قصة مغربية BARON الشيطان السوري ج1

الفصل 22 / BARON "عبثا أيها الخائن"

2018-10-30T09:29:00.000-07:00

بينما كانت روعة كاتقلب بين الناس بترقب أخيرا قدرات تلمح جسد هاري بلاك وهو محشي وسط مجموعة من النساء وكايبتاسم ليهوم بإستمتاع وكأنه سكران وماشي فوعيو .

همست روعة بغيظ وهي كاتبرك على سنانها بغضب
- واخيرا لقيتك اولد لحرام .

تمتمت بها وتوجهات لعندو وهي كاتمايل فمشيتها بحال عارضات الأزياء ورسمت على وجهها إبتسامة كبيرة متصنعة خلات هاري يدوب من جمالها .. وقفت قدامو وقالت بنعومة طاغية

- واش نتا هو هاري بلاك ؟

إعتدل هاري فوقفتو وفواحد اللحظة كان غادي يطيح بقوت لي سكران وهاد المنظر خلا روعة تشمئز منو لكنها حاولت تصبر باش ماتفسدش الأمر على راسها .

قال هاري بصوتو العميق والحاد وهو كايتفحص قوامها وملابسها المغرية :
-أه أنا هو ... وشكون نتي الغزالة ؟

كان قريب منها لدرجة ريحة الشراب دخلت نيشان لنيفها تقززت منو حتى بغات تتقيا ...شعرت بـ الأسى على حظ تاليا مسكينة وكيفاش قدرات توقع فحب واحد بحال هدا؟ ...رغم الوسامة ديالو لكبيرة إلا أن العالم لي عايش وسط منو مكايشفعلوش وكايخليه ملئ بالعيوب وماشي أي بنت ترضى براجل بحالو .

تنهدت روعة بعمق ورسمت إبتسامة متصنعة على وجهها وجاوباتو برقة :
- وشكون مايعرفكش ... نتا هو الشاب لي غزا قلبي فأول مرة شفتك فيها

إبتسم هاري وقرب منها ...حاول يعنقها لكنها بعدت عليه بسرعة فإستغرب هاري من نفورها منو وعقد حواجبو...

قالت روعة في محاولة إخفاء توترها وهي كاتعض على شفايفها بطريقة مغرية:
- علاش مانمشيوش للغرفة ديالك ... يعني باش مايزعجنا حتى واحد .

فهم هاري تلميحاتها وزادت توسعات إبتسامتو الخبيثة وجاوبها بكل رحابة صدر:
- اوووه بالطبع ... اكيد .... عندك الحق حتى أنا مكايعجبونيش المتطفلين ... يالاه معايا الحبيبة ديالي

شدليها فيديها وجرها موراه متخطي الجميع وطلعو فدروج للطابق الثاني بينما كانت كاتمنى روعة تسحب يديها منو لكنها فضلت تسايرو حتى توصل للغرفة وتكمل خطتها ..

كان جبل متبع الأحدات من بدايتها وحس بالغضب وهو كايشوفها شادة فهاري وطالعين فدروج ..شتم بين سنانو بغضب وقال:

- بنت العاهرة ..اللعينة .. وانا لي يحسابلي أنها مختلفة ... تفو اشنو لي غادي نتوقعو من وحدا عاهرة بحالها!

ضار جبل عند الدون ماركيز وقال بغضب:.
- جا الوقت ... يالا

على دون ماركيز حاجب واحد فيه وقال:

- مازال ماخديناش السي دي من هاري اجبل

قلب جبل الكأس على فمو وشربو دفعة وحدة ثم قال وهو كايبرك على أسنانو بسخط:
- هاري مشغول دابا حتى نطلاقاوه من بعد .

وصلت روعة وهاري أمام باب غرفتو لي فتحها وطلب منها دخل ... دخلت روعة بخطى مترددة وهي كاتحس بقلبها كايضرب بالخوف والخلعة فسد هاري الباب موراه وطلب منها تچلس .

تمشى هاري للثلاجة الصغيرة لي وسط غرفتو وجبد منها قرعة ديال الشمبانيا وملئ بها جوج ديال الكيسان ثم مد لروعة الكأس فشداتو منو ثم رجعت وضعاتو على الطاولة الزجاجية الصغيرة أمامها وماشرباتش منو...

چلس هاري قبالتها على الأريكة وشاف فيها بدقة كايحاول يتفكر فين شافها ثم همس وهو كايبرك على سنانو بصوت غليض حتى هوى قلب روعة للقاع.:

- بالرب حتى تقوليلي شكون نتي ؟ ... وعلاش جيتي لهنا ؟... هاد المكان راه عبارة عن فخ ... يعني مصيدة للفأران شوية وغادي توقاع مجزرة عضيمة هنا ... وكانضن ان نتي ماشي من هنا .. شكون لي سيفطك هاه قولي؟

إنتفض جسد روعة برعب فاش سمعات الكارثة لي قال لكن مع ذالك حاولت تتصنع الا مبالات وقالت:

- علاياش كاتهضر ؟ ... اااه بلاتي .... إذن نتا كاع ماسكران ... ياربي ااش...

قاطع كلامها هاري فاش غوت وضرب الكأس مع الأرض حتى تشقف الزجاج ديالو وتناثر فالأرجاء ثم قال بغضب:
- قلتليك شكون لي سيفطك لهنا ؟... غادي يخصك تمشي بحالك قبل مايفوت لفوت ... يالاه زيدي .

ناض وجرها من يديها بقوة و فديك اللحظة شعرت روعة بالأكسجين ختفى وهي كاتسمع كلامو بل غواتو لي ترمى على وجهها بحال شي إعصار مكبوت .

سحبت دراعها منو بقوة ثم حيدات القناع على وجهها بغضب ورماتو على الأرض وقالت بصراخ وهي كاتحاول ماتخنقش فوسط غواتها :

- ماغاديش نتحرك من هنا .... قبل .... قبل ماناخد داكشي لي جيت على قبلو

تصدم هاري فاش شاف وجهها وعرفها ....هو راه سبقلو شافها فڤيلة كونتيسا وهي نفسها المرافقة ديال حبيبتو تاليا لي كان كايتخبا منها ديما باش ماتشوفوش قبل مايوقف بسيارتو فباب الجامعة ويهز معاه تاليا ...إبتلع هاري ريقو بصدمة وقال:

- أنسة روعة !!!!..... كي كيفاش مابقيت فاهم والو !!!... اشنو لي جيتي على قبلو ؟

مابقاتش قادرة روعة تصبر مازال بعد كاع الضغط لي تمارس عليها هاد الليلة ونفاجرت فوجهو وهي كاتغوت :

-ااه... جيت باش ناخد السي دي لي كنتي كاتهدد بيه تاليا يا عديم الشرف ، وماغاديش نمشي من هنا حتى نديه ..فهمتيني اولد لحرام .

شعر هاري بصدمة مضاعفة لأنه ماتوقعش حاجة بحال هادي ... هي راها دخلت برجليها عريانين للجحيم فقط على قبل هاد السبب السخيف !!...

هاري راه كان غير كايكدب على تاليا هو مستحيل يدير حاجة بحال هادي فالبنت لي كايعشقها.... تاليا هي قلبو لي كاينبض على قبلها وفوق هادشي كامل هي أخت الرجل لي كلا معاه طرف دلخبز ولاطالما كان كايحتارمو ومازال

إنتبه أخيرا للورطة لي طاح فيها حتى هو وقال بصوت متوتر:
- سي جبل حتى هو هنا .. واش هو عارف بهاد الموضوع ؟

شافت فيه روعة بغضب وقالت:
- هو ماعارف والو ... واصلا هو ماقدرش يتعرف عليا بسبب شكلي

تنفس هاري الصعداء ثم شاف فروعة بنظرات هادئة و مبهمة بسببها قدرات تقرا فعينه بزاف ديال لكلام لكنها مالقاتش فيه داك الشخص الحقير لي كانت متوقعاه ولي قدر يهدد تاليا بكل وقاحة ...

فتح هاري فمو باش يشرح لروعة الحقيقة لكن قبل مايلحق ينطق بحتى كلمة سمعو أصوات الضجيج فالأسفل ... صرخات ومن بعد صوت ديال إطلاق الرصاص ...
وعة بخوف بينما قرب هاري من الباب بتوتر وحلو ثم خرج راسو شويا وطل منو ...شاف مجموعة ديال الرجال جايين مستقصدين الغرفة فبسرعة سد الباب بـ ساروت وتوجه عند روعة جرها من يديها بقوة

- طلق مني... شنو لي واقع التحت !؟؟

كانت كاتغوت بيها روعة وكاتحاول تفلت يديها منو بخوف فوقفها هاري أمام السرير وشد ليها فكتافها وقال بحزم

-روعة كانترجاك تسمعيلي ...تخباي تحت السرير ... بغيتك تبقاي هادئة .. و مهما شفتي أو سمعتي .مابغيتش ديري حتى شي ردة فعل او أنك تغوتي حيت غادي تكوني كتبتي نهاية لحياتك ... فهمتي اروعة .

خافت بزاف من كلامو وحاولت تعتارض لكن هاري أجبرها وهو كايضغط على أكتافها باش تنزل وزحفت بجسمها تحت السرير وتخبات .

لتافت هاري براسو يمين وشمال بتوتر حتى شاف حقيبتها الصغيرة على الأريكة ومشا كايجري هزها وبغا يلوحهالها تحت السرير لكن فاش تفكر حاجة مهمة توفق للحظة وجبد جهاز USB من جيبو وحشاه ليها فالصاك وشدو ثم لاحولها من تحت سرير وقبل مايوقف على رجليه طل براسو عليها وقال بإبتسامة حزينة ومضلمة :

- سمعيني اأنسة روعة ...قولي لتاليا أن السي دي لي هددتها بيه مكاينش فالأصل ..كنت غير كانكدب عليها وقلتها فلحظة غضب مني لأنني ماقدرتش نتصور أنها تكون لشي حد من غيري بالخصوص فاش رجع سي جبل من جنوب أفريقيا وبغات تفرق عليا باش مايعرفش خوها بعلاقتنا... روعة قولي لتاليا أنني كانبغيها وطلبي منها ماتنسانيش وخا يوقاع لي يوقاع ... أنا كانبغيها اروعة وماعمري حبيت شي بنت من غيرها .... وماعمري فكرت نأديها

خدا هاري نفس باش يصبر راسو ثم كمل وهو كايقول :
-أنسة روعة ...... أنا ستأمنتك على داكشي لي فالحقيبة .... إلا لقيتيه ماتعطيه لحتى شي واحد وماتوريه لحتى شي حد تافقنا

خدا نفس وغمض عينيه ثم كمل بوهن:
- أنسة روعة... بين يديك دابا سر أكبر عصابة إجرامية فالعالم ... بغيتك تعطي هاد لـ...

ماقدرش هاري يكمل كلامو لأنه سمع الدقان على الباب قوي ... وبقوة الخوف ناض بسرعة وخرج المسدس من خلف ضهرو كان مخبيه خلف التيشرت لي كان لابس .

فجأة ركل واحد فيهوم الباب حتى تهرس ودخلو جوج ديال الرجال مسلحين وظهر خلفهوم رجل وهو هاز فيديه مسدس ... كانت عيونو مخفية خلف نظاراتو الشمسية وعلى وجهو إبتسامة شر صفراء .

- إذن نتا هو الجاسوس ديال الإنتربول ... العميل هاري بلاك .

قالها بصوت غليض بعدما ضحك بطريقة خبيثة خلات قلب روعة لي كانت كاتشوف غير رجليهوم من تحت سرير يدق بقوة منذر بالخطر ... خافت بزاف على هاري بعدما عرفات أنه عميل لشرطة الإنتربول . اذن هو ماشي رجل عصابات كيف كانت كاتوقع .

إبتلع هاري ريقو بخوف ماشي عليه بل على روعة لي كانت فأسفل السرير ، وكان كايتمنا من الله أنهم مايكشفوش مكانها .... كان متوتر وهو متمسك بالمسدس بين يديه وموجهو ناحيتهوم إستعداد لأي هجوم منهوم

كمل الرجل كلامو بأكثر صوت مخيف سمعاتو روعة وقال :
- عطيني السي دي يالاه قبل مانفجر راسك الخائن ولد لكلبة .

ضحك هاري بشكل مستفز وقال ببرود وهو كايهز كتافو :
-اشمن سي دي؟ .. مافمتكش شنو كاتخربق أ إيزيك الكلب ؟!

استفزو هاري بديك الهضرة فقال إيزيك بحدة وهو كايوجه مسدسو ناحية هاري :
- نتا عارف مزيان شنو كانقصد اهاري .. واش ماعارفش أن اللعب معانا هو اللعب بعداد عمرك ... يؤسفني القول ان حياتك إنتهت من هاذ اللحظة .

كاع ماكلف هاري راسو أنه يرد عليه لأنه عارف تماما بأن هادي هي الحقيقة ... قرب واحد من رجالو وهمس فأذن إيزيك بصوت خافت فإبتسم بشر وقال:

- كايبانلي أن رجال الأنتربول هاجمو الڤيلة هاهاها ... دائما متأخرين كيف العادة ... مع الأسف هوما اخر الحضور بين المدعوين ... كنت مازال باغي ندردش معاك ولكن الوقت ضيق بزاف ... تهلا فراسك اسي هاري بلاك.

قبل مايضغط إيزيك على الزناد سبقو هاري وطلق الرصاص بسرعة على جوج ديال الرجال لي كانو معاه .. وقبل مايقيصو جر إيزيك واحد من الرجال وجعلو الدرع ديالو لي تصدى لكاع رصاصات هاري ...

إستغل إيزيك نفاد مخزن الرصاص ديال هاري وتيرا فيه للصدر بعدة طلقات جعلات الدم يخرج من فمو بشكل مفجع وطاح للأرض بقوة وهو كايتخنق بدمائو ...

كان هاري كاينازع بقوة وكايحاول يقول شي حاجة وهو كايشوف فعيون روعة لي كانت كاتبكي تحت السرير وكاتشوف فيه بألم لكن إيزيك قرب منو وبدون أي شفقة أو رحمة ضربو برصاصة إستقرت فجبهت هاري لي هدء الجسد ديالو وأصبح عبارة عن جثة هامدة ومن تحتو تكومت بركة من الدم الساخن.

كل هاد الأحداث وقعت تحت أنظار روعة لي كانت كاتحاول تكتم شهقاتها وهي سادة فمها بيديها بقوة وكاتحاول مادير حتى صوت يكشف وجودها لإيزيك

كانو عينيها متوسعين وغارقين بالدموع وهي كاتشوف جثة هاري على الأرض ... كان المنظر فضيع ورهيب لشخص أول مرة غادي يشوف بحال هاد الأمور

كان إيزيك كايضور ويقلب فالغرفة وهو كايسب فهاري بكلمات بذيئة بينما كايدفع و يطيح أي حاجة إعترضت طريقو من السيديات ولأدراج ولحوايج من الخزانة .
-اللعين ولد الكلبة ... فين خبع هاد السي دي ديال الـ..

بقا كايضور براسو ويقلب فكل جيه إلى أن إنتبه لشئ قرب السرير وعقد حواجبو بإستهجان قبل ماتستكين ملامحو بإبتسامة شيطانية وهمس بصوتو المخيف :

-كانشم رحيت الجمال ...

إستنشق نفس كبير وكمل :
-ريحة الأنوثة ...

ضور وجهو وفاش إنتبه لجوج كيسان ديال الشمبانيا إبتسم بخبث وكمل :
-هوهووو ياهاري لكلب ... مكاضيعش الوقت .

كان قلب روعة كايدق بسرعة بالخوف لدرجة حست بالخنقة حتى أن النفس مابقاتش قادرا طلعو وهي كاتشوف كايقرب بخطواتو لعندها ببطئ حتى وقفت رجليه أمامها مباشرة ومكان يفرق بيناتهوم سوى بضع سنتيمترات القليلة فغمضت عينيها بقوة وخوف وكتمت أنفاسها .

تحنى إيزيك بجسدو الطويل ثم مد يديه وهز القناع الأسود لي كانت لابساه روعة وبقا كايتمعن فيه بعيونو الحادة لعدة لحظات ثم قوبو من أنفو وإستنشق منو أكبر قدر من رائحة وكتمها داخل رأتيه وهو مغمض عينيه بإستمتاع ثم زفر الهواء من أنفو على عدة دفعات وهمس بصوت خافت وإبتسامة خبيثة :

- غبي يا هاري ..نتا فعلا غبي ... عند بالك غادي تفلت منها هاد لكتكوتة هاهاها

ناض إيزيك وعلى وجهو إبتسامة ماكرة ثم دخل القناع فجيب معطفو وركل جثة هاري بقوة وسبو ودفل عليه ومن بعد خلف على الجثث ديال رجالو لي إعترضو طريقو وخرج من الغرفة وزدح موراه الباب بقوة وتمشى فالممر وهو كايصفر بفمو بألحان لأغنية من الفلكلور القديم الإسكتلاندي.

فتحت روعة عينيها بصدمة على صوت الزدحة ديال الباب وشافت فالمكان لي كان واقف فيه إيزيك وملي مالقات حتى حد عاد حيدات يديها على فمها وخدات نفس عميق وهي كاتشهق وكأنها غريق قدر أخيرا يصارع أمواج البحر ورجعتليه الروح . طلقت العنان لشهقاتها وشبعات بكا لدرجة مكانتش قادرا تعلي راسها باش تشوف فديك الجثث لمرمية على الأرض

لكن مع ذالك تحاملت على نفسها و جرات جسمها بصعوبة وخرجات من تحت السرير لكن جسمها كان كاينتافض بقوة من المنظر ديال الجثث الثلاثة لي كانو مرمين على الأرض وبركة الدم لي تحولات ليها أرضية الغرفة ...

تحنات بسرعة وجرات الحقيبة ديالها الصغيرة وتمشات بخطوات بطيئة وحذرة وهي كاتخلف على جثث الرجال وكانت خايفا لاينوضو ونقضو عليها ويقتلوها .. وقفت لثواني شافت فجثة هاري ونزلت دمعة حزينة من بين جفونها ثم لتافتت بقهرة لناحية الباب وحلاتها وهي كاتلهث بالخوف والخلعة و خرجات وبدات كاتمشى فالممر بحذر ...

كانت كاتسمع أصوات وحركة فالأسفل وكأن الحرب قامت فجأة .. ولي كان مخوفها أكثر هو صوت المسدسات لي كايتردد صداها فكل أنحاء الڤيلة ..

لكنها خافت بزااف أنها تنزل فلتفتت للممر لي كان على يمينها وتمشات فيه بحذر حتى لمحت باب مفتوحة ودخلت ليها بسرعة تخبات بعدما سمعت خطوات جايا من بعيد ... وكانو خطوات جبل ودون ماركيز لي دخلو لغرفة هاري وتصدمو من المنظر لي شافو ..

كان جبل حوايجو كولهوم عامرين بالدم والسوميج الأبيض لي كان لابس ولا كلو بقع حمراء ... قرب جبل من جثة هاري وركع قدامو بإنهزام ثم همس :

-العاهرة ... العاهرة قتلاتو .

ثم ناض كايجري وخرج من الغرفة وتبعو دون ماركيز وهو كايعيط ليه بقلق ...

جالت روعة بأنظارها داخل الغرفة لي كانت فالأصل مطبخ متوسط الحجم وكان فيه باب زجاجي كبير فمشات ليه روعة بسرعة وفتحاتو وتنفست الصعداء فاش لقات فيه دروج صغار كايأديو للحديقة الخلفية ...

علات راسها فالأرجاء ولمحت وميض لأضواء سيارات الشرطة فبسرعة حيدات الكعب من رجليها وعلقات الحقيبة فعنقها ونزلات كاتجري مع الدروج .

لتافتت يمينا وشمالا كاتقلب على أي مخرج منين تسلك راسها لكن مكانت حتى شي بابا ماعادا دريب صغير كايأدي لساحة الكبيرة لي كاتوصل للباب الكبيرة لكن مكانش عندها كيف دير تخرج منو لأنه كان مكتض برجال الشرطة لي كانو فحرب مع رجال الكاريبي ...

تراجعت بسرعة وخوف وغلقت عينيها بسرعة باش تستجمع شجاعتها بعد كاع لي عاشتو فهاد الليلة الكحلة ثم فتحتهوم بسرعة وجات عينيها على شجرة الصفصاف لي كانت نابتا قرب الصور العالي لي كايأدي للخارج ...

خدات نفس وحسبات من واحد حتى لثلاثة وشداتها بجرية لناحية الشجرة وتسلقتها بصعوبة غصن بغصن إلى أن وصلات لحافة الصور وطلعات من فوقو ...

اول حاجة دارتها تفقدات خلو المكان من الناس ثم لاحت صباطها للأرض وتلاحت موراه على رجليها حتى غوتات بسبب الألم لي شعرت بيه بسبب القفزة لأن ثقل جسمها كلو رجع على اقدامها فكانت بحال سعقة كهربائية ضربت أقدامها بقوة وبألم ...

تحاملت نفسها وناضت وهي كاتحس بالألم فرجليها لكنها تجاهلاتو وهزات صباطها لبساتو وبدات كاتجري..كان همها الوحيد هو تخرج برا هاد المنطقة وتوصل للمكان لي ركنت فيه سيارتها بأي طريقة

كانت كاتجري و تلتافت موراها بخوف من أن شي حد يكون شافها أو تابعها ...حتى ضارت براسها باش تشوف طريقها لكنها فجأة دخلات فجسم صلب وقوي ...

شهقت بالخلعة وهي كاترجع بخطواتها للخلف فاش لمحت عينيها وجه جبل واقف أمامها بحال السد المنيع .. لاحظت بعينيها راسو لي كان كاينزف بالدم حتى أن السوميج الأبيض لي كان لابس ولا حمر بسبب بقع الدم لي نزلات من راسو .

بدا كايشوف فيها بنظرات الشر والغضب وهو كايتنفس بحدة وكأنه تحول لوحش كاسر كلو إستعداد باش ينقض على فريستو .

عينيه الزمردية كانت فيها كل معاني الشر وهو كايشوف فعيونها العسلية الخايفة ... كيفاش قدر يثيق فوحدا بحالها ... كيفاش قدرات هاد اللفعة تعيش وسط منهوم كل هاد المدة بلاما يقدر حتى شي واحد يكشف أمرها ... لهاد الدرجة طلع انسان مغفل باش قدرت عاهرة من الإنتربول تتسلل لعائلو وتعيش وسط منهوم وكأنها ملاك ولكن هي فالحقيقة لفعة بلسان حمامة السلام ...

كانت روعة خايفة عليه ومخلوعة فاش شافتو فديك الحالة المريعة .. ماعرفاتش كيفاش تضرب لكنها تراجعت للخلف بضعت خطوات لا إراديا من شدة خوفها منو ...

اما فكان كايحس بالألم داخل قلبو وهو كايشوف فملامحها بدون قناع ... الشعر الاسود مكانش كافي باش يغير ملامح ديك البنت الفاتنة لي نبض قلبو على قبلها ديك البنت لي سيطرت على كل عواطفو بالغصب حتى بدون إرادة منو ... شعر بالقهرة حس بالغدر ... وهو كايشوف ليها فعينيها لي عشق لونهوم وماقدرش يصبر .

ضغط جبل على أسنانو بغضب وقال وهو كايقرب منها وهي كاتراجع للخلف
-علاش قتلتيه ؟ ... هاه ؟.... علاش هاارري؟؟

تصدمت روعة من الشئ لي قال ... كيفاش !!! ... هي راها ماقتلات حتى شي واحد لكن الصوت باش غادي تهضر تقطع فجأة .

قرب منها جبل بسرعة حتى أنه ماخلالهاش فرصة فين ضور و تهرب وشدها من درعانها بقوة وبدا كايهز فيها وهو كايغوت بغضب :

- نتي قتلتيه ... علاش قـــتــلــتــيــــه ... أنا ماغاديش نرحمك ، كانقــسم ليـــك اروعة الخطيب .... غادي نحول حـــياتك لجحــــيم .... غادي نخلـــيــك تــتمنـــاي الموت وماغاديــــش توصليــه ... ماغانخـليــكش ترتــاحــي غادي نسيـــك حتى شكل إحساســـو ...

سكت شوية وشافليها فعيونها الخيفانين والباكين ثم كمل وهو كايقول بغضب بين سنانو:

- تفكــــري هادشــي مزيـــان العـــاهرة ... أنا جبل محمد إبراهيم مرتجى غادي نبكيك الدم بدل الدموع ... وغادي دفعي الثمن غالي ... كانواعدك وعد الرجال .

كل كلمة كانت كاتخرج من فمو كانت كاتمزق جسدها الضعيف وخلاها تكمش اكثر من الخوف والرهبة ... كانت كاتشهق من بين دموعها وكاتحاول تقوليه أنها ماقتلات حتى شي حد وأنها ماعندها حتى شي علاقة بموتهوم ...لكن الحروف مابغاوش يخرجو من لسانها وحتى صوتها خدلها وبقات غير كاتبكي وتشهق بمرارة .

كان جبل قاسي وخالي من أي نوع من الرحمة . كيفاش غادي يرحمها وهو شاف جثة هاري غارقة فالدم .. واخر شخص شافو معاه هي روعة ، هذا علاش ظن انها هي لي قتلاتو بأمر من الكاريبي.

ندم على اي شعور حسو جيهتها بعدما ظن انها إنسانة بريئة ورقيقة وفواحد اللحظة كان مقرر يجعل علاقتو معاها جدية وقرر ينسى موضوع الأم الحاضنة وكان ممكن يجرب حظو معاها لكن الواقع كان ليه رأي اخر وحطم أحلامو حتى قبل ماتبدا .

شعر جبل بالدوخة فراسو بسبب كمية الدم لي خسرها و غرس أصابعو فجلد دراعها بقوة وقال وهو كايضغط عليها اكثر:

- عنــداك يحسابك انني غادي نرحمك بسبب هاد دموع التماسيح ... هادي غير البداية والي جاي غادي يكون أمَّر اروعة الخطيب امررررر .

تأوهت روعة بألم وهي كاتحاول تسحب نفسها من بين يديه ولكنو كان مزير عليها بقوة ... حست بالخوف فاش سمعات شي حد جاي كايجري من بعيد وكايغوت وماحستش براسها فاش دفعات جبل بكل قوتها حتى طاح للأرض وخارت قواه .

تأوه جبل بألم بينما هزات روعة حقيبتها من الأرض وبدات كاتجري ناحية سيارتها لي كانت راكناها فالحي المقابل وبقى جبل حاضيها بعينيه وهو كايتألم حتى ضارت مع الدرب وغبرات .

جرات روعة بكل قوتها حتى قربات من سيارتها وخرجات المفاتيح من حقيبتها لكن طاحولها من يديها ثلاثة ديال المرات من شدة التوترها

-اااااه اللعنة اللعننننننة

رجعت هزاتهوم من الأرض ودخلات لسيارتها بسرعة .. لكن من شدة خوفها وتوترها هي مالاحضتش أن فلاش USB لي دارولها هاري فصاك ولي وصاها عليه طاح من حقيبتها وإستقر تحت المقعد ديال السيارتها.

بسرعة البرق داست روعة على البنزين وإنطلقت بالسيارة مخلفة موراها غيمة دخان أسود وصوت صرير العجلات لي خلاو أثر أسود مع الأرض خلفهوم

‏
لكن روعة مكانتش عارفا أنها فاش قلعت بسيارتها بديك السرعة كانو بعض العيون مراقبينها من مكان غير بعيد داخل سيارة فيراري سوداء ..

ظهرت إبتسامة خفيفة على وجه أنثى بجسمها الرشيق وبشعرها الأسود وبعيونها الزرقاء السماوية وفالجانب ديالها كان جالس ظل جسد رجل شاب اربعيني بقوامو الرياضي المثير وبعيونو العسلية صاحبة الرموش الكثيفة القتالة.

تنهدت المرأة بهدوء وهي كاتلوي المسكة بفمها وقالت بصوت أنثوي رقيق:
- مسكينة هاد البنت ماعارفاش راسها فين تلاحت .

ظهرت إبتسامة جانبية مثيرة على ملامح الرجل ورد عليها بصوت عميق وهو كايغمزها برموشو الكثيفة :
- هاد البنت كاتفكرني فيك وفتهورك المعتاد الغزالة ديالي .

تأففت البنت وشافت فيه بدلال ثم قالت بصوت طفولي متصنع :
- كانموت عليك يا أجمل متملك نرجيسي فالعالم .

فداك الوقت وصل رافاييل لعند جبل لي كان طايح وكايحاول ينوض فتقدم عندو رافاييل بسرعة وتحنى لعندو ثم عاونو باش يرفع جسدو .. فغوت جبل بغضب وقال وهو كايبرك على راسو لي كان غارق فالدم

- لحق عليها ارافاييل ... ماتخليهاش تهرب ... شدهاااا

شاف رافاييل أمامو ومالقى حتى شي واحد لأن روعة كانت غبرات من قدامهوم ... لكن مع ذالك من جسد جبل وناض باش يلحق عليها لكن فاش ضار للدرب التحتاني كانت السيارة لتافتت للدرب لي على اليمين ومالحق يشوف لا شكل السيارة ولا رقمها ولا صاحبها .... وتوقف فواحد اللحظة فاش لمح سيارة فيراري لي نزل منها نفس الرجل بقوامو الرياضي وقال :

- كاتقلب على شي حد .؟؟

عقد رافاييل حواجبو بإستغراب وقال :
-من فقتاش ونتوما هنا ؟؟؟

تحلت الباب الثانية ونزلت منها ديك البنت المثيرة لي طرطقت المسكة بفمها بغرور ثم قالت :
- الوقت الكافي لي خلانا نشوفو الشيطان السوري بمنظر يااااي ماشي فكل مرا تقدر تشوفو .

ضحكت البنت بسخرية لكن رافاييل مافهمش فعلات حواجبها وقالت وهي كاتأشر بعينيها لجبل .
- سير نقد صاحبك قبل مايموت .

ضار رافاييل وشاف فجبل لي كان كايحاول ينوض ثم تراجع بخطواتو للخلف ومشا كايجري لعندو وهو كايقول :

-سمحلي اجبل ... مالحقتهاش

قال كلامو وهو متوجه لعندو لكن فاش لاحظ جسد جبل خارت قواه وطاح للأرض من جديد جرا بسرعة لعندو وفديك اللحظة كان جبل فقد وعيو .

كانت روعة كاتسوڨ سيارتها بسرعة جنونية وعينيها عامرين بالدموع... كل مرة كاتمسحهوم بيديها كايرجعو ينزلو من جديد فالحظة لي كاتفكر فيها إتهامات جبل ليها بالقتل .

كرهت ضعفها وقلت حيلتها لي خلاتها عاجزة على الدفاع عن نفسها ... مكانتش باغيا من جبل يظن بيها اي ظن خايب لكنو دابا هو كايشوفها على أنها مجرمة هادشي بزاف على قلبها الصغير باش يتحملو .

- عــلاش ياربي عــلااااش !!... عــلاش انا لي كايوقاع معايا كل هادشي عـــلااااش!!

ضربت عجلة المقود بيديها وهي كاتغوت وتبكي وكملت
-فاش ورطت نفسي يـــاربييييي ....

مسحت دموعها بسرعة وقالت وهي كاتحاول تواسي نفسها :
- اكيد هادشي غير كابوس وغادي نفيق منو بلاتي شويا ااااه اكيييد ....

ثم رجعت غوتت بعدما مانفعش معاها هاد الأسلوب:
- يــــارااااااااب كانترجاك ماتخليش حياتي اسوء مماهي عليه ... ياربي إرحمني ولو غير شويـــاااا ياربي علاش انا عــــلاااااااااااش؟؟

اخيرا وصلت لدارها وبسرعة خرجات من السيارة ودخلات من الباب وهي كاتجري ثم توجهت للمصعد وبدات تبرك على زر الباب بسرعة جنونية حتى تحل ودخلت وغير وقف عند باب دارها مشات كاتجري وحلاتها بسرعة ودخلت وزدحت الباب وكأنها خايفا لايكون شبح جبل ملاحقها ...

جالت بأنظارها فدارها المضلمة بخوف ثم تكات على الباب وتسحتت غير بشوية حتى نزلات للأرض ونترات الشعر المستعار من فوق راسها وضرباتو مع الحيط بصرخة عالية اكيد غادي يكون الحي كلو سمعها ..
- اااااااااااااااااااااااااااه

ثم ضمت رجليها لعند صدرها وبدات تبكي من جديد فكل لحظة كايجي بين عينيها منظر جثة هاري و تهديدات جبل وإتهامو ليها بالقتل.

_______________

نهاية الفصل :

الفصل 23 / BARON "العميلة رقم 7"

2018-10-30T09:28:00.002-07:00

قبل تسع سنوات مرو مرور الكرام وتحولو لمجرد ذكريات عابرة وأصبحو فقط سراب يحمل في طياته مغامرات واحداث عاشوها أسد مالك ونورسين .. بكاو وقاساو وتحملو أعباء ومشاكل فوق طاقة شبابهم ...

أحداث اصبحت من طيات الماضي السرمدي تحولت منها ديك الفتاة اليتيمة لي توفات عائتلها في حادث سير مدبر تسببت فيه سماح إبنة عم نورسين لي كان القلب ديالها أسود وعامر كلو حقد وحسد من جيهتها ...

كانت ديك البنت كاتمنى لو أن غريمتها وشريكتها فالثروة وفالعز والفدلال ماعمرها تولدت ولا كانت فالحياة ... أسرار وحكايات وخفايا بين طيات رواية العميلة رقم سبعة مرو مرور الكرام مند سنة 2016

لكن حكاية نورسين المالكي وحكاية أسد تاج مالك كانت مازالت مخبية فيها شلا أسرار ....

بالضبط فاليوم لي وقاع سوء الفهم في منزل الممثل روبرت بين نورسين وأسد ...هي مكانتش مجرد غيرة لي خلات أسد يهز الرحال ويسافر لأمريكا ويسمح فالبنت لي كانت السبب فعودة الإبتسامة لوجهو الحزين ...

هو صحيح كان قاتل ومجرم لكن فالقلب ديالو كان جرح كبير قدرت نورسين لي كانت مبعوثة خصيصا لإغراقو وإثبات إدانتو تشيلو من عالمو الغامض ومن لقبو الوحش المضلم وقدر هو يغرقها فحبو ... غرقها فعالمو فوسط عائلتو فوسط حكايتو وحكاية العائلة لي تبناتو ...

ماعمرو ينسا نهار لي إعترف بحبو ليها والكلمات لي قالتهوم بلسانها ..." كانأمن بحبك رغم ضروفك القاسية واحزانك ..الا انني متأكدا بلي غادي نسعدك ...كانواعدك ان فراقنا ماغاديش يكون سوى الموت ..وانني غادي نخليك ملك هاد الزمان ...ثق بأنني عاهدت نفسي نمسح كل دمعة من عينك ..ونخلي من كل دمعة بسمة على شفايفك ..الى كنت كانعيش لحياتي انا دابا غانعيش ليك."

فالليلة لي تشعلت نار الغيرة فقلب أسد فاش شاف الحركة لي دارها معاها روبرت كرهها وكره نفسو ...كان يوم كحل مافيه ضوء خاض فيه صراع بين مشاعرو وكرامتو . كان محتاج يبعد ولو لأيام معدودة باش يرتاح ويخوي عقلو من كل الشكوك ويراجع نفسو وعاد يرجع بطاقة جديدة .

في الليل الصمت وكولشي ناعس سوى أسد لي كان واقف برا فالحديقة ومعلي رأسو فالنجوم لي ملأت السماء لكحلة بينما القمر سلط الضوء على وجهو الفاتن ...كان
لابس ملابس رسمية وهاز مفاتيح سيارتو فيديه حتى حس بشي واحد واقف موراه وادا به محمد لي قال بصوتو الهادئ:
-اسد علاش غادي تمشي؟؟

توسعت عينيه العسلية بدهشة وقال:
اسد-كيفاش عرفتيني غادي نمشي؟؟

-نتا خويا فالنهاية ..وكانعرفك فاش كاتخطط تهرب ..

تنهد أسد وقال بوهن :
-لا .... ماهاربش

بتاسم محمد بدون فكاهة وقال باستياء:
-فهمت.. فين باغي تمشي؟

سكت اسد وهو كايشوف فالسماء ثم قال بسخرية ....

-امريكا...غادي نمشي لامريكا غادي نستاقر تما وغادي نتعلم المزيد من التجارة حيت كانعتابر راسي مزال مبتدئ ..وربما نتزوج بشي مراه تولدلي ولاد يحملو اسمي ويورتو اموالي

شاف فيه محمد بدهشة وقال:
-وخطيبتك غادي تخلى عليها ؟؟

عتاصر الحزن قلب اسد ... خدا وقت طويل وقال بصوت مبحوح عكس داكشي لي كايحس بيه ولي ناوي عليه :
-غير غادي نمشي غادي ننسى وجودها فحياتي

رد عليه محمد بصوت حازم:
محمد-نتا عارف ان نورسين غادي تحطم.

تنهد أسد وماقدرش يقول لمحمد شنو وقاع وشنو شاف من الخيانة لي وقاعت قدام عينيه فقال ببساطة:

-عندها لي يخفف المها ..وغادي ياخد بلاصتي غير نختفى من حياتها.

شاف محمد فلمفاتيح لي فيدين أسد وقال:
-غادي تمشي هاد الليلة؟؟

بتاسم أسد براحة متصنعة وقال :
-تهلى فالعائلة من بعدي

ركب أسد فسيارتو بعدما ودع محمد لكن مكانش عارف ان هناك عيون واحد الشخص لي كانو مترصدين ليه وكايتسناوه غير يتحرك و غير شاف الباب تحلات وخرجت سيارة أسد ...تبعو بسيارتو حتى قطع عليه الطريق ...

فالأول إستغرب أسد من هاد الإنسان المتهور لي كايقطع طريق عباد الله وتسائل واش هذا انسان طبيعي ولا عنداك يكون سكران ولا لايكون شي حد من المنضمة لكن فاش تفتحت باب السيارة وخرج منها ركان بجسمو الرياضي استوعب أسد انه جاي على قبل شي موضوع كايخص نورسين بما أنه كان كايبغيها قبل منو ...

ركان لي حب نورسين طول ثلاث سنوات لي عاشهوم معاها داخل المؤسسة لكنها ماعمرها كانت كاتبادلو المشاعر حتى انه زعم وعرض عليها الزواج قدام باب فيلة اسد بعد سهرة العشاء فمنزل "إستفانيا" و" بويكا " قبل مايخربها عليه فاش خرج اسد من الباب وقاطع عرض الزواج للبنت لي كايبغي ورفضاتو بكل بساطة .

حل ركان باب سيارة اسد وركب بدون إستأذان لكن قبل ما يلحق أسد يعترض ولا يقوم بشي ردة فعل قال ركان بكل هدوء:

- مكاين لاش تتعصب جيت نقولك جوج كلمات وغادي نمشي بحالي ...

إستمع له أسد إلى الأخير وقاليه ركان على غاية نورسين من أول يوم حطت رجليها فمنزل عائلتو وغايتها فإثبات أي دليل يقدر يغرقو فالحبس ...

ثم غادر ركان ومشا بحاولو مخلي موراه أسد مامصدق حتى شي كلمة من الشئ لي قال ... لكن فاش أخد وقت مع نفسو و فكر فالأمر مزيان ...تفكر اليوم لي كانت عندو عملية قتل المجرم لي مختطف البنت الصغيرة وفداك نهار إعترض طريقو وخربت عمليتو بنت ملتمة وصوتها مكانش غريب عليه وهي لي نبهاتو وعاوناتو باش يهرب قبل مايجيو البوليس ...

فاش إسترجع الأحداث مزيان فعقلو إستوعب أخيرا أن ديك البنت كانت هي نفسها نورسين حبيبت قلبو ... ماقدرش يصدق أبدا أن البنت لي كان ناوي يتزوجها ويبني حياتو معاها هي فالحقيقة كاتقلب ليه على الثغرة منين تشدو متلبس ... ولكن فنفس الوقت هي عاوناتو ... حار واستغرب وعقلو بغا يطرطق من شدة الافكار والمعلومات لي نزلو عليه دقة وحدا ...

كانت خيانتها ليه مع روبرت كوم وأنها ماتيقش بيه وتخبي عليه حقيقتها كوم وأنها تكون عارفة حقيقتو وساكتة ومخلياة يتعدب ويقاسي ويبعدها عليه خوفا عليها من نفسو كوم ثااااني .

زاد حقدو عليها فديك الليلة وواعد نفسو انه ماعمرو يعاود يسول فيها ولا يعرفها وماغايرجعش من أمريكا إلى أن يرث الله الأرض ومن عليها .. هي حطماتو وذمراتو وكدبت عليه لكن مع ذالك ماقدرش يكرهها .

بينما نورسين بقات بوحدها وسط عالمها المخيف والقلوب الكحلة لمترصدينها ... أسد كان بالنسبة لها الدرع الحصين مكانش شي حد يقدر يأديها ولا يوصلها بالعيب فوجودو... لكن فاش غادر بدون اسباب بدون مبررات حتى انه ماخلاش حتى بعض الكلمات تفسر سبب هجرانو ليها بعدما اعترف لها بحبو بيوم واحد فقط ...ومن بعد غادر بدون رجعة ... غادر من حياتها بنفس الطريقة لي دخل ليها ...

تألمت من بعدو .... بكات وغوتات وقاسيات وشكات وتسائلت اشنو دنبها ؟؟... واش دنبها انها حبات شخص متحجر القلب ... شخص ماقدرش يقولها حتى كلمة "بسلامة" او "نسايني" ... ذنبها انها وضعت فيه كل ثقتها ومن بعد يلوحها ويلوح قلبها وكأنها شئ رخيييص ... دعس على كرامتها وحطم ثقتها بنفسها ودنبو معاها كان كبيير .

ضاع منها كولشي أملها حاضرها مستقبلها خدمتها كولشي ... تحرقت الجمعية لي أسستها للأيتام وحرقت معاها كل أحلامها ... تمنات فديك اللحظة لو أن داك المتملك النرجيسي المغرور المتحجر القلب معاها تحط راسها عليه وتبكي وتشكي عليه شنو دارت فيها بنت عمها سماح ... اكيد ماكانش غادي يسكت ... كان غادي يمشي عند سماع ويدعس على راسها ... لكنه خلاها فوسط الطريق بوحدها.

مشات الشركة ومشات الڤيلة ومشى أخر سنتيم بقى فجيبها ولو مكانتش صديقتها الوحيدة "لامار" كون ترمات فالزنقة بلا حنين بلا رحيم ... مكانش لي غادي يقدر يعتقها واكيد ماكانتش غاتمشي تمد يديها لعائلة أسد ولو تموت بالجوع ...

وخلات قلبها ويحكي بلسانها ويقول " شي حد يعطيني جواب وينورني فهاد المكتاب علاش الغدر والكذوب صحاب؟ فين ما مشاو يلقاو لحباب ومول النية عايش حيرة وعذاب مخيم على قلبو الضباب ، لامن يسأل عليه ويدق الباب....اسمعني يا خاين العهد ياك تلاقينا بالصدفى وساد بينا الحب واللهفى .. تعاهدنا على صدق والصفى ويكون شعارنا هو الوفى عاهدتيني تبقى ليا وافي وتكون ليا وحدي اليوم تبدلتي يالعاهدني ... اسمعني يا خاين العهد نسيتني وليت ليا جافي...نبات ونقيل ننادي عليك يا للي ذبحت قلبي بخنجر مسموم وحافي عليك ياللي وهبتك عمري وحياتي ياك نسيت يا العاهدني شحال سهرتي من ليالي على قبلي يا للي دمعك الغالي جرى على خذوذك سواقي يا للي قسمتِ وقسمتِ قدامي والشاهد ربي العالي حتى تكون ليا وحدي حتى لاخر عمرك وعمري ... اشنو لي تغير... اشنو لي تغير فقلبك. يالعاهدني"

بعد سبعة اشهر من المعانات قدرت صديتها لامار تقنعها باش تمشي تخدم مع "إيوز" ترددات فالأول لكن لمار وقفتلها بحال الشوكة فالحلق وقالت :

"واش غادي تبقاي غير كاتبكي عليه هوا راه عايش حياتو وبحال والو يكون دابا مع شي عاهرة من عاهراتو ، الجمعية ديالك تحرقات مشاتلك الشركة والفيلة ونتي دابا عاطلة عن العمل جاتك فرصة بين يديك ماتفلتيهاش خرجي برا لمغرب سيري عند إيوز لإسبانيا وخدمي تما وبداي حياتك من الصفر ماتفكري لا فأسد ولا فسماح عتابري راسك فاقدة الذاكرة نساي أسد وعائلتو وكل حاجة تفكرك فيه ولا فالماضي وعيشي حياتك بني لنفسك مستقبل مافيه لا أسد ولا سماح بعدي على المغرب باش ترتاحي كيف مادار هوا "

سمعت نورسين لكلام لامار وهزت الرحال وسافرت لإسبانيا وشتاغلت تما فشركة السيد إيوز كمحاسبة حتى إكتملت السنة على فراقها مع أسد وفليلة كحلة مافيها ضوء إختطفوها رجال سماح وداوها لسطح عمارة عالية وتما غادي تعرف نورسين الحقيقة ديال داك الكره كامل لي فقلب سماح وعلى السبب لي دفعها باش تقتل عمها ومرتو ولي هوما واليديها ... اكتشفت ان قاتل عائلتها طول هاد السنين عايش فجنبها ومعاها فنفس الدار ...

شعرت نورسين بالغضب القاتل لكنها كانت مربوطة وماقدرتش تعمل أي ردت فعل من غير الصراخ والسب ، لكن سماح كان قلبها مازال عامر وأمرت رجالها باش يغتاصبوها بشراسة ... وداكشي لي كان تقدم لعندها واحد منهوم وفك قيودها وبغا يغتصبها لكن لسوء خظو ولحسن حظها كان المسدس ديالو خلف ضهرو فبسرعة سحباتو نورسين وأطلقت رصاصة أردات بيها الوحش جثة هامدة وغارق فدمو ...

هرب الرجل الثاني وسد باب السطح على سماح ونورسين وخلاهوم بوحدهوم لكن الخوف لي كان فسماح خلاها تخاف وتتراجع للخلف وهي كاتشوف المسدس فيد نورسين مصوب لجيهتها وعينيها كلهوم غضب وكأن النار تشعلت فيهوم ... بقات سماح كاتراجع للخلف الى انها ماشافتش نهاية الصور فإختل توازنها وطاحت من أعلى المبنى للأرض وماتت ...

بسرعة تدخلت الشرطة وحاصرو نورسين لي علامات الصدمة شلو أطرافها وتوقف عقلها على التفكير ... إقتادوها للسجن وتحكم عليها بالإعدام ...

وفداخل زنزانتها حكات نورسين كل حكايتها مع أخر شعلة أمل كانت باقيا فقلبها ولي هوما دفتر وقلم تذكرت بيه كل الماضي لي عاشتو بسيأتو وأفراحو .. ملي كان فعمرها 17 سنة إلى أن وصلت لسن الثلاثين ولي أطفأت شمعاتو داخل زنزانتها رفقة قلمها ودفتر مذكراتها .

بعد مرور ستة سنوات وهي فالسجن بعت لها الله محامي ملاك على صفة إنسان هو لي عاونها وعتق رقبتها من مشنقة الإعدام بعدما فشلو العديد من المحاميين قبلو ..

وفالنهار لي خرجات فيه من باب السجن وإستنشقت نسيم الهواء البارد وضربت فبشرتها خيوط الشمس الدافئة ... شعرت بقلبها حتى هو تحرر ....تحرر من القيود وتحرر من الحب لي تعدبات عليه طول هاد السنين .

قاطع تأملها فالسماء صوت بيكهام الرجولي وهو كايقول :
-انسة نورسين ... شي واحد باغي يشوفك .

عقد حواجبها بإستهجان وللحظة ظنت أنه ممكن يكون أسد لكن مستحيل هو أكيد غادي يكون تزوج ودار أسرة ووليدات فأمريكا .

-شكون هذا؟

قالتها نورسين بتسائل فرد عليها بيكهام وهو كايشير بيديه للسيارة الكحلة المركونة جنب الطريق:

-تفضلي معايا وغادي تعرفي .

تمشى المحامي بيكهام وسبقها للسيارة وفتح الباب الخلفي ثم دار ليها إشارة بيديه باش تدخل ... ترددت فالأول لكن ثقتها فبيكهام كانت عمية لأنه هو لي أنقدها وحررها ...

ركبات فالسيارة وغير التفتت للمقعد الجانبي وهو يتعقد لسانها بسبب الشخص لي شافت .... كان مازال هو هو ... غير شعرو بياض فخطرة وتجعدو قسمات وجهو بعض الشئ ....

رمشت بعينيها مامصدقاش ثم همست بإسمو :
-سيد عابِـــــد .

إبتسم عابد بهدوء ورد عليها وهو كايطبطب على ظهر يديها :
-بنتي نورسين .

تغرغرو عيون نورسين وبغات تبكي لكن عابد ضغط على يديها بخفة وقال :
-على سلامتك أبنتي .

شافت فيه بفرحة مخلطة مع الحزن وقالت :
-نتا ... نتا لي .

أومأ عابد برأسو بمعنى "نعم" وماشعرتش نورسين حتى ترمات على حضنو وعنقاتو بقوة وهي كاتبكي بالفرحة وكاتقول :

- نتا ..نتا اطيب رجل شفتو فحياتي ... بعد كاع داكشي لي درت وبعدما تخليت عليكوم وسمحت فيكوم فنص الطريق وبعدما تخلات عليا الدولة لي ولدتني ... نتا ...نتا ماتخليتيش عليا ...

طبطب عابد على ضهر نورسين بخفة وإبتسم وهو كايقول :
- الغلط كلو كان ديالي من الأساس ... نتي قبل ماتكوني عميلة نتي إنسانة وعندك مشاعر ... كنت شايف شحال كنتي معارضة الفكرة ديال التقرب من أسد مالك لكن أنا لي أصريت وضغطت عليك باش تسكني معاه فدارو ..

بعدت عليه نورسين ومسحت عينيها من الدموع وهي كاتقول :

-داكشي ولا من الماضي ... انا طول هاد السنين وانا كانحاول نقنع راسي بأن هادي غير غمامة وغادي تفوت ... وجيتي نتا حققتي لي غايتي ...

إبتسم عابد بهدوء وقال :
- رغم كاع لي وقاع .... أنا مازال إنسان جشع ومازال كانشوفك إنسانة ذكية ...مازال كانشوف ديك البنت المراهقة لي كانت كاتفك أصعب الألغاز فثواني ... ودابا انا متأكد أنه بعد كاع التجارب لي عشتيهوم نتي خرجتي من داك الباب إنسانة أخرى ... إنسانة قوية وصلبة إنسانة مكاتيقش غير فنفسها ... واش كاينا ولا لا .؟؟

إبتسمت نورسين حتى تغمضو عيونها السماوية وقالت :
-وأنا مازالة كانشوفك داك الرجل الغامض الصارم على فريقو ... لكن فنفس الوقت طيب القلب

سكتت شويا وكملت وهي كاتشوف فيه :
-أنا متأكدة بلي مساعدتك ليا عندها مقابل وأنا اسي عابد ممنونة ليك بحياتي وأي حاجة طلبتها مني غادي نفدها .

إبتسم عابد على ذكاء نورسين ثم مد يديه وخرج ملف من حقيبة سوداء وقال :
- على فكرة ... أنا كاع ماقبلتش إستقالتك وماوقعتش عليها ...

ثم مد لها الملف وكمل :
-نتي مازالة من ضمن فريقي انورسين بجنب إستفانيا وبويكا وركان وهوما أكيد غادي يفرحو برجوعك لينا .

إستغربت من الكلام لي قال وماقدرتش تعارضو ولا تقول شي كلمة ... هو راه انقدها من الموت وماتقدرش ترفض حتى شي طلب منو ولا تردولو فوجهو .

فتحت الملف وأول كلمة جات عينيها فيها هي ،"الكاريبي"
...علات عينها وشافت فيه ثم قالت :
- شنو كاتعني الكاريبي ؟؟

رد عليها عابد برزانة :
-الكاريبي هي منضمة إجرامية وعندها شلا ريوس كبار فإسبانيا وفالمغرب وفإيطاليا وفروسيا حتى هي ...

شافت فيه نورسين بحيرة ثم رجعت خصلات شعرها الأسود للخلف وقالت:
-وشنو المطلوب مني دابا ؟؟...

مد عابد يديه وخدا من عندها الملف وقال وهو كايبتاسم :
- نتي حاليا محتاجة شويا ديال الوقت باش ترتاحي ...

ردت عليه نورسين بحماس:

- ماعنديش مشكل نبدا حتى من هاد نهار اسي عابد خيرك عليا كبير بزاف .

طبطب عابد على يد نورسين وقال :
-ستة سنين ونتي مغبونة وسط الضلمة تستاهلي نعطيك واخا غير شهر باش ترتاحي وتسترجعي ديك نورسين ديال شحال هادي .... العالم مكايدورش غير على الكاريبي وماشي غير نتي لي غادي تخدمي على قضيتهوم ... غادي نعطيك شويا ديال الوقت ...رتاحي فيه وراجعي نفسك خرجي عيشي حياتك طبيعية ونهار لي غادي نحتاجك غادي نجي حتى لعندك .

حدرات نورسين راسها بهدوء ثم قالت :
- مع الأسف حياتي مافيها حتى حاجة مثيرة باش نعيشها...لا دار لا دوار ... يعني انا غانخرج من عندك لمكان مجهول لا حياة ...لا عائلة ولا مستقبل زوين ... اذن علاش نضيعو الوقت اسي عابد

رد عليها عابد بصوت رزين:
-غير كايبان ليك ... حياتك نتي مغامرة فوسطها بزاف دلحوايج زوينين ...

علا عينيه وشاف فالمحامي سيد بيكهام لي كان متكي على مقدمة السيارة وكمل بإبتسامة :
-وإلا يغيتي عائلة ... تقدري تكونيها .

شافت نورسين فالمكان لي كايشوف فيه وغير إستوعبت المعنى لي كايقصد وهي ضحك بسخرية وقالت :
-اش كاتقول؟؟ ... السيد بيكهام !!..

ضحك عابد وقال :
- ومالو بيكهام ... محامي رائع ومن النهار لي قدمت ليه الملف ديالك وهو كايهضر عليك فطالع وفالنازل وإسمك مكايتفارقش مع لسانو .

ضحكت نورسين بهدوء وإكتفت بالصمت هو السيد الحيكم للموقف.

__________

بدات نورسين حياة جديدة كيفما طلب منها عابِد وإستقرت مع المحامي بيكهام فالمنزل ديالو فأمريكا واشتغلت عندو مربية لبنتو اشلي لمدة سنة كاملة حتى رجعت الصدفة جمعت بين نورسين و نهال خطيبة اسد القديمة فيوم من الأيام فالمستشفى وعرضت عليها باش يتعشاو فمطعم برفقة أسد ..

كانت نورسين كاضن بأن أسد تزوج نهال ورفضت العشاء لكن إصرار نهال كان فوق رغبتها وفضولها باش ترجع تشوف حبيبها السابق لي تخلى عليها بدون مبرر كان فوق رغبتها .

هذا علاش تشجعت ووجدت راسها للعشاء وهي كاتواعد نفسها بلي أسد مابقا كايعني ليها حتى حاجة ومابقات كاتحس من جيهتو بحتى حاجة من غير الحقد ...ظنت بأنها قتلاتو داخل قلبها لكن ظنها خاب فاش إلتقت بعيونو العسلية فاللحظة لي إلتقو لأول مرة بعد تسع سنين قضات ستة منهوم داخل السجن وسنتين قبل دخول السجن وسنة بعد الخروج من السن ..

كان قلبها كايضرب بسرعة وكرهت نفسها فاش اكتشفت أن قلبها مازال كايضرب على قبلو بعد كاع شي لي دار فيها وبعد كاع دوك السنوات ديال الفراق ...اما هو بغا يتسطا فاش شافها ... ماكرهش ياخدها فحضنو ماكرهش يدخلها داخل صدرو ويغلق عليها للأبد وتبقى نورسين ننور ديالو بوحدو ... ندم بزاف والندم مافادو فوالو ... وحس بالقهرة فاش شاف يد بيكهام شادة فيدها ...هاديك اليد لي كانت ملكو بوحدو كانت بين يدين شخص أخر من غيرو ..

إفترقو من جديد ورجع كل واحد لطريقو ... قلب اسد كان كايتقطع وكان مستعد يرجع يمتلكها من جديد واخا جرحاتو وخانتو كيف كايضن ...لكن فالحقيقة مكاين حتى حاجة من هادشي ...

كان واقف وسط الحمام وكايشوف فنفسو فالمراية وكايقول بغضب وإنفعال :

-علاش كايوقاعلي هادشي...الحب لي بكاني كاع هاد سنين ماماتش!!....علاش قلبك تبت على حب نورسين علاش؟؟... نتا كاتكرهها وهي كاتكرهك كتر من كراهيتك ليها ..

غسل وجهو وشاف فنفسو فلمراية بتهالك ...عينيه كانو حومر ودابلين وهمس مع نفسو:

-اشنو واقع اأسد مالك...؟ فاش كاتفكر ؟..واش حيت حبيتي بنت لي ماعمرها غاتبغيك من بعد ولو تنطبق السماء مع الأرض

ضرب يديه بغضب مع الحوض يقوة حتى تحجرو الدموع فعينيه وقال بصوت مبحوح ومجروح'

-لي خانتك...لي جرحت قلبك وكرامتك..لي خلات حياتك جحيييم ..لي خلاتك تخجل من الشوفة فنفس .... علاش....علاش قلبك كايمشي غير ليها... علاش كايضن قلبك انها بريئة وجاهز يسامحها ... علاش ثبت قلبك على حبها ؟؟

شاف فالمراية وابتلع ريقو بألم وكمل :

-رغم كاع لي وقاع ...نتا مازال وقح واناني..وقلبك جاهز ياخدها من جديد ...

دار أسد المستحيل باش قدر يحصل على عنوان منزلها حتى لقاه ومشا لعندها وهو كلو أمل انه يقدر يرجعها واخا يدعس على كرامتو ورغم خيانتها ليه كيف كايظن الا أن المشاعر لي كان كايحس بيها فديك الفترة كانت فوق كرامتو وعزت نفسو ... هو راه قدر يشوف البنت لي شالتو من مستنقع قذر ...هي لي سحباتو من الضلام للنور ورغم كاع دوك السنين القلب ديالو ماطلعش نكار لخير بل تذكر كل نبضة نبضها من أجلها فكل مرة كانت كاتهمس بلقبو المستفز "شبلي الصغير" لكن من لسانها كان كايطلع بحال حلاوة العسل على قلبو.

وقفت سيارتو أمام كورنيش لإحدا شواطئ نيويورك وفتح لنورسين باب مفعدها باش تخرج لكنها رفضت وبعد محاولة منو وإصرار خرجت فتمسك بيديها الصغيرة وسحبها خلفو لكرسي على الكرنيش وطلب منها تكلس بعد عناء طويل فإقناعها

كان باغي يخوي قلبو بأي طريقة ويوضع النقط على الحروف لكن غضبو فكل لحظة كايتفكر شي لي شاف فمنزل روبرت كايخليه يحماق ... شاف فيها بغضب وقال:

-من اي طيين مصنوعة نتي؟؟

بادلاتو نورسين النظرة لكنها كانت نظرة باردة خلات أعصابو تظيد تشعل وغوت بغضب :

-نتي مكاتحشميش ...ماعندكش ذرة حياء ...

كانت نورسين كاتحاول تحافض على مظهرها البارد رغم البركان لي كان شاعل داخل قلبها لكنها قاوماتو وبرودت تعابير وجهها كانت بمقابل غضب أسد لي قال بإنفعال :

-لعبتي باسمي واحترامي لنفسي ومكاتشعريش بالذنب بعد كل هادشي لي درتيه فيا

كانت كاتضاهر انها عارفاه علاياش كايهضر واخا فالحقيقة ماعارفا والو غير باش تخليه يخرج داكشي لي فقلبو وينطق بالسبب لي خلاها على قبلو فكمل أسد بغضب مدمر :

-نتي ماكنتيش فقط خطيبتي...نتي كنتي حب حياتي ....علاش مافكرتيش فحبي ليك علاااش ؟؟

تنهدت نورسين بإستياء وشهرت بقلبها كايتألم وهي كاتشوف فيه كايغوت عليها فالوقت لي من المفروض هي لي تغوت عليه وضربو وحلال فيه تقتلو بالنسبة ليها ...

ناضت وهزات معاها خيباتها وأمالها المحطمة وقالت بصوت جليدي:

-كانضن خصنا نمشيو

لكن أسد تمسك بدراعها بعصبية ورجع كلسها بسيف عليها وبعد عليها باش مايأديهاش ثم قال وكأنه فقد أعصابو :

-شنو بغيتي مني انورسين؟؟

شافت فيه بملامح هادئة وباردة وقالت:

-والو مابغيت والو

بقا كايشوف فيها بصدمة كايشوف كرهها ليه فعينيها وشعر بالضيق فقلبو ... زفر وشهق وقال بعد صمت قصير:

-الى قلتليك ...خلينا نبداو من جديد مع بعض ..شنو غادي تكون اجابتك؟

جاوباتو ببساطة وهي كاتحاول ماتشوفش فعينيه العسلية ورموشو لي كايسلبوها كل إرادتها وقالت :

-اجابتي غاتكون لا..

تصدم أسد ... هو كان متوقع أنها غادي تفرح إلا طلب منها يحيو قصة حبهوم لكنها رفضت مع أنها هي لي خانتو ..واش مازال غادي يزيد يدعس على كرامتو كتر بسببها...تنهد قال بعد صمت:

-والسبب؟

شافت فيه بثبات متصنع وقالت:
-مابغيتش نقولك اسبب..

ناضت وعينيه ملاحقينها ...حركت رجليها اوقفت قدام لحدايد ديال الكورنيش وتنهدت وهي كاتشوف فأمواج البحر وأصوات هدير المياه ...تبعها أسد بخطوات برزت كل معاني رجولتو اوقف حداها كايشوف فيها بشوق واستغل لحظة هدوئها باش يشبع عينيه بشوفت ملامح وجهها الفاتنة لي غابت عليه تسع سنين كلها .

-بغيت ننسا كولشي من الماضي.
همس بها جبل وتمسك بخدودها بين يديه وكمل :

-وانا جاهز نوافق عليك مرا اخرى

ابتلع رقو وكمل:
-ماغاديش فكرك فالماضي أبدا ..ماعارفش واش كنت معطاء او عار ... لكني مستاعد نسامحك .

بعدت يديه عليها وشافت فيه بسخط .. من المفروض هو لي يطلب السماحة منها ويتوسل المغفرة لكن هو بكل وقاحة وبكل تعالي وتكبر وغرور داير راسو هو الضحية ... نفثت الهواء من فمها بسخط وقالت:

-أنا فقتاش طلبت منك تسامحني هاه !!!...

ارتبك اسد فاش سمع ردها لي ماتوقعوش منها وغوت :

-خاصك طلبي

تراجعت بخوف وهي كاتشوف الشياطين تتراقص قدام عينيه ففضلت تسكت وملي شاف أسد تعابير وجهها تنهد باش يسيطر على أعصابو وقال بصوت مرتعش:

-انا ماطلبتش منك طلبي سماح اننور لأنني سامحتك بنفسي من اول نهار رجعت شفت وجهك المنور احياتي

حاولت نورسين تتماسك باش ماتتأثرش بكلماتو وقالت بإستهزاء:
-انا كانشكرك على كرمك...ودابا رجعني منين جبتيني..

تنهد أسد بضيق وكملت نورسين فاش شافت علامات الرفض فعينيه:

- غادي نرجع بحالي...

شاف فيها بعينيه الناعسة بخدلان وقال:
-فين غادي ترجعي؟؟

-المغرب...هضرت مع لمار قبل مانشوفك وحاجزة فالطائرة قبل شهراين يعني مايمشيش بالك بعيد ماشي نتا هوا سبب مغادرتي لأمريكا.

تمسك أسد بالدرابزين بغضب وزفر بحدة ثم شاف فيها بترجي وقال وهوا كايشد فيديها بجوج :

-انا مابغيتك تمشي لحتى شي بلاصة انورسين

قرب بيديها وحطها على قلبو وهمس بحزن:
-قلبي كايتألم بيك من جديد.

ضورت وجهها عليه باش مايأترش عليها وهو كايشوف فيها بتألم وكمل:
-سمعيني انورسين...انا ماغاديش نسولك على حتى حاجة من الماضي..كرامتي وداتي..بغيت ننسى كولشي وندفن الماضي انورسين

جاهدت نفسها باش ماتتأترش بكلماتو الراجية فقال بصوتو المبحوح والخشن:
-نورسين ..انا ماعمري قدرت نخرجك من قلبي ...لحد اليوم فقلبي كاينا درجة الحب نفسها ليك .

لكنها بعدت يديها على صدرو وهي كاتحاول ماتبكيش وكاتحاول تمنع دموعها فقال بنظرت ألم قطعت قلبها:

-واش.... واش ماتأترتيش ابدا بهادشي لي قلتلك.

تصنعت البرود وشافت فيه ثم وقالت بلهجة جليدية :

-انا اساسا قررت مسبقا أنني غادي نمشي بحالي من هنا.

تراجعت بخطواتها للخلف و مشات بعدما وقفات سيارة تاكسي وخلاتو محطم القلب ووحيد ....
رجعات للمغرب بعدما ستقبلتها لمار فالمطار وداتها معاها لفيلة العائلة..

لمار كانت فرحانة بزاف برجوع نورسين للمغرب وداتها معاها لدارها ... كان فاستقبالها آيلا وعمر و براهيم و اية ومحمد وحتى الخالة مريم والعم إسماعيل ... فرحو بيها بزاف كاملين .... تعشاو وضحكو واخا نورسين كانت عيانا بسبب السفر الى انها قاومت تعبها وكلسات معاهوم...

بعد العشاء عيط ليها براهيم وبغا يهضر معاها على موضوع أسد لكنها رفضات وبزز عليها تسمعو بسيف عليها... دخلها لغرفة أسد القديمة وسد عليهوم باش يهضرو على إنفراد ... كانت كاتتفحص جدران ديك الغرفة لي دوزت فيها أروع أيام حياتها مع أسد لكن هادشي كلو أصبح من الماضي وكيفما عاشت فيها ايام زوينة عادلتها بنفس الأيام الكحلة بعد مغادرتو ...

ابتسم إبراهيم بهدوء وقال :
-الى كانت هاد الغرفة فيلم ... فنظرك شنو كان غادي يكون عنوانو انورسين ؟؟

شافت فيه نورسين وإبتسمت بتعب وقالت :
- إتقي شر من أحسنت إليه .

إبتسم إبراهيم بهدوء وقال :
-ولو كانت حياتك رواية ... اشنو كان غادي يكون عنوانها ؟.

كانت باغيا تقوليه "العميلة رقم 7" لكن حكاية العميلة كانت سر أقسمت عليه بحياتها باش ماتفشيش بيه لأي أحد كان ... فتنهدت بهدوء وربعت يديها لصدرها وقالت :

-لو كانت حياتي رواية ... كانت غادي تكون بعنوان
"فتاة بـ مئة سر" وكان غادي يكونو فيها 10 ديال الفصول ...
- ‏الفصل الأول بعنوان "اليتيمة"
- ‏والفصل الثاني "أحلام تحت سراديب الجحيم"
-‏ والفصل الثالت " أمسك بيدي "
-‏ والفصل الرابع " أحببتك أكثر مما ينبغي"
-‏ والفصل الخامس "لماذا الرحيل"
- ‏والفصل السادس " فتاة خانها الجميع"
- ‏والفصل السابع " لن أغفر أبدا "
- والفصل الثامن " مسجونة في الغربة"
- ‏والفصل التاسع "فتاة في إنتظار النهاية "
- ‏والفصل العاشر والأخير "فداء الوطن "

ضحك إبراهيم بخفة وقال :
‏-وعلاش وضعتي النهاية لرواية حياتك ؟؟؟.... وعلاش ختاريتي ليه إسم "فداء الوطن"

تنهدت نورسين وهي كاتشوف فيه ... واش تقوليه أن اخر فصل فحياتها غادي يكون لخدمة وطنها ... وخدمة الوطن تعني أن تضع رقبتك على حد شفرة ... يعني أنك تموت على قبل بلادك ولا ولادك وهي ختارت تموت على قبل بلادها وأي شئ غادي يطلبو عابد منها هي مستعدة تنفدو ولو تحط حياتها ورقبتها تحت السيف فـ المقابل .

فاش شافها إبراهيم سرحت بعقها لبعيد تنحنح باش يخرجها من دوامة أفكارها وقال :

- ماعليش ... ماشي هذا هو موضوعنا ... جبتك لهنا باش نهضر ليك على أسد .

توترت فاش سمعت إسمو وقالت :
- بغيت نرتاح ابراهيم ...كانحس براسي عيانا ..

رد عليها ابراهيم بعناد :
-وانا ماغاديش نرتاح إلى ماعاودتلكش على لي مخبيه فقلبي ...انا عارف شحال نتي قاسيتي وفاش سقت لخبار انك تسجنتي ماتصوريش الصدمة ديالي كانت قداش ... وأنا عارف انك كاتلومي أسد على الشئ لي وقاع معاك ...ولكن خصك تعرفي هو علاش تصرف بديك الطريقة وهاجر لأمريكا بلا مايخلي موراه حتى شي مبرر.

قلبت نورسين عينيها بعدم إهتمام وكمل إبراهيم وهو كايقول بجدية :
- نهار لي وافقك داك السافل ديال روبرت باش يبيع المكتبة لأسد نتي كنتي سبقتينا لعندو ...

عقدت نورسين حواجبها وضيقت عينيها باش تتذكر داك النهار وكمل إبراهيم :
- فاللحظة لي دخلنا أنا وأسد من الباب لقيناكوم .... أقصد هو كان قريب ليك بزاف من الخلف ... أنا متأكد كيفما كانشوفك قدامي أنك نتي ماكنتيش منتبهة ليه فاش كان كايتقرب منك ولكن أسد فهم الموضوع بمنحنى خاطئ ... هو ظن بأنكم على علاقة وبلي نتي كاتخونيه معاه .

شهقت نورسين بصدمة وماقدرتش تصدق الشئ لي سمعاتو بودنيها ... إذن أسد هجرها وسمح فيها على قبل سوء فهم سخيييف .... لا ماقادراش تصدق ... ناضت وبدات كاضور فالغرفة بأعصاب مشدودة والدمعة تحصرت فعينيها لكنها كانت كاتحاول تمنعها بكل قوتها ...

ضارت لعند إبراهيم وقالت :
- إلى كنتي نتا ... لي مجرد صديق ظنيتي بيا الخير وماقدرتيش تضلمني بسبب سوء فهم سخيف ... اذن اشنو بقا لأسد لي كان كايبغيني ياحسرا ... هو مافكرش حتي يسولني ... علاش ... علاش كايوقاع معايا بحال هاكا علاااش .

إنفعلت نورسين وبدات كاتبكي بقهرة فناض إبراهيم وجرها لحضنو وسمح ليها تبكي فوق أكتافو وهو كايقول :

- حاولت نقنعو بكل قوتي .... قلتليه بلي نتي إنسانة بريئة ... والوضعية لي نتي كنتي عليها والكتاب لي كان فيديك كان موضح ان داك ولد لكلبة ديال روبرت كايحاول يتحرش بيك لكن دخولنا احبط غايتو قبل حتى ماتنتابهي ليه نتي ..

بعدت نورسين على حظن إبراهيم وهي كاتمسح دموعها بيديها ثم قالت بصوت باكي :
- طول هاد سنين وأنا كانحاول نقلب على شي مبرر أو سبب مقنع يخليه يسمح فيا بديك الطريقة ... لكن ماطاحتليش فبالي هاد القضية ..

ضحكت بإستهزاء ثم كملت :
-هه ... مزيان ... كولشي من الخير ... الإنسان لي كايبغيك كايتاخد ليك الف عذر وعذر باش مايضلمكش ... لكن أسد ماعمرو كان كايبغيني قد لي كايبغي نفسو .... ودابا كلشي أصبح من الماضي ... وأسد فواحد الفترة كان قلبي نبض على قبلو ... ولكن .. ينعل بو هاد القلب لي يدل مولاه حتى لهاد الدرجة .

مررت أصابعها حول خصلات شعرها البندقي وقالت بتوتر :

- إبراهيم ... شكرا حيت ماظنيتيش بيا السوء كيف دار أسد ... والى سمحتي بغيت نرتاح .

تالمات نورسين بزااف لأن أسد هرب بسبب تافه ومافكرش حتى يسولها ويفكو داك السوء تفاهم... يمكن كون مامشاش وماهربش مكانتش غاتعيش كاع داك العذاب لي عاناتو من بعدو وكذلك السنين من حياتها لي ضاعو فالسجن ...

سلات كلامها مع ابراهيم وطلعات لغرفتها باش تنعس وترتاح لكن مع ذالك صوت أسد وترجيه ونظراتو الحزينة ماخلاوهاش تنعس فراحتها....

اصبح يوم جديد وتفاجأت نورسين بوجد أسد امامها ..مكانتش متوقعة أنها تقدر تشوفو حتى فالمغرب ياك هو خواه على قبلها ودابا لاش راحع .!!

لهضرة لي قالتلو ماغاتعاودهاش ...وهي لن تغفر أبدا وبالخصوص فاش عرفت السبب السخيف لي خلاه يهجرها .

جرها أسد من يدها بزز عليها وركع أمام رجليها وسط دهشتها وطلب منها السماحة ... لكنها رفضت فالأول وأنباتو ولامتو وفشت أعصابها فيه وبعد عناء من أسد باش يقنعها قالت :

- نتا ماتقتيش فيا من البداية ..فكيفاش غادي نرجعو كيف كنا ...جاهزا نضحي عى قبلك فكل خطوة ...دازو عدة سنين وبيناتنا جرح...حبنا مماتش لكن تلفناه فشي بلاصة ..فين غادي نرجع نلقى هاد الحب من جديد ..؟

رد عليها أسد بإصرار :
-ماتقلبيش علي حبنا انورسين .. أنا مانستاهلش نتحب ..ماخصكش تسامحيني ..نتي ربما كاتكرهيني ..وربما تكرهيني لبقية حياتك ..ويمكن هاد الكره غادي يقلل من تعديب الضمير لي كانحس بيه داخلي.. نتي ماخصكش تسامحيني على اي دنب درتو معاك ...العشاق ماشي عديمي الرحمة وقاسين بحالي ..

كانت نظراتو نظرات الطفل كايترجاها ماتخليهش وحيد وهوا كايقول
-ماتسامحينيش الى بغيتي...لكن تقبليني فحياتك من جديد كانترجاك .

شدت فصدرها بحرقة وقالت بصوت مرتجف بسيف باش قدرت خرجو :

-سمحتي فيا وحيدة تماما بعدما عتارفتي لي بحبك ..كيفاش قدرتي ...كيفاش قدرتي تخلينني نطير ومن بعد نتساحب ونسقط بوحدي ؟ .... تحرقت احلامي... مشاتلي لفيلة والشركة وتسجنت لمدة 6 سنوات ودوزت قبل من سجن أسوء عامين فحياتي ومن بعد ما فرج عليا الله بقيت سنة كاملة وانا كانحاول نجمع شتات نفسي حتى قدرت أخيرا نوقف على رجلي ...ودابا راجع تطلبني نرجع ليك وبكل بساطة وكأنك مادرتي والو ... مازال مادمرتينيش كفاية مازال باغي تكمل عليا .. أنا ضاعت 6 سنين من حياتي و نتا هوا السبب كون ماتخليتيش عليا مكانش غادي يتجرء حتى شي واحد يلمس شعرة مني ...نتا ...نتا كنتي ليا الدرع الحصين ومشيتي وخليتيني بين دياب يديرو فيا مابغاو ...اكيد براهيم عاودليك كولشي وعلى المعانات لي عانيت من بعدك ...

مكانش عند أسد شي مبرر من غير أنه يزيد يطلب السماح وماقدرش يقولها السبب الحقيقي لغيابو عليها وبلي عرف بموضوع خدمتها الحقيقية ..حيت حتى لو انه تكلم فهذا ماشي مبرر لأنها فبلاصت ماتدينو هي ساعداتو ومدت ليه يديها وطلعاتو من الضلام للنور فالوقت لي كان خصها تقدم مجرم بحالو للعدالة ... وبعد محاولة لإقناعها قالت نورسين أخيرا :

-سامحتك ودرجة حبي ليك ماتغيراتش ..فمهما عملتي ومهما غادي تعمل قلبي عنيد وواقع فحبك مند الازل

تساقطة قطرات المطر شوية بشوية حتى جهادت شافو فبعضياتهم بدهول وحل صمت قطعاتو ساعقة ضربت وسط السماء خلات اسد يقفز بالخلعة وادا بنورسين شدات فكرشها كاتموت بالضحك فقال أسد بغيض طفولي:

-علاش كاضحكي؟
-هاهاها نتا كاتخاف من السواعق

قرب منها بتعمد باش يوترها وقال:
-لا كانخاف منك ..ومن تأثير سحرك عليا

شافت فيه نورسين بتحدي وقالت:
-تبتلي انك مكاتخافش من السواعق..

شاف فيها بمكر وهي عرفات شنو باغي يدير نقض عليها ورفعها بين دراعو وسط مقاومتها وخرج بيها تحت المطر وغوتت وهي متمسكة بعنقو :

-ااااه.... بارد بارد بارد

ضحك على منضرها ورجع رفعها وبدا يضور بيها وكان شعرها كايطير فالسماء وضحكاتها و كذلك ضحكاتو ملئو المكان بمرح.

-اسد غادي يقتلنا البرق

نزلها برفق حتى لامست رجليها الرقيقة الأرض وحاوطها بين دراعو ولسقها معاه وقرب جبينو من جبينها ...كان شعرهم مبلول وكايشوفو فبعضياتهوم بتمعن حتى همس أسد وإرتطمت أنفاسو بخدودها وقال'

-يا ملادي الوحيد ...يامجنونتي القصيرة ..شحال انا متيم بغرامك

ضهرت ابتسامة طفولية على خدودها وقالت باستياء طفولي

-ماشي انا لي قصيرة نتا لي طويل كتر من الازم.

إبتسم على لطافتها ومد أصابعو رفع دقنها باش تشوف فيه ثم خطف قبلة من شفايفها كانت طوييلة وهمس فودنها قبل مايعنقها بقوة .

-كانبغيك... وكانموت على الهواء لي كاتنفسي بيه.

ركع على ركبتو امامها تحت المطر ومد يديه تمسك بيديها وقال وعينيه محاصرين عينيها السماوية:
-واش تقدري تنقديني من نفسي وتقبلي تكوني مرتي ..

وضعت يديها على فمها مامصدقاش وهمست :
-اه ...اه

ماسمعش شنو قالت حتى طارت عليه عنقاتو و طاحو بجوج بيهم على الأرض وجات هي بين دراعو وفوق منو ...شاف أسد فعينيها الفيروزية وقال بارتباك :

-واش نتي موافقة؟

إبتسمت نورسين و همست فودنو وهي كانحاول تكبت سعادتها:

-موافقا ...

غمض عينيه براحة وبعدها عليه ثم حاوط خدودها بيديه وقال بسخرية:

-غادي تكون سعادة آيلا اكتر من سعادتنا فاش تعرف.

ضحكت نورسين وقالت برقة :
-يالاه اذن نرجعو للدار

ابتسم أسد و وضع راسها على صدرو حتى شعرت بنبضات قلبو المتسارعة بسبب قربها ليه ..غمرها بين احضانو وقال:
-نتي فدارك مسبقا ....بين احضاني

بعد مرور اسبوعين تقلبت دار وتهزات على راسها سيارات المعزومين واضواء الخارجية لي مزينا الفيلة من برا كاتقول للعالم ان ليوم يوم سعد أسد وحبيبتو نورسين
اما من داخل الورود والزرابي وطاولات والمشروبات والمأكولات على عدت أشكال وأنواع ...كولشي نباهر بداك المنضر الفاخر الموسيقى الشعبية والفنانين الشعبين لمشهورين حياو العرس الأسطوري لأبطال رواية العميلة رقم 7 ... حبيبي اسد وحبيبتي نورسين

خرجوها نكافات باللبسة لبيضة وهي فابهى حلتها وزينتها ركبات على العمارية وكأنها أميرة من ألف ليلة وليلة بينما أسد كان واقف وكايشوف فيها بعشق وهيام ..كايشوف حبيبتو أميرة وسط عشرات الفتيات الا أنها فعينيه غيير . ..هي مجنونته الصغيرة ...هي ملاك وسط عيونو العسلية ....هي ننور حبيبة قلبو الأبدية ومعشوقت روحو نورسين المالكي .

وفوسط العرس والليلة قايما وكولشي فرحان ... تخطات البواية خمسة أقدام لشخصيات رجولية وبنت وحدا في أبحى حلاتهم الراقية ...إستفانيا وبويكا و عابد ورافاييل و.... جبل محمد إبراهيم مرتجى .

تفاجأت نورسين بوجودهوم وماقدراتش تصدق ولكنها فرحات بزاف بوجود عابد بالخصوص ... تقدم عندها عابد وعنقها بحرارة وسط إستغراب أسد وقال :

- بنتي نورسين... ماقدرتش نكبح رغبتي فحضور عرسك

قبل ماتلحق تجاوبو طارت عليها إستفانيا وعنقتها بحرارة وهي كايقول:
-نورسييييين .... توحشتك اختي

ردت عليها نورسين وهي كاتعنقها بحرارة
- حبيبتي استفانيا ...توحشتك بزاااااف

بعدت استفانيا على حظن نورسين وجرت بويكا وهي كاتقول ...
-نقدم ليك راجلي ... بويكا

توسعو عيون نورسين وقالت بدهشة :
- اخييييرا ....تزوجتو ...

تقدم بويكا وسلم على نورسين وكانت فرحانة بزاااف بوجودهوم وكأن عائلتها الثانية جاو باش يحضرو لفرحتها ويفرحو معاها ... لكن أسد كان بحال الأطرش في الزفة حتى قرب عابد لعندو ومد يديه باش يسلم عليه وهو كايقول بحدة :

- مبروك سي أسد مالك ...

ابتسم اسد بهدوء وصافح يد عابد وقال :
-مرحبا بيك ..ا..؟

رد عليه عابد ببرود :
- صنهاجي عابِد ... عميد المخابرات المغربية ..

توسعو عيون أسد بدهشة وشاف فنورسين لي إبتلعت ريقها بتوتر وشافت فعابد بنظرة كاتعني "اشنو كاتقول؟" لكن عابد قلب عينيه بعدم إهتمام وقال :

- يبدو أن سي أسد مالك ماقالك والو ؟

شافت نورسين فأسد بنظرة كاتعني "اشنو كايعني عابد بهاد الهضرة " لكن عابد سبق وقال :

-سبق لركان تكلم مع سي أسد قبل تسع سنين وخبرو أنك عميلة عند المخابرات ابنتي نورسين ... هذا علاش ماقدرش يجي يحضر لعرسك ماعندوش لوجه باش يشوف فيك

ماقدرتش نورسين تصدق شي لي سمعات من عابد ... يعني أسد كان عارف بالموضوع ديالها وبقا ساكت ... شافت فيه نورسين بنظرة كاتعني "واش هادشي بصح؟ " فغمض أسد عينيه وتنهد ثم قال :

- من بعد ونشرح ليك احياتي ..

إبتسم عابد وقال :
- ماجيناش لهنا باش نعكرو مزاج العروسة والعريس ... ليوم فرحك انورسين وحنا جينا باش نفرحو معاك ... لكن قبل بغيت نعرفكم على وجوه جداد .

قرب عابد من رفاييل وجبل وقال :
- العقيد رافاييل ديمورو محقق من الشرطة الدولية الإنتربول ....

ثم مد يديه وأشار لجبل وكمل :
- جبل مرتجى رجل أعمال سوري مغربي وعضو سابق فمنظمة الكاريبي .

قلب جبل عينيه بغيظ وشاف فعابد لي إبتسم بمكر فحاول يتجاهلو وقرب من أسد ومد يديه باش يسلم عليه وقال :

- ماتديش عليه راه مسكين شرف وخرف ... أنا جبل مرتجى تشرفت بمعرفتك سيد أسد مالك ومبروك عليكوم .

مد أسد يديه وصافح جبل وقال :
- مرحبا بيك سي جبل ... الشرف ليا ..

مد جبل يديه وتمسك بيد نورسين ثم طبع قبلة على ضهر يديها خلات أسد يغلي من الداخل بسبب الغيرة وقال :
- لالة لعروسة.... الله يكمل بالخير .

إبتسمت نورسين بخجل لكن فاش شافت عينين أسد مطرطقين فيها سحبت يديها بسرعة وقالت :

- الله يبارك فيك سي جبل ... رغم ان الاسم لي سمعت غير مطمئن

عقد جبل حواجبو بإستفهام وقال :
- اشنو كاتقصدي

فردت عليه نورسين وهي كاتبتاسم :
- الكاريبي اسي جبل .... الكاريبي .

إبتسم جبل ببرود وقال :
- عضو سابق بالوراثة ...

توسعو عيون نورسين وقالت :
-ااه يعني الأب ديالك هو العضو الفعلي .

-‏تماما ... ولكن الله يرحمو ..

كان أسد مندهش من الشخصيات لي واقفين حداه وإستوعب شحال أن نورسين بحر عمييق ومازال هو ماقدرش يوصل حتى للمنتصف ديالو ... رؤيتو ليها وهي كاتكلم بشخصيتها الحقيقية الرزينة والخالية من الغباء لي كانت كاتضاهر بيه طول مدة معرفتها بيه كان مفاجئ لأسد ... واستغرب شحال هي انسانة عميقة طول ماهي كاتكلم مع عابد وبويكا وحتى رافاييل واستفانيا وجبل ...وكتشف انه كان انسان غبي نهار لي فكر انه يسمح فيها على قبل امر تافه مايستحقش دوك السنين لي ضاعو منهوم ....

✅284✅

داز العرس وانتهى على خير ... فرحو و نشطو وشطحو كاملين حتى خوات الڤيلة ومابقاو غير العائلة والعرسان وعابد وجبل ورافاييل وبويكا وإستفانيا لي تجمعو فقاعة مغلقة باش يهضرو على راحتهوم .

كانو كاسلين فوسط الصالة وبين يديهوم كؤوس ديال القهوة الساخنة وهوما كايتحدثو برزانة ... شاف عابد فأسد وقال :

-سمعت أنك نوعا ما إستقلتي من ديك المنظمة أسي أسد واش هادشي بصح .

بغا أسد يجاوب لكن نورسين سبقاتو وقالت :
- أه اسي عابد هو مابقا عندو حتى شي علاقة بيهوم صدقني .

إبتسم أسد بهدوء وتمسك بيد نورسين وقال :
- مكاين لاش تجاوبي فبلاصتي احياتي ...

ثم كمل وهو كايشوف فعابد :
- خدمتي معاهوم توقفت من زمان اسي عابد ... علاش كاتسول ياكما باغي تسيفط ليا شي عميل أخر يتجسس على حياتي ...

قرب يد نورسين وطبع قبلة هادئة على باطن يدها وكمل :
- ولكن مانصحكش ... غير عميلة وحدا كانت كفيلة باش تغير حياتي كلها وتقلبها رأسا على عقب .

إبتسمت نورسين بهدوء وشاف فيه عابد وقال :
- لحسن حظك يا أسد مالك أنك طحتي فصاحبة احن وأطيب قلب فهاد العالم ....

شافو اسد ونورسين فبعضياتهوم بحب قبل مايقاطع نظراتهوم صوت رافاييل الرخم وهو كايقول :

- أسد مالك وجبل مرتجى عندهوم شئ مشترك ولي هو الماضي السئ والإجرامي.

تنهد جبل وشاف فيه بغيظ ثم قال بصوت حاد :
- كان ضاروري من هاد الهضرة الخاوية اسي رافاييل .

قلب أسد عينيه وقال وهو كايشوف فرافاييل بحدة :
-خليه يعبر ... كايبانلي قلبو عامر .

تنهد رافاييل وقال بإستهزاء :
- تماما ... قلبي عامر ومكولي بالناس لي بحالكوم لي كايطلعو انفسهم من جرائمهوم بحال الشعرة من العجين ومكايتملصو من العقاب.

تكى جبل على ظهر الكنبة ودار رجل على رجل بخيلاء وقال :
- ياعني لو أنكم كاديرو شغلكم بشكل صحيح ماكنتوش غادي توكلو على مجرمين بحالنا باش يعاونوكوم على حل قضية الكاريبي اسي الرقيب ديمورو .

على أسد حواجبو بإستنكار لكلام جبل و. قال :
- اشنو كاتعني هاد الهضرة ؟؟ .

تدخل عابد وقال بجدية :
- حنا محتاجين للخبرة ديالك الطويلة فالمنظمة فالقبط على رئوس الحيايا لكبار لمنظمة إسمها الكاريبي ... الفريق ديالنا كبير بزاف وبغيناك تنضم للفرقة الإسبانية برفقة السيد جبل والرقيب رافاييل والعميلة نورسين .

شاف أسد فنورسين بصدمة فحنات نورسين راسها بإستياء من عابد لي فرش القضية وهي كانت عاد باغيا تفهمو الموضوع بهداوة وعلى إنفراد ... علات نورسين عينيها وشافت فأسد وقالت بصوت جاد :

- حبيبي أسد ... كنت باغيا نخبرك بهاد الموضوع على جانب لكن بغيتك تعرف أن سي عابد عندو فضل كبير عليا وأنا ضروري خصني نستلم المهمة ديالو ونستأنف عملي ... مع الأسف احبيبي انا غايدي نخدم من جديد ولكن الى كنتي فجنبي أنا غادي نكون مرتاحة أكثر ... دير يديك فيدينا أحياتي ...

تنهد أسد بإستياء لكن قبل مايتكلم قال عابد بصوت ماكر :
-هو عندو حرية القبول أو الرفض ماغاديش نبززو عليه... الى قبل غادي تشكلي نتي وياه ثنائي والى رفض سي جبل غادي يكون هو الثنائي ديالك .

إبتسم جبل برحابة صدر حتى ظهرت غمازة دقنو الوسيمة وقال بصوتو الرجولي الفاتن :
- من دواعي سروري أنني نشتغل معاك أمدام نورسين .

حس أسد بالغضب من طريقة جبل فالهضرة ... لا وعاد كايبتاسم ليها والموصيبة أنها بادلاتو نفس الإبتسامة الفاتنة ... هاه ... هادشي لي بقا غير واحد بحال جبل عينيه زايغين ياخد مرتو حبيبت قلبو ...هذا كايعني ان جبل غادي يرافق مرتو فمعضم الأوقات وهادا امر مستحيييل يقبلو ... نورسين ليه بوحدو ..

تنهد أسد بغضب وقال :
- أنا موافق ...

اتفقو على المهمة وتفرق كل واحد مشا بحالو ... جبل رجع لجنوب أفريقيا ورافاييل رجع لجزيرة إبيزا وأسد ونورسين مشاو فشهر العسل لكوريا الجنوبية حتى رجعو طلاقاو بعد مرور سنة وفالمهمة ديال فيلة الكاريبي لي إنتهت بالفشل الذرييع

وهاذا كان جزء من رواية العميلة رقم سبعة لي ختمت اخر فصل فيه بجملة :
"هادي ماشي مجرد نهاية ... هادي بداية لحياة جديدة"

وحياة نورسين وأسد مالك ماتزال مستمرة ومغامرتهوم مازال مخبي بين طياتها شلا أشياء غامضة وممتعة

__________

نهاية الفصل

الفصل 24 / BARON "ياويلك مني ياروعة"

2018-10-30T09:28:00.001-07:00

منزل روعة / سان ميچيل/ الساعة السادسة صباحا

صباح جديد على جزيرة إبيزا ، يالاه شرقت الشمس هادي نصف ساعة ... ويالاه قدرت روعة تغمض عينيها حتى إستوطن ضوء الفجر زوايا منزلها بعدما مرت من رحلة تعذيب الذات، من حد حتى الحبوب المنومة لي شربت منهوم ثلاثة ديال الحبات ماقضاولهاش ...

تقيات ثلاثة ديال المرات ... من حد حتى معدتها عاداتها وخاصمتها ... بكات حتى شبعات من حد حتى حوايجها ماكانتش عندها القوة باش تبدلهوم ...

شعرها الأحمر كان منكوش فالسماء والمكياج تخربق فوجهها ولا شكلها بحال شي مهرج منحوس مطرود من السيرك

كانت روعة ناعسا على الكنبة بينما رجليها على الأرض بحرا كانت واضعة راسها على جنب الكنبة وخصرها ...
لكن صوت جرس الباب ضرب بحال شي مطرقة فوق راسها خلاها تفقز واقفة بلخلعة بلاما تشعر ...
فالحظات الأولى ماعرفتش راسها فين ... واش هي فدارها ولا فشي بلاصة أخرى ...لكن الجرس ودقان القوي والمتواصل خلاوها توگد بسيف عليها..

إبتلعت ريقها بخوف وأول شخص جاها على بالها هو جبل ... اكيد جاي باش ينتقم منها ... اكيد هو غادي يقتلها دابا ... غادي يضربها اولا لراسها حتى تسخف ومن بعد غادي يقطع الجثة ديالها ويلوحها فالزبل ...لا لا... غادي يلوح كل طرف فمدينة .... اه وغادي ياكلوها لكلاب

شافت فالأرض وتفكرات ، ماعمرها تنسى نهار لي طيحها على الأرض وهددها فاش رفضات عرضو فإستأجار رحمها ... لكن هاد المرة حياتها إنتهت على يديه بكل تأكيد ...

غمضت عينيها بقوة ثم فتحتهوم وهي كاتنفس بسرعة وبتوتر بحال شي غريق ...
توجهت بسرعة للمطبخ وهزات أكبر موس فمطبخها ثم قربت من الباب بتردد ووضعت يديها على المقبض وهوما كايترعدو ...
حسبت من واحد لثلاثة ثم فتحت الباب بسرعة ووجهت الموس للأمام باش تهجم ...لكن مالقات حتى شئ واحد ...

فين مشى؟...

خرجات من الباب بحذر ولتافتت يمين وشمال وفجأة لاحظت أقدام رجالية بالقرب منها... علات راسها ببطئ وبأعصاب مشدودة فلقات أمامها مباشرة وجه المجرم إيزيك لي قتل هاري بملامح مبهمة وماواضحاش وكانت على وجهو إبتسامة خبيثة كلها مكر ...

كانت صدمة قوية فوق طاقتها وهوى قلبها للقاع حتى أنها مابقاتش كاتحس برجليها .. وكأنهم ماتو ولا هوما فالأصل ماشي دياولها.

مد إيزيك يديه لي كانت مخفية خلف قفاز أسود جلدي ولمس خدها بهدوء ثم قال بصوت غليض:
-وأخيرا لقيتك ألمجرمة ...روعة الخطيب

ثم سحب يديه بسرعة وجبد المسدس عليه كاتم صوت من خلف خصرو أوجهو لراسها مباشرة و طلق رصاصة إستقرت في جمجمتها وطاحت روعة للأرض جثة هامدة

و فنفس الوقت طاحت من فوق الكنبة للأرض وهي كاتلهت وكاتفس بقوة ...
تحسست راسها برعب لكن فاش مالقاتش الدم تأكدت أنه مجرد كابوس لعين

إعتدلت بجلستها على الأرض وتنفست الصعداء باش تهدئ نفسها ....وهي كاتمتم:
- كابوس ... مجرد كابوس ... الحمد لله

مدت يديها مسحت جبينها لي كان مليان بقطرات العرق ثم تكات على الكنبة لي كانت خلفها ، لكن صوت جرس الباب لي ضرب من جديد زرع الرعب فقلبها وناضت بسرعة ...لكن الصوت لي سمعاتو كان نوعا ما مطمئن .

- روعة واش نتي لداخل ؟

قالتها تاليا وهي كادق فالباب وتصوني ...
تنفست روعة الصعداء مسحت وجهها بيديها و عوطت شعرها ثم خدات نفس عميق باش مايبانش توترها و تقدمت بهدوء لعند الباب وفتحاتو...

-تقبريني ...واش عرفتي شحال وانا كانصوني وندق فالباب حتى قلت أنك متة..

سكتت تاليا وشافت فروعة من راسها لرجليها وكان منظرها كايخلع فقالت بتعجب وبصوت هادئ:
- روعة واش نتي بخير ؟... شكلك داير بحال شي باندا سكرانة .

قلبت روعة عينيها بغيظ وكأنه الوقت المناسب للضحك ثم بعدات من الباب باش تخوي طريق لتاليا باش تدخل ..وتوجهات للمطبخ وهي كاتقول :

-شكون لي وصلك ؟

ردت عليها تاليا وهي كاتحيد حدائها الرياضي بعدما غلقت الباب
-دانيال ...مكانش بساهل نفيقو من النعاس لكن ماقدرتش نصبر وماجانيش النعاس الليل كلو ...غادي نموت بالفضول باش نعرف شنو درتي مع هاري .وسمحيلي حيت فيقتك بكري.

شعرت روعة بالألم إعتصر قلبها فاش سمعت إسم هاري وتصنعت الإنشغال فالمطبخ ... لحقت عليها تاليا وشافت فشكل روعة لمبهدل وقالت:

- روعة كاتبانيلي ماشي هي هاديك !!!...

ردت عليها روعة وهي كادير الماء يغلي فوق البوطة:

- اش غايكون فيا گاع؟

قربت تاليا منها وجراتها من دراعها باش ضور لعندها وقالت وهي كاتفحص وجهها:
- المكياج ملطخ وجهك وعينيك منفوخين ... واش كنتي كاتبكي؟؟

سحبت روعة دراعها بتوتر وبعدات لكن تاليا لاحظت دراعها لي كان عليه كدمات زرقين وكأن شي حد ضربها ولا قرصها وكملت وهي كاتقول:

-روعة راكي خلعتيني ، اشنو لي واقع معاك ؟ شوفي يديك كيف مزرقين .. شكون لي ضربك ؟

شافت روعة فيديها بصدمة .. هي مكانتش ملاحظة دوك العلامات على يديها ..مدت يديها وتحسست المكان لكن شعرت بالألم ... و ألم قلبها كان أقوى من ألم جسدها هذا لاش مالاحضتهومش..

شافت روعة فتاليا وفكرات واش غادي تقوليها أن هاد لاطراس ديال خوها جبل فاش شدها من درعانها بقوة وتاهمها بالقتل قبل مادفعو وتهرب !!

حمحمت روعة وقالت بصوت هادي :
- احم ...والو غير دوزت لبارح ليلة صعيبة فلخدمة وتخاصمت أنا وشي بنت خداما معايا ... ورجعت معطلة شويا وكنت عيانا بزاف هدا علاش نعست بلاما نبدل حوايجي وبلاما نمسح المكياج ...

حلت تاليا فمها بغات تهضر وتستفسر أكثر لكن روعة قاطعتها وهي كاتقول ..
-أنا غادي نمشي نبدل هاد الحالة وندوش ...

لكن قبل ماتحرك روعة من بلاصتها لاحظت طبعة على عنق تاليا وكانت واضحة وضوح الشمس أنها أثر لقبلة عميقة ... توترت تاليا فاش لاحظت نظرات روعة وبسرعة مدت يديها طلعت السحاب وخبات عنقها من أثر قبلات رافاييل ...

تنهدت روعة في محاولة تهدأت أعصابها وفكرت ان دوك العلامات ماغادي يكون سببهوم غير هاري لي مات هذا علاش سدات فمها ومابغاتش تعلق على الموضوع وقالت :

- ماغاديش نتعطل

أومأت تاليا بسرعة وخلاتها على راحتها وهي كاتقول:

- واخا خودي راحتك أنا غادي نصوب لفطور على ماتسالي.

تمشات روعة لغرفتها ثم غلقت الباب وتكات عليها لفترة وهي كاتفكر شنو غادي تقول لتاليا؟ ... كيفاش غادي تقولها أن الرجل لي كاتبغيه قتلوه ...أكيد غادي تحماق ؟

حيدت حوايجها ولاحتهوم فالأرض بإهمال ثم وقفت قدام المراية كاتشوف فدرعانها لي كانو مطبوعين بأصابع جبل ونسابت على خدها دمعة سخونة وهي كاتفكر قبلاتو ليها وكاتفكر صوتو وهمساتو وكاتفكر الحظن لي خلا قلبها يظرب بسرعة لكن فاش كاتفكر إتهاماتو ليها ... كايحرقها قلبها بزااف ، ماقدراتش تتصور انه يهددها بداك الشكل وكأنها مجرمة وهي غير بغات دير الخير فختو ياحسرة ...

مسحت دموعها و دخلت تحت الدوش وخلات الماء الساخن ينساب مع كل منحنيات جسمها العاري ... علات راسها وكتمت نفسها وخلات الماء يضرب فوجهها باش تقدر تتوگد شويا .

بينما فالمطبخ كانت تاليا سارحا بخيالها لبعيد حتى فيقها صوت تلفونها لي صونا فجأة .. جبداتو وكان الرقم غريب .. ترددت فالأول لكن رجعت فكرت انه ممكن يكون هاري ... بسرعة فتحت الخط وجاوبت

-الو ... الو

كان فقط الصمت هو المجيب وكملت تاليا وهي كاتقول بوهن .
- هاري ..... هاري حياتي

إعتصر الألم قلب رافاييل وبرك على يديه بقوة حتى برزت عروق يديه الرجولية وهو كايسمع مناداتها بإسم غريمو ... كره راسو فديك اللحظة وفكر يغوت فتلفون ويقولها " هاري صافي مات حيديه من راسك ومن قلبك " لكن ماقدرش يتكلم ورجع غلق الخط وخلاها كاتقول بلهفة :

-هاري ... حياتي عمري ... هاري جاوبني

لكن فاش لاحظت الصمت من جديد عاد إنتبهت أن الخط مفصول ... تنهدت بألم ثم رجعات التلفون لجيبها بإحباط .

خرجت روعة بعد دقائق من الحمام ولبست بيجامة باج ونشفت شعرها المبلول وحطت شويا ديال المكياج باش ترجع الحيوية لي هربت من وجهها وخرجت للمطبخ .

كانت تاليا كاتحط أخر طبسيل ديال الزيتون الأسود على الطبلة وقالت فاش شافت روعة :
-بصحة وراحة .. دابا وليتي كاتشبهي لبنادم

إبتسمت روعة بوهن وقالت:
-قبيلة كنت كانشبه للأشباح؟

ردت عليها تاليا بسخرية حزينة:
-لا كنتي كاتشبهي للزومبي.

ضحكت روعة بسخرية وكلسات مع الطبلة ومدت ليها تاليا كأس ديال أتاي فقالت روعة لتاليا وهي كاتشوف فيها بترجي :
- إلى سمحتي أتاليا مديلي الأنسولين من الثلاجة لي موراك .

إستغربت تاليا من سلوك روعة المهدب ، فعادتا وبسبب العشرة والمعرفة ديالها الطويلة معاها كانت غاتقولها بصريح العبارة وبهاد الطريقة"الكلام الفاحش تگعدي جيبيلي لانسولين من ثلاجة " لكن اليوم هي مأدبة معاها بزاف وهادئة كثر من لقياس...

ناضت تاليا وحلات الثلاجة ومدتلها الأنسولين ورجعت كلست وتسناتها حتى سالات من حقن نفسها بيه وهزات روعة كأس ديال أتاي فيديها وعاد قالت تاليا باش ترضي فضولها القاتل :

- واش ماغاديش تعاوديلي شنو درتي فاش مشيتي للڤيلة عند هاري؟

حطت روعة الكأس من يديها على الطبلة بهدوء ثم رسمت إبتسامة مزيفة على وجهها وقالت:
-فالحقيقة أنا گاع مامشيتش للڤيلة ... خديت الرقم ديال هاري من عند عصام وعيطتلو هو جا عندي للنادي لي كانخدم فيه

أومأت تاليا براسها بتفهم وقالت :
-ايوا واش عطاك السي دي .

حمحمت روعة بتوتر ثم قالت بعد صمت :
-تاليا .....هاري غير كان كايكدب عليك .. نتي كنتي باغيا تفرقي عليه بسبب خوك وهو ماستحملش وكان باغي يصارح سي جبل بجدية علاقتو معاكي ... هدا علاش قالك بأنه عندو صور عليك باش تبقاي غير ليه بوحدو.

تصدمات تاليا فكلام روعة، يعني واش هي تستاهل منو يعدبها ويبكيها بديك الطرقة المبتدلة ...شافت تاليا فروعة بحزن وقالت:

- مكانش عليه يدير بحال هاد التصرف ... هو عارفني كانبغيه وأنا بغيت نتفرق عليه غير حيت خفت عليه من خويا جبل ... خفت لايأديه بسببي إلى عرف بعلاقتنا ... روعة أنا مانقدرش نستحمل إلى وقاعتليه شي حاجة أنا ممكن نموت فيها ... هدا علاش زطمت على قلبي وقررت نتفرق عليه ولكن هو الوحيد لي كايخلي قلبي ينبض أنا بسببو كانحس براسي عايشا اختي روعة ...

حمدت الله روعة فاش ماقالتلهاش الحقيقة ، كانت عندها شكوك أن تاليا ماتقدرش تستحمل خبر قتل هاري ، ودابا هي أكدتلها أنها عملت الصواب ...

لكن لي حز فقلبها ومارضاتش بيه ، هو أن جبل كون عرف بلي ختو عندها علاقة مع هاري كان غادي ينوض الدنيا وچلسها ولكن هي بالنسبة ليه مجرد عاهرة رخيصة ممكن يستأجر رحمها بفولسو فالوقت لي بغا...

ختو حرام عليها وبنات ناس مكاين مشكل ... ولكن هذا هو الرجل الشرقي والعربي عامة...كايبالغ فنظرته الملائكية للمرأة وكايخرجها من تكوينها البشري المعقول والمقبول لكن عند أول زلة ليها كايدفعها من إرتفاع شاهق حتى الطيح للأرض جثة ثم يلقبها بالعاهرة ...

إبتلعت روعة ريقها بتوتر وقالت بعدما رجعت للواقع لي كايجبرها على تأليف المزيد من الكذب :

- فاش طلاقيتو لبارح ... قالي بأنه جاتو شي فرصة عمل فأمريكا وملي نتي قررتي تخلاي عليه هو قبل العرض غير باش يقدر ينساك ... هو سافر لبارح ... كانت طيارتو مع 3 ديال صبح . أوصاني نقولك بأنه كايبغيك بزاف وماعمرو غادي ينساك حتى يموت وطلب مني نقولك ماتنسايهش وخليه ذكرى جميلة فقلبك.

غمضت روعة عينيها بحزن فاش لمحت دموع تاليا فعينيها ... هاري فعلا سافر لبارح مع 3 لكن ماشي لأمريكا بل للسماء ...

ناضت روعة بتعب وقربت من تاليا وعنقتها وخلاتها تبكي فحضنها وهي كاطبطب على ظهرها بحنان وكاتمنى فخاطرها ماتفرش كدبتها ...

-غادي تنسايه احبيبتي ... غادي تنسايه

قالتها روعة بصوت هادئ فهزت تاليا راسها وبعدات من حظن روعة وهي كاتمسح فدموعها وقالت باش تبدل الموضوع لأنه فعلا كايألم قلبها :

- خلينا نفطرو ..جاني جوع...

إبتسمت روعة بوهن ورجعات لبلاصتها لكن فين هي هاد الشهية لي غادي تخليها تاكل ... شربات من كأسها ديال أتاي ثم شافت فتاليا لي كانت كاتحاول تخفي حزنها فالأكل وقالت بتردد فاش تفكرت المنظر ديل جبل وهو كلو دمايات :

- تاليا ... واش جبل بيخير؟

علات تاليا راسها وشافت فيها بملامح حزينة وقالت:
-ماعرفتش ،.. مابقيتش شفتو من لبارح فاليل ... فصبح سولت لالة تيماء عليه وقالتلي أنه مارجعش لڤيلة كونتيسا من الليل..

هزت روعة راسها بتفهم وفكرت أنه أكيد غادي يكون ناعس فالطبيب بعد كل الدم لي نزفو ... شعرت بالألم فقلبها عليه رغم إتهماتو الباطلة ليها إلا أنها عادراه وماقادراش تلومو وأي واحد كان فبلاصتو غادي يأول نفس شئ فدماغو عليها . هي اخر شخص شاف هاري معاه وأكيد كل أصابع الإتهام غادي تتوجه ليها هي.

___________

فمكان مابعيدش بزاف على ڤيلا كونتيسا هو فقط على بعد شارعين ... وفداخل مبنى عالي وبالضبط فوسط منزل فخم وكبيير ، الإطلالة ديالو على البحر وكلو زجاج بينما الأتات فخم وكلاسيكي وغالب عليه اللون الأسود والأبيض ...

كان جبل ناعس على سرير ناعم دائري الشكل ولونه أبيض ...بينما أنامل رقيقة أنثوية مطلية بطلاء أظافر في اللون الباج كاتمسح العرق من على جبينه بكل هدوء ورقة وجمال .

تململ جبل بإنزعاج فاش شعر بلمساتها وفتح عينيه ببطئ لكن فجأة طار على ديك اليد لي كانت فوق جبينو بقوة وقال بصوت مخيف:

-روعـــة ..

-جبــل

لكن فاش سمع داك الصوت الناعم وفتح عينيه مزيان سحب يديه وحط راسو على الوسادة بإستياء

ظهرت إبتسامة أنثوية رقيقة على وجه البنت وقالت بمزاح:
-ياريت كون كنت روعة اسي البارون غير باش مانشوفش نظرة الإستياء فوجهك ملي شفتيني

رخات شفايفها بطفولية وكملت وهي كاتقول:
- وكأني زومبي كايخلع .... شوف عيني شحال زوينين ولونهم أزرق بحال لون سماء ، أكيد هاد روعة ديالك ماعندهاش عينين زوينين بحالي.

إبتسم جبل بسخرية وهو كايتفكر عيون روعة الشمسية وقال:
-واش قيمة السماء الى مكانتش الشمس لي تنورها ... عينيها عسلين بحال الشمس فوقت الغروب

ضربت البنت على يد جبل بخفة وقالت:
-عندك زهر ملي قلتي عينيها عسلين أما كون عتابرتها إنهانة منك ليا ... لكن غلاوة العسل على قلبي كبير وبسبب الرموش الكثيفة ولعيون العسلية أنا قدامك اليوم أسيرة

إستقام جبل و چلس وهو كايتفحص زوايا الغرفة بعيونو الزمردية ثم قال بتسائل :
- ماتقوليليش أنورسين أنني ناعس على سرير أسد مالك

إبتسمت نورسين بسخرية وقالت:

-كون شفتي شحال تشكى وتذمر من النعاس على الكنبة ضطريت نديرليه المساج لضهرو جوج مرات ملي فاق ...

قهقه جبل بسخرية وهو كايقول:
- يستاهل ...

ناضت نورسين وقالت وهي كاتقرب من الباب :
-الدكتور ياسين وسي دون ماركيز والرقيب رافاييل ديمورو على برا كالسين مع أسد إلى كنتي كاتحس براسك شويا مزيان خرج نفطرو مجموعين وإلا ماقديتيش نجيبلك لفطور لعندك.

رد عليها جبل بلهجة ساخرة:
- في الحقيقة ماكرهتش ناكل غير هنا ولكن خفت لايشوفك اسد مدخلالي الصينية ويحسابلو جايبالي الفطور الرومانسي الصباحي ... لا لا ماعنديش إستعداد ندابز على صبح ولا نعطي تبريرات لراجل كايغير من لحوايج لي كاتلبسيهوم امدام نورسين ...

ضحكت نورسين بسخرية وقالت:
-اشنو كاتوقع من واحد متملك نرجيسي ....

عقد جبل حواجبو بإستفهام وقال:
-متملك نرجيسي؟؟؟؟

قربات لعندو بسرعة ودارت صبعها على فمها وقالت:
-شووو عنداك يسمعك .... هو مكايبغينيش نلقبو بالمتملك النرجيسي وبالخصوص إلى سمعها من شي واحد غيري ....ولكن أش غاندير مع شبلي الصغير كايغير عليا بزااف.

ضحك جبل بسخرية على طفولية نورسين واخا فعمرها 31 سنة لكن طريقتها وشخصيتها من نهار لي تعرف عليها وهي طفولية ، ثم إستقام من فوق السرير وقال وهو كايشوف راسو لابس بيجامة حريرية رجالية فاللون الأزرق غامق فتوقع أنها ديال أسد و قال:

- الالة الله يدومها محبة والله يطول العشرة حتى نشوفو وليداتكوم

ردت عليه نورسين وهي كاتحل الباب :
-ياربي أمين ... نخليك تبدل حوايجك على خاطرك ...حوايجك راني صبنتهوم مزيان ونشفتهوم وحددتهوم ...غادي تلقاهوم فلماريو الباب الوسطاني

رد عليها جبل وهو كايتوجه للماريو :
-شكرا امدام نورسين لهلا يخطيك

-‏العفو هذا واجب

لبس جبل حوايجو وهو كايشعر بالجسم ديالو تعبان ثم تقدم أمام المراية وهو كايغلق أزرار السوميج الأبيض كان شعرو الأسود مبعثر على جبينه بشكل مثير وعيونو الزمردية كاتلمع بالشر ...

شاف فلمراية وميل راسو .... تحسس الضمادة الصغيرة لي كانت فالمأخرة ديال راسو و تفكر روعة كيفاش دفعاتو للأرض ولي وقاع فليلة الأمس وموت هاري بديك الطريقة الوحشية... وكره راسو حيت تاق فوحدا بحالها وخلا قلبو ينبض على قبلها .

عقد حواجبو بغضب وهو كايشوف فلمراية وزمجر بصوت شيطاني خشن:

- ياويلك مني ياروعة ... ياويلك وتكوني متورطة مع الكاريبي ... غادي نسحب روحك بصبعي الصغير وغادي ندفنك فقاع الأرض .

هز السترة ديالو ودارها فوق كتافو ثم حل الباب وخرج ... تمشى فالممر الصغير وهو كايسمع اصوات وتمتمات حتى طل عليهوم بشكلو المثير بحال شي مودل معلق سترته خلف ضهرو وشادها بصبعو السبابة وداير يديه فجيب سروالو .. وكايشوف فيهوم كانو ملتفين على طاولة الأكل بينما نورسين فالمطبخ كاتوصل الأكل للطبلة وترجع .

ضار شاف فيه أسد فاش تحسس وجودو وظهرت إبتسامة جانبية خبيثة على وجهو وقال:

- يا أهلين بإبليس

قلب جبل عينيه بغيظ وكلس فجنبو... وكان يلقى فديك اللحظة لي كناه بهاد اللقب البغيظ كان غادي يعلق مشنقتو بيديه ويعدمو ... اش كاتعني الشيطان السوري؟؟ ... علاه هو شيطان؟؟ ..

لكن هاد الإسم البغيظ إنتشر كالنار في الهشيم وكلشي ولا ملقبو بالشيطان السوري حتى إلا سولتي شي حد من معارفو ياغايناديه البارون أو الشيطان السوري وهو كايكرهوم بجوج حيت سميتو وااضحة وباينة ومتكونة من ثلاث حروف ...جـ بـ ل واش صعيبة زعما .؟!

تجمعو الأصدقاء على طبلة الفطور وجلست معاهوم حتى نورسين دردشو وحكاو شوية وتناقشو فموضوع قتل هاري لكن رافاييل طول الوقت وهو سرحان فخيالو وكايتعصب غير كايتفكر صوتها وهي كاتنادي بإسم هاري ... لو كانت ناداتو هو بنفس الطريقة وبنفس الهمسة مكانش غادي يحس براسو حتى يوقف عندها وياخدها فحضنو ... بقا ساهي حتى سحباتو نورسين لي عمرت ليه كأسو بالقهوة وهي كاتقول :

-كول أرافاييل مالك ساهي؟؟

تنحنح رافاييل بتوتر وبالخصوص فاش هز عينيه ولقا جبل كايشوف فيه بحدة ويحسابو بلي عرف بموضوع تاليا لي باسها بسيف عليها فالأمس .. لكن مكانش عارف أن جبل حتى هو مكانش فهاد العالم بل كان كايفكر فالبنت لي سحبت كل خلية من عقلو وسرقات قلبو وفلخر غدراتو ...

-جبل هاديك البنت لي طلبتي مني نتبعها لبارح ... واش كاتعرفها ؟ يعني واش شفتي وجهها؟ ... واش عندها علاقة مع الكاريبي؟

قالها رافايل وهو كايمسح شفايفو بمنديل احمر بتوتر فوضع جبل الشوكة من يديه وشاف فرافاييل ببرود بعدما فكر شويا ثم قال:

- لا مكانعرفهاش , ماقدرتش نشوف وجهها ولكن فاش شفتها خارجا من الفيلة كاتجري شكيت فأمرها.

تبادل أسد النظرات مع نورسين وغمض عينيه وفتحهوم بمعنى "مكاين لاش تهظري " هوما بجوج شافو جبل فاش كان شاد روعة وكايغوت عليها لكن استغربو فاش نكر الأمر وكأنه كايحاول يغطي عليها

تنهد دون ماركيز وقال:
-من نهار لي قالي عصام انك كلفتي هاري باش يكون جاسوس عند الكاريبي كنت متاكد أنه مستحيل يبقى عايش وسطهوم ... هاهو مسكين مات بلا مانستافدو حنا ولا يستافد هو حتى حاجة .

ضاقت عيون جبل بآسى وتنهد بعدما وضع كأس القهوة على الطبلة وقال:

- هاري مكانش يستاحق موتة بحال هاديك... كان رجل شريف كايقلب على العدالة ... والموت ديالو ماغاديش يمشى سدى غادي نكملو الطريق وماغاديش نرضخو ولا نستسلمو حتى نشفو جماعة الكاريبي على حبل المشنقة.

وافقوه كاملين الراي فأكيد هاري ماضحاش بحياتو باش هوما يخافو ويتراجعو للخلف بسبب موتو ...

قال أسد بصوتو الرجولي بعدما تنحنح:
- احم ...ماعرفتش علاش ماخديتوش من عند هاري السي دي لي قال عليه لرفاييل؟ ، كنتو معاه بجوج داخل الڤيلة وكان كايضور حداكوم ...

شاف جبل فدون ماركيز فاش تفكر اللحظة لي كان فيها هاري متمسك بيد روعة وطالعين للغرفة ، وماقدرش يقول أن على هاد السبب مابغاش يقتاحم عليه الخلوة .. فكر جبل فديك اللحظة أنه فلحضة الإشتباك غادي يتسلل لغرفة هاري وياخد منو السي دي خلال إنشغال رجال إيزيك فالإشتباك لكن الأمور سارت عكس التيار وجبل إنصاب بجرح غائر فراسو فاش نفد من مسدسه الرصاص وضطر يقاتل بيديه .. لكن فاش لقى فرصة باش يتسلل للطابق الثاني ماترددش وطلع لكن كان فات لفوت وهاري كان مقتول .

قالت نورسين بأسف وهي كاتشوف فيهوم:
-السي دي كان ممكن ينهى هاد الصراع كامل ولكن دابا هاري مات ودا السر ديالو معاه للقبر.

فكر جبل فكلام نورسين مزيان ثم قال بعد صمت مقاطع حديثهوم :
- صحيح ان هاري مات ، لكن السر ديالو مازال عايش ، وبما أن الكاريبي قتلوه فهذا كايعني أنهم عاقو بيه وموضوع السي دي فراسهوم ... دابا كاين إحتمالين ... ياإما قتلوه وخداو السي دي وحرقو المعلومات لي فيه ... ويا إما هوما براسهوم ماعارفينش فين هو وكايقلبو عليه ...

شاف فيه رافاييل وإبتسم بعدما إكتملت الفكرة فراسو وقال :
- وحنا خصنا نسبقوهوم للسي دي

رد عليهوم اسد بحماس:
-تماما ...لكن فين كاضنو أنه غادي يكون مخبيه

شاف فيهوم الدكتور ياسين وقال:
- واخا أنا ماعندي دخل فهادشي ولكن من خلال هادشي لي سمعت منكوم فأنا كانضن أنه مخبيه فالڤيلة بلازا لي ناض فيها صداع ...

عارضو الدون ماركيز وقال:
- لا كون كان مخبيه فالڤيلة كانو غادي يلقاوه الكاريبي ...عاقل فاش دخلنا للغرفة لي كانت فيها الجثة ديالو كانت مقلوبة سفاها على علاها وهذا دليل على أن الغرفة تم تفتيشها مزيان ...

رد عليهوم رافاييل وهو كايقول:

- الغرفة مافيها حتى حاجة حتى رجالي فتشوها مزيان وكاع السيديات لي كانو فالغرفة كانو مجرد اغاني روك وبلاك ميتال وأفلام وشي تخربيق ماعندو حتى علاقة بالسي دي المطلوب .

مرت لحظات صمت وروعة ماقدرتش تغادر عقل جبل حتى انها تسببت ليه فحريق الراس وهو كايتفكر يديهوم لي كانو متشابكين ... غمض عينيه بقوة ثم حلهوم وشاف فرافاييل و قال بتردد:

- مازال ماعرفتوش شكون المجرم لي قتل هاري .؟

شاف فيه رافاييل وقال بهدوء:
- راهوم باينين الكاريبي

رد عليه جبل بإصرار:
-ايه عرفت ولكن شكون فيهوم بالضبط؟

شافو فيه كاملين بتعجب من فضوله الغريب فجاوبو رافاييل وهو كايشبك أصابع يديه فوق الطبلة.:
- حاليا الجثة ديال هاري مازالة فمستودع الأموات .. والسبب الموت ديالو هي الرصاصة لي إخترقت راسو وأنهت الموضوع ، بالإضافة لأربع رصاصات فالصدر ورصاصة فالبطن والمجموع هو 6 رصاصات ...

-لي قتلو بديك الطريقة باينا فيه شخص متدرب مزيان وقلبو ميت ...

قالتها نورسين وهي كاتشوف فيهوم فرد عليها رافاييل وهو كايوافقها الرأي :

-فعلا مكاينش من غيرو إيزيك هو لي قتلو لأن جوج رجال لي كانو مقتولين حدا هاري كانو من رجال إيزيك والرصاص لي كان داخل أجسامهوم من مسدس "الماغنوم" ديال هاري أما الرصاص لي تضرب ييه هاري حسب الطب الشرعي فكان من مسدس "ديسرت إيجل" وهو مسدس من صنع جيش الدفاع الإسرائيلي وكايتصنع فقط فأمريكا وإسرائيل وماشي من الساهل الحصول عليه وثمنو غالي .

تنهد أسد وقال :
-يعني وقاع بين رجال إيزيك وهاري إشتباك بالرصاص

رد عليه رافاييل وقال:
-تماما .. الكلب إيزيك هو لي قتل هاري .

تنهد جبل بتعب وغمض عينيه لثواني باش يستجمع أفكارو . يعني روعة ماقتلاتوش! ... ولكن اشنو علاقتها بيه ؟... وعلاش كانت مع هاري فالغرفة ؟ ... وعلاش ماقتلوهاش حتى هي كون مكانش عندها يد فالموضوع ...؟

إلا إذا كانت متعاونة معاهوم وهي بطريقتها غرات هاري لي كان سكران بجسمها وحركاتها المايعة وهادشي تم تحت أنظارو غير باش تستفرد بيه فغرفتو باش تسمح لإيزيك يقتل هاري بلا مايثير الشبهات ...

‏هاذي نظرية أخرى ... روعة ماقتلاتش هاري لكن هذا مكايعنيش أنها بريئة فنظر جبل أكيد عندها علاقة مع الكاريبي ، وهو غادي يكشف هاد السر .

قاطع أفكارو أسد وهو كايقول بصوت عميق وحازم:
- حنا دابا غادي يخصنا نخدمو على السي دي ونلقاوه بأي طريقة كانت

لمعت فذهن جبل روعة ... هي أخر وحدا شافتو وأكيد هي عندها معلومات تقدر تفيدهوم ... قاطع أفكارو رافاييل لي قال بتسائل :

-تفكرت ...جبل فين هو التسجيل لي صورتي بالكاميرة ؟؟... اكيد غادي ينفعنا ... عطيه لي نشوفو .

تنحنح جبل بتوتر ... وشاف فدون ماركيز بنظرة كاتعني " دوي ترعف " ثم قال وهو كايتصنع الثبات
-ااه التسجيل ... مع الأسف نسيت ماشعلتش الكاميرة فاش دخلت لڤيلا بلازا ..

توسعو عيون رافاييل بصدمة وشاف فيه دون ماركيز بإستنكار ... التسجيل راه عندو وهو عطاه الكاميرة قبل مايبدا الإشتباك إذن علاش كاينكر :

-مستحيل أصاحبي فين كان عقلك فييين

قالها رافاييل بحدة لكن دون ماركيز تدخل وقال باش ينقد الموقف :
- فالحقيقية أنا نسيت ماسارجيتش باطري ديال الكاميرة هذا علاش حتى وصلنا ولقيناها طافيا ومكانش عندنا كيف نديرو .

تنهد رافاييل بغضب وابتسم جبل ابتسامة رضى وهو كايشوف فخالو لي غطا عليه الكدبة بكدبة وحداخرا لكن ملامح داوود كانت كاتعني ... "غادي تعاودلي كولشي غير بلاتي عليك ."

-جبل واش نتا عارف شي حاجة ؟
قالتها نورسين وهي كاتشوف فيه بشك فرد عليها جبل بسرعة بعدما إستوعب سؤالها:

- اشنو غادي نعرف كثر منكوم أمدام نورسين؟

جاوباتو نورسين بصوت هادئ وملئ بالمكر؟
- ماعرفتش !...شوف نتا .

شاف فيها أسد ودار فيها نظرة كاتعني " سكتي " فتنحنحت نورسين وقالت وهي كاتمد يديها لكأس جبل:
-احم .. ارى الكأس ديالك نزيدلك القهوة

لكن جبل شد فكأسو بإمتناع وقال وهو كاينوض:
- بلاش أمدام نورسين ... أنا غادي نمشي لڤيلة كونتيسا نرتاح شوية ...

ناض حتى الدكتور ياسين وهو كايقول :
-واش كاتحس براسك مزيان بعدا؟

شاف فيه جبل وقال بسرعة:
- اه مزيان شويا ديال الألم فراسي وصافي .

-طبيعي سبعة ديال الغرزات لي درتليك الحمد لله ملي ماتهرستليكش الجمجمة ديال راسك لأن الجرح كان عميق بزاف وضطريت نغرزليك من الداخل ومن الخارج يعني راه عندك 14 غرزة فراسك ضاروري غادي تألم ... ولكن كيفاش حتى ضربتي راسك هاد الضربة كلها ؟

قلب جبل عينيه بملل من كترة الهضرة لي فياسين ولبس السترة ديالو وهو كايحاول يتجاهلو فكمل ياسين الثرثرة ديال أي طبيب كاتهمو صحة المريض وقال:

-اه قبل مانسا راني كتبت لسي دون ماركيز شي مسكنات ديال الألم...واش شريتيهوم اسي داوود ؟.

شاف فيه داوود وقال وهو كاينوض من بلاصتو:
- اه راهوم فالسيارة .. خليني نوصلك أولد ختي ..ماخصكش تسوڨ السيارة ونتا فهاد الحالة .

بغا جبل يعتارض حيت هو متشوق بل يحترق شوقا باش يمشي يشوف روعة لكن فاش لاحظ نظرات نورسين المتشككة في مصداقيته قال وهو كايغلق زراير الكوستيم بصوتو الرجولي الجاد:
- واخا لي بغيتي..

وكمل وهو كايقول فنفسو "غير صبري عليا اروعتي علاما نتفك من هاد المجموعة الفضولية وغادي نجيليك الغزالة ديالي.."

قرب جبل من أسد وصافح يديه بإمتنان وهو كايقول :
- شكرا بزاف على الإستضافة أسي أسد مالك ...

رد عليه أسد وهو كايبتاسم برزانة :
- العفو هذا واجد اصاحبي

رد عليه بإبتسامة ثم وضار عند نورسين باش يشكرها وقال :
-مدام نورسين سمحيلي إلا عدبتك.

إبتسمت نورسين وقالت وهي كاطبطب بخفة على كتفو :
- نتا غير برالينا وعدابك راحة اسي حبل .

ضرب ناقوس الغيرة فقلب أسد و سحب يديها لي كانت كاطبطب على كتفو وشاف فيها بمعنى " غادي نقطعليك يديك إلا عاودتي حطيتيهوم على شي حد من غيري" فسحبت نورسين يديها بإحراج ، وإبتسم جبل فاش فهم غيرة جبل الواضحة منو ... اكيد ماغاديش يسرقليه مرتو مالو على هاد الغيرة كاملة .

خرجو كاملين من منزل أسد ونورسين ومشا كل واحد لشغالو لكن أسد ماتسرطاتلوووش وبدا يضور فدار وينكر
-مافهمتش انورسين علاش كاديري هكا قدامي مافهمتش!؟ ..

قلبت نورسين عينيها بملل وهي كاتجمع الطبلة وقالت:
-أسد حبيبي راه جبل صديقنا بجوج مايستاهلش تغير منو .

علاش مايغيرش منو وهو كاينافسو فالجمال والرجولة بالإضافة لوسامتو ولعيونو الزمردية الزايغة والمايعة وهو كايعرف جبل مزيان رجل نسونجي وفينما كانت شي بنت زوينة كايتسلط عليها ومكايتفكش معاها حتى ياخد داكشي لي بغا .. بالإضافة أنه عندو سلاح اللسان كايعرف يغازل لبنات ويشدليهوم الخاطر وحتى شي وحدا مكاتقدر تقاوم سحرو عليها .

- مانعاودش نشوفك كاتصرفي معاه بديك الطريقة ولا غايكون عندي معاك مشكل كبير.

ضارت شافت فيه وقالت بسخرية قارسة:
- اشنو ياكما عاود غادي تهجرني 9 سنين وحداخرا ...

شاف فيها أسد بغضب حيت فكراتو فالماضي لي كايكره سيرتو فناض بغضب وقال بصوت مخيف:
-أنا غادي نمشي ندوش

تنهدت نورسين فاش حست بيه تقرس من سخريتها فقالت وهي كاتحاول تغطي على كلامها :
- أسد .. حبيبي ... ماتقلقش مني

تجاهلها أسد وكمل طريقو فحطت نورسين داكشي لي كان فيديها وتبعاتو وهي كاتناديه بصوت ناعم:
- اساااااد حبيب قلب ننور... ماتقلقش مني يا شبلي الصغييير ...

ضار شاف فيها أسد بغيض ودخل للغرفة وحيد التيشرت لي كان لابس فظهرت عضلاتو الرجولية ووشم القلب الأسود أسفل بطنو ...
لحقت عليه نورسين للغرفة وغير شافتو وهو عاري الصدر إبتسمت بمكر وعضت على شفتها السفلية وقالت بصوت رقيق:

- حبــــيـــبــي ... شبلي الصغـــيـــر ... مين حبيب ننور أسد ، مين روح ننور أسد ...

ضحك أسد بسيف عليه بسبب حركات نورسين الطفولية وجرها من يديها ولسقها معاه وقال وهو كايطبع قبلاتو الحارقة على عنقها ..

- يا روح الأسد .. يا لبوئة عمري .. اش بانليك ديري لأسد شي ماساج فالحمام وتحت الماء الدافئ.

غمزها بعينيه فإبتسمت نورسين برقة وقالت بصوت رقيق بحال شي طفلة وقلبت شفايفها بدلال
- امم .. لا .. انا مشغولة وخصني نرتب الدار ...

ضحك جبل على حركاتها وتحنى بسرعة هزها من الأرض حتى غوتت بسبب سرعته ومن بعد ضحكات فاش قال بصوتو الرجولي وهو مدخلها للحمام .

-رتبي مشاعري لي بعثرتيهوم بجمالك هوما اللولين وعاد فكري فالدار ...

وطبع قبلة عميييقة على عنقها قبل مايغلق باب الحمام موراه برجليه ... حطها على الأرض ثم قرب منها وبدا كايفك ملابسها من على جسمها ويطبع قبلاتو الرجولية على شفايفها وكل شبر من جسمها.. اووووو 19+ ( استغفر الله العضيم 🙅)

_____________

نهاية الفصل

الفصل 25 / BARON "هل رأيت عفريت"

2018-10-30T09:28:00.000-07:00

مقر الإنتربول / الساعة الخامسة مساء

داخل غرفة التحقيق فقبو الإنتربول كانت هيئة رجل ضخم جالس على الكرسي قرب طاولة ويديه مربوطين بالأصفاد الفضية ... كان واضع رأسو فوق الطاولة والمنظر ديالو وكأنه مشى في سابع نومة.

بينما في خارج الغرفة كان چالس شرطي على مكتبو وكايلعب فتلفونو لعبة "كاندي كراش" وداير رجل فوق رجل على المكتب بإستمتاع وحماس ، لكن فاش سمع الخطوات جاين وصوت ديال الهضرة إعتدل فجلستو بسرعة وطفى التلفون ودارو فجيبو ...

كانت نورسين وأسد ورافايل فطريقهوم لقاعة التحقيقات بينما نورسين كاتهضر فالتلفون وكاتقول:

-ايه أسي عابد .. راحنا وصلنا للمقر وغادي نحققو مع أحد المجرمين لي كان فلڤيلة ليلة الحفل .... اه حتى أسد معايا .. واخا ...

توقف رافايل مع أسد وأمر الشرطي باش يفتح الباب فناض بسرعة الشرطي وحل الباب القاعة وهو كايقول :
-تفضلو .

دخلو كاملين لكن رافاييل قلب عينيه بتملل فاش شاف الرجل ناعس وكأنه مكاينش فهاد العالم ... قرب لعندو وضرب بيديه على الطبلة بقوة باش ينوض الرجل لكنو ماتحركش

-هيي نوض ابنادم

غوت بيها رافاييل لكن كذالك الرجل مادار حتى شي ردة فعل ...شاف رافاييل فأسد بإستنكار وكأنهم كانو كايفكرو فنفس الشئ فتقدم أسد بسرعة وجر الرجل من كتافو باش ينوضو لكن تصدمو كاملين فالمنظر لي شافو ...

كان الوجه ديالو ازرق وعلى رقبتو أثر للشد بشي سلك غليض لدرجة حفرليه فالجد ديال عنقو ..
تقدمات نورسين وشافت فيه بسرعة وكان عابد مازال معاها فالخط ...تنهدت بغضب ثم قالت:

-سي عابد الشاهد الوحيد مع الأسف قتلوه ....

غوت عابد لدرجة بعدت نورسين التلفون على ودنيها باش مايصمكهاش ثم تنهدت بتعب ورجعاتو لودنيها وهي كاتقول:
- من بعد ونوافيك بالجديد اسي عابد غادي نقطع ..

كان عابد كايغوت عليها باش ماتقطعش لكنها غلقت الخط غير ضد فيه...
شاف رافاييل فالشرطي لي كان براسو مصدوم من المنظر لي شاف وقال:

-كيفاش وقاع هادشي؟

رد عليه الشرطي بتوتر وخوف:
-والله ماعارف اسيدي .. انا من صبح وأنا هنا والله ماتحركت من فوق مكتبي.

شاف أسد فالشرطي بغضب وقرب منو وهو كايقول بصوت شيطاني وكأنه وحش جامح مستعد ينقض على الفريستو فأي لحظة .
-يا إما غادي تعترف بشكون لي قتلو ولا غادي تلحق عليه دابا

دخل رافاييل بيناتهوم وبعد أسد على الشرطي الخايف وقال وهو عاقد حواجبو وكايشوف فأسد بغضب:
-سي أسد زمن منظمتك المصونة إنتهى ودابا كاين واحد الحاجة سميتها المحكمة ...

شاف أسد فرفاييل بغضب وماكرهش كون جمع معاه بشي راس يطيحو للأرض لكن نورسين تدخلت قبل مايضارب معاه وهي عارفا أسد مزيان غير على سبة خصو غير لي يجبدو

قربت منو و شافت فيه ودارتليه حركة بعينيها كاتعني
" عافاك تهدن غير على وجهي " فتنهد أسد وضرب الباب وخرج وهو معصب .. يعني علاش ديما مصرين يفكروه فـ الماضي لي كايكرهو ... تبعاتو نورسين وهي كاتقول بصوتها الأنثوي :

-حبيبي أسد .. ماتقلقش منو عافاك

ضار لعندها أسد وقال وهو كايبرك على أسنانو بغضب:
-مليت من هاد التفاهات ديال رجال الشرطة عديمين المسؤولية ... السيد من صبح وهو عاس عليه ودخل لي دخل وخرج لي خرج وتقتل الشاهد الوحيد تحت الغفلة ديالو ودابا كاتقوليلي ماتقلقش !! ...شفتي المنظمة أرحم من هاد الأغبياء لي كايحاولو يغطيو الشمس بالغربال ... على الأقل هوما مكايعطيوش فرصة للمجرم باش يعطي تبريرات للمصائب لي دار ... عرفتي شكانديرو لرجل عديم المسؤولية بحال هذاك الشرطي السخيف ...

ردت عليه نورسين بهدوء وهي كاتشوف فيه :
-كاتقتلوه .

شاف فيها أسد بغضب وقال وهو كايبرك على أسنانو.
-تماما ..

وقلب الدورة باش يخرج من هاد المكان لي كايجيبليه الخنقة ... لطالما أسد كان كايكره رجال الشرطة وكايقول على أنهم أشد جرما من المجرمين بحد داتهوم ...تبعاتو نورسين وجراتو من يديه باش يوقف ثم قالت بصوت منخفض باش ماتيرش إنتباه الناس لي خدامين تما .

-أسد .. حياتي نتا خصك تنسى عليك شي حاجة سميتها المنظمة .. نتا مابقيتيش منتمي ليهوم .. نتا دابا نضميتي لينا ومن المفروض تلتزم بالقوانين ..

تنهدت أسد في محاولة السيطرة على أعصابو ثم همس فأدنها بهدوء وهو كايطبع قبلة رقيقة على خدها ..
- مانكرهش نغرق رجال الشرطة وقوانينهوم التافهة فقعر الجحيم ..

ثم سمح فيها واقفا وهبط مع دروج كايدير بدل الخطوة جوج حتى خرج من الباب الزجاجي ...

تنهدات نورسين بإستياء من هاد الرجل العنيد و رجعات لعند رافاييل ...لقات البوليس مجموعين كاملين ومن بينهوم رجال الشرطة الشرعية العلمية كاياخدو البصمات لي فالغرفة ..

قربت نورسين من رافاييل وقالت :
-واش تأكدتو من كاميرات المراقبة ؟

ضار لعندها رافاييل وقال بصوت حازم وهو كايشوف فالطب الشرعي من بعيد :
- تم تعطيلهوم قبل إرتكاب الجريمة ... حنا راه كانتعاملو مع أخطر عصابة إجرامية ، أشنو كاتوقعي من غير الذكاء!؟

تنهدت نورسين بتعل وقالت:
-واقيلة أسد عندو الحق اسي رافاييل ...

شاف فيها رافاييل بإستفهام وقال:
-اشنو كاتقصدي؟

إبتسمت نورسين بإستهزاء وردت عليه:
-يمكن خصكوم تتخلصو من الخونة لي ضايرين بيكوم عاد باش تقدرو تتخلصو من الكاريبي أسي رافاييل ..

إبتسمت ليه وكملت وهي فطريقها للخروج.:

-خليتليك الراحة اسيادة الرقيب رافاييل ديمورو .

تنهد رافاييل بغيظ ومسح على وجهو بيديه باش يحاول يسيطر على أعصابو .. هو عارف ..اه عارف أن من بين رجال الأنتربول عملاء للكاريبي مايقدرش ينكر هادشي ، لكن هادشي كايعصبو ومالقاليه جهد ، اشنو غادي يدير ؟ لو غير مايبقاوش فكل ساعة يفكروه فقلة حيتلو غادي يكون أرحم ليه ولأعصابو لي ولات غير على سبة مؤخرا.

طلعت نورسين من دروج القبو وهي كاتخلف بسرعة لكن فاش قربات للباب تصادمت مع جسم شرطي شاب كان فطريقو للدخول فإعتذر منها وقال:
-كانعتادر أمادموزيل

كان جمالو إسباني محض بعيون أوروبية كراملية ... وكايدير فيها شوفات كاتعني "راكي سادا الباب اأنسة " فهمت المعنى ديال نظرته لكن فاش شافت نورسين فالملف الأحمر لي كان فيديه وقدرت تقرا شنو مكتوب على ضهرو "بصمات" إبتسمت ليه وقالت وهي كاتصنع الإندهاش.

- اوووه واخيرا وصل الملف .

عقد الشاب حواجبو بإستفهام وقال:
-أشمن ملف امادموزيل؟

توترت نورسين وماعرفت ماتقول لكنها تصنعت الإبتسامة وقالت:
- القائد رافاييل قالي نجيبليه ملف البصمات وانا نيت كنت فطريقي ليه ... اراه عليك أنا غادي نوصلو ليه .

بقا كايشوف فيها الشاب بشك وبغا يعتارض لكن فاش سمع الصوني فتلفونو جبدو من جيبو وغير شاف إسم حبيبتو إبتسم ومد الملف لنورسين وقال وهو كايتراجع باش يمشي .
-شكرا أانسة ... تقدري توصليه ليه نتي .

بقات نورسين غير مصدومة فيه ،... بهاد السهولة تاق فيها وعطاها الملف مع أنها ماشي شرطية ، غير دكراتليه اسم رافاييل عطالها الملف بكل بساطة .!!
تمتمت نورسين وهي كاضحك بقلة حيلة:

-لي لقا راحتو فلهبال ماعندو مايدير بلعقل ، بسيف مايقتلو الشاهد الوحيد وهوما عديمين المسؤولية .

فتحات نورسين الملف وتفحصات بعينيها الأوراق ديال تقرير البصمات لي إستخرجهوم الطب الشرعي من غرفة "هاري بلاك" وتصدمات فاش لقات صورة البنت لي شافتها مع جبل ليلة الحادثة وهي نفسها لي كانت كاتجري وهي خايفا حتى ركبات فسيارتها ...هي واخا كانت الإضائة ديال الشارع ماقوياش بزاف إلى أن ملامحها ماغادروش عقل نورسين أبدا بالخصوص خوفها وحركاتها .

تمتمت بالإسم المكتوب بين شفايفها :
-إيميليا كلارك ... بريطانية الجنسية والبصمات دياولها كانو على الكأس ديال الشراب لي كان على الطبلة فغرفة هاري ... هوووه بديت كانتحمس..

سمعت صوت دعسات الأقدام طالعين مع دروج وقرابين منها فسحبت الورقة لي فيها بصمات روعة ودارتها فحقيبتها بسرعة قبل مايوصل رافاييل لعندها وهو كايقول بإستغراب:

-مدام نورسين ... سحابلي مشيتي .!

شافت فيه نورسين بإبتسامة متصنعة وقالت وهي كاتمد ليه الملف ديال البصمات:

-هذا الملف ديال بصمات موقع الجريمة ، واحد من رجالك اسي رافاييل عطاهلي باش نوصلو ليك ... غانعاودها ليك عطاهليييييي بلا مايعرف علاقتي بييييييك ومشا كايهضر فتيليفون بكل بساطة .

لصقاتليه الملف مع صدرو وكملت وهي كاتقول بسخرية قارسة وكاتشوفليه فعينيه:
-الميزة الوحيدة لي كاتجمع بين الناجحين فهاد العالم هي قدرتهم على تحمل المسؤولية.

ثم سحبت يديها ومشات وخلاتو كايشوف فيها بصدمة ... كيفاش حتى وصل ليديها ملف سري بحال هذا خاص غير بأعضاء الإنتربول ... تنهد بغضب فاش عرف مول الفعلة ونادى بصوت بحال الرعد :

- أداااااااام

فالخارج كان أسد معصب حيت مالحقاتش عليه نورسين ومشا ركب فيسارتو وضرب الطابلون ديال السيارة بيديه باش يفش فيه غضبو ثم غمض عينيه وتكى براسو على المقعد وهو كايهمس :

-خدمة بحال هادي ماتصلاحش لرجال الشرطة الأغبياء...

ظهرت إبتسامة جانبية شيطانية غامضة على ملامح وجهو وكمل وهو كايقول .
-وهادشي لي خصو يكون .

قاطع همساتو نورسين فاش حلت باب السيارة وركبت فقلب أسد عينيه وقال:
-كون غير بقيتي علاش جيتي

تنهدت نورسين في محاولة التحكم فأعصابها ثم قالت :
-جيت وماجيتش بيدي خاوين

عقد أسد حواجبو بإستنكار وقال:
-اشنو كاتقصدي؟

فتحت نورسين حقيبتها وجبدت منها الورقة ديال بصمات روعة ومدتهالو وهي كاتقول :

-شوف فديك الصورة مزيان وقولي فين شفتيها

تمعن أسد فصورة روعة لي كانت فاللون الأبيض والأسود ثم قال:
-ماشي هي هادي البنت لي كانت هاربا من جبل وخايفا

إبتسمت نورسين وقالت وهي كاتشوف فيه
- براڤو عليك يا شبلي الصغير .. عندك ذاكرة فولادية

قلب أسد عينيه بغيظ وقال:
-عاوتاني رجعنا لهاد الألقاب السخيفة

ضحكت روعة وقرصاتو من خدو بلطافة ثم قالت بحماس :
- يا رووووح نارجيسيتك أنا ... نموت على غضبك يا حبيب قلب نورسين

حاول أسد يتصنع البرود والغضب حيت ماتبعاتوش فاش خرج لكن ماقدرش وظهر شبح إبتسامة على وجهو وقال بجدية وهو كايشوف فالورقة لي بين يديه:
- إيميليا كلارك ... عندها إسم فني فاش تسمعو تقول غير شي مغنية ولا ممثلة

قلبت نورسين عينيها بغيظ وخطفتله الورقة من بين يديه وقالت:
- مازال عندنا شاهد أخر ولي هي إميليا كلارك ولكن الموضوع خصو يبقا بيناتنا انا ونتا إلا مشا حتى عرف رافاييل ولا شي واحد من رجالو بموضوع البنت...

دارت حركة بيديها على عنقها وكملت وهي كاتقول:
-غادي يقتلوها

عقد أسد حواجبو بإستفهام وقال:
-واش كاضني أن رافاييل عندو يد مع الكاريبي

جاوباتو نورسين بسرعة :
-لا مكانضنش ... هو براسو مغلوب على أمرو كايدير لي فجهدو باش يحمي المعلومات ... لكن ماقدرش لأنه لي ضايرين بيه خونة وعندهوم يد مع الكاريبي وهانا فين قلتهالك عقل عليها ... غدا ولا بعد غدا يلقاو شي بوليسي مقتول فشي جيهة وشكون قتلو ...

رد عليها أسد بإبتسامة غامضة:
-الــكــاريـــبــي

-تــمــامـــا ... فاش غادي يشعرو جماعة الكاريبي بالتهديد من جواسيسهوم لي فالإنتيربول غادي يتخلصو منهوم واحد مور واحد .

إبتسم أسد وقال وهو كايغمز بعينيه بمياعة:

- كون بينتيلي على ذكائك من النهار اللول السكرتيرة ديالي لغزالة كنت غادي ندوب فدباديبك بدل ماتضاهري بالغباء طول مدة معرفتي بيك.. لكن سبب حبي ليك هي طفوليتك ياعمري

عضت نورسين على شفتها السفلية وقالت بإستمتاع :
-الذكي يقدر يتظاهر بالغباء أما العكس صعيبة شوية .

قهقه أسد بإستمتاع وهو كايشوف الثقة خارجة من لسان حبيبتو بحال المسك وقال وهو كايقرب منها للمقعد ديالها:
-يا لبوئة عمر أسد عطيني شي بوسة غير على قبل هاد الثقة الزايدة فالنفس.

ضحكت نورسين وقالت وهي كاتصنع الامبالات:
-حبيبي ... راحنا فالشارع زعما ..

غمزها بعينيه وقال:
-وانا علاش شريت سيارة الزاج ديالها أسود مكايبينش من برا

إبتسمت نورسين بخجل ثم قربت باش تطبع قبلة على شفايف أسد لكن قاطعهوم رافاييل لي دق على الزجاج وربع يديه بمعنى "اراك من بعيد "

تنهد أسد وبعد على نورسين وهو كايتمتم بغضب:

-اللعنة على رجال الشرطة

نغزاتو نورسين بيديها باش يسكت وهي كاضحك قبل ماتنزل زجاج السيارة

___________

في مكان مابعيدش بزاف على سيارة أسد كان واقف رجل شاب بملابسو السوداء الفخمة متكي براحة على سيارتو السوداء وعلى عيونو نظارات زجاجية شيك على الموضة وبين يديه تلفون حاطو على ودنيه وكايهضر مع الطرف الثاني :

- لقد تم إرساله إلى الجحيم بنجاح سيدي
قالها و قهقه بصوت شيطاني غليظ

جاوبو الطرف الثاني وهو كايقول:
-براڤو عليك يا بطل ...شويا و غادي يوصلك المبلغ لي تافقنا عليه ، بغيتك تغبر من هنا فأقرب وقت ، شد أول طيارة وماتبقاش تبان وإلا راك عارف شنو غادي يوقاع ليك فالجحيم

إبتلع الشاب ريقو بتوتر وقال:
-امرك سيدي ... أنا رهن إشارتك

قطع الشاب الخط وطفى التلفون قبل مايضربو مع الأرض حتى تهرس ثم حيد منو الكارت سيم وهرسها حتى هي ورجع جمعو أجزائو من الأرض ورماهوم فأقرب طارو ديال الزبل .

أما الطرف الثاني لي كان معاه فالخط كان رجل فأواخر الثلاثينات چالس فسيارتو بهدوء وهو كايراقب الشاب لي هرس تلفونو ورماه فإبتسم بخبث وقال بصوتو الخشن :
- كايعجبوني الناس الأذكياء.

راقبو بعيونو السماوية الشيطانية حتى ركب فسيارتو ومشى عاد خرج من سيارتو بكل خيلاء بجسمو الطويل وبمنظرو الجنتلماني لي كايدوبو عليه كل البنات ديال هاد الجيل

تمشى فالشارع وهو داير يديه فجيب معطفه الطويل بكل عنفوان .بينما كايصفر بين شفايفو بإستمتاع ... دازت من قدامو بنت فمنتهى الجمال فمافوتش الفرصة وغمزها بعينيه وكمل طريقو مخلي البنت دايخا كاتمشي وضور ترجع تشوف فيه

كمل طريقو حتى لمح بعينيه السماوية الشيطانية رافاييل واقف مع نورسين وأسد أمام باب الإنتربول ...
فالأول تفاجئ لكن إبتسم من بعد بكل غرور وخبت وتمتم بين شفايفو الدقيقة :

-صدقوني ... واخا تفتشو السماء نجمة بنجمة والأرض بسراديبها ماغادي توصلو لوالو ...ماغادينش تلقاو سوى السراب والشكوك لي غادي تبدا تنخر فعقولكوم الغبية شوية بشوية ... غادي تبقاو دورو دورو وترجعو لنفس النقطة ..حتى تفتك بعقولكوم الأفكار السلبية وطيحو للأرض مستسلمين ، ياجماعة الأغبياء .

____________

سوبر مارشي / وسط المدينة/ الساعة الرابعة بعد العصر

كانت روعة وسط السوبر مارشي جارا خلفها عربة التسوق وكاتقضا داكشي لي ناقصها فالدار لكن مكانتش ملاحظة دوك العيون الحادة لي كانو متبعين كل خطواتها بينما منظرها وشكلها كان تعبان رغم طبقة من المكياج لي حاولت تخفي بيها هالات عينيها المرهقة إلى ان إصفرار بشرتها كان ملحوض ... من غير كأس ديال أتاي لي شرباتو فصبح مع تاليا مارجعتش ضاقت النعمة ...

توقفت قدام باتيسري ديال المارشي وبقات كاتشوف فالحلويات لي معروضين للبيع لكن لاحظت نفس العينين لي كانو ملاحقينها ملي خرجات من دارها ... دخلها فيه الشك وقالت مع راسها هذا ماغادي يكون غير شي واحد سلطو عليها جبل باش يراقبها ...

ضارت لعندو بسرعة وشافت فيه لكنه تظاهر بأنه كايشري قطعة كعك وكرواسون وماحيداتش عينيها عليه حتى عطاتو الموضفة الكيس ومشا بحالو عاد تنهدت براحة ونفضت راسها من دوك الأفكار .

فكرات تشري شي حاحة تاكلها لكن فين هي الشاهية حتى أتاي وحلها فالحلق وهادي الربعة ماكلات والو بالإضافة ان معدل السكر فدمها منخفض بزاف ... تخطات الباتيسري و كانت جارا العربة ومرا مرا تكا عليها شويا علاما تستجمع قوتها وتزيد تدفعها حتى مابقاتش قادرة تصبر وخرجات من السوبر مارشي وهي ماشاريا والو ..

تمشات لعند سيارتها لكن الدوخة لي كانت كاتحس بيها خلاتها تتوقف خلف وحدا من السيارات وبدات كاتقيا غير الماء لي شرباتو حتى تقلبت معدتها وتمشات وهي كاتتمسك بالسيارات باش توصل لسيارتها .. لكن فواحد اللحظة وهي غاديا حانيا بحال شي عجوز وشادا فجنبها توقفت فاش خرجت فجسم رجولي ..

كانت كاتشوف غير فرجليه وطلعات فيه الشوفة ببطء من رجليه لجسمو وللكيس ديال الأكل لي كان فيدو وفاش وصلت لوجهو همست بـاللغة الإنجليزية :

- ساعدني .

ثم أغمى عليها وهوى جسمها لكن قبل مايوصل رأسها للأرض شدها داك الرجل وحمى رأسها بيديه .. بقى لعدة لحظات مصدوم لكن فاش إستوعب الأمر أخيرا ظهرت على ملامحو إبتسامة جانبية خبيثة ..

لملم رجليها وجسدها وهزها بحال شي ريشة من الأرض وتمشى بيها لسيارتو لكبيرة ودخلها للمقعد الخلفي وركب قدامها ...
بقى كايشوف فيها ويتمعن بعينيه الفيروزية ثم قرب لعنقها وحشا أنفو بين خصلات شعرها وإستنشق كمية كبيرة من ريحتها وغمض عينيه ثم فتحهوم وزفر الهواء في وجهها وهمس وهو كإبتاسم :

-نتي فأرة .... لا نتي هامتارو صغير ... اااح و شحال رحتك كادوب

تفحص جسمها وقوامها بعيونو الحادة ثم كمل بهمس وهو كايبتاسم:
-واللعنة عليها وشحال مثيرة .

مد يديه ولمس شفايفها ومرر اصابعو على رموشها ولمس خدها وهو كايبتالع ريقو بنهم لكن على إثر لمساتو فاقت روعة وهي كاترمش ببطئ علاما توضح ليها المكان لي هيا فيه والهيئة لي كانت بجنبها .

-صباح الخير الكتكوتة

شافت فيه روعة فاش نطق بيها وضارت براسها بصدمة كاتشوف فين هي وبسرعة حلت باب السيارة وبغات تخرج وهي كاتقول :

-سمحلي أسيدي ... سمحلي بزاف

لكنو سبقها و مد يديه الرجوليه تمسك بدراعها وجرها للداخل ومد يديه وقرب منها أكثر حتى تغلغلت رائحة عطرو الرجولية أنفها و مد يديه سد الباب من جديد وهو كايبتاسم لانه كان ملاحظ عيونها كانو كايشوفو فيه بصدمة ... هو نفسو الرجل لي كان واقف حداها فلباتيسري وعندو صوت مألوف بزاااف للمجرم لي قتل هاري ... لكن لا مستحيل يكون هو .

-أشنو كادير ؟؟ شكون نتا ؟؟.

إبتسم الرجل بإبتسامة هادئة وقال :
-واش هكذا كايشكرو الناس الشخص لي ساعدهوم!

كانت إبتسامتو هادئة خلات روعة ترتاح ليه شويا وتصنعت إبتسامة هادئة وقالت:
- سمحلي .. و شكرا ...

مدت يديها باش تحل الباب لكنه شد ليها فيديها من جديد وهاد الحركة عصبات روعة فقال الرجل بسرعة :
- يبدو أنك مريضا شويا.

نترت يديها منو وقالت بحدة :
-اه شويا .. مريضة بالسكر ويبدو انني محتاجة للحقنة بالإضافة أنني ماكليت والو يمكن هذا علاش اغمى عليا ... ودابا كانستأذن غادي يخصني نمشي تابعاني خدمتي وكانشكرك مرة أخرى .

مدت يديها باش تحل الباب لكنه بسرعة قال وهو كايهز فالكيس لي كان حداه :
- بلاتي ... ماغاديش نخليك تمشي بلاما تاكلي شي حاجة لي طير منك السخفة .

بقات كاتشوف فيه بترقب وهو كايخرج من الكيس ديك الحلوة لي شافتو شراها ومدهالها ليديها وقال :
- تفضلي كوليها .

شافت فالحلوة ثم شافت فيه وعلات حاجب واحد وقالت بسخرية :
-شنو لي يضمنلي أنك تكون داير فيها شي سم ولا شي منوم وانا ناكلها ونغيب على الوعي ونتا تخطفني وتديني لشي بلاصة وتغتاصبني ومن بعد تدبحني وتقطع جثتي وتلوحها فلبحر ..

بقا الرجل كايرمش بعينيه بدهشة من خيالها الواسع ثم إبتسم بسخرية وقال :
- اللعنة ... علاش مافكرتش فهادشي قبل ...

إبتسمت روعة بسخرية وهي كاتشوف فملامحو المندهشة واخيرا لقات لي يسليها ملي حلات عينيها من الصبح .. وكمل الرجل وهو كايقول :

- واخا نعاودو من لول ... نخرجو ورجعي سخفي وانا نهزك ونديرك فسيارتي ونخطفك ولكن ماغاديش نغتاصبك ونقتلك كيف قلتي ... لا مثلا نقدر نعرض عليك تعشاي معايا فشي مطعم من اختياري .. اش بان ليك ؟؟

إبتسمت روعة بهدوء ثم خدات من عندو الكيك لي كان فعلبة بلاستيكية شفافة وقالت :
- يكفي أنني غادي ناكل هاد الكيك لي من إختيارك سيد ...؟؟؟

إبتسم الرجل وقال
-إيز ..... مايكل سكوفلد .

مدت روعة يديها صافحت يديه ثم قالت بإبتسامة هادئة :
- تشرفت بمعرفتك سيد مايكل سكوفلد ... ودابا خليت ليك الراحة ... وكانواعدك غادي ناكل هاد الكيك ....

حلت باب السيارة وخرجات ثم حنات لعندو وقالت قبل ماتسد الباب :
-وبالمناسبة ريحة برفانك زوينة .

سدت الباب ومشات وخلاتو مندهش .. بقا لمدة علاما إستوعب أنها مشات وبقا متبعها بعينه حتى ركبت فسيارتها وخرجات من لباركينچ وهمس وهو كايبتاسم بخبث :

-غير هربي مني ألغزالة غير هربي ... نهار لي غادي يعطيوني أمر نجيبك ... غادي نجيبلك معايا كاضو فيدي ... واللعنة وشحال كاتحمق ... واللعنة على عطري ياريت لو كنت بارفان ... واللعنة على العطور كاملين إلا عطر جسمك المثير الغزالة .

قاطت تمتماتو طرقات على زجاج سيارتو وغير شاف شكون كشر بملامحو بغيظ ... كان واقف متكي على السيارة بيديه بعنفوان وشعرو الأسود كايلمع ومصفف بعناية للخلف عيونو زمردية بنفسجية فيها لون عجيب وحواجب حادة وأنف مستقيم وشامح وشفايف وردية حادة ودقن مربع ملتحي ونظرة قتالة .... خرج الثاني من السيارة وهو كايقول :

-يبدو أن ربي سيفطك ليا باش نكفر على دنوبي اليوم إيدوارد أليكزاندر .

إبتسم إيدورد بتصنع وقال بصوتو الرجولي :
- إيزيييك ... الزعيم كايتاصل بيك علاش مكاتجاوبش ؟؟

خرج تلفونو وشاف فعدد الإتصالات ثم قلب عينيه بملل وقال :
- ايه ومن بعد كنت مشغول ... شي مشكل ؟

إبتسم أليكزاندر بتثاقل وقال وهو كايحشي يديه فجيب بنطالو الأسود:
- يبدو أنك نسيتي راسك مع ديك لغزالة ... ونسيتي أمر الشاهد لكن ماتخافش تكلفت بيه وسيفطتو للجحيم هاد الصبح من قلب وقعر مقر الإنتربول الأغبياء .. هه كان خصك تشوف نظرة الإحباط على وجه الرقيب رافاييل فاش ضاع منو أخر شاهد ... هاهاها كايقطع فالقلب

قلب إيزيك عينيه بغضب وقال :
- دابا اشنو بغيتي لاش جاي عندي ؟

رد عليه إيدوارد ببرود:
- أنا فمهمة ... خدام على راسي ...مع الأسف غادي نقطع عليك فرحتك مع ديك الغزالة... الزعيم باغيك تسافر لإشبيليا هاد نهار .

توسعو عيون إيزيك بصدمة وقال:
- كيفاش ... وعلاش ؟؟

ردد موراه إيدوارد أليكزاندر بسخرية :
-كيفاش وعلاش؟؟ ... لو أنك جاوبتي على تلفونك من صبح كونتي غادي تعرف علاش ... غادي تمشي تستلم دفعة من السلاح من أشبيليا ..

رد عليه إيزيك وهو كايبرك على أسنانو بغضب :
- ولكن مايمكنش أنا راه مكلف باسي دي .

جبد إيدوارد أليكزاندر نظاراتو الشمسية من جيب الكوستيم ديالو ودارهوم على عينيه بخيلاء ثم قال :
-المهمة ديال السي دي ... أنا لي غادي نتكلف بيه هو ومولاتو ... هذا علاش ضطريت باش نشوف وجهك اليوم ... ديك البنت ولات مهمتي من هاد نهار إذن عطيها تيساع .

تعصب إيزيك وإنقض على إيدوارد وشنق عليه وقال وهو كايبرك على أسنانو بغضب :
- بيدو أنك كاتقلب عليا نهرس ليك سنانك هاد نهار ... علاش رجعتي هاه ؟

دفع إيدوارد يدين إيزيك بقوة ونفض حوايجو بتقزز ثم قال :
- تفو .... غادي يخصني نبدل حوايجي عاود ..و اللعنة على الجراثيم .... حمد لله أننا فمكان عام أما كنت غادي نفرغ مخزن مسدسي فراسك .

_________________

هوتيل سود إبيزا سويتس / الساعة السادسة مساءً

كان جبل چالس وسط سيارتو قرب النادي لي كاتخدم فيه روعة وكايراقب بعينيه المكان بترقب وفيديه سيجارة كايدخن فيها بترقب ، هذا هو الوقت لي من المفروض توصل فيه روعة لخدمتها ... تقريبا تعطلات ب10 ديال الدقائق

تنهد جبل بملل وهو كايتسنى بشوق باش يشوفها ثم قال بغضب:
- لمرض ... هادي نصف ساعة وأنا كانتسناها هنا بحال شي كراكوز ، فين تعطلات هاد الويلة.

تأفف بضيق وضرب بيديه الفولادية عجلة المقود لكن فاش علا راسو لمح سيارتها السوداء وهي كاتركنها بالقرب من النادي إبتسم بشوق ماعرفش علاش حس بالفرحة غير شاف سيارتها ..

لكن فاش خرجات من سيارتها وتمشات بخطوات سريعة لدرجة أن شعرها الأحمر كان كيتمايل فالسماء بنعومة مع كل خطوة وبين كل خطوة وخطوة كان قلب جبل كايتهز بإشتياقو ليها ...

عطات المفاتيح لواحد من الرجال الباركينج لي تقدم عندها ودخلات للداخل بعدما قدمت التحية لرجال الأمن الواقفين قرب الباب .

إبتسم جبل بغموض قبل ماياخد نفس أخير من سيجارتو ورماها للأرض وخرج ... زطم عليها برجليه وغلق باب سيارتو ... عدل حوايجو مزيان وتقدم بخطواتو الرزينة قاصد الباب ديال الهوتيل ...

وصل للداخل وتمشى للإستقبال وإبتسم بعدوبة لدرجة خلات موضفة الإستقبال دوب من إبتسامتو ثم قال وهو كايغمزها بعينيه الزمردية:
-واش تقدري تعاونيني الفنة..؟

قالها بهمس لطيف خلا قلب الموضفة المسكين يطير من قوة الفرحة فجاوباتو بإرتباك وهي كادخل وتخرج فالهضرة :
-اه .. اكيد.... فاش نقدر نعاونك أسيدي ؟.

ضم جبل شفايفو بعبوس وكأنه كايفكر قبل مايبتاسم ليها بساحرية وقال وهو كايمد يديه باش يلمس أصابعها بكل جنتلمانية :
-واش نقدر نعرف الطريق لي كايأدي لكواليس مسرح الغناء لي فنادي البورجواز ؟

إبتلعت الموضفة ريقها بتوتر من شدة تأثرها من لمسو لأصابعها فقالت بلا ماتشعر ...
-من الممر الثاني على يديك ليمن

طبع قبلة فالهواء وغمزها بعينيه ثم إستدار وخلاها موراه غادي تسخف من شدة سحرو عليها ... لكن تفكر شي حاجة و رجع لعندها وقال بصوتو الرجولي المتصنع للطافة:
-غادي نكون ممنون ليك الغزالة إلا وصلتيني لعند المغنية إيميليا كلارك.

حمحمت الموضفة بتوتر ثم قالت :
-احم احم... إميليا كلارك عاد دخلات دابا ... ولكن ماشي مشكل يالاه نوصلك لعندها ...

خرجات من خلف الكونطوار وتمشات أمامو فإبتسم جبل بخبث ولحق عليها ... تمشاو حتى وقفو فرأس الممر لي كان فيه بزاف ديال الغرف وضارت الموضفة عند جبل وهي كاتبتاسم بمياعة وقالت:

-هاديك الغرفة الحمرة لي رقمها 10

إبتسم جبل بتصنع وقرسها من خدها بلطف ثم قال بصوت هامس رجولي:
- ماتخلي حتى شي واحد يدخل قبل مانخرج أنا... عندي بزاف مايتقال للمغنية الفاتنة ديالكوم .

لكن فاش أنهى كلامو شاف فيها بنظرة شيطانية زرعت الرعب فقلبها وماقدرات تقول والو من غير أنها هزات راسها بتفهم .

-فتاة مطيعة ...نشوفك من بعد الغزالة .

قال جبل كلامو ودار يديه فجيابو وتمشى فالممر وهو كايبتاسم وكايفرح غير كايتخيل ردت فعل روعة فاش غادي تشوفو

_________

كانت روعة فغرفة التزين الخاصة بيها واقفة أمام المراية وميلة شعرها للجنب وحانيا راسها وهي كاتحاول تغلق المشد ديال عقد اللؤلؤ الأبيض حول عنقها ومانتابهتش للباب لي تفتحات وتسدات غير بالحس.

إبتسم جبل فاش شاف منظرها وهي كاتقاتل مع لمشد باش تسدو ....حرك راسو يمين وشمال بقلة حيلة وتقدم لعندها بهدوء ... خدا من بين أصابعها العقد فتنهدت روعة بتعب وقالت وهي كاتدلك يديها لي حرقوها بقوة لي مابغاش العقد يتصوبلها بينما حانيا راسها للأرض:

- اووه واخيرا جيتي آي يو واش ساليتي الدور ديالك ؟..

اااخ وشحال توحش صوتها لكن ماجاوبهاش بل كان مستمتع بشدة وكلو شوق باش يشوف ردة فعلها فاش غادي تلقاه هو ماشي آي يو...

فإبتسم بخبث وبغا يزيد شويا ديال الإثارة ... حدر عينيه الزمردية وشاف فأكتافها البيضاء المثيرة لي كان باين جزء منهوم بسبب الفستان الأخضر لي كانت لابساه لكن فاش فمح بعينيه كدمات الأصابع ديالو غمض عينيه بألم ...

مال براسو ببطئ وتحسس الكدمات بأصابعو الرجولية بهدوء ثم طبع قبلة هادئة على كل كدمة خلات الرعشة تجري فجسم روعة من شدة الصدمة لي خلاتها تراجع حساباتها بعدما وصلتها رائحة عطرو الرجولية ...

علات راسها فلمراية وغير شافتو قلبها بغا يسكت بقوة الخلعة حست بيه طاح من صدرها للأرض لكن ماقدرتش تتحرك هي حست بالتخدر فكل أطرافها ورعشة لذيذة وهو كايطلع بقبلاتو إنش بإنش من دراعها لكتفها حتى لعنقها وخلف إذنها وهمس فودنيها وهو مغمض عينيه بإستمتاع :

- وجعتك بزاف ؟

إنتفضت بسرعة وبعدات عليه وهي كاتحس بقلبها غادي يسكت بالخلعة من نظراتو ليها فمالقاتش شي حاجة باش تحمي راسها منو غير السوشوار ..
هزاتو بسرعة وكأنها هازة شي مسدس فيديها ومستعدة تقتلو بيه وقالت بين شفايفها لي كانو كايترعدو .
-نتا اااشنو...اشنو كادير هنا؟.

زين جبل شفايفو بإبتسامة ساحرة وحشا يديه فجيابو وهو كايحاول مايضحكش بسبب منظرها ثم قال:

- علاش تخلعتي هاكا وكأنك شفتي شي عفريت.. جيت على قبل الوعد لي قطعتو ليك أعمري.

___________

نهاية الفصل

الفصل 26 / BARON "عاهرة"

2018-10-30T09:27:00.001-07:00

- علاش تخلعتي هاكا وكأنك شفتي شي عفريت.. جيت على قبل الوعد لي قطعتو ليك أعمري

قالها جبل وهو كايشوف فيها بحدة وكأنه كايفكرها بشي لي وقاع في الأمس.

تسللت روعة من أمامو ببطئ وهي شادة فطاولة التزين من خلفها بينما هو كايشوف فيها بهدوء حتى قدرت تبعد عليه ومشات كاتجري للباب حلاتها وبغات تغوت باش تنادي على رجال الأمن لكن جبل كان أسرع منها وجرها وسد الباب برجليه وزيرها مع الحيط وهو سادليها فمها بيديه الفولادية باش ماتغوتش

بقات كاتحرك بعنف وتئن بصوت مخنوق وهي كاتحاول تبعد يديه على فمها إلا أنه قرب من ودنيها وهمس بشكل أثار القشعريرة فكامل جسمها .

-غير غوتي وغادي نسحب روحك بصبعي صغير .نتي مازال ماعارفاش معامن كاتعاملي ، هذا علاش كانصحك تبقاي هادئة وماتغوتيش حيت ماشي فصالحك نسمع صوتك المزعج .

هزت روعة راسها بالموافقة بضعف وإكراه وعاد بعد جبل يديه على شفايفها ببطئ وحذر من اي ردة فعل تقدر تصدر منها ..... بقا كايتأمل بعيونو خوفها منو وكأنه وحش كاسر أمامها وهي الطريدة لي كايتلدد بتعديبها .

كره ديك النظرة ديال الخوف على وجهها ... هي أخر وحدا كان يبغيها تخاف منو ... ماعجباتوش نظرتها كاترمشهوم بسرعة وتأهب وكأنها خايفا منو يضربها ودايرا وضعية ديال واحد خايف ياكل لعصا ومستعد يدافع على نفسو ...

كيفاش غادي يقدر يضربها .. هو مستحيل يدير حاجة بحال هادي حيت كاتبقا ضعيفة عليه ... ياويييلها من قلبو وهو كايشوف فيها وكايفكر ... منظرها كايأكد ليه أنها ماتقدرش تقتل حتى نملة حاراك تقتل رجل بالغ بستة ديال رصاصات ...

اواخا ماعجباتوش نظرت الضعف على وجهها لي ماولفهاش منها إلا أنه دابا وهو مضطر يرجع يتعامل معاها بقسوة باش ياخد منها الإجابات على كل تساؤلاته ..

بعد عليها وكلس على الكرسي لي قرب طاولة التزين ودار رجل على رجل بخيلاء ، ثم دارليها إشارة بصبعو باش تكلس على الكرسي المجاور ليه .

خدات روعة نفس عميق باش تمد رأتيها بالأكسجين .. وفكرات ان هادشي لي خصو يكون ، ضاروري تتحاور معاه بطريقة عقلانية باش توضحليه سوء الفهم لي وقاع.

كلسات بإرتباك أمامو ورجعات شعرها الأحمر للخلف وهي كاتقول بصوت متحشرج :
-سمعني أسي جبل كانقسم ليك ...

قاطعها جبل بحدة وهو كايشوف فعيونها الدبلانين
- مابغيت منك حتى شي أعذار ... بغيتك تجاوبيني على سؤالي ومن بعد انا لي غادي نقرر إذا كنتي بريئة او لا

إبتلعت ريقها بإرتباك وهمست بصوت بالكاد مسموع:

-شنو هو سؤالك ؟

تكى على الكرسي بإرتياح لكن لمحت عينيه على الطاولة زجاجة عطر لون مائه بنفسجي وقدر يقرى الإسم ديالو .. مد يديه وهزها وفتح غطائها تحت أنظار روعة لي إستغربت من تصرفو ...
قرب جبل زجاجة العطر لأنفو وإستنشق منو لفحة خزامية من عطرها لي كايفتنو فاش كايستنشقو على جسمها ، لكن فاش إنتبه لعيونها لي كاتشوف فيه بترقب إحتفض بزجاجة العطر بين يديه وقال وهو كايتصنع القسوة:

-علاش كنتي فالأمس فڤيلة بلازا ؟...وشنو خديتي من تما ؟...وشنو علاقتك بهاري بلاك؟ وشنو لي كنتي باغياه منو؟

شافت روعة مباشرة فعينيه ماعرفتش علاش ماقدراتش تزحزح عينيها بعيد عليه وكأن عيونو الزمردية مغناطيس خطير على قلبها ..

بعدات عينيها بغيظ من نفسها فاش تفكرات السبب لي داها لتما ولي هو علاقت هاري بختو تاليا،.. وحاولت تتفكر الحوار لي دار بينها وبين هاري واخر حاجة عقلت عليها هي فاش كان كايهضر على تاليا ومن بعد فاش سمعات الدقان مجهد فالباب سدات ودنيها بقوة الخلعة وغمضت عينيها وكاع لي قدرات تسمعو هي كلمة سر ... وعصابة ... والحقيبة هادشي فقط ومافهمتش شنو المعنى ديالو .

ولكن رجعات فكرات انه الا مشات حتى قالتلو الحقيقة ماشي بعيد يبرء ختو ويتاهمها هي بالقوادة ويرمي عليها كل ذنب دارتو ختو ويقول أنها هي لي عرفاتهوم وهي لي وصات هاري باش يرتبط بختو ...حيت هي فنظرو مجرد عاهرة فقدت شرفها فيوم من الأيام ومكاتهمهاش الأخلاق والشرف ...

وماشي بعيد يقول بلي هي بغات تخرج ختو على الطريق باش تولي بحالها وبالخصوص انها الأن كاتغني فنادي كايكثرو فيه رجال الأعمال الأغنياء لي كاتلقاهوم سكرانين حتى النخاع ووجودها وسط عالم بحال هادو وهي كاتغني كايزيد يأكدليه نظرية عهرها .

فتحت فمها اخيرا بعد تفكير وقالت بصوت حازم
-مانقدرش نقولك حيت هو أمر خاص ، مستحيل نقدر نفصح بيه لشخص غريب بحالك

شاف فيها جبل بغيظ فاش وصفاتو بالغريب ... إذن هي كاتعتابرو مجرد شخص غريب ! ثم تنهد روعه وكملت وهي كاتقول:
-ولكن كانأكد ليك أنني مشيت لتما لغرض إنساني هادشي لي بغيتك تعرفو .

بقا جبل كايتأمل فعينيها وماعرفش علاش شاف فعينيها الصدق والمكابرة وخا هي كاترجف من الداخل بالخوف منو كاتحاول تظاهر بالقوة .

عض جبل على شفته السفليه باش يمنع إبتسامة بغات تخرج حيت هو تقريبا ولا عارفها مزيان كثر من غيرها رغم المدة القصيرة باش رجع تجمع بيها ...

من اول يوم شافها على يخت الجوهرة كان كايشوف على ملامحها مزيج من البرائة مغلف بكبرياء عضيم ومستحيل على بنت بحالها تكون من الكاريبي او أنها تقدر تقتل ولا تأدي شي حد .

ولكن لي كايفسد عليه كولشي هي انها كانت فأكثر مكان قذر وفكرة أخرى سيطرت على عقلو ، أنها ممكن تكون كاتخدم عاهرة فأماكن بحال هادوك وبالخصوص فاش شافها طالعة مع هاري لغرفته ..وهادشي لي ماغاديش يقبلو على نفسو حيت هادي أكثر حاجة كايستحقرها كرجل ومستحيل وحدا بحالها تبقا مرافقة ختو صغيرة

تنهد جبل بإستياء ثم قال :
-واخا ... يعني ماغاديش تقوليلي واخا نستخدم معاك جميع وسائل التهديد والترهيب حيت هادشي لي فهمتو من وحدا بحالك مكاتهتمش لتهديداتي رغم ان خوفك مني بااين ..

-الخوف من الله اسي جبل
قالتها وهي كاتشوف فعيونو بتردد فشاف فيها بغيظ وقال

-ونعم بالله ... لكن خليني نوضح ليك واحد النقطة ... نتي مطرودة من خدمتك كمرافقة لختي صغيرة ... مانعاودش نشوف وجهك فڤيلة كونتيسا سمعتيني.

نزلت عليها هضرتو بحال الساعقة ضربت مخها حتى تسوطاو ڤيزيبلاتو ... كيفاش طردها من خدمتها؟ ... لا مستحيل... بواسطة داك الراتب هي كاتعالج ماماها ..

وضع جبل زجاجة العطر على الطبلة ووقف من چلستو وهو كايقول:
-بسلامة عليك

تقدم للباب باش يخرج لكن روعة سبقاتو للباب وسداتها وتكات عليها بجسمها وهي كاتشوف فعينيه بغضب وقالت:

-نتا ماتقدرش تطردني من خدمتي سمعتيني .

طلع فيها وهبط بعينيه وإبتسم ، اخيرا قدر يعرف نقطة ضعفها ... عقد حواجبو بتصنع وقال:
-وعلاش مانقدرش؟

إبتلعت روعة ريقها بحيرة ، فعلا علاش مايقدرش تاليا راها ختو ..
-حيت ... حيت ماشي نتا لي وضفتيني نهار الأول .. سي دون ماركيز هو لي عندو الحق يطردني ولا يخليني وزايدون العقد عندي فيه خمس سنين

همهم جبل بإستمتاع وشاف فعيونها ... يااالله وشحال فرح فاش عرف أنها متشبتة بالخدمة معاه لكن قال بصوت حاد:
-هممم .. ولكن دون ماركيز ماقالكش أنه أنا نقدر نطردو حتى هو إلا رشقاتلي .... وطوزز فالعقود

بقات غير كاتشوف فيه ماعرفت ماتقول ، لكن مع ذالك غادي دافع على رزقها بكل قوتها ماشي هو الله لي كايقطع الأرزق ولا كايبارك فيها.

-نتا راه مايمكنش ليك تقطع ليا رزقي .. نتا ماعارفش شكون لي عايش بسبب ديك الخلصة .

إبتسم جبل بإستمتاع ثم قال بصوت حاد:

-شكون لي عايش بيها ؟...لاتكوني مربيا نمل وكاتصرفي عليه .. تكفيك غير هاد الخدمة المشرفة لي راكي تخدمي فيها وبالإضافة للدوام الجزئي لي كادوزيه فالڤيلات الموسخين ، كانظن أنك كاطلعي صريف يكفيك باش تصدري النمل لجزر الكناري .

جرحاتها كلماتو ونخرت قلبها وكأنها سُم ، تغرغرو عيونها بدموع لكنها رمشت بسرعة باش تمنع دموعها باش مايفضحوهاش وقالت:
-فهمني كيف بغيتي اسي جبل ، لكن ماتحملنيش ذنب سوء فهمك .

شعر جبل بالقهرة فاش شاف الدموع لي تحصرو فعينيها .. وماعرفش علاش حس بتأنيب الضمير ، لكنه طرد دوك الأفكار ودار يديه فجيابو وقال وهو كايشوف ليها فعينيها:

-أنا فاش كانقول لهضرة مكانتراجعش عليها ، ولكن خليني نقولك واحد الحاجة ودخليها لعقلك الصغير مزيااان ،... نتي ملي دخلتي لديك الڤيلة كتبتي على نفسك الهلاك .. ماشي أنا لي خصك تخافي منو ، بل الناس لي ورطتي نفسك معاهوم .

قالها وهو كايشوف فيها بنظرة جدية وحازمة ثم عدل وقفتو ومد يديه لمقبض الباب باش يحلو لكن روعة سارعت وسدت الباب فاش تملكها الخوف وقالت:
-اشنو كاتقصد ؟.. عافاك قولي فاش تورطت ... انا حسيت بشي حاجة غريبة فديك الڤيلة فاللحظة لي حطيت فيها رجلي .

تنهد جبل وشاف فالساعة الفخمة لي كانت فمعصمو وجاوبها ببرود متصنع :

-خصني نمشي .. بسلامة عليك الغزالة .

دفعها وحل الباب وخرج ثم تمشى فالممر بكل هدوء لكن روعة لحقت عليه وهي كاتجري فاش إستوعبت خطورة الأمر وسبقاتو وسدت عليه طريق بيديها ...

على فيها جبل حاجبو ببرود متصنع فغوتت روعة بترجي وهي كاتقول بصوت مخنوق:
-كانترجاك اسي جبل قولي الحقيقة ، أستحلفك بالله جاوبني .

بقا كايشوف فيها بعيونو الزمردية وردت فعلها المصدومة والخايفة أكدتليه مئة فالمئة أنها ماعندها علاقة بالكاريبي ، لكن ماعارفش كيفاش غادي يقولها بأنها تورطات مع أخطر مافيا فالعالم ... بقات فيه بزاف وقطعات قلبو من داخل لكن هو مضطر يزيد يقصح معاها باش تهضر .

تنهد جبل وبعدها على طريقو وهو كايقول بحدة
-ماتكونيش لصقة .. حيدي من قدام وجهي ، ماعنديش الوقت لي نضيعو معاك .

تخطاها ومشا لكن روعة لحقت عليه وشداتو من يديه لكنه نفض يديه منها بقوة وتراجع جوج خطوات للخلف فاش شافها شاداليه فيديه بترجي وغوت فوجهها بغضب :

-اياكي تتجرئي تلمسيني مرا اخرى وإلا غادي ندمك ... نتي مجرد عاهرة حقيرة فنظري .

شاف فيها بنظرات نارية ومحتقرة ومشى بحالو وهو كايحس بالقهرة والخنقة ..
بقات روعة واقفة مصدومة من النظرة لي دار فيها أما الكلمة لي رماها فوجهها كانت كفيلة تمزقها لأجزاء... هي كانت حاسة أنه كايستحقرها ولكن باش يقولها بصريح العبارة ويرميها فوجهها بديك الطريقة لا هادشي بزاف على قلبها باش يستحملو ..

رجعات لغرفتها بسرعة وضربت الباب حتى تزدح بقوة وبغى يزول من بلاصتو ..مسحت جبهتها بكف يديها وهي كاترجف ، شعرت بالغرفة كادور بيها هدا علاش رمات جسمها على الكرسي المثقل بالهموم وضمات راسها بين يديها وطلقات العنان لدموعها الحارقة .

ماعمرها كانت كاتمنى تلقى راسها فوضع بحال هذا مع الشخص لي فواحد اللحظة بدات كاتشعر بالإعجاب ناحيتو .. ولكن هي فنظرو مجرد عاهرة ، والأسوء أنه مابغاش يوضح ليها فاياش تورطات وكيفاش غادي تكون حياتها من هنا لفوق
خلاها مهمشة ومحطمة تتجرع مرارة الذل والإستحقار وكاع مارحمها ، داس عليها وكأنها حثالة ومشى بحالو غير منتبه للدمار لي خلف وراه في نفسها .

أما فالخارج ركب جبل فسيارتو ولتخ الباب بغضب حتى قرب يهرسو ، كان معصب وكايتنفس بغضب .. خرج سيجارة من جيبو وشعلها بيدين كايرجفو بالغيظ .

إستنشق من سيجارتو عدة مرات ثم رجع راسو خلف المقعد .. بدا كايبعثر شعرو بضيق حيت فعلا ندم على الشي لي قالو لروعة .. ماعرفش كيفاش خرجت دوك الكلمات القاسية منو ... حس وكأنه مابقاش كايعرف راسو ولا كايحس بنفسو إنسان متناقض كايطبق مثل " يخ منو وعيني فيه "

-اشنو قلت ... دمرتها بكلامي .. اللعنة على لساني كان ممكن نخرج بصمت .

ضرب مقود السيارة بغضب عارم وحس بالقلب ديالو كايحرقو .. مد يديه ونزل المراية الصغيرة وشاف فراسو وهمس بضيق وبصوت متألم:
-اشنو هادشي لي كايوقع معاك ... ياكما...

بغا يقولها ولكن مابغاتش تخرج من بين شفايفو "ياكما وليتي كاتبغيها " لكن كل الإجابات على ملامحو كانت كاتقول
"أنا كانبغيها ... لا أنا كانموت عليها أنا كانتنفسها "

لكن رجع نفض راسو من هاد الأفكار وعلى المراية من قدام وجهو بغضب وديمارا سيارتو وغادر المكان بسرعة .

لكن خلف سيارة جبل بشي 30 متر تقريبا كانت سيارة فيراري سوداء داخلها زوج عينين حاضين كل حركات جبل .
- إذن جاء باش يشوفها .. وفاش سولو رافاييل نكر.. اشنو مخبي موراك اسي جبل !؟

قالها أسد مالك وهو كايشوف فسيارة جبل لي مرت من أمام سيارتو بلا مايلاحظ وجودو

صونا التلفون فجيبو فخرجو وشاف فالشاشة لي أُضيئت بصورة نورسين .. فتح الخط وقال:
- نعام احياتي فين وصلتي ؟

كانت نورسين داخل منزل روعة وبالضبط فغرفة نومها فقالت بصوت محبط وهي كاتنهد:

-مع الأسف مكاين حتى شي حاجة احياتي... لا أثر للسي دي لي كانقلبو عليه .

تنهد أسد بإستياء وهمهم وهو كايمرر يديه بين خصلات شعرو الأسود:
- همم ... مالقيتيش شي حاجة كاتعلق بالسلاح ..

ردت عليه نورسين بصوت محبط:
-واالو أحبيبي .. مكاين حتى شي حاجة هي مجرد بنت عادية عايشا حياة بسيطة ولكن لي لفت نظري هو وجود شعر مستعار فاللون الأسود فغرفتها ويبدو أنه نفس الشعر الأسود لي شفناها بيه .

لفت نظر نورسين شي حاجة فقربت لطاولة الصغيرة المجاورة للسرير وهزت بين يديها إطار لصورة روعة مع تاليا وأسية وشادو وقالت :

-أسد ... بين يديا صورتها ...شعر إيميليا كلارك أحمر قريب للبرتقالي ...

همهم أسد وإكتفى بالصمت فكملت نورسين وهي كاتقول بسخرية:
-الخبر السار أنني عندي زهر كايهرس لحجر .

عقد أسد حواجبو بإستفهام وقال:
-كيفاش؟

-‏إيميليا كلارك مربيا كلب من فصيلة الهاسكي ومن حسن حظي أنه مكاينش فالدار أما كون هاد الدخيلة المتطفلة ولي هي أنا في خبر كان ... الهاسكي معروف بشراستو وهو من فصيلة الذئاب ... يعني احبيبي كان ممكن تجي إميليا وتلقاني مقددة هنا غاتخسر عليا غير طلعني لسطح وتنشرني حتى نيبس ودوز العام بلاما تشري لحم لكلبها غير أنا غادي نسد جوعو .

ضحك أسد بسخرية وقال :
-‏وباش عرفتيه؟

-‏عندها فلبلاكار علب أكل الكلاب والصورة لي بين يدي فيها مصور كلب .

تنهد أسد وقال :
-صافي خرجي من تما إلا مالقيتي والو .

-‏اوكي حبي .. غادي نرجع كل حاجة لبلاصتها باش ماتشكش وغادي نخرج .. شنو كادير نتا؟

شعل أسد سيجارة بين شفايفو وقال وهو كايسحب نفس منها :
-تبعت جبل كيف قلتليك.

-‏اهاه

فتح أسد زجاج السيارة وقال بهدوء :
-‏والمفاجئة أنه جاء للمكان لي كانضن أن إيميليا كلارك كاتخدم فيه ..

عقدت نورسين حواجبها وقالت بإستفهام:
-‏باش عرفتيها

-حيت شفتها

-‏كاتقصد إيميليا كلارك؟

إبتسم أسد فاش سمع نبرتها الحماسية وقال:
-‏اه... فعلا شعرها احمر وطويل كيف قلتي... وغير شافها جبل تبعها للداخل ،... هو أكيد كايعرفها ...اولا عندو علاقة معاها... حيت تبعها وهو فرحان وفاش خرج كان معصب .

طفات نورسين ضوء الغرفة ومشات للمطبخ وهي كاتقول بفضول قاتل:

-زعما يكون عندو معاها علاقة حب ؟

لمح أسد بعينيه شي حاجة غريبة كاتوقاع فالخفاء لكنه كدب عينيه وظن أنه غير كايتخيل ..همهم بصوت ملئ بالشك وقال:
-هممم ...‏مكانضنش واش علاقة حب

-زعما!!

تمتمت بيها نورسين وهي كاترتب الأشياء لي خربقاتها حتى لمحت عينيها جهاز لابتوب موضوع على طاولة المطبخ وإستغربت كيفاش مالاحضاتوش فاش دخلات للمطبخ من قبل .

-حياتي .. واش مازال معايا فالخط؟

رد عليها اسد بسرعة:
-انا معاك

-لقيت جهاز pc
عقد أسد حواجبو بصدمة من الشئ لي لمحاتو عينيه لكنه مابغاش يقولها لنورسين باش ماتخافش .. إبتلع ريقو بتوتر وقال :

-شعليه وقلبي فيه على اي معلومة تقدر تفيدنا ... إيميليا كلاك كايبانلي مازالة معطلة لداخل خودي راحتك وقلبي مزيان.

-‏اوكي احياتي.

داكشي لي كان حطت نورسين التلفون فوق الطبلة وكلسات .. جرات لبيسي لعندها وشعلاتو بحماس ولحسن الحظ كان لـ pc و برنامح الفيسبوك مفتوحين فمالقاتش مشكل في موضوع الخصوصية وكلمة السر.

تمتمت نورسين بالإسم ديال حساب روعة فالفايسبوك وقالت
-اcrazy girl إسم مستعار !!... ماعلينا

خدات كل وقتها وقرات كل رسائلها مع أصدقائها حتى وصلت لرسالة بنت بإسم "جينان الخطيب " وأخر رسالة تسيفطاتلها مع 8 صباحا قبل يومين مرفقة بصورة لإمرأة فالخمسينات وهي كاتبتاسم والمكان كايبان وكأنه مستشفى .. ومكتوب اسفل من الصورة باللغة العربية :

ا Jinan el khatib 08:12
"شكرا أختي بفضلك ماما غادي تقدر تعالج وترجع لينا بسلام "
(الرد)
ا crazy girl 08:15
"الى كانت ماما فرحانا فحتى انا غادي نكون فرحانة .. تهلاي فيها اختي الصغيورة راه ماعندهاش من غيرك نتي واختي ومنال "

همهمت نورسين وهمست بصوت هادئ:
-هممم ... شكون نتي ا إيميليا كلارك البريطانية .. الكتابة كاتبانلي باللغة العربية المغربية وحتى صفحتك عليها خواطر وحكم لأدباء العرب ، إذن إسم إيميليا كلارك والجنسية البريطانية ماهي إلا هوية مزورة ...

تنهدت نورسين وشدت فراسها فاش كترو عليها المعلومات ... بقات طالعة كاتقرى فالرسائل مع جينان الخطيب حتى رصدت إسم روعة ...

تكات نورسين على الكرسي وبدات كاتفكر بصوت مسموع
-اذن روعة وجينان الخطيب خواتات ... والإسم الكامل ديالها هو ... "روعة الخطيب" وماشي "إيميليا كلارك" وهي مغربية وماشي بريطانية ... اووه هاد المعلومة غادي تفرح حبيبي أسد.... ولكن بلاتي أنا سبقلي سمعت هاد الإسم ولكن فين ؟؟

جبل لي همس بإسم روعة فاش فيقاتو نورسين لكن ماقدرتش تتفكر بالضبط فين سمعات هاد الإسم ... حاولت تتفكر لكن كان مازال خصها تقلب على الفيديو لي كايخص الكاريبي ، تفحصت الملفات واحد بواحد وكذالك الصور والفيديوهات لي كانو عبارة عن أفلام ومسلسلات وأغاني تافهين لكن لفت إنتباهها ڤيديو مكتوب عليه إسم ...
"ميمتي لحبيبة"

ضغطات على الڤيديو لكنه خدا شوية ديال الوقت باش يتشغل وفواحد اللحظة سمعت صوت بحال التخرشيش فالباب وكأن شي واحد كايحاول يحل لباب بأي طريقة ... بسرعة غلقت شاشة لـ pc و طفات الضوء ديال المطبخ الوحيد لي كان مشعول وتخبات فالخوية لي بين البلاكار والثلاجة ..

دارت التلفون على ودنيها وهمست بسرعة وبصوت منخفض
-ألو .. أسد ... أسد واش كاتسمعني ..

لكن للأسف كان الخط مفصول .. رجعت صونات عليه مرة وجوج وثلاثة لكنه ماجاوبهاش فتمتمت نورسين بغضب وقالت :

-واش هذا وقتك اأسد باش تقطع الله يعفو عليك

دارت التلفون فجيبها وجبدت مسدسها الأسود لي كانت رابطاه مع فخدها ... كتمت نفسها فاش شعرت بالباب تحل.. هاد الوضعية فكراتها فأول يوم غادي تعرف على أسد تاج مالك والموقف لي خلاها تضطر تخبع داخل خزانة مكتبه وكتمت نفسها بنفس الطريقة .. لكن هاد المرة تمنات مايتكشفش أمرها ولا غادي تكون مضطرة ترتكب جريمة قتل فوسط منزل الشاهدة الوحيدة لي بين يديهوم .

سمعت نورسين صوت دعسات حذرة وخفيفة كانو كايتجولو فالمكان بحذر وقدرت تلمح بعيونها السماوية الجسم الرجولي الطويل ولابس فراسو كاسكيط أسود وكان مستعين بضوء فلاش الهاتف باش يتحسس طريقو حتى وصل للقابس وشعل الضوء .

غمضت نورسين عينيها بتوتر وخافت لايتكتاشف أمرها وهي كادعي لله باش مايشوفهاش ...

تقدم "جبل" بجسمو الطويل للمطبح وألقى نظرة سريعة عليه وهو كايتمتم بصوت منخفض
-هاحنا غادي نشوفو اروعة شنو هادشي لي كاتحاولي تخبيه عليا

ثم قلب الضورة وتوجه لغرفة نومها ... حررت نورسين أنفاسها وقدرت تستنشق الهواء من جديد وهي كاتحس بجسمعا كايرجف ... أحكمت قبضتها على المسدس وتسللت من خلف الثلاجة بخطوات حذرة ..وحاولت بما أمكن أنها ماتصدر حتى شي صوت يكشف مكانها ...

قربات غير بالحس من غرفة روعة وطلت براسها بحذر وهي متمسكة بمسدسها بتوتر ...قدرت تلمح جسم رجل طويل لابس كلشي فاللون الأسود وداير على راسو كاسكيط حتى هو أسود وكايقلب بين الأدراج ...

ماقدرتش نورسين تشوف وجهو لكنها فضلت تخرج بهدوء كيفما دخلت ... تسللت نورسين غير بالحس حتى وصلت للباب وحلاتو غير بشوية وخرجات لكن فاش جات تسدو تسمعات الزدحة ديالو شي لي خلاها تشدها بجرية بأقسى سرعتها وفبلاصت ماتهبط مع دروج طلعات ...

ماعرفش جبل شنو يدير فاللحظة الأولى فاش سمع صوت غلق الباب ظن ان روعة جات لكن فاش ضورها فراسو مزيان لقى أن الوقت مازال على موعد خروجها من خدمتها ... بسرعة جبد مسدسو من خلف خصرو وقرب من الباب بحذر ...طل لجيهت الباب ومالقى حتى حاجة ... وحتى شي حس ماكاين ... لكن مع ذالك كان شاك أن شي حد غادي يكون دخل للدار أو خرج منها ...

فاش جاتو فبالو هاد الفكرة توسعو عيونو بصدمة وتخطى الممر للباب بمهارة وهو كايوجه سلاحو لكل مكان ولو أن كل ما في المنزل عبارة عن مطبخ مفتوح على غرفة الجلوس وغرفة نوم .. .

فاش مالقى حتى شي حد تأكد بل تيقن أن شي حد كان قبل منو فالدار بالخصوص فاش لمح جهاز pc ديال روعة كايسني على أنه مامطفيش ...

تقدم للباب بسرعة وحلها وخرج وهو متمسك بمسدسه بحدر حتى وصل للمصعد وتأكد أنه كان واقف من مدة فمشا كايجري للدروج وطل منهوم بسرعة على الله يلمح شي حد نازل لكن دروج كانو خاوين ...

تنهد جبل بغضب وشتم بفمو بكلمات بديئة وهو ماعايقش بنورسين لي كانت حاضياه من لفوق وكاتشوف فالجسم ديالو لي كان كايطل للأسفل... وحمدت الله على ثلاث سنوات لي قراتهوم فالجامعة البريطانية وتعلمات فيهوم بحال هاد الأمور ديال العملاء السريين

تنهد جبل بغضب ورجع دخل للدار وسد الباب موراه وشاف فلبيسي لي كان كايسني ... كلس فنفس المكان لي كانت كالسا فيه نورسين وتحسس بيديه حرارت الابتوب وكان سخون وهذا دليل على أن شي حد كان فالدار قبل مايدخل هو...

حل جبل الابتوب وتصدم فاش لقى أمامو فيديو لإمرأة لابسة جلابة فاللون الأزرق وكاتبان كبيرة فلعمر بالحجاب الباج لي على راسها وأمامها صورة لروعة وقرأ من تحت صورتها
""المختفية روعة الخطيب" لإعطائنا معلومات عن المختفية إتصلو بطاقم البرنامج على الرقم ...055612 "

ضغط جبل على الفيديو بفضول باش يتفرج فيه .. كانت نفس المرأة واقفة وكاتقول وهي كاتبكي..
" بنتي ... إلا كنتي كاتشوفيني ابنتي راه قلبي كايتقطع عليك فاليوم ألف مرة .. رجعيلي يابنتي راه دموعي نشفو بالبكاء عليك ... انا عارفا كولشي وقابلة بوضعيتك كيفما كانت ... نتي ماغلطتيش نتي كنتي ضحية لهداك الشيطان ...رجعي ليا وأنا كانواعدك غادي ناخدليك حقك بالقانون ، راه ماكايناش سيبة فهاد لبلاد ... ابنتي أنا كانحس بعمري غادي وكايقصار وأمنيتي هي نشوفك قبل مانموت .. الله يرضي عليك ابنتي ... انا راااضيا عليك دنيا وأخرة إلاما رجعي ليا على وجه سيدي ربي ولبزيزيلة لي رضعتك منها ابنتي.. "

مسحت المرأة عينيها من الدموع ثم كملت وهي كاتقول بصوت باكي:

"خوك عمر تزوج وتزاد عندو جوج بنيتات توام وفرحتنا بيهوم ماكملاتش بلا بيك ياشمعت الدار ... الله يجازيكوم بيخير لي كايعرف بنتي روعة ولا شافها غير بالصدفة يتاصل بالرقم لي على الشاشة ولا يتاصل بالقنات.."

إنتهى الفيديو وبقا جبل كايشوف فالشاشة بلا ماينتابه بأنه إنتهى حتى رجع لوعيو على صوت الفيديو الثاني لي داز أوتوماتيكيا وكانت فيه أغنية سلسلة الكرتون "القناص"

وقف جبل الأغنية وتنهد بأسف .. بقات فيه ديك لمرأة بزاف وفكر أن روعة أكيد غادي تكون تألمت أكثر منو وهي كاتشوف فأمها كاتترجاها باش ترجع ليها بهاد الشكل.. حس ببزاف ديال الفضول بالخصوص فاش قالت ماماها عبارة "غير رجعي وغادي ناخدليك حقك من هاد الشيطان راه مكاينش السيبة فلبلاد "

دخل الفلاش USB الخاص بيه ونقل الفيديو ليه ثم قلب مزيان بين الفيديوهات لوخرين والصور القديمة لي جمعتها مع عائلتها فيوم من الأيام وكانت روعة كاتبان مبدلة بزاف كانت أكثر شبابا وكانت كاتبان فرحانة ودبدوبة وخدودها عامرين وغليضة شويا وإبتسامتها فكل صورة كاتبان طالعة من القلب . عكس مظهرها الأن ، ولا أخر نظرة لمحها على وجهها قبل مايرمي عليها دوك الكلمات الجارحة والمهينة .

تنهد جبل وهو كايحس بتأنيب الضمير بعض الشئ لكن هادشي كامل مايشفعليهاش فكل مرة كايتفكر يديها وهي شادة فيد هاري وطالعين للغرفة بكل مياعة ...

إنتقل إلى حسابها في الفيسبوك وقرأ تقريبا كل الرسائل لي مع أصدقائها حتى وصل لإسم "jinan el khatib " وعرف أنها أختها بسبب الإسم العائلي المشترك. وقرى أخر رسالة لي سيفطاتلها أختها كاتشكرها فيها وشاف صورة أم روعة وهي نفسها لي كانت فالفيديو لكن كانت هاد المرة في المستشفى وعلى رأسها شال فاللون الأبيض وباين من ملامحها أثر المرض بالأخص حواجبها ورموشها لي كانو زايلين بسبب الكعلاج الكيماوي

طلع مع الرسائل وقرأهوم كولهوم وحدا بوحدا حتى سلاهوم ثم إنتقل للصفحة الشخص لي سميتو الدكتور ياسر ولي كانو كايهضرو عليه هي وختها ...

ياسر كان دكتور شاب أربعيني وباين من ملامحو أنه إنسان جيد وطيب ... دخل للرسائل لي كانو بيناتهوم وكانت أخر رسالة قبل أسبوع ومكتوب عليها

اcrazy girl 15:30
"سلام عليكم دكتور ياسر ... كانتمنى تكون بيخير .. بغيت غير نقوليك أنني حولت لحسابك مبلغ 5000 درهم غادي تكفي ماما لمدة قصيرة ولكن كانواعدك أنني غادي نرجع نسيفط ليك لفلوس فأقرب وقت "

(الرد)
اYassir brada 17:45
" جزاك الله خيرا ... راني توصلت بالمبلغ اختي"

تنهد جبل بإستياء فاش تفكر كلمات روعة فاش قالتليه بصوتها الحزين "نتا راه مايمكنش ليك تقطع ليا رزقي .. نتا ماعارفش شكون لي عايش بسبب ديك الخلصة ."

ورد عليها هو بطريقة مهينة .... كره داك الشعور لي حس بيه ...شعور الندم مع تأنيب الضمير بالإضافة أنه حتى شي حاجة فلابتوب ماعندها علاقة بالكاريبي يعني مجرد أمورها الشخصية عادية ... وهذا أثبت ليه أنها بريئة وماعندها علاقة بالكاريبي .

تنهد جبل بضيق و دخل للصفحة الشخصية ديال الدكتور وسجل الرقم ديالو فتلفونو ثم تسنى لمدة قصيرة علاما تفتح الخط وقال :

- السلام عليكم دكتور ياسر .

رد عليه ياسر وقال :
- وعليكم السلام شكون معايا .

تردد جبل فالأول لكن رجع قال :
- سميتي ... فاعل خير .

إبتسم ياسر وقال بهدوء :
- مرحبا بناس الخير ... واش نقدر نعاونك بشي حاجة أسيدي .

رد عليه جبل برزانة وقال :
- واحد الصديقة ديالي إسمها روعة الخطيب الأم ديالها مريضة بالسرطان وكاتعالج عندك .

سكت شويا ياسر وقال :
-ايه اسيدي ...لالة "كلتوم السومري" ام روعة

رد عليه جبل بفضول :
- واش تقدر تقولي على الحالة الصحية ديالها ؟؟

رد عليه الدكتور بتردد:
- سمحلي اسيدي ولكن اسرار المرضى مانقدرش نقولهوم لشي حد من غير عائلة المريض .

تنهد جبل بغيظ من هاد الدكتور لي كايحاول يلعب ليه على أعصابو وقال .
- واخا ماتقوليش ... ولكن بغيت نعرف شحال محتاجة ديال لفلوس باش تتعالج .

بقى الدكتور ساكت لكن رجع قال أخيرا :
- فالحقيقة أسيدي واخا تجيبو مال الدنيا كاملة ماغاديش يرجع ليها صحتها ... هي فالمرحلة ماقبل الأخيرة وقول دخلات فالأخيرة والعملية عندها صعيبة وأنا رفضت انني نديرها ليها ونصحت عائلتها باش بلامايضيعو فلوسهوم ويقضيو هاد الوقت لي باقي من حياتها بالقرب منها لأن نسبة نجاح العملية هي 5 فالمئة مع الأسف .

مسح جبل على لحيتو بأسف ثم قال فاش تفكر الدكتور ياسين ولي هو دكتور جراح فأمراض الرأس :
- أنا كانعرف واحد الدكتور ماهر هو يقدر يساعدها ويدير ليها العملية نقدر نجيبها لعندي لهنا لإسبانيا شنو بان ليك .

تنهد الدكتور ياسر وقال:
- هادا ماشي قراري انا ... عائلة المريض لي تقدر توافق ولا ترفض ... لكن اسيدي ديك لمرا راه الى دارت شي عميلة فهاد الوقت بحالي كاتلعبو ليها فعداد عمرها ... هي حاليا كادير العلاج الكيميائي وهوا لي مازال شاد ليها فعمرها ومخليها عايشا لكن الى دارت شي عملية غادي تموت .

تنهد جبل بأسف وقال :
- والمعمول ادكتور ..

رد عليه ياسر ببساطة :
- تستمر فالعلاج الكيميائي وحتى يدير الله الخير ...كل واحد كايعيش العمر لي مقدر ليه أسيدي

- واخا وشحال التكلفة ديال العلاج أدكتور ؟؟.

تكلم جبل شويا مع الدكتور وعرف المبلغ ديال الحصص ثم قطع الخط وبقا كايفكر شويا مع راسو وحس بالحنين لروعة ولو كانت حداه حاليا كان غادي يعنقها بقوة ومايطلقهاش حتى يحسسها بالأمان لي فقداتو ملي بعدات على عائلتها كان غادي يقول ليها أنا هو عائلتك الثانية تقدري تعتامدي عليا.

طفى لبيسي وحيد فلاش USB الخاص بيه ودارو فجيبو ثم حرك رجليه لغرفتها ...وقف عند سريرها وتأمل فيه وتخيل منظرها وهي ناعسة من فوقو..

غمض عينيه بسبب دوك الأفكار المنحرفة لي تسلطة على عقلو فاش تخيل راسو معاها فوق السرير وإبتسم وهو كايتمتم بين شفايفو :
-استغفر الله العضيم

لمحت عيونو الزمردية بيجامتها الباج لي كانت مرميا على الكرسي بإهمال فهزها بين يديه وقربها لأنفو و إستنشق رائحة عطرها الخزامية وخلاها تغلغل بين جيوبه الأنفية وهو مغمض عينيه بإستمتاع ...
ثواني وفتح عينيه وهمس بصوتو الرجولي وهو كايشوف فالشعر المستعار لي كان معلق فوق علاقة الملابس :

-دخيل ريحتك ياعمري ....

ثم حل عينيه وكمل بهمس :
- هاد المنزل خطير عليك اروعتي ... مستحيل نخليك فيه بوحدك .

وضع جبل البيجامة من يديه لكنه لمح بعيونو الزمردية طرف من كتاب او دفتر ماقدرش يحدد شنو هو لأنه كان تحت الوسادة ... قرب من السرير وكلس عليه ثم جبد الدفتر وغير هزو طاحت منو ورقة سارع فإلتقاطها ... وشحال حس بالفرحة فاش حلها ولقاها الرسالة لي خلاها ليها قبل مايسافر ... فرح حيت بقات محتافضة بشئ كايخصو يعني ذكرى منو ...فتح الدفتر بفضول وأول كلمة جات مع عينيه عليها هي "مذكراتي العزيزة" ...

____________

نهاية الفصل

الفصل 27 / BARON "عرض عمل جديد"

2018-10-30T09:27:00.000-07:00

هوتيل سود إبيزا سويتس/الساعة 11:30 مساءً

سالات روعة الغناء فالنادي الهوتيل وكانت كاتغير حوايجها حتى دخلت عليها آي يو وهي كاتقول بحماس:
-ســـلااام المغامرة ...صافي دابا غادي نسميك "لويز بيود" على اسم اشهر مغامِرة فالعالم .

علات روعة راسها وشافت فـإنعكاس صورة آي يو فالمراية وتفكرات المغامرة المميتة لي دوزات ..قالت بسخرية وبالدارجة المغربية لي مافهمتهاش آي يو:

-تقدري تسميني "عويشة لمكوز" على وزن زهري لمعوج

عقدت آي يو حواجبها فاش مافهمتهاش وقالت وهي كاتسد الباب:
-اووه كايبانلي أن المغامرة ديالك ماتمتش على خير

ضارت روعة وقالت وهي كاتحاول تغطي على ألمها :
- بحال داكشي.

ناضت روعة وهزات الكيس لي كان تحت الطاولة ومداتو لآي يو وهي كاتقول بإبتسامة هادئة:
-هاهوما حوايجك وحتى الصاك ولكن القناع لي عطيتيني ماعرفتش فين وضرتو ... كانعتادر منك اختي.

هزت آي يو كتافها بعدم إهتمام وقالت:
-ماشي مشكل عادي اصلا صبقلي لبستو .

إبتسمت روعة بهدوء وهزات حقيبتها علقتها على كتفها ثم قربات من آي يو وعنقتها وهي كاتقول:
-ااه شحال ضريفا نتي ... انشاء الله غادي نشريلك وحداخرا

بادلتها آي يو العناق وهي كاتقول:
-اووه ... لا ماتحتاجيش احبيبتي .

بعدت عليها وقالت وهي كاتحل الباب باش تخرج
-بسلامة عليك . حتى نشوفك غدا إنشاء الله

خرجات روعة وتمشات فالممر وهي كاتفكر الإهانات لي ضربها بيهوم جبل وشعرت بالحقد ناحيتو حتى داك شوية ديال الإعجاب لي كانت كاتشعر بيه مابقاش منو الأثر بعد گاع السم لي وخزها بيه فقلبها . غمضت عينيها وحلاتهوم باش تطرد جبل من بالها وكملت طريقها وهي كاتحاول تتحلى بطاقة إيجابية جديدة.

وصونا تلفونها جبداتو من جيبها وكان مكتوب عليه إسم أسية . جاوبتها روعة وهي كاتقول بحماس متصنع :
-أســــي لباس عليك ...ايوا لباس ملي تفكرتي ان عندك واحد القندوحة سميتها روعة كاتحتاج لي يسول فيها مرا مرا يا نكارت الخير .

شافت أسية فجبل لي كان جالس قبالتها وكايشوف فيها بترقب ثم حمحمت بتوتر وقالت:
- اام راكي عارفا غير لخدمة متلفاني ... فين راكي دابا الهبيلة

ضحكت روعة بسخرية وهي كاتشير بيديها :
-ياربي نتهنى من هاد شلة المجامين لي بلاني بيهوم سيدي ربي ...أما داك نكار لخير ديال عصام وتقول واش كايسول فيا ، بربي وشفتو حتى نخرمزليه ديكور وجهو بضفاري ..

إبتسم جبل بمكر فاش هضرت روعة على عصام بديك الطريقة .. هو طول هاد المدة كان مغرقو فالخدمة باش مايساليش لروعة قبل مايطلاقا معاه هادي واحد الساعة ...

كملت روعة وهي كاتنهد بإستياء:
-أنا عاد ساليت من خدمتي وراني خارجا فين راكي نتي ؟

شافت أسية فجبل لي حرك راسو بمعنى "ماتقوليلهاش راكي معايا" فقالت بتوتر وهي كاتشوف فيه كالس حداها وحاضيها حيت فعلا ديرونجاها :

- أنا فڤيلة كونتيسا جبت شي وراق لسي دون ماركيز من الشركة وعرض عليا باش نتعشى معاهوم وقالي نصوني عليك باش تجي تعشاي معانا اش بانليك ؟

إبتسم جبل بهدوء وهو كايتسنى جوابها لكن روعة بقات ساكتة وهي كاتفكر فاش قالها جبل "مانعاودش نشوف وجهك فڤيلة كونتيسا" ثم قالت بعد صمت :

-واش كاين داك بوبريص تما ؟

عقد جبل حواجبو بإستفهام فقالت أسية بتسائل :
-شكون كاتقصدي ؟

ردت عليها بغيظ :
-وشكون من غيرو البارون لبزاق الحشايشي بوبريص لكحل لصقة ديال درهم ...

كتمت أسية صوت المكالمة باش مايسمعش شكاتقول فيه روعة وماقدرتش تسيطر على راسها وبدات كاتموت بالضحك وهي كاتسمع شنو كاتقول على جبل لي عقد حواجبو بغضب ومارضاش خطف التلفون من يد اسية ودارو على ودنيه ثم وقف وقرب من الباب الزجاجي ديال الشرفة باش يتصنت على راحتو للصواريخ الجوية.

- قالك سميتو جَبل هداك تقدر تسميه الحجر ولكاياص لو كنت أنا لي ولدتو كنت غادي نسميه ...بلاتي نفكر.... ااام سحت لليل ... لا بلاتي موكا لهجالا ...ولا كاع إلى درت معاه بيخير نسميه دجاجة العاكرا .... هاهاها ... تصوري أاسية واحد نهار وصلنا أنا وياه للحبس وعلمني كيفاش نبزق على البوليسي .

برك جبل على اسنانو بغضب وهو كايسمع شكاتقول فيه روعة فضهرو ... كان متوقع أنها غادي تكون محطمة وحزينة وتوقع انها غادي تبكي گاع بعد ديك التمرميدا لي دارلها لكنها خالفت توقعاتو... لا وزايداها كاتعاود لأسية على نهار ديال الحبس لي غير كايتفكرو كايبغي يدفن راسو حي ولا داك الإحراج .

بقا غير ساكت وكايتصنت ليها حتى وصلت روعة قرب مركز الإستقبال وعطات تحية للموضفة لي كانت فالإستقبال وجات خارجة لكن الموضفة عيطاتها وهي كاتقول:
-إيميليا ... تسناي

قربت منها الموضفة ومداتليها بطاقة صغيرة فاللون الأحمر وقالت وهي كاتمايل بحركات وجهها بشوية ديال الغيرة :
-تفضلي هادي بطاقة خلاهاليك واحد الشاب كايحممممق بزين اوصاني نعطيهالك ليديك ونعطيك بوسة من عندي .

توسعو عيون جبل بصدمة وبغا يخرج من التلفون باش يعرف شكون فقربت الموضفة لعند روعة وطبعت قبلة على خدها بقات روعة غير مصدومة فيها ومدت يديها مسحت أثر الكلوس لي خلاتو ملصق فوجهها ...ثم كملت الموضفة وهي كاتقول...

-ياختي ماعرفتش شنو كايعجبهوم فيك .. حتى فاش دخلتي جا واحد الشاب اخر كايسول عليك اوصلتو حتى لغرفتك وعرفتي شنو .. باسني هاهاها

توسعت عيون جبل بصدمة فاش طيحت عليه باطل قد جبل هو راه غير لاحلها بوسة فالهواء هدا مكايعنيش انه باسها !!!...

ضحكت روعة بسخرية وقالت وهي حاطة التلفون على ودنيها :
-واش سمعتيها شنو قالت ااسية .. قالك جبل باسها .. اصلا هاد الأنواع هوما لي يصلاحو لداك لحشايشي لبزاق ... تسناي ااسية علاما نعطي لهاد خيتي جوابها ماتقطعيش غانشربها لعاصير فكاس كبير .

كان جبل غادي يطرطق بالفقصة من تقليلها من شئنو ...إبتسمت روعة بسخرية وقالت:

-المرة الجاية فاش يجي سيول عليا هداك بنادم بالضبط قوليليه إيميليا ماتت نتاحرت فأخر مرة شافت فيها وجهك المنحوس... سمعتيني وبحال دوك الأشكال الشاذة ماتبقايش توريهوم طريقي تفاهمنا الحبيبة .

توسعو عيون جبل وطاحت ليه الرجل مع ليد لو كانت حداه كون وراها الشاذ شنو يقدر يدير فيها

-قولتي شاذ!!!

قالتها الموظفة بدهشة فضحكت روعة وستحلات سيرتو واخا بالسوء وقالت باش تنتاقم لنفسها:

- اه على مافخباركش ... هو راه كايميل غير للرجال يعني الى شاف فيك الحبيبة غادي تكوني غير شبهتي ليه لشي ختو ولا شي صاحبتو والبوسة لي عطاك ماغاتهزش فيه حتى شعرة حراااك تنوضليه لمعلم

هنا جبل مابقاش قادر يصبر وباش مايفضحش راسو دار يديه على فمو باش مايغوتش ويطرطق فوجهها .. تمتم فنفسو وهو كايقول:

-لمعلم هو لي غادي يوريك علاياش قاد فاول فرصة تسمح ليه ... غير بلاتي على جد بوك لكلب .

تنهدت الموضفة وقالت:
- خسارة كان يحسابلي راجل

ردت عليها روعة بسخرية:
-لمرة الجاية بقاي تميزي راه كترو دكورا اما رجال مابقاوش

تمتم جبل وهو كايبرك على سنانو بغضب:
-هانا غادي نوريك واش مازالين رجال ولا لا غير بلاتي عليك الويلة .

جبل كان غادي يطرطق بالغيظ والغضب من الشي لي كايسمعو منها بينما رجعت روعة التلفون لودنها ثم خرجات وقالت لرجال الأمن فاش وصلات للباب
-تصبحو على خير

ثم كملت وهي كاتقول فالتلفون :
-اسية كيف جاك جوابي قصف جو أرض ياك ...هاهاها

قلب جبل عينيه بغضب وندم كاع فاش قال لأسية تعيطليها تتعشى معاهوم حيت مابغاهاش ترجع لدارها خاف عليها زعما ولكن مارضاش يقولهالها هو بنفسو فإستعان بأسية لي كانت جايا باش تناقش معاه امور الشركة , ولكن والله لابقات فيها اذا كان هو شاذ غادي يوريها علاياش قاد هاد الشاذ لي استهانت بيه

-ااه ماقلتليكش عطاتني الموضفة شي بطاقة بلاتي نشوف شنو فيها ...

قربتها روعة لنيفها وإستنشقت رائحة العطر لي فيها وقالت:
-امم فيها ريحة رجولية زوينة ... باينا هذا شي معجب

عقد جبل حواجبو بشك وتجاهل كلمة معجب قدر المستطاع , كان على احر من الجمر باش يعرف شنو مكتوب فالبطاقة ولا شكون لي سيفطهالها ..

فتحتها روعة وهي شادة التلفون بكتفها بينما كاتمشى فساحة الباركينج باش توصل لسيارتها .. فتحتها وقرات شنو مكتوب فيها بصوت هادئ

-ان كان ثوبك أبيض ...فلا تقترب من بائع الزيت.

توسعو عيون جبل بصدمة فاش سمع ديك الجملة وكملت روعة وهي كاتقول بإستفهام:
-هاه....كيفاش يعني!! ... اسية فهمتي شي حاجة ؟

حل جبل فمو باش يهضر ويحذرها باش تهرب من تما فأسرع وقت لكن سبقو صوت صرخت روعة ثم صوت إرتطام التلفون مع الأرض ومن بعد هدوء

-روعة... روعة ... روعة ..جاوبيني ..روعة ... واش كاتسمعيني

غوت بيها جبل بذعر فقربت منو أسية بفضول وهي كاتقول :
-سي جبل مالها روعة ياك لاباس...

لكنه رماليها التلفون وخرج كايجري من ڤيلة كونتيسا وركب فسيارتو وكسيرا بأقسى سرعة وهو كايدعي الله تكون روعة بيخير ...

_________

-عصــــــااااااام ... خلعتيني يعطيك الدل

ضحك عصام بسخرية على روعة لي كانت كاترجف بالخوف وقال وهو كايقلد لغوته ديالها:

-اااااااااي ... ياودي ياودي قالك باغيا تولي بوكسورا وهي كاتخاف من ظلها..!

ضرباتو روعة على كتفو بقوة وقالت :
- عرفتي كون تهرسلي تلفوني بربي حتى تشريه نتا.

شاف فيها عصام بإستخفاف وقال:
- ‏نعطيك تلفوني

- ‏ماغانقبلش بداك التلفون ديال عام نوضو ترگدو واش مازال شي واحد كايخدم نوكيا بيل وفإبيزا.

رد عليها عصام بسخرية وهو كايقلب فعينيه :
-مالها نوكيا ماشي راجل ؟

طلعت وهبطت فيه بعينيها ثم قالت :
-زعما نتا لي راجل !...هادي كتر جوج سيمانات ماسولتي فيا الكافر بالله ... صافي غير بان داك الهضبة ونتا تقلب عليا .

شاف فيها عصام باستنكار وقال:
-شكون هو هاد الهضبة ؟

قلبت عينيها بملل وقالت:
-‏يعني جبل اعصام البـــاروووون لحشايشــي لبزاق... ركز معايا شويا اعصــــــام ..

ضحك عصام حتى بانت ضرسة العقل ديالو ثم قال :
-تمنيتو يسمعك كاتعيطيليه لحشاشي هاهاها ااااخ شنو يقدر يدير فيك.

قلبت روعة عينيها بإستخفاف وقالت:
-‏اش غايدير گااااع ؟

رد عليها عصام بسخرية
-غير غادي يجري عليك من الخدمة .

ضحكت روعة بأعلى صوتهت وقالت وهي كاتحل باب سيارتها وركبات :
- قول شي حاجة جديدة

وقف عصام ودار يد على باب السيارة ويد فوق سطحها وطل عليها براسو وقال:
-علاش كاتقولي هكا؟

شافت فيه روعة وقالت ببرود:
-حيتاش طردني من خدمتي هادي واحد الخمسة ديال الساعات .

توسعو عيون عصام بصدمة وقال:
-واش من نيتك كاتهضري ولا كاضحكي

قلبت عينيها بملل وردت عليه:
-واش عمري ضحكت عليك اعصام

عقد عصام حواجبو بإستنكار وقال:
- ولكن ماشي هادشي لي قالي سي جبل فاش شفتو!

شافت فيه روعة باستخفاف وهي كاتحاول ديماري سيارتها لكنها تعكست ومابغاتش ديماري ... حاولت مرة وجوج وثلاثة لكن والو ... فتنهدت روعة بقلت حيلة وضربت عجلة القيادة بيديها ثم شافت فعصام وقالت بصوت بارد:

- اش قاليك؟ .. ديها نفيها فشي جزيرة مهجورة باش عاد يرتاح أنني ماغاديش نقرب ليه من ختو .

شاف فيها عصام بإستهجان وقال:
- لا بالعكس .... اعطاكي ترقية كاع .

علات فيه حاجب واحد وقالت بإستفهام:
-كيفاش يعني؟

إبتسم عصام بساحرية وقال:
-نتي غادي يخصك تفرحي مابقيتيش محتاجة لجوج خدمات ...

قلبت روعة عينيها بملل ورجعت حاولت مع سيارتها باش تخدمها لكن والو مابغاتش فإستسلمت أخيرا وقالت وهي كاتخرج من سيارتها :

- عصام فهمها سيك جبل طردني من الخدمة وقالي مانعاودش نشوف وجهك فڤيلة كونتيسااااا .

ضيق عصام عينيه بإستهجان وقال:
-وعلاش شنو لي وقاع باش يطردك

تنهدت روعة وشعرت بالألم فقلبها فاش تفكرت شنو قالها جبل قبل مايطردها بديك الطريقة المهينة ، ثم قالت وهي كاتصنع إبتسامة باردة فوجه عصام :

-وقاع بيناتنا واحد الخصام بسيط فجرا عليا سيك جبل ... وبلا ماتسولني على السبب حيت ماغانجاوبكش

تنهد عصام بإستياء ثم قال:
- ماعرفتش ..يمكن كاين شي سوء فهم بيناتكوم ...حيت نتي دابا وليتي الحارسة الشخصية ديال سي جبل ..

شافت فيه روعة ورمشت بعينيها عدت مرات باش تقدر تستوعب شي لي قالو عصام .. جبل راه طردها وقالها بصريح العبارة مابغيتش وحدا بحالك ترافق ختي صغيرة ودابا هو باغيها تكون المرافقة والحارسة الشخصية ديالو هو .... كيفاش يعني واش هاد جبل كايعاني من إنفصام فالشخصية سكيزوفرين ؟؟!!

جبد عصام ورقة من جيب معطفو الطويل فاش شافها مصدومة ومدوليها وهو كايقول:

-هاكي تأكدي بنفسك .... عقد عمل لمدة خمسة سنوات بخلصة خيالية لي أنا براسي بقيت غير حال فمي فيها .. روعة نتي الى رفضتي راكي غادي ضيعي على راسك كنز مابحالو كنز .

توسعو عيون روعة بصدمة فاش شافت فالعقد لي كان مكتوب بخط يد جبل لي ماخافيش عليها ولي كايبان أنه كتبو على عوجلة ...تصدمات أكثر فاش شافت المبلغ لي خصصوليها جبل لكل شهر ... بما يعادل 3 مليون مغربية باليورو ... ماقدراتش تسرط ليها وجاتها نوبة ديال السعال وبدات تكح تكح وهي كاتقول بين انفاسها المنقطعة :

- ضربني على ضهري اعصام ... ضربنـــــي اح اح اح

إرتبك عصام وماعرف مايدير فحالتها فعطاها ضربة للضهر كيفما طلبت منو حتى غوتت روعة بأعلى صوتها كانت غير مخنوقة دابا تقصم ليها الضهر

- عصــــااااااااااااااام ....

سد عصام ودنيه بسبب الغوتة ديالها لي صمكتليه ودنيه وقال:
- مالك ...!! انا درت غير لي قلتيه لي!؟

حطت يديها على ضهرها وقالت وهي كاتألم
- قصمتيلي ضهري يعطيك موصيبــــااااااا.... اااااه ضهري

هز عصام أكتافو بعدم إهتمام ثم قال ببساطة:
- اSorry

تكات روعة على سيارتها وهي كاتحاول تجمع داك المبلغ فدماغها لكن مابغاش يتحسب ليها فقالت وهي كاتشوف فعصام بترجي:

-حلف انك مكاتكدبش وان هادا ماشي مقلب من مقالبك السخيفة .

قلب عصام عينيه بغيظ وقال:
-واصافي باراكا أروعة وقت الجد راه جد

ردت عليه روعة بعناد:
-لا حلف وقول يعطيني الموت يعطيني الشلال يعطيني سكتة قلبية ايما كانكدب.

قلب عصام عينيه باستياء وقال وهو كايشوف فيها:
- يعطيك الموت يعطيك الشلل يعطيك...

لكن قبل مايكملها طارت روعة على عصام و عنقاتو بالفرحة هي كانت كاتفكر كيفاش غادي تجمع لفلوس لعلاج ماماها بعدما طردها جبل وكانت هازة الهم لهاد الأمر ...لكن دابا تحل المشكل ...وإن كانت غادي تدعس على كرامتها باش تخدم معاه فهي ماعندهاش مشكل المهم أنها تجمع لفلوس لماماها ....

بقاو رجلين روعة معلقين فالهواء بسبب طولو... فالأول عصام تصدم من ردت فعلها لكن من بعد ضحك وعنقها وزييير عليها بعضلاتو حتى غوتت روعة من شدة الالم

-عصـــاااااااااااام عضــاميييييييي ... طرطقتيلي عضامي

رخف عليها عصام شوية ثم غمض عينيه ودخل راسو بين ثنايا شعرها وعنقها واستنشق رائحة جسمها بإنتشاء... ولأول مرة غادي يشعر بالقلب ديالو كاينبض بسرعة ... لا اصلا هو فينما كايكون معاها كايكون فرحان وهاد جوج سيمانات لي بعد عليها كان بحالي ناقصاه شي حاجة وحياتو مكاملاش بلا بيها ...

واخيرا قدر يعرف ان روعة هي مصدر سعادتو ... ماقدرش يحدد بالضبط هاد الشعور لي كايحسو من جيهتها واش كايحسبو أخوة ولا صداقة ولا إعجاب ولا تغرم بيها لكن ماقدرش يحدد طبيعة مشاعره الجديدة تجاهها .

شعرت روعة بشعور مختلف وهي فحضنه ...عادتا فاش كاطير عليه بهاد الطريقة كايرميها للأرض ويبقا يضحك عليها وهي كاتألم ، لكن هاد المرة مابغاش يطلقها بل شعرت بانفاسو على عنقها بحال اللهيب من شدة سخونته بعدت روعة وشاف فيه باستغراب وقالت :
- اام واقيلة خصك تنزلني للأرض اعصام .

رد عليها عصام بصوت هادئ وهو كايشوف ليها فعينيها ثم شفايفها :
- ماكرهتش نبقا محتافض بيك فحضني طول عمري أروعة .

توترت روعة من شئ لي قالو وإبتلعت ريقها وهي كاتشوف فنظراتو الحارقة ليها ...
-عصام!!

همست بيها روعة بصوت متوتر فإستوعب عصام أخيرا شئ لي قال و حطها على الأرض بسرعة وقال وهو كايحاول يتصنع خفة الدم وهو كامرر يديه بين خصلات شعرو البني الطويل لي كان نازليه على اكتافو :

-ياكما صدقتي راسك اعيشة قنديشا ... ماكرهتش نطرطقليق عضامك بعضلاتي الضخمة المثيرة لي كانطيح بيهوم تيتيز

دخلت عليها الراحة فاش برر عصام فعلتو الغريبة بالضحك ...قلبت عينيها بملل وهي كاتشوف فيه كايستعرض عضلاتو قدامها بكل غرور فضرباتو على صدرو بقبضة يديها وقالت :

- باراكا راك غادي طرطقهوم وهوما مساكن منفوخين غير بالبروتين وشوك .

شاف فيها عصام بغيظ وقال:
-بزاف عليك الكلام الفاحش.

توسعو عيون روعة بصدمة ...قربت منو وقرصاتو من بزولتو لي كان كاينفخ فيها بغرور وقالت بغيظ:

-مليون مرة غادي نقولك ماتبقاش تستعمل مسطلحاتي الكلام الفاحش

حيدليها يديها بسرعة وتحسس بزولتو بالم وهو كايقول بغيظ:
- البشار ... شحال من مرة غادي نقولك ماتبقايش تقرصيني من بزازلي

تفرشخت روعة بالضحك فاش شافت تعابير وجهو ، كان بحال شي عذراء اول مرة غادي تجرب التحرش وهو شاد فصدرو وكايشوف فيها بنظرات طفل يالاه كلا لعصا من عند ماماه ..

تعلات روعة على صبعان رجليها ودوزت يديها مع عنقو وبركات عليه باش يهبط لمستواها ثم قالت بصوت رقيق ديال واحد باغي حاجتو:

- نتا عارفني شحال كيوت وغزيولا وضريفا لدرجة كانمشي على البيض بلا مانهرسو

شاف فيها عصام بنصف عين وهو حاني لعندها وقال:
-ومن بعد ؟!

-بالروجولة غادي توصل ختك للدار حيت سيارتي مابغاتش تخدم .

همهم عصام وهو كايفكر ثم قال :
-هممم....فيا جوع وماتعشيتش حيت قولت نوصل ليك خبر الخدمة الجديدة هي الأولى ....فماعرفتش ...فالحقيقة ...اناااا

قلبت روعة عينيها بغيظ فاش شعرت بيه كايماطل باش يوصل لشئ لي باغي فقالت :
-لعشاء على حسابي ... عندي واحد دجاجة شريتها فلعشية من واحد المطعم طايبا نسخنها ونتعشاو بيها انا وياك اش قلتي...

همهم عصام وهو كايعلي فحواجبو و يلعب بيهوم ثم قال :
-هممم... ماعرفتش .... يمكن إلى كان معاها لفريت وشويا ديال شلاضة والزيتون والمرتدلة والذرة الصفرة و شوية ديال الموناضة وماعرفتش شي خبز تكون سخونى وشوية...

-وشوية ديال لخرا مزوق من فوق منها حتى هو مابغيتيهش

قالتها وتفرشخت بالضحك على المنظر ديالو المصدوم منها فحيد عصام يديها على عنقو بسرعة وغيظ وبعد عليها ومشا وهو كايتمتم بـ:

-قليلة الأدب ...

توسعو عيون روعة بصدمة وشافت فجسمو لي كام كايتمايل بعضلاتو .متوجه لسيارتو فلحقت عليه روعة كاتجري وهي كاضحك ومانتابهتش للبطاقة الحمراء لي طاحت ليها على الأرض

نقزات عليه عنقات عنقو بدراعها وهي كاتقول
- باش تعلم تتشرط عليا .. عند بالك انا فاتحة مطعم الوجبات الخفيفة

نفض عصام يديها من عنقو بإستياء رجولي طفولي لكن مع ذالك رجعت روعة لحقت عليه ولصقت فيه وغير ألغى قفل السيارة ب المفتاح لي فيديه مشات كاتجري وسبقاتو وركبات هي الأولى غير باش تقلي ليه السم .

غادرت سيارة عصام ومرو من أمام سيارة الفيراري ديال أسد لي تنهد بإستياء وتفكر راسو فاش سمع الغوته ديال روعة ... خرج مسدسو بسرعة وتسلل خارج سيارتو وكان مستعد باش يمشي ينقدها منو لكن فاش ضحك عصام بتسلية رجع أسد لسيارتو وهو كايحس بالراحة مخلطة بشوية ديال الإستياء ، حيت فعلا كان باغي يشد ولو واحد من اعضاء أفراد الكاريبي عن طريقها ...

تحلت الباب لي فالمقعد الجانبي ديال أسد وركبت نورسين... شافت فيه بغضب عارم وكانت مستعدة كل الإستعداد باش تنفاجر ليه فوجهو ..

شاف أسد فيها بإستغراب وهمس بصوت هادئ:
-حياتي!!..

-مكاين لا حياتي ولا زمر
قالتها نورسين بغضب حتى أن وجهها كان حمر مزنگ ، شعر أسد بجدية الأمر وقال بسرعة :

-اشنو واقع ؟... واش وقاعليك شي حاجة؟ .. واش تعرضليك شي حد ؟

تنهدت نورسين فاش شافت الهلع على وجه أسد ثم قالت وهي كاتحاول تسيطر على أعصابها:

- علاش قطعتي عليا الخط قبيلة ؟

رد عليها أسد بهدوء:
-حيت شفت شي جوج رجال كايقربو من سيارة إيميليا كلارك هدا علاش قطعت حيت مشيت نتأكد منهوم لكن كتاشفت من بعد أنهم مجرد جوج ديال رجال سكرانين يالاه خارجين من البار كايقلبو على سياراتهوم وتالفين .

قلبت نورسين عينيها بغيض وقالت :
-إيوا اسيدي باش نضيفلك واحد المعلومة لراسك ... البنت ماسميتهاش إيميليا كلارك ... سميتها روعة الخطيب وانا كنت قريبا نموت فدارها فاش دخل عليا شخص غريب جاب الله تخبعت وماشافنيش ونتا اش كادير حاضيلي سكايريا.

-كيفااش
غوت بيها أسد بصوت مندهش ومصدوم فتنهدت نورسين وقالت :
-ديني لدار كانحس براسي عيانا وفطريق نعاودليك شنو وقاعلي ...

ديمارا أسد سيارتو وهو كايحس بالشمتة مع الغضب ولام راسو لأنه تلهى مع جوج رجال سكرانين ونسى مرتو لي هي أهم منهوم كاملين حتى أهم من الشاهدة الوحيدة .

خرجت سيارة أسد ودخلت سيارة جبل ....وأخيرا وصل جبل لهوتيل سود إبيزا وتوجه للباركينج ..... خرج من السيارتو بسرعة فاش شاف سيارة روعة مازالة فمكانها مشا كايجري ليها وطل عليها من الداخل لكن مالقى حتى شي واحد ورجع كايجري ... مسح على راسو بغضب وهو كايتنفس بسرعة. ... وماقادرش يتخيل أن روعة بين يدين الكاريبي لكن لمحت عينيه البطاقة الحمراء مرمية على الأرض فاتوجه بسرعة لعندها وهزها وهو كايتمتم بالحروف المكتوبة عليها:

-إن كان ثوبك أبيض . فلا تقترب من بائع الزيت ...ولاد الكلبة والله لابقات فيكوم

دار البطاقة فجيبو وخرج تيليفونو بسرعة ودار إتصال وهتف بصوت حازم وغاضب:
-دانيال ... بغيتك تجمع كاع الرجال وقلبو إيبيزا سفاها على علاها بغيتكوم تحضرولي روعة الخطيب بأي ثمن... مايطلعش الصبح حتى تلقاها وتجيبهالي مفهوم.

رد عليه دانيال بطريقة ألية:
-‏مفهوم اسيدي .

قطع جبل الخط ورجع تلفونو لجيبو ثم همس بصوت متحشرج وهو كايشوف فسيارة روعة ...
-غادي نلقاك اروعتي ... ماغاديش نخليهوم يأديوك كانواعدك اعمري ...

توجه لباب لهوتيل وهو شاد فيديه البطاقة الحمراء لي لقاها فالأرض وتوجه لمركز الإستقبال فغير شافتو الموضفة هاد لمرة كحلت بالعما فاش تفكرات اش قالت ليها عليه روعة وتمتمت بين شفايفها بغيظ وهي كاتشوف فيه بنصف عين كايقرب منها :

- اش بغا عاوتاني هاد المخنت ... هادشي لي كان ناقصني غير الشواذ.

__________

نهاية الفصل

الفصل 28 / BARON "الكاتيدرائية المهجورة"

2018-10-30T09:26:00.001-07:00

- اش بغا عاوتاني هاد المخنت ... هادشي لي كان ناقصني غير الشواذ.
وصل جبل لعند الموضفة وبدون أي مقدمات حط البطاقة الحمراء على الكنطوار وشاف فيها ببرود وقال

-شكون لي عطاك هاد البطاقة ، باش تعطيها لإميليا .

طلعت وهبطت فيه ثم قلبت عينيها بملل وقالت :
- ماعرفتش ... سير سولها هي .

إستوعب اخيرا جبل أن الموضفة راسها عامر بالسخافات لي قالتهوملها روعة عليه وهو ماعندوش الخاطر ولا طولت البال باش يديها على قد عقلها ...
تنهد بغضب ومد يديه لصدرها وجر بطاقة العمل لي كانت معلقاها فعنقها.. لوا الشريط على صبعو ببطئ وجرها لعندو غير بشوية وكان الفصال بيناتهوم الكنطوار لي فالوسط ... شافليها فعينيها بنظرة شيطانية وزمجر بصوت حاد وهو بارك على سنانو :

- واخا ... هانا غادي نمشي لعندها .. وكانواعدك انني غادي ندمك على إستهانتك بيا .

طلق جبل الشريط لي كان ملويه على يديه بهدوء ثم خرج من الباب وخلا الموضفة شادة فقلبها وكاترعد بالخوف من تصرفه الوحشي معاها .

__________

خدات روعة نفس وهي كاتحاول تسكت راسها من الضحك ...
- هاهاها ...قولي شي نكتة وحداخرا يرحم يماك اعصام

إبتسم عصام وهو كايشوف فطريق ثم همهم وقال:
-هممم .. غادي نقولك واحد النكتة أردنية قليلة الأدب ..

ردت عليه روعة بحماس:
-اوكي

-واحد ادى أبوه علبة فياجرا في عيد ميلاده، تاني يوم ابوه جه وقاله: كتر خيرك يا ابني، أمك رافعة رجليها طول الليل عمالة تدعيلك

شدت روعة فكرشها وبقات تمووت بالضحك هي نيت كانت محتاجة لأي شئ يضحكها باش تقدر تنسى شنو داز عليها فهاد اليوماين

وصل عصام بسيارتو رفقة روعة ووقف السيارة أمام باب البناية لي ساكنة فيها ... نزلت روعة وعصام وهوما كايضحكو ويتمازحو وكانت روعة كاتشعر بالإطمئنان نوعا ما بما أنها رفقة الوحش الأردني عصام ...

لكنهم كانو غافلين على العيون لي كانت كاتشوف فيهوم بخبث وكاتراقبهوم من بعيد خلف نظارات سوداء

فتحت روعة الباب ديال دارها ودخلات هي وعصام .فغير شعلت روعة الضوء تصدمو من المنظر لي شافوه

____________

-تصبحو على خييييير

قالتها الموضفة ديال الإستقبال لرجال الأمن لي كانو واقفين فالباب الرئيسية ثم نزلت مع الدروج وتوجهت للباركينج لي خلف بناية الهوتيل وهي كاتحشي سماعات الهاتف فودنيها وكادندن مع أغنية شبابية إسبانية لكن فواحد اللحظة حتى حست بيد سدت ليها فمها و جراتها وهي كاتفركل وتغوت وكاتحاول تحيد ديك اليد الحديدية لي كانت كاتمة أنفاسها .

- بولوط .... حل الباب..
قالها جبل بصوتو الرجولي الغاضب وسارع "إبراهيم بولوط" الشاب الأربعيني الطويل ففتح باب السيارة من الحجم الكبير Lexani السوداء ورمي جبل البنت لداخل وسد عليها ...

كانت البنت كاتغوت وتضرب فالباب باش يحلوليها لكن جبل تجاهل صراخها وقال لإبراهيم بولوط بصوت جاد:
-صونيت على عصام مكايجاوبش ...فين مشا ؟

رد عليه إبراهيم بطريقة ألية:
-ماعرفتش اسيدي .. مقالش فين غادي وغالبا غادي يكون ناعس فدارو هادي الوحدة ديال الليل .

برك جبل على أسنانو وقال بغيظ :
-رجع صوني عليه حتى يشد ليك . ومن بعد غادي نتفاهم معاه على هاد التقاعس ديالو ...

-امرك سيدي .. ولكن واش أنا مكافيكش ياك عيطتيلي وجيت كانجري ..

ظهرت إبتسامة جانبية على وجه جبل فاش حس بالغيرة ديال إبراهيم من عصام لي ديما جبل كايفضلو عليهوم كاملين حيت كايعرفو من مدة طويلة وهو رئيس الحراس فكايتشاور معاه فكلشي وهادشي كايزرع الغيظ فقلوب رجالو لوخرين ...

- رجع صوني عليه
قالها جبل بحزم وفتح باب السيارة وركب وهو كايسمع صوت بكاء الموضفة لي غير شافتو تكمشة على نفسها بخوف .

طلع وهبط فيها جبل بنظرة جليدية باردة ثم قال بصوت حديدي :
-غادي نعاود سؤالي لكن هاد المرة ، إلى تماطلتي فالجواب غادي نقطعليك راسك ونرميه لكلابي ياكلوه ازوينا ... مفهوم؟

هزت البنت راسها بسرعة بمعنى "نعم" فإبتسم جبل برضى في النفس ، وشحال كايعجبو يتعامل مع هاد النوع لي التهديد والترهيب كايجيب نتيجة معاهوم .. عكس روعة لي مطلعة عينو وتهديداتو كاترميهوم بعرض الحائط بغير إهتمام .

جبد البطاقة الحمراء من جيبو وقال بهدوء:
-شكون لي عطاك هاد البطاقة ، باش تعطيها لإميليا كلارك.

هزت الموضفة عينيها البكيانين وشافت فالبطاقة وقالت بصوت مبحوح .
-والله ماكانعرفو .. هو واحد الرجل غريب ، فنفس طولك ونفس لون عينيك غير نتا صحيح عليه شويا وهو أسمر وأنت قمحي . واش غادي تخليني نمشي دابا اخويا؟

ضيق جبل عيونو وهو كايحاول يفكر فهاد الرجل لي وصفاتو ليه.. شاف فالموضفة ثم قال :
- واش سمر بزاف؟

جاوباتو البنت وهي كاتمسح دموعها :
-تقريبا ماشي بزاااف ولكنه رجل وسيم ومهذب وشعرو أسود

جاء على بالو أسد مالك ولكن رجع نفى الأمر لأن أسد مكايعرفش روعة وماعمرو شافها وزيد عليها أسد مالك عيونو عسلية ...شاف فيها ثم قال :
-شنو قالك بالتحديد؟

إبتلعت البنت ريقها بتوتر ثم قالت :
- امم... ماعقلتش ولكن كانضن أنه كان مهمتم بالأنسة إميليا كلارك لي سولتيني عليها فالصباح .. دخل للنادي لي غنات فيه إيميليا وخرج فاش سالات ...وجا لعندي عطاني بطاقة حمرة وقالي نعطيهالها اوصاني نطبع قبلة على خدها ... اه وحاجة أخرى قالي نقولها بأن موعد لقائهم قريب .

ضرب البرق فقلب جبل وشاف فالبنت بغضب قاتل فاش عرف شكون ... هو ومكاينش من غيرو لي كايستخدم هاد الأساليب المبهمة القذرة ...همس جبل بين أسنانو بغضب:

-النمر السيبيري ... إيدوارد أليكزاندر الكلب ... الروسي ولد العاهرة سليل "التايكرس"Tigers

شاف فالبنت وزمجر بصوت حاد :
-ماقالكش شنو سميتو ؟

ردت عليه البنت بخوف من النظرات المخيفة لي كان كايدير فيها:
-لا ماقاليش .... ولكن كان عندو وشم على صبعو الوسطاني فاليد اليسرى على شكل نمر وفوق منو حرف Tوفوق من الحرف دائرة ... عافاك اسيدي واش نقدر نمشي بحالي؟

غمض جبل عيونو بغيظ ، ماعمرو كان يقدر يستهين بقدرات الكاريبي والأن برهنو ليه وأكدوليه أنهم متأهبين ومترقبين وغادي يبداو يسيفطوليه فالقنابل الصامتة وحدة بوحدة ...والدليل هي روعة لي قدرو يوصلولها في ضرف أربعة وعشرين ساعة رغم أنها كانت متنكرة بالشعر والقناع ولي هو لي سبقلو شافها ماتعرفش عليها حتى حيدات القناع ... فكيفاش حتى وصلو ليها هوما ...

لا والموصيبة الكحلة أنهم سلطو عليها أكبر شيطان فالكاريبي ... إيدوارد أليكزاندر سليل عائلة صيادين نمور سيبيريا الروسية .

قاطع تفكير جبل الباب لي حلها بولوط إبراهيم ومدليه التلفون وهو كايقول ...
-عصام اسيدي باغي يهضر معاك ...

شد جبل التلفون من عند بولوط وقال بلهجة أمرة
- تخلص من البنت اإبراهيم ..

رد عليه بولوط وهو كايبتاسم بخبث:
-نقتلها أسيدي ؟

توسعو عيون الموضفة بصدمة وخوف وبدات كاتبكي بحرقة وترغب فيهوم .حتى أنها تلاحت على يد جبل باش تبوسهالو وهي كاتقول بترجي :
-العار أسيدي .. والله مانقول شي حاجة .. كانحلفليك بحياة ولدي وبنتي.

خطف جبل يديه بسرعة وهو كايبتاسم بخبث وكايشوف فالبنت لي كانت كاتبكي وحانيا راسها عند رجليه ....مد يديه ووضعها تحت دقن الموضفة وعلاه باش تقدر تشوف فيه ... ثم همس بصوت شيطاني لي كايضهر غير فالأوقات الحازمة لي بحال هادي :

- بحياة ولدك وبنتك لي تحلفتي بيهوم ... وسمعت إنكي درتي شكاية عند الفدراليين ولا الإنتربول غادي نقطع ريوسهوم وراسك معاهوم ...

هزت الموضفة راسها بسرعة بمعنى "فهمت" فكمل جبل وهو كايقول :
-أنا نقدر نطلعك من تحت الأرض إلى بغيت ونقطع جثتك ونوزع كل طرف فبلاد ... تفاهمنا

هزت الموضفة راسها بمعنة "نعم" وكمل جبل بهمس
-وحاجة أخرى بغيتك فاش تخرجي ... تنساي انك شفتيني ..

رد عليه الموضفة بسرعة :
-انا ماعمري شفتك اسيدي

إبتسم جبل وطبطب على راسها بخفة وقال :
-شطورة ...

مد جبل يديه وحل الباب وفرمشت عين البنت نقزات من السيارة ومشات كاتجري فلباركينچ وركبت فسيارتها وكسيرات بسرعة وهي مكاتشوفش موراها ..

قهقه بولوط بسخرية وقال :
- هاهاها... مسكينة دغيا تيقات ويحسابلها بصح ...

شاف فيه جبل ببرود كايعني " سد الباب وخرج " فتنحنح بولوط وتسلل للخارج بإحراج بحال شي جرو مطيع ...

وضع جبل التلفون على ودنو وقال بصوت حازم :
- اهلا بسي عصام ..

كان عصام كالس على الكنبة فدار روعة لي بدورها كانت كالسا حداه وكاتحس بالخوف من المنظر لي لقاتو فدارها ...
كان كلشي مقلوب.. الحوايج لماعن تلفازة طبلة كولشي مشتت فالأرض من حد حتى علب الأكل ديال شادو مزلعين فالمطبخ

-معلييم ...
قالها عصام بصوت جاد وغليض فهم جبل القصد ديالو لأنه فينما كاتكون شي كارثة كايناديه "معليييم" وكايبرك على حرف الياء بصوتو الرجولي

-اش واقع اعصام فين راك ؟
شاف عصام فروعة لي كانت كالسة على الكنبة وحانيا كاتجمع الزاج ديال الطاولة لي تهرسات وقال:

-أنا دابا مع الأنسة روعة فدارها ... معلييييم لقينا دارها مقلوبا سفاها على علاها وكلشي مهرس .

شعر بالغضب فاش عرف بلي عصام معاها وفهاد الوقت من الليل لكن مع ذلك إرتاح لأنها بيخير فقال بلهفة :
- واش هي بيخير ؟.. واش ماتعرض ليها حتى شي حد ؟.. عنداك يكون شي حد ضربها ولا أداها !؟

رد عليه عصام بسرعة:
-لا اسي جبل هي راها بيخير

شافت روعة فعصام وإستغربت كيفاش كايسول فيها جبل وهو غير فلعشية سبها وهانها ... همست بصوت منخفض باش مايسمعهاش جبل :
-عصام قطع عليه اصاحبي .. لاش معيط ليه؟

غطى عصام التلفون بيديه وقال بصوت منخفض:
-ضاروري خصو يعرف هو البوس ديالك .

ردت عليه روعة بغيظ:
-مازال ماوقعت على العقد باش يكون الرئيس ديالي ... حاليا مازالة رئيسة نفسي .

قلب جبل عيونو بملل من عزة نفسها الخاوية بالنسبة ليه عند بالها ماسمعهاش :
-من بعد اروعة ونتناقشو فهاد الموضوع ...

قالها عصام بصوت منخفض ثم رجع التلفون لودنو وقال:
-معلييم ..

قاطعو جبل وهو كايقول:
- خليكوم تما وماتقيسو فحتى حاجة .. انا جاي لعندكم

ناض عصام من قدام روعة ودخل للمطبخ ثم قال بصوت منخفض:
-معلييم أنسة روعة باغيا تعيط للرقيب رافاييل ديمورو

رد عليه جبل بسرعة :
-إيااك اعصام .. ماتخليهاش حيد ليها التلفون على مانوصل ، مابغيش الإنتربول يسيقو لخبار

-امرك معليييم

___________

في مكان مجهول

بعـــيـــد ...بعيد بزااف على المدينة الكبيرة .....وسط طريق مهجور كولو حفاري عامرين بالماء ديال الشتاء ....ومع جناب أشجار الصفصاف مسطفة بإنتضام ....

الهــــدوء ... مكايتسمعش حس بنادم ... لكن مرة مرة كايتسمع أصوات الكلاب الشرسة بشكل كايزرع الخوف في القلوب ...

فواحد الحظة مرت سيارة سوداء صغيرة بسرعة فائقة طيرات الماء من لحفاري حتى تناثر مع الجناب الطريق..

وقفت السيارة الكحلة أمام الكاتيدرائية المهجورة من زمـــــان ... ونزل منها إيدوارد أليكزاندر بعنفوان شبابو وخيلاء قامتو .

كان واضع على راسو قبعة كوبوي سوداء خافيا تحت ظلها نصف ملامحه الشرسة بشكل مثير . ولابس كولشي أسود ماعاد السوميج هو الوحيد لي كايبان منور وسط الهيبة المظلمة لي محاوطاه من كل جيهة .

حرك رجليه بهدوء ودفع باب القضبان الحديدة بيديه ثم كمل طريقو للكاتيدرائية بكل رزانة وبرود ...مر من الطريق الإسفلتية لي كادوز للكنيسة بدون مايلتافت للحديقة المهجورة لي فجنبات الطريق ولي فالجهة الخلفية ديالها متواجد المدفن الكاثوليكي ....

طلع مع الدروج حتى وصل للباب الرئيسية الخشبية القديمة لي كان مرسوم عليها علامة الصليب ...

دفع الباب ببطئ حتى تسللت وسط ضلمة المكان رقعة ضوء من القمر المكتمل فديك الليلة ...
تقدم بضعة خطوات للأمام وتسدات موراه الباب ببطئ بوحدها وفديك اللحظة فور غلق الباب تشعلو گاع الشموع لي كانو معلقين في الشمعدانات فالسقف ومع جنبات الجدران بوحدهوم ...وظهرت زخارف والنقش الفيكتوري وتماثيل لنساء عاريات فسقوفا ومع لحيوط وفلقنات ديال الكنيسة المهجورة.

تمشى إيدوارد ببطئ بين الكراسي القديمة بخشبها المتفسخ حتى وقف أمام المحراب لي كان معلق فيه صليب المسيح يسوع ..ووقف وسط دائرة قرب المحراب وهمس بصوت هادئ وبارد:

- أيها الرب يسوع، انا أؤمن بأنك إبن الله. اشكرك لأنك مت على الصليب من أجل خطاياي. من فضلك اغفر خطاياي وهبني عطية الحياة الابدية. أطلب منك ان تأتي الى حياتي والى قلبي لتكون ربي وسيدي ومخلصي. اريد ان أخدمك دائماً .

غير قال إيدوارد دوك الكلمات تحركت الدائرة لي كان واقف وسط منها ببطئ ونزلات أوتوماتيكيا للأسفل .

وقفت الدائرة وسط دهاليز الضلام وفلحظة تشعلو الأضواء الكهربائية كولهوم فدقة وظهرو ممرات ودروبا وأبواب وكأنك دخلتي لشي حي كبير لكن تحت الأرض ...

تمشى إيدوارد بكل رزانة وهدوء وإنعطف لليمين حتى وصل لغرفة من بين الغرف لكثيرة وفتح الباب ودخل دون إستأذان ...

كان داخل الغرفة جوج ديال الرجال كالسين مرتاحين وبين يديهوم كؤس ديال الويسكي وكايضحكو بإستمتاع حتى طل عليهوم إيدوارد بقامتو الشيطانية وتغير الجو وأصبح متوتر ... وقفو بجوج بيهوم بتوتر وتحناو بريوسهوم بإحترام ...

تقدم إيدوارد لإحدى الصنادق الخشبية وفتح وحدا منهوم ... دار يديه فجيابو ببرود وتفحص البضاعة بعيونو لي كانت عبارة على متفجرات وقنابل يدوية ... ثم شاف فدوك جوج ديال رجال و همهم بصوتو الغليض وقال:

- هممم... سمعت شي تخرشيشة كاتقولي أن البطاعة مكاملاش... واش هادشي بصح ؟.

تبادلو الرجال نظرات التوتر وماقدروش يهضرو بقوة الخوف من زعيمهوم لي مكايرحمش وبقا كايشوف فيهوم بطريقة مخيفة وكاتزرع الرعب فالنفس

-شكون فيهوم المسؤول على البضاعة ؟

قالها إيدوارد بصوت عميق ، لكنه ماسمعش جواب لي كان باغي من الجوج ديال الرجال لي كانو خايفين ومتوترين.

هز إيدوارد راسو بتفهم ثم سحب مسدسو من خصرو وقال بصوت مرعب و ثقيل :
-ماغاديش تقولو إذا ... اوكي نتوما لي جبتوها فراسكوم.

تحرك شويا وبدا كايدور عليهوم ببطئ ونبضات قلب الرجال إرتفعت لدرجة بدات كاتسمع على شكل نواقيس الخطر .. وقف قبالتهوم وإبتسم بسخرية لاذغة وهو كايتأمل فوجوههم الخايفة والمرتبكة .

حرك مسدسو بإتجاههوم بطريقة كاتنشف الدم فلعروق ثم قال ببرود وهو كايبتاسم:

-واش عمركوم سمعتو بواحد اللعبة سميتها "الروليت" ... ااام خليني نوضحها ليكوم .. هي لعبة مصيرية وهدفها هو تعذيب النفس اشد العذاب لأن الشخص لي كايلعبها مكايكونش عارف راسو واش غادي يموت ولا غادي يعيش ... يعني هي لعبة الحظ المميت.

زول مسدس الماغنوم من ناحيتهوم ثم حل مخزن الرصاص وخواه ولكن خلا رصاصة وحدة ومن بعد دور المخزن بسرعة وسدو بلاما يعرف فين إستقرت الرصاصة

رفع مسدسو من جديد ولسقو فراس واحد من الرجال و قال بإستمتاع:
-ودابا خلينا نشوفو شكون فيكوم لي زهرو مكوز بحالو

وضع إيدوارد صبعو على الزناد وضغط ببطئ فغمض الرجل عينيه بقوة الخوف وماقدرش لا ينطق ولا يتحرك أمام جبروت إيدوارد أليكزاندر ... لكن فاش كمل الضغط .. ماوقع والو .. الطلقة الأولى كانت فارغة

تنفس الرجل الصعدات ونزلت قطرة عرق على جبينو من شدت توترو ...
-هاه.... عندك زهر غادي تعيش دقيقة أخرى .

شعر الرجل وكأن الروح رجعت ليه من جديد وكأنه أول يوم غادي ينزل من كرش مو ... ٱبتسم إيدوارد وإلتفت عند الرجل الثاني وقال ببرود:
-ودابا غادي نشوفوك نتا واش محظوظ ولا ملطوط

غمض الرجل عينيه بخوف و عض على شفته السفلية بقوة حتى شعر بطعم الدم دايز ففمو ...بينما ضحك إيدوارد بإستمتاع بتعذيب الناس نفسيا ... هو كايلقى المتعة فهاد الأمور وكايتفنن فيها

ضغط على الزناد لكن مرة أخرى كانت الطلقة فارغة ...ضحك إييدوارد حتى بانت ضرسة العقل ديالو .. تراجع للخلف وشاف فالرجل الأول وهمس بصوت مرعب وهو كايقرب منو :

-اووه ... وصلنا لنهاية اللعبة على ما أظن .. مع الأسف ماشي ديما كايوقف معانا الحظ .. ولكن واش غادي تكون نهايتك سعيدة أو تعيسة فنظرك... هادشي لي غادي يحددو زهرك

كان الرجل متوتر من كلام إيدوارد وهو براسو شعر بأن هادي هي نهايتو .. ميل عينيه برعب وهو كايشوف يد إيدوارد لي ترفعات بالمسدس وحطولو على جبهتو بعنف حتى شعر الرجل بألم إرتطام فوهة المسدس بجبهتو ... وبدون تردد ضغط إيدوارد على الزناد وفرمشة عين إخترقت الرصاصة جمجمة الرجل وشتتاتو حتى تناثرت أشلائو على حوايج إيدوارد لي قال بتقزز وهو كاينفض يديه:

-توسخ مسدسي الغالي ... تفو على موسخ واللعنة على الجراثيم

‏خرج منديل من جيبو وبدا كاينضف مسدسو ببرود بينما الرجل لي عندو زهر لوا الجثة ديال الرجل فليزار أبيض وبدا كايجري فيه وهو كايتفكر أنه قبل دقائق فقط قبل مايحضر الوحش الروسي كانو كالسين كايضحكو وكان الرجل فرحان لأن حبيبتو حاملة بأول طفل ليهوم لكن فرحتو ماكملاتش ..

دخلو ثلاثة ديال الرجال من بعد وبقاو غير مصدومين من البركة ديال الدم لي لقاوها فالغرفة فشاف فيهوم إيدوارد ببرود وقال :

-هذا درس لأي واحد يقوليه عقلو يستغفلني ومايديرش داكشي لي أمرتو بيه ... يالاه مسحو عليا هاد لويل شويا وغادي يجيو رجال الأعمال ... مابغيتهومش ياخدو نظرة قبيحة علينا ..

جاوبوه الرجال بإنصياع وبداو ينضفو الغرفة بينما كلس إيدوارد خلف المكتب وحط رجليه فوقو وتكى على ضهر الكرسي... شاف فالساعة وإبتسم وهو كايتمتم بصوت منخفض

-غير تسنا عليا البارون الكلب حتى طيح بين يديا نتا وداك القرد ديال رافاييل وأسد ومرتو العوجة ..هداك ساع غادي نطحنكوم بيدي فأول فرصة يسمحلي بيها الزعيم لي ماعرفتش علاش لحد الأن صابر عليك .

جبد تلفونو من جيبو ودار مكالمة سريعة وسالا ، كان باغي يرد التلفون لجيبو لكن إبتسم بخبث ودخل لأستوديو الصور ...
كانت الصورة الوحيدة لي فيه هي صورة روعة فاش كانت واقفة عند الباب ديال الڤيلة وموجهة البطاقة الخاصة بالجماعة ديالهوم وهي كاتشوف فالكامرة ديال الباب بخوف ...

____________

كان جبل واقف أمام باب روعة ... خدا نفس عميق ثم دق فالباب وسمع صوت روعة الرقيق وهي كاتقول بخوف :
-عصام شي واحد كايدق!

ناض عصام بسرعة وبغا يحل الباب لكن روعة شداتو وقالت وهي كاتجرو:
-اشنو غادي دير وإلا كان المجرم لي دخل لداري هو لي رجع ؟!

شاف فيها عصام و ضحك بسخرية على خوفها وهو عارف شكون لي كايدق وإلا عرفت هي غاتكحل بلعمى ...
-ماتخافيش اروعة

قالها عصام وتقدم للباب حلها وقال بصوتو الغليض..
- معليييم .. على السلامة

كان جبل متكي بجنبو على حرف الباب وغير شافتو روعة توسعو عينيها بصدمة وشافت فعصام بنظرة عتاب..

كان جبل خايف عليها بزاف وماكرهش فاش شافها بيخير يطير عليها ياخدها فحضنو ويعنقها باش يشبع عيونو منها وباش يتأكد أنها مازالة كاتنفس وبيخير ... لكن النظرة لي كانت دايرا فيه خلاتو يقلب عينيه بملل وهو كايشوف فيها كاتعاتب عصام بعينيها وقال :

-كايبانلي أن مالين دار ماغايعرضوش عليا باش ندخل .. هذا علاش غاندخل بدون إسئذان ..

تخطاهوم بجوج ودفع روعة بيديه فاش وصل لعندها حيت كانت شادة عليه الطريق وخلاها كاتقلي السم لعصام وكاتوعدو بالإنتقام :

-والله لا بقات فيك أعصام غير بلاتي

-سكتي هاهو غادي يسمعك

بركت على سنانها وقالت بغضب:
-يسمع يحسابلك غادي نخاف منو ...

كان جبل گالس على الكنبة ومتكي براحة وداير رجل على رجل وكايشوف فيهوم كايتمتمو ... تنهد بإستياء وحس بالغيرة كاتقطع قلبو وكره عصام فديك اللحظة لكن مع ذلك سيطر على نفسو وقال:

-لو كان غير تسدو ديك الباب راه البرد داخل منها

دفعت روعة الباب برجليها حتى تزدح بقوة وماشي بعيد يكونو الجيران لي فالحي المقابل سمعوها وضارت شافت فجبل بغضب وقالت :

-مع الأسف لقيتينا خارجين اسي جبل ...

على جبل حاجبو فيها بإستنكار ثم شاف فساعتو لكن مالقاهاش فيديه ومع ذالك تجاهل الأمر وقال بلهجة ساخرة:
-خارجين مع جوج ديال الليل ... غادين تصليو لفجر فالبرطقيز (البرتغال)

ضحكت روعة بنصف ضحكة ساخرة ثم قالت وهي كاتشوف فيدها لي مكانش فيها الساعة من الأصل بنفس الطريقتو :

-ماعرفتش أنا هاد النوع ديال الباشار لي كايطب عليك فجأة مع جوج ديال الليل .. واش تحسبهوم ضياف ولا متطفلين .

نغزها عصام وطرطق فيها عينيه باش تفكر فمن سايرا تحشي لهضرة لكنها طرطقت فيه عينيها بنفس الطريقة وكأنها كاتحدرو مايدخلش بيناتهوم ...

فهم جبل أنها كاتحاول ترد الإعتبار لراسها بعد الإهانة لي دارلها فلعشية ....إعتدل في چلستو ثم قال وهو كايتفحص الدار بعينيه:

-عصام قلتيلي أن الدار لقيتوها مقلوبة ، لكن أنا كانشوف كلشي فبلاصتو ... غير عدبتيني على والو

شافت روعة فعصام بمعنى "شفتي هاهو غادي يبدا يتمنن علينا بمجيتو وكأنه جاي يحرر الصحراء " ... لكن عصام تجاهل نظرتها وقال بهدوء:

-ملي دخلنا وحنا كانرتبو فدار لقيتينا نيت عاد سالينا كولشي

ناض جبل من بلاصتو وهو كايعوط حزام سروالو بخيلاء ثم شاف فروعة وقال ببرود:
-ماتسرق ليك والو من دار ؟

قلبت عينيها وهي كاتحاول ماتشوفليهش فعينيه حيت كاتوتر ثم قالت:
-مع الأسف ولسوء حظهم ماعنديش حتى حاجة غاليا لي يقدرو يسرقوها.

رد عليها جبل وهو دايز من حداها داخل للمطبخ:
-غير كايبانليك ..

شافت روعة فجبل بإستغراب فاش حل الثلاجة وطل على شنو فيها ... ثم قالت:
-اشنو قاتقصد اسي جبل !؟..

خرج جبل راسو من الثلاجة وطل عليها وقال :
-عندك بزاف ديال لحوايج ممكن يتسرقو ...

خرج طاسة ديال الحلوة من الثلاجة وكمل وهو كايقول :
- مثلا .. حلوة المورانچ اللذيذة

حل الطاسة وجبد منها كمشة ديال الحلوة وعمر فجيابو بجوج ثم هز كمشة وحداخرة ولاح حبة فمو دغيا دابت وسرطها لكن فاش شاف فعصام كايموت بالضحك و نظرات روعة المصدومة عاد طلعات معاه وقال :
- واخا كليتها؟ ...

ماردتش عليه روعة بقات غير كاتشوف فيه وحالا فمها ..كيفاش حتى عرف ان حلوة المورانچ كاينا في الثلاجة ؟؟

رمى جبل حبة لعصام ولتاقطها عصومي بمهارة القِرَدة ودارها ففمو لثواني ثم قال بهتاف ...
-وااااو كادوب فالفم ..

رد عليه جبل وهو كايتخطاهوم باش يرجع لغرفة الجلوس وقال بصوت ساخر :
- وكون جربتي معاها القهوة بالأعشاب كنتي غادي تغرم بيها اعصام

غمز جبل روعة بعينيه باش يفكرها فالنهار لي صوبتله القهوة وقدمتليه حلوى المورانچ وإنتهى الأمر بيه كالس فوق منها وهو كايمارس عليها أفضل هواية عندو ولي هي التهدد والترهيب .

تنهدت روعة بغضب ثم سمحت فيهوم دخلت لغرفتها وزدحت الباب ... شاف جبل فعصام وغمزو بعينيه بمعنى " هادي مالها؟ " فقلب عصام شفافو بمعنى " وباش غادي نعرف أنا "

دقائق وخرجات روعة وهي جارة موراها حقيبة سفر من الحجم الكبير .. وقفاتها قبالت جبل وشافت فعصام بمعنى " سربي ... طلقنا ... هضر "

شاف عصام فجبل بتوتر ثم قال :
- ااام... معليييم .. روعة غادي تنتاقل لداري لواحد المدة على ماتهدئ الأوضاع ونضمنو ان الشفارة مابقاوش غادي يهجمو على دارها .. يعني غادي تسكن معايا غير لواحد المدة بسيطة ..

شافت روعة فعصام وخنزرت فيه وهي كاتقول فنفسها "وعلاش كاتشرح ليه ابنادم قوليه راحنا خارجين نوض تكركب مع دروج .. مالك على هاد اللطافة كاملة ... بعد لمرات كايدخلني الشك أنك ورتي جيناتك من أدومة"

تجاهل عصام نظرة روعة الغاضبة وشاف فجبل لي كان معصب ... كيفاش غادي تسكن مع عصام واش هادي حماقت ولا شنو .... لكن منظرو كان كايبان بحالي كايفكر فشي حاجة وهو داير رجل على رجل وكالس مرتاااح :

- عصااام .... ياك قلتيلي داك لمرا أنه كاتخرجليك جنية من القادوس ديال الحمام و كاتحلم بيها كاطلب منك الزواج

توسعو عيون عصام بصدمة وحل فمو باش يعتارض لكن جبل طرطق فيه عينيه بمعنى "دوي ترعف" فإبتلع عصام ريقو بتوتر وشاف فروعة لي كانت ماقادراش تستوعب شي لي قالو جبل ومخرجا عينيها فيه بعدم تصديق... ثم قال عصام بتوتر :

-ااه ...كـ كان غير كابوس معلييييم

ديق جبل عينيه وهو كايشوف فيه بغيظ ورجع قال بصوت هادئ وبارد:
- ايااه ولكن ماشي هادشي لي قلتيلي ... اه بصح عندك الحق نتا ماباغيش روعة تخاف .. ماشي مشكل .. مع أنني شاك أنه غادي يكون واحد الصراع ديال الغيرة بيناتهوم ..

-اشمن غيرة ؟..
قالتها روعة وهي كاتشوف فجبل بصدمة فرد عليها ببرود وهو غايموت بالضحك من الداخل :

- الغيرة بين شرايكات .. هي غادي تحسبك ضرتها وماشي بعيد تسلط عليك شي جني عاشق باش تغرمي بيه و تبعديلها من راجلها ... هادشي لي كايديروه الجنس اللطف عادتا لا الجنيات ولا الإنسيات .

ضارت روعة وشافت فعصام وقالت بعتاب :
-علاش ماقلتيليش هادشي اعصام ، واش هادشي بصح ؟... واش مربوطة فيك شي جنية؟...

شاف عصام فجبل بنظرة كاتعني "حسبي الله ونعم الوكيل فيك " فضيق جبل عينيه فيه بمعنى " إلا كنتي راجل كدبني"

تنحنح عصام بتوتر ثم قال:
- احم ...انا ماكنتش باغيكي تخافي منها... هي ... هي جنية ضريفا وداخلة فسوق راسها وعايشا مع ولادها فالحمام

توسعو عيون روعة بصدمة وقالت:
- وعندك معاها لولاد اعصــااام

عض جبل على شفته السفلية باش يمنع الضحكة لي بغات تفلت منو وهو كايشوف فعصام لي بغا يكحلها زدق عاميها ... بقا عصام غير ساكت وكايشوف ماعرفش باش يجاوبها فسبقاتو روعة وهي كاتقول :

-لا ... انا غادي نمشي نكلس هاد الفترة مع صاحبتي أسية اعصام

بغا عصام يعتارض لكن جبل سبقو وهو كايقول:
- أسية جاو عندها خواتاتها وبنات خالتها من الجزائر هاد صبح والدار عندها عامرا بلباشار هادشي لي قالتلي فاش طلاقيتها

شافت روعة فعصام بأخر أمل ثم قالت :
-إذن غادي نمشي عند الدكتور ياسين

حل عصام فمو باش يهضر لكن قاطعو جبل بسرعة
-ياسين مشى فرحلة علمية لأستراليا هاد صباح وماعارفينش شحال غادي يبقا تما

ضارت روعة شافت فجبل بنظرة غيظ كاتعني "ونتا اش دخل حمارك لأسبوع الفرس" رد عليها جبل بنظرة بريئة كاتعني "اللهم قدرني على فعل الخير"

تنهدت روعة ثم قالت وهي كاتشوف في الأرض بإستياء :
-صافي غادي نبقا فداري ولي ليها ليها ..

نقز عصام فاش جاتو فكرة على بالو وقال:
- لا لا مايمكنش ...كاينين بزااف ديال غرف الحراس ففيلة كونتيسا خودي نتي غرفتي وأنا غادي نرجع لداري نقابل ولادي ومرتي الجنية .

شاف فيه جبل بنظرة كاتعني "دابا عاد تأكدت أنني أحسنت الإختيار فاش ختاريتك تكون يدي ليمنية ووضعت فيك كل ثقتي .. حيت كاتفهمني اصاحبي " ...

شاف فيه عصام فاش طلع معاه القالب ووصلو الميساج اخيرا لي من صبح وجبل كايحاول ينغزو بيه ... فرد عليه بنظرة كاتعني "نحن في الخدمة معليييييم "

شافت روعة فجبل بتردد ثم قالت وهي كاتحاول ماتشوفليهش فعينيه :
- ولكن اعصام سي جبل طردني من الخدمة ومابغانيش نحط رجلي فڤيلة كونتيسا ، ماشي مشكل غانعدي فداري وغادي نكون أكثر حذر ومايكون غير الخير .

فهم جبل أنها باغياه يعتذر منها على الإهانات ديالو ، لكن هو مكايغلطش .. حيت عندو جوج ديال القواعد فحياتو الأولى "أنا مكانغلطش" والثانيا "رجع للقاعدة الأولى" .

تنهد جبل وشبك أصابعو مع بعض ثم شاف فعصام وقال:.
-عصام .. الموضفين الجداد ماشي هوما الموضفين لقدام

عقد عصام حواجبو بإستفهام حيت فعلا مافهم والو ... كيفاش يعني؟؟ ... اااااه صافي طلعت معاه ...

شاف عصام فروعة وقال :
-روعة نتي دابا راكي موضفة جديدة عند سي جبل ماشي عند الدون ماركيز ..

قلبت روعة عينها وقالت بتعالي :
-ولكن أنا مازال ماوقعتش العقد باش نتعتابر موظفة اسي عصام ...

قلب جبل عينيه بملل من الكبريائها المتصنع .. مكاينش شي حد فهاد العالم لي عارفها قدو .. هي محتاجة للفلوس على قبل ماماها والمبلغ لي خصصو ليها فشهر غادي يكفيها ويشيط ... وزايداها بتنفاخ

-عصام ... إلا مابغاتش الأنسة روعة توقع على العقد ... بغيتك من غدا تجيبلي شي بنت تكون حسن منها .. ومافيهاش لهضرة بزاف ومامعكساش وكاتسمع الهضرة ومطيعة ... بغيتها تكون طويلة وماشي قصيرة ويكون شعرها كحل ماشي حمر وفأفضل الحالات بغيتها تكون زيزونة ولكن كاتسمع.

توترت روعة فاش شافت أن الكنز غادي يضيع منها ، هي مستحيل تلقى خدمة وحداخرا بنفس الراتب ديال وزير ولو ماعرفت فين تمشي .
حمحمت بتوتر ثم قالت وهي كاتحاول تزطم على كبريائها :

-أحم....و و فين هوما ....تكافئ الفرص؟ ... فين هي الكرامة ...فين هو العقد ؟.... فين هو ستيلو أعصام ؟!

______________

نهاية الفصل:

الفصل 29 / BARON "اخبرني انك لست عدوي"

2018-10-30T09:26:00.000-07:00

كانت روعة چالسة فالمقعد جنب جبل لي كان كايسوڨ بهدوء وكاتشوف فالطريق وترجع تشوف فيه بنصف عين حتى كايضور يشوف فيها وكاتخطف عينيها ..

إبتسم جبل بسخرية ثم قال:

-مالك ؟

عضت روعة على شفتها السفلية بغيظ و قالت :

-أنا إلا بقيت ساكتة غادي نسرط لساني وغادي نموت

رفع جبل حاجبو بإستنكار ثم قال وهو كايشوف فطريق:

-مافهمتش ..!!

ضارت روعة وشاف فيه بجدية ثم قالت:

- أنا ماشي عاهرة ... دخل هادي لدماغك مزيان وحاول تستوعبها ..

شاف جبل بهدوء فروعة لي تكلمت بطريقة شخص كايتألم من الداخل فتنهد ثم رجع أنظارو لطريق وقال بصوت بارد:

-مكاين لاش تبرري الأفعال والتصرفات لي كاديريهوم خوفا لايفهموك غلط ... نتي مامضطراش تبرري حتى حاجة ... تصرفي بالشكل لي كاتشوفيه صحيح ، وماتديهاش فأراء الناس وردود أفعالهوم مادمتي مقتنعة أنك كاتصرفي بشكل صحيح ومكاتأدي حد .

تنهدت روعة بحيرة وهي كاتشوف فيه ، فلعشية كاينعتها بالعاهرة ودابا كايقولها ماتبرريش افعالك وكأنه كايأكد ليها أنه مقتنع بعهرها واخا تبرر ليه ماغاديش يقتانع ، يمكن خصها تسمع نصيحتو وماتشرح ليه حتى حاجة .. اصلا شكون هو باش توضحليه حسن أخلاقها ...لا هو ملاك مرسل من سماء ولا مفاتيح الجنة بيديه !..

شافت فيه بغيظ وقالت بصوت حازم:

-أنا مكانبررش ... انا غير كانوضح بعض الأمور .

شاف فيها جبل ببرود زرع الغيظ فقلبها ... علاش كايستهن بيها حتى لهاد الدرجة ولكن هي ماغاديش تسكتليه .. قالت بصوت غاضب:

-اه أنا عاهرة ... رتاحيتي ...وشحال تمنيت نكون عاهرة باش نمتص عطش كل المكبوثين الي كايضورو بيا .على الله يجي شي يوم ويفيقو من سباتهم العميق.!

شاف فيها جبل بغيظ فاش حس بأنها كاتحشي فيه الهضرة .. فكملت روعة وهي كاتقول :

-تمنيت فعلا أنني نكون عاهرة كيف قلتليك، لكن للأسف أنا ماشي عاهرة وماشي رخيصة ومكانتشراش بلفلوس

ضار جبل لعندها وقال ببرود وهو كايشوف ليها فعينيها:

-إلا ساليتي من الهضرة تقدري تخرجي راحنا وصلنا .

شافت روعة فالمكان وإندهشت فاش لقات راسها أمام باب ڤيلة كونتيسا .. هي ماحستش حتى فقتاش وقفت السيارة ولا فقتاش وصلو

حمحمت بإخراج وشتمت نفسها مليون مرة حيت كانت كاتحاول تشرح لواحد ماعاطيهاش حتى القيمة كيف بنادم ... فتحت الباب وخرجات من السيارة وزدحتها بقوة حتى بغات طير من بلاصتها ...

-شَّــــااااااااا الحمارة

تمتم بيها جبل بصوت منخفض باش ماتسمعوش ثم ضحك على راسو وإستغرب من تصرفو حيت مابغاهاش تسمعو كون كان شي حد اخر لي زدح الباب بديك الطريقة كون تسببليه فإعاقة مستديمة لكن هو لي عصبها ببرودة دمو ... تمتم بصوت منخفض وهو كايشوف فيها من المراية الأمامية ديال سيارتو:

-أموت أنا في الشراسة والعصبية

فتح باب سيارتو وخرج وكان عصام كايجبد الشنطة ديال روعة من الكوفر وقال ليها:

-صافي غير سيري دخلي أنا غادي نجيبهالك .

بغات روعة تعترض لكن فاش ضارت ولقات موراها جبل واقف وكايشوف فيها ببرود .. قلبت الدورة ومشات وهي كاتمتر طريق كادير بدل الخطوة جوج غير باش ماتشوف وجهو لي كايعصبها .

شاف عصام فجبل لي كان متبع بعينيه كل خظوات روعة وهو كايبتاسم حتى فاتت الباب ... تنحنح عصام وقال وهو كايمد لجبل شي حاجة فيديه:

-معلييييم تفضل .... ساعتك!

ضار جبل وشاف فالساعة لي كانت فيد عصام وقال بتفاحئ:

-اووه هادي ساعتي! ... فين لقيتيها؟! ..

شاف فيه عصام بمكر ثم قال وهو كايديق فعينيه:

-لقيتها فدار الأنسة روعة ...

تصدم جبل ومالقى مايقول وبقا غير ساكت وكايشوف فيه .. تنهد عصام ببرود ثم قال :

-معلييييم ... نتا لي خربتي دار روعة بديك الشكل ياك!

تنحنح جبل بإحراج وتنهد حيت ماعندوش رغبة أنه يشرح ليه حتى حاجة بالخصوص أنه كايحس بالنعاس وكايحس بالعيا ولغراز لي فراسو بداو كايعطيوه لحريق ومحتاج غير للوسادة وسرير دافئ .. إبتسم بهدوء وقال :

-مزيان الإنسان يخلي بصمة خير فكل مكان زارو.. هنيأً ليك بالساعة ... لي لقى مايعطي.

توسعو عيون عصام فاش عطاه جبل ساعة كاتسوى لملاين بكل بساطة ... على راسو باش يعتارض لكن لقى جبل كان مشى فطريقو باش يدخل لڤيلة كونتيسا ..هز الحقيبة وتبعو كايجري وقال :

-ولكن معليييم شرحلي لـ ..

قاطعو جبل وهو كايشوف فروعة لي كانت كالسة على دروج وكاتسناهوم:

-من بعد ونشرحليك أعصام .

فهم عصام نظرة جبل فاش شاف فروعة .. تنحنح بتوتر ثم قال :

-روعة .. يالاه معايا باش نوصلك لغرفتي لي لتحت كاتبانيلي عيانا ..

وقفت روعة بسرعة باش تبعو لكن جبل قال بصوتو المبحوح و الحازم :

-عصام ... طلع الحقيبة ديال الأنسة روعة لأي غرفة لقيتيها خاويا لفوق ..

أومأ عصام راسو بإنصياع وهز الحقيبة بحال شي ريشة فيديه وطلع مع دروج ... شافت روعة فجبل بإستغراب ثم قالت:

-ولكن اسي جبل

قاطعها جبل وهو كايدوز من جنبها وطلع فدروج و كايقول:

-إلا مكانش عندك مانع تتقاسمي الغرفة ديال عصام مع دانييل سيري ليها

-كيفاش؟

توسعو عيون روعة بصدمة من عصام .. مكانتش عارفة ان عصام مقاسم غرفتو مع دانيال ...تمتمت بغيظ تحت اسنانها وهي كاتشوف فطيف جبل لي إختفى فالطابق الثاني

-والله يا عصام شي نهار غادي تجيب أخرتي بغبائك المستفحل.

طلعت روعة مع الدروج وهي كاتمتم بشتائم فنفسها الى ان اهتز تلفونها بوصول رسالة ... جبداتو من جيبها وشافت في الشاشة وكان الرقم غريب وكاع مامسجلش فقائمة أرقام الهاتف ....

فتحت الرسالة بفضول وكان مكتوب بين طياتها

"بروحي فتاة بالعفاف تجملت "

‏

ابتسمت روعة بلاما تحس بسبب دوك الكلمات الرقيقة والراقية لكنها بقات حايرا فالنمرة الغريبة , وقفت شويا وكتبت:

"شكون معايا"

ثم ضغطت على زر إرسال وكملت طريقها كاتقلب على عصام وهي كادخل التلفون فجيبها لكن الرد وصلها بسرعة وكان مكتوب فيه ..

‏"أنا الذي منذ أن رأيتك لم أستطع أن أُخرجك من عقلي "

قرات روعة الرسالة ثم ابتسمت بسخرية وفكرت أنه يمكن غير شي حد باغي يضيع الوقت وماعندو مايدار ولا ضربو حمار الليل فهاد الوقت ...

رجعات التلفون لجيبها ومشات للغرفة لي كانت محلولة وفيها الضوء ... دخلت مور عصام ولقاتو خارج من الحمام فغير شافها ابتسم وقال:

- عقلتي على هاد الغرفة اروعة!

تفحصت روعة الغرفة بعينيها وتفكرت أول يوم حلت عينيها على أرض واقعها الجديد ، لقات راسها ناعسا فهاد الغرفة وكان شادو مازال جرو صغيور ناعس ليها على دراعها بكل براءة

لمست مزهرية الورد الصناعي الأحمر لي كان موضوع فوق الطاولة لي مجاورة السرير ثم همست بصوت منخفض:

-كانكره الورود الإصطناعية

جبد عصام يديه وتكسل ثم شاف فساعة جبل لي كان دايرها فيديه وقال :

-هادي ثلاثة ديال الصبح ... خصك تنعسي ...

تنهدت روعة وچلست على السرير وتفحصت نعومته بيديها ثم علات عينيها فعصام وقالت:

- عصام انا مستحيل نبقا هنا اكثر ... غادي تمشي معايا غدا تبدلي الفرخة ديال الدار والى ضطرينا كاع نبدلو حتى الباب واخا اخويا ..

قلب عصام عينيه بغيظ من كلمة خويا لي خرجت من فمها ولي ابدا مامناسباش مع مشاعره الجديدة لي ولا كايشعر بيهوم تجاهها .

قرب عصام ببطئ وكلس حداها على السرير ثم قال وهو كايشوف ليها فعينيها بهدوء:

- قبل مانتاكد من الشكوك لي كاضور فراسي نتي مستحيل ترجعي لديك الدار .

سيطر الخوف على قلب روعة فاش قال عصام ديك الهضرة ... هي براسها مكانتش قادرة تصدق فرضية ان لي دخل لدارها مجرد شفار عادي كايقلب على اي حاجة ثمينة تقدر تنفعو .

كان عندها شوك ان لي دخل لدارها هوما الناس لي جبل حذرها منهوم ولي هي تورطت معاهوم بلا ماتعرف كيفاش ...

ثنات رجل وحدا فوق السرير وكلست عليها باش تتقابل مع عصام ثم قالت وهي كاتحاول ماتبينش خوفها .

-عصام ....بغيت نسولك!

عدل عصام چلستو باش يتقابل معاها ويوصلها إهتمامو وهو كايشوف ليها فعيونها العسلية فكملت روعة وهي كاتقول:

-واش انا فخطر؟

مكانت عندو أي فكرة أخرى فعقلو ولا على لسانو من غير جملة "أه نتي فخطر " لكن ماقدرش يقولها وهو كايشوف فعيونها الدبلانين .

تفكر عصام الشئ لي قاليه جبل هاد صبح فاش رجع من دار أسد ونورسين ... عاودليه كولشي على يوم الحفل في ڤيلة بلازا ووجود روعة لي غير كل الموازين الأحداث وقلبها .

كان خايف عليها بزاف غير عرف بالأمر ، هذا علاش مشى تسناها برا النادي لي كاتغني فيه حتى خرجات باش يضمن انهم ماغاديش يقربو منها.. كان مستعد يحميها بأي طريقة ممكنة .

‏

هو براسو كانت عندو شكوك ان لي دخلو لدارها هوما الكاريبي ، لكن فاش لقى ساعة جبل فالدار طايحة فالمطبخ عرف ان جبل هو لي خرب دار روعة بداك الشكل...

ماقدرش يلوم جبل على الشئ لي دارو فالدار ، وإستنتج من تصرف جبل أنه بغى روعة تجمع راسها وتكون اكثر حذر من هنا لفوق ...

بحالي بغا جبل يخوي عليها سطل ديال الماء بارد باش تتوكد وتعرف الخطر لي أصبح محاوطها من كل جيه

هو كان متاكد أنها ماغاديش تبغي تجي تسكن فڤيلة كونتيسا إلى مادارلهاش بحال هاد الحركة لي غادي تخلعها وعرض العمل حتى هو كان لغاية وحدا ولي هي تبقا قريبا منو ومن رجالو ومن ڤيلة كونتيسا باش مايتجرأ حتى شي واحد يأديها وهي بوحدها وفنفس الوقت باش تعالج ماماها..

لطالما حب عصام هاد الخصلة الطيبة لي فقلب جبل ولي هو بنفسو مكايبغيش يبينها ...

كايبغي جبل يساعد الإنسان بأي وسيلة ، لكن بطريقة غير مباشرة ...كايفضل يظهر قسوته وجبروته على أن يظهر طيبته ومعدنه الأصلي باش مايستهين بيه حد ، لأن الوقت والواقع لي عايش فيه أوسط منو هو لي كايفرض عليه يكون قاسي مع الناس لي كايعرفهوم وأقسى مع الناس لي مكايعرفهومش لكنه رحيم مع المستضعفين المجروحين .. وطيب القلب فكل الحالات ..

تنهد عصام ومد يديه وعلىَّ دقن روعة بأصابعه باش يتملك عيونها ثم قال بصوت حنين :

- نتي مادمتي ففيلة كونتيسا وسط منا فمكاينش لي غادي يتجرء عليك ...

حنات روعة عينيها بألم وهي عاقدة حواجبها بحزن ثم قالت:

- واعدني انك غادي تبقى فجنبي أعصام .

إبتسم عصام بهدوء وهو كايشوف فيها ورجع مد يديه من جديد ورفع ليها راسها باش تشوفليه فعينيه وهمس بصوتو الرجولي الهادئ:

-انا كانواعدك انني غادي نبقا فجنبك طول عمري ...

إبتلعت روعة ريقها بتوتر وهي كاتشوف فعيونو ونبرة صوتو الرجولية أثرت على مشاعرها وخلات قلبها يدق بسرعة بطريقة غريبة ..همست بصوت هادئ :

- عصام ... انا ماعنديش شي كتف لي نحط عليه راسي من غير كتفك ، نتا ماعارفش شحال كانحس باليتم فغيابك ، نتا.... نتا هو سندي الوحيد .

غمض عصام عينيه ببطئ وهو كايسمع كلماتها وكملت روعة بوهن:

-كانترجاك ماتخدلنيش . وماتخلاش عليا كيفما تخلا عليا العالم كولو ... عصام أنا فأشد الحاجة ليك ولقربك أكثر من أي وقت.

فتح عصام عيونو وماشعرش بنفسو حتى جرها لحضنو وعنقها بقوة ، وهو كايحس بقلبو كايدق بسرعة ... كانت روعة كاتشعر بإنقباض عضلاتو على صدرها حتى أنها قدرت تتحسس نبضات قلبو المتسارعة ... رفع عصام يديه ومسح على شعرها بحنان وهمس بصوت رجولي حنين وهو كايطبع قبلة حنينة على راسها:

- لحد اليوم ماعمرني خفت من شي حاجة ...ولكن وليت كانخاف نفقدك اروعة ... أنا ماعندي حتى حاجة لي نقدر نعطيهالك ونتي عارفا هادشي مزيان .. ولكن نقدر نعطيك حاجة وحدا ولي هي حياتي اروعة.

كانت كاتشعر مع كل همسة بأنفاسو الساخنة كاتضرب مع عنقها مسببا ليها قشعريرة غريبة ،إستحلت لذتها .. ومدت يديها عنقاتو حتى هي وغمضت عينيها.

لكن الشخص لي كان واقف برا الغرفة ومتبع المشهد من بدايتو من شق الباب مكانش كايشعر بنفس شعورهوم اللذيذ ..

تراجع جبل بخطواتو للخلف ورجع لغرفتو وتلاح على سريره بكل إحباط حرك راسو يمين وشمال وطرد دوك الأفكار من عقلو ثم همس وهو كايتحسس نبضات قلبو .

- واش هاكدا كايكون إحساس الغيرة... اللعنة عليه مليون مرة لوكان هذا هو الألم لي كايحسو بيه الناس لي كايبغيو ...لكن أنا مكانبغيهاش من الأصل يمكن هادي غير نزوة عابرة أو رغبتي أنها تكون أم ولدي هي لي زرعت فقلبي حب التملك ناحيتها ... لكنه بعيد كل البعد على الحب ...

بعثر شعرو بأصابع يديه ثم قال بهمس:

- وفين عمرك حبيتي اصلا شي مرأة من غير ليليا

غمض عيونو بحزن فاش تفكر ليليا ... هادك هي المرأة الوحيدة لي حبها بإخلاص و ماعمرو جرب يحب من بعدها .. ليليا لي نزفت على قبلو من دمها ولي تغدى فبطنها تسعة أشهر حتى جابتو للدنيا ورباتو وكبراتو ورداتو راجل قاد وزرعت فيه كل معاني الحب والإخلاص ..من غير الأم ديالو ليليا... ماعمرو جرب يعشق إمرأة من غيرها .

هذا علاش ليليا هي أول حب برئ فحياتو ماعمرو غادي يلقى قلب بحال قلب ليليا لي تحبو بدون مقابل وتستحمل غضبو وتفرح لفرحو وتحزن لحزنو .

لكن مع ذالك ماقدرش يصبر هو مافاتحش ڤيلة كونتيسا دار دعارة باش يديرو مابغاو فتح باب غرفتو وتوجه لغرفة روعة بغضب وفتحها بسرعة لكن فاش حلها لقاها واقفا قدام النافدة و كاتمشط شعرها بشرود ويبدو أنها مكايناش فهاد العالم ... من غير المصباح الصغير لي كانت إضائتو خااافتة بحال الشمعة مكان حتى شي ضوء من غير نور جسمها

بقا مسمر حدا لباب وهو كايشوف فيها كاتسرح شعرها الأحمر لي كان منسدل على أكتافها بنعومة بغير ماتنتبه ليه ... كانت لابسة بيجامة بيضاء حريرية فضفاضة ورجليها حفيانين على الأرض ...عشق كل تفاصيلها وحتى تنهيداتها ووشوشت أصابها بين خصلات شعرها ...

دخل وسد الباب غير بالحس ورجليه الحفيانين ساعدوه باش ماقدرتش تحس بيه حتى قرب من جسمها ببطء ووقف خلفها بقامتو الطويلة ومد يديه خدا من يدها المشطة وفديك اللحظة انتفض جسم روعة بخوف وبغات الضور لكنها منعها بيديه لقوية و همس بالقرب من ودنيها

- شوووو ... ماتخافيش

إبتلعت روعة ريقها بخوف وهمست :

- أشنو بغيتي ؟ ...

تجاهل سؤالها وتنهد من أعماقو ثم خدا المشط من يديها وضعو على شعرها وبدا كايمشط شعرها بهدوء وهو ملاحظ توترها وتنفسها المضطرب لكن شويا بشويا ومع كل تمريرة للمشط على شعرها بدات كاترتاح وكأن المشط لي كان كايداعب فروتها دخل عليها الراحة وماكرهتش تغمض عينيها وتنعس وهو يبقى يداعب فروتها حتى للصباح .

قرب من شعرها واستنشق رائحة الشامبو المنعشة بإستمتاع ثم همس .

- لطالما كنت كانحب نمشط شعر ليليا الأسود ... بسبب ليليا أنا عشقت كل ماهو أسود ... عيونها شعرها رموشها كلشي فيها كان زوين .

ماعرفتش علاش روعة حسب بقلبها حرقها فاش ذكر إسم ليليا ولا كيفاش مدحها بديك الطريقة ... وبلاما تشعر ضارت لعندو وقالت بإنفعال :

- شكون هي ليليا ؟؟ ...

تسمر جبل وبقا كايشوف فالإنفعال على ملامحها .. لو مكانش متأكد أنها مكاتبغيهش كان غادي يقول أنها غارت من سيرة أنثى أخرى غيرها .. لكن فاش إنتبهت روعة لنفسها تنحنحت بتوتر وقالت :

- غير كانضحك .. اصلا مكايهمنيش

همهم جبل وهو كايشوف فيها بجمود ثم تمسك بيدها وحط المشط على باطنها وقال بصوت بارد:

- تصبحي على خير .

إستغربت من تصرفو الفاتر معاها ولكن فاش شافتو قلب دورا وخارج بلامايزيد حتى كلمة لحقت عليه بسرعة وشدات ليه فدراعو وقالت :

- جبل .

شاف جبل فيديها لي متمسكة بيه ثم ضار وشاف فيها ببرود فتنحنحت روعة بإحراج وسحبت يديها بسرعة وقالت :

- بغيت نعرف واش نتا .... يعني واش مازال مقلق مني ؟؟

بقا كايشوف فيها بهدوء صامت فكملت روعة بتوضيح اكثر وهي كاتحاول تحافض على ثباتها :

- يعني .... مازال باغي تنتقم مني ؟

عشق همست صوتها الضعيفة كان باغي يقول ليها مانقدرش نستحمل الى لمساتك شعرة بسوء لكن حافض على برودو وقال وهو كايضور باش يخرج :

- تصبحي على خير أروعة

لكن رجعت تمسكت بدراعو بإصرار قبل مايتحرك وقالت بصوت ضعيف وهي خلف ضهرو :

- واش مازال ماباغيش ترحمني هاه ....

غمض جبل عينيه بألم ثم رد عليها ببرود:

- طلقي مني أروعة

لكنها كملت بإصرار :

-مازال باغي تحول حياتي لجحيم هاه ...

نتر دراعو من يديها وجا خارج لكنها سبقاتو ووقفت ليه فوجهو وتمسكت بدرعانو بجوج وقالت بإصرار وهي كاتشوف ليه فعينيه الزمردية ؛

-واش مازال باغي تخليني نتمنى لموت ومانوصلوش ...

غمض عينيه بغيظ من نفسو فاش شاف عينيها تحجرو بالدموع وقال وهو كايبرك على أسنانو حيت مابغاهاش تبكي بسببو :

- بعدي مني أروعة

لكنها كملت بإصرار وتحدي وهي كاترمش بعينيها بسرعة باش تمنع دموعها وقالت :

-واش بصح مازال باغي تنسيني طعم الراحة ...

هو مضطر يعاملها بقسوة باش تقول شنو كانت كادير فڤيلة لكاريبي مع هاري ... وحيت هو عارف مزيان أن التهديد مكاينفع معاها فوالو بغا يجرب القسوة والبرود .... رجع نفض يديه بغضب منها وقال وهو كايبرك على أسنانو :

- بعدي مني اروعة ... ماتزيديش تعصبيني كثر

لكنها رجعت تمسكت بيه أكثر ولو كان هو عنيد فهي هوايتها العناد وماغادي تفاك معاه حتى تحل سوء الفهم لي بيناتهوم .. رجعت قالت بصوت ضعيف :

- واش بصح مازال بغيتي تكون أسوء كوابيسي كيف قلتي فكل تهديداتك ليا ... أنا اشنو درت ليك باش تعاملني بهاد القسوة كلها ... نتا بغيتيني نخدم عندك باش دلني مزيان ياك ... باش تستمتع فتعذيبي وتنتقم مني براحتك ياك ... هاه جاوبني .

بعد جبل عينيه عليها فاش لمح دمعة نزلت من عينيها وحس بالقهرة وبرك على أسنانو وكبح نفسو باش مايعنقهاش باش مايحنش عليها ابدا لكنها فاجأتو فاش سحبت يديه الرجوليه ووضعتها على قلبها باش يتحسس دقاتو وهمست بصوت تعبان :

- هاد القلب عيا من المشاكل اجبل ...

غمض جبل عينيه وتنهد بألم وهو كايتحسس نبضات قلبها السريعة وضغط على نفسو أكثر وأكثر باش مايعنقهاش ثم كملت روعة بنفس الوتيرة :

- كن رحيم بهاد القلب واخا غير شويا ...

خطف يديه بسرعة وحرك رجليه باش يخرج لكنها سبقاتو للباب وسدتها بجسمها وبقات كاتشوف فيه وهو كايشوف فيها لعدة لحظات وكأنها كانت كاتعطيه فرصة باش يقرا الألم لي فعينيها ... وقدر يقراه حيت حس بنفس ألمها ... لكن الى بقا على هاد الوضع غادي تخليه يضعف أمامها وهادشي لي ماباغيش يوصل ليه ...

لاحظت روعة جزء من الضماضة خلف رأسو وهمست بوهن ... كانت باغيا بأي طريقة تقنعو أنها ماشي ديك الإنسانة السيئة كيف كايتوقع ... وبلي هي ماتقدرش تقتل روح زرعها الله فجسم الإنسان ...

-كيف بقيتي ؟

كان جبل مغمض عينيه باش ماتزيدش تأثر عليه حتى حس بأصابعها الصغيرة بين خصلات شعرو .

....فتح عينيه بإستغراب وشاف ليها فعينيها ... لمستها كانت حنينة لدرجة ماكرهش تتحسس كامل جسمو بنفس الطريقة وتزول ولو جزء بسيط من تعبو لكن قربها منو جعل كل خلايا جسمو تنتفض بقوة كانت قريبة منو ... قريبة بزاف حتى أن أنفاسها كانت كاترتاطم بخدو وهي واقفا على أصابع أقدامها باش توصل لطولو.

- أشنو كاديري ؟؟

زمجر بيها بصوت مخيف خلا روعة ترجف بالخوف لكنها ماغاديش تتراجع حتى توصل لغايتها ... بقات كاتشوف ليه فعيونو بهدوء مثير خلى جبل يبتلع ريقو بتوتر حتى شعر بأصابعها على الضماضة لي لمستها بخفة وهمست بصوت رقيق :

- خفت بزاف فاش شفت الدم نازل من راسك ... سمحلي بزاف حيت دفعتك بديك الطريقة فالوقت لي كان خصني نساعدك.

إبتسم جبل بهدوء فاش فهم أنها كاتحاول تكسب الود ديالو ... فهم مزيان انها ماباغياهش يكون عدوها هذا علاش كادير لي فجهدها باش تكسب رضاه وعفوه لكن فاش إستمرت فتمرير أصابعها على فروة. رأسو كان كايحس بنشوة غريبة بالأخص فاش همست بصوتها الرقيق .

- واش كاتحرقك بزاف ؟؟

رد عليها بدون شعور :

- عندي وجع أقوى من وجع راسي ياروعة .

نزلت أصابعها لرقبتو ومدت أصبح الإبهام تحسست بيه خدو الملتحي وهمست بصوت مثير :

- واش نقدر نخفف ولو غير شويا من ألمك ...

ياويلها منو واش كاتحاول تلعب ليه على الوتر الحساس .. اه هي بإمكانها تداويه إلى قبلت تكون ملكو ... غمض عينيه من جديد باش يقاوم سحرها عليه لكن فاش كملت بهمس وقالت :

-ونتا واش تقدر طمأن قلبي بكلمة وحدا منك ... قلي أنك ماشي عدوي ...

مابقاش قادر يصبر مازال وتحنى هزها بطريقة كانو رجليها بجوج حول خصرو ... تفاجأت روعة وخافت من ردة فعلو ودفعاتو بيديها باش ينزلها لكنه كان كايتنفس بسرعة وهو كايشوف فشفايفها ومتمسك بيها بقوة .

- جبـــل

همست بيها بطريقة خلاتو يحرك رجليه بدون مايشعر ثم حطها على السرير بهدوء وكان هو فوق منها ... كانت غادي تموت بالخلعة منو ولا من منظرو الغريب ... لكن تنفسها كان مضطرب وقلبها كان كايضرب بسرعة خيالية ...وهي كاتشوف فيه فوق جسمها ومحاصرها بيديه بجوج .

كان خليط من المشاعر المتضاربة فقلوبهوم بجوج ونظرات مبهمة كايتبادلوها بعيونهوم ... كان كايشوف بعينيه خوفها وتنفسها السريع لي خلاه يدوب أكثر ... تحسس خدها بأنفو المستقيم وهو شاد عيونو بتوتر ثم طبع قبلة على هادئة جبينها وأنفها حتى قرب من شفايفها وبغى يخطف قبلة طويلة لكن فاش تفكر راسو ناض وهو شاد فراسو وكايحاول يفيق راسو وباش مايتهورش ويدير شي حاجة يندم عليها ...

كان باغيها ورغبتو فيها كانت فوق الخيال هذا علاش تراجع بسرعة وخرج وسد الباب موراه ومشا لغرفتو وبسرعة دخل للحمام وفتح الدوش وتحشا وسط من الماء البارد بحوايجو باش يطفي نيران رغبتو ويبرد على نفسو شويا ...

كان كايتنفس بسرعة بسبب برودة الماء لكن مانفع فيه بوالو وبدا كايضرب قلبو بقبضة يديه باش يتخلص من صورتها بين عينيه وهمساتها فودنيه لكن والو فشد فراسو بغضب وغوت بصوت منخفض:

- طلعي من راسي وليييك ... طلعي ...

وكمل بهمس وبصوت تعبان وقطرات الماء تنساب على كامل جسمو:

-خرجي من عقلي خرجي ... خرجيييييي مابقيتش قادر نصبر عـــــيـــت .

اما روعة فناضت كاتجري بخوف ودوزت الساقطة ديال الباب وهي كاترجف بالخلعة ... للحظة ظنت أنه صافي يقدر يدير أي حاجة متهورة لكن حمدت

الله فاش تراجع ولعنت راسها حيت قربت منو بديك الطريقة لي خلاتو يتهور .

___________

منزل رافاييل / الساعة 04:00 فجرا

فاق رافاييل على صوت بكاء الطفلة الصغيرة "مايسي" وتسنى أن ختو تفيق باش تسكتها لكن لا حياة لمن تنادي البنت كاتبكي وماماها ناعسا في سابع نومة ..

ناض رافاييل لغرفة الطفلة ودخل عليها ولقاها كاتفركل برجيلاتها الصغار وكاتبكي لدرجة ولا لونها أحمر زهري .. تنهد بإنزعاج ثم مد يديه ليها وبغا يهزها لكن ماعرفش كيفاش .. كانت البنيتة صغيورة بزاف يالاه عمرها أسبوعين وخاف يهزها بطريقة خاطئة ويزدق ملاقيلها الراس مع الرجلين .

- صافي احبيبتي .. صااافي دابا تجي ماما وتعطيك تاكلي ..صااافي

عيط بصوت الغاضب وبعيون منفوخين بالنعاس:

-فريدة ... فريدة بنتك كاتبكي ..

لكن ماجاوبو حد ...خرج من غرفة الطفلة وتوجه لغرفة اختو ودق بقوة على الله يسمعوه ..

واخيرا تفتحت الباب وطل شاب اسمر أصلع الرأس بصدرو العريان لي كان مليان وشوم وهو كايحك فعينيه بنعاس .فقلب رافاييل عينيه بغيظ وقال :

-مايسي من صبح وهي تبكي ... نتوما واش ميتين!!!؟

شاف فيه جورج بعينين نصف نعسانين وقال:

-جرب تقابلها غير ساعة وأنا كانضمن ليك أنك غادي تنعس مئة عام بلا ماتحس بالعالم .

تخطى رافاييل ودخل لغرفة مايسي لي كانت مازالة كاتبكي وهزها بحدر وغير بشوية وحطها على كتفو العريض وسند راسها الصغير بيديه وسكتات البنت وعم الهدووء والسلام فأرجاء المنزل .

همس جورج وهو كايطبطب على ظهر مايسي بهدوء :

-صافي هاهو بابا جا باش يهزك ويسكتك الأميرة صغيورة ديال قلبي.

إبتسم رافاييل وقال بسخرية :

-عندها جسم ديال النملة وصوت ديال السبع

حك جورج عينيه بنعاس و قال بسخرية:

- السيدة المصونة كاتقيل ناعسة نهار كولو ومكايجيها لفياق ولغوات غير فالليل .. ياربي تصبرني هادي جوج سيمانات من نهار لي تولدات مابقيت شفت نعاس بحال البني أدمين .

قلب رافاييل عينيه بملل ثم قال وهو كايتفوه بنعاس:

-عطيها لفريدة تنعسها

رد عليه جورج بتكاسل:

-يالاه غمضت عينيها حتى هي ..

شاف جورج فالساعة لي فالحيط وكمل :

-ناري خصني نفيق مع 7 ديال الصبح باش نمشي للمكتب العقاري وهاد النملة مازال عوالة تقصر.

طبطب رافاييل على كتف جورج بقوة و قال :

-بلاتي عليكوم دار ديال واليديا الله يرحمهوم مفتوحة لختي وبنتها فأي وقت .. هانتوما كالسين معايا ومونسيني علاما تلقاو الدار لي تناسبكوم...فالحقيقة ماعرفتش علاش باغين تستقرو هنا وتخليو العاصمة ... واخا أنا ماعنديش معاك ومازال كانكرهك ورأيي فيك ماتغيرش ولكن على وجه ختي وبنتها غادي نرحب بيك .

شاف جورج فرافاييل بغيظ وتفكر الحرب لي كانت نايضا بيناتهوم على ختو فريدة .. كانو كايكرهو بعضياتهوم ومازالين ، وشحال نصح رافاييل ختو باش ماتزوجش بصحافي إنتهازي بحالو .. كان ديما واقف كيف الشوكة فحلقو فينما كان شي مسرح جريمة كايسبقو جورج هو اللول بكاميرتو الكبيرة وبأسئلتو المستفزة لي مكاتساليش

- صحافي تافه

تمتم بيها رافاييل فرد عليه جورج بالمثل :

- محقق سخيف

ثم ضحكو بسخرية على الوضع لي هوما فيه .. مفيقاهوم قملة مع الرابعة ديال الصبح باش يتعايرو بحال دراري صغار ...

‏- تصبح على خير .

‏قالها رافاييل وجا خارج لكن جورج وقفو وهو كايقول :

‏-رافاييل .. عندي شي صور بغيتك تشوفهوم

ضار رافاييل بفضول لعند جورج وغمزو بعينيه بمعنى "فين هوما " فقرب جورج من رافاييل ولسقليه مايسي بين يديه وخرج وهو كايقول :

-بلاتي تسناني هنا ..

شاف رافاييل فمايسي بخوف وقال:

-بلاتي ...‏ولكن اجورج .. مايسي راه...

ماكملش كلامو فاش سمعها حزقت عليه فشدها بيديه بجوج وبعدها عليه وكأنه هاز شي دمية كايحاول يتخلص منها بأي طريقة

-حزاقة بحال باباك ..

قالها بسخرية ثم حطها فناموسيتها و ضحك فاش سمعها كاتخدم شغالها فالحفاضة بكل أريحية ، وهمس بصوت هادئ وهو كايضحك:

-هاهو غادي يجي باباك لمعفن احبيبتي ويبدل ليك ليكوشة الغزالة الصغيورة ... رتاحيتي دابا ... خويتي مسيرناتك صغيورين ..

قاطعو جورج وهو هاز فيديه ملف وقال:

- أجي تشوف .

قرب عصام من جورج وخدا منو الملف بفضول وفتحو ...أول صورة جات قدامو هي صورة جبل شاد فروعة لي كانت عاطيا بالضهر وكان جبل كايبان معصب وهو شاد فيها وباين من تعبير وجهو أنه كايغوت... وتفكر فالصبح فاش سولو وقالو واش شفتي البنت لي قلتيلي نلحق عليها؟ ... نكر ... أشنو لي مخبي عليه جبل حتى هو علاش مابغاش يقوليه الحقيقة.

تمنى فديك اللحظة لو أن اللقطة تصورات من زاوية أكثر وضوحا حيت البنت كانت عاطيا بالضهر .

مرر رافاييل الصورة للأسفل وظهرت صورة جديدة هاد المرة كانت روعة كاتجري والشعر مغطي نصف وجهها ... تنهد رافاييل بعيظ من التصوير الزفت ديال جورج ومرر الصورة للأسفل وظهرة صورة أخرى لروعة وهي كاتنقز من الصور للأرض وكان الشعر نازل على وجهها حتى فهاد الصورة ...

شاف رافاييل فجورج بنظرة كاتعني "يشويني فيك وفتصويرك الزفت " ثم رجع شاف فالصورة وحقق فيها مزيااان وإستنتج أن الغرفة ديال هاري كانت كاطل على الحديقة لي ضاير عليها نفس الصور لي نقزت منو البنت ...

عقد رافاييل حواجبو بصدمة وعلى راسو وشاف فجورج وقال :

- نتا لي صورتي هادشي؟

شاف فيه جورج بغرور وقال:

-طبعا ...

حس رافاييل بأمل جديد وهو كايشوف فالصورة ديال البنت المجهولة ، اكيد غادي يكونو عندها معلومات غادي تفيدو فالتحقيق وفالعثور على السي دي .

شاف رافاييل فجورج بغضب وقال بلهجة إستنكارية

-شكون لي وصليك لخبار أن الكاريبي عاملين حفلة فديك الڤيلة ؟...

خطف جورج الملف من يد رافاييل وقال بتعالي:

- عندي مصادري الخاصة ... البق مايزهق وفصباح غادي ينزل المقال ديالي فأول صفحة فالجريدة لي كانخدم فيها وغادي يكون مزخرف فوق منها عنوان خطير مسطر بخط أحمر عريض...

"جماعة مسلحة تدعى الكاريبي يرتكبون مجزرة في ڤيلة تقبع في الضاحية راح ضحيتهم أزيد من أربعون رجل وإمرأة قتلو بوحشية و بدم بارد ..بينما الشرطة الدولية الإنتربول تقف مكتوفة الأيدي وتشاهد المجزرة من الخارج ... ياترى هل الكاريبي والإنتربول وجهتان لعملة واحدة !!؟"

شاف فيه رافاييل وشعر بحمم البراكين الغاضبة كاتصب فأعصابو ... هذا علاش كايكرهو لأنه إنسان مستفز بالنسبة له لأقسى درجة ... الإنتربول دارو لي فجهدهوم لكن فاش داهمو الڤيلة لقاو كلشي مقتول أما لي نجى بروحو وهرب من براثين الكاريبي أكيد ماغاديش يولي يحط رجليه فإبيزا إلا يوم يبعثون .

أما الفيديو لي كان عندو أمل أن جبل يصورو من داخل الڤيلة صدمو فاش قاليه بأنه نسى ماشغلش الكاميرة ... ولكن فاش شاف صورتو مع البنت تأكد أن جبل كايكدب وأكيد الشريط المصور عندو وكايحاول يغطي على شي حد بسببو.

شاف رافاييل فجورج بغضب وقال :

-مافيهاش الشك نتا باغي تموت !..

تنهد جورج بملل وقال يإستهزاء:

-عند بالك أنا رجل شرطة باش نخاف... لا أنا صحافي شريف كانعري على الواقع بواسطة قلمي ..

ضحك رافاييل بإستهزاء وقال:

-نتا كاتبحت على الشهرة بواسطة قلمك ... عند بالك أنك غادي تثير الجدل بمقال سخيف بحال هذا وغادي دير البوز !... ولا عند بالك غادي تغير شي حاجة! ... راك غالط بزاااف اسي جورج ....نتا بهاد المقال بحالي ضربتي عش الدبور (الرزوزي)، فأنا كانحذرك لأن اللسعة ديالو صعيبة وإلا تافقت عليك المستعمرة بأمر من الملكة غادي يقتلوك بدون تردد ..

طبطب رافاييل بقوة على كتف جورج وقال وهو خارج من الغرفة:

- كن حذر من لسعة الدبور اجورج . الدبور ماشي هو النحل .. الدبور مافيه عسل واللسعة ديالو مكاداويش كاتقتل .

شعر جورج بالقلق من كلام رافاييل وبحالي تيقو ...لكن ماعندو مايدير المقال تطبع وتفرق على المكتبات خص غير الناس تفيق وتشري الجرائد أو تتفحص الجريدة الإليكترونية باش تقرأ مقالو المثير للجدل ...

قرب جورج من سرير الطفلة مايسي وهزها ثم ضمها لحضنو بحنان وهمس :

-ماغادي يكون غير الخير ابنتي ... حتى شي واحد ماغادي يقدر يأديك.

وصلاتو ريحة الحفاضة أخيرا فضحك وقال بسخرية :

- كايبانلي نتي لي ناويا تأديني أبنتي

تسطح رافاييل على السرير ودار يديه يحت رأسها وعينيه كانو كايشوفو فالسقف ومئة فكرة وفكرة كاضرب ليه فراس حتى عيا وتنهد بتعب ...

طار ليه النعاس من عينيه بسبب الكارثة لي دارها جورج ... وفكر فختو وبنت ختو لي من الممكن يتأداو بسبب تهورو لكن واعد نفسو أنه غادي يحميهوم بكل قوتو ..

مال بجسمو للجنب وشاف فتلفونو لي كان على الطاولة الصغيرة ... مد يديه وهزو وكان كلو رغبة وشوق باش يسمع صوت تاليا لي تنسيه هاد الأفكار السوداوية لي فعقلو ... واخا شاف فالساعة وكان الوقت متأخر ... دوز نمرتها لكن جاوبو المجيب الألي لي كانت مسجلة فيه صوتها كاتقول :

- سلاام الى ماجاوبتكش هناك ثلاث إحتمالات ... يا إما غادي نكون ناعسا وياإما غادي نكون ناعسا وياإما غادي نكون ناعسا ....

ضحك رافاييل بسخرية على طفوليتها وكملت تاليا بصوتها الرقيق :

- إلى كنتي محتاجني ضاروري خليلي رسالة صوتية اوكي باي .

بقا رافاييل كايعاود يتاصل فكل مرة وكايسمع صوتها بإستمتاع ...كانت تاليا بحال شي حقنة المهدئة لأفكارو ... نسى كولشي وغفى على صوتها الرقيق وبكلماتها اللطيفة .

_____________

نهاية الفصل

ا

الفصل 30 / BARON "عبثا أيها الخائن"

2018-10-30T09:25:00.001-07:00

ڤيلة كونتيسا / الساعة 06:30 صباحا

فاق جبل وهو نشيط اليوم غير كايتفكر ان روعة قريبا ليه وناعسا فالغرفة المجاورة كايبتاسم لا شعوريا وبالخصوص فاش كايتفكر لمست يدها لحنينة على راسو .

كان واقف بصدرو العاري فوسط غرفة ملابسو الخاصة وكايشوف بعينيه شنو لي يناسبو .. لكن نشاطو اليوم محتاج شويا ديال الرياضة والحركة ... توحش تسلق الجبال وشحال هادي بينو وبين هاد الرياضة الجميلة لأصحاب القلوب القوية ...

لبس ملابس رياضية ومانساش يرش من عطرو الرجولي المفضل وهو كايبتاسم قبالت لمراية لكن غير كايتفكر عصام وهو معنق روعة كايتعصب ..
- جبل ... نتا خصك توضع حد لهاد المشاعر السخيفة .

تمتم بيها جبل وهو كايحدث نفسو فلمراية ثم كمل وهو كايضيق فعينيه .
- كايبان ليا نطرد عصام ... انا ضروري خصني نوضع حد لهاد المهزلة ... ايوا صافي هادشي لي بقالي غير الحب ... ابدا أنا مانصلاحش لهادشي .

___________

كانت روعة ناعسة وسط غرفتها الجديدة لي كانت مضلمة بسبب الستائر الغامقة لكن فواحد اللحظة شعرت بأصابع دافئة كاتلمس خدها بكل هدوء ... فتحت روعة عيونها ببطئ على إثر لمساتو الهادئة وإلتفتت برأسها لكنها شهقات بخوف فاش شافت رجل واضع على راسو قبعة خافيا نصف ملامحو بينما شفايفو الدقيقة كاتبتاسم بخبث...

إنتفضت بخوف وقالت بصوت مبحوح وهي كاتنفس بقوة
-شـ شكون نتا ؟؟؟
توسعت إبتسامتو أكثر وهاد المرة ظهر صف أسنانو الصفراء وحرك راسو بإستمتاع ثم قال:
-أنا الخوف لي فقلبك .

كانت روعة كاترجف بالخلعة وكاتحاول تتحرك باش تهرب من منظره المخيف لكنها كانت كاتحس برجليها ويديها مشلولين وكأنهم ماشي دياولها ...
كاتشوف الغرفة كاضور بيها من كل جيه وإبتسامتو المستفزة كاتزيد تزرع الخوف فأعماق قلبها ومكانش عندها شي حل أخر من غير أنها تغمض عينيها بقوة حتى تسللو جوج دمعات سخونين ونسابو مع جناب عينيها .وهي كاتسمع همساتو المخيفة فودنيها

-تقدري تغلقي عينيك على الأشياء لي مكاتبغيش تشوفيهوم ...ولكن ماتقدريش تغلقي قلبك على الأشياء لي مكاتبغيش تشعري بيهوم .

تحرك الرجل من جنبها وهاد المرة طلع فوق صدرها وچلس لدرجة حست بأنفاسها كاتخنق وهي كاتحاول تلتاقط أنفاسها تحت ثقل جسمو وهو كايقول بهتاف وبصوت مخيف :

- عندي رغبة نقتلك ... ونحرقك ونقطعك طراف ... أنا مستحيل نخليك ترتاحي .. أنا الخوف لي غادي يقطع قلبك ... أنا الكابوس لي غادي تعيشيه كل نهار ... أنا إيزيك ... كيفما قتلت هاري غادي نقتلك .

وضع يديه بجوج على عنقها وخنقها بقوة لدرجة بدات كاتلوى من تحت منو وتشهق حتى أن عروق جبينها تنفخو لدرجة بغاو يطرطقو ..

-بـ بعد مني كانترجــااك ... بعد مني ... طلق منـــي

تمتمت بيها روعة على أرض الواقع فسارع جبل وفتح ستائر الغرفة وحل السرجم ثم قرب لعندها بسرعة وهو كايقول بخوف وكايحركها من أكتافها بعنف باش تحل عينيها :

-روعة ...روعة ... فيقي ... فيقي روعة ...

شهقت روعة بقوة على شكل إنسان كان كايصارع أمواج البحر وحلت عينيها وهي كاتنفس بسرعة وخوف وشافت فجبل لي كان جالس قبالتها على السرير وكايشوف فيها بإهتمام ....مدت يديها ومسحت عرق جبينها ثم إعتدلت وچلست وهي كاتحاول تسيطر على نفسها وكاتحاول تقنع نفسها أن لي شافتو مجرد كابوس .

تمتمت روعة بهمس:
-اعود بالله من الشيطان الرجيم

-خيرا رأيت وخيرا يكون ... كنت دايز من حدا الغرفة وسمعتك كاتغوتي.

همس بها جبل وهو كايشوف بدهول فشكلها الخائف ... فبسرعة حيدات روعة الغطاء من فوقها فاش إستوعبت أخيرا أنها الغرفة مع جبل وتفكرت شي لي وقاع فالأمس و قالت بإرتباك .

-سي جبل ... بغيتي شي حاجة؟

لاحظت أخيرا انه كان فايق من مدة بحيث أنه لابس حوايج رياضة سوداء وكايبان نشيط بينما شكلها هي داير بحال شي وحدا خارجا من الحبس وحوايجها كولهوم عرقانين ..

-واش غادي تمشي لشي بلاصة .. تبغيني نوصلك اسيدي!!

إبتسم جبل بهدوء وبالأخص من كلمة "سيدي" و فكر أنها إندمجت بسرعة مع خدمتها الجديدة ... فناض بتثاقل من مكانه وقال بهدوء :

- بغيتك تغيري حوايجك بسرعة وتلحقي عليا ... وكانصحك بلاما دوشي مازال غادي تعراقي ... عندك خمسة الدقائق ... العد العكسي بدا من دابا ...

قرب منها وقرص خدها بهدوء ثم خرج من الغرفة وهو كايبتاسم بنشاط ... استغربت روعة من تصرفه اللطيف معاها وهو غير لبارح كان معصب منها وكانت غير كاتقيص فيه كايقولها بعدي مني ،... لكن اليوم فيقها وخرج بهدوء وهو كايبتاسم ... ولكن لو كان بيديها تفديه بعمرها فديك اللحظة لأنه دار فيها خير كبير وفيقها من أسوء كابوس لي لدرجة مازالة كاتحس بصدرها مضغوط ومخنوق بسببو .

بسرعة حيدات حوايجها ومسحت اطرافها العرقانين بالمناديل المعطرة ودخلت للحمام غسلت وجهها ومشطت شعرها ثم لبست سروال قطني رمادي غامق وسترة ديالو فنفس اللون مع حداء رياضي أسود ... هادشي لي لبسات ستوحاتو من ستيل ديال جبل وبما انه لابس ملابس رياضية حتى هي غادير بحالو.

فصلت تلفونها من الشاحن لكن ظهر على الشاشة رسالة جديدة من نفس النمرة المجهولة ديال البارح كان مكتوب فيها:
"طفولتك التي كانت تتمحور حول 'القناص' و 'عهد الأصدقاء' و 'الكابتن ماجد' . وغضبكي عند رؤية 'سنعود بعد قليل' اليست أفضل من الكوابيس والهراء الذي تعيشينه حاليا "

عقدت روعة حواجبها بإستغراب وإستفهام .. الرسالة مكتوبة باللغة الإنجليزية ، لكن لي كاتبها عربي ولا شخص كايعرفها مزيان ....وإلا كيفاش حتى عرف انها كانت أكثر حاجة كاتكرهها فديك الفترة هي جملة "سنعود بعد قليل" على قنات سبيستون بعدما كاتكون متبعة حلقة من مسلسلها الكارتوني المفضل القناص أو عهد الأصدقاء والكابتن ماجد .

ردت على الرسالة بسرعة وكتبت عليها وهي كاتبتاسم حيت بدات كاتشعر بالتسلية:
" قد لمعت عيناه ..... اكمل الجملة يا ذكي! "

غلقت التلفون وخرجات من غرفتها وتمشات فالممر حتى وصلها الرد بسرعة وكان مكتوب فيه:
"بالعزم إنتفضت يمناه .... في هدوء الليل ... "

إبتسمت روعة وهي كاتقرا الرسالة وهابطة مع الدروج وكتبت الرد بسرعة .
" شكون نتا للمرة الثانية؟؟؟ ..جاوبني وماتهربش "

ثم كتبت على الرقم ديالو "السيد المجهول" وحفضاتو مع باقي الأرقام فتلفونها.

غلقت التلفون ودارتو فجيبها بسرعة ودخلت لصالة ...كان جبل كالس على الكنبة البنية بهدوء وعلى أنفو نظارات طبية وبين يديه كتاب باللغة العربية مكتوب على عنوانه بالخط العريض "التحالف الأسود " للكاتب "جيفري سانت كلير" وقدرت تستنتج أنه كتاب سياسي غير من عنوانه ..

كان المنظر ديال جبل وهو جالس بهدوء ... مثير لدرجة خلاها تبتسم بلاما تشعر وهي كادقق فملامحه الهادئة وأنفاسه المنتضمة ،.. ماعمرها شافتو فهاد الوضعية المسالمة ديما كايكون مخرج فيها عينيه ولا كايغازلها بطريقة مستفزة لكنها عشقت هدوئه وتمنات مليون مرة لو أنه ماعرضش عليها يكري رحمها بمقابل مادي .. يمكن كون راهوم دابا أصدقاء مقربين أكثر من موضفة ورئيسها ..

غلق جبل الكتاب وحطو على الطبلة الزجاجية فاش شعر بوجودها ، ثم ناض وشاف فيها ببرود وقال :
- مستعدة ؟...

ردت عليه روعة بسرعة واخا مافاهمة والو:
- مستعدة ؟ تبغي نوصلك لشي بلاصة اسيدي ؟...

إبتسم جبل بلاما يشعر بسبب لطافتها ، ثم تنحنح وشاف فيها بصرامة وقال بصوتو الرزين وهو كايشوف فيها بعيونو الزمردية الفاتنة :
-اوكي ... خلينا نتافقو على واحد الحاجة قبل مانخرجو من هاد الباب ... أنا ونتي أول مرة غادي نتعرفو على بعضياتنا

مد ليها يديه باش يسلم عليها وقال:
- انا ...سميتي جبل محمد إبراهيم مرتجي ...

بقات كاتشوف ليه فيديه بإندهاش ... وفكرات ... لاياش كايخطط عاوتاني؟ ... هاد الشخصية الجديدة لي بانت مامريحاهاش ابدا ... اكيد شي كارثة غادي تجي من بعد !!... هاد الصرامة والجدية لي على ملامح وجهو ماشي طبيعية .. ياكما هو مازال باغي ينتقم منها يعني هو كايعتابرها عدوتو ... علىّ فيها جبل حواجبو بمعنى... صافحي يدي .. فبسرعة تمسكت بيديه وقالت بصوت متوتر:

-أنا سميتي ... روعة ... روعة الخطيب اسيدي ..

يعني كلمة "سيدي " متناسبة مع شخصيتو الغريبة الجديدة لكنها ماعجباتوش فسحب جبل يديه من بين يديها وقال بصوت حديدي جليدي صارم :

-من هنا لفوق ... غادي تناديني البارون .... بلاش ديك سيدي ... نتي دابا وحدا من حراسي وكونك ساكنة فنفس الطابق لي فيه انا هذا مكايعنيش اننا فنفس المستوى ...انا رئيسك ونتي غادي تسمعي كلامي وطبقيه بالحرف بدون زيادة او نقصان ولا غادي نخصم من راتبك النصف مع كل غلطة ترتاكبيها او تهور غبي ديريه ... دوك كترت صحاب والأصدقاء مانحملهومش ... مانبغيش نشوف عصام كايدور بيك والا شفتو كايقرب منك غادي نخصم من راتبك 50 في المئة ، مانبغيش نسمع رأيك فحتى حاجة كاتخصني أرائك السخيفة حتافضي بيها لنفسك ، نتي هنا باش تنفدي الأوامر يعني مكاينش الفرق بينك وبين الروبوت ... واضح.

إبتلعت ريقها بخوف منو ... اذا هذا هو البارون لي كاتسمع بيه!! ... لا ... هي بغات جبل يرجع كيف كان ... هاد البارون صعيب وصارم بلاقياس ... واكيييد اكيد ماغادي يوصل راس شهر حتى غادي يقطع خلصتها كلها وماغايبقا منها والو ... فين هو جبل .. جيبو ليها جبل القديم واخا كايتحرش بيها ماشي مشكل ..

تمتمت بتوتر وبصوت مبحوح:
-واضح .... البارون

رد عليها بصرامة وهو كايتخطاها
-مزيان ... تبعيني.

خرج جبل هو الأول وتبعاتو هي من الخلف لكن فالباب طلاقاو مع عصام لي كان يالاه نزل من سيارتو وجاي لعندهوم وهو كايبتاسم ... شاف جبل فروعة بنصف عين وهي غير شافت عصام تصنعت الا مبالات وهي كادعي لله ان عصام مايهضرش معاها قبالت جبل والى غادي يخصم من مرتبها ...

-صباح لخير .
قالها عصام وهو كايبتاسم لكن روعة حنات لارض ودارت راسها كاتعقد شريط حدائها الرياضي وهاد الحركة ديال التجاهل عجبت جبل بزااف لكن عصام عقد حواجبو بإستغراب فإبتسم جبل وقال :

- عصام ... تاليا عندها اليوم مبارة ديال الباسكيط فبرشلونة بغيتك توصلها وتبقى معاها حتى تسالي وجيبها .

ناضت روعة بسرعة فاش سمعت اش قال جبل وقالت بدهشة :
- اللعنة تفكرت اليوم الفرقة ديال جامعتها لاعبة كانت قالتلي نمشي معاها انا نوصلها .

شاف فيها جبل بغيظ ورجع شاف فعصام وحل فمو باش يهضر لكن عصام قاطعو وقال :
- إذن يالاه نمشيو أنا وياك اروعة .. نوصلو تاليا ونستمتعو تما شويا اش بان ليك .

توترت روعة وهي كاتشوف قدام عينيها عداد مرتبها كاينخافض للصفر وعينين جبل عليها كايشوف فيها بنظرة كاتعني "انتي مطرودة" فتنحنحت بتوتر وقالت :

- احم ... تاليا مابقاتش مسؤوليتي ... انا دابا المرافقة ديال سي جبل دبر راسك مع تاليا أنا ماغانمشيش معاها .. واصلا مكايعجبنيش الباسكيط .

إبتسم جبل بإستمتاع بينما عصام بقا كايشوف فيها بنظرات مبهمة بين الإستغراب و الدهشة فعادتا كانت غادي تفرح وماغاديش تفوت رحلة بحال هادي ... قاطع نظراتو لروعه جبل لي قال بصوت جامد وهو كايتحرك خارج من الباب

-نفد هاد شي لي قلت ليك اعصام .. ورد لبال مزيان اطونسيون .

-اوكي معليييم .
قالها عصام وضار عند روعة وحل فمو باش يهضر معاها لكن روعة تخطاتو ومشات بسرعة لسيارة جبل مخلياه موراها حال فمو وكايشوف فطيفها ...

تقدمت روعة لسيارة جبل لكن لقاتو جالس فمقعد السائق ورجعت ركبات فالمقعد الثاني وقالت :
- سي جبل واش نسيتي انا لي خدامة عندك ماشي نتا ... انا لي خصني نسوق ...

إبتسم جبل بهدوء وقال وهو كايغمزها بعينيه الزمردية:
- خليني اليوم نخدم عندك حيت لبلاصة لي غادي ليها دابا نتي ماعارفاش طريقها.

تنحنحت بتوتر فاش غمزها ... وتفكرات ليلة البارح وهو فوق منها بديك الطريقة وكاتزيد ريحة عطرو الرجولية تحمقها ... ضارت براسها شافت فيه وكان كايشوف فالطريق وكايسوڨ بهدوء ... سهاات فيه وبدات كايتقول داخل نفسها :

-ولي على كلسة ويلي قلدة ويلي ريحة ويلي على لحية ويلي على عينين ... ويلي يعطيني موصيبا انا ... يعطيني غبارة على هاد لأفكار ديال الكلام الفاحش ...

لكن فاش تفكراتو وهو كايهضر على ليليا بديك الطريقة وكأنها حب حياتو ولا حب طفولتو جمعات عينيها بغيظ وضورات راسها كاتشوف فطريق .... ظهرت شبح إبتسامة على وجه جبل و ضور راسو وشاف فيها ورجع شاف فطريق ... عينيها كانو قرابين يختارقو وجهو وكان كايحاول مايبينش ليها انه عايق بيها .

_______

بعد مرور ساعتين ...

-الرحـــــــمـــــــــة

همست بها روعة وهي تابعة جبل ... كانو متشبتين بجوج بحيط جبلي كبير و تحت منو بساط أخضر فمختلف الألوان بسبب الأزهار الملونة وكأنه جنة خلقها الله على وجه الأرض .

كانت الأشجار فيها بطول البنايات الضحمة تغناو فيها الطيور بمختلف الألحان بينما السماء صافية مبهرة فهاد الصبح ولكن ماشي كلشي مستمتع بهاد المنظر الخلاب .. او ماتاحتليهش الفرصة باش يستمتع ..

مثلا روعة لي كانت كاتنفس بقوة وكاتمد رجليها ويديها فأي حفرة للأعلى بمشقة الأنفس لكن مكانتش تقدر تتجرء تشوف فالأسفل ولا غادي تجيها الدوخة وتلقى راسها فالأرض .. لكن الحَبل لي كانت مربوطا بيه ومتشبتة بيه بحال شي فارة كان باعث فيها الأمل أنها ممكن تعيش نهار ولا جوج لكن هادشي إلا ماتقطعش .

علات راسها وشافت فجبل لي كان قراب يوصل للقمة وهو كايتسلق الحائط بحال شي قرد متمرس وحتى هو كان رابط نفسو ورابط على خصرو علبة فيها بودرة بيضاء وكأنه طحين كايمد ليها يديه مرة مرة باش يحافض على جفاف أصابعو باش مايعراقوش ويطيح ...

طل على روعة براسو ولقاها بعيدة عليه وقال بغيظ
-روعة واش غادي تباتي تما !... الشمس بدات كاتسخن.

ردت عليه بغضب وهي كاتبكي وتشهق ومتشبتة بالحيط بحال شي وزغة :
-ياريتها تسخن انا بغيتها تولي جحيم وتحرقني هئ هئ ياربي فين كان عقلي نهار لي فكرت نخدم معاك

قلب جبل عينيه بملل بسبب صوتها المزعج .. ملي بداو وهي كادير خطوة وحدة وتبكي عشرة ديال المرات خطوة وتكلس تبكي ...تنهد وقال بتهديد:

- على راسك تشوفي شحال بقالي

علات كتافها بعدم إهتمام وقالت :
-بعد مني

شاف فيها بغضب وقال بتهديد وبصوت غاضب:
-الا سمعتك مرة اخرى كاتقولي بعد مني غادي نقطعليك شنايفك ونوكلهوم لكلابي.

قلبت عينيها بملل وهمست بصوت منخفض :
-شحال فيه ديال لعياقة ... حلان الفم بلا فايدا .. الهواية ديالو هي التهديد الله يلعنها قاعيدة

سمعها فاش قالت اخر لكمة فرد عليها بغضب:
-الله يلعنها قاعيدة فيك نتي نيت ...ماغاتساليش من تبركيم ... شوفي فيا ... قلتليك شوفي فيا وعلي راسك

تمتمت بشتائم ثم رفعت راسها مجبرة وقالت بغيظ طفولي :
-راه فاش كانعلي راسي كايتعماولي العينين بسببك حيت كادفع ليا الغبرة برجليك

وشحال بغا فديك اللحظة يطير عليها يبوسها بحال شي طفلة بسبب لطافتها الزائدة لكنو قلب عينيه بملل متصنع وغيظ ثم قال :
-شوفي ... شفتي شحال بقالي ... خمسة ديال الخطوات وغادي نوصل للقمة ... والى مالقيتكش مورايا فديك اللحظة غادي نقطع لحبل

غوتت روعة بالخلعة والخوف وقالت وهي كاتبكي:
-اااااه ... لااااا لا عافاك ... انا مازال باغيا نعيييش

رد عليها جبل بصرامة الأب على أطفالو :
-إلا كنتي باغيا تعيشي مازال طلعي وماتبقايش واقفة تما بحال لبلاكة

إبتلعت ريقها بخوف وهي كاتبكي وقالت :
-واخا .. واخا
وكملت بصوت خافت...
-الله ياخد فيك الحق

بسرعة وصل جبل للقمة لكن فاش شافتو روعة بدات طالعة موراه بسرعة بحال شي وزغة هاربة فينما كانت شي حفرة كاتحشي فيها يديها بكل قوة وتثبت درجليها فينما كان...

خدا جبل قرعة ديال الماء من واحد من رجالو وشرب بعطش حتى روى حلقو مزيان ورد ليه القرعة وهو كايقول :
-ارولف ... تقدر تمشي

رد عليه ارولف بإعتراض:
-ولكن اسيدي مانقدرش نخليك بوحدك

طل جبل على روعة وإبتسم بخبث و قال:
-ماتخافش راه معايا روعة غادي تحميني من الوحوش لي فالغابة

ضحك أرولف بسخرية وقال:
-بغيتي تقول غادي تحميك من النمل ديال الغابة ... حيت حتى لبخاخش كاتخاف منهوم وكاتبدا تغوت بحال شي حمقة سول غير عصام يرد عليك لخبار

شاف فيه جبل بهدوء وشبح الإبتسامة مازالة على ملامحو ثم قال :
-غادي تسنى حتى توصل روعة وغادي تسحب الحِـبال .

رد عليه ارولف بطاعة:
-أمرك سيدي ..

تمايل جبل بجسمو الضخم ثم جبد من جيبو شفرة وتحنى عند روعة وقال وهي كايشير بيها باش تشوفها :
-روعة ....

شافت فيه روعة وتصدمات فاش شافت الموس فيديه وقالت بخوف:
- لا ... نـ نـ نتا ماغاديش ...تقدر... ياك ..ياك أنا عزيزة عليك ... حشوما عليك اسيدي والله حتى حشومة عليك...

وبدات تبكي ....قلب جبل عينيه بملل من كلمة "سيدي" وقال :
-غادي نحسب من 1 حتى ل30 وإلا ماوصلتيش فهاد الوقت ... ماغاديش نتردد نقطع الحبل ونتي عارفاني مزيان

بتالعت روعة ريقها بتوتر ثم قالت بترجي:
- العااااار... هاحجر لعافيا .. لبزيزيلا لبزيزيلا اسيدي.

عقد جبل حواحبو بإستفهام ثم قال:
-شنو هي لبزيزيلا!؟

تسمرت روعة كاتشوف فيه بأستنكار وشك لكن فاش تفكرات انه ماشي مغريبي مئة في المئة ... طلعت معاها وبغات تشرحليه علا الله يشفع ليها :
- لبزيزيلا كاتعني الصدر... يعني ... الثديين

عض جبل على شفته السفلية وقال بمكر:
-وعلاش كاترغبيني بصدرك ... عند بالك غادي نتراجع على قراري ياكما باغيا تغريني بيهوم .

توسعو عيون روعة بصدمة حتى ان الريق وحل ليها فالحلق وبدات كاتكح بقوة وكاتقول:
-اشنو ... لا ... اش كاتقول ....فهمتيني غلط!!

شاف فيها جبل وغمزها بعينيه بمياعة وقال بصوت ماكر :
-تقدري تغريني بحاجة وحداخرا من غير صدرك .... مثلا....

قلبت روعة عينيها بغيظ فاش فهمت قصدو وقالت وهي كاتبرك على سنانها بصوت منخفض :
-قليل الأدب

سمعها جبل وقال بسرعة :
-بدأ العد العكسي وبقالك بحرا 10 ثواني .... 10 ... 9...8

توترت روعة وبدات كاتسلق بسرعة وهي كاتغوت لدرجة ماستوعبتهاش هي نفسها حتى وصل جبل لرقم 0 وكانت وصلات وهي ماداليه يديها باش يعاونها تطلع وكاتنهش بقوة التعب:
- أرا يدييييييك

مد جبل يديه وتمسك بيديها ثم سحبها بقوة حتى إختل توازن روعة ودفعاتو بيديها حتى طاح للخلف وجرها معاه ... تأوه جبل بألم من أثر السقطة لأن الغراز لي فراسو تقاسو ليه مع الأرض .

- اللعنة الملعونة ...

تمتم بيها جبل بألم ... تمنات روعة فديك اللحظة تشق الأرض وتبلعها ولا تحط فموقف بحال هداك دفعاتو بدون قصد وهو دابا كايسب ويلعن ... علات راسها من فوق صدرو وشافت فيه وعينيها متوسعين وكأنها كاتعتاذر منو وقالت بسرعة :
-سمحلي بزاف .. ماقصدتش ندفعك

حل جبل عينيه لكن فاش شاف فيها نسى الألم لي كان كايشعر بيه ...حس بالتوتر فاش شعر بأنفاسها قريبا من وجهو .. تداركت روعة الموقف فاش شافت نظراتو المتفحصة ليها وبغات تنوض لكنو شدها وحاصر خصرها بيديه بجوج قبل ماتلحق تهرب وقال..

- ناقص 10 فلمئة من خلصتك

توسعو عينيها بصدمة وداكشي لي توقعاتو هو لي كان ..ماغايكمل الشهر حتى غاتلقى خلصتها كلها مشات ..

-سيدي نتا غير كاضحك ياك! ..

تأمل ملامح وجهها المندهشة بهدوء... الرغبة ديالو بيها فديك اللحظة كانت أكثر من أي رغبة عايشها فكل عمرو حمقاتو هبلاتو هاد البنت اللعينة .... توترت روعة من نظراتو المتفحصة ليها وبغات تنوض لكنه تمسك بيها بقوة وهمس وهو كايشوف فشفايفها:

-ناقص 20 فلمئة من خلصتك على إستهانتك بيا ... واش عمرك شفتيني كانضحك ؟

بقات غير مصدومة فيه خافت تنطق بشي كلمة اخرى ويخصم كل راتبها ويخليها على الضس ... إبتسم جبل بمكر وقال بصوت هادئ وهو كايتأملها:

-اااه يالويلة يعطيك موصيبة ... حتى كانقول غادي نتوب منك وكانرجع نكفر بهمست من صوتك ...شنو نسميو هذا ؟؟..

لا دابا قررت ترد عليه ولو يخصم كل راتبها :
-نقدرو نسميوه قلت الأدب وتحرش كايعاقب عليه القانون .. طلق مني خليني نوض

شاف فيها بنظرة قاتلة خلاتها تراجع حساباتها مليون مرة ... رجع زير عليها وهاد لمرة بقوة حتى حس بعضامها كايطرطو بين دراعو وهمس بصوت حديدي :

-اااي يالويلة موصيبة نتي وضرباتلي فراس ... اخ منك ...ريحت جسمك بحال المسك ... كاتخليني نرغب فيك أكثر وأكثر .

خدات روعة نفس كبير وهي كاتحاول تفك دراعو القوية لي كانت حاصراها وهي مدركة تمام الإدراك أنه كايحاول يستافزها ...
-طلق مــنــي راك قطعتي فيا النفس اسيدي ...هادشي لي كادير فيه راه عيب وحشوما .... أنا غادي نبلغ بيك البوليس بتهمت التحرش ...

ضحك جبل بصوت عالي وزاد زير عليها متجاهل كلمة "سيدي" لي كاتستافزو ... كل كلمة منها كاتزيد تغرقو فحبها .. ملعونة هاد البنت وربي بعتها ليه باش يعاقبو على جرائمو بلعنة الحب ... خافت روعة من نظرتو لي فكرتها فليلة الأمس وهو فوق منها على السرير لكن اليوم الضور مقلوب ... كانت باغيا تفك منو بأي طريقة فمكانش عندها شي حل أخر من غير أنها تستخدم معاه التاحراميات:

-أروووووولف ... أجي أجي ...هاحنا هنا

بسرعة طلق منها جبل ودفعها من فوق منو وناض كايقلب بعينيه على أرولف ... لكن فاش شاف فأرولف متكي على واحد الشجرة بعيدة عليهوم وكايهضر فتلفون وهو عاطيهوم بالضهر دار فيها واحد الشوفا كاتقتل خلات روعة تجبد فالأرض وشدت فكرشها وبدات كاتموت بالضحك على منظره الخايف وهي كاتقول :

-مكانش يحسابلي أنك كاتخاف من أرولف حتى لهاد الدرجة ! مابغيتيهش يشوفك كاتعنب ... زعما داير عليهوم راجل سي سيد

ضيق فيها عينيه بحدة وبرك على نيفو بغيض وهو كايشوف فيها كاضحك فالأرض بحال شي مجنونة وقال :
-ناقص 30 فالمئة

تعصب فاش ماسمعاتوش روعة وإستمرت فضحكاتها و تعجب كيفاش خدات راحتها رغم أنه فصبح أكد ليها أنهم ماشي من نفس المستوى ... هو البوس ديالها خصها تحتارمو ... إحتار واش يتعصب عليها ولا يدوز الأمر بجغيمة ديال الماء ويتجاهل الامر ... هو راه كايحاول يتخلص من لعنة حبها بأي طريقة وهي وكأنها المضاض الحيوي للكره لي كايحاول يكنولها فقلبو كاتقاوم كل مشاعرو السيئة وتقلبها لعطف وحب ...

كان باغي يعاقبها بأي طريقة باش تعرف راسها معامن
لكن المنظر ديالها كان مضحك وفنفس الوقت فاتن ماقدرش يقاوم الإبتسامة لي بغات تظهر على ملامحو بسبب منظرها المجنون ولكن ضور وجهو باش ماتشوفوش وطير الهيبة ديالو مع أدراج الريح ولعن راسو مليون لعنة على تساهلو معاها .

كان العشب الأخضر طويل وهي كاتبان فوسط منو بحال شي فراشة دايرين بيها الورود البنفسجية من كل قنت .. ماقدرش يتحكم فنبظات قلبو فديك اللحظة وحس بـ شعور تجاهها فشكل ... لا .. ماشي شهوة النفس هي السبب .. لا .... كانت شي حاجة أعمق بكثير سببتها نبرة صوتها وإبتسامتها العفوية وضحكاتها الطفولية ... وماشي أول مرة غادي يشعر بنفس الإحساس تجاهها بل فكل مرة كايحاول يزعجها بالتحرش لي كاتكرهو هي كايشعر بنفس الشعور .... وحتار واش هو شعور لذة الإنتصار بعدما كايشوفها كاترعد تحت يديه وخايفا منو؟ .... ولا هي فعلا كاتأكد ليه نظرية لعنة الحب لي أصابت قلبو وروعة هي عقابو .

بينو وبين نفسو ...فرح بزاف حيت قدر يزرع البسمة على وجهها ، حيت ماشي غير عصام لي كايعرف يضحكها ... حتى هو .. كان كايكره عصام فهاد النقطة وكان كايشوف نفسو إنسان بارد مايقدرش يضحك حتى نملة سارحة فالأرض لكن يعرف يبكيها ... كان حاكر نفسو فهاد القضية .. لكن هي دابا كاضحك بسببو وهادشي فرحو بزاف ..

بينما هي كانت لأول مرة كاتحس بنشوة الإنتصار وكاتمنى أن الوضع مايتقلبش ضدها ... مازال كاتحس بنفس الشعور تجاهو ولي هو الغيظ والغضب الدفين فاش أهانها فكرامتها وتهمها بالعهر ... مادازش بزاف ديال الوقت باش تقدر تنسى إهانتو ...

جبل كان مخليها تحتافل بهاد الإنتصار علا خاطرها وكايشوف فيها بهدوء حتى سالات من الضحك وشافت فيه وهي كاتمنع بعض الضحكات الصغيرة من الخروج حتى تهدنات فخطرا وفكرات تستفزو شويا وطلع عفاريت أهلو السورية بعدما دوز عليها الدكاكة وعلقها فوق الجبل بحال شي وزغة وخصم من راتبها :

- باروون ... ها 1 لـ 0 .... كون شفتي وجهك كيف كان ... لونك تخطف

تظاهر جبل بالإنزعاج والغضب وقال وهو كايهز حقيبة الضهر من الأرض وكايحملها فضهرو :
-ايااه ... دابا هادشي عندك فيه التحدي !!

إبتسمت روعة بمرح حتى تغمضو عينيها وقالت :
- يب ... تماما .

قلب جبل شفايفو وهو كايفكر فشي خطة مسلية تضحكها أكثر وتعدبها كثر وعلاش لا تبكيها ...ثم قال :

- همم واخا ... فاش كنت صغير كان عندي واحد خويا توأم ديالي كان سميتو "صَخْر" وكان عزيز عليه يلعب معايا لبرويطا .. عرفتيها ؟

ضورت روعة عينيها بتفكر ثم قالت :
-ااه كنت كانلعبها مع بنت جيرانا فاش كنت صغيرة

إبتسم جبل بمكر وقال وهو كايقرب منها:
-مزيان ... دابا غادي نلعبو أنا وياك البرويطا لكن بالمقلوب

تصدمت فاش شافتو قرب منها بسرعة و شدها من رجليها بجوج وقلبها على كرشها ثم جرها موراه بحال الحولي ديال العيد فاش كايكونو مطلعينو مع دروج باش يدبحوه وهي كاتغوت :
-اااااااه ... طلق منـــــــــــي ... ومــــامــــا

كان جبل غادي يموت بالضحك فخاطرو لكن ضاهريا كان كايحاول يتضاهر بالبرود وهو جارها بحال شي قطة من شوالها ...
-طـــــلـــــق منـــــي ... طلاااااااااق والعدااااااااااو

بقا جارها وهي كاتغوت حتى وصلها لواحد الشجرة عاد طلق منها وعوط حوايجو وهو كايبتاسم بإنتصار وقال :

-ها 1 لـ 1 دابا متعادلين

تسناها مثلا تضحك كيف قبيلة ولا على الأقل تبتاسم لكنها علات عينيها وشافت فيه بنظرات قاتمة وغاضبة حتى لاحظ جبل عينيها لي تغرغرو بالدموع عاد جمع الضحكة ديالو لي كانت بعرض الأرض مع سماء وقال:

- مالك .... علاش كاتبكي؟؟

نفاجرت فيه بحال شي كوكوط مضغوطة وقالت وهي كاتبكي ومادا ليه يديها بحال شي طفلة صغيرة دفعها ولد جيران ومشات عند باباها باش تشكي ليه :

-شوف.... شوف شنو درتيليا فيدي ...
وبدات تبكي بصوت عالي .

كان باغي يضحك بسبب صوتها المزعج ومنظرها لكن تمالك نفسو وهو كايجمع شنايفو باش ماتبانش الضحكة ديالو وكايحاول يكحب باش يغطي على إبتسامتو العريضة ... وفكر ، "ياك هي لي بغات تلعب !!؟ ... إوا هادي هي طلع تاكل لكرموس نزل شكون قالهاليك" ...

قرب منها جوج خطوات وتوسعو عينيه بصدمة فاش شاف فيديها لي كانو مجروحين وكايسيلو بالدم... وستوعب أخيرا أنها مكاتمتلش عليه ... بسرعة تحنى لمستواها وشد ليها فيديها وقال بخوف :

- واش .... واش كاتحرقك ؟

رفعات فيه عينيها الغاضب وقالت :
- وأشنو فنظرك كاتهرني ... هانتا شوف حتى كرشي جرحتيها ليا .

حيدات روعة الفيست ديالها لي كانت لابساها ولاحتوليه على وجهو ثم علات التيشرت اوراتليه كرشها لي كانت عليها أثار الجر وجروح صغيرة وطفيفة حيت جرها مع لحجر والحصى الصغير ....قالت:
-مكانش يحسابلي عندك لعب ديال البناية

حيد جبل الفيست ديالها من على وجهو وشاف فيها بغيظ....هو كان ناوي غير يضحكها هذا ماكان !...حنا راسو وشاف فكرشها لي كانت مجروحة وحتى يديها وحس بشي شويا ديال بتأنيب الضمر ،... نسا بأنها غير بنت ولبنات غير على سبة دغيا كايتقصحو ، وفكر أنها إلا شافت الكدمات لي فجسمو بسبب التدريب مع عصام غادي تهرب ،...هي غير جريحات صغيورين خنونتها سالت عليهوم .

حيد الشانطة من ضهرو وحلها وجبد مطهر الجروح لي كان هازو معاه للإحتياط فكل مرة كايخرج للغابة يتسلق الجبال وقطن ....قرب من يديها وقال بصوت هادئ :
- أري يديك

علات فيه حواجبها بعناد وقالت بصوت مستفز :
- حتى تعتاذر..

قلب جبل عينيه بغيظ وهو كايشوف فيها .. كيفاش غادي يديرلها دابا ...هو راه برج الثور والإنتحار عندو أسهل من الإعتذار والإعتراف بالخطئ ... من مواليد بداية شهر مايو برج ترابي كايعرف غير الدغري و اغاراس اغاراس

-واصاف .. واصاف

قالها بإستخفاف وهو كايقلب فعينيه لكنها حتى هي برج السرطان ...عنيدة بلا قياس وراسها قصح من لحجر ... شافت فيه بغيظ وقالت وقالت بعناد:
-ماسمعتكــش!

تنهد جبل بهدوء ثم قال بعد تفكير:
-صافي انا غادي نعتادر منهوم بطريقتي ومادخليش نتي

عقدت روعة حواجبها بإستفهام .. كيفاش غادي يعتاذر منهوم؟ ... وشكون هوما؟ ...تحنى جبل على ركابيه وقرب من كرشها بتردد ... تمسك بالتيشرت ديالها الضيق ورفعو باش يكشف على جروح بطنها ... قدر يلمح شامة زهرية تحت صدرها المشدود وقرب سرتها ... إبتلع ريقو بتوتر وتمسك بخصرها العاري بيديه بجوج وقرب من بطنها ببطئ وطبع قبلة على الجرجة الأولى بهـــــــدووء تغلقات عيونو على إثرها... حتى شعرت روعة باللسعة ديال شفايفو على الجرحة لكن القشعريرة لي حست بيها خلاتها مسمرة فبلاصتها ...

حرك جبل راسو ببطء وطبع قبلة هادئة على الجرحة الثانية والثالثة والرابعة وحتى وصل للشامة وطبع عليها قبلة طويلة بشفافو ... حتى بدات روعة كاتشعر بالدوخة وتسارع فدقات القلب وتنفس مضطرب ونشوة غريبة حست بيها فأعماقها فبسرعة مدت ميديها وغطات كرشها قبل مايوصلو لشي حاجة ماشي هي هاديك ...

تنحنحت وهي كاتقول بتوتر:
-احم صافي ...صافي قبلت إعتذارك

رفع جبل راسو وشاف فيها بهدوء بعيونو الزمردية الرجولية ...ثم رجع كشف على الجروح لي فكرشها بعناد وهز المطهر وخوا منو فالقطن شويا وهو كايحاول مايبتاسمش حيت فعلا شعر بتوترها وبتقلص عضلات بطنها حتى أنه شعر برجفة جسمها تحت رحمت شفايفو .. كان شيطان ... شيطان سوري بمعنى الكلمة حيت قدر يأثر عليها بهاد الشكل .

علا راسو وشاف فيها وهمس بصوتو الرجولي المثير
-غادي تألمي واحد شويا .

إبتلعت ريقها وحاولت ما أمكن أنها ماتشوفليهش فعينيه وقالت:
-مـكاين لاش .. ارالي المعقم ليدي نصوبو لراسي ...

تجاهلها و وضع القطن بهدوء على الجرح الأول حتى تقلصو عضلات بطنها فغمضت عينيها وتأوهت بألم ..
استمر على نفس الوضع حتى إنتهى من تعقيم الجروح الصغيرة وغطاليها كرشها أخيرا... لكن هاد المرة جاء الدور على باطن يديها المجروحة ....

‏تمسك بيديها الرقيقة بجنتلمانية لكنها خطفت يديها بتوتر وقالت
-مكاين لاش تعتاذر منهوم حتى هوما .

لكنه تشبت بيديها بعناد وهو كايقلب فعينيه بغيظ وقال:
‏- وكأنني غانموت باش نبوسهوم .. خلي نكملك باش مايتلوتش الجرح ومايمشيش بالك بعيد .

‏رفعت روعة حاجب واحد فيه وقالت بإستهزاء :
‏-هاد لهضرة قولها لراسك البارون نتا كاتستاغل كل فرصة باش تحرش بيا .

‏على راسو شاف فيها بنظرات حادة ثم استعاد بالله وقرر يتجاهلها باش مايدخلش معاها فجدال لا نهاية ليه
‏فكمل تقطيب الجروح الصغيرة بكل هدوء لكن مع ذالك ماغاديش يقيلها بعدما سالا تنظيف الجرح طبع قبلة صغيرة فباطن يدها وقال :

- واش مازالة عاقلة على الذكري لي خليت ليك فاليخت ... بست ليك يديك بنفس الطريقة وقلت ليك إحتفضي بيها للذكرى .

إبتسمت روعة بدون شعور فاش تفكرات داك نهار لي ماعمرها تنساه لكن قاطعهوم صوت من الخلف .
‏
-بـــارون !!!

قالها أرولف وهو مصدوم من المنظر لي شاف ملي بدا يعقم بطن روعة حتى أن الحبال طاحوليه من يديه للأرض فديك اللحظة فاش سمع شنو قال ، مامصدقش أن لي شافو قبيلة شويا هو البارون الشيطان السوري....

ناض جبل بسرعة وتوترت روعة .. ماقدرتش ضور وتشوف فعيون أرولف صديقها من بعد عصام والبقية.. اكيد غادي يقولها لعصام وغادي يشبعو طنيز عليها وأكيد غادي يفهمو الموضوع غلط ..

هزات لفيست ديالها من الأرض ولبساتها وحركت رجليها بسرعة بلا ماضور موراها ....بينما جبل مرر يديه على شعرو بإحراج ...تنحنح وقال :

- احم ... تجرحات من يديها ....

إبتسم أرولف بمكر وكأنه كايقول ليه "غير كدب راني شفت كولشي" و كمل جبل بصوت بارد متصنع :
-لـ لبنات دايرين بحال لبسكويت أصاحبي ... غير جريتها مع الأرض وبدات تبكي ...

حاول أرولف مايضحكش حيت إلا ضحت غادي يلقى راسو فشارع بلا خدمة فقال بهدوء :
- عندك زهر ملي ماكنتيش فالفترة لي كان عصام كايدربتها اسيدي ...

عقد جبل حواجبو بغيظ فاش سمع إسم عصام وقال:
-علاش مالو معاها ..؟؟

هز أرولف الحبال من الأرض وقال :
-لي نقدر نقولك أن صوت غواتها كان كايتسمع على حدود البرتغال ...

وكمل وهو كايشوف فيها غاديا مكاتشوفش موراها ، كادير بدل الخلفة جوج ، خصها غير فين تخبع وجهها من أرولف.
-فين غاديا هادي اسيدي ؟؟

ضار جبل وشاف فروعة... كانت بدات تغبر على عينيهوم بقوة لي بعدات بخطوات سريعة .. فإبتسم بمكر فاش خطرت على بالو فكرة جهنمية ... قرب جبل من أرولف وسحب المسدس من خصرو فشاف فيه أرولف بإستنكار وقال :
-اااشنو غادي دير بمسدسي اسيدي؟

ضحك جبل بمكر وخبث حتى أن قرون الشيطان ظهرت فوق راسو و قال بصوت ماكر وهو كايشوف فيها كاتمتر طريق :
- أرولف فاش تسمع صوت رصاص بدا تغوت تافقنا ؟؟

_________

نهاية الفصل

الفصل 31 / BARON "أخبريني الحقيقة"

2018-10-30T09:25:00.000-07:00

- أرولف فاش تسمع صوت رصاص بدا تغوت تافقنا ؟؟

شاف فيه أرولف بغباء وقال:
-كيفاش؟

تنهد جبل بغيظ ورجع لأرولف المسدس ديالو ثم جبد ديالو من خصرو وقال وهو كايحك نيفو :
-سمع اارولف ... بغيت روعة تتجه للجنوب للمكان ديال الإجتماع لكن قبل تاصل برجال وقولهوم بلا مايتدخلو صافي و فاش أنا غادي نطلق رصاص ... غادي تتاجه نتا للشمال وغادي تطلق الرصاص بعشوائية من مسدسك

بقا ارولف كايشوف فيه بإستفهام لعدت لحظات قبل مايقول :
-مافهمتش أسيدي.

قلب جبل عينيه بملل وقال بتوضيح :
-هي من تلقاء نفسها فاش غادي تحدد صوت الرصاص غادي تتاجه عكسو ..فهمتي ؟

إستمرت نظرت الغباء على وجه أرولف وقال :
-والله مافهمت شي حاجة اسيدي !!

تجاهل جبل سؤال أرولف الإستنكاري ووجه المسدس ناحيت روعة لي كانت بعيدة عليهوم حتى ان ارولف تخلع وقال بسرعة. :

-سي جبل ... واش غادي تقتلها ؟؟ ولكن علاش ؟؟

تجاهلو مرا أخرى وحدد مكان الطلقة بدقة ثم ضغط على الزناد حتى صابت الرصاصة الشجرة لي كانت روعة غاديا فجنبها. وتبعتها صرخت جبل ومن بعد لحظات صوت صرخت أرولف المتصنعة .

غوتت روعة بخوف ونباطحت للأرض وهي كاتغوت وتعاود تغوت بقوة الخوف ..
- اااااه ...ارووووووووولف

الصـــــمـــــت.. من غير اخر صرخة صدرت منهوم مابقاتش سمعات حسهوم....شعرت بالخوف والخطر محاوطها من كل جيه ... علات راسها بخوف وتردد للجهة لي كانو فيها جبل وأرولف وفاش مالقاتهومش تسارعت دقات قلبها .

زحفت على يديها ورجليها حتى وصلت لشجرة كبيرة وتخبات موراها وهي كاتهمس بصوت خايف:

-ياربي شنو هادشي !... فين هو جبل وأرولف ؟.. اويلي عنداك يكونو ماتو؟ ... شكون لي كان باغي يقتلني؟ ... ياربي شنو هادشي لـ؟...

قبل ماتكمل تمتماتها قاطعها صوت الرصاص لي كان جاي من ناحية الشمال وكان صوت الرصاص متواصل وكأن الحرب قامت فجأة ... إبتلعت ريقها بخوف وتكمشت على نفسها ... ماقدرتش تتحرك خافت بزاف وشدت ودنيها بيديها وهي كاتنفس بقوة ... هاد الصوت فكرها فهاري ... وفالفيلة المشؤومة ... نفس صوت الرصاص.... نفس الصوت كايتردد على مسامعها ونفس المشاهد ديال الجثث لي تساقطت قدام عينيها وحدا مور وحدا كايتعاودو قدامها فمخيلتها ...

بدات كاترعد بالخوف وزيرات أكثر بيديها على ودنيها باش ماتسمعش داك الصوت الجحيمي .... حتى حست بالشجرة لي موراها تهزات بسبب رصاصة ختارقتها فجأة فكرات انها الا بقات فبلاصتها اكيد غادي تموت بشي رصاصة طايشة ... وبقوت الخلعة شدتها روعة بجريا فالإتجاه المعاكس ديال صوت الرصاص بلا ماتحس وهي كادعي فنفسها أن ربي ينجيها وسط هاد الجحيم لي لقات نفسها فيه

كانت كاتنقز على العقبات لي عتارضو طريقها بكل قوتها.. من أغصان الشجر وصخور كبيرة وصغيرة وكاضور تقلب براسها واش تابعها شي حد ولا لا ...

- ياربي عنداك يكونو دوك ناس لي قالي عليهوم جبل ..

تمتمت بيها وهي كاتجري بسرعة وكاتنهش حتى وقفت فجأة و تفاجئت بالمنظر لي شافتو .... كانو مجموعة ديال الرجال فمكان الوسط ديالو خاوي من الشجر وبين يديهوم اسلحة من كل الأحجام لكنهم كالسين وكايضحكو بإستمتاع .

تخبات خلف شجرة وطلات براسها غير بشوية باش مايشوفوهاش وقدرت تلمح بعض الوجوه لي كاتعرفهوم لكن صوت رجولي قاطعها من الخلف وهو كايقول :
-فاش فكرك صوت الرصاص اروعة؟؟

عرفات داك الصوت .... كان هو.... جبل ... ضارت لعندو بسرعة وعلى وجهها ملامح الإستنكار وعلات راسها باش تشوف فيه ... كان واقف فوق صخرة كبيرة وبين يديه سلاح وكايشوف فيها وعلى وجهو إبتسامة ماكرة ...

كل مكان كايدور فدماغها هو .."واش جابني لهنا باش يقتلني؟؟؟ ...واش هو لي كان كايضرب لجيهتي بالسلاح ؟؟؟ ... واش قرر ينفد الوعد ديال نهار لي مات فيه هاري ؟؟؟ اذن هو قرر ينفد تهديداتو .... اذن الكابوس لي شفت الصبح بدا يتحقق على ارض الواقع ... روح هاري غادي تبعها طول حياتها حتى تفتك بعقلها وتحمقها."

نقز جبل من فوق الحجرة لكبيرة للأرض حتى وقف قبالتها لدرجة خلاتها تتراجع جوج خطوات للخلف وعينيها على السلاح لي فيديه ... قرب منها جوج خطوات ووجه المسدس لي كان فيديه لجبهتها بطريقة خلات قلب روعة يطيح بين رجليها لكن فاش مرر المسدس على خصلة الشعر لي كانت نازلة على عينها وردها بالمسدس خلف ودنيها تنفست الصعداء ...

شاف جبل فعيون روعة وهمس بصوت وكأنه فحيح أفعى وقال:
- روح هاري مازالة عالقة بين الأرض وسماء ... روحو مستحيل تمشي هباء منثورا ... غادي نعاود نطرح عليك نفس السؤال ... شنو كنتي كاديري فالفيلة؟؟...وشنو علاقتك بهاري ؟؟... وشنو هو هاد العمل الخيري لي مشيتي ديريه تما ؟؟....

حنات روعة راسها وغمضت عينيها بغضب... اصرارو ولف ودورانو على نفس الموضوع فكل مرة كايعصبها ... هي ماتقدرش تقوليه الحقيقة ...وإلا غادي يعاقبها هي بدل مايعاقب ختو ...

تاليا كانت مسؤوليتها وهي ماعرفتش تحضيها ... الماء كان كايجري تحت منها وهي ماعارفا والو ... حتى انها عملت علاقة جنسية سطحية مع هاري بدون علمها ... فكرت انه اكيد الا عرف جبل بالموضوع غادي يقتلها مافيهاش الشك ... وهاد المرة الرصاصة ماغاديش تدخل فالشجرة غادي تدخل لراسها نيشان .... من خلال صوتو كانت عارفا ان لي حداها البارون ماشي جبل ... البارون لي مكايرحمش ولي إلى بغا شي حاجة كايوصل ليها ...

تفاجئت ببرودة معدن المسدس على جبهتها ودفع بيه راسها ببطء باش تعليه وتشوف فيه حتى تملك انظارها وكمل بنفس الصوت الهامس :
- لطالما كنت كنأمن بأن الألم هو أفضل وسيلة للإعتراف لكني ماباغيش نستعملو معاك اروعة

كان قلبها غادي يسكت بالخلعة ... هزات راسها بتفهم وتضاهرت بالثبات وقالت بصوت بارد:
-لحد الأن مازال ماقدرتش نفهمك ... مرة كاتعاملني مزيان وكأنني شخص مهم فحياتك ومرا كاتعاملي بحال شي وحدا ماتسواش وضل تهدد فيا وتخوفني ... علاش عندك هاد التناقض فشخصيتك!؟

رد عليها جبل بهدوء:
-هذا ماشي تناقض ... انا كانتصرف حسب الموقف .. فاش كايطلب الأمر نكون ضريف كانكون والعكس كذلك ... دابا بلا ماتحاولي تبدلي الموضوع .. جاوبي على أسئلتي

ربعات يديها لصدرها وشافت فيه بتحدي لعدة ثواني قبل ماتقول بعد صمت :
- انا مكانخافش منك البارون ... سمعتي ! ... انا فاش كانحتارم شي حد هذا مكايعنيش أنني ضعيفة قدامو ولا كانخاف منو ...انا كانحتارمو حيت كانحتارم نفسي قبل كل شئ ... وحتى الا ماعاملنيش بإحترام ماعنديش مشكل نعلمو ونعلمك .

تنهد جبل وومرر يديه على شعرو بغضب وقال:
-انا مكانضحكش اروعة .

ردت عليه بتحدي قارس:
- وحتى انا مكانضحكش ...تفضل نتا لي فيديك السلاح دابا ... دير لي بغيتي .

شجاعتها ماخداتهاش غير من الهواء شجاعتها إستمدتها من دون ماركيز لي لمحاتو وسط الرجال فاش خرجت فيهوم أول مرة ... هي عارفا مزيان انها عزيزة على الدون ماركيز والبارون مستحيل يأديها بوجودو واخا مازال ماشافوهوم حيت كانو داخل الغابة وداير بيهوم الشجر لكبير والصغير من كل جيه الا انها كانت مرتاحة نسبيا

كان جبل مذهول من إستقامتها امامو .... الخوف واضح من عينيها لكنها واقفة بحال الشجرة شامخة مكاتهزش ... غمض عينيه ولمدة قصيرة ورجع فتحهوم باش يضبط اعصابو امامها .. اه هو مايقدرش يأديها حيت هو راجل ماعمرو يأدي مراة ضعيفة ومشاعرو تجاهها كاتخليه عاجر قدامها .. لكن في جُعبتها معلومات هو في الحاجة ليهوم اكثر من اي شئ ... محتاج السي دي .. محتاج المعلومات لي فيه باش ينهي هاد الكابوس لي سميتو شاهين باشا باغي ينتهي من الموضوع في اقرب وقت ..

تنهد وقال بصوت هادئ فاش عرف ان التهديد والتخويف ماغاديش يجيب نتيجة معاها وقال..
- الا كان شي خوف باغين نكسروه فهو خوفنا من الكلمات لي باغين نقولوهوم ... نتي ماخايفاش مني نتي خايفا من داكشي لي غاتقوليه ... هذا علاش كاتخبي وكاتحاولي تغطي على شي حد .

توترت روعة من شي لي قال وكأنه قرا داكشي لي فعقلها وشكلو على شكل كلمات .. هي فعلا خايفا .. خايفا تقوليه الحقيقة وتخرج على تاليا وعلى راسها ... عائلة المرتجى كلات معاهوم طرف ديال الخبز هادي عام ونصف .وهي اليوم عايشة اولا بفضل الله وثانيا بفضلو هو لي نقدها من وسط البحر ... وهو لي واساها فاش ماتت بنتها وهو لي دفنها وهو لي عطاها دفعة من الأمل فرسالة من خط يديه قبل مايسافر ... هذا علاش هي ماتقدرش تكون نكارت الخير وتفرش تاليا ختو وتدمرليها حياتها ..

غمضت عينيها وقالت بصوت ضعيف:
- انا ماعارفا والو اسيدي.

هاد الكلمات لي قالتهوم خلاو عفاريت جبل يضهرو فكل مكان ... تعصب لدرجة لاح المسدس من يديه بقوة حتى جا فجدع شجرة كبيرة غير باش مايديرش شي حاجة يندم عليها ولا يأديها ولو كان شي خد أخر بدل روعة كان غادي يخرج منو المعلومات بالتعديب ، بينما هي سدت عينيها بقوة الخوف...

ضار جبل حول نفسو وتمشى في المكان وكأنه كايمتر الأرض برجليه وكايفكر بغضب ... مابقاش عندو شي حل اخر ... هز المسدس من الأرض وقرب لعندها بسرعة وقال :
-مابقاش عندي شي حل اخر ...

جبد التلفون من جيبو وشغل فيديو فيه ووجه التلفون لعند وجهها باش تشوف شنو فيه ..
-حلي عينيك .

قالها جبل بغضب فحلات روعة عينيها ببطئ وشافت فشاشة الهاتف وشعرت بالقلب ديالها كايضرب بالجهد ...
كان الفيديو عبارة على كل تحركاتها في الحفلة ملي تصادمت مع جبل حتى طلعات مع هاري لغرفتو ... كان صوتها واضح وحديثها معاه لذلك واضح ...

علات عينيها فجبل وهمست بصوت متوتر
- كنتي كاتصور ...!!

طفا جبل التلفون وردو لجيبو وقال بحدة :
-من المفروض هاد التسجيل يوصل لرافاييل وفريقو لكن أنا كدبت عليه وقلتليه انني نسيت ماشغلتش الكاميرة غير باش نغطي عليك ... روعة نتي فموقف مايسمحش ليك تزيدي تكدبي وتخبي ... انا درت لي فجهدي معاك وكانظن ان هنا غادي نحبس حيت بزاف عليا هاد المرض ومساعدتي ليك كانت بسبب معرفتي بيك لقديمة.. والا كانقسم ليك ماكنتش غادي نهتم لأمرك .. كنت غادي نخليك تعومي فبحرك وتدبري امرك لكن نتي صديقة ختي والعائلة وأمرك كايهمني كما انني كنت كانشوف فيك الأم المناسبة لولدي لولا انك رفضتي وانا تقبلت الأمر ومالحيتش عليك .... لكن ماشي مشكل اخر محاولة ليا معاك هي هادي .... سمعيني مزيان الناس لي قتلو هاري قدرو يوصلو ليك... والبطاقة لي وصلاتك لبارح فالهوتيل لي خدامة فيه ولي كان مكتوب فيها " إذا كان ثوبك ابيض فلا تقترب من بائع الزيت " كان تهديد وااضح منهوم اروعة.

ضرب البرق فقلب روعة .. الصدمة مكانتش خفيفة عليها لكنها تسائلت ... كيفاش حتى عرف جبل بأمر البطاقة لكن جبل جاوب على تساؤلها فاش جبد البطاقة من جيبو و وشير بيها قدام عينيها قبل مايجبد يديها وحطهالها فباطنها وقال :
- نتي مهملة لدرجة لحتيها فلباركينك وزدتي فحالك

استوعبت اخيرا انها اكبر غبية عرفتها البشرية ... غير شافت عرض العمل الجديد لي جابولها عصام نسات امر البطاقة .... شافت فيها ورددت الكلمات المطبوعين عليها فداخلها وتفكرات الهضرة لي قالت ليها موضفة الإستقبال والقبلة لي طبعتها على خدها

علات راسها فجبل وقالت :
- نتا ... كنتي مراقبني ياك !

رد عليها بهدوء:
- بحال داكشي .

- دابا انا في خطر ياك!
رد عليها بنفس النبرة:

- ‏بحال داكشي .
- ‏دابا انا نقدر نموت فأي لحظة ياك :
سكت شوية كايشوف فيها بهدوء وقدر يلمح الدموع لي تغرغرو فعينيها ثم رد عليها بنفس البنرة.

-بحال داكشي .

رمشت بعينيها عدت مرات باش تمنع دموعها من النزول ثم شافت ليه فعينيه بغضب و غوتت بصوت خايف :
- بحال داكشي .. بحال داكشي ... بحال داكشي ... شنو هو لي بحال داكشي؟؟ ... انا دابا غادي نموت ياك !! جاوبني وماتقوليش بحال داكشي ؟؟؟

تنهد جبل بهدوء وبصوت بارد رد عليها :
- بحال داكشي

تنهدت روعة بغضب وإستياء وتحنات للأرض .... غمضت عينيها بقوة وخبات وجهها خلف يديها وهي كاتحاول تضبط نفسها وأعصابها ... كانت باغيا تبكي وتخوي قلبها لكنها مستحيل تعطي لجبل فرصة بحال هادي ... مستحيل تخليه يشوف دموعها من جديد ...

مسحت على راسها بيديها ثم طلقت رجليها فالأرض وكلست بينما عيون جبل مراقبين كل حركاتها ...

شافت فيه و ضحكت بإستهزاء وقالت:
-هاد التمثيلية ديال الرصاص كنتي مخطط ليها من الأول ياك ؟

على جبل حواجبو فيها وقال ببساطة :
- لا ... خطرت على بالي من بعد فاش شفتك كاع مامسوقاش للي جاري خلف ضهرك وكاضحكي عادي فالوقت لي خصك تكوني أكثر حذر ... شفتي اروعة هاكداك غادي تكوني ....غاديا ماعليك مابيك ... حتى غادي تلقاي رصاصة جاتك فالراس من مكان مجهول .. هداك كان غير درس ليك باش تجمعي راسك شويا

شافت فيه بحيرة .. ماعرفتش واش تشكرو ولا تأنبو حيت خلعها وزرع الرعب فقلبها فديك الدقائق القصيرة لي كانت هربانة فيهوم .. لكن إلا كانت هادي هي غايتو فإذن هي ممتنة ليه .

تنهد جبل بإستياء وهو كايدير يديه فجيباو و قال :
-اوكي .... كانتمنى ليك حظ موفق وعمر مديد واخا مكانضنش ان عمرك غادي يكون مديد لكن هادشي لي كانتمنى ...ولي طلع بيدي درتو.

حرك رجليه وتم غادي لكن روعة قالت بسرعة وبصوت عالي :
- واش ماغاديش تحميني منهوم ؟

توقف جبل على المشي فاش سمع صوتها الضعيف والخايف ... كان باغي يقولها أنا مستعد نحميك بروحي لكنو قال بلا مايدور لعندها :
- والله انا درت لي فجهدي معاك .... لكن نتي متشبتا برأيك .. فهاد الحالة انا مانقدر نعاونك فوالو ..

كمل جبل خطواتو المدروسة بهدوء قبل ماتستوقفو روعة بصوتها الخايف ... ناضت بسرعة من مكانها وقالت:
- والا قلتليك الحقيقة غادي تحميني منهوم ؟؟

توقف جبل وهاد المرة إبتسم بمكر وهمس فداخل نفسو بفرحة الإنتصار " أخيرا غلبتك اروعتي "

خدا جبل نفس وإستدار لعندها ببطئ .... شاف فيها بنظرة كاتعني "انا كانسمعك" فحارت روعة وماعرفت ماتقول ..كاتشوفو كايقرب منها بخطوات واثقة عكس افكارها المشتتة حتى توقف امامها وقال:

-مادام نتي تحت سقف الكونتيسا ... وبين رجالي مكاينش لي يقدر يأديك . أنا كانسمعك إلا بغيتي تهضري.

هزات راسها بتفهم وإعتدلت فوقفتها .. ماعندهاش شي حل اخر من غير انها تهضر .. تنحنحت وابتلعت ريقها ثم قالت بحزم ولي ليها ليها ومولاها ربي :

- أنا ..... أنا وهاري .... كانت بيناتنا علاقة .

تسمر جبل وبقا كايشوف فيها بصدمة .. هادي هي اخر حاجة توقعها منها واستغرب كيفاش ماطاحتليهش فبالو هاد الفكرة ؟؟... كان باغي يغوت حس بالغضب القاتل لكنه حافض على هدوءه وقال :

-علاقة حب !!

هزات روعة راسها بمعنى "نعم " وقالت :
- تماما ...

همهم جبل وشحال حس براسو مكلخ فديك اللحظة إبتسم بهدوء وهمس بصوت خافت :
-همم كنتي كاتبغيه ؟

ماعرفتش روعة باش ترد عليه كل مكان كايتردد فنفسها هو كل عبارات الشتم لتاليا لي غرقتها فمستنقع موسخ ودابا بسببها هي كاتغرق راسها فمستنقع لكدوب ..
ردت عليه بأسلوب مراوغ :

-دابا واش بغيتي تعرف احساسي ناحيتو ولا بغيتي تعرف شنو وقاع فبيتو؟!

كان باغي ينفجر فوجهها ويغوت ... حس بقلبو كايحرقو .. والغيرة نهشت فقلبو ... لكن فاش دورها مزيان فعقلو عرف أنه كاعندوش الحق يغضب ولا يتعصب عليها هو غاب عام ونصف وهي كانت بوحدها ومحتاجة للي يدعمها وكانت محتاجة للدفئ فديك الفترة ماعندوش لحق يحاسبها على علاقاتها السابقة لي كايهمو هو الحاضر بالإضافة واش هو حمق يغير من شخص ميت تحت التراب لكن مع ذلك شعر بالألم فقلبو .

تصنع الامبالات و رد عليها بملامح باردة عكس البركان لي كان كايحرق فيه من داخل وقال:
-مكايهمنيش احساسك ...بغيت نعرف شنو وقاع فغرفة هاري فاش طلعتي معاه .

قدرت روعة تقرأ الغضب على ملامحو لي كان كايحاول يغطيهوم بالبرود لكن شافت فيه بنظرات ثابتة باش تقدر تقنعو بحقيقة اكاديبها وقالت:

- فاش عرفت أنه غادي ينضم حفلة فالڤيلة لي ساكن فيها .. تسنيتو يعرض عليا بما انني حبيبتو باش نرافقو فالحفلة كيف ديما... لكنه ماعرضش عليا وانا داكساع مارضيتش... خفت ان شي بنت زوينة تخطفو مني ... انا عارفاه فاش كايسكر مكايبقاش عاقل على راسو شكايدير و...

قاطعها جبل وقال بنبرة إستهزاء :
-هه خفتيه يخونك !!... لهاد الدرجة مكاتيقيش فيه !!

سكتت روعة وبقات كاتشوف فيه بهدوء ..فهمت القصد ديالو لكن كل مكان كايهمها هو انه يقتانع بشئ لي كاتقول ليه فردت عليه بثبات :

-لا ... هو ماعمرو خاني حيت كان كايبغيني بزاف ..كل مافي الامر انني حسيت بالغيرة عليه هذا مكان ... لبست وتستقصدت انني نتنكر بشعر أسود باش مايعرفنيش .. كنت باغيا نديرهالو مفاجئة باش نفرحو ...

ضيق فيها جبل عينيه بنظرة شك خلاتها تتوتر ... كانت كاتهرب بعينيها ومكاتبغيش تشوف فيه وعينيها كادور فجيهت اليسار بإستمرار وفكر جبل ان هذا الا دل على شي حاجة فهو كايدل انها كاتكدب عليه بلا ماتعيق ان حركات جسمها وحركة عينيها كاشفينها ... على حاجب واحد فيها وقال :

- شنو سميت ديك الڤيلة ؟!

تسمرت روعة قدامو وماعرفت باش تجاوبو ...علاه ديك الڤيلة عندها سميا بحال لكونتيسا .... لكن بلاتي تفكرت بلي نهار لي جا عندها للهوتيل وأهانها بديك الطريقة قالها أشنو كنتي كاديري فڤيلة .... اشنو كان سميتها ؟؟ ... اللعنة علاش ماركزاتش على الأسم لكن هي عارفا أنها كاتبدا بحرف الباء ....تنحنحت بتوتر وقالت:
- احم ... اام سميتها ... بيلا .

تأكد دابا بلي كاتكدب عليه ... مهما انها عارفا إسم الڤيلة ديالو هو ولي هي الكونتيسا ماغاديش تعرف إسم ڤيلة بلازا لي ساكن فيها حبيبها كما تزعم ...وكاتكدب وكاتقول بيلا واخا ماعارفاش لموهيم هي دفع الجبهة ... لكن مع ذلك تصنع الامبالات وخلاها تكمل كلامها بلاما يقاطعها .

-مشيت للحفلة ودخلت عادي... وتما طلاقيت معاك .... ولباقي راك عارفو وشتيه على عينيك ... حتى شافني هاري وتعصب وجرني من يدي وطلعني لبيتو

برك جبل على أسنانو بقوة وتنهد باش يسيطر على اعصابو .... مازال كاتكدب عليه!! ... ڤيلة الكاريبي مستحيل تدخل ليها روعة بشكل عادي بالخصوص انها كانت متنكرة بالإضافة أنها ماعارفاش سميتها وهذا دليل على أنها ماعمرها مشاتلها من قبل ... ربع جبل يديه وشاف فيها بنظرة قاتمة وقال بحدة:

-ومن بعد اش وقاع ..؟

كملت روعة بنفس الوتيرة لكن هاد المرة شافتليه فعينيه مباشرة :
- غوت عليا وقالي بأن هاد الحفلة هي فالحقيقة فخ.

تأكد جبل ان كلامها صحيح هاد المرة لأن عينيها لمعو بالدموع حتى ان صوتها تغير لشخص قراب يبكي .. وكملت وهي كاتحاول تحافض على رباط جأشها :

-فواحد اللحظة ... سمعنا صوت الرصاص ... بسرعة هاري شدني من يدي ودخلني من تحت السرير بزز مني وحدرني باش ماندير حتى شي صوت ...وكأنه كان عارف شنو غادي يوقاع من بعد ...

توسعو عيون جبل وداكشي لي كان باغي يعرف هاهو كايسمعو على لسانها ... قرب منها بسرعة .... شدها من يديها بجوج وقال بصوت غليض وحاد :
-كملي شنو وقاع من بعد .

تألمت روعة من الشدة ديال يديه لقوية وهمست بألم:
- بارون راك قصحتيني فدراعي.

تدارك جبل نفسو وطلق منها وحاول يسيطر على نفسو لكن فضولو فديك اللحظة كان فوق إدراكو :
-واخا .. سمحيلي .... كملي ومن بعد شنو لي وقاع؟

تراجعت روعة للخلف باش تبعد على وجهو لي كان لاصق فيها وقالت بعد صمت قصير :
- فواحد اللحظة دخلو شي رجال ... ولي قدرت نعرف ان واحد منهوم سميتو "إيزيك"

غير سمع جبل سميت إيزيك تصدم ... قرب منها بسرعة وكذلك شدليها فدراعها بجوج لكن كان حريص باش مايقصحهاش وقال بصوت مبحوح:

-شنو قالو ؟؟... علاياش كانو كايدويو ؟؟ سربي نطقي .
ردت عليه بسرعة وخوف من تصرفو المخيف وقالت بصوت كايرجف :

-ماعرفتش ... والله ماعرفت ... انا كنت خايفا بزاف لدرجة ماقدرتش نسمع شنو كايقولو مع صداع ديال الرصاص لي كان لتحت ... لكن لي ميزت هو كلمة نهاية حياتك وعطيني سي دي لكن هاري كان مقصح راسو وكايرد عليه بفضاضة حتى لواحد لحظة حتى شفت جوج ديال رجال طاحو للارض وتبعهوم هاري حتى هو ....

تصدم جبل صدمة عمرو فاش سمع كلمة السي دي خارجة من فمها ... إذن الكاريبي فراسهوم موضوع السيدي وروعة أكدت ليه شكوكو ... شاف فيها وقال بسرعة .

- ومن بعد ... اشنو وقاع من بعد اروعة .

خافت روعة من ملامح وجهو المخيفة وكانت مدركة ان هاد الموضوع جاد بالنسبة ليه فقالت وهي كاتحاول تسترجع دركياتها .
- أنا كنت تحت السرير وكنت كانشوف غير رجلين داك الشخص وهو كايضور وسط الغرفة وكايسب ويلعن وكنت كانشوفو كايلوح لحوايج على الارض وكنت كانسمعو كايقلب فالأدراج لكن يبدو أنه مالقى حتى حاجة وخرج ... ومن بعد أنا خرجت من تحت السرير وكنت خايفا بزاف خرجت كانجري من الغرفة وتسللت لواحد المطبخ وخرجت منو للحديقة الخلفية ومن بعد نقزت من فوق السور وهربت لكن فطريق طلاقيت معاك ونتا يحسابلك بلي أنا لي قتلت هاري ... ولكن أنا كانقسم ليك والله ماقتلتو .

طلق منها جبل وتراجع للخلف وغمض عينيه مخلي قدامو روعة لي سترجعت كل ديك الذكريات الكارثية وبدات كاتبكي بحرقة وهي كاتفكر الرصاصة لي ختارقت جمجمة هاري امام عينيها ... خبات وجهها خلف يديها وبدات كاتبكي وتشهق ..

شاف فيها جبل وتنهد بحسرة وهو كايحرك راسو يمين وشمال وكايمسح على وجهو بيديه بجوج ... على راسو وشاف فيها ثم قرب منها وقال بصوت هادئ:
-علاش كاتبكي دابا !؟

حيدت يديها على وجهها وشافت فيه بعينيها الحومر وقالت وهي كاتشهق وتبكي :
-رصاصة ختارقة راس هاري قدام عيني ... ماكنتش قادرة ندير حتى شي حاجة باش نعاونو ... كنت محشيا تحت السرير بحال شي فأر خواف ... كان خصني ندافع عليه لكني ماقديتش .... خفت بزاااف ...

وغطات وجهها بيديها وكملت بكائها وجسمها كايتهز مع شهقاتها ... قدر جبل يحس بيها وبقات فيه حيت شافت شخص تقتل امام عينيها الأول مرة ... شهقاتها فكروه فأول مرة غادي يشوفها كاتبكي بحرقة فوق يخت الجوهرة من بعد ماماتت بنتها وشعر بالحنين لداك النهار لي ماغاديش يتكرر من جديد ...

قرب منها بنفس الطريقة وجرها عندو بيديه وعنقها وردد نفس الكلمات لي قالهوم داك نهار على مسامعها :
-هذا قدر الله ...لا أرض ... ولا مال ... ولا بيت يرد الباب فيه ...

وعلى كلماتو شهقت روعة واطلقت العنان لدموعها وهى متكيا بجبهتها على صدرو وسادة فمها بيديها بجوج... وقالت بصوت مبحوح :
-من داك نهار وانا عايشا فالكوابيس ... هداك المجرم لي سميتو إيزيك ديما كانشوفو كايحاول يقتلني فكل مرة كانحط راسي على لوسادة ... وليت كانكره الليل وكانخاف من ضلام وكانكره النعاس وليت فاش كانعس كانحس براسي وكأنني مانعستش وكأنني نتقلت لعالم اخر كلو جحيم .

رفع جبل يديه ومسح على راسها بهدوء وهمس بصوت حنين :
- شووو صافي ..

تداركت روعة نفسها وبعدت عليه وهي كاتمسح فدموعها وقالت بحزن ...
- لو كان بيدي كيف ندير ماكنتش غادي نتردد .. كنت غادي ندافع عليه بكل قوتي ... لكن ماقديتش نخرج عندهوم وهوما هازين السلاح ...

تنهد جبل ودار يديه فجيب سروالو وهو كايشوف فالأرض ثم ضار وشاف فرجالو لي كانو مجموعين بسلاحهوم بعيد وقال بصوت حازم :
-مازال مامشاش الحال ... ومازال عندك الوقت باش ترجعي حق حبيبك لي مات وتنتاقمي لروحو المغدورة

كان باغي يشوف ردت فعلها إلا كانت فعلا كاتبغي هاري غادي تحمس والى لعكس غادي تختلق الأعذار لكن ملامح روعة كانت مصدومة من شي لي قال وتمتمت فنفسها "اويلي أشمن إنتقام ؟؟ هادشي لي بقالي" ...
مسحت دموعها بباطن يديها وقربت منو وقالت وهي كاتشوف فضهرو :

-كيفاش البارون ... اشنو كاتقصد !
ضار لعندها وشاف فيها بنظرة تفحصية وقدر يلمح الإستنكار من ملامحها فإبتسم بهدوء وقال :
-تبعيني

خلاها جبل واقفة مصدومة موراه وحرك رجليه وزاد لعند رجالو ... بينما هي بقات واقفة موراه وكاترمش فعينيها بدهشة وهي كاتقول :
- اويلي تفكيت من فضولو غير بزز ودابا سيد باغيني نتاقم لروح هاري لمغدورة ... واش واحد يلوح راسو للعافية وتاني تشخد فيه ... مالي يانا ياربي على هاد زهر لمكوز ..

إبتسم جبل بهدوء فاش سمعها وهو غادي بينما هي عوطت حوايجها وقادت شعرها بيديها بسرعة وتبعاتو وهي كاتمتم بغيظ:
-ياسعدي يافرحي... المزغوب من حد حتى ليلة عرسو قصيرة ... لالة مَليحة وزادتها الترويحة بقالي غير لإنتقام .

توقف جبل فجأة فاش خطرت على بالو حاجة مهمة لكن روعة كانت كاتبركم وغاديا موراه حتى دخلت فضهرو وتراجعت للخلف بإحراج وهي كاتقول :
- احم .. سمحلي ماشفتكش .

ضار لعندها جبل ببطئ وشاف فيها بنظرة وترتها فقالت وهي كاترفع حواجبها بإستغراب :
- ياك لاباس

تقدم جبل لعندها وهو كايشوف فيها بنظرات قاتلة خلات روعة تتراجع للخلف مع كل خطوة كايديرها جبل لعندها حتى إصدم ضهرها مع شجرة كبيرة ... قرب منها جبل أكشر وحاصرها بيده لي حطهوم على الشجرة وقال بصوت مخيف :

- أشنو لي وقاع بيناتكم نتي وهاري قبل مايدخل إيزيك .

إبتسعت ريقها بتوتر وهي كاتشوف فعينيه ثم قالت :
- راني قلت ليك كولشي ... شنو بغيتي تعرف بالضبط .

مد جبل يديه ولمس شفايفها بأصبع الإبهام ثم قال بصوت رجولي مبحوح ومثير :
- واش باسك !؟

ثم غمزها بطريقى خلات عيون روعة يتوسعو بصدمة وبغات ترد عليه بجواب يناسبو لكنه كمل بهمس وهو كايقرب من شفايفها ببطئ :

- واش دار ليك بحال هاكا !.

كانت غايتو يستفزها باش الى كانت مخبية عليه شي حاجة تقولها لكن هي تخنقات والنفس مابقاتش قادرا طلعو من ريتها حتى قرب يلمس شفايفها بشفايفو وهي دفعو بغضب وقالت :

- بزاف عليك ... كاع لي وقاع بيناتنا هو كيف قلت ليك غوت عليا .. ومن بعد دفعني باش ندخل من تحت سرير ومد ليا الحقيبة ديالي وقالي ...

سكتت شويا كاتفكر شنو قالها حتى إسترجعت دوك الكلمات لي ماسمعاتهومش مزيان من غير الهضرة لي قالها توصلها لتاليا حاولت تتفكر شنو قالها اخر حتى تفكرت بعض الكلمات وقالت :
- مد ليا حقيبتي وقالي .... بين يديك شي حاجة وعصابة والله ماعرفت شنو اخر واقيلة سر !!!..

سكتت شويا وكملت وهي كاتحاول تتفكر بينما جبل توسعو عينيه بصدمة كايتسناها بفارغ الصبر تكمل :
- بلاتي خليني نجمع افكاري اسي جبل بعد عليا شويا راك كاتوترني .

بعد عليها جبل بسرعة وقال :
- حاولي تفكري مزيان اروعة اشنو قال ليك ... هاه ! .. واش تفكرتي دابا !!؟ .

ضيقت روعة عينيها وهي كاتشوف فالاشئ وقالت بصوت عميق :
- بين .. يديك ... سر ... لأكبر ... عصابة ... إجرامية... فالعالم ... إلى لقيتي ... داكشي... ماتعطيه لحتى شي واحد مكاتيقيش فيه ... بغيتك تعطيه لـ..

سكتات روعة وشافت فجبل لي كان وجهو صفر من شدة الصدمة من الشئ لي سمع ... إبتسم بدون شعور وقال وهو كايقرب من روعة بفضول :
- لـ لشكون كملي اروعة كانسمعك !!.

هزات روعة راسها بالنفي وقالت :
- من بعد سمعنا لباب كاتهرس من الخارج وماكمليش الهضرة .

تمسك جبل بيديها بجوج وقال بفضول وبحماس :
- فين هو عطيه لي ... هاري كان باغي يقول ليك سميتي أنا .
توترت روعة من حماس جبل وقالت :
- ماعرفتكش علاياش كاتهضر ؟؟

إبتسم جبل بأمل وقال بصوت حنين وهو كايشوف فيها بعمق :
- سي دي اروعة .. هاري عطاك نتي سي دي فاش تأكد بلي غادي يقتلوه .

خافت روعة تحطم أملو وتهدم إبتسامتو السعيدة لكن هادشي لي قال ماشي صحيح وماكانش عندها شي حل من غير أنها تقول لي كاتعرف :
- لا ماعطاني حتى حاجة كانقسم ليك ... وانا ماخديت من عندو والو الحقيبة لي عطاني ليدي فقط أقسم بالله .

إختفت إبتسامة جبل لكن مع ذالك رجع إبتسم بأمل وقال :
- قلتي الحقيبة ... فين هي ؟؟... اكيد دار ليك سي دي فيها ياك ؟!.

تنهدت روعة وكرهت داك الموقف لي تحطات فيه ... يبدو ان هاد سي دي مهم لجبل .. لكن منين غادي تجيبولو !؟ فقالت بإستياء :
- لا ... لا ... ديك الحقيبة راك شفتيها اسي جبل صغيرة بزاف ماغاديش يتلف فيها سي دي ... أنا فاش رجعت لداري خويتها ومكان فيها حتى حاجة من غير تلفوني كانقسم ليك بالله .

تعصب جبل وقال بصوت شيطاني وهو كايبرك على اسنانو بغضب :
- ولكن مايمكنش هو كيفاش غادي يوصيك على سي دي ومن بعد مايعطيهلكش ؟؟؟.

تنهدت روعة باش تسيطر على أعصابها وقالت بهدوء :
- يمكن مكانش عندو الوقت باش يعطيه لي !! .. راه دوك لمجرمين هرسو الباب فاخر لحظة حتى هضرتو ماكملهاش .

دفعها جبل بقوة حتى ضربت ضهرها مع شجرة وغوت بغضب :
- مستحيل عطاك سي دي وكاتكدبي .

تألمت روعة من ديك الدفعة وقالت بغضب وهي كاتغوت :
- كانقسم ليك بالله ... وحياة ماما لي راها بين الحياة والموت إما كانكدب عليك اسي جبل ... هاري ماعطاني حتى شي حاجة و الحقيبة كانت خاوية أقسم برب السماوات السبع ...

تسمر جبل كايشوف فإنفعالها وكان ملاحظ الصدق فكلامها ... روعة مدركة تماما انها فخطر ولو فعلا كان سي دي معاها مكانتش غادي تخبعو عليه ... اشنو لي وقاع بالضبط كيفاش ماعطالهاش سي دي ومع ذلك وصاها عليه زعما مايكونش قدو الوقت وفاجئو إيزيك قبل مايلحق يعطيه ليها ؟؟ ... واش بصح يعني هادشي لي وقاع !! ... نفض راسو من دوك الأفكار وزمجر بغضب :

- اللعنة ... اللعنة ... تفووو ... ديك العصابة لي قلت ليك اروعة عند بالهوم بلي سي دي عندك هدا علاش هوما حاطين عليك العين ... باغين ياخدوه منك .

تصدمة روعة من شئ لي قال جبل وحست بمعدتها كاتحرقها من شدة الخوف وقالت بصوت ضعيف وخايف :
- وشنو فيه هاد سي دي باش غادي يبغيو يقتلوني اسي جبل !؟ .

شاف فيها جبل بهدوء فاش لاحظ الخوف والألم من نبرة صوتها لكن مع ذلك هي خصها تعرف حجم المشكل لي هي فيه فتنهد و قال :
- فيه معلومات خطيرة لي غادي تقدر تنهي ديك العصابة ودمرها ... هذا علاش هوما حاطين عليك باش ياخدو منك سي دي اروعة .

مابقاتش قادرا تصبر وبدات كاتبكي بحرقة ... عايشت مصائب كحلة فحياتها وفاش وقفت على رجليها رجع القدر عطاها ضربة وطيحها للأرض ... لكن دابا كيفاش غادي تقدر تنوض من جديد :

- أنا ماقادراش نصدق هاد لموصيبا لكحلة لي طحت فيها ... ياربي واش ماقدني فيل زادوني فيلة .. اش هاد زهر لي عندي اش هاد زهرررر .

غوتت بيها روعة بغضب وبدات كاضور فبلاصتها بتوتر وخوف تحت أنظار جبل لي تنهد باش يسيطر على أعصابو وتمتم بصوت منخفض :
- ياربي صبرني .

ورجع فكر أن روعة مسكينة غير غاديا فرجلين .. الانتربول كايقلبو على السي دي واسد ونورسين كايقلبو على السي دي وهو كذلك والكاريبي ... وهاد سيدي فالأصل ماكاينش لاعند روعة ولا عند لكاريبي .. اذن فين غادي يكون واللعنة ؟؟ ... لكن كل مكان كايفكر فيه فديك اللحظة أن روعة خصها توكد وتعرف عدوها من صديقها ...

قرب جبل من روعة وقال بصوت جاد :
- روعة ... من هاد نهار غادي يتبدل كل شئ ...

شافت فيه روعة بعينين فازكين بالدموع لي خلاو قلبو يتقطع عليها لكن مع ذلك وكمل وهو كايضور باش يمشي :

- تبعيني ..

___________

نهاية الفصل :

الفصل 32 / BARON "كانبغيك"

2018-10-30T09:24:00.001-07:00

قرب جبل من روعة وقال بصوت جاد :
- روعة ... من هاد نهار غادي يتبدل كل شئ ...

شافت فيه روعة بعينين فازكين بالدموع لي خلاو قلبو يتقطع عليها لكن مع ذلك وكمل وهو كايضور باش يمشي :
- تبعيني ..

مسحت روعة دموعها بيديها وتبعاتو بخطوات متهالكة حتى وصلو للمكان لي كانو فيه الرجال .. إستغربت روعة من داك المكان على قدر جمالو وخضارت عشبو إلى أن الأهداف لي كانت معلقة فالأشجار المصطفّى بإنتضام كانت غريبة ولا الأسلحة المتنوعة لي كانت فيدين الرجال لي كانو كالسين وكاينضفوهوم وضاير بيناتهوم حوار بين الجدية والضحك ..

لاحظ جبل أن رجال كايتمتمو ويشوفو فيه هو وروعة ويضحكو بمكر ورجع شاف فأرولف لي بسرعة قلب وجهو ودار راسو مشغول فتنظيف سلاحو وهمس بصوت منخفض :

- سكتو البشار راه غادي يعيق بينا كانهضرو فيه .

سكتو كاملين ونطق علي مورو بأسف:
- غادي يبقا فيا عصام مسكين ... من ديما وهو معجب بروعة لكن هي كاتحسبو بحال خوها .. اللعنة على زهر عندو .

شاف فيه دانيال وقال بصوت منخفض :
- اصلا سي جبل هو لي كان كايعرف روعة من قبل عصام وسمعت بلي هو لي نقدها فاش كانت قريبا تموت ووفر ليها خدمة مع ختو حتى وقفت على رجليها يعني هو فنظرها البطل المغوار .. واش ماعاقلينش فاش أول مرة جات لفيلة كونتيسا كيف كانت نفسيتها .. وعصام كانت هي وياه كيف القط مع لفار ومن بعد مدة عاد قدرو يتفاهمو ومن هنا نقدرو نفهمو علاقتهوم لي ماشي وليدة اليوم .

إبتسم إبراهيم بولوط وهو كايشوف فروعة وقال بإستهزاء:
-فنظرك أنثى روضت أسد غادي ترضى بخروف كايحني راسو عند الأسد .

شافو فيه كاملين بغيظ فقلب إبراهيم عينيه بملل وقال:
- مالكوم كاتشوفو فيا هكا ؟!.. ماقصدتش نقلل من شأن عصام ولكن راه هذا هو لواقع ...

إبتسم أرولف وقال وهو كايشوف فجبل وروعة لي كانو كايهضرو بهدوء :
-إبراهيم عندو لحق والله وكون شفتو كيف كان كايبوسها قبيلة والله ماتصدقو أنه جبل عرفتي باس ليها كرشها بطريقة فشكاال ومن بعد باس ليها يديها وتكلم بواحد صوت ماعمري سمعتو كايهضر بيه وقال ليها .. واش مازالة عاقلة على الذكري لي خليت ليك فاليخت ... بست ليك يديك بنفس الطريقة وقلت ليك إحتفضي بيها للذكرى .... وهذا دليل على ان علاقتهوم كانت باديا من قبل ادراري ولكن فالخفاء .

همهمو الرجال وكلهوم كانو مصدومين من جبل الشيطان السوري لي تحول لقطعة سكر دغيا داب فكافيين روعة لكن الحب يصنع المعجزات .

قلب جبل عينيه بغيظ من رجالو لي كانو كايتهامسو وكايشوفو فيهوم لكن تجاهلهوم وضار عند روعة وقال :
- غادي نعلمك اليوم كيفاش تنتاقمي لحبيبك .

علات روعة عينيها الدبلانين فجبل وقالت :
- هاه ... كيفاش .. لا بلاتي ... هو راه مات الله يرحمو وانا لاش غادي نتاقم !! .. لبوليس دابا يشدو داك لمجرم لي قتلو ماتخافش .

إبتسم جبل بسخرية وإن كان جوابها يدل على شئ فهو يدل على أنها ماكاتبغيش هاري وهاد النقطة دخلت الراحة على قلبو وحب يتسلى بأعصابها شويا باش يخفف عليه أثر صدمة السي دي لي ماعرف إنا جايحا ضرباتو ... جبد المسدس من خصرو وحطولها فيديها وقال :

- غادي نعلمك كيفاش تستخدمي المسدس بإحترافية باش تولي قوية .

توسعو عينيها بدهشة وهي كاتشوف المسدس بين يديها وبسرعة لاحتو فالأرض وقالت بتوتر .
- ااام ... بارون انا ... انا مافطرتش وكانحس بالدوخة ... فيا جووووووع

ضاهريا جبل كانت ملامحو باردة لكن من داخل كان كايضحك وماكرهش يطير عليها يبوسها بسبب لاطافتها وخوفها من المسدس ... لكن ماشي مشكل غادي يسايرها ويديها على قد عقلها ... ضار جبل عند الرجال وقال بصوت مرتفع .

- ياشباب ... فين هو لفطور ؟.

حط أرولف داكشي لي كان فيديه و ناض وهو كايقول :
-راه جبناه معانا اسيدي .

تجمعو الرجال كاملين كايفطرو بالماكلة لي جابوها معاهوم من ڤيلة كونتيسا لكن روعة بعدات عليهوم وكلسات تحت واحد الشجرة كبيرة وتضرقت تحت ظلها باش تفكر فالموصيبا لي أخيرا إستوعبت حجمها وكلام جبل كايضور ليها وكايصفر فودنيها وكايتردد صداه ...

حقنت نفسها بالأنسولين الضروري لجسمها ثم كلات حتى سالات و هزت بين يديها عصير الفريز كاتشرب فيه بكل هدوء وهي كاتحس بعيون جبل مركزين عليها من بعيد لكنها حاولت تتجاهل أمرو ... وهي كاتفكر فموصيبتها حتى قاطعها صوت إشعار رسالة وصلتها ... جبدت تلفون من جيبها ولقات الرسالة من " السيد المجهول " إبتسمت غير شافتها وفتحتها بسرعة ...كان مكتوب فيها باللغة العربية

" اكرهها وأشتهي وصلها وإنني أحب كرهي لها ..أحب هذا اللؤم في عينيها ... وزورها إن زورت قولها"

إختفت إبتسامتها بعدما قرات دوك الأسطر ... شعرت وكأن الكلمات مستقصدينها ماشي مجرد كلمات شعرية للشاعر نزار قباني هي راها كدبت على جبل فعلاقتها بهاري وزورت قولها ... بقات كاتشوف فالرسالة وحتارت واش ترد عليه ولا تتجاهل الرسالة ..لكنها قررت تجاريه وتكتب لهذاك الغريب كلمات لطالما حرقتها :

"الأشياء التي إكتشفت حقيقتها بعد فوات الأوان تؤرقني ، ليس لأني لم أفهمها مسبقا ولا لأنها تتسبب في وجعي ... إنما لشفقتي على قلبي المغلوب على حظه والذي دائما يدفع ثمن إكتشافاتي "

عملت إرسال للرسالة وشافت فجبل لي كان كالس بعيد عليها لكنها إستغربت فاش شافتو جبد تلفونو من جيبو وإبتسم وهو كايشوف فيه وفكرات أن هادي ماغادي تكون غير ليليا لي سيفطت ليه شي ميساج عامر بالحب الرخيص باش هو كايبتاسم هاكا ... باااينا قالت ليه اجي عندي الليلة راني موجدا ليك عشاء رومنسي وليلة حمراء ... قلبت عينيها بعدم إهتمام وتمتمت بغيظ :

- أصلا غير خليه يمشي عندها تفك شويا من داك الكبت لي كايعاني منو ويبعد عليا أنا .

ماعرفتش علاش حرقها قلبها من شي لي قالت حست بالغيرة لكنها حاولت تتجاهل الأمر وجبدت تلفونها كاتلعب لعبة لحل لألغاز حتى وقف عليها جبل بطولو المهياب وقال :

- إلا ساليتي من التفلية نوضي تكعدي

علات راسها وغير شافتو ناضت بسرعة وتقادت معاه فالوقفة وقالت بغيظ :
- بلا شنيت الله يخليك .

شاف فيها بإنزعاج ثم مد يديه الرجولية وتمسك بيديها وجرها موراه حتى وقفها فنقطة ووقف موراها وقال ...
-شوفي فداك الهدف ...

ضارت روعة وشافت فيه بإستفهام .. على اي هدف كايدوي هذا؟؟ ... ثم ضارت شافت فالرجال ومن بعد شافت فدون ماركيز لي غمزها وإبتسم حتى شعرت روعة بالخجل وإبتسمت ليه ...

وقفو كولهوم فصف واحد وبين يديهوم السلاح فقاطع نظراتها جبل وهو كايقول بغيظ :
-عزيز عليك لغميز !!

شافت فيه روعة بصدمة لكنها كدبت ودنيها وقالت:
-كيفاش ؟؟

رد عليها وهو كايطلع ويهبط فيها :
-شفتو غير غمزك ونتي تحماري .

‏شافت فيه روعة بقلة حيلة وإستغربت منو حيت ولا حاضي حتى تعابير وجهها لكنها فضلت ماتجاوبوش باش مايخصمش داكشي لي بقى من راتبها ... قاطع جبل نظرتو المنزعجة وصول الدكتور ياسين وهو كايقول بصوت مرتفع ....

-انا جييييت ... سمحولي تعطلت عليكوم

شافت فيه روعة بصدمة ورجعت شافت فجبل وقالت:
-واش ماشي قلتي ان ياسين مسافر لأستراليا !؟

قلب جبل عينيه بملل وقال:
-كدبت عليك

عقدت روعة حواجبها بإستهجان .. حيت مافهمت والو ثم ربعت يديها وشافت فيه وقالت:
-وعلاش ؟؟

رد عليها جبل وهو كايقلب فعينيه :
-‏حيت مابغيتكش تبقاي مع رجل عزري ساكن بوحدو ...

ماعرفتش علاش حست بالتسلية وهي كاتشوف فعينيه لي كايبانو منزاعجين وكأنه طفل صغير حصلاتو ماماه كايكدب عليها ...
-إذن حتى قضية الجنون لي فدار عصام كدوب ؟! .

تنهد جبل بغيظ وجبد المسدس من خصرو وحطو ليها فباطن يديها وهو متمسك بيها ثم قال بإنزعاج:
-بصح ... عصام عندو جنون فدار ... ولي قلتولك خصك تصدقيه حيت انا القائد ديالك ... واخا نقولك الكرة ارضية مسطحة غادي تيقيها بسيف عليك .

هاد الهضرة لي قالها جبل كلها ماهتمتش ليها قدما كانو بلابز عينيها خارجين فالمسدس لي بين يديها ...
-اشنو هاد شي ؟؟

رد عليها جبل بسخرية :
-خرية بلاكريم .

علات عينيها شافت فيه بغيظ وقالت :
-حاشاك ...لكن اشنو غادي ندير بهاد السخط لي عطيتيني ؟

شاف فيها جبل بغيظ وقال :
-‏اولا هذا ماسميتوش سخط ... هذا هو حياتك ... كلما اثقنتي إستعمالو كولما حافضتي على عدّاد عمرك ..

ردت عليه روعة وهي كاتشوف فالمسدس بإشمأزاز :
-‏ولكن انا اش دخلني فهادشي انا قادرة ندافع على حياتي بلا بيه

ضيق فيها عينيه وكأنه كايقول ليها " باااينا " لكنها غوتت فاش تيراو الرجال بمسدساتهوم فدقا ناحية اهدافهوم فقلب جبل عينيه بغيظ وضار لعندها شاف فيها بغضب وقال :
- علاش غوتي ؟

تراجعت روعة للخلف وتمتمت بصوت خايف وقالت:
-سمحلي البارون ولكن مانقدرش ... الصوت ديال رصاص كايخلعني

ضحك عليها دانيال لي كان واقف بجنبها وكذالك ياسين ودون ماركيز وبدا واحد يقولها لواحد حتى وصلت ليهوم كاملين وبداو يطنزو عليها

دانيال: ويلي با ... صوت رصاص كايخلعني هاهاها

دون ماركيز : شوف ليها شي كاتم صوت اولد ختي هاهاها

الدكتور ياسين: اوه يامامي ... تكايسولي على الاكريم😛

مورو علي : نتي مايصلاح ليك غير لكوزينة هه

بولوط إبراهيم: حاولو ليها على المشاعر ادراري😒

حست روعة بالدخان خارج من ودنيها .. كايطنزو عليها!! واخا هاهوما غايشوفو ....غادي تفكر كل واحد فمصائبو باش يتعلمو يطنزو عليها مرة خرا .

-دانيال ... نسيتي نهار لي ضربك عصام حتى بلتي فسروالك ...

خنزر فيها دانيال وقلب عينيه ... ماكرهش ديك اللحظة يعضلها لسانها .. بسببها تفرشخو عليه بالضحك كاملين... فكملت روعة وهي كاتشوف فدون ماركيز بمكر

-سي دون ماركيز .. الزعرة الروسية عيطتلي داك نهار .. سمعو ادراري ... قالك توحشات النمر ديالها .. فاش قلتلها شكون هو هاد نمر وهي تقولي بالروسية داؤؤؤد بن إيران هاهاهاها...

تفرشخو دراري بالضحك وها لي بدا يغمز فيه ويتمسخر عليه وها لي شد فكرشو وبدا يعيطلو "حبيبي داؤؤد" لكن هو كان داير فيها شوفة ديال واحد مصدوم 😟 من حد حتى جبل غلباتو الضحكة وعطاهوم بالضهر وبدا يضحك باش مايشوفوهش وطير الهيبة ديالو لكن كتافو لي كانو كايتهزو مع الضحك كانو فاضحينو .

شافت روعة "فـ علي مورو" وبغات تفكرو بزبايلو لكنو قلب الضورا وهرب باش ماتلسقش فيه ورجعت شافت فبولوط إبراهيم بمكر وحتى هو هز المسدس ديالو وبدا يتيري فالهدف باش واخا تهضر مايسمعوهاش ... وبقالها واحد ... "ياسين" إبتسمت بمكر وقالت :

- يــــاســــيــــن ..

دار فيها ياسين شوفا ديال "انا مزاوگ" حيت إلا هضرات اول موضوع غاتجبدو هو موضوع أسيّة .... حلت فمها باش تهضر لكن جبل قاطعها فاش قرب منها ودفعها باش ترجع لبلاصتها ثم وقف موراها حتى تلسق مع ضهرها بطريقة خلات الرعشة تجري من راسها حتى لأخمص قدميها وشدليها فيديها بجوج لي كانت ماسكة بيهوم المسدس ووجههوم ناحيت الهدف وهمس فودنيها وهو كايبتاسم بسخرية على لسانها الطويل :

- الا بغيتي تكوني قويا ... تعلمي كيفاش تحاربي بوحدك.

ضارت براسها وشافت فيه بجنب عينيها وقالت بخفوت:
-انا ماغاديش نكون بوحدي ... ياك واعدتيني انك غادي تحميني

إبتسم جبل بهدوء وهو خلفها ثم همس فودنيها :
- انا عند وعدي ولكن نتي خصك تسدي فمام هاد لبغولا لي كانو كايضحكو عليك عاد قبيلة

شافت فيهوم روعة وخنزرت ثم قالت بعزم وطاقة جديدة :
- مدام عندي ضواسا لموسخين ديالهوم مكاينش شي واحد لي يقدر يتجرء عليا .

قلب جبل عينيه بملل وحرك راسو يمين وشمال بقلت حيلة من هاد لعفريتة مولات لسان طويل ثم وضع صبعو على صبعها فوق الزناد وضغط بقوة حتى خرجات الرصاصة وغوتت معاها روعة وضارت لعند جبل عنقاتو بخوف ...

شافو فيهوم الرجال وبداو يتغامزو على منظرهوم وشي كاينغز شي باش يشوفو داك المنظر لي كايأكد ليهوم نظرية علاقتهوم حتى تنحنح الدون ماركيز بصوت مرتفع عاد بعدت روعة على جبل وهي كاتحس بالحرج وقالت بصوت خافت وهي كاتحاول ماتشوفش فعيون جبل :

-سمحلي البارون ... كانواعدك صافي ماغاديش نغوت راه غير حيتاش جيتيني على غفلة.

حاول جبل مايبتاسمش وهو كايشوف فرجالو مطرطقين عينيهوم فيه فشاف فيهوم بغيظ وقال ...
- مكانشطحوش لقرودا هنا ... ديوها فشغالكوم .

ضارو الرجال بإحراج وكل واحد تشغل فالهدف لي قدامو ثم ضار جبل وعلا أكمامو ثم قرب عند روعة ووقف من موراها بنفس الطريقة ومد دراعو وحط صبعو على صبعها لكن عيون روعة لمحت وشم على دراع جبل فمكان الوريد وكان مكتوب بالعربية إسم "ليليا" حست بالقهرة وفكرت أن جبل كان كايبغي حبيبتو حتى لهاد الدرجة باش يوشم إسمها فدراعو لكن قاطع تفكيرها جبل لي همس فودنيها بخبث:

- واش ماعمر حبيبك هاري ماحاول يعلمك كيفاش تشدي المسدس؟!

حست روعة بالسخرية فكلامو وكانت متأكدة من اللحظة لي كدبت عليه بشأن علاقتها بهاري أنه غادي يبقا شادها فيها حسيفا حتى يندمها على النهار لي فكرة فيه تكدب عليه ويكرهها فشي حاجة سميتها هاري .... لكنها تجاهلت سؤالو وماجاوباتوش حيت مابغاتش صداع ... لكن ردت فعلها خلات إصرار جبل يزيد ...حنى عينيه فعنقها ثم إبتسم بخبث وقال :

-واش حبيبك هاري...

طبع قبلة هادئة على عنقها من الجنب حتى توسعو عيون روعة من شدة الصدمة وكمل ...
-واش عمرو ماباسك بحال هاكا .. واش عمرو شعر بالرجفة ديال جسمك تحت يديه؟؟

تحسس رقبتها بأنفو وكمل بهمس رجولي ..
-واش عمرو خلاك تتأوهي تحت رحمت شفايفو بحالي أنا ؟

فاض كأس صبر روعة و ضارت بسرعة حطتليه المسدس فجبهتو وشرارة الغضب كاتطاير من عينيها ... صافي زاد فيه ... تراجع جبل للخلف وهز يديه بإستسلام وهو كايبتاسم بخبث قبل ماينتابهو رجالو لي شهقو من قوة الصدمة مامصدقينش الشئ لي كايشوفوه قبالتهوم لكن فاش تداركت روعة الموقف وحست بالعيون مركزين عليها رمات المسدس من يديها للأرض ومشات كاتجري ناحية الشجرة لي كانت معلقة فيها الفيست ديالها.

هزات الفيست ولبساتو بغضب وضارت باش تمشي بحالها فخطرا لكنها تساطحت مع جسم جبل لي كان واقف ليها بحال الحيط ... شافت فيه بغضب وكحزات بغات تمشي لكنه شدها من دراعها ورجعها لبلاصتها فين كانت واقفة قبالتو وقال بسخرية :

‏- علاش تقلقتي؟؟... حيت هضرت ليك على حبيبك؟؟

قربات روعة من وجهو بتحدي وقالت بغضب:
- مليون مرة غادي نقولك أنا ماشي عاهرة ... سير فرغ الكبث ديالك فشي حيوان حسن ليك أما حتا بنادمة مانصحكش بيها

حركت رجليها باش تمشي لكنه رجع شدها من دراعها ورجعها لبلاصتها وقال:
-تقلقتي حيتاش بستك ؟ ولا حيتاش ذكرتليك حبيبك؟

شافت ليه فعينيه بغضب وقالت:
- بجوج ... ماعرفتش شنو الأفكار لي مجمعهوم عليا فدماغك ... برغم انني مادرتلك حتى حاجة ولا اديتك ... حياتي الشخصية كاتبقى ليا اما باش تستغل الأفكار الخبيثة لي فدماغك وتتحرش بيا فكل مرة تشوفني غير لأنك معتقد انني عاهرة ... فأنا مانسمحلكش كاتفهم ...

شاف فيها جبل ببرود مستفز وقال:
-عاد قبيلة بستلك كرشك وماهضرتيش وماتقلقتيش بحال دابا ... اشنو لي تغير .... ياكما كاتعجبك الخلوة اانسة روعة . واش كان خصني فكل مرا ننفرد بيك فبلاصة خاوية عاد نبوسك ..كانضن داكساع ماكنتيش غادي تنفاعلي وتعصبي بحال دابا...

بقات غير مصدومة قدامو بسبب كمية الوقاحة لي نطق بيها مع كل كلمة خرجها من لسانو ... وكمل :
-واش هاري كان كايستمتع بهاد الجسم المثير لي كانحلم بيه انا كل نهار ... اشنو لي كان عندو هو وماعنديش أنا باش ماقبلتيش بيا برغم من انني عرضت عليك فلوس كثيرة هاري مايحلمش حتى بنصفها...

ماقدرتش ... ماقدرتش تستحمل وغلبوها الدموع بسيف عليها ... لكن جبل ماشي هادشي لي كان متوقع منها ... هو ظن انها غادي توضع ليه حد كيف ديما فاش كايستمتع بإستفزازها ...ولا غادي تهجم عليه كيف قبيلة لكن فاش شاف دموعها عرف راسو أنه عيق وزاد فيه .هذا لاش حل فمو باش يهظر وقال:
-روعة ...

لكنها قاطعاتو وقالت بصوت منخض لا يخلو من الغضب والتأنيب

-إياااك...ماتنطقش سميتك على فمك ... لو في يوم من الأيام ظنيتي ولو شويا ان لحظات الضعف الي كانمر بها ، ولحظات الإنكسار الي كاتواجهني هي ... هي سبيلك وفرصتك باش تستغل ضعفي وتفرض علي قوتك فأنت مخطأ ،....تفكر مزيان أن الجْبل ماشي في كل الحالات جْبْل لكنه كايبقى جْبْل وكايبقى قوي ...ولأن القوي لو ماكترتش الامور في حياتو مكانش غادي يتعلم كثر .. ولأنني أنا مع كل مشكلة كانكسب قوة اكبر ، ومع كل سقطة كانوقف وأنا أقوى من الأول ومع كل هزة .... كانستوعب أنني مازال كانسبب مشاكل عويصة لعقليات كثيرة ،...

قربات منو كثر ووضعت صبعها السبابة على صدرو وعلات راسها فيه بغيظ وكملت وهي كاتبرك على سنانها بقوة:
-لحظات ضعفي كاتخصني بوحدي ولحظات قوتي كاتخص الجميع ، عنداك فشي يوم من الأيام تشوف الجبل مكسور وتظن أنك تقدر تطلع عليه بسهولة الجْبْل كايبقى جْبْل .... وعلاقتي مع هاري مكاتهمك فوالو ... انا كنت كانبغيه ... عرفتي علاش !!! حيت كان كايحتارمني ولأنه هو من الأصل كان إنسان محترم ...

ضربت فكتفو وتخطاتو ومشات مخلياه مندهش من شئ لي قالت ... ضار لعندها وتبعها بعينيه حتى وصلت للمسدس وهزاتو من الأرض ووقفت بكل قوة ورزانة ووجهاتو لناحية الهدف ...خدات نفس كبيير وكتماتو فريتها ثم ضغطت على الزناد للمرة الاولى والثانية والثالثة والرابعة حتى خلات كاع الرجال حالين فمهوم فيها ومامصدقينش ان لي كايشوفوها قدامهوم هي روعة لي عاد قبيلة كانت كاتغوت بالخوف من صوت الرصاص

إبتسم جبل بهدوء وربع يديه لصدرو وهو كايشوف فيها ثم قال بصوت خافت :
-ولأن الألماس أصلو فحم ... فكان ضاروري نصقل الفحم مزيان باش نخرج ألماسة الشجاعة لي فقلبك اروعتي ...

تنهدت بإبتسامة جانبية مثيرة وكمل بصوتو الرجولي
-لا شكرا على الواجب .

تكى بضهرو على الشجرة لي كانت موراه وهو مربع يديه وحاضيها من بعيد كيفاش كان ياسين واقف معاها كايوريها كيفاش تبدل مخزن الرصاص وكيفاش تعمرو وترجع تركبو ... ثم كاترجع للهدف لي قبالتها وتفرغ فيه كل الرصاص بمهارة مكانش متوقعها منها بالرغم انها لأول مرة غادي تشد المسدس فيديها .

مشا هز مسدس وحداخور وقرب منها بخطوات واثقة ووقف فجنبها وبدا كايتيري فالهدف لي قبالتو حتى إنتبهت ليه ... شافت فالهدف ديالو وكانت كل رصاصة مختارقة خط من خطوط الدائرة بينما هدفها هي مازال خاوي ...

بقات كاتشوف فيه بغيظ لكن هذا مكايمنعش انها تتعلم منو شويا ديال المهارة ... فرقت رجليها بحالو ... ورفعت ضهرها بحالو ثم مدت يديها بنفس طريقتو وشافت كيفاش رافع راسو وعاقد حواجبو ومركز ....

كان جبل منتبه ليها وكان فرحان فالداخل ديالو لأنها كاتحاول تقلدو لكن مابغاش يبين وحافض على هدوؤ وركز فالهدف وحتى هي دارت بحالو وشافت فالهدف ديالها وسددت الطلقة الأولى ...جات فأخر خط فالدائرة وفرحات بزاااف ... رجعت تيرات للمرة الثانية والثالثة وكانت فكل مرة كاتجيبها فواحد من الخطوط لي فالدائرة لكنها ماصابتش اهم شئ ولي هي النقطة لي فالوسط....

شاف فيها جبل بنظرة خاطفة وقال بصوتو الرجولي وهو كايعاود يعمر المخزن ديالو بالرصاص :
-أهم شيء هو أنكي ماتبينيش خوفك ، لأن عدوك لي غادي يبزز عليك تتراجعي غادي يخاف منك فديك اللحظة بالضبط لي ماغاديش تتراجعي فيها....

شافت فيه روعة وإبتلعت ريقها بتوتر ... لهجتو القاصحة لي تكلم بيها خلاتها تراجع الكلمات لي قالتهوملو قبيلة... فنظرها هو يستاهل ... ولكن هو البوس ديالها والخلصة فيديه فأي لحظة ينقص منها ...

شاف فيها جبل وهو كايرجع المخزن للمسدس وقال بجدية:
- شفتي ديك النقطة لكحلة لي فالوسط ...

همهمت روعة بمعنى "نعم" وكمل جبل ..:
-هي فوهة مسدس إيزيك لي موجهو ليك مباشرة باش يقتلك ... واش غادي تخليه..

حركت روعة راسها بالنفي ثم كمل جبل وهو كايقول بصلابة:
-إذن تغداي بيه قبل مايتعشى بيك

أومأت روعة برأسها ثم رفعت المسدس ناحية الهدف وركزت بعينيها مزياااان ثم ضغطت على الزناد وفلمحة بصر إخترقت الرصاصة النقطة لي فالوسط ..
إبتسمت روعة بسعادة ثم شافت فجبل وضحكت لكن جبل تنهد بهدوء وضور وجهو ... حست فديك اللحظة أنه مقلق منها لكنها كاع ماهتمت ليه لأنها كانت فرحانة بإنجازها العضيم ... وطز فيه.

مر الوقت على التدريبات وتغداو فالطبيعة وتدربو حتى على الحركات القتالية الجسدية وروعة كانت كاتجنب جبل ومكاتبغيش تقرب منو وهو كان مخليها على خاطرها ... كانت فأغلب الأوقات كاتدرب مع دون ماركيز لي كان كايموت عليها بالضحك وعلى حركاتها وفاش كايعصبها كاتبدا تجبد ليه فضواسة لموسخين ديالو حتى كايشبعو عليه ضحك باقي الرجال وكاتبتاسم هي بمكر وإنتصار .

رجعو لڤيلة كونتيسا حتى لـ خامسة ديال لعشية ومشا كل واحد لغرفتو باش يرتاح ... دخلت روعة وغسلات جسمها من أثار العرق والتعب وجبل نعس من شدة التعب حتى دارت 8 مساء عاد فاق بينما روعة ماهبطاتش للأسفل بقات فغرفتها كاتفكر فموصيبتها لكن باش تنسا بدات كاتقرا فرواية "أنتيخريستوس" وشاعلة التلفازة على قناة عربية لكن كاتمة الصوت وطالقة موسيقى ملحمية فتلفونها باش تساعدها على دخول عالم بطاقات الألهة و الشياطين السبعة .

بينما جبل كان كايتمشا فالممر بخيلاء حتى وصل لغرفتها ووقف فاش سمع ديك الموسيقة الغريبة .. كانت الباب ديال الغرفة مامشدوداش مزيان بحيث أن جبل قدر يلمحها وهي ناعسا فوق سريرها يالمقلوب ومعليا رجليها فالحيط وشعرها الأحمر منسدل براحة على السرير . دفع الباب غير بشوية وتكى بالجنبو على جنب الباب وبقا واقف كايشوف فيها بهيام وهي كاتحرك رجليها لي كانت لابسا فيهوم تقاشر فاللون الأسود مرسوم عليهوم هيلو كيتي فاللون الزهري وكاتلعب بيهوم فالحيط وهادو حركات كانو كايعاونوها على التركيز مع لكتاب .

بقا جبل كايشوف فيها وأبدا ماملش من مراقبة حركاتها اللطيفة .... ماكرهش يدخل عندها وينعس حداها ويقرا ليها الكتاب بصوتو حتى تغفى وتنعس وسط حضنو لكن قاطع تأملو صوت خطوات جاين من بعيد فبسرعة مد يديه وسد الباب بهدوء وتمشا فالممر حتى خرج فالخادمة تيماء لي غير شافها إبتسم لها بهدوء وهي كذلك بتاسمت ليه وقالت :
- ولدي حبيبي ... كنت جايا باش نقولك تهبط تعشا راه طبلة واجدا .

قرب جبل وباس ليها راسها وهو كايقول :
- الله يحفضك اميمتي ... قولي لروعة تجي تعشا معايا .

ردت عليه تيماء بإستنكار :
- ولكن أولدي روعة من المفروض تاكل مع الحراس ياك هي ولات لحارسة ديالك !!.

إبتسم جبل وقال وهو كايقرص تيماء من خدها بلاطافة :
- روعة هي حارسة قلبي اخالتي .

خلاها كاتشوف فيه بإندهاش وحرك رجليه هبط للطابق الثاني ..دخل لصالة الأكل ولقى الطبلة واجدا وعليها المؤكولات لي عزازين عليه ومنهوم الحريرة المغربية ... ربع يديه لصدرو وكلس كايتسناها حتى تجي تونسو فالعشاء بما ان تاليا مكايناش .

ثواني ودخلات تيماء بكريشتها سابقاها وقالت وهي كاتقرب منو :
- بلاتي نغرف ليك لحريرة اولدي .

شاف جبل من موراها وتسنى روعة تدخل لكن والو ورجع شاف فتيماء وقال بإستفهام :
- فين هي روعة ؟!

ردت عليه تيماء وهي كاتغرف الحريرة فالزلافة :
- اااه ياولدي هاد بنات ليوم حماقو ...

رفع جبل حاجب واحد وقال بإستنكار:
- علاش مالها ؟!

ردت عليه بغيظ وهي كاتحط ليه زلافة حداه :
-قالك دايرا ريجيم ... اشنو ماشنو حست براسها بدات تغلاض وكرشها خرجات وسروالها مابقاوش كايجيو قدها .

قلب جبل عينيه بملل وتسنا حتى مشات تيماء وتمتم بغيظ :
- ريجيم !! واش عندك صحة ديال ريجيم الحمارة ... نتي غير ينفخ عليك لواحد طيحي .

تنهد بغيظ وهز لمعلقة باش يبدا ياكل .. لكن مادازتلوش بوحدو وهو ينوض من بلاصتو ... طلع مع دروج كايخلف بدل الدرجة جوج حتى وصل لغرفتها ... دق جوج ديال لمرات لكن ما من مجيب ... تعصب حيت كاتجاهلو هاد لحمقة الغبية باغيا تلعب ليه على الأعصاب وهو يحل الباب بهمجية وحل فمو باش يغوت لكن تسمر فبلاصتو فاش لقا الغرفة مضلمة وهي ناعسا ...

كانت تعبانة ... فاقت مع 6 ديال صبح والتدريبات خلاوها بسرعة تغط في نوم عميق لدرجة إلى طبلتي حداها ماغاديش تحس بحتى حاجة ... سد جبل الباب وحرك رجليه للداخل متوجه للمصباح الصغير لي حدا السرير وشعلو باش يقدر يشوف جميلته النائمة بوضوح .

تحنا على ركابيه باش يتقابل معاها ثم إبتسم على إثر منظرها اللطيف وهو كايقرب يديه لوجهها .... حرك بعض الخصلات المشاغبة من على خدها ثم قال بصوت مرتفع :

- روعة ... روعة نوضي تعشاي

لكن مكان حتى شي ردة فعل منها بقات ناعسا وأنفاسها منتضمة بهدوء ... تأكد جبل أن التعب نال منها و غلبها ورجعت الإبتسامة إستوطنت ملامحه الرجولية ... إقترب منها ببطئ وطبع قبلة على رأسها ثم بعد شوية وهمس :

-قالتلي العصفورة إنو حبيبتي زعلانة مني همم... أشنو درتي فيا ياهاد البنت حتى ولات هوايتي المفضلة هي مراقبتك ومن بعيد ومن قريب .. فصبح جرحتك بهضتري عارف وسمحيلي أعمري ....

بقى كايشوف فيها بهدوء ثم كمل بهمس وهو كايشوف فشفايفها :
- خليني نكفر على ذنبي العضيم ياروعتي .

قرب من شفايفها من جديد وسرق قبلة صغيرة وكمل بهمس وهو كايبتاسم :
- تقبري قلبي ... رجعتيني حَرامي بعز الليل بسرق من شفايفك بوسات وكأنهم ألماسات ... لكان خليني صير غني واسرق كمان من جواهرك ياروعتي ..

قرب من شفايفها وخطف قبلة غمض عينيه على إثرها ثم كمل بهمس :
- دخيل ربك ودخيل عيونك النعسانة ودخيل قلبك ودخيلي أنا على هالقلب المريض بحبك ...

قرب منها وخطف قبلة صغيرة من خدها وكمل بهمس:
-كانبغيك ... ولك بحبك بحبك بحك يامجنونة بحبك أنا ... دخيلو الزعلان شو بحبو وبحب تكشيرتو وصوتو الغضبان ... ولك حتى صوتك المزعج أصبح وكأنو موسيقى بالنسبة لإلي ... ياحمارة ... ياحمااارة أنا بحبك وليك .

____________
نهاية الفصل :

الفصل 33 / BARON "عبثا أيها الخائن"

2018-10-30T09:24:00.000-07:00

___________

للإشارة شخصية صوفي استلهمتها من وحدا من روايات تميمة نبيل لعزيزة عليا فحبيت شخصية من شخصياتها تعيش داخل روايتي واخا ماغاديش تلاقي نفس المصير حيت كل وحدا و دورها المختلف .. لكن تميمة نبيل عزيزة عليا بزاف هي وروايتها وحبيت شخصية من شخصياتها تعيش داخل لبارون واخا غير بدور صغير ... فترجمت هاد الفصل وحولت البطلة لصوفي كتكريم لديك الكاتبة الرائعة .... لكن واعيييدها راه ماشي نفس القصة غير هاد الفصل ... راه روايتي بفكرتي الخاصة وقلتها ليكوم باش ماتقولوش راني شافراها من شي حد عاود اللهم نبرء دمتي ..

كان بإمكاني ندير احداث اخرى للقاء صوفي وعصام لكن فضلت انني ندير نفس لحدث باش نعرفكوم على هاد لكاتبة الرائعة الرواية سميتها "طائف في رحلة ابدية " وهي رواية مصرية كانتمنا تعجبكوم

___________

منزل عصام / الساعة 06:00 صباحا

كيف العادة وديما كايجي الصبح باش يقول لينا انه كاين يوم جديد وامل جديد او ... كارثة جديدة

في منزل عصام لي مكايبعدش بزاف على ڤيلة كونتيسا ... كان مازال ناعس وهو في مرحلة النوم العميق لأنه نعس حتى للرابعة فجرا ... مارجعو من برشلونة هو وتاليا حتى لـ 3 ديال صبح وعاد مشا لدارو ونعس .

صوت جرس الباب دوى فالمنزل بشكل مزعج ... تململ عصام في فراشو بانزعاج لكن الجرس رن من جديد بطريقة خلاتو يشتم ويسب فالشخص لي جاي عندو على الصبح ..

استقام من فراشو وبعثر شعرو الطويل بعشوائية ثم توجه للباب وهو مغمض عينيه وعاري الصدر لابس غير سروال ديال القطن فاللون الرمادي وحافي القدمين ...

تسائل مع نفسو على الشخص لمريض لي هدد هدوء صباحو ... فتح الباب بقوة وحل فمو باش يتكلم بصوت مرتفع وبطريقة فظة إلا أن لسانو تبلوكا وعقد حواجبو وهو كايشوف فالبنت لي واقفا قبالتو رافعة وجهها ليه بهدوء وكاترمش بعينيها .

هي ماشي بــــــنت ... هي تقدر تقول عليها طفلة ... لا عندها ديك 11 لعام 12 ... وعيونها كايلمعو بتعالي عجيب وثقة فوق طولها .
كانت فارقة شعرها فالنصف على شكل جوج گرينات مضفورين , فكرو لون شعرها بلون خشب شجرة الأرز بني أشهل بينما عيونها بلون البحر .

تمالك عصام نفسو وحرك راسو يمين وشمال وهو كايديق فعينيه وكايحاول يستوعب وجود ديك الطفلة على باب دارو فهاد الوقت من صبح .... فقال بصوت متمهل وبطئ
- صباح الخير واش غلطتي فالعنوان ابنتي؟

رفعت البنت راسها شافت فيه بغيظ من كلمة "بنتي" ثم قالت بين شفايفها الكرزيتين بكل رزانة :
-واش ماشي هو هذا منزل عصام الهاشمي ؟

تعلاو دابا حواجبو بجوج ... الى انه سيطر على إستغرابو وقال ببطئ شديد وهو كايراقب ملامح وجهها الثابتة
- اه ... انا هو ... وشكون نتي اانسة.

ردت عليه بابتسامة ديبلوماسية وقالت:
- انا ... صوفي .

هز عصام راسو ثم قال ببطئ اكثر :
- اوكيي ... اهلا صوفي تشرفت بمعرفتك ... تقدري تقوليلي اشنو سبب زيارتك الكريمة ؟

تأملها مزيان فاللحظة لي سولها فيها ، عندها رزانة وثقة فالنفس أثارت اعجابو فديك اللحضة لي كانت واقفة كاتشوف فيه بكل جرأة بلا ماتحني عينيها بخجل على الأقل من منظر صدرو العاري ، فعادتا شكله الخشن كايخلع الأطفال لي هوما فسنها لكن هي مختلفة .

قالت صوفيا بتملل وهي كاتعدل يد حقيبة ضهرها :
- جيت باش نشوف بابا

لعدة لحظات بقى عصام مسمر وكأنه ماسمعهاش حيت ماتهزات حتى شي عضلة فوجهو المتلبد .... ثواني وطلقها بضحكة بصوت عالي وهو كايطل فالممر يمين وشمال على الله يبانليه شي حد مخبي ثم قال بتسلية :
- اوكي شكون مول هاد المقلب ... دانياال ولا ابراهيم ... بلا شك هادي روعة .

بقات صوفي غير كاتشوف فيه ببرود وماتحركاتش من بلاصتها وهي عاقدة يديها لصدرها وهو كان قريب منها وكايقلب براسو على هاد المشاغبين لي باغين يطيحوه فالفخ

اختفت ضحكاتو فاش مالقى حتى واحد والممر كان هادئ
شاف عصام فصوفي ورفع حواجبو وقال باستهزاء :
- اوكي اصغيورة ... سالا وقت اللعب ودابا جا الوقت باش تقوليلي شكون نتي ... فاعصابي غير على سبة ومزاجي مكايسمحليش نلعب مع لبعالك ... شكون نتي وشكون هاد لمريض لي سلطك على بابي على الصبح!!
‏
رفعت صوفي وجهها وقالت بغرور زائد:
- الى عرف بابا انك كاتهضر معايا بهاد الطريقة غادي يجري عليك من خدمتك ... هذا علاش احترم نفسك قبل مانعيطليه حيت غانعيطلو دابا الى ماخليتينيش ندخل لهاد الخربية لي كاتسميها دار ، حيت عيت وانا هازة هاد الشانطة التقيلة فوق ضهري.

كان عصام كايشوف فيها بدهول من وقاحتها لي ماعمرو شافها على بنت فسنها الا انه تمسك باخر درجات الصبر وقال باستهزاء:
- الجيد فالامر هو انني ماشي هو بابا

ضحكت صوفي بسخرية وقالت:
- وكيفاش غادي يكون برهوش بحالك أب لبنت فسني ... واش حماقيتي ... لا باينا حماقيتي .

تصدم عصام من صراحتها المستفزة الى كان هو برهوش إذن هي شنو!... تحنى عندها وقال بدهول ساخر:
- استسمح منكي يا مولات العقل الديناميكي ... عذرا لسياتكِ الموقرة

تنهدت صوفي في محاولة الحفاض على هدوئها ثم قالت بتعب
- واش ماغاديش دخلني...؟ الطريق من فالينسيا لابيزا طويلة بزاف ... وبابا غادي يشكرك بزاف الى تهليتي فيا على مايجي يديني .

قال عصام بجدية وهدوئ:
- وشكون هو هاد باباك؟
شافت فيه صوفي بشك وقالت:
-وشكون غادي يكون فنظرك يافهيم! ... داوود بن كيران .

تسمر عصام فبلاصتو وهو كايشوف فيها بصدمة قبل مايعقد حواجبو وقال بخفوت
- سي دون ماركيز عندو بنت وحدا ...سميتها...
قاطعاتو وهي كاتقول بهتاف:

-صوفيا ... ولي هي انا صوفي.
إبتسمت صوفي بإبتسامة جانبية وكملت كاتقول بحدة وإنفعال وهي معليا فيه حواجبها :
-ودابا ...واخا دخلتيني وتكرمتي بشويا ديال (الشهامة) من فضلك فمعاملة مرأة بحالي هازة شانطا تقيلة

عقد عصام حواجبو أكثر وقال بإستنكار :
-مرأة!! ...نتي مرأة ... بينما أنا برهوش !!!

ردت عليه بغيظ وهي كاتبرك على أسنانها :
-مرأة ونصف و بسيف عليك البرهوش.

هي فعلا كانت كاتختابر صبرو ولكن هو بلا مايضيع الوقت خرج وبدا كايقلب براسو يمين وشمال على الله مايشوفوهش الجيران مدخل لدارو ديك الموصيبة لي طاحت عليه من السماء ويطيحو عليه تهمة التغرير بالقاصر ...

بدوون مقدمات شد عصام الحقيبة لي كانت معلقة فضهرها ورفعها هي ومولاتها وجرها للداخل وهي كاتغوت بغيظ باش يطلقها .إلا أنه سد الباب موراها بلامايطلقها متجاهل غواتها.
-طلق مني الباشار ... اشنو كايحسابلك راسك كادير!؟

طلق منها عصام وتكى على الباب وربع يديه لصدرو وقال ببرود:
-كنت كانحاول نبين شويا ديال (الشهامة) لسيادتك بحمل شانطتك الثقيلة

عوطت صوفي ملابسها بغضب حتى أن وجهها تزنك ولا حمر وقالت :
-تهز الشانطة بوحدها ... ماشي وأنا معلقة فيها

ماردش عليها بقا غير كايشوف فيها والحق يقال أنه بدا كايحس بشويا ديال الحماس والتسلية رغم خطورة الموقف الكارثي لي طيحات راسها فيه .
كانت عفريتا صغيرة بوجه حمر مزنک وكبرياء ونضج فايق عمرها ولكنو أجبر نفسو على الكلام بهدوء وهو كايشوف فيها كاتحيد الشانطة من فوق اكتافها وتحطها على الأرض

-مبدأيا وكانعتاذر على التطفل ... سميتك هي صوفيا.

رفعت وجهها ليه وقالت بفضاضة:
-سميتي صوفي

رد عصام ببرود مستفز بلاما يتحرك من بلاصتو وهو كايطلع ويهبط فيها :
-امممممم لا سميتك صوفيا ..حيت أنا لي صوبتليك عرام ديال لوراق الرسمية قبل مانتشرف بزيارت سيادتك ..فبلا ماتنكريش

قلبت صوفي عينيها بغيظ وقالت:
-هاد سميا ماما لي ختارتها لي ومكاتعجبنيش ، مكانبغيش لي يفرضها عليا ...صحباتي كلهوم كايعرفوني بإسم صوفي وحتى نتا غاتناديني صوفي اوكي.

رد عليها عصام ببرود:
-سمعا وطاعة الالة صوفيا

قلبت عينيها بملل ودخلات ... كانت كاضور فالدار براحتها وكأنها دار باها قبل ماتلاح على الأريكة وتنهدت بتعب .... رجعت راسها للخلف وغمضات عينيها .
بلاتي واحد الدقيقة .. إلا كانت هادي هي صوفيا بن كيران ... وبما أنه يالاه سالالها شي وراق ماشي من وقت بعيد بخصوص مدرستها ..فإذن هي ..

عقد عصام حواجبو وسولها فجأة بإرتياب :
-شحال فعمرك بالضبط؟؟

فتحت صوفي عينيها بإرهاق وشافت فيه بعدم إهتمام وقالت بملل :
-إلا كنتي نتا هو البطل الخفي عصام الهاشمي لي مكلف بأوراقي فالخفاء ... فأكيد راك عارف شحال فعمري .

رد عليها عصام بشك:
-من المفترض أن العام الجاي غادي يكون عندك الباك كاينا ولا لا ...

قلبت شفايفها بملل وقالت :
-لعام الجاي غادي تكون عندي الجامعة اسوبر هيرو وهذا كايعني أنني على أبواب لـ 18 ...تقدر تقول أنه باقيلي غير 10 أشهر وجوج سيمانات وربعيام وخمسة ديال الساعات وربعين دقيقة وخمسة ثواني

رفع عصام حواجبو بصدمة وقال:
-لي يشوفك يعطيك غير 10 سنين .

ضحكت صوفي بسخرية وقالت:
-اوكي ... هادي هي أكثر نكتة بايخة سمعتها لحد الأن ... واش عندك مشكل فالنظر .

شعر عصام بالغيظ منها وقال بإستهزاء:
-هذا على أساس ان سن 18 كايشكل شي فارق ... نتي مازالة برهوشا ... وفيك لبسالة بزاف .. نتي من داك نوع ديال لبراهش لي كايبغيو واليديه يغرقوه حي غير يتزاد

شعر بعينيها كايتوسعو من شدة الغضب ... حتى أنه حس بعينيها تغرغرو ... وشحال بغا فديك اللحظة يضرب راسو على ديك الهضرة الغبية لي قال
حلت صوفي فمها بطريقة وكأنها غادي تردليه الإهانة مضاعفة إلا انها صدماتو فاش قالت :

- إذن أحسن حاجة ديرها باش تريح راسك من بسالتي هي تعيط لبابا باش يجي يديني

غمض عصام عينيه بقوة وضغط على أنفو بعصبية وهو كايحاول يفكر فهاد الكارثة وكيفاش غايتعامل معاها
-بلاتي ... بلاتي ، الأمر ماشي بهاد السهولة .. خصنا نهضرو أولا

قرب منها وكلس على المقعد المجاور .. وخدا شويا ديال الوقت وهو كايتأملها ... خدا نفس عميق وغاضب وحل فمو باش يهضر لكن صوفي سبقاتو وهي كاتقول:
-واش غادي تكلس حدايا بصدرك عريان بهاد الشكل ...ماعندك ماتلبس ونتا كاتستقبل ضياف فدارك

تسمر عصام للحظات وحنا راسو وشاف فالمنظر ديال صدرو لي كان بالفعل عاري ...فناض بسرعة ورفع يديه كايبعثر خصلات شعرو الطويلة بعشوائية وقال بصرامة
-ربما كون كانو الضياف مصوابين كون خداو موعد قبل مايجيو ..بقاي هنا .. دقيقة وغادي نرجع ليك

ناض بسرعة ولتافت باش يمشي لكنه رجع شاف فيها وقال بتهديد:
- عنداكي تحركي ..

شافت فيه بتملل وقالت ببرود:
-وكأنه عندي فين نمشي.

شاف فيها عصام بغيظ ثم قلب الضورة ودخل لغرفتو وزدح الباب بقوة عن قصد باش تسمعها ، ثم تكي على الباب وتنهد وهو كايمسح وجهو بيديه وكايفكر فشي حل لهاد المصيبة لي تسلطت عليه.
______________

ڤيلة كونتيسا الساعة 6:30 صباحا

كانو أقدام عارية كاتمشى بالحس فممر الطابق الثاني ديال ڤيلة كونتيسا ... الهدووووء وهادي 8 ديال صبح ... تسللو دوك الأقدام خطوة خطوة حتى وصلو لباب غرفة روعة ودخلو دوك الرجلين وسدو لباب بالحس.

كانت روعة ناعسة بهدوء والغرفة استعمرتها خيوط الشمس الذهبية ... طلعو دوك الرجين فوق السرير وانقض الجسم على روعة وبدا كايدغدغها ويضحك .

حلت روعة عينيها وهي كاضحك بسبب الدغدغة لي كاتحس بيها وغير شافت فوق منها تاليا قرصتها حتى غوتت وتلاحت على السرير حداها وهي كاتقول بتذمر :

-اااي ... عيب عليك بغيت غير نفاجئك زعما ...

ضحكت روعة وهي كاتحك عينيها بكسل وكملت تاليا وهي كاتقول بحماس :
- واش بصح داكشي لي سمعت ... غادي تولي ساكنة معانا فڤيلة كونتيسا .

إبتسمت روعة ومررت يديها على خصلات شعرها وهمست :
- امم غير مؤقتا... شكون قالها ليك .؟

ردت عليها تاليا وهي كاتبتاسم ...
- خويا لي قالها ليا ... ولكن تعصبت فاش قالي ان علي مورو هو لي غادي يولي يوصلني فعاوطك ؟؟ واش مابقيتش باغيا توصليني اروعة؟ ... واش تقلقتي فاش خبيت عليك علاقتي بهاري ؟.

إختفت إبتسامة روعة غير سمعت إسم هاري ... تنهدت وناضت من على السرير بتكاسل وقالت بسخرية وهي كاتزول بيجامتها .

- لا بلعكس ولكن جبل عرض عليا نخدم معاه ... وزادني فالخلصة اما داك خالك لمقشاش حلف مايزيدني سانتيم ... وانا قلت اشنو اجي نضرب الحديد ماحدو سخون ونربح خدمة جديدة مع نفس لوجوه هاكا ماغاديش نبقا نتفرق عليك ، علي مورو يحضيك برا وانا نحضيك لداخل ... كاين ماحسن من هاد الخنقة ؟

ضحكت تاليا بتصنع وقالت بوهن وهي كاتنوض :
-هه لا مكاينش ماحسن منها ... ولكن فرحت حيت غادي تبقاي معايا نتونس معاك شويا ... واخا غادي نضطر نتحمل داك علي مورو ديال الزفت وهضرتو لخاوية .

شافت فيها روعة فاش حست من صوتها انها مازالة ماخرجتش من غيمة هاري ... تنهدت بهدوء وقالت:

- حبيبتي تاليا ... هاري..

لكن تاليا قاطعتها وهي كاتقول بوهن:
- مابقيتش بغيت نسمع اسمو ... بغيت نساه اروعة .. بغيت نخرجو من عقلي .

أومأت روعة بتفهم وكملت تاليا وهي كاتبتاسم بتصنع :
- سربي لبسي حوايجك وهبطي نفطرو أنا وياك غادي نتسناك لتحت اوكي .

ردت عليها روعة بهدوء :
- اوكي .
________________

منزل عصام 🏡

لبس عصام تيشرت فاللون الزيتي الغامق ووقف قدام الباب ... خدا نفس كبير باش يهدئ نفسو ثم فتح الباب وخرج ....

كانت صوفي كالسا فبلاصتها كيفما خلاها لكنه وقف مصدوم فاش شاف شنو حاطا على الطبلة ... كانت حاطة علبة فيها الفرماج وطرف ديال الخبز يابس وكاتاكلو بكل هدوء

رمش عصام بعينيه باش يتأكد من داكشي لي كايشوف ثم قال بصوت جاف :
-هاد الخبز دازت عليه سيمانة!!

ردت عليه صوفي بلامبالات وهي كاتمضغو بصعوبة!
-هادشي لي كتاشفتو ..تقدر طرق بيه لمسامر فالحيط ، ولكن الجوع كايخلي بنادم ياكل حتى لحجر

ضم يديه لصدرو وقال بغيظ:
-ونتي اشنو كاتعرفي على الجوع ابنت دون ماركيز
هزت كتافها وقالت ببساطة وهي كاتحشي ففمها طرف ديال الفرماج كولو

-لي عارفاه هو أنني فيا الجوع لدرجة تخليني ناكل هاد الفرماج المنتهى الصلاحية

قفز عصام من بلاصتو بسرعة وهجم على العلبة ديال الفرماج وحيدهالها من يديها وهو كايشوف فتاريخ الصلاحية .. وفعلا كان منتهى الصلاحية من ثلاثة ايام فرماها بعيد وقال بهتاف
-بزقيه ... بزقيه دابا .. يالاه حلي فمك

الا انها هزت فيه عينيها وكملات المديغ بكل بساطة ثم قالت بهدوء:
-ماتخافش .. الشركات كايديرو تاريخ صلاحية اقصر من التاريخ الحقيقي .. يعني مازال ليه شي سيمانة عاد يولي سام ديال بصح.

رفع عصام يديه ومسح وجهو بغيظ وقال بهتاف:
-يااربي... منين طاحت عليا هاد الموصيبة تاني

إلا أنها ماهتمتش لغضبو وعضات طرف أخر من الخبز اليابس وقالت ببساطة:
-ماشي بزاف وغادي نختافي من حياتك لمرونة ... غير علاما يجي بابا يديني.

تنهد عصام ثم غمض عينيه لعدت لحظات قبل مايرجع شعرو للخلف بيديه بجوج في محاولت تهدأت نفسو ثم جر كورسي وكلس قبالتها .. تسند يمرفقيه على ركابيه وعلى راسو باش يشوف فيها ...بادلاتو نفس النظرات بكل هدوء ...
عصام فواحد اللحظة كان مضطر يعتارف ان عينيها هوما اجمل عيون فيروزية شافهوم فحياتو
‏
‏تنهد ثم قال بصوت لطيف وهادئ
‏-صوفيا...

‏قاطعاتو بهدوء:
‏-صوفي

لكنه تجاهلها وشدد على حروف إسمها وقال:
-صوفياااا....سمعيني مزيان اصغيورة ... باباك تافق مع ماماك باش تبقاي معاها من بعد الطلاق ... فكيفاش تهورتي وتصرفتي بهاد الرعونة ... واش قادرا تخيلي حالت القلق لي غادي تكوني سببتيها لماماك فاش غادي تكتاشف غيابك .

قالت صوفي وهي كاتمضغ الخبز اليابس مصدرة صوت القرمشة بغير إكتراث:
-اه عارفا تماما ...ماما تزوجات وهي دابا فشهر العسل فطوكيو واخر همها هي انا

تنهد عصام بعمق ولكنو قال بصرامة :
- مكايهمنيش ... نتي ماخصكش تتصرفي بهاد التهور واش متخيلة شنو كان ممكن يوقاع ليك فالطريق!!!

ردت عليه صوفيا بتحدي وعينيها كايلمعو:
-اولا انا فعمري 18 لعام ثانيا ... انا عارفا مصلاحتي فين كاينا ومستحيل نضر نفسي.

تأفف عصام بصوت عالي وهو كايحك فشعرو بنفاد صبر ... وكانت صوفي كاتشوف فيه ثم قالت فجأة
-علاش مطول شعرك بحال لبنات؟ .. علاش مكاتقطعوش؟

جاوبها بفظاظة وبصوت وقح:
-كنت راجل ... ودابا وليت مرأة... واش فخبارك .. كون كان شي حد اخر فبلاصتك والله مكان يفلت من البونية ديال يدي هاد صبح ... فحمدي الله وشكري اسم بَّاكْ

ماتهزت حتى شي عضلة فوجهها دليلا على الخوف منو كيف كان كايتمنى ... بقات كاتشوف فيه بصمت .. فقرر يستخدم اسلوب اخر واكيد كايجيب نتيجة مع البنات كاملين :

-وزايدون لاش معصبك شعري ..حيتاش رطب ... ونتي شعرك حرش كايشبه لسلوكا ديال نحاس

تضلمو عينيها .. وتحول لون وجهها فجأة فتكى عصام على الكرسي بتفاخر ودار رجل على رجل وقال فنفسو :
-أخيرا غلبتك

رفعات صوفي حاجب واحد فيه وقالت :
-الرجلة ماشي بشعر .

رفع عصام حاجب واحد بحالها ورد عليها بتحدي:
-ولكن الأنوثة بيه كاينا ولا لا ؟!

بقات ساكتة واحد الشوية ثم قالت:
-عندك نظرة سطحية بلا قياس على لبنات اسي عصام

هاد المرة هو لي تضلمو عينيه وتنفس بحنق ثم قال بصرامة:
-ماعلينا من هاد المواضيع .. خلينا نرجعو لموضوعنا ..

الا انها قاطعاتو وقالت بإهتمام
-شنو هو السبب ديال الكدمات لي كانو فصدرك قبيلة

رفع عصام حواجبو بتفاجئ ... اش هاد البنت الغريبة مولات عيون اليمامة .. عادتا كايقولو ان الناس لي عيونهوم ملونين كايكون النظر عندهوم قليل لكن .. يمكن خصهوم يعيدو النظر فهاد القضية .

لكنه جاوبها بهدوء:
-كانروض الخيل

مافيه مايشرح ليها ... اش غادي يقولها انه كان كايدرب مع جبل قبل ثلاثة ايام وهاد الكدمات سببهوملو جبل كيما هو تسببليه فكدمات فجسمو ..

-بصاح .. كاتروض الخيل ..فين؟؟

قلب عينيه بملل من حماسها الزائد وقال بإستخفاف :
-فالغابات وأدغال أفريقيا

خنزرت فيه صوفي فاش عرفت أنه كايتبهلل عليها ... تأفف عصام وقال بخشونة:
-حطي داك الخبز من يديك.. هانا غادي نطلب ليك شي حاجة من برا تاكليها

ردت عيه صوفي بسرعة وهي كاتبتاسم بهدوء:
-لا مكاين لاش نعدبك

ابتسم عصام بسيف عليه ثم قال بخفوت:
- غادي تعدبيني كثر ملي كاتصوري إلا مارجعتيش منين جيتي... حطي داكشي غادي نطلبلك ماتاكلي ومن بعد نوصلك للمطار

استقامت من چلستها فجأة ولمعت عينيها بالرفض وقالت :
-كايبانلي مافهمتينيش .. انا ماغاديش نرجع لعند ماما ابدا .. انا بغيت نعيش مع بابا وغادي نبقى معاه

تكى عصام براسو للخلف وتنهد بقسوة ويأس قبل مايرفع راسو وقال بقسوة :
-دخلت عليك بالله .. فقتاش اخر مرة شفتي باباك فيها

بقات كاتشوف ليه فعينيه بصلابة ثم قالت ببرود:
-شفتو جوج ديال المرات واخر مرة كانت قبل 7 سنين

تنهد عصام وقال بلهجة دات معنى:
-خلال 18 لسنة شفتيه بحرا جوج ديال المرات .. شكون لي قاليك انه غادي يقبل التغير دابا

بقات صوفي كاتشوفليه فعينيه بصمت ...قدر عصام يلمح نظرة الألم فعينيها ... لكنها نجحت فإخفائها بسرعة ومهارة وتحدي ... هذا لاش قالت بقوة :

- هذاك وقت .. وهذا وقت ... هو ماجاتوش فرصة باش يتعرف عليا ... انا واثقة أنه إلا طلاقيت معاه .. غادي نقدر نقنعو بطريقتي ... كما انني متفوقة فدراستي وانسانة رياضية يعني انا مثال للإبنة المثالية لي يقدر يتمناها

رد عصام بسرعة قبل مايعطيها فرصة التبرير:
-هو ماعندو مايدير بالمثالية ، عايش حياتو بطريقتو .. اذا علاش غادي يحمق راسو بمسؤوليتك طالما انه سمح فيك هاد السنين كاملة

كان فظ وقاسي ومكايعرفش معنى العطف فكلامو ...ولف من ديما يقطع العرق ويسيل دمو على انه يبقا يلف ويدور ... ربما صوفي غادي تألم شويا ... لكن هذا افضل ماتبقا عايشا فأحلام واهيا ماغاديش تتحقق....الا انها كاع مايأست وقالت :

-حتى شي واحد مكايختار ولادو .. انا بنتو وهادشي ماشي بيدو ... بسيف عليه غادي يتقبلني

غمض عصام عينيه بيأس ثم قال بهدوء:
-سمعيني ... باباك تكفل بيك وأمن ليك حياة مرفهة تتمناها اي بنت وحداخرا فنفس سنك وعندك ماماك معاك ...اذن علاش باغيا تتجاهلي كل داكشي وتتشبتي بحاجة صعيبا ...

بقات صوفي غير ساكتة وحانيا راسها كاتلعب بأصابعها بتوتر ثم قالت بصوت خافت:
-انا مازال متاحتليش الفرصة باش نقنعو بنفسي ... هو ماخلاليش رقم تلفونو باش نتاصل بيه ....الوصول ليك كان اسهل من الوصول ليه لقيت رقم تلفونك وعنوانك عند ماما ... بينما هو والو ...كايدير بيناتنا الحواجز فكل مرة باش مانقدرش نشوفو ... الا انه عارف تماما بلي الا طلاقاني غادي يقتانع بيا ... ولكن هو ماباغيش

بقا عصام غير ساكت وكايشوف فيها ثم قال بهدوء:
-الا عيطت ليه دابا ... غادي يجرحك جوابو ..وتقدر تكون عواقب الإتصال صعيبة ... هو يمكن يتعصب ويعاقبك ... اشنو رأيك واش مازالة مصممة باش نتاصل بيه

جاوباتو بعد صمت :
-اه ... مازالة .. تاصل بيه

سيطر الصمت بيناتهوم وبقاو كايشوفو فعيون بعضياتهوم قبل مايقول عصام اخيرا بفتور:
-واخا لي بغيتي ...ولكن تفكري انني حذرتك

ماردتش عليه صوفي هاد المرا وكأن الرد خانها فبقات فبلاصتها كاتشوف فيه بصمت وهو كايبادلها النظرة وكأنه كايعطيها فرصة باش تتراجع لكن فاش ماستاغلاتهاش ، ناض من بلاصتو وهز تلفونو ودوز الرقم ووقف كايتسنا قبالتها وهو حاني راسو وشعرو الكثيف مغطي وجهو باش يخفي عليها عينيه البائسة ...بينما هاد الثواني لقليلة كانت مذمرة لصوفي وهي كاتسنى مصير حياتها كيف كاظن

سرعان مارفع عصام راسو وقال فاش تفتح الخط
-صباح الخير سي دون ماركيز ... اه اه بيخير ..سمحلي حيت صونيت عليك فهاد الوقت كايبانلي فيقتك من نعاس

سكت شي شويا كايشوف فصوفي بجمود ثم كمل وهو كايقول
-سي دون ماركيز كاين واحد المشكل ... بنتك قدرات تعرف الطريق ليك وهي راها هنا ... باغيا تـ...

ماقدرش عصام يكمل الحوار ... غمض عينيه وبعد التلفون على ودنيه باش الطبلة ديال ودنو ماتتقبش بسبب صوت دون ماركيز لي كان كايغوت بغضب حتى ان صوتو وصل لصوفي لي كانت كاتسمعو شكايقول ..

-كيفاش ... كيفاش حتى وصلات ليك اعصام ..ياك حذرتك... كيفاش خرجات بوحدها ... لا وقطعات لبحر بدون رقيب ... قطع ليها دابا تيكيت فطيارة ورجعها لمها ... هادشي لي بقا ناقصني غير هاد لبنت ومشاكلها وعطيها لفلوس الا كانت محتاجة ... بغيتها تغبر من هنا اعصام تصرف ودير هادشي لي قلتليك

كان عصام فديك اللحظة مازال مغمض عينيه وهو متأكد أن صوت دون ماركيز وصل لصوفي بوضوح ... ولكن هو فالواقع كاع ماهموش ..كايضن ان هادشي لصالحها ...
-لي فهمت انها مامحتاجاش للفلوس اسي داوود ... هي باغيا غير فرصة باش توصل ليك وتهضر معاك شويا...كاضن انها محتاجاك ...

شدد عصام على كلمة "كاضن"بطريقة مهينة نوعا ما الا أن دون ماركيز ماهتمش بل قاطعو وقال بقوة :
-عنداك تعطيها رقمي ولا العنوان اعصام ...غير تأكد أنك توصلها لمها ونهي الموضوع بسرعة وكن حريص أنها ماترجعش وإلا عاقبتها اشد العقاب وقولها هادشي باش ديرو بحسابها

رفع عصام عينيه فعيون صوفي لي كانت كالسا فبلاصتها كاتبادلو النظر بصمت .. مكانش باين على وجهها حتى شي تغير إلا ان عينيها كانو فاضحينها وكايقولو ليه أنها سمعات كاع الهضرة لكن الكبرياء لي فيهوم رفض يصرح بألمها

للحظات بقا النظر بيناتهوم متواصل .. وكأن حوار داير بين عينيها وعينيه ... فتمتم عصام بشتائم قذرة بصوت خافت لكن دون ماركيز بحالي سمعو وقال :
- شنو قلتي اعصام ؟!
رد عليه عصام ببرود :
-قلتليك اوكي اسي داوود لي بغيتي

قطع عصام الخط وشاف فصوفي لي حنات راسها بإنكسار لأول مرة ملي دخلات لدارو
كانو عيونو كايتحرقو بنار قادرة تحرق المحيط لي داير بيه كيف حرقت صدرو
الدون ماركيز عاونو بزاف مايقدرش ينكر وبلا بيه يمكن كون إنتهى بيه الأمر مقتول ولا محبوس ولا بنهاية كحلة لا بياض فيها
لكن فديك اللحظة شعر بالكره الشديد ناحيتو فاش شاف نظرات الإنكسار فعيون بنتو فتكلم اخيرا وقال بصوت قاتم:
-اش غادي ندير بيك دابا؟

رفعت صوفي عينيها وكانو فارغين بشكل غريب لكنها تكلمت بنفس هدوئها ورزانتها :
-تقدر تحجزلي تذكرة كيفما طلب منك ... بـ بابا ...كون كان عندي لفلوس دابا كون عطيتك ثمتها ...ولكن علاما يبدو انني تأملت اكثر من الازم و وثقت فنفسي بطريقة مثيرة للسخرية ... فماهزيتش معايا حتى ريال

كان كلامها فوق عمرها وهو لي مازال كايشوفها ديك البنت لي فعمرها عشرة سنين ... وهادشي لي خلاه يتعصب وماعرفش واش معصب منها ولا من تهورها ولا من باباها وتصرفو الندل ...
قرب منها وكلس حداها ثم قال بحنق وكأنه كايهضر مع نفسو:
-مانقدرش نخليك تسافري بوحدك ... الأمر خطير وماخصكش تتهوري مرا اخرى

هزت صوفي اكتافها بغير إهتمام وقالت:
-ماشي حتى لديك الدرجة هي مجرد ساعتين فالعبارة و30 دقيقة فالطيارة

رد عليها عصام بإعتراض شديد
-مستحيل
رفعت حواجبها وهي كاتقول بإستهجان :
-إلا كان بابا لي ولدني مخافش عليا ... فعلاش نتا غاتخاف

تنهد عصام وقال بتذمر
-عتابريني من نوع قديم الطراز ... ماعنديش شي حل أخر غادي ندخل ندوش ... ومن بعد غادي نوصلك.

بقات صوفي چالسة فبلاصتها ساكتة وكاتشوف فيه كاينوض بعينيها الفيروزية فتنهد عصام وشاف فيها بغيظ قبل مايدور ويمشي ...

شافت صوفي فتيليفونو لي خلاه على الطبلة فعضت على شفايفهت بتوتر وشافت بعينيها واش صافي عصام غبر وغير سمعات الباب تسدات قفزات من بلاصتها وهزات التلفون من على الطبلة بأصابع مرتجفة .. دخلات لجهات الإتصالات ودوزات اخر رقم إتصل به عصام ... بقات كاتشوف فالرقم للحظات بتردد وتوتر ثم دوزت الإتصال و رفعاتو لودنيها وقلبها الصغير كايدق بعنف وترقب.

سرعان ماسمعت صوته الرجولي وهو كايقول بصلابة وبلكنة مغربية ماغيرها لا الوقت ولا البلاد :
-اشنو عاود اعصام !... مازال ماحجزتيش ليها التيكيت .. سمع اعصام بغيتك تنهيلي هاد المشكلة فأسرع وقت...

كانت صوفي كاتترجف بقوة وعيونها توسعو لأقصى درجة مصدومين حتى وجهها ولا حمر وشفايفها كانو كايرجفو بإبتسامة حنينة وكأنها مراهقة أول مرة غادي تتاصل بحبيبها الأول
إبتلعت ريقها بتوتر فاش سمعات دون ماركيز كايقول بخشونة
- مالك ساكت أعصام ؟؟!

استجمعت صوفي قوتها وقالت بخفوت وبصوت ثابت
-هادي أنا ابابا... صوفيا.
سمعاتو كايتنهد بغضب ثم قال بصوت متباعد
-اااه ياربي ..

إلا أنها قاطعاتو بسرعة وكأنها عندها فرصة صغيرة وخصها تستغلها
-‏بابا سمعني عافاك ...انا ظنيت أنني فعلا غادي نخليك تفتاخر بيا بسبب مستوايا التعليمي ... أنا هي الرتبة الأولى فمدرستي ... انا كنت كانقرا مزيان من ديما ... وكايعيطولي غير النابغة ...انا فزت بعدة مسابقات علمية وأدبية ..وعندي صورة مع وزير التربية والتعليم وهو كايسلمني شهادة التقدير ... أنا بغيتك تفتاخر بيا .. وبغيت نجي نسكن معاك .. انا سمعت عليك بزاف و...

قاكعها صوت دون ماركيز الغاضب
-صوفـــــــــيا ... باراكا من هاد الهضرة الخاويا... لي درتيه تستاحقي عليه عقاب ماتقدريش تنسايه لسنين ... كيفاش تجرأتي تسافري بوحدك وجيتي عند شاب غريب مكاتعرفي عليه والو ... كون كنتي قدامي دابا كون صرفقتك حتى تشوفي الضوء قدام عينيك ... غادي ترجعي لعند مك وغادي تنساي هاد تخربيق لي قلتيه عاد دابا ... واليديك هوما لي كايقررو حياتك ماشي نتي ..انا وماماك طلقنا حتى قبل ماتزادي ... تقبلي هادشي حيت ماعندي مانقدمليك من غير لفلوس .. وفاش غادي تقبلي الوضع... كاع طلباتك غادي نفدهومليك ... غير هادشي غادي تلقاي وجه اخر ماعمرك شفتيه .

ثم سمعات صوت إنقطاع الخط وكأنه سدليها الباب على ودنيها بقوة
بقات صوفي فبلاصتها لعدت لحظات والتلفون على ودنيها لمدة طويلة قبل ماتسمع صوت الحركة خلفها فدارت ولقات عصام وهو كايشوف فيها بغيظ قبل مايقول بصوت قاتم :
- كنت عارفك غادي ديريها!

ماردتش عليه بل خفضت التلفون من ودنيها ببطئ ورجعاتو لبلاصتو ثم تراجعت جوج خطوات للخلف وقالت بصوت هادئ:
-سمحلي ... مكانش عليا نهزو
بقا عصام كايشوف فيها ثم قال بصوت خافت
-‏واش غادي تبكي ؟
رفعت وجهها لي ولا حمر وهمست بهدوء وهي كاتشوف فيه
-علاش ... كانت مجرد محاولة!

كاع ماصدقها لكنه تجاهل الأمر وهز التلفون من على الطبلة ومشا للحمام لكنه زدح الباب بقوة حتى تسمعات عندها وتمسك بالحوض بقوة حتى بياضو مفاصل أصابعه ثم حنى راسو و إختفت ملامحه وبدا كايسب فدون ماركيز بكاع الشتائم القذرة

خرج عصام من الحمام بعدما سالا التدواش ومشط شعرو المبلول وربطو بقوة على شكل ديل حصان
عقد حواجبو وهو كايشوف فالأرجاء بإستنكار ... فين مشات هاد البنت عاود !!.. ياكما هربات

-موصيبة هادي...
تمتم بيها عصام مشا بسرعة للباب باغي يخرج يقلب عليها لكنه لمح الشانطة ديالها لي كانت مازالة فبلاصتها خلاتو يوقف ويتنفس الصعداء وبدا يقلب عليها فالدار فداتو رجليه للمطبخ بما أنها سبقليها قتاحماتو ..
فالأول بانليه خاوي .. لكن صوت خافت خلاه يتسمر فبلاصتو ويدقق النظر ... كان حدائها الرياضي الأبيض باين من مور الثلاجة بينما جسمها مختفي وهي كالسا على الأرض وضامة رجليها لصدرها ..

كانت كاتبكي بحال لوليدات الصغار ولو مكانش عصام متأكد من سنها كان فعلا غادي يعتابرها صفلة صغيرة
وقف عصام فبلاصتو وبدا فعلا كايحس بشعور غريب .. ماقدرش يفسرو ..
منظر إهتزاز جسمها الهزيل ... وصوت بكائها لي كانت كادير كل جهدها باش تخفيه عطاوه واحد الشهور مقلق وغير مريح
تحرك من مكانو وتوجه للحوض وهو كايدير راسو ماشافهاش حتى عطاها بضهر ولاحظ بأنها سكتات علا الله مايشوفهاش
إلا أنه تجاعلها وبدا كايغسل فالكيسان لموسخين لي كانو فيه وغير حس بيها كاتسلل على يديها وركابيها باش تهرب منو قبل مايشوفها حتى قال بصوت عالي بلا مايضور لعندها :
-كاين واحد الشويا ديال لحليب منتهى الصلاحية ... تبغي تشربيه ؟؟ ..حيت غادي نصوب لفطور دابا

تبلوكات صوفي فبلاصتها على يديها ورجليها وعلات راسها كاتشوف فيه بعينيها الحمرين وبنيفها المنفوخ ثم قالت بصوت منخفض:
- لاحضت حتى واحد شويا ديال سوسيس ... وسالو ريوكي حيت عجبني ..واخا طيبتيلي شويا ..هذا إلا كان الحم ديالو من شي كائن صالح للأكل ...فأنا ماكليتش من لبارح بقوة الحماس لي كان فيا ... لكن علا ما يبدو أن الإحباط عندو مفعول عكسي

إبتسم عصام بلاما يدور عندها ... لكنه قال بصوت صارم
-إلا بغيتي تاكلي خدمي على طرف ديال الخبز بعرق كتافك ... سيري لصالة وخمليها ونضفيها باش نقدرو ناكلو وسط بيئة صالحة فـ فالغالب غادي تلقاي تما شي عائلة ديال الفيران

قفزت صوفي من بلاصتها اوقفت وهي كاتقول بحماس و كاتمسح نيفها بباطن يديها:
-أنا كانعرف نصيد لفيران ... واش عندك شويا ديال السم وشي مصيدة
توقف عصام على داكشي لي كان كايدير ثم عقد حواجبو وقال بدهول :
-علاش ماتبدايش بالوضيفة السهلة اولا !؟؟.. وعاد نشوفو شي حل للفيران ... لكن حتى نساليو من الماكلة

-اوكي شاف
قالتها وخرجات كاتجري من المطبخ مخليا موراها عصام كايحاول مايضحكش لكن فاللخر غلباتو بسبب لطافتها وطفوليتها وبدا يضحك وهو كايحرك راسو يمين وشمال بقلت حيلة.

الفصل 34 / BARON "شجار وسط المحيط"

2018-10-30T09:23:00.002-07:00

خرجت تاليا من غررفة روعة وتنهدت بألم وفديك اللحظة وصلت رسالة فتلفون روعة ... مشات هزاتو وفتحات الرسالة وكانت من نفس الرقم المجهول مكتوب فيها:
"أشتهي أن أضحك معها وأن أمسك بيدها وأمشي بجانبها... ياصباح الجمال"

ابتسمت روعة بهدوء وردت عليه برسالة اخرى وكتبت :
" وما الذي يمنعك من ذلك يارجل !.. امشي بجانبها أحظنها .، قبلها ..فالحياة قصيرة وياصباح الصباح "

كانت حاسة ان الجواب غادي يوصلها بسرعة وداكشي لي كان ثواني ووصل الرد :
"فعلتها وسرقت منها قبلات من دون علمها"

ضحكت روعة بسخرية وكتبت :
"سيعاقبك الله ايها السارق "

وصلها الرد بسرعة البرق
"سأطلب من الله أن يغفر لي ولها "

تنهدت بهدوء وبقات كاتشوف فالرسالة بشرود .. وإحتارت فهاد العاشق الولهان لي ولا ديما ملازمها برسائل حتى انه رفض يقول ليها عن هويته الشخصية ... شافت فالساعة لي فالحائط وكانت 8 ديال صباح وبسرعة كتبت الرد .
" عسى أن يجمع بين قلوبكم في الحلال"

رجعت التلفون لبلاصتو وغيرت حوايجها وهبطت لعند تاليا لقاتها كالسا على الطبلة وتيماء كاتحط الماكلة وغير شافتها صبحت عليها وضحكت معاها ثم مشات كلسات حدا تاليا لي كانت شادا تلفون فيد وكاتاكل بيد .

قلبت روعة عينيها بملل لكن فاش تفكرات شنو وقاع ليها لبارح مع جبل فاش كان كايدربها على سلاح ... غمضت عينيها بغيظ باش تطرد دوك اللحظات من عقلها .. بدات كاتاكل بهدوء وهي كاتشوف فشفايف تاليا لي كانو كايتحركو وكاتشوف فيها ... كانت كاتهضر معاها لكن حتى شي كلمة من لي قالت تاليا ماسمعتها كل عقلها وتفكيرها رجعوها لجبل وهو كايبوس كرشها بديك الطريقة الجريئة ولا كيفاش باس عنقها.. حست بدغدغة لطيفة فمعدتها .. عجبها ذاك الشعور لي حساتو واخا كان مخلط مع شويا ديال الغضب ... لكن فاش تفكرت الوشم لي كان على يدو ماحستش براسها حتى قالت :

- تاليا شكون هي ليليا ؟؟

شافت فيها تاليا بإستغراب وقالت :
- كيفاش ؟؟

تنحنحت روعة بتوتر ثم قالت وهي كاتنوض :
- اام والو .. كملي فطورك .. ماتديش عليا

وضارت باش تمشي لكن تاليا وقفتها وهي كاتقول :
- كانعرف ليليا وحدا ... ولي هي ماما الله يرحمها.

توقفت روعة بدهشة وضارت شافت فيها ... وماعرفتش علاش حست بالراحة وتنفست الصعداء ... كانت كاضن ان ليليا هي حبيبت جبل السابقة لكن سدقات ماماه ... تنحنحت روعة وقالت بتوتر:

- اووه الله يرحمها ...
وباش تغطي على توترها كملت وهي كتبتاسم وكاتحشي يديها فجيب سروالها .
-اام شكون فيكوم كايشبه ليها نتي ولا جبل .

ابتسمت تاليا بحزن وهي كاتفكر ملامح مماها وقالت :
- كاتشبه ليا انا اما جبل علاما سمعت من قبل انه كايشبه لباباه

همهمت روعة بتفهم وقالت :
- كايشبه لباباك !! ....مزيان ... باينا باباك كان رجل وسيم بحال جبل

ضحكت تاليا وقالت :
- لا مافهمتيش ... قصدي أن جبل كايشبه لباباه هو ماشي لبابا انا ...

عقدت روعة جواجبها بإستهجان وقالت:
- كيفاش يعني ؟؟.

ردت عليها تاليا وهي كاتنوض من بلاصتها :
- جبل عندو بباه وانا عندي بابا ... انا وجبل خوت غير من الأم لكن الأباء مختلفين

تصدمات روعة من هاد المعلومة وقالت بفضول :
- ولكن عندكوم نفس الإسم العائلي .

ردت عليها تاليا بهدوء :
- اه لأن بابا انا هو ولد عم أب جبل... باش تفهمي كتر ماما تزوجت بالأب ديال جبل فالأول وفاش مات ماما تزوجت بولد عمو ولي هو بابا انا هذا علاش عندنا نفس الإسم العائلي لكن الأباء مختلفين والأم وحدا ولي هي ليليا .

همهمت روعة بتفهم وفكرت فجبل ... بقا فيها بزاف وشفقت عليه ... اكيد غادي يكون تعدب بزاف فاش ماتو واليديه ... ماقادراش تتخيل نفسها فنفس الموقف ان مها وباها يتوفاو بجوج وتبقا يتيمة واخا الواقع لي عايشاه بحد داتو يُتم إلا انها مرتاحة نسبيا حيت واليديها مازالين كايتنفسو ...

قربت تاليا من روعة وشدت ليها فيديها وجراتها لعندها ثم تكات على الطبلة بمؤخرتها وقالت وهي كاتشوف فعيون روعة :
- عارفا ... ان هذاك لقليب لي لداخل ... كايبغي خويا جبل بزاف .

تنحنحت روعة بتوتر وإحراج ثم سحبت يديها وهي كاتقول بسخرية:
- ااشو كاتقولي ؟؟ ... بلا شك حماقيتي.

إبتسمت تاليا بهدوء وقالت وهي كاتفكر بعيد:
- فاش يالاه حطينا رجلينا فڤيلة كونتيسا من بعد المغامرة لي عشناها كاملين ... كان هاري مازال خدام هنا ... كان فالأول مكايعجبنيش حيت كان كايبقا تابعني فينما مشيت وحاضيني فالوقت لي مكاتكونيش فيه نتي ... كان كايعصبني بزاف ... لكن من بعد وليت فضولية من جيهتو ... وليت باغيا نعرف عليه اي حاجة كاتعلق بيه ... ماضيه وحاضرو ... كنت كانسول كل صحابو ونقلب على معلومات عليه من اي بلاصة حتى لقيت راسي تغرمت بيه وحبيتو وحتى هو كان كايبادلني نفس الحب أو أكثر ... واخا كان بعد لمرات كايكون قاسي فمعاملتو معايا الى ان قسوته كانت حب وخوف تماما بحال خويا جبل..

رمشت تاليا بسرعة باش ماتبكيش وكملت وهي كاتبتاسم بوهن:
-دوزت معاه اجمل ايام عمري اروعة ... وتوحشتو بزاف.

جراتها روعة لعندها وخلاتها تبكي على حضنها وهي كاطبطب على ضهرها وكاتهمس ليها بكلمات باش تواسيها لكن مكانوش عارفين أن جبل كان واقف مور لباب وسمع الحوار من الأول حتى للأخر ملي سولت روعة على إسم ليليا حتى تكلمت تاليا على هاري وعلاقتها بيه... تصدم جبل بزاف وضم قبضت يديه حتى بياضت ... مكانش باغي يزيد يسمع حتى كلمة ... هبط بسرعة لغرفة الرياضة الكبيرة ...

كان معصب بزافف ومعصب أكثر من روعة لي خبعات عليه هاد الموضوع وكدبت عليه وفكر واش هذا هو السبب لي خلاها تمشي لڤيلا بلازا واش بسبب ختو ؟... يعني لكلام لي قالت ليه كولو على علاقتها بهاري طلع كيف كان كايظن مجرد كذب ولا روعة حتى هي كانت عندها علاقة مع هاري ؟... ولا هاري كان كايلعب على تاليا وروعة ؟ وكان فعلاقة معاهوم بجوج ... تضاربت الأفكار فراسو ومابقاش عارف يركز .

حيد حوايجو وهو كايحس بالدم ديالو كايغلي فعروقو... قرب من كيس الملاكمة وبدا كايضرب فيه بكل قوتو .. بقا يضرب ويغوت ويسب وحتى فشلت عليه صحتو وطاح للأرض بإنهزام وهو كايتنفس بقوة وكاينهش .

_________

وصلت روعة تاليا للباب ووصات علي مورو باش يهتم بيها ويوصلها للجامعة ثم دخلات للحديقة برشاقتها وبدات كادير فالحركات التسخينية قبل ماتبدا التمارين الصباحية لعضلاتها ...

كان عقلها مشغول بجبل وكاتفكر فيه واثار فضولها ماضيه .. ماكرهاتش كون دارت إستنطاق لتاليا باش تعرف عليه كل تفصيلة ... كان ومازال كايبان ليها جبل داك الشخصية الغامضة والغارقة بحال البئر .... وفكرات فكلام تاليا ... واش من الممكن ان جبل يكون كايبغيها بصح !؟ ... اكيد لا ..و لكن واش هي كاتبغيه ؟! ... اكيد لا مستحيل !.

نفضات راسها من دوك الأفكار لي نخرو عقلها و بدات كاتجري فالحديقة الكبيرة لمدة عشرين دقيقة ثم نعسات على العشب الأخضر وبدات كادير حركات البطن وعينيها فالسماء وعقلها كايفكر فالسي دي وفالهضرة لي قالها جببل حتى عيات وحطت راسها على العشب وشافت فالسماء وهي كاتنهش ثم همست بصوت خانفت:

- واش جبل مازال كايظن أنني مجرمة واخا قلت ليه الحقيقة ؟ عنداك يكون كايلومني انا على موتو حيت يمكن كون ماحضرتش للحفل وماطلعش معايا هاري للغرفة كان غادي يكون عايش دابا ... ولكن علاش فديك اللحظة فاش طلاقاني هاربا مابلغش بيا الشرطة ؟ ... اااااه ياراسي غادي ينفجر ..

تجاهلت تساؤلاتها لي جوابهوم عند جبل بوحدو ثم تقلبات على كرشها وبدات كادير حركات الضغط بيديها وكاتحسب بتعب :

-عشرة ...حـحداش...تناش ... تلتاش ... اربعتاش

لكن تفاجأت فاش تلاح حدا راسها قفازات الملاكمة ... شافت فيهوم بإستهجان ثم علات راسها وياريت لو ماعلاتش راسها .. ياريت لو دفنات راسها تحت الأرض ولا تشوف داك المنظر لي خلاو يديها يترعشو وخواو بيها حتى تزدح راسها مع لأرض بقوة وألم .

كان جبل كايشوف فيها ببرود وهو كايفكر فالشئ لي سمعو لكن لي كان كايشفع ليها عندو هي كلمة تاليا فاش قالت ليها " عارفا ... ان هذاك لقليب لي لداخل ... كايبغي خويا جبل بزاف " ... تنحنح باش يطرد دوك الأفكار من عقلو وقال :

- نديرو أنا وياك شي مبارات قتالة أنسة رشيقة ؟.

ناضت روعة بسرعة وهي كاتحس بالإحراج وماقادراش تعلي عينيها فعضلاتو ... كان عاري الصدر ولابس بحرا شورت قطني قصير فاللون الرمادي وكانو عضلات بطنو عليها قطرات من العرق وشعرو مبعثر بإهمال على جبينو خلا مظهرو ملائكي فعيون روعة ... كل وشوم جسمو كانت بارزة قدام عينيها ... مختلف الزخارف والأشكال المطبوعة على بشرته الرجولية ...

- مالكي واش خفتي نغلبك ؟؟

قالها جبل فاش لاحظ خجلها فشافت فيه وقالت بإندفاع :
- تغلبني !! ... هاه مستحييل

لكن رجعت حنات راسها غير شافت فيه وتفكرات ليلة الأمس وهو كايبوسها من كرشها بديك الطريقة الرجولية .... تحنى جبل وهز القفازات ثم قرب منها وحشاهوم فيديها وقال ببرود:

-انا سمعت بلي عصام ديما كايغلبك ... على هاد الحساب انا غادي نطويك غير بصبعي .

شافت فيه بتحدي ... قال عصام قال ... ناست الخجل كولو ... هاهي غادي توريه دابا شنو كايسواو لعيالات لموقادات ... خدات وضعية الإستعداد وقالت :

-وانا عندي فضول نكتاشف واش دوك العضلات طالعين بشوك ولا لبروتين ....اليوم يتفركعو .

بغا يموت بالضحك على سخافتها فداخلو لكن ملامحو كانت باردا بحال الثلج وفلحظة ماحسش براسو حتى جمعت معاه بركلة لمؤخرتو ... تصدم وغوت فوجهها بغضب :

- اااالويلة لموصيبة لكحلة ... فوتي عليك مستقبلي .

بغات تموت بالضحك ... نسات كاع واش هو مازالة معصبا منو و شدات فكرشها بقات كاضحك حتى سالو دموع من عينيها ... فسرح جبل فنغمت ضحكاتها وعشق ديك الشهقة لي كاتخرج بين الضحكة والضحكة ... كانت بحال شي زهرة دَوَار الشمس بشعرها الأحمر لي كان كايلمع مع خيوط الشمس ...

- ضربي أي بلاصة بغيتيها إلا مستقبلي ماتقربيش ليه تافقنا .

قالها جبل بجدية حيت كان كايعنيها بصح .. إلا حاجتو ماتقاصش مازال محتاجو ... مسحت روعة الدموع من عينيها وقالت وهي كادير إستعداد للقتال :

- تمام معليييم

قلب جبل عينيه بملل فاش قلدت عصام ودار حركة الإستعداد وقبل مايعد لثلاثة جمعت معاه بضربة لكن لحسن الحظ خوا ليها و ماجاتش فيه ... عصباتو هاد البنت المتسرعة .. كاتقلب غير كيف دير تغفلو ...

بدات كاتهجم عليه ولكن حتى ضربة ماجات فيه ... كان كايتخطاها بمهارة كان فقط كايدافع وهي لي كاتهجم هذا علاش تعصبات وقالت:

- باراكا من الغش معليييم علاش مكاتهجمش ؟

رد عليها جبل وهو كايخوي لضربة كانت غاتجيه فالوجه :
- نخاف نهجم ونفقدك الذاكرة .

ضحكت روعة بسخرية وقالت وهي كاضرب فيه :
- هه دير فيا خير كون تفقدني الذاكرة .

هجم عليها جبل ولوالها يديها خلف ضهرها وقال وهو كايشوف ليها فعينيها :
- وحتى أنا ماتبغيش تعقلي عليا ؟.

تسمرت كاتشوف فعيونو بتوتر لكن فاش لمحت وشم النسر على صدرو الضخم قالت وهي كاتبتالع ريقها بتوتر وكاتنفس بسرعة بسبب التعب الجسدي :

- مانكرهش نفقد ذاكرتي ويتمحا منها شي حد سميتو جبل ...

إبتسم جبل بهدوء وهو كاينهش بتعب يعني عندهوم نفس الرغبة وحتى هو غادي يموت ويخرجها من عقلو لي إستولت عليه وتملكاتو بجبروت باغي يفقد داكرتو باش يقدر ينساها ولو غير شويا لكنها خطيرة خلات كل خلية فجسمو تحبها وتعشقها وتغرم بيها .

- على الأقل عندنا نقطة مشتركة بيناتنا .

قالها وهو كايشوف فعينيها لكنها دفعاتو عليها وسددت لكمة مفاجئة لوجهو حتى ضار وطاح على ركابيه شاد فراسو ..تخلعات ... صافي مشات فيها غادي يطردها ... هو داير لغراز لراسو وهي واقيلة قاستو لمكان الجرح ...

بسرعة حيدات القفازات من يديها وقربات منو وهي كاتقول بتوتر وكاتلمس راسو بيديها :
‏- سي جبل واش نتا بيخير ؟ واش قصحتك ؟ ... سمحلي بزاف

غمض جبل عينيه بإستمتاع بسبب أصابعها ... كل لمسة كاتكون من يديها هي فمثابة بلسم لجراحو وألآمو ... فعلا تقصح فالجرحة لكن لمستها عوضت الألم بالذة ...

مدت روعة يديها رفعاتليه راسو باش تشوف واش هو بيخير ..لكن فاش لقاتو كايبتاسم بهدوء على خوفها عليه تعصبات وضارت باش تمشي لكن جرها من يديها وقال بخبث :

-قوية مع راسك ... ولكن لأي درجة بلغت قوتك ؟

إبتلعت ريقها بتوتر وهي كاتشوف فيه ثم قالت بتحدي :
- قوتي ماعندهاش حدود ..

إبتسم جبل بإستمتاع وهو كايستامع لغرورها ثم قال بمكر :
- متأكدة ؟؟

أومأت روعة براسها بمعنى " اه " ولكمل جبل بخبث وهو كايبتاسم:

- لكن قالتلي العصفورة ... أنك مكاتقربيش من البحر بحال لقطوط .

عقدت روعة حواجبها بإستنكار وقالت:
-أشنو كاتقصد !؟

مد جبل يديه ومرر أصبعو الإبهام على دقنها بلمسة حنينة وهمس:
-يعني عندك فوبيا من البحر

تصدمات من الشئ لي قال و نترت يديها منو وقالت بغيظ وهي كاتبرك على أسنانها :
- شفتي داك عصام شي نهار غادي نقتلو واعقل عليها ... حتى غادي تقلب عليه وماغاديش تلقاه داك شكام لاخور

تأكد جبل من المعلومة بلي صحيحة واصلا ماشي عصام لي قالهالو مازال عاقل مزيان على النهار لي رفضات تطلع فيخت دون ماركيز بسبب خوفها من البحر وبقا معاها على يخت الجوهرة حتى وصلو لليابسة وهزها وهي مغمى عليها بسبب كمية الدم لي نزفتها ووصلها لڤيلة كونتيسا واستدعى الطبيب بسرعة... لكن مع ذالك فرح بزاف ملي غادي تقتل عصام بيديها نيت باش يرتاح من سيرتو لي مكاتفارقش لسانها ..

بقا متبعها بعينيه وهي غاديا كاتمايل بجسمها الرشيق وشعرها الناعم وجاتو فكرة لدماغو فهمس وهو كايبتاسم بمكر وكايشوف فيها :

- كايبانلي خصني نوضع حد لمخاوفك ألالة روعة ...من هاد نهار غادي نقتل كل الخوف من قلبك الحنين ... مدامك غادي تخدمي عندي وغادي ترافقي الشيطان فغادي يخصك تكوني أكثر قوة .

تنهد جبل ثم مشا كايجري لعندها وهزها فوق كتافو وبدات كاتغوت :
- جبل ... جباااال نزلنيييي

ماهتمش لصراخها حيت هو عارفها ماغاديش تبغي تقرب من رأس التل الى طلبها منها بالخاطر ... تمشى بيها حتى وصل لراس الجبل وحطها لكن غير جات عينيها على لبحر لي كان فالأسفل جاتها الدوخة وغوتات وبغات تتراجع لكن جبل شدها من يديها بعناد وقال :

- روعة تهدني وشوفي فيا

غوتت روعة وبعدات عليه لكن بقا شاد ليها فيديها وهي كاتحاول تنتر يدها منو قالت بترجي :

- حرام عليك ... والله حتى حرام عليك ... نتا مازال حاقد عليا ... مازال باغي تنتقم مني وتنسيني طعم الراحة ياك ....صافي عافاك خلينا نبعدو من هنا ونتفاهمو .. خلينا نحلو سوء التفاهم لي بيناتنا غير بالخاطر الله يرحم ليك لوالدين اخويا جبل.

كان باغي يستغل ديك الفرصة باش تعتارف ليه بالكدبة ديالها لكن قلب عينيه بغيظ من كلمة خويا وقال بإستهزاء :
- أنا جدك ماشي خوك ... نعاود نسمعك كاتعيطيلي خويا غادي نقتلك كاتسمعي ..

حاولت روعة تفك نفسها منو لكن ماقدراتش بسبب قوتو وغوتات بغضب :
- الى كنتي باغي تنتحر فأنا غادي نتفهم الرغبة ديالك صدقني ... صافي طلق مني باراكا من لعب دراري صغار اجبل ...

وكملت بلغوات:
-وازباااااااال .... طلق مني حاولت ننتحر غير مرة وحرمت مابقيتش بغيت نموت ...

قلب جبل عينيه بملل من صراخها وسحبها لعندو كثر وهي تغوت
- والاااااا .... طلق مننيييييييي

رد عليها جبل بسخرية :
- فين مشات شجاعتك دابا هاه ؟

إستمرت روعة فسحب يديها من يديه القوية لكنه اقوى منها بمرات خلا كل محاولاتها تفشل ... كانت مغمضة عينيها باش ماتشوفش فالبحر لي ملي حطت رجليها فڤيلة كونتيسا ماقربت ليه كانت كاتكلس تحت شجرة التوت لي كاتبعد على رأس التل ب 30 متر تقريبا لكن ولا مرة فكرت تقرب ليه بسبب خوفها منو ومن الموت لي شافتو بعينيها وسط أمواجو ... فغوتت بغضب :

- كيفاش غادي يكون الإنسان شجاع وهو غادي يموت؟ ... اااااه طلق منييي

ضحك جبل بصوت مكتوم على ردت فعلها السخيفة ... كيفاش غادي يخليها تموت ... هو باغيها غير تحل عينيها وتشوف فالبحر فقط واش صعيبة !؟...لكنها كاتغوت بحال دراري صغار وفاهما الموضوع بالمقلوب ...خدا نفس وهو كايحاول يمنع نفسو باش مايضحكش وقال :

-اااه ماتكونيش سخيفة اروعة... الموت ماشي نهاية العالم ... كاين حياة البرزخ وكاينة الحياة الأبدية مور الحساب يافجهنم يافالجنة ... ثم أنه مكايناش شي شجاعة بلا خوف .

ردت عليه وهي كاتغوت بهستيريا :
-لااااااا .... طلق منيييي ... انا خايفا نموت وندخل لجهنم

كتم جبل الضحكة وقال بسخرية :
- عارفا راسك مكحلاها المسخوطا ... ولكن ماتخافيش كاين جحيم واحد هو لي عايشين فيه حاليا اروعة ... يالاه حلي عينيك .

غوتت روعة بغضب وقالت:
- مافهمتش انا علاش نتا بنادم أناني لهاد الدرجة باش تتاخد القرارت المفاجئة فحق حياة الأخرين ... ماتكونش سخيف وطلق من يدي

رد عليها جبل بعناد :
- اه دابا عندي القدرة نتاخد هاد القرارات... يالاه حلي عينيك واللعنة اروعة بغيتك غير تشوفي فالبحر مالك على هاد الخوف .

عصباتو بزاف ... واش بهاد الطريقة غادي تحمي نفسها من الكاريبي وهي كاتخاف من أشياء تافهة؟ إتضح ليه أن روعة مازال مامستوعباش الخطر لي هيا فيه وهذا عطاه إصرار أكثر باش يبزز عليها تهزم خوفها وتتحداه ... لكن روعة تجاهلت شئ لي قال وبدات كاتغوت وتسب فيه بهستيريا :

- . وازباااااال ....كونك قائدي هذا مكايعطيكش ولو جزء من الحق باش تقرر فوقتاش غادي نموت ... وعلى قبل شكون غادي نموت !... طلق مني يعطيك موصيية ... شكون نتا أصلا فملك الله شكون تكون كااااع أشماتا

إختفت الإبتسامة من وجه جبل ... ستفزاتو بزاااف وبالأخص فاش قللت أدبها عليه ونعتاتو بالشماتة وعتابرها تنقيض من شخصيتو كـ قائد قوي وإهانة ليه ولمشاعرو تجاهها ... فصك على أسنانو بغضب وقال :

- واخا ... هانا غادي نوريك واش أنا راجل ولا شماتة ... وراقبي مزيان كيفاش غادي تموتي دابا ....

سحبها من يدها لوخرا بقوة وإنقض عليها حضنها بين دراعو لقوية وفديك اللحظة فتحت روعة عينيها بصدمة لكنو ماعطاهاش الوقت باش تفهم اشنو واقع من حولها ورما نفسو مع روعة الى أسفل التل لي بلغ علوه أكثر من 150 متر مع صرخاتها لي مانفكت حتى إنكتمت تحت عمق ماء البحر .

فتح جبل عينيه تحت الماء وإلتفت كايقلب عليها ، حس بقلبو غادي يوقف بقوة خوفو عليها ... لكن غير تاضحت ليه الرأيه مزيان حتى لمحتها عينيه بعيدة عليه شويا كاتصارع الماء باش تصعد للسطح فهي ماخداتش أنفاسها فاش رماها بل شداتها نوبة من الخوف والهلع وفضلت تغوت بدل ماتاخد نفس طويل قبل ماتوصل للماء .

سبح لعندها بجل بسرعة وشدها بيديه القوية وغير شافتو روعة تمسكت بيه بقوة وكأنها كاترجاه باش ينقدها حيت أنفاسها بدات كاتنفد تدريجيا ... مكانش عندو شي خيار أخر باش يتجنب إختناقها ... قرب شفايفو من شفايفها الطرية وبسرعة وضع شفايفو عليها ثم ضخ الهواء من فمو لفمها .... توسعت عينيها بصدمة ودهول فاش لامست شفايفو شفايفها فشاف فعينيها المندهشين بهدوء وحاوطها بدراعو لقوية ثم سحبها لسطح الماء .

شهقت روعة فاش إستنشقت الهواء وسعلت بقوة ... كانت متمسكة بيه ومعنقاه بكل قوتها ... كانت خايفا بزاف وكاتنفس بسرعة ودقات قلبها متسارعة ... غادي تموت هي صافي غادي تودع الحياة دابا ...

بسبب ديك الطيحة القوية تحيد ليها الفيست لي كانت لابساه وبقات غير بالتيشرت الأبيض لي كانت فوق صرتها ...

شعرت بيديه كايلمسو خصرها العاري فبسرعة بعدت عليه وهي كاتزول شعرها المبلول حول وجهها بإختناق ثم شافت فيه بخوف وغضب وغوتت :

- اشنو ؟... اشنو درتي ؟..

وبدات كاتكح وماقادراش تصدق أنها فوسط الماء جاتها الدوخة ولوهلة كان غادي يغمى عليها من شدة خوفها واخا البحر كان هادء والماء ديالو أزرق صافي بحال لون السماء وكايلمع مع خيوط الشمس الذهبية إلى أنها كانت خايفا بزاف وكاتحاول تتماسك قدام جبل باش مايستغلش ضعفها ويقضي عليها..

بينما جبل إبتلع ريقو بتوتر وهو كايشوف قطرات الماء على صدرها المكشوف لي كان كايطلع وينزل بسبب تنفسها السريع ... كانو قطرات الماء على وجهها ورقبتها وشفايفها وعيونها كانت مثيرة بكل المقايس لكن هي تخطات حدودها معاه وغادي يعطيها درس ماعمرها تنساه ...

شاف فيها بغيظ ثم قال وهو بارك على أسنانو بغضب:
- كوني القائدك ديالك هذا يعني أنني إلى أمرتك باش تمشي للموت برجليك فماغاديش يخصك تترددي فهمتي .

تصدمات من شئ لي قالو جبل وبقات كاتشوف فيه بغير تصديق ... لهاد الدرجة خصها تكون مطيعة لجميع أنواع البشر ... خوتها باها مها والعالم ... علاش كولشي مصر يتدخل ويحشر أنفو فحياتها !!. حتى حقها فالحياة أصبح مرتبط برغبة قائدها ... اش هاد السفالة ؟ ... اشنو كايحسب فراسو هذا ؟...

تسائلت واش هاكدا كايكونو جميع القادة فالعالم ... رعاة لقطيع أغنام بشرية يسيروهوم حسب رغباتهوم وحتى إلى أمروهوم بالموت فخصهوم يطيعو ونفدو ...واش هادي هي الحرية والحياة الجديدة لي قاتلت وشافت الموت على قبلها ... شعرات بالضلم وغمضات عينيها بقهر باش مايفيضوش دموعها لكنهوم أمطرو بغزارة .

عض جبل على شفته السفلية فاش شافها كاتبكي وشعر بالألم فقلبو ولكن ماغاديش يخلي دموعها يأثرو على شخصيتو القيادية ... هي دابا خدامة عندو وخصها تعرف راسها معامن كاتعامل هذا ماشي جبل الرجل العادي هو البوس ديالها وهي وحدا من حراسو وخصها تكون مطيعة وتسمع لكلامو ... وهادشي لي كايدير راه لمصلحتها هي قبل كل شئ فغوت عليها بغضب :

- انا مكانلعبش معاك لعبة الخاضع والمسيطر اروعة خصك تفهمي هادشي .... ماتحاوليش تستفزيني مرة اخرى والى رميتك فقاع البئر وردمتك بالحجر .

بدات روعة كاتبكي وتشهق فاش تخيلت قدامها جهاد وهو كايقول ليها قتلي راسك ... هي كانت غبية وحمارة فاش خدات بنصيحتو وبسببو ماتت بنتها وبسبب تهورها وبسبب عائلتها لي كانت خايفا من ردت فعلهوم هي رمات راسها فعرض البحر وشافت الموت والويلات ... ودابا جبل علاش باغي يتحول لنسخة على جهاد ...

غوتات بغضب ممزوج بالحكرة والتمرد وقالت :

- علاش كايوقاع معايا هاكا ديما ياربي علاااش ؟؟ ... واش موتي غادي يكون خلاص للجميع ؟؟... هاه ... واش غادي تغير شي حاجة فهاد العالم ديال زبل إلى مت أنا .. اشنو غادي يوقاع الى ماطعتكش لانتا ولا غيرك ؟؟... علاش ديما أنا لي خصني نفدي بنادم بروحي ... علاش أنا لي خصني نموت على قبل مصلحة الناس ... لو كان عندي غراام من لعقل كانت بنتي غادي تكون عايشا دابا ... ابدا ماكنتش غادي نخاطر بحياتي وحياتها على قبل ناس تافهين ... ولو كان عندي غرام ديال لعقل ماكنتش غادي نحط رجلي فديك الڤيلة لملعونة ونشوف الموت .

بقا جبل كايشوف فيها بغضب وعاقد حواجبو ... لكن مع ذلك تصنت ليها وعطاها فرصة تخوي قلبها باش يفهمها مزيان فكملت روعة بصراخ :

- خليني نوضح ليك واحد الحاجة ... نتا مايمكنلكش تقتل شخص مات هادي عام ونصف .. هاد الجسد السخيف لي كاتشوف فيه مجرد وعاء فيه رماد روحي المحروقة ... خص عقلك صغير يفهم أن الله خلقني حرة ماشي باش يجي واحد بحالك يستعبدني .. من نهار شفتك وانا غير فالمشاكل كون غير مارجعتيش ... كون غير بقيتي بعيد كان غادي يكون أفضل لينا كاملين

تسمر جبل وبقا كايشوف فيها ... لهاذ الدرجة كاتكرهو ؟.. اصلا هو فقتاش توسل حبها !... هو مستعد يحبها طول عمرو واخا ماترضاش تبادلو الحب .... و فين كانو وفين ولاو هو ماطلب منها غير تفتح عينيها وتشوف فالبحر باش تواجه خوفها لكن هي لي ستفزاتو ونقصات منو ودابا كاتقوليه انه كايحاول يستعبدها وتمنات لو أنه مارجعش ..

هادشي يالاه عاشت معاه نهار ونصف وكاتشكا بهاد الطريقة الصبيانية اذن الى طولت معاه هي ماغاديش تبقا تحمل تشوف حتى وجهو .... وهادشي لي مابغاش هي أنها تزيد تكرهو أكثر بينما هو كايدير لي فجهدو باش يكرهها ومكايقدرش ... واللعنة على الحب الى كان بحال هاكا .

لكن مع ذلك أثرت عليه بكلامها لي كان نابع من اعماق قلبها فلحظة غضب ... فلحظات الخلاف .. كاتكون الذاكرة ناكرة للجميل ...تستقطب كل ذكرى بشعة ومؤلمة وتمحي كل ذكرى جميلة او معروف واش نسات بلي هو لي أنقدها كيفاش غادي يبغي يقتلها دابا ....تنهد جبل بهدوء وهو كايشوف فيها مغمضة عينيها وكاتبكي بقهر

- حلي عينيك وشوفي فيا
همس بيها بصوت حنين وهو متمسك بخصرها النحيل العاري وقربها منو كثر وكرر فاش ماستجابتش ليه

- يالاه .. كوني تسمعي وشوفي فيا .

تنهدت روعة بغضب ثم فتحت عينيها بطاعة لكنها ماشافتش فيه كيفما طلب منها غير زكارا فيه ... فتنهد جبل وهو كايحاول يتمسك بأعصابو وهمس :

-أنا ماشي حمق ولا مغفل باش نهي حياتك فلحظت غضب ... انا غير بغيت نلقنك درس باش طيعي أوامري... فاش قلتليك تقربي من المرتفع وتحلي عينيك مكانش عليك ترفضي حيت ماباغيش نأديك كيف كايحساب ليك ... دابا نتي خدامة عندي فهميها وستوعبيها .

إبتلع ريقو وهو كايشوف فقطرات الماء على وجهها وشفايفها ثم كمل بصوت قاصح باش يقصح حتى قلبو عليها :
-انا بصح معجب بطريقة رفضك للأشياء وتشبثك برأيك الخاص ورغباتك... لكن هاد المقاومة والشراسة بغيتك طبقيها على شخص أخر من غيري ... حيت انا هو القائد ديالك وانا لي كان عندي الفضل فإنقاد حياتك ماتنسايش هادي وخليها حلقة فودنيك عارف ان الله كايدير الأسباب فطريقنا باش نقضيو حوائجنا ... لكن ماخصناش نكونو نكارين الخير ... صحيح ان الله لي نجاك لكن أنا لي سخرني باش نقدك فماتكونيش ناكرة للجميل والمعروف اروعة ... وأنا مارجعتش على قبلك وخلي عقلك صغير يستوعبها ... انا عندي حياة هنا وعندي خدمتي ... واش كايحسابلك راسك انك محور الكون والكرة الأرضية كاضور على قبلك هاه !؟..

سكت شويا وكمل بجمود :
- يبدو انني عطيتك بزاف ديال القيمة باش تتطاولي عليا بلسانك السليط .

نترت روعة يديه من حول خصرها وقالت بغضب :
- بصح أنا ماشي محور الكون ... لكن إلى لاحظتي من تصرفاتك معايا غادي تفهم انني مشكلة عقدة فقلبك ومكاتحملنيش ... نتا كاتكرهني و ماتكرهش لو أنك تقتلني وترتاح ... حيت أنا مكانسوى عندك حتى حاجة ... مجرد عاهرة رخيصة تقدر تشريها بفلوسك ... عارفا مزيان انك خدمتيني عندك باش تعدبي وتكرفص عليا ... باغي تنتقم مني على داكشي لي وقاع فالفيلا ولخا قلت ليك الحقيقة وباغي دفعني الثمن على موت هاري .... ولكن ماعليش إستمر بتعذيبي وانا غادي نستمر بمقاومتك لانك مكاتعنيلي حتى حاجة ... نتا لا شئ بالنسبة ليا فهمتي وماغاديش تأثر عليا واخا طير فالسماء ..

إندهش من الشئ لي قالت علاش كل تصرفاتو معاها كاتفهمهوم بالمقلوب لكن يمكن هي مازال ماقدراتش تفهم كيفاش كايفكر ... كان كايتمنا يقولها بصريح العبارة "قسوتي عليك يعني خوفي عليك اروعة أنا مكانكرهكش كيف كاضني " لكن روعة كملت وهي كاتبرك على أسنانها بغضب

- نتا لاشئ بالنسبة ليا ... وماعمرك غادي دير عليا بارون زمانك ... نتا بارون عليهوم ماشي عليا كاتفهم .

شاف فيها جبل وزمجر بصوت شيطاني:
- ياك ... متأكدة ؟!

-ايه .
قالتها روعة وضارت وبدات كاتعوم وكاتبعد عليه بسخط وهي كاتشعر بالدم يفور فعروقها . مخليا موراها جبل كايشوف فيها بنظرات ساخطة ومشحونة بالغضب بسبب شي لي قالت ... واش هاد لبنت عندها شي حاجة أخرى من غير لعقل داخل راسها الغبي !؟... واش ماحدرهاش من إستفزازو ...مرر جبل أصابعو بين خصلات شعرو المبلول وهمس بسخط :

-اللعنة على البارون ... اللعنة على العالم كامل ... غادي نوريك كيفاش تستخفي بيا الويلة

عامت روعة بعيد بلاما توقف ولا تعيا وهي كاتمتم فنفسها ...
- مزيان البارون ... مزيان أنك كاتعطيني المزيد من الأسباب لي تخليني نكرهك ونحطم كل مشاعري الغبية لي اعجبت بك بكل سفاهة

لكن فاش إنتبهت لنفسها لاحظت أنها مابقاتش خايفا من البحر كيف كانت من قبل وكاتعوم بسلاسة تفاجأة من نفسها وإبتسمت بغير تصديق ...

مرت ثواني قبل ماتغوت بخوف فاش شعرت بشي حاجة شدتليها فرجليها وسحبتها للأسفل وكان هو جبل عاوتاني

فاش شافتو تحت الماء غوتات بخوف ونسات أنها تحت الماء فبسرعة سدت فمها وهي كاضرب فيه بيديها باش يبعد عليها فطلق منها لثواني لكن رجع شدها من خصرها وعنقها بقوة وسحبها لسطح الماء ...

شهقت روعة وهي كاتلتاقط أنفاسها لمخنوقة

-واش أمرتك باش تمشي الويلة هاه؟ .. علاش مكاتسمعيش لهضرتي.

غوت بيها جبل فوجه روعة بغضب مسحوق ... شي لي خلاها تعصب وبدات كاضربو بيديها لصدرو باش يطلق منها وكاتغوت وتسب فيه لكنه كان مصر باش مايطلقهاش حتى يعلمها كيفاش تسمع هضرتو ويأدبها وضرباتها مكانش كايحس بيهوم من الأصل

- طلق منيييييييي .... الله يعطيك موصيبا الحشايشي اسكايري ...نتا تمثال للشراسة مفتقر للإنسانية ... نصب تذكاري للأنانية ... عنوان للسخافة رمز للسفالة ... طلق منييييي... أنا كانواعدك أنك ماغاديش تشوف كمارتي لمخرية مرة خرة المجرم القاتل ... بعد مني ولا غادي نقتلاااااااك

تصدم جبل من كمية الشتائم الخارجة من فمها فغوت حتى هو بغضب وقال :
- سدي فمك أقليلة الأدب كاتسبي قائدك بكل وقاحة ياتمثال الوقاحة ... نتي مفتقرة للأذب واللباقة .. عنيدة وسخيفة وعندك صوت مزعج ... الى عاودتي رفعتي صوتك عليا أنا لي غادي نقتلااااك

بعدت عليه بخوف وقالت بعناد:
- اهاااه بصاااح ايوا جرب تقتلني إلا قديتي

كملت وهي كاتبرك على أسنانها وكاتعوم بسرعة
- قائد سخيف

توسعت عيون جبل وتسلل الغضب لعروقو بحال السم فلحق عليها شدها من رجليها وسحبها تحت الماء بغضب ... قاوماتو روعة بقوة حتى قدرات تفلت من يدو وطلعات لسطح الماء باش تلتقط أنفاسها بخوف وفزع .. هي تأكدت دابا انه ماقالش كلامو عبثا واليوم غادي يقتلها ... لكن مالحقتش ترتاح لقات رأس جبل الغاضب قبالتها فغوتت بخوف وبغات تهرب لكنه شدها بسرعة من راسها وغرقها من جديد لعدة ثواني ثم سحبها عاوتاني وغوت بغضب وهو شادليها فشعرها المبلول

-شكون أنا ؟؟

شهقت وبدات كاتقلب على الهواء بينما كاتحاول تفك شعرها من قبضة يديه القوية ثم جاوباتو بغضب فاش فشلت فتحرير نفسها
- حقييير .... لعيين

عاود غرقها من جديد وبقا هو راسو على سطح الماء لثواني وطلعها لسط الماء وغوت فوجهها :
-شكون أناااا ..؟؟

إلتقطت أنفاسها بسرعة وجاوباتو بصراخ وهي كاضربو لصدرو بقبضة يديها
-مجرم ، مستبد ، جائر ، طاغية ، ضالم متعسف ، عاصي ، قاهر وجميع انواع الغباء والسخافة انت البارون.

برك جبل على أسنانو بغضب وقال
- الى ماكنتيش قوية .. على الأقل كوني ذكية

ثم رجع غرقها من جديد لثواني وطلعها لسطح الماء ورجع سولها بصراخ :
- شكووون أناااا ؟

ماجاوباتوش هاد المرة بل إنقضت على صدرو بحال اللبوئة وعضاتو من بزولتو بقوة وغضب حتى طلقها جبل وهو كايغوت بألم وشاد فبزولتو

إستغلت روعة الفرصة وبعدت وهي كاتعوم بسرعة بحال شي حوتة بقوة الخوف وهي متأكدة أنه دابا ماغاديش يتردد وغادي يقتلها غادي يقطع شراينها بسنانو بعد شي لي دارت .

توقفات فواحد اللحظة فاش شافت الشاطئ حداها والتقطت أنفاسها باش تتأكد واش تابعها ولا لا لكن مالقاتوش ... تسارعت دقات قلبها بخوف وهمست :

- ياربي واش مات ؟... اويلي كيفاش غادي يموت انا راه غير عضيتو ...كيفاش غادي يموت واش انا حنش فيا السم

سكتات باغيا تتأكد واش كاين شي صوت كايدل على أنه مازال عايش .. مثلا غواتو .. لكن والو من غير صوت إرتطام الأمواج مع الصخور مكان حتى شي صوت ... غطست تحت الماء باش تتأكد أنه مامخبعش تحت منها لكنها مالقاتلوش الأثر فرجعت طلعات لسطح الماء من جديد بخوف

-جباااااااااال

غوتت بيها منادية عليه لكنه ماجاوبهاش فكملت بخوف وهي راجعا للبلاصة لي خلاتو فيها :

- ياربي حفضو برحمتك ... غادي يقتلوني الى وقعت ليه شي حاجة بسببي ... اويلي على زهر عندي هاري مات ولصقوها فيا ودابا جبل ... انا صافي مشيت فيها .
____________

نهاية الفصل :

الفصل 35 / BARON "السيد المجهول "

2018-10-30T09:23:00.001-07:00

-جباااااااااااال

توقف جبل على السباحة فاش وصلو صوتها ... إستغرب أنها كاتناديه وكان باين من صوتها أنها خايفا وقدر يلمح جسمها جاي من بعيد فبسرعة تلاح على ضهرو ... خدا نفس كبير وغمض عينيه ... كان كايحاول يسيطر على دقات قلبو لي انخفضت تدريجيا بسبب إستلقائو المريح

بينما روعة كانت كاتعوم بسرعة راجعا للمكان لي خلات جبل فيه حتى لمحت جسدو مستلقي على الماء وكأنه ميت فعامت لعندو حتى وصلات ووقفات متسمرا أمام جسمو ... كانت خايفا بزاف وعيونو كانو منغلقين بهدوء .

- جبل ... سي جبل ... واش نتا لاباس ؟!

همست بيها بصوت خايف لكن فاش ماجاوبهاش قالت بإستهجان:
- اويلي ياكما العضة ديالي سخفانو

كان جبل كايضحك من الداخل ديالو عليها لكن ملامحو كانت هادئة ... قربت روعة منو بخوف ولمست مكان العضة فحلمة صدرو وتحسست أثار أسنانها لي كانو مخلين حفيرات صغار على جلدو ... بينما جبل شعر برعشة لذيذة فكامل جسمو على إثر لمستها ..

خافت روعة بزاف كان كايبان ليها بحال شي جثة ... قربت بسرعة وضعت ودنيها وتحسست نبضات قلبو لكن فاش لاحظت أن نبضاتو ضعيفة ... غوتت بخوف وبدات كاتهزو بقوة باش يفيق لكن ولا ردت فعل كانت صادرة منو ...

عنقاتو فحظنها وبدات كاتبكي وكاتقول :
- جبل ... بارون ... جبل ... واش نتا بيخير ؟... عفاك ماتخلعنيش عليك ... جبل واش كاتسمعني ؟!... سمحلي بزااف... كانترجاك فيق... سمحلي بزااف ... سمحلي والله ماقصدت نأديك ... جبــااال

عنقاتو بقوة وزيرات عليه وهي كاتبكي بخوف ماقادراش تتخيل أنه يوقعليه شي حاجة بسببها... بكات بحرقة وهي متمسكة بيه بقوة حتى فتح جبل عينيه وإبتسم بهدوء وهو كايحس بقلو كاينبض بقوة ... كان كايسمع شهقاتها الخائفة عليه ويديها لي كانو متشبتين بيه ...

يالله وكم عشق شهقاتها حس بقلبو كاينبض ليها بقوة ... عيا مايحاول يسيطر عليه لكن ماقدرش ... كانت بوحدها كاتبان ليه بحال شي حورية بحر فاتنة ... عشقها بجنون وعشق كل تفاصيلها ... هو تأكد دابا أن لي كايحسو من جيهتها ماشي مجرد إعجاب أو حب لا ... بل هو تأكد أن مشاعرو تجاهها كانت عشق جنوني ...

هو كايبغيها لا هو كايعشقها بجنون وكايموت على هواها... رفع يديه بجوج وعنق جسمها الرشيق بقوة بين دراعو ثم همس بصوتو الرجولي :

-شكون أنا ؟

بعدت عليه روعة بسرعة فاش ستوعبت أنه ضحك عليها لكنه ماخلاهاش تبعد على حضنو وكمل بهمس :

- شكون أنا ؟

كان كايتمناها تقوليه ... نتا ... نتا هو حبيبي وعمري وحياتي... بينما هي كانت سعادتها فوق ماتتصور ... حمدت الله ماوقاع ليه والو وبقات كاتشوف ليه فعينيه الزمردية وكأنها كاتأكد منو واش مازال عايش ثم همست بصوت ضعيف :

- نتا.... نتا قائدي

قررات تستسلم ليه أخيرا ... صافي عيات ماتبقا تلعب دور الفأر لي كايحاول يهرب من بين مخالب القط الشرس وتأكدت أنها ماغاديش تصور من غير التعب من عنادها معاه لأن عنادو فاق عنادها بمرات

-أُو...!؟

قالها جبل وهو كايشوف ليها فعينيها بحزم متصنع وكايتمناها تقول "حبيبي وعمري " فجاوباتو روعة بهمس وهي كاتحاول ماتشوفليهش فعينيه :

- العادل ،المُنْصف ، المُقْسِط ، الرحيم ، الرؤوفٌ ، السموح ، السهل الممتنع ، الشفوق ، الصافحٌ ، العادل ، الغافر المتسامح ، المنصف ....نتا قائدي وأنا خصني نطيعك و نفد أوامرك حتى لو طلبت مني الموت فماغاديش نتردد .. وغادي نرمي راسي فقعر الجحيم باش نفرج قلب قائدي المتكبر اقصد المتواضع اللطيف .

إرتسمت على وجه جبل إبتسامة رضى جميلة وهو كايسمع صوتها .. اااخ لو كان تتكلم بنفس الطريقة مع شخص أخر غيرو ... هو ممكن يرتكب جريمة فحق المتلقى ... ماكرهش يتحكم فدرجات صوتها ... معاه يكون لطيف ومع الأخرين بارد وقاسي وياويلها فاش كاتحدر عينيها بخجل كاتبغي تقتلو بلا شك ... مجرمة هي فحق قلبو ... مجرمة وعقابها قبلة على شفايفها الطرية ...

همس وهو كايقربها ليه أكثر :
- كنت عارف أنك ماغاديش تخليني بوحدي وتمشي

شافت فيه روعة بخنق طفولي وقالت:
- وعلاش نتا متأكد ؟؟...أنا مارجعتش على قبلك ...انا رجعت غير حيت ماعارفاش طريق باش نرجع فهمتي !؟

أومأ جبل براسو وهو كايقاوم الإبتسامة لي بغات تظهر على وجهو ثم إنتقل بعينيه مور ضهرها وشاف فالشاطئ القريب منهوم .. فقط ثلاثة ديال دقايق من السباحة وغادي تكون على الضفة ولكنها رجعات لعندو وكاتكذب .. شاف فعينيها وقال بسخرية :

-إبيزا كاتعرفيها قنت بقنت وحدا ڤيلة كونتيسا ماعرفتيش ؟! اممم ماعليش حتى لو كون ماكنتش متأكد ... فنتي دابا أثبتيلي أنني نقدر نتيق فيك من هنا لفوق

تنحنحت روعة بتوتر وعجز لسانها عن التعبير ... واش بصح هو كايتيق فيها دابا ؟... واش هذا كايعني أنها غادي تكون فرد حقيقي من حراسو ... ظهرت شبح إبتسامة خفيفة على ملامحها لكنها أخفتها بسرعة وهي كاتحاول ماتشوفليهش فعينيه لي كانو كايلتاهمو ملامحها .

رفع جبل يديه لوجهها ومرر أصابعو على خدها باش يبعد خصلات شعرها المشاغبة العاشقة لخدودها ومررهوم خلف أدنها وهمس بصوتو الرجولي :

-الإنصياع والطاعة الأوامر .. والسكوت رغم الغضب هادو هوما الإنسحابات لي كاتحفض الكرامة ولي هوما بحد داتهم إنتصارات أروعة ... ماشي إستسلام أو ضعف.

رجع قلبها ينبض ليه من جديد بعدما ظنت أنه ماغاديش يضخ ليه ولو شوية من الإعجاب فقلبها من جديد ... ظنات أنها غادي تكرهو بعد كل لي وقاع بيناتهوم لكنها فاش كاتشوف ليه فعينيه كايستفزو نبضات قلبها وكايرجع ينبض ليه من جديد ... سحر غريب عندو فعيونو بل مغناطيس خطير واللعنة عليه وشحال كايأثر على مشاعرها ... ولا كلامو الموزون لي غير مجرى حياتها .. هي بفضل رسالتو قدرات تبني روعة جديدة .. روعة قوية قادرا تعيش فعالم جديد بوحدها وتتحمل مسؤوليتها بوحدها ... وهاهي بفضلو اليوم قدرات تتهزم خوفها من البحر ... مابقاتش خايفا بل تحول خوفها من الغرق فالبحر لخوفها من الغرق فحبو ... يبدو أنها غادي تصاب بفوبية أخرى ولي هي فوبيا الحب .

تبادلو النظرات وإختلطت أنفاسهوم .... كانو قراب لبعضياتهوم بزاف وعيون جبل على شفايف روعة ... لكن موجة صغيرة ضربت فيهوم ضيعت ليهوم كاع الجو لكنهم بجوج بداو كايضحكو على أنفسهوم بسخرية وقالت روعة باش تغطي على توترها :

- جبل ... امم فيا جوع

إبتسم جبل بهدوء وقال بسخرية وهو كايزول الشعر المبلول من على خدودها :

- إذن خلينا نغطسو لتحت ونقلبو على مطعم سلطع بيركر نشوفو سبونج بوب واش يصوب لينا شي بوكاديوس .

قهقهت روعة وضحكت من كل قلبها على شي لي قال ثم قالت بسخرية :
-هزيتي معاك لفلوس ؟؟

عقد جبل حواجبو وهو كايفكر ثم قال :
-اام لا مع الأسف

ردت عليه روعة وهي كاتبتاسم بهدوء :
-إذن خلينا نرجعو لدار نشولفو لالة تيماء شنو موجدا حيت إلى هبطنا عند لباطرون السيد سلطع غادي يجري علينا هذاك راه كايموت على السنتيم .

بادلها جبل نفس الإبتسامة الهادئة وقال :
- تمام يالاه نمشيو المشاغبة.

طلق منها و تلاح على ضهرو فالماء لكن قبل مايتحرك قالت روعة باش تلفت إنتباهو :

-جــبــل ..

شاف فيها جبل بهدوء وكملت :
- واش مازال حاقد عليا وكاتكرهني ؟

تنهد جبل بهدوء وقال :
- واش كايهمك الأمر الى كنت كانكرهك وحاقد عليك ولا لعكس ؟

كان كايتمناها تقول اه ... كايهمني الأمر ... وكان غادي يقولها .. كيفاش غادي نكرهك ونحقد عليك ... راه أنا كانموت عليك وكانخاف عليك من نسمة الهواء .. لكنها إبتلعت ريقها بتوتر وخافت جوابو يجرحها فقلبها فقالت كمراوغة ليسؤالو :

- يعننني .... بما أنني غادي نخدم عندك ... فعندي فضول نعرف واش نقدر شي نهار إلى إدعت الضرورة ... يعني واش تستاهل أنني نضحي على قبلك بحياتي ... يعني صعيب شويا أنك تعطي روحك فسبيل شخص كايكرهك لكن لو كان العكس وكانو مشاعر يعني ... اممم يعني ... مشاعر طيبة وصادقة فغادي تكون التضحية تستاهل وروحي ماتمشيش هباء منثورا .. فهمتيني؟!

غمضت عينيها بإحراج فاش لاحظت أنها ولات كادخل وتخرج فلهضرة و كاتخربق وشدت غير فكلمة يعني ونظراتو ليها كايزيدو يوتروها ... إبتسم جبل بهدوء وقال :

- كنظن أنك مازال مامستعداش وماباغياش تعرفي مكانتك عندي .

هي باغيا تعرف وكلها فضول لكن مكانتها عندو راها باينا وواضحة وضوح الشمس وقالها بلسانو "نتي مجرد عاهرة فنظري"

- على كُلٍ ماعليش أنا كانتعتابر فمثابة جندي كايخدم لمبدئو الشخصي ... هو كايحاول يحمي الوطن ديالو ..

وكملت فنفسها :
- وأنا كانحاول ننقد ماما

-ونتي !؟
همس بها جبل وهو كايشوف فيها بفضول ومتشوق يعرف شنو غادي تقول ... تمنى أنها تقوليه على السبب لي أجبرها باش تقبل الخدمة معاه ولي هو مرض ماماها .... فشافت فيه روعة وقالت بصوت رقيق :

- عندي أسبابي الشخصية لي مانقدرش نقولهوم لحتى حد

تماما مكانتش باغيا تقوليه على مرض ماماها باش مايستغلش نقطة ضعفها لصالحو ولا يضغط عليها هي عارفاه مزيان ... رجل ماعندوش المستحيل فالقاموس ديال حياتو وتوقع منو أي حاجة .

همهم جبل بتفهم ثم قال وهو كايشوف فالمدى البعيد:
- كايبان ليا اروعة اننا فاهمين بعضياتنا بشكل خاطئ انا كانشرق ونتي كاتغربي ...

ثم شاف فيها وكمل وهو كايقرب منها :
- اشنو بان ليك نحطو النقط على الحروف ... وكل واحد يبين نواياه للثاني .

تراجعت للخلف بطريقة إستفزت جبل ثم قالت بلهجة قاسية وهي كاتقلب عينيها بعجرفة :

- مكاين لاش ... اصلا انا نيتي صافيا شوف مع النية ديالك نتا ... ماكرهتش ان علاقتنا تكون فقط علاقة عمل وتحسبني وحدا من رجالك بحال عصام و إبراهيم بولوط ودانيال ... مانكرهش تحسبني راجل كاع وماتبقاش كل ساعة حاضيني وتحرش بيا وطلب مني دوك الطلبات التعجيزية السخيفة بحال إستأجار رحمي ... ماعرفتش أصلا منين طاحت عليك هاد الفكرة السخيفة ؟؟

شاف فيها جبل بغيظ ومافهمش علاش هاد المخلوقة فاش كايقرر يكون معاها راجل ديال بصح رجل ذو مبدئ كاتبدا تسيف عليه وتكبر ... يبدو أنها كايعجبها لي يمرمدها ويشبعها إهانات عاد باش كاتحني راس اما الإحترام مكايخدمش معاها ...

اه فكرة إستأجار رحمها غريبة وماطيحش على بنادم لكن هو ختارها هي حيت عجباتو من أول يوم شافها فيه ... ويبدو انه الى بقا معاها حنين وجنتلمان غادي تمرمد بكرامتو فلأرض هذا علاش غادي يزير معاها السمطة شويا ... هاد لبنت كاتجي غير بالعين الحمرة ...

شاف فيها بغضب وقال :
- أول مرة غادي نوافقك الرأي أصلا مكاينش الفرق بينك وبين عصام بجوج بيكوم مرجلين ...

تلاح على كرشو ومشا كايعوم بسرعة مخلي موراه جبهة روعة مشتتة فالماء ... كان قصف حاد وقاسح لدرجة بقات كاضور هضرتو فدماغها عاد باش إستوعبت أنه رد على إهانتها بإهانة أعضم .

- إيييوا بزااااف عليك .
غوتت بيها روعة بغضب لكن جبل كان بعد عليها وخلاها بوحدها وسط البحر فخافت وبدات كاتغوت

- جبااال بلاتي تسناني ماتخلينيش بوحدي هناااا .

_____________

كانت صوفي كالسا فالكافيتيريا ديال المطار كاتسنى عصام لي مشا يجيب ليها التذكرة باش تشد الطيارة وخلاها كالسا كاتشرب العاصير حتى لاح ليها لوراق على الطبلة وشاف فيها بينما هي ماكلفتش راسها حتى تعلي راسها فيه وإستمرت بشفط داك جوج قطرات ديال العصير لي بقاو فالكاس مصدرة صوت مزعج ...

قلب عصام عينيه وجر الكورسي وكلس قبالتها وربع يديه وهو كايشوف فيها لكن داك الصوت ديال الشفط دارليه الصداع فراس فمكانش عندو شي حل اخر ... هز كأس ديال الماء من فوق الطبلة وخواه وسط الكاس لي كانت كاتشرب فيه باش يختفى داك الصوت المزعج وداكشي لي كان ...

علات صوفي راسها فعصام ودارت فيه شوفة كاتعني "واش أنا شكيت عليك قلتليك عطشانة باغيا نشرب " لكنها تجاهلت الأمر وقالت بهدوء:
-ماخليتينيش نقتلك الفيران لي فدار

تجاهل عصام كلامها وشاف فالساعة لي فيديه وقال :
-باقي عشرين دقيقة والطيارة ديالك غادي تقلع ...
جبد 100 يورو من جيبو وحطهالها على الطبلة وكمل بجدية:
- هاد لفلوس باش تركبي فالطاكسي فاش توصلي.

شافت صوفي فلفلوس لواحد المدة ثم مدت يديه وهزتها وقالت بإستهزاء :
-شكرا ... الله يكتر خيرك عتقتي هاد الإنسانة اليتيمة بوجود واليديها فالحياة وتكرمتي عليها ب 100 يورو .. نرجعهالك فساعت الخير انشاء الله .

قدر عصام يميز السخرية فكلامها ... تكا على الكرسي بضهرو وقال وهو كايشوف فعيونها الفيروزية :
- هداك ساع غادي ترجعيها مضوبلة ... غادي تكوني كبرتي وتوضفتي وعندك مدخول .. اذن نستاهل منك الإكرامية فوق100 يورو

تكات بحالو على الكرسي وشافت فيه بإبتسامة هادئة وقالت :
-باغي تخليني نفقد الأمل ياك ... حتى نسالي قرايتي و نلقى الوضيفة ونخدم عاد نرجع نشوف بابا ... مزيان تبارك الله

إبتسم عصام بتسلية ثم قال :
-ومال مماك ماصالحاش معاها العيشة ياك عشتي معاها 18 لعام اشنو لي تغير ؟

تنهدت صوفي وشافت فلفلوس لي كانت بين يديها وقالت بصوت فاتر :
-لي تغير هو ان حياتنا دخل ليها رجل طُفيلي.

عقد عصام حواجبو بإستنكار وقال:
-كيفاش يعني !؟

حشات صوفي الفلوس فجيب سروالها وقالت :
-ياك قلتلك ماما تزوجات

رد عليها بسرعة :
-اه وفين هو المشكل هي راها تزوجات مادارتش شي حاجة خايبا ...

قلبت صوفي عينيها بملل وقالت:
-عارفا ....
ثم كملت بصوت حزين
- عرفتي شنو اسي عصام ...انا هي العكس ديال سندريلا ... غير هي باباها تزوج وجابليها مرتو وبناتها لدار استولو على حياتها وردوها خدامة ، وانا ماما لي تزوجات وجابتلي راجلها بولادو باغين يستوليو على حياتي وسرقو مني كل شئ من حد حتى ماما ... هذا علاش خويتليهوم الدار باش يعيشو فيها براحتهوم وباش ماما تعرف ان زواجها بداك الطفيلي كان بمقابل بنتها ...انا خيرتها ... قلتليها يا انا فحياتك ... ياهو ... لكنها ختارتو هو وعند بالها انني مانقدرش نعيش بلا بيها ...تزوجاتو وجابت ولادو بثلاثة يعيشو معانا ... جوج ديال لولاد فعمر لكبير 25 والثاني 23 وبنت قدي ... اذن انا اشنو بقالي فديك الدار الا كان حتى حريتي فداري وفغرفتي تسلبات مني ...

بقى عصام كايشوف فيها وساهي ... لأول مرة غادي يشوف الإنفعال على ملامحها حتى انه لمح دمعتها لي بغات تسيل لكنها لحقتها ومسحتها بسرعة وكملت وهي كاتقول :
- هي سافرت لشهر العسل باش تستمتع مع راسها وخلاتني وسط دوك لوحوش ديال ولادو يديرو فيا مابغاو ... كايتافقو عليا بجوج معادا لولد لكبير لي عاطيني التيقار .. كايهينوني كايقللو من قيمتي وديما كايستهزؤ بيا قدام صحابهوم لي يسوا ولي مايسواش ... مجرد شهر واحد لي عشت معاهوم أُولات كاتراودني فكرة الإنتحار حراك الا زدت كملت معاهوم حياتي ماغاديش نتردد وغادي نفد أفكاري لمجنونة ونغادر هاد العالم البائس.

سكتت شويا فاش استوعبت انها قالت شي حوايج شخصية ماخصهاش تقولهوم لشخص غريب بحال عصام لي كان كايشوف فيها بهدوء وتنحنحت بإحراج ... ناضت من چلستها وهزت شنطتها دارتها فضهرها فناض عصام حتى هو وقال بإستفهام :

-فين غاديا..؟

توقفت وشافت فيه بصمت ثم تنحنحت وقالت وهي كاتهرب من عينيه لبعيد ...
-كانضن مازال شويا الوقت ... بغيت نمشي لطواليط كانحس براسي مزيرا

أومأ عصام براسو وقال وهو كايرجع يكلس فبلاصتو :
-واخا سيري وماتعطليش ..
هزت راسها بالموافقة ومشات كاتقلب عليه الحمام حتى لقاتو ... دخلت ورمات شنطتها فالارض وقربت من الحوض ... حلت الروبيني وغسلت وجهها وشربت شويا ديال الماء ثم علات راسها وشافت إنعكاس صورتها فلمراية .....

غمضت عينيها وتنهدت وهي كاتفكر فالوحلة لي لقات راسها فيها ثم اعتدلت فوقفتها وسحبت الأوراق النشافة من الرولو وبدات كاتمسح فوجهها حتى كاتسمع صوت ديال شي بنت فطواليط ويبدو انها كاتكلم فتلفون مع شي حد بإنفعال وكاتقول :
- جاء الوقت باش نوضع حد لهاد المهزلة لي انا عايشا فيها وسط منكوم ...صافي عيييت...

بقات ديك الكلمة لاسقا ليها فعقلها ومابغاتش تزول رغم ان البنت قالت شلا كلام من بعد هاد الجملة إلا ان صوفي حست بأن هاد الجملة هي رسالة ليها من عند الله .

هزات شانطتها من الأرض وحملتها على ضهرها ودفعت الباب وخرجات .. تمشات وهي عازمة على تنفيد داكشي لي قرراتو ... دازت من حدا عصام لكنه ماشافهاش حيت كان كايهضر فتلفون ومن خلال تعابير وجهو استنتجت انه كايهضر مع باباها دون ماركيز بالخصوص فاش سمعاتو كايقول:
-اه اسيدي راحنا فالمطار

تنهدت بإنزعاج ورجعت لعندو وقالت بغيظ وهي كاتشير لساعة لي فيديها :
- مشا لحال طيارتي غادي تقلع دابا .

شاف فيها عصام بهدوء وكمل المكالمة مع دون ماركيز حتى سالا وناض وهو كايقول بينما كايحشي التلفون فجيبو :

- واخا يالاه نوصلك .

لكنها قالت بإعتراض :
- مكاين لاش ... انا جيت من فالينسيا لإيبيزا غير بوحدي مابقاتش على بعض لأمتار ....

مدت يديها باش تصافح يديه وكملت بفتور :
- سي عصام ... تشرفت بمعرفتك .. وفرصة سعيدة كانتمنا نطلاقاو مرة اخرى ونكون كبرت باش نرجع ليك لفلوس مضوبلة

بقا عصام كايشوف فيديها لممدودة ليه ثم تمسك بيديها وابتسم بهدوء وقال :
- فرصة سعيدة يا أنسة مشاغبة ... كانتمنا توصلي على خير .

ودعاتو صوفي وضارت باش تمشي وهي مرا مرا كاضور تشوف واش مازال حاضيها .. حتى شافتو دخل لكشك ويبدو أنه طلب يشري سيجارة وهي تقلب ضورة ... مشات كاتجري حتى دازت من حداه لكن ماشافهاش .

وقفت و ضارت ببطئ وشافت فيه بنظرة اخيرة وهمست بصوت حزين:
-سمحلي بزاف ...عارفة انني غادي نتسببلك فالمشاكل من بعد ولكن أحياناً المرأ خصو يتصرف بأنانية لمصلاحتو ...

حركت رجليها وخرجت من المطار وبقات واقفة عند الباب ماعرفت فين ترد الراس حتى وقفت عند رجليها سيارة طاكسي وطل منها السائق رجل خمسيني وقال بصوتو الرجولي :
- واش تبغي نوصلك ابنتي ؟

شافت فسيارة السائق بتردد ثم قالت بعد تفكير :
-واخا ...
ركبت صوفي فالسيارة وكذالك السائق وضار لعندها وقال :
-فين تبغي نوصلك ؟؟

بقات ساكتة كاتفكر شنو غادي تقول ثم همست بصوت ثابت :
-غير سير ...من بعد ونقولك

إنطلق السائق بسيارتو وتنهدت صوفي بحيرة حيت فعلا ماعارفاش فين غادي تمشي وكل لي معاها هي 100 يورو لكنها تفكرت السنسلة ديال الذهب ولحوالق لي كانت دايراهوم .. اكيد الا باعتهوم غادي يجيبولها شويا ديال لفلوس لي تقدر تعيش بيهوم واحد الفترة علاما تلقى شي حل لراسها ...

تكات براسها على المقعد وغمضات عينيها لكن رجعت فتحتهوم بسرعة فاش تفكرة حاجة مهمة ...
جبدت التلفون من جيبها ودخلت للفيس بوك وقلبت على شي بنت كانت تعرفت عليها هادي شهر من شي كروب ديال الكتب وهضرات معاها شحال من مرة وقالت ليها بلي ساكنة فإبيزا ... اكيد مكاينش من غيرها لي غادي ينقدها من هاد التوهان لي هي فيه ...

دخلت لماسنجر وصونات عليها على أمل انها تجاوبها .... صونا لمرة الاولى حتى قطع ... والثانية حتى قطع .. والثالثة والرابعة والخامسة ...

___________

وصل أخيرا جبل للشاطئ الحجري وكلس على وحدا من الصخور باش يرتاح شويا وتبعاتو روعة وهي كاتلهت بتعب لكن فاجأها صوني ديال تلفونها ... جبداتو من جيبها وحمدت الله أن تلفونها مضاد للماء وإلا كانت غادي تقتل جبل إلا ماشرالهاش وحداخور ... فتحت الخط وحطات تلفون على ودنيها وجاوبت ...

- ألو ...

-الو ... إميليا كلارك

ضارت روعة وشافت فجبل لي خنزر فيها بمعنى هدا ماشي وقت التلفونات لكنها تجاهلاتو وردت بصوت خافت وهي كاتبعد عليهوم :

-اهلا صوفي ...

بقى الصمت بيناتهوم هو سيد الموقف حتى ظنت روعة ان الخط تقطع وبعدت التلفون على وجهها باش تشوف لكن الخط كان مازال مفتوح ورجعت قالت بإستفهام :
-صوفي .. واش نتي بيخير ؟

إبتلعت صوفي ريقها بتوتر وشافت فالطريق عبر النافدة ثم قالت :
- ختي إميليا ... انا محتاجا ليك بزاااف

كلسات روعة على الحصى لي فالشاطئ وقالت بإستغراب:
- ‏واش كاين شي مشكل ؟

عضت صوفي على شفتها وقالت :
- فالحقيقة ‏انا جيت لإبيزا لكن تقطع بيا لحبل هنا ... مالقيت عندمن نمشي ... حتى لفلوس ماعنديش

ردت عليها روعة بإستهجان:
- ‏واشنو جيتي ديري فإبيزا بوحدك اصوفي.؟

سكتات وفكرات انها تقول لروعة لي كاين :
-مازالة عاقلة على القصة ديالي ...

إبتسمت روعة بهدوء وقالت:
-سندريلا المنبوذة !!؟

ضحكت صوفي وردت عليها :
-ايوا يا لالة سندريلا المنبوذة قررت تقلب على باباها لي ساكن فإبيزا لكنه جرا عليها ونكرها وهددها إلا رجعات لعندو غادي يعاقبها وتحولت من سندريلا المنبوذة لسندريلا المتشردة و المطرودة

همهمت روعة بأسف وقالت:
-همم مع الأسف ماتقلقيش احبيبتي صافي ...

تنهدت صوفي وقالت :
- إميليا .... انا دابا مقطع بيا لحبل هنا ... ماقادراش نرجع لدار ماما بسبب دوك المجرمين ديال ولاد راجلها وماعندي عندمن نبات هنا ... حتى لفلوس ماهزيتهومش معايا ... عافاك عاونيني ...

تنحنحت روعة بإحراج وماعرفت ماتقول ... لو كان جاتها فشي وقت اخر كانت غادي تستقبلها فدارها وضايفها حتى تقاد امورها لكن الدار ديالها فهاد الفترة خطيرة هي بنفسها ماتقدرش تكلس فيها حراك بنت صغيرة ماكملتش حتى 18 لعام ... بالاضافة ان غير هاظي يوماين لقاتها مقلوبة سفاها على علاها ومخربة ... كيفاش غادي دير معاها دابا ؟

-ااام ..احم... صوفي ماعرفتش شغادي نقوليك ... انا ماكرهتش نستاضفك فداري لكن هاد الساعة انا مامتواجداش فيها

ردت عليها صوفي بسرعة :
-ماعنديش مشكل انا نتسناك حتى ترجعي على خاطرك عطيني غير العنوان .

غمضت روعة عينيها بأسف وحست بالخجل من نفسها لانها كاتحاول تتملص من مساعدة بنت صغيرة فحاجتها وحست بالعار من نفسها .
-صوفي مافهمتينيش احبيبة ...انا لقيت خدمة جديدة وحاليا انا ساكنة فمكان خدمتي هذا علاش انا ماساكناش فداري حاليا ...

ردت عليها صوفي بترجي:
- الا كانت دارك غير خاوية عافاك خليني نسكن فيها هاد المدة علاما نلقى شي حل لنفسي ... عافاك انا كانخاف بزاف من الشارع مانقدرش نبات فيه

مررت روعة يديها بين خصلات شعرها المبلول وغمضت عينيها بقوة باش تضبط اعصابها ثم قالت:
- عندي واحد المشكل خطير فدار لي يقدر يتسببليك فالأدى ... هدا علاش مانقدرش احبيبتي صوفي ... شوفي كيفاش ديري ترجعي لڤالينسيا وحاولي توضعي حل لولاد راجل ماماك باش تقدري تعيشي معاهوم فسلام

تكات صوفي براسها على المقعد بإحباط لكن ماكانش عندها مشكل تدير اخر محاولة معاها
-اشنو هو هاد المشكل لي فدارك ؟

سكتت روعة شويا كاتفكر ديرليها شي سبة كيفما كانت باش تحيدليها فكرة الدار من دماغها وقالت:
- ااام ... عندي بزااااف... لا ماشي بزاف عندي عَشيرة بل قوم ديال الفيران معششين فكل قنت من داري

رفعت صوفي راسها من المقعد وظهرت إبتسامتها العريضة وقالت بصوتها الطفولي بحماس :
-ماعنديش مشكل نقدملك خدمة صيد الفئران مجانا ... انا ماااهرة فقتل الفيران خصني غير شويا ديال السم وشي مصيدة وكانواعدك فاش غادي ترجعي لدارك غادي تلقايني قتلتهوم كاملين ... عافاك ماترديهاليش فوجهي ..

حيدت روعة التلفون من ودنيها بيأس وحطاتو فالأرض ماكرهتش فديك اللحظة تزطم عليه وتهرسو ... حجرة ديال الصم من أرضية الشاطئ وضربت بيها جبهتها حتى غوتت بألم وفرغت الطاقة السلبية ثم رجعت رماتها و شدة فجبهتها وهي كاتحك فيها ...هزت التلفون دارتو على ودنيها و لقات صوفي مازالة كاترغب وتزاوگ ...

-امري لله ... غادي نسيفطليك العنوان فميساج والساروت غادي تلقايه عند الكونسيرج .

توسعو عيون صوفي بالفرحة وماكرهتش تنوض تنقز وتشطح فقالت وهي كاتحاول تحبس ضحكتها :

-شكرا شكرا شكرااااا بزاف بزاف مليون تريليون مرة ماتصوريش الخير لي درتيه فيا ... انا كانمووووت عليك نتي احسن صديقة ...

وإستمرت صوفي فمدح وشكر روعة بينما كانت الاخرى غير كاضحك على لاطافتها وطفوليتها اللطيفة لكنها قالت بتحذير وبصوت جاد :
- سمعيني اصوفي ... غير هادي يوماين دخلو الشفارة لدار وقلبوها سفاها على علاها ... كوني حذرة وسدي لباب مزيان وكاليها من الداخل بشي حاجة باش مايقدر حتى شي حد يحلها علاما ليقيت شي وقيت باش نجي نغير الفرخة ديال الباب وندير وحداخرا ... تافقنا ...

ردت عليها صوفي بإبتسامة عريضة:
-أكيييد متافقة

قطعت روعة الخط بعدما ودعتها وسيفطت ليها العنوان في رسالة نصية ثم ناضت وشافت فجبل لي كان مازال كالس على ديك الصخرة الكبيرة وكايشوف فيها بدون ملل.. طلعت معاها رعشة ديال البرد فاش هب شويا ديال الريح ومشات كاتجري لعند جبل ووقفت حداه .. كانت باغيا تقول ليه يالاه نمشيو لكن النظرة لي دار فيها اخرست كلماتها .

شاف فيها جبل بغضب وهو عاقد حواجبو ثم قال :
- معامن كونتي كاتهضري .

طلعات وهبطات فيه ثم قالت بغيظ :
- حتى واحد .

عصباتو فديك اللحظة .. مازالة كاتحاول تستافزو واخا حذرها .. إنقض عليها وحيد ليها تلفون من يديها بغضب وغوت فوجهها :
- حتى واحد هاااه ... كاتهضري مع شمايت ؟!

تسمرت روعة كاتشوف فيه بصدمة ماقادراش تصدق شي لي سمعات فقالت بغيظ :
- ونهضر حتى مع جنون ونتا مالك ؟؟ ... عطيني تيليفوني ... يالاه أراه .

شاف فيها جبل بغضب وحنا راسو شاف فتلفون وبغا يحلو لكن لقا فيه لباسورد .. علا راسو شاف فيها وقال :
- شنو هو لباسورد ؟؟؟ .

قلبت روعة عينيها وشافت فيه بإنتصار ولكن جاتها فكرة للراس ... تنحنحت بثبات وقالت:
- حتى تعطيني الباسورد ديال تلفونك عاد نعطيك ديالي ..

بقا كايشوف فيها بغيظ ... واخا كان غادي يقتلها وسط لبحر وعطاها درس على الطاعة ماستافدت منو حتى حاجة ... باغيا طرطق فيه شي عرق هاد لمخلوقة لكن ماشي مشكل ...بسرعة جبد التلفون من جيبو ... اصلا ماعندو مايخسر وتلفونو مافيه حتى شي حاحة مهمة بخلافها هي لي كاتهضر مع شمايت ... وحلف بليمين ولقا نمرة ديال راجل هي لي صونات عليها قبيلة حتى يهرس ليها تلفون مع لأرض ... دخل الباسورد لي كان فيه إسمها ومدولها لكن قبل ماتلحق تشدو من عندو قال :
- حتى تعطيني لباسورد ديالك .

قلبت روعة عينيها بملل وقالت :
- 2312

بسرعة دخل جبل الرقم حتى تلغى القفل ديال تلفونها عاد عطاها تلفونو ... وبسرعة دخل لأرقام المكالمات لكن لقا إسم صوفي والمكالمة تمت من الماسنجر .. إرتاح نسبيا لكن جاتو الفرصة حتى لبين يديه غادي يفتش تلفونها تطبيق بتطبيق و صورة بصورة ...

دخل للميساجات وكانو عادين وتطبيقات لوخرين حتى هوما عادين لكن فاش دخل للصور ولقا صورها مع عصام وهوما كايضحكو وفرحانين تعصب وبدا كايمسح فيهوم وحظا بوحدا حتى ماخلا ليها حتى شي صورة ديال عصام كاضور فتلفونها ....

لكن فالحانب الأخر كانت روعة مصدومة من الشئ لي كاتشوف قدامها ... كانت متشوقا تعرف علاش جبل فالأمس كان كايشوف فتلفون وكايبتاسم لكن فاش دخلات للميساجات ديال البطاقة الإحتياطية لقات ميساجات فنمرتها هي ... إذن جبل هو.... هو السيد المجهول لي كايسيفط ليها فكل صبح رسائل جميلة !! ...ماكانتش قادرا تصدق ... ولكن شكون هاد لبنت لي سرق منها بوسات؟؟؟ اااخ بغات تقتلو نيسوانجي لاخور بوبنات .

علات راسها وشافت فجبل لي كان مشغول فتلفونها ثم قالت :
- اكرهها وأشتهي وصلها وإنني أحب كرهي لها ..أحب هذا اللؤم في عينيها ... وزورها إن زورت قولها.

على جبل راسو ببطئ وشاف فيها ... لعن راسو حيت نسا مامسحش دوك الرسائل بقا مسمر قدامها وكملت وهي كاتقول :
- بروحي فتاة بالعفاف تجملت .... سرقت قبلات من دون علمها... قد لمعت عيناه بالعزم إنتفضت يمناه ... كل هاد الرسائل كانت منك أجبل !؟.

إبتلع جبل ريقو بإحراج ثم مد يديه باش ياخد منها التلفون وعطاها ديالها ... لكن ماجاوبهاش ورجع كلس على نفس الصخرة . وكملت روعة وقالت بنبرة نستغربة :
- ولكن شنو الغاية من هاد الرسائل ؟!

تنحنح جبل بتوتر .. كان محتاج يعبر على مشاعرو للبنت لي كايبغي باش يخفف شويا ديال الضغط على قلبو واخا بطريقة غير مباشرة وردودها عليه كانت كفيلة باش تبرد جمرة الحب من طرف واحد لي كايحس بيه ...
وقال وهو كايتجنب يشوف ليها فعينيها:
- مجرد كلمات كانو كايجيوني على بالي وكنت كانبعتهوم ليك ... علاش واش كاين شي مشكل ؟! .

بقات كاتشوف فيه بشك ثم قالت بغيظ:
- وشكون هادي لي بستيها البارون ؟

إبتسم بخبث فاش تفكر البوسات لي سرقهوم منها وهي ناعسة ... علا فيها حاجب واحد وقال :
- ونتي مالك ؟ فاش كايهمك لأمر ؟؟. كاتغيري عليا!! .

ضحكت روعة بإستهزاء وردت عليه بطريقة فضة :
-اش كاتقول أنا هاهاها !! ... وعلاش غادي نغير ؟ ااي ياياي عندك حس الدعابة .

لكن بلاتي إلا كان هو السيد المجهول ... إذن كيفاش حتى عرف بالروسومات لي كانت كاتبغيهوم فطفولتها ... زعما تكون غير صدفة !! .. راه حتى هو كان فيوم من الأيام طفل واكيد كان كايتفرج فالروسوم . لكن لي ماعارفاهش روعة انه كايعرف عليها كل تفصيلة بسبب دفتر مذكراتها لي قراه صفحة بصفحة .

حنا جبل راسو وبقا كايشوف فالأرض بهدوء ثم ناض وقال باش يبدل هاد الموضوع :
- ماعمرك تظهري ضعفك لشي واحد أروعة ... كاينين بعض أنواع البشر عندهوم نفس حاسة الكلب ... إلى شمو ريحة الخوف فيك غادي يهاجموك على الفور .

شافت فيه روعة بتعابير حائرة بعدما إستوعبت الأمر ... واش كايقصد أنها هي لي عطاتو الفرصة باش يهجم عليها حيت بينات خوفها ليه !؟ .. واش خصها تعتابرو درس تطبيقي عطاه ليها جبل قبيلة ؟!.

غمضت عينيها بغيظ بعدما إستوعبت مدى غبائها وردت فعلها السخيفة والطائشة وبدات كاتسترجع لذاكرتها كمية الشتائم لي قدفتها من لسانها الطويل لجبل ... اللعنة مكانش عليها تتسرع ... قاطعها جبل وهو كايقول :
- يالاه نمشيو غادي تمرضي إلا بقيتي هنا وفازكة .

تسمرت كاتشوف فيه بإستهجان وقالت :
- واش كاتهمك صحتي ؟ .. ياك غير قبيلة كونتي غادي تقتلني .

بقا كايشوف فيها بهدوء وهو كايعض على شفايفو بغيظ .. واش مابغاتش تفهم هاد لمكلخة أنه مكانش باغي يقتلها واللعنة ...
- ياك قلتي بلي التحرش كايعاقب عليه القانون وأنا مكانأمنش بالقانون هذا علاش ماقتلتكش باش نبقا ديما نخترق لقانون.

ضيقت عينيها فيه وقالت بغيظ:
- ياه على بشار زعما ماقتلتينش غير حيت باغي تخترق لقانون ماشي خوفا من الله أنك غادي تقتل روح بغير حق ..

غمض عينيه وتنهد باش يحافض على أعصابو وإلا غادي يطير عليها يعضها من لسانها .. مرر يديه على خصلات شعرو المبلول وقال :
- زيدي نمشيو وباراكا من لهضرة بزاف .

لكنها جاوباتو بعناد .
- إلا بغيتي تمشي سير أنا غادي نبقا هنا باغيا نتبرونزا شويا وناخد اللون ... غالبا غادي نرجع فلعشية غير سير .

مازالة كاتلعب ليه على لأعصاب هاد البنت لحمقة .. قالها زيدي هي زيدي علاش ديما مقصحة راسها ؟؟... مكانش باغي يتجادل معاها أكثر باش مايزدقش دافنها وسط الرملة فقرب منها بسرعة وطيرها من لأرض ...ماحستش براسها حتى لقات راسها بين يديه وهو هازها..

تشبثت بعنقو وقالت بدهشة :
- جبل .. أشنو كادير نزلني باغيا نتبرونزا !!

ضيق جبل عينيه وهو كايشو فيها وقال بغيظ:
- باغيا تبرونزاي فهاد لبرد الويلة .. واخا نوصلو لكونتيسا وغادي نبرونزيك بشي سقلات .

توسعو عينيها بصدمة وحلت فمها باش تهضر كنه قاطعها بحدة وقال :
- شووو .. ولا نص كلمة

قطعت لحس بسيف عليها وهي كاتحس بالخجل بين يديه فشاف فعينيها العسلية لمدة طويلة حتى لاحظ توترها ثم حنا راسو وحرك رجليه وهو كايحس بالراحة حيت هي بين يديه ووسط حضنو وغير خرج فيها عينيه وهي تقطع لحس ماغوتت مادارت حتى شي ردت فعل عدوانية وهادشي خلاه يفتخر برجولتو وكلمتو قدامها ... لكن فاش شعر برأسها لي وضعاتو فوق كتفو إبتسم لا شعوريا وشعر بدفئ جسمها ودفئ قلبها ... ميل راسو وطبع قبلة خفيفة على رأسها وكمل الطريق . لكن ماكانوش عارفين ولا حاسين بدوك العيون الخبيثة لي كانت مراقباهوم من بعيد وكايلتاقطو ليهوم صور ...
___________

نهاية الفصل

الفصل 36 / BARON "اهلا بالهلاك"

2018-10-30T09:23:00.000-07:00

وقفت سيارة رافاييل أمام بوابة ڤيلة كونتيسا وخرج منها بعنفوان شبابو قاصد الباب ... دخل ومالقى حتى شي واحد من غير تيماء لي قالت ليه :

- سي رافاييل تفضل كلس علاما يرجع سي جبل راه مشا غير يدير الرياضة ماغاديش يتعطل ... تبغي نصوبليك قهوة ولا تشرب عصير .

إبتسم رافاييل بهدوء وهو كايشوف فتيماء وقال :
- قهوة الى جات على خاطرك الالة تيماء .

- في الحال سي رافاييل
قالتها تيماء ومشات مخلية رافاييل كالس بوحدو فصالة الجلوس وداير رجل على رجل بخيلاء وكايفكر فالموضوع لي جا على قبلو ولي هوما الصور ... جبل كدب عليه وقال ليه بلي هو ماشافش البنت لكن الصور يثبتون عكس ذلك .... كان عندو رغبة أنه ينوض يفتش مكتب جبل على التسجيل فإحتمال يكون كدب عليه ومخبعو فشي بلاصة .

-واش ممكن جبل يكون كايحاول يغطى على ديك البنت .. لكن شكون هي؟؟ ..

قاطع تمتماتو تاليا لي دخلت مع الباب وكانت يالاه وصلات من الجامعة وغير شافها توتر واعتدل بجلستو لكن يبدو أن تاليا ماشافتوش فتنهد بإحباط وهو كايشوف فيها طالعا مع الدروج ودايرا السماعات فودنيها ويبدو أنها عايشا فعالم أخر باش مالاحظتش وجودو ...

تكى على الكنبة الكراملية بإحباط وجبد التلفون باش يصوني على جبل لكن مكانش عارف أن تاليا شافتو لكن هي تجاهلاتو ودارت راسها ماشافتوش حيت ملي دخل من الباب كانت سيارة علي مورو وقفات وفديك اللحظة شافتو ...

دخلات لغرفتها ولاحت الحقيبة ديالها على السرير وقربت من المراية وعرات عنقها وسدرها لي كانت مغطياهوم بسترة بالعنق طويل ... تحسست بأصابعها أثار قبلاتو لي كانو بداو كايتلاشاو تدريجيا ثم همست بخبث وهي كاتشوف فلمراية :

- أنا مازالة عند وعدي غادي نتاقم منك اسي لبوليسي على هادشي لي درتيه فيا .

خرجت تاليا من غرفتها وتسللت مع دروج غير بالحس طلت عليه ولقاتو كالس بهدوء وعلى ودنيه تلفون ويبدو أنه كايهضر مع شي حد فشي مكالمة مهمة ... دازت من حداه وفاش قربت لعند الكنبة لي كالس عليها حنات للأرض وتمشات على يديها وركابيها بحال شي قطة حتى وصلت للمطبخ ولقات لالة تيماء كاتوجد فالقهوة وقبل ماتشوفها ناضت بسرعة وقالت بصوت بريئ :

-خالتي تيماء عصام قالي نعيطلك محتاجك فشي حاجة لتحت هبطي عندو دغيا .

شافت فيها تيماء وقالت بإستنكار :
-ولكن انا راه مشغولة كانصوب لسي رافاييل القهوة .

قربت منها تاليا ببراءة وقالت بصوت حنين:
- ماعليش أخالتي غير سيري أنا نصوبها وفاش ترجعي تلقايها واجدا.

تمتمت تيماء بغيظ ثم قالت :
- واعنداكي تسهاي عاوتلني حتى تفيض لقهوة راني كانعرفك فاش كاتحلي فمك فتلفون .... دار تحرق وماتجيبيلهاش لخبار

قلبت تاليا عينيها بملل وقالت:
- واصاافي اخالتي صااافي غير سيري .

خرجات تيماء وهي كادعي فعصام لي مشقيها حتى التحت وفديك اللحظة إستغلت تاليا الفرصة وحلات لبلاكارات كاتقلب على الحار حتى لقاتو وكان صوص أحمر و عليه صورة العافية شاخدة ففم رجل ... إبتسمت تاليا بخبث وهمست.

- كانتخيل المنظر ديالك بحال هاد الرجل ..

لحقت القهوة قبل ماتفيض وطفات عليها ثم خواتها ففنجان أبيض وزادت عليها الحار بسخاوة من قلبها تقريبا أربع معالق كبار بينما داك صوص غير نقطة منو كايخلي جميع الخلايا والحُليمات لي فالسان تنفجر من شدة الحرارة ....

خلطات القهوة مزيااااان وعمرات كأس بالماء البارد باش يعتق روحو مسكين بعد الصدمة .. ولكن دارت فيه جوج معالق ديال الملح وحطاتو فالصينية ... هزتها وجات خارجا لكن تفكرت أنه ممكن يموت ليها ولا يتخنق لاسمح الله ....

رجعت حطت الصينية ومشات للثلاجة خرجات قرعة ديال الحليب حلاتها وبقات كاتشوف فيها ثم همست بخبث

- امم خلينا نضيفو شويا ديال الإثارة لسي رافاييلووو .

مشات لمكان الثوابل وهزات لبزار خوات جوج معلقات كبار فوسط الحليب ومخضاتو مزياااان ... هزات الصينية وجات خارجة لكن تفكرت حاجة مهيمة .. رجعت حطت الصينية وخرجت من المطبخ طلعات كاتختل غير بالحس لغرفة جبل ... حلات باب الحمام وقلبات فالخزانة ديال مستحضرات الحلاقة حتى لقات زيزوار جديد مازال فلغشاء ديالو ... إبتسمت بخبث وهزاتو وجات خارجة لكن فكرت شوية وهي كاتشوف فغرفة الملابس ديال خوها .

- هممم كايبان ليا منبعد هاد لعذاب لي غادي تعيشو اليوم حشومة نخليك تمشي مكرفص .

دخلات لغرفة خوها وخدات منو بعض الملابس تيشرت رمادي وسروال أسود وخرجات وهي كاتسلت هبطت مع دروج ولقاتو حانى كايلعب مع سيزي وشادو لي كانو كاينقزو حداه وكايبتاسم بتسلية..

للحظة سهات وهي كاتشوف فإبتسامتو الرجولية لكن فاش شافت لالة تيماء داخلة مع الباب هبطت كاتجري دخلت للحمام حطات الحوايج وهزات الصابونة حشات فيها زيزوار بحذر باش ماتجرحش يديها وخلات الجيها الماضية منها باينا شويا من الأعلى .

خرجات وتسللت للمطبخ ولقات لالة تيماء كاتنكر وغير شافتها قالت بغيظ :
- هبطت حتى لتحت ومالقيتوش غير شقاني داك لبرهوش الله يعطيه ماعرفت شنو ..

تجاهلت تاليا نكير تيماء حيت عارفاها مكاتسكتش وهزات قرعة ديال لحليب وحلاتها دارت راسها كاتشرب منها وهي كاتسناها باش تهز الصينية وتوصلها للضيف الماصون ..

تبعتها بعينيها حتى خرجت ومشات كاتجري لغرفة التنضيف وهزات طفاية الحريق الكبيرة وفكت منها القفل وخرجات ... وقفات مور الباب حاضيا شنو غادي يوقاع ..
حتى حطات تيماء القهوة لرافاييل وهضرات معاه شويا وكانت كاضحك معاه ثم خلاتو ومشات .

بقات كاتسناه يشرب القهوة بأعصاب مشدة لكن سيزي وشادو كانو ملاهينو ...
- اووف هادشي لي بقا .

تمتمت بيها و هزات الطفاية والقرعة ديال لحليب وتسللت غير بالحس على يديها وركابيها حتى وصلت خلف الكنبة لي كالس عليها رافاييل وتنفست الصعداء ... كانت دايرا بحال شي قطة كاتختل للفار لكن سيزي فاش شافتها بدات كاتبح وجرات لعنها نقزت عليها وبدات كاتلحس ليها وجهها بلسانها .

-سيزي ... وابعدي مني الله يلگها ليك أبنت لحرام .. ماجاك لحيس غير دابا .

- غير كاتبوسك

علات تاليا راسها ببطئ على إثر صوتو ولقاتو واقف فوق راسها ومربع يديه لصدرو العريض ومعلي حاجب واحد وكايشوف فيها بسخرية ....

-نارييي على حصلة
تمتمت بيها تاليا فنفسها وباش تنقد الموقف بدات كاتحسس الأرض بيديها بحال شي عورة وكاتقول بصوت مرتفع

-سيزييي ... شادووو اجيو قلبو معايا على حالاقتي راها طاحتلي من ودني ...

بدا شادو كاينقز حداها وكايشمشم فالأرض هو وسيزي وكملت تاليا وهي كاتنعت ليه بصبعها السبابة :
- شادو قلب من تحت ديك الطبلة .. سيزي اجي شوفي نتي من تحت هاد الفوتوي

إنتبه رافاييل لتصرفاتها .. مكانش باين عليها الحزن على موت حبيبها إذن هي مازال ماساقتش لخبار أن هاري مات ... بقا رافاييل مراقبها وإبتسامة ساخرة على ملامحو وهو كايشوف بعينيه حلقاتها بجوج لاسقين فودنيها ... فقلب عينيه وقال بسخرية :

-أنسة تاليا ... واش راكبا على حمارك وكاتقلبي عليه ...

شافت فيه وقالت بغباء:
-هاه !!

كمل رافاييل بسخرية:
- لحوالق بجوج راهوم فودنيك .

توسعو عيونها بصمة ومدت يديها تحسست ودنيها بطريقة وكأنها أول مرة غادي تكتاشف بلي عندها ودنين ثم شافت فيه بإبتسامة بلهاء وقالت :

-علاه أنا قلت لحوالق ... الااااا بغيت نقول لخاتم

تجاهلت إبتسامتو الساخرة و ضارت عند شادو وسيزي وبدات كاتغوت :
-شادوووو ... سيزيييي وااااسيزي ماشي تماك لهييه لهييه قلبو على خاتم صفر وفيه حجرة بيضا فهمتو اولد وبنت لحرام ... الله يلقيها ليكوم ... دوختوني مابقيت كانفرق بين لحوالق ولخواتم .

عض رافاييل على شفته السفلية باش يمنع الضحكة لي بغات تخرجليه ... لكنه كان فرحان وفقمة السعادة وهو كايشوفها متوترة وكاتصرف بطفولية ... كان قادر يلمح أثر قبلاتو على عنقها و شعر برجولتو مازالة مسيطرة على جسمها ... هو كان مستقصد يخلي عليها علامة تفكرها بيه ولكن الغرض الحقيقي خلف ترك العلامات هو باش فاش يشوف هاري علامات القبلات على جسمها يشك بلي كاتخونو ويتفرق عليها وفنفس الوقت فينما تشوف نفسها فلمراية تتفكرو وتتفكر قبلاتو ... لكن مع الأسف هاري مات ويبدو ان الأمر نجح وقدر يخلي أثر فقلبها فينما تشوف علاماتو .

شافت فيه تاليا بتوتر وناضت من الأرض وهي كاتبتاسم ببلاهة وهو بادلها الإبتسامة ساخرة وهمس بصوتو الرجولي :
-لباس عليك .

توترت من نبرة صوتو الرزينة وقالت وهي كاتعدل فملابسها:
- اه لابااااااااس لحمد لله .

ضحك رافاييل على طريقتها الغريبة فالهظرة وللحظة دخلو الشك ... زعما يكونو قبلاتو قضاو لغراض وخلاوها توقع فحبو ؟؟ ... قرب منها باش يتأكد وحط يديه على كتفها وقال بصوت حنين وهو كايشوف ليها فعيونها :

- واش ماتوحشتينيش ؟؟

ردت عليه فنفسها :
-توحشك لفعة انشاء الله اشلاهبي .

وكملت بصوت مرتفع وهي كاطبطب على كتفو بقوة :
- الله ياودي ... سي رافايل كولو بعرضو وبقامتو ومانتوحشوووهش !!! أنبوسييييبل نيفرررررر إفرررررررر.

دلك رافاييل كتفو بألم ... وتسائل واش هادوك يدين عندها ولا خباطات ... يبدو أنه وقع فحب مصارعة الساموراي واخا يديها صغارين إلا مفعولهوم قوي ..

دفعاتو تاليا وهي كاتقول بإهتمام مبالغ فيه ...
- اااويلي حشوما يبقاو ضياف واقفييييين ... ويلي ويلي توحشناااااااك ... ضاروووووري تعشا معانا ليلة اخاي رافي

وكملت وهي كاتغوت
-خالتي تايماااااااء وجدي لينا شي خروف مشوي نتعشاو بيه الليلة .

ضحك رافاييل بسخرية على تمثيلها الفاشل .. ماعمرو شاف شي حد فاشل فالمجاملة قدها هي ... كلس على الكنبة بهدوء وكلسات حداه وكان حاس وقلبو عالمو بأن هادشي ماشي طبيعي وهاد الإهتمام المبالغ فيه موراه شي كارثة .

قربت تاليا من الطبلة وهزات الفنجان ديال القهوة ومداتو ليه وهي كاتقول :
-تفضل اسي رافايل ... شرب القهوة قبل ماتبرد ... القهوة ديال خالتي تيماء لذيذة بزاااف.

شد من عندها الفنجان وقال بصوت مهدب :
-يزيد فضلك انسة تاليا .

ورجع حط الفنجان على الطبلة تحت أنظارها المندهشة .. بغات تهظر وهو يقاطعها وقال:
- خلينا من القهوة دابا .

ضار براسو وتأكد أن حتى شي واحد مكايشوفهوم ثم قرب منها تحت إستغرابها ومد يديه لسترتها فتح السحاب لكن فاش وصلو لصدرها شدات فيديه وقالت بغضب :

- اشنو كاتحاول دير ؟!

تفحص رافاييل رقبتها وقبلاتو بعينيه ثم قال وهو كايبتاسم بهدوء:
- واش فخبارك أن قبلة العنق خلقت لإرضاء غرور النساء ؟

نترت يديه بغضب وطلعت السحاب ثم ناضت من حداه وهي كاتقول بحدة :

-ونتا واش فخبارك أنك أتفه إنسان شفتو فحياتي ... واش حياتك تتمحور غير على القبلات ... فبلاصة ماتعتذر مني كالس كاتزوق فالهضرة التافهة .... شربليك شي كاس ديال القهوة باش تهدء اعصابك وتولي تفكر مزيان .

تنهد رافاييل ثم مد يديه هز الفنجان ديال القهوة وتكى على ظهر الكنبة وهو كايشوف فيها ثم قال :

- نعتاذر فحالة غلطت فحقك ... لكن نتي استفزيتيني وكان عقابك قبلاتي .

إبتسمت تاليا بخبث وهي كاتشوف بين يديه الفنجان ديال القهوة وكانت كاتمنى فقتاش يشربو لكن رجع حطو على الطبلة وقال :

-فخبارك أن نتي مهدئة للأعصاب أكثر من القهوة ...

غمضت عينيها بغضب وهي كاتشوف ففنجان القهوة على الطبلة ... واش باغي يجلطها هاد الكائن !؟ ... لكن غادي يشربها اليوم يعني غادي يشربها ولو تنطبق السماء مع الأرض ..

قربت منو وهزات الفنجان وكلسان على الطبلة قبالتو ثم دارت رجل على رجل بأوثة طاغية خلات عيون رافاييل يمشيو نيشان لرُكبها العارية لكنه بسرعة بعد عينيه وشاف فوجهها الفاتن لي كان مزين بالغرور .

إبتسمت تاليا بعدوبة ووقفت ظهرها بشموخ أنثوي وبين يديها الفنجان ... كانت كاتبان بحال شي فانشيستا صغيرة فاتنة اولا شي كونتيسا مع العائلة الڤيكتورية عريقة ... مدت الفنجان لشفايفها ودارت راسها كاتشرب وعينيها على رافاييل لي إمتلكو الجنون من منظرها لكن فاش غمزاتو بعينيها الكراملية ... إبتسم وهو متأكد أن هاد الحركات المتصنعة خلفهم غاية خبيثة ... غير خمسة دقايق كانت معصبة منو لكن دابا كاتغازلو بعيونها وبجلستها المثيرة بكل جرأة... فين باغيا توصل بالضبط هاد البنت المشاغبة !؟.

بعدت الفنجان على شفايفها وقالت بصوت مثير:
- ضفت ليك شويا من بلسم شفايفي فقهوتك وقبلة غير مباشرة على حافة الفنجان واش غادي تلتقطها بشفايفك ولا غادي تخليها دوب وكأنها قطعة سكر .

قربت منو وسندت يديها على ركبتو ثم قربت الفنجان لشفايف رافاييل وهمست بصوت مثير :
- يالاه خودها قبل مادوب .

أزال رافاييل عيونو من على سحر عيونها ثم شاف فأثار أحمر الشفاه من شفايفها على حافة الفنجان ... كانت تاليا كاتسناه بشوق يشرب ولو غير رشفة لكنه قال بعناد:

- ماغاديش دوز ليا القهوة إلى مادقتش من لذة صبيعاتك

ميل راسو وطبع قبلة على ظهر يديها وطلع مع أصابعها حتى وصل لأثار شفايفها وطبع قبلة على الفنجان فوق أحمر شفاهها ثم إرتشف رشفة كبيرة من القهوة و بسرعة البرق بزقها على وجهها فاش وصلاتو حرارة القهوة .

بقات تاليا مغمضة عينيها من القهوة لي ضربت ليها فوجهها لكن مكانش عندها الوقت باش تتعصب حلات عينيها لقاتو كايلهت من شدة الحرارة وفرحات حيت الخطة ديالها نجحات .

-اشنو درتي أشنو هادشي .حااار حار حار حار!!؟

غوت بيها رافاييل وهو كايلهت وحال فمو فطارت تاليا هزات كأس ديال الماء لي كانت مخلطة فيه الملحة وقالت وهي كاتمدو ليه :

- ويلي ويلي ويلي واقيلة تيماء فبلاصت مادير السكر دارت الحار ... شرب شرب باش تبرد على فمك .

شاف فيها رافاييل بغضب وعرفها مولات الفعلة وعاد فهم علاش كانت كاتودد ليه بنت لادينا دارتها بيه وهو لي كايطيرها فسماء ...

طار على الكأس خداه من يديها وقلبو على فمو ثواني علاما استوعب الطعم المالح ففمو وبزقو بحال شي إعصار ....

كانت تاليا كاتموت بالضحك على المنظر ديالو شادا فكرشها وكاتحاول تتحكم فراسها لكن والو بيما رافاييل كان كايشوف فيها بغضب وعينيه دمعو وولاو حومر ووجهو ولا حمر من شدة الغضب والحرور لدرجة شد فراسو وبدا كايضور بحال شي وحدا شادها لحريق ديال الولادة ...

- بلاتي بلاتي تسنا نجيب ليك لحليب باش تبرد على لسانك هاهاهاها.

مشات كاتجري هزات القرعة ديال لحليب من الأرض وعطاتهالو لكنه ضرب يديها لبعيد ومابغاش يشدو من عندها وهو كايقول بغضب :.

- سيري تبعدي مني عطيني تيساااع ... تصحر مع لبراهش تصبح فاطر تفوو

بدات كاتموت بالضحك على غضبو وداكشي لي بغاتو وصلات ليه واخا بعد عناء. .. واخيرا قدرت تنتقم منو على اي حاجة دارها ليها... قربت منو وحلات القرعة ولصقتهالو فمو باش يشربها وفاش مابغاش يشربها خواتها ليه على راسو وهي كاتموت بالضحك ...

تصدم رافاييل صدمة عمرو وهو كايشوف راسو وحوايجو كايقطرو... علا راسو شاف فيها بغضب وبدا كايجري عليها وهو كايقطر بالحليب لمخلط مع لإيبزار لي خلا الجسم ديالو يشخد بالحرارة ...

- وقفي ... وقفي أجنية ولا غادي نهرس ليك رجليييييك

غوت بيها رافاييل وهي كاتهرب ليه بحال شي فارة وكاتموت بالضحك ...كان حالف الى شدها غادي يششربها داكشي لي بقا من القهوة بسيف عليها ... هربت ليه ومشات كاتجري للطفاية ديال الحريق وبدات كاتغوت :

- وي وااااا وي وااااا وي واااا .... سيارة الإطفاء جات باش طفي العافية لي شاخدا فييييك

غير شافها رافاييل توسعو عيونو بصدمة وتراجع للخلف باش يهرب لكنها سبقاتو وضغطت على الطفاية بسرعة حتى خرجت المادة البيضاء بحال المضخة ورجعاتو كولو من راسو حتى لرجليه بيض ثم لاحت الطفاية للأرض وبدات كاتموت بالضحك على المنظر ديالو.

لو كانت طل على قلب رافاييل فديك اللحظة كانت غادي تصدم وتهرب و تخوي إيبيزا وماعمرها تعاود تحط رجليها فيها ... رفع يديه وحيد ديك المادة البيضاء مع عينيه وهو كايشوف فالدنيا حداه حمرا ... حمم براكين أعصابو فاضت وهو كايشوف فيها كاتضحك عليه بالدموع .

- هاهاهاهاااااهاها ... اااي وليتي داير بحال رجل الثلج هاهاهاهاها ...

مابقاش رافاييل قادر يصبر ومن شدة غضبو إنقض عليها بسرعة ولاحها على كرشها فوق الكنبة وبرك عليها بركبتو القوية ودار ليها المينوط فيديها وهي كاتغوت

- اشنو عاوتاني غادي دير والله حتى نقتلاااك فكنيييييي

- غادي دفعي الثمن على هادشي لي درتيه

تمتم بيها بغضب و شد ليها فمها باش مايتسمعش صوتها للحراس و طيحها للأرض وكأنه شاد فشي مجرم ومكانش كايهمو الى دخل شي حد وشافو حيت راه باين هو لي مضلوم ماشي هي .. جرها مع الأرض حتى وصلها للطبلة وهز فنجان القهوة لي كان مازال عامر وحل ليها فمها بسيف عليها وخوا ليها القهوة ففمها لدرجة كانت غادي تخنق وهي كاتكح بقوة من الحرارة ديال القهوة حتى خرجت ليها من نيفها .

تخلع رافاييل عليها وبسرعة فك ليها يديها وهو كايقول بخوف
- حبيبتي واش نتي بيخير !؟ تنفسي .. تنفسي غير بشويا عليك

بدات تاليا كاتلهت من شدة الحرارة وكاتكح وفنفس الوقت كاتسب فـ رفاييل بغضب وفمها نايض فيه لعافية :
- الله ياخد فيك الحق المجرم ...الله ياخد فيك الحااااق

فاللحظة لي زول ليها المينوط من يديها دفعاتو بقوة و ناضت كاتجري وتبعها وافاييل من لور وهو كايقول بغيض:

- شنو هو ؟! الله ياخد فيا الحق ؟؟ راه نتي لي بديتي هادشي ... اجي فين غاديا ؟... مازال ماساليتش معاك .

-سير تفرق مني الله يعطيك مصيييبة....

غوتت بيها ومشات كاتجري للحمام مخليا الشياطين كايشطحو فوق راسو ... دخلات وبغات تشد الباب وهو يدفها هي والباب حتى كانت غاتجي مزدوحة للأرض لكنه مد يديه وجرها من السورفيط لي كانت لابسة باش مايخليهاش طيح لكن السلسلة تحلات فجأة وطاحت تاليا على أرض الحمام وهو بقا شاد فيديه السورفيط وكايشوف فيها قبل ماتنفاجر فوجهو كاتغوت...

- اااااااي .... مؤخرتتتتتتي .. انا بغيت جنون يسكنو فيك ... ياربي يسرفقك شي جن وسط هاد لحمام نبقا غير نتشفا فيك ونتا كاتعوج .

تجاهل غواتها وسد الباب ديال الحمام ثم حيد التيشرت لي كان لابس ولاحو فالأرض جنب السورفيط ديال تاليا لي توسعو عيونها بصدمة وهي كاتشوف فعضلاتو الضخمة قدامها اوشم على شكل نجمة خماسية فوق صدرو ...

بدا كاينفض راسو بيديه من ديك الغبرة البيضة ثم تخطا تاليا ودخل تحت الدوش وحل الماء لي نزل من السقف الحديث باش يغسل راسو وغير شافت الماء وهي تفكر العافيا لي شاخدا ففمها

- غرغرغر الله...

كان كايغرغر الماء ففمو على الله يطفي النار لي شاعلة فيه لكن شوية الماء تقطع وكانت تاليا لي قطعاتو عليه من سقف ودوزاتو للرشاشة ديال تيو لي كانت فيديها

-اممم هاااح هااااح حااار

قلب رافاييل عينيه بغيظ وقرب وجهو من وجهها باش حتى هو يشرب وهي دفعو تاليا وبعدت الرشاشة وقالت بغيظ طفولي:
- سير بحالك والله لشربتيه !

برك رافاييل على أسنانو بغضب وقال:
- كاتزبليها و تقولي والله لشربتيه... والله و توقعلي شي حاجة للمعدة ديالي و تشوفي شنو هو عقاب الاعتداء على رقيب و رجل دولة.

يسحابلو غادي تخلع لكن ماداتهاش فالكار لي حطو وهي كاتشرب الماء بنهم ... قلب عينيه بغيظ وقطع عليها الماء وطلقو فالسقف باش ينضف راسو من ديك المادة البيضاء وهي ترجع تقطع عليه الماء فغوت بغضب وقال :

- سيري للروبيني ديال لافابو مالكي مداحسا معايا .

سرطات الماء لي كان ففمها وقالت بعناد:
- هاد دار ديالي ديااااالي ... نشرب حتى من بوخرارب ماشي سوقف .. وانا قالولي شياطين عقلي نشرب من هاد لما ديال رشاشة عندك شي مانع ؟!.

خنزر فيها وقلب عينيه بغيظ ثم مد يديه هز الصابونة لي غير شافتو هزها وهي تبتسم بخبث ... مرر رافاييل الصابونة على يديه لكن حس بلسعة قوية على باطن يديه ... بسرعة قطع الماء من الرشاشة لي كانت فيد تاليا وطلق الرشاشة ديال السقف وغسل يديه من الصابون وهو يتفاجئ بجرحة طويلة على كف يديه والدم كايسيل بغزارة ..

تخلعات تاليا من كمية الدم ... ماتوقعاتش ان زيزوار غادي يديرليه ديك الجرحة كاملة ... هي نوات بلي غير جريحة صغيورة ... بغا قلبها يسكت فاش علات راسها وشافت نظرات الغضب على ملامح رافاييل وبدات كاتراجع للخلف بخوف ... صافي اليوم غادي يقتلها :

- نتي لي درتي زيزوار وسط الصابون ... اصلا نتي كنتي مخططة لهادشي كامل اجنية ياك !؟ واش لهاد الدرجة كاتكرهيني !؟

قالها رافاييل وهو كايبرك على أسنانو ويديه كاتقطر بالدم على أرضية الحمام البيضاء وكاتدوز مع الماء للمجاري فإبتلعت تاليا ريقها بتوتر وردات عليه وهي كاتراجع للخلف :
- اانـ انا ... مايحسابليش غادي يكون هاد الدم كامل .

- واش عارفا شنو هو عقابك على كل خطئ درتيه معايا ولا ماعارفاش ؟

لي كانت عارفاه تاليا فديك اللحظة هي انها قفرتها وخصها تهرب بأي طريقة ... ضارت بسرعة باش تحل الباب لكنه هجم عليها من الخلف وشل حركت يديها بجوج كان وكأنه رابطهاا وهو خلفها ... هزها بسرعة بحال الريشة من الخلف ودخلها لتحت الماء البارد حتى شهقت تاليا من برودتو و حلت فمها باش تغوت وهو يقلبها لعندو بسرعة وشدليها فمها بيديه لي كانت مجروحة حتى أنها تدوقت طعم الدم ديالو داخل فمها .. وزومجر رافاييل بغضب :

-كنت عارف بلي عندك جينات ديال الطيابات الحمام ... غير تزبليها وطلقي عليا صوتك الأسطوري المجرمة

كانت كاتنفس بسرعة بقوة الخوف وسدرها كان كايرتافع وينخافض بوتيرة سريعة وسوفيطما الحمراء لي كانت لابساها لسقت على جسمها وشعرها الأسود الطويل فزك وإنساب على خدها وصدرها فهمست بخوف وهي كاتشوف فالدم ديالو كايجري مع الماء :

- رافاييل يديك .... يديك كاتنزف بزاف

سيطر عليه الجنون فاش سمع صوت همسها ولا وهو كايشوف فشكلها المثير ولا رموشها لي كانو مبلولين وقطرات الماء كاتنزل على خدودها وأنفها وشفايفها الوردية.... حسد كل قطرة ماء نسابت على جسمها وماكرهش فديك اللحظة يكوون مكان كل القطرة ماء ... قرب منها وهو كايبتالع ريقو ثم همس بصوت رجولي مبحوح :

- عقابك ماغاديش يكون ساهل هاد المرة أتالي .

كان باغي يوشمها بقبلاتو كيف المرة لي فاتت ... ماكرهش يوشم إسمو على كل شبر من جسمها باش تستوعب أنها ليه هو بوحدو وماغادي يشاركها معاه لا هاري ولا غيرو ... باغي يسكن روحها وعقلها كيفما سكناتو هي .. لا هي إستوطنت قلبو من زمان ..

قربها لعندو اكثر وهمس وهو واضع جبهتو على جبهتها وكايتنفس بقوة :
- كانبغيك ... كانبغيك اتالي ... كانبغيك لدرجة الجنون .

تهز قلي تاليا من بلاصتو كانت خايفا منو وفنفس الوقت مستحلياه وإعترافو بحبو بدك الطريقة خلاو كل أحاسيسها تتجمد وتتلبد ... إحساس جديد ماعمرها داقت حلاوتو ... شعرات بقوتو ورجولتو ... وسيطرتو ... لكن فاش شافتو غادي يتخطى حدودو معاها بحال المرة لي فاتت إنتفضت بقوة ودفعاتو عليها

كانت كاتنفس بقوة وهي كاتشوف فصدرو العاري ولي كان حتى هو كايتنفس بقوة وكأنه كان كايجري لأميال وهو غير تأثير الماء البارد لي كان فوق منهوم ..

-لآخر مرة غادي نقولها ليك ماتبقاش تقرب مني

تنهد رافاييل باش يسيطر على أعصابو ثم قال بجدية وبصوت حديدي :
-وأنا للمرة المليون غادي نقولها ليك نتي ديالي.... أنا كنت بعيد حيت كنت محتارم علاقتك بهاري رغم عدم رضاي... و لكن دابا والله لحط شي ولد العاهرة يدو عليك..... فهمتي؟ ديريها فراسك.... أنا كانبغيك ... طيحت بكرامتي وقلتهالك فلحظة ضعف ...

قرب منها ببطء وهي تراجعت للخلف بخوف حتى إسطدمت بالحائط وكمل رافاييل بهمس :
- أنا رجل ونتي بنت وعندنا من الجنون مايفوق الحدود ... نتي أنوثتك طاغية وأنا رجولتي قتالة ... وأهلا بالهلاك .

حلات فمها بصدمة وقالت وهي كاتشو ليه فعينيه بتحدي :
-ديرها فراسك أنا عمري نبغيك.... قلبي فيه راجل واحد... غادي نبقا نبغيه حتى نموت ... كاتسمع .

غمض رافاييل عينيه بتعب فاش فهم أنها مازال مافخبارهاش أن هاري مات ... لكن هو غادي يردها لأرض الواقع السيد لي باغيا تموت على حبو صافي مات ... صافي مابقاش قادر يستحمل سيرتو على لسانها واخا هو مشا عن الله لكن ماغاديش يخلي شبحو يسيطر على قلب حبيبتو الحيين أبقى من الميتين ... فتح عينيه وشاف فيها بحدة وقال :

-نهار الي تحسي براسك مستعدة يالاهي نديك تترحمي علي قبرو

شهقت تاليا بخوف وقالت بتهجم :
-والله و تقيس شعرة منو حتى نقتلك....

حس رافاييل بالألم كايقطع فقلبو ... علاش كادافع عليه وكأنه هو الرجل الوحيد فالعالم .. اللعنة على الحب مليون مرة وكأنه يحرس مال غني وهو الفقير المفتقر لحبها ... فين هو الغني بحبها دابا ... مات والميت كاياخد معاه أعمالو وكفنو تحت التراب لا غير ... وهاري ماغاديش يدفن قلبها معاه ...

ضحك رافاييل بدون فكاهة وقال :
- ماجاتش نغير من واحد ميت ... وصدقيني حتى لو كان عايش ماكنتش غادي نخليك ليه

عقدت تاليا حواجبها بإستنكار وقالت بلهجة حاقدة :
- اشنو كاتخربق ... هاري عايش ... هاري سافر لأمريكا وأنا متأكدة أنه غادي يرجع ... هو غير مقلق مني شويا ... ولكن علاما يتهدن وغادي يرجع ليا أنا متأكدة .

تنهد رافاييل باش يحاول يسيطر على غضبو وقال :
- هاري مات ... قتلوه ... والى ماصدقتينيش سولي خوك جبل وغادي يقولك الحقيقة .

دفعاتو عليها بقوة وقالت بصراخ :
-نتا إنسان سافل كتحاول بجميع الطرق باش تحرق روحي على الراجل الي كنبغي.... ولكن هو الي مالك قلبي... و ماغدي ياخد حتى واحد بلاصتو فهمتيييييي؟

شاف فيها ببرود وقال :
- عادرك ... حيت ما باغاش تستوعبي اني ما كنكدبش... ولكن الحقيقة هيا هادي...ما نقدروش نغيروها... هاري مات صافي نسايه .

مابقاتش قادرة تاليا تستحمل هضرتو ... هي عارفاه باغي غير يستفزها وهادي غير طريقة من طرقو باش ينتقم منها ... هزات يديها وجمعات معاه بصفعة لوجهو حتى دار وغوتت

-كداااااب ! ... نتا كدااااااب هاري عايش ... نتا كدااب

ثم دفعاتو عليها بقوة وخرجات كاتجري من الحمام وهي كاتبكي وتبعها رافاييل وهو كايناديلها بغضب :

-تاليااااا.....
-بعد منيييي.....

لكن فاش خرجو للصالة لي كانت قبالت الباب تصدمو من الشئ لي شافوه ... كان جبل وروعة واقفين مصدومين من منظرهوم حتى هوما ... كانو كولهوم فازكين وكايقطرو بربعة بيهوم ورافاييل وجبل صدرهوم عريان وتاليا وروعة ساردين بالماء ... بقاو لعدة ثواني كايحاولو يستوعبو منظر بعضهوم قبل مايقاطع الموقف صوت جبل لي زمجر بغضب قاتل وقال :

-شنو واقع هنا ؟؟؟

________
نهاية الفصل

الفصل 37 / BARON "مجنون روعة"

2018-10-30T09:22:00.001-07:00

أشنو واقع هنا ؟؟

زمجر بها جبل وهو كايشوف فرافاييل وتاليا لي كانو فازكين بجوج بيهوم من راسهوم حتى لرجليهوم ... لكن بجوج بقاو ساكتين ومصدومين وماعارفين مايقولو .

كانت روعة كاتشوف فرافاييل وتاليا وراودوها بعض الشكوك حولهم لكن فاش لمحت بعينيها أثار قبلات رافاييل على عنق تاليا تراجعت روعة بجوج خطوات للخلف باش مايشوفهاش جبل ودارت إشارة لتاليا باش تغطي عنقها بسرعة وفاش إستوعبت تاليا الأمر جبدات شعرها من الخلف بسرعة ودرقات بيهوم أثار قبل رافاييل وهي كاتحس بقلبها غادي يسكت .

الى مشا حتى عاق بيهوم جبل غادي يقتل رافاييل وغادي يسجنها فغرفتها مدى الحياة حتى الماكلة يبقاو يعطيوها لها من تحت الباب ... غادي يدوز عليها دكاكة الكحلة .

لكن أنظار جبل كانو مرتكزين على رافاييل لي كان كايبتالع ريقو بتوتر وكايفكر كيفاش يخرج راسو ويخرج تاليا من هاد الموقف المحرج ... كيفاش غادي يبرر موقفو ؟؟ واش غادي يقول ليه راه غير كنت باغي نبوس ختك فالحمام !!... غادي يخسر عليه رصاصة وحدا بين عينيه هذا الى مادفنوش حي يرزق .

بينما روعة بحالي فهمت شنو واقع بيناتهوم شافت فجبل وكانو ملامحو مكايتفسروش بين الشك واليقين وكأنه حتى هو شك فشي حاجة بين ختو ورافاييل ولو مكانش سمع تاليا بفمها كاتهضر على هاري فصبح كان غادي يقول بلي بين رافاييل وختو علاقة حب لكن هو متأكد أن تاليا كاتبغي هاري اذن رافاييل مامحله من الإعراب ؟!..

ضحكت روعة بتصنع وقالت :
-اووه هاها... ماتقولوووش دارها عاوتاني !!

شافو فيها كاملين بإستغراب بينما جبل كايتسناها تكمل هضرتها وهو عاقد حواجبو بغضب فتنحنحت روعة بتوتر وتجنبت تشوفليه فعينيه الحادة باش مايوترهاش كتر وقالت وهي كاضحك بتصنع :

-اام الروبيني ديال الحمام مرا مرا كايطرطق وكايبدا يرش ... داك لمرة ندمني كاع فاش دخلت ليه خرجت فازكا كانقطر بسببو ... عرفتي شحال من مرا قلت لعصام يبدلو ومكايسمعش لهضرتي !؟

إستوعبت تاليا الأمر وقالت بسرعة مكملة على سياق موضوع روعة :
- ااه اخويا .. سي رافاييل جاء باش يشوفك وكان زربان فخالتي تيماء صوبت ليه القهوة وكلس كايتسناك علاما تجي وفاش جا يشربها نقز عليه شادو وتهرقت عليه القهوة السخونة قلت ليه يحيد التيشرت لي كان لابس باش مايتحرقش و من بعد وريتو الحمام باش ينضف راسو مشيت جبت ليه الثلج ودخلت للحمام عطيتو الثلج باش يبرد على الحرقة لكن لقيتو واحل مع الروبيني مابغاش يتحل ... جيت باش نحلو أنا وهو يتهرس وبدا كايرش علينا الماء حتى ولينا فازكين كيف لفلالس اخويا وهانتا كاتشوف حالتنا .

شاف فيهوم جبل بشك لكن تاليا سبقاتو قبل مايتكلم وقالت :
- ونتوما فين كنتو و علاش فازكين هاكا .؟

تجاهل جبل سؤالها وشاف فرافاييل وقال :
- أشنو بغيتي أرافاييل علاش جيتي بلاما تعيطلي .

تنحنح رافاييل وقال بجمود وهو كايربع يديه لصدرو:
- كاينا شاهد أخر على مقتل هاري بلاك ...

توسعو عيون تاليا وشافت فخوها بصدمة كاتسناه يأكد ليها الخبر ... بينما روعة إبتلعت ريقها بخوف وشافت فجبل لي كانو ملامحو باردين وجامدين

- ومن بعد ... هذا علاش جيتي ... باش تقولي هاد الهضرة؟؟

كان جبل كايحاول يتضاهر بلا مبالات بالخصوص فاش شعر بتوتر روعة لكن تاليا كانت كاتحاول ماتبكيش وهي كاتشوف فروعة وفجبل وهمست بصوت ضعيف :

- خويا ... واش بصح هاري بلاك ... مات ؟.

شعر جبل بألمها غير من نبرة صوتها ... كان خايف يأكد ليها الأمر وماتقدرش تستحمل خبر موت حبها الأول ... هي فوق كل شئ كاتبقى إنسانة وعندها مشاعر ممكن تحب وممكن تكره ...

واخا هو معارض فكرة ان ختو تكون عندها علاقة مع شي حد إلى أن لي وقاع وقاع و لو كان عرف بعلاقتها من قبل كان غادي يقتلها ... لكنه جرب الحب ... حتى هو قلبو نبض لروعة وحتى هو مايقدرش يستحمل الى وقعت لحبيبتو شي حاجة .. لكن تاليا خصها تتقبل الواقع ومايمكنش ليها تبقا عايشا وسط الأوهام مايمكنش ليها تبقى متشبتا بشخص ميت . تنهد جبل وقال:

- هاري بلاك قتلوه شي عصابة اختي .

شهقت تاليا وشافت فروعة بنظرة بحزن عميق فغمضت روعة عينيها باش تتفادا ديك النظرة وحاولت تقنع راسها بأن تاليا غادي تتقبل الأمر مع مرور الوقت ...

بينما رافاييل ماعرفش علاش شعر بالفرحة مخلطة بالحزن ... فرح حيت واخيرا تخلص من شبح هاري وحزن على شكل حبيبتو لي كان كايقطع فالقلب ... كانو الدموع محصورين فعينيها بقهرة وأنفها ولا حمر ... فتراجعت تاليا للخلف وطلعات كاتجري مع دروج وهي كاتحاول تسيطر على دموعها حتى توصل لغرفتها مخلياهوم خلفها كايشوفو فطيفها لي إختفى بسرعة ..

شافت روعة فيد رافاييل لي كانت كاتنزف بدهشة وقالت :
- رافاييل يديك كاتنزف بالدم .

شاف رافاييل فيديه ثم شاف فجبل بجمود وقال :
- تجرحات ليا يدي فاش كنت كانحاول نسد روبيني .

همهمت روعة بتفهم وقالت بأسف :
- اووه ... اجي معايا نعالجها ليك ... ضاروري خاص يوقف النزيف . شوف الأرض كيف ولات بنقط الدم .. مايمكنش تبقا هاكا ..

حركت روعة رجليها باش تقرب من رافاييل لكن فاجئها جبل فاش شدها من يديها وجرها لعندو وحظن أكتافها بدراعو القوية ... شافت فيه بنظرة إستنكار لكن فاش لاحظت حواجبو لي كانو معقودين بغضب تنحنحت بتوتر وهمست :

- جبل لـ...

لكنه قاطعها بصوت جليدي وقال:
- حتى أنا راسي كايحرقني .

تسمرت روعة وبقات كاتشوف فيه وهي كاترمش بعينيها مافاهما والو فتنحنح جبل بإحراج فاش لاحظ أنه ماقدرش يسيطر على غيرتو من إهتمامها برافاييل وقال :

- سيري طلعي لغرفتك بدلي حوايجك باش ماتمرضيش .

النبرة ديال جبل كانت كاتعني بلي إلى عتارضتي ممكن ندفنك فأرضك فتنحنحت روعة بتوتر وهمست بصوت خافت :
-احم ... واخــا ...

طلعت مع دروج وتسنا جبل حتى غبرت روعة ثم شاف فرافاييل وقال :
- كايبان ليا هذا ماشي الوقت باش نهضرو فهاد الموضوع يديك كاتنزف وحنا بجوج فازكين والى بقينا هاكا غادي نمرضو ..

تجاهل رافاييل كلام جبل فاش لاحظ أنه كايحاول يتهرب من الموضوع ثم قال :
-وصلوني بعض الصور ونتا شاد فالبنت لي من الممكن يكون السي دي معاها ... ولكن نتا كدبتي وقلتي بلي ماشفتيش البنت .

تنهد جبل بغيظ وفكر أنه يوضع حد لهاد الموضوع باش مايبقاش فكل مرة يجبدو ليه ... فـ موضوع روعة غادي يتكشف عاجل ولا أجلا مدام الكاريبي وصلولها فـ 24 ساعة إذن الإنتربول غادي يكشفو أمرها فالقريب العاجل والدليل هوما الصور لي تكلم عليهوم رافاييل عاد دابا ...

تنحنح جبل وقال بصوتو الرجولي الجاد:
- هاديك البنت هي روعة الخطيب .

توسعو عيون رافاييل بصدمة وقال :
- كيفاش .؟؟

رد عليه جبل وهو كايشوف فيه بجدية :
- كيف كاتسمع ... روعة هي الحارسة الشخصية والمرافقة ديالي .... من نهار لي رجعت لإيبيزا انا عرضت عليها تخدم معايا وهي وافقت .

تنهد رافاييل بقلت حيلة وقال :
- ونتا ديتيها معاك لڤيلة بلازا ... واش منيتك !!

تنهد جبل باش يسيطر على أعصابو ثم قال وهو كايبرك على أسنانو :
- كيف سمعتي هضرا وحدا قلتها ليك ... هي المرافقة ديالي ونديها معايا حتى للجحيم ونتا مالك ؟؟

ضحك رافاييل بقلت حيلة ثم قال باش يستفسر أكثر :
- وعلاش هي كانت هاربا منك فديك الليلة .. هاه !؟

جاوبو جبل بسرعة باش مايعطيهش فرصة يشك في مصداقية كلامو وقال :
- كانت خايفا بزاف ... هي ماعمرها شافت بحال داك الجو ديال المافيات هذا علاش هربات أنا كنت كانحاول نخليها تتهدن لكن هي إنتابتها حالة من الخوف والهستيريا وماقدرتش نتحكم فيها .واش ماعقلتيش فاش قلت ليك لحق عليها شدها ؟؟.

همهم رافاييل وهو كايتفكر داك نهار ثم قال :
- كانت هي نفسها روعة !!

رد عليه جبل بسرعة :
-اه تماما .

كان رافاييل كايدير فيه نظرات عدم التصديق ثم قال بشك:
- ياااك ... وعلاش فاش سولتك عليها قولتيلي ماشفتش وجهها ..؟؟

تنهد جبل بقلت صبر ثم مرر أصابعو حول خصلات شعرو المبلولة و قال :
- فاش سولتيني ... البنج كان مازال مأثر عليا حتى لساني كان تقيل وراك لاحظتي من خلال هضرتي انني ماكنتش موكد مزيان ... ولكن علاش هاد الأسئلة كاملين ؟

تنهد رافاييل بإحباط ثم قال :
- كنت كانظن أن السي دي ممكن يكون مع البنت لي فالصور لكن مع الأسف كانت غير روعة ... اللعنة عاوتاني غادي نبداو من زيرو .

همهم جبل بتفهم ورتاح نسبيا ملي مشات عليه وصدق الكدبة لي كدب عليه ثم قال بإستهزاء ..
- خصك تشوف شي حل ليدك باش توقف النزيف ... راك غرقتي ڤيلة كونتيسا بالدم ديالك.

شاف رافاييل فاقطرات الدم لي كانو فالأرض ثم قال :
- عندك الحق .. غادي نمشي دابا بسلامة عليك.

حرك رافاييل رجليه خارج من الڨيلة لكن جبل قال :
- واش غادي تمشي هكاك ... بلاتي نعطيك شي حاجة تلبسها .

رد عليه رافاييل بلاما يضور لعندو وهو خارج :
- مكاين لاش .

تنفس جبل الصعداء ورتاح فاش حيد عليه هاد لحمل تقيل ... كان كايفكر كيفاش يقدر يخرج روعة من دائرة الشكوك و دابا عاد رتاح ... تنهد ثم ضار وطلع مع دروج بتثاقل وهو كايحس بالألم كايقطع فراسو بسبب لغراز لي فزكوليه بالماء ديال البحر المالح ...

بينما فالغرفة ديال تاليا كانت روعة واقفا قبالتها وقالت بصوت حزين بعدما عاودت ليها لي جرا ملي حطت رجليها فڤيلة بلازا حتى تقتل هاري وتفادات تحكيلها على بعض التفاصيل العنيفة :

- وهادشي لي وقاع كامل اتاليا ... ماكنتش باغيا نعاود ليك هادشي باش ماتألميش على فراق هاري .

تمشى جبل فالممر لكن لفت إنتباهو صوت شهقات تاليا وصوت روعة كاتهضر ... فوقف جبل خلف الباب كايتصنت على الحديث لي كان ضاير بيناتهوم ..

- نتي كدبتي عليا وخليتيني نعيش فالأوهام على أمل أن هاري ممكن يرجع ليا شي نهار .. علاش درتي هاكا .. علاش كدبتي عليا ؟

قالتها تاليا بغضب وهي كاتبكي ..وإستمرت فالصراخ ولوم روعة لكن روعة كانت متوقعة ردت فعل بحال هادي وماستغربتش ..
- كيفاش بغيتيني نتيق فيك دابا هاه ... علاش خبعتي عليا حاجة بحال هادي ... نتي .. نتي راكي قتلتيني أروعة ... أنا ماعمري غادي نسمح ليك على هادشي لي درتي فيا .. لو أنك ماأصريتيش باش تمشي كان غادي يكون هاري مازال عايش .. لكن نتي من ديما كنتي مصرة تحشي نيفك فحياتي بمجرد أن خالي عطاك السلطة عليا كاتمشي عليا كلمتك كيف بغيتي .. كنت غادي نمشي أنا برجلي ولو أنك خليتيني أنا نمشي كنت غادي نعرف نتصرف وهاري مكانش غادي يموت ...

بقات تاليا كاتغوت وتلوم فروعة وكأنها هي لي قتلاتو حتى أنها حملت روعة مسؤولية ديال موت هاري ... تعصب جبل وهو كايسمع لكلام ختو وكان باغي يدخل لعندها يجمع معاها بسقلة حتى يدور وجهها لكن روعة غضبها مكانش أقل من غضبو .. عيات ماتصبر وفتالي نفاحرت فوجهها بغضب :

- تالياااا ... الكابوس لي عشتو فديك الڤيلة لمنحوسة ماتمنايهش حتى لعدوك كاتسمعي .. حالتي النفسية كانت مدمرة وراكي جيتي عندي فصبح وشفتي حالتي كيف كانت .. واش فنظرك كان من الساهل نقولك الحقيقة بكل بساطة .. واش كان من السهل أنني نشوف ناس كايموتو قدامي ونبقا متماسكا بأخر درجات صبري باش ماننفجرش ونبكي ونشكي بحال أي إنسان طبيعي تعرض لصدمة .. طول هاد لفترة وأنا كانعيش فالكوابيس مكانشوفش نعاس باش تجي نتي وتبداي تغوتي عليا وكأنني أنا لي قتلتو .. هذا هو خيري أتاليا ايوا الله يجازيك بيخير اختي صغيرة .

سكتت شويا كاتشوف فعيون تاليا لي كانو حومر بلبكاء وكملت بصوت هادئ لكن لا يخلو من اللوم .
- دابا تقدري ترتاحي ...مابقيتش غادي نمشي عليك كلمتي .. ونتي مابقيتيش مسؤوليتي .. ومن هنا لفوق شوفي شي حد أخر لوحي عليه مصائبك وغبائك .. مابغيتش نلومك ... حيت مابغيتش ندير بحالك .. كان بإمكاني نغوت ونقول نتي سبب فالكارثة لي عشت فيها.. وكان بإمكاني نمشي عند خوك ونعاود ليه الحقيقة كلها ونبرئ دمتي بدل مايبقا يبهدل فيا فطالعة وفنازلة .. ولو ماكنتش محتاجة للفلوس على قبل مرض ماما .. كانقسم ليك ماكنتش غادي نعاود نحط رجلي فڤيلة كونتيسا .. وكنت غادي نطبق مثل .. "الباب لي يجيك منو ريح سدو وستيح " ونعيش حياتي بشكل طبييعي ولي بغا يموت يطلع لأعلى عمارة ويلوح راسو منها . لكن أنا قبل كل شئ حسبتك ختي حسبتك نفسي وحلفت يمينا أنني نجيب ليك حقك بيدي ... لكن شوفي نتي كيف جازيتيني !! ..

تنهدت روعة بإستياء وضارت باش تمشي لكن تاليا سبقتها وتلاحت على حضنها عنقتها بقوة وقالت بأسف وهي كاتبكي بحرقة :
- سمحيلي ... سمحيلي بزاااف .. أنا عارفا راسي حمارة اختي روعة .. سمحيلي بزاف حيت ورطتك فحاجة بحال هادي ... أنا كنت عارفا أن هاري خدام مع شي عصابة وبكل غباء خليتك تمشي لديك الڤيلة ... نتي بسببي كنتي غادي تموتي .. وفوق هادشي فشيت فيك غضبي ولمتك على حاجة مادرتيهاش ... ماتقلقيش مني عافاك .. أنا ماعارفاش شنو كان غادي يوقاع ليا كون ... كون قتلوكي حتى نتي ... سمحيلي بزااف .

غمضت روعة عينيها باش تسيطر على أعصبها .. فوق كل شئ عدرتها فلحظات الغضب لسان لإنسان كاينطق بدون شعور بالحقيقة المرة لي كانت منحشرة بغيظ فلقلوب وهي كانت عارفا أنها كاتخنق تاليا بمرافقتها ليها فكل مكان لكن ماتلومهاش فهي بنفسها ملت من مراقبتها فكل نهار .. طبطبت على كتفها بهدوء وقالت بصوت حنين واخا كانت مازالة مجروحة من كلامها :

- شووو سامحتك ماتبكيش ... ولو مت فديك الفيلة كان غادي يكون قدري وماشي نتي السبب ... ماتلوميش نفسك ... أنا مشيت لديك الڤيلة وكنت باغيا نلقن هاري درس ماعمرو ينساه كنت باغيا نضربو ونقتلو باش ماعمرو يرجع يقرب ليك خوفا عليك ... كان كايبان ليا أكبر شماتة ... لكن فاش قال لي على مشاعرو الصادقة تجاهك ... أنا شفقت عليه بزاااف .

تنهدت روعة بأسف وكملت وهي كاتمسح دموع تاليا بيديها :
-صافي احبيبتي واش البكاء غادي يرجعليك هاري ؟ ... واش تهدمات حياتك بموتو ؟ ... واش تحطمات أمالك وطموحاتك ؟؟ ماغاديش نقولك ماتبكيش ، وماغاديش نقولك ماتحبيش ولكن على قبلك وعلى قبل عينيك وقلبك ، ماتعلقيش أمالك بأي شخص ماغايرجعش وماتخليش حياتك تتوقف ...الحياة مستمرة سواء بكيتي ولا ضحكتي ..طحتي ولا نضتي ، حتى شي واحد ماغادي يهتم ليك ولا غادي يوقف حياتو من أجلك شكون ما كان يكون ... بل غادي يمشي فالطريق لي رسمها لراسو بدون مايفكر فيك ولا يلتفت لجيهتك .

إبتسم جبل خلف الباب فاش سمع كلماتها ... كانو هوما نفسهوم الكلمات لي كتبهوم لروعة فالرسالة قبل مايسافر ... كانت حالتها صعيبة بزاف وكان باين أنها ماغاديش تتخطى حزنها على موت بنتها ألماس بسهولة ...

لكن فنفس الوقت بقات فيه ختو بزاف وتأكد من برائة روعة مئة في المئة ... إذن هي مشات للفيلة على قبل ختو تاليا .. مشات باش تحذر هاري باش مايعاودش يقرب من ختو لكن وقاع لي وقاع .. وهي كدبت عليه باش تغطي على ختو ... فرح بزااف ورتاح لأن قلب روعة مازال مكاينبض لحتى شي واحد اخر ...

إنتبه جبل لخطوات كايقربو من الباب فبسرعة إعتدل بوقفتو وتمشى فالممر متجه لغرفتو وفديك اللحظة حلت روعة الباب ولمحت ظهر جبل العاري وهو كايتمايل بخطواتو لكن لاحظت أنه شاد فراسو وكان باين أنه كايتألم ... بقات متبعاه بعينيها حتى دخل لغرفتو وسد لباب عاد مشات لغرفتها حتى هي .

كانت روعة كاتحس بواحد الراحة فريدة من نوعها ... اخيرا تحيد عليها أثقل حمل وهي حقيقة مقتل هاري لي كانت كاتفكر كيفاش توصلها لتاليا بلاما يوقاع بيناتهوم شي سوء فهم لي يقدر يخرب صداقتهوم وفنفس الوقت إرتاحت لأنها تخطات وتحدات أكبر مخاوفها بفضل جبل ... مابقاتش كاتحس بالخوف من لبحر وعامت فيه بكل سلاسة ... لامت راسها على غبائها وحشمت من نفسها فكل مرة كاتفكر الهضرة لخايبا لي قالتها لجبل والسبان لي سباتو ..

لكن فوسط هاد الراحة لي كاتحس بيها .. ماقدراتش تنسا كلام رافاييل على الشاهدة الوحيدة ... وخافت لايكون كايقصدها هي ... لكن رافاييل كاع ماشافهاش وهاد النقطة كاتخليها ترتاح نسبيا .

حيدت حوايجها لمبلولين ودخلت تحت الماء الساخن وسط حمام غرفتها ... إستحمت من ماء البحر المالح ثم لبست ملابس مريحة عبارة عن سروال قطني فاللون الأسود وتيشرت أسود بالأكمام وعنق كول v ... نشفت شعرها وسرحاتو ثم رشت من عطرها المفضل وإستلقت على سريرها باش تنعس شويا و ترتاح لكن سمعت الدقان فالباب وقالت وهي كاتعتادل فجلستها :

- دخل

تفتحت الباب وطلت منها الخدامة تيماء وقالت وهي كاتبتاسم برحابة صدر :
- بنتي هبطي تغداي راه طبلة محطوطة .

بادلتها روعة الإبتسامة وقالت :
-اام مافياش الجوع اخالتي تيماء بصحة وراحة .

تنهدت تيماء بإستياء وقالت :
- ااوه واش دايرين إضراب على الطعام اليوم ولا شنو .. تاليا شادا عليها فبيتا كانعيطلها مابغاتش حتى تجاوبني .. سي جبل لقيتو مريض وحتى هو مابغاش ياكل ولمن كانطيب هاد لماكلة ... عيب وحشوما التبدير مامزيانش باش نطيبو ونلوحو....

بقات تيماء كاتهضر غير بوحدها لكن روعة كان كل بالها مع جبل لي قالت تيماء بلي مريض حتى خرجت من أفكارها على صوت غلق الباب ولقات تيماء خرجات حتى بلاما تنتبه ليها .

تنهدت روعة وهي كاتفكرو فاش جرها من يديها وقال "حتى أنا راسي كايحرقني" إذن هو كايتألم بزاف ...أكيد وعاد هي ضرباتو للغراز فاش كانت كاتضارب معاه فصبح .

ناضت بسرعة للحمام وهزات علبة الإسعافات الأولية وخرجات من غرفتها ... تمشات فالممر برجليها حفيانين حتى وصلت لغرفتو ومدت يديها باش دق لكنها ترددت فالأول ومع ذلك رجعت دقت وحطت يديها على مقبض الباب وفتحتو بهدوء ودخلات ..

كانت الغرفة مضلمة بسبب الستائر الغامقة وضوء خافت ديال المصباح هو لي مضوي الغرفة بلون قرمزي غامق .. دخلات برجليها لحفيانين حتى لمحت عينيها جسد جبل لي كان كالس على السرير وداير راسو بين يديه وحاني كايشوف فالأرض .

- تيماء راه قلت ليك مافياش جوع .

همس بها جبل بصوت تعبان لكن فاش وصلاتو ريحت عطرها الخزامية إبتسم بهدوء لكن مارفعش راسو ... تفكر فاش هضرت معاه بديك الطريقة الوقحة فالبحر وقالت ليه خلي علاقتنا علاقة عمل وحسبني وحدا من رجالك ومانكرهش تحسبني رجل بدل ماتبقا تحرش بيا ...

جرحاتو بكلماتها وعتابرها غير منصفة فحق مشاعرو تجاهها ... هو كايبغيها بجنون وهي كادير الحدود بيناتهوم فكل مرة كايحاول يقرب منها ..

زمجر جبل بصوت قاسي وقال:
- اش كاين أروعة .

إبتلعت ريقها بتوتر وإستغربت كيفاش حتى عرفها بلاما يشوف فيها ولا يسمع صوتها وهمست بصوت حنين :
- بغيت .... ااام .. قلتي ليا بلي راسك كايحرقك ... الى بغيتي نقدر نبدل ليك لفاصمة للجرحة باش ماتزيدش تحرقك .

هز راسو ببطئ وشاف فيها وشحال عجباتو وهي لابسة كولشي فاللون الأسود وشعرها الأحمر منسدل على أكتافها بأنوثة طاغية ... توترت روعة من نظراتو وقالت بسرعة :

- بغيت نداوي جرحك .. بغيت نقول نعقم جرح راسك باش مايلتهبش.

ماجاوبهاش بل إستمر على نفس النظرات الهادئة ليها حسبتهوم هي موافقة ... قربت منو ببطئ و حطت العلبة على السرير ... جبدت لالكول والقطن ... وكان هو كالس على السرير ومفرق رجليه وهي وقفت بين رجليه ...راسو كان فمستوى بطنها وكان قريب ليها .

- حني راسك .
همست بيها بصوت ضعيف وهي كاتجنب تشوف فيه .. قربها منو كايوترها لكن فاش شعرت بيه سند راسو على بطنها تسارعت دقات قلبها من شدة التوتر ...

إبتسم جبل بهدوء فاش شعر بدقات قلبها ... وشحال عجبو داك الشعور ديال أنه يكون كايأثر على مشاعرها .. نسى كل غضبو عليها وكأنها عمرها ماقالت شي كلمة جرحاتو وهمس بصوت مبحوح :

- الأسود يليق بك .

قيِل أن الرجل يضعف أمام المرأة ... ويقول رسول الله "إتقو الدنيا وإتقو فتنة النساء " فالرجل مهما كان قوي لو أحبته إمرأة أو أحب إمرأة يضعف أمامها ... جبروته الذي تنهدم عليه صخور المصائب يذهب يزول مع النساء ...

عنترة إبن شداد ...سادة قومه لكنه ضعف عند حبيبته كان يمشي خلفها ويتغزل بها ... كان كايمشي للمكان الذي كانت تسكنه ويتغزل بالأطلال ... تغزل بأطلال عبلة وصخور عبلة ومضارب عبلة .. هذا الذي سادة قومه هذا الذي خشيته العرب .. نعم ضعف عند عبلة !!!....

قيس إبن المُلَوح ... كان عربي من صرحاء العرب يعرف بقوته ، ضعف عند ليلى ... هكذا هو الرجل العربي ... في المعارك أسد وإن أحب يصبح إسورة في يد حبيبته .

في التاريخ ماعمرنا سمعنا بإمرأة جُنت بسبب الحب لكن سمعنا بقيس وعنترة بين مجنون وميت ...فالتاريخ لا يكذب وكذلك القرأن لا يكذب .. فالله سبحانه وتعالى وصف زليخة وقال قد شغف حب يوسف قلبها ... والشِغاف هو الغشاء الرقيق للقلب وحب يوسف كان كالشِغاف يغطي قلب زليخة فأصبحت لا ترى سوى يوسف..

وقال رسول الله "الله رزقني حبها " وقالها عن خديجة فالحب كالأرزاق يهبه الله في قلوب الناس فلا تلومو من أحب فليس بيده لأن الأرزاق بيد الله .

لكن الرجل لا يصل إلى مرحلة الجنون إلى إذا لم يظفر بالحبيب ... فقيس لو ظفر بليلى لما جُن وقال بها شعرا .. وكذلك عنتر لو ظفر بمعشوقته لما قال بها شعرا قط هذا هو طبع الرجال والرجل العربي خاصة.

إبتسمت روعة بهدوء فاش تفكرت كلمة "الأسود يليق بك " لكن وهو كايقولها دابا بصوتو المبحوح كانت أجمل من سابقتها .... تفحصت لغزاز بعينيها وكان جبل مزول الفاصمة بعدما إستحم ومخليهوم عريانين ... فزكت القطن بلالكول ووضعاتو على الجرح وكانت متوقعة أنه غادي يتألم لكنه بقى هادئ

- واش ماتألمتيش ؟ .

همست بها روعة بهدوء فرد عليها جبل بعد صمت بصوت مبحوح
- قلبي هو لي كايتألم .. محتاجك تداويه .

إبتسمت روعة بهدوء وقالت بسخرية :
-سير عند لي جرحو ليك هو يداويه .

رفع جبل رأسو وشاف فيها بهيام وهمس بصوت مبحوح :
-لي جرحت قلبي كاع مامسوقاش ليا .... مكانهمها فحتى حاجة .

تسمرت روعة أمامو وبقات كاتشوف فيه بجمود .. شعرت بالألم فقلبها .. إذن جبل كايحب شي بنت !! ... واش هي نفسها ليليا ؟ ... لكن ليليا هي ماماه ... ولكن واش غير مماه لي سميتها ليليا ممكن تكون بنت أخرى بنفس الإسم ...

لاحظت نظرات جبل ليها فتنحنحت بتوتر باش ماتبينش إنزعاجها وقالت :
- اووه مكانش يحسابلي أن لبارون حتى هو عندو قلب .

إبتسم جبل وهو معلي راسو وكايشوف فيها ثم إستقام ووقف ... هز وسادة وقفها مع ظهر السرير وضار عند روعة سحبها من يديها لكنها قالت بإستنكار :
- أشنو كادير ؟؟

تجاهل سؤالها وسحبها ثم دفعها بخفة حتى كلست ومد يديه رفع رجليها من الأرض وحطهوم على السرير تحت إستغرابها ...
- سي جبل راك بديتي كاتخلعني .

شاف فيها جبل وقال بصوت جاد :
- أشنو قلنا على أوامر قائدك ؟؟

إبتلعت ريقها بتوتر وردت عليه :
- السمع والطاعة .

إبتسم جبل بعدوبة وقال :
- جميل ... وقائدك عيان بزاف ومحتاج يرتاح .

ضار حول السرير وطلع من فوقو وسط خوفها وتأهبها ثم سحب الغطاء وغطى نفسو وغطاها معاه ... قرب منها وحط رأسو على بطنها ومد يديه تمسك بيدها ووضعها فوق رأسه وهمس بصوت تعبان :

- مريض وماعنديش من غير حظنك يريحني ... قائدك محتاج يرتاح اروعة .

إبتلعت ريقها بتوتر وقالت :
- تبغي ندير ليك ماساج لرأسك ؟

تنهد جبل بتعب وهو واضع يديه على يديها فوق رأسو وهمس :
- مانكرهش .

كانت روعة خايفا بزاف أنه يشعر بدقات قلبها المتسارعة وهو حاط رأسو على بطنها .. هي صحيح معجبة بيه لكن قربو وهمساتو ولمساتو كايخليو قلبها يجن وينبض وكأنه في سباق ماراتوني .... بدأت كاتحسس فروة رأسو بأصابعها الرقيقة حتى شعرت بيديه إنسحبت من فوق يدها ببطء وهو مستمتع .

نزل بيديه ووضعها فوق بطنها جنب رأسو وهمس داخل نفسو :
- قريبا ولدي غادي يكون داخل بطنك اروعتي ... غادي يعيش هنا حتى يكبر وتجيبيه للدنيا ... غادي نفرح بيه بزاف وغادي نفرح بيك أكثر ... يكفيني فخرا أن نطفة مني غادي تعيش داخلك ..

تنهد بتعب وكمل بهمس داخل نفسو :
- كانبغيك ... كانبغيك بزاف وماكرهتش نغوت بيها للعالم كامل ولكن مانقدرش نقولها ... ومانقدرش مانبغيكش... أنا أضعف من البوح ليك .. وأكثر خجلا من البوح بمكنون قلبي .... كانخاف تجبري قلبي على البوح كانخاف على قلبي يتجرح ولا يتكسر كانخاف من ديك اللحظة لي غادي نعترف ليك فيها بكل مافداخلي .. خايف من النتائج وخايف من ردك وخايف يتدبح قلبي على يديك ... كانتمنا مانكونش اسأت فهم تصرفاتك معايا ... لكن وانا كانسمع دقات قلبك السريعة وأبتلاع ريقك وتوترك كايخليني نشك أنه من الممكن انك حتى نتي كاتبادليني نفس الشعور ... وخايف لانكون اسأت الفهم وأخطأت التقدير ... ماعنديش فهاد الدنيا اصدق من مشاعري وماعنديش حل اخر سوى انني نخفيها عليك باش مانفقدكش على الرغم من صعوبة الكتمان وعذاب الصمت الا اني ماعنديش شي حل اخر من غير انني نصبر وماعنديش من غير الصبر اعمري ... مابقيتش كانفكر حتى فمقاومت حبي ليك او انني نحاول نخرجك من قلبي وكيفاش غادي نقدر ونتي فكل دقة ومع كل دفقة من دمي ... سمحيلي مانقدرش نبوح ليك .. وماعنديش قدرة نبوح سوى لنفسي ونتحسر على حالتي وحدي ... سمحيلي مانقدرش سوى انني نبغيك ونهواك ... كانبغيك كانبغيك كانبغيك لأخر لحظة من حياتي اروعة .

- رتاحيتي شويا ... اعنتر إبن شداد .
همست بها روعة بسخرية فهز جبل راسو وشاف فيها بدهشة ... واش سمعاتو فاش كان كايعتارف بحبو ؟؟... لا مستحيل هو كان كايهضر فنفسو !! ..

- مالك ؟
تنحنح جبل على إثر صوتها ورجع حط راسو على بطنها وقال :
- عنتر إبن شداد ... كاضحكي عليا دابا ..

إبتسمت روعة وهمست بتوتر :
- اام إذن اشنو بانليك بقيس ابن الملوح مجنون ليلى ... نتا غادي نسميك مجنون ليليا .

ضحك جبل بصوت مكتوم حتى إهتز جسمو كان باغي يقول ليها "سميني مجنون روعة" لكن فضل يضحك على لطافتها ... على اشمن ليليا كاتهضر ياك تاليا قالت ليها بلي هي ماماه .. اشنو دابا !! واش كاتحاول تخرج منو الهضرة غير بالفن ... محتالة هي ... محتالة صغيرة إحتالت على عقله وقلبه المجنون بحبها .

- علاش كاضحك واش قلت شي حاجة كاضحك ؟؟

على راسو وشاف فيها ثم همس بصوتو المبحوح وهو محتفض برأسو وسط حضنها .
- عجبني اللقب الثاني ... مجنون ليليا ولكن حبيبتي ماسميتهاش ليليا .

ااخ وشحال تعصبات فاش قال حبيبتي .. يعني دابا هو كايعتارف بلي عندو حبيبة ، واصلا هي علاش تعصبات يحب ولا يكره شغلو هذاك ... تنحنحت وقالت بغيظ ملحوض:
- ااام وشنو سميتها هاد حبيبتك المصونة .

ضحك جبل على تعابير وجهها وللمرة المليون لو مكانش متأكد أنها مكاتبغيهش كان غادي يقول بلي غارت عليه لكن الهضرة لي قالت ليه فالبحر كاتخليه ينفي نظرية حبها ليه ..
قلبت روعة عينيها بعدم إهتمام متصنع وكاتحاول ماتشوفش فيه فقال جبل بصوت جاد وهو كايبتاسم بهيام :
- إسمها ... حبيبة قلبي ... خاطر مانحبش نقول إسمها لانني فاش كانقولو كانشتاق ليها أكثر .

مهمت روعة بعدم إهتمام وبدات كاتبرك ليه على راسو وهي كادير ليه المساج نسات أن راسو مصاب لكن مع ذلك ماعتارضش واخا حس بالألم حيت إستحلاه من يديها خلاها على خاطرها كاتفش غضبها فيه حتى إنتبهت أنه مغمض عينيه وعاقد حواجبو بألم عاد إنتبهت لنفسها وهي كاتلوم راسها على تصرفها الغريب .. وهي علاش معصبة أصلا ... مايحب ولا يكره شغلو هداك .

- باينا فيك كاتبغيها بزاف .
قالتها بإنفعال وهي كاتقلب فعينيها بغيظ فإبتسم جبل وقال بهيام :

-كانبغيها بجنون .. مابقاش عندي مساحة فعقلي باش نفكر فغيرها.

ضحكت بتهجم وقالت :
-هه إيوا سير لعندها هي ديرلك المساج لراسك ... حيد من قدامي .

دفعات راسو وجات نايضا بغيظ لكنه جرها من يديها بعناد ورجعها لبلاصتها بسيف عليها وهو كايضحك بإستمتاع .. عنقها بقوة وهي كاتنتر منو ثم دخلها تحت الغطاء وغم عليهوم بجوج بالغطاء وقال :

- اللعنة عليك واش باغيا تسطيني ... أنا قائدك واش أمرتك باش تنوضي !!؟ .

زمجرت روعة بغيظ وقالت وهي كادفع الغطاء فوق راسها لكنه كان شادو بكل قوتو وكايضحك .
- بعد مني اجبل راه مكانضحكش ... انا تمنيت غير هاد حبيبتك المصونة تشوفك شكادير معايا باش تكرهك وماعمرها تبغيك حتى تموت ويحطو عليك تراب وتبقا تجي لعند قبرك وتلعنك ودعي فيك .

بقا كايضحك عليها وهوما بجوج تحت الغطاء حتى تهدنت عاد حط راسو على كتفها وقال :
- مجنونة ... خليها تشوفكي معايا باش تغير

ضحكت روعة بإستهزاء وقالت :
- كاينين غير سبعة من عجائب الدنيا لكن نتا هو الثامن

عقد حواجبو بإستفهام وقال :
- اووه وعلاش ؟

ردت عليه روعة بسخرية:
- حيت من عجائب الدنيا أن البارون يكون عندو قلب وكايحب .

همهم جبل وهو كايبتاسم بسخرية ثم رفع يديه وتمسك بخصلة من شعرها الأحمر وبدا كايضورها على إصبعو وقال بهيام :

- لي عارف هو أنني وليت كانعشقها بجنون ... وكانضن بلي هي عارفا أنني كانبغيها ... ولكن ماعارفاش انني بلا بيها ممكن نحماق ...

تنهدت روعة بألم ... وكرهت تسمع ديك الهضرة منو ... هي عارفا لسانو كايقطر بالعسل مع البنات وعندو فنون الغزل مكايتقنهاش شي حد من غيرو .. و للحظة تمنات لو أنها فمكان هاد البنت لي ماعرفت واش تسميها محظوظة ولا منحوسة ... جبل رجل شهم ورومنسي لأقصى حد لكن بعد المرات كايكون عندو بعض التصرفات البغيظة لي كايعصبوها ... لكن الى جات للحب فيابخت لي حبها البارون ... لاحظت انه كايهضر غير على مشاعرو هو تجاه حبيبتو فقالت بتسائل :

- يعني هو حب من طرف واحد !!.

تنهد جبل بهدوء ثم رفع لغطا من فوق ريوسهوم وعلا راسو شاف فيها وهمس :
- تماما ...

شافت فيه وتوترت من نظراتو ليها ... كان واضع راسو على كتفها ومحاوط خصرها بدراعو ... ووجهو قريب من وجهها وعيونو الزمردية محتضنين عسليتها.. حست بدقات قلبها فتزايد وهادشي لي كرهاتو ومابغاتش تحس بيه لشخص عندو حب فحياتو ... اكيد هي غير غادي تعدب إلى وقعت فحبو ... هو غادي يتحرر من لعنة الحب من طرف واحد ويعتارف لحبيبتو وهي غادي تبقى مهمشة على الجانب ... مدت يديها وبغات تزول دراعو من فوقها باش تنوض لكنه زير عليها وهمس بصوتو الرجولي وهو كايحشي راسو فعنقها :

- خليك معايا ... مازال محتاجك .

كرهت ديك الهمسة ... اللعنة عليه يمشي عند حبيبتو تعوض حاجتو وهي مالها ... لكن فاش لاحظ جبل إعتراضها بغا يدير ليها السبة باش ماكان فقال بسرعة وهو كايجرها لعندو .

- بما أنك بنت بغيتك تعطيني نصائح كيفاش نخلي حبيبتي تبغيني وتبادلني نفس الشعور ... يعني تقوليلي شنو كايبغيو لبنات .

كانت باغيا ضربو وتسرفقو على هاد الهضرة لكن حافضت على هدوئها وفكرت انه من الافضل تعطيه نصائح باش يولي يهتم غير بحبيبتو وبعد عليها ... حلت فمها باش تهضر لكنه قاطعها وهو كايحط يديها على راسو وهمس بصوت مبحوح .

-محتاج نرتاح اروعة ... ريحيني بأصابعك .

تنهدت بهدوء وغرست أصابعها بين خصلاتو وهمست :
- الحب اسي جبل هو ثوب أبيض طاهر محتاج لجسد طاهر يتزيّن بيه ..

همهم جبل وعلا راسو شاف فيها بإهتمام وكأنه كايتبت ليها أنه كايسمع عليها وكملت روعة وهي كاتحاول ماتشوفش ليه فعينيه لي كانو كايتفحصوها بإهتمام :

-البنت مكاتبغيش حبيبها يكون ملك لغيرها حيت كاتبغيه يكون ليها بوحدها وماتشاركها فيه حتى وحدة غيرها ... هذا علاش كن مخلص ليها فحبك وماتخليش قلبك بحال حبة الرمان ملئ بالعلاقات النسائية .

هز جبل راسو بتفهم وهو كايتفحص كل تفاصيلها وكل حركة من شفايفها وكأنه كايحاول يحفضها عن ظهر قلب وكملت روعة بهمس :
- حسسها بالأمان وهي معاك ... فأكثر حاجة كاتبغي تحس بيها البنت مع حبيبها هو الأمان والحماية من أي شئ ... فإذا حسستيها بالأمان معاك غادي تملك قلبها للأبد

إبتسم جبل بهدوء وقال داخل نفسو :
-غادي نحميك طول عمري .

شافت فيه روعة وغاصت فإبتسامتو الرجولية الهادئة حتى لقات راسها كاتقول بدون شعور .
-شوف فيها .... لأن المرأة تعشق النظرات التلقائية والإبتسامات الرقيقة من الرجل .... تماما بحال هاد النظرة وهاد الإبتسامة .

توسعت إبتسامة جبل بطريقة خلاتها تخطف عينيها بإحراج وكملت وهي كاتقول :
- البنت كاتبغي الرجل لي عندو شخصية قوية وحتى حسن التصرف فالمواقف الصعيبة فكاتشعر معاه بالأمان والقوة . وأهم حاجة اسي جبل ..

ستكتت شوية وإبتلعت ريقها بألم وهي كاتفكر قصة حبها وهمست وهي كاتشوف فالسقف بشرود .
-أهم حاجة هي الى حباتك البنت بكل جوارحها ... ياويلك ... ياويلك تغضرها ولا تستهين بمشاعرها .. هي ممكن تموت بلوعة الحب ... و الى وصلت انها تحبك لدرجة تسلمك نفسها .. كن رجل وحافض عليها وإلى ماقدرتيش تقاوم فتنتها ماتخليهاش فمنتصف الوعد كن رجل وتحمل المسؤولية ...

غمض جبل عينيه باش يسيطر على أعصابو ... فهم كل كلمة قالتها وفهم كل المعاني .. هي كاتقصد بكلامها حبها "جهاد" لي تركها فمنتصف الوعد وهادشي قراه فدفتر مذكراتها ... الى كان جهاد ولد لكلبة هذا مكايعنيش ان الرجال كلهم بحالو ولو جاتو الفرصة يتعرف على جهاد ماغاديش يتردد فخنقو وإعدامو بيديه .قاطع تفكيرو وغضبو روعة لي همست بهدوء .

-وفوق هاد شي كامل ... ماتكونش لحوح والى رفضات حبك خليها على خاطرها وماتبززش عليها هي ممكن تلقى سعادتها مع واحد غيرك .

برك جبل على أسنانو وزمجر بغضب وهو كايشوف ليها فعينيها بطريقة مرعبة :

-مستحييل نخليها ... ماغادي يفرقني معاها غير الموت ولو رفضتني هي أنا غادي نقتلها بالحب ونبعثرها بالعشق ونخنقها بالشوق ونغرقها فبحر جنوني باش تكون ملكي بوحدي ... أنا مستحيل نخليها لحتى شي واحد ... أنا أحسن من ألف واحد تقدر تتمناه .

إبتلعت روعة ريقها بخوف من الهضرة لي قال ومن نظراتو الغاضبة ... هي ماقالتش شي حاجة ديال العيب اذن علاش كايفيض عليها غضبو؟ .. تنحنحت روعة وقالت بعناد باش دافع على رأيها :

-نتا ماشي غير كاتبغيها نتا يا لطيف مهووس بيها لكن اسي جبل الغرور والحب ماعمرهوم يتجمعو فنفس القلب واحد فيهوم لي غادي يبقى ... هاد الهوس والتمسك الشديد غادي يخليك تفقد هاد العلاقة لي مازال مابداتش أصلا .

رد عليها بغضب :
- ماكايهمنيش تبدا ولا ماتبداش لي كانعرف هو انني كانبغيها وماغاديش نخليها لشي حد من غيري ... هي ديالي وخلاقت باش تكون ليا وملكي انا بوحدي ...

مد جبل يديه وتمسك بخصلة من شعرها وكمل بهمس :
- ولو شفتها كاتقرب من شي حد كيفما كاتقرب مني ولا كاضحك ليه كيفما كاضحك لي ولا كاتهمس ليه كيفما كاتهمس لي ... أنا ممكن نقتلو .. أنا ممكن نسجنها طول حياتها .

لاحظ جبل توتر روعة وتسمرها عاد إستوعب اخيرا الشي لي قال ... وفكر انه الى بقا على هاد الحال .. هي ممكن تكرهو ولا تنفر منو فتنهد باش يسيطر على غضبو وقال وهو كايبتاسم :
- احم ...أنا غير كانضحك واش تيقتي ... لي ضرقني بخيط ندرقو بحيط الالة الى رفضت حبي ليها غادي نتقبلو .

تنفست روعة الصعدات فاش شافت إبتسامتو ورتاحت أنه كان غير كايضحك ولو كان حقيقي كلامو كانت غادي ترحم على حبيبتو المسكينة من هاد المنبر

- هه خلعتيني ... كنت فعلا غادي نسميك مجنون بحال قيس ولا عنتر ...

استمر حديثهم مطول عن الحب بين السخرية والجدية حتى ضربت الساعة الرابعة بعد العصر ... كانو منهكين بسبب البحر لي عامو فيه لمدة طويلة وكانو محتاجين لقيلولة صغيرة ...

-كاينا ولا لا ... واش متافقة معايا ؟

قالها جبل لكن فاش ماجاوباتوش روعة علا راسو من وسط حظنها وشاف فيها ... كانو رموشها منسدلة فوق جفونها وتنفسها منتضم وهادئ ... إبتسم جبل بهدوء فاش إستوعب أنها غرقت فالنعاس بحال شي طفل صغير .

إعتدل وإستقام من حظنها ثم حط راسو على وسادتو وجرها لعندو غير بشويا باش ماتحسش بيه وحط راسها على صدرو ناحية قلبو لي كان كايضرب بقوة ثم حنا راسو وطبع قبلة على رأسها واستنشق رائحة شعرها بهيام وهمس بحب بلهجتو الشامية :

- دخــــيــــل ريحتك ياروحي ودخيل هالحضن ودخيل عمرك وعمري ... دخيل ربك ماأحلاكي ... يالله شو بحبك ولك بحبك بحبك بحبك بحبك من هون لأخر عمري رح ضلني اهمس بحبك ... ولك تقبريني شو بحبك .

تنهد بحب ثم غمض عينيه وكمل بهمس وهو كايبوس ليها راسها :
- محتاج أسافر من إيدينك لحضنك و يا حلو هالغربه ويا حلو هالموطن. وقعتيني فحبك يامجنونة ومارح اطلب منك لكثير بدي بس صوتك وريحة عطرك وحضنك في كال دقيقة

مسح على رأسها بيده وكمل بهمس :
- ولك يامجنونة ‏كيف صرتي أوسع من كل الأماكن و أنت بعيدة؟ كيف خليتي أكبر أحلامي حضن كيف أكبر أوطاني صار أنت ... !!

طبع قبلة أخرى على فروة راسها ثم رفع الغطاء وغطى أكتافها بحال شي طفلة صغيرة وهمس وهو كاينتاقل لمرحلة النوم :
- ياربي لا تحرمني منها ... بحبك ...بحبك بحبك ..بحبك بحبك ... بحبك .. بحـبـ .

غفى على سيرة حبها ونعس وهو محتضنها بطريقة وكأنه خايف تهرب ليه ولا يسرقوها من بين يديه.

_________

نهاية الفصل.

الفصل 38 / BARON "قنبلة تحت سيارتك"

2018-10-30T09:22:00.000-07:00

ڤيلة كونتيسا / الساعة 7:00 مساء

فتحت روعة عينيها على هزاز تلفونها لي كان فجيبها ... تململت في حضن جبل قبل ماتوكد وتستوعب هي فين بالضبط ... علات راسها وغير شافت وجهو توسعو عيونها بصدمة .

- اوييلي كيفاش حتى نعست بلاما نحس اش هاد تحشيما... اللعنة عليا اشنو غادي يقول عليا دابا !؟ .. رخيصة ومكانسواش ومستعدة نعس فحضن أي واحد ... اللعنة اللعنة اللعنة .

علات راسها وبغات تسحب نفسها من حضنو لكنو يزير عليها أكثر ... مكانش عندو إستعداد يطلقها ولو نعست فحضنو طول الدهر ... نعاسو خفيف ولو زنزنت دبانة حداه غادي يحس بيها وقال فنفسو .

- نتي اغلى من كل نساء الكون ... ماتلعنيش راسك اعمري اللعنة عليا انا لي مابقيتش قادر نتنفس بلا بيك ...

حاولت تفك راسها منو بأي طريقة لكنه كان مزير عليها وزاد كملها حط رجليه عليها باش ماتلقاش كيف دير تحرك وقال فنفسو :

-ماتخلينيش محتاجك ... محتاج حضنك نتوسد عليه ..ماتحرمينيش من هاد اللحظة.

علات روعة رأسها بإستياء وشافت فيها باش تتأكد واش فايق ... لكن تنفسو كان منتضم وهذا دليل كافي يثبت أنه ناعس فتمتمت بغيظ وقالت بهمس :
- واش فايق ولا ناعس !؟... سي جبل ... سي جل ... هيييي هووووو طلق مني بغيت نوض .

لكن جبل فنفسو كان كايقول بسخرية :
- إعمل نفسك ميت ... إعمل نفسك ميت .

إبتسمت روعة بهدوء فاش تأكدت بأنه ناعس وبدات كاتنفخ ليه فودنيه باش يفيق لكن والو كان فعلا شكل ديال واحد ميت لكن فنفسو كان كايقول :
- رصاي المشاغبة .. رصاي غادي نقتلك راكي صمكتيني.

تنهدت روعة بإستياء ورجعت حطت راسها على حضنو وهمست بهدوء :
- مجنون حبيبتو ... اااخ عجيب حتى البارون عندو قلب بلاتي نتأكد .

حطت راسها على قلبو كاتسمع لنبضات قلبو السريعة وكل مكان كايتمنا جبل فديك اللحظة انها ماتعيقش بلي راه فايق بسبب نبضات قلبو فعادتا فاش كايكون الانسان ناعس كايكونو دقات قلبو منتضمة لكن هو قلبو كايلعب الماراتون .. لكن يبدو ان روعة ماعندهاش دراية بهاد الموضوع هادشي لي كان كايظن جبل ... رجعت حطت راسها على كتفو وكملت بهمس.

- والله حتى عندو قلب ... سبحان الله !!

ضحك جبل فداخل ديالو وقال فنفسو :
- علاش إستغربتي ؟.. واش كنتي متوقعة انني ثلاجة كانخدم بالضوء راني بنادم بحالك ...

لكن قاطع تفكيرو صوت همسها وهي كاتقول :
- نصيحة أخرى لسي جبل من درس الحب ... حبيبتك غادي تكرهك الى شافتك معنقني هاكا .... لي غادي يشوفك يقول بلي انا هي حبيبتك ... بارووون نتا ماتصلاحش للحب نتا ابدا كاع مامخلص ليها وفيك غير الهضرة حيت الرجل فاش كايحب كايتعماو عينيه على باقي النساء وكاتبقا تبان ليه حبيبتو هي البنت الوحيدة فهاد العالم وقلبو كايكون ليها غير بوحدها ويبدو ان قلبك حبة رمان فيه حبيبتك ومليون بنت اخرى ... فمن الأفضل تخلي مسافات بيناتنا اسي جبل مابغيتش نكون السبب فحرق قلب حتى شي وحدا ... يكفي ان قلبي تحرق من قبل وانا كانشوفو معنقها بكل سفالة وكأنني مكانسوى عندو حتى حاجة ...

سكتت شويا وكملت بهمس وهي كاتحط راسها على كتفو :
- نقولك واحد السر ؟!

رغم الهضرة الجارحة لي قالت إبتسم من فداخلو فاش فكراتو فالأسرار ديالهوم ... وكملت روعة بهمس.
- عرفتي البارون أول مرة غادي نحس بيك ونفهمك

فتح جبل عينيه وشاف فرأسها لي كان على كتفو لكن فاجأتو فاش علات راسها وشافت فيه وفاش لقاتو فايق توترات فقال جبل بهمس وهو كايبتاسم :
- همم بصح كاتحسي بيا ؟؟

أومأت رأسها وكملت بخجل :
- صعيب الحب من طرف واحد .

إختفت إبتسامتو وقال :
- باش عرفتيه صعيب ؟؟!

تسمرت كاتشوف فيه .. واش تقول ليه بلي نتا ... انا وليت معجبة بيك نتا ..ونتا كاتحب بنت وحداخرا.. تنحنحت بتوتر ثم همست :
- كل لي نقدر نقول هو الله يصبرني على قلبي والله يصبرني على عقلي والله يصبرني عليهوم بجوج .. حتى أنا بحالك مؤخرا وليت كانبغي واحد الشخص ولكن حب من طرف واحد .

تعصب بجبل وصك على أسنانو بقوة لدرجة روعة سمعت صوت أضراس وبلاما يحس قال بصوت قاتل:
- شكون هو هذا ؟!

علات راسها من عليه وبغات تبعد عليه لكنه زير عليها بقوة حتى تأمت من شدة يديه لقوية وقالت :
- جبل طلق مني راك قصحتيني ..

رخف عليها شويا وغمض عينيه باش يحاول يسيطر على أعصابو ثم قال بصوت حديدي رجولي قاصح :
- شكون هو ؟

ماعرفتش علاش حست باللذة من نبرة صوتو الغاضبة ... هو من قبيلة وهو كايعاود علية حبيبتو المجهولة وكأنها ملاك كاتمشي فوق الأرض فجاتها فكرة لذيذة أنها هي تحكيليه على الشخص لي ولات معجبة بيه مؤخرا ولي هو نفسو ... تنفست بهيام ثم علات راسها شافت فيه بإبتسامة كادوب وقالت :

- هو ... هو أحسن رجل شفتو فحياتي ... فاش كايتعصب وكايعقد حواحبو كايولي بحال شي طفل صغيور غضبان من مماه حيت مابغاتش تعطيه لحلوى ... أبدا مكاتأثرش فيا تكشيرة وجهو ... وفاش كايبتاسم ... كاتحلى الدنيا فعيني ... عندو أجمل إبتسامة ممكن تشوفها .

كان جبل كايغلي من داخل وهو كايسمع فيها وكايشوف فيها كاتهضر على رجل أخر من غيرو بهاد الشكل ... واش بغاتو يقتلها واش بغاتو يخنق أنفاسها ويقطع لسانها باش ماتزيد حتى شي كلمة أخرى تحرق قلبو لكن هي مع ذلك كملت بنفس الهمس وبنفس الصوت :

- لمست إيديو ... وهمست صوتو وحظنو هو أجمل حظن دافئ ممكن تحلم بيه أي بنت .

فاش وصلت توصف حضن حبيبها السافل مابقاش قادر يصبر تقلب عليها وطلع من فوق منها ثم قال وهو كايتنفس بقوة :
- شكون هو هاد شماتا لي كاتبغيه هاه ؟

تسمرت روعة بقوة الصدمة وهي كاتشوفو لكن غلبتها ضحكة حيت وصف راسو بشماتا .. كشر جبل بوجهو وكأنه وقت الضحك هاد لويلة مازال كاتحاول تلعب ليه على أعصابو .
- علاش كاضحكي ؟؟ .

قالها جبل بغضب فردت عليه روعة وهي كاضحك:
- علاش بغيتي تعرف شكون هو .

زمجر جبل بصوت غاضب وهو كايشوف فبرودها وقال :
- غادي نقتلو ... شكون هو هاد شماتة هاه .

ردت عليه روعة بتحدي :
- ماغاديش تقدر عليه ... حبيبي هي أقوى رجل ممكن تشوفو وكولشي كايخاف منو إلا أنا ...

إنقض على يديها بحال الوحش من فوق منها وهو كايدير فيها نظرات المجرمين لكن صمتها زاد عصبو وغوت بغضب :

- شكووووون هوااااااا .... جاوبي ولا غادي نخنقك ..جاوبي ... عصام ياك .. داك شماتا ياك قولي هو وغادي نمشي نقتل داك ولد لكلبة دابا .

غوتت روعة من شدة الألم حتى صوتها صمك ودنيه عاد وعى جبل على نفسو وناض من عليها فبسرعة نقزت روعة من فوق السرير وجات فالأرض وهي كاتنفس بقوة وكادلك فمعصميها بألم فإبتلع جبل ريقو فاش إستوعب الحماقة لي رتاكبها وناض لعندها وهو كايقول بأسف :

- سمحيلي اروعة .. واش قصحتك ؟؟ .

لكنها بعدت عليه بغضب وغوتت فوجهو بغيظ :
- بعد مني .. ماتقربش لياااا الوحش ...

ناضت بسرعة وخرجات كاتجري من غرفتو ودخلت لغرفتها وزدحت الباب بقوة وهي كاتنفس خوف ... بينما جبل كلس على السرير بتهالك وندم ... لعن راسو على تهورو وضرب المصباح لي كان حداه بيديه حتى طاح للأرض وتهرسات الجاجة لي كانت فيه مشعولة وتضلمت الغرفة .

شعر بالبرد بعدما مشات وكأنها كانت شمعة مدفيا جسمو وقلبو ومنورة حياتو لكن فاش سدات باب الغرفة تضلمات وبردات .... بقا للحظات وهو كايشوف غير فلأرض وداير راسو بين يديه وكايفكر فكلامها ...

كان حاس بأن هاد الحب غادي يعدبو... كان حاس بأن روعة ماعمرها غادي تبغيه ولو تنطبق السماء مع الأرض لكن قلبو كايحرقو فاش كايتفكر كلامها على الشخص لي كاتبغيه كان راضي يبغيها واخا ماتبادلوش لكن بشرط ماتحب حتى شي واحد ... واخا ماتبغيهش غير مايدخلش رجل اخر لحياتها من غيرو .

بينما روعة كانت واقفا مور لباب ومامصدقاش ردة فعلو أخر حاجة كانت تتوقها هي يغوت عليها بديك الطريقة ... كيفاش ظن انها كاتبغي عصام ...

- راه نتا الحمار نتااا .

تمتمت بيها روعة وهي كاتحس بمعصميها كايحرقوها بسبب قبضت يديه لقوية حتى قاطعها التلفون لي بدا كايصوني بدون إنقطاع ... شافت فالنمرة وكان مديرها مارتن ... تأففت بضجر وشافت فالساعة وكانت السابعة والنصف مساء وهي تعطلات تقريبا ساعة... هادشي لي كان ناقصها دابا .. جاوبت بتردد وغير حطت تلفون على ودنيها وهو يبدا يغوت .

-فين راكي إميليا علاش ماجيتيش ؟؟

ماكرهاتش كون خرجت ليه من تلفون وجمعت معاه بسقلة حتى يضور راسو ... وبدون شعور بدات كاتسب فيه وكاتفش فيه غضبها لي تسبب فيه جبل

- يعطيك موصيبا ... يعطيك سكتة قلبيا ... يعطيك كسيدا برموك يطحنك يردك كفتة ومايلقاو مايجمعو فيك اولد لكلبة لكيدار لي حط بات بات بات مك اشماتا .

لحسن الحظ ان مارتن مافهم حتى كلمة من لي قالت حيت هضرات بالدارجة المغربية ماشي بالإسبانية ...
- أشنو قلتي ؟؟

قلبت روعة عينيها بغيظ وقالت :
- والو .
اصلا هي مابقاتش محتاجة لديك الخدمة لفلوس ديال خدمتها جديدة كافيا وموفيا ... تنحنحت روعة بتوتر وقالت :
- امم سي مارتن ... ماقادراش نجي كانحس براسي مريضة .

بغات ديرليه سبة باش ماتمشيش وغادي تخلي حتى لغدا وتمشي تحط استقالتها على مكتبو ... فرد عليها مارتين بغصب :

- مريضة ولا ميتا مكايهمنيش ... نبغي دابا نشوفك قدامي .

عضت على لسانها باش ماتغوتش فوجهو وبدات كاتحسب من راحد لعشرة باش تسيطر على اعصابها ثم قالت:

- ولكن اسي مارتن سيارتي خاسرة وخليتها فلباركينك ديال الهوتيل .

رد عليها مارتن بعناد :
- انا غادي نسيفط ليك شيفور يجي عندك حتى للدار .

ردت عليه بسرعة :
- ولكن اسي مارتن راني مكايناش فدار

- مكايهمنيش تكوني حتى فالجحيم ... رسلي ليا العنوان لي راكي فيه وخمسة دقايق غادي يكون عندك الشيفور

تأففت روعة بغضب لكن غادي يخصها تمشي باش توضع حد لهاد المهزلة .. ماكافيش غير جبل لي خانقها يزيدها حتى هاد شارف بوكرش ديال مارتن ... قطعت الخط وفكرات ترسل ليه عنوان ديال ڤيلة كونتيسا لكن إمتنعت وسيفطات ليه عنوان لمكان قريب من فيلة كونتيسا ...

دخلت لغرفتها وبدلت حوايجها بسرعة وخرجات لكن فطريقها طلاقات مع الخدامة تيماء
- فين غاديا اروعه ؟؟

ردت عليها روعة بسرعة وهي خارجا من الباب :
- غادي نمشي لخدمتي اخالتي تيماء بسلامة .

__________

هوتيل سود إيبيزا سويتس

فوسط داك مكتب الفخم كان مارتن واقف عند طاولة المشروبات ... خوا كأس ديال الويسكي الفاخر فكأس زجاجي وضاف عليه مكعبات من الثلج وقدمو للضيف ديالو لي كان كالس على الكنبة بكل عنفوان ..

- تفضل اسي إيدوارد ... المغنية زوينة ديالنا اكيد غادي تجي مايكون غير خاطرك .. غادي تسمع صوتها ليوم .

إبتسم إيدوارد أليكزاندر بهدوء وخدا من عندو الكأس ثم قال بصوتو الرجولي :
- ودني مابغاتش تستحمل شي صوت من غير صوتها...

حل مارتن فمو باش يرد عليه لكن وصلو إشعار رسالة نصية فتلفونو ... جبد التلفون وشاف فالعنوان لي سيفطاتو ليه روعة وقال وهي كايبتاسم ببلاهة :

- هه .. على سيرتها هاهي سيفطتلي العنوان ... حالا غادي نسيفط ليها الشيفور يمشي يجيبها مايكون غير خاطرك

حط إيدوارد الكأس على الطاولة الصغيرة ثم مد يديه وقال :
- ارا ليا العنوان انا غادي نمشي نجيبها .

بغا مارتن يعترض لكن النظرة الشيطانية لي دارها فيه إيدوارد خلاتو يبتلع ريقو بتوتر ومد ليه التلفون ... سجل إيدوارد العنوان فإحداثيات تلفونو حتى عطاه إشارة حمرة على الموقع بالضبط ثم إبتسم وطبطب على كتف مارتن بقوة وقال وهو كايرجع تلفونو للجيب :

- بلامانتعطلوش على المغنية الفاتنة .

خرج إيدوارد بسرعة من الهوتيل وركب فسيارتو وعلى وجهو إبتسامة شيطانية خطيرة ... جبد التلفون من جيبو ثم دار مكالمة حتى جاوبو الطرف الثاني وقال :

- شاهين باشا ... الخطة غاديا مزيان وكيف أمرتي اليوم غادي نجيب ليك البنت وسي دي معاها .

لكن فمكان مابعيدش بزاف على سيارة إيدوارد أليكزاندر كانت سيارة سوداء واقفة وداخلها رجل دخم كايتكلم مع الطرف الثاني على الخط وكايقول :
- سيدي ...إيدوارد أليكزاندر الكلب ركب فسيارتو

رد عليه الطرف الثاني بصوتو الغليض:
- مزيان ... درتي داكشي لي قلت ليك ؟

رد عليه الرجل الضخم :
- أكيد سيدي .

إبتسم الشخص لي كان على الخط الثاني ورفع راسو بإبتسامة جميلة وإبتسم وهو كايشادوف فروعة لي كانت كالسا فمحطة الباص كاتسنا الشيفور يجي وهي كاتحس بشويا ديال الببرد ... ضمت معطفها بيديها باش تحسس راسها بشويا ديال الدفئ لكن ماشي بحال دفئ حضن جبل .

ظهرت إبتسامة هادئة على ملامحها وهي كاتفكر همساتو وراسو على حظنها وأنفاسو فعنقها ... حسدات حبيبتو وتمنات لو كانت مكانها وإستغربت كيفاش جبل كايتصرف معاها بطريقة رومنسية وهو فقلو حب اخر واش باغي بقتلها ؟! حتى غواتو عليها حساتو غيرة لكن مستحيل يغير عليها ... هو إنسان متملك وبحال والو ردت فعلو كانت حيت رفضاتو فالأول وفضلت عليه وحداخور كيف كايضن .. لكن مع ذلك ستحلات ردت فعلو العنيفة جاتها غيرة رجولية زوينة واخا هي كاظن ان ردت فعلو مكانتش غيرة ...واش هادي طريقة جديدة فالانتقام منها هو انه يخليها تعلق بيه أكثر وفتالي يمشي عند بنت اخرى ويسمح فيها على الهامش ... هي ابدا كاع مامستعداش تعاود نفس التجربة مرة اخرى وتتالم من جديد .

علات راسها وتنهدت بتعب لكن جات عينيها على سيارة واقفا قبالتها من مدة تقريبا ملي كلست فمحطة الباص ... اواخا كان الزجاج ديالها أسود ومكايبينش إلى أنها حست بشي حد حاضيها لأن السيارة ملي وقفات مانزل منها حتى شي حد ... وفعلا كانو عيونو الزمردية الفاتنة مراقبينها وكايشوفو فيها بتفحص ...

كانت لابسا فستان أسود حد الركبة ومعطف باج من الفوق وطالقا شعرها الأحمر على أكتافها وصابغة شفايفها بأحمر شفاه وردي بارد بينما رجليها كانو عريانين ولابسا بوط قصير ...

كانت كاتلعب برجليها فالأرض بملل وكاتفكر فحبيبة جبل حتى قاطع تفكيرها صوت لكلاكسون فعلات راسها ولقات قبالتها سيارة لامفرجيني سوداء ... تجاهلت ديك السيارة وقالت يمكن هاد بنادم غير مسالي ماعندو مايدار كايتبسل عليها فمارتن اكيييد ماغاديش يسيفط ليها لامفرجيني ومن الأصل حتى تكون عندو سيارة بحال هادي باش يسيفطها ليها !! .

تنهد إيدوارد أليكزاندر وهو كايشوف فروعة وكايتسناها تنوض لكن هي ماكلفتش راسها حتى تعاود فيه النظرة وإستمرت فتجاهلو فإبتسم إيدوارد برجولية وهمس :

- امم ... يبدو ان الأميرة باغيا إستقبال الملوك .

فتح الباب وخرج ثم ضار على السيارة وفتح باب المقعد الجانبي وشاف فيها بنظرة كاتعني تفضلي ... إحتارت روعة وهي كاتشوف فداك الشخص الوسيم عيونو كانو كايلمعو بحلاوة وفك عريض بلحية خفيفة وشعر اسود مبعثر على جبينو وتفاحة ادم بارزة كاطلع وتهبط .. بقات كاتشوف فيه بدهول حتى فيقها صوتو وهو كايقول :

- مادموزيل إميليا ... تفضلي نوصلك للهوتيل .

تنحنحت وقالت بتوتر :
- احم ... نتا هو شيفور لي سيفطك سي مارتن .

رد عليها إيدوارد بطريقة جنتلمانية :
- هو انا مدموزيل تفضلي

استقامه روعه من مكانها وابتسمت لإيدوارد بهدوء ودخلت لسياره واغلق الباب خلفها ...تمشى هو لمقعد القيادة وعلى ملامحو إبتسامة عريضة ... ركب حزام السلامة ثم إنطلق بالسيارة ... كانت روعة كاتشوف فالطريق بهدوء وكاتفكر كيفاش غادي تفهم مارتن انها بغات توقف الخدمة معاه حتى قاطعها صوت إيدوارد الرجولي وهو كايقول :

- علاش مابغيتيش تركبي فاش كلاكسونيت عليك ؟

شافت فيه روعة وقالت بسخرية:
- ماضحكش عليا ولكن يحسابلي غير شي واحد كايتبسل عليا ... حيت من سابع المستحيلات ان سي مارتن يسيفطلي سيارة لامفرجيني لا ومعاها سائق وسيم .

ضحك إيدوارد بإستمتاع وقال :
- هاهاها لهاد الدرجة سي مارتن انسان قليل الذوق .

بادلاتو الإبتسامة وقالت بسخرية باش تنسا جبل لي سيطر على عقلها وكيانها :
- لا راه طلع صاحب ذوق رفيع والدليل هانتا قدامي .

هدأت إبتسامة إيدوارد الفاتنة وشاف فيها ثم شاف فطريق وقال بصوت رجولي :
- انا ماشي سائق ديال سي مارتن أنا زبون من زبناء النادي لي كاتغني فيه وملي قالو بلي احسن مغنية ماغاديش تحضر اليوم تطوعت باش نجيبك فنتي مايمكنش ليك تحرمينا من رنة صوتك الجميل ..

إندهشت روعة وبقات كاتشوف فيه فقال إيدوارد بسرعة باش يغطي على إندهاشها .
- واش غلطت فاش جيت انا ... كنتي باغيا شي حد اخر؟!.

تنحنحت روعة بإحراج من نفسها وقالت :
- لا لا .. اكيد لا ... غير دابا عاد تأكدت ان سي مارتن قليل الذوق كيف قلتي ... على كُلٍ شكرا بزاف على التوصيلة سيد ...؟؟

رد عليها إيدوارد وهو كايبتاسم :
- إيدوارد ...

إبتسمت روعة بعدوبة وقالت :
- تشرفت بمعرفتك سيد إيدوارد ... مكاين لاش نعرفك على نفسي راك عارفني مدامك تطوعتي باش توصلني .

علا إيدوارد عينيه فالمراية لي قبالتو فاش لاحظ ان سيارة تابعاه ملي وقف فمحطة الباص ... ضيق عينيه وشاف فالماتركيل ديال السيارة وفاش عرف تشكون برك على أسنانو بغضب ... ثم رجع شاف فطريق وقال بصوت هادئ باش يرد على روعة :
- اكيد انا اكبر معجب بيك وبصوتك

شافت فيه روعة وقالت بإستفهام :
- ولكن انا ماعمري شفتك فنادي الهوتيل .

ماجاوبهاش بل ماسمعهاش من الأصل كان كل إهتمامو مصوب للسيارة لي موراه حتى صونا التلفون فجيبو ... جبدو بسرعة كان الرقم مجهول لكن مع ذلك فتح الخط وحط تلفون على ودنيه .

- شكون معايا ؟!

قالها إيدوارد وعلى راسو شاف فلمراية وكان داك الشخص لي سايڨ السيارة لي خلفو حاط التلفون على ودنيه .. رد عليه الشخص لي فالخط الثاني وقال.

- سيارتك زوينة منين شريتيها !؟.

ضحك إيدوارد أليكزاندر سإستهزاء قال :
-سليل البارووووون ... نسخة الجبل ... صخر مرتجى ياعاش من شافك .

إهتز قلب روعة بالخوف فاش سمعات لقب البارون وتسائلت شكون هذا لي راكبا معاه ؟ واش كايعرف جبل؟ .... لعنة راسها مليون مرة فاش ركبت مع شخص مكاتعرفوش وفوق هادشي كامل هو كايعرف جبل ...

خافت وجاتها فكرة للدماغ أن لي معاها ممكن يكون من العصابة لي باغين يقتلوها ... شافت فيه بحذر وفاش تأكدت أنه مكايشوفش فيها دخلت يديها ببطء لداخل الحقيبة ديالها وتمسكت بالمسدس لي عطاها جبل وحمدت الله أنها هزاتو معاها للإحتياط .... بينما رد الشخص لي فالخط الثاني وقال بصوت رجولي خشن :

- كنت بغيت نشري شي سيارة بحال ديالك ... لكن سمعت بلي الشركات لي كاتصنعها كاتوضع فيهوم القنابل .

توسعو عيون أليكزاندر بصدمة وقال بسرعة :
- اشنو كاتقول ؟؟

ضحك الشخص بمكر ورد عليه :
- كاينين ستة ديال السيارات جوج سابقينك اوحدا فجنبك وثلاثة موراك وقنبلة تحت سيارتك الفاخرة .

دق ناقوس الخطر في قلب إيدوارد وقال وهو كايبرك على اسنانو بغضب :
- أشنو بغيتي مني ؟.

ظهرت إبتسامة هادئة على ملامح الشخص وقال :
-غادي توصل إيميليا كلارك للنادي لي كاتخدم فيه بلا صداع بلامشاكل والا... راك عارف شنو يقدر سلسل البارون يدير فيك ...

ضغط إيدوارد بيديه على عجلة المقود وشاف فروعة بنظرة شيطانية خلات قلبها يطيح للأرض بقوة الخوف وزيرت على مسدسها بقوة بسبب نظراتو الشيطانية .

رجع شاف إيدوارد فالطريق وقال وهو كايبرك على أسنانو بغضب :
- غادي تندم على هاد شي لي درتي ... كون متأكد أنني غادي ندير لي فجهدي ياش ندفعك الثمن نتا وكل سلالة البارون .

رد عليه الشخص بصوت هادئ
- الكلب لي كاينبح مكايعضش اإيدوارد ... ونتا فوضع ابدا مايسمحلكش باش تهدد ... وسلالة البارون هي لي غادي تجيب أخرتك االيكزاندر الكلب .

توقفت سيارة إيدوارد أمام الهوتيل فبسرعة مدت روعة يديها وبغات تحل باب السياؤة وتنزل لكنها لقاتها مسدودة أوتوماتيكيا ... ضارت شافت فيه ولقاتو كايبتاسم ليها بهدوء وعدوبة ثم قال :
- تشرفت بمعرفتك أنسة إميليا كلارك

إبتسمت ليه بتصنع وقالت وهي كاتحاول تتظاهر بالثبات:
- شكرا سيد إيدوارد على التوصيلة .

إبتسم إيدوارد وقال بمجاملة :
- ولو هذا واجب أمادموزيل إميليا .

ومد يديه ضغط على فقل الباب لي حداه حتى تسمع أنه تحل وبسرعة البرقت فتحت روعا الباب وخرجات كادير بدل الخطوة جوج وثلاثة باش تبعد على هاد المخلوق الوسيم العجيب الغامض الشرير .

بينما إيدوارد بقا حاضيها حتى دخلات للهوتيل وخرج من السيارة بسرعة ... وقف وشاف فالشخص لي فالسيارة لي خلفو بشر وبادلو الشخص نفس النظرة ثم تحنى من تحت سيارتو وبدا كايقلب على القنبلة لي قال حتى لقاها لاسقا فالجنب ديال غطاء العجلة بسرعة مد يديه فكها من سيارتو وناض بسرعة وبأقسى قوة عندو لاحها حتى جات وسط الشجر وضار شاف فالشخص لي فالسيارة وهز راسو وكأنه كايهددو ورجع ركب فسيارتو وإنطلق

زمجر إيدوارد بغضب وجبد تلفونو من جيبو بسرعة ودوز رقم وتسنا حتى جاوبو وقال :

-شاهين باشا ...كانضن أن موضوع السي دي وصل للبارون الأعضم.

همهم الصوت فالخط الثاني وقال بهدوء :
- وباش عرفتي ؟؟

رد عليه إيدوارد بسرعة :
- حفيد لبارون الأعضم يا باشا ... "صَخْر مُرتجى" كان تابعني ملي هزيت إميليا كلاك وظارلي قنبلة تحت سيارتي وهددني الى ماحطيتهاش غادي يفجر سيارتي ...

عم الصمت فالخط الثاني حتى ظن إيدوارد أن الخط تقطع لكن شاف فتلفون ولقا الخط مازال متصل فرجع تلفون لودنو وقال :
- اي أوامر يا باشا ... تبغي نقتلو؟

زمجر شاهين بغضب وقال :
- وكاضن أنك تقدر عليه ؟

جاوبو إيدوارد بحماس :
- نخسر عليه رصاصة بين عينيه سيدي

ضحك شاهين بإستهزاء ثم قال :
- هه ...مزيان ولكن خصك تكون مستعد لوابل الرصاص من عند شبّيحة البارون الأعضم الغبي .

"الشبّيحة ومفردها شبِّيح وهو مصطلح يُطلق على الأفراد الذين يستخدمون العنف والتهديد باستخدام القوة لخدمة شخص نافذ وذلك لابتزاز وارهاب الناس، والعمل الذي يقومون به هو التشبيح، وأصل الكلمة عربي فصيح هو الشَبْح أي ربط الإنسان بين وتدين لجلده أي أن الشبيح هو الجلاد الذي يقوم بالعمل الجسدي تنفيذاً لأمر سيده."

كمل شاهين باشا بصوت خشن وقال:
- عنداك دير شي تهور غبي يورطنا مع البارون الأعضم فنظرك أنا علاش صابر هاد المدة على داك حفيدو الغبي ... بيناتنا إتفاقية على الهدنة ولكن هاد الهدنة ماغاديش دوم ديما .... اجي عندي دابا غادي نتسناك

رد عليه إدوارد بتردد:
- ولكن اسيدي البنت لـ...

قاطعو شاهين باشا بصوت حديدي غاضب :
- عندك عشرين دقيقة الى مالقيتكش حدايا ترحم على روحك .
_________

كان جبل وسط الحمام واقف قدام لمراية كايقاد فلحية دقنو بشفرة حادة ومعصصصب لواحد درجة كبيرة وكايفكر فالهضرة لي قالت ليه روعة لكن قاطع تفكيرو صوت تلفونو لي صونا ... حنا راسو وغسل وجهو بسرعة ثم نشفو ونشف يديه وخرج من الحمام .. هز تلفون وغير شاف فالنمرة كشر بملامحو وعقد حواجبو بغضب .

- اشنو بغا عاوتاني هذا !؟ .
تمتم بها جبل وهو كايبرك على أسنانو بغيظ ثم فتح الخط وقال بفضاضة بدون مقدمات :

- ياك لاباس ؟؟.

إبتسم الرجل على الخط الثاني بهدوء وقال :
- واش هاكا ناس كايجاوبو خوتهوم ... على الأقل حتارمني حيت كبر منك .

تنهد جبل في محاولة السيطرة على أعصابو ثم قال :
- "صَخر" باراكا من دخول ولخروج فالهضرة ... اش بغيتي ؟

إبتسم صخر بسخرية وقال :
- يعني هو واخا أنا كبر منك غير بـ 15 لدقيقة إلى أنني كانبقا خوك لكبير وأنا لي خرجت من بطن ليليا الأول عااد تبعتيني نتا ... يعني خصك تحتارمني وتقدرني .

قلب جبل عينيه بغضب وقال :
- الى ماقلتيش شنو بغيتي غادي نقطع الخط .

تنهد صخر وقال بتثاقل وهو جالس داخل سيارتو الفخمة:
- مابغاتش تزول منك هاد لعادة ... دائما متسرع... ولكن ماشي مشكل مانديش عليك اخويا صغير ..

وكأن جبل في مزاج يسمح ليه ياخد ويعطي فالهضرة معاه برك على أنفو بإصبعو وقال :
- غادي نقطع لخط بسلامة

حيد تلفون من على ودنيه لكن فاش سمع صخر كايهضر رجع تلفون لودنيه وهو كايتنهد بملل:

- بلاتي بلاتي ... كنت باغي نسولك على إميليا كلارك صاحبة الصوت الذهبي .. واش لباس عليها ؟؟

عقد جبل حواحبو بإستنكار .... علاش صخر منين كايعرف روعة ؟؟ ...
- اشنو كاتقصد !؟
زمجر بها بصوت غاضب خلا صخر يبتسم بإستمتاع ورد عليه :

- كنت كانضن بلي نتا إنسان ذكي ... قريتي الهندسة وتخرجتي تاجر مخدرات ثم ترقيتي وطلعتي كراد وقلبتيها ألماس وذهب ووليتي ميليارديير ... هادشي كلو كايدل انك انسان ذكي .. لكن طلعتي غبي فإختيار الناس لي ضايرين بيك اخويا لعزيز .

قلب جبل عينيه بغيظ ورد عليه:
- باراكا ماتبقا تلف وضور منين كاتعرف نتا إميليا كلارك ؟

زادت توسعت إبتسامة صخر الوسيمة ... رمش بعيونو الزمردية المطابقة لعيون جبل ... كان وكأنه نسخة عليه مع بعض الإختلافات البسيطة فالملامح لكن الشبه بيناتهوم واضح ... فتح صخر زجاج سيارتو ونفث الرماد ديال سيجارتو المحروقة ثم سحب منها نفس ونفخ دخانها بإستمتاع وقال :
- قولي بعدا ختي صغيورة لباس عليها ؟؟

ضم جبل قبضة يديه بقلت صبر ثم زمجر بصوت شيطاني :
- ختك صغيرة إلى شافتك غادي تبزقلك فنص كمارتك ... جاوبني منين كاتعرف إميليا كلارك ؟؟.

قدر يلاحظ صخر غضب جبل لي ستحلاه ... قرر يلعب ليه على الأعصاب شويا بما أنه عارفو مزيان انسان عصبي وفلحظة غضب هو ممكن يقتل اي حد جاه فطريقو .. تكى براسو على المقعد وقال :

- ااااخ يبدو انك معمر ليها راسها بالحماقات ... لكن انا متأكد ان تاليا الى بغات تجي تعيش معايا غادي تكون سعيدة أكثر ... مؤخرا وليت كانشوفها حزينة بزاف ... اممم واش فخبارك ان تاليا كانت عندها علاقة مع الجاسوس هاري بلاك !؟ ... واش كاتسمي راسك إنسان مسؤول هاه ؟! ...ماقادرش تحضي حتى بنت صغيرة !!

مابقاش قادر جبل يصبر أكثر هز المزهرية لي كانت على الطبلة الزجاجية الصغيرة وضربها مع الحيط حتى تهرست ووقال بغضب:

- كانتمنا كون كنتي حدايا دابا ماكنش غادي نتردد وندخل فيك براس ... ينعل الدم لموسخ لي شاركينو يبدو ان لبارون الأعضم ماقصرش فتربيتك ... ورتي منو كل الوقاحة والسفالة والدنائة ..

إختفت إبتسامة صخر وزمجر بغضب :
- ونتا اش ورتي من راجل مك ... تسنطيح و لهضرا لخاويا !!

كان باغي يقتلو ... ولو كان صخر قدامو مكانش غادي يتردد يدفنو فأرضو لكن مع ذلك سيطر على نفسو ... شاف فساعة وكانت 8:00 مساء ثم قال بصوت غليظ :
- فين راك .. ؟

رفع صخر حاجب واحد بإستنكار وقال :
- علاش كاتسول ؟!

رد عليه جبل بغضب :
- هادي مدة طويلة باش ماطلاقينا... ماكرهتش نشوفك و ندخل يدي فنص وجهك اخويا لعزيز كايبانلي توحشتي لعصا من يدي .

ضحك صخر وقال بسخرية :
- اوووه حمستيني ... عرفتي شحال توحشت شي مبارة قتالية معاك ... غادي تلقاني كانتسناك قبالت هوتيل سود إيبيزا سويتس لي خدامة فيه الحارسة الشخصية ديال تاليا .

توسعو عيون جبل بصدمة وقال :
- اشنو كادير تما ...!؟

رد عليه صخر بطريقة مستفزة:
- ااام بما انني رجل ... فاعندي بعض الرغبات ... وبانتلي واحد المغنية اسمها إميليا كلارك داخلا للهوتيل قبيلة شويا ومانكدبش عليك عجبتني عندها صوت خطير وجسم اووووه ياسلام ولا شعرها الأحمر مثيرة بكل المقاييس ...

ضرب جبل يديه مع الحيط بقوة ثم قال بغضب
- الى ماسديتيش فمك غادي نقتلك .

داكشي لي كان باغيه صخر وصل ليه ومن خلال ردود جبل تأكد بلي خوه مغروم بالمغنية الفاتنة ولكنو شافها مع إيدوارد أليكزاندر وكان واجب عليه يحذرو ...

- محتاج نستمتع اليوم ... غادي ندير لي فجهدي باش نتقرب من ديك زوينة على الله ترضى وتخليني ناكل شويا ديال السكاكر من جسمها ... اااه وشحال مثيرة شفت غير رجليها وحماقيت على هاد لقبل لباقي كيف غادي يكون .

غوت جبل بصوت شيطاني وقال وهو كايلهت من شدة الغضب :
- الى كنتي راجل ... تسناني تما ماتحركش غادي نجي عندك .

رد عليه صخر وهو منتشي بسيجارتو :
- اووه اشنو رأيك نحجز طاولة لينا فالنادي ديال الهوتيل ونهضرو وحنا كانتصنتو لصوتها المثير وعلاش لا نطلبو منها ترقصلينا شويا .... ألو ... ألو ...

تسناه يجاوب لكن لارد حيد التلفون على ودنيه ولقى الخط مقطوع ... ضحك صخر بإستمتاع ثم فتح باب سيارتو وخرج قبل مايسحب نفس كبير من سيجارتو ورماها للأرض وهو ينفث الدخان في الهواء ...

- خلينا نستمتعو شويا .

همس بها بمكر ثم سد باب السيارة وتكى عليها وهو مستمتع وكايتسنا غير فقتاش غادي يشوف جبل من جديد.

____________

لتخ جبل باب غرفة روعة فاش قلب عليها ومالقاهاش .. كان غادي يطرطق بالفقصة براكين الغضب كاتغلي داخل قلبو ... واش ديك الحمقة الغبية باغيا طرطق ليه شي عرق فدماغو عاد باش ترتاح .. كاتعرف دير غير لكوارث مامنها حتى شي حاجة مفيدة ... كون كانت قبالتو فهاد اللحظة كان ماغاديش يتردد يعطيها ضربة حتى تنسى شنو سميتها ولكن عندها زهر .

نزل كايجري للطابق لي تحت الأرض ولكن فطريقو لقى عصام .
- معليييم واش نتا بيخير ؟؟!.

وقف جبل وشاف فيه بنظرة غضب لكن فاش تفكر روعة وهي معنقاه وكاتقول ليه نتا هو سندي شعر بالكره والحقد ناحيتو وأكيد ماغاديش يخليه يستغل فرصة بحال هادي باش يبان حداها البطل المغوار لي باغي يحميها من الكاريبي ... روعة هي حبيبتو هو ... وهو لي من المفروض يحميها من أي شئ ... علاش باش حسن منو عصام باش تفضلو عليه هو .. قرب جبل من عصام وقال وهو كايبرك على أسنانو :

- غادي نعطيك نصيحة دخلها فراسك مزيان ... إلى عاودت شفتك كاتقرب من روعة ... غادي نهي حياتك بيدي ..

عقد عصام حواجبو بإستنكار وقال :
- أشنو كاتقول معليييم ؟

قرب منو جبل بغضب ودفعو للحيط بقوة ثم شنق عليه وقال وهو كايشوف فيه بنظرات شيطانية مخيفة لدرجة حتى عروق جبينو برزت وهو كايقول بغضب :
- كيف سمعتي ... روعة ... ديك البنت ملكي أنا بوحدي وأي واحد غادي يقرب منها غادي نقتلو .... كن حذر من تصرفاتك معاها الى بغيتيني نحافض على حياتك . وهذا أول وأخر تحذير مني ليك وإلا أقسم برب الكعبة غادي نسا انك فيوم من الأيام كنتي صاحبي ... غادي نتلدد فتعديبك قبل مانقتلك بيدي ... أنا كانبغي ديك البنت ... أنا مجنون بحبها .. أنا مهوس بيها ... وحتى شي واحد مايقدر يبغيها كيفي ... وإلى فكرتي أنك تحرق قلبي عليها غادي نصفيك نتا وكل شخص كايعرفك أعصام ... كن حذر مني أعصام ... كن حذر

بقا عصام مسمر فبلاصتو وكايشوف فيه ... جبل من ديما كان صديقو قبل مايكون البوس ديالو وروعة حتى هي صديقتو والمشاعر لي كايحس بيهوم تجاهها ماشي ديال اللعب ولا التهديد .

بقا مراقب جبل بعينيه حتى دخل لمكتبو وزدح لباب بقوة وتنهد بغضب ... بينما جبل توجه لخزنة مكتبو الصغيرة وحلها بالبصمة ديال يديه وجبد منها ربعة ديال ربطات ديال لفلوس ودارهوم فجيبو وهز مسدسو وضعو خلف ضهرو ثم سد الخزنة بغضب وخرج بسرعة وهو كايتمتم بغيظ:

- غادي نوريك اروعة معنى التهور على حقو وطريقو .

______________

نهاية الفصل

الفصل 39 / BARON "جريمة قتل"

2018-10-30T09:21:00.001-07:00

هوتيل سود إيبيزا سويتس

خدات روعة نفس كبير باش تضبط أعصابها وهي واقفا خلف باب مكتب مارتن ، لكن داكشي لي سمعاتو من إيدوارد مابغاش يفارق عقلها كان كايهدد سلالة البارون وسمعت إسم جبل ... اشنو كايعني هادشي كامل واش إيدوارد واحد من العصابة لي باغين يخطفوها .

طردت دوك الأفكار من عقلها ودقت فالباب ثواني وأذن ليها مارتن بالدخول ..كانت كاتحس بالتوتر وهي كاتقرب من المكتب حتى كلست ... علىّ مارتن راسو وشاف فيها بإستنكار ثم قال :
- اش بغيتي ؟! ... ناس راهوم كايتسناوك .

تنهدت روعة ثم خرجات ورقة من حقيبتها وحطتها قدامو على المكتب وردت عليه برسمية :
- سيد مارتن يؤسفني القول أنني غادي نستقل من الخدمة معاك .

شاف فيها مارتن بصدمة وبقا كايرمش علاما استوعب الامر ثم حنا راسو بعدم إهتمام على الاوراق لي كانت على المكتب وقال :
- نوضي سيري بدلي حوايجك ناس كايتسناوك .. يالاه ابنتي سربي .

تنهدت روعة بغيظ وهي كاتشوف عدم إهتمامو وقالت :
- سي مارتن أنا مكانضحكش معاك اوكي ... محتاجاك تسني على وثيقة إستقالتي إلى سمحتي .

تنهد مارتن بغضب ثم حط قلمو على المكتب بقوة وقال :
- واش يحسابك دخول الحمام بحال خروجو هاه .؟

عقدت روعة حواجبها بإستنكار وردت عليه بفضاضة وهي كاطلع وتهبط فيه :
- اشنو كاتقصد .؟!

ضحك مارتن بإستهزاء ثم ناض وتوجه للخزنة ديال مكتبو وحلها ثم جبد منها ملف أزرق وحطولها قدامها وقال وهو كايرجع يكلس فبلاصتو :
- اش كاتسناي حليه وقراي شنو فيه .

ترددت روعة لكن رجعت هزاتو وحلاتو وبدات كاتقرا فيه حتى توسعو عينيها بصدمة قوية ... علات راسها شافت فيه ثم قالت بغير تصديق :
- أشنو هادشي ؟!.

إبتسم مارتن وهو كايرجع بضهرو خلف المقعد وقال بهدوء مستفز :
- مدة العقد 10 سنوات وفي حال فكرتي تخرقي قانون العقد غادي تخلصي فالمقابل مليون دولار كاش .

ماحستش براسها حتى ناضت بغضب وغوتات :
- اشنو كاتخربق اشاروف هاه ... ماشي هادشي لي سنيت عليه فالعقد لي كانت المدة ديالو سنة وحدا وبدون اي مقابل .

ضحك مارتن وقال:
- هه ... اش بغينا بداكشي لي سنيتي عليه نتي .. اهم حاجة ان الإمضاء ديالك فهاد الوثيقة والى مالتازمتيش بيها غادي ندخلك للحبس كاتسمعي .

ضربت روعة بيديها على المكتب وغوتت :
- نتا كداب ونصاب .. هداك التوقيع مزور ... انا ماغاديش نخليك تستغلني كاتسمع .

كل مكان كايدور فبالها هو جبل والعصابة لي تابعاها .. هي فالكونتيسا وتحت جناح جبل كاتحس بالأمان وماشي فصالحها أبدا أنها تخرج من الكونتيسا وبالخصوص فوقت متأخر وبوحدها والا مصيرها ماغاديش يسلك بحال هاد المرة وهاد الثعلب شارف باغي يدير ليها لعصا فالرويضا .. كانت غادي تموت بالفقصة وهي كاتشوف فيه كايضحك بهدوء وبدم بارد عكس البركان لي شاعل داخل قلبها .

- نتي لي فيديك الحل دابا ... يا إما غادي تكملي خدمتك معانا وإلا غادي تحطي مليون دولار فمقابل حريتك واخا هو فالحقيقة أنا كانتمنا تبقاي معانا .. صوتك تحفة وحتى شكلك مثير كايجدب حتى اعضم رجال الأعمال إبتداء من أحفاد البارون الأعضم حتى لإيدوارد أليكزاندر .

عقدت روعة حواجبها بصدمة فاش سمعات كلامو وقالت بإستنكار :
- أشنو كاتقصد ؟!

رد عليها مارتن بحماس باش يقنعها تبقى فخدمتها وقال :
- البارونات بجوج معجبين بيك من سي جبل لخوه صخر بالإضافة لإيدوارد أليكزاندر الصياد الروسي وإيزيك الأسكوتلاندي ...

تسمرت روعة مصدومة ومدهوشة قدام لأسماء لي سمعات !!... جبل كاتعرفو لكن صخر هو نيت لإسم لي سمعات إيدوارد كايهدد فيه غير قبيلة ... ورجعت بذاكرتها للخلف ... غير فالأمس تفكرات فاش قال ليها جبل ، كان عندي خويا سميتو صخر كانلعب معاه لبرويطا لكن خوت جبل كولهوم ماتو وبقات غير تاليا ... أشنو هادشي ؟؟ أشنو هاد تخربيق ؟؟... لكن هادشي كولو كوم وإسم إيزيك لي سمعاتو كوم ثاني ...

إيزيك مسبب كوابيسها كان طول هاد الفترة كايجي حتى للنادي إذن الكوابيس لي كانت كاتجيها ماهي إلا تحذير من الله باش تضرب لفكد فراسها .. أعدائها طول هاد الفترة وهوما محاوطينها وهي أخر من يعلم ... شعرت بالخوف وقلبها بدا كايضرب بقوة ... ماقادراش تصدق شي لي سمعات .. إذن إيدوارد حتى هو من العصابة .. ياكما كان باغي يختاطفها ... لكن بلاتي .. تفكرات تهديدات إيدوارد والإسم لي قال بالحرف .. سليل البارون نسخة جبل صخر مرتجي ...

توسعو عينيها بصدمة فاش قدرات تجمع لپازل فعقلها ... هي كانت قريبة للجحيم لكن صخر مرتجي أنقدها وكان كايهدد إيدوارد ... مازالة مفكرة مزيان فاش غوت إيدوارد وقال فتلفون " غادي تندم على هاد شي لي درتي ... كون متأكد أنني غادي ندير لي فجهدي ياش ندفعك الثمن نتا وكل سلالة البارون ."

رجع تخربق ليها كولشي فعقلها ... علاش تاليا ماعمرها عاودت ليها على خوها من حد حتى جبل قال ليها كان عندي خويا اسمو صخر و"كان" فعل ماضي يعني كان ومابقاش هي فهمت بلي مات ... اااخ اللعنة قنبلة من الأفكار وإنفجرة فراسها بحال السم ونخراتو نخر حتى قاطعها صوت مارتن المستفز وهو كايقول :

-إيميليا بنتي نتي راكي غادي تكوني حمقة إلى فرطتي فخدمتك ... أربع رجال ميليارديريا مستعدين يطيحو عند رجليك فكري ففلوسهوم فكري فالعز لي غاتعيشيه مع كل واحد فيهوم وفكري فالمداخل لي غاتكون عندنا بفضلهوم .. نتي تقدري تقنعيهوم يستتمرو أموالهوم عندنا .

هاد تخربيق كامل لي قال ماهتمتش ليه ... هي لاحت راسها فوسط الجحيم بلاما تحس ودابا كايبتز فيها وباغيها تحط ليه فمقابل حريتها مليون دولار .. منين غاتجيب ليه هاد لمبلغ كامل ؟ ...

تفكرات الكلمات لي قالهوم ليها جبل على الشاطئ " ماعمرك تظهري ضعفك لشي واحد أروعة ... كاينين بعض أنواع البشر عندهوم نفس حاسة الكلب ... إلى شمو ريحة الخوف فيك غادي يهاجموك على الفور ."

شافت فحقيبتها وإبتلعت ريقها بتوتر ... لكن ماعندهاش شي حل أخر ... غادي تخاطر ولي ليها ليها حياتها اصلا دابا تحت حد السيف اي حركة غالطا وغادي طيح وسط الجحيم .. هذا علاش غادي يخصها تدرس خطواتها مزيان .. بسرعة طارت على المسدس ديال جبل لي جابتو معاها ووجهاتو لعند مارتن لي طاح قلبو للأرض بقوة الخلعة والصدمة وبدا غير كايتمتم :

- إ إ إيميليا بنتي عنداك ديري شي تصرف متهور ... حطي داكشي من يديك وخلينا نتفاهمو .

غوتت روعة بغضب وهي موجها السلاح لعندو وكاتقرب منو وقالت :
- غادي تمضي على وثيقة إستقالتي وإلا غادي نفجر راسك ... يالااااااه .

توتر مارتن ومابقاش كايفرق بين ستيلو ولمسطرة ... هز قلم حبر اسود بيدين كايترعشو بالخوف ثم قال وهو كايمضي على الورقة .
- غادي تندمي على هادشي لي كاديري فيه اإيميليا .

نترت من يديه الورقة بسرعة ودارتها فحقيبتها ثم هزات الملف لي كان فيه مليون دولار وحطاتو ليه قبالتو وغوتت وهي حاطا ليه المسدس فوق جبهتو :
- إمضـــــــي..

تهز قلب مارتن بقوة الخلعة ومضى على الملف بالغصب وبسرعة خطفاتو من يديه وحشاتو فحقيبتها ثم تراجعت للخلف وهي موجها مسدسها ... شافت فيه روعة بغضب قاتل ثم زمجرت بغضب وهي كاتنفس بقوة :

-غادي نعطيك نصيحة وكانتمنا تستفد منها ... إلى فكرتي تعترض طريقي ولا تهددني من هنا لفوق .. دير فحسابك أنك ماغاديش تواجهني أنا ... غادي تواجه سلالة البارون كولها .

توجهت للباب وحلتها وخرجات وهي شادة فقلبها لي كان كايضرب بقوة.. وأخيرا قدرت تتنفس وأخيرا خرجت من داك الجو الخانق ... لكن كانت خايفا من العواقب ديال هادشي لي دارت ... واهم حاجة كانت كاتفكر فيها هي كيفاش غادي دير تخرج من الهوتيل بلاما يتبعوها الكاريبي فمدام إيدوارد وصلها أكيد غادي يكون مازال كايتسناها .

تمنات من كل قلبها أن داك الملاك المجهول لي أنقدها من براثين إيدوارد أليكزاندر يرجع ويهزها من وسط هاد الجحيم .

___________

سرداب الكاتيدرائية المهجورة

تمشت أقدام رجالية على طول الممر بخطوات رجولية واثقة بينما يديه لمزينا بساعة فاخرة ومتمسكة بياقة السوميج وكايقاد فيها وعلى وجهو أكبر إبتسامة شيطانية حتى وصل لقرب باب خشبي لونه أحمر ومد يديه باش يدق لكن إنتبه لكم يديه عليه نقطة دم حمراء ويالله شحال شعر بالنشوة ... كانت ديك القطرة برهان ودليل على رجولتو وشراستو الطاغية ... مد يديه وطرق ثلاث طرقات على الباب حتى سمع صوت غليض أذن ليه بالدخول عاد تقدم ودخل .

كانت الغرفة عبارة عن مكتب مجهز بكل أناقة وماناقصاه حتى شي تفصيلة .. الأرضية ديالو كانت عبارة عن سجاد احمر وجدران حليبية منقوشة بزخارف جميلة ذهبية إريستوقراطية ومكتب كبير بُني غامق وطاولة إجتماعات طويلة فالوسط مرصوص على طولها كراسي ذهبية بمقاعد إسفنجية حمراء .. الغرفة كلها كانت مزيج بين اللون الأحمر والذهبي والحليبي .

وعلى ديك الطاولة كان كالس رجل ستيني العمر شايب الرأس وسيم الملامح رغم كبر سنه وطويل القامة أكتافو عريضة ولابس بدلة رسمية فاللون الرمادي الفاتح ومترأس الطاولة بشموخ وبين يديه سيگار كُوهيبا الفاخر لي مصنوع فـ كوبا ، هوڤانا وثمن الحبة الواحدة خيالي .

بينما فالكراسي الثانية كان كالس إيدورد أليكزاندر وحاني راسو وهو كايحس بالشمتة ومابغاتش وسرط ليه كيفاش دارها بيه صخر وفالكراسي الثانيين كالسين بعض الرجال من العصابة ... تقدم إيزيك وهو كايتمشى بعنفون حتى وصل للطاولة وكلس قبالة أليكزاندر لي شاف فيه بنظرات قاتلة بينما بادلو إيزيك بإبتسامة ساخرة شيطانية وقال وهو كايلتافت ببطئ لعند الزعيم ديالو :

- شاهين باشا .. المهمة تمت بنجاح وسيفطت داك الصحافي التافه ومرتو لأعمق قعر في الجحيم .

حس إيدوارد بالغيظ والغضب ومارضاش أن إيزيك يالاه وصل فصبح من إيشبيليا ونجح فمهمتو بينما هو مهمة ساااهلة ولي هي يجيب روعة للمقر بائت بالفشل .... همهم شاهين باشا بتفهم وقال بلغة إسبانية ملتية بحيت أنه واخا عاش تقريبا ثلاثين عام فإسبانيا إلا أن أصولو التركية من الأم و اليونانية من الأب و لغتو اليونانية مازالة معششة فلسانو .

- تمام تبارك الله عليك ماشي بحال شي أغبياء .

غمض أليكزاندر عينيه بغضب لكن حاول يسيطر على نبرة صوتو قدام الزعيم وقال :
- شاهين باشا ... راني قلت ليك بلي داك السافل ديال صخر مرتجى وضع فسيارتي قنبلة وهددني إلى ماحطيتش البنت غادي يفجرها ...

ضحك إيزيك بصوت عالي وقهقه بسخرية ثم قال :
- هوهوووو يا باشا ... هذا باش بدلتيني !! .. لو كنتي خليتيني متكلف بقضية البنت بدل هاد المغفل كنت غادي نجيبهالك بلا مشاكل ...

هجم عليه إيدوارد وجرو من ياقته وزمجر بغضب :
- غادي تسد فمك ولا غادي نهرسو ليك كاتسمع

بغا إيزيك يرد عليه بنفس طريقتو لكن شاهين ضرب على الطبلة بقوة ثم غوت بغضب :
- اللعنة عليكوم كاملين ...

طلق إيدوارد من ياقة إيزيك ورجع كلس فبلاصتو وهو كايتمتم بغيظ لكن إيزيك رد عليه بإستهزاء وهو كايعوط حوايجو وكاينفضهوم بتقزز باش يمحي اثر إيدورد :

- ماتمتلش علينا دور السنفور الصغير لي دايز الماء تحت رجلو بلاما يعيق ... هوما غير جاو وحطو ليك القنبلة بهاد السهولة ... لو ماكنتيش غبي وكاتدرس خططك مزيان كـ..

قاطعو إيدوارد وهو كايقول بوقاحة :
- واش عمرك شفتيني كانخطط لعملياتي ؟؟ .. انا انسان كايتصرف بعشوائية باش نثبت للناس لي كايخططو شحال هوما مثيرين للشفقة فمحاولة السيطرة على الأمور .

قاطع نظراتهوم الشرسة شاهين باشا وهو كايقول بإستهزاء :
- الشجعان فلخر كايموتو بسبب فرط الشجاعة اإيدوارد والعباقرة فلخر كايحماقو بسبب فرط الذكاء اإيزيك ومكايبقاو غير المغفلين هوما لي عايشين وسعداء ...

شافو فيه وبجوج بيهوم وصلهوم المعنى المبطن من كلام شاهين ورجعو شافو فبعضياتهوم بشر بسماوية عيون إيزيك وفيروزية إيدوارد ... بجوج بيهوم كايكرهو بعضياتهوم كره أعمى وواحد كايبغي بيان حسن من لاخر فعيون زعيمهم لكن بجوج بيهوم أقوياء واحد ذكي والثاني شجاع ومتهور ..

- باغي نقتل صخر الكلب يازعيم ... اعطيني أوامرك وغادي نوض دابا نـ...

قالها إيدوارد بحماس لكن شاهين دار فيه نظرة شيطانية أخرست كلماتو فرد عليه الزعيم وهو كايقول بصوت حديدي :
- أحفاد البارون أنا لي غادي نتكلف بيهوم ولو مارضاش البارون الأعضم يجمع حفادو الأغبياء ويبعدهوم من طريقنا غادي نقطع إتفاقية الهدنة لي دامة عشر سنين وغادي تسيفطهوم للجحيم واحد وراء الثاني ...

تدخل فالحديث واحد من الرجال شاهين ...كان رجل ضحم بعيون زيتونية وبشرة برونزية غامقة ورأس أصلع عليه بعض الوشم ملونة ممتدة من رأسو حتى لعنقو وقال وهو كايمد ملف فيه صور لشاهين باشا :
- يازعيم ... رجالي إلتقطو هاد الصور وبغيتك تشوفهوم .

شد شاهين من عندو الملف وقال وهو كايتنهد :
- اوكي خلينا نشوفو اشنو جابولنا رجالك هاد لمرا ا"باتريك"

فتح شاهين الملف وبدا كايشوف فالصور لي كان فيهوم جبل وروعة كايعومو وسط البحر وصور أخرى وجبل هاز روعة بين يديه وهي حاطة راسها عليه ... علا حاحب واحد وقال بإستهزاء باللغة اليونانية:

-هه لا شئ مثير للإشمأزاز أكثر من رجل واقع في الغرام .

رد عليه باتريك وقال بصوت خشن وغليض:
-مؤخرا حفيد البارون الأعضم مابقاش كايتفارق مع المغنية الفاتنة إيميليا كلارك ويبدو أنه كيف قلتي واقع فغرامها .

مد إيزيك يديه وهز وحدا من الصور وشاف فروعة وكيفاش كانو ملابسها مبلولين ولاسقين على جسمها المثير فعض على شفته السفلية وقال بمكر :
- وكيفاش ماغاديش يتغرم بوحدا بحال هادي ؟!

شاف فيه شاهين بنظرة قاتلة خلات إيزيك يقلب عينيه بملل ثم حط الصورة من يديه وقال :
- مابغيتونيش نعاود ليكوم على المهمة لي درت اليوم .

رد عليه باتريك وهو كايبتاسم بطريقة مقززة :
- بما أنك نتا لي نفدتي ديك المهمة فكانظن أن الرقيب رافاييل غادي يرجع لدارو ليوم وهو كايبكي بحال شي عاهرة هاهاهاها...

شاركوه كاملين الضحك إلى إيدوارد أليكزاندر لي هز كأس ديال الويسكي وقلبو على فمو بغضب وناض خرج بدون إستأذان لكن شاهين باشا حاول مايديهاش فيه وقال بصوتو الحديدي :

- هذا كان درس لأي واحد سولت له نفسه يحشر أنفو فقضيتنا ...

ثم ناض من مكانو وتقدم للباب وخرج ... إلتفت إيزيك لعند باتريك وقال بخبث :
- سمع شنو وقاع اصاحبي .

___________

اflash back

قبل ساعة ونصف / في منزل رافاييل

طبع جورج قبلة حنينة على خد الطفلة "مايسي" ثم غطاها مزيان وشغل الموسيقى لي كاتساعد الأطفال على النوم ثم خرج من الغرفة وغلق الباب بهدوء وإبتسم بمكر .

مشا كايتختل لغرفة النوم ولقى فريدة واقفا قبالة لمراية كاتحط أخر اللمسات ديال المكياج على وجهها الأبيض المستنير حتى تقدم جورج وحضنها من الخلف ... ميل بأصابعو السمراء شعرها الأشقر المصبوغ من على رقبتها ثم طبع قبلة رقيقة خلات الفراشات يلعبو فمعدتها ... كانت رعشة لذيذة خلاتها تغمض عينيها وهمست بصوت رقيق وأنثوي :
- اوووووه حبيبي .

تحنى جورج وهز فريدة بعضلات أكتافو الضخمة وهو فرحان ثم حطها على السرير وطلع من فوقها وهو كايقول بهمس :
- توحشت كل شبر من جسمك ... حرمتيني جوج سيمانات وصريف..

إبتسمت فريدة بدلع وقالت :
- مكانش بيدي ياحبيبي ... بنتك مايسي هي السبب .

ضحك جورج وتحنا عليها كايبوس فعنقها وهو كايقول :
- وأنا كانموت عليك نتي وحبيبت باباها مايسي .

لكن قاطع قبلاتهوم صوت جرس الباب فتأفف جورج وقال بغيظ :
- شكون هاد قليل الأدب لي باغي يضيع عليها نهاري .. هادي شهر وانا هاز تيفو ديال الويداد واليوم لي بغيت نلعب دقان فالباب ... اللعنة هذا مايكون غير لمنحوس ديال خوك .

ضحكت فريدة بسخرية ثم قالت :
-هاهاها ... راه مازال خصك تصبر 10 ايام وحداخرا وخويا عندو ساروت ديالو ... ااه اليوم عيد الفصح عند المسيحيين اكيد غادي يكون شي وليد صغير ... حبيبي راني حطيت شويا ديال الحلوى فالمطبح عطيهوم شويا باش مايرجعوش يصدعونا ..

تأفف جورج وخرج وهو كاينكر حتى دخل للمطبخ وهز شبكة صغيرة فيها الحلوى والسكاكر وخرج وهو كايتمتم .
- انا ابدا مانخليش بنتي مايسي تمشي دق على عباد الله فديور على قبل الحلوى .

تقدم للباب وحلها لكن تفاجئ بهيأت رجل طويل القامة لابس معطف أسود وقبعة كلاسيكية على راسو ولابس فيديه قفازات جلدية سوداء وعلى وجهو إبتسامة شيطانية مثيرة فعقد جورج حواجبو بإستنكار وقال :
- عفوا اسيدي .. اش حب الخاطر ؟؟ واش جيتي على قبل رافاييل ؟ .

إبتسم خلف قبعته الكلاسيكية إبتسامة خبيثة وقال :
- لا ماجيتش على قبل الرقيب رافاييل ... بغيتك نتا اسي جورج ... جيت باش نبلغك تحية خاصة نتا وزوجتك فريدة ديمورو .

عقد جورج حواجبو بإستنكار وبدا كايفكر ثم قال :
- تحية ... خاصة ... ااه واش كاتقصد على قبل بنتنا !؟

توسعت إبتسامتو حتى عيونو لمعة بلمحة شيطانية وكأنه مجرم سفاح متعطش للدماء ... خرج يديه لي كان خافيها فجيب بنطالو وكان هاز مسدس مع كاتم صوت ووجهو لجبهة جورج لي توسعو عيونو بصدمة وبدا كايقول بصوت بالكاد مسموع :

- نـ نتا واحد.... من المافيا !!

بانت أسنانو البيضاء بإبتسامة لعينة وقال :
- بينغووو ... أصبت في الإجابة ... جيت باش نبارك ليك بزيادة ديال الكتكوتة مايسي ... تتربا فعز دار الأيتام انشاء الله ....

إبتلع جورج ريقو بخوف وقال :
- خـ خـ خلينا نتفاهمو ... غير بالعقل اسيدي .... ماتأديش عائلتي كانترجاك .

رد عليه إيزيك بصوت شيطاني .
- تؤ تؤ تؤ ... من نهار لي فكرتي فيه تكتب داك المقال الغبي علينا ... كان عليك تفكر بالعقل .. لكن دابا فات الفوت ونتا غادي دفع الثمن على كل حرف سخيف كتبتيه ... علاما يجي الدور على نسيبك الغبي ... ودابا باي باي الصحافي الممتاز .

توسعو عيون جورج وفلمحة بصر ضغط إيزيك على الزناد وإنطلقت رصاصة إخترقت رأس جورج وأردته قتيلا مرمي على الأرض .

نظف إيزيك فوقة مسدسو بيديه ثم رجعو لجيب معطفو وتحنى جر جثة جورج ودخلها للداخل وسد الباب مخلي أثار ديال السحب الدم فالأرض وفهاد الأثناء سمع صوت فريدة وهي كاتقول :
‏- حبيبي ... شكون لي دق فالباب ؟؟

لكنها ماسمعاتش الإجابة ... شعرت فريدة بقلبها كايتعصر بقوة فناضت من على السرير ولبست بينوار فاللون الأبيض وخرجات من الغرفة وهي كاتحس بقلبها كايضرب بقوة وماعرفتش علاش ... لكن وهي فالممر تقطع الضوء على الدار كاملة وأصبح الضلام هو المسيطر .

تسارعت دقات قلب فريدة وبدات كاتشوف حولها بخوف فهي مكانت قادرا تشوف حتى حاجة من غير الضلام ... بدات كاتحسس طريقها بريبة وكاتقول بصوت مسموع :

- جورج ... حياتي راك عارفني كانخاف من الظلام ... باراكا من هاد اللعب الباسل وشعل الضوء .

رد عليها داك الصوت المخيف :
- ماتعييش راسك الغزالة ... شويا وغادي تلحقي عليه .

تراجعت فريدة للخلف فاش ظهر أمامها شبح جسم رجل طويل لابس كولشي فالأسود وتسارعت دقات قلبها بالخوف .. كل مكان كايشغل بالها فديك اللحظة هي بنتها مايسي ... تحسست طاولة حداها حتى لقات مزهرية وهزاتها بسرعة ثم ضربت بيها إيزيك لكن لحس الحظ ماجاتش فيه وبدات كاتجري ...

تبعها إيزيك بسرعة لكنها بسقاتو وحلت باب غرفة مايسي وسدات الباب بالقفل .. كانت كاضور وسط الغرفة ديال الطفلة وكاتقلب على اي حاجة تقدر تحمي بيها نفسها وبنتها حتى لمحت مراية صغيرة معلقة فالحيط فهزتها ولتختها فالأرض حتى بقوة حتى تهرسات وهزات طرف مسنن فيديها لكن إنتفض جسمها بخوف فاش سمعات صوت إيزيك وهو كايصفر بإستمتاع خلف الباب وكايقول بصوتو الشيطاني :

-فريدة يافريدة ... قلوبنا كاتوزن فقط 21 غرام بحال وزن طائر صغير ولا قالب شوكولاطة لكن شحال من مرة غادي نعيشو باش نضحيو بـ 21 غرام فداء خسارة واجهتنا ..

- شكون نتا .. اش بغيتي مني :
غوتت بيها فريدة بخوف فإبتسم إيزيك ورد عليها بهدوء
- أنا عارف ... عااارف مزيان أن قلبك ماغاديش يستحمل الموت ديال راجلك ... هذا علاش خليني نختاصر عليك الأمر ونوفر عليك ألم القلب ...

حلت فريدة السرجم ديال الغرفة وخرجت راسها وبدات كاتغوت بأعلى صوتها :
- عتقوناااااااا .... عاونونااااااا ... عيطو لبوليييييس

بسرعة صوب إيزيك المسدس ناحية مقبض الباب ثم طلق رصاصة هرسات القفل ودفع الباب برجليه بقوة ... تخلعات فريدة ومشات كاتجري وقفت عند سرير الطفلة مايسي وكاتنفس بقوة وخوف وهي موجهة قطعة الزاج ناحية إيزيك ويديها كايترعدو بخوف .. منظرها كان مضحك ومسلي بالنسبة لإيزيك فتقدم عندها ببطئ وهي تراجعت وتلسقت أكثر مع السرير ديال بنتها وقالت بصوت متحشرج :

- اشـ شكون نتا ... حنا فاش أديناك

- مكاينش لي غادي يعتقك من بين يدي اليوم افريدة حتى ملاك الموت .

إستمر إيزيك على نظرتو الشيطانية المستفزة وهو كايقرب منها شي لي خلا فريدة تخاف كثر وهجمات عليه بشقف الزاج وهي كاتغوت بقوة باغيا الضربو لكن إيزيك تخطى الضربة بمهارة ولوالها يديها وضربها براسو لوجهها حتى خرج الدم من نيفها وطاحت فالأرض .

- اااه اللعنة عليك العاهرة .

بقا إيزيك كايشتم ويسب فيها وهي كاتغوت وكاتحاول توصل للشفقة ديال الزاج لكن إيزيك ضرب الشقفة برجليه لبعيد ثم قرب من السرير وشدها من شعرها وعلى راسها ولتخها مع لارض باش تقطع لحس وماتبقاش تغوت ..

تحنى عند مايسي لي كانت كاتبكي بإستمرار بسبب صرخة فريدة لي فيقتها و تحنى باش يهز البنت لكن فريدة إنقضت على رجل إيزيك وعضاتو بقوة حتى غوت بألم وجمع معاها بركلة لوجهها حتى سال دمها ...

كان كايحس بالغضب القاتل وهو كايدلك مكان العضة فرجليه ... تقدم لعند النافدة ثم طل منها وتفحص الحديقة الخلفية بعينيه ولحسن حظو الدار ديال رافاييل كانت جايا فمكان فيه منازل بعاد على بعضهوم ومحاوطاهوم غابة كبيرة ... رجع لعند فريدة ثم هزها بغضب لكنها تمسكت يكتفو وقالت بصوت مخنوق بالبكاء :

- كانترجات ... كانترجاك ماتأديش بنتي .. ماتأديهاش هي مازالة صغيرة ...

بقا كايشوف فيها بغضب للحظات لكن دموعها المقهورة مستحيل يأثرو على قلب إبليس ... لاح فريدة من الطابق الثالث حتى إستقرت فالأرض جثة هامدة وراسها لي جا على حجرة كبيرة تطاير منو الدم وتسلل من الحجرة حتى للأرض ..

نفض إيزيك قفازات يديه السوداء بتقزز ثم قرب من سرير الطفلة مايسي لي كانت كاتبكي بقوة وكأنها شعرت بموت أمها وكأنها حست بلي مابقاتش غادي دوق من حليب أمها ومابقاتش غادي تستنشق رائحة صدرها وحضنها الحنين .. كانت كاتبكي وكاتفركل ... حتى أن دميعات صغار تسلسل من عيونها البريئة وكأنها حبات اللؤلؤ .

هز إيزيك مخدة كانت على الكنبة وحطها وقرب من السرير من يديه باش يحطها على وجهها ويخنقها .. حس فلحظة أن يديه تشللت ولا مابقاتش جزء من جسمو .. ماقدرش يقتل بنت صغيرة بحرا عمرها تقريبا أربع أسابيع ... تنهد بغضب ولاح الوسادة على لأرض وهي كايشتم ففريدة لي تسببت ليه فعضة مؤلمة ... لكن مع ذلك حاول من جديد .. صوب المسدس ناحية وجهها باش يسكت صوتها المزعج لي كايعصبو لكن مع ذلك ماقدرش وهو كايشوف يديداتها صغيورين ورجيلاتها وفمها الصغير ودموعها الرقيقة .

رجع إيزيك المسدس لخصرو بهدوء وهو كايشوف فالبنت كاتبكي وماقدرش يصبر مد يديه بتردد وهز مايسي غير بشوية وكأنه هاز قطعة أثرية قديمة وخايف يهرسها ثم حطها على صدرو وبدا كايطبطب على ضهرها الصغير لكنها ماسكتاتش حتى لمح رضاعة صغيرة جنب سريرها فيها شويا ديال الحليب فهز الرضاعة وتكى على السرير بمؤخرتو وحشى الرضاعة ففم مايسي الصغير لكنها مابغاتش تشرب الحليب وإستمرت بالبكاء ...

تأفف إيزيك بإنزعاج ثم بدا كايدور بيها فالغرفة وكايهز ويراري بيها حتى عيات مايسي بالبكاء وغفات بين يديه ونعسات ... شاف فيها إيزيك وإبتسم بهدوء ثم تحسس خدها بإصبعو السبابة تحت القفاز وهمس :

- ياخسارة باباك مات ... مسكين ماكانش غادي يفلت مقال بحال هذا ... إمرأة قتلت زوجها ثم إنتحرت وتركت طفلتها الصغيرة تبكي وسط سريرها الصغير .... اللعنة مكانعرفش نعبر .. يمكن كون كان باباك كان غادي يعطي لهاد المقال عنوان صاروخي ومثير للجدل ..

حطها بهدوء على السرير ثم غطاها مزيان وطبع قبلة صغيرة على جبينها الصغير وقال :
- تصبحين على واقع أجمل يا صغيرة ... ماتخافيش مازال كاين خالك ولكن حتى هو ماتفرحيش بيه بزاف ... يمكن أفضل مكان ليك هو دار الأيتام الكتكوتة ... باي باي مايسي.

خرج إيزيك وهو كايصفر بشفايفو لأغنية من الثرات الإسكتلاندي القديم حتى وصل للطابق السفلي ولقى جثة جورج غارقة فدمها ... إبتسم بخبث وقال :
- بينغوووو ... إنتهت المهمة ... هاهاها .

ضحك بصوتو المقزز وفتح الباب وخرج ثم إلتفت للحديقة الخلفية وتمشى حتى وصل لجثة فريدة وإنحنا أمامها ... وضع إصبع السبابة على الوريد في عنقها لكن مكان حتى شي دليل لدقات قلبها فتوسعت إبتسامتو الشيطانية وجبد المسدس وحيد منو كاتم الصوت ثم حطولها تحتح يديها وتمتم بخبث :

- عيب عليك ترتاكبي جريمة ثم تنتحري يا فريدة .

إستقام فوقفتو وخرج من المنزل بمرة ثم ركب فسيارتو وشغل موسيقى صاخبة وكسيرا بأقسى سرعة وهو متوجه للكاتيدرائية المهجورة ببرود .

_____________

العودة الى الواقع .

- نتا جن أصاحبي .

قهقه باتريك بأعلى صوتو وضحك حتى إيزيك وهو كايشرب من كأس الويسكي لي كانو فيه بعض قطع الثلج ثم شاف فباتريك بإبتسامة عريضة وقال :

- باتريك ... عندي ليك واحد الخدمة .

رفع باتريك حواجبو بفضول وقال :
- باتريك عزيز عليه يخدم لحباب .. ويوم ليا ويوم عليك .. طلب أش بغيتي ؟.

إبتسم إيزيك بخبث وقال بصوت منخفض وهو كايشوف فالباب ثم رجع شاف فيه وقال :
- بغيتك نتا لي تخطف إيميليا كلارك

تنهد باتريك ورجع بضهرو للخلف وقال بتردد :
- ولكن الزعيم كلف إيدوارد أليكزاندر بهاد المهمة اإيزيك.

دار فيه إيزيك نظرة قاتلة وقال:
- هداك الإنسان الفاشل ماغادي يقدر يدير حتى حاجة ... وفكر فيها إلا نجحتي فمهمة خطف البنت نتا غادي طلع كراد فعيون الزعيم ... وغادي يولي يعول عليك نتا ورجالك أكثر ... اش بان ليك تضرب لحديد ماحدو سخون ؟.

همهم باتريك ثم قال بعد تفكير عميق :
- هممم ... فكرة زوينة ولكن فقتاش .

إبتسم إيزيك بحماس وقال :
- اليوم كان من المفروض داك الفاشل يخطف البنت لكن ماقدرش ... واليوم نتا لي غادي تمشي تجيبها بطريقتك الخطيرة ... غادي تخطفها من وسط الهوتيل لي كاتغني فيه .

قاطع كلامو إشعار لرسالة فجبد إيزيك تلفون من جيبو وفتح الرسالة وعلى الفور ظهرت إبتسامة خطيرة على وجه إيزيك ومد التلفون لباتريك وهو كايقول .

- شوف هاد الڤيديو .

شد باتريك التلفون من عند إيزيك وشغل الڤيديو لي كان فيه ... عقد حواجبو بإستهجان وقال بسخرية :
- البارونات مقاتلين ... لعجب !!.

تكى إيزيك على ظهر كرسيه بعنفوان وقال :
- جوج خوت أعداء ... واحد مكايحمل الثاني مقاتلين على بنت ... شفتي جبل كيف كايضرب خوه صخر بلا رحمة وكأنه العدو ديالو هادي هي لفرصة ديالك اباتريك .

رفع باتريك عينيه وشاف فإيزيك ثم قال بصوتو الخشن:
- وشنو من المفروض ندير أنا ؟؟

إبتسم إيزيك بمكر ورد عليه بصوت وكأنه فحيح أفاعي سامة وقال :
- غادي تستغل الفرصة وغادي طير لعين المكان وغادي تخطف البنت بلامايحسو بيك ... وصلني ميساج بلي إيميليا كلارك مازالة ماخرجت من الهوتيل ... وهاد جوج اغبياء مشغولين فالمقاتلة بحال دراري صغار ... واش غادير نتا .. غادي تستغل الفرصة.

ضحك باتريك بخبث وقال بصوتو المخيف وهو كايشوف فالتيليفون :
- إعتبر البنت عندك اليوم اإيزيك... غادي نجيبها ليك حتى لبين يديك ودير فيها لي بغيتي ...

___________

نهاية الجزء الأول .

أخيرا سالينا الجزء الأول من رواية بارون وإنشاء الله لقائنا الجديد غادي يكون في الجزء الثاني .

والله بغيت نختاصر بعض الأحداث باش نكتفي غير بجزء واحد فالبارون ... لكن الأفكار لي عندي مازال خصها المزييييد من الفصول والمزييد من الوقت . هذا علاش قررت ندير الجزء الثاني انشاء الله .

لحد الأن مازال موضوع السيدي مبهم ... ومازال حتى شي واحد مالقاه ..؟؟

جريمة قتل وقاعت فمنزل الرقيب رافاييل .. كيفاش غادي تكون ردت فعلو فاش غادي يرجع لدارو بعد يوم عمل شاق ويلقى اختو وراجلها مقتولين بطريقة وحشية .؟؟

صخر الشخصية الجديدة حاملة بزاف ديال الأسرار لي غادي تشكل عائق فطريق اختو تاليا بسبب سر الصور مع هاري ... وعلاقة جبل بختو غادي تكون على حد شفرة بعدما يكتشف الحقيقة على لسان أخر شخص ممكن يتوقعو ؟؟.

تاليا ورافاييل أشنو غادي يكون مصيرهوم ... واش غادي تقدر تبادل رافاييل نفس الشعور ولا رافاييل غادي يغرق فدوامة الإكتأب بعد موت ختو ويهمل مشاعرو تجاهها ولا غادي يصبح أكثر قوة وينتقم لختو . ؟؟

صخر وجبل الإخوة الأعداء ... عندهوم ماضي قبيح غادي يجمعهوم فالجزء الثاني ...!!

ضهور شخصية جديدة ولي ها البارون الأعضم وأولادو الكبار وأحفادو ... يعني اعمااام جبل والعائلة لكبيرة !!

شاهين باشا صبرو قرب ينفد ولو مالتازمش البارون الأعضم بإتفاقية الهدنة لي دامة عشر سنوات ولو ماجمعش أحفادو من طريق عصابتو ... غادي يعلن عليه الحرب لأن صبرو بدأ في النفاد .!؟

الدكتور ياسين وماضيه مع جريمة القتل لي رتاكبها وعلاقتو بأسية واش غادي تستمر ؟؟

صوفي وعصام أشنو غادي يوقاع بيناتهوم .. واشنو غادي تكون ردة فعل الدون ماركيز فاش غادي يكتاشف أن بنتو مارجعتش لفالينسيا عند مها بل مشات لدار روعة ... وروعة ماعندهاش دراية بأن صوفي بنت الدون ماركيز ... وعصام ماعارفش بلي راها هربات من المطار !!

أسد ونورسين كيفاش غادي يتعاملو مع الأحداث الجديدة لي غادي توقاع بين الأبطال ديال البارون.!!

إيدوارد أليكزاندر واش غادي يصبر لتدخل إيزيك وباتريك فمهمتو ولا غادي يدير شي حماقة بسبب تهورو .!!؟

روعة وجبل واش غادي يتحل سوء الفهم بين مشاعرهوم ولا غادي يجي شي عائق بيناتهوم يدمر كولشي والمحبة تتحول لعداوة ؟؟.

وماضي روعة مع جهاد واش غادي يتفتح ولا غادي يبقى بين طيات الماضي ... ومرض ام روعة واش غادي تشافا منو ولا غادي توقاع شي حاجة تغير الموازين ؟؟...

وفالأخير واش غادي ترجع المياه لمجاريها وترجع روعة لعائلتها فالمغرب ..؟؟ ولا جبل غادي يكون عندو رأي أخر ويجبرها ترتكب نفس الخطئ لي بسببو حاولت تنتحر بعدما اكتشفت حملها ..

هادشي كولو إنشاء الله غادي نكتاشفوه فالجزء الثاني ديال رواية البارون .

هادي ماشي مجرد نهاية ... هادي بداية لحياة وأحداث جديدة .

دمتم لقصصي المتواضعة أوفياء .

"تمت"

والحمد لله .

بقلم : ابتسام قراري

الفصل 18 / BARON "غادي تندم"

2018-10-30T08:14:00.000-07:00

لحوووب ...كاتسنايني ... ماغاديش نخليك تتسناي ...نجي ولا تجي ... هاااه اشنو قلتي الغزالة

رجف قلب روعة وضارت شافت فجبل بخوف لكنها تصدمات فاش لقاتو متكي على السيارة ومربع يديه ومعلي رجل فالسيارة وعلى وجهو اكبر إبتسامه فاتنة.

بغات تقتلو فديك اللحضة ... اللعين اش مازال غايجيوها من مصائب من وراء راسو وفوق هادشي كامل كايضحاااك ...

ضارت وشافت فدوك سكايريا وتنهدت بتعب وقالت...
-بلاتي واحد الدقيقة

ثم حنات للأرض فكات حزام الطالون من رجليها بجوج وهزاتو فيديها تحسبا لأي أمر طارئ ،.. بعدا على الأقل تقدر تهرب بلا مايعدبها ولا يضبرها فرجليها ...

قرب منها واحد منهوم لي كان زعر وقال بصوتو لغليض :
-حبيبة ... اش بانليك نبرعك ليوم

شعرت روعة بالقرف من ديك الكلمة ديال حبيبة لي خرجت من فمو لمخزز و تراجعت للخلف وهي كاتمتمت بين أسنانها :
-حباتك حبوبة فمؤخرتك انشاء الله .

وكملت بلغوات :
- حيد من قدامي ولا غانجمع معاك بشي تسرفيقا لكمارتك حتى دور

توسعو عيون الرجل بغضب فاش بداو صحابو كايموتو عليه بالضحك والغريب فالأمر أن حتى جبل بدا كايضحك بأعلى صوتو وهو شاد فكرشو ....

شافت فيه بصدمة مامتيقاش أنه كايضحك ... لعناتو مليون مرة فخاطرها ولعنات لي ختارع هاد الشراب لي كايطير عقول الناس ومكايخلي فرق بينهوم وبين الحيوانات .. كايطير داك شويا ديال لعقل وكاتبقى غير الكسدة كاتمايل من قنت لقنت بحال الكيس الفارغ .

قرب منها الرجل الثاني وهو دافع كرشو الكبيرة للقدام تخيلت لو انه شدها بدوك اليدين ديال البوكس لي عندو ... ماغادي يخلي فيها حتى شي عضم صحيح ..

شافت فالجنب ديالو على شي طريق لكن كان الرجل الثاني واقف ... وعلى جنبو لاخور راجل وحداخور واقف ..وراها الجدار وفجنبها جبل ....

فكرات فكل الإحتمالات باش تقدر تهرب بلا ماتضطر تتقاتل معاهوم لكن حتى شي طريق مابانت ليها تسلك ..

بقات حايرا ... اشنو غادي دير؟؟ وهاد ناس ماناوينش على الخير ونظراتهوم ليها شهوانية و حيوانية ... لذالك فكرت تطبقة داك المثل لي كايقول ... "دابزو يا الفيران على خميرة الجيران"

خدات نفس وزعمت على الامر لي نواتو ... لاحت طالونها على الأرض وقربت من الرجل بوكرش وهي كاتمايل وكاتعض على شفايفها بدلع ...غمزاتو حتى قربت منو ثم مدت صبعها السبابة وتحسست لحيتو الزعرة وقالت :

- يا ويييل ويييلي أنا على الأشقر .

توسعو عيون جبل بصدمة وتسمع صوت إندهاش الرجال لوخرين وكملت روعة بدلع :
- صراحة عجبتيني ...

هزت يديها و ضربت على الكرش ديالو لكبيرة عدت ضربات وكملت وهي كاتغمزو :
- وهاد الطحشة هي سبابي فعدابي .

تحل السيد وطاح على جناب لوصالي وقرب منها باش يبوسها لكنها رجعت للخلف بسرعة وتصنعت الزعل وقالت بصوت بنت فعمرها 5 سنين :
- حبيبي ... صاحبك غمزني .

توسعو عيون الرجل وقال بغضب :
- شكون فيهوم ؟

دلات شنيفاتها بدلع وقالت بصوت مايع وهي كاتشير للرجل الضخم لي شعرو كحل :
- هذا احبيبي هو لي غمزني

توسعو عيون الرجل بصدمة وقال وهو كايتمايل بثمالة:
-أنا ابنت ال...

كحالت الدنيا فعينين الرجل الزعر وضار عند صاحبو لي سبها وهز يديه حتى هزها ونزل عليه بالقرعة ديال شراب لراس حتى تشقفات وطاح الرجل فالأرض غارق فدمو و مغمى عليه فغوت الرجل الزعر بغضب وقال بصوتو لغليض:

- لي غمزلي مرتي نقطعو اشمايت .

وبدا كايشتف عليه برجليه ماخلاش فيه وهو كايغوت ويسب:
- وامرتي هادي ... وااااا مرتييييي ...

ربعات روعة يديها لصدرها وضارت شافت فجبل بغضب ولقات لبلابز ديال عينيه خارجين فداك الرجل لي كايشتف على صاحبو وماقادرش يصدق انها غير بكلمة وحدا شعلات العافيا بين جوج ديال صحاب وخلات واحد يقتل الثاني بلاما يشعر .

حدرت روعة عينيها بإستياء ... من المفروض هو لي تسبب فهاد المشكل هو لي يحلو ولكن فين هو لعقل طيراتو قرعة ديال الويسكي

ضربت رجليها مع الأرض بغضب ومشات لعند الفيكتيم الثاني ولي كان واحد من الرجال واقف وكايشوف فدوك جوج لي كايتقاتلو على ودها وعينيه حوومر بالشراب ...

وقفت حداه ونغزاتو بيدها حتى إنتبه ليها فتلاح عليها بجسمو الخانز بريحة شراب وبغا يبوسها لكنها دفعاتو وقالت وهي كاتعوط فحوايجها بتقزز ....

- مالنا على هاد الزربة غير بشويا ..

ثم رجعت ضحكتليه بمياعة وقالت :
- حبيييي ... غادي ندوز انا وياك ليلة ولا في الأحلام ..

ضحك الرجل حتى ظهرت أسنانو الصفرة وريحة فمو جابتليها التقية وشدها من يديها باش يقربها منو لكن الرجل الرابع تدخل وجرها من دراعها بقوة لدرجة فاش علات راسها فيه لقات راسها كاضربليه فحزام سروالو بقوة لي طويل وغليض ... وفكرت انها صافي مشات فيها.

- اش كنتي كاتقول ليها ؟
قالها الرجل الضخم فشاف فيه صاحبو ورد عليك بغضب:

- هاديك الفاتاتش ديالي فهمتشي .... وأراها لهنا

شدها من يديها وجرها لعندو حتى ارتطمت بجسمو القوي وكمل :

- تشا سير بحالك ولا نخور ليك عينيك

مارضاش الرجل الثاني وجمع معاه براس حتى تزدح مع مؤخرة سيارة كحلة وطاح للأرض مغمى عليه... ظنت أنها صافي تهنات منهوم كاملين لكن فاش ضارت باش تهرب وهي دخل فالكرش ديال الرجل الزعر لي كان شاد فيديه الفوهو ديال القرعة دشراب لي هرسها على راس صاحبو .

إبتلعت ريقها بتوتر وخوف وطلعت عينيها بشوية من يديه لكرشو لوجهو لي كايخلع وبتاسمت بتصنع ...

قرب وجهو من وجهها وقال بصوت غليض :
-حُوبــــــي

كانت باغيا تقيا حست بالمعدة ديالها تقلبات بقوت لي ريحة فمو خانزا ... تراجعت للخف بضع خطوات وهي كاضحك بخوف وتقول :

-نتا .... نتا ....رااااااجل وسييييييد رجال ...

لكن قبل ماتكمل كلامها دخلت فجسم اخر ، ضارت غير بشوية وهي تلقا داك العملاق كايبتاسم ليها ... ضحكت بقلة حيلة ومدت صبعها السبابة ونغزات كرشو وهي كاتقول بين سنانها و كاترجف ..

-ونتااااا .... نتا رااااجل أنا لي بنت لحرااام مقطعة ...

بدات كاتبكي بحال شي بنت صغيرة بالصوت وتضرب برجليها فالأرض وكاتغوت :

- الله ياسيدي ياربي اش درت انا فملك الله ... الله ياخد فيك الحق الباروووون الله ياخد فيك الحاااااق .

شاف فيها جبل بهدوء وشير لنفسو بصبعو السبابة وقال :
- انا ؟؟؟...

بغات تقتلو فديك اللحظة بغات تعضو بغات تعصرو وتخرج منو الزيت وعضامو تدفنهوم تحت الشجر باش على الأقل يتسما دار شي حاجة مفيدة فحياتو من غير المصائب ...

شافت فيه بغضب وغوتات:
-دعيتك لله يا لكافر بالله ... ونتا قديم وحافي بحال موس الحجام ماتنفع ماضر ياشماتة .

بقا جبل كايشوف فيها بغباء لكن فواحد اللحظة تقلبت معدتو فبسرعة تحنا للأرض وبدا كايتقيا فالأرض فجنب السيارة وهادشي غير ماخلاها تتعصب كثرر لكن غادي يدفع الثمن غالي على هادشي لي دار فيها .

قربت من الرجل العملاق وعلات راسها شافت فوجهو وقالت وهي كاتصنع الإبتسامة :

-سيدي ومولاي اش سماك الله .؟؟

حل الرجل العملاق عينيه بسيف وقال وهو كايحاول يوازن وقفتو :
- ســـام ..

توسعو عينيها بصدمة من الإسم ديالو ... سام!! ... هو لا علاقة مع الإسم ديالو لي يجي مع طفل او شاب مراهق ماشي مع عمود إنارة ... تنحنحت بتوتر وقالت :

- خويا سام ... نتا راه مرضي لواليدين حيت ربي لاحك فطريقي وباينا عليك قلبك بيض ونيتك مزيانة هذا علاش بغيت نطلبك واحد طليبة الله يرحم بيها لواليدين ...

ضحك سام بصوت غليض وقال :
-طلبي ألحوووب

تقززت منو وتمتمت بين سنانها:
-الله يعطيك حبوبة فلسانك ... الله يعطيك الجربة وقلت الضفران ...

دارت راسها كاتبكي بلعاني وبدات كاتعري فيديها وتقول:
- شوف ...شوف اسيدي هانتا شوف هداك ولد لحرام شكايدير فيا بالضرب هانتا راه معيشني فالذل والتبهديلة .

توسعو عيون سام وغوت بغضب :
- شكون هاذا لي ضربلي لحوووب ... هاد الفاتاتش ديالي وابربي حتى نشروط بنادم أنايا

ضحكت روعة بخبث وداكشي لي بغاتو وصلاتلو ... قربت منو وهي كاتمسكن وقالت وهي كاتشير بيديها لجبل وتبكي بلعاني :

- هاذاك الكافر بالله لي مور الطوموبيل.. شفتيه كيف خايف منك ومخبع ... ولد لحرام والدا معاه سبعة ديال لكروش وطيحت خمسة ... خمسة ديال لولاد كولهوم طاحولي بسبابو ... كايهلكني عصا كل نهار ... انا بغيتك نتا تكون راجلي .

ضيق سام عينيه فجبل لي كان كايتقيا مور السيارة وغوت :
-وابررررربي حتى يموت الليلة ..

تخلعات روعة وقالت بسرعة:
- الا لا لا ... ودوك سبعة لوخرين بغيتي تخليهوم لي يتاما ... ارا بعدا هاد القرعة من يديك .

حيدت ليه القرعة ديال شراب من يديه وقالت :
- بغيتك غير تعطيه شي طريحة ديال لعصا صاااافي .

غمزها سام وقال:

- من عينيا الحوووب ...
- ماااازيان الله يرضي عليك ازماني

حرك سام رجليه ومشا قاصد جبل لكن المشكل أنه كان كايشوف منو جوج وثلاثة ... فبلاصت مايمشي لجبل دخل فالحيط وبدا كايقلب على الطريق لي تسلكو باش يوصل ليه ...

تنهدت روعة بغيظ من غباء سام وقالت بين سنانها :
- ياويلي ياويلي ياويلي نندب حناااكي أنا ... ياربي أش هاد زهر لي عندك الشيطان السوري .

بقات عندها فرصة وحدا .... بسرعة ضارت روعة عند الرجل الزعر بو كرش وقربت منو وقالت وهي كاتبتاسم بتصنع :
- إيوا شفتي ... هاحنا تهنينا منهوم كاملين ... بقينا غير انا وياك .

ضحك الرجل زعر وبغا يعنقها لكنها بسرعة بعدت عليه وقالت :
- بلاتي ... بلاتي ... اش سماك الله اسيدي .

شاف فيها الرجل زعر وقال ببساطة :
- لــوي

شافت فيه روعة بإستخفاف على سخافة اسمو ... الأول سام وهذا لوي ... اش هاد سميات ديال كيليميني ؟؟!.. تنهدت وقالت :

- طحتي من عيني ... موهيم ماعليش غانسميك بوشعيب ....

قربت منو وهي كاتشوف فسام لي كان مازال كايقلب على طريقو ثم شافت فجبل لي جبد كلينكس من جيبو وكايمسح فمو وتمتمت بخبث:

- غير لي مخبي شي طرشة مخبيها لحنكو والله مايسلك منها دابا ... صافي مشا فيها ... اليوم يتشتتو ليه سنانو باش يتعلم كيفاش يتجرأ ويبوسني

علات راسها فلوي وقالت وهي كاتشير بيديها لجبل :
- من صبح وداك شلاهبي كايضور بيا باغي يديني معاه بسيف ... انا قلتليه بلي بوشعيب ولي هو نتا هو زماني وحبيبي وراجلي وقرت عينيني وبلي نتا لي غانمشي معاك ... ولكن هو اش دار قالك إلى كنتي الوي راجل ديني صحة ... و أنا مالقيت مانقول وقلت نمشي معاه ولكن كلمتك هي الولة .

شاف لوي بغضب فجبل وقال:
- مرتي اااانا ... يديها هاداااك ...أنا راني قتلت على ودك صاحبي وعشرت سنين وسطحتو فالأرض .

ضارت روعة وشافت فصاحبو لي كان غارق فدماياتو فالأرض و إبتلعت ريقها بخوف من شراسة لوي وندمات كاع لاش هضرات ... خافت بزاف لايدير نفس الشئ لجبل بالخصوص فاش شافت فيديه راس القرعة لمهرسة ..

بسرعة طارت ليه على يديه وزولتها ليه ولاحتها بعيد وتراجعت على فكرة الإنتقام من جبل ...
-عرفتي نقولك ... صافي بلاش.

لكن الموصيبة كان مصر دفع روعة حتى كانت غاطيح ومشا كايجري عند جبل شنق عليه وغوت فوجهو...

-أجي نتا ... باغي تديلي مرتي اولد لـ....

فالأول جبل ماعرف راسو باش تبلا لكن فاش إستوعب الأمر حنا راسو ببطئ وشاف فيد لوي لي كانت شانقا عليه وفلمحة بصر خرج مسدسو من خلف خصرو وفديك اللحظة غوتت روعة بقوة الخلعة قبل مايطلق جبل جوج رصاصات على ركب لوي حتى غوت وطاح على ركابيه للأرض ورجع جبل شد فيد لوي لي كانت شانقا عليه ولواها حتى غوت وتسمعو صوت تكسير ديال صبعانو ...

كان لوي كايغوت من شدة الألم بسبب صبعانو لي تهرسو والرصاصات بجوج لي صابو يجليه وروعة حتى هي كاتغوت بالخلعة ... لكن غضب جبل كان فوق ألم لوي فغوت بغضب وقال :

- تجرأتي تحط يديك عليا ياولد لـ... واش ماعارفش شكون أنا ..

تعصبات حتى روعة من طريقة تصرف جبل الهمجية مكانش عليه يدخل المسدس فقتال حر ونسات انها خدات دور الشيطان فالوسوسة بيناتهوم حتى كانت غاتسبب فموت الرجل على يدين جبل فغوتت بغضب وقالت :

- شكون نتا كاااع فملك الله .... اللحية راها تما ولكن بقات فالهمة اما اللحية تلقاها حتى عند العتروس .

شاف فيها جبل بغضب وقال :
- نتي مولات هاد طنوعيرا اشيطانا

طلق من يد لوي لي طاح على الارض كايغوت بألم وقرب من روعة وهو كايقول بين سنانو :
- نتي لي حرشتيه عليا أجنية .

خافت روعة من نبرت صوتو الشيطانية وتراجعت للخلف بضعة خطوات وهي كاتمتم بين شفايفها بتوتر وكاترجع بالخلف :

- ااايواااا .... بزاااااف عليك .... انا انسية بنت بنادم ولدتني مي من كرشها على تسعة شهور وبا دبح عليا بقرة وخمسة دلعجول .

ضحك جبل بسخرية على سخافتها ثم قال بين سنانو وهو كايقرب منها بغضب :

-اقليلت لحيا بلا حشما بلا حيا كاتعلي صوتك عليا وزايداها بتخراج العينين . عطيتك قيمة وبغيتي طلعيلي فوق راسي .

ردت عليه بسخرية وهي كاتمتم وتتراجع للخلف بخوف :
- إنتا معلم وإحنا منك نتعلم

شاف فيها جبل بإستخفاف من التخربيق لي قالت ...راه بسييف ماعرفت ماتقول كانت كاتقلب غير على شي طريق باش تسلك راسها من هاد الإعصار لي جاي مستقصدها لكن فواحد اللحظة جبل مابقاش قادر يصبر مشا كايجري لعندها وغير شافتو وهي تطلق رجليها لي كانو حفيانين للريح وبدات كاتسبك وتجري فلباركينك بحال شي وحدا هاربا من الحبس .

- اجي غير نهضر معاك .
غوت بيها جبل بغضب وهو كايجري موراها لكن روعة غوتت وقالت بغيظ :

- هاهاوااااات عليك ..

تخبات مور واحد السيارة بيضة وغبرات مابقاتش كاتبان ليه وبغا جبل يتسطا داك ساع وهو كايضور بعينيه بحال شي واحد تالف فغوت بغضب باش تسمعو :

- فينك البخوشا مولات اللسان سليط ... كاتحسابي راسك جوهارو معلقة فالحيط .

عضت روعة على شفايفها وبغات تقتلو لكن ماقداتش تصبر وردت عليه بلغوات :
- أنا بعدا جوهارة بقات فيك نتا داير بحال بلعمان غير لحموريا وقلت الريحان .

إبتسم جبل بخبث فاش شاف الظل ديالها مور الطوموبيل وقال باش يسايرها علاما يوصل ليها :

- ماجاتش بالنهود وحموريت لخدود ... بقات فلعقل ونتي ماتكسابي منو حتى غرام .

ضحكت روعة بسخرية وقالت :
- هاهاها ... ماضحكنيش عافاك ... على الأقل أنا عقلي مازال فبلاصتو ماشي بحالك لي طيرتيه بجوج كيسان ديال شراب البزناز .... عرفتي نتا داير بحال البقرة لمجرابا لي حلبوه منها يدهنوه ليها مامنك حتى فايدا من غير المشاكل ولـ...

قبل ماتكملها لقات راسها طايرا فالسماء وفوق كتافو .. كيف دار حتى هزها مانعرف ... بقوت الصدمة ماستوعباتش انها فوق كتافو حتى ضربها بيديه لمؤخرتها وحست بالألم عاد غوتات وبدات كاضربو على ضهرو باش يحطها ...

- حطنيييييي .... واحطنييييي ولا غانجمع عليك أمة لا إله إلا الله ونشوهك السكايري ...

قلب جبل عينيه بغيظ وقال :
-حنا فبلاد الكفار واش نسيتي أمة لا إله إلا الله خليتيها فبلادك ...

بقات روعة كاتغوت وضربو لضهرو بيديها لكن فاش لمح طارو ديال الزبل لكبير لمعت فبالو فكرة ... مشا كايجري بيها على كتافو وقلبها فيه بحال شي شوال ديال لبطاطة ونفض يديه وخلاها كاتغوت وتسب .. عطاها بضهر ومشا بحالو وهو كايقول :

- هاديك هي بلاصتك .

ناضت روعة بسرعة الغضب وغوتت وهي كاتزول لوسخ وزبل من شعرها وحوايجها وتسب :

-بغيتلك ضرببببة.... إلا ماجاتك تجيك فكفاك ...تجيك فكفااااااگ وفوجهك ... ااااااه يعطيك موضيبة يا شماتة ...

علات رجليها باش تخرج من الطارو ديال الزبل لكن فاش ماقداتش غوتت بغضب وضربت الطارو بيديها وقالت :

- عطاتك ليااااام البزناز ... البيض لماليه والزق لمول دجاج ...خخخخ تفووو لقيتني مالقدرتش نطلع اما كون حسنت ليك بلا ما أشماتة

إستفزاتو ديك الكلمة ديال " شماتة " لي قالتها هاد نهار كثر ملي ذكرت سميتو فرجع لعندها وهو كايجري وغير شافتو غوتات بقوت الخلعة وبدات كاتعلي فرجليها باش تطلع حتى غلب وزنها على الطارو وتقلب بيها على الأرض وجات مزلعا هي وزبل لكن بقوة الخلعة مكانش عندها الوقت باش تغوت ولا تتألم جمعات رجليها لحفيانين بسرعة وطلقاتها للريح وهي كاتغوت :

-واااااامييييي

لكن لسوء حظها لحق عليها جبل بسرعة وجرها من شعرها حيت داكشي لي لحقاتو يديه قبل مايلحق درعانها بجوج وشدها منهوم وتم جارها وهي كاتغوت بحال شي معزة

-ااااااه طلللللللللللاق مني أشمااااتة

- أنا شماتة .... انا نوريك هاد شماتة شغايدير فيك البرهوشة ...

بدات كاتغوت وهو جارها من يديها حتى وصلها لسيارتو وحل الكوفر ولاحها فيه وسد الباب عاد تنهد ورتاح حتى إختفى صوتها وبقا غير صوت الضربات حيت كانت كاتحاول تحل الباب وكاتغوت .

ركب فسيارتو وهو كايضرب فراسو بيديه باش يفيق نفسو ويتوكد ... ندم كاع لاش شرب ديك القرعة ... كسيرا بسرعة وخرج من باركينج ديال الهوتيل وهو كايفك لكرافاطا من عنقو وكايسب فروعة لي كانت مازالة كاتغوت وكاضرب فالكوفر بيديها .

-واسكتينيااااا يقطعليك الحس

غوت بيها جبل بغضب لكن فاش ماسكتاتش مد يديه وشعل الراديو وجهد ليه حتى لأخر درجة باش يختفي صوت غواتها المزعج وداكشي لي كان ....

مرت عدة دقائق وحس روعة تقطع لكن جبل بقوة الدوخة لي كان كايشعر بيها والخنقة نسا اصلا وجودها حتى ضربتليه فبالو فجأة فمد يديه وطفا الراديو وطلق ودنيه باش يسمع شي صوت منها لكن والو من غير صوت محرك السيارتو مكان حتى شي صوت .

بسرعة ركن السيارة فجنب الطريق وخرج كايجري حل باب الكوفر وطل عليها وهو يتفاجئ بالإعصار ديال التقية لي ضرب فوجهو ...

حس بالشمتة وبغا يقتلها لكن منظرها المريض خلاه يتاقي شرو فيها ... بقا حاني بنفس الوضعية ومد يديه جبد زيف من جيبو ومسح وجهو بتقزز ...وقال :

-الله يعطيك موصيبة الويلة .

ردت عليه بصوت مريض:
-تصيبك ...تصيبك ... يصيييبك فالقلب إنشاء الله

مدت روعة رجليها للأرض ونقزات من الكوفر وهي دايرا يديها على معدتها وكاتقيا حتى خوات الفروج لي تغدات بيه فالأرض وهي كاتسب وتلعن فيه ... لكن فواحد اللحظة هزت راسها وهو يبان ليها محل ديال لحوايح مغلق لكن الباب ديالو من الجاج وفنفس اللحظة شافت دورية الشرطة الليلية جايا من بعيد ...

الشمتة لي كاتحس بيها بوحدها ومابغاتش تبرد ليها ... هو راه لاحها فطارو ديال زبل وسط لعفن وفوق هادشي كامل سد عليها فلكوفر بحال شي خروف ديال العيد ناقص غير يربط ليها ليدين مع الرجلين ...

مالت براسها وهي تشوف يافطة ديال لحديد صغيرة مكتوب عليها إعلان ديال شي دكتور او محامي ماقدراتش تشوفو مزيان حيت ماشي هذاك هو همها ...

هزت راسها فجبل ولقاتو كايسب بين سنانو بصوت خافت وكايمسح التقية من وجهو وحوايجو ورجعت شافت فاليافطة و فالدورية ديال الشرطة لي جايا من بعيد ..

-غادي تنـــدم

تمتمت بيها و بسرعة مشات كاتجري هزات اليافطة من الأرض ولاحتها على الزجاج ديال المحل حتى تشقف وتطلق الإنذار بأعلى صوت وطلقت حتى هي رجليها لحفيانين وهربات مخليا موراها جبل مافاهم والو لكن فاش سمع صفارة سيارة الشرطة ماعرفش راسو باش تبلى شاف فيها كااجري بحال عويطا وسيارة الشرطة جايا من بعيد طالقة إنذارها والإنذار ديال المحل لي هرسات روعة الزاج ديالو وتخلطو عليه الأصوات فقرر يطبق مثل "دير مدار جارك ولا حول باب دارك "

طلق رجليه حتى هو وبدا كايجري وبقوة الدهشة نسا أنه كان بإمكانو يركب فسيارتو ويهرب وفكر انه حتى الى رجع غادي يشدوه البوليس ... وبدا كايجري

- روووووووووووووعة .... غادي نقــــــتـــــلاااااااااااااااك

غوت بيها جبل ولكن فيييين هي روعة سبقاااااتو بسنوات ضوئية .... دخلات من واحد الدرب باش تخبع لكنه تبعها وغير لقات بليصة مأمنة تحشات فيها بجسمها الصغير وهي كاتمتم بخيث:

- وشوف دابا كيفاش غادي تفك راسك من هاد الموصيبة البزناز .هيهيهيهي

ضحكت روعة وسدات فمها باش مايسمعهاش حتى كاتفاجئ بيه تحشا معاها وزاحمها فلبلاصة لي فالأصل كانو كراطن كبار محطوطين على بعضياتهوم ...

حلت فمها باش تغوت وهو يسبقا سد ليها فمها وتمتم بين سنانو :
- تغوتي نجبدليك لسانك من حليقك ونقطعو ونقليه فالزيت وناكلو

شعرت روعة بالقلب ديالها كايضرب بقوة الخوف منو وهزت راسها بمعنى "واخا صافي" باش يطلق منها ... وهي متأكدة أنها جابت أخرتها واليوم غادي تموت على يديه مافيهاش الشك.

شاف ليها فعييها وقال بغضب :
- علاش هرستي باب المحل ...

طلع ليها قلبها بسبب ريحة الشراب لي خرجت من فمو فقالت بتقزز :
- يييع ... ريحة فمك كاتقطع النفس تقول شربتي برميل ديال الشراب ..

توسعو عينين جبل بدهشة ومارضااااش... هذاك الشاب الأنيق العتيق العفيف المنمق ملمط تعيفو بنت بحالهااا... هاه هادشي لي بقا!! ... نفخ نفسو فيديه وشم ريحة فمو وبغا يتقيا حتى هو لكنه تظاهر بالعكس وقال بغيظ:

-كون شفتي ريحة التقيا لي فمك تعاودي تقياي من جديد... تقول سارطا طوبا

مارضاااتش لاش يعيفها وهي ديك البنت اللبقة الأنيقة العفيفة الشريفة الشفيفة فحلت فمها و نفختليه فوجهو بتحدي وهي كاتقول :

- ححححححححح ... شمها شمها مزيييااااان ححححح

لا ملي القضية ولاا فيها تحدي هو مستحيل يخسر ... حل فمو وبدا ينفخ ليها فوجهها وهي تنفخ وهو ينفخ هي تنفخ وهو ينفخ ...

جبل - حححححح
روعة - ‏ححححححححح
جبل - ‏ححححححححححح
روعة - حححححححححححح
جبل - حححححححححححححح
روعة - حححححححححححححححح
جبل -ححححححححححححححححححححححح

الشرطة - هزو يديكوم لفوووق

قاطعهوم صوت الشرطي لي كان هاز المسدس بين يديه وكايشوف فيهوم بغضب وحذر .فتمتم جبل بين سناتو وقال بغيظ

- ايوا شفتي دابا أسفريطا شنو درتي

ردت عليه روعة بتحدي:
-إيوا فكها يا من وحلتيها اسي لبارووون باش لمرة جايا تمد يديك عليا نقسمهوم ليك .. يحسابلك راني ساهلا ليك .

بغا يقتلها على ديك الهضرة ..هي كحلتها ولسقتها فيه ودابا كاتجبد عليه ...
-واخا غير بلاتي عليك ... أنا هو الكابوس الأسود لي غاتعيشيه من هنا لفوق اجنية .

حلت فمها باش ترد عليه وهو يغوت الشرطي وضرب دوك لكراطن حتا طاعو وقال :
-هزو يديكوم وخرجو من تما ماتخليونيش نستعمل معاكوم العنف .

هز جبل يديه بإستسلام حرك رجليه خلف على كارطونة وقال البوليسي بصراخ:
-شنو كنتو كاديرو تما بجوج ..؟؟ وشنو دوك الأصوات

شاف جبل فروعة بغيظ ثم شاف فالشرطي وقال :
-اوالو اشاف ... راه غير كنت كانعلمها كيفاش تزند الفاخر ديال العيد لكبير .

عقد الشرطي حواجبو بإستفهام وتجاهل السخافة لي قال فاش لحق عليه الزميل ديالو وهو كايقول :

-ولاد لحرام هادو هوما لي هرسو الباب لداك المحل وبغاو يسرقوه .

شاف فيهوم الشرطي بغضب لكن جبل وروعة كانو كايشوفو فيهوم بنظرات منتهى الرقة والبرائة ... واخا الروايح ديالهوم كانت كاتعطعط ومخلطة بين شراب والتقية لكن منظرهوم كان ملائكي سبحان الله يخلق ما يشاء .

عقد الشرطي حواجبو بتفكير وهو كايشوف فرعة ثم قال :
-شحال من مرة غادي نقول بلي هاد سيكتور ممنوع على العاهرات واش ماقالهالكش الباطرون ديالك

توسعو عيون روعة بصدمة وغوتت حيت مارضاتش:
-بزاااااف عليييد ... أنا مكانبيعش لحمي أشارف .

تعصب الشرطي وهو يجرها من دراعها وزيرها مع الطوموبيل لي كان الضوء ديالها كايسني ودار ليها المينوط فيديها خلف ضهرها ...لكن فاش قربو من جبل باش يمينطوه وهو يبدا يغوت ويسب فيهوم

-أنا ماهرست حتى حاجة أولاد لـ.. ديك الجنية هي لي هرسات جاج وهربات

لكن الشرطي قاطعو وهو كايقول بصراخ :
- هاد الهضرة حتى توصل للمخفر وعاد قولها ...

وضربو للخويا ديال رجليه باش قدر أخيرا يطيح جبل للأرض ودارليه المينوط فيديه خلف ضهرو وعاد جرو باش يدخلو للسيارة فالمقعد الخلفي جنب روعة لي بتاسمت بهدوء غير شافتو وقالت :
- مرحبا بيك على متن الرحلة الذاهبة إلى السجن جبولتي.

بغا يقتلها ولو ماكانوش يديه مربوطين خلف ضهرو كون ريشها من داك شعر لي تنفخ وطلع للسماء .. بإختصار كان منظرهوم داير بحال "ديانا ومارتن" في الرسوم ديال مغامرات مارتن في عالم الأساطير ناقصهوم غير دجاڤا ويكملو المجموعة المجنونة .

أخيرا وصلو لمخفر الشرطة وخرجوهوم من السيارة ... روعة كانت مطيعة وكاتمشى عادي واخا الشرطي شاد فيها لكن جبل شدها معاهوم زكارا ... حلف مايتحرك ولو مادفعوهش مايتحركش ولو خطوة ... وبين الخطوة والخطوة كايوقف حتى يرجعو يدفعوه من جديد بحال شي كروسة ...

غوت الشرطي بغضب وهو كايدفع فجبل بطريقة خلات روعة تمووت بالضحك وقالت بسخرية :
-ماتديوش عليه راه غابوهالي

شاف فيها جبل بغضب وبغا ينقض عليها لكن الشرطي سبقو ودفعو داخل الزنزانة ودخلوها حتى هي للزنزانة ديالها وماكان فارقهوم غير قضبان ديال الحديد ..

فك الشرطي الأصفاد من يد روعة وبدات كاتدلك معصميها بألم وجا الشرطي الثاني باش يفك أصفاد

فك الشرطي الأصفاد من يد روعة وبدات كاتدلك معصميها بألم وجا الشرطي الثاني باش يفك أصفاد جبل وهو يغوت فوجهو بغضب :
- ماتقيسش فيا ... ماتقييييسش واش ماعارفش شكون إنا !!...

قلبت روعة عينيها بملل على غرور هاد الرجل لي ماعندو لا حد ولا نهاية وتمتمت بغيظ:
- اووه ماتقيسوش فشيكسبير السوري

شاف فيها جبل بغضب وتوعدها بالإنتقام عير بعينيه ورجع غوت فوجه الشرطي لي كايفك ليه الأصفاد من يديه :
-واش عارف الثمن ديال هاد لحوايج لي لابسهوم أنا ولي وسختيهوم بيديك لمعفنين .

رد عليه الشرطي بإستهزاء
-باينا غير من ريحتهوم غالين ..

وخرج وزدح الباب موراه وسدها مخلي موراه جبل مصدوم من صراحة الشرطي الوقح فعلى دراعو وشم تحت باطو وبغا يتقيا ... المعدة ديالو تقلبات لكنه مارضاش فاش شاف فروعة لي كاتشوف فيه بسخرية وكاتموت بالضحك وقرر ينتقم من الشرطي لي حرجو قدامها :

-شفتي نتا ... ماتسواش حتى ثمن صباطي .

حرك الشرطي راسو يمين وشمال بقلة حيلة وكلس على مكتبو وهو كايتمتم بين سنانو :

-طلعولي فراسي هاد سكايريا ديال زبل ... فينما كان شي مسوفج يطيحني فيه سيدي ربي .

ضحكت روعة بسخرية عليه فاش سمعاتو وقالت :
-كايهضر عليك أجبولتي

مارضاااش جبل وقال وهو كايشوف فيها بغيظ ...
-روعة بغيت نعلمك واحد الحاجة زوينة اليوم .

شافت فيه روعة بإستخفاف وقالت :
-اش هي بسلامة ؟؟.

إبتسم جبل بمكر وقرب من قضبان زنزانتو وقال وهو كايشير بيديه للشرطي الجالس على مكتبو :

-غادي نعلمك طريقة إطلاق البزقه على بحال هاد الأشكال .

قهقهت روعة بسخرية وقالت :
-هاهاها .... وريني نشوف

إيتسم جبل وقال :
-أولا تقومين بعملية شهيق بعمق من الأنف والبلعوم مع بعضهم البعض .

تنخم جبل حتى تنخم وكمل :
-ثانيا تخرجين البزقة إلى بيت النار ( الفم ) مع صوت اححححخق

وكمل وهو جامع البزقة ففمو :
-ثالثا تقومين بالتسديد على الوجه تماما ...
-‏رابعا ترجع راسك شويا لور ...
-‏خامسا تطلق البزقة بسرعة الضوء مع دفع الرأس باتجاه الامام مع صوت تفووو يلعن بو طواسلك يا ولد الكلبة .

بزق جبل على الشرطي بطريقة صاروخية لكن مع الأسف ماوصلاتلوش وهو أصلا كان مدرق وجهو بالجريدة ومامسوقش للعالم لي جابهوم بجوج بيهوم ... أما روعة كانت غادي تسطا بالضحك وهي شادة فكرشها والدموع نزلو من عينيها وبدات كاتمسحهوم وتقول :

-هاهاهاهاهاهاها .... ينعل بات بات بات بات شياطينك اجبل هاهاها ..

لكن فاش مسحت دموعها وحلات عينيها لقات جبل طايح على الأرض بحال شي جثة تخلعات فالأول ومشات كاتجري شدات فالقضبان لي فارقينهوم وناداتو باش يسمعها :

- جبل .. جبل واش نتا بيخير ؟ ... جبل ..

فاش ماجاوبهاش تخلعات وبدات كاتعيط للشرطي باش يشوف مالو لكن الشرطي ماداهاش فالعام لي جابها لكن فجأة بدات كاتسمع صوت الشخير ديالو عاد رتاحت وكلسات على الأرض بتعب وهي كاتشوف فيه بصمت ...

ملامحو كانت هادئة ومافيها حتى تعبير يثير القلق ... كانت مجرد ملامح هادئة محفورة بحدة بينما خصلات شعره الأسود المائل للبني متناثرة على جبينو .

إبتسمت بهدوء ثم إستلقت على الأرض وإنكمشت على نفسها ... حطت يدها سندت بيها راسها وسرحت فداك الجسم الضخم المستلقي أمامها بهدوء لكن فاش تفكرت طريقتو فتقيبل شفايفها حاولت تكبت الإبتسامة لي بغات تظهر بيديها ...

تفكرت كاع المصائب لي دوزو اليوم وشجارهوم وقتالهوم وكأنهم أطفال العشر سنين تجردو من كل صفات الرشد والرزانة وخلاو الأطفال لي داخلهوم تتصرف بعفوية .. ماقدراتش تكبت إبتسامتها وماقدراتش تمنع قلبها ينبض بقوة وهي كاتشوف فيه فمكانش عندها شي حل باش تكبت هاد المسئلة من غير أنها تعطيه بالضهر وتغمض عينيها وتنعس حتى هي بحالو .

مرو الساعات والدقائق بسرعة وهوما ناعسين حتى أشرقت شمس يوم جديد فتح جبل عينيه على إثر خيوط الشمس لي تسللت من نافدة الزنزانة ... مرر أصابعو حول خصلات شعرو البني وهو كايحس بالألم كايقطع فراسو وخدا بضع ثواني غير باش يستوعب المكان لي حل عينيه فيه لكن فاش لمح جسم روعة لي كانت ناعسا على الأرض بهدوء توسعو عينيه بصدمة وتسائل على سبب وجودو معاها فهاد الزنزانات ..

قرب لعندها ببطئ ثم مد يديه ولمس خصلات من شعرها الأحمر بهدوء و مرر أنامله على خدها وهو كايبتاسم الى أن وصل لشفايفها ومرر أصبعو الإبهام عليهوم ومسح بقايا الكلوس وهمس بلاما يشعر بصوت مبحوح :

-ياروح وعمر البارون

إنتبه أخيرا للشئ لي قال بلاميشعر ثم علا راسو شاف حول الزنزانة بقلق وكان مكتب الشرطي فارغ ورجع شاف فجسم روعة بهيام وهمس بعد صمت وهو كايبتاسم بهدوء و كايدقق فتفاصيل وجهها الهادئة :

- ياروحي ...ناعسا بحال الملاك ... ونتي إبليس يخاف منك .

إبتسم بهدوء وناداها.
- روعة .... روعة ... نجيبلك لفطور .

تململت روعة فمكانها لكنها مافاقتش ورجعت نعست ... سرح جبل في تأملها وإبتسم بهدوء وهمس :
- ياويل قلبي عليكي ياروعة ... ياويييلو

وكمل بصراخ باش يخلعها علا الله تفيق :
-رووووووعة وااا العوجااا

قفزت روعة من مكانها وغوتت :
- والله ما أنا اشاف هو .

لكن فاش لقات الصمت إعتدلت فجلستها وهي كاتشوف حولها بإستهجان ... علات عينيها وغير شافت جبل وهي تقلب عينيها بضجر وتمتمت بغيظ :
- هاكا كايفيقو الناس بفلادكوم .

إبتسم جبل بهدوء حتى برزت غمازة دقنو الصغيرة وقال :
- لا ... ولكن نتي حالة خاصة ....

وكمل وهو كايقول :
-يبدو انني ثقلت بالشرب حتى مابقيت عاقل على والو .. اشنو لي وقاع لبارح حتى وصلنا لهنا ؟

توسعو عينين روعة بصدمة وقال :
-مابقيتي عاقل على والو ؟؟

وكملت فنفسها .".حتى البوسة لي بستيني نسيتيها "..لكنه قال ببساطة :
-اخر حاجة عاقل عليها هي فاش كنتي كاتغني وكاتشطحي بمياعة

شافت فيه بغيظ وبغات تعطيه شي جواب لي يناسبو قال مياعة قااال ... لكنها تفكرت بلي جبل دابا رجع لوعيو وهو صاااحي وبكامل عقلو يعني ابسط كلمة غاتقولها غاتحاسب عليها وغاتعاقب ففضلت أنها تسرط لسانها وماتقول والو وحمدت الله أنه نسا كاع المصائب لي وقاعو بالأمس حيت إلا تفكرهوم غادي يجري عليها من الخدمة مافيهاش الشك وإحتمال يعدمها بالرصاص ..

لكن فاش كاتفكر اللحظة لي كان كايعلمها تبزق على البوليسي كاتغلبها الضحكة بسيف عليها .

-هاهاهاهاهاهاااا

عقد جبل حواجبو بإستهجان وقال:
-لاش كاضحكي .

جمعت روعة الضحكة وشافت فيه بتوتر وقالت:
-والو غير تفكرت واحد الولد كان كايقرا معايا .. واحد النهار علمني كيف ندير نبزق

وبدات كاتموت بالضحك لكن جبل على حاجب واحد فيها وقال بسخرية وهو كايقلب عينيه:
- هه ... تبرهيش .. بلا شك هاد لولد حمق

ضاحت روعة على الأرض وبدات كاتموت بالضحك وهي شادة فكرشها وكاتقول :
-والله ماكدبتي ... وااامي كرشيي .. باراكا عليا من الضحك غادي نسخف .

إبتسم جبل بسخرية وهو كايشوف روعة كاتمرغ فالأرض وكاضحك لكن خلاها و ناض وبدا كايغوت ويعيط لشي حد من الشرطة باش يوضح ليه شنو هي التهمة ديالو لكن ملي ماجاوبو حد بدا كايسب فيهوم حتى عيا ورجع كلس فالأرض وهو معصب

-شنو وقاع لبارح ؟؟

قالها بغضب وهو كايشوف فروعة لي إبتلعت ريقها بتوتر و رمشت بعينيها بسرعة باش تعطيه الملامح الملائكية البريئة ثم قالت:

-لبارح اولا كنتي غادي تقتل رجل ... ثانيا بغيتي تشفر محل ديال لحوايج

تصدم جبل وقال:
-أنا نشفر محل ديال الحوايج !؟

هزت روعة رأسها ببراءة وقالت :
-تماما ... عيت نرغبك باش ماتهرش زاج ديال المحل لكن نتا كنتي مُصر فاش شفتي الگارسون لي معروض للبيع وبديتي كاتحلف باش تاخدو وتلبسو ...

كرر خلفها بصدمة :
-گارسون ... اشنو كاتخربقي .

قاطعهوم دخول رافاييل وهو كايبتاسم ويتمايل بجسمو الرياضي وغير شافوه وقفو بجوج بيهوم فرحانين لعودة الحرية فقال رافاييل بسخرية :

-كايبانلي درتو شي شويا ديال لبسالة لبارح .

_________
نهاية الفصل

الفصل 21 / BARON " رفقا بقلوب العذاري "

2018-10-30T08:13:00.003-07:00

هوتيل سود إبيزا سويتس / وسط المدينة / الساعة الحادية عشر مساء

كانت روعة چالسة على الكرسي أمام المرآة فغرفة التزين فنادي هوتيل سود سويتس وأمامها كانت كالسا زميلتها المغنية الكورية "آي يو"

تنهدت روعة بتعب وهي كاتشوف فراسها فلمراية... ماكرهاتش ترجع لدارها وترتاح لكن ماعندهاش شي حل أخر ... هي ملزم عليها تجيب السي دي من عند هاري ولا غادي يجري عليها دون ماركيز إلى نشر هاري الصور كيف توعد تاليا .. تمتمت تحت سنانها

- أقسم برب الكعبة ياهاري الكلب إلى كنتي غير كاتكدب بربي حتى نقتلك بيدي ونقولها لجبل هو لي غايعرف يربيك حيت نتوما من نفس الفصيلة وغادي تفهمو بعضياتكوم مزيان .

تنهدت من جديد وضربت برجليها الأرض بغضب ماحاملااااش راسها باغيا ترجع لدارها أعباد الله واش هادي حاجة صعيبة .!!!

كانت آي يو چالسا موراها و كاتضحك عليها ... البنت كاتهضر مع لمراية بوحدها صافي حماقت مافيهاش الشك.

ناضت آي يو من چلستها وتقدمت عند روعة ثم حيدتليها لكلوس من يديها وقالت بالإنجليزي وهي كاتكى بمؤخرتها على طاولة التزين :

- أري نصوبوليك لكلوس ... وكملي هضرتك مع لمراية فخاطرك ؟

شافت فيها روعة بتعب و تنهدت ثم قالت بصوت هادئ:
- آي يو ... أنا باغيا ندير واحد المغامرة شنو تقدري تقوليلي فالمقابل .؟

ظهرت إبتسامة آي يو الجميلة على وجهها الحليبي وقالت بحماس:
- اممم .... إميليا كلارك على وشك تعيش مغامرة ..اوووه شوقتيني ... اذن ڤايتينچ.

عقدت روعة حواجبها بإستفهام وقالت:
- شنو كاتعني ڤايتينچ ؟

ردت عليها آي يو وهي كاتبتاسم:
- كاتعني حظ موفق باللغة الكورية

ضحكت روعة بسيف عليها بسبب طفولية آي يو وقالت بحماس :
- ڤايتينچ إنشاء الله غادي يطير راسي هاد نهار ڤايتينچ آي يـــووووووووو

شاركتها آي يو الضحك بصوت عالي ثم قالت روعة وهي كاتمد ليها الشعر المستعار الأسود الطويل :

- أجي أڤايتينچ عاونيني باش نركب هاد سخط فوق راسي.

شدات أي يو من عندها الشعر وقالت بتسائل:

- ياك ساليتي خدمتك ، علاش غادي تركبيه؟

ردت عليها روعة بخنق :
-ماقلتليكش قرابة ندير واحد الكارثة ، بغيت نقول مغامرة... غادي نمشي لواحد الڤيلة نقضي واحد الغراض مهممم وخصني نكون متنكرة باش مانتعرفش ، حيت هداك بنادم لي غانمشي عندو ولد لحرام باينا فيه خدام مع شي عصابة .

توسعت عيون آي يو الصغيرة بصدمة وقالت :

- تِيـــــــــبَــلْ ( كلمة تعبر عن الدهشة بالكورية)

قلبت روعة عينيها بملل وهي كاتشوف فيها واش غادي يخصها تجيب شي مترجم مع هاد البنت ولا كيفاش هادشي لي كان ناقص .
غلقت آي يو فمها بيديها بعدما إستوعبت الأمر وقالت :

- أُمُوُ أُمُوُ ... واش نتي بعقلك باغيا تمشي لمكان خطير بحال هداك .

غوتت روعة بخنق وهي كاضرب رجليها مع الأرض وقالت:
- آي يــــــو... ماتزيديش تكملي عليا حتى نتي ... سربي عاونيني نركب هاد زمر فوق راسي.

ساعدتها آي يو على تثبيت الشعر المستعار على راسها ثم وضعت ليها مكياج ثقيل سموكي وأحمر شفاه دموي و عطاتها فستانها الأسود قصير جلدي جاها لاصق على جسمها وكعب عالي أسود لامع ...
وقفت روعة أمام المرآة وفواحد اللحظة ماعرفاتش راسها كانت زوينة بزاف والمكياج السموكي عطاها شكل دخاني مثير لشكلها ....

كانت لابسة كلشئ أسود من حد حتى الحقيبة الصغيرة لي إستعارتها من آي يو بينما الشئ الوحيد الملون فيها هوما شفايفها لي كانو فلون الدم القرمزي .

قربات روعة من آي يو وشكراتها وهي كاتعنق فيها وقالت:
- شكرا آي يو ماتخافيش على حوايجك غادي نردهوملك فأقرب وقت .

ردت عليها آي يو بإبتسامة وقالت:
- خودي راحتك فلحوايج حيت سبقلي لبستهوم ، أما الصاك راه مازال جديد عنداكي ضيعيه لي ولا يتوسخ.

حركت روعة راسها يمينا وشمالا ، هادشي لي بقالها هي غاديا لمكان مجهول ماعرفاش شنو فيه وخصها تهز الهم للصاك لايتوسخ عند بالها غاديا تلعب بيه الباسكيط.

ودعاتها روعة وخرجات من الباب لكن آي يو لحقت عليها بسرعة وناداتها:
- إميليــــــــا .. بلاتي

وقفت روعة وضارت عند آي يو بفضول فجبدات آي يو قناع العيون فاللون الأسود مزين بكريسطالات براقة ومداتولها وهي كاتقول:

- سمعت أن رجال العصابات عادتا كايكونو وسيمين وأغنياء ... هاكي لبسي هاد القناع باش يتغرم بيك شي مافيوزي غني ويتزوج بيك.

ضحكت روعة بسيف عليها فاش سمعت حماقة أي يو ... هي راها ماغادياش لحفلة تنكرية باش تدخل عليهوم بحال زورو ناقصها غير السيف ، لكن مع ذالك شداتو من عندها ودارتو فصاك وهي كاتقول :

- ‏كون شفتي الأغنياء والمافيوزين كايتسناوني غير أنا ... على كلٍ شكرا بزاف و كانواعدك غادي نستعملو إلا دعات الضرورة .

____________

ڤيلة كونتيسا / كالا ديسان فيسينتي

كان جبل كايوجد فنفسو باش يمشي للڤيلة كيفما تافق مع رافاييل ولبس ملابس أنيقة بطابع كلاسيكي لايق بوسامتو وجادبيتو

شاف فراسو فلمراية وإبتسم بساحرية ....كان مغير تسريحة شعرو ومبعثرو للأمام على جبهتو وجا المنظر ديالو بحال شي مودل شاب وسيم بلحيتو الخفيفة ...وضع نظارات طبية من الحجم الكبير على عيونو الزمردية وياويل عيونو لي أصبحت خلف الزجاج بحال شي قطعة من الألماس .

وضع ساعتو الفاخرة على معصم يدو ليسرية ورش من عطرو الرجولي الفخم حتى سمع صوت طرقات على الباب وقال:
- دخـــل .

فتح دون ماركيز الباب ودخل وهو كايلوح بيديه وداير يديه فجيابو وكأنه كايبتاهى بطقمو الشبابي .. كان لابس سروال جينس غامق وسوميج فاللون الأبيض وسترة جلدية فاللون الأسود ومرجع شعرو الرمادي للخلف وحاط نظارات تقريبا كاتشبه لنظارات جبل .

شاف دون ماركيز فجبل بإبتسامة ساخرة وقال :
- اش هاد الأناقة كولها البارون ... رفقا بقلوب العذاري .

ضار جبل عندو ورد عليه بإبتسامة ساخرة:
- لي غادي يسمعك غادي يقول ان النساء تما فعلا عذاري ماشي عاهرات المافيات.

تنهد دون ماركيز بعمق علاما إنتبه جبل لأناقة داوود وصفر بفمو وقال بحماس:

- اووووه.... واش غادي يخصني نقولك نفس الشئ اداوود بن كيران .

غمزو جبل بطريقة ضحكات دون ماركيز وبدا كايضور على نفسو وهو كايقول بغرور وخبث :

- ماغاديش نخلي الأضواء تسلط غير عليك بوحدك ... دابا عندك منافس اسي جبل محمد إبراهيم مرتجى سليل البارون .

ضحك جبل وهو كايحرك راسو وكأنه كايقول " نجوم السماء أقرب ليك بلا ماتحاول "

_______________

ضاحية المدينة / ڤيلا بلازا / الساعة الثانية عشر والنصف بعد منتصف الليل

وصلت روعة للشارع لي فيه الڤيلة وتأكدت من العنوان لي عطاتولها تاليا قبل أي شئ .
وقفت سيارتها بعيد على الفيلة فالجهة الخلفية ... بقات داخل سيارتها تقريبا نصف ساعة في محاولة تهدأت نفسها لكن فواحد اللحظة علات راسها فلمراية وهي تبان ليها سيارة فيراري سوداء والزجاج ديالها اسود مكايبينش ...

تجاهلت ديك السيارة لكن شويا وهي تبان ليها سيارة جيب كحلة كاتشبه لسيارة دون ماركيز لكن مالحقتش تشوف رقم matricule ديال السيارة بسبب السرعة مع الدهشة ... نفضت راسها من دوك الشكوك ثم خدات نفس وحلات الباب وخرجات .

كان الحي هادئ ومن غير صوت طقطقات كعبها العالي مكان حتى شي صوت ...تمشات لعند الباب الكبيرة الحديدة ثم وقفات كاتأمل فديك الڤيلة الضخمة والفاتنة .

شعرت فجأة بإنقباض شديد فقلبها وبرغبة فالعودة لأن الفيلة خوفتها رغم فخامتها ... قلبات عينيها وشجعات راسها ثم حركت رجليها ببطئ ناحية البوابة الخارجية لي غير وقفت أمامها قفزها صوت غليض بالخلعة كان المصدر ديالو الجهاز المثبت على الباب.

- شكون نتي؟... واش عندك دعوة ديال الحضور !؟

إستغربت من كلامو وعلى أشمن دعوة كايهضر ؟ . لكن اخيرا نتابهت للكامرة لي فوق الباب وعرفات أنه كايشوفها وعاد تفكرات البطاقة لي عطاتها تاليا ... كانت بطاقة سوداء مرسوم عليها علامة غريبة فاللون الذهبي شكلها بحال حرف (T) وفوق منها دائرة على شكل أفعى نحاسية .

رفعت البطاقة أمام الكامرة وماكاملاش دقيقة حتى تفتحت الباب أمامها أوتوماتيكيا ...خدات نفس ثم تقدمات للداخل بخطوات متوترة وهي كاتشوف فديك الحديقة الكبيرة والمخيفة رغم جمالها .

طلعات فدروج لي كايأديو للبوابة الرئيسية ولي كان واقف أمامها گارد ضخم البنية لابس بدلة رسمية سوداء وعلى ودنيه سماعة لاسلكية وحول خصرو مسدس كان موضوع فحزام مثبت حول صدرو .

فتح الحارس الباب وقال بصوت غليض كايخلع وهو كايشوف فجسدها بوقاحة:
-مرحبا بيك أزين .. كانتمنى تستمتعي معانا .

رسمت روعة على وجهها إبتسامة متصنعة خلات الحارس يعض على شفايفو من جمالها و ردت عليه بصوت مايع متصنع :
- أووه أكيد غادي نستمتع .

دخلت من الباب بكل رزانة وغير فاتت الباب إستقبلها الخادم وهو كايطلب منها تحيد معطفها باش يعلقو
بالفعل حيدات معطفها وعطاتولو عاد بانت أناقتها و جمالها الأخاد بفستانها الأسود الضيق والقصير .

كملات طريقها ودخلات للداخل حتى توقفات مسمرا أما المشهد لي شافتو عينيها ... كان المكان وكأنه ملهى ليلي ...كؤوس ديال شراب فكل بلاصة وبنات ورجال فوضعيات تقشعر لها الأبدان .

هاد المنظر خلا قلبها يطيح للأرض وتمنات ترجع بحالها لدارها ، مكانتش حاسبة حساب حفلة فيها هاد الناس كاملين ، مكانتش عارفا أصلا واش كاينا شي حفلة .

تنهدت وحاولت تتصرف بشكل عادي باش مايبانش توترها ... ويمكن هاد الحفلة غاظي تكون لصالحها منها باش تهضر مع هاري براحتها وتبان وكأنها من المعزومين لكن فين غادي تلقاه وسط هاد ناس كاملين !!؟

حركات رجليها بدات كاتمشى فالقاعة وكاتحس بنظرات الرجال المقزز لي باين رغبتهوم فيها غير من عينيهوم ... هنا قررت أنها تستعين بالقناع لي عطاتها آي يو وحمدات الله أنها قبلاتو منها ودارتو فصاكها .... الوضع كاع مكايطمنش والحذر أحسن من الندم من بعد .

ركبات القناع على عيونها العسلية الدخانية وفاش هزات راسها شافت خادم هاز صينية العصائر فيديه وباش تبان طبيعية هي خصها تشرب شي عصير يبرد على قلبها شويا بدل هاد التوتر ...

مدت يديها باش تاخد كأس لكنو مانتابهش ليها ومشا لهذا تبعاتو لكن فطريقها قاصت كتفها بقوة مع كتف شي راجل لدرجة طاحليه الكأس ديال الشراب من يديه أوسخليه حوايجو .

- تفوو ... واش مكاتشوفيش قدامك !؟

قالها بحدة وغضب وهو كايزفر بقوة ... توترت روعة وحلات صاكها بسرعة باش تجبد المنديل فرفع الرجل حاجبو بإستغراب من شدة توترها ... توسعت عينيه وهو كايشوف هاد الملاك لي قدامو بشعرها الأسود المفضل عندو وبجسدها الأنثوي الطاغي .

كان كايشوف فتوترها وخوفها من طريقة تفتيشها لحقيبتها ... كانت مختلفة على أي بنت شافها هنا وإستغرب بشدة !!... اشنو كادير وحدا بحالها هنا إلا مكانتش عندها علاقة بالكاريبي ..

لكنو قدر يلمح البرائة لي حاولت تخبيها تحت طبقة من المكياج .... شعر بالفضول من ناحية هاد البنت العجيبة لي غطات عيونها العسلية بقناع زادها جادبية أكثر من جادبيتيها .

وأخيرا قدرات روعة تلقى المنديل وسط حقيبتها وخرجاتو ومداتولو لكن غير طلعات معاه الشوفة ... توقفت الدنيا أمامها للحظات .... توسعو عينيها وهي كاتشوف جبل واقف أمامها بكل هيبة ورزانة ووسامة واخا كان منزل شعرو على جبهتو اواضع نظارات كبار هي قدرت تميز ملامحو ...

إبتلعت ريقها بتوتر وهي كاتشوف فيه وكان باين من وجهو أنه بحالي شك فيها ولا عرفها ... كانت كانحس بالخلعة مخلطة مع دوخة ومع الدهشة ... لكن هي خصها تسيطر على نفسها ... خدات نفس و غيرت صوتها ورققاتو ثم قالت وهي كاتراجع للخلف :

- كانعتاذر منك اسيدي ....غادي يخصني نمشي .

عطاتو المنديل وضارت باش تمشي بحالها لكن يد جبل وقفتها وهو كايجرها لعندو وخلاها تلتافت بسيف عليها باش تشوف فيه وفالجرأة ديالو المعتادة ... :

- فين غاديا ألغزالة .... ماعرفتينيش على نفسك!

قالها جبل وغمزها بعينيه الزمردية بطريقة وقحة متعمدة باش يوصل لمبتغاه .. لكن روعة حاولت تسحب يديها منو وهي كاتحس بالقهرة فاش فهمت شنو كايعني بتعابير وجهو .

- طلق مني ابنادم شكون سمحليك تقيصني؟؟ ..

قالتها وهي كاتبرك على سنانها في حين إبتسم جبل بشكل مستفز وقرب وجهو من وجهها لدرجة مكان كايفصل بيناتهوم سوى بضع إنشات ... إستنشق نفس من خدها وهمس بصوت مثير:

- هاد العطر ماغريبش عليا .. وزايدون لاش كاتغوتي .. نتي عجبتيني بزاف وأنا بغيت نستمتع معاك شوية أش بان ليك نشوفو شي غرفة خاوية ونلعبو شويا .

كان كايتأمل عينيها بجرأة خلف القناع حتى شعر جبل برعشة روعة بين يديه وخوفها منو هداك ساع عاد تأكد أنها غريبة وماشي من هنا .

ولكن شنو السبب لي خلاها تجي لوكر الذئاب برجليها واش مافخبارهاش أنها رمات راسها وسط الجحيم .

مابقاتش قادرة روعة تصبر مازال على نظراتو الوقحة ولا لهضرة لي قال ... اش كايحسب فراسو هي ماشي عاهرة باش يطلب منها طلب وقح بحال هذا .. دفعاتو بعنف وهي كاتقول بين سنانها:

- أنا ماشي رخيصة فهمتي . سير قلبليك على شي عاهرة تلبي رغباتك الحيوانية .

ضارت بسرعة ومشات وهي كاتسب فيه وكاتسب فحظها وكاتسب فهاري وتاليا وفدون ماركيز وفڤيلة كونتيسا وفشادو وفلبحر لي ماسرطهاش وهناها من هاد المشاكل كلها... لكن جبل عض على شفايفو وقال بهمس وهو كايشوف فضهرها وفقوامها المثير :

- اللعنة عليها و شحال كاتحمق .. فكراتني غير بواحد لغزالة وحداخرة كاتشبه ليها فالشراسة ... وانا كانموت فالشراسة.

ضارت شافت فيه بغضب وتمتمات تحت أنفاسها بغيظ ... يعني بزاف على هاد القدر لي ديما كايوضعو فطريقها فينما مشات تلقاه قدام كمارتها ... يعني واخا كان أسبوع ديال العطلة لي من المفروض ترتاح من وجهو كان كايجي حتى للنادي لي كاتخدم فيه وكايگلس قبالتها على الطاولة لقريبة للمسرح ويبقى عاس عليها حتى تسالي مدة غنائها عاد كايمشي بلاما يقرب ليها ولا يهضر معاها ولكن قبل كايخليلها وردة حمرة مع النادل ورسالة مكتوب عليها كلمات الغزل ..

كان كايدير لي فجهدو باش يتقرب منها ، ولا داير بحال ظلها حتى أنه فعلا أثبت صحت كلامو فاش قالها فداك نهار لكحل "غادي نولي الكابوس لي غادي تعيشيه كل نهار"

بعدما إختفت روعة على أنظار جبل تكات بتعب على سور من أسوار الڤيلة وعاد قدرت تلتقط أنفاسها وهي كاتمتم
- أنا ياربي فقتاش غادي نرتاح من هاد الرجل المهوس .. اللعنة عليه يحسابو أنا عاهرة.... يااربي عافاك عاوني و خليني نسالي بسرعة ونخرج من هاد الجحيم ... غادي نقتلك اهاري ... غادي تموت على يدي

غمضات عينيها وخدات نفس باش تشجع نفسها وأن هاد الكابوس غادي يسالي إلا لقات داك الحقير ديال هاري باش تاخد منو السي دي وتمشي بحالها.

بينما وهي فوضعها سمعت صوت كايهمس بعدوبة بالقرب منها:
- إلى عرضت عليك تشربي معايا شي كأس واش غادي تقبلي ؟

علات راسها ولقات شاب وسيم كايشوف فيها بنظرات كاتختارق جسدها المغري شعرو أسود وعيونو بنية غامقة .. لكن فاش شافت عيون جبل عليها ... إبتلعت ريقها بتوتر وبتاسمت ليه بطريقة هي ماتوقعتهاش فنفسها ... بتاسمت ليه بكل ثقة وعضت على شفتها السفلية بغيظ وهي كاتشوف فنظراتو المتفحصة ليها.

- اكيد ماعنديش مانع نقبل دعوتك .

قالتها بصوت ناعم وعميق خلا عقل الشاب يطير من بلاصتو وتوسعات إبتسامتو لهاد الملاك لي واقفا قبالتو

طلب الشاب جوج كيسان من النادل ومد ليها كأس وحتافض بكأس فيديه ...شكراتو روعة بلطف وهي فداخلها كانت باغيا تغوت عليك كانت باغيا تشدو من شعرو وتريشو وتمسح بيه الأرض لكن تحكمات فأعصابها.

بدا الشاب كايتودد ليها ولكن مالقاش الترحيب لي كان متوقع كان ردها مختصر وكايدل على إنزعاجها .. مد الشاب يديه باش يحيد ليها لقناع بفضول لكنها قالت بصوت غاضب:

- حيد يديك ولا غادي نقطعهاليك .

تراجع الشاب وهو كايبتاسم بمكر وفنفس الوقت كانو شي عينين كايشوفو فيها وحاضينها ... كان جبل متكي على الجدار وكايشرب من كأسو وعلى شفايفو مرسومة إبتسامة صغيرة ساخرة وهمس :

- كل حركة منها كاتخليني نزيد نتأكد أنها ماشي من هنا ... هي جات وغايتها وحداخرا جابتلي الفضول نعرف شكون هي ... يبدو أنني خصني نستعين بالسيد كامل الأوصاف ... هاد النوع الشرس كايبغي اللطافة والجنتلمانية

فاجؤ صوت كايغوت موراه بغضب :

- جبل ... بربي اصاحبي غير قولي فين كاتغبر واش غادي يخصني نبقا تابعك بحال دراري صغار .

شاف جبل فدون ماركيز وضحك بخفة وهو كايقول:
- غير بشوية كولشي غادي يعرفني شكون بسببك وزايدون علاش غادي تبعني بسلامة ديها فمهمتك وركز فيها .

ضيق دون ماركيز عينيه وشاف فجبل بغيظ وإنزعاج من سخريته وكان باغي يرد عليه لكن جبل قال:

- واش مالاحضتي حتى حاجة غريبة ...كايبانلي الوضع هادئ وفشكل ..دازت ساعتاين ومابانلي حتى شي واحد منهوم ..

تكى دون ماركيز حداه وبدا كايشوف فالحضور بتفحص وقال:
- حتى لدابة مابان حتى حد فيهوم واش كاضن انهم غيرو رأيهوم ولا شكو فشي حاجة !؟

همهم جبل وهو كايتفحص وجوه كل الحاضرين وقال:
- همم مكانضنش ... يمكن كاينا شي حاجة أخرى ؟

قاطع كلامو فديك اللحظة دخول هاري بلاك مع جوج ديال رجال سابقينو لابسين بدل رسمية وفوسط منهوم رجل طويل القامة وشعرو زعر كان لابس حتى هو بدلة رسمية لكن فاتح أزرار السوميج باش يظهر الوشم ديال الكاريبي ولي خو حرف T وفوق منو دائرة على شكل أفعى .

كان كايتمشى فوسط الرجال بكل رزانة ووقار اوجهو خالي من التعابير فهو مكايعرفش شي حاجة سميتها المشاعر
غير شافو جبل قال بصدمة :
- إيزيك !!!!!... إذن هو لي غادي يعقد الصفقة ..لكن إيزيك مختص فالأسلحة اش قربو للمخدرات !؟

الدون ماركيز مكانش أقل صدمة من جبل فقال بقلق :
- بالرب مابقيت فاهم شي حاجة !!.. يمكن بدل المجال وقرر يبيع المخدرات ، ولا شاهين باشا هو لي طلبها منو .

خدا جبل نفس طويل وهو كايشوف فإيزيك فاش دخل لواحد الغرفة وغلق موراه الباب بينما وقفو الرجال برا الباب باش يحرسوها وقال:

- مكايهمش شنو واقع تما ❗ لكن ماغاديش نخليه يفلت هاد المرة وغادي نلحقو على السافل دايموند النيويوركي والكولومبي . غادي نفسد هاد الصفقة لي كاتسوى المليارات وغادي نحجز ليه غرفة فاخرة فسجن فالإنتربول باش يدوز لي بقاليه فحياتو فيها .

كان دون ماركيز كايشوف فجبل وهو كايهضر ... لكن شي حاجة نغزاتو فقلبو كاتنبهو أن شي حاجة ماشي هي هاديك ، اكيد كاين شي خطئ!! ... لكنو كان كايحاول يتجاهل التفكير فالأمر وماعارفش أن حتى جبل عندو نفس الشكوك لكن هو باغي غير يسالي المهمة قبل ماتغير المسارات ويلقاو راسهوم وسط شي كارثة .

شافت روعة فعقارب ساعتها وشهقات فاش لقاتها الثالثة بعد منتصف الليل وبدا كايظهر على ملامحها اثار القلق والخوف .

-فين هو داك الويل ديال هاري ؟.. هادي الثالثة وهو مازال مابانش !... غادي يخصني نلقاه بأي طريقة .

بدات كاتمشى وهي كاتقلب على هاري بعينيها كانت كاتبان بحال شي وحدا تالفة وهنا فاجأها صوت من موراها خلا قلبها يدق بقوة من الخوف :

- واش كاتقلبي على شي حد ؟؟؟

ضارت شافت فيه وكحلت بالعما موصيبة إلى مشا حتى عرفها من صبح وهي كاتحاول تتفاداه وهاهو خرج ليها بحال العفريت من حيث لم تحتسب ...
تنهدت بغيظ وقالت:
- كايبانلي أنه عندك بزاف ديال وقت الفراغ باش تبقى غير تابعني.

توسعت إبتسامت جبل أكثر ووقف حداها برزانتو ورجولتو الفذة ...رفع حاجبو ومازولش عينيه على عيونها العسلية
- كايبانلي أنه كاين شي سوء فهم اأنسة !... انا مكانتبع حد ... خلينا نقولو ان الناس لي ديما غير تابعيني.

قالها بغرور مخلط بكبرياء رزين خلا روعة تضحك وردت عليه ببرود ساخر وهي كاتميل شفايفها:

-اomg ... واش كايحستبلك راسك محط أنظار الجميع ... هاه اشنو نسميو هذا ... ثقة فالنفس ولا غرور ، كانظن أنه غرور.

إبتسم جبل وجاوبها وهو كايعض على شفتو السفلية وغمزها بطريقة ساحرة خلات قلب روعة ينبض بقوة :
- تقدري تقولي ثقة ... أنا كانتيق فراسي بلا قياس وعارف مزيان حدودي فالوقت لي كانقول شي كلمة فهي كاتجسد فالواقع .

همهمت روعة بعدم إهتمام وقلبت عينيها فتنهد جبل وقال ببرود ممزوج ببحة خطيرة :
- عندك صوت مألوف بزااف وسبقلي سامع الرنة ديالو ، ورائحة عطرك الخزامية ماغريباش عليا .

تنحنحت روعة بتوتر ودارت راسها ماسمعاتوش وهي كاتقلب بعينيها فوجوه كاع الحضور على وجه هاري على الله تلقاه وتفك من هاد الحصلة.

قلب جبل عينيه بغيظ فاش لاحظ تجاهلها المتعمد وقال:
- ماعرفتينش بنفسك . كانظن أن هاد الملامح لي كاتحاولي تخبيها بهاد القناع عندها إسم زوين .... واش عندي الحق ؟؟

رجعات روعة شعرها الأسود للخلف بحركة أسرت قلب جبل وقالت بعدها بإبتسامة متصنعة:
- سميتي سيلينا ... سيلينا شارابوڤا... ونتا كانظن أنه عندك إسم رجولي بحالك.

ضحك جبل بإستمتاع فاش حس بروعة كاتحاول تقلد كلامو بطريقة ساخرة وهو عارف أنها كاتحاول تخفي إرتباكها لي خلاه منجدب ليها ولجمالها الأنثوي الصارخ
- سميتك سيلينا شرابوڤا ... نتي روسية إذن ..وأنا سميتي ..أسد ...( أسد مالِك ) "

ظهرت إبتسامتها الجميلة الساخرة على وجهها هي عارفاه كايكدب قال "اسد مالِك" قاااال لكنها ماتلوموش حيت حتى هي كدبات عليه فسميتها مدت يديها باش تصافحو وهي كاتقول:

- شرف ليا أنني تعرفت عليك سيد أسد مالِك .. فرحت بمعرفتك رغم أنه لا المكان ولا الضروف مناسبان.

إبتسم جبل بشكل مثير ومد يديه صافح يديها الصغيرة الناعمة ...بقا جبل شادليها فيديها وكايشوف فيها بشك فقالت روعة بتوتر :

- واش غادي تبقى شادليا فيدي ؟

طلق من يديها بسرعة وهو مستنكر تصرفاتو مؤخرا ولا كايتصرف بحال شي مراهق ماشي رجل فعمر 34 لكن الشك مازالش من عقلو وقلبو وقال وهو كايبتاسم :

- ماكرهتش تزولي القناع بغيت نشوف وجهك كامل إلا سمحتي باش يعني يكتمل القمر .

حلت فمها روعة باش تجاوبو بإعتراض لكن جبل لمح واحد من رجال إيزيك ماجي نيشان لجيهتو فإذا قرب ودقق فملامحو غادي يعرفو .. فبسرعة جبد عندو روعة لحضنو ووخبع وجهو بين ثنايا شعرها الأسود ...شفايفو كانو كايلامسو أدنها وكان كايتنفس بهدوء .

شعرت روعة بكل خلية من جسمها كاتبخر من الخوف فغمضت عينيها بقوة .. حضنه الكبير والدافئ وفارق الطول خلا قلبها ينبض ليه بسرعة وهادي هي أسوء حاجة مكانتش باغياها هو أن قربو ليها يقدر يأثر على مشاعرها فكل مرة تشوفو .

همس جبل بنعومة غير باش يطمنها لأنه حس بخوفها :
-ماتخافيش ماغانديرلك حتى حاجة ... بقاي هادئة لبعض من الوقت وغادي نبعد عليك .

كرهت راسها فاش لامس صوتو الهامس قلبها وداعب مشاعرها الرقيقة والمرهفة اكفس حاجة بالنسبة ليها هي أنها توقع فحب رجل بحالو ماعندو قلب ومغرور كايفكر غير فمصلاحتو ونسونجي فوق هاد شي كامل.

كانو شفايفها كايرجفو وماقدراتش تجاوبو فهزات غير راسها بمعنى "اوكي" كانت كاتشعر بعضلات صدرو الرياضية منقبضة وهي كاطلع وتهبط تناغما مع أنفاسو المضطربة وإربتاكو الشديد من قربو منها والنوع جديد من المشاعر المخلطة لي شعر بيها جبل تجاه هاد البنت الغريبة .

رفعت روعة راسها شوية بحيث لامس أنفها عنقو وقدرات تلمح تفاحة أدم وهي كاطلع وتهبط بسبب إبتلاع ريقو من كثرة التوتر

لكن جبل فاش لامس أنفها جلدو خدا نفس كبير وغمض عينيه بقوة ... فهاد الوضع إلا إستمر غادي توقاع شي حاجة ماشي هي هاديك ... لكن رائحة رقبتها الطبيعية كانت مؤلوفة لدرجة كبيرة حتى للحظة تخيل أن لي بين دراعو هي روعة الخطيب المغربية ماشي سيلينا شارابوڤا الروسية وهادشي غير مازاد رغبتو فيها ...

فتح عينيه باش يشوف إلا كان داك الرجل مشا بحالو ولقاه شاد فوحدا من النساء وجارها موراه وطالعين فالدروج وباينا أن ليلتو غادي تكون جامحة حميمية حمراء ... هداكساع عاد رتاح وبعد عليه روعة بسرعة وهو كايقول بصوت خافت:

- كانعتادر ... كانتمنى ماتفهميش الموضوع غلط كنت مجبر ... كانكرر إعتذاري اأنسة .

قالها وهو كايشوف كيفاش كانت كاترجف يعني ماكفاهاش هاد الجو المخيف زادها حتى جبل بحركاتو البغيظة لي كاتخلي قلبها فكل لمسة منو يدق بسرعة ...

شتم نفسو فالداخل ديالو على الشئ لي دار ولكن كان مضطر لو مادارش هاكا كان غادي يتكشف أمرو وماشي بعيد كان الرصاص غادي يبدا يتشير فسماء وهادي هي اخر حاجة باغيا جبل .

هزات روعة راسها بعدما خدات قدر كافي من الأكسجين داخل رأتيها وقالت :
- اوه .. ماشي مشكل ..ااام كاتضن أنه خصني نمشي

ضغطت على حقيبتها بيديها وتراجعت للخلف وبعدات بينما بقى جبل متبعها بعينه حتى إختفت بين الناس وقال بغضب

- غبي ... أحمق ... أشنو كايوقاع ليك أجبل .. خصك تسيطر على نفسك شوية .

- جبل واش نتا بيخير

قالها دون ماركيز لي كان حاضيه من الخلف وقرب منو وهو كايبتاسم بخبث فرد عليه جبل ببرود :

- بيخير علاش كاتسول ؟

رفع دون ماركيز حواجبو بمكر وقال:
- شفت كولشي ...جبل واش وقعتي فالحب مع ديك البنت ؟.. ماعمري فحياتي شفتك كاتودد لشي مرأة من قبل فمابالك بعناقها .

وكمل بنفس السخرية...
- لو كان شافك رافاييل كون جاتو الجلطة من الشيطان السوري وهو كايتحول لقط وديع اكيد كان غادي يغير رأيو فيك

تأفف جبل من تلميحات دون ماركيز السخيفة وجبد سيجارة وشعلها بين شفايفو وقال :

- كون غير تسد فمك ... سميه اي شئ من غير الحب درت لي درت باش مايتكشفش أمري فبلا ماتمشي بتفكيرك لبعيد

رفع دون ماركيز كتافو بعدم إهتمام وقال وهو كايبتاسم
- صدقني اجبل مشا ولي وقاع وقاع... فماغاديش تقدر تقنعني مهما عطيتيني من تبريرات

شاف فيه جبل بطرف عينيه وإكتفى بإستنشاق سيجارتو وكاع ماجاوبو فقرب دون ماركيز من أدن جبل وهمس برزانة :

- كلشي واجد اجبل .. بقى غير ترسل إشارة للمداهمة .

عقد جبل حواجبو ومعرفش علاش حس بالألم فقلبو وهو كايشوف فروعة الواقفة بعيد كادور بعينيها بتوتر وحس أنه مابقاش غادي يشوفها من بعد هاد الليلة .

__________

نهاية الفصل

الفصل 20 / BARON "علامات رجولتي"

2018-10-30T08:10:00.003-07:00

تنهد رافاييل بتعب فاش شدات تاليا لباب ديال غرفتها وغمض عينيه وهمس :

- يلعن بو لحب لي طيحني فوحدا متغطرسة بحالك ..عليه لعنة السماوات والأرض .

بينما داخل الغرفة كان جبل واقف فالحمام قدام لمراية وهو عاري الصدر ووشوم صدرو وعضلات أكتافو بارزين وكأنه مصارع فاتن ...كان كايحسن لحيتو وغير كايقادها مع جناب ومرا مرا كايبتاسم بسخرية على نفسو غير كايتفكر شنو دوز مع روعة قبل أسبوع ودوك اللحظات لي ماعمرو يقدر ينساهوم ولو يمر الدهر ماشي غير الزمن ...

سالا وغسل وجهو ...على راسو فلمراية وكان شكلو مثير بسبب قطرات الماء لي نسابت على خدودو وشفايفو حتى نزلت على وشم كبير على عضلات صدرو وكان على شكل نسر كبير وجناوحو كبار واخدين كل مساحة صدرو العريض ...

لمس شفايفو بأصابع يديه ثم همس وهو كايبتاسم :
-لذيذه وكأنها حلوة ... وضارة بالصحة اكثر من الحلوة نفسها ...يبدو انها غادي تتشافا من السكر وغادي نمرض أنا من حلاوتها ...

مد يديه وهز الفوطة ومسح وجهو ثم شاف فلمراية وقال وهو كايحدث نفسو :
-أشنو وليتي كاتخربق البارون ... علاش قلبك كايضرب غير كايسمع سميتها .

غمض عينيه وكمل بهمس :
-اااه ياربي من همسة صوتها ... راح جن وليييك راح جنن ...

شد فراسو وغمض عينيه ثم قال وهو كايبرك على أسنانو بغضب:
-خرجي من راسي خلااص ... ألم فالرأس انتي ياروعة ألم لذيذ وزوين ...ااااخ اللعنة عليكي ... وشحال كانكرهك .

دار الفوطة فوق أكتافو وخرج من الحمام وهو يلقا فوجهو رافاييل كالس على الأريكة لي فغرفتو وداير رجل على رجل بخيلاء وقال بخبث وهو كايشوف فيه :

- لا نتا ماشي غير كاتبغيها... روعة كاتجري ليك فالدم... انت مهوس بيها ...

شاف فيه جبل وكشر ملامحو وقال بغيظ:
-ماعلموكش دق فالباب قبل مادخل .. هاه !!

تمرح رافاييل مزيان فچلستو وقال ببساطة متجاهل إستياء جبل :
- وكيف كاتقولو نتوما بالسورية .... ولك إنتا بتموووت في روعه ... ولك إنتا مابتحبها انت بتتنفسها .

قلب جبل عينيه بغيظ وقال وهو كايلبس تيشرت ديالو الأسود :
-نصيحتي ليك شوفلك شي مصحة وسير تتعالج من لحماق .

دار رافاييل رجل على رجل وقال بسخرية وهو كايغمزو بعينيه المثيرة :
- مازال عندي تسجيل ديال الكمرة ونتا كاتبوسها فلباركينچ بلاتي نشوف ..

جبد تلفون من جيبو وسيفطلو الفيديو فالواتساب وكانو بزاف ديال الفيديوهات فيهوم كل اللقطات ديال المصائب لي داروهوم بجوج هو وروعة .. لكن جبل تصنع الا مبالات واخا هو فخاطرو كان غايموت ويشوف محتواهوم واللقطات لي مازال عاقل عليهم بالتدقيق لكن ماشي بحال الى شافهوم مباشرة ومصورين .

-راني سيفطتهوم ليك فلواتساب ... وتفكرليا مزيااان لبسالة ..

خرج جبل تلفونو من جيبو بحماس غير وصلو الإشعار ديال الرسالة ولقى قرابة العشر فيديوهات ... لكنه تصنع الا مبالات وقال :
- مسحتهوم ... اصلا ماعندي مانشوف فيهوم .

ضيق رافاييل عينيه بشك وقال :

- همم ... واخا ماشي مشكل غادي ندير راسي تيقتك ... خلينا نهضرو فالمهم دابا .

چلس جبل قبالتو ودار رجل على رجل بخيلاء وقال بهدوء
- احسن ... هضر انا كانسمعك شنو هي الخطة ؟

همهم رافايل ثم إعتدل فچلستو بجدية وبصوت عميق قال:
- سمعني غادي دخل نتا ودون ماركيز لداخل الڤيلة متنكرين باش مايعرفكوم حتى واحد ... بغيتكوم تصورولي الأحداث بالكاميرا الخفية لي غادي توضعها فزرار ديال السوميج لي غاتلبس باش نشدوهوم بالجرم المشهود .. نتوما بجوج غادي تكونو فوسط أخطر العصابات فالعالم ونتا راك عارف هادشي مزيان ...لذلك اجبل عنداك تفكر بتهور كيف عادتك ...، بغيتك تبقى هادئ باش مايشكوش فيك حتى يجي الوقت وداكساع سيفطلي إشارة وحنا غادي نداهمو المكان ...، غادي نكونو برا كانتسناو الإشارة منك باش نهجمو .. واش هادشئ واضح؟

شاف فيه جبل وقال بهدوء وهو كايشبك اصابعو مع بعض:
- واضح ...غادي نفد هادشي لي قلتي ، ولكن عندي رغبة ندخل مسدسي معايا ،... نتا عارفني مانقدرش نتمشى بلا بيه ، تقدر توقاع شي حاجة وغادي نحتاجو باش نحمي نفسي .

‏بدا رافاييل كايفكر فكلام جبل ثم قال :
- ‏فهمت ... واخا ...ولكن أجبل ماتفكرش تجبدو إلا إذا إدعت الضرورة القسوة لي غادي تحتم عليك تستخدمو ...

ناض رافاييل ووقف بقامتو الطويلة وكمل وهو كايعدل حوايجو :

- دابا غادي يخصني نمشي نوجد الفرقة ديالي ونطلاقاو فالليل انشاء الله .

-إنشاء الله .

قالها جبل وهو متبع رافاييل بعينيه حتى خرج من الغرفة وسد موراه الباب وبسرعة إستلقى على السرير وجبد تلفونو ودخل للفيديوهات واول فيديو شغل هو ديال القبلة ولي عاودو 10 ديال المرات بدون ملل ... كان مستمتع وهو كايشوف روعة متجاوبة معاه وكاتبادلو القبلات بكل هدوء قبل ماتعضو ... ولعن نفسو مليون مرة على دوك ربعة ديال رجال لي تحاماو عليها ولو كان بوعيو كان غادي يقتلهوم كاملين بدون تردد ... ولكن كاتبقا روعة شويطينا عرفت تخرج راسها من ديك الورطة غير بالفن .

عاود جبل الفيديو للمرة المليون والتقط صورة للشاشة وقرب الصورة مزياان باش يتمعن فشفايفها ولا رموشها لي منغلقين بإستمتاع ... حس بقلبو كايظرو واشتهى وصلها فداك الحين لكنه غمض عينيه بقوة ورما التلفون على السرير وحط وسادة على راسو كتم بيها أنفاسو وغوت بصوت عالي وهو كاره نفسو:

- طلعي من راسي ولييييييييييك ... طلعي طلعيييي .

________

تمشى رافاييل فالممر لكن تاليا كانت حاطة عليه العين غير مشات اسية بحاليها .. وفاش شافتو قرب من غرفتها حلت الباب مزيان وشداتو من يديه وجراتو لعندها حتى دخل وسدت الباب بالساروت وضارت لعندو وكل ملامح الغضب مسيطرين على وجهها ..

تصدم رافاييل فالأول وبالخصوص فاش شافها حشات الساروت فصدرها وفكر ... واش هادي حماقت ؟؟... ثم قال وهو عاقد حواجبو بإستنكار :

-ياك لاباس !!!؟؟؟

قربت تاليا منو بغضب وقالت وهي كاتشوف ليه فعينيه يحدة :
-والو باس غير لقيتيني كانفكر نغوت ونجمع عليك كاع حراس ڤيلة كونتيسا ونتاهمك بالتحرش .. ونتفرج فيك بعيني وخويا كايبهدلك .

حنا رافاييل عينيه وشاف فيها بإبتسامة هادئة وقال بسخرية :
- اووه يامي خلعتيني ... ولكن بلاتي فهاد لحالة فاش غادي يلقاو ساروت محشي فصدرك ..جبل غادي يبهدلك نتي حيت حاولتي تتحرشي بصاحبو لعزيز والدليل انك لاصقة مع وجهي وكاتحدايني عينك كنت عينك .

بعدت تاليا عليه بسرعة وهي كاتحس بالإحراج لكن ماشي هذا هو موضوعها ... تنحنحت بوتر وقالت وهي كاتحاول تصنع الثبات :
-غادي تمسح دوك تصاور دابا وقدااامي ... يالاه جبد تلفون ... كانتسناك

تجاهل رافاييل طلبها وضار براسو كايتفحص الغرفة بعينيه وكانت مسيطر عليها اكثرية اللون الزهري الفاتح والرمادي فلفراش ولجدران وحتى الأرضية ...

-راني كانهضر معاك .

شاف فيها رافاييل وقال ببرود :
-كان كايحسابلي بلي نتي إنسانة ناضجة وكبيرة لكن ماشي هادشي لي بانلي من غرفتك ومن تصرفاتك الصبيانية .

قربت منو تاليا بغضب وقالت وهي كاتبرك على أسنانها:
-ماتحاولش تبدل الموضوع ... يالاه مسح تصاور ولا غادي نقتلك كاتسمع .

ستفزاتو بديك الهضرة لكن ملي حدر عينيه لمح جزء من الساروت فحمالة صدرها الأبيض والناعم و بحكم أنها قصيرة عليه وهو بطولو كان كايشوف كولشي ... حس بالجنون سيطر عليه ... تمسك بخصرها ودفعها بسرعة على السرير حتى طاحت عليه وطلع فوقها بجسو الكبير...

كانت حركة مفاجئة لدرجة تاليا مالحقتش دير شي ردت فعل .. شد ليها فمها بيديه باش ماتغوتش لكن هي كانت كادفع فيه بكل قوتها لكنه كان أقوى منها ...

إنحنى بسرعة على عنقها وإلتهم رقبتها بقبلة عميقة حتى تورمت بشرتها وتحول مكان القبلة للون لأحمر الغامق وماطلقش منها حتى دخل يديه لصدرها وخرج الساروت وناض من عليها أخيرا وهو كايهددها بأصبعو السبابة :

- المرة الجايا ترفعي عليا صوتك ولا تهدديني ... مانضمنليكش شنو نقدر ندير فيك .

ضار بسرعة وحل الباب وقبل مايخرج وقف و ضار شاف فيها وبقات فيه فاش لقاها كاتعوط حوايجها ودموعها فعينيها كاتبكي بقهرة ... حس بتأنيب الضمير لكن فاش لمح أثر القبلة لي خلاها على عنقها .. إبتسم بخيلاء وخرج ..

تمشى فالممر بخطوات سريعة وهبط مع الدروج وماحسش بتاليا لي كانت كاتجري موراه وغير لحقت عليه شداتو من يديه وجراتو موراها بعنف .. تنهد رافاييل وإبتسم بسخرية وهو كايشوف فيديها صغيورين متمسكين بيديه الرجولية ... طاوعها خلاها جاراه على راحتها حتى دخلاتو للمطبخ وحلات غرفة مواد التنضيف ودفعاتو بكل قوتها وسدات عليه بساروت .

تنهد رافاييل بغيظ من هاد لمجنونة صغيرة لي سدات عليه وقرب من الباب وبدا كايدق وعيط ليها :

-تاليا ... حلي لباب ولا غادي نهرسها ونخرج ليك ..

ثواني وسمع القفل كايتحل وتدفعات لباب ودخلت فتراجع للخلف فاش شاف فيديها جنويا كبيرة وضحك بسخرية ...

دفعت تاليا الباب برجليها وسدتها وقالت وهي كاتبرك على أسنانها بغضب .
- أنا دابا غادي نقتلك ديال بصح كايحسابلك غير كانضحك ... غادي نندمك على نهار لي فكرتي تقربليا فيه

علات يديها باش تنزل عليه بالجنويا لكنه كان اسرع منها وشدلها يديها بطريقة بوليسية تدرب عليها لسنوات وبرك ليها على يديها بقوة حتى غوتت بألم ولاحت الجنويا من يديها للأرض ... وهي تأن بألم ... زيرها مع الحيط وقال بغضب وهو بارك على أسنانو :

-مانستغربش هاد الجرئة كلها ... ماشاء الله نتوما عائلة قتالة بإمتياز ...

حاولت تاليا تفك يديها من قبضتو الحديدية لكن ماقدراتش وقالت بغضب وبصوت منخفض باش مايسمعوهاش :

-بزاااف عليك شلل فمك مزيااان قبل ماتهضر على عائلتي كاتسمع الـ...

سكتت شويا فاش لمحت المسدس على جنب خصرو ولمعت فبالها فكرة ... خدات نفس كبييير و تهدنت وأرخت عضلاتها لدرجة إستغرب رافاييل من تغيرها المفاجئ وعقد حواجبو بإستهجان ..

-طلق مني .

همست بيها بصوت مثير خلات رافاييل يبتلع ريقو بتوتر وهو كايشوف فيها قربت منو بجسمها اكثر وبلاما يشعر سحب جسمها لعندو أكثر ولسقها معاه ولكن ماطلقش من يديها.... سباتو فداخلها مليون مرة وكرهاتو حيت خطتها مانجحاتش معاه وفكرات تستعمل طريقة أخرة أكيد غادي تجيب نتيجة معاه .

وقفت على صبعان رجليها باش تقدر توصل جبهتو والطالون لي كانت لابساه ساعدها باش توصل لطولو... وضعت جبهتها على جبهتو وغمضت عينيها وهمست بصوت مثير :

- علاش بستيني قبيلة بديك الطريقة المتوحشة ؟

إبتلع رافاييل ريقو بتوتر وغمض عينيه وهمس بصوتو الرجولي :
- حيت تحديتيني ... وعقابك كان بصمة من رجولتي على جسمك الصغير .

عضت تاليا على شفتها السفلية وهادشي غير ماشعل النار فقلب رافاييل ومابقاش قادر يستحمل أكثر قرب من شفايفها وإلتهمهم بنهم ولكن ماطلقش من يديها حتى بادلتو تاليا القبلة بحرارة وفديك اللحظة مابقاش قادر يسيطر على براكين قلبو طلق من يديها وتمسك برأسها بيديه بجوج وإستمر بإلتهام شفايفها بنهم لكن فواحد اللحظة شعر بيديها ستللت حول خصرو وإبتسم بإستمتاع لكن فاش سحبت المسدس من و حطاتو ليه على بطنو غمض عينيه بغضب وبعد عليها ورفع يديه بإستسلام .

ضحكت تاليا بإستهزاء ومسحت شفايفها من بقايا قبلته وقالت:

-كايبانلي تيقتي راسك ...هاهاها .

حطت ليه المسدس على راسو وقالت بخبث:
-ودابا غادي تمسح الصور ولا غادي نمسحك من على الكرة الأرضية .

تنهد رافاييل وهو كايبتاسم بهدوء ثم قال بصوتو الرجولي :
- ونتي غادي تبعدي على هاري ولا غادي نمسحو من على وجه الكرة الأرضية .... ودابا من بعدما دقت رحيقك أنا مستحيل نخليك لشي واحد نتي ديالي كاتسمعي .

تصدمت من شي لي قال ... اشنو كايحسب فراسو هذا !! ومازال كايهددها بكل وقاحة واش نسا المسدس فيد شكون ... لكن مافيها باس تسايرو فغرورو شويا . ضحكت بإستهزاء وقالت :

-اوكي انا ديالك ولكن ماشي فالدنيا فجهنم الحمرة لي غادي تجمعنا بجوج ..الى مامسحتيش دوك الصور

ضحك رافاييل بسخرية وهو كايشوف ملامح الشر على وجهها وابدا ماجايش معاها هاد الدور ... خفض يديه وجبد التلفون من الجيب ثم دخل للصور وقال :

-وبما أنك خلعتيني ... انا غادي نمسحهوم ..

فرحات تاليا واخيرا غادي تنتهي من هاد الكابوس ... قربت منو باش تتأكد ينفسها أن الصور جميعها تمسحات لكن فواحد اللحظة ماحستش براسها حتى عطاها رافاييل ضربة ليديها قوية خلات صبعانها يتشلو وحست بألم خطير فيديها لدرجة طاح المسدس على الأرض ولوالها يديها مور ضهرها ولسقها مع لحيط وسط تأوهاتها المتألمة :

-ااااه ... يدي ... يدي ارافاييل قصحتيني .... إلى ماطلقتينيش غادي نقتلك ونشرب من دمك كاتسمع

رد عليها وهو بارك على اسنانو بغضب :
- ماغاديش تشربي دمي ... أنا لي غادي نشرب من رحيقك

تعصبت تاليا وحست بالدم كايغلي فعروقها وقالت وهي كاتبرك على أسنانها بغضب :

-إلى مامسحتيش دوك صور أنا ماغانخلي حتى شي فرصة باش ننتاقم منك كاتسمع ... واخا تكون ماشي غير بوليسي غادي نقتلك .

-ماشي حتى نقتلك أنا

قالها رافاييل بغضب و جبد المينوط من جيبو وقفلو على يديها بسرعة.. تاليا بغات تحماااق فاش دار معاها هاد الخصلة وقالت بغضب.

- شنو درتي !! فكني ولا غادي نغوت .

جرها وقلبها لعندو ورجع دفعها ولسقها مع لحيط ودار ركبتو بين رجليها تحسبا لأي مقاومة منها ممكن تهز رجليها وضربو لمستقبلو وهادشي لي ماباغيش ...

كانت تاليا كاتشوف فيه بخوف بالخصوص فاش رفع يديه وبعد الشعر من على رقبتها وشاف فأثر قبلة المتورمة .. مرر أصبعو الإبهام وهمس بصوت رجولي مبحوح :

-واش كاتحرقك ؟؟

تغرغرو الدموع فعينيها وقالت بصوت باكي :
-قلبي لي كايحرقني .

غمض عينيه فاش وصلو صوتها الضعيف ... وكم عشق ضعفها أمام جبروتو ... شاف فعينيها وهمس :

- شنو بغيتيني ندير باش مايبقاش قلبك يحرقك المجرمة صغيورة ديالي ؟.

إبتلعت ريقها بتوتر وهمست وهي كاتشوف ليه فعينيه :

-مسح الصور وقلبي غادي يبرا .

يالله وشحال عشق نبرت صوتها ولا أنفاسها الدافئة لي رتاطمت مع خدودو ...لكنو كان عايق بييها كاتحاول تتلاعب بيه من جديد فإبتسم بهدوء وقال :

-هممم .... نتي ثعلبة خبيثة ... باغيا ضحكي عليا ؟

تعصبات فاش قال ديك الهضرة وهي لي حسبت راسها مطورا زعما ... وقالت بغضب :
- كانكره رجال الشرطة حيت كلهوم مغرورين وحاسبين فراسهوم كايفهمو فكولشي ... ودابا غاتفكني ولا لا

ضحك رافاييل بسخرية وقال :
-مانستغربهاش منك مدام عائلتك كلها كاتكره الشرطة ونتي جزء من هاد العائلة .. كايبانلي هاد الكره عندكوم متوارت فالجينات .

تنهدت تاليا بسخط وحاولت تخرج يديها من المينوط لكن فاش فشلات وحرقوها يديها قالت بعضب في حين تفكرت القبلة :

-مازال غادي تحاسب على داكشي لي درتيه فالغرفة ... اشنو كاتحسب فراسك هاه ... كيفاش عطاتك نفسك تمد يديك عليا .. وزيد عليها بستيني من شفايفي ... انا غادي نعاقبك غير بلاتي .

ضحك رافاييل بسخرية من تهديداتها الطفولية .. كانت بحال شي طفلة مشاغبة صغيرة وهي مخرجا فيه عينيها الكراملية وكاتهددو ...فاقرب منها وقال :

- مدامك غادي تعاقبيني ... إذن خليني ندير شويا ديال لبسالة اماما ..

قرب منها ببطء بطريقة خلاتها تبتلع ريقها بتوتر وهي كاتشوفو كايقرب كتر وكتر من شفايفها

-اشنو .. غادي دير عاوتاني؟؟

قالتها تاليا بسخط لكن رافاييل تجاهلها وإنحنى برأسو لعنقها ووزع قبلاتو العميقة فكل شبر من رقبتها تحت أنينها وتوسلاتها باش يبعد عليها ... وإنتقل لشفايفها وإلتهمهم بقوة ولو ماسمعش صوت جبل لي دخل للمطبخ ويبدو انه كان كايهضر فتلفون كاع مايتوقفش ابدا ولا يشبع منها .

تكى جبل على الكونطوار وهو حاط التلفون على ودنيه وغير كايتقطع الخط كايبدا يسب تحت أنفاسو :

-جاوبي اروعة ولا غادي نخرج ليك من تلفون ..جاوبي الويلة .

لكن فاش تقطع الخط من جديد ضرب الكأس بيديه بغضب حتى تشقف مع الأرض .

بسرعة بعد رافاييل على تاليا وفك المينوط من يديها فحلت فمها باش تهضر لكنه بسرعة سدليها فمها بيديه وقال :
- شووو ... مانسمعش حسك .

سكتو بجوج حتى لاحظو إختفاء الأصوات عاد حررو أنفاسهوم وتنفسو الصعداء ... لكن غضب تاليا كان فوق حدود المعقول ... رفعت يديها وجمعت معاه بسقلة حتى ضار وجهو وقالت وهي كاتبكي ..

-غادي تندم على هادشي لي درتي .

هو فعلا راه ندم بالخصوص فاش شاف عنقها كلو مطبوع بعلامات الحب من شفايفو ولا شفايفها لي تمسح منهوم لكلوس ... ندم بزااف ... هو مكانش باغي يوصل معاها لهاد المرحلة ابدا ... صحيح انه كايحس من جيهتها بمشاعر قوية من اول يوم شافها لكن غير كايتفكر الصور ديالها مع هاري كايبغي يحمااق ... وفوق هادشي كامل هي اخت صاحبو .. حس بضميرو كايأنبو ولعن نفسو حيت ماقدرش يسيطر على نفسو قدامها لكن فاش شافها نزلت بجسمها للأرض وبدات كاتبكي بحرقة ... فعلا هاد المرة حس بقلبو كايحرقو ..

نزل لمستواها وجرها لعندو و عنقها بقوة لكنها كانت كاتحاول دفعو عليها وكاضربو لضهرو باش يبعد عليها وكاتبكي لكن ابدا مابعدش عليها وضرباتها مكانش كايحس بيهوم من الأصل .

مسح على شعرها بيديه الرجولية وهمس :
-شووو ... صافي .. سمحيلي بزااف .

هدأت تاليا بين يديه وكمل وهو كايقول :
- ماقديتش نتحكم فراسي كانعتاذر منك

دفعاتو تاليا عليها وقالت بسخط :
-أنا مستحيل نسمح ليك ... وغادي نتاقم منك على هادشي لي درتي .

غمض عينيه بندم كبير فكل مرة كايلمح اثر مشاغبتو وشراستو ورجولتو على رقبتها وقال بهمس :

-اشنو ندير باش تسمحيلي وتنساي هادشي لي وقاع ونبداو صفحة جديدة .

توقفت تاليا على البكاء وفكرت تستغل هاد الفرصة مدام هو لي طلب ثم مسحت دموعها بيديها وقالت بصوت رقيق وباكي :
- إلى بغيتيني نسمح ليك ... مسح الصور .

إبتسم بهدوء على مكرها وفاش لقبها بالثعلبة هو مكانش كايكدب ... رغم كاع دموع لي طيحاتهوم مازالة باغيا تستغل الوضع لأخر رمق ... ماقدرش يقاوم لطافتها وجبد التلفون من جيبو وفتح لباسورد ودخل لتطبيق الصور وعطاها التلفون وهو كايقول بصوتو الرجولي :

-مسحيهوم بيديك باش تتأكدي من حسن نيتي .

بسرعة طارت على التلفون وخطفاتوليه من يديه ودارت مسح جميع الصور لي كانو فالتلفون عاد باش رتاحت ورجعاتوليه ليديه وهي كاتشوف فيه بحقد .... شدو من عندها وقال :

- تصافات لقلوب دابا ... سمحتيلي ؟ ..

دفعاتو حتى طاح للأرض وناضت بسخط وقالت :
-ماعمري غادي نسمح ليك على حتى شي حاجة ... وغادي ندمك مليون مرة حيت تجرأتي تقيص فيا ... هانا فين قلتهالك وعقل عليها ... والله حتى ندفعك الثمن غالي ..

ثم دفعت الباب وخرجات كاتجري مخليا موراها رافاييل كايبتاسم بهدوء على تهديداتها لي جاوه احلى من العسل على مسامعو ...

طلعت تاليا كاتجري وهي كاتمنى مايشوفها حتى حد وغير وصلات لغرفتها سدتها بساروت ومشات كاتجري للمراية وغير شافت عنقها كيف متورم شهقت بصدمة .... كانو عشرات البقع ممتدين من عنقها لفوق صدرها فبسرعة حيدت حوايجها ودخلت للحمام وحلت الماء وتحشات وسط منو باش تغسل جسمها من اثار قبلاتو وهي كاتسب فيه وتبكي حتى سالات ولبسات تيشرب بعنق طويل باش تستر أثر القبلات وتحشات وسط سريرها وكملت موجة البكاء على وسادتها حتى غفات ونعسات بلاماتشعر ..

___________

نهاية الفصل

الفصل 19 / BARON " موصيبة كحلة"

2018-10-30T08:06:00.001-07:00

سان ميچيل / منزل روعة / إبيزا

بعد مرور أسبوع

أسبوع داز بلا ماتحط روعة رجليها فڤيلة كونتيسا بسبب عطلة الكريسماس لكن اليوم هي ضاروري غادي يخصها ترجع لخدمتها .

بدا المنبه يصوني فتلفونها على الصبح بصوت كايشبه لبوق الحرب وكأن لي صممو كان حريص باش يقتل مستعملو بالرعب ماشي غير يفيقو ، لكن روعة فتحت عينيها ببطء وتكاسل وكأنها كانت فمرحلة النوم الخفيف . بينما خيوط الشمس لي تسللت من عبر زجاج النافدة كانت عاطيا الغرفة ضوء مشع ومنعش ...

دخل عليها شادو وهو هاز بين سنانو صحن الأكل ديالو وحطو فالأرض ونبح بصت مجهد غمضات روعة عينيها بإنزعاج بسببو وقالت ..
- شادوو ، واش همك الوحيد هو السريط .

نبح شادو بحماس وتنهدت روعة بكسل وهي كاتحك عينيها وكاتفوه ، ثم حيدت الغطاء من فوقها وناضت ، وتوجهت للمطبخ ..فتحت البلاكار وجبدت علبة فاللون الأصفر مرسوم عليها صورة كلب وغير ضارت لقات شادو واقف موراها وهاز الصحت بين سنانو بحماس.

- حط الطبسيل اصاحبي ..

وكأن شادو فهم شنو قالت روعة وحط الطبسيل بسرعة لكن بالمقلوب فقلّبت روعة عينيها بملل وحنات باش تقلب الصحن ثم خواتليه شوية من الأكل فيه .

بدا شادو كاياكل الأكل ديالو بنهم ويزرع فالأرض بينما روعة بقات كالسا حداه على الأرض وكاتشوف فيه بشرود ثم همست بصوت ضعيف:
-شادو .. اشنو غادي ندير اصاحبي؟ ... اش بانليك نحط إستقالتي ؟ ... أكيد غادي يكون تفكر شنو لي وقاع فسيمانة لي فاتت ... والى عرف أنني كنت السبب فدخولو للحبس غادي يشنقني بحال الحولي ديال العيد .

علىّ شادو راسو ونبح فتنهدت روعة وقالت:

- ماغاديش تخليه ياك ؟... شوف بغيتك تغفلو وتعضو وتهرب تافقنا ..... اااخ ماكرهتش نحط إستقالتي ونرتاااح لكن ...ماما محتاجة لديك لفلوس ... يعني ماعنديش خيار اخر ، ضاروري غادي نطلاقا بداك سكايري لبزاق ...

نبح شادو مرة أخرى بصوت عالي فردت عليه روعة وهي كاتشوف فيه :
-عندك الحق ، أحسن وسيلة هي التجاهل ... غادي نحسبو وكأنه مكاينش ، هو والحيط مابيناتهومش الفرق ، بجوج بيهوم ماشي ديال الهضرة .

ناضت روعة ودخلت للحمام دوشات وسرحات شعرها أمام لمراية وهي كاتدندن بأغنية havana للمغنية "كاميلا كابيلو" لكن فلحظة إنتبهت للمسياج لي وصلها فالتلفون فهزت روعة هاتفها وفتحاتو على صفحة الرسالة لي كانت واصلاها من أختها "جينان" كانت عبارة عن صورة لماماها وهي كاتبتاسم بحنان فطريقها لغرفة الإشعاعات وتحت منها مكتوب ....

"شكرا أختي بفضلك ماما غادي تقدر تعالج وترجع لينا بسلام "

إبتسمت روعة بحزن وتنهدت ... غير هاد الجملة عطاتها المزيد من القوة باش تواجه حتى الإعصارات ماشي غير إنسان سميتو جبل مرتجى... صحة ماماها عندها بالدنيا وإلا كانت مامها فرحانة حتى هي غاتفرح ... ردت على الرسالة ثم ناضت و لبست فستان اسود بأكمام طويلة منفوش من الأسفل فوق الركبة ومن الأسفل ليبة سوداء ومن الفوق معطف رمادي وحداء عالي رياضي فاللون أسود وطلقات شعرها الأحمر برتقالي فوق أكتافها ثم خرجات وهي جارا موراها شادو باش تتوجه لڤيلة كونتيسا ....

____________

كالا ديسان فيسينتي /ڤيلا كونتيسا

فڤيلة كونتيسا كان جبل چالس بكل خيلاء على الأريكة الكراملية فصالة الجلوس الفخمة وفالمقابل ليه رافاييل ودون ماركيز ...

- كيف بقات ختك أرافييل؟
قالها جبل فشاف فيه دون ماركيز بإستفهام وقال:
- مالها ختو ؟...

قلب رافاييل عينيه بسخيرية وقال قصد إستفزاز دون ماركيز:
- إلا فاتك الهضرة قول سمعت وإلا فاتك الماكلة قول شبعت .

دار فيه دون ماركيز واحد الشوفة كاتقتل ورد عليه بالمثل :
- ماعرفتش علاش ديما رجال الشرطة كايكونو مستفزيين لدرجة ماتكرهش تقتلهوم فأول فرصة تسمح ليك.

ضحك جبل بأعلى صوت فقال رافاييل وهو كايبرك على أسنانو:
- وانا ماعرفتش علاش ناس لي كايداعيو البراءة هوما اكثر ناس مفضوحين .

عقد دون ماركيز حواجبو بإستهجان وقال :
-أشنو كاتقصد ؟

تكى رافاييل على الكنبة بكل أريحية وهو كايبتاسم بمكر ثم مد يديه فوق التكاية ودار رجل فوق رجل بعنفوان وقال :

- وصلتني ريحتك لبارح مع 12 ديال الليل فشقة 39 مع الزعرة مولات نهود .

حمحم دون ماركيز بإحراج وبدا جبل كايضحك بسخرية عليهوم فقال دون ماركيز بسخرية باردة :

- أحيانا اسي رافاييل الرجال كايكونو محتاجين لمبارة رفع السيقان لإفراغ الأنبوب الأسطواني لي بين رجلينا من الكبت أستغفر الله العضيم.

هاد لمرة نفاجرو رافاييل وجبل فخطرا بالضحك وشاركهوم حتى دون ماركيز وهو كايتفكر المبارة لي عاشها لبارح مع الزعرة الروسية ، كان بحال الأسد بقلب حصان عربي ...

دخلات الخادمة "تيماء" لي قاطعت ضحكاتهوم الساخرة أوضعات القهوة فوق الطبلة وهي كاتقول :

- الله يخليكوم ديما ضاحكين أوليداتي

رد عليها جبل بصوت محترم ورزين:
‏- شكرا أخالتي "تيماء"

‏إرتشف من القهوة رشفة ثم كمل :
‏- القهوة لذيذة تبارك الله عليك .

‏- بصحتك وراحتك أولدي ...
‏
‏قالتها تيماء لي كاتبلغ من العمر 50 سنة سورية الأصل كانت أول خادمة عند عائلة مرتجى وكملت معاهوم حتى من بعد المجزرة لي وقاعت فڤيلة مرتجى فسوريا كان من حسن حظها أنها كانت خارج الڤيلة فليلة الحريق .

تنهدت تيماء بحزن وقالت:
- ماكرهتش ياولدي يجي نهار لي نشوف وليداتك ونهزهوم بين يديا ... فوقاش ناوي تزوج اولدي وتفرحني؟

تنحنح جبل وشاف فيه رافاييل بنظرات مبهمة لكن تجاهلو و قال وهو كايحاول يتصنع الامبالات :

- خصنا نسبقو بلكبير اخالتي ، فكري فداوود هو اللول عاد أنا من لكبير لصغير ..

قلبت تيماء عينيها بغيظ وهي كاتشوف فدون ماركيز ثم قالت :
- هداك كون دار لخير غير فبنتو لي ماعمرو شافها عاد يفكر يتزوج ويولد...

شاف فيها دون ماركيز وضيق عينيه بحزم وقال:

- لالة تيماء القهوة بردات يلا جات على خاطرك تبدليهالي

علات تيماء حاجب واحد فيه وقالت بطريقة مستفزة :
- عاد حطيتها دغيا قدرات تبرد !! .

قلب دون ماركيز عينه وقال بغيض من هاد الشارفة لي من صبح وهي تنتاقد فيه وهو كايبرك على أسنانو:

- اه... انا إلا مكانتش القهوة عاد خارجا من الجحيم مكادوزليش من قرجوطتي.

كتم رافاييل وجبل ضحكتهوم بسيف باش مايحرجوش السيدة تيماء لي تقدمات بغيظ لعند الطبلة وهزات فنجان القهوة بشنيت وخرجات وهي كاتمتم تحت سنانها وتنگر ...

- هادشي لي بقالي !!..

تمتم بها دون ماركيز وتكى على الكنبة بضهرو ثم شاف فرافاييل وقال بزعاف:

- من صبح ونتا علينا موضوع ، مهم موضوع مهم ومفيقيني مع 7 ياك لاباس .!؟

شاف فيه رافاييل وقال بنبرة مماثلة بزعاف:

- اجي .... اجي ضربني ... هاقرفادتي نزل عليا بشي ضرية فقدني ذاكرتي باش مانعقلش على طريقكوم فين جات .

شاف فيه دون ماركيز بغضب بينما إبتسم جبل بسخرية على مشاكستهوم الطفولية ثم قال بصوت حازم :

- فعلا داوود عندو الحق شنو هو الموضوع لي بغيتينا فيه ارافاييل؟

تنهد رافاييل باش يطفي الغضب لي كايشعر بيه ثم قال وهو كاينتاقل بأنظارو لعند جبل :

- جاتني معلومات من العميل "هاري بلاك " كاينا شي صفقة لبيع المخدرات فواحد لڤيلة فوسط لمدينة ، وكاتمويه دايرين حفلة لي غادي تغطي على أعمالهوم القذرة ولي منضمها هو واحد من رجال شاهين باشا "

قال جبل وعينيه كايضياقو بحزم :
-وحنا غادي يخصنا نفسدو ديك الصفقة .. ونشدو هذاك الراجل باش يدلنا على مكان شاهين باشا الكلب ؟؟؟ "

-تماما.
إبتسم رافاييل وهز راسو فيحين قال دون ماركيز بإعتراض:

-أنا گاع مامرتاح ... حاس بأن الموضوع فيه شي سر مكانضنش ان زعماء المافيا ورئيسهوم شاهين بهاد البلاهة ، كانضن أنهم كايخططو لشي موصيبة .

شافو جبل ورافاييل فبعضياتهوم بغموض فاش تفكرو ليلة الإنقلاب قبل ستتة ديال شهور ثم قال رافاييل فاش تفكر :

- اه ... وكاينا حاجة أخرى ، ذكر هاري فالرسالة ديالو ان معاه شي سي دي كايخص شاهين باشا ... وباغينا ناخدوه "

قال جبل بفضول:
- مقالكش شنو فيه؟؟

-لا مابغاش يقولي على محتواه فقط لمحلي أن الفيديو فيه الكارثة لي غادي دمر شاهين ورجالو إلا تكشف للعالم ... وذكر أيضا موضوع السيدي فكلمة وحدا ولي هي "السبط 25"

عقد دون ماركيز حواجبو بإستفهام ثم قال:
- شنو كايعني هادشي؟ ... كيفاش السبط 25!؟

سرح جبل فأفكارو لبضعة ثواني كايفكر فشي حاجة ثم قال بعدما ظهرت إبتسامة خبيثة على ملامحو .:

-السبط 25 ....هو فارس الأفعى النحاسية . إلا كان داكشي لي على بالي ... فالراس ديال شاهين باشا غادي يقطعو الصليب الأعضم لبلاط الشرف وحنا ماعلينا غير نجيبو هاد السي دي وأراك لفراجا .

ضحك جبل بصوت مرتفع حتى بانت ضرسة العقل ديالو وشاركو حتى رافاييل لي فهم الموضوع بينما دون ماركيز بقا كايشوف فيهوم بحيرة مافاهم والو ..

________

وأخيرا وصلت روعة لڤيلة كونتيسا عطات إشارة للحارس باش يحلها باب الڤيلة ودخلات وهي كارها الوضع وماحاملاش راسها ... وقفت عند باب الڤيلة الرئيسية ، حلات الباب لشادو لي خرج كايجري لعند سيزي .

تكات روعة على سيارتها بتعب وهي كاتحس بالسخفة ثم سيفطات ميساج لتاليا باش تخرج.
دازت‏ 5 دقايق 10 دقايق 20 دقيقة السيدة شافت الرسالة لكن ماجاوبتهاش !! ... اشنو كاتحاول دير هاد تاليا عاوتاني واش كاتحاول تلعب ليها على الأعصاب ...؟؟

تنهدت روعة بإستياء ثم قررت تكلاكسوني عليها باش توصل ليها أنها إلا ماهبطاتش دابا غاطلع تريشها ، لكن تفكرات أن جبل ممكن يسمعها وهادي هي أكثر حاجة ماباغياهاش توقع ، انها تشوف وجهو هاد صباح ويضيعلها مورالها السعيد لي كان سببو الرسالة لي سيفطاتها ختها "جينان" على مماها...
‏
‏-الله ياخد فيك الحق البارون لبزاق .

تمتمت بيها ثم تنهدت وغمضت عينيها ودعات لله أنه مايشوفهاش .... تسللت عبر الباب الرئيسية وطلت بتخبية مور سور لكن لسوء الحظ ان دروج كانو قبالت الصالة ديال الجلوس ولي كانو گالسين فيها الرجال ومن بينهوم العفريب السوري ، لي كان مرسوم على وجهو اكبر إبتسامة مستفزة بالنسبة لروعة.

تنهدت روعة بغضب وضربات الأرض برجليها وغوتات بلا صوت فداخلها... ثم تهدنات وخدات نفس وتراجعت للخلف وحسبت من واحد حتى ل 3 وشداتها بجرية للدروج لكن صوت دون ماركيز خلاها تبلوكا فبلاصتها بحال شي بلاكة ديال قف مكتوب عليها بصباغة كحلة ممنوع رمي الأزبال وشكرا .

- روعة ... على وقفتك سيري للكوزينا شوفي ديك لالاتهوم تيماء فين وصلات فلفطور ... ااااي كانحس بمسارني كايضاربو .

غوتات روعة بدون صوت وهي كاتبرك على سنانها ثم خدات نفس مجددا ورسمات أكبر إبتسامة صفراء بحال وججها وضارت غير بشوية لكن غير جات عينيها فعينين جبل لي كان كايشوف فيها بإبتسامة ماكرة تلاشات إبتسامتها وبدا قلبها كايضرب بسرعة فواحد اللحظة ظنت أنه طاح بين رجليها وتكركب مع دروج لكنو كان مازال فصدرها كايحاول يهرب من جبل لبعيد .

إعتدلت بوقفتها وتنحنحت وهي كاتقول بصوت هادئ و متصنع:

- أمرك سي دون ماركيز .

رجعت قلبت الدورة وهبطات مع الدروج ولتافتت يمينا للمطبخ لي حاشا واش يتسما مطبخ تقدر تقول عليه صالون فاللون الحليبي والأرضية الرخامية ...

تنحنحت قبل مادخل فاش شافت لالة تايماء مشغولة فمئة حاجة وحاجة وكاتوجد هنا وهنا ولڤيزيبلات ديال مخها مسوطين وغير كاتنكر

- احم احم ...لالة تيماء.

لتافتت تيماء على صوت روعة وغير شافتها إبتسمت وكأن رجال الإطفاء وصلو أخيرا باش يطفيو العافية لي شاعلالها فوق راسها بسبب دون ماركيز... و جراتها من يديها وهي كاتقول بترجي :

- الله يرضي عليك ابنتي أجي قليلي هاد لبيضات ...داك شايب ديال داوود إلا ماكلاش البيض كل صباح يقرقني عليهوم حتى نبيضهوملو .

قلبت روعة عينيها بملل وقالت وهي كاتبرك على سنانها بغيظ
- وااخا الالة تايماء .. غير عتقيه قبل مايقرقليك فوق الطبلة وأجاب لي يسكتو عاوتاني .

-الله يعطيه شي مرا لي تحمقو كيف محمقني أنا فهاد الدار .

هزت لالة تيماء الصينية فيديها وخرجت وهي كاتنكر بين شفايفها وخلات موراها روعة كاتشوف فالبيض بغيض لكن فاش تفكرات أهم حاجة شهقت وهي كاتقول:

- ويــــلي على نسيـــــــا ... فطرت وماضربتش إبرة الأنسولين ... معدري كانحس بالسخفة ملي خرجت من دار .

حلت صاكها الصغير الأسود لي كانت معلقاه فوق أكتافها وخرجات زجاجة الأنسولين و الإبرة وهي كاتقول:

- الحمد لله ملي كانهز معايا الإحتياط ، أما كون تحول نهار لمرض عاوتاني.

ملئت الإبرة بالمحلول ولكن هاد المرة كانت باغيا تضربها فكرشها فرفعت فستانها وعرات بطنها ثم حقنتها فالعضلة وهي كاتشتم بألم لكن قاطعها صوت جبل لي قال بسخرية:

- عفوا ممكن نسولك اانسة واش هدا المطبخ ديال ڤيلة كونتيسا ولا وكر للمدمنين على الهيرويين

بقوة الصدمة لاحت الشوكا فالأرض وشدات فقلبها لكنها تفكرت ان كرشها عريانة وبسرعة غطاتها وهي كاتقول بغضب:

- من قلة الأدب أن بنادم مايدقش الباب قبل مايدخل !

ضار جبل شاف فمدخل المطبخ لي مكانش في باب من الأصل وقال وهو كايتصنع الأسف.

- مع الأسف المهندس نسا مدارش الباب فالتصميم

شافت روعة فالباب بغباء ثم قالت وهي كاتحاول تصنع الامبالات .

- مكايهمنيش دق فالحيط ، سمعني صوت دعسات رجليك ، ماشي داخل كاتختل بحال شي قط باغي يسرق الكبدة ديال العيد .

إرتسمت إبتسامة ساخرة جانبية على ملامح جبل وهو كايشوف فتوترها وقال:

- واقيلة إلا ماخفت نكدب ، أن هاد الدار داري ، ندخل ونخرج فوق مابغيت.

شافت فيه روعة بتحدي قارس وقالت وهي كاتبرك على سنانها .
- مكايهمنييش... دابا كون ضربت الشوكة فعضلة مؤخرتي ؟ وتدخل عليا نتا بحال الجن!!!

قرب منها جبل وهو كايقول بإبتسامة ساخرة وبلهجة مايعة وهو كايغمز بعينيه:
- ‏كان غادي يكون أسعد يوم فحياتي .

إنتيهت روعة للسخافة لي قالت ، واش نسات راسها ، اشمن مؤخرة ولا مقدمة هذا راه الشيطان السوري أي كلمة كايلقالها الجواب المذمر المايع ...

قلبت روعة عينيها بغضب وحاولت تتجاهل وجودو وهي كاتمتم بين سنانها. وكاتفقص البيض فالمقلات:
.
- الله ياخد فيك الحق أتاليا نتي وداك خالك المجنون . گنس معكس يالاطيف.

فجأة شعرت بجسمو الضخم خلفها وبأصابعو لي تسللت بهدوء باش تبعد خصلات شعرها على رقبتها ثم حست بأنفاسو الحارة على عنقها وهو كايهمس بصوت رجولي مبحوح :

- ياويلي من ريحتك يا روعة ،...ياويلي من ريحة جسمك الخزامية...

شعرت روعة بين كل همسة وهمسة بأنفاسو لي جعلتها تغمض عينيها وشعرت بدغدغة لطيفة فمعدتها وكأن الفراشات إجتاحو عالمها فجأة ... كان قلبها كايضرب بسرعة من شدة توترها وخوفها منو ...

فطفات البوطة وضارت عندو بملامح غاضبة باش تأدبو لكن فاش لقات وجهو تقريبا لاصق مع وجهها تراجعت للخلف بضهرها وهي كاتحس بقلبها غايهرب منها بسبب نظراتو ليها.

قرب منها أكثر وحاوط الكونطوار بيديه بجوج باش ماتهربش منو وكمل وهو كايقول وعيونو الزمردية على شفايفها.

- لو تعرفي شحال كانعشق توترك فاش كانقرب منك أصغيورة ديالي ، هادشي كايحسسني أنني كانأثر على مشاعرك .

كانو أنفاسو كايرتاطمو مع خدها خلاتها تتفكر أول قبلة من شفايفو قبل أسبوع فالباركينج ديال الهوتيل ...ماتقدرش تنكر الشعور المغري لي حساتو ديك الليلة .. رفعت عينيها وشافت فشفايفو ولحية دقنو ولا غمازة دقنو الفاتنة لكن فاش شعرت بأصابعو كايلعبو فخصلات شعرها ماقدرتش تستحمل و دفعاتو بيديها وتحررت أخيرا من قبضتو الحديدة وقالت وهي كاتحاول تمثل البرود مابغاتش تأكدليه أنه فعلا أثر عليها وخلا قلبها ينبض بسرعة :

-يلعن غرورك وثقتك فنفسك الزايدة فوق لقياس ، عليها ألف لعنة ولعنة وشوية من اللعنة وبزااف ديال اللعنات .

توسعت إبتسامتو الجدابة أكثر بإستمتاع وغض على شفته السفلية بميوعة وقال بصوتو الرجولي المبحوح :

- علاش ماتقبليش تكوني ام ولادي وتختاصري علينا الموضوع :

قلبت روعة عيونها بغيظ وجات خارجة لكن جبل لحق عليها وجرها من خصرها من الخلف ولصقها مع جسمو الرجولي وهو كايقول فأدنها بصوت مثير:

-علاش ماتوقعيش فحبي وترحميني هاه؟.

نترت يديه من خصرها بقوة وبعدات عليه وهي كاتسب بين سنانها بصوت خافت وضارت لعندو باش تغوت عليه لكن فاش شافت إبتسامتو الهادئة والمستفزة ، فكرات أنه كايدير لي فجهدو باش يعصبها ويستفزها وهو عارف مزيان أن نجوم السماء أقربلو منها هي ، فإذن علاش ماتلعبش بنفس سلاحو .

رسمت إبتسامة صفراء باردة على وجهها وقالت:
- صحيح ماقلتليكش من قبل أنك رجل جداب تيتيز

توسعت حدقتي عيون جبل بغرور ثم مرر أصابعو بين خصلات شعرو الأسود وقال بصوت هادئ:

-كانضن ان سبب جادبيتي اليوم هي تسريحة شعري الجديدة .

شافت فيه بإستياء وتنهدات بتعب ... هي أش داها لهاد لقرع تمشطليه راسو ، هو تقريبا كايتغدا ويتعشا بالغرور وماشي بعيد يكون كايتنفس بيه ... هاد الرجل اكييييد مصاب بمرض "متلازمة الأمير ".قالت بصوت حازم:

-فخبارك أن الغرور يمكن ليه يحول الملائكة لشياطين ...

ربع يديه لصدرو وقال بتثاقل:
-أنا إنسان مغرور ، و نتي وحدا متكبرة.

قلبت شفايفها بإستياء وردت عليه:
-‏أنا مامتكبراش لكن مشكيلتي ديما كانفشل فرسم إبتسامة فوجه واحد منافق ومكايتسرطليش.

فتح فمو باش يعطيها جوابها المناسب لكن قاطعو دخول لالة تيماء وهي كاتشكى من حريق ضهر ولعيا فإستغلت روعة الوضع وخلات جبل واحل مع تيماء لي كاتشكي عليه وخرجات بسرعة .... وأهم حاجة هي شكرت الله حيت ماتفكر والو وهادشي كان واضح من تصرفو معاها .

طلعات كاتجري بسرعة مع الدروج وكاتخلف بدل الدرجة جوج وكأنها خايفة ضور وتلقى شبح جبل موراها ... تمشات فالممر حتى وصلات لغرفة تاليا وفتحتها بسرعة وغضب بلامادق وكانت مستاعدة كل الإستعداد باش غادي تغوت لكن المنظر لي شافتو خلاها مصدومة .

كانت تاليا كالسة على السرير ومتكية بينما حاضنة رجليها لصدرها وكاتبكي بحرقة ، لدرجة مانتابهتش لوجود روعة معاها فنفس الغرفة .

تقدمت روعة ببطء وتردد حتى كلسات حداها على السرير عاد نتابهت ليها تاليا ومسحت دموعها بسرعة وإبتسمت بوهن وهي كاتقول:

- ااه تقبريني جيتي ... انا غانوض نلبس حوايجي

حيدات تاليا لغطاء من فوقها ثم جات نايضا لكن روعة إستوقفتها وهي كاتقول:
- حتى نعرف بعدا شنو السبب ديال هاد دموع .

حنات تاليا راسها وبدات تبكي من جديد فقربت منها روعة بشفقة وعنقتها باش تسمح ليها تخوي قلبها على خاطرها لثواني ثم بعدتها عن حضنها باش تقدر تشوفلها فوجهها و قالت:

-اشنو لي مخبي وراء هاد الحزن كلو أتاليا؟

إبتسمت تاليا يتصنع ثم قالت:
-مكاين لا حزن لا والو اختي .. غير الهرمونات كايتأثرو فاش كايقرب يجيني الحيض.

ضهرت إبتسامة صغيرة على وجه روعة وقالت بهمس:
-شوفي أتاليا ... انا ... بعد المرات كنت كانشعر بالعجز وأنا كانشوف ناس كلهوم كايخدمو على حياتهوم وانا كيفما أنا قارب كايمشي على اليابسة فلا امواج تحركو ولا مجاديف تشفع ليه ... ومن كثرة احزانني ووجعي وليت كانميز الوجع فقط من حروف الموجوع ، لذالك بلاما تضاهري أمامي بالقوة لأنني كاشفتك.

مابقاتش قادرة تاليا تصبر بعدما سمعات كلمات روعة ورجعت ترمات فحضنها وبدات تبكي وتشهق...
تنهدت روعة وبدات كاتمسح ليها على راسها بحنان وهي كاتقول:

- أنا ختابرت جميع أنواع الوجع والألم والحزن لي كاين فهاد العالم البائس ، بالإضافة لخدلاني من طرف أقرب الناس ليا لي فواحد الوقت كنت كانضن أن وجودهوم هو لي كايخليني نتنفس ... لكن عجلة الحياة تدور وكشي كايتكشف مع الوقت ومن كثرت الإحباط لي واجهتو والألم لي تسببلي فيه وليت كانشم الألم فالإنسان من أول حرف ينطق بيه .. فكانترجاك إلا ماقوليلي شنو كاين اتاليا وماتخلعينيش.

فجأة تحل الباب وبعدات تاليا بسرعة على روعة ومسحت دموعها وهي كاتحاول تخبي وجهها لكن لحسن الحظ كانت غير أسية لي كانت داخلة بعجاجتها كاتغني وتطبل على الباب ..

إختفت إبتسامة أسية و شافت فيهوم بشك ، ثم سدات الباب وتمشات لعندهوم وهي كاتقول:

- أولا السلام عليكم ، ثانيا أشنو سبب هاد الغيمة ديال الكأبة لي مسيطرة على هاد الغرفة ...

إبتسمت روعة بتصنع وهي كاتقول :
-كلسي اأسية لقيتيني نيت كانسول فيها ومابغاتش تجاوبني عاطياها غير للبكاء .

كلسات أسية على السرير وقربات من تاليا وهي كاتقول بصوت حنين:
-مال توت كايبكي ...؟

إبتسمت تاليا بسخرية ثم قالت بوهن:
- مكاين لا توت ولا فريز ...

ردت عليها روعة بهدوء:
- إذن قولي لينا علاياش كاتبكي؟

كحزت تاليا عند أسية وشداتليها فدراعها وكأنها كاتحمي راسها بيها ثم قالت وهي كاتشوف فروعة بخوف:
- أنا خايفا نقولك وتغوتي عليا .

إبتسمت روعة بهدوء باش تطمنها لكن فداخلها هي خايفا من لي غاتسمعو لأن تاليا هي مسؤوليتها وأي حاجة وقعت ليها غادي تعاقب عليها هيا الأولى وإحتمال تطرد من خدمتها لي هي في أشد الحاجة ليها .

- الله يهديك اتاليا واش حنا دراري صغار دابا ، غير قولي ماتخافيش.

زيرات تاليا على دراع أسية وقالت :
- واعديني أنك ماغاديش تغوتي أنا كانخاف منك كثر ملي كانخاف من خويا وخالي داوود .

فهاد اللحظة دق ناقوس الخطر فقلب روعة ومابقاتش قادرة تصبر كثر على مماطلة تاليا وتلوينها وتشكيلها للهضرة لكن مع ذالك حافضت على هدوئها وإبتسامتها فقالت أسية بسخرية :

- علاش غاتخافي منها مالها بروسلي ؟

قلبت روعة عينيها بغيظ و هي كاتشوف فأسية وقالت :
- بروسلي ولا فاندام ولا حتى زومبي مكايهمش ... طلقيني اتاليا وبلاما تلعبيلي على أعصابي شنو كاين ؟...

طرطقت أسية عينيها فروعة وكأنها كاتقولها " ماتعصبيش وغير بلمهل يتنكل يودنجال" ، فقلبت روعة عينيها وناضت لنافدة باش تزول الستارة وتسمح للضوء يدخل للغرفة بدال هاد الغم والكأبة لي محاوطاهوم . يعني يكفي غير جبل لي عصبها على صبح ، ماناقصهاش حتى ختو عاوتاني .

ضارت روعة وشافت فتاليا ثم قالت بهدوء:
- خليني نقلعها فالسماء..... تهرسليك ضفر ؟

شافو فيها تاليا وأسية بنظرة كونان فاش كايسمع سخافة العم طوكو موري ورجعت روعة خممت من جديد وقالت:
- صافي لقيتها ، سقطتي فإمتحان!

ردت عليها اسية وهي كاتقلد صوت الحزقة بفمها:
- طزززز فالإمتحنات

ثم شافو بجوج فتاليا باش تأكد ليهوم الشكوك لكن نظرتها الجزينة ماختالفاتش فنقزات أسية بعدما تفكرات حاجة مهمة وقالت:

- ماتقوليليش أن " هاري بلاك "...

لكن قبل ماتكملها طيرتها تاليا بواحد القرصة حتى غوتات وشافو بجوج فروعة بترقب كايتسناو ردت فعلها ...

عقدت روعة حواجبها على إثر رنة الإسم وقالت بصوت حازم:
- شكون هذا ؟؟؟

تنحنحت أسية وهي كاتشوف فتاليا بأسف حيت فرشتها وهي كاتحك على القرصة لي كاتحرقها ...

‏تنهدت تاليا بإستياء ثم قالت بعدما إبتلعت ريقها بتوتر :

-كاين واحد الولد ... كانقصد أحنا كانبغيو بعضياتنا .

حمرت فيها روعة وقالت :
-إيوا !!!

بقا فيها لحال يعني لهاذ الدرجة مكاتيقش فيها ومعاودتلهاش على الشخص لي كاتبغي بينما أسية عاودتلها !... ولكن هي ماتلومهاش ، مازالة تعقل على نهار لي لقاتها چالسا فواحد القهوة مع واحد الزميل ديالها فالجامعة وجراتها من يديها خرجتها وتحلفات على داك الولد بلي إلا لقاتو معاها مرة أخرى غادي تقتلو ...

لكن اشنو غادي دير هي ماشي لخاطرها هادو أوامر البوس دون ماركيز وهي غير كاتنفد خدمتها ، بالإضافة أنها كاتخاف عليها كثر من نفسها وماباغياش لي جا يضحك عليها وتعاود نفس قصتها المشؤمة . فإلا كانت قاسية معاها فموضوع الحب والرجال فحيت كاتخاف عليها لا أقل ولا أكثر .

تنهدت تاليا وهي كاتشوف فوجه روعة الحازم ثم قالت:
-انا كدبت عليه واحد الكدبة خلاتو يحماق ... لكن الموصيبا الكحلة هو أنه هددني بلي غادي ينشر تصاوري بمنظر مخل ... وأنا خايفا أروعة ماعارفاش شنو غادي ندير "

ثم بدات كاتبكي وترمات فحضن أسية لي شافت فروعة بنظرة كاتعني "حاولي تحكمي فأعصابك وماتغوتيش عليها حتى نفهمو الموضوع أكثر "

كل مكانت كاتفكر فيه روعة فديك اللحظة هو " صافي انا مشيت فيها وهذا أخر يوم عندي فهاد الدار ، مستقبلي دمر وماما غاتموت بلا علاج .... علاش ياربي كايوقاع معايا هادشي !؟..."

تنهدت روعة بغضب ومسحت على راسها بيديها ثم كلسات على الأريكة ودارت راسها بين يديها ... يعني ماشاء الله يوم باين كيف غايكون من صباحو ..

طبطبت أسية على ضهر تاليا بحنان وهي كاتشوف فروعة لي كانت كادير لي فجهدها باش ماتغوتش عليها ثم قالت:

-واش نتي متأكدا؟. لا يكون غير كايضحك معاك؟ ... كانقصد ربما قالها فقط فلحظة غضب ؟.

حركت تاليا راسها بمعنى "لا" بينما مازالة كاتبكي فحظن أسية وقالت:

-سيفطلي رسالة وقالي أنه محتافض بتصاوري فسي دي وحاطو فالفيلة لي ساكن فيها ، وإلا بغيت ناخدو منو غادي يخصني نمشي لعندو ونرغبو .... ختي روعة أنا ماقادراش نمشي خايفا لايوقاع شي حاجة

وقفات روعة بغضب وجرات أسية من يديها باش تفرق على تاليا .. البنت راه فعمرها 19 وكاتصرف بحال بنت ديال عشرة سنين ، يعني ماكفاش الموصيبة لي دارت وزايداها بنواح ....

شافت فيها اسية وقالت بترجي:
- روعة نتي ..

لكنها قاطعتها بغضب وصراخ:
- صافي سكتي نتي ... مهمة الدادا دودي سالات ونصحك تمشي تخدمي مربية حسن ليك .

تقرصات أسية من كلام روعة وقالت
-الله يسمح ليك اروعة

تجاهلت روعة إحراج تاليا ثم وقفت أمام تاليا لي كانت حانيا راسها وكاتبكي ... شعرت روعة بقلبها كايتقطع .. علاش هاد الدنيا مصرة تفكرها بلي فات فالناس لي كاتبغيهوم ... تنهدت بحزن ثم قالت :

- انا بغيت نسولك على حاجة وحدا ... بما أنك قلتي أنه شاد عليك صور مخلة ....واش ..... واش تعدا عليك داك قليل الشرف ... كانقصد واش سلمتيه نفسك اتاليا.؟

علات تاليا راسها وشافت فروعة بوهن ثم غمضت عينيها وبدات تبكي من جديد ... فهاد اللحظة دماغ روعة بغا يطرطق وماقدرتش تسيطر على أعصابها وقالت بصراخ:

- جاوبيني ...ماتبقايش تشوفي فيا وتبكي ...

قربت منها أسية وقالت بهدوء:
-روعة تهدني أصاحبتي ، سي جبل لتحت وإلى سمع صوتك غادي يطلع .

خدات روعة نفس هدات راسها بيه ثم قربت من النافدة وعضت على يديها باش تكتم صوت بكائها وخلات دموعها ينسابو على خدها بحرقة ...، لكن فواحد اللحظة شعرت بيدين كايحاوطو خصرها ورأس تسند على كتفها وشهقات متفاوتة وأنفاس على رقبتها ...

كانت تاليا معنقاها من الخلف وهي كاتقول:
- سمحيلي اختي روعة .

خدات روعة نفس باش تخافض على رباط جأشها ثم مسحت دموعها وضارت لعندها وهي كاتقول:

- نتي غير قوليلي أن داك قليل الشرف ماوصلش لداكشي لي بغا .. وانا كانواعدك بروح ماما غادي نمشي نجيبلك السي دي وحتى راسو .

حنات تاليا راسها بوهن وماقدراتش تجاوبها فمدت روعة يديها وعلات بيه راس تاليا وقالت:

-كانتسنا جوابك.

تمتمت تاليا بصوت مبحوح:
- كانت غير ممارسة سطحية . يعني أنا مازالة عدراء

خداتها روعة فحضنها وعنقتها وكأن الروح رجعت ليها من جديد .. حمدت الله أن تاليا مغايكونش ليها نفس مصيرها المجهول ، حمدت الله أنها غادي تبقى وسط عائلتها محمية ومصونة ماشي بحالها .

بعدتها على حضنها وقالت:
- قوليلي دابا شكون هاد ولد الكلبة؟

مسحت تاليا دموعها وقالت:
- سميتو هاري بلاك.

عقدت روعة حواجبها وكأنها كاتفكر شي حاجة ... هاد الإسم ماغريبش عليها ثم قالت:

- واش هو نفسو الگارد لي حط إستقالتو لعام لي فات هاري بلاك؟

أومأت تاليا برأسها "بنعم" وقالت روعة
- ولد العاهرة مدارش بحساب طرف دلخبز لي كلا مع عائلتك وصلت بيه الوقاحة أنه يتطاول على شرفك ... والله لابقات فيه ، غادي نعطيه درس ماعمرو ينساه ... وإحتمال ندخلو فغيبوبة بحالي درت مع لي قبل منو .

ردت عليها تاليا بخوف :
-كانترجاك ماتأديهش أنا كانبغيه اختي روعة ، هو كان رجل رائع أنا عشقت رجولتو بجنون ، ولكن فشهورا لخرين تبدل عليا بزاف ، ولا راجل وحداخور مكانعرفوش ، وليت كانخاف منو كلما شفتو رغم أن قلبي كايفرح فاش كايشوفو.

تنهدت روعة بهدوء وقالت:
- صافي خلي هاد الأمر عليا ... عطيني العنوان وفاش غانسالي من خدمتي فليل غادي ندوز عندو نحلو هاد المشكيل .

بعدات تاليا عليها وقالت بخوف:
-لا أنا مانقدرش ، مستحيل نخليك ديريها مانقدرش نورطك فحاجة خطيرة بحال هادي.

إبتسمت روعة وقالت بهدوء غير باش طمنها وتريحها :
-‏اش غادي يوقاع گاع ؟؟... غادي ندخل بهدوء وناخد منو السي دي ونخرج بهدوء ماتخافيش .

تدخلت أسية وهي كاتقول بتسائل وكاتنتاقل بأنضارها بين روعة وتاليا:

- إذن السؤال لي بقا هو ، كيفاش غادي دخلي لهاديك الفيلة ؟....اكيد بيبانها مامحلولينش للي جا وجاب.

ماعرفتش روعة شنو تقول لأن أسية عندها الحق فلي قالتو .فقالت تاليا وهي كاتبتالع ريقها:

- فالحقيقة ، هاري عطاني واحد البطاقة ، وهاد البطاقة كاتسمح لزائر يدخل فأي وقت ... أنا كانستخدمها للدخول فاش كانمشي نشوفو.

قالت روعة بلهجة غاضبة وهي كاتشوف فيها :
-إياااه ...وفقتاش كاتمشي تشوفيه... ياك أنا مكانتفرقش عليك!!!

تنحنحت تاليا وقالت بأسف:
- سمحيلي بزاف ... فالحقيقة نتي فاش كاتوصليني لباب الجامعة وتمشي أنا كانشد طاكسي وكانمشي لعندو .

حلت روعة فمها بصدمة مامصدقاش فتدخلت أسية قبل ماتبدا روعة تغوت من جديد وتأنبها وقالت:
- ماشي مشكل دابا الفاس طاح فراس ماعندنا مانديرو .

مررت روعة أصابعها بين خصلات شعرها بغضب وقالت وهي كاتشوف فيها:
- واش كاينين الحراس تما ؟؟

هزات تاليا راسها "بنعم " وقالت:
- ‏كاينين بزاف وأشكالهوم مخيفة ومرعبة وكأنهم وحوش برية ماشي بنادم .

تنهدت روعة بتعب وحست أن هادي غادي تكون بداية لشي كارثة كبيرة مافيهاش الشك واكيييد نهاية لحياتها ...

- انا غادي نمشي معاك أروعة .
قالتها أسية وهي كاتشوف بحزم فردت عليها روعة بغيظ

-حتى واحد ماغايمشي من غيري ، سالينا .

_____________

في الأسفل وقريب من الباب كان رافاييل وجبل ودون ماركيز واقفين كايتناقشو فموضوع الحفلة حتى هبطت من أمامهوم روعة بسرعة بحال برق حتى أن رافاييل قالها ..
- اهلا روعة لباس عليك؟

لكنها ماجاوباتوش وفالأصل هي مالاحضتش وجودو ولا سمعت صوتو كان كاتبانلها غير الباب والسيارة لي ركبت فيها بسرعة وحركتها لناحية الباب الكبيرة

شاف دون ماركيز فجبل وقال بدهشة:
- ماداتش شادو معاها!! .... لعجب هادي مالها!! ... ماعمرها خلاتو هنا .

رد عليه روافاييل وهو كايشوف فسيارتها خارجا من الباب
- يمكن عندها شي مشكل؟

شاف فجبل وكمل بسخرية:
- أولا عندها شي مشكل مع شي حد مثلا.

شاف فيه جبل وقلب عينيه بغيظ ثم سمح فيه وطلع مع دروج وخلاه كايتمتم بأن هادو ماشي أصول ضيافة وكيفاش يمشي ويخلي ضياف بوحدهوم . لكن جبل تجاهلو نهائيا وماداهاش فيه

طلع رافاييل وتبع جبل لكن فاش جا يضور فالممر تساطح جسمو مع جسم تاليا لي كانت كاتمشا بسرعة باش تلحق على روعة ...

فالأول كانت غادي طيح لكن رافاييل شدها من دراعها ووعاونها حتى خدات توازنها ووقفت بسرعة وبغات تمشي متجاهلة وجودو لكنه شدها من دراعها ورجع جرها لعندو وهو كايقول بحدة وكايشوف ليها فعينيها لي كانو متورمين بسبب البكاء :

-واش كنتي كاتبكي؟

حنات راسها بغضب وماجاوباتوش وكمل وهو كايقول بفضول :

- فين غاديا بهاد السرعة ؟

علات تاليا عينيها وشافت فيه بسخط ثم نفضت يديها بعنف وقالت بحدة وهي كاتشوف ليه فعينيه:
-ونتا مالك ؟؟ سوقك مثلا .؟؟

ستفزاتو بديك الهضرة وماعجباتوش طريقتها التهكمية معاه .... تفرس رافاييل ملامحها بإهتمام ثم إبتسم بمكر و شدها من دراعها و جرها لعندو بعنف و قال وهو كايبرك على أسنانو بغضب :
-شخبار هاري بلاك لباس عليه ؟

تصدمت تاليا وتوسعو عينيها وقالت:
-شكون هذا مكانعرفوش ... طلق مني ..

حاولت تاليا تفك دراعها من رافاييل لكن فاش سمعت صوت أسية لي كانت جايا من بعيد وكاتعيط ليها فتحت فمها باش تغوت لكن رافاييل سبقها وسدليها فمها بيديه وحل باب وحدة من الغرف ودخلها وسد الباب

شعرت تاليا بالخوف من منظر رافاييل المخيف .. كان كايشوف فيها بنظرات الحقد والغضب .

-رافاييل ... راه غادي نقول لخويا على هاد لبسالة ديالك ... والله حتى يقتلك

ضحك رافاييل بإستهزاء وقال:
-هه ... ماشي قبل مانقوليه على علاقتك بهاري وداكساع يقتلنا بجوج .

بقات كاتشوف فيه ومامصدقاش ... علاقتها بهاري كانت سرية اذن كيفاش حتى عرف رافاييل ... إبتلعت ريقها بتوتر وقالت:

- ماعرفتكش علاياش كاتهضر .

ثم حلت الباب باش تخرج لكنه سبقها وبرك على الباب بيديه حتى تزدحات بقوة .. كان واقف بجسمو الضخم خلفها وكانت كاتبان بحال شي قطة في عرين الأسد ... شعرت بقلبها كايضرب بشدة الخوف لكن فاش حست بأنفاسو حتى عنقها من الخلف توترات بزاف وبالخصوص فاش همس فودنيها من الخلف بصوتو الرجولي :

-نصيحتي ليكي ... بعدي على هاري

تعصبات تاليا وضارت لعندو وقالت وهي كاتبرك على اسنانها بغضب :
-والى مابغيتش أشنو غادي دير ... هاه

إبتلع رافاييل ريقو بتوتر وهو كايشوف فشفايفها لي كانو قرابين من شفايفو وهمس بصوت رجولي مبحوح :

-غادي نعطي صورك لي كاتجمعك بهاري لخوك جبل ... وديك ساع غادي تشوفي بعينيك كيفاش حبيب قلبك غادي يموت برصاصة من مسدس جبل .. شفتي شنو نقدر ندير .

تصدمت تاليا من الشئ لي قال ... على اشمن صور كايهضر رافاييل ... ياربي اش غادي دير هاري كايهددها بالصور ورافاييل حتى هو شاد عليها صور .. لقات راسها بين نارين كيفاش غاتفك من هاري وهو شاد عليها زلة كايهددها بيها والى ماتفارقتش عليه رافاييل ممكن يتهور ويعطي الصور لجبل ... لكن مع ذالك تحكمت فنفسها ونكرت كل شئ وقالت :

- نتا كداب ماعندك لا صور ولا حتى حاجة ...

بدون مقدمات جبد رافاييل التلفون من جيبو ودخل للصور ووراهوم ليها صورة بصورة ..كانو الصور ليهوم فاليوم لي مشاو لمدينة الملاهي وكانو كايبانو فرحانين وهوما متمسكين بيدين بعض .. رجع رافاييل التلفون لجيبو وتمسك بخصة من شعرها الأسود وهمس بصوتو الرجولي :

- ماعمري قلت شي حاجة وماوفيتش بيها ... ودابا غادي تفرقي عليه ولا راكي عارفا اشنو غادي ندير

تحجرو الدموع فعيون تاليا وقالت بغضب وهي كاتبرك على أسنانها:
-الله ياخد فيك الحق الجاسوس .

قاطعهوم أسية لي كانت كادق فالباب وهي كاتقول :

-تاليا حلي لباب راني كانسمع صوتك شنو كاديري لداخل بوحدك ... حبيبتي تاليا عنداك ديري شي حاجة فراسك ..

خافت تاليا ان أسية تزيد تقول شي حاجة على هاري ويسمعها رافاييل وتزيد تتورط معاه فقالت بسرعة وبصوت عالي :

-اسية ماكاين والو ماتخافيش شويا وغادي نجي ..

لكن اسية كانت مصرة وبدات كاتحل لباب وكادفعها باش تدخل وبسرعة دوزت تاليا ساقطا ديال الباب وقالت وهي كاتشوف فرافاييل بغضب :

-مازال غادي نهضرو انا وياك فهاد لموضوع وغادي نتفاهمو

إبتسم رافاييل بهدوء وقال بهمس:
- بكل سرور تالي .

شافت فيه تاليا بإستياء فاش اختصر إسمها بداك شكل ... لكن حاولت تتجاهلو وحلت الباب وخرجت وهي كادفع فأسية لي كانت مصرة باش تشوف شكون لي كان معاها فالداخل .

- معامن كنتي كاتهضري ..

ردت عليها تاليا بسرعة :
-كنت كانهضر فتلفون ... اجي واش تصالحتي مع ياسين؟؟

لوات اسية فمها بغيظ وقالت:
-مازال

ضحكت تاليا بتصنع وقالت وهي كاتجرها لغرفتها وكاضور تشوف فالعرفة لي خرج منها رافاييل وشاف فيها وابتسم لكنها تجاهلاتو وقالت:

-اجي نقولك شنو ديريلو .. باش ماعمرو يفكر يهضر مع شي وحداخرا من غيرك .

___________
نهاية الفصل :

الفصل 15 / BARON "رحم للكراء"

2018-10-30T08:01:00.000-07:00

منطقة سان ميچيل /منزل روعة / الساعة الثامنة والنصف مساء 🕣

- فالحقيقة امدموزيل روعة ... أنا بغيت نستأجر الرحم ديالك مقابل المبلغ لي بغيتيه .

لحظات صمت رهيبة تبادل فيها جبل النظرات مع روعة ...، شاف كل واحد فيهوم بشحوب فوجه الأخر ، لكن تفاجئ جبل فاش شاف إبتسامة غريبة ظهرت على ملامح روعة .. وقالت:

- غييير بشوية عليا راه عندي لفهم تقيل شوية .. دقا دقا باش نفهم اسي جبل ... عاود شنو بغيتي!! .

تنهد جبل بإستياء لكن مع ذالك بقا مسيطر على رباط جأشه لأنه كان متوقع ردت فعل بحال هادي . وكان دايرلها حسابها من قبل .. هز كأس القهوة من فوق الطاولة ورتشف منه رشفة وحتفض بيه بين يديه باش يدفيه و قال وهو كايشوف فعينيها مباشرة

- أنا من اليوم لي شفت فيه ردت فعلك فاش توفات بنتك الله يرحمها ، تأكدت بأنك غادي تكوني أم عضيمة ...

أومأت روعة بتفهم وهي كاتمنى أن داكشي لي فهماتو من كلامو يكون غير سوء فهم ماشي صحيح ... وكمل جبل بصوتو الرجولي وقال:

- وأنا دابا راجل فعمر 34 سنة مابقيتش صغير وعندي رغبة باش نكون أب ويكون عندي وريت لممتلكاتي من بعدي ... لهذا بغيتك تكوني نتي هي الأم ديال ولدي وتحمليه فكرشك تسعة اشهر .

شافت فيه روعة بعيون واسعة ونظرات غير مصدقة وغير مدركة للشئ لي قالو جبل .... حست بأن الصدمة شلت لسانها وماعرفت ماتقول .

- أنسة روعة واش نتي بيخير ؟

فاقت على صوتو من شرودها وشافت فيه مطولا .... لكن مابغاتش تسيئ الظن بيه ... فهمست وهي كاتحاول تتصنع إبتسامة خفيفة وقالت:

-مابغيتش نتسرع فالحكم عليك قبل مانفهم اسي جبل ... واش ....نفهم من كلامك ... أن هذا عرض زواح... يعني بغيتي تزوج بيا باش نولد ليك .... ياك هادشي لي قصدتي !!!؟

تنهد جبل و إعتدل فچلستو ...، مكانش داير بحسابو أنها غادي تفهم الموضوع على هاد الأساس المغاير للرغبة ديالو.... هو ماباغيش الزواج وماباغيش يكون مربوط أو ملتزم فعلاقة زواج ...حيت هو عارف راسو مزيان وعارف المشاكل لي عندو وماعندوش إستعداد يحب أو يتحب...

مرر أصابعو بين خصلات شعرو البني الغامق ثم شاف فيها وقال:

- فالحقيقة أنا ماعنديش رغبة فالزواج.

ضحكت روعة بدون ماتشعر وقالت بسخرية:

- هاهاها... إيوا كيفاش بغيتي تجيب هاد الوريت ديالك أسي جبل ؟.

قلب عينيه بغيظ من سخريتها عليه وقال:

- كيفما وضحتليك من قبل ... غادي تولدي مني ولد او بنت مكايهمش وغادي تعطيهلي وغادي نخلصك فالمقابل ، يعني نتي غادي تكوني غير الأم الحاضنة ...

ماقدراتش روعة تتكلم تشلل لسانها بسبب الصدمة الثانية على التوالي لي عطاها بيها جبل للرأس فجأة وتسائلت ..واش هاد الرجل في كامل قواه العقلية ؟؟ ...واش من نيتو ولا غير لاعب عليها ؟؟...

فشاف فيها جبل بنظرة غامضة ثم قرب منها ببطئ و تمسك بخصلة من شعرها الأحمر الطويل وقال بصوت رجولي مبحوح وهو كايشوف فشفايفها المصبوغين بأحمر شفاه زهري وقال باش يوضح ليها أكثر:

- يعني أمدموزيل روعة أنا غادي نستأجر الرحم ديالك بالثمن لي بغيتيه لمدة تسعة أشهر ،... غادي تنتقلي باش تعيشي معايا فالمكان لي بغيتيه فالعالم وكانواعدك غادي نتهلا فيك من كل النواحي ... غادي نعاملك بحال شي أميرة وأكثر وفاش غادي تحملي مني غادي نهتم بيك وكأنك الملكة الخاصة بمملكتي..

كانت روعة كاتشوف فأصابعو لي كايلعبو بشعرها بصدمة ثم كمل جبل :

- حتى تولدي و غادي تعطيني الولد وانا غادي نعطيك لفلوس ....و من بعد نتي حرة ديري لي بغيتي فحياتك بلفلوس لي غانعطيك... تقدري تشري دار ...ولا ديري مشروع كبير لراسك ....ولا تسافري حول العالم كيف قلتيلي قبيلة فاش كنا فطريق ... نتي حرة فلفلوس ديالك .. والثمن لي طلبتيه غادي يكون بين يديك إبتداء من مليون حتى لمليار.

غمضت روعة عينيها بإحباط وحنات راسها وهي كاتحس بالألم كايقطع فقلبها ...، حتى أن دموع بغاو يهربو من عينيها لكنها رمشت بسرعة وخدات نفس عميق باش تقوي راسها ....

إذن هاذي هي النظرة لي واخد عليها !! ديال وحدا ماعندها شرف كانت حاملة فكرشها بولد لحرام مامعروفش شكون باه يعني عاهرة تقدر دير أي حاجة مقابل لفلوس ...تبيعليه جسمها يتمتع بيه كيف بغا

رسمت على وجهها إبتسامة بلهاء وقالت بصوت خافت:

- من مليون حتى لمليار !!! ... لقيتيني كانفكر شنو نقدر ندير بهاد المليار !!!!.. شنو فنظرك اسي جبل ؟

حل جبل فمو باش يجاوبها لكنها قاطعاتو وهي كاتقول بسخرية قاصحة :

- مثلا نقدر غير بمليون واحد نكري قاتل مأجور لي يقتلك ... وتصور شنو غادي يوقاع؟! ، غادي ناخد ولدي ولا بنتي والثروة ديالك وڤيلة كونتيسا وجميع أملاكك وحتى عائلتك ورجالك .

وكملت وهي كاتموت بالضحك :

-هاهاها... وهادشي كامل غير بمليون .... وغايبقالي مليار قل مليون بالإظافة للثروة ديالك لي غايورتها ولدي ملي نقتلك ... صافي موافقة ، توكلنا على الله ... كيف بغيتي هاد لولد يكون ؟ ...بيض ، كحل ، زعر ، أصهب ... تاكلو هنا ولا تديه معاك هاهاهاها....

بقات روعة كاضحك وهي شادة فكرشها لي بدات كاتحرقها من قوة الضحك بينما بقا جبل كايشوف فيها بهدوء ، وهو مقدر سخريتها وماحاولش يتدخل باش يسكتها حيت الصدمة مكانش بسيطة وحتى طلبو مكانش ساهل !!..

خلاها على راحتها حتى سكتات وعينيها فازكين بالدموع من شدة الضحك ... فسكتات لكن بقات بعض الضحكات كايفلتو منها شوية وهي كاتمسح فعينيها حتى هدأت وإعتدلت فچلستها ، وتهدنات فخطرا حتى مابقاش كايتسمع حسها .

بقاو ساكتين لبضع لحظات وكان نظر روعة مرتكزين على كأس القهوة لي كان بين يديه الرجولية للحظات وقالت بصوت مجروح .

- واش من نيتك كاتهضر اسي جبل ؟؟

تنهد جبل ثم قال:
- أنا صادق فأي شئ قلتو لحد الأن اأنسة روعة .

شعرت بالقلب ديالها كايتقطع ، شعرت برغبة فالبكاء ولغوات ماكرهاتش گاع ضربو ، لكنها كانت كاتحاول تسيطر على مشاعرها والغضب العارم لي كاتحس بيه ثم قالت بصوت هادئ وهي كاتشوف فكأس القهوة لي بين يديه :

-وعلاش أنا بالضبط؟

رد عليها جبل بصوت هادئ وحنين ديال شخص باغي يوصل لغايتو بأي طريقة .

‏- حيت نتي إنسانة خلوقة و جميلة وقوية وفوق هادشي كامل ذكية وفطنة ومَلِيحَة . يعني كلشي لي بغيتو يكون فولدي فيك ... غادي نكون فرحان إلا ولدي ورث من عندك الفطنة والدهاء ديالك .

ظهر شبح إبتسامة ساخرة على وجهها وقالت بهدوء.:

-نتا .... معارفش حجم المعارك لي خضتها مع نفسي باش نظهرليك بهاذ السلام والقوة لي كاتهضر عليها أسي جبل .

شعرت روعة بالدوخة إجتاحت عالمها فجأة فغمضت عينيها بقوة باش تحاول تسيطر على نفسها ثم ناضت وسط دهشة جبل وهي كاتمسك بلحيوط باش توصل للمطبخ .. حتى كانت غادي طيح فواحد اللحضة لكن جبل حط الكاس من يدو و ناض بسرعة لحقها و شدليها فيديها وقال بخوف:

-واش نتي بيخير ؟

علات عينيها وشافت فعينيه الزمردية بحدة ... تحجرو الدموع فعينيها من شدة القهرة لي حست بيها وهو شاد فيها لكنها رمشت بسرعة و نترت دراعها بقوة من بين يديه وقالت :

- أنا بخير غير بعد عليا !

تنهد جبل بغيظ من كل هاد الدرامة الرخيصة لي كاتحاول تمثلها عليه وبعد عليها وهو كايتمتم ...
- ياربي تصبرني على هاد البنت

تمشات روعة ناحية الثلاجة وخرجات إبرة و وقنينة صغيرة زجاجية ، ملئت منها الشوكة لرقم معين ثم رجعتها للثلاجة وغلقتها وطلعات كم البيجامة لي كانت لابساها وحقنت نفسها بيها فالعضلة فتألمة من وخز الإبرة لكنها تماسكت...

هادشي كامل تحت أنظار جبل لي حس بمقدار غبائو فاش ظن أنها كاتحاول تمثل عليه وقال :
- واش نتي مريضة ؟

ردت عليه بوهن وهي كاترمي الإبرة فالحوض :
-مع الأسف ولدك غادي يورت مني حتى داء السكري ماشي غير القوة والدهاء .

رد عليها جبل ببساطة:
- مرض السكري هو مرض العصر والإنسان يقدر يتعايش معاه .

تكات روعة على الكونطوار بعدما إنقشعت غمامة الدوخة من عينيها بسبب الحقنة السريعة لي خدات وقالت بوهن:

- إلا كنتي كاتسنى الجواب ديالي فهو ... لا... مع الأسف نتا دقيتي الباب الخطئ اسي جبل ، أنا مستحيل نقدر ندير حاجة حرام بحال هادي ،... نتا ماعارفش شحال تعدبت وقاسيت من بعد ماماتت بنتي ،... هادشي غير وهي مازالة لحليمة صغيرة ،... إذن كيفاش غايكون حالي فاش غادي نبيع ليك فلدة كبدي بكل برودة فمقابل لفلوس... الأم الحقيقية مستحيل تقدر تبيع كبدتها ولو بمال الأرض كلها ،... وبالإضافة فالدين ديالنا هادشي لي كاطلب مني راه حرام .

إبتلعت ريقها بألم وكملت وهي كاتقول:
- ودابا إلا سمحتي سير بحالك ، ماحد أعصابي مازالين مهدنين ... نتا راك عارف الناس لي مراضين بالسكر ماخصهومش يتعصبو ، فأرجوك قدر حالتي الصحية وسير بحالك .

تجاهل جبل طلبها الملح و ضحك بإستهزاء ... شياطين عقلو إنتبهو فديك اللحظة فاش قالت حرام ... وبكل عين وقحة مازالة كاتحاول تمثل عليه البرائة ... سيطر على إبتسامتو الساخرة ثم قال :

-حرااام !!... نتي أخر وحدا تهضر على لحلال والحرام .....ياك نتي اصلا فالنهار لي نقدتك فيه كنتي هازة ولد لحرام فكرشك ملقطاه من الزنقة لكن مع ذالك ووقفت معاك اواسيتك وصبرتك بحال شي هبيل وماسولتكش على حتى شي حاجة ... أنا عارف طلبي حرام ...لكن على الأقل أنا ماغاديش نسمح فيك وماغاديش نقولك سيري قتلي راسك ونتاحري وسط لبحر ... هذاك راه غادي يكون ولدنا بجوج اروعة... ماعري نحرمك منو نتي تقدري تشوفيه فالوقت لي بغيتي . لكن باش ديريلي السبة بلحلال ولحرام ...تفكري مزيان انك حملتيه فكرشك بدون مقابل ... وبلا ماديريلي فيها انسانة شريفة حيت البنت الشريفة كاتبقى مع عائلتها حتى كايجي ولد الناس لي شريف بحالها ويتزوجها ... اما حنا لا انا ولا نتي ... الشرف مبري منا ومابينا وبينو غير الخير والإحسان .

تصدمت روعة من كمية الوقاحة لي خارجة من فمو لكنو ماعطاهاش فرصة دافع على نفسها وكمل وهو كايقول .

- ياك قلتيني بأنكي ممنونة ليا ، وإلا جا نهار لي غانحتاجك غادي ترديلي الدين اواعدتيني ، وهانا حتاجيتك ولكن دابا هانتي خلفتي بالوعد ديالك ، ورفضتي تحملي بولدي بينما ولد لحرام لي ماعرفت منين لقطتيه عندك عادي ال...

لكن قبل مايكمل جبل كلامو جمعت معاه بتصرفيقا حتى تسمع الصدى ديالها فكامل الدار ديالها وقالت وهي كاتحاول تتحكم فدموعها لكن خانوها وسبقوها للتعبير على ألمها .

-نتا ماعندكش الحق تهضر على بنتي الميتة بهاد الطريقة فهمتي ،....بنتي اشرف من عائلتك كولهاااااا ...

سكتت شويا ومسحت دموعها بعنف وقالت بغضب:
-سير بحالك .

دفعاتو بكل قوتها ناحية الباب وهي كاتغوت ..

-سير بحاااالك .. سير ولا غانعيط للبوليس يجمعوك من هنا بحال شي كلب ... سير بحااااالك .

لمس جبل خدو لمكان الصفعة لكنه حاول يكتم غضبو وقال :
-تهدني أروعة .

لكنها ماهتماتش و بقات كادفع فيه بقوة ناحية الباب وكاضربو بيديها وهي كاتحس بقلبها كايتقطع ...ضرباتو بقوة لكل بلاصة من جسمو الضخم ...سباتو ... سرفقاتو لكماتو وكأنه أمامها كيس ملاكمة فشت فيه كل غضبها

لكن هو ماقدرش يهز عليها يديه وفكر واش بهاد القوة كانت باغيا تقاتل مع عصام ... بقا واقف كيف الحجرة مكايتحركش وكايحاول يتمالك نفسو وسط صراخها والهستيريا لي تملكتها فجأة وكأنها ولات مجنونة .غوتت بغضب :

-بنتي ...بنتي دابا كانت غاتكون عايشا ...بنتي دابا كانت غاتكون كاتعيطلي ماما ... انا كنت غادي نكون ام شريفة والدة بنت الأصل والشرف ... لكن الشياطين لي كايطيحوملي القدر فطريقي حصدو كل خضر و يابس من حياتي ...فأنا ماغاديش نخلي شيطان بحالك جاي باش يبيع ويشري فعرضي ونسكت ....سييييير بحالك سييييير بحالك ... ولا غادي نعيط للبوليس

لكنو عيا مايتحكم فأعصابو ... دار لييييي فجهدو باش مايأديهاش ....و فلخر ماقدرش وشدها من يديها بجوح ولواهوم خلف ظهرها وزيرها مع لحيط وهي كاتغوت بألم وقال بصراخ :

- أنا مكاينش لي هددني وبقا محتافض بلسانو تفاهمنااااا.

تصدمت روعة فالأول من الحركة لي دار ليها وفاش غوت فوجهها لكن مع ذلك بقات كاتحاول تنتر يديها منو بكل قوتها وهي كاتشوف فيه بشراسة وغضب ...

-غادي نقتلك الى ماطلقتيش منننننني .

كان أقوى منها بدرجات لدرجة شل حركة رجليها وطيحها للأرض باش ماتقدرش تهزهوم وضربو بيهوم وطلع فوق منها وحبس يديها بجوج بيديه القوية وقال وهو كايشوف ليها فعينيها بنظرات الغضب.

-من صبح وانا كانحاول نتعامل معاك بحال بنادم ولكن نتي إنسانة كامونية ،.. ماكونتش باغي نوصل معاك لهاد المستوى ديال ولاد الكلاب .

-طلق مني طلاااااااااااق ..

بقا مراقب إنفعالها وصراخها بعينيه الزمردية الفاتنة حتى إنتهكت كل قوتها فمقاومتو وبدات كاتغوت بصوت منخفض ... سكتت وشافت فعينيه بشراسة وقالت وهي كاتبرك على أسنانها بغضب :

-عاد عرفت المعنى ديال "شيطان بوجه إنسان " سمعتهوم كايهضرو عليه بزاف ... لكن ماعمري توقعت أنني غادي نطلاقا بيه شي نهار ونشوفو بعيني .

تجاهل جبل غضبها وشي لي قالتو و إنتقل بعيونو الزمردية لشفايفها الوردية وإضطربت أنفاسو وهو كايقول و كايبتالع ريقو بتوتر وكايتنفس بوتيرة سريعة.

-ياويلي منك يالويلة ،... خليتي كل خلية من جسمي تحرق من شدة رغبتي فيكي ،... أنا متعطش نرتوي منك لحد الجنون ،... كانقسم ليك ،... نتي عفريتة لعينة عفريتة مغربية ، باغيا تحمقني ...

ابتلع ريقه بصعوبة وكمل:
-مابقيتش لمست بنت لمراة من نهار لي شفتك ... من نهار لي انتشلت جسمك من وسط البحر ..من نهار لي طاحو دموعك على صدري ... وأنا كلي شوق باش نرجع ليك نخطفك وناخدك ليا بوحدي .

بدات أنفاس روعة كاتخرج بصعوبة من شدة خوفها من الهالة الشيطانية المحيطة بيه بل فلحظة مابقاتش عارفة كيفاش كايتنفسو الناس الطبيعين وهي كاتشوف فيه كايتفرسها بأنظارو وقالت بصوت باكي:

- طلق مني ولا غادي نغوت ونجمع عليك خلق الله كاملين .

تجاهل تهديداتها المستفزة وبقا كايتأمل فعنقها الأبيض الفاتن لي زيناتو خصلات شعرها الذهبية فقرب منها أكثر وإيتنشق نفس منو شي لي خلاها تحس بقشعريرة رهيبة من راسها حتى لرجليها وقالت بصوت جامد ودموع القهرة فعينيها:

- والله ماغاتصور مني شي حاجة .. طلق مني وقاتلني بحال الرجاااال .

رفع عينيه وشاف فدموعها لي تخلطات مع كحل عينيها وتنفسها المضطرب وصوت تأوهاتها المتألمة بقوت لي مزير ليها على يديها وچالس على كرشها ، وهادشي غير ماخلاه يعشق الدموع إلا كانو غاينزلو من بين رموشها القتالة . شاف فشفايفها وهمس بصوت رجولي مبحوح.

-ياويلك مني ياروعة الخطيب ... ياوييييلك ، مازالة كاتهدديني!!! ... هاه ... نتي اكيد ماباغياش تعرفي شكون هو البارون الحقيقي ....ولكن ماعنديش مشكل نوريك حقيقة جبل مرتجى لي رفضتيه بكل وقاحة .

ميلت راسها بعنف باش تقطع حبل أنظارو الحارقة فيها وقالت بصراخ:

-بعد مني ، أنا كانكرهك ... نتا مجرد شخص تافه. مافيكش ذرة رجولة ، عطيني تيساع بعد مني الله ياخد فيك الحق ،...فين كنتي مخبيليا الشيطان علاش رجعتي علاااش؟؟...

زمجر بصوت بحال الرعد وعينيه فيهوم كل أنواع الغضب القاتل ...ستفزاتو ديك الكلمة ... التفاهة هي أخر كلمة تقدر توصفو بيها زير ليها على يديها حتى تقطع فيهوم الدم و قال:

-هذا إنذار ليكي .. إياك تتجرئي ترفعي عليا صوتك مرة أخرى ، صدقيني هداكساع غادي نسحق عضامك الصغيرة بيدي ... يمكن مازال مكاتعرفينيش مزيان اروعة الخطيب باش تعرفي أنني أسوء كابوس غادي تعيشيه فحياتك من هنا لفوق..

طلق منها أخيرا وناض بسخط وعاد تنفست الصعداء وقدر الهواء يلقى الطريق ليها من جديد ... ناضت بسرعة على يديها ورجليها وشدات فالخيط باش قدرت توقف وهي كاتقلب على شادو بعينيها لي كان من المفروض يدافع عليها لكن فين هو دابا ؟ ...

دخلت كاتجري للمطبخ وهزات موس من الحجم الكبير وتمسكات بيه بقوة وخوف لكن فاش شافها جبل غلباتو الضحكة من منظرها الخائف وقال.

-نتي ماتقدريش تأدي حتى نملة سارحة فالأرض الغزالة ديالي ، حيدي عليك داكشي من يديك ، أنجيمة ديال سمايا.

زيرت روعة على الموس بين يديها وقالت بصوت متحشرج وغاضب:

-انا إلا كنت نجمة فأنا هي النجمة لي غادي طيح من السماء ، وإلا طاحت غادي تتحول لنيزك لي غادي يحرقك ويحرق محيطك .

توسعت عيونو من جرأتها وإبتسم بمكر وهو كايقول:

- دغدغتي مشاعري اروعة الخطيب ، لكن ماشي مشكل ، قابلها منك ...وانا دابا غادي نمشي لكن كانواعدك أنكي غادي تجي طيحيلي تحت رجلي.... ، ومن هنا لتما غادي نستقبلك بالأحضان .

غمزها بعيونو المثيرة و تراجع للخلف حل الباب وخرج وسدو موراه وشتم راسو مليون مرة ...، وبقوة الغضب لي كايشعر بيه ضرب يديه بقوة مع الحيط ديال الممر حتى تسمع صدى الضربة على طول الممر وبدات يديه كاتنزف شوية ...

خدا نفس باش يسيطر على أعصابو ودخل للمصعد ثم ضغط على رز النزل وهز راسو شاف فلمراية ديال المصعد وقال بهمس وبصوت مهزوم:

- اشنو درتي؟ ...اشنو هاد التناقض والإنفصام لي وليتي عايش فيه !!... نتا راه مايمكنش تملك اي حاجة بغاتها نفسك بالقوة ...

تعمق فالنظر للمرأة وهمس بصوت مهزوم :
- يلعن جيناتك اجبل .عليهوم ألــــــــف لعنة ولعنة .

الفصل 17 / BARON "بكم ثمنكِ ؟"

2018-10-30T08:00:00.002-07:00

يوم جديد حل على دار روعة ... اليوم الأحد مكاين خدمة .. صبحت ناعسا حتى 11 ديال نهار وسدت باب غرفتها مزيان باش مايفيقهاش شادو ... لكن مع الاسف صوت نباحو كان كايتسمع للزنقة ..

حيدت روعة الغطاء من فوق جسمها وناضت وهي كاتحك فراسها بيديها بجوج وكأن عش ديال القمل ساكن فشعرها ثم مدت يديها مسحت بقايا اللعاب الناشف من جنب شفايفها ودموعها الناشفين ...قربت من لكوافزر ديالها وشافت فلمرايا ...لكن غير جات عينيها على منظرها شهقت بالخوف وقالت:

-بسم الله الرحمان الرحيم .. باسم الله الرحمان الرحيم ... إنصرفي أيتها الأرواح الشريرة...اعود بالله من الشيطان الرجيم ..

بسرعة هزت المشطة من فوق لكوافوز وبدات كاتمشط شعرها وكاتمتم بين شفايفها :

-يحسن عوان لي غادي يتبلا بيك اروعة .. الزغبي غادي يبقى فيا حيت غادي يصبح على شرابوڤا ديال الموزنبيق بشعر نيكي ميناج كل صبح ...

أشارت بصبعها للمراية وقالت :
- نتي غادي طلقي فالنهار الثاني ديال عرسك ... ها وجهي هاااا وجهي إلا صبر على هاد السحنة شي بوركابي .

مدت يديها ونفخت فيها شويا من نفسها وشماتو حتى تقلبت معدتها فغوتت بقرف وقالت:

-اووع ... اش هاد ريحة ديال زبل لي ففمي ... وكأنني تعشيت فالزبالة ديال نهار العيد ... هادشي غير ماتعشيتش يا حسرا ...

سكتت شويا فاش تفكرت راسها بأنها ضربتها الفيقة مع الثلاثة ديال الليل و مشات للكوزينة هزت كاع الماكلة لي فالثلاجة وحطتها على النموسية وبدات تاكل و تبكي غير كاتفكر شنو وقاع ليها مع جبل حتى شبعت و تنفخت كرشها عاد رجعت تنعس.

ضارت وشافت فالسرير ولقاتو كولو عامر بكواغط بيمويات والشيبس و قشور الماندارين و البانان والتفاح .ومعلقة والخاوي ديال الياغورت فالأرض وعلى السرير ... فقلبت عينيه وقالت بسخرية :

- ااه ... بما انني كنت ناعسة وسط زبالة فضروري غاتكون ريحة فمي بحال الزبالة ... تف تف تف باسم الله عليا لانعين راسي يخليلي كريشتي وشاهيتي ... نعس حتى وسط بوخرارب كولشي على لاطاي ...

ضارت لعند لمراية وهي واضعة يديها على خصرها وكأنها عارضت ازياء ثم غمزت راسها بمياعة وعضت على شفتها السفلية وقرست خدها وقالت لنفسها وهي كاتشوف فلمراية :

- غزيييولا ...تبارك الله والصلاة على نبي رسول الله ...شفتني بعين الرحمة ... ويلي با على تيتيز ... يحرق طواااسلك اجبل لمجبل .. هاد الزين كامل يستاحق غير مليار ...تف فوسط كمارتك البزناز لحشايشي

بدلات حوايجها وهي كاتشطح على أغنية العلوة لي طلقتها بأعلى صوت فالدار في محاولة أنها تنسا كاع لي وقاع ليها بالأمس مع جبل بغات تعوض كاع دوك دموع لي غرقت فيهوم فالليل بشويا ديال الناشاط والضحك واخا غير مع راسها .

حلات الباب اخيرا ولقات شادو كايتسناها وكاينبح حيت فيه الجوع فغوتت بأعلى صوتها وقالت وهي كاتنقز وتشطح :

- شادوديييي ... اليوم عطلة تيرارارا ... خلينا نجمعو شطايطنا ومانباتوش هنا مي دادا عدا عدا ...

بدا شادو حتى هو كاينقز ويشطح براسو معاها وينبح بصوت مجهد ...فرفعت روعة صبعها الوسطاني وكملت لغنا :

- وجبل فهدا عدادا . اويلا بغا لولاد يمشي لشي عاهيرا .. عاود اخويا عاود واحد جوج تلاتة ... اوبسوريا عاود واحيد إثنين ثلاثة .

بدات كاتخمل فالدار وتجمع وتقاد وهي كاتشطح مرة على الشعبي وتحير و مرا تقلبها شرقي وتلوز ومرة غربي ودونسي حتى استوقفها صوت ديال جرس الباب فبسرعة عوطت حوايجها لمبهدلين وقربت من الباب وغير حلات الباب

تاليا/اسية: ااااااااااااااااااااااااااااااااااه

غوتو اسية وتاليا بقوة باش يخلعو روعة لكنها مادارت حتى شي ردة فعل تذكر بل علات حاجب واحد وشافت فيهوم بغيظ وقالت .

-ياك لاباس ..!!

شافو أسية وتاليا فبعضياتهوم بدهشة وقالت تاليا :.
- ولك تقبريني ... كان خصك تخلعي زعما !!

وقالت أسية :
-أواااه وعلاش ماتخلعتيش !!.

ضحكت روعة بسخرية وقالت وهي كاتكحز من الباب باش تخليهوم يدخلو :
- ياااربي على الذكاء الخارق ديالكوم ... واشنو كادير هاد العين السحرية لي فالباب .

شافو أسية وتاليا فبعضياتهوم بغباء وقالو :
تاليا : العمـــــى😮
أسية: هــــــــاء😒

ضحكت روعة لكن ملي شافتهوم داخلين بصبابطهوم غوتات بغيض:
- هااااي هااااي هااااي على تكلبييييين .... انا عاد سيقت الدار حتى تقسملي ضهر ونتوما داخلين بهراكسكوم .

قلبت أسية عينيها بملل وحيدت صباطها وحطاتو فالخزانة لي مور الباب وقالت بغيظ:
- جينا نفوجو عليك زعما 🙅

وكملت تاليا وهي كاتعوج فعينيها :
-ولاهيييييييلا😕

دخلت روعة للمطبخ وهي كاتقول بصوت مرتفع باش يسمعوها :

-جيتو تسيزيوني ... غير باش نعلمك ااسية .. القهوة تسالات ومازال ماشريتها .

شهقت أسية بصدمة وقالت:
- شناهواااا ... راه ماشربتهاش هاد صبح عوالة عليك زعما

طلات روعة من باب الكوزينة وقالت بسخرية وهي كاتغمزها بخبث:
-سيري عند حبيب القلب يشريه اليك ... سعدات لي عندو علامن يتفشش.

قلبت أسية عينيها بغيظ وقالت:
-اصلا دابزنا ...

شهقت تاليا بدهشة وخرجت روعة كاتجري من الكوزينة وتلاحت على الاريكة بحال شي إعصار ... شدت فأسية وقالت:

- ياااااااي ... الحماس غادي يبدا ...عاوديلي شنو وقاع؟

وقالت تاليا :
-اه عاودي لينا شنو وقاع ؟

تنهدت أسية بحزن وشافت فالأرض ثم قالت بصوت حزين :
- لبارح مشيت زعما باش نشوفو فالمكتب ديالو فالطبيب ...وانا نلقاه واقف مع واحد الزعرة إسبانية وكايضحك معاها ...

تنهدو تاليا وروعة بتأثر (😞 😦) ثم كملت أسية بحزن :

- بقيت واقفا قبالتو على الله يشوفني ... ولكن ولد الهم ماداهاش حتى فالجايحة الكحلة لي ضربتني ... لا وباش يعجبك كايضحك ويحط يديه على كتفها ... عرفتو بغيت نتفو بغيت نريييشو بقوة الفقصة😤 ... وفواحد اللحظة وهي تبوسو ديك الزعرا سفريطة الكمارة .

شهقو تاليا وروعة بصدمة وقالت بروعة بحماس
-واش باستو من شفايفو ؟؟😮

خنزرت فيها أسية وقالت:
-باش نشدو من قرجوطتو ونقطع فيماه النفس ... هاه إيوا صافي ... قالت باستو من شفايفو قااال😱 ...باش نجرجر والديها مع دروج ديال داك الطبيب ونشطب بيها شوارع إيبيزا ... راني جزائرية وولداتني كرش حرة نديرها ونفوتها.

-إيوا ومن بعد اش وقاع .

قالتها تاليا وهي كاتشوف فأسية بفضول فردت عليها اسية بغيظ

-غير شافني وهي تقطع فيه النفس ... ولد لادينة بدا يدخل ويخرج فالهضرة ..

-وشنو قلتيلو نتي ؟
قالتها روعة فردت عليها اسية بحزن وهي كاتشوف فيها :

- صرفقتو وخرجت مع الباب 😞.

غوتو تاليا وروعة بحماس وبداو كايموتو بالضحك(😹😸) وهوما كايتخيلو ياسين الدكتور الجراح بقدر قامتو كاياكل السقل من عند أسية ...

- اااخ ... كرشي حرقتني بالضحك يعطيك موصيبة ااسية .. بدموووع بالدموع 😂

قالتها روعة فقلبت أسية عينيها بملل وقالت :
-نتوما لي جا معاكوم الضحك .😠.

قاطعتهوم تاليا وناضت كاتجري بسرعة للباب فين خلات صاك ديال البلاستيك وهزاتو ورجعت وهي كاتقول :

- حزر فزر ... اشنو فهاااااد لبلاستييييييك ؟..

قالت روعة :
- شميت ريحة البطاطا
وقالت اسية :
- ااام ... سقاطا

قلبت تاليا عينيها بغيظ وقالت :
-لاواه لبعابع 😑

حطت البلاستيك على الطبلة وجبدت منها علبة بيضاء قالت :
- هادي شهيوة من عند خالتي تيماء الله يعطيها الصحة .

ناضت روعة كاتجري للكوزينة جابت لمعالق والخبز والموناضة وحطتهوم على الطبلة وهي كاتحس بالموت ديال الجوع حيت مافطراتش ...
حطت تاليا الطاسة على الطبلة ورجعت دخلت يديها فلبلاستيك وقالت بحماس:

- وهاديييييي..... لا ... لا بلاتي ...خصها شي تقديم يكون واااعر ... فرفورو ... فرافيرو .

خدا كل واحد بلاصتو وإستعدو باش يبداو ياكلو ... كلست تاليا على الأرض بحماس و خرجت علبة المفاجئة وكان فيها (فرفورو) فروج مشوي .... حلاتها واستنشقت عبييير ريحتها بهيام ثم حطتها على الطبلة ...

-اااح ريحتها كاتشهي ..

قالتها روعة ومدت يديها باش تاكل لكن تاليا غوتت وضربت يد روعة قبل ماتلمس الفروج

-بلاتي ... مالنا على هاد الزربة

عاندتها أسية ومدت يديها باش تاكل لكن حتى هي كلات دقة على ديها وسحبتها وهي كاتحك فيها بألم ...

حمحت تاليا وقالت وهي كاتشوف فيهوم بتحذير :
- احم... حتى شي واحد ماغاياكل من هاد الفروج حتى تسمعو قصة حياتو ...

قلبت روعة عينيها بملل وقالت :
-ايوا صافي هادشي لي بقا ...

لكن تاليا جرت الفروج عندها بعناد وقالت :

- كان يا مكان في قديم الزمان .... مابقا فالميدان غير ولد حديدان ... قبل مانتفقص من البيضة🐣 مشاولي 18 لأخ وأخت 🐓🐔...خمسة مشاو فلقلي الله يرحمهوم🐣 ...و 12 مشاو فصليق 🐤... اواحد سلت من السلة ولي هو انا (🐥) والباقي داوهوم للمسلخ .. الله يرحم ترابهوم 👼.. منهوم لي ولاو مرتديلا 🍗 ومنهوم لي تشرملو ومشاو للعراسات🍲 ... وشي تكدس فوق بعضو ومشاو فشاورما 🍢🍡... ومنهوم لي بقاو كايدورو على الشواية ويدورو ويدورو ويدورو ولا طلع ليهوم القلب ولا داخو🍖 ... ولكن هادشي لي وقاع كوووم ... ولي وقاع معايا أنا كوم تاااني🐓 ...

شدتهوم حكاية الفروج وحلو أسية و روعة ودنيهوم مزيان باش يسمعو لكمالة:

- فواحد نهار ... مشات واحد لمرا غليضة للسوق سميتها تيماء وشراتني وكنت مدبوح داكساع ودمي سايل ... خرجتني من لفريكو ديال المارشي وداتني معاها للدار ... انا فرحت وقلت غادي ديرني بحااااال ولدها ... واحد الشويا وهو يدخل واحد الرجل مكلضم سميتو جبل وقال لديك لمرا لي سميتها تيماء ...وجديه لينا للغدا راه تشهيت عضيماتو ... انااااا تخلعت😱 ... اناااا تزعزعت😲 ... لكن فواحد اللحظة دخلت واحد البنت للكوزينة وقالت بأعلى صوتها ... لاااااااا ماتقيصوش فيه ... أناااا فرحت😁 ... أنااااا شطحت😀 ... وهي تقول ديك السفريطا ..اليوم باغيا نمشي نتغدا عند ختي روعة شويه لينا على الفاخر وكتري لينا لمساخن .... غوت جبل وقال ... وهاد روعة ديالك مالها ماتجيش تتغدا هنا وناكلوه جميع اش كاتحسب فراسها ؟

قلبت روعة عينيها بغيظ وقالت بلغوات :
- كانحسب فراسي جيجي حديد وهو مالو ؟ ...

بقات تاليا مسمرة كاتشوف فيها وكاتفكر "هادي مالها كاتغوت بوحدها بحال شي معزة" ... فقالت أسية بتوضيح ..

-حبيبتي روعة واقيلة هادي غير حجاية .. ياك اتاليا ؟

تنحنحت روعة بإحراج ثم قالت تاليا ببساطة وهي كاتقلب عينيها :
- هادي حجاية من واقع اليوم ... واخليوني نكمل ..

سكتو لبنات فخطرا وكملت تاليا وهي كاتقول :

- قالت ليه ديك السفريطا ديال ختو ولي هي أنا ... روعة اليوما الأحد مكاتخدمشي ... وهو يتنهد وقال .. وعلاش بسلامة ماتخدمش نهار لحد ياك دون ماركيز كايخلصها ! ... وهي تقوليه ديك السفريطا ديال ختو ... راه حيت أنا مكاتقراش نهار لحد هذا لاش ! ... تعصب عليهوم داك جبل وقال بلغوات وهو كايعيط للدون ماركيز😈 ... اجي نتا علاش مخلي ديك روعة كالسا واش كانعطيوها لفلوس باش تصبح ناعسة نهار لحد على الأقل تجي تعاون تيماء فشغال الدار ..

غوتت روعة بصدمة وقالت :
-شنو هوااااا .... هاد خوك بلا شك حمااااق

تنهدت أسية بخيبة أمل وقالت :
- لا راه ماحماق ما والو ... البارح فالليل علمني باش نخوي ليه المكتب ديالي حيت غادي ياخد مكاني ..

شهقت روعة بصدمة وقالت :
- غاب عام ونصف وراجع بعجاجتو ... والله الى تبارك الله عليه ... ونتي واش غادي يجري عليك .؟؟

مدت أسية يديها وجرت الفروج لعندها ...قطعت منو طرف وعضاتو بسنانها ثم قالت وهي كاتمضغ :

- لااا ... راه هو مول الشي وطبيعي يبغي ياخد منصب الرئيس التنفيدي للشركة وأنا غادي نكون المديرة ديال العمال ... أصلا عادي واخا نزلت كراد من خدمتي إلا أنه زادني فالراتب ثمن الضعف .

ضيقت روعة عينيها بشك وشافت فالفروج ثم قالت :
- هادشي ماشي عادي ... انا دخلني فيه الشك !!

قلبت تاليا عينيها بملل ثم جرت الفروج لعندها وقطعت طرف حشاتو ففمها وقالت :

- تقبريني ... بلا تحليلاتك السخيفة ونظريات المؤامرة كولي راه الفروج تسالات خبيرتو و مشات مع الواد .

تنهدت روعة بغيظ لكن فاش شافت نظرت شادو البريئة لي كايديرها فيها باش تعطيه طريف من الفروج تأثرت وناضت قطعت نصف الفروج تحت انظار أسية وتاليا المصدومين من فعلتها وحطاتو فصحن شادو لي نقز بالفرحة ومشا كايجري باش ياكل حقو لكن فاش ضارت ولقاتهوم مطرطقين

(😶😶) عينيهوم فيها تنحنحت وقالت ببساطة :

- احم ... مالكوم كاتشوفو فيا؟؟ ... صافي مشات خبيرة الفروج مع الواد وأنا وشادو بقينا مع بنات لبلاد ... خليوه ياكل مسكين حتى هو

خنزرو فيها لبنات وحناو راسهوم على الماكلة وماعلاوه حتى شبعو كروشهوم ....تغداو مجموعين وضحكو شويا ونشطو ولعبو حتى دارت 6 ديال لعشية ومشاو بحالهوم فدخلت روعة بدلات حوايجها على السريع ... لبست سروال اسود ومونطو طويل باج وطلقت شعرها الأحمر على أكتافها وخرجت كاتجري حيت تعطلات على خدمتها .... نزلت كاتجري مع دروج فاش لقات المصعد مشغول و ركبت فسيارتها وانطلقت بسرعة .

____________

هوتيل سود إبيزا سويتس / وسط المدينة / الساعة السابعة مساء .

وقفت روعة سيارتها أمام باب الهوتيل لي كاتخدم فـ النادي كلوب ديالو ولاحت المفاتيح لرجل الأمن وقالت باللغة الإسبانية وهي فطريقها للداخل :

-بِينْجَمان ... سيارتي الله يحفضك .

تنهد بينجمان بغيض وتحنى هز المفتاح من الأرض ومشا وهو كاينكر حيت هادي ماشي خدمتو .. هو مسؤول على امن البوابة الرئيسية ماشي حارس ديال السيارات .

دخلت روعة لغرفتها لي فالكواليس وغيرت ملابسها بسرعة ... لبست سولوبيط أسود مزير من الرجلين حتى لخصرها وصدرو على شكل قلب كاشف نصف صدرها وأكتافها وطالون أسود لامع .

طلاقات مع المغنية لي كانت قبل منها وتبادلو التحيات فالممر ثم طلعت على المسرح وغير هي بانت ليهوم بداو تصفيقات الجمهور لي متكون نصفو من عاهرات ورجال أعمال ونساء مخمليات برجوازيات كالسين بكل خيلاء على مقاعدهم وشي هاز فيديه كأس ديال الويسكي الفاخر أو تيكيلا والڤودكا وشي فيديه اغلى أنواع السيگار وكايدخنو بشراهة ...

تطفات أضواء النادي القوية وتشعلو الأضواء الخفيفة والملونة فكل مكان ... كانت روعة كاتحس بالتوتر لي كايشدها فكل مرة قبل ماطلع أعلى المسرح ... تقدمت لعند الميكرفون وتمسكت بيه بيديها ثم عطات إشارة للفرقة الموسيقي باش تبدا العزف ...

كانت منسجمة مع الموسيقى قبل ماتبدا تغني لكن لفت نظرها فلاش ديال شي تلفون تشعل وتطفي ...حققت فيه مزيان وحاولت تكدب عينيها فاش عرفت شكون هو ... شعرت بالقلب ديالها كايدق بسرعة .. وماعرفتش واش بسبب الخوف أو شئ اخر .

كان جبل كالس خلف وحدا من الطاولات وداير رجل فوق رجل بخيلاء وكايشوف فيها وعلى ملامحو مرسومة أكبر إبتسامة فاتنة بارزة غمازة دقنو الملتحي بالخصوص فاش جات عينيها على عينيه الزمردية .. كان وسيم بحال شي ممثل هارب من هوليوود ... إلتقط ليها صورة أخرى بتلفونو الأبيض وهو كايبتاسم بمكر .

كان شاد بين يديه كأس ديال الويسكي لمخلط مع تيكيلا رفعو شويا أمامها وكأنه كايحيها بيه وأمامو كان كالس المدير ديال الهوتيل لي خدامة هيا فيه وكايهضر معاه ويبتاسم بإهتمام لكن جبل كان عقلو وتركيزو مشغولين مع ديك البنت لي فوق المسرح كاتبان متوترة ...

كانت خايفة وكاتفكر ...إذن هو فاش قالها غادي نكون أسوء كوابيسك هو مقالهاش عبثا وإنما كايحاول يطبق وعدو ليها وكالس مع مديرها ... بلا شك هو كايوسوس ليه باش يطردها من خدمتها ... تمنات من الله فقلبها أن هاد الليلة تنتهي على خير

كانت باغيا تبين ليه بأي طريقة أنها ماشي ديك البنت لي كايضن أنها رخصية رغم أن ماضيها كان خايب إلى انها تغيرات وولات بنت جديدة ... كانت خايفا منو وهي عارفاه يديه طويلة وإلى بغا يقطع ليها رزقها ماغاديش يتردد ....

قربت الميكرفون لفمها ثم غمضت عينيها بهدوء وبدات كاتغني بصوتها الجميل كلمات
لأغنية" never be the same "
للمغنية " jessica mauboy "

(ركزو على الكلمات )
دعوني أخبركم عن الفتاة التي اعتدت أن تكون،
نفس الاسم نفس الوجه ولكن مختلفة عن من أكون
لم تكن تعرف بما كانت تفكر
لم تكن تعرف أن عالمها يغرق

كانت أحلامها مكتوبة على ورقة في يدها،
كانت متمسكة به بقوة لكنها لم تكن تفهم،

الحب والألم الذي إستبدلته
كان ماضيها الذي يجب ان تمحيه

جميعنا نضيع أحيانا وننسى من نكون
في مكان ما على طول الطريق، جميعنا نجري في سباق مجنون
لا نفكر أبدا في القلوب التي نحطمها
وكما تبدأ أملنا تتلاشى بعيدا

الامور لن تعود كما كانت ابدا
لأنك تكونين واقفة وحدك تماما
وتفقدين كل شئ عرفته

أنتم تحدقون في وجه مختلف
الامور لن تعود كما كانت ابدا

أتمنى ان اشارك في وجهة نظر مختلفة
لكن الكلمات تخرج ولا تنطق بالحقيقة

انت لن تعرف بما كنت أفكر حقا
والأن عدت إلى الفتاة التي تغرق
اغرق الى اسفل العالم الذي ينتظرني
ولا اريد ان ابقى هنا بعد الأن
كلما فزت اكثر كلما اردت اكثر
لا ينتهي الامر ابدا ولا يتوقف
لا لن يكون الامر كافي ابدا
https://youtu.be/dGOuiu0dA7o

إلى أن سالات الأغنية وحلات عينيها بهدوء و شافت فجبل .. كانت متوقعة أنه غادي يكون كايدير فيها نفس الشوفات الشيطانية ، لكن ملامحو كانت هادئة وكأن الرسالة لي بغات توصليه من كلمات الأغنية وصلو ليه ...

مرو بضع لحظات وكانت روعة كاتغني وكاتحاول ماتشوفش فجبل لي مكانوش عيونو المزردية كايزولو عليها حتى شافتو عيط للكارسون وعطاه ورقة ثم أشار بيديه ليها ، فأومأ الكارسون براسو وإبتسم ثم قلب الدورة ومشا لعند روعة لي كانت متبعة كل حركاتو بعينيها حتى وصل لعندها وعطاها الورقة لي كانت فالأصل مجرد كلينيكس فحلاتها بفضول وكان مكتوب فيها

" لم تبعدك المسافات عني يا ذات العيون الشمسية.. فأنا أعيشك بين يوم قد مر ويوم أتى ... فكلمات الأغاني لا تأثر بي لكن قبلة من شفاهك الزهرية تستطيع ان تحذث فرقا "

شافت روعة بغيظ فجبل لي إبتسم لها برحابة صدر حتى ظهرت غمازاتو الفاتنة ... وفكرت ان هاد الرجل اكيييد اكيييد عندو العقل بين رجليه ماشي فراسو .

دازت ساعة وهي كاتغني حتى نشف حلقها لكن فواحد اللحظة كانت روعة كاتغني اغنية رومنسية هادئة حتى كاتشوف واحد الزعرة قربت من طاولة جبل وسلمت عليه بالوجه وكلست ... ماعرفتش علاش روعة شعرت بقلبها كايحرقها ...واخا هي رفضاتو وصداتو لبعيد .. لا وسباتو مزيااان ....

قالت فنفسها :
- اووه اكيد حيت ماكليتش مزيان ... نصف الفروج كلاه شادو ... يمكن هذا علاش قلبي كايضرب هاكا ... اكيد هادو علامات انخفاض الضغط مافيهاش الشك ... الله ياخد فيك الحق أشادو كليتي نصف الفروج غير بوحدك

تجاهلت روعة وجود البنت على نفس الطبلة لكن تصدمات فاش شافت جبل وقف ومد يديه بكل جنتلمانية للبنت الزعرا وهي قبلت بكل فرح وبدات كاتبتاسم والجمال ديالها كان ضعف جمال روعة فبدا قلبها كايحرقها ديال بصح..

تقدم جبل هو والبنت لمنصة الرقص وتمسك بخصرها وهي حطت يديها على أكتافو وقربت وجهها من وجهو وهيا كاتهمس بكلمات بااينا غايكونو مغريين وصوتها غادي يكون مثير ...

لكن فاش لاحظت جبل عض على شفتو السفلية وهو كايشوف للبنت فعينيها .. ماكرهتش دكساع تعطيه بالمكرفون للراس تقسمو على جوج وتسيل دمو ...

لكن روعة عاقت باللعبة بالخصوص فاش رفع راسو وشاف فيها وغمرها بمياعة ثم رجع شاف فالبنت وتمتم بكلمات بصوتو الرجولي قدرت تقرا شنو قال غير من حركات شفايفو ...

- ريحة بارفانك زوينة

إبتسمت البنت الزعرة وردة عليه وهي كاتقرب من ودنيه:

- هذا من دوقك احبيبي

تأكدت روعة أنه كايدير دوك الحركات غير باش يثير إنتباهها ...لكن هاهاااي ... ستلقنه درسا في المياعة على حقها وطريقها ..

ضارت لعند عازف الباطري وقالت بالإسبانية و بصوت مجهد باش يسمعها :

-ماركوس ...واش عاقل على الاغنية لي دربنا عليها داك نهار .

هز ماركوس راسو بحماس وقال :
-واش اغنية te amo

رفعت روعة اصبح الإبهام 👍 وقالت :
- هي هاديك ... غادي نوضو الكلوب هاد نهار تافقناااااا

غوت ماركوس وقال:
-تافقناااااااا .

ضارت روعة وحيدت المكرفون من العمود لي كا ملسق فيه وعطات اشارة لماركوس والديدجي باش يوقف العزف وداكشي لي كان ... توقف العزف وتوقف جبل والزعرة على رقصاتهوم المايعة وانتبهو كاملين لصوت روعة لي كانت نازلة من المسرح لساحة الرقص وهي كاتقول فالمكرفون باللغة الإنجليزية :

-اش بان ليكوم نبلبلوها اليوم ...؟

تسمع صوت هتافات الجمهور وتصفيقاتهوم وناضو من اماكنهوم وتجمعو عليها فساحة الرقص تحت انظار جبل لي كان عاقد حواجبو وكايشوف فهاد المجنونة لي تسيفات فخمسة دقايق وفجنبو الزعرة كاتشوف فيه ومافاهما والو .. السيد عاد كان كايضحك معاها ودابا قلب حواجبو ثمانيتون .

قالت روعة فالميكرفون
-واااااااش غاااااااادي نوضوهــــااااااااا اليييييووووووووووووووووووم

هتافات الجمهور : واااااااااااااااااااااو

روعة- واش غادي نبلبلوها ليوووووووووووووم

هتافات الجمهور : واااااااااااااااااو

بدات الموسيقى الصاخبة وكولشي بدا كايشطح على انغام اغنية tiw tiwل ...te amo فقالت روعة بصوت مرتفع :

- ايديسون ديدجي كاميلو اووووووو كارلوسييييييي ...

تبعوها هتافات الجمهور وكملت وهي كاتشوف فجبل وغمزاتو كيف غمزها بمياعة وقالت :
- وهادي فخاطرك اسي جبل ..

ضحك جبل بإستهزاء وتمتم بين سنانو :
-هه ... هادي بلا شك حماقت .

دخلت روعة وسط الجمهور وبدات كاتشطح بجنون وتغني بصوتها الجميل ...

-سمحيليا امدامتي ... انا نبغي ميمتي ....وواااااا سمحيليا امدامتي انا تبغي ميمتي ... ميمتي لحبيبة ديالي ... ومكاين غير نتي ... يحيا كاع المغاربة وعمي جبل بزااااف بزااااف

وكملات وهي كاتشوف فيه بتحدي :
- ياو تيامو تيامو هييييي ... نجيب لميمتي دياموند هييييي ... تيامو تيامو ...هييييي ميمتي حبة دياموند .

بداو الرجال والنساء كايشطحو بطريقة مايعة وشي كايتلصق فشي والاضواء كايطفاو ويتشعلو تناغما مع الموسيقى وبعض الرجال كايقربو من روعة وكايشطحو معاها لكنها كانت محافضة على مسافة بيناتهوم وكاتشطح وضحك وتغني

لكن عيون جبل الغاضبة كانو حاضينها من بعيد وديك البنت الزعرة كاتجر فيه باش يدخلو يشطحو حتى هوما ...

برك جبل على اسنانو بغيظ ثم شاف فيها وقال :
- مافيها باس نشطحو معاك شويا اروعتي .

قرب من طبلتو وهز قرعة ديال الويسكي الفاخر وقلبها على فمو ...شرب منها حتى سالاها وماهتمش للدغة لي خلات فحلقو .... رجع حطها على الطبلة وشد البنت الزعرة من يديها ودخلها لوسط الناس لي كايشطحو وبدا كايشطح ويتلسق معاها بمياعة ويتمايل بجسمو ويرقص على نغمات صوت روعة لي مكانتش شايفاه وهادشي لي عصبو كتر حيت كانت كاتشطح وعاطياه بالضهر وكاتغني .

- تولموند ...كامليييييين .... هييييي هييييييي... هييييي هييييي... هيييي هييييي ...

ردو عليها الجمهور : هيييي هيييي هيييي هيييي

-وراني مانسمع وااالو كولو كااااع هييي هيييي.....هييييي هييييي

ردو الجمعور وهو كاينقزو : هيييي هيييي هييييي هيييي

كولشي كان ناشط وكايشطح ومن حد حتى مدير الهوتيل عجباتو الموسيقى المغربية وناض كايشطح مع روعة وهو كايقول بصراخ باش تسمعو :

-احسن حاجة درتيها اإيميليا بدل الملل لي كنا كالسين فيه

ضحكت روعة بسخرية وقربت منو وهي كاتقول وتحرك فخصرها ..
- سي مارتن ... بحال هاكا حرك خصرك .

ضحك مارتن وبدا كايقلد الشطحة ديالها ويشطح وهي كاتغنيلو وتشطح معاه وتموت بالضحك على الحركات البهلوانية لي كايدير مديرها الشايب الخمسيني .

لكن فاش ضارت تصدمات فديك الزعرة لي كانت معلقة ييديها فعنق جبل وكاتحرك خصرها بحال شي عاهرة وهو كايشطح معاها ويبتاسم .. ويعلي عينيه يقلب على روعة لكن فاش لقاها كاتشوف فيه ..جر البنت الزعرة لعندو كتر وبدا يشطح .

كان كايشطح بإتقان وكأنه شي مدرب ديال الرقص لكن ديك الصفرة لي كانت لاصقا فيه كانت دايرا لروعة لحريق فراسها وماكرهاتش تجرها من شعرها ...

ايه هي صحيح مكاتبغيهش وهو فنظرها رجل عينيه زايغا بلا قياس ومكايحشمش لكن هذا مكايعنيش ان ديك الزعرة تلسق فيه كيف بغات... هو راه خو صحبتها ... اكيد إلى تاليا شافت هاد الزعرة كاتلسق مع خوها مكانش غايعجبها الحال ...

تمتمت بين سنانها :
-إشرف يابن الكلب الشرف .. فينك أتاليا أجي تشوفي خووووك

هادشي لي كانت كاتفكر فيه وكاتحاول تبرر بيه سبب إنزعاجها من ديك الزعرة .... الشرف ماهو أكيد تاليا ماغاديش تبغي شرف خويا يتوسخ بسبب هاد الزعرة سفريطا .

تمتمت عاوتاني بين سنانها بغيظ وهي كاتشوف فيه :
-بقالك غير تخدم شيخة ... يخخخ على الرجلة مشات فداكشي

قاطع تمتماتها مديرها مارتن وهو كايقول ويلوز فخصرو :
-إيميليا ... واش هاكا ؟؟

بغات تسطا بالضحك فاش شافت الحركات لي كايدير مارتن بخصرو ولا كرشو الخارجا لي كانت كاتهز غير بوحدها بالشحمة وبدات كاتضحك وتشطح قبالتو باش يدير بحالها ... قرب منها شاب وسيم (تيتيز😉) وبدا حتى هو كايقلدها وكايضحك معاها وهي كذالك .

لكن فواحد اللحظة شعرت روعة بيدين رجولية تسللت حول خصرها وجسم قوي جرها لعندو ولسقها معاه وهو كايتمايل على انغام الموسيقى وكايشطح...

تعصبت روعة و حاولت تفك دين داك الرجل لي كانو كاتمين أنفاسها لكنها ماقدتش حيت كان مزير عليها فغوتت بغضب وقالت:

- بعد عليا يعطيك موصيبا تصيبك .

كانت كاتقلب بعينيها على رجال الأمن يفكوها منو لكنه همس فودنيها بصوت شيطاني وهو كايغني :

- هييي هيييي هيييي العالم شطحتي معاه ... ودابا جاء دوريييي هييي هييي...

فاش وصلها صوت جبل قلبها بغا يسكت ... رجف جسمها وماقدرتش تتحرك كان كل همها انها تلقى شي طريقة باش تتفك منو بأي ثمن ... لكن فواحد اللحظة دورها جبل لعندو بسرعة وزير على خصرها مع جسمو وقال :

- نموت أنا فعينين لعسل ...

قدرات روعة تشم ريحة الشراب من جسمو وفمو وعرفاتو سكران وماشي فوعيو فغوتت بغضب وقالت:

- جبل بلا بسالة ... طلق مني غادي نعيط ليك لرجال الأمن ...

عض جبل على شفته السفلية وضحك بسخرية و زير عليها ثم هزها من الأرض بسرعة وبحكم انها قصيرة بقاو رجليها معلقين فالهواء وقال بصرامة متصنعة :

-هذا عقابك حيت مزالة كاتهدديني الويلة.

وبدا كايدور بيها ويشطح وهي كاتغوت بأعلى صوتها وكاتحاول تفك منو لكن شكون غايسمعها ولا يهتم لأمرها وهوما كاملين سكرانين وأصوات الموسيقى مجهدة ..

- طلق مني اجبل ولا راه ماغايعجبك حال ... هانا فين قلتهالك طلق مننننننننيييييييييييييي

وبدات كاضربو على كتفو حتى حطها للأرض وبغات تهرب منو لكنه سبقها وجرها من خصرها وعنقها من الخلف وقال فودنيها وهو كايستنشق رائحة شعرها الخزامية..

- رحمي هاد الرجل المسكين وعطيه شويا من وقتك .

شعرت روعة بأنفاسو كاترتاطم مع رقبتها وحست بقشعريرة غريبة خلاتها تغوت بغضب :

- بعد مني اجبل ولا غاندير شي حوايج ماغايعجبوكش

رد عليها وهو كايمرر انفو على عنقها ومغمض عينيه :
-اشنو فجهدك ماديري كااااع ...

- ياااك واخا هانتا غادي تشوف .

قالتها وهزت رجليها حتى هزتها وزطمت ليه على رجليه بمؤخرة طالونها حتى غوت جبل بألم وطلق منها فإستغلت روعة الفرصة وهربت منو ...

تسللت فالممرات ديال لكلوب وهربت باش تمشي للكواليس تتخبع منو فغرفة التزين الخاصة بيها لكنه لحق عليها وهو كايجري متناسي ألم رجليه

-روووووووووعــــة

غوت بيها جبل حتى خرجو عينيه فغير سمعت صوتو زادت فالسرعة وأول باب بانتليها كانت باب ديال الباركينح الإحتاطي ...حلتها ودخلت منها وغير بغات تسدها وهو يعرض جبل الباب برجليه وغوت .

- روووووووووعة ... حيدي مور الباب

خافت روعة من صوتو الشيطاني وبدات كادفع فالباب بكل قوتها باش جبل مايقدرش يحلها وغوتت :
-وااااا بعد مني شكوا بيك لللللللله

لكن خارت قوتها فاش دفع جبل الباب بقوة بكتفو حتى تدفعات معاها حتى روعة لي كانت غادي طيح لكنها قدرت توزن وقفتها وشدتها بجرية وهي مكاتشوفش موراها بقوة الخلعة

تبعها جبل وهو كايجري بأقسى سرعة وشدها من دراعها وجرها بقوة حتى لسقها مع واحد السيارة كحلة كبيرة وحاصرها بيديه بجوج .

- جبل ... عافاك اجبل .. نتا راك سكران اجبل بعد مني الله يرحم ليك الواليدن .

قالتها روعة وهي كاتشعر بالقلب ديالها غايسكت بقوة الخوف من منظرو المجنون وعينيه حومر وكأنهم عيون إبليس وتنفسها كان سريع ..

فغوت جبل فوجهها بغضب وقال:
-وليتي كاترغبي دابا هااااه ....فااااااش كنتي كاتشطحي مع دوك شماااااايت كان عاجبك الحااااال ... واناااااا هااااااااه وانا ماشي راجل كاتهربي مني ...

إبتلعت روعة ريقها بخوف و فكرت أنها تضربو لحجرو وتهرب منو لكن رجعت فكرت انها الى اداتو هو ممكن يطردها من خدمتها مع تاليا فالوقت لي هي محتاجة للفلوس على قبل مماها ، فحيدت هاد الفكرة من راسها وقالت بترجي وهي كاتحاول تدفع جسمو لي كان تقريبا لاسق فيه :

- نتا ... نتا راجل وسيد رجال غير بعد مني وخليني نمشي لعاااااار اسي جبل انا را....

وحلت ليها الهضرة فحلقها فاش شافت ملامحو تغيرات من الغضب للهدوء التااام .. كانت أنفاسو هادئة وملامحو كذالك ... ميل راسو ببطئ وطبع قبلة هادئة على خدها ثم وضع جبهتو فوق جبهتها وغمض عينيه وتنهد بتعب وكأن الجبال فوق أكتافو ...

كانت روعة كاتحس بالقلب ديالها كايضرب بسرعة وديك القبلة خلات كامل جسمها يدق ناقوس الخطر من لمساتو ليها ...ولا فاش إختلطت أنفاسهم وتجانست أرواحهم فشلو يديها ومابقاتش قادرة دفعو :

بقا ملسق جبهتو مع جبهتها ثم مال برأسو لخدها وهمس بصوت مبحوح وتعبان :
- روعتـــــي... إرحميني ياروعــتـــــي

إضطرب تنفسها وإختفت كل وسائل الدفاع العدوانية على إثر همست صوتو الرجولية وأنفاسو الحارة لي كانت كاضرب فرقبتها فغمضت عينيها وإبتلعت ريقها بتوتر .

كان محاصرها بيديه بحوج حول السيارة لكن فاش لاحظ إرتخاء عضلاتها حيد يديه من على السيارة وسحب جسمها لعند جسمو الرجولي وحاصر خصرها بدراعو القوية ...مال برأسو ببطء لكن روعة قاالت بحزم بعدما إستوعبت أن هادشي غادي فمنحتى خاطئ .

-سي جبل هادشي لي كادير فيه راه...

لكنه قاطعها بقبلة قوية على شفايفها ...تصدمت روعة وتوسعو عينيها من قبلته المفاجئة ولا طريقتو الإحترافية ... لكنها ماقدرتش تصبر على سحرو الغريب ... هدئو ملامحها بعد ثواني وحركت شفايفها ببطئ تناغما مع قبلاتو وفاش لاحظ جبل تجاوبها معاه كان غادي يطير بالفرحة إزدادت قبلاتو عنفا وإنتقل من شفايفها لخدها ولرقبتها وكتفها ويديه كايتحسسو كامل جسمها الفاتن وهي كاتنفس بقوة وماقادراش تسيطر على نفسها ثم رجع إلتهم شفايفها بعنف من جديد...

لكن قلب روعة كان كاينبهها أن هادشي لي كايوقاع ماشي مزيان ...و للحظة كانت غادي تستسلم بين يديه كثر وكثر حتى أنفاسها مابقاتش قادرا تسيطر عليهوم لكنها راجعت نفسها و حاولت تبعدو عليها بكل قوتها و ماقدرتش حيت كان مزير عليها بيديه وماباغيش يطلقها فمكانش عندها شي حل أخر ...

عضاتو من شفايفو بقوة حتى حست بطعم الدم ديالو داخل فمها حتى غوت جبل بألم وبعد عليها وهو كايشوف فيها وماقادرش يصدق هاد الحمقة الغبية لي عضاتو .

تخلعت روعة ملي شافت الدم نازل ليه من شفايفو وزيرت راسها مع السيارة وهي كاتنفس بقوة وكاتشوف فيه بخوف .

مد جبل يديه وتحسس شفايفو لكن فاش شاف فيديه ولقا قطرات ديال الدم ضحك بإستهزاء وقال :

- هه ....عضيتيني ... واش من نيتك!!

بدا كايقرب منها من جديد فتراجعت هي للخلف وبدات كاتسلل مع جنب السيارة باش تهرب منو وهي كاتقول :

- رراه ... راه نتا لي...

لكنه قاطعها وقال بصوتو الرجولي الغاضب :
- بشحال ثمنك؟؟ .... هااااه مستعد ندفع لي بغيتي .

توسعو عيون روعة بصدمة وبقوة الغضب لي شعرت بيه قربت منو وجمعات معاه بسقلة حتى ضار وجهو للجهة الثانية وغوتت:

- بزااااااف عليك اشماتا ...انا مكانتباعش ... قولي نتا بشحال ثمنك وانا مستعدة ندفع لي بغيتي

ماكانتش تقدر تلومو واخا قال ديك الهضرة حيت لغلطة ديالها لي خلاتو يتمادا ويقرب منها ... لكنه شيطان كايخلي كل حواسها تتوقف لدرجة مكاتبقاش تفرق بين الصح والغلط ... وهو كايبقا رجل إلى فتحت ليه الباب غادي يدخل بدون تردد

حيد جبل يديه على مكان الصفعة و بدا كايموووت بالضحك على الشئ لي قالتو وقال بسخرية :

-هاهاها ...ولايني نتي راكي واحد لمسطيا !! باغيا تشريني !!! .. خوديني فااابور ماتعطيني حتى ريال.

لكن قاطعهوم صوت أربع رجال غلاض ومكلضمين إسبانيين وهوما جاين من بعيد وكايقربو منهوم وكايضحكو وبين يديهوم قراعي ديال شراب وباينا فيهوم سكرانين لأن المشية ديالهوم ماموزوناش وكايتمايلو فكل قنت .

شافهوم واحد من الرجال الأربعة وقال باش ينتابهو رجال لي معاه :
- اووووه ... اوووووه ... ها واحد لغزالة كاتسنانا أدراري..

حست روعة بالدوخة بقوة الخوف لي شعرت بيه .. فالأول كان غير جبل ودابا تزادو ربعة وحداخرين يعني خمسة بيهوم عليها هيا بوحدها وفوق هادشي كامل كولهوم سكرانيين ...

بدات كاتقلب ودور بعينيها على شي طريق باش تخرج راسها من هاد الورطة قبل مايقاطع تفكيرها صوت واحد منهوم وهو كايقول :

- لحوووب ...كاتسنايني ... ماغاديش نخليك تتسناي ...نجي ولا تجي ... هاااه اشنو قلتي الغزالة ؟؟...

______________

نهاية الفصل

الفصل 16 / BARON "إنقلاب غير مشروع"

2018-10-30T07:57:00.003-07:00

فالدار عند روعة كانت چالسة على أرضية المطبخ وضامة رجليها لحظنها وحاطة راسها فوق ركابيها وهي كادلك معصمها لي تحول للون الأحمر متقرح ... تنهدت بألم ثم همست بصوت مجروح .

- ياربي ماتعاقبنيش بسبب ذنوبي القديمة ... ماتعاقبنيش بحاجة ختاريتها وكنت إستخرتك بها وتعذبني بيها باش يكون درس ليا اني نتعامل مع أسوء أنواع البشر ، ياربي كانترجاك ماتعاقبنيش بذنوبي وغفرلي وإرحمني .

مررت أناملها بين خصلات شعرها بعدما شعرت بالألم كايهرس فراسها فناظت من على الأرض وتوجهت لغرفتها وهي كاتشد فلحيوط باش توصل لغرفتها ولكن فاش دخلات تصدمات فشادو لي كان ناعس فوق السرير ورايح فسابع نومة وكأنه مكاينش فهاد العالم ...

المنظر ديالو خلاها بسيف عليها ضحك واخا أنه لا الوقت ولا الخاطر يخليها ضحك لكن شادو أتحفها بأعضم إنجازاتو التاريخية ، فتمتمت وهي كاتسحب الغطاء من تحت منو حتى طاح للأرض ....

-نوض تگعد

حل شادو عينيه وبدا كايشوف فالسقف بنظرات واحد مصدوم ومازال كايحاول يستوعب أنه قبل ثواني كان على السرير ودابا مرمي فالأرض !!!! .

مابقاتش الثقة فهاد الدنيا لي تحسبهوم حبابك فلحظة يرميوك فالأرض ..هادشي لي كان كايفكر فيه شادو قبل ماينوض ويشوف فيها بنظرات الإستياء ثم ضرب الباب وخرج وخلاها كاتشوف فظلو ...

- عولنا عليك بكري ، سيزي ارجل منك اعرت الرجال ... لو كان شي شفار لي هجم على الدار وقتلني هاه ... أنا شاكة انك كنتي غادي تاكل الجثة ديالي من بعد ... ياودي على كلاب أخر الزمن.

تمتمت بيها روعة و تحشات ففراشها وهي مقررة تنعس رغم أنها ماواكلاش وعاد ضربت حقنة الأنسولين لكن النعاس هو افضل وسيلة للهروب من المشاكل والواقع والهموم بالنسبة ليها

__________

كان جبل واقف فالحي لي ساكنة فيه روعة ومتكي على سيارة بيضاء ومعلي راسو كايشوف فالطابق لي ساكنة فيه روعة لكن فاش شاف الضوء الوحيد لي كان فالطابق تطفى تنهد بضيق وحنى راسو وهو كايقول :

- اللعنة عليك اداوود ، بسببك ضاعت خطتي

وقفت عند رجليه سيارة جيب سوداء كبيرة ، طل منها رافاييل وقال بصوت ساخر وهو كايغمز بعينيه وكأنه كايهضر مع شي بنت.:

- سلام الغزالة فين غاديا نوصلك فطريقي.؟

علىّ جبل عينيه وشاف فيه بغضب وقال بصوت بحال الرعد:
-للجحيم ... توصلني ليه ؟

تراجعت إبتسامة رافاييل الساخرة وتنحنح وهو كايقول :

-اوووه ...انا غادي نقلب فين نتعشا طلع نوصلك فطريقي للجحيم .

شاف فيه جبل بنظرة غيظ كايعني بها أن مزاجو ماشي ديال الضحك هاد نهار فكمل رافاييل وهو كايقول بسخرية:

- ابتسامة جميلة يا قوم العابسين ... لهاد الدرجة معصب حيت تعطلت عليك ؟

قلب جبل عينيه بغيظ ولتافت حول السيارة وهو كايسب فيه وركب فالمقعد المجاور للسائق وقال بغيظ :

- اشنو سبب هاد المزاج ، شفتك فرحان ؟

ديمارا رافاييل المحرك وقال وهو كايقلع بسيارتو:
- سبقلي قلتليك أن عندي ختي بالتبني .. ايوا اسيدي هاد نهار ولدات بنيتا ، يالاه خرجت من عندها من طبيب فاش عيطتيلي باش نوصلك.

-مبروك عليها .
قالها جبل ببرود فرد عليه رافاييل بحماس:

- كون شفتيها شحال زوينة ويديداتها شحال صغار.

ماجاوبوش جبل بل ظل ساكت وهو كايشوف فالطريق أمامو فكمل رافاييل وهو كايقول:

- مالك اصاحبي معصب غرقوليك لبابر

رد عليه جبل بغيظ :
-مامساليش للضحك ديالك ارافاييل ؟

قلب رافاييل عينيه بملل وقال:
-والله حتى تقولي مالك واش وصلك شي تهديد من عند رجال شاهين باشا .

شاف فيه جبل وقال بصوت حازم:
-حاليا مازال

سكت شويا رافايل وقال :

-واش دون ماركيز فخبارو أنك دخلتي لجزيرة إبيزة قبل ستتة شهور ماشي هاد صبح؟

رد على جبل وهو كايمسح وجهو بيديه بتعب :
-‏ حتى شي واحد مافخبارو من غيرك نتا و "هاري" وعصام

أومأ رافاييل براسو وقال:
-كنت كل نهار كاتقول اليوم غدا اليوم غدا يرجعولنا الضربة لكن ماطلعش حسهوم ، واخا ضيعنالهوم صفقة كاتسوى لملاين

ظهر شبح إبتسامة جانبة على ملامح جبل وقال بهدوء:

- مازال كايحاول يستوعب الإنقلاب ديالي عليه ، مازال ماتسرطاتلوش ...وكون هاني ضربتو ماغايفلتهاش غادي يخصك تكون حريص ومنتبه طول الوقت نتا ورجالك .

________

رجوع بالزمن

قبل ستة أشهر /الميناء القديم / إبيزا /الساعة الثالثة بعد منتصف الليل

قرب المستودع القديم والوحيد لي بقا صابر اواقف ضد رطوبة البحر بين المستودعات المجاورة فالميناء القديم . كانت جوج مافيات واقفين فعملية مقايضة بين تجارة البشر و الأسلحة لمجموعة وحداخرا بإسم البارون جبل .

كان جبل واقف بالهيبة ديالو المعتادة وهو لابس اللون الأسود من راسو لأخمص قدميه ... وفالجانب ديالو واقف رجل فالثلاثينيات ...ملامحو مبهمة خلف ظل قبعة سوداء لي كانت خافية نصف ملامحو ومكايظهر منو غير شفايفو الحادة ودقنو خشن مزين بلحية عطاتو منظر رجولي جداب ومخيف .

بينما زعيم العصابة الأخرى كان رجل كبير فالسن بجسد غليض وكرش سابقاه وشعر مزين بالشيب لي ودع سواد شبابو

رفع الزعيم الشاب انظارو بتكلف فاش قرب جبل باش يهز قطعة من السلاح وبدا كايتفحصها بعيونو الزمردية وعبس بوجهو بعدم رضى وكأنه كايشكك فمصداقية بضاعتو ، وهادشي لي ماحملوش الرئيس الشاب لكن بقا حاضيه بصمت .

خرج جبل من جيب معطفو سيجارة أمريكية فاخرة بعدما وضع السلاح فبلاصتو بينما عينيه الشرسة كاتراقب الزعيم الكبير لي أمر رجالو باش يجيبوليه وحدا من لبنات لي باغي يبيع...

تقدم رجل اسود ضخم البنية وهو جار موراه بنت شعرها أشقر و قصير وجسمها هزيل ومغطيه أثر لكدمات زرقاء بينما لابسة او ملبسينها ملابس فاضحة نصف عارية بحرا ساترالها العورة ديالها ...

تصنع جبل الإهتمام وهو كايتفحصها بعينيه الشرسة من راسها حتى لأخمص رجليها... إبتسم جبل إبتسامة صفراء وقال ...باللغة الإنجليزية

-عجبتني البضاعة ديالك الكولومبي واخا مضروبة ...

فرد عليه الرجل الكولمبوي الشايب بإبتسامة مقززة وقال وهو كايقرب منو:

- الكولومبي دائما فخدمة الشيطان السوري سليل البارون مرتجى ، وعندي ليك بزاف من هاد الزعرة فمختلف الجنسيات والأعراق ماعليك غير تختار وهادي خدمة مكانقدمهاش لكولشي من غير للناس المميزين لي كايعجبوني

ماجاوبوش جبل بل ميل راسو ودار إشارة براسو لرجالو لي كانو فالأصل من الإنتربول باش ياخدو البنت ويخرجو باقي لبنات لي فالمستودع لي كايبلغ العدد ديالهوم 60 بنت مربوطين شي مور شي بحال المساجين وماكدبش فاش قال الكلومبي أنه عندو بنات من مختلف الأعراق والألوان

إلتفت جبل شاف فـ "هاري" بنظرة مبهمة كاتعني "تراجع للخلف " ، ورجع شاف فالرجل الثلاثيني الغامض وقال بلهجة مستفزة:

-دايموند النيويوركي ، مع الأسف ماعجبتنيش الخردة ديالك .

توسعو عيون دايموند بصدمة قبل مايرفع جبل رجليه ودفع الصندوق لكبير بقوة حتى تقلب وتشتت السلاح على الأرض ، وهادشي ستافز دايموند لي غوت بغضب لكن ماقدوش الوقت باش يعبر على غضبو بالكلمات لأن جبل عطى إشارة بعينيه لرجال الإنتربول

وبطرفة عين تقادف الرصاص من كل صوب و بداو كايطيحو رجال العصابات واحد مور واحد مقتولين برشاشات الأنتربول لي نزلت عليهوم بحال الشتاء من سماء .

تصاب الرجل الكولومبي ومات بينما هرب دايموند النيويوركي بسرعة وحتمى خلف سيارة من سياراتو وهو مصدوم من شي لي واقع ... وكيفاش إنقلب الوضع لهاد الحالة وهوما مابيناتهومش حتى عداوة ؟!

قرب منو جبل بخطوات هادئة بعدما زطم على عقب السيجارة بمؤخرة صباطو الأسود وإبتسم بإبتسامة شيطانية جانبية هادئة ....فغوت دايموند بغضب عارم لدرجة برزو عروق حنجرتو بعدما فرغ مخزن سلاحو لكن فاش وقف عليه جبل وكأنه ملاك الموت غوت دايموند بغضب :

-‏ علاش البارون تقلبتي ضدنا ... نتا غدار ولد ال** ، غادي دفع الثمن غالي على هادشي كانواعدك !

جاوبو جبل بمنتهى البساطة وبصوت بارد كيف الثلج :

- كايبانلي أنك فاهم موضوع المافيا غلط .. اسي نيويوركي حنا ماعمرنا كونا أوفياء لشي حد من قبل ، وهادشي كايرضعوهلنا فحليب امهاتنا فاش كانتولدو فوسط عائلة مافيوزية بحال سلالتنا ادايموند ...

إبتسم جبل بإبتسامة شيطانية كلها مكر وقال :
-واش حافض الشهادة ولا ترددها مورايا ؟؟..

ثم ضحك بصوت عالي وكمل :

- اوووه ... نسيت أنك ماشي مسلم .

خرج جبل من خلف ضهرو مسدس روسي مصنوع من الفضة اوجهو لعند رأس دايموند لكن قبل مايضغط على الزناد إنفجر رأس دايموند وتناثرة أشلائو على ملابس جبل لي قلب عينيه بغيظ وشاف فعصام وغوت :

-عصاااااااااااااااام !!!

رد عليه عصام ببرود وهو كايقرب منو:
-مابغيتكش توسخ فيه يدك معلييييييم .

برك جبل على أسنانو بغضب وغوت :
-أخرتك غادي تكون على يدي أعصام ... مالك على لخصايل مالك ؟

قلب عصام عينيه بعدم إهتمام وهو كايتمتم فقرب منهوم رافاييل وهو كايغوت بغضب فوجه عصام :

- علاش قتلتيه اصاحبييي ، كونت باغي نحقق معاه مازااااااال.

قلب عصام شفايفو بلامبالات وقال وهو كايرجع مسدسو لخلف ضهرو وكايمدغ المسكة بفمو :

-اووبس ... هادي غير رصاصة طايشة من مسدسات المافيانتربول بغيت نقول الإنتربول .

نفخ عصام المسكة بفمو وطرطقها ثم قلب الضورة و مشا لسيارتو وهو كايتمايل بجسمو الرياضي مخلي موراه رافاييل وجبل كايشوفو فيه بدهشة .

شاف رافاييل فجبل بغضب باش يتدخل ولا يلقن درس لعصام عمرو ينساه لكن جبل إبتسم بسخرية وقال:

-ماتديش عليه ... مازال شاد فخاطرو منك ... مابغاش يستوعب مازال اننا فجنب الإنتربول . ومازال ماتسرطاتلوش الضربة لي عطيتيه داكنهار .

رجع رافاييل مسدسو خلف ضهرو وزمجر بغضب :
- ‏غادي يستوعب بسيف عليه .

توجه رافاييل لعند رجالو وأمرهوم باش يجمعو الأسلحة لي شتتهوم جبل فالأرض برجليه وأمر باش يوصلو البنات المخطوفات للمستشفى باش يعاينو صحتهوم الجسدية ويقدمولهوم الدعم النفسي بعد العداب لي عاناوه طول فترة إختطافهوم .

تمشى جبل للسيارة لي كان راكب فيها عصام ودق عليه فالجاج فنزل عصام زجاج سيارتو وشاف فيه بإستياء .

تنهد جبل وقال وهو كايشعل فسيجارة جديدة بين شفايفو :
- واش ختي لباس عليها ؟

ثم نفخ سحابة دخان ومد السيجارة لعصام لي شدها من عندو وسحب منها نفس جاوبو ببرود:

-لباس عليها معليم ماتخافش عليها ...، وحتى سي دون ماركيز بيخير ملهي مع الشركة ومشاكلها .

همهم جبل بتفهم وقال وهو كايستالم السيجارة من يد عصام :
- همم ...مزيان ..

سكت شوية وجاتو على بالو يسولو على روعة فين وصلات وشنو الجديد ديالها ، لكن تردد ومتانع عن سيرتها ثم قال.

- مابغيتش دون ماركيز يعرف أنني هنا فإبيزا تفاهمنا .

أومأ عصام براسو وقال:
-أمرك معليم ... ولكن فقتاش غادي ترجع ؟

رد عليه جبل بحيرة :
- ماعرفتش غادي نرجع لإسبانيا مؤقتا باش مايتكشفش أمري...و نتا رجع لڤيلا كونتيسا بشكل عادي وكأنك عمرك طلاقيتيني تفاهمنا .

- أمرك معليم .

قاطع حديثهوم تلفون عصام لي صونا فدارليه جبل إشارة براسو باش يجاوب وداكشي لي كان ... فتح عصام الخط وقال :
- نعام أروعة

شعر جبل بقلبو كايضرب بسرعة فاش سمع إسمها لكن فاش شاف إبتسامة عصام العريضة حس بشي حاجة ماشي هي هاديك فكمل عصام وهو كايقول :

-اش مازال مفيقك فهاد الوقت ؟؟؟... شنو بغيتي نجيبلك معايا فاش نكون جاي ؟؟ ...الحلوة!! واش نتي مازالة صغيرة .

قلب جبل عينيه بملل وكمل عصام وهو كايبتاسم:
- وشنو أخر .... السوسيس ... هاهاها غاتخلطي الحلوة مع سوسيس ... باغيا تباتي فالإنعاش اليوم ... صافي فصبح غادي نجي عندك مشا لحال دابا ... وجدي شي فطور مضخم ... يالاه تصبحي على خير الغزالة

قطع عصام الخط وشاف فجبل لي كان كايتصنع الا مبالات لكن فداخلو كان معصب .... تنهد و مال جبل بأنظارو لمكان بعيد فلمح جسم "هاري" من بعيد كايشوف فيه بعيونو الزرقاء المحيطية فهز جبل راسو بتثاقل وكأنه عطا إشارة لهاري باش يهرب ويرجع لمقر الكاريبي يوصل ليهوم خبر موت دايموند والكولومبي.

لاحظ عصام نظرات جبل لهاري لي كان فوق هضبة صغيرة متوجه لسيارتو فقال وهو كايتنهد بصوتو لغليض:

-معليييم ، إلا عرفو الكاريبي أن هاري جاسوس اللإنتربول غادي يقتلوه ، مستحيل يخليوه عايش !

شاف فيه جبل بنظرات مبهمة وإكتفى بالصمت فكمل عصام وهو كايقول بعتاب :
- هاري هو أحسن گارد عندنا ، علاش ضحيتي بيه ولحتيه عندهوم معليم ؟

شاف فيه جبل بحدة ثم قال:
- لو كنت طلبت منك نتا تكون الجاسوس ديالنا عند الكاريبي ، كنتي غادي تقبل ؟

حنى عصام راسو بتردد ثم قال:
-الكاريبي المعلم را....

قاطعو جبل وهو كايقول بصرامة :
- هاري هو لي ختار مصيرو ، انا ماجبرتو على حتى حاجة ، شاهين باشا كان السبب فموت باه وهو ماغاديش يضيع فرصة باش ينتاقم ليه .

توسعت عيون عصام بدهشة وقال:
- مكنتش عارف هادشي المعلم سمحلي !

بعد جبل على السيارة وضرب على إطارها بيديه ضربات طفيفه وهو كايقول :

- يالاه أعصام سير قبل مايبداو يقلبو عليك .

رد عليه عصام بطاعة :
-أمرك معليم

___________

العودة إلى الواقع

وسط المدينة / الساعة التاسعة وخمسة وأربعون دقيقة مساءً

توقفت سيارة الجيب ديال رافاييل أمام باب مطعم كبير أقل مايقال عنه فخم وفاخر ... تخطاو الباب وإستقبلهوم الگارسون لي وصلهوم لطاولة خاوية وإستلم منهم معاطفهم السوداء الثقيلة ...

طلب رافاييل نودلز كوري مع الحبار والماشروم والسمسم وللتحلية طلب تيراميسو فرنسي ....بينما إكتفى جبل بفنجان قهوة ساخن إيكسبريسو امريكية .

باشر رافاييل بالأكل بينما إرتشف جبل رشفة من القهوة ثم حطها بتقزز و شرب شوية ديال الماء ... شاف فيه رافاييل بإستفهام وقال:

-ماعجباتكش القهوة ؟

جاوبو جبل لا شعوريا:
- شربت قبيلة قهوة أحسن من هادي مليون مرا .

لكن فاش إنتبه لراسو أنه تكلم على القهوة لي وجداتليه روعة تنهد وهو كايحس بضميرو كايأنبو من جيهتها...

-فين شربتي هاد القهوة السحرية لي حسن من إكسبريسو بمليون مرة ؟

قالها رافاييل وهو كايغمز بعينيه ورافع حاجب واحد بسخرية فتجاهلو جبل ومابغاش يجاوبو ولتافت عند الكارسون عيطليه حتى قرب لعندو وقال بالإسبانية

-واش عندكوم واحد الگاطو اش كانت سميتو ...؟؟

قالها وهو كايشوف فرافاييل بتسائل فرفع رافاييل كتافو بإستفهام وقال:
-وباش غانعرف أنا ؟؟

لكن فاش تفكر جبل اسم الحلوى لي كلاها عند روعة رجع شاف فالكارسون وقال:
- اه .. المورانچ ... سميتها المورانچ .

هز راسو الكارسون بالنفي وقال :
- لا اسيدي مكاينش مكانحضروش حلوى رخيصة بحال المورانچ حنا مطعم فاخر ، ولكن كاينين أنواع أخرين بحال..كيك سوفلي ..و الوافل.. و شوكليت براوني

قاطعو جبل وهو كايقول بصرامة
- صافي مابغيت والو تقدر تمشي .

تنهد جبل بإستياء وتكى على ظهر الكرسي فغمزليه رافاييل بعينيه وقال:

-أشنو تما ؟ ... واش غادي تعاودلي ولا نبدا نسول فيك ؟

قلب جبل عينيه بملل وقال:
-مامستاعدش لتحقيقاتك السخيفة أرافاييل.

-إذن نبداو على بركة الله ... علاش كنتي واقف فداك الحي ؟... شنو لي وصلك لتما ؟... وعلاش ماديتيش معاك سيارتك ؟

تنهد جبل ثم دور وجهو للزجاج المطل على البحر وقال بهمس :
- كنت فدار الأنسة روعة .

توسعو عيون رافاييل وقال بفضول:
- واش تما كاتسكن الأنسة روعة ؟

أومأ جبل براسو ورد عليه:
- ماشي غير الأنسة روعة حتى الدكتور ياسين كايسكن فنفس الحي .

وضع روفاييل الأعواد الصينية من يديه وقال بفضول قاتل :
- إيوا شنو كنتي كادير عند روعة فدارها ...
غمر بعينيه وكمل...
- ياكمااااا... !!

شاف فيه جبل بغيظ وقال:
- ياكما اش!؟ ... سير أصاحبي غسل دماغك راه موسخ ...الأنسة روعة ماشي ديال داكشي لي كايحسابلك ... اااخ ماكرهتش نضربك.

قلب رافاييل عينيه بغيظ وقال :
- وأشنو بغيتيني نفهم من وجودك معاها فدار وهي ساكنة غير بوحدها كيف سمعت .

إعتدل جبل فچلستو ووضع يديه على الطاولة وقال:
- عندي رغبة نكون أب .

توسعت إبتسامت رافاييل وقال:
- اووه صافي قررتي تدخل للقفص الذهبي ، إذن روعة هي لي ختارها قلبك!؟.

رد عليه جبل ببرود متصنع:
- روعة هي لي ختارها عقلي ماشي قلبي ولكن ماشي للزواح

-وكيفاش يعني ؟

رد عليه جبل بتوضيح
-بغيت نستأجر الرحم ديالها لمدة تسعة أشهر تولد مني .

توسعت عيون رافاييل بقوة الصدمة ، ماقدرش يستوعب طلب جبل الغريب فتنهد جبل وقلب عينيه فاش لاحظ نفس نظرات الصدمة كانت على وجه روعة قبل ساعة ..

تمتم رافاييل بغير إستيعاب:
- وهي قبلات ؟

حرك جبل رأسو بالنفي فقال رافاييل بعتاب:
-وأكيد جرات عليك من دارها ... !!

قلب جبل عينيه بغيظ وإكتفى بالصمت فقال رافاييل بغضب وهو كايضرب يديه على الطبلة :

-عبرت عليك وتستاهل أكثر ، أنا لو كنت فمكانها نلوحك من السرجم مانحتاجش عاد نحلك الباب ....

زفر جبل الهواء من فمو بغيظ فمرر رافاييل أصابعو بين خصلات شعرو بغضب وكمل وهو كايقول :

- واش نتا مستوعب حجم طلبك الغبي شنو يقدر يدير فالمستقبل !!.... واش عمرك عشتي بلا أم ونتا صغير؟ ... إلى ماكنتيش كاتفكر فالبنت مسكينة فكر غير فولدك ملي غادي يتزاد ، فاش غادي يسمع الأطفال لي قدو كايناديو على أمهاتهوم وهو لا ...، فالوقت لي صاحبو غادي طلاقاه ماماه فباب المدرسة هو غادي يلقى سائق ضخم ماعندو حتى علاقة بعاطفة الأم وماغاديش يستقبلو بالأحضان ... ماغاديش يلقى الحنان ديالها واخا تجيبليه مليون مربية ... غادي يكبر أه ولكن غادي يبقى قلبو ولسانو مشتاق باش ينطق إسم ماما ... غادي يكون إنسان فارغ بحالي تماما . أنا لو كنت نلقى الأم ديالي لي لاحتني فباب الخيرية غادي نضمها لصدري لمدة 31 سنة باش نعوض كل نهار ضاع مني بعيد عليها ... نتا راك غادي تكون رتاكبتي ذنب كبير فحق ولدك ولا بنتك اصاحبي .

بقا جبل غير ساكت وكايفكر فالهضرة لي قال رافاييل ثم غمض عينيه بتعب وقال :
-وشكون قالك أنا غادي نحرم ولدي من ماماه ؟؟؟

شاف فيه رافاييل بغيظ وقال:
-إذا كان هاكا إذن علاش ماتوزجهاش؟؟

تنهد جبل وقال وهو كايفكر :
- أبدا مامستاعدش نصنع لنفسي نقطة ضعف لي يقدرو يستغلوها الكاريبي ضدي .

ضحك رافاييل وقال بإستهزاء:

-من نيتك !! ... هداك داك لولد لي غاتولد ليك روعة راه أبكبر نقطة ضعف ... شفتك مابقيتيش مركز اجبل .. وختك تاليا حتى هي نقطة ضعف .

تكى جبل على الكرسي وقال بصوت مبحوح وتعبان:
- تاليا ختي ماغانخليهاش هنا ... فكرت من شحال هادي أنني نسيفطها تقرا فلندن وتخوي إبيزا ..

توسعو عيون رافاييل بصدمة فاش استوعبد أنه ممكن مايبقاش يشوف تاليا ... مد جبل يديه ولمس كأس القهوة وقال وهو كايشوف فالكأس بشرود:

-أنا ماشي إنسان ضالم حتى لهاد الدرجة لي وصفتيني بيها ومانقدر نضلمها لا هي ولا ولدي ... روعة إلى قبلت العرض ديالي ... غادي نديها لشي بلاصة بعيدة ...حتى تحمل وتولد وتربي ولدنا وترويه بحنانها ويشرب حليبها ويكبر ويولي راجل ... عاد نجيبو عندي يشد بلاصتي وياخد أملاكي ... وعلاش لا تولدلي كثر من ولد ...

إبتسم بهدوء وكمل :
- تلاتة ولا ربعة ولا حتى عشرة من ديما عزيز عليا تكون عندي عائلة كبيرة ... وروعة هي أحسن أم تقدر تربيلي ولادي ... لكن تربيهوم بعيييد

ضحك رافاييل بإستخفاف وقال :
- تولدلك بلا زواج ... من نيتك اجبل .

تنهد جبل بتعب ثم إعتدل فجلستو وناض وقف متجاهل كلام رافاييل لي كايستافزو
- فين غادي ؟

قالها رافاييل بإستفهام وهو كايشوف فجبل لي طلب من الكارسون يجيبليه معطفو .

- كمل ماكلتك أنا غادي نمشي كانحس براسي عيان

ناض حتى رافايل وطلب حتى هو معطفو فقال جبل بصوت تعبان:
-كلس كمل ماكلتك.

لكن رافاييل جاوبو بعناد:
-سديتيلي الشاهية ... غادي نوصلك .

-‏مكاين لاش باغي نتمشى شويا على رجلي

قالها جبل فرد عليه رافاييل بإصرار:
-مايمكنش نخليك بوحدك ، ورجال الكاريبي على القرص كايتسناو غير الفرصة

ضحك جبل بسخرية وقال:
- ياكما ضارب بيا لكاغيط وخايف لايخطفوني ليك .

شاف فيه رافاييل بإستياء وقال :
- لا ولكن خصني نوصل لعروسة لدارها

ضحك جبل بسخرية وعطا لرافاييل ضربة لمؤخرة راسو وخرج وخلاه كايتمتم ويغوت :
- هيييه اجي خلص قهوتك اصاحبي !

رد عليه جبل بسخرية وهو مكمل طريقو :
-فين كانعرفك قالك صاحبي لاواه لبطيخ ... مكانحملش رجال الشرطة

__________

نهاية الفصل :