Latest news and jobs

معروف اداکار منظر صہبائی اور اداکارہ ثمینہ احمد نے شادی کر لی

2020-04-09T17:50:00.003+05:00

دونوں اداکاروں نے رواں سال 4 اپریل کو لاہور میں شادی کی مختصر تقریب منعقد کی

ثمینہ احمد نے واضح کیا کہ انکی شادی کی تقریب میں صرف ان کی اور منظر صہبائی کی فیملی شامل تھی اور کسی کو مدعو نہیں کیا گیا تھا۔

اس دوران ثمینہ احمد سفید رنگ کی ساڑھی میں نہایت خوبصورت نظر آئیں، دوسری جانب منظر صہبائی نے بھی سفید جوڑا زیب تن کر رکھا تھا ۔

جب ثمینہ احمد سے شادی کی دیگر تقریبات کے حوالے سے سوال کیا تو انہوں نے ہنستے ہوئے جواب دیا کہ کورونا وائرس کے باعث ہم اور تقریبات کس طرح منعقد کرسکتے ہیں؟ اور ویسے بھی ہم دونوں کیسے لگیں گے تقریبات منعقد کرتے ہوئے۔

یہ ثمینہ احمد کی دوسری شادی ہے، انہوں نے پہلی شادی پاکستانی فلم ساز فریدالدین احمد سے کی تھی، تاہم کچھ سالوں بعد ان دونوں میں علیحدگی ہوگئی تھی، ان دونوں کا ایک بیٹا بھی ہے ۔

ان کے کیریئر پر نظر ڈالی جائے تو 70 سالہ ثمینہ احمد نے 18 سال کی عمر میں پی ٹی وی کے ڈراموں میں کام کرنے کے ساتھ شوبز میں کیریئر کا آغاز کیا۔

ابتدا میں وہ کئی سنجیدہ ڈراموں میں جلوہ گر ہوئیں تاہم بعدازاں ان کی کامیڈی اداکاری کو بےحد پسند کیا گیا۔ وہ ’اکڑ بکڑ‘، ’الف نون‘ اور ’سچ گپ‘ جیسے ڈراموں میں مزاحیہ اداکاری کرچکی ہیں ۔

انہوں نے اپنے کیریئر میں سنو چندا، آنگن، گل رانا، فیملی فرنٹ، ڈولی کی آئے گی بارات، داستان اور سنگت جیسے ڈراموں میں کام کیا۔ جبکہ وہ فلم ناراض، دختر اور لوڈ ویڈنگ میں بھی اداکاری کے جوہر دکھا چکی ہی ۔

دوسری جانب 70 سالہ منظر صہبائی نے اپنے کیریئر میں ’بول‘، ’ماہ میر‘ اور ’زندہ بھاگ‘ جیسی فلموں میں کام کرچکے ہیں۔ ڈراموں کی بات کی جائے تو حال ہی میں سامنے آئے ڈرامے ’الف‘ میں منظر صہبائی کی اداکاری کو خوب سراہا گیا۔

لاک ڈاؤن: حکومت نے شہریوں کو بجلی گیس بل تین ماہ بعد جمع کرانے کی سہولت دیدی

2020-04-09T17:31:00.000+05:00

اسلام آباد: حکومت نے ملک بھر میں جاری لاک ڈاؤن کے پیش نظر شہریوں کو بجلی اور گیس کے بل تین ماہ بعد بھی جمع کرانے کی سہولت دیدی ہے۔

یہ خوشخبری مشیر خزانہ عبدالحفیظ شیخ نے ایک تقریب کے دوران خطاب کرتے ہوئے دی اور کہا کہ لاک ڈاؤن کی وجہ سے بجلی اور گیس کے بل فوری طور پر ادا کرنے کی ضرورت نہیں ہے، 3 ماہ میں ایسے بل ادا کیے جا سکیں گے۔

تقریب سے خطاب کرتے ہوئے مشیر خزانہ کا کہنا تھا کہ تمام فوڈ پراڈکٹس سے تمام ڈیوٹی ختم کر دی گئیں ہیں۔ اس کیساتھ ساتھ تاجروں کیساتھ بھی مسلسل رابطےمیں ہیں۔ چھوٹے کارخانوں کیلئے 100 ارب رکھے گئے ہیں۔

ان کا کہنا تھا کہ پیٹرولیم مصنوعات کی قیمتیں گرانے کیلئے بھی حکومت نے 70 ارب روپے رکھے ہوئے ہیں۔ اس کے علاوہ 200 ارب روپے کی گندم خریدی جا رہی ہے۔

حکومت کا عوام سے ایک اور وعدہ پورا، احساس کفالت پروگرام کا آغاز

2020-04-09T17:17:00.001+05:00

لاہور احساس پروگرام کے تحت امداد کی فراہمی کا آغاز ہوگیا، ایک کروڑ 20 لاکھ خاندانوں کو فی کس 12 ہزار روپے ملنا شروع ہوگئے، امدادی رقم سنٹرز سے صبح 8 بجے سے شام 6 بجے تک وصول کی جا سکے گی۔

مستحقین کو رقوم کی ادائیگی کیلئے ملک بھر میں 17 ہزار مراکز قائم کئے گئے ہیں۔ پنجاب کے مختلف شہروں میں سینٹرز کے باہر اچھے انتظامات کئے گئے، پیر محل، بہاولنگر اور چشتیاں میں لوگوں کو لائنوں میں مخصوص فاصلے پر کھڑا گیا گیا خواتین کی بڑی تعداد بھی رقوم کی وصولی کیلئے موجود تھی جنہوں نے حکومت کا شکریہ ادا کیا۔

احساس کفالت پروگرام کے تحت قائم کئے گئے سینٹرز کے باہر پولیس اور پاک فوج کے جوان بھی موجود تھے۔ احساس پروگرام کے تحت ڈھائی ہفتے کے دوران 144 ارب روپے مستحقین میں تقسیم کئے جائیں گے۔

مستحق افراد کی طرف سے حکومت کو اب تک ساڑھے 3 کروڑ ایس ایم ایس موصول ہوئے، احساس امداد پروگرام غریب عوام کی مدد کیلئے شروع کیا گیا ہے

فضائی حدود کی خلاف ورزی، پاک فوج نے بھارتی کوارڈ کاپٹر مار گرایا: آئی ایس پی آر

2020-04-09T13:33:00.000+05:00

پاک فوج نے کنٹرول لائن پر پاکستانی فضائی حدود کی خلاف ورزی کرنے والے بھارتی جاسوس کوآرڈ کاپٹر کو مار گرایا۔

آئی ایس پی آر کے مطابق بھارتی کوآرڈ کاپٹر جاسوسی کے لیے پاکستانی فضائی حدود میں 600 میٹر تک اندر آیا۔ ترجمان پاک فوج کا کہنا ہے کہ بھارت کی جانب سے اس قسم کے اقدامات روایات، فضائی حدود اور 2003 کے جنگ بندی معاہدوں کی کھلی خلاف ورزی ہیں