Aquarian99

Aquariam Fish Store & Pet Supplies in UB

2014-01-16T16:38:00.000+08:00

Ulaanbaatar hot dahi aquariumiin zagas, geriin tejeveer amitdiin delguuruud

Ene minii aquarium. Naranbaatar

2013-01-30T19:05:00.002+08:00

Hi all aquarium fishkeepers? Odriin mend bi aquariumtai bolood 1 jil bolj bna.
Мэдэхгүй юм их гарах юмаа гэхдээ анх эхэлж бснаа бодвол гайгүй туршлагатай болсон шүү. Юм асууяа миний аквариумд 15 төрлийн 20 гаруй загас бн ингэж тэжээж болдог юм болов уу? Муу зуйл ажиглагдсан юм алга л бн бүгд онголог бгаа арчилгааг бол сайн хийдэг л дээ. Хэдэн зураг илгээлээ оруулчихвал баярлана шүү ккк. Дискус энэ тэр бол тэжээх болоогүй юм шигээ нэг дискус авсан 7 хоноод л үхчихсэн бас түрслүүлж чадахгүй байна. Яавал дээр вэ?

DIY Frozen Fish Food | загасны хоол хийх

2012-09-03T18:20:00.000+08:00

Hi guys? Zagas tejeegchdees maani holduu zurheer zagasnii hool hiih talaar asuultuud irsen uchir ene huu niitleliig oruulj bna

Дискусанд аль болох олон төрлийн чанартай хоол өгөх ба дан хатаасан хуурай хоол нь өсөлт хөгжилт, амьдрах хугацааг богиносгодог. Ер нь ямар ч загасны өсөлт хөгжилтөнд тэжээллэг хоол хамгийн чухал. Зүрхээр хоол хийх олон жор байдгаас Гвинбрүүк ферм-ын жор хамгийн ойлгомжтой, хийхэд хялбар, баялаг орцтой, дискуснууд нь ч өсөлт сайтай учраас сонгож орууллаа.

Загасны хоолны орц бүтээгдэхүүнүүд.

Энд 300 гаруй килограмм гэсгээх, болгох, нухашлаад хольж уутлахаар бэлдсэн орц бүтээгдэхүүнүүд байна. Эдгээрийг фермийн загаснуудад зориулж их хэмжээгээр бэлдсэн байдал нь.

Хөлдүү үхрийн зүрх болон элэг.

Элэг, зүрх манайд хаа сайгүй зах худалдааны төвүүдээс олдох байх. Гэрийн нөхцөлд цөөн загас хооллох бол 1 кг зүрх, 300 гр элэг байхад 2 сардаа хангалттай хүрнэ. Эхлээд үхрийн зүрхнийхээ бүх өөх, судсуудыг ялгаж цэвэрлэнэ.

Дараа нь элэг, зүрхээ гэсгээгээд чанаж илүүдэл шингэн, цусыг нь арилгана. Гэхдээ элгийг заавалчгүй бүрэн болгож хэрэглэнэ.

Ногоо

Ногоонд тэр дундаа шош, вандуй, бууцайнд амин дэм тэжээллэг бодисууд байдаг учир хоолонд орох үндсэн бүтээгдэхүүн юм.

Арилгасан хөлдүү сам хорхой

Арилгасан сам хорхой мөн хоолонд орох үндсэн бүтээгдэхүүн. Сам хорхойг заавал болгож хэрэглэхгүй байж болно. Сам хорхой нь хоолны найрлаган дахь бүх орцыг хольж хооронд нь барьцалдуулах чанартай. Сам хорхойнд маш сайн уураг, витамин B12, омега 3 хүчил агуулагддаг. Мөн дискусны улаан шар өнгийн судлуудыг үүсгэдэг Бета каротиныг агуулдаг. Загас тэр дундаа дискус сам хорхойнд хүнээс дутахгүй дуртай байдаг.

Tropical Fish Flake Food

Өөр нэг найрлага бол загасны флэйк хоол. Мөн флэйк хоол нь хоолны орцыг барьцалдуулахаас гадна загасны хооллох дуршлыг нэмэгдүүлнэ. Флэйк хоолыг хатаасан өт, өнгө сайжруулагч флэйк, спирулина (100% байгалийн замаг) өндөг, хавч, планктон гэх мэт бүтээгдэхүүнтэй холж улам амт чанар сайтай болгох хэрэгтэй.

Хөлдүү загасны мах

Загасны маханд маш сайн шим тэжээллэг бодисууд байдаг. Хэрэглэх бол тослог биш мах сонгоорой. Тослог загас нь аквариумыг богино хугацаанд маш их бохирдуулдаг.

Фермийн хоол чанадаг тогоо

Фермүүдийн тогоо том өмхий байх нь аргагүй бизээ. Энэ тогоонд зүрх, элэг, загасны мах, сам хорхойгоо болгодог. Хэрвээ та орцоо болгох шаардлагатай бол бусад орцоо элэгтэй цуг чанаж болохгүйг анхаараарай. Ингэж болгох нь дараа нь нухашлаж машиндахад илүү хялбар байдаг. Гэхдээ заавалчгүй элэгээ чанаж болгохоо мартуузай.

Гал тогоо

Наад талд гэсгээсэн загасны махаа чанахад бэлэн болгосон. Цаад талд үхрийн чанасан зүрхээ хөргөөж машиндхад бэлэн болсон байдал. Орцоо машиндаад дараа нь хооронд нь хольж дахин машиндана. Дараа нь пластик уутанд хийж хөлдөөгчинд хийснээр загасны хоол бэлэн болно.

Зүрхээ машинаар татаж байгаа нь

Ингэж машиндахдаа хэт их нялцгай шингэн болгож болохгүй. Хэрвээ махны машингүй бол холигч ашиглаарай. Холигчинд холихоосоо өмнө орц найрлагаа жижиглэж хэрчихгүй бол холигч эвдрэхийг анхаарна уу.

Хөргөж буй халуун элэг

Ил тавьж хөргөөснөөр шингэнийг нь ууршуулж буй хэрэг. Элгэнд мөн маш их шим тэжээл ихтэй. Гэхдээ хоолонд дангаар буюу гол бүтээгдэхүүн болгон хэрэглэж болохгүйг анхаарна уу.

Загасны махаа машиндаж байна.

Чанаж болгоод машиндах нь махыг илүү хуурай болгож өгдөг.

Ногоон шош харагдаж байна

Ногоон ногоо нь хоолны найрлага амт чанарыг улам баяжуулж өгдөг. Шош вандуй буйцааны аль нь ч болно. Мөн хүнсний ногоо нь аквариумны цэвэрлэгч плеко коринуудад тэжээллэг хоол болно.

Флэйк хоол болон бусад нэмэлт орц

Флэйк хоолыг орц найрлагыг барьцалдуулах зорилгоор бага хэмжээгээр хийнэ.

Эцсийн бүтээгдэхүүн

Хамгийн сүүлд бүх найрлагаа нэмж дахин машиндана. Энэ жороор загасандаа хоол хийж өгснөөр таны загаснууд суга өсөх болно.

Пластик уутанд савласан 300 кг хоол фермийн 4 сарын хэрэгцээнд хүрдэг байна

Үхрийн зүрх, элэг, сам хорхой нь загасны тэр дундаа дискусны гол тэжээл болдог.

Гэртээ бэлтгэх жор

1 ширхэг үхрийн зүрх 3500-4500₮
Тал үхрийн элэг 1200₮
200 гр цэврэлсэн сам хорхой 1кг нь 16000 ₮
50 гр флэйк хоол 3000 ₮
1 уут бууцай 700₮

1 халбага спирулина 1 уут нь 10000₮

Бүх хөлдүү орц бүтээгдэхүүнээ гэсгээж ус цусыг нь арилга.

Зүрх, элэг, сам хорхойгоо болгоно.
Дараа нь зүрх, элэг, сам хорхойгоо машиндана
Бүх найрлагаа холино

Пластик уутанд савлана. Уутыг агааргүй болгож хөлдөөгчинд хөлдөөнө.

Дараа нь бага зэрэг гэсгээж байгаад загасаа хооллоорой.

Таны дискусанд гэрт хийсэн хоол таалагдах болно.

Дискусанд зориулсан бусад хоол

Шумуулны авгалдай
Хөлдүү мотил

Хөлдүү артем
Tetra Bits
Дафниа
Omega One Cichlid Flakes гэх мэт.

Discus tejeehed anhaarah 10 durem

2012-09-02T00:18:00.002+08:00

Өдөр ирэх тусам манай аквариумчид маань улам өнөр өтгөн олуулаа болж, бие биентэйгээ өрсөлдөж, туршлагаа хуваалцаж, өөрийн аквариумаа бусдад сонирхуулж, нэг нэгэндээ зөвлөгөө өгж, зөвлөлцөж байгаад би үнэхээр баяртай байна. Хүн болгон л өөрийн гэсэн тэжээдэг загасны төрөлтэй болж, тэрийгээ бусадтайгаа хуваалцаж байна. Хамгийн эрэлттэй байгаа аквариумны загасны нэг бол мэдээж дискус. Тэгэхээр энэ удаад дискус тэжээхэд баримтлах арван алтан дүрэм гэсэн гарчигтайгаар мэдээгээ эхлүүлье.

За дискус тэжээхэд хамгийн чухал зүйл бол - цэвэрхэн орчин юм. Дискус тэжээхэд үүсдэг бүх асуудлууд бохирдолоос үүсэлтэй байдаг. Байгаль дээрх зэрлэг дискусуудэд бол бохирдол гэх асуудал бараг байдаггүй, учир нь амьдарж буй орчин нь үргэлж намуухан урсгалтай байдаг. Харин аквариумын нөхцөлд та л цэвэрлэгээг хангаж өгөх ёстой. Харин цэвэрхэн устай байлгахын тулд та яах ёстой вэ?:

Дискус бол маш эмзэг загас. Ялангуя усан дах нитрит, аммони, нитратаас болж маш амархан өвчилдөг. Харин эдгээр зүйлүүд нь илүүдэл хоол, ялгадаснаас үүсдэг. Эдгээр асуудлыг үүсгэхгүйн тулд та аквариумдаа биофильтр суурьлуулах шаардлагатай. Биофильтр нь усан дах бохирдлыг хамгийн сайн цэвэрлэдэг ба байгаль дээрх биобактерүүдыг үүсгэдэг. Биофильтр-ийг гар аргаар, эсвэл бэлэн төхөөрөмж ашиглаж болно. Танд л гэж зөвлөхөд хэрвээ та анхлан загас тэжээгч бол бэлэн биофильтр канистр авсан нь дээр гэж зөвлөх байна. Биофильтр бүрэн ажилтлаа 2-3 сар болдог, яагаад гэвэл тэр хугацаанд аквариум дах бохирдлыг сорж био канистр дотроо бактери үүсгэхэд нилээд хугацаа шаардагддаг.
Бас цэвэрхэн байлгах өөр нэг арга бол аквариумдах усаа тогтмол сэлгэж байх. 2-3 хоногт аквариумны 10-20%ийг сэлгэж солиж байвал тун давгүй. Мэдээж усаа солихдоо, сэлгэх усаа ядаж 1 өдөр байлгаж байгаад солиоорой.
Дискус бол сүрэглэдэг загас учир 200литр-ээс доошгүй хэмжээтэй аквариумд 5-6 ширхэгээр тэжээнэ. Учир нь олуулаа байхдаа, хоол идэхдээ илүү идэвхтэй, өсөлтөнд нь илүү нөлөөлдөг, харин парласан загасыг тусад нь хийдэг. Анх дискус авж байгаа нөхдүүдэд зөвлөхөд хэт жижиг биетэй дискус авж байснаас 7-8см-ээс доошгүй хэмжээтэй дискус авбал тохиромжтой, яагаад гэвэл хэт жижиг байхад нь авбал тогтмол хоол өгөхгүй бол бие нь өсдөггүй, бөгөөд давжаа биетэй болох аюултай байдаг.

Дискусыг бусад өөр төрлийн загаснуудтай цуг тэжээж болно: апистограмма рамиреза (бабочка), улаан нёонуудтай, мөн мэдээж аквариум-цэвэрлэгч соомнуудтай тэжээж болно.
Дөнгөж анх тэжээж буй нөхдүүдэд хэлэхэд анх авсан дискусээ 33-34градуст (5-10хоног) байлгавал загасны стресс арилж, хоолонд зуршилтай болдог. Дөнгөж уутнаас гаргахдаа шууд усандаа хийж болохгүйг анхаарна уу. Аквариум доторх температур, зөөвөрлөсөн уут нь доторх температурын зөрүүнээс болж загас хямрах аюултай учраас загсаа ууттай нь аквариум дотроо хийж усны температурыг ижил болгох хэрэгтэй.
Дискус зөөвөрлөх явцад гол анхаарах зүйл бол усыг 28градусаас хөргөж дэмий байдаг. Та хэр нямбай зөөвөрлөнө төдий чинээ дараа нь асуудал гардаггүй.
Аквариумд дискусын агааржуулалт маш сайн байх ёстой. Гэхдээ хэт их *поржигнуулвал* загас амархан ядардаг.
Дискусыг нэг янзын хоолоор удаан хооллож болохгүй, байнга хоолыг нь солиж, ээлжлэж хооллох ёстой. Өсөж буй дискусыг өдөрт 4-5 удаа хооллох ёстой 4цагын зайтай. Би өөрийн хооллож байсан зарчимаа танилцуулья: Өглөөдөө бол хуурай хоол өгдөг: ТетраБитс. Харин 4 цагийн дараа лаазласан артем өгдөг. Тэрнээс дахиад 4цагын дараа үхрийн зүрх (тусгай жороор хийсэн), эсвэл хөлдөөсөн мотыль-оор тэжээж байсан. Ингэх үед аквариумны ус маш бохирддог ба зүрхээр хооллосны 1 цагийн дараа аквариумны усыг 20% солих хэрэгтэй. Ингэж хооллож арчилахад дискус дороо л томроод ирнэ. Харин нас биенд гүйцсэн дискусыг өдөрт 2 удаа л хооллоно. Дискусыг өвчлүүлэхгүй байлгая гэвэл усны температурыг огцом хэлбэлзүүлэхгүй, усны бохирдолгүй, хооллолт тогтмол байхад л хангалттай.

За тэгээд эцэст нь чухал 10 дүрэм нь:

1. 2-3 хоногт аквариумны 10-20% усыг сэлгэнэ.
2. Байнгын фильтрацитай байх хэрэгтэй.
3. Усны температур. 29-31градус байна. Аквариумд 2-3 цэгт агааржуулагч байрлуулна.
4. Өдөрт 2-3 удаа хооллоно. Хөлдөөсөн мотыль, үхрийн зүрх, артем заавал өгж байх шаардлагатай. Дан хуурай хоолоор хооллож болохгүй.
5. Нэг дискусэнд 30-50 литр эзлэхүүн байх хэрэгтэй. Аквариумд дор хаяж 5-аас доошгүй ижил хэмжээтэй дискус байх хэрэгтэй.
6. Дискус дискустэйгээ л байхдаа *жаргалтай*, өөр төрлийн загас хийх шаардлаггүй
7. Өвчилсөн загасыг нэн даруй аквариумнаас тусгаарлана.
8. Фильтрийг 7хоногт нэг удаа цэвэрлэх шаардлагтай.
9. Хайрга болон ургамал нь дискусыг өвтгөдөг нэг хүчин зүйл байдаг.
10. Заавал аквариум-цэвэрлэгч соом байх шаардлагтай (плеко, коридорас г.м)

Анх тэжээж буй хүмүүст энэ нилээд хүндхэн харагдах байх, гэхдээ энэ бүгдэд дасах хэрэгтэй. Нэгэнт л аквариумдаа энэ *сайхан амьтаныг* тэжээх гэж байгаа бол сайхан л тэжээх хэрэгтэй шүү дээ.

Танд амжилт, мөн тэвчээр хүсье :)

Zagas tejeeh 33 shildeg arga

2012-08-26T19:26:00.000+08:00

Hey guys?

Загас тэжээгчидээ

Та бүхэнд зориулсан туршлагатай экспертүүдийн зөвлөгөөнүүдийг хүргэж байна. Нийтлэлийг монголчилж бэлтгэн ирүүлсэн Бат-Өлзийдөө баярлалаа.

Бидний зүгээс загас сонирхогчидод өгөх дараах хэрэгтэй зөвлөмжийг хүргүүлж байна. Хэдийгээр та шинэ эсвэл туршлагатай загас сонирхогч ч гэсэн таньд хэрэгтэй зүйл энд бий!

Шинэ загас сонирхогчидод өгөх 13 зөвлөмж.

1. Тэвчээртэй бай.
Хэрэв таны амьдрал 100 миль хурдтай байдаг бол загас тэжээх нь таны хобби биш. Загас тэжээх нь ашиг тустай бактерийг бий болгож бохирдолыг цэвэрлэж бүхэл экосистемийг бий болгож амжилтанд хүрэхэд тэвчээр шалгасан ажил юм. Шинэ аквариумд бага зэргийн үр дүнд хүрэхэд зургаан долоо хоног эсвэл түүнээс урт хугацаа шаардаж магадгүй. Түүнээс гадна усыг шалгаж үзэхэд таны аквариум нь загас урт хугацаагаар байхад аюултай байж болзошгүй ба та загас тэжээхийг яагаад эхэнд тавьж сонгосондоо ч эргэлзэж магадгүй юм.

Харин сайн мэдээ нь гэвэл та бүх зүйлийг зөв дарааллын дагуу хийх юм бол устай холбоотой асуудал дахиж гарахгүйгээр анх эхлэхдээ авч байсан загаснуудтайгаа байсаар байх болно.

Тэвчээртэй байх юм бол энэ таньд ашиг тусаа өгөх болно. Харин буруугаар эргэвэл бүх зүйл аймшигтайгаар дуусч магадгүй.

2. Загасаа удаанаар бүрдүүл.

Энэ бол шийдвэрлэх мөч. Хэрэв та хэт олон загасыг хэтэрхий эрт нэг аквариумд хийх юм бол бүгд үхэж магадгүй. Шинэ аквариумын синдромтой тэмцэх хамгийн сайн арга бол эхний бодис эргэлт тогтворжих хүртэл хүлээх юм. Энэ нь таны фильтер дээр ашиг тустай бактерууд бий болж усан дахь бохирдолыг арилгаснаар таны аквариум бэлэн болно.

Энэ загасгүй үеийг та ус цэвэршүүлдэг бактерийг аквариумдаа хийж усыг илүү аюулгүй болгох хэрэгтэй. Загас хийх үед эдгээр бактер нь загасны ялгадасаар хооллож илүү хурдацтай өснө. Хэрэв нэг дор хэтэрхий их загас хийх юм бол ганц бактер ч биш шивтэр болон азотын түвшин огцом нэмэгдэж загасыг хордуулж эхэлдэг.

3. Хэтрүүлж хооллож болохгүй.

Аквариумын загасны хоол үйлдвэрлэгч нар өдөрт 3 удаа хооллохыг зөвлөдөг. Хэрэв та шинэ аквариуст бол үүнийг ихэнхдээ хэтрүүлдэг.

Хэрэв та усны чанар эсвэл шинээр аквариум бэлдэж байгаа бол өдөрт нэг удаа хооллох нь зүйтэй. Хэдий аквариум дахь загасны тоо хангалтай эсвэл багаар өгч байгаа ч гэсэн хэдэн сараар хэтрүүлж хооллох нь асуудал дагуулж болзошгүй.

Хэдэн чимхийг өгөх вэ? Хоолны төрөл, хурууны чинь хэмжээнээс хамаарч хэмжээ нь өөр өөр байх тул сайн асуулт юм. Иймд худалдагчаас нь хэдий хэр хэмжээгээр өгөх тухай лавлаж асуу ингэснээр та өөрийн гэсэн ойлголттой болно.

4. Хэт олон загаснаас зайлхий.

Энэ түгээмэл байдаг алдаа юм. Ихэнх загасны дэлгүүрт маш олон загасыг нэг дор хийсэн байх нь элбэг, иймд яагаад би болохгүй гэж та бодож магадгүй. Хариулт нь хэтэрхий олон загас нэг дор байснаар загаснууд хүчилтөрөгчийг дутагдал, хангалтгүй шүүлтүүржүүлэлт зэргээс үүдсэн өвчин гарах магадлалтай юм.

Аквариум дахь загасны тоо ихдэх үед эзэмшил бүстэй загаснууд жишээ нь: циклидүүд улам түрэмгий болдог. Мөн загаснуудын өсөлт удааширч, сэрвээ болон хэвлийн сэлүүрүүдээ хумиж үзэмжгүй болно. Энэ үед цорын ганц зөв хариулт нь илүү аквариум байх болно.

5. Үзэмжээс илүү үйл ажиллагааг нь сонго.

Аквариумаа сонгохдоо тэгш өнцөгт стандарт хэлбэрийн аквариум сонго. Бөмбөлөг, зургаан өнцөгт, циллиндер хэлбэрт аквариум сайхан харагдаж болох ч тэдгээрт загас сэлэхэд тохиромжтой зай талбай байдаггүй. Түүнээс гадна тэгш өнцөгт аквариум дотор фильтер, халаагуур зэрэг тоног төхөөрөмжийг суурилуулахад хялбар ба таны загасанд илүү тохиромжтой байх болно.

Мөн аквариумын чимэглэл ч гэсэн чухал ач холбогдолтой. Ихэнх халуун орны загаснуудад зэрлэг байгалийн өнгөнд тохиромжтой. Жишээ нь: Бор, саарал, ногоон зэрэг зөөлөн өнгө. Хурц хөх өнгөтэй хайрга зарим зүйлийн соомыг түгшээх ба энэ загасны өнгө цайрах тэр ч бүүхэл түүнийг хараагүй болгох эрсдэлтэй. Цагаан хайрга ч мөн адил таны бүх загас цайвар болгодог. Иймд байгалийн өнгөтэй хайрга болон элсийг сонгосноор загаснуудаа та илүү тухтай байлгах болно.

6. Боломжтой бол аль болох том аквариум ав.

Хэрэв та гэртээ загастай болох гэж байгаа бол энэ маш чухал юм. Мөн та шинэ акварист бол аль болох том аквариум аваарай, товчоор бол 60 болон түүнээс дээш уртай аквариум гэсэн үг. Яагаад гэвэл том аквариумын ус нь чанарын хувьд жижиг аквариумынхаас илүү тогтвортой байх ба та илүү олон загас байлгаж болно. Ихэнх сүрэглэдэг загас бөөнөөрөө байх нь дээр байдаг ба хэдэн зуугаас сонгох боломжтой. Мөн том аквариумд та дэлгүүрт харснаас олон загас нэг дор байлгах боломжтой юм.

7. Сайн худалдагчийг ол.

Энэ магадгүй хамгийн чухал ч байж магадгүй юм. Сайн загасны дэлгүүр нь зөвхөн сайн багаж хэрэгсэл төдийгүй өөрийн чинь хайж буй сайн эрүүл загасыг өгөх бөгөөд хамгийн чухал нь тэд хамгийн сайн зөвлөгөөг өгнө. Сайн худалдагч нь таны аквариумын урт хугацааны үр дүнг чухалчлах бөгөөд тогтворгүй (өвчтэй, эсвэл тэжээхэд нарийн төвөгтэй) загасыг таньд худалдаалахгүй. Учир нь тэдгээр загас удалгүй эргээд ирж болзошгүй учраас тэд таны аквариумын талаар санаа тавих болно.

8. Авкаристуудын клубын гишүүнээр элс.

Магадгүй та энэ талаар огт бодож байгаагүй байх. Гэхдээ зарим клубын гишүүн болсноор та туршлагатай акваристаас хэрэгтэй зөвлөгөө авах эсвэл өөрийн сонирхдог загасны талаар илүү мэдээлэлтэй болох боломжтой юм.

9. Арчилахад амархан загаснаас эхэл.
Хэрэв та туршлагагүй акварист бол арчилахад төвөг бага, түрэмгий зангүй загасыг түрүүлж сонгох хэрэгтэй эс тэгвэл сүүлд та сэтгэл гонсойж магадгүй. Тэсвэр сайтай загас нь хооллоход хялбар байхаас гадна усны температур, шинж чанарын хэлбэлзэлд тэсвэртэй байдаг. Пецил, данио зэрэг нь удаан хугацааны туршилтаар зарим тохиолдолд алтан загаснаас илүү тэсвэртэй байсан ба түүгээр ч үл барам тэд үржиж байсан. Тэсвэр сайтай эдгээр загасыг удаан хугацаагаар тэжээснээр аквариумынхаа талаар илүү ойлголтой болж загасны худалдаачидтай загас солилцох хэрэв хүсвэл дискус болон Малави циклидээр ч аквариумаа баяжуулах боломжтой болно.

Хамгийн гол давуу тал нь тэсвэртэй загасыг тэжээх явцдаа та ус солих, хооллох зэрэг дадлага туршлагыг олж авах ба та энэ явцад зарим зүйлийг буруу хийсэн ч гэсэн тэдэнд ямар нэг ноцтой асуудал гарахгүй.

Харин дискусыг буруу усанд байлгасанаар та тэд хэрхэн цагаасаа өмнө явахын гэрч нь болж болзошгүй.

10. Арчилгаанд цаг гаргаж бай.

Аквариумууд сэтгэл татам сайхан харагдаж болно л доо, гэхдээ та санаа тавихгүй бол тэд зүгээр л замаг дүүрсэн намаг л болно. Иймээс сар бүр, долоо хоногт, өдөр бүр тодорхой хэмжээний арчилгаа хийх цаг гаргаж байх хэрэгтэй.

Өдөр бүр та тоног төхөөрөмжийн ажиллагаа, усны температур, аквариумын нүүрний шил цэвэр эсэх талаар санаа тавихад л болно энэнд ердөө хэдхэн секунд л зарцуулахад хангалттай.
Харин долоо хоног тутам аквариумын усны түвшинг нэмэх, хасах нүүрний шилийг арчих эсвэл бүр усныхаа багаахан хэсгийг солисон ч болно.

11. Тэмдэглэл хөтөл.

Аквариумынхаа усны тестын үр дүн, авсан загасныхаа талаар өдрийн тэмдэглэл өдөр бүх хөтөлж бай. Өдрийн тэмдэглэл нь тулгарч болзошгүй бэрхшээлийн талаар хэзээ, хэрхэн гэдгийг тодруулж өгөх болно.
Хэрэв та загас үржүүлдэг бол тэдгээрийн түрс нь хэр удаан боловсорч төрц болох тэдгээрийг гарах үед усны хатуулгийн түвшин ямар байсныг тэмдэглэх боломжтой. Ингэж тэмдэглэснээр дараа удаа тэр зүйлийн загасыг үржүүлэх, өөр хэн нэгэнд зөвлөгөө өгөх үед тань хэрэг болох болно.

12. Аливаа зүйлд бэлэн бай.

Загас тэжээж байх үед аливаа зүйлд бэлэн байх шаардлагатай. Жишээ нь загасны шүүлтүүр тор ямар нэг шалтгаанаар хэдэн ч тооны загасыг зөөх үед чухал хэрэг болдог.

Хэрэв та дулаан бүсийхэн тэжээдэг бол илүү халаагуур байх нь зүйтэй. Хэрэв таны амьдарч байгаа газар байнгын тог тасардаг бол батерейгаар ажилладаг агааржуулагчтай байх хэрэгтэй. Бид ихэнхдээ оройн цагаар загасны дэлгүүр хаасан үед загасаа хардаг иймд хангалттай хөлдөөсөн хоол, загасанд чинь цагаан толбо илэрсэн үед шаардлагатай эм зайлшгүй байх хэрэгтэй. Илүү загасны уут ч дэлгүүрээс загас зөөх үед хэрэгтэй. Полистерин зөөврийн хайрцаг ч загасыг богино хугацаагаар байлгахад хэрэг болно.
Ус солиход шаардлагатай илүү сав, загаснууд зодолдоход хэрэг болох тусгаарлагч ч хэрэг болдог.

Илүү аквариумыг ч гэсэн загасыг эмчилэх үед ашигладаг. Ер нь яадаг ч байсан таньд хангалтай хэрэгсэл байгаа эсэхэд итгэлтэй байгаарай.

13. Өөртөө бодитой төсөв гаргаж бай.

Та 60 см-ын урттай дундаж аквариумыг авахыг хүссэн загастайгаа ойролцоогоор 60-80 мянган төгрөгөнд авч болно. Гэхдээ бүрэн чимэглэх, шаардлагатай тест, цэвэрлэгч фильтер, халаагуур зэргийг нэмэх юм бол зуун мянгаас ч давж мэднэ. Хэрэв та чимэглэлийн зориулалтаар өндөр-технологитой аквариум хүсэх юм бол үүнд: Нүүрстөрөгчийн агааржуулагч, цагаар хооллогч автомат зэрэг нь энгийн аквариумаас илүү үнэтэй байх болно. Иймд эдгээр авахаасаа өмнө дахин сайн бодож үзээрэй. Далайн загасны аквариум бол үүнээс хэдэн арав дахин үнэтэй болдог. Иймд аливаад бодитой хандаарай.

Хэрэв та том удаан насалдаг загас тэжээж байгаа тохиолдолд аквариумын тоног төхөөрөмж болон хооллох тооцоонд их зардал гарч болзошгүй. Мөн том биетэй нас гүйцсэн загасыг авах юм бол хоолны зардалын тооцоо нь жилийн туршид нэлээд их гарч болзошгүй.

Загас авах үед хэрэгтэй 5 зөвлөмж.

14. Заавал асууж бай.

Загас авахаасаа өмнө тэд таны аквариумд хэр тохирохыг бодож үзээрэй. Тэдний хамгийн том болох хэмжээ, шаардлагатай усны нөхцөл, хооллолт зэргийг нь судалж үзээрэй. Сэтгэл хөдлөлөөр битгий хандаж бай. Авчирсан загас чинь өөрт байгаа загастай зохицох эсэх тэрнээс гадна өөрийн төрөл дотроо ч таарах эсэхийг нь сайн бодоорой.

15. Эрүүл загас сонгож байгаарай.

Үүнийг суралцаж байж олж авдаг мэдлэг, иймд өөртөө итгэлгүй үедээ туршлагатай акваристтай хамт яваарай. Зарим үед дэлгүүрүүд тэр бүр загасаа ажиглаж амждаггүй болохоор сайн ажиглаж цагаан толбо, бактерийн халдвар байгаа эсэхийг нь хараарай.

Загаснуудын өнгө тод, бүх сэлүүрээ дэлгэсэн байх ёстой ба хэрэв тэднийг цочроох үед бүгд үргэж хариу үйлдэл үзүүлэх ёстой. Идэвхитэй сэлж, байрлалаа байнга сольж бас идэвхитэй хоол хайж байгаа нь тэдний идэвхийг илтгэдэг. Худалдагчаас тэднийг хооллохыг ч гуйж болно шүү дээ. Үүний дараа л хүссэн загасаа түүнд зааж болно.

16. Машинаар зөөх үедээ.

Загасаа зөөх үед тэднийг авч явах сав маш чухал. Худалдагчид нь хэр хол явах талаараа хэлж тэдэнд шаардлагатай хүчилтөрөгчийг хийлгэх хэрэгтэй магадгүй тэд полистер хайрцаг ч санал болгож магадгүй. Эдгээр полистер хайрцагуудыг өдөр шөнийн аль ч цагт дэлхий даяар загасыг аюулгүй, дулаахан зөөхөд ашигладаг. Эсвэл хоосон хайрцаганд загастай уутай нь хий. Үүний дараа уг хайрцагаа скочны тусламжтайгаар хөдөлгөөнгүй бэхэл мөн доторхи загастай уутаа ч гэсэн холбирохгүй болгож бэхлэх хэрэгтэй.

Хэрэв танд полистерн хайрцаг байхгүй тохиолдолд энгийн кардон хайрцагт ууттай загасаа хийж болно. Үүний тулд уутныхаа амыг хайрцагныхаа дээд хэсэгт нь бэхэл тэгээд гэрэл нэвтэрч халаахааргүйгээр халхлах хэрэгтэй. Ямар ч тохиолдолд хайрцаг олдохгүй үед ууттай загасны тулгууртай аюулгүй газар тавих хэрэгтэй. Жишээлбэл: арын зорчигчын суудлын шалан дээр тавиад түүнийг өнхрүүлэхгүйн тулд урт талын сандалтай цуг бэхлэнэ. Аялалын туршид загасыг түгшээж болохгүй ба тэднийг ууттай нь харанхуй, харагдахааргүй газарт байлгах хэрэгтэй.

Хэрэв та загасаа даарч магадгүй гэж санаа зовж байвал үлээгчээ хамгийн бага дээр нь тавихад л хангалттай. Харин шууд үлээгчийн өмнө ууттай загасаа тавьж болохгүй учир нь усны температур огцом нэмэгдэж, хүчилтөрөгчийн дутагдалд орох болно. Мөн ууттай загасыг арын тээшний саванд хийж болохгүй учир нь замд тохиолдож болох донсолгоо болон доргилтоос загас үхэж болзошгүй.

17. Шууд гэртээ харь.

Энэ та бүхэнд ойлгомжтой байх гэвч дийлэнх хүмүүс одоо болтол загас зөөж явахдаа өөр зүйлсийг хийдэг. Полиэстир уутан дахь загасанд хүчилтөрөгчийн хэмжээ хязгаарлагдмал байхаас гадна эдгээр уутанд загасыг хийхээс мөчөөс эхлээд усыг бохирдуулж эхэлдэг.

Хэрэв та өөр төлөвлөгөөтэй бол загас авахаа хамгийн сүүлд нь хий эсвэл худалдагчид илүү том уутанд их агаартай хийхийг сануулах хэрэгтэй.

18. Дасга.

Нэгэнт та загасаа аваад гэртээ ирсэн бол түүнийг тайвширтал түр хүлээ. Гэрэл үзүүлэхгүйгээр зөөвөрлөж ирсэн бол түүнийг эхлээд гэрэлгүй нөхцөлөөс нь аажим гаргах хэрэгтэй эс тэгвэл аквариумын болон өрөөний гэрэлд тэр сохорч болзошгүй.

Гэрлээ унтраагаад уутаа онгойлголгүй аквариумын усанд хөвүүл. Хэрэв олон уут байгаа бол аквариумынхаа усыг гадагш асгарахаас сэргийлж усны түвшинг багасах хэрэгтэй. Ингэж уутыг хөвүүлэх явцад уутан дахь усны дулаан аквариумынхтай ижил болох бөгөөд үүнд ойролцоогоор 20 минут нь зарцуулдаг.

Уутыг онгойлгосны дараа аквариумын уснаас бага багаар хийж хэдэн минут хүлээх хэрэгтэй. Энэ нь усны найрлаганд загасыг аажмаар дасгах үйлдэл юм. Үүний дараа тороор загасыг авч аквариумд хий, ууттай нь тэр чигт нь хийвэл уутны ёроол дахь хог аквариумд орох болно.

Нэгэнт аквариумд загасыг хийсэн бол тэднийг сайн ажиглах хэрэгтэй. Гэрлээ асаахаас өмнө хагас цагийн турш тэднийг аквариумын бусад загас шоглох эсэхийг харах хэрэгтэй. Богино хугацаанд дагах бол хэвийн зүйл, харин хазах, дайрах зэрэг үйлдэл гарвал дайрч байгаа эсвэл шинээр авчирсан загасаа аквариумаас гаргах эсвэл тусгаарлагчаар салгах хэрэгтэй.

Шинээр авчирсан загасаа аквариумд хийгээд бага зэрэг хооллох нь тэдний түгшүүрийг багасгаж тайвшруулдаг. Бүх загасыг ч шинээр авчирсан байхад ингэх нь тэднийг тайвшруулж ижил түвшинд аваачиж нэг нэгнээ шоглохгүй болгож авкариумд дасгадаг. Заримдаа аквариумд байгаа чимэглэлийг өөрчлөх бол бүх загасыг шинэ ирсэн загастай адил шинэ орчинд дасгах шаардлагатай болгодог ингэснээр хуучин загаснууд шоглох нь бага байна гэсэн үг юм. Энэ нь эзэмшил бүстэй загаснуудад илүү үр дүнтэй. Жишээ нь: Малави циклид.

Тусгаарлах аквариумаас гаргаж ирсэн ч гэсэн дээрхи дарааллын дагуу хийх хэрэгтэй байдаг.

Тоног төхөөрөмжийн талаар өгөх 9 зөвлөмж.

19. Зөв зөвлөгөөгөө ав.

Хэрэв та энэ хоббиг эхлэх гэж байгаа бол анхнаас нь зөв зөвлөгөө авах хэрэгтэй.

Дахин сануулахад сайн загасны дэлгүүр олж бусад загас сонирхогчтой нөхөрсөг, хэрэгтэй зөвлөмжийг авч байх нь таны амжилтын түлхүүр байх болно. Энэ блогоор дамжуулж загас тэжээхэд шаардлагатай зөвлөмжийг хүргэж байх болно.

20. Чанартай хэрэгсэл авч бай.

Загас тэжээх нь урт хугацааны зүйл, иймд тоног төхөөрөмж, хэрэгсэлээ сайн чанартай фильтер, халаагуурыг сонгож авах хэрэгтэй. Хямдхан зүйлс нь богино хугацаанд эвдэрч болзошгүй харин энэ нь бүх зүйлсийг дуусгаж болзошгүйг санах хэрэгтэй.

21. Үнийг нь судалж авч бай.

Дэлгүүрүүдийг сайн судалж, үнийг нь харьцуулж байх хэрэгтэй. Ингэснээр та хамгийн сайн худалдан авалтаа хийх болно. Зарим дэлгүүрүүд онлайн болон бусад хэлбэрээр үнээ санал болгож магадгүй юм гэхдээ үзүүлэнгийн аквариумаас сонгож аваагүй гэж гонсойх хэрэггүй тэдэнтэй ярилц зөвлөгөөг нь ав үүний дараа шийдвэрээ гаргаарай.

22. Жижгээс эхэл.

Энэ ихэвчилэн халаагуур хамаатай хэрэв та том, хүчтэй халаагууртай бол асаалттай үедээ гацах юм бол бүх загасыг чинь чаначихаж магадгүй. Тэгэхээр 2 жижиг халаагуур авч бай хэрэв нэг нь эвдрэх юм бол болзошгүй эрсдэлээс сэргийлэх боломжтой гэсэн үг юм.

Үүнээс гадна урсгалыг тохируулах хэрэгтэй хэт хүчтэй урсгалд ихэнх загаснууд дасаагүй байдаг мөн тэрнээс гадна энэ нь зарим загасыг стрессд оруулж улмаар үхэлд ч хүргэж болзошгүй. Иймд тэдний байгаль дээрх нөхцөлийг судалж түүнд нь тохируулах хэрэгтэй. Мөн ихэнх лабринт загас петушок (betta), гурами зэрэг нь зөөлөн урсгалтай усанд амьдардаг ба загасны жарамгай ч мөн агаарын урсгалаар ажилладаг фильтертэй зөөлөн урсгалд байх тохиромжтой байдаг.

23. Томыг ав.

Энэ нь ихэнхдээ филтерд хамаатай байдаг. Аквариумын хэрэгсэл тус бүр нь түүнийг цэвэрлэх чухал үүрэгтэй байх ёстой. Филтерээ сонгохдоо аквариумын хэмжээнээс нэг дахин илүүг сонгож байх хэрэгтэй.

Заримдаа Циклид, эсвэл хэт их загастай аквариум эсвэл алтан загасанд ч гэсэн энэ хэмжээнээс илүү фильтер шаардлагатай болдог. Иймд хэрэв танд илүү нэг фильтер байгаад тэрнийгээ ашиглахыг хүсвэл тэднийг өөд өөдөөс нь харуулж байрлуулах хэрэгтэй.

24. Цахилгааны хэрэглээгээ шалгаж бай.

Фильтерийн насосныхаа хүчин чадлыг тооцож боломжийн бага цахилгаан зарцуулалттайг авах хэрэгтэй. Мөн энэ халаагуурт ч бас хамаатай байдаг.

25. Хэрэгсэлийнхээ үйлчилгээг тогтмол хийж бай.

Фильтерийнхээ хоолой, сэнс, шүүгчийг тогтмол цэвэрлэж байхгүй бол аквариум амархан замагтдаг. Мөн фильтерийнхээ шүүр пролоныг байнга угаах юм бол анх байсан хэлбэрээ амархан алдаж улмаар урагдаж хэрэгцээгүй болох болно.

Мөн гэрлийн хаалтыг ч гэсэн тогтмол сайн цэвэрлэснээр гэрэл илүү сайн нэвтэрч аквариум илүү гэрэлтэй тод харагдах болно.

26. Хэт ярвигтай болгох хэрэггүй.

Та маш олон тоног төхөөрөмж чимэглэлтэй байж болох юм. Гэхдээ? Энэ бүхэн бүгд шаардлагатай гэж үү? Мэдээж фильтер, замаг арилгагч, тор гэх зэрэг нь чухал шаардлагатай ч бусад баттерейгаар ажилдаг агааржуулагч, нитрат цэвэршүүлэгч гээд өөр бусад хэрэгсэл яг үнэндээ шаардлагатай юу? Аль болох энгийн ашиглахуйц хэрэгсэлээр сольчихсон нь дээр биш үү?

27. Гэрэлтүүлэгийн цагийг тогтмолжуул

Энгийн хэрэгсэл загас сонирхогч бүрт хэрэгтэй. Гэрлийн байнгын тусгал нь бүх төрлийн замгийг хурдан ургуулах бөгөөд хэрэв таны гэрэл автомат асаагчтай байвал санаа зөвөх хэрэггүй зүгээр март.

Амьд ургамал нь тогвортой өдөр болон шөнийн гэрэлд зохицсон байдаг, иймд гэрэлтүүлэгийг хэмнэлийг тааруулах хэрэгтэй.

Гэрлийн хэмнэл нь өглөөний, үд дундын, үдшийн болон шөнийн гэсэн хэмнэлтэй байдаг учраас хөх гэрлийг үндсэн гэрлийн өмнө болон дараа нь асаах шаардлагатай.

Харин сүүлийн үед автомат тохируулагатай олон янзын гэрэл бий болсон.

Загасны эрүүл мэндийн талаар өгөх 6 зөвлөмж.

28. Усыг шалга.

Ихэнх өвчин усны чанартай холбоотой байдаг. Хэрэв өвчилсөн гэж бодож байвал юуны түрүүнд усыг шалгах хэрэгтэй. Огт нитрат болон аммиакгүй эсвэл бага зэргийн түвшинд байсан ч гэсэн загасанд стресс болон бусад хэлбэрийн өвчинг үүсгэж болзошгүй.

Усны хүчиллэг, хатууллагын түвшинг хэвийн хэмжээнд байгаа эсэхийг шалга. Усны хатуулгын өндөр түвшин нь аммиактай усыг илүү хортой болгодог, харин бага хэмжээний хатуулаг нь усыг илүү хүчиллэг болгодог. Хэрэв эмчилгээний бэлдмэл хэрэглэсэн ч гэсэн загасны байдал дээрдэхгүй бол усны хатуулаг болон нитратын түвшинг хэвийн хэмжээнд оруулах шаардлагатай.

29. Тусгаарла.

Нийтийн аквариумд эмчилгээг хийх нь тохиромжтой газар биш юм. Ихэнх тохиолдолд та аквариумын бүх загасыг эмчилж халдвар тархахаас сэргийлэх хүсэлтэй байх гэвч ингэж болохгүй хэд хэдэн шалтгаан байдаг.

Нэгдүгээрт. Ургамал эсвэл чимэглэлийн мод нь эмийн бэлдмэлийг өөртөө шингээж эмчилгээний тун хэмжээг багасгадаг. Тэр ч бүүхэл аквариумын гэрэл хүртэл эмийн бэлдмэлийг задлах үйлчилгээтэй байдаг. Иймд загасаа тусгаарлах хэрэгтэй.

Тусгаарлах аквариум нь заавал том эсвэл гоёо байх албагүй. Тэр ердөө тогтвортой усны хатуулаг, хангалттай фильтертэй байхад л хангалттай. Янз бүрийн химийн бэлдмэл ашиглах хэрэггүй, хангалттай цэвэр байлгахын тулд агааржуулагч, эсвэл түүгээр ажилладаг фильтер байхад болно.

Нэмэлт агааржуулалт эмчилгээ хийж усны хүчилтөрөгчийн түвшинг нэмэх нь чухал мөн энгийн сав, хиймэл ургамалаар халхавч хийж болно. Тусгаарлах аквариум нь зайлшгүй тагтай байх ёстой эс тэгвэл эмийн үйлчлэлийн үед паразитаас үүдэн загас цочирч улмаар үсэрч болзошгүй.

30. Мэргэжлийн хүнээс зөвлөмж ав.

Хэрэв та тавьсан оношинд итгэлгүй байгаа бол мэргэжлийн хүнээс нэн даруй тусламж авах хэрэгтэй эс тэгвэл хэтэрхий оройтох болно.

Өвчилсөн загасныхаа зургыг авч худалдагчид үзүүлэх хэрэгтэй, эсвэл өвчилсөн загаснуудаас нэгийг авч очоод оношлуулах хэрэгтэй. Ингэснээр зөв эмийн бэлдмэлийг авч хэрэглэх боломжтой юм.

31. Эрүүл мэндийн талаарх ном унш.

Аквариумын загасанд олон төрлийн өвчин байдаг иймд зөв онош тавих нь чухал. Бактерийн халдвар нь паразитын эмчилгээгээр эмчлэгдэхгүй байж ч болно эсвэл эсрэгээрээ ч байж болно, иймд зураг, зөвлөмж бүхий сайн ном маш чухал байдаг.

32. Эмчилгээний бэлдмэлийг болгоомжтой хэрэглэ.

Эмийн бэлдмэлийг зүгээр нэг амархан аваад хэрэглэчихээр зүйлээр хийгээгүй. Тэдгээрийн ихэнх нь аюултай үү үүсгэдэг химийн бодисоор хийгдсэн байдаг иймд хэрэглэх үедээ латекс бээлий хэрэглэж арьсаа хамгаалах хэрэгтэй. Хэрэв та формальдегид эсвэл ногоолин (C₂₃H₂₅ClN₂) ашиглаж байгаа бол хамгаалагч шил, амны хаалт хоёрыг хэрэглэсэн нь зүйтэй.

Мөн эдгээр эмийн бэлдмэлийг хүүхэд хүрэхээргүй газар хадгалах шаардлагатай. Мөн эмийг хослуулж хэрэглэж байгаа бол мэргэжлийн хүнээс зөвлөгөө ав. Тун хэмжээг хэтрүүлэх юм бол хүндээр өвчилсөн загаснууд үхэж болзошгүй иймд эмийн бэлдмэл хэрэглэх усныхаа хэмжээг зөв тогтоох шаардлагатай. Ашиглах зааврыг анхааралтай уншиж үйлдвэрлэгчийн зөвлөсөний дагуу тун хэмжээг нь нэмж тааруулж хэрэглэх нь чухал.

Зэсийн нэгдэлтэй эмийн бэлдмэлийг загас эмчлэхэд ашиглах гэж байгаа бол болгоомжтой байх хэрэгтэй. Зарим нэг төрлийн соом (Elephantnose), хутган загас (Black ghost knifefish) болон зарим төрлийн мөгөөрст загас (stingrays) үүнд маш мэдрэг байдаг.

Мөн далайн зарим загас (mandarins, Harlequin tuskfish) болон сам хорхой, дун зэсийн бэлдмэлээс болж гэмтэх эсвэл бүр үхэж ч болох аюултай. Гэхдээ зарим тохиолдолд зэсийн нэгдэлтэй бэлдмэлийг паразитын эсрэг өргөн ашигладаг.

33. Өвчнөөс урьдчилан сэргийлж болно!

Хэрэв эвдрээгүй бол битгий засаж бай. Энэ хэлц үг амьдралийн ихэнх зүйлс дээр тохирох байх гэвч акваристын хувьд бол асуудал гарахаас нь өмнө урьдчилан сэргийлэх нь илүү тустай байх болно. Гуппи юм уу Толбот гурамийг жишээ болгож авъя. Тэд сульдаж доройтох үедээ өвчинд өртөмхий байдаг, иймд тэдгээрийг нийтийн аквариумд өөр зүйлийн загаснуудтай хольж хийвэл тэд зарим нэг зүйлсийг тодорхойлоход тус дөхөм болно. Тэгэхээр тэднийг нийтийн аквариумд хийхээс өмнө тусгаарлаж, эмчилж, ажигласнаар ирээдүйд учирч болох эрсдэлээс хамгаалах болно. Урьдчилан сэргийлэх зорилгоор байнга эмийн бэлдмэл хэрэглэхээс зайлсхий эс тэгвэл паразитууд нь илүү эмэнд тэсвэртэй болж дараагийн удаа эмийн бэлдмэл хэрэглэхэд үр дүн багатай болж болзошгүй.

Amano designs Sumida giant nature aquarium

2012-08-04T15:44:00.002+08:00

Aquascaping нэрт төлөөлөгч Такаши Амано өөрийн ээлжит бүтээл "Sumida" аварга aquarium бүтээжээ. Aqua Design Amano (ADA) -гаас энэхүү байгалийн сүрдэм бүтээлүүдийг баримтат богино хэмжээний цуврал болгож байна.

Сумида аквариумнуудыг олон нийтэд хүргэх үүднээс Токиогийн зүрхэн газар орших "Tokyo Sky Tree complex" хотхонд байрлуулжээ. Энд 7-4 метр урттай аквариумуудыг зэрэгцүүлж байрлуулсан нь дэлхийн хамгийн том цэнгэг устай байгалийн аквариумд тооцогдож байна. Aqua Design Amano компани нь түүний ажлын явцаас баримтжуулж, өөрсдийн ур чадвар болон бүтээгдэхүүнүүдээ ил тод дэлгэн харуулсаар байна. Баримтат видеонд түүний тухай болон дизайныг хэрхэн бүтээж буй тухай нарийн тусгажээ. Энэхүү видеоноос түүний урласан гайхамшигтай зэрлэг байгалийн үзэмжийг харуулсан Сумида аквариумыг сонирхонуу.

Phirana fish news

2012-08-02T01:50:00.000+08:00

Хятадын нэгэн хотод саяхан пирани загас барьсан хүнд 157$ буюу 1000 юуан олгохыг хотын зүгээс амлаад байсан билээ. Учир нь Лиу жан голын усанд сэлэгчид олноороо пираны дайралтанд өртөх бол

сон нь энэ загастай дайтахад хүргэжээ. Төд удалгүй хүмүүс пирани алахын тулд өөр төрлийн загас ихээр алж устган голын экосистемыг алдагдуулснаар мөнгө олгохоо больсон байна. Гэхдээ нэгэн хүн дөрөв хоног хөөсны эцэст пирани барьсан байна. Хурц шүдтэй махчин загасыг барьсан Вэй Ёнгвэн хэлэхдээ: Загасыг барихдаа тор ашиглаагүй. Харинд дэгээнд гахайн махаар өгөөш хийн уургалж барьсан гэж. Чайна Дэйли сонинд нийтлэгджээ. Нутгын загасчид пирани загасыг уугуул нутаг болох Өмнөд Америкаас импортоор оруулж ирсэн гэж таамаглаж байгаа тухай Шинхуа мэдээлэлжээ. Пирани өмнө нь хүний гарт баригдаж байгаагүй нууцлаг төрлийн загас ба пирани үхсэн ус 15C хүйтэрдэг гэж ярьдаг юм байна.

Мариогийн аквариум

2012-06-02T05:18:00.003+08:00

Нэг үе дэлхий дахиныг байлдан дагуулж байсан хуучны аркад тоглоом болох мариог Cedrick Bearss гэгч залуу аквариумд дахин бүтээжээ. Нийтлэлийг үргэлжлүүлэн юугаар яаж хийсэн тухай фото видеог үзээрэй.

Аквариумны ургамал Part I

2012-05-22T07:34:00.000+08:00

Сайн байцгаана уу? Сүүлийн үед завгүй блогтоо шинэ юм хум нэмэлгүй удсандаа хүлцэл өчье. Гэхдээ ямарч байсан загас жараахайгаа тэжээсээр блогоо сайжруулсаар байхыг бодож байна. Мэргэжлийн биш ч гэсэн сонирхогчийн түвшинд ойлгосон ургамлын тухай мэдээллээсээ хуваалцхаар шийдлээ.

Аквариумд амьд ургамал ургуулахад дараах хүчин зүйлсийг мэдэж байх хэрэгтэй.

Ургамлын бүтэц
Байгаль дээрх ургамлын биологи
Усны чанар, цэвэршүүлэлт
Зөв хайрга
Ургамал сонголт
Аквариумын гэрэл
Ургамлын хооллолт
Ургамлын үржил
Ургамжуулсан аквариумын арчилгаа
Ургамалд тохирох загас гэх мэт

Ургамал нь байгалийн тэнцвэрт байдлыг хадгалдаг гол хүчин зүйл юм. Ургамал орчныхоо элементүүдийг өөрт агуулж инерги хуримтлуулж амьдардаг ба энэ үйл явцыг Фотосинтесис гэнэ.

Ургамлын анатоми

Ургамал үндэс, гол бие, навч, цэцэг гэсэн хэсгүүдээс бүрддэг. Зарим Мосс (хөвд) Ферн төрлийн ургамлууд цэцэглэгдэггүй.

Үндэс нь зангуу, тэжээл хуримтлуулах, тэжээл хадгалах хэсгүүдтэй, . Мөн хлорофил цуглуулдаггүй учир цагаан өнгөтэй байдаг. Зарим ургамлууд үндсээрээ салаалж үрждэг.

Гол бие нь навч үндэснээс хэрэгцээт бодисуудыг цуглуулж инерги агуулдаг.

Навч нь нарны гэрлийг шингээх, о2 ялгаруулах, со2 шингээх үүрэгтэй.

Цэцэг бол үр боловсруулах үржлийн эрхтэн болдог.

Фотосинтез нь явагдах зарчим

Ургамал усан дахь H2O (Усны молекул) CO2 (Нүүрсхүчлийн хий) ыг нарны гэрлийн үйлчлэлээр инергийн үүсвэр глюкоз (Сахар) болгон биедээ хуримтлуулж үлдэгдэл О2 (хүчилтөрөгч) -ыг буцааж гадагшлуулдаг. Хэрэв аль нэг элемент нь үгүй бол фотосинтез явагдадгүй.

Фотосинтез явагдах хэмжээ

Фотосинтез нь өдрийн цагаар нарны гэрэлд явагддаг ба хоногт 12 цаг үргэлжилнэ. Удаан ургадаг ургамлууд гэрлийн туяа багатай сүүдэрхэг орчинд байдаг бол хурдан ургалттай ургамлууд инерги зарцуулах тусам их гэрэл со2 дулаан шаарддаг байна. СО2 температур таарсан нөхцөлд ургамал жигд эрүүл хурдан ургадаг.

Ургамлын хоололт
Хлорофилл нь ургамлын ногоон өнгийн пигмент (будагч бодис) бүрдүүлэх ба нарны гэрлийн тусламжтайгаар хүчилтөрөгч ялгаруулах нь түүний үндсэн үүрэг юм. Мөн бүтцийн хувьд гемоглобинтэй төстэй, харин төвдөө төмрийн оронд магни, нитроген зэргийг агуулна. Мөн ногоон өнгийн ургамлууд нь магнийн эх үүсвэр болно. Түүнчлэн хлорофилл нь загасны бие организмд шингэж, улмаар цусан дахь шинэ эсийг бүрэлдүүлэхэд чухал үүрэг гүйцэтгэдэг. Зарим удаан ургалттай ургамлууд шар улаан ягаан гэх мэт өнгөтэй байдаг нь өөр төрлийн пигмент агуулдагтай холбоотой.

Ургамлын амьсгал

Ургамал шөнө гэрэлгүйд хуримлуулсан инерги, со2 гадагш тарааж хүчилтөрөгчөөр амьсгалж, глюкозоор хооллодог. Ингэж инерги гадагшлуулах явцад ургамлын судлууд хооллож ургаж байдаг.

Буруу зөрүү зүйл байхыг үгүйсгэхгүй тул та бүхэн өөрсдийн мэдлэгийг нэмэрлээрэй. Өөрийнхөө ургамлын тухай ойлголтоос эхний удаад хүргэлээ. Дараагийн 2-р хэсэгт ургамлын төрөл, анатоми, хооллолт, арчилгаа зэргийг дэлгэрэнгүй оруулая. Түр пока...

Ухаалаг шийдэлтэй аквариум

2012-03-31T19:46:00.001+08:00

Дизайнер Craig & David нар NoClean Aquariums™ нэртэй аквариумтай танилцацгаая.

Энэ аквариумыг нарутал орчинг хүсэгчдэд зориулж бүтээсэн ба гэрт оффист хаа ч тавих боломтойгоор шийджээ. Дээр нь угааж заваарахгүй цаг хугацаа хэмнэхийн дээр ус сэлгэхэд асуудалгүй болгож өгсөн байна.

NoClean Desktop Аквариум: Бол өөрөөсөө цэвэршүүлэгч систем, эко орчинд нийцтэй, ердөө 60 сек хугацаа зарна.

Өөрөөсөө цэвэршүүлэгч систем нь ердөө физикийн хуулийг баримталдаг. Загас ургамал хайргаа хөдөлгөх хэрэггүй. Хэн ч хэзээ ч цэвэршүүлэх боломжтой.

Ямар нэгэн цахилгаан үүсгүүр филтерт мөнгө үрэх хэрэггүй. Хаягдал усаа аяганд тосч өвөөр ургамал цэцэг услахад органик бордоо болж өгдөг. Хүн бүрийг "Ядрахгүйгээр аквариумаа тольдож баясцгаая!" гэнэ шүү.

Ажиллагаа нь физикийн хуулийг энгийнээр ашигласан ба ус хийх үед ургамал чулуунд тунасан хаягдал гуурсаар дээш түрэгдэж гадагшилдаг. Энэ аквариумд тохирох загас бол бетта байх аж. Өмнө нь беттаг жижиг шилэн саванд тэжээхэд усны найрлага амархан бохирдож, аквариумны эрүүл ахуй амархан мууддаг байсан бол энэ танк тэр бүх асуудлыг шийдвэрлэсэн гэж хэлж болно.

Аквариумд 2 литр ус ордог 5 мм зузаан шилээр хийгдсэн ажээ. Хүсвэл сууринд нь жижиг LED гэрэл байрлуулах боломжтой.

Аквариумд дагалдах чимэглэл

Сайн ярьвал өөрслөө ч хийчихэж болохоор санаа байгаа биз. Хүнд бэлэглэхэд тохиромжтой эд юм.

Anubias barteri var. nana

2012-03-11T22:43:00.000+08:00

Жараахай тэжээгчидээр сонин юу байцгаана. Анх нээж байснаас хойш админуудтайгаа нилээдгүй загасны холбогдолтой мэдээ нийтлэл бичиж орууллаа. Сонирхол нэгт админ залуустаа загас сонирхогчдийн өмнөөс баярлаж явдагаа хэлчихье. Anubias barteri var. nana ургамлын тухай танилцуулий. ФБ лайк, шэйр сэтгэгдлүүдээс чинь харж байгаад цааш үргэлжлүүлж ургамлын төрөл зүйлүүд, арчилгаа талаар мэдээ бэлтгэх эсэхээ шийднэ шүү.

Анубиас нь Төв Африкаар тархсан байдаг Araceae овгийн хагас усны болон бүрэн усны ургамлын зүйлд багтдаг цэцэгт ургамал юм. Байгаль дээрээ жижиг гол горхинд ургах боловч зөвхөн намгархаг хэсгээс л олж болно. Мөн ихэвчлэн сүүдэрхэг хэсэгт ургадаг энэ ургамлыг эртний египетийн үхлийн дараах бурхан Анубиасын нэрээр нэрлэжээ. 1857 Heinrich Wilhelm Schott анх судалж Anubias afzelii болон бусад төрлүүдийг нээж байжээ.

Anubias afzelii
Anubias barteri
Anubias gigantea
Anubias gilletii
Anubias gracilis
Anubias hastifolia
Anubias heterophylla
Anubias pynaertii гэсэн дэд төрлүүд байдгаас аквариумд хамгийн ихээр ургуулдаг Anubias barteri - тай танилцацгаая.

Голдуу чулуу, үндсэн дээр байрлуулж хэрэглэдэг. Ихэнх ургамлуудтай зохицож өнгөний контраст нэмж өгдөг. Анубиас нь ерөнхийдөө бүдэг гэрэлтүүлэгтэй орчинд дуртай ба зөвхөн бүдэг гэрэлтэй үед усан дотор цэцэглэдэг. Аквариумд байрлуулахдаа сүүдэрхэг газар байрлуулах хэрэгтэй ба гэрэлтэй нөхцөлд навчинд нь замаг тогтдог.

Анубиасыг маш олон акваристууд сонгож ургуулдагийн учир нь арчилгаа багатай амар, гэрэл тэжээл, бордоо бага шаарддаг, загас идэдгүй зэрэг юм. Мөн алтан загас болон африк цихлидтэй аквариумд хийхэд тохиромжтой цөөн төрлийн ургамлын нэг юм.

Anubias barteri нь дотроо:

Anubias barteri var. angustifolia
Anubias barteri var. barteri
Anubias barteri var. coffeefolia
Anubias barteri var. caladiifolia
Anubias barteri var. glabra
Anubias barteri var. nana гэсэн төрлүүдтэй байдаг.
________________________
*var. variation буюу төрөл товчлол

Анубиасууд голдуу бараавтар ногоон өнгөтэй байдаг ба навчны хэлбэр нь төрөл зүйл бүрдээ өөр хэлбэртэй байна.

Үржихдээ мөчирөөр хуваагдаж эсвэл салаалж үрждэг. Салаалж үржихдээ хөрс хайргатай нөхцөлд боломжтой ба байхгүй тохиолдолд бол ялзарч үхдэг. Мөн үрээр үржих боломжтой.

Энэ төрөл зүйлийн ургамлууд нь байгаль дээрээ маш удаан ургадаг. Ойролцоогоор гурван долоо хоног бүр нахиа гөлөглөх ба түүнээс удах тохиолдол ч байдаг. СО2 шаардахгүй ургадаг цөөн хэдэн ургамлын нэг гэдэг боловч зарим хоббитнууд энийг үгүйсгэж СО2, гэрэлтүүлгийн тусламжтай өндөр үр дүнтэй ургуулсан байдаг.

Хамгийн элбэг байдаг Schott-ын, Anubias barteri нь хамгийн олон төрөл зүйлтэй байдаг. Хамгийн том нь Chevalier ex Hutchinson-ны нээсэн Anubias gigantea болон Engler-ын Anubias heterophylla байдаг. Тэдний ургамлууд багцаараа 83 см өндөр, навчны урт нь 40 см урт, 13 см өргөн болдог байна. Хамгийн жижиг нь Crusio-ын нээсэн Anubias barteri var. nana (Engler) юм. Өндөр нь дөнгөж 10 см, навчнь 6 см урт 3 см өргөнтэй байх ажээ. Анубиас нь усны мандал дээш сайн ургадаг ба Paludarium буюу 2 нутагтны танкинд ургуулж болох ажээ.

Anubias barteri var. nana (Engler) Crusio
Нэршил: Anubias nana Engler
Жижиг, мөлхөө, зүрх хэлбэрийн навчтай
Мөчир: дээд тал нь 5 cm урт
Навч: Дээд тал нь 6 см 3 см өргөн
Аквариумд: 5 - 10 cm өндөр

Тохирсон нөхцөл:
Temperature: 22 - 27 °C
pH: 5.5 - 9.0
Усны хатуулаг: 3 - 10 dGH
Аквариумд байрлах: Нүүрэн талд
Ургалтын хурд: Сар бүр гөлөглөнө

Манайд хааяа нэг бараан өнгийн Anubias barteri var. nana жижиг сагсанд хийсэн байдалтай харагддаг.

Харин энэ бол арай гэрэлтэй өнгөтэй Anubias barteri var. nana "Gold" -г харж байна.

Anubias barteri var. angustifolia

Anubias barteri var. coffeefolia

Anubias barteri var. barteri

Anubias barteri var. glabra

Anubias barteri var. glabra Боловсросон үр

20 өдрийн дараа соёолж буй үр

6 сартай нялх ногоо

Хүлэмжинд ургуулж буй үндсэнд байрлуулсан Анубиас

Багануурын загасчин Төгсөөгийнд зочилъё ...

2012-03-11T20:51:00.002+08:00

Сайн байцгаана уу манайхаан Саяны болсон уулзалтанд очиж чадаагүйдээ хүлцэл өчий. Ажил ихтэй байдаг тул амжсангүй. Энэ удаад та бүхэндээ Багануурын Загасчин Төгсөөгийнхөө аквариумыг танилцуулахаар шийдлээ. Загас тэжээгээд удаагүй байгаа ч тэрээр өөрийн аквариумдаа анхаарч 200 литрийн аквариумтай болж тэндээ дан махчид тэжээдэг юм байна. Саяхан хотоос хос скъляар авчирсан нь удахгүй шахах гэж байгаа гэж байна. Эндхийн дэлгүүрээс хэдэн скъляар авсан нь хослоод 2 хөөрхөн марамор нь удахгүй шахах гэнээ. Зиак олон юм нуршилгүй зураг орууллаа. Та бүхэнд таалагдаж байгаа бол comment үлдээхээ мартаваа ...

Ус цэвэршүүлэгч бэлдмэл - Жин Ди

2012-02-28T16:48:00.005+08:00

Хэрэглээ: Тус бүтээгдэхүүнийг аквариумын усыг цэвэршүүлэхэд ашигладаг. Бүтээгдэхүүнийг усанд хийснээр эерэг, сөрөг ионуудыг хурдан хугацаанд тунгааж усыг богино хугацаанд цэвэршүүлэн цэвэр тунгалаг болгодог. Мөн усан дах загасны эвгүй үнэрийг дарж загасны төрөл бүрийн өвчнөөс сэргийлнэ. Энэ бүтээгдэхүүнийг тогтмол хэрэглэснээр аквариумны усыг ойр ойрхон солих шаардлагагүй болно. Түүнчлэн энэхүү бэлдмэл нь аквариум дахь загас, ургамалд ямар нэгэн хор нөлөөгүй болно.

Хэрэглэх арга: 10л усанд уг бэлдмэлээс 1-2 дусал буюу 100л усанд 2мл-г хийж жигд хэмнэлээр бага зэрэг хутгана. Хийсний дараа уг бэлдмэл нь усны бохирыг ээдүүлж хөвөн шиг болгоно. 2-3цагийн дараа цахилгаан фильтр усаа шүүж цэвэрлэхэд аквариумын ус тунагалаг болж цэвэршинэ. Энэ үед фильтрийн шүүгч материалийг 2-3 удаа ойр ойрхон угаах хэрэгтэй.

Мөн аквариумны усыг шинээр солиход хэрэглэж болно. Крантнаас шууд авсан усанд бэлдмэлийг 10 литр усанд 3-4 дуслыг хийж хутгаад хонуулахад өглөө нь савны ёроолд хөвөн шиг зүйл тунана. Энэ тунадасыг хөдөлгөхгүйгээр цэвэр усыг шланкаар соруулан авч аквариумандаа хийнэ. Ингэж цэвэршүүлж хийсэн ус элдэв нянгүй, цэвэр тунгалаг болж амархан цайж бохирдохгүй. Энэхүү бэлдмэл ихэнхи загасны дэлгүүрүүдээр худалдаалагдаж байгаа болно.

Анхаарах зүйл:

Тус бүтээгдэхүүнийг хэрэглэхээс өмнө загасыг хооллож болохгүй. Энэ нь загасны гэдэсийг дүүргэх эрсдэлтэй.
Тус бэлдмэлийг хэрэглэхээс өмнө өөр эмийн бүтээгдэхүүн хэрэглэж болохгүй.
Акврариум дахь загас өвчилсөн тохиолдолд ус үнэртэй болж булингартдаг. Энэ тохиолдолд уг бэлдмэлийг хэрэглэхийг түр зогсоох хэрэгтэй.
Загастай усанд хэрэглэж байгаа үед хэмжээг нь хэтрүүлж болохгүй

Энэхүү мэдээллийг " Аквариумны ертөнц " номноос

Ягаан Данио (Данио розовый, Pearl Danio)

2012-02-28T16:17:00.000+08:00

Өмнө нь Данио Рериогийн талаар мэдээлэл оруулж байсан бол энэ удаад та бүхэндээ Ягаан Даниогийн талаар товчхон мэдээлэл хүргэе. Хараад байхад их гоё загас учир миний бие өөрөө үржүүлж үзэх санаатай тэжээж байгаа. Өнгө нь тод мөн сүрэглэдэг болохоор хараад сууж байхад уйдахгүй шүү. За ингээд мэдээндээ оръё.

Данионы биеийн урт 3-6см хүрнэ. Эр нь ягаан туяа бүхий хөх саарал өнгөтэй. Биений дагуу сүүлний сэлүүр хүртэл улаавтар судалтай. Сүүлний болон нурууны сэлүүр шаргал ногоон. Хос урт богино сахалтай. Эм нь арай бүдэг өнгөтэй, том гэдэстэй. 21-24с дулаантай ус шаардана. Атуу нь зуны турш 6-10 хоногийн зайтай 6 хүртэл удаа төрц гаргах чадвартай. Нэг удаад 80-100 төрц гаргана. Тэжээх нөхцөл данио рериотой адил. Үржүүлгийн аквариум 26-28с байна.

Үржүүлгэнд орж буй Данио

Discus - Био танк

2012-02-26T17:13:00.002+08:00

Батгэрэлийн танк

2012-02-26T15:43:00.000+08:00

Парусник - Myxocyprinus Asiaticus

2012-02-16T14:53:00.000+08:00

Үүсэл гарал: Хятадын хойд хэсгээс гаралтай бөгөөд энэ загас нь харьцангуй сүүлд аквариумд орж ирсэн юм байна. Тэгсэн хэдий ч аквариумд маш хурдан тархсан юм байна. Маш эвсэг, номхон дөлгөөн загас. Ямар ч жижиг загастай хамт тэжээж болно. Том аквариумд тэжээх нөхцөл сайн бүрдсэн үед 60 см хүртэл томрох нь ч бий. Хоол тэжээл болон тэжээх нөхцөлөө нээх их голоод байдаггүй. Дулааны улиралд гадаа жижиг цөөрөм үүсгэж тэжээх боломжтой.

Амьдрах нөхцөл: 300 литрээс том аквариумд агааржуулалт сайтай байх хэрэгтэй. Усыг байнга шинэчилж байх нь түүний эрүүл мэндэд таатай трчинг бүрдүүлж чадна. Усны дулаан 15-28 С дунджаар ph 7 dGH20 хүртэл байвал сайн. Зурагны хувьд олигтой том зураг олдсонгүй тул та бүхэн интернетээс нэрээр хайж үзэх боломжтой.

Даяргын - Оскар танк

2012-02-14T14:19:00.002+08:00

Одоогоор reef танкинд 3 ирвэсэн, 2 шар астронатус тэжээж байгаа. Удахгүй улам сайжруулсан зурагнуудаа оруулах болноо.

Фронтоза

2012-02-11T13:27:00.000+08:00

Овог: Цихлид (Cichlidae)

Танганьика нууранд нутагладаг,
35см хүртэл том болдог, аквариумд 20см-ээс дээш гардаггүй.
Бие нь саарал, цагаандуу, биений хөндлөнгөөр 6хар судалтай. Сэлүүрүүд нь саарал.
10см хүрсэн загаснуудад дух ургадаг.
Эр загасны сэлүүрүүд, канал нь илүү урт байдаг.

Энэ загас нь хоорондоо их зодолддог, 2 эр загас нь аквариумаа булаацалдан нэгнийгээ үхэлд хүргэх аюултай.
Олноор нь тэжээе гэвэл 1 эр 3-4 охин 200 литрээс доошгүй аквариумд тэжээнэ.
Хайрга ухах дуртай бөгөөд, том том чулууг маш сайн уначихааргүй бат байрлуулна.
Аквариум тагтай байх шаардлагтай.
Гэрэлтүүллэгийн хувьд хурц байж болохгүй.
Усны найрлага: 24-27 цельси, pH 7,2-8,5 долоо хоногт 1/3 усыг солино.
Фильтрийн хувьд маш сайн байх хэрэгтэй. (Био фильтр)

Загаснууд маань community tank-ндаа түрсээ шахах тохиолдол их байдаг. Түрсээ шахахдаа эхлээд эм нь түрсээ шахчихаад аман дотроо хийдэг, дараа нь эр загаснынхаа эсийг авдаг. Түрс эхийн аман дотор амилдаг. 25-40 хоног болсны дараа зулзагнууд эхийн аман дотроос гардаг. Циклоп, артемийн өндөгөөр хооллоно. 14-18сар болсны дараа загасыг эр эмээр нь ялгаж болно.

Алиалагч сом ( CLOWN LOACH )

2012-02-11T02:22:00.005+08:00

Бидний хэлж заншсанаар алиалагч сом буюу Боция-клоун. Энэ сом нь сүрэглэдэг эвсэг зантай загаснуудын нэг.

Бие нь шар өнгөтэй гурван хар өргөн судалтай. Нүдэн доороо хурц хатгууртай бөгөөд дөрвөн хос сахалтай. Энэхүү сахалаараа няслах мэт чимээ гаргадаг. Бусад ойрын төрлийн загаснуудаа бодвол хөдөлгөөнтэй, нуугддаггүй давуу талтай. Гэрэлгүй үед хөдөлгөөн муутай.

Өсөлт удаан бөгөөд, аливаа химийн бодисонд их мэдрэг. Аквариумд 16см ээс том болох нь ховор. Үржил нь одоогоор тодорхойгүй байгаа. Эм нь бие өргөндүү. Эр нь нас ахих тусам бөгтийж жижгэрдэг. Байгальдаа 30см хүртэл томордог. Борное, Суматр арлын усан сангуудад амьдардаг. Байгалийн нөхцөлд гол өгсөж жижигхэн горхины хөөсөрсөн хэсэнт очиж түрсээ шахдаг. Аквариумд иймэрхүү нөхцөлийг бүрдүүлж өгсөн боловч одоогоор түрсээ шахаагүй байна.

Алиалагч сом маань гэр бүлээрээ :P

Сонирхолтой бичлэг байна. Та бүхэн заавал үзээрэй !!!

Дэлэгийн аквариум

2012-02-10T05:17:00.001+08:00

Сайн уу байцгаана уу? Мэйлээр аквариумынхаа зургыг явуулсан Дэлэгтээ баярлалаа. Оруулаагүй удсанд үнэхээр уучлаарай. Ихэвчлэн гүппи молли илдэнсүүлт пецил үржүүлж бололтой. Сүүлд аквариумаа шинэчилсэн хүмүүс сайт дээрх зургаа шинэчилээрэй. Загас жараахай үржүүлэх хоббигоо үргэлж хөгжүүлж явахыг ерөөе.

Сонирхолтой AQUASCAPES ...

2012-02-09T20:20:00.000+08:00

Энэ удаа та бүхэндээ нэгэн сонирхолтой AQUASCAPES-ийг хүргэж байна. Ер нь манайхан орчин гэхээсээ илүүтэйгээр загасандаа л их анхаардаг шүү дээ. Тэгвэл энэ байдлыг халж гаднах үзэмж дотор засалдаа анхаарах цаг болсон. Манайхан яаг ингэж AQUA-даа анхаардаг болчихвол ч ...Зиа олон юм нуршаад яах уу Сэтгэгдлээ үлдээгээрэй ...анхаарал тавьсанд баярлалаа ...

Бетта үржүүлж өсгөх

2012-02-09T16:44:00.002+08:00

Сайн байцгаана уу ? Эрхэм хоббитнуудаа.

Энэ загасыг манайхан их тэжээдэг болжээ. Үржүүлэх тал дээр туршлагагуйтаж хайран загаснуудаа унагах тохиолдол олон гарах болжээ. Үржүүлэхэд амаргүй жоохон ажиллагаа шаарддаг. Амжилттай үржүүлж өсгөх аргуудыг танилцуулая.

Оршил: Энэ загас нь лабиринт орган буюу усны гадаргуугаас агаар хурааж амьсгалах чадвартай загас юм. Байгаль дээрээ дулаан усанд амьдардаг. Шувуу шиг үр төлөндөө зориулж үүр барьдаг барилгач загас гэж хэлж болох юм. Усны гадаргуу дээр хөөсөөр үүр засдаг онцлогтой ба энэ хөөсөн үүрэнд нь дөнгөж амилсан төлнүүд нь хавчуулагдаж хүчиртөрөгчөөр амьсгалдаг. Төл нь 3-4 сарын дотор бие гүйцэж үржилд ордог.

Үржүүлэх нөхцөл: Дунджаар 10-20 литрээс томгүй аквариум тохиромжтой. Хэт том бол загаснууд ядрах, түрс арчилах явц удаашрах, мөн хэт жижиг бол усны найрлага муудаж загасны биед болон түрсэнд муу нөлөөтэй. Аквариумд усны найрлага сайжруулах, эм загасны нуугдах цэг болгож амьд ургамал хийж болно. Хэрэв нуугдах цэг байхгүй бол зодолдож байгаад үхэх аюултай. Мөн филтер хэрэггүй ба усны мандал хөдөлгөөнгүй байж хөөсөн үүр тогтвортой засагдах болно. Усыг цэвэр байлгахын тулд усны найрлага сайжруулагч бэлдмэл, алмонд модны навч хийж болно. Найрлага муутай усанд сүүл сэрвээ урагдах гэх мэтээр амархан өвддөг.

Үржүүлэх загас: Ойролцоо биетэй, тод өнгөтэй загаснуудыг сонгоно. Аль болох тэжээллэг чанартай амьд болон flake хоолнуудаар их хооллоно. Үржилд бэлэн болсон эр загас хөөс засах болно. Харин эм загасны хувьд өнгө тодорч биен дээрх цайвар босоо судлууд нь тодорч үрийн суваг нь ил гардаг. Хэт их ядарч стресстсэн, хоол муутай, түрс боловсроогүй үед өнгө нь цайж хөндлөн цайвар зураас нь тодордог. Энэ тохиолдол сайн хооллож гэдэслүүлэх.

Үржүүлэх: Хос загасыг үржилд бэлэн гэж үзвэл үржүүлгийн аквариумд хийнэ. Гэхдээ эм загасыг эр загас зодохоос хамгаалж тусгаарлаж хийж өгнө. Төрүүлэгч, тусгаарлагч, ундааны сав ч юмуу аль боломжоороо эр загасны сонирхолыг татаж байхаар тусгаарлаж өгнө. Энэ хооронд эр загас усны гадаргуугаар хөөс зассаар байх болно. Энэ үед хөөсийг нурахаас сэргийлж хөөсөнцөр хавтанг жижиг хэрчээд байрлуулж болно. Үржүүлэх явцад усыг 27-28 дээр барьж байгаад хангалттай хөөс зассан гэж үзвэл 29-30С болгож нэмэгдүүлээд тусгаарласан эм загасыг сул тавина. Хөөс 5 хоног хагарахааргүй бол сайн. Хөөс засагдаагүй юмуу эм нь гэдсэлээгүй тохиолдолд үржүүлэг амжилтгүй болно. Эр загасны хөөс эм загасны анхаарлыг татаж очиж бүжиглэж буй мэт болоод мушгиралдаж эхлэх ба энэ үед түрс гадагшилж эр загас үр тогтсон түрснүүдээ хөөсрүүгээ зөөдөг. Шахаж дууссан үед эмийгээ зодож эхэлдэг ба энэ үед эм загасыг үржүүлгийн аквариумаас гаргана. Ингээд эр загас ганцаар түрснүүдээ арчилдаг. 24-36 цагын дараа түрсэнд сүүл ургаж сэрвэгэнэж эхлэх ба эр загас хүчилтөрөгчөөр хангахын тулд унасан түрснүүдээ хөөсрүүгээ зөөсөөр байна. Дараагийн 2 3 өдөртөө сүүл сэлүүр нь хөгжиж чөлөөтэй сэлж эхэлдэг энэ үед эр загасыг гаргах хэрэгтэй. Төлыг босгохын тулд цэгэн хоол өгнө. Дараагаар артем, талхны өт гэх мэтээр хооллох хэрэгтэй.

Загасны худалдаа: Бетта нэг ирэхдээ цөөн тоогоор ирээд хурдан борлогдож дуусдаг. Манайд одоогоор VT CT HM DT Беттанууд орж ирдэг. Урдаас захихад 8-30 мянган төгрөгийн үнэтэй ирнэ. Хосоор нь захихаар өөр эр эм аваад ирэх тохиолдол гардаг учир хос загасны зургыг өгч байгаад захих хэрэгтэй.

Үржилд бэлэн эм загас. Босоо судал нь тодорсон

Үржүүлэх аквариум. Эмийг нь дотор нь шилэн саван тусгаарлаж хамт хийнэ

Түрс шахаж буй хос загас

Урд зарагддаг бетта

Цихлид танк ~ Хүлгэн

2012-02-03T20:57:00.000+08:00

Өмнө нь бид бүхэнд загаснуудаа сонирхуулж байсан Хүлгэн ах маань аквариумаа шинэчилжээ. Үзэцгээе.

Шар дун ба түүний ач холбогдол

2012-02-01T23:12:00.007+08:00

Замаг ургамлын ялзарсан хэсэг, загасны хоолны идээгүй үлдсэн үлдэгдэл, загасны ялгадас зэрэг ус бохирдуулж болох зүйлээр хооллодог учраас аквариумын ариун цэвэрт чухал ач холбогдолтой. Мөн усны гадаргууд үүсдэг бактерийн өрөмтсөн хальсыг идэж цэвэрлэдэг. Аквариумд зарим төрлийн дун хэт ихэдвэл ургамалд сөрөг нөлөөтэй.

Шар дун (Ампуляри)

Бусад төрлийн аквариумны дунгуудаас биеэр том, 3-4см болдог. Ихэвчлэн тод шар, зарим нь хүрэн бор өнгөтэй байдаг. Энэ дун өмнөд америкаас гаралтай. Шар дун нь маш ховдог. Өдрийн турш аквариумд хооллож явна. Үе үе усны мандалд ойртон ирж амьсгалын гуурс хоолойгоо уснаас гарган амьсгалдаг. Аквариумд үүсч буй бохирдлын эх үүсвэр болон үхсэн загасны сэгийг идэж устгадагаараа ач холбогдолтой. Загасны түрсийг иддэг тул түрс шахсан аквариумд хийдэггүй. Эмэгчин нь түрсээ боловсорч гүйцэхэд уснаас гарч усны мандалын дээхэн 4-5см-т аквариум ын ханан дээр эсвэл тагны дотор талд түрсээ нааж орхино. Түрс нь шохойлог хатуу бүрхэвчтэй. Түрсийг хатахаас хамгаалах хэрэгтэй. Тагтай аквариумд бол усны ууршилтаар чийг авч хатахгүй. Таггүй аквариумд бол наалдсан түрсний доор агааржуулалтыг байрлуулбал ус бага багаар үсчин норгож байдаг. Мөн хэм их норговол түрс амилахгүй. Чийг ба дулаан тохиромжтой нөхцөлд 14-21 хоногт амилж хальсаа цоолон гарч усанд орж хооллож эхэлдэг. Аквариумд махчин буюу том загас байвал эдгээр дөнгөж гарсан жижиг дунгууд идүүлэх аюулд ордог.

Мелани (Melanoides tuberculata)

Загас тэжээгчдийн дунд шруппэн дун гэж нэршсэн. Амьд төрдөг, заламгайгаар амьсгална. Хайрга хөрсний гүнд амьдарч үрждэг дун юм. Хөрс сэндийлж ургамал ургах таатай нөхцөлийг бүрдүүлдэг. Мөн хөрсний бохирдлыг идэж цэвэрлэдэг тул уг дунтай аквариумын ус гоё тунгалаг байдаг. Шөнийн цагаар уг дун хөрснөөс гарч усны гадаргууд очоод байвал аквариумд хүчилтөрөгчийн дутагдалтай болсон ба хөрс их бохирдсоныг илтгэнэ. Дун олноор байгаа акраиумын усыг сольсоны дараа хөрсөнд тэжээл болох бодис хомсдсон үед дунгууд хөрснөөс гарч идэш хайж явах нь байдаг.

Ramshorn дун (Planorbis spp.)

Жижгэвтэр дээд тал нь 2 см болтол томордог, улаан хүрэн өнгөтэй, амархан үрждэг. Энэ дун нь ургамалтай аквариумд тэжээвэл ашигтай ба аквариумын бүхий л хэсгийг цэвэр байлгадаг. Муудсан ургамал, замаг, хоолны үлдэгдлыг сайн цэвэрлэдэг. Хатуулагтай, шүлтлэг усанд кальц дутагдаж бүх төрлийн дунгын хуяг сийрэгжих нөлөө үзүүлдэг. Энэ дунг том амтай цихлидүүд болон лабео мэтийн загаснууд иддэг талтай.