Broderecho https://borderecho.com Broderecho Sat, 07 Mar 2026 12:06:21 +0000 en-US hourly 1 https://wordpress.org/?v=6.8.5 https://borderecho.com/wp-content/uploads/2025/08/cropped-Border-Echo-Logo-Mark-Standard-32x32.png Broderecho https://borderecho.com 32 32 ထိုင်းဘက်မီးဖြတ်၊ မြဝတီဘက်် တံတားကူးလက်မှတ်ထုတ်ဝေရေး မနက်ဖြန် နေ့တဝက်နားမယ် https://borderecho.com/%e1%80%91%e1%80%ad%e1%80%af%e1%80%84%e1%80%ba%e1%80%b8%e1%80%98%e1%80%80%e1%80%ba%e1%80%99%e1%80%ae%e1%80%b8%e1%80%96%e1%80%bc%e1%80%90%e1%80%ba%e1%81%8a-%e1%80%99%e1%80%bc%e1%80%9d%e1%80%90%e1%80%ae/ https://borderecho.com/%e1%80%91%e1%80%ad%e1%80%af%e1%80%84%e1%80%ba%e1%80%b8%e1%80%98%e1%80%80%e1%80%ba%e1%80%99%e1%80%ae%e1%80%b8%e1%80%96%e1%80%bc%e1%80%90%e1%80%ba%e1%81%8a-%e1%80%99%e1%80%bc%e1%80%9d%e1%80%90%e1%80%ae/#respond Sat, 07 Mar 2026 11:53:08 +0000 https://borderecho.com/?p=2241 Read more at Broderecho

]]> စုံ/မ ယာဥ်မောင်းစနစ်ကို တံတားမှာ စတင်ကျင့်သုံးနေပြီး လျှပ်စစ်ကားများ နေ့ရက်မရွေး ဖြတ်သန်းနိုင်

မြဝတီ၊ မတ်လ ၇

ထိုင်း-မြန်မာနယ်စပ်၊ မဲဆောက်ဘက်မှ လျှပ်စစ်မီးပြုပြုရန်အတွက် မီးဖြတ်တောက်မှာဖြစ်လို့ မြဝတီလဝကဘက် ယာယီတံတားကူးလက်မှတ်၊ ပတ်စ်ပို့နဲ့ နယ်စပ်ကူးဆိုင်ရာ လုပ်ငန်းစဥ်ကို မနက်ဖြန် မတ်လ ၈ ရက်နေ့တွင် နေ့တဝက်နားမယ်လို့ သိရပါတယ်။ 

၂ ဖက်နိုင်ငံအကြား လဝက ဝန်ဆောင်မှုများအတွက် မဲဆောက်မှ​ မြဝတီဘက်ကို လျှပ်စစ်မီးသွယ်တန်းထားတာရှိပြီး ကဒ်ထုတ်ပေးခြင်း၊ စကင်ဖတ်ခြင်းနဲ့ လက်ဗွေနှိပ်ခြင်းများအတွက် လျှပ်စစ်မီးကို အဓိကထား အသုံးပြုရတာပါ။​

ဒေသခံသတင်းရင်းမြစ်တစ်ဦးရဲ့ အတည်ပြုချက်အရ မြဝတီလဝက တံတားကူးလက်မှတ်ထုတ်ပေးခြင်းကို ၂၀၂၆ ခုနှစ်၊ မတ်လ ၈ ရက်နေ့၊ မြန်မာစံတော်ချိန် မနက် ၈ နာရီမှ နေ့လည် ၁ နာရီအထိ ရပ်တန့်ထားမယ်လို့ ဆိုပါတယ်။ 

၂၀၂၆ ခုနှစ် မတ်လ ၇ ရက်နေ့ဖြစ်တဲ့ ယနေ့မှာတော့ စစ်ကောင်စီက လတ်တလောထုတ်ပြန်ထားတဲ့ စုံ/မ ယာဥ်မောင်းစနစ်ကို စတင်ကျင့်သုံးနေပြီး လျှပ်စစ်မော်တော်ယာဥ်များတော့ နေ့ရက်မရွေးသွားလာနိုင်တယ်လို့ သိရပါတယ်။

ဒါ့အပြင် ယင်းသတ်မှတ်ချက်ကြောင့် မြဝတီ-မဲဆောက် နေ့စဥ်သွားလာနေတဲ့ ကျောင်းကားများလည်း အခက်အခဲရှိနေပါတယ်။ 

အီရန်စစ်ပွဲနောက်ဆက်တွဲ လောင်စာဆီ ဂယက်ကြောင့်လည်း မဲဆောက်ဘက်ကို မြန်မာမော်တော်ယာဥ်များ ဝင်ရောက်နေကြသလိုပဲ မဲဆောက်က လောင်စာဆီဆိုင်အချို့မှာ မြန်မာနံပါတ်ပါ ကားတွေကို ဘတ်ငွေ ၁၀၀၀ ဖိုးအထိသာ ရောင်းချပေးခြင်းနဲ့ လုံးဝ မရောင်းချဖို့ ကြေငြာထားတာတွေလည်း ရှိနေပါတယ်။ 

သတင်း၊ ဓါတ်ပုံ  – Border Echo

#borderlines #universe #thailand #basic #universe #mojo

Read more at Broderecho

]]> https://borderecho.com/%e1%80%91%e1%80%ad%e1%80%af%e1%80%84%e1%80%ba%e1%80%b8%e1%80%98%e1%80%80%e1%80%ba%e1%80%99%e1%80%ae%e1%80%b8%e1%80%96%e1%80%bc%e1%80%90%e1%80%ba%e1%81%8a-%e1%80%99%e1%80%bc%e1%80%9d%e1%80%90%e1%80%ae/feed/ 0 ထိုင်းအစိုးရဆေးရုံများရဲ့ ဝန်ဆောင်မှုကို တိုးမြှင့်ဖို့ ၂၀၂၆ ခုနှစ် ဘတ်ဂျက်ကို ဘတ်ငွေ ၆ ဘီလီယမ်ကျော်အထိ ချမှတ်ပေးထား https://borderecho.com/%e1%80%91%e1%80%ad%e1%80%af%e1%80%84%e1%80%ba%e1%80%b8%e1%80%a1%e1%80%85%e1%80%ad%e1%80%af%e1%80%b8%e1%80%9b%e1%80%86%e1%80%b1%e1%80%b8%e1%80%9b%e1%80%af%e1%80%b6%e1%80%99%e1%80%bb%e1%80%ac%e1%80%b8/ https://borderecho.com/%e1%80%91%e1%80%ad%e1%80%af%e1%80%84%e1%80%ba%e1%80%b8%e1%80%a1%e1%80%85%e1%80%ad%e1%80%af%e1%80%b8%e1%80%9b%e1%80%86%e1%80%b1%e1%80%b8%e1%80%9b%e1%80%af%e1%80%b6%e1%80%99%e1%80%bb%e1%80%ac%e1%80%b8/#respond Thu, 05 Mar 2026 04:14:11 +0000 https://borderecho.com/?p=2235 Read more at Broderecho

]]> ဘန်ကောက်၊ မတ်လ ၅

ထိုင်းပြည်သူ့ကျန်းမာရေးဝန်ကြီးဌာနလက်အောက်ရှိ အစိုးရဆေးရုံများရဲ့ ဝန်ဆောင်မှုကို တိုးမြှင့်ဖို့ ၂၀၂၆ ခုနှစ် ဘတ်ဂျက်ကို ဘတ်ငွေ ၆.၃ ဘီလီယမ်အထိ အတည်ပြုထားပေးတယ်လို့ ဘန်ကောက်ပို့စ်သတင်းဌာနက အစီရင်ခံပါတယ်။

ထိုင်းနိုင်ငံ အမျိုးသားကျန်းမာရေးဆိုင်ရာလုံခြုံရေးရုံးက National Health Security Office (NHSO) မတ်လ ၃ ရက်နေ့ ကြေငြာချက်အရ (NHSO) ရဲ့ ဥက္ကဌဖြစ်တဲ့ ထိုင်းပြည်သူ့ကျန်းမာရေးဝန်ကြီး ပါထာနာပရွတ်ဖတ်ကပဲ ယင်းဘတ်ဂျက်ကို အတည်ပြုပေးခဲ့တယ်လို့ သိရပါတယ်။

ယခင်နှစ်များတွင် အခွန်ငွေလက်ခံမှုရရှိမှုနည်းပါးသော်လည်း ကျန််းမာရေးဝန်ဆောင်မှုများကို အကျိုးရှိစွာဆောင်ရွက်နိုင်ရန်အတွက် ရည်ရွယ်ပြီး ချမှတ်ပေးတာဖြစ်ပါတယ်။

ဒ့ါအပြင် ယင်းဘတ်ဂျက်အတွင်း ရှင်းလင်းပေးဖို့ ကျန်ရှိနေတဲ့ အတွင်းလူနာဌာနများရဲ့ ကုန်ကျစရိတ်များလည်းပါဝင်ပါတယ်။

ထိုင်းနိုင်ငံအတွင်းအစိုးရဟာ ကျန်းမာရေးစနစ်ရဲ့ အသုံးစရိတ်အတွက် ကောက်ခံရရှိတဲ့ အခွန်ငွေအပေါ် အဓိကထား စီမံခန့်ခွဲရပြီး ဆေးဝါများကိုတော့ ထိုင်းနိုင်ငံအတွင်း အများဆုံး ထုတ်လုပ်တဲ့အတွက် ယေဘုယျအားဖြင့် ဈေးနှုန်းချိုသာတာဖြစ်ပါတယ်။

သတင်း – Border Eco
ဓါတ်ပုံ၊ Ref – Bangkok Post

#borderlines #universe #thailand #basic #universe #mojo

Read more at Broderecho

]]> https://borderecho.com/%e1%80%91%e1%80%ad%e1%80%af%e1%80%84%e1%80%ba%e1%80%b8%e1%80%a1%e1%80%85%e1%80%ad%e1%80%af%e1%80%b8%e1%80%9b%e1%80%86%e1%80%b1%e1%80%b8%e1%80%9b%e1%80%af%e1%80%b6%e1%80%99%e1%80%bb%e1%80%ac%e1%80%b8/feed/ 0 မြန်မာ့အမှောင်မိုက်ဆုံးသမိုင်းစာမျက်နှာ (မိုင်တိုင် ၂၀၂၁ – ၂၀၂၅) https://borderecho.com/%e1%80%99%e1%80%bc%e1%80%94%e1%80%ba%e1%80%99%e1%80%ac%e1%80%b7%e1%80%a1%e1%80%99%e1%80%be%e1%80%b1%e1%80%ac%e1%80%84%e1%80%ba%e1%80%99%e1%80%ad%e1%80%af%e1%80%80%e1%80%ba%e1%80%86%e1%80%af%e1%80%b6/ https://borderecho.com/%e1%80%99%e1%80%bc%e1%80%94%e1%80%ba%e1%80%99%e1%80%ac%e1%80%b7%e1%80%a1%e1%80%99%e1%80%be%e1%80%b1%e1%80%ac%e1%80%84%e1%80%ba%e1%80%99%e1%80%ad%e1%80%af%e1%80%80%e1%80%ba%e1%80%86%e1%80%af%e1%80%b6/#respond Sun, 01 Feb 2026 04:52:22 +0000 https://borderecho.com/?p=2230 Read more at Broderecho

]]> ဆရာခို၊ ၂၀၂၅ ခုနှစ်၊ ဖေဖော်ဝါရီလ ၁
Presented by Border Echo

၂၀၂၅ ခုနှစ်သည် မြန်မာနိုင်ငံ၏ သမိုင်းစာမျက်နှာတွင် အမှောင်မိုက်ဆုံးသော အချိန်ကာလတစ်ခုအဖြစ် သက်သေထူနေသည်။ စစ်အာဏာသိမ်းပြီးနောက်ပိုင်း မြန်မာနိုင်ငံရဲ့ ပဋိပက္ခ တိုက်ပွဲနယ်မြေများအပြင် အရပ်သားများ၏ အိပ်ခန်းများ၊ စာသင်ကျောင်းများနှင့် ဘာသာရေးအဆောက်အအုံများအထိ ကျူးကျော်ဝင်ရောက်လာကာလူထုတစ်ရပ်လုံးကို ပစ်မှတ်ထားသည့် ” အရပ်သားများအပေါ် ပြုလုပ်သည့် ရာဇဝတ်မှု” တစ်ခုအဖြစ် ပြောင်းလဲလာခဲ့သည်။

မြန်မာအမျိုးသမီးသမဂ္ဂ (BWU) ၏ ၂၀၂၅ ခုနှစ် အစီရင်ခံစာသည် ကြေကွဲဖွယ်ရာ လူသားဖြစ်ရပ်များကို အထင်အရှား ဖော်ပြနေ၏။ ထိုအစီရင်ခံစာအရ အမျိုးသမီးပေါင်း ၇၉၂ ဦး နှင့် ကလေးငယ် ၁၅၄ ဦး တို့၏ အသက်သည် စစ်မီးတောက်များကြားတွင် မီးခိုးငွေ့များနှင့်အတူ လောင်ကျွမ်းပျောက်ကွယ်သွားခဲ့ရကြောင်းဖော်ပြထားသည်။

ယခင်က မြန်မာနိုင်ငံတွင် စစ်ပွဲဆိုသည်မှာ မြေပြင်တိုက်ပွဲများကိုသာ ဆိုလိုခဲ့သော်လည်း၂၀၂၅ ခုနှစ်တွင်မူ လေကြောင်းတိုက်ခိုက်မှုသည် အမျိုးသမီးနှင့် ကလေးငယ်များကို သတ်ဖြတ်နေသည့် အဓိကလက်နက် ဖြစ်လာခဲ့သည်။ သေဆုံးသူ ၇၉၂ ဦးအနက် ၆၂၁ ဦး ၇၈%/ထိသည် လေကြောင်းမှ ဗုံးကြဲခံရခြင်းကြောင့် ဖြစ်သည်။ ဤအချက်က ယခုစစ်ပွဲသည် သာမန်တိုက်ပွဲများအတွင်း မတော်တဆ ထိခိုက်ခြင်းမဟုတ်ဘဲအရပ်သားများ နေထိုင်ရာ ဒေသများကို ရည်ရွယ်ချက်ရှိရှိ ပစ်မှတ်ထား တိုက်ခိုက်နေခြင်းဖြစ်ကြောင်း သက်သေပြနေသည်။ အိပ်ပျော်နေသည့်အချိန် မိမိကလေးကို နို့တိုက်နေစဉ်အချိန်မှာပင် ကောင်းကင်မှ ကျရောက်လာသော ဗုံးဒဏ်ကြောင့် ဘဝပေါင်းများစွာ တစစီ ပြိုကွဲခဲ့ရသည်။

အဆိုးဝါးဆုံးမှာ အသက် ၁၈ နှစ်အောက် မိန်းကလေးငယ် ၁၅၄ ဦး၏ ကြွေလွင့်မှုပင် ဖြစ်သည်။ စာသင်ခန်းထဲတွင် ရှိနေရမည့် ထိုကလေးငယ်များသည် ဗုံးခိုကျင်းများထဲတွင် စစ်ဘေးရှောင်ရင်း တောတောင်များထဲတွင် သာမက ကျောင်းစာသင်ခန်းထဲ၌ပင်အသက်ပျောက်ခဲ့ရသည်။လူ့လောကထဲသို့ ခြေချရန် ပြင်ဆင်နေသည့် ကလေးငယ် ၅ ဦးမှာလည်း ၎င်းတို့၏ မိခင်များနှင့်အတူ ဝမ်းဗိုက်အတွင်းမှာပင် အသက်ဆုံးရှုံးခဲ့ရ၏။ထိုပဋိပက္ခသည် စစ်ဟု ခေါ်ဖို့တောင် မထိုက်တော့ပဲ မိခင်နဲ့ ကလေးကိုပါ မချန် မျိုးဆက်တစ်ခုလုံးကို ရက်စက်စွာ သတ်ဖြတ်နေခြင်းပင် ဖြစ်နေ၏။

ထို့အပြင်မရပ်တန့်သေးပဲ ဒေသအလိုက် စစ်ကိုင်းတိုင်းသည် အမျိုးသမီး ၂၁၇ ဦး သေဆုံးမှုဖြင့် အထိနာဆုံး ဒေသဖြစ်ခဲ့သလို၊ ရခိုင်ပြည်နယ် (၁၁၉ ဦး) နှင့် မန္တလေးတိုင်း (၁၂၃ ဦး) တို့သည်လည်း စစ်မီးလောင်ရာ အချက်အချာများ ဖြစ်လာခဲ့သည်။ လေကြောင်းတိုက်ခိုက်မှုများအပြင် လက်နက်ကြီးများနဲ့ မြေမြှုပ်မိုင်းကြောင့် နေ့စဉ်ဘဝအတွက် တောတောင်ထဲ ထင်းခွေရေခပ်သွားသည့် သူတို့အဖို့ ခြေလှမ်းတိုင်းသည် သေမင်းနှင့် ရင်ဆိုင်နေရသည့် အခြေအနေ ဖြစ်သည်။

 နောက်ဆက်တွဲဆိုးကျိုးကာ လမ်းပိတ်ဆို့ထားခြင်းနှင့်ဆေးရုံများကို ပစ်မှတ်ထား တိုက်ခိုက်ခြင်းတို့ကြောင့် ကယ်တင်နိုင်သည့် အသက်များဖြစ်ပါသော်လည်း ကြွေလွင့်ခဲ့ရသည်။ အမျိုးသမီး ၃၉ ဦးမှာ မတရားသတ်ဖြတ်ခံခဲ့ရပြီး ၅ ဦးမှာ ဖမ်းဆီးညှဉ်းပန်းခံရကာ သေဆုံးခဲ့သည်။ ထို့အပြင် ဆေးကုသခွင့် မရရှိခြင်းကြောင့် သေဆုံးရသူ ၃ ဦးရှိနေခြင်းက ကျန်းမာရေးစနစ် ထိခိုက်ပြိုလဲမှု၏ သားကောင်ဖြစ်ခဲ့ရခြင်းကို ပြသနေသည်။

မြန်မာအမျိုးသမီးသမဂ္ဂ၏ တိုက်တွန်းချက်သည် ရှင်းလင်းပြတ်သားနေ၏။ နိုင်ငံတကာအသိုက်အဝန်းအနေဖြင့် “ဝမ်းနည်းပါတယ်” ဆိုသော စကားထပ် ပိုမိုထိရောက်သည့် အရေးယူမှုများ လုပ်ဆောင်ရန် လိုအပ်နေပြီဖြစ်သည်။ အကာအကွယ်မဲ့နေသော အမျိုးသမီးများနှင့် ကလေးငယ်များအတွက် နယ်စပ်ဖြတ်ကျော် အကူအညီများကို တိုက်ရိုက်ပေးပို့နိုင်ရန်မှာလည်း အရေးတကြီး လိုအပ်နေပါသည်။

ယခုစစ်ပွဲသည် သာမန်တိုက်ပွဲများအတွင်း မတော်တဆ ထိခိုက်ခြင်းမဟုတ်ဘဲ အရပ်သားများ နေထိုင်ရာ ဒေသများကို ရည်ရွယ်ချက်ရှိရှိ ပစ်မှတ်ထား တိုက်ခိုက်နေခြင်း ဖြစ်ကြောင်း သက်သေပြနေကာ ကျွန်တော်တို့အတွက် သတိပေးခေါင်းလောင်းသံများ ဖြစ်သည်။ ကျွန်တော်အချက်အလက်နဲ့ဖော်ပြခဲ့သော ဖြစ်ရပ်များမှာ ပြိုကွဲသွားသော မိသားစုများ၏ နာကျင်ဖွယ်ရာ လူသားသမိုင်းကြောင်းများ ဖြစ်သည်။ အကယ်၍ ထိရောက်သော ကာကွယ်မှုများ မရှိခဲ့ပါက မြန်မာအမျိုးသမီးတို့၏ သွေးချောင်းဆက်လျက် စီးဆင်းနေဦးမည် ဖြစ်သည်။

Read more at Broderecho

]]> https://borderecho.com/%e1%80%99%e1%80%bc%e1%80%94%e1%80%ba%e1%80%99%e1%80%ac%e1%80%b7%e1%80%a1%e1%80%99%e1%80%be%e1%80%b1%e1%80%ac%e1%80%84%e1%80%ba%e1%80%99%e1%80%ad%e1%80%af%e1%80%80%e1%80%ba%e1%80%86%e1%80%af%e1%80%b6/feed/ 0 “၂၀၂၅ ခုနှစ်အတွင်း အကြမ်းဖက် စစ်အုပ်စု၏ လေကြောင်းနှင့် မြေပြင်တိုက်ခိုက်မှု အသုံးပြုပြီး အမျိုးသမီး “ ၇၉၂ ” ဦးအား သတ်ဖြတ်ခဲ့သည်” – BWU ထုတ်ပြန်ချက်အား သုံးသပ်ခြင်း https://borderecho.com/%e1%81%82%e1%81%80%e1%81%82%e1%81%85-%e1%80%81%e1%80%af%e1%80%94%e1%80%be%e1%80%85%e1%80%ba%e1%80%a1%e1%80%90%e1%80%bd%e1%80%84%e1%80%ba%e1%80%b8-%e1%80%a1%e1%80%80%e1%80%bc%e1%80%99%e1%80%ba/ https://borderecho.com/%e1%81%82%e1%81%80%e1%81%82%e1%81%85-%e1%80%81%e1%80%af%e1%80%94%e1%80%be%e1%80%85%e1%80%ba%e1%80%a1%e1%80%90%e1%80%bd%e1%80%84%e1%80%ba%e1%80%b8-%e1%80%a1%e1%80%80%e1%80%bc%e1%80%99%e1%80%ba/#respond Sat, 31 Jan 2026 08:28:23 +0000 https://borderecho.com/?p=2227 Read more at Broderecho

]]> Sky၊ ၂၀၂၅ ခုနှစ်၊ နိုဝင်ဘာလ ၁၈
Presented by Border Echo

တရားမဝင် စစ်အုပ်စု၏ အာဏာသိမ်းရန်ကြိုးပမ်းမှုသည် (၅)နှစ် နီးပါးရှိတော့မည်ဖြစ်သည်။ မြန်မာနိုင်ငံတွင် အကြမ်းဖက် စစ်အုပ်စု၏ လေကြောင်းတိုက်ခိုက်မှုများ၊ မြေပြင်စစ်ဆင်ရေးများ ပိုမိုတိုးလာခဲ့ပြီး စစ်ရာဇဝတ်မှုနှင့် လူသားမျိုးနွယ်အပေါ် ကျူးလွန်သော ရာဇဝတ်မှုများ အပါအဝင် အမျိုးမျိုးသော လူ့အခွင့်အရေးချိုးဖောက်မှုများကို နည်းမျိုးစုံဖြင့် ဆက်လက်ကျူးလွန်နေခြင်းကြောင့် အရပ်ဖက် ပြည်သူများ၊ အထူးသဖြင့် အမျိုးသမီးများနှင့် ကလေးသူငယ်များသည် အသက်အန္တရာယ်၊ လုံခြုံရေးမရှိမှုနှင့် လူ့အခွင့်အရေးချိုးဖောက်မှုများကို အကြီးအကျယ် ထိခိုက်နာကျင်မှုများ ခံစား နေရသည်။ အရပ်ဘက် နေရာများဖြစ်သော ကျေးရွာများ၊ စာသင်ကျောင်းများ၊ ဆေရုံများနှင့် ဘာသာရေးဆိုင်ရာ အဆောက်အအုံများကိုပါ ပစ်မှတ်ထားတိုက်ခိုက်မှုများကြောင့် လူ့အသက်များစွာ ဆုံးရှုံးနေရခြင်းသည် နေ့စဥ်နှင့်အမျှ ဖြစ်ပွားနေသော ဖြစ်ရပ်တစ်ခုအဖြစ် ပြောင်းလဲလာနေသည်။

အကြမ်းဖက် စစ်အုပ်စုသည် လေကြောင်းတိုက်ခိုက်မှုများနှင့် မြေပြင်တွင် လက်နက်ကြီး ပစ်ခတ် တိုက်ခိုက်မှုများကို ပိုမိုအသုံးပြုလာခြင်းကြောင့် အရပ်ဘက်ပြည်သူများအတွက် ထွက်ပြေး ခိုလှုံရန် အချိန်မရရှိတော့သည့် အခြေအနေများဖြစ်ပေါ်လာပြီး အမျိုးသမီးများနှင့်ကလေးသူငယ်များ၏ ထိခိုက်ဒဏ်ရာရရှိမှုနှင့် အသက်သေဆုံးမှု အချိုးအစားသည် မြင့်မားလာရခြင်းဖြစ်သည်။ အထူးသဖြင့် ကလေးငယ်များသည် စာသင်ကျောင်း၌ စာသင်ကြားနေစဥ် တွင်သာမက မိဘများနှင့်အတူ အိမ်အတွင်း နေထိုင်ရင်း လေကြောင်းတိုက်ခိုက်မှုများနှင့် လက်နက်ကြီး ပစ်ခတ် တိုက်ခိုက်မှုများကြောင့် အသက်ဆုံးရှုံးရမှုများ ဖြစ်ပေါ်လျက်ရှိသည်။

၂၀၂၅ ခုနှစ် တစ်နှစ်တာအတွင်း အကြမ်းဖက်စစ်အုပ်စု၏ လေကြောင်းနှင့် မြေပြင်တိုက်ခိုက်မှု များကြောင့် အမျိုးသမီး (၇၉၂)ဦး အသက်ဆုံးရှုံးခဲ့ရသည်။ ထိုအချက်အလက်များသည် တိကျခိုင်လုံသော သတင်းမီဒီယာများ၏ သတင်းအချက်အလက်များကို စောင့်ကြည့်မှုများအပြင် မြေပြင်မှ အချက်အလက်ကောက်ယူထားမှုများကို ပြန်လည်စုစည်းတင်ပြထားခြင်း ဖြစ်သည်။ သို့သော် လက်တွေ့ မြေပြင်အခြေအနေတွင် မိမိတို့အနေဖြင့် သတင်းအချက်အလက်များကို လက်လှမ်းမှီနိုင်ရန် အခက်အခဲများစွာ ရှိသဖြင့် ကိန်းဂဏန်းများသည် မြေပြင်၌ ယခုထက်ပို၍ များနိုင်ပါသည်။

မြန်မာ့အမျိုးသမီးသမဂ္ဂ အနေဖြင့် သတင်းမီဒီယာများမှ အချက်အလက် စောင့်ကြည့် လေ့လာ မှတ်တမ်းတင်ထားမှုများအရ ၂၀၂၅ ခုနှစ်၊ ဇန်နဝါရီ (၁)ရက်နေ့မှ ဒီဇင်ဘာ (၃၁)ရက်နေ့အတွင်း မြန်မာနိုင်ငံတစ်ဝှမ်း အမျိုးသမီး (၇၉၂)ဦး အသက်ဆုံးရှုံးခဲ့ရသည်။ ထိုသို့ အသက်ဆုံးရှုံးခဲ့ရသည့် အကြောင်းအရင်းများမှာ အကြမ်းဖက် စစ်အုပ်စု၏ လေကြောင်းမှ ဗုံးကြဲတိုက်ခိုက်ခြင်းကြောင့် (၆၂၁)ဦး၊ လက်နက်ကြီး ပစ်ခတ်ခံရမှုကြောင့် (၁၀၂)ဦး၊ မတရား သတ်ဖြတ်ခံရမှုကြောင့် (၃၉)ဦး၊ မြေမြှုပ်မိုင်းကြောင့် (၁၃)ဦး၊ မီးရှို့သက်ဖြတ်ခံရမှုကြောင့် (၆)ဦး၊ ပဋိပက္ခနှင့် ဆက်နွယ်သော လိင်ပိုင်းဆိုင်ရာ အကြမ်းဖက်ခံရမှုကြောင့် (၅)ဦး၊ ထောင်တွင်း ဆေးဝါးကုသခွင့် မရရှိမှုကြောင့် (၃)ဦးနှင့် ကျည်ထိမှန်မှုကြောင့် (၃)ဦး တို့ဖြစ်သည်။ ထိုထဲတွင် အသက်(၁၈)နှစ်အောက် အမျိုးသမီးငယ်များ အသက်သေဆုံးရမှု အရေအတွက်မှာ (၁၅၄)ဦး ဖြစ်ပြီး ကိုယ်ဝန်ဆောင်အမျိုးသမီးများ သေဆုံးမှု အရေအတွက်မှာ (၅)ဦး ပါဝင်ပါသည်။ ၂၀၂၅ ခုနှစ်အတွင်း အမျိုးသမီး သေဆုံးမှု အများဆုံး ဖြစ်စဥ်မှာ ၂၀၂၅ ခုနှစ်၊ ဇန်နဝါရီလ (၁၈) ရက်နေ့တွင် မြောက်ဦးမြို့နယ်၊ ရမ်းချောင်းအနီးတဝိုက်အား အကြမ်းဖက်စစ်တပ်မှ ဗုံးကြဲတိုက်ခိုက်မှု ဖြစ်စဥ် ဖြစ်သည်။ ထိုဖြစ်စဥ်ကြောင့် အသက်ဆုံးရှုံးခဲ့ရသူများ ထဲတွင် အမျိုးသမီး (၂၁)ဦး ပါဝင်ပါသည်။

အကြမ်းဖက် စစ်အုပ်စု၏ လေကြောင်းနှင့် မြေပြင်တိုက်ခိုက်မှုများကြောင့် ၂၀၂၅ ခုနှစ် နိုင်ငံ တစ်ဝှမ်း အမျိုးသမီး (၈၁၅)ဦး ထိခိုက်ဒဏ်ရာ ရရှိခဲ့သည်။ ထိုသို့ ထိခိုက်ဒဏ်ရာ ရရှိစေသည့် အကြောင်းအရင်းများမှာ လေကြောင်းတိုက်ခိုက်ခံရမှုကြောင့် (၅၇၆)ဦး၊ လက်နက်ကြီး ပစ်ခတ် တိုက်ခိုက်ခံရမှုကြောင့် (၁၆၄)ဦး၊ မြေမြှုပ်မိုင်းကြောင့် (၄၁)ဦး၊ ပဋိပက္ခနှင့်ဆက်နွယ်သော လိင်ပိုင်းဆိုင် ရာအကြမ်းဖက်ခံရမှုကြောင့် (၂၆)ဦး၊ ညှင်းပန်း နှိပ်စက်ခံရမှုကြောင့် (၅)ဦး၊ ကျည်ထိမှန်မှုကြောင့် (၂)ဦးနှင့် မတရားသတ်ဖြတ်ခံရမှုကြောင့် (၁)ဦး တို့ဖြစ်သည်။

မြန်မာ့အမျိုးသမီးသမဂ္ဂ၏ အချက်အလက် ကောက်ယူ မှတ်တမ်းတင်မှုများအရ ၂၀၂၅ ခုနှစ်တွင် အသက်ဆုံးရှုံးခဲ့ရသည့် အမျိုးသမီး ဦးရေသည် စစ်ကိုင်းတိုင်းမှ (၂၁၇)ဦး၊ မန္တလေးတိုင်းမှ (၁၂၃)ဦး၊ ရခိုင် ပြည်နယ်မှ (၁၁၉)ဦး၊ ရှမ်းပြည်နယ်မှ (၈၁)ဦး၊ မကွေးတိုင်းမှ (၆၉)ဦး တို့ဖြစ်ကြပြီး စစ်ကိုင်းတိုင်းသည် ၂၀၂၅ ခုနှစ် တစ်နှစ်တာအတွင်း အမျိုးသမီး သေဆုံးမှု အများဆုံး တိုင်းဖြစ်သည်။

အမျိုးသမီးများသည် ပဋိပက္ခနှင့် ဆက်နွယ်သော အကြမ်းဖက်မှုများကြောင့် အသက်အန္တရာယ် ထိခိုက်ရုံသာမက လူ့ဂုဏ်သိက္ခာနှင့် လုံခြုံရေးကိုပါ ချိုးဖောက်ခံနေရသည်။ မိသားစုဝင်များကို ဆုံးရှုံးရပြီး မိခင်တစ်ဦးအဖြစ် သားသမီးများကို ကာကွယ်ရင်း စစ်ပွဲအန္တရာယ်အောက်တွင် ဘဝကို ဆက်လက်ရင်ဆိုင်နေရလျက်ရှိသည်။ ထို့အပြင် အကြမ်းဖက် စစ်အုပ်စု၏ စစ်ရေးတိုက်ခိုက်မှု များကြောင့် လူသန်းပေါင်းများစွာ နေရပ်စွန့်ခွာထွက်ပြေးနေရပြီး အစားအသောက်၊ သန့်ရှင်းရေး ကျန်းမာရေး ဝန်ဆောင်မှုများ မလုံလောက်သည့် အခြေအနေများကို ကြုံတွေ့လျက်ရှိသည်။ အထူးသဖြင့် အမျိုးသမီးများနှင့် ကလေးသူငယ်များသည် အရေးပေါ် လူသားချင်း စာနာမှု အကူအညီများကို အပြည့်အဝ မရရှိနိုင်ဘဲ ရောဂါကူးစက်မှုများနှင့် အာဟာရချို့တဲ့မှုများကို ခံစားနေရသည်။

အပြစ်မဲ့ အရပ်သားပြည်သူများကို အကြမ်းဖက် စစ်အုပ်စု၏ လေကြောင်းနှင့် မြေပြင်မှ တိုက်ခိုက်မှုများသည် အပြည်ပြည်ဆိုင်ရာ လူသားချင်းစာနာရေး ဥပဒေနှင့် လူ့အခွင့်အရေးဥပဒေများကို လိုက်နာမှုမရှိခြင်းဖြစ်ပြီး စစ်ရာဇဝတ်မှုများနှင့် လူသားမဆန်သော လုပ်ရပ်များအဖြစ် သတ်မှတ် နိုင်သည်။ အမျိုးသမီးများနှင့် ကလေးသူငယ်များ၏ သေဆုံးမှုများကို ရပ်တန့်စေရန် စစ်ရေး အကြမ်းဖက်မှုများ ချက်ချင်းရပ်တန့်ရန် အရေးပေါ်လိုအပ်သည်။ ထို့အပြင် ဖြစ်ပွားခဲ့သည့် လူ့အခွင့်အရေးချိုးဖောက်မှုများအတွက် တာဝန်ရှိသူများကို တရားမျှတစွာ အရေးယူနိုင်ရန် နိုင်ငံတကာ အသိုင်းအဝိုင်း၏ ခိုင်မာသော လုပ်ဆောင်မှုများ လိုအပ်နေသည်။ အကြမ်းဖက် စစ်အုပ်စုသည် ပြစ်ဒဏ်မှ အလုံးစုံ ကင်းလွတ်ခွင့်ရနေသည်ကို အဆုံးသတ်နိုင်ရန်နှင့် ရှင်သန်လွတ်မြောက်လာသူများ အတွက် တရားမျှတမှုနှင့် ကုစားမှုများ အာမခံချက်ပေးခြင်းဖြင့် ဆိုးရွားလှသည့် လူ့အခွင့်အရေး ချိုးဖောက်မှုများကို အမြန်ဆုံးရပ်တန့်ရန် မြန်မာ့အမျိုးသမီးသမဂ္ဂမှ အာဆီယံနှင့် နိုင်ငံတကာ အသိုင်းအဝိုင်းသို့ တောင်းဆိုတိုက်တွန်းပါသည်။ မြန်မာပြည်သူများအတွက် အားကောင်းပြီး တိကျ သေချာသော အကူအညီနှင့် လက်တွေ့လုပ်ဆောင်ချက်များကို အရေးတကြီးလိုအပ်လျက်ရှိသည်။

အကြမ်းဖက် စစ်အုပ်စု၏ အတုအယောင် ရွေးကောက်ပွဲကို ကန့်ကွက်ရှုတ်ချပြီး ရာဇဝတ်မှု ကျူးလွန်သော ၎င်းတို့အား တရားဝင်အစိုးရအဖြစ် အသိအမှတ်မပြုရန်နှင့် အကြမ်းဖက် စစ်အုပ်စုထံသို့ ငွေကြေးစီးဆင်းမှုများကို ဖြစ်စေနိုင်သည့် ရင်းနှီးမြှုပ်နှံမှု၊ ထောက်ပံ့ကူညီမှုနှင့် ပူးပေါင်းဆောင်ရွက်မှု မှန်သမျှအား ချက်ချင်း ရုတ်သိမ်း ရပ်ဆိုင်းရန် လိုအပ်ပါသည်။ အကြမ်းဖက် စစ်အုပ်စုထံ လက်နက်ခဲယမ်းများနှင့် လေယာဥ်ဆီများ မရောက်ရှိစေရန် တိကျစွာ အရေးယူ ဒဏ်ခတ် ပိတ်ဆို့မှုများ ပြဌာန်းကျင့်သုံးပြီး အရပ်သားများကို ပစ်မှတ်ထား တိုက်ခိုက်နေသည့် ရက်စက်ကြမ်းကြုတ်မှုမှန်သမျှ ရပ်တန့်ရန် ဖိအားပေး လုပ်ဆောင်ရန် အထူး လိုအပ်ပါသည်။ ပြစ်ဒဏ်မှ အလုံးစုံကင်းလွတ်နေမှုကို အဆုံးသတ်နိုင်ရန်အတွက် စစ်ရာဇဝတ်မှုများ၊ လူသားမျိုးနွယ်အပေါ် ကျူးလွန်သည့် ရာဇဝတ်မှုများနှင့် လူမျိုးတုံးသတ်ဖြတ်မှုများဖြင့် ပြစ်မှုကျူးလွန်သူ အကြမ်းဖက်စစ်အုပ်စု ခေါင်းဆောင်များကို အာဂျင်တီးနား၏ ဖမ်းဝရမ်းထုတ်ပြန်မှုအား အာဆီယံနှင့် နိုင်ငံတကာ အသိုင်းအဝိုင်းများမှ ပံ့ပိုးကူညီ၍ ပူးပေါင်း လုပ်ဆောင်ရန် လိုအပ်ပါသည်။

တိုင်းရင်းသားတော်လှန်ရေး အဖွဲ့အစည်းများ၊ ကြားကာလအစိုးရ၊ အရပ်ဘက်အဖွဲ့အစည်းများ၊ အမျိုးသမီးအဖွဲ့အစည်းများ၊ LGBTQIA+ လူ့အခွင့်အရေးအဖွဲ့အစည်းများနှင့် ပူးပေါင်းပြီး ဒေသတွင်းနိုင်ငံနှင့် နိုင်ငံတကာပလက်ဖောင်းမှ တစ်ဆင့် စည်းရုံးရေးများ လုပ်ဆောင်ရန် လိုအပ်ပါသည်။

အမျိုးသမီးများနှင့် ကလေးသူငယ်များအပြင် အပြစ်မဲ့ပြည်သူတစ်ရပ်လုံး၏ ဘဝ၊ လုံခြုံရေးနှင့် အနာဂါတ်တစ်ခုလုံးကို ကာကွယ်နိုင်ရေးအတွက်သာမက ထိခိုက်နာကျင်၊ အသက်ဆုံးရှုံးခဲ့ရသော အပြစ်မဲ့ပြည်သူများအတွက် တရားမျှတမှုပေါ်ပေါက်လာစေရန်၊ အကြမ်းဖက်စစ်အုပ်စု၏ အကြမ်းဖက် သော စစ်ရေး လုပ်ဆောင်မှုများကို ချက်ချင်းရပ်တန့်စေရန်၊ ဖြစ်ပွားခဲ့သည့် လူ့အခွင့်အရေး ချိုးဖောက် မှုများ အတွက် တာဝန်ရှိသူများကို တရားမျှတစွာ တာဝန်ခံစေရန်နှင့် လူသားချင်းစာနာမှု အကူအညီများ ကို အတားအဆီးမရှိ ပေးပို့နိုင်ရေးအတွက် နိုင်ငံတကာအသိုင်းအဝိုင်းနှင့် သက်ဆိုင်ရာ အဖွဲ့အစည်းများ ၏ အရေးတယူနှင့် ခိုင်မာသောလုပ်ဆောင်မှုများ အရေးပေါ်လိုအပ်လျက်ရှိပါသည်။

Read more at Broderecho

]]> https://borderecho.com/%e1%81%82%e1%81%80%e1%81%82%e1%81%85-%e1%80%81%e1%80%af%e1%80%94%e1%80%be%e1%80%85%e1%80%ba%e1%80%a1%e1%80%90%e1%80%bd%e1%80%84%e1%80%ba%e1%80%b8-%e1%80%a1%e1%80%80%e1%80%bc%e1%80%99%e1%80%ba/feed/ 0 အသက် ၁၆ နှစ်အောက် အရွယ်တွေကို ဆိုရှယ်မီဒီယာအသုံးပြုမှု တားဆီးဖို့ Social Media Ban ကို  ထိုင်းအစိုးရ စတင်စဥ်းစားနေ https://borderecho.com/%e1%80%a1%e1%80%9e%e1%80%80%e1%80%ba-%e1%81%81%e1%81%86-%e1%80%94%e1%80%be%e1%80%85%e1%80%ba%e1%80%a1%e1%80%b1%e1%80%ac%e1%80%80%e1%80%ba-%e1%80%a1%e1%80%9b%e1%80%bd%e1%80%9a%e1%80%ba%e1%80%90/ https://borderecho.com/%e1%80%a1%e1%80%9e%e1%80%80%e1%80%ba-%e1%81%81%e1%81%86-%e1%80%94%e1%80%be%e1%80%85%e1%80%ba%e1%80%a1%e1%80%b1%e1%80%ac%e1%80%80%e1%80%ba-%e1%80%a1%e1%80%9b%e1%80%bd%e1%80%9a%e1%80%ba%e1%80%90/#respond Tue, 13 Jan 2026 04:29:29 +0000 https://borderecho.com/?p=2223 Read more at Broderecho

]]> ဘန်ကောက်၊ ဇန်နဝါရီလ ၁၃

ထိုင်းနိုင်ငံမှာ အသက် ၁၆ နှစ်အောက် အရွယ်တွေကို ဆိုရှယ်မီဒီယာအသုံးပြုမှု တားဆီးဖို့ Social Media Ban ကို ထိုင်းအစိုးရ စတင်စဥ်းစားနေတယ်လို့ The ASEAN Now သတင်းဌာနက အစီရင်ခံပါတယ်။

သြစတြေးလျနိုင်ငံအတွင်း ယင်းလုပ်ငန်းစဥ်ကို အကောင်အထည်ဖော်ရာတွင် အောင်မြင်ခဲ့တာကြောင့် ထိုင်းဘက်မှ အလားတူပြုလုပ်ဖို့ မျက်စိကျနေပြီး ဒစ်ဂျစ်တယ်စွဲလန်းမှုနှင့် အန္တရာယ်ဖြစ်စေတဲ့ ဖော်ပြချက်တွေမှ ကလေးငယ်တွေကို တားဆီးနိုင်ဖို့ အွန်လိုင်းလုံခြုံရေး ပြင်ဆင်မှုဥပဒေမူကြမ်းကို သြစတြေးလျအစိုးရ က ပြဌာန်းခဲ့တာပါ။

စစ်တမ်းတစ်ခုဖြစ်တဲ့ Ipsos ရဲ့ ဖော်ပြချက်တွင်လည်း ထိုင်းနိုင်ငံသားရဲ့ ၈၇ ရာခိုင်နှုန်းဟာ အသက် ၁၄ နှစ်အရွယ်တွေကို ဆိုရှယ်မီဒီယာ အသုံးပြုမှု ရပ်တန့်စေဖို့ လိုလားကြတယ်လို့ ပါရှိပါတယ်။

ဒါပေမယ့်လည်း ထိုင်းအစိုးရက ဆောင်ရွက်ဖို့ ရှိိနေတဲ့ ယင်းအခြေအနေအပေါ်တွင် ဝေဖန်မှုလည်းရှိနေပြီး ကလေးသူငယ်တွေကို ကာကွယ်နိုင်ဖို့ ဆိုရှယ်မီဒီယာ သာမက ဂိမ်းတွေကိုလည်း တားဆီးသင့်တယ်လို့ ထောက်ပြ ကြပါတယ်။

မိဘနှင့် ဆရာ၊ ဆရာမတွေကတော့ ဒီအပေါ်မှာ ဝိဝါဒကွဲပြားလျှက်ရှိပြီး ဆိုရှယ်မီဒီယာ Ban တာဟာ ကျောင်းသူ၊သားများရဲ့ အာရုံစူးစိုက်မှု မြင့်တက်လာဖို့၊ စိတ်ပိုင်းဆိုင်ရာ ကျန်းမာဖို့အတွက် ကောင်းတယ်လို့လည်း ဆိုကြပါတယ်။

ထိုင်းနိုင်ငံအတွင်းမှာတော့ လတ်လလောကာလအတွင်း ဒစ်ဂျစ်တယ်ပိုင်းဆိုင်ရာ လုံခြုံရေးအတွက် ဆွေးနွေးမှု တွေမြင့်တက်နေပြီး ထိုင်းလူငယ်တွေကို ကာကွယ်ဖို့ မိသားစုတွေပါ ပါဝင်လာရေးကို နည်းဥပဒေအရ သတ်မှတ်ပြီး အလေးပေးဆောင်ရွက်စေရန် ထိုင်းဥပဒေသမားတွေက တိုက်တွန်းနေကြပါတယ်။

သတင်း – Border Echo
ဓါတ်ပုံ၊ Ref – Asean Now

borderlines #universe #thailand #basic #universe #mojo

Read more at Broderecho

]]> https://borderecho.com/%e1%80%a1%e1%80%9e%e1%80%80%e1%80%ba-%e1%81%81%e1%81%86-%e1%80%94%e1%80%be%e1%80%85%e1%80%ba%e1%80%a1%e1%80%b1%e1%80%ac%e1%80%80%e1%80%ba-%e1%80%a1%e1%80%9b%e1%80%bd%e1%80%9a%e1%80%ba%e1%80%90/feed/ 0