലാണ് മുല്ലനേഴി നീലകണ്ഠന്‍ നമ്പൂതിരിയുടെ ജനനം. ഞാവല്‍‌പ്പഴങ്ങള്‍ എന്ന സിനിമയിലെ ‘കറുകറുത്തൊരു പെണ്ണാണ്’ എന്ന പാട്ടിലൂടെയാണ് മുല്ലനേഴി ജനശ്രദ്ധ നേടിയത്. രഞ്ജിത്തിന്റെ ഇന്ത്യന്‍ റുപ്പിയ്ക്ക് വേണ്ടിയാണ് അവസാനം പാട്ടെഴുതിയത്. ‘ഇതിലെ ഈ പുഴയും’ എന്ന് തുടങ്ങുന്ന ഗാനം ഇതിനോടകം തന്നെ ശ്രദ്ധനേടിക്കഴിഞ്ഞു.

സ്വര്‍ണ്ണപക്ഷികള്‍, നരേന്ദ്രന്‍ മകന്‍ ജയകാന്തന്‍ വക, സന്മനസുള്ളവര്‍ക്ക് സമാധാനം, മേള, അയനം, തുടങ്ങി നിരവധി ചിത്രങ്ങള്‍ക്ക് വേണ്ടി അദ്ദേഹം പാട്ടെഴുതിയിട്ടുണ്ട്. ഉപ്പ്, പിറവി, കഴകം തുടങ്ങി നിരവധി സിനിമകളില്‍ അദ്ദേഹം അഭിനയിക്കുകയും ചെയ്തിട്ടുണ്ട്. സത്യന്‍ അന്തിക്കാടിന്റെ സ്നേഹവീട് എന്ന സിനിമയിലാണ് അവസാനം അഭിനയിച്ചത്.

1977ല്‍ ഉള്ളൂര്‍ അവര്‍ഡ്, 1989ല്‍ നാലപ്പാടന്‍ അവാര്‍ഡ്, 1995-ലും 2010-ലും കേരള സാഹിത്യ അക്കാദമി അവാര്‍ഡ്, 1981-ല്‍ മികച്ച ഗാനരചയിതാവിനുള്ള സംസ്ഥാന സര്‍ക്കാര്‍ അവാര്‍ഡ് തുടങ്ങി നിരവധി അവാര്‍ഡുകളും അദ്ദേഹത്തിന് ലഭിച്ചിട്ടുണ്ട്.

ചില ഗാനങ്ങളിലൂടെ
------------------------
കുഞ്ഞിണിപ്പൂവിന്‍ കുടക്കടുക്കന്‍
-----------------------------------------
ചിത്രം : ഞാന്‍ ഒന്നു പറയട്ടെ
വര്‍ഷം : 1982
രചന : മുല്ലനേഴി
സംഗീതം : കെ. രാഘവന്‍
പാടിയത് : വാണി ജയറാം

കുഞ്ഞിണിപ്പൂവിന്‍ കുടക്കടുക്കന്‍
മുറ്റത്തെ കാതിപ്പൂ തുമ്പപ്പൂ പുഞ്ചിരി
മുടിയിലണിയാന്‍ മുല്ലപ്പൂ
കണ്ണാന്തളി മുറ്റം മുറ്റത്തൊരു തുമ്പ
തുമ്പക്കുടുമയില്‍ പൊട്ടി മുളച്ചൊരു പൊന്നരയാല്
ഒരു പൊന്നരയാല്
(കണ്ണാന്തളി)
അരയാല്‍ക്കൊമ്പത്താടകളാടി
ആടകള്‍ പാടി (2)

ഏതോ ചുണ്ടിലൊരോടക്കുഴലിനു കാതു മുളയ്ക്കുന്നു
തേന്‍ കാതു മുളയ്ക്കുന്നു
ആലിക്കോലും പീലിക്കെട്ടും കാതരമാരും കാതരമാരും
പുളകം ചൂടി പൊന്‍ ചിറകായും
പൗര്‍ണമി തെളിയുന്നു (2)
പാ ധപമഗമാ ഗരിസനിസാ രിഗരിഗമാ ഗരിസ ആ
(കണ്ണാന്തളി )
മാനത്തൊരു താരം താഴത്തൊരു താര് താഴത്തൊരു താര്
താരും തളിരും കുളിരണിയുന്നൊരു തങ്ക നിലാവ്, തങ്ക നിലാവ്
തങ്കനിലാവിന്‍ കവിള് തുടുത്തോ
കണ്ണ് തുടിക്കുന്നോ (2)

താരോ മിഴിമുന നീട്ടിവിളിക്കും
വിളികള്‍ മുഴങ്ങുന്നു (2)
പാ ധപമഗമാ ഗരിസനിസാ രിഗരിഗമാ ഗരിസ ആ
(കണ്ണാന്തളി)
------------------------------------------------------------

കരുണയാര്‍ന്നീ ജീവിതം തന്നോരമ്മേ
--------------------------------------------
ചിത്രം/ആൽബം: ഭക്തജനങ്ങളുടെ ശ്രദ്ധയ്ക്ക്
ഗാനരചയിതാവു്: മുല്ലനേഴി
സംഗീതം: നടേശ്‌ ശങ്കര്‍
ആലാപനം: വിദ്യാധരന്‍

ആ… ആ…
ആദിഗുരുനാഥേ അമ്മേ നമസ്തേ
അമൃതകല ചൂടുന്നൊരമ്മേ നമസ്തേ.. (ആദിഗുരുനാഥേ.. )
അവനിയിലെ ജന്മത്തിനമ്മേ നമസ്തേ..
അഭയവരദായിനി അമ്മേ നമസ്തേ..

അമ്മേ ജഗന്‍മയീ മോഹിനീ മായേ
വന്‍മഹാ പാപ വിനാശിനീ തായേ.. (അമ്മേ.. )
കരുണയാര്‍ന്നീ ജീവിതം തന്നോരമ്മേ
ഒരു സുഖദ വീചികള്‍ തെളിക്ക നീയമ്മേ.. (കരുണയാര്‍ന്നീ.. )
ഉരുകുന്ന പൊരിവെയിലില്‍ കുടയാകുമമ്മേ
പെരുകുന്ന ദുരിതത്തില്‍ തുണയാകുമമ്മേ.. (ഉരുകുന്ന.. )

അമ്മേ ജഗന്‍മയീ മോഹിനീ മായേ
വന്‍മഹാ പാപ വിനാശിനീ തായേ..

ആദിഗുരുനാഥേ അമ്മേ നമസ്തേ
അമൃതകല ചൂടുന്നൊരമ്മേ നമസ്തേ..

അരുത് കറയൊരു പൊഴുതുമകതാരിലമ്മേ
അരുളണമകക്കാമ്പില്‍ അലിവുമഴയമ്മേ.. (അരുത്.. )
കനിവിന്റെ വറ്റാത്തൊരുറവു നീ അമ്മേ
കുനിയുന്നു തിരുമുമ്പില്‍ അമ്മേ നമസ്തേ.. (കനിവിന്റെ.. )
(ആദിഗുരുനാഥേ.. )
-------------------------------------------------------------------------
ആകാശനീലിമ മിഴികളിലെഴുതും അനുപമ സൗന്ദര്യമേ..
------------------------------------------------------------------------
ചിത്രം : കൈയും തലയും പുറത്തിടറുത്‌ (1985)
സംഗീതം : രവീന്ദ്രന്‍
രചന : മുല്ലനേഴി
ഗായകന്‍ : യേശുദാസ്

ആ‍കാശനീലിമ മിഴികളിലെഴുതും
അനുപമ സൌന്ദര്യമേ..
(ആകാശനീലിമ..)
നക്ഷത്രമാല ഞാന്‍ നിന്‍
മാറില്‍ ചാര്‍ത്തുമ്പോള്‍..
വിശ്വം.. തരിച്ചു നില്‍ക്കും..
(ആകാശനീലിമ..)

നിന്‍ കവിളിണയിലെന്‍ കരാംഗുലി
കുങ്കുമപ്പൂ വിടര്‍ത്തും..
നിന്‍‌റെ കരളിലെ പൊന്‍‌പരാഗം
നിത്യകല്യാണി ചൂടും..
(നിന്‍ കവിളിണ..)
ദേവലോകമമ്പരന്നുനിന്നതും..
ദേവകന്യമാരു നാണമാര്‍ന്നതും..
അറിഞ്ഞു മനസ്സു നിറഞ്ഞ ലഹരിയിലലിഞ്ഞു..
കനവിലും നിനവിലും നിറയുക..
(ആകാശനീലിമ..)

എന്‍ മണിയറയില്‍‍ രാഗലോല നീ
സ്വര്‍ഗ്ഗസംഗീതം പാടും..
പ്രേമലതകള്‍ പൂനിലാവിന്‍..
പുഷ്പസമ്മാനമേകും..
(എന്‍ മണിയറ..)
നിന്‍‌റെ ഗാനധാര ഭൂമി കേട്ടതും..
സ്വന്തമായ മംഗളങ്ങള്‍ നേര്‍ന്നതും..
അറിഞ്ഞു മനസ്സു നിറഞ്ഞ ലഹരിയിലലിഞ്ഞു..
കനവിലും നിനവിലും നിറയുക..
(ആ‍കാശനീലിമ..
----------------------------------------------------------
[കടപ്പാട്: മുല്ലനേഴി.കോം www.mullanezhi.com,
മലയാളം പാട്ടുകള്‍ http://malayalampattukal.wordpress.com/]

ബ്ലോഗിങ്ങിലേക്ക് കടക്കുന്നവര്‍ക്കായി

noreply@blogger.com (Baiju R Nair) — Fri, 21 Oct 2011 10:36:00 -0700

ബ്ലോഗ്‌ എന്ന മാധ്യമത്തിന്‍റെ പ്രഹര ശേഷി വളരെ വലുതാണ്‌,ബ്ലോഗിങ് എന്നത് മെട്രോ യുവത്വത്തിന്‍റെ സ്ടാടസ് സിംബല്‍ എന്ന ധാരണ കടപുഴകിയിട്ടു കാലമേറെയായി ഇന്ന് സാങ്കേതിക വിദ്യ സാധാരണക്കാരന്‍റെ ഇടയിലേക്ക് ഇടയിലേക്ക് കടന്നു വന്നിരിക്കുന്നു,അത് ബ്ലോഗിങ്ങിന്‍റെ പ്രഹര ശേഷി ഉപയോഗപ്പെടുത്താന്‍ പലരെയും പ്രാപ്തരാക്കി.ആദ്യ കാലങ്ങളില്‍ ഇന്ഗ്ലിഷ് അല്ലെങ്കില്‍ മറ്റു വിദേശ ഭാഷകളില്‍ ഒതുങ്ങി നിന്നിരുന്ന ഈ മാധ്യമം ഇന്ന് ഏതാണ്ട് എല്ലാ ഭാഷകളിലും ലഭ്യമാണ് പലരും ഈ മാധ്യമത്തിന്റെ സഹായത്തോടെ ലോകത്തോട്‌ സംവദിക്കുന്നു.മലയാള ഭാഷയില്‍ ബ്ലോഗിങ് ആരംഭിക്കുന്നവര്‍ തീര്‍ച്ചയായും സന്ദര്‍ശിക്കേണ്ട ചില ബ്ലോഗുകള്‍ പരിചയപ്പെടുത്തുകയാണിവിടെ

ആദ്യാക്ഷരി -ഷിബു [അപ്പു]

ഇന്‍ഫ്യൂഷന്‍ - രാഹുല്‍

ഇന്ദ്രധനുസ് - മുള്ളൂക്കാരന്‍

Indradhanuss
Malayalam Blog Tips&Trics

ലൈവ് മലയാളം - സാബിത്

സഫലമീ യാത്ര[N N Kakkadu]

noreply@blogger.com (Baiju R Nair) — Fri, 21 Oct 2011 09:59:00 -0700

ആര്‍ദ്രമീ ധനുമാസരാവുകളിലൊന്നില്‍
ആതിര വരും പോകുമല്ലേ സഖീ…
ഞാനീ ജനലഴി പിടിച്ചൊട്ടു നില്‍ക്കട്ടെ
നീയെന്നണിയത്തു തന്നെ നില്‍ക്കൂ..
ഇപ്പഴങ്കൂടൊരു ചുമയ്ക്കടിയിടറിവീഴാം
വ്രണിതമാം കണ്ഠത്തിലിന്നു നോവിത്തിരി കുറവുണ്ട്.

വളരെ നാള്‍ കൂടിഞാന്‍ നേരിയ നിലാവിന്റെ
പിന്നിലെയനന്തതയിലലിയുന്നിരുള്‍നീലിമയില്‍
എന്നോ പഴകിയൊരോര്‍മ്മകള്‍ മാതിരി നിന്നു വിറക്കുമീ-
യേകാന്തതാരകളെ നിന്നൊട്ടുകാണട്ടെ നീ തൊട്ടു നില്‍ക്കൂ!

ആതിരവരുംനേരമൊരുമിച്ചുകൈകള്‍-
കോര്‍ത്തെതിരേല്‍‍ക്കണം നമുക്കിക്കുറി!
വരുംകൊല്ലമാരെന്നുമെന്തെന്നുമാര്‍ക്കറിയാം…?

എന്ത് , നിന്‍ മിഴിയിണ തുളുമ്പുന്നുവോ സഖീ
ചന്തം നിറക്കുകീ ശിഷ്ടദിനങ്ങളില്‍…

മിഴിനീര്‍ച്ചവര്‍പ്പുപെടാതെയീ
മധുപാത്രമടിയോളം മോന്തുക..
നേര്‍ത്ത നിലാവിന്റെയടിയില്‍
തെളിയുമിരുള്‍നോക്കുകിരുളിന്റെ-
യറകളിലെയോര്‍മ്മകളെടുക്കുക..

എവിടെയെന്തോര്‍മ്മകളെന്നോ….

നെറുകയിലിരുട്ടേന്തി പാറാവുനില്‍ക്കുമീ
തെരുവുവിളക്കുകള്‍ക്കപ്പുറം
പതിതമാം ബോധത്തിനപ്പുറം
ഓര്‍മ്മകളൊന്നുമില്ലെന്നോ….
ഒന്നുമില്ലെന്നോ.....
പലനിറം കാച്ചിയ വളകളണിഞ്ഞുമഴിച്ചും
പലമുഖം കൊണ്ടുനാം തമ്മിലെതിരേറ്റും
നൊന്തും പരസ്പരം നോവിച്ചു മൂപതിറ്റാണ്ടുകള്‍
നീണ്ടൊരീയറിയാത്ത വഴികളില്‍
എത്രകൊഴുത്തചവര്‍പ്പു കുടിച്ചു വറ്റിച്ചു നാം
ഇത്തിരി ശാന്തിതന്‍ ശര്‍ക്കര നുണയുവാന്‍…

ഓര്‍മകളുണ്ടായിരിക്കണം
ഒക്കെയും വഴിയോരക്കാഴ്ചകളായ്
പിറകിലേയ്ക്കോടി മറഞ്ഞിരിക്കാം
പാതിയിലേറെക്കടന്നുവല്ലോ വഴി!

ഏതോ പുഴയുടെ കളകളത്തില്‍
ഏതോ മലമുടിപോക്കുവെയിലില്‍
ഏതോ നിശീഥത്തിന്‍ തേക്കുപാട്ടില്‍
ഏതോ വിജനമാം വഴിവക്കില്‍ നിഴലുകള്‍
നീങ്ങുമൊരുള്‍ത്താന്തമാമന്തിയില്‍
പടവുകളായ് കിഴക്കേറെയുയര്‍ന്നുപോയ്
കടുനീലവിണ്ണില്‍ അലിഞ്ഞുപോം മലകളില്‍
പുളയും കുരുത്തോല തെളിയുന്ന പന്തങ്ങള്‍‍
വിളയുന്ന മേളങ്ങളുറയുന്ന രാവുകളില്‍
എങ്ങാനൊരൂഞ്ഞാല്‍പ്പാട്ടുയരുന്നുവോ സഖീ
എങ്ങാനൊരൂഞ്ഞാല്‍പ്പാട്ടുയരുന്നുവോ?
ഒന്നുമില്ലെന്നോ…!
ഒന്നുമില്ലെന്നോ…!

ഓര്‍മ്മകള്‍ തിളങ്ങാതെ മധുരങ്ങള്‍ പാടാതെ
പാതിരകളിളകാതെ അറിയാതെ
ആര്‍ദ്രയാമാര്‍ദ്ര വരുമെന്നോ സഖീ?
ആര്‍ദ്രയാമാര്‍ദ്ര വരുമെന്നോ സഖീ?

ഏതാണ്ടൊരോര്‍മ്മ വരുന്നുവോ..?
ഓര്‍ത്താലുമോര്‍ക്കാതിരുന്നാലും
ആതിരയെത്തും കടന്നുപോമീ വഴി!
നാമീ ജനലിലൂടെതിരേല്‍ക്കും….
ഇപ്പഴയൊരോര്‍മ്മകളൊഴിഞ്ഞ താലം
തളര്‍ന്നൊട്ടു വിറയാര്‍ന്ന കൈകളിലേന്തി
അതിലൊറ്റ മിഴിനീര്‍ പതിക്കാതെ, മനമിടറാതെ…

കാലമിനിയുമുരുളും വിഷുവരും
വര്‍ഷംവരും തിരുവോണം വരും
പിന്നെയോരോ തളിരിനും പൂവരും കായ്‌വരും
അപ്പോളാരെന്നുമെന്തെന്നുമാര്‍ക്കറിയാം?

നമുക്കിപ്പൊഴീയാര്‍ദ്രയെ ശാന്തരായ് സൌമ്യരായെതിരേല്‍ക്കാം…
വരിക സഖീയരികത്തു ചേര്‍ന്നു നില്ക്കൂ…..
പഴയൊരു മന്ത്രം സ്മരിക്കാം
അന്യോന്യമൂന്നു വടികളായ് നില്‍ക്കാം…
ഹാ സഫലമീ യാത്ര…
ഹാ സഫലമീ യാത്ര

അശ്വമേധം [വയലാര്‍ ]

noreply@blogger.com (Baiju R Nair) — Fri, 21 Oct 2011 09:51:00 -0700

ആരൊരാളെന്‍ കുതിരയെ കെട്ടുവാന്‍
ആരൊരാളതിന്‍ മാര്‍ഗ്ഗം മുടക്കുവാന്‍ ?

ദിഗ്വിജയത്തിനെന്‍ സര്‍ഗ്ഗശക്തിയാ‌‌-
മിക്കുതിരയെ വിട്ടയയ്ക്കുന്നു ഞാന്‍!

വിശ്വസംസ്കാരവേദിയില്‍ പുത്തനാ-
മശ്വമേധം നടത്തുകയാണു ഞാന്‍!

നിങ്ങള്‍ കണ്ടോ ശിരസ്സുയര്‍ത്തിപ്പയു-
മെന്‍കുതിരയെ, ചെമ്പന്‍ കുതിരയെ?

എന്തൊരുന്മേഷമാണതിന്‍ കണ്‍കളില്‍
എന്തൊരുത്സാഹമാണതിന്‍ കാല്‍കളില്‍!

കോടികോടി പുരുഷാന്തരങ്ങളില്‍-
ക്കൂടി നേടിയതാണതിന്‍ ശക്തികള്‍.

വെട്ടി വെട്ടി പ്രക്രുതിയെ മല്ലിട്ടു-
വെറ്റി നേടിയതാണതിന്‍ സിദ്ധികള്‍!

മന്ത്രമായൂരപിഞ്ചികാചാലന-
തന്ത്രമല്ലതിന്‍ സംസ്കാരമണ്ഡലം!

കോടികോടി ശതാബ്ദങ്ങള്‍ മുമ്പൊരു
കാടിനുള്ളിള്‍ ച്ചെന്റെ പിതാമഹര്‍

കണ്ടതാണീക്കുതിരയെ;ക്കാട്ടുപുല്‍-
ത്തണ്ടുനല്‍കി വളര്‍ത്തി മുത്തശ്ശിമാര്‍;

കാട്ടുചൊലകള്‍ പാടിയപാട്ടുക-
ളേറ്റുപാടിപ്പഠിച്ച മുത്തശ്ശിമാര്‍;

ഇന്നലത്തെ ചരിത്രം മയങ്ങുന്ന
മണ്ണിലൂടെ കുതിച്ചുപാഞ്ഞീടവെ

എത്രയെത്ര ശവകുടീരങ്ങളില്‍
ന്രുത്തമാടിയതാണാക്കുളമ്പുകള്‍!

ദ്രുപ്തരാഷ്ട്ര പ്രതാപങ്ങള്‍തന്‍ കോട്ട-
കൊത്തളങ്ങളെപ്പിന്നിടും യാത്രയില്‍,

എത്ര കൊറ്റക്കുടകള്‍,യുഗങ്ങളില്‍
കുത്തിനിർത്തിയ മുത്തണിക്കൂണുകള്‍,-

അക്കുളമ്പടിയേറ്ററ്റുവീണുപോയ്;
അത്രയേറെബ്ഭരണകൂടങ്ങളും!

കുഞ്ചിരോമങ്ങള്‍തുള്ളിച്ചുതുള്ളിച്ചു
സഞ്ചരിച്ചൊരിച്ചെമ്പങ്കുതിരയെ,

പണ്ടു ദൈവം കടിഞ്ഞാണുമായ് വന്നു
കൊണ്ടുപോയീ സവാരിക്കിറങ്ങുവാന്‍.

പിന്നെ രാജകീയോന്മത്തസേനകള്‍
വന്നു നിന്നു പടപ്പാളയങ്ങളില്‍!

ആഗമതത്വവേദികള്‍ വന്നുപോല്‍
യോഗദണ്ഡിതിലിതിനെത്തളയ്ക്കുവാന്‍!

എന്റെ പൂര്‍വികരശ്വഹ്രിദയജ്ഞ;
രെന്റെ പൂര്‍വികര്‍ വിശ്വവിജയികള്‍,

അങ്കമാടിക്കുതിരയെ വീണ്ടെടു-
ത്തന്നണഞ്ഞു യുഗങ്ങള്‍തന്‍ ഗായകര്‍!

മണ്ണില്‍നിന്നു പിറന്നവര്‍ മണ്ണിനെ -
പ്പൊന്നണിയിച്ച സംസ്കാരശില്പികള്‍!

നേടിയതാണവരോടു ഞാ,-നെന്നില്‍
നാടുണർന്നോരുനാളിക്കുതിരയെ!

ഈ യുഗത്തിന്റെ സാമൂഹ്യശക്തി ഞാന്‍
മായുകില്ലെന്റെ ചൈതന്യവീചികള്‍!

ഈശ്വരനല്ല മാന്ത്രികനല്ല ഞാന്‍
പച്ചമണ്ണിന്‍ മനുഷ്യത്മാണുഞാന്‍!

ദിഗ്വിജയത്തിനെന്‍ സര്‍ഗ്ഗശക്തിയാ-
മിക്കുതിരയെ വിട്ടയയ്ക്കുന്നു ഞാന്‍

ആരൊരാളിക്കുതിരയെ കെട്ടുവാന്‍
ആരൊരാളതിന്‍ മാര്‍ഗ്ഗം മുടക്കുവാന്‍

കമലദളം[Kamaladalam]സുമുഹൂര്‍ത്തമായ്

noreply@blogger.com (Baiju R Nair) — Fri, 21 Oct 2011 09:25:00 -0700

സുമുഹൂര്‍ത്തമായ്

സ്വസ്തി സ്വസ്തി സ്വസ്തി

സൂര്യചന്ദ്രന്മാര്‍ക്കിരിപ്പിടമാകുമെന്‍

രാമസാമ്രാജ്യമേ, ദേവകളേ, മാമുനിമാരേ

സ്‌നേഹതാരങ്ങളേ, സ്വപ്നങ്ങളേ, പൂക്കളേ

വിടയാകുമീ വേളയില്‍ സ്വസ്തി സ്വസ്തി സ്വസ്തി

ത്രയംബകംവില്ലൊടിയും മംഗളദുന്ദുഭീനാദവുമായ്

മിഥിലാപുരിയിലെ മണ്‍‌കിടാവിനു

രാജകലയുടെ വാമാംഗമേകിയ കോസലരാജകുമാരാ

സുമുഹൂര്‍ത്തമായ് സ്വസ്തി സ്വസ്തി സ്വസ്തി

ആത്മനിവേദനമറിയാതെ എന്തിനെന്‍

മുദ്രാംഗുലീയം വലിച്ചെറിഞ്ഞു?

രാഗചൂഡാമണി ചെങ്കോല്‍ത്തുരുമ്പില-

ങ്ങെന്തിനു വെറുതെ പതിച്ചുവച്ചു?

കോസലരാജകുമാരാ...

എന്നെ ഞാനായ് ജ്വലിപ്പിച്ചുണര്‍ത്തിയൊ-

രഗ്നിയെപ്പോലും അവിശ്വസിച്ചെങ്കിലും

കോസലരാജകുമാരാ രാജകുമാരാ

എന്നുമാ സങ്കല്‌പ പാദപത്മങ്ങളില്‍

തല ചായ്ച്ചു വച്ചേ ഉറങ്ങിയുള്ളൂ

സീത ഉറങ്ങിയുള്ളൂ...

പിടയ്ക്കുന്നു പ്രാണന്‍

വിതുമ്പുന്നു ശോകാന്തരാമായണം

ദിഗന്തങ്ങളില്‍, മയങ്ങുന്നിതാശാപാശങ്ങള്‍

അധര്‍മ്മം നടുങ്ങുന്നു, മാര്‍ത്താണ്ഡപൗരുഷം

രാമശിലയായ് കറുത്തുവോ?

കല്‍‌പ്പാന്തവാരിയില്‍

അമ്മേ സര്‍വ്വംസഹയാം അമ്മേ

രത്നഗര്‍ഭയാം അമ്മേ...

ത്രേതായുഗത്തിന്റെ കണ്ണുനീര്‍മുത്തിനെ

നെഞ്ചോടു ചേര്‍ത്തു പുണര്‍ന്നെടുക്കൂ

സുമുഹൂര്‍ത്തമായ് സ്വസ്തി സ്വസ്തി സ്വസ്തി

[കമലദളം
സംഗീതം :രവീന്ദ്രന്‍
രചന :കൈതപ്രം
ആലാപനം :യേശുദാസ് ]

മണിച്ചിത്രത്താഴ് [Manichithraththazhu] വരുവാനില്ലാരുമീ വിജനമാമെന്‍

noreply@blogger.com (Baiju R Nair) — Fri, 21 Oct 2011 03:35:00 -0700

വരുവാനില്ലാരുമീ വിജനമാമെന്‍വഴിക്കറിയാം
അതെന്നാലുമെന്നും
പ്രിയമുള്ളൊരാളാരോ വരുവാനുണ്ടെന്നു ഞാന്‍
വെറുതെ മോഹിക്കുമല്ലോ
ഇന്നും വെറുതെ മോഹിക്കുമല്ലോ
...പലവട്ടം പൂക്കാലം
വഴിതെറ്റിപോയിട്ടങ്ങൊരുനാളും പൂക്കാമാങ്കൊമ്പില്‍
അതിനായി മാത്രമായൊരുനേരം
ഋതുമാറി മധുമാത്രമണയാറുണ്ടല്ലോ

വരുവാനില്ലാരുമീ വിജനമാമെന്‍വഴിക്കറിയാം
അതെന്നാലുമെന്നും
പടിവാതിലോളം ചെന്നകലത്താവഴിയാകെ
മിഴിപാകി നില്‍ക്കാറുണ്ടല്ലോ
മിഴിപാകി നില്‍ക്കാറുണ്ടല്ലോ
പ്രിയമുള്ളൊരാളാരോ വരുവാനുണ്ടെന്നു ഞാന്‍
വെറുതെ മോഹിക്കാറുണ്ടല്ലോ

വരുമെന്നുചൊല്ലി പിരിഞ്ഞുപൊയില്ലാരും
അറിയാമതെന്നാലുമെന്നും
പതിവായി ഞാനെന്‍‌റെ പടിവാതിലെന്തിനോ
പകുതിയേ ചാരാറുള്ളല്ലോ
പ്രിയമുള്ളൊരാളാരോ വരുവാനുണ്ടെന്നു ഞാന്‍
വെറുതെ മോഹിക്കുമല്ലോ

നിനയാത്ത നേരത്തെന്‍ പടിവാതിലില്‍
ഒരു പദവിന്യാസം കേട്ടപോലെ
വരവായാലൊരുനാളും പിരിയാത്തെന്‍ മധുമാസം
ഒരു മാത്ര കൊണ്ടുവന്നെന്നോ
ഇന്നു ഒരു മാത്ര കൊണ്ടുവന്നല്ലോ
കൊതിയൊടെ ഓടിച്ചെന്നകലത്താവഴിയിലേ-
-ക്കിരുകണ്ണും നീട്ടുന്ന നേരം
വഴിതെറ്റി വന്നാരോ പകുതിക്കുവച്ചെന്‍‌റെ
വഴിയേ തിരിഞ്ഞു പോകുന്നു.
എന്‍‌റെ വഴിയേ തിരിഞ്ഞു പോകുന്നു.
എന്‍‌റെ വഴിയേ തിരിഞ്ഞു പോകുന്നു
സംഗീതം: എം ജി രാധാകൃഷ്ണന്‍
ആലാപനം :കെ എസ് ചിത്ര

വരുവാനില്ലാരുമെങ്ങൊരുനാളുമീ വഴിക്കറിയാം
അതെന്നാലുമെന്നും
പ്രിയമുള്ളൊരാളാരോ വരുവാനുണ്ടെന്നു ഞാന്‍
വെറുതെ മോഹിക്കുമല്ലോ
ഇന്നും വെറുതെ മോഹിക്കുമല്ലോ
...പലവട്ടം പൂക്കാലം
വഴിതെറ്റിപോയിട്ടങ്ങൊരുനാളും പൂക്കാമാങ്കൊമ്പില്‍
അതിനായി മാത്രമായൊരുനേരം
ഋതുമാറി മധുമാത്രമണയാറുണ്ടല്ലോ

വരുവാനില്ലാരുമീ വിജനമാമെന്‍വഴിക്കറിയാം
അതെന്നാലുമെന്നും
പടിവാതിലോളം ചെന്നകലത്താവഴിയാകെ
മിഴിപാകി നില്‍ക്കാറുണ്ടല്ലോ
മിഴിപാകി നില്‍ക്കാറുണ്ടല്ലോ
പ്രിയമുള്ളൊരാളാരോ വരുവാനുണ്ടെന്നു ഞാന്‍
വെറുതെ മോഹിക്കാറുണ്ടല്ലോ

വരുമെന്നുചൊല്ലി പിരിഞ്ഞുപൊയില്ലാരും
അറിയാമതെന്നാലുമെന്നും
പതിവായി ഞാനെന്‍‌റെ പടിവാതിലെന്തിനോ
പകുതിയേ ചാരാറുള്ളല്ലോ
പ്രിയമുള്ളൊരാളാരോ വരുവാനുണ്ടെന്നു ഞാന്‍
വെറുതെ മോഹിക്കുമല്ലോ

നിനയാത്ത നേരത്തെന്‍ പടിവാതിലില്‍
ഒരു പദവിന്യാസം കേട്ടപോലെ
വരവായാലൊരുനാളും പിരിയാത്തെന്‍ മധുമാസം
ഒരു മാത്ര കൊണ്ടുവന്നെന്നോ
ഇന്നു ഒരു മാത്ര കൊണ്ടുവന്നല്ലോ
കൊതിയൊടെ ഓടിച്ചെന്നകലത്താവഴിയിലേ-
-ക്കിരുകണ്ണും നീട്ടുന്ന നേരം
വഴിതെറ്റി വന്നാരോ പകുതിക്കുവച്ചെന്‍‌റെ
വഴിയേ തിരിഞ്ഞു പോകുന്നു.
എന്‍‌റെ വഴിയേ തിരിഞ്ഞു പോകുന്നു.
എന്‍‌റെ വഴിയേ തിരിഞ്ഞു പോകുന്നു

മണിച്ചിത്രത്താഴ്
സംഗീതം: എം ജി രാധാകൃഷ്ണന്‍
ആലാപനം :കെ എസ് ചിത്ര

പുരാവൃത്തം‌ - എ.അയ്യപ്പന്‍

noreply@blogger.com (Baiju R Nair) — Fri, 21 Oct 2011 03:24:00 -0700

മഴുവേറ്റു മുറിയുന്നു

വീട്ടുമുറ്റം‌ നിറഞ്ഞു നിന്ന

നാട്ടുമാവും‌ നാരകവും‌

മരണത്തിൽ‌ തലവച്ചെന്‍ മുത്തശ്ശി കരയുന്നു

നാട്ടുമാവിന്റെ തണലേ

നാരകത്തിന്റെ തണുപ്പേ

ഞാനും‌ വരുന്നു

മഞ്ഞുകാലം‌ ഉത്സവമാണെന്നും

മക്കളാണു പുതപ്പെന്നും‌

അമ്മ പറയുമായിരുന്നു

ഈ ശീതം‌ നിറഞ്ഞ തള്ളവിരൽ‌

കടിച്ചു മുറിക്കുമ്പോൾ‌

സത്യവചസ്സിന്റെ രുചിയറിയാം‌

ദൈവത്തിന്റെ വികൃതികള്‍ [ ഇരുളിന്‍ മഹാനിദ്രയില്‍ ]

noreply@blogger.com (Baiju R Nair) — Fri, 21 Oct 2011 03:19:00 -0700

ഇരുളിന്‍ മഹാനിദ്രയില്‍ നിന്നുണര്‍ത്തിനീ
നിറമുള്ള ജീവിതപ്പീലി തന്നു (2)
എന്റെ ചിറകിനാകാശവും നീ തന്നു
നിന്‍ ആത്മശിഖരത്തിലൊരു കൂട് തന്നു..
ആത്മശിഖരത്തിലൊരു കൂട് തന്നു.
ഒരു കുഞ്ഞു പൂവിലും തളിര്‍കാറ്റിലും
നിന്നെ നീയായ്‌ മണക്കുന്നതെങ്ങു വേറെ (2)
ജീവനൊഴുകുമ്പോഴൊരു തുള്ളി ഒഴിയാതെ
നീ തന്നെ നിറയുന്ന പുഴയെങ്ങു വേറെ
കനവിന്റെ ഇതളായി നിന്നെ പടര്‍ത്തി നീ
വിരിയിച്ചോരാകാശമെങ്ങു വേറെ
ഒരു കൊച്ചു രാപ്പാടി കരയുമ്പോഴും
നേര്‍ത്തോരരുവിതന്‍ താരാട്ട് തളരുമ്പോഴും(2)
കനിവിലൊരു കല്ല്‌ കനിമധുരമാകുമ്പോഴും
കാലമിടറുമ്പോഴും നിന്റെ ഹൃദയത്തില്‍
ഞാനെന്റെ ഹൃദയം കൊരുത്തിരിക്കുന്നു
നിന്നിലഭയം തിരഞ്ഞു പോകുന്നു.
അടരുവാന്‍ വയ്യാ...
അടരുവാന്‍ വയ്യ നിന്‍ ഹൃദയത്തില്‍
നിന്നെനിക്കേതു സ്വര്‍ഗം വിളിച്ചാലും (2)
ഉരുകിനിന്നാത്മാവിനാഴങ്ങളില്‍
വീണു പൊലിയുംമ്പോഴാണെന്‍റെ സ്വര്‍ഗ്ഗം(2)
നിന്നിലടിയുന്നതേ നിത്യസത്യം.

സിനിമ= ദൈവത്തിന്റെ വികൃതികള്‍
രചന= വി മധുസൂദനന്‍ നായര്‍
സംഗീതം= മോഹന്‍ സിത്താര