༄༅། །བཙན་བྱོལ་བོད་མིའི་སྒྲིག་འཛུགས་ཀྱི་ཕྱི་དྲིལ་རྒྱ་སྐད་ཚན་པའི་ཆེད་དམིགས་བཀར་ལས་དྲུང་ ༡ དང་རྒན་དྲུང་ ༡ བཅས་ལས་བྱེད་ས་མིག་ཁ་སྐོང་ཆེད་གསར་འདེམས་བསྐོ་གཞག་གནང་རྒྱུ་ཡིན་ན། གཤམ་གསལ་ས་མིག་སོ་སོའི་ཆ་རྐྱེན་ཚང་ཞིང་དོན་དམ་སྲི་ཞུའི་ལས་བྱེད་ཞབས་འདེགས་ཞུ་འདོད་ཡོད་རིགས་ནས་འཚང་སྙན་འབུལ་གནང་ཡོང་བ་ཞུ།

 ག༽    ཕྱི་དྲིལ་རྒྱ་སྐད་ཚན་པའི་ཆེད་དམིགས་བཀར་ལས་དྲུང་ ༡ དང། རྒན་དྲུང་ ༡ ས་སྟོང་ཐོག་ལས་བྱེད་འདེམས་སྒྲུག་གི་རྒྱུགས་ ལེན་ཆེད་དགོས་ངེས་ཆ་རྐྱེན་གཤམ་གསལ།

༡༽ ཤེས་ཚད།    རྒྱ་ཡིག་ཐོག་ཉུང་མཐར་ཚད་ལྡན་མཐོ་སློབ་ཅིག་ནས་ཉེ་བའི་གཙུག་ལག་རབ་འབྱམས་པ་ཐོན་པའམ།  དེ་དང་མཉམ་པའི་ཤེས་ཚད་ལག་འཁྱེར་ཡོད་པ། ཅི་སྟེ་ཤེས་ཚད་ལག་འཁྱེར་མེད་ཀྱང་ཡིག་རྒྱུགས་གཏོང་རྒྱུའི་གོ་སྐབས་སྤྲོད་རྒྱུ།

༢༽ ལོ་ཚད།      ༢༠༡༩།༡༠།༣༡   ཉིན་རང་ལོ་ ༢༡ ལས་མི་ཉུང་ཞིང་ ༤༠ ལས་མ་བརྒལ་བ་དགོས།

༣༽ རྒྱུགས་གཞི། ཆ་རྐྱེན་ཚང་བའི་མི་འགྲོ་རྣམས་བོད་ཡིག་དང་།  རྒྱ་ཡིག་གཉིས་ཀྱི་འབྲི་རྒྱུགས་དང་།  ངག་རྒྱུགས་ལེན་རྒྱུ།

༤༽ མཆན།      རྒྱུགས་འཕྲོད་པར་བོད་ཡིག་ལ་ཉུང་མཐར་བརྒྱ་ཆ་ ༣༣ དང། རྒྱ་ཡིག་ལ་ཉུང་མཐར་བརྒྱ་ཆ་ ༧༠ ལོན་དགོས།

གོང་གསལ་ས་མིག་སོ་སོའི་ཆེད་ཆ་རྐྱེན་ལྡན་རིགས་ནས་གནས་རིམ་གཅིག་ལ་མ་གཏོགས་སྙན་འབུལ་མི་ཆོག་པ་དང་། ཆ་རྐྱེན་ལྡན་རིགས་ནས་འདི་ག་ལས་ཁུངས་དང། ས་གནས་འགོ་འཛིན་ལས་ཁུངས། གཞུང་འབྲེལ་དྲ་རྒྱ་ (www.tibet.net) ནས་བོད་ཡིག་ཐོག་གཏན་འབེབས་ཡོད་པའི་འཚང་སྙན་འགེངས་ཤོག་བཏོན་སྟེ་དོན་ཚན་རྣམས་འཚེམས་ལུས་མེད་པ་བཀང་ཟིན་རྗེས།

༡༽      རང་ཉིད་ཀྱི་ད་ལྟའི་ཕྱེད་པར་ཚོན་ལྡན་ ༢ རེ་དང། (one passport & one stamp size)

༢༽     འཛིན་རིམ་བཅིུས་ཡན་གྱི་སློབ་ཐོན་ལག་འཁྱེར་ཆ་ཚང་དང་། གོང་གསལ་དགོས་མཁོའི་ཤེས་ཚད་ཨང་ཤོག་དང་ལག་འཁྱེར་(Marks Card & Degree Certificate) བཅས་ཀྱི་ངོ་བཤུས།

༣༽     འབུལ་འབབ་གཙང་འབུལ་ཟིན་པའི་དཔྱ་དངུལ་ལག་དེབ་ཀྱི་ཤོག་གྲངས་དང་པོ་དང་། གཉིས་པ། མཐའ་མ་བཅས་ཀྱི་ངོ་བཤུས།

༤༽     སྐྱེས་ཚེས་ལག་འཁྱེར་ཡོད་ན་དང། དེ་མིན་རང་ལོའི་ཁུངས་སྐྱེལ་ཆེད་འཛིན་རིམ་ ༡༠ པའི་(Birth Certificate/Class-X  Certificate) ལག་འཁྱེར་གྱི་ངོ་བཤུས།

༥༽     བོད་མིའི་སྒྲིག་གཛུགས་ཀྱི་འཕྲོད་བསྟེན་ལས་ཁུངས་ཁྱབ་ཁོངས་རྒྱ་བོད་སྨན་ཁང་ཡོད་ན་དང། དེ་མིན་སྨན་ཁང་ཚད་ལྡན་གང་རུང་ནས་ནད་གཅོང་དང་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་ (MC) ཁ་གསར་སྟེང་རང་ཉིད་ཀྱི་འདྲ་པར་མཉམ་སྦྱར་ཐོག་སྨན་པའི་ལས་དམ་དང། ས་རྟགས་འཁོད་པ་ངོ་མ།

༦༽     རང་ཉིད་གཏན་སྟོད་བྱ་ཡུལ་སྐུ་ཚབ་དོན་གཅོད་དམ་ས་གནས་འགོ་འཛིན་ནས་བྱ་སྤྱོད་ཐལ་སྐྱོན་མེད་པའི་ངོས་སྦྱོར་ (Character Certificate) ངོ་མ།

༧༽     གལ་སྲིད་སྤྱི་སྒེར་སྡེ་ཚན་གང་རུང་ནང་གཏན་འཇགས་ལས་ཀ་བྱེད་མུས་རིགས་ཡིན་ན་སྡེ་ཚན་དེའི་འགན་འཛིན་ནས་དགག་ ཆ་མེད་པའི་ངོས་སྦྱོར་(No Objection Letter) ངོ་མ་བཅས་མཉམ་འབུལ་དགོས། གོང་གསལ་ཡིག་ཆའི་ངོ་བཤུས་ཚང་མར་འབྲེལ་ཡོད་སྐུ་ཚབ་དོན་གཅོད་དམ་ས་གནས་འགོ་འཛིན། ཡང་ན། ཟུང་དྲུང་གནས་རིམ་ཡན་གྱི་ལས་བྱེད་གང་རུང་ཞིག་ནས་ ཞིབ་འཇུག་གིས་དག་མཆན་མཚན་རྟགས་དང། ལས་དམ་ངེས་པར་འཁོད(Attestation) ཏེ་འབུལ་དགོས།

༢༠༡༩ ཟླ་ ༡༠ ཚེས་ ༣༡ ཉིན་རྒྱབ་ཚོུད་ ༤ པ་འགྱངས་མེད་རང་ཉིད་ཀྱི་ཁྱིམ་གཞིས་དང། ད་ལྟའི་སྡོད་གནས་སུ་འབྲེལ་བ་གནང་བདེའི་ཁ་བྱང་། ཁ་དཔར་ཨང་།    གློག་འཕྲིན། (E-Mail) སོགས་ཁ་གསལ་བཀོད་དེ་གཤམ་གསལ་དྲུང་ཆེའི་མཚན་བྱང་ཐོག་ཕུལ་འབྱོར་ཟིན་པ་དགོས་རྒྱུ། གོང་གསལ་དུས་བཀག་རྗེས་འཚང་སྙན་ཕུལ་འབྱོར་རིགས་རྩིས་མེད་ཡིན། དུས་ཐོག་འབྱོར་རིགས་རྣམས་ལ་ཞིབ་འཇུག་ཚོགས་ཆུང་ནས་ཞིབ་འཇུག་དང་འབྲེལ་འོས་ཆོས་ལྡན་པ་ཚོར་དུས་ཐོག་འབོད་བརྡ་བྱ་རྒྱུར་སྐབས་བསྟུན་ལག་འཁྱེར་སོགས་ཡིག་ཆ་ངོ་མ་ཁག་མཉམ་འཁྱེར་གྱིས་འབྱོར་ཐོ་འགོད་བཅར་དགོས་པ་བཅས་ཀྱི་གསལ་བསྒྲགས་སུ། ལས་བྱེད་འདེམས་བསྐོ་ལྷན་ཁང་ནས་ ༢༠༡༩ ཟླ་ ༡༠ ཚེས་ ༡༡ ལ།།

            Secretary

            Public Service Commission

            Central Tibetan Administration

            Gangchen Kyishong, Dharamsala-176215

            Distt.Kangra(H.P)
            Mobil: 7018945877 & 9650219687

            E-mail:psc@tibet.net

༄༅། །བཙན་བྱོལ་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་དུ་ལས་བྱེད་ས་མིག་ཁ་སྐོང་ཆེད་གསར་འདེམས་བསྐོ་གཞག་གནང་རྒྱུ་ཡིན་ན། གཤམ་གསལ་ས་མིག་སོ་སོའི་ཆ་རྐྱེན་ཚང་ཞིང་དོན་དམ་སྲི་ཞུའི་ལས་བྱེད་ཞབས་འདེགས་ཞུ་འདོད་ཡོད་རིགས་ནས་འཚང་སྙན་འབུལ་གནང་ཡོང་བ་ཞུ།

 ཀ༽    དྲུང་ལས་ས་མིག་ ༢ ཆེད་དགོས་ངེས་ཆ་རྐྱེན་གཤམ་གསལ།

          ༡༽ ལས་འགན། ས་གནས་ཁྲིམས་ཞིབ་པ།

          ༢༽ ཤེས་མྱོང།  ཚད་ལྡན་མཐོ་སློབ་གང་ཞིག་ནས་ཁྲིམས་ལུགས་རབ་འབྱམས་པ་ LLM བསླབ་པ་མཐར་སོན་པའམ།

                           LLB བསླབ་པ་མཐར་སོན་པའི་ལག་འཁྱེར་ཡོད་པ་གང་ཞིག་ཁྲིམས་དོན་ལས་དོན་ཐོག་ལོ་གཉིས་ཧྲིལ་པོ་ཡན་གྱི་ལས་ཀའི་ཉམས་མྱོང་ཡོད་པ། ༼ཉམས་མྱོང་དེ་བཞིན་ཞོར་ལས་མིན་པར་ལས་དུས་                                  ཆ་ཚང་ (full time) ཡིན་པ་དགོས།༽        

         ༣༽  ལོ་ཚད།    ༢༠༡༩།༡༠།༣༡ ཉིན་རང་ལོ་ ༣༠ ལས་མི་ཉུང་ཞིང་ ༣༥ ལས་མ་བརྒལ་བ་དགོས།

         ༤༽ རྒྱུགས་གཞི། བོད་ཡིག་ཐོག་བཙན་བྱོལ་བོད་མིའི་བཅའ་ཁྲིམས་དང་། སྤྱི་མང་གཏུག་གཤེར་ཁྲིམས་ཡིག ས་ཁང་སྒྲིག་གཞི་གསུམ་གྱི་འབྲི་རྒྱུགས་དང་ངག་རྒྱུགས་བཞེས་རྒྱུ། དེ་བཞིན་ཨིན་ཡིག་ཐོག་རྒྱ་གར་དང་རྒྱལ་སྤྱིའི་                               ཁྲིམས་ལུགས་སྐོར་འབྲི་རྒྱུགས་དང་ངག་རྒྱུགས་བཞེས་རྒྱུ།

ཁ༽    ལས་ཁུངས་དོ་དོམ་པའི་ས་མིག་ ༢ ཆེད་དགོས་ངེས་ཆ་རྐྱེན་གཤམ་གསལ།

         ༡༽ ལས་འགན།  ས་གནས་ཁྲིམས་དྲུང་ ༡ དང་། ཁྲིམས་དོན་ལས་བྱེད་ ༡

         ༢༽ ཤེས་ཚད།   ཚད་ལྡན་མཐོ་སློབ་གང་ཞིག་ནས་ཉུང་མཐར་ཉེ་བའི་ཁྲིམས་ལུགས་རབ་འབྱམས་པ་ LLB བསླབ་པ་མཐར་སོན་པའི་ལག་འཁྱེར་ཡོད་པ། 

         ༣༽  ལོ་ཚད།    ༢༠༡༩།༡༠།༣༡ ཉིན་རང་ལོ་ ༢༡ ལས་མི་ཉུང་ཞིང་ ༤༠ ལས་མ་བརྒལ་བ་དགོས།

         ༤༽ རྒྱུགས་གཞི། བོད་ཡིག་ཐོག་བཙན་བྱོལ་བོད་མིའི་བཅའ་ཁྲིམས་དང་། སྤྱི་མང་གཏུག་གཤེར་ཁྲིམས་ཡིག ས་ཁང་སྒྲིག་གཞི་གསུམ་གྱི་འབྲི་རྒྱུགས་དང་ངག་རྒྱུགས་བཞེས་རྒྱུ། དེ་བཞིན་ཨིན་ཡིག་ཐོག་རྒྱ་གར་དང་རྒྱལ་སྤྱིའི་                               ཁྲིམས་ལུགས་སྐོར་འབྲི་རྒྱུགས་དང་ངག་རྒྱུགས་བཞེས་རྒྱུ།

༤༽ མཆན།      རྒྱུགས་འཕྲོད་པར་བོད་ཡིག་ལ་ཉུང་མཐར་བརྒྱ་ཆ་ ༣༣ དང། ཨིན་ཡིག་ལ་ཉུང་མཐར་བརྒྱ་ཆ་ ༧༠ ལོན་དགོས།

གོང་གསལ་ས་མིག་སོ་སོའི་ཆེད་ཆ་རྐྱེན་ལྡན་རིགས་ནས་གནས་རིམ་གཅིག་ལ་མ་གཏོགས་སྙན་འབུལ་མི་ཆོག་པ་དང་། ཆ་རྐྱེན་ལྡན་རིགས་ནས་འདི་ག་ལས་ཁུངས་དང་། ས་གནས་འགོ་འཛིན་ལས་ཁུངས། གཞུང་འབྲེལ་དྲ་རྒྱ་ (www.tibet.net) ནས་བོད་ཡིག་ཐོག་གཏན་འབེབས་ཡོད་པའི་འཚང་སྙན་འགེངས་ཤོག་བཏོན་སྟེ་དོན་ཚན་རྣམས་འཚེམས་ལུས་མེད་པ་བཀང་ཟིན་རྗེས།

༡༽      རང་ཉིད་ཀྱི་ད་ལྟའི་ཕྱེད་པར་ཚོན་ལྡན་ ༢ རེ་དང། (one passport & one stamp size)

༢༽     འཛིན་རིམ་བཅིུས་ཡན་གྱི་སློབ་ཐོན་ལག་འཁྱེར་ཆ་ཚང་དང་། གོང་གསལ་དགོས་མཁོའི་ཤེས་ཚད་ཨང་ཤོག་དང་ལག་འཁྱེར་(Marks Card & Degree Certificate) བཅས་ཀྱི་ངོ་བཤུས།

༣༽     འབུལ་འབབ་གཙང་འབུལ་ཟིན་པའི་དཔྱ་དངུལ་ལག་དེབ་ཀྱི་ཤོག་གྲངས་དང་པོ་དང་། གཉིས་པ། མཐའ་མ་བཅས་ཀྱི་ངོ་བཤུས།

༤༽     སྐྱེས་ཚེས་ལག་འཁྱེར་ཡོད་ན་དང་། དེ་མིན་རང་ལོའི་ཁུངས་སྐྱེལ་ཆེད་འཛིན་རིམ་ ༡༠ པའི་(Birth Certificate/Class-X     Certificate) ལག་འཁྱེར་གྱི་ངོ་བཤུས།

༥༽     བོད་མིའི་སྒྲིག་གཛུགས་ཀྱི་འཕྲོད་བསྟེན་ལས་ཁུངས་ཁྱབ་ཁོངས་རྒྱ་བོད་སྨན་ཁང་ཡོད་ན་དང་། དེ་མིན་སྨན་ཁང་ཚད་ལྡན་གང་རུང་ནས་ནད་གཅོང་དང་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་ (MC) ཁ་གསར་སྟེང་རང་ཉིད་ཀྱི་འདྲ་པར་མཉམ་སྦྱར་ཐོག་སྨན་པའི་ལས་དམ་དང་། ས་རྟགས་འཁོད་པ་ངོ་མ།

༦༽     རང་ཉིད་གཏན་སྟོད་བྱ་ཡུལ་སྐུ་ཚབ་དོན་གཅོད་དམ་ས་གནས་འགོ་འཛིན་ནས་བྱ་སྤྱོད་ཐལ་སྐྱོན་མེད་པའི་ངོས་སྦྱོར་ (Character Certificate) ངོ་མ།

༧༽     གལ་སྲིད་སྤྱི་སྒེར་སྡེ་ཚན་གང་རུང་ནང་གཏན་འཇགས་ལས་ཀ་བྱེད་མུས་རིགས་ཡིན་ན་སྡེ་ཚན་དེའི་འགན་འཛིན་ནས་དགག་ ཆ་མེད་པའི་ངོས་སྦྱོར་(No Objection Letter) ངོ་མ་བཅས་མཉམ་འབུལ་དགོས། གོང་གསལ་ཡིག་ཆའི་ངོ་བཤུས་ཚང་མར་ འབྲེལ་ཡོད་སྐུ་ཚབ་དོན་གཅོད་དམ་ས་གནས་འགོ་འཛིན། ཡང་ན། ཟུང་དྲུང་གནས་རིམ་ཡན་གྱི་ལས་བྱེད་གང་རུང་ཞིག་ནས་ ཞིབ་འཇུག་གིས་དག་མཆན་མཚན་རྟགས་དང་། ལས་དམ་ངེས་པར་འཁོད(Attestation) ཏེ་འབུལ་དགོས།

༢༠༡༩ ཟླ་ ༡༠ ཚེས་ ༣༡ ཉིན་རྒྱབ་ཚོུད་ ༤ པ་འགྱངས་མེད་རང་ཉིད་ཀྱི་ཁྱིམ་གཞིས་དང་། ད་ལྟའི་སྡོད་གནས་སུ་འབྲེལ་བ་གནང་བདེའི་ཁ་བྱང་། ཁ་དཔར་ཨང་།    གློག་འཕྲིན། (E-Mail) སོགས་ཁ་གསལ་བཀོད་དེ་གཤམ་གསལ་དྲུང་ཆེའི་མཚན་བྱང་ཐོག་ཕུལ་འབྱོར་ཟིན་པ་དགོས་རྒྱུ། གོང་གསལ་དུས་བཀག་རྗེས་འཚང་སྙན་ཕུལ་འབྱོར་རིགས་རྩིས་མེད་ཡིན། དུས་ཐོག་འབྱོར་རིགས་རྣམས་ལ་ཞིབ་འཇུག་ཚོགས་ཆུང་ནས་ཞིབ་འཇུག་དང་འབྲེལ་འོས་ཆོས་ལྡན་པ་ཚོར་དུས་ཐོག་འབོད་བརྡ་བྱ་རྒྱུར་སྐབས་བསྟུན་ལག་འཁྱེར་སོགས་ཡིག་ཆ་ངོ་མ་ཁག་མཉམ་འཁྱེར་གྱིས་འབྱོར་ཐོ་འགོད་བཅར་དགོས་པ་བཅས་ཀྱི་གསལ་བསྒྲགས་སུ། ལས་བྱེད་འདེམས་བསྐོ་ལྷན་ཁང་ནས་ ༢༠༡༩ ཟླ་ ༡༠ ཚེས་ ༡༡ ལ།།

            Secretary

            Public Service Commission

            Central Tibetan Administration

            Gangchen Kyishong, Dharamsala-176215

            Distt.Kangra(H.P)
            Mobil: 7018945877 & 9650219687

                  E-mail:psc@tibet.net

༄༅། །༸གོང་ས་༸སྐྱབས་མགོན་ཆེན་པོ་མཆོག་ནས་འཛམ་གླིང་ཡུལ་གྲུ་གང་ས་ནས་འགྲེམས་སྟོན་ལས་རིགས་རྗེས་འབྲེལ་ཚོགས་བཅར་བ་རྣམས་ལ། ཕྱི་ལོ་ ༢༠༡༨ ཟླ་ ༡༠ ཚེས་ ༢༧ ཉིན་གསུང་བཤད་གནང་སྐབས། — “ང་ཚོའི་འཛམ་གླིང་འདིར་སྔར་ལྷག་མི་ཕན་ཚུན་གཅིག་གིས་གཅིག་ལ་བདེ་སྡུག་གི་ཚོར་བ་མཉམ་མྱོང་དང་བྱམས་བརྩེའི་འདུ་ཤེས་གོང་སྤེལ་ཆེད།   ཤེས་བྱ་སྤེལ་རེས་ངེས་པར་བྱེད་དགོས་པ་དང་། དེའི་བརྒྱུད་ལམ་འགྲེམས་སྟོན་ཁང་ཡིན།” ཞེས་བསྔགས་བརྗོད་མཛད་ཡོད། ད་རེས་ ༢༠༡༩ ལོའི་ཨེ་ཤི་ཡའི་མངའ་ཁུལ་གྱི་འགྲེམས་སྟོན་ཁང་དང་། ལོ་རྒྱུས་རྗེས་འབྲེལ་གྱི་ལྟེ་གནས། དྲན་ལམ་མདུན་ཁྲིད་པ་སོགས་ཀྱི་སྐུ་ཚབ་ཨེ་ཤི་ཡའི་རྒྱལ་ཁབ་བདུན་ནས་འདུ་འཛོམས་འདིའི་སྐབས་སུ་བརྗོད་གཞི་བྱེ་བྲག་སོ་སོའི་ཐུན་མིན་ཁྱད་ཆོས་རྣམས་མངོན་པར་གསལ་ངེས། རྣམས་དཔྱོད་ཀྱི་ལྟེ་གནས་ཁག་གི་རྒྱལ་སྤྱིའི་ཐུན་མོང་མཉམ་འབྲེལ་ཚོགས་པ་དང་བོད་ཀྱི་འགྲེམས་སྟོན་ཁང་ཐུན་མོང་གིས་མགྲོན་བདག་ཞུས་ཏེ།   ཨེ་ཤི་ཡའི་རྣམ་དཔྱོད་ལྟེ་གནས་ཁག་གི་མངའ་ཁུལ་ཀྱི་ཚོགས་འདུ་འདི་རྡ་རམ་ས་ལར་གོ་སྒྲིག་ཞུ་རྒྱུ་ཡིན།

ཕྱི་ལོ་ ༢༠༡༩ ལོའི་མངའ་ཁུལ་ཚོགས་འདུ་འདིར་མི་སེར་སྤེལ་ཡུལ་གྱི་ཤུལ་འཛིན་དང་མིག་མངར་གྱུར་བའི་མི་རིགས་ནང་ཁུལ་དབྱེན་འབྱེད།   རིིགས་རུས་ལ་བརྟེན་པའི་དྲག་སྤྱོད་ཀྱི་རིགས་བྱུང་རྐྱེན་ངོས་འཛིན་དང་། གནས་ཚུལ་སྤེལ་རེས། བསླབ་བྱ་བརྗེ་རེས་བརྒྱུད་དེ། སྐྱོན་ཆ་དེ་དག་ལ་གདོང་ལེན་བྱེད་ཐབས་ལེགས་ཤོས་ཇི་ཡིན་ཤེས་རྟོགས་ཀྱི་གོ་ཡུལ་སྐྲུན་རྒྱུ་ཡིན།   ཚོགས་འདུའི་ཐོག་མཐའ་བར་གསུམ་དུ་ཚོགས་བཅར་བ་རྣམས་ཀྱིས་བོད་མི་ཚོས་རང་ཉིད་ཀྱི་ལོ་རྒྱུས་དང་རིག་གཞུང་གཅེས་འཛིན་ཆེད་འབད་རྩོལ་བྱེད་སྟངས་སྐོར་མཁྱེན་རྟོགས་ཡོང་རྒྱུ་མ་ཟད། མིག་མཐོང་ལག་ཟིན་ཉམས་མྱོང་གི་སྒོ་སྐབས་ཀྱང་ཐོབ་ངེས། དེ་བཞིན་དུ་ཕི་ལི་པིན་དང་། ཁམ་བོ་ཌི་ཡ། ཤྲི་ལངྐ། རྒྱ་གར་ལྟ་བུའི་ཡུལ་གྲུ་འདི་དག་གིས་རྒྱུད་འཛིན་བྱས་པའི་མི་སེར་སྤེལ་གྱི་ཐུན་མོ་མ་ཡིན་པའི་ཤུལ་བཞག་འཚོལ་ཞིབ་དང་གླེང་སློང་གོ་སྐབས་ཀྱང་ཐོབ་ངེས།

བོད་ཀྱི་འགྲེམས་སྟོན་ཁང་དེ་ནི། དབུས་བོད་མི་སྒྲིག་འཛུགས་ཀྱི་དྲིལ་བསྒྲགས་དང་ཕྱི་འབྲེལ་ལས་ཁུངས་ཀྱི་གཞུང་འབྲེལ་འགྲེམས་སྟོན་ཁང་དེ་རེད་ལ།   ད་ཡོད་འགྲེམས་སྟོན་འདི་མེ་གྷན་གཙུག་ལག་ཁང་གི་ཉེ་འཁྲིས་སུ་ཡོད་པ་དང་།   དེ་བཞིན་བོད་ཀྱི་འགྲེམས་སྟོན་ཁང་གསར་པ་དེ་བོད་མིའི་སྒྲིག་འཛུགས་ཀྱི་ལྟེ་གནས་གངས་ཅན་སྐྱིད་གཤོང་དུ་ཕྱི་ལོ་ ༢༠༢༠ ཐམ་པའི་ལོ་མགོར་སྒོ་དབྱེ་བྱེད་འཆར་གྱི་ཡོད་པ་དེས་གོ་ལ་རྒྱ་ཁྱབ་ཀྱི་མི་སྡེར་བོད་ཀྱི་ལོ་རྒྱུས་དང་། རིག་གཞུང་། ད་ལྟའི་དངོས་ཡོད་གནས་སྟངས། ཡུལ་གྱར་བོད་ཀྱི་གནས་ཚུལ་སོགས་ངོ་སྤྲོད་བྱེད་རྒྱུའི་དམིགས་ཡུལ་ཡོད།

ད་རེད་ཀྱི་ཨེ་ཤི་ཡའི་མངའ་ཁུལ་གྱི་རྣམ་དཔྱོད་ལྟེ་གནས་ཁག་གི་ཚོགས་འདུ་འདིར་ནུས་ཙལ་དགོང་སྤེལ་གྱི་ལས་གྲ་དང་། དོན་གནད་གང་རུང་གི་ལས་སྡེ་ཁག ཚོགས་མི་ཚང་འཛོམས་ལྷན་ཚོགས་བཅས་བཀོད་སྒྲིག་གི་ལམ་ནས། མངའ་ཁུལ་ནང་ཕན་ཚུལ་རོགས་རེས་ཡར་རྒྱས་ཆེད་རམ་འདེགས་དང་། “ང་ཚོའི་མཉམ་སྤྱོད་ཀྱི་འགྲུལ་བཞུད།” ཅེས་པའི་མངའ་ཁུལ་མཉམ་ལས་ཀྱི་ཕུགས་བསམ་གྱི་ལས་འཆར་འདི་ཉིད་ཀྱང་འགོ་འཛུགས་བྱ་རྒྱུ་ཡིན། ལས་འཆར་འདིའི་དམིགས་ཡུལ་སྤྱི་ཚོགས་སྤྱི་ཡོངས་ཀྱི་གནད་དོན་རྒྱས་བཤད་མིན་པར། ལྟེ་གནས་བྱེ་བྲག་པའི་འདས་པའི་དྲན་ལམ་འབུར་འདོན་བྱ་རྒྱུ་ཙམ་མ་ཟད། ང་ཚོའི་མཉམ་སྤྱོད་ཀྱི་ལོ་རྒྱུས་ལ་ཐུན་མོང་གི་གོ་བ་ལེན་ཐབས་བྱས་ཏེ། ཐབས་ལམ་སྣ་ཚོགས་ལ་བརྟེན་ནས་ཇི་ལྟར་མངའ་ཁུལ་དེ་དང་དེར་མི་སེར་སྤེལ་ཡུལ་རིང་ལུགས་མངོན་གྱུར་བྱུང་བ་དང་། མི་སེར་སྤེལ་ཡུལ་གྱི་ལོ་རྒྱུས་ཁག་གིས་ད་ལྟའང་ས་གནས་ཀྱི་ལོ་རྒྱུས་རྣམས་ལ་ཤུགས་རྐྱེན་བྱེད་ཚུལ་ཤེས་རྟོགས་ཡོང་བའི་ཆེད་དུ་ཡིན།

གོ་ལ་རྒྱ་ཁབ་ཏུ་ལེ་ལག་དྲ་སྦྲེལ་ཅན་གྱི་རྣམ་དཔྱོད་ཀྱི་ལྟེ་གནས་ཁག་གི་རྒྱལ་སྤྱིའི་ཐུན་མོང་མཉམ་འབྲེལ་གྱི་ཚོགས་པ་འདི་ཁོ་ནས་ལོ་རྒྱུས་གལ་གནད་རང་བཞིན་གྱི་ལྟེ་གནས་དང་། འགྲེམས་སྟོན་ཁག དྲན་ལམ་མདུན་ཁྲིད་པ་བཅས་ལ་འདས་པའི་འཐབ་རྩོད་ལ་གཞི་བཅོལ་ཏེ། ད་རིང་གི་འགྲོ་བ་མིའི་ཐོབ་ཐང་དང་སྤྱི་ཚོགས་དྲང་བདེན་གྱི་ལས་འགུལ་ལ་རོགས་སྐྱོར་བྱེད་ཀྱི་ཡོད་ལ། ད་ལྟའི་ཆར་ཐུན་མོང་མཉམ་འབྲེལ་གྱི་ཚོགས་པ་འདི་ལ་རྒྱལ་ཁབ་ ༦༥ ནས་ཚོགས་མི་གྲངས་ ༢༧༥ ཡོད་པ་རྣམས་ལ་འགྲོ་གྲོན་གནང་སྦྱིན་དང་། འབྲེལ་ལམ་མཐུད་སྦྲེལ། སྦྱོང་བརྡར། ཁྲིམས་དོན་དང་ཁྲིམས་རྩོད་ཞུ་གཏུག་གི་མཐུན་རྐྱེན་སྦྱར་བ་བརྒྱུད་དེ་ནུས་སྟོབས་གོང་སྤེལ་གཏོང་ཐབས་བྱེད་ཀྱི་ཡོད།   ཨེ་ཤི་ཡའི་མངའ་ཁུལ་གྱི་ལྟེ་གནས་ཕན་ཚུན་དབར་གྱི་འབྲེལ་ལམ་ལ་བརྟེན་ནས།   ཞི་དྲག་གི་བྱུང་བ་གཉིས་ཀར་དྲན་གསོ་དང་འབྲེལ།   མི་རིགས་སྣ་ཚོགས་དང་ཆོས་ལུགས་རྣམ་མཛའ་མཐུན་དང་མང་ཚོ་གོང་སྤེལ་གཏོང་ཐབས།   དེ་མཚུངས་ཨེ་ཤི་ཡའི་རྣམ་དཔྱོད་ཀྱི་ལྟེ་གནས་ཁག་གིས་འགྲོ་བ་མིའི་ཐོབ་ཐང་དང་མང་གཙོའི་སྐོར་རྒྱལ་མཚམས་མེད་པའི་གྲོས་སྡུར་གཉེར་བ་ལ་བརྟེན་ནས།   རིན་ཐང་འདི་དག་གོང་དུ་སྤེལ་རྒྱུའི་ལས་འགུལ་ནང་གཞོན་སྐྱེས་རྣམས་དངོས་སུ་ཞུགས་རྒྱུའི་བློ་སྟོབས་སྤེལ་བའི་ཆེད་དུ་ཡིན།

ད་དུང་གནས་ཚུལ་མཁྱེན་འདོད་ཡོད་པའམ་ཚོགས་འདུ་དབུ་འབྱེད་ཀྱི་མཛད་སྒོར་བཅར་འདོད་ཡོད་ན།  

རྣམ་དཔྱོད་ཀྱི་ལྟེ་གནས་ཁག་གི་རྒྱལ་སྤྱིའི་ཐུན་མོང་མཉམ་འབྲེལ་གྱི་གནས་ཚུལ་འབྲེལ་ལམ་ངེས་སྟོན་པ་ Ashley Nelson-anelson@siteofconscience.org དང་།

རྣམ་དཔྱོད་ཀྱི་ལྟེ་གནས་ཁང་གི་རྒྱལ་སྤྱིའི་ཐུན་མོང་མཉམ་འབྲེལ་གྱི་མངའ་ཁུལ་འགན་འཛིན་ Silvia Fernandez-sfernandez@siteofconscience ཡང་ན།  

བོད་ཀྱི་འགྲེམས་སྟོན་ཁང་གི་འགན་འཛིན་བཀྲིས་ཕུན་ཚོགས་ tibetmuseum@tibet.net བཅས་ལ་གློག་ཕྲིན་བརྒྱུད་འབྲེལ་བ་གནང་རོགས། 

འབྲེལ་བ་གནང་ཡུལཿ རྣམ་དཔྱོད་ཀྱི་ལྟེ་གནས་ཁག་གི་རྒྱལ་སྤྱིའི་ཐུན་མོང་མཉམ་འབྲེལ་ཀྱི་གནས་ཚུལ་འབྲེལ་ལམ་ངེས་སྟོན་པ་ ASHLEY NELSON, anelson@sitesofconscience.org

“ཕྱིར་དྲན་གྱི་བཀོད་པ་བསྐྱར་སྐྲུནཿ དངོས་རྫས་རག་པ་དང་། བྱུང་རབས་རྒྱས་བཤད། མི་སེར་སྤེལ་བའི་རིང་ལུགས་ཀྱི་ཤུལ་བཞག”

 ཨེ་ཤི་ཡའི་རྣམ་དཔྱོད་ཀྱི་ལྟེ་གནས་ཁག་གི་མངའ་ཁུལ་ཚོགས་འདུ། ༢༠༡༩

རྒྱ་གར་རྡ་རམ་ས་ལ། – ཕྱི་ལོ་ ༢༠༡༩ ཟླ་ ༩ ཚེས་ ༡༠ ནས་ ༡༤ བར།

དམིགས་ཡུལ་གཙོ་བོ་ནི་བཙན་བྱོལ་སྤྱི་ཚོགས་ནང་འཚོ་བའི་རྟེན་གཞི་ཞན་པ་དང་ཁ་ཐོར་གནས་སྡོད་རྣམས་ཀྱི་ཆེད་དུ་ཡིན།
ལས་གཞི་གསར་པ་ཁག་གསུམ་ནི།
༡༽ གླ་རྒྱུག་སྣུམ་འཁོར་རོགས་སྐྱོར། ༼བོད་མི་གཞི་ཆགས་ཁག་ཡོངས་ལ།༽
༢༽ རྟ་དྲེལ་གླ་པའི་རོགས་སྐྱོར། ༼བོད་མི་གཞི་ཆགས་ཁག་ཡོངས་ལ།༽
༣༽ ལམ་ཟུར་རྒྱན་ཆ་རྩག་རྩིག་གི་ཚོང་ལས་རོགས་སྐྱོར། ༼འདི་ལོ་ལ་དྭགས་ས་གནས།༽
གོང་གསལ་རོགས་སྐྱོར་ལས་གཞི་རྣམས་སྔར་ལོ་སུད་ཚོང་བོད་མིར་རོགས་སྐྱོར་ལས་གཞི་ལྟར་ཚག་ཚུད་བྱུང་ཚེ་རིམ་བཞིན་ཟ་ཁང་ཚོང་གཉེར་བ་དང༌། དབྱར་ཚོང་བ། སོ་ནམ་ཚོང་ལས། མཐོ་སློབ་སློབ་ཡོན་མ་དངུལ་སོགས་ལའང་རིམ་པས་འོས་མིན་ཞིབ་འཇུག་གིས་དགོངས་བཞེས་གནང་འཆར་ཡོད་པ་བཅས།།

༄༅། །ཕྱི་ལོ་ ༢༠༡༧ ཟླ་ ༡༠ ཚེས་ ༥ རེས་གཟའ་ཕུར་བུའི་སྔ་དྲོ་ཆུ་ཚོད་ ༡༡།༣༠ ཐོག་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་དབུ་བཞུགས་ཐོག་ཕྱི་དྲིལ་ལྷག་པ་ཚེ་རིང་ཚོགས་ཁང་ནང་།  ཕྱི་འབྲེལ་དྲུང་ཆེ་དྭགས་པོ་བསོད་ནསམ་ནོར་བུ་ལགས་དང་དྲིལ་བསྒྲགས་དྲུང་ཆེའི་ཚད་མཉམ་ཤར་གླིང་བསྟན་འཛིན་ཟླ་སྒྲོན་ལགས་ཀྱིས་གཙོ་སྐྱོང་འོག  ཕྱི་ནང་གི་གསར་འགོད་པ་མི་གྲངས་ ༣༠ ཙམ་ལ་བོད་མིའི་སྒྲིག་འཛུགས་ཀྱི་ལྔ་དང་ལྔ་བཅུའི་འཆར་སྣང་གི་ལྷན་ཚོགས་སྐོར་གསར་འགོད་ལྷན་ཚོགས་བསྐོང་ཚོགས་གནང་ཡོད།

དེ་ཡང་ཐོག་མར་དྲིལ་བསྒྲགས་དྲུང་ཆེ་ཚད་མཉམ་ཤར་གླིང་བསྟན་འཛིན་ཟླ་སྒྲོན་ལགས་ཀྱིས་གསར་འགོད་གསལ་བསྒྲགས་སྐོར་ངོ་སྤྲོད་གནང་རྗེས་དཔལ་ལྡན་སྲིད་སྐྱོང་མཆོག་གིས་གསུང་དོན།  སང་ཉིན་ནས་ཉིན་གྲངས་གསུམ་རིང་ལྔ་དང་ལྔ་བཅུའི་འཆར་སྣང་དང་འབྲེལ་བའི་ལྷན་ཚོགས་ཤིག་ཚུགས་རྒྱུ་རེད།  ཚང་མས་མཁྱེན་གསལ་ལྟར་ལྔ་དང་ལྔ་བཅུ་བརྗོད་དགོས་དོན་གཙོ་བོ་ནི། དུས་རྟག་ཏུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རེ་བ་བཟང་ས་ནས་རྒྱག་དགོས་པ་དང་གྲ་སྒྲིག་སྡུག་ས་ནས་བྱེད་དགོས་པའི་བཀའ་སློབ་ལམ་སྟོན་ལྟར། བོད་མིའི་སྒྲིག་འཛུགས་ནས་བོད་ཀྱི་རྩ་དོན་ཆེད་འབྱུང་འགྱུར་ལོ་ལྔའི་ནང་གང་བྱེད་དགོས་པ་དང་། གང་བྱེད་ཐུབ་པ། དེ་བཞིན་ལོ་ལྔ་བཅུའི་འཆར་གཞི་ཞིག་དགོས་པ་མཐོང་། ལོ་ལྔ་བཅུའི་རིང་ང་ཚོ་བཙན་བྱོལ་ནང་མུ་མཐུད་འཐབ་རྩོད་བྱེད་ནས་གནས་དགོས་ཀྱང་གནད་དོན་བྱེད་དགོས་པ་གཙོ་བོ་བོད་ནང་གི་གཞིས་ལུས་རྒྱ་ཅེ་མི་མང་གི་མངོན་འདོད་དེ་དག་འཚེ་མེད་ཞི་བའི་ལམ་ནས་བསྒྲུབ་ཐུབ་པ་བྱ་རྒྱུ་དེ་རེད། དེ་ལྟར་ཡོང་བར་དབུ་མའི་ལམ་གྱི་སྲིད་བྱུས་གཞི་རྩར་བཟུང་བའི་མིང་དོན་མཚུངས་པའི་རང་སྐྱོང་ཡོང་ཐབས་བྱ་རྒྱུ་འདི་རེད། དེའི་ཆེད་དུ་༸གོང་ས་མཆོག་གི་སྐུ་ཚབ་དང་རྒྱ་ནག་གཞུང་གི་སྐུ་ཚབ་དབར་བོད་རྒྱ་འབྲེལ་མོལ་གནང་དགོས་པ་དང་། བོད་རྒྱ་འབྲེལ་མོལ་ཡོང་བར་རྒྱལ་སྤྱི་དང་རྒྱ་གར་གཞུང་མང་གཉིས་ཀྱི་བརྒྱུད་ནས་གང་གནང་རྒྱུ་ཡོད་པ།  རྒྱ་མི་རིགས་དང་མཉམ་དུ་འབྲེལ་བ་བྱས་པ་བརྒྱུད་ནས་གནང་ཐུབ་པ་གང་ཡོད།  དེ་བཞིན་བོད་ནང་ནས་གང་གནང་ཐུབ་པ་འདུག་དེ་དག་གཞིར་བཞག་སྟེ་ང་ཚོས་བོད་རྒྱ་འབྲེལ་མོལ་བསྐྱར་གསོ་བྱས་པ་བརྒྱུད་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་གི་གནས་བབ་ཚད་ལྡན་ཞིག་ཐོབ་ཐུབ་པ་བྱ་རྒྱུ་འདི་ང་ཚོའི་རྩ་བའི་འོས་འགན་དེ་ཆགས་ཡོད།

ཕྱོགས་མཚུངས་ང་ཚོར་ལོ་ལྔ་བཅུའི་འཆར་གཞི་ཞིག་དགོས།  བོད་མིའི་འཐབ་རྩོད་འདི་འབྱུང་འགྱུར་ལོ་ལྔ་བཅུའི་རིང་གནས་ཐུབ་པ་ཞིག་ཡོད་ན་ལྔ་བཅུའི་འཆར་གཞི་འདིས་ལྔ་ལ་ཕན་རྒྱུ་རེད། གང་ཡིན་བརྗོད་ན་རྒྱ་ནག་གཞུང་གིས་མར་བལྟ་སྐབས་ཁོ་པ་ཚོས་བོད་མིའི་རྩ་དོན་རྩོད་མཁན་གྱི་སྒྲིག་འཛུགས་འདི་ལོ་ལྔ་དྲུག་ནང་སྦོ་ལུག་རྒྱུ་རེད་བསམ་པའི་ཀུན་སློང་འདི་ཇི་སྲིད་གནས་པ་དེ་སྲིད་དུ་བོད་རྒྱ་འབྲེལ་མོལ་བྱ་དགོས་པའི་གནད་འགག་གང་ཡང་མཐོང་གི་མ་རེད། དེར་བརྟེན་ད་ལྟ་བོད་ནང་ལག་བསྟར་བྱེད་བཞིན་པའི་དམ་བསྒྲགས་ཅན་གྱི་སྲིད་བྱུས་དེ་མུ་མཐུད་ནས་ཕྱིན་པ་ཡིན་ན་ནམ་ཞིག་གྲུབ་འབྲས་བཟང་པོ་ཞིག་འཐོན་རྒྱུའི་གདེང་སྤོབས་ཤིག་སླེབ་རྒྱུ་ཡིན་པ་ཆོས་ཉིད་རེད།  དེར་བརྟེན་ང་ཚོས་ལོ་ལྔ་བཅུའི་འཆར་གཞི་ཞིག་ཡོད་པ་ཡིན་ན། རྒྱ་ནག་གཞུང་ཡིན་ནའང་བོད་མིའི་སྒྲིག་འཛུགས་དང་བོད་མི་རྣམས་ལས་སླ་པོ་ཞིག་རེད་མིན་འདུག  ཁོང་ཚོར་ལོ་ལྔ་བཅུའི་འཆར་གཞི་འདུག  འཐབ་རྩོད་དེ་ལོ་ལྔ་བཅུ་རིང་མུ་མཐུད་ནས་གནས་རྒྱུ་རེད་འདུག  དེ་ལས་ང་ཚོས་གྲོས་མོལ་གྱི་ལམ་ནས་བོད་ཀྱི་གནད་དོན་དེ་གསལ་བ་ཡིན་ན་ཡག་ཤོས་སུ་ཡོང་བ་འདུག  ཅེས་གཉིས་སྨན་གྱི་བསམ་བློ་འཁོར་ཆེད་ཡིན།

དེར་བརྟེན་བོད་མིའི་སྒྲིག་འཛུགས་དང་བོད་ཀྱི་རྩ་དོན་ལོ་ལྔ་བཅུ་གནས་རྒྱུ་རེད་བརྗོད་སྐབས་བོད་ཕྱི་ནང་གཉིས་ཀྱི་བོད་མི་ཚོའི་སེམས་ཤུགས་དང་ལྷག་བསམ། ཆིག་སྒྲིལ་ཡང་འདུ་ཤེས་དེར་རག་ལུས་ཡོད།  གཙོ་ཆེ་ཤོས་ནི་བོད་མི་རིགས་ཀྱི་ངོ་བོ་སྲུང་སྐྱོབ་བྱ་རྒྱུ་འདི་ཆགས་ཡོད། མི་རིགས་ཀྱི་ངོ་བོ་བརྗོད་སྐབས་བོད་ཀྱི་ཆོས་དང་རིག་གཞུང་། སྐད་ཡིག་བཅས་རེད། དེ་དག་ཧ་ལས་པའི་གལ་ཆེན་པོ་རེད།  དེའི་ཐོག་དེང་དུས་ཤེས་ཡོན་ཡར་རྒྱས་གཏོང་དགོས་པ།  བོད་མི་ས་ཡ་དྲུག་སོ་སོའི་རྐང་པའི་སྟེང་ལངས་ཐུབ་པའི་ཐོག་ནས་རང་རང་སོ་སོའི་ནུས་པ་དང་འཇོན་ཐང་ཡོངས་རྫོགས་འདོན་ཐུབ་པ།  དེའི་ཐོག་རྒྱལ་སྤྱིའི་རྒྱབ་སྐྱོར་ཡོད་པ་རྣམས་མུ་མཐུད་སྲ་བརྟན་གནས་ཐུབ་པ་ཙམ་མ་ཟད།  ནུས་པ་རིམ་བཞིན་གོང་འཕེལ་གཏོང་རྒྱུ་དེ་རེད།

དེ་ནས་རྒྱ་གར་ནང་ད་བར་རྒྱ་གར་གཞུང་མང་གཉིས་ལས་ལྷག་ང་ཚོར་རྒྱབ་སྐྱོར་དང་མཐུན་འགྱུར་རོགས་རམ་གནང་མཁན་བྱུང་མེད་སྟབས་རོགས་རམ་དེ་དག་མུ་མཐུད་ནས་གནས་རྒྱུ་དང་། བཙན་བྱོལ་ནང་ང་ཚོ་ཚང་མས་ཆོལ་ཁ་དབྱེར་མེད་དང་ཆོས་ལུགས་རིས་མེད། ཕོ་མོ་འདྲ་མཉམ་ཐོག་ནས་རྡོག་རྩ་གཅིག་ཏུ་སྒྲིལ་ཏེ་བོད་གཞིས་བྱེས་བོད་རིགས་ནང་ཁུལ་འབྲེལ་ལམ་མུ་མཐུད་རྒྱུན་གནས་ཐུབ་པ་བཅས་རེད། དམིགས་ཡུལ་དེ་དག་བསྒྲུབ་པར་ང་ཚོར་འཆར་གཞི་དགོས།  དམིགས་ཡུལ་དེར་ང་ཚོས་ལྔ་དང་ལྔ་བཅུའི་འཆར་སྣང་། ཞེས་འབོད་བཞིན་ཡོད།

ཐེངས་འདིར་ལྔ་དང་ལྔ་བཅུའི་ལྷན་ཚོགས་སྐབས་ཕྱི་ནང་ནས་གནད་ཡོད་མི་སྣ་མང་དག་ཅིག་ཕེབས་ཀྱི་ཡོད།  ཁོང་རྣམ་པར་དགོངས་ཚུལ་ཇི་ཡོད་སྦས་གསང་རྩ་བ་ཉིད་ནས་མེད་པར་ཞལ་གསང་པོའི་ཐོག་ནས་གསུང་རོགས་གནང་། ཞེས་ཞུ་རྒྱུ་བྱུང་། ཚོགས་བཅར་བའི་ཁྲོད་གནད་ཡོད་མི་སྣ་ཁག་གཅིག་རྒྱ་གར་དང་ཨ་རིའི་སྲིད་གཞུང་ལ་ལམ་སྟོན་ཞུ་མཁན་གནད་ཡོད་མི་སྣ་ཆགས་ཡོད་སྟབས། རྒྱལ་སྤྱིའི་གནད་དོན་ཐོག་ལའང་རྒྱུས་མངའ་ཧ་ཅང་ཡག་པོ་ཡོད་མཁན་རེད།  ཁོང་རྣམ་པའི་དགོངས་ཚུལ་གསུང་པ་དེ་དག་ནས་ང་ཚོས་ལྔ་ལ་ཕན་པ་གང་འདུག་ལྔ་བཅུར་ཕན་པ་གང་འདུག  དེ་དག་ཚང་མ་གང་ཐུབ་ཀྱིས་བོད་མིའི་སྒྲིག་འཛུགས་ནས་ལག་བསྟར་དོན་འཁྱོལ་ཡོང་ཐབས་སླད་འབད་བརྩོན་གང་ཡོད་བྱ་རྒྱུ་ཡིན་སྐོར་ཞུ་རྒྱུ་བྱུང་། ཞེས་གསུངས།

དེ་ནས་དྲིལ་བསྒྲགས་དྲུང་ཆེ་ཚད་མཉམ་ཤར་གླིང་བསྟན་འཛིན་ཟླ་སྒྲོན་ལགས་ཀྱིས་ལྔ་དང་ལྔ་བཅུའི་འཆར་སྣང་དེ་ཐོག་མར་ཕྱི་ལོ་ ༢༠༡༦ ཟླ་ ༥ ཚེས་ ༢༧ ཉིན་དཔལ་ལྡན་སྲིད་སྐྱོང་མཆོག་གི་དམ་འབུལ་མཛད་སྒོའི་ཐོག་མང་ཚོགས་ལ་གསལ་བསྒྲགས་གནང་ཡོད་སྐོར་དང་།   ལྔ་དང་ལྔ་བཅུའི་འཆར་སྣང་ཁྲོད་ཆབ་སྲིད་དང་འབྲེལ་བའི་གནད་དོན་ལག་བསྟར་ཞུ་རྒྱུ་ཕྱི་དྲིལ་ལས་ཁུངས་ཀྱི་འགན་ཆགས་ཡོད་སྟབས། ལས་ཁུངས་ནས་མཚོན་རྟགས་ཤིག་གྲ་སྒྲིག་གནང་ཡོད་སྐོར་སོགས་ངོ་སྤྲོད་གནང་བ་དང་སྦྲགས། དྲིལ་བསྒྲགས་ཀྱི་བརྙན་ཐུང་ཞིག་བཟོ་སྒྲིག་གནང་བ་དེ་དཔལ་ལྡན་སྲིད་སྐྱོང་མཆོག་གིས་དབུ་འབྱེད་གནང་།

དེ་ནས་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་ཀྱིས་ལྔ་དང་ལྔ་བཅུའི་འཆར་སྣང་གི་ལྷན་ཚོགས་སྐོར་ངོ་སྤྲོད་གནང་སྐབས། ཐེངས་འདིར་ཉིན་གྲངས་གསུམ་གྱི་རིང་ལྷན་ཚོགས་འདི་ཕྱི་དྲིལ་ལས་ཁུངས་ཀྱིས་གོ་སྒྲིག་ཞུ་དགོས་པའི་རྒྱུ་མཚན་ནི་ཆབ་སྲིད་དང་འབྲེལ་བའི་ཆ་ནས་ཡིན་པ་དང་།  ལྷན་ཚོགས་འདི་ཕྱི་ཟླ་ ༡༠ ཚེས་ ༦ ནས་ ༨ བར་ཉིན་གསུམ་རིང་རྡ་ཤོད་བོད་ཁྱིམ་སློབ་གྲྭའི་ཉེ་འགྲམ་པེ་ཝི་ལི་ཡེན་ The Pavilion  ཞེས་པའི་གསོལ་མགྲོན་ཁང་ནང་ཚུགས་རྒྱུ་དང་། བརྗོད་གཞི་བཞི་ཡོད་ཅིང་།

༡༽  རྒྱ་ནག་མི་དམངས་སྤྱི་མཐུན་རྒྱལ་ཁབ་དང་ལྷན་གཉིས་སྨན་དབུ་མའི་ལམ་གཞི་ལ་བཞག་སྟེ་ཞི་མོལ་ཡོང་ཐབས།

༢༽   རྒྱ་གར་གཙོ་བོར་གྱུར་བའི་བོད་དང་ཨེ་ཤི་ཡའི་དབར་གྱི་འབྲེལ་ལམ་དམ་ཟབ་ཇི་ལྟར་རྒྱུན་སྐྱོང་བྱེད་དགོས་པ།

༣༽   རྒྱལ་སྤྱིའི་འབྲེལ་བ་དང་བོད་དོན་ཁྱབ་སྤེལ།

༤༽   བཙན་བྱོལ་བོད་མིའི་སྒྲིག་འཛུགས་ངོས་ནས་ལྔ་དང་ལྔ་བཅུའི་འཆར་སྣང་ཐོག་ལ་འགན་ཁུར་ཇི་ལྟར་བཞེས་ཐུབ་མིན་དང་སྣེ་ཁྲིད་ཇི་ལྟར་གནང་དགོས་མིན་ཐད་བཅས་ཡིན་འདུག

སྤྱིར་འཆར་སྣང་ལྷན་ཚོགས་འདི་ཕྱི་ཟླ་ ༤ ཙམ་ནས་གྲ་སྒྲིག་གནང་ཡོད་ཅིང་། བརྗོད་གཞི་རེ་རེའི་ཐོག་གྲོས་དྲིས་པ་རེ་རེ་གདན་ཞུ་གནང་རྒྱུ་དང་།  བརྗོད་གཞི་རེ་རེའི་ཐོག་ཚོགས་བཅར་བ་ཚང་མས་གོ་བསྡུར་ལྷུགས་པོ་གནང་ནས་ཚོགས་ཆུང་ཆ་བགོས་བྱས་ནས་སླར་ཡང་ཚོགས་ཆུང་སོ་སོའི་ངོས་ནས་བསམ་འཆར་བྱུང་བ་རྣམས་ཕྱོགས་སྒྲིག་བྱ་རྒྱུ་དང་།  ཕྱི་ཚེས་ ༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལྔ་དང་ལྔ་བཅུའི་འཆར་སྣང་ཐོག་བཀའ་སློབ་སྩལ་གནང་མཛད་རྒྱུ་ཡིན་འདུག

ཚོགས་བཅར་བ་མི་གྲངས་ ༡༨༤ ཡོད་པ་དང་། གལ་ཆེ་ཤོས་དེར་བོད་རིགས་མིན་པའི་ཚོགས་བཅར་བ་མི་གྲངས་ ༨༢ ཡོད་འདུག  བོད་རིགས་གྲངས་ ༤༢ ཡོད་འདུག  ཁྱོན་བསྡོམས་ཕྱི་ནས་ཕེབས་མཁན་ཚོགས་བཅར་བ་གྲངས་ ༡༢༤ དང་། བོད་རིགས་ནང་ནས་བཀའ་ཟུར་རྣམ་པ་དང་། སྐུ་ཚབ་དོན་གཅོད་རྣམ་པ།  རྒྱུན་དུ་བོད་དོན་ཐོག་ཉམས་ཞིབ་གནང་མཁན་བོད་རིགས་ཁག་གཅིག་བཅས་ཡིན་འདུག  དརྨ་ཤཱ་ལ་ནས་བཀའ་བློན་རྣམ་པ་དང་དྲུང་ཆེ་རྣམ་པ་བཅས་ཕེབས་རྒྱུ་ཡིན་འདུག  ཐེངས་འདིར་ལྷན་ཚོགས་སྐབས་རྒྱལ་ཁབ་མི་འདྲ་བ་ ༢༡ ནས་ཚོགས་འདུར་མཉམ་ཞུགས་གནང་གི་ཡོད་འདུག  ལྷན་ཚོགས་འདི་བོད་དོན་རྒྱབ་སྐྱོར་ཚོགས་པའི་ཚོགས་འདུ་ཞིག་ཆགས་མེད་སྐོར་སོགས་འགྲེལ་བཤད་གནང་རྗེས་དཔལ་ལྡན་སྲིད་སྐྱོང་མཆོག་གིས་ལྔ་དང་ལྔ་བཅུའི་འཆར་སྣང་དང་མ་འོངས་བོད་ཀྱི་ཆབ་སྲིད་ཀྱི་ལངས་ཕྱོགས་སྲ་བརྟན་ཇི་ལྟར་གཏང་དགོས་མིན་ཐད་གསུང་བཤད་གནང་མཐར་གསར་འགོད་པའི་དྲི་བར་ལན་འདེབས་གནང་ནས་གསར་འགོད་ལྷན་ཚོགས་གྲོལ་ཡོད་པ་བཅས།།

༄༅། །ཕྱི་ལོ་ ༢༠༡༦ ཟླ་ ༡༢ ཚེས་ ༥ ཉིན་གྱི་སྔ་དྲོ་ཆུ་ཚོད་ ༡༡།༣༠ ཡོལ་ཙམ་ལ་བོད་མིའི་སྒྲིག་འཛུགས་ཀྱི་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ།  དཔལ་ལྡན་སྲིད་སྐྱོང་བློ་བཟང་སེངྒེ་མཆོག་དང་། བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག   ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས། དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས།  དེ་བཞིན་ཕྱི་ནང་གི་གསར་འགོད་པ་བཅས་ཚང་འཛོམས་ཐོག་བཀའ་ཤག་དང་བོད་མི་མང་སྤྱི་འཐུས་ལྷན་ཚོགས་ཐུན་མོང་ནས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་སྤྱི་ཁྱབ་འགན་འཛིན་མཆོག་ལ། བླ་རུང་སྒར་གྱི་གནད་དོན་ཐོག་ཛ་དྲག་གི་དོན་ཕན་ལྡན་པ་ཞིག་ཡོང་ཆེད་བོད་ནང་ཕེབས་རྒྱུའི་རེ་འདུན་དང་། དེ་བཞིན་འཆར་ལོའི་ཕྱི་ཟླ་ ༣ ནང་ཇི་ནི་ཝར་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༣༤ ཐོག་བོད་ནང་གི་འགྲོ་བ་མིའི་ཐོབ་ཐང་གི་ཛ་དྲག་གནས་སྟངས་གླེང་སློང་དགོས་པའི་འབོད་སྐུལ། ཟླ་འདིའི་ཕྱི་ཚེས་ ༡༠ ཉིན་བླ་རུང་སྒར་ལ་གདུང་སེམས་མཉམ་སྐྱེའི་མཆོད་འབུལ་སྨོན་ལམ་ཞུ་རྒྱུའི་སྐོར་གསར་འགོད་གསལ་བསྒྲགས་ཤིག་སྤེལ་ཡོད།

དེ་ཡང་གསར་འགོད་གསལ་བསྒྲགས་དབུ་འཛུགས་མ་གནང་གོང་ཕྱི་དྲིལ་སྒྲ་བརྙན་ཚན་པས་ཕྱོགས་བསྒྲིགས་ཞུས་པའི་༼བླ་རུང་སྒར་ལ་གདུང་སེམས་མཉམ་སྐྱེ་ཡོད།༽ ཅེས་པའི་སྐར་མ་བདུན་ཅན་གྱི་བརྙན་འཕྲིན་གཟིགས་འབུལ་ཞུས་རྗེས་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས་གསར་འགོད་གསལ་བསྒྲགས་གནང་བའི་ནང་འཁོད་དོན། གསེར་རྟ་ལྔ་རིག་ནང་བསྟན་སློབ་གླིང་དུ་གྲྭ་བཙུན་ཆིག་ཁྲི་བརྒལ་ནས་ཡོད་པ་ཉུང་འཕྲི་བྱ་ཆེད་འཆར་གཞི་ལྡན་པའི་ཐོག་ནས་འདི་ལོའི་ཕྱི་ཟླ་ ༧ པ་ནས་འགོ་བཙུགས་ཏེ་རྒྱ་གཞུང་གི་དབང་འཛིན་པ་ཚོས་གྲྭ་ཤག་གཏོར་བཤིག་དང་གྲྭ་བཙུན་བཙན་དབང་གིས་ཕྱིར་འབུད་གཏོང་བཞིན་པ་དང། ཕྱི་ལོ་ ༢༠༡༧ ཟླ་ ༩ བར་གྲྭ་བཙུན་ ༥༠༠༠ བར་ཉུང་འཕྲི་བྱ་གཏན་འཁེལ་འདུག་ན། བོད་མིའི་སྒྲིག་འཛུགས་ཀྱི་བཀའ་ཤག་དང་བོད་མི་མང་སྤྱི་འཐུས་ལྷན་ཚོགས་ཐུན་མོང་གིས་ཛ་དྲག་གནས་སྟངས་འདིའི་ཐོག་མཉམ་སྦྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་སྤྱི་ཁྱབ་འགན་འཛིན་ནས་འཕྲལ་དུ་ཐུགས་འཁུར་ཕྱག་བཞེས་ཡོང་བའི་འབོད་སྐུལ་ཤུགས་ཆེ་ཞུ་རྒྱུ་ཡིན།

ད་བར་གྲྭ་ཤག་ ༡༥༠༠ ཙམ་གཏོར་བཤིག་དང་གྲྭ་བཙུན་ ༤༦༠༠ ཙམ་ཕྱིར་འབུད་བཏང་འདུག རྒྱ་གཞུང་གིས་བཙན་དབང་དང་སུན་གཙེར་གྱི་བྱེད་བབ་དེར་ངོ་རྒོལ་དང་འདོད་མོས་མེད་པ་གསལ་འདོན་བྱ་ཆེད་བཙུན་མ་རིག་འཛིན་སྒྲོལ་མ་དང་། ཚེ་རིང་སྒྲོལ་མ། སེམས་དགའ་གསུམ་ནས་རང་སྲོག་འདོར་དགོས་བྱུང་ཡོད་པའི་ཐོག་སྐུ་ངལ་ཇི་འཕྲད་ཡིག་ཐོག་ཏུའང་འགོད་འཇོག་གནང་ཡོད། རྒྱ་གཞུང་ནས་གནས་ཚུལ་བརྒྱུད་ལམ་ཁག་བཀག་འགོག་བྱས་མིན་ལ་མ་ལྟོས་པར་གྲྭ་བཙུན་བཙན་དབང་གིས་ཕྱིར་འབུད་བྱེད་པའི་བརྙན་པར་རིགས་ཕྱི་ཕྱོགས་སུ་འབྱོར་བཞིན་ཡོད་པ་མཐོང་སྐབས་ཡ་ང་སྙིང་རྗེའི་གནས་སུ་གྱར་དགོས་ཀྱི་གནས་སྟངས་ལས་མ་འདས། དེས་མ་ཚད་ད་དུང་ཕྱིར་འབུད་བཏང་བའི་བཙུན་མ་འགར་འདོད་པ་མེད་བཞིན་དུ་རྫོང་སོ་སོར་ཟུར་དུ་བཀག་ཉར་གྱིས་རྣམ་པ་འདྲ་མིན་གྱི་ཐོག་ནས་རྒྱལ་གཅེས་ཆོས་གཅེས་ཟེར་བའི་སློབ་གསོ་སྤེལ་བཞིན་འདུག

རིག་གནས་གསར་བརྗེ་ཆེན་པོ་ཟེར་བ་མཇུག་བསྒྲིལ་ནས་ལོ་ངོ་ ༤༠ ལྷག་འཁོར་གྱི་ཡོད་ནའང་། བོད་ནང་རིག་གནས་གསར་བརྗེ་ལྟ་བུའི་སྲིད་བྱུས་ད་དུང་མུ་མཐུད་ལག་བསྟར་བྱེད་བཞིན་ཡོད། བོད་མིའི་ཆབ་སྲིད་ཀྱི་འགོ་འཁྲིད་སྲིད་སྐྱོང་བློ་བཟང་སེངྒེ་མཆོག་གིས་ “བླ་རུང་སྒར་དང་ཡ་ཆེན་སྒར་གྱི་ཐོག་འབྱུང་བཞིན་པ་དེ་དག་ནི་རིག་གནས་གསར་བརྗེའི་གནས་སྐབས་དྲན་གསོ་སློང་བ་དང་། བོད་ཀྱི་གདན་ས་ཆེན་པོ་སེ་འབྲས་དགའ་གསུམ་རྩ་གཏོར་གྱིས་གྲྭ་པའི་ཁ་གྲངས་སྟོང་ཕྲག་འགའ་ཤས་ནས་བརྒྱ་སྐོར་ཁ་ཤས་བར་ཉུང་འཕྲི་བྱས་པ་བཞིན་དེང་སྐབས་བོད་ཁྱོན་ཡོངས་ཀྱི་དགོན་པ་དང་བཤད་གྲྭ་ཁག་གི་གནས་སྟངས་ཀྱང་དེ་ལྟ་བུའི་ཡ་ང་བ་ཆགས་མི་སྲིད་པའི་ངེས་པ་མི་འདུག” ཅེས་གསུངས་ཡོད།

ནིའུ་ཡོག་དུས་བབ་ནང་བླ་རུང་སྒར་གཏོར་བཤིག་གཏོང་བའི་སྐོར་ལ། ‘རྒྱ་གཞུང་གིས་བོད་བརྒྱུད་ནང་བསྟན་གྱི་རྩ་བ་ནས་གཅོད་ཐབས་བྱེད་པ།’ ཞེས་འགོ་བརྗོད་འཁོད་པའི་གནས་ཚུལ་ཡང་སྤེལ་ཡོད།

བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཀྱང་ “གསེར་རྟ་ལྔ་རིག་ནང་བསྟན་སློབ་གླིང་དེ་ནི་བོད་བརྒྱུད་ནང་བསྟན་གྱི་སློབ་གཉེར་གནང་ཡུལ་ལྟེ་གནས་གལ་ཆེན་ཞིག་ཙམ་མ་ཟད་བོད་ཀྱི་སྐད་ཡིག་དང་། ལེགས་བྱང། ཆོས་རིག་སྲུང་སྐྱོབ་བྱེད་སའི་རྒྱལ་སྤྱིའི་ལྟེ་གནས་ཤིག་ཀྱང་ཡིན་པར་སོང་དེ་སྲུང་སྐྱོབ་བྱེད་རྒྱུ་ནི་ཤིན་ཏུ་གལ་འགངས་ཆེན་པོ་ཡིན། རྒྱ་གཞུང་གིས་བླ་རུང་སྒར་ནང་བསྟན་སློབ་གླིང་བཙན་དབང་གིས་གཏོར་བཤིག་བྱེད་པ་འདི་གཞི་རྩའི་རང་དབང་དང་ཐོབ་ཐང་ལ་བརྡལ་བཤིག་གཏོང་བཞིན་པ་གསལ་པོ་རེད།” ཅེས་གསུངས་ཡོད།

དེར་བརྟེན་བོད་ནང་གི་བོད་མི་ཚོའི་ཆོས་དད་རང་དབང་ལ་བརྩི་སྲུང་གིས་གསེར་རྟ་ལྔ་རིག་ནང་བསྟན་སློབ་གླིང་གཏོར་བཤིག་གཏོང་མཚམས་འཇོག་དགོས་པ་ནན་བརྗོད་བྱེད་རྒྱུ་ཡིན། རྒྱལ་ཚོགས་ཀྱི་འདེམས་ཐོན་སྤྱི་ཁྱབ་དྲུང་ཆེ་སྐུ་ཞབས་ཨན་ཊོ་ནིའོ་གུ་ཊེརེས་མཆོག་ནས་རྒྱ་ནག་གི་རྒྱལ་ས་པེ་ཅིང་དུ། “ཐོབ་ཐང་མང་པོར་བརྩི་སྲུང་མི་བྱེད་པའི་འཛམ་གླིང་གི་རྒྱལ་ཁབ་མང་པོ་འདུག་པ་དེ་དག་མི་ཡོང་ཆེད་མཉམ་འབྲེལ་རྒྱལ་ཚོགས་ནས་རྒྱལ་སྤྱིའི་ནང་གི་འགྲོ་བ་མིའི་ཐོབ་ཐང་དང་། སྤྱི་མང་ཐོབ་ཐང། དཔལ་འབྱོར་ཐོབ་ཐང་བཅས་མཉམ་མཐུན་བཟོ་གལ་ཆེན་པོ་འདུག” ཅེས་གསུང་ཡོད་པར་བསྔགས་བརྗོད་ཞུ་རྒྱུ་དང་། ཁོང་ཉིད་འཆར་ལོའི་ཕྱི་ཟླ་ ༡ པོར་ལས་འཁུར་འགོ་འཛུགས་གནང་རྗེས་བོད་ནང་འགྲོ་བ་མིའི་ཐོབ་ཐང་བརྡལ་བཤིག་གཏོང་བཞིན་པའི་གནད་དོན་གལ་འགངས་ཆེ་ཤོས་སུ་བརྩི་གནང་ཡོང་བའི་འབོད་སྐུལ་ཤུགས་ཆེ་ཞུ་རྒྱུ་ཡིན། དེ་བཞིན་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་སྤྱི་ཁྱབ་འགན་འཛིན་པི་རིན་སི་ཛཱ་ཡི་དི་མཆོག་ནས་ཀྱང་བླ་རུང་སྒར་གྱི་གནད་དོན་ཐོག་ཛ་དྲག་གི་དོན་ཕན་ལྡན་པ་ཞིག་ཡོང་ཆེད་བོད་ནང་ཕེབས་རྒྱུའི་རེ་འདུན་འདོན་རྒྱུ་དང་། དེ་བཞིན་འཆར་ལོའི་ཕྱི་ཟླ་ ༣ པའི་ནང་ཇི་ནི་ཝར་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༣༤ པའི་ཐོག་བོད་ནང་གི་འགྲོ་བ་མིའི་ཐོབ་ཐང་གི་ཛ་དྲག་གནས་སྟངས་གླེང་སློང་དགོས་པའི་འབོད་སྐུལ་ཡང་ཞུ་རྒྱུ་ཡིན།

གཞན་ཡང་། ནང་ཆོས་སྲུང་སྐྱོབ་ (Safeguarding Buddhism) ནས་བརྩམས་པའི་ <<བླ་རུང་སྒར་ལ་རྒྱབ་སྐྱོར་ཡོང་བ་ (Stand with Larung Gar Now) ཞེས་པའི་མིང་བྱང་ཐོག་དྲ་ལམ་བརྒྱུད་ས་རྟགས་བསྡུ་རུབ་ཀྱི་སྙན་ཞུ་ཞིག་ཡོད་པར་ད་བར་ས་རྟགས་གྲངས་ ༡༤༧༠༠༠ བསྡུ་རུབ་བྱུང་འདུག་པ་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚོགས་ཆུང་ལ་འབུལ་རྒྱུ་ཡིན་ན། མང་ཚོགས་མི་རེ་ངོ་རེ་ནས་ཐུགས་ཁུར་ཆེ་བཞེས་ཀྱིས་དྲ་ལམ་འདིའི་བརྒྱུད་(https://www.change.org/p/united-nations-human-rights-council-stand-with-larung-gar-now-world-s-largest-buddhist-monastery-home-to-10-000-facing-demolition)ས་རྟགས་འགོད་གནང་ཡོང་བའི་འབོད་སྐུལ་ཞུ་རྒྱུ་ཡིན།

བཀའ་སྤྱི་ཐོུང་ནས་ཕྱི་ལོ་ ༢༠༡༦ ཟླ་ ༡༢ ཚེས་ ༡༠ རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོར་བླ་རུང་སྒར་ལ་གདུང་སེམས་མཉམ་སྐྱེད་ཀྱི་མཆོད་འབུལ་སྨོན་ལམ་ཞུ་རྒྱུ་ཡིན། ཞེས་གསར་འགོད་གསལ་བསྒྲགས་སྤེལ་གྲུབ་མཚམས་གསར་འགོད་པའི་དྲི་བ་རྣམས་ལ་ལན་འདེབས་གནང་འདུག  །

༄༅། །ཕྱི་ལོ་ ༢༠༡༥ ཟླ་ ༡༠ ཚེས་ ༢༠ ཉིན་གྱི་སྔ་དྲོ་ཆུ་ཚོད་ ༡༡།༣༠ ཐོག་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་ནང་སྲིད་སྐྱོང་བློ་བཟང་སེངྒེ་མཆོག་དང་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག ཕྱི་དྲིལ་དྲུང་ཆེ་རྣམ་གཉིས། དེ་བཞིན་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཐུབ་བསྟན་བསམ་འཕེལ་ལགས་བཅས་ལྷན་འཛོམས་ཐོག ཐོག་མར་༸གོང་ས་མཆོག་གིས་ཁོར་ཡུག་སྲུང་སྐྱོབ་ཐོག་དམིགས་བསལ་སྩལ་བའི་བཀའ་སློབ་བརྙན་འཕྲིན་ལམ་ནས་སྟོན་གནང་བ་དང་། དེ་རྗེས་ཕྱི་ནང་གི་གསར་འགོད་པ་རྣམས་ལ་མཐོ་སྒང་བོད་ཀྱི་ཁོར་ཡུག་སྲུང་སྐྱོབ་དགོས་པའི་གསར་འགོད་གསལ་བསྒྲགས་ཤིག་སྤེལ་བའི་ནང་འཁོད་དོན།

དབུས་བོད་མིའི་སྒྲིག་འཛུགས་ཀྱིས་འབྱུང་འགྱུར་ཕ་རན་སིའི་རྒྱལ་ས་པེ་རི་སིའི་ནང་འཛམ་གླིང་མཉམ་འབྲེལ་རྒྱལ་ཚོགས་ཀྱི་གོ་ལའི་གནམ་གཤིས་འགྱུར་ལྡོག་གི་ལྷན་ཚོགས་ (COP21) སྐབས་ཆེད་ཕེབས་རྒྱལ་སྤྱིའི་དབུ་ཁྲིད་རྣམ་པས་བོད་ཀྱི་ཁོར་ཡུག་གི་གནད་དོན་ངེས་པར་དུ་གླེང་རོགས། ཞེས་འབོད་སྐུལ་ཞུ་རྒྱུ་མ་ཟད། ལྷན་ཚོགས་ནང་མོས་མཐུན་བྱུང་བའི་གྲོས་ཆོད་རྣམས་གཙིགས་ཆེར་འཛིན་ནས་ཛ་དྲག་ཐོག་གོ་ལའི་གནམ་གཤིས་འགྱུར་ལྡོག་གི་དཀའ་ངལ་སེལ་ཐབས་གནང་རོགས། དེ་ཡང་༸གོང་ས་༸སྐྱབས་མགོན་ཏཱ་ལའི་བླ་མ་མཆོག་གིས། ང་ཚོར་སྡོད་ཁང་སའི་གོ་ལ་སྔོན་པོ་འདི་ལས་མེད། འདིའི་ཡང་ཐོག་ལ་བོད་ཆགས་ཡོད། འཛམ་གླིང་གི་སྣེ་གསུམ་པར་གྲགས་པའི་བོད་དེ་ཡང་ལྷོ་བྱང་གི་སྣེ་གཉིས་ལྟར་གལ་གནད་ཆེན་པོ་ཡིན། དེར་བརྟེན་བོད་མི་ཙམ་མིན་པར་གོ་ལ་ཁྱོན་ཡོངས་ཀྱི་ཁོར་ཡུག་གནས་སྟངས་རྒྱུན་གནས་ཐུབ་པ་ཞིག་ཡོང་སླད་མཐོ་སྒང་བོད་ཀྱི་ཁོར་ཡུག་སྲུང་སྐྱོབ་བྱེད་དགོས། ཞེས་བཀའ་སློབ་སྩལ་ཡོད།

ས་ཆའི་ཆགས་བབ་ཐོག་ནས་བོད་མཐོ་སྒང་གི་ཁོར་ཡུག་དེ་གནད་འགག་ཡིན། གང་ཡིན་བརྗོད་ན། འཛམ་གླིང་ཡངས་ཐོག་ཏུ་གྲགས་པའི་བོད་དེ་རྒྱ་མཚོ་ནས་ཆ་སྙོམས་རྩིས་པ་ཡིན་ན་མཐོ་ཚད་མི་ཊར་ ༤༠༠༠ ལྷག་གི་སྟེང་གནས་ཡོད་པ་མ་ཟད། ས་ཁྱོན་གྲུ་བཞི་མ་ས་ཡ་གཉིས་དང་ཕྱེད་ཀ་ཡོད་པར་བརྟེན་མཐོ་སྒང་ཆེ་ཤོས་དང་མཐོ་ཤོས་སུ་གྲགས། དེ་ཡང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས་གསུང་དོན། གོ་ལའི་གནམ་གཤིས་ཡག་པོ་ཡོང་བར་བོད་མཐོ་སྒང་འདི་ཧ་ཅང་གནད་འགག་ཆེ། གལ་ཏེ་ང་ཚོས་ཕྱི་བཤོལ་མེད་པར་མཐོ་སྒང་བོད་ཀྱི་སྣོད་བཅུད་རྟེན་འབྲེལ་ཧ་ཅང་ཉམས་ཆག་སླ་བ་དེ་དག་སྲུང་སྐྱོབ་ཐུབ་པ་ཡིན་ན་གོ་ལའི་གནམ་གཤིས་སྲུང་སྐྱོབ་བྱེད་ཐུབ།

དེ་རིང་བོད་མིའི་སྒྲིག་འཛུགས་ཀྱིས་སྤྱི་ཚོགས་དྲ་རྒྱ་བརྒྱུད་ཕ་རན་སིའི་རྒྱལ་ས་པེ་རི་སིའི་ནང་རྒྱལ་སྤྱིའི་དབུ་ཁྲིད་ཀྱི་གོ་ལའི་ཁོར་ཡུག་ལྷན་ཚོགས་སྐབས་བོད་དེ་གོ་ལའི་གནམ་གཤིས་ཀྱི་དཀའ་ངལ་སེལ་རྒྱུར་གནད་དོན་གལ་ཆེ་ཞིག་ཡིན་པར་ངོས་འཛིན་གནང་རོགས་ཞེས་འབོད་སྐུལ་གྱི་ལས་འགུལ་སྤེལ་རྒྱུ་ཡིན། ཞེས་གསུངས།

དེ་ཡང་རྒྱ་གར་ཁོར་ཡུག་ལས་འགུལ་བ་གྲགས་ཅན་མཁས་དབང་ལྕམ་སྐུ་ཌོག་ཊར་ཝན་ད་ན་ཤི་བ་ Dr. Vandana Shiva ལགས་ཀྱིས་གསུང་དོན། མཐོ་སྒང་བོད་འདི་སྲུང་སྐྱོབ་ངེས་པར་དུ་བྱེད་དགོས། བོད་མི་ཚོར་སོ་སོའི་ས་ཆ་རང་སྲུང་བྱ་རྒྱུའི་འགན་དབང་སྤྲད་ཚེ་འཛམ་གླིང་མི་འབོར་ཕྱེད་ཙམ་གྱི་འཚོ་གནས་དང་འབྲེལ་བའི་མཐོ་སྒང་བོད་དེ་བདག་གཅེས་ཡག་པོ་བྱེད་ཐུབ། བོད་ཀྱི་༸གོང་ས་ཏཱ་ལའི་བླ་མ་མཆོག་གིས་གོ་ལའི་གནམ་གཤིས་ལ་ཉེན་བརྡ་གཏོང་གནང་མཛད་བཞིན་ཡོད། དེར་བརྟེན་ང་ཚོས་ཐེངས་འདིར་རྒྱལ་སྤྱིའི་དབུ་ཁྲིད་རྣམས་པེ་རི་སིར་འདུ་འཛོམས་སྐབས་འཛམ་གླིང་ཡང་སྟེང་གི་གནམ་གཤིས་སྲུང་སྐྱོབ་བྱེད་དགོས་པའི་འབོད་སྐུལ་ཞུ་དགོས། འབོད་སྐུལ་གྱི་ལས་འགུལ་འདིར་རྒྱབ་སྐྱོར་གང་ཐུབ་གནང་དགོས། ཞེས་གསུངས། ལྷོ་བྱང་གི་སྣེ་གཉིས་ཕུད་སྣེ་གསུམ་པ་དེ་བོད་མཐོ་སྒང་འདི་ཡིན།

མཐོ་སྒང་བོད་ནི་འཛམ་གླིང་ནང་འཁྱགས་རོམ་གྲངས་ ༤༦༠༠༠ ལྷག་ཡོད་སྟབས་འཁྱགས་རོམ་མང་ཤོས་གསུམ་པར་གྲགས་ཤིང་། འཛམ་གླིང་ནང་འཐུང་ཆུའི་ཆུ་མཛོད་ཆེ་ཤོས་ཡིན་པ་མ་ཟད། གཏན་འཇགས་འཁྱགས་རོམ་དང་འཁྱགས་རོམ་གྲངས་ཚད་ཧ་ཅང་རྒྱ་ཆེ་བས་ཨེ་ཤི་ཡའི་གླིང་ཆེན་གྱི་རྒྱུག་ཆུ་ཆེ་ཤོས་དྲུག་གི་ཆུ་སྒོ་ཆགས་ཏེ། འཛམ་གླིང་མི་འབོར་གསུམ་ཆ་གཅིག་གི་འཚོ་རྟེན་དུ་གྱུར་ཡོད། འོན་ཀྱང་དེང་སྐབས་བོད་ནང་གོ་ལའི་གནམ་གཤིས་འགྱུར་ལྡོག་གི་དཀའ་ངལ་ཧ་ཅང་དངོས་གསལ་དོད་པོ་ཆགས་ཡོད། ཉེ་ལམ་བོད་ཀྱི་གནམ་གཤིས་ཀྱི་དྲོད་ཚད་འཕར་བ་དེ་ཇེ་ཆེར་ཕྱིན་ནས་རོབ་རྩིས་བྱས་ན་ལོ་བཅུ་རེའི་མཚམས་སུ་དྲོད་ཚད་ 0.3 རྒྱས་བཞིན་ཡོད། དེར་བརྟེན་འདས་པའི་ལོ་ངོ་ ༥༠ ནང་བོད་ཀྱི་གནམ་གཤིས་དྲོད་ཚད་ 1.3 degrees Celsius ཆེ་རུ་ཕྱིན་ཡོད། དེ་ནི་གོ་ལ་སྤྱིའི་གནམ་གཤིས་ཚ་དྲོད་རྒྱས་པའི་ཆ་སྙོམས་ཀྱི་གྲངས་ཚད་དང་བསྡུར་བ་ཡིན་ན་ལྡབ་གསུམ་གྱི་ཆེ་བ་ཡོད།

གོ་ལའི་གནམ་གཤིས་འགྱུར་ལྡོག་ཕྱིན་པ་དེས་མཐོ་སྒང་བོད་ཀྱི་འཁྱགས་རོམ་མྱུར་ཚད་ཆེན་པོའི་ཐོག་བྲི་བ་དང་། གཏན་འཇགས་འཁྱགས་རོམ་ཉམས་ཆག་ཤུགས་ཆེ་འགྲོ་བཞིན་པ། དེ་བཞིན་རྩ་ཐང་རྣམས་རིམ་བཞིན་བྱེ་སར་འགྱུར་བཞིན་ཡོད། འདས་པའི་ལོ་ ༥༠ རིང་བོད་ཀྱི་འཁྱགས་རོམ་བརྒྱ་ཆ་ ༨༢ ཉུང་དུ་སོང་བ་མ་ཟད། ཕྱི་ལོ་ ༢༠༥༠ ལོར་བོད་ཀྱི་འཁྱགས་རོམ་ད་ཡོད་ལས་གསུམ་ཆ་གཉིས་ཉུང་དུ་སོང་ནས་རྩ་མེད་དུ་འགྲོ་སྲིད། གོ་ལའི་གནམ་གཤིས་ལ་ཧ་ཅང་གལ་ཆེ་བའི་གཏན་འཇགས་འཁྱགས་རོམ་གྱི་གནས་སྟངས་ཛ་དྲག་ཅན་དུ་གྱུར་ཡོད། བོད་མཐོ་སྒང་ལ་མཚོན་ན་གཏན་འཇགས་འཁྱགས་རོམ་གྱི་ནག་རྫས་སམ་ carbon ཀར་བོན་ཚད་གཞི་ཊོན་ས་ཡ་ ༡༢༣༠༠ ཉར་ཚགས་བྱེད་བཞིན་ཡོད། གཏན་འཇགས་འཁྱགས་རོམ་དེ་རིགས་ཀྱི་བརྒྱ་ཆ་བཅུ་འདས་པའི་ལོ་བཅུའི་ནང་ཉམས་ཆག་ཕྱིན་ཡོད། དེ་བཞིན་བོད་ཀྱི་རྩ་ཐང་རྣམས་མྱུར་ཚད་ཧ་ཅང་ཆེན་པོས་བྱེ་སར་འགྱུར་བཞིན་ཡོད། དེ་ཡང་འཛམ་གླིང་མཉམ་འབྲེལ་རྒྱལ་ཚོགས་ཀྱི་སྙན་ཐོ་ལྟར་ན། བོད་ཀྱི་རྩ་ཐང་ས་ཁྱོན་ཀི་ལོ་མི་ཊར་གྲུ་བཞི་མ་ ༢༣༣༠ ལོ་རེ་བཞིན་བྱེ་སར་འགྱུར་བཞིན་ཡོད། དེ་ཡང་སྲིད་སྐྱོང་བློ་བཟང་སེངྒེ་མཆོག་གིས། བོད་མི་ཚོར་སོ་སོའི་ལུང་པའི་དཀའ་ངལ་ཐོག་བསམ་ཚུལ་ཤོད་རྒྱུའི་ཐོབ་ཐང་ཡོད། ཅེས་གསུངས། ཕྱོགས་མཚུངས་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གིས། གོ་ལའི་གནམ་གཤིས་འགྱུར་ལྡོག་གི་དཀའ་ངལ་སེལ་རྒྱུའི་ཐབས་ལམ་ཡོད་ཀྱང་དཀའ་ངལ་དེ་དག་སེལ་རྒྱུར་ཆབ་སྲིད་ཀྱི་ཆོད་སེམས་དང་ལག་ལེན་དགོས། ཅེས་གསུངས། ཐེངས་འདིར་འཛམ་གླིང་མཉམ་འབྲེལ་རྒྱལ་ཚོགས་ཀྱི་གོ་ལའི་གནམ་གཤིས་འགྱུར་ལྡོག་གི་ཁོར་ཡུག་ལྷན་ཚོགས་སྐབས་གྲོས་མཐུན་གསར་པ་ཞིག་གཏན་འབེབས་ཀྱིས་ལག་བསྟར་ཐོག་ནས་ཡར་རྒྱས་འགྲོ་ཐུབ་དགོས། གྲོས་མཐུན་དེ་དག་ལ་སྲིད་གཞུང་ཚང་མས་ཕྱི་གསལ་ནང་གསལ་དང་ཆོད་སེམས་བརྟན་པོས་རྒྱབ་སྐྱོར་གནང་དགོས། པེ་རི་སིར་ལྷན་ཚོགས་ནང་ཆེད་ཕེབས་དབུ་ཁྲིད་རྣམ་པས་བོད་མཐོ་སྒང་དེ་གོ་ལའི་གནམ་གཤིས་ཡག་པོ་ཡོང་བར་ཧ་ཅང་གལ་ཆེ་ཡིན་པར་ངོས་འཛིན་ཐོག ལྷན་ཚོགས་སྐབས་བརྗོད་གཞི་གཙོ་བོར་བཞག་ནས་གོ་ལའི་གནམ་གཤིས་སྲུང་སྐྱོབ་ཆེད་གྲོས་ཆོད་ཤུགས་ཆེན་པོ་ཞིག་འཇོག་ཐབས་གནང་དགོས། ཞེས་འཁོད་འདུག

དེ་ཡང་ཐེངས་འདིའི་གསར་འགོད་ལྷན་ཚོགས་ཀྱི་དམིགས་ཡུལ་གཙོ་བོ་ནི། ཕྱི་ལོ་ ༢༠༡༥ ཟླ་ ༡༡ ཚེས་ ༣༠ ནས་ཕྱི་ཟླ་ ༡༢ ཚེས་ ༡༡ བར་ཕ་རན་སིའི་རྒྱལ་ས་པེ་རི་སིའི་ Paris ནང་རྒྱལ་ཁབ་ ༡༩༤ ཀྱི་དབུ་ཁྲིད་དང་སྐུ་ཚབ་སོགས་ཁྱོན་གནད་ཡོད་མི་སྣ་ ༤༠༠༠༠ ལྷག་ལྷན་འཛོམས་ཐོག འཛམ་གླིང་མཉམ་འབྲེལ་རྒྱལ་ཚོགས་ཀྱི་གོ་ལའི་གནམ་གཤིས་འགྱུར་ལྡོག་སྐོར་གྱི་ལྷན་ཚོགས་ཆེ་ཤོས་ཡོངས་གྲགས་སུ་ COP21 ཞེས་པ་དེ་འཚོགས་རྒྱུ་ཡིན་པ་དང་།

སྐབས་དེར་གོ་ལའི་ཚ་དྲོད་རྒྱས་བཞིན་པ་སོགས་གནམ་གཤིས་འགྱུར་ལྡོག་ལ་བརྟེན་པའི་དཀའ་ངལ་རྣམས་ཉིན་རེ་བཞིན་ཛ་དྲག་ཏུ་འགྲོ་བཞིན་པ་དེ་དག་མཚམས་འཇོག་སླད་དོམ་དམ་གྱི་ཁྲིམས་སྒྲིག་ནུས་པ་ལྡན་པ་ཞིག་གཏན་འབེབས་ལག་བསྟར་ཐུབ་རྒྱུར་འབད་བརྩོན་གནང་རྒྱུ་ཡིན་འདུག གོ་སྐབས་དམ་འཛིན་ཐོག་དབུས་བོད་མིའི་སྒྲིག་འཛུགས་ཀྱིས་རྒྱལ་སྤྱིའི་གོ་ལའི་ལྷན་ཚོགས་སྐབས་འཛམ་གླིང་ཡངས་ཐོག་ཏུ་གྲགས་པ་བོད་མཐོ་སྒང་གི་ཁོར་ཡུག་སྲུང་སྐྱོབ་ཆེད་ལས་འགུལ་སྤེལ་དགོས་པའི་ཞུ་འབོད་ཀྱི་ལས་འགུལ་ཞིག་སྤེལ་རྒྱུ་ཡིནའདུག

གསར་འགོད་གསལ་བསྒྲགས་སྐབས་ཀྱི་བརྙན་འཕྲིན་གཟིགས་ཆེད་འདིར་གནོན།

ནང་གསེས། ༢ ཡང་ན་འོས་གཞིའམ། འོས་འཕེན་པ་ཞིག་ལ་དྲག་ཤུགས་ཀྱི་ཐོག་ནས་འཇིགས་སྣང་སྐུལ་བའམ། སྐྱེ་བོ་གང་དག་འོས་གཞིར་འཛུལ་འཐེན་བྱེད་པ་དང༌། འོས་བསྡུ་བྱེད་དང་མི་བྱེད་པ་བཅས་འོས་བསྡུའི་རང་དབང་ལ་ཐེ་བྱུས་དང་འགལ་རྐྱེན་བྱེད་པ།

དེ་ལྟར་འགལ་འཛོལ་དངོས་ར་འཕྲོད་པ་བྱུང་ཚེ། ཉེས་ཆད་ནི། སྐྱེ་བོ་དེར་ལོ་བཅུ་རིང་གཞུང་འབྲེལ་འོས་འཕེན་ཐོབ་ཐང་འཕྲོག་རྒྱུ།
འགྲེལ་བཤད།

༼འོས་གཞིའམ་འོས་འཕེན་པའི་སྐྱེ་བོ་ཞིག་ལ་ཐལ་ཆ་ཆེ་བའི་ལུས་ངག་གང་རུང་གི་དྲག་ཤུགས་ཀྱིས་འཇིགས་སྣང་བསྐུལ་ཏེ་མང་གཙོའི་གལ་གནད་ཆེ་ཤོས་འོས་བསྡུའི་རང་དབང་ལ་ཐེ་བྱུས་དང་། འགལ་རྐྱེན་བྱས་པ་ལ་བརྟེན་ནས་འོས་གཞིར་ལངས་མ་ཐུབ་པ་དང། མི་འདོད་བཞིན་དུ་འོས་བསྡུ་བྱེད་དང་མི་བྱེད་པ་ཞིག་ལ་གོ་དགོས།༽

ནང་གསེས། ༣ ཡང་འོས་གཞིའི་སྐྱེ་བོ་གཞན་ཞིག་གམ། དེའི་ཕྱོགས་གཏོགས། གཞན་ཡང་སྐྱེ་བོ་སུ་རུང་ནས་སྐྱེ་བོ་གཞན་ཞིག་ལ་འོས་བསྡུའི་རྒྱལ་ཁ་མ་ཐོབ་པའི་བསམ་སྦྱོར་ངན་པས་ཀུན་ནས་བསླངས་ཏེ་གཞི་མེད་སྒྲོ་བཏགས་ཀྱིས་སྐྱོན་བརྗོད་དམའ་འབེབས་བྱེད་པ་དང༌། ལུང་ཚན། ཆོས་བརྒྱུད། སྤྱི་ཚོགས་བཅས་ཀྱི་དབར་དབྱེན་སྦྱོར་གྱིས་ཕན་ཚུན་འཁོན་འཁྲུག་འབྱུང་གཞིའི་རྐྱེན་སློང་བྱེད་པ།

དེ་ལྟར་འགལ་འཛོལ་དངོས་ར་འཕྲོད་པ་བྱུང་ཚེ། ཉེས་ཆད་ནི། འགལ་ཚབས་ཆེ་བར་ངོས་འཛིན་གྱིས་འོས་གཞིའི་སྐྱེ་བོ་དེའི་འོས་ཤོག་ཆ་ཚང་རྩིས་མེད་དང། དེའི་ཕྱོགས་གཏོགས་དང་། གཞན་ཡང་སྐྱེ་བོ་སུ་རུང་དེར་ལོ་བཅུ་རིང་གཞུང་འབྲེལ་སྡེ་ཚན་གང་དུ་ཡང་འོས་འཕེན་ཐོབ་ཐང་འཕྲོག་རྒྱུ།

འགྲེལ་བཤད།

༼འོས་གཞིའི་སྐྱེ་བོ་གཞན་ཞིག་གམ། དེའི་ཕྱོགས་གཏོགས། གཞན་ཡང་སྐྱེ་བོ་སུ་རུང་ནས་སྐྱེ་བོ་གཞན་ཞིག་ལ་འོས་བསྡུའི་རྒྱལ་ཁ་མ་ཐོབ་པའི་བསམ་སྦྱོར་ངན་པས་ཀུན་ནས་བླངས་ཏེ་གཞི་མེད་སྒྲོ་བཏགས་ཀྱིས་སྐྱོན་བརྗོད་དམའ་འབེབས་བྱེད་པ་དང། ལུང་ཚན། ཆོས་བརྒྱུད། སྤྱི་ཚོགས་བཅས་ཀྱི་དབར་དབྱེན་སྦྱོར་གྱིས་ཕན་ཚུན་འཁོན་འཁྲུག་ས་གནས་གང་ཞིག་ཏུ་དངོས་སུ་བྱུང་སྟེ་དེའི་རྐྱེན་གྱིས་ས་གནས་གཞན་དུའང་གཅིག་མཚུངས་ཕན་ཚུན་འཁོན་འཁྲུག་གཅིག་མཇུག་གཉིས་ལངས་ཀྱིས་སྤྱི་ཚོགས་ཟང་ཟིང་དངོས་སུ་བྱུང་བ་ཞིག་ལ་གོ་བ་ཡིན།༽

ནང་གསེས། ༥ འོས་གཞི་སུ་ཐད་ནས་འོས་བསྡུའི་ལས་དོན་སྐོར་མི་མང་བསྐོང་ཚོགས་ཀྱིས་དྲང་བདེན་མིན་པའི་གནས་ཚུལ་གསལ་བསྒྲགས་བྱེད་པ་དང་ཡིག་ཆ་འགྲེམས་སྤེལ་བྱེད་པ།

དེ་ལྟར་འགལ་འཛོལ་དངོས་ར་འཕྲོད་པ་བྱུང་ཚེ། ཉེས་ཆད་ནི། འོས་གཞི་མི་འགྲོ་དེའི་འོས་ཐོབ་ཆ་ཚང་རྩིས་མེད་གཏོང་རྒྱུ།

འགྲེལ་བཤད།

༼འོས་གཞི་སུ་ཐད་ནས་དབུས་སའི་འོས་བསྡུའི་ལས་དོན་བྱེད་ཕྱོགས་ཐོག་དྲང་བདེན་མིན་པའི་གནས་ཚུལ་ཁྱབ་སྤེལ་བྱེད་པ་དང་། ཁུངས་མེད་ཡིག་ཆ་འགྲེམས་སྤེལ་བྱེད་པ་ཞིག་ལ་གོ་བ་ཡིན།༽

ནང་གསེས། ༨ འོས་བསྡུའི་ལས་རིམ་གསལ་བསྒྲགས་ཟིན་པའི་ཉིན་མོ་ནས་སྲིད་སྐྱོང་དང། བཀའ་བློན། སྤྱི་འཐུས་བཅས་འབྲེལ་ཡོད་འོས་གཞིའི་ནང་ཞུགས་བློ་ཡོད་ཚེ། སྒྲིག་འཛུགས་དང། གཞུང་འབྲེལ་མིན་པའི་ཚོགས་པ་ཁག་གིས་འོས་བསྡུ་དང་འབྲེལ་བའི་བགྲོ་གླེང་ཚོགས་འདུ་གོ་སྒྲིག་བྱུང་རིགས་ནང་གཞུང་འབྲེལ་གྱི་ངོ་བོར་ཚོགས་བཅར་མི་ཆོག་པ་མ་ཟད། བོད་མིའི་སྒྲིག་འཛུགས་ཀྱི་ལས་བྱེད་དང། དངུལ་དངོས་གང་ཡང་བེད་སྤྱོད་མི་ཆོག གཞུང་འབྲེལ་ཕྱོགས་བསྐྱོད་སྐབས་སུ་ཡང་འོས་བསྡུ་དང་འབྲེལ་བའི་གཏམ་བཤད་རིགས་བྱ་མི་ཆོག

ས་གནས་གང་དུའང་དེ་ལྟར་བྱས་འཛོལ་དངོས་ར་འཕྲོད་པ་བྱུང་ཚེ། ཉེས་ཆད་ནི། འོས་གཞི་དེར་ས་གནས་དེའི་འོས་ཐོབ་ཆ་ཚང་རྩིས་མེད་གཏོང་རྒྱུ།

འདི་འབྲེལ་ལམ་སྟོན།

༼གཞུང་འབྲེལ་ཕྱོགས་བསྐྱོད་སྐབས་འོས་བསྡུ་དང་འབྲེལ་བའི་གཏམ་བཤད་རིགས་བྱ་མི་ཆོག་ཅེས་པ་ལ། གཞུང་འབྲེལ་ཕྱོགས་བསྐྱོད་སྐབས་སུ་ལས་དོན་དེ་དང་འབྲེལ་བའི་གནད་དོན་ཁོ་ན་མ་གཏོགས། དེ་མིན་དངོས་སུ་སོ་སོ་རང་ཉིད་ལ་འོས་བསྡུའི་རྒྱལ་ཁ་ཐོབ་ཆེད་འདས་པའི་ལས་དོན་བྱས་འབྲས་དང། མ་འོངས་བྱེད་འཆར་སོགས་ཀྱི་གཏམ་བཤད་རིགས་སྐབས་དུས་གང་དུ་ཡང་དངོས་ཤུགས་བརྒྱུད་གསུམ་ནས་མི་ཆོག་པ་ལ་གོ་བ་ཡིན། གལ་སྲིད་གཞུང་འབྲེལ་ཕྱོགས་བསྐྱོད་སྐབས་ས་གནས་སུ་གཞུང་འབྲེལ་མ་ཡིན་པའི་ཚོགས་སྡེ་གང་རུང་གིས་འོས་བསྡུ་དང་འབྲེལ་བའི་བགྲོ་གླེང་གོ་སྒྲིག་ཐོག་གདན་ཞུ་བྱུང་རིགས་གཞུང་འབྲེལ་ལས་དུས་ལ་དོ་ཕོགས་མེད་ཚེ་སྒེར་ངོས་ནས་བསྐྱོད་འཐུས།༽

འོས་སྒྲིག་དོན་ཚན་ ༢༤ ནང་གསེས་ ༩ པའི་འབྲུ་དོན་ལྟར་གྱི་ལམ་སྟོན་དོན་ཚན་ ༩ ཅན་གྱི་ནང་གསེས་ཁག་ཅིག་གི་གོ་བ་ལེན་ཕྱོགས་ཀྱི་འགྲེལ་བཤད་གཤམ་གསལ།

༢། གཞུང་འབྲེལ་ངོས་ལེན་ཡོད་པའི་ཚོགས་པ་ཁག་ཕུད་སྤྱི་སྒེར་སུ་ཐད་ནས་སྲིད་སྐྱོང་ངམ་སྤྱི་འཐུས་འོས་གཞིའི་སྐྱེ་བོ་དེའི་ཡིག་ཐོག་ཆོག་མཆན་མེད་པར་ས་གནས་གང་དུ་ཡང་རྒྱབ་གཉེར་གསལ་བསྒྲགས་དང་དེ་འབྲེལ་འགྲོ་སོང་གཏོང་མི་ཆོག ཆོག་མཆན་ཡོད་པའི་འགྲོ་སོང་ཁག་འོས་གཞིར་ཡོད་པའི་སྐྱེ་བོ་དེའི་འོས་བསྡུ་དང་འབྲེལ་བའི་འགྲོ་གྲོན་རྩིས་ཁྲའི་ཁོངས་སུ་བརྩི་དགོས།

དེ་ལྟར་འགལ་འཛོལ་དངོས་ར་འཕྲོད་པ་བྱུང་ཚེ། ཉེས་ཆད་ནི། སྒྲིག་དོན་ལོ་ལྔ་རིང་གཞུང་འབྲེལ་སྡེ་ཚན་གང་དུ་ཡང་འོས་འཕེན་ཐོབ་ཐང་འཕྲོག་རྒྱུ། འོན་ཀྱང་འགྲོ་གྲོན་མེད་པའི་རྒྱབ་གཉེར་གསལ་བསྒྲགས་རིགས་དོན་ཚན་འདི་དང་བསྟུན་མི་དགོས།

འགྲེལ་བཤད།

༼བོད་མིའི་སྒྲིག་འཛུགས་ནས་ངོས་ལེན་ཡོད་པའི་གཞུང་འབྲེལ་མ་ཡིན་པའི་ཚོགས་པ་ཁག་ནི། དབུས་གཙང་དང་། མདོ་སྟོད། མདོ་སྨད། བོད་ཀྱི་གཞོན་ནུ་ལྷན་ཚོགས། བོད་ཀྱི་བུད་མེད་ལྷན་ཚོགས། བོད་ཀྱི་རྒྱལ་ཡོངས་མང་གཙོ་ཚོགས་པ། བོད་ཀྱི་དགུ་བཅུ་གསུམ་ལས་འགུལ་ཚོགས་པ། མངའ་རིས་སྤྱི་མཐུན་ཚོགས་པ། བོད་ཀྱི་རྒྱལ་ཡོངས་ཆིག་བསྒྲིལ་ཚོགས་པ། བོད་ཀྱི་རྒྱལ་ཡོངས་ཆབ་སྲིད་བཙོན་གྲོལ་ཚོགས་པ། བལ་ཡུལ་སྤོག་ར་གློ་སྒྲིག་བདེ་དོན་བཅས་དབུས་ཚོགས་པ་བཅུ་གཅིག་ལ་གོ་བ་ཡིན། གཞན་ཡང་འོས་གཞིའི་སྐྱེ་བོ་དེས་རྒྱབ་སྐྱོར་གསལ་བསྒྲགས་བྱེད་འཐུས་ཆོག་པའི་ཡིག་ཐོག་ཆོག་མཆན་གནང་བའི་ངོ་བཤུས་འབྲེལ་ཆགས་ས་གནས་འོས་བསྡུ་ལས་ཁང་དུ་ངེས་འབུལ་དགོས་པ་ཡིན།༽

༣། འོས་གཞིའི་སྐྱེ་བོ་སོ་སོའི་འོས་བསྡུའི་དྲིལ་བསྒྲགས་དང་འབྲེལ་བའི་བྱུང་སོང་རྩིས་ཁྲ་མཐའ་དག་དངོས་གཞིའི་འོས་བསྡུའི་གྲུབ་འབྲས་གསལ་བསྒྲགས་མ་ཟིན་གོང་འོས་མི་ཡོང་ཁུངས་སོ་སོའི་ས་གནས་འོས་བསྡུ་ལས་ཁང་དུ་འབུལ་དགོས།

འོས་བསྡུའི་ལས་དོན་དང་འབྲེལ་བའི་བྱུང་སོང་རྩིས་ཁྲ་མཐའ་དག་རྣམ་ཀུན་རྩིས་ཞིབ་སྐབས་དགོས་མཁོའི་རྒྱབ་ལྗོངས་དན་རྟགས་མཉམ་སྦྱར་དགོས་པ་ལྟར་དགོས་ངེས་རྣམས་ཆ་ལག་ཚང་བ་ཁམས་གཙང་དུས་ཐོག་མ་ཕུལ་བ་ཡིན་ན། ཉེས་ཆད་ནི། འོས་གཞི་སྐྱེ་བོ་གང་དེའི་འོས་ཐོབ་ཀྱི་བརྒྱ་ཆ་ ༡༠ གཅོག་རྒྱུ།

འདི་འབྲེལ་ལམ་སྟོན།

༼འོས་གཞི་སྐྱེ་བོ་སོ་སོའི་འོས་བསྡུའི་དྲིལ་བསྒྲགས་དང་འབྲེལ་བའི་བྱུང་སོང་རྩིས་ཁྲ་ཁམས་གཙང་དུས་ཐོག་ཕུལ་མིན་དང། དངུལ་འབོར་ཚད་གཞི་ལས་བརྒལ་མིན། དངུལ་འབོར་ཁྲིམས་མཐུན་ཡིན་མིན་བཅས་ལ་ས་གནས་འོས་བསྡུ་ལས་ཁང་གིས་ཞིབ་འཇུག་གང་གནང་བ་དེར་རྩ་འཛིན་ཞུ་དགོས།༽

༤། སྲིད་སྐྱོང་ངམ། སྤྱི་འཐུས་སུ་འོས་པའི་མི་འགྲོ་དམིགས་འཛུགས་ཀྱིས་རྒྱབ་གཉེར་གསལ་བསྒྲགས་ཡིག་ཆ་དང། ལྟེབ་ཤོག་འགྲེམ་སྤེལ། གྱང་སྦྱོར་པར་རིས་གསལ་བསྒྲགས་སོགས་ཀྱི་ནང་འགྲེམ་སྤེལ་དང་དཔར་སྐྲུན་བྱེད་མཁན་གཉིས་ཀྱི་མིང་བྱང་ངེས་གསལ་དགོས་རྒྱུ།

དེ་ལྟར་བྱས་འཛོལ་རིགས་དངོས་ར་འཕྲོད་པ་བྱུང་ཚེ། ཉེས་ཆད་ནི། ལོ་ལྔ་རིང་གཞུང་འབྲེལ་སྡེ་ཚན་གང་དུ་ཡང་འོས་འཕེན་ཐོབ་ཐང་འཕྲོག་རྒྱུ།

འདི་འབྲེལ་ལམ་སྟོན།

༼སྲིད་སྐྱོང་ངམ། སྤྱི་འཐུས་སུ་འོས་པའི་མི་འགྲོ་དམིགས་འཛུགས་ཀྱིས་རྒྱབ་གཉེར་གསལ་བསྒྲགས་ཡིག་ཆ་དང། ལྟེབ་ཤོག་འགྲེམ་སྤེལ། གྱང་སྦྱོར་པར་རིས་གསལ་བསྒྲགས་སོགས་ཀྱི་ནང་འགྲེམ་སྤེལ་དང་དཔར་སྐྲུན་བྱེད་པོ་སུ་རུང་གི་མིང་དང་ཁ་བྱང་ཁ་གསལ་ངོས་འཛིན་ཐུབ་པ་འབྲི་བཀོད་མེད་པའི་རིགས་ཡིག་འཁྱམ་དུ་ངོས་འཛིན་ཞུ་རྒྱུ།༽

༥། འོས་གཞིར་ཞུགས་མཁན་སུ་ཐད་ནས་ཀྱང་སྐབས་དོན་སོ་སོར་འོས་བསྡུའི་རྒྱལ་ཁ་ཐོབ་ཆེད་དུ་དྲིལ་བསྒྲགས་ཡིག་ཆའི་ཐོག་༸གོང་ས་མཆོག་གི་སྐུ་པར་དང། བོད་མིའི་སྒྲིག་འཛུགས་ཀྱི་ལས་རྟགས། དེ་བཞིན་མཚོན་རྟགས་ཚུལ་དུ་བོད་རྒྱལ་ཁབ་ཀྱི་རྒྱལ་དར་དང་བོད་ཀྱི་ས་བཀྲ་སོགས་གང་དུ་ཡང་བེད་སྤྱོད་མི་ཆོག

དེ་ལྟའི་བྱས་འཛོལ་དངོས་ར་འཕྲོད་པ་བྱུང་ཚེ། ཉེས་ཆད་ནི། འོས་གཞི་སྐྱེ་བོ་གང་དེའི་འོས་ཐོབ་ཀྱི་བརྒྱ་ཆ་ ༥ རྩིས་མེད་གཏོང་རྒྱུ།

འདི་འབྲེལ་ལམ་སྟོན།

༼དེ་ལྟར་བེད་སྤྱོད་མི་ཆོག་ཅེས་པའི་གཙོ་གནད་ནི་རང་ཉིད་འོས་བསྡུའི་རྒྱལ་ཁ་ཐོབ་ཆེད་དུ་དམིགས་ཏེ་རྒྱབ་ལྗོངས་ལ་གསར་དུ་གོང་གསལ་པར་རིས་དེ་དག་བེད་སྤྱོད་མི་ཆོག་པ་ལས། རང་གི་མི་ཚེའི་བྱུང་བའི་ནང་ལས་དོན་སྐབས་དང་ལས་དོན་སྒྲུབ་ཡུལ་སོགས་སུ་པར་རིས་དེ་དག་ཡོད་པ་ཙམ་ལ་གོ་བ་མིན། པར་བསྐྲུན་དང་འགྲེམ་སྤེལ་བྱེད་མཁན་གྱི་མིང་བྱང་ཁ་གསལ་མེད་ཚེ་རྩིས་མེད་གཏོང་རྒྱུ། གལ་སྲིད་སྐྱེ་བོ་སུ་རུང་ནས་དེ་ལྟར་བྱས་འཛོལ་དངོས་ར་འཕྲོད་པ་བྱུང་ཚེ་ལོ་ ༥ རིང་གཞུང་འབྲེལ་སྡེ་ཚན་གང་དུ་ཡང་འོས་འཕེན་པའི་ཐོབ་ཐང་འཕྲོག་རྒྱུ།༽

༧། འོས་བསྡུ་དང་འབྲེལ་བའི་དྲིལ་བསྒྲགས་བྱེད་སྒོ་ཁག་གནས་ཡུལ་རྒྱལ་ཁབ་སོ་སོའི་ཡུལ་ཁྲིམས་དང་མ་འགལ་བ་བྱེད་དགོས་ཐོག ཆབ་སྲིད་ཀྱི་གནས་སྟངས་དཀའ་ངལ་ཅན་གྱི་ས་ཁུལ་ཁག་ཏུ་འོས་གཞིར་ཞུགས་མཁན་མི་འགྲོའི་འདྲ་པར་དང་གསལ་བསྒྲགས་ཡིག་ཆ་སོགས་སྦྱོར་འགྲེམས་མི་ཆོག

དེ་ལྟར་འགལ་འཛོལ་དངོས་ར་འཕྲོད་པ་བྱུང་ཚེ། ཉེས་ཆད་ནི། འོས་གཞི་དེར་ལོ་ལྔ་རིང་འོས་གཞིར་ཞུགས་རྒྱུའི་ཐོབ་ཐང་དང་། གཞན་སྐྱེ་བོ་སུ་རུང་ལ་ལོ་ལྔ་རིང་གཞུང་འབྲེལ་སྡེ་ཚན་གང་དུ་ཡང་འོས་འཕེན་ཐོབ་ཐང་འཕྲོག་རྒྱུ།

འདི་འབྲེལ་ལམ་སྟོན།

༼དེ་ལྟའི་གནས་སྟངས་བྱུང་ཚེ་ས་གནས་འོས་བསྡུ་ལས་ཁང་དང་མང་ཚོགས་ནས་པར་རིས་དང། གསལ་བསྒྲགས་ཡིག་ཆ་རྣམས་འཕྲལ་མར་བཀོག་སྟེ་མ་འོངས་པའི་དགོས་མཁོའི་ཆེད་ཉར་ཚགས་བྱེད་དགོས་བཅས།༽

མཐའ་དོན་བཙན་བྱོལ་བོད་མིའི་འོས་བསྡུའི་སྒྲིག་གཞི་སྤྱི་དང། ལྷག་དོན་འོས་སྒྲིག་དོན་ཚན་ཉི་ཤུ་རྩ་བཞི་པའི་ནང་གསེས་ཁག་དང་བཅས་པར་དབུས་འོས་བསྡུ་ལས་ཁང་ནས་གཏན་འབེབས་ལམ་སྟོན་གནང་བ་ཁག་ལ་སྐྱེ་བོ་སུ་རུང་གིས་ས་གནས་གང་དུ་འགལ་འཛོལ་བྱས་པ་དངོས་ར་འཕྲོད་པ་བྱུང་ཚེ་དཔང་རྟགས་དང་བཅས་པ་སྐབས་འཕྲལ་ས་གནས་འོས་བསྡུ་ལས་ཁང་དུ་སྙན་གསན་ཞུ་དགོས་པ་ཡིན། དེ་མིན་སྐྱེ་བོ་སུ་རུང་ལ་བོད་མིའི་ཡ་རབས་བཟང་སྤྱོད་དང་འགལ་ཞིང་། བོད་མི་ནང་ཁུལ་དབྱེན་སྦྱོར་དཀྲུགས་ཤིང་གི་གཞིར་གྱུར་བའི་དྲང་བདེན་མིན་པའི་སྐྱོན་བརྗོད་དང། དམའ་འབེབས་ཟུར་ཟ་སོགས་དགྲ་དགའ་གཉེན་སྡུག་གི་འཆལ་གཏམ་རིགས་དྲ་ལམ་སོགས་སུ་གང་བྱུང་མི་སྤེལ་བའི་འབོད་བསྐུལ་ནན་པོ་ཞུ་རྒྱུ་བཅས་ཀྱི་གསལ་བསྒྲགས་སུ། དབུས་འོས་བསྡུ་ལས་ཁང་ནས་ ༢༠༡༥ ཟླ་ ༩ ཚེས་ ༣ ལ།།

གསར་འགོད་གསལ་བསྒྲགས།

༄༅། །བོད་འདི་མུ་མཐུད་ནས་རྒྱ་ནག་གི་དབང་བསྒྱུར་འོག་གནས་ཐུབ་པའི་གདེང་སྤོབས་མེད་སྟབས།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་གི་གསར་འགྱུར་གཞུང་ལས་ཁང་ནས་ཐེངས་འདིར་སླར་ཡང་སེམས་འཁྲུག་དང་བྲེལ་ཟིང་ཆེན་པོའི་ཐོག་ནས་བོད་ལྗོངས་ཀྱི་རྒྱབ་ཤ་དཀར་པོའི་དེབ། ཟེར་བ་བཏོན་ཡོད། བོད་པའི་བཙུན་མ་ཞིག་གིས་གཙོས་བོད་མི་ ༡༣༧ གིས་རང་ལུས་མེར་སྲེག་བཏང་བ་དེ་དག་གིས་རང་ཡུལ་བོད་ནང་གི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་པ་དེར་བོད་མི་ཚོས་སེམས་སྡུག་ཆེན་པོ་བྱེད་བཞིན་ཡོད་པ་དང་། རྒྱ་གཞུང་ལ་མི་དགའ་བའི་བསམ་བློ་ཤུགས་ཆེ་ཡོད་པ་གསལ་སྟོན་བྱེད་བཞིན་ཡོད།

ཕྱི་ལོ་ ༡༩༩༠ འགོ་སྟོད་ནས་བཟུང་ད་བར་རྒྱ་ནག་གཞུང་གིས་བོད་ལྗོངས་ཀྱི་རྒྱབ་ཤ་དཀར་པོའི་དེབ། ཟེར་བ་ཐེངས་ ༡༣ བཏོན་ཡོད། དེ་ནི་པེ་ཅིང་གཞུང་གིས་ཕྱི་ལོ་ ༡༩༩༠ ནས་ད་བར་ལོ་གཉིས་རེའི་མཚམས་སུ་བོད་ཐོག་རྒྱབ་ཤ་དཀར་པོའི་དེབ་ཐེངས་རེ་བཏོན་པ་ལྟ་བུ་ཆགས་ཡོད། སྤྱིར་རྒྱབ་ཤ་དཀར་པོའི་དེབ་ཅེས་པའི་གོ་དོན་ནི། ཆེས་རྙོག་གཞི་ཅན་གྱི་གནད་དོན་ལ་གཞུང་གི་དབང་ཚད་ལྡན་པའི་ལམ་སྟོན་ཡིག་ཆའམ། དངོས་ཟོག་ཚོང་རྒྱུའི་དྲིལ་བསྒྲགས་ཡིག་ཆ་ཞིག་ལ་ཟེར་བ་ཡིན། བོད་ཐོག་རྒྱ་ནག་གཞུང་གིས་དབང་བསྒྱུར་བྱ་རྒྱུའི་ཐོབ་དབང་ཡོད་ཚུལ་བཤད་པ་དེར་ངོས་ལེན་བྱེད་མཁན་ཡོང་རྒྱུར་ཧ་ཅང་དཀའ་ངལ་འཕྲད་བཞིན་ཡོད་སྟབས། རྒྱ་ནག་གཞུང་གིས་བོད་ཐོག་རྒྱབ་ཤ་དཀར་པོའི་དེབ་ཟེར་བ་ཐེངས་ ༡༣ པ་དེ་འདོན་སྤེལ་བྱེད་དགོས་ཐུག་ཡོད། བོད་ལྗོངས་རྒྱབ་ཤ་དཀར་པོའི་དེབ་ཟེར་བ་དེ་ད་ཆ་ཧ་ཅང་མང་དྲགས་པ་དང་ཡིད་རྟོན་མི་རུང་ཞིང་། བོད་ནང་གི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་པ་དེ་དག་འགེབས་སྲུང་བྱ་རྒྱུར་ཕྱིས་དྲགས་པ་རེད།

ཉེ་ལམ་ཨ་རིའི་ཕྱི་སྲིད་ལས་ཁུངས་དང་རྒྱ་ནག་ཐོག་ཨ་རིའི་གྲོས་ཚོགས་ཀྱི་རྟོག་ཞིབ་ཚོགས་པ། འགྲོ་བ་མིའི་ཐོབ་ཐང་རྟོག་ཞིབ་ཚོགས་པ། རྒྱལ་སྤྱིའི་ཉེས་ཡངས་ཚོགས་པ། རྒྱལ་མཚམས་མེད་པའི་གསར་འགོད་མཐུན་ཚོགས། དེ་བཞིན་གཞུང་འབྲེལ་མིན་པའི་ཚོགས་པ་བཅས་ཀྱིས་རྒྱ་ནག་གཞུང་གིས་བོད་མིའི་ཆབ་སྲིད་རང་དབང་ཐོག་དམ་བསྒྲགས་བྱས་པ་དང་། དཔལ་འབྱོར་དབྱེ་འབྱེད་དང་སྤྱི་ཚོགས་ཟུར་འབུད་བྱས་པ། དེ་བཞིན་བོད་མིའི་རིག་གཞུང་དང་ཁོར་ཡུག་རྩ་མེད་བཟོ་བཞིན་ཡོད་པ་གསལ་སྟོན་གནང་ཡོད་པ་མ་ཟད། རྒྱ་རིགས་ཚན་རིག་པ་ཚོས་ཀྱང་འཛམ་གླིང་གི་སྣེ་གསུམ་པའམ་མཐོ་སྒང་བོད་ཀྱི་ཁོར་ཡུག་ཤུགས་ཆེ་ཉམས་གུད་འགྲོ་བཞིན་པའི་གནད་དོན་གླེང་སློང་བྱས་ཡོད།

རྒྱ་ནག་གཞུང་གིས་ད་བར་བོད་ཐོག་བོད་ལྗོངས་རྒྱབ་ཤ་དཀར་པོའི་དེབ་ཟེར་བ་ ༡༢ བཏོན་ཟིན་པ་རྣམས་དང་མི་འདྲ་བར་ཐེངས་འདིའི་རྒྱབ་ཤ་དཀར་པོའི་ནང་། སྔ་ལོ་བོད་མིའི་སྒྲིག་འཛུགས་ཀྱིས་རྒྱལ་སྤྱིའི་སྟེང་རྣམ་པ་གསར་པའི་ཐོག་དབུ་མའི་ལམ་གྱི་གོ་རྟོགས་ལས་འགུལ་སྤེལ་ཡོད་པ་དེར་སྐྱོན་བརྗོད་ཤུགས་ཆེ་བྱས་ཡོད། འོན་ཀྱང་དེ་ནི་ཕྱིས་དྲགས་ཡོད། རྒྱ་ནག་གཞུང་གིས་དབུ་མའི་ལམ་གྱི་སྲིད་བྱུས་ཐོག་ནས་བོད་མི་ཚོས་རང་བཙན་རྩོད་བཞིན་ཡོད་སྐོར་ལོག་འགྲེལ་བྱས་ཡོད་པ་དེ་ནི་ཆེད་མངགས་གཞན་དག་མགོ་བོ་རྨོངས་སུ་འཇུག་རྒྱུའི་ཐབས་ལམ་ཞིག་ལས་མ་འདས། འཁྱོག་བཤད་འདི་ལྟ་བུ་བྱ་རྒྱུ་ལས་རྒྱ་ནག་གཞུང་ལ་ཐབས་ལམ་གཞན་རྙེད་མེད། དབུ་མའི་ལམ་གྱི་སྲིད་བྱུས་འདི་ནི་བོད་མི་ཚོར་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་གི་གནས་བབ་གཅིག་ཐོབ་ཐབས་བྱེད་བཞིན་ཡོད་པ་དེ་ནི་གཉིས་སྨན་གྱི་ཐབས་ལམ་ཞིག་ཡིན། དེར་བརྟེན་སྲིད་གཞུང་མང་པོས་སྲིད་བྱུས་འདིར་སྔགས་བརྗོད་ཞུ་བཞིན་ཡོད་པ་མ་ཟད། འཛམ་གླིང་ཁྱོན་ཡོངས་སུ་ཐབས་ལམ་འདིར་དགའ་མོས་ཆེན་པོ་བྱེད་བཞིན་ཡོད། ལྷག་པར་དུ་དབུ་མའི་ལམ་གྱི་སྲིད་བྱུས་ཀྱི་དོན་ཚན་འགའ་ཤས་གླེང་སློང་བྱས་ཡོད་པ་རྣམས་དྲ་ཐག་  འདི་དང་། འདི་ནས་གཟིགས་ཐུབ།

ཐེངས་འདིར་དེ་སྔའི་བོད་ལྗོངས་རྒྱབ་ཤ་དཀར་པོའི་དེབ་ཟེར་བ་དེ་དག་དང་མི་འདྲ་བར་༸གོང་ས་མཆོག་ནས་རྒྱ་ནག་གཞུང་དང་ལྷན་འབྲེལ་བ་མཛད་རྒྱུའི་ཀུན་སློང་ལ་ཟུར་ཟ་དང་མཚན་སྨད་བྱས་ཡོད། ༸གོང་ས་༸སྐྱབས་མགོན་ཆེན་པོ་མཆོག་ནི་བོད་མི་ཙམ་མ་ཟད། འཛམ་གླིང་ཁྱོན་ཡོངས་སུ་ཧ་ཅང་གུས་བཀུར་དང་ཆེ་བསྟོད་ཞུ་ཡུལ་གྱི་སྐྱེས་ཆེན་དམ་པ་ཞིག་ཡིན་སྟབས། ༸གོང་ས་མཆོག་གི་ཀུན་སློང་དང་དགོངས་པ་བཞེས་ཕྱོགས་ལ་རྒྱ་ནག་གཞུང་ནས་ངོས་འབྱོར་གང་ཡང་ཐོབ་དགོས་ཀྱི་མེད། ༸གོང་ས་ཏཱ་ལའི་བླ་མ་མཆོག་ནི་རྩོད་མེད་ཡོངས་གྲགས་ཀྱི་བོད་མིའི་དབུ་ཁྲིད་གཅིག་ཡིན་པ་མ་ཟད། འཛམ་གླིང་ཁྱོན་དུ་རྒྱ་རིགས་ཚོས་ཀྱང་ཡིད་སྨོན་ཞུ་ཡུལ་ཞིག་ཡིན།

གསར་འགོད་ཚན་པ་ཁག་གིས་ཡང་སེ་འགྲེལ་བརྗོད་བྱས་ཡོད་པ་ལྟར་ན། གསར་འགོད་པ་རྣམས་བྱང་ཀོ་རི་ཡ་ལས་བོད་ནང་དུ་འགྲོ་རྒྱུར་དམ་བསྒྲགས་ཆེ་བ་ཡོད་སྐོར་བརྗོད་བཞིན་ཡོད། བྱང་ཀོ་རི་ཡ་ནི་རྒྱ་ནག་གི་མཐུན་ཕྱོགས་རྒྱལ་ཁབ་གཅིག་ཡིན། བོད་ཐོག་རྒྱབ་ཤ་དཀར་པོའི་དེབ་འདོན་རྒྱུའི་ཚབ་ཏུ་རྒྱ་ནག་གཞུང་གིས་བོད་ནང་རྒྱལ་སྤྱིའི་འགྲོ་བ་མིའི་ཐོབ་ཐང་རྟོག་ཞིབ་ཚོགས་པ་དང་གསར་འགོད་པ་འགྲོ་རྒྱུའི་ཐོབ་ཐང་སྤྲད་ནས་ཁོང་རྣམ་པས་འཛམ་གླིང་མི་མང་ཚོར་བོད་ནང་གི་དངོས་ཡོད་གནས་སྟངས་ཇི་ཡིན་གྱི་སྙན་ཐོ་དང་དཔང་པོ་བྱེད་འཇུག་དགོས།

དབུས་བོད་མིའི་སྒྲིག་འཛུགས་ནས་ཕྱི་ལོ་ ༢༠༡༥ ཟླ་ ༤ ཚེས་ ༡༥ ལ།

དགོངས་མངའ་བཞིན་ཆོས་ཀྱི་སློབ་དཔོན་ཆེན་པོ་ལི་ཐང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་ལ། རྒྱ་གཞུང་གིས། ཕྱི་ལོ་ ༢༠༠༢ ཟླ་ ༤ ཚེས་ ༣ ཉིན་སི་ཁྲོན་ཞིང་ཆེན་གྱི་ལྟེ་གནས་གྲོང་འཁྱེར་ཁྲེང་ཏུའི་ཐན་ཕུ་ཐང་ཆེན་དུ་འབར་རྫས་གས་འཐོར་བྱུང་བ་དེའི་ངན་ཁག་གཡོགས་ནས། ཕྱི་ལོ་ ༢༠༠༢ ཟླ་ ༤ ཚེས་ ༧ ཉིན་འཇུ་བཟུང་བྱས་ཡོད། ཕྱི་ལོ་ ༢༠༠༢ ཟླ་ ༡༢ ཚེས་ ༢ དར་རྩེ་མདོ་དཀར་མཛེས་བོད་རིགས་རང་སྐྱོང་ཁུལ་འབྲིང་རིམ་མི་དམངས་ཁྲིམས་ཁང་ཟེར་བས། རིན་པོ་ཆེ་ལ། གོང་བརྗོད་འབར་རྫས་གས་འཐོར་དང་མེས་རྒྱལ་ཁ་བྲལ་གཏོང་རྒྱུའི་ངན་སྐུལ་བྱས་པ་སོགས་ཀྱི་འཁྱོག་བཤད་སྣ་ཚོགས་བྱས་ཏེ། ཁོང་གི་སློབ་མ་བློ་བཟང་དོན་གྲུབ་འཕྲལ་དུ་སྲོག་ཐོག་གཏོང་རྒྱུ་དང། རིན་པོ་ཆེ་ལ་ལོ་གཉིས་ནར་འགྱངས་ཀྱིས་སྲོག་ཐོག་གཏོང་རྒྱུའི་ཁྲིམས་ཐག་བཅད་ཡོད། དེར་བརྟེན་རིན་པོ་ཆེའི་གཉེན་ཚན་དང་ཉེ་འབྲེལ་ཁག་གཅིག་གིས། དྲང་བདེན་མིན་པའི་ཁྲིམས་ཆད་དེ་ཁྲིམས་ཁང་གོང་མར་གཏུགས་བཤེར་བྱས་ཀྱང་གོང་གཏུགས་ཕྱིར་ལོག་བྱས། ཕྱི་ལོ་ ༢༠༠༣ ཟླ་ ༡ ཚེས་ ༢༦ ཉིན་སི་ཁྲོན་ཞིང་ཆེན་མཐོ་རིམ་ཁྲིམས་ཁང་གིས། དཀར་མཛེས་འབྲིང་རིམ་ཁྲིམས་ཁང་གིས་ཁྲིམས་ཆད་གཞིར་བཞག་སྟེ་བློ་བཟང་དོན་གྲུབ་སྲོག་ཐོག་བཏང་བ་དང་། རིན་པོ་ཆེ་ལོ་གཉིས་དུས་འགྱངས་ཀྱིས་སྲོག་ཁྲིམས་གཅོད་རྒྱུ་རང་འཇགས་བཞག ཕྱི་ལོ་ ༢༠༠༥ ཟླ་ ༡ ཚེས་ ༢༤ ཉིན་རིན་པོ་ཆེའི་སྲོག་ཁྲིམས་དེ་ཚེ་བཙོན་ལ་བསྒྱུར་བ་ནས་ད་ལྟའི་བར། མི་ལོ་ ༡༡ རིང་བཟང་ཕྱོགས་ཀྱི་འགྱུར་བ་གང་ཡང་ཕྱིན་མེད།
རིན་པོ་ཆེ་བཙོན་འཇུག་བྱས་ནས་བཟུང་ནང་མི་སྤུན་མཆེད་ཚོས་ཁོང་དང་ཐུག་འཕྲད་ཐེངས་བདུན་ལྷག་ཙམ་བྱས་ཡོད་པ་དང། ལོ་སྔོན་མའི་ཕྱི་ཟླ་ ༨ ཚེས་ ༡༦ ཉིན་སི་ཁྲོན་ཞིང་ཆེན་གྱི་ལྟེ་གནས་གྲོང་འཁྱེར་ཁྲེང་ཏུའུ་དང་ཉེ་བའི་ཏའ་ཀྲུའུ་གྲོང་འཁྱེར་ཁྲོན་ཏུང་བཙོན་ཁང་དུ་ཐུག་འཕྲད་བྱས་ཡོད། སྐབས་དེར་རིན་པོ་ཆེ་དང་ལྷན་དུ་ཆུ་ཚོད་ཕྱེད་ཀ་ཙམ་གྱི་རིང་ལ་བཀའ་མོལ་ཞུས་ཡོད་ཅིང། མཐར་རིན་པོ་ཆེ་མཆོག་གིས་ཐུག་འཕྲད་ལ་ཡོང་མཁན་གཉིས་ལ་ཕྱག་བྲིས་ཤིག་གནང་ནས། ༼ངས་རྒྱ་ནག་གི་ཁྲིམས་དང་འགལ་བའི་ལས་དོན་ཏིལ་འབྲུ་ཙམ་ཡང་བྱས་མེད། ཁྱེད་རང་ཚོས་གོང་རིམ་ག་འདྲ་ཞིག་ལའང་ཞུ་གཏུག་བྱེད་ཐུབ་ན་བྱོས། ཡི་གེ་དེ་འཁྱེར་ནས་ལས་ཁུངས་གང་སར་ཞུ་གཏུགས་བྱོས་༽ ཞེས་བཀའ་ནན་ཕེབས་ཡོད་རུང། སྟབས་མ་ལེགས་པར་ཞིག་ལ་ཕྱག་བྲིས་དེ་ཉག་ཆུ་རྫོང་གི་ས་གནས་ཉེན་རྟོག་པས་འཕྲོགས་ཡོད་པ་དང། དེ་ནས་རིན་པོ་ཆེ་དང་ཐུག་འཕྲད་བྱེད་མཁན་ཚོས་ཉེན་རྟོག་པ་དང་ཁ་རྩོད་བརྒྱབ་མཐར། རྗེས་སུ་ཐུག་འཕྲད་བྱེད་མཁན་གཉིས་ཀྱི་ལག་ཏུ་གཏོང་རྒྱུའི་ཁས་ལེན་བྱས་ཡོད་ཀྱང་སྤྲད་མེད། ཐུག་འཕྲད་ལ་འགྲོ་མཁན་རིམ་པས། རིན་པོ་ཆེ་ལ་སྙིང་གི་ན་ཚ་ཕོག་ཡོད་པ་དང་ཁོང་གློ་བུར་དྲན་མེད་དུ་བརྒྱལ་སོང་བའི་གནས་ཚུལ་སོགས་ཤེས་རྟོགས་བྱུང་འདུག རིན་པོ་ཆེ་ཉིད་དང་རྒྱ་གཞུང་གི་ལས་བྱེད་ཚོས་ཀྱང་རིན་པོ་ཆེ་ལ་ན་ཚ་ཡོད་སྐོར་བརྗོད་ཡོད། ད་དུང་ཞབས་གཉིས་ཀྱང་ཐང་ཐང་མེད་པ་ཆགས་ཡོད་འདུག་པ་དང། དེ་ཡང་ཐུག་འཕྲད་བ་ཚོས་རིན་པོ་ཆེ་དང་ཁ་གྱེས་སྐབས། རིན་པོ་ཆེ་རྟག་ཏུ་རྐུབ་སྟེགས་ཐོག་ཕེབས་དགོས་པ་ཤེས་རྟོགས་བྱུང་ཡོད།

ཉེ་དུས་ཕྱི་ལོ་ ༢༠༡༣ ཟླ་ ༡༡ ཚེས་ ༦ ཉིན་སླར་ཡང་ཐུག་འཕྲད་བྱས་ཐུབ་ཡོད་པ་དང་བསྟུན་ནས། རིན་པོ་ཆེ་དང་ལྷན་དུ་ཆུ་ཚོད་གཉིས་ཙམ་གྱི་རིང་ལ་བཀའ་མོལ་ཞུས་ཡོད། སྐབས་དེར་རིན་པོ་ཆེ་མཆོག་གིས། ༼ངའི་དོན་དུ་ཁྱེད་ཚོས་གོང་རིམ་ལ་ཞུ་གཏུག་བྱེད་གང་བྱེད་དགོས་ན་བྱོས་ཤིག ལ་ལས་གོང་རིམ་ལ་ཞུ་གཏུག་དང་ལས་འགུལ་སོགས་སྤེལ་ན། ངའི་གནས་སྟངས་སྡུག་ཏུ་འགྲོ་སྲིད་པའི་སྐོར་ཤོད་མཁན་ཡོད་ཚོད་འདུག་ཀྱང་། ང་ད་ལྟའི་སྐབས་ལྷུང་ས་མེད་ན་མ་གཏོགས་ལྷུང་ཚར་བ་རེད། ཞུ་གཏུག་དང་ལས་འགུལ་སོགས་གང་ཞིག་བྱེད་དགོས་ཀྱང་བྱོས་༽ ཞེས་གསུངས་ཡོད་པ་དང། དེ་བཞིན་ཐུག་འཕྲད་འགྲོ་མཁན་མི་གསུམ་གྱིས་དངོས་སུ་མཇལ་བ་ལྟར། རིན་པོ་ཆེ་མཆོག་གི་སྐུ་གཟུགས་ཀྱི་གནས་སྟངས་ཧ་ཅང་སྐྱོ་པོ་ཆགས་ཡོད་པ་དང། བཀའ་མོལ་གནང་དུས་སྐུ་གཟུགས་འདར་གསིག་རྒྱག་པ་དང་མཚམས་མཚམས་དྲན་མེད་དུ་བརྒྱལ་བ་སོགས་གནས་ཚུལ་ཛ་དྲག་ཅན་དུ་གྱུར་ཡོད་པས། སྐུ་ཚེ་ཡུན་དུ་བཞུགས་མིན་ཐོག་ལ་སེམས་འཚབ་སྐྱེ་དགོས་པའི་གནས་སྟངས་ཤིག་ཆགས་ཡོད།

༼འབོད་སྐུལ་ཞུ་རྒྱུ་༽

གོང་དུ་རིན་པོ་ཆེ་དང་དངོས་སུ་ཐུག་མཁན་ཚོས་ཁོང་གི་སྐུ་གཟུགས་གནས་བབ་འགྲེལ་བརྗོད་ཟིན་པ་ལྟར། རྒྱལ་སྤྱིའི་གཞུང་དང་གཞུང་འབྲེལ་མ་ཡིན་པའི་ཚོགས་པ་ཁག་དང་། མི་སྒེར། བཙན་བྱོལ་བོད་མིའི་སྒྲིག་འཛུགས་དང་གཞུང་འབྲེལ་མ་ཡིན་པའི་ཚོགས་པ་དང་མི་སྒེར་བཅས་ཚང་མས། རབ་ཏུ་བྱུང་ན་རིན་པོ་ཆེ་ཕྱི་ཡི་རྒྱལ་ཁབ་ཅིག་ཏུ་སྨན་བཅོས་ལ་གཏོང་ཐུབ་པའི་རྒྱབ་སྐྱོར་གནང་རོགས་ཞུ་རྒྱུ་དང་། དེ་མ་བྱུང་ན་ཕ་ཡུལ་རང་དུ་སྨན་བཅོས་ཀྱི་ཆེད་དུ་གློད་བཀྲོལ་ཡོང་བར་ངེས་པར་དུ་རྒྱབ་སྐྱོར་གནང་རོགས་ཞུ་རྒྱུ་ཡིན། དེ་ཡང་ད་ལྟའི་སྐབས་རིན་པོ་ཆེའི་དགུང་ལོའི་བབ་དང་བཙོན་ཁང་དུ་ཡུན་རིང་བཞུགས་དགོས་བྱུང་བ་བཅས་བརྟེན་ནས། འབྲེལ་ཡོད་བོད་མི་ཁྲི་ཚོ་མང་པོས་ཉིན་མཚན་འཁྱོལ་དཀའ་བའི་དཀའ་སྡུག་གི་ཁྲོད་དུ། གང་མགྱོགས་ཁོང་གི་ཞལ་མཇལ་ཐུབ་པ་དང་སྨན་བཅོས་ཀྱི་ཆེད་དུ་གློད་བཀྲོལ་ཡོང་བའི་མངོན་འདོད་བཅངས་ཏེ་གནས་ཡོད་པས། ཁོང་རྣམས་ཀྱི་རེ་འདུན་སོགས་མྱུར་དུ་འགྲུབ་པའི་རྒྱབ་སྐྱོར་གྱི་ལས་འགུལ་སོགས་ལག་བསྟར་སྐྱབས་འཇུག་ཅིས་ནས་ཀྱང་གནང་སྐྱོང་ཡོང་བར་ཞུ།
ཞེས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་ཞབས་ཞུ་ཚོགས་པ་ནས།
ཕྱི་ལོ་ ༢༠༡༣ ཟླ་ ༡༡ ཚེས་ ༢༥ ཉིན། །

འབྲེལ་གཏུག་ཁ་པར་ཨང་གྲངས། དགེ་བཤེས་ཉི་མ་་་་་་༨༦༧༩༥༩༢༡༥༢
འཇམ་དབྱངས་བཟོད་པ་་་༩༨༡༦༢༡༧༧༤༣

༄༅། །ཕྱི་ལོ་༢༠༡༣ ཟླ་༧ ཚེས་ ༢༠ ཉིན་སྔ་དྲོའི་ཆུ་ཚོད་༨།༤༠ ཙམ་ལ་སི་ཁྲོན་ཞིང་ཆེན་ཨ་མདོ་རྔ་པ་ཁུལ་མཛོད་དགེ་རྫོང་ཐང་སྐོར་སོག་ཚང་དགོན་བཀྲ་ཤིས་ཐེག་ཆེན་གླིང་གི་གྲྭ་དཀོན་མཆོག་བསོད་ནམས་ལགས་ཀྱིས་དགོན་པའི་ཞོགས་ཚོགས་གྲོལ་ནས་ཡོང་སྐབས། ལམ་བར་དུ་སྐུ་ལུས་མེར་བསྲེགས་གནང་ཡོད་པ་དང་། དགེ་འདུན་པ་ཚོས་མཐོང་དུས་མེ་ལྕེ་དྲག་པོ་འབར་བཞིན་པའི་ཁྲོད་དུ་ཁོང་གིས་ལག་གཉིས་ཐལ་མོ་སྦྱར་ཏེ་ངག་ནས་མང་པོ་ཞིག་རྗོད་ཀྱིན་སར་འགྱེལ་ནས་སྐུ་གྲོངས་ཡོད་པའི་གནས་ཚུལ་ཐོན་ཡོད།

ཁོང་དགུང་ལོ་༡༨ ཡིན་འདུག་པ་དང་། འཁྲུངས་ཡུལ་ནི་སི་ཁྲོན་ཞིང་ཆེན་ཨ་མདོ་རྔ་པ་ཁུལ་མཛོད་དགེ་རྫོང་ཐང་སྐོར་སོག་ཚང་སྡེ་བའི་ཕ་བསོད་ནམས་དཔལ་ལྡན་ལགས་དང་། མ་ལན་ཕྲུག་ལགས་གཉིས་ཀྱི་སྲས་སུ་ཕྱི་ལོ་༡༩༩༥ ལོར་སྐུ་འཁྲུངས་པ་ཞིག་ཡིན་འདུག

ཁོང་གིས་སྐུ་ལུས་མེར་སྲེག་གནང་རྗེས་རྒྱ་ནག་གི་ཉེན་རྟོག་པ་དང་དམག་མི་མང་པོས་དགོན་པ་བསྐོར་ཏེ་སྐུ་ཕུང་རྩིས་སྤྲོད་དགོས་པའི་བཙན་བཀའ་བཏང་ཡོད་ཀྱང་། སྐབས་དེར་ཨར་སྐྱ་ཞེས་པའི་གནས་རིར་མང་ཚོགས་ཀྱིས་བསང་གསོལ་གཏོང་ས་ནས་གནས་ཚུལ་དེ་གོ་མ་ཐག་མང་ཚོགས་༡༥༠༠ ཙམ་དགོན་པར་འབྱོར་ནས་སྐུ་ཕུང་རྒྱ་ལག་ཏུ་ཤོར་མ་བཅུག་པར་ལྷ་ཁང་ཞིག་ཏུ་གདན་དྲངས་ཏེ་གྲྭ་མང་གིས་བསྔོ་སྨོན་གསུངས་པ་དང་། ས་གནས་མང་ཚོགས་ཀྱིས་རྒྱ་གཞུང་ལ་སྐུ་ཕུང་རྩིས་མ་སྤྲད་པ་དང་སྤྱི་ཡོངས་གནས་སྟངས་ལ་དྲག་གནོན་བྱས་ཏེ་ཛ་དྲག་གི་གནས་སྟངས་འོག་ཡོད་པ་མ་ཟད་བརྒྱུད་ལམ་ཚང་མ་བཀག་འགོག་ཀྱང་བྱས་ཡོད་འདུག

ཁོང་ནི་རང་རེའི་རྩ་དོན་གྱི་སླད་དུ་སྐུ་སྲོག་བློས་བཏང་གནང་མཁན་གྱི་རྒྱལ་གཅེས་དཔའ་བོ་༡༢༠ པ་དེ་ཡིན་ལ། ཕྱི་ལོ་༢༠༠༩།༢།༢༧ ནས་ ༢༠༡༣།༧།༢༡ བར་བོད་མི་མང་སྤྱི་འཐུས་ལྷན་ཚོགས་ཀྱིས་ཤེས་རྟོགས་གསལ་པོ་བྱུང་བ་ནི། བོད་ནང་རང་ལུས་མེར་སྲེག་གནང་མཁན་ ༡༢༠ བྱུང་བ་ལས་འདས་གྲོངས་སུ་གྱུར་པ་གྲངས་ ༡༠༣ ཆགས་ཡོད། བཙན་བྱོལ་བོད་མིའི་སྒྲིག་འཛུགས་དང་བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས། རང་ལུས་མེར་སྲེག་ཐད་གསར་འགོད་བསྒྲགས་གཏམ་སོགས་རིམ་སྤེལ་བྱས་པའི་ནང་། བོད་ནང་རང་ལུས་མེར་སྲེག་དེ་ལྟར་ཕོན་ཆེན་བྱུང་དོན་ནི། རྒྱ་ནག་གཞུང་གིས་བོད་ཡུལ་བཙན་བཟུང་བྱས་པ་ནས། བོད་ཡུལ་དང་བོད་མི་རིགས། ཆོས་དང་སྐད་ཡིག གོམས་གཤིས་དང་ཡུལ་སྲོལ་སོགས་རྩ་མེད་དུ་གཏོང་བཞིན་པའི་མཁྲེགས་འཛིན་གྱི་སྲིད་བྱུས་ལས་བྱུང་བ་ཡིན་པ་བསྒྲགས་ཡོད་ལ་ད་དུང་ཡང་ནན་བརྗོད་བྱེད་རྒྱུ་ཡིན།

རྒྱ་ནག་གཞུང་གིས་བོད་ནང་རང་ལུས་མེར་སྲེག་ནམ་བྱུང་ཚེ། ཐོག་མར་རྩ་བ་ནས་སྦས་ཐབས་བྱས་པ་དང་། ཡང་ན་ནང་མི་དང་ཉེ་འབྲེལ། དགོན་གྲོང་ཁག་ལ་སྡིག་སྐུལ་དང་ལྐོག་རྔན་སྤྲོད་ཐབས་ཀྱིས་གནས་ཚུལ་ཕྱིར་བསྒྲགས་མ་འགྲོ་བར་ཐབས་ཤེས་བྱས་ཡོད། དེ་ཡང་མ་བྱུང་སྟེ་ཕྱི་ཕྱོགས་སུ་ཡོད་པའི་༧གོང་ས་༸སྐྱབས་མགོན་ཆེན་པོ་མཆོག་དང་། བོད་མིའི་སྒྲིག་འཛུགས། བོད་དོན་རྒྱབ་སྐྱོར་བྱེད་མཁན་གྱི་སྲིད་གཞུང་ཁག་གིས་རང་ལུས་མེར་སྲེག་ལ་སྐུལ་སློང་བྱེད་ཀྱི་ཡོད་པའི་ངན་ཁག་དཀྲིས་ཐབས་དང་དྲིལ་བསྒྲགས་ལོག་འགྲེལ་བརྒྱབས་པ་དང་། བོད་ནང་རང་ལུས་མེར་སྲེག་གནང་མཁན་ལ་སྐུལ་སློང་བྱེད་མཁན་དོགས་ཡོད་ཉེས་ཅན་པར་བསྙད་ནས། དཔང་རྟགས་དང་བདེན་དཔང་གང་ཡང་མེད་པའི་སྒོ་ནས་བོད་མི་མང་པོ་སྡེབ་བཟུང་གིས་སྲོག་ཁྲིམས་དང་ལོ་གྲངས་རྒྱས་བཅད་ཀྱིས་ཁྲིམས་ཐག་བཅད་དང་གཅོད་བཞིན་ཡོད་པ་དང་། རང་སྲེག་བྱུང་བའི་ས་ཁུལ་གང་སར་དྲག་གནོན་དང་བསུན་བཙིར་དམ་དྲག་བྱེད་བཞིན་པ་དེ་དག་ལ་མཐའ་གཅིག་ཏུ་ངོ་རྒོལ་བྱེད་རྒྱུ་ཡིན་ལ། རྒྱ་གཞུང་གིས་བོད་མི་ཚོས་རང་ལུས་མེར་སྲེག་གནང་དོན་ལ་ཞིབ་འཇུག་བྱས་ཏེ།  བོད་མི་མང་གི་བསམ་ཚུལ་མཚོན་པའི་མཐུན་ཕྱོགས་ཀྱི་སྐད་ཆ་ཚིག་འབྲུ་གཅིག་ཀྱང་མི་བཤད་པར་དེ་ལས་ལྡོག་སྟེ་ཕྱི་ཕྱོགས་ཁོ་ནར་ངན་ཁག་དཀྲི་ཐབས་བྱས་དང་བྱེད་བཞིན་པར་ནམ་ཡང་ངོས་ལེན་བྱེད་ཐབས་མེད་ཅེས་ནན་བརྗོད་བྱེད་རྒྱུ་ཡིན།
ད་དུང་ནན་བརྗོད་བྱེད་དགོས་པ་ཞིག་ལ། སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་སྔ་ཕྱིའི་ཐོག གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་རིམ་པར་བཞག་པའི་ནང་། བོད་མི་ཚོས་རང་ལུས་མེར་སྲེག་བྱེད་དགོས་དོན་དང་། ཁོང་ཚོའི་ངོ་རྒོལ་དང་རེ་འདུན་གྱི་འབོད་ཚིག ཞལ་ཆེམས་བཞག་པ་ཁག་ལ་ངེས་པར་དུ་རྒྱ་གཞུང་གིས་ཞིབ་འཇུག་བྱས་ཏེ་དཀའ་རྙོག་སེལ་དགོས་པ་དང་། མཉམ་འབྲེལ་རྒྱལ་ཚོགས་གཙོས་སྲིད་གཞུང་ཁག་གི་གྲོས་ཆོད་ཡིག་ཐོག་ཙམ་དུ་མིན་པར། རྒྱལ་སྤྱིའི་རང་དབང་ལྡན་པའི་རྟོག་ཞིབ་ཚོགས་ཆུང་བོད་དུ་གཏོང་ཐབས་ཡོང་བ། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་མིའི་གྲས་སུ་ཡོད་པའི་རྒྱལ་ཁབ་ ༤༧ གྱི་ཚོགས་མི་རྣམས་ནས་བོད་དོན་ཆེད་དམིགས་བསལ་ཛ་དྲག་གི་ལྷན་ཚོགས་ཤིག་ཚོགས་སྐྱོང་ཡོང་བའི་འབོད་སྐུལ་ཞུས་ཡོད་པ་བཞིན། ཐེངས་འདིའི་གསར་འགོད་བསྒྲགས་གཏམ་འདི་དང་འབྲེལ་ནས་ལག་བསྟར་ཡོང་བའི་རེ་སྐུལ་ནན་མོ་ཞུ་རྒྱུ་ཡིན། ཞེས་བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༢༠༡༣ ཟླ་ ༧ ཚེས་ ༢༢ ཉིན་སྤེལ།།

༄༅། ། ཉེ་ཆར་སྐབས་བཅོ་ལྔ་པའི་བོད་མི་མང་སྤྱི་འཐུས་གྲོས་ཚོགས་ཚོགས་དུས་ལྔ་པའི་ཐོག་བཀུར་འོས་སྤྱི་འཐུས་ཤིག་གིས་༸གོང་ས་༸སྐྱབས་མགོན་ཆེན་པོས་ལྗགས་རྩོམ་གནང་བའི་བདེན་གསོལ་སྨོན་ཚིག་ནང་ “ཡོངས་རྫོགས་བོད་ལྗོངས་རང་དབང་གཙང་མའི་དཔལ།།” ཞེས་པ་དང་། ལྷ་མོའི་འཕྲིན་བསྐུལ་དུ་ “རང་དབང་དཔལ་ལ་རེ་བཞིན་རྟག་གནས་ན།།” ཞེས་པ་དང་། གནས་ཆུང་འཕྲིན་བསྐུལ་དུ་ “ཆོས་སྲིད་རང་དབང་དགའ་སྟོན་སྒྲུབས་ཤིག་ཀྱེ།།” ཞེས་པ་དང་། དེ་བཞིན་བོད་སྐྱོང་ལྷ་སྲུང་སྤྱིའི་འཕྲིན་བསྐུལ་དུ་ “ཆོས་སྲིད་རང་དབང་གཙང་མའི་སྣང་བའི་དཔལ།།” ཞེས་གསུངས་པ་དེ་དག་གི་བརྗོད་ཚིག་ཏུ་ཡོད་པའི་ “རང་དབང་” ཞེས་པ་ “རང་བཙན་” གྱི་དོན་ལ་གོ་དགོས་པ་དང་། ༸གོང་ས་མཆོག་གི་ཐུགས་ཀྱི་བཞེད་དགོངས་ངོ་མ་ “བོད་རང་བཙན་” ཡིན་ཚུལ་འགྲེལ་བརྗོད་གནང་འདུགདེ་ལ་སྐབས་དེར་འབྲེལ་ཡོད་མཛད་གཙོ་རྣམ་པས་གསལ་བཤད་ཀྱང་མཛད་འདུག་ནའང་། གོང་དུ་དྲངས་པའི་ཚིག་བརྗོད་དེ་དག་ལྗགས་རྩོམ་གནང་མཁན་༸གོང་ས་མཆོག་སྐུ་ངོ་མ་ཉེ་འགྲམ་དུ་བཞུགས་བཞིན་དུ་ཁོང་གི་གསུང་གི་ཚིག་དོན་ལ་དངོས་དོན་མིན་པའི་འགྲེལ་བཤད་གནང་བ་དེ་ལ་འདི་གའི་འབྲེལ་ཡོད་ནས་གསལ་བཤད་ཅིག་མ་ཞུས་ན། བློ་གྲོས་ཞན་པ་འགའ་ཞིག་མགོ་བོ་རྨོངས་གཞི་དང་། རྒྱ་རིགས་རྣམས་ལ་དྭོགས་འདྲོགས་བསླང་གཞི། ལྷག་པར་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་སྣེ་མོ་བ་མཁྲེགས་བཟུང་བྱེད་མཁན་ཚོས་༸གོང་ས་མཆོག་ཞལ་ཞེ་གཉིས་མེད་དང་ཐུགས་བསམ་རྣམ་དག་མིན་པའི་སྐྱོན་བརྗོད་བྱེད་བཞིན་པ་དེ་ཚོའི་ཁུངས་སྐྱེལ་དན་རྟགས་ལྟ་བུར་འགྱུར་རྒྱུ་མ་ཟད། བྱུང་རབས་ཡིག་ཆའང་གསལ་ཁ་མེད་པ་ཆགས་གཞི་བཅས་ལ་བརྟེན། ད་ལམ་བརྒྱུད་ལམ་ཁག་གི་ཐོག་གསལ་བསྒྲགས་འདི་འགྲེམས་སྤེལ་ཞུས་པ་ཡིན།

“རང་དབང་” ཞེས་པའི་ཚིག་དང་ “རང་བཙན་” ཞེས་པའི་ཚིག་གཉིས་དོན་གཅིག་མིང་གི་རྣམ་གྲངས་མ་ཡིན་པར། གོ་དོན་མི་འདྲ་བ་སོ་སོར་ཡོད་པ་ནི་ཡོངས་གྲགས་ཡིན་པས་ཀུན་གྱིས་མཁྱེན་གསལ་དང་།

ཨིན་སྐད་དུ་ Freedom ཞེས་པ་དང་ Independence ཞེས་པ་གཉིས་མིང་ཚིག་བེད་སྤྱོད་སྤྱི་དང་། ཁྱད་པར་སྲིད་དོན་དང་འབྲེལ་བའི་སྐབས་གོ་དོན་ཧ་ཅང་མི་འདྲ་བ་ཡོད་པ་བཞིན། བོད་སྐད་དུའང་ “རང་དབང་” དང་ “རང་བཙན་” གཉིས་ལ་གོ་དོན་མི་འདྲ་བ་ཡོད་པ་༸གོང་ས་མཆོག་གིས་གསལ་པོ་དགོངས་པའི་ཐོག་ནས་གོང་དུ་དྲངས་པའི་བཀའ་རྩོམ་དེ་དག་གི་ནང་ “རང་དབང་” ཞེས་པའི་ཚིག་ལས་ “རང་བཙན་” ཞེས་པའི་ཚིག་བེད་སྤྱོད་གནང་མེད། གལ་སྲིད་རང་བཙན་ཐུགས་ཀྱི་བཞེད་དགོངས་ཡིན་ན་ཚིག་ཀྱང་དེ་རང་བེད་སྤྱོད་གནང་རྒྱུར་སྡེབ་སྦྱོར་དང་བརྡ་སྤྲོད་གང་གི་ཆ་ནས་མི་བདེ་བ་གཏན་ནས་མེད། ༸གོང་ས་མཆོག་གི་བཞེད་དགོངས་ངོ་མ་གང་ཡིན་ཆེས་གསལ་བ་ཞིག་ནི་༸གོང་ས་མཆོག་གི་བཀའ་རྩོམ་དགའ་གདོང་འཕྲིན་བསྐུལ་དུ་ “མཉེས་གཤིན་བྱམས་བརྩེས་འགྲོགས་ཐབས་འཚེ་མེད་ལམ།། མཐའ་གཉིས་སྤངས་པ་གཉིས་སྨན་དབུ་མའི་ལམ།། འཇིགས་རུང་དྲག་མཚོན་མ་མཆིས་ཞི་བདེའི་ཡུལ།། བསྐྲུན་པའི་ཐབས་ཚུལ་འགྲུབ་པའི་མཐུ་དཔུང་སྐྱེད།།” ཅེས་གསུངས་ཡོད་ཅིང་། འདི་ལས་གསུང་རྩོམ་གཞན་གྱི་དགོངས་དོན་ཡང་དཔོག་ནུས་པ་ལགས་ན། དྲང་བདེན་ལ་ཡིད་ཆེས་ཡོད་པའི་ཕྱི་ནང་མང་ཚོགས་རྣམས་ཀྱིས་གོ་ནོར་མ་ཐེབས་པ་གནང་གལ་ཆེ་བའི་ཡོངས་ཁྱབ་གསལ་བསྒྲགས་སུ།

དེ་ཡང་ཕྱི་ཚེས་ ༡༩ ཉིན་གྱི་སྔ་དྲོ་ཆུ་ཚོད་ ༡༡ ཐོག་གངས་སྐྱིད་སྤྱི་ཐབ་ཡང་སྟེང་ཚོགས་ཁང་དུ་བོད་པའི་གསར་འགོད་པ་ཚོར་ཆོས་རིག་ལས་ཁུངས་ཀྱི་དྲུང་ཆེས་མཆོད་འབུལ་སྨོན་ལམ་དང་འབྲེལ་བའི་གསར་འགོད་གསལ་བསྒྲགས་གནང་དོན།  རྒྱ་ནག་དམར་པོའི་གཞུང་གིས་བོད་བཙན་བཟུང་བྱས་པ་ནས་བཟུང་བོད་ཡུལ་རྒྱ་ཡུལ་དུ་འགྱུར་རྒྱུའི་ཕུགས་ངན་བསམ་བྱུས་ལ་བརྟེན། བོད་མིའི་ངོ་བོའམ་རིག་གཞུང་མི་རིགས་བཅས་པ་རྩ་མེད་གཏོང་རྒྱུའི་སྲིད་བྱུས་མཁྲེགས་བཟུང་བྱེད་པར། གཞིས་བཞུགས་རང་རིགས་རྣམས་ནས་དཔའ་མཛངས་ཆེན་པོས་འཚེ་མེད་ཞི་བའི་ལྟ་གྲུབ་ཀྱི་རྒྱ་ལས་མ་བརྒལ་བའི་ཐོག་ནས་རྒྱ་ནག་གཞུང་གི་སྲིད་བྱུས་དང་དབང་འཛིན་ལ་མི་འདོད་པའི་རྣམ་པ་རྔམ་སྟོན་སོགས་ཀྱི་བརྒྱུད་བསྟན་དང་སྟོན་བཞིན་པ་ནས།

ལྷག་པར་ཕྱི་ལོ་ ༢༠༠༩ ཟླ་ ༢ ཚེས་ ༢༧ ཉིན་ཨ་མདོ་རྔ་བ་ནས་ཡིན་པ་རང་ལོ་ ༢༠ ཅན་གྱི་གྲྭ་བཀྲ་བབྷེ་ལགས་ཀྱིས་རྒྱ་ནག་གཞུང་ལ་ངོ་རྒོལ་དུ་རང་ཉིད་མེར་སྲེག་བཏང་རྗེས། ཕྱི་ལོ་ ༢༠༡༣ ཟླ་ ༢ ཚེས་ ༡༧ བར་དུས་ཡུན་ལོ་ངོ་གསུམ་དང་། ཟླ་བ་བཅུ་གཅིག  ཉིན་གྲངས་བཅུ་བདུན་ནང་གནས་ཚུལ་ཤེས་རྟོགས་ལྟར་བོད་གངས་ཅན་ལྗོངས་སུ་རྒྱལ་གཅེས་དཔའ་བོ་དཔའ་མོ་ ༡༠༢ ནས་བོད་བསྟན་སྲིད་མི་རིགས་ཀྱི་དོན་དུ་རང་ཉིད་མེར་སྲེག་བཏང་བ་མ་ཟད་ ༨༦ ཙམ་རྐྱེན་འདས་སུ་གྱུར་ཡོད། དེས་ན་བསྟན་སྲིད་མི་རིགས་ཆེད་དུ་གཅེས་པའི་སྲོག་ཀྱང་འདོར་བའི་དཔའ་བོ་དཔའ་མོ་རྣམས་ཀྱི་ཚེ་རབས་ཕྲེང་བར་བྱས་བསགས་སྡིག་ལྟུང་མ་ལུས་པ་བྱང་ཞིང་དག་ནས་རྣམ་མཁྱེན་རྒྱལ་བའི་གོ་འཕང་མྱུར་དུ་ཐོབ་པ་དང་།

ཁོང་ཚོའི་རྗེས་བཞུགས་ནང་མི་སྤུན་ཉེ་དང་། ད་ལྟའང་བོད་ནང་བཙོན་འཇུག་མནར་གཅོད་སོགས་དཀའ་སྡུག་མི་ཟད་པ་མྱངས་དང་མྱོང་བཞིན་པའི་རང་རིགས་ཚོ་ལ་བཙན་བྱོལ་བོད་མི་རྣམས་ནས་ཀྱང་གདུང་སེམས་མཉམ་སྐྱེ་དང་སྐྱིད་སྡུག་མཉམ་མྱོང་མཚོན་བྱེད་དུ། བཙན་བྱོལ་བོད་མི་འདུ་སྡོད་ས་གནས་ཐམས་ཅད་དུ་འདི་ཟླའི་ཚེས་ ༢༠ རེས་གཟའ་ལྷག་པ་ཉིན་ཕྱི་དྲོ་ཆུ་ཚོད་ ༣་༠༠ ནས་ ༥་༠༠ བར་ཉིན་བརྒྱ་དུས་གཅིག་ཏུ་སྨོན་ལམ་མཆོད་འབུལ་རྒྱས་པ་ཞིག་འཚོགས་གནང་རྒྱུ་ཡིན། ཞེས་གསར་འགོད་གསལ་བསྒྲགས་གནང་ཡོད་པ་བཅས།།

རྒྱ་གཞུང་གིས་བོད་མིའི་ཐོག་གདུག་རྩུབ་ཅན་གྱི་སྲིད་བྱུས་ལག་བསྟར་བྱེད་བཞིན་ཡོད་པ་མ་ཟད། ཉེ་ཆར་ཡང་བོད་མི་བརྒྱད་དང་འབྲེལ་ཆགས་ནང་མི་ལ་རང་ལུས་མེར་སྲེག་གི་དོན་རྐྱེན་དང་འབྲེལ་བ་ཡོད་སྐོར་གྱི་ཉེས་མིང་འོག་ཁྲིམས་མཐུན་མིན་པའི་བཙོན་འཇུག་གི་ཁྲིམས་ཐག་བཅད་ཡོད་ནའང། ད་དུང་བོད་ནང་རང་ལུས་མེར་སྲེག་གི་ལམ་ནས་རྒྱ་གཞུང་ལ་ཞི་རྒོལ་གནང་དང་གནང་མུས་ཆགས་ཡོད། ད་བར་རང་ལུས་མེར་སྲེག་གཏོང་མཁན་རྒྱལ་གཅེས་པ་ཡོངས་ཀྱིས་༸གོང་ས་མཆོག་བོད་ལ་གདན་འདྲེན་ཞུ་དགོས་པ་དང་། བོད་མིར་རང་དབང་དགོས་ཞེས་མགྲིན་དབྱངས་གཅིག་གྱུར་སྒོ་ནས་འབོད་སྒྲ་བསྒྲགས་དང་སྒྲོག་མུས་ཡིན།

ཕྱི་ཟླ་ ༢ ཚེས་ ༣ ཉིན་རང་ལོ་ ༣༧ ལ་སོན་པའི་བོད་མདོ་སྨད་རྔ་པ་ཀིརྟི་དགོན་པའི་དགེ་འདུན་པ་བློ་བཟང་རྣམ་རྒྱལ་ལགས་ཀྱིས་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་ཡོད། བོད་མིའི་སྒྲིག་འཛུགས་ཀྱིས་བོད་ནང་གི་བོད་མི་ཚོར་དེ་སྔ་ཞུས་པ་ལྟར། རང་ལུས་མེར་སྲེག་གི་ཚབས་ཆེ་བའི་ལས་འགུལ་འདི་རིགས་མ་སྤེལ་རོགས་ཞེས་འབོད་སྐུལ་ཞུ་བཞིན་ཡོད། འོན་ཀྱང་ཡིད་སྐྱོ་དགོས་པ་ཞིག་ལ་བོད་ནང་ད་དུང་རང་ལུས་མེར་སྲེག་གི་དོན་རྐྱེན་མུ་མཐུད་འབྱུང་བཞིན་ཡོད།

བོད་ནང་བོད་མི་རང་ལུས་མེར་སྲེག་གཏོང་མཁན་གྱི་གྲངས་འབོར་ཇེ་མང་དུ་འགྲོ་བཞིན་ཡོད་པ་དེ་ནི་རྒྱ་ནག་གཞུང་གི་ནོར་འཁྲུལ་ཅན་གྱི་སྲིད་བྱུས་ལ་འདོད་བློ་མ་ཁེངས་པར་བརྟེན་བོད་མི་རྣམས་ཀྱིས་འདི་ལྟ་བུའི་ལས་འགུལ་སྤེལ་ཏེ་ཞི་བའི་སྒེར་ལངས་བྱེད་དགོས་ཐུག་ཡོད། རྒྱ་གཞུང་གིས་ལོ་ངོ་ ༦༠ བརྒལ་བ་བོད་ཐོག་དམ་བསྒྲགས་བྱས་རྐྱེན་གྱིས་ཐབས་སྐྱོའི་གནས་ཚུལ་འཐོན་བཞིན་ཡོད། འོན་ཀྱང་རྒྱ་ནག་གཞུང་གིས་དེ་དག་གི་འགན་འཁྲི་ཡེ་ནས་མ་འཁྱེར་བར་བོད་ནང་རང་ལུས་མེར་སྲེག་གི་གནད་དོན་རྣམས་༸གོང་ས་མཆོག་དང་བོད་མིའི་འགོ་ཁྲིད་རྣམས་ཀྱིས་བརྒྱུད་སྐུལ་བྱེད་ཀྱི་ཡོད་ལུགས་སྐྱོན་འཛུགས་བྱེད་བཞིན་ཡོད།

ང་ཚོས་རྒྱ་ནག་གཞུང་ལ་བོད་ནང་གི་དངོས་ཡོད་གནས་ཚུལ་རྟོག་ཞིབ་སླད་བོད་ལ་རྒྱལ་སྤྱིའི་གསར་འགོད་པ་དང། གནད་ཡོད་མི་སྣ། དེ་བཞིན་རྒྱལ་སྤྱིའི་གཞུང་འབྲེལ་མིན་པའི་ཚོགས་པའི་མི་སྣ་སོགས་བཀག་འགོག་མེད་པའི་ཐོག་འགྲོ་བསྐྱོད་ཆོག་པའི་ཆོག་མཆན་གནང་རོགས་ཞེས་ཞུ་རྒྱུ་ཡིན། རང་ལུས་མེར་སྲེག་གི་དོན་རྐྱེན་དེ་དག་བོད་མིའི་སྒྲིག་འཛུགས་ཀྱིས་བརྒྱུད་སྐུལ་བྱེད་ཀྱི་ཡོད་པའི་རྒྱ་ནག་གཞུང་ནས་སྐྱོན་འཛུགས་བྱས་དང་བྱེད་མུས་དེར་ང་ཚོའི་ངོས་ནས་རྒྱ་ནག་གཞུང་ལ་འདི་གར་ཞིབ་འཇུག་གནང་བར་ཡོང་རོགས་ཞེས་ཡང་ཡང་ཞུ་བཞིན་ཡོད་པ་དང་ཆབས་ཅིག ཁོང་ཚོར་ང་ཚོའི་ལས་ཁུངས་ནང་འགྲོ་བསྐྱོད་ཆོག་པའི་མཐུན་འགྱུར་གྱི་ཁས་ལེན་ཆ་ཚང་ཞུ་རྒྱུ་ཡིན།

རྒྱལ་ཁབ་ཁག་གི་གཞུང་དང་རྒྱལ་སྤྱིའི་སྐུ་ཚབ། དེ་བཞིན་མཉམ་འབྲེལ་རྒྱལ་ཚོགས་བཅས་ཀྱི་ངོས་ནས་བོད་མིའི་དངོས་ཡོད་དཀའ་སྡུག་གི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་པ་དེ་འཕྲལ་མར་མཚམས་འཇོག་ཡོང་ཐབས་སུ་རྒྱ་ནག་གཞུང་དང་དངོས་སུ་འབྲེལ་མོལ་གནང་རོགས་ཞེས་བོད་མིའི་སྒྲིག་འཛུགས་ངོས་ནས་འབོད་སྐུལ་ཞུ་རྒྱུ་ཡིན།

འཕྲལ་དུ་གནང་སྐྱོང་ཡོང་བ་ཞུ་རྒྱུ་ཁག་ནི། འཛམ་གླིང་གི་འགོ་ཁྲིད་རྣམས་ནས་བོད་ནང་རང་ལུས་མེར་སྲེག་གཏོང་དགོས་དོན་གྱི་རྒྱུ་རྐྱེན་གཙོ་བོ་གང་ཡིན་མིན་ཞིབ་འཇུག་སླད་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཆེས་མཐོའི་གཙོ་འཛིན་ལྕམ་སྐུ་ན་ཝི་པི་ལེ་མཆོག་བོད་དུ་ཆེད་གཏོང་གནང་རོགས་ཞུ་རྒྱུ་ཡིན། དེ་བཞིན་བོད་ནང་གི་ཛ་དྲག་གནས་སྟངས་ཐོག་ཚོགས་འདུ་ཞིག་ཀྱང་སྐོང་ཚོགས་གནང་རོགས་ཞུས་ཡོད། དེས་བོད་མིར་མང་གཙོ་དང་འཚེ་མེད་ཞི་བའི་ལམ་ལ་སྔར་ལྷག་འཇུག་རྒྱུའི་ཕན་ཐོགས་དང་སེམས་ཤུགས་འཕར་རྒྱུ་ཡིན། ཞེས་སོགས་འཁོད་འདུག་པ་བཅས།།

གསར་འགོད་གསལ་བསྒྲགས་འདི་དབྱིན་ཡིག་ཐོག་གནང་ཡོད་པས་དེར་རྩ་འཛིན་ཡོང་བ་ཞུ།

དེ་ཡང་གོང་ཚེས་ཉིན་གྱི་ཕྱི་དྲོ་ཆུ་ཚོད་ ༣ པའི་ཐོག་རྒྱ་གར་གྱི་རྒྱལ་ས་ལྡི་ལི་གསར་པར་ཡོད་པའི་རྒྱ་གར་གསར་འགོད་མཐུན་ཚོགས་ཀྱི་ཚོགས་ཁང་དུ། བོད་ནང་གི་བོད་མི་ཚོར་གདུང་སེམས་མཉམ་སྐྱེད་མཚོན་ཆེད་དང། རྒྱལ་སྤྱིའི་ཐོག་ནས་ད་ལྟའི་བོད་ནང་གི་ཆེས་ཛ་དྲག་དང་ཡིད་སྐྱོ་དགོས་པའི་གནས་སྟངས་མཁྱེན་རྟོགས་དང་རྒྱབ་སྐྱོར་ཐོབ་ཆེད། ཕྱི་ལོ་ ༢༠༡༣ ཟླ་ ༡ ཚེས་ ༣༠ ནས་ཕྱི་ཟླ་ ༢ ཚེས་ ༢ བར་ཉིན་བཞིའི་རིང། རྒྱ་གར་གྱི་རྒྱལ་ས་ལྡི་ལིར་བོད་མིའི་གདུང་སེམས་མཉམ་སྐྱེད་ཀྱི་ལས་འགུལ་ཆེན་མོ་སྤེལ་འཆར་དང་འབྲེལ་བའི་ངོ་སྤྲོད་ཆེད་གསར་འགོད་ལྷན་ཚོགས་ཤིག་སྐོང་ཚོགས་གནང་ཡོད་པ་དང། སྐབས་དེར་དཔལ་ལྡན་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་ཉིན་བཞིའི་རིང་གི་ལས་འགུལ་གྱི་མཛད་རིམ་སྐོར་ངོ་སྤྲོད་དང་འབྲེལ་ལས་འགུལ་རིང་རྒྱ་གར་གྱི་སྲིད་བློན་གཞོན་པ་ཟུར་པ་ཨ་ཌཱ་ཝ་ནི་ (Shri L.K Advani) མཆོག་དང་། འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་མཆོག་གིས་གཙོས་རྒྱ་གར་གྱི་ཆོས་སྲིད་ཀྱི་གལ་ཆེའི་མི་སྣའི་གསུང་བཤད་དང་། སྨོན་ལམ། རྒྱ་གར་མི་མང་གང་མང་མཉམ་ཞུགས་གིས་བོད་མིར་གདུང་སེམས་མཉམ་སྐྱེད་གནང་གི་ཡོད་སྐོར་སོགས་ངོ་སྤྲོད་གནང་།

དེ་ནས་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་གིས་བོད་ཀྱི་གནད་དོན་སྤྱི་དང་། རྒྱ་ནག་གིས་བོད་ཐོག་འཛིན་པའི་གདུག་རྩུབ་ཆེ་བའི་སྲིད་བྱུས། བོད་རྒྱ་འབྲེལ་མོལ་གྱི་བརྒྱུད་རིམ། བོད་ནང་གི་ད་ལྟའི་ཛ་དྲག་གནས་སྟངས། རྒྱལ་སྤྱིའི་ཐོག་ནས་བོད་དོན་ལ་རྒྱབ་སྐྱོར་གནང་ཕྱོགས། དམིགས་བསལ་ཕྱི་ལོ་ ༢༠༠༩ ལོ་ནས་བཟུང་བོད་ནང་བོད་མི་བརྒྱ་ཕྲག་གཅིག་ལ་ཉེ་བས་རང་ལུས་མེར་སྲེག་བཏང་དགོས་པའི་རྒྱུ་རྐྱེན་སོགས་འགྲེལ་བརྗོད་ཞིབ་ཕྲ་གནང་བ་དང་ཆབས་ཅིག ད་ཐེངས་ལས་འགུལ་འདི་སྤེལ་དགོས་པའི་དམིགས་ཡུལ་དང་། རྒྱ་གར་དང་རྒྱལ་སྤྱིའི་སྤྱི་ཚོགས་ལ་གལ་ཆེའི་འབོད་སྐུལ་གསུམ་བཅས་འཁོད་པའི་གསར་འགོད་བསྒྲགས་གཏམ་ཤིག་ཀྱང་འགྲེམས་སྤེལ་གནང་ཡོད།

གསར་འགོད་ལྷན་ཚོགས་དེར་ཕྱི་ནང་གསར་འགོད་པ་གྲངས་ ༡༠༠ ལྷག་ཙམ་འདུ་འཛོམས་བྱུང་ཡོད་པ་དང། ཚང་མས་དོ་སྣང་ཆེན་པོའི་ཐོག་ནས་རྒྱ་གར་གཞུང་གིས་བོད་དོན་ཐོག་འཛིན་པའི་སྲིད་བྱུས་དང་། བོད་རྒྱ་ཞི་མོལ་གྱི་གནས་བབ།  རྒྱལ་སྤྱིའི་རྒྱལ་ཁབ་ཁག་གིས་རྒྱ་ནག་མཉམ་དཔལ་འབྱོར་གྱི་འབྲེལ་བ་བཞག་སྟངས། རྒྱལ་སྤྱིའི་ཐོག་ཏུ་ད་ལྟའི་རྒྱ་ནག་གི་གནས་བབ། རང་ལུས་མེར་སྲེག་སྐོར་ལ་རྒྱལ་སྤྱིའི་བལྟ་ཕྱོགས་སོགས་གལ་ཆེའི་དྲི་བ་ཞུས་པར་ལན་འདེབས་གནང་ཡོད།

སྐབས་དེར་བོད་མིའི་སྒྲིག་འཛུགས་ཀྱི་ཕྱི་དྲིལ་ལས་ཁུངས་ནས་སྒྲིག་སྦྱོར་གནང་བའི་རང་ལུས་མེར་སྲེག་དང་འབྲེལ་བའི་སྐོར་སྐར་མ་ ༦ ཅན་གྱི་གློག་བརྙན་ཞིག་བསྟན་ཡོད་པ་མ་ཟད། ཕྱི་དྲིལ་ལས་ཁུངས་འགྲེམས་སྟོན་ཚན་པས་ཕ་ཡུལ་ཕྱོགས་སུ་རྒྱང་ལྟ་ཞེས་པའི་འགྲེམས་སྟོན་ཞིག་གོ་སྒྲིག་གིས། བོད་ཀྱི་ལོ་རྒྱུས་གནས་བབས་དང། རྒྱ་དམར་གཞུང་གིས་བོད་ནང་དུ་དྲག་གནོན་དང་གདུག་རྩུབ་ཅན་གྱི་སྲིད་བྱུས་སྤེལ་བའི་སྐོར། ལྷག་དོན་ཕྱི་ལོ་ ༢༠༠༩ ལོ་ནས་བཟུང་བོད་ནང་དུ་རང་ལུས་མེར་སྲེག་སྔ་རྗེས་བཏང་བའི་གནས་ཚུལ་སོགས་གསལ་བའི་འགྲེམས་སྟོན་ཞིག་ཀྱང་གོ་སྒྲིག་གནང་ཡོད་པ་བཅས། །

བོད་མིའི་སྒྲིག་འཛུགས་ཀྱི་ངོས་ནས་མཉམ་འབྲེལ་རྒྱལ་ཚོགས་གཙོས་པའི་འཛམ་གླིང་རྒྱལ་ཁབ་སོ་སོའི་གཞུང་གིས་བོད་ཀྱི་གནད་དོན་ཐོག་སེམས་འཚབ་ཡོད་པའི་བསྒྲགས་གཏམ་སྤེལ་བར་ཡི་རངས་ཞུ་བཞིན་ཡོད། ད་དུང་དེ་བས་མང་བ་བྱེད་དགོས་པ་ཞིག་ནི་རྒྱ་ནག་གཞུང་ལ་བོད་ཀྱི་གནད་དོན་དེ་༸གོང་ས་མཆོག་གི་སྐུ་ཚབ་མཉམ་ཞི་མོལ་བྱས་ཏེ་ཕན་ཚུན་གཉིས་ཕན་དབུ་མའི་ལམ་ནས་སེལ་དགོས་པའི་འབོད་བསྐུལ་གནང་དགོས་པ་དེ་ཡིན།
བོད་མིའི་སྒྲིག་འཛུགས་ཀྱི་ངོས་ནས་བོད་ནང་གི་བོད་མི་ཚོ་ལ་གདུང་སེམས་མཉམ་སྐྱེད་བྱེད་རྒྱུ་དང།  དེ་བཞིན་རྒྱ་གར་དང། རྒྱལ་སྤྱིའི་སྤྱི་ཚོགས་ལ་འབོད་བསྐུལ་ཞུ་རྒྱུར།
གསར་འགྱུར་བརྒྱུད་ལམ་ཁག་དང། མཉམ་འབྲེལ་རྒྱལ་ཚོགས། རྒྱལ་སྤྱིའི་རྟོག་ཞིབ་ཚོགས་པ་ཁག་བཀག་སྡོམ་མེད་པར་བོད་དུ་ཕེབས་བཅུག་སྟེ་བོད་ནང་རང་ལུས་མེར་བསྲེགས་གཏོང་དགོས་པའི་དངོས་ཡོད་རྒྱུ་རྐྱེན་གང་ཡིན་རྟོག་ཞིབ་ཀྱིས་སྙན་ཐོ་འདོན་ཐུབ་པ་གནང་དགོས་རྒྱུ།
བོད་ནང་གི་དངོས་ཡོད་གནས་སྟངས་མཁྱེན་རྟོགས་ཆེད་རྒྱལ་ཁབ་ཁག་གི་གཞུང་དང། གྲོས་ཚོགས། གཞུང་ཚབ་ཁག་གི་སྐུ་ཚབ་བཅས་བོད་ནང་ལ་ཕེབས་ཐུབ་པ་གནང་དགོས།
རྒྱ་ནག་གིས་བོད་ཐོག་འཛིན་པའི་མཁྲེགས་འཛིན་གྱི་སྲིད་བྱུས་ལ་བསྐྱར་ཞིབ་དང་། བོད་མིའི་དངོས་ཡོད་དཀའ་སྡུག་ལ་བསམ་གཞིགས་བྱས་ཏེ་བོད་ཀྱི་གནད་དོན་ཞི་མོལ་གྱི་ལམ་ནས་སེལ་དགོས།

བོད་མིའི་སྒྲིག་འཛུགས་ཀྱི་སྲིད་སྐྱོང།    བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ།

བློ་བཟང་སེངྒེ་མཆོག                        སྤེན་པ་ཚེ་རིང་མཆོག
ཕྱི་ལོ་ ༢༠༡༣  ཟླ་ ༡ ཚེས་ ༢༩ ལ།

༈ རྒྱ་ནག་གཞུང་གིས་བོད་མི་མང་པོ་དམར་བསད་བཏང་བར་བཀའ་བློན་ཁྲི་པའི་བསྒྲགས་གཏམ།

༄༅། །ཕྱི་ཟླ་ ༡ ཚེས་ ༢༣ དང་ ༢༤ ཉིན་རྒྱ་རིགས་ཚོས་དཔྱིད་གསར་དུས་སྟོན་ནམ། ལོ་གསར་གྱི་དགའ་སྟོན་ལ་རོལ་བཞིན་པའི་སྐབས་བོད་ཀྱི་ས་ཁུལ་བྲག་འགོ་དང༌། རྔ་པ། རྒྱལ་རོང༌། གསེར་རྟ་སོགས་སུ་བོད་མི་བརྒྱ་ཕྲག་བརྒལ་བས་ཞི་བའི་སྒོ་ནས་སོ་སོའི་གཞི་རིམ་ཐོབ་ཐང་ཁག་རྩོད་རྒྱུའི་ལས་འགུལ་སྤེལ་བར། ཉེན་རྟོག་མི་སྣས་མང་ཚོགས་ཐོག་མེ་མདའ་བརྒྱབས་ནས་གནས་ཚུལ་ཐོན་གསལ་ལྟར་ན་མི་དྲུག་དེ་མ་ཐག་རྐྱེན་འདས་སུ་བཏང་བ་དང༌། དྲུག་ཅུ་ལྷག་ལ་རྨས་སྐྱོན་ཚབས་ཆེན་ཕོག་འདུག
ཡ་ང་སྙིང་རྗེ་མེད་པའི་དྲག་སྤྱོད་འདི་རིགས་དང༌། འཆར་གཞི་ལྡན་པའི་སྒོ་ནས་བོད་མིར་དྲག་གནོན་གྱི་སྲིད་བྱུས་ལག་བསྟར་བྱེད་བཞིན་པ། ཁྱད་པར་ཕྱི་ལོ་ ༢༠༠༨ ལོའི་ཞི་བའི་གྱེན་ལངས་ཆེན་མོ་ནས་བཟུང་བོད་མིའི་སེམས་ནང་རྒྱ་ནག་གཞུང་ལ་ཞེ་འཁོན་ཇེ་ཆེར་སོང་ཡོད།
བོད་བཙན་བཟུང་བྱས་པ་ནས་བཟུང་རྒྱ་ནག་གཞུང་གིས་སྤྱི་ཚོགས་རིང་ལུགས་ཀྱི་ལྷ་ཡུལ་བསྐྲུན་རྒྱུའི་ཁ་འུད་བཤད་ཀྱང༌། དངོས་ཡོད་གནས་ཚུལ་དེ་ལས་ལྡོག་སྟེ། བོད་མིའི་གཞི་རྩའི་འགྲོ་བ་མིའི་ཐོབ་ཐང་བརྡལ་བཤིག བོད་ཀྱི་ཁོར་ཡུག་ལ་གཏོར་སྐྱོན། བོད་མིའི་སྐད་ཡིག་དང་རིག་གཞུང་རྩ་བརླག་གཏོང་བཞིན་པ་དང་ྋགོང་ས་མཆོག་གི་སྐུ་པར་ཉར་རྒྱུར་དམ་དྲག དཔལ་འབྱོར་དབྱེ་འབྱེད། བོད་ས་ཡོངས་སུ་དམ་དྲག་དང༌། ཐ་ན་ཕྱི་རྒྱལ་མི་སྣ་འགྲུལ་བཞུད་བྱེད་རྒྱུར་ཡང་བཀག་འགོག་བྱས་ཡོད། མདོར་ན་ད་ལྟའི་ཆར་བོད་ཁུལ་ཡོངས་རྫོགས་ཡོངས་གྲགས་མ་བྱས་པའི་དྲག་པོའི་ཁྲིམས་གཞི་འོག་ཚུད་ཡོད།
རྒྱ་ནག་གཞུང་གི་འགོ་ཁྲིད་ཚོས་ཞི་བའི་སྒོ་ནས་བོད་མི་གྱེན་ལངས་བྱེད་མཁན་རྣམས་དང༌། རང་ལུས་མེར་བསྲེགས་གཏོང་མཁན་ཚོའི་འབོད་སྒྲར་ཐུགས་སྣང་དགོས་པའི་འབོད་སྐུལ་ཞུ་རྒྱུ་ཡིན། དྲག་གནོན་དང་བསད་རྡུང་གི་ལམ་ནས་བོད་ནང་བརྟན་ལྷིང་དང༌། བོད་མིའི་དངོས་ཡོད་དཀའ་ངལ་ནམ་ཡང་བསལ་ཐབས་མེད་ཅིང༌། བོད་དོན་འགྲིག་ཆགས་དང༌། ཞི་བདེ་ལྷིང་འཇགས་ཡོང་བའི་ཐབས་ལམ་ཉག་གཅིག་པུ་ནི། བོད་མིའི་གཞི་རྩའི་ཐོབ་ཐང་ལ་བརྩི་བཀུར་དང༌། གྲོས་མོལ་གྱི་ལམ་ནས་ཡོང་བ་བྱེད་དགོས། གྲོས་མོལ་བྱེད་རྒྱུར་ང་ཚོ་ཆོད་སེམས་བརྟན་པོ་ཡོད་ཀྱང༌། བོད་མིར་འདི་འདྲའི་དྲག་གནོན་བྱས་པ་ནམ་ཡང་ངོས་ལེན་ཐུབ་ཐབས་མེད། རྒྱ་རིགས་ཐེ་བའི་འཛམ་གླིང་མི་མང་ཡོངས་ཀྱིས་བྱེད་བབ་འདི་རིགས་ལ་ཤུགས་ཆེན་པོའི་སྒོ་ནས་སྐྱོན་བརྗོད་གནང་དགོས།
རྒྱལ་སྤྱིའི་སྤྱི་ཚོགས་ཀྱིས་བོད་མི་ཚོར་གདུང་སེམས་མཉམ་བསྐྱེད་དང༌། བོད་མིའི་གཞི་རྩའི་ཐོབ་ཐང་སྲུང་སྐྱོབ་བྱེད་པར་རྒྱབ་སྐྱོར་གནང་བའི་འབོད་སྐུལ་ཞུ་རྒྱུ་ཡིན། དེ་བཞིན་རྒྱལ་སྤྱིའི་སྤྱི་ཚོགས་དང་མཉམ་འབྲེལ་རྒྱལ་ཚོགས་ཀྱིས་བོད་ནང་ཀྱི་དངོས་ཡོད་གནས་ཚུལ་རྟོག་ཞིབ་ཆེད་ཞིབ་འཇུག་མི་སྣ་དང༌། གསར་འགཽད་མི་སྣ་འགྲོ་བསྐྱོད་ཆོག་པའི་རེ་འདུན་ཞུ་རྒྱུ་ཡིན། པེ་ཅིང་གི་འགོ་ཁྲིད་ཚོས་ཤེས་དགོས་པར་སོ་སོའི་བྱབྱཁྱིམ་ཚང་གི་མི་བྱབྱདམར་བསད་འདི་ལྟར་བཏང་བ་རྒྱལ་སྤྱིའི་ཁྲིམས་དང་རྒྱ་ནག་རང་གི་ཁྲིམས་དང་ཡང་འགལ་བ་ཆགས་ཡོད། བྱེད་བབ་འདི་རིགས་ཀྱིས་རྒྱལ་སྤྱིའི་ནང་རྒྱ་ནག་གི་བཟང་སྤྱོད་ལ་སྔར་བས་དྭོགས་པ་ཆེ་རུ་དང༌། ཆ་འཇོག་འཐོབ་པར་འགོག་རྐྱེན་བཟོས་ཀྱི་ཡོད།
གཞིས་བཞུགས་བོད་རིགས་སྤུན་ཟླ་རྣམ་པར་ཞུ་རྒྱུར། ཁྱེད་ཚོའི་འབོད་སྒྲ་ང་ཚོས་གསལ་པོ་གོ་རྟོགས་བྱུང༌། ཁྱེད་ཚོའི་བློས་བཏང་ནམ་ཡང་ཆུད་ཟོས་སུ་མི་འགྲོ་བ་བྱ་རྒྱུ་ཡིན་ཞིང༌། ཁྱེད་ཚོའི་བདེ་དོན་བསྒྲུབ་རྒྱུ་དེ་དུས་རྟག་ཏུ་ང་ཚོའི་སེམས་ནང་ཡོད་མུས་ཡིན། དེ་མཚུངས་འུ་ཐུག་ཐབས་ཟད་ཀྱིས་ཉེན་ཚབས་ཆེ་བའི་ལས་འགུལ་རིགས་མ་སྤེལ་བའི་འབོད་སྐུལ་ཞུ་རྒྱུ་ཡིན།
ཕྱི་ཟླ་ ༢ ཚེས་ ༢༢ ཉིན་བོད་ཀྱི་ལོ་གསར་འཁེལ་གྱི་ཡོད་སྟབས་བོད་མི་ཚོས་ཆོས་ཕྱོགས་དང་སྲོལ་རྒྱུན་གྱི་བྱེད་སྒོ་ཁག་མ་གཏོགས་རྒྱས་སྤྲོས་ཀྱི་དུས་སྟོན་རིགས་མ་གནང་བའི་འབོད་སྐུལ་ཞུ་རྒྱུ་ཡིན།
ང་ཚོས་གཞིས་བཞུགས་བོད་མིར་གདུང་སེམས་མཉམ་བསྐྱེད་ཞུ་ཆེད་ཕྱི་ཟླ་ ༢ ཚེས་ ༨ རེས་གཟའ་ལྷག་པའི་ཉིན་བོད་མི་དང་བོད་དོན་རྒྱབ་སྐྱོར་བ་ཚོས་འཛམ་གླིང་ཡོངས་སུ་ལས་འགུལ་སྤེལ་གནང་ཡོང་བའི་འབོད་སྐུལ་ཟུ་རྒྱུ་ཡིན། བོད་མི་ཉམ་ཆུང་ཚོའི་ཐོག་འདི་འདྲའི་དྲག་གནོན་དང་བསད་རྡུང་བྱས་པ་ངོས་ལེན་ཐུབ་ཐབས་མེད་པའི་བརྡ་ལན་གསལ་པོ་ཞིག་སྤྲོད་དགོས། ཚང་མས་ཞི་བའི་སྒོ་ནས་ཡུལ་ཁྲིམས་དང་མི་འགལ་བ། ཆེ་མཐོང་ལྡན་པའི་སྒོ་ནས་ལས་འགུལ་ནང་མཉམ་ཞུགས་གནང་བའི་འབོད་སྐུལ་ཞུ་གི་ཡོད།

༄༅། །བོད་མི་མང་སྤྱི་འཐུས་ལྷན་ཚོགས་དང། བོད་མིའི་སྒྲིག་འཛུགས། བཙན་བྱོལ་བོད་མི་ཡོངས་སུ་རྫོགས་པས་ཐབས་ཤེས་ཡོད་རྒུ་རྩལ་སྤྲུག་གིས་རྒྱལ་སྤྱིའི་སྤྱི་ཚོགས་ལ་ད་ལྟ་བོད་ནང་གི་དངངས་འཚབ་དང་ཛ་དྲག་གི་གནས་སྟངས་ཐོག་དཀའ་སེལ་འབོད་སྐུལ་བྱེད་བཞིན་པ་དང་། མཉམ་འབྲེལ་རྒྱལ་ཚོགས་ཀྱི་མཁས་པའི་ལས་དོན་ཚོགས་ཆུང་གི་འབྲེལ་མཐུད་པ་རྣམ་པ་དང་། རྒྱལ་ཚོགས་འགྲོ་བ་མིའི་ཐོབ་ཐང་ཆེས་མཐོའི་ལྷན་ཚོགས་ཀྱི་མགྲིན་ཚབ་པ། སྲིད་གཞུང་དང་གྲོས་ཚོགས། བོད་དོན་རྒྱབ་སྐྱོར་བ་ཚང་མས་རྒྱལ་སྤྱིའི་ནང་བློ་འཚབ་ཆེན་པོའི་ངང་རྒྱ་གཞུང་ལ་བོད་མི་མང་པོས་རང་ལུས་མེ་མཆོད་འབུལ་དགོས་པའི་འབྱུང་རྩར་རྩད་ཞིབ་ཀྱིས་གནད་དོན་ཞི་འཇགས་ཡོང་རྒྱུར་འབོད་སྐུལ་གནང་བཞིན་པར། ང་ཚོས་ཁོང་རྣམ་པའི་ལངས་ཕྱོགས་དང། གྲོས་ཆོད་བསྒྲགས་གཏམ་སྤེལ་བ་བཅས་ལ་ཡི་རངས་བསྔགས་བརྗོད་བྱེད་བཞིན་པའི་སྐབས་འདིར། སླར་ཡང་ཁམས་རྟའུ་དགའ་ལྡན་ཆོས་གླིང་ངམ་བྲག་དཀར་ཆོས་གླིང་གི་བཙུན་མ་དཔལ་ལྡན་ཆོས་མཚོ་ལགས་ཀྱིས་དེ་རིང་ཉིན་གུང་ཙམ་ལ་གྲྭ་ཚེ་དབང་ནོར་བུས་ཕྱི་ཟླ་ ༨ ཚེས་ ༡༥ ཉིན་རང་ལུས་ཞུགས་འབུལ་ཞུ་ཡུལ་ས་གནས་དེ་ག་རང་དུ་རང་ལུས་མེར་བསྲེགས་ཀྱིས་སྐུ་སྲོག་ཤོར་འདུག     གནས་ཚུལ་ཐོན་གསལ་ལྟར་ན། ཁོང་གི་སྐུ་ཕུང་གྲྭ་དམངས་ཀྱིས་རྟའུ་ཉ་མཚོ་དགོན་པར་གདན་འདྲེན་ཞུས་འདུག་པ་དང་། གནས་ཚུལ་དེའི་རྐྱེན་པས། ས་གནས་ཀྱི་གྲྭ་བཙུན་མི་མང་དང་ཉེན་རྟོག་མི་སྣའི་དབར་གནས་སྟངས་ཛ་དྲག་ཆགས་འདུག

ང་ཚོས་སླར་ཡང་རྒྱ་ནག་གཞུང་ལ་རྔ་བ་དང་དཀར་མཛེས། རྟའུ་བཅས་ས་ཁུལ་དུ་དངོས་ཡོད་གནས་སྟངས་རྟོག་ཞིབ་ཆེད་རང་དབང་ཅན་གྱི་ཞིབ་འཇུག་ཚོགས་ཆུང་ཡོང་དུ་འཇུག་དགོས་པ་དང་། རྒྱ་གཞུང་གིས་ད་ལྟའི་དོན་རྐྱེན་དེ་དག་གི་ཡོང་རྐྱེན་གསལ་བཟོ་དགོས་ཐོག་བོད་མི་མང་གི་དགོས་འདུན་སྒྲུབ་དགོས་པའི་འབོད་སྐུལ་ཞུ་རྒྱུ་དང་།

ང་ཚོས་མཉམ་འབྲེལ་རྒྱལ་ཚོགས་དང་ རྒྱལ་སྤྱིའི་སྤྱི་ཚོགས་ཀྱིས་འཕྲལ་དུ་གནད་དོན་འདིར་ཐེ་ཇུས་གནང་སྟེ། རྒྱ་གཞུང་ནས་བོད་མི་མང་གི་མངོན་འདོད་དང་། བོད་མི་ཚོའི་གཞི་རིམ་འགྲོ་བ་མིའི་ཐོབ་ཐང་ལ་འགན་ལེན་བྱེད་དུ་འཇུག་དགོས་པ་དང་། བོད་རྒྱའི་དཀའ་རྙོག་གཙང་སེལ་ཡོང་སླད། འབྲེལ་མོལ་གྱི་ཐབས་ལམ་ཁོ་ན་བསྟེན་དགོས་པའི་དགོས་འདུན་ཤུགས་ཆེ་འདོན་གྱི་ཡོད།  བོད་མི་མང་སྤྱི་འཐུས་ལྷན་ཚོགས་ནས་ཕྱི་ལོ་ ༢༠༡༡ ཟླ་ ༡༡ ཚེས་ ༣ ལ།།

༄༅། །ཉེ་ཆར་གྱི་བོད་མིའི་ཆབ་སྲིད་ཀྱི་འགོ་ཁྲིད་འཕོ་འགྱུར་ནི་ལོ་རྒྱུས་རང་བཞིན་གྱི་འགྱུར་བ་ཆེན་པོ་ཞིག་ཡིན་ནའང་། བོད་མི་རིགས་ཀྱི་ཐོབ་ཐང་དང་རང་དབང་བསྐྱར་གསོ་བྱེད་རྒྱུའི་གཞི་རྩའི་དམིགས་ཡུལ་ལ་འགྱུར་བ་གང་ཡང་ཕྱིན་མེད། དེར་བརྟེན་ཕྲན་རང་བཀའ་བློན་ཁྲི་པར་འོས་འདེམས་བྱུང་རྗེས་ཞི་མོལ་གྱི་ལམ་ནས་བོད་དོན་དཀའ་རྙོག་སེལ་ཐབས་ཆེད་འབད་བརྩོན་ཕྱོགས་ཡོངས་ནས་ཞུ་རྒྱུ་དེ་ལས་དོན་གལ་ཆེ་ཤོས་ཤིག་ཡིན་པ་བསྐྱར་ནན་ཞུས་ཡོད། འོས་བསྡུའི་སྐབས་སུའང་ཕྲན་ནས་༸གོང་ས་མཆོག་གི་གཉིས་སྨན་དབུ་མའི་ལམ་གྱི་དགོངས་བཞེད་དང་། ཕྱི་ལོ་ ༢༠༠༢ ལོར་བསྐྱར་གསོ་བྱུང་བའི་འབྲེལ་མོལ་གྱི་ལས་རིམ་ལ་རྒྱབ་སྐྱོར་ཡོད་པ་གསལ་པོ་ཞུས་ཡོད།གནད་དོན་དེ་དག་གི་རྒྱབ་ལྗོངས་འོག་ད་བར་རྒྱ་གཞུང་གི་སྐུ་ཚབ་དང་གྲོས་མོལ་གནང་མཁན་༸གོང་ས་མཆོག་གི་དམིགས་བསལ་སྐུ་ཚབ་བཀའ་ཟུར་རྒྱ་རི་བློ་གྲོས་རྒྱལ་མཚན་དང་། སྐུ་ཚབ་སྐལ་བཟང་རྒྱལ་མཚན་རྣམ་གཉིས་ནས་ཕྱི་ལོ་ ༢༠༡༡ ཟླ་ ༡༠ ཚེས་ ༩ ཉིན་ཕྲན་ལ་འབྲེལ་མོལ་གྱི་གནས་བབ་སྐོར་འགྲེལ་བརྗོད་ཞིབ་ཕྲ་གནང་བྱུང་བ་མ་ཟད། དེའི་ཕྱི་ཉིན་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་བསྡུ་བསྐོང་བྱས་པར། འབྲེལ་མོལ་གྱི་གནས་བབ་དང་རེ་འབྲས་ཇི་ཡོད་སྐོར་གྲོས་བསྡུར་མཐིལ་ཕྱིན་པ་བྱུང་སོང་། དེ་མཚུངས་ད་ལྟའི་ཆར་བོད་ནང་འབྱུང་བཞིན་པའི་ཛ་དྲག་གི་གནས་སྟངས་དེ་ཡང་གྲོས་བསྡུར་བྱེད་རྒྱུའི་གནད་དོན་གཙོ་བོའི་གྲས་ཡིན།

ཉེ་བའི་ཆར་ངས་བོད་ནང་གི་གནས་སྟངས་ཐད་ང་ཚོར་སེམས་འཚབ་ཆེན་པོ་ཡོད་པ་ལན་མང་ཞུས་ཡོད། བོད་མི་རྣམས་དཀའ་ངལ་ཚབས་ཆེ་མྱོང་བཞིན་པ་མ་ཟད། འུ་ཐུག་ཐབས་ཟད་དང་། འདོད་བློ་མི་ཁེངས་པ་ཤུགས་ཆེ་ཡོད་པ་ནི་ད་ལྟ་བྱུང་དང་འབྱུང་བཞིན་པའི་དོན་རྐྱེན་དེ་དག་གིས་ར་སྤྲོད་གསལ་པོ་བྱེད་ཐུབ། དེར་བརྟེན་བོད་མིའི་དཀའ་ངལ་དང་ཞེ་འཁོན་གྱི་རྒྱུ་རྐྱེན་རྣམས་སེལ་ཐབས་བྱེད་རྒྱུ་དེ་ཛ་དྲག་ཆེ་ཤོས་ཡིན་སྟབས། ཕྲན་ནས་གཉིས་སྨན་དབུ་མའི་ལམ་གྱི་དགོངས་དོན་གཞི་བཟུང་བོད་དོན་འགྲིག་ཆགས་འཚོལ་རྒྱུའི་ཆོད་སེམས་བསྐྱར་ནན་དང་སྦྲགས། ༸གོང་ས་མཆོག་གི་སྐུ་ཚབ་རྣམ་གཉིས་ལ་འབྲེལ་མོལ་གང་མགྱོགས་འགོ་འཛུགས་ཐུབ་ཐབས་བྱེད་དགོས་བཀོད་མངགས་ཞུས་པ་ཡིན།

མཆན། རྩ་བ་དབྱིན་ཡིག་ལས་བོད་སྒྱུར་ཞུས་ཡིན་སྟབས་དབྱིན་ཡིག་གཙོ་བོར་བརྩི་རྒྱུ།