෴ මට හිතෙන හැටියට ෴

තාලය...

noreply@blogger.com (Anonymous) — Sun, 28 Apr 2013 22:39:00 +0530

විසි හතර පැයෙන්
තුන් තිස් පැයක වැඩ
නිම කරන්න වෙර දරන
අවිවේකී දින චරියාව

තත්පරක නිදහසක
මුල් පද හැරුනු කොට
නුඹට මතකද ඇසූ ගීයේ
තිබූ තාලය.....

~ නිපුන

noreply@blogger.com (Anonymous) — Wed, 27 Mar 2013 22:54:00 +0530

නිරන්තර සිතුවිල්ලක..

යළි පටන් ගැන්ම..

අයාලේ පාවෙන..

වළාකුලකි..

සීමාව කෙළවරට වී...

දෑස් දල්වා බලා සිටියෙමි...

තවත් දිනක් ගෙවී ගිය සැටි...

ඩොන්ගල් එක disconnect නොවී තියා ගන්න විදිහක්.

noreply@blogger.com (Anonymous) — Tue, 12 Mar 2013 21:03:00 +0530

සමහර වෙලාවට ඩොන්ගල් එකෙන් නෙට් යන වෙලාවට , මේල් එහෙම කියවනකොට ඩොන්ගල් එක ඩිස්කනෙක්ට් වෙන එක හරිම ඇණයක් නෙ.මෙහෙම වෙන්නෙ කනෙක්ශන් එක idle උනාම.අපි කරන්නෙ ඒක නවත්තන්න , පොඩි උපායක්.

මේකෙන් වෙන්නෙ එක දිගටම මොකක් හරි වෙබ් සර්වර් එකකට ping request එකක් කරන එක.data usage එක නොගිනිය හැකිතරම්.
ඩොන්ගල් එකේ කනෙක්ශන් එක disconnect වෙන්නෙ නැති නිසා දිගටම පවත්වාගෙන යන්න පුලුවන්.

ඉන්ටර්නෙට් connection එක establish කලාට පස්සෙ කරන්නෙ මෙහෙමයි.

1.press Windows Key + R (To open Run command)

2.Type > ping www.google.lk -t -i 1

3.Hit Enter Key

එතකොට මෙන්න මේ වගේ window එකක් open වෙයි.

ඒක minimize කරලා වැඩ කරගෙන යන්න. Dongle එක ඩිස්කනෙක්ට් කරන වෙලාවට ඒකත් close කරල දාන්න.ආයෙ dongle එක connect කරාම Run Window එකට ගිහින් command එක run කරන්න.

ගැටලුවක් තිබ්බොත් කමෙන්ට් කරන්න.යාලුවෙක් අහපු ප්‍රශ්නයකට උත්තරක් දෙන්න ගිහින් තමා පෝස්ට් එකත් ලියන්න හිතුවෙ. නැවත හමු වෙමු.

නිප්පා.

කාර්යක්ෂම දර උදුනක් නිවසේදීම හදා ගත්ත හැටි..

noreply@blogger.com (Anonymous) — Thu, 17 Jan 2013 23:49:00 +0530

දර ලිප් භාවිතා කරන විට තියෙන ප්‍රධාන ගැටලු වෙන්නෙ අවශ්‍ය දර සපයා ගැනීම සහ නිතර පිඹීම කල යුතු වීමත් නෙ.මෙන්න මේ දර ලිප පාවිච්චි කරනකොට නම් ඒ ප්‍රශ්න දෙකටම පිළියමක් යොදා ගන්න පුලුවන්.මෙතනදි වෙන්නෙ ෆෑන් එක මගින් එක සමාන වේගයෙන් සුළං ලිප තුලට ගලා ඒමට සලස්වන එක. ඒක නිසා දර හොදට ඇවිලෙනවා.ගින්දර පිටතට යෑමත් අවම නිසා අඩු ඉන්ධන දහනයකින් වැඩි වැඩ කොටසක් කර ගන්නත් පුලුවන්.

සැළැස්ම

අවශ්‍ය උපකරණ

1)12 V ෆෑන් එකක් (175/-) සහ ඇඩැප්ටර් එකක්
2)අගල් 6 ක පමණ එස්ලොන් බට කැබැල්ලක්
3)යකඩ දැල් කෑල්ලක්
4)ඉවත දැමූ ඇලුමිනියම් බදුනක්

ලිප සාදා ගැනීමට ප්‍රමාණවත් මැටි පස්
දහනය සදහා යොදා ගන්නෙ පොල් කටු අගුරු, ( දර කැබලි උනත් යොදා ගන්න පුලුවන්.)

පින්තූර ටික බැලුවාම හදා ගන්න විදිහ හිතා ගන්න පුලුවන් වෙයි.

අවශ්‍ය නම් ආධාරකයක් යොදා ගන්න පුලුවන්.හැබැයි එතකොට ශක්තිය අපතේ යෑමක් සිදුවෙනවා

මේ විදිහට තිබ්බාම නම් පොල්කටු දෙකක අගුරු වලින් විනාඩි

10 ක් වගෙ යනකොට වතුර එක රත් කරගන්න පුලුවන් උනා.

දැවී ඉතුරු අළු දැල මත රැදී ඇති ආකාරය.

ගැටලුවක් තිබ්බොත් කමෙන්ට් කරන්න.

නැවත හමුවෙමු

නුඹත් හරි පුදුමයි ...

noreply@blogger.com (Anonymous) — Wed, 1 Aug 2012 22:35:00 +0530

මේ නිසල අහස යට

සිහිනයක් වී වත්

එකම එක වරක්

සිතේ රැදෙන්නට

බැරි නුඹ...

නොකියාම ඇවිත් ලගට

හිත් මානයේ සැහැල්ලුවට

සිනිදු මුදු දෙකොපුලින්

සිනාසී සරදමට

යන්න ගියා ඈතට...

කවදාවත් නොමැකෙන්න

හදවතේ පත්ලේම

පෙම් කවිය කුරුටු ගෑ අපූරුව

සොදුරු ආදරය...

නුඹත් හරි පුදුමයි.

අපි කිව්වෙ අනාගතය කියලා.,...

noreply@blogger.com (Anonymous) — Sat, 14 Jul 2012 19:07:00 +0530

බලාපොරොත්තු කියන දේත් හරිම පුදුමාකාරයි.අපි ජීවත් වෙන්නෙ ඒ නිසා.සතුටුවෙන්නෙ ඒ නිසා.ඒවගෙම තමයි දුක් වෙන්නෙත් නැති උන බලාපොරොත්තු නිසා.දෙයක් කරන්න ගියාම අපි සැලසුමක් හදනවා.ඒ සැලසුමේ එක් කෙලවරක අවසානය කියන බලාපොරොත්තුව තියෙනවා...

සමහර දේවල් අලුතින් එකතුවෙනවා බලපොරොත්තු වක් නැතුවම.ඒක හොද දෙයක් නම් අපි ඒකට කියන්නෙ වාසනාව කියල, එහෙම නොවුනොත් අවාසනාව , නැත්නම් නොලැබීම , කරුමෙ , පින නැතිකම, ඔය ඕනි එකක්.වාසනාව තිබ්බොත් අපි හිනා වෙනවා.නැත්නම් දුක් වෙනවා තමන් ගැනම. දුක වැඩි උනාම අපි කල්පනා කරනවා , අඩනවා , තවත් තැනකදී හිංසාකාරී දෙයක් උනත් කරගන්න පෙලෙඹෙනවා.ඒකෙන් තවත් කෙනෙකුල බලපෑමක් වෙන්නත් පුලුවන් , නොවෙන්නත් පුලුවන්.කරන්න ඕනි බලාපොරොත්තු අත්හැරීම නෙමේ නේද?

වාසනාවත් හොයාගෙන යන්න බැහැ නෙ.හැබැයි අධිශ්ඨානය තියෙනවා නම් , කැපවීමෙන් වැඩ කරනව නම් කවදාවත් බලාපොරොත්තුව අපිව දාලා යන්නෙ නම් නැහැ,..

ජීවිතේ අපිට පේන හැමදේම ඒ තරම්ම සරලත් නැහැනෙ....
කියන්න හැදුවෙ මොකද්ද කියලා ඔයත් තේරුම්ගන්න ඇති.බලාපොරොත් තු කියන දේ නම් මටත් නැහැ තමයි,හැබැයි වගකීම ඉවර වෙනකම් මමත් තාම ඉදිරියට ඇවිදගෙන යනවා...

මට හිතෙන හැටියට දෙයක් නැති උනාම අඩලා දුක් වෙලා වැඩක් නැහැ.හැබැයි දෙයක් වෙන්න කලින් ඒ ගැන කලින් හිතලා බලලා තීරන ගන්න එක තමයි හොදම දේ කියලයි මම විශ්වාස කරන්නෙ,..

මොකද දෙයක් උනාට පස්සෙ ඒක අයිති අතීතයට , වෙනස් කරන්න බැරි තැනකට.නමුත් තව මොහොතකින් අතීතයට යන මේ ගෙවෙන තත්පරයට මේ මොහොතට කලින් අපි කිව්වෙ අනාගතය කියලා.,...

Geek සුබ පැතුම

noreply@blogger.com (Anonymous) — Fri, 13 Apr 2012 18:41:00 +0530

A Masher Mellow

noreply@blogger.com (Anonymous) — Sun, 18 Mar 2012 16:33:00 +0530

Contemplated how we used to talk

Old days while down street we walk

Ran in rain laughing as were getting soak

And few desparate days we were hated to ask

Enliven hopes forcen in to mind

Even let you be that much of kind

I knew you are free beeing winged

Still feel same but we were happily lived

I'm never beseeched you knew

But was that the mistake I outgrew

From that moment said you have flew

Dissevered souls mashed by a masher mellow

සෙල්ලමට අයිති නැහැ...

noreply@blogger.com (Anonymous) — Sun, 4 Mar 2012 00:30:00 +0530

හැම දෙයක්ම ඒ විදිහටම උනේ නැතිවුනත් සමහර දේවල් ඒ විදිහටම වෙනවා.අනාගතේ දිනක එදා ගත්ත තීරණය හරි කියල තේරුම් ගත්තට, ඒ නිසා අහිමි කරගත්ත දේවල් කවමදාවත් ආයෙ ලබා ගන්න බැරි තරම්ම ඇතට ගිහින් තියෙනවා.ලොකු බලාපොරොත්තු නැති නිසාම කිසිම දේකට ආසවක් නැහැ තමයි.ඒ උනත් හිත කියන දේ රවට්ටන්න අමාරුයි හැම වෙලාවෙම.

කෙනෙක් ගෙ සතුට වෙනුවෙන් ජීවිත්යෙන් ඔට්ටු අල්ලන මිනිස්සු තව කොච්චර ඇද්ද කියලත් හිතෙනවා.ඕනිදෙයක් වුනාට කමක් නැහැ කියලා ආත්මාර්ථකාමී තීරණ මිනිස්සු ගන්නෙ ඇයි කියලා තේරුම් යන දවසට හිතේ සතුට මගෙන් ගොඩක් දුරට ගිහින් ඈතට වෙලා බලන් ඉන්නවා.ඒ ආයේ කවදාවත් නො එන්න ම ....

එක පාරක් කරපු වැරද්ද ආයෙ පාරක් කරන්නෙ නෑ කියන්න පුලුවන් වෙන්නෙ තවත් වාරයක් එනවා නම් විතරයි.හැබැයි සමහර අයට සමහර දේවල් නැති වෙන්නෙ සදහටම.ඇස් ඉදිරිපිට තිබ්බත් ආයෙ නොපෙනෙන්න.විදවන ජීවිතය විදින්න හැමෝටම වාසනාව නැහැ නේද කියලා හිතුනා....

ජීවිතය හරියට දාම් ලෑල්ලක් වගෙ.ඉස්සරහට දැම්ම ඉත්ත එහෙට මෙහෙට පනින එක නවතින්නෙ එක්කො සෙල්ලම දින්නාම නැත්නම් කැපුනාම.ඉස්සරහට යනවා ඇරෙන්න වෙන උත්තරයක් නැහැ.
කව්ද කොතැනද වරද කලේ කියන්න පුලුවන් උනත් , දැන් ඒ කිසිම දෙයක් සෙල්ලමට අයිති නැහැ...

නේද ?

noreply@blogger.com (Anonymous) — Wed, 23 Nov 2011 22:43:00 +0530

ඇතැම් විට දේපල ඉඩ කඩම් මිනිසුන් කොච්චර නම් වෙනස් කරනවද ? ඒත් එක මව් කුසින් ඉපදුනු තමන්ගෙ සහෝදරය ඔත්පල වෙලා ලෙඩ ඇදට වැටුනහම බැරිවෙලාවත් බෙදුවොත් ඒ අසරණ මනුස්සයගෙ පංගුව ගන්න බලාගෙන ඒ කෙනා මැරෙණකම් බලා ගෙන කරන්න පුලුවන් තරම් හැම හතුරු කමක් ම කරලා , අර ලෙඩ ඇදට වැටිච්ච මනුස්සයාවයි අසරණ වෙච්ච භාර්යාවටයි ජීවිතෙ අප්පිරිය වෙන තරම හතුරු කම් කරන්න පුලුවන් මිනිස්සුත් මිහි පිට ඉන්නවා. ( අත්දැකීමකි )

එකම අම්මට දාව ඉපදිලා එකට අවුරුදු ගානක් හැදී වැඩිලා අන්තිමට අම්මගෙ මරනින් පස්සෙ උරුම වෙන්න තියෙන දේපල ටික බදාගෙන ඉන්න ඇයි මේ තරම් කෙනෙහිලි කම් කරන්නෙ.?

අපිත් කවදහරි දවසක මැරෙනවා. නේද ?

මේ දවස් වල මොකද වෙන්නෙ...

noreply@blogger.com (Anonymous) — Sun, 30 Oct 2011 11:20:00 +0530

කාලෙකින් බ්ලොග් පොස්ට් එකක් ලියන්නත් බැරි උනා.එක එක ඇබැද්දි ඉතින් උනානෙ.කොහොමින් කොහොම
හරි දැන් නිප්පා මෘදුකාංග ඉන්ජිනේරුවෙක් විදිහට පුහුණුව පටන් ගත්තා.

අලුත් ඔෆිස් එකේ(ලින්ක්) යාලුවො සෙට් එකත්(ලින්ක්) මරු.හරිම ෆිට්.යන්න එන්න වෙලා නෑ.වැඩේ කරන්වනම් අනම් මනන්
කම්ප්ලේන් ඇපෘවල් නෑ.තමන් ගෙ පාඩුවෙ නිදහසේ ඉන්න පුලුවන්.ඔෆිස් එක තියෙන්නෙ මෙන්න මෙතන(ලින්ක්).වෙල් ෆේයා එකෙන් සෙට් එකම ජොනි ඉංග්ලිශ් බලන්නත් අරන් ගියාලු :D

පොඩි කොස්සකට තියෙන්නෙ අපි සීනියර් ලට කතා කරන්නෙත් එයලගෙ මුල් නමෙන් (no sir / miss ).මුලදි නම් ටිකක් විතර අවුල්.ඒත් කම්පැනි වත් පිලිවෙත් වලට පිටුපාන්න බෑනේ.. O.o නිවාඩු ගියත් ගෘප් මේල් එකට මැසෙජ් එකක් දාන්න විතරයි ඕනි.සරලව කිව්වොත් නිදහස උපරිමයි...

ජාවා ඩොට්නෙට් තමා ගොඩක් දුරට අපි යොදා ගන්නේ.ඉදිරියට ඒවා ගැනත් ලියන්නම් කෝ..
අපේ ගොඩාක් මෘදුකාංග(ලින්ක්) හදන්නෙ ස්වීඩන් වලට.ඇන්ඩ්‍රොඩ් මොබයිල් වලටත් මෘදුකාංග ලියනවා.අලුත්ම
තාක්ශණය පාවිච්චි කරන්න අවස්ථාව ගොඩක් වැඩියි.

ශාකුන්තලගෙ බ්ලොග්(ලින්ක්) එකයි , කොටුවෙගෙදරයි(ලින්ක්) කියවන්න ආපු ගමන් තමා පෝස්ට් එක දාන්න හිතුනෙ...
හසිතගෙ බ්ලොග් එක නම් දැන් නැතිද මන්දා...
අශානුත් කොහෙද මන්දා :(

හ්ම්ම් දැන් ලියන්න කම්මැලි වගේ... දැනට ඇති..

මම අලුත් ෆිල්කර් ස්ට්‍රීම් එකක්(ලින්ක්) දැම්මා.ඒකත් බලන්න.

අවසානයක් දකින්න ....

noreply@blogger.com (Anonymous) — Wed, 19 Oct 2011 02:31:00 +0530

ජීවිතේ අපි හිතන දේ එහෙමම වෙන්නෙ නෑ නම් තමයි.ඒත් සමහර දේවල් දිහා බලන කොට හිතෙන්නෙ අපි මේ සංසාරෙ එකම තැන කැරකෙනවද මන්දා කියලයි.ජීවිතය සැපවත් කිරීම හෙවත් ඇස කන නාසය දිව ශරීරය පිනවන්න අවශ්‍ය දේවල් හුවමාරු ක්‍රමේට මාරු කරගන්න අතමැදි වශයෙන් පාවිච්ච් කරන්න ඕනි දේවල් හම්බ කරගන්න අපි දවස ගානේ කොච්චරනම් වෙහෙස වෙනවද?

ඒත් අපි සතුටු වෙන්නෙ නෑ නේද?හැමදාම අලුත් ප්‍රශ්ණ,අලුත් බැදීමක්,අලුත් බලාපොරොත්තු....
ජීවිතේ බැදීම් වලින් මිදෙන්න පුලුවන් වුන දවසක මම මේ හැම දේකටම උත්තර හොයාගෙන යනව...
ඒ චක්‍රයක අවසානයක් දකින්න ....

නුඹට දැනෙනුයේ නැතිද..

noreply@blogger.com (Anonymous) — Mon, 10 Jan 2011 01:17:00 +0530

කාලය ගත වන විට ආලය සැගව ගිය අයුරු දැක ..
වේදනාව සිරකොට අගුලු දැමුවෙමි සිතට ..
ජීවිතය මොහොතකට සතුට දැනෙන විට ..
නුඹේ ඔය සිනහව නෑසුනේ නෑ හැමවිටක ..

තිර කලත් මගෙ සිතට..
නුඹ යලි නො එන වග..
නොහැගේ නුඹ මාගේ නොවන වග..
සේයා රුව දකින හැම විටක..

නිරතුරුව සිහි නොවන ලෙසින් සැගවා තබන ..
නිම් නොවන සෙනෙහසේ මුදු සුවද ..
මා සිහි කරන විට..
නුඹට දැනෙනුයේ නැතිද..

ඇයි ජාවාම ඉගෙන ගන්නේ? ජාවා හැදුනේ කොහොමද ? වෙනත් ක්‍රම ශිල්ප මොනවාද? කේතනය කල Programme එකක් වැඩකරන හැටි ? ( III - කොටස)

noreply@blogger.com (Anonymous) — Tue, 9 Nov 2010 17:30:00 +0530

අපි කතාකලේ ජාවා කොහොමද මේ අවුල ලෙහලා දෙන්නෙ කියලනේ.හරි මෙහෙමයි.කලින් මම කියපු විදිහට හැම මෙහෙයුම් පද්ධතියකටම එම පද්ධතිය මෙන්ම මෘදුකංගයකටම ඒක නිර්මාණය කරන්න යොදා ගත්ත ක්‍රම ලේඛන භාෂාවක් තියෙනවා.එතකොට මේ ජාවා කියන ක්‍රම ලේඛන භාෂාව ලියලා තියෙන්නෙ සී කියන ක්‍රම ලේඛන භාෂාව යොදාගෙන, ජේම්ස් ගොස්ලින් ඇතුලු පිරිස විසින්.ඔය ඉන්නෙ එයා තමයි.මේ පරිඝනක විද්‍යාඥියා ජාවා හදන්න හේතුවු කරුණු ඒ පසු පස ලියැවුනු රසවත් කතා තිබෙනවා.පාඩමේ ඉදිරියට යද්දී මම හෙමිහීට කියන්නම්.

ඉතින් අපි ආයෙත් කතා කර කර හිටපු තැනට ගියොත්, අපි යම්කිසි මෙහෙයුම් පද්ධතියකට තේරුම් ගත හැකි විදීහට කෝඩ් එකක් ලියලා ඒක මෙහෙයුම් පද්ධතියට විධාන දෙන්න කියලා කිව්වම.මෙහෙයුම් පද්ධතිය මේ කෝඩ් එකෙන් හැදෙන විධාන වලට අනුව වැඩකරන්න ගන්නවානේ.ඒත් ඉතින් මේ කෝඩ් එකම වෙන මෙහෙයුම් පද්ධතියකට (Linux, mac or any....)විධාන දෙන්න පටන් ගත්තොත් අර ග්‍රීක් වගේ තමයි.මොකද කියන දේ මෙහෙයුම් පද්ධතියට අදුර ගන්න බැරි වෙනවා.
මේ ගැටලුව විසදන්න තමයි ජාවා වලදී VIRTUVAL MACHINE කියන සංකල්පය උදව්වෙන්නේ.ඒක ගැන කියන්න කලින් මම කියන්නම් අපි ලියපු කෝඩ් එක කොහොමද ක්‍රියාත්මක වෙන්නේ කියන එක.ඒකට අපිට පොඩි සංකල්ප ටිකක් ගැන විස්තරාත්මකව ඉගෙන ගන්න වෙනවා.
General Compilier
Java Compiler
Intrepiter and Compilers
Assembly language
Java Virtual Mashine
01. General Compiler
---------------------------------

මේ කියන්නෙත් එක්තරා විදිහක පරිඝනක මෘදුකාංගක් ම තමයි.
මේකෙන් වෙන්නෙ මෙහෙම දෙයක්...,

අපි ක්‍රම ලේඛන භාෂාවට අදාල වන කේත භාවිත කරලා ලියපු කෝඩ් එක පරිඝනකයේ ප්‍රොසෙසර් එකට තෙරුම් ගන්න පුලුවන් විදිහට ඒයාගෙ ස්වභාෂාව හෙවත් නේටිව් ලැන්ග්වේග්ජ් (Native Language) එකට පත්කරලා දීම තමයි කම්පයිලර් එකකින් වෙන්නෙ.ඒ කිව්වෙ අපි කෝඩ් එක කම්පයිලර් එක ලවා කම්පයිල් කලාම කෝඩ් එක බයිනරි හෙවත් ප්‍රොසෙසර් එක තේරුම් ගන්න අක්ශර සහිත (Binary Based - 0 1 0 1 0 0 ) භාෂාවක් බවට පත් වෙනවා. ජාවා වලදී මෙම කෝඩ් එක සෝස් කෝඩ් එක( .java) හෝ ජාවා ෆයිල් එක ලෙසත් කම්පයිලර් එකෙන් ලබා දෙන අවුට්පුට් එක ක්ලාස් ෆයිල් එක ( .class) ලෙසත් තමයි ව්‍යවහාර වෙන්නෙ.

ඉදිරි පාඩම් වලදී මම වැඩිදුර පැහැදිලි කරන්නම්....,

තාක්ශණික වචන ආශ්‍රයෙන් කිව්වොත් High Level Language වලින් ලියපු කොඩ් එක Low Level Language බව ට පත් කිරීමයි සිදු වෙන්නෙ. එමෙන්ම Low Level Language එකකින් ඇති කෝඩ් එක High Level Language එකක් බවට හැරවීමට De compiler කියන උපාංගයකුත් වෙනම භාවිතා වෙනවා

02. Java Compiler
--------------------------

ලබන සතියට ......

**********************************************************************

මේ දවස් ටිකේ නම් ගොඩාක් වැඩ අධිකයි.කොටින්ම සති අන්තෙත් වැඩ ගමකට තියෙනවා.මම ඉක්මනටම මේ හැදින්වීම් කොටස් ටික කියලා ඉවර කරන්නම් හොදේ ... :-)

මේ සෙනසුරාදා ලිපිය පල කරන්නෙ අපේ ඇඩ්මින් කශ්ටියගෙන් කෙනෙක්.

ඔයාලාට ජාවා ගැන තියෙන ගැටලු කමෙන්ට් වල දන්න. අපි උත්තර දෙන්නම්.කමෙන්ට් නම් මොඩරේට් වේද කියන්න බෑ.ඒ අයත් ගොඩාක් වැඩ එක්කෙනේ මට උදව් වෙන්නේ.
ඉතින් කාලෙ වෙන් කරලා මට දෙන සහයෝගයට අශාන්ට,සසිදුට,හසිතට ගොඩාක් ස්තුතියි. :-)

ඉක්මනටම ඉතුරු ටික ලියන්නම්....

*******************************************************************
උසස් පෙළ අයි.ටී කරන අයට ඕනි වෙන ,Introduction to Programming using Python ගැන සයිට් එකකුත් මට හම්බ උනා මෙන්න ලින්ක් එක. ඒකත් බලන්න. :-)

නිපුන - 11/9/10

නුඹ නම් ...

noreply@blogger.com (Anonymous) — Mon, 20 Sep 2010 16:08:00 +0530

අදත් එදා සේ .......

noreply@blogger.com (Anonymous) — Thu, 16 Sep 2010 22:08:00 +0530

TEST BLANK POST - (widget testing)

noreply@blogger.com (Anonymous) — Wed, 8 Sep 2010 21:24:00 +0530

මට හිතෙන හැටියට

noreply@blogger.com (Anonymous) — Mon, 6 Sep 2010 22:03:00 +0530

බ්ලොගර් වල Image බැනර් එක ඇඩ් කරන්නෙ මෙහෙමයි......

noreply@blogger.com (Anonymous) — Mon, 6 Sep 2010 14:19:00 +0530

ඔයාලා ප්‍රොග්‍රැමින් එක්ක ජාවා මුල ඉදන්ම ඉගෙන ගන්න ගමන් මේ කතාව යාලුවන්ටත් කියන්න කියලා මම ඉල්ලුවානේ.ඒකට බොහොම හොද ප්‍රතිචාර තියෙනවා.ඉතින් සමහර යාලුවන්ට බැනර් එක Add කරන හැටි හරියට දන්නේ නැහැලු :(.
ඉතින් මෙන්න මම ඒක කියල දෙන්න තමයි මේක කොටන්නෙ :)

මෙන්න මෙහෙමයි කේස් එක.....,
හරි.ඉස්සෙල්ලම ඔයා බ්ලොගර් ලොග් වෙන්න. එතකොට පේන්නෙ මේ විදිහටනෙ .

දැන් එකට Design View යන්න.එතකොට ඔයාලට සයිඩ් බාර් එක ට විජට් එකතු කරන ලින්ක් එක තියෙනවානේ Add a Gadget කියලා .ඒක ක්ලික් කලාම මේ විදිහට විජට් ලැයිස්තුවක් එනවා.

ඒකෙන් Picture කියන එක ඉස්සරහ තියෙන කියන + ලකුණ උඩ ක්ලික් කරන්න .

හරි දැන් එන්නෙ ඉමේජ් එක upload කරන වින්ඩෝ එක.දැන් අර ඉස්සෙල්ල කරගත්තු ඉමේජ් එක තෝරන්න.ඔය වින්ඩෝ එකේ තියෙන Shrink to Fit කියන ටික් එකත් අයින් කරලා තියන්න අමතක කරන්න එපා .

හරි දැන් ලින්ක් එක දෙන්න http://nipunadk.blogspot.com කියලා.දැන් SAVE බට්න් එක Press කරන්න

දැන් හරි :-)

මම බැනර් දෙකක් දාලා ඇති, කැමති බැනර් එකක් ඔයාගෙ ටෙම්ප්ලෙට් එකටත් ගැලපෙන්න පාවිච්චි කරන්න පුලුවන් :-)

එහෙනම්
මේ ජාවා පන්තියේ ප්‍රචාරණ වැඩේට උදව්වෙන ඔක්කොටම ආයෙත් ගොඩාක් ස්තුතියි හොදේ...
ඒ එක්කම ගොඩාක් වැඩ කටයුතු එක්ක අපිට මේ වැඩේට උදව්කරන පොරොන්දු වුන නොදුටු අය වන කණිශ්ක කන්ෆියුස් රවී අකී ජයා ශාකු හසිත , ජෙඩී, රිචඩ් ..........
ඔය ඔක්කොටමත් ගොඩාක් ස්තුතියි .......

ඇයි ජාවාම ඉගෙන ගන්නේ? ජාවා හැදුනේ කොහොමද ? වෙනත් ක්‍රම ශිල්ප මොනවාද? කේතනය කල Programme එකක් වැඩකරන හැටි ? ( 2 - කොටස)

noreply@blogger.com (Anonymous) — Sat, 4 Sep 2010 16:34:00 +0530

අපි ගිය සතියෙ කතාකලේ ලියපු කෝඩ් එක කොහොමද අකුරු වෙලා තිරය මැදට එන්නෙ ඊට කලින් මොනවද වෙනවා ඇත්තෙ කියලනේ......
එතකොට මේ පරිඝනකය කොහොමද ඔයා ප්‍රෙස් කරපු යතුරුවලට අදාල අකුර තිරයමත පෙනෙන්න සැලැස්වුයේ????

අද අපි කතාකරන්නේ ඔය ප්‍රොසෙසර් එකයි ඒ එක්කම තියෙන ලෝහ කෑලි ගොඩයි කොහොමද අපි විදුලිය දුන්නම රූප රටා ආදී එකී මෙකී දේවල් තිරය මතට ගෙන එන්නෙ කියලා. ඔක්කොමලා දන්න දෙයක් තමයි කම්පියුටර් (Computer )කියන වචනයට මූලිකවම මොනිටර් එකයි සිස්ටම් යුනිට් එකයි
ඇතුලත් වෙනවා.ඔය ප්‍රොසෙසර්(processor) කියන කොටස තියෙන්නෙ සිස්ටම් යුනිට් ( System Unit )එක ඇතුලෙනෙ.එතකොට ඔය ප්‍රොසෙසර් එක තමයි කම්පියුටර් එකේ මොළය විදිහට වැඩ කරන්නේ.ඔය මොලය අපිට මූලිකවම කොටස් තුනකට වෙන් කරන්න පුලුවන්.( කරන රාජකාරි මත පදනම්ව)

1.Arithmetic and Logical Unit
2.Control Unit
3.Registers
( වැඩි දුර විස්තර ඉදිරියට )

හැබැයි ඉතින් අපි ටයිප් කරන වචන ඒ විදිහටම මේ යකඩ ගොඩට තේරුම් ගන්න බැහැ හොදේ.එයාලට තේරුම් ගන්න පුලුවන් වෙනමම භාෂාවක් තියෙනවා.ඒකට අපි කියන්නෙ Mashine code කියලා
හරි තව ටිකක් පැහැදිලි කරගමු මේ කතාව.

අපි කම්පියුටර් එකට ටෙක්ස්ට් එකක් කීබෝඩ් එක මගින් ඇතුලත් කරලා තිරය මත ඒක දිස්වෙනවා නේද? ඒ කියන්නෙ කී බෝඩයේ යතුරු ඔබමින් අපි ඩිජිටල් ක්‍රමයට යම් දෙයක් ලබා ගෙන.පරිඝනකයක් ගත්තහම ඒකෙ මෘදුකාංග කොටස් කීපයක් තියෙනවා.මෙයින් ප්‍රධානම කොටස් දෙක තමයි මෙහෙයුම්
පද්ධතිය (Operating Systems) සහ අනෙකුත් ඇප්ලිකේශන් සොෆ්ට්වෙයා(application software) කියන්නෙ

අපි පරිඝණකයේ ඇප්ලිකේශන් වලින් අදින දේවල් පරිඝණකයට එහෙම නැත්නම් යකඩ ගොඩට අදුරගන්න පුලුවන් විදිහට හරවලා දෙන්නෙ අපේ මෙහෙයුම් පද්ධතිය විසින්.මේ මෙහෙයුම් පද්ධතියයි ප්‍රොසෙසර් එකයි අතර හුවමාරු වන සන්නිවේදන ක්‍රමයට අපි කියන්නෙ මැශින් කෝඩ් එක කියලා.මේ භාෂාවට තියෙන්නෙ අකුරු දෙකයි.ඒ කියන්නෙ සංඥා දෙකයි.සංඥා දෙක තමයි එක (1) සහ බින්දුව (0).අපි මේක බයිනරි (BINARY)හෙවත් සංඥා දෙකක් මත පාදක වුන භාෂාවක් ලෙස හදුන්වනවා. ලි

මේ සංඥා දෙක මත පදනම් වෙලා තමයි ප්‍රොසෙසර් එක මෙහෙයුම් පද්ධතිය එක්ක ගණුදෙනු කරන්නේ.ඒ කියන්නෙ අපි ඇප්ලිකේශන් සොෆ්ට්වෙයා එකෙන් කරන දේවල් අදුර ගෙන ඒ අනුව දෘඩාංග කොටස් හසුරවන්න විධාන දෙන්නෙ මෙහෙයුම් පද්ධතිය ඔය කිව්ව සංඥා දෙක ආශ්‍රයෙන්

( වැඩි දුර විස්තර ඉදිරියට )

හිතන්න ඔයා චිත්‍රයක් අදින්න කොරල් ඩ්‍රෝ (CorelDraw or MsPaint....or any application software)
පාවිච්චි කරනවා කියලා.එතකොට කොරල් ඩ්‍රො කියන මෘදුකාංගය මත අදින රූප හැඩතල කොහොමද තිරයේ පේන්නෙ.කව්ද අතරමැද ඉන්නෙ?ඉන්නෙ අපේ මෙහෙයුම් පද්ධතිය.එයා දෘඩාංග වලට විධාන දෙනවා අදාළ විදිහට තිරය මත පාට හැඩතල ගලපන්න.

ඇයි මම මේ ටික ඔයාලට කිව්වෙ.හරි මෙහෙම හිතන්න ඔයාල දන්න ලිපි ලේඛන සැකසුම් හා කාර්යාලීය කරුණුකාරනා ඉටුකරගන්න පාවිච්චිකරන මෘදුකාංගයක් තමයි මයික්‍රොසොෆ්ට් ඔෆිස් පැකෙජය මේකෙ මුහුනත බැලූ බැල්මට හරිම විචිත්‍රකයි.ඒ කිව්වෙ හැඩයි.හැබැයි මෙයාව ඔයාලට කෙලින්ම පාවිච්චි කරන්න පුලුවන් වින්ඩෝස් මෙහෙයුම් පද්ධතිය මත පමණයි. ඒ කිව්වෙ මෘදුකාංගය කියන කරන දේවල් පහසුවෙන්නම තේරුම් ගන්න පුලුවන් වින්ඩෝස් මෙහෙයුම් පද්ධතියට විතරයි.ඉතින් මයික්‍රොසොෆ්ට් ඔෆිස් පැකෙජය ගැටලුවකින් තොරව පාවිච්චි කරන්න පුලුවන් වෙන්නෙ (Windows) පරිශීලකයන්ට පමනක් නිසා අනෙකුත් මෙහෙයුම් පද්ධති භාවිතා කරන අයට මෙය ගැටලුවක්.ලි

ඉතින් මේ එක් එක් මෙහෙයුම් පද්ධති වෙනම වෙනම භාෂා එක්ක ලියපු වැඩසටහන් මත පමණක්ම රැදෙන්න ගත්තොත් ගැටලුවක් නේ... ඒ කිව්වෙ ඉතින් එක් එක් පද්ධතියට වෙන වෙනම් මුල ඉදන් එකම වැඩසටහනක් ඔයාලට ලියන්න වෙනවා ඒ මෙහෙයුම් පද්ධතිය දන්න ක්‍රම ලේඛන භාෂාවන් පාවිච්චි කරලා.හරියට ජපන් කෙනෙක්ට ජපන් භාෂාවෙන් කියන දේම ජර්මන් කෙනෙක්ට ජර්මන් භාෂාවෙන් කියල දෙන්න ඕනෙ වගේ.මොකද ජපන් කාරයට ජර්මන් ග්‍රීක් වගේ ජර්මන් කාරයට ජපන් ග්‍රීක් වගෙ..
(ඔය කිව්වට මට ඔය දෙකම ග්‍රීක් වගේ හික්ස් ! ! ! )

මෙන්න මෙතනදී තමයි ජාවා වල විශේෂත්වය මතු වෙන්නේ.නිදහස් මෘදුකාංගයක් වන ජාවා , Virtual Machine කියන විශේෂ උපාංගයක් පාවිච්චි කරලා මේ ගැටලුව විසදලා දෙනවා.

ඒ ගැන විස්තර ලබන සතියේ .... 11 / 09 / 2010

ඔන්න අද අපි Cross Platform & Run Time Environment ගැන තමයි සමාරම්භයක් ලබා ගත්තෙ.

ඔයාලට විස්තර දැන ගන්න පුලුවන් සිංහල ලිපි කීපයක් සිංහල විකීපීඩියාවෙන් මට හමු වුනා. වතැනින් තැන අදාල වචන වලට මම ඒවා ලින්ක් කරලා ඇති
වචන මත Click කරලා ඔයාලත් ඒවා කියවන්න

මීලගට අපි කතා කරන්නේ මේ දේවල්
1. Compilers and Interpriters
2.Java Virtual Machine
3..Installation of JAVA
3.Memory

ඇයි ජාවාම ඉගෙන ගන්නේ? ජාවා හැදුනේ කොහොමද ? වෙනත් ක්‍රම ශිල්ප මොනවාද? කේතනය කල Programme එකක් වැඩකරන හැටි ? (1 - කොටස)

noreply@blogger.com (Anonymous) — Fri, 3 Sep 2010 18:33:00 +0530

අයි.ටී කරන සමහර දෙනෙක් programmer කෙනෙක් වෙන්න බලාපොරොත්තු වෙනවා.එතකොට එන මූලික ගැටලු වලින් එකක් තමයි.මොනාද අපි ඉගෙන ගන්න ඕනේ කියන එක.
එක එක අවස්ථා වලදී ඔයාලට විවිධ පරිඝනක ක්‍රමලේඛන පිලිබදව අහලා ඇති.මම කියන්න යන්නේ අනෙකුත් පරිඝනක ක්‍රමලේඛන ක්‍රම තුලින් ජාවා වෙනස් වෙන්නේ ඇයි කියන කාරනය ගැන.
හරි දැන් ඔයාලා මේ වෙනකොට අහලා තියෙන ශිල්ප ක්‍රම මොනවද? අයි.සී.ටී කරන අයනම් වී.බී | ජී.අයි.ටී කරන අයනම් පැස්කල් | උසස් පෙළ අයි.ටී නම් පයිතන් | වගේ ශිල්ප ක්‍රම තව වී.බී ඩොට් නෙට් V.B.net | සී ශාප් ඩොට් නෙට් c#.net | ඇසෙම්බ්ලි ASSEMBLY | වී.බී.ඒ VBA | Flash Script වගේ ක්‍රම ශිල්ප ඔයාල අහල ඇති.
එව්වා මෙව්වා එක්ක ජාවා සංසන්දය කරන්ට නෙමෙයි මම හදන්නේ.මම කියන්නේ ජාවා වල තියෙන විශේෂ දේවල් කීපයක් ගැන.ඒ අතරම ඔය අනික් ක්‍රම ලේඛන ගැන ලියපු සිංහල ලිපිත් තියෙනවනම් කමෙන්ට් වල සබැදිය දානවනම් බොහොම හොදයි

.Programming ලැන්ග්වෙජ් High-level Programming Languages හා Low-level Programming Languages කියලා කොටස් දෙකකට වෙන් වෙන් කරලා හදුන ගන්න පුලුවන්. Low -level Programming Languages කියලා කියන්නේ සරලවම කිව්වොත් පරිශීලකයාට එතරම්ම සමීප කේතන පද නොමැති ක්‍රම ශිල්පයි . ඒ කිව්වෙ ඒවා ගොඩාක් ලගින්ම වැඩකයුතු කරන්නෙ පරිඝණක දෘඩාංග සමගයි (microprocessors so on...).අනික් කොටස තමයි High -level Programming Languages .ඒ කියන්නෙ පරිශීලකයාට ගොඩාක් සමීපතම හුරුපුරුදු වචන ආශ්‍රයෙන් ක්‍රම ලෙඛනය කරන්න පුලුවන් භාෂා.ඉතින් ඔය ජාවා අයිති වෙන්නෙ High-level Programming Languages කියන වර්ගයට. (Level කියන එක සලකන්නෙ සරලවම කිව්වොත් ක්‍රමලේඛන භාෂාව පරිශීලකයාට කෙතරම් සමීපද කියන තැන ඉදලා.)
එතකොට දැන් අපි කෝඩ් එකක් ලියලා ඒක කම්පුටර් එකේ Execute වෙනකොට මොකද වෙන්නේ කියලා බලමු.ඒ කියන්නෙ හිතන්න ඔයා Programme එකකින් තිරයේ පණිවිඩයක් (Massage) නිර්මාණය වෙන්න කේතයක් (Code)ලියුවා කියලා.දැන් අපි මේක Execute කලාම තිරයේ අකුරු භාවිතයෙන් සටහනක් වෙනවා.හැබැයි ඔයා කෝඩ් ලියන්නෙ අදාල ක්‍රම ශිල්පයෙන්(using appropriate programming language),නමුත් ඒක මෙහෙයුම් පද්ධතිය අදුන ගන්නවා.මේ අතරතුර වෙන(until Codes turn into graphical out-put) අතරමැද කොටස් ටික මොනාද කියන එක බොහොම වැදගත්.මොකද කේතනය කරන විටත් ඒ වගේම කේත කාර්යක්ෂමව Execute කරවීමටත් මේ වැඩ පිලිවෙල ගැන හොද අවබෝධයක් තිබීම ට අවශ‍යයි .

(ඉතිරිය මීලග කොටසින්)

ක්‍රම ලේඛන ශිල්පය+ ජාවා | සරළවම මුලසිට (පෙරවදන)

noreply@blogger.com (Anonymous) — Mon, 30 Aug 2010 15:28:00 +0530

අද ඉදලා බ්ලොග් යාලුවන්ට අලුත් ලිපි පෙලක් මම ඉදිරිපත් කරනවා.නිදහස් මෘදුකංග සමග බොහොම වේගයෙන් දියුණුවන ( JAVA Programming Language ) ජාවා ක්‍රම ලේඛන ශිල්පය පිළිබදව මූලිකම පියවරේ ඉදලා කතා බහ කරන්නයි මගේ සූදානම.මේ වැඩේට මට මගේ යාලුවෙකුත්( cooperate business partner :D ) උදව් වෙනවා.කමෙන්ට් කරලා ඔයාල අහන ඕනෙම ප්‍රශ්ණයකට අපි උදව් කරන්නම්.මූල ඉදලම පටන්ගන්න නිසා ටිකක් සංකීර්ණ පාඩම් වලට එන්න ටික කාලයක් යයි.

ඒත් ඉතින් මම හිතන්නේ ඒක ලොකු ගැටලුවක් වෙන එකක් නැහැයි කියලා.පරිඝණක ක්‍රම ලේඛන ශිල්පයට අත් පොත් තබන කෙනෙක්ගෙ මට්ටමේ ඉදලා තමයි පාඩම් ආරම්භ කරන්න හිතන් ඉන්නෙ.ඒ කියන්නෙ ජාවා හරි වෙනත් කිසිම ක්‍රමම ලේඛන භාෂාවක් නොදන්න කෙනෙක්ගෙ දැනුම මට්ටමේ ඉදලා තමයි පටන් ගන්නේ.කියල දෙන දේ ගැන ඔයාලට පැහැදිලිද කියලා මට දැන ගන්නත් එක්ක අදහස් දක්වන්න මතක තියා ගන්න ඕනි.

ඉදිරි පාඩම් වලදී කරුණු පැහැදිලිකිරීමට මම පාවිච්චි කරන ග්‍රන්ථ ගැනත් සටහනක් තියන්නම්.මේ පොත් වල සියලු උපුටා ගැනීම් වල අයිතිය මුල් කතෘ සතුයි.

1.The Java™ Tutorial Fourth Edition: A Short Course on the Basics(By Sharon Zakhour, Scott Hommel, Jacob Royal, Isaac Rabinovitch, Tom Risser, Mark Hoeber )
2.UTF-8''SCJP

3.WSIT JAVATutorial

4.OReilly Head First Servlets and JSP 2^nd Edition Mar 2008

5.CoreJavaFundamental-Falden decnov

6.thinking in java-3rd edition

කමෙන්ට් පොඩි ගැටලුවකුත් තියෙනවා ඔයාල දන්නවා ඇතිනේ.ඒකටත් පිළියම් කරලා තමයි තියෙන්නෙ.ඒක ගැන මගේ කණගාටුවත් ප්‍රකාශ කරනවා.එහෙනම් පලවෙනි ජාවා පාඩම මීළගට පල කරනවා.අපි කතා කරන්න යන්නේ පරිඝක භාෂා කොතෙකුත් අතරේ ජාවා ඉගෙන ගන්න එකේ වැදගත්කම ගැනයි.ජාවා ක්‍රමලෙඛනයට ඕනි වන පොඩි කොටස් ටිකක් පරිඝණකයේ ස්ථාපිත කරගන්න හැටිත් මම කියන්නම්.

ක්‍රම ලෙඛන භාෂාව දන්න අය එකතුවෙලා කතාබහ කරන තැනක් බවට බ්ලොග් එක හදන්නයි තමයි මගේ සූදානම.උදව්වට එන්න කැමති අයයි.ලිපි කියවලා ඉගෙන ගන්නයි දිගටම ජාවා පාඩමට එන්න කැමති අයයි කමෙන්ට් කරන්නකෝ. :-)

තොරතුරු තාක්ෂණ උපාධියක් සමග රැකියා වෙළද පලට පිවිසීමට අපේක්ෂා කරන්නේද ???

noreply@blogger.com (Anonymous) — Sun, 22 Aug 2010 00:17:00 +0530

වර්ථමානයේ වේගයෙන් දියුණවන එක් ක්ෂේත්‍රයක් ලෙස තොරතුරු තාක්ශණය හදුන්වන්න පුලුවන්.දේශීයව
මෙන්ම විදේශ ගතවද ඉතා ඉහල වැටුප කට හිමිකම් කියන්නට අද තොරතුරු තාක්ශණ උපාධිදාරීන් සමත්ව
සිටිති.දක්ෂමතයෙකුට එය සාමාන්‍යයෙන් ආසන්නව දේශීයව ඇ:ඩො 500/විදේශීයව ඇ:ඩො 1500 ඉක්මවූ අගයක් වීම ඉතා සතුටුදායකය.

තරගකාරී රැකියා වෙළදපල තුල ඔබත් අපේක්ෂා කරනුයේ ඉහල පිලිගැනීමක් නම් සහ පරිඝණකය සමග කාලය ගත කිරීම ඔබට විනෝදජනක කටයුත්තක් නම් තොරතුරු තාක්ශණ උපාධිය ඔබට බෙහෙවින් ගැලෙපෙන බව මාගේ පෞද්ගලික මතයයි.මෙම ලිපියෙන් මා සිදු කිරීමට අපේක්ෂා කරනුයේ සා/පෙළ හෝ උසස් පෙළ සමත් මෙන්ම උසස් පෙළ පෙනී නොසිටින සිසුන් හට කොළඹ විශ්ව විද්‍යාලයීය පරිඝණක අධ්‍යණාංශය මගින් පිරිනමනු ලබන "BIT" උපාධි ගමන් මග දළ වශයෙන් පැහැදිලි කිරීමයි.

උසස් පෙළ අසමත් එමෙන්ම සා/පෙළ සමත් සිසුන්

----------------------------------------------------

(FIT)නොහොත් (Foundation to IT) යනු කොළඹ විශ්ව විද්‍යාලයය යේ පරිඝණක
අධ්‍යනාංශය මගින්ම මෙහෙයවනු ලබන වැඩසටහනකි.එමගින් උසස් පෙළ අසමත් එමෙන්ම සා/පෙළ සමත්
සිසුන්ට පදනම් පාඨමාලාවක් (FIT)හැදැරීමෙන් අනතුරුව විශ්ව විද්‍යාල
උපාධිය ලබා ගැනීමට සුදුසුකම් සලසා දෙනු ලබයි.

උසස් පෙළ සදහා පෙනී සිටීමට අපේක්ෂා නොකරන සිසුන්

------------------------------------------------------------

සා/පෙළ සමත් එහෙත් උසස් පෙළ සදහා පෙනී සිටීමට අපේක්ෂා නොකරන්නෙක් නම් ඔබටද කොළඹ විශ්ව විද්‍යාලයය යේ පරිඝණක අධ්‍යනාංශය මගින්ම මෙහෙයවනු ලබන මගින් ක්‍රියාත්මක කරනු ලබන තොරතුරු තාක්ශණ පිළිබද පදනම් පාඨමාලාව(FIT) හැදැරීමෙන් පසුව උපාධිය හැදෑරීමට සුදුසුකම් ලබා ගත හැකිය.

මෙම(FIT) පාඨමාලාව ප්‍රධාන වශයෙන් කොටස් තුනකින් යුක්ත වන අතර පරිඝනක උපාධියක් සදහා අවශ්‍ය මූලික පාඩම් වලින් සමන්විත වූවකි.

1.PC APPLICATIONS

2.MATHEMATIC SKILLS

3.ENGLISH

එමෙන්ම විශ්ව විද්‍යාලය මගින්ම ලබා දෙනු ලබන ඉගෙනුම් කළමණාකාරී පද්ධතිය

(Online Learning Management System) මගින් මේ විශයන් සදහා පූර්ණ සහය ලබා ගත හැක.

වැඩිදුර විස්තර

උසස් පෙළ සමත් විශ්ව විද්‍යාල සුදුසුකම් නොලැබූවන්

------------------------------------------------------

විශ්ව විද්‍යාලය සදහා සුදුසුකම් නොලැබීමෙන් ඔබ කිසි විටකත් පසුබට විය යුතු නොවේ.මන්දයත් තවමත්
තොරතුරු තාක්ශණ උපාධි මාවතේ ඉදිරියට යාමට ඔබට ඉඩකඩ විවර ව ඇත.එනම් කොළඹ විශ්ව විද්‍යාලයය
මගින් පවත්වන පිලිබද බාහිර උපාධිය හදාරා දීප්තිමත් අනාගතයක් සදහා තොරතුරු තාක්ශණය තුලින් ගමන්
ආරම්භ කිරීමට ඔබට හැකියාව ඇත.මෙම උපාධිය බොහෝ සෙයින්ම අන්තර් විශව විද්‍යාලයීය උපාධි
පාඨමාලාවට සමාන වන අතර උපාධිය සම්පූර්ණ කිරීමට අවම වශයෙන් අවුරුදු 03ක් ගත වේ.

උපාධි වසරක් කොටස් දෙකකට වෙන් කර ඇත.එනම් මුලු උපාධි පාඨමාලාව කොටස් 06 කින් සමන්විත
වේ.පලමු හා දෙවන කොටස් වලට අදාල ඇගයුම් පද්ධතියේ පැවරුම් හා බහුවරණ ප්‍රශ්ණ පත්‍ර මත සිදුවන අතර
3වන කොටසේ සිට එහ ලිඛිත පරීක්ෂණ සහිතව ඉදිරියට ගමන් කරනු ලබයි.

උපාධි අපේක්ෂකයන් සදහා ඉගෙනුම් කළමණාකාරී පද්ධතියක්ද(LMS) කොළඹ විශ්ව විද්‍යාලයය යේ පරිඝණක අධ්‍යනාංශය මගින් පවත්වා ගෙන යනු ලැබේ.මේ හරහාද සිසුන්ට නොමද සහයක් ලබා ගතහැක .අවැසිනම් පෞද්ගලික ආයතනයක් හරහා තම දේශණ හා පාඩම් සම්පූර්ණකර ගනිමින් සය මසකට වරක් විශ්ව විදය්‍යාලය මගින් පවත්වන විභාග සදහා මුහුණදීම මෙහිදී සිදු කල යුතු වේ.

වැඩිදුර විස්තර

අනෙකුත් පෞද්ගලික උපාධි පාඨමාලාවන් සමග සසදන කල ඉහල පිලිගැනීමක් සමගම ආර්ථික වශයේ වඩාත් පහසුදායකම උපාධි පාඨමාලාව වශයෙන් කොළඹ විශ්ව විද්‍යාලයීය පරිඝණක අධ්‍යණාංශය මගින් පිලිගන්වනු ලබන

තොරතුරු තාක්ශණය පිලිබද බාහිර උපාධිය (BIT-Bachelor of Information Technology)

හැදින් විය හැකිය.

එමෙන්ම ඔබ 2010 උසස් පෙළ පෙනී සිටියෙකු නම් ඔබටද BIT උපාධි අපේක්ෂකයෙකු ලෙස ඉල්ලුම් කලහැකි බවද ඉතා සතුටින් දන්වමි. (Applcitations are accepted on pending results)

ෆොටෝ ශොප් වලින් චලන රූප (.gif animations) හදන හැටි.

noreply@blogger.com (Anonymous) — Thu, 12 Aug 2010 16:26:00 +0530

මේ ලිපියෙන් මම කියලා දෙන්නෙ සයිට් කරන අයට වගෙම ග්‍රැෆික් (2D Raster Graphics)ගැන උනන්දුවෙන ඕනිම කෙනෙක්ට ලේසියෙන්ම කරන්න පුලුවන් වැඩක් ගැන.

මම බ්ලොග් එකට කාලෙන් කාලෙට අලුත් බැනර් දානවා ඔයාල දැකල ඇති.. ;-)
ඇනිමේට් එකක් එක්ක දැම්මාම අවධානය ලැබෙනවා වැඩියිනෙ..

කරන්න හරිම ලේසියි.අමුතුවෙන් ෆොටෝ ශොප් කෝස් කරලා තියෙන්න ඕනිත් නෑ.මෙනු ටික දිග ඇරලා බලලා වැඩක් කරගන්න පුලුවන් කෙනෙක් නම් ඔයාටත් මම කියන ක්‍රමේ පාවිච්චි කරන්න පුලුවන්.

පියවර විදිහට දාන්නම් එතකොට පැහැදිලි කරන්න ලේසියි. :-)

1.ෆොටෝ ශොප් ඕපන් කරගන්න.ඊලගට File > New කියන තැනින් අලුත් කැන්වස් එකක් / අලුත් ඉමෙජ් එකක් ඕපන් කරගන්න.

2.මෙතනදී ඉමෙජ් Diamentions ( height X width) in pixels ලබා දෙන්න.ඒ අනුව ඉමේජ් එකේ ධාරිතාවය වෙනස් වන බවද මතක තබා ගන්න.උපරිම 10KB ට අඩුවෙන්න ඉමෙජ් එක හදාගන්න.නැත්නම් සයිට් වලට දැම්මට පස්සෙ ලෝඩ් වෙන්න වෙලා ගත වීමෙන් පරිශීලකයින් අපහසුතාවයට පත් වෙන්න පුලුවන්.

3. කියන්න හදන්නේ එකේ ඉදලා තුනට යනකම් ඉලක්කම් පෙන්වන ඇනිමේශන් එකක්.මේකේ ලේයර්ස් වෙනස් කරලා ඔයාට කැමති ඇඩ් එකක් හදාගන්න. :-)

4.දැන් මෙනු එකේ WINDOW තැනට ගිහින් Animation කියන වචන ඉස්සරහා ක්ලික්
කරන්න.අලුත් වින්ඩෝ එකක් ඕපන් වේවි Animation කියලා.
ඔක්කොම කොටස් ටික ලෑස්තිද ? එහෙනම් වැඩේ පටන් ගමු.

5.ලේයර් වින්ඩෝ එකේ බලන්න කියලා ලේයර් එකක් ඇති.ඒක ඉස්සරහා ලොක් (Lock) එකක
සලකුනකුත් තියෙනවා නේ.මේ පැලට් එකේ පහල තියෙන add new layerකියන බට්න් එක උඩ ක්ලික් කරලා
අලුත් ලේයර් එකක් ඉමෙජ් එකට ඇඩ් කරගන්න

4.දැන් මේ ලේයර් එක සිලෙක්ට් කරලා ටෙක්ස්ට් ටූල් එකෙන් 1 ඉලක්කම ලේයර් එක උඩ
ටයිප් කරන්න.

5.දැන් මේ විදිහටම තව ලේයර් එකක් අරන් ඒකෙ 2 ඉලක්කමයි.තවත් ලේයර් එකක 3 ඉලක්කමයි ටයිප් කරන්න.මත්ක තියා ගන්න හැම විටම අලුත් ලේයර් එකක් ගන්න ඕනි.ඒ වගෙම ටයිප් කරන්නෙ නිවැරදි ලේයර් එක මතම ද කියලත් තහවුරු කරගන්න.

6.දැන් ඇනිමේශන් වින්ඩෝ එකේ Duplicates selected frames කියන බට්න් එක 3න්
පාරක් ක්ලික් කරලා Slides තුනක් ගන්න

7.ඊලගට එක් එක් ෆ්‍රෙම් එක මත ක්ලික් කරලා ලේයර් පැලට් එකේ ලේයර් විසිබල් කියන ඔප්ශන් එක ඔන් ඕෆ් කිරීමෙන් එක් එක් ස්ලයිඩ් එකෙදී පින්තූරෙ පේන්න ඕනි ලේයර් ටික සකස් කර ගන්න.

උදාහරනයක් විදිහට පල වෙනි ෆ්‍රෙරේම් එකිදී 1 කියන ඉලක්කම විතරක්.දෙවෙනි ෆෙරේම් එකේදී 2 ඉලක්කම විතරක් .... (play බට්න් එක මත ක්ලික් කරලා බලන්න.ඉලක්කම් මාරු වෙනවාද කියලා. :-)

8. දැන් අවශ්‍ය නම් ඔයාට මේකෙ ටයිමින් සෙට් කරන්න පුලුවන්. option D

9.ඉමේජ් එක සේව් කරන්නෙ මෙන්න මෙහෙමයි.

10.මෙනු බාර් FILE වල Save for WEB යන්න ක්ලික් කරන්න.දැන් ලැබෙන වින්ඩෝවේ දකුණු පැත්තෙ PRESET > image type විකල්පය යන්නට GIF සිලෙක්ට් කර SAVE බට්න් එක
මත ක්ලික් කරන්න.

11.මෙහිදී රූපයේ ධාරිතාවය හා ලෝඩ් වීමට ගතවන කාලය පිලිබදව සැලකිලිමත් විය යුතු වේ
Blink වෙන විදිහට හදනවානම් කරන්න ඕනි ස්ලයිඩ් දෙකක් අරන් එක ලේයර් එකක බ්ලින්ක් වෙන දේ දාලා
පලවෙනි ස්ලයිඩ් එකේ විසිබල් අයින් කරන් එකයි ;-)

ගැටලුවක් තිබ්බොත් මතක ඇතුව කමෙන්ට් කරලා අහන්න :-)

මව් වරුන් නුදුටුවන් දුටුවෙම් ...

noreply@blogger.com (Anonymous) — Thu, 12 Aug 2010 12:43:00 +0530

මතකයන් සිහිපත් කරමින් ...
විටක සතුටද ...
විටක දුකද ...
හිමි වෙමින් ...
හිමි කරමින් ...
වෙන්ව ගිය නුඹ ...
කිරි සුවද මතකයට එක් කොට ..
යලිත් නොයෙන බව දැන දැනම ...
හිරු රැසට වියකී නොහී පිණිබිදක් මෙන් ...
හිරු නැගෙන්නට එපා යයි ඉකිගසමින් ...
ඈත ඉම දෙස දෙස බලා සිටියේය...