தமிழர் பக்கம்

தலைவர் பிராபாகரன் மகள் -கரும்புலியாகி வெடித்து வீரசாவு

2011-05-01T15:07:00.002+05:30

தலைவர் பிரபாகரின் அருமை புதல்வி துவராக அவர்கள் முள்ளி வாய்க்கள்பகுதியில் சிங்கள இனவெறி படைகளுடன் நடைபெற்ற தாக்குதலின் போது கரும்புலியாகி வீர காவியம் படைத்துள்ளதாக முள்ளி வாய்க்கள் கட்டளை தளபதி கேணல் கஜனின் துணைவியார் தெரிவித்துள்ளார் .

தமிழீழ விடுதலை புலிகள் மாபெரும் ஊடறுப்பு தாக்குதல் ஒன்றை நடத்தி இருபது மைல் தொலைவில் பாரிய
நில மீட்பு சமரை நடத்த தாக்குதல் திட்டம் தலைவரால் படைத்துறை தளபதிகளிற்கும் போராளிகளுக்கும் விளங்க படுத்தி கொண்டிருந்த வேளை அதற்குள் இருந்த சில நபர்கள் ஊடாக எதிரிக்கு தகவல் பரிமாறப்பட்ட நிலையில்
இருபதாயிரம் படைகளை ஒன்று குவித்து பாரிய தாக்குதலை சிங்களம் நடத்தியது .

அந்த தாக்குதலில் தலைவரை காக்கும் உயரிய உச்ச கட்ட தாக்குதலின் போது பிரிகேடியர் விதுசா ,பிரிகேடியர் துர்க்க .பிரிகேடியர் மணிவண்ணன் .வீரசாவை தழுவி கொண்டனர் .

இவர்களுடன் மேலும் பதினொரு தளபதிகள்வீரசாவு என சிங்களம் அறிவித்தது . இந்த இராணுவ முற்றுகைக்குள் இருந்து தலைவர் பிரபாகரனை மீட்டு பாதுக்காப்பான தளத்திற்கு முள்ளி வாய்க்கள் கட்டளை தளபதி கஜணினால் மேற்கொள்ள பட்டுஅழைத்து செல்ல பட்டார் .

அந்த களத்தினிலே சொர்ணம் அவர்கள் வீர காவியம் படைத்தார் . இந்த களத்தின் பின்னர் முள்ளி வாய்க்கள் பகுதியில் நடைபெற்ற தக்குதளினிலே தலைவர் மகள் துவராக கரும்புலியாக வெடித்து எதிரே வந்த படையினரை தாக்கி அளித்தார் . இவரே இறுதியில் மாலதி படையணியை வழி நடத்தியதாக தெரிவிக்க பட்டுள்ளது .

இவருடன் கூடவே தளபதி சொர்ணம் அவர்களின் மகளும் வீர காவியம் அடைந்துள்ளார் என அவர் தெரிவித்துள்ளார் .

தமிழினத்தை காக்க தமது குடுப்பதில் பலரை நாட்டுக்காக அர்பணித்த தலைவர் அவரின் இந்த நிலையினை கேட்டு
உலக தமிழினம் கண்ணீர் வடிக்கின்றனர் .

இதைவிட மேலும் பல செய்திகள் தமிழர்களை உலுப்பும் என எதிர் பார்க்க படுகின்றது …!

அத்துடன் பலரிடம் மக்கள் கேள்வி தொடுக்கும் நிலையும் தற்போது குழப்பத்தை உருவாக்கி கொண்டு இருபவர்களின் செயலுக்கு முற்று புள்ளி வைக்க படும் என தெரிவிக்க படுகின்றது .

கனடியத் தமிழர் பே ரவை ஊடக அறிக்கை: தமிழின உணர்வாளர்கள் தீக்குளிப்பதை தவிர்த்து போராட வேண்டும்!

2011-04-20T14:00:00.002+05:30

தமிழின உணர்வாளர்கள் தீக்குளிப்பதை தவிர்த்து போராட வேண்டும்!

ஸ்ரீலங்காவில் இடம்பெற்ற போர்க் குற்றச் செயல்கள் தொடர்பான ஐ.நா.வின் அறிக்கை வெளி வந்துள்ள வேளையில் ஸ்ரீலங்கா ஜனாதிபதி மஹிந்த ராஜபக்ஷ தண்டிக்கப்பட வேண்டும் என வலியுறுத்தி நெல்லை மாவட்டத்தில் உள்ள சீகம்பட்டி கிராமத்தில் இளம் பொறியியலாளரான கிருஷ்ண மூர்த்தி என்ற இளைஞர் தனக்குத் தானே தீ மூட்டி தீக்குளித்துள்ளார். அவரது உணர்வு பூர்வமான இத்தியாக நிகழ்வானது எம்மை அதிர்ச்சிக்கும், ஆறாத் துயருக்கும் ஆளாக்கி உள்ளது. விலை மதிப்பற்ற உயிரை அவர் தியாகம் செய்துள்ளமை எம்மை மெய்சிலிர்க்க வைத்துள்ளது. அவரது இன உணர்வினை நாம் மெச்சும்
அதேவேளையில் இது போன்று தமிழ் நாட்டில் இன்னுமொரு உயிர்ப்பலி ஏற்படக் கூடாது. இதுவே இறுதி உயிர்ப்பலியாக இருக்கட்டும்.
மஹிந்த ராஜபக்ஷ தண்டிக்கப்பட வேண்டும், இந்தியா ஸ்ரீலங்காவுக்கு உதவக் கூடாது இவற்றைக்கண்டிப்பதற்காகவே நான் தீக்குளிக்கிறேன் என கடிதம் எழுதி வைத்து விட்டு அவர் தீக்குளித் துள்ளார்.
இத்தகைய இன உணர்வுள்ள இளந்தலைமுறையினர், தமிழ் மக்களின் இதயத்தை ஈட்டிபோல் தைக்கும் இன்னுயிர் தியாகத்தைக் கைவிட்டு தமிழினத்தின் நலனுக்காகப் பாடுபடும் அரசியல் கட்சிகளில் இணைந்து அரசியல் ரீதியான நடவடிக்கைகளை மேற்கொள்ள வேண்டும் என்பதே எமது பணிவான வேண்டுகோளாகும் என கனடாவிலுள்ள தமிழர் பேரவையின் பேச்சாளரான டேவிட் பூபாலபிள்ளை வேண்டுகோள் விடுத் துள்ளார்.

தமிழருக்காய் இன்னுயிர் தந்த கிருட்டிணமூர்த்திக்கு நாம் தமிழரின் வீரவணக்கம்-சீமான்

2011-04-20T10:19:00.002+05:30

நாம் தமிழர் கட்சித்தலைவர் செந்தமிழன் சீமான் இன்று விடுத்துள்ள அறிக்கையில் கூறி இருப்பதாவது.

நெல்லை மாவட்டம் சங்கரன் கோவில் தாலுக்கா குருவிக்குளம் ஒன்றியத்தில் உள்ள சீகம்பட்டி கிராமத்தைச் சேர்ந்த பொறியாளர் கிருட்டிணமூர்த்தி என்ற நம் தமிழ் உறவு ஈழத்தில் தமிழ்ச் சொந்தங்கள் மீது நிகழ்த்தப்பட்ட இனப்படுகொலை கண்டு மனம் பொறுக்காமலும், தமிழர்கள் இன்னும் அங்கு படும் இன்னல் கண்டும் நேற்று அதிகாலை 5 மணி அளவில், 3 லிட்டர் கல்லெண்ணையை (பெட்ரோலை), தன் மீது ஊற்றி பற்ற வைத்துக்கொண்டு தன் இன்னுயிரைப் போக்கிக் கொண்டார் என்னும் துயரச் செய்தி என் நெஞ்சில் இடியாய்த் தாக்கியது. அவருக்கு நாம் தமிழர் சார்பில் வீரவணக்கத்தைத் தெரிவித்துக் கொள்கிறேன்.

தமிழ் மண்ணில் இன்னும் இனமானம் அற்றுப்போய் விடவில்லை அது இன்னும் நீறு பூத்த பெரு நெருப்பாக அனைவரின் நெஞ்சிலும் இருக்கிறது என்று அப்துல் ரவூப் தொடங்கி, முத்துக்குமார், ரவிச்சந்திரன், உள்ளிட்டு இப்பொழுது தன் இன்னுயிர் துறந்த கிருட்டிணமூர்த்தி போன்ற எத்தனையோ மானமுள்ள மறத்தமிழர்கள் நிரூபித்துக் கொண்டிருக்கிறார்கள். ஆனாலும் இந்தச் சமூகத்தின் செவிட்டுக்காதில் மட்டும் எம் தமிழ்ச் சொந்தங்களின் கூக்குரலும் அவர்கள் படும் துயரமும் இன்னம் விழவில்லை.

இனம் வீழ்ந்தது அழுவதற்கு அல்ல, மீண்டும் எழுவதற்கு என்றும் அதற்கு நம் அனைவரின் பங்களிப்பும் தேவை என்பதால் உயிரைப்போக்கிக் கொள்வது போன்ற அளப்பரிய தியாகச் செயலில் ஈடுபட வேண்டாம் என்று எம் சொந்தங்களை உரிமையுடன் கேட்டுக் கொள்கிறேன். அதே சமயத்தில் லட்சிய உறுதி கொண்ட கிருட்டிணமூர்த்தி போன்ற மறத்தமிழர்கள் எதற்காக தம் இன்னுயிரை இழந்தார்களோ அந்த லட்சியத்தை தொடர்ந்து முன்னெடுத்துச் செல்வோம். அதே சமயத்தில் இனியொரு கிருட்டிணமூர்த்தி தோன்றாமல் இருப்பது, நமது கையில்தான் இருக்கிறது. தமிழர்களின் ஒற்றுமையும் ஒன்றுபட்ட போராட்டமும் தான் அந்த நிலையை உருவாக்கும். நம் இனம் விடுதலை பெறும் வரையில் நம் போராட்டப் பாதையை நாம் தொடர வேண்டும் என்று தனது அறிக்கையில் கூறியுள்ளார்.

கண்ணகி கோட்டத்தில் தமிழர் உரிமையை நிலை நாட்ட விரைவில் போராட்டம்-சீமான்

2011-04-17T09:41:00.002+05:30

இது குறித்து நாம் தமிழர் கட்சித்தலைவர் செந்தமிழன் சீமான் விடுத்துள்ள அறிக்கையில் கூறி இருப்பதாவது.

தமிழ்நாட்டில் தேனி மாவட்டத்தின் தெற்கு எல்லையில் கூடலூர் அருகிலுள்ள பளியன்குடி என்னுமிடத்திலிருந்து வனப்பகுதியில் இருந்து 6 கிலோ மீட்டர் தொலைவில் தமிழருக்குச் சொந்தமான மங்கலதேவி கண்ணகி கோட்டம் இருக்கிறது.பாண்டிய மன்னன் தவறாக நீதி வழங்கிய மதுரை மாநகரமே தீப்பற்றி எரியட்டும் என்று கண்ணகி சாபம் விட்டு மதுரையை எரித்துவிட்டு அங்கிருந்து வெளியேறி 14 நாட்கள் நடந்து திருச்செங்குன்றம் சென்றதாகவும் அது இந்த இடம் தான் என்றும் வரலாறு சொல்கிறது.அதன் நினைவாக மங்கலாதேவி கண்ணகி கோயில் இருக்கிறது.காலம் காலமாகத் தென் மாவட்டத் தமிழர்கள் இங்கு சென்று வழிபட்டு வருகின்றனர்.இது தமிழர் தம் தாய் நிலமாகும்.இங்கு வேறு யாருக்கும் உரிமை இல்லை.இதனைப் பல்வேறு கட்டங்களில் தமிழ்நாடு மற்றும் கேரள மாநில அரசுகளால் நடத்தப்பட்ட சர்வேக்களும் நிரூபிக்கின்றன.

இங்கு செல்வதற்கு தமிழ்நாட்டில் இருந்து முறையான சாலை வசதி மட்டும் இல்லாமல் இருந்த சந்தர்ப்பத்தைப் பயன்படுத்தி கேரள அரசு நயவஞ்சகமாக 1976-ல் கேரள வனப்பகுதி வழியாக, தேக்கடியில் இருந்து கண்ணகி கோவிலுக்கு அவசர அவசரமாக ஒரு பாதை அமைத்தது. இவ்வாறு போடப்பட்ட இந்தப் பாதையின் வழியாகத்தான், தமிழக பக்தர்கள், கண்ணகி கோயிலுக்கு செல்ல வேண்டியிருந்தது. இந்த சாலையை மட்டும் வைத்துக் கேரள அரசு கண்ணகி கோயில் கேரளாவிற்குச் சொந்தமானது என்று கடந்த பல வருடங்களாக உரிமை கொண்டாடுகிறது.அதன்பின் அமைந்த திராவிட அரசுகள் இதில் உரிய கவனம் செலுத்தாததால் நமது கோட்டம் நம்மை விட்டுப் பறி போய் விட்டது.இதன்பின்பு அங்குள்ள தமிழர்கள் கண்னகி கோட்டத்திற்கு உரிமை கொண்டாடி இதற்காக பல்வேறு கட்டப் போராட்டங்களை நடத்தியும் இது வரை உரிய தீர்வு கிட்டவில்லை.

ஆனால் மறுபுறமோ கேரள அரசின் திமிர்த்தனம் அளவில்லாமல் சென்று கொண்டிருக்கிறது.கோவிலுக்குச் செல்லும் பாதை தன்னிடம் இருப்பதால் முதலில் கோவிலை ஆக்கிரமிப்பு செய்து உரிமை கொண்டாடிய கேரள அரசு இப்பொழுது ஒவ்வொரு வருடமும் நமது பக்தர்களிடம் செய்யும் சண்டித்தனம் புதிது புதிதாக அதிகரித்து வருகிறது.வருடம் முழுவதிலும் வழிபட்ட பக்தர்களை முதலில் அனுமதிக்க மறுத்த கேரள அரசு வருடத்திற்கு முழுநிலவு அன்று ஒரு நாள் மட்டுமே பக்தர்களை இங்கு பலத்த கெடுபிடிகளுக்குப் பின் அனுமதிக்கிறது.மேலும் அங்குள்ள கண்ணகி சிலையையும் திட்டமிட்டு களவாடிச் சென்று விட்டு சிலை காணாமல் போய் விட்டதாக நாடகமாடுகிறது.மேலும் திட்டமிட்டு பல்வேறு பிரச்சனைகளை தமிழருக்கு உருவாக்குகிறது.குறிப்பாக இங்கிருந்து செல்லும் தமிழர்களுக்கு ஜீப் கட்டணத்தை மலையாளிகள் திட்டமிட்டு கொள்ளையடிப்பதற்கு அங்கீகாரம் தருகிறது.சாலை வசதிகளும் மிக மோசமாக இருக்கிறது.மேலும் அங்கு செல்லும் தமிழர்கள் பாதுகாப்பான பயணமும் மேற்கொள்ள முடிவது இல்லை.மொத்தத்தில் அங்கு தமிழர்கள் வருவதை கேரள அரசு துளியும் விரும்புவது இல்லை.இதற்கு முக்கிய காரணம் அந்தப் பகுதியை முழுமையாக ஆக்கிரமிக்கும் எண்ணமே ஆகும்.ஆகவே முதற்கட்டமாக இந்த வருடம் தேனி மாவட்ட ஆட்சியர் பவுர்ணமி நிலவன்று கண்ணகி கோட்டம் செல்லும் பயணிகளுக்கு குறைந்த கட்டணத்தில் பாதுகாப்பான பயணத்தை மேற்கொள்வதற்கு கேரள இடுக்கி மாவட்ட ஆட்சியருடன் பேசி உரிய ஏற்பாடுகளைச் செய்ய வேண்டும்.

திருவிழா முடிந்த பின்பு தமிழக அரசு நமது பகுதியில் இருந்து கண்ணகி கோட்டம் செல்ல உரிய சாலை வசதிகளை செய்து கொடுத்து நமது இழந்த பகுதிகளையும்,உரிமைகளையும் மீட்டெடுக்க வேண்டும்.இல்லையெனில் நாம் தமிழர் கட்சி அப்பகுதி மக்களுடன் இணைந்து அதற்கான போராட்டங்களை முன்னெடுக்கும் என எச்சரிக்கிறோம்.

இது எங்கள் மரபணுவில் உள்ள கோபம் :சீமான்

2011-04-11T23:05:00.002+05:30

நாம் தமிழர் இயக்கம் சார்பில் வேலூர் கோட்டை மைதானத்தில் பொதுக்கூட்டம் நடைபெற்றது. இதில் சீமான் பேசினார்.

அவர், ‘’காங்கிரஸ் போட்டியிடும் 63 தொகுதிகளிலும் அக்கட்சியை தோற்கடிக்கும் லட்சிய உணர்வில் போராடி வருகிறோம்.

இது எங்கள் மரபணுவில் உள்ள கோபம். ஊழலை ஒழிக்க அண்ணா ஹசாரே மேற்கொண்ட உண்ணாவிரதத்திற்கு கிடைத்த ஆதரவு மூலம் இந்தியர்கள் ஊழலுக்கு எதிராக இருப்பதை காண முடிகிறது.

இதுவரை தேர்தல் தேதியை மட்டும் அறிவித்து விட்டு செல்வதுதான் தேர்தல் ஆணையத்தின் வேலையாக இருந்தது. ஆனால் இந்தமுறை தேர்தல் ஆணையம் பணத்தை கொடுக்க வில்லை. இப்போதுள்ள இதே நேர்மை, உண்மை மே13-ந் தேதி வரை தொடர வேண்டும்.

108 ஆம்புலன்ஸ், குப்பை லாரி, சேட்டு, மார்வாடி மூலம் பணம் கொடுக்கும் பணியை தொடங்கியுள்ளனர். அது உங்கள் பணம், அதை வாங்கி கொள்ளுங்கள், ஆனால் உங்களிடம் பணம் கொடுப்பவர்களின் கையை பிடித்து கேளுங்கள் இந்த பணம் உங்களுக்கு எப்படி கிடைத்தது என்று. 63 தொகுதிகளிலும் காங்கிரஸ் கட்சியை தோற்கடித்து வரலாற்றில் பதியவைக்கும் மிகப்பெரிய வாய்ப்பு உங்களுக்கு வழங்கப்பட்டுள்ளது.

தமிழகம் இத்தேர்தலில் எழுதப்போகும் தீர்ப்பை உலகமே எதிர்பார்த்து காத்திருக்கிறது. உலகில் சின்னஞ்சிறு நாடுகள் கூட தடையில்லா மின்சாரத்தை அளிக்கும் போது தமிழ்நாட்டில் மின்சாரமின்றி இருளில் இருக்கும் நிலை உள்ளது. காங்கிரஸ் அரசின் சாதனையே நாட்டை ஊழலில் தலைசிறந்த நாடாக மாற்றியது தான்’’ என்று பேசினார்.

தங்கபாலு மக்களுக்கு பணப்பட்டுவாடா செய்கிறார்: இளைஞர் காங்கிரஸ் புகார்

2011-04-11T11:39:00.002+05:30

தமிழக தலைமை தேர்தல் அதிகாரி பிரவீண்குமாரிடம் மயிலை தொகுதி இளைஞர் காங்கிரஸ் தலைவர் டி.விஜயசேகர் அளித்த புகாரில் கூறியிருப்பதாவது: மைலாப்பூர் தொகுதியில் போட்டியிடும் காங்கிரஸ் வேட்பாளர் தங்கபாலு, அப்பாவி வாக்காளர்களை கண்டறிந்து ஓட்டுக்கு தலா ரூ.1,000 முதல் ரூ.1,500 வரை விநியோகம் செய்துள்ளதாக அந்த தொகுதி மக்கள் என்னிடம் தெரிவித்தனர்.

மேலும், தொகுதியில் உள்ள ஒரு லட்சம் வாக்காளர்களுக்கு தலா ரூ.500 வீதம் பணப்பட்டுவாடா செய்யவும் திட்டமிட்டு அதற்காக ஆட்களை அமர்த்தியுள்ளார். இதன்மூலம் ஒரு லட்சம் வாக்காளர்களுக்கு கொடுப்பதற்காக ரூ.5 கோடி வரை ஒதுக்க திட்டமிட்டு இருக்கிறார்.
ராகுல்காந்தி கொள்கைக்கு மாறாகவும், நேர்மையான வழிகாட்டுதலுக்கு எதிராகவும் இத்தகைய முறைகேடுகளில் ஈடுபட்டுள்ள தங்கபாலுவை வன்மையாக கண்டிக்கிறேன். மைலாப்பூர் தொகுதியில் தேர்தல் நேர்மையாக நடைபெற தேர்தல் கமிஷன் நடவடிக்கை எடுக்க வேண்டும். இவ்வாறு மனுவில் கூறப்பட்டுள்ளது.

72 முறை குருதி கொடுத்த பெரியார் தொண்டர் : மதுரை வரதராஜன்

2011-04-11T11:38:00.000+05:30

”தானத்தில் சிறந்தது ரத்த தானம்” என்பார்கள். அந்த ரத்த தானத்தை வாழ்வின் லட்சியமாகவே நிறைவேற்றி வருகிறார்கள் மதுரை வரதராஜன் – அமுதுரஜினி தம்பதி. ஏழைக் குழந்தைகளின் சிகிச்சைக்கு, வரதராஜன் மட்டும் இதுவரை 72 முறை ரத்தம் வழங்கியுள்ளார்.
தனது துணைவியாரையும் ரத்தம் வழங்க வைத்து ஏழை நோயாளிகளின் உயிர் பிழைக்க உதவி வருகிறார். இத்தனைக்கும் வரதராஜனுக்கு “ஏ’ நெகட்டிவ் எனும் அரியவகை ரத்தம் இருப்பது குறிப்பிடத்தக்கது. அவரது சேவையைப் பாராட்டி, “நெஞ்சம் கலந்த நேயர்’ உள்ளிட்ட பல விருதுகளும் அளிக்கப்பட்டுள்ளன. ரத்த தானச் சேவையுடன் புரட்சிக் கவிஞர் மன்றத்தின் மூலம் மாதந்தோறும் இலக்கியக் கூட்டம் என இதுவரை ஆயிரக்கணக்கான நிகழ்ச்சிகளையும் நடத்திவரும் அந்தத் தம்பதியரை மதுரை மேலமாசி வீதியில் உள்ள மணியம்மை மழலையர் பள்ளியில் சந்தித்துப் பேசினோம்.
எப்போதிருந்து ரத்த தானம், இலக்கிய சேவையில் ஈடுபட்டு வருகிறீர்கள்?
மழலையர் பள்ளியைக் கடந்த 25 ஆண்டுகளாக நடத்திவருகிறேன். நான் சாதி மறுப்பு திருமணம் செய்தவன். சமூகச் சீர்திருத்தத்தை மனதில் வைத்து சுயமரியாதை இயக்கத்தில் ஈடுபட்டுவருகிறேன். எனினும், தமிழ் மொழிக்கும், அதன் இலக்கியத்துக்கும் அயராது பாடுபடவேண்டும் என மாதந்தோறும் இலக்கியக் கூட்டத்தையும் நடத்திவருகிறேன். தமிழண்ணல், இளங்குமரனார் என தமிழ் அறிஞர்கள் துணையோடு தமிழ் இலக்கியத்தை இளந்தலைமுறையினருக்கு கொண்டுசெல்வதே எனது கூட்டத்தின் நோக்கம்.
இதற்கிடையில்தான் ஏழை எளியோருக்கு ரத்த தானம் வழங்கிவருகிறேன். அதாவது அரசு மருத்துவமனையில் சிகிச்சை பெறும் ஏழை நோயாளிகளுக்கு மட்டும்தான் ரத்தம் வழங்குவது என்ற குறிக்கோளுடன் இதுவரை 72 முறை ரத்தம் வழங்கியுள்ளேன்.
எப்போது ரத்தம் வழங்க ஆரம்பித்தீர்கள்? உங்கள் துணைவியாரையும் இதில் ஈடுபடுத்தியது எப்படி?
கடந்த 15 ஆண்டுகளுக்கு முன் நான் எனது பிறந்த நாளுக்காக பிறருக்கு என்னால் ஆன உதவியைச் செய்ய நினைத்திருந்தேன். அப்போது அரசு மருத்துவமனையில் ஏழை குழந்தை சிகிச்சைக்கு அரியவகை ரத்தமான ஏ நெகட்டிவ் தேவைப்படுவதாக அறிந்து முதலில் வழங்கினேன். பின்னர், நோயாளிகளுக்குத் தேவைப்படும்போதெல்லாம் ரத்தம் வழங்கலாமே என நானும் துணைவியாரும் பேசினோம். அதனடிப்படையில்தான் பெரியார் குருதிக் கழகம் அமைத்து ஆண்டுக்கு சுமார் 600 பேரையாவது ரத்தம் வழங்க வைக்கிறோம்.
எங்களது ரத்த தானக் கழகம் மூலம் அரசு மருத்துவமனைக்கு மட்டுமே ரத்தம் வழங்கிவருகிறோம். ஆனால், சில நேரம் தவிர்க்கமுடியாத காரணங்களால் தனியார் மருத்துவமனைகளும் எங்களிடம் ரத்தம் கேட்பதால், நோயாளிகள் நலன் கருதி இலவசமாகவே அவர்களுக்கும் ரத்தம் வழங்குகிறோம்.
நாங்கள் காதல் திருமணம் செய்தவர்கள். எனது துணைவியார் அமுதுரஜினியும் அவ்வப்போது ரத்தம் வழங்கிவருகிறார். அதிக முறை ரத்தம் வழங்கியதற்காகவும், அதிகமானோரை ரத்தம் வழங்கச் செய்தமைக்காகவும் மதுரை மாவட்ட அளவில் சிறந்த ரத்த தான தொண்டருக்கான விருது எனக்கு வழங்கப்பட்டுள்ளது.
ரத்த தானம் தவிர வேறு என்ன சேவையில் ஈடுபடுகிறீர்கள்?
குழந்தைகளுக்கு ஹீமோகுளோபின் அளவு குறைந்தால் பல நோய்கள் வர வாய்ப்புள்ளது. ஆகவே குழந்தைகளுக்கான ஹீமோகுளோபின் அளவைக் கண்டறியும் மருத்துவ முகாம் ஆங்காங்கே நடத்தப்படுகிறது. அப்படி ஹீமோகுளோபின் குறைந்திருக்கும் குழந்தைகளுக்கு அதைச் சரிசெய்யும் மருந்து, மாத்திரைகளை வழங்கி வருகிறோம். நாங்கள் நடத்தும் மணியம்மை மழலையர் பள்ளியில் சிறுவர், சிறுமியருக்கு ஒழுக்கம், கட்டுப்பாடு ஆகியவற்றைக் கற்றுத் தருகிறோம். மூளை வளர்ச்சியற்ற குழந்தைகளுக்கு இலவசமாகவே கல்வி கற்றுத் தரப்படுகிறது.
எங்கள் பள்ளியில் படிக்கும் குழந்தைகள் திண்ணைப் பள்ளிக்கூட ஒழுக்கத்தையும், இருபத்தோராம் நூற்றாண்டு கல்வி அறிவையும் பெறும் வகையில்தான் கற்பிக்கப்படுகிறது. மேலும், இசை பயிற்சி முகாமையும் கோடை விடுமுறை நாள்களில் நடத்திவருகிறோம். அதில் ஏராளமான குழந்தைகள் கலந்து கொண்டு சான்றிதழைப் பெற்றுவருகிறார்கள்.
நீங்கள் பெரியார் கொள்கையில் தீவிர ஈடுபாடு உடையவராக இருந்தும் பக்தி இலக்கியக் கூட்டங்களை அதிகம் நடத்துகிறீர்களே?
தமிழ் இலக்கியத்தில் பக்தி இலக்கியங்கள் முக்கியமானவை. நாட்டில் மனச்சாட்சியும், நம்பிக்கையும் முக்கியம். அப்படிப் பார்த்தால் எங்கள் ஊர் கோயில் நகைகளை எனது பொறுப்பில் வைப்பதைத்தான் எங்கள் பகுதி மக்கள் விரும்புகிறார்கள். பெரியார் பிறந்த தினத்துக்குக்கூட நான் பெரியபுராண வரிகளை வைத்தே வாழ்த்தி போஸ்டர் ஒட்டுகிறேன். தமிழ் மொழிக்கும், தமிழ் இலக்கியத்துக்கும் இளந்தலைமுறையினரின் பங்கு மிகவும் குறைந்துவருகிறது. அதற்காகவே மாதந்தோறும் இலக்கியக் கூட்டத்தையும் நடத்திவருகிறேன்.
கட்டுப்பாடு, ஒழுக்கம், மனிதநேய அதனடிப்படையில் கற்பிக்கப்படும் கல்வியே சமூகத்துக்கு நன்மை பயக்கும். இதை மையமாக வைத்தே ரத்த தானம், கல்வி நிலையம், இலக்கியக் கூட்டங்களை துணைவியாரோடு சேர்ந்து நடத்திவருகிறேன். இன்னும் சொல்லப்போனால் மக்கள் சேவைக்கு, இல்லறத்தால் இடையூறு ஏற்படக்கூடாது என்ற நோக்கில், குழந்தைகூட பெற்றுக் கொள்ளாமலேயே நானும் எனது துணைவியாரும் பொதுப்பணியில் ஈடுபட்டுவருகிறோம்.

87 வயது முதியவர் மீண்டும் முதல்வராக வேண்டுமா? – ராகுல்காந்தி

2011-04-11T11:34:00.000+05:30

87 வயதாகிவிட்டவர் மீண்டும் முதல்வராக வேண்டுமா? என்று மக்கள் யோசிக்க வேண்டும். இளைஞர்களுக்கு அதிக வாய்ப்பு தந்துள்ள காங்கிரசை ஆதரிக்க வேண்டுமென ராகுல் காந்தி பிரச்சாரம் மேற்கொண்டுள்ளார்.

கேரளத்திலும் தமிழகத்தைப் போல வரும் 13-ம் தேதி வாக்குப் பதிவு நடைபெறவுள்ளது.

கேரள மாநில சட்டப் பேரவைத் தேர்தலை முன்னிட்டு காங்கிரஸ் தலைமையிலான ஐக்கிய ஜனநாயக முன்னணிக்கு ஆதரவாக ராகுல்காந்தி, தீவிர பிரச்சாரம் மேற்கொண்டுள்ளார்.

கொச்சியில் பிரச்சாரம் மேற்கொண்ட அவர் பேசும்போது, ‘’சட்டப் பேரவைத் தேர்தலில் இடதுசாரி ஜனநாயக முன்னணி வென்றால், அடுத்த தேர்தலின் போது 93 வயதாகும் முதியவர் (வி.எஸ். அச்சுதானந்தன்) உங்கள் முதல்வராக இருப்பார். இந்த நிலைமை உங்களுக்கு வேண்டுமா?

காங்கிரஸுக்கு வாக்களித்தால், இளைஞர்களும், அதே நேரத்தில் அரசியலில் அனுபவம் மிக்கவர்களும் சமஅளவில் சட்டப் பேரவைக்குச் செல்வர். இளமைக்கு உரிய துடிப்புடனும், அனுவத்துக்கு ஏற்ற விவேகத்துடனும் ஆட்சி நடைபெறும்.

கேரள அரசியலில் இப்போது வன்முறை அதிகரித்து விட்டது. ஆட்சி மாற்றத்துக்குப் பின் இதற்கு முடிவு கட்டப்படும். கம்யூனிஸ்ட்களின் ஆட்சியில்தான் வன்முறை அதிகரித்துள்ளது.

காந்திய வழியில் வந்த காங்கிரசார் எப்போதும் அமைதியை விரும்புபவர்கள். எனவே காங்கிரஸ் தலைமையிலான கூட்டணி ஆட்சிக்கு வர மக்கள் வாக்களிக்க வேண்டும்’’என்று ராகுல் காந்தி பேசினார்.

ஸ்ரீ.ல.சு.கட்சி மாநாட்டில் இந்திய காங்கிரஸ் கட்சி உறுப்பினர்கள்

2011-04-08T12:19:00.001+05:30

கொழும்பில் ஜனாதிபதி மஹிந்த ராஜபக்ஷ தலைமையில் நேற்று நடைபெற்ற ஸ்ரீ லங்கா சுதந்திரக் கட்சியின் மாநாட்டில் பங்குகொள்ளும் வகையில் காங்கிரஸ் தலைவி சோனியா காந்தி தனது கட்சிப் பிரமுகர்களை அனுப்பி வைத்திருந்தார் என இந்திய ஊடகமொன்று செய்தி வெளியிட்டுள்ளது.
அதன் விபரம் வருமாறு:
காங்கிரஸ் கட்சியின் சார்பில் முன்னாள் பிரதமர் லால்பகதூர் சாஸ்திரியின் மகன் அனில் சாஸ்திரியும், ஜார்க்கண்ட் மாநிலத்தில் இருந்து ராஜ்யசபாவுக்கு தேர்ந்தெடுக்கப்பட்ட மேபல் ரிபரோவும் அனுப்பி வைக்கப்பட்டுள்ளனர். இலங்கை சுதந்திரக் கட்சியின் 19ஆவது மாநாடு, கொழும்பில் நேற்று ஆரம்பமானது. காங்கிரஸ் கட்சி முதல் முறையாக தனது கட்சித் தலைவர்களை இம்மாநாட்டுக்கு அனுப்பி வைத்துள்ளது குறிப்பிடத்தக்கது.
விடுதலைப் புலிகளை வீழ்த்தியதற்காக இலங்கை ஜனாதிபதிக்குத் தங்களுடைய பாராட்டுக்களைக் கட்சிப் பிரதிநிதிகள் தெரிவிப்பர் என அக்கட்சி வட்டாரங்கள் தெரிவிக்கின்றன.
முதலில் ஆந்திர மாநிலத்தைச் சேர்ந்த கிஷோர் சந்திர தேவ் மற்றும் ஜெயந்தி நடராஜனை தனது கட்சி பிரதிநிதிகளாக அனுப்பி வைக்க காங்கிரஸ் கட்சி திட்டமிட்டு இருந்தது.
காங்கிரஸ் கட்சியின் வெளிவிவகாரத் துறை அமைச்சர் கரம்சிங், முதலில் கிஷோர்சந்திர தேவை தொடர்பு கொண்டு, கட்சியின் முடிவை தெரிவித்திருந்தார். கிஷோர்சந்திர தேவ் தாம்பரம் கிறிஸ்தவக் கல்லூரியிலும், அதன் உயர்நிலைப் பள்ளியிலும் படித்தவர். தமிழ் சரளமாக பேசக் கூடியவர். அதனால் அவரை இலங்கைக்கு அனுப்பி வைக்க கட்சி தீர்மானித்தது.
ஆனால் அவர்,
“இப்போதுள்ள சூழ்நிலையில் இலங்கைக்குத் தான் செல்ல இயலாது”எனக் கட்சித் தலைமைக்கு தெரிவித்து விட்டதாக அந்த வட்டாரங்கள் தெரிவிக்கின்றன.
இந்நிலையில், இலங்கை அகதிகள் முகாம்களில் உள்ள தமிழர்களை அவரவர் வாழ்விடங்களில் குடியமர்த்துவது, நிவாரணப் பணிகள் மேற்கொள்வது உள்ளிட்ட பிரச்னைகள் குறித்து பேச்சுவார்த்தை நடத்த, பிரதமர் மன்மோகன் சிங்கின் சிறப்பு தூதராக, நேற்று முன்தினம் காலை நிதியமைச்சர் பிரணாப் முகர்ஜி இலங்கைக்கு சென்றிருந்தார்.
இலங்கையின் முன்னாள் வெளியுறவுத்துறை அமைச்சர் லஷ்மண் கதிர்காமர் நினைவு சொற்பொழிவில் அவர் கலந்து கொண்டார்.
பின் இலங்கை வெளியுறவுத்துறை அமைச்சர் ரோகித பொகொல்லகமவை, பிரணாப் முகர்ஜி சந்தித்துப் பேச்சு வார்த்தை நடத்தினார்.

அதிமுக வேட்பாளருக்கு ஓட்டு கேட்ட வடிவேலு : திமுகவினர் ஆவேசம்

2011-04-07T17:58:00.000+05:30

நத்தம் கோபால்பட்டியில் அ.தி.மு.க., வேட்பாளருக்கு ஓட்டு கேட்ட நடிகர் வடிவேலுவால் பரபரப்பு ஏற்பட்டது. திண்டுக்கல் மாவட்டம் நத்தம் தொகுதியில் தி.மு.க., வேட்பாளர் க.விஜயனை ஆதரித்து, நடிகர் வடிவேலு பிரச்சாரம் செய்தார்.

அப்போது வடிவேலு பேசும்போது, ‘’தி.மு.க.,வை ஆதரித்தால் உங்கள் இல்லங்களில் விளக்கு எரிந்து சுபிட்சம் உண்டாகும்.

எதிரணியினர் பேச்சை கேட்டு நன்றி மறந்தவர்களாக இருக்க வேண்டாம். எனவே, உங்கள் ஓட்டை விசுவநாதனுக்கு (அ.தி.மு.க., வேட்பாளர்) போடுங்கள்’’ என்றார்.

வடிவேலுவின் இந்த பேச்சால் பரபரப்பு ஏற்பட்டது. திமுகவினர் ஆவேசமடைந்து சப்தம் போட்டதால், சுதாரித்துக்கொண்ட வடிவேலு,க.விஜயனுக்கு ஓட்டுப் போடுங்கள் என மாற்றி கூறினார்.

வடிவேலுவின் பேச்சால் கூட்டத்திற்கு வந்த திமுக தொண்டர்கள் குழப்பமடைந்தனர்.

ஒரு கொலைகாரனுக்கு திரும்பத் திரும்ப சிவப்புக் கம்பள வரவேற்பு ஏன்?

2011-04-06T21:25:00.002+05:30

இங்குள்ள தமிழரை இந்தியராக இந்த நாடு மதிக்கவே இல்லை என்பதை மீண்டும் நிரூபித்துள்ளது சோனியா காந்தி – மன்மோன் சிங்கின் மத்திய அரசு!
இலங்கையில் நடந்த தமிழின அழிப்பைப் பார்த்து உலகமே ராஜபக்சேவை கொலைகாரன் என்றும், இனப் படுகொலைக்குக் காரணமானவன் என்றும், போர்க்குற்றவாளி என்றும் முத்திரைக் குத்தி வரும் நேரத்தில், அந்தக் கொலைகாரனை தாங்கிப் பிடித்து, சம அந்தஸ்து வழங்குவதில் மும்முரம் காட்டுகிறது மத்திய அரசு.
இந்தியாவில் எந்த விசேஷமாக இருந்தாலும் முதல் அழைப்பு போவது, தமிழர் பிணங்களின் மீது நின்று எக்காளமிட்ட இந்த கொலைகாரனுக்குத்தான். இங்குள்ள தலைவர்களோ இன உணர்வாளர்களோ எழுப்பும் கூக்குரலை ஒரு பொருட்டாகக் கூட மதிப்பதில்லை மன்மோகன் அரசு.
ராஜபக்சேவும் இந்திய அரசின் மனநிலையைப் புரிந்து கொண்டு, முடிந்தவரை தமிழரையும் தமிழர் தலைவர்களையும் அசிங்கப்படுத்துவதில் குறியாக உள்ளதைப் புரிந்து கொள்ள முடிகிறது.
தமிழீழ விடுதலைப் புலிகளின் தேசியத் தலைவர் பிரபாகரனின் அன்னை பார்வதி அம்மாளுக்கு இறுதி அஞ்சலி செலுத்த இலங்கை சென்னை இந்திய பாராளுமன்றத்தின் உறுப்பினரும் ஒரு பெரிய கட்சியின் தலைவருமான திருமாவளவனை (அவர் மீது ஆயிரம் குற்றச்சாட்டுகளை நாம் வைத்தாலும் கூட) கொழும்பு விமான நிலையத்தில் கால்வைக்கக் கூட அனுமதிக்காமல் அவமதித்துத் திருப்பி அனுப்பிய இனவெறியனான ராஜபக்சேவை, அடுத்த ஒரே மாதத்தில் ரத்தினக் கம்பள வரவேற்பு கொடுக்க அழைக்கிறது மத்திய அரசு. அதுவும் ஏதோ தலைபோகிற அரசியல் காரியத்துக்கல்ல… வர்த்தக ஒப்பந்தப் பேச்சுக்கல்ல… ஏற்கெனவே வெற்றி தோல்வி நிச்சயக்கப்பட்ட ஒரு கிரிக்கெட் ஆட்டத்தைக் கண்டு களிக்க.. விவஸ்தை கெட்ட ஜென்மங்கள்!
அவனும் வெட்கமே இல்லாமல் இந்தியாவுக்கு வந்து, சென்னையில் இறங்கி அங்கிருந்து திருப்பதிக்கு மகா பாதுகாப்புடன் போய், வெங்கடாஜலபதியிடம் ‘இலங்கை ஜெயிக்க வேண்டும்; இந்திய அணி தோற்க வேண்டும்’ என்று பிரார்த்தனை செய்து கொண்டு… அடப்பாவிகளா, என்னதான் நடக்கிறது இந்த நாட்டில்?
சென்னையில் கொலை, கொள்ளை, ஆள்கடத்தல் என அத்தனை கிரிமினல் வேலைகளையும் செய்த, தேடப்படும் குற்றவாளியாக இந்திய நீதிமன்றத்தால் அறிவிக்கப்பட்ட டக்ளஸ் தேவானந்தா என்ற கிரிமினல், சகல பாதுகாப்பு மரியாதைகளுடன் இந்திய பிரதமர் வீட்டில் அவருடன் விருந்துண்டு மகிழ்கிறான்; பல்லாயிரம் தமிழர்களைக் கொன்ற, உலகத்தால் கொலைகாரன் என்று முத்திரை குத்தப்பட்ட ராஜபக்சே, முதல் மரியாதைக்குரியவனாக தமிழகத்திலும் இந்தியாவிலும் நடமாடுகிறான்… ஆனால், இந்த மண்ணின் மைந்தர்கள், இழந்த தம் உறவுகளுக்காக மனம் வெதும்பி குரல் கொடுத்தால் சிறைவாசமா?
என்ன சாதிக்க நினைக்கிறது இந்தியா?
‘எங்கள் ஆதரவுடன் நடந்த தமிழர் அழிப்பு நடவடிக்கையைச் செய்து முடித்த ராஜபக்சேவை யாரும் இனி போர்க்குற்றவாளி என்று சொல்லக் கூடாது. இந்தியாவின் சமமான நண்பன், தமிழர் இன அழிப்பு என்பது இந்தியாவின் அறிவிக்கப்படாத வெளியுறவுக் கொள்கைகளில் ஒன்று’, என்றா?
ஒரு சினிமா விழாவுக்கு தடையை மீறிப் போன நடிகையை புறக்கணிப்போம் என்று சொல்லும் ரோசக்காரர்களே… யோசித்துப் பாருங்கள்… அதே இலங்கையின் ராஜபக்சேவை இங்கழைத்து கூடிக் குலவுகிறது காங்கிரஸ் தலைமையிலான மத்திய அரசு. இவர்களை என்ன செய்யலாம்… எப்படி தண்டிக்கப் போகிறோம்?
ராஜபக்சே இந்தியாவுக்கு வந்தால் தமிழர் எதிர்ப்பு தெரிவிப்பார்கள் என்று தெரிந்தும், வெட்டுக்காயத்தில் உப்பை வைத்துத் தேய்த்துத் திருப்திப்படும் குரூர புத்தி கொண்ட காங்கிரஸ் ஆட்சியாளர்களை ஓட ஓடத் துரத்த முன்பு வாய்த்த சந்தர்ப்பத்தைத்தான் தெரிந்தே நழுவ விட்டோம். இந்த முறை, மீண்டும் ஒரு சிறிய வாய்ப்புக் கிடைத்துள்ளது.
தமிழ் மண்ணில் காங்கிரஸ் என்ற கட்சி முன்பு இருந்தது என்று சொல்லும் நிலையை இந்தத் தேர்தலில் ஏற்படுத்துவதுதான், இந்த அவமானங்களிலிருந்து தமிழர்கள் கொஞ்சமாவது தலைநிமிர வழி! அடுத்த முறை கொலைகாரன் ராஜபக்சேவை இந்தியாவுக்கு அழைக்கும் முன் தமிழர்கள் மனநிலை என்ன என்றாவது மத்திய ஆட்சியாளர்கள் யோசிக்க இந்த ஆயுதம் சற்றேனும் உதவக்கூடும்!
குறிப்பு: இலங்கையில் உள்ள தமிழ் கட்சிகளின் தலைவர்கள் எந்த அளவுக்கு ராஜபக்சேவுடன் இணக்கமாக உள்ளனர், கூடிக் குலாவி விருந்துண்ணுகின்றனர், தமிழர் பகுதிகளில் ராஜபக்சே அரசியல் வெற்றிகள் பெற உதவுகின்றனர்… இங்குள்ளவர்கள் எதிர்த்து என்ன பயன் என்ற கேள்விகளை சிலர் எழுப்பலாம்.
தலைவர்கள் எல்லாம் தமிழர் ஆகிவிட முடியாது. டக்ளஸ்கள், கருணாக்கள் வழியில் இன்னும் எக்கச்சக்கமாய் பிழைப்புவாதிகள் அங்கே உருவாகியிருக்கலாம். ஆனால் ராணுவத்திடம் சின்னா பின்னமாகி சிதைந்த தமிழ்ச் சொந்தங்கள் நம்பியது இங்குள்ள தமிழ் உறவுகளைத்தான். அந்த உணர்வுக்கு தரும் மரியாதை, தமிழர் இன அழிப்புக்கு துணை நின்ற காங்கிரஸை புறக்கணிப்பது… ஆம்… காங்கிரஸை மட்டும். தமிழர் அரசியலில் இனி காங்கிரசுக்கு இடமில்லை என்ற நிலைதான் முக்கியம்! எனவே நம் உறவுகளுக்கு நாம் செய்ய வேண்டிய கடமையைச் செய்வோம்!

லண்டன் வன்முறைச் சம்பவம்!- மக்களை விழிப்பாக இருக்குமாறு தகவல்துறை அமைச்சகம் வேண்டுகோள்

2011-04-06T21:22:00.002+05:30

புலம்பெயர் நாடுளில் தமிழர்கள் மத்தியில் இடம்பெற்றுவருகின்ற வன்முறைச் சம்பவங்களை, தமிழர்களின் விடுதலைப் போராட்டத்தை பலவீனப்படுத்துகின்ற ஓர் ஆயுதமாக பயன்படுத்துகின்ற சிறிலங்கா அரசின் பிரசாரங்களுக்கு, வலுவூட்டுகின்ற வகையில் தமிழர்களின் செயற்பாடுகள் அமையக்கூடாதென....

நாடுகடந்த தமிழீழ அரசாங்கத்தின் தகவல்துறை துணை அமைச்சர் சுதர்சன் சிவகுருநாதன் நாதம் ஊடக சேவையூடாக தெரிவித்துள்ளார்.
விடுதலைக்கான செயற்பாட்டுத் தளத்தில், லண்டனில் நீண்டகாலமாக இயங்கி வந்துள்ள திரு.தனம் என அழைக்கப்படும் சூசைப்பிள்ளை மீது நடாத்தப்பட்ட வன்முறைச் சம்பவம் குறித்து நாதம் ஊடக சேவைக்கு கருத்துரைத்த பொழுதே இதனை தெரிவித்துள்ளார்.
கருத்து முரண்பாடுகள் இத்தகைய வன்முறைகளாக தோற்றம் பெறுவது, ஓரு ஆரோக்கியமான விடுதலைப் பண்பாடாக அமையாதென தெரிவித்துள்ளதோடு, இச்சம்பவத்தை நாடுகடந்த தமிழீழ அரசாங்கத்தின் மீது திட்டமிட்டு திசை திருப்பிவிடும் சில ஊடகங்களின் செயற்பாடுகளையும்; வன்மையாக கண்டித்துள்ளார்.
இதேவேளை இத்தகைய திசைதிருப்பும் செய்திகள் தொடர்பில் குறித்த ஊடகத்தரப்பினருக்கு தனது கண்டனத்தை தெரியப்படுத்த இருப்பதாகவும் தனக்கு ஏற்பட்ட சம்பவத்தை நாடுகடந்த தமிழீழ அரசாங்கத்தை நோக்கி திசை திருப்பி விடுகின்றமை கவலையளிப்பதாகவும் திரு.தனம் அவர்கள் நேரடியாகவே தகவல்துறை துணை அமைச்சர் சுதர்சன் சிவகுருநாதன் அவர்களுக்கு தெரிவித்துள்ளார்.
சம்பவம் குறித்து காவல்துறையினர் விசாரணைகளை மேற்கொண்டுவரும் நிலையில் அவசரகதியில் இவ்வாறு திசைதிருப்பும் செய்திகளை பரப்பிவரும் விசமிகள் குறித்து மக்கள் விழிப்பாக இருக்குமாறு தகவல்துறை அமைச்சகம் வேண்டுகோள் விடுத்துள்ளது.
நாதம் ஊடக சேவை
நாடுகடந்த தமிழீழ அரசாங்கம்

இராமேஸ்வர மீனவர்கள் 4 பேரை காணவில்லை! இலங்கை கடற்படை மீது சந்தேகம்- வைகோ

2011-04-06T21:21:00.002+05:30

இராமேஸ்வர மீனவர்கள் 4 பேர் காணாமல் போயுள்ளதாகவும், இலங்கைக் கடற்படையினர்தான், அந்தப் படகை கடத்திச் சென்று இருக்க வேண்டும் என இராமேசுவரம் மீனவர்கள் கருதுகிறார்கள் என்றும் மதிமுக தலைவர் வைகோ கூறியுள்ளார்.

காணாமல் போயுள்ள, 4 மீனவர்களையும் மீட்குமாறு கோரி வைகோ, மத்திய வெளியுறவுத் துறை அமைச்சர் எஸ்.எம். கிருஷ்ணாவுக்கு மத்திய அரசுக்கு கடிதம் எழுதியுள்ளார்.
வைகோ எழுதியுள்ள கடிதித்தில்,
இராமேசுவரத்தைச் சேர்ந்த அந்தோனி என்பவருக்குச் சொந்தமான மீன்பிடிப் படகில் விக்டஸ், அந்தோனி, ஜான் பால், மாரிமுத்து ஆகிய நான்கு மீனவர்கள் கடந்த 2 ம் தேதி அதிகாலையில் மீன்பிடிக்கச் சென்றனர்.
ஒரு நாள் பயணத்துக்கு மட்டுமே அவர்களிடம் பெற்றோல் இருந்துள்ளது. எனவே, மறுநாள் 3 ம் தேதி அதிகாலைக்கு உள்ளாக அவர்கள் திரும்பி வந்திருக்க வேண்டும். ஆனால், இரண்டு நாட்கள் ஆகியும் அவர்கள் திரும்பி வரவில்லை. அந்தப் பகுதி மீனவர்கள் கடலில் சென்று தேடியபோது, அவர்கள் சென்ற படகையும் காணவில்லை.
அந்தப் பகுதியில் இலங்கை கடற்படையினரின் நடமாட்டத்தை இதர மீனவர்கள் பார்த்துள்ளனர்.
எனவே, இலங்கைக் கடற்படையினர்தான், அந்தப் படகை கடத்திச் சென்று இருக்க வேண்டும் என இராமேசுவரம் மீனவர்கள் கருதுகிறார்கள்.
கடத்திச் செல்லப்பட்ட மீனவர்களின் உயிருக்கும், உடமைக்கும் எவ்வித ஆபத்தும் இன்றி அவர்களைப் பாதுகாப்பாக மீட்பதற்கு உடனடியாக நடவடிக்கை எடுக்க வேண்டும் என தனது கடிதத்தில் வைகோ கேட்டுக் கொண்டுள்ளார்.

மாற்று அரசியலை தேடி கடலென திரண்ட கரூர் மக்கள்.

2011-04-06T19:50:00.000+05:30

“காங்கிரசின் வீழ்ச்சி என்பதே தமிழினத்தின் எழுச்சி” என்ற லட்சியத்தை மனதில் கொண்டு இந்த தேர்தலில் நாம் தமிழர் கட்சியினரும் அதன் தலைமை ஒருங்கினைப்பபாளர் செந்தமிழன் சீமான் அவர்களும் காங்கிரஸ் கட்சி போட்டியிடும் அனைத்து தொகுதிகளிலும் அக்கட்சிக்கு எதிரான பரப்புரையை மேற்கொண்டு வருகிறார்.இந்நிலையில் பிரச்சாரத்தின் 11- வது நாளான நேற்று திருப்பூர்,வெள்ளகோவில்,கரூர் ஆகிய தொகுதிகளில் காங்கிரஸ் கட்சி வேட்பாளர்களை எதிர்த்து தீவிர பரப்புரையில் ஈடுபட்டார்.

பல்லாயிரக்கணக்கான மக்கள் கலந்து கொண்டகரூர் பொதுக்கூட்டத்தில் பெண்களும் குழந்தைகளும் மிகுந்த அளவில் கலந்து கொண்டனர். அக் கூட்டத்தில் செந்தமிழன் சீமான் அவர்கள் பேசும்போது 63 ஆண்டுகால சுதந்திர இந்தியாவில் 50 ஆண்டுகளுக்கும் மேலாக காங்கிரஸ் கட்சி தான் ஆட்சி செய்து வருகிறது. இந்த தேசத்தில் நடைபெற்ற ஊழல். கொள்ளை,கொலை, இளைஞர்களுக்கு வேலைவாய்ப்பின்மை, அடிப்படை சுகாதார வசதி இல்லாத அவல நிலை இவை அனைத்திற்குமே காரணம் காங்கிரஸ் கட்சி. தமிழர்களின் மற்றுமொரு தாயகமான தமிழீழ மண்ணில் 60 ஆண்டு காலமாக நடந்து வந்த விடுதலை போராட்டத்தை வீழ்த்திய கட்சி காங்கிரஸ். தமிழர்களின் நலனில் துளியும் அக்கறையில்லாத காங்கிரஸ் கட்சிக்கு பிறகு எதுக்கு என் வாக்கு? காங்கிரஸ் கட்சிக்கு நாம் வாக்கு செலுத்தி செலுத்தியே நம் தமிழினத்துக்கு வாய்க்கரிசி போட வைத்துவிட்டோம்.

இந்த நாட்டில் காங்கிரஸ் கட்சி மக்களுக்காக மேற்கொண்ட ஒரு போராட்டம் ஏதேனும் உண்டா? ஒரு நன்மை பயக்கும் தொலைநோக்கான வளர்ச்சி திட்டம் ஏதும் உண்டா? காங்கிரசிற்கு வாக்கு கேட்கும் யாராவது இதை பற்றி என்னுடன் பேச தயாரா என்றும் கேள்வி எழுப்பினார். தமிழக மீனவர் படுகொலை தடுத்து நிறுத்துங்கள், காவிரியில் தண்ணீர் பெற்று தாருங்கள்,மீனவர் படுகொலையை தடுக்க கச்சத்தீவை திரும்ப பெறவேண்டும் என்று சொல்லி ஏதேனும் ஒரு போராட்டத்தை ஒரு அறிக்கையை இந்த மண்ணில் காங்கிரஸ் கட்சி வெளியிடிருக்கிறதா என்று தன முன்னே திரண்டிருந்த மக்களிடையே கேள்வி எழுப்பினார். நாட்டுக்காக வீட்டை கொடுத்தோம் என்று சொல்லிக்கொண்டு காங்கிரஸ் கட்சியினர், அந்த ஒரு வீட்டுக்காக ஐம்பது வருடம் இந்த நாட்டையே எடுத்துவிட்டார்கள்.

சுவிஸ் வங்கியில் கருப்பு பணம் பதுக்கி வைத்திருக்கும் நபர்களின் பட்டியலை வெளியிட முடியாது என்றும் அதை வெளியிட்டால் பிரச்னை வரும் என்று காங்கிரஸ் கட்சி கூறுகிறது. உலகத்தில் உள்ள சிறந்த அயோக்கியர்களை கணக்கெடுத்தால் காங்கிரசில் இருக்கும் அனைவரும் அந்த பட்டியலில் வருவார்கள் என்று தெரிவித்தார். பகுத்தறிவு பகலவனின் வாரிசு என்றும், அண்ணாவின் தம்பி என்று கூறிக்கொள்ளும் கருணாநிதி அந்த இருபெரும் தலைவர்களின் கனவு காங்கிரஸ் கட்சியை ஒழிப்பது என்பதுதான்.ஆனால் அதை விடுத்து இன்று காங்கிரஸ் கட்சிக்கு வால் பிடித்துகொண்டிருக்கிறார். காங்கிரஸ் கட்சி இந்த மண்ணில் இருக்கும் வரை இந்திய வல்லரசாக முடியாது என்று தெரிவித்தார்.

கரூரில் திரண்டு இருந்த மக்கள் கூட்டம் இப் பொதுக்கூட்டத்தை மாநாடு போல் காட்சி அளிக்க செய்தது. திரண்டு இருந்த மக்கள் கூட்டம் நாம் தமிழர் கட்சியை ஒரு மாற்று அரசியல் சக்தியாகவே கருதுகிறது என்பதை கூடி இருந்த பெண்கள், குழந்தைகள், இளைஞர்களின் கூட்டம் உறுதி செய்தது.

யுத்த களத்தில் நிற்கிறேன்: சீமான் பேச்சு

2011-04-06T18:45:00.002+05:30

காங்கிரஸ் கட்சிக்கு எதிராக இயக்குனர் சீமான் தமிழ்நாடு முழுவதும் பிரச்சாரம் செய்து வருகிறார். கோவை தொண்டாமுத்தூர் தொகுதிக்குட்பட்ட செல்வபுரத்தில் நேற்று நடந்த பிரச்சார கூட்டத்தில் கலந்து கொண்டு சீமான் பேசினார்.

அப்போது அவர், ‘’தேர்தல் களத்தில் பல்வேறு கட்சிகள் நிற்கிறது. ஆனால் நாம் தமிழர் கட்சி யுத்த களத்தில் நிற்கிறது. காங்கிரஸ் கட்சியை இந்த தேர்தலில் வீழ்த்த வேண்டும் என்ற உறுதியுடன் தமிழக மக்கள் முன் நம்பிக்கையுடன் நிற்கிறோம்.

இலங்கையில் தமிழர்களை கொன்று குவித்த சிங்கள அரசுக்கு துணை போன காங்கிரஸ் கட்சிக்கு தமிழகத்தில் ஒரு இடம் கூட கிடைக்காமல் தேர்தலில் தோற்கடிக்க வேண்டும்.

காங்கிரசுக்கு துணைபோன ஆட்சி மாற வேண்டும். ஈழத்தமிழர்களுக்கு செய்த வஞ்சகத்திற்கு தமிழகத்தில் காங்கிரஸ் கட்சியை வஞ்சிக்க வேண்டும்.

காங்கிரஸ் கட்சியுடன் கூட்டணி வைத்துள்ள கட்சிகளையும் தோற்கடிக்க வேண்டும். காங்கிரசுக்கு துணைபோன ஆட்சி தமிழகத்தில் மாற்றப்பட வேண்டும்.

காங்கிரஸ் அதனுடன் கூட்டணி வைத்துள்ள கட்சிகளை தோற்கடிக்க வாக்காளர்கள் இரட்டை இலை சின்னத்தில் வாக்களிக்க வேண்டும். தொண்டாமுத்தூர் தொகுதியில் போட்டியிடும் அ.தி.மு.க. வேட்பாளர் எஸ்.பி.வேலுமணிக்கு வாக்களியுங்கள்’’என்று பேசினார்.

காங்கிரஸ் உள்ளவரை கனவிலும் இந்தியா வல்லரசாகாது : சீமான்

2011-04-05T21:17:00.000+05:30

காங்கிரஸ் உள்ளவரை கனவிலும் இந்தியா வல்லரசாகாது : சீமான். "காங்கிரஸ் கட்சி இந்த மண்ணில் இருக்கிறவரைக்கும் இந்தியா ஒரு போதும் வல்லரசாக முடியாது" என்றார் நாம் தமிழர் கட்சியின் தலைமை ஒருங்கிணைப்பாளர் சீமான். சென்னையில் காங்கிரஸ் போட்டியிடும் மயிலாப்பூர், ராயபுரம், திரு.வி.க.நகர், தியாகராயர் நகர் ஆகிய இடங்களில், அக்கட்சியைத் தோற்கடிக்குமாறு கேட்டு நாம் தமிழர் கட்சி ஏற்பாடு செய்த பரப்புரைக் கூட்டங்கள் ஞாயிற்றுக்கிழமை நடைபெற்றது.

இக்கூட்டங்களில் சீமான் பேசுகையில், "ஈழத்தில் நடைபெற்ற இறுதிகட்ட போரின் போது சகோதரி இசைப்பிரியாவை கொடூரமாக கொன்றொழித்த காட்சியை இங்கிலாந்தின் சானல் 4 தொலைகாட்சி வெளியிட்டபோது அதைப் பார்த்து அதிர்ந்து அனைத்துலக நாடுகளும் ராஜபக்சவுக்கு கண்டனம் தெரிவித்தபோதும், எமது தாய்த் தமிழ் உறவுகள் தங்களது தந்தையர் நாடாக நேசித்த இந்திய அரசு ஒரு கண்டனத்தை கூட தெரிவிக்காமல் மவுனமாக இருந்தது. ஏனென்றால், போரை அங்கு நடத்தியது இந்திய காங்கிரஸ் அரசுதான். காங்கிரஸ் கட்சி இந்த மண்ணில் இருக்கிறவரைக்கும் இந்தியா ஒரு போதும் வல்லரசாக முடியாது. ஊழல் செய்வதில் தான் இந்தியா அரசு முதலிடத்தில் உள்ளது. 500கும் அதிகமான தமிழக மீனவர்களை சிங்கள கடற்படை சுட்டுகொன்றபோதும் கூட தமிழர்களின் நலனில் அக்கறை இல்லாத காங்கிரஸ் கட்சி இதுவரை பாதிக்கப்பட்ட ஒரு குடும்பத்தையாவது பார்த்து ஆறுதல் கூறியதுண்டா?

தமிழர்களின் கனவு தேசமான தமிழீழத்தில் நடைபெற்ற போரில் லட்சக்கணக்கான அப்பாவி மக்கள் கொல்லப்பட்டனர், அதற்கு இரண்டு கரமும் கொடுத்து உதவிய காங்கிரஸ் கட்சியை தமிழர்களின் தாயக நிலமான தமிழகத்தில் தமிழர்கள் விரட்டியடித்தார்கள் என்று வரலாற்றில் வரவேண்டும். எனவே, காங்கிரசின் கை சின்னத்தை பார்த்தால் கண்ணை மூடி கொண்டு அதை எதிர்த்து நிற்கும் சின்னத்தில் வாக்களியுங்கள்" என்றார் சீமான். தமிழருவி மணியன் பேசுகையில், "தந்தை பெரியாரின் வாரிசு, அண்ணாவின் தம்பி என்று தன்னை கூறிக்கொள்ளும் கருணாநிதி, காங்கிரஸ் கட்சியை இந்த மண்ணில் வீழ்த்த வேண்டும் என்ற அவர்களின் இலட்சியத்தை புறம் தள்ளிவிட்டு ஆட்சியை மட்டும் இந்த வயதிலும் பிடிக்கப் பார்க்கிறார். இந்த 5 ஆண்டுகளில் தமிழர்களின் பிரச்னைக்காக ஒரு முறை கூட டெல்லி செல்லாத கருணாநிதி, தன் வாரிசுகளுக்கு பதவி வாங்கி தருவதற்கு மட்டும்தான் டெல்லி சென்றுள்ளார். தமிழனத்தை பற்றி பேசும் நெடுமாறன், வைகோ, சீமான் போன்றவற்களை கைது செய்து சிறையில் அடைக்கும் நீங்கள் எப்படி தமிழினத் தலைவனாக இருக்க முடியும்?" என்றார் தமிழருவி மணியன்.

நடிகர் வடிவேலு பிரச்சாரத்தில் மீண்டும் கல்வீச்சு

2011-04-05T20:20:00.002+05:30

நடிகர் வடிவேலு தமிழ்நாடு முழுவதும் தீவிர சுற்றுப்பயணம் செய்து தி.மு.க. கூட்டணிக்கு ஆதரவு திரட்டி வருகிறார். நேற்று முன்தினம் அவர் ராமநாதபுரம் மாவட்டம் கமுதியில் பேசிய போது அவரது பிரசார வாகனத்தின் மீது கல்வீசினார்கள்.
இதே போன்று நேற்று அவர் மதுரை மாவட்டத்தில் பிரச்சாரத்தில் ஈடுபட்டு இருந்த போது அலங்காநல்லூரிலும் அவர் வேன் மீது கல்வீசப்பட்டது.
நேற்று மாலை வாடிப்பட்டியில் பிரசாரத்தை முடித்துவிட்டு அவர் அலங்காநல்லூருக்கு வந்து கொண்டிருந்தார். ஊருக்குள் நுழையும் இடத்தில் யாரோ மர்ம கும்பல் அவரது வேன் மீது சரமாரியாக கற்களை வீசியது. இதில் வேனின் கண்ணாடி உடைந்து சேதம் அடைந்தது. ஆனால் வேனில் பயணம் செய்த வடிவேலு உள்பட யாருக்கும் காயம் ஏற்படவில்லை.
இதைத்தொடர்ந்து அவர் அலங்காநல்லூர் பஸ் நிலையம் அருகே வேனில் நின்றபடி, பா.ம.க. வேட்பாளர் இளஞ்செழியனுக்கு ஆதரவு திரட்டி அவர் பேசும்போது,
நான் ஊருக்குள் வரும்போது, யாரோ மர்ம நபர்கள் இருட்டுக்குள் இருந்து என் வேன் மீது கற்களை வீசிவிட்டு தப்பிவிட்டனர்.
தைரியம் இருந்தால் கற்களை வீசியவர்கள் வெளிச்சத்தில் வந்து மோதிக்கொள்ள தயாரா? தி.மு.க.வின் பல்வேறு நலத்திட்டங்கள் முதலமைச்சர் கருணாநிதியை மீண்டும் 6வது முறையாக முதலமைச்சராக்கும் என்ற நம்பிக்கை இருக்கிறது. மக்கள் அனைவரும் தி.மு.க. கூட்டணி கட்சி வேட்பாளர்களுக்கு ஓட்டு போடவேண்டும் என்று பேசினார்.
இதைத்தொடர்ந்து ஊமச்சிகுளம் பகுதியில் அவர் பிரசாரம் செய்தார்.
இதனிடையே நடிகர் வடிவேலு வேன் மீது கல்வீசப்பட்ட தகவல் குறித்து போலீஸ் சூப்பிரண்டு ஆஸ்ராகார்க்குக்கு தகவல் தெரிவிக்கப்பட்டது. உடனடியாக அவர் போலீசாருடன் சம்பவ இடத்துக்கு சென்று பார்வையிட்டு விசாரணை நடத்தினார். இதில் சம்பந்தப்பட்ட குற்றவாளிகளை பிடித்து கைது செய்ய போலீசாருக்கு உத்தரவிட்டார்.

நாம் தமிழர் கட்சியின் தலைமை ஒருங்கிணைப்பாளர் செந்தமிழன் சீமான் அவர்களின் தேர்தல் சுற்றுப்பயண திட்டம் மாற்றம் செய்யப்பட்டுள்ளது.

2011-04-05T18:19:00.000+05:30

நடைபெறவுள்ள சட்டமன்ற தேர்தலில் காங்கிரஸ் போட்டியிடும் அனைத்து தொகுதிகளிலும் நாம் தமிழர் கட்சியின் தலைமை ஒருங்கிணைப்பாளர் செந்தமிழன் சீமான் அவர்கள் சூறாவளி சுற்றுப்பயணத்தில் ஈடுபட்டு வருகிறார். அதன்படி 5-4-2011 முதல் 11-4-2011 வரையிலான பயணத் திட்டம் விபரம் வருமாறு:

புதிய பயண திட்டம் விபரம்

5 – 4- 2011 செவ்வாய்

காலை 11.00 மணிக்கு         -              திருப்பூர்
மாலை 5.00 மணிக்கு         -              வெள்ளகோவில்
இரவு   8.00 மணிக்கு          -              கரூர்

6 – 4 – 2011 புதன்

காலை 11.00 மணிக்கு          -              திருசெங்கோடு
மாலை 5.00 மணிக்கு          -              சிவகிரி
ஈரோடு 8.00 மணிக்கு          -              ஈரோடு

7 – 4 – 2011 வியாழன்

மாலை 5.00 மணிக்கு            -          விளாத்திக்குளம்
இரவு    8.00 மணிக்கு            -          ஸ்ரீ வைகுண்டம்

8 – 4 -2011 வெள்ளி

இரவு 8.00 மணிக்கு              -          ஆத்தூர்

9 – 4 – 2011 சனி
காலை 11.00 மணிக்கு           -        திருபெரும்புதூர்
மாலை 4.00 மணிக்கு           -        செய்யாறு
இரவு     8.00 மணிக்கு            -        வேலூர்

10 – 4 – 2011 ஞாயிறு

காலை 11.00 மணிக்கு            -         செங்கம்
மாலை 5.00 மணிக்கு            -         பூந்தமல்லி

11 – 4 – 2011 திங்கள்

காலை 9.00 மணிக்கு               -          ஆலந்தூர்
காலை 11.00 மணிக்கு              -          ஆவடி
மாலை 1.00 மணிக்கு              -          அண்ணாநகர்.

காங்கிரசை தண்டிக்க வேண்டும்: பழ. நெடுமாறன்

2011-04-05T18:13:00.000+05:30

ஈழத் தமிழர் படுகொலைக்கு துணை நின்ற காங்கிரசை இந்த தேர்தலில் மக்கள் தண்டிக்க வேண்டும் என்று பழ. நெடுமாறன் கூறியுள்ளார்.

இதுகுறித்து அவர் வெளியிட்டுள்ள அறிக்கையில் கூறியிருப்பதாவது, மதுவின் மயக்கத்தில் மக்களை ஆழ்த்தியும் இலவசங்கள் மூலம் மக்களை ஏமாற்றவும் முயற்சி நடைபெறுகிறது. பணத்தை வைத்துப் பதவி, பதவியை வைத்துப் பணம் என்ற நச்சுச் சுழற்சியில் சிக்கித் தவிக்கும் தமிழகத்தை விடுவிக்க வேண்டிய பொறுப்பு வாக்காளர்களுக்கு உண்டு.

சந்தர்ப்பவாத அரசியல் பலிபீடத்தில் கிடத்தப்பட்டுக் கிடக்கும் ஜனநாயகத்தை மீட்காவிட்டால் ஜனநாயகம் சாகடிக்கப்பட்டு பணநாயகம் அரியணை ஏறிவிடும். இந்த நூற்றாண்டில் நிகழ்ந்த மிகப் பெரிய இனப்படுகொலையான ஈழத்தமிழர் படுகொலைக்குக் காரணமான காங்கிரஸ் கட்சியை தண்டியுங்கள்.

ஈழத் தமிழர்களுக்காகவும், தமிழக மீனவர்களுக்காகவும், காவிரி, முல்லைப் பெரியாறு, சேதுக் கால்வாய் போன்ற தமிழகத்தின் தலையாய பிரச்சினைகளுக்காகவும், தமிழக இயற்கை வளங்களைச் சுரண்டுவதற்கு எதிராகவும் குரல் கொடுக்கும் கட்சிகளைச் சேர்ந்த வேட்பாளர்களையும் தமிழ்த்தேசிய உணர்வுள்ள வேட்பாளர்களையும் ஆதரித்து வெற்றி பெறவைக்க வேண்டுகிறேன்.

ஊழலற்ற, நேர்மையான, நீதியான ஆட்சியைத் தரவல்லவர்கள் யார் என்பதைத் தேர்ந்து தெளிந்து வாக்களித்து ஜனநாயகக் கடமையை நிறைவேற்றுமாறு வாக்காளப் பெருமக்களை வேண்டிக் கொள்கிறேன். இவ்வாறு நெடுமாறன் தனது அறிக்கையில் தெரிவித்துள்ளார்.

சீமான் பிரசாரத்தால் கவலைப்படவில்லை: காங்கிரஸ்

2011-04-05T18:12:00.000+05:30

தங்களுக்கு எதிரான நாம் தமிழர் கட்சித் தலைவர் சீமானின் பிரசாரத்தால் கவலைப்படவில்லை என்று தமிழக காங்கிரஸ் தலைவர் தங்கபாலு தெரிவித்தார்.

சென்னையில் நிருபர்களிடம் அவர் கூறுகையில், “ராகுல் காந்தி ஒவ்வொரு முறையும் தமிழகத்திற்கு வரும்போது முதல்வர் கருணாநிதியை சந்திக்கவில்லை என்று கூறுகிறீர்கள். அவர் சென்னையில் நடந்த செய்தியாளர்கள் சந்திப்பின்போது இதுபற்றி கூறியிருக்கிறார்.

முதல்வர் கருணாநிதி ஒரு மூத்த தலைவர். அவர் மீது தனக்கு மிகுந்த அன்பு இருப்பதாக அவரே தெரிவித்திருக்கிறார். மூத்த தலைவர்கள் மீது ராகுல் காந்திக்கு எப்போதும் மிகுந்த மரியாதையும், அன்பும் உள்ளது.

தமிழகத்தில் வெளியாகியுள்ள கருத்துக் கணிப்புகள் அனைத்தும் போலியானவை. மக்களை ஏமாற்றும் நயவஞ்சகத்தனத்தின் ஒரு பகுதியே அது. கடந்த 2009ம் ஆண்டு இதேபோல ஒரு கருத்துக்கணிப்பு வெளியிடப்பட்டது. ஆனால் எங்கள் கூட்டணிதான் அதிக இடங்களில் வெற்றி பெற்று அந்த கருத்துக்கணிப்பை பொய்யாக்கியது. அதேபோல இந்த முறையும் ஜனநாயக முற்போக்கு கூட்டணிதான் வெல்லும்.

மேலும், அந்தக் கருத்துக்கணிப்பில் அரசியல் சாதனைகளை கூறவில்லை என்று தெரிவிக்கப்பட்டுள்ளது. தேர்தலின் மையக் கருத்தே மத்திய, மாநில அரசுகளே எண்ணற்ற சாதனைகள்தான். எனவே அந்த சாதனைகளை மக்கள் மறக்காமல் இந்த கூட்டணியை வெற்றி பெறச் செய்வார்கள்.

சோனியா காந்தி அறிவித்த வேட்பாளர்களை எதிர்த்து யார் போட்டியிட்டாலும் அவர்கள் உண்மையான காங்கிரஸ்காரர்களாக இருக்க மாட்டார்கள். எனவேதான் அவர்கள் நீக்கப்பட்டுள்ளார்கள். அவர்களை நீக்க எனக்கு அதிகாரம் இல்லை என்று யாரும் சொல்ல முடியாது.

கடந்த நாடாளுமன்ற தேர்தலின் போதும் சீமான் எங்கள் கூட்டணியை எதிர்த்து பிரசாரம் மேற்கொண்டார். அதையும் மீறி நாங்கள் வெற்றிபெற்றோம். எங்களுக்கு கூட்டணி பலம் உள்ளது. எனவே இந்தப் பிரச்சாரத்தை பற்றி நாங்கள் கவலைப்படவில்லை.

தேர்தல் ஆணையம் நியாயமாகவும், பாரபட்சமின்றி நடந்து கொள்ளவேண்டும்.மத்திய அமைச்சர் மு.க.அழகிரி மீது வழக்குப் பதிவு செய்திருப்பதை கண்டிக்கிறேன்.

நடிகர் சிரஞ்சீவி காங்கிரஸ் கூட்டணி வேட்பாளர்களை ஆதரித்து பிரச்சாரம் செய்யவிருக்கிறார். அதற்கான தேதி பின்னர் அறிவிக்கப்படும்,” என்றார் தங்கபாலு.

இனவெறியன் ராஜபக்ஷேவுடன் காங்., வேட்பாளர் ஹசன் அலி இருக்கும் சுவரொட்டி ஒட்டப்பட்ட மகிழுந்து பறிமுதல்

2011-04-05T18:08:00.000+05:30

இலங்கை இனவெறி அதிபர் ராஜபக்ஷேயுடன், ராமநாதபுரம் காங்., வேட்பாளர் ஹசன் அலி இருப்பது போன்று, சுவரோட்டி ஒட்டப்பட்ட காரை, காவல் துறையினர் பறிமுதல் செய்தனர். நாம் தமிழர் கட்சி ராமநாதபுரஒருங்கிணைப்பாளர் டொமினிக் ரவி, இளங்கோ மற்றும் ஜெரோன்குமார் ஆகியோர், நேற்று, ராமேஸ்வரம் பகுதியில் காங்கிரஸ் கட்சின் தமிழின துரோகத்தை பற்றியும் அதன் ஊழல்கள் பற்றியும் பாம்பன் பகுதியில் பிரசாரம் செய்தனர். இவர்கள் சென்ற மகிழுந்தை , காங்., வேட்பாளர் ஹசன் அலி 2 லட்சம் தமிழர்களை கொன்ற ராஜபக்ஷேவிடம் இருந்து கேடயம் வாங்குவது போன்ற படத்துடன், “கொலைகார கை சின்னத்திற்கு வாக்களிக் காதீர்’ என்ற வாசகத்துடன் சுவரொட்டி ஒட்டப்பட்டிருந்தது. இதை தொடர்ந்து வேட்பாளர் ஹசன் அலி, தன்னை பற்றி நாம் தமிழர் கட்சியினர் அவதூறு பிரசாரம் செய்வதாக போலீசில் புகார் செய்தார். பிரசாரத்திற்கு பயன்படுத்தப்பட்ட இண்டிகா மகிழுந்து, பாம்பன் காவல் துறையினர் பறிமுதல் செய்தனர்.

காங்கிரசுக்கு எதிரான யுத்தம் ஏன்? சீமான்

2011-04-05T18:05:00.002+05:30

நாம் தமிழர் கட்சியின் தலைமை ஒருங்கிணைப்பாளரும், டைரக்டருமான சீமான், தமிழகம் முழுவதும் 63 தொகுதிகளில் போட்டியிடும் காங்கிரஸ் கட்சி வேட்பாளர்களுக்கு எதிராக பொதுக்கூட்டம் நடத்தி பேசிவருகிறார்.

சென்னை வண்ணாரப்பேட்டை சோலையப்பன் தெருவில் நடந்த கூட்டத்தில் அ.தி.மு.க. வேட்பாளரும், முன்னாள் அமைச்சருமான டி.ஜெயக்குமாரை ஆதரித்து சீமான் பேசினார். அப்போது சீமான் கூறியதாவது:

தமிழகத்தில் அனைத்து கட்சிகளும் தேர்தலில் நிற்கும்போது, நாம் மட்டும் ஏன் காங்கிரசுக்கு எதிரான யுத்தத்தில் நிற்கிறோம். காரணம் இன்றைக்கு தமிழக மீனவர்கள் இந்திய கடல் பகுதியில் மீன் பிடிக்கும் உரிமையை இழந்துள்ளனர். தமிழக

மீனவர்களை சுட்டுக்கொல்லும் இலங்கை அரசுக்கு மத்தியில் ஆளும் காங்கிரஸ் கட்சி துணைபோகிறது.

இந்திய கடலோர காவல் படையும் வேடிக்கை பார்த்துக்கொண்டிருக்கிறது. தமிழக மீனவர்கள் நாதியற்றவர்களாக ஆக்கப்பட்டு உள்ளனர். ஆகவே, தமிழக மீனவர்களை கொன்று குவிக்கிற இலங்கை அரசுக்கு துணை போகிற காங்கிரஸ் கட்சியை 63 தொகுதிகளிலும் தோற்கடியுங்கள் என்றார்.

உலகக்கிண்ண தோல்வியின் எதிரொலி! லண்டனிலும் தமிழர்கள் மீது சிங்களவர் தாக்குதல் முயற்சி

2011-04-04T23:23:00.000+05:30

இலங்கை உலகக் கிண்ணத்தில் தோல்வியடைந்ததை லண்டனில் பல இடங்களில் தமிழர்கள் கொண்டாடியுள்ளனர். இதன் காரணமாக ஆத்தரமடைந்த மதுபோதையில் இருந்த பல சிங்களவர்கள் தமிழர்கள் மீது தாக்குதல் நடாத்த முற்பட்டதாக தெரிவிக்கப்பட்டுள்ளது.

இலங்கைக்கும் இந்தியாவுக்கும் இடையே நேற்று இந்தியா, மும்பையில் நடைபெற்ற இறுதிப் போட்டியில் இலங்கை தோல்வியடைந்ததை லண்டன் தமிழ் இளைஞர்கள் கொண்டாடியுள்ளனர்.
ஈஸ்ட்காம் நகரில் பல சிங்களவர்கள் தாம் தான் இப் போட்டியில் வெல்வோம் என இலங்கைக் கொடியோடு மது அருந்தியவண்ணம் இருந்தனர். ஆனால் அவர்கள் எதிர்பார்ப்பு ஏமாற்றமானதால் ஆத்தரமடைந்துள்ளனர்.
அந்த நேரத்தில், இந்தியா இலங்கையை வென்றது என்ற செய்திகள் வெளியாகிய மறுகணமே தமிழர்கள் புலிக்கொடிகளோடு சென்று தமது ஆதங்கங்களை வெளிப்படுத்தி உள்ளனர்.
லண்டனில் பல இடங்களில் இலங்கை உலகக் கிண்ணத்தில் தோல்வியடைந்ததை தமிழர்கள் கொண்டாடியுள்ளனர்.
இலங்கை தோல்வியடைந்ததை முன்னிட்டு மதுபோதையில் இருந்த பல சிங்களவர்கள் தமிழர்களைத் தாக்க முயற்சித்த போதிலும், தமிழ் இளைஞர்கள் பெருமளவில் இருந்ததால் அவர்கள் திரும்பிச் சென்றனர்.

இந்தியாவில் ஜனாதிபதி மஹிந்த அவமானப்படுத்தப்பட்டாரா?

2011-04-04T23:21:00.000+05:30

உலகக்கிண்ண கிரிக்கட் இறுதிப் போட்டியைப் பார்வையிடச் சென்றிருந்த ஜனாதிபதி மஹிந்த ராஜபக்ஷ இந்தியாவில் அவமானப்படுத்தப்பட்டதாக சிங்கள ஊடகங்கள் செய்தி வெளியிட்டுள்ளன.

உலகக்கிண்ண கிரிக்கட்டின் இறுதிப்போட்டியைக் கண்டுகளிக்கச்சென்றிருந்த ஜனாதிபதி மஹிந்தவுக்கு குறைந்த பட்சம் இராஜதந்திர மரியாதை கூட வழங்கப்படவில்லை. அத்துடன் அவரை வரவேற்க விமானநி்லையத்துக்கு எந்தவொரு முக்கியஸ்தரும் வருகை தரவுமில்லை.

ஆனால் ஜனாதிபதி புறப்பட முன்னர் அவரை வரவேற்க இந்திய ஜனாதிபதி பிரதீபா பட்டேல் விமான நிலையத்துக்கு வருகை தருவார் என்று ஜனாதிபதி ஊடகப் பிரிவு இலங்கையின் சகல ஊடகங்களுக்கும் அறிவித்திருந்தது.
அத்துடன் விளையாட்டரங்கில் வைத்து இந்தியப் பிரதமர் மன்மோகன் சிங்கினால் இந்தியக் கிரிக்கட் வீரர்கள் ஜனாதிபதிக்கு அறிமுகம் செய்து வைக்கப்படுவார்கள் என்றும் அந்தச் செய்திக் குறிப்பில் குறிப்பிடப்பட்டிருந்தது.
ஆனாலும் அப்படி எதுவும் நடக்காதது மாத்திரமன்றி, ஜனாதிபதியுடன் அமர்ந்து கிரிக்கட் போட்டிகளை பார்வையிட இந்தியப் பிரதமரும் ஆர்வம் காட்டவில்லை. அதன் காரணமாக இராஜதந்திர ரீதியில் ஜனாதிபதி இந்தியாவினால் அவமதிக்கப்பட்டுள்ளதாக வெளிநாட்டலுவல்கள் அமைச்சின் வட்டாரங்கள் குறிப்பிடுகின்றன.

தமிழகத்து தேர்தல் களத்தில் கருணாநிதிக்கு எதிராக ஈழத் தமிழ் தொலைக்காட்சி நிகழ்ச்சி!

2011-04-04T23:13:00.000+05:30

2009ம் ஆண்டு மாவீரர் நாளை முன்னிட்டு வளரி வலைக்காட்சிக்காக பிரான்சு ஈழத்துக் கலைஞர்களின் கைவண்ணத்தில் உருவான "மூடுதிரை" எனும் நிகழ்ச்சி கலைஞர்; கருணாநிதிக்கு எதிராக தமிழகத்தின் கப்டன் தொலைக்காட்சி ஒளிப்பரப்பாக்கி வருகின்றது.

சிறிலங்கா அரசுத் தலைவரை மையப்படுத்தி உருவாக்கம் பெற்றிருந்த இந்த நிகழ்ச்சி ஏற்கனவே பெருவாரியான தமிழர்களின் கவனத்தைப் பெற்றிருந்த நிலையில் மீண்டும் தமிழகத்தின் தேர்தல் களத்தில் முக்கிய கருவியாக கலைஞர் கருணாநிதிக்கு எதிராக கப்டன் தொலைக்காட்சி பாவிக்கின்றது.
வளரி வலைக்காட்சிக்காக நாடுகடந்த தமிழீழ அரசாங்கத்தின் தகவல்துறை துணை அமைச்சராக இருக்கின்ற சுதன்ராஜ் அவர்களினால் எழுதி நெறிப்படுத்தப்பட்டிருந்த மூடுதிரை நிகழ்ச்சியில் மகிந்தர் வேடமேற்று நடிந்திருந்தவர் கலைஞர் செல்வகுமார்.
இதுவரை காலமும் தமிழகத்து தொலைக்காட்சி நிகழ்ச்சிகளையே ஈழத் தமிழ் தொலைக்காட்சிகள் ஒளிபரப்பாக்கி வந்த நிலையில் முதன்முறையாக ஈழத்தமிழர் நிகழ்ச்சியொன்றை தமிழகத்து தொலைக்காட்சி ஒளிபரப்புகின்றமை இதுவே முதன்முறை என்பது இங்கு குறிப்பிடதக்கது.