Nyamhokya ametoa wito huo Mei 25, 2026 alipokuwa akizungumza katika mafunzo yaliyoandaliwa kwa ushirikiano kati ya Chama cha Waandishi wa Habari na Wafanyakazi wa Sekta ya Habari Tanzania (JOWUTA) na Mfuko wa Fidia kwa Wafanyakazi (WCF).

Amesema umoja kupitia vyama vya wafanyakazi utawapa wanahabari sauti ya pamoja katika kupigania haki zao, huku ukiwawezesha kushiriki kikamilifu katika shughuli za vyama hivyo na kuimarisha nguvu ya wafanyakazi nchini.

“Vyama vya wafanyakazi vina mchango mkubwa katika kuhakikisha wafanyakazi wanapata haki zao na kutetea maslahi yao wanapokumbana na changamoto mbalimbali kazini,” amesema Nyamhokya.

Amesema wanahabari wengi nchini wanafanya kazi katika mazingira magumu bila mikataba rasmi ya ajira, huku baadhi wakilipwa kwa kuzingatia idadi ya habari wanazoandika, hali inayowanyima uhakika wa kipato na mafao muhimu ya kazi.

Aidha, amesisitiza kuwa umoja ni silaha muhimu katika kupambana na unyanyasaji wa kikazi na vitendo vya ukosefu wa haki kwa wafanyakazi.
Katika hatua nyingine, Nyamhokya ameipongeza WCF kwa kuendelea kutoa elimu kuhusu umuhimu wa mfuko huo kwa wafanyakazi wa sekta mbalimbali nchini.

Amesema bado kuna wafanyakazi wengi ambao hawana uelewa wa kutosha kuhusu namna mfuko huo unavyoweza kuwasaidia wanapopata madhara au ajali zinazotokana na kazi.

Kwa upande wake, Mwenyekiti wa JOWUTA, Mussa Juma, amesema ushirikiano kati ya chama hicho na TUCTA umeanza kuzaa matunda tangu JOWUTA ilipopokelewa rasmi ndani ya shirikisho hilo mwaka jana mjini Singida.

Amesema hatua hiyo imekiwezesha chama hicho kupata nguvu zaidi katika kupigania maslahi ya wanahabari nchini.

Juma amesema zaidi ya asilimia 80 ya wanahabari nchini hawana mikataba rasmi ya ajira licha ya wengi kuwa na elimu na taaluma mbalimbali, jambo linalowafanya kukosa haki za msingi za wafanyakazi pamoja na kutotambulika rasmi na baadhi ya waajiri wao.

Aidha, amesema JOWUTA inaendelea kushirikiana na Wizara inayosimamia masuala ya kazi pamoja na Kamishna wa Kazi ili kuhakikisha changamoto zinazowakabili wanahabari zinapatiwa ufumbuzi, ikiwemo suala la mikataba ya ajira, usalama wa kazi na mazingira bora ya kufanyia kazi.

Amesema jitihada hizo zinalenga kuhakikisha wanahabari wanatambuliwa na kuthaminiwa kama wafanyakazi wengine, huku wakipata stahiki na haki zote zinazotolewa kwa mujibu wa sheria za kazi nchini.

Usiku Wa Jana Mastaa Mbalimbali Kutoka Kiwanda Cha Bongo Movie Na Bongofleva Walihudhuria Uzindiuzi Wa Jimbo Jipya La Burudani Wantashi Linalopatikana Mwananyamala Dar Es Salaam

Wakizungumza kwenye Uzinduzi Huo Mastaa Hao Wamesema Chimbo Hilo Limekuta kuwapa Watu Ladha Za Uswahilini Kwakua Kwa Muda Mrefu Wantashi Wamekua Na Sehemu Zingine Zilizopo Ushuani Kama Masaki, Bahari Beach N.k

Katika kuelekea kilele cha maadhimisho ya Jubilei ya Dhahabu ya miaka 50 ya Maonesho ya Biashara ya Kimataifa ya Dar es Salaam (Sabasaba), mwaka huu kupitia @tantradetz wadau wa biashara, wawekezaji, wabunifu na wananchi wanatarajiwa kushuhudia tukio la kipekee la kihistoria litakalojulikana kama “Sabasaba Golden Night”, Usiku wa Tuzo utakaofanyika tarehe 6 Julai 2026, usiku huu maalum wa dhahabu unalenga kusherehekea mafanikio, ubunifu na mchango wa maonesho hayo katika kukuza biashara na uchumi wa Tanzania kwa zaidi ya nusu karne.

Akizungumza na waandishi wa Habari Mgeni Rasmi Naibu Waziri wa Viwanda na Biashara Mhe. Dennis Londo amesema Tuzo hizo zitakazotolewa Mwaka huu zinalenga kuonesha ni kwa namna gani Sekta ya Biashara imekua kupitia maonesho ya Biashara ya Sabasaba na namna ambavyo Maonesho haya yamekuza maelfu ya wafanyabiashara amba sasa ni wakubwa.

Msanii @zyrah_tz akiwa kwenye Podcast ya #TheJourney na @cathed__ amefunguka ndoto na malengo yake juu ya kufanya Collabo na mkongwe @jidejaydee

Kuangalia mahojiano kamili tembelea ukurasa wa Youtube Bongofive

Tazama Safari ya Mwisho ya Marehemu Baohzang aliyeuawa na watu wanaotajwa kuwa ni walinzi wake, Mwili wake ulivyowasili Makumbusho kwa ajili ya kuchomwa.

Video Nzima ipo katika Akaunti yetu ya youtube ya Bongofive

Imeandaliwa na @abbrah255

Hali ilivyo makumbusho hapa ndipo sehemu mwili wa Marehemu Baozhang utakapochomwa siku ya leo

Video Nzima ipo katika Akaunti yetu ya youtube ya Bongofive

Imeandaliwa na @abbrah255

Kupitia RECAP & MANDO @el_mando_tz ameizungumzia ngoma mpya ya @whozu_ ya FOREVER ambayo ameiachia video yake jana.

Anasema kwa sasa Whozu ameimarika sana kwenye uandishi baada ya Collabo yake na Alikiba, kwa sasa anafanya muziki aliwa serious sana na hafanyi kama Comedy.

Uchambuzi mzima upo katika akaunti yetu ya Youtube ya Bongofive

Kupitia RECAP & MANDO @el_mando_tz amezungumzia Show ya Harmonize aliyoifanya jana na kuhoji kama Show ile ina madhara yoyote kwake?

Amelizungylumzia jambo hilo kwa upana sana.

Uchambuzi mzima upo katika akaunti yetu ya Youtube ya Bongofive

Mkurugenzi wa Bodi ya Utalii Tanzania (TTB), Ephraim Mafuru, amemkaribisha nchini kwa mara ya kwanza bingwa wa masumbwi duniani, Terence Crawford, ambaye katika historia yake hajawahi kupoteza pambano lolote.

Ziara hiyo ya wiki moja nchini imeandaliwa kwa ushirikiano kati ya Wizara ya Maliasili na Utalii pamoja na Wizara ya Habari, Utamaduni, Sanaa na Michezo, ikiwa ni sehemu ya juhudi za kuendeleza utalii wa michezo nchini.

Akizungumza Mei 24,2026, kwenye Uwanja wa Kumbukumbu ya Mwalimu Nyerere jijini Dar es Salaam wakati wa mapokezi ya mwanamasumbwi huyo, Mafuru amesema Serikali imeamua kutumia watu mashuhuri wenye ushawishi mkubwa duniani kuitangaza Tanzania kimataifa kupitia sekta ya utalii na michezo.

Amesema lengo la kampeni hiyo ni kukuza utalii wa michezo sambamba na kupata idadi kubwa ya watalii wanaoingia nchini na kuongeza muda wa kukaa kwao.

Mafuru ameeleza kuwa mbali na utalii wa wanyamapori, fukwe, utamaduni na mikutano, Serikali sasa imejikita pia katika kuimarisha utalii wa michezo kama bidhaa nyingine muhimu ya utalii.

Katika ziara hiyo, Crawford anatarajiwa kutembelea vivutio mbalimbali vya utalii ikiwemo Hifadhi ya Taifa ya Serengeti na Eneo la Hifadhi ya Ngorongoro kwa lengo la kujionea vivutio vya Tanzania na kuvizungumza katika majukwaa ya kimataifa.

Akizungumzia ujio wake mwana masumbwi huyo ambaye ni raia wa Marekani amesema anafurahi kupata ziara ya wiki moja kujionea utalii na shughuli mbalimbali za michezo akiwa

Mkurugenzi Mtendaji wa TANESCO Lazaro Twange ameeleza kutoridhishwa na kasi ya mkandarasi anayetekeleza mradi wa maboresho ya Kituo cha Kufua Umeme cha Hale kutokana na kuchelewa kukamilika kwa Mradi huo ulioanza kutekelezwa tangu mwaka 2022.

Twange ameyasema hayo leo Aprili 22, 2026 wakati wa ziara yake ya ukaguzi katika mradi wa Hale pamoja na mradi wa usafishaji wa bwawa la Mto Pangani iliyopo katika Wilaya ya Korogwe mkoani Tanga ambapo amemtaka mkandarasi wa Mradi wa Hale kuongeza kasi ya utekelezaji wa mradi huo ikiwa ni pamoja na kuongeza wafanyakazi pamoja na muda wa kufanya kazi ili ukamilike kwa wakati.

“Siridhishwi sana na mwenendo wake. Mkandarasi amewahi kuomba nyongeza ya muda mara mbili na nimepata taarifa kuwa yuko kwenye hatua za kuomba nyongeza nyingine ya tatu. Ndio maana nimekuja kuona kuna nini,” amesema Twange.

Amesema mradi huo una maeneo saba ya utekelezaji ambapo maeneo mawili tayari yamekamilika huku mengine yakiendelea na utekelezaji.

“Nimezungumza na msimamizi wa mradi, mhandisi mshauri pamoja na mkandarasi na nimewaelekeza wakae pamoja kuhakikisha ifikapo mwisho wa mwezi Julai mradi huu uwe umekamilika,” amesema Twange

Aidha, kuhusu mradi wa usafishaji wa bwawa la Pangani, Bw. Twange amesema matarajio ya TANESCO ni kuhakikisha kazi hiyo inakamilika ndani ya muda uliopangwa ili kuepusha changamoto zinazoweza kujitokeza wakati wa msimu wa mvua.

“Matarajio yetu ni kutoupitiliza mwaka mmoja ili tumalize kabla ya msimu unaokuja wa mvua,” ameongeza.

Katika hatua nyingine, Twange amesema TANESCO kwa sasa inaendelea kutekeleza miradi mbalimbali ya maendeleo ya umeme nchini yenye thamani ya zaidi ya shilingi trilioni 13.4.

Kwa upande wake, Meneja wa Mradi wa Mradi wa Hale Kulwa Byemelo amesema maagizo yaliyotolewa na Mkurugenzi Mtendaji yatatekelezwa ili kuhakikisha mradi unakamilika kwa wakati.

“Mradi huu utakapokamilika utaimarisha upatikanaji wa umeme katika wilaya mbalimbali zinazochukua umeme kutoka kituo cha Hale pamoja na wilaya za Handeni, Muheza na Korogwe,” amesema Byemelo.

Ziara hii ni moja ya mikakati ya kukagua utekelezaji wa miradi mbalimbali ya umeme pamoja na kubaini changamoto zinazojitokeza na kuhakikisha zinatatuliwa kwa wakati na miradi ina kamilika ili watanzania waweze kuendelea kufurahia upatikanaji wa umeme wa uhakika.

Chama  cha Wanasheria Wanawake Tanzania (TAWLA) kimesema kitaendelea kuimarisha juhudi za kuwawezesha wanawake kiuchumi sambamba na kuwapatia elimu ya sheria ili kuhakikisha wanapata haki zao na kuzitumia kwa manufaa yao na jamii kwa ujumla.

Akizungumza jijini Dar es Salaam wakati akifungua Mkutano Mkuu wa 36 wa Mwaka wa TAWLA, Mwenyekiti wa Bodi ya chama hicho, Suzanne Ndomba alisema kwa zaidi ya miongo mitatu TAWLA imeendelea kutekeleza dhamira yake ya kutetea na kulinda haki za wanawake na watoto kupitia huduma za msaada wa kisheria, mashauri ya kimkakati, utetezi wa marekebisho ya sheria pamoja na utoaji wa elimu ya sheria kwa jamii.

Alisema kaulimbiu ya mwaka huu ya “Kuwawezesha Wanawake Kiuchumi: Kuziba Pengo Kupitia Elimu ya Sheria na Fedha” inaakisi hali halisi ya mahitaji ya wanawake katika kipindi hiki, akibainisha kuwa uzoefu umeonyesha kuwa uwezeshaji wa kisheria pekee haukidhi mahitaji yote ya wanawake bila kuwepo kwa uwezeshaji wa kiuchumi.

“Upatikanaji wa haki lazima uende sambamba na upatikanaji wa rasilimali, fursa na uhuru wa kifedha. Ndiyo maana sasa tunaunganisha elimu ya sheria na programu za uwezeshaji wa kiuchumi ili wanawake wasijue haki zao tu, bali wawe na uwezo wa kuzitumia kwa vitendo,” alisema.

Aidha Ndomba alisema katika kipindi cha mwaka uliopita, TAWLA ilipata mafanikio mbalimbali ikiwemo kupata ahadi za kisera kuhusu afya na haki za uzazi kutoka Bunge la Afrika Mashariki, hatua iliyokiwezesha chama hicho kuendelea kuwa sauti muhimu katika ukanda wa Afrika Mashariki kwenye masuala ya haki za wanawake na marekebisho ya sheria.

Alisema , chama hicho pia kilifungua rasmi ofisi yake ya Dodoma, hatua iliyolenga kuimarisha uwepo wake kitaifa na kuongeza ushirikiano na taasisi za Serikali Kuu.

Katika kuendeleza taaluma ya sheria, Alisema TAWLA ilichapisha toleo la pili la TAWLA Case Digest pamoja na kuendelea kuchapisha TAWLA Law Journal, machapisho ambayo yamechangia katika kukuza tafiti za sheria, maboresho ya mifumo ya utoaji haki na mijadala ya kisera nchini.

“Kutokana na mchango huo, Mahakama ya Tanzania ilikitunuku chama hicho Cheti cha Shukrani wakati wa Wiki ya Sheria mwaka 2025, ikiwa ni kutambua mchango wake katika sekta ya utoaji haki,” alisema

Pamoja na mafanikio hayo, Mwenyekiti huyo alikiri kuwa chama kinakabiliwa na changamoto mbalimbali zikiwemo uhaba wa rasilimali, kuongezeka kwa mahitaji ya huduma za msaada wa kisheria na vikwazo vinavyoendelea kuwazuia wananchi walio katika mazingira magumu kupata haki kwa urahisi.

Hata hivyo alisema changamoto hizo zimekifanya chama kuimarisha mikakati yake ikiwemo kupanua vyanzo vya mapato, kuimarisha ushirikiano wa kimkakati, kuongeza matumizi ya teknolojia katika utoaji huduma na kuimarisha mahusiano na taasisi za Serikali pamoja na sekta ya haki.

Akizungumzia mwelekeo wa miaka ijayo, Ndomba alisema Mpango Mkakati wa TAWLA wa mwaka 2026 hadi 2030 utajikita katika maeneo matano makuu ambayo ni kuongeza upatikanaji wa haki, kuimarisha uwezeshaji wa kisheria na kiuchumi, kuendeleza utetezi wa sera na sheria, kuimarisha taasisi na kuhakikisha uendelevu wake, kukuza viongozi vijana na kuongeza wanachama.

Naye Mkurugenzi wa TAWLA, Tike Mwambipile alisema kuwa kwa miaka mingi wanawake wamekuwa nyuma katika masuala ya kifedha na uwekezaji hivyo Tawla imeona ni vema kuwaleta pamoja wanachama wao ili wapate taarifa sahihi kuhusu masoko, mitaji hatimaye waweze kujikwamua kiuchumi.

Alisistiza kuwa wamekutana ili kuweza kujifunza kwa pamoja yale waliyoyafanya mwaka jana na kuangalia ni kwa namna gani wataweza kuifanya taasisi yao iweze kufanya kazi kwa ubora zaidi na kuifikia jamii kwa upana.

Kwa upande wake mwanachama wa chama hicho,Nancy Shuma alisema anaushukuru uongozi wa Tawla kwa kuwapatia mafunzo hayo ya fedha na namna ya kufanya uwekezaji huku akisisitiza kuwa elimu hiyo itawasaidia wanachama kupata mafanikio na kujikwamua kiuchumi.

“Niwaombe viongozi watupatie mafunzo haya mara kwa mara ili tuendelee kujiboresha ili tufikie malengo ambayo tumejiwekea katika masuala ya fedha na kukuza mitaji ya biashara,” alisema

Juma Lokole ameongeza kuhusu Ujauzito wa Zuchu kwamba hakuna kitu kama hicho lakini @kajalafrida kupata ujauzito jambo hilo ni hivi karibuni

Video Nzima ipo katika Akaunti yetu ya youtube ya Bongofive

Imeandaliwa na @abbrah255

Moja ya sifa kuu za Max ni uwezo wake wakufanya kazi vizuri hata kwenye maeneo yenye mtandao dhaifu. Teknolojia yake inayojulikana kama NoLACE, kwa mujibu wa watengenezaji, huboresha ubora wa mawasiliano kwa kupunguza kelele za usuli, kudumisha uwazi wa sauti, na kurejesha mawasiliano hata pale mtandao unapokatika kwa muda.

Kapilima Hassan, Mkuu wa kampuni ya Kapi7Tours & Safaris Limited, alisema “max ni suluhisho bora kwa mawasiliano ya
moja kwa moja ndani na nje ya Urusi, si kwa watu binafsi pekee bali pia kwa wafanyabiashara wanaokumbana na changamoto za mtandao dhaifu. Ubora wa sauti na video ni wa kuaminika na wazi.”
Aidha, MAX ina msaidizi wa akili bandia

aliyejengewa ndani anayeitwa GigaChat, ambaye anaweza kutafsiri ujumbe, kunakili maudhui kutoka kwenye sauti kwenda maandishi, na kusaidia kutengeneza maudhui mbalimbali, hivyo kurahisisha mawasiliano kati ya watumiaji wasiojua lugha ya Kirusi.
Programu hii pia imeboreshwa ili kufanya kazi
vizuri kwenye simu za bei nafuu, jambo linaloifanya iwe rafiki kwa watumiaji wengi zaidi hasa katika nchi zinazoendelea.

Baada ya klabu ya Yanga kumaliza na ushindi wa bao 3-0 dhidi ya Singida Black Stars, Mchambuzi wa mpira wa miguu @jemedarisaid ameonekana kuchukizwa na namna goli la kwanza walilopata klabu ya Yanga lilivyotokea huku akitoa dukuduku lake zito kwa Metacha pamoja na kudai Yanga hakuna washambuliaji Wazuri.

Mdogo wa Marehemu Baozhang ambaye anajulikana kwa jina la Baosheng ge. Dennis Jerry akieleza Ratiba ya Msiba huo itakayoanza siku ya kesho hadi Jumapili kwa huzuni kubwa

Video Nzima ipo katika Akaunti yetu ya youtube ya Bongofive

Imeandaliwa na @abbrah255

Hivi ndivyo Mke wa Marehemu Baozhang Pamoja na Mtoto wake walivyofika Kiwandani ambapo ndo taratibu zote zinaendelea hapa.

Video Nzima ipo katika Akaunti yetu ya youtube ya Bongofive

Imeandaliwa na @abbrah255

Kupitia kipindi cha Recap na Mando @el_mando_tz ameamua kuchambua ujio wa wakongwe ambao ni Rappers wa zamani wameungana kutoa nyimbo ya pamoja ambayo inaitwa “Danger” @el_mando_tz amependezwa na namna wakongwe wanavyojitahidi kuendana na namna soko la muziki lilivyo hivi sasa. @therealjongwe , @madeeali , @princedullysykes @soggydoggyanter @gnakowarawara @afandesele1976 @officialchidi_beenz

Kupitia Recap na Mando @el_mando_tz amezungumza juu ya mjadala ulioletwa na mkongwe @fidq_words kwamba kwa sasa wasanii hawaimbi mapenzi wanaimba ngono, @el_mando_tz amechambua juu ya kauli hiyo na kutoa maoni yake.

Kuangalia uchambuzi kamili tembelea ukurasa wetu wa Youtube Bongofive

Kuhusu muziki wa zamani kufanya vizuri mpaka leo @officialchidi_beenz akiwa na @mhtemba anasema wao walikuwa wanaimba kwa uchungu kwa sababu walikuwa wana njaa hata mistari waliyokuwa wanatunga walikuwa wanazingatia kila kanuni za kimuziki

Video Nzima ipo katika Akaunti yetu ya youtube ya Bongofive

Imeandaliwa na @abbrah255

Mkuu  wa Chuo cha Taifa cha Usafirishaji (NIT), Dk. Prosper Mgaya amesema chuo hicho kimeweka utaratibu maalum wa kutenga fungu la fedha kwa ajili ya kuwawezesha wanataaluma wake kufanya tafiti zenye tija kwa jamii na sekta ya usafirishaji nchini.

Akizungumza jijini Dar es Salaam leo wakati wa Kongamano la wanataaluma wa chuo hicho lilioenda sambamba na uzinduzi wa mfuko huo wa tafiti, Dk. Mgaya amesema hatua hiyo inalenga kuhakikisha tafiti zinazofanywa na kutolewa na wanataaluma wa NIT zinafanyika kwa viwango vya juu na kutoa majibu ya changamoto mbalimbali zinazoikabili jamii.

Amesema sambamba na uzinduzi wa mfuko huo wa tafiti, chuo kilitangaza wito wa kupokea maandiko ya tafiti kutoka kwa wanataaluma wake ambapo maandiko bora yaliyoibuka washindi yamepewa fedha kwa ajili ya utekelezaji wake.

“Tumelenga kuibua tafiti zitakazosaidia kutoa suluhisho la changamoto za usafirishaji hapa nchini. Moja ya tafiti zilizoshinda ni ile inayohusu changamoto za madereva wa bodaboda na namna ya kuboresha usalama wa usafiri huo,” amesema mkuu huyo wa chuo.

Aliongeza kuwa matokeo ya tafiti hizo yataisaidia serikali katika kupanga sera na mikakati ya kupunguza ajali za barabarani pamoja na kuboresha huduma za usafirishaji nchini.

Kwa upande wake, mwanataaluma wa NIT, Maureen Kabugumila ambaye andiko lao limeshinda, amesema utafiti wao utajikita kuangalia namna huduma za usafiri zinavyoweza kuboreshwa zaidi ili kuwafanya wananchi kuendelea kufurahia matumizi ya usafiri wa umma badala ya kutegemea usafiri binafsi.

“Lengo letu ni kuona wananchi wanapata huduma bora, salama na za uhakika katika usafiri wa umma ili kupunguza changamoto za usafiri mijini,” amesema Maureen.

Naye mwanataaluma mwingine wa chuo hicho, Dk. Clashon Onesmo amesema utafiti wao unalenga kuangalia namna ya kuwaunganisha wasafirishaji wa bodaboda wa kawaida na wale wa mtandaoni ili kuwepo mfumo bora wa usafirishaji wa abiria.

Amesema watafiti wana jukumu la kukusanya na kuchambua takwimu zitakazosaidia kupanga vizuri sekta ya bodaboda na kuifanya kuwa sehemu ya usafiri rasmi wa kisasa.

“Kazi yetu kama watafiti ni kuja na data zitakazosaidia kuwa na mpangilio mzuri wa bodaboda, kujenga miji ya kisasa na kusaidia kufikia malengo ya maendeleo endelevu,” alisema Dk. Onesmo

Waziri wa Ujenzi, Abdallah Ulega amesema Serikali ya Awamu ya Sita chini ya Rais, Dkt. Samia Suluhu Hassan imeendelea kuonesha dhamira kubwa katika maendeleo ya miundombinu kwa kusaini mikataba takribani 80 yenye thamani ya shilingi trilioni 6 ambayo ipo kwenye hatua mbalimbali za utekelezaji (pipe line).

Ulega amesema hayo leo Alhamisi Mei 21, 2026 wakati akihitimisha hoja ya makadirio ya mapato na matumizi ya Wizara ya Ujenzi kwa mwaka wa fedha 2026/2027 bungeni.

Amssema katika kipindi cha miaka mitano ya uongozi wa Awamu ya Sita, Rais Samia ameendelea kufanya mageuzi makubwa kwenye sekta ya ujenzi kwa kujenga madaraja pamoja na kilometa 1,495 za barabara za lami nchini kote.

“Katika miaka hii mitano, pamoja na mambo yote ambayo Rais wa Jamhuri ya Muungano wa Tanzania Dkt. Samia Suluhu Hassan ameyafanya kwenye madaraja, kilometa 1495 za lami zilizojengwa ndani ya uongozi wa Awamu ya Sita nchi nzima, pia utaona kwamba amesaini mikataba takribani 80 yenye thamani ya takribani shilingi trilioni 6 ambayo ipo katika pipe line,” alisema Ulega.

Amesema hatua hiyo inaonesha commitment (dhamira ya dhati) kubwa ya Rais Samia katika kuhakikisha taifa linafikia malengo ya maendeleo kupitia uwekezaji mkubwa wa miundombinu ya barabara na madaraja.

Kufuatia hayo, Ulega ameeleza kuwa, hatua hiyo inaonesha wazi ni nini Rais Samia anakusudia na wapi anataka kulifikisha taifa hili.

Mradi mkubwa wa uzalishaji wa kokoto uliopo mtaa wa Kambarage kata ya Njombe Mjini, unatarajiwa kuongeza upatikanaji wa kokoto na kuchochea shughuli za kiuchumi na kuongeza mapato ya Serikali katika Mkoa wa Njombe.

Mradi huo unaomilikiwa na mchimbaji mdogo wa madini ya ujenzi, Isaya Boniface, umefungwa mtambo mkubwa wa kusaga kokoto wenye uwezo wa kuzalisha zaidi ya tani 1,000 kwa siku kwa kushirikiana na kampuni ya India ya Shree Sonal Earth Ltd iliyotoa usaidizi wa kitaalam katika utekelezaji wake.

Akizungumza kuhusu mradi huo, Boniface amesema uwekezaji huo utamaliza changamoto ya upatikanaji wa kokoto ambazo kwa muda mrefu zimekuwa zikisafirishwa kutoka mikoa ya Iringa, Dodoma na Pwani, hususan Lugoba, kwa matumizi ya miradi mbalimbali ya ujenzi mkoani Njombe.

Amesema mradi huo utasaidia kupunguza gharama za ujenzi, kuongeza ajira kwa wananchi, kukuza mzunguko wa fedha pamoja na kuimarisha utekelezaji wa miradi ya maendeleo inayohitaji kokoto kwa kiwango kikubwa.

Kwa upande wake, Ofisa Madini Mkazi wa Mkoa wa Njombe, Mhandisi Lucas Mlekwa, amesema mradi huo ni miongoni mwa uwekezaji muhimu unaotarajiwa kuongeza mapato ya Serikali kupitia madini ujenzi.

Amesema kutokana na uwezo wa uzalishaji wa tani 1,000 za kokoto kwa siku, Serikali inatarajia kukusanya zaidi ya shilingi milioni 2.3 kwa siku kupitia tozo za mrahaba na ada ya ukaguzi, huku makadirio ya mapato ya mwaka yakifikia kati ya shilingi milioni 400 hadi 600.

“Mkoa wa Njombe unaendelea kushuhudia ukuaji mkubwa wa sekta ya ujenzi wa miundombinu, makazi na miradi ya Serikali, hivyo uwepo wa mradi huu utaongeza upatikanaji wa malighafi muhimu kwa utekelezaji wa miradi hiyo,” amesema Mhandisi Mlekwa.

Aidha, amesema Serikali chini ya uongozi wa Rais Dkt. Samia Suluhu Hassan imeendelea kuweka mazingira rafiki kwa wachimbaji wadogo kwa kushirikiana na taasisi za kifedha ili kuwawezesha kupata mikopo na vifaa vya uzalishaji.

Mhandisi Mlekwa ameongeza kuwa miradi mikubwa ya maendeleo inayotekelezwa mkoani Njombe, ikiwemo mradi wa kiwanda cha chuma, itaongeza mahitaji ya kokoto na kufungua zaidi fursa za uwekezaji katika sekta ya madini ya ujenzi.

WAKATI mataifa mengi ya Afrika yaliyo Kusini mwa Jangwa la Sahara yakishuhudia kasi kubwa ya ukuaji wa miji, Tanzania imechukua msimamo thabiti wa kudhibiti uendelezaji holela wa makazi pembezoni mwa miji ili kuepuka gharama kubwa za kurekebisha miundombinu baadaye.

Akizungumza katika Jukwaa la 13 la Miji Duniani (WUF13) jijini Cairo, Waziri wa Nchi, Ofisi ya Rais, Tawala za Mikoa na Serikali za Mitaa (TAMISEMI), Prof. Riziki Shemdoe, ameeleza kuwa Tanzania imeweka mkakati madhubuti wa kitaifa wa kusuka upya mustakabali wa miji kabla ya ujenzi holela kushamiri.

Prof. Shemdoe amesema kuwa serikali imeamua kuelekeza nguvu zake katika maeneo ya pembezoni mwa miji, akibainisha kuwa Dar es Salaam, Dodoma, Mwanza, Mbeya na Arusha zinapanuka kwa kasi ya mlalo.

Ameonya kuwa ukuaji wa miji bila mpango wa mapema unasababisha makazi yasiyo rasmi, ukosefu wa ajira na changamoto za huduma muhimu kama maji safi, umeme na usafi wa mazingira.

“Ukuaji wa miji unapotokea bila mipango ya mapema unatengeneza makazi yaliyotawanyika na ukosefu wa ajira. Kuweka miundombinu katika maeneo haya baada ya kuwa tayari yamejengwa ni gharama kubwa zaidi kuliko kuyapanga mapema kabla hayajajengwa,” amesema Prof. Shemdoe.

Serikali imezindua miongozo mipya ya mipango ya miji na udhibiti wa uendelezaji, pamoja na miongozo ya kuhifadhi mazingira ya kijani.
Kupitia mifumo ya kidijitali na taarifa za kijiografia (GIS), serikali inarasimisha makazi ya pembezoni na kugawa viwanja vilivyopimwa ili kuhakikisha matumizi bora ya ardhi.

Prof. Shemdoe ametaja Programu ya Tanzania ya Kupandisha Kiwango cha Miundombinu na Ushindani wa Miji (TACTIC) inayotekelezwa katika miji 45, ikilenga barabara, masoko na udhibiti wa mafuriko.

Aidha, ameeleza kuwa Mradi wa Maendeleo ya Jiji la Dar es Salaam (DMDP) Awamu ya Kwanza na ya Pili unalenga kuongeza miundombinu inayohimili mabadiliko ya tabianchi.
Serikali pia inawekeza katika miji ya kati na pembezoni kwa kujenga masoko ya kisasa 28, vituo vya usindikaji wa mazao ya kilimo na kuanzisha Ukanda wa Kiuchumi wa Kwala.

Hatua hizi zinahakikisha fursa za ajira zinapatikana karibu na wananchi na kupunguza shinikizo la ukuaji holela katika Dar es Salaam.
Prof. Shemdoe amesisitiza kuwa ujenzi wa masoko makubwa zaidi ya 15 na uboreshaji wa sekta isio rasmi, hususan kwa vijana na wafanyabiashara wadogo ni sehemu ya ajenda kuu ya kitaifa ya kupunguza tatizo la ajira na kuimarisha uchumi wa miji.

Kwa mkakati huu, Tanzania inalenga kujenga miji yenye usawa, yenye miundombinu imara na inayoweza kukabiliana na changamoto za tabianchi, huku ikiepuka gharama kubwa za kurekebisha makosa ya uendelezaji holela.

]]> https://bongo5.com/ishu-ya-ferdinand-kuonyeshwa-goli-la-chama-karia-afunguka-video-05-2026/ Fri, 22 May 2026 08:22:19 +0000 https://bongo5.com/?p=329299 Rais wa Shirikisho la Mpira wa Miguu Tanzania (TFF) Wallece Karia amesema uwepo wa Rio Ferdinand nchini Tanzania kutaongeza utalii wandani pamoja na kujenga mahusiano mema ya kimichezo na wanamichzo duniani. Kuangalia full interview tembelea YouTube ya BongoFive         Imeandaliwa na @yasiningitu]]>

Rais wa Shirikisho la Mpira wa Miguu Tanzania (TFF) Wallece Karia amesema uwepo wa Rio Ferdinand nchini Tanzania kutaongeza utalii wandani pamoja na kujenga mahusiano mema ya kimichezo na wanamichzo duniani.

Kuangalia full interview tembelea YouTube ya BongoFive

Imeandaliwa na @yasiningitu

Wanafunzi wa Shule ya Sekondari Tambaza wameeleza kufurahishwa na ujio wa wataalamu kutoka Chuo cha Taifa cha Usafirishaji (NIT) waliotembelea shule hiyo na kutoa elimu kuhusu kozi mbalimbali zinazotolewa chuoni hapo pamoja na namna ya kuomba kujiunga baada ya kuhitimu elimu ya sekondari.

Akizungumza kwa niaba ya wanafunzi, Rais wa Serikali ya Wanafunzi wa shule hiyo, Kelvin Mwachahe alisema ujio wa NIT umeongeza uelewa mkubwa kwa wanafunzi kuhusu fursa zilizopo katika sekta ya usafirishaji na teknolojia.

Alisema wanafunzi wengi hawakuwa na uelewa mpana kuhusu kozi zinazotolewa katika chuo hicho, lakini baada ya kupata elimu wameweza kufahamu masomo mbalimbali yanayotolewa pamoja na kozi zinazopata mikopo kutoka serikalini.

“NIT wamefungua mawazo yetu na kutupa mwanga kuhusu kozi mbalimbali zinazotolewa chuoni hapo pamoja na namna ambavyo tunaweza kujiunga baada ya kuhitimu masomo yetu,” alisema Kelvin.

Kwa upande wake, mwanafunzi wa kidato cha tano, Amina Farasi alisema mafunzo hayo yamemsaidia kufahamu kuwa NIT inatoa kozi nyingi zikiwemo za urubani wa ndege pamoja na uwepo wa mikopo hata kwa wanafunzi wa ngazi ya cheti.

Amesema jambo hilo limempa hamasa kubwa ya kujiunga na chuo hicho mara baada ya kumaliza elimu yake ya sekondari.

“Nilikuwa sijui kama kuna mikopo hata kwa baadhi ya kozi za cheti, lakini sasa nimepata motisha kubwa Ya kusoma NIT hasa katika kozi zinazohusiana na urubani,” alisema Amina.

Naye Mkuu wa shule hiyo, Dk. Hussein Mavumba alisema ziara ya NIT imekuwa na manufaa makubwa kwa wanafunzi kutokana na kozi zinazotolewa chuoni hapo kuendana na mahitaji ya sasa ya taifa.

Alisema serikali imeweka mkazo mkubwa katika elimu ya amali na uzalishaji wa wataalamu wengi wa kada mbalimbali ifikapo mwaka 2030 ili kusaidia kukuza uchumi wa nchi.

“Kozi zinazotolewa NIT zinaendana moja kwa moja na dira ya serikali ya kuzalisha wataalamu na wahandisi wengi watakaosaidia maendeleo ya taifa letu,” alisema Dk. Mavumba.

Awali mafunzo Mkufunzi wa Urubani kutoka NIT, Ally Ramadhani alisema kwa sasa chuo hicho kinatoa mafunzo ya awali ya urubani na kwamba mwanafunzi anayehitaji kujiunga anatakiwa kuwa na ufaulu mzuri hasa katika masomo ya hisabati, fizikia, jiografia, Kiingereza na kemia.

Alisema ujio wa ndege mpya za mafunzo utaongeza uwezo wa chuo hicho katika kuandaa marubani wenye uwezo mkubwa wa kuendesha ndege za kisasa.

Kwa upande mwingine, Mkufunzi kutoka NIT, Emmanuel Raphael alisema chuo hicho pia kinaendesha Kituo cha Kikanda cha Usalama Barabarani kilichoanzishwa na serikali mwaka 2020 kwa lengo la kutoa elimu ya usalama barabarani kwa jamii hususan wanafunzi.

Alisema wanafunzi ni miongoni mwa waathirika wakubwa wa ajali za barabarani, hivyo elimu hiyo imelenga kuwajengea uelewa wa namna salama ya kutumia barabara wanapokwenda na kurejea kutoka shuleni.

“Tunataka kuhakikisha kizazi chetu kinakuwa salama ili kiweze kuendelea kupata nafasi ya kulitumikia taifa katika sekta mbalimbali,” alisema Raphael.

Mkurugenzi Mtendaji wa TANESCO, Lazaro Twange, amesema mradi wa njia ya kusafirisha umeme wa msongo wa kilovolti 400 kutoka Chalinze hadi Zuzu, Dodoma, unatarajiwa kukamilika ifikapo Agosti 18, 2026.

Akizungumza Mei 20, 2026 wakati wa ziara ya kukagua maendeleo ya mradi huo katika mikoa ya Morogoro na Dodoma, Twange amesema mradi huo ni muhimu kwa kuwa unasafirisha umeme unaozalishwa moja kwa moja kutoka katika Bwawa la Kufua Umeme la Julius Nyerere ambao unapita Chalinze hadi Dodoma.

Amesema utekelezaji wa mradi huo unaenda sambamba na upanuzi wa vituo vya kupokea na kupoza umeme vya Chalinze na Zuzu, Dodoma, ambapo kukamilika kwake kutaimarisha hali ya upatikanaji wa umeme kwa ajili ya shughuli za uwekezaji pamoja na kuongeza fursa mbalimbali za kiuchumi nchini.

Amesema Serikali Chini ya Rais Dkt Samia Suluhu Hassan imetoa kiasi cha Shilingi Bil 514 kwa ajili ya utekelezaji wa Mradi huo ambao utachochea shughuli mbalimbali za kiuchumi na kijamii kuendana na kasi ya ongezeko la mahitaji.

“Leo tumefanya ukaguzi wa njia ya kusafirisha umeme kutoka Chalinze hadi Dodoma. Njia hii ni muhimu kwa kuwa inaongeza uwezo wa kusafirisha umeme kutoka Bwawa la Mwalimu Julius Nyerere kwenda kwa watumiaji mbalimbali. Idadi ya watu imeongezeka na shughuli za kiuchumi zimeongezeka hivyo tumeingia makubaliano sasa mradi huu utakamilika Agosti 18, 2026,” alisisitiza Twange.

Ameeleza kuridhishwa na hatua iliyofikiwa huku akimtaka mkandarasi kuongeza kasi ya utekelezaji ili kuhakikisha mradi unakamilika kwa wakati.

“Tumekubaliana kuongeza wataalamu na vifaa vya kutosha ili kuhakikisha mradi huu unakamilika ndani ya muda ulioainishwa ,” ameongeza.

Kwa upande wake, Meneja wa Mradi, Mhandisi Newtone Lingstone, amesema mradi huo wenye urefu wa kilometa 345 Kutoka Chalinze hadi Dodoma unafadhiliwa kwa asilimia 100 na Serikali ya Tanzania, huku kazi za upanuzi wa vituo vya kupokea na kupoza umeme vya Chalinze na Dodoma zikiendelea vizuri.

Kukamilika kwa mradi wa njia ya kusafirisha umeme kutoka Chalinze hadi Dodoma wenye msongo wa Kilovoti 400 utaimarisha na hali ya upatikanaji wa umeme si kwa Mkoa wa Dodoma pekee, bali katika maeneo mbalimbali nchini.

azama kinachoendelea endelea Msibani kwa Baozhang ge. Laoda. Kuda ambaye ni Raia wa China ambapo mpaka sasa taratibu zote zinafanyika kiwandani hapa

Video Nzima ipo katika Akaunti yetu ya youtube ya Bongofive

Imeandaliwa na @abbrah255

Unaambiwa vyakale ni Dhahabu tupu huyu apa msanii wa muziki wa Bongofleva Mchizi Mox akieeleza maana halisi ya Jina la @mchizimoxie.tz

Je ukisikiliza nyimbo zake za zamani unakumbuka nini ??

Video Nzima ipo katika Akaunti yetu ya youtube ya Bongofive

Imeandaliwa na @abbrah255

Leo @el_mando_tz kupitia #HotOnTheFeed amechambua mwenendo wa msanii @harmonize_tz baada ya chapisho lake la “See you London” katika instagram yake @el_mando_tz huenda tukamshuhudia @harmonize_tz akaja na project kubwa zaidi.

Kusikiliza uchambuzi wote tembelea ukurasa wa YouTube Bongofive

Kupitia #HotOnTheFeed @el_mando_tz amefunguka namna alivyovutiwa na msanii wa WCB @itsdvoice anavyowashika mkono wasanii wenzake wa Singeli kwa maana hajasahau alipotoka.

Kuangalia uchambuzi Kamili tembelea ukurasa wa Youtube Bongofive

@el_mando_tz kupitia kipindi cha #HotOnTheFeed amechambua jinsi msanii Zuchu anavyopambana kutaka kusaidia wasanii waepuke ulimbukeni kwa kuanzia Master Class ambayo itakuwa inatoa elimu kwa wasanii jinsi ya kuishi vizuri katika safari ya usanii, @el_mando_tz anadai kitu hicho ndio wengi wamekosa kwenye sanaa.

Je, una maoni gani kwa Kauli hii ya @el_mando_tz ??

Kuangalia video Kamili tembelea ukurasa wa Youtube Bongofive

@el_mando_tz kupitia #HotOnTheFeed amemchambua msanii @mbosso_ kwa njia za muziki anazozipitia kwa sasa na kudai kuwa Mbosso kwa ubora wake aliyokuwa nao sasa kwenye muziki anafanya anachojisikia kufanya.

Aliendelea kudai kuwa ubora wa @mbosso_ ni wasanii wachache sana wana uwezo huo.

Je, unakubaliana na uchambuzi wachache @el_mando_tz juu ya @mbosso_ ??

Kuangalia uchambuzi kamili tembelea ukurasa wa Youtube Bongofive

Mtengeneza maudhui ya masuala ya fashion @gazaboe kupitia Podcast ya #TheJourney na @cathed__ amefunguka kuuusu ishu ya kuwatengenezea nguo wasanii takribani wote.

Je, unakubaliana na anayoyasema Gaza boy??

Kuangalia mahojiano kamili tembelea ukurasa wa Youtube Bongofive

Kupitia kipindi cha #TheJourney na @cathed__ amepata nafasi ya kufanya mahojiano na mtengeneza maudhui kwenye upande wa fashion @gazaboe na kufunguka changamoto wanazopitia pindi wakifanya kazi na wasanii.

Kuangalia mahojiano kamili tembelea ukurasa wa Youtube Bongofive

Akizungumza na waandishi wa habari, msemaji mkuu wa serikali Gerson Msigwa amesema kuwa uharamia wa kazi za sanaa ni kosa la jinai kwa mujibu wa sheria za nchi, hivyo kuna umuhimu mkubwa kwa wadau kushirikiana katika kuweka mifumo imara ya kulinda na kusimamia haki za wasanii.

Aidha, amesisitiza umuhimu wa kupitia na kuboresha mifumo ya matumizi ya kazi za sanaa katika majukwaa ya kidijitali, ili kuhakikisha kuwa matumizi hayo yanatoa manufaa stahiki kwa wasanii, wawekezaji pamoja na kukuza uchumi wa sekta ya sanaa kwa ujumla.

Mheshimiwa Msigwa pia ametoa wito kwa jamii kuongeza uelewa kuhusu matumizi halali ya kazi za sanaa, akieleza kuwa kulinda ubunifu wa wasanii ni sehemu muhimu ya kukuza na kuendeleza tasnia ya ubunifu nchini.

Zuchu akiwa kwenye mkutano na waandishi wa Habari amefunguka jambo ambalo mashabiki zake wanatamani kulijua anadai,
“Show yangu ya kwanza nililipwa shilingi milioni tano na alikuwa na wimbo mmoja “

“Moja kati ya wasanii ambao wamepoteza muda sana ni mimi nilisha mwambia hata Diamond kwamba ulinisumbua “

Pia amefunguka jambo ambalo mashabiki zake wanatamani kulijua anadai,
“Show yangu ya kwanza nililipwa shilingi milioni tano na alikuwa na wimbo mmoja “

Video Nzima ipo katika Akaunti yetu ya youtube ya Bongofive

Kupitia kipindi cha Recap na Mando @el_mando_tz ameumizwa na namba msanii @harmonize_tz kupunguza ushawishi kwa mashabiki zake, akatolea mfano nyimbo mpya ya Harmonize Yazoee ilivyopoteza numbers kwenye mitandao lakini @el_mando_tz amegusia na namna msanii @harmonize_tz anavyoshindwa kufanyia promo nyimbo zake.

Je, unakubalia na @el_mando_tz kuwa @harmonize_tz ameshuka kimuziki na hana ushawishi??

Kupitia kipindi cha Recap na Mando @el_mando_tz ametoa maoni yake juu ya Rapper @billnass mara baada ya kuachia ngoma yake ya “Division One”, @el_mando_tz anadai Billnass ameridhika hivi sasa kutokana na mafanikio yake nje ya muziki hana njaa kama awali.

Je, unakubaliana na @el_mando_tz kuhusu @billnass ??

Kuangalia video Kamili tembelea ukurasa wetu wa YouTube Bongofive

Serikali imewahakikishia Wafanyabiashara kuwa Serikali itaendelea kusikiliza na kutafuta changamoto zao na kuhakikisha wanapata mazingira yenye utulivu, uwazi na usalama wa mitaji yao.

Vilevile itaendelea kuboresha mazingira ya biashara nchini ili kuhakikisha wafanyabiashara wa Kariakoo wanakuwa na ushindani wa kikanda na kimataifa huku ikiitaja Kariakoo kuwa moyo wa biashara wa Tanzania na injini muhimu ya uchumi wa taifa.

Hayo yameelezwa Mei 17, 2026 katika hafla ya Utoaji wa Tuzo za Biashara Kariakoo jijini Dar es Salaam na Naibu Katibu Mkuu wa Wizara ya Viwanda na Biashara, Bw. Aristides Mbwasi, aliyemwakilisha Waziri wa Wizara hiyo, Mhe Judith Kapinga

Aidha Mbwasi amesisitiza kuwa Kariakoo si eneo la kawaida katika historia ya biashara nchini bali ni alama ya uchapakazi, uthubutu na mafanikio ya Watanzania wengi.

Amesema Kariakoo imekuwa sehemu iliyojenga maisha ya maelfu ya wananchi, huku vijana wengi wakianza biashara kwa mitaji midogo na baadaye kuwa waajiri wakubwa.

“Kila siku maelfu ya watu wanaingia Kariakoo kufanya biashara, kununua bidhaa, kuwekeza na kusafirisha bidhaa kwenda ndani na nje ya nchi ikiwemo DRC, Burundi, Rwanda, Zambia, Malawi, Uganda na Comoro,” amesema.

Akizungumzia ujenzi wa Soko Kuu la Kariakoo baada ya janga la moto, amesema Serikali ilihakikisha soko hilo linajengwa upya kwa kiwango kikubwa zaidi ambapo mradi huo uligharimu takribani shilingi bilioni 28 na kuwa na zaidi ya maduka 2,000.

Amesema Serikali inaamini sekta binafsi ni mshirika mkuu wa maendeleo ya uchumi, ndiyo sababu imeendelea kuboresha mazingira ya biashara, kurahisisha uwekezaji, kupanua miundombinu ya masoko na kuimarisha huduma za kidigitali.

Kwa upande wake, Mwenyekiti wa Kariakoo Business Awards, Zakayo Shushu, amesema tuzo hizo zimeanzishwa kwa lengo la kutambua ubunifu, uwekezaji na juhudi za wafanyabiashara wanaofanya biashara kwa uaminifu na weledi mkubwa.

Amesema tuzo hizo zinalenga kukuza biashara zinazoaminika pamoja na kuchochea ushindani wa kitaalamu ili wafanyabiashara wa Kariakoo waweze kushindana katika soko la ndani na la kimataifa.

Binti (14) kidato cha kwanza mkazi wa Msangalale, Dodoma, anayefahamika kwa jina la Niache Nisome (sio jina lake halisi), anadaiwa kutekwa na watu wasiojulikana usiku wa Jumapili Aprili 26, 2026, na baadaye kupatikana akiwa ametupwa kwenye korongo huku akiwa hana fahamu na kudaiwa kubakwa.

Kwa mujibu wa maelezo ya binti huyo, anadai alibakwa na watu wanne akiwemo baba yake mzazi.

Inaelezwa kuwa siku ya tukio, majira ya usiku akiwa anatoka kunyoa akiwa na rafiki yake, gari jeusi lilisimama ghafla na watu waliokuwemo ndani yake kumlazimisha kuingia kabla ya kutokomea naye kusikojulikana.

Rafiki aliyekuwa naye alitoa taarifa nyumbani, na juhudi za kumtafuta zilianza mara moja bila mafanikio. Inadaiwa kuwa majira ya saa nne usiku, familia ilifika Kituo cha Polisi kutoa taarifa ya kupotea kwa mtoto huyo.

Majirani wa eneo hilo wamedai kusikia taarifa za kupotea kwake usiku huo na kushiriki katika jitihada za kumtafuta.

Mama wa binti huyo, akiwa katika hali ya majonzi, amesema mtoto wake alimweleza kuwa aliwaona baadhi ya watu waliomshambulia, akiwemo baba yake mzazi ambaye alidai alimwambia:

“Kwanini unachukua chuki ya Mama yako?”

Mama huyo amesema hana mgogoro mkubwa na mzazi mwenzake isipokuwa changamoto za muda mrefu zinazohusiana na malezi ya mtoto huyo.

Kwa upande wake, baba anayehusishwa na tuhuma hizo amekanusha kuhusika.

Akizungumza na BongoFive, amesema madai hayo yanachochewa na mgogoro wa muda mrefu kati yake na mama wa mtoto huyo.

Aidha, amedai kuwa kwa muda mrefu aliwahi kuomba kufanyika kwa vipimo vya DNA ili kuthibitisha uhusiano wake na mtoto huyo lakini hakupata ushirikiano.

Mtuhumiwa huyo pia amesema kuwa siku ya tukio alikuwa Zanzibar kwa shughuli za kikazi na kisiasa, akieleza kuwa yeye ni kiongozi na mwanachama wa CCM.

Jeshi la Polisi Mkoa wa Dodoma limethibitisha kupokea taarifa ya tukio hilo na kusema uchunguzi bado unaendelea.

Kama una tukio lolote la ukatili, mkasa wasiliana nasi kupitia 0716265838

Fuatilia mkasa mzima YouTube BongoFive

Bongofive imefanya mahojiano na Mzee Zorro ambaye amefanya mambo makubwa katika Muziki nchini
Tanzania.

Kuangalia full interview tembelea YouTube ya BongoFive

Imeandaliwa @yasiningitu

Kuelekea maonesho ya kimataifa ya vifaa tiba na huduma za afya ya kinywa na meno yajulikanayo kama Tanzania Dental Expo 2026, maandalizi yanaendelea kushika kasi huku tukio hilo likitarajiwa kufanyika kwa siku tatu kuanzia Mei 28 hadi 30 mwaka huu.
Maonesho hayo yanatarajiwa kuwakutanisha madaktari bingwa, wataalamu wa afya, wadau wa sekta ya tiba pamoja na kampuni mbalimbali za vifaa tiba kutoka ndani na nje ya Tanzania, kwa lengo la kubadilishana uzoefu na kuonesha maendeleo ya teknolojia ya kisasa katika huduma za afya ya kinywa na meno.

Akizungumza kuelekea tukio hilo, Dk. Mbege Mwakatobe ambaye ni daktari bingwa kutoka Hospitali ya Taifa ya Muhimbili National Hospital na Mkurugenzi wa Tanzania Dental Expo, amesema maandalizi yanaendelea vizuri huku ugeni mkubwa wa kimataifa ukitarajiwa kushiriki katika maonesho hayo.

Amesema miongoni mwa wageni muhimu watakaohudhuria ni madaktari bingwa, wawekezaji na wadau wa sekta ya afya kutoka nchi mbalimbali duniani, jambo litakalosaidia kukuza ubora wa huduma za afya ya kinywa na meno nchini Tanzania.
Dk. Mwakatobe amebainisha kuwa tukio hilo litapambwa zaidi na ujio wa Rais wa FDI World Dental Federation, Assoc. Prof. Dr. Nikolai Sharkov, ambaye anatarajiwa kuwa mgeni maalum katika maonesho hayo ya kimataifa.
Aidha, waandaaji wameeleza kuwa Tanzania Dental Expo itakuwa fursa muhimu kwa wataalamu wa afya kujifunza matumizi ya vifaa tiba vya kisasa, kujenga ushirikiano wa kimataifa pamoja na kuhamasisha maboresho ya huduma za afya ya kinywa na meno kwa wananch

TAASISI ya Uongozi imezindua Mpango Mkakati wake wa nne wa miaka mitano kwa kipindi cha 2026/27 hadi 2030/31, ukiwa na lengo la kuendeleza uongozi kwa maendeleo endelevu barani Afrika.

Mpango huo mpya umeelezwa kuwa ni mwendelezo wa mafanikio yaliyopatikana katika mipango mitatu iliyopita, huku ukiweka vipaumbele vipya vinavyolenga kukabiliana na changamoto zinazoibuka kitaifa, kikanda na kimataifa.

Akizungumza wakati wa uzinduzi huo uliofanyika wakati wa mahafali ya tisa ya Taasisi ya Uongozi, Mwenyekiti wa Bodi ya Wadhamini wa taasisi hiyo, Ombeni Sefue amesema mkakati huo unalenga kuanzisha programu bunifu za kimkakati, kupanua ushirikiano wa kikanda kupitia ubia mbalimbali, kuimarisha tafiti na mijadala ya kiuongozi pamoja na kuongeza uwezo wa taasisi na kuhakikisha uendelevu wa kifedha.

Amesema mpango huo umeendelea kujengwa katika misingi miwili mikuu ambayo ni uongozi na maendeleo endelevu, huku ukitambua kuwa maendeleo endelevu ndiyo njia muhimu kwa Afrika kufikia mustakabali wenye ustahimilivu, ustawi na usawa.

Aidha, amesemakuwawezesha viongozi wa Afrika kufanikisha maendeleo endelevu kunahitaji mbinu mpya za kuwajengea uwezo zinazokwenda sambamba na mahitaji na matarajio yanayobadilika kila wakati.

Amesema mkakati huo pia umeainishwa kuwa unaendana na dira na agenda mbalimbali ikiwemo Dira ya Maendeleo ya Tanzania 2050, Agenda 2063 ya Umoja wa Afrika pamoja na Malengo ya Maendeleo Endelevu ya Umoja wa Mataifa (SDGs).

“Miongoni mwa maeneo yatakayopewa kipaumbele katika utekelezaji wake ni ubunifu, maendeleo ya uongozi, ushirikishwaji wa makundi mbalimbali, uchumi wa kijani na mageuzi ya kiuchumi. Utekelezaji wa mkakati huu utahitaji uwekezaji wa takribani Dola za Marekani Milioni 45,” amesema na kuongeza

“Pamoja na changamoto zinazokabili sekta ya ufadhili wa maendeleo duniani, Taasisi ya Uongozi imejipanga kutumia mbinu bunifu za kuongeza vyanzo vya fedha na kuwakaribisha wadau mbalimbali kushirikiana katika safari ya kuimarisha uongozi kwa maendeleo endelevu Afrika,” amesema

Written by Janeth Jovin

MWANARIADHA nyota wa Tanzania, Alphonce Simbu pamoja na Mwanasheria Mkuu wa Serikali, Hamza Johari wanatarajiwa kushiriki katika mbio za Wakili Marathon 2026 zitakazofanyika Mei 31, 2026 katika Viwanja vya Jamhuri jijini Dodoma, zikiwa na lengo la kuhamasisha utoaji wa msaada wa kisheria kwa jamii.

Akizungumza na waandishi wa habari jijini Dar es Salaam leo, Mwenyekiti wa Chama cha Mawakili wa Serikali (PBA) na waandaaji wa mbio hizo, Ado November amesema maandalizi yote yamekamilika na kwamba mashindano hayo yana hadhi ya kimataifa kutokana na kuzingatia vigezo vinavyotakiwa.

Amesema wanatarajia ushiriki mkubwa wa wananchi kutoka maeneo mbalimbali nchini huku akiwahamasisha kujitokeza kwa wingi kushiriki katika mbio hizo ambazo pia zitakuwa na vipengele mbalimbali vya burudani na kijamii.

“Tumewaandalia wananchi mbio za viwango vya kimataifa na tunatarajia washiriki zaidi ya 5,000. Hii ni fursa muhimu ya kuhamasisha utoaji wa msaada wa kisheria kwa wananchi,” amesema Ado November.

Ameeleza kuwa viingilio vya ushiriki vitakuwa shilingi 40,000 na 150,000 kulingana na kategori za washiriki, huku washindi wakitarajiwa kupata medali pamoja na zawadi mbalimbali.

Mbali na mbio za watu wazima, amesema pia kutakuwa na mbio maalum kwa ajili ya watoto pamoja na matukio mbalimbali ya burudani yatakayowakutanisha wasanii na viongozi tofauti wa kitaifa.

Ado amesisitiza kuwa kupitia mbio hizo watasaidia jamii kwa kutoa huduma za msaada wa kisheria bure, akibainisha kuwa hadi sasa zaidi ya Watanzania milioni nne katika mikoa nane tayari wamefikiwa na huduma hiyo.

Kwa upande wake mwakilishi wa Rais wa Chama cha Riadha nchini (RT) na mwanariadha nguli wa Tanzania, Kanali Mstaafu Juma Ikangaa amesema Wakili Marathon 2026 pia itakuwa jukwaa muhimu la kuibua vipaji vipya vya riadha vitakavyoweza kuibua wanariadha wengine watakaoiwakilisha Tanzania katika mashindano mbalimbali ya kimataifa.

Aidha Ikangaa amekipongeza PBA kwa kukidhi vigezo vyote vya kuandaa mbio hizo za kimataifa huku akisisitiza kuwa RT itaendekea kushirikiana na waandaaji wa mbio hizo ili kuhakikisha wanariadha chikupikizi wanaibuliwa.

Waziri wa Nchi, Ofisi ya Rais – Menejimenti ya Utumishi wa Umma na Utawala Bora, Ridhiwani Kikwete amewataka wahitimu wa Taasisi ya Uongozi kuwa waadilifu, wenye nidhamu na uthubutu ili kuchangia maendeleo ya jamii na taifa kwa ujumla.

Ridhiwani amesema hayo Mei 15, 2026 wakati wa Mahafali ya Tisa ya Taasisi hiyo yaliyofanyika katika Mlimani City jijini Dar es Salaam.

Amesema katika ulimwengu wa sasa, uadilifu ni sifa muhimu kwa kiongozi bora na mwenye kuaminika, huku akiwataka wahitimu kutumia maarifa na ujuzi walioupata kuwa viongozi wanaozingatia haki, uwajibikaji na weledi katika utekelezaji wa majukumu yao.

“Nawakumbusha umuhimu wa kuwa viongozi wenye uzalendo. Tukumbuke msemo wa wahenga: Adhabu ya msaliti ni malipo ya usaliti wake. Usaliti mkubwa katika uongozi wa umma ni sawa na ubadhirifu wa mali za umma,” amesema Ridhiwani.

Aidha, amewasihi wahitimu hao kuwa viongozi wenye maadili mema, wanaolinda mali za umma na kuweka mbele maslahi ya wananchi katika utekelezaji wa majukumu yao ya kila siku.

Amesema taifa linahitaji viongozi waaminifu, wenye uwajibikaji na wanaotumia nafasi zao kusukuma mbele maendeleo ya kijamii na kiuchumi kwa manufaa ya Watanzania wote.

Sambamba na hayo, Ridhiwani amesisitiza kuwa uongozi bora unaozingatia haki na uwazi utaendelea kuitangaza vyema Tanzania pamoja na Taasisi ya Uongozi ndani na nje ya nchi.

Naye Mkurugenzi Mtendaji wa Taasisi hiyo ya Uongozi, Kadari Singo amesema katika mahafali hayo, jumla ya wahitimu 231 wametunukiwa vyeti na kutambuliwa kwa mafanikio yao baada ya kukamilisha mafunzo katika programu mbalimbali zinazotolewa na taasisi hiyo.

Singo amezitaja programu hizo ni pamoja na Postgraduate Diploma in Leadership (PGD), Certificate in Leadership (CiL), Women’s Leadership Programme (WLP) pamoja na Emerging Leaders Programme (ELP) ambazo zinalenga kuwajengea washiriki uwezo wa kiuongozi, usimamizi na kufanya maamuzi yenye tija katika taasisi zao na jamii kwa ujumla.

Amesema washiriki wa programu hizo za mafunzo ya uongozi wameeleza namna zilivyowasaidia kuongeza uwezo na kujiamini katika nafasi zao za uongozi pamoja na kuboresha utendaji kazi katika taasisi wanazozihudumia.

“Wamesema kupitia programu hizo wamepata ujasiri na uwezo mkubwa wa kuongoza, kufanya maamuzi yenye tija na kusimamia vyema majukumu yao ya kila siku. Aidha, mafunzo hayo yamechangia kuboresha sera, mifumo pamoja na taratibu za kazi ndani ya taasisi mbalimbali hali inayosaidia kuongeza ufanisi wa utoaji huduma,” amesema Singo

Akizungumza kwa niaba ya wahitimu, Mkurugenzi Mtendaji Wakala wa Uwezeshaji Wananchi Kiuchumi Zanzibar (ZEEA), Juma Burhan Mohamed amesema mafunzo hayo yamekuwa chachu ya mabadiliko makubwa katika fikra, uwezo wa kuongoza na namna ya kufanya maamuzi yenye tija kwa taasisi na jamii.

Amesema mahafali hayo hayakuwa tu sherehe ya kukamilisha mafunzo, bali ni ishara ya mabadiliko na ukuaji wa kiuongozi walioupata ndani ya kipindi cha miezi sita ya programu hiyo.

Burhan amesisitiza kuwa katika kipindi cha mafunzo hayo, washiriki walijifunza masuala mbalimbali ikiwemo uwezo wa kusikiliza, utoaji wa maamuzi kwa kutumia ushahidi pamoja na kujiongoza binafsi kabla ya kuwaongoza wengine.

Amesema kupitia mafunzo hayo waliyoyapata watawasaidia kuendelea kujenga uaminifu, kuthamini tofauti za watu na kuunda mtandao wa viongozi wenye maono ya pamoja.

“Mafunzo haya yametubadilisha kwa kutufanya kuwa viongozi wenye uwajibikaji zaidi, wanaotambua nguvu tuliyonayo na umuhimu wa kuongoza kwa uadilifu kwa ajili ya maendeleo ya taasisi na bara la Afrika kwa ujumla,” amesema

Written by Janeth Jovin

Tume ya Taifa ya Uchaguzi (NEC) imewarejesha katika orodha ya wagombea wawili wa udiwani wa Kata ya Bwongera baada ya kukubali rufaa zao zilizopinga uamuzi wa kutoteuliwa kugombea katika uchaguzi mdogo unaotarajiwa kufanyika Juni 1, 2026.

Uamuzi huo umetolewa Mei 15, 2026 baada ya kikao maalum cha Tume kilichosikiliza sehemu ya rufaa tano zilizowasilishwa kwa mujibu wa kifungu cha 65(7) cha Sheria ya Uchaguzi wa Rais, Wabunge na Madiwani, Sura ya 343.

Wagombea waliorejeshwa ni Anastazia Peter Bampiga wa Chama cha UPDP pamoja na Ramlath Ramadhan Abdul wa Chama cha NLD, ambao walikuwa wakipinga uamuzi wa Msimamizi Msaidizi wa Uchaguzi wa Kata ya Bwongera wa kutowateua kuwa wagombea wa udiwani.

Kutokana na uamuzi huo, wagombea hao sasa wanaruhusiwa kuendelea na shughuli za kampeni kwa ajili ya uchaguzi mdogo wa udiwani katika kata hiyo.

Aidha, NEC imesema bado inaendelea kushughulikia rufaa tatu zilizobaki, ambazo zinatarajiwa kusikilizwa na kutolewa maamuzi katika kikao kingine cha Tume

Written by Janeth Jovin

Kupitia kipindi cha Recap na Mando @el_mando_tz amezungumza jinsi msanii @diamondplatnumz alivyotumika kuwainua wasanii mbalimbali wakubwa kwa sasa Afrika, ametoa maoni yake juu ya msanii @diamondplatnumz na safari yake ya muziki pamoja na mastaa wengine Afrika.

Je, unakubaliana na mtazamo wa @el_mando_tz juu ya Diamond Platnumz??

Kupitia kipindi cha Recap na Mando @el_mando_tz amtolea mtazamo wake juu ya ukaribu wa @rayvanny na @norafatehi mbali na collabo waliyofanya @rayvanny anaonekana kuwa na nafasi ya kuperfom ndani ya kombe la Dunia kwa sababu @norafatehi ametangazwa tayari kuwa msanii atakaetumbuiza katika ufunguzi wa kombe la Dunia.

Iwapo msanii @norafatehi ataamua kumtumia @rayvanny kwenye uzinduzi huo basi Rayvanny atakuwa Msanii wa kwanza Afrika Mashariki kutumbuiza katika michuano hiyo mikubwa zaidi Dunia.

Je, unaiona nafasi ya Rayvanny kutumbuiza siku hiyo kama mtazamo wa @el_mando_tz??