Nammude Cheruputhoor

ഉദ്ഹിയ്യത്ത് ഏറ്റവും അര്‍ഹരിലെക്കാവട്ടെ.

noreply@blogger.com (Anonymous) — Sat, 19 Sep 2015 21:22:00 +0530

മാന്യരേ,

അസ്സലാമു അലൈക്കും വരഹ്മതുല്ലാഹ്.

നമ്മുടെത് വളരെ പിന്നാക്കമായ പ്രദേശമായിരുന്നു. കല്യാണത്തിനും പെരുന്നാളിനും മറ്റു സല്‍ക്കാര ദിനങ്ങളിലും മാത്രം ലഭിക്കുന്ന വിഭവമായിരുന്നു മാംസം. വളരെ അപൂരവ്വമായ വ്യക്തികള്‍ മാത്രമേ പെരുന്നാളിന് അക്കാലത്ത് ഉദ്ഹിയ്യത്ത് അറുത്തിരുന്നുള്ളൂ. അതാണെങ്കില്‍ നാട്ടിലെ എല്ലാവര്ക്കും എത്തിക്കുവാനും തികയുമായിരുന്നില്ല. സംഘടിച്ചും 'ഷെയര്‍' പങ്കുവെച്ചും കൂട്ടായി ഉദ്ഹിയ്യത്ത് നിര്‍വ്വഹിക്കുന്നത് സുന്നത്തിന് എതിരാണ് എന്നായിരുന്നു നാട്ടില്‍ പ്രചരിച്ചിരുന്നത്. ഇങ്ങനെ ദാരിദ്ര്യവും പട്ടിണിയും അനുഭവിച്ചിരുന്ന , മാംസം അപൂര്‍വ്വ വിഭവമായിരുന്ന ഘട്ടത്തില്‍ 1970-ലാണ് പരേതനായ സഗീര്‍ ഹാജിയുടെ നേതൃത്വത്തില്‍ നമ്മുടെ നാട്ടില്‍ ഉദ്ഹിയ്യത്ത് കമ്മിറ്റി നിലവില്‍ വന്നത്. ആ വര്‍ഷം മുതല്‍ ഉദ്ഹിയ്യത്ത് സംഘടിതമായി നിര്‍വഹിക്കുകയും വിതരണം ചെയ്യുകയും ചെയ്തു, തുടക്കത്തില്‍ കുറച്ച് പേരെ സഹകരിച്ചിരിന്നുള്ളൂവെങ്കിലും പിന്നീട് മിക്കവരും ഈ ഉദ്ഹിയ്യത്ത് കമ്മിറ്റിയുമായി സഹകരിക്കാന്‍ മുന്നോട്ട് വന്നു. കഴിഞ്ഞ 45 വര്‍ഷമായി ഈ കമ്മിറ്റിയിലൂടെ സാധ്യമായ എല്ലാ വീടുകളിലും ബലി പെരുന്നാള്‍ ദിനം ഉദ്ഹിയ്യത്ത് മാംസം എത്തിച്ചുകൊണ്ടിരിക്കുന്നു. അല്‍ഹംദുലില്ലാഹ്!

ഇന്നിപ്പോള്‍ നമ്മുടെ മഹല്ല് കമ്മിറ്റി തന്നെ കൂട്ടായ ഉദ്ഹിയ്യത്ത് ആരംഭിച്ചിരിക്കുന്നു. പഴയ കാലത്തെ അപേക്ഷിച്ച് നമ്മുടെ നാട്ടിലെ പട്ടിണിയും ദാരിദ്ര്യവും ഏറെക്കുറെ അവസാനിക്കുകയും ചെയ്തിരിക്കുന്നു. മാംസം പെരുന്നാളിനും കല്യാണത്തിനും മാത്രം ലഭിച്ചിരുന്ന പഴയ അവസ്ഥ ഇന്നില്ല. മാംസം എന്നത് മിക്ക വീടുകളിലും ആഴ്ചയിലൊരിക്കലെങ്കിലും വാങ്ങുന്ന വിഭവമാണ്. ഇതിന് നിമിത്തമായിട്ടുള്ളത് നമ്മുടെ ഗള്‍ഫ് പ്രവാസികളുടെ അദ്ധ്വാനം ഒന്ന് മാത്രമാണ്. മഹല്ലും നാടിലെ മറ്റു വ്യക്തികളും ബന്ധുക്കളും അറുക്കുന്ന ഉദ്ഹിയ്യത്തിന്റെ മാംസം നമ്മുടെ മിക്ക വീടുകളിലും ലഭിക്കുന്നുണ്ട്. ബലി പെരുന്നാള്‍ ദിനം ധാരാളമായി ലഭിക്കുന്ന മാംസം എന്ത് ചെയ്യണമെന്നറിയാതെ പ്രയസപ്പെടുന്നവരും കുറവല്ല.

ഈ സന്ദര്‍ഭത്തിലാണ്, പണ്ട് നമ്മുടെ നാട്ടിലുണ്ടായിരുന്ന ദാരിദ്ര്യത്തെക്കാളും കഷ്ടപ്പാടനുഭവിക്കുന്ന ഇന്ത്യയുടെ ഇതര ഭാഗങ്ങളിലെ പാവപ്പെട്ട മുസ്‌ലിം കുടുംബങ്ങള്‍ക്ക് ഉദ്ഹിയ്യത്ത് എത്തിച്ചു കൊടുക്കുന്നതിനെകുറിച്ച ചര്‍ച്ച നമ്മുടെ ഉദ്ഹിയ്യത്ത്കമ്മിറ്റിയില്‍ വന്നത്. ഓലമേഞ്ഞ കുടിലുകളിലും താല്‍ക്കാലിക ഷെഡുകളിലുമൊക്കെയായി അനേകായിരം കുടുംബങ്ങളാണ് ഉത്തരേന്ത്യയില്‍ ദാരിദ്ര്യത്തോട് മല്ലിട്ടുകൊണ്ട് ഓരോ ദിവസവും തള്ളിനീക്കുന്നത്. ഉദാരമതികളുടെ സഹായത്താല്‍ പെരുന്നാള്‍ ദിനങ്ങളില്‍ മാത്രം ഒരു കഷ്ണം മാംസം കഴിക്കാന്‍ ലഭിച്ച ഭാഗ്യം ഇവരില്‍ ചിലര്‍ പങ്ക് വെച്ചത് നമ്മുടെ പത്രമാസികകളിലെല്ലാം വന്നത് ശ്രദ്ധയില്‍ പെട്ടിരിക്കുമല്ലോ? ഇത്തരം ദരിദ്ര മുസ്‌ലിംകള്‍ താമസിക്കുന്ന ഉത്തരേന്ത്യന്‍ ഗ്രാമങ്ങളില്‍ ഉദ്ഹിയ്യത്തിന്റെ മാംസം വിതരണം ചെയ്യുന്ന പദ്ധതിയാണ് 'ഖുര്‍ബാനി'. നമുക്കെല്ലാം പരിചിതരും വിശ്വസ്തരായ വ്യക്തികള്‍ നേതൃത്വം നല്‍കുന്ന 'വിഷന്‍ 2016' എന്ന പ്രോജക്ടിന്റെ കീഴിലാണ് ഖുര്‍ബാനിയെന്ന ബലിമാംസ വിതരണം നടക്കുന്നത്. കഴിഞ്ഞ കുറച്ച് വര്‍ഷങ്ങളായി കേരളത്തിന്റെ പല ഭാഗത്ത് നിന്നും മഹല്ല് തലത്തിലും വ്യക്തി തലത്തിലും ഒരുപാട് പേര്‍ തങ്ങളുടെ ഉദ്ഹിയ്യത്ത് ഖുര്‍ബാനി പദ്ധതിയിലേക്ക് നല്‍കുന്നുണ്ട്. കഴിഞ്ഞ 4 വര്‍ഷമായി നമ്മുടെ ഉദ്ഹിയ്യത്ത് കമ്മിറ്റി ഇവിടെ നാട്ടില്‍ ഉദ്ഹിയ്യത്ത് നിര്‍വഹിക്കുന്നതോടൊപ്പം 'വിഷന്‍ 2016-ലെ' 'ഖുര്‍ബാനി' പദ്ധയിലെക്കും ഷെയര്‍ നല്‍കുന്നുണ്ട്. ഈ അടുത്ത് ചേര്‍ന്ന ഉദ്ഹിയ്യത്ത് കമ്മിറ്റിയുടെ മീറ്റിംഗില്‍ ഈ വര്‍ഷത്തെ മുഴുവന്‍ ഉദ്ഹിയ്യത്തും 'ഖുര്‍ബാനി' പദ്ധതിയിലേക്ക് നല്‍കാമെന്ന തീരുമാനമാണുണ്ടായത്. ഉദ്ഹിയ്യത്ത് കമ്മിറ്റിയുമായി സഹകരിച്ച ഷെയര്‍ ഉടമകളോട് ഈ വിഷയം പങ്കു വെച്ചപ്പോള്‍ അവരില്‍ ഭൂരിപക്ഷം പേരും അതിനോട് ഞങ്ങള്‍ യോജിക്കുന്നുവെന്നാണ് അറിയിച്ചത്.പുതുതായി കുറച്ച് പേര്‍ ഈ സംരംഭത്തോട് സഹകരിക്കാന്‍ മുന്നോട്ട് വരികയും ചെയ്തിരിക്കുന്നു. പെരുന്നാള്‍ ദിനത്തില്‍ നമ്മുടെ നാട്ടില്‍ മാംസം ഇന്നൊരു പ്രശ്നമല്ലാത്തതിനാലും ഉദ്ഹിയ്യത്ത് ഏറ്റവും പാവപ്പെട്ടവരിലേക്ക് എത്തിക്കാന്‍ സാധിക്കുന്നതിനാലും 'ഖുര്‍ബാനി' പദ്ധതിയില്‍ ഉദ്ഹിയ്യത്ത് നല്‍കുന്നതാണ് ഏറ്റവും പുന്യകരമെന്നാണ് അവരെല്ലാം വിശ്വസിക്കുന്നത്. സ്വന്തം മഹല്ലിലെ കുടുംബങ്ങള്‍ക്ക് മാംസം സുലഭമായി ലഭിക്കുന്ന, വാങ്ങാന്‍ സാധിക്കുന്ന അവസ്ഥ വന്നാല്‍ അത് തീരെ ലഭിക്കാത്തവര്‍ തൊട്ടടുത്ത നാടുകളിലുണ്ടെങ്കില്‍ അവര്‍ക്കത് നല്‍കുന്നതാണ് പുണ്യകരമെന്ന് ആധുനിക ഇസ്‌ലാമിക പണ്ഡിതന്മാരും അഭിപ്രായപ്പെട്ടിട്ടുണ്ട് .

ഹജ്ജിന്റെ ഭാഗമായ ബലിക്ക് ഇന്ന്‍ ഹാജിമാര്‍ കാശ് അടക്കുക മാത്രമാണ് ചെയ്യുന്നത്. ഉത്തരവാദിത്തപെട്ടവര്‍ ബലി നിര്‍വഹിച്ച് അതിന്റെ മാംസം ദരിദ്ര രാഷ്ട്രങ്ങളിലേക്ക് കയറ്റി അയക്കുകയാണ് ചെയ്യുന്നത്. ലോകവും കാലവും ആവശ്യപ്പെടുന്ന ഈ മാറ്റം ഉദ്ഹിയ്യത്തിലും അനുവദനീയമാണെന്നാണ് പണ്ഡിതരുടെ അഭിപ്രായം. ആയതിനാല്‍ നമ്മുടെ ഉദ്ഹിയ്യത്ത് ഏറ്റവും അര്‍ഹരായ ദാരിദ്രലിലേക്കെത്തിക്കാനുള്ള പദ്ധതിയായ 'ഖുര്‍ബാനിയുമായി' സഹകരിക്കണമെന്ന് എല്ലാവരോടും അഭ്യര്‍ത്ഥിക്കുന്നു. ആടുമാടുകള്‍ക്ക് നമ്മുടെ നാട്ടിലേക്കാള്‍ എത്രയോ കുറഞ്ഞ വിലയേ ഖുര്‍ബാനി പദ്ധതി നടപ്പിലാക്കുന്ന ഉത്തരേന്ത്യന്‍ സംസ്ഥാനങ്ങളിലുള്ളൂ. നമ്മുടെ നാട്ടില്‍ മുപ്പതിനായിരം മുതല്‍ നാല്‍പ്പതിനായിരം വരെ വില വരുന്ന ബലി മൃഗത്തിന് ഖുര്‍ബാനി പ്രദേശത്ത് 18550/- രൂപ മാത്രമാണുള്ളത്. ഒരു ഷെയറിന് 2650/- രൂപ മാത്രം മതിയാകും. ഏത് ചെറിയ വരുമാനക്കാരനും 2650 രൂപ നല്‍കി ഉദ്ഹിയ്യത്തില്‍ പങ്ക് ചേരാനുള്ള അവസരവും ഖുര്‍ബാനി നല്‍കുന്നു. ഇവിടെ ഒരു ഷെയറിന് മുടക്കുന്ന തുക കൊണ്ട് രണ്ടോ അതിലധികമോ ഷെയര്‍ എടുത്തു കൊണ്ട് പുണ്യം വര്‍ദ്ധിപ്പിക്കാനും ഖുര്‍ബാനി വഴി നമുക്ക് സാധിക്കും. ഈ വര്‍ഷത്തെ ഖുര്‍ബാനി പദ്ധതിയുമായി സഹകരിച്ച് ഉദ്ഹിയ്യത്തില്‍ പങ്കെടുക്കാന്‍ താല്‍പര്യമുള്ളവരുടെ ഷെയര്‍ സപ്തംബര്‍ 20 വരെ സ്വീകരിക്കുന്നതാണ്.

സെക്രട്ടറി,

ഉദ്ഹിയ്യത്ത് കമ്മിറ്റി,

മസ്ജിദുല്‍ ഹുദ,

ചെറുപുത്തൂര്‍

ഉപകാരപ്രദമായി റേഷന്‍ കാര്‍ഡ് തെറ്റ് തിരുത്തല്‍ ക്യാമ്പ്.

noreply@blogger.com (Anonymous) — Wed, 9 Sep 2015 20:36:00 +0530

ചെറുപുത്തൂര്‍ : ചെറുപുത്തൂര്‍ പൌരാവലിയുടെ ആഭിമുഖ്യത്തില്‍ നടത്തിയ റേഷന്‍ കാര്‍ഡ് തെറ്റ് തിരുത്തല്‍ ക്യാമ്പ് ഉപകാരപ്രദമായി. ഞായറാഴ്ച രാവിലെ 9 മണി മുതല്‍ വൈകുന്നേരം 7 മണി വരെ നടന്ന ക്യാമ്പില്‍ നൂറ്റിഅമ്പതോളം റേഷന്‍ കാര്‍ഡുകളിലെ തെറ്റുകള്‍ തിരുത്താനായി ഓണ്‍ലൈനില്‍ അപ്‌ലോഡ്‌ ചെയ്തു. ചെറി കെ സോളാര്‍, നൌഷാദ് താഴത്തീല്‍, മുഷ്താഖ് സി, ഷമീര്‍ എം.സി, ഫുആദ്‌ സെനിന്‍ ടിപി, ശിഹാബ് കുടുക്കന്‍, സകരിയ ടിപി, എം.എ മാസ്റ്റര്‍, ശശി കെസി, നൌഷാദ് എംസി, മുഹമ്മദ്‌ ഹനീഫ്, മുഹമ്മദ്‌ അമീന്‍ എം.സി, ടിപി അബ്ദു റഷീദ് മാസ്റ്റര്‍, കുടുക്കാന്‍ റഷീദ്, ബഷീര്‍ എംസി തുടങ്ങിയവര്‍ നേതൃത്വം നല്‍കി.

'ഭൂമിയിലെ മാലാഖ' പ്രകാശനം ചെയ്തു.

noreply@blogger.com (Anonymous) — Mon, 1 Jun 2015 18:54:00 +0530

ചെറുപുത്തൂര്‍ : നമ്മുടെ ഗ്രാമത്തിന്‍റെ ഹൃദയം തൊട്ടറിഞ്ഞ യുവ എഴുത്തുകാരന്‍ ശ്രീ. ഷാഹിദ് കെ.ടിയുടെ 'ഭൂമിയിലെ മാലാഖ' എന്ന തിരക്കഥയുടെ പുസ്തകരൂപം പുസ്തകരൂപം പ്രകാശനം ചെയ്തു. പ്രമുഖ മാധ്യമപ്രവര്‍ത്തകന്‍ റഹ്മാൻ കുറ്റിക്കാട്ടൂർ സാമൂഹ്യപ്രവര്‍ത്തകനായ മടത്തില്‍ സാദിഖലിക്ക് നല്‍കിയാണ് പ്രകാശന കര്‍മ്മം നിര്‍വഹിച്ചത്. 'കുടുംബമാധ്യമത്തില്‍ നേരത്തെ പ്രസിദ്ധീകരിച്ച ഫീച്ചറിനെ അടിസ്ഥാനമാക്കിയാണ് പുസ്തക രചന. അപകടത്തിന്റെയും മരണത്തിന്റെയും ദുരന്തമുഖത്ത് ഓടിയെത്തുന്ന മടത്തില്‍ അസീസിനെ കുറിച്ച് 2011 ജൂലൈ 29ന് പ്രസിദ്ധീകരിച്ച 'അവസാനത്തെ കൈ' എന്ന ഫീച്ചറാണ് പുസ്തക രചനക്ക് പ്രചോദനമായതെന്ന്‍ ഷാഹിദ് പറഞ്ഞു. പ്രമുഖ മാധ്യമപ്രവര്‍ത്തകന്‍ റഹ്മാൻ കുറ്റിക്കാട്ടൂർ സാമൂഹ്യപ്രവര്‍ത്തകനായ മടത്തില്‍ സാദിഖലിക്ക് നല്‍കിയാണ് പ്രകാശന കര്‍മ്മം നിര്‍വഹിച്ചത്. ഈ വര്‍ഷത്തെ എസ്എസ്എല്‍സി പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ്‌ ലഭിച്ച ഫുആദ് സെനിന്‍, ഫാത്തിമ നസ്രിന്‍ എന്നിവരെ ആദരിച്ചു.

ചടങ്ങില്‍ കെസി അബ്ദുറഹ്മാന്‍ മാസ്റ്റര്‍ അധ്യക്ഷത വഹിച്ചു. പുല്‍പറ്റ ഗ്രാമപഞ്ചായത്തംഗം പിസി അബ്ദുറഹ്മാന്‍, ടിപി അഹമ്മദ് ഹുസൈന്‍, ചെറി മുഹമ്മദ്‌, കെസി ശശി, രഞ്ജിത്ത് മാസ്റ്റര്‍, രജിത ടീച്ചര്‍ എന്നിവര്‍ സംസാരിച്ചു. ടിപി സ്വാലിഹ് ഹുസൈന്‍ അദ്ദേഹം രചിച്ച കവിത ആലപിച്ചു. അബ്ദുറഹ്മാന്‍ മാസ്റ്റര്‍പുസ്തകത്തെ പരിചയപ്പെടുത്തി. അമീന്‍ ഹസ്സന്‍ കെ സ്വാഗതവും ഫസല്‍ നന്ദിയും പറഞ്ഞു.

മാതൃകാ ഡിസ്പെന്‍സറിയായി പ്രഖ്യാപിച്ചു.

noreply@blogger.com (Anonymous) — Sat, 30 May 2015 20:54:00 +0530

ചെറുപുത്തൂര്‍ : ചെറുപുത്തൂരിലെ പുല്‍പ്പറ്റ ഗ്രാമ പഞ്ചായത്ത് ഗവ. ഹോമിയോ ഡിസ്പെന്‍സറി മാതൃകാ ഡിസ്പെന്‍സറിയായി പി. ഉബൈദുല്ല എംഎല്‍എ പ്രഖ്യാപിച്ചു. പുതിയ ഡിസ്പെന്‍സറി നിര്‍മിക്കാന്‍ ആസ്തി വികസന ഫണ്ടില്‍ നിന്നും 25 ലക്ഷം രൂപ അനുവദിക്കുമെന്ന്‍ എംഎല്‍എ അറിയിച്ചു. ഡിസ്പെന്‍സറിയിലേക്കുള്ള റോഡും ഉദ്ഘാടനം ചെയ്തു. പഞ്ചായത്ത് പ്രസിഡന്റ് ഒപി ആലിബാപ്പു അധ്യക്ഷത വഹിച്ചു. മെഡിക്കല്‍ ഓഫീസര്‍ ഡോ. ഷര്‍ജാന്‍ അഹമ്മദ് റിപ്പോര്‍ട്ട് വായിച്ചു. വാര്‍ഡ്‌ മെമ്പര്‍ പിസി അബ്ദുറഹ്മാന്‍, പിവി മനാഫ്, ഡോ. വിഎന്‍ രാജു, വൈസ് പ്രസിടന്റ് കല്ലേങ്ങല്‍ നുസ്രിനമോള്‍, പാറ സൈദലവി, വിളക്കിത്തില്‍ റീന, ഇ അബൂബക്കര്‍, പിടി അബ്ബാസ്‌, വി ആബിദലി, സിഎച്ച് സൈനബ, പൂക്കോടന്‍ അബൂബക്കര്‍, ഒപി കുഞ്ഞാപ്പുഹാജി, ഇ അബൂബക്കര്‍ ഹാജി, ഹംസ ഹാജി, ചെമ്പന്‍ അലവിക്കുട്ടി, കെ ഷീബ എന്നിവര്‍ സംസാരിച്ചു.

ശ്രദ്ധേയമായി ഗ്രാമോത്സവം.

noreply@blogger.com (Anonymous) — Thu, 7 May 2015 20:43:00 +0530

ചെറുപുത്തൂര്‍: 'ആരോഗ്യമുള്ള ഗ്രാമം, ആരോഗ്യമുള്ള തലമുറ' എന്നാ സന്ദേശമുയര്‍ത്തിക്കൊണ്ട് ചെറുപുത്തൂര്‍ നാട്ടുകൂട്ടം സംഘടിപ്പിച്ച ഗ്രാമോത്സവം ശ്രദ്ധേയമായി. പരിപാടിയുടെ ഭാഗമായി പഠനക്ലാസുകള്‍, എക്സിബിഷന്‍, ഡോക്യുമെന്ററി പ്രദര്‍ശനം, ചിത്രരചനാ മത്സരം, പ്രബന്ധരചനാ മത്സരം, കരാട്ടെ പ്രദര്‍ശനം എന്നിവ നടന്നു. ജില്ലാ പഞ്ചായത്തംഗം പി.വി അബ്ദുല്‍ മനാഫ് ഉദ്ഘാടനം നിര്‍വഹിച്ച ഗ്രമോത്സവത്തില്‍ 'നാം പ്രതീക്ഷിക്കുന്ന മക്കള്‍' എന്ന വിഷയത്തില്‍ ബി. ഹരികുമാറും ( എക്സൈസ് ഡിപ്പാര്‍ട്ട്മെന്റ് ) 'മാനസികാരോഗ്യവും ശരീര പുഷ്ടിയും' എന്ന വിഷയത്തില്‍ ഇമ്പിച്ചിബാവ കൊണ്ടോട്ടിയും (Trainer & Counselor ) പഠനക്ലാസെടുത്തു. ചെറുപുത്തൂര്‍ ചെറുപുത്തൂര്‍ എ.എം.എല്‍.പി. സ്കൂളില്‍ വെച്ച് നടന്ന പരിപാടിയില്‍ സ്കൂള്‍ വിദ്യാര്‍ഥികളുടെ കരാട്ടെ പ്രദര്‍ശനവും ഉണ്ടായിരുന്നു.

കാരാട്ട് എം.സി. കോമുഹാജി.

noreply@blogger.com (Anonymous) — Fri, 12 Dec 2014 18:42:00 +0530

ചെറുപുത്തൂരിലെ ഒരു പൗരപ്രധാനിയും പാരമ്പര്യകര്‍ഷകനുമായിരുന്ന കാരാട്ട് എം.സി. കോമുഹാജി ഒരു കര്‍ഷകന്‍ എന്നതോടൊപ്പം സാമൂഹ്യപ്രവര്‍ത്തകന്‍ കൂടിയായിരുന്നു. ചെറുപുത്തൂരിന്റെ വികസനപ്രക്രിയയില്‍ ഓരോ ഘട്ടങ്ങളിലും അദേഹത്തിന്റെ നിസ്വാര്‍ത്ഥവും സജീവവുമായ പങ്കാളിത്തം അവിസ്മരണീയമത്രേ!

കാരാട്ട് മണ്ണിങ്ങച്ചാലി തറീകുട്ടിഹാജിയുടെ മൂത്തമകനായ കോമുഹാജി നാട്ടില്‍ 'കാരാട്ടെ കാക്ക' എന്നാണറിയപ്പെട്ടിരുന്നത്. പാരമ്പര്യമായി തന്നെ സമ്പന്നനും ഭൂസ്വത്തുള്ളവനുമായിരുന്ന അദ്ദേഹം വലിയ ധര്‍മിഷ്ഠനും പൊതുസേവകനുമായിരുന്നു. ഒരു കാലത്ത് മത-സാമൂഹ്യ-സാംസ്കാരിക രംഗങ്ങളില്‍ നിറഞ്ഞുനിന്നിരുന്ന കോഹാജിയെ പുതിയ തലമുറക്ക് പരിചയപ്പെടുത്തുകയെന്നതാണ് പ്രധാനമായും ഈ കുറിപ്പിനാധാരം. പഴയകാല കര്‍ഷകരില്‍ നിന്ന്‍ വത്യസ്തമായി ഭൗതിക വിദ്യാഭ്യാസത്തില്‍ അതീവ തല്പരനായിരുന്നു. സമപ്രായക്കാരായ പലരും രണ്ടാം ക്ലാസ് കൊണ്ട് പഠനം നിര്‍ത്തിയപ്പോള്‍ അദ്ദേഹം എട്ടാം ക്ലാസ് പൂര്‍ത്തിയാക്കി. നെടിയിരുപ്പിലെ ഡി.എം.ആര്‍.ടിയില്‍ (ദേവധാര്‍ സ്കൂള്‍) വെച്ചാണ് എട്ടാം തരം പൂര്‍ത്തിയാക്കിയത്. ഒരു മുഴുസമയ കര്‍ഷക കുടുംബത്തിലെ അംഗമായിരുന്നതിനാല്‍ ഉപരിപഠനത്തിനോ ട്രെയിനിംഗിനോ കഴിയാതെപോയി.

കാര്‍ഷികരംഗത്ത് വളരെ സജീവമായി നിലകൊണ്ട അദ്ദേഹം നാട്ടുകാര്‍ക്കിടയില്‍ പല പുതിയ കൃഷിരീതികളും പരിചയപ്പെടുത്തി. ജപ്പാന്‍ നെല്‍കൃഷി സമ്പ്രദായം നടപ്പിലാക്കിനോക്കുകയുണ്ടായി.ഐ.ആര്‍.8, തൈനാന്‍-3, കള്‍ച്ചര്‍ 18 എന്നീ നെല്‍വിത്തുകള്‍ അന്ന് കൃഷി ചെയ്തിരുന്നു. പട്ടുനൂല്‍പുഴു വളര്‍ത്തല്‍, മള്‍ബറി കൃഷി, ബയോഗ്യാസ് പ്ലാന്‍റ്, ജാതികൃഷി, കൊക്കോകൃഷി എന്നീ വിവിധങ്ങളായ കൃഷിരീതികള്‍ നാട്ടിലെ കര്‍ഷകര്‍ക്ക് പരിചയപ്പെടുത്തുന്നതില്‍ തല്‍പരനായിരുന്നു എന്നും. നാട്ടിലെ പാടശേഖരകമ്മിറ്റി, കേരകര്‍ഷക കമ്മിറ്റി എന്നീ കര്‍ഷക കൂട്ടായ്മകള്‍ക്ക് എക്കാലവും അദ്ദേഹം നേതൃത്വം നല്കി.

ചെറുപുത്തൂര്‍-മോങ്ങം റോഡ്, മിനിമം ഗ്യാരണ്ടി അടിസ്ഥാനത്തിലുള്ള വൈദ്യുതീകരണം, സ്വന്തമായുള്ള ട്രാന്‍സ്ഫോര്‍മര്‍ സ്ഥാപിക്കല്‍ എന്നീ വികസനപ്രവര്‍ത്തനങ്ങള്‍ക്കെല്ലാം നേതൃപരമായ പങ്ക് വഹിച്ചുപോന്നു. അദേഹത്തിന്റെ സ്ഥലത്തുകൂടെ കടന്നു പോകാത്ത ഒരൊറ്റ റോഡും ചെറുപുത്തൂരിലില്ല. അദ്ദേഹം പഞ്ചായത്ത് മെമ്പറായിരുന്ന കാലത്ത് നിര്‍ധനരായ പല ആളുകള്‍ക്കും വീടുണ്ടാക്കികൊടുക്കുകയോ വീട് റിപ്പയര്‍ ചെയ്തു കൊടുക്കുകയോ ഒക്കെ ചെയ്തിട്ടുണ്ട്. ഇന്നത്തെ പോലെ ജനകീയാസൂത്രണം, ത്രിതല പഞ്ചായത്ത് തുടങ്ങിയ ഭരണ നിര്‍വഹണത്തിന്റെ പുതിയ സംവിധാനങ്ങളോ ഫണ്ടുകളുടെ ലോഭമില്ലാത്ത ലഭ്യതയോ ഇല്ലാത്ത ഒരു പിന്നാക്ക കാലഘട്ടത്തിലാണ് ഇതൊക്കെ ചെയ്തിട്ടുള്ളത്. നാട്ടിലെ എല്‍.പി. സ്കൂളിന്റെ പുനരുദ്ധാരണ ഘട്ടത്തില്‍ ഒരു പഞ്ചായത്ത് മെമ്പര്‍ എന്ന നിലയില്‍ അദേഹത്തിന്റെ ശ്രമഫലമായി സ്കൂളിന്റെ ഇപ്പോഴത്തെ പ്രധാന കെട്ടിടം മഞ്ചേരി എന്‍.ഇ.എസ്. ബ്ലോക്ക് സ്കീമില്‍ നിന്നുള്ള സഹായത്തോട് കൂടിയാണ് പൂര്‍ത്തിയാക്കിയത്. തികച്ചും നിസ്വാര്‍ത്ഥമായിരുന്നു അദേഹത്തിന്റെ ഇത്തരം പ്രവര്‍ത്തനങ്ങളെന്ന സത്യം വര്‍ത്തമാന കാലഘട്ടത്തിലെ നടപ്പുരീതികള്‍ വെച്ചുനോക്കുമ്പോള്‍ ചിന്തോദീപകമാണ്.

തന്റെ സേവന - വികസന പ്രവര്‍ത്തനങ്ങളില്‍ ഏറ്റവും പ്രോജ്വലവും പ്രൌഢവുമായി നിലനില്‍ക്കുന്ന ഒന്നാണ് ഈയിടെ ജില്ലയിലെ മാതൃകാ ആശുപത്രിയായി തെരഞ്ഞെടുക്കപ്പെട്ട പുല്‍പ്പറ്റ പഞ്ചായത്ത് ഹോമിയോ ഡിസ്പെന്‍സറി. ഡിസ്പെന്‍സറി അദേഹത്തിന്റെ സ്വന്തം പീടികകെട്ടിടത്തിലായിരുന്നു തുടങ്ങിയത്.കാലപ്പഴക്കത്താല്‍ ജീര്‍ണിച്ച കെട്ടിടം പലപ്പോഴായി റിപ്പയര്‍ ചെയ്തു ഡിസ്പെന്‍സറി നിലനിര്‍ത്തി. കൂടുതല്‍ കാലം പീടികകെട്ടിടത്തില്‍ ഡിസ്പെന്‍സറി പ്രവര്‍ത്തിപ്പിക്കാന്‍ പറ്റാതെ വന്നപ്പോള്‍ ആരുടേയും പ്രലോഭനമോ സമ്മര്‍ദമോ കൂടാതെ തന്റെ അധീനതയിലുണ്ടായിരുന്ന ചക്കാലപ്പറമ്പില്‍ 24 സെന്റ് സ്ഥലം നല്കി ഡിസ്പെന്‍സറി ചെറുപുത്തൂരിന് നഷ്ടമാകാതെ നിലനിര്‍ത്തി. ഡിസ്പെന്‍സറിയുടെ കാര്യത്തില്‍ സമാനതകളില്ലാത്ത പങ്കാളിത്തമാണ് അദേഹത്തിനുള്ളത് .

ചെറുപുത്തൂര്‍ ഹോമിയോ ഡിസ്പെന്‍സറി

രാഷ്ട്രീയപരമായി കോമുഹാജി മുസ്‌ലീംലീഗുകാരനായിരുന്നു. ചെറുപുത്തൂരില്‍ മുസ്‌ലീംലീഗിന്റെ സ്ഥാപകനും പുല്‍പ്പറ്റ പഞ്ചായത്തില്‍ മുസ്‌ലീംലീഗ് കമ്മിറ്റിയുടെ സ്ഥാപകനേതാക്കളില്‍ ഒരു പ്രധാനിയുമായിരുന്നു. രാഷ്ട്രീയത്തില്‍ നല്ലൊരു സംഘാടകന്‍ കൂടിയായിരുന്ന അദ്ദേഹം ഇന്ത്യന്‍ യൂണിയന്‍ മുസ്‌ലീംലീഗിന്റെ പിളര്‍പ്പിന്റെ ഘട്ടത്തില്‍ എം.കെ. ഹാജി, സയ്യിദ് ഉമര്‍ ബാഫഖി തങ്ങള്‍ എന്നീ നേതാക്കളോടൊപ്പം അഖിലേന്ത്യാ ലീഗില്‍ പ്രവര്‍ത്തിച്ചു. ഐക്യപ്പെട്ടപ്പോള്‍ മരണം വരെ ലീഗില്‍ ഉറച്ചു നിന്ന്‍ പ്രവര്‍ത്തിച്ചു.

ദീനീരംഗത്ത് തനി പിന്തിരിപ്പന്‍ ചിന്താഗതിക്കാരനല്ലാത്തത്തിനാല്‍ എല്ലാവിഭാഗം മതസ്ഥാപനങ്ങളെയും അദ്ദേഹം സഹായിച്ചുപോന്നു. പഴയ കാലത്ത് പള്ളിയില്‍ വെച്ച് നടന്നിരുന്ന സംഘടിത സകാത്ത് വിതരണത്തില്‍ സജീവ പങ്കും നേതൃത്വവും വഹിച്ചു. ജുമുഅ ഖുതുബ മാതൃഭാഷയിലായിരിക്കണമെന്ന ആശയത്തില്‍ ഉറച്ചു നിന്ന വ്യക്തിയായിരുന്നു. തദാവശ്യാര്‍ത്ഥം തന്റെ പാടത്ത് ഒരു പള്ളിക്കു വേണ്ടി വഖ്ഫ് ചെയ്തത് കൂടുതല്‍ സൌകര്യപ്രദമായ ഒരിടം എന്ന നിലയില്‍ ചക്കാലപ്പറമ്പിലേക്ക് മാറ്റി. അതാണ് മസ്ജിദുല്‍ ഹുദ എന്ന ജുമുഅ പള്ളി.

മസ്ജിദുല്‍ ഹുദയുടെ തറക്കല്ലിടല്‍ ചടങ്ങില്‍ കോമുഹാജി

മത-രാഷ്ട്രീയ-സാമൂഹിക-കാര്‍ഷിക രംഗത്തെന്ന പോലെ സാംസ്കാരിക രംഗങ്ങളിലും തന്റേതായ വ്യക്തി മുദ്ര പതിപ്പിച്ച മാന്യ ദേഹമായിരുന്നു അദ്ദേഹം. പഞ്ചായത്തില്‍ തനിക്കുണ്ടായിരുന്ന സ്വാധീനം ഉപയോഗിച്ചു നാട്ടില്‍ സ്വന്തം പീടിക കെട്ടിടത്തില്‍ ഒരു ഗ്രാമീണ പൊതുജന വായനശാല അദ്ദേഹം സ്ഥാപിക്കുകയുണ്ടായി. അതില്‍ പ്രാദേശിക-ദേശീയ വാര്‍ത്തകള്‍ക്കു പുറമെ ഗ്രാമീണരായ നാട്ടുകാര്‍ക്ക് കാര്‍ഷിക-വിദ്യാഭ്യാസ-ആരോഗ്യ മേഖലകളില്‍ ആവശ്യമായ അവബോധം സൃഷ്ടിക്കുന്ന പരിപാടികള്‍ ശ്രവിക്കുന്നതിനായി ഒരു പഞ്ചായത്ത് റേഡിയോ കൂടി അവിടെ ഉണ്ടായിരുന്നു. അന്ന്‍ അത് ഓപ്പറേറ്റ് ചെയ്തിരുന്നത് പറമ്പില്‍ മമ്മൂട്ടി മാസ്റ്ററായിരുന്നു. അക്കാലത്ത് പുല്‍പ്പറ്റ പഞ്ചായത്തില്‍ തന്നെ എണ്ണം പറഞ്ഞ കച്ചവടകേന്ദ്രമായിരുന്നു 'കാരാട്ടെ പീടിക' എന്ന സ്വന്തം പീടിക. ധാരാളം ആളുകള്‍ മോങ്ങം ചന്തയിലേക്കും മറ്റും പോയികൊണ്ടിരുന്ന ഒരു 'നാഷണല്‍ ഹൈവേയായിരുന്നു' അന്ന്‍ ചെറുപുത്തൂര്‍-മോങ്ങം പടവരമ്പ്. പലപ്പോഴും യാത്രക്കാരും, പീടികക്ക് മുമ്പില്‍ ഒരു അത്താണിയുണ്ടായിരുന്നത് കൊണ്ട് ചുമടുമായി പോകുന്നവരും രാപ്പകല്‍ ഭേദമില്ലാതെ അവിടെ കേന്ദ്രീകരിച്ചിരുന്നു. ഇന്നത്തെ പോലെ ഗതാഗത സൌകര്യങ്ങളൊന്നും ഇല്ലാതിരുന്ന അക്കാലത്ത് ഒരത്യാഹിത സേവനകേന്ദ്രമായി കാരാട്ടെ പീടിക നിലകൊണ്ടിരുന്നു. പെട്ടെന്ന് ആശുപത്രിയിലെത്തിക്കേണ്ട രോഗികള്‍ക്കായി ചാക്ക് കൊണ്ട് നിര്‍മിച്ച 'മഞ്ചല്‍' എന്ന പ്രാകൃത ആംബുലന്‍സ് പ്രവര്‍ത്തന സജ്ജമായി എന്നും അവിടെ ഉണ്ടായിരുന്നു.

ചെറുപുത്തൂരിലെ ഫൂട്ബാള്‍ ടീമിന് ഊടും പാവും നല്കിയും പന്ത് വാങ്ങികൊടുത്തും കളിച്ചും കളിപ്പിച്ചും നേതൃത്വം നല്കിയ സഗീര്‍കാക്കക്ക് സ്വന്തം പാടത്ത് കളിസ്ഥലമൊരുക്കിയത് കാരാട്ടെ കാക്കയായിരുന്നു എന്നതും നാം മറന്നുകൂടാ.

ഒളമതിലിലെ നിലവില്‍ വന്ന റേഷന്‍ ഷാപ്പിന് ഒളമതിലില്‍ തന്നെയുള്ള മുണ്ടുപാലത്തിങ്ങല്‍ എന്ന സ്ഥലത്ത് ആദ്യമായി തുടക്കം കുറിച്ചതും കോമുഹാജിയെന്ന കാരാട്ടെ കാക്കാന്റെ ശ്രമഫലമായിട്ടാണ്.

ബഹുമുഖങ്ങളായ വികസന പ്രവര്‍ത്തനങ്ങള്‍ക്ക് ചുക്കാന്‍ പിടിച്ച, നാടിന്റെ ഗതകാല ചരിത്രത്തില്‍ അനിഷേധ്യ സ്ഥാനമാര്‍ഹിക്കുന്ന കോമുഹാജിയെ എക്കാലവും നാം സ്മരിക്കേണ്ടതുണ്ട്. ഏറ്റവും കുറഞ്ഞത് ഹോമിയോ ഡിസ്പെന്‍സറിയുടെ പേരിലെങ്കിലും ഒരു മരണാനന്തര ബഹുമതി എന്ന നിലയില്‍ നാം അദേഹത്തെ ആദരിക്കേണ്ടതുണ്ട്. പുല്‍പ്പറ്റ പഞ്ചായത്ത് ഹോമിയോ ഡിസ്പെന്‍സറി കോമുഹാജിയുടെ നാമധേയത്തില്‍ അദേഹത്തിന്റെ സ്മാരകമായി നിലനിര്‍ത്തണം. അതിന്റെ ധാര്‍മിക ഉത്തരവാദിത്തം .ചെറുപുത്തൂര്‍ക്കാര്‍ക്കുണ്ട്. ഒരു കാലത്ത് ഒരു നാടിന്റെ സര്‍വ്വതോന്‍മുഖമായ വികസനത്തിന് ഊര്‍ജ്ജവും ഉന്മേഷവും പകര്‍ന്ന ആ വലിയ മനുഷ്യന് സര്‍വ്വശക്തന്‍ അര്‍ഹമായ പ്രതിഫലം നല്കി അനുഗ്രഹിക്കട്ടെ.

പിന്‍കുറി:ചെറുപുത്തൂരിന്റെ ഇന്നോളമുള്ള വളര്‍ച്ചയുടെ ഓരോ ദശാസന്ധികളിലും തന്റേതായ സകല കഴിവുകളും ഉപയോഗപ്പെടുത്തിയ ജീവിതം കൊണ്ട് എളിയവനെങ്കിലും കര്‍മ്മം കൊണ്ട് മഹാനുമായിരുന്ന ഒരു വ്യക്തിയെ മുതിര്‍ന്നവര്‍ ഓര്‍ക്കുന്നതിനും വളര്‍ന്ന് വരുന്നവര്‍ക്ക് പരിചയപ്പെടുന്നതിനുമുള്ള ഒരെളിയ ശ്രമം മാത്രമാണിത്. ഇതില്‍ എന്തെങ്കിലും വിട്ടുകളയാനോ കൂട്ടിച്ചേര്‍ക്കാനോ ഉണ്ടെങ്കില്‍ നാല്‍കാവുന്നതാണ്.

കോടിത്തൊടിക കദീജ നിര്യാതയായി.

noreply@blogger.com (Anonymous) — Sun, 7 Dec 2014 06:00:00 +0530

ചെറുപുത്തൂര്‍: പരേതനായ മണ്ണിങ്ങച്ചാലി അലവിഹാജിയുടെ ഭാര്യ കോടിത്തൊടിക കദീജ നിര്യാതയായി. മക്കള്‍: മുഹമ്മദുണ്ണി ഹാജി (എം.സി. ക്ലോത്ത് മാര്‍ട്ട്, മോങ്ങം), ഇബ്രാഹീം ഹാജി (സെക്രട്ടറി, വ്യാപാരി വ്യവസായി ഏകോപന സമിതി, മോങ്ങം), മുഹമ്മദാജി (എം.സി.ബി.), മോയിന്‍, സൈനുദ്ദീന്‍ (പത്ര ഏജന്‍റ്, മോങ്ങം), ആയിശക്കുട്ടി, ഉമ്മാച്ചു, സൈനബ. മരുമക്കള്‍ : മുഹമ്മദ്, അബൂബക്കര്‍, കുഞ്ഞീരുമ്മ, കദീജ, ഫാത്തിമ, സുഹ്റ, കദീജ, പരേതനായ ചെമ്പന്‍ മൊയ്തീന്‍.

അബ്ദുല്‍ കരീം നിര്യാതനായി.

noreply@blogger.com (Anonymous) — Fri, 5 Dec 2014 18:59:00 +0530

ചെറുപുത്തൂര്‍ : പാറക്കാട് കോടിത്തൊടിക അബ്ദുല്‍ കരീം (75) നിര്യാതനായി. ഭാര്യ : ആയിശ. മക്കള്‍ :ഖദീജ, സൈനബ, ഫൈസല്‍, അബ്ദുറഷീദ്. മരുമക്കള്‍ :. അബൂബക്കര്‍ (ജിദ്ദ), മൊയ്തീന്‍ (തുറക്കല്‍), സൈഫുന്നീസ, സുമയ്യ. സഹോദരി : ഫാത്തിമ (മോങ്ങം).

ആമിന നിര്യാതയായി.

noreply@blogger.com (Anonymous) — Thu, 4 Dec 2014 20:20:00 +0530

.ചെറുപുത്തൂര്‍ : കോടിത്തൊടിക കുഞ്ഞാലിക്കുട്ടിയുടെ ഭാര്യ ആമിന (75) നിര്യാതയായി. മക്കള്‍ : സൈദ്, ഫാത്തിമ, ആയിഷ, നഫീസ. മരുമക്കള്‍ : ചെക്കുട്ടി ഹാജി (ഒഴുകൂര്‍), അബൂബക്കര്‍ (ഇരിവേറ്റി), കെ.ടി മുഹമ്മദലി, കുഞ്ഞീമ (എളയൂര്‍).

18 തികയുന്നവരേ! ഇതാ വോട്ട് ചേര്‍ക്കാന്‍ സുതാര്യ വഴി.

noreply@blogger.com (Anonymous) — Sat, 22 Nov 2014 20:39:00 +0530

വിരല്‍തുമ്പില്‍ വോട്ട് ചേര്‍ക്കാന്‍ അവസരം കിട്ടിയിട്ടും നിങ്ങള്‍ വോട്ട് ചേര്‍ത്തിട്ടില്ലെന്നോ? ഈ അലസതയെ എന്ത് വിളിക്കണം? ഈ അലസതക്ക് രണ്ട് മുഖമേ ഉള്ളു. ‘വിവര’മില്ല എന്നതാണ് ഒരു മുഖം. വിവര സാങ്കേതിക വിദ്യയുടെ ഈ കാലത്ത് ‘വിവരമില്ല’ എന്ന് പറയുന്നതിനെക്കാള്‍ നാണക്കേട് വേറൊന്നില്ല. അതല്ല, വിവരമുണ്ടായിട്ടും വോട്ട് ചേര്‍ത്തില്ല എന്നാണോ? എങ്കില്‍ നിങ്ങള്‍ക്ക് പൗരാവകാശ ബോധമില്ല എന്നതാണ് രണ്ടാമത്തെ കാരണം.

ഇലക്ഷന്‍ കമ്മീഷന്‍െറ ചരിത്രത്തിലെ ഏറ്റവും സുതാര്യമായ നടപടിയാണിപ്പോള്‍ വോട്ട് ചേര്‍ക്കാന്‍ ഒരുക്കിയിരിക്കുന്ന ഓണ്‍ലൈന്‍ സംവിധാനം. 2015 ജനുവരി ഒന്നിന് പതിനെട്ട് തികയുന്നവര്‍ക്ക് ഈ മാസം 25 വരെ വോട്ട് ചേര്‍ക്കാന്‍ കമ്മീഷന്‍ ഓണ്‍ലൈന്‍ സംവിധാനം ഒരുക്കിയിരിക്കുന്നു. പ്രായം പൂര്‍ത്തിയാവുന്നതിന് മുമ്പ് തന്നെ മുന്‍കൂട്ടി വോട്ട് ചേര്‍ക്കാന്‍ കഴിയുന്നു എന്നത് മാത്രമല്ല, ഈ സൗകര്യത്തിന്‍െറ ഗുണം. ഇന്റര്‍നെറ്റ് കണക്ഷന്‍ ഉള്ള ഫോണ്‍ വഴി സ്വന്തം വോട്ട് ചേര്‍ക്കാന്‍ കഴിയുന്നു എന്നത് വലിയൊരു വിപ്ലവമാണ്.

മുമ്പ് വോട്ട് ചേര്‍ക്കാന്‍ എന്തൊക്കെ കടമ്പകളുണ്ടായിരുന്നു. ആറ് മാസത്തെ താമസ രേഖ വേണം. വയസ്സ് തെളിയിക്കുന്ന രേഖയുമായി വില്ലേജില്‍ പോയി ക്യൂ നില്‍ക്കണം. അവിടം രാഷ്ട്രീയക്കാരുടെ കശപിശയുണ്ടാവും. കണ്ണൂര്‍ ജില്ലയില്‍ ചില കൊലപാതകങ്ങള്‍ വരെ വോട്ട് ചേര്‍ക്കലും തള്ളലും നടന്ന കേന്ദ്രത്തില്‍ മുമ്പുണ്ടായിട്ടുണ്ട്. ഫോട്ടോ പതിച്ച തിരിച്ചറിയല്‍ കാര്‍ഡ് വന്നതോടെ ഫോട്ടോ നല്‍കാന്‍ വേറൊരു ദിവസം കാത്തുകെട്ടിയിരിക്കണമായിരുന്നു. പുതിയ സംവിധാനമനുസരിച്ച് അതൊന്നും വേണ്ട. എല്ലാം നിമിഷ നേരം കൊണ്ട് തയ്യാര്‍. കിട്ടാന്‍ പോകുന്ന തിരിച്ചറിയല്‍ കാര്‍ഡിന്‍െറ മോഡല്‍ വരെ നമുക്ക് കമ്മീഷന്‍െറ വെബ്പേജില്‍ കാണാനാവുന്നു. ഓണ്‍ലൈനില്‍ വോട്ട് ചേര്‍ത്തു കഴിഞ്ഞ ബൂത്ത് ലെവല്‍ ഓഫീസര്‍മാര്‍ പിന്നീട് വീടുകളില്‍ വന്ന് നിങ്ങളുടെ രേഖകള്‍ പരിശോധിച്ച് ഉറപ്പ് വരുത്തുന്നതോടെ നടപടി പൂര്‍ത്തിയാവുന്നു. വോട്ട് ചേര്‍ക്കാന്‍ യാതൊരു കാത്തിരിപ്പുമില്ലാതെ വീട്ടിലത്തെി രേഖപരിശോധിക്കുന്ന അത്യപൂര്‍വമായ ഈ സൗകര്യം നാം ഉപയോഗിക്കുന്നില്ല എന്ന് വന്നാല്‍ അതിനോളം അലസത വേറെ ഇല്ല.

എങ്ങിനെ വോട്ട് ചേര്‍ക്കാം?

മൂന്ന് ഘട്ടങ്ങളുള്ള (Step 1,2,3) പേജുകളാണ് പൂരിപ്പിക്കേണ്ടത്. ചീഫ് ഇലക്ടറല്‍ ഓഫീസര്‍ കേരളയുടെ www.ceo.kerala.gov.in വെബ്സൈറ്റിലെ ഹോം പേജില്‍ Online Voter Registration - Apply Here എന്ന ലിങ്കിലോ, അതേ പേജില്‍ മുകളിലുള്ള E Registration എന്ന ലിങ്കിലോ ക്ലിക്ക് ചെയ്താല്‍ പ്രവേശന സ്ക്രീനില്‍ (ചിത്രം ഒന്ന് കാണുക) എത്തും. സ്വന്തം നിലയിലോ, ബി.എല്‍.ഒ.വഴിയോ, അക്ഷയ വഴിയോ ഏതാണ് തെരഞ്ഞെടുക്കുന്നതെന്ന് ചോദ്യമുണ്ടാവും.സ്വന്തം കമ്പ്യൂട്ടറും നെറ്റും ഒക്കെ ഉണ്ടെങ്കില്‍ സ്വന്തം നിലയില്‍ സാവകാശം ചെയ്യാവുന്നതാണ്. ബി.എല്‍.ഒ.വഴിയാവുമ്പോള്‍ അസംബ്ലി മണ്ഡലം നമ്പറും പോളിങ് സ്റ്റേഷന്‍ നമ്പറും ചേര്‍ന്ന ആറക്ക നമ്പര്‍ ചേര്‍ക്കണം. അക്ഷയ അവരുടെ കോഡ് നമ്പര്‍ വഴിയേ പ്രവേശിക്കുകയുള്ളൂ. കോളം പൂരിപ്പിച്ച് Proceed ബട്ടണ്‍ ക്ലിക്ക് ചെയ്താല്‍ വിവരങ്ങള്‍ രേഖപ്പെടുത്തേണ്ട ഒന്നാം ഘട്ടമായ Step 1 ല്‍ എത്തും.

Step 1 ല്‍ ചെയ്യേണ്ടത്

ചിത്രം 1

താമസിക്കുന്ന ജില്ല വലത് വശത്തുള്ള ഡ്രോപ്ഡൗണ്‍ ബോക്സില്‍നിന്ന് സെലക്ട് ചെയ്യണം. ,വോട്ട് ചേര്‍ക്കാന്‍ പോകുന്ന ആളുടെ ജനനതിയതി കലണ്ടറിന്‍െറ ഐക്കണില്‍ നിന്ന് ക്രമീകരിക്കാവുന്നതാണ്.ഇനി വയസ്സ് അറിയില്ലെന്നിരിക്കട്ടെ. എങ്കിലും വോട്ട് ചേര്‍ക്കാനുള്ള മോഹത്തില്‍ നിങ്ങള്‍ പിന്തിരിയേണ്ടതില്ല. Don’t know your exact DOB എന്ന് രേഖപ്പെടുത്തിയിരിക്കുന്നതിന്‍െറ വലതുഭാഗത്തുള്ള Click here അമര്‍ത്തിയാല്‍ തെളിയുന്ന ബോക്സില്‍ സുമാര്‍ പ്രായം, രേഖപ്പെടുത്തി മറ്റ് രണ്ട് ചോദ്യങ്ങള്‍ക്ക് ഉത്തരം നല്‍കിയാല്‍ മതി. ബി.എല്‍.ഒ.മാര്‍ വീട്ടിലത്തെി രേഖപരിശോധിച്ച് തിയതി കൃത്യമായ രേഖപ്പെടുത്തും.

മുമ്പ് തിരിച്ചറിയല്‍ കാര്‍ഡ് എടുത്തതാണോ, വിദേശത്ത് താമസക്കാരനാണോ എന്നീ ചോദ്യങ്ങളുള്ള കോളത്തില്‍ പുതിയ വോട്ടര്‍ ഉത്തരം നല്‍കേണ്ടതില്ല. (അതേസമയം, തിരിച്ചറിയല്‍ കാര്‍ഡ് നഷ്ടപ്പെട്ടവര്‍, സ്ഥലം മാറി വോട്ട് ചേര്‍ക്കുന്നവര്‍, പ്രവാസികള്‍ എന്നിവര്‍ അതാത് ചോദ്യത്തിന് ഉത്തരം നല്‍കിയാല്‍ അവരുടെ വിവരങ്ങള്‍ നല്‍കേണ്ടുള്ള മറ്റൊരു മെനുവിലേക്ക് പ്രവേശിക്കും.) ഈ വിവരങ്ങള്‍ രേഖപ്പെടുത്തിയ ശേഷം ‘Proceed to step 2’ ക്ളിക്ക് ചെയ്താല്‍ രണ്ടാം ഘട്ടത്തിലത്തെി.

Step 2ല്‍ ചെയ്യേണ്ടത്

പുതുതായി വോട്ട് ചേര്‍ക്കാന്‍ പോകുന്ന ആള്‍ക്ക് പരിചയമുള്ള ഒരു നിലവിലെ സമ്മതിദായകന്‍െറ തിരിച്ചറിയല്‍ കാഡ് നമ്പര്‍ രേഖപ്പെടുത്തുന്നതിന് ഇതില്‍ കോളമുണ്ട്. വോട്ടര്‍ പട്ടികയില്‍ ഏത് ബൂത്തിലേക്കാണ് വോട്ട് ചേര്‍ക്കാന്‍ പോകുന്നതെന്ന് നിര്‍ണായകമായ വിവരം പൂര്‍ത്തിയാക്കുന്നതിനാണിത്. നിലവിലെ തിരിച്ചറിയല്‍ കാര്‍ഡ് നമ്പര്‍ രേഖപ്പെടുത്താന്‍ മാതാവ്, പിതാവ്, ഭര്‍ത്താവ്, രക്ഷകര്‍ത്താവ്, ബന്ധു, അയല്‍വാസി എന്നിങ്ങനെ ഒപ്ഷനുകളുണ്ട്. ഇതില്‍ ഏതുമാവാം. മാതാവിന്‍െറയോ, പിതാവിന്‍െറയോ കാര്‍ഡ് നമ്പര്‍ ചേര്‍ക്കലാണ് ഉചിതം. അവരുടെ നിലവിലെ കാര്‍ഡിലെ വിലാസവും ചേര്‍ക്കാന്‍ പോകുന്ന ആളുടെ വിലാസവും വിത്യസ്തമായാലും അതാത് സ്ഥാനത്ത് ചേര്‍ക്കാവുന്നതാണ്. സംസ്ഥാനം മാറി താമസിക്കുന്ന മക്കള്‍ക്ക് വേണ്ടി പിതാവിനോ, മാതാവിനോ ഇങ്ങിനെ ചേര്‍ത്താലും വെരിഫിക്കേഷന് ബി.എല്‍.ഒ. വരുമ്പോള്‍ അപേക്ഷകന്‍ അവിടെ താമസക്കാരനാണെന്നതിന് റേഷന്‍ കാര്‍ഡോ മറ്റ് രേഖയോ കാണിച്ചാല്‍ മതി. നടപടി പൂര്‍ത്തിയായാല്‍ ‘Proceed to step 3’ ബട്ടണ്‍ ക്ളിക്ക് ചെയ്ത് മൂന്നാം ഘട്ടത്തിലേക്ക് പ്രവേശിക്കും.

Step 3ല്‍ ചെയ്യേണ്ടത്

Step 2ല്‍ പിതാവിന്‍െറയോ മാതാവിന്‍െറയും തിരിച്ചറിയല്‍ കാര്‍ഡ് നമ്പര്‍ എന്റര്‍ ചെയ്യുന്നതോടെ നിലവിലെ വിലാസം പൂര്‍ണമായും വ്യക്തമാവുന്ന Form Entry സ്ക്രീനാണ് Step 3ല്‍ വരിക. ഇതില്‍ ഇംഗ്ളീഷിലും മലയാളത്തിലും പേര് ചേര്‍ക്കാനുള്ള കോളമുണ്ട്. മലയാളം പേര് ചേര്‍ക്കാന്‍ Virtual Key Board ഉപയോഗിക്കാം. പുതിയ വീട്ടു നമ്പര്‍, പുതിയ വാര്‍ഡ് നമ്പര്‍ എന്നിവയും ചേര്‍ക്കാന്‍ കോളമുണ്ട്. ഇപ്പോഴത്തെ മേല്‍വിലാസത്തില്‍ എത്രകാലമായി താമസിക്കുന്നുവെന്ന കോളം പൂരിപ്പിക്കണം. കാരണം, ഒരു മേല്‍വിലാസത്തില്‍ സ്ഥിരമായി താമസമുള്ളവര്‍ക്കാണ് ആ സ്ഥലം ഉള്‍കൊള്ളുന്ന മണ്ഡലത്തിലെ വോട്ടര്‍ പട്ടികയില്‍ പേര് ചേര്‍ക്കാന്‍ അര്‍ഹതയുള്ളൂ. ജനനസ്ഥലം, Step 2ല്‍ രേഖപ്പെടുത്തിയ തിരിച്ചറിയല്‍ കാര്‍ഡുടമയുടെ പേര്, അപേക്ഷകന്‍െറ മൊബൈല്‍ നമ്പര്‍, ഇ.മെയില്‍, ആധാര്‍നമ്പര്‍ എന്നിവയും രേഖപ്പെടുത്തണം. തിരിച്ചറിയല്‍ കാര്‍ഡ് കൈപ്പറ്റാനുള്ള മൂന്ന് മാര്‍ഗം ഈ സ്ക്രീനില്‍ ചോദിക്കും. തപാല്‍വഴി, ബി.എല്‍.ഒ.വഴി, താലൂക്ക് ഓഫീസില്‍ നിന്ന് നേരിട്ട് എന്നിങ്ങനെ ഏതെങ്കിലും ഒന്ന് തെരഞ്ഞെടുക്കാം. Upload photo എന്ന ലിങ്കും ഇതേ പേജിലുണ്ട്. അവിടെ ക്ലിക്ക് ചെയ്യുമ്പോള്‍ ഫോട്ടോ അപ്‌ലോഡ് ചെയ്യാനുള്ള സ്ക്രീന്‍ വരും.

ഫോട്ടോ അപ്ലോഡ് ചെയ്യുമ്പോള്‍ ശ്രദ്ധിക്കേണ്ടത്:

1.വെളുത്തതോ ഇളം നിറത്തിലോ ഉള്ള പുറം പശ്ചാത്തലമുള്ള പടമായിരിക്കണം.
2. മുഖം നേരെയും പൂര്‍ണമായും മധ്യഭാഗത്ത് ആയിരിക്കണം.
3. കണ്ണൂകള്‍ വ്യക്തമായി കാണുന്നവിധമായിരിക്കണം.
4.മതാചാരത്തിന്‍െറ ഭാഗമായുള്ള തൊപ്പി, ശിരോവസ്ത്രം എന്നിവയൊഴിച്ച് തലമറക്കുന്നതോ, കറുത്ത കണ്ണട വെച്ച് കണ്ണ് മറക്കുന്നതോ, മുഖം അവ്യക്തമായതോ ആയ പടം അരുത്.
5. കുറഞ്ഞത് 320 പിക്സല്‍ നീളവും 240 പിക്സല്‍ വീതിയും ഉള്ള JPG ഫോര്‍മാറ്റിലുള്ളതും 180KB യില്‍ താഴെ ഫയല്‍ സൈസുള്ളതുമാവണം. ഫോട്ടോള്‍ ക്രോപ്പ് ചെയ്ത് എടുക്കുമ്പോള്‍ ഈ കണക്ക് സൂക്ഷിക്കേണ്ടതാണ്. പാസ്പോര്‍ട്ട് സൈസ് പടമാണ് ഉചിതം. (എന്നാല്‍, ഓണ്‍ലൈന്‍ അപേക്ഷയില്‍ ഫോട്ടോ ചേര്‍ക്കുന്നത് ഇപ്പോള്‍ നിര്‍ബന്ധമല്ല. ബി.എല്‍.ഒ.മാര്‍ വെരിഫിക്കേഷന് വരുമ്പോള്‍ മുകളില്‍ പറഞ്ഞ ഗണത്തിലുള്ള പടം കൈമാറിയാല്‍ മതി. അപേക്ഷയില്‍ മലയാളത്തില്‍ വിവരങ്ങള്‍ രേഖപ്പെടുത്തുന്നതിലും നിര്‍ബന്ധിമില്ല.)

സത്യവാങ്ങ്മൂലം വായിച്ച് ക്ലിക്ക് ചെയ്യേണ്ട ഓപ്ഷന്‍ കൂടി പൂര്‍ത്തിയാവുമ്പോള്‍ ‘I hereby confirm that I have read and accept the above affidavit' എന്ന സത്യവാങ് മൂലത്തിന്‍െറ ഇടത്ഭാഗത്തുള്ള ചതുരത്തില്‍ ക്ളിക്ക് ചെയ്ത് ശരി മാര്‍ക്ക് രേഖപ്പെടുത്തണം. Save Button ക്ലിക്ക് ചെയ്താല്‍ അപേക്ഷ സമര്‍പ്പിച്ചു കഴിഞ്ഞു.അപ്പോള്‍ അപ്ളിക്കേഷന്‍ നമ്പര്‍, ബി.എല്‍.ഒ.യുടെ പേര്, ഫോണ്‍ നമ്പര്‍, എന്നിവ സ്ക്രീനില്‍ വരും. അത് എഴുതി എടുക്കാം. വേണമെങ്കില്‍ പ്രിന്‍റ് കോപ്പിയും കിട്ടും. അക്ഷയവഴിയാണെങ്കില്‍ 25 രൂപയാണ് നിശ്ചയിച്ചിരിക്കുന്ന ഫീസ്. ഇതില്‍ കൂടുതല്‍ തുക ഈടാക്കാന്‍ പാടില്ല.

നമ്മുടെ തിരിച്ചറിയല്‍ കാര്‍ഡിന്‍െറ ‘എഡിറ്റര്‍’ നാം തന്നെ!!

ഫോട്ടോ ഡൗണ്‍ലോഡ് ചെയ്ത് കഴിഞ്ഞാല്‍ നമുക്ക് ലഭിക്കാന്‍ പോകുന്ന തിരിച്ചറിയല്‍ കാര്‍ഡിന്‍െറ മോഡല്‍ വിന്‍ഡോവില്‍ പ്രത്യക്ഷപ്പെടും എന്നതാണ് മറ്റൊരു സവിശേഷത. അവ സൂക്ഷ്മമായി വായിച്ച് ക്രമപ്രകാരമല്ലെന്ന് ബോധ്യമുള്ള വിവരങ്ങള്‍ വീണ്ടും മാറ്റി ചേര്‍ക്കാന്‍ പുറകിലോട്ട് പോകാന്‍ അവസരമുണ്ട്. നമ്മുടെ തിരിച്ചറിയല്‍ കാര്‍ഡിന്‍െറ രുപം, അതിലെ വിവരം എങ്ങിനെയാവണമെന്ന് നമുക്ക് തന്നെ നിശ്ചയിക്കാവുന്ന സമ്പൂര്‍ണമായ സ്വാതന്ത്ര്യം ഈ സംവിധാനം നല്‍കുന്നു എന്നത് ചെറിയ കാര്യമല്ല. നമ്മുടെ രേഖയുടെ എഡിറ്റര്‍ നാം തന്നെ എന്ന് ബോധ്യപ്പെടുന്നതാണീ സംവിധാനം. മുമ്പൊക്കെ ദിവസങ്ങളോളം വില്ലേജ് ഓഫീസില്‍ പോയി ക്യൂ നിന്ന് രേഖപ്പെടുത്തിയ വിവരം അച്ചടിച്ചു വരുന്ന തിരിച്ചറിയല്‍ കാര്‍ഡില്‍ അബദ്ധങ്ങളായി മാറുന്ന അനുഭവം ധാരാളമാണ്. പുതിയ സംവിധാനത്തില്‍ അങ്ങിനെയൊന ഉണ്ടാവില്ല. അബദ്ധം ഉണ്ടായാല്‍ അതിന് ഉത്തരവാദി നാം തന്നെയാണ്.

ഹോം പേജിലെ Special Summary Revision 2015 List of Applications എന്ന ലിങ്കില്‍ പോയാല്‍ സമര്‍പ്പിച്ച അപേക്ഷ കാണാനാവും. പകര്‍പ്പ് പ്രിന്‍റ് ചെയ്യാനും കഴിയും. ഇങ്ങിനെ അപേക്ഷ കാണുന്നതും, പകര്‍പ്പ് എടുത്ത് സൂക്ഷമ പരിശോധന നടത്തുന്നതും നല്ലതാണ്. കാരണം, സമര്‍പ്പിച്ചു കഴിഞ്ഞ അപേക്ഷയില്‍ വീണ്ടും തിരുത്തലുകള്‍ വരുത്താനും ഒരു ലിങ്കുണ്ട്. Step 1 ല്‍ കയറിയാല്‍ Modify Application Details (For already registered users എന്ന ലിങ്കില്‍ പ്രവേശിച്ച് തിരുത്ത് നടത്താം. പക്ഷെ, അപേക്ഷിച്ച് 48 മണിക്കൂറിനകം ഇത് ചെയ്തിരിക്കണം.

കടപ്പാട് : മാധ്യമം

കണ്ണൂരിൽ കരസേന റിക്രൂട്ട്‌മെന്റ് റാലി.

noreply@blogger.com (Anonymous) — Mon, 3 Nov 2014 20:13:00 +0530

കോഴിക്കോട് ആർമി റിക്രൂട്ടിംഗ് ഓഫീസ് കണ്ണൂരിൽ കരസേന റിക്രൂട്ട്‌മെന്റ് റാലി നടത്തുന്നു. നവംബർ 5 മുതൽ 15വരെ മാങ്ങാട്ടുപറമ്പ് കെ.എ.പിനാലാം ബറ്റാലിയൻ ഗ്രൗണ്ടിലെ സർദാർ വല്ലഭായ് പട്ടേൽ സ്‌പോർട്‌സ് കോംപ്ലക്‌സിലാണ് റാലി. വിവിധ ദിവസങ്ങളിലായി കാസർകോഡ്, കണ്ണൂർ,വയനാട്,കോഴിക്കോട്, മലപ്പുറം,തൃശൂർ, പാലക്കാട് ജില്ലക്കാർക്കും മാഹി ലക്ഷദ്വീപ് തുടങ്ങിയ കേന്ദ്രഭരണ പ്രദേശങ്ങളിലുള്ളവർക്കും പങ്കെടുക്കാം. സോൾജ്യർ ജനറൽ ഡ്യൂട്ടി,ക്ലർക്ക്/സ്റ്റോർ കീപ്പർ ടെക്‌നിക്കൽ,സോൾജ്യർ ടെക്‌നിക്കൽ ആന്റ് നഴ്‌സിംഗ് അസിസ്റ്റന്റ്,നഴ്‌സിംഗ് അസിസ്റ്റന്റ് (നാവെറ്റ്), സോൾജ്യർ ട്രേഡ്‌സ്മാൻ വിഭാഗങ്ങളിലേക്കാണ് തിരഞ്ഞെടുപ്പ്. പങ്കെടുക്കുന്നവർ റാലി നടക്കുന്നതിന്റെ തലേദിവസം ഉച്ചയ്ക്ക് 12 മണിക്ക് ആവശ്യമായ രേഖകൾ സഹിതം റാലി സ്ഥലത്ത് ഹാജരാവണം. പ്രായം സോൾജ്യർ ജനറൽ ഡ്യൂട്ടി17 1/221വയസ്(05.11.1993നും 05.05.1997നും ഇടയിൽ ജനിച്ചവർ. മറ്റെല്ലാ തസ്തികകളിലേക്കും17 1/223 വയസ്.(05.11.1991നും05.05.1997നും ഇടയിൽ ജനിച്ചവർ).

നവംബർ 5: സോൾജ്യർ ട്രേഡ്‌സ്മൻകാസർകോഡ്, കണ്ണൂർ,വയനാട്,കോഴിക്കോട്, മലപ്പുറം,തൃശൂർ, പാലക്കാട് മാഹി ,ലക്ഷദ്വീപ്
നവംബർ 6: സോൾജ്യർ ടെക്‌നിക്കൽ ആന്റ് നഴ്‌സിംഗ് അസിസ്റ്റന്റ്,നഴ്‌സിംഗ് അസിസ്റ്റന്റ് മൃഗസംരക്ഷണം (നാവെറ്റ്)കാസർകോഡ്, കണ്ണൂർ,മലപ്പുറം
നവംബർ 7: സോൾജ്യർ ടെക്‌നിക്കൽ ആന്റ് നഴ്‌സിംഗ് അസിസ്റ്റന്റ്,നഴ്‌സിംഗ് അസിസ്റ്റന്റ് മൃഗസംരക്ഷണം (നാവെറ്റ്)വയനാട്,കോഴിക്കോട്,തൃശ്ശൂർ, പാലക്കാട്, മാഹി ,ലക്ഷദ്വീപ്
നവംബർ 8: സോൾജ്യർ ക്ലർക്ക്/സ്റ്റോർ കീപ്പർടെക്‌നിക്കൽകാസർകോഡ്, കണ്ണൂർ,മലപ്പുറം
നവംബർ 9: സോൾജ്യർ ക്ലർക്ക്/സ്റ്റോർ കീപ്പർടെക്‌നിക്കൽവയനാട്,കോഴിക്കോട്,തൃശ്ശൂർ, പാലക്കാട് മാഹി ,ലക്ഷദ്വീപ്
നവംബർ 10: സോൾജ്യർ ജനറൽ ഡ്യൂട്ടികണ്ണൂർ,വയനാട്,മാഹി, ലക്ഷദ്വീപ്
നവംബർ 11: സോൾജ്യർ ജനറൽ ഡ്യൂട്ടികോഴിക്കോട്, പാലക്കാട്, തൃശൂർ.
നവംബർ 12: സോൾജ്യർ ജനറൽ ഡ്യൂട്ടി കാസർകോഡ്,മലപ്പുറം

ശാരീരിക യോഗ്യതകൾ

സോൾജ്യർ ജനറൽ ഡ്യൂട്ടി,ട്രേഡ്‌സ്മൻ, നഴ്‌സിംഗ് അസിസ്റ്റന്റ്ഉയരം 166 സെ.മി.സോൾജ്യർ ടെക്‌നിക്കൽ165സെ.മിസോൾജ്യർ ക്ലർക്ക്/ സ്റ്റോർ കീപ്പർ ടെക്‌നിക്കൽ162സെ.മിതൂക്കം 50 കിലോഗ്രാം. നെഞ്ചളവ്: 77-82.സോൾജ്യർ ട്രേഡ്‌സ്മൻ48 കിലോ ഗ്രാം. നെഞ്ചളവ്:76-81 സെ.മി

യോഗ്യത:

സോൾജ്യർ ക്ലർക്ക്/ സ്റ്റോർ കീപ്പർ ടെക്‌നിക്കൽ:

ആർട്‌സ്, സയൻസ്,കോമേഴ്‌സ് എന്നീ എതെങ്കിലും വിഭാഗത്തിൽ എല്ലാ വിഷയങ്ങളിലും കൂടി 50 ശതമാനം മാർക്കോടെയും ഓരോ വിഷയത്തിനും 40 ശതമാനം മാർക്കോടെയും പ്ലസ്ടു അല്ലെങ്കിൽ ഇന്റർ മീഡിയറ്റ് പാസ്സായിരിക്കണം. ഢഒടഇ: പത്താംക്ലാസിൽകണക്കോ അക്കൗണ്ട്‌സോ തിരഞ്ഞെടുത്തവർക്ക് പാർട്ട് ഒന്നിലും രണ്ടിലും മൂന്നിലും മൊത്തം 50 ശതമാനാം മാർക്കും ഓരോ വിഷയത്തിനും കുറഞ്ഞത് 40 ശതമാനം മാർക്കും ഉണ്ടായിരിക്കണം. ബിരുദമുണ്ടെങ്കിൽ വി.എച്ച്.എസ്.സി പാസായാൽ മതി. അല്ലെങ്കിൽ പത്താം ക്ലാസിൽ കണക്കിനോ അക്കൗണ്ട്‌സിനോ യോഗ്യതയുള്ളവർ.

സോൾജ്യർ ടെക്‌നിക്കൽ:

പ്ലസ് ടു അല്ലെങ്കിൽ തത്തുല്യം. കെമിസ്ട്രി, ഫിസക്‌സ്, മാത്സ്, ഇംഗ്ലീഷ്45 ശതമാനം മാർക്കോടെ പഠിച്ചിരിക്കണം. അല്ലെങ്കിൽ വി.എച്ച്.എസ്.സി പാർട്ട് ഒന്നും രണ്ടും പാർട്ട് മൂന്നിലെ ഗ്രൂപ്പ് ഒന്നും വിജയിച്ചിരിക്കണം.

സോൾജ്യർ ജനറൽ ഡ്യൂട്ടി:

എസ്.എസ്.എൽ.സി 45 ശതമാനം മാർക്കോടെ പാസായിരിക്കണം. ഓരോ വിഷയങ്ങളിലും കുറഞ്ഞത് 33 ശതമാനംമാർക്ക് നേടിയിരിക്കണം. ഉയർന്ന യോഗ്യതയുള്ളവർക്ക് മാർക്ക് നിബന്ധന ബാധകമല്ല. ലക്ഷദ്വീപുകാർക്ക് സാധാരണ ജയം മതി. എസ്.ടി വിഭാഗക്കാർക്ക് എട്ടാം തരം സാധാരണ ജയം മതി.
സോൾജ്യർ ട്രേഡ്‌സ്‌മെൻപത്താംക്ലാസ്/എട്ടാം ക്ലാസ് ജയം

സോൾജ്യർ നഴ്‌സിംഗ് അസിസ്റ്റന്റ് (നാവെറ്റ്)

ഫിസിക്‌സ്, കെമിസ്ട്രി,ബയോളജി, ഇംഗ്ലീഷ് ഉൾപ്പെട്ട സയൻസിൽ മൊത്തം 50 ശതമാനം മാർക്കോടെയുംഓരോ വിഷയത്തിനും 40 ശതമാനം മാർക്കോടെയും പ്ലസ്ടു അല്ലെങ്കിൽ ഇന്റർമീഡിയറ്റ് പാസായിരിക്കണം. ബോട്ടണി/ സുവോളജി/ബയോ സയൻസിൽ ബിരുദവും ഇംഗ്ലീഷിൽ സാധാരണ പാസും നേടിയവരുടെ പ്ലസ്ടു മാർക്ക് പരിഗണിക്കില്ല. എങ്കിലും ഈ നാലു വിഷയങ്ങൾ പ്ലസ് ടുവിന് പഠിച്ചിരിക്കണം. അല്ലെങ്കിൽ വി.എച്ച്.എസ്.സി പാർട്ട് ഒന്നിലും രണ്ടിലും പാർട്ട് മൂന്നിൽ ഗ്രൂപ്പിൽ രണ്ടിലും മൂന്നിലും മൊത്തം 50 ശതമാനം മാർക്കും ഓരോവിഷയത്തിനും കുറഞ്ഞത് 40 ശതമാനം മാർക്കും ഉണ്ടായിരിക്കണം.

കായിക ക്ഷമത പരീക്ഷ:

1.6 കി.മി ഓട്ടം6 മിനുട്ട് 20 സെക്കൻഡിനുള്ളിൽപുൾ അപ്പ്: മിനിമം 6സിഗ് സാഗ് ബാലൻസ്ലോംഗ് ജമ്പ്9 അടിറാലിയിൽ തിരഞ്ഞെടുക്കപ്പെടുന്നവർക്ക് എഴുത്തു പരീക്ഷയും ഉണ്ടായിരിക്കും.ഫോൺ : 0495 2383953

വെല്‍ഫയര്‍ പാര്‍ട്ടി യൂണിറ്റ് സമ്മേളനം.

noreply@blogger.com (Anonymous) — Mon, 13 Oct 2014 20:14:00 +0530

ചെറുപുത്തൂര്‍: അഴിമതി ഇല്ലാത്ത നാടിനും ജനപക്ഷ വികസനത്തിനും വേണ്ടി ജനങ്ങള്‍ കൈ കോര്‍ക്കണമെന്ന് വെല്‍ഫയര്‍ പാര്‍ട്ടി ചെറുപുത്തൂര്‍ യൂണിറ്റ് സമ്മേളനം ആവശ്യപ്പെട്ടു. മലപ്പുറം മണ്ഡലം പ്രസിഡണ്ട് ഷഫീഖ് അഹമ്മദ് ഉദ്ഘടനം നിര്‍വ്വഹിച്ച സമ്മേളനത്തില്‍ ജില്ലാ പ്രസിഡണ്ട് നാസര്‍ കീഴുപറമ്പ്, മണ്ഡലം വൈസ് പ്രസിഡണ്ട് ജോര്‍ജ് തോമസ് തുടങ്ങിയവര്‍ സംസാരിച്ചു. സമ്മേളനത്തിന്റെ ഭാഗമായി 'ഭാവി ചെറുപുത്തൂര്‍ : പ്രതീക്ഷകളും ആശങ്കകളും' എന്ന വിഷയത്തില്‍ പൊതു ചര്‍ച്ച സംഘടിപ്പിച്ചു. ചര്‍ച്ചയില്‍ ടിപി അബ്ദുറഹ്മാന്‍ മാസ്റ്റര്‍, സി അലവിക്കുട്ടി, ജസീന തെക്കേടത്ത്, അര്‍ജുന്‍ സി, മുഹമ്മദ്‌ മുത്തു, കെ അബ്ദുറഹ്മാന്‍ മാസ്റര്‍, യുപി സമദ്, എകെ ഷാജഹാന്‍, ഹുസൈന്‍ മാസ്റ്റര്‍ എന്നിവര്‍ സംസാരിച്ചു. ചെറി മുഹമ്മദ് അധ്യക്ഷത വഹിച്ച ചടങ്ങില്‍ ഡോ. ഷര്‍ജാന്‍ അഹമ്മദ്, വിഷ്ണു കേശവ് എന്നിവരെ ആദരിച്ചു. അഹമ്മദ് ഹുസൈന്‍ സ്വാഗതവും മുഷ്താഖ് നന്ദിയും പറഞ്ഞു. സമ്മേളനത്തിന്റെ ഭാഗമായി കലാപരിപാടികളും നടന്നു.

സ്വാതന്ത്ര്യദിനാഘോഷം

noreply@blogger.com (Anonymous) — Mon, 8 Sep 2014 19:57:00 +0530

ചെറുപുത്തൂര്‍ : പുല്‍പ്പറ്റ ഗ്രാമപഞ്ചായത്ത് ഗവ. ഹോമിയോ ഡിസ്പെന്‍സറിയും ടീന്‍-ഇന്ത്യ ചെറുപുത്തൂര്‍ യൂണിറ്റും സംയൂക്തമായി സ്വാതന്ത്ര്യദിനം വിവിധ പരിപാടികളോടെ ആഘോഷിച്ചു. വാര്‍ഡ് മെമ്പര്‍ പി.സി. അബ്ദുറഹ്മാന്‍ ഉദ്ഘാടനം നിര്‍വഹിച്ച പരിപാടിയില്‍ മെഡിക്കല്‍ ഓഫീസര്‍ ഡോ. ഷര്‍ജാന്‍ അഹമ്മദ് അധ്യക്ഷത വഹിച്ചു. ബ്രിട്ടീഷ് ഭരണകാലത്തെ അനുഭവശകലങ്ങള്‍ ചെറുപുത്തൂര്‍ സ്കൂള്‍ റിട്ട : ഹെഡ്മാസ്റ്റര്‍ ടി.പി. മമ്മദ്കുട്ടി സദസ്സില്‍ വിശദീകരിച്ചു. പ്രവാസി പ്രതിനിധി ചെമ്പന്‍ മുഹമ്മദ് ആശംസകള്‍ നേര്‍ന്നു. പരിപാടികളുടെ ഭാഗമായി ആശുപത്രി പരിസരത്ത് ടീന്‍-ഇന്ത്യ യൂണിറ്റിന്റെ തണല്‍ വൃക്ഷത്തൈ നട്ടു. ടീന്‍ ഇന്ത്യ രക്ഷാധികാരി ടി.പി സാലിഹ് ഹുസൈന്‍ സ്വാഗതവും യൂണിറ്റ് സെക്രട്ടറി റെജി നെഷാത്ത് നന്ദിയും പറഞ്ഞു.

സ്വാതന്ത്ര്യദിന സമ്മേളനവും ഗസ്സ ഐക്യദാര്‍ഢ്യ സംഗമവും.

noreply@blogger.com (Anonymous) — Tue, 19 Aug 2014 21:57:00 +0530

ചെറുപുത്തൂര്‍ : വെല്‍ഫയര്‍ പാര്‍ട്ടി ഓഫ് ഇന്ത്യ ചെറുപുത്തൂര്‍ യൂണിറ്റിന്റെ ആഭിമുഖ്യത്തില്‍ സ്വാതന്ത്ര്യദിന സമ്മേളനവും ഗസ്സ ഐക്യദാര്‍ഢ്യ സംഗമവും സ്ഥലം സ്കൂള്‍ ഹാളില്‍ സംഘടിപ്പിച്ചു. പരിപാടിയുടെ ഉദ്ഘാടനം വെല്‍ഫയര്‍ പാര്‍ട്ടി ജില്ലാ സെക്രട്ടറി ശ്രീ. കൃഷ്ണന്‍ കുനിയില്‍ നിര്‍വഹിച്ചു. ഇന്ത്യയിലെ അധസ്ഥിതരുടെയുംഅശരണരുടെയും അവകാശ ധ്വംസനങ്ങള്‍ക്കും നീതിനിഷേധങ്ങള്‍ക്കുമെതിരെ നില്‍ക്കുന്നതോടൊപ്പം ഫലസ്തീനടക്കമുള്ള മര്‍ദ്ദിതരും പീഡിതരുമായ ജനവിഭാഗങ്ങള്‍ക്കു വേണ്ടിയും ശബ്ദിച്ചു കൊണ്ടിരിക്കുന്ന ഒരു മനുഷ്യാവകാശ പ്രസ്ഥാനം കൂടിയാണ് വെല്‍ഫയര്‍ പാര്‍ട്ടി എന്നും അതില്‍ അണിചേരുന്നത് ലോകസമാധാനത്തിന് തന്നെ അനിവാര്യമാണെന്നും തന്റെ ഉദ്ഘാടനപ്രസംഗത്തില്‍ അദ്ദേഹം പറഞ്ഞു. ഫലസ്തീനെ അനുസ്മരിച്ചുകൊണ്ടാല്ലാതെ ഒരിന്ത്യക്കാരന് സ്വാതന്ത്ര്യദിനം ആഘോഷിക്കാന്‍ സാധിക്കില്ലെന്ന് ഫലസ്തീന്‍ന്റെ മണ്ണില്‍ അന്ത്യവിശ്രമം കൊള്ളുന്ന മൗലാനാ മുഹമ്മദലിയുടെ സ്വാതന്ത്ര്യസമര ചരിത്രം വിശദീകരിച്ചുകൊണ്ട് ഐക്യദാര്‍ഢ്യ പ്രഭാഷണം നടത്തിയ ശിഹാബ് പൂക്കോട്ടൂര്‍ പറഞ്ഞു. സംഗമത്തില്‍ വിവിധ രാഷ്ട്രീയ പാര്‍ട്ടി പ്രതിനിധികള്‍ പങ്കെടുത്തു. കെ ചെറിയ മുഹമ്മദ് അധ്യക്ഷത വഹിച്ച സംഗമത്തില്‍ ടിപി അഹമ്മദ് ഹുസൈന്‍ സ്വാഗതവും സി മുഷ്താഖ് നന്ദിയും പറഞ്ഞു.

ഹയര്‍ സെക്കന്‍ഡറി പാസായവര്‍ക്ക് കേന്ദ്രസര്‍ക്കാര്‍ വകുപ്പുകളില്‍ അവസരം.

noreply@blogger.com (Anonymous) — Tue, 12 Aug 2014 20:42:00 +0530

വിവിധ കേന്ദ്രസര്‍ക്കാര്‍ വകുപ്പുകളില്‍ ഗ്രൂപ് സി തസ്തികകളിലെ നിയമനത്തിന് സ്റ്റാഫ് സെലക്ഷന്‍ കമീഷന്‍ നടത്തുന്ന കമ്പൈന്‍ഡ് ഹയര്‍ സെക്കന്‍ഡറി പരീക്ഷക്ക് അപേക്ഷ ക്ഷണിച്ചു. ഡാറ്റ എന്‍ട്രി ഓപറേറ്ററുടെ 1006 ഒഴിവും ലോവര്‍ ഡിവിഷന്‍ ക്ളര്‍ക്കിന്‍െറ 991 ഒഴിവുമാണുള്ളത്. 12ാം ക്ളാസ് വിജയിച്ചിരിക്കണം. ഫലം കാത്തിരിക്കുന്നവര്‍ക്കും അപേക്ഷിക്കാം. 1987 ആഗസ്റ്റ് രണ്ടിനും 1996 ആഗസ്റ്റ് ഒന്നിനും ഇടയില്‍ ജനിച്ചവരായിരിക്കണം. ഒ.ബി.സി വിഭാഗക്കാര്‍ക്ക് മൂന്നും എസ്.സി, എസ്.ടി വിഭാഗക്കാര്‍ക്ക് അഞ്ചും ശാരീരികവെല്ലുവിളികള്‍ നേരിടുന്നവര്‍ക്ക് 10ഉം വര്‍ഷം വീതം വയസ്സിളവ് ലഭിക്കും. നവംബര്‍ രണ്ടിനും ഒമ്പതിനുമാണ് പരീക്ഷ. കേരള/കര്‍ണാടക റീജിയനു കീഴില്‍ തിരുവനന്തപുരം, കൊച്ചി, തൃശൂര്‍, കോഴിക്കോട് എന്നിവിടങ്ങളില്‍ പരീക്ഷാകേന്ദ്രങ്ങളുണ്ട്. 100 രൂപയാണ് അപേക്ഷാഫീസ്. വനിതകള്‍ക്കും എസ്.സി, എസ്.ടി വിഭാഗക്കാര്‍ക്കും ശാരീരികവെല്ലുവിളികള്‍ നേരിടുന്നവര്‍ക്കും അപേക്ഷാഫീസില്ല.
ഓണ്‍ലൈനായും ഓഫ്ലൈനായും അപേക്ഷിക്കാം. ഓ‌ഫ്‌ലൈനായി അപേക്ഷിക്കുന്നവര്‍ sc.nic.in, ssckkr.kar.nic.in എന്നീ വെബ്സൈറ്റുകളില്‍നിന്ന് അപേക്ഷയുടെയും മറ്റ് ഫോറങ്ങളുടെയും മാതൃകയടക്കം വിജ്ഞാപനം ഡൗണ്‍ലോഡ് ചെയ്തെടുത്ത് അപേക്ഷ തപാലില്‍ അയക്കണം. കേരള/കര്‍ണാടക റീജിയനുകളില്‍പെട്ട അപേക്ഷാര്‍ഥികള്‍ Regional Director (KKR), Staff Selection Commission, Ist Floor, E wing, Kendriya sadan, Koramangala, Bangalore, Karnataka -560034 വിലാസത്തിലാണ് അയക്കേണ്ടത്. അപേക്ഷ ലഭിക്കേണ്ട അവസാന തീയതി ആഗസ്റ്റ് 19. ഓണ്‍ലൈനായി അപേക്ഷിക്കേണ്ട അവസാന തീയതിയും ആഗസ്റ്റ് 19 ആണ്.
ഓൺലൈനായി അപേക്ഷിക്കുന്നവ൪ എസ്.എസി.സിയുടെ http://ssconline.nic.in , http://ssconline2.gov.in എന്നീ വെബ്സൈറ്റ് വഴി അപേക്ഷ സമ൪പ്പിക്കുക. രണ്ട് ഘട്ടമായാണ് അപേക്ഷ. ആദ്യ ഘട്ടത്തിൽ അടിസ്ഥാനവിവരങ്ങളും വിദ്യാഭ്യാസ യോഗ്യതകളും ലഭിക്കണ്ട പോസ്റ്റുകളുടെ ക്രമവും (L for LDC & D for DEO) നൽകാം. ഇത്രയും കാര്യങ്ങൾ നൽകിക്കഴിയുമ്പോൾ രജിസ്ട്രേഷൻ നമ്പ൪ സ്ക്രീനിൽ കാണിക്കും. ഇത് കുറിച്ചെടുക്കണം. പിന്നീട് ലോഗിൻ ചെയ്യുന്നത് ഈ നമ്പരും ജനനത്തീയതിയും ഉപയോഗിച്ചാണ്. ഇത്രയുമാകുമ്പോൾ അപേക്ഷ കഴിഞ്ഞു എന്ന് വിചാരിക്കരുത്. ഘട്ടങ്ങൾ ഇനിയും ബാക്കിയാണ്. അടുത്തതായി ഫോട്ടോയും ഒപ്പും Upload ചെയ്യണം. ഇത്അപേക്ഷിയ്ക്കുന്നതിനുമുൻപേ കരുതണം. ഫോട്ടോയുടെ വലിപ്പം 100 (width) X 120 (height) Pixel, സൈസ് 4kbയിൽ കുറയാനോ 12kbയിൽ കൂടാനോ പാടില്ല. ഒപ്പിന്റെ വലിപ്പം 140 (width) X 60 (height) Pixel, സൈസ് 1kbയ്ക്കും 12kbയ്ക്കും ഇടയിൽ. ഫോട്ടോയും ഒപ്പും JPG ഫോ൪മാറ്റിലായിരിക്കണം. അടുത്ത ഘട്ടമായി ഫീസ് അടയ്ക്കാം. ഫീസ് അടയ്ക്കുവാൻ ഓൺലൈനായും സൗകര്യമുണ്ട്.വിശദവിവരങ്ങള്‍ക്ക് ssc.nic.in, ssckkr.kar.nic.in എന്നിവ കാണുക.

സിവില്‍ സര്‍വീസ് പരീക്ഷ: അപേക്ഷ ജൂണ്‍ 30 വരെ.

noreply@blogger.com (Anonymous) — Mon, 9 Jun 2014 16:22:00 +0530

സിവില്‍ സര്‍വീസ് വിജ്ഞാപനമായി. പ്രിലിമിനറി പരീക്ഷ ആഗസ്റ്റ് 24ന്
ഉയര്‍ന്ന പ്രായപരിധി 32 വയസ്സ് പൊതുവിഭാഗത്തിന് ആറ് തവണ പരീക്ഷയെഴുതാം. തിരുവനന്തപുരത്തിനും കൊച്ചിക്കും പുറമേ കോഴിക്കോടും പരീക്ഷാകേന്ദ്രം.

രാജ്യത്തെ ഭരണസംവിധാനത്തിന്‍െറ നട്ടെല്ലായ സിവില്‍ സര്‍വീസില്‍
പ്രവേശിക്കാനുള്ള പരീക്ഷാ നടപടികള്‍ക്ക് തുടക്കമായി. സിവില്‍ സര്‍വീസിലേക്കുള്ള ആദ്യ കടമ്പയായ പ്രിലിമിനറി പരീക്ഷക്കുള്ള വിജ്ഞാപനം യു.പി.എസ്.സി പ്രസിദ്ധീകരിച്ചു. ഇന്ത്യന്‍ ഫോറസ്റ്റ് സര്‍വീസിലേക്കും ഇതോടൊപ്പം അപേക്ഷ ക്ഷണിച്ചിട്ടുണ്ട്. ഇത് തെരഞ്ഞെടുക്കുന്നവരും സിവില്‍ സര്‍വീസ് പ്രിലിമിനറി പരീക്ഷ എഴുതേണ്ടതാണ്. പ്രിലിമിനറി പരീക്ഷയില്‍ ലഭിക്കുന്ന മാര്‍ക്കിന്‍െറ അടിസ്ഥാനത്തിലാണ് ഇന്ത്യന്‍ ഫോറസ്റ്റ് സര്‍വീസിലേക്കുള്ള മെയിന്‍ പരീക്ഷയുടെയും റാങ്ക് ലിസ്റ്റ് തയാറാക്കുന്നത്. ആഗസ്റ്റ് 24നാണ് സിവില്‍ സര്‍വീസ് പ്രിലിമിനറി പരീക്ഷ. www.upsconline.nic.in ല്‍ ഓണ്‍ലൈനായാണ് അപേക്ഷിക്കേണ്ടത്. അപേക്ഷിക്കുന്നതിനുള്ള വിശദമായ നിര്‍ദേശങ്ങള്‍ വെബ്സൈറ്റിലുണ്ട്. ഓണ്‍ലൈനായി അപേക്ഷ സമര്‍പ്പിക്കേണ്ട അവസാന തീയതി ജൂണ്‍ 30. പരീക്ഷക്ക് മൂന്നാഴ്ച മുമ്പ് യോഗ്യരായ ഉദ്യോഗാര്‍ഥികള്‍ക്ക് അഡ്മിഷന്‍ ടിക്കറ്റ് www.upsc.gov.in എന്ന വെബ്സൈറ്റില്‍ ലഭ്യമാകും. അഡ്മിഷന്‍ ടിക്കറ്റ് തപാലില്‍ അയക്കുന്നതല്ല.

സിവില്‍ സര്‍വീസ് പരീക്ഷ ഏതൊക്കെ സര്‍വീസുകളിലേക്ക്
താഴെ പറയുന്ന അഖിലേന്ത്യാ സര്‍വീസുകളിലേക്കാണ് സിവില്‍ സര്‍വീസ് പരീക്ഷ നടക്കുന്നത്.

ഇന്ത്യന്‍ അഡ്മിനിസ്ട്രേറ്റിവ് സര്‍വീസ്
ഇന്ത്യന്‍ ഫോറിന്‍ സര്‍വീസ്
ഇന്ത്യന്‍ പൊലീസ് സര്‍വീസ്
ഇന്ത്യന്‍ പി ആന്‍ഡ് ടി അക്കൗണ്ട്സ് ആന്‍ഡ് ഫിനാന്‍സ് സര്‍വീസ് ഗ്രൂപ് ‘എ’
ഇന്ത്യന്‍ ഓഡിറ്റ് ആന്‍ഡ് അക്കൗണ്ട്സ് സര്‍വീസ് ഗ്രൂപ് ‘എ’,
ഇന്ത്യന്‍ റവന്യൂ സര്‍വീസ് (കസ്റ്റംസ് ആന്‍ഡ് സെന്‍ട്രല്‍ എക്സൈസ്) ഗ്രൂപ്പ് ‘എ’
ഇന്ത്യന്‍ ഡിഫന്‍സ് അക്കൗണ്ട്സ് സര്‍വീസ് ഗ്രൂപ് ‘എ’
ഇന്ത്യന്‍ റവന്യൂ സര്‍വീസ് (ഐ.ടി) ഗ്രൂപ് ‘എ’
ഇന്ത്യന്‍ ഓര്‍ഡനന്‍സ് ഫാക്ടറീസ് സര്‍വീസ്, ഗ്രൂപ് ‘എ’ (അസിസ്റ്റന്‍റ് വര്‍ക്സ് മാനേജര്‍, അഡ്മിനിസ്ട്രേഷന്‍)
ഇന്ത്യന്‍ പോസ്റ്റല്‍ സര്‍വീസ് ഗ്രൂപ് ‘എ’
ഇന്ത്യന്‍ സിവില്‍ അക്കൗണ്ട്സ് സര്‍വീസ് ഗ്രൂപ് ‘എ’
ഇന്ത്യന്‍ റെയില്‍വേ ട്രാഫിക് സര്‍വീസ് ഗ്രൂപ് ‘എ’
ഇന്ത്യന്‍ റെയില്‍വേ അക്കൗണ്ട്സ് സര്‍വീസ് ഗ്രൂപ് ‘എ’
ഇന്ത്യന്‍ റെയില്‍വേ പേഴ്സനല്‍ സര്‍വീസ് ഗ്രൂപ് ‘എ’
പോസ്റ്റ് ഓഫ് അസിസ്റ്റന്‍റ് സെക്യൂരിറ്റി കമീഷണര്‍ ഇന്‍ റെയില്‍വേ പ്രൊട്ടക്ഷന്‍ ഫോഴ്സ് ഗ്രൂപ് ‘എ’
ഇന്ത്യന്‍ ഡിഫന്‍സ് എസ്റ്റേറ്റ്സ് സര്‍വീസ് ഗ്രൂപ് ‘എ'
ഇന്ത്യന്‍ ഇന്‍ഫര്‍മേഷന്‍ സര്‍വീസ് (ജൂനിയര്‍ ഗ്രേഡ്) ഗ്രൂപ് ‘എ’
ഇന്ത്യന്‍ ട്രേഡ് സര്‍വീസ് ഗ്രൂപ്പ് ‘എ’ (ഗ്രേഡ് III)
ഇന്ത്യന്‍ കോര്‍പറേറ്റ് ലോ സര്‍വീസ് ‘ഗ്രൂപ് എ’
ആംഡ് ഫോഴ്സസ് ഹെഡ്ക്വാര്‍ട്ടേഴ്സ് സിവില്‍ സര്‍വീസ് ഗ്രൂപ് ‘ബി’ (സെക്ഷന്‍ ഓഫിസേഴ്സ് ഗ്രേഡ്)
ഡല്‍ഹി, അന്തമാന്‍- നികോബാര്‍ ഐലന്‍റ്സ്, ലക്ഷദ്വീപ്, ദാമന്‍- ദിയു ആന്‍ഡ് ദാദ്രാ-നാഗര്‍ഹവേലി സിവില്‍ സര്‍വീസ് ഗ്രൂപ് ‘ബി’
ഡല്‍ഹി, അന്തമാന്‍-നികോബാര്‍ ഐലന്‍റ്സ്, ലക്ഷദ്വീപ്, ദാമന്‍-ദിയു ആന്‍ഡ് ദാദ്രാ -നാഗര്‍ഹവേലി പൊലീസ് സര്‍വീസ്, ഗ്രൂപ് ‘ബി’
പുതുച്ചേരി സിവില്‍ സര്‍വീസ്, ഗ്രൂപ് ‘ബി’.

ഒഴിവുകള്‍

സിവില്‍ സര്‍വീസില്‍ ഏകദേശം 1291 ഒഴിവുകളാണ് കണക്കാക്കപ്പെടുന്നത്. ഇതില്‍ മാറ്റം വരാം. പട്ടികജാതി, പട്ടികവര്‍ഗ, ഒ.ബി.സി വിഭാഗക്കാര്‍ക്കും ശാരീരികവൈകല്യങ്ങള്‍ നേരിടുന്നവര്‍ക്കും നിയമാനുസൃതമായ ഇളവ് ലഭിക്കും. ഇന്ത്യന്‍ ഫോറസ്റ്റ് സര്‍വീസില്‍ 85 ഒഴിവുകളാണ് കണക്കാക്കിയിട്ടുള്ളത്.

കേരളത്തിലെ പരീക്ഷാ കേന്ദ്രങ്ങള്‍

കോഴിക്കോടും കൊച്ചിയും തിരുവനന്തപുരവുമാണ് കേരളത്തിലെ പരീക്ഷാകേന്ദ്രങ്ങള്‍. ആദ്യം അപേക്ഷിക്കുന്നവര്‍ക്ക് ആദ്യം എന്ന രീതിയിലായിരിക്കും സെന്‍റര്‍ അനുവദിക്കുക.

പരീക്ഷയുടെ ഘടന

രണ്ടു ഘട്ടങ്ങളായാണ് സിവില്‍ സര്‍വീസ് പരീക്ഷ നടക്കുക. പ്രിലിമിനറിയാണ് ആദ്യ ഘട്ടം. ഇതില്‍ വിജയിക്കുന്നവര്‍ക്കാണ് രണ്ടാം ഘട്ടമായ മെയിന്‍ പരീക്ഷ എഴുതാന്‍ കഴിയുക. മെയിന്‍ പരീക്ഷയില്‍ നിശ്ചിത മാര്‍ക്ക് ലഭിക്കുന്നവരെ ഇന്‍റര്‍വ്യൂവിന് ക്ഷണിക്കും. പ്രിലിമിനറി പരീക്ഷക്കാണ് ഇപ്പോള്‍ അപേക്ഷ ക്ഷണിച്ചിരിക്കുന്നത്. പ്രിലിമിനറി പരീക്ഷയില്‍ വിജയിക്കുന്നവര്‍ മെയിന്‍ പരീക്ഷക്ക് വീണ്ടും ഓണ്‍ലൈനായി അപേക്ഷിക്കണം.

പ്രിലിമിനറി

പ്രിലിമിനറി പരീക്ഷക്ക് ഒബ്ജക്റ്റീവ് മാതൃകയിലുള്ള രണ്ട് പേപ്പറുകളാണുള്ളത്. ഓരോ പേപ്പറിനും 200 മാര്‍ക്ക് വീതമാണുണ്ടാവുക. രണ്ടു മണിക്കൂറായിരിക്കും സമയം. ചോദ്യപേപ്പര്‍ ഇംഗ്ളീഷിലും ഹിന്ദിയിലുമുണ്ടാകും. പ്രിലിമിനറി പരീക്ഷ ഒരു സ്ക്രീനിങ് ടെസ്റ്റ് മാത്രമാണ്. ഇതിലെ മാര്‍ക്ക് അടുത്തഘട്ടങ്ങളില്‍ പരിഗണിക്കുകയില്ല. ഈ വര്‍ഷം വിവിധ സര്‍വീസുകളിലും പോസ്റ്റുകളിലുമുള്ള ഒഴിവുകളുടെ 12 മുതല്‍ 13 ഇരട്ടിവരെ ഉദ്യോഗാര്‍ഥികളെയാണ് മെയിന്‍ പരീക്ഷക്ക് തെരഞ്ഞെടുക്കുക. മെയിന്‍ പരീക്ഷയുടെ എഴുത്തുപരീക്ഷക്ക് നിശ്ചിത മാര്‍ക്ക് നേടുന്നവരെയാണ് അഭിമുഖത്തിന് ക്ഷണിക്കുക. മെയിന്‍ പരീക്ഷയുടെ എഴുത്തുപരീക്ഷയിലും അഭിമുഖത്തിലും ലഭിക്കുന്ന മാര്‍ക്കാണ് അന്തിമ റാങ്കിങ്ങിന് പരിഗണിക്കുന്നത്. റാങ്കും ഉദ്യോഗാര്‍ഥിയുടെ അഭിരുചിയും പരിഗണിച്ചാണ് വ്യത്യസ്ത സര്‍വീസുകളിലേക്ക് നിയമനം ലഭിക്കുന്നത്.

മെയിന്‍

മെയിന്‍ പരീക്ഷയുടെ എഴുത്തുപരീക്ഷക്ക് ഒമ്പതു പേപ്പറുകളാണുള്ളത്. ഇതില്‍ രണ്ടെണ്ണം യോഗ്യതാ പേപ്പറുകളാണ്. ഇവയുടെ മാര്‍ക്ക് അന്തിമ റാങ്ക് ലിസ്റ്റ് തയാറാക്കുന്നതിന് പരിഗണിക്കില്ല.

യോഗ്യതാ പേപ്പറുകള്‍:

പേപ്പര്‍ A: ഭരണഘടനയുടെ എട്ടാം ഷെഡ്യൂളില്‍ ഉള്‍പ്പെട്ട ഇന്ത്യന്‍ ഭാഷകളിലൊന്ന് തെരഞ്ഞെടുക്കണം-300 മാര്‍ക്ക്.
പേപ്പര്‍ B: ഇംഗ്ളീഷ് -300 മാര്‍ക്ക്
റാങ്ക് ലിസ്റ്റ് തയാറാക്കുന്നതിന് പരിഗണിക്കുന്ന പേപ്പറുകള്‍:
പേപ്പര്‍ I:
ഉപന്യാസം 250 മാര്‍ക്ക്
പേപ്പര്‍ II
ജനറല്‍ സ്റ്റഡീസ് I -250 മാര്‍ക്ക്
(ഇന്ത്യന്‍ ഹെറിറ്റേജ് ആന്‍ഡ് കള്‍ച്ചര്‍, ഹിസ്റ്ററി ആന്‍ഡ് ജ്യോഗ്രഫി ഓഫ് ദ വേള്‍ഡ് ആന്‍ഡ് സൊസൈറ്റി)
പേപ്പര്‍ III:
ജനറല്‍ സ്റ്റഡീസ് II -250 മാര്‍ക്ക്
(ഗവേണന്‍സ്, കോണ്‍സ്റ്റിറ്റ്യൂഷന്‍, പൊളിറ്റി, സോഷ്യല്‍ ജസ്റ്റിസ് ആന്‍ഡ് ഇന്‍റര്‍നാഷനല്‍ റിലേഷന്‍സ്)
പേപ്പര്‍ IV:
ജനറല്‍ സ്റ്റഡീസ് III -250 മാര്‍ക്ക്
(ടെക്നോളജി, ഇക്കണോമിക് ഡെവലപ്മെന്‍റ്, ബയോഡൈവേഴ്സിറ്റി, എന്‍വയണ്‍മെന്‍റ്, സെക്യൂരിറ്റി ആന്‍ഡ് ഡിസാസ്റ്റര്‍ മാനേജ്മെന്‍റ്)
പേപ്പര്‍ V:
ജനറല്‍ സ്റ്റഡീസ് IV -250 മാര്‍ക്ക്
(എത്തിക്സ്, ഇന്‍റഗ്രിറ്റി ആന്‍ഡ് ആപ്റ്റിറ്റ്യൂഡ്)
പേപ്പര്‍ VI:
ഓപ്ഷനല്‍ സബ്ജക്റ്റ് -പേപ്പര്‍ 1 -250 മാര്‍ക്ക്
പേപ്പര്‍ VII:
ഓപ്ഷനല്‍ സബ്ജക്റ്റ് -പേപ്പര്‍ 2 -250 മാര്‍ക്ക്
ആകെ മാര്‍ക്ക് (എഴുത്തുപരീക്ഷ) -1750 മാര്‍ക്ക്
പേഴ്സനാലിറ്റി ടെസ്റ്റ്: 275 മാര്‍ക്ക്
ഗ്രാന്‍ഡ് ടോട്ടല്‍: 2025 മാര്‍ക്ക്

താഴെപ്പറയുന്ന പട്ടികയില്‍നിന്നും ഏതു വിഷയവും അപേക്ഷാര്‍ഥിക്ക് ഓപ്ഷനല്‍ വിഷയമായി തെരഞ്ഞെടുക്കാം. മെറിറ്റ് റാങ്കിങ്ങിന് പേപ്പര്‍ I മുതല്‍ VII വരെയുള്ളതിന്‍െറ മാര്‍ക്ക് പരിഗണിക്കും.
മെയിന്‍ പരീക്ഷക്കുള്ള ഓപ്ഷനല്‍ വിഷയങ്ങള്‍:
1. അഗ്രികള്‍ചര്‍ 2. ആനിമല്‍ ഹസ്ബന്‍ററി ആന്‍ഡ് വെറ്ററിനറി സയന്‍സ് 3. ആന്ത്രപ്പോളജി 4. ബോട്ടണി 5. കെമിസ്ട്രി 6. സിവില്‍ എന്‍ജിനീയറിങ് 7. കൊമേഴ്സ് ആന്‍ഡ് അക്കൗണ്ടന്‍സി 8. ഇക്കണോമിക്സ് 9. ഇലക്ട്രിക്കല്‍ എന്‍ജിനീയറിങ് 10. ജിയോഗ്രഫി 11. ജിയോളജി 12. ഹിസ്റ്ററി 13. ലോ 14. മാനേജ്മെന്‍റ് 15. മാത്തമാറ്റിക്സ്, 16. മെക്കാനിക്കല്‍ എന്‍ജിനീയറിങ് 17. മെഡിക്കല്‍ സയന്‍സ് 18. ഫിലോസഫി 19. ഫിസിക്സ് 20. പൊളിറ്റിക്കല്‍ സയന്‍സ് ആന്‍ഡ് ഇന്‍റര്‍നാഷനല്‍ റിലേഷന്‍സ് 21. സൈക്കോളജി 22. പബ്ളിക് അഡ്മിനിസ്ട്രേഷന്‍ 23. സോഷ്യോളജി 24. സ്റ്റാറ്റിസ്റ്റിക്സ് 25. സുവോളജി 26. താഴെപ്പറയുന്ന ഭാഷകളുടെ സാഹിത്യം:
അസമീസ്, ബംഗാളി, ബോഡോ, ഡോഗ്രി, ഗുജറാത്തി, ഹിന്ദി, കന്നട, കശ്മീരി, കൊങ്കണി, മൈഥിലി, മലയാളം, മണിപ്പൂരി, മറാത്തി, നേപ്പാളി, ഒറിയ, പഞ്ചാബി, സംസ്കൃതം, സന്താലി, സിന്ധി, തമിഴ്, തെലുഗു, ഉര്‍ദു, ഇംഗ്ളീഷ്.
ഉപന്യാസരീതിയില്‍ ഉത്തരമെഴുതേണ്ടതായിരിക്കും ചോദ്യപേപ്പര്‍. ഓരോ പേപ്പറിനും മൂന്നു മണിക്കൂര്‍ സമയം ഉണ്ടായിരിക്കും. മെയിന്‍ പരീക്ഷയുടെ യോഗ്യതാ പേപ്പറുകള്‍ ഒഴികെ മറ്റെല്ലാ പേപ്പറുകളും മലയാളം ഉള്‍പ്പെടെ ഭരണഘടനയുടെ എട്ടാം ഷെഡ്യൂളില്‍ ഉള്‍പ്പെട്ട ഏതെങ്കിലും ഒരു ഭാഷയിലോ ഇംഗ്ലീഷിലോ എഴുതാവുന്നതാണ്.

അപേക്ഷകരുടെ പ്രായം

അപേക്ഷകര്‍ക്ക് 2014 ആഗസ്റ്റ് ഒന്നിന് 21നും 32നും ഇടയിലായിരിക്കണം പ്രായം. 1982 ആഗസറ്റ് രണ്ടിനു മുമ്പും 1993 ആഗസ്റ്റ് ഒന്നിനു ശേഷവും ജനിച്ചവര്‍ക്ക് അപേക്ഷിക്കാന്‍ കഴിയില്ല.
ഉയര്‍ന്ന പ്രായത്തിന് താഴെപ്പറയുന്ന വിധത്തില്‍ ഇളവുണ്ട്:
1. പട്ടികജാതി, പട്ടികവര്‍ഗ വിഭാഗക്കാര്‍ക്ക് പരമാവധി അഞ്ചു വര്‍ഷം
2. സംവരണത്തിനര്‍ഹരായ ഒ.ബി.സി വിഭാഗക്കാര്‍ക്ക് പരമാവധി മൂന്നു വര്‍ഷം
3. യുദ്ധത്തില്‍ പരിക്കേറ്റ സൈനികര്‍ക്ക് പരമാവധി മൂന്നു വര്‍ഷം
4. അന്ധ, ബധിര-മൂക, അസ്ഥി വൈകല്യമുള്ളവര്‍ക്ക് പരമാവധി 10 വര്‍ഷം (ഇളവുകളെക്കുറിച്ച് കൂടുതല്‍ അറിയാന്‍ വിജ്ഞാപനം കാണുക).
എത്ര തവണ പരീക്ഷ എഴുതാം
ജനറല്‍ വിഭാഗക്കാര്‍ക്ക് ആറ് അവസരങ്ങളുണ്ട്. ഒ.ബി.സി വിഭാഗക്കാര്‍ക്ക് ഒമ്പത് അവസരമുണ്ട്. പട്ടികജാതി, പട്ടികവര്‍ഗവിഭാഗക്കാര്‍ക്ക് പരിധികളില്ല.
ജനറല്‍ വിഭാഗത്തിലെ ശാരീരിക വെല്ലുവിളികള്‍ നേരിടുന്ന വിഭാഗക്കാര്‍ക്കും ഒമ്പത് അവസരങ്ങളുണ്ട്. മറ്റു വിഭാഗങ്ങളിലെ ശാരീരിക വെല്ലുവളികള്‍ നേരിടുന്ന ഉദ്യോഗാര്‍ഥികള്‍ക്ക് അതത് വിഭാഗത്തിനര്‍ഹമായ അവസരങ്ങള്‍ തന്നെയാണ് ലഭിക്കുക.

യോഗ്യത

യോഗ്യത: അംഗീകൃത സര്‍വകലാശാല ബിരുദമാണ് യോഗ്യത. യോഗ്യതാപരീക്ഷയുടെ ഫലം കാത്തിരിക്കുന്നവര്‍ക്കും പരീക്ഷയെഴുതാനൊരുങ്ങുന്നവര്‍ക്കും പ്രിലിമിനറി പരീക്ഷക്ക് അപേക്ഷിക്കാം. മെയിന്‍ പരീക്ഷയെഴുതാന്‍ യോഗ്യത നേടുന്നവര്‍ അതിനു മുമ്പായി യോഗ്യതാ പരീക്ഷയില്‍ വിജയിച്ചിരിക്കണം. മെയിന്‍ പരീക്ഷക്കുള്ള അപേക്ഷക്കൊപ്പം യോഗ്യതാ പരീക്ഷയുടെ സര്‍ട്ടിഫിക്കറ്റ് സമര്‍പ്പിക്കണം. 2014 സെപ്റ്റംബര്‍, ഒക്ടോബര്‍ മാസങ്ങളിലായാണ് മെയിന്‍ പരീക്ഷക്ക് അപേക്ഷ ക്ഷണിക്കുക.
ഇന്ത്യന്‍ ഫോറസ്റ്റ് സര്‍വീസ് അപേക്ഷകര്‍ ആനിമല്‍ ഹസ്ബന്‍ഡറി ആന്‍ഡ് വെറ്ററിനറി സയന്‍സ്, ബോട്ടണി, കെമിസ്ട്രി, ജിയോളജി, മാത്തമാറ്റിക്സ്, ഫിസിക്സ്, സ്റ്റാറ്റിസ്റ്റിക്സ്, സുവോളജി എന്നിവയിലൊന്നെങ്കിലും വിഷയമായെടുത്ത് ബിരുദം നേടിയവരോ അല്ളെങ്കില്‍ അഗ്രികള്‍ചര്‍, ഫോറസ്ട്രി, എന്‍ജിനീയറിങ് എന്നിവയിലൊന്നില്‍ ബിരുദം നേടിയവരോ ആയിരിക്കണം.

ഫീസ്

100 രൂപയാണ് അപേക്ഷാഫീസ്. വനിതാ ഉദ്യോഗാര്‍ഥികള്‍ക്കും പട്ടികജാതി, പട്ടികവര്‍ഗ വിഭാഗക്കാര്‍ക്കും ശാരീരികമായി വെല്ലുവിളികള്‍ നേരിടുന്ന വിഭാഗക്കാര്‍ക്കും അപേക്ഷാഫീസില്ല. ഏതെങ്കിലും സ്റ്റേറ്റ് ബാങ്ക് ഓഫ് ഇന്ത്യ ശാഖകളില്‍ നേരിട്ടോ നെറ്റ് ബാങ്കിങ് സംവിധാനമുപയോഗിച്ച് സ്റ്റേറ്റ് ബാങ്ക് ഓഫ് ഇന്ത്യ, സ്റ്റേറ്റ് ബാങ്ക് ഓഫ് ബിക്കാനെര്‍ ആന്‍ഡ് ജയ്പൂര്‍, സ്റ്റേറ്റ് ബാങ്ക് ഓഫ് ഹൈദരാബാദ്, സ്റ്റേറ്റ് ബാങ്ക് ഓഫ് മൈസൂര്‍, സ്റ്റേറ്റ് ബാങ്ക് ഓഫ് പട്യാല, സ്റ്റേറ്റ് ബാങ്ക് ഓഫ് ട്രാവന്‍കൂര്‍ എന്നീ ബാങ്കുകള്‍ വഴിയോ ഫീസടക്കാവുന്നതാണ്. വിസ/മാസ്റ്റര്‍/ക്രെഡിറ്റ്/ഡെബിറ്റ് കാര്‍ഡുപയോഗിച്ചും ഫീസടക്കാം.
അപേക്ഷിക്കുന്നതു സംബന്ധിച്ച സംശയങ്ങള്‍ക്ക് യു.പി.എസ്.സി കാമ്പസിലെ ‘സി’ ഗേറ്റിലെ ഫെസിലിറ്റേഷന്‍ സെന്‍ററുമായി ബന്ധപ്പെടുക. അല്ലെങ്കില്‍ 01123385271/01123381125/01123098543 എന്നീ നമ്പറുകളില്‍ പ്രവൃത്തി ദിവസങ്ങളില്‍ രാവിലെ 10.00 മുതല്‍ വൈകുന്നേരം അഞ്ചു മണിവരെ വിളിക്കുക.

കരസേനാ റിക്രൂട്ട്മെന്‍റ് റാലി മേയ് 19 മുതല്‍ 30 വരെ കാസര്‍കോട്ട്

noreply@blogger.com (Anonymous) — Wed, 7 May 2014 20:46:00 +0530

കരസേനയിലേക്കുള്ള ഓപണ്‍ റിക്രൂട്ട്മെന്‍റ് റാലി മേയ് 19 മുതല്‍ 30 വരെ കാസര്‍കോട് മുനിസിപ്പല്‍ സ്റ്റേഡിയത്തില്‍ നടക്കും. സോള്‍ജ്യര്‍ ക്ലര്‍ക്/സ്റ്റോര്‍ കീപ്പര്‍, സോള്‍ജ്യര്‍ ടെക്നിക്കല്‍, സോള്‍ജ്യര്‍ ട്രേഡ്സ്മെന്‍, സോള്‍ജ്യര്‍ ജനറല്‍ ഡ്യൂട്ടി വിഭാഗങ്ങളിലായാണ് നിയമനം. പുരുഷന്മാര്‍ക്ക് മാത്രമുള്ള ഒഴിവുകളാണിത്. മേയ് 19 മുതല്‍ 24 വരെ കോഴിക്കോട്, വയനാട്, മലപ്പുറം, കാസര്‍കോട്, ലക്ഷ്വദ്വീപ്, മാഹി എന്നിവിടങ്ങളില്‍ നിന്നുള്ളവര്‍ക്കും മേയ് 25 മുതല്‍ 30 വരെ ആലപ്പുഴ, ഇടുക്കി, കോട്ടയം, പത്തനംതിട്ട ജില്ലക്കാര്‍ക്കുമാണ് അവസരം.

സ്ക്രീനിങ് ദിവസം, കാറ്റഗറി, പങ്കെടുക്കേണ്ട ജില്ലകള്‍ എന്നീ ക്രമത്തില്‍ ചുവടെ.

മേയ് 19-സോള്‍ജ്യര്‍ ക്ലര്‍ക്/സ്റ്റോര്‍ കീപ്പര്‍-കോഴിക്കോട്, വയനാട്, ലക്ഷ്വദ്വീപ്.
മേയ് 20-സോള്‍ജ്യര്‍ ക്ലര്‍ക്/സ്റ്റോര്‍ കീപ്പര്‍-മലപ്പുറം, കാസര്‍കോട്, മാഹി.
മേയ് 21-സോള്‍ജ്യര്‍ ടെക്നിക്കല്‍-കോഴിക്കോട്, വയനാട്, മലപ്പുറം, കാസര്‍കോട്, മാഹി, ലക്ഷ്വദ്വീപ്.
മേയ് 22-സോള്‍ജ്യര്‍ ട്രേഡ്സ്മാന്‍-കോഴിക്കോട്, വയനാട്, മലപ്പുറം, കാസര്‍കോട്, മാഹി, ലക്ഷ്വദ്വീപ്.
മേയ് 23-സോള്‍ജ്യര്‍ ജനറല്‍ ഡ്യൂട്ടി-കോഴിക്കോട്, വയനാട്, ലക്ഷ്വദ്വീപ്.
മേയ് 24-സോള്‍ജ്യര്‍ ജനറല്‍ ഡ്യൂട്ടി- മലപ്പുറം, കാസര്‍കോട്, മാഹി.
മേയ് 25-സോള്‍ജ്യര്‍ ക്ലര്‍ക്/സ്റ്റോര്‍ കീപ്പര്‍-ആലപ്പുഴ, ഇടുക്കി.
മേയ് 26-സോള്‍ജ്യര്‍ ക്ലര്‍ക്/സ്റ്റോര്‍ കീപ്പര്‍-കോട്ടയം, പത്തനംതിട്ട.
മേയ് 27-സോള്‍ജ്യര്‍ ടെക്നിക്കല്‍-ആലപ്പുഴ, പത്തനംതിട്ട, കോട്ടയം, ഇടുക്കി.
മേയ് 28-സോള്‍ജ്യര്‍ ട്രേഡ്സ്മാന്‍-ആലപ്പുഴ, പത്തനംതിട്ട, കോട്ടയം, ഇടുക്കി.
മേയ് 29-സോള്‍ജ്യര്‍ ജനറല്‍ ഡ്യൂട്ടി-ആലപ്പുഴ, ഇടുക്കി.
മേയ് 30-സോള്‍ജ്യര്‍ ജനറല്‍ ഡ്യൂട്ടി-കോട്ടയം, പത്തനംതിട്ട.

പ്രായം: സോള്‍ജ്യര്‍ ജനറല്‍ ഡ്യൂട്ടി -17 1/2 -21 വയസ്സ് മറ്റെല്ലാ തസ്തികകളിലേക്കും 17 1/2-23 വയസ്സ്.

ഓരോ വിഭാഗത്തിനും ആവശ്യമായ ശാരീരിക യോഗ്യതകള്‍:

ഉയരം: 166 സെ.മീ(സോള്‍ജ്യര്‍ ജനറല്‍ ഡ്യൂട്ടി),162 സെ.മീ (സോള്‍ജ്യര്‍ ക്ലര്‍ക്/സ്റ്റോര്‍ കീപ്പര്‍). 165 സെ.മീ (സോള്‍ജ്യര്‍ ടെക്നിക്കല്‍), 165 സെ.മീ (സോള്‍ജ്യര്‍ നഴ്സിങ് അസിസ്റ്റന്‍റ്), 166 സെ.മീ (സോള്‍ജ്യര്‍ ട്രേഡ്സ്മാന്‍)
തൂക്കം: 50 കിലോഗ്രാം (സോള്‍ജ്യര്‍ ട്രേഡ്സ്മാന്‍ 48 കി.ഗ്രാം)
നെഞ്ചളവ്: 77-82 സെ.മീ (സോള്‍ജ്യര്‍ ട്രേഡ്സ്മാന്‍ 76-81 സെ.മീ).

യോഗ്യത

സോള്‍ജ്യര്‍ ട്രേഡ്സ്മാന്‍-പത്താംക്ളാസ്/എസ്.എസ്.എല്‍.സി പാസ്. ഹൗസ്കീപ്പര്‍/മെസ്കീപ്പര്‍ തസ്തികക്ക് എട്ടാം ക്ളാസ് പാസ്. ലക്ഷ്വദ്വീപില്‍ നിന്നുള്ള ഉദ്യോഗാര്‍ഥികള്‍ക്കും എസ്.ടി വിഭാഗക്കാര്‍ക്കും എട്ടാം ക്ളാസ് പാസായാല്‍ മതി.
സോള്‍ജ്യര്‍ ടെക്നിക്കല്‍-സയന്‍സ് വിഷയങ്ങള്‍ പഠിച്ചുള്ള 10+2/ ഇന്‍റര്‍മീഡിയറ്റ് പാസ്. ഫിസിക്സ്, കെമിസ്ട്രി, മാത്‌സ്, ഇംഗ്ലീഷ് വിഷയങ്ങള്‍ പഠിച്ചിരിക്കണം. അല്ലെങ്കില്‍ വി.എച്ച്.എസ്.സി പാര്‍ട്ട് ഒന്നും രണ്ടും പാര്‍ട്ട് മൂന്നിലെ ഗ്രൂപ് ഒന്നും (ഫിസിക്സ്, കെമിസ്ട്രി, മാത്‌സ്, ഇംഗ്ലീഷ് ഉള്‍പ്പെടെ വിജയിച്ചിരിക്കണം.
സോള്‍ജ്യര്‍ ക്ലര്‍ക്/സ്റ്റോര്‍ കീപ്പര്‍-പ്ലസ്ടു മൊത്തം 50 ശതമാനം മാര്‍ക്ക് വേണം. ഓരോ വിഷയത്തിനും 40 ശതമാനം മാര്‍ക്ക് വീതം ഉണ്ടായിരിക്കണം. പത്താം ക്ലാസിലോ, പ്ലസ്ടുവിലോ ഇംഗ്ലീളീഷ്, കണക്ക്/അക്കൗണ്ട്സ്/ബുക്സ് കീപ്പിങ് എന്നിവ പഠിച്ചിരിക്കണം. അല്ലെങ്കില്‍ വി.എച്ച്.എസ്.സി പാര്‍ട്ട് ഒന്നും, രണ്ടും പാര്‍ട്ട് മൂന്നിലെ ഗ്രൂപ് രണ്ട് മൂന്നും മൊത്തം 50 ശതമാനം മാര്‍ക്ക് വേണം. ഓരോ വിഷയത്തിനും 40 ശതമാനം മാര്‍ക്കും ബിരുദമോ ഉയര്‍ന്ന യോഗ്യതയോ ഉള്ളവര്‍ക്ക് പ്ലസ്ടുവിന് മാര്‍ക്ക് ശതമാനം ബാധകമല്ല.
സോള്‍ജ്യര്‍ ജനറല്‍ ഡ്യൂട്ടി-മൊത്തം 45 ശതമാനം മാര്‍ക്കോടെ എസ്.എസ്.എല്‍.സി ഓരോ വിഷയങ്ങളിലും കുറഞ്ഞത് 33 ശതമാനം മാര്‍ക്ക് നേടിയിരിക്കണം. ഗ്രേഡിങ് സിസ്റ്റം സ്വീകരിച്ചിട്ടുള്ള ബോര്‍ഡുകളാണെങ്കില്‍ ഓരോ വിഷയത്തിനും തുല്യമായ ഗ്രേഡ് നേടിയിരിക്കണം. (കേരള ബോര്‍ഡ് എക്സാമില്‍ കുറഞ്ഞത് സി ഗ്രേഡ്) എസ്.ടി വിഭാഗത്തില്‍ എട്ടാം ക്ളാസും ലക്ഷ്വദ്വീപില്‍ നിന്നുള്ള ഉദ്യോഗാര്‍ഥികള്‍ക്ക് പത്താം ക്ലാസ് പാസും മതി.

റാലിയില്‍ കായികക്ഷമതാ പരീക്ഷ ഉണ്ടായിരിക്കും. ആറുമിനിറ്റ് 20 സെക്കന്‍ഡിനുള്ളില്‍ 1.6 കി.മീ ഓട്ടം, ആറു മുതല്‍ 10 വരെ പുള്‍ അപ് (കൂടുതല്‍ ചെയ്യുന്നവര്‍ക്ക് മാര്‍ക്ക് കൂടും) സിഗ് സാഗ് ബാലന്‍സ് രീതിയില്‍ നടത്തം, ഒമ്പത് അടി നീളത്തില്‍ ചാട്ടം എന്നിവയായിരിക്കും പരീക്ഷയില്‍ ഉള്‍പ്പെടുന്നത്. റാലിയില്‍ തെരഞ്ഞെടുക്കപ്പെടുന്നവര്‍ക്കായി കോഴിക്കോട്ടെയും, തിരുവനന്തപുരത്തെയും ആര്‍മി റിക്രൂട്ട്മെന്‍റ് ഓഫിസില്‍ എഴുത്തുപരീക്ഷ പിന്നീട് നടത്തും.

റാലിക്ക് എത്തുമ്പോള്‍ കൊണ്ടുവരേണ്ടത്:

എട്ടാം ക്ളാസ്, എസ്.എസ്.എല്‍.സി/പ്ലസ്ടു/മറ്റ് ഉയര്‍ന്ന യോഗ്യതകളുണ്ടെങ്കില്‍ അവയുടെ അസല്‍ സര്‍ട്ടിഫിക്കറ്റുകള്‍
അടുത്ത കാലത്തെടുത്ത 15 പാസ്പോര്‍ട്ട്സൈസ് കളര്‍ ഫോട്ടോകള്‍ (പോളറോയ്ഡ് കാമറയിലെടുത്തതോ കമ്പ്യൂട്ടര്‍ നിര്‍മിതമോ ആയവ സ്വീകരിക്കില്ല)
തഹസില്‍ദാറില്‍ നിന്നുള്ള നേറ്റിവിറ്റി/പെര്‍മനന്‍റ് റസിഡന്‍സ് സര്‍ട്ടിഫിക്കറ്റ് (ഇംഗ്ലീഷില്‍)
ജാതി സര്‍ട്ടിഫിക്കറ്റ് (സാക്ഷ്യപ്പെടുത്തുന്നവരുടെ റാങ്കും പേരും വ്യക്തമായിരിക്കണം)
സ്ഥലത്തെ പൊലീസ് സ്റ്റേഷനില്‍നിന്നോ വില്ലേജ് ഓഫിസില്‍നിന്നോ ലഭിച്ച സ്വഭാവ സര്‍ട്ടിഫിക്കറ്റ് (ആറുമാസത്തിനകം ലഭിച്ചതായിരിക്കണം).

ജവാന്മാരുടെ മക്കള്‍, വിമുക്ത ഭടന്‍മാരുടെ മക്കള്‍, യുദ്ധത്തില്‍ മരിച്ചവരുടെ വിധവകളുടെ മക്കള്‍ എന്നിവര്‍ ആയത് തെളിയിക്കുന്നതിന് ബന്ധപ്പെട്ട വകുപ്പുകളില്‍ നിന്നുമുള്ള റിലേഷന്‍ഷിപ് സര്‍ട്ടിഫിക്കറ്റ് (ഡിസ്ചാര്‍ജ് ബുക്ക്) എന്നിവ ഹാജരാക്കണം. സാക്ഷ്യപ്പെടുത്തുന്നവരുടെ നമ്പറും റാങ്കും പേരും വ്യക്തമാക്കിയിരിക്കണം.

എന്‍.സി.സി (എ/ബി/സി) സര്‍ട്ടിഫിക്കറ്റുള്ളവര്‍ അവയുടെ ഒറിജിനലും 1996 നവംബര്‍ 19നും 1997മേയ് 19നും ഇടയില്‍ ജനിച്ചവര്‍ രക്ഷിതാക്കളില്‍ നിന്ന് 10 രൂപയുടെ നോണ്‍ ജുഡീഷ്യല്‍ സ്റ്റാമ്പ് പേപ്പറില്‍ നിശ്ചിതമാതൃകയില്‍ തയാറാക്കി രക്ഷിതാക്കളും നോട്ടറിയും സാക്ഷ്യപ്പെടുത്തിയ സമ്മതപത്രവും കൊണ്ടുവരണം. മേല്‍പറഞ്ഞ എല്ലാ രേഖകളുടെയും അറ്റസ്റ്റ് ചെയ്ത രണ്ട് പകര്‍പ്പുകള്‍ കൊണ്ടുവരണം.

കൂടുതല്‍ വിവരങ്ങള്‍ക്ക് ആര്‍മി റിക്രൂട്ടിങ് ഓഫിസ്, വെസ്റ്റ്ഹില്‍ ബാരക്സ് കോഴിക്കോട് 673005 എന്ന വിലാസത്തിലോ 0495- 238953 എന്ന ഫോണ്‍ നമ്പറിലോ ബന്ധപ്പെടണം.

പാചകമത്സരം സംഘടിപ്പിക്കുന്നു.

noreply@blogger.com (Anonymous) — Sat, 26 Apr 2014 18:06:00 +0530

ചെറുപുത്തൂര്‍ എ.എം.എല്‍.പി. സ്കൂളിന്‍റെ നവതിയാഘോഷത്തിന്‍റെ ഭാഗമായി അമ്മമാര്‍ക്കായി ചക്ക കൊണ്ടുള്ള വിഭവങ്ങളുടെ പാചക മത്സരം സംഘടിപ്പിക്കുന്നു.ഏപ്രീല്‍ 29ന് നടക്കുന്ന മത്സരത്തില്‍ കുടുംബശ്രീ യൂണിറ്റുകള്‍ക്കും പങ്കെടുക്കാം. നമ്മുടെ നാട്ടില്‍ ധാരാളം ലഭിക്കുന്ന വസ്തുക്കള്‍ ഉപയോഗ്യശൂന്യമാക്കി കളയുന്ന പ്രവണതക്കെതിരെയുള്ള ബോധവല്‍ക്കരണവും ചക്കയുടെ ഔഷധ ഗുണത്തെ കുറിച്ചുള്ള അവബോധവും സ്വയം ഉല്‍പാദക സംഘങ്ങള്‍ക്ക് പ്രോത്സാഹനം നല്‍കുകയുമാണ് ഈ പരിപാടി സംഘടിപ്പിക്കുന്നതിനു പിന്നിലെ ലക്ഷ്യം.

ഹുസൈന്‍ മുബാറക് നിര്യാതനായി.

noreply@blogger.com (Anonymous) — Sat, 26 Apr 2014 11:42:00 +0530

താഴെമോങ്ങം കുറുങ്കാടന്‍ ഇബ്രാഹീമിന്‍റെ മകന്‍ ഹുസൈന്‍ മുബാറക് (ലാലു-19) നിര്യാതനായി. മാതാവ് : സുബൈദ. സഹോദരിമാര്‍ :മുഹ്സിന, മുന്‍ഷിറ. ഖബറടക്കം ഇന്ന്‍ ഉച്ചക്ക് ഒരു മണിക്ക് ചെറുപുത്തൂര്‍ മഹല്ല് ജുമാമസ്ജിദില്‍.

ദന്തരോഗ നിര്‍ണയ ക്യാമ്പ് സംഘടിപ്പിച്ചു.

noreply@blogger.com (Anonymous) — Fri, 25 Apr 2014 17:10:00 +0530

ചെറുപുത്തൂര്‍ എ.എം.എല്‍.പി. സ്കൂളിന്‍റെ നവതിയാഘോഷത്തിന്‍റെ ഭാഗമായി വിദ്യാര്‍ഥികള്‍ക്കായി ദന്തരോഗ നിര്‍ണയ- ബോധവല്‍ക്കരണ ക്യാമ്പ് സംഘടിപ്പിച്ചു. ഏപ്രില് 20 ഞായറാഴ്ച സ്കൂള്‍ ഹാളില്‍ വെച്ച് നടന്ന ക്യാമ്പില്‍ മോണരോഗത്തെ കുറിച്ച് ഡോ. നൌഫല്‍ ക്ലാസ്സെടുത്തു. ഡോ. നോഷാദ് മൂപ്പന്‍, ഡോ.നൌഫല്‍ എന്നിവര്‍ തുടര്‍ന്നു രക്ഷിതാക്കള്‍ക്ക് സംശയ നിവാരണം നടത്തി. തുടര്‍ന്നു നടന്ന രോഗനിര്‍ണയ പരിശോധനയില്‍ 130ലധികം വിദ്യാര്‍ഥികള്‍ പങ്കെടുത്ത്.പുല്‍പ്പറ്റ ഗ്രാമപഞ്ചായത്ത് പ്രസിഡണ്ട് പിസി അബ്ദുറഹ്മാന്‍ ക്യാമ്പ് ഉദ്ഘാടനം ചെയ്തു. പി‌ടിഎ പ്രസിഡണ്ട് ചെറി കെ സോളാര്‍ അധ്യക്ഷത വഹിച്ചു. ഹെഡ്മാസ്റ്റര്‍ ബാലകൃഷ്ണന്‍ സ്വാഗതവും ശിവദാസന്‍ മാസ്റ്റര്‍ നന്ദിയും പറഞ്ഞു.

മമ്മീര്യം ഹജ്ജുമ്മ നിര്യാതയായി.

noreply@blogger.com (Anonymous) — Sun, 30 Mar 2014 18:00:00 +0530

ചെറുപുത്തൂര്‍ പരേതനായ ടികെ ആലികുട്ടിയുടെ ഭാര്യ മണ്ണിങ്ങച്ചാലി മമ്മീര്യം ഹജ്ജുമ്മ (90) നിര്യാതയായി. മക്കള്‍: മൂസഹാജി, മുഹമ്മദ് ഹാജി (ചെറുപുത്തൂര്‍ ജുമാമസ്ജിദ് മുന്‍ ജനറല്‍ സെക്രട്ടറി), അലവിക്കുട്ടി, മൊയ്തീന്‍കുട്ടി, ഹുസൈന്‍ ബാഖവി (വടകര മേമുണ്ട ജുമാമസ്ജിദ് ഖത്തീബ്), ഫാത്തിമകുട്ടി, ഖദീജ. മരുമക്കള്‍: മൊയ്തീന്‍ കുട്ടി ഹാജി (പാലക്കാട്), പിസി മുഹമ്മദ് ഹാജി (വളമംഗലം), ഖദീജ, ഫാത്തിമകുട്ടി, മറിയുമ്മ, ഇത്തീരുമ്മ, സാബിറ. ഖബറടക്കം തിങ്കളാഴ്ച രാവിലെ 8:30ന് ചെറുപുത്തൂര്‍ മഹല്ല് ജുമാമസ്ജിദില്‍ വെച്ചു നടന്നു.

പോസ്റ്റല്‍ അസിസ്റ്റന്‍റ് : 8243 ഒഴിവുകള്‍

noreply@blogger.com (Anonymous) — Mon, 10 Mar 2014 20:50:00 +0530

തപാല്‍ വകുപ്പ് രാജ്യത്തെ വിവിധ സംസ്ഥാനങ്ങളിലുള്ള 22 പോസ്റ്റല്‍ സര്‍ക്കിളുകളില്‍ പോസ്റ്റല്‍/ സോര്‍ട്ടിങ് അസിസ്റ്റന്‍റ് തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു.
ആകെ 8243 ഒഴിവുകളാണുള്ളത്. ഡയറക്ട് റിക്രൂട്ട്‌മെന്‍റാണ്. കേരളത്തിലെ വിവിധ സര്‍ക്കിളുകളിലായി 385 ഒഴിവാണുള്ളത്.
യോഗ്യത പസ്ടു. ഇംഗ്ലീഷ് നിര്‍ബന്ധ വിഷയമായി പഠിച്ചിരിക്കണം. അപേക്ഷിക്കുന്ന സംസ്ഥാനത്തെ പ്രാദേശിക ഭാഷ അറിഞ്ഞിരിക്കണം. അല്ലെങ്കില്‍ മെട്രിക്കുലേഷന്‍ തലത്തില്‍ ഹിന്ദി പഠിച്ചിരിക്കണം. 18നും 27നുമിടയില്‍ പ്രായമുള്ളവരായിരിക്കണം അപേക്ഷകര്‍. പട്ടികജാതി/പട്ടിക വര്‍ഗക്കാര്‍ക്ക് അഞ്ചു വര്‍ഷവും ഒബിസിക്കാര്‍ക്ക് മൂന്നുവര്‍ഷവും വയസ്സിളവ് ഉണ്ടാകും. വിമുക്ത ഭടന്മാര്‍ക്കും ശാരീരിക വൈകല്യങ്ങളുള്ളവര്‍ക്കും നിയമാനുസൃത വയസ്സിളവ് ഉണ്ടാകും. ഓണ്‍ലൈന്‍ അപേക്ഷ സമര്‍പ്പണം അവസാനിക്കുന്ന മാര്‍ച്ച് 27 വെച്ചാകും പ്രായം കണക്കാക്കുക. 5200-20200 സ്‌കെയിലിലാണ് നിയമനം. 2400 രൂപ ഗ്രേഡ് പേയും നിയമാനുസൃത മറ്റ് ആനുകൂല്യങ്ങളും ഉണ്ടാകും.
അപേക്ഷകര്‍ 100 രൂപ രജിസ്‌ട്രേഷന്‍ ഫീസ് അടക്കണം. ജനറല്‍, ഒബിസി വിഭാഗത്തിലുള്ളവര്‍ 400 രൂപ പരീക്ഷാഫീസ് ഇനത്തിലും അടക്കണം. വെബ്‌സൈറ്റില്‍ ലഭ്യമായ ഫീ പെയ്‌മെന്റ് ചലാന്‍ ഉപയോഗിച്ച് ഇപെയ്‌മെന്‍റ് സൗകര്യമുള്ള പോസ്റ്റ് ഓഫിസില്‍ പണമടക്കണം. എഴുത്തുപരീക്ഷയുടെയും കമ്പ്യൂട്ടര്‍ ടൈപ്പിങ് ടെസ്റ്റിന്‍റെയും അടിസ്ഥാനത്തിലാകും അന്തിമഘട്ട തിരഞ്ഞെടുപ്പ്. ഒരാള്‍ ഒരു അപേക്ഷ മാത്രമേ നല്‍കാവൂ. മൊത്തം നൂറുമാര്‍ക്കിന്‍റെതാണ് എഴുത്തുപരീക്ഷ. 25 മാര്‍ക്കിന്റെ വീതം ജനറല്‍ നോളജ്, കണക്ക്, ഇംഗ്ലീഷ്, റീസണിങ് ആന്‍ഡ് എബിലിറ്റി എന്നിവയാണ് എഴുത്തുപരീക്ഷക്ക് ഉണ്ടാവുക. 15 മിനിറ്റ് ടൈപ്പിങ്ങും 15 മിനിറ്റ് ഡാറ്റാ എന്‍ട്രിയുമാണ് കമ്പ്യൂട്ടര്‍ ടെസ്റ്റില്‍ ഉണ്ടാവുക. www.pasadrexam2014.inല്‍ ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. അപേക്ഷ സമര്‍പ്പിക്കും മുമ്പ് 20 കെബിയില്‍ കുറയാത്ത ഫോട്ടോയും 10 കെബിയില്‍ കുറയാത്ത ഒപ്പും സ്‌കാന്‍ ചെയ്ത് കൈവശം വച്ചിരിക്കണം. അപേക്ഷ പൂരിപ്പിച്ച ശേഷമാണ് ഫോട്ടോയും ഒപ്പും അപ്‌ലോഡ് ചെയ്യേണ്ടത്. രജിസ്‌ട്രേഷനുശേഷം ലഭിക്കുന്ന പ്രത്യേക രജിസ്റ്റര്‍ നമ്പറും (യുആര്‍എന്‍) പാസ്‌വേര്‍ഡും മറക്കാതെ സൂക്ഷിക്കണം. ഭാവിയില്‍ കത്തിടപാടുകളുടെ ആവശ്യത്തിന് ഇവ രണ്ടും വേണം. ഈ രജിസ്‌ട്രേഷന്‍ നമ്പര്‍ ഉപയോഗിച്ചാണ് ഫീസ് ചലാന്റെ പ്രിന്‍റൌട്ട് എടുക്കേണ്ടത്. അപേക്ഷയുടെ പ്രിന്‍റൌട്ട്, ഫീ ചലാന്‍റെ കോപ്പി, രസീത്, രജിസ്‌ട്രേഷന്‍ സ്ലിപ് തുടങ്ങിയവ കൈയില്‍ സൂക്ഷിക്കുന്നത് നല്ലതാണ്. അപേക്ഷ സമര്‍പ്പിച്ച് മൂന്നു ദിവസത്തിനകം ഫീസ് അടച്ചാല്‍ മതി. ഓണ്‍ലൈന്‍ അപേക്ഷ സമര്‍പ്പിക്കേണ്ട അവസാന തീയതി മാര്‍ച്ച് 27.

വോട്ടർപട്ടികയിൽ തിങ്കളാഴ്ച വരെ പേരുചേർക്കാം.

noreply@blogger.com (Anonymous) — Sat, 8 Mar 2014 12:02:00 +0530

ലോക്‌സഭാ തിരഞ്ഞെടുപ്പിനു മുന്നോടിയായി ഈ മാസം പത്ത് (തിങ്കളാഴ്ച) വരെ വോട്ടർപട്ടികയിൽ പേരു ചേർക്കാൻ അപേക്ഷ നൽകാം. അതിനു ശേഷം ലഭിക്കുന്ന അപേക്ഷകൾ അന്തിമ വോട്ടർപട്ടികയിൽ ഉൾപ്പെടുത്തില്ല. അപേക്ഷ ലഭിച്ച് ഏഴു ദിവസത്തിനകമാണ് പട്ടികയിൽ പേരുചേർക്കുക. ഞായറാഴ്ച അര്‍ധരാത്രിവരെ ഓണ്‍ലൈനില്‍ ഇതിന് അവസരമുണ്ട്. 2014 ജനുവരി ഒന്നിന് 18 വയസ്സ് തികഞ്ഞവര്‍ക്ക് പേര് ചേര്‍ക്കാം. ഇന്റര്‍നെറ്റ് കണക്ഷനുണ്ടെങ്കില്‍ ആര്‍ക്കും എവിടെയിരുന്നും www.ceo.kerala.gov.in എന്ന വെബ്‌സൈറ്റിലൂടെ വോട്ടറാവാന്‍ വേണ്ടി അപേക്ഷിക്കാം. വെബ്‌സൈറ്റില്‍ പ്രവേശിച്ചശേഷം ഇംഗ്ലീഷ്, മലയാളം ഇവയിലേതെങ്കിലും തിരഞ്ഞെടുക്കാം. ഇ-രജിസ്‌ട്രേഷന്‍ ക്ലിക്ക് ചെയ്ത് സ്റ്റെപ്പ് 1 സ്റ്റെപ്പ് 2, സ്റ്റെപ്പ് 3 എന്നീ മൂന്ന് ഘട്ടങ്ങളില്‍ വിവരങ്ങള്‍ സമര്‍പ്പിക്കണം. ആദ്യത്തെ സ്റ്റെപ്പില്‍ അപേക്ഷകന്റെ ജില്ല, ജനനത്തീയതി അല്ലെങ്കില്‍ വയസ്സ്, നിലവില്‍ ഐ.ഡി. കാര്‍ഡ് ഉള്ളവരാണെങ്കില്‍ അതിലെ വിവരങ്ങള്‍ തിരുത്തണമെങ്കില്‍ അതും ചെയ്യാം.

രണ്ടാമത്തെ സ്റ്റെപ്പില്‍ കുടുംബത്തിലെ അല്ലെങ്കില്‍ അടുത്ത വീട്ടിലെ ആരുടെയെങ്കിലും ഐ.ഡി കാര്‍ഡിന്റെ വിവരങ്ങള്‍ നല്‍കണം. മൂന്നാമത്തെ സ്റ്റെപ്പില്‍ വിശദമായ മേല്‍വിലാസമാണ് നല്‍കേണ്ടത്. എല്ലാ വിവരങ്ങളും നല്‍കിയ ശേഷം പ്രൊസീഡ് ബട്ടണ്‍ അമര്‍ത്തി അപേക്ഷാനടപടിക്രമങ്ങള്‍ പൂര്‍ത്തിയാക്കാം. വോട്ടറാവാന്‍ നല്‍കിയ അപേക്ഷയുടെ വിവരങ്ങള്‍ ഇലക്ട്രല്‍ രജിസ്‌ട്രേഷന്‍ ഓഫീസര്‍ പ്രിന്റ് ചെയ്ത് ബൂത്ത് ലെവല്‍ ഓഫീസര്‍ക്ക് പരിശോധനയ്ക്ക് കൈമാറുന്നു. ബന്ധപ്പെട്ട ബൂത്ത് ലെവല്‍ ഓഫീസര്‍ അപേക്ഷകന്റെ വീട്ടിലെത്തി അന്വേഷണം നടത്തി ഇലക്ട്രല്‍ രജിസ്‌ട്രേഷന്‍ ഓഫീസര്‍ക്ക് അന്വേഷണ റിപ്പോര്‍ട്ട് സമര്‍പിക്കും. തുടര്‍ന്ന് രണ്ട് മാസത്തിനകം അപേക്ഷകന് സമ്മതിദാനാവകാശം ലഭിക്കുകയും തിരിച്ചറിയല്‍ കാര്‍ഡ് ലഭ്യമാക്കുകയും ചെയ്യും. ബൂത്ത് ലെവല്‍ ഓഫീസറുടെ പേര്, ഫോണ്‍ നമ്പര്‍ എന്നിവ ഉള്‍പ്പെടെയുള്ള വിവരങ്ങളും ലഭ്യമാണ്. പട്ടികയില്‍ പേര് ചേര്‍ക്കാന്‍ ബിഎല്‍ഒമാരുടെ സഹായം തേടാം.

നമ്മുടെ ബൂത്തിലെ വോട്ടര്‍ പട്ടിക ലഭിക്കുന്നതിന് താഴെ കാണുന്ന ബട്ടണില്‍ ക്ലിക്ക് ചെയ്താല്‍ മതി.

കൂടാതെ മാര്‍ച്ച് ഒന്‍പതിന് രാവിലെ ഒന്‍പതുമുതല്‍ അഞ്ചുവരെ ചെറുപുത്തൂര്‍ സ്കൂളില്‍ വോട്ടര്‍പട്ടിക പ്രദര്‍ശിപ്പിക്കും. വോട്ടര്‍പട്ടികയില്‍ പേര് ഉള്‍പ്പെട്ടിട്ടുണ്ടെന്ന് ഉറപ്പു വരുത്താനും പേര്, വയസ്, ബൂത്ത് തുടങ്ങി പട്ടികയിലെ വിവരങ്ങളില്‍ പിശകുകളുണ്ടെങ്കില്‍ തിരുത്താനും പുതിയതായി പേര് ചേര്‍ക്കാനും പൊതുജനങ്ങള്‍ക്ക് ഈ അവസരം പ്രയോജനപ്പെടുത്താം.

എസ്എംഎസ് വഴിയും പട്ടികയില്‍ പേരുണ്ടോയെന്ന് പരിശോധിക്കാം. ELE സ്പെയ്സ് വോട്ടര്‍കാര്‍ഡ് നമ്പര്‍ ടൈപ് ചെയ്ത് 54242 നമ്പരിലേക്ക് എസ്എംഎസ് അയച്ചാല്‍ വോട്ടര്‍ പട്ടികയിലെ വിവരം അറിയാം. ടോള്‍ഫ്രീ നമ്പരായ 1950ല്‍ വിളിച്ചാലും വിവരങ്ങള്‍ ലഭിക്കും.

കേന്ദ്ര സര്‍വീസില്‍ ജോലിക്ക് കമ്പൈന്‍ഡ് ഗ്രാജ്വേറ്റ് ലെവല്‍ പരീക്ഷ.

noreply@blogger.com (Anonymous) — Thu, 20 Feb 2014 20:13:00 +0530

കേന്ദ്ര സര്‍വീസില്‍ ഉയര്‍ന്ന ഒഴിവുകളിലേക്കുള്ള 2014ലെ കമ്പൈന്‍ഡ് ഗ്രാജ്വേറ്റ് ലെവല്‍ പരീക്ഷക്ക് സ്റ്റാഫ് സെലക്ഷന്‍ കമീഷന്‍ അപേക്ഷ ക്ഷണിച്ചു. ഗ്രൂപ് ബി, സി വിഭാഗങ്ങളിലെ ഒഴിവുകളിലേക്ക് ബിരുദധാരികള്‍ക്കാണ് അപേക്ഷിക്കാന്‍ യോഗ്യത. വിവിധ വകുപ്പുകളിലായി അസിസ്റ്റന്‍റ്, ഇന്‍കംടാക്സ് ഇന്‍സ്പെക്ടര്‍, സെന്‍ട്രല്‍ എക്സൈസ് ഇന്‍സ്പെക്ടര്‍, പ്രിവന്‍റിവ് ഓഫിസര്‍, എന്‍ഫോഴ്സ്മെന്‍റ് ഓഫിസര്‍, സബ് ഇന്‍സ്പെക്ടേഴ്സ് (സി.ബി.ഐ), ഇന്‍സ്പെക്ടര്‍ ഓഫ് പോസ്റ്റ്സ്, ഡിവിഷനല്‍ അക്കൗണ്ടന്‍റ്, സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍ ഗ്രേഡ് രണ്ട്, ഓഡിറ്റര്‍, അക്കൗണ്ടന്‍റ്/ ജൂനിയര്‍ അക്കൗണ്ടന്‍റ്, ടാക്സ് അസിസ്റ്റന്‍റ്, കമ്പൈലര്‍, സബ് ഇന്‍സ്പെക്ടര്‍ നാര്‍ക്കോട്ടിക്സ് തുടങ്ങിയ തസ്തികകളിലാണ് ഒഴിവുകളുള്ളത്. പ്രായം: സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍ തസ്തികക്ക് 26ഉം അസി/സബ് ഇന്‍സ്പെക്ടര്‍ ഇന്‍ സി.ബി.ഐ തസ്തികക്ക് 20 മുതല്‍ 27 വരെയുമാണ് പ്രായപരിധി. മറ്റു തസ്തികകളുടെ പ്രായപരിധി 18 മുതല്‍ 27 വരെയാണ്. സംവരണവിഭാഗക്കാര്‍ക്ക് അഞ്ചും ഒ.ബി.സിക്കാര്‍ക്ക് മൂന്നും വികലാംഗര്‍ക്ക് 10 വര്‍ഷവും ഇളവുണ്ട്. വിധവകള്‍ക്കും വിവാഹമോചിതകള്‍ക്കും ഇളവുണ്ട്. യോഗ്യത: കമ്പൈലര്‍ തസ്തികയില്‍ ഇക്കണോമിക്സ് അല്ളെങ്കില്‍ സ്റ്റാറ്റിസ്റ്റിക്സ് അല്ളെങ്കില്‍ മാത്തമാറ്റിക്സ് നിര്‍ബന്ധ വിഷയമായോ ഇലക്ടിവ് വിഷയമായോ ഉള്ള ബിരുദമാണ് യോഗ്യത. സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍ ഗ്രേഡ് രണ്ട് തസ്തികക്ക് സ്റ്റാറ്റിസ്റ്റിക്സ് പ്രധാന വിഷയമായ ബിരുദമാണ് യോഗ്യത. സ്റ്റാറ്റിസ്റ്റിക്സ് പ്രധാന വിഷയമായി ഏതെങ്കിലും ഒരു വര്‍ഷമെങ്കിലും പഠിച്ച മാത്തമാറ്റിക്സ്, ഇക്കണോമിക്സ്, കോമേഴ്സ് ബിരുദധാരികള്‍ക്കും ഈ തസ്തികയിലേക്ക് അപേക്ഷിക്കാം. മറ്റു തസ്തികകളിലെല്ലാം ബിരുദമാണ് അടിസ്ഥാന യോഗ്യത. വിവിധ വകുപ്പുകളില്‍ ഇന്‍സ്പെക്ടര്‍ തസ്തികയില്‍ അപേക്ഷിക്കുന്നവര്‍ മികച്ച ശാരീരിക ആരോഗ്യമുള്ളവരാകണം. പുരുഷന്മാര്‍ക്ക് കുറഞ്ഞത് 157.5 സെ.മീ ഉയരവും സ്ത്രീകള്‍ക്ക് 152 സെ.മീ ഉയരവും 48 കിലോ ഭാരവും വേണം. പുരുഷന്മാര്‍ക്ക് 81 സെ.മീ നെഞ്ചളവും അഞ്ച് സെ.മീ വികാസശേഷിയും വേണം. 15 മിനിറ്റില്‍ 1600 മീറ്റര്‍ നടത്തവും 30 മിനിറ്റില്‍ എട്ട് കിലോമീറ്റര്‍ സൈക്ളിങ്ങുമാണ് പുരുഷന്മാരുടെ ശാരീരിക യോഗ്യതാ പരീക്ഷ. സ്ത്രീകള്‍ക്ക് 20 മിനിറ്റില്‍ ഒരു കിലോമീറ്റര്‍ നടത്തം, 25 മിനിറ്റില്‍ മൂന്ന് കിലോമീറ്റര്‍ സൈക്ലിങ് എന്നിവയാണ് ശാരീരിക യോഗ്യതാ പരീക്ഷയായി ഉണ്ടാവുക. സി.ബി.ഐ സബ് ഇന്‍സ്പെക്ടറായി അപേക്ഷിക്കുന്ന പുരുഷന്മാര്‍ക്ക് കുറഞ്ഞത് 165 സെന്‍റീമീറ്ററും സ്ത്രീകള്‍ക്ക് കുറഞ്ഞത് 150 സെന്‍റീമീറ്ററും ഉയരം വേണം. പുരുഷന്മാര്‍ക്ക് 76 സെ.മീ ആണ് (വികാസ ശേഷിയടക്കം) നെഞ്ചളവായി വേണ്ടത്. 100 രൂപയാണ് അപേക്ഷാ ഫീസ്. സംവരണ വിഭാഗക്കാരും വികലാംഗരും വനിതകളും ഫീസ് അടക്കേണ്ടതില്ല. ഓണ്‍ലൈന്‍ അപേക്ഷകര്‍ക്ക് പാര്‍ട്ട് 1 രജിസ്ട്രേഷന്‍ പൂര്‍ത്തിയാക്കിയാല്‍ ലഭിക്കുന്ന ഫീ പേമെന്‍റ് ചെലാന്‍ ഡൗണ്‍ലോഡ് ചെയ്തെടുത്ത ശേഷം എസ്.ബി.ഐയുടെ ഏതെങ്കിലും ശാഖകളില്‍ ഫീസടക്കാം. ഫീസടച്ചതിന്‍റെ വിവരങ്ങള്‍ പാര്‍ട്ട് രണ്ട് ഭാഗത്ത് നല്‍കണം. ഓഫ്‌ലൈനായി അപേക്ഷിക്കുന്നവര്‍ സെന്‍ട്രല്‍ റിക്രൂട്ട്മെന്‍റ് ഫീ സ്റ്റാമ്പ് ആയാണ് തുക അടക്കേണ്ടത്. അപേക്ഷയില്‍ നിര്‍ദിഷ്ട സ്ഥാനത്ത് സ്റ്റാമ്പ് പതിച്ച ശേഷം ഇഷ്യൂ ചെയ്ത പോസ്റ്റ് ഓഫിസില്‍നിന്ന് ക്യാന്‍സല്‍ ചെയ്ത് വാങ്ങണം. അപേക്ഷയിലും സ്റ്റാമ്പിലും ക്യാന്‍സലേഷന്‍ സീല്‍ പതിഞ്ഞിരിക്കണം. www.ssconline.nic.in, www.ssconline2.gov.in എന്നീ സൈറ്റുകളിലാണ് ഓണ്‍ലൈന്‍ അപേക്ഷ സമര്‍പ്പിക്കേണ്ടത്. അപേക്ഷ സമര്‍പ്പിക്കും മുമ്പ് 100×120 പിക്സലില്‍ നാലിനും 12 കെ.ബിക്കുമിടയില്‍ സൈസ് വരുന്ന പാസ്പോര്‍ട്ട് സൈസ് ഫോട്ടോയും 140×160 പിക്സലില്‍ പരമാവധി 12 കെ.ബി വരെ സൈസ് വരുന്ന ഒപ്പും സ്കാന്‍ ചെയ്ത് എടുത്തുവെക്കണം. രണ്ടു ഘട്ടത്തിലായാണ് ഓണ്‍ലൈന്‍ അപേക്ഷ. ഉദ്യോഗാര്‍ഥിയുടെ പ്രാഥമിക വിവരങ്ങള്‍ നല്‍കിയാല്‍ ആദ്യഘട്ടം പൂര്‍ത്തിയാക്കാം. ഇതിന് ശേഷം ലഭിക്കുന്ന രജിസ്ട്രേഷന്‍ നമ്പര്‍ കുറിച്ചെടുത്ത ശേഷം ഓണ്‍ലൈന്‍ ചലാന്‍ ഡൗണ്‍ലോഡ് ചെയ്ത് ഫീസടക്കണം. എസ്.ബി.ഐ ബ്രാഞ്ച് വഴിയോ നെറ്റ്ബാങ്കിങ് ഉപയോഗിച്ചോ ഫീസടക്കാം. ഇതിന്‍റെ വിശദാംശങ്ങളടക്കം വ്യക്തമാക്കിയുള്ള പാര്‍ട്ട് രണ്ട് രജിസ്ട്രേഷന്‍ പൂര്‍ത്തിയാക്കിയാല്‍ ലഭിക്കുന്ന ഇ-മെയിലിന്‍റെ കോപ്പിയെടുത്ത് സൂക്ഷിക്കണം. പാര്‍ട്ട് വണ്‍ രജിസ്ട്രേഷന്‍റെ അവസാനതീയതി ഫെബ്രുവരി 22നും പാര്‍ട്ട് രണ്ടിന്‍റെത് ഫെബ്രുവരി 24നുമാണ്. ഓഫ്‌ലൈനായി അപേക്ഷിക്കുന്നവര്‍ www.ssc.nic.in എന്ന വെബ്സൈറ്റില്‍നിന്ന് ഡൗണ്‍ലോഡ് ചെയ്തെടുക്കുന്ന അപേക്ഷകള്‍ പൂരിപ്പിച്ച് ഫെബ്രുവരി 24നകം അയക്കണം. കേരളത്തിലെ ഉദ്യോഗാര്‍ഥികള്‍ Regional Director (KKR), Staff Selection Commission, 1st Floor, Ewing, Kendriyasadan, Koramangala, Bangalore, Karnataka 560034 എന്ന വിലാസത്തില്‍ അയക്കണം. തസ്തികകള്‍ക്കനുസരിച്ച് എഴുത്തുപരീക്ഷ, അഭിമുഖം/ സ്കില്‍ ടെസ്റ്റ്/ കമ്പ്യൂട്ടര്‍ പ്രൊഫിഷന്‍സി ടെസ്റ്റ്/ ഡോക്യുമെന്‍റ് വെരിഫിക്കേഷന്‍ എന്നിവക്ക് ശേഷമാകും നിയമനം. ചില തസ്തികകളില്‍ എഴുത്തുപരീക്ഷ മാത്രമേ ഉണ്ടാകൂ. ആദ്യഘട്ട പരീക്ഷ ഏപ്രില്‍ 27, മേയ് നാല് തീയതികളിലും രണ്ടാം ഘട്ട പരീക്ഷ ആഗസ്റ്റ് 30, 31 തീയതികളിലുമാണ് നടക്കുക. കേരളത്തില്‍ കൊച്ചി, കോഴിക്കോട്, തൃശൂര്‍, തിരുവനന്തപുരം എന്നിവയാണ് പരീക്ഷാ കേന്ദ്രങ്ങള്‍. ആദ്യ രണ്ട് ഘട്ട എഴുത്തുപരീക്ഷകള്‍ക്ക് ശേഷം ഷോര്‍ട്ട്ലിസ്റ്റ് ചെയ്യുന്നവരുടെ യോഗ്യതകള്‍ മാത്രമേ കമീഷന്‍ പരിശോധിക്കൂ. അതിനാല്‍, www.ssc.nic.in, www.ssckkr.kar.nic.in എന്നീ വെബ്സൈറ്റുകള്‍ സന്ദര്‍ശിച്ച് ഉദ്യോഗാര്‍ഥികള്‍ യോഗ്യത കൃത്യമായി മനസ്സിലാക്കിയ ശേഷമേ അപേക്ഷിക്കാവൂ.

റെയില്‍വേയില്‍ വന്‍ അവസരങ്ങള്‍.

noreply@blogger.com (Anonymous) — Sat, 8 Feb 2014 18:35:00 +0530

റെയില്‍വേ റിക്രൂട്ട്മെന്‍റ് ബോര്‍ഡ് അസിസ്റ്റന്‍റ് ലോകോ പൈലറ്റ്, ടെക്നീഷ്യന്‍ ഗ്രേഡ്-3 തസ്തികകളിലെ നിയമനത്തിനു അപേക്ഷ ക്ഷണിച്ചു. വിവിധ ബോര്‍ഡുകളുടെ പരിധിയിലായി 26,567 ഒഴിവുകളാണുള്ളത്. വിവിധ ബോര്‍ഡുകള്‍ക്ക് കീഴിലെ ഒഴിവുകള്‍ ചുവടെ: അസി. ലോക്കോ പൈലറ്റ്, ടെക്നീഷ്യന്‍ എന്ന ക്രമത്തില്‍.

അഹ്മദാബാദ് - 254, 292
അജ്മീര്‍ - 562, 209 അലഹബാദ് - 955, 572ബംഗളൂരു - 917, 255
ഭോപാല്‍ -254, 72
ഭുവനേശ്വര്‍ - 1307, 231
ബിലാസ്പൂര്‍ -1482, 198
ചണ്ഡിഗഢ് -1138, 23
ചെന്നൈ - 283, 1383
ഗൊരഖ്പൂര്‍ -0, 78
ഗുവാഹതി - 284, 254
ജമ്മു ആന്‍ഡ് ശ്രീനഗര്‍ -338, 137
കൊല്‍ക്കത്ത - 1087, 951
മാള്‍ദ - 250, 123
മുംബൈ -2500, 1655
മുസാഫര്‍പൂര്‍ - 1153,0
പട്ന - 1253, 18
റാഞ്ചി - 1863, 758
സെക്കന്തരാബാദ് -2287, 554
സിലിഗുരി - 187, 158
തിരുവനന്തപുരം - 197, 97

സിഗ്നല്‍, ടെലി കമ്യൂണിക്കേഷന്‍ മെയിന്‍റനര്‍,വയര്‍ലെസ് മെയിന്‍റനര്‍, ഇലക്ട്രീഷ്യന്‍ ടി.ആര്‍.ഡി, ഇ.എല്‍.എഫ്,ഇ.എല്‍.എഫ്/ ഡീസല്‍, ഇലക്ട്രിക്കല്‍, സി ആന്‍ഡ് ഡബ്ള്യു, ഡീസല്‍ മെക്കാനിക്ക്, മെഷീനിസ്റ്റ്, ടേണര്‍, വെല്‍ഡര്‍, ബ്ളാക്സ്മിത്ത്, ഫിറ്റര്‍, ഫിറ്റര്‍ മെക്കാനിക്കല്‍ സി ആന്‍ഡ് ഡബ്ള്യൂ, ഫിറ്റര്‍ എം.ഡബ്ള്യു,ഫിറ്റര്‍ ഇലക്ട്രിക്കല്‍/എ.സി ഫിറ്റര്‍, പെയിന്‍റര്‍, കാര്‍പ്പെന്‍ഡര്‍, മേസണ്‍, ട്രിമ്മര്‍, ഡ്രില്ലര്‍, പൈപ്പ് ഫിറ്റര്‍, മില്‍റൈറ്റ്,മോട്ടോര്‍ ഡ്രൈവര്‍, ക്രെയിന്‍ ഡ്രൈവര്‍, പെയിന്‍റര്‍, റിവെറ്റര്‍, മെക്കാനിക് മോട്ടോര്‍ വെഹിക്ള്‍, സി.ആര്‍ ഫിറ്റര്‍, മെക്കാനിക്ക് എന്‍ജനീയറിങ്, മള്‍ട്ടി സ്കില്‍ഡ് മാന്‍, മെഷീന്‍ ഓപറേറ്റര്‍, കരിയേജ് ആന്‍ഡ് വാഗണ്‍, ഫിറ്റര്‍ മില്‍റൈറ്റ്, മോട്ടോര്‍ മെക്കാനിക് കം ഡ്രൈവര്‍, ഹാമര്‍മാന്‍,ഗ്രൈന്‍ഡര്‍, അലൈനര്‍, ബ്രിഡ്ജ് സാരംഗ്, ബ്രിഡ്ജ് ഇറക്ടര്‍ തുടങ്ങിയ ടെക്നീഷ്യന്‍ ഗ്രേഡ് മൂന്ന് തസ്തികകളിലാണ് വിവിധ ആര്‍.ആര്‍.ബികളില്‍ ഒഴിവുള്ളത്.

യോഗ്യത-പത്താം ക്ളാസും എന്‍.സി.വി.ടി/ എസ്.സി.വി.ടി അംഗീകാരമുള്ള ആക്ട് അപ്രന്‍റീസ്ഷിപ്/ ഐ.ടി.ഐ ആണ് യോഗ്യത.

പ്രായം - 18നും 30നും മധ്യേ. സംരവരണ വിഭാഗക്കാര്‍ക്കും വിമുക്ത ഭടന്മാര്‍ക്കും അനുസൃതമായ വയസ്സിളവ് ഉണ്ടായിരിക്കും.

ജനറല്‍, ഒ.ബി.സി വിഭാഗക്കാര്‍ 40 രൂപ അപേക്ഷാഫീസ് നല്‍കണം. അതത് റെയില്‍വേ ബോര്‍ഡുകളുടെ അസി. സെക്രട്ടറിയുടെയോ സെക്രട്ടറിയുടെയോ മെംബര്‍ സെക്രട്ടറിയുടെയോ ചെയര്‍മാന്റെയോ പേരില്‍ ഏതെങ്കിലും ദേശസാത്കൃത ബാങ്കില്‍നിന്നെടുത്ത മൂന്നുമാസത്തെ കാലാവധിയുള്ള ഡിമാന്‍ഡ് ഡ്രാഫ്റ്റ് ആയോ പോസ്റ്റല്‍ ഓര്‍ഡര്‍ ആയോ ആണ് അപേക്ഷാഫീസ് അടക്കേണ്ടത്. ഇതിന്റെവിശദ വിവരങ്ങള്‍ ജനുവരി 18ന് പ്രസിദ്ധീകരിച്ച എംപ്ളോയ്മെന്‍റ് ന്യൂസില്‍ നല്‍കിയിട്ടുണ്ട്. എംപ്ളോയ്മെന്‍റ് ന്യൂസില്‍ നല്‍കിയ മാതൃകയില്‍ പ്രിന്‍റ് ചെയ്തതോ ബന്ധപ്പെട്ട ആര്‍.ആര്‍.ബികളില്‍ നിന്നോ ഡൗണ്‍ലോഡ് ചെയ്തതോ ആയ മാതൃകയിലുള്ള അപേക്ഷാഫോറം സ്വന്തം കൈപ്പടയിലാണ് പൂരിപ്പിക്കേണ്ടത്. പേര്, വിലാസം (പിന്‍കോഡ് സഹിതം), മൊബൈല്‍ നമ്പര്‍, ആധാര്‍ നമ്പര്‍, ഡേറ്റ് ഓഫ് ബെര്‍ത്ത്, അടുത്തുള്ള റെയില്‍വേസ്റ്റേഷന്‍ എന്നീ വിവരങ്ങള്‍ ഇംഗ്ളീഷില്‍ വലിയ അക്ഷരത്തില്‍ എഴുതണം. ഒപ്പ് വലിയ അക്ഷരത്തില്‍ ഇടരുത്. മൂന്നു മാസത്തിലധികം പഴക്കമില്ലാത്ത 3.5 സെ.മീ/3.5 സെ.മീ വലുപ്പമുള്ള ഫോട്ടോ അപേക്ഷയുടെ നിര്‍ദിഷ്ട സ്ഥാനത്ത് പേസ്റ്റ് ചെയ്തിരിക്കണം. പേരും കാറ്റഗറി നമ്പറും ഫോട്ടോയുടെ പിന്‍വശത്ത് എഴുതിയിരിക്കണം. കവറിന് പുറത്ത് Application for the post/s of ........category No/s.......Centralised Employment Notice No.....& Community കവറിന് പുറത്ത് എഴുതിയിരിക്കണം.
അപേക്ഷക്കൊപ്പം ഡി.ഡിയും സ്വയം അറ്റസ്റ്റ് ചെയ്ത കാസ്റ്റ് സര്‍ട്ടിഫിക്കറ്റും വെച്ചിരിക്കണം. മറ്റു സര്‍ട്ടിഫിക്കറ്റുകള്‍ ഡോക്യുമെന്‍റ് വെരിഫിക്കേഷന്‍ സമയത്ത് ഹാജരാക്കിയാല്‍ മതി. ബന്ധപ്പെട്ട ആര്‍.ആര്‍.ബികളുടെ വിലാസത്തില്‍ ഫെബ്രുവരി 17നുള്ളില്‍ ഓര്‍ഡിനറി പോസ്റ്റില്‍ ആണ് അപേക്ഷ അയക്കേണ്ടത്.

തിരുവനന്തപുരം ആര്‍.ആര്‍.ബിയുടെ വിലാസം:

The Assistant Secretary,

Railway Recruitment Board,

Thampanoor (near Thiruvananthapuram Railway station),

Thiruvananthapuram.

ഇങ്ങോട്ടുള്ള ഡി.ഡികള്‍ തിരുവനന്തപുരത്ത് മാറാവുന്ന വിധത്തിലും പോസ്റ്റല്‍ ഓര്‍ഡറുകള്‍ G.P.O തിരുവനന്തപുരത്ത് മാറാവുന്നതുമാകണം.

എഴുത്ത് പരീക്ഷ ഒരേദിവസം ഒരേസമയത്ത് ആയിരിക്കും നടത്തുക. ലോക്കോമോട്ടിവ് തസ്തികയില്‍ എഴുത്തു പരീക്ഷക്കും ആപ്റ്റിറ്റ്യൂഡ് പരീക്ഷക്കും ഡോക്യുമെന്‍റ് വെരിഫിക്കേഷനും ശേഷമാകും നിയമനം. ടെക്നീഷ്യന്‍ തസ്തികയില്‍ എഴുത്തുപരീക്ഷയും ഡോക്യുമെന്‍റ് വെരിഫിക്കേഷനും മാത്രമേ ഉണ്ടാകൂ.

അസി.ലോക്കോ പൈലറ്റ്, ടെക്നീഷ്യന്‍ ഗ്രേഡ് മൂന്ന് സിഗ്നല്‍ ആന്‍ഡ് ടെലി കമ്യൂണിക്കേഷന്‍, വയര്‍ലെസ് മെയിന്‍റയിനര്‍ തസ്തികകളില്‍ എന്‍ജിനീയറിങ് ഡിഗ്രി/ഡിപ്ളോമ യോഗ്യതയായി പരിഗണിക്കില്ല.

Nammude Cheruputhoor

ഉദ്ഹിയ്യത്ത് ഏറ്റവും അര്‍ഹരിലെക്കാവട്ടെ.

ഉപകാരപ്രദമായി റേഷന്‍ കാര്‍ഡ് തെറ്റ് തിരുത്തല്‍ ക്യാമ്പ്.

'ഭൂമിയിലെ മാലാഖ' പ്രകാശനം ചെയ്തു.

മാതൃകാ ഡിസ്പെന്‍സറിയായി പ്രഖ്യാപിച്ചു.

ശ്രദ്ധേയമായി ഗ്രാമോത്സവം.

കാരാട്ട് എം.സി. കോമുഹാജി.

കോടിത്തൊടിക കദീജ നിര്യാതയായി.

അബ്ദുല്‍ കരീം നിര്യാതനായി.

ആമിന നിര്യാതയായി.

18 തികയുന്നവരേ! ഇതാ വോട്ട് ചേര്‍ക്കാന്‍ സുതാര്യ വഴി.

എങ്ങിനെ വോട്ട് ചേര്‍ക്കാം?

Step 1 ല്‍ ചെയ്യേണ്ടത്

Step 2ല്‍ ചെയ്യേണ്ടത്

Step 3ല്‍ ചെയ്യേണ്ടത്

ഫോട്ടോ അപ്ലോഡ് ചെയ്യുമ്പോള്‍ ശ്രദ്ധിക്കേണ്ടത്:

നമ്മുടെ തിരിച്ചറിയല്‍ കാര്‍ഡിന്‍െറ ‘എഡിറ്റര്‍’ നാം തന്നെ!!

കണ്ണൂരിൽ കരസേന റിക്രൂട്ട്‌മെന്റ് റാലി.

ശാരീരിക യോഗ്യതകൾ

യോഗ്യത:

സോൾജ്യർ ക്ലർക്ക്/ സ്റ്റോർ കീപ്പർ ടെക്‌നിക്കൽ:

സോൾജ്യർ ടെക്‌നിക്കൽ:

സോൾജ്യർ ജനറൽ ഡ്യൂട്ടി:

സോൾജ്യർ നഴ്‌സിംഗ് അസിസ്റ്റന്റ് (നാവെറ്റ്)

കായിക ക്ഷമത പരീക്ഷ:

​വെല്‍ഫയര്‍ പാര്‍ട്ടി യൂണിറ്റ് സമ്മേളനം.

സ്വാതന്ത്ര്യദിനാഘോഷം

സ്വാതന്ത്ര്യദിന സമ്മേളനവും ഗസ്സ ഐക്യദാര്‍ഢ്യ സംഗമവും.

ഹയര്‍ സെക്കന്‍ഡറി പാസായവര്‍ക്ക് കേന്ദ്രസര്‍ക്കാര്‍ വകുപ്പുകളില്‍ അവസരം.

സിവില്‍ സര്‍വീസ് പരീക്ഷ: അപേക്ഷ ജൂണ്‍ 30 വരെ.

ഒഴിവുകള്‍

കേരളത്തിലെ പരീക്ഷാ കേന്ദ്രങ്ങള്‍

പരീക്ഷയുടെ ഘടന

പ്രിലിമിനറി

മെയിന്‍

യോഗ്യതാ പേപ്പറുകള്‍:

അപേക്ഷകരുടെ പ്രായം

യോഗ്യത

ഫീസ്

കരസേനാ റിക്രൂട്ട്മെന്‍റ് റാലി മേയ് 19 മുതല്‍ 30 വരെ കാസര്‍കോട്ട്

പാചകമത്സരം സംഘടിപ്പിക്കുന്നു.

ഹുസൈന്‍ മുബാറക് നിര്യാതനായി.

ദന്തരോഗ നിര്‍ണയ ക്യാമ്പ് സംഘടിപ്പിച്ചു.

മമ്മീര്യം ഹജ്ജുമ്മ നിര്യാതയായി.

പോസ്റ്റല്‍ അസിസ്റ്റന്‍റ് : 8243 ഒഴിവുകള്‍

വോട്ടർപട്ടികയിൽ തിങ്കളാഴ്ച വരെ പേരുചേർക്കാം.

കേന്ദ്ര സര്‍വീസില്‍ ജോലിക്ക് കമ്പൈന്‍ഡ് ഗ്രാജ്വേറ്റ് ലെവല്‍ പരീക്ഷ.

റെയില്‍വേയില്‍ വന്‍ അവസരങ്ങള്‍.

വെല്‍ഫയര്‍ പാര്‍ട്ടി യൂണിറ്റ് സമ്മേളനം.