Pet MN | Аквариумын загас болон гэрийн тэжээвэр амьтaд

Даяргын - Оскар танк

2012-02-14T14:19:00.002+08:00

Одоогоор reef танкинд 3 ирвэсэн, 2 шар астронатус тэжээж байгаа. Удахгүй улам сайжруулсан зурагнуудаа оруулах болноо.

Фронтоза

2012-02-11T13:27:00.000+08:00

Овог: Цихлид (Cichlidae)
Танганьика нууранд нутагладаг,
35см хүртэл том болдог, аквариумд 20см-ээс дээш гардаггүй.
Бие нь саарал, цагаандуу, биений хөндлөнгөөр 6хар судалтай. Сэлүүрүүд нь саарал.
10см хүрсэн загаснуудад дух ургадаг.
Эр загасны сэлүүрүүд, канал нь илүү урт байдаг.

Энэ загас нь хоорондоо их зодолддог, 2 эр загас нь аквариумаа булаацалдан нэгнийгээ үхэлд хүргэх аюултай.
Олноор нь тэжээе гэвэл 1 эр 3-4 охин 200 литрээс доошгүй аквариумд тэжээнэ.
Хайрга ухах дуртай бөгөөд, том том чулууг маш сайн уначихааргүй бат байрлуулна.
Аквариум тагтай байх шаардлагтай.
Гэрэлтүүллэгийн хувьд хурц байж болохгүй.
Усны найрлага: 24-27 цельси, pH 7,2-8,5 долоо хоногт 1/3 усыг солино.
Фильтрийн хувьд маш сайн байх хэрэгтэй. (Био фильтр)

Загаснууд маань community tank-ндаа түрсээ шахах тохиолдол их байдаг. Түрсээ шахахдаа эхлээд эм нь түрсээ шахчихаад аман дотроо хийдэг, дараа нь эр загаснынхаа эсийг авдаг. Түрс эхийн аман дотор амилдаг. 25-40 хоног болсны дараа зулзагнууд эхийн аман дотроос гардаг. Циклоп, артемийн өндөгөөр хооллоно. 14-18сар болсны дараа загасыг эр эмээр нь ялгаж болно.

Алиалагч сом ( CLOWN LOACH )

2012-02-11T02:22:00.005+08:00

Бидний хэлж заншсанаар алиалагч сом буюу Боция-клоун. Энэ сом нь сүрэглэдэг эвсэг зантай загаснуудын нэг.

Бие нь шар өнгөтэй гурван хар өргөн судалтай. Нүдэн доороо хурц хатгууртай бөгөөд дөрвөн хос сахалтай. Энэхүү сахалаараа няслах мэт чимээ гаргадаг. Бусад ойрын төрлийн загаснуудаа бодвол хөдөлгөөнтэй, нуугддаггүй давуу талтай. Гэрэлгүй үед хөдөлгөөн муутай.

Өсөлт удаан бөгөөд, аливаа химийн бодисонд их мэдрэг. Аквариумд 16см ээс том болох нь ховор. Үржил нь одоогоор тодорхойгүй байгаа. Эм нь бие өргөндүү. Эр нь нас ахих тусам бөгтийж жижгэрдэг. Байгальдаа 30см хүртэл томордог. Борное, Суматр арлын усан сангуудад амьдардаг. Байгалийн нөхцөлд гол өгсөж жижигхэн горхины хөөсөрсөн хэсэнт очиж түрсээ шахдаг. Аквариумд иймэрхүү нөхцөлийг бүрдүүлж өгсөн боловч одоогоор түрсээ шахаагүй байна.

Алиалагч сом маань гэр бүлээрээ :P

Сонирхолтой бичлэг байна. Та бүхэн заавал үзээрэй !!!

Дэлэгийн аквариум

2012-02-10T05:17:00.001+08:00

Сайн уу байцгаана уу? Мэйлээр аквариумынхаа зургыг явуулсан Дэлэгтээ баярлалаа. Оруулаагүй удсанд үнэхээр уучлаарай. Ихэвчлэн гүппи молли илдэнсүүлт пецил үржүүлж бололтой. Сүүлд аквариумаа шинэчилсэн хүмүүс сайт дээрх зургаа шинэчилээрэй. Загас жараахай үржүүлэх хоббигоо үргэлж хөгжүүлж явахыг ерөөе.

Сонирхолтой AQUASCAPES ...

2012-02-09T20:20:00.000+08:00

Энэ удаа та бүхэндээ нэгэн сонирхолтой AQUASCAPES-ийг хүргэж байна. Ер нь манайхан орчин гэхээсээ илүүтэйгээр загасандаа л их анхаардаг шүү дээ. Тэгвэл энэ байдлыг халж гаднах үзэмж дотор засалдаа анхаарах цаг болсон. Манайхан яаг ингэж AQUA-даа анхаардаг болчихвол ч ...Зиа олон юм нуршаад яах уу Сэтгэгдлээ үлдээгээрэй ...анхаарал тавьсанд баярлалаа ...

Бетта үржүүлж өсгөх

2012-02-09T16:44:00.002+08:00

Сайн байцгаана уу ? Эрхэм хоббитнуудаа.

Энэ загасыг манайхан их тэжээдэг болжээ. Үржүүлэх тал дээр туршлагагуйтаж хайран загаснуудаа унагах тохиолдол олон гарах болжээ. Үржүүлэхэд амаргүй жоохон ажиллагаа шаарддаг. Амжилттай үржүүлж өсгөх аргуудыг танилцуулая.

Оршил: Энэ загас нь лабиринт орган буюу усны гадаргуугаас агаар хурааж амьсгалах чадвартай загас юм. Байгаль дээрээ дулаан усанд амьдардаг. Шувуу шиг үр төлөндөө зориулж үүр барьдаг барилгач загас гэж хэлж болох юм. Усны гадаргуу дээр хөөсөөр үүр засдаг онцлогтой ба энэ хөөсөн үүрэнд нь дөнгөж амилсан төлнүүд нь хавчуулагдаж хүчиртөрөгчөөр амьсгалдаг. Төл нь 3-4 сарын дотор бие гүйцэж үржилд ордог.

Үржүүлэх нөхцөл: Дунджаар 10-20 литрээс томгүй аквариум тохиромжтой. Хэт том бол загаснууд ядрах, түрс арчилах явц удаашрах, мөн хэт жижиг бол усны найрлага муудаж загасны биед болон түрсэнд муу нөлөөтэй. Аквариумд усны найрлага сайжруулах, эм загасны нуугдах цэг болгож амьд ургамал хийж болно. Хэрэв нуугдах цэг байхгүй бол зодолдож байгаад үхэх аюултай. Мөн филтер хэрэггүй ба усны мандал хөдөлгөөнгүй байж хөөсөн үүр тогтвортой засагдах болно. Усыг цэвэр байлгахын тулд усны найрлага сайжруулагч бэлдмэл, алмонд модны навч хийж болно. Найрлага муутай усанд сүүл сэрвээ урагдах гэх мэтээр амархан өвддөг.

Үржүүлэх загас: Ойролцоо биетэй, тод өнгөтэй загаснуудыг сонгоно. Аль болох тэжээллэг чанартай амьд болон flake хоолнуудаар их хооллоно. Үржилд бэлэн болсон эр загас хөөс засах болно. Харин эм загасны хувьд өнгө тодорч биен дээрх цайвар босоо судлууд нь тодорч үрийн суваг нь ил гардаг. Хэт их ядарч стресстсэн, хоол муутай, түрс боловсроогүй үед өнгө нь цайж хөндлөн цайвар зураас нь тодордог. Энэ тохиолдол сайн хооллож гэдэслүүлэх.

Үржүүлэх: Хос загасыг үржилд бэлэн гэж үзвэл үржүүлгийн аквариумд хийнэ. Гэхдээ эм загасыг эр загас зодохоос хамгаалж тусгаарлаж хийж өгнө. Төрүүлэгч, тусгаарлагч, ундааны сав ч юмуу аль боломжоороо эр загасны сонирхолыг татаж байхаар тусгаарлаж өгнө. Энэ хооронд эр загас усны гадаргуугаар хөөс зассаар байх болно. Энэ үед хөөсийг нурахаас сэргийлж хөөсөнцөр хавтанг жижиг хэрчээд байрлуулж болно. Үржүүлэх явцад усыг 27-28 дээр барьж байгаад хангалттай хөөс зассан гэж үзвэл 29-30С болгож нэмэгдүүлээд тусгаарласан эм загасыг сул тавина. Хөөс 5 хоног хагарахааргүй бол сайн. Хөөс засагдаагүй юмуу эм нь гэдсэлээгүй тохиолдолд үржүүлэг амжилтгүй болно. Эр загасны хөөс эм загасны анхаарлыг татаж очиж бүжиглэж буй мэт болоод мушгиралдаж эхлэх ба энэ үед түрс гадагшилж эр загас үр тогтсон түрснүүдээ хөөсрүүгээ зөөдөг. Шахаж дууссан үед эмийгээ зодож эхэлдэг ба энэ үед эм загасыг үржүүлгийн аквариумаас гаргана. Ингээд эр загас ганцаар түрснүүдээ арчилдаг. 24-36 цагын дараа түрсэнд сүүл ургаж сэрвэгэнэж эхлэх ба эр загас хүчилтөрөгчөөр хангахын тулд унасан түрснүүдээ хөөсрүүгээ зөөсөөр байна. Дараагийн 2 3 өдөртөө сүүл сэлүүр нь хөгжиж чөлөөтэй сэлж эхэлдэг энэ үед эр загасыг гаргах хэрэгтэй. Төлыг босгохын тулд цэгэн хоол өгнө. Дараагаар артем, талхны өт гэх мэтээр хооллох хэрэгтэй.

Загасны худалдаа: Бетта нэг ирэхдээ цөөн тоогоор ирээд хурдан борлогдож дуусдаг. Манайд одоогоор VT CT HM DT Беттанууд орж ирдэг. Урдаас захихад 8-30 мянган төгрөгийн үнэтэй ирнэ. Хосоор нь захихаар өөр эр эм аваад ирэх тохиолдол гардаг учир хос загасны зургыг өгч байгаад захих хэрэгтэй.

Үржилд бэлэн эм загас. Босоо судал нь тодорсон

Үржүүлэх аквариум. Эмийг нь дотор нь шилэн саван тусгаарлаж хамт хийнэ

Түрс шахаж буй хос загас

Урд зарагддаг бетта

Цихлид танк ~ Хүлгэн

2012-02-03T20:57:00.000+08:00

Өмнө нь бид бүхэнд загаснуудаа сонирхуулж байсан Хүлгэн ах маань аквариумаа шинэчилжээ. Үзэцгээе.

Шар дун ба түүний ач холбогдол

2012-02-01T23:12:00.007+08:00

Замаг ургамлын ялзарсан хэсэг, загасны хоолны идээгүй үлдсэн үлдэгдэл, загасны ялгадас зэрэг ус бохирдуулж болох зүйлээр хооллодог учраас аквариумын ариун цэвэрт чухал ач холбогдолтой. Мөн усны гадаргууд үүсдэг бактерийн өрөмтсөн хальсыг идэж цэвэрлэдэг. Аквариумд зарим төрлийн дун хэт ихэдвэл ургамалд сөрөг нөлөөтэй.

Шар дун (Ампуляри)

Бусад төрлийн аквариумны дунгуудаас биеэр том, 3-4см болдог. Ихэвчлэн тод шар, зарим нь хүрэн бор өнгөтэй байдаг. Энэ дун өмнөд америкаас гаралтай. Шар дун нь маш ховдог. Өдрийн турш аквариумд хооллож явна. Үе үе усны мандалд ойртон ирж амьсгалын гуурс хоолойгоо уснаас гарган амьсгалдаг. Аквариумд үүсч буй бохирдлын эх үүсвэр болон үхсэн загасны сэгийг идэж устгадагаараа ач холбогдолтой. Загасны түрсийг иддэг тул түрс шахсан аквариумд хийдэггүй. Эмэгчин нь түрсээ боловсорч гүйцэхэд уснаас гарч усны мандалын дээхэн 4-5см-т аквариум ын ханан дээр эсвэл тагны дотор талд түрсээ нааж орхино. Түрс нь шохойлог хатуу бүрхэвчтэй. Түрсийг хатахаас хамгаалах хэрэгтэй. Тагтай аквариумд бол усны ууршилтаар чийг авч хатахгүй. Таггүй аквариумд бол наалдсан түрсний доор агааржуулалтыг байрлуулбал ус бага багаар үсчин норгож байдаг. Мөн хэм их норговол түрс амилахгүй. Чийг ба дулаан тохиромжтой нөхцөлд 14-21 хоногт амилж хальсаа цоолон гарч усанд орж хооллож эхэлдэг. Аквариумд махчин буюу том загас байвал эдгээр дөнгөж гарсан жижиг дунгууд идүүлэх аюулд ордог.

Мелани (Melanoides tuberculata)

Загас тэжээгчдийн дунд шруппэн дун гэж нэршсэн. Амьд төрдөг, заламгайгаар амьсгална. Хайрга хөрсний гүнд амьдарч үрждэг дун юм. Хөрс сэндийлж ургамал ургах таатай нөхцөлийг бүрдүүлдэг. Мөн хөрсний бохирдлыг идэж цэвэрлэдэг тул уг дунтай аквариумын ус гоё тунгалаг байдаг. Шөнийн цагаар уг дун хөрснөөс гарч усны гадаргууд очоод байвал аквариумд хүчилтөрөгчийн дутагдалтай болсон ба хөрс их бохирдсоныг илтгэнэ. Дун олноор байгаа акраиумын усыг сольсоны дараа хөрсөнд тэжээл болох бодис хомсдсон үед дунгууд хөрснөөс гарч идэш хайж явах нь байдаг.

Ramshorn дун (Planorbis spp.)

Жижгэвтэр дээд тал нь 2 см болтол томордог, улаан хүрэн өнгөтэй, амархан үрждэг. Энэ дун нь ургамалтай аквариумд тэжээвэл ашигтай ба аквариумын бүхий л хэсгийг цэвэр байлгадаг. Муудсан ургамал, замаг, хоолны үлдэгдлыг сайн цэвэрлэдэг. Хатуулагтай, шүлтлэг усанд кальц дутагдаж бүх төрлийн дунгын хуяг сийрэгжих нөлөө үзүүлдэг. Энэ дунг том амтай цихлидүүд болон лабео мэтийн загаснууд иддэг талтай.

Corydoras төрөл (part 2)

2012-01-29T20:51:00.010+08:00

Corydoras aeneus

Биеийг урт нь 5аас7 см. Зэсэн улаан өнгөтэй болон металлийн өнгөтэй. Гаршуулж үржүүлэхэд маш хялбархан бөгөөд маш нэрд гарсан төрөл юм.

Corydoras paleatus

Биеийн урт нь зургаан см. Хөх corydos гэж нэргэлэгддэг бөгөөд саарал ангийн биен дээр хар толботой. Улаан цагаанаасаа илүү түгээмэл байдаг төрөл.

Corydoras julii

Биеийн урт нь 5см.。Цагаан биен дээр хар хээтэй.。

Corydoras sterbai

Биеийн урт нь 5-6см. Хүрэн өнгөтэй.

Corydoras schwartzi

Биеийн урт нь 6см Биеийнхээ доод талаар үрчлээстэй эсвэл шугам ч гэж орчуулж болно.Сээр нуруу хэсэг нь цагаан байдгаараа онцлогтой. Бас нурууны сэлүүр нь гэж орчуулж болно.

Corydoras arcuatus

Биеийн урт 7см. Толгойноосоо сүүл хүртлээ Нуруу дагасан хар хээтэй байдгаараа онцлог. Үржүүлэхэд маш хэцүү.

Corydoras adolfoi

Биеийн урт нь 5см. Нурууныхаа яг дунд хэсэгт хар толботой.

Corydoras imitator

Биеийн урт нь 6см Adorufoi-тай адил хээтэй.

Corydoras elegans

Биеийн урт нь 4см толгой хэсэгн нь жижгхэн эрүүл хаягийн биеийн хэлбэртэй.

Corydoras evelynae

Биеийн урт нь 5см тоо толгой маш цөөхөн.。Устаж үгүй болох шахан буй учир алдартай бөгөөд маш өндөр үнэтэй.。Тасалдсан судалтай.

Corydoras concolor

Биеийн урт 6см. Саарал болон улбар шар 2өнгөтэй.。Нурууны сэлүүр нь нилээд сунаж юм шиг хэлбэртэй.

Corydoras panda

5см. Панда шиг цагаан дээр нүдээ тойрсон хар толботой

Corydoras pygmaeus

Биеийн урт нь 3см бөгөөд тусгай орон нутагт сүрэглэн амьдардаг.

Corydoras heteromorphus

Биеийн урт нь 6см. Бүхэл биеээрээ дүүрэн тархсан толботойгоороо онцлог.

Corydoras tukano

5см их бие нь том том толботой.

Corydoras (part 1)

2012-01-29T20:17:00.000+08:00

Үүсэл гарал: Өмнөд Америкийн цэнгэг усний загас. Catfish-н аймагт багтдаг загас бөгөөд нэрний хувьд Грек хэлний kory (хуяг) ба doras (арьс) гэсэн үгнээс үүсэлтэй. Хоол голдоггүй ба үржүүлэх нөхцөлд амьд хоол, спирулина (замаг) агуулсан хоолнууд шаардлагатай. Маш олон төрөл зүйл байдаг бөгөөд aquarium-ны хамгийн олон төрөлд хуваагддаг загасны нэг юм.

Нэр: Corydor sterbai, Sterba's cory, Гахай соом

Шинжлэх ухааны нэр: Corydoras sterbai, Knaack, 1962

Овог: Callichthyidae

Нас: 5 жил

Усны найрлага: pH 6-7, 8; dH 4-25, давсгүй

Температур: 24-28'C

Гэрэлтүүллэг: Бүдгэвтэр

Биеийн урт: 6-7см

Гадаад онцлог шинж: Нийтэд нь авж үзвэл нас бие гүйцсэн соом нь 6см-7см байдаг. Биеийн бүх хэсэг нь хайрсаар бүрхэгдсэн хатуу байдаг бөгөөд толгойн ясны хэсэг нь хайрстан амьтдын ясны бүтэцтэй ижил. Аман дээрээ сахалтай, босоо хэлбэрийн биетэй, сэрвээ нь хатуу яс байдаг.

Бие физилогийн хувьд: Corydoras habrosus , Corydoras hastatus, Corydoras pygmaeus гэсэн 3 үндсэн төрөлд хамаарагддаг бөгөөд эндээсээ салаалаад дахин олон төрөл зүйл болон хуваагддаг.

Corydoras habrosus: Биеийн хувьд харьцангуй навтгар, толгой болон хэвлий хэсгээрээ илүү бандгар байдаг.

Corydoras hastatus : Энэ төрөл нь харьцангуй цэмцгэр гоёмсог хэлбэртэй бөгөөд урагшаа бие нь урагшаа сунасан байдаг.

Corydoras pygmaeus : Энэ төрөл нь дээрх 2 төрлөөс гаргаж авсан. Завсрын биеийн хэлбэртэй бөгөөд жижигхэн толгойтой мөн цэмцгэр хэлбэртэй.

Амьдрах орчин: Хатуулгын түвшинг тогтмол барьж байх хэрэгтэй, загасны баас, давс, эм зэрэг зүйлтэй исэлд орсон аквариумд тэжээх тохиромжгүй (үхэлд хүргэх аюултай). Олноороо сүрэглэж амьдардаг (6аас дээш). Ихэнх catfish шөнийн цагаар ан хийдэг болов ч corydoras өдрийн цагаар илүү идэвхтэй байдгаараа ялгаатай. Шөнө дунд бараг хөдлөхгүй шахуу байдаг боловч харуй бүрий үеээр буюу бага зэрэг гэрэлтэй үед үд дундаас илүү сэргэлэн болдог.

Амныхаа гадна ургасан сахлаараа аливаа зүйлсийг хайж мэдэрдэг. Харин богинохон хоолой бүхий амаараа амьсгалдаг. Маш их үсэрч гардаг загас. Жижиг ширхэгтэй хайрга эсвэл элстэй нөхцөлд байдаг. Том ширхэгтэй, хурц чулуун хайрга нь сахлыг нь гэмтээж тухгүй орчин бүрдүүлдэг. Мөн хааяа цээж дүүрэн амьсгалахын тулд усны мандалаас амьсгаа авдаг. Эвсэг загастай тохиромжтой, Angel, Discus-с бусад цихлидтэй хамт тэжээх тохиромжгүй.

Үржил: Аквариум: 20-30литрийн намхан аквариум, усний түвшин 20см-30см, температур 18-22С

Давстай болон далайн түрлэгэтэй усанд үрждэггүй. Эр загас нь эмээсээ жижиг биетэй, эрийн нурууны сэрвээ хурц өнцөгтэй. Эм нь биеэр том бүдүүвтэр гэдэстэй.

Эр corydoras:

Эм corydoras:

7-10 хоногийн өмнөөс өдөр болгон амьд тэжээлээр хооллож шахах гэж байгаа загасыг гэдэслүүлнэ. Шахуулахдаа 2 эр 1 охин гэж тооцож, хамтад нь нийтийн аквариумнаас үржилд бэлдсэн аквариумруу шилжүүлж хийнэ. Үржлийн аквариум нь шинэвтэр устай байх бөгөөд тогтмол гэрлийг нь асааж, навчит ургамал хийж усийг нь урсгалтай болгож, sponge филтер тавьснаар аквариум бэлдэх ажиллагаа дуусна. Түрсээ шахах үйл явц ихэвчлэн өглөө болдог бөгөөд Т үсэг шил хэлбэрт орж шахах үйл явц эхэлдэг. Охин нь эрийнхээ үржлийн эрхтэнээс эр бэлгийн эсийг сорон авч, дараа эмэгчин нь чулуу ургамал зэрэг сонгосон газраа түрснүүдийг байрлуулдаг. Түрсээ идэж эхлэх үед үржил дууссан гэж үзэх ба эцэг эхийг аквариумнаас авна. 3-4 хоногийн дотор түрс сэрвэгнэж, дахин 3 хонгийн дараа гэхэд сэлж сурсан байдаг. Энэ үед аквариумны усийг 15см-20см болгож намсгах хэрэгтэй. Төлөнд бусад загастай адил артем, мотил, трубичник зэргийг өгнө. Төл нь багадаа их эмзэг байдаг учраас аквариумд төрөл бүрийн бактер өвчин үүсэхээс маш сайн сэргийлэх нь зүйтэй.

Сүүлийн жилүүдэд corydoras-н өнгө зүс биеийн хэлбэрийг олон аргаар өөрчилж шинэ төрлүүдийг ихээр гаргаж авч байна. Үүнтэй холбогдуулан дараагийн мэдээллээрээ corydoras-н төрлүүдийн тухай нийтлэх болно оо :)

Гэрийн нөхцөлд амьд хоолыг амилуулах, үржүүлэх арга

2012-01-27T22:41:00.003+08:00

За хэрхэн яаж амьд хоолыг гэрийн нөхцөлд амилуулж, үржүүлэх талаар нийтлэл бичээд өгөөч гэсэн аквариумчдынхаа хүсэлтийн дагуу дараах нийтлэлийг блогдоо тавихаар боллоо.

Артемийн өндөг

Артемийн өндөг нь хуурай сэрүүн нөхцөлд удаан хугацаанд хадгалж болдог бөгөөд энэ нь жилийн дөрвөн улирлын аль ч үед бэлтгэж хадгалсан артемийн өндгийг амилуулж жараахай тэжээх таатай боломжийг олгодог. Артемийн өндгийг амилуулахдаа жижиг шилэн сав, эсвэл ундааны өнгөгүй хуванцар сав бэлтгэж хэр хэмжээний амьд тэжээл бэлтгэхээ тооцож усаа хэмжиж хийнэ. Нэг литр усанд 2-3 хоолны халбага буюу 20-30 грамм иоджуулаагүй бор давс хийж уусгасны дараа 2-3 грамм артемийн өндөг хийж амилуулахад 200-500 орчим жижиг жараахайг 1-2 удаа хангалттай хооллох хэмжээний артем амилах боломжтой. Дээрх харьцааг баримтлан тооцож хэрэгцээт хэмжээний хоолоо бэлтгэж болно. Амилуулахаар усанд хийж бэлтгэсэн өндгийг сайтар агааржуулан гэрэлтүүлж 26C-30C -ын дулаанд 24-36 цаг болгоход өндөгнөөс жижиг артемууд гарч сэлж эхэлнэ. Артемийн өндгийг хангалттай хэмжээгээр амилсаны дараа агааржуулагчийг салгаж хэсэг хугацаанд хөдөлгөөнгүйгээр байлгахад өндөгний үлдэгдэл, хальс, элдэв тунадасууд усны мандалд хөвөх буюу ёроолд тунана. Энэ үед усыг хөдөлгөөнгүйгээр усны дунд хэсэгт сэлж яваа болон гэрэлд цугларсан амьд тэжээлээ нарийн гуурсаар соруулж шүүж авна. Эсвэл юүлүүр хэлбэртэй доош нарийссан үзүүртэй бөглөөтэй саванд хйиж тавин хог хальс ялгарсны дараа бөглөөг авч доош гоожуулан шүүж авч болдог.

Артем амилуулдаг сав

Нематод (Өтгөн хоол)

Нематод талхаар зуурмаг бэлдэн гаргаж авдаг учраас загас тэжээгчид ихэвчлэн талхны өт гэж нэрлэдэг. Уг өт нь цагаан өнгөтэй маш нарийхан 0.5мм орчим урттай. Жижиг жараахайд маш сайн тэжээл болдог. Үржүүлэхдээ өргөн ёроолтой шилэн сав буюу ихэвчлэн тавганд талхны голыг зөөлрүүлсэн ус эсвэл буцалсан усаар шингэн зуурч талхны өтний 5-10 грамм хөрөнгө ( хуучин үржүүлж байсан Нематодтой талхны зуурмаг) хийнэ. Ингээд саваа шилээр таглаж чийглэг дулаан газар тавихад 2-3 хоногийн дараа Нематод ихээр үржиж маш олон болдог. Савны тагийг авахад үржсэн амьд хоолнууд савны ханыг даган дээш авирч зуурмагнаас ялгаран гарсан байна. Жараахайгаа хооллохдоо талхны зуурмагнаас аквариумны усанд оруулбал ус маш амархан бохирддог. Иймд зуурмагнаас өөрсдөө ялгаран гарсан Нематодийг бийрээр цэвэрхэн арчижн авч жараахайгаа хооллоно. Амьд хоолны ялгаруулалтыг нэмэгдүүлэхийн тулд зуурмаг дээр нимгэн мод, хуванцар зэрэг зүйлийг тавихад түүндээр олноороо авиран гарч ирдэг.

Шаахай ( Амёб)

Шаахай намагтай жижиг нуур, цөөрөмд их байдаг. Үржүүлж гаргаж авахдаа нэг литр буцалсан усанд нэг хэрчим лууван, 5-6 дусал сүү дусаагаад аквариумын доторхи ялзарч муудсан ургамалаас хийж 26С-28С дулаантай байлгахад 3-4 өдрийн дараа шаахай үржиж олширно. Мөн бананы хальс, аквариумын уснаас хийж болно. Эсвэл 10литр усанд 10 грамм орчим өвс хийж хандалж буцалгаад хөргөсний дараа шаахай бүхий цөөрмийн уснаас хийнэ. Нижгээд 22С-28С дулаантай байлгахад шаахай хурдан үржинэ. Шаахай үржин олширч бужигнан харагдах үед нарийн тортой шүүлтүүрээр шүүж авна. Үржүүлж байгаа шаахайгаа өдөр бүр сүү, лууван, бананы хальс зэргээр хооллонон.

Аквариумын ертөнц 2011

Хуурай хоолны хэрэглээ, зөвлөмж

2012-01-25T00:41:00.006+08:00

Бид бүхний сайн мэддэг хэрнээ мэддэггүй зүйлийн нэг болох хуурай хоолны агууламж болон үр ашигтай амин витамины талаар ниитлэе гэж бодлоо.

Хуурай хоол нь цэвэр байгалийн гаралтай буюу амьд хоолнууд болох жижиг амьтдыг хатааж савласан байдаг. Мөн үйлдвэрийн аргаар загасанд хэрэгтэй эрдэс бодис, витамин, уураг, өөх тос, нүүрс ус зэрэг бодисыг нийлэгжүүлэн том жижиг янз бүрийн ширхэгтэйгээр хуурай хоолыг бэлтгэдэг. Хуурай хоолыг авахдаа сав боодол дээр бичсэн хоолны найрлагыг харж хооллох гэж байгаа загасандаа тохируулан сонгох хэрэгтэй. Хуурай хоолны найрлаганд доорхи амин дэм, эрдэс бодисууд орсон байдаг.

Уураг (protein): Загасны биеийн өсөлт хөгжилтөнд нөлөөлөх хамгийн чухал үүрэгтэй тэжээлийн бодис бөгөөд амьдын жингийн дийлэнх хувийг эзэлдэг. Ялангуяа жараахайг уургаар маш баялаг хоолоор хооллох хэрэгтэй.

Тослог (fat): Тослог ихтэй хоол нь жараахайны өсөлт хөгжилтөнд чухал үүрэгтэй ба загаснуудыг таргалуулдаг. Зарим үржүүлгийн загаснууд хэт таргалах нь үржилд сөргөөр нөлөөлдөг тул таргалахаас сэргийлж тослогийн хэмжээ бага хоол өгдөг.

Нүүрс ус (carbohydrates): Нүүс ус нь төрөл бүрийн сахар, карахмалаас бүрддэг бөгөөд загасыг сэргэлэн цовоо болгодог. Хуурай хоолны найрлагын 30-40 хувийг эзэлдэг. Гадна эд эсийн болон гэдсэн дэх түрс болон жарамгайн хөгжилд сайн.

Амин дэмүүд: Аминдэмүүд нь загасны өсөлт хөгжил болон дархлааг нь сайжруулдаг. Загасны хуурай хоолыг дараахь амин дэмээр баяжуулсан байдаг.

А-аминдэм : Эд эсийн хөгжилд чухал үүрэгтэй

Е-аминдэм : Загасны үржих чадварт нөлөөлдөг бөгөөд А-аминдэмтэй цуг хэрэглэдэг.

Д-3 аминдэм : Ясны хөгжилтөнд чухал үүрэгтэй.

B- аминдэм (B1, B2, B6, B12) : Бодисын солилцоонд чухал үүрэгтэй.

C- Аминдэм : Шүдний хөгжил болон бодисын солилцоонд чухал үүрэгтэй.

H- Аминдэм (биотин) : Эд эсийн өсөлтөнд нөлөөтэй.

M- аминдэм ( фолийн хүчил) : Энэхүү хүчил дутагдсан үед өнгө муудажзагас идэвхигүй болно.

K-аминдэм : Цусан хангамжинд шаардлагатай.

Холин (cholin) : Загасны хэвийн өсөлтийг хангаж, цусан дахь сахарын хэмжээг хэвийн хадгална.

Аквариумын ертөнц 2011

Цэнхэр Акара (Акара голубая, Jack Dempsey)

2012-01-24T23:54:00.015+08:00

Энэхүү цихлид нь төв америкаас гаралтай. Эр загасны бие нь 15см хүртэл томордог. Биеийн өнгө нь тод цэнхэр толботой, бор сааралдуу. Биеийн дунд хэсэгтээ 1-2 ширхэг зууван хар толботой. Толгой болон заламгай нь гоёмсог хээ, цэнхэрдүү өнгийн тод зураастай. Эр эмийг ялгахдаа биеийн хэмжээ болон эрүү дагасан цэнхэр судлаар ялгаж болно. Эр загас нь эмээсээ том биетэй эрүү дагасан судалгүй байдаг.

Эр цэнхэр акар:

Эм цэнхэр акар:

Тэжээх нөхцөл: Их аймхай загас учир сүргээр нь тэжээвэл тохиормжтой. Цөөн тоогоор тэжээх үед цочомтгой, хоолондоо муудах шинж ажиглагддаг.Тэжээх аквариум багадаа 30л-50л, dGH - 15аас ихгүй, PH 7.0 хүртэл, температур нь 23-26ийн хооронд байж болно. Хоол голдоггүй мэдээж амьд хоолоор тэжээвэл өсөрч томрохдоо хурдан.

Үржил: Үржүүлэх аквариум 50л багтаамжтай, dGH нь 10аас ихгүй, pH нь 7.0, усны температур нь 26-28 хооронд байвал тохиромжтой. Цихлидний төрөл тул парлаж буюу хосолж үржилд орно. Юмны хөндий доогуур болон шил эсвэл чулуу цэвэрлэж түрсээ шахна. Нас биенд хүрсэн акар 300-500 түрс гаргана. Түрс гарснаас хойш 3 хоноод сэрвэгнэж эхлээд 5 хоноход сэлж эхэлнэ. Төл сэлж эхэлснээс хойш эцэг эх нь арчилж хамгаалдаг. Төл 5-6 сарын дараа нас бие гүйцнэ. Монголын нөхцөлд өсгөж үржүүлэх бүрэн боломжтой.

Нугасны өндөгнөөс загас гарч иржээ

2012-01-22T20:39:00.000+08:00

Зиа сая нэт ухаж байгаад 1 сонирхолтой мэдээлэл олж уншаад та нартайгаа хуваалцая гэж бодлоо. Нилээ дээр гарсан мэдээлэл боловч уншаагүй хүн бас байгаа байх. Mанчестрийн их сургуулийн биологчидтой энэхүү явдал тохиолджээ. Эрдэмтэд Францын нутгаар аялж яваад нэгэн хачирхалтай нугасны өндөг олсон байна. Дотор нь ямар нэгэн хачирхалтай зүйл хөдлөөд байгааг тэд анзаарсан байна. Тиймээс өндгийг хагалахад дотроос нь гурван Мinnow нэртэй загасны жараахай гарч иржээ.Өндөгнөөс гарсан загаснууд амьд байсан бөгөөд тэд шувууны өндөгнөөс гарсан гурван загасыг амьд үлдэхэд нь туслахаар ажиллаж байгаа гэнэ. Шинжлэх ухаанд төдий л их тохиолдоод байдаггүй энэ явдалд үнэхээр их гайхацгааж бас юуны улмаас ингэснийг судалж байна. Амьтан судлаач доктор Мэттью Кобб “Энэхүү нээлт нь загасны төрлийг судлах 21-р зууны агуу нээлт болж чадна” гэв. Түүнчлэн хувьсал хөгжлийн явцад иймэрхүү зүйл тохиолдож, шинэ төрөл зүйл үүсч хөгждөг байж болох юм. Хэрвээ энэ үнэн бол амьтны хаанаас бий болж, хөгжсөнийг нээж олоход дөхөм болох юм гэжээ. Өмнө нь Японы эрдэмтэд лабаротор-д өндөгнөөс загас амжилттай гаргаж өвж байсан ч энэ тохиолдол нь байгаль дээрх анхны тохиолдол юм.

Flowerhorn cichlid 2

2012-01-21T19:46:00.002+08:00

Зиа сүүлийн үед манайхан дух акарыг их сонирхож тэжээдэг болсон учраас өмнө нь тавигдаж байсан мэдээлэл дээр нэмж илүү дэлгэрэнгүй оруулхаар боллоо.

Нэршил: Flowerhorn – Дух акар

Овог: Cichlid

Арчилгаа: Хүндэвтэр

Хэмжээ: 25-35см

Өнгө: Төрөл бүр

Усны дулаан: 27-30

РН: 7-8

1990 оны үед Cichlasoma trimaculatum, Cichlasoma festae, Jingang Blood Parrot гэх 3 загаснаас эрлийзжүүлэн гаргаж авжээ. 1995 он гэхэд олон улсад өргөн тархаж хувь хүмүүс ихээр үржүүлэх болсон байна. Нэрний хувьд дух болон духны доор байрлах толбоноос санаа авж Flowerhorn гэж нэрлэжээ.

Амьдрах орчин: Уг загас маань өөрөө их догшин загас учраас бусад загастай таарамж муутай байдаг. Монголын нөхцөлд нас гүйцсэн д.а-г 150-200 танканд 1р нь юмуу паар-р нь тэжээх тохиромжтой. Шинэвтэр усанд дуртай загас учраас 7 хоног бүр 30-40 хувийг нь солих хэрэгтэй. Мөн танканд байгалийн хад, хайрга тавьж өгвөл усний хатуулгийг зөөлрүүлдгүй сайн талтай. Хооллолтын хувьд сам хорхой, жижиг загас, зүрх, мах, үрлэн хоол зэрэг маш өргөн сонголттой. Гоё өнгө зүстэй, зөв хэлбэртэй духтай болгохийг хүсвэл багаас нь д.а-раа зөв хооллож сурах хэрэгтэй. Үндсэн 3 төрлийн хоол байдаг:

Humpy head (Дух томруулдаг хоол)

Super red (өнгийг нь тодруулдаг хоол)

Starry (биен дээрх цэцгэн толбонуулыг тодруулдаг хоол)

Нас гүйцсэн д.а-г өдөрт 2 удаа уураг ихтэй хоолоор хооллоно.

Өвчин: Мэдээж бусад загасны тусаж болох бүх өвчнийг амархан тусна. Үүнээс гадна зөвхөн д.а-н өвчилдөг 1 өвчин байдаг бөгөөд хүндэрсэн тохиолдолд үхэлд хүргэдэг. Усний бохирдол болон паразит хорхойноос болж дух нь (духан дотор нь 1 төрлийн амьгүй бактер байдаг бөгөөд бохирдлоос болж бактер амилж 1 төрлийн нян болон хувирдаг) хаграж хүнд хэлвэрийн шарх үүсэж идээ гойждог. Одоогоор зориулалтын эм монголд байхгүй учраас мөөгөнцөрийн эсрэг хуурай шар эм эсвэл аптек-с шархны эм авж нунтаглаад шархалсан хэсэгт нь өдөрт 3-4 удаа түрхэж өгнө. Эдгэсэн ч маш их сорви үлддэг учраас өвдсөн хойн нь эмчлэх биш урьдчилж сэргийлэх нь хамгийн шилдэг арга юм.

Үржил: Д.а нь өөрсдийн төрлөөс гадна бусад Америк цихлидтэй паарлаж үр төлөө үлдээдэг. Cichlasoma trimaculatum, Cichlasoma festae, Jingang Blood Parrot энэ 3тайгаа ч гэсэн паарлаж шахдаг. Хамгийн түгээмэл ирлийз нь Flowerhorn-blood parrot 2ийх байдаг. Эр нь охиноо бодвол илүү өргөн духтай мөн эрүү нь бандгар байдаг. Бусад цихлидүүдийн адил эр нь v хэлбэрийн каналтай охин нь u хэлвэрийн каналтай байдаг. Өөр цихлидтэй паарлуулсан тохиолдолд эрийг нь д.а байхаар тооцож паарлуулбал тохиромжтой.

Эр дух акар:

Эм дух акар:

Паараа гаргаж авахдаа охинийг нь эрээсээ 2 дахин жижиг байхййр тооцвол сайн паар гарж чаддаг. Шаххад бэлэн болсон духанд босоо хар судал үүсж маш гоёмсог харагддаг.

Гаргаж авсан паараа 29-30 градусын шинэ усанд тусгаарлаж түрсээ шахах хад болон хавтгай чулууг бэлдэж өгнө. Дунджаар сардаа 1 шахдаг. Анхны 1 2 шахаа амилахгүй байх нь энгийн үзэгдэл. Охин нь сайн байвал 1000 гаргаж түрсээ шахдаг. Түрс нь 3дах хоног дээрээ сэрвэгнэж 5дах хоног дээрээ сэлж эхэлдэг.

Дөнгөж сэлж эхэлсэн төлөнд өндөгнийй шар, хуурай болон амилуулдаг артем тохиромжтой. 14-30 хоногтой төлийг том жижгээр нь тусгаарлаж тэжээн. Бөөнөөрөө бсн тохиолдолд 1 1ээ барьж идэх нь элбэг. 3-4 сар болж байж бие нь тэнхэрдэг бөгөөд тэрнээс өмнө маш эмзэг амархан үхдэг. Биеээ дааж амьдарсан д.а тэжээсэн нөхцлөөсөө хамаарч жилээс жил хагсийн дотор нас гүйцнэ. Том танканд тэжээх тусам илүү хурдан томордог =)

Зиа тэгээд анхны мэдээлэл учраас дутуу дулимаг юм их байгаа байх аа. Цаашдаа илүү олон мэдээллийг тогтмол хүргэж байх болно оо =D

Загасны нэршил - 3

2012-01-18T14:48:00.000+08:00

ХОЁР ӨНГӨТ ЛАБЕО - RAINBOW SHARK - LABEO BICLOR

ХАРАЦИНЫ ОВОГ

Олон төрлийн загас энэ бүлэгт багтдаг. Гаднах байдлаараа хоорондоо эрс ялгаатай. Онцлох шинж нь ихэвчлэн 2 нурууны сэлүүртэй хөдөлгөөнгүй амтай. сахалгүй. 40-50 литрийн ургамал ихтэй 20-24 хэмийн устай аквариумд тэжээнэ. Усны 1/5-ийг сар бүр сольж байх хэрэгтэй.

ТЕТРА ФОН РИО - FLAME TETRA - HYPHESSOBRYCON FLAMMEUS

ТЕТРА - BUENOS AIRES TETRA - HEMIGRAMMUS CAUDOVITTATUS

ФОНАРИК - HEAD AND TAIL LIGHTS - HEMIGRAMMUS OCELLIFER

ЭРИТРОЗОНУС - GLOW LIGHT TETRA - HEMIGRAMMUS ERYTHOROZONUS

НЕОН - NEON TETRA - PARACHEILRODON INNESI

УЛААН НЕОН - CARDINAL TETRA - PARACHEIRODON AXELRODI

ХАР НЕОН - BLACK TETRA - HYPHESSOBRYCON HERBERTAXELRODI

ХААНЫ ТЕТРА - EMPEROR TETRA - NEMATOBRYCON PALMERI

КОНГО - CONGO TETRA - PHENACOGRAMMUS INTERRUPTUS

МОЕНКУАЗИ - DIAMOND TETRA - MOENKHAUSIA PITTERI

ТЕРНЕЦ - BLACK WIDOW - GYMNOCORYMBYS TERNETZI

МИНОР - MINOR - HYPHESSOBRYCON CALLISTUS

ПУЛЬХРИПИННИС - LEMON TETRA - HYPHESSOBRYCON PULCHRIPINNIS

ПРИСТЕЛ - PRISTELLA - PRISTELLA MAXILLARIS

УЛААН АМТАЙ ТЕТРА - RODOSTOMUS - PEPITELLA GEORGIAE

ОРНАТУС - ОРНАТУС ОБЫЧНЫЙ - HYPHESSOBRYCON ORNATUS

Ганган хромис (Hemichromis guttatus)

2012-01-17T22:10:00.000+08:00

Өмнө нь би Хромис-ийн талаар цомхон оруулж байсныг санаж байна, энэ удаад нэлээд дэлгэрэнгүй бичье гэж бодлоо.

Өөр нэр: Ганган хромис, улаан цихлид.
Нутаг: Конго голын урсгал багатай газруудад нутагладаг.

Эр эмийг ялгах шинж тэмдэг: Атуу нь бүдэг өнгөтэй, атуух нь том биетэй, тод улаан өнгөтэй.
Амьдрах Нөхцөл: 40оос доошгүй литр, pH 6.0-7.5. Хатууллаг бол чухал биш, зөөлөн хатуу аль аль усанд нь ч шахдаг. Температур 20-28°С. Түрслэлтийн үед үнэхээр сонирхолтой.
Хооллолт: Бүх төрлийн хоол иддэг. Махчин загас учир хоолонд уураг маш сайн байх ёстой.

Үржүүлэлт: 5-7 сар болоод парлаж эхлэдэг. 40литрээс доошгүй аквариумд, чулуу, ургамал, хайрга цэвэрлэж байгаад, эсвэл дан шил нь дээр шахдаг. 200-500 ширхэг түрс шахдаг.
Эцэг эх нь маш үр төлөө хамгаалдаг. Нийтийн аквариумд түрслэх нь маш элбэг тохиолдол. Гэхдээ нийтийн аквариумд үр төл босно гэдэг бол юу л бол, хөрш загаснууд нь түрсийг идчихдэг болхоор үр төл нийтийн аквариумд авах бараг боломжгүй. Ер нь бол үржих процесс бол бусад цихлидтэй адил, гэхдээ энэ загас яг л конвикт цихлидний улаан өнгөтэй нь.

Ер нь бол өөрийн хэмжээний махчиндуу загаснуудтай бол амьдарж болдог. Хэрэв 100литрээс доош аквариумтай бол үржил явагдахад бусад загаснуудыг хөөж, дарамтлан нэлээд бэрхшээлтэй байдаг, тийм учир том аквариумд бол сайхан амдарцгаана :)
Жижиг төл байхдаа айгүү царай муутай, бараг л шав шар байдаг. Яг парлаад ирэхээр өнгө нь улайгаад их үзэгслэнтэй харагддаг, бие нь дээрх толбо нь томрох тусам бүдэгрэдэг, зарим нь эсрэгээрээ тодордог.

Angelfish үржүүлэх тухай

2012-01-11T19:38:00.000+08:00

Энэ загасыг манайд төдийгүй дэлхийд хамгийн ихээр сонирхож, үржүүлдэг загасны нэг билээ. Энжелүүдийн 99 % нь аквариумд үржүүлж гаргаж авсан байдаг. Дэлгэрэнгүй мэдээллийг энд дарж уншаарай.

Биеийн хэмжээ: Өндөр нь 25 см, үндсэн бие нь 10 см
Хүйс: Эр загасны дух төвгөр, нүд нь эмийнхээсээ тод улаавтар . Эм загасны гэдэс товгор байдаг.

Зан байдал: Догшин, өлсгөлөн

Температур: 23-26С
PH: Бага зэргийн хүчиллэг 6.8
Аквариум: Том аквариумд өсгөж, жижгэвтэр аквариумд үржүүлэх

Марбел буюу алаг зүстэй төрөл нь бусад төрлөөсөө илүү амь бөхтэй тэсвэртэй байдаг. Ялангуяа цагаан голдуу алагууд.

Дээрх хос загас ойролцоогоор 20 гаруй настай ба эр загасны дух том байх нь урт насалсныг харуулдаг.

Загаснуудыг ус бохирдуулдаг алтан загас, суматр барб гэх мэт түргэн хөдөлгөөнтэй загаснуудтай тэжээх үед стресстэж болно. Загасны таарамжын хүснэгтээс харах.

Том аквариумд сайн тэжээсэн нөхцөлд 25 см өндөр болдог. 100 литр аквариумд сайхан томордог ба жижиг аквариум нь өсөлтийг нь зогсоодог. Гэхдээ 40 литрийн аквариумд 10 аад ширхэгийг хөөрхөөн тэжээчихэж болно. Жижиг аквариумд усны найрлага хурдан бохирддог учир усыг нь тогтмол сэлбэж байх нь чухал. 40 литрийн аквариумд сайн тэжээвэл дээд тал нь 12-16 см хүрдэг бол том аквариумд хавьгүй томорч сүүл сэрвээ урттай болж өсдөг.

Анх тэжээж байгаа хүмүүс ихэвчлэн жижиг төлнүүдээс эхлээд том пар (хос) болгох сонирхолтой байдаг. 6-7 ширхэг төлнөөс жилийн дотор гэхэд доод тал нь нэг пар (хос) төрдөг.

Хоёр эм загас парлаж түрс шахах тохиолдол байдаг. Мэдээж эр загасгүйгээр түрс нь амилахгүй. Түрс цагаарсан үед үр тогтоогүй буюу үхсэн, харин тунгалаг шаргалдуу байвал үр тогтсон амьд түрс, ногоон юмуу цэнхэр туяатай бол мөөгөнцөртсөн гэж ялгана.

Загас хос болсон үед хоёр загас бусад загаснуудаа дарамталж эхэлдэг. Энэ үед нийтийн аквариумд үржүүлэх боломжгүй. Бусад загасруугаа дайрах эр эм загас хоорондоо муудалцаж биенээ хөнөөх гэх мэт асуудал гарж ирдэг. Тийм учир дунджаар 40-100 литрийн үржлийн аквариумд тусад нь тэжээх хэрэгтэй. Аль болох олон төрлийн хоолоор сайн хооллох хэрэгтэй.

Эр загас

Хэрэв нас жицуу энжелүүд дунд бие томтой, туранхай гэдэстэй, улаандуу нүдтэй зэргээр нь эр загасыг тодорхойлж болно. Настай энжел бол цихлид духаар нь таньж болно. Түрс шахахын өмнө их биеийн доодох үзгэн балны хошууны хэртэй үрийн сувгаа цухуйлгадаг.

Эм загас

Жижгэвтэр биетэй. Дээрх зурган дээрх загас шиг төвгөр том гэдэстэй. Мөлгөр дугуй духтай. Түрс шахах үед эр загастай адил үрийн сувгаа нээдэг. Үрийн суваг нээгдэж ил гарч ирсэн үед үржилд бэлэн гэсэн үг.

Түрс шахаж үржих ажил 100 % бүтэмжтэй болдоггүй. Анх шахаад амжилтгүй болох тохиолдол элбэг. Хоололт, усны найрлага зэргээс хамааран 7-30 хоногт түрс боловсорж үржилд ордог. Олон удаа шахах тусам туршлага сууж төлөө сайн арчилдаг.

Дээрх зураг дээрх шиг сүүлээ хавчиж сулдайсан үед шахуулах хэрэггүй.

Энжел дотор хамгийн эрүүл тэсвэртэй эр эм загас хамтарч үржилд орох нь элбэг.

Хамгийн чухал нь энжелийг өвдсөнийх нь дараа биш өвдхөөс нь урьдчилан сэргийлэх хэрэгтэй.

Ус цэвэр байх хэрэгтэй. Усанд түргэн хугацаанд идэж дуусгахаар олон төрлын хоол бага багаар өгөх. Хооллохдоо ургамлын гаралтай ялтсан (flake), таблет хэлбэрийн хуурай, нунтаг хэлбэрийн, хатаасан, хөлдөөсөн мотел (bloodworm) зэрэг. Шахах үед усны хэм ямар байсан яг тэр хэмд нь барих хэрэгтэй.

Хосууд хоорондоо зодолдоод салахгүй бол хэд хоног шилэн хаалтаар тусгаарлах хэрэгтэй. Ингээд нэмэргүй бол салгаад тус тусад нь тэжээх хэрэгтэй.

Усны найрлага: Бага зэргийн хүчиллэг 6.8 PH тохиромжтой эсвэл арай бага байсан ч зүгээр. Усны температур 26-28С хавьцаа буюу 5 градус целс дотор барьж байх нь чухал. Шинэ устай нүцгэн аквариумд sponge filter байрлуулж агааржуулах. PH хэмжигчээр усны PH-ын түвшинг хэмжих. Sodium Bicarbonate (хүнсний сода) нь усыг шүлтлэг, Sodium Biphosphate нь усыг хүчиллэг болгодог. Түрс шахтал өдөр бүр усны 10 хувийг солих.

Эхний өдөр 24, хоёр дахь өдөр 25, гурав дахь өдөр 26 болгоод дараачийн өдрүүдэд 1 градусаар буулгаж түрс шахтал температурыг ихэсгэж багасгах. Мөн усны 10 хувийг сольж байх. Түрс шахвал тухайн өдрийн температурт байлгах хэрэгтэй. Мөн ус бохирдолтой байвал өдөрт 5 хувийг солих

Үржүүлэх аквариум: 40-100 литрийн танканд халаагуур, термометр хөвсгөр филтер (sponge filter) гэсэн хэдхэн зүйл байхад болно. Аквариумыг байнга цэвэр байлгах ба хайрга хийх хэрэггүй. Мөн 30^oналуу чулуу эсвэл том навчит ургамал байрлуулна.

Үр тогтоогүй түрснүүд цагаарсан байдал

Аквариумын ойр хавийг цэвэрлэж налуу чулуу, ургамал дээр тунгалаг өнгийн түрс шахах болно. Энэ үед хэдэн дусал метлин дусаавал түрс цайж мөөгөнцөртөхөөс сэргийлнэ. Түрс нь ойролцоогоор 100-600 түүнээс их ч байж болно. Түрсийг амилтал загаснууд сэлүүрээрээ дэвж арчилна. Түрс амилж сүүл үүсэх хүртэл 48 цаг болох ба энэ хооронд үр тогтоогүй эсвэл орчин нөхцөлөөсөө хамаарч зарим хэсэг нь цагаарч үхэж болно. 3 хоногийн дараа гэхэд сэрвэгнэж байсан төлнүүд сэлж эхэлдэг.

Найман долоо хоногтой төлнүүд

Төлөнд артемийн өндөг амилуулж өгдөг. Амилуулахдаа цайны халбаганы тал хүрэхгүй бага багаар амилуулж өгөх хэрэгтэй. Томорсон төлнүүдэд талхны өт (microworm), таблеткан хоол, ялтсан хоол өгдөг.

Хоолыг түргэн хугацаанд үлдэгдэлгүй идэж дуусахаар хэмжээр өгөх хэрэгтэй. Хоолны үлдэгдэл баас зэргээс энжелийн вирус, паразит халддаг учир аквариумыг цэвэр байлгах хэрэгтэй. Хоолны үлдэгдэл баасыг соруулж байх хэрэгтэй.

Хүн болгоны үржүүлсэн нөхцөл адилгүй тул ихэвчлэн хэрэглэгддэг аргуудаас орууллаа. Одоогоор мэдэж байгаа зүйлс маань энэ юм. Дараа дахиж дэлгэрүүлж шинэчлэхийг бодноо.

Бичлэгнээс үржүүлж буй үйл явцыг үзээрэй.

Загасны нэршил - 2

2012-01-08T14:37:00.001+08:00

Зиа энэ удаад та бүхэндээ аквариумны загасны монгол, орос, латин нэршилийг нь зурагтай нь хамт оруулан нийтлэхээр шийдлээ. Латин буюу олон улсын нэршилээр нь та бүхэн зургыг нь Google-с хайн аан бас видео бичлэгийг нь Youtube-с хайн үзэх боломжтой болж байна.

Мөрөгийн овог

Карповые - Cybrinids - Cyprinidae

Энэ бүлэгт 200 гаруй төрлийн загас багтдаг. Биеийн хэлбэр хэмжээ сайтай, тод өнгөтэй, тэсвэртэй загаснууд орно. Эдгээр төрлийн загасыг хүйтэн усны, халуун буюу бүлээн дулаан усны хэмээн 2 ангилна. Хүйтэн усныханд алтан загасны төрлийнхөн багтана. Халуун усныханд барбусын болон бусад төрөл багтдаг. Эдгээр нь ихэнхи нь сүрэглэдэг загаснууд байдаг.

Алтан загас ба түүний төрөл:

ЗOЛОТАЯ РЫБКА - GOLD FISH - CARASSIUS AURATUS

Дулаан усны Мөрөгийн овог

КАРДИНАЛ - WHITE CLOUD - TANICHTHYS ALBONUBES

РАСБОРА ГЕТЕРОМОРФА - HARLEQUIN - RASBORA HETEROMORPHA

ГАЛТ БАРБУС - БАРБУС ОГНЕНЫЙ - ROSY BARB - BARBUS CONCHONIUS

СУМАТРЫН БАРБУС - TIGER BARB - BARBUS TETRAZONA

ХАР БАРБУС - BLACK RUBY BARB - BARBUS NIGROFASCIATUS

НОГООН БАРБУС - GREEN BARB - BARBUS SEMIFASCIOLATUS

СУДАЛТ БАРБУС - STRIPED BARB - BARBUS EUGRAMMUS

БАРБУС ОЛИГОЛЕПИС - CHECKERED BARB - BARBUS OLIGOLEPIS

ТАВАН СУДАЛТ БАРБУС - БАРБУС ПЯТИПОЛОСЫЙ - BARBUS PENTAZONA

ТИТЕЯ БАРБУС - CHERRY BARB - BARBUS TITTEYA

ДАНИО РЕРИО - ZEBRA DANIO - BRACHYDANIO RERIO

ТОЛБОТ ДАНИО - SPOTTED DANIO - BRACHYDANIO NIGROFASCIATUS

ЯГААН ДАНИО - PEARL DANIO - BRACHYDANIO ALBOLINEATUS

ИРВЭСЭН ДАНИО - LEOPARD DANIO - BRACHYDANIO FRANKEI

НОГООН ЛАБЕО - ЛАБЕО ЗЕЛЁНЫЙ - LABEO FRENATUS

Хосбаярын аквариум

2012-01-07T19:06:00.013+08:00

Цэнгэлийн аквариум

2012-01-05T21:03:00.001+08:00

99101006

Хүлгэний аквариум

2012-01-05T17:10:00.000+08:00

Өмнө нь махчин загаснуудаа сонирхуулж байсан Хүлгэн ах маань өнөөдөр Африкуудынхаа бичлэгийг илгээжээ.. Хамтдаа үзэцгээе

Wrestling Halfbeak NEW

2012-01-01T00:45:00.000+08:00

Halfbeak-ын тухай нийтлээд сар болоогүй боловч нээгдсэн цагаас хойш хамгийн их буюу 938 удаа уншигджээ. Тиймээс цааш нь дэлгэрүүлж орууллаа.

Wrestling Halfbeak нь Hemiramphidae овогт багтдаг ба амьд зулзага төрүүлдэг загас юм. Аквариумд тэжээх бололцоотой Dermogenys, Nomorhamphus, Hemirhamphodon, Zenarchopterus гэсэн цөөн хэдэн төрөл зүйл байдаг. Шинжлэх ухааны нэршил нь Dermogenys pussila юм.

Нэрний тухайд өвөрмөц сонин эрүүнээс нь үүдэлтэй. Мөн эрүүд нь Бетта шиг тулаанч бөгөөд хоорондоо хошуугаараа барилдах маягийн үзүүлбэр үзүүлнэ. Махчилж орчуулбал "Барилдаанч хагас хошуут, хэлтгий хошуут" гэж нэрлэж болох юм. Манайхан нэр хоч өгөхдөө сайн улсууд, өөрсдөө нэрийг нь олоод өгчих байх.

Эр нь 5.5, эм нь 7 орчим см хүрдэг. Тэжээхэд төвөггүй дээр нь ховор загас биш. Нервтэй, цочмог зан байдалтай ба уснаас үсрэх талтай учир танкаа таглах хэрэгтэй.

Амьдрах орчин

Зүүн өмнөд Азийн давсархаг усанд тархсан байдаг. Гүппи, молли гэх мэт амьд зулзага төрүүлэгч загаснуудтай тэжээж болно. Гэвч усны мандлаар байрладаг загас болохоор зулзагыг нь амьдаар нь харахгүй. Молли шиг давсархаг усанд дуртай. Гурван литр тутамд нэг жижиг халбага давс хийвэл өнгө зүс, эрүүл мэндэд нь тустай. Зөвхөн усны мандал дээрх хоолыг түүж иддэг учир үлдэгдэл хоол иддэг кори, лабео зэрэг үлдэгдлээр хоологч загаснуудтай байлгавал тохиромжтой. Усны мандлаар хөвдөг ургамал байрлуулвал зулзага нуугдахад болон эрүүд нь зодолдохоос хамгаалах ач холбогдолтой.

Хооллолт

Голдуу ялтсан (flake) болон хөлдөөсөн улаан өт (bloodworm) өгвөл тохиромтой. Мөн ялаа, шумуул, трубочник (tubifex) зэрэг амьд хоолонд нугасгүй дуртай. Амьд хоол өгөхдөө дэгээнд барьж өгөхгүй бол газарт живсэн тохиолдолд иднэ гэж байхгүй.

Төрөх үйл явц

Эр загас нь доод сэлүүрнийхээ үржлийн эрхтэнгээрээ эм загасны сувганд үр тогтоодог. Эм загас эр загасаа хэдийд ч халгаадаггүй. Эр нь эмийнхээ хөдөлгөөн бүрийг нь нарийн даган сэлж доор нь нуугдаж байгаад боломжтой нөхцөл бүрдэх үед эмийнхээ доороос довтолж үр тогтооно. Эм загасны хэвлийд насан туршид нь түрснээс эхлээд төрөх дөхсөн төлнүүд 10-60 хоногын хугацаанд хэвлийдээ боожиж төрсөөр байдаг. Төрөх дөхсөн үедээ эсвэл муудсан усанд өнгө нь бараантаж эхэлдэг ба энэ үед шинэ ус сэлбэж хийх хэрэгтэй. Төл нь мөнгөлөгдүү жижиг гэдэстэй, 8-12 мм урт нарийн биетэй төрдөг. Төрөнгүүтээ л усны мандлаар сэлж эхэлдэг учир гүппи моллиний төрүүлэгчинд төрүүлэхэд тохиромжгүй. Харин нуугдахад нь зориулж хөвдөг ургамалтай төрүүлэгч бэлдэх хэрэгтэй. Төрснөөс хойш 7 хоногийн дотор хошуу нь уртсаж хэлбэржиж эхэлнэ. Төлийг нь хатаасан артем, ялтсан хоолоор хооллоход дороо томорно.

Төрж буй байдал нь

Мэндчилгээ ...

2011-12-31T16:53:00.000+08:00

Сайн байцгаана уу эрхэм хүндэт акварианчид аа.. Та бүхэндээ энэ сайхан өдрийн болон ирж буй 2012 оны гал халуун мэндийг хүргэе аа. 2011 он бидний хувьд амжилт бүтээлээр арвин сайхан он жилүүдийн нэг байлаа. Автор миний бие энэ блогд нэгдээд бүхэл бүтэн 1 жилийг ардаа орхисон байна. Энэ хугацаанд зөндөө олон сайхан найзуудтай болж бүхэл бүтэн сүлжээ үүсгэж чаджээ. Энэ ондоо багтааж блог маань сайт болон өргөжиж чадлаа. Монголд зөндөө олон холбоо клубууд байдаг хэдий ч Аквариумны загас сонирхогчдын холбоо хэмээх зүйл байдаггүй юм байна. Тэгвэл бид ирж буй 2012 онд энэхүү холбоог байгуулах арвин үйлсэд нэгдэх болно. Улаанбаатар хотод маань 20 гаран Аквариумны загас зарж борлуулдаг дэлгүүрүүд байдаг. Хөдөө орон нутагт ч бас байгаа. Тэгвэл загас сонирхдог тэжээдэг үржүүлдэг бидний гар дээр гарын авлага маягийн ном хэвлэл яагаад байхгүй байнаа. 2002 оноос хойш яаг тэрний гаргасан тэр ном гэж нэрлэх ном хэвлэл та бидэнд харагдахгүй байгаа. Тэгвэл та бүхэндээ зориулан 2012 ондоо багтаан гарын авлага маягаар ном гаргах ажлыг автор бид эмхэтгэн гаргах болноо. Мэдээж манай сайттай хамтран ажиллах хувь хүн албан байгууллага байгаа бол холбогдоорой.

Загасны хөгжил

2011-12-28T01:13:00.021+08:00

За сонирxолтой санагдсан хэдэн зураг орууллаа.

Санал бодлоо хуваалцаарай.

Бид нарын xог гэдэг конвикт л валий байна ш д.