ചെറു ചോദ്യം

എന്നു മരിക്കും

noreply@blogger.com (ക്രിസ്‌വിന്‍) — Tue, 15 Jan 2008 07:08:00 +0000

നിങ്ങള്‍ എന്നു മരിക്കും എന്നറിയണോ?

ഇതു നോക്കൂ...

ലോകാവസാനം

noreply@blogger.com (ക്രിസ്‌വിന്‍) — Tue, 27 Nov 2007 04:15:00 +0000

പ്രപഞ്ച സൃഷ്‌ടിക്കാലത്ത്‌ ദൈവം കാശിയിലെ(?) ഒരു ക്ഷേത്രത്തില്‍ ഏതാണ്ട്‌
ഇരുപതിഞ്ച്‌ ഉയരമുള്ള നേര്‍ത്ത മൂന്ന്‌ വജ്ര സൂചികള്‍ ഒരു പിച്ചള തകിടില്‍
സ്ഥാപിച്ചു.ദൈവം ഈ സൂചികളിലൊന്നില്‍ 64 സ്വര്‍ണ്ണതകിടുകള്‍ വെച്ചു.ഇവ മുകളിലേക്ക്‌
അടുക്കും തോറും വിസ്താരം കുറഞ്ഞു വരുന്ന രീതിയിലാണ്‌ വെച്ചിരുന്നത്‌.അതായത്‌
ഏറ്റവും ചെറിയ തകിട്‌ ഏറ്റവും മുകളിലും ഏറ്റവും വലിയ തകിട്‌ പിച്ചള തകിടിന്‌
മുട്ടിയും.
രാത്രിയും പകലും ഇടതടവില്ലാതെ അതാതുസമയത്ത്‌ ജോലി
ഏല്‌പ്പിക്കപ്പെട്ടിരിക്കുന്ന പുരോഹിതന്മാര്‍ ഈ തകിടുകളെ സൂചിയില്‍നിന്ന്
മറ്റൊന്നിലേക്ക്‌ മാറ്റികൊണ്ടിരിക്കും.ദൈവത്തിന്റെ കര്‍ശനമായ കല്‌പനപ്രകാരം ഒരു
പ്രാവശ്യം ഒരു തകിടേ മാറ്റാവൂ.മാത്രമല്ല ഒരിക്കലും ഒരു വലിയ തകിട്‌ അതിലും ചെറിയ
തകിടിന്‌ മുകളില്‍ വെക്കാനും പാടില്ല.ഈ രീതിയില്‍ 64 തകിടും ദൈവം ആദ്യം വെച്ച
സൂചിയില്‍ നിന്ന് മറ്റൊന്നിലേക്ക്‌ മാറ്റികഴിയുമ്പോള്‍ ക്ഷേത്രവും
ബ്രഹ്മാണ്ഡവുമെല്ലാം തവിടുപൊടിയാകും. പ്രപഞ്ചം മുഴുവന്‍ ഒരിടിമുഴക്കത്തോടെ
അപ്രത്യക്ഷമാകും.
കാര്‍ബോഡ്‌ കഷണങ്ങളും ഇരുമ്പാണിയും ഉപയോഗിച്ച്‌ മേല്‌പറഞ്ഞ
സംഭവം നിങ്ങള്‍ക്കും പരീക്ഷിക്കവുന്നതാണ്‌.തകിടുകള്‍ നീക്കാനുള്ള ഒരു സൂത്രവാക്യം
കണ്ടുപിടിക്കാന്‍ നമുക്ക്‌ എളുപ്പം കഴിയും.എന്നാല്‍ അതു കണ്ടുപിടിക്കുന്നതോടെ ഓരോ
തകിടും നീക്കാന്‍ അതിന്‌ തൊട്ടുമുമ്പുള്ള തകിടിനാവശ്യമായി വന്നതിന്റെ ഇരട്ടി നീക്കം
ആവശ്യമായി വരുന്നത്‌ കാണാം.ഒന്നാമത്തെ തകിടിന്‌ ഒറ്റ നീക്കം മതി.പിന്നെ നീക്കങ്ങള്‍
ഗുണോത്തര ക്രമത്തില്‍ വര്‍ധിക്കുന്നതിനാല്‍ 64-ാ‍മത്തെ തകിട്‌ മാറ്റാന്‍
18446744073709551615 നീക്കം(ഗോതമ്പ്‌ മണികളുടെ എണ്ണം) വേണ്ടി വരും.സംശയം
ഉണ്ടെങ്കില്‍ ഈ കളി ഒന്ന് നോക്കൂ..

64 തകിടും മാറ്റാന്‍ ആകെ എന്തു സമയം
വേണ്ടി വരും? പുരോഹിതന്മാര്‍ രാപകലില്ലാതെ ഒരു സെക്കന്റില്‍ ഒരു തകിട്‌ എന്ന
രീതിയില്‍ നീക്കി എന്നിരിക്കട്ടെ;ഒരു വര്‍ഷത്തില്‍ ഏതാണ്ട്‌ 31558000
സെക്കന്റുകളുള്ളതിനാല്‍ ഇതു പൂര്‍ത്തിയാവാന്‍ 59 ലക്ഷം കോടിയില്‍പരം വര്‍ഷം വേണ്ടി
വരും.
പേടിക്കേണ്ട സൂര്യന്‌ ഊര്‍ജമേകുന്ന ആണവ ഇന്ധനം ഇനിയൊരു 15000000000
വര്‍ഷത്തേക്ക്‌ കൂടിയേ മതിയാവു എന്ന് നമുക്കറിയാം.ഇതേതായാലും.ഇത്‌ 59 ലക്ഷം കോടി
വര്‍ഷത്തേക്കള്‍ എത്രയോ കുറവാണ്‌...

യുക്തിവാദി 2

noreply@blogger.com (ക്രിസ്‌വിന്‍) — Mon, 26 Nov 2007 10:28:00 +0000

പണ്ടെങ്ങോ വായിച്ചത്‌:-

ഒരു യുക്തിവാദിയുടെ മനോനില അദ്ദേഹത്തിന്റെ വാക്കുകളില്‍-

"ഞാന്‍ അദ്ധ്യക്ഷനായുള്ള മീറ്റീംഗുകളില്‍ ഈശ്വര പ്രാര്‍ഥനയുണ്ടെങ്കില്‍ എല്ലാവരും എഴുന്നേറ്റ്‌ നില്‍ക്കുമ്പോള്‍ ഞാന്‍ എഴുന്നേല്‍ക്കാറില്ല."

സദസിനെപ്പോലും ബഹുമാനിക്കാത്ത അയാളുടെ മനോനിലയെക്കുറിച്ച്‌ നിങ്ങള്‍ എന്തുപറയുന്നു?

ചില യുക്തിവാദികള്‍

noreply@blogger.com (ക്രിസ്‌വിന്‍) — Sat, 24 Nov 2007 07:44:00 +0000

ദൈവ നിഷേധിയും യുക്തിവാദിയുമായ ഷോപ്പന്‍ ഹോവര്‍ തന്റെ ജീവിതം മുഴുവന്‍ ദൈവം ഇല്ലെന്ന് തെളിയിക്കാനായി ഉഴിഞ്ഞ്‌ വെച്ചവനായിരുന്നു.മരണക്കിടക്കയില്‍ വച്ച്‌ അദ്ദേഹം അലറി"ദൈവമേ"
ഷോപ്പന്‍ ഹോവര്‍ ദൈവത്തെ വിളിക്കുന്നത്‌ കേട്ട്‌ അദ്ദേഹത്തിന്റെ ചുറ്റും നിന്നിരുന്ന കൂട്ടുകാര്‍ അമ്പരന്നു
അദ്ദേഹം തുടര്‍ന്നു..
"ഞാനെഴുതിയത്‌..പ്രസംഗിച്ചത്‌...വാദിച്ചത്‌..ചോദ്യം ചെയ്തത്‌ എല്ലാം ഞാന്‍ പിന്‍വലിക്കുന്നു.ദൈവം മാത്രമാണ്‌ എന്റെ ആശ്വാസം."
ലോകചരിത്രത്തിലെ അഗ്രേസരില്‍ പ്രമുഖനാണ്‌ നെപ്പോളിയന്‍ ബോണപാര്‍ട്ട്‌.മാര്‍പ്പാപ്പയെ പോലും തടവിലാക്കിയ അദ്ദേഹം നിരവധി യുദ്ധങ്ങള്‍ നടത്തി വിജയിച്ചു.1815-ജൂണ്‍ 8-ന്‌ നടന്ന വാട്ടര്‍ലൂ യുദ്ധത്തില്‍ പരാജയപ്പെട്ട നെപ്പോളിയന്‍ അറ്റ്‌ലാന്റിക്‌ സമുദ്രത്തിലെ സെന്റ്‌ ഹെലേന ദ്വീപിലേക്ക്‌ നാടുകടത്തപ്പെട്ടു.അവിടെ ഏകാകിയും നിരാശനുമായി അദ്ദേഹം ജീവിച്ചു.മരിക്കുന്നതിനുമുന്‍പ്‌ അസ്തമയ സൂര്യനെ നോക്കി അദ്ദേഹം പ്രസ്താപിച്ചു"There is only one sun that will never set and that is the eternal son of God"

ദൈവത്തെ മനുഷ്യരുടെ മനസുകളില്‍ നിന്ന് 20 വര്‍ഷം കൊണ്ട്‌ താന്‍ നീക്കം ചെയ്യും എന്ന് വീമ്പിളക്കിയ വാഗ്‌മിയായ വോള്‍ട്ടയറിന്റെ (1694-1778) അന്ത്യം ദയനീയമായിരുന്നു.അദ്ദേഹം പേടിച്ചലറി
"നരകം പിശാച്‌"

നിരീശ്വരവാദിയെന്ന് അഭിമാനപൂര്‍വ്വം സ്വയം പ്രഖ്യാപിച്ച ചിന്തകനായ നിറ്റ്‌ഷേ(1844-1900) "ദൈവം മരിച്ചിരിക്കുന്നു നിങ്ങളുടെ അന്വേഷണം വ്യര്‍ത്ഥമാണ്‌" എന്ന് ധിക്കാരപൂര്‍വ്വം പറഞ്ഞയാളാണ്‌ നിറ്റ്ഷേയുടെ അന്ത്യം അതിലും ഭയങ്കരമായിരുന്നു.ജീതത്തില്‍ ശൂന്യത അനുഭവപ്പെട്ട അദ്ദേഹം ജീവിത സായാഹ്നത്തില്‍ ഒരു ഭ്രാന്തനെപ്പോലെ അലഞ്ഞു തിരിയുകയായിരുന്നു.

വലിയ യുക്തിവാദിയായിരുന്ന ഡോ.കരംജിയ ലോകപ്രശസ്ത മാസികയായ ബ്ലിറ്റ്‌സിന്റെ എഡിറ്ററായിരുന്നു.20 വര്‍ഷത്തെ യുക്തിവാദം നിറുത്തി അദ്ദേഹം സത്യസായി ബാബയുടെ ഭക്തനായി തീര്‍ന്നു.

ചാള്‍സ്‌ ഡി ഫെനകാള്‍ ഈശ്വരാസ്തിത്വത്തെ ചോദ്യം ചെയ്ത്‌ ജീവിച്ച ആളായിരുന്നു.പാരീസിലെ ഒരു ദേവാലയത്തില്‍ കയറി ചാള്‍സ്‌ വിളിച്ച്‌ പറയുമായിരുന്നു
"ഈശ്വരാ,നീ ഉണ്ടെങ്കില്‍ നിന്നെ എനിക്ക്‌ കാണിച്ച്‌ തരിക"
എന്നാല്‍ പിന്നീടൊരിക്കല്‍ ആ ദേവാലയത്തില്‍ നിന്ന് ചാള്‍സ്‌ ഉറക്കെ ഉദ്‌ഘോഷിച്ചു
"യേശുവേ നിന്നില്‍ ഞാന്‍ വിശ്വസിക്കുന്നു"

Decline and Fall of the Roman Empire

noreply@blogger.com (ക്രിസ്‌വിന്‍) — Tue, 20 Nov 2007 03:36:00 +0000

ഇംഗ്ലീഷ്‌ ചരിത്രകാരനായ എഡ്വേര്‍ഡ്‌ ഗിബണ്‍(1737-1794)രചിച്ച പ്രശസ്തമായ ഗ്രന്ഥമാണ്‌ 'റോമന്‍ സാമ്രാജ്യത്തിന്റെ താഴ്‌ച്ചയും വീഴ്‌ച്ചയും'(Decline and Fall of the Roman Empire).അഞ്ഞൂറ്‌ വര്‍ഷത്തോളം അധികാരത്തിലും പ്രതാപത്തിലും തല ഉയര്‍ത്തിനിന്ന റോമന്‍ സാമ്രാജ്യത്തിന്റെ ദയനീയമായ്‌ തകര്‍ച്ചക്ക്‌ അഞ്ച്‌ കാരണങ്ങളാണ്‌ വഴിതെളിച്ചതെന്ന് ഗിബണ്‍ പറയുന്നു

1)കുടുംബത്തിന്റെ മാന്യതയും കെട്ടുറപ്പും തകര്‍ന്നു.
2)വന്‍ തുക കരമായി പിരിച്ച്‌ ഭരണാധികാരികള്‍ സുഖലോലുപതയില്‍ മുഴുകി
3) മൃഗീയ ചാരിതാര്‍ത്ഥ്യവും സുഖവും പ്രദാനം ചെയ്യുന്ന സ്‌പോട്‌സ്‌ രംഗത്തേക്ക്‌ പൗരന്മാര്‍ അന്ധമായി കുതിച്ചുചാടി
4)ഭീമാകാരമായ കെട്ടിടങ്ങളും കോട്ടകൊത്തളങ്ങളും വന്‍തുകകള്‍ മുടക്കി നിര്‍മ്മിച്ചു.
5) മതചിന്തയും ധര്‍മ്മബോധവും പുറന്തള്ളി ഭൗതികമാത്രമായ ജീവിതശൈലി സ്വീകരിച്ചു.

ഇന്ന് നമ്മുടെ കൊച്ചുകേരളവും ഇതില്‍നിന്ന് വിഭിന്നമാണോ?

G.മനു

noreply@blogger.com (ക്രിസ്‌വിന്‍) — Mon, 19 Nov 2007 07:36:00 +0000

ഇന്നത്തെ മലയാള മനോരമ പത്രത്തില്‍ വായനക്കാരുടെ അനുഭവം എന്നപേജില്‍ 'കല്യാണപ്പിറ്റേന്ന്' എന്ന അനുഭവം എഴുതിയത്‌ നമ്മുടെ മനുവാണോ? ഐ മീന്‍ G.മനു

രാജാവിന്റെ ദാനം

noreply@blogger.com (ക്രിസ്‌വിന്‍) — Thu, 15 Nov 2007 07:28:00 +0000

നമ്മുടെ ഇന്ത്യയില്‍ തന്നെ നടന്നതാണ്‌.ചതുരംഗക്കളി കണ്ടുപിടിച്ച്‌ തനിക്കു സമ്മാനിച്ച സേവകന്‌ സിര്‍ഹാം രാജാവ്‌ ഉചിതമായ പ്രതിഫലം നല്‍കാന്‍ തീരുമാനിച്ചു.സേവകന്റെ ആവശ്യം പ്രത്യക്ഷത്തില്‍ വളരെ ചെറുതായിരുന്നു.മഹാ ബുദ്ധിമാനായ അയാള്‍ പറഞ്ഞു."പ്രഭോ,ഈ ചതുരംഗകളത്തിന്റെ ആദ്യത്തെ കള്ളിയില്‍ വെയ്ക്കാന്‍ ഒരു ഗോതമ്പുമണി തന്നാലും.പിന്നെ രണ്ടാമത്തേതില്‍ രണ്ട്‌,മൂന്നാമത്തേതില്‍ നാല്‌,നാലാമത്തേതില്‍ എട്ട്‌-എന്ന കണക്കില്‍ ഓരോന്നിലും തൊട്ട്‌ മുന്‍പുള്ളതിന്റെ ഇരട്ടി വീതം വെച്ച്‌ 64 കളങ്ങളും നിറക്കാനാവശ്യമായ ഗോതമ്പുമണികള്‍ അടിയനു മതി"

തന്റെ ഈ സമ്മാനം ഖജനാവിന്‌ വലിയ ചിലവൊന്നും വരുത്തില്ലല്ലോ എന്നോര്‍ത്ത്‌ രാജാവ്‌ ഉള്ളില്‍ ചിരിച്ചു.

"നീ നല്ലവന്‍ തന്നെ;കൂടുതലൊന്നും ചോദിച്ചില്ലല്ലോ,നിന്റെ ആഗ്രഹം ഞാന്‍ സാധിച്ച്‌ തരുന്നു.ആരവിടെ.. ഒരുചാക്ക്‌ ഗോതമ്പ്‌ കൊണ്ടുവരൂ.." രജാവ്‌ കല്‍പ്പിച്ചു.

പക്ഷേ എണ്ണി തുടങ്ങിയപ്പോളാകട്ടെ,ആദ്യത്തെ കളത്തില്‍ ഒന്ന്,രണ്ടാമത്തെ കളത്തില്‍ രണ്ട്‌,മൂന്നാമത്തെ കളത്തില്‍ നാല്‌ എന്നിങ്ങനെ ഇരുപതാമത്തെ കളത്തിലെത്തിയപ്പോഴേക്കും ചാക്ക്‌ കാലിയായി.അടുത്ത കളത്തില്‍ രണ്ട്‌ ചാക്ക്ഗോതമ്പ്‌ വെയ്ക്കണമല്ലോ.കൂടുതല്‍ ഗോതമ്പ്‌ ചാക്കുകള്‍ രാജാവിന്റെ മുമ്പാകെ ഒന്നൊന്നായി കൊണ്ടുവന്നു.ഭാരതത്തിലെ വിളവ്‌ മുഴുവന്‍ ഉണ്ടെങ്കില്‍ പോലും ഭൃത്യന്റെ ആവശ്യം നിറവേറ്റാന്‍ കഴിയില്ലെന്ന് രാജാവിന്‌ ബോധ്യമായി.നിറവേറ്റണമെങ്കില്‍ ആകെ 18446744073709551615 (1+2+2²+2³....2⁶²+2⁶³ അതായത്‌ 2⁶⁴-1) ഗോതമ്പ്‌ മണികള്‍ വേണ്ടി വന്നേനെ.

ഒരു ചാക്കില്‍ 50 ലക്ഷം ഗോതമ്പ്‌ മണികളുണ്ടെന്ന് സങ്കല്‌പ്പിച്ചാല്‍ ആ സേവകന്റെ ആവശ്യം നിറവേറ്റാന്‍ 4 ലക്ഷം കോടി ചാക്ക്‌ ഗോതമ്പ്‌ വേണം.ലോകത്തിലെ ശരാശരി ഗോതമ്പ്‌ ഉല്‌പാദനം 200 കോടി ചാക്ക്‌ ആയതിനാല്‍ ആ ഭൃത്യന്‍ ആവശ്യപ്പെട്ടത്‌ ഏതണ്ട്‌ രണ്ടായിരം വര്‍ഷത്തെ ആഗോള ഗോതമ്പ്‌ ഉല്‌പാദനമായിരുന്നു

ബുഷ്‌ രണ്ട്‌ വര്‍ഷത്തേക്ക്‌ മരിക്കില്ല

noreply@blogger.com (ക്രിസ്‌വിന്‍) — Mon, 12 Nov 2007 05:16:00 +0000

മുന്‍ അമേരിക്കന്‍ പ്രസിഡന്റ്‌ ജോര്‍ജ്‌ ബുഷ്‌(ഇപ്പോഴത്തെ പോലീസിന്റെ ഫാദര്‍ പോലീസ്‌)പ്രസിഡന്‍ഷ്യല്‍ മൂസിയം തുറക്കുന്നതിന്റെ ഭാഗമായി സ്‌കൈ ഡൈവിംഗ്‌ നടത്തി.83 വയസുള്ള ബുഷ്ജിയുടെ ആറാമത്തെ ആകാശചാട്ടമാണിത്‌.രണ്ട്‌ വര്‍ഷം കഴിഞ്ഞ്‌ എണ്‍പത്തിയഞ്ചാമത്തെ ജന്മദിനത്തിലും സ്‌കൈ ഡൈവിഗ്‌ നടത്തുമെന്ന് അദ്ദേഹം പറഞ്ഞു.ഏതായാലും ഒരുകാര്യം ഉറപ്പായി-രണ്ടുവര്‍ഷത്തേക്ക്‌ ബുഷ്ജി മരിക്കില്ല.ആയുസ്‌ തീരുമാനിക്കാന്‍ വരെ അദ്ദേഹത്തിനു കഴിവുണ്ട്‌.ലോക പോലീസല്ലേ തൊടാന്‍ കാലനും പേടിക്കും

പഴയ പുലി..

noreply@blogger.com (ക്രിസ്‌വിന്‍) — Sat, 03 Nov 2007 05:44:00 +0000

ഏകദേശം 9 വര്‍ഷങ്ങള്‍ക്ക്‌ മുന്‍പ്‌ ഇവന്‍ ഒരു പുലിയായിരുന്നു.ഇന്ന് ആശാന്റെ സ്ഥാനം ചവറ്റുകൊട്ടയിലാവേണ്ടതാണ്‌.എന്റെ സമയോജിതമായ ഇടപെടല്‍ മൂലം കഷ്‌ടി രക്ഷപെട്ടിരിക്കുകയാണ്‌.എന്റെ ബോസ്‌ ആദ്യം വാങ്ങിയ മൊബൈല്‍ ഫോണാണിത്‌.ഏകദേശം 250grm ഭാരം വരും.അന്ന് എസ്‌കോട്ടെല്ലും ബിപിഎല്ലും ആയിരുന്നു കേരളത്തിലെ സേവനദാതാക്കള്‍.(സെല്‍വണ്‍ അന്ന് ജനിച്ചില്ല)ഇന്ന് എത്രമാറി.ഇന്ന് മൊബൈല്‍ഫോണില്ലാത്ത ആരുണ്ട്‌?.(ഹലോ.. ഞാന്‍ മൊബൈല്‍ ഫോണില്‍ നിന്നാ വിളിക്കുന്നത്‌. ഇന്നിത്‌ ആരെങ്കിലും പറയാറുണ്ടോ?അന്ന് ഉണ്ടായിരുന്നു)

യുക്തിവാദി

noreply@blogger.com (ക്രിസ്‌വിന്‍) — Fri, 02 Nov 2007 08:56:00 +0000

സ്വന്തം യുക്തി ഉപയോഗിച്ച്‌ ചിന്തിക്കുകയും അതനുസരിച്ച്‌ വാദിക്കുകയും ചെയ്യുന്ന നമ്മളും യുക്തിവാദികളല്ലേ? അതോ ഇപ്പോള്‍ യുക്തിവാദികള്‍ എന്നവകാശപ്പെടുന്നവര്‍ മാത്രമാണോ യുക്തിവാദികള്‍?

കുറ്റം ആര്‍ക്ക്‌

noreply@blogger.com (ക്രിസ്‌വിന്‍) — Fri, 02 Nov 2007 04:11:00 +0000

കഴിഞ്ഞ ആഴ്‌ച എന്റെ ഓഫീസിന്റെ മുന്‍പില്‍ ഒരു ആക്സിഡന്റ്‌ നടന്നു.ഒരു ലോറിയും ഒരു മോട്ടോര്‍ ബൈക്കും. ബൈക്കില്‍ യാത്രചെയ്ത ചെറുപ്പക്കരന്റെ തലയില്‍ ലോറി കയറിയിറങ്ങി. തത്ക്ഷണം അയാള്‍ മരിച്ചു.മംഗലാപുരത്തുനിന്നും വരുകയാരിരുന്ന ലോറി റോഡിലുണ്ടായിരുന്ന ഒരു ഗട്ടര്‍ ഒഴിവാക്കിയതാണ്‌ അപകടകാരണം.സുമുഖനും വര്‍ക്ക്ഷോപ്പ്‌ ജീവനക്കാരനുമായ ആ ചെറുപ്പക്കാരന്‍ നാട്ടുകാര്‍ക്കെല്ലാം പ്രിയങ്കരനുമായിരുന്നു.അപകടത്തിന്‌ ദൃക്‌സാക്ഷികളായ നാട്ടുകാര്‍ മൂന്ന്‌തരം അഭിപ്രായമുള്ളവരായിരുന്നു.ഒരു വിഭാഗം ലോറിക്കരനായി വാദിക്കുമ്പോള്‍ ഒരു വിഭാഗം ആ ബൈക്ക്‌ യത്രക്കാരന്റെ ഭാഗംചേരുന്നു മൂന്നാമതൊരു കൂട്ടര്‍ രണ്ടുപേരുടേയും കയ്യില്‍ തെറ്റുണ്ടെന്ന് സമര്‍ഥിക്കുന്നു.എന്നാല്‍ നാലാമതൊരഭിപ്രായം ഈ മൂന്ന് വിഭാഗക്കാരിലേയും മിക്ക ആളുകളും അംഗീകരിക്കുന്നുണ്ടായിരുന്നു."അവന്‌ അത്രയേ വിധിച്ചിരുന്നുള്ളു.എന്നാലും ദൈവം ഇത്ര ക്രൂരമായി അവനോട്‌ ചെയ്യരുതായിരുന്നു"
ഞാനാലോചിച്ചു;എത്രകൃത്യമായാണ്‌ കാര്യങ്ങള്‍ നടന്നത്‌.റോഡില്‍ അവിടെ ഒരു ഗട്ടറില്ലയിരുന്നെങ്കില്‍ ഇതു സംഭവിക്കില്ലയിരുന്നു.അല്ലങ്കില്‍ ആ ചെറുപ്പക്കരന്‍ വീട്ടില്‍ നിന്ന് ഇറങ്ങാന്‍ അല്‍പം താമസിക്കുകയോ നേരത്തേ ആവുകയോ ചെയ്താല്‍?.വരുന്നവഴിയില്‍ ലോറിക്കരനോ ബൈക്ക്‌ യത്രക്കാരനോ സ്പീഡ്‌ കുറച്ച്‌ കൂട്ടിവരികയോ മെല്ലെ വരികയോ ചെയ്തിരുന്നെങ്കില്‍, എല്ലാം മുന്‍കൂട്ടി ആരോ തയാറാക്കിയപോലെ.വിധി;ശരിക്കും വിധിയാണോ കുറ്റക്കരന്‍? അതോ ദൈവമോ?

എന്താണ്‌ നിങ്ങളുടെ അഭിപ്രായം?