Этнаграфія Беларусі

«Багач» – беларускае свята ахвяры для будучыні | Камунікат.org

kamunikat — Tue, 22 Sep 2020 09:47:56 GMT

„Студэнцкае этнаграфічнае таварыства” правяло рэканструкцыю абраду «Багач» у Дукорскім маёнтку пад Менскам.Кажа сузаснавальніца арганізацыі Наста Глушко: – „Багач” – гэта самае галоўнае восеньскае свята. А для людзей – гэта магчымасць падзякаваць багам за добры ўраджай, за ўдалы год. Год у нас выдаўся складаны. Кажуць, што высакосны год звычайна нейкі дзіўны. То ў нас атрымалася ўсяго багата – і эмоцый багата, і грыбоў багата, і яблыкаў, усяго. Вось «Багач» – гэта магчымасць сказаць «дзякуй» за тое, што восень прыйшла багатая, і ўсё добра ва ўсіх.Адначасова з „Багачом” праваслаўныя ў Беларусі святкуюць дзень нараджэння Божай Маці.Беларускае Радыё Рацыя, Менск

Болей

...

Як саткаць свой „абудзённік” супраць бедаў? | Камунікат.org

kamunikat — Wed, 05 Aug 2020 11:54:05 GMT

Маецца ў беларусаў традыцыя: падчас навалы, вайны ці нястачы ткаць „абудзённікі” – ручнікі ці палотны.Гэтую традыцыю падхапілі сябры „Студэнцкага этнаграфічнага таварыства”, каб сабраць сродкі на аплату арэнду офіса ў Менску. Кажа сузаснавальніца арганізацыі Наста Глушко: – Калі рабіўся ручнік-абудзённік ці палатно, яго трэба было, пры некаторых умовах за суткі, зрабіць або за светлавую частку дня. Усе дзяўчаты і жанчыны з вёскі ў поўнай цішыні, часам нават узрост абмяжоўваўся, толькі старушкі і маладыя дзяўчаты, якія яшчэ не маюць дзяцей і не замужам, альбо ўсе маглі быць. Карацей праз такую фізічную і душэўную пакуту ты нібыта ратуеш гэтым самым вось такі каласальны выкід энергіі ў сусвет, ратуеш сваю вёску ад нейкай бяды. Падобная з’ява ў нас зафіксавана на Гарадзеншчыне, апошні такі ўс...

Болей

...

У Нараўцы адкрылася выстава габеленаў | Камунікат.org

kamunikat — Mon, 27 Jul 2020 19:15:53 GMT

У Нараўцы можна пабачыць габелены вырабленыя мясцовымі майстрыцамі.У галерэі імя Тамары Саланевіч адкрылася выстава мастацкіх працаў, якія ткуцца ў адну аснову.Вучыць гэтаму рамяству настаўніца Малгажата Краўчык: – Ёсць нават узнагароджаныя на конкурсе непрафесійнага мастацтва ў Гайнаўцы. Мае дзяўчаты былі ўзнагароджаныя, я ганаруся тым, што яны перараслі майстра. Увесь час ствараем штосьці новае, нейкія новыя тэмы. Пачаткова гэта была Нараўка, царква, хаткі, а пасля кветкі. У той жа час дзеці, калі бачаць, што мама і тата занятыя, то і яны хочуць.Малгажата Краўчык таксама з’яўляецца аўтаркай цыкла прац „Падляшскія мадонны”.Уля Шубзда, Беларускае Радыё Рацыя

Болей

...

Ларыса Рыжкова: Мы павінны захаваць беларускія казкі і песні | Камунікат.org

kamunikat — Mon, 27 Jul 2020 18:58:18 GMT

Як не забыць вусную традыцыю ў гарадскіх умовах?Кніга Ларысы Рыжковай „Выхаванне спевака”, на якую беларусы ўсяго свету збіралі сродкі, служыць захаванню спеўнай памяці. Расказвае аўтарка, этнапедагог Ларыса Рыжкова: – Калі мы не вернемся, дзеці нашыя не вернуцца, бабулі гарадскія не вернемся, то можа ўнукі, праўнукі вернуцца. Калі будзе пакаленне, якое захоча чуць сваю сапраўдную гаворку, чуць сваю сапраўдную казку. Яна сапраўдная каштоўнасць, якая адыходзіць, знікае разам з людзьмі, якія ведаюць гэтыя казкі, песні. Трэба неяк ратаваць нашу жывую культуру, якая гучыць.Беларускае Радыё Рацыя

Болей

...

Купалле на аграсядзібе „Запаведны востраў” | Камунікат.org

kamunikat — Tue, 07 Jul 2020 18:50:44 GMT

На аграсядзібе «Запаведны востраў» прайшло народнае свята, прысвечанае сонцу і росквіту зямлі. «Купалле» на Глыбоччыне ладзіў полацкі гурт «Варган» з захаваннем усіх мясцовых традыцыяў.Напачатку ўдзельнікі свята прайшліся «купальскім» шэсцем ад вёскі Хралы да вёскі Шо, як было ў гэтай мясцовасці даўней. Адзіным сучасным новаўвядзеннем было тое, што ад аграсядзібы да вёскі Хралы ўдзельнікі дабіраліся на сучасным плыце «Сварожыч», які належыць гаспадару аграсядзібы Алесю Цвірку. У вёсцы Хралы іх з радасцю і цікавасцю сустрэлі мясцовыя жыхары і дачнікі. Потым асноўныя дзеянні праходзілі на полі ля сядзібы. Удзельнікі свята падзяліліся сваімі ўражаннямі: – Адусюль прыязджаюць – і з Віцебска, і з Полацка, і з Наваполацка. Прыязджаюць і выступаюць тут, ходзяць па вёсцы і нас вітаюць, мы іх такса...

Болей

...

Аляксандр Цвірка: Я паважаю нашу гісторыю і культуру | Камунікат.org

kamunikat — Fri, 03 Jul 2020 20:49:57 GMT

Традыцыйныя беларускія святы на гэтай сядзібе ладзяцца штогод. Гаспадар найлепшай у Беларусі аграсядзібы «Запаведны востраў», што на Глыбоччыне, і сённяшні госць «Рацыі» Аляксандр Цвірка шануе беларускую культуру і садзейнічае яе захаванню. У гэтым яго падтрымлівае і жонка Алена, хоць яна па нацыянальнасці і руская.Па словах Аляксандра Цвіркі, сёлета яны доўга думалі, ці праводзіць свята „Купалле” падчас пандэміі. Але ўсё ж вырашылі яго ладзіць паводле мясцовай традыцыі і захоўваючы правілы асабістай бяспекі падчас каронавірусу: – Насамрэч мэта стаіць – захаванне традыцый і іх папулярызацыя. Усё, як адбывалася раней. Будзе пачынацца з шэсця па вёсцы, так раней у гэтым месцы рабілі. Далей удзельнікі прыходзяць на паляну, мы яе нават не касілі пакуль, дзяўчынкі пачынаюць збіраць кветкі і пле...

Болей

...

Максім Качаноўскі: Са школых гадоў я захапіўся разьбой па дрэве | Камунікат.org

kamunikat — Sat, 13 Jun 2020 20:14:40 GMT

Разьбе па дрэве прысвяціў сваё жыццё жыхар Лунінца, што ў Берасцейскай вобласці, Максім Качаноўскі. Ён займаецца вырабамі як для цэркваў, так і для бытавых мэтаў.Часам замовы ідуць на год наперад, — распавёў сам майстар: – Накірунак быў закладзены яшчэ бацькам. Ён у свой час таксама займаўся разьбой па дрэву, сталяркай, але больш для сябе. Мне гэта заўсёды падабалася, і таксама пачаў займацца недзе яшчэ з старэйшых класаў, у 10-11 класе пачаў больш сур’ёзна глядзець на такі занятак. Потым паступіў у Кобрыньскі мастацкі каледж, і там ужо больш дасканала пачаў усё гэтае вывучаць. На жаль, не было курса рэзчыка па дрэве, прыйшлося паступаць на мастака-афарміцеля. Як адзначыў Максім Качаноўскі, зараз амаль што перасталі рыхтаваць рэзчыкаў па дрэве, хоць такія паслугі вельмі запатрабаваныя. Там...

Болей

...

Ларыса Быцко: Не хачу, каб паміралі вёскі | Камунікат.org

kamunikat — Wed, 10 Jun 2020 18:36:47 GMT

Амаль вымерлая вёска Стойлы пад Пружанамі атрымала «другое жыццё» пасля рэалізацыі мясцовага праекту «Вясковы рэнесанс». «Рухавіком» праекту стала Ларыса Быцко, якая за кошт набыцця тут сядзібы і папулярызацыі памяці пра мясцовага майстра Міколу Тарасюка, літаральна кажучы ажыццявіла рэнесанс месца.Пра тое, як праз батлейку адраджаецца вёска Стойлы, гутарым з сённяшняй „Госцяй Рацыі” – гаспадыняй сядзібы „Стулы” Ларысай Быцко. РР: Праект «Вясковы рэнесанс» ажыццяўляўся пры падтрымцы нямецкай Асацыяцыі народных універсітэтаў і аддзелу культуры Пружанскага райвыканкама. Што атрымалася зрабіць у выніку? Ларыса Быцко: У 2014 годзе я напісала гэты праект «Вясковы рэнесанс». Мы зрабілі чатыры опцыі, чатыры актыўнасці. Першая, мы травілі работы Тарасюка ад шашаля. Гэта была вялікая праца. Другая,...

Болей

...

«Стары Ольса» стварае віртуальны музей гурта | Камунікат.org

kamunikat — Thu, 16 Apr 2020 12:19:42 GMT

Гурт звяртаецца да сваіх прыхільнікаў з пэўнай просьбай. Першы канцэрт музыкі далі ў Полацку яшчэ ў 1999 годзе. Хаця тады яны выступалі пад іншай назвай - «Руевіт». Пазней з`явілася ідэя, каб для назвы гурта за аснову ўзяць геаграфічную назву, бо яны ўсе старадаўнія.
«Ольса гэта ручай на Магілёўшчыне, а паколькі мы граем старую музыку дык і Стары Ольса - так як «стары ручай Ольса» - тлумачыць Марыя Шарый.«У гэтым годзе ў нас будзе асаблівае паўналецце - 21 год. Пачынаем працу над нашым новым сайтам. Таму менавіта цяпер з`явілася ідэя, каб стварыць віртуальны музей гурту «Стары Ольса», - распавядае Марыя.Гутарку запісаў Яраслаў ІванюкФота аўтара Болей...

Вольга Емяльянчык: Важна падтрымаць жывую традыцыю | Камунікат.org

kamunikat — Sun, 05 Apr 2020 15:39:42 GMT

Традыцыйная беларуская вёска няўхільна памірае, разам з ёй знікаюць і беларускія фальклорныя традыцыі.
Полацкі фальклорны гурт “Варган” сваёй місіяй лічыць падтрыманне гэтых традыцыяў на Полаччыне.Цэнтрамі, дзе гэтыя традыцыі аднаўляюцца, сёння сталі некаторыя аграсядзібы. Кажа кіраўніца гурта “Варган” Вольгай Емяльянчык:
– Не менш важна паспрабаваць падтрымаць жывую традыцыю. Я апошнім часам шмат пра гэта думаю, таму што сапраўды ў вёсках гэта патроху знікае і знікае незваротна. І мы зараз робім такую спробу, ставім эксперымент – ці можам мы сваімі свежымі сіламі даць імпульс і падтрымаць нейкую лакальную традыцыю.
Полацкі фальклорны гурт „Варган” аб’яднаў людзей, зацікаўленых традыцыйнай культурай беларусаў. Прынцыповая пазіцыя ўд... Болей...

Малады бярозаўскі рамеснік адраджае беларускае ганчарства | Камунікат.org

kamunikat — Mon, 23 Mar 2020 11:53:30 GMT

Малады бярозаўскі рамеснік Уладзімір Літвінчук адраджае беларускае ганчарства. Патрэбны ў хатняй гаспадарцы гліняны посуд жыхары Бярозаўскага раёна могуць набыць на мясцовых рынках, куды вязе на продаж свае вырабы Уладзімір.Такое вяртанне беларускай гаспадарчай культуры карыснае для здароўя і добры занятак для душы, гаворыць ганчар Літвінчук:
– У асноўным працую ў абварной і малачонай кераміцы. Абварная кераміка робіцца такім чынам, што раскалены выраб з печы дастаецца адмысловымі абцугами і акунаецца ў калатушу. Можна выкарыстоўваць расол, можна малако з жытняй мукой. Ёсць кашнік, гляк, збан, крынка, макітры, талеркі для ўсёй сям’і, калі былі вялікія сем’і. Таксама ў макітрах вельмі добра запякаць бабку.Паводле Уладзіміра Літвінчука, яго посуд увесь час удасканальваецца... Болей...

ЕР «Kalyna» ад фольк-гурта Vuraj | Камунікат.org

kamunikat — Wed, 19 Feb 2020 19:08:54 GMT

Вядомы беларускі фольк-гурт Vuraj прадставіў сваю новую работу — ЕР «Kalyna».У новую плытку ўвайшлі песні, якія музыкі адшукалі падчас экспедыцыі па Берасцейшчыне. На ЕР чатыры кампазіцыі пры дзвюх песнях. Паколькі акрамя варыянтаў у апрацоўцы самога гурта на дыск запісаныя і аўтэнтычныя спевы.
Падрабязней пра новую кружэлку гаворыць лідар і вакаліст гурта Vuraj Сяржук Доўгушаў:
– У альбоме дзве асноўныя песні – гэта “Юр’я” з Пружанскага раёну, песня, якую мы запісалі ад калектыву “Бабіна лета”. І таксама калектыў удзельнічаў у запісе, можна пачуць, як з намі спалучаецца аўтэнтычны спеў. Спявае калектыў і мы разам з гуртом Vuraj. Другі трэк – гэта песня “Калына”, запісалі яе ў Драгічынскім раёне ад нашых, ужо м... Болей...

Андрэй Рэцікаў: Батлейка – гэта наш скарб, і мы мусім ім ганарыцца | Камунікат.org

kamunikat — Thu, 30 Jan 2020 18:43:10 GMT

Кіраўнік народнага лялечнага тэатру “КапялюШ” уласнаручна робіць батлейкі і навучае гэтаму мастацтву ў адмысловым “тэатральным класе”. Але зараз ёе марыць не проста рабіць батлейкі самому, а аднаўляць іх у аўтэнтычным выглядзе – паводле апісанняў фалькларыстаў і краязнаўцаў.
Першай спробай стала незвычайная батлейка – “Віцебскі жлоб”, апошні ўзор якога захоўваўся ў Віцебскім краязнаўчым музеі, але разам з іншымі экспанатамі згарэў падчас Вялікай Айчыннай вайны.Засталося толькі апісанне, зробленае этнографам Еўдакімам Раманавым, тлумачыць Андрэй Рэцікаў:
– Гэта такі від батлейкі, які быў менавіта ў Віцебскай губерніі, па прынцыпе тэатра ценяў зроблены. Там ад цяпла свечкі круціліся кружэлкі такія. Кружэлкі, на якіх замацаваны сілуэты,... Болей...

На берасцейскіх курсах „Мова-Нанова” выступіць Іван Кірчук | Камунікат.org

kamunikat — Sun, 26 Jan 2020 14:20:37 GMT

На чарговую сустрэчу ў межах курсаў „Мова-Нанова” запрашаюць у Берасці. Яна адбудзецца ў бліжэйшы аўторак, 28 студзеня.У якасці госця запрошаны музыка Іван Кірчук, — распавёў вядоўца моўных заняткаў Максім Хлябец:
– Да нас прыедзе Іван Кірчук, лідар гурта “Троіца”. І ён будзе паказваць, хутчэй за ўсё, урывак са свайго мона-спектакля “Дарожка мая…”, які ідзе ў нашым тэатры. Па-мойму, апошнія гады штогод ён прыязджае да нас выступаць. Спектакль адбудзецца ў тэатры, а таксама ён пакажа ў нас урывак з гэтага мона-спектакля і прывязе свае інструменты, якіх у яго цэлая калекцыя.Далучыцца да заняткаў „Мова-Нанова” можна на любым з этапаў. Галоўнае — гэта сістэмнасць у наведванні і жаданне вывучаць родную мову. Беларускае Ра... Болей...

Вольга Емяльянчык: Гэтая музыка яшчэ побач, гэта не выдумкі фалькларыстаў | Камунікат.org

kamunikat — Sat, 18 Jan 2020 12:52:07 GMT

Сённяшні госць Беларускага Радыё Рацыя – кандыдат бiялагiчных навук, дацэнт кафедры гісторыі і турызму Полацкага дзяржаўнага ўніверсітэта, кіраўніца фальклорнага гурта «Варган» – Вольга Емяльянчык.Пра тое, якім выдаўся мінулы год для гурта «Варган», ці можна яшчэ адшукаць невядомыя даследчыкам фальклорныя песні і як захоўваць жывымі фальклорныя абрады ў рэгіёнах, – з Вольгай Емяльянчык паразмаўляў Алесь Аркуш.
РР: Закончыўся год, і можна ўжо падвесці вынікі леташняй дзейнасці вашага легендарнага фальклорнага гурта «Варган». Якім для вас быў гэты год?Вольга Емяльянчык: Гэты год быў добры, плённы. Фальклорны гурт «Варган» прыняў удзел у вельмі сур’ёзных мерапрыемствах. У прыватнасці, па запрашэнні лідара гурта «Vu... Болей...

Беларусы адзначаюць Шчодры вечар | Камунікат.org

kamunikat — Mon, 13 Jan 2020 20:09:32 GMT

На календары народнае свята – Шчодры вечар альбо Шчодрык, Багатая куцця.
Як пісаў беларускі этнограф Яўхім Карскі, сама назва сведчыць пра тое, што ў гэты дзень вячэра шчодрая на стравы, пераважна з мяса, у адрозненне ад поснай куцці на Каляды.
Да 1918 года Шчодры вечар беларусы адзначалі 31 снежня, акурат перад Новым годам. Усё змянілася пасля каляндарнай рэформы, кажа гісторык Ганна Колб:
– Жылі па старым юліянскім календары, які ў XVI стагоддзі быў прызнаны астраномамі як памылковы. І ў Еўропе пачалі жыць па новым грыгарыянскім календары, які ўвёў Рыгор ХІІІ. Год мае розную працягласць дзён, і паступова ўзнікла розніца ў датах. У 1917 годзе ў краінах Еўропы і Расеі розніца ў датах складала аж цэлых 13 дзён. У 1918 годзе, калі ўжо бальшавікі прыйшлі да ўлады, быў уведзены... Болей...

У Полацку вучыліся ствараць мастацкія габелены | Камунікат.org

kamunikat — Mon, 06 Jan 2020 11:02:23 GMT

У Полацку вучыліся ствараць мастацкія габелены. Віцебская габеленшчыца Святлана Баранкоўская правяла ў Полацкай мастацкай галерэі адмысловы майстар-клас. Гэтымі днямі тут праходзіць яе выстава „Rad№0”.Кажа Святлана Баранкоўская:
– У мяне і ў Полацку, і ў Наваполацку, але ў іншых залях, былі выставы. І я вельмі марыла патрапіць менавіта ў гэты музей, таму што Мастацкая галерэя ў Полацку славутая на ўсю рэспубліку, я не скажу ўжо пра свет. І патрапіць сюды – гэта вялікі гонар і гэта вялікае шчасце. Таму я не проста з задавальненнем адгукнулася. Я з вялікім задавальненнем прыехала яшчэ і на майстар-клас, каб пазнаёміцца з глебачамі і каб ведаць, што я магу прывезці наступным разам.Святлана Баранкоўская прадэманстравала ўдзельнікам майстар-класа тэхналагічныя прыёмы ст... Болей...

Акадэмія рукадзелля наведвае Гайнаўшчыну | Камунікат.org

kamunikat — Tue, 10 Sep 2019 15:11:15 GMT

Жыхары вёсак гміны Гайнаўка змогуць на працягу верасня прыняць удзел у майстар-класах па народным рукадзеллі, якія пад назвай „Этна інспірацыі” ладзіць Акадэмія рукадзелля.Пасля правядзення заняткаў у мясцовасцях Хытрая і Махнатая, якія ладзіць гайнаўскі фонд „Яны гэта Мы”, яны адбудуцца ў Новаберазове, Арэшкаве, Ліпінах ды іншых вёсках.
Кажа старшыня фонду „Яны гэта Мы” Наталля Герасімюк:
– Задумваемся над тым, каб зрабіць такую пастаянную Акадэмію рукадзелля. Магчыма нейкую школу рукадзелля. Калі мы ездзім па розных вёсках, сустракаемся з рознымі людзьмі, аказваецца, што такіх майстроў і майстрых вельмі шмат. Яны робяць не толькі тое, чаму мы вучым, яны робяць цудоўныя рэчы, чаму б мы хацелі навучыцца ад іх.Акадэмія рукадзелля – „Эт... Болей...

Што чакае гледачоў фэсту «Rajok»? | Камунікат.org

kamunikat — Wed, 04 Sep 2019 19:49:29 GMT

У сярэдзіне месяца, а менавіта 14 і 15 верасня, у Менску адбудзецца вялікі фестываль фальклорнай музыкі. Што чакае гледачоў фэсту? Каго ён можа зацікавіць?
Пра гэта распавядае «Госць Рацыі» галоўны арганізатар фестывалю «Rajok» Сяржук Доўгушаў.Паводле Сяржука Доўгушава, наведвальнікаў чакае шмат цікавостак:
– Першы дзень – гэта субота, 14 верасня, мы ўсіх чакаем ад 12 раніцы, у нас пачынаецца конкурс фальклорных калектываў. Мы аб’явілі гэты конкурс, можна падаць заяўкі і будзе журы, розныя падарункі, дыпломы, узнагароды. І лепшым калектывам будзе такі падарунак, адзін з асноўных – гэта запіс на студыі. А потым ужо пачнецца канцэртная частка. У нас выступае калектыў «Коліхі» – такая эксперыментальная капэла, якая працгвае т... Болей...

Радимичи

sverc — Sun, 01 Sep 2019 20:03:39 GMT

Радимичи (локализация, происхождение, социально-политическая история) // Исторический формат. 2017. № 1-2

В работе рассматриваются: (1) негативные стереотипы о радимичах, сложившиеся в историографической традиции, и аргументируется позиция, что они не имеют под собой достаточных оснований; (2) проблема локализации радимичей, поста вленная недавно А.С. Щавелевым, и аргументируется позиция, что мнение данного автора, попытавшегося оспорить их традиционное размещение на Соже, основано на ошибке и является следствием поверхностной работы с летописным материалом; (3) проблема происхожден ия радимичей, проводится подробный обзор историографии и аргументируется гипотеза, согласно которой миграция радимичей с территории современной Польши могла произойти в VII-VIII в. в рамках славянской миграционной волны из Средней Европы и Дунайского региона на север и восток; (4) проблема атрибуции Λενζανηνοι/Λενζενίνοι (лендзян), упоминаемых Константином Багрянородным, и аргументируется гипотеза об их тождественности радимичам, происходящим согласно летописной традиции «от ляхов» (лендзяне – вариант этнонима ляхи).

Лендзяне Константина Багрянородного и радимичи "от рода ляхов" // Новые исторические перспективы: от Балтики до Тихого океана. 2018. № 4 (13). С. 36-53

В статье рассматривается проблема локализации лендзян, названных Константином Багрянородным среди восточноевропейских славиний. Показывается, что сопоставление фактов (перечисление Константином Багрянородным по именам всех славянских «племен» днепровского бассейна и отсутствие среди них радимичей, при упоминании живущих на берегах впадающих в Днепр «водоемов» лендзян; существование в Киеве прочной традиции, связывающей радимичей с ляхами, при которой в обиходной речи киевлян они вполне могли называться с оттенком пренебрежения просто ляхами – «новоселами») говорит о том, что под лендзянами (Λενζανηνοι/Λενζενίνοι) Константина Багрянородного следует понимать летописных радимичей.

На фэст традыцыйнай музыкі „Раёк” сабраны 41% неабходнай сумы | Камунікат.org

kamunikat — Wed, 28 Aug 2019 17:24:48 GMT

Фольк-фестываль „Раёк”, які адбудзецца ў Менску 14-15 верасня, працягвае шукаць грошы на арганізацыю. На платформе „Улей”, дзе збіраецца неабходная сума ў 4000 рублёў, застаецца 9 дзён да канца кампаніі.У той жа час стала падрабязна вядома, у якім фармаце адбудзецца фэст, гаворыць арганізатар і музыка Сяржук Доўгушаў:
– Шмат калектываў менавіта з розных глыбінак Палесся плануецца: калектыў „Сёстры Лук’яновіч”, гурт „Церабяначка”, гурт „Хатовічы”, „Вытокі”, а таксама іншыя, якія акрамя спеву змогуць паказаць абрады. Усё будзе ў такой нефармальнай атмасфернай форме. Гэта не open air, дзе далёка сядзяць музыкі і да іх не падабрацца. Тут будзе вельмі блізкі кантакт з гледачамі і шмат розных інтэрактыўных рэчаў... Болей...

Вяртанне народных традыцый | Камунікат.org

kamunikat — Mon, 29 Jul 2019 16:52:18 GMT

На сядзібе Баранавіцкага Таварыства беларускай мовы ў Русінах адбылася сустрэча з Вольгай Пілецкай – метадыстам па народнай творчасці, майстрам роспісу з Клецка.
Вольга займаецца вывучэннем, зборам і захаваннем традыцыяў беларускага мастацтва і розных тэхнік іх выканання. Ездзіць у экспедыцыі, шукае, даследуе этнакультуру розных рэгіёнаў.Прысутныя на сустрэчы змаглі пазнаёміцца з часткай калекцыі Вольгі і павучыцца роспісу яек. Менавіта гэты прадукт іграе адметную ролю ў жыцці беларусаў, гэта сакральны наш сімвал жыцця, кажа старшыня Таварыства Таццяна Кісель:
– Яйкі рабілі не толькі на Вялікдзень. Яйкі распісвалі для розных іншых патрэбаў. Калі, напрыклад, хлопцу спадабалася дзяўчына, ён мог падараваць ёй яйка, якое сам распісаў. Калі будавалі, напрыклад, дом, падкладвалі я... Болей...

На шчасце, багацце, з найлепшымі пажаданнямі | Камунікат.org

kamunikat — Sat, 27 Jul 2019 18:56:39 GMT

“Саламяныя павукі – наш скарб” – так называецца выстава, якая экспануецца ў Віцебскім абласным метадычным цэнтры народнай творчасці.Тут можна ўбачыць узоры бадай што самага таямнічага, сакральнага элементу інтэр’еру сялянскай хаты. Нашыя продкі верылі, што крохкая канструкцыя з саломкі з’яўляецца абярэгам ад нячыстай сілы, або – па-сучаснаму – ад кепскай энергетыкі, кажа майстрыха з Шумілінскага раёну Наталля Сцержанкова:
– Рабіўся павук на Каляды. Калі не было працы на зямлі, то маці з дзецьмі ці бабуля рабілі павукоў. І вось цэлы год ён збірае энергію дрэнную, потым яго паляць. І вешаюць новага. А стары трэба спаліць, каб уся гэтая дрэнная энергія разам з ім згарэла.Павукі мелі адвечнае прызначэнне – ахоўваць, прыносіць шчасце ... Болей...

Пятро Цалка: Дзякуючы захаваным абрадам, мы ўсведамляем сябе як нацыю | Камунікат.org

kamunikat — Wed, 19 Jun 2019 12:26:08 GMT

Так лічыць дырэктар Веткаўскага музея Пятро Цалка.Паводле навукоўца, абрады дапамагаюць зразумець, што беларусы – цікавая нацыя з тысячагадовай гісторыяй.
– Калі мы бачым гэтыя абрады, мы разумеем, што яны працягваліся жыць на гэтай зямлі цягам стагоддзяў, можа нават і тысячагоддзяў. То бок, дзякуючы вось такім рэчам, як абрады, як традыцыйныя дзеянні, якія ў нас захаваліся, як мова, якая ў нас захавалася, мы разумеем, што мы асобная нацыя, цікавая нацыя, нацыя з тысячагадовай гісторыяй, сваёй гісторыяй. То бок, нам не трэба нешта звонку, каб разумець, што мы можам развівацца.На Гомельшчыне дагэтуль фіксуюцца ўнікальныя абрады, якія маюць статус гісторыка-культурнай каштоўнасці. Сярод іх – “Абрад “Ваджэнне Сулы”, традыцыя пакланення каменным крыжам &ldq... Болей...

Этнаўсё - партал па этнаграфіі Беларусі

skepsys — Sat, 01 Jun 2019 13:44:14 GMT

ЭТНАЎСЁ / Ethno.by — гэта партал па этнаграфіі Беларусі, зроблены камандай, якая многа гадоў таму рабіла суполку by_ethno.

На сайце вы знойдзеце апублікаваныя матэрыялы па этнаграфіі (аўдыё, відэа, кнігі, прэса і г.д.) па рэгіёнах, тэмах, персаналіях, калектывах і г.д. На публічным сайце дасяжныя пошук, каталогі і апісанні публікацый. Каб азнаёміцца са зместам публікацый трэба зарэгістравацца як карыстальнік бібліятэкі (мы звялік бібліятэку каб дасяг быў легальным!).

Уладальнікам архіваў і аўтарам мы дапамагаем у падрыхтоўцы і пубікацыі рэлізаў і выданняў на нашых пляцоўках. Напрыклад, гл. нашу сэрыю Беларускія фалькорныя архівы.

Медыятэка #Этнаўсё з’яўляецца часткай сэрвісу Бібліятэкі РМГА СЭТ - структурнага падраздзялення РМГА Студэнцкае этнаграфічнае таварыства.