Buruntzaldea IKT - Albisteak

Txapelketa polita izan zuten gureek Irunen

noreply@blogger.com (Buruntzaldea IKT) — Tue, 16 Jun 2026 20:39:41 +0000

Pasa zen maiatzak 23an, larunbata, taldeko infantil eta junior multzoko 6 igerilari Irungo Azken Portu igerilekuan izan ziren, bertako San Martzial Sarian parte hartzen: Lier Garmendia, Ander Martinez, Amaiur Iparragirre, Aiala Erro, June Apeztegia eta Izaro Bautista.

Oraingo honetan, egindako probetan ez zuten marka pertsonalik egitea lortu gureek, baina euren onenetatik oso gertu aritu zirela esan behar dugu. Markarik ez lortu arren, oso arratsalde polita pasa zutela esan beharra dago, eta beraien espierientzia sendotzeko balio izan du.

Gehiengoarentzat amaitu da denboraldia, baina lanean jarraituko dugu azken txanpan dauden horiekin, norberak bere helburu pertsonalak lor ditzan.

BRNPWR!

Alebin eta Infantil mailako Gipuzkoako Txapelketa asteburuan

noreply@blogger.com (Buruntzaldea IKT) — Fri, 12 Jun 2026 12:45:54 +0000

Asteburuan zehar, sailkapena lortu duten igerilariek, Alebin eta Infantil mailako Gipuzkoako Txapelketa izango dute Tolosako Usabal igerilekuan. Gure klubetik alde batetik Nora Becerra izango dugu, lau estiloetako 100 eta 200 metroetako proban eta tximeleta eta krol erako 50 metroetako probetan lehiatzen; eta bestetik, Aiala Erro 200 librean arituko da.

Goizeko jardunaldiak 10:00etan hasiko dira eta arratsaldekoak aldiz 16:30etan, bai larunbatean eta baita igandean ere.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.9xischp06awl

Animorik haundienak bikote!! BRNPWR!!

Giro ederra izan genuen XXXV. Lasarte-Oria Sari berezian

noreply@blogger.com (Buruntzaldea IKT) — Fri, 12 Jun 2026 08:23:37 +0000

Aurreko larunbatean, maiatzaren 30ean, Lasarte-Oria Saria ospatu zen; bertan, ohikoa den moduan taldeko igerilari guztiak elkarrekin aritu ziren, Igartza I.K.E eta Konportako igerilariekin batera.

Gure Sariaren bereizgarri den ezaugarri nagusia mantendu genuen, "Pertsonen Saria" izenpean berdintasunaren aldeko apustua egiten jarraitzeko asmoz. Berriro ere proba bakoitzeko serieak mixtoak izan ziren inolako bereizketarik egin gabe, gurekin izan genituen "Master" kategoriako igeirilariak eta igeriketa egokituko igerilariak ere.

13 PROBATAN ZEHAR IGERILARI MORDOA IZAN GENUEN

Aurten ere igerilari guztiak elkarrekin izan ditugu arratsaldeko jardunaldian; Benjamin kategoriako haurrek proba batean parte hartu zuten eta gainontzekoek berriz, gehienez bi proba izan zituzten aukeran. Benjamin A kategoriakoek, 50 metroko proba batean hartu zuten parte eta Benjamin B kategoriakoek berriz, 100 metroko proba batean. Gainontzekoek proba egitaraueko edozein probatan parte hartu zezaketen. Gure taldetik 46 igerilari izan genituen eta gehiengo handi baten azken lehiaketa izanik, haien onena ematen ikusi genituen.

AUSTRALIARRA

Proba guztien ondoren, azken urteetako ohiturari jarraituz "Australiar" proba egin genuen, jaiotze urte bakoitzeko txanda bat eginez. Igerilari guztiek gogoz hartzen duten ekintza da eta denak gustura geratu izana espero dugu; txanda amaitzen zutenean txokolatezko irabiakia, motxila eta domina entregatzen zitzaien, arratsaldeari amaiera borobila emateko.

SARI BANAKETA

Jarraian, sari banaketa izan zen; 2017-2013 urte bitarte jaiotakoek, urte bakoitzeko lehen hiru sailkatuek urrezko, zilarrezko edo brontzezko domina jaso zuten eta beste guztiei ere oroigarri gisa domina bana banatu zitzaien. Aurten txapel berriak egin ditugu Sari honetarako Buruntzaldea IKT-ko igerilari guztiak txapel horrekin lehiatu zuten. Horrez gain "Kaiku"-ri esker txokolatezko irabiakiak eta Lasarte-Oriako Udalak lagunduta “Tratu On Bat” motxila jaso zuen bakoitzak. Guztiak ondo merezitako dominarekin eta oroigarri zein opariekin pozik atera zirela espero dugu.

Infantil kategorian berriz, jaiotze urte bakoitzeko lehen hiru sailkatuez gain, 4. postutik 8. postura sailkatutakoek brontzezko oroigarri domina bana jaso zuten eta hauek ere, bakoitza Lasarte-Oriako Udalak emandako "Tratu On Bat" motxilarekin etxeratu zen. Azkenik, Junior eta Master Kategoriatan, jaiotze urteak kontuan hartu gabe jardun zen; hau da, juniorretan 2010, 2009 eta 2008an jaiotako guztien artean sailkapen bateratu bat egin zen eta Master kategorian berriz, multzo osoarekin egin zen sailkapena.

Azkenik, XXXV. Lasarte-Oria Sariko sailkapen orokorrari begira, FINA eta MULTIDISABILITY puntuen araberako sailkapenaren baitan, lehen bost sailkatuek haien saria jaso zuten. Hala, Konportako Haizea Vazquez XXXV. Lasarte-Oria Sariko garaile izan zen, bigarren postua konportako Naia Guimarey-ek eskuratu zuen, brontzezko domina Buruntzaldeako Ane Meyer igerilariak kolkoratu zuen, laugarren postua konportako Ainhoa Elzarduirentzat eta bosgarrena taldeko Amaiur Iparragirrerentzat. Bakoitzak merezitako sariak etxeratu zituen eta pozik amaitu zuten eguna denek, lortutako pastela jateko gogoz! Zorionak denoi!

GURE IGERILARIAK BIKAIN

Gure igerilari guztien emaitzak ikusita, oso pozik gaude lortutako lorpenekin. Baina lorpenik handiena beraien artean izandako giroa izan zen. Bukaeran, denak uretara bota ziren, arropa eta guzti. Oso polita izan zen, beraien arteko harreman polita ikustea.

ESKERRAK

Bukatzeko, XXXV. Lasarte-Oria Saria aurrera eramateko jaso dugun laguntzagatik eskerrak eman nahi genituzke. Lasarte-Oriako Udalaren eskutik, “Tratu On Bat” patrozinioa jaso dugu eta ezinbestekoa izan da sari hau antolatzeak eragindako gastu ezberdinei aurre egiteko. Eskerrik asko!

Honez gain, txapelketa aurrera eramateko izan ziren bolondres guztiei ere gure eskerrik beroenak eman nahi dizkiegu, haiek gabe ezinezkoa izango litzake-eta! Sergio López, Amalur Yubero, Haritz Iparragirre, Maite Merkader, Dani Garmendia, Unai Iparragirre, Iosu Lasarte, Itsaso Tolosa, Borja Apeztegia, Sebastian Bianchi, Harkaitz Erro, Cesar Diez eta Aitziber Martiarena, mila esker denoi!

Eta nola ez, bertaratu ziren taldeei; espero dugu zuek guk bezainbeste gozatu izana. Beste bat arte!

HURRENGO ZITAK

Federatu eta Alebin batzuentzat oaindik denboraldia geratzen da. Ekainaren 13/14 asteburuan Gipuzkoako Infantil eta Adinen arteko Txapelketa ospatuko da Tolosan; bertan, gure Alebin eta Infantilek gogo biziz ekingo diote asteburuari.

Denboraldi amaieran gaude, askorentzat momentu politenean; urte guztian ondo egindako lanei esker, orain emaitza ederrak ikusten ari gara eta geratzen zaigun hilabetean dena emango dugu emaitza ahalik eta onenak izateko.

Aupa Ekipo! Burunpower!!

IKUSI ARGAZKIAK HEMEN

Ate Irekiak; bai Lasarte-Orian eta baita Andoainen ere!

noreply@blogger.com (Buruntzaldea IKT) — Thu, 11 Jun 2026 06:09:42 +0000

Hurrengo ikasturaterako izen-ematea irekita dagoen honetan, jada baditugu ate-irekietara joateko datak. Andoainen ekainaren 15 eta 17an izango dira, 17:00tan. Lasarte-Orian berriz, hurrengo astean izango dira, ekainaren 22, 23 eta 24an, 17:15tan.

Joateko, abisua eman behar da, hurrengo esteka hauetan:

Animatu zuek eta zuen ingurukoak gurera gerturatzera!

ANDOAIN

LASARTE-ORIA

Bi hitzordu asteburuan

noreply@blogger.com (Buruntzaldea IKT) — Fri, 05 Jun 2026 18:29:25 +0000

Asteburu honetan zehar, klubeko igerilari helduenek hitzordu ezberdinak izango dituzte.

Batetik, sailkatzea lortu duten igerilariek asteburu osoan zehar Gipuzkoako Open Saria izango dute, Donostiako Paco Yoldi igerilekuan. Goizeko jardunaldiak 9:30etan hasiko dira eta arratsaldekoak berriz 17etan larunbatean eta 16:30etan igandean.

Bestetik, Gipuzkoa Open Sarirako sailkatu ez diren igerilariak Oñatin izango dira larunbat arratsaldean, Gipuzkoako Udako XV. Sarian. Txapelketa arratsaldeko 15:30etan hasiko da.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.9xischp06awl

Animorik haundienak denoi!! BRNPWR!!

Klubaren festa larunbatean, Lasarte-Oriako XXXV. Saria

noreply@blogger.com (Buruntzaldea IKT) — Fri, 29 May 2026 12:50:05 +0000

Larunbat honetan talde osoa, urteroko moduan, Maialen Chourraut igerilekuan izango da, Lasarte-Oriako XXXV. Sarian parte-hartzen.

Pertsonen Saria bezala izendatu dugun lehiaketa honetan guztiek marka bidez lehiatuko dute, generoa, adina edo desgaitasunak eta gaitasunak kontutan hartu gabe. Puntuazioa izango da sailkapena emango duena eta puntuaziorako nork bere erreferentziazko taula izango du, munduko errekorraren arabera. Gure sarian kategoria guztietako igerilariek hartzen dute parte, baita igeriketa egokitukoak eta master igeriketakoak ere.

Saria arratsaldeko 15:30tan hasiko da. Saio amaieran Australiar probak ere izango ditugu!

Edizio honetan parte-hartuko duten taldeak honakoak izango dira:

Buruntzaldea IKT
Konporta
Igartza I.K.E.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.9xischp06awl

Animorik haundienak denoi!! BRNPWR!!

Gure taldetxoa gustura, Zumaian ospatutako "Igerilari osoa" lehiaketan

noreply@blogger.com (Buruntzaldea IKT) — Mon, 25 May 2026 20:27:48 +0000

Aurreko igandean, maitzak 17, Oier Perez, Iraia Gonzalez eta Leire Lopez taldekideek Gipuzkoako Eskolarteko Txapelketan hartu zuen parte, Zumaian, "Igerilari Osoa" ere deitua den lehiaketan. Talde ugari elkartu ziren bertan; besteak beste Ordizia, Fortuna, Bergara, Tolosaldea IKT, Zarautz Balea, Bidasoa XXI, Taosa, Eibar Igerixan etab.

Igandean, goiz eta arratsaldez jardun zuten gureek, guztira 4 probatan parte hartuz; estilo bakoitzean bana. Goizean 50 tximeleta eta bizkar estiloko 100 metrokoa egin zituzten eta arratsaldean berriz, bular estiloko 100 metrokoa eta estilo libreko 100a. Oierrek eta Leirek proba guztietan bere markarik onenak lortu dituzte eta Iraiak 100 librean ere.

Oierrek zilarrezko domina lortu du 100 bular proban, oso zaila izan arren, parte hartzen duten igerilari guztiak kontutan hartuta, proba bikaina egin zuen eta estiloan hobetzen jarraitzen duela erakutsi du. Aipatzekoa da, baita ere, Leirek 100 bizkar proban 6garren postuan amaitu zuela, donbora bikaina lortuz. Orokorrean, maila handia erakutsi zuten bertara joan ziren guztiek.

Paper bikaina burutu dute. Orain arte bezela lanean jarrai dezatela, emaitzak pixkana pixkana hobetzeko eta beren helburuak betetzen joateko. Bukatzeko, emaitzen hobekuntza, entrenamenduetan egiten den lan onari esker dela esan beharra dago. Hurrengo hitzordua eta denboraldiko azkena, gure taldeak antolatutako saria izango da, XXXV. Lasarte-Oria Saria, maiatzaren 30ean.

Aupa Buruntzaldea!

Bikain gureak Gipuzkoako Udaberriko Sarian

noreply@blogger.com (Buruntzaldea IKT) — Sat, 23 May 2026 10:04:14 +0000

Bikain aritu dira gureak pasa den asteburuan, Donostiako Paco Yoldi igerileku luzean ospatutako Gipuzkoako Udaberriko Sarian. 2 taldekide aritu dira lehian: Amaiur Iparragirre eta Lier Garmendia. Lorpen ederrak egin dituzte eta oso pozik gaude emaitzekin. Esan beharra dago, bajak izan direla, gaixotasuna eta azterketen ondorioz.

Hurrengo zerrendan zehaztuko ditugu lorpen guzti horiek:

Amaiaur Iparragirrek 50 libre proban 28.83 eginda, marka pertsonala egin zuen.
Lier Garmendiak, proba guztietan ezarri zituen marka personalak, guztira 4 lortuta: 50 libre (29.35), 50 bizkar (34.80), 100 libre (1:04.63) eta 50 tximeleta (32,13).

Parte hartuko duten hurrengo txapelketa, San Martzial saria izango da, Irungo azken portu igerilekuan.

Zorionak egindako txapelketagatik!!!

Gure igerilariek San Martzial Saria izango dute larunbatean

noreply@blogger.com (Buruntzaldea IKT) — Fri, 22 May 2026 13:38:01 +0000

Infantil, junior eta absolutuak Irunen izango dira larunbat arratsaldean, XXXI. San Marcial Sarian. Bertan, gure taldeko 6 partaide izango dira eta proba programa zabala izango dute, bakoitzak aukeraturiko 3 probatan haien onena emango dutelarik. Saria arratsaldeko 16:00tan hasiko da.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia

Zorterik onena opa diegu denei!

Ederki bukatu dute alebinek Liga, Hernanin

noreply@blogger.com (Buruntzaldea IKT) — Thu, 21 May 2026 20:29:57 +0000

Joan den apirilaren 25ean, larunbata, Hernanin Alebin Ligako 7. eta azken jardunaldia ospatu zen. Bertan Urko Azpiazu eta Nora Becerra taldeko igerilariek parte hartu zuten.

Honakoak izan ziren ezarritako marka pertsonalak:

Urko Azpiazu 100 bular eta 50 libre.
Nora Becerra lau estiloko 100 metro eta 50 libre.

Arratsaldea banakako 400 metro lau estiloetako probarekin hasi zen. Jarraian, Noraren lau estiloetako 100 metroak izan genituen, eta estilo aldetik hobetzen jarraitzen duela ikusi ahal izan genuen; horrez gain, bere denbora hobetzea lortu zuen. Ondoren Urkoren bular erako 100 metroko lasterketa etorri zen eta estiloa asko hobetu duela egiaztatu ahal izan genuen, eta berak ere primerako denbora egin zuen. Norak eta Urkok 50 libre probarekin eman zioten amaiera jardunaldiari.

Lor daitezkeen gutxienekoen zain, maiatzaren 30ean egingo den "pertsonen Saria izendatutako Lasarte-Oriako XXXV. saria dugu hurrengo helburu. Hortik aurrera, lortutako sailkapen eta gutxienekoen arabera, alebin taldeak Gipuzkoako eta Euskal Herriko txapelketak jokatuko ditu denboraldiari amaiera emateko.

Positiboki baloratzen ditugu lortutako emaitzak eta, batez ere, izandako irakaskuntzak eta esperientziak. Zalantzarik gabe, denboraldia oso indartsu amaituko dugu.

Zorionak bioi!

Oso pozik benjaminak, haien ligako azken jardunaldian

noreply@blogger.com (Buruntzaldea IKT) — Thu, 21 May 2026 20:29:51 +0000

Apirilak 25ean, Benjamin Jaialdiko 5. eta azken jardunaldia ospatu zen Hernaniko udal kiroldegian. Bertan gure taldetik Leire López, Oier Azpiazu, Oier Perez, Arane Erro, Uxue Apeztegia, June Lasarte, Malen Diez, Iraia González, Alaia Iparragirre, Izar Iparragirre, Naroa Mitxelena, Noa Blanco, Katixa Iparragirre, Fermin Bianchi, Lide Iturbe, Nahia Granado, June Galan, Gorka Arizmendi, Julen Retegui, Mikel Garcia, Luciana Castro, Nora Tejado, Mae Muga, Unax Polaina, Iñaki Imanol Iruretagoyena, eta Aiur Jauregik hartu zuten parte.

Arratsaldeari hasiera emateko, lau estiloetako 100 metroko proba eduki genuen. Bertan hobekuntza nabarmen asko eduki genituen; biraketa berri asko zeudela eta batzuk ez zirela oso errazak kontuan hartuta, zailatasun guztiak ederki gainditu zituztela esan beharra daukagu. Ondoren gezi moduan egindako krol estiloko hanken 25 metroko serieak egin zituzten gure igerilariek; oso proba baliagarria gure txikien hanken erabilera eta posizioaren kalitatea baieztatzeko. Hanken serieak amaitu ondoren, lau estiloetako 200 metroak izan genituen. Bertan Leire Lopez eta Alaia Iparragirre aritu ziren, ausardia handia erakutsiz. Jarraian, 200 libreko proban, Oier Perez izan genuen eta ohikoa den bezala, igeriketa era oso txukuna erakutsi zuen. Lau estiloetako 4x50 erreleboekin bukatu genuen arratsaldea, gure txikiek, beste behin, ederki pasa zutelarik.

Denboraldia bukatzen ari da, eta egindako aurrerakuntzekin oso pozik gaudela esan beharrean gaude. Aipatzekoa da, alde batetik, haurrek jardunaldietan edukitako lasaitasuna eta jarrera ona, eta bestetik, nabarmen ikusi zela gaztetxoek zein ondo pasatzen duten igerilekuan.

Eskolarteko Gipuzkoakoa "Igerilari osoa", igande honetan Zumaian

noreply@blogger.com (Borja Apeztegia) — Sat, 16 May 2026 06:59:40 +0000

Igande honetan, Oier Pérez, Leire López eta Iraia González taldekideak, Gipuzkoako Eskolarteko Txapelketa, "Igerilari Osoa" txapelketan izango da lehian. Txapelketa Zumaiako Lubaki kiroldegian izango da. Sailkapen bidez bertan egotea lortu du gure gaztetxoek, ligako jardunaldietan zehar burututako probei eta lortutako emaitzei esker.

Bertan egongo diren igerilari guztiek proba berdinak burutu beharko dituzte; 50 tximeleta eta 100 bizkar goizeko saioan eta 100 bular eta 100 libre arratsaldekoan. Goizeko saioa 10:00etan hasiko eta arratsaldekoa berriz 16:00etan.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.9xischp06awl

Zorterik onena opa diegu hirurei!

Asteburu honetan Udaberri Saria Paco Yoldin, berrikuntzekin

noreply@blogger.com (Buruntzaldea IKT) — Fri, 08 May 2026 22:34:00 +0000

Gipuzkoako gutxienekoak dituen infantil, junior eta absolutuen taldeak Gipuzkoako Udaberri Saria izango du Donostiako Paco Yoldiko kiroldegian, 50 metroko igerilekuan. Bertan taldeko 4 igerilari izango dira lehian.

Aurtengo edizioa berria izan go da; izan ere, Australian ezagunak diren “Skin Race” deituriko modalitatea erabiliko dute 50 metroko proba motzetan. Bertan, goizean, kanporaketak egingo dira eta arratsalde finaletara 8 azkarrenak sailkatuko dira. Hala, arratsaldean, hiru serie egingo dira: lehenengoan denek igeri egingo dute, bigarrenean lau azkarrenek eta hirugarren eta azkenekoan bi onenen arteko finala jokatuko da.

Horiez gain, ohikoak diren gainerako progak ere izango dira asteburu osoan zehar, larunbat eta igandeetako jardunaldietan, goizez 10:00tan hasita eta arratsaldez berriz, 16:30tan.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.9xischp06awl

BRNPWR!!!

Azken jardunaldiak benjamin eta alebinentzat, Hernanin

noreply@blogger.com (Buruntzaldea IKT) — Fri, 24 Apr 2026 18:35:00 +0000

Alde batetik, benjaminek euren denboraldiko Benjamin Jaialdiko 5. eta azken jardunaldia izango dute Hernaniko Udal kiroldegian. Gure txikiek, 2017an, 2016an eta 2015ean jaiotakoek, lau estiloetako 100 edo 200 metroak eta krol estiloan eta gezi eran egindako 6x25 errelebu mistoa izango dute, talde guztietako igerilariekin nahastuta. Horretaz gain, 2015ean jaiotakoek 200 librea eta lau estiloetako 4x50 errelebu mistoan parte hartzeko aukera ere izango dute. Jardunaldi hau arratsaldeko 15:30tan hasiko da.

Bestetik, aurreko saioa amaitu ondoren, 17:30 aldera, Hernaniko Udal kiroldegian bertan Alebin Ligako 7. jardunaldia ospatuko da; hauentzat ere denboraldiko ligako azkena izango da. Igerilariek estilo desberdinetan distantzia desberdinak izango dituzte, baina gureak libre erako 50 metrokoan, bular erako 100 metroetan eta lau estiloetako 100 metroko probetan arituko dira. Horrez gain, saioaren amaieran krol estiloko hankekin egindako 4x50 errelebu mistoa ere izango dute.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.9xischp06awl

Animorik handienak denoi!! BRNPWR!!

Lan ona gure alebinek egindakoa Andoainen

noreply@blogger.com (Buruntzaldea IKT) — Fri, 10 Apr 2026 12:51:00 +0000

Pasa den larunbatean, martxoaren 28an, Alebin Ligako 6. jardunaldia ospatu zen Andoaingo Allurralde kiroldegian. Gure taldetik Nora Becerra eta Urko Azpiazu izan ziren bertan.

Jardunaldia gizonezkoen estilo libreko 800 metrokoarekin hasi zen; bertan izan zen Urko eta bere marka nabarmen hobetu zuen. Honen ondoren gizonezkoen 100 librearen txanda izan zen eta Urkok, kontutan izanda 800 metroak igeri egitetik zetorrela, lasterketa ederra egin zuen. Hurrengo proba emakumezkoen tximeleta erako 100 metroak izan ziren; Nora Becerrak bertan parte hartu zuen eta baita bizkar erako 50 metrotako proban ere, bietan ederki lehiatuta. Norak eta Urkok aparteko grina erakutsi zuten eta beraien marka pertsonalak hobetu zituzten.

Denboraldia aurrera doan honetan, azken jardunaldi honek gogor lan egiteko balio izan digu eta hobekuntza nabarmenak ikusi ditugu. Denboraldi amaiera indar askorekin bukatuko dugula ziur gaude. Hurrengo jardunaldia iristeko desiatzen gaude eta entrenamenduetan gogor ari gara igerian, hitzordua prestatzeko.

Zorionak bioi! Burunpower!

Giro paregabea, 17 marka pertsonal eta hainbat gutxieneko berri Gipuzkoako Taldeen arteko Kopan

noreply@blogger.com (Buruntzaldea IKT) — Fri, 10 Apr 2026 12:18:00 +0000

Joan den asteburuan, martxoaren 28 eta 29an Tolosako Usabal igerilekuan izan ditugu gure 10 igerilari, Gipuzkoako Kluben arteko Kopako B mailan lehian. Emaitza txukunak lortu dituzte gureek, marka pertsonal ugari eginda. Sailkapenari begira, gure taldetik lehian bi mutil bakarrik izan genituela kontuan hartuz gizonezkoak 6. postuan geratu ziren, emakumezkoek 5.postuan amaitu zuten eta sailkapen orokorrean berriz, 10. izan ziren azkenean.

Urteko zita politenetakoa izaten da txapelketa hau, inork galdu nahi ez duen hitzordu horietako bat. Aurtengoan, Gipuzkoako taldeek A eta B mailetan lehiatu dute, gure kasuan “B” mailan lehiatu genuelarik. Hau horrela, gizonezko eta emakumezko banak parte hartzen dute proba bakoitzean. Gure talde txikia izanik, ez gizonezkoetan eta ezta emakumezkoetan ezin izan ditugu programako proba guztiak bete, baina eskatzen zen %70eko parte-hartzearekin, bertan egon zen gure taldea.

Honakoak izan ziren parte-hartzaileak: Nora Miguelez, Nille Becerra, Itxaso Iparragirre, June Apeztegia, Izaro Bautista, Aiala Erro, Ander Martinez, Lier Garmendia, Nara Larretxea eta Amaiur Iparragirre. Aitor Estangak parte hartzeko asmoa bazuten ere, ezin izan zuen gure artean egon.

Asteburu osoko lau jardunaldietan zehar eta baita bazkal orduan ere, giro paregabea izan zuten gureek talde-giroan eta ustez, honek nork bere proban jarritako esfortzuan lagundu zuen. Banakako probez gain, errelebuak ere aipatzekoak izan ziren; izan ere, taldean egiten den lehia izanik, igerilariek dioten bezala, gogo, zirrara eta motibazio handia pizten duten probak dira.

Emaitzei dagokionez, guztira 17 marka hobekuntza izan ziren 10 igerilariren artean lortutakoak eta horrez gain, zenbait igerilarik gutxieneko ezberdinak eskuratu zituzten. Lier Garmendiak Euskal Herriko txapelketarako gutxieneko berri bat lortu zuen lau estiloetako 400 metrokoan eta beste hainbatek Gipuzkoako Udako gutxieneko berriak lortu zituzten: Ander Martinezek 100 bular proban, Itxaso Iparragirrek bizkar erako 50 metrokoan eta Amaiur Iparragirrek lau estiloetako 400 metrokoan.

Zorionak talde osoari egindako lanagatik! Hurrengo zita Irunen izango dute, maiatzaren 9an ospatuko den Udaberriko Sarian; segi bide beretik lanean ekipo! BRNPWR!

Kluben arteko Kopa Tolosan eta Alebin Ligako 6. jardunaldia Andoainen, asteburu honetan

noreply@blogger.com (Buruntzaldea IKT) — Fri, 27 Mar 2026 20:45:00 +0000

Gure taldeko igerilariek bi hitzordu berri izango dituzte asteburu honetan.

Batetik, infantil, junior eta absolutuen taldeak Gipuzkoako Kluben Arteko Kopa izango du Tolosako Usabal kiroldegian. Lehiaketa asteburu osoan zehar jokatuko da, goiz eta arratsaldeko jardunaldietan. Goizeko jardunaldiak 10:00etan hasiko dira eta arratsaldekoak berriz larunbatean 17:00etan eta igandean 16:30etan.

Bestetik, gure taldeko alebin bikoteak etxean jardungo du larunbat arratsaldean, Alebin Ligako 6. jardunaldian. Nora Becerrak tximeleta erako 100 metroak eta bizkar erako proba motza egingo ditu (50 metrokoa); Urko Azpiazuk berriz, libre erako 800 eta 100 metroko probak. Saioa arratsaldeko 16:00tan hasiko da.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.9xischp06awl

Animorik haundienak denoi!! BRNPWR!!

24. KORRIKA; Buruntzaldea IKT-n ere euskara gara!

noreply@blogger.com (Buruntzaldea IKT) — Thu, 26 Mar 2026 10:24:00 +0000

Aurten ospatzen ari den 24. Korrika, Atharratzetik Bilborako ibilbidean, atzo eguerdian Lasarte-Oriatik pasa zen eta guk ere gure parte-hartzea izan genuen, euskararen alde.

Gora Korrika, gora euskara eta gora AEK! Euskara gara!

Lan ona gure alebinena Tolosan

noreply@blogger.com (Buruntzaldea IKT) — Mon, 16 Mar 2026 19:44:00 +0000

Pasa den larunbatean, martxoaren 7an, Alebin Ligako 5. jardunaldia ospatu zen Tolosako Usabal kiroldegian. Gure taldetik Nora Becerra eta Urko Azpiazuk hartu zuten parte.

Jardunaldia bera emakumezkoen estilo libreko 800 metrokoarekin hasi zen eta honen ondoren emakumezkoen 100 librearen txanda izan zen, Nora Becerrak igeri egin eta bere marka hobetzea lortu zuelarik. Hurrengo probak gizonezkoen tximeleta estiloko 100 eta 200 metrokoak izan ziren eta ondoren, 50 bularreko proba etorri zen. Norak eta Urkok aparteko taktika erakutsi zuten eta beraien marka pertsonalak hobetu zituzten.

Hauek izan ziren azken jardunaldi honetan lortutako marka hobekuntzak:

Nora Becerrak 100 libre eta 50 bular
Urko Azpiazuk 50 bular

Denboraldia aurrera doa, azken jardunaldi honek gogor lan egiteko balio izan digu eta hobekuntza nabarmenak ikusi ditugu. Denboraldi amaiera indar askorekin bukatuko dugula ziur gaude. Hurrengo jardunaldia iristeko desiatzen gaude eta entrenamenduetan gogor ari gara igerian, hitzordua prestatzeko.

Zorionak bioi! Burunpower!

Arratsalde ederra Tolosan

noreply@blogger.com (Buruntzaldea IKT) — Mon, 16 Mar 2026 19:18:00 +0000

Joan den martxoaren 17an Benjamin Jaialdiaren 4. jardunaldia ospatu zen Tolosako Usabal kiroldegian. Hauek izan ziren bertan parte hartu zuten gure igerilariak: Oier Azpiazu, June Lasarte, Oier Perez, Leire Lopez, Naroa Mitxelena, Iraia Gonzalez, Noa Blanco, Izar Iparragirre, June Galan, Julen Retegui, Mae Muga, Nora Tejado, Gorka Arizmendi, Lide Iturbe, Eneko Goikoetxea, Oihan Rodriguez, Iñaki Imanol Iruretagoyena, Fermin Bianchi eta Nahia Granado.

Arratsaldea 25 metroko bualar hanken serie batekin hasi genuen, eta hori oso baliagarria izan zitzaigun estilo horren ostikadaren eraginkortasuna eta efizientzia baloratu ahal izateko. Probatxo hau, normalean egiten dugun bezala, talde ezberdinetako igerilari guztiak nahastuta igeri egin zuten.

Ondoren, jardunaldiari ekin genion, eta 25 tximeleta eta 50 tximeleta izan genituen proba nagusi. Laburrenean Naroa Mitxelena, Izar Iparragirre, June Galan, Julen Retegui, Mae Muga, Nora Tejado, Gorka Arizmendi, Eneko Goikoetxea, Oihan Rodriguez, Iñaki Imanol Iruretagoyena, Fermin Bianchi, Noa Blanco eta Nahia Granado aritu ziren eta, 50 metrokoan berriz, Oier Perez, Oier Azpiazu, June Lasarte, Leire Lopez eta Iraia Gonzalez aritu ziren. Estilo hau lantzen denbora gutxi daramagula kontuan hartuta, denek erakutsitako maila ikaragarria izan zen.

Ondoren, une garrantzitsu bat iritsi zen, gure igerilari Oier Perez-ek 400 libreko proban parte hartu baitzuen. Gogo handia erakutsi zuen, eta batez ere ausardia. Kontuan izan behar da adin horietan oso proba zorrotzak direla eta bakarrik egin zuela igeri. Gure igerilariak saio ikusgarria izan zuen, ziur gaude etorkizun ona izango duela horrela jarraitzen badu.

Saioa amaitzeko bular estiloko 4x50 errelebu mistoa izan zuten 2015ean jaiotakoek.

Oso pozik gaude azken jardunaldi honetan ikusitakoekin. Gure haurrek hobekuntza oso handia egin dute, eta erakutsitako gogoak, ilusioak eta esfortzuak motibatzen gaituzte. Apirilaren 25ean Hernanin izango dugu hurrengo jardunaldia. Bertan, dagoeneko prestatzen eta igeri egiteko irrikaz dauden lau estiloetako 100 eta 200 metroko probak izango ditugu.

Aupa Buruntxikiak!

Hitzordu berriak: benjaminak eta alebinak

noreply@blogger.com (Buruntzaldea IKT) — Fri, 06 Mar 2026 20:15:00 +0000

Alde batetik, benjamin mailako igerilariek Benjamin Jaialdiko 4. jardunaldia izango dute Tolosako Usabal kiroldegian. Gure txikiek, 2017an, 2016an eta 2015ean jaiotakoek, 25, 50 edo 100 tximeleta eta bular estiloko ostikaden 6x25 errelebu mistoa izango dute, talde eta adin guztietako pertsonak nahastuta. Horretaz gain, bigarren zati batean, 2015ean jaiotakoek bular erako 200 metroko proba eta 4x50 metroko erreleboa egiteko aukera izango dute. Jardunaldi hau arratsaldeko 15:30etatik aurrera hasiko da.

Bestetik, aurreko saioa amaitu ostean eta Tolosako Usabal kiroldegian bertan, alebin taldearen txanda izango da, Alebin Ligako 5. jardunaldian. Jardunaldi hau aurrekoa amaitu ostean hasiko da, 17:15ak aldera, eta igerilariek estilo desberdinetan distantzia desberdinak izango dituzte aukeran: 800 edo 100 lilbrea, tximeleta erako 100 edo 200 metroak eta bular erako 50 metroko proba. Saio amaieran tximeleta erako ostikadekin egindako 6x25 errelebu mistoa izango dute, talde guztietako igerilariak nahastuta.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia

Animorik haundienak denoi!! BRNPWR!!

Ederki aritu da Lier igerileku luzeko bere estreinaldian

noreply@blogger.com (Buruntzaldea IKT) — Thu, 05 Mar 2026 08:15:00 +0000

Pasa den asteburuan, larunbat eta igandeko goiz eta arratsaldeko jardunaldietan, Euskal Herriko Neguko Infantil Txapelketa ospatu zen Getxon eta gure taldeko Lier Garmendia bertan izan zen. Igerileku luzean lehiatzen zuen lehen aldia izanda ere, ederki aritu zen, eta maila ederrean dagoela erakutsi zuen.

Getxon, lau probari egin behar izan zion aurre: tximeleta erako 50 eta 100 metroak, 100 bizkar proba eta libre erako 50 metrokoa. Lau probatan ezarri zituen marka petsonalak eta horietatik bitan Euskal Herriko udako txapelketan parte hartzeko gutxienekoak lortu zituen.

Marka pertsonalak honakoak dira:

50 tximeletan 33.63.
100 tximeletan 1:20.22.
100 bizkar proban 1:16.37.
50 librean 30.35.

Esan bezala, bi probatan lortu zuen udako Euskal Herriko Infantil mailako txapelketarako beharrezko denboretan igeri egitea: bizkar erako 100 metroetan eta 50 librean.

Orain atseden pixka bat hartu eta Aste Santu aurretik, martxoaren 28 eta 29ko asteburuan izango duten lehiaketarako indarrak hartzea tokatzen zaio, horrekin emango baitiote amaiera denboraldiaren lehen zati honi.

Zorionak Lier egindako txapelketagatik!

Lau urre, zilar bat, brontze bat eta 12 marka pertsonal Zarautzen ospatutako Neguko Gipuzkoako Sarian

noreply@blogger.com (Buruntzaldea IKT) — Tue, 03 Mar 2026 07:45:10 +0000

Larunbatean, otsailaren 21ean, Gipuzkoako Neguko Saria ospatu zen Zarauzko kiroldegian eta bertan izan genituen lehian Laida Guerrero, Nille Becerra, Nora Miguelez, Itxaso Iparragirre, Ander Martinez, Aitor Estanga, June Apeztegia, Izaro Bautista, Aiala Erro eta Nara Larretxea. Gehiengoak igeri egindako proba guztietan haien markak hobetzea lortu zuen eta horrez gain, podiumean ere izan genituen gureak.

Lortutako marka pertsonalak honakoak izan ziren:

June Apeztegiak lau estiloetako 100 metroetan (1:35.18), bizkar erako 100 metroetan (1:35.24) eta proba bereko 50 metroko pasean (42.96).
Ander Martinezek lau estiloetako 200 metroetan (2:49.60).
Nille Becerrak lau estiloetako 100 metroetan (1:28.21).
Aitor Estangak bizkar erako 50 metroetako proban (36.43).
Aiala Errok tximeleta erako 50 metroetan (46:09), lau estiloetako 200 metroko proban (3:18.65) eta libre erako 200 metroetan (2:45.49).
Nara Larretxeak lau estiloetako 100 metroko proban (1:32.05).
Izaro Bautistak lau estiloetako 100 metroetan (1:36.81) eta libre erako 100 metroko proban (1:21.11).

Dominei dagokienean, infantil kategorian bakarrik banatu ziren eta denera sei izan ziren gure taldekideek lortutakoak. Ander Martinezek 2 urre eskuratu ziuten, Nara Larretxeak urre bat, Itsaso Iparragirrek urre bat eta zilar bat eta June Apeztegiak brontze bat.

Zorionak denoi lortutakao emaitzengatik!! BRNPWR

Amaiur Iparragirre gustora Euskal Herriko txapelketan

noreply@blogger.com (Buruntzaldea IKT) — Tue, 03 Mar 2026 07:45:10 +0000

Gure igerilaria den Amaiur Iparragirre, Iruñeako Amaya Kirol Hirian otsailaren 21 eta 22an ospatu zen junior eta absolutu mailako Euskal Herriko Neguko Txapelketan izan zen, zenbait probetan sailkatua izan ondoren.

Bi egunetan zehar 4 proba ezberdinetan aritu zen: 100 librean, 4 estiloetako 200 metroetan eta bizkar zein libre erako abiadura proba motzetan, hau da, 50 metroetan. Kontuan hartuta Amaiurrek igerileku luzean ez duela esperientzia handirik izan, emaitza politekin itzuli da etxera, azken bi proba horietan marka pertsonalak egin dituelarik; 34.70 eta 29.26, hurrenez hurren.

Esperientzia aberasgarria izan da berarentzat eta lanean jarraitzeko gogotsu dago.

Aupa Amaiur, txapelketa ona! Orain hurrengo zita ezberdinetarako lanean jarraitzea tokatzen da. Animo asko!

Euskal Herriko Txapelketa eta Neguko Saria, asteburuan

noreply@blogger.com (Buruntzaldea IKT) — Thu, 19 Feb 2026 19:32:00 +0000

Asteburu honetarako gure igerilariek hitzordu bikoitza dute.

Batetik Amaiur Iparragirre Iruñako Amaya kirolgunean izango da asteburu osoan zehar, Euskal Herriko Neguko Txapelketan lehian. Bertan larunbat eta igandeko jardunaldietan arituko da, goiz eta arratsaldeko saioetan, banakako lau proba izanik, bakoitza jardunaldi batean igeri egingo duelarik.

Bestetik, Gipuzkoako Txapelketarako gutxienekoa ez duten igerilariak Zarautzen izango dira, Gipuzkoako Neguko Sarian. Txapelketa hau larunbat goi eta arratsaldeko saioetan ospatuko da, saio bakoitzean igerilari bakoitzak banakako proba bat izango duelarik.

Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.hmabon9jcse8