The blog of Prince

കടലിൽ ഇറങ്ങുമ്പോൾ കരുതിയിരിക്കുക

2016-07-09T23:26:00.001+05:30

യിപ്പി പോയി, മാഗി പോയി... എല്ലാം പോയി!

2015-06-03T21:10:00.001+05:30

മാഗിയില്‍ ആരോഗ്യപ്രശ്നങ്ങള്‍ ഉണ്ടാക്കുന്ന അജിനാമോട്ടോയും, വേറെന്തൊക്കെയോ സുനാപ്പിയും ചേര്‍ന്നിട്ടുണ്ടെന്നും, അതുകൊണ്ട് അത് നിരോധിക്കാന്‍ പോകുകയാണ് എന്ന് കേട്ടപ്പോള്‍ പലരും ഞെട്ടി... ഞെട്ടിയത് പക്ഷെ ഇത് കൊറേ കാലമായി അമൃത് പോലെ തിന്നു കൊണ്ടിരുന്ന ന്യു ജെന്‍ ബോണ്‍ലെസ് ചിക്കുകള്‍ക്ക് എന്തേലും രോഗം ഇത് കൊണ്ട് വരവോ ദൈവേ എന്ന് ഓര്‍ത്തല്ല.. മറിച്ച്, ഇനി രണ്ടു മിനിട്ടില്‍ പുഴുങ്ങി പിള്ളേരുടെ അണ്ണാക്കില്‍ തട്ടാന്‍ എന്തേലും കിട്ട്വോന്നു ആലോചിച്ചിട്ടാണ്.
ശരിക്കും ഈ മാഗി നിരോധിക്കണ്ട കാര്യം എന്താ...? ഇന്ത്യയില്‍ ലഭിക്കുന്ന ഭക്ഷണ സാധനങ്ങളില്‍ മാഗിയില്‍ മാത്രേ അജിനാമോട്ടോ ഉള്ളോ...?

കേരളത്തിലെ തട്ട് കട മുതല്‍ ഫൈവ് സ്റ്റാര്‍ വരെ ഉള്ള ഹോട്ടല്കളില്‍ അജിനോമോട്ടോ ഉപയോഗിക്കാത്ത ഏതു നോണ്‍ വേജ്‌ ഡിഷ്‌ ഉണ്ട്....?
അതിന്‍റെ അളവ് ആരു എവിടെയാണ് പരിശോധിക്കുന്നത്...?
കൃത്യമായും കാന്‍സര്‍ ഉണ്ടാക്കുന്നു എന്ന് തെളിഞ്ഞിട്ടും, അജിനോമോട്ടോ കിലോക്കണക്കിന് വാങ്ങാന്‍ മാര്‍ക്കറ്റില്‍ കിട്ടുന്നുണ്ട്... തടയാന്‍ ആളുണ്ടോ...?
നാട്ടിലെ ചായക്കടക്കാരന് ഇല്ലാത്ത നമ്മുടെ നാട്ടിലെ ജനങ്ങളുടെ ആരോഗ്യകാര്യത്തിലെ ശ്രദ്ധ സ്വിറ്റ്സര്‍ലാന്റ്കാരന്‍റെ നെസ്ലേക്ക് (NESTLE) ഉണ്ടാകും എന്ന് കരുതരുത്‌....

ഹാ... എന്തായാലും മാഗി പോയി... ഇനി നമുക്ക് കുട്ടികളെ ഷാര്‍പ്പറും, ടോള്ളറും ആക്കാന്‍ ഹോര്‍ലിക്സ്‌ കൊടുത്താലോ...? പണ്ട് കാലികള്‍ക്ക് കൊടുത്തിരുന്ന മാള്‍ട്ട് പള്‍പ്പില്‍ ഇത്തിരി കാരമലും വാരിയിട്ടു മൂന്നാല് രാജ്യങ്ങളിലെ ജനങ്ങളെ നല്ല അന്തസായിട്ടു പറ്റിച്ചു കൊണ്ടിരിക്കുന്ന ഹോര്‍ലിക്സ്...
GSK എന്ന അന്താരാഷ്ട്ര മരുന്ന് ഭീമന്‍ ഹെല്‍ത്ത്‌ ഡ്രിങ്ക്, വുമന്‍ ഹോര്‍ലിക്സ്, ജൂനിയര്‍ ഹോര്‍ലിക്സ് എന്നൊക്കെ പറഞ്ഞു കണ്ട പുല്ലും, കൊറേ ജങ്ക്കളും മിക്സ് ചെയ്തു തന്നപ്പോള്‍ കേരളത്തെ സംബന്ധിച്ച് ഒരു സ്റ്റാറ്റസ് സിംബല്‍ ആയി ഹോര്‍ലിക്സ് മാറി.. ചായക്ക് പകരം ഹോര്‍ലിക്സ് കുടിക്കുന്ന കുട്ടികള്‍ പരിഷ്കാരികള്‍ ആയി..

തരം തിരിവില്‍ "പ്രൊപ്രൈട്ടറി ഫുഡ്‌" എന്ന ലേബല്‍ ആണ് ഫുഡ്‌ സെക്ക്യുരിടി വിഭാഗം ഹോര്‍ലിക്സിന് നല്‍കിയത്. അതിന്റെ വിശദീകരണം ആണ് തമാശ. "ഭക്ഷണത്തിന്‍റെ കൂടത്തില്‍ പെടുത്താന്‍ ആവില്ലെങ്കിലും തിന്നുന്നത് കൊണ്ട് വല്യ ദോഷം ഇല്ലാത്തതു"- അതാണ്‌ ഈ പ്രൊപ്രൈട്ടറി ഫുഡ്‌... എന്ത് മനോഹരമായ ഹെല്‍ത്ത്‌ ഡ്രിങ്ക് അല്ലെ...?

മാരക വിഷമായ പത്തു പൈസക്ക്‌ കൊള്ളാത്ത പെപ്സിക്കും, കൊക്കക്കൊളക്കും വരെ അതിന്‍റെ മേലെ FSSAI എന്നൊരു ചിഹ്നം കാണാം. ഇന്ത്യയിലെ ജനങ്ങളുടെ ഭക്ഷണം അതീവ ശുദ്ധി ഉള്ളതാവണം എന്ന് നിര്‍ബന്ധ ബുദ്ധി ഉള്ള ആളുകള്‍ ആണ് അവര്‍, എന്നാല്‍ ഈ ഹോര്‍ലിക്സ് ന്‍റെ പുറത്തു അങ്ങനൊരു ലേബല്‍ കാണാന്‍ പറ്റില്ല... കാരണം ഭക്ഷണം ആണെങ്കില്‍ അല്ലെ അവര്‍ക്ക്‌ അതിന്‍റെ മേലെ ഈ ചിഹ്നം ഇടാന്‍ പറ്റൂ... പിന്നെ നമ്മളിന്ത്യാക്കാര് പരസഹായികള്‍ ആയത് കൊണ്ട് അവര്‍ അതിനു പ്രത്യേക "പ്രൊപ്രൈട്ടറി ഫുഡ്‌" പദവി നല്‍കി.

ഇംഗ്ലണ്ട്ല്‍ ഉറക്കം വര്‍ധിപ്പിക്കാന്‍ കുടിക്കുന്ന മാള്‍ട്ട് ഡ്രിങ്ക് ആണെങ്കില്‍ അതെ സാധനം, അതിനേക്കാള്‍ അളവ് കുറഞ്ഞ ചേരുവകള്‍ ചേര്‍ത്ത് ഇന്ത്യയില്‍ വില്‍ക്കുമ്പോള്‍ ഹെല്‍ത്ത്‌ ഡ്രിങ്ക് ആകുന്ന മറിമായം എന്തൊരു അത്ഭുതം ആണല്ലേ...? ഏറ്റവും കൂടിയ അളവില്‍ ചേരുവകള്‍ ചേര്‍ത്ത് ഇറക്കുന്ന മലേഷ്യന്‍ ഹോര്‍ലിക്സ് പക്ഷെ അവിടെ വെറും മാള്‍ട്ട് ബെവരെജ് ആണ്...

സംഗതി വളരെ ചെറുതാണ്. പണ്ടൊക്കെ സകല യുറോപ്യന്‍ കമ്പനികള്‍ക്കും അവരുടെ എന്ത് കൂറ സാധനവും നേരെ കോളനികളില്‍ ഇറക്കി വിടാല്‍ മതി, കൊളോണിയല്‍ കാലം അങ്ങ് തീര്‍ന്നപ്പോള്‍ വില്‍ക്കാന്‍ സ്ഥലം ഇല്ലാതായി, അന്നേരമാണ് ചത്ത്‌ കിടന്ന കോളനിവല്‍ക്കരണ പദ്ധതിയെ ഒരു മറുക് നെറ്റിയില്‍ ഒട്ടിച്ചു ആളെ തിരിച്ചറിയാതെ ആക്കി ആഗോളവല്‍ക്കരണം എന്ന പേരുമിട്ടു ഇറക്കുന്നത്. ലോക ബാങ്ക് അതിനു നേതൃത്വവും നല്‍കി. ഇന്ത്യ പോലുള്ള മൂന്നാം ലോക രാജ്യങ്ങള്‍ എന്ത് കൊണ്ട് അവര്‍ക്ക്‌ നൂറു കോടി ആളുകള്‍ ഉള്ള ഓപണ്‍ മാര്‍ക്കറ്റ്‌ മാത്രം ആയിരുന്നു.

ലോക ബാങ്ക് ഇടയ്ക്കിടെ ഇന്ത്യ ദേ ഒന്നാമതെത്തി... ഇന്ത്യ ദേ ചൈനയെ കടന്നു എന്നൊക്കെ പറയുമ്പോ പൊതു വിപണി നമ്മടെ പരമ പൊങ്ങികള്‍ ആയ ഭരണാധികാരി ഊളകള്‍ കിട്ടുന്ന കായിക്ക് തുറന്നങ്ങ് കൊടുക്കും.

അമേരിക്കയിലെ പെപ്സിക്കോ ഇന്ത്യയില്‍ നിക്ഷേപം നടത്തുമ്പോള്‍ നമ്മടെ സന്തോഷം ഒന്ന് കാണണം. ഹോ...
നമ്മുടെ വെള്ളം അവരുടെ നിറം, കൊച്ചിയില്‍ കുടുംബശ്രീക്കാര്‍ അഞ്ചു രൂപക്ക്‌ വെള്ളം ശുദ്ധീകരിച്ചു വിക്കുമ്പോള്‍ ഒരു ലിറ്റര്‍ വിഷം നമ്മുടെ നാട്ടില്‍ ലിറ്ററിന് നാല്‍പ്പതു രൂപക്ക്‌ പെപ്സി ആയും, മിരിണ്ട ആയും വിറ്റ് കാശ് മുഴുവന്‍ അമേരിക്കയിലേക്ക്‌ കടത്തുമ്പോള്‍ ബാക്കിആകുന്നത് വറ്റി വരണ്ട മേദക്ക് ജില്ലകളും, പാലക്കാടും ആണ്.

കക്കൂസില്‍ മൊത്തം അണുക്കളാണ്, അവയെ കൊല്ലാന്‍ ഹര്പ്പികിനു മാത്രേ പറ്റൂ എന്നും പറഞ്ഞു ഒരു നടന്‍ നമ്മുടെ കക്കൂസ് വരെ കയറി വന്നു വിറ്റത് റിങ്കിറ്റ് ബെന്കൈസര്‍ എന്ന ആഗോള ഭീമന്റെ കീടനാശിനി. അത്ര നാളും പത്തു രൂപക്ക്‌ ഒരു ലിറ്റര്‍ ഫെനോള്‍ കലക്കിയ വെള്ളം ഒരമ്മച്ചി നമ്മടെ നാട്ടിലൊക്കെ നടന്നു വിറ്റിരുന്നു, അന്നൊന്നും ആരും കക്കൂസില്‍ ഭീകര ജീവിയെ കണ്ടു ഓടിയതായി കേട്ടില്ല.

നിങ്ങളെല്ലാം തടിച്ചുകൊഴുത്ത് അത് കൊണ്ട് ഇനി ചോളം തിന്നൂ എന്ന് പറയാന്‍ അമേരിക്കയില്‍ നിന്നും കേല്ലോഗ്സ് വരേണ്ടി വന്നു. തമിഴ്‌നാടില്‍ കിലോയ്ക്ക് പത്തു രൂപ വില കിട്ടാതെ കര്‍ഷകര്‍ ചോളം കൃഷി വിട്ടപ്പോള്‍ കാല്‍കിലോയ്ക്ക് നൂറു രൂപയുള്ള കേല്ലോഗ്സ് ചോക്കോസ് നമ്മടെ വീട്ടിലെത്തി...

ഇങ്ങനെ പറയാനും, കേക്കാനും കൊറേ ഉണ്ട് ....

തിന്നുമ്പോ എങ്കിലും ബ്രാന്‍ഡ്‌ നോക്കാതെ ഇരിക്കുക, വേറെ രാജ്യത്തു നിന്നും വരുന്ന എല്ലാ മുതലാളിമാര്‍ക്കും നമ്മുടെ വയറു നന്നാക്കിയ പുണ്യം അല്ല വേണ്ടത്, കാലിയായ കീശയാണ്. അതോണ്ട് കണ്ണ് തുറന്നു പിടിച്ചു ഇരിക്കുക...
കാതു തുറന്നിരിക്കുക...

ഭൂകമ്പ സസി ആകാനുള്ളവർ ദയവായി ക്യൂ ആയി നില്ക്കേണ്ടതാണ്...

2015-05-15T02:58:00.001+05:30

ഇങ്ങനെ കാണുന്ന വാര്‍ത്തയൊക്കെ കണ്ടപാടെ ഷെയർ ചെയ്യരുത് എന്ന ഗുണപാഠം ഒന്ന് ഓർമ്മിപ്പിക്കാൻ വേണ്ടിമാത്രം ആണിത് ...വേറെ ഒന്നും തോന്നരുത്..... പ്ലീസ്.

സസി കൂട്ടുകാരനോട് : "500പേജുകൾ ഉള്ള ഒരു കഥ ഇന്ന് ഞാൻഎഴുതി കഴിഞ്ഞു."കൂട്ടുകാരൻ: "500 പേജുകളോ?എന്ത് കഥയാണ്നീ എഴുതിയത്?"സസി: "ആദ്യത്തെ പേജിൽ കഥ തുടങ്ങുന്നു...ഒരിക്കൽ ഒരു രാജാവ് തന്റെ കുതിരയുമായി ഒരുകാട്ടിലൂടെ യാത്ര പോകുന്നു.അവസാനത്തെ പേജിൽ ആ രാജാവ് കാട്ടിൽഎത്തിച്ചേരുന്നതോടെ കഥഅവസാനിക്കുന്നു."കൂട്ടുകാരൻ: "അപ്പോൾ ബാക്കിയുള്ള 498പേജുകളോ?".........................സസി: "അതിൽ മുഴുവൻ ടക് ടക് ടക് ടക് ടക് ടക്ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക് ടക്ടക് ടക് ടക് ടക് ടക് ടക് ടക് ടക് ടക്ആ കുതിര ഓടുകയായിരുന്നു."കൂട്ടുകാരൻ: "ഇതെന്തു കഥ?ഇതൊക്കെ ആരെങ്ങിലും വായിക്കുമോ?"സസി: "പിന്നാല്ലതെ..ദേ കണ്ടില്ലേ, ഒരുത്തൻവേറെ ഒരു പണിയും ഇല്ലാതെ ഇരുന്നുവായിക്കുന്നത് !!!"

Rev. Fr. Paul Thelappilly

2014-12-28T15:55:00.003+05:30

I still remember my childhood days... those days..... on which Rev. Fr. Paul Thelappilly comes for Holy Quarbana......

those Holy Mass which takes little time... that unknown language (to me) he uses in Holy Mass....

Later by heart some of the words from it....

the last two sentences of the Holy Mass is always .... "Divya Pooja Samaapichu...." by the Father.
And to the reply of the people is "Daivathinu Sthuthi".

Yes, His "Pooja" ended in the hands of God.
We all can say "Daivathinu Sthuthi".

Oh! Lord, Thank you for giving him to our family as a priest.

ഇവന്‍ പുലിയാടി മോനെ....

2013-10-21T22:28:00.003+05:30

സ്റ്റിക്കറും വൈ ഫൈയും ഒന്നുമില്ലെങ്കിലും കെ എസ് ആര്‍ ടി സിയില്‍ കയറേണ്ടവര്‍ വേണമെങ്കില്‍ വന്നു കയറിക്കോളും – Says EDT, KSRTC

Posted by: Sujith Bhakthan , October 21, 2013

തിരുവല്ല – ബാംഗ്ലൂര്‍ ഡീലക്സ് ഉള്‍പ്പെടെയുള്ള പുതിയ സൂപ്പര്‍ ഡീലക്സ് ബസ്സുകളില്‍ കെ എസ് ആര്‍ ടി സിയെ സ്നേഹിക്കുന്ന ചില വ്യക്തികളും സ്ഥിരമായി യാത്ര ചെയ്യുന്ന ഒരു കൂട്ടം യാത്രക്കാരും, മറ്റു ജീവനക്കാരും കൂടി ചേര്‍ന്ന് സ്വന്തം പോക്കറ്റില്‍ നിന്ന് കാശു മുടക്കി സ്റ്റിക്കര്‍ വര്‍ക്കുകള്‍ ഉള്‍പ്പെടെയുള്ള ബസ്സിന്റെ മോടി പിടിപ്പിക്കല്‍ ജോലികള്‍ ചെയ്യുന്നത് കെ എസ് ആര്‍ ടി സിയിലെ എക്‌സിക്യുട്ടീവ് ഡയറക്ടര്‍ (ടെക്‌നിക്കല്‍) ശ്രീ എം.റ്റി സുകുമാരന്റെ ശ്രദ്ധയില്‍പ്പെടുത്തിയപ്പോള്‍ ഞങ്ങള്‍ക്ക് ലഭിച്ച മറുപടിയാണിത്.

“സ്റ്റിക്കര്‍ ഒട്ടിച്ചാലും ഇല്ലെങ്കിലും വൈ ഫൈ കൊടുത്താലും ഇല്ലെങ്കിലും കെ എസ് ആര്‍ ടി സി ബസ്സുകളില്‍ കയറേണ്ടവന്‍ കെ എസ് ആര്‍ ടി സിയില്‍ തന്നെ വന്ന് കയറിക്കോളും, അതിനുവേണ്ടി ആരും അധികം മെനക്കെടേണ്ടതില്ല” ടീം കെ എസ് ആര്‍ ടി സി ബ്ലോഗിന്റെ അംഗമായ നിതിന്‍ ഉദയ് നോട് സംസാരിക്കുകയായിരുന്നു അദ്ദേഹം.

ഒരു കൂട്ടം ആളുകള്‍ യാതൊരു വിധത്തിലുള്ള ലാഭേച്ഛയും കൂടാതെ ഒരു പൊതു മുതലിനെ രക്ഷിക്കുവാനുള്ള വഴികള്‍ നടത്തുവാന്‍ പരിശ്രമിക്കുമ്പോള്‍ അതിന്റെ തലപ്പത്തിരിക്കുന്ന ഇതുപോലെയുള്ള ചില ഉദ്യോഗസ്ഥരാണ്‌ കെ എസ് ആര്‍ ടി സിയുടെ ഉയര്‍ച്ചക്കും അന്തസ്സിനും കടിഞ്ഞാണിടുന്നത്. കെ എസ് ആര്‍ ടി സിയിലെ ഒട്ടുമിക്ക എല്ലാ ഉന്നത പദവിയിലും ഇരിക്കുന്നവര്‍ വേണ്ടത്ര അടിസ്ഥാന വിദ്യാഭ്യാസ യോഗത്യ പോലും ഇല്ലാത്തവരാണ്. മാനേജ്മെന്റ് തലത്തിലുള്ള ചിന്താശേഷിയും പ്രവര്‍ത്തന ശൈലിയും ഉള്‍പ്പെടുത്തി ഒരു പുതിയ ടീം കെ എസ് ആര്‍ ടി സിയില്‍ ഉയര്‍ന്നു വന്നെങ്കില്‍ മാത്രമേ നമ്മുടെ കോര്‍പ്പറേഷന്റെ കെടുകാര്യസ്ഥതക്കും മിസ്‌മാനേജ്മെന്‍റ്റിനും ഒരു പരിധി വരെ രക്ഷ പ്രാപിക്കുവാന്‍ സാധിക്കു.

Android KitKat 4.4 is the next version of Google's mobile operating system

2013-09-06T12:39:00.000+05:30

The next version of Google Android will be called "KitKat," not "Key Lime Pie," as was widely rumored.

Google's Sundar Pichai, head of both Android and Chrome, has confirmed that the next version of Android will be called KitKat. Yes, you've read correctly, KitKat, as in the trademarked name of the chocolate candy bar made by Nestle (and licensed by Hershey in the US). A splash page for the new operating system reveals that KitKat will be the codename for Android 4.4, not the long-rumored Android 5.0. The name keeps the company's long-standing tradition of naming each version of its mobile operating system after desserts.

To date, Google has internally referred to the release as Key Lime Pie, but the company decided to go for another name after realizing that "very few people actually know the taste of a key lime pie," director of Android partnerships John Lagerling tells the BBC.

Late last year, someone suggested naming the upcoming version KitKat apparently a favorite snack of

Android coders — and the company "decided to reach out to the Nestle folks." Within 24 hours an agreement was made, though it's apparently "not a money-changing-hands kind of deal," according to Lagerling.

By tradition, Google always names an Android version based on yummy desserts - Cupcake (1.5), Donut (1.6), Éclair (2.0), Froyo (2.2), Gingerbread (2.3), Honeycomb (3.0), Ice Cream Sandwich (4.0), Jelly Bean (4.1-4.3) and KitKat (4.4). Click here to see it.

Click here and KitKat is here.

Video of unveiling KitKat statue in google campus

Official Android KitKat 4.4 video

വിഷമനസ്സുകള്‍! Poluted Minds!

2013-08-28T13:52:00.001+05:30

Post Courtesy: Srinath Reddy's post

ഇങ്ങനെയാണോ ശ്രീ.കൃഷ്ണജയന്തി ആഘോഷിക്കേണ്ടത്!

ജീസസ് സംസാരിക്കുന്നു - 1000 ലേറെ ഭാഷകളിലേക്ക് മൊഴിമാറ്റം ചെയ്യപ്പെട്ട സിനിമ! Jesus Talking - The cinema translated to more than 1000 languages!

2013-08-26T19:08:00.000+05:30

കടപ്പാട്: deepika.com

കാന്‍സറിനെതിരെ സൂത്രവുമായി 16കാരനായ മലയാളി വിദ്യാര്‍ഥി

2013-08-23T10:00:00.002+05:30

കാന്‍സര്‍ ചികില്‍സാ രംഗത്ത് വന്‍ മുന്നേറ്റമൊരുക്കുന്ന 16കാരനായ മലയാളി വിദ്യാര്‍ഥിയുടെ കണ്ടുപിടിത്തത്തിന് കാനഡയില്‍ അംഗീകാരം. കാന്‍സര്‍ സെല്ലുകള്‍ നശിപ്പിക്കാന്‍ സ്വര്‍ണത്തിന്‍റെ ചെറുതരികള്‍ (നാനോ പാര്‍ട്ടിക്കിള്‍സ്) ഉപയോഗിക്കാമെന്നാണ് കാസര്‍കോട് നീലേശ്വരം സ്വദേശിയും കാനഡയിലെ ആല്‍ബര്‍ട്ടയിലെ കലഗാരി വെബ്ബര്‍ അക്കാദമിയിലെ ഹൈസ്കൂള്‍ വിദ്യാര്‍ഥിയുമായ അര്‍ജുന്‍ നായര്‍ കണ്ടുപിടിച്ചത്.ഗവേഷണരംഗത്ത് നല്‍കുന്ന ഉയര്‍ന്ന ബഹുമതികളിലൊന്നായ ‘Sanofi BioGENEius Challenge Canada’ പുരസ്കാരം നല്‍കിയാണ് കനേഡിയന്‍ സര്‍ക്കാര്‍ ഈ യുവപ്രതിഭക്ക് ആദരമൊരുക്കിയത്.

അര്‍ജുന്‍-ന്‍റെ കണ്ടെത്തല്‍ വിശദപഠനത്തിന് വിധേയമാക്കിയ നാഷനല്‍ റിസെര്‍ച്ച് കൗണ്‍സില്‍ ഓഫ് കാനഡയിലെ പ്രമുഖ ഗവേഷകര്‍ ഗവേഷണത്തെ ബിരുദാനന്തര ബിരുദ നിലവാരമോ പി.എച്ച്.ഡി. നിലവാരമോ ഉള്ളതാണെന്നാണ് വിലയിരുത്തിയത്. 5000 ഡോളര്‍ അടങ്ങുന്ന പുരസ്കാരം കഴിഞ്ഞയാഴ്ച ഒട്ടാവയില്‍ നടന്ന ചടങ്ങില്‍ അര്‍ജുന് നല്‍കി. കണ്ടത്തെലിന്‍റെ വാണിജ്യസാധ്യത കണക്കിലെടുത്ത് ആയിരം ഡോളര്‍ വേറെയും നല്‍കി. ഫോട്ടോതെര്‍മല്‍ തെറാപ്പിയുടെ വികസിത രൂപമാണ് അര്‍ജുന്‍-ന്‍റെ കണ്ടെത്തല്‍. രോഗിയുടെ ശരീരത്തില്‍ സ്വര്‍ണത്തിന്‍റെ ചെറുകണികകള്‍ (നാനോ പാര്‍ട്ടിക്കിള്‍സ്) കുത്തിവെക്കുകയാണ് ചെയ്യുക. ട്യൂമറുകള്‍ ഈ കണികകള്‍ ആഗിരണം ചെയ്യുന്നതോടെ അവക്കുള്ളില്‍ നാനോ ബുള്ളറ്റുകള്‍ രൂപപ്പെടും. ഇവ പ്രകാശം ഉപയോഗിച്ച് ചൂടുപിടിപ്പിച്ച് കാന്‍സര്‍ കോശങ്ങള്‍ നശിപ്പിക്കുകയാണ് ചെയ്യുക.

ചികില്‍സക്കെതിരെ കാന്‍സര്‍ സെല്ലുകള്‍ ഉയര്‍ത്തുന്ന പ്രതിരോധം ആന്‍റിബയോട്ടിക്കുകള്‍ ഉപയോഗിച്ച് എങ്ങനെ മറികടക്കാമെന്നും ഇതിലൂടെ ചികില്‍സ എങ്ങനെ ഫലപ്രദമാക്കാമെന്നും പഠനം വിശദീകരിക്കുന്നു. രണ്ട് വര്‍ഷത്തെ പഠനത്തിന്‍റെ ഫലമാണ് തന്‍റെ കണ്ടത്തെലെന്ന് അര്‍ജുന്‍ പറയുന്നു. ഇതില്‍ ഒരു വര്‍ഷം കലഗാരി സര്‍വകലാശാലയിലെ സൈമണ്‍ ട്രൂഡലിന്‍റെയും ഡേവിഡ് ക്രാമ്പിന്‍റെയും നാനോ സയന്‍സ് ലബോറട്ടറികളിലായിരുന്നു ഗവേഷണം. ഹൈസ്കൂള്‍ വിദ്യാര്‍ഥിയായ തനിക്ക് ഗവേഷണത്തിന് ലാബ് അനുവദിച്ചുകിട്ടിയത് ഭാഗ്യമാണെന്ന് കരുതുന്നതായും അര്‍ജുന്‍ പറയുന്നു. നാലാം ഗ്രേഡ് മുതല്‍ സയന്‍സ് ഫെയറുകളില്‍ പങ്കെടുത്തിരുന്നതായി അര്‍ജുന്‍ പറയുന്നു. ഒമ്പതാം ഗ്രേഡില്‍ പഠിക്കവേ കാനഡാ വൈഡ് സയന്‍സ് ഫെയറില്‍ പങ്കെടുക്കാന്‍ അവസരം ലഭിച്ചു. അവിടെ ഗവേഷണങ്ങളില്‍ ഏര്‍പ്പെട്ടിരുന്ന നിരവധി വിദ്യാര്‍ഥികളെ കണ്ടുമുട്ടിയതാണ് തനിക്ക് പ്രചോദനമായതെന്ന് ഭാവിയില്‍ ഡോക്ടറാകാന്‍ കൊതിക്കുന്ന കൊച്ചുമിടുക്കന്‍ പറയുന്നു.

കീമോതെറാപ്പിക്കും മറ്റും വിധേയരായി ബുദ്ധിമുട്ടുന്ന രോഗികളെ കണ്ടതോടെയാണ് ബദല്‍ ചികില്‍സ കണ്ടെത്താനുള്ള ഗവേഷണങ്ങള്‍ താന്‍ ഊര്‍ജിതമാക്കിയത്. തുടര്‍ന്നാണ് ഫോട്ടോതെര്‍മല്‍ തെറാപ്പിയില്‍ കൂടുതല്‍ ഗവേഷണങ്ങള്‍ നടത്തിയത്-അര്‍ജുന്‍ പറയുന്നു. കലഗാരിയില്‍ ഐ.ടി. ഡിപ്പാര്‍ട്ട്മെന്‍റില്‍ സൂപ്പര്‍വൈസറാണ് അര്‍ജുന്‍-ന്‍റെ പിതാവ്. മാതാവ് കലഗാരിയിലെ സണ്‍കോര്‍ എനര്‍ജിയില്‍ എന്‍വയേണ്‍മെന്‍റല്‍ അഡ്വൈസറാണ്.

അമേരിക്കയിലെ ചിക്കാഗോയില്‍ ഈ മാസം 22,23 തീയതികളില്‍ നടക്കുന്ന അന്താരാഷ്ട്ര BioGENEius Challenge മല്‍സരത്തില്‍ കാനഡയെ പ്രതിനിധീകരിച്ച് അര്‍ജുന്‍ നായര്‍ പങ്കെടുക്കും.

കേരള ആര്‍.ടി.സി. അധികൃതര്‍ക്ക് ബാംഗൂര്‍ മലയാളികളുടെ നിവേദനം

2013-08-23T00:00:00.000+05:30

പഠനങ്ങളും സൂചനകളും പ്രകാരം ഈ ദശകത്തില്‍ മലയാളികളുടെ ഏറ്റവും വലിയ കുടിയേറ്റം ബാംഗൂരിലേക്കാണ്.

ലഭ്യമായ കണക്കനുസരിച്ച് ബാംഗൂരിലെ മലയാളികളുടെ എണ്ണം 12 ലക്ഷം. ജോലിക്കും പഠനത്തിനുമായി മാസം തോറും എത്തിക്കൊണ്ടിരിക്കുന്നതു പതിനായിരക്കണക്കിനാളുകള്‍. ബാംഗൂരിലെ ജനസംഖ്യയുടെ 13 ശതമാനത്തിലധികവും മലയാളികളാണ്. മൈസൂര്‍, മണ്ഡ്യ, ബെല്ലാരി തുടങ്ങി കര്‍ണാടകയുടെ മറ്റു ഭാഗങ്ങളിലുമുണ്ട് പതിനായിരക്കണക്കിനു മലയാളികള്‍.

എന്നാല്‍ കുടിയേറ്റം തുടങ്ങിയ കാലം മുതല്‍ മലയാളികള്‍ക്കു കേരളത്തിലേക്കും തിരിച്ചുമുള്ള യാത്ര എന്നും ദുരിതപൂര്‍ണമാണ്. ആവശ്യത്തിനു ട്രെയിനുകളും ബസുകളുമില്ലാത്തതു തന്നെ പ്രശ്നം.

ഓരോ ബജറ്റിലും മലയാളിയെ തഴയുന്ന റയില്‍വേയ്ക്കു മാത്രമല്ല, കേരളത്തിന്റെ സ്വന്തം കെഎസ്ആര്‍ടിസിക്കും യാത്രാ ആവശ്യങ്ങള്‍ തൃപ്തികരമായി നിറവേറ്റാനാവുന്നില്ല. അതേസമയം കര്‍ണാടക ആര്‍ടിസിയും സ്വകാര്യ ബസുകളും ഇതു മുതലാക്കുന്നു. ലാഭകരമായി സര്‍വീസ് നടത്തി അവര്‍ വിജയം കൊയ്യുന്നു.

പ്രതിദിനം 42 സര്‍വീസുകളുണ്ടെങ്കിലും കേരള ആര്‍ടിസിക്ക് ഇവര്‍ക്കൊപ്പമെത്താനാകാത്തതിനു കാരണമായി അനായാസം പരിഹരിക്കാവുന്ന ഒട്ടേറെ കാര്യങ്ങള്‍് മനോരമ നടത്തിയ അഭിപ്രായ സര്‍വേയിലും പഠനത്തിലും ഉയര്‍ന്നുവന്ന്ു. കഴമ്പുള്ള ഈ പരാതികള്‍ക്കെല്ലാം പരിഹാരമുണ്ടായാല്‍ ഫലം കെഎസ്ആര്‍ടിസിക്കു ന്യായമായ പ്രവര്‍ത്തന ലാഭവും മലയാളികളുടെ യാത്രാക്ളേശത്തിനു വലിയൊരളവോളം അറുതിയുമായിരിkക്കും.

അതിനു വേണ്ടത്, ഇത്ര മാത്രം- കേരള ആര്‍ടിസി മാനേജ്മെന്റ് ദൃഢനിശ്ചയമെടുത്താല്‍ ഈ ഒാണക്കാലത്തിനു മുന്‍പേ തീര്‍ക്കാവുന്ന പ്രശ്നങ്ങള്‍.

ദൂരയാത്രയ്ക്ക് പറ്റാത്ത പഴയ ബസുകള്‍ മാറണം

കേരളആര്‍ടിസിയോടുള്ള പ്രധാന പരാതി കാലപ്പഴക്കം ചെന്ന ബസുകളെക്കുറിച്ചാണ്. ദീര്‍ഘദൂരയാത്രയ്ക്കു ചേരാത്ത ബസുകളാണ് ബാംഗൂരിലേക്ക് ഓടുന്നവയിലേറെയും. ബാഗ് വയ്ക്കാനോ, കാലൊന്നു നീട്ടിവയ്ക്കാനോ പറ്റില്ല. സീറ്റുകളും അസ്വസ്ഥത ഉളവാക്കുന്നവയാണ്. കര്‍ണാടക ട്രാന്‍സ്പോര്‍ട് കോര്‍പറേഷനും സ്വകാര്യ ബസുകളും മികച്ച സൌകര്യം നല്‍കുമ്പോഴാണിത്.

എവിടെ നിന്നും റിസര്‍വ് ചെയ്യാന്‍ സൌകര്യം

ഓണ്‍ലൈന്‍വഴിയും നേരിട്ടും കേരള ആര്‍ടിസിയില്‍ ടിക്കറ്റെടുക്കുക എളുപ്പമല്ല. ബാംഗൂരില്‍ മജസ്റ്റിക്, സാറ്റ്ലൈറ്റ് ബസ്സ്റ്റാന്‍ഡുകളില്‍ മാത്രമേ നേരിട്ടു ടിക്കറ്റെടുക്കാന്‍ സൌകര്യമുള്ളു. ഇലക്ട്രോണിക് സിറ്റി, മഡിവാള പോലെ ദൂരസ്ഥലങ്ങളിലുള്ളവര്‍ക്ക് ഇവിടെയെത്തി ടിക്കറ്റെടുക്കല്‍ അസൌകര്യമാണ്.

നഗരത്തില്‍ മലയാളികള്‍ കൂടുതലുള്ള സ്ഥലങ്ങളില്‍ കര്‍ണാടക ആര്‍ടിസി മാതൃകയില്‍ റിസര്‍വേഷന്‍ ഫ്രാഞ്ചൈസികള്‍ തുടങ്ങിയാല്‍ ഇതിനു പരിഹാരമാകും. കര്‍ണാടക ആര്‍ടിസിക്കും സ്വകാര്യ ബസുകള്‍ക്കും നഗരത്തിനുള്ളില്‍ ഒട്ടേറെ റിസര്‍വേഷന്‍ ഫ്രാഞ്ചൈസികളുണ്ട്.

ഒാണ്‍ലൈന്‍ റിസര്‍വേഷന് പോരായ്മകള്‍

ഓണ്‍ലൈന്‍ റിസര്‍വേഷനിലും കേരളആര്‍ടിസി ഏറെ പിന്നിലാണ്. സാങ്കേതിക പോരായ്മയാണു പ്രധാനം. ഫലം റിസര്‍വേഷനും ബാങ്കിങ് ഇടപാടുകളും ശ്രമകരം. ടിക്കറ്റ് റദ്ദാക്കിയാല്‍ പണം തിരികെ കിട്ടാനും കാലതാമസമെടുക്കുന്നു.

ബാംഗൂരില്‍ നിന്നു കേരളത്തിലേക്ക് ഓണ്‍ലൈന്‍ വഴി ടിക്കറ്റ് ബുക്ക് ചെയ്യാമെങ്കിലും കേരളത്തിന്റെ പല ഭാഗത്തു നിന്നും ബാംഗൂരിലേക്ക് ഇങ്ങനെ ടിക്കറ്റെടുക്കാന്‍ സാധിക്കില്ല. തലശേരി പോലുള്ള സ്ഥലങ്ങളില്‍ നിന്നു കെഎസ്ആര്‍ടിസിയില്‍ ബാംഗൂരിലേക്കു പോകാന്‍ കൌണ്ടറില്‍ ചെന്നു നേരിട്ട് ടിക്കറ്റെടുക്കണം.

കര്‍ണാടകയുടെയും സ്വകാര്യ ബസുകളുടെയും ഓണ്‍ലൈന്‍ റിസര്‍വേഷന്‍ ഏറെ സൌകര്യപ്രദമാണ്. ഇന്റര്‍നെറ്റിലൂടെ മാത്രമല്ല മൊബൈല്‍വഴിയും എളുപ്പത്തില്‍ ടിക്കറ്റെടുക്കാം. ഇവയുടെയെല്ലാം മുന്‍കൂര്‍ ബുക്കിങ് 30 ദിവസം മുന്‍പ് തുടങ്ങുകയും ചെയ്യും. കേരളആര്‍ടിസിയിലാകട്ടെ 21 ദിവസം മുന്‍പേ റിസര്‍വേഷന്‍ ആരംഭിക്കൂ. കര്‍ണാടകയുടെയും സ്വകാര്യ ബസുകളുടെയും ഉയര്‍ന്ന നിരക്കിലുള്ള ടിക്കറ്റുകളിലേറെയും വിറ്റഴിയുന്നത് ഒാണ്‍ലൈന്‍ റിസര്‍വേഷനിലൂടെയാണെന്നതും ശ്രദ്ധേയം.

ബാംഗൂര്‍ നഗരത്തില്‍ കയറാത്ത ബസുകള്‍

സേലം, കോയമ്പത്തൂര്‍ വഴിയുള്ള സര്‍വീസുകളൊഴിച്ചു കേരള ആര്‍ടിസിയുടെ ബസുകളൊന്നും ബാംഗൂര്‍ നഗരത്തിനുള്ളില്‍ കയറുന്നില്ല. മലബാറിലേക്കും നിലമ്പൂര്‍, തൃശൂര്‍, ഗുരുവായൂര്‍, കോട്ടയം, പാലാ എന്നിവിടങ്ങളിലേക്കും മൈസൂര്‍വഴിയുള്ള ബസുകള്‍ സാറ്റലൈറ്റ് ബസ്സ്റ്റാന്‍ഡില്‍ നിന്നാണ് പുറപ്പെടുന്നത്. സിറ്റി ബസുകളില്‍ മണിക്കൂറുകള്‍ സഞ്ചരിച്ചുവേണം ഇവിടെയെത്തി ബസ് പിടിക്കാന്‍. അസമയത്ത് നാട്ടില്‍നിന്നു തിരികെ വരുമ്പോള്‍ ഇതിന്റെ ബുദ്ധിമുട്ട് വിവരണാതീതം.

മഡിവാള, ഇലക്ട്രോണിക് സിറ്റി, ജയനഗര്‍, ബിടിഎം, ബെന്നാര്‍ഘട്ടെ, സര്‍ജാപുര, ബൊമ്മനഹള്ളി, ബേഗൂര്‍ തുടങ്ങി നഗരത്തിന്റെ തെക്കന്‍ മേഖലയിലുള്ളവരാണ് ഇതുമൂലം ഏറെ വിഷമിക്കുന്നത്. തമിഴ്നാട്, ആന്ധ്രപ്രദേശ് ട്രാന്‍സ്പോര്‍ട് കോര്‍പറേഷനുകള്‍ക്കെല്ലാം ശാന്തിനഗറിലെ ബസ്സ്റ്റാന്‍ഡില്‍ റിസര്‍വേഷന്‍ കൌണ്ടറും പാര്‍ക്കിങ് സൌകര്യവുമുണ്ട്. പക്ഷേ, കേരളത്തിനുമാത്രം ഇവിടെ പ്രവേശനമില്ല. മലബാര്‍ ഭാഗത്തേക്കുള്ള ബസുകള്‍ കോറമംഗലയില്‍ നിന്നോ ശാന്തിനഗറില്‍ നിന്നോ പുറപ്പെട്ടാല്‍ യാത്രക്കാരുടെ ബുദ്ധിമുട്ട് വളരെ കുറയും.

സ്പെഷല്‍ ബസുകള്‍ മുന്‍കൂട്ടി പ്രഖ്യാപിക്കണം

ഓണം, ക്രിസ്മസ്, വിഷു, റമസാന്‍ തുടങ്ങി നാട്ടിലേക്കു തിരക്കു കൂടുതലുള്ള സമയങ്ങളില്‍ സ്പെഷല്‍ ബസുകള്‍ അനുവദിക്കുന്നതില്‍ കേരള ആര്‍ടിസിക്കു വലിയ വീഴ്ച സംഭവിക്കുന്നു. അവധിക്കാലം മുന്‍കൂട്ടി കണ്ട് കര്‍ണാടക ആര്‍ടിസിയും സ്വകാര്യ ഏജന്‍സിയും ഒരുമാസം മുന്‍പേ സ്പെഷല്‍ ബസുകള്‍ പ്രഖ്യാപിക്കുകയും മുന്‍കൂര്‍ റിസര്‍വേഷന്‍ തുടങ്ങുകയും ചെയ്യും.

നിരക്കു കൂടിയ ഈ ടിക്കറ്റുകള്‍ വിറ്റു തീര്‍ന്ന ശേഷം അവസാന നിമിഷമാണ് കേരളം ഒന്നോ രണ്ടോ സ്പെഷല്‍ ബസുകള്‍ അനുവദിക്കുക. തിരക്കേറിയ ദിവസങ്ങളില്‍ കര്‍ണാടക 20 സ്പെഷല്‍ ബസുകള്‍ വരെ കേരളത്തിലേക്ക് ഓടിക്കാറുണ്ട്. മലയാളിയുടെ ദേശീയാഘോഷമായിട്ടും ഓണത്തിനുള്ള സ്പെഷല്‍ ബസുകളുടെ കാര്യത്തില്‍ കേരള ആര്‍ടിസി ഇനിയും തീരുമാനമെടുത്തിട്ടില്ല. കര്‍ണാടകയാകട്ടെ ഇതിനകം 14 സ്പെഷല്‍ ബസുകള്‍ കേരളത്തിലേക്ക് അനുവദിച്ചു കഴിഞ്ഞു.

മെക്കാനിക്കിന്റെ അഭാവം മൂലം സര്‍വീസ് മുടക്കം

നിലവില്‍ ബാംഗൂരില്‍ നിന്നു പ്രതിദിനം 42 കെഎസ്ആര്‍ടിസി സര്‍വീസുകളുണ്ടെങ്കിലും എല്ലാ ദിവസവും ഇവയെല്ലാം ഓടാറില്ല. ബസുകള്‍ കൃത്യമായി സര്‍വീസ് നടത്താത്തതിനാല്‍ യാത്രക്കാര്‍ കെഎസ്ആര്‍ടിസിയോടു മുഖം തിരിക്കുന്നു.

മുന്‍കൂട്ടി റിസര്‍വേഷന്‍ സ്വീകരിക്കുന്ന സര്‍വീസുകള്‍ ബസിന്റെ അഭാവം മൂലം പലപ്പോഴും റദ്ദാകുന്നുമുണ്ട്. അവസാനനിമിഷം സര്‍വീസ് റദ്ദാകുന്നത് യാത്രക്കാരെ പെരുവഴിയിലാക്കുന്നു.

സ്വന്തമായി മെക്കാനിക്ക് ഇല്ലാത്തതിനാല്‍ ബസുകളുടെ ചെറിയ പണികള്‍ക്കു പോലും വളരെ സമയമെടുക്കുന്നു. ഇപ്പോള്‍ കര്‍ണാടക ആര്‍ടിസിയുടെ മെക്കാനിക്കിനെയോ അല്ലെങ്കില്‍ പുറത്തു നിന്നുള്ളവരെയോ ആണ് ചെറിയ പണികള്‍ക്കു പോലും ആശ്രയിക്കുന്നത്. ഇതുമൂലം 10 മിനിറ്റില്‍ തീരേണ്ട ജോലിപോലും മണിക്കൂറുകളോളം എടുക്കും. സര്‍വീസ് വൈകാനും ഇത് ഇടയാക്കും.

വേണ്ടത്ര കംപ്യൂട്ടര്‍ പോലുമില്ലാത്ത ഒാഫിസ്

ഓണ്‍ലൈന്‍ വഴി ഏറ്റവുമധികംപേര്‍ ടിക്കറ്റെടുക്കുന്ന കെഎസ്ആര്‍ടിസിയുടെ ബാംഗൂരിലെ കംപ്യൂട്ടര്‍ സംവിധാനം കാലപ്പഴക്കം ചെന്നവയാണ്.

ആകെ രണ്ടു കൌണ്ടറിലുമായുള്ള രണ്ടു കംപ്യൂട്ടറിലൂടെയാണ് പ്രതിദിനം ആയിരക്കണക്കിനു ടിക്കറ്റുകള്‍ ബുക്ക് ചെയ്യുന്നത്. ഇവയിലേതെങ്കിലും പണിമുടക്കിലായാല്‍ റിസര്‍വേഷനെ പ്രതികൂലമായി ബാധിക്കും.

കേരളത്തിന് എസി ബസ് രണ്ട്; കര്‍ണാടകയ്ക്ക് 50

ഐടി ജോലിക്കാര്‍ ഏറെയുള്ള ബാംഗൂരിലേക്ക് കേരള ആര്‍ടിസിക്കു പേരിനു മാത്രമേ എസി ബസുകളുള്ളു.

കര്‍ണാടക ആര്‍ടിസി ദിവസേന കേരളത്തിലേക്കും തിരിച്ചുമായി അന്‍പതോളം വോള്‍വോ എസി ബസുകള്‍ ഓടിക്കുമ്പോള്‍ കേരളത്തിന് ഇരുഭാഗത്തേക്കുമായുള്ളത് രണ്ട് എസി ബസുകള്‍ മാത്രം. തിരുവനന്തപുരത്തേക്കുള്ള ഈ സര്‍വീസില്‍ എന്നും നിറയെ യാത്രക്കാരുമുണ്ട്.

എറണാകുളം, തൃശൂര്‍, കോട്ടയം, പാലക്കാട്, കോഴിക്കോട്, കണ്ണൂര്‍ തുടങ്ങി പ്രധാന സ്ഥലങ്ങളിലേക്കും എസി സര്‍വീസ് തുടങ്ങിയാല്‍ യാത്രക്കാര്‍ക്കും കെഎസ്ആര്‍ടിസിക്കും ഒരുപോലെ പ്രയോജനകരമാകും.

ഇവിടേക്കെല്ലാം കര്‍ണാടകയുടെയും സ്വകാര്യ ഏജന്‍സികളുടെയും വോള്‍വോ ബസുകള്‍ ധാരാളം. കേരള ബസുകളെക്കാള്‍ ഉയര്‍ന്ന നിരക്കാണെങ്കിലും ഇവയില്‍ നിറയെ യാത്രക്കാരുമുണ്ട്.

നിരക്കു കുറഞ്ഞ സൂപ്പര്‍ഫാസ്റ്റ് ബസുകള്‍ നിലനിര്‍ത്തിക്കൊണ്ടു തന്നെ കേരളത്തിന്റെ എല്ലാ ഭാഗത്തേക്കും എസി ബസുകളും ആരംഭിച്ചാല്‍ എല്ലാവിഭാഗത്തില്‍പ്പെട്ട യാത്രക്കാര്‍ക്കും പ്രയോജനകരമാകും.

Source: Malayala Manorama

ആജീവനാന്ത കാന്‍സര്‍ സുരക്ഷ വെറും 500 രൂപയ്ക്ക്!

2013-08-09T16:34:00.000+05:30

കാന്‍സറിന് ഇന്ന് ചെലവുകുറഞ്ഞ പരിശോധനാരീതികള്‍ ലഭ്യമാണ്. ഡോക്ടറുടെയോ ആസ്പത്രിയുടെയോ സഹായംപോലും ആവശ്യമില്ലാതെ ചെയ്യാം. ഇത് ആരും അത്ര ഗൗരവമായി എടുക്കുന്നില്ല. ഇതുമൂലം നിത്യദുരിതത്തിലേക്കും കഷ്ടപ്പാടിലേക്കും വഴിതെളിയുന്നു. കാന്‍സര്‍മൂലം കുടുംബത്തിന്‍റെ സാമ്പത്തികഭദ്രത തകരുന്നു.

കാന്‍സര്‍ ചികിത്സ ചെലവേറിയതാണ്. കുടുംബത്തിന്‍റെ സാമ്പത്തികഭദ്രത കാന്‍സര്‍ തകര്‍ക്കും. അതൊഴിവാക്കാന്‍ കാന്‍സര്‍ കെയര്‍ ഫോര്‍ ലൈഫില്‍ അംഗമായി ചേരണം. ഏറ്റവും ചുരുങ്ങിയത് 50,000 രൂപയുടെ ആജീവനാന്ത കാന്‍സര്‍ ചികിത്സാപരിരക്ഷ വെറും 500 രൂപയ്ക്ക് ഉറപ്പുവരുത്താനുള്ള പദ്ധതിയാണ് തിരുവനന്തപുരം റീജ്യണല്‍ കാന്‍സര്‍ സെന്‍ററിന്‍റെ കാന്‍സര്‍ കെയര്‍ ഫോര്‍ ലൈഫ്.

500 രൂപ കൊടുത്താല്‍ 50,000 രൂപയുടെ സൗജന്യ ചികിത്സലഭിക്കും.
1,000 രൂപയ്ക്ക് ഒരുലക്ഷം രൂപയുടെ സൗജന്യ ചികിത്സലഭിക്കും.
1,500 രൂപയ്ക്ക് ഒന്നരലക്ഷം രൂപയുടെ സൗജന്യ ചികിത്സ ലഭിക്കും.
2,000 രൂപ മുടക്കിയാല്‍ രണ്ടുലക്ഷം രൂപയുടെ സൗജന്യ ചികിത്സലഭിക്കും.
10,000 രൂപ മുടക്കിയാല്‍ 5 ലക്ഷം രൂപയുടെ സൗജന്യ ചികിത്സലഭിക്കും.

ഈ പദ്ധതിയുടെ പ്രത്യേകതകള്‍

അംഗത്വഫീസ് ഒറ്റത്തവണ മാത്രം അടച്ചാല്‍ മതിയാകും.
വാര്‍ഷിക പ്രീമിയം അടയ്‌ക്കേണ്ട ആവശ്യമില്ല.
ആജീവനാന്ത സംരക്ഷണം ലഭിക്കും.
അംഗത്വമെടുത്ത് രണ്ടുവര്‍ഷം കഴിഞ്ഞാല്‍ മാത്രമേ ആനുകൂല്യങ്ങള്‍ക്ക് അര്‍ഹതയുണ്ടായിരിക്കുകയുള്ളൂ.
അംഗത്വമായി ചേരുന്നതിന് യാതൊരുവിധ വൈദ്യപരിശോധനയും ആവശ്യമില്ല.
കാന്‍സര്‍ രോഗികളല്ലാത്ത, നേരത്തേ കാന്‍സര്‍ ബാധിച്ചിട്ടില്ലാത്ത ഏതൊരു പൗരനും ഈ പദ്ധതിയില്‍ അംഗമാകാം.

അപേക്ഷാഫോറം ആര്‍.സി.സി.യില്‍ നിന്ന് നേരിട്ടോ തപാലിലോ ലഭ്യമാണ്.

അംഗത്വഫീസ് ആര്‍.സി.സി. കാഷ് കൗണ്ടറില്‍ എല്ലാ പ്രവൃത്തി ദിവസങ്ങളിലും 3.30 പി.എം.വരെ പണമായി അടച്ച് അംഗമാകാം. കാന്‍സര്‍ കെയര്‍ ഫോര്‍ ലൈഫ് അക്കൗണ്ട്, റീജ്യണല്‍ കാന്‍സര്‍ സെന്റര്‍, തിരുവനന്തപുരം എന്ന പേരില്‍ ഡി.ഡി.യോ, ചെക്കോ സഹിതം ഡയറക്ടര്‍, റീജ്യണല്‍ കാന്‍സര്‍ സെന്റര്‍, മെഡിക്കല്‍ കോളേജ് പി.ഒ. തിരുവനന്തപുരം-11 എന്ന വിലാസത്തില്‍ തപാലിലും അപേക്ഷ സമര്‍പ്പിക്കാം.

ഇതില്‍ ചേര്‍ക്കുന്നതിന് ഏജന്‍റ്മാരോ ഇടനിലക്കാരോ ഇല്ല.
0471-2522324, 2522288 എന്നീ ആര്‍.സി.സി. യിലെ ഫോണ്‍നമ്പരില്‍ വിശദാംശങ്ങള്‍ കിട്ടും. കൂടുതല്‍ വിവരങ്ങള്‍ക്ക് ഇവിടെയോ അല്ലെങ്കില്‍ ഇവിടെയോ ക്ലിക്ക് ചെയ്യുക

കാന്‍സര്‍ ലക്ഷണങ്ങള്‍
ഉണങ്ങാത്ത മുറിവുകള്‍, പ്രത്യേകിച്ച് വായില്‍, ശരീരത്തിലുണ്ടാകുന്ന മുഴകളും തടിപ്പും പ്രത്യേകിച്ച് സ്ത്രീകളുടെ സ്തനങ്ങളില്‍ അസാധാരണവും ആവര്‍ത്തിച്ചുള്ളതുമായ രക്തസ്രാവം, ആഹാരമിറക്കാനുള്ള പ്രയാസം, വയറുകടി ഇല്ലാത്തപ്പോഴുണ്ടാകുന്ന വയറുവേദന, തുടര്‍ച്ചയായ ശബ്ദമടപ്പും ചുമയും എന്നിവയാണ് കാന്‍സറിന്‍റെ സൂചനകള്‍ ആയേക്കാം.

കാന്‍സര്‍ എങ്ങനെ തടയാം

500ഗ്രാം മുതല്‍ 800ഗ്രാം വരെ പച്ചക്കറികളും പഴങ്ങളും ദിനംപ്രതി ഉപയോഗിക്കുക, ഉയര്‍ന്ന തോതില്‍ ആന്‍റിഓക്‌സിഡന്‍റ് അടങ്ങിയിട്ടുള്ള ചീര, കാബേജ്, കാരറ്റ്, കോളിഫ്‌ളവര്‍, മുളക്, തക്കാളി, മത്തന്‍, മധുരക്കിഴങ്ങ്, ഗ്രീന്‍പീസ്, നാരങ്ങ, വെളുത്തുള്ളി തുടങ്ങിയവ ഭക്ഷണത്തില്‍ ഉള്‍പ്പെടുത്തുകയം ചെയ്താല്‍ കാന്‍സര്‍ രോഗംവരാതെ ശരീരത്തെ സംരക്ഷിക്കാമെന്ന് പഠനങ്ങള്‍ തെളിയിച്ചിട്ടുണ്ട്. കാന്‍സറിനെ പ്രതിരോധിക്കുന്ന ബീറ്റാകരോട്ടിന്‍ കൂടിയതോതില്‍ മേല്‍പ്പറഞ്ഞ പച്ചക്കറികളില്‍ ഉണ്ട്. കൂണ്‍, പപ്പായ, നെല്ലിക്ക, അവക്കാഡൊ, മുള്ളുള്ള ആത്തച്ചക്ക തുടങ്ങിയവയും കാന്‍സറിനെ പ്രതിരോധിക്കും. നിറമുള്ള പച്ചക്കറികളും പഴങ്ങളും കൂടുതലായി കഴിക്കണം.

കൊഴുപ്പേറിയ ഭക്ഷണം ഒഴിവാക്കണം. മത്സ്യവും ഇറച്ചിക്കോഴിയും ഉപയോഗിക്കാം. മറ്റ് ഇറച്ചികള്‍ കുറയ്ക്കണം. കരിഞ്ഞ ഭക്ഷണം ഒഴിവാക്കണം. സ്തനങ്ങള്‍ പതിവായി സ്വയം പരിശോധിക്കണം. തടിപ്പോ മുഴയോ വേദനയോ തോന്നുന്നുവെങ്കില്‍ മാമോഗ്രാഫി ചെയ്യണം. 30 വയസ്സിന് മുകളില്‍ പ്രായമുള്ള വിവാഹിതരായ എല്ലാ സ്ത്രീകളും പാപ്‌സ്മിയര്‍ പരിശോധന നടത്തണം. അല്ലെങ്കില്‍ ഹ്യുമന്‍ പാപിലോമാ വൈറസ് ഡി.എന്‍.എ. ടെസ്‌റ്റോ, ലിക്യുഡ് ബേസ്ഡ് സൈറ്റോളജി (എല്‍.ബി.സി.) ടെസ്‌റ്റോ നിര്‍ബന്ധമായും നടത്തണം. പുകവലി ഉപേക്ഷിക്കണം. പുകയിലയും മദ്യവും ഒഴിവാക്കണം. പതിവായി വ്യായാമം ചെയ്യണം.

പാവപെട്ട കാന്‍സര്‍ രോഗികളെയും, അവരുടെ കുടുംബാംഗങ്ങളേയും സാമൂഹ്യമായും, വൈകാരികമായും, സാമ്പത്തികമായും സഹായിക്കുന്ന 'ആശ്രയ' - എന്ന സംഘടനയെ കുറിച്ച് ഇവിടെ വായിക്കാം.

എങ്ങിനെ നമ്മുടെ നഷ്ടപ്പെട്ട ആന്‍ഡ്രോയിഡ് ഡിവൈസ് കണ്ടെത്താം? How can we locate our lost android device?

2013-08-05T22:24:00.001+05:30

ഇതാ Android ഫോണ്‍ ഉപയോഗിക്കുന്നവർ കാത്തിരുന്ന ഒന്ന് ഗൂഗിൾ ഈ മാസം പുറത്തിറക്കുന്നു. Android Device Manager എന്നാണ് പേര്. നിങ്ങളുടെ ഫോണ്‍ എവിടെയെങ്കിലും വച്ച് മറന്നുപോയാലോ ആരെങ്കിലും അടിച്ചു മാറ്റിയാലോ അതെവിടെയാണെന്ന് ഗൂഗിൾ മാപ്പിൽ കാണിച്ചു തരും.

മാത്രമല്ല, ഫോണ്‍ സൈലന്‍റ് മോഡിൽ ആണെങ്കില്‍പോലും ഫുൾ ഒച്ചയിൽ റിംഗ് അടിപ്പിക്കാൻ സാധിക്കും. തിരിച്ചു കിട്ടില്ലെന്ന് ഉറപ്പാണെങ്കിൽ Wipe Device എന്നൊരു option ഉം ഉണ്ട്. എല്ലാ പേഴ്സണൽ ഡാറ്റയും ഡിലീറ്റ് ആകും.

2013 ഓഗസ്റ്റ്‌ അവസാനത്തോടെ ഇത് എല്ലാവർക്കും ലഭ്യമാകും എന്നറിയുന്നു.
വാൽക്കഷ്ണം :ഇതിൽ രജിസ്റ്റർ ചെയ്താൽ ഫോണ്‍ എവിടെയാണെന്ന് എപ്പോൾ വേണമെങ്കിലും ഗൂഗിളിൽ കേറി നോക്കിയാൽ അറിയാൻ കഴിയും. വീട്ടിലുള്ളവരോ കൂട്ടുകാരോ നിങ്ങളുടെ ഫോണ്‍ രജിസ്റ്റർ ചെയ്യാതെ നോക്കണം. എവിടെയാണ് എന്ന് ചോദിച്ചാൽ ചുമ്മാ നുണ പറയാൻ ഇനി പറ്റില്ല കേട്ടോ!
(ചുമ്മാ മറ്റുള്ളവർക്ക് രജിസ്റ്റർ ചെയ്യാനൊന്നും പറ്റില്ല. ഫോണിൽ confirmation മെസ്സേജ് വരും. ആ നമ്പർ അടിച്ചു കൊടുക്കണം; എന്നാലേ രജിസ്റ്റര്‍ ചെയ്യാന്‍ പറ്റൂ.)

ചോദ്യം: "എന്താണാ മഹാന്‍ കണ്ട സ്വപ്നം?" ഉത്തരം: "മദ്യവിമുക്തമായ കിനാശ്ശേരി..." - മുഴുവന്‍ മലയാളികളും വായിക്കാന്‍

2013-07-18T18:06:00.001+05:30

എന്‍റെ ഈ പോസ്റ്റ്‌ എല്ലാ മദ്യപന്‍മാര്‍ക്കുമായി പ്രത്യേകമായി 'ഡെഡിക്കേറ്റ്' ചെയ്യുന്നു.

ഈ പോസ്റ്റ്‌, facebook ലെ 'Social Awareness' ഗ്രൂപ്പിലെ ശ്രീ.എന്‍. ശ്രീജിത്ത് തയ്യാറാക്കിയതാണ്.

ഈയടുത്തകാലത്ത് ഞാന്‍ വായിച്ച, വളരെ നല്ല 'ഇന്‍സ്പിരേഷണല്‍' ആയ ഒരു ജീവിതാനുഭവമായതിനാല്‍, ഇത് ഞാന്‍ 'റീ-പോസ്റ്റ്‌' ചെയ്യാന്‍ തീരുമാനിക്കുകയായിരുന്നു.

ചങ്ങമ്പുഴയുടെ ജീവിതത്തെ ആധാരമാക്കിയുള്ള ഒരു സിനിമ കുറേക്കാലമായി മനസ്സിലുണ്ട്. അതിന്റെ പ്രാഥമിക പ്രവര്‍ത്തനങ്ങള്‍ തുടങ്ങിയത് അടുത്ത കാലത്തണ്. 'ചങ്ങമ്പുഴ: നക്ഷത്രങ്ങളുടെ സ്‌നേഹഭാജനം' എന്ന് പേരിട്ടിരിക്കുന്ന സിനിമയുടെ തിരക്കഥാ രചനയുമായി ബന്ധപ്പെട്ട വായനയിലും ചര്‍ച്ചയിലുമാണ് ഞാന്‍ മഹാകവിയുടെ ജീവിതത്തെക്കുറിച്ച് ആഴത്തില്‍ മനസ്സിലാക്കുന്നത്. മദ്യം ഒരു വ്യക്തിയുടെ, ഒരു കലാകാരന്റെ ജീവിതത്തില്‍ സൃഷ്ടിക്കുന്ന ദുരന്തത്തിന്റെ വ്യാപ്തി ശരിക്കും മനസ്സിലാവുന്നത് അപ്പോഴാണ്.

കണ്ണാടിയില്‍ സ്വന്തം രൂപം കാണുന്നതു പോലെ, ചങ്ങമ്പുഴയില്‍ എവിടെയൊക്കെയോ എനിക്ക് എന്നെത്തന്നെ കാണാനായി. കവിമനസ്സിലെ സംഘര്‍ഷങ്ങള്‍, അദ്ദേഹത്തിന്റെ നിസ്സഹായാവസ്ഥ, സങ്കടങ്ങള്‍ ഇതെല്ലാം എന്റെ മനഃസമാധാനം കെടുത്തി. ഒരു ആത്മവിചാരണയ്ക്ക് ഒരുങ്ങിയപ്പോള്‍ എനിക്കുതന്നെ പേടിയായി.

പതിനെട്ട് വയസ്സ് മുതല്‍ ഞാന്‍ മദ്യം ഉപയോഗിച്ചു തുടങ്ങിയിട്ടുണ്ട്. നാടകത്തിന്റെയും സിനിമയുടെയും ഇടവേളകളില്‍ മദ്യപാനം ഉണ്ടായിട്ടുമുണ്ട്. കാര്യങ്ങളെ മാറിനിന്ന് കാണുമ്പോഴാണ്, എല്ലാം കൂടുതല്‍ തെളിയുന്നത്, ഇതുവരെയില്ലാത്ത ചില തിരിച്ചറിവുകളിലേക്കും വീണ്ടു വിചാരത്തിലേക്കും നാം നയിക്കപ്പെടുന്നത്.ഇപ്പോള്‍ പിന്‍തിരിഞ്ഞു നോക്കുമ്പോഴാണ് മനസ്സിലാവുന്നത്, മദ്യം ഒരിക്കലും എനിക്ക് ആശ്വാസമായിട്ടില്ല എന്ന്. താത്കാലിക ലഹരി എന്നതിനപ്പുറത്തേക്ക്, ജാഗ്രതയോടെ ഉണര്‍ന്നു പ്രവര്‍ത്തിക്കാന്‍ ഒരിക്കലും മദ്യം സഹായകമായിട്ടില്ല.

സര്‍ഗാത്മകതയുടെ തലത്തിലും അതൊരിക്കലും ഗുണകരമായിട്ടില്ല. മദ്യം ക്രിയേറ്റിവിറ്റിയെ ഒരിക്കലും പോഷിപ്പിക്കില്ല എന്നും ക്രിയേറ്റീവായവര്‍ മദ്യപിച്ചിട്ട് പുതിയ ആകാശമൊന്നും നേടിയിട്ടില്ല എന്നും ഞാനിപ്പോള്‍ തിരിച്ചറിയുന്നു.

എത്രയോ ചടങ്ങുകള്‍ക്ക്, ഉദ്ഘാടനങ്ങള്‍ക്ക് ഞാന്‍ പോയിട്ടുണ്ട്. പലരും വണ്ടിക്കാശു പോലും തരാതിരുന്നിട്ടുണ്ട്. കൃത്യമായി തരിക മദ്യമാണ്. വര്‍ഷങ്ങളായി മദ്യം ഉള്‍പ്പെടുന്ന സത്കാരങ്ങള്‍ക്ക് ജീവിതത്തില്‍ ഒരു കുറവും ഉണ്ടായിട്ടില്ല. മദ്യപാനം എനിക്ക് വെറുമൊരു ചടങ്ങായിരുന്നില്ല. അല്പം മാത്രം മദ്യം കഴിക്കുന്നവരുണ്ടാവാം. എനിക്ക് അല്പം മാത്രമായി പറ്റിയിരുന്നില്ല. മദ്യസത്കാരത്തിനിടെ, ഞാനിപ്പോള്‍ പ്രിയനന്ദനനോടൊപ്പം 'വീശിക്കൊണ്ടിരിക്കുകയാ'ണെന്ന് എത്രയോ പേര്‍ ഫോണില്‍ പറയുന്നത് കേട്ടിട്ടുണ്ട്. അവര്‍ക്ക് എന്നോടൊപ്പം മദ്യപിക്കുന്നതിലൂടെ ലഭിക്കുന്ന രസം ഞാനും ആസ്വദിക്കുകയായിരുന്നു.

നല്ല സിനിമയ്ക്ക് മദ്യം ഒരിക്കലും ഗുണം ചെയ്തിട്ടില്ല. നല്ല സിനിമ വേണമെന്ന് ആഗ്രഹിക്കുന്നവരല്ല എന്നോടൊപ്പം മദ്യവിരുന്നില്‍ ഘോഷയാത്ര നടത്തിയവര്‍ ബഹുഭൂരിപക്ഷവും.

സാധാരണ ജീവിതത്തില്‍ വേലികള്‍ കണ്ടാല്‍ നാം രണ്ടു തവണ ആലോചിക്കും. എന്നാല്‍ മദ്യപന് മുന്നില്‍ വേലികളില്ല. പരിധികളില്ല. അയാള്‍ വേലി ഇല്ലാത്ത ആളാവും. അതുകൊണ്ടു തന്നെ അതെപ്പോഴും കുഴപ്പങ്ങളില്‍ കൊണ്ടു ചാടിക്കും. മദ്യപന്, സമൂഹത്തില്‍നിന്നുള്ള കുപ്രചാരണങ്ങള്‍, ജല്പനങ്ങള്‍ എല്ലാം കേള്‍ക്കേണ്ടി വരും. സഹിക്കേണ്ടിവരും. അനാവശ്യമായ ആക്ഷേപങ്ങള്‍ക്ക് വഴിതുറക്കും. നമ്മുടെ വാക്കുകള്‍ പലരും ദുരുപയോഗം ചെയ്യും. ഇതൊക്കെ സ്വന്തം അനുഭവം കൊണ്ട് ശരിയാണെന്ന് ബോധ്യം വന്നിട്ടുള്ള കാര്യങ്ങളാണ്. മദ്യപിച്ച് കാര്യങ്ങള്‍ പറഞ്ഞാല്‍ ആളുകള്‍ പറയുക അയാള്‍ വെള്ളമടിച്ചിട്ടു പറയുകയാണെന്നാണ്. സ്വാഭാവികമായി ഉണ്ടാവുന്ന പ്രതികരണം, അത് ശരിയാണെങ്കില്‍പ്പോലും, മദ്യം കഴിച്ചതിന് ശേഷമാണെങ്കില്‍ ആളുകള്‍ ഗൗരവത്തോടെ കാണില്ല.

മുല്ലനേഴി മാഷെപ്പറ്റി എത്രയോ പേര്‍ ഈ മട്ടില്‍ പറയുന്നത് ഞാന്‍ കേട്ടിട്ടുണ്ട്. മാഷെ സിനിമയില്‍ അഭിനയിപ്പിക്കാന്‍ ക്ഷണിച്ചാല്‍ അത് കുഴപ്പമാകുമോ എന്ന് എല്ലാവരും ആശങ്കപ്പെട്ടിരുന്നു. മാഷ് ഇന്നില്ല. മദ്യത്തില്‍ നിന്ന് മാഷും മാഷില്‍നിന്ന് മദ്യവും മുക്തി നേടിയിരിക്കുന്നു.

ഒരിക്കലും തന്റെ പ്രതിഭാവിലാസത്തില്‍ മാഷ് മദ്യം കലര്‍ത്തിയിരുന്നില്ല. എന്നാല്‍ പൊതുസമൂഹം മാഷെ കണ്ടത് മറ്റൊരു കണ്ണിലൂടെയായിരുന്നു.മദ്യം ഉപയോഗിച്ചതിലൂടെ പറയുന്ന തുറന്നു പറച്ചിലുകള്‍ പലരേയും വേദനിപ്പിച്ചിട്ടുണ്ട്. ലഹരിയുടെ പുറത്ത് ബോധപൂര്‍വമല്ലാതെ ചെയ്യുന്ന കാര്യങ്ങള്‍ ആളുകള്‍ പലതരത്തില്‍ വ്യാഖ്യാനിക്കുന്നതും അറിഞ്ഞിട്ടുണ്ട്.

അനാവശ്യമായ തെറ്റിദ്ധാരണകള്‍ക്കും പിണക്കങ്ങള്‍ക്കുമൊക്കെ അവ വഴിവെച്ചിട്ടുണ്ട്. മദ്യപിക്കുന്ന നാളില്‍ അതൊന്നും ഗൗരവത്തിലെടുക്കാന്‍ ശ്രമിച്ചിരുന്നില്ല.

മദ്യം കഴിക്കുമ്പോള്‍ സ്വാഭാവികമായി ഒരലസത കടന്നുവരും. അത് സ്വാഭാവികമാണ്. മദ്യം കഴിക്കാത്ത സമയത്ത് ജീവിതത്തിലുള്ള ജാഗ്രത മദ്യപാന സമയത്ത് നഷ്ടമാകും. ക്രിയേറ്റീവായ മനുഷ്യന്‍ എപ്പോഴും ക്രിയേറ്റീവാണ്. അതിന് മദ്യം ആവശ്യമില്ല. മദ്യം കഴിച്ചതുകൊണ്ട് ആരും ക്രിയേറ്റീവാകുന്നില്ല.
മദ്യം കൊണ്ട് പ്രതിഭ ഉണ്ടാക്കാനാവില്ല. മദ്യത്തിന്റെ പേരില്‍ കലാകാരന്മാരെ ആഘോഷിക്കുന്നതിലെ മൂഢത ഇപ്പോഴെനിക്ക് മനസ്സിലാവുന്നുണ്ട്.

പ്രശസ്ത സംവിധായകന്‍ ജോണ്‍ എബ്രഹാം തന്നെ പറഞ്ഞിട്ടുണ്ട്. കവിയുടെ മൂലക്കുരു നോക്കേണ്ട, കവിത നോക്കിയാല്‍ മതി എന്ന്. നമുക്കിന്ന് താത്പര്യം കവിയുടെ മൂലക്കുരുവിനെക്കുറിച്ച് ചര്‍ച്ച ചെയ്യാനാണ്.ചങ്ങമ്പുഴയുടെ ആത്മകഥയില്‍, രോഗാവസ്ഥയിലാണ് തന്റെ ജീവിതത്തിനുമേല്‍ മദ്യം നടത്തിയ താണ്ഡവത്തെ കവി തിരിച്ചറിയുന്നത്. ആ പശ്ചാത്താപം അദ്ദേഹം തന്നെ വ്യക്തമാക്കിയിട്ടുണ്ട്. ആളുകള്‍ തന്നെ അറിഞ്ഞിട്ടല്ല തന്നോടൊപ്പം ചേര്‍ന്നതും മദ്യപിച്ചതും എന്നും അതിന്റെ ആഘോഷം മാത്രമായിരുന്നു അവര്‍ക്കു വേണ്ടിയിരുന്നതെന്നും ചങ്ങമ്പുഴ നിരീക്ഷിക്കുന്നുണ്ട്.

ചങ്ങമ്പുഴ സിനിമയുടെ തിരക്കഥാരചന, അദ്ദേഹത്തിന്റെ ജീവിതത്തില്‍ കലര്‍ന്ന മദ്യത്തെയും സാമൂഹികവും കുടുംബപരവുമായ പ്രശ്‌നങ്ങളെയുംപറ്റി എനിക്കും പുതിയ വെളിച്ചം നല്‍കുകയായിരുന്നു. എനിക്കു തന്നെ ഭാരമായിരിക്കുന്ന, പ്രശ്‌നകാരിയായ, സമൂഹത്തിന്, കുടുംബത്തിന് വേദനയുണ്ടാക്കുന്ന മദ്യത്തെ ഞാന്‍ എന്തിന് ചുമക്കണം എന്ന ചിന്ത എന്നെ പിന്തുടരാന്‍ തുടങ്ങി. മദ്യത്തില്‍ നിന്ന് മുക്തിനേടണം എന്ന ചിന്ത രൂഢമായി. മദ്യം എന്റെ ജീവിതത്തിലെ ചീഞ്ഞ അവയവമാണെന്ന് ബോധ്യപ്പെട്ടിരിക്കുന്നു. ശ്രമകരമാണെങ്കിലും അതറുത്തു മാറ്റിയേ തീരൂ. ലഹരിയുടെ താത്കാലിക മയക്കത്തില്‍ നിന്നും എനിക്ക് സ്വതന്ത്രനാവണം. മദ്യത്തില്‍ ആറാടിയുള്ള ആഘോഷങ്ങളുടെ കാപട്യത്തില്‍നിന്ന് വിടുതല്‍ പ്രഖ്യാപിക്കണം...മറ്റുള്ളവര്‍ക്ക്, ഒരു ഡോക്ടര്‍ക്കു പോലും ഇക്കാര്യത്തില്‍ നമ്മെ സഹായിക്കാന്‍ കഴിയില്ല; നാം സ്വയം തീരുമാനിക്കാത്തിടത്തോളം.

എനിക്കതിനു കഴിയും എന്ന വിശ്വാസം എനിക്കുണ്ടായിരുന്നു. കാരണം, സ്വന്തം ആഗ്രഹങ്ങളിലൂടെയും തീരുമാനങ്ങളിലൂടെയും വളര്‍ന്നവനാണ് ഞാന്‍.

അങ്ങനെ, ഇനി എന്റെ ജീവിതത്തില്‍ മദ്യത്തിന് സ്ഥാനമില്ല എന്ന് ഞാന്‍ നിശ്ചയിച്ചു. ഞാനിപ്പോള്‍ സ്വച്ഛമായ വായു ശ്വസിക്കുകയാണ്. സ്വതന്ത്രമായൊരാകാശം മുന്നില്‍ നിവര്‍ന്നിരിക്കുന്നു. മനസ്സ് അനാവശ്യ സംഘര്‍ഷങ്ങളില്‍ നിന്ന് വിടുതല്‍ നേടി കനമില്ലാതായിരിക്കുന്നു. കൂടുതല്‍ ക്രിയേറ്റീവാകാന്‍, ജാഗരൂകനാവാന്‍ എനിക്കിപ്പോള്‍ കഴിയുന്നു...

സലീംകുമാര്‍ മുഖ്യകഥാപാത്രത്തെ അവതരിപ്പിക്കുന്ന 'വോട്ടര്‍' എന്ന സിനിമയാണ് ഞാന്‍ ഉടനെ തന്നെ ചെയ്യാനിരിക്കുന്നത്. മാളവിക ക്രിയേഷന്‍സ് നിര്‍മിക്കുന്ന ചിത്രത്തിന്റെ രചന സത്യന്‍ കോളങ്ങാടിന്റേതാണ്. ആഗസ്തില്‍ തുടങ്ങും. വൈദ്യുതി എത്തിയിട്ടില്ലാത്ത, നല്ല കുടിവെള്ളം പോലും കിട്ടാത്ത ഒരു ദ്വീപിലെ വോട്ടറുടെ കഥയാണ് ഈ ചിത്രം.

ഇക്കഴിഞ്ഞ മെയ് മാസത്തില്‍ നേരത്തേ തീരുമാനിച്ച 'ഒടിയന്‍' എന്ന സിനിമ തുടങ്ങാനിരുന്നതായിരുന്നു. അതിന്റെ ഗാനങ്ങളുടെ റിക്കാര്‍ഡിങ് കഴിഞ്ഞിട്ടുണ്ട്. 'ഒടിയന്‍' പിന്നീട് ചെയ്യാന്‍ വേണ്ടി മാറ്റിവെച്ചിരിക്കുകയാണ്. വേറെയും ചില പ്രോജക്ടുകളുടെ ചര്‍ച്ചകള്‍ നടക്കുന്നുണ്ട്. ഞാനിപ്പോള്‍ പൂര്‍ണമായും സിനിമയുടെ ലഹരിയിലാണ്. അതെ, ഇനിയെനിക്ക് കലയുടെ, സിനിമയുടെ ലഹരി മാത്രം മതി. മദ്യം തരുന്ന താത്കാലിക മയക്കത്തില്‍ നിന്ന് ഞാന്‍ മുക്തനാവുന്നു!

അടുത്ത വര്‍ഷം ആദ്യം ചങ്ങമ്പുഴയെക്കുറിച്ചുള്ള സിനിമ ചെയ്യും. എന്റെ ജീവിതത്തില്‍ പുതിയൊരധ്യായം തീര്‍ക്കാന്‍ നിമിത്തമായ ഈ ചിത്രം, മലയാള സിനിമയ്ക്കും ചങ്ങമ്പുഴയെ ഇഷ്ടപ്പെടുന്ന മലയാളികള്‍ക്കും നല്ലൊരനുഭവമാക്കിത്തീര്‍ക്കാന്‍ കഴിയും എന്ന വിശ്വാസം എനിക്കുണ്ട്.

തയ്യാറാക്കിയത്: എന്‍. ശ്രീജിത്ത് - 'Social Awareness' ഗ്രൂപ്പ്‌ @facebook.com

More about: Sri.PriyaNandanan, read here.

Some more about Sri.PriyaNandanan, here.

-------------------------------------------------------------------------------------------------------

De Adiction Centre at Thrissur district, Kerala: http://punarjani.org/ ('പുനര്‍ജനി' ലഹരി വിമുക്ത കേന്ദ്ര ത്തിനെ കുറിച്ച് ഇവിടെ വായിക്കാം)

uppu thinnavar enthaayaalum kurachu vellam kudikkum.

2013-07-09T10:07:00.001+05:30

This post is in munglish.

Enthaayi... oru SukumaranNair (NSS) vichaarichittu nadakkaathathu mattoru Sreedharan Nairum, Saritha Nairum, SaluMenon num koodi angu oppicheduthu.

Enthu parayaana! Ee vaka silly silly kaaryangalude pinnaale poyi aappilaakaan kore Congress nethaakkal maathram. Allaa... vere ethenkilum political party yile nethakkal ee 'sarithorja' problem thil avarude peru kodutho? Illallo.... appo athaanu.

Ok ok. Enthaayaalum.... uppu thinnavar kurachu vellam kudikkum.

K.S.R.T.C - who will save our Kerala's own travel aid?

2013-07-06T11:32:00.001+05:30

നിലമ്പൂര്‍: കെ.എസ്.ആര്‍.ടി.സിയുടെ നിലമ്പൂര്‍ ഡിപ്പോയിലെ സര്‍വീസുകള്‍ താളംതെറ്റുന്നു. തൊഴിലാളി യൂണിയനുകള്‍ തമ്മിലുള്ള വടംവലിയാണ് ഷെഡ്യൂളുകള്‍ കൂട്ടത്തോടെ കാന്‍സല്‍ ചെയ്യാന്‍ ഇടയാക്കുന്നത്. ഇന്നലെ മാത്രം ഏറ്റവുംകൂടുതല്‍ കളക്ഷനുള്ള കോഴിക്കോട്- വഴിക്കടവ് ടി.ടി. സര്‍വീസുകളാണ് റദ്ദാക്കിയത്.

നിലവില്‍ സി.ഐ.ടി.യു യൂണിയന്‍ സമരത്തിലാണ്. ഐ.എന്‍.ടി.യു.സി യൂണിയനിലെ തൊഴിലാളികള്‍ സമരത്തിലുള്ള തൊഴിലാളികളുടെ സര്‍വീസുകള്‍ ഏറ്റെടുക്കാന്‍ തയ്യാറായില്ല. പലരും ലീവെടുത്തിട്ടുമില്ല. എന്നാല്‍ സര്‍വീസ് നടത്താനും തയ്യാറായില്ല.

രണ്ട് യൂണിയനില്‍പ്പെട്ടവര്‍ തമ്മില്‍ ഇക്കാര്യത്തില്‍ ഡിപ്പോയില്‍ വാക്ക്‌പോരും നടന്നു. മുതിര്‍ന്ന ഉദ്യോഗസ്ഥരാകട്ടെ പ്രശ്‌നത്തില്‍ ഇടപെടാതെ പരസ്യമായി രാഷ്ട്രീയം കളിക്കുന്നതായും ആക്ഷേപമുണ്ട്.

ഒരു മാസത്തിനുള്ളില്‍ ലാഭകരമായ നൂറോളം സര്‍വീസുകളാണ് റദ്ദാക്കിയത്. കണ്ടക്ടര്‍മാരുടെ കുറവ് അനുഭവപ്പെടുന്നുണ്ടെങ്കിലും പകരം ആളുകളെ നിയമിക്കാന്‍ മാനേജ്‌മെന്റ് തയ്യാറാകുന്നില്ല. പലപ്പോഴും കണ്ടക്ടര്‍മാരുടെ കുറവുപറഞ്ഞാണ് സര്‍വീസുകള്‍ റദ്ദാക്കുന്നത്.

അതേസമയം കോഴിക്കോട്- വഴിക്കടവ് പാതയിലോടുന്ന സ്വകാര്യബസ്സുകളെ സഹായിക്കാനാണ് അടിക്കടി സര്‍വീസുകള്‍ റദ്ദാക്കുന്നതെന്ന് നേരത്തെ തന്നെ ആക്ഷേപമുണ്ടായിരുന്നു.

Source: Mathrubhumi

Oh God, you are great! ദൈവമേ, അങ്ങ് വലിയവനാണ്‌!

2013-06-22T00:00:00.000+05:30

ഏതു നിരീശ്വരവാദിയും വിളിച്ചു പോവും...എന്‍റെ ദൈവമേ എന്ന്! നിങ്ങള്‍ മുഴുവന്‍ കാണുക..സമ്മതിച്ചേ പറ്റൂ...ദൈവം വലിയവന്‍ തന്നെ!

View Larger Map

സംഭവം നടക്കുന്നത് റൊമേനിയയിലെ, ബെബേര എന്നൊരു ഗ്രാമത്തില്‍. അവിടെ അലീന എന്നൊരു രണ്ട് വയസ്സ്കാരി പെണ്‍കുട്ടി ഒരു കുഴല്‍കിണറിനുള്ളില്‍ വീണു. കുഴല്‍കിണറിനുള്ളില്‍ ഏകദേശം 5 മീറ്റര്‍ ഉള്ളിലാണ് നിസ്സഹായയായി ആ പാവം കുട്ടി കിടക്കുന്നത്.

നീണ്ട 6 മണിക്കൂറുകള്‍ രക്ഷാപ്രവര്‍ത്തകര്‍ കിണഞ്ഞു പരിശ്രമിച്ചിട്ടും ആ കുട്ടിയെ പുറത്തെടുക്കാന്‍ അവര്‍ക്ക് കഴിഞ്ഞില്ല.

പെട്ടെന്ന് ഫോര്‍നിക എന്നു പേരുള്ള മെലിഞ്ഞ ഒരു പെണ്‍കുട്ടി അവളെ രക്ഷിക്കാനായി മുന്നോട്ടുവന്നു. അവളുടെ ആദ്യശ്രമം വിഫലമായി. എങ്കിലും, ഉദ്യോഗജനകമായ തന്‍റെ രണ്ടാംശ്രമത്തില്‍ അവള്‍ വിജയിക്കുക തന്നെ ചെയ്തു!

രാജ്യം മുഴുവന്‍ ഉള്ളുരുകി പ്രാര്‍ഥിച്ചുകൊണ്ട് ഈ സംഭവം കാണുകയായിരുന്നു.

കൂടുതല്‍ പറയുന്നില്ല; നിങ്ങള്‍ തന്നെ അത് കണ്ട് നോക്കു.

Short translation of the clip:
In a Romanian village called Bebera, a 2 year baby girl Alina fell in to a tube well and stuck 5 meters inside the well.

They were spending 6hrs to rescue her, but the effort was ended without any result.

Suddenly the thin girl Fornica came forward to do this. Her first attempt, was a failure because of difficulty in getting back the baby. But in the second attempt she did it...!

The whole nation was watching this and praying for those.

ഗുല്‍മെഹക്: കണ്ണീര്‍ക്കടലിന്‍ നടുവിലൊരു പാക്കിസ്ഥാനി പെണ്‍കുട്ടി

2013-06-20T00:00:00.000+05:30

പാക്കിസ്ഥാനിലെ ക്രിസ്ത്യന്‍ മതന്യൂനപക്ഷങ്ങളുടെ അവസ്ഥയെക്കുറിച്ച് നിഷ ജെബിയുടെ ബ്ളോഗ് ഇവിടെ ഞാന്‍ പകര്‍ത്തുകയാണ്.
My this blog post is copy of the said blog post of Ms.Nisha Jebi, who is now working in Manoram News.
I'm re-posting this blog through my blog only because it touched me. For a moment, I thought about Pakistan, the People living there, the massacres happening there, the non-peace atmosphere.... etc.

ഗുല്‍മെഹക്: കണ്ണീര്‍ക്കടലിന്‍ നടുവിലൊരു പാക്കിസ്ഥാനി പെണ്‍കുട്ടി

നിഷ ജെബി19-6-2013

ഗുല്‍മെഹക്. സുഗന്ധം പരത്തുന്ന പുഷ്പമെന്നാണ് ഗുല്‍മെഹക് എന്ന വാക്കിന്‍റെ അര്‍ത്ഥം. ബാങ്കോക്കിലെ സലഡാങ് ക്രിസ്ത്യന്‍ ഗസ്റ്റ് ഹൗസില്‍ അല്‍പം എരിവുള്ള ഭക്ഷണം തേടി നടക്കുമ്പോഴാണ് ഞങ്ങളുടെ ആദ്യ കൂടിക്കാഴ്ച. ഒറ്റനോട്ടത്തില്‍ പഞ്ചാബിയാണെന്നു തോന്നിയ അവളോട് ഇന്ത്യയില്‍ നിന്നാണോയെന്ന് ഞാന്‍ ചോദിച്ചു. പാക്കിസ്ഥാനില്‍ നിന്നാണെന്ന് പറഞ്ഞ് അവളെനിക്ക് കൈ തന്നു.

ഏഷ്യന്‍ രാജ്യങ്ങളിലെ മനുഷ്യാവകാശലംഘനങ്ങളെക്കുറിച്ചുള്ള ശില്‍പശാലയില്‍ പങ്കെടുക്കാനെത്തിയതായിരുന്നു ഞങ്ങള്‍. ക്രിസ്റ്റ്യന്‍ കോണ്‍ഫറന്‍സ് ഓഫ് ഏഷ്യയാണ് സംഘാടകര്‍. ഒട്ടും എരിവില്ലാത്ത തായ് ഭക്ഷണത്തില്‍ അല്‍പം കുരുമുളകു പൊടിയും ഉപ്പും ചേര്‍ത്ത്, പുതിയ കണ്ടെത്തലില്‍ പൊട്ടിച്ചിരിച്ച് ഞങ്ങള്‍ സൗഹൃദമാരംഭിച്ചു.

പാക്കിസ്ഥാനിലെ ലാഹോറില്‍ നിന്നുള്ള ഗുല്‍മെഹകിന് ഞാന്‍ കേരളത്തില്‍ നിന്നാണെന്ന് പറഞ്ഞപ്പോള്‍ വളരെ സന്തോഷമായി. കണ്ടിട്ടില്ലെങ്കിലും കേരളം ഏറെ മനോഹരമായ സ്ഥലമാണെന്ന് ഗുല്ലിന് അറിയാം. കേരളത്തില്‍ വരണമെന്ന് ആഗ്രഹം പറഞ്ഞു. തൊട്ടുപിറകെ തിരുത്തിപ്പറഞ്ഞു, അല്ലെങ്കില്‍ വേണ്ട, പാക്കിസ്ഥാനിയായ ഞാന്‍ ഇന്ത്യയില്‍ നിങ്ങളുടെ അതിഥിയായി വന്നാല്‍ അത് നിങ്ങള്‍ക്ക് ബുദ്ധിമുട്ടാവും. ഇടയ്ക്കിടെ പൊലീസ് സ്റ്റേഷനില്‍ റിപ്പോര്‍ട്ട് ചെയ്യണം. വിമാനത്താവളത്തില്‍ തിരിച്ചും മറിച്ചുമുള്ള ചോദ്യങ്ങള്‍ നേരിടണം. ഫോണ്‍ വിളികള്‍ പോലും നിരീക്ഷിക്കപ്പെടും. എന്നെ ബുദ്ധിമുട്ടിക്കാന്‍ ഗുല്ലിന് താല്‍പര്യമില്ല.

ജന്മനാടിനെ ഏറെ സ്നേഹിക്കുന്നുണ്ടെങ്കിലും പാക്കിസ്ഥാനില്‍ ജനിച്ചുപോയതുകൊണ്ട് നേരിടുന്ന ബുദ്ധിമുട്ടുകള്‍ ഗുല്‍ എന്നോട് വിവരിച്ചു. ലഹോറിലെ ക്രിസ്ത്യന്‍ കുടുംബത്തിലാണ് ജനനം. ക്രിസ്ത്യാനികള്‍ തൊട്ടുകൂടാത്തവരാണ് അവളുടെ നാട്ടില്‍. തീണ്ടലും തൊടീലും ഇപ്പോഴും നിലനില്‍ക്കുന്നു. പ്രമുഖസമുദായത്തിലെ ഒരുവിഭാഗത്തില്‍ നിന്നും പലരീതിയിലുള്ള അവഹേളനങ്ങള്‍.

അന്യജാതിക്കാരുടെ കിണറില്‍ നിന്നും ഒരു കപ്പ് വെള്ളം കുടിച്ചതിന് വധശിക്ഷയ്ക്ക് വിധിക്കപ്പെട്ട് പാക്കിസ്ഥാന്‍ ജയിലില്‍ കഴിയുന്ന അസിയ ബീബി എന്ന ക്രിസ്ത്യന്‍ വനിതയുടെ കഥ പറയുമ്പോള്‍ ഗുല്ലിന്‍റെ തിളക്കമുള്ള കണ്ണുകള്‍ നിറയുന്നത് ഞാന്‍ കണ്ടു. തെഹ്്രികെ താലിബാന്‍റെ ഭീഷണി ശക്തമായപ്പോള്‍ ഗുല്‍ പഠിക്കുന്ന കോളജില്‍ ആണ്‍ കുട്ടികള്‍ക്കും പെണ്‍കുട്ടികള്‍ക്കുമിടയില്‍ ഒരു മതില്‍ തന്നെ കെട്ടിപ്പൊക്കി അധികൃതര്‍. വെടിയൊച്ചകളും സ്ഫോടനങ്ങളും പതിവുകാഴ്ച.

ബേനസീര്‍ ഭൂട്ടോ കൊല്ലപ്പെട്ട ദിവസം അക്രമാസക്തമായ ജനക്കൂട്ടത്തില്‍ നിന്ന് കഷ്ടിച്ച് രക്ഷപെട്ടത് എങ്ങനെയെന്ന് ഗുല്‍ വിവരിച്ചപ്പോള്‍ വിറങ്ങലിച്ചു പോയത് ഞാന്‍ മാത്രമല്ല, കേട്ടിരുന്ന ഞങ്ങളുടെ മലേഷ്യന്‍ സുഹൃത്ത് ‘എ ചിയാ’യും.

അടുത്തദിവസം ഗുല്‍, ബാങ്കോക്കില്‍ അവളുടെ സുഹൃത്തിന്‍റെ വീട്ടിലേക്ക് എന്നെയും ക്ഷണിച്ചു. ഇന്ത്യന്‍ ചപ്പാത്തിയും ദാലും ലഭിക്കുമെന്ന വാഗ്ദാനം കൂടിയായപ്പോള്‍ ഞാന്‍ കൂടെപ്പോയി. ബാങ്കോക്കിലെ ഒരു ഇടുങ്ങിയ തെരുവ്. നാല് മുറികളിലായി നാല് പാക്കിസ്ഥാനി ക്രിസ്ത്യന്‍ കുടുംബങ്ങള്‍. ന്യൂനപക്ഷങ്ങള്‍ക്കെതിരായ പീഡനം മൂലം സ്വന്തം രാജ്യമുപേക്ഷിച്ച് ഓടിപ്പോന്നവര്‍. ഗുല്ലിന്‍റെ അയല്‍വാസികള്‍. തായലന്‍റില്‍ രാഷ്ട്രീയ അഭയം തേടിയിരിക്കുകയാണിവര്‍. എണ്‍പതുവയസുള്ള മെഹര്‍ബാനു മുതല്‍ ഒരു മാസം പ്രായമുള്ള നാനു വരെ. ഓരോ കുടുംബത്തിനും ഒരു മുറിമാത്രം. കിടക്കുന്നതും പാചകം ചെയ്യുന്നതുമെല്ലാം അതിനുള്ളില്‍.

മുഖ്യസമുദായത്തില്‍ നിന്നുള്ള അവഹേളനവും പീഡനവും സഹിക്കവയ്യാതായപ്പോള്‍ ലാഹോറിലെ സ്വത്തെല്ലാം കിട്ടിയ വിലയ്ക്ക് വിറ്റിട്ട് രാജ്യംവിട്ടു. തായ്-ലാന്‍റില്‍ ജോലി ചെയ്ത് സമ്പാദിക്കാനാവില്ല. കയ്യിലുള്ള പണം തീരുംമുമ്പ് ഏതെങ്കിലും ക്രിസ്ത്യന്‍ രാജ്യങ്ങളില്‍ അഭയം തേടണം. അതാണ് ലക്ഷ്യം. ഒറ്റമുറിയില്‍ ഞങ്ങള്‍ക്കായി സ്വാദിഷ്ഠമായ ബിരിയാണിയും ചപ്പാത്തിയും വിളമ്പുന്നതിനിടെ കുടുംബാംഗങ്ങള്‍ പാക്കിസ്ഥാനിലെ സ്ഥിതി എന്നോട് വിവരിച്ചു.

രണ്ടാമത്തെ മരുമകള്‍ സോണിയ വികാരാധീനയായി. കോളജിലും സ്കൂളിലും മതം മാറാനുള്ള ആഹ്വാനം.

ചെറിയ കുറ്റങ്ങള്‍ക്കുപോലും വലിയ ശിക്ഷ. മടുത്തു, സോണിയ പറഞ്ഞു. ക്രിക്കറ്റ് താരം യൂസഫ് യോഹന്ന മതം മാറിയത് യഥാര്‍ത്ഥ ക്രിസ്ത്യാനിയല്ലാത്തതിനാലാണെന്ന് സോണിയ കുറ്റപ്പെടുത്തി. മരിച്ചാലും ഇനി പാക്കിസ്ഥാനിലേക്കില്ല.

മെഹര്‍ബാനു മുത്തശിക്ക് വിഭജനത്തിന്‍റെ ദുരിതക്കാഴ്ചകള്‍ ഇപ്പോഴും ഓര്‍മയിലുണ്ട്. മുത്തശ്ശി എന്നോട് പറഞ്ഞു, അന്ന് അല്‍പം

കഷ്ടപ്പെട്ടിട്ടാണെങ്കിലും ഹിന്ദുസ്ഥാനിലേക്ക് (ഇന്ത്യ) വന്നാല്‍ മതിയായിരുന്നു. എങ്കില്‍ ഈ എണ്‍പതാം വയസില്‍ ഞാനിങ്ങനെ രാജ്യങ്ങള്‍ തോറും അഭയം തേടി അലയേണ്ടി വരില്ലായിരുന്നു. ദൈവം അനുഗ്രഹിച്ച രാജ്യമാണ് ഇന്ത്യ, ശപിച്ചത് ഞങ്ങളുടെ രാജ്യത്തെയും.

ന്യൂനപക്ഷ അവകാശങ്ങള്‍ക്കായി പൊരുതിയതിന്

തീവ്രവാദികളുടെ വെടിയുണ്ടയ്ക്ക് ഇരയായ പാക് മന്ത്രി ഷെഹ്ബാസ് ബട്ടിയെക്കുറിച്ച് പറഞ്ഞപ്പോള്‍ കുടുംബനാഥന്‍ യൂനസിന്‍റെ കണ്ണുകള്‍ നിറഞ്ഞൊഴുകി.

മരിക്കും മുമ്പ് ക്രിസ്ത്യാനികളുടെ വിശുദ്ധനാടായ ഇസ്രയേലില്‍ പോവുകയാണ് സോണിയയുടെ ആഗ്രഹം. പാക്കിസ്ഥാന്‍ പാസ്പോര്‍ട്ടുമായി ഇസ്രയേലില്‍ പോവാന്‍ കഴിയില്ല. മറ്റേതെങ്കിലും രാജ്യം തനിക്ക് പാസ്പോര്‍ട്ട് അനുവദിക്കുമെന്നും അങ്ങനെ വിശുദ്ധനാട്ടില്‍ പോകാന്‍ കഴിയുമെന്നുമാണ് പ്രതീക്ഷ.

അവിടെ നിന്നും മടങ്ങുമ്പോള്‍, ഞാന്‍ ഗുല്ലിനോട് ചോദിച്ചു, നീയും ഇതുപോലെ മറ്റുരാജ്യത്ത് അഭയം തേടുമോ? അമേരിക്കയിലുള്ള ഗുല്ലിന്‍റെ പിതാവ് കുടുംബത്തെ അങ്ങോട്ട് കൊണ്ടുപോകാന്‍ തയ്യാറെടുക്കുകയാണ്.

പക്ഷേ താന്‍ പോവില്ലെന്ന് ഗുല്‍ ഉറപ്പിച്ചുപറഞ്ഞു. മരിക്കേണ്ടി വന്നാലും ജന്മനാട് ഉപേക്ഷിക്കില്ല.

തന്നെപ്പോലെ കഷ്ടപ്പെടുന്ന ന്യൂനപക്ഷങ്ങള്‍ക്കായി, അവരുടെ അവകാശങ്ങള്‍ക്കായി പൊരുതും, മുഖ്യസമുദായത്തിലെ നല്ല സുഹൃത്തുക്കളുടെ പിന്തുണയുണ്ട് തനിക്ക്. മരണം വരെ പിറന്നമണ്ണില്‍.

എന്‍റെ കൈ പിടിച്ച് അത് പറയുമ്പോള്‍ അഭിമാനിയായ പാക്കിസ്ഥാനിയെ ഗുല്‍മെഹകില്‍ ഞാന്‍ കണ്ടു.

നിഷ ജെബി മനോരമ ന്യൂസിലെ ന്യൂസ് ആങ്കറാണ്.

കടപ്പാട്:-http://blog.manoramaonline.com/nishajebi

Ooberfuse - Free Asia Bibi - Official Music Video (Published on 1 Jan 2013)
This video is funded by the Jesuit Fund for Social Justice. In association with the British Pakistani Christian Association.

Hi dear reader, you may also follow the bellow links, which are so related to the incidents referring in this blog post.

A facebook page for Asia Bibi - "Save Asia Bibi" Petition .

Remember Asia Bibi

Italy urges Pakistan to drop Asia Bibi's death sentence (Published 08 January 2013)

Cardinal urges Pakistan to release Asia Bibi (Published on 7-Feb-2013)

ഒരു പുതിയ കാറും പിന്നെ കുറേ നൂലാമാലകളും!

2013-06-19T00:00:00.000+05:30

കാര്‍ ഒന്ന് മാറ്റിയാലോ എന്നൊരു പൂതി...
സുഹൃത്തുക്കളോട്‌ അഭിപ്രായം ചോദിച്ചു… ഏതു കാര്‍ വാങ്ങണം...?

ഓരോരുത്തരും അവരവര്‍ ഉപയോഗിക്കുന്ന കാറുകളുടെ മഹത്വം വിളമ്പാന്‍ തുടങ്ങി. കൂടെ വേറെ കുറെ പൊങ്ങച്ചവും ...നടപ്പില്ല...

നെറ്റില്‍ ഒന്ന് പരതി ...അത്യാവശ്യം details ഒക്കെ എടുത്തു .

അവസാനം ഏതു വേണമെന്ന കാര്യത്തില്‍ തീരുമാനം ആയി.

വിളിച്ചു കാര്‍ കടയിലേക്ക് ...10 മിനിടിനുള്ളില്‍ വാനര പട എത്തി ...ഓടിച്ചു നോക്കാനുള്ള വണ്ടിയും കൊണ്ട് വന്നിടുണ്ട്.

കാറിനെ കുറിച്ചുള്ള വിവരണങ്ങള്‍ തുടങ്ങി. ഞാന്‍ എല്ലാം അതീവ ശ്രദ്ധയോടെ കേട്ട് നിന്നു.

എല്ലാം മനസിലായില്ലേ മാഡം ...?
..ഞാന്‍ പറഞ്ഞു ..."പിന്നെ എനിക്കെല്ലാം മനസിലായി".

ഇവന്മാര്‍ പറയുന്ന കാര്യങ്ങള്‍ മനസിലാക്കണമെങ്കില്‍ automobile engineering പോലും പോരാതെ വരും. എനിക്കൊന്നും മനസിലായില്ല.

പക്ഷെ ഒന്ന് മനസിലായി ...ഇതൊരു തന്ത്രം ആണ് ...നമുക്ക് മനസ്സില്‍ ആകാത്ത രീതിയില്‍ കാര്യങ്ങള്‍ അവതരിപികുക, അഡ്വാന്‍സ്‌ വാങ്ങി ബുക്ക്‌ ചെയ്യുക. നമുക്ക് മനസിലായാല്‍ മറ്റു വണ്ടികളുമായി നമ്മള്‍ compare ചെയ്യും ..ഏത് ...

മാഡം ഇന്ന് 10,000 കൊടുത്തു ബുക്ക്‌ ചെയ്താല്‍ 5000 രൂപ discount കിട്ടും.

ഒരു പതിനായിരവും കൊടുക്കുന്നില്ല, പക്ഷെ എനിക്ക് 20,000 രൂപയുടെ discount വേണം എന്ന് ഞാന്‍....

10 മിനിറ്റ് നീണ്ട വാഗ്വാദത്തിനോടുവില്‍ discount 15,000 ആയി ഉറപ്പിച്ചു, without giving any advance.

അപ്പൊ അടുത്ത കുരിശു ...7500 രൂപ പ്രോസിസ്സിംഗ് fee ഉണ്ടത്രേ....എന്ത് processing ...?
വണ്ടി രജിസ്റ്റര്‍ ചെയ്യുന്നതിനുള്ള ചാര്‍ജ്ജ് ...!
വണ്ടി ഞാന്‍ രജിസ്റ്റര്‍ ചെയ്തു കൊള്ളാം ...നിങ്ങള്‍ കഷ്ടപ്പെടണ്ട ..
എന്നാല്‍ 5000 കൊടുക്കണമെന്ന് ...ചെന്നയില്‍ നിന്നും വണ്ടി തിരോന്തരം വരെ എത്തിച്ചതിന്‍റെ ചാര്‍ജ്ജ് പോലും ...തായും മായും കൂട്ടി രണ്ടെണ്ണം വിളിക്കാനാണ് തോന്നിയത് ...എന്തായാലും അതിന് മുന്‍പ് അവന്‍ പോയി .

അങ്ങനെ ഒരു കടമ്പ കഴിഞ്ഞു.

എന്‍റെ ഫോണ്‍ പതിവില്ലാത്ത രീതിയില്‍ നിര്‍ത്താതെ ചിലക്കുന്നു. 15 missed calls, അതും 15 നമ്പരുകളില്‍ നിന്നും. തിരിച്ച് വിളിച്ചു , എനിക്ക് കാര്‍ ലോണ്‍ തരാന്‍ വേണ്ടി 15 കമ്പനികള്‍ നിര നിരയായി നില്കുന്നു. ഒരു Yes പറഞ്ഞാല്‍ ഈ 15 കമ്പനികളും ഇപ്പൊ വീട്ടിലെത്തും. ഓരോ ഗ്രൂപ്പിലും 2 പേര്‍ വെച്ച് നോക്കിയാല്‍ 30 പേര്‍ പിന്നെ 15 ബൈക്കും വീടിനു മുന്നില്‍ നിരക്കും . ആ സാഹസത്തിനു ഞാന്‍ മുതിര്ന്നിാല്ല. വീട്ടില്‍ എന്തേലും അത്യാഹിതം നടന്നോ എന്ന് നാട്ടുകാര്‍ ചിന്തിചാലോ ...!

ഓരോരുത്തരും ഓരോ interest റേറ്റ് ആണ് ഓഫര്‍ ചെയ്യുന്നത് ...ലേലം വിളി പോലെ...

10%, 7%, 4% ,അവസാനം ഒരു കമ്പനി 2% വരെ എത്തി. ആകെ confusion ആയി. ഒരാള്‍ 2% തരാം എന്ന് പറയുന്നു, മറ്റൊരാള്‍ 10%.
8% വ്യത്യാസം! എന്തോ ഒരു അപകടം മണക്കുന്നു ...അറിഞ്ഞിട്ട് തന്നെ കാര്യം.

15 പേരെയും വിളിച്ചു. 5 ലക്ഷം ആണ് എനിക്ക് ലോണ്‍ വേണ്ടത്. തിരിച്ചടവ് കാലാവധി 60 മാസം (5 വര്‍ഷം), അപ്പൊ ഒരു മാസം എത്ര വെച്ച് തിരിച്ച് അടക്കേണ്ടി വരും എന്ന് ചോദിച്ചു.

ഞെട്ടിപ്പിക്കുന്ന മറുപടി, 15 പേര്‍ക്കും ഓരേ മറുപടി ...Rs.11,895/- രൂപ വെച്ച് മാസം അടക്കേണ്ടി വരും.

അതായതു 5 ലക്ഷം ലോണ്‍ എടുത്ത ഞാന്‍ 5 വര്‍ഷം കഴിയുമ്പോള്‍ 2,13,698 രൂപ പലിശയും ചേര്‍ത്ത് 7,13,698/- രൂപ അടക്കേണ്ടി വരും.

ഇതെങ്ങനെ 10% ക്കാരനും 2% ക്കാരനും ഒരേ EMI (മാസ തവണക്ക് ഇവര്‍ പറയുന്ന പേരാണ് EMI.... equated monthly installment ആണ് പോലും; സയിപിന്‍റെതാണ് കണ്ടുപിടിത്തം)

ഞാന്‍ ഗൂഗിളില്‍ സെര്‍ച്ച് ‌ ചെയ്തു...EMI calculator ...തുറന്നു വന്നു ഒരു പേജ്. calculate ചെയ്തു നോക്കിയപ്പോ ഞാന്‍ കൊടുക്കേണ്ടത് 15% interest....10%, 7%, 4%, 2% ഒക്കെ സ്വാഹ..

എല്ലാത്തിനെയും വിളിച്ചു ...എന്‍റെ stand പറഞ്ഞു ..7% interest ...EMI ഞാന്‍ പറയാം ..Rs.9,901/- per month. ഇത് പറ്റുമെങ്കില്‍ മാത്രം വിളിക്കുക. അവസാനം അങ്ങനെ തന്നെ ലേലം ഉറപ്പിച്ചു. ഒരു മാസം EMI യില്‍ വന്ന വ്യത്യാസം 1994 രൂപ, അപ്പൊ 5 വര്‍ഷത്തേക്ക് 1,19,640 രൂപ വ്യത്യാസം. എങ്ങനെയുണ്ട് അണ്ണന്മാരുടെ ലീലാ വിലാസങ്ങള്‍?

തീര്‍ന്നില്ല ...5 വര്‍ഷത്തേക്ക് എടുത്ത ലോണ്‍ നേരത്തെ ക്ലോസ് ചെയ്യുവാണേല്‍ ഫൈന്‍ ഈടക്കുമത്രേ! (ലോണ്‍ അടവില്‍ വീഴ്ച വരുത്തിയാലാണ് സാധാരണ ഫൈന്‍ ഈടാക്കുന്നത്.) അതിലും ലേലം നടന്നു. 5%ല്‍ തുടങ്ങി 2%ല്‍ ഉറപ്പിച്ചു)...പിന്നെ ദേ വരുന്നു processing fee ...അവന്മാരുടെ ക്ഷമ പരീക്ഷിക്കാന്‍ നിന്നില്ല ...കൊടുത്തു പണ്ടാരം അടക്കി.

ഇതിന്‍റെ ഗുട്ടന്‍സ് എന്താ എന്നറിയാമോ ...നമ്മളോട് 5% എന്ന് പറയും ...എന്നിട്ട് ഒരു EMI യും പറയും. നമ്മള്‍ വിചാരിക്കും അവര്‍ പറഞ്ഞ EMI 5% ആയിരിക്കും എന്ന്, ശരിക്കും അത് 15%-20% ഒക്കെ വരെ ആയിരിക്കും. നമുക്ക് ഉണ്ടാകുന്നതു വന്‍ നഷ്ടവും.

ഇത്തരം സ്ഥാപനങ്ങള്‍ കള്ളത്തരം കാണിക്കുമെന്നു സ്വപ്നത്തില്‍ പോലും നമ്മള്‍ വിചാരിക്കില്ല. സൂക്ഷിക്കുക. ഒരാളുടെ കീശയില്‍ ഇരിക്കുന്ന കാശു ഏത് മാര്‍ഗ്ഗത്തിലൂടെയും സ്വന്തം കീശയില്‍ ആക്കുക എന്നതാണ് ഇവരുടെ ബിസിനസ്‌.

കാര്‍ കടയില്‍ നിന്നും വിളി വന്നു ...Mrs.രാഖി അല്ലേ ...താങ്കളുടെ കാര്‍ റെഡി ആണ്. (മാഡം ഇപ്പൊ രാഖി ആയി! ...അവരുടെ കാര്യം കഴിഞ്ഞല്ലോ)

കാര്‍ എടുക്കാന്‍ ചെന്നപ്പോ വേറെ പുകില്‍ ..ഞാന്‍ ജീവിതത്തില്‍ ഇന്നേ വരെ കേട്ടിട്ടില്ലാത്ത ഏതോ ഒരു കമ്പനിയുടെ insurance എടുത്തു വെച്ചിരിക്കുന്നു. എന്തേലും ക്ലെയിം വന്നാല്‍ ഞാന്‍ ഇവന്മാരെ എവിടെ പോയി കണ്ടു പിടിക്കും ...!

വീണ്ടും വരുന്നു പണി ...teflon coating, under body coating, spoiler പിന്നെ എന്തൊക്കെയോ ചപ്പ് ചവറ് ...എല്ലാം കൂടെ ഒരു ഇരുപത്തി അയ്യായിരത്തിന്‍റെ വകുപ്പ് ഉണ്ട്. ഇതൊന്നും ഇല്ലാത്തതിന്‍റെ പേരില്‍ വണ്ടി ഓടുന്നില്ല എങ്കില്‍ ഞാന്‍ വരാം എന്ന് പറഞ്ഞ് ഞാന്‍ ഇറങ്ങി ...ഞാന്‍ നടക്കുമ്പോള്‍ പുറകില്‍ കേള്‍ക്കാമായിരുന്നു ...എന്നാ പിന്നെ 2 വര്‍ഷത്തേക്കുള്ള AMC എടുത്തൂടെ മാഡം ...15000 രൂപയെ ഉള്ളൂ (രാഖി പിന്നെയും മാഡം ആയി ...അപകടം ...ജീവനും കൊണ്ട് ഓടിക്കോ .....)

Formalities എല്ലാം തീര്‍ത്തു കാറിനടുത്ത് എത്തി. അപ്പൊ ഒരു ചേട്ടന്‍ പല്ല് മൊത്തം വെളിയില്‍ കാണിച്ചു 2 നാരങ്ങയും പിടിച്ചോണ്ട് നില്ക്കുന്നു. 2 നാരങ്ങയുടെ വില 200 രൂപ. പാണ്ടി ലോറികള്‍ ചീറി പായുന്ന ഹൈവേയില്‍ നാരങ്ങ വെക്കാത്തതിന്‍റെ പേരില്‍ അതിനു അടിയില്‍ പെട്ട് ചതഞ്ഞ് അരഞ്ഞു ചമ്മന്തി ആകണ്ട എന്ന് കരുതി അതും കൊടുത്ത് tata പറഞ്ഞ് ഇറങ്ങി.

പറ്റുമെങ്കില്‍ share ചെയ്യൂ ...ആര്‍ക്കെങ്കിലും പ്രയോജനപ്പെട്ടേക്കാം..!

(ഈ ബ്ലോഗ്‌ പോസ്റ്റ്‌ നു കടപ്പാട്: ശ്രീ.വിനീത് സദാനന്ദന്‍ എഴുതിയ ഫേസ്ബുക്ക്‌ പോസ്റ്റ്‌, കൂടാതെ ആ പോസ്റ്റ്‌ ഷെയര്‍ ചെയ്ത എന്‍റെ ഒരു ഫേസ്ബുക്ക്‌ ഫ്രണ്ട്: ശ്രീ.ബ്രിജേഷ് പീറ്റര്‍)

പപ്പായ ഇലകൊണ്ട് മൂടിയ ചില നഗ്നസത്യങ്ങള്‍!

2013-06-17T20:15:00.000+05:30

കഴിഞ്ഞ കുറച്ചു ദിവസങ്ങളായി നിരവധി മാധ്യമങ്ങളിലും, സോഷ്യല്‍ മീഡിയകളിലും തുടരെത്തുടരെ പ്രത്യക്ഷപ്പെട്ടുകൊണ്ടിരിക്കുന്ന ഒന്നാണ് "പപ്പായ ഇലയുടെ മാഹാത്മ്യം".

ഇവയില്‍ ഏറ്റവും പ്രധാനം, പ്രമുഖ മലയാളപത്രമായ 'മലയാള മനോരമ'-യില്‍ വന്ന ലേഖനമാണ്. 'ഡെങ്കി : ജിവന്‍ രക്ഷിക്കാന്‍ പപ്പായ ഇല' എന്ന തലക്കെട്ടില്‍ മലയാള മനോരമ കഴിഞ്ഞദിവസം പ്രസിദ്ധീകരിച്ച ലേഖനം, തിരുവനന്തപുരം പേരൂര്‍ക്കട ഇ.എസ്.ഐ. ആശുപത്രിയിലെ ഡോ. സി. എച്ച്. എസ്. മണി എഴുതിയതാണ്.

എന്തിനധികം പറയണം, ഇപ്പോള്‍ ഫേയ്‌സ്ബുക്ക് ഉള്‍പ്പടെയുള്ള സോഷ്യല്‍മീഡിയകളില്‍ പപ്പായയിലയാണ് താരം. എവിടെത്തിരിഞ്ഞാലും 'പപ്പായ ഗുണങ്ങള്‍' മാത്രമേ കേള്‍ക്കാനും വായിക്കാനും ഉള്ളൂ എന്നായിട്ടുണ്ട്.

'ഡെങ്കിയും പപ്പായയും - ഏറുന്ന ആകാംക്ഷ ' - എന്ന തലക്കെട്ടില്‍ ശ്രീ.ജോസഫ് ആന്‍റണി എഴുതി മാതൃഭൂമി ദിനപത്രം 15-ജൂണ്‍-2013ന് പ്രസിദ്ധീകരിച്ച ലേഖനം ഞാന്‍ വായിച്ചിരുന്നു. അതില്‍ കാര്യങ്ങള്‍ വലിയ അതിശയോക്തിയില്ലാതെ, ഒരുവിധം വസ്തുനിഷ്ഠമായി പ്രതിപാദിച്ചിരിക്കുന്നു എന്ന് തോന്നി.

അതിനുശേഷമാണ്, ഡോ.ദീപു സദാശിവന്‍ (Asst. Surgeon, Kerala State Health Services) 17-ജൂണ്‍-2013ല്‍ അദ്ദേഹത്തിന്‍റെ ഫേസ്ബുക്ക് വാളില്‍ പോസ്റ്റ്‌ ചെയ്ത ഈ പോസ്റ്റ് ഞാന്‍ വായിക്കാനിടയായത്.

"ഇത്രയും അബദ്ധ ജടിലവും വസ്തുതാ വിരുദ്ധം ആയതും ആയ ഒരു വാര്‍ത്ത‍ കേരളത്തില്‍ ഏറ്റവും പ്രചാരമുള്ള എന്ന് അവകാശപ്പെടുന്ന പത്രം പ്രസിദ്ധീകരിച്ചിരിക്കുന്നത് (ലേഖകന്റെ പേര് വെക്കാതെ ) കണ്ടപ്പോള്‍ തുടര്‍ച്ച ആയി ചിലത് പറയണം എന്ന് തോന്നി. തുടര്‍ന്ന്കണ്ട മാത്രുഭുമിയിലെ ലേഖനം നന്നായിട്ടുണ്ട്, അതിലും ചില പിശകുകള്‍ ഉണ്ടെങ്കിലും ആ ലേഖനം മുന്‍വിധികള്‍ ഒന്നും ഇല്ലാതെ എഴുതിയതാണെന്ന് തോന്നി."

- എന്നാണ് ഡോ.ദീപു സദാശിവന്‍ തന്‍റെ പോസ്റ്റില്‍ പറയുന്നത്.

കൂടാതെ, അദ്ദേഹത്തിന്‍റെതന്നെ മറ്റൊരു ഫേസ്ബുക്ക് പോസ്റ്റും 'പപ്പായ ഇല ജ്യൂസ്‌ റെഡി - ദേ Dengue ഔട്ട്‌ ...' എന്ന പേരില്‍ വായിക്കുകയുണ്ടായി.

അലോപ്പതിയാണ് എല്ലാം എന്നും, അതിനപ്പുറം യാതൊരു ചികിത്സാവിധികളില്ലെന്നും എനിക്കഭിപ്രായമില്ല. എങ്കിലും, വെറും 'ധാരണ'കളുടെപുറത്ത് മാത്രം നടത്താവുന്ന ഒന്നല്ല രോഗചികിത്സ എന്ന അഭിപ്രായമുള്ളതുകൊണ്ട്; അതുകൊണ്ട് മാത്രം, പ്രിയവായനക്കാര്‍ക്കായി എന്‍റെ ഈ ബ്ലോഗ്‌ പോസ്റ്റ്‌ ഞാന്‍ സമര്‍പ്പിക്കുന്നു.

പിന്‍കുറിപ്പ്: രോഗപ്രതിരോധം ചികിത്സയേക്കാള്‍ പ്രധാനം

സേര്‍ച്ച്‌ ഫോര്‍ പീപ്പിള്‍, പ്ലേസസ് ആന്‍ഡ്‌ തിങ്ങ്സ്‌; - എന്നാല്‍ ദൈവത്തെ നമുക്ക് സെര്‍ച്ച് ചെയ്ത് കണ്ടുപിടിക്കാന്‍ സാധിക്കുമോ?

2013-06-10T22:00:00.000+05:30

ദേ പിന്നേ, ഞാന്‍ ഇന്നസെന്‍റ് ആയതോണ്ടു പറയുവാ.... ഒന്നും തോന്നരുത്. - എന്ന എന്‍റെ ബ്ലോഗ്‌ പോസ്റ്റ്‌ വായിച്ചിട്ട് ഫേസ്ബുക്ക്-ല്‍ നടന്ന ഒരു ചര്‍ച്ചയിലേക്ക്, താങ്കളുടെ ശ്രദ്ധ ക്ഷണിക്കട്ടെ. ഇതാണ് ആ ചര്‍ച്ചയുടെ പ്രസക്തമായ ഒരു ഭാഗം.

( ഇവിടെ ക്ലിക്ക് ചെയ്‌താല്‍ മേല്‍പ്പറഞ്ഞ ചര്‍ച്ചയുടെ ഭാഗങ്ങള്‍ ഫേസ്ബുക്കില്‍ കാണാം.)

ഈ ചര്‍ച്ചയില്‍ പങ്കെടുത്തവരില്‍ ശ്രീ.പ്രതീഷ് കുമാര്‍ ഉന്നയിച്ച ചില ചോദ്യങ്ങള്‍ക്ക് (മേല്‍പ്പറഞ്ഞ ചര്‍ച്ചയില്‍ മഞ്ഞ നിറത്തില്‍ കാണിച്ചിരിക്കുന്ന ഭാഗം) എളിയതോതില്‍ ഒരു മറുപടി ഇവിടെ കുറിക്കുന്നു.

@Pratheesh Kumar,
പോയിന്‍റ് 1: താങ്കള്‍ പറഞ്ഞത് "ദേഹം വിയര്‍ക്കാതെ ഭക്ഷിക്കാനും സുഖിച്ചു ജീവിക്കാനും പുരോഹിത വര്‍ഗം സൃഷ്ടിച്ചതാണ് എല്ലാ മതങ്ങളും. അതിനു മാനസികമായി അടിപ്പെട്ടു പോയ താങ്കളെ പോലുള്ളവരെക്കുറിച്ച് എന്ത് പറയാന്‍" എന്നാണ്.

ആദ്യമേ പറയട്ടെ... ഞാന്‍ ഒരു പുരോഹിതനല്ല; എനിക്കൊരു പുരോഹിതനോടും വിരോധമില്ല. പിന്നെ, ആളുകളെ 'പറ്റിച്ചും' പലവിധത്തില്‍ 'വഞ്ചിച്ചും' ജീവിക്കുന്ന ഒരുവിഭാഗം എവിടെയുമുണ്ട്; താങ്കളീ പറയുന്ന 'ഡോക്ടര്‍'മാരുടെ ഇടയിലും വിവിധതരം 'ചികിത്സാ' സമ്പ്രദായങ്ങളിലും എല്ലാമീ കൂട്ടരുണ്ട്. എന്ന് വച്ച്, താങ്കള്‍ പറഞ്ഞത് പോലെ "ദേഹം വിയര്‍ക്കാതെ ഭക്ഷിക്കാനും സുഖിച്ചു ജീവിക്കാനും ചികിത്സക വര്‍ഗം സൃഷ്ടിച്ചതാണ് എല്ലാ ചികിത്സകളും. അതിനു മാനസികമായി അടിപ്പെട്ടു പോയ താങ്കളെ പോലുള്ളവരെക്കുറിച്ച് എന്ത് പറയാന്‍" - എന്ന്‍ ഞാന്‍ പറഞ്ഞാല്‍ അംഗീകരിക്കാന്‍ കഴിയുമോ?

നമ്മുടെ ജീവിതത്തിന്‍റെ വിവിധ മേഖലകളില്‍ 'തിന്മ' അല്ലെങ്കില്‍ 'ചീത്ത' ആയ നിരവധി കാര്യങ്ങളും സ്വാധീനങ്ങളും ഉണ്ട് എന്നതൊരു വാസ്തവം മാത്രമാണ്. അതിനെ അംഗീകരിക്കുന്നു.

പോയിന്‍റ് 2: താങ്കള്‍ പറഞ്ഞത് "മാര്‍പാപ്പ ആസുഖം മൂലം വിരമിച്ചു, 'അയാളുടെ' അനാരോഗ്യം മാറ്റാത്ത ദൈവം ആണ് ഇന്നസെന്റിനെ തുണക്കുന്നത്"

രോഗാരോഗ്യങ്ങള്‍ ഉള്‍പ്പടെ മനുഷ്യജീവിതത്തില്‍ നിരവധി ഉയര്‍ച്ചതാഴ്ച്ചകള്‍ ഉണ്ടല്ലോ. ഇതിലെല്ലാം ദൈവകരം കാണാന്‍ 'ഉള്‍ക്കണ്ണ്‍' എന്ന്‍ പഴമക്കാര്‍ വിളിക്കുന്ന 'വിശ്വാസം' വേണം; എന്നാലെ കാണാന്‍ പറ്റൂ. ഇതിന് ഇടക്കൊക്കെ എങ്കിലും ഏതെങ്കിലും മതഗ്രന്ഥങ്ങള്‍ വായിക്കുന്നത് കൊള്ളാം. ഇഷ്ടപ്പെട്ടില്ലേ? എങ്കില്‍ വഴിയുണ്ട്: 'നല്ല' കഥകള്‍, കവിതകള്‍, സിനിമകള്‍ എന്നിവ ആസ്വദിച്ചാലും മതി എന്നാണ് ഈ എളിയവന്‍റെ മതം (അഭിപ്രായം).
ഉദാ: മമ്മൂട്ടിയുടെ: "മേഘം", "ജവാന്‍ ഓഫ് വെള്ളിമല", "ഇമ്മാനുവല്‍",
മോഹന്‍ലാലിന്‍റെ: "ലൈഫ് ഈസ്‌ ബ്യൂട്ടിഫുള്‍",
ജയറാമിന്‍റെ: "മനസ്സിനക്കരെ", "കൈക്കുടന്ന നിലാവ്",
ദിലീപ്ന്‍റെ: "വെട്ടം",
പ്രിത്വിരാജ്‌ന്‍റെ: "ഇന്ത്യന്‍ കറന്‍സി"....
ഈ ലിസ്റ്റ് ഏറെ നീളും - എതെങ്കിലുമൊക്കെ കണ്ടുനോക്ക്.

പിന്നെ മാര്‍പ്പാപ്പ 266മത് ആയിട്ടാണ് His Hex. "ഫ്രാന്‍സിസ്-1" പപ്പാ വന്നത്. ഇതിനു മുന്‍പും 3 മാര്‍പ്പാപ്പമാര്‍ സ്ഥാനത്യാഗം ചെയ്തിട്ടുണ്ട്; മരിച്ചു പോയിട്ടുണ്ട്. ഇതൊക്കെ ഈ ലോകനിയമമാണ്; ആര്‍ക്കും തടുക്കാന്‍ പറ്റില്ല. മരണമില്ലാത്തവന്‍ ദൈവം മാത്രമാണ്.

പോയിന്‍റ് 3: താങ്കള്‍ പറഞ്ഞത്:
"ഞാന്‍ ഉള്‍പ്പടെ നിരവധി അവിശ്വാസികള്‍ ഈ ലോകത്ത് ഉണ്ട്. ഞങ്ങള്‍ പ്രാര്‍ത്ഥന ഇല്ലാതെ മരുന്ന് മാത്രം കഴിച്ചാണ് അസുഖം മാറ്റുന്നത് !!!!! " - എന്നാണ്.

ഞാന്‍ ഉള്‍പ്പടെ ഒട്ടേറെ ദൈവവിശ്വാസികള്‍ (വിവിധ മതക്കാരായ ദൈവവിശ്വാസികള്‍‍) ഈ ലോകത്ത് ഉണ്ട്. ഞങ്ങളെല്ലാം പ്രാര്‍ത്ഥനയോട് കൂടി മരുന്നു കഴിച്ചാണ് അസുഖത്തിന് ശമനം ഉണ്ടാക്കുന്നത്‌. (ആവശ്യമാണെങ്കില്‍ വെള്ളവും കുടിക്കും കേട്ടോ!) പിന്നെ, അവനവന്‍റെ വിശ്വാസത്തിന്‍റെ തോതനുസരിച്ച് പ്രാര്‍ത്ഥന ചെയ്തും, ദൈവത്തോട് യാചിച്ചും ചിലവ ദൈവം മരുന്നില്ലാതെതന്നെ, എടുത്തുമാറ്റിയിട്ടുണ്ട്.

പോയിന്‍റ് 4: താങ്കള്‍ പറഞ്ഞത്:
"ദൈവ വിശ്വാസികള്‍ ചുണയുണ്ടെങ്കില്‍ മരുന്ന് കഴിക്കാതെ പ്രാര്‍ത്ഥിച്ചു മാറ്റിക്കാണിക്ക് !!!!! " - എന്നാണ്.

അതിനുള്ള എന്‍റെ വിനീതമായ മറുപടി ഇതാണ്: "എനിക്ക് നല്ല ചുണയും വിശ്വാസവുമുണ്ട്; എന്‍റെ കൂടെ വരൂ; ഞാന്‍ കാണിച്ച് തരാം പ്രാര്‍ഥിച്ചുമാത്രം രോഗം മാറ്റുന്നവരെ, പ്രാര്‍ഥിച്ചുമാത്രം രോഗം മാറുന്നവരെ, മാറിയവരെ, പ്രാര്‍ഥിച്ചുമാത്രം രോഗം മാറിയവരെ; പ്രാര്‍ഥിച്ചുമാത്രം രോഗം മാറുന്ന സംഭവങ്ങള്, പ്രാര്‍ഥിച്ചുമാത്രം രോഗം മാറിയ സ്ഥലങ്ങള്‍‍; ധൈര്യമുണ്ടോ എന്‍റെ പ്രിയ സുഹൃത്തെ വരാന്‍? ഈ സംഭവങ്ങള്‍ വെറുതെ നേരിട്ട്കാണാന്‍ താങ്കള്‍ തയ്യാറാണോ?".
ഇത്തരം സംഭവങ്ങള്‍ ആ പ്രാര്‍ത്ഥന ചെയ്യന്ന ആളിന്‍റെ കഴിവോ പ്രാഭാവമോ കൊണ്ടല്ല സംഭവിക്കുന്നത്‌; മറിച്ച് അവിടെ നടക്കുന്നത് ദൈവത്തിന്‍റെ 'പ്രത്യേകമായ ഇടപെടല്‍' ആണ്.

പോയിന്‍റ് 5: താങ്കള്‍ പറഞ്ഞത്: "ശാസ്ത്രത്തിന്റെ സകല പ്രയോജനവും ഉപയോഗിച്ചിട്ട് അതിനെ തള്ളി പറയാന്‍ നാണമില്ലേ ?????" - എന്നാണ്.

ഞാന്‍ ശാസ്ത്രത്തിനെ തള്ളിപറഞ്ഞിട്ടില്ല. മാത്രമല്ല, ശാസ്ത്രത്തെ വളരെയധികം ആശ്രയിച്ച് ജീവിക്കുന്ന ഒരാളാണ്. പക്ഷെ, ശാസ്ത്രമാണ് 'എല്ലാം' എന്നുള്ള വിഡ്ഢിത്തരത്തിന് ഞാന്‍ കടുത്ത എതിരാണ്. ശാസ്ത്രത്തിന് ഉത്തരമോ, അല്ലെങ്കില്‍ വെറുതെ ഒന്ന് വിശദീകരണം പോലുമോ നല്‍കാന്‍ സാധിക്കാത്ത നിരവധി നിരവധി പ്രതിഭാസങ്ങള്‍ (പ്രപഞ്ചത്തിലുള്ളത് വിട്) ദിനംപ്രതി ഈ ലോകത്തില്‍ത്തന്നെ നടക്കുന്നുണ്ട്. അപ്പോള്‍പിന്നെ ശാസ്ത്രമാണ് എല്ലാം എന്നും അതില്‍ എല്ലാം അടങ്ങിയിരിക്കുന്നു എന്നും പറഞ്ഞാല്‍ അത് സമ്മതിച്ച്തരാന്‍മാത്രം 'അറിവും' 'ബുദ്ധിയും' ഒന്നും എനിക്കില്ല തന്നെ. കാരണം, നമ്മുടെ കാര്‍ന്നവന്‍മാര്‍ പണ്ടേ ഇത് പറഞ്ഞു വച്ചിട്ടുണ്ടെന്നേ.... "തെങ്ങിനും കവുങ്ങിനും ഒരേ തളപ്പിടരുത്" എന്ന്.
താങ്കളുടെ വാദഗതിയനുസരിച്ച് താങ്കള്‍ 'കാറ്റില്‍' വിശ്വസിക്കുന്നു; പക്ഷേ 'വായു' എന്നൊന്ന് ഉണ്ടെന്ന് സമ്മതിക്കാന്‍ താങ്കള്‍ക്ക് പ്രയാസം!!!

ശാസ്ത്രവും ദൈവവിശ്വാസവും രണ്ടും എതിരല്ല; അവ പരസ്പരപൂരകങ്ങളാണ്. ഇവരണ്ടും നമുക്ക് തന്നത് ദൈവം ആണ്. ഒന്ന് തനിക്ക് ദൈവം തന്ന ബുദ്ധി ഉപയോഗപ്പെടുത്തി തന്‍റെ ജീവിതം തനിക്കിഷ്ടപ്പെട്ടരീതിയില്‍ ക്രമപ്പെടുത്താന്‍ നമ്മെ സഹായിക്കുന്നു. മറ്റൊന്ന് തന്‍റെ യുക്തിക്കും ബുദ്ധിക്കും ചിന്തക്കും ശക്തിക്കുമപ്പുറവും ചിലതുണ്ടെന്നും അവ തന്‍റെ കൈപപിടിയിലല്ലെന്നും നമ്മെ ഓര്‍മ്മിപ്പിക്കുന്നു; തന്‍റെ സ്രഷ്ടാവിന്‍റെ 'ഹിതം' അനുസരിച്ച് തന്‍റെ ജീവിതഗതി (ആവശ്യമെങ്കില്‍) പുന:ക്രമീകരിക്കാന്‍ നമ്മെ സഹായിക്കുന്നു.

പോയിന്‍റ് 5: താങ്കള്‍ പറഞ്ഞത്: [ "പ്രാര്‍ത്ഥനകളുടെ കൂടെ നേര്‍ച്ചകാഴ്ച്ചകള്‍ 'നേരുന്നത്' ഒരു നല്ല കാര്യം തന്നെയാണ് " എന്ന് താങ്കള്‍ പറഞ്ഞിരിക്കുന്നു പുരോഹിതന്മാര്‍ക്ക് ജീവിക്കണമല്ലോ ???? ]

അതെ, പുരോഹിതരും മനുഷ്യരല്ലേ; ജീവിക്കട്ടെന്നേയ്. ഞാന്‍ നേര്‍ച്ചകാഴ്ച്ചകള്‍ 'നേരുക' മാത്രമല്ല; അത് നിറവേറ്റുകയും ചെയ്യുന്നുണ്ട്. അത് പക്ഷെ, എന്‍റെ ബ്ലോഗില്‍ പറഞ്ഞിട്ടുള്ളതുപോലെതന്നെ, ദൈവത്തിന് ഒരു കൈക്കൂലി കൊടുക്കലായല്ല കേട്ടോ. മറിച്ച്, ദൈവം എന്‍റെ പ്രാര്‍ത്ഥന കേട്ടതിന്‍റെ വെളിച്ചത്തില്‍ എന്‍റെ നന്ദിനിറഞ്ഞ മനസ്സിന്‍റെ വളരെ ചെറിയ ഒരു പ്രതിഫലനം ('പ്രതിഫല'മല്ല) മാത്രമാണത്. ഒരു പക്ഷെ, എന്‍റെ പ്രാര്‍ഥനാനിയോഗം ഫലമണിഞ്ഞില്ലെങ്കില്‍കൂടി എനിക്ക് നിരാശയോ വിഷമമോ ഇല്ല; കാരണം അത് എന്നെകുറിച്ചുള്ള ദൈവേഷ്ടമല്ല എന്ന് ഞാന്‍ തിരിച്ചറിയുന്നു.

ഏകദേശം 25 കൊല്ലം മുമ്പ് എന്‍റെ ഗ്രാമത്തില്‍ യുവാവായ ഒരു വലിയ നിരീശ്വരവാദി ചേട്ടന്‍ ഉണ്ടായിരുന്നു. അദ്ദേഹം ദൈവമില്ലെന്ന് വാദിച്ച് നടന്നിരുന്നത് എന്‍റെ സ്കൂള്‍കാലഘട്ടത്തിലും, കൗമാരപ്രായത്തിലും ഞാന്‍ കണ്ടിട്ടുണ്ട്. എന്നോടും കൂട്ടുകാരോടുമൊക്കെ അദ്ദേഹം തന്‍റെ വാദഗതികള്‍ നിരത്തി വളരെ വസ്തുനിഷ്ഠമായി പലപ്പോഴും സംസാരിച്ചിട്ടുണ്ട്. പക്ഷെ, വര്‍ഷങ്ങള്‍ക്ക് ശേഷം പിന്നീടൊരുനാള്‍ വളരെ പ്രസിദ്ധ ധ്യാനകേന്ദ്രമായ 'പോട്ട ആശ്രമത്തിന്‍റെ' ആധ്യാത്മിക പ്രസിദ്ധീകരണമായ 'വചനോല്‍സവം' എന്ന മാസിക പലര്‍ക്കും കൊടുത്ത് നടക്കുന്നതായി കാണാന്‍ കഴിഞ്ഞിട്ടുണ്ട്. ജീവിതത്തിലെ ഏതെങ്കിലും ഒരു ദശാസന്ധിയില്‍ അദ്ദേഹം ദൈവത്തെ കണ്ടുമുട്ടിയിരിക്കും.

സ്വജീവിതത്തില്‍ ദൈവാന്വേഷണം നടത്തുന്നതൊക്കെ നല്ല കാര്യം. പക്ഷെ ഓര്‍ക്കുക; ഒരുപാടുപേര്‍ ജീവിച്ചു മരിച്ച ഭൂമിയില്‍ തന്നെയാണ് നമ്മളും ജീവിക്കുന്നത്. അവരില്‍ ചിലരുടെയെങ്കിലും ജീവിതം നമുക്ക് വഴികാട്ടിയാകേണ്ടതാണ്. കാരണം, ചിലരുടെ ജീവിതം നമ്മളെ, നമ്മള്‍ എന്താകരുത് എന്ന് പഠിപ്പിക്കുമ്പോള്‍, മറ്റു ചിലരുടെ ജീവിതം, നമ്മള്‍ എങ്ങനെയാകണം എന്നാണു പഠിപ്പിക്കുന്നത്. ഈയൊരു വ്യത്യാസം തിരിച്ചറിയാതെ പോകുന്നതാണ് നമ്മുടെയൊക്കെ പ്രശനം എന്ന്‍ തോന്നുന്നു.

ഞാനീയിടെ വായിച്ച ഒരു quote ഇവിടെ കുറിച്ച്കൊണ്ട് നിറുത്തട്ടെ; അത് ഏകദേശം ഇപ്രകാരമായിരുന്നു...

"We've to learn from other people's mistakes, becuase our life is too short to make them all by ourself".

അതെ... ജീവിതം വളരെ ചെറുതാണ്; അത് തെറ്റുകള്‍ ചെയ്തും, വഴിതെറ്റി നടന്നും ചില മിഥ്യധാരണകളുടെപുറത്ത് വെറുതെ നഷ്ട്ടപെടുത്തി കളയാനുള്ളതല്ല.

ദേ പിന്നേ, ഞാന്‍ ഇന്നസെന്‍റ് ആയതോണ്ടു പറയുവാ.... ഒന്നും തോന്നരുത്.

2013-04-13T00:01:00.000+05:30

ശ്രീ.ഇന്നസെന്‍റ്, അദ്ദേഹം തന്‍റെ ക്യാന്‍സര്‍ എന്ന രോഗാവസ്ഥയില്‍നിന്നും തിരികെ വന്നതിൽ ദൈവത്തിനു ഞാൻ നിറഞ്ഞ മനസോടെ നന്ദി പറയുന്നു. ഒട്ടേറെആളുകള്‍ അദ്ദേഹത്തിന്‍റെ ഈ തിരിച്ചുവരവിനായി പ്രാര്‍ത്ഥിച്ചിരുന്നു എന്നതൊരു സത്യമാണ്. പക്ഷെ, ഈയിടെയായി കിട്ടുന്ന മിക്കവാറും എല്ലാവേദികളിലും അദ്ദേഹത്തിന്റെ സ്വരത്തില്‍ അറിഞ്ഞോ അറിയാതെയോ ഒരു 'ദൈവനിഷേധം' കടന്നുവരുന്നത്‌ തീര്‍ത്തും ദുഖകരമാണ്.

ഇന്നസെന്‍റെന്ന വ്യക്തി ഇരിങ്ങാലക്കുടകാരനാണ്; എന്‍റെ നാട്ടുകാരനാണ്. എല്ലാവര്‍ക്കുമറിയാവുന്നത്പോലെ അദ്ദേഹം വളരെ പ്രസിദ്ധനായ തിരക്കുള്ള ഒരു സിനിമാനടനാണ്, സിനിമാക്കാരുടെ 'അമ്മ' എന്ന സംഘടനയുടെ പ്രസിഡന്‍റ് ആണ്. ഇങ്ങനെ പലനിലയിലും പ്രസിദ്ധനായ; ഒട്ടേറെ നല്ലകാര്യങ്ങള്‍ക്ക് നേതൃത്വം കൊടുക്കുന്ന ശ്രീ.ഇന്നസെന്‍റിനെ പോലൊരാള്‍ പറയുന്നത് എന്തുതന്നെയാലും വളരെപ്പെട്ടെന്നു ആളുകളുടെ ശ്രദ്ധയാകര്‍ഷിക്കും എന്നതില്‍ സംശയമില്ല.

എന്താണ് ഈയിടെയായി ശ്രീ.ഇന്നസെന്‍റ് പറയുന്നത്, അല്ലെങ്കില്‍ പറയാന്‍ ശ്രമിക്കുന്നത്? തന്‍റെ ക്യാന്‍സര്‍ എന്ന അസുഖം മാറിയതില്‍ ദൈവത്തിന് ഒരു 'റോളും' ഇല്ലെന്നാണോ! ഇന്നസെന്‍റ് എന്ന മനുഷ്യന്‍റെ കാര്യത്തില്‍ ദൈവത്തിനു ഒരു താല്‍പ്പര്യവും ഇല്ലെന്നാണോ അദ്ദേഹത്തിന്‍റെ അഭിപ്രായം. അതോ ദൈവത്തിന് ശക്തി പോരെന്നോ! അതോ പ്രാര്‍ത്ഥനയ്ക്ക് ഫലമില്ലെന്നോ; പ്രാര്‍ത്ഥിക്കുന്നത്‌ വെറുതെയാണെന്നോ! പ്രാര്‍ഥിക്കേണ്ട കാര്യമില്ലെന്നോ? 'നേര്‍ച്ചയോ വഴിപാടോ നേരാന്‍ പാടില്ലേ? അതൊരു വളരെ വിലകുറഞ്ഞ ഒരു കാര്യമാണോ? എന്താണദ്ദേഹം ഉദ്ദേശിക്കുന്നത് എന്ന് വ്യക്തമായി മനസിലാകുന്നില്ല.

അദ്ദേഹം ഒരു ഒരു കത്തോലിക്കാവിശ്വാസിയാണ്. കത്തോലിക്കാ വിശ്വാസമനുസരിച്ച് പ്രാര്‍ത്ഥന ഒരുവന്‍റെ ജീവിതത്തിലെ ഒരവിഭാജ്യഘടകമാണ്. പ്രാര്‍ത്ഥിക്കുമ്പോള്‍ ഒരുവന്‍ തന്‍റെ സ്രഷ്ടാവായ ദൈവത്തിനോട് സംഭാഷണം ചെയ്യുകയാണ്. അതിനാല്‍തന്നെ, നമ്മുടെ നിസ്സാഹായാവസ്ഥകളില്‍ പ്രത്യേകിച്ചും‍, സര്‍വ്വശക്തനായ ദൈവത്തിനോട് മുട്ടിപ്പായി പ്രാര്‍ത്ഥിക്കുന്നത്‌ ഒരു തെറ്റല്ല; മറിച്ച് അതാണ്‌ ശരി. സ്വന്തം സൃഷ്ട്ടാവിനോട് പ്രാര്‍ഥിക്കുക എന്നത് ഏതൊരു മനുഷ്യനെയും സംബന്ധിച്ച് വളരെ വളരെ പ്രധാനപ്പെട്ട കാര്യമാണ്. അതിനെ ഇങ്ങനെ വില കുറച്ചു കാണേണ്ടതില്ല. അങ്ങനെ വിലകുറഞ്ഞ ഒരു കാര്യമാണ് പ്രാര്‍ത്ഥന എന്നതാണ് അദ്ദേഹത്തിന്‍റെ അഭിപ്രായമെങ്കില്‍; 'ഹാ! കഷ്ടം' എന്നേ എനിക്ക് പറയാനുള്ളൂ.

പ്രാര്‍ത്ഥനകളുടെ കൂടെ നേര്‍ച്ചകാഴ്ച്ചകള്‍ 'നേരുന്നത്' ഒരു നല്ല കാര്യം തന്നെയാണ്. നമുക്ക് ഒരു പ്രത്യേക അനുഗ്രഹം ദൈവം കനിഞ്ഞ് നല്‍കുകയും, തന്മൂലം വാഗ്ദാനം ചെയ്ത നേര്‍ച്ചകാഴ്ച്ചകള്‍ നമ്മള്‍ നിറവേറ്റുകയും ചെയ്യുമ്പോള്‍ അതിലൂടെ മഹത്വപ്പെടുന്നത് ദൈവമാണ്; തനിക്ക് കിട്ടിയ പ്രത്യേക അനുഗ്രഹം - അതിനെ മറ്റുള്ളവരുടെ മുന്‍പില്‍ ദൈവമഹത്വത്തിനുവേണ്ടി പ്രഘോഷിക്കാന്‍ കിട്ടുന്ന ഒരവസരമായി ഇതിനെ എടുത്താല്‍ അത് കൂടുതല്‍ അനുഗ്രഹദായകമായിത്തീരും. നമ്മുടെ ഈ നേര്‍സാക്ഷ്യം അനേകരെ ദൈവവിശ്വാസമെന്ന 'പച്ചപ്പിലേക്ക്' കൈപിടിച്ചു നടത്തും. നേര്‍ച്ചകാഴ്ച്ചകള്‍ക്ക് ഈ ഒരു പരിവേഷം മാത്രമേ ചേരുകയുള്ളൂ. ഈ ഒരു കാഴ്ചപ്പാടിലൂടെ നോക്കുമ്പോള്‍ നേര്‍ച്ചകാഴ്ച്ചകള്‍ വളരെ നല്ലതാണ്.

നേര്‍ച്ചകാഴ്ച്ചകള്‍ സ്വന്തം മഹത്വം കാണിക്കാനാവരുത്; മറിച്ച് ദൈവമഹത്വത്തിനായിരിക്കണം അനുഷ്ഠിക്കേണ്ടത്. ദൈവത്തിന് ഒരു 'കൈക്കൂലി' നല്‍കല്‍ പോലെയായി നേര്‍ച്ചകാഴ്ച്ചകള്‍ തരംതാഴുകയാണെങ്കില്‍ ആ നേര്‍ച്ചകാഴ്ച്ചകള്‍ നിരര്‍ത്ഥകവും നിഷ്ഫലവും ആയിത്തീരും. ഈ ഒരര്‍ത്ഥത്തിലാണ് ശ്രീ. ഇന്നസെന്‍റ് തന്‍റെ അഭിപ്രായം പ്രകടിപ്പിച്ചതെങ്കില്‍, അതദ്ധേഹം തുറന്നു പറയേണ്ടിയിരിക്കുന്നു.

അല്ലാതെ വെറുതെ ആളുകളെ (മനപ്പൂര്‍വമല്ലെങ്കിലും) വഴിതെറ്റിക്കാന്‍ അദ്ദേഹത്തിന്‍റെ വാക്കുകള്‍ മൂലം ഇടയാകരുതെ എന്ന് ഞാന്‍ ആത്മാര്‍ത്ഥമായി ആഗ്രഹിക്കുന്നു. ദേ പിന്നേ, ഞാന്‍ ഇന്നസെന്‍റ് ആയതോണ്ടു പറയുവാ.... ഒന്നും തോന്നരുത്.

നമ്മുടെ ചുറ്റിലും നന്മയുണ്ട്. നമ്മിലെല്ലാവരിലും ദൈവം വസിക്കുന്നുമുണ്ട്. നന്മ പ്രസരിപ്പിക്കുവാന്‍, അതുവഴി തിന്മയെ ദൂരീകരിക്കുവാന്‍ നമുക്ക് കടമയുണ്ട്. അതിനു നമ്മുടെ വാക്കുകളും പ്രവൃത്തികളും കാരണമാകട്ടെ എന്ന് പ്രാര്‍ഥിക്കുന്നു.

താഴെകാണുന്ന വീഡിയോ നല്ലൊരു സന്ദേശം നമ്മെ ഓര്‍മ്മപ്പെടുത്തും.

EARTH HOUR - ഭൂമിക്കുവേണ്ടി ഒരു മണിക്കൂര്‍

2013-03-23T00:34:00.000+05:30

23-March-2013:

അതെ,

ഇന്ന് ലോകം

ഭൂമിക്ക് വേണ്ടി

ഒരു മണിക്കൂര്‍

മാറ്റി വയ്ക്കുന്നു.

Earth Hour 2013 will be held on Saturday March 23 at 8:30pm-9:30pm wherever you are in the world. So save the date and keep coming back to www.EarthHour.org to see the world unite to protect the planet.

Climate change can seem like a remote problem for our leaders, but the fact is that it's already impacting real people, animals, and beloved places. These Faces of Climate Change are multiplying every day. Fortunately, other Faces of Climate Change are multiplying too: those stepping up to do something about it.

There is no doubt about it: the world is facing some of the most critical environmental challenges in its history. That may make the journey to a sustainable future seem difficult to imagine, but it is far from impossible. Change this big needs you.

It needs every one of us. Together our individual actions add up to make a difference collectively. In fact, change is already underway.

Earth Hour is your opportunity to show your commitment to change as part of a global interconnected community. Our Earth Hour community already has some inspiring stories of how they are truly going Beyond the Hour with sustainable steps, big and small, towards a better planet.

Earth Hour is a unique opportunity for you to become more sustainable and do something positive for the environment.

It’s been the source of inspiration for millions of people taking steps towards a cleaner, safer future.

There are lots of ways you can take action for Earth Hour. Whether you’re a social media fan or a hands-on organiser, you’re sure to find some inspiration right here!

It’s not just about saving energy for one hour, it’s about going Beyond the Hour with lasting, behavior-changing actions for a sustainable planet.

'കൊഴുക്കട്ട'യും കുരുത്തോലയും തമ്മില്‍...... (Kozhukatta and Palm Sunday)

2013-03-22T00:01:00.000+05:30

ഈസ്റ്ററിന് തൊട്ടുമുമ്പുള്ള ഞായറാഴ്ച ഓശാന ഞായര്‍ (Palm Sunday) - കുരുത്തോല പെരുന്നാള്‍ എന്ന പേരിലറിയപ്പെടുന്നു. കുരിശുമരണത്തിന്‍റെ അഞ്ചു നാള്‍മുമ്പ് യേശുക്രിസ്തു വിജയശ്രീലാളിതനായി ജറുസലേം നഗരത്തില്‍ പ്രവേശിച്ചതിന്‍റെ ഓര്‍മ്മ പുതുക്കലാണീ കുരുത്തോല പെരുന്നാള്‍. അന്ന് ജറുസലെം വീഥികളിലൂടെ ആളുകള്‍ കൈകളില്‍ ഒലിവിന്‍ ചില്ലകളും പിടിച്ച് യേശുവിനെ 'ഓശാന' വിളികളോടെ എതിരേറ്റു. 'ദൈവത്തിന് മഹത്വം' എന്നാണ് 'ഓശാന'യുടെ അര്‍ത്ഥം.

തെങ്ങിന്‍റെ ഇളം ഓലയാണ് 'കുരുത്തോല'. ഓശാനഞായര്‍ ദിവസം പള്ളികളില്‍ പ്രത്യേക പ്രാര്‍ത്ഥനകളും, 'കുരുത്തോല' കൈകളില്‍ പിടിച്ചുള്ള 'കുരുത്തോല പ്രദക്ഷിണ'വും ഉണ്ടായിരിക്കും. ജറുസലേമിന്‍റെ കവാടം യേശുവിനായി തുറന്നതിന്‍റെ പ്രതീകാത്മകമായ ചടങ്ങുകളും അന്നേദിവസം പള്ളികളില്‍ നടക്കുന്നു.

കേരളത്തിലെ ക്രിസ്ത്യാനികള്‍ ഓശാന ഞായറാഴ്ച്ച പ്രാതലിനുണ്ടാക്കുന്ന പ്രധാന വിഭവമാണ് 'കൊഴുക്കട്ട'. സാധാരണയായി ശനിയാഴ്ച്ച (ഓശാന ഞായറിന്‍റെ തലേദിവസം) വൈകുന്നേരമാണ് കൊഴുക്കട്ട ഉണ്ടാക്കി വയ്ക്കാറ്.

അമ്പതു നോമ്പിന്റെ ആദ്യ നാല്പതു ദിവസ്സം കര്‍ത്താവ്‌ നോമ്പ് നോറ്റതിന്റെയും പിന്നീടുള്ള പത്തു ദിവസ്സം കര്‍ത്താവിന്റെ കഷ്ടാനുഭാവത്തെയും ഓര്‍ത്ത്‌ ക്രിസ്ത്യാനികള്‍ നോമ്പ് നോല്‍ക്കുന്നു. കര്‍ത്താവ്‌ നാല്പതു ദിവസ്സം നോമ്പ് നോറ്റു വീടിയത് പോലെ പുരാതന ക്രൈസ്തവരും നാല്പതു ദിവസ്സം നോമ്പ് നോറ്റു വീടുന്നു.

കൊഴുക്കട്ട ഉണ്ടാക്കുന്ന വിധം

എന്നാല്‍ പിന്നീടുള്ള പത്തു ദിവസ്സം കര്‍ത്താവിന്റെ കഷ്ടാനുഭാവത്തെയും ഓര്‍ത്ത്‌ നോമ്പ് അനുഷ്ടിക്കുന്നത് കൊണ്ട് അത് വരെ അനുഷ്ടിച്ചു വന്ന നോമ്പിന്റെ തീഷ്ണത ഒട്ടും കുറക്കാതെ നോമ്പ് വീടുന്നതിനാണ് കൊഴുക്കട്ട ഉണ്ടാക്കുന്നത്‌. കൊഴുക്കട്ടക്കുള്ളില്‍ തേങ്ങക്കൊപ്പം, തെങ്ങിന്‍ ശര്‍ക്കരയോ, പനം ശര്‍ക്കരയോ ചേര്‍ക്കുന്നു.

കൊഴുഎന്നാല്‍ മഴു എന്നര്‍ത്ഥം . കൊഴു ഭൂമിയെ പിളര്‍ന്നു ചിതറിക്കുന്നത് പോലെ പാതാള വാതുല്‍ക്കല്‍ അവരുടെ അസ്ഥികള്‍ ചിതറിക്കപ്പെട്ടു എന്ന സങ്കീര്‍ത്തനം 140. നോമ്പിനെ മുറിക്കാന്‍ ഉപയോഗിക്കുന്നത് എന്ന അര്‍ത്ഥത്തിലാണ് കൊഴുക്കട്ട എന്ന് ഈപലഹാരത്തിനു പേരുണ്ടായത് !!

ഇതാ, നമ്മുടെ പാരമ്പര്യത്തിന്‍റെ പലഹാരമായ, പ്രധാനമായും വര്‍ഷത്തില്‍ ഒരിക്കല്‍ മാത്രം ഉണ്ടാക്കുന്ന, വളരെ രുചികരമായ കൊഴുക്കട്ട തയ്യാര്‍. ചിലയിടങ്ങളില്‍ 'കോഴിക്കൊട്ട' എന്നും ഇതറിയപ്പെടുന്നു.

'ഓശാന ഞായര്‍' കഴിഞ്ഞു വരുന്ന ഞായറാഴ്ചയാണ് 'ഉയിര്‍പ്പ് ഞായര്‍' എന്ന 'ഈസ്റ്റര്‍'. ഓശാന ഞായര്‍ മുതല്‍ ഉയിര്‍പ്പ് ഞായര്‍ വരെയുള്ള ഒരാഴ്ച്ചക്കാലം ഓരോ ക്രൈസ്തവനെ സംബന്ധിച്ചിടത്തോളവും പരമപ്രധാനമായ ഒരു കാലമാണ്. താന്താങ്ങളുടെ വിശ്വാസജീവിതം മുറുകെ പിടിക്കാനും, കൂടുതല്‍ മികവുറ്റതാക്കാനും ഓരോരുത്തരും പരിശ്രമിക്കുന്ന കാലം.

നമുക്കും പാടാം "ഓശാനാ... ഓശാന..., കര്‍ത്താവിനോശാന....... മിശിഹാ കര്‍ത്താവിനോശാന...."

എല്ലാവര്‍ക്കും ഒരു നല്ല ഓശാന ഞായര്‍ ആശംസിക്കുന്നു.

എങ്കില്‍ ഇനി ഒരു ഓശാനഗീതം കേട്ടാലോ.

ഒരു പഴയ ഓശാനഗാനം ഇവിടെകാണം

English version:

In many Christian churches, Palm Sunday is marked by the distribution of palm leaves (often tied into crosses) to the assembled worshippers. The difficulty of procuring palms for that day's ceremonies in unfavorable climates for palms led to the substitution of boughs of box, yew, willow, olive, or other native trees.

Palm Sunday is a Christian moveable feast that falls on the last Sunday before Easter. The feast commemorates Jesus' triumphal entry into Jerusalem, an event mentioned in all four canonical Gospels.

The Sunday was often designated by the names of these trees, as Yew Sunday, or by the general term Branch Sunday. Among Kerala Christians, they are using Tender Leaves of Coconut Tree - Kuruthola (കുരുത്തോല) - because of that, this Psalm Sunday is also known as Kuruthola Perunnaal (കുരുത്തോല പെരുന്നാള്‍).

Kozhukatta (steamed rice dumpling with coconut & jaggery filling) is the special snacks for the Palm Sunday. Christians in Kerala make Kozhukatta usually on the eve or morning of Palm Sunday. Its like a custom among Kerala Christians.

Kerala Christians have great traditions and no wonder, all Christian Festivals are celebrated in a big way in the land. Palm Sunday, or Hosana Njayar (ഓശാന ഞായര്‍ in Malayalam) in local parlance, is observed with utmost reverence and special services are held on the day in churches across the State. Devotees attend the prayers holding tender coconut palm leaves (kuruthola കുരുത്തോല in Malayalam) and hence the festival is called ‘Kuruthola Perunnal’ (കുരുത്തോല പെരുന്നാള്‍).

The Bible reveals that when Jesus entered Jerusalem, the crowds greeted him by waving palm branches and covering his path with palm branches. Immediately following this great time of celebration in the ministry of Jesus, he begins his journey to the cross. The biblical account of Palm Sunday can be found in Matthew 21:1-11; Mark 11:1-11; Luke 19:28-44; and John 12:12-19 In several churches ceremonial processions are taken out.
Read more about 'Palm Sunday' here.

This is one of the song, which is using in the Holy Mass of Syro Malabar Churches in Kerala.

മലയാളത്തിന്‍റെ അനുഗ്രഹീത ഗായകന്‍ ശ്രീ.കെ.ജെ.യേശുദാസ് പാടിയ ഒരു അപൂര്‍വ്വ ഓശാനഗാനം ഇതാ.

ദൈവം ഒരു നാടിന്‍റെ പ്രാര്‍ത്ഥന കേട്ടു. കരുവന്നൂരിന്‍റെ സ്വീകരണം ഏറ്റുവാങ്ങി സ്റ്റാന്‍ലി വിന്‍സന്‍റ്

2013-03-20T08:00:00.000+05:30

ദൈവം തന്‍റെ മക്കളുടെ പ്രാത്ഥനകേള്‍ക്കുന്ന നല്ലപിതാവാണെന്ന് ഒരിക്കല്‍കൂടി എല്ലാവര്‍ക്കും ബോധ്യമായി.

സോമാലിയന്‍ കടല്‍ക്കൊള്ളക്കാര്‍ ഒരു വര്‍ഷത്തിലധികം കാലം ബന്ദിയാക്കി2013 മാര്‍ച്ച്‌ 8ന്‌ മോചിപ്പിക്കപ്പെട്ട കരുവന്നൂര്‍ സ്വദേശി മംഗലന്‍ വീട്ടില്‍ വിന്‍സന്‍റ് സ്റ്റാന്‍ലിക്ക്‌ ആക്ഷന്‍ കൗണ്‍സിലിന്റെ നേതൃത്വത്തില്‍ കരുവന്നൂര്‍ സെന്റ്‌ മേരീസ്‌ പള്ളിയില്‍ വച്ച്‌ വരവേല്‍പ്പ്‌ നല്‍കി. ഇന്ന് (20-3-2013ന്) രാവിലെ 6:20ന് പള്ളി മുറ്റത്തു നിന്നും സ്വീകരിച്ച്‌ ദേവാലയത്തിലേക്ക്‌ ആനയിക്കുകയും തുടര്‍ന്ന് കൃതജ്ഞാതാ ബലി അര്‍പ്പിക്കുകയും ചെയ്‌തു.

തുടര്‍ന്ന്‌ നടന്ന സ്വീകരണ സമ്മേളനത്തില്‍ ഇരിങ്ങാലക്കുട രൂപത പ്രഥമ മെത്രാന്‍ ബിഷപ്പ്‌ മാര്‍ ജെയിംസ്‌ പഴയാറ്റില്‍ അദ്ധ്യക്ഷ പ്രസംഗം നടത്തി.

സ്റ്റാന്‍ലി വിന്‍സന്‍റ് തന്‍റെ ബന്ദിജീവിതത്തില്‍ നേരിടേണ്ടിവന്ന അനുഭവങ്ങള്‍ പങ്കുവയ്‌ക്കുകയും, പ്രാര്‍ത്ഥനാ നിര്‍ഭരമായി എല്ലാവരോടും തന്‍റെ നന്ദി അറിയിക്കുകയും ചെയ്‌തു.

സ്റ്റാന്‍ലിയുടെ മാതാവ്‌ ശ്രീമതി റോസി വിന്‍സന്‍റ് കടപ്പാടുകള്‍ക്ക്‌ നന്ദി പറഞ്ഞു. ആക്ഷന്‍ കൗണ്‍സില്‍ ചെയര്‍മാന്‍ ഫാ.ജോണ്‍സണ്‍ മാനാടന്‍, കണ്‍വീനര്‍ ജോസഫ്‌ തെക്കൂടന്‍ എന്നിവര്‍ സംസാരിച്ചു. തുടര്‍ന്ന്‌ സ്റ്റാന്‍ലി എല്ലാവര്‍ക്കും മധുര പലഹാരം വിതരണം ചെയ്‌തു.

മലയാളികളടക്കം 22 പേര്‍ ജോലിക്കാരായുണ്ടായിരുന്ന എം.ടി റോയല്‍ ഗ്രേസ്‌ എന്ന കപ്പല്‍ 2012 മാര്‍ച്ച്‌ 2ന്‌ നൈജീരിയയിലേക്കുള്ള യാത്രാ മദ്ധ്യേ സോമാലിയന്‍ കടല്‍ക്കൊള്ളക്കാര്‍ റാഞ്ചുകയായിരുന്നു. ഒരുവര്‍ഷത്തിലേറെയായി ഇവര്‍ സോമാലിയന്‍ കടല്‍ക്കൊള്ളക്കാരുടെ പിടിയിലായിരുന്ന ഇവരുടെ സത്വരമോചനത്തിനായി പള്ളിയിലും, ഇടവകയിലെ എല്ലാ വീടുകളിലും 'ബന്ദികളുടെ മോചന'ത്തിനായുള്ള പ്രത്യേകപ്രാര്‍ഥന നടത്തിയിരുന്നു. കരുവന്നൂര്‍ ഇടവകയില്‍ പള്ളി വികാരി റവ.ഫാ.ജോണ്‍സണ്‍ മാനാടന്‍ ചെയര്‍മാനായും, ശ്രീ.ജോസഫ് തെക്കൂടന്‍ കണ്‍വീനറായും ഒരു 'ആക്ഷന്‍ കൌണ്‍സില്‍' രൂപീകരിച്ച് നിരാഹാരം, കളക്ട്രേറ്റ് റാലി തുടങ്ങിയ വിവിധങ്ങളായ സമരപരിപാടികളും ആവിഷ്കരിച്ചു നടപ്പിലാക്കിയിരുന്നു. ബന്ദികളുടെ കുടുംബങ്ങളോടുള്ള ഐക്യദാര്‍ഢ്യം പ്രഖ്യാപിച്ച്‌ കഴിഞ്ഞ ഫെബ്രുവരി 18ന് സീറോ മലബാര്‍ സഭാ ആര്‍ച്ച്‌ ബിഷപ്പ്‌ കര്‍ദ്ദിനാള്‍ മാര്‍ ജോര്‍ജ്ജ്‌ ആലഞ്ചേരി പിതാവ് സ്റ്റാന്‍ലിയുടേയും , ഡിബിന്റേയും, വീടുകള്‍ സന്ദര്‍ശിച്ചിരുന്നു.

സ്വന്തം വീട്ടുകാരുടെയും നാടിന്‍റെ മുഴുവന്റെയും ഉള്ളുരുകിയ പ്രാത്ഥനയുടെഫലമായി സ്റ്റാന്‍ലി തിരിച്ചുവന്നതിലുള്ള ആഹ്ലാദം എല്ലാവരുടെയും മുഖത്ത് പ്രതിഫലിക്കുന്നു. എല്ലാവരും ദൈവത്തിന് നന്ദി പറയുന്നു.

Your browser does not support iframes. (സ്റ്റാന്‍ലി വിന്‍സന്‍റ്-ന് പള്ളിയില്‍വച്ച് നല്‍കപ്പെട്ട സ്വീകരണത്തിന്‍റെ വിഡിയോ)

Your browser does not support iframes.
(സ്റ്റാന്‍ലി വിന്‍സന്‍റ് പറയുന്നു...)

Your browser does not support iframes.
(നിറഞ്ഞനന്ദിയോടെ, പ്രാര്‍ത്ഥനയോടെ... സ്റ്റാന്‍ലി വിന്‍സന്‍റ്-ന്‍റെ അമ്മ ശ്രീമതി റോസി വിന്‍സന്‍റ്)

(വാര്‍ത്ത, ഫോട്ടോ, വിഡിയോ എന്നിവയ്ക്ക് കടപ്പാട്: irinjalakuda.com

ഒരു നാടിന്‍റെ പ്രാര്‍ത്ഥനയുടെ ഫലം; മോചിപ്പിക്കപ്പെട്ട നാവികര്‍ നാട്ടില്‍ തിരിച്ചെത്തി; ദൈവത്തിനു നന്ദി.

2013-03-19T15:30:00.000+05:30

ഒരു വര്‍ഷത്തിലേറെ നീണ്ട ദുരിതപര്‍വ്വത്തിന് ശുഭകരമായ പരിസമാപ്തിയായി അവരെല്ലാവരും താന്താങ്ങളുടെ വീടുകളില്‍ തിരിച്ചെത്തി.

സോമാലിയന്‍ കടല്‍ക്കൊള്ളക്കാര്‍ വിട്ടയച്ച ‘റോയല്‍ ഗ്രേസ്’ കപ്പലിലെ ജീവനക്കാരായ ഇരിങ്ങാലക്കുട കരുവന്നൂര്‍ തേലപ്പിള്ളി മംഗലന്‍ വിന്‍സന്‍റിന്‍റ മകന്‍ സ്റ്റാന്‍ലി (22), ഇരിങ്ങാലക്കുട മാപ്രാണം ചര്‍ച്ച് റോഡിലെ അരങ്ങത്ത് പറമ്പില്‍ ഡേവിസിന്‍റ മകന്‍ ഡിബിന്‍ (22), കൊല്ലം ചടയമംഗലം ‘മോനിഷാലയ’ത്തില്‍ മോഹനന്‍ പിള്ളയുടെ മകന്‍ മനേഷ് (22), തിരുവനന്തപുരം ജില്ലയിലെ മലയം ‘അഞ്ജന’ത്തില്‍ വിജയകുമാറിന്‍റ മകന്‍ അര്‍ജുന്‍ (21), പാലക്കാട് ജില്ലയിലെ ഒറ്റപ്പാലം പനമണ്ണ അമ്പലവട്ടം കൊട്ടേക്കാട്ടുമ്മല്‍ ചന്ദ്രന്‍റ മകന്‍ കെ.സി. മിഥുന്‍ (24) എന്നിവരാണ് കപ്പലിലെ മലയാളി ജീവനക്കാര്‍. 2012 മാര്‍ച്ച് രണ്ടിനാണ് ഇവരുടെ കപ്പല്‍ സൊമാലിയന്‍ കടല്‍ക്കൊള്ളക്കാര്‍ തട്ടിയെടുക്കുന്നത്. അതോടെ അവരുടെ ദുരിതദിനങ്ങള്‍ തുടങ്ങുകയായിരുന്നു.

മാര്‍ച്ച്‌ 19, ചൊവ്വാഴ്‌ച 2.30ന്‌ തിരുവന്തപുരം അന്താരാഷ്ട്ര വിമാനത്താവളത്തില്‍ എത്തിയ 5 മലയാളികളെ സ്വീകരിക്കാന്‍ മാതാപിതാക്കളും, ബന്ധുക്കളും, സുഹൃത്തുക്കളും, ജനപ്രതിനിധികളും, വന്‍ മാധ്യമപടയും അടക്കം നിരവധി പേര്‍ എത്തിച്ചേര്‍ന്നിരുന്നു. ഇരിങ്ങാലക്കുട എം.എല്‍.എ. അഡ്വ.തോമസ്‌ ഉണ്ണിയാടന്‍ പൂച്ചെണ്ടുമായി ഇവരെ സ്വീകരിച്ചു.

ഒരു കൊല്ലത്തോളം അനുഭവിച്ച പീഡനങ്ങള്‍ നരകത്തേക്കാള്‍ ഭയാനകമായിരുന്നുവെന്ന്‌ മോചിതരായവര്‍. സ്വന്തം നാടും, വീട്ടുകാരേയും വീണ്ടും കാണാനാകുമെന്ന്‌ സ്വപ്‌നത്തില്‍ പോസും ചിന്തിച്ചിരുന്നില്ലെന്ന്‌ ഇവര്‍ പറയുന്നു. കപ്പലിലെ ഇരുളടഞ്ഞ മുറി. പേടിപ്പെടുത്തുന്ന നോട്ടവും കൈയില്‍ ആയുധങ്ങളുമേന്തി ചുറ്റും വളഞ്ഞുനില്‍ക്കുന്ന കടല്‍കൊള്ളക്കാര്‍. ശ്വാസംവിടാനാവാതെ ബന്ദികളായ ഞങ്ങളും. വിശപ്പിന്റെ കാര്യം പറഞ്ഞാല്‍ ശവം തിന്നാല്‍ മതിയെന്ന് ഭീഷണി. പിന്നെ തോക്കുകൊണ്ട് ചുമലില്‍ ഇടിക്കും. അല്ലെങ്കില്‍ തടിയോ മറ്റേതെങ്കിലും ഉപകരണമോ കൊണ്ട് ശരീരത്തില്‍ അതിക്രൂരമായി മര്‍ദിക്കും. കൊള്ളക്കാര്‍ ഉപദ്രവിച്ച പാടുകള്‍ കാണിച്ചപ്പോള്‍ സ്വീകരിക്കാനെത്തിയ അച്ഛനും അമ്മയും ബന്ധുക്കളും സുഹൃത്തുക്കളും വിതുമ്പി. മക്കളേ നിങ്ങള്‍ ഇത്രയ്ക്ക് വേദന സഹിച്ചത് ഞങ്ങള്‍ക്കറിയില്ലായിരുന്നു. അമ്മമാര്‍ പൊട്ടിക്കരഞ്ഞു…. സൊമാലിയയിലെ കടല്‍കൊള്ളക്കാര്‍ തടവിലാക്കിയ 17 മറ്റ് ഇന്ത്യാക്കാരൊടൊപ്പം അകപ്പെട്ട ഇരിങ്ങാലക്കുട കരുവന്നൂര്‍-മാപ്രാണം സ്വദേശികളായ സ്റ്റാന്‍ലി വിന്‍സെന്‍റ്, ഡിബിന്‍ ഡേവിസ് എന്നിവരാണ് തങ്ങളുടെ തടങ്കല്‍ ജീവിതത്തിന്റെ ഭീകരാത്മകമായ ദുരിതങ്ങള്‍ വീട്ടുകാരുടെയും നാട്ടുകാരുടെയും മുന്നില്‍ തുറന്നത്.

ജീവന്‍ നിലനിര്‍ത്താന്‍ മാത്രം വല്ലപ്പോഴും ഇത്തിരി ഭക്ഷണം തരുമായിരുന്നു. അപൂര്‍വ്വമായി കിട്ടുന്ന ഭക്ഷണവും, വെള്ളവും ആര്‍ത്തിയോടെയായിരുന്നു തങ്ങള്‍ കഴിച്ചിരുന്നത്‌. തങ്ങളുടെ കൂടെയുണ്ടായിരുന്ന 'സണ്‍ഡെ' എന്നു പേരുള്ള നൈജീരിയക്കാരന്‍ ഹൃദ്‌രോഗം മൂലം കപ്പലില്‍ വച്ചു മരണപ്പെടുകയും, എന്നെങ്കിലുമൊരിക്കല്‍ ബന്ധുക്കള്‍ക്ക്‌ വിട്ടു കൊടുക്കുന്നതിനായി ഇയാളുടെ മൃതദേഹം ഫ്രീസറില്‍ സൂക്ഷിക്കുകയും ചെയ്‌തു. എന്നാല്‍ കൊള്ളക്കാര്‍ സണ്‍ഡെയുടെ മൃതദേഹം വെട്ടിനുറുക്കി ഭക്ഷണത്തോടൊപ്പം ബന്ധികളാക്കിയ തങ്ങളോട്‌ കഴിക്കാന്‍ നിര്‍ബന്ധിക്കുകയും വിസമ്മതിച്ചപ്പോള്‍ അതി ക്രൂരമായി പീഡിപ്പിക്കുകയും ചെയ്‌തതായി തിരിച്ചെത്തിയ മലയാളി നാവികര്‍ പറഞ്ഞു. നിരന്തരമായ ശാരീരിക മാനസിക പീഡനങ്ങള്‍ സഹിക്കാവുന്നതിലപ്പുറമായിരുന്നു. പല ദിവസങ്ങളിലും ഭക്ഷണം തന്നിരുന്നില്ല. കെട്ടിയിട്ട്‌ മര്‍ദ്ധിക്കുമ്പോള്‍ വേദന കൊണ്ട്‌ പുളയുന്ന സമയത്ത്‌ വീട്ടുകാരെ ഫോണില്‍ വിളിച്ച്‌ നിലവിളി കേള്‍പ്പിക്കുകയും, ഭീഷണിപ്പെടുത്തുകയും ചെയ്‌തിരുന്നു. പിന്നെ പീഡനവും, കണ്ണീരും, ഭയവും മാത്രം. എന്നാല്‍ തങ്ങള്‍ക്ക്‌ ലഭിച്ചിരുന്നത്‌ ഇന്ത്യന്‍ ഭക്ഷണമായിരുന്നു. ഇത്‌ കൊള്ളക്കാര്‍ക്ക്‌ എങ്ങിനെ ലഭിച്ചുവെന്ന്‌ അതിശയപ്പെട്ടിരുന്നുവെന്ന്‌ നാവികര്‍ പറഞ്ഞു.

ഏതു പ്രതികൂല സാഹചര്യത്തേയും നേരിടാന്‍ തയ്യറായ മനസ്സും, ശരീരവുമുള്ള ക്രൂരന്മാരാണ്‌ കൊള്ളക്കാര്‍. ദരിദ്രരെന്നും, നിരക്ഷരരെന്നും വിളിക്കുന്ന സോമാലിയക്കാരുടെ കൈയ്യില്‍ പട്ടാളത്തെ പോലും വെല്ലുന്ന വെടിക്കോപ്പുകളഉം, യുദ്ധസന്നാഹങ്ങളും ഉണ്ടെന്ന്‌ മോചിതരായ നാവികര്‍ പറയുന്നു. മൃതദേഹത്തോടു പോലും ബഹുമാനമോ അറപ്പോ ഇല്ലാത്തവര്‍. ആധുനിക തോക്കുകളും, ബുള്ളറ്റുകളും, ബോട്ടുകളും ഉള്ള കൊള്ളക്കാരുടെ പ്രവര്‍ത്തനങ്ങള്‍ അതിവിദഗ്‌ദമായിട്ടായിരുന്നു. അവരുടെ പ്രവര്‍ത്തനങ്ങള്‍ ഒരു പൊടിക്കു പോലും പിഴവു പറ്റാതെയാണ്‌ നീക്കിയിരുന്നത്‌. വാര്‍ത്താ വിനിമയത്തിനുള്ള ആധുനിക സംവിധാനങ്ങളും ഇവരുടെ പക്കലുണ്ടായിരുന്നു.
കൊള്ളക്കാര്‍ അതിവിദഗ്‌ദമായാണ്‌ പദ്ധതികള്‍ ആസൂത്രണം ചെയ്‌തിരുന്നത്‌. മാര്‍ച്ച്‌ 8ന്‌ രാവിലെ 2 മണിക്ക്‌ ബന്ദികളെയെല്ലാം ഒരു കൊള്ളക്കാരന്‍ ഇരുട്ടുമുറിയിലാക്കി അടയ്‌ക്കുകയും കൊല്ലുമെന്ന്‌ ഭീഷണിപ്പെടുത്തുകയും ചെയ്‌തു. പുറത്ത്‌ ബോട്ടുകള്‍ വരുന്നതും പോകുന്നതും മാത്രം കേള്‍ക്കാമായിരുന്നു. ആദ്യം വന്ന ബോട്ടില്‍ 4 പേരെ കയറ്റി അയച്ചിരുന്നു. ശരിക്കും കൊല്ലാനുള്ള നീക്കമാണെന്നാണ്‌ വിചാരിച്ചത്‌. പിന്നീടാണ്‌ വിട്ടയച്ചതാണെന്ന്‌ മനസ്സിലായത്‌. അവിടെ നിന്നും ഒമാന്‍ തീരത്തെത്തിയ തങ്ങള്‍ കമ്പനിയുമായുള്ള ഇടപാടുകള്‍ അവസാനിപ്പിച്ചു. ജീവന്‍ നിലനിര്‍ത്താന്‍ തങ്ങള്‍ വളരെയധികം ബുദ്ധിമുട്ടിയതായി നാവികര്‍ പറയുന്നു. ഇന്ത്യന്‍ എംബസിയും, നാറ്റോയും അടക്കമുള്ള സംഘടനകള്‍ ഇടപെട്ടാണ്‌ മോചനം സാധ്യമായത്‌. മറ്റു ഏജന്‍സികളൊന്നും വേണ്ടതു പോലെ സഹായിച്ചില്ല. വീണ്ടും അച്ഛനമ്മമാരേയും, നാടും കണ്ടപ്പോള്‍ പുതുജീവന്‍ ലഭിച്ചതായി മോചിതരായ നാവികര്‍ പറഞ്ഞു.

Your browser does not support iframes. നെടുമ്പാശ്ശേരി വിമാനത്താവളത്തില്‍നിന്നുള്ള ദൃശ്യങ്ങള്‍

Your browser does not support iframes. നെടുമ്പാശ്ശേരി വിമാനത്താവളത്തില്‍നിന്നുള്ള ദൃശ്യങ്ങള്‍

(വാര്‍ത്ത, ഫോട്ടോ, വിഡിയോ എന്നിവയ്ക്ക് കടപ്പാട്: irinjalakuda.com, irinjalakudaonline.com