Myanmar Collection

Elite Tech အနေဖြင့် ဆက်သွယ်ရေးကဏ္ဍ၌ အော်ပရေတာအဖြစ် ၀င်ရောက်လျှောက်ထားမည်

noreply@blogger.com (Anonymous) — Mon, 1 Oct 2012 11:08:00 +0630

Telecommunication နယ်ပယ်၌ နာမည်ကြီးကုမ္ပဏီတစ်ခုဖြစ်သည့် Elite Tech IT Services ကုမ္ပဏီ သည် ဆက်သွယ်ရေးကဏ္ဍ၌ အော်ပရေတာအဖြစ် ၀င်ရောက်လျှေက်ထားရန် အစီအစဉ်ရှိသည်ဟု အဆိုပါ ကုမ္ပဏီမှ ဦးစိုင်းခင်မောင်အေးကပြောသည်။ ““လျှောက်လို့မှမရသေးတာ။ လျှောက်လို့ရတဲ့အခါ ၀င်လျှောက်မှာပေါ့””ဟု ဦးစိုင်းခင်မောင်အေးကဆိုသည်။

ဆက်သွယ်ရေး၊ စာတိုက်နှင့် ကြေးနန်း ၀န်ကြီးဌာနသည် ၎င်းတို့ ၏ ဆက်သွယ်ရေး ကဏ္ဍ အတွက် အော်ပရေတာ လေးခုထားရှိမည်ဟု သြဂုတ်လ အတွင်းက ကြေညာခဲ့သည့်နောက်ပိုင်း Elite Tech အနေဖြင့် အော်ပရေတာအဖြစ်၀င်ရောက်လျှောက်ထားရန် စီစဉ်လာ ခဲ့ခြင်းဖြစ်သည်။

ဆက်သွယ်ရေးကဏ္ဍအတွက် အော်ပရေတာများရွေးချယ်ရာတွင် မြန်မာ့ ဆက်သွယ်ရေးလုပ်ငန်းမှ အသွင်ပြောင်းလဲဖွဲ့စည်းထားသည့် ဆက်သွယ် ရေးကော်ပိုရေးရှင်းနှင့် ရတနာပုံတယ်လီပို့မှ အသစ်ထပ်မံ ဖွဲ့စည်းထား သည့်ရတနာပုံတယ်လီကွန်းကုမ္ပဏီတို့ အော်ပရေတာအ ဖြစ်ခန့်အပ်ပြီးဖြစ်ကြောင်းသိရသည်။ ကျန်ရှိနေ သေးသည့် အော်ပရေတာနှစ်ခုကိုမူ အကြံပေးအဖွဲ့များရွေးချယ်ပြီးစီးသည်နှင့် တင်ဒါခေါ် ယူမှု များပြု လုပ်သွားမည်ဟု စက်တင်ဘာလအတွင်းပြုလုပ်ခဲ့သည့် ဆက်သွယ်ရေးဆိုင်ရာ အလုပ်ရုံဆွေးနွေးပွဲတစ်ခု ၌ တာ၀န်ရှိသူတို့ကပြောကြားခဲ့သည်။ ““ရွေးချယ်တဲ့အခါ မျှတမှုရှိပါမယ်။ ပွင့်လင်းမြင်သာမှုရှိတဲ့ တင်ဒါ စနစ်တွေနဲ့ခေါ်ဆိုသွားမှာဖြစ်ပါတယ်။ သူနဲ့သိလို့ သူ့ကိုပဲ ပေးတာမျိုးမဟုတ်ရပါဘူး။ တကယ် လုပ်နိုင် ကိုင်နိုင်တဲ့ သူကိုပဲရွေးချယ် ပေးသွားမှာပါ””ဟု မြန်မာ့ဆက်သွယ်ရေးလုပ်ငန်းမှ တာ၀န် ရှိသူ တစ်ဦးက ပြောသည်။ ဆက်သွယ်ရေးအော်ပရေတာ အဖြစ်လုပ်ကိုင်ဆောင်ရွက်ကြမည့် ကုမ္ပဏီလေးခု တို့သည် မိုဘိုင်း၀န်ဆောင်မှုလုပ်ငန်းများ၊ အင်တာနက်၀န်ဆောင်မှုလုပ်ငန်းများ၊ အိုင်တီ ၀န်ဆောင်မှု လုပ်ငန်း များနှင့် PSTN လုပ်ငန်းများကို အချင်းချင်းယှဉ် ပြိုင်လုပ်ကိုင်ရမည်ဟု ဆက်သွယ်ရေး Reform Plan အရသိရသည်။ ဆက်သွယ်ရေးလုပ်ငန်းသည် မည်သည့်အခါမှ အရှုံးမရှိခဲ့သည့် လုပ်ငန်း တစ်ခုဖြစ်ပြီး စီးပွားရေးလုပ်ငန်းရှင်များအနေဖြင့်လည်း ၀င်ရောက် လုပ်ကိုင်ရန် စိတ်အားထက်သန် လှသည့် နယ်ပယ်တစ်ခုဖြစ်ကြောင်း ဆက်သွယ်ရေး၊ စာတိုက်နှင့် ကြေးနန်း၀န်ကြီးဌာနမှ အကြီး အကဲတစ်ဦး ကပြောသည်။

စစ္ေတြျမိဳ ့လက္ ရွိအေျခအေနထိ တင္းမာေနဆဲဟုသိရ

noreply@blogger.com (Anonymous) — Fri, 28 Sep 2012 17:34:00 +0630

အခု စစ်တွေမြို့တွင် လက်ရှိ အခြေအနေ တင်းမာနေသည်ဟုဆိုသည်။ ။ လူများသည် အင်ပါလာ ရပ်ကွက် ကိုချီတတ်လျှက်ရှိပါသည် ဟုရွှေမြန်မာမီဒီယာဂရုသတင်းထောက်မှပြောသည်။ စစ်တပ်များက ယခုအခါ လုံးခြုံရေးတင်းကျပ်ထားကြောင်းသိရသည်။

ယနေ့ (စက်တင်ဘာလ ၂၈ ရက်နေ့) နံနက် ၁၁ နာရီခန့်က ရခိုင်ပြည်နယ်၊ စစ်တွေမြို့ ရွှေပြည်သာ ရပ်ကွက်မှ ရေခဲချောင်းရောင်းသော ကလေး တစ်ဦးသည် စစ်တွေ မြို့ပေါ်ရှိ အင်ပါလာ( အောင်မင်္ဂလာ) ဘင်္ဂါလီ ရပ်ကွက်အတွင်းသို့ ရေခဲချောင်းသွားရောင်းရာမှ ပြန်ထွက်မလာသဖြင့် စစ်တွေမြို့ပြည်သူများမှ သေပြီဟုယူဆကာ မွန်းလွဲ ၁ နာရီခန့်တွင် သံဃာတော် တစ်ရာကျော်ခန့်နှင့် လူဦးရေ သုံးထောင်ခန့်စုဝေး ကာ အဆိုပါရပ်ကွက် အတွင်း သို့ဝင်ရောက်ရန် ကြိုးပမ်းခဲ့ကြောင်း သိရသည်။

ယင်းအတွက်ကြောင့် ပြည်နယ်အစိုးရ လုံခြုံရေးဝန်ကြီး ဗိုလ်မှူးကြီးထိန်လင်းနှင့် ရေးရာတာဝန် ရှိသူများ၊ ရဲများနှင့် စစ်တပ် တစ်တပ်တို့ အဆိုပါပြည်သူများကို တားဆီးရန် ရောက်ရှိနေကြပြီး ညနေ ၄ နာရီခန့်တွင် ရဲ ၆၀ ဦးခန့်က ပြည်သူများကို တားဆီးနေပြီး စစ်တပ်က မီးတိုင်တစ်တိုင်အကွာခန့်တွင် တပ်စွဲ ထားကြောင်း သိရသည်။

ယင်းဖြစ်စဉ်နှင့် ပတ်သက်၍ ကလေးသေဆုံးခြင်းမှာ မဟုတ်မှန်ကြောင်း ပြည်နယ်အစိုးရ သတင်း ထုတ်ပြန်ရေးနှင့် မှတ်တမ်းပြုစုရေး ကော်မတီဥက္ကဌ ဦးလှသိန်းက Eleven Media Group သို့ ပြောကြား သည်။

Eleven Media Group

ရေပို့ပိုက်မကြီး ပေါက်သွား၍ မြို့နယ် ၁၄ ခုအား

noreply@blogger.com (Anonymous) — Fri, 14 Sep 2012 17:41:00 +0630

ရေပို့ပိုက်မကြီး ပေါက်သွား၍ မြို့နယ် ၁၄ ခုအား ရေပေးဝေမှု (၃) ရက်ကြာ ရေ ဖြတ်တောက်မည်

လှော်ကားကန်မှ ရန်ကုန်မြို့ တွင်းသို့ ရေပေးဝေလျက်ရှိသော အချင်း ၆၆ လက်မရှိသော ရေပို့ပိုက်မကြီး ပေါက်သွား သောကြောင့် ပိုက်လိုင်းပြုပြင်နေစဉ် ကာလအတွင်း အဓိကမြို့နယ် ၁၄ ခုအား ရေပေးဝေမှု သုံးရက်ကြာ ဖြတ် တောက် ထားမည်ဖြစ်ကြောင်း ရန်ကုန်မြို့တော်စည်ပင်သာယာရေး ကော်မတီ၊ ရေနှင့် သန့်ရှင်းမှုဌာန၏ ထုတ်ပြန်ချက်အရ သိရှိရသည်။

မြို့နယ် ၁၄ ခုကို စက်တင် ဘာလ ၁၄ ရက်နေ့မှ ၁၆ ရက်နေ့အထိ ရေဖြတ်တောက် မည်ဖြစ်ပြီး စက်တင်ဘာလ ၁၇ ရက်နေ့တွင် ပုံမှန်အတိုင်း ရေပေးဝေသွား မည်ဖြစ်ကြောင်း သိရသည်။

''လှော်ကားကန်က မြို့တွင်းကို ရေပေးဝေတဲ့ အချင်း ၆၆ လက်မရှိတဲ့ ရေပို့ပိုက်မကြီး လှော်ကားနားမှာ ပေါက်သွားတာနေရောညရော ပြုပြင်နေပါတယ်။

ဒါကြောင့် ပိုက်လိုင်းပြုပြင်နေစဉ် ကာအတွင်းမှာ အဓိက မြို့နယ် ၁၄ ခုကို ရေသုံးရက်ကြာ ဖြတ်တောက် ထားမယ်။ ကျန်ရှိတဲ့ မြို့နယ်တွေကိုတော့ ပုံမှန်အတိုင်းရေပေးနေမှာပါ။

ပိုက်လိုင်းပြင်တာကို ၁၆ ရက်နေ့ နောက်ဆုံး အပြီးသတ်မှတ်ပြီး ၁၇ ရက်နေ့မှာတော့ ပုံမှန်အတိုင်းရေ ပြန်လည်ပေးဝေသွားမှာ ဖြစ်ပါတယ်'' ဟု ရန်ကုန်မြို့တော် စည်ပင်သာယာရေးကော်မတီ၊ ရေနှင့် သန့်ရှင်းမှုဌာနမှ တာဝန်ရှိသူတစ်ဦးကပြောပြခဲ့သည်။

ရေဖြတ်ထောက်ထားမည့် မြို့နယ် ၁၄ ခုမှာ မင်္ဂလာဒုံ၊ ရွှေပြည်သာ၊ အင်းစိန်၊ မရမ်းကုန်း၊ လှိုင်သာယာ၊ လှိုင်၊ ကမာရွတ်၊ ရန်ကင်း၊ တာမွေ၊ မင်္ဂလာတောင်ညွန့်၊ ပုဇွန်တောင်၊ ဗိုလ်တထောင်၊ ကျောက်တံတားနှင့် သာကေတမြို့နယ်တို့ဖြစ်ကြောင်းသိရသည်။

ပြီးခဲ့သည့် မတ်လ ၁၂ ရက်နေ့ကလည်း လှော်ကားကန်မှ ရန်ကုန်မြို့တွင်းသို့ရေပေးဝေနေသော အဆိုပါရေပို့ ပိုက်မကြီးသည် ရွှေပြည်သာအဝင် ဒညင်းကုန်းလမ်းဆုံ၊ ဇီးကုန်းအနီးတွင် ပေါက်သွားခဲ့သောကြောင့် ယင်းပိုက်လိုင်း နှင့်ဆက်စပ်မြို့နယ်

များဖြစ်သော ရွှေပြည်သာ၊ အင်းစိန်၊ မရမ်းကုန်း၊ လှိုင်၊ ကမာရွတ်၊ လှိုင်သာယာ၊ ရန်ကင်း၊ တာမွေ၊ မင်္ဂလာတောင်ညွန့်၊ ပုဇွန်တောင်၊ ဗိုလ်တထောင်၊ ကျောက်တံတား၊ လသာစသော မြို့နယ်များတွင် ရေပေးဝေမှုသုံး ရက်ခန့် ဖြတ်တောက်ထားခဲ့ သည်ဟု သိရသည်။

Elevn Media Group

ဒေါ်အောင်ဆန်းစုကြည်၏ အမေရိက ခရီးစဉ်အစီအစဉ် ထုတ်ပြန်ချက်

noreply@blogger.com (Anonymous) — Fri, 14 Sep 2012 17:34:00 +0630

ဒေါ်အောင်ဆန်းစုကြည်၏ ၁၇ ရက်ကြာ မြင့်မည့် အမေရိက ခရီးစဉ်အစီအစဉ် ထုတ်ပြန်ချက် ထွက်ပေါ်လာ သော်လည်းအမေရိကန်သမ္မတ ဘားရတ်အိုဘားမားနှင့်တွေ့ဆုံခြင်း ပြု၊ မပြုကို နှစ်ဖက်စလုံးမှ ထုတ်ပြန် ထားခြင်း မရှိပေ။

အိုဘားမားသည် ၂၀၁၂ အမေရိကန်သမ္မတ ရွေး ကောက်ပွဲအတွက် မဲဆွယ်စည်းရုံးရေးများ လုပ်ဆောင်လျက် ရှိပြီး ဒေါ်အောင်ဆန်းစုကြည် နှင့် တွေ့ရန် အစီအစဉ် ရှိ၊ မရှိကို အမေရိကန် အစိုးရ ဘက်မှ တစ်စုံတစ်ရာ သတင်း ထုတ်ပြန် ထားခြင်း မရှိပေ။

ဒေါ်အောင်ဆန်းစုကြည်သည် စက်တင်ဘာ ၁၆ ရက် တွင် အမေရိကန်နိုင်ငံသို့ စတင် ထွက်ခွာမည်ဖြစ်ပြီး Asia Society Global Award ဆုကို ဝါရှင်တန် ဒီစီ၌ လက်ခံမည်ဖြစ်ကာ အမေရိကန်ကွန်ဂရက်လွှတ်တော် ရွှေတံဆိပ်ဆုပေးပွဲ၊ ဦးခွန်ထွန်းဦး၊ ဦးကျော်သူ၊ ဒေါက်တာစင်သီယာမောင်၊ ဦးအောင်ဒင်တို့အား NED က ချီးမြှင့်သည့် ဆုပေးပွဲ၊ နယူးယောက်မြို့တွင် ကျင်းပမည့် Atlantic Council Global Citizen Award ဆုချီးမြှင့်ပွဲများသို့ တက်ရောက်မည်ဖြစ်သည်။

ဒေါ်အောင်ဆန်းစုကြည်သည် Atlantic Council Global Citizen Award ဆုကို ကမ္ဘာ့ငြိမ်းချမ်းရေး သံတမန်တစ်ဦးအဖြစ် ထင်ရှားခဲ့သည့် နိုဗယ်ဆုရှင် အမေရိကန်နိုင်ငံခြားရေးဝန်ကြီးဟောင်း ဟင်နရီ ကစ်ဆင်းဂျား၊ ဂျပန်နိုင်ငံ၏ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး အကြီးအကဲဟောင်း စဒကို အိုဂတ တို့နှင့်အတူ ချီးမြှင့်ခံရခြင်းဖြစ်သည်။

ဒေါ်အောင်ဆန်းစုကြည်သည် Lousiville တက္ကသိုလ်၊ ယေးလ်တက္ကသိုလ်၊ ဟားဗတ် တက္ကသိုလ်တို့ကိုလည်း သွားရောက်မည်ဖြစ်ပြီး ဆန်ဖရန်စစ္စကိုမြို့ရှိ Freedom Forum သို့လည်း တက်ရောက်မည်ဖြစ်ကြောင်း သိရသည်။

ဒေါ်အောင်ဆန်းစုကြည်သည် ယခု ခရီးစဉ်တွင် နယူးယောက်၊ Fort Wayne၊ ဆန်ဖရန်စစ္စကို၊ လော့စ်အိန် ဂျလိ(စ်)မြို့တို့ရှိ မြန်မာမိသားစုများနှင့်လည်းတွေ့ဆုံမည်ဟု ထုတ်ပြန်ချက်တွင် ဖော်ပြထားသည်။

သမ္မတ အိုဘားမားကို ဘီလ်ကလင်တန် ထောက်ခံမှုပေးလိုက်

noreply@blogger.com (Anonymous) — Fri, 7 Sep 2012 11:39:00 +0630

အမေရိကန် ပြည်ထောင်စု မြောက်ကယ်ရို လိုင်းနား ပြည်နယ်က ရှားလက် မြို့မှာ ကျင်းပတဲ့ ဒီမိုကရက်တစ် ပါတီရဲ့ ညီလာခံမှာ အရင် ဒီမိုကရက် သမ္မတဟောင်း ဘီလ် ကလင်တန်က မစ္စတာ အိုဘားမားရဲ့ မူဝါဒ တွေနဲ့ ပတ်သက်လို့ ကာကွယ်ပြောကြား ပြီး ထောက်ခံမှု တွေပေးခဲ့ပါတယ်။

သူရဲ့ မိနစ် ၅၀ ကြာမိန့်ခွန်းထဲမှာ မစ္စတာ ကလင်တန် က သမ္မတ အိုဘားမားရဲ့ စီးပွားရေးဆိုင်ရာ မူဝါဒတွေဟာ အလုပ်ဖြစ်နေတယ် လို့ ဆိုလိုက်တဲ့ အပြင် ပြိုင်ဘက် ရီပတ်ပလစ်ကန်တွေရဲ့ စီးပွားရေး အတွက် အစီအမံ တွေနဲ့ ပတ်သက်လို့လည်း ဝေဖန် ပြောကြား သွားခဲ့ပါတယ်။

နိုဝင်ဘာလမှာ ကျင်းပမယ့် သမ္မတ ရွေးကောက်ပွဲမှာ သမ္မတ အိုဘားမားဟာ ရီပတ်ပလစ်ကန် ပါတီက သမ္မတလောင်း မစ်ရွန်မနီနဲ့ ယှဉ်ပြိုင် အရွေးခံရမှာ ဖြစ်ပါတယ်။

လောလောဆယ် စစ်တမ်းတွေထဲမှာ ဒီမိုကရက် မဲဆန္ဒရှင် တွေက သမ္မတ အိုဘားမားနဲ့ ပတ်သက်လို့ သိပ်ပြီး မရေမရာ ဖြစ်နေကြပါတယ်။ ဒါကြောင့်လည်း သူတို့တွေ ရဲ့ ထောက်ခံမှုတွေ ကောင်းကောင်း ရခဲ့ပြီးတဲ့ မစ္စတာ ကလင်တန်က အခုလို ဝင်ပြီး သမ္မတ ကို ထောက်ခံပေးလိုက်တာပါ။

မစ္စတာ ကလင်တန်က အဲဒီ ညီလာခံကို တက်ရောက်လာတဲ့ လူထုကြီးကို ဘယ်လိုတိုင်းပြည်ထဲ မှာ နေချင်ကြလဲ ဆုံးဖြတ်ကြပါ။ မျက်နှာကြီးရာ ဟင်းခွက်ပါတဲ့ အသိုင်းအဝိုင်းမျိုးထဲမှာ နေချင်ကြသပ ဆိုရင်တော့ ရစ်ပတ်ပလစ်ကန် နောက်လိုက်ကြပေါ့။ အားလုံး ပါဝင်တဲ့၊ အားလုံး အခွင့်အရေး တန်းတူရှိတဲ့ တိုင်းပြည်မျိုးနဲ့ နေချင်ကြရင်တော့ ဘာရက် အိုဘားမားနဲ့ ဂျိုးဘိုင်ဒင်ကိုသာ မဲပေးကြပေတော့ ဆိုပြီး ပြောသွား ခဲ့ပါတယ်။

တဆက်ထဲမှာ မစ္စတာ ကလင်တန်က ရီပတ်ပလစ်ကန်တွေက စီးပွားရေးတိုးတက်မှု တွေကို ရှေ့ဆက် မတိုးနိုင်အောင် တားဆီးမှုတွေ လုပ်ခဲ့တယ် ဆိုပြီး စွပ်စွဲလိုက် ပါတယ်။

ဆီးနိတ်လွှတ်တော်တွင်းက ရီပတ်ပလစ်ကန် ခေါင်းဆောင် မစ်(ချ) မက်ကွန်နဲလ် က သူတို့ ပါတီရဲ့ နံပါတ် ၁ ရည်မှန်းချက်က မစ္စတာအိုဘားမား ပြုတ်ဖို့ အတွက် ဆိုပြီး ပြောခဲ့တာကိုလည်း ပြန်အစဖော်ပြီး မစ္စတာကလင်တန်က သူတို့ ဘက်ကတော့ သမ္မတ အိုဘားမား မြဲနေရေး အတွက် လုပ်ကြမယ်လို့ ဆိုလိုက်ပါတယ်။

မစ္စတာ ကလင်တန်က ခုချိန်ထိ၊ သမ္မတ အိုဘားမားရဲ့ စီးပွားရေး မူဝါဒ တွေကြောင့်သာ အမေရိကန် စီးပွားရေး ပိုဆိုး မသွားခဲ့ပဲ ပြန်ပြီး ဦးမော့ လာနိုင်ခဲ့တာလို့ လည်းပြောလိုက်ပါတယ်။ ဒါပေမယ့် အမေရိကန် ပြည်သူတွေ ရုန်းကန်နေရဆဲ ဆိုတာလည်း သူသိကြောင်း တွေကို ပြောလိုက်ပါတယ်။

ဆက်လက်ပြီး သမ္မတ အိုဘားမားရဲ့ ပထမ သက်တမ်းနဲ့ သူ့ရဲ့ ပထမသက်တမ်းကို နှိုင်းယှဉ်ပြီး သူတို့ရဲ့ မူဝါဒတွေက အလုပ်ဖြစ်လို့ စီးပွားရေး ဦးမော့လာ ပေမယ့် လူတွေ သိပ်ပြီး မသိသေးတဲ့ အကြောင်း၊ သူ့အရင်က ဘယ်သမ္မတ မှလည်း ပထမ ၄ နှစ် သက်တမ်း အတွင်းမှာ စီးပွားရေးကို လုံးဝ ပြန်ကောင်းအောင် မလုပ်နိုင်ခဲ့ တဲ့ အကြောင်းတွေကို လည်း ပြောပါတယ်။

ဒါပေမယ့် မစ္စတာ အိုဘားမားဟာ အောင်မြင်မှုရမယ့် ခေတ်သစ် စီးပွားရေး အတွက် အုတ်မြစ်ချထား ခဲ့ပြီး ဖြစ်လို့ သူ့ကို နောက်ထပ် သက်တမ်း ထပ်ပြီး ရွေးကြ မယ်ဆိုရင် ဒီအသီးအပွင့် တွေကို ခံစား ကြရလိမ့်မယ် ဆိုပြီး ပြောကြား သွားခဲ့ ပါတယ်။

လယ်သမား ဆန္ဒပြတဲ့ ရွာ လုံထိန်းဝိုင်း

noreply@blogger.com (Anonymous) — Fri, 7 Sep 2012 11:27:00 +0630

မုံရွာ ခရိုင် ဆားလင်းကြီး လက်ပံတောင်း တောင် ကြေးနီ စီမံကိန်း လယ်သိမ်း ခံရတဲ့ ပြည်သူ တွေကို ကူညီ နေသူတွေကို ဖမ်းဖို့ ဆည်တဲ ရွာကို လုံထိန်းတွေ ဝိုင်း ထားတယ် လို့ သိရပါတယ်။

လယ်သမား အရေး ကူနေတဲ့ ရန်ကုန်က ကိုဝေဠုကို သြဂုတ် ၃၁ ရက်က ဖမ်းပြီးနောက် ကျန်တဲ့သူတွေ ဖမ်းဖို့ ဝိုင်းတာ ဖြစ်ပါတယ်။

အဓမ္မ လယ်သိမ်းမှု ဆန္ဒပြ (ဓာတ်ပုံ- အထက် ဗမာပြည် ဗကသ)

ရွာသားတွေ ကလဲ ရွာကို ရဲတွေ ဝင်လာရင် ခုခံဖို့ ပြင်ထားတယ် လို့ သိရပါတယ်။

လယ်သမား အရေး ကူညီဖို့ ရောက်နေတဲ့ ဗကသ ကျောင်းသား လူငယ်တွေ လာထဲက အရပ်ဝတ် ရဲက နောက်က ကပ်လိုက် နေတယ်လို့ အထက်ဗမာပြည် ဗကသ အမှုဆောင် ကိုမိုးထက်နေက ဆိုပါတယ်။

ရွာကလူတွေမှာ လုပ်ကိုင်စားစရာ မရှိတော့ဘဲ အများ စိတ်ဝင်စား ကူညီမှုလဲ မခံရလို့ ရေရှည်မှာ ပိုဒုက္ခ ရောက်လိမ့်မယ် လို့လဲ သိရပါတယ်။

၂ဝ၁ဝ ထဲက လယ်ဧက ခုနစ်ထောင် ကျော် တရုတ် ကုမ္ပဏီက သိမ်းထားတာမို့ ဇွန်လ ထဲက ဆန္ဒ ပြနေကြတာ ဖြစ်ပါတယ်။

ဖွဲ့စည်းပုံခုံရုံး ဥက္ကဌနဲ့အဖွဲ့ဝင်များ နုတ်ထွက်

noreply@blogger.com (Anonymous) — Fri, 7 Sep 2012 11:08:00 +0630

အငြင်းပွား ဖွယ်ရာ ဖြစ်နေတဲ့ နိုင်ငံတော် ဖွဲ့စည်းပုံ ဆိုင်ရာ ခုံရုံးရဲ့ ဥက္ကဌနဲ့ ခုံရုံး အဖွဲ့ဝင် တွေကို တာဝန်တွေ ကနေ နူတ်ထွက် ခွင့်ပြုတယ်လို့ သမ္မတ ဦးသိန်းစိန်ရဲ့ အမိန့်နဲ့ အခုညမှာပဲ သမ္မတရုံးကနေ ထုတ်ပြန်ကြေညာ သွားပါတယ်။ ဖွဲ့စည်းပုံ ခုံရုံးဥက္ကဌနဲ့ ခုံရုံး အဖွဲ့ဝင်တွေကို ရာထူးကနေ ဖယ်ရှားဖို့ လွှတ်တော် နှစ်ရပ်ကနေ ဆုံးဖြတ်လိုက်တဲ့ ဒီကနေ့မှာပဲ အချိန်မဆိုင်းဘဲ သမ္မတရဲ့ ခွင့်ပြုမိန့် ကြေညာချက် ဒီညပိုင်းမှာ ထွက်လာတာဖြစ်ပါတယ်။ ဒီအကြောင်းကို ကိုသားညွန့်ဦးက တင်ပြပေးထားပါတယ်။

ဖွဲ့စည်းပုံဆိုင်ရာခုံရုံး တာဝန်ရှိသူတွေကို ရာထူးကနေ အနားပေး ဖယ်ရှားဖို့ဆိုတဲ့ အဆိုကို လွှတ်တော်တွင်း သတ်မှတ်ထားတဲ့ မဲအရေအတွက် သုံးပုံနှစ်ပုံ ထောက်ခံမှုရပြီး ဆုံးဖြတ်လိုက်ပြီး၊ ညပိုင်းမှာပဲ ခုံရုံး တာဝန်ရှိသူအားလုံးကို ရာထူးကနေ အနားပေးလိုက်ပြီလို့ သမ္မတ ဦးသိန်းစိန် အမိန့်ထွက်လာတာပါ။ ခုံရုံးတာဝန်ရှိသူတွေက နုတ်ထွက်ခွင့်တင်တာကြောင့် သမတက ခွင့်ပြုလိုက်တာဖြစ်တယ်လို့ နိုင်ငံတော်သမ္မတရုံး ညွန်ကြားရေးမှုး ဦးဇော်ဌေးက ဗွီအိုအေကို ပြောပါတယ်။

“နူတ်ထွက်ခွင့်ပြုလိုက်တာပါ။ နူတ်ထွက်ခွင့်တင်လို့ နူတ်ထွက်ခွင့်ပြုလိုက်တာပါ။ နေရာလစ်လပ် သွားတော့ ပြန်ပြီးတော့ ရွေးချယ်တင်မြှောက်ရမှာပေါ့။ ဟုတ်ကဲ့။ ပြည်သူ့လွှတ်တော်က သုံးယောက်၊ အမျိုးသားလွှတ်တော်က သုံးယောက်။ သမ္မတက သုံးယောက်၊ ကိုးယောက် ရွေးချယ် တင်မြှောက်ရမှာပါ။”

လွှတ်တော် ကော်မတီတွေနဲ့ ကော်မရှင်တွေဟာ ပြည်ထောင်စုအဆင့်မဟုတ်ဘူးလို့ ဖွဲ့စည်းုံ့ အခြေခံ ဥပဒေဆိုင်ရာ ခုံရုံးက ဆုံးဖြတ်လိုက်ပြီးနောက်၊ ဒါဟာ တည်ဆဲဥပဒေတွေနဲ့ ကိုက်ညီမှု ရှိမရှိ စုံစမ်းဖို့ လွှတ်တော်ကနေ လွှတ်တော်ရဲ့ စုံစမ်းရေးကော်မရှင်တရပ် ဖွဲ့ခဲ့ပါတယ်။

အဲဒီ့ ကော်မရှင်က ခုံရုံးဥက္ကဌနဲ့ အဖွဲ့ဝင်တွေ အနေနဲ့ ကော်မရှင်ရှေ့မှောက် လာရောက် အစစ်ဆေးခံ ရှင်းလင်းဖို့ ၃ သုံးကြိ်မ်တိတိ အသိပေး အကြောင်းကြားခဲ့ပေမယ့် လာရောက်ဖြေရှင်းမှုမရှိတာကြောင့်၊ ကော်မရှင်အနေနဲ့ သူတို့ရထားတဲ့ အချက်အလက်တွေနဲ့ပဲ အစီရင်ခံစာရေးပြီး လွှတ်တော်အတွင်း ဒီကနေ့ တင်ပြခဲ့တယ်လို့ သီပေါမြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်းက ပြောပါတယ်။

“အဲ့ဒီ့အစီရင်ခံစာကတော့ စုံစမ်းစစ်ဆေးရေးအဖွဲ့ခေါ်တာကို ခုံရုံးက မလာတဲ့အတွက်ကြောင့်မို့လို့ သူတို့မျက်ကွယ်မှာပဲ အစီရင်ခံစာကို ရေးပြီးတော့ လွှတ်တော်ကို တင်ပြတာပေါ့။ တင်ပြတဲ့အခါမှာ ကျနော်တို့ လွှတ်တော်ကိုယ်စားလှယ်များက အပြန်အလှန်ဆွေးနွေးတာ မလုပ်တော့ဘဲနဲ့ ကျနော်တို့ မဲဆန္ဒရယူတာပေါ့။ မဲဆန္ဒရယူတဲ့အခါမှာလည်း နဂိုက လက်မှတ်ထိုးပြီးတော့ တောင်းဆိုထားတဲ့ မဲဆန္ဒလက်မှတ် ၃၀၇မဲ ရှိတယ်။ နောက်ခွင့်တင်လို့ မတက်တဲ့သူတွေလည်းရှိတယ်။

တပ်မတော်သားကိုယ်စားလှယ်တွေကတော့ အရင်ဆန္ဒပြုတုန်းကလည်း မပါတဲ့အတွက် သူတို့ကို ဖယ်လိုက်ရင်တောင်မှ ၃၀၇ ကျနော်တို့ ဥက္ကဌ နူတ်လိုက်လို့ရှိရင် ၃၀၆မဲပေါ့။ ၃၀၆မဲရှိတဲ့ အတွက်ကြောင့် လိုအပ်တဲ့ ၂၈၆မဲကျော်တဲ့အတွက် သုံးပုံနှစ်ပုံကျော်တဲ့အတွက် အဲ့ဒီ့စုံစမ်းစစ်ဆေးရေး အစီရင်ခံစာဟာ အတည်ဖြစ်တယ်ဆိုပြီးတော့ ခုံရုံးကို အပြစ်ရှိကြောင်း ဆုံးဖြတ်လိုက်တယ်။”

အလားတူလိုပဲ ဖွဲ့စည်းပုံခုံရုံးပြဿနာကို အမျိုးသားလွှတ်တော်ထဲမှာလည်း ဒီနေ့ ဆွေးနွေး မဲခွဲ ဆုံးဖြတ်ခဲ့တယ်လို့ ရန်ကုန်တိုင်း အမျိုးသားလွှတ်တော်အမတ် ဦးဖုန်းမြင့်အောင်က ပြောပါတယ်။

“ဦးဇော်မြင့်ဖေက စွတ်စွဲချက်နှစ်ခု တင်ပြပါတယ်။ သူက ဖွဲ့စည်းပုံအခြေခံဥပဒေကို မလိုက်နာတာ။ ဖွဲ့စည်းပုံအခြေခံဥပဒေကို ဖောက်ဖျက်တာပေါ့နော်။ စွတ်စွဲချက် ဖွဲ့စည်းပုံအခြေခံဥပဒေ အချက်နှစ်ချက်နဲ့ ညီတဲ့အတွက် ခုံရုံးအဖွဲ့ကို စွတ်စွဲပြစ်တင်ပါတယ်ဆိုပြီး သူက အဆိုတင်ပါတယ်။ ဒီအဆိုကို တပ်မတော်သားကိုယ်စားလှယ် ခြောက်ယောက်နဲ့ ကျနော်တို့အရပ်ဖက်က လွှတ်တော်ကိုယ်စားလှယ် ဆယ်ယောက် စုစုပေါင်း ၁၆ယောက် ဆွေးနွေးပြီးတော့ ဆုံးဖြတ်တာပါ။ ကျနော်တို့ ဒီစွတ်စွဲပြစ်တင်တာ အဆိုအောင်မြင်တယ်ဆိုရင်သူက ထွက်ရတာပါ။

လုပ်ထုံးအရတော့ လွှတ်တော်နှစ်ရပ်စလုံးက အခု ဆုံးဖြတ်ချက်ကို ပြည်ထောင်စု လွှတ်တော်ဥက္ကဌ အနေနဲ့ နိုင်ငံတော်သမ္မတထံကို တရားဝင် အသိပေး အကြောင်းကြားရမှာဖြစ်ပေမယ့်၊ နေ့တွင်းချင်းမှာပဲ ခုံရုံးအဖွဲ့ဝင်တွေရဲ့ နုတ်ထွက်လွှာကို လက်ခံပြီးတော့ နုတ်ထွက်ခွင့်ပေးလိုက်တယ်ဆိုပြီး သမ္မတဦးသိန်းစိန်က ကြေညာသွားတာပါ။

လွှတ်တော်နဲ့ ခုံရုံးအကြား လအတန်ကြာ တင်းမာမှုကိစ္စဟာ လွှတ်တော်နဲ့ အစိုးရအကြား အာဏာပြိုင်မှုဖြစ်တယ်လို့လည်း အတော်များများက တွက်ဆကြသလို၊ အချို့ကတော့ ဒါဟာ ဖွဲ့စည်းပုံဆိုင်ရာ အကြပ်အတည်းဖြစ်တယ်လို့ ယူဆကြပါတယ်။

လွှတ်တော်ဖက်က ကော်မတီတွေက ခေါ်ယူကြားနာစစ်ဆေးတာမျိုး အစိုးရအဖွဲ့ဖက်က မလုပ်လိုတာ ကြောင့်၊ လွှတ်တော်ကော်မတီတွေဟာ ပြည်ထောင်စုအဆင့်မဟုတ်ဘူးဆိုပြီး အစိုးရဖက်က စွဲဆိုခဲ့တာလို့ ဆိုကြပါတယ်။ ခုံရုံးနဲ့ လွှတ်တော်အကြား တင်းမာမှုဖြစ်လာတော့ ဒီကိစ္စနဲ့ ဆက်နွယ်လို့ ဖွဲ့စည်းပုံပြင်ဖို့ သမ္မတဖက်က အဆိုပြုခဲ့ပါတယ်။

ဒါပေမယ့် အရင် စစ်အစိုးရလက်ထက်က ပြဌာန်းခဲ့တဲ့ တည်ဆဲဥပဒေအရ လွှတ်တော်ကော်မတီနဲ့ ကော်မရှင်တွေဟာ ပြည်ထောင်စုအဆင့်ဖြစ်တာမို့လို့ ဖွဲ့စည်းပုံပြင်စရာမလိုဘူးလို့ လွှတ်တော် အမတ်တွေဘက်ကလည်း ယူဆပါတယ်။

အခုတော့ သမ္မတရုံး ကြေညာချက်ထွက်လာတာကြောင့် ခုံရုံးကိစ္စနဲ့ပတ်သက်လို့ အငြင်းပွားမှုဟာ ပြီးဆုံးသွားပြီလို့ ပြောနိုင်ပါတယ်။ ဒါပေမယ့် အခု ခုံရုံးအဖွဲ့ဝင်သစ်တွေကို ရွေးချယ်ရဦးမှာဖြစ်ပြီး၊ အဓိက အငြင်းပွားမှုအကြောင်းရင်းဖြစ်တဲ့ လွှတ်တော်ကော်မတီတွေဟာ ပြည်ထောင်စုအဆင့် ဟုတ်မဟုတ်ဆိုတာကတော့ ယတိပြတ် အဖြေမရှိသေးဘူး။

ကိုသားညွန် ့ဦး (ဗွီအိုအေ မြန်မာဌာန)

ဘင်္ဂလီအရေးလား လူ့အခွင့်အရေးလား - အပိုင်း (၁)

noreply@blogger.com (Anonymous) — Mon, 27 Aug 2012 15:25:00 +0630

ဘင်္ဂလီအရေးလား လူ့အခွင့်အရေးလား - အပိုင်း (၁)

ဆောင်းပါးရှင် - ဗိုလ်မှူးကျော်ကျော်ခိုင်

နိုင်ငံတကာအမြင်မှာ မြန်မာနိုင်ငံဟာ ရှေးယခင် ကလို အနိုင်ကျင့်လို့ကောင်းတုန်း အချဉ်ဖမ်းလို့ ကောင်း တုန်း နိုင်ငံတစ်ခုဘဲလို့ မြင်နေကြဆဲပဲနဲ့ တူပါတယ်။ သူခိုးက လူလိုဟစ် နေတာကိုတောင် ဝိုင်းဝန်း လက်ခုပ်တီး အားပေးနေကြပြန်ပါတယ်။

မြန်မာပြည်ဖွား သစ္စာမဲ့သူများကလည်း ငွေကြေး အတွက်၊ နေရာတစ်ခုအတွက် ထမင်းတလုတ် အတွက်နဲ့ ပြဿနာကို မီးခွက်ထွန်း ရှာချင်နေကြပါ တယ်။ ဘင်္ဂလီအရေး ပေါ်လာတာဟာ လုပ်စားနေသူတို့အတွက်တော့ ထမင်းအိုးကြီးတစ်လုံး ထပ်ချက်ပေး ထားသလိုပါပဲ။ မယုံမရှိပါနဲ့။

ဘင်္ဂလီပြဿနာလား။ ရှင်းရှင်းလေးပါ။ ခိုးဝင်တယ်။ အဲဒီဒေသမှာ မူလနေထိုင်နေတဲ့ ရခိုင်လူမျိုးတွေကို စော်ကားတယ်။ လူသတ်တယ်။ မုဒိန်းကျင့်တယ်။ အဲဒီဘင်္ဂလီတွေကပဲ မူလဒေသခံ ရခိုင်တိုင်းရင်းသား များကို လူမျိုးတုန်း (Genocide) ဖြစ်လုနီးပါး သတ်ပစ်ပြီး ရခိုင်ပြည်နယ် နေရာလုယူဖို့ ကြံစည်တယ်။ မူဆလင်ဆိုတဲ့ ဘာသာရေးကို ဘန်းပြပြီး မူဆလင်တွေကိုပါ သူတို့နဲ့ ပါဝင်လာအောင်လုပ်တယ်။ အိန္ဒိယ နယ်စပ်မှာလည်း ဒီအတိုင်းပဲ ဖြစ်နေတာပါ။ အိန္ဒိယမှာဆို ခိုးဝင်လာရင် မေးမြန်းစစ်ဆေးခြင်းမရှိ ပစ်တောင် သတ်ကြတာ မဟုတ်လား။

အိန္ဒိယ နယ်စပ်ရှိ တာဝန်ကျ အိန္ဒိယ စစ်သားများ

ဥပဒေမဲ့ ခိုးဝင်လာတာတွေကို ဘယ်နိုင်ငံမဆို သင့်ရာနည်းနဲ့ ဖြေရှင်းကြရမှာပါပဲ။ ဘယ်နိုင်ငံကမှ ကိုယ့်မြေ ကိုယ့်ရေ ကိုယ့်လူမျိုးကို အစော်ကားခံမှာ မဟုတ်ပါဘူး။ ပြဿနာကို ဖြေရှင်းတဲ့ အခါမှာတော့ လူ့အခွင့်ရေး ဆိုတဲ့ စကားလုံးကို ပါးစပ်နဲ့မဆန့်အော်ပြီး ငိုပြတယ်။ လိမ်လည်ပြီး နိုင်ငံတကာမှာ ဝိုင်း အော်ကြတယ်။ ဘင်္ဂလီတွေရဲ့ နယ်မြေလု လူသတ် မုဒိန်းကျင့် မီးရှို့ ရေထဲအဆိပ်ခတ် စသော အောက်တန်း ကျတဲ့ လုပ်ရပ် တွေကို ဖုံးကွယ်ပြီးတော့ မူဆလင် ဘာသာရေးပြဿနာ၊ ဘင်္ဂလီ အခွင့် အရေးပြဿနာ အဖြစ် ခေါင်းစဉ် ပြောင်းလဲ အော်နေကြတယ်။ ဘာလူ့အခွင့်ရေးမှ မဟုတ်ဘဲ နယ်မြေ ခိုးချင်တဲ့ ဘင်္ဂလီတွေရဲ့ အရေးပဲဆိုတာ ရှင်းနေတယ် မဟုတ်ပါလား။ တနည်းပြောရရင် လူ့အခွင့်အရေး မဟုတ်ပဲ အခွင့်အရေးသမားတွေရဲ့ အခွင့် အရေးရှာကြံမှုပဲ မဟုတ်ပါလား။

ဒါဆိုရင် ဒီလောက်ရှင်းတဲ့ ပြဿနာတစ်ခုမှာ ဖင်ကြားမီးညှပ်သလို မနေနိုင် မထိုင်နိုင်အောင် ပါဝင်လာတဲ့ သိက္ခာရှိပါတယ်ဆိုသော ကုလသမဂ္ဂ UN နဲ့ လူ့အခွင့်အရေးအဖွဲ့တွေ အချို့အာဆီယံနိုင်ငံတွေ မီဒီယာ အချို့နဲ့ လူပုဂ္ဂိုလ်တွေဟာ ပြဿနာအကြောင်းရင်းကို ခြေခြေမြစ်မြစ် နားလည်သည်ဖြစ်စေ၊ နားမလည် သည်ဖြစ်စေ၊ အကြောင်းပြပြီး လုပ်စားချင်တာဖြစ်စေ၊ သဘောရိုးနဲ့ လုပ်ကိုင်သည်ဖြစ်စေ၊ သူတို့တတွေပါ ကျက်သရေတုံး တဲ့ အဆင့်ထဲ အလိုလို ပါဝင်သွားရ ပါတော့တယ်။ ဒီလူ ဒီအဖွဲ့အစည်း တွေဟာ ဘင်္ဂလီတွေရဲ့ သမိုင်းလိမ် တွေနဲ့ နယ်မြေခံတွေကို စော်ကားတာတွေ သူပုန်ထခဲ့တာတွေ ဘင်္ဂလီတွေရဲ့ ရည်ရွယ်ချက်တွေကို ဘာကြောင့် မသိချင်ယောင်ဆောင်ပြီး ဘာသာရေးနဲ့ လူ့အခွင့်အရေးကိုသာ အသံကျယ်ကျယ်နဲ့ ထအော်လာကြတာလည်း ဆိုတာ အရင်မေးခွန်းထုတ်ချင်ပါတယ်။

ပထမဆုံးတစ်ခု ပြောပြထားချင်ပါတယ်။ ကုလသမဂ္ဂဆိုတဲ့ UN ဆိုတာ ဘာလည်း ဘာတွေလုပ်နေ တာလည်း ဘယ်လိုဖွဲ့စည်းထားတာလည်း ဒါတွေ လူတိုင်းလိုပဲ နားလည်ကြပါတယ်။ ဒါပေမယ့် ကုလအဖွဲ့ အမည်ခံပြီး အောက်မှာလုပ်ကိုင်နေတဲ့ တာဝန်ရှိသူတွေဟာ မှန်မှန် လုပ်နေကြရဲ့လားဆိုတာကိုတော့ ပြန်လည်ပြီး check, recheck, counter check’ လုပ်ဖို့ အရင်လိုအပ်ပါလိမ့်မယ်။ ကုလသမဂ္ဂဆိုတာ နိုင်ငံ တိုင်းက အားကိုးရာလို့ သတ်မှတ်ထားကြပါတယ်။ သို့သော်လည်းပဲ ကုလသမဂ္ဂရဲ့ နာမည်ခံပြီး မဟုတ် တာ လုပ်တာတွေ၊ သက်ဆိုင် ရာနိုင်ငံရဲ့ အချူပ်အခြာ အာဏာပိုင်းဆိုင်ရာကို ထိပါး နှောင့်ယှက်လာ တာတွေကို ဘယ်နိုင်ငံကမှ ခွင့်ပြုမှာ မဟုတ်ပါဘူး။ ဒုက္ခသည်ဆိုင်ရာ သဘောတူညီချက်ကို လက်မှတ်ရေး ထိုးပြီး ဒုက္ခသည်တွေအား လက်ခံကူညီ ပေးနေတဲ့ နိုင်ငံတွေမှာတောင် UNHCR က တရားလွန် ဝင်ရောက်စွက်ဖက်လာရင် လက်မခံကြတော့ဘူး ဆိုတာလည်း UNHCR က ပုဂ္ဂိုလ်ကြီးများ နားလည်ကြ မှာပါ။

မြန်မာစကားနဲ့ ပြောရရင်တော့ သူကြီးနဲ့ပေါင်းပြီး ဆယ်အိမ်ခေါင်းကို ဘာထင်တယ် ညာထင်တယ် ဆိုတာ မျိုးကို လက်မခံကြတာပါ။ ရခိုင်ဒေသမှာ ရခိုင်တိုင်းရင်းသားတွေက UN နဲ့ NGO တွေကို လက်မခံဘူး ဆိုတာဟာလည်း ဒေသခံ ရခိုင်တိုင်းရင်းသားများရဲ့ နှစ်ပေါင်းများစွာ ကတည်းက ခံစားလာခဲ့ရတဲ့ ရင်ထဲက မျိုသိပ်နေခဲ့ရတဲ့ ခံစားချက်တွေကြောင့် ဆိုတာကို အရင်သဘောပေါက်အောင် ကြိုးစားစေချင် ပါတယ်။ ဘယ်သူတွေရဲ့ တိုက်တွန်းချက်ကြောင့်မှ မဟုတ်ပါဘူး။ UNHCR ရဲ့ ဒုက္ခသည် စောင့်ရှောက် မူမျိုးဟာ ရခိုင်ဒေသအတွင်းက ဘင်္ဂလီတွေအတွက် အကျုံးမဝင်ဘူးလို့ မဟာမင်းကြီးက ဆိုခဲ့တာဟာ ဘင်္ဂလီတွေ ဆိုတာ ဒုက္ခသည်တွေ မဟုတ်ပါဘူး၊ ခိုးဝင်အခြေချလာတဲ့ ဘင်္ဂလားဒေသက သူတွေပါလို့ ဝန်ခံ သွားခဲ့ တာလားလို့တောင် ထင်မြင် ယူဆမိပါတယ်။ ဘင်္ဂလီတွေ လက်ခံဖြေရှင်းဖို့ ကိစ္စဟာ UN နဲ့မဆိုင် ဘူးဆိုရင် ရခိုင်ဘူးသီးတောင် မောင်တောဒေသမှာ UNHCR ထားဖို့တောင် မလိုပါဘူး။ တခြားနိုင်ငံ တကာနဲ့ မြန်မာ ပြည်ရဲ့ အချို့နေရာတွေမှာ UNHCR က လုပ်ကိုင်ဆောင်ရွက် ပေးနေတာကို အသိ အမှတ်ပြုနိုင်ပေမယ့် ရခိုင် တိုင်းရင်းသားတွေရဲ့ မြေဖြစ်တဲ့ ဘူးသီးတောင်၊ မောင်တောမှာတော့ ဘင်္ဂလီ အရေးကိုသာ ဦးစားပေး လုပ်ကိုင်ပေးနေကြတာ ကြာပါပြီ။ ယခု UN, INGO ဝန်ထမ်းတွေကို အစိုးရက ဖမ်းပြီး ဥပဒေနဲ့ စီရင် နေရတာကိုက သူတို့ရဲ့ မသမာမူတွေကို သက်သေပြနေတာပါ။

ဒုတ်၊ ဓါး လက်နက်များ ကိုင်ဆောင်ထားသော ဘင်္ဂလီ လူမျိုးများ

ဘာကြောင့် ဆူပူအကြမ်းဖက်ဖို့ လှုံ့ဆော်နေတဲ့ သူတွေကရော UNHCR ဝင်းထဲ ရောက်နေရရလည်း၊ ဘင်္ဂလီတွေက စတင်ပြီး ဒုတ်ကိုင် ဓါးကိုင်၊ ရခိုင်အိမ်တွေကို မီးရှို့လူသတ်နဲ့ မဲမဲထအောင် ဒီလောက် သောင်းကျန်းနေကြတာကို ဒီတာဝန်ရှိသူတွေက မမြင်ဘူးတဲ့လား။ ယခင်အတိတ်ကရော ခိုးဝင်အခြေချ နေသူ ဘင်္ဂလီတွေက ရခိုင်ဒေသခံတွေကို အကြိမ်ကြိမ် စော်ကားပြီး လူသတ် မုဒိန်းကျင့်လုပ်နေတာ (Genocide) လူမျိုးတုန်းဖြစ်စဉ် ဖြစ်ပွားလုနီးနီး ရခိုင်ပြည်နယ် နေရာအား အပိုင်စီးဖို့ လုပ်နေတာတွေကို နားမလည် ခဲ့ကြဘူးလား။ ယခု မုဒိန်းကျင့် လူသတ်မူ မကျူးလွန်ခင် ကလေးကတင် မောင်းတော နစက ဂိတ်နဲ့ မနီးမဝေးမှာတင် ကုလား (၃) ယောက်က ဓါးကိုယ်စီနဲ့ အပြေးလိုက်ပြီး မုဒိန်းကျင့် လူသတ်ခဲ့ တာရော မသိ လိုက်တာလား။ ကိုယ့်အလုပ်မဟုတ်လို့ မသိဘူးဆိုရင် ဘင်္ဂလီအရေး ကိစ္စကိုသာ ဦးစားပေး လုပ်နေတဲ့ ကုသသမဂ္ဂ အဖွဲ့သားတွေဟာ ရုံးဆက်ထိုင်ဖို့ မကောင်းတော့ပါဘူး။ မသိသေးရင်လည်း ဒီပြဿနာ ဘယ်လိုရှင်းမလဲဆိုတဲ့ ဆောင်းပါးနဲ့ လဝက ဝန်ထမ်းတစ်ဦးရဲ့ အတွေ့အကြုံ ဆောင်းပါး တွေကို ပေးထားတဲ့ လင့်အတိုင်း ပူးတွဲဖတ်ကြည့်ပြီး သုံးသပ်ကြဖို့ အကြံပြုပါတယ်။
http://arakantimes.net/burmese/index.php/2012-02-21-02-29-15/242-2012-06-27-12-31-

ဒါဆိုရင် တပည့်မကောင်း ဆရာ့ခေါင်းဆိုသလို UN အဖွဲ့ကြီးနဲ့ UN အထွေထွေ အတွင်းရေးမှူးချုပ်မှာ တာဝန်ရှိပါတယ်။ ခိုးဝင်သူ ဘင်္ဂလီတွေက ဒေသခံ ရခိုင်တိုင်းရင်းသားတွေကို အကြိမ်ကြိမ်ပင် သတ်ဖြတ်ရန် ကြံစည်မူနဲ့ အကြမ်းဖက်မူများမှာ ကြံရာပါ သို့မဟုတ် အားပေးသူ ဖြစ်လာနိုင်ပါတယ်။ ဒါကြောင့် အနိမ့်ဆုံး အဆင့် ကိုယ့်အဖွဲ့အစည်းအတွင်း ပြန်လည် စစ်ဆေးကြရပါမယ်။ UN ဆိုတဲ့ဝိတ်နဲ့ သက်ဆိုင်ရာ နိုင်ငံကိုသာ လက်ညှိုးထိုး အပြစ်တင်ပြနေလို့ မရပါဘူး။ ကိုယ့်ဌာနက တာဝန်ရှိသူတွေ ရုံးအဖွဲ့ဝင်တွေကိုလည်း ကုလ သမဂ္ဂရဲ့ စည်းမျဉ်း စည်းကမ်းအတိုင်း ဆောင်ရွက်မူ ရှိ မရှိ၊ မှန်မှန်ကန်ကန် ဟုတ်မဟုတ်ကို ပြန်လည်လို့ စစ်ဆေးသင့်ပါတယ်။ UN နဲ့ UN ရဲ့ မူဝါဒ လုပ်ပိုင်ခွင့်တွေကို လက်ခံပေမယ့် တာဝန်ယူ လုပ်ကိုင်နေသူ တွေကိုတော့ လူသားတို့ရဲ့ အားသာချက် အားနည်းချက်များရှိတဲ့ သဘာဝ အတိုင်း ပုံပြီး ယုံလို့မရတာကိုတော့ နားလည်နိုင်ကြပါလိမ့်မယ်။

အပိုင်း (၂) ကို မနက်ဖြန် ဆက်လက် ဖော်ပြသွားပါမယ်။ မူရင်းဆိုဒ် စည်းလုံးခြင်းရဲ့ အင်အား ဝက်ဘ်ဆိုဒ် www.photayokeking.org မှ တဆင့်ဖော် ပြရခြင်းဖြစ်ပါတယ်။

၃၁ အဆန် ရထားလမ်းချော်မှု ဖြစ်ပွား

noreply@blogger.com (Anonymous) — Mon, 27 Aug 2012 14:08:00 +0630

ရန်ကုန်-နေပြည်တော် ပြေးဆွဲသည့် ၃၁ အဆန် ရထားလမ်းချော်မှု ဖြစ်ပွား

ယနေ့ သြဂုတ်လ ၂၇ ရက်နေ့ တွင် ရန်ကုန်-နေပြည်တော် ပြေးဆွဲသည့် ၃၁ အဆန် ရထားသည် ရန်ကုန်ဘူတာကြီးမှ နံနက် ၈ နာရီတွင် ထွက်ခွာလာရာ တိုးကြောင် ကလေး ဘူတာ နှင့် ငမိုးရိပ် ဘူတာကြားအရောက်တွင် ရထားလမ်း ချော်မှု ဖြစ်ပွား ခဲ့ကြောင်းသိရသည်။

ဖြစ်ပွားချိန် မှာ ယနေ့နံနက် ၈ နာရီ ၂၀ မိနစ်တွင် ဖြစ်ပွား ခဲ့ပြီး အဆိုပါဖြစ်ရပ်ကြောင့် ရထားဘီးစတင်လမ်းချော် သည့် နေရာမှစ၍ ပေတစ်ရာခန့်အထိ တရွတ်တိုက်ချော် ထွက် သွားကာ သံလမ်း များကြားမှ ကွန်ကရစ် ဇလီ ဖားတုံး ၁၀ဝ ကျော် ခန့် ပျက်စီးသွားကြောင်း သိရသည်။

ယင်းဖြစ်စဉ်နှင့် ပတ်သက်၍ အဆိုပါရထားနှင့်လိုက်ပါလာသူ ရထားလုံခြုံရေး ရဲတပ်ကြပ် ကိုအေးထွန်း ကို ရန်ကုန်မီဒီယာဂရုပ်မှ မေးမြန်းရာ "ရထားကြောင့် ဖြစ်တာလား သံလမ်းရဲ့အားနည်းချက်လား ဆိုတာ လော လောဆယ်အဖြေရှာလို့ မရသေးဘူး ဒီနေရာမှာ အရင်ကလမ်းချော်တာမျိုးမရှိဘူး ခရီးသည် တွေလည်း ဘာမှ မဖြစ်ဘူး" ဟု ပြောကြားသည်။

ယင်းဖြစ်စဉ်ကို ကိုယ်တိုင်မြင်တွေ့လိုက်ရသည့် ရထားသံလမ်းဘေးတွင် နေထိုင်သူ ဦးဝင်းလှိုင်က "အသံက ဂျိမ်း ဂျိမ်း ဆိုပြီးအကျယ်ကြီးကြား လိုက်ရတယ် အော်တဲ့သူ ကလည်းအော် ပြေးတဲ့သူတွေပြေးဖြစ်ကုန်တယ် ။ ဖြစ်တဲ့ အတွဲကအရမ်းခါနေတော့ မှောက်သွားမှာ စိုးရတယ်။

မီပွားတွေလည်း ထွက်ပြီး ညော်လည်းညော်ကုန်တယ် ဘယ်လိုဖြစ်မလဲဆိုပြီး ရထားမှောက်မှာ စိုးလို့ကြည့် နေကြတာ ရထားဘီးက တအားချော်တာ "ဟု ပြောကြားသည်။

အဆိုဖြစ်ပွားရာနေရာသို့ ရောက်ရှိနေသော ရန်ကုန်ဘူတာကြီး၏ ဒုရုံပိုင်ချုပ်ကြီး ဦးရဲလွင်အား မေးမြန်းရာ တွင် "အခုဖြစ်စဉ်က ဘာကြောင့် ဖြစ်တယ် ဆိုတာ မပြောနိုင်သေးဘူး ရထားတွဲကြောင့်ဖြစ်တာလား ၊ လမ်းကြောင့်ပဲလား ၊ စက်ခေါင်းမောင်းတဲ့ သူရဲ့ အနှေးအမြန်ကြောင့် ဖြစ်တာလား ဆိုတာတွေကို သေချာ ဆန်းစစ်ရ ဦးမယ် သုံးမျိုးစလုံးလည်း ဖြစ်သွားနိုင်တယ် ၊ အဖြေတော့ မပေးနိုင်သေးဘူး" ဟု ပြောကြား သည်။

အဆိုပါ ရထားဘီးချော်မှုကြောင့် ခရီးသည်များထိခိုက်ဒဏ်ရာရှိမှု မရှိခဲ့ကြောင်း သိရသည်။ ဘီးချော်သွား သည့် ရထားတွဲကို တိုးကြောင်ကလေး ဘူတာအထိ သယ်ယူသွားပြီး ယင်းဘူတာတွင် ဖြုတ်ထားခဲ့မည် ဖြစ်ကြောင်း နှင့် ခရီးစဉ်ကို ဆက်လက်ပြေးဆွဲ ထွက်ခွာမည် ဖြစ်ကြောင်းသိရသည်။

ဖြစ်ပွားသည့် ရထား အတွဲမှာ ရထားစက်ခေါင်းမှ စတင်ရေတွက်လျင် ၅ တွဲမြောက်အတွဲဖြစ်ကြောင်း သိရသည်။

Yangon Media Group

ကချင်၊ ရခိုင်ပြည်နယ် ကလေးများ ပညာရေး ရန်ပုံငွေ ဈေးရောင်းပွဲတော်

noreply@blogger.com (Anonymous) — Mon, 27 Aug 2012 13:56:00 +0630

ကချင်၊ ရခိုင်ပြည်နယ် ကလေးများ ပညာရေး ရန်ပုံ ငွေ ဈေးရောင်းပွဲတော်ကချင်၊ ရခိုင်ပြည်နယ်ရှိ ကလေးများ ပညာရေး ရံပုံငွေ ဈေးရောင်းပွဲတော်ကို ရန်ကုန်တိုင်း၊ ဒဂုံမြို့နယ်၊ ပြည်လမ်းမပေါ်ရှိ တော်ဝင်စင်တာတွင် ၂၀၁၂၊ သြဂုတ် ၂၅ ရက်၊ နံနက် (၉) နာရီမှ စတင် ကျင်းပပြုလုပ်ခဲ့ပါတယ်။ အဆိုပါ ဈေးရောင်းပွဲတော်တွင် ရွှေရောင် လူသား၊ အပြာရောင် လူသားစနိုးဝှိုက်တို့နဲ့ ဓါတ်ပုံတွဲရိုက်ခြင်း အစီအစဉ် များ ပါဝင်ပြီး မြန်မာမုန့် အမျိုး မျိုး၊ အလှစိုက်ပန်းပင်များ၊ ထီး၊ တီရှပ်အင်္ကျီများကို ရံပုံငွေအတွက် ရောင်းချခဲ့ကြကြောင်း သိရှိရပါ တယ်။ ထို ဈေးရောင်းပွဲကို သြဂုတ်လ (၂၅) ရက်နေ့နဲ့ (၂၆) ရက်နေ့ (၂) ရက်တိုင် ကျင်းပ ရောင်းချခဲ့ပါတယ်။

မန္တလေးတွင် လူသတ်မှုကြီး ဖြစ်ပွား

noreply@blogger.com (Anonymous) — Fri, 24 Aug 2012 14:36:00 +0630

မန္တလေးတိုင်း၊ ချမ်းမြသာစည်မြို့နယ်၊ တမ္ပဝတီ

- ခတ္တန်းရပ်တွင် ယမန်နေ့ သြဂုတ်လ ၂၃ ရက်နေ့ ညက လူသတ်မှုတခု ဖြစ်ပွားခဲ့ကြောင်းသိရပါသည်။

အဆိုပါအခင်းဖြစ်ပွား နေအိမ်မှာ မိသားစု ၄ ဦး နေထိုင်တယ်လို့ သိရပြီး အခင်းဖြစ်မှုနဲ့ပတ်သက်လို့

ကတော့အလုပ်သမား က အလုပ်ရှင်ကို လုယက်၊ သတ်ဖြတ်ခဲ့တယ်လို့ ဆိုပါတယ်။

အလုပ်ရှင် အမျိုးသားကတော့ နေရာမှာပဲ သေဆုံးနေပြီး ဇနီးဖြစ်သူမှာ အတွင်းလူနာအဖြစ် ဆေးရုံကို ပို့ဆောင်ထားတယ်လို့ ဆိုပါသည်။

မူရင်းဆိုဒ်ကိုကြည့်ရန်။

ဘင်္ဂလီများ ကျူးကျော်စစ်ဆင်နွှဲခြင်းဟု ရခိုင်တိုင်းရင်းသားရေးရာ ဝန်ကြီးပြော

noreply@blogger.com (Anonymous) — Wed, 22 Aug 2012 12:23:00 +0630

ဘင်္ဂလီ-ရခိုင် အဓိကရုဏ်းတွင် ဘင်္ဂလီများ ကျူးကျော်စစ်ဆင်နွှဲခြင်းဟု ရခိုင်တိုင်းရင်းသားရေးရာ ဝန်ကြီးပြော

ရခိုင်ပြည်နယ်ဒေသအတွင်း များမကြာမီက ဖြစ်ပွားခဲ့သည့် ဘင်္ဂလီ-ရခိုင် အဓိကရုဏ်းတွင် ဘင်္ဂလီများက ရခိုင်ပြည် ဒေသအတွင်းဝင်ရောက်၍ ကျူးကျော်စစ်ဆင်နွှဲခြင်းဖြစ်ကြောင်း ရခိုင်တိုင်းရင်းသားရေးရာ ဝန်ကြီး ဦးဇော်အေးမောင်၏ သဘောထားအမြင်ကို ထုတ်ဖော်ပြောဆိုခဲ့ကြောင်း ရခိုင်အကြောင်း တစေ့ တစောင်း စာမျက်နှာမှ ဖော်ပြချက်အရ သိရ သည်။

တစ်ဖက်နိုင်ငံမှာ တရားမဝင်ကျူးကျော်ဝင်ရောက်လာသော ဘင်္ဂလီလူမျိုး များအား မြန်မာနိုင်ငံရှိ အကျင့် ပျက်ဝန်ထမ်းတချို့က လာဘ်ငွေ ယူကာ နေထိုင်ခွင့်ပေးခြင်း နိုင်ငံသား မှတ်ပုံတင် ထုတ်ပေးခြင်း၊ မြှောက် ပင့်ပေးခြင်းများ ပြုလုပ်ခဲ့ကြောင်းလည်း ပြောဆိုသွားသည်။

" ကျွန်တော်ပြောချင်တာက ဒါဟာ ကျူးကျော်စစ်ပွဲတစ်ခုပါ။ ကျွန်တော်တို့ မြန်မာနိုင်ငံကို ဗြိတိသျှတွေ သေနတ်နဲ့လာရောက်တိုက်ခဲ့တာမှ ကျူးကျော်တာ မဟုတ်ဘူး။

အခု ဟိုဘက်က ဘင်္ဂလီတွေ ကျူးကျော်အခြေချ နေထိုင်လာပြီး အကျင့်ပျက်ဝန်ထမ်းတွေနဲ့ ပေါင်းပြီး မှတ်ပုံတင်တွေ ထုတ်တယ်။ အိမ်ထောင်အများကြီးပြုပြီး၊ ကလေးတွေ သောက်သောက်လဲမွေးတယ်။

ဒီတော့ လူဦးရေတွေ တိုးပွားလာတယ်။ ဒေသခံတွေကို နှင်ထုတ်တယ်။ အိမ်တွေ မီးရှို့တယ်။ သတ်တယ်။ ဒါဟာ ရခိုင်နဲ့ အစ္စလာမ်ဖြစ်တဲ့ ပြဿနာလို့ ပြောလို့မရတော့ဘူး။ အဲ့ဒီနယ်မြေကို သူတို့နယ်မြေလို့ ကျူးကျော်တောင်းဆိုလာတယ်။ " ဟု ရခိုင်တိုင်းရင်းသားရေးရာ ဝန်ကြီး ဦးဇော်အေးမောင်က ပြောသည်။

ယခုကဲ့သို့ ဘင်္ဂလီလူမျိုးများ ကျူးကျော်ခြင်းအား မြန်မာနိုင်ငံအတွင်း မှီတင်းနေထိုင်သော တိုင်းရင်းသား အားလုံးနှင့်သက်ဆိုင်ပြီး ၄င်းပြဿနာကို ပြည်သူနှင့်အစိုးရ ပူးပေါင်းပြီး ဖြေရှင်းမှအောင်မြင် မည် ဖြစ်ကြောင်း၊

ထို့အပြင် ဘင်္ဂလီလူမျိုးများက လူ့အခွင့်အရေးအရေခြုံပြီး ကမ္ဘာ့နိုင်ငံတချို့တွင် သတင်းအလိမ်များဖြင့် ဝါဒဖြန့်ခြင်းအားလည်း ရှုတ်ချကြောင်း ပြောကြားခဲ့သည်။

ဦးဇော်အေးမောင်က" ဒီကျူးကျော်စစ်ပွဲဟာ မြန်မာနိုင်ငံ တိုင်းရင်းသားတွေ အားလုံးနဲ့သက်ဆိုင် တယ်လို့ သတ်မှတ်ပြီး အစိုးရနဲ့ ပူးပေါင်း ဖြေရှင်းမှ အောင်မြင်မယ်လို ့ထင်တယ်။

ဒါ့အပြင် ကမ္ဘာ့အချို့နိုင်ငံများက လူ့အခွင့်အရေးကို အရေခြုံပြီး ဇာတ်နာခန်းတွေ ဖွင့်ပြပြီးတော့ ကျွန်တော်တို့ ရခိုင်တွေကပဲ နှိပ်စက်နေသလို ပြောနေတာကိုလည်း ကျွန်တော်က ရှုတ်ချတယ်။ " ဟု ယခု ကဲ့သို့ ပြောသည်။

ဆက်လက်၍ ဦးဇော်အေးမောင်က " လူ့အခွင့်အရေးကို အများဆုံး ကြွေးကြော်နေတဲ့ အမေရိကန်နိုင်ငံမှာ ကျွန်တော်တို ့ ရခိုင်လူမျိုးတွေ တရားမဝင် သွားရောက်နေထိုင်ပြီးတော့ တိုင်းရင်းသားပါ၊ အမေရိကန် တိုင်းရင်းသားပါလို့ တောင်းဆိုလာရင် သူတို့က ကျွန်တော်တို့ကို ဘာလုပ်ပေးမလဲ။

အမေရိကန်မှာ ရခိုင်ပြည်နယ်ပေးပါ။ အာရိကန်ဒေသ သတ်မှတ်ပါလို့ ပြောလို့လည်း မရဘူး။ အဲ့ဒီတော့ နိုင်ငံတကာကိုလည်း မျှမျှတတဝေဖန်ဆုံးဖြတ်ပါလို ့ ပြောချင်ပါတယ်။ " ပြောကြားခဲ့သည်။

မြန်မာနိုင်ငံအတွင်းသို့ တရားမဝင်ကျူးကျော်ဝင်ရောက်လာသည့် ဘင်္ဂလီလူမျိုးများမှာ လွန်ခဲ့သည့် ဆယ် စုနှစ်များစွာကပင် ကျူးကျော်စစ်ပွဲဆင်နွှဲရန် အစီစဉ်တကျ ပြင်ဆင်မှုများ ရှိခဲ့ကြောင်းလည်း သတင်းများ ထွက်ပေါ်နေကြောင်း သိရသည်။

Arakan Times

နေပြည်တော်မှာ Mitsubishi ရုံးဖွင့်မည်

noreply@blogger.com (Anonymous) — Wed, 22 Aug 2012 11:12:00 +0630

ဂျပန်နိုင်ငံရဲ့ နံမည်ကြီး ကုမ္ပဏီကြီး တခုဖြစ်တဲ့ မစ်ဆုဘိရှီ ( Mitsubishi) ကော်ပိုရေးရှင်းကြီးဟာ မြန်မာနိုင်ငံ မြို့တော် သစ် နေပြည်တော်မှာ လာမယ့် စက်တင်ဘာလ ၁ ရက်နေ့မှာ ရုံးခန်းသစ် တခု တည်ထောင် ဖွင့်လှစ်တော့မှာ ဖြစ်ပါတယ်။ မြန်မာနိုင်ငံဟာ သဘာဝ အရင်း အမြစ်တွေ ပေါကြွယ်ဝ တဲ့ နိုင်ငံဖြစ်တဲ့အပြင် တရုတ်နိုင် ငံ၊ အန္ဒိယနိုင်ငံနဲ့ အခြား အာဆီယံ နိုင်ငံတွေနဲ့ နယ်နိမိတ်ချင်း ထိစပ်နေ ပြီး ပထဝီ သဘောအရ အားသာချက်တွေ ရှိတဲ့ နိုင်ငံလည်းဖြစ် ပါတယ်။ လူဦးရေကလည်း ၆၂ သန်းလောက် ရှိပြီး နောက်ထပ် စက်မှု ဖွံ့ဖြိုးတိုးတက်မှု အလားလားကောင်းတွေ ရှိနေ တာ၊ စတာတွေကြောင့် ဈေး ကွက်ကောင်း တခုအဖြစ်လက်ခံပြီးအခုလို ကော်ပိုရေးရှင်းကြီး အခြေလာချ တာလည်းဖြစ် ပါ တယ်။ နိုင် ငံတော်တော် များများက မြန်မာနိုင်ငံရဲ့ ဒီမိုကရေ စီ ပြုပြင်ပြောင်းလဲရေး လုပ်လာပြီးနောက် ပိတ်ဆို့ထားတဲ့ စီးပွားရေး ဒဏ်ခတ်မှုတွေကို ဖြေလျှော့ ဖယ်ရှားမှုတွေ လုပ် လာပြီးနောက် ပိုင်း ပြုပြင်ပြောင်းလဲရေး အရှိန် လည်း ရလာခဲ့ ပါတယ်။ တဆက်တည်း မှာဘဲ မြန်မြန် ဆန်ဆန်ဘဲ အစိုးရက ဦးဆောင်ပြီး စွမ်းအင်ကဏ္ဍ၊ တီလီဆက်သွယ်ရေး ဝန်ဆောင်မှု၊ လေဆိပ်နဲ့ လမ်းဆောက်လုပ်ရေး အစရှိတဲ့ အခြေခံ အဆောက်အဦ တိုးတက်ဖွံ့ဖြိုးရေးတွေ ကို နိုင်ငံတကာရဲ့ အားပေးမှုတွေ အပေါ် အခြေခံပြီး ဖော်ဆောင် သွားဖို့ လည်း မျှော် လင့်ထားတာပါ။

၁၉၅၄ ခုနှစ်ကတည်းက မစ်ဆုဘိရှီ ကော်ပိုရေးရှင်းရဲ့ ရုံးခန်းတခုကို ရန်ကုန်မြို့မှာ အခြေချဖွင့် လှစ်ထားခဲ့ တာပါ။ ဒါကို လည်း ဖိုင်ဘာ၊ အစားအသောက်၊ သံမဏီနဲ့ စက်ပစ္စည်း ဆိုင်ရာ ထုတ်ကုန်တွေ နဲ့ပတ်သက်ပြီး ကုန်သွယ်လုပ်ဆောင် လာ ခဲ့ရင်း အခုထိ ဆက်လက်ပြီး ထိမ်းထိမ်းသိမ်းသိမ်း လုပ်ဆောင်လာ ခဲ့တယ်လို့ တိုကျို အခြေဆိုက် (JCN Newswire) သတင်း တပုဒ်မှာ ဖော်ပြထားပါတယ်။ အခုလို နေပြည်တော် မှာပါ နောက်ထပ် ရုံးသစ်စိုက်လိုက် ပြီးနောက်မှာ ရန်ကုန်ရုံးနဲ့ နေပြည်တော်ရုံးတို့ သတင်းအချက် အလက်တွေနဲ့ ရုံးလုပ်ငန်းတွေကို အတူပူးပေါင်းပြီး လုပ်ဆောင်ဖို့ ရှိပြီး အနာဂတ်မှာ မြန်မာ့စက်မှု ထွက်ကုန် တိုးတက်မှုနဲ့ အခြေခံ အဆောက်အဦဆိုင်ရာ စီမံကိန်းကြီးတွေကိုလည်း ရန်ပုံငွေရှာပြီး ဆက်လက် ဖွံ့ဖြိုးအောင် လုပ်သွားဖို့ ရည်စူးထား တယ်လို့ ဆိုပါတယ်။ နေပြည်တော် ရုံးခန်းမှာ ဦးဆောင် တာဝန်ယူ မယ့် မြန်မာနိုင်ငံဆိုင်ရာ အထွေထွေ မန်နေဂျာကတော့ Mitsuo Ido ဖြစ်ပြီး အခုလက်ရှိ ရန်ကုန် ရုံးရဲ့ အထွေထွေ မန်နေဂျာအဖြစ် တာဝန်ယူနေ သူဖြစ်ပါတယ်။ နေပြည်တော် ရုံးလိပ်စာက တော့ အမှတ် ၁၂၉၊ သီရိ ရတနာ Shopping Complex နေပြည်တော်ဖြစ်ပါတယ်။

မစ်ဆုဘိရှီ ကော်ပိုရေးရှင်းကြီးဟာ ကမ္ဘာတဝန်း နိုင်ငံပေါင်း ၈၀ မှာ လုပ်ငန်းပေါင်း ၂၀ဝ လောက်အခြေ ဆိုက်ထားပြီး ကုမ္ပဏီပေါင်း ၅၀ဝ ကျော်နဲ့ စုဖွဲ့ထားတဲ့ ကော်ပိုရေးရှင်းကြီးတခု လည်း ဖြစ်ပါ တယ်။ ကော် ပိုရေး ရှင်းကြီးမှာ စုစုပေါင်း ကုမ္ပဏီ ဝန်ထမ်း ၆ သောင်း ကျော် ရှိပါတယ်။

noreply@blogger.com (Anonymous) — Fri, 10 Aug 2012 16:22:00 +0630

Click here

သမ္မတ၏ နှုတ်ထွက်ရန် ဖျောင်းဖြမှုကို ဦးကျော်ဆန်း လက်မခံ

noreply@blogger.com (Anonymous) — Fri, 10 Aug 2012 12:40:00 +0630

မြန်မာ အစိုးရ သမ္မတ ဦးသိန်းစိန် က လျှို့ဝှက် စွာ ခေါ် ယူ တွေYဆုံ ပြီး လက် ရှိ တာဝန်ထမ်းဆောင် နေ သည့် ပြန်ကြား ရေး ဝန်ကြီး ရာထူးနေရာ မှာ နှုတ်ထွက် စာ တင် ရန် တိုက်တွန်းချက် ကို ဦးကျော် ဆန်း က လက်မခံ ဘဲ ပယ် ချ လိုက် သည် ဟု FNG မှ သတင်း ရရှိသည်။

ယခု သီတင်း ပတ် အတွင်း အစိုးရ ရုံးစိုက် ရာ နေ ပြည်တော် မြို႔၏ သမ္မတ အိမ်တော် တွင်သမ္မတ ဦးသိန်းစိန် က ဝန်ကြီး ဦးကျော်ဆန်း အား ဖိတ် ခေါ် ပြီး နှုတ်ထွက် ပြီး အနားယူရန်တိုက် တွန်း သော်လည်း ဦးကျော် ဆန်း က ငြင်းဆန် ခဲ့ သည်။

ထိုတွေ႔ဆုံ မှု ပြု လုပ် ပြီး နောက် ပြန်ကြား ရေး ဝန်ကြီး ဌာန ၏ အင်တာ နက် စာမျက် နှာ နှင့် Facebook စာမျက် နှာ များ ဖောက်ထွင်း ခံ ရသည် ဆိုကာ ဦးသိန်းစိန် အစိုးရ ၏ ရိုဟင်ဂျာ အရေး ကိုင် တွယ် ပုံ အား ဝေဖန် မှု ပြုထား သည့် စာများ တက်ရောက် လာခဲ့ သည်။

ဦးကျော်ဆန်း နှင့် ဦးသိန်းစိန် ၏ တိုက် ပွဲ ကြား တွင် လျှပ်တပျက် ဂျာနယ် အယ်ဒီတာ ချုပ် ဦးမြတ် ခိုင် ၊ The Voice ဂျာနယ် နှင့် Envoy ဂျာနယ် တို ့ မြေစာ ပင် ဖြစ်ရသည် ဟု ရန်ကုန်မြို႔မှာ စစ်တပ် အရာ ရှိ စာရေး ဆရာ တစ်ဦး က FNG udk ပြောသည်။

ဦးသိန်းစိန် အား လိုလား သူများ က ဦးကျော်ဆန်း ၏ လူယုံ တစ်ယောက် ဖြစ်သော ဦးမြတ်ခိုင် အား တရား စွဲ ဆို ထား သည့် အမှု များ နောက်ကွယ် က ပါရှိ နေ ပြီး ဦးကျော်ဆန်း ကလက် စားချေ သော အား ဖြင့် ပြည်တွင်း ဂျာနယ် ၂ စောင် ကို ထုတ်ဝေ ခွင့် ပိတ် ပင် မှု ပြုလိုက် သည် ဟု ဆိုသည်။

အဆိုပါ ထုတ်ဝေခွင့် ပိတ် ပင် ခဲ့ မှု ကြောင့် သတင်းထောက် နှင့် စာနယ်ဇင်း သမား များ ချီတက်ဆန္ဒပြ မှု ပြု ကြ ပြီး နောက် တွင် ဦးသိန်းစိန် က ဦးကျော်ဆန်း ကို သတိပေး စကား ဆို ကာခေါ်ယူ တွေ႔ဆုံ ပြီး ၊ နှုတ် ထွက် စာ တင် ခိုင်း ခြင်း ဖြစ်သည်။

Ref:http://freedomnewsgroup.com/2012/08/09/thein-sein-v-s-kyaw-san/

ဗဟန်း ၃လမ်းမှတ်တိုင်အနီးတွင် ယာဉ်တိုက်မှုတစ်ခုဖြစ်ပွား

noreply@blogger.com (Anonymous) — Wed, 8 Aug 2012 23:29:00 +0630

ဗဟန်း ၃လမ်းမှတ်တိုင်အနီးတွင် ယာဉ်တိုက်မှုတစ်ခုဖြစ်ပွားခဲ့ပြီး ကားခေါင်းခန်းအတွင်း ညှက်နေသူ ယာဉ်မောင်းကိုသုံး နာရီနီးပါးအကြာမှ ထုတ်ယူခဲ့

သြဂုတ်လ ၈ရက်နေ့ မွန်းလွှဲ ၁နာရီခန့်တွင် ဗဟန်း ၃လမ်းမှတ်တိုင်အနီးတွင် ယာဉ်တိုက်မှုတစ်ခု ဖြစ်ပွား ခဲ့ပြီး ကားခေါင်းခန်းအတွင်း ညှက်နေသူ ယာဉ် ယာဉ်မောင်းအမျိုးသားကို သုံးနာရီနီးပါးအကြာမှ ထုတ်ယူနိုင်ခဲ့ ကြောင်း သတင်းရရှိပါသည်။

ဖြစ်စဉ်မှာ ဗဟန်း ၃လမ်းမှတ် တိုင်အနီးတွင် ရွှေဂုံတိုင်မှဆူးလေသို့ သွားရာလမ်းကြောသို့ မောင်း နှင်နေသည့် ရေသန့်တင် ဒိုင်နာယာဉ်မှ ရှေ့မှာ သွားနေသည့် ယာဉ်အား ရှောင်ရန်ကြိုးစားရာမှ ကားဘီးပေါက်၍ လမ်းဘေးတွင် ရပ်တန့်ထားသည့် ဒိုင်နာယာဉ်အား အနောက်မှ ဝင်ရောက်တိုက်မိခဲ့ကြောင်း သိရှိရသည်။

ယာဉ်တိုက်မှုဖြစ်စဉ်ဖြစ်ပွားပြီး ခဏအကြာတွင် ယာဉ်ထိန်းတပ်ဖွဲ့မှ တာဝန်ရှိသူတစ်ချို့ ရောက်ရှိခဲ့ပြီး ပုံမှန်လုပ်ငန်းစဉ်များကို ဆောင်ရွက်ခဲ့ကြောင်း သိရှိရသည်။

အဆိုပါ ဖြစ်စဉ်ကြောင့် ရေသန့်တင် ကားယာဉ်မောင်းမှာ ကားခေါင်းအတွင်း စတီယာရင်နှင့် ထိုင်ခုံအကြား ညှက်နေသဖြင့် မြန်မာနိုင်ငံမီးသတ်တပ် ဖွဲ့မှကားခေါင်းအတွင်းညှက်နေသော ယာဉ်မောင်းအားလူအင်အား သုံး၍ ညနေ ၃နာရီ ၄၀မိနစ်ခန့်တွင် ဆွဲထုတ်ကယ်ဆယ်ခဲ့ကြောင်းသိရ သည်။

''ဒီဖြစ်စဉ်ဖြစ်နေတာ မွန်းလွှဲတစ်နာရီလောက် ကတည်းကလို့ သိရတယ်။ ဒါပေမယ့် ကျွန်တော်ဆီ သတင်း ရောက်တာ မွန်းလွှဲ ၃ နာရီ ၂၀မိနစ်လောက်မှ ကျွန်တော်တို့ဆီ သတင်းရောက်ပါတယ်။

ကားခေါင်းထဲမှာ ညှက်နေတဲ့ယာဉ်မောင်းကို ဆွဲထုတ် တဲ့အချိန်က ၁၀ မိနစ်ဝန်းကျင်လောက်ပဲ ကြာခဲ့ပါ တယ်''ဟု မြန်မာနိုင်ငံ မီးသတ်တပ်ဖွဲ့မှ တာဝန်ရှိသူ တစ်ဦးက ပြောပြပါသည်။

ယာဉ်တိုက်မှုဖြစ်စဉ်ကြောင့် ရေသန့်တင်ယာဉ်မှ ကားညာဘက်ခေါင်း ကျေမွမှုရှိခဲ့ပြီး အတိုက်ခံရသော ယာဉ်မှာ အနောက်ပိုင်း ဘယ်ဘက်ကျေမွမှု ရှိခဲ့သည်။

''ဝုန်းဆိုတဲ့အသံကြားလို့ ဆိုင်ထဲက ထွက်ကြည့်လိုက်တော့ ကားအခုလိုရပ်ထားတဲ့ကားကို ဝင်တိုက်တာ တွေ့ရတာပါ။ ယာဉ်မောင်းက ကားတိုက်မှုဖြစ်ပွားတဲ့ မွန်းလွှဲ ၁နာရီအချိန်ကတည်းက ခေါင်းခေါင်းခန်းမှာ ညက်နေပါတယ်''ဟု ယာဉ်တိုက်မှု ဖြစ်စဉ်အနီးတွင် ရှိနေသူတစ်ဦးက ပြောပြပါသည်။

အဆိုပါယာဉ်တိုက်မှုဖြစ်စဉ်အား မြန်မာနိုင်ငံ မီးသတ်တပ်ဖွဲ့မှ အသက်ကယ်ယာဉ်တစ်စီး၊ လူနာတင်ယာဉ် တစ်စီး၊ မီးသတ်ယာဉ်နှစ်စီး ဝန်ထမ်းအင်အား(၂၅)ဦးတို့ဖြင့် ကယ်ဆယ်ခဲ့ပြီး အသက်(၄၂)နှစ်ခန့် ယာဉ်မောင်း ဦး.မှာ ညာဘက်ခြေထောက်ပေါက်ပြဲဒဏ်ရာ ရရှိ(မစိုးရိမ်ရ)ခဲ့ကြောင်း ကယ်ဆယ်ရေးဆောင်ရွက် ခဲ့သော မီးသတ်တပ်ဖွဲ့မှ တာဝန်ရှိသူတစ်ဦး၏ ပြောကြားချက်အရ သိရပါသည်။

Eleven media

ပိုင်ဆိုင်မှုကြေညာရေးအဆို ပယ်ချခံရ

noreply@blogger.com (Anonymous) — Wed, 8 Aug 2012 23:15:00 +0630

ပိုင်ဆိုင်အစိုးရ အဖွဲ့ဝင်များရဲ့ ပိုင်ဆိုင်မှုတွေ ထုတ်ဖော် ကြေညာ မှတ်တမ်းတင်ပြီး ပြည်ထောင်စု လွှတ်တော်ကို တင်ပြရန် အမျိုးသားဒီမိုကရေစီ အဖွဲ့ချုပ် ပြည်သူ့လွှတ်တော် ကိုယ်စားလှယ် ဦးဝင်းမြင့် တင်သွင်းတဲ့ အဆိုကို ဒီကနေ့ လွှတ်တော် အစည်းအဝေးက ပယ်ချလိုက်ပါတယ်။

ကောင်းမွန်သော အစိုးရ၊ သန့်ရှင်းသော အစိုးရ ဖြစ်ပေါ်စေရေးအတွက် ပြည်ထောင်စု အစိုးရ အဖွဲ့ဝင်များ၊ တိုင်းဒေသကြီး အစိုးရ အဖွဲ့ဝင်များ၊ ပြည်နယ်အစိုးရ အဖွဲ့ဝင်များအဖြစ် တာဝန် ပေးအပ်ခံ ရသူတွေဟာ ၄င်းတို့ရဲ့ ပြောင်းရွေ့ နိုင်သောပစ္စည်း၊ မပြောင်းရွေ့နိုင်သော ပစ္စည်းနဲ့ ၄င်းတို့၏ အကျိုး စီးပွားများကို ထုတ်ဖော်ကြေညာ မှတ်တမ်းတင်ထားရန် ဦးဝင်းမြင့်က တင်သွင်းခဲ့ပါတယ်။

ဒီအဆိုကို NLD ပါတီ ကိုယ်စားလှယ် ၄ ဦး အပါအဝင် ကိုယ်စားလှယ် ၁၃ ဦး ဆွေးနွေးပြီးနောက် ထောက်ခံ သူ ၆၈ မဲသာ ရရှိပြီး ကန့်ကွက်သူ ၂၇၁ မဲနဲ့ ပယ်ချခံရတာဖြစ်ပါတယ်။ NLD ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းက ဒီကနေ့ ဆွေးနွေးချက်တွေနဲ့ ပတ်သက်ပြီး ခုလိုပြောပါတယ်။

"ဦးဝင်းမြင့်တင်တဲ့ အဆိုကို ဒီနေ့မဲခွဲတယ်။ Green Government ဖြစ်ရေးကိစ္စပေါ့။ မဲခွဲတာတော့ ကျွန်တော်တို့ ၆၈ မဲနဲ့ ဒီအဆိုဟာ ရှုံးနိမ့်သွာတယ်။ အဲဒီဟာကို ဖွဲ့စည်းပုံအခြေခံ ဥပဒေမှာ ပြည်သူ့ လွှတ်တော်ကို တင်ပြရမယ်။ အစိုးရကို တင်ပြရမယ် ဆိုတဲ့ စကားရပ်ပေါ်မှာ ဖြစ်တာပေါ့ဗျာ။ နိုင်ငံတော် သမ္မတကိုပဲ တင်ပြရမယ်လို့ ဖွဲ့စည်းပုံအခြေခံ ဥပဒေက ဆိုတယ်ပေါ့။ ကျွန်တော်တို့ တင်တဲ့ အဆိုက ဒီပြည်ထောင်စု လွှတ်တော်ကို တင်ပြထားဖို့ပေါ့နော်။ ဒါကတော့ ယုံကြည်မှုကို ပိုမိုဖြစ်စေနိုင်ဖို့ အတွက်ပေါ့"

အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ဒီကနေ့ ပြည်သူ့လွှတ်တော် အစည်း အဝေး ပထမ ပိုင်း တက်ရောက်ပြီးနောက် နေ့လည်ပိုင်းမှာ ပညာရေးဆိုင်ရာ ကော်မတီက ကျင်းပတဲ့ အစည်းအဝေးကို တက်ရောက်ခဲ့ပါတယ်။ ပညာရေး ကော်မတီက ပြန်လည် ပြင်ဆင်ရေးဆွဲဖို့ စီစဉ်နေတဲ့ ၂၀၁၂ ပညာရေး ဥပဒေမူကြမ်းနဲ့ ပတ်သက်ပြီး ဆွေးနွေးကြတာ ဖြစ်ကြောင်း သိရပါတယ်။

ဇူလိုင် ၃၁ ရက်နေ့က တက္ကသိုလ် ပညာရေး ဥပဒေမူကြမ်းနဲ့ ပတ်သက်ပြီး လွှတ်တော် အစည်းအဝေး မှာ ဆွေးနွေးကြစဉ် ဒေါ်အောင်ဆန်းစုကြည်က မြန်မာနိုင်ငံရဲ့ အဆင့်မြင့် ပညာရေးစနစ်ကို နိုင်ငံတကာနဲ့ အညီ ပြဋ္ဌာန်းနိုင်ရေးအတွက် ပြည်သူ့ လွှတ်တော်ကို ပညာရေးမြှင့်တင်မှု ကော်မတီက လက်ရှိ တင်ပြ ထားတဲ့ ၂၀၁၂ တက္ကသိုလ် ပညာရေး ဥပဒေမူကြမ်းကို အသစ်ပြန်လည် ရေးဆွဲပြီး လွှတ်တော်မှာ ထပ်မံ ဆွေးနွေးတင်ပြဖို့ တောင်းဆိုခဲ့ပါတယ်။

ဒီကနေ့ လွှတ်တော်မှာ ဆွေးနွေးတဲ့ အစိုးရ အဖွဲ့ဝင်များ ပိုင်ဆိုင်မှု ထုတ်ဖော်ကြေညာပြီး မှတ်တမ်းတင်ဖို့ အဆိုနဲ့ ပတ်သက်ပြီး NLD ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းကို ဆက်သွယ် မေးမြန်း ထားတာ နားဆင်နိုင်ပါတယ်။မှုကြေညာရေးအဆို ပယ်ချခံရ

	ဆက်သွယ်မေးမြန်းချက်။
	အသံဖိုင်ယူရန်။

အစိုးရအဖွဲ့ဝင်များ ပိုင်ဆိုင်မှု အများပြည်သူသိအောင် ကြေညာရန်အဆို ပယ်ချခံရ

အစိုးရ အဖွဲ့ဝင်တွေရဲ့ ပိုင်ဆိုင်မှုတွေ အများပြည်သူ သိရှိအောင် ထုတ်ပြန် အသိပေးဖို့ အဆိုကို ဒီနေ့ ကျင်းပ တဲ့ပြည်သူ့ လွွှတ်တော်က ပယ်ချလိုက်ပါတယ်။

အမျိုးသားဒီမို ကရေစီအဖွဲ့ချုပ်ရဲ့ ပုသိမ်ပြည် သူ့လွွှတ်တော် ကိုယ်စားလှယ် ဦးဝင်းမြင့် တင်သွင်းတဲ့ အဆိုကို ထောက်ခံမဲ ၆၈ မဲ၊ ကန့်ကွက်မဲ ၂၇၁ မဲ၊ ကြားနေ ၁၅ မဲနဲ့ လွွှတ်တော်မှာ ဆက်မဆွေးနွေးဖို့ ဆုံးဖြတ်လိုက်ကြတာပါ။

ဦးဝင်းမြင့် တင်သွင်းတဲ့ ကောင်းမွန်တဲ့ အုပ်ချုပ်ရေး၊ သန့်ရှင်းတဲ့ အစိုးရ ဖြစ်စေဖို့ ပြည်ထောင်စု အစိုးရအဖွဲ့နဲ့ တိုင်းနဲ့ပြည်နယ် အစိုးရ အဖွဲ့ဝင်တွေရဲ့ ရွေွှ့ပြောင်းနိုင်သောပစ္စည်း၊ မရွေွှ့ပြောင်း နိုင်သောပစ္စည်းနဲ့ အကျိုးစီးပွားတွေကို ပြည်သူတွေသိအောင် ထုတ်ဖော်ကြေညာဖို့အဆိုကို လွွှတ်တော်ကိုယ်စားလှယ် ၁၃ ဦးက ပါဝင်ဆွေးနွေးကြပါတယ်။

အဲ့ဒီနောက် ပြည်ထောင်စုရှေ့နေချုပ်က ဦးဝင်းမြင့်ရဲ့အဆိုဟာ အခြေခံဥပဒေနဲ့ ကွဲလွဲနေတဲ့အတွက် အဆိုကောင်း ဖြစ်ပေမယ့် မှတ်တမ်းတင်ထားဖို့ပဲ အကြံပြုခဲ့တယ်လို့ အဆိုရှင် ဦးဝင်းမြင့်က ပြောပါတယ်။

ဦးဝင်းမြင့်ကလည်း မှတ်တမ်းတင်ဖို့ လက်မခံဘဲ ဆက်ဆွေးနွေးဖို့ ပြန်လည်တင်ပြတဲ့အခါ လွွှတ်တော်တွင်း မဲခွွဲဲဆုံးဖြတ်ပြီး ရှူံးနိမ့်ခဲ့တာ ဖြစ်ပါတယ်။

ဒီအဆိုရှုံးနိမ့်တာနဲ့ ပတ်သက်ပြီး ပုသိမ်မြို့နယ် ပြည်သူ့လွွှတ်တော်ကိုယ်စားလှယ် ဦးဝင်းမြင့်က အခုလို သုံးသပ်ပြောကြားပါတယ်။

“ဖွဲ့စည်းပုံ ၆၈ မှာက သမ္မတနဲ့ ဒု သမ္မတရဲ့ ပိုင်ဆိ်ုင်တဲ့ စာရင်းတွေ၊ ပစ္စည်းတွေက ပြည်ထောင်စုလွွှတ်တော်နာယကမှာပဲ တင်ရမှာ။ အစိုးရအဖွဲ့ရဲ့ ဥပဒေပုဒ်မ ၁၀၁ မှာကျတော့ အစိုးရအဖွဲ့တွေက သမ္မတဆီတင်ရမှာ။ ကျနော်ပြောတာက ဒါမဟုတ်ဘူး။ ကျနော်က ပြည်ထောင်စုအစိုးရအဖွဲ့ရော၊ တိ်ုင်းဒေသကြီးအစိုးရအဖွဲ့ရော၊ ပြည်နယ်အစိုးရအဖွဲ့ရော အစိုးရအဖွဲ့မှာ ပါတဲ့လူတွေ အကုန်လုံး ရွေွှ့ပြောင်းနိ်ုင်တဲ့ ပစ္စည်းနဲ့ မရွေွှ့ပြောင်းနိုင်တဲ့ ပစ္စည်း၊ သူတို့အကျိုးစီးပွားအကုန်လုံးကို ထုတ်ဖော်ကြေညာပြီးတော့ ပြည်သူကို ပွင့်လင်းမြင်သာမှုရှိဖို့နဲ့ တာဝန်ခံမှုရှိဖို့ပေါ့။ ပြည်သူကို ထုတ်ဖော်ကြေညာခိုင်းတာ၊ ဒါဟာ ဖွဲ့စည်းပုံနဲ့ ဆန့်ကျင်တာမဟုတ်ဘူး။ ဖွဲ့စည်းပုံမှာပါပြီးသားလည်း မဟုတ်ဘူး။ လွဲတယ်။ ဒါပေမယ့် မဲခွဲဆုံးဖြတ်တဲ့အခါကျတော့ ရှုံးတာပေါ့။”

မကြာသေးမီကပဲ ပြည်ထောင်စုအစိုးရအဖွဲ့နဲ့ ပြည်နယ်တိုင်းအစိုးရ အဖွဲ့ဝင်တွေရဲ့ ပိုင်ဆိုင်မှုတွေ သမ္မတထံတင်ပြဖို့ သမ္မတရုံးညွွှန်ကြားချက် ထွက်ခဲ့ပါသေးတယ်။

by ရွေွှအောင် (ဒီဗွီဘီ)

ခြိမ်းခြောက်မှုတွေကို သမ္မတရုံး ညွှန်မှူး တုံ့ပြန်

noreply@blogger.com (Anonymous) — Wed, 8 Aug 2012 22:42:00 +0630

မကြာခင် သတင်းပတ်တွေအတွင်း အစ္စလာမ် ကြီးစိုးတဲ့ နိုင်ငံတချို့မှာ မြန်မာအစိုးရကို ဆန္ဒပြ ခြိမ်းခြောက် တာ တွေ လုပ်ခဲ့တဲ့အပေါ် မြန်မာအစိုးရဘက်ကလည်း သိရှိ ထားပြီး သံတမန်ရေးအရ၊ လုံခြုံရေးအရ လုပ် ဆောင် သင့်တဲ့ အရာတွေ ဆက်လက် လုပ်ဆောင် နေတယ်လို့ နိုင်ငံတော် သမ္မတရုံးဘက် က ပြောပါတယ်။

အင်ဒိုနီးရှားနိုင်ငံမှာ အကြမ်းဖက်မှုနဲ့ ဆက်စပ်ပြီး ထောင်ချ ခံထားရတဲ့ အစ္စလာမ် ဘာသာရေး ခေါင်းဆောင် တဦးဖြစ်တဲ့ အဘူ ဘာကာ ဘာရှားက မွတ်ဆ လင်တွေ ဆက်ပြီး ဖိနှိပ် သတ်ဖြတ် ခံရမယ် ဆိုရင် မြန်မာ အစိုးရကို ဘာသာရေးအရ ဂျီဟတ်စစ်ပွဲ ဆင်နွဲမယ် လို့ သောကြာနေ့က ခြိမ်းခြောက်ခဲ့ပါတယ်။

ခြိမ်းခြောက်မှုတွေ ရှိနေတယ်ဆိုတာကို မြန်မာအစိုးရအနေနဲ့ သိရှိထားကြောင်း၊ ရခိုင်ကိစ္စမှာ မြန်မာ အစိုးရအနေနဲ့ ဘင်္ဂါလီရယ်၊ ရခိုင်ရယ်လို့ ဘက်မလိုက်ပဲ ဖွဲ့စည်းပုံ အခြေခံဥပဒေပါ ပြဌာန်းချက်တွေ အတိုင်း ဥပဒေတွေအတိုင်း ထိန်းသိမ်း ဆောင်ရွက်ခဲ့ကြောင်း၊ ဘယ်ဘာသာကိုမှ ဖိနှိပ်ချုပ်ချယ်တာ မရှိကြောင်း မြန်မာ သမ္မတ ဦးသိန်းစိန်ရဲ့ နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက ဘီဘီစီ ကို ပြောပါတယ်။

အစိုးရရဲ့ ဆောင်ရွက် နေမှုတွေအပေါ် မကြာခင် ရက်ပိုင်းကလည်း ပြည်ထောင်စု ဝန်ကြီးတချို့က နိုင်ငံ တကာ သံတမန်တွေနဲ့ ကုလသမဂ္ဂ လူ့အခွင့်အရေး ကိုယ်စားလှယ်တို့ကို ရှင်းပြခဲ့ တဲ့အပြင် အဖြစ်မှန်တွေ ကို လေ့လာနိုင်အောင် ရခိုင်ပြည်နယ်ကို ပို့ဆောင် ပြသခဲ့ကြောင်းလည်း သူက ပြောပါတယ်။

'သမ္မတကြီး ဦးသိန်းစိန် အစိုးရ လက်ထက်မှာလည်း နိုင်ငံတော် ကာကွယ်ရေးနဲ့ လုံခြုံရေးဆိုင်ရာ မဟာဗျူ ဟာ နည်းဗျူဟာ ဒါတွေကိုလည်း ခေတ်နဲ့အညီ ဆောင်ရွက်လျှက် ရှိပါတယ်'' လို့ သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

လက်ရှိ ခြိမ်းခြောက်မှုတွေဟာ အစစ်အမှန် ဖြစ်နိုင်သလို တချို့ကတော့ အမှန်တကယ် မဟုတ်ပဲ ကြောင့် လန့်ရုံ သက်သက် ခြိမ်းခြောက်တာတွေ ဖြစ်နိုင်ကြောင်း၊ သေသေချာချာ ဆန်းစစ်ပြီးရင်တော့ လုပ်သင့် လုပ်ထိုက်တာကို နိုင်ငံတကာနဲ့ ပူးပေါင်း လုပ်ဆောင်သွားမှာ ဖြစ်ကြောင်း ဦးဇော်ဌေးက ပြောပါတယ်။

လန်ဒန်အိုလံပစ် မာရသွန်ပွဲတွင် နီလာဆန်း အဆင့်၁၀၅သာရရှိ

noreply@blogger.com (Anonymous) — Wed, 8 Aug 2012 22:39:00 +0630

သြဂုတ်လ ၅ရက်နေ့ ကျင်းပခဲ့သည့် လန်ဒန်အိုလံပစ် မာရသွန်အပြေးပြိုင်ပွဲတွင် မြန်မာအပြေးမယ် နီလာ ဆန်း အဆင့်၁၀၅သာ ရရှိခဲ့သည်။ အကွာအဝေး၂၆ မိုင်ကျော်၊နိုင်ငံပေါင်းစုံမှ ကစားသမား ၁၁၈ယောက် ဝင်ရောက်ယှဉ်ပြိုင်သည့် အထက်ပါပြိုင်ပွဲ တွင် မြန်မာအပြေးမယ် နီလာဆန်း အဆင့်၁၀၅ ရရှိ ခဲ့ခြင်းဖြစ်သည်။

အီသီယိုးပီးယားအပြေးမယ် တီကီဂီလာနာက ၂နာရီ ၂၃ မိနစ်ဖြင့် ပန်းဝင်ကာ လန်ဒန်အိုလံပစ် မာရ သွန်ပြိုင်ပွဲ၏ ရွှေတံဆိပ်ဆုက ရယူခဲ့သည်။ အသက်၂၇နှစ်ရှိ မြန်မာအပြေးမယ် နီလာဆန်းက ၃နာရီ ၄မိနစ်၂၇စက္ကန် ့ဖြင့် ပန်းဝင်ခဲ့သည်။ ဝင်ရောက်ယှဉ်ပြိုင်သည့် ကစားသမား ၁၁၈ယောက်တွင် ၁၀၇ယောက် ပန်းဝင်နိုင်ခဲ့ပြီး၊ ကစားသမား ၁၁ယောက် ပန်းမဝင်နိုင်ခဲ့ကြပေ။ လန်ဒန်အိုလံပစ်တွင် မြန်မာနိုင်ငံမှ အားကစားသမား၆ဦး ဝင်ရောက်ယှဉ်ပြိုင်ခဲ့သည့်ထဲတွင် နီလာဆန်းသည် နောက်ဆုံးဝင်ရောက် ယှဉ်ပြိုင်သည့် အားကစားသမားဖြစ်သည်။ သြဂုတ်၄ရက်နေ႔က ကျင်းပသည့် မီတာလေးရာ အပြေးပြိုင်ပွဲ တွင်လည်း မြန်မာအပြေးသမား ဇော်ဝင်းသက် အကြိုခြေစစ်ပွဲ ၈ယောက်ပြိုင် သည့် ပွဲတွင် အဆင့်၈သာရပြီး ပြိုင်ပွဲမှ ထွက်ခဲ့ရသည်။

ရှစ်လေးလုံး ၂၄ နှစ်ပြည့်အထိမ်းအမှတ် အခမ်းအနား

noreply@blogger.com (Anonymous) — Wed, 8 Aug 2012 22:37:00 +0630

ရန်ကုန်မြို့တွင် ကျင်းပနေသော ရှစ်လေးလုံး ၂၄ နှစ်ပြည့် အထိမ်းအမှတ် အခမ်းအနားကို အမျိုး သား ပြန် လည်သင့်မြတ်ရေး၊ ဒီမိုကရေစီရေးနှင့် လူ့ အခွင့်အရေးငြိမ်းချမ်းရေး လိုလားသူများက ဦးဆောင် ပြီးပြု လုပ်ခဲ့ပြီးရွှေဂုံတိုင် ရှိ တော် ဝင်နှင်းဆီ ၌ ကျင်းပခဲ့ကြောင်း သိရှိရပါ သည်။ အဆိုပါ အခမ်းအနား သို့လည်း လူတစ်ထောင်ကျော် ခန့် တက်ရောက်ခဲ့ကြောင်း သိရပါသည်။ ထိုအခမ်း အနားတွင် ဝါဆို သင်္ကန်း ကပ်လှူ ပူဇော်မှုကို ပြုလုပ်ခဲ့ကြောင်းနှင့်အခမ်းအနာသို့ ပေးပို့လာသော သဝဏ် လွှာများကို ဖတ်ကြားခြင်းများ ပြုလုပ် ခဲ့ပါသည်။

ရန်ကုန်မြို့တော်ဝင်နှင်းဆီ

တွင် ယနေ့ နံနက်ပိုင်းက ပြုလုပ်ခဲ့သော ရှစ်လေးလုံး ၂၄ နှစ်ပြည့်အထိမ်းအမှတ် အခမ်းအနားတွင် အမျိုးသား ဒီမိုကရေစီအဖွဲ့ချုပ်နာယက ဦးတင်ဦးအားတွေ့ရစဉ်

ရန်ကုန်မြို့တော်ဝင်နှင်းဆီ

တွင် ယနေ့ နံနက်ပိုင်းက ပြုလုပ်ခဲ့သော ရှစ်လေးလုံး ၂၄ နှစ်ပြည့်အထိမ်း အမှတ် အခမ်းအနား မြင်ကွင်း

Myanmar Mining Industry

noreply@blogger.com (Anonymous) — Wed, 8 Aug 2012 22:33:00 +0630

မြန်မာနိုင်ငံ၏ Mining Industry တွင် ရင်းနှီးမြှုပ်နှံ လိုသော Exploration Company, Junior Mining Company, Financing Firm တို့သည် Government Practice, Procedure, How to investment in Myanmar Mining Industry, Myanmar Geology and Mineral Potential တို့ကို သိရှိလိုလျှင် joei0920@gmail.com သို့ဆက် သွယ်မေးမြန်းဆောင် ရွက်နိုင်သည်။

Ministery of Mining

Model Shwe Sin in Sexy Shorts Dress

noreply@blogger.com (Anonymous) — Fri, 3 Aug 2012 17:12:00 +0630

Model Shwe Sin in Sexy Shorts Dress

မော်ဒယ် ရွှေစင် ပါ။

ဂျပန်ခေတ် ဂျပန် ဓါးရှည်များ ရောင်းရန်ရှိ (Authentic)

noreply@blogger.com (Anonymous) — Fri, 3 Aug 2012 16:38:00 +0630

ဂျပန်ခေတ် ဂျပန် ဓါးရှည်များကို ကိုယ်ပိုင်နံပါတ်အမျိုးမျိုးဖြင့် ဓါးရှည်များရရှိနိုင်သည်။ ၄င်းတို့ရရှိခဲ့ သည့် နောက်ကြောင်းများကို ရှင်းပြနိုင်ပါသည်။ လိုချင်သူများဆက်သွယ်ရန် -

info@mminfonews.co.cc
mminfonews@gmail.com (မေးလ်သို့ ဆက်သွယ်မေးမြန်း ဝယ်ယူနိုင်ပါသည် )

Authentic Ww2 Japanese imperial army's swords for sale. All swords were marked with a serial number on the blade. Please contact seller " mail: info@mminfonews.co.cc " for further information about how these swords have been retrieved

販売のための本格的な第二次世界大戦の日本帝国軍の剣。すべての剣は、ブレードのシリアル番号が付いていた。これらの剣が取り出された方法の詳細については販売者" mail: info@mminfonews.co.cc" をご連絡ください

ရခိုင်အရေး သမ္မတဦးသိန်းစိန် ပြောကြားချက်ကို ထောက်ခံ ဆန္ဒပြ

noreply@blogger.com (Anonymous) — Fri, 3 Aug 2012 16:25:00 +0630

ယနေ့ နေ့လည် ၁ နာရီက ရန်ကုန်မြို့ စမ်းချောင်းမြို့နယ် ပြည်လမ်းမပေါ်ရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR ရှေ့တွင် ရိုဟင်ဂျာ လက်မခံဆိုသည့် အမှတ်တံဆိပ်ပါသည့် တီရှပ်များ ဝတ်ဆင်ကာ သမ္မတဦးသိန်းစိန်နှင့် နိုင်ငံတော် အလံပုံပါ ဗီနိုင် ကိုင်ဆောင်၍ လူငယ် ၁၃ ယောက် မှ စတင်ကာ သွားရောက် ဆန္ဒထုတ်ဖေါ်ကြသည်။

ဆန္ဒထုတ်ဖေါ်သူများက သမ္မတကိုထောက်ခံတဲ့ ကြွေးကြော်သံရေရွတ်ခဲ့ကြရာ “သမ္မတကြီးကို ထောက်ခံ ပါတယ်” “ ရိုဟင်ဂျာသည် တိုင်းရင်းသားမဟုတ် ”ဆိုသည့် ကြွေးကြော်သံများ နှင့် ကမ္ဘာမကြေ သီချင်း လည်း သီဆိုခဲ့ကြသည်။ ထိုနောက် အေးချမ်းစွာ လူစုခွဲရန် ပြန်ဆင်နေစဉ် စမ်းချောင်းမြို့နယ်ရဲတပ်ဖွဲဝင်များ ရောက်ရှိလာသည်။

ငြိမ်းချမ်းစွာ ဆန္ဒထုတ်ဖေါ်ခွင့်ကို လွန်ခဲ့သည့် ၄ရက်က သက်ဆိုင်ရာ မြို့နယ်ရဲတပ်ဖွဲ့မှူးရုံးတွင် လျှောက်ထား ခဲ့သော်လည်း ပလပ်ခံရပြီးနောက် ယနေ့ဆန္ဒထုတ်ဖေါ်လိုက်ကြခြင်းဖြစ်သည်။

မိနစ် ၂၀ ဝန်းကျင်အကြာတွင် စမ်းချောင်းရဲတပ်ဖွဲ့မှ ရောက်လာပြီး ဆန္ဒထုတ်ဖေါ်ခွင့် လျှောက်ထားခြင်းမှာ ၅ ရက်ကြိုလျှောက်ထားရန် လိုအပ်ကြောင်းနှင့် ယင်းအကြောင်းကြောင့် ပလပ်လိုက်ရကြောင်းကို မီဒီယာ များ အား ရှင်းပြသည်။

သမ္မတ ဦးသိန်းစိန်သည် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR အကြီးအကဲ Antonio Guterres နှင့် ဇူလိုင်လ ၁၁ ရက်နေ့ တွေ့ဆုံ ဆွေးနွေးချိန်တွင် တိုင်းရင်းသား မဟုတ်ဘဲ ခိုးဝင်လာ သော ရိုဟင်ဂျာတွေကို လက်ခံဖို့ ဘယ်လိုမှ မဖြစ်နိုင်ကြောင်း၊ မြန်မာအစိုးရ အနေဖြင့် ရခိုင်ပြည်နယ်က ရိုဟင်ဂျာကိစ္စကို ဖြေရှင်းဖို့ အလေးအနက် စဉ်းစားနေကြောင်း ပြောကြားခဲ့သည်။

ဆန္ဒထုတ်ဖေါ်အပြီး တီရှပ်များ၊ ဗီနိုင်များကို UNHCR ရုံးဝန်ထမ်းများထံသို့ ပေးအပ်ခဲ့ကြောင်းလည်း သိရှိ ရသည်။

ယခင်လကုန်ပိုင်း သမ္မတ ဦးသိန်းစိန် ထိုင်းနိုင်ငံသို့သွားရောက်စဉ်ကလည်း မြန်မာနိုင်ငံသားအချို့က ဦးသိန်းစိန်၏ ပြောကြားချက်ကို ထောက်ခံဆန္ဒပြခဲ့ကြသည်။ ။

ဓါက်ပုံ ( eleven media group)

YPI

မြန်မာနိုင်ငံတွင် ကမ္ဘာ့ဘဏ် ရုံးခွဲ ဖွင့်လှစ်

noreply@blogger.com (Anonymous) — Thu, 2 Aug 2012 16:01:00 +0630

မြန်မာနိုင်ငံမှာ ကမ္ဘာ့ဘဏ်မှ ပထမဆုံး အကြိမ် ရုံးခွဲ ဖွင့်ပွဲကို သြဂုတ်လ ၁ ရက်နေ့က ရန်ကုန်မြို့ အင်းယျားလိတ် ဟိုတယ်မှာ ကျင်းပပြုလုပ် ခဲ့တယ်လို့သိရပါတယ်။ မြန်မာနိုင်ငံတွင် ကမ္ဘာ့ဘဏ် ရုံးခွဲ ဖွင့်လှစ်ခဲ့ တယ်လို့သိရပါတယ်။

အဲ့ဒီလို ရုံးခွဲ ဖွင့်လှစ်မှုမှာ ကမ္ဘာ့ဘဏ်တင် မဟုတ်ပဲ International Finance Corporation ( IFC ) နဲ့ Asian Development Bank နဲ့ တို့က ပါဝင်တယ်လို့ သိရပါတယ်။

ဒါ့အပြင် ရုံးခွဲ ဖွင့်လှစ်ပွဲမှာ ကမ္ဘာ့ဘဏ်မှ တာဝန်ရှိသူများ၊ Internation Finance Corportation ( IFC ) နဲ့ Asia Develpment Bank တို့မှ တာဝန်ရှိ သူများက နှုတ်ဆက် စကား အသီးသီး ပြောကြားခဲ့ပြီး မြန်မာနိုင်ငံ မှာ ရုံးခွဲ လာရောက် ဖွင့်လှစ်ရတဲ့ အတွက် အလွန် ဂုဏ်ယူ ဝမ်းမြောက်ကြောင်း ပြောကြား ခဲ့တယ်လို့ သိရပါတယ်။

MRTV 4