Part1

2011-04-28T14:32:00.000-07:00

Page 1

Surathkal మంగళూరు పట్టణం లోదక్షిణ కన్నడ డిస్ట్రిక్ట్ లో ఉంది. ఈ వూరు గొప్పతనమేమిటంటే ఇక్కడ ఎన్నోప్రతిష్టాకరమైన విద్యా సంస్థలు, పరిశ్రమలు ఉన్నాయి. ఈ వూరికి ఇంకో గొప్ప తనమేమిటంటే, పూర్వము మన పురాణాలలో చెప్పుకునే వినాయక రావనాసుర్ల శివలింగ కథలో, గోకర్ణ లో రావనాసుడు కోపముతో భూమి లో దిగపడిన శివ లింగాన్ని బలమంతా వుపయోగించి లాగినప్పుడు, తలో దిక్కు పడిన ముక్కల లో ప్రధమ మైన ముక్క ఇక్కడ surathkal లో పడిందిట. మరో ముక్క మురుడేశ్వర లో పడిందిట.

Surathkal ఎన్నో పేరుగల, కీర్తిగల, ప్రతిష్టిగల విద్యా సంస్థల లకి చక్ర నాభి లాంటిది. అందులోని అతి ప్రతిష్టమైన కాలేజీ NITK (National Institute of Technology Karnataka). అరేబియన్ మహా సముద్రము వడ్డున, నేషనల్ హైవే 17 మీద స్థాపించ బడినది. NITK Surathkal ప్రపంచములో అతి తక్కువ విద్యా సంస్థలలో, గర్వముగా చెప్పుకునే ఒక ప్రైవేటు బీచ్ మరియు ఒక లైట్ హౌస్ ఉన్నాయి. కాలేజీ కాంపస్ సుమారు 295 acres వుంటుంది. చుట్టురా ఆకుపచ్చ చెట్లు చేమలతో ఎంతో ఆకర్శనీయముగా ఆహ్లాదంగా వుంటుంది. ఇక్కడి ప్రశాంతమైన వాతావరణము విద్యార్థిని విద్యార్ధులకు ఉల్లసమేగాక గాక సీరియస్ గా చదువుకోడానికి ఎంతో ప్రోత్సాహిస్తుంది. ఇక్కడికి ఉడుపి, ధర్మస్థల మరియు మణిపాల్ చాలా దగ్గర.

ఇక్కడికి NITK బీచ్, పణంబూర్ బీచ్, కాపు బీచ్, మురుడేశ్వర బీచ్ మరియు St.Mary's Island ఛాలా దగ్గర.

**********************************************************************************************************************************************

NITK (National Institute Of Technology Karnataka) .....

అప్పుడే కాలేజీ లోకి అందరు స్టూడెంట్స్ వస్తున్నారు. కాంపస్ అంత హడావిడిగా ఉంది. క్లాసులకి వెళ్ళేవాళ్ళు, రంగు రంగుల సీతాకోక చిలుకల్లా స్టూడెంట్స్ అటు ఇటు తిరుగుతున్నారు. నవ్వుతూ త్రుళ్ళుతూ రకరకాలుగా స్పందిస్తూ కాంపస్ కి వింత శోభ తెస్తున్నారు.

కాలేజీ మెయిన్ ఎంట్రన్సు దగ్గర ....

"నందు!!! ఏమిటే అంత పరద్యానంగా వెళ్ళిపోతున్నావు...? ఆగు వస్తున్నాను...wait చెయ్యి ? అంటూ కాలేజీ లోకి వెళుతున్న నందిత ని ఆగమని అరుస్తూ వచ్చింది శ్రుతి.

"అబ్బా రావే తొందరగా మల్లీ ఆ అభిమన్యు వాళ్ళ గ్యాంగ్ తో వచ్చే లోపల..." అంది విసుగ్గా నందిత.

"అబ్బా ఎందుకే పాపం అభిమన్యు మీద అంత కోపం? నిన్ను ఎప్పుడూ ఏమీ అనలేదు కదే? ఎంత పోకిరి అయినా పాపం నువ్వు అంటే భయం." అని నవ్వింది శ్రుతి.

నందిత ఏదో అనే లోపల అక్కడికి పెద్దగా చప్పుడు చేస్తూ ఒక అయిదు మోటర్ బైక్ లు వచ్చాయి. అందులో ఒకరు బైక్ పార్క్ చేసి హెల్మెట్ తీసి స్టైల్ గా చేత్తో పట్టుకుని, ఒక చేతి తో క్రాఫ్ట్ సరి చేసుకున్నాడు. అతనే అభిమన్యు.

************************************************************************************************************************************

అభిమన్యు (అభి)

అభిమన్యు అందగాడు, పరిపూర్ణ ఆరోగ్యం తో శారీరక దృఢత్వాన్ని కలిగినవాడు, సుమారు ఆరు అడుగుల రెండు అంగుళాలు పొడవు తో, పొడుగు కి తగ్గ బరువు తో, తెల్లగా, మంచి handsome గా వుంటాడు. కానీ బాగా డబ్బు పొగరు, అహంకారము, ఎవరిని లెక్క చెయ్యని స్వబావం, తను కోరుకున్నదే జరగాలని పట్టు పట్టే మనస్తత్వం. చదువులో తలుచుకుంటే గోల్డ్ మెడల్ కూడా తెచ్చు కోగల intelligent స్టూడెంట్ అయినా డబ్బు గర్వం తో దేని నైన కొనగలను అన్న ధీమా తో ఎప్పుడూ కయ్యానికి దిగుతాడు. చెడు సావాసం లో పడి cigarette, మందు, పబ్స్, డిస్కో theque లు తో టైం వేస్ట్ చేస్తుంటాడు.

అతనొక style icon. అమ్మాయిలు తనంటే crazy అని తెలుసు కాబట్టి చాలా గొప్ప గా ఫీల్ అవుతాడు. వాళ్ళతో ఎంత దూరం వెళ్లడానికైనా వెనకాడడు. ఎవరైనా తనని పట్టిచుకోవట్లేదు అని తెలిస్తే సహించలేడు చాలా అవమానంగా భావిస్తాడు.

అభిమన్యు వేసుకునే భట్తల బట్టే తన అంతస్తు ఏమిటో అర్ధము అవుతుంది. ఎప్పుడూ designer wear వేస్తాడు. ఎక్కువగా Adidas, Clavin Klein, Armani , Giorgio , Polo , Diesel Jeans , Cesare Paciotti , Lowe Valentini shoes , reban గ్లాసెస్ తో కనపదుతాడు. ప్రస్తుతం లేటెస్ట్ Sports Bike Ducati Monster ని తన సొంతం చేసుకున్నాడు. మార్కెట్ లో ఏది లేటెస్ట్ వస్తే అది తన సొంతం అయ్యే వరుకు వూరు కోడు.

అభిమన్యు సూపర్ రిచ్ ఫ్యామిలీ కి చెందినవాడు. అభిమన్యు పుట్టేసరికి తరగని సంపద వాళ్ళ ఫాదర్ గుట్టలు గుట్టలుగా కూడబెట్టారు. తల్లి తండ్రి అంటీ లెక్క చెయ్యడు, పెద్ద లంటే గౌరవం లేదు, క్రమశిక్షణ, బాధ్యత, అనుబంధాలు అంటీ "what nonsense!" అంటాడు. మనుషుల మనసు, వాటి ఫీలింగ్స్ గురుంచి లెక్క చెయ్యడు, నోటికి వచ్చినది వాగుతాడు, తన వలన ఎవరికైన బాధ కలిగిందా అని చూడడు. అందరు నా కాళ్ళ మీద పడాలి అంటాడు. " I have power of money and I rule everyone!!" అన్న కాన్సెప్ట్ తో బతుకుతాడు. జీవితాన్ని అందాలకి, కోర్కెలకి, అనుబూతులకి, అనుభవాలకి అంకితం చేసేసాడు. శ్రమ విలువ అసలు తెలీదు. మంచిదైన, చెడుధైన అభిమన్యు కోరింది ముందు నెరవేర్చాలి.

నందిత (నందు)

నందిత సన్నగా, అయిదు అడుగుల ఎనిమిది అంగుళాల పొడవుతో, గోధుమరంగు ఛాయతో, యెర్రని చెక్కిళ్ళ తో , పెద్ద పెద్ద కాటుక కళ్ళ తో, మెలి తిరిగిన కను రెప్పల తో, నల్లగా ఎంతో సొగసుగా ఉండే పొడుగాటి వాలు జడ తో అందానికే వంక పెట్టేల వుంటుంది. ఎప్పుడూ కాట్టన్ చుడిదార్ తో చున్నీ నిండుగా కప్పుకుని వుంటుంది. సాదా చెప్పులు, చెవులకి చిన్న బంగారు జూకాలు. మెడలో పల్చటి బంగారు గొలుసు, ఒక జత బంగారు గాజులు, నల్లటి గుండ్రటి బొట్టు తప్ప ఇంకేమి అలంకరణ ఉండదు. ఎప్పుడు అయినా పండగ కి లంగా వోణి వేసుకుంటే ఏ బాపు బొమ్మో, గంధర్వ కన్యో దిగి వచ్చిందా అనిపిస్తుంది. మంచి figure అని స్టూడెంట్స్ అంటూ వుంటారు.

అటు నందిత చక్కని తెలుగింటి ఆడపడుచు లా ముద్ద మనోహరంగా చూడ ముచ్చటగా ఎప్పుడూ నవ్వుతూ నవ్విస్తూ వుంటుంది.

నందిత వాళ్ళది మధ్య తరగతి కుటుంభం. ఒక తమ్ముడు, చెల్లెలు. తండ్రిగారి సంపాదన మీదే ఇల్లు నడుస్తుంది. తల్లి ఎంతో పొదుపుగా ఉన్న దానితో ఇంటి కర్చులు కాలం గడుపుతుంది. నందిత పక్క పిల్లలికి Tuitions చెప్తుంది. టాలెంట్ షౌస్ కి పిల్లలికి , పెద్దలకి casual డాన్సు నేర్పిస్తుంది. తమ్ముడికి చెల్లలికి చదువు చెప్తుంది, ఆడుకుంటుంది. వాళ్ళకి కూడా నందిని అంటే ఎంతో ప్రేమ. "మా అక్క చాలా మంచిది, బంగారం, మేమంటే ఎంతో ఇష్టం!" అని అందరికి చాలా గొప్పగా చెప్తారు.

తల్లి తండ్రి అంటీ ఎంతో ప్రేమ, భక్తి, శ్రధ లతో వుంటుంది. తమ్ముడు చెల్లలు ని ప్రాణం కన్నా ఎక్కువుగా ప్రేమిస్తుంది. క్రమ శిక్షణ, సాంప్రదాయ కట్టు బాటులకి కట్టిబడి వుంటుంది. ఎంతో ఆత్మబిమానం గల పిల్ల, పెద్ద లంటే గౌరవము, డబ్బు విలువ తెలుసు గనుక ఒక్క పైసా కూడా వేస్ట్ చెయ్యదు.నందిత కి సోమరి పోతులన్న, గర్విష్టులన్న, డబ్బు మదం వున్నా వాలన్నా, డబ్బు విలువ తెలియని వాలన్నా అసలు గిట్టదు, వారిని క్షణం కూడా సహించలేదు. ఒక్క ముక్క లో చెప్పాలంటే అభిమన్యు లాంటి వాళ్ళ ని ఒక క్షణం కూడా భరించలేదు.

ప్రస్తుతం అతని బాధ అదే . అమ్మాయిలకి తనంటే ఎంత పిచ్చి మరి నందిత తనని ఒక పురుగు ని చూసినంత హీనంగా చూస్తుంది. అందుకే నందిత ని తన బద్ధ శత్రువు గా చూస్తాడు.

నందిత కి ఎలాంటి క్యారెక్టర్ అసలు భరించలేదో దానికి ప్రతి రూపమే అభిమన్యు. అతనంటే కంపరము, అసహ్యము వేస్తుంది తనకి. ఎంత అందగాడైతే ఏంటి హర్షించగల ఒక సుగుణం కూడా లేకపోతే అంటుంది నందిత.

**********************************************************************************************************************************************

ప్రియమైన శత్రువు (My Dearest Enemy)

2011-04-28T11:44:00.001-07:00

స్వాభిమానము పట్టుదల కలిగిన యువతీ నందిత. డబ్బు మదము, పొగరు, ఏమి పట్టని యువకుడు అభిమన్యు. వీళ్ళ ఇద్దరి మధ్య జరిగే ప్రేమ పెళ్లి కళల అల్లికనే ఈ ప్రియమైన శత్రువు. ఇద్దరి మధ్య ప్రేమ వున్నా ఇద్దరి అహం బావనలతో అపోహలతో ఒకరిని ఒకరు తప్పుగా అర్ధం చేసుకుంటూ, ఒకరిని ఒకరు దూరం చేసుకుంటూ, ఒకరిని ఒకరు బాధ పెడుతూ, బాధ పడుతూ, ప్రేమించుకుంటూ ద్వేషించుకుంటూ సాగే వీళ్ళ జీవిత కధే ఈ ప్రియమైన శత్రువు.

My Novels

Part1

ప్రియమైన శత్రువు (My Dearest Enemy)