ചിത്രവിശേഷം

ഉന്നം (Review: Unnam)

2012-02-12T12:11:00.000+05:30

ഉന്നം: ലക്ഷ്യം കാണാത്ത ഉന്നങ്ങള്‍!

ഹരീ, ചിത്രവിശേഷം

'വയലിനു' ശേഷം സിബി മലയില്‍ സംവിധാനം നിര്‍വ്വഹിച്ചിരിക്കുന്ന ചിത്രമാണ്‌ 'ഉന്നം'. ആസിഫ് അലി, റിമ കല്ലിങ്കല്‍, ലാല്‍, ശ്വേത മേനോന്‍, ശ്രീനിവാസന്‍ തുടങ്ങിയവരൊക്കെയാണ്‌ ചിത്രത്തില്‍ കേന്ദ്രകഥാപാത്രങ്ങളെ അവതരിപ്പിക്കുന്നത്. ഇതിനു മുന്‍പ് 'കറന്‍സി' എന്ന ചിത്രത്തിന്റെ രചനയും സംവിധാനവും നിര്‍വ്വഹിച്ച സ്വാതി ഭാസ്കറാണ്‌ ഹിന്ദി ചിത്രമായ 'ജോണി ഗദ്ദാറി'നെ അധികരിച്ച് 'ഉന്ന'ത്തിനു വേണ്ടി തിരനാടകവും സംഭാഷണങ്ങളും ഒരുക്കിയിരിക്കുന്നത്. കുനിയില്‍ പ്രൊഡക്ഷന്‍സിന്റെയും ആര്‍.ആര്‍. എന്റര്‍ടൈന്മെന്റ്സിന്റെയും സം‍യുക്ത ബാനറില്‍ നൗഷാദ്, ബഷീര്‍ എന്നിവരൊരുമിച്ചാണ്‌ ചിത്രത്തിന്റെ നിര്‍മ്മാണം. സ്ഥിരം ശൈലിയിലുള്ള പ്രമേയങ്ങള്‍ വിട്ട്, വ്യത്യസ്തമായ വിഷയങ്ങള്‍ കാലാനുസൃതമായി അവതരിപ്പിക്കുവാനുള്ള സിബി മലയിലിന്റെ ശ്രമം അഭിനന്ദനീയമെങ്കിലും; അദ്ദേഹം ഉന്നം വെയ്‍ക്കുന്ന ലക്ഷ്യത്തിലേക്കെത്തുവാന്‍ ഇനിയുമേറെ പോകുവാനുണ്ടെന്ന് 'അപൂര്‍വരാഗ'മെന്ന പോലെ 'ഉന്ന'വും അടിവരയിട്ടു പറയുന്നു.Read more »

സെക്കന്‍റ് ഷോ (Review: Second Show)

2012-02-04T07:31:00.000+05:30

സെക്കന്‍റ് ഷോ: പുതുമ വാക്കിലല്ല, തിരശീലയില്‍ കാണാം!

ഹരീ, ചിത്രവിശേഷം

നവാഗതനായ ശ്രീനാഥ് രാജേന്ദ്രന്‍, ക്യാമറയ്‍ക്ക് മുന്നിലും പിന്നിലും ഒരുപിടി പുതുമുഖങ്ങളെ അണിനിരത്തി ഒരുക്കിയിരിക്കുന്ന ചിത്രമാണ്‌ 'സെക്കന്റ് ഷോ'. മമ്മൂട്ടിയുടെ മകന്‍ ദുല്‍ക്കര്‍ സല്‍‍മാന്‍ നായകവേഷത്തില്‍ പ്രത്യക്ഷപ്പെടുന്ന ആദ്യ ചിത്രമെന്ന പ്രത്യേകതയും ഇതിനുണ്ട്. ദുല്‍ക്കറിനോടൊപ്പം പുതുമുഖങ്ങളായ സണ്ണി വെയ്‍ന്‍, ഗൗതമി നായര്‍ എന്നിവരും ബാബുരാജ്, രോഹിണി, കുഞ്ചന്‍ തുടങ്ങിയ പരിചിത അഭിനേതാക്കളും ചിത്രത്തില്‍ വേഷമിടുന്നു. മറ്റൊരു തുടക്കക്കാരനായ വിനി വിശ്വലാലിന്റെയാണ്‌ ചിത്രത്തിന്റെ കഥയും തിരക്കഥയും സംഭാഷണങ്ങളും. അധികം അവകാശവാദങ്ങളോ പറഞ്ഞു പൊലിപ്പിക്കലോ ഒന്നുമില്ലാതെയാണ്‌ നിര്‍മ്മാതാക്കളായ AOPL എന്റര്‍ടൈന്മെന്റ് ചിത്രം തിയേറ്ററുകളിലെത്തിച്ചിരിക്കുന്നത്. പറയുന്നതു പലതും അതുപോലെയോ അല്ലെങ്കില്‍ അതിന്റെ ചെറിയൊരംശമെങ്കിലുമോ തിരശീലയില്‍ കാണാത്ത പതിവു രീതികള്‍ വിട്ട്, ഒന്നും പറയാതെ എന്നാല്‍ അങ്ങിനെ പറയാമായിരുന്ന പുതുമകള്‍ പലതും തിരശീലയില്‍ കാണിച്ചു തരുന്നുണ്ട് ശ്രീനാഥ് രാജേന്ദ്രനും സംഘവും. യുവനിരയുടെ ആത്മാര്‍ത്ഥമായ പരിശ്രമം നല്‍കുന്ന പുതുമ തന്നെയാണ്‌ ചിത്രത്തിന്റെ കാതലായ മികവെന്ന് നിസ്സംശയം പറയാം.Read more »

ചിത്രവിശേഷം പോള്‍ 2011 - ഫലങ്ങള്‍

2012-01-31T22:02:00.000+05:30

രാജേഷ് ആര്‍. പിള്ളയുടെ 'ട്രാഫിക്' മികച്ച ചിത്രം, സലിം കുമാര്‍ മികച്ച നായകനടന്‍, കാവ്യ മികച്ച നായികനടി

ഹരീ, ചിത്രവിശേഷം

രണ്ടായിരത്തിപ്പതിനൊന്നിലെ മികച്ച മലയാളം സിനിമയേയും, സിനിമകളുടെ അരങ്ങിലും അണിയറയിലും മികവുപുലര്‍ത്തിയ കലാകാരന്മാരേയും കണ്ടെത്തുവാനായി ചിത്രവിശേഷം വായനക്കാര്‍ക്കിടയില്‍ നടത്തിയ അഭിപ്രായ വോട്ടെടുപ്പില്‍ രാജേഷ് ആര്‍. പിള്ള സംവിധാനം ചെയ്ത 'ട്രാഫിക്' മികച്ച ചിത്രമായി തിരഞ്ഞെടുക്കപ്പെട്ടു. മികച്ച സംവിധാനത്തിനും തിരക്കഥയ്ക്കുമുള്‍പ്പടെ അഞ്ച് സ്ഥാനങ്ങളില്‍ 'ട്രാഫിക്' മുന്നിലെത്തി. വായനക്കാരുടെ 60 വോട്ടുകളുള്‍പ്പടെ 98 പോയിന്റുകള്‍ നേടിയാണ്‌ 'ട്രാഫിക്' ഒന്നാമതെത്തിയത്. സലിം അഹമ്മദ് സംവിധാനം ചെയ്‍ത 'ആദാമിന്റെ മകന്‍ അബു'വാണ്‌ മികച്ച രണ്ടാമത്തെ ചിത്രം. 45 വോട്ടുകള്‍ സഹിതം ആകെ 74 പോയിന്റുകളാണ്‌ ഈ ചിത്രം നേടിയത്. ബ്ലെസിയുടെ സംവിധാനത്തില്‍ പുറത്തിറങ്ങിയ 'പ്രണയ'മാണ്‌ മൂന്നാം സ്ഥാനത്തെത്തിയത്. 36 വോട്ടുകള്‍ സഹിതം 64 പോയിന്റുകള്‍ 'പ്രണയ'ത്തിനു ലഭിച്ചു. ഓരോ ചിത്രത്തിനും/കലാകാരന്മാര്‍ക്കും ലഭിച്ച വോട്ടുകളുടെയും പോയിന്റുകളുടെയും പൂര്‍ണവിവരങ്ങള്‍ ഇവിടെ ലഭ്യമാണ്‌.

ഓരോ ചിത്രത്തിനും പോളിംഗില്‍ ലഭിച്ച വോട്ടുകളോടൊപ്പം, അതാത് ചിത്രത്തിന്റെ അഭിനേതാക്കള്‍, അണിയറ പ്രവര്‍ത്തകര്‍ എന്നിവര്‍ക്ക് ലഭിച്ച വോട്ടുകളെ അധികരിച്ചുള്ള ബോണസ് പോയിന്റുകള്‍ കൂടി കൂട്ടിയാണ്‌ മികച്ച ചിത്രങ്ങളുടെ ആകെ പോയിന്റുകള്‍ കണക്കാക്കിയത്. ആകെ 264 പേര്‍ പോളിംഗില്‍ പങ്കെടുത്തതില്‍ 6 വോട്ടുകള്‍ അസാധുവായി. മിച്ചമുള്ള 258 പേരുടെ വോട്ടുകളെ അധികരിച്ചാണ്‌ ഈ ഫലങ്ങള്‍ നിര്‍ണയിച്ചിരിക്കുന്നത്.

കാസനോവ (Review: Casanovva)

2012-01-27T09:29:00.000+05:30

കാസനോവ: കാശു പൊടിച്ചൊരു 'താര ജാഡ'പ്പടം!

ഹരീ, ചിത്രവിശേഷം

'ഉദയനാണ്‌ താരം', 'ഇവിടം സ്വര്‍ഗമാണ്‌' എന്നീ ചിത്രങ്ങള്‍ക്കു ശേഷം മോഹന്‍ലാലും റോഷന്‍ ആന്‍ഡ്രൂസും (മലയാളത്തില്‍ ഏതെങ്കിലുമൊക്കെ അക്ഷരങ്ങള്‍ ഇരട്ടിക്കുന്നുണ്ടോ ആവോ!) ഒന്നിക്കുന്ന മൂന്നാമത്തെ ചിത്രമാണ്‌ 'കാസനോവ' (അംഗലേയത്തില്‍ Casanovva, അതു വായിച്ചാല്‍ 'കാസനോവ്വ'! 'കോണ്‍ഫിഡന്റ് കാസനോവ' എന്നാണ്‌ ചിത്രത്തിന്റെ മുഴുവന്‍ പേരെന്നുമുണ്ട്.) ഡോ. സി.ജെ. റോയും ആന്റണി പെരുമ്പാവൂരും ചേര്‍ന്നാണ്‌ മലയാളത്തില്‍ ഏറ്റവും കൂടുതല്‍ മുതല്‍മുടക്കി പൂര്‍ത്തിയാക്കിയ ഈ ഹെവി ബജറ്റ് ചിത്രത്തിനുവേണ്ടി പണമിറക്കി; കോണ്‍ഫിഡന്റ് എന്റര്‍ടൈന്മെന്റിന്റെയും ആശിര്‍വാദ് സിനിമാസിന്റെയും സം‍യുക്ത ബാനറില്‍ ചിത്രം പുറത്തെത്തിച്ചിരിക്കുന്നത്. പോയവര്‍ഷം ജനുവരിയില്‍ പുറത്തിറങ്ങി ഹിറ്റ് ചിത്രമായി മാറിയ 'ട്രാഫിക്കി'ന്റെ രചയിതാക്കള്‍, ബോബി-സഞ്ജയ് ദ്വയമാണ്‌ ചിത്രത്തിന്റെ തിരക്കഥ / സംഭാഷണ രചന എന്നതു കൂടിയാവുമ്പോള്‍ ചലച്ചിത്രാസ്വാദകരുടെ പ്രതീക്ഷകള്‍ മാനം മുട്ടുന്നു. എന്നാല്‍ സിനിമ തുടങ്ങി അല്‍പം കഴിയുന്നതോടെ അത്തരം പ്രതീക്ഷകളൊക്കെ മലര്‍പ്പൊടിക്കാരന്റെ സ്വപ്നം പോലെ തകര്‍ന്നടിയുകയാണ്. സൂപ്പര്‍സ്റ്റാര്‍ ആരാധകര്‍ക്കു വേണ്ടിയെന്ന പേരില്‍ താര ജാഡയുടെ പ്രദര്‍ശനമായി ചിത്രം മാറുമ്പോള്‍, 'ഫാനാ'യി കാണുവാനെത്തി അങ്ങിനെയല്ലാതാവുന്നവരുടെ നിരാശയില്‍ നിന്നുയര്‍ന്നു കേട്ട ചില കമന്റുകള്‍ മാത്രമാണ്‌ തിയേറ്ററിനുള്ളില്‍ ആശ്വാസമായത്!Read more »

സ്പാനിഷ് മസാല (Review: Spanish Masala)

2012-01-23T08:45:00.000+05:30

സ്പാനിഷ് മസാല: മസാല സ്പാനിഷെങ്കിലും, രുചി തനി നാടന്‍!

ഹരീ, ചിത്രവിശേഷം

ലാല്‍ ജോസും ദിലീപും ഇതിനു മുന്‍‌പ് ഒന്നിച്ച സിനിമകളുടെ പട്ടിക നോക്കിയാല്‍ ഹിറ്റുകളുമുണ്ട് ഫ്ലോപ്പുകളുമുണ്ട്. ഇരുവരും വീണ്ടുമൊന്നിക്കുന്ന ‘സ്പാനിഷ് മസാല’യെക്കുറിച്ച് അമിതപ്രതീക്ഷയൊന്നും അതുകൊണ്ടുതന്നെ ആര്‍ക്കും ഉണ്ടാ‍യിരുന്നിരിക്കില്ല. ‘ചാന്ത്പൊട്ടി’നു ശേഷം ബെന്നി പി. നായരമ്പലം ലാല്‍‌ജോസിനു വേണ്ടി ഈ ചിത്രത്തില്‍ രചന നിര്‍‌വ്വഹിച്ചിരിക്കുന്നു. ബിഗ് സ്ക്രീന്‍ പ്രൊഡക്ഷന്‍‌സിന്റെ ബാനറില്‍ നൗഷാദാണ് ചിത്രത്തിനുവേണ്ടി പണമിറക്കിയിരിക്കുന്നത്. കുഞ്ചാക്കോ ബോബന്‍, സ്പാനിഷ് അഭിനേത്രി ഡാ‍നിയേല സച്ചേരി, ബിജു മേനോന്‍ തുടങ്ങിയവരാണ് ദിലീപിനൊപ്പം മുഖ്യവേഷങ്ങളില്‍. ഭൂരിഭാഗം ലൊക്കേഷനുകളും സ്പെയിനില്‍, കൂടെ അഭിനയിക്കുവാന്‍ സ്പെയിനില്‍ നിന്നുമുള്ള അഭിനേതാക്കള്, സ്പെയിനിലെ തക്കാളിയേറുത്സവവും കാളപ്പോരുമൊക്കെ മേമ്പൊടിക്ക്; മസാലക്കൂട്ടിലെ ചേരുവകള്‍ക്ക് വ്യത്യസ്തതയുണ്ട്. പക്ഷെ, അതൊക്കെ ചേര്‍ത്ത് ‘സ്പാനിഷ് മസാല’യാക്കി വിളമ്പുമ്പോഴും സാധാരണ മലയാളം പടങ്ങളുടെ നാടന്‍ രുചി തന്നെയാണ്‌ ചിത്രവും നല്‍കുന്നത്!Read more »

അസുരവിത്ത് (Review: Asuravithu)

2012-01-08T19:25:00.000+05:30

അസുരവിത്ത്: സാത്താന്മാര്‍ സിനിമയെടുക്കുമ്പോള്‍!

ഹരീ, ചിത്രവിശേഷം

ഒരു ദശാബ്ദക്കാലം മുന്‍പ് 2002-ലാണ്‌ എ.കെ. സാജന്‍ 'സ്റ്റോപ്പ് വയല‍ന്‍സ്' എന്ന തന്റെ ആദ്യ ചിത്രവുമായെത്തുന്നത്. ആ ചിത്രത്തിന്റെ തുടര്‍ച്ചയായാണ്‌ 'അസുരവിത്ത്' തയ്യാറാക്കിയിരിക്കുന്നത്. എ.കെ. സന്തോഷിന്റെ രചനയായിരുന്നു (കൂട്ടത്തില്‍ ലോഹിതദാസിന്റെ വിവരണവും) ആദ്യ ചിത്രത്തിനു പിന്‍ബലമെങ്കില്‍ ഇവിടെ രചനയും എ.കെ. സാജന്റെ തന്നെ. ഇടയ്‍ക്ക് 'ലങ്ക' എന്നൊരു ചിത്രം ചെയ്‍തുവെങ്കിലും എ.കെ. സാജന്‍ രചന നിര്‍വ്വഹിച്ച 'റെഡ് ചില്ലീസി'ലൂടെയും 'ദ്രോണ 2010'-ലൂടെയുമൊക്കെയാണ്‌ മലയാളികള്‍ ഇന്ന് എ.കെ. സാജന്‍ എന്ന പേര്‌ ഓര്‍മ്മിക്കുന്നത്. തെറ്റിദ്ധാരണ വേണ്ട; ഇനി ആ പേരു കേട്ടാല്‍ തിയേറ്ററിലേക്ക് അറിയാതെ പോലും കയറാതിരിക്കുവാനാണ്‌ സാജനെ ഓര്‍മ്മയില്‍ സൂക്ഷിക്കുന്നത്. ഏതായാലും അങ്ങിനെ ചെയ്യുന്നവരുടെ എണ്ണം കൂട്ടുവാന്‍ തക്കവണ്ണമാണ്‌ 'അസുരവിത്തി'നേയും സാജന്‍ കിളിര്‍പ്പിച്ചെടുത്തിരിക്കുന്നത്. ആസിഫ് അലി, സംവൃത സുനില്‍, വിജയരാഘവന്‍, ലെന തുടങ്ങിയവരൊക്കെ പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രം ലീല മീഡിയ റിലീസിന്റെ ബാനറില്‍ ഷാജി താണപറമ്പിലാണ്‌ നിര്‍മ്മിച്ചിരിക്കുന്നത്.Read more »

ചിത്രവിശേഷം പോള്‍ 2011 - വോട്ടെടുപ്പ്

2012-01-07T08:37:00.000+05:30

ചിത്രവിശേഷം പോള്‍ 2011: വോട്ടെടുപ്പ്

ഹരീ, ചിത്രവിശേഷം

ചിത്രവിശേഷം പോള്‍ 2011 - വോട്ടെടുപ്പിലേക്ക് സ്വാഗതം. 2011 ജനുവരി 01 മുതല്‍ ഡിസംബര്‍ 31 വരെ കേരളത്തില്‍ ഏതെങ്കിലുമൊരു തിയേറ്ററിലെങ്കിലും റിലീസ് ചെയ്യപ്പെട്ട ചിത്രങ്ങള്‍, അവയില്‍ പ്രവര്‍ത്തിച്ച കലാകാരന്മാര്‍ എന്നിവരെയാണ്‌ ഈ വോട്ടെടുപ്പില്‍ ഉള്‍പ്പെടുത്തിയിരിക്കുന്നത്. ചിത്രവിശേഷം വായനക്കാര്‍ നല്‍കിയ നാമനിര്‍ദ്ദേശങ്ങള്‍ കൂടി ഉള്‍പ്പെടുത്തിയാണ്‌ പോളിനായുള്ള അവസാന ലിസ്റ്റ് തയ്യാറാക്കിയിരിക്കുന്നത്. പോളില്‍ ഉള്‍പ്പെട്ടിരിക്കുന്നവയുടെ/വരുടെ പേരുവിവരങ്ങള്‍ ഇവിടെ കാണാം. (ഫയല്‍ തുറക്കുവാന്‍ PDF റീഡര്‍ ആവശ്യമുണ്ട്.) പുതുതായി ചേര്‍ക്കപ്പെട്ട പേരുകള്‍ നീല നിറത്തില്‍ നല്‍കിയിരിക്കുന്നു. മികച്ച ചിത്രം, മികച്ച സംവിധായകന്‍, മികച്ച നായക നടന്‍, മികച്ച നായിക നടി തുടങ്ങിയവയുള്‍പ്പടെ പതിനെട്ട് വിഭാഗങ്ങളിലാണ്‌ വോട്ടെടുപ്പ് നടക്കുന്നത്. ചിത്രവിശേഷം പോള്‍ 2011 ഒരു വിജയമാക്കുവാന്‍ എല്ലാ വായനക്കാരുടേയും സഹകരണം അഭ്യര്‍ത്ഥിക്കുന്നു. പോളില്‍ ഉള്‍പ്പെടുത്തിയിരിക്കുന്ന കലാകാരന്മാര്‍, അവരുടെ ചിത്രങ്ങള്‍ തുടങ്ങിയ വിശദവിവരങ്ങള്‍ക്ക് ഇവിടം സന്ദര്‍ശിക്കുക. പോളില്‍ പങ്കെടുക്കുവാനുള്ള അവസാന തീയതി ജനുവരി 28, 2012.
Read more »

ചിത്രവിശേഷം പോള്‍ 2011 - നാമനിര്‍ദ്ദേശങ്ങള്‍

2012-01-01T09:58:00.000+05:30

ചിത്രവിശേഷം പോള്‍ 2011: നാമനിര്‍ദ്ദേശങ്ങള്‍

ഹരീ, ചിത്രവിശേഷം

രണ്ടായിരത്തിപതിനൊന്നിലെ മികച്ച മലയാള സിനിമ, പോയ വര്‍ഷമിറങ്ങിയ മലയാള സിനിമകളില്‍ അരങ്ങിലും അണിയറയിലും മികച്ച പ്രകടനം കാഴ്ചവെച്ചവര്‍ എന്നിവരെ തിരഞ്ഞെടുക്കുവാനുള്ള 'ചിത്രവിശേഷം പോള്‍ 2011'-ലേക്ക് എല്ലാ വായനക്കാര്‍ക്കും സ്വാഗതം. 2010-ലെ അഭിപ്രായവോട്ടെടുപ്പ് ഫലങ്ങള്‍ ഇവിടെ കാണാം. ചിത്രവിശേഷം കാണാതെ വിട്ടുപോയ ചിത്രങ്ങള്‍, അവയില്‍ തന്താങ്ങളുടെ മേഖലയില്‍ മികവു പുലര്‍ത്തിയ കലാകാരന്മാര്‍, ചിത്രവിശേഷം മികച്ചതായി കണക്കാക്കാത്ത ചിത്രങ്ങള്‍ / കലാകാരന്മാര്‍; ഇങ്ങിനെ ഏതെങ്കിലും കാരണങ്ങള്‍ കൊണ്ട് ചില ചിത്രങ്ങളോ കലാകാരന്മാരോ വിട്ടുപോയിട്ടുണ്ടെങ്കില്‍ അവരെ ഉള്‍പ്പെടുത്തുവാനായാണ്‌ നാമനിര്‍ദ്ദേശങ്ങള്‍ സ്വീകരിക്കുന്നത്. 2011 ജനുവരി 01 മുതല്‍ ഡിസംബര്‍ 31 വരെ കേരളത്തിലെ തിയേറ്ററുകളില്‍ റിലീസ് ചെയ്യപ്പെട്ട, 88 ചിത്രങ്ങളെയും അവയില്‍ പ്രവര്‍ത്തിച്ചവരേയുമാണ്‌ വോട്ടെടുപ്പില്‍ ഉള്‍പ്പെടുത്തിയിരിക്കുന്നത്. മുന്‍വര്‍ഷത്തേതു പോലെ ഏവരുടേയും സഹകരണം 'ചിത്രവിശേഷം പോള്‍ 2011'-ന്‌ പ്രതീക്ഷിക്കുന്നു.Read more »

വെള്ളരിപ്രാവിന്റെ ചങ്ങാതി (Review: Vellaripravinte Changathi)

2011-12-31T13:00:00.003+05:30

വെള്ളരിപ്രാവിന്റെ ചങ്ങാതി: ചങ്ങായിക്കൊരു ഗുമ്മില്ല!

ഹരീ, ചിത്രവിശേഷം

രണ്ടായിരത്തിയൊന്‍പതില്‍ പുറത്തിറങ്ങിയ 'കാണാ കണ്മണി'ക്കു ശേഷം അക്കു അക്ബറിന്റെ സംവിധാനത്തില്‍ പുറത്തിറങ്ങുന്ന ചിത്രമാണ്‌ 'വെള്ളരിപ്രാവിന്റെ ചങ്ങാതി'. ജി.എസ്. അനില്‍ രചന നിര്‍വ്വഹിച്ചിരിക്കുന്ന ഈ ചിത്രത്തില്‍ ദിലീപ്, കാവ്യ മാധവന്‍, മനോജ് കെ. ജയന്‍, ഇന്ദ്രജിത്ത് തുടങ്ങിയവര്‍ പ്രധാന വേഷങ്ങളിലെത്തുന്നു. ചാന്ദ്.വി ക്രിയേഷന്‍സിന്റെ ബാനറില്‍ അരുണ്‍ ഘോഷ്, ബിജോയ് ചന്ദ്രന്‍ എന്നിവരൊരുമിച്ചാണ്‌ ചിത്രത്തിന്റെ നിര്‍മ്മാണം. പുതുമയുള്ള പ്രമേയം സ്വീകരിക്കുവാനും അവതരിപ്പിക്കുവാനും തന്റെ മുന്‍ചിത്രത്തിലെന്ന പോലെ അക്കു അക്ബര്‍ ഈ ചിത്രത്തിലും ശ്രമിക്കുന്നെങ്കിലും, ആ ശ്രമങ്ങളില്‍ പൂര്‍ണത കൈവരിക്കുവാന്‍ കഴിയാത്തതിനാല്‍ തന്നെ ചിത്രം അത്രത്തോളം ആസ്വാദ്യകരമല്ലാതെ പോവുന്നു. പ്രമേയപരമായി ചിത്രം വ്യത്യസ്‍തവും പുതുമയുള്ളതുമാവുമ്പോഴും, സിനിമയ്‍ക്ക് പുതുമയോ വ്യത്യസ്‍തതയോ പറയുവാനില്ല എന്നു ചുരുക്കം! Read more »

ഡോണ്‍ 2 (Review: Don 2)

2011-12-24T10:15:00.000+05:30

ഡോണ്‍ 2: തിരിച്ചുവരവിലും ഡോണിനു പിഴയ്‍ക്കുന്നില്ല!

ഹരീ, ചിത്രവിശേഷം

രണ്ടായിരത്തിയാറില്‍ പുറത്തിറങ്ങിയ 'ഡോണ്‍: ദി ചേസ് ബിഗിന്‍സ് എഗൈന്‍' പറഞ്ഞു നിര്‍ത്തിയിടത്തു നിന്നും തുടരുന്നു 'ഡോണ്‍ 2: ദി കിംഗ് ഈസ് ബാക്ക്'‍. ആദ്യ ചിത്രം പുറത്തിറങ്ങി അഞ്ചു വര്‍ഷത്തിനു ശേഷമിറങ്ങുന്ന ഈ ചിത്രം അതേ കാലയളവിനു ശേഷമുള്ള ഡോണിനെ അവതരിപ്പിക്കുന്നു. ഫര്‍ഹാന്‍ അക്തര്‍ സംവിധാനം ചെയ്തിരിക്കുന്ന ചിത്രത്തിന്റെ രചനയില്‍ സംവിധായകനോടൊപ്പം അമീത് മേത്ത, അം‍രീഷ് ഷാഹ് എന്നിവരും സഹകരിക്കുന്നു. ഷാരൂഖ് ഖാനോടൊപ്പം ആദ്യ ചിത്രത്തില്‍ പ്രധാന വേഷങ്ങളിലെത്തിയ പ്രിയങ്ക ചോപ്ര, ബോമന്‍ ഇറാനി, ഓം പുരി തുടങ്ങിയവര്‍ ഇതിലുമുണ്ട്. ഇഷ കോപ്പികര്‍, അര്‍ജുന്‍ രാം‍പാല്‍ എന്നിവര്‍ക്കു പകരമായി ഇതില്‍ ലാറ ദത്തയും കുനാല്‍ കപൂറുമാണ്‌ ഡോണിന്റെ സഹായികളായി വേഷമിടുന്നത്. റിലയന്‍സ് എന്റര്‍ടൈന്മെന്റിന്റെയും എക്‍സല്‍ എന്റര്‍ടൈന്മെന്റിന്റെയും ബാനറില്‍ ഫര്‍ഹാന്‍ അക്തര്‍, റിതേഷ് സിദ്‍വാനി, ഷാരൂഖ് ഖാന്‍ എന്നിവരൊരുമിച്ചാണ്‌ ചിത്രത്തിനു വേണ്ടി പണം മുടക്കിയിരിക്കുന്നത്. ഡോണായി ഷാരൂഖ് ഖാനും റോമയായി പ്രിയങ്ക ചോപ്രയും കസറുമ്പോള്‍ മറ്റൊരു ഉദ്വേഗഭരിതമായ വിനോദചിത്രമായി 'ഡോണ്‍ 2' പ്രേക്ഷകരെ തൃപ്തിപ്പെടുത്തുന്നു.Read more »

ഒരു മരുഭൂമിക്കഥ (Review: Oru Marubhoomikkadha)

2011-12-19T08:43:00.000+05:30

ഒരു മരുഭൂമിക്കഥ: വല്ലവരടേം കഥ, വെടക്കാക്കി തനിക്കാക്കുന്നത് പ്രിയന്‍!

ഹരീ, ചിത്രവിശേഷം

രണ്ടായിരത്തിനാലിലെ 'വെട്ട'ത്തിനു ശേഷം വിദേശ ചിത്രങ്ങള്‍ മലയാളത്തില്‍ പകര്‍ത്തിയെടുക്കുന്ന സ്ഥിരം പരിപാടിയുമായി പ്രിയദര്‍ശന്‍ വീണ്ടുമെത്തുന്നു 'ഒരു മരുഭൂമിക്കഥ'യിലൂടെ. ['അറബീം ഒട്ടകോം പി. മാധവന്‍ നായരും ഇന്‍ ഒരു മരുഭൂമിക്കഥ' എന്നാണത്രേ ചിത്രത്തിന്റെ പൂര്‍ണനാമം!] തൊണ്ണൂറ്റിയേഴില്‍ പുറത്തിറങ്ങിയ 'നത്തിംഗ് ടു ലൂസ്', 'എക്‍സസ് ബാഗേജ്' രണ്ടായിരത്തിയൊന്നിലെ 'സെറന്‍ഡിപിറ്റി' എന്നീ ചിത്രങ്ങളില്‍ നിന്നും 'പ്രചോദനം' ഉള്‍ക്കൊണ്ട് കഥ എഴുതിയിരിക്കുന്നത് അഭിലാഷ് മേനോനും അതിന്റെ തിരനാടകം തയ്യാറാക്കിയിരിക്കുന്നത് പ്രിയദര്‍ശനും. ജാന്‍കോസ് എന്റര്‍ടെയിന്മെന്റിന്റെ ബാനറില്‍ വി. അശോക് കുമാറും നവീന്‍ ശശിധരനും ചേര്‍ന്നാണ്‌ ഈ ചിത്രം നിര്‍മ്മിച്ചിരിക്കുന്നത്. മോഹന്‍‍ലാല്‍, മുകേഷ് എന്നിവര്‍ കേന്ദ്ര കഥാപാത്രങ്ങളാവുന്ന ചിത്രത്തില്‍ ലക്ഷ്‍മി റായ്, ഭാവന തുടങ്ങിയവര്‍ നായികമാരായെത്തുന്നു. വിദേശ സിനിമകളുടെ കഥാതന്തു അതേപടി പകര്‍ത്തിയെഴുതി, തന്റെ സ്ഥിരം ചേരുവകള്‍ ചേര്‍ത്തൊന്നിളക്കി, യാതൊരു വിശ്വാസ്യതയും അനുഭവപ്പെടാത്ത തരത്തിലുള്ള മറ്റൊരു പ്രിയദര്‍ശന്‍ ബഹിളി ചിത്രമാണിതും.Read more »

വെനീസിലെ വ്യാപാരി (Review: Venicile Vyapari)

2011-12-17T15:12:00.000+05:30

വെനീസിലെ വ്യാപാരി: ഷാഫിയുടെ വിപണിയറിഞ്ഞൊരു വ്യാപാരം

ഹരീ, ചിത്രവിശേഷം

'മേരിക്കുണ്ടൊരു കുഞ്ഞാട്', 'മേക്കപ്പ് മാന്‍' എന്നീ വിജയചിത്രങ്ങള്‍ക്കു ശേഷം ഷാഫി ഒരുക്കുന്ന ചിത്രമാണ്‌ 'വെനീസിലെ വ്യാപാരി'. ഷാഫിയുടെ മറ്റൊരു ഹിറ്റ് ചിത്രമായ 'മായാവി'ക്കു ശേഷം (പിന്നീടിറങ്ങിയ 'ചട്ടമ്പിനാട്' ഹിറ്റല്ലെന്ന വിശ്വാസത്തില്‍...) മമ്മൂട്ടിയെ നായകനാക്കി മറ്റൊരു ഹിറ്റ് എന്ന പ്രതീക്ഷയാണ്‌ 'വെനീസിലെ വ്യാപാരി' നല്‍കുന്നത്. കാവ്യ മാധവനും പൂനം ബാജ്‍വയുമാണ്‌ ചിത്രത്തിലെ നായികമാര്‍. മുരളി ഫിലിംസിന്റെ ബാനറില്‍ വി.പി. മാധവന്‍ നായര്‍ നിര്‍മ്മിച്ചിരിക്കുന്ന ഈ ചിത്രത്തിനു വേണ്ടി 'ക്ലാസ്‍മേറ്റ്സി'ലൂടെ ശ്രദ്ധേയനായ ജയിംസ് ആല്‍ബര്‍ട്ട് രചന നിര്‍വ്വഹിച്ചിരിക്കുന്നു. പഴയകാലത്തിന്റെ പുനരാവിഷ്‍കാരമാണ്‌ ഇപ്പോള്‍ ചിലവാകുന്ന സാധനമെന്നു മനസിലാക്കി, അത്തരമൊരു കുപ്പിയില്‍ മലയാളസിനിമയില്‍ കാലങ്ങളായി കണ്ടുവരുന്ന പ്രമേയത്തെ അവതരിപ്പിച്ചിരിക്കുന്നതാണ്‌ ഈ സിനിമയെന്ന് ഒറ്റവാചകത്തില്‍ പറയാം.Read more »

പതിനാറാമത് അന്താരാഷ്‍ട്ര ചലച്ചിത്രോത്സവം - സമാപനം

2011-12-17T06:30:00.000+05:30

കേരളത്തിന്റെ പതിനാറാമത് ചലച്ചിത്രമേളയ്‍ക്ക് കൊടിയിറക്കം!

ചിത്രവിശേഷം

തിരുവനന്തപുരം: ഗറില്ലകളും പട്ടാളവും തമ്മിലുള്ള പോരാട്ടത്തില്‍ സ്വൈര്യജീവിതം അന്യമാവുന്ന ഒരു കൂട്ടം ഗ്രാമവാസികളുടെ കഥ പറഞ്ഞ കൊളം‍ബിയന്‍ ചിത്രം 'ദി കളേഴ്‍സ് ഓഫ് ദി മൗണ്ടന്‍' പതിനാറാമത് രാജ്യാന്തര ചലച്ചിത്രമേളയിലെ സു‍വര്‍ണചകോരം പുരസ്‍കാരത്തിന്‌ അര്‍ഹമായി. മികച്ച സംവിധായകനുള്ള രജത ചകോരം പുരസ്‍കാരത്തിന്‌ 'ഫ്ലമിംഗോ നം. 13' സംവിധാനം ചെയ്‍ത ഹമീദ് റെസ അര്‍ഹനായി. 'എ സ്റ്റോണ്‍'സ് ത്രോ എവേ' എന്ന ചിത്രത്തിലൂടെ സെബാസ്റ്റ്യന്‍ ഹിരിയാരത്തിന്‌ മികച്ച നവാഗത സംവിധായകനുള്ള പുരസ്‍കാരം ലഭ്യമായി. പാബ്ലോ പെരെല്‍മാന്റെ 'ദി പെയിന്റിംഗ് ലെസണ്‍' എന്ന ചിലിയന്‍ ചിത്രമാണ്‌ മേളയുടെ പ്രേക്ഷകര്‍ മികച്ച ചിത്രമായി തിരഞ്ഞെടുത്തത്. നിശാഗന്ധിയില്‍ നടന്ന സമാപന ചടങ്ങില്‍ മന്ത്രി കെ.ബി. ഗണേഷ്‍ കുമാര്‍ പുരസ്‍കാരങ്ങള്‍ വിതരണം ചെയ്‍തു. മന്ത്രി ഡോ.എം.കെ.മുനീര്‍ അധ്യക്ഷനായ സമാപന സമ്മേളനത്തില്‍ പ്രമുഖ ഹോളിവുഡ് സംവിധായകന്‍ സുഭാഷ് ഘായ് മുഖ്യാതിഥിയായിരുന്നു. മന്ത്രി ഷിബു ബേബി ജോണ്‍, മേളയുടെ ആര്‍ടിസ്റ്റിക് ഡയറക്ടര്‍ ബീന പോള്‍ വേണുഗോപാല്‍, വിവിധ ജൂറി അംഗങ്ങള്‍, ചലച്ചിത്ര അക്കാദമിയുടെ ഭാരവാഹികള്‍ എന്നിവര്‍ ചടങ്ങില്‍ സംബന്ധിച്ചു. പ്രിയദര്‍ശന്‍ സ്വാഗതവും അക്കാദമി സെക്രട്ടറി കെ.ജി. സന്തോഷ് നന്ദിയും പറഞ്ഞു.Read more »

പതിനാറാമത് അന്താരാഷ്‍ട്ര ചലച്ചിത്രോത്സവം, കേരളം - ഉത്ഘാടനം

2011-12-10T07:48:00.000+05:30

തിരുവനന്തപുരം: കേരളത്തിന്റെ പതിനാറാമത് ചലച്ചിത്രോത്സവത്തിന്‌ നിശാഗന്ധിയില്‍ തുടക്കമായി. തിങ്ങിനിറഞ്ഞ ചലച്ചിത്ര ആസ്വാദകരേയും മറ്റ് വിശിഷ്ട വ്യക്തികളേയും സാക്ഷികളാക്കി മുഖ്യമന്ത്രി ഉമ്മന്‍ ചാണ്ടി ചലച്ചിത്രമേളയുടെ ഔദ്യോഗിക ഉദ്ഘാടനം നിര്‍വ്വഹിച്ചു. ജയ ബച്ചന്‍, ഓം പുരി, സുകുമാരി, ജൂറി ചെയര്‍മാന്‍ ബ്രൂസ് ബേര്‍സ്‍ഫോര്‍ഡ് തുടങ്ങിയ വിശിഷ്ടാതിഥികളുടെ സാന്നിധ്യത്തില്‍ കെ.ബി. ഗണേഷ് കുമാറിന്റെ അധ്യക്ഷതയിലായിരുന്നു ഉത്ഘാടന ചടങ്ങുകള്‍ നടന്നത്. കെ.സി. ജോസഫ്, വി.എസ്. ശിവകുമാര്‍ തുടങ്ങിയ മന്ത്രിമാര്‍, തിരുവനന്തപുരം എം.പി. ശശി തരൂര്‍, കേരള ചലച്ചിത്ര അക്കാദമി ചെയര്‍മാന്‍ പ്രിയദര്‍ശന്‍, ഫെസ്റ്റിവലിന്റെ ആര്‍ട്ടിസ്റ്റിക് ഡയറക്ടര്‍ ബീന പോള്‍ തുടങ്ങിയവരും മലയാള സിനിമാ പ്രവര്‍ത്തകരുടെ വിവിധ സംഘടനകളുടെ പ്രതിനിധികളും ചടങ്ങില്‍ സംബന്ധിച്ചു. ഫെസ്റ്റിവല്‍ ഹാന്‍ഡ്ബുക്കിന്റെ പ്രകാശനം മന്ത്രി കെ.സി. ജോസഫും ഫെസ്റ്റിവല്‍ ബുള്ളറ്റിന്റെ പ്രകാശനം മന്ത്രി വി.എസ്. ശിവകുമാറും നിര്‍വ്വഹിച്ചു.Read more »

പതിനാറാമത് അന്താരാഷ്‍ട്ര ചലച്ചിത്രോത്സവം, കേരളം

2011-12-05T06:47:00.000+05:30

തിരുവനന്തപുരം: കേരളത്തിന്റെ പതിനാറാമത് അന്താരാഷ്‍ട്ര ചലച്ചിത്രോത്സവത്തിന്‌ സാക്ഷ്യം വഹിക്കുവാന്‍ തലസ്ഥാന നഗരം സജ്ജമായി. 2011 ഡിസംബര്‍ 9-ന്‌ വൈകുന്നേരം നിശാഗന്ധിയില്‍ ചലച്ചിത്രമേളയുടെ ഔദ്യോഗിക ഉദ്ഘാടനം നടക്കും. വ്യത്യസ്‍ത വിഭാഗങ്ങളിലായി ഏതാണ്ട് നൂറ്റി തൊണ്ണൂറോളം ചിത്രങ്ങളാണ്‌ മേളയില്‍ പ്രദര്‍ശിപ്പിക്കുക. ഇവയില്‍ പതിമൂന്നെണ്ണം മത്സരവിഭാഗത്തിലും എഴുപത്തിമൂന്നെണ്ണം ലോകസിനിമ വിഭാഗത്തിലുമാണുള്ളത്. ~~സലിം അഹമ്മദിന്റെ 'ആദാമിന്റെ മകന്‍ അബു'~~, അദിതി റോയുടെ ബംഗാളി ചിത്രമായ 'അബോഷെഷേ (At the End of it All)', പ്രശാന്ത് നായരുടെ ഹിന്ദി-ഇംഗ്ലീഷ് ചിത്രമായ 'ഡെല്‍ഹി ഇന്‍ എ ഡേ' എന്നീ ചിത്രങ്ങളാണ്‌ മത്സരവിഭാഗത്തില്‍ ഇന്ത്യയില്‍ നിന്നും മാറ്റുരയ്‍ക്കുന്നത്. ഇന്നത്തെ മലയാളം സിനിമ വിഭാഗത്തില്‍ കമലിന്റെ 'ഗദ്ദാമ', വി.കെ. പ്രകാശിന്റെ 'കര്‍മ്മയോഗി', ജയരാജിന്റെ 'പകര്‍ന്നാട്ടം', ശാലിനി ഉഷ നായരുടെ 'അകം', രഞ്ജിത്തിന്റെ 'പ്രാഞ്ചിയേട്ടന്‍ ആന്റ് ദി സെയിന്റ്', ടി.വി. ചന്ദ്രന്റെ 'ശങ്കരനും മോഹനനും', രാജേഷ് പിള്ളയുടെ 'ട്രാഫിക്' എന്നീ മലയാളം സിനിമകളും പ്രദര്‍ശിക്കപ്പെടുന്നുണ്ട്.Read more »

ബ്യൂട്ടിഫുള്‍ (Review: Beautiful)

2011-12-03T09:29:00.001+05:30

ബ്യൂട്ടിഫുള്‍: പേരുപോലെ പടവും 'ബ്യൂട്ടിഫുള്‍'

ഹരീ, ചിത്രവിശേഷം

ഈ വര്‍ഷമാദ്യം തിയേറ്ററുകളിലെത്തിയ 'ത്രീ കിംഗ്സി'നു ശേഷം വി.കെ. പ്രകാശിന്റെ സംവിധാനത്തില്‍ പുറത്തിറങ്ങുന്ന പുതിയ ചിത്രമാണ്‌ 'ബ്യൂട്ടിഫുള്‍'. 'കോക്ക്‍ടെയ്‍ലി'നു ശേഷം അനൂപ് മേനോന്‍ രചന നിര്‍വ്വഹിക്കുന്നു, കൂടാതെ ജയസൂര്യയോടൊപ്പം പ്രധാന വേഷത്തിലെത്തുകയും ചെയ്യുന്നു. മേഘ്‍ന രാജാണ്‌ ഇവരുടെ നായികയായി വരുന്നത്. ഒരു ഇംഗ്ലീഷ് ചിത്രം കണ്ണടച്ച് അടിച്ചു മാറ്റിയതാണെന്ന പേരുദോഷവും കേട്ടുവെങ്കിലും, അനൂപ് മേനോന്റെ രചനാവൈഭവം കാരണമായി ശ്രദ്ധ നേടുവാന്‍ 'കോക്ക്‍ടെയ്‍ലി'നു കഴിഞ്ഞിരുന്നു. അത്തരത്തിലുള്ള ഒരു മികവ് അനൂപ് മേനോനില്‍ നിന്നും ഈ ചിത്രത്തിലും പ്രേക്ഷകര്‍ പ്രതീക്ഷിക്കുന്നുണ്ട്. നല്ല തിരക്കഥ കിട്ടിയാല്‍ സാങ്കേതികമായി മെച്ചപ്പെട്ടൊരു ചിത്രമൊരുക്കുവാന്‍ വി.കെ. പ്രകാശിനാവുമെന്ന ധാരണയും ഇതോടൊപ്പമുണ്ട്. ഈ പ്രതീക്ഷകളോടും ധാരണകളോടുമൊക്കെ നീതിപുലര്‍ത്തുവാന്‍ കഴിഞ്ഞു എന്നതാണ്‌ ചിത്രത്തിന്റെ പേര്‌ അന്വര്‍ത്ഥമാക്കും വിധം 'ബ്യൂട്ടിഫുളി'നെ സുന്ദരമാക്കുന്നത്!Read more »

മയക്കം എന്ന (Review: Mayakkam Enna)

2011-12-01T11:02:00.001+05:30

രണ്ടായിരത്തിപ്പത്തില്‍ പുറത്തിറങ്ങിയ 'ആയിരത്തില്‍ ഒരുവന്‍' എന്ന ചിത്രത്തിനു ശേഷം ശെല്‍വരാഘവന്‍ രചനയും സംവിധാനവും നിര്‍വ്വഹിച്ച് പുറത്തിറങ്ങിയ ചിത്രമാണ്‌ 'മയക്കം എന്ന'. സംവിധായകന്റെ സഹോദരനായ ധനുഷ്, തമിഴില്‍ അരങ്ങേറ്റം കുറിക്കുന്ന റിച്ച ഗംഗോപാധ്യായ തുടങ്ങിയവരാണ്‌ ചിത്രത്തില്‍ പ്രധാന വേഷങ്ങളിലെത്തുന്നത്. ഓം പ്രൊഡക്ഷന്‍സിന്റെ ബാനറില്‍ ജെമിനി ഫിലിം സര്‍ക്യൂട്ടാണ്‌ ചിത്രത്തിന്റെ നിര്‍മ്മാണം. ഒരു വൈല്‍ഡ്‍ലൈഫ് ഫോട്ടോഗ്രാഫറുടെ വിവിധ ജീവിതഘട്ടങ്ങളിലൂടെയുള്ളൊരു സഞ്ചാരമായി 'മയക്കം എന്ന'യെ കാണാം. അയാളുടെ വ്യക്തിജീവിതവും തൊഴില്‍ മേഖലയും കൂടി ഇഴചേര്‍ന്നു പോവുമ്പോഴുണ്ടാവുന്ന അസ്വാരസ്യങ്ങളും പ്രതീക്ഷകളും ഉയര്‍ച്ചകളുമൊക്കെയാണ്‌ ചിത്രത്തില്‍ പ്രതിപാദിക്കപ്പെടുന്നത്.Read more »

നായിക (Review: Naayika)

2011-11-28T07:59:00.001+05:30

രണ്ടായിരത്തിപ്പതിനൊന്നിന്റെ തുടക്കത്തില്‍ പുറത്തിറങ്ങിയ 'ദി ട്രയിന്‍' എന്ന മമ്മൂട്ടി ചിത്രത്തിനു ശേഷം ജയരാജിന്റെ സംവിധാനത്തില്‍ പുറത്തിറങ്ങിയ ചിത്രമാണ്‌ 'നായിക'. 'ഗുല്‍മോഹറി'നു ശേഷം ദീദി ദാമോദരന്‍ ജയരാജിനു വേണ്ടി വീണ്ടും രചന നിര്‍വ്വഹിക്കുന്നു ഈ ചിത്രത്തില്‍. കേന്ദ്രകഥാപാത്രമായി ശാരദയും ഒപ്പം ജയറാം, പദ്മപ്രിയ, മം‍മ്‍ത മോഹന്‍ദാസ് തുടങ്ങിയ ഇതര താരങ്ങളും ചിത്രത്തില്‍ വിവിധ വേഷങ്ങളിലെത്തുന്നു. മകീരം ക്രിയേഷന്‍സിന്റെ ബാനറില്‍ തോമസ് ബെഞ്ചമിനാണ്‌ ചിത്രം നിര്‍മ്മിച്ചിരിക്കുന്നത്. വെള്ളിവെളിച്ചത്തിന്റെ താരപ്രഭയില്‍ നില്‍ക്കുമ്പോഴും, അനുഭാവമര്‍ഹിക്കുന്നൊരു ജീവിത പശ്ചാത്തലമുള്ള മലയാളത്തിലെ പോയകാല നായികമാരുടെ കഥയാണ്‌ ഗ്രേസി എന്ന നായികയുടെ സിനിമാക്കഥയിലൂടെ ദീദി ദാമോദരനും ജയരാജും പറയുവാന്‍ ശ്രമിക്കുന്നത്. പ്രത്യേകിച്ചൊരു വ്യക്തിയെ അടിസ്ഥാനമാക്കിയല്ല, പല നായികമാരുടേയും യഥാര്‍ത്ഥ ജീവിതത്തില്‍ സംഭവിച്ചിട്ടുള്ള കാര്യങ്ങളുടെ ഒരു ആകെത്തുകയാണ്‌ ചിത്രമെന്നാണ്‌ സംവിധായകന്‍ പറഞ്ഞു കേട്ടത്. ഇപ്രകാരമുള്ള ഒരു കഥാതന്തുവിലുള്ള പ്രമേയപരമായ സാധ്യതകളൊന്നും പ്രയോജനപ്പെടുത്തുവാന്‍ രചയിതാവിനോ സംവിധായകനോ കഴിയാതെ പോയത് ശുഷ്കമായൊരു ചലച്ചിത്രാനുഭവമാക്കി 'നായിക'യെ മാറ്റുന്നു.Read more »

സ്വപ്‍ന സഞ്ചാരി (Review: Swapna Sanchari)

2011-11-26T09:35:00.001+05:30

'ഗദ്ദാമ'യ്‍ക്കു ശേഷം കെ. ഗിരീഷ് കുമാര്‍ രചന നിര്‍വ്വഹിച്ച് കമലിന്റെ സംവിധാനത്തില്‍ പുറത്തിറങ്ങുന്ന ചിത്രമാണ്‌ 'സ്വപ്‍ന സഞ്ചാരി'. നീണ്ടയൊരു കാലയളവിനു ശേഷം കമലിന്റെ സംവിധാനത്തില്‍ ജയറാം നായകനായി വേഷമിടുന്നു എന്ന പ്രത്യേകതയും ഈ ചിത്രത്തിനുണ്ട്. (1998-ല്‍ പുറത്തിറങ്ങിയ 'കൈക്കുടന്ന നിലാവാ'ണ്‌ ജയറാം-കമല്‍ കൂട്ടുകെട്ടിലുണ്ടായ അവസാന ചിത്രം.) മികവുറ്റ കുടുംബചിത്രങ്ങളുടെ സംവിധായകനും കുടുംബചിത്രങ്ങളുടെ നായകനും ഒന്നിക്കുമ്പോള്‍ ഒരു കുടുംബചിത്രം തന്നെയല്ലേ പ്രതീക്ഷിക്കേണ്ടത്? പ്രതീക്ഷ തെറ്റുന്നില്ല, വൈകാരികതയും നാടകീയ സംഭവങ്ങളുമൊക്കെ വേണ്ടുവോളമുള്ള അതിഭാവുക സീരിയല്‍ തന്നെയാണ്‌ 'സ്വപ്‍ന സഞ്ചാരി'. ട്രൂ ലൈന്‍ സിനിമാസിന്റെ ബാനറില്‍ ഇമാനുവേല്‍ തങ്കച്ചനാണ്‌ ചിത്രം നിര്‍മ്മിച്ചിരിക്കുന്നത്.Read more »

ചിത്രവിശേഷത്തിന്‌ അഞ്ചു വയസ്

2011-11-21T06:29:00.001+05:30

നവംബര്‍ 21, 2011: 2006 നവം‍ബറില്‍ 'യേസ് യുവര്‍ ഓണര്‍' എന്ന ചിത്രത്തിന്റെ വിശേഷവുമായി ആരംഭിച്ച 'ചിത്രവിശേഷം' ഇന്ന് വര്‍ഷം അഞ്ചു പിന്നിടുന്നു. 246 വിശേഷങ്ങളുള്‍പ്പടെ 291 പോസ്റ്റുകള്‍ ഈ അഞ്ചു വര്‍ഷങ്ങളിലായി ചിത്രവിശേഷത്തില്‍ പ്രസിദ്ധീകരിച്ചു. കഴിഞ്ഞ ഒരു വര്‍ഷം മാത്രമെടുത്താല്‍ 51 വിശേഷങ്ങളും 9 ഇതര പോസ്റ്റുകളുമാണ്‌ ഇവിടെ ഉണ്ടായത്. ശരാശരി കണക്കാക്കിയാല്‍, ചിത്രവിശേഷത്തിലെ ഓരോ വിശേഷവും വായിക്കുവാനായി 2500-ലധികം പേര്‍ എത്തുന്നുണ്ടെന്നു കാണാം. പോയ വര്‍ഷം ഇതേ സമയം ശരാശരി പേജ് ലോഡുകള്‍ പതിമൂവായിരവും വ്യത്യസ്‍ത സന്ദര്‍ശകര്‍ ഏഴായിരവുമായിരുന്നെങ്കില്‍, ഇന്നവ യഥാക്രമം ഇരുപതിനായിരത്തിലും പതിനായിരത്തിലും എത്തി നില്‍ക്കുന്നു. ഓരോ വര്‍ഷവും വായനക്കാരുടെ / സന്ദര്‍ശകരുടെ എണ്ണത്തില്‍ ഉണ്ടാവുന്ന വര്‍ദ്ധനവ് തീര്‍ച്ചയായും ഈ സം‍രംഭത്തെ മുന്നോട്ടു കൊണ്ടുപോകുവാന്‍ പ്രോത്സാഹനം നല്‍കുന്ന പ്രധാന ഘടകമാണ്‌. ചിത്രവിശേഷത്തെ വായിക്കുകയും ഇഷ്ടപ്പെടുകയും ചെയ്യുന്ന എല്ലാ വായനക്കാര്‍ക്കും ഹൃദയം നിറഞ്ഞ നന്ദി.Read more »

ദി അഡ്‍വെഞ്ചേഴ്‍സ് ഓഫ് ടിന്‍ടിന്‍ (Review: The Adventures of Tintin)

2011-11-12T10:24:00.001+05:30

ബെല്‍ജിയന്‍ കലാകാരനായ ഹെര്‍ജിന്റെ (Georges Prosper Remi) 'ദി അഡ്‍വെഞ്ചേഴ്‍സ് ഓഫ് ടിന്‍ടിന്‍' ചിത്രകഥാപരമ്പരയ്‍ക്ക് ലോകമാകമാനം ആബാലവൃദ്ധം ജനങ്ങള്‍ ആരാധകരായുണ്ട്. 'ലോഡ് ഓഫ് ദി റിംഗ്സ്' സിനിമകളിലൂടെ പ്രശസ്‍തനായ സംവിധായകന്‍ പീറ്റര്‍ റോബേര്‍ട്ട് ജാക്‍സണ്‍ നിര്‍മ്മിച്ച്, അയാഥാര്‍ത്ഥ കല്‍പനകളെ വിശ്വസിനീയമായി ചിത്രീകരിക്കുന്നതില്‍ എന്നും മിടുക്കു കാണിച്ചിട്ടുള്ള സ്റ്റീവന്‍ സ്പില്‍ബെര്‍ഗിന്റെ സംവിധാനത്തില്‍ ടിന്‍ടിനുടെ സാഹസികയാത്രകള്‍ ചലച്ചിത്രമാവുമ്പോള്‍ കണ്ടു കണ്ണു തള്ളിപ്പോവുന്ന ഒരു ദൃശ്യവിരുന്നില്‍ കുറഞ്ഞൊന്നും പ്രേക്ഷകര്‍ പ്രതീക്ഷിക്കുന്നില്ല. സ്പില്‍ബെര്‍ഗിന്റെ സംവിധാനത്തില്‍ പുറത്തിറങ്ങുന്ന ആദ്യ ആനിമേഷന്‍ / 3D ചിത്രമെന്ന വിശേഷണവും ടിന്‍ടിന്‍ ചലച്ചിത്ര പരമ്പരയിലെ ആദ്യ ചിത്രമായ 'ദി അഡ്‍വെഞ്ചേഴ്‍സ് ഓഫ് ടിന്‍ടിന്‍: ദി സീക്രട്ട് ഓഫ് ദി യുണീക്കോണി'നു സ്വന്തം. [ചിത്രത്തിന്റെ ഔദ്യോഗിക വെബ്സൈറ്റ്] പീറ്റര്‍ ജാക്‍സണോടൊപ്പം സ്റ്റീവന്‍ സ്പില്‍ബെര്‍ഗ്, കാത്‍ലീന്‍ കെന്നഡി തുടങ്ങിയവരും നിര്‍മ്മാണത്തില്‍ പങ്കാളികളാവുന്ന ഈ ചിത്രത്തിനു വേണ്ടി സ്റ്റീവന്‍ മൊഫാറ്റ്, എഡ്ഗാര്‍ റൈറ്റ്, ജോയ് കോര്‍ണിഷ് എന്നിവര്‍ ചേര്‍ന്ന് തിരനാടകം തയ്യാറാക്കിയിരിക്കുന്നു. പാരമൗണ്ട് പിക്ചേഴ്‍സിന്റെയും കൊളം‍ബിയ പിക്ചേഴ്‍സിന്റെയും സം‍യുക്ത ബാനറിലാണ്‌ ചിത്രം പൂര്‍ത്തിയായി തിയേറ്ററുകളിലെത്തുന്നത്.Read more »

ഏഴാം അറിവ് (Review: 7aum Arivu)

2011-11-01T11:11:00.000+05:30

'ഗജിനി' ചിത്രങ്ങളിലൂടെ ദേശീയതലത്തില്‍ തന്നെ ശ്രദ്ധ നേടിയ സംവിധായകനാണ്‌ എ.ആര്‍. മുരുഗദോസ്. 'ഗജിനി'യുടെ തമിഴ് പതിപ്പില്‍ നായകനായ സൂര്യയെ കേന്ദ്രകഥാപാത്രമാക്കി മുരുഗദോസ് വീണ്ടുമെത്തുന്നു 'ഏഴാം അറിവി'ലൂടെ. ശ്രുതി ഹാസനാണ്‌ നായികാസ്ഥാനത്ത്. വിയറ്റ്നാമീസ് - അമേരിക്കന്‍ നടനും ആയോധനകലയില്‍ വിദഗ്ദ്ധനുമായ ജോണി ട്രി നുയെന്‍ പ്രതിനായക വേഷത്തില്‍ ചിത്രത്തിലുണ്ട്. സംവിധാനത്തോടൊപ്പം ചിത്രത്തിന്റെ രചനയും മുരുഗദോസ് സ്വയം നിര്‍വ്വഹിച്ചിരിക്കുന്നു. റെഡ് ജയന്റ് മൂവീസിന്റെ ബാനറില്‍ ഉദയനിധി സ്റ്റാലിനാണ്‌ ചിത്രത്തിന്റെ നിര്‍മ്മാണം. അഞ്ചാം നൂറ്റാണ്ടില്‍ തമിഴ്‍നാട്ടില്‍ നിന്നും ചൈനയിലെത്തി അവിടെ ഷാവ്‍ലിന്‍ ആയോധന വിദ്യയും വൈദ്യവും പ്രചരിപ്പിച്ച ബോധിധര്‍മ്മനെന്ന യോഗിയുടെ കഥയുമായി ബന്ധപ്പെടുത്തിയാണ്‌ ചിത്രം വികസിക്കുന്നത്. ഒരുപക്ഷെ, അല്‍പം യാഥാര്‍ത്ഥ്യബോധത്തോടെ കൈകാര്യം ചെയ്തിരുന്നെങ്കില്‍ ഏറെ മികച്ചതാകുമായിരുന്ന ഒരു ചിത്രം, വിചിത്രകല്‍പനകളുടെ ധാരാളിത്തത്താല്‍ പരിഹാസ്യമാവുന്ന കാഴ്ചയാണ്‌ 'ഏഴാം അറിവ്' കാണികള്‍ക്കു നല്‍കുന്നത്.Read more »

റാ.വണ്‍ (Review: Ra.One)

2011-10-27T08:32:00.000+05:30

ഹോളിവുഡില്‍ നിന്നു മാത്രം നാം കണ്ടു ശീലിച്ചിട്ടുള്ള സയന്‍സ് ഫിക്ഷന്‍ - സൂപ്പര്‍ ഹീറോ ജനുസില്‍ പെട്ട ഒരു ഇന്ത്യന്‍ ചിത്രമാണ്‌ 'റാ.വണ്‍'. (ഔദ്യോഗിക വെബ്സൈറ്റ് ഇവിടെ ലഭ്യമാണ്‌.) ഇതേ ജനുസ്സില്‍ പെട്ട ഇന്ത്യന്‍ ചിത്രങ്ങളായി ഓര്‍മ്മയിലുള്ളത് ഹൃത്വിക് റോഷന്റെ 'ക്രിഷ്' പിന്നെ രജനീകാന്തിന്റെ 'യന്തിരന്‍' തുടങ്ങിയ ചിത്രങ്ങളാണ്‌. ഷാരൂഖ് ഖാന്‍ കേന്ദ്രകഥാപാത്രത്തെ അവതരിപ്പിക്കുന്ന 'റാ.വണ്ണി'ല്‍ കരീന കപൂര്‍, അര്‍ജുന്‍ രാം‍പാല്‍, മാസ്റ്റര്‍ അര്‍മാന്‍ വെര്‍മ്മ, ഷഹാന ഗോസ്വാമി, ചൈനീസ് നടന്‍ ടോം വു തുടങ്ങിയവരൊക്കെയാണ്‌ പ്രധാന വേഷങ്ങളില്‍. അതിഥിതാരങ്ങളായി രജനീകാന്ത്, സഞ്ജയ് ദത്ത്, പ്രിയങ്ക ചോപ്ര തുടങ്ങിയവരുമുണ്ട്. കഥാരചയിതാവായ അനുഭവ് സിന്‍ഹയോടൊപ്പം തിരക്കഥാ രചനയില്‍ കനിക ധില്ലന്‍, മുസ്‍താഖ് ഷേഖ്, ഡേവിഡ് ബെനുല്ലോ തുടങ്ങിയവരും പങ്കുചേര്‍ന്നിരിക്കുന്നു. ഇറോസ് ഇന്റര്‍നാഷണലിന്റെയും റെഡ് ചില്ലീസ് എന്റര്‍ടൈന്‍മെന്റിന്റെയും ബാനറില്‍ ഗൗരി ഖാനാണ്‌ ചിത്രം നിര്‍മ്മിച്ചിരിക്കുന്നത്. ഹോളിവുഡില്‍ നിന്നും പുറത്തിറങ്ങുന്ന ഇത്തരം ചിത്രങ്ങളോട് സാങ്കേതികമായി കിടപിടിക്കുമ്പോഴും, ഹൃദയമാണ്‌ ഒരുവനെ ഹീറോയും വില്ലനുമാക്കുന്നത് എന്നൊക്കെ പറയുന്നൊരു ചിത്രത്തിനു തന്നെ ഹൃദയമില്ലാതെ പോയത് ഒരു മുഷിപ്പന്‍ സിനിമ മാത്രമായി 'റാ.വണ്ണി'നെ ചുരുക്കിക്കളയുന്നു!Read more »

വീരപുത്രന്‍ (Review: Veeraputhran)

2011-10-19T08:45:00.000+05:30

'പരദേശി'ക്കു ശേഷം പി.ടി. കുഞ്ഞിമുഹമ്മദിന്റെ സംവിധാനത്തില്‍ പുറത്തിറങ്ങിയ ചിത്രമാണ്‌ 'വീരപുത്രന്‍'. പ്രസക്തമായൊരു വിഷയം അവതരിപ്പിച്ചതിനോടൊപ്പം, അഭിനേതാക്കളില്‍ നിന്നും മികച്ചതു കണ്ടെത്തുവാനും സംവിധായകനു കഴിഞ്ഞു എന്നതിലൂടെയാണ്‌ 'പരദേശി' ശ്രദ്ധ നേടിയത്. ഇവിടെയും പ്രസക്തമായൊരു വിഷയം ചരിത്രത്തില്‍ നിന്നും കണ്ടെത്തുവാന്‍ കുഞ്ഞിമുഹമ്മദിനു കഴിഞ്ഞെങ്കിലും മറ്റു പല മേഖലകളിലും പിന്നോക്കം പോയത് ചിത്രത്തെ ദോഷകരമായി ബാധിച്ചിരിക്കുന്നു. സ്വാതന്ത്ര്യ സമര സേനാനിയും ഖിലാഫത് പ്രസ്ഥാനത്തിന്റെ നേതാവുമായിരുന്ന മുഹമ്മദ് അബ്ദുള്‍ റഹിമാന്‍ സാഹിബിന്റെ ജീവിതത്തിലെ ചില ഏടുകളാണ്‌ കുഞ്ഞിമുഹമ്മദ് ഈ ചിത്രത്തില്‍ ആവിഷ്‍കരിക്കുന്നത്. എന്‍.പി. മുഹമ്മദിന്റെയാണ്‌ കഥാരചന. ഐ.ടി.എല്‍. പ്രൊഡക്ഷന്‍സിന്റെ ബാനറില്‍ സിദീഖ് അഹമ്മദ് ഈ ചിത്രം നിര്‍മ്മിച്ചിരിക്കുന്നു.Read more »

സാന്‍വിച്ച് (Review: Sandwich)

2011-10-17T06:41:00.000+05:30

ലെനിന്‍ രാജേന്ദ്രന്‍, ഷാജി കൈലാസ് എന്നിവരോടൊപ്പം സഹസംവിധായകനായി തുടങ്ങിയ എം.എസ്. മനു ആദ്യമായി സംവിധായകന്റെ കുപ്പായമണിയുന്നു 'സാന്‍വിച്ച്' എന്ന ചിത്രത്തിലൂടെ. ലൈന്‍ ഓഫ് കളേഴ്സിന്റെ ബാനറില്‍ എം.സി. അരുണ്‍, സുധീപ് കാരാട്ട് എന്നിവരൊരുമിച്ച് നിര്‍മ്മിച്ചിരിക്കുന്ന ഈ ചിത്രത്തില്‍ രതീഷ് സുകുമാരന്റെയാണ്‌ കഥ-തിരക്കഥ-സംഭാഷണങ്ങള്‍. ഐ.ടി. തൊഴിലാളിയായ സായി എന്ന നായകവേഷത്തില്‍ കുഞ്ചാക്കോ ബോബന്‍; നായികമാരായി റിച്ച പനായ്, അനന്യ; മറ്റൊരു പ്രധാന വേഷത്തില്‍ സുരാജ് വെഞ്ഞാറമ്മൂട് തുടങ്ങിയവരൊക്കെയാണ്‌ ചിത്രത്തിലെ അഭിനേതാക്കളില്‍ പ്രമുഖര്‍. തിരുവനന്തപുരം ടെക്നോപാര്‍ക്കില്‍ ഒരു സോഫ്റ്റ്‍വെയര്‍ കമ്പനിയില്‍ ജോലി ചെയ്യുന്ന സായിയുടെ വാഹനം ഒരു അപകടത്തില്‍ പെടുന്നു. ആ അപകടത്തില്‍ നഗരത്തിലെ ഒരു കുപ്രസിദ്ധ ഗുണ്ടാത്തലവന്‍ കൊല്ലപ്പെടുന്നു. കൊല്ലപ്പെട്ട ഗുണ്ടയുടെ അനുയായികള്‍ സായിയെ അപായപ്പെടുത്തുവാന്‍ തുനിയുമ്പോള്‍, എതിര്‍ ചേരിയിലുള്ളവര്‍ സായിയുടെ രക്ഷയും ഏറ്റെടുക്കുന്നു. ഇതോടെ ചെകുത്താനും കടലിനും ഇടയില്‍ ('സാന്‍വിച്ച്' എന്ന പേര്‌ അങ്ങിനെയാണ്‌ അന്വര്‍ത്ഥമാവുന്നത്.) പെട്ടപോലെയാവുന്നു സായിയുടെ അവസ്ഥ. ഈ ഊരാക്കുടുക്കിനുള്ളില്‍ നിന്നും സായി എങ്ങിനെ രക്ഷപെടുന്നു എന്നതാണ്‌ സിനിമയുടെ ഇതിവൃത്തം.Read more »