ക്ലോസപ്പ്

ടാൻജറിൻസ്

noreply@blogger.com (vijayakumarblathur) — Mon, 04 Mar 2019 14:38:00 +0000

രാഷ്ട്രം, അതിർത്തി, ദേശീയത, രാഷ്ട്രീയ അധികാരം തുടങ്ങിയവ ഒക്കെയും കെട്ടിയുയർത്തിയിരിക്കുന്നത് തികച്ചുംഅർഥശൂന്യമായ ചില സങ്കൽപ്പങ്ങൾക്ക് മുകളിലാണെന്നും മനുഷ്യർക്ക് പരസ്പരം സ്നേഹിക്കാനുള്ള തുറസ്സായ ഇടങ്ങൾ എല്ലാ ശത്രുതകൾക്കും ഇടയിലും ലഭ്യമാണെന്നും പറയുന്ന മനോഹര സിനിമയാണ് ടാൻജറിൻസ് - മധുരനാരങ്ങ ! തൊണ്ണൂറുകളുടെ ആദ്യം നടന്ന യുദ്ധങ്ങളിലെ പങ്കുകാരായ - അന്ന് ഏറ്റവും വെറുക്കപ്പെട്ട ശത്രുക്കളായിരുന്ന ജോർജിയയും അബ്ഖാസിയക്കാരും എസ്തോണിയയുമായി സംയുക്തമായാണ് 2013 ൽ ഈ ജോർജിയൻ സിനിമ നിർമിച്ചിരിക്കുന്നത് എന്നത് വളരെ പ്രധാനമാണ്. യുദ്ധത്തിന്റെ മുറിപ്പാടുകൾ മായ്ച്ചു കളയേണ്ടത് മനുഷ്യന്റെ കടമ കൂടിയാണെന്ന് സംവിധായകൻ സസ ഉറുഷാദ്സ് വിളിച്ചു പറയുന്നുണ്ട്. ഈ സിനിമ കണ്ടുതീരുമ്പോൾ മനുഷ്യനന്മയിലുള്ള പ്രതീക്ഷയും അതിനോടുള്ള മതിപ്പും ഏത് മനുഷ്യനും അധികരിക്കും - തീർച്ച.

സോവിയറ്റ് യൂണിയന്റെ
തകർച്ചയ്ക്ക് ശേഷം കിഴക്കൻ
യൂറോപ്പ് രാഷ്ട്രീയ അസ്ഥിരതയുടെ സംഘർഷഭൂമിയായിമാറിയിരുന്നല്ലോ . പുതുതായി രൂപം കൊണ്ട അബ്കാസിയ
ജോർജിയയിൽ നിന്നും വേർപെട്ട് സ്വതന്ത്ര രാഷ്ടമാകാനുള്ള ശ്രമത്തിലാണ്.ഒരുനൂറ്റാണ്ട് മുമ്പ് എസ്റ്റോണിയയിൽ നിന്ന് കുടിയേറിയവരാണ് ഈ പ്രദേശത്തുകാർ. വംശീയതകൾ അതിർത്തിതീർക്കുന്ന പുതിയകാലം. 1992ൽ ചെച്നിയൻ മുസ്ലീം കൂലിപ്പട്ടാളത്തിന്റെ പിന്തുണയോടെ അബ്കാസിയക്കാർ തുറന്ന യുദ്ധമാരംഭിച്ചു. യുദ്ധപ്രദേശങ്ങളിലെ എസ്തോണിയൻ കർഷകർ സർവവും ഉപേക്ഷിച്ച് തങ്ങളുടെ മാതൃരാജ്യത്തിലേക്ക് മടങ്ങിക്കഴിഞ്ഞു. ജീവനുതുല്യം പരിപാലിച്ചിരുന്ന ഓറഞ്ചുതോട്ടത്തിൽ വിളവെടുപ്പുകാലമായിരിക്കുന്നു. മൂത്തു പഴുത്ത മധുരക്കനികൾ മുഴുവൻ ഉപേക്ഷിച്ച് പോകാൻ മനസ് വരാതെ ചില കൃഷിക്കാരേ ഇനി അവിടങ്ങളിൽ ബാക്കിയുള്ളൂ. ഓറഞ്ച് നിറക്കാൻ വീഞ്ഞപ്പെട്ടി നിർമിക്കുന്ന ഇലക്ട്രിക്ക് വാളുകൊണ്ട് പലക ഈർന്നുകൊണ്ടിരിക്കുന്ന വൃദ്ധനായ ഇവോയിലാണ് "ടാൻജെറിൻസ്'
ആരംഭിക്കുന്നത്. സുഹൃത്തായ മാർഗൂസിന്റെ തോട്ടത്തിലെ ഓറഞ്ചുകൾ പറിച്ചു നിറയ്ക്കാനുള്ളവയാണ് അവ. വിജനമായ ആ ഗ്രാമത്തിൽ ഇനി അവർ ഇരുവരും മാത്രമേ ബാക്കിയുള്ളു. അബ്കാസിയൻ പക്ഷത്ത് പൊരുതുന്ന ചെച്നിയൻ പട്ടാളക്കാരുടെ വണ്ടി ഇവോയുടെ വർക്ക് ഷോപ്പിനു മുന്നിൽ വന്നു നിൽക്കുന്നു. വൃദ്ധനെ കണ്ടപ്പോൾ അവർക്ക് അത്ഭുതമാണ് തോന്നുന്നത്. ഈ യുദ്ധമേഖലയിൽ നിന്ന് വേഗം സ്ഥലം വിട്ടുകൊള്ളണം എന്ന് മുന്നറിയിപ്പ് നൽകുന്നു. . ഓറഞ്ചുകൾ പറിച്ചയുടൻ പോയ്ക്കൊള്ളാമെന്ന് ഇവോ പറയുന്നു.
അഹമ്മദ് എന്ന ഭീമാകാരനായ ചെച്നിയക്കാരനായ കൂലിപ്പട്ടാളക്കാരനും ഇബ്രാഹിം എന്ന സഹായിയും കൂടി ഭക്ഷണവും പാനീയങ്ങളും വാങ്ങി യാത്ര പറഞ്ഞുപോവുന്നു. നല്ലവനായ ഒരു വയസനായി തോന്നിയതിനാൽ ഉപദ്രവിക്കുന്നില്ലെന്നും മറ്റു പട്ടാളക്കാർ വന്നാൽ ഇതായിരിക്കില്ല അവസ്ഥ എന്നും
അയാൾ പറയുന്നുണ്ട്. അത്പസമയം കഴിഞ്ഞില്ല , മാർഗൂസിന്റെ ഓറഞ്ചുതോട്ടത്തിനു മുന്നിലെ റോഡിൽ വലിയ സ്ഫോടനശബ്ദവും
വെടിവെപ്പും കേട്ടാണ് ഇവോ അങ്ങോട്ട് ഓടി. കടുത്ത പരസ്പര ആക്രമണത്തിൽ രണ്ട് ഭാഗത്ത് ഉള്ള വാഹനങ്ങളും തകർന്നിരിക്കുന്നു.
എല്ലാവരും മരിച്ചിരിക്കുന്നു എന്നു കരുതി അന്ധാളിച്ചിരിക്കുമ്പോഴാണ് തൊട്ടുമുമ്പ് യാത്ര പറഞ്ഞുപോയ അഹമ്മദ് മാരകമായി മുറിവേറ്റ് വീണു പിടക്കുന്നത് കാണുന്നത്. അയാളുടെ സഹായി ഇബ്രാഹിം വണ്ടിയിൽ മരിച്ചു കിടക്കുന്നു. ഇവോ മാർഗൂസിന്റെ സഹായത്തോടെ അഹമ്മദിനെ തന്റെ വീട്ടിലെത്തിച്ച് മുറിവുകൾ ഡ്രസ് ചെയ്യുന്നു.
തന്റെ സഹായി മരിച്ചുപോയി എന്നറിയുന്ന അഹമ്മദിന് ജോർജിയക്കാരോടുള്ള പക
നൂരയ്ക്കുന്നുണ്ട്. നിങ്ങൾ ജോർജിയക്കാരെ മുഴുവൻ കൊന്നില്ലേ എന്ന് ഇവോ ചോദിക്കുമ്പോൾ അയാൾക്ക് ഉത്തരമില്ല.
മരിച്ച ജോർജിയക്കാരെയും ഇബ്രാഹിമിനേയും വെവ്വേറെ സംസ്കരിക്കാനായി കാട്ടിൽ
വലിയ കുഴികൾ ഇവോയും മാർഗൂസും
ചേർന്ന് ഉണ്ടാക്കുന്നു. മണ്ണിടും മുമ്പാണ് ചെറുപ്പക്കാരനായ ഒരു ജോർജിയൻ പട്ടാളക്കാരന്റെ ഞരക്കം മാർഗൂസ് കേൾക്കുന്നത്. ജീവന്റെ ലക്ഷണം ബാക്കിയുള്ള അയാളെയും തന്റെ വീട്ടിലേക്ക്
ഇവോ കൊണ്ടുവരുന്നു. മുറിവേറ്റുകിടക്കുന്ന അഹമ്മദിന് ശത്രുവായ ജോർജിയൻപട്ടാളക്കാരനെ ഇങ്ങോട്ട് കൊണ്ടുവന്നത് ഒട്ടും ഇഷ്ടപ്പെടുന്നില്ല. താങ്കൾ വെറുതെയെന്തിന് കഷ്ടപ്പെടുന്നു എന്നാണ് അഹമ്മദ് ചോദിക്കുന്നത്. തനിക്ക് തോക്കുപിടിക്കാനുള്ള ത്രാണി കിട്ടുന്ന നിമിഷം ഞാനിവനെ വെടിവെച്ച് കൊല്ലും എന്നയാൾ ആണയിടുന്നുണ്ട്.
നികോ എന്നാണ് ജോർജിയൻ പട്ടാളക്കാരന്റെ പേര് . ഷെല്ലുകളുടെ കഷണം തലയിൽ തുളച്ചുകയറി ഗുരുതരാവസ്ഥയിലാണയാൾ. ഗ്രാമത്തിലെ സുഹൃത്തായ ഡോക്ടറെ ഇവോ കൂട്ടികൊണ്ടുവരുന്നു. ദീർഘശ്രമത്തിലൂടെ തലയിലെ ലോഹച്ചീളുകൾ
നീക്കം ചെയ്ത് നികോയുടെ ജീവൻ രക്ഷിക്കുന്നു.
പരസ്പരം കൊല്ലാനൊരുങ്ങി നിൽക്കുന്ന രണ്ടുപേർ ഒരു വീട്ടിൽ താമസിക്കുകയാണ്. പകയുടെ കനലുകൾ ഇടയ്ക്കിടെ ആളിക്കത്തുന്നുണ്ട്. ഇവോ അവർക്കിടയിൽ നിന്ന് പ്രസാദാത്മകമായി ജീവിതത്തെക്കുറിച്ചു സംസാരിക്കുന്നു.

തന്റെ ജീവൻ രക്ഷിച്ച ഇവോയ്ക്ക് അഹമ്മദ് ഒരു വാക്കു നൽകുന്നു. ഈ വീട്ടിനുള്ളിൽ വച്ച് ഞാൻ ജോർജിയക്കാരനെ കൊല്ലില്ല എന്ന്.
ആ വാക്കിന്റെ ധൈര്യത്തിലാണ് ഇരുവരേയും വീട്ടിൽ തനിച്ചാക്കി ഇവോ പുറത്തിറങ്ങുന്നത്. നികോയും പരിക്കുകളിൽ നിന്ന് രക്ഷപ്പെട്ട് പതുക്കെ എഴുന്നേറ്റ് നടക്കാൻ പറ്റുന്ന വിധത്തിൽ സുഖം പ്രാപിക്കുന്നു.

ദേശീയത വംശീയത
പക അവജ്ഞ വെറുപ്പ്
ഇതെല്ലാം മനുഷ്യരെ എങ്ങനെ
ശത്രുക്കളാക്കുന്നു എന്നും യുദ്ധമെന്ന അസംബന്ധം എങ്ങിനെ രൂപം കൊള്ളുന്നുവെന്നും ഇരുവരും തമ്മിലുള്ള
സംസാരത്തിൽ നിന്ന് നമുക്ക് മനസ്സിലാക്കാനാവും.
തന്റെ ഓറഞ്ചുകൾ പറിച്ചുകിട്ടിയാൽ ഉടൻ സ്ഥലംവിടാനുള്ള ഒരുക്കത്തിലാണ് മാർഗുസ്. വൃദ്ധനായ ഇവോയുടെ മാത്രം സഹായം കൊണ്ട് തോട്ടത്തിലെ ഓറഞ്ചുകളത്രയും പറിച്ച് പായ്ക്ക ചെയ്ത് കൊണ്ടുപോവാനാവില്ലെന്ന് അയാൾക്കറിയാം. എസ്റ്റോണിയൻ മേജർ അയാളുടെ പരിചയക്കാരനാണ്. യുദ്ധം കനക്കും മുമ്പ് അടുത്ത ക്യാമ്പിൽ നിന്ന് കുറച്ച് പട്ടാളക്കാരെ ഓറഞ്ചു പറിക്കാൻ വിട്ടുനൽകാമെന്ന അയാളുടെ വാക്കിൽ പ്രതീക്ഷയർപ്പിച്ച്
ദിവസം നീക്കുകയാണ് മാർഗുസ്.

അഹമ്മദിനും നികോയ്ക്കും ഇടയിലെ പക പതുക്കെ അലിയുന്നുണ്ട്. ഒരു രാത്രി എല്ലാവരും കൂടി പുറത്ത് ഭക്ഷണം പാകം ചെയ്ത് കഴിക്കുന്നു. പാനോപചാരമായി "ജീവിതത്തിനുവേണ്ടി' എന്നു പറയുന്ന മാർഗ്സിനെ ഇവോ തിരുത്തുന്നുണ്ട്. “അല്ല ഇതു മരണത്തിന്റെ ആശംസയായി' .
കൊല്ലുക കൊല്ലുക എന്നല്ലാതെ വേറൊന്നും പറയാനില്ലാത്തവർക്ക് മരണം തന്നെ ഞാൻ ആശംസിക്കുന്നു. വേഗം സുഖംപ്രാപിച്ച് യുദ്ധം ചെയ്ത് പരസ്പരം കൊന്നോളു" എന്ന്.

ഒരു ദിനം അബ്കാസിയൻ പട്ടാളം അവിടെ എത്തുന്നു. ജോർജിയക്കാരനായ നികോയെ കണ്ടാൽ ആ നിമിഷം അവർ അവനെ കൊല്ലും എന്ന് അഹമ്മദിനറിയാം. കൂടാതെ അയാളെ സംരക്ഷിച്ച് ശുശ്രൂഷിച്ച കുറ്റത്തിന്
ഇവോയെയും കൊല്ലം. അഹമ്മദ് തന്ത്രപൂർവം ഒരു കളവു പറയുന്നു. ജോർജിയക്കാരുമായുള്ള തന്റെ ഏറ്റുമുട്ടലിൽ
എല്ലാവരേയും കൊന്നു. നികോയെ കാണിച്ച് ഇത് എന്റെ സഹായിയായ ഇബ്രാഹിം ആണ് തലക്ക് മാരകമായ പരിക്കേറ്റ് സംസാര ശേഷി നഷ്ടമായിരിക്കുകയാണ്.
പട്ടാളക്കാർ അഹമ്മദിനെ അഭിനന്ദിച്ച് തിരിച്ചുപോകുന്നു.
അപ്പോൾ വീടിനു പുറത്തിറങ്ങിയ നികോയെ ചൂണ്ടി ഇപ്പോൾ ഇയാളെ താങ്കൾ കൊല്ലുന്നില്ലേ എന്ന് ഇവോ അഹമ്മദിനോട് ചോദിക്കുന്നുണ്ട്. ഇല്ല ഇന്നെന്തോ കൊല്ലാൻ ഒരു മൂഡു തോന്നുന്നില്ല. പിന്നൊരിക്കലാവാം
എന്നാണ് ചിരിച്ചുകൊണ്ട് അഹമ്മദ് മറുപടി പറയുന്നത്.
ഒരു രാത്രിയിൽ ഉഗ്ര ബോംബ് സ്ഫോടനത്തിൽ മാർഗൂസിന്റെ വീടും ഓറഞ്ചു തോട്ടവും കത്തിയമരുന്നു. ഒന്നും കൈയിലില്ലാതെ നാട്ടിലേക്ക് മടങ്ങാൻ ഒരുങ്ങുന്ന മാർഗൂസിന് കൂലിപ്പട്ടാളക്കാരനായി ജോലി ചെയ്തുനേടിയ പണം അഹമ്മദ് വച്ച് നീട്ടുന്നുണ്ട്. പക്ഷേ രക്തക്കറപുരണ്ട ആ പണം തനിക്ക് വേണ്ടെന്ന് മാർഗൂസ് പറയുന്നു.

വെയിൽ പരന്ന ഒരു മദ്ധ്യാഹ്നം!
വീടിന് പുറത്തിറങ്ങി വിറകു കീറുകയാണ് അഹമ്മദ്. എല്ലാവരും സന്തോഷുത്താടെ വർത്തമാനങ്ങൾ പറയുകയാണ്. നികോ പട്ടാളത്തിൽ ചേരും മുമ്പ് നാടകനടനും സിനിമാനടനും ആയിരുന്നു എന്നത് ഇവോയെ അത്ഭുതപ്പെടുത്തുന്നുണ്ട്,
ജോർജിയയിൽ നികോയുടെ നാടകം കാണാൻ ഞാൻ വരും എന്ന് ഇവോ ചിരിച്ചു കൊണ്ട് പറയുന്നുണ്ട്. എന്നോടൊപ്പം കൂടെ അഹമ്മദും ഉണ്ടാവും നിന്റെ നാടകം കാണാൻ! .

പെട്ടെന്നാണ് എസ്റ്റോണിയൻ പട്ടാളത്തിന്റെ പുതിയൊരു സംഘം അവിടെ എത്തുന്നത്. അഹമ്മദിനെ കണ്ട് അവർ സംശയിക്കുന്നു. ഞാൻ നിങ്ങൾക്ക് വേണ്ടി പൊരുതുന്ന കൂലിപ്പട്ടാളക്കാരനാണെന്ന് അഹമ്മദ് പറഞ്ഞപ്പോൾ പട്ടാള ഓഫീസർ വിശ്വസിക്കുന്നില്ല. അയാളുടെ അവഹേളനം കേട്ടപ്പോൾ അഹമ്മദ് ക്രൂദ്ധനാകുന്നു. ശത്രുപക്ഷക്കാരനാണെന്ന് ഉറപ്പിച്ച് അഹമ്മദിനെ വെടിവെക്കാൻ ഓഫീസർ ഉത്തരവിടുന്നു. അഹമ്മദിനെ വെടിവെച്ച് കൊല്ലും എന്നുറപ്പായപ്പോൾ അയാളെ രക്ഷിക്കാനായി വീട്ടിൽ മറഞ്ഞിരിക്കുന്ന നികോ യന്ത്ര തോക്കുമായി അപ്രതീക്ഷിതമായി വെടിവെപ്പാരംഭിക്കുന്നു. പട്ടാളക്കാരുമായുള്ള വെടിവെപ്പിനിടയിൽ മാർഗൂസും നികോയും കൊല്ലപ്പെടുന്നു. കൂടെ എല്ലാ എസ്തോണിയൻ പട്ടാളക്കാരും. വൃദ്ധനായ ഇവോയും അഹമ്മദും ഒഴികെ മറ്റെല്ലാവരും മരിച്ചു. മാർഗൂസിന്റെ ശരീരം അയാളുടെ പ്രിയപ്പെട്ട ഓറഞ്ചു തോട്ടത്തിൽ തന്നെ അടക്കം ചെയ്യുന്നു.മാർഗൂസിന്റ ഓറഞ്ചുകൾ നിറയ്ക്കാൻ വെച്ച മരപ്പാളികൾ കൊണ്ട് ശവപ്പെട്ടി പണിതതും ഇവോ തന്നെ. നികോയെ ഇവോ അടക്കം ചെയ്യുന്നത് സ്വന്തം മകന്റെ ശവക്കല്ലറയ്ക്കരികിലാണ്.
യുദ്ധത്തിൽ അവൻ മരിച്ചുപോയിരുന്നു. അവനെ കൊന്നത് ജോർജിയക്കാരായിട്ടും
നികോയെ എന്തിന് ഇവിടെ അടക്കുന്നു എന്ന് അഹമ്മദ് ചോദിക്കുന്നുണ്ട്. ആര് കൊന്നാലും മരണത്തിന് എന്ത് വ്യത്യാസം എന്ന് ഇവോ മറു പടി പറയുന്നു. നികോക്ക് പകരം ഞാനായിരുന്നെങ്കിൽ വരുച്ചിരുന്നത് എങ്കിൽ എന്റെ ശവവും ഇവിടെ അടക്കുമോ എന്ന അഹമ്മദിന്റെ ചോദ്യത്തിന് ഇവോ മറുപടി
പറയുന്നുണ്ട്. "ചിലപ്പോൾ കുറേക്കൂടി അരികിൽ' എന്ന്.
ജോർജിയൻ സംഗീതം കേട്ടുകൊണ്ട് തന്റെ പട്ടാള ജീപ്പിൽ കുന്നിറങ്ങി പോകുന്ന അഹമ്മദിൽ സിനിമ അവസാനിക്കുന്നു.

രാജ്യം, അതിർത്തി, രാഷ്ട്രീയ അധികാരം തുടങ്ങിയവ ഒക്കെയും കെട്ടിയുയർത്തിയിരിക്കുന്നത് തികച്ചുംഅർഥശൂന്യമായ ചില സങ്കൽപ്പങ്ങൾക്ക് മുകളിലാണെന്നും മനുഷ്യർക്ക് പരസ്പരം സ്നേഹിക്കാനുള്ള തുറസ്സായ ഇടങ്ങൾ എല്ലാ ശത്രുതകൾക്കും ഇടയിലും ലഭ്യമാണെന്നും ഈ സിനിമ
നമ്മോട് പറയുന്നു. നികോയും അഹമ്മദും നടത്തുന്ന വാഗ്വാദങ്ങളുടെ ഗൗരവം ഇവോ പലപ്പോഴും തമാശ കൊണ്ട് പൊളിച്ചുകൊടുക്കുന്നുണ്ട്. പുരുഷ കഥാപാത്രങ്ങൾ മാത്രമുള്ള ഈ സിനിമ യുദ്ധം നടത്തുന്നവരെക്കുറിച്ചുള്ളതാണ്. ഇവോയുടെ പേരക്കുട്ടിയായ പെൺകുട്ടിയുടെ ഒരു ഫോട്ടോമാത്രമാണ് സിനിമയിലെ സ്ത്രീ സാന്നിധ്യം. ഒറ്റ ലൊക്കേഷനിൽ ചിത്രീകരിച്ച്
സിനിമയിൽ നാലു പ്രധാന കഥാപാത്രങ്ങൾ മാത്രം. കാമറയുടെ ചലനങ്ങൾ വളരെ മന്ദതാളത്തിൽ- ആദ്യാവസാനം
ഓരോ ദൃശ്യത്തിലും തുടരുന്ന നനുത്ത പശ്ചാത്തല സംഗീതം. ബാൾട്ടിക് സമുദ്രക്കരയിലെ മനോഹരവും വിജനവുമായ മലമ്പ്രദേശത്തിലെ മൂത്തുപഴുത്ത ഓറഞ്ചുകളുടെ ദൃശ്യങ്ങൾ. ഇവയൊക്കെ കൂടി
ഈ സിനിമ യുദ്ധത്തെക്കുറിച്ചല്ല, മരണത്തെക്കുറിച്ചല്ല, ജീവി
തത്തേക്കുറിച്ചാണെന്ന് നമ്മെക്കൊണ്ട് പറയിക്കും.
2013ൽ ജോർജിയും എസ്തോണിയയും ചേർന്നാണ് ഈ സിനിമ നിർമിച്ചിരിക്കുന്നത് എന്നത് വളരെ പ്രധാനമാണ്. യുദ്ധത്തിന്റെ മുറിപ്പാടുകൾ മായ്ച്ചു കളയേണ്ടത് മനുഷ്യന്റെ കടമ കൂടിയാണെന്ന് സംവിധായകൻ സസ ഉറുഷാദ്സ് വിളിച്ചു പറയുന്നുണ്ട്. ഈ സിനിമ കണ്ടുതീരുമ്പോൾ മനുഷ്യനന്മയിലുള്ള പ്രതീക്ഷയും അതിനോടുള്ള മതിപ്പും അധികരിക്കും - തീർച്ച.

വിജയകുമാർ ബ്ലാത്തൂർ

ക്ലോസപ്പ് - ശാസ്ത്രകേരളം മാസിക.
-

നാനൂക് ഓഫ് ദ നോർത്ത്

noreply@blogger.com (vijayakumarblathur) — Mon, 25 Jul 2016 06:04:00 +0000

റോബർട്ട്-ജെ-ഫ്ളഹേർട്ടി എന്ന പര്യവേഷകൻ ഒരു സിനിമാ സംവിധായകനാകുന്നത് വളരെ യാദൃശ്ചികമായാ ണ്. സർ വില്യം മക്കൻസിയോടൊപ്പം ഭൂമിയുടെ വടക്കേയറ്റത്തുള്ള മഞ്ഞുമൂടിയ ആർട്ടിക് പ്രദേശത്ത് അദ്ദേഹം 1910 മുതൽ ജോലി ചെയ്യുകയായിരുന്നു. കാനഡയിലെ ഉത്തര റെയിൽവേയ്ക്കും ലോഹ കമ്പനികൾക്കും വേണ്ടി ഇരുമ്പ് അയിര് തേടിയുള്ള യാത്ര, കൂടെ പ്രാദേശിക ഭൂപടനിർമ്മാണ വും, ഹഡ്സൺ ഉൾക്കടലിന്റെ കിഴക്കൻ തീരങ്ങളിൽ നീണ്ട ആറു വർഷത്തെ പര്വേഷണയാത്രകളിൽ തദ്ദേശിയരായ എസ്കിമോകളുമായി അടുത്തിടപഴകാൻ സാധിച്ചു. അയ്യായിരം ചതുരശ്രമൈൽ വിസ്തീർണ്ണമുള്ള മഞ്ഞുമൂടിയ തരിശുഭൂമിയിൽ തന്റെ ഉൽഖനന ഉപകരണങ്ങളോടൊപ്പം മൂവി ക്യാമറയും ഒരു കൗതുകത്തിനായി അദ്ദേഹം കൈയിൽ കൊണ്ടുനടന്നിരുന്നു. 1913-14 ലെ ശൈത്യകാലത്ത് ബാഫിൽ ലാന്റിലും, ബെൽച്ചർ ഐലന്റിലും വെച്ച് പ്രാദേശികരായ ആളുകളുടെ ജീവിതം അദ്ദേഹം ക്യാമറയിൽ പകർത്തി. ഏകദേശം മുപ്പതിനായിരം അടി ഫിലിം ഷട്ട് ചെയ്തതാണ് ടൊറന്റോയിൽ തിരിച്ചെത്തിയത്. പക്ഷെ, ദൗർഭാഗ്യം കൊണ്ട് ആ മുഴുവൻ ഒറിജിനൽ ക്യാമറ നെഗറ്റീവുകളും എഡിറ്റിങ്ങിനിടയിൽ ഫ്ളഹേർട്ടി വലി ച്ചെറിഞ്ഞ സിഗരറ്റ കുറ്റിയിൽ നിന്നും തീ പടർന്ന് കത്തിനശിച്ചു. കൃത്യതയൊ ന്നുമില്ലാതെ വെറുതെ ചിത്രീകരിച്ച അവയൊക്കെ കത്തി നശിച്ചത് നന്നായെന്ന അദ്ദേഹത്തിനു തോന്നി. ഒരു പ്രത്യേക ആശയം മാത്രം ചിത്രീകരിക്കുന്നതിനെ ക്കുറിച്ചു മാത്രമായി അദ്ദേഹത്തിന്റെ ചിന്ത, 'റവലിയൻ ഫറർസ് എന്ന രോമക്കുപ്പായ കമ്പനിയുടെ സാമ്പത്തിക പുന്തുണയോടെ വീണ്ടും അദ്ദേഹം ക്യാമറയുമായി എസ്കിമോകളുടെ അടുത്തെത്തി. പുറം ലോകത്തിന് തികച്ചും അപരിചിതമായ ‘എസ്കിമോകളുടെ ജീവിതം" ഒരു സിനിമയാക്കുക എന്ന ലക്ഷ്യത്തോടെ ആവശ്യമായ സജ്ജീക രണങ്ങളുമായാണ് യാത്ര. ക്യാമറ കൂടാതെ എഴുപത്തയ്യായിരം അടി ഫിലിം, ഡവലപ്പ് ചെയ്യാനും പോസിറ്റീവ് പ്രിന്റ് ചെയ്യാനും വേണ്ട ഉപകരണങ്ങൾ കെമിക്കലുകൾ പ്രൊജക്റ്റർ എന്നിവയും കൂടെ കരുതിയിരുന്നു. 1920 ആഗസ്റ്റ് മാസം മുതൽ ഒരു വർഷം നീണ്ട ദുരിത യാത്രകളിലൂടെ അങ്ങിനെ വിശ്വപ്രസിദ്ധമായ 'നാനൂക്ക് ഓഫ് ദ നോർത്ത് എന്ന ആദ്യ മുഴുനീള ഡോക്കുമെന്ററി ജന്മം കൊണ്ടു. 79 മിനുട്ട് ദൈർഘ്യമുള്ള ഈ നിശബ്ദ സിനിമ 1922 ജൂൺ മാസത്തിലാണ് റിലീസ് ചെയ്തത്.

ഈ സിനിമയ്ക്കു വേണ്ടി ആദ്യമായി ചിത്രീകരിച്ചത് ഒരു വാൽറസ് വേട്ട യാണ് ചിത്രീകരിച്ച ഷോർട്ടുകൾ ഡവ ലപ്പ് ചെയ്ത് അവിടുത്തുകാരുടെ മുന്നിൽ പ്രദർശിപ്പിച്ചു കാണിച്ചു. ഈ വെള്ളക്കാരൻ വലിയ ഉപകരണങ്ങൾ കൊണ്ട് എന്താണ് ചെയ്യുന്നതെന്ന് അവർക്ക് അപ്പോഴാണ് മനസിലാകുന്നത്. അവരാദ്യമായാണ് ഒരു ചലച്ചിത്രം കാണുന്നത്. അത്ഭതസ്തബ്ധരായ അവർ ഫ്ളഹേർട്ടിയുടെ സിനിമയ്ക്ക് വേണ്ടി എന്തിനും സന്നദ്ധരായിരുന്നു പിന്നീട് അതി മനോഹരമായ വാക്കുകളിൽ മുഖക്കുറിപ്പുകൾ കാണിച്ചുകൊണ്ടാണ് സിനിമ ആരംഭിക്കുന്നത്. 'ഹിമ ക്കാറ്റു ചൂളമിടുന്ന ആർട്ടിക്കിലെ യഥാർത്ഥ സ്നേഹത്തിന്റെയും ജീവിത ത്തിന്റെയും കഥ' എന്നാണ് ഫ്ളഹേർട്ടി മുഖവുരയായി പറയുന്നത്. സസ്നേഹം നിറഞ്ഞ എപ്പഴും സന്തോഷവാന്മാരായ എസ്കിമോകൾക്ക് നിഗൂഢമായ തരിശുനിലങ്ങളിൽ വന്ധ്യമായ കരയും ക്രൂരമായ കാലാവസ്ഥയുമുള്ള ഇവിടെ ഭക്ഷണത്തിനും അതിജീവനത്തിനു മായി മൃഗങ്ങൾ മാത്രമാണ് ആശ്രയം. അവരിലെ സംഘത്തലവനായ ധീരവേട്ടക്കാരൻ നാനൂക്ക്-(കരടി എന്നാണാ വാക്കിനർത്ഥം) രോമത്തൊപ്പിയണിഞ്ഞ നാനൂക്കിന്റെ ഇറുകിയ കണ്ണുകൾ ക്യാമ റയെ തന്നെ നോക്കി നിൽക്കുന്ന സമീപദൃശ്യത്തോടെയാണ് ആദ്യ ഷോട്ട് ആരംഭിക്കുന്നത്. നാനൂക്കിന്റെ നിഷ്കള ങ്കമായ പുഞ്ചിരി നമ്മുടെ ഹൃദയത്തിൽ പതിക്കും വിധം ദൈർഘ്യമുള്ളതാണ് ആ ദൃശ്യം. നദിയിലൂടെ കടൽതീരത്തെ വെള്ളക്കാരുടെ കച്ചവട കേന്ദ്രത്തിലേ ക്കുള്ള യാത്രയുടെ ഒരുക്കത്തിലാണ് സംഘം, സാൽമൺ മൽസ്യങ്ങൾക്കും വാൽറസിനുമായുള്ള യാത്ര. പൊതിഞ്ഞുമൂടിയ ഒരു കുഞ്ഞു തോണിയിലിരുന്നു തുഴയുകയാണ് നാനൂക്ക്. ഒരു ചെറിയ കുട്ടി തോണിയുടെ പരപ്പിൽ കമിഴ്ന്ന് കിടക്കുന്നുണ്ട്. കരക്കടുപ്പിച്ച തോണിയിലെ ദ്വാരത്തിൽ നിന്നും മാജിക് ബോക്സിൽ നിന്നെന്ന പോലെ ഒന്നൊന്നായി നാനൂക്കിന്റെ കുടുംബം മുഴുവൻ നൂണ് പുറത്തേക്ക് വരുന്നു. ഭാര്യ സൈനല', കുഞ്ഞ് 'കുനായു’, ‘കൊമോക്ക് തുടങ്ങിയവർ. ആ സീസണിൽ വേട്ടയാടി നേടിയ വകകളെല്ലാം വിൽക്കാനായാണ് വെള്ള ക്കാരന്റെ 'വലിയ ഇഗ്ല'വിൽ അവരെ ത്തിയിരിക്കുന്നത്. വെള്ളക്കുറുക്കന്മാരും വാൽറസും കൂടാതെ വെറുമൊരു ചാട്ടു ളിമാത്രം കൊണ്ട് നേർക്കുനേർ പൊരുതി നാനൂക്ക് കീഴടക്കിയ ഏഴ് ഭീമൻ ഹിമക്കരടിത്തോലുകളുമുണ്ട് കൈയിൽ, ഇവയ്ക്കക്കൊക്കെ പകരമായി വേണ്ടത് പിച്ചാത്തിയും കല്ലൂമാലകളും വർണ്ണ മിഠായി കളും മാത്രം

ആദ്യമായി കണ്ട ഗ്രാമ ഫോൺ അത്ഭുതത്തോടെ നോക്കുകയാണ് നാനൂക്ക്. ഡിസ്കക്കുകളിലൊന്ന് കടിച്ചു നോക്കുന്നുമുണ്ട് ഇടയ്ക്ക്. ഇതിനിടയിൽ -നൂറുകണക്കിന് മൈൽ വിസ്താരത്തിൽ ഒഴുകിനടക്കുന്ന മഞ്ഞുപാളികൾ കരക്കടിഞ്ഞ് നാനൂക്കിന്റെ വഴി മുടക്കുന്നു. പട്ടിണി യുടെ വക്കോളമെത്തിയ അവസ്ഥയി ലാണ് സംഘം - ഭക്ഷണം തേടി അന ന്തമായി കിടക്കുന്ന മഞ്ഞുകഷണ ങ്ങൾക്കിടയിലൂടെ അലയുന്ന നാനൂക്ക് വല്ലാത്തൊരു ദയനീയ ദൃശ്യമാണ്. വാൽറസ് വേട്ട വിശദമായി ചിത്രീ കരിച്ചിട്ടുണ്ടീ സിനിമയിൽ, വാൽറസുകളെ കണ്ടെന്ന വാർത്തകേട്ട ചെറുതോ ണികളിൽ പുരുഷൻമാരെല്ലാം പുറപ്പെടുന്നു. കടലിൽ അതിശക്തരായ വാൽറസുകൾ കരയിൽ നിസ്സഹായരാണ്-മങ്ങിയ കാഴ്ചശക്തിയും. ചാട്ടുളി എറിഞ്ഞ് ഒരു വലിയ വാൽറസിനെ പിടികൂടുന്ന നാട കീയമായ ദൃശ്യമാണ് പിന്നെ, രണ്ട് ടൺ ഭാരമുള്ള അതിനെ ആയാസപ്പെട്ട കടലിൽ നിന്നും വലിച്ചുകയറ്റുന്നു. കീറിമുറിച്ച് പച്ചമാംസവും കൊഴുപ്പും ആർത്തിയോടെ കഴിക്കുകയാണവർ. വിദൂരമായ തരിശുനിലങ്ങളിലാണ് മാൻവേട്ട നടത്തുന്നത്. ഒരു മാനിനെ പ്പോലും വേട്ടയാടാനായില്ലെങ്കിൽ ആ യാത്ര മരണ ഭൂമിയിലേക്കായിരിക്കും. കൊടും ശൈത്യവും വിശപ്പും ആരെയും ബാക്കിവെച്ചേക്കില്ല. ശൈത്യകാലം തുടങ്ങുകയായി. നീണ്ട രാത്രികൾ. തുലോം ഹ്രസ്വമായ പകലുകൾ, മഞ്ഞ് മൂടിയ കടൽ, ചീറിയടിക്കുന്ന ഹിമക്കാറ്റ്- ആകാശത്ത് മങ്ങിയ വെള്ളോ്ട്ടു ഗോളം പോലെ വിളറിയ സൂര്യൻ. അലഞ്ഞുതിരിയുന്ന മഞ്ഞുപാളികൾ കൂട്ടിയിടിച്ചു തകർന്നുണ്ടായ മഞ്ഞുകുന്നുകൾ. നായകൾ വലിക്കുന്ന സ്റ്റെഡ്ജുകളിൽ ഭക്ഷണം തേടിയുള്ള ദുർഘടയാത്രകൾ-ഇടത്താവളങ്ങളിൽ പാർക്കാൻ മഞ്ഞുകൊണ്ട് പണിയുന്ന 'ഇഗ്ളു. വാൽറസിന്റെ കൊമ്പിൽ തീർത്ത പിച്ചാത്തികൊണ്ട് ചെത്തിയെടുക്കുന്ന മഞ്ഞുബ്ളോക്കുകൾ അടുക്കി വെച്ച് കമാനാകൃതിയിലുള്ള കുഞ്ഞു വീട നാനൂക്ക് എത്ര വേഗമാണെന്നോ പണിയുന്നത്. ഇഗ്ലൂവിനകത്ത് പ്രകാശം ലഭിക്കാനായി സുതാര്യമായ മഞ്ഞു പാളികൊണ്ടൊരു ജനൽചില്ലും അദ്ദേഹമുണ്ടാക്കുന്നുണ്ട്.

'ഓ്ജുക്ക് എന്ന ഭീമൻ സീലിനെ നാനൂക്ക് തന്ത്രപരമായി പിടിക്കുന്ന രംഗം വളരെ ആകാംക്ഷ വളർത്തും വിധം മനോഹരമായി ചിത്രീകരിച്ചിട്ടുണ്ട്. ശ്വാസം കഴിക്കാനായി മഞ്ഞുപാളിക ളിൽ സീലുകൾ ദ്വാരം ഉണ്ടാക്കിവെച്ചി ട്ടുണ്ടാവും- ആ ദ്വാരങ്ങൾക്കരികിൽ പതുങ്ങിയിരുന്ന ചാട്ടുളിയെറിഞ്ഞ് കുടുക്കി വലിച്ച് കയറ്റുന്നു. അപായകര മായ ഈ വേട്ടയിൽ ഭാഗ്യത്തിന് നാനൂ ക്കിന്റെ സംഘം കൃത്യസമയത്ത് സഹാ യത്തിനെത്തുന്നു.

യാത്രകൾക്കിടയിൽ തങ്ങളുടെ താമസസ്ഥലത്ത് തിരിച്ചെത്താനാവാത്ത കുടുംബം രാത്രിയായപ്പോൾ ഉപേക്ഷി ക്കപ്പെട്ട ഒരു ഇഗ്ലൂവിൽ അഭയം പ്രാപി ക്കുന്നു. പുറത്തെ മഞ്ഞുകാറ്റിൽ വിറങ്ങ ലിച്ചു നിൽക്കുന്ന നായകൾ, കാറ്റിന്റെ ചൂളം വിളി, മ്ലാനത തളംകെട്ടിയ ആ ചുറ്റുപാടിൽ ഇഗ്ലൂവിനകത്ത് എല്ലാം മറന്ന് മയങ്ങുന്ന നാനൂക്കിന്റെ മുഖ ത്തിന്റെ ക്ലോസപ്പോടെയാണ് സിനിമ അവസാനിക്കുന്നത്.

സിനിമയ്ക്ക് ശേഷമുള്ള നാനു ക്കിന്റെ യഥാർത്ഥ ജീവിതം ഫ്ളഹേർട്ടിയെ ശരിക്കും നടുക്കിക്കള ഞ്ഞു. സിനിമ റിലീസ് ചെയ്യുന്നതിനു മുമ്പു തന്നെ- ഭക്ഷണത്തിനായി വിദൂര പ്രദേശങ്ങളിലേക്ക് നടത്തിയ മാൻവേട്ട ക്കായുള്ള യാത്രയിൽ പാവം പട്ടിണികി ടന്നു മരിച്ചുപോയി. (നാനൂക്കിന്റെ യഥാർത്ഥ പേര് 'അല്ല കരിയല്ലകി എന്നായിരുന്നു) ലോകസിനിമയിൽ ഡോക്കുമെന്ററി പ്രസ്ഥാനത്തിന്റെ പിതാവായി ഫ്ളഹേർട്ടി കൊണ്ടാടപ്പെടുമ്പോഴും വളരെയധികം വിമർശനങ്ങളും ഈ സിനിമയെക്കുറിച്ചുണ്ടായി. 'ഡോക്കുമെന്ററി' എന്നത് മായം ചേർക്കാത്ത യഥാർത്ഥ്യങ്ങളായിരി ക്കണം. എന്നാലീ സിനിമയിൽ ഫ്ളഹേർട്ടി ക്രിയേറ്റ് ചെയ്ത രംഗങ്ങൾ ഉൾപ്പെടുത്തി എന്നാണ് പ്രധാന പരാതി. യഥാർത്ഥ ജീവിതം എന്ന് പറഞ്ഞ് അവ തരിപ്പിച്ചത് സത്യമല്ലാത്ത കാര്യങ്ങളാ യിരുന്നു. ഇരുപതാം നൂറ്റാണ്ടിലെ ആദ്യ ദശകത്തിലെ എസ്കിമോകളുടെ യഥാർത്ഥ ജീവിതാവസ്ഥകളിൽ കുറച്ച മായം ചേർത്ത് കൂടുതൽ കാഠിന്യമുള്ള തായി അവതരിപ്പിക്കുന്നുണ്ടത്രേ. നാനൂക്കിന്റെ ഭാര്യയായി സിനിമ യിൽ കാണുന്ന നൈല യഥാർത്ഥത്തിൽ അദ്ദേഹത്തിന്റെ ഭാര്യയല്ലായിരുന്നു.

തെരഞ്ഞെടുത്തവരുടെ കൂട്ടമായിരുന്നു യൂറോപ്യൻ സ്വാധീനങ്ങൾക്കും മുമ്പുള്ള പ്രാകൃതരീതിയുള്ള വേട്ടകളായിരുന്നു ഫ്ളഹേർട്ടി ചിത്രീകരിച്ചത്. അക്കാലത്ത് നാനൂക്ക് തോക്കും വേട്ടക്കായി ഉപയോ ഗിച്ചിരുന്നത്രേ!

ഉള്ളതിലേറെ പൊലിപ്പിച്ച് പറയാൻ സംവിധായകൻ ശ്രമിച്ചിരുന്നു. ഗ്രാമഫോൺ കണ്ട് നാനൂക്ക് നടത്തുന്ന അത്ഭുതപ്രകടങ്ങളും കടിച്ചുനോക്കലും കൃത്രിമമായി അഭിനയിപ്പിച്ചതാണ്. നാനൂക്ക് അതിനുമുമ്പ് നടത്തിയ നിര വധി യാത്രകളിലൊക്കെ വെള്ളക്കാ രന്റെ കേന്ദ്രത്തിലെ ഗ്രാമഫോൺ കണ്ടി ട്ടുണ്ട്. ഇഗ്ലൂവിനകത്തുള്ള രംഗങ്ങൾ ചിത്രീകരിക്കാനായി വലിപ്പം കൂടിയ, ഭിത്തി കനംകൂടിയ, മുകൾ ഭാഗം തുറന്ന ഇഗ്ലൂവിനകത്തുവച്ചാണ് വലിയ ക്യാമറ പ്രവർത്തിപ്പിച്ചത്. വിമർശനങ്ങൾ ഉണ്ടാ യാലും അറിയപ്പെടാത്ത ജീവിതങ്ങൾ തുറന്നു കാട്ടാനുള്ള പിന്നീടുള്ള എത്രയോ ഡോക്കുമെന്ററികളുടെ വഴി കാട്ടി 'നാനൂക്ക് തന്നെ.

അതിജീവനത്തിനായി പൊരുതേ ണ്ടിവരുന്ന മനുഷ്യരുടെ ഒക്കെ പ്രതീക മായി നാനൂക്ക്- ഒരു നൂറ്റാണ്ടോളമായി സിനിമയുടെ കാഴ്ചകളിൽ നിറഞ്ഞു നിൽക്കുന്നു.

ദ ജനറൽ

noreply@blogger.com (vijayakumarblathur) — Sun, 20 Mar 2016 11:08:00 +0000

''ജനറൽ''ഒരു തീവണ്ടിയുടെ പേരാണ്. വെസ്റ്റേൺ & അറ്റ്ലാന്റിക് റൈൽ റോഡു കമ്പനി യുടെ അഭിമാനവണ്ടി ആവിഎഞ്ചിന്റെ കരുത്തിൽ കുതിച്ചും കിതച്ചും പായുന്ന ആയിരത്തി എണ്ണൂറു കളുടെ മധ്യത്തിലെ തീവണ്ടി വരവറിയിച്ച ഓട്ടുമണികിലുക്കി, പാനീസ് വിളക്കും തൂക്കി, വെള്ളം കുടിച്ച് തീയും പുകയും തുപ്പി, ജോർജിയയിലെ മരിയെറ്റ സ്റ്റേഷനിൽ വന്നുനിൽക്കുന്ന ജനറലിനെ കാണിച്ചുകൊണ്ടാണ് ബസ്റ്റർ കീറ്റൺ സംവിധാനം ചെയ്ത് 1926ൽ അമേരിക്കയിൽ പുറത്തിറങ്ങിയ ഈ നിശബ്ദ സിനിമ ആരംഭിക്കുന്നത്. ആ തീവണ്ടിയുടെ ഡ്രൈവറും എഞ്ചിനീയറുമായ ജോണി ഗ്രേ എന്ന ചെറുപ്പക്കാരനായി അഭിനയിച്ചിരിക്കു ന്നത് സംവിധായകൻ തന്നെ. ഗൗരവ പ്രകൃതക്കാരനെങ്കിലും സ്വപ്നങ്ങൾ കൂടുകെട്ടിയ വിടർന്ന കണ്ണു കളും നിഷ്കളങ്കമായ ചേഷ്ടകളുമാണയാൾക്കുള്ളത്. 1861 ലെ വസന്തകാലം - 'ജനറൽ' എന്ന തീവണ്ടി കഴിഞ്ഞാൽ അയാൾ ഏറ്റവും ഇഷ്ടപ്പെടുന്നത് അനബെല്ല ലീ എന്ന പെൺകുട്ടിയെ ആണ്. സ്റ്റേഷനിൽ നിന്നും നേരെ അനബെല്ലയുടെ വീട്ടിലേക്ക് നടക്കുകയാണ് അയാൾ, അമേരിക്കയിൽ ആഭ്യന്തര കലാപംലാപം കൊടുമ്പിരി കൊണ്ടിരിക്കുന്ന കാലമാണ്.
വടക്കൻ പ്രദേശക്കാർ സ്റ്റർ കോട്ട പിടിച്ചടക്കിയിരിക്കുന്നു എന്ന വാർത്ത പരന്നു കഴിഞ്ഞു. യുദ്ധം ആരംഭിക്കുകയായി. യുവാക്കൾ എല്ലാവരും പട്ടാളത്തിൽ ചേരാനുള്ള ഒരുക്കത്തിലാണ് അനബല്ലയുടെ ജ്യേഷ്ഠനും അച്ഛനും പട്ടാള ത്തിൽ ചേരാൻ പേർ ചേർക്കാൻ പുറപ്പെട്ടു കഴിഞ്ഞു. അനബെല്ല ജോണിയോട് പട്ടാളത്തിൽ ചേരുന്നില്ലേ എന്നന്വേഷിക്കുന്നു. തന്റെ കാമുകിയെ സന്തോഷിപ്പിക്കാനായി എന്തു ചെയ്യാനും അയാൾ ഒരുക്കമായിരുന്നു. റികൂട്ടിംങ് ഓഫീസിനു മുന്നിലെ ക്യൂവിൽ ഒന്നാമനായി കയറിപ്പറ്റാൻ അവൻ പല പരാക്രമങ്ങളും നടത്തി വിജയിക്കു ന്നു. യുദ്ധമുഖത്ത് വേണ്ടതിലേറെ ആവശ്യം ഇയാളെ ഇവിടെ തന്നെയാണ് എന്നതിനാൽ, ഇത്രയേറെ 'വിലയേറിയ ഒരു എഞ്ചിനീയറെ പട്ടാളത്തിൽ ചേർക്കാൻ അവർ ഒരുക്കമല്ലായിരുന്നു. ആൾമാറാട്ടം നടത്തി വീണ്ടും ക്യൂവിൽ കയറിപ്പറ്റാൻ ജോണി ശ്രമിക്കുന്നുണ്ടെങ്കിലും - പട്ടാള ഓഫീസർ അയാളെ ഓടിച്ചുവിട്ടു.
തിരിച്ചെത്തിയ ജോണിയെ കണ്ട് അനബല്ല ദേഷ്യപ്പെടുന്നു. അവൻ പറഞ്ഞത് അവൾ വിശ്വസിക്കുന്നില്ല. ഒരു ഭീരുവിനെ തനിക്ക് കാമുകനായി വേണ്ടെന്ന് അവൾ തറപ്പിച്ചു പറയുന്നു. പട്ടാള യൂണിഫോമിലല്ലാതെ ഇനി തന്നോട് മിണ്ടാൻ വരേണ്ടെന്നും പറഞ്ഞ് അവനെ ഉപേക്ഷിക്കുന്നു. യുദ്ധം ആരംഭിച്ച് ഒരു വർഷത്തിനു ശേഷമാണ് പിന്നീട് കഥ തുടരുന്നത്. ദുഃഖിതനായ ജോണി അപ്പഴും "ജനറൽ' തെക്കുവടക്ക് ഓടിച്ചുകൊണ്ടിരിക്കുകയാണ്. നഷ്ട പ്രണയത്തിന്റെ വേദനകൾ പേറിക്കൊണ്ട് .ഇതേ സമയം വടക്കൻ പ്രദശത്തെ പട്ടാള ജനറൽ താച്ചറും മുഖ്യ ചാരനായ ക്യാപ്റ്റൻ ആൻഡേഴ്സണും വലിയൊരു ഗൂഢാലോചന പ്ലാൻ ചെയ്യുകയാണ് വേഷം മാറി നുഴഞ്ഞുകയറി ജോണിയുടെ തീവണ്ടി തട്ടിക്കൊണ്ടുപോ കാനുള്ള വൻ പരിപാടി. തിരിച്ചുപോകും വഴി എല്ലാ തീവണ്ടിപ്പാളങ്ങളും പാലങ്ങളും തകർത്തുള്ള ഉഗ്രൻ അട്ടിമറി അതിർത്തിയിലേക്ക് പട്ടാളക്കാരെയും അവരുടെ സാധനങ്ങ ളെയും എത്തിക്കുന്നത് തടഞ്ഞാൽ തിരിച്ചാക്രമണം എളുപ്പമാകും എന്നവർക്കറിയാം.

ഗൂഢാലോചനയെക്കുറിച്ചൊന്നുമറിയാതെ സാധാരണ പോലെ ജനറലിൽ യാത്ര ആരംഭിക്കു കയാണ് ജോണി.യുദ്ധമുന്നണിയിൽ മുറിവേറ്റ കിടക്കുന്ന പിതാവിനെ കാണാനായി പോകുന്ന അനബെല്ലയും യാത്രക്കാർക്കൊപ്പമുണ്ട്. പക്ഷേ അ വൾ ജോണിയോട് ഒന്ന് പുഞ്ചിരിക്കുന്നുപോലുമില്ല. ഒരു സ്റ്റേഷനിൽ ഭക്ഷണം കഴിക്കാനായി യാത്രക്കാരെല്ലാം വണ്ടിയിൽ നിന്നും പുറത്തിറങ്ങിയ സമയം ശത്രു സംഘം വണ്ടി തട്ടിയെടുത്ത് കടന്നുകളഞ്ഞു. അബദ്ധത്തിൽ അനബെല്ല മാത്രം വണ്ടിയിൽ പെട്ടുപോയിരുന്നു. തന്റെ തീവണ്ടി കുതിച്ചോടി മറയുന്നത് കണ്ട് ജോണിക്കൊന്നും മനസ്സിലായില്ല. മറ്റുള്ളവരെ കൂട്ടി അയാൾ വണ്ടിക്ക് പിറകെ ഓടുന്നുണ്ട്. ഓടീട്ട് കാര്യമില്ലെന്നായപ്പോൾ ഹാൻഡ് ലിവർ കൊണ്ട് പാളത്തിലൂടെ ഓടിക്കുന്ന നാലുചകവണ്ടി സംഘടിപ്പിച്ച പിറകെ കുതിക്കുന്നു. മുന്നിൽ പോയ ശത്രുക്കൾ ക്കൾ പാളം ഇളക്കി മാറ്റിയതിനാൽ ഒരിടത്ത് വച്ച് വണ്ടി മറിഞ്ഞ് ജോണി തെറിച്ചുവീഴുന്നു. പിന്നെ ഒരു സൈക്കിളിൽ പിന്തുടർന്ന് അടുത്ത തീവണ്ടി ആഫീസിലെത്തി അവിടെയുള്ള പട്ടാളക്കാർക്ക് വിവരം നൽകുന്നു. കുറെ പട്ടാളക്കാരെയും കയറ്റി ജോണി അവിടെയുള്ള തീവണ്ടിയിൽ പുറപ്പെടുന്നു നിർഭാഗ്യവശാൽ കയറിയ ബോഗി എഞ്ചി നുമായി ബന്ധിപ്പിക്കാൻ വിട്ടുപോയിരുന്നു. കുറേദൂരം ഓടി ക്കഴിഞ്ഞാണ് അബദ്ധം അയാൾ മനസ്സിലാക്കുന്നത്. തിരിച്ചുപോവാൻ സമയമില്ലാത്തതിനാൽ തനിച്ചു തന്നെ ജോണി യാത്ര തുടരുന്നു. ക്യാപ്റ്റൻ ആൻഡേഴ്സന്റെ സംഘം പാളത്തിൽ പലവിധ തടസ്സങ്ങൾ ഉണ്ടാക്കിയാണ് മുന്നോട്ടു പോകുന്നത്. ഇവയൊക്കെയും ഓടുന്ന വണ്ടിയിൽ നിന്ന് ചാടി ഇറങ്ങി ജോണി സ്വയം മാറ്റുകയാണ്. ഒരു സ്റ്റേഷനിൽ നിന്ന് വലിയ പീരങ്കി സംഘടിപ്പിച്ച അതും കൊണ്ടാണ് പിന്നെയാത്ര, അതിസാഹസികമായി തീവണ്ടിയിലെ പീരങ്കിയിൽ നിന്നും വെടിവെക്കുന്നുണ്ട് ജോണി ഏറ്റവും തമാശനിറഞ്ഞ സംഭവങ്ങൾക്ക് അത് കാരണമാകുന്നുണ്ടെങ്കിലും. തങ്ങളെ പീരങ്കിയുമായി പിന്തുടരുന്ന വലിയ പട്ടാളസം ഘമാണ് പിറകിൽ എന്നു കരുതി'ജനറൽ മോഷ്ടാക്കൾ കുതിച്ചുപായുകയാണ്. ഈ തുരത്തിയോടിക്കലിനിടയിൽ ജോണി കാണി ക്കുന്ന സാഹസിക ശ്രമങ്ങളും, ചില പ്പോൾ സംഭവിക്കുന്ന അബദ്ധങ്ങളും, വന്നുവീഴുന്ന ഭാഗ്യവും ഒക്കെ പ്രേക്ഷകരെ ആകാംക്ഷയുടെയും അത്ഭുതത്തിന്റെയും തമാശയുടെയും ഒക്കെ മനോനിലകളിലൂടെ കടത്തിക്കൊണ്ടുപോകും.

ഒരു മേൽപ്പാലം കടന്നുപോകുന്ന സമയത്താണ് ക്യാപ്റ്റൻ ആൻഡേഴ്സസണും കൂട്ടാളി

കളും ജോണിഗ്രേയുടെ തീവണ്ടി അടുത്ത് കാണുന്നത്. '' ആ തീവണ്ടിയിൽ കരുതിയതുപോലെ പട്ടാളക്കാരൊന്നും ഇല്ലെന്നും വെറും ഒരു എഞ്ചിൻ ഡ്രൈവർ മാത്രമേ ഉള്ളൂ എന്നും അവർ മന സ്സിലാക്കുന്നു. ജോണി ഗേക്ക് സംഭവസ്ഥിതിയുടെ ഗൗരവം അപ്പഴേ പിടികിട്ടിയുള്ളൂ. താനിപ്പോൾ ശത്രു രാജ്യത്തിനകത്താണെന്ന കാര്യവും കൂടിയായപ്പോൾ തീവണ്ടിയിൽ നിന്നി റങ്ങി ഓടി കാട്ടിലൊളിച്ചു.. രാതി മഴയിൽ കൊടുംതണുപ്പിൽ വിശന്ന് തളർന്ന അയാൾ അടുത്തുകണ്ട കെട്ടിടത്തിനുള്ളിലേക്ക് ജനൽ വഴി കടക്കുന്നു. വിളമ്പിവെച്ച അത്താഴമേശയിൽ നിന്നും ഭക്ഷണം കൈക്കലാക്കുന്നതിനിടയിൽ ആൾക്കാർ വരുന്ന ശബ്ദം കേട്ട് മേശക്കടിയിൽ ഒളിക്കുന്നു. പട്ടാള ഓഫീസർമാരുടെ രഹസ്യയോഗമാണവിടെ - പുതിയ ആക്രമണത്തിന്റെ ആ സൂത്രണത്രന്തങ്ങളെല്ലാം ഒളിഞ്ഞുകേൾക്കുന്നു. ആയുധങ്ങളും ഭക്ഷണവും സാധനങ്ങളുമായി തീവണ്ടികൾ അതിർത്തിയിലെ റോക്ക് റിവർ കടത്താനും ഒരുങ്ങിനിൽക്കുന്ന പട്ടാളത്തിന്റെ സഹായത്തോടെ മിന്നൽ ആക്രമണം നടത്താനുമുള്ള പദ്ധതി "ജനറൽ തീവണ്ടിയിൽ നിന്നു കിട്ടിയ അനബെല്ലയെ അവിടെ തടവിൽ പാർപ്പിച്ചിരിക്കുന്ന കാര്യവും അയാൾ മനസ്സിലാക്കുന്നു. എല്ലാവരും പിരിഞ്ഞപ്പോൾ കാവൽക്കാരെ കീഴ്പ്പെടുത്തി തന്റെ പ്രണയിനിയെ രക്ഷിച്ച അവിടെ നിന്നും പുറത്തിറങ്ങുന്നു. അനബല്ല ലീ യെ സംബന്ധിച്ചിടത്തോളം ഇതിലും വലിയൊരു സാഹസകൃത്യം ഒന്നുമില്ല. തന്നെ രക്ഷിക്കാനായി ജീവൻ പണയപ്പെടുത്തി ശ്രത കൂടാരത്തിൽ പ്രിയതമൻ എത്തിയിരിക്കുന്നു. പ്രകാശം പരന്നപ്പോൾ ഇരുവരും ഒരു തീവണ്ടിസ്റ്റഷനരികിലാണ് ഉള്ളത് എന്ന് മനസ്സിലാക്കുന്നു. തീവണ്ടികളിൽ ചരക്കുകൾ കയറ്റുന്ന തിരക്കാണ് 'ജനറലി'ലും സാധനങ്ങൾ കയറ്റുന്നുണ്ട്. ചുമട്ടുകാരനായി ഭാവിച്ച അനബെല്ലയെ ചാക്കിൽ കെട്ടി ചുമന്ന് ജോണി ഗ്രേ തീവണ്ടിക്കരി കിലെത്തുന്നു. എഞ്ചിൻ മറ്റ് ബോഗികളുമായി ബന്ധിപ്പിക്കുന്ന പിൻ അന ബെല്ല ഊരിമാറ്റുന്നുണ്ട്. മിന്നൽ വേഗതയിൽ ജോണിഗ്രേ ജനറലിലെ എഞ്ചിൻ റൂമിലെ പട്ടാള ജനറലിനെ അടി ച്ച് ബോധംകെടുത്തി വീഴ്ത്തി തീവണ്ടിയുമായി രക്ഷപ്പെടുന്നു. ജനറലിനെ പിന്തുടർന്ന് പിടിക്കാനായി പട്ടാളത്തീവണ്ടി പിറകെ കുതിക്കുന്നു. അവരെത്തും മുമ്പ് അതിർത്തി കടന്ന് തന്റെ രാജ്യത്തിലെ പട്ടാളക്കാരെ ആക്രമണ വിവരം ധരിപ്പിക്കാനായി സർവശക്തിയും ഉപയോഗിച്ച് കുതിക്കുകയാണ് 'ജനറലി'ൽ ജോണിയും അനബെല്ലയും, തങ്ങൾ കടന്നുപോകുന്ന പാതയിൽ തടസ്സങ്ങൾ ഉണ്ടാക്കാൻ ഇരുവരും പല സൂത്രങ്ങളും ചെയ്യുന്നുണ്ട്. റോക്ക് റിവർ പാലത്തിനു മുകളിലെത്തി- പാല ത്തിന് തീയിട്ട സാഹസികമായി ജോണി മറുകര എത്തി പട്ടാ ളക്കാർക്ക് വിവരം എത്തിക്കുന്നു. പിറകെ കുതിച്ചെത്തിയ ശത്രുപക്ഷത്തിന്റെ പട്ടാള തീവണ്ടി ആദ്യം സംശയിച്ചു നിന്നെങ്കിലും രണ്ടും കൽപ്പിച്ച തീപിടിച്ച പാലത്തിലൂടെ മറുകര കടക്കാൻ ശ്രമിക്കുന്നു. നടു ഭാഗത്തെത്തിയപ്പോൾ പാലം തകർന്ന് എല്ലാം പുഴയിൽ വീണു നശിക്കുന്നു. തുടർന്നുള്ള യുദ്ധത്തിൽ തെക്കൻ പട്ടാളം വടക്കൻ ശത്രു സേനയെ നിലംപരിശാക്കി. യുദ്ധവിജയാഘോഷങ്ങളിൽ ആരും ജോണിഗ്രേയെ ഒട്ടും പരിഗണിക്കുന്നേയില്ല. വിജയ ശിൽപ്പി ആയിരുന്നു ആ പാവം:

തന്റെ പ്രിയപ്പെട്ട തീവണ്ടിയുടെ എഞ്ചിൻ റൂമിലേക്ക് തനിച്ചു തിരിച്ചുനടക്കുന്നു.'ജനറൽ തിരിച്ചുപിടിക്കുന്ന അവ സരത്തിൽ ജോണിയുടെ അടിയേറ്റ വീണുകിടന്ന ശത്രു പ ക്ഷത്തെ ജനറലിന് അപ്പോഴാണ് ബോധം വരുന്നത് ജോണി അയാളുമായി ആഘോഷസ്ഥലത്തെത്തുന്നു. ശത്രുമേധാവിയെ കീഴ്പ്പെടുത്തി തടവിലാക്കിയ ജോണിഗ്രേയെ അപ്പോൾ തന്നെ പട്ടാളത്തിലെ ലഫ്റ്റനന്റായി നിയമിക്കുന്നു. ഔദ്യോഗികമുദ്രയായി വാൾ സമ്മാനിക്കുന്നു. പട്ടാള ഓഫീസറുടെ യൂണിഫോമിൽ തന്റെ പ്രിയ തീവണ്ടിക്കരി കിൽ അനബെല്ലയെ ചുംബിച്ചുനിൽക്കുകയും അതേസമയം കടന്നുപോകുന്ന പട്ടാളക്കാർ ഓരോരുത്തർക്കും സല്യൂട്ട നൽകുകയും ചെയ്യുന്ന കഥാനായകനിൽ സിനിമ അവസാ നിക്കുന്നു.

ഷെർലക്സ് ജൂനിയർ (1921) ദ നാവിഗേറ്റർ (1914) സെവൻ ചാൻസസ് (1925) തുടങ്ങിയ വൻ ജനപ്രിയ സിനിമകൾ സ്യഷ്ടിച്ചതിനു ശേഷമാണ് അക്കാലത്തെ ഏറ്റവും ചെലവേറിയ 'ദ ജനറൽ സംവിധാനം ചെയ്യാൻ ബസ്റ്റർ കീറ്റ് അവസരം ലഭിക്കുന്നത്. പക്ഷേ ചാപ്പിന്റെ സൂര്യതേജസ്സിൽ ഈ സിനിമ മങ്ങിപ്പോയി. "പൂർണമായും ഹാസ്യസിനിമയുമല്ല, പൂർണമായ സാഹസിക സിനിമയുമല്ലാത്ത ഒന്ന് എന്ന് പരിഹസിച്ച അവഗണിച്ചു കളഞ്ഞു പ്രേക്ഷകരും നിരൂപകരും, നിശബ്ദ സിനിമയുടെ നർമവസന്തകാലത്ത് തിരിച്ചറിയാതെ പോയ 'ജനറൽ’ എത്രയോ ദശകങ്ങൾക്ക് ശേഷം വൈകിയാണെങ്കിലും ആസ്വാദകലോകം നെഞ്ചിലേറ്റിയിരിക്കുന്നു. പൊടി ഞ്ഞും മാഞ്ഞും മങ്ങിയും പൊട്ടിയും വികൃതമായിരുന്ന പഴയ പ്രിന്റിൽ നിന്നും പുതിയ ഡിജിറ്റൽ റെസ്റ്ററേഷൻ ടെക്നിക്കുകളിലൂടെ'ജനറൽ പുനർസ്യഷ്ടിക്കപ്പെട്ടു. വീണ്ടും കണ്ടപ്പോഴാണ് ആ മഹത്തായ സിനിമയുടെ ഔന്ന്യത്യം ഏവരും തിരിച്ചറിയുന്നത്. അമേരിക്കൻ ഫിലിം ഇൻസ്റ്റിറ്റ്യൂട്ട 2001ൽ നടത്തിയ തിരഞ്ഞെടുപ്പിൽ ഏറ്റവും മികച്ച നൂറ് അമേരിക്കൻ സിനിമകളിൽ ജനറൽ പതിനെട്ടാം സ്ഥാനം നേടി. റോബർട്ട് എബർട്ടിനെപ്പോലുള്ള നിരൂപകർ നിശബ്ദ സിനിമകളുടെ കൂട്ടത്തിലെ ഏറ്റവും മികച്ച പത്തിലൊന്നായി ഈ സിനിമയെ തിരഞ്ഞെടുത്തു. ആദ്യന്തം നിറഞ്ഞുനിന്ന ജോണി എന്ന കഥാപാത്രത്തെ അനശ്വരമാക്കാൻ സംവിധായകനായ ബസ്റ്റർ കീറ്റനു സാധിച്ചു. സിനിമയുടെ ശൈശവ ദശയിൽ നിർമിച്ച ഈ സിനിമയുടെ സാങ്കേതിക മികവ് നമെ അത്ഭുതപ്പെടുത്തും. കാലഘട്ടം പുനർസ്യഷ്ടിക്കുന്നതിൽ കാട്ടിയ പ്രതിഭയും അതിസാഹസിക രംഗങ്ങൾ റിയലിസ്റ്റിക്കായി അവതരിപ്പിച്ചതിലെ സൂക്ഷ്മശ്രദ്ധയും, ഓടിക്കൊണ്ടിരിക്കുന്ന തീവണ്ടികളിലെ സംഭവങ്ങൾ പകർത്തിയതിലെ ക്യാമറ മികവും ഒക്കെ നമ്മെ ശരിക്കും അമ്പരപ്പി ക്കുന്നവയാണ്. ഉദ്വേഗങ്ങളും ആകാംക്ഷയും സംഘർഷവും നിറഞ്ഞ ഒരു യുദ്ധകഥയിൽ ഉടനീളം ഭാരരഹിതമായ, ലാഘവപൂർണമായ നർമാന്തരീക്ഷം നിലനിർത്താൻ ബസ്റ്റർ കീറ്റനു സാധിക്കുന്നുണ്ട്. ബഫുൺ ഫലിതങ്ങളെന്നും 'അബദ്ധ ഭാഗ്യ'ങ്ങളുടെ യാദൃച്ഛികത ഉണർത്തുന്ന തമാശകളെന്നും ഒക്കെ വിലകുറച്ചുകാണാൻ പറ്റുന്ന നിഷ്കളങ്ക ഹാസ്യങ്ങളാണ് ചാപ്ളിനെ പോലെ ബ്സ്റ്റണും പയറ്റുന്നത്. ചാപ്പിന്റെ ഉള്ളുപൊള്ളയായ മുഖചേഷ്ടകൾ ചിരിപ്പിക്കാനായി ബ്സ്റ്റൺ ഉപയോഗിക്കുന്നി ല്ല. ശിലാസമാനമായ നിർവികാര മുഖത്തെ വിടർന്ന കണ്ണുകൾ മാത്രമേ ഇദ്ദേഹത്തെ സഹായിക്കാനുള്ളൂ. സാഹസിക രംഗങ്ങൾ അഭിനയിച്ച്ഫ ഫലിപ്പി ക്കുന്നതിലെ ചങ്കുറപ്പും. തന്റെ കാമുകി ഉപേക്ഷിച്ചു പോയപ്പോൾ ഹൃദയം തകർന്ന് ജോണി തന്റെ തീവണ്ടിയുടെ ചക്രത്തണ്ടിൽ തളർന്നിരിക്കുന്ന ഒരു ദൃശ്യമുണ്ട് ഈ സിനിമയിൽ, ഇതറിയാതെ അയാളുടെ അസിസ്റ്റന്റ് തീവണ്ടി ഷെഡിലേക്ക് നീക്കാനായി മുന്നോട്ടെടുക്കുന്നു. വണ്ടി നീങ്ങിത്തുടങ്ങിയതൊന്നും ജോണി അറിയുന്നില്ല. ചക്രത്തണ്ടിനൊപ്പം പതുക്കെ ഉയർന്നു താഴുന്ന നായകന്റെ കണ്ണുകൾ വിദൂരതയിലെങ്ങോ തറച്ചു നിൽക്കുകയാണ് - ചില നിമിഷങ്ങൾ അങ്ങിനെയാണ് - നാം പരിസരം മറന്ന് ലയിച്ച പോകും. 'ദ ജനറൽ നമ്മെ ഭൂതകാ ലത്തു നിന്നും നാമറിയാതെ ആവി വണ്ടിയിലേക്ക് ആവാഹിച്ചു കൊണ്ടുപോകും- തീർച്ച

ദ കളേർഴ്സ് ഓഫ് ദ മൗണ്ടൈൻ- പർവ്വതത്തിന്റെ നിറങ്ങൾ

noreply@blogger.com (vijayakumarblathur) — Sun, 20 Mar 2016 03:15:00 +0000

യുദ്ധകാലത്തെ നിഷ്കളങ്കതകൾ അവതരിപ്പിക്കുന്ന നിരവധി സിനിമകൾ ലോകമെമ്പാടും ഉണ്ടായിട്ടുണ്ട്. എല്ലാ സംഘർഷങ്ങളുടെയും ആദ്യ ഇര ‘കുട്ടികളും' അവരുടെ 'കുട്ടിക്കാലവും' ആണ് .എന്ത് എന്തിന് സംഭവിക്കുന്നു എന്നറിയാതെ പകച്ചു നിൽക്കുന്ന നിഷ്കളങ്ക ശൈശവങ്ങൾ. ആഭ്യന്തര കലാപങ്ങളുടെയും രാഷ്ട്രാധികാര സമരങ്ങളുടെയും അടിസ്ഥാന ഇരയാകുന്ന, 'സാധ രണക്കാരനായ മനുഷ്യന്റെ പ്രതീകമാണ് ഈ കുട്ടികൾ. ഇറാനിയൻ നവ സിനിമകളിലെ ആഖ്യാന രീതിയിൽ നിന്ന് പ്രചോദനം ഉൾക്കൊണ്ട് കൊളംബിയൻ സംവിധായകനായ കാർലോസ് സിസർ അർബലെസ്, നിർ മ്മിച്ച് 2011ൽ പുറത്തിറങ്ങിയ 'കളേഴ്സ് ഓഫ് മൗണ്ടൻ' എന്ന ലളിത ചിത്രവുംചർ

ച്ച ചെയ്യുന്നത് ആഗോളപ്രസക്തമായ ഈ മാനുഷിക പ്രശ്നം തന്നെ. കൊളംബിയൻ പർവത പ്രദേശമായ ലoപ്രഡേയിലെ കുഞ്ഞു ഗ്രാമത്തി ലെ ഒൻപതു വയസ്സു കാരനായ മാനുവലിന്റെ കാഴ്ചകളിലൂടെയാണ് അർബെലെസ് കഥ പരയുന്നത്.ടീച്ചറില്ലാതെ സ്കൂൾ പൂട്ടികിടപ്പാണ്

പ്ന്തുമായി കൂട്ടുകാരനായ ജൂലിയൻ, പൊക്ക ലൂസ് എന്നിവർക്കൊപ്പം കളിസ്ഥലത്തേക്ക് വരുന്ന മാനുവലിന്റെ ആഹ്ലാദമുഖത്തി ലാണ് സിനിമ ആരംഭിക്കുന്നത്. വളരെ നേർത്ത കാഴ്ചശക്തി മാത്രമുള്ള അൽബിനോ ആയ പൊക്ക ലൂസിനെ എല്ലാവരും പൊട്ടൻ കളിപ്പിക്കുന്നുണ്ട്. അൽ ബിനോകളൊക്കെയും ചെറുപ്പത്തിലേ മരിച്ചുപോകും എന്ന് പറഞ്ഞ് അവനെ ഭയപ്പെടുത്തുന്നുണ്ടവർ, ഭയന്നു കരയുന്ന പൊക്കലൂസിനെ ആശ്വസിപ്പിക്കുന്നത് മാനുവലാണ്.

കളി കഴിഞ്ഞ് തിരിച്ച് വരുമ്പോഴാണ് അവർ തങ്ങളുടെ സ്കൂളിൽ പുതുതായി ചേരാൻ വന്ന കാർമെൻ എന്ന ടീച്ചന്റെ കാണുന്നത്. നഗരത്തിൽ നിന്ന് തന്റെ ബാഗേജുകളുമായി ജീപ്പിൽ വന്നിറങ്ങിയ ടീച്ചറെ മാനുവൽ സ്കൂൾവരെ അനുഗമിക്കുന്നുണ്ട്. പൂട്ടിക്കിടക്കുന്ന സ്കൂൾ വീണ്ടും തുറക്കുന്നതിൽ കുട്ടികളെല്ലാം സന്തോഷത്തിലാണ്.

വീട്ടിലെത്തിയ മാനുവൽ കൃഷിക്കാരനായ അച്ഛൻ ഏർണസ്റ്റോയെ സഹായിക്കുന്നുണ്ട്. തൊഴുത്തിൽ പാൽകറക്കാനും മറ്റും. ഇതിനിടയിൽ ചിലർ ഏർണസ്റ്റോയെ അന്വേഷിച്ച് വീട്ടിലെത്തുന്നു. അവരുടെ കണ്ണിൽപ്പെടാതെ അച്ഛൻ ഒളിക്കുന്നതെന്തിനെന്നും അച്ഛൻ വീട്ടി ലില്ലെന്ന നുണ പറഞ്ഞ് അവരെ അമ്മ മടക്കി അയയ്ക്കുന്നതെന്തിനെന്നും അവനു മനസ്സിലാവുന്നില്ല. മുതിർന്നവരുടെ സംസാരങ്ങളിൽ നിന്നും ഭയഭാവങ്ങ ളിൽനിന്നുമൊക്കെ അവ്യക്തമായെങ്കിലും ചിലതൊക്കെ അവന് പതുക്കെ മനസിലാകുന്നുണ്ട് . പക്ഷേ അതൊന്നും അത്ര ഗൗര വമുള്ളതായി മാനുവലിന് തോന്നുന്നില്ല. അവന് ഏറ്റവും പ്രധാനം ഫുട്ബോൾ കളിയാണ്. ഗ്രാമത്തിനു തൊട്ടടുത്തുള്ള പർവത ത്തിലെ കാടുകളിൽ ഒളിപ്പോരാളികളായ ഗറില്ല റിബലുകൾ തമ്പടിച്ചിട്ടുണ്ട്. പിന്തുണയും സഹായവും ഭക്ഷണവും ഒക്കെ അവർ ഗ്രാമീണരെ ഭീഷണിപ്പെടുത്തി നേടുകയാണ്. കൗമാരക്കാരായ കുട്ടികളെപ്പോലും നിർബന്ധപൂർവം ഗറില്ലാ പരിശീലനത്തിന് റിക്രൂട്ട് ചെയ്യുന്നുണ്ട്. ഗറില്ലകൾക്ക് സഹായം നൽകുന്നു എന്ന സംശയത്താൽ ഗവർമെന്റ് സായുധസേനകൾ ഗ്രാമത്തെ സംശയത്തോടെയാണ് വീക്ഷിക്കുന്നത്. ഇടയ്ക്കിടെയുള്ള പട്ടാളത്തിന്റെ തിരച്ചിലുകൾ കൊണ്ടും ഗറില്ലകളുടെ ഭീഷണികൊണ്ടും ധർമസങ്കട ത്തിലാണ് സാധു കൃഷിക്കാരായ ഗ്രാമീ ണർ സഹായിച്ചില്ലെങ്കിൽ ഗറില്ലകൾ വക വരുത്തും. സഹായിച്ചാൽ പട്ടാളത്തിന്റെ പിടിയിലാകും. പലരും ഈ കുരുക്കിൽ നിന്ന് രക്ഷനേടാൻ എല്ലാം വിട്ടെറിഞ്ഞ് എങ്ങോട്ടൊക്കെയോ രക്ഷപ്പെട്ടു. മാനുവലിന്റെ അമ്മയും കുറേനാളായി ഇതു തന്നെ പറയുന്നു. പക്ഷേ ഏർണെസ്റ്റോക്ക് തന്റെ കൃഷിയും പശുക്കളേയും ഒക്കെ ഉപേക്ഷിച്ച സ്ഥലംവിടാൻ മനസ്സുവരുന്നില്ല. ഗറില്ലകൾ അവരുടെ യോഗത്തിൽ പോവാത്തതിന് അയാളെ നോട്ടമിട്ടിരിക്ക യാണ്.

അടുത്ത ഞായറാഴ്ചത്തെ മീറ്റിങ്ങിന് ഉണ്ടായിരിക്കണം എന്ന അന്ത്യശാസനം നൽകിയാണവർ പോയിരിക്കുന്നത്.

പുതിയ ടീച്ചർ ഊർജസ്വലതയോടെ സ്കൂൾ പുനരുജ്ജീവിപ്പിക്കാനുള്ള ഒരുക്കത്തിലാണ്. കുട്ടികൾ പലരും നാട്ടിലില്ല. എല്ലാ ക്ലാസ്സിലെയും കുട്ടികളെ ഒരുമിച്ച് ഇരുത്തിയാണ് ക്ലാസ്സ് നടത്തുന്നത്. കണക്കു പഠിപ്പിക്കുമ്പോൾ തന്റെ ഡ്രോയിങ്ങ് ബുക്കിൽ വരച്ച മലകൾക്ക് ചായം പുരട്ടുന്ന മാനുവലിനോട് ടീച്ചർ ദേഷ്യം പിടിക്കുന്നുണ്ട്. എങ്കിലും അവനെ ഇഷ്ടമുള്ള ടീച്ചർ പിന്നീടൊരിക്കൽ ഇഷ്ടപ്പെട്ട കളർബോക്സസ് വാങ്ങി സമ്മാനിക്കുന്നുണ്ട്.

ഒരു ദിവസം നഗരച്ചന്തയിലേക്ക് അച്ഛനൊപ്പം മാനുവലും പോകുന്നുണ്ട്. ഗറില്ലാ ചാരന്മാരുടെ മുന്നിൽ പെടുമോ എന്ന ഭയന്ന് പാത്തും പതുങ്ങിയുമാണ് ഏർണസ്റ്റോ മാനുവലിനൊപ്പം ചന്തയി ൽ ചെലവഴിക്കുന്നത്. തന്റെ പന്നിക്കുട്ടികളെ വിറ്റു കിട്ടിയ പണം കൊണ്ടയാൾ മാനുവലിന്റെ ഒൻപതാം പിറന്നാൾ സമ്മാനമായി അവന് ഏറ്റവും ഇഷ്ടമുള്ള ഒരു പുത്തൻ ഫുട്ബോൾ വാങ്ങി നൽകുന്നുണ്ട്.

പിറ്റേദിവസം അഭിമാനത്തോടും വ ലിയ ഗമയോടും കൂടിയാണ് മാനുവൽ കൂട്ടുകാർക്കരികിൽ തന്റെ പുത്തൻ പന്തുമായെത്തുന്നത്. അവർ ഗ്രാമാതിർ ത്തിയിൽ പുതുതായി ഉണ്ടാക്കിയ പ്ലേ ഗ്രൗണ്ടിൽ കളി തുടങ്ങി. കളിക്കിടയിൽ പന്ത് മലഞ്ചരിവിലെ പുൽപടർപ്പിലേക്ക് തെറിച്ചുപോയി. ആ സമയം കെട്ടു പൊട്ടിച്ചു വന്ന ഒരു പന്നി ആ ഭാഗത്തേയ്ക്ക് ഓടി ഇറങ്ങി. ഒപ്പം തന്നെ ഉഗ്രസ്ഫോടനവും നടന്നു. പന്നി ചിതറിത്തെറിച്ചു. പട്ടാളം തങ്ങളെ തേടി ഹെ ലികോപ്ടറിൽ ഗ്രൗണ്ടിലിറങ്ങി പർവത പ്രദേശത്തേക്ക് വരുന്നെങ്കിൽ തടയാനായി ആ താഴ്വരയത്രയും ഗറില്ലകൾ മൈൻ പാകിയിരിക്കയാണ് എന്ന ഞെട്ടി ക്കുന്ന വിവരം അങ്ങനെയാണ് എല്ലാ വരും അറിയുന്നത്. കുട്ടികളുടെ വീട്ടുകാർ വന്ന് ഇനി അവിടെ ആരും കളിക്കരുതെന്ന് താക്കീതു ചെയ്തു താഴ്വാരത്തേക്ക് ആരും ഇറങ്ങാതിരിക്കാൻ വേലികെട്ടി അപായ സൂചന വെച്ചു.

അപ്രതീക്ഷിതമായ ഈ ആഘാതം മാനുവലിന് സഹിക്കാനാവുന്നതായിരുന്നില്ല. തന്റെ പ്രിയപ്പെട്ട പന്ത് കൈമോശം വന്നിരിക്കുന്നു. തൊട്ടടുത്താണെങ്കിലും അത് ഇനി തിരിച്ചുകിട്ടില്ല. അവന്റെ സങ്കടം മാറ്റാൻ ഏർണെസ്റ്റോ വേറൊരു പന്ത് പകരം വാങ്ങിത്തരാം എന്ന് പറഞ്ഞ് അവനെ ആശ്വസിപ്പിക്കുന്നുണ്ട്. പക്ഷേ അതിനി നടക്കില്ലെന്ന് അവനറിയാം. പന്ത് തിരിച്ചെടുക്കാനുള്ള അപകടകരമായ രഹസ്യദൗത്യത്തിന്റെ ആലോചനയിലാണ് പിന്നീട് മാനുവൽ, പന്ത് തിരിച്ച് കിട്ടിയാൽ രണ്ട് ദിവസം അത് സ്വന്തമായി നൽകാം എന്ന പ്രലോഭ നത്തിൽ ഹുലിയനും പൊക്കലൂസും വീഴുന്നു. മൂവരും കൂടി നടത്തുന്ന ശ്രമങ്ങളൊന്നും വിജയിക്കുന്നില്ല.

പക്ഷേ എത്ര നിർബന്ധിച്ചിട്ടും അവിടം വിട്ട് പോകാൻ ഏർണസ്റ്റോ ഒരുക്കമല്ലെന്ന് മനസ്സിലാക്കിയ മാനുവലിന്റെ അമ്മ അയാളറിയാതെ കുട്ടിയുമായി സ്ഥലംവിടാനൊരുങ്ങുന്നുണ്ട്. തന്റെ അച്ഛനെയും പന്തിനെയും ഉപേക്ഷിക്കാൻ അവൻ ഒരുക്കമല്ലായിരുന്നു. വണ്ടിയിൽ കയറാനൊരുങ്ങുമ്പോൾ അവൻ തിരിച്ചോടിക്കളഞ്ഞു. ഈ പ്രശ്നം വീട്ടിൽ വലിയ ബഹളത്തിനു കാരണമാകുന്നുണ്ട്. ടീച്ചർ സാധനങ്ങൾ വാങ്ങാൻ നഗ രത്തിൽ പോയ ഞായറാഴ്ച അവരറിയാതെ സ്കൂളിലായിരുന്നു ഒളിപ്പോരാ ളികളുടെ രഹസ്യയോഗം നടന്നത്. അ വർ സ്കൂൾ ചുമരിൽ മുദ്രാവാക്യങ്ങൾ എഴുതിയിടുകയും ചെയ്തു. ചായങ്ങളും വാങ്ങിയാണ് ടീച്ചർ തിരിച്ചെത്തിയത്. ചുവരെഴുത്തുകൾ മായ്ച്ച് കളഞ്ഞ് അവിടെ കുട്ടികളെക്കൊണ്ട് മനോഹരമായ ഒരു ചുമർചിത്രം വരയ്ക്കക്കാൻ അവർ ഒരു ങ്ങുന്നു. ഒളിപ്പോരാളികളെ പ്രകോപിപ്പിക്കുന്നത് അപകടമാണെന്ന മുന്നറിയിപ്പ അവർ ചെവിക്കൊണ്ടില്ല. ഗ്രാമത്തിനപ്പുറത്തെ നിഗൂഢമായ പർവതത്തിന്റെ ചിത്രം ചുവരിൽ വരച്ചു. അതിൽ കിളികളും പുഴകളും പൂക്കളും വരച്ചു. പർവതത്തിനു ചായം തേയ്ക്കുന്നത് മാനുവലാണ്. ഹരിതാഭമായ പർവതത്തിന്റെ ചിത്രം എല്ലാവരും ചേർന്ന് വരച്ചുതീർത്തു. പ്രശ്നങ്ങൾ കൂടുതൽ സങ്കീർണമാകുകയാണ്. പട്ടാളത്തിന്റെ ക്രൂരമായ ചോദ്യംചെയ്യലുകൾ. കൂടുതൽ പേർ ഗ്രാമം വിട്ടുതുടങ്ങി. സ്കൂളിൽ കുട്ടികൾ ഓരോന്നായി കുറഞ്ഞു. പട്ടാള ഹെലികോപ്റ്ററിന്റെ പ്രചണ്ഡവേഗം തങ്ങളുടെ വീടിനെ പിടിച്ചു കുലുക്കിയപ്പോഴാണ് മാനുവൽ വീണ്ടും നടുങ്ങുന്നത്. ഗറില്ലാ സംഘത്തിലുള്ള മകനെ സഹായിക്കുന്നു എന്ന് പറഞ്ഞ് പട്ടാളം പിടിച്ചുകൊണ്ടുപോയ ജൂലിയന്റെ അച്ഛന്റെ മൃതശരീരമാണ് കുതിരപ്പുറത്ത് താഴ്സത്തിയിട്ട് തിരിച്ച് വരുന്നത്. ഭയം മാനുവലിന്റെ സിരകളിൽ പതുക്കെ പടർന്നു തുടങ്ങി. മരണഭയം ടീച്ചന്റെ തിരിച്ചുപോകാൻ പ്രേരിപ്പിക്കുന്നു. കരഞ്ഞുകൊണ്ട് യാത്ര പറഞ്ഞ് ഓടിപ്പോകുന്ന ടീച്ചന്റെ മാനുവലും കൂട്ടുകാരും നിർവികാരരായാണ് നോ ക്കിനിൽക്കുന്നത്. അവർ വരച്ച ചുവർചി ത്രത്തിനു മേൽ ഭീഷണിയുടെ എഴുത്തു കൾ,

ഇതിനിടെ പൊക്കലുസിനെ ഒരു മരക്കൊമ്പിലൂടെ കയറിൽ കെട്ടിത്താഴ്ത്തി പന്തെടുക്കാൻ മാനുവലും ജൂലിയനും കൂടി ശ്രമിക്കുന്നുണ്ട്. നിലത്തെവിടെയൊക്കെയാണ് മൈനുകൾ കുഴിച്ചിട്ടിരിക്കുന്നത് എന്നറിയാത്തതിനാലാണ് അ വർ ഈ വിദ്യ ഉപയോഗിക്കുന്നത്. പക്ഷേ കണ്ണട വീണുപോയ ലൂസിന് പന്ത് തിരിച്ചെടുക്കാനായില്ല.

വീട്ടിൽ ഗറില്ലകൾ ഏർണെസ്റ്റോയെതേടിയെത്തുന്നു. മാനുവൽ കാണുന്നത് ചളിക്കുളമാക്കിയ തന്റെ വീടാണ് അച്ഛനെവിടെ എന്ന അന്വേഷ ണത്തിന് അമ്മയുടെ മൗനമായിരുന്നു ഉത്തരം. അച്ഛന്റെ നിലത്തുവീ ണു കിടന്ന തൊപ്പി മാനുവലിന് എല്ലാം വ്യക്തമാക്കുന്നുണ്ട്. പുതിയ സാഹചര്യത്തിൽ ഗൃഹനാഥന്റെ ഉത്തരവാദിത്വത്തിലേക്ക് പെട്ടെന്നാണ് മാനുവൽ സംക്രമിക്കുന്നത്. തൊഴുത്തിൽ പോയി പശുവിനെ കറക്കാൻ ശ്രമിച്ചുപരാജയപ്പെടുന്ന മാനുവ ലിന്റെ ദൈന്യത നമുക്ക് അറിയാനാവും. ഇവിടംവിട്ടു പോകാനൊരുങ്ങുന്ന അമ്മ യോടൊപ്പം സാധനങ്ങൾ കെട്ടിവെയ്ക്കു ന്നതിനിടയിൽ മാനുവൽ പെട്ടെന്ന് പുറത്തിറങ്ങുന്നു. അവന്റെ എല്ലാ ഭയങ്ങളും നിമിഷനേരത്തേക്ക് ഇല്ലാതായിരിക്കുന്നു. ആരുടെയും സഹായം അവനില്ല. രണ്ടും കൽപ്പിച്ച മരത്തിലെ കയറിലൂടെ താഴ്വാരത്ത് ഊർന്നിറങ്ങി. പോക്കറ്റിൽ കരുതിയ കല്ലു കൾ മുന്നിൽ ഇട്ട നോക്കി മൈനുകളുണ്ടോ എന്നു പരിശോധിച്ച് പതുക്കെ പാദമുന്നി അവൻ പ്രിയപ്പെട്ട പന്തിനരികിലെത്തി. അത് തിരിച്ചു കിട്ടുമ്പോൾ മാനുവലിന്റെ മുഖത്ത് വിരിയുന്ന തൃപ്തി എല്ലാ വിഷമങ്ങളും മായ്ക്കുന്നതായിരുന്നു. ബോളുമായി തിരിച്ചെത്തുന്ന മാനുവലിനെ അമ്മ ശകാരിക്കുന്നേ ഇല്ല. നിർവികാരതയോടെ ഗേറ്റടച്ച് ഇരുവരും റോഡിലേക്കിറങ്ങുന്നു. അഭയാർഥികളായി ഗ്രാമം വിട്ട് പോകുന്നവർക്കൊപ്പം വണ്ടിയിൽ അവരും അകന്നുപോകുന്നു. മാനുവൽ തന്റെ പ്രിയപ്പെട്ട പന്ത് ഹൃദയത്തോടടുക്കി പിടിച്ചിരിക്കുന്ന ദൃശ്യത്തിൽ സിനിമ അവസാനിക്കുന്നു. ലളിതമായ ആഖ്യാന ശൈലിയിൽ മാനുവലിന്റെ കാഴ്ചപ്പാടുകളിലൂടെയാണ് ക ഥ പുരോഗമിക്കുന്നത്. ഒരിക്കലും ഭീതിത മായ ഒരു പീഢനക്കാഴ്ചയും മാനുവൽ കാണുന്നില്ല. പ്രേക്ഷകരും. പക്ഷേ സിനിമയിലുടനീളം ഭയത്തിന്റെ ഗുഢസാന്നിധ്യം മറഞ്ഞിരിപ്പുണ്ട്താനും. ലോകമെങ്ങും സ്വീകാര്യത നേടിയ ഈ ലളിതചിത്രം പതിനാറാമത് കേരളരാജ്യാന്തര ചലചിത്ര മേളയിൽ ഏറ്റവും മികച്ച ചിത്രത്തിനുള്ള 'സുവർണചകോരം' നേടിയിരുന്നു. പുറമെ സ്വച്ഛവും സൗമ്യവും സുന്ദരവുമായ ഗ്രാമഭംഗിയുടെ പശ്ചാത്തലമായി നാം കാണുന്ന മലകളുടെ നീലിമ ഘനീഭവിച്ച ഭയമാവാം എന്ന പുതു അറിവ് കാർലോസ് സിസർ അർബലെസ് നമുക്ക് നൽകുന്നുണ്ട് ഈ സിനിമയിലൂടെ, നിറങ്ങൾ ഒന്നിന്റെയും സൂചനയാവണമെന്നില്ലെന്നും,

വീട്ടിലേക്കുള്ള വഴി

noreply@blogger.com (vijayakumarblathur) — Sat, 18 Jul 2015 09:30:00 +0000

സിയൂൾ നഗരത്തിൽ ജനിച്ച് വളർന്ന ഏഴു വയസ്സുകാരൻ സാങ് വൂ അമ്മയോടൊപ്പം വിദൂരമായ ഗ്രാമത്തിലേക്ക് ബസ്സിൽ യാത്രചെയ്യുന്നിടത്താണ് ജിയോങ് ഹ്യാങ് ലീ രചനയും സംവിധാനവും നടത്തി 2002ൽ പുറത്തിറങ്ങിയ ദക്ഷിണ കൊറിയൻ സിനിമയായ ''വേ ഹോം '' (the way home) ആരംഭിക്കുന്നത്.ഗ്രാമത്തിലെ മുത്തശ്ശിക്കരികിൽ അവനെ കൊണ്ട് ചെന്നാക്കാനാണീ യാത്ര.ബസ്സിലുറക്കെ സംസാരിക്കുന്ന ഗ്രാമീണരേയും അവരുടെപരിഷ്കൃത ചേഷ്ടകളേയും ഒന്നും സാങ് വൂവിന് ഇഷ്ടമാകുന്നില്ല.മലമ്പാതകളിലൂടെ സഞ്ചരിച്ച് പൊടി പറക്കുന്ന കാട്ടുപാതകയുടെ അവസാന സ്റ്റോപ്പിൽ ബസ്സ് എത്തി.അവന് ആ സ്ഥലം ഒട്ടും ഇഷ്ടമായിട്ടില്ല.അമ്മ അടിച്ചും ചീത്ത പറഞ്ഞും അവനെ വലിച്ച് നടക്കുകയാണ് തന്റെ പഴയ വീട്ടിലേക്ക് .പതിനേഴ് വയസ്സിൽ ഒരാളുടെ കൂടെ ഗ്രാമത്തിൽ നിന്നും ഒളിച്ചോടി നഗരത്തിലേക്ക് വന്നതാണവൾ .അയാൾ ഉപേക്ഷിച്ചിട്ട് വർഷങ്ങളായി..സങ് വൂവിന്റെ അച്ഛനും ഇപ്പോൾ കൂടെയല്ല.നടത്തിയിരുന്ന കട കടംകൊടുത്തു പൂട്ടി.ഇപ്പോൾ തൊഴിലൊന്നുമില്ലാതായിരിക്കുന്നു.ഒരു പണി തരപ്പെടും വരെ മകനെ എവിടെയെങ്കിലും ഏൽപ്പിച്ചാലേ രക്ഷയുല്ലു..അതിനാണവർ അമ്മയുടെ അടുത്തേക്ക് വന്നിരിക്കുന്നത്.
എഴുപത്തി അഞ്ചിലേറെ പ്രായമായ മുത്തശ്ശി തനിച്ചാണ് ആ കുടിലിൽ താമസം.സംസാര ശേഷിയില്ലാത്ത അവർക്ക് നടക്കാൻ പോലുമ്പ്രയാസമാണ് .കൂനിക്കൂനി നടന്ന് ഇത്തിരി സ്ഥലത്ത് പച്ചക്കറി കൃഷി ചെയ്താണു ജീവിതം മുന്നോട്ട് നീക്കുന്നത്.മകനു വേണ്ട കുറച്ച് പാക്കറ്റ് ഭക്ഷണവും അമ്മയ്ക്ക് കുറച്ച് മരുന്നുകളും ടോണിക്കും വസ്ത്രവും നൽകി സാങ് വൂവിന്റെ അമ്മ അടുത്ത ബസ്സിൽ സ്ഥലം വിടുന്നു.നഗരത്തിലെ തിരക്കുകളിലും സൊഉകര്യങ്ങൾക്കും ഇടയിൽ വളർന്ന അവന് ആ കാട്ടു പ്രദേശം വല്ലാത്ത മടുപ്പുണ്ടാക്കുന്ന ഇടമായി വേഗം മാറി. ചുക്കിച്ചുളിഞ്ഞ വൃദ്ധയുടെ ശരീരം അവന് അറപ്പുളവാക്കുന്നതായിരുന്നു.മുറ്റത്ത് അവർ അഴിച്ച് വച്ചിരുന്ന മുത്തശ്ശിയുടെ പഴകിയ തുകൽ ഷൂവിലേക്ക് മൂത്രമൊഴിക്കുകയാൺ` അവൻ ആദ്യം ചെയ്യുന്നത്.അഴുക്കും ചെളിയും പുരണ്ട അവരുടെ വിരലുകൾ കൊണ്ട് സ്പർശിക്കുന്നത് പോലും അവന് ഇടമല്ലായിരുന്നു. സംസാരിക്കാനാവില്ലെങ്കിലുമെല്ലാംകേൾക്കാൻ കഴിയുന്ന അവരെ അവൻ ചീത്ത വിളിച്ചു കൊണ്ടേ ഇരുന്നു.മുതുക്കി ത്തള്ള എന്നൊക്കെ.മുത്തശ്ശിയാണെങ്കിൽ തന്റെ പേരക്കുട്ടിക്ക് വേണ്ടതെല്ലാംചെയ്യാൻ ശ്രമിക്കുന്നുണ്ട്. കുന്നിറങ്ങി താഴെ തോട്ടിൽ നിന്നും പ്രയാസപ്പെട്ട് അവർ വെള്ളം കെട്ടിക്കൊണ്ടുരും.തുണി അലക്കും , ന്വൻ കക്കൂസായുപയോഗിക്കുന്ന ചീനപ്പാത്രം കഴുകി വയ്ക്കും,അവനു വേണ്ട ഭക്ഷണം ഉണ്ടാക്കി നൽകും.പക്ഷെ സാങ് വൂ അവർ പാചകംചെയ്തതൊന്നും തിരിഞ്ഞ് നോക്കില്ല.ചോക്കലേറ്റുകൾ തിന്നും ഗയിം കളിച്ചും കാർട്ടൂൺ വായിച്ചും അവൻ സമയം തീർത്തു.അവൻ വൃദ്ധക്ക് ഒരു പരിഗണനയും നൽകുന്നില്ല.അമ്മ ഏൽപ്പിച്ച് പോയ പാക്കറ്റ് ഭക്ഷണമൊക്കെ കുറച്ച് ദിവസംകൊണ്ട് തീർന്നു.അവന്റെ വീഡിയോ ഗയിമിലെ ബാറ്ററിയും ചാർജ്ജ് കഴിഞ്ഞു മിണ്ടാതായി.വീട്ടിലുള്ള പഴയ ബ്ലാക്ക് ആന്റ് വൈറ്റ് ടി വി നന്നാക്കിയെടുക്കാൻ അവൻ കുറേ ശ്രമിച്ച് നോക്കി.രക്ഷയില്ല..എത്രയോ പഴക്കമുള്ള അത് പ്രവർത്തിക്കില്ല എന്നവന് മനസ്സിലായി.ഗയിമിലിടാൻ ബാറ്ററി വാങ്ങിത്തരണമെന്ന വാശിയിലായി അവൻ.ബാറ്ററി എന്താണെന്നു പോലും അവർക്ക് ആദ്യം മനസ്സിലാകുന്നില്ല.അവരുടെ കൈയിൽ പണവും ഇല്ലായിരുന്നു.കാശില്ലെന്നറിഞ്ഞ സങ് വൂ വിന് ദേഷ്യം വന്നു.അവൻ അവരെ ചെത്ത വിളിക്കുകയും പാവത്തിന്റെ കീറിപ്പറിഞ്ഞതെങ്കിലും ആകെയുള്ള ഒരോഒരു ഷൂ ദൂരെ കാട്ടിലേക്ക് വലിച്ചെറിയുകയും ചെയ്തു.തിണ്ണയിൽ കഴുകി ഉണക്കാൻ വച്ച അവൻ കക്കൂസ്സയി ഉപയോഗിക്കുന ചീനപ്പാത്രം കാൽകൊണ്ട് അവൻ തട്ടിയെറിഞ്ഞുടച്ചു.കൂടാതെ ചമ്മരിലും വാതിലിലുമവരെക്കുറിച്ച് ക്രയോൺ പെൻസിലുകൾ കൊണ്ട് പല വേണ്ടാതിനങ്ങളും കുത്തിവരച്ചിട്ടു.
ബാറ്ററി കിട്ടിയേ അവനു പറ്റൂ. ഉറങ്ങിക്കിടക്കുകയായിരുന്ന മുത്തശ്ശിയുടെ മുടിപ്പിന്ന് അവൻ ഊരിയെടുത്തു..വളരെ പഴയ ചിത്രപ്പണികളുള്ള ആ പിന്ന് മുത്തശ്ശിയുടെ വിവാഹ സമയത്തേതായിരിക്കാം..വെള്ളിയിൽ തീർത്ത ആ പിന്ന് കൊടുത്ത് കടയിൽ നിന്നും ബാറ്ററി വാങ്ങാനായി അവൻ പുരത്തിറങ്ങി..പക്ഷെ ആ കാട്ട് പ്രദേശത്തെവിടെ അങ്ങിനെയുള്ള കട.ഏറെ നടന്ന് ആരൊക്കയോ പറഞ്ഞ് കൊടുത്ത് അവൻ സമീപത്തുള്ള അങ്ങാടിയിലെത്തി..പല കടകളിൽ കയറിയിറങ്ങി അവസാനം അവന്റെ കൊച്ച് ഗയിമിൽ ഇടാൻ പറ്റുന്ന ഇനം ബാറ്ററി കിട്ടി.പക്ഷെ പണത്തിനു പകരം പിന്ന് കൊടുത്തപ്പോൾ അവന്റെ തലക്ക് ഒരു കിഴുക്കാണ് കിട്ടിയത്..തിരിച്ച് വരും വഴി അവന് വഴിയും തെറ്റി.പെരുവഴിയിലിരുന്ന് കരയുന്ന അവനെ ഗ്രാമീണരിരൊരാൾ സൈക്കളിലിരുത്തി മുത്തശ്ശിക്കരികിൽ കൊണ്ടു ചെന്നാക്കി.തന്റെ മുടിപിന്ന് എങ്ങോ വീനുപോയി എന്നുകരുതിയ മുത്തശ്ശി അതിനു പകരം കരിപിടീച്ച ഒരു കരണ്ടിയാണ് മുടിക്കൂട്ടിക്കെട്ടാൻ ഉപയോഗിക്കുന്നത്.

ഒരു ദിവസം സാങ് വൂ കെന്റുക്കി ചിക്കൻ വേണമെന്ന് പറഞ്ഞ് വാശിപിടിച്ച് കരയാൻ തുടങ്ങി. ആംഗ്യങ്ങൾ കൊണ്ട് കോഴിയാണ് അവൻ ഉദ്ദേശിക്കുന്നത് എന്ന് വൃദ്ധക്ക് മനസ്സിലായി.തോട്ടത്തിൽ വിളഞ്ഞ മത്തൻ പൊതിഞ്ഞെടുത്ത് വൃദ്ധ രാവിലെ തന്നെ പട്ടണത്തിലെ ചന്തയിലേക്ക് പുറപ്പെട്ടു.വലരെ വൈകീട്ടും അവർ തിരിച്ച് വരാതെ കണ്ടപ്പോൾ സാങ് വൂ ഉറക്കത്തിലായി. മഴ നനഞ്ഞ് കൂനിക്കൂടി അവർ വലിയൊരു പൂവൻ കോഴിയേയും വാങ്ങിയാണ് തിരിച്ച് വരുന്നത്.കുട്ടിയെ ഉണർത്താതെ ഏറെ നേരത്തെ പ്രയത്നം കൊണ്ട് കോഴിയെ കൊന്ന് തൊലിപൊച്ച് അവർക്കറിയുംവിധം അതിനെ പുഴുങ്ങി പാകം ചെയ്തു.ഭക്ഷണമൊരുക്കി സാങ് വൂവിനെ വിളിച്ചുണർത്തി. കൊതിയോടെ ഉറക്കുണർന്ന അവൻ കാണുന്നത് പൊരിച്ച കെന്റുക്കി ചീക്കണു പകരം വെള്ളത്തിൽ പുഴുങ്ങിയ കോഴിയെ ആണ്.ദേഷ്യവും സങ്കടവും വന്ന അവൻ ഭക്ഷണം തട്ടിയെറിഞ്ഞ് കരച്ചിലോടെ പട്ടിണി കിടന്നു.അതിരില്ലാത്ത ക്ഷമയോടെ മുത്തശ്ശി ഭക്ഷണം വീണ്ടൂം അവനരികിൽ വച്ച് കിടന്നു. രാത്രി വിശപ്പ്കലശലായപ്പോൾ സാങ് വൂ ഉറക്കുണർന്ന് തനിക്കരികിൽ വച്ചിരിക്കുന്ന ഭക്ഷണാം കഴിക്കുന്നു.അവന് കെന്റുക്കിയേക്കാളുംരുചി തോന്നുകയും മുഴുവനും അകത്താക്കുകയുംചെയ്തു.
പകൽ മുഴുവൻ നടന്നും മഴനനഞ്ഞും അലഞ്ഞ മുത്തശ്ശിക്ക് അസുഖം പിടിച്ചിരുന്നു. രാവിലെ ഉണരാത്തത് കണ്ട് സാങ് വൂ ആദ്യമായി അവർക്കരികിൽ എത്തുന്നു. തന്റെ പുതപ്പ് കൊണ്ട് അവരെ പുതപ്പിക്കുന്നു. നിബന്ധനകൾ ഇല്ലാത്തതും സ്വാഭാവികവുമായ സ്നേഹം എന്ന വികാരം എന്തെന്ന് ആ കുട്ടി തിരിച്ചറിഞ്ഞു തുടങ്ങിയിരുന്നു.

         കാഴ്ച ശക്തി കുറഞ്ഞതിനാൽ മുത്തശ്ശി വളരെ പണിപ്പെട്ടാണ് സൂചിയിൽനൂലു കോർക്കുന്നത്.സൂചിയും നൂലുമായി നിൽക്കുന്ന അവരെ ഒട്ടും പരിഗണിക്കാതിരുന്ന സാങ് വൂ നൂലു കോർത്തുകൊടുത്തു തുടങ്ങി.രോഗിയായ സുഹ്രുത്തിനെ സന്ദർശിക്കാൻ പോവുമ്പോൾ സാങ് വൂവും മുത്തശ്ശിക്കൊപ്പം ഉണ്ടായിരുന്നു.. മകൾ കൊണ്ട് വന്ന് കൊടുത്ത മരുന്നുകളും വിറ്റാമിൻ ഗുളികകളും എല്ലാം അവർ സന്തോഷത്തോടെ അയാൾക്ക് നൽകുന്നത് സാങ് വൂ വിന് ദയയെക്കുറിച്ചുള്ള പുതിയ പാഠമായിരുന്നു.തന്റെ കളിപ്പാട്ടങ്ങളിലൊന്നു പോലും മറ്റൊരു കുട്ടിയെ തൊടാൻ പോലും അനുവദിക്കാതിരിക്കാൻ മാത്രം സ്വാർഥമനസ്സുള്ള അവന് അതൊരു പുതിയ അനുഭവമായിരുന്നു.
         അയൽ വാസിയായ ഒരു സാധു പയ്യൻ സാങ് വൂ വിനോട് കൂട്ടുകൂടാൻ ശ്രമിക്കുന്നുണ്ട് . പക്ഷെ സാങ് വൂവിന് ആ നാട്ടുമ്പുറത്ത്കാരനോട് പുച്ഛമാണ്.ഭ്രാന്തിപശു പിറകെ വരുന്നുണ്ടെന്ന് പറഞ്ഞ് പറ്റിച്ച് അവനെ പലപ്പോഴും സാങ് വൂ ഓടിക്കാറുണ്ട്.വിറകു കെട്ടും ചുമന്ന് കുന്നിറങ്ങിവരുന്ന അവനെ പശു വരുന്നുണ്ടെന്നു പറഞ്ഞ് ഓടിച്ച് നിലത്ത് വീഴ്തി പരിക്ക് പറ്റിച്ച് ചിരിക്കുന്നുണ്ടവൻ.ആ പയ്യന്റെ കൂടെ എപ്പഴും നടക്കുന്ന പെൺകുട്ടിയോട് സാങ് വൂവിന് ചെറിയൊരു ഇഷ്ടവും പയ്യനോട് അസൂയയും ഉണ്ട്.
          ഒരു ദിവസം ചന്തയിലേക്ക് സാങ് വൂവും മുത്തശ്ശിക്കൊപ്പം പുറപ്പെടുന്നു. താന്റെ പറമ്പിലെ പച്ചക്കറികൾ ദൂരെയുള്ള ആ ചന്തയിൽ കൊണ്ട് വന്ന് നിരത്തി വച്ച് പലരോടും ഇരന്നാണ് വിൽപന നടത്തുന്നത്. വിറ്റുകിട്ടിയ പണം കൊണ്ട് ഹോട്ടലിൽ കൊണ്ടുപോയി സാങ് വൂവിന് നൂഡിത്സ് വാങ്ങികൊടുക്കുന്നു..പുതിയ കാന്വാസ് ഷൂ വാങ്ങികൊടുക്കുന്നു.കാഴ്ചക്കുറവുള്ള അവർക്ക് തിരിച്ച് ഗ്രാമത്തിലേക്കുള്ള വണ്ടി കണ്ടുപിടിക്കാൻ പോലും വളരെ കഷ്ടപ്പെടേണ്ടി വന്നു. ഓരോ ബസ്സിലായി കയറിയിറങ്ങിയാണ് അവസാനം തങ്ങൾക്ക് പോകേണ്ട വണ്ടി കണ്ട് പീടിക്കുന്നത്. അവർ കയറാൻ നോക്കുമ്പോഴാണ് സാങ് വൂ തനിക്ക് ഇഷ്ടമുള്ള പെൺകുട്ടി പിറകിലെ സീറ്റിലിരുന്ന് ചോക്കൊ പൈ എന്ന ചോക്കലേറ്റ് കഴിക്കുന്നത് കാണുന്നത്.ഉടൻ അത് തനിക്കും വാങ്ങിത്തരണം എന്നായി .പാവം മുത്തശ്ശിക്ക് അതിന്റെ പേരുപോലും അറിയില്ല. ബസ്സിൽ വീണുകിടക്കുന്ന ചോക്കലേറ്റിന്റെ റാപ്പറുമായി കടകളിൽ കയറി ഇറങ്ങുകയായി അവർ..മുട്ടുവേദനക്കാരിയായ പരിചയക്കാരിയായ വ്രുദ്ധയുടെ കടയിൽ അവർ റാപ്പർ കാണിക്കുന്നു. അഞ്ചാറ് ചോക്കോ പൈകൾ അവർ തന്റെ വക സമ്മാനമായി കുഞ്ഞിനായി നൽകുന്നു. പണം വാങ്ങാൻ കൂട്ടാക്കുന്നില്ല. മുത്തശ്ശി തന്റെ കൈയിലെ വിൽകാതെ ബാക്കിയായ ഒരു തണ്ണിമത്തൻ അവരെ നിർബന്ധിച്ച് ഏൽ‌പ്പിച്ചേ മടങ്ങുന്നുള്ളു..താൻ ഇഷ്ടപ്പെടുന്ന കുട്ടിക്കൊപ്പമുള്ള യാത്രയിൽ മുത്തശ്ശി ശല്യമാകും എന്നു കരുതി സാങ് വൂ അവരെ ബസ്സിൽ കയറാൻ വിടുന്നില്ല.അവരുടെ കൈയിലെ ഭാരമുള്ള സഞ്ചിപോലും ഒപ്പം എടുക്കാൻ അവൻ സമ്മതിക്കുന്നില്ല. പാവം മുത്തശ്ശി തിരിച്ച് ഗ്രാമത്തിലേക്കുള്ള ദൂരമത്രയും കൂനിക്കൂടി നടന്ന് രാവേറെ കഴിഞ്ഞ് വീട്ടിലെത്തുന്നു.
         മുത്തശ്ശി ഒരു ദിവസം അവന്റെ മുടി മുറിച്ച് കൊടുക്കുന്നു.പക്ഷെ മുറിച്ച് മുറിച്ച് മുടിയുടെ നീളം വല്ലാതെ കുറഞ്ഞു പോയി.അവൻ കരച്ചിലായി.. ഇനിയെങ്ങനെ പുറത്തിറങ്ങും എന്നാണവൻ കരഞ്ഞുകൊണ്ട് ചോദിക്കുന്നത്.
       പതുക്കെ പതുക്കെ വ്രുദ്ധയുടെ നിഷ്കളങ്ക സ്നേഹം സാങ് വൂവിനെ മാറ്റി മറിക്കുന്നു. തിരിച്ച്കൊണ്ടുപോകാൻ അമ്മ വരുന്ന വിവരത്തിന് കത്ത് കിട്ടുമ്പോഴേക്കും   മുത്തശ്ശിയോട് അവൻ വല്ലാത്ത അടുപ്പം സ്ഥപിച്ച് കഴിഞ്ഞിരുന്നു.എഴുത്തും വായനയും അറിയാത്ത അവരെ - തനിക്ക് കത്തെഴുതാൻ പഠിപ്പിക്കാൻ അവൻ ഒരു വിഫല ശ്രമം നടത്തുന്നുണ്ട് ,അത് പരാജയപ്പെട്ടപ്പോൾ ‘’സുഖമാണ്’‘-‘’സുഖമല്ല’‘ എന്നൊക്കെ അർത്ഥ വരുന്ന ചിത്ര കാർഡുകൾ വരച്ച് വച്ച് അവ തിരഞ്ഞെടുത്ത് തനിക്ക് അയക്കാൻ ഏൽ‌പ്പിക്കുന്നു. മുത്തശ്ശിക്ക് സുഖമില്ലെന്നറിഞ്ഞാൾ ഉടൻ താൻ വന്നു കൊള്ളാമെന്ന് വാക്കും നൽകുന്നു.

       അമ്മക്കൊപ്പം തിരിച്ച് പോകുമ്പോൾ , വണ്ടിയുടെ പിറകിൽ വന്ന് മുത്തശ്ശിയ്യോട് തന്റെ എല്ലാ കുറുമ്പുകൾക്കും അവരുടെ ആംഗ്യ ഭാഷയിൽ അവൻ ക്ഷമ ചോദിക്കുന്നുണ്ട്.. എല്ലാവരും തിരിച്ച് പോയപ്പോൾ പഴയ പോലെ തനിച്ചായ തന്റെ കുടിലിൽ പേരക്കുട്ടി വരച്ച് നൽകിയ ചിത്രങ്ങളിൽ തന്റെ പ്രതീക്ഷകൾ നോക്കി കാണുന്ന ആ മുത്തശ്ശിയിൽ സിനിമ അവസാനിക്കുന്നു.
   നഗരങ്ങളിലെ തിരക്കേറിയ ജീവിതത്തിനിടെ കൈമോശം വന്നിരിക്കുന്ന നന്മയുടേയും ശുദ്ധ സ്നേഹത്തിന്റെയും ആത്മ ബന്ധങ്ങളുടേയും പങ്കു വെക്കലുകളുടേയും ദയയുടേയും പ്രകാശലോകങ്ങൾ സാങ്ങ് വൂ അറിയുന്നത് ഗ്രാമത്തിൽ വെച്ചാണ്.തിരിച്ച് പോകുന്ന സാങ് വൂ മറ്റൊരു കുട്ടിയാണ്.തിരിച്ചൊന്നും പ്രതീക്ഷിക്കാതെ ,പരിഭവങ്ങളില്ലാതെ പകയും ദേഷ്യവുമില്ലാതെ എല്ലാത്തിനേയും സ്നേഹിക്കുന്ന മുത്തശ്ശി എന്ന കഥാപാത്രം നമ്മുടെ മനസ്സിൽ നിന്നും വേഗമൊന്നും ഇറങ്ങിപ്പോവില്ല.
      ലോകത്തിലെങ്ങുമുള്ള മുത്തശ്ശിമാർക്കായാണ് ജിയോങ് ഹ്യാങ് ലീ ഈ സിനിമ സമർപ്പിച്ചിരിക്കുന്നത്. കുഞ്ഞുങ്ങളുടെ മനസ്സാണ് എല്ലാ മുതതശ്ശിമാർക്കും.

കാത്തിരിപ്പിന്റെ ശൈത്യകാലം

noreply@blogger.com (vijayakumarblathur) — Sat, 18 Jul 2015 09:24:00 +0000

തിരുവനന്തപുരത്ത് വെച്ച് ഡിസംബർ 10 മുതൽ 17 വരെ നടന്ന പതിനഞ്ചാമത് കേരള രാജ്യാന്തര ചലചിത്രമേള (IFFK 2010) യിൽ പ്രദർശിപ്പിക്കപ്പെട്ട ചില നല്ല സിനിമകളെ മുന്നിർത്തിയുള്ള നുറുങ്ങു ചിന്തകളാണ് ഇത്തവണത്തെ ക്ലോസപ്പിൽ. മത്സരവിഭാഗത്തിലും ലോകസിനിമ വിഭാഗത്തിലുമായി ഇരുന്നൂറിലധികം സിനിമകളാണ് മേളയിൽ പ്രദർശിപ്പിക്കപ്പെട്ടത്.ലോകത്തിന്റെ പല കോണുകളിലുമുള്ള മനുഷ്യരുടെ വർത്തമാന കാല ജീവിതം അഭിമുഖീകരിക്കുന്ന സ്നേഹ നിരാസത്തിന്റെയും കാത്തിരിപ്പുകളുടെയും കഥകളാണ് ഇവയിൽ പലതും ചർച്ച ചെയ്യുന്നത് . ഹൌ ഐ എൻഡഡ് ദിസ് സമ്മർ ധ്രുവക്കരടികൾ മേഞ്ഞു നടക്കുന്ന വിദൂരമായ ആർട്ടിക്ക് പ്രദേശത്തെ പ്രവർത്തനങ്ങൾ നിലച്ചു തുടങ്ങിയ കാലാവസ്ഥാപഠനകേന്ദ്രത്തിൽ നിന്നും നാട്ടിലേക്ക് മടങ്ങാനുള്ള സന്ദേശവും കപ്പലും പ്രതീക്ഷിച്ച് കാത്ത് കഴിയുകയാണ് ശാസ്ത്രഞ്ജനായ സെർജി. കൂട്ടിന് സഹായിയായി ചെറുപ്പക്കാരനായ പാവെൽ ‌. ബേസ്ക്യാമ്പുമായി ബന്ധപ്പെടാനുള്ള വയർലെസ്സ് സംവിധാനം മാത്രമാണ് പുറമ്ലോകത്തിലേക്കുള്ള ഏക ജാലകം . ഉപേക്ഷിക്കപ്പെട്ട പഴയ കെട്ടിടങ്ങൾക്കിടയിൽ കൊടുംതണുപ്പിൽ, നരച്ച പ്രകൃതിയിലേക്ക് കൺനട്ട് ,യാന്ത്രികമായ ജീവിതം നയിക്കുകയാണിരുവരും.

തിരിച്ചു പോകുമ്പോൾ ഭാര്യക്കും കുട്ടികൾക്കും നൽകാനായി രുചിയേറിയ ട്യൂണ മത്സ്യങ്ങൾ പിടിക്കാൻ ഉൾക്കടലിലേക്ക് ബോട്ടുമായി സെർജി പോയ സമയത്ത് വന്ന റേഡിയോ സന്ദേശം പാവെൽ ആണ് കേൾക്കുന്നത്.. സെർജിയുടെ കുടുംബം മുഴുവനും അപകടത്തിൽ പെട്ടിരിക്കുന്നു എന്ന വാർത്ത.രണ്ടു ദിവസത്തിനുള്ളിൽ സെർജിയെകൊണ്ടുപോവാൻ കപ്പൽ എത്തുമെന്നും അറിയിപ്പ് കിട്ടൂന്നു. വീട്ടിലേക്കുള്ള യാത്രയുടെ സന്തോഷത്തിലും ആവേശത്തിലും ഉള്ള സെർജിയോട് ഈ കാര്യം പറയുന്നില്ല പാവെൽ. പലകാരണങ്ങൾകൊണ്ടും ഈ വിവരം സെർജിയെ അറിയിക്കാതെ അയാൾ ദിവസങ്ങൾ നീക്കുന്നു. മത്സ്യങ്ങൾ പിളർന്ന് പുറത്ത് തൂക്കിയിടാനും ഒക്കെ സെർജിയെ സഹായിക്കുന്നുമുണ്ട്

കപ്പൽ മഞ്ഞിലുറഞ്ഞ് യാത്ര മതിയാക്കിയെന്ന വിവരത്തോടൊപ്പം സെർജിയുടെ ഭാര്യയും മക്കളും മരിച്ച വിവരവും പാവെൽ അറിയുന്നു..സെർജിയെകൊണ്ടുപോവാനുള്ള ഹെലികോപ്റ്റർ വരുംവരെയും രഹസ്യം സൂക്ഷിക്കാന്തന്നെയാണ് പാവെലിന്റെ തീരുമാനം. പക്ഷെ ഹെലികോപ്റ്റർ മോശം കാലാവസ്ഥയിൽ തകർന്ന് വീണ് പൈലറ്റും മറ്റൂം കരടികൾക്ക് തീറ്റയാവുന്നു. എകാന്തവും കനംവിങ്ങുന്നതുമായ ആ നിമിഷങ്ങളിൽ സെർജിയോട് പാവെൽ വിവരം പറയുന്നു..പ്രതികരണം രൂക്ഷമായിരുന്നു.. സമനില തെറ്റി തോക്കുമായി പാഞ്ഞടുത്ത സെർജിയിൽ നിന്നും രക്ഷതേടി പാവെൽ മഞ്ഞിലേക്ക് ഓടിഒളിക്കുന്നു. അവസാനം എങ്ങോട്ടും യാത്രക്കില്ലെന്നു പറഞ്ഞ് സെർജി ആ അനന്തമായ മരവിച്ച പ്രകൃതിയിലേക്കു തന്നെ മടങ്ങുന്നു. അലെക്സി പോപ്പോഗ്രേവ്സ്കി സംവിധാനം ചെയ്ത ഏറ്റവും പുതിയ സിനിമയായ ഹൌ ഐ എൻഡഡ് ദിസ് സമ്മർ എന്ന റഷ്യൻ സിനിമ നിതാന്തമായ കാത്തിരിപ്പിന്റെയും നിർവികാരമായ ധ്രുവപ്രകൃതിയുടെയും കഥ പറയുന്നു

ടി. ഡി .ദാസൻ STD 4 B

മത്സരവിഭാഗത്തിൽ മലയാളത്തിൽ നിന്നും പങ്കെടുത്ത മോഹൻ രാഘവൻ സംവിധാനം ചെയ്ത ടി.ഡി. ദാസൻ സ്റ്റാൻഡേർഡ് 6 ബി എന്ന സിനിമയും അച്ചനെ തേടൂന്ന ദാസൻ എന്ന കുട്ടിയുടെ കാത്തിരിപ്പിനെക്കുറിച്ചാണ്.ആറാം തരത്തിൽ പഠിക്കുന്ന ദാസൻ അമ്മയുടെ ഇരുമ്പ്പെട്ടിയിൽ നിന്നും കിട്ടിയ അച്ഛന്റെ പഴയ വിലാസത്തിൽ ബാംഗ്ലൂരിലേക്ക് കത്തയക്കുന്നു. എന്നോ നാടുവിട്ടുപോയതാണ് അച്ഛൻ . പഴയ വിലാസത്തിൽ ഇപ്പോൾ പുതിയ താമസക്കാരാണ് താമസം.ദാസന്റെ പ്രായക്കാരിയ്യായ പെൺക്കുട്ടിക്കാണ് ആ കത്ത് തുറക്കുന്നു. ദാസന്റെ സ്നേഹത്തിന്റെയും കാത്തിരിപ്പിന്റെയും കണ്ണീർച്ചുവയുള്ള ആ കത്തിന് അവൾ ദാസന്റെ അച്ഛൻ എഴുതുന്നതുപോലെ മറുപടി എഴുതുന്നു.ഈ കത്തിടപാടുകൾ തുടരുന്നതോടെ അപരിചിതരായ അവർക്കിടയിൽ ആഴത്തിലുള്ള ആത്മബന്ധം നിറയുന്നു. ദാസൻ അച്ഛനോട് ഒരു ഹീറോ പെൻ കൊണ്ടുതരാൻ പറയുന്നുണ്ട്..പേനയുമായി പെൺകുട്ടി അവളൂടെ അച്ഛനൊപ്പം ദാസനെത്തോടെ നാട്ടിലേക്ക് വരുന്നു.

ഒ ഹസാർഡ് ബൽതസർ

noreply@blogger.com (vijayakumarblathur) — Fri, 29 May 2015 16:45:00 +0000

au hasard balthazar by vijayakumarblathur

ദ വിന്റ് വിൽ കാരി അസ്

noreply@blogger.com (vijayakumarblathur) — Fri, 29 May 2015 16:24:00 +0000

The Wind Will Carry us by vijayakumarblathur

വൺസ് അപ്പോൺ എ ടൈം ഇൻ അനറ്റോളിയ

noreply@blogger.com (vijayakumarblathur) — Fri, 29 May 2015 16:22:00 +0000

Once Up on a Time in Anatolia by vijayakumarblathur

ഹ്യൂഗോ

noreply@blogger.com (vijayakumarblathur) — Fri, 29 May 2015 16:19:00 +0000

Hugo by vijayakumarblathur

ദർസു ഉസാല

noreply@blogger.com (vijayakumarblathur) — Tue, 05 Mar 2013 15:57:00 +0000

പഴയ സോവിയറ്റ് റഷ്യയിലെ ചൈനീസ് അതിർത്തിയിൽ സൈബീരിയൻ ഹിമഭൂമിയിൽ ലാന്റ് സർവേയ്ക് വേണ്ടി യാത്ര ചെയ്യുന്ന മിലിട്ടറി എഞ്ജിനീയറിങ് സംഘത്തിലെ ക്യാപ്റ്റനായ അർസിനീയോവ് കാട്ടിൽ വെച്ച് പരിചയപ്പെടുന്ന ഒരു വേട്ടക്കാരനാണ് ദർസു ഉസാല.പ്രാകൃത ഗോത്രമായ ഗോൾഡി വംശജനാണയാൾ .വസൂരിരോഗം പടർന്നപ്പോൾ ഭയം കൊണ്ട് ഭാര്യയേയും മക്കളേയും തന്റെ ആൾക്കാർ വീടോടെ ചുട്ടുകരിക്കുന്നത് കാണേണ്ടിവന്ന ഒരാളായിരുന്നു ദർസു. വർഷങ്ങളെത്രയോ ആയി ദർസു ആ കാട്ടിലൂടെ അലയുന്നു. ഭക്ഷണാവശ്യങ്ങൾക്ക് വേണ്ടി വേട്ടയാടിയും ബാക്കി സമയമത്രയും കാട്ടിലൂടെ അലഞ്ഞും ജീവിക്കുകയാണ്. തന്റെ പ്രായം എത്രയെന്നുപോലുമയാൾക്ക് അറിയില്ല. യാദൃശ്ചികമായാണ് ഒരു രാത്രിയിൽ ദർസു തന്റെ മാറാപ്പുമായി മിലിട്ടറി സംഘത്തിന്നരികിൽ എത്തുന്നത്.പരിഷ്കൃത ലോകത്ത് നിന്നെത്തിയ അർസിനിയന്വും ക്ആട്ടിൽ ജീവിക്കുന്ന ദർസുവും തമ്മിൽ ഉരുത്തിയുന്ന ഗാഢ സൗഹൃദമാണ് 1975 ൽ റഷ്യ-ജപ്പാൻ സമ്യുക്ത സംരംഭമായി പുറത്തിറങ്ങിയ "ദർസു ഉസാല" എന്ന ചലചിത്രത്തിന്റെ പ്രമേയം.ലോക സിനിമയിലെ ചക്രവർത്തിയായി കൊണ്ടാടപ്പെടുന്ന അകിര കുറോസാവ ഒരു ആത്മഹത്യശ്രമത്തിൽ നിന്നും അതിജീവിച്ച ശേഷം തന്റെ നവ ഭാവുകത്വത്തിൽ ലോകത്തിനു സമ്മാനിച്ച മനോഹരചിത്രമാണിത്.

വെളുപ്പ് ബലൂണ്‍

noreply@blogger.com (vijayakumarblathur) — Thu, 22 Sep 2011 10:43:00 +0000

പേര്‍ഷ്യന്‍ സിനിമയിലെ കുലപതികളായി കണക്കാക്കപ്പെടുന്ന അബ്ബാസ് കിരിയോസ്തമിയും ജാഫര്‍ പനാഹിയും ചേര്‍ന്ന് 1995 ല്‍ നിര്‍മ്മിച്ച ഇറാനിയന്‍ സിനിമയാണ് 'വെളുപ്പ് ബലൂണ്‍' . അബ്ബാസ് കിരിഓസ്തമിയുടെ രചന .സംവിധാനം പനാഹി. ഇറാനിലെ പുതു വര്‍ഷതലേന്നുള്ള ഒന്നര മണിക്കൂര്‍ സമയത്തെ കൊച്ച് സംഭവത്തെ നമ്മുടെ മുന്നില്‍ അതേ ദൈര്‍ഘ്യത്തില്‍തന്നെ കാട്ടിത്തരുന്നു.ആഖ്യാന കൗശലങ്ങളോ ഗിമ്മിക്കുകളോ ഇല്ലാതെ സംഭവങ്ങളെ സ്വാഭാവികമായി പിന്‍തുടരുന്ന ഒരു രീതിയാണ് പനാഹി ഈ സിനിമയില്‍ ഉപയോഗിച്ചിരിക്കുന്നത്. ടെഹ്രാനിലെ തിരക്കേറിയ മാര്‍ ക്കറ്റുകളിലൊന്നിലാണ്`സിനിമ കണ്‍ തുറക്കുന്നത്. പുതുവര്‍ഷാഘോഷങ്ങള്‍ മണിക്കൂറുകള്‍ക്കുള്ളില്‍ ആരംഭിക്കുകയാണ്`. എല്ലാവരും അവസാനവട്ട തയ്യാറെടുപ്പുകളിലാണ്` . തിരക്കില്‍ കൈവിട്ടുപോയ തന്റെ ഏഴു വയസ്സ്കാരി മകളെ അന്വേഷിക്കുകയാണ്` ഒരമ്മ.രണ്ട് കൈയിലും സഞ്ചികളില്‍ നിറയെ വീട്ട് സാധനങ്ങളും പച്ചക്കറികളും . അവര്‍ തിരക്കിനിടയില്‍ പലരോടും മകളെ അന്വേഷിക്കുന്നുണ്ട്. ബലൂണ്‍ വില്പനക്കാരനായ കുട്ടിയോടും ചോദിക്കുന്നുണ്ട്.അവസാനം ഒഴിഞ്ഞ തെരുവില്‍ ഒരു കടക്കരികില്‍ കൈയിലൊരു ബലൂണും പിടിച്ച് നില്ക്കുന്ന കുട്ടിയെ കാണുന്നു.റസിയ...പുതു വര്‍ഷ ദിനത്തില്‍ വീട്ടില്‍ വിരുന്നെത്തുന്ന മുത്തശ്ശിയേയും മറ്റും കാണിക്കാന്‍ അലന്കാര മത്സ്യത്തെ വാങ്ങിത്തരണമെന്ന വാശിയിലാണ്` റസിയ.തങ്ങളുടെ വീട്ടിലെ ടാന്കിലുള്ള സ്വര്‍ണ്ണ മത്സ്യങ്ങള്‍ മെലിഞ്ഞു ശുഷ്കിച്ചവയാണെന്നാണ്` റസിയ പറയുന്നത്. മുഴുത്ത ചിറകുകളും വലിപ്പവുമുള്ള സ്വര്‍ണ്ണമത്സ്യങ്ങളെ അവള്‍ ഒരു കടയില്‍ കണ്ട് വച്ചിട്ടുണ്ട്. ചിറകുകള്‍ കുലുക്കി ന്രിത്തം ചെയ്യും പോലെ നീന്തുന്ന സുന്ദരികളും സുന്ദരന്മാരും..പണം അധികം കൈയിലില്ലാതതിനാലും വീട്ടിലെത്തി ധാരാളം ജോലിയുള്ളതിനാലും റസിയയുടെ വാശിക്ക് ചെവികൊടുക്കാതെ അമ്മ വീട്ടിലേക്ക് നടക്കുകയാണ്`.വഴിയില്‍ ഒരിടത്ത് പാമ്പാട്ടികള്‍ക്ക് ചുറ്റും ആള്‍ക്കാര്‍ കൂടി നില്ക്കുന്നുണ്ട്. പാമ്പാട്ടിയുടെ വിശദീകരണങ്ങള്‍ കേള്‍ക്കാം ഉറക്കെ. പാമ്പുകളെ കാണണമെന്നുണ്ട് റസിയക്ക്. പക്ഷെ ആള്‍ക്കാര്‍ കൂടിനില്ക്കുന്ന ആ കവലയില്‍ നില്ക്കാന്‍ അമ്മ അനുവദിക്കുന്നില്ല. വീട്ടിലെത്തീട്ടും റസിയ അമ്മയോട് അപേക്ഷിച്ച്കൊണ്ടേ ഇരിക്കുന്നു.പത്തു വയസ്സുകാരന്‍ ചേട്ടന്‍ അലിയോടും അവള്‍ കാര്യം പറയുന്നും നൂറു ടൊമാന്‍ കൊടുത്ത് ആ മീനിനെ വാങ്ങുന്നതിലും നല്ലത് അത്രയും പണത്തിന്` എത്ര സിനിമ കാണാം എന്നാണ് അവന്‍ ചോദിക്കുന്നത്.എന്കിലും അനിയത്തിയുടെ നിര്‍ബന്ധത്തിനും കൈക്കൂലിയായി നല്കിയ നീല ബലൂണിനും പകരമായി അവന്‍ അമ്മയോട് ശുപാര്‍ശ ചെയ്ത് അവസാനം അമ്മയുടെ കൈയില്‍ നിന്നും പണം സംഘടിപ്പിക്കുന്നു. വീട്ടില്‍ ഇനി ബാക്കിയുള്ള അവസാനത്തെ പണം അഞ്ഞൂറിന്റെ ഒറ്റ കറന്‍സി നോട്ട്. വീട്ടു ചിലവുകള്‍ക്കും മറ്റാവശ്യങ്ങള്‍ക്കും വേണ്ടി സൂക്ഷിച്ച് വെച്ച പണം ചില്ലറ വേറെയില്ലാത്തതിനാലാണ്` ആ നോട്ട് കൊടുത്തത്. സ്വര്‍ണ്ണമത്സ്യത്തെ വാങ്ങി ബാക്കിതുക നഷ്ടപ്പെടാതെ വേഗം പോയ് വരാന്‍ പറഞ്ഞ് റസിയയെ ഏല്‍പ്പിക്കുന്നു.

സന്തോഷത്തോടെ , മീനിനെ കൊണ്ടുവരാനുള്ള സ്ഫടിക പാത്രം ഒരു കൈയിലും മറ്റേ കൈയില്‍ അഞ്ഞൂറിന്റെ നോട്ടുമായി കടയിലേക്ക് ഓടുകയാണ്` റസിയ. കവലയിലെ പാമ്പാട്ടികളും ജനക്കൂട്ടവും അപ്പഴും അവിടെത്തന്നെയുണ്ട്. നേരത്തെ അമ്മ അനുവദിക്കാത്തതിന്റെ ദേഷ്യമുള്ളതിനാലും പാമ്പിനെ കണാനുള്ള പ്രലോഭനവും മൂലം റസിയ കാഴ്ച്ചകണ്ട് കുറച്ച് സമയമവിടെ നിന്നു. പാമ്പാട്ടിയുടെ മായിക സംസാരത്തില്‍ അവള്‍ കുടുങ്ങിപ്പോയി. കൈയില്‍ നിന്നു പണം വീണുപോകാതിരിക്കാന്‍ സ്ഫടിക പാത്രത്തില്‍ അവള്‍ നോട്ട് ഇട്ട്` വച്ചിരിക്കുകയാണ്`. അത് എല്ലാവര്‍ക്കും കാണാം പാമ്പിനുള്ള സം ഭാവനയാണെന്ന് പറഞ്ഞ് പാമ്പാട്ടി തക്കത്തില്‍ കുട്ടിയുടെ പണം കൈക്കലാക്കുന്നു.അവളെ ആരും സഹായിക്കുന്നില്ല. പണം തിരിച്ച് കിട്ടാതായപ്പോള്‍ റസിയ കരച്ചില്‍ തുടങ്ങി.. പാമ്പാട്ടി ഗത്യന്തരമില്ലാതെ നോട്ട് തിരിച്ച് കൊടുക്കുന്നു.
താന്‍ വൈകി എന്നു മനസ്സിലാക്കിയ റസിയ ഒരേ ഓട്ടമാണ്` കടയിലേക്ക്.കട അടക്കുമ്മുമ്പ് എത്തണം കടയിലെത്തിയപ്പോഴാണ് പുതിയ പ്രശ്നം.കടയുടമ വിലകൂട്ടിയിരിക്കുന്നു. അവള്‍ നേരത്തെ കണ്ട് വെച്ച സ്വര്‍ണ്ണ മത്സ്യത്തിന് ഇരുന്നൂറ് ടൊമാന്‍ വേണമെന്നാണയാള്‍ ഇപ്പോള്‍ പറയുന്നത്. പക്ഷെ റസിയയെ ഞെട്ടിപ്പിച്ചത് ഇതൊന്നുമല്ല. അവളുടെ പാത്രത്തില്‍ ഇട്ട് വെച്ചിരുന്ന നോട്ട് ഇപ്പോള്‍ കാണുന്നില്ല.അവള്‍ കരച്ചിലിന്റെ വക്കിലെത്തി.അവള്‍ ഓടി വന്ന തെരുവുകളിലെല്ലാമന്വേഷിക്കാന്‍ ഒരു വ്രുദ്ധ റസിയയെ സഹായിക്കുന്നു.അവസാനമവള്‍ അവളുടെ പണം കണ്ടു.അടഞ്ഞു കിടക്കുന്ന ഒരു കടയുടെ മുന്നിലെ ഗട്ടറിനു മുകളിലെ ഇരുമ്പ് ഗ്രില്ലിനു മുകളില്‍ .അവള്‍ സന്തോഷത്തോടെ അതെടുക്കാന്‍ ആയുമ്പോള്‍ അതുവഴി കടന്നു പോയ മോട്ടോര്‍ സൈക്കിളിന്റെ കുലുക്കത്തില്‍ ഗ്രില്ലിനുള്ളിലേക്ക് അതു വീണു.
ആഴമുള്ള ആ കുഴിയില്‍ നോട്ട് കിടക്കുന്നത് അവള്‍ക്ക് കാണാം തന്റെ പണം കണ്ടെത്തിയെന്നും തന്റെ മീനിനെ മറ്റാര്‍ക്കും വില്ക്കരുതെന്നും കടകാരനോട് ചട്ടംകെട്ടി അവള്‍ വീണ്ടും പഴയ ഗ്രില്ലിനടുത്ത് വന്നിരിപ്പായി.. ആരെന്കിലും തന്റെ പണം തിരിച്ചെടുക്കാന്‍ സഹായിക്കുമോ എന്നന്വേഷിച്ച്..ഈ സമയത്ത് ജേഷ്ടന്‍ അലി അവളെ അന്വേഷിച്ച് അവിടെ എത്തുന്നു. ഇരുവരും കൂടി പലരോടും സഹായം തേടുന്നു. ആരും സഹായിക്കുന്നില്ല. എല്ലാവരും ആഘോഷങ്ങളുടെ ഒരുക്കത്തിലും തിരക്കിലുമാണ്`.സമയം സന്ധ്യയാകുന്നു.അവധി കഴിഞ്ഞ് കടക്കാരന്‍ കട തുറക്കുമ്പോള്‍ സെല്ലറിലിറങ്ങി പണം എടുക്കാം ഇപ്പോള്‍ പോകൂ കുട്ടികളെ എന്നാണ്` ചിലര്‍ ഉപദേശിക്കുന്നത്.തൊട്ടടുത്തുള്ള തയ്യല്‍ കടയിലെ വ്രിദ്ധനോട് സഹായം അഭ്യര്‍ത്ഥിച്ച് അലി പോകുന്നുണ്ട്. എല്ലാവരും തിരക്കിലാണ്` ആരുമവരെ പരിഗണിക്കുന്നില്ല.
ഇതിനിടയില്‍ വാഹനം കാത്ത് അവിടെ ഇരിക്കുന്ന പട്ടാളക്കാരന്‍ ചെറുപ്പക്കാരന്‍ റസിയയോട് കൂട്ടുകൂടാന്‍ ശ്രമിക്കുന്നത് അലിക്ക് ഇഷ്ടമാകുന്നില്ല. നാളേറെയായി വീട് വിട്ട് നില്ക്കുന്ന അയാള്‍ക്ക് അവളുടെ പ്രായത്തിലുള്ള അനിയത്തിയുണ്ടത്രെ.ഗട്ടറിനടിയിലെ തന്റെ പണം അയാള്‍ കാണാതിരിക്കാന്‍ റസിയ ശ്രദ്ധിക്കുന്നുണ്ട്. അയാളോട് സഹായം ചോദിക്കാതിരിക്കാനും

സമയമിരുളുകയാണ്`പണം തിരിച്ച് കിട്ടാതെ കുട്ടികള്‍ക്ക് വീട്ടിലേക്ക് മടങ്ങാനാവില്ല, റസിയക്ക് താനേറെ കൊതിച്ച സ്വര്‍ണ്ണമത്സ്യമില്ലാതെ പുതുവത്സരാഘോഷം പൂര്‍ണ്ണമാവില്ല എന്ന അഭിപ്രായവുമുണ്ട്.ആദ്യ സീനില്‍ റസിയയെ കണ്ടോ എന്ന്` അമ്മ അന്വേഷിക്കുന്ന അഫ്ഘാന്‍ അഭയാര്‍ത്ഥിയായ ബലൂണ്‍ വില്പനക്കാരന്‍ കുട്ടി അതു വഴി വരുന്നു. വില്ക്കാനാവാതെ ബാക്കിവന്ന ഒന്നു രണ്ട് ബലൂണുകള്‍ മാത്രം കെട്ടിയ കമ്പ് അവന്റെ കൈയിലുണ്ട്.അലി ആ വടി തട്ടിയെടുത്ത് അതു കൊണ്ട് പണം ചിള്ളി എടുക്കാനാവുമോ എന്ന്` ശ്രമിച്ച് നോക്കുന്നു.പക്ഷെ അത് വിജയിക്കുന്നില്ല.എന്തെന്കിലും പശ കമ്പിന്റെ തലക്കല്‍ ഉണ്ടേന്കിലതില്‍ പറ്റിപ്പിടിച്ച് നോട്ട് പുറത്തേക്കെടുക്കാമായിരുന്നു. ഒരു ബബിള്‍ ഗം വാങ്ങാനുള്ള ചില്ലറയും അവരുടെ കൈയിലില്ല..
അന്ധനായ മിഠായി വില്പനക്കാരന്റെ മുന്നില്‍ നിന്നും അയാളറിയാതെ ബബിള്‍ ഗം മോഷ്ടിക്കാന്‍ അലിക്ക് ഒരു നിമിഷം തോന്നിപ്പോകുന്നുണ്ട്.
എല്ലാ പ്രതീക്ഷയും കൈവിട്ട് നിരാശരായിരിക്കുന്ന കുട്ടികളുടെ അടുത്തേക്ക് ബലൂണ്‍ വില്പ്പനക്കാരനായ അഭയാര്‍ത്ഥിക്കുട്ടി വീണ്ടും വരുന്നു.അവന്റെ ബാക്കിയുള്ള ബലൂണുകള്‍ വിറ്റ പണം കൊണ്ട് എങ്ങു നിന്നോ ഒരു ബബിള്‍ ഗം അവന്‍ വാങ്ങി കൊണ്ടുവന്നിരിക്കുന്നു. അവന്റെ ബലൂണ്‍ തണ്ടില്‍ ഇനി ഒരു വെളുത്ത ബലൂണ്‍ മാത്രമേ ബാക്കിയുള്ളു. ആര്‍ക്കും വേണ്ടാതെ.മൂന്നു കുട്ടികളും കൂടി പന്ക് വെച്ച് ഗം ചവച്ച് കമ്പിലൊട്ടിച്ച് ഗട്ടറിനടിയില്‍ നിന്നും നോട്ട് പുറത്തേക്കെടുക്കുന്നു. പണം കിട്ടിയ ഉടനെ എല്ലാം മറന്ന് ഇരുവരും ഓടുകയാണ്` . സ്വര്‍ണ്ണ മത്സ്യത്തെ വാങ്ങാന്‍ കടയിലേക്കും തിരിച്ച് വീട്ടിലേക്കും.. ഈ സമയമെല്ലാം കടയുടെ തിണ്ണയില്‍ എങ്ങും പോകാനില്ലാത്ത ആ കുട്ടി തന്റെ ആര്‍ക്കും വേണ്ടാത്ത ഒറ്റ വെള്ള ബലൂണ്‍ കെട്ടിയ കമ്പുമായി ഇരിക്കുകയാണ്`. അവന്റെ മുഖത്തെ നനഞ്ഞ ചിരിയിയില്‍ ഈ സിനിമ അവസാനിക്കുന്നു. സിനിമയിലെ നായകന്‍ അവനായി മാറുന്ന ഒരു നിമിഷം.
കുട്ടികളുടെ മനോനിലയിലുള്ള ലോകം മറ്റൊന്നാണെന്ന് പനാഹി കാട്ടിത്തരുന്നു.മുതിര്‍ന്ന വരെ സംബന്ധിച്ചടുത്തോളം നിസ്സാരമായ ഈ സംഭവം -കുട്ടികളുടെ ധര്‍മ്മസംകടമാകാമെന്നത് ഈ സിനിമയില്‍ നാം കാണുന്നു.
സ്ത്രീകളും കുട്ടികളും അനുഭവിക്കുന്ന സാമൂഹിക അസമത്വങ്ങളെക്കുറിച്ച് പറയുക എന്നത് ഇറാനെ സംബന്ധിച്ചടുത്തോളം രാഷ്ട്രീയം തന്നെ. അതിനാല്‍ തന്നെയാണ്` ഭരണകൂടം ജാഫര്‍ പനാഹിക്ക് 2010 മുതല്‍ 6 വര്‍ഷത്തേക്ക് തടവറ വിധിച്ചത്.. കൂടാതെ 20 വര്‍ത്തേക്ക് സിനിമയേക്കുറിച്ച് സംസാരിക്കുന്നത് പോലും വിലക്കീട്ടുമുണ്ട്.
കുളിമുറിയില്‍ നിന്നും ആജ്ഞാപിക്കുന്ന റസിയയുടെ അച്ഛനെ സിനിമയില്‍ നാം ഒരിക്കലും കാണുന്നില്ല. ഷാംപു വാങ്ങിക്കൊണ്ടു വരാന്‍ പറഞ്ഞതിന് സാബൂന്‍ എന്ന് കേട്ട് സോപ്പ് വാങ്ങി വന്ന അലിയെ അയാള്‍ ചീത്ത പറയുന്നുണ്ട്. വീട്ടിലെ എല്ലാ പ്രശ്നങ്ങളും തീര്‍ക്കേണ്ട ഉത്തര വാദിത്വം സ്ത്രീക്കാണ്. കുട്ടിയുടെ കൈയിലെ പണം പാമ്പാട്ടിയും സംഘവും തട്ടിയേടുക്കുമ്പോള്‍ തടയാത്ത പുരുഷന്മാരുടെ ഒരു ആള്‍ക്കൂട്ടത്തെയും പനാഹി നമുക്ക് കാട്ടിത്തരുന്നുണ്ട്.
പറയാതെ പറയുന്ന ഇറാനിയന്‍ രാഷ്ട്രീയ പ്രശ്നങ്ങള്‍ പനാഹിയുടെ സിനിമകളില്‍ പലയിടങ്ങളിലും നമുക്ക് കാണാം
അതിമനോഹരമായി സ്വാഭാവിക 'ജീവിത' മാണ്` റസിയയായി അഭിനയിച്ച അയിദ മൊഹമ്മെദ് ഖാനി എന്ന ഏഴ്വയസ്സുകാരി നമ്മുടെ മുന്നില്‍ അവതരിപ്പിക്കുന്നത്.1995 ലെ കാന്‍ ഫിലിം ഫെസ്റ്റിവലില്‍ 'പാം ഡി ഓര്‍' പുരസ്കാരം നേടിയ വൈറ്റ് ബലൂണ്‍ ടോക്യോ ഫെസ്റ്റിവലില്‍ 'ഗോള്‍ഡന്‍ 'പുരസ്കാരവും ,സാവൊ പോളോ ഫെസ്റ്റിവലില്‍ 'ഇന്റര്‍ നാഷണല്‍ ജൂറി പുരസ്കാരവും ' നേടിയിരുന്നു. സിനിമയുടെ അവസാന നിമിഷങ്ങളില്‍ മാത്രം പ്രത്യക്ഷപ്പെടുന്ന അഭയാര്‍ത്ഥി പയ്യന്‍ നമ്മുടെ മനസ്സിലേക്ക് നിമിഷം കൊണ്ട് നായകനായി മാറൂന്ന അത്ഭുതകരമായ രസതന്ത്രം പനാഹി ഉപയോഗിക്കുന്നുണ്ട്.
ഇറാനിയന്‍ നിയോറിയലിസ്റ്റിക്ക് സിനിമയുടെ പതാക വാഹകനും ലോകമെങ്ങും പ്രശസ്തനുമായ പനാഹിയെ ഇറാന്‍ ഭരണകൂടം തടവിനു ശിക്ഷിച്ച് ജയിലിലാക്കിയത് സിനിമയിലേപ്പോലെ തന്നെ അപ്രതീക്ഷിത പരിണാമം .സാമൂഹിക വിമര്‍ശനം നിറഞ്ഞ ഇദ്ദേഹത്തിന്റെ സിനിമകളില്‍ പാര്‍ശ്വവത്കരിക്കപ്പെട്ട സ്ത്രീകളുടെയും കുഞ്ഞുങ്ങളുടെയും സമൂഹത്തിന്റെ അവകാശ നിഷേധങ്ങളാണു പലപ്പോഴും ചര്‍ച്ച ചെയ്യുന്നത്.. മാനവികത എന്ന വിഷയത്തെ അതി ഭാവുകത്വമില്ലാതെ ,പ്രകടമായ രാഷ്ട്രീയ -സാമൂഹിക സന്ദേശങ്ങള്‍ വിളിച്ച് പറയാതെ യഥാര്‍ത്ഥത്തെ അതുപോലെ നമുക്ക്മുന്നില്‍ വെളിവാക്കുക എന്ന പനാഹി രീതിയാണു ഭരണകൂടത്തെ വിറളിപിടിപ്പിച്ചത്.
ദശലക്ഷക്കണക്കിനു ഡോളര്‍ ഉപയോഗിച്ച് സിനിമകള്‍ നിര്‍മ്മിക്കപ്പെടുന്നതിനിടയില്‍ -അര ഡോളറിലും താഴെ വിലവരുന്ന ഒരു സ്വര്‍ണ്ണ മീനിനെ വാങ്ങാന്‍ കൊതിക്കുന്ന പെണ്കുട്ടിയേക്കുറിച്ച് ഞങ്ങള്‍ സിനിമ നിര്‍മ്മിക്കുന്നു " ഇതു വലിയ വ്യത്യാസമാണെന്നു ജാഫര്‍ പനാഹി അഭിപ്രായപ്പെടുന്നത്.പനാഹി പറയുന്നത് മാനവികതയെക്കുറിച്ചും സാമൂഹിക അന്തരങ്ങളെക്കുറിച്ചും കൂടിയാണല്ലോ ...
ശാസ്ത്രകേരളം മേയ് 2011

റെഡ് ബലൂൺ

noreply@blogger.com (vijayakumarblathur) — Mon, 24 Jan 2011 23:53:00 +0000

അമ്മൂമ്മക്കൊപ്പം പഴയ ഒരു അപ്പാർട്മെന്റിലെ മുകൾ നിലകളിലൊന്നിൽ താമസിക്കുന്ന പാസ്കൽ എന്ന ആറു വയസ്സുകാരൻ പലപ്പോഴും തനിച്ചാണ്. പൌരാണികവും ജീർണ്ണവുമായ നനഞ്ഞ തെരുവിലേക്ക് രാവിലെ സ്കൂളിൽ പോവാനായി സഞ്ചിയുമായി ഇറങ്ങുന്ന ഈ കുട്ടിയിലാണ് ‘ ദ റെഡ് ബലൂൺ’ എന്ന ഫ്രഞ്ച് സിനിമ ആരംഭിക്കുന്നത്.1956 ൽ ആൽബെർട് ലാമൊറിസ് സംവിധാനം ചെയ്ത് പുറത്തിറക്കിയ മുപ്പത്തഞ്ച് മിനുട്ട് മാത്രം ദൈർഘ്യമുള്ള ഈ ലഘുചിത്രത്തിൽ പശ്ചാത്തല ശബ്ദങ്ങളും അർത്ഥമറിയേണ്ടതില്ലാത്ത ചില വാക്കുകളുമൊഴികെ സംഭാഷണങ്ങൾ ഒന്നുമില്ല. അതുകൊണ്ടിതിനെ ‘ഫ്രഞ്ച് ഭാഷയിലെ സിനിമ‘ എന്നു വിളിക്കുന്നതിൽ കാര്യമില്ല. എക്കാലവും കുട്ടികൾ ഇഷ്ടപ്പെടുന്ന കളിപ്പാട്ടമാണ് ബലൂൺ.അതുപോലെ തൊണ്ണൂറുകളുടെ ആദ്യ പകുതിവരെയും ലോകമെമ്പാടുമുള്ള എലിമെന്ററി സ്കൂളിലെ കുട്ടികളുടെ ഇഷ്ടസിനിമകളിലൊന്നാണ് ‘ചുവപ്പ് ബലൂൺ’

തന്റെ പൂച്ചയോട് യാത്ര പറഞ്ഞ് മഴകുതിർത്ത പടവുകൾ ഇറങ്ങി താഴോട്ട് നടക്കുന്നതിനിടയിലാണ് പാസ്കൽ ഒരു കാര്യം ശ്രദ്ധിച്ചത്.വിളക്ക് കാലിൽ ചരടു പൊട്ടിയ ഒരു ചുവന്ന ഹീലിയം ബലൂൺ കുടുങ്ങിക്കിടക്കുന്നു. അവൻ തൂണിൽ പിടിച്ച് കയറി ബലൂൺ സ്വന്തമാക്കി അതുമായി ബസ്സ്റ്റോപ്പിലേക്ക് നടന്നു. മിനുസമുള്ള വലിപ്പമേറിയ ആ ചുവപ്പ് ബലൂണുമായി ബസ്സിൽ കയറാൻ അവനെ അനുവദിക്കുന്നില്ല. ബലൂൺ ഉപേക്ഷിക്കാൻ അവൻ തയ്യാറുമല്ല. പാസ്കൽ കൈയിൽ ബലൂണുമായി നടപ്പാതയിലൂടെ ബസ്സിനുപിറകിലായി സ്കൂൾവരെ ഓടി. എങ്കിലും ക്ലാസ്സിലെത്തുമ്പോഴേക്കും വൈകി.സ്കൂൾ മതിലിനകത്ത് കയറിയ പാസ്കൽ തന്റെ പുതിയ ബലൂൺ അവിടത്തെ തൂപ്പുകാരനെ സൂക്ഷിക്കാൻ ഏൽ‌പ്പിച്ച് ക്ലാസ്സിലേക്ക് നടന്നു .ഇതെല്ലാം സ്കൂൾ പ്രിൻസിപ്പാൾ ജനലിലൂടെ കാണുന്നുണ്ടായിരുന്നു. വൈകുന്നേരം തിരിച്ച് ബലൂണുമായി വീട്ടിലേക്ക് വരുമ്പോൾ മഴ വരുന്നു. അവൻ നനഞ്ഞാലും പ്രിയപ്പെട്ട ബലൂൺ നനയാതെനോക്കാൻ പലരുടെയും കുടക്കീഴിൽ അതു കൂടി കയറ്റിയാണ് അവൻ തന്ത്രപൂർവം നടക്കുന്നത്. മഴ തോർന്ന തെരുവിലൂടെ ബലൂണുമായി കൌതുക കാഴ്ചകൾകണ്ട് പതുക്കെനടക്കുകയാണ് കുഞ്ഞു പാസ്കൽ. കുതിരപട്ടാളത്തിന്റെ റോന്തുചുറ്റലും,ആവി തുപ്പുന്ന തീവണ്ടികളുടെ കിതപ്പും ഒക്കെ അവനെ ആഹ്ലാദിപ്പിക്കുന്നുണ്ട്. വീട്ടിനകത്തേക്ക് ബലൂണുമായി കയറിയത് അമ്മൂമ്മക്ക് ഇഷ്ടമായില്ല. ജാലകം തുറന്ന് അവർ ബലൂൺ പുറത്ത്കളയുന്നു.പക്ഷെ ആകാശത്തേക്ക് ഉയർന്ന് പോകുന്നതിനുപകരം ബലൂൺ ജനലിനരികിൽതന്നെ ചുറ്റിപറ്റിനിൽക്കുന്നു. പാസ്കൽ വന്ന് ആരും കാണാതെ ബലൂണിനെ ജനലിലൂടെ അകത്തേക്ക് കയറ്റുംവരെ.

   അമ്മൂമ്മയറിയാതെ അവരിരുവരും നടത്തുന്ന ഈ ഒത്തുകളി, പ്രേക്ഷകരിൽ ബലൂൺ ഒരു അചേതന വസ്തുവാണെന്ന ബോധം പതുക്കെ മായ്ച്ച് കളയും. രാവിലെ സ്കൂളിലേക്ക് പുറപ്പെടുന്ന പാസ്കലിനൊപ്പം അനുസരണയുള്ള വളർത്തുനായ്കുട്ടിയെപ്പോലെ ബലൂണുമുണ്ട് കൂടെതന്നെ. അവർ പിടികൊടുക്കാതെ പരസ്പരം കളിപ്പിക്കുന്നുണ്ട്, ഒളിച്ചുകളിക്കുന്നുണ്ട്,ആശയങ്ങൾ തമ്മിൽതമ്മിൽ കൈമാറുന്നുണ്ട്. ബസ്സില്പോകുന്ന പാസ്കലിനൊപ്പം മാനത്തുകൂടി പറന്ന് ബലൂൺ സ്കൂൾ നടയിലെത്തുന്നുണ്ട്. ക്ലാസ്സ്മുറിയിലേക്ക് ജിജ്ഞാസയോടെ പതുങ്ങിക്കയറുന്ന ബലൂൺ വലിയ ബഹളത്തിനു കാരണമാവുന്നു.ദേഷ്യംവന്ന ഹെഡ്മാസ്റ്റർ പാസ്കലിനെ ക്ലാസ്സ് കഴിയും വരെ ഒരു മുറിയിൽ പൂട്ടിയിടുന്നു. ബലൂണിനെയാണെങ്കിൽ അയാൾക്ക് പിടിക്കാൻ കിട്ടുന്നുമില്ല.ഹെഡ്മാസ്റ്ററുടെ തലക്ക് പോയി മുട്ടി ശല്യപ്പെടുത്തി തന്റെ അരിശം ബലൂൺ പ്രകടിപ്പിക്കുന്നുമുണ്ട്.പാസ്കലിനെ മുറിയിൽ നിന്നും പുറത്തുവിടും വരെ ബലൂൺ മുറിക്ക് വെളിയിൽ കാത്തുനിൽക്കുന്നുണ്ടായിരുന്നു. തിരിച്ചുള്ള യാത്രക്കിടയിലാണ് പാസ്കൽ എന്നും തെരുവുകാഴ്ചകൾ കണ്ട് അലയാറ്. ചിത്ര ഗാലറികളിലും,കണ്ണടിക്കടകളിലും അവരിരുവരും ചുറ്റിയടിക്കുന്നു. വഴിയിൽകണ്ട പെൺകുട്ടിയുടെ കൈയിലെ നീല ബലൂണിനെകണ്ട് ചങ്ങാത്തംകൂടാൻ കൊഞ്ചിക്കളിക്കുന്ന ചുവന്ന ബലൂണിനെ ശാസിച്ച് കൂടെക്കൂട്ടുന്നുണ്ട് പാസ്കൽ, പക്ഷെ കുറച്ച് കഴിയുമ്പോൾ കാണാം നീല ബലൂൺ പെൺകുട്ടിയുടെ കൈയിൽ നിന്നും കുതറി ചുവപ്പ് ബലൂണിനരികിലെത്തിയിരിക്കുന്നു. പാസ്കലിന്റെ പുതിയ കൂട്ടുകാരനെ തട്ടിയെടുക്കാൻ തെരുവിലെ പിള്ളേർ ശ്രമിക്കുന്നുണ്ട് .തെമ്മാടിക്കൂട്ടം അവനെ വഴിയിൽ തടഞ്ഞുനിർത്തി ബലൂൺ കൈക്കലാക്കാൻ നോക്കുന്നുണ്ടെങ്കിലും ആർക്കും പിടികൊടുക്കാതെ ബലൂൺ രക്ഷപ്പെട്ട് പാസ്കലിനൊപ്പം തന്നെകൂടുന്നു.
                        കുർബാന കൈക്കൊള്ളൻ അമ്മൂമ്മക്കൊപ്പം ഒരു ദിവസം പള്ളിയിലേക്ക് പോയ പാസ്കലിനൊപ്പം അമ്മൂമ്മകാണാതെ ഒളിച്ച് ബലൂണും വരുന്നു. പള്ളിക്കകത്ത് കയറിയ ബലൂൺ പ്രശ്നമുണ്ടാക്കുന്നു.ഇതൊന്നും കൂസാതെ ബലൂണുമായി പാസ്കൽ തെരുവിലേക്കിറങ്ങുന്നു. പലഹാരക്കടയുടെ പുറത്ത് ബലൂണിനെ നിർത്തി പിസ്സ വാങ്ങാൻ അകത്തേക്ക് കയറിയ പാസ്കൽ തിരിച്ചിറങ്ങി നോക്കുമ്പോൾ ബലൂണിനെ കാണുന്നില്ല. തെമ്മാടികുട്ടിക്കൂട്ടം ബലൂൺ കൈക്കലാക്കി വെളിമ്പ്രദേശത്തേക്ക് അതുമായി നടക്കുകയാണ്. കയർകെട്ടി അതിനെ വലിച്ചും ഇഴച്ചും കല്ലെറിഞ്ഞും പീഡിപ്പിക്കുകയാണ്.തകർന്ന പഴഞ്ചൻ കെട്ടിടാവശിഷ്ടങ്ങൾക്കിടയിലെ വിജനതയിൽ അതിനെ തെറ്റാലികൊണ്ട് എയ്ത് പൊട്ടിക്കാനുള്ള ശ്രമത്തിലാണവർ. മതിലിനിപ്പുറത്തുള്ള പാസ്കൽ എങ്ങിനെയെല്ലാമോ ബലൂണിനെ രക്ഷിച്ച് അതുമായി വീട്ടിലേക്ക് ഓടി .പിള്ളേരുടെ സംഘം കൂടെത്തന്നെ പിന്തുടരുന്നു,ഇടുങ്ങിയ വഴികളിലൂടെയും കെട്ടിടങ്ങൾക്കിടയിലൂടെയും അവൻ പാഞ്ഞുരക്ഷപ്പെടാൻ നോക്കുന്നുണ്ടെങ്കിലും അവസാനം പിടിയിലാകുന്നു. ബലൂൺ അവർ എറിഞ്ഞും ചവിട്ടിയും പൊട്ടിക്കുന്നു. പൊട്ടിയ ബലൂണിനരികിൽ ഇനിയെന്തുചെയ്യും എന്നറിയാതെ കരഞ്ഞ് ഇരിക്കുന്ന കുട്ടിയുടെ ദൃശ്യം ഹൃദയസ്പർശിയാണ്. പാരീസ് നഗരത്തിലെ ബലൂണുകളെല്ലാം സ്വയം സ്വാതന്ത്ര്യം പ്രഖ്യാപിച്ച് മാനത്തേക്ക് പറന്നുയർന്നത് പെട്ടന്നാണ്.പാർക്കുകളിലെ കുട്ടികളുടെ കൈകളിൽനിന്നും , നഗരത്തിലെ വീടുകൾക്കകത്തുനിന്നും,കച്ചവടക്കാരുടെ വില്പനസ്റ്റാൻഡുകളിൽ നിന്നുമൊക്കെ അവ പറന്നുയർന്നു. കരയുന്ന പാസ്കലിനടുത്തേക്കാണവയെല്ലാം വരുന്നത്.നൂറുകണക്കിനു വർണ്ണബലൂണുകളെല്ലാം കൂടി അവസാനം ആ കുട്ടിയെ എടുത്തുയർത്തി നഗരത്തിന്റെ നരച്ച മേൽക്കൂരകൾക്ക് മുകളിലൂടെ ഒഴുകി പറക്കുന്നു. ഒടുവിൽ അനന്തവിശാലമായ മാനത്ത് ബലൂണുകളിൽ ഞാന്നുകിടന്നു ചിരിക്കുന്ന കുട്ടിയിൽ സിനിമ അവസാനിക്കുന്നു.
                 സ്പെഷൽ എഫക്റ്റുകൾ ഇന്നത്തെപ്പോലെ സാധ്യമല്ലാത്ത , സങ്കേതിക വിദ്യകൾ അധികം വികസിക്കാത്ത അക്കാലത്ത് ഇത്തരമൊരു ഫാന്റസി ദൃശ്യങ്ങൾ സ്വാഭാവികതക്ക് കോട്ടമില്ലാത്തവിധത്തിൽ ചിത്രീകരിച്ചത് അത്ഭുതകരമാണ്. നരച്ച നഗര ദൃശ്യങ്ങൾക്കിടയിൽ തിളങ്ങുന്ന ചുവപ്പ് ബലൂണിന്റെ കളർ കോണ്ട്രാസ്റ്റ് അതിമനോഹരമായി നമുക്ക് അനുഭവപ്പെടും.

അൽബെർട്ട് ലമൊറീസ്

‘മേരിക്കുണ്ടൊരു കുഞ്ഞാട്’ എന്ന പഴയ പ്രൈമറിക്ലാസ്സ് പാട്ട് ഈ സിനിമയിൽ നിന്നു പ്രചോദിതമായതായിരിക്കാം.
“ഒരു നാൾ പള്ളീക്കൂടത്തിൽ ,
മേരിയോടൊപ്പം കുഞ്ഞാടും,
അടിവെച്ചടിവെച്ചകമേറി,
അവിടെ ചിരിതൻ പൊടിപൂരം”
എന്ന വരികളിലെ ആടിനു പകരം ബലൂൺ എന്നാക്കിയാൽ മാത്രം മതി. ചുവന്ന ബലൂണുമായുള്ള ഒരു കുട്ടിയുടെ സൌഹൃതം മറ്റു കുട്ടികളെ പ്രകോപിപ്പിക്കുന്നത് എന്തിനാണെന്ന് നമുക്കും ആ കുട്ടിയെപ്പോലെതന്നെ സംശയം തോന്നിപ്പിക്കും. വിശദീകരിക്കാനാവാത്ത ബന്ധങ്ങളെ നശിപ്പിച്ചേക്കുക എന്ന ലോക രീതിയെ സംവിധായകൻ ഇവിടെ ചർച്ചക്ക് വെക്കുന്നു. മതസങ്കൽ‌പ്പങ്ങളും യേശുവിന്റെ കുരിശേറ്റവും ഉയിർത്തെഴുന്നേൽ‌പ്പുമൊക്കെ ഈ സിനിമയിൽ ചില നിരൂപകർ വായിച്ചെടുക്കുന്നുണ്ട്. മെരുങ്ങാത്ത കുതിരയുമായി ഒരു കുട്ടിയുടെ ബന്ധം ചിത്രീകരിച്ചിരിക്കുന്ന 1953 ലെ തന്റെതന്നെ ‘വൈറ്റ് മേൻ’ എന്ന ബ്ലാക്ക് & വൈറ്റ് സിനിമയുടെ വേറൊരു പതിപ്പായാണ് തന്റെ രണ്ടാമത്തെ ചിത്രമായ ‘ദ റെഡ് ബലൂൺ’ ലമൊറീസ് ഒരുക്കിയിരിക്കുന്നത്. കുതിരക്ക് പകരം അചേതനമായ ബലൂണിൽ മനസ്സ് തുന്നിച്ചേർത്തിരിക്കുന്നു സംവിധായകൻ.ലമൊറീസിന്റെ മക്കൾ തന്നെയാണിതിൽ അഭിനയിച്ചിരിക്കുന്നത്. പ്രധാന വേഷം മകൻ പാസ്കൽ ലമോറീസും പെൺകുട്ടിയുടെ വേഷം സബീൻ ലമൊറീസും.

1956 ലെ ഏറ്റവും നല്ല ഒറിജിനൽ തിരക്കഥക്കുള്ള ഓസ്കാർ പുരസ്കാരം (സംഭാഷണങ്ങൾ ഒന്നുമില്ലാതിരുന്നിട്ടും) , കാൻ ഫിലീം ഫെസ്റ്റിവലിൽ ‘പാം ഡി ഓർ’ പുരസ്കാരം , 1957 ലെ ‘ബാഫ്റ്റ പുരസ്കാരം’ തുടങ്ങി നിരവധി അന്താരാഷ്ട്ര സമ്മാനങ്ങളും അംഗീകാരങ്ങളും ഈ സിനിമ നേടി. ഊതിവീർപ്പിക്കപ്പെട്ട സങ്കൽ‌പ്പങ്ങൾ മാത്രമാണു മനുഷ്യ ബന്ധങ്ങൾ എങ്കിലും കയ്പ്പേറിയ യാഥാർത്ഥ്യം എന്ന് നാം വിലപിക്കുന്ന മരണങ്ങളെ എത്ര വേഗമാണു പുതിയ ബന്ധങ്ങളിലൂടെ നാം പകരം വെക്കുന്നത് എന്ന് - സർ റിയലിസ്റ്റിക്കായ അവസാന ദൃശ്യത്തിലൂടെ മുതിർന്നവരോടുകൂടി സംവിധായകൻ പറയുന്നു,. അതുകൊണ്ടുതന്നെ ചുവപ്പ് ബലൂൺ കുട്ടികളുടെ മാത്രം സിനിമയല്ലാതാകുന്നു.

ചേർന്ന് വേർപിരിയൽ

noreply@blogger.com (vijayakumarblathur) — Fri, 24 Dec 2010 09:44:00 +0000

1949 ൽ ചൈന തായ്‌വാൻ പിടിച്ചടക്കിയപ്പോൾ താൻ പ്രണയവിവാഹം ചെയ്ത് കുറച്ചുനാളുകൾ മാത്രം ആയ ഭാര്യയെ കൂട്ടാനാവാതെ ചൈനയിൽ നിന്നും തായ്‌വാനിലേക്ക് പോകേണ്ടിവന്ന പട്ടാളക്കാരനാണ് ലിയു. ഭാര്യ യുയി ഗർഭിണിയായിരുന്നു. ലിയുവിനു ചൈനയിലേക്ക് തിരിച്ചു വരാൻ ആകുന്നത് നാല്പതു വർഷങ്ങൾക്ക് ശേഷം മാത്രം. .ചില സാഹചര്യങ്ങൾ മൂലം അവിടെ വിവാഹം ചെയ്ത് ജീവിക്കുകയായിരുന്നു അയാൾ.യുയിയും വേറെ വിവാഹം ചെയ്ത് ആദ്യ മകനോടൊപ്പം മക്കളും പേരക്കുട്ടികളുമായി സ്വസ്ഥ ജീവിതത്തിലാണ്..ലിയു ഇവരുടെ വിലാസം കണ്ടെത്തി കത്തയച്ചിരിക്കുകയാണ്. താൻ യുയിയെ കാണാൻ അങ്ങോട്ട് വരുന്നു എന്ന്. യുയിയുടെ നല്ലവനായ ഭർത്താവും മറ്റു കുടുംബാംഗങ്ങളും സന്തോഷത്തോടെ അദ്ദേഹത്തിന്റെ വരവിനെ സ്വാഗതം ചെയ്യുന്നു. ലിയു ആ വീട്ടിലെത്തുന്ന ദിവസമാണു വാങ് ക്വനാൻ സംവിധാനം ചെയ്ത ‘എപ്പാർട് ടുഗതർ’ എന്ന സിനിമ ആരംഭിക്കുന്നത്.

നീണ്ട നാൽ‌പ്പത് വർഷം കഴിഞ്ഞിട്ടും ഇരുവരും മനസ്സുകൊണ്ട് ഇപ്പഴും ഇഷ്ടമുള്ളവരാണ്.സ്നേഹിച്ച് കൊതിതീരും മുമ്പേ വേർപിരിയേണ്ടി വന്ന ആ വൃദ്ധർ ഇനിയുള്ള കാലം ഒന്നിച്ച് ജീവിക്കാനുള്ള തീരുമാനത്തിലാണ്. ഇത് ഇപ്പോഴത്തെ ഭർത്താവിനോടും മക്കളോടും പറയാൻ മടിയുണ്ട്. എങ്കിലും അവസാനം അവർ ഇരുവരും ചേർന്ന് വിഷയം അവതരിപ്പിക്കുന്നു. ഇത് കുടുംബത്തിൽ പല പ്രശ്നങ്ങളും ഉണ്ടാക്കുന്നു..ലിയുവിനൊപ്പം യുയി തായ്‌വാനിലേക്ക് പോകുന്നതിൽ ഭർത്താവിനു സമ്മതമാണ്. അദ്ദേഹം അത്ര വിശാല മനസ്കനാണ്. പക്ഷെ അവസാനം സ്നേഹ നിധിയും നല്ലവനും ശുദ്ധനുമായ ആയാളെ ഉപേക്ഷിക്കാൻ പറയാൻ ലിയുവിനു മനസ്സുവരുന്നില്ല. വന്നതുപോലെ തിരിച്ചു പോകുന്ന ലിയുവിൽ സിനിമ അവസാനിക്കുന്നു. നീണ്ട വർഷങ്ങളുടെ കാത്തിരിപ്പിനുശേഷം ഒന്നുചേർന്നിട്ടും വീണ്ടും പിരിയേണ്ടിവരുന്ന ആ സ്നേഹാത്മാക്കളുടെ നിസ്സഹായതയിൽ പ്രേക്ഷകമനസ്സ് നൊമ്പരപ്പെടുത്തിയാണു തിരിച്ച് ലിയു വിമാനത്തിലേക്ക് കയറുന്നത്.

ഹണി

noreply@blogger.com (vijayakumarblathur) — Wed, 22 Dec 2010 17:08:00 +0000

കേരള രാജ്യാന്തര ചലചിത്രോത്സവത്തില്‍ ലോക സിനിമ വിഭാഗത്തില്‍ പ്രദര്‍ശിപ്പിക്കപ്പെട്ട ഹണി (ബാല്‍) എന്ന തുര്‍ക്കി സിനിമ അസാധാരണമായ നിശബ്ദസംഗീതം നിറഞ്ഞ മനോഹരമായ ഒരു കലാസൃഷ്ടിയാണ്.സെമിയ കപ്ലനോഗ്ലു സംവിധാനം നിര്‍വഹിച്ചിരിക്കുന്ന ‘ഹണി’വനപ്രദേശത്തിനടുത്ത് താമസിക്കുന്ന യൂസഫ് എന്ന അഞ്ചുവയസ്സുകാരന്റെ കഥയാണ്. അച്ഛന്‍ യാക്കൂബ് ആണ് അവന്റെ ഗുരു. വിക്കുള്ളതിനാല്‍ സ്കൂളില്‍ പാഠങ്ങള്‍ ഉറക്കെ വായിക്കാന്‍ അവന് ഒരിക്കലും കഴിയുന്നില്ല.ശബ്ദം കുറച്ച് സംസാരിക്കുമ്പോള്‍ അവനു വിക്കില്ലാതെ സംസാരിക്കാനാവുമെന്ന് അച്ഛന്‍ കണ്ടെത്തിയിരുന്നു. അതുകൊണ്ട് അച്ഛനും മകനും പരസ്പരം പതുക്കെയാണ് മിണ്ടുന്നത്.സ്കൂളില്‍ നിന്നും ഒരിക്കലും ഒരു അനുമോദനം ലഭിക്കുന്നില്ല.അവനെന്നും അത് പ്രതീക്ഷിക്കുന്നുണ്ടെങ്കിലും.
കാട്ടില്‍ കരടികള്‍ക്കെത്താതത്ര ഉയരത്തില്‍ തേങ്കൂടുകള്‍ വച്ച് തേന്‍ എടുക്കലാണ് യാക്കൂബിന്റെ ജോലി.എന്തുകൊണ്ടോ അടുത്തകാലത്തായി തേനീച്ച കൂടുകളില്‍ തേന്‍ വളരെ കുറവാണ്. കുഞ്ഞ് യൂസഫും അച്ഛനൊപ്പം കാട്ടില്‍ പോവാറുണ്ട്. കാട്ടിലെ പലതരം പൂക്കളും ഇലകളും അച്ഛന്‍ അവന് പരിചയപ്പെടുത്തുന്നത് അത്തരം യാത്രകളിലാണ്.
തേന്‍ തേടി ഗ്രാമത്തിനപ്പുറത്തെ മലയില്‍ പോയ യാക്കൂബ് ദിവസങ്ങള്‍ കഴിഞ്ഞിട്ടും തിരിച്ച് വന്നില്ല.അമ്മ സഹ്രയും യൂസഫും യാക്കൂബിന്റെ തിരിച്ച് വരവിന് കാത്തിരിക്കുകയാണ്.തേനേടുക്കുന്നതിനിടയില്‍ വളരെ ഉയരത്തില്‍ നിന്നും മരക്കമ്പ് പൊട്ടി യാക്കൂബ് താഴെ വീഴുന്ന ദൃശ്യം സിനിമയുടെ ടൈറ്റിലിനു മുന്നെ നാം കാണുന്നുണ്ട്. അച്ഛനെ തേടി കുഞ്ഞ് യൂസഫ് ഇരുണ്ട വനത്തിന്റെ ഉള്ളിലേക്ക് പോവുന്നു.
അച്ഛനും മകനും തമ്മിലുള്ള സൌമ്യ സൌഹൃദവും,കാട്ടിന്റെ നിഗൂഢതയില്‍ അവര്‍ ഇരുവരും മര്‍മരം പോലെ കൈമാറുന്ന വാക്കുകളും,തിരിച്ചെത്താത്ത അച്ഛനുവേണ്ടിയുള്ള യൂസഫിന്റെ വിങ്ങല്‍ നിറഞ്ഞ പ്രതീക്ഷയും,യാക്കൂബ് മരിച്ചതറിഞ്ഞ ക്ലാസ്സ് മാസ്റ്റര്‍ യൂസഫിനു എല്ലാം തെറ്റി വായിച്ചിട്ടും ആദ്യമായി അനുമോദന സമ്മാനം നല്‍കിയപ്പോള്‍ അത് അച്ഛനെ കാണിക്കാനായി ആഗ്രഹിച്ച് നടക്കുന്ന കുട്ടിയുടെ ആശയും...ഈ സിനിമ നിശബ്ദമായ ഒരു നിലവിളിയായി പ്രേക്ഷകരെ ഏറെനാള്‍ പിന്തുടരുക തന്നെ ചെയ്യും ഈ സിനിമയ്ക്ക് ഗോള്‍ഡന്‍ ബിയര്‍ അവാര്‍ഡ് സംവിധായകനു ലഭിച്ചു

ജാപ്പനീസ് വൈഫ്

noreply@blogger.com (vijayakumarblathur) — Wed, 22 Dec 2010 01:26:00 +0000

തിരുവനന്തപുരം രാജ്യാന്തര ചലചിത്രോത്സവത്തില്‍ പ്രേക്ഷക അവാര്‍ഡ് നേടിയ അപര്‍ണ്ണസെന്നിന്റെ ജാപ്പനീസ് വൈഫ് എന്ന സിനിമയില്‍ തൂലികാ സൌഹൃദത്തിലൂടെ പരിചയപ്പെട്ട ജാപ്പാന്‍ കാരിയായ മിയാഗിയും ബംഗാളിലെ ഉള്‍ഗ്രാമത്തിലെ സ്കൂളില്‍ കണക്ക് മാഷായ സ്നേഹമൊയി ചാറ്റര്‍ജിയും തമ്മിലുള്ള അപൂര്‍വ സ്നേഹത്തിന്റെ കഥയാണ് പറയുന്നത്.

നേരിട്ട് ഒരിക്കലും കണ്ടിട്ടില്ലെങ്കിലും കത്തുകളിലൂടെയുള്ള നീണ്ട സൌഹൃദം അവരെ വല്ലതെ അടുപ്പിക്കുന്നു. പ്രണയം വിവാഹ തീരുമാനത്തില്‍ എത്തുന്നു.സാമ്പത്തിക പ്രശ്നങ്ങളും,കുടുംബപ്രശ്നങ്ങളും മൂലം മിയാഗിക്ക് ഇന്ത്യയില്‍ വരാനോ സ്നേഹമൊയിക്ക് ജപ്പാനിലേക്ക് പോവാനോ സാധിക്കുന്നില്ല.എങ്കിലും അവര്‍ രണ്ടു രാജ്യങ്ങളിലായി വിവാഹം നടത്തുന്നു.സാധുവും നിഷ്കളങ്കനുമായ സ്നേഹമൊയി വേറൊരു പെണ്ണിന്റെ മുഖത്തുപോലും നോക്കാതെ തന്റെ അപൂര്‍വ്വ ദാമ്പത്യം വര്‍ഷങ്ങള്‍ തുടരുന്നു, വിവാഹത്തിന്റെ പതിനഞ്ചാം വാര്‍ഷികത്തിന് മിയാഗി ജപ്പാനില്‍ നിന്നും അയച്ച വലിയ പാര്‍സല്‍ പെട്ടി സൈക്കിള്‍ റിക്ഷയില്‍ മാഷുടെ വീട്ടിലേക്ക് കൊണ്ടുവരുന്ന ദൃശ്യത്തിലാണ് സിനിമ ആരംഭിക്കുന്നത്. നിറയെ പട്ടങ്ങളായിരുന്നു പെട്ടിയില്‍. മിയാഗിക്ക് സ്നേഹമൊയിയെ ജീവനാണ്. പരസ്പരം കണ്ടുമുട്ടാനുള്ള അവസരങ്ങള്‍ അവര്‍ക്ക് ലഭിക്കുന്നേയില്ല.വൃദ്ധയായ അമ്മയെ അവിടെ ഉപേക്ഷിച്ച് നാട്ടിലേക്ക് വരാന്‍ അവള്‍ക്ക് പറ്റുമായിരുന്നില്ല. ഇതിനിടയില്‍ അമ്മ മരിച്ചെങ്കിലും ഇന്ത്യയിലേക്ക് പുറപ്പെടാനൊരുങ്ങിയ മിയാഗി രോഗബാധിതയായി കിടപ്പിലായി.രോഗം മാരകമായ കാന്‍സറാണെന്ന് അവള്‍ സ്നേഹമൊയിയെ അറിയിക്കുന്നു. ഇനി കാണാന്‍ പറ്റിയെന്നു വരില്ലെന്നും.,തന്റെ ഒരിക്കലും കാണാത്ത ഭാര്യയെ ചികിത്സിക്കാനുള്ള ശ്രമത്തിലാണ് സ്നേഹമൊയി..ആയുര്‍വേദവും യുനാനിയും ഒക്കെ .മരുന്നുകള്‍ പാര്‍സലായി ജപ്പാനിലെക്ക് അയക്കുകയാണ്. നീണ്ട കാത്തിരിപ്പിനവസാനം സ്നേഹമൊയി മരിക്കുന്നു. തന്റെ ഭര്‍ത്താവിന്റെ വീട്ടിലേക്ക് ആദ്യമായി വരുന്ന മിയാഗിയിലാണു സിനിമ അവസാനിക്കുന്നത്. ബംഗാളി വിധവയെപ്പോലെ വെളുത്ത സാരി ചുറ്റി സിന്ധൂരം മായ്ച്ച് അവള്‍ അവശയായി സ്നേഹമൊയിയുടെ കട്ടിലില്‍ വന്നിരിക്കുന്നു.
മെലോ ഡ്രാമ കൊണ്ട് അരോചകമാക്കിയ ചില ദൃശ്യങ്ങളും. അമിതാഭിനയം കൊണ്ട് ചെടിപ്പിക്കുന്ന ചില നടീ നടന്മാരും ഒഴിച്ചാല്‍ മനോഹരവും അപൂര്‍വ്വവുമായ ഒരു പ്രണയ കഥയാണിത്.സൊമ്യമായ ഒരു കുളിര്‍ കാറ്റുപോലെ നമ്മെ ഇതിലെ സ്നേഹം സ്പര്‍ശിച്ചു കടന്നു പോകും

സെഫീർ

noreply@blogger.com (vijayakumarblathur) — Tue, 21 Dec 2010 17:13:00 +0000

തിരുവനന്തപുരത്ത് വെച്ച് ഡിസംബര്‍ 10 മുതല്‍ 17 വരെ നടന്ന പതിനഞ്ചാമത് കേരള രാജ്യാന്തര ചലചിത്രമേള (IFFK 2010) യില്‍ പ്രദര്‍ശിപ്പിക്കപ്പെട്ട ചില നല്ല സിനിമകളെ മുന്നിര്‍ത്തിയുള്ള നുറുങ്ങു ചിന്തകളാണ് ഇത്തവണത്തെ ക്ലോസപ്പില്‍. മത്സരവിഭാഗത്തിലും ലോകസിനിമ വിഭാഗത്തിലുമായി ഇരുന്നൂറിലധികം സിനിമകളാണ് മേളയില്‍ പ്രദര്‍ശിപ്പിക്കപ്പെട്ടത്.ലോകത്തിന്റെ പല കോണുകളിലുമുള്ള മനുഷ്യരുടെ വര്‍ത്തമാന കാല ജീവിതം അഭിമുഖീകരിക്കുന്ന സ്നേഹ നിരാസത്തിന്റെയും കാത്തിരിപ്പുകളുടെയും കഥകളാണ് ഇവയില്‍ പലതും ചര്‍ച്ച ചെയ്യുന്നത് .

Belma Bas

മത്സര വിഭാഗത്തില്‍ തുര്‍ക്കിയില്‍ നിന്നുമെത്തിയ ബെല്‍മാ ബാസ് സംവിധാനം ചെയ്ത സെഫീര്‍ (zephyr) എന്ന സിനിമയും കൌമാരക്കാരിയായ സെഫീര്‍ എന്ന പെണ്‍കുട്ടിയുടെ നീണ്ട കാത്തിരിപ്പിനെക്കുറിച്ചാണ്.കാടിനരികിലുള്ള മലയോരഗ്രാമത്തിലെ മുത്തശ്ശിക്കും മുത്തച്ഛനുമൊപ്പമാണവള്‍ താമസിക്കുന്നത്.കാട്ടില്‍ നിന്നും പഴങ്ങളും കൂണുകളും ഇലകളും ഒക്കെ ശേഖരിച്ച് ഭക്ഷണം ഉണ്ടാക്കാനും മറ്റും അവള്‍ സഹായിക്കാറുണ്ട്. ബേറ്ററിയില്‍ പാടുന്ന ഒരു ഗ്രാമഫോണ്‍ പെട്ടിയാണ് അവളുടെ കൂട്ട്.കാട്ടിനുള്ളിലെ കുഞ്ഞു പ്രാണികളും ഒച്ചും പുഴുക്കളും ഒക്കെ അവളുടെ കൂട്ടുകാരാണ്.മുത്തച്ഛനൊപ്പം കാട്ടില്‍ വിറകുതേടിയും പശുക്കളെമേച്ചും ഒക്കെ നടക്കുമ്പോഴും സെഫീര്‍ തന്നെ കൂട്ടികൊണ്ടുപോവാന്‍ വരുന്ന അമ്മയെ പ്രതീക്ഷിച്ചുകൊണ്ടാണു നിമിഷങ്ങള്‍ നീക്കുന്നത്.

കുന്നിനു മുകളില്‍ പാറപ്പുരത്ത്കയറി ഇരുന്ന് അങ്ങു ദൂരേക്ക് നീളുന്ന ഗ്രാമ പാതയില്‍ കണ്‍നട്ടിരിക്കുന്ന സെഫീര്‍ പ്രേക്ഷകരുടെ മനസ്സിനെ ആര്‍ദ്രമാക്കും. നീണ്ട നാളുകള്‍ക്ക് ശേഷം അമ്മ വരുന്നു. തന്നെ സ്ഥിരമായി ഈ ഗ്രാമത്തില്‍ തന്നെ ഉപേക്ഷിച്ച് വേറെ ഏതോ സ്ഥലത്തേക്ക് പോവാനായി അവസാനമായി യാത്രപറയാനാണ് അമ്മ വന്നിരിക്കുന്നത് എന്ന് സെഫീര്‍ മനസ്സിലാക്കുന്നു.തിരിച്ച് പോവുന്ന അമ്മക്കൊപ്പം കൂടെപോവാന്‍ കുഞ്ഞിനെപോലെ വാശിപിടിച്ച് അവളും നടക്കുന്നു.പിന്തിരിപ്പിക്കാനുള്ള ശ്രമത്തിനിടെ പിടിവലിയില്‍ (അറിഞ്ഞോ ‌ ‌അറിയാതെയോ?) അമ്മ കൊക്കയിലേക്ക് വീണു മരിക്കുന്നു.

മാതൃത്വം തുളുമ്പുന്ന ഹരിത പ്രകൃതിയില്‍ കാട്ടാറിന്റെ തീരത്ത് .മണ്ണിലെ നനവില്‍ മുഖമമര്‍ത്തി കിടക്കുന്ന സെഫീറില്‍ ഈ സിനിമ അവസാനിക്കുന്നു.
ഏറ്റവും നല്ല സിനിമക്കുള്ള രജതചകോരം ഈ സിനിമ നേടി

റൺ ലോല റൺ

noreply@blogger.com (vijayakumarblathur) — Sat, 04 Dec 2010 14:29:00 +0000

        ഓടിക്കൊണ്ടിരിക്കുന്ന സമയവും സംഭവങ്ങളുടെ സാധ്യതകളുമാണ് ‘റണ്‍ ലോല റണ്‍’ എന്ന വ്യത്യസ്ഥമായ ചിത്രത്തിന്റെ പ്രമേയം.1998 ല്‍ പുറത്തിറങ്ങിയ ഈ ജര്‍മന്‍ ചിത്രം പ്രശസ്ത തിരക്കഥാകൃത്ത് കൂടിയായ ടോം ടിക് വെര്‍ ആണ് സംവിധാനം ചെയ്തിരിക്കുന്നത്.സിനിമയെന്ന മാധ്യമം കഥപറച്ചിലിനുള്ള ഉപാധി എന്നതിനപ്പുറം ഫിലോസഫിക്കലായിട്ടുള്ള ഒരു ചര്‍ച്ചക്കുള്ള ഇടമായി എങ്ങിനെ ഉപയോഗിക്കാനാവുമെന്നതിന്റെ ഒരു പരീക്ഷണമാണ് ഈ സിനിമ.
          ‘ഒരു സെക്കന്റ് തെറ്റിയിരുന്നെങ്കില്‍...’എന്നു നമ്മള്‍ പലപ്പോഴും അശങ്കയോടെ ചിന്തിക്കാറുണ്ട്.അതിപ്രധാനമായ അപകടങ്ങളും സംഭവങ്ങളും കാഴ്ചകളും നിമിഷങ്ങളുടെ വ്യത്യാസത്തില്‍ കടന്നുപോകുകയോ രക്ഷപ്പെടുകയൊ ഒക്കെ ചെയ്യുമ്പോള്‍ ‘ഒരു നിമിഷം വൈകിയിരുന്നെങ്കില്‍..’ അല്ലെങ്കില്‍ ‘ഒരു നിമിഷം മുമ്പെ എത്തിയിരുന്നെങ്കില്‍’ ഇങ്ങനെയായിരിക്കില്ല സംഭവിക്കുക എന്ന് നമുക്കും തോന്നാറുണ്ടല്ലൊ. ഒരു നിമിഷത്തിന്റെ വ്യത്യാസം ലോല എന്ന പെണ്‍കുട്ടിയുടെയും അവളെ ബന്ധപ്പെട്ട പല മനുഷ്യരുടെയും ജീവിതത്തില്‍ ഉണ്ടാക്കുന്ന മൂന്നു വ്യത്യസ്ഥ സാധ്യതകളാണ് ‘റണ്‍ ലോല റണ്‍’ എന്ന സിനിമയില്‍ നാം കാണുന്നത്.
               ഭീമാകാരമായ ഒരു പെന്‍ഡുലക്കാഴ്ചയോടെയാണ് സിനിമ ആരംഭിക്കുന്നത്.ചിലച്ച്കൊണ്ടിരിക്കുന്ന സമയ ഭൂതം സര്‍വ്വവും വിഴുങ്ങുന്നിടത്ത് നിന്നും ഒരു പെണ്‍കുട്ടിയുടെ ഓട്ടത്തിന്റെ കാര്‍ട്ടൂണ്‍ ആനിമേഷന്‍...തുടര്‍ന്ന് കാമറ ആകാശത്ത്നിന്നും സൂം ചെയ്ത് ബെര്‍ലിന്‍ നഗരത്തിലെ ഒരു അപ്പാര്‍ട്ട്മെന്റിലെ റിംഗ് ചെയ്തുകൊണ്ടിരിക്കുന്ന ടെലഫോണില്‍ എത്തു ന്നു.ലോലയുടെ കാമുകനായ മന്നിയുടെ ഫോണ്‍ വിളി.സഹായംചോദിച്ചാണ് വിളിക്കുന്നത്. അധോലോകസംഘത്തിനുവേണ്ടി മയക്കുമരുന്ന് അതിര്‍ത്തികടത്തി ലഭിച്ച വലിയ തുകയുമായി വരികയായിരുന്നു അയാള്‍. ലോലയോട് ഒരുസ്ഥലത്ത് വന്ന് തന്നെ കൂട്ടാന്‍ ഏല്‍‌പ്പിച്ചതായിരുന്നു.(ലോലയുടെ മോപ്പെഡ് അതിനിടയില്‍ മോഷണം പോയില്ലായിരുന്നുവെങ്കില്‍ അവള്‍ കൃത്യമായി അവിടെയെത്തി അവനെ കൂട്ടികൊണ്ടുപോകുമായിരുന്നു. ഒരു കടക്ക് മുന്‍പില്‍ മോപ്പെഡ് നിര്‍ത്തി ലോല ഒരു സിഗരറ്റ് വാങ്ങാന്‍ കയറിയ നിമിഷമാണ് കള്ളന്‍ മോപ്പെഡ് മോഷ്ടിച്ച് സ്ഥലം വിട്ടത്.) ലോലക്ക് അവന്‍ പറഞ്ഞേല്‍‌പ്പിച്ച സ്ഥലത്ത് എത്താനാവാഞ്ഞതിനാല്‍ മന്നി സബ് വേ റയിലില്‍ കയറി നഗരത്തിലേക്ക് വരുന്നു. ഇടക്ക് തീവണ്ടിയില്‍ കയറിയ ഒരു യാചകനെ തടഞ്ഞ് അയാള്‍ ഒരു നിമിഷം വീണു പോകുന്നു.പ്ലാറ്റ്ഫോമില്‍ പോലീസിനെ കണ്ട് ഭയന്നുപോയ നിമിഷം വണ്ടി നീങ്ങിക്കഴിഞ്ഞു. പണമടങ്ങിയ ബാഗ് വണ്ടിക്കുള്ളിലെ യാചകനടുത്ത്. ഒരു ലക്ഷം മാര്‍ക്കാണ് അതിലുള്ളത് ,അത് ഉച്ചക്ക് പന്ത്രണ്ട് മണിക്ക് മുമ്പെ അധോലോക നായകനായ റോണിയുടെ ആള്‍ക്കാരെ ഏല്‍‌പ്പിച്ചില്ലെങ്കില്‍ മന്നിയെ കൊന്നുകളയും എന്നത് ഉറപ്പാണ്.കരഞ്ഞുകൊണ്ട് ഒരു ടെലഫോണീല്‍ ബൂത്തില്‍നിന്നും മന്നി തന്റെ ജീവന്‍ രക്ഷിക്കണമെന്നുപറഞ്ഞ് ലോലയെ വിളിക്കുകയാണ്. ഇരുപത് മിനിട്ട്കൊണ്ട് അവന്‍ നില്‍ക്കുന്ന സ്ഥലത്തെത്തണം പണവുമായി.എങ്ങനെയെങ്കിലും പണം കണ്ടെത്തണം..അവള്‍ പണവുമായി എത്തിയില്ലെങ്കില്‍ മന്നി തന്റെ അവസാനത്തെ ശ്രമം നടത്തും.ബൂത്തിനടുത്ത് കാണുന്ന സൂപ്പര്‍മാര്‍ക്കറ്റിലേക്ക് തോക്കുമായി കടന്ന് കൊള്ളയടിക്കും(ചിലപ്പോള്‍ ആ ശ്രമത്തില്‍ മരിച്ചുപോകും എന്നവനറിയാം).അവിടെ എത്തിക്കൊള്ളാമെന്നും അഹിതങ്ങളൊന്നും ചെയ്യരുതെന്നും അപേക്ഷിച്ച് അവള്‍ ഓട്ടം തുടങ്ങുന്നു.പറഞ്ഞ സമയത്തിനുള്ളില്‍ പണം കണ്ടെത്തി അവനടുത്തെത്താന്‍.
                      ഓട്ടം -ഒന്നാം സാധ്യത
          ബാങ്കറായ പപ്പയോട് പണം സഹായം ചോദിക്കാനാണു ലോലയുടെ തീരുമാനം.അവള്‍ വീട്ടില്‍നിന്നും ഇറങ്ങി ബാങ്കിലേക്ക് ഓടുകയാണ്.സ്റ്റേര്‍കേസില്‍ പട്ടിയുമായി നില്‍ക്കുന്നയാള്‍,ഫൂട്ട്പാത്തില്‍ ഒരു കുഞ്ഞുമായി നടന്നുപോകുന്ന സ്ത്രീ,വീട്ടില്‍ നിന്നും റോഡിലേക്ക് കാര്‍ ഇറക്കുന്ന പപ്പയുടെ സുഹൃത്തായ മേയര്‍, ഇവരെയൊക്കെ കടന്നാണ് ലോല ഓടുന്നത്.കാമുകിയായ സെക്രട്ടറിയുമായി പപ്പ വളരെ വ്യക്തിപരമായ കാര്യങ്ങള്‍ ഗൌരവത്തില്‍ സംസാരിച്ചുകൊണ്ടിരിക്കുന്ന മുറിയിലേക്കാണ് അനുവാദം ചോദിക്കാതെ അവള്‍ ഓടിക്കയറിയത്. അനവസരത്തിലുള്ള അവളുടെ വരവില്‍ പപ്പക്ക് അരിശം വരുന്നു.ആയാള്‍ പണം തരാന്‍ പറ്റില്ലെന്ന് അവളോട് ആക്രോശീക്കുന്നു. ആ മോശം സാഹചര്യത്തിലല്ലായിരുന്നു അവള്‍ അവിടെ വന്നതെങ്കില്‍ (ഒരു നിമിഷം കഴിഞ്ഞാല്‍ ആ സെക്രട്ടറി മുറിയില്‍ നിന്നും പുറത്തിറങ്ങുമായിരുന്നു.) പപ്പ അവളെ സഹായിക്കുമായിരുന്നു. സെക്രട്ടറിയുമായുള്ള തന്റെ അവിഹിത ബന്ധം മകള്‍ മനസ്സിലാക്കിയതിലുള്ള ഞെട്ടല്‍ മൂലം ദേഷ്യം വന്ന അയാള്‍ മകളുമായി വഴക്കിടുന്നു.ലോല താന്റെ മകളല്ലെന്നും മുഴുക്കുടിയയായ അവളുടെ അമ്മയെ ഉപേക്ഷിച്ച് പുതിയ ജീവിതം തുടങ്ങാന്‍ പോകുകയാണെന്നും ഒക്കെ പറഞ്ഞ് ലോലയെ ബാങ്കില്‍ നിന്നും പുറത്താക്കുന്നു.

പണം കിട്ടിയില്ലെങ്കിലും മന്നി സൂപ്പര്‍മാര്‍ക്കറ്റിലേക്ക് കയറും മുമ്പെ അവിടെയെത്തി തടയണമെന്നു തീരുമാനിച്ച് ലോല സര്‍വ്വ ശക്തിയും എടുത്ത് ഓടുകയാണ്...കാത്തുനിന്നു മടുത്ത മന്നി പന്ത്രണ്ട് മണിക്ക് തന്റെ തോക്കുമായി സൂപ്പര്‍മാര്‍ക്കറ്റിന്റെ ഡോര്‍ തുറന്ന് അകത്തേക്ക് കയറുന്നു.ലോല ഓടി വരുന്നുണ്ട്.ഒരു നിമിഷം മുമ്പെ എത്തിയിരുന്നെങ്കില്‍ മന്നിയെ തടയാമയിരുന്നു.വെടി പോട്ടിക്കഴിഞ്ഞു.കുറ്റവാളിയായിക്കഴിഞ്ഞു. ഇനി സമയം പിന്നിലേക്ക് വലിക്കാനാവില്ല. ലോലയും സങ്കടത്തോടെ അകത്ത് കടന്നു.ഇനി പ്രശ്നത്തില്‍നിന്നും പിന്നോട്ട് പോകാനാവില്ല.മന്നിക്കൊപ്പം അവളും കുരുക്കില്‍ അകപ്പെട്ടു കഴിഞ്ഞു.കൊള്ളയടിച്ച പണവുമായി ഓടുന്ന അവരെ തടഞ്ഞ പോലീസുകാരിലൊരാളുടെ തോക്കില്‍ നിന്നും അബദ്ധത്തില്‍ വെടി പൊട്ടി ലോല മരിക്കുന്നു.മരണത്തിനു മുമ്പുള്ള ലോലയുടെ മനസ്സിലെ നിമിഷങ്ങളാണ് നമ്മള്‍ പിന്നീട് കാണുന്നത്. രക്തംകുതിര്‍ത്ത ചുവപ്പാണു ദൃശ്യങ്ങള്‍ക്ക്.മന്നിക്കൊപ്പം അവളുടെ സഹശയനം.ആലിംഗനത്തിലമര്‍ന്നിരിക്കുന്ന ലോല അവന് തന്നോടുള്ള പ്രണയത്തിന്റെ ആത്മാര്‍ത്ഥതയാണ് ചോദിക്കുന്നത് .ചുവപ്പ് പ്രളയത്തില്‍ ലോലയുടെ ബോധം മറഞ്ഞ് മരണത്തിലേക്ക് ചുവപ്പ് രാശി അലിഞ്ഞുമാഞ്ഞ് പതിയെ ദൃശ്യം അവസാനിക്കുന്നു. ഇതാണ് ഒരു സാധ്യത.

         ഓട്ടം-രണ്ടാം സാധ്യത
        സിനിമ വീണ്ടും തെളിയുന്നത് മറ്റൊരു സാധ്യതയിലേക്കാണ്.ലോല മരിക്കുമായിരുന്നോ എന്ന ചോദ്യമാണ് സംവിധായകന്‍ ഉന്നയിക്കുന്നത്.അവള്‍ ബാങ്കിലേക്ക് എത്തുന്നത് ഒരു നിമിഷം വൈകിയിരുന്നെങ്കില്‍ എന്തായിരിക്കും സംഭവിക്കുക.സിനിമ വീണ്ടും ആദ്യം മുതല്‍ ആരംഭിക്കുന്നു. ഫോണ്‍ വിളികേട്ട് വീട്ടില്‍നിന്നും തെരുവിലേക്ക് ഓടിയിറങ്ങുന്ന ലോലയില്‍.ഫൂട്ട്പ്പാത്തില്‍ എതിരെ നടന്നു വരികയായിരുന്ന സ്ത്രീയെ ഇടിച്ച്പോയ അവള്‍ ഒരു നിമിഷം വൈകുന്നു.ലോല പപ്പയുടെ മുറിയിലെത്തിയപ്പോഴുണ്ടായ കാഴ്ച കുറേക്കൂടി മോശമായിരുന്നു.വാഗ്വാദങ്ങള്‍ പുതിയതലത്തിലേക്ക് വികസിച്ചു.പണം കിട്ടില്ലെന്നു മനസ്സിലാക്കിയ ലോല പെട്ടന്നുള്ള ദേഷ്യത്തില്‍ ബാങ്കിലെ കാവല്‍ക്കാരന്റെ കൈയിലെ തോക്ക് തട്ടിയെടുത്ത് ബാങ്കില്‍ നിന്നും ആവശ്യമുള്ള പണം കൈക്കലാക്കുന്നു.അവിടെനിന്നും ഓടി മന്നിയുടെ അടുത്തെത്തുന്നുവെങ്കിലും മന്നി ഒരു ചുവന്ന ആംബുലന്‍സ് വാന്‍ ഇടിച്ച് മരിക്കുന്നു.മരണത്തിനു തൊട്ടുമുമ്പുള്ള മന്നിയുടെ ബോധമാണ് പിന്നെ നമ്മള്‍ കാണുന്നത്.കിടക്കയില്‍ ലോലയോട് സംസാരിക്കുകയാണ് മന്നി...ലോലക്ക് തന്നോടൂള്ള സ്നേഹത്തിന്റെ ആത്മാര്‍ത്ഥതയെക്കുറിച്ചാണ് മന്നി ചോദിക്കുന്നത്..ചുവപ്പ് പ്രളയത്തില്‍ മന്നിയുടെ ബോധവും ജീവനും മായുന്നു.
   ഓട്ടം-മൂന്നാം സാധ്യത
               ലോലയുടെ വരവ് ഇനിയും ഒരുനിമിഷം കൂടി മാറിയിരുന്നെങ്കില്‍ എന്തായിരിക്കാം സംഭവിക്കുക എന്ന ഒരു സാധ്യത കൂടി സിനിമയില്‍ നാം കാണുന്നു.ടെലഫോണ്‍ ബെല്ലടിയില്‍ വീണ്ടും സിനിമ ആദ്യം മുതല്‍ ആരംഭിക്കുന്നു.ഓട്ടത്തിനിടയില്‍ പപ്പയുടെ സുഹൃത്തായ മേയറുടെ കാര്‍ റോട്ടിലേക്ക് ഇറങ്ങുന്നതിനു തൊട്ടുമുമ്പാണ് ലോല എത്തുന്നത്.(ഇതിനു മുമ്പുള്ള രണ്ട് സാധ്യതകളിലും ലോല കാര്‍ കാണുന്നുണ്ടെങ്കിലും മേയര്‍ അവളെ കാണുന്നില്ല..കാര്‍ റോട്ടിലേക്ക് ഇറങ്ങിക്കഴിഞ്ഞിരുന്നു. മേയര്‍ അവളെകണ്ട് നോക്കുന്ന നിമിഷം കാറില്‍ മറ്റൊരു കാര്‍ വന്നിടിക്കും.ഇപ്രാവശ്യം ലോലയെ കണ്ടതുകൊണ്ട് കാര്‍ നിര്‍ത്തി അവളോട് സംസാരിക്കുന്നു.ഒരു നിമിഷം.ആ സമയം മറ്റേകാര്‍ കടന്ന്പോയതുകൊണ്ട് കാറുകള്‍ കൂട്ടിയിടിക്കുന്നില്ല. പക്ഷെ ലോലയോട് സംസാരിക്കുന്നതിനാല്‍ ലോലയുടെ ഇത്തിരി നിമിഷങ്ങള്‍ നഷ്ടമാകുന്നു.ബാങ്കിലെത്തിയപ്പോള്‍ പപ്പ സുഹൃത്തായ മേയര്‍ക്കൊപ്പം പുറത്ത്പോയിക്കഴിഞ്ഞു.അഹിതമായ കാഴ്ചക്കുള്ള അവസരമുണ്ടായില്ല.(ആ പോക്കില്‍ ഇരുവരും അപകടത്തില്‍ പെട്ട് മരിച്ചുപോയിരുന്നു.)പപ്പയെ കാണാനാവതെ നിരാശയോടെ ബാങ്കില്‍ നിന്നും പുറത്തിറങ്ങിയ ലോല ഒരു ചൂതാട്ട കേന്ദ്രത്തില്‍ കയറുന്നു. കൈയിലുള്ള കുറച്ച് നാണയങ്ങള്‍ വെച്ച് അവള്‍ ഗാംബ്ലിംഗ് നടത്തുന്നു.നമ്പര്‍ ഇരുപതിലാണ് അവള്‍ പണം വെയ്ക്കുന്നത്(ഇരുപത് മിനുട്ടാണ് അവള്‍ക്ക് ബാക്കിയുള്ളത്).ബെറ്റ് വെച്ച് നിമിഷങ്ങള്‍ കൊണ്ട് ലക്ഷങ്ങള്‍ നേടുന്നു.പണവുമായി ഓടി മന്നിയുടെ അരികില്‍ കൃത്യസമയത്ത് തന്നെ എത്തുന്നു.
         ഇതേസമയം ഒരു അന്ധനില്‍ നിന്നും ഇരന്നു വാങ്ങിയ ടെലഫോണ്‍ കാര്‍ഡുപയോഗിച്ച് പലരോടും മന്നി സഹായം അഭ്യര്‍ത്ഥിക്കുന്നുണ്ട്. കാര്‍ഡ് തിരിച്ചേല്‍‌പ്പിക്കുമ്പോള്‍ നിമിഷത്തിന്റെ വ്യത്യാസത്തില്‍ ട്രയിനില്‍ വച്ച് തന്റെ പണം കൈക്കലാക്കിയ യാചകനെ സൈക്കിളില്‍ കടന്നു പോകുന്നത്കാണുന്നു. അയാളെ ഓടിച്ച് പിടിച്ച് കൈത്തോക്ക് പകരം നല്‍കി പണം തിരിച്ച് വാങ്ങുന്നു.
   ലോല പണവുമായി മന്നിക്കരികില്‍ എത്തുമ്പോള്‍ കാണുന്നത് പ്രശ്നങ്ങള്‍ എല്ലാം അവസാനിച്ച സ്വസ്ഥമായ ഒരു അവസ്ഥയാണ്.സന്തോഷപൂര്‍വം ഡോണായ റൂണിയൂടെ കൈപിടിച്ച് കുലുക്കി കാറില്‍നിന്നും പുറത്തിറങ്ങുകയാണ് മന്നി.ശുഭപര്യവസാനിയായ സിനിമ .നിന്റെ ബാഗിലെന്താണെന്നു മന്നി ലോലയോട് ചോദിക്കുന്നിടത്ത് സിനിമ അവസാനിക്കുന്നു.
     ഓട്ടത്തിനിടയില്‍ ലോല ഇടപെടുന്നവരും അവള്‍ കടന്നുപോകുന്നവരും ഒരോ സാധ്യതകളിലും വ്യത്യസ്ഥ അവസ്ഥകളിലാണ് ഉള്ളത് എന്ന് സ്റ്റില്‍ ഫോട്ടോകള്‍ ,ഫാസ്റ്റ് ഫ്ലാഷ്ഫോര്‍വേര്‍ഡുകള്‍,എന്നിവ ഉപയോഗിച്ച് സംവിധായകന്‍ കാട്ടിത്തരുന്നുണ്ട്. രണ്ടാം ഓട്ടത്തില്‍ മന്നിയെ ഇടിച്ച് കൊല്ലുന്ന ചുവന്ന ആംബുലന്‍സ് മറ്റ് രണ്ട് സാധ്യതകളിലും വേറെ അവസ്ഥകളില്‍ നാം കാണുന്നുണ്ട്.ഇനിയും രണ്ടോ മൂന്നോ നിമിഷങ്ങള്‍ മുന്നോട്ടോ പിറകോട്ടോ ആയാലും ലോലയുടെ ജീവിതം വേറെവിധത്തിലായിരിക്കാം.
   ഇരുപത് മിനുട്ട് കൊണ്ട് നടക്കുന്ന സംഭവങ്ങളുടെ മൂന്നു റീവൈന്റുകളാണ് ഈ 76 മിനുട്ട് സിനിമ.30 എം.എം കളര്‍/ മോണോക്രോം ഫിലീമുകള്‍ ഉപയോഗിച്ച് വീഡിയോ ഫൂട്ടേജുകളും ,കാര്‍ട്ടൂണ്‍ അനിമേഷനുകളും, നിശ്ചല ചിത്രങ്ങളും,ഫില്‍ട്ടറുകളും ഒക്കെ ഉപയോഗിച്ചുള്ള വ്യത്യസ്ഥമായ ട്രീറ്റ്മെന്റാണ് ടോം ടിക് വേര്‍ ഈ സിനിമയില്‍ ഉപയോഗിച്ചിരിക്കുന്നത്.ആദ്യന്തം സമയത്തിന്റെ പാച്ചില്‍ ലോലക്കൊപ്പം നമ്മെ അനുഭവിപ്പിക്കാന്‍ ഇതിന്റെ ചടുലമായ പശ്ചാത്തലസംഗീതത്തിനു സാധിക്കുന്നുണ്ട്.ലോല മന്നിയുടെ അരികില്‍ അവസാനം എത്തുന്ന സീനില്‍-സൂപ്പര്‍ മാര്‍ക്കറ്റ് കൊള്ളയടിക്കാന്‍ കയറുന്ന മന്നിയും അതേ നിമിഷം ഓടിവരുന്ന ലോലയും വെറും നിമിഷാര്‍ദ്ധത്തിന്റെ വ്യത്യാസത്തിലാണ് ഉള്ളത് എന്നു കാണിക്കാന്‍ സ്പ്ലിറ്റ് സ്ക്രീന്‍ ആണ് സംവിധായകന്‍ ഉപയോഗിക്കുന്നത്. ലോലയുടെ ഓട്ടം വളരെ സജീവമായി നമുക്കനുഭവപ്പെടാന്‍ ലോങ്ങ് ഷോട്ടുകളൂടെയും,ക്ലോസപ്പ്കളുടെയും അതിമനോഹരമായ സമ്മിശ്രണം ടോം ടിക് വേര്‍ ഉപയോഗിച്ചിരിക്കുന്നു.
                  പുതുമയാര്‍ന്ന അഖ്യാന ശൈലി ലോകമെങ്ങും ഈ സിനിമക്ക് നല്ല സ്വീകരണത്തിന് കാരണമായി. നിരവധി പുരസ്കാരങ്ങളും ഈ സിനിമ നേടി.തീജ്വാല നിറമുള്ള മുടിയുമായി ലോലയായി അഭിനയിച്ച ഫ്രാങ്ക പൊട്ടന്റ് മനോഹരമായ വേഷപ്പകര്‍ച്ചയാണ് നടത്തുന്നത്.’വിഷ്’ എന്ന ഗാനം രചിച്ച് ആലപിച്ചിരിക്കുന്ന ഇവര്‍ തന്നെയാണ് സംവിധയകനൊപ്പം ചേര്‍ന്ന് സിനിമയുടെ സൌണ്ട് ട്രാക്കും ഒരുക്കിയിരിക്കുന്നത്.ഒരു സംഗീത വീഡിയോ എന്ന തരത്തില്‍ പോലും ആസ്വദിക്കാനാകുംവിധമാണ് പശ്ചാത്തലശബ്ദം സിനിമയുമായി ചേര്‍ന്നു നില്‍ക്കുന്നത്.സംഭവങ്ങളുടെ അസംഭവ്യത എന്നൊന്നില്ല എന്നും സമയം എന്നത് സാധ്യതകളുടെ ഒരു സാധ്യതമാത്രമാണെന്നും ഈ സിനിമ നമ്മെ ഓര്‍മ്മിപ്പിച്ചുകൊണ്ടേയിരിക്കും

റൺ ലോല റൺ

noreply@blogger.com (vijayakumarblathur) — Thu, 02 Dec 2010 17:23:00 +0000

ഫാദർ

noreply@blogger.com (vijayakumarblathur) — Sun, 17 Oct 2010 23:57:00 +0000

1996/ഇറാന്‍/കളര്‍/96 മിനുട്ട്/ഫാര്‍സി സംവിധാനം: മാജിദ് മാജിദി മാജിദ് മാജിദിയുടെ സിനിമകളില്‍ പ്രധാന പ്രത്യേകത അതിന്റെ ലാളിതവും സാധാരണവുമായ കഥ പറച്ചില്‍ രീതിയാണ്. കഥാപാത്രങ്ങള്‍ ഇറാനിലെ തെരുവുകളിലും ഗ്രാമങ്ങളിലും എപ്പഴും കാണാവുന്ന നന്മകള്‍ നിറഞ്ഞ കുട്ടികളും പച്ചമനുഷ്യരും...1996ല്‍ നിര്‍മ്മിച്ച ‘ഫാദര്‍ ‘ എന്ന ഇറാനിയന്‍ സിനിമ മെഹ്രുള്ള എന്ന പതിനാലുവയസ്സുകാരന്റെ കഥയാണ്. അവന്റെ പ്രിയപ്പെട്ട അച്ഛന്‍ ഒരു മോട്ടോര്‍ സൈക്കിള്‍ അപകടത്തില്‍ മരിച്ചുപോയി. അമ്മയും മൂന്നു കുഞ്ഞനുജത്തിമാരുമടങ്ങിയ കുടുംബം പോറ്റാന്‍ വിദൂരമായ ദക്ഷിണ ഇറാനിലെ തുറമുഖപട്ടണത്തില്‍ കുഞ്ഞു ജോലികള്‍ ചെയ്തു പണം സ്വരുക്കൂട്ടുകയാണവന്‍. മാസങ്ങള്‍ക്ക് ശേഷം ഗ്രാമത്തിലേക്ക് തിരിച്ച് പോകാനുള്ള ഒരുക്കങ്ങളുമായി നില്‍ക്കുന്ന മെഹ്രുള്ളയിലാണ് സിനിമ ആരംഭിക്കുന്നത്. അവന്‍ വലിയ സന്തോഷത്തിലും ആവേശത്തിലും ആണ്. അമ്മയ്ക്കും കുഞ്ഞനുജത്തിമാര്‍ക്കും നല്‍കാന്‍ അവന്‍ വാങ്ങിക്കൂട്ടിയ ഉടുപ്പുകളും ആഭരണങ്ങളും മറ്റും പൊതിഞ്ഞു കെട്ടുകയാണവന്‍. കൂട്ടത്തില്‍ മരിച്ചു പോയ അച്ഛന്റെ കൂടെയുള്ള ഒരു ഫോട്ടോയും അവന്‍ കരുതുന്നുണ്ട്. ബസ്സില്‍ ദിവസങ്ങള്‍ നീണ്ട യാത്രക്കൊടുവില്‍ മെഹ്രുള്ള നാട്ടിലെത്തുന്നു. പഴയ കളിക്കൂട്ടുകാരന്‍ ലത്തീഫാണ് ഞെട്ടിക്കുന്ന ആ വാര്‍ത്ത അവനോട് പറഞ്ഞത് .അതവന് വിശ്വസിക്കാനും, ഉള്‍ക്കൊള്ളാനും, അംഗീകരിക്കാനും, സഹിക്കാനും കഴിയാത്തതായിരുന്നു.കേട്ടയുടനെയുള്ള അരിശത്തിന് അവന്‍ ലത്തീഫിനെ അടിച്ചു പോകുന്നു. രണ്ട് മാസം മുമ്പ് അമ്മ ഒരു പോലീസുദ്യോഗസ്ഥനെ വിവാഹം കഴിച്ചത്രെ..ഇപ്പോള്‍ അമ്മയും അനുജത്തിമാരും ആയാള്‍ക്കൊപ്പമാണു താമസിക്കുന്നത്. പോലീസ് ഉദ്യോഗസ്ഥന്ന്റ്ന്റെ വീട്ടിനുമുന്നിലെത്തിയ മെഹ്രുള്ള അമ്മയ്ക്കും അനുജത്തിമാര്‍ക്കും നല്‍കാനായി അവന്‍ പണിപ്പെട്ടുവാങ്ങിയ സധനങ്ങള്‍ ഒക്കയും ഗൈറ്റില്‍ വലിച്ചെറിഞ്ഞ് തിരിച്ച് നടക്കുന്നു.. ആ പോലീസുകാരനെ അച്ഛനായി അംഗീകരിക്കാന്‍ അവന്‍ ഒരുക്കമല്ല. അവന്‍ ഇത്രമാത്രം കഷ്ടപ്പെ ട്ടത് എന്തിനായിരുന്നു എന്നാണവന്‍ ചിന്തിക്കുന്നത്. അമ്മയെ തട്ടിയെടുത്ത ആയാളോട് അവനു പകയും തന്നെ വെറും കുഞ്ഞായി മാത്രം കണ്ട അമ്മയോട് അരിശവും ഉണ്ട്

അവന്റെ അച്ഛന്റെ പഴയ വീട് വൃത്തിയാക്കി അവിടെ ലത്തീഫിനൊപ്പം താമസിക്കുകയാണ് മെഹ്രുള്ള. ആ പോലീസുകാരനെക്കുറിച്ച് നാട്ടുകാര്‍ക്ക് നല്ല അഭിപ്രായമാണെന്നാണ് ലത്തീഫ് അവനോട് പറയുന്നത്. .ആരുമില്ലാത്ത അവന്റെ അമ്മയേയും അനിയത്തിമാരേയും ഇക്കാലമത്രയും പൊന്നുപോലെ നോക്കിയത് അയാളാണ്. അനിയത്തിക്കുട്ടിക്ക് കാര്യമായ അസുഖം വന്നപ്പോള്‍ വളരെയധികം പണം ചിലവഴിച്ച് ചികിത്സിച്ച് രക്ഷിച്ചത് അയാളാണ്. മെഹ്രുള്ള ഇതൊന്നും കേള്‍ക്കാന്‍ സന്നദ്ധമല്ലായിരുന്നു.അത്രക്കധികം പകയുണ്ട് അവന്‍ അയാളോട്.
പിറ്റേദിവസം താന്‍ സ്വരുക്കൂട്ടിയുണ്ടാക്കിയ പണമെല്ലാം എടുത്ത് പോലീസുദ്യോഗസ്ഥന്റെ വീട്ടിലെത്തി അയാള്‍ക്ക് നേരെ വലിച്ചെറിഞ്ഞ്- “എന്റെ അനിയത്തിയെ ചികിത്സിക്കാന്‍ നിങ്ങള്‍ ചിലവഴിച്ച പണമിതാ എടുത്തോളു എനിക്കെന്റെ അനിയത്തിയെ തിരിച്ച് തരൂ“ എന്ന് അവന്‍ ആക്രോശിക്കുന്നു. പ്രായത്തിന്റെയും അനുഭവങ്ങളുടെയും പക്വത മെഹ്രുള്ളയെ മനസ്സിലാക്കാന്‍ ആ പോലീസുകാരനെ സന്നദ്ധമാക്കുന്നുണ്ട്. അയാള്‍ മെഹ്രുള്ളയെ അനുനയിപ്പിക്കാനും കൂടെ താമസിക്കാനും പ്രേരിപ്പിക്കുന്നുണ്ട് .പക്ഷെ മെഹ്രുള്ളയുടെ ദേക്ഷ്യം കൂടുന്നേയുള്ളു. ആരും സഹായിക്കാനില്ലാത്ത ദുരിതകാലത്ത് സ്നേഹവും അനുകമ്പയുമായി കൂടെനിന്ന ആ മനുഷ്യന്റെ നന്മക്കും മകനോടുള്ള സ്നേഹത്തിനും ഇടയിലെ വല്ലാത്ത സംഘര്‍ഷത്തിലാണ് അവന്റെ അമ്മ.

ഒരു ദിവസം ലത്തീഫിന്റെ സഹായത്തോടെ മെഹ്രുള്ള അനിയത്തിമാരെ ആരുമറിയാതെ പോലീസുദ്യോഗസ്ഥന്റെ വീട്ടില്‍ നിന്നും കൂട്ടി തന്റെകൂടെ പഴയവീട്ടിലേക്കു കൊണ്ടുവരുന്നു. കുട്ടികളെ കാണാതെ അങ്കലാപ്പിലായ അമ്മയും രണ്ടാനച്ഛനും അവസാനം അവന്റെ അരികിലെത്തുന്നു. പക്ഷെ പനിപിടിച്ച് അവശനായിക്കിടക്കുകയായിരുന്നു മെഹ്രുള്ള. പോലീസുകാരന്‍ സ്നേഹത്തോടെ അവനെ തന്റെ വീട്ടിലേക്ക് കൂട്ടുന്നു-ശുശ്രൂഷിക്കുന്നു. അസുഖം മാറിയ മെഹ്രുള്ളയുടെ മനസ്സിലെ പക പക്ഷെ കെട്ടടങ്ങീട്ടില്ലായിരുന്നു. തന്റെ ശത്രുവിനെ കൊല്ലാന്‍ തന്നെ അവന്‍ തീരുമാനിക്കുന്നു. അതിനായി പോലീസുകാരന്റെ സര്‍വീസ് റിവോള്‍വര്‍ അയാളുടെ യൂനിഫോമില്‍ നിന്നും കട്ടെടുത്തു. കൊല്ലാനുള്ള ശ്രമം പരാജയപ്പെട്ടപ്പോള്‍ രാത്രിയില്‍ തന്നെ ലത്തീഫിനൊപ്പം അവന്‍ നാടുവിടുന്നു.

കുട്ടിത്തം മാറാത്ത മെഹ്രുള്ളയോട് അനുകമ്പയും സ്നേഹവും മാത്രംഇത്രയും നാളും പ്രകടിപ്പിച്ചിരുന്ന പോലീസുകാരന് ഇത് സഹിക്കാനാവുന്നതായിരുന്നില്ല. ഏതുവിധേനയും തന്റെ സര്‍വീസ് റിവോള്‍വര്‍ തിരിച്ച്കിട്ടേണ്ടത് അയാളുടെ ആവശ്യമായിരുന്നു. തന്റെ മോട്ടോര്‍ സൈക്കിളില്‍ മെഹ്രുള്ളയെ അന്വേഷിച്ചുള്ള ദീര്‍ഘയാത്ര ആരംഭിക്കുന്നു. നീണ്ട അന്വേഷണങ്ങള്‍ക്കൊടുവില്‍ രണ്ടു കുട്ടികളേയും നഗരത്തില്‍ കണ്ടെത്തുന്നു. ലത്തീഫിനെ ഒരു ബസ്സില്‍ നാട്ടിലേക്കയക്കുന്നു. മെഹ്രുള്ളയെ വിലങ്ങണിയിച്ച് മോട്ടോര്‍ സൈക്കിളില്‍ പുറകില്‍ ഇരുത്തി നാട്ടിലേക്ക് യാത്ര ആരംഭിക്കുന്നു. ഒരു ശിലപോലെ ഇരിക്കുകയാണ് മെഹ്രുള്ള. ഇറാനിലെ കുന്നുകളും മലമ്പാതകളും തനിക്ക് മനപ്പാഠമാണെന്നും നിരവധി കള്ളക്കടത്തുകാരെ തന്റെ സര്‍വീസുകാലയളവില്‍ ധീരമായി പിടികൂടീട്ടുണ്ടെന്നും ഒക്കെ നിര്‍ത്താതെ പറയുന്നുണ്ട് പോലീസുകാരന്‍.

തനിച്ചുള്ള അവരുടെ ദീര്‍ഘയാത്ര പരസ്പരമുള്ള അശയവിനിമയത്തിന് പതുക്കെ നിര്‍ബന്ധിക്കുന്നുണ്ട്. പങ്കുവെക്കലുകള്‍ക്കും .. നിന്റെ അമ്മയേയും അനിയത്തിമാരേയും രക്ഷിച്ചതാണോ ഞാന്‍ ചെയ്ത കുറ്റം എന്നയാള്‍ മെഹ്രുള്ളയോട് ചോദിക്കുന്നുണ്ട്.
യാത്രക്കിടയില്‍ ലഭിച്ച ഒരു അവസരത്തില്‍ അവന്‍ മോട്ടോര്‍ സൈക്കിള്‍ കൈക്കലാക്കി രക്ഷപ്പെടാന്‍ ശ്രമിക്കുന്നു. അവന്റെ അച്ഛന്‍ ചെറുപ്പത്തിലേ അവനെ അദ്ദേഹത്തിന്റെ മോട്ടോര്‍ സൈക്കിള്‍ ഓടിക്കാന്‍ പഠിപ്പിച്ചിട്ടുണ്ട്. പക്ഷെ മലമ്പാതകളിലെ കുറുക്കു വഴികള്‍ പരിചയമുള്ള പോലീസുദ്യോഗസ്ഥന്‍ അവനെ വേഗംതന്നെ പിടികൂടുന്നു. പിന്നീട് വിലങ്ങ് സൈക്കിളുമായി ബന്ധിച്ചാണ് യാത്ര. വരണ്ടുണങ്ങിയ മരുഭൂമിയിലൂടെയുള്ള ദീര്‍ഘയാത്ര രണ്ടു വ്യക്തികളുടെ മനസ്സുകളെ അടുപ്പിക്കും. സിനിമയില്‍ സംവിധായകന്‍ അരമണിക്കൂറോളം ഈ യാത്രക്കായാണ് നീക്കിവെച്ചിരിക്കുന്നത് . എണ്ണ തീര്‍ന്ന് മോട്ടോര്‍ സൈക്കിള്‍ ഉപേക്ഷിക്കേണ്ടിവരുന്നു. പിന്നീട് യാത്ര വീശിയടിക്കുന്ന പൊടിക്കറ്റിലൂടെ നടന്നാണ് . ഓടിപ്പോകാതിരിക്കാന്‍ മെഹ്രുള്ളയുടെ വിലങ്ങ് തന്റെ കൈയുമായി ചേര്‍ത്ത് ബന്ധിച്ചാണ് പോലീസുകാരന്‍ നടക്കുന്നത്. ദിക്കറിയാതെ മരു വിശാലതയില്‍ വെള്ളവും തണലുമില്ലാതെ മണല്‍കാറ്റിലൂടെ എങ്ങോട്ടെന്നറിയാതെ അവര്‍ നടക്കുകയാണ്.അവസാനം ബാക്കിയുള്ള ഒരു കവിള്‍ വെള്ളം കൂടിക്കാനായും മുമ്പ് അയാള്‍ തളര്‍ന്ന മെഹ്രുള്ളയുടെ മുഖത്തേക്ക് നോക്കുന്നു. പോലീസുകാരനിലെ മനുഷ്യത്വത്തിന്റെ ജ്വാലകള്‍ മാജിദി നമുക്ക് മുന്നില്‍ വെളിവാക്കുന്നത് - ആ ജീവ ജലം അയാള്‍ കുട്ടിക്ക് നേരെ നീട്ടുന്ന ദൃശ്യത്തിലൂടെയാണ്. ഒരടിപോലും ഇനി മുന്നോട്ട് നടക്കാനാവാത്തവിധം അവര്‍ തളര്‍ന്നുകഴിഞ്ഞു.

വരണ്ടുണങ്ങിയ ഒരു കിണര്‍ അവര്‍ കണ്ടെത്തിയതല്ലാതെ ഒരു തുള്ളിവെള്ളം എവിടെയുമില്ല...യാത്ര മരണത്തിലേക്ക് നീളുകയാണ്. പോലീസുകാരന്‍ കൈവിലങ്ങുകള്‍ അഴിച്ച് മെഹ്രുള്ളയോട് എങ്ങനെയെങ്കിലും രക്ഷപ്പെട്ടുക്കൊള്ളന്‍ പറയുന്നു. കുട്ടിയായ അവന് ഇത്തിരികൂടി ഊര്‍ജ്ജം ബാക്കിയുണ്ട്. അയാള്‍ക്ക് വലിയ ശരീരം താങ്ങി ഇനി ഒട്ടും മുന്നോട്ടു നടക്കാനാവില്ല.തന്റെ അധികാരവും ആരോഗ്യവും പ്രകൃതിയുടെ രൌദ്രതക്ക്മുന്നില്‍ നിസ്സാരമെന്ന് അയാള്‍ തിരിച്ചറിയുന്നു. ശരീരത്തിലെ ജലാംശം വറ്റി അയാള്‍ തളര്‍ന്ന് വീഴുന്നു. താന്‍ കൊല്ലാന്‍ തക്കം പാര്‍ത്ത് നിന്ന തന്റെ ശത്രുവിനെ പക്ഷെ മരണത്തിനു വിട്ടുകൊടുത്ത് നടന്ന് നീങ്ങാന്‍ മെഹ്രുള്ളക്ക് ആവുന്നില്ല..യാത്രക്കിടയില്‍ പതുക്കെയെങ്കിലും അവന്‍ ആ പോലീസുകാരന്റെ സ്നേഹം തിരിച്ചറിഞ്ഞുതുടങ്ങിയിരുന്നു. പൊടിമണലില്‍ വീണു കിടക്കുന്ന അയാളെ ആദ്യമായി അലിവോടെ അവന്‍ സ്പര്‍ശിക്കുന്നു. അയാളെ താങ്ങിയെടുത്ത് നടക്കാന്‍ അവനാകുന്നില്ല. അവന്‍ സങ്കടം കൊണ്ട് കരഞ്ഞുപോകുന്ന്. ചുറ്റും നോക്കിയപ്പോള്‍ ദൂരെ ഒട്ടകങ്ങള്‍ നടന്നുപോകുന്നത് അവന്‍ കാണുന്നു.. അവന്‍ അങ്ങോട്ടോടുന്നു..അവിടെ ഒരു ചെറിയ നീരുറവ..വെള്ളം എടുത്തുകൊണ്ട്പോകാന്‍ പാത്രമില്ലാത്തതിനാല്‍ അവന്‍ തന്റെ ഷര്‍ട്ട് വെള്ളത്തില്‍ കുതിര്‍ത്ത് അതുമായി തിരിച്ച് ഓടി പോലീസുകാരനരികിലെത്തുന്നു..ഇല്ല അതുകൊണ്ടൊന്നും കാര്യമില്ല..ആയാളുടെ വലിയ ശരീരം വലിച്ചും ഇഴച്ചും അവന്‍ ആ നീരുറവയിലെത്തിക്കുന്നു..വെള്ളത്തിന്റെ നനവില്‍ ആയാളില്‍ ജീവന്റെ ചലനങ്ങള്‍ വീണ്ടും പ്രത്യക്ഷപ്പെടുന്നു..തളര്‍ന്ന് അയാള്‍ക്കരികില്‍ വീണുകിടക്കുകയാണ് മെഹ്രുള്ളയും..പോലീസുകാരന്റെ പോക്കറ്റില്‍ നിന്നും ഒരു ഫോട്ടൊ വെള്ളത്തിലൂടെ ഒലിച്ച് മെഹ്രുള്ളയുടെ അരികിലേക്ക് വരുന്നു..തന്റെ അമ്മയ്ക്കും അനിയത്തിമാര്‍ക്കും ഒപ്പം ആ പോലീസുകാരന്‍ നില്‍ക്കുന്ന ഫോട്ടോ..ഇതുപോലൊരു നീരരുവിയില്‍ മെഹ്രുള്ളക്ക് അവന്റെ അച്ചനൊപ്പമുള്ള ഒരു ഫോട്ടോ നഷ്ടപ്പെടുന്ന ഒരു ദൃശ്യം മുന്നെ നാം കാണുന്നുണ്ട്..താന്‍ ഒരു പുതിയ കുടുംബത്തിലേക്ക് കണ്ണിചേര്‍ക്കപ്പെടുന്നത് മെഹ്രുള്ള അറിയുന്നു..ഹൃദയസ്പര്‍ശിയായ ഈ ദൃശ്യത്തിലാണ് മാജിദിയുടെ “ഫാദര്‍’ അവസാനിക്കുന്നത്.
സമകാലികരായ ഇറാനിയന്‍ സംവിധായകരായ ‍-ജാഫര്‍ പനാഹി,ബാഹ് മാന്‍ ഒബാദി എന്നിവരൊക്കെ ഇറനിലെ വംശീയവും ലിംഗപരവും സാമൂഹികവുമായ അസമത്വങ്ങളും അസംതൃപ്തികളുമാണ് വിശകലനം ചെയ്തതെങ്കില്‍ മാജിദി ലോകത്തെവിടെയും പ്രസക്തമായ മാനുഷിക പ്രശ്നങ്ങള്‍ ഇറാനിയന്‍ ഭൂപ്രകൃതിയില്‍ പറയുകയാണ്. ജീവിത സമസ്യകളും ആത്മ സംഘര്‍ഷങ്ങളും കുഞ്ഞുമനസ്സുകളിലെ അരക്ഷിതബോധവും സ്നേഹതൃഷ്ണയും വിശദീകരിക്കുന്ന റിയലിസ്റ്റിക്കായ കുഞ്ഞു സിനിമകള്‍. വളച്ചു കെട്ടുകളും സങ്കീര്‍ണതകളുമില്ലാത്ത ലളിതമായ ആഖ്യാന രീതി. അര്‍ത്ഥവ്യാപ്തിയുള്ള മാജീദിയന്‍ സ്പര്‍ശമുള്ളചില ദൃശ്യങ്ങള്‍ ഇടയില്‍ ചേര്‍ക്കുകയും ചെയ്യും. ആശ്വസിപ്പിക്കാനാരുമില്ലാത്തവരെ തഴുകുന്ന വര്‍ണ്ണ മത്സ്യങ്ങളും പ്രതീക്ഷകൈവിടും നേരത്ത് പ്രത്യശയുടെ കിരണമായി ജഢശരീരങ്ങളിലെ ജീവന്റെ തുടിപ്പുകളും ഇദ്ദേഹത്തിന്റെ പല സിനിമകളിലും പ്രത്യക്ഷപ്പെടുന്നുണ്ട് .പ്രതിനായകരില്ലാത്തതാണു മാജിദിയുടെ സിനിമകള്‍ പലതും..രണ്ടാനച്ഛന്‍(ഒരു പോലീസുകാരന്‍ പ്രത്യേകിച്ചും) എന്നത് പ്രേക്ഷകരുടെ മനസ്സിലും മെഹ്രുള്ളയുടെ മനസ്സിലെന്ന പോലെ പ്രതിസ്ഥാനത്താണ് സിനിമയുടെ ആരംഭത്തില്‍‍..പക്ഷെ സര്‍വരിലും നന്മ കാണുന്നതാണ് മാജിദിയുടെ ലോകവീക്ഷണം.‘ഫാദര്‍‘എന്ന സിനിമ അതുകൊണ്ടുതന്നെ പ്രസരിപ്പിക്കുന്നത് ശുഭാപ്തിനിറഞ്ഞ നന്മയുടെ പ്രകാശമാണ്

ചിൽഡ്രൺ ഓഫ് ഹെവൻ

noreply@blogger.com (vijayakumarblathur) — Thu, 14 Oct 2010 08:35:00 +0000

ഇറാൻ/പേർഷ്യൻ/1997/കളർ/89 മിനുട്ട്
സംവിധാനം: മാജിദ് മാജിദി

പിങ്ക് നിറമുള്ള ഒരു കുഞ്ഞ് ചെരുപ്പാണ് മാജിദ് മാജിദി 1997 ൽ സംവിധാനം ചെയ്തു പുറത്തിറങ്ങിയ ‘ചിൽഡ്രൺ ഓഫ് ഹെവൻ’ എന്ന ഇറാനിയൻ ചലചിത്രത്തിലെ കേന്ദ്രബിന്ദു . അലി എന്ന ഒമ്പതുവയസ്സുകാരൻ അനിയത്തി സാറയുടെ നിറം മങ്ങി പിഞ്ഞിയ പഴയ ഷൂ ചെരുപ്പ്കുത്തിയുടെ അരികിൽ നന്നാക്കാൻ കൊണ്ടുപോയിരിക്കയാണ്. തുന്നിക്കൊണ്ടിരിക്കുന്ന ചെരുപ്പിന്റെ എക്സ്ട്രീം ക്ലോസ്സപ്പുകളുടെ പശ്ചാത്തലത്തിലാണ് ടൈറ്റിലുകൾ തെളിയുന്നത്. നന്നാക്കി കിട്ടിയ ചെരുപ്പ് ഒരു കറുത്ത പ്ലാസ്റ്റിക്ക് സഞ്ചിയിൽ പൊതിഞ്ഞെടുത്ത ശേഷം മാർക്കറ്റിൽ വീട്ടു സാധനങ്ങൾ വാങ്ങുകയാണ് അലി. പച്ചക്കറിക്കടയുടെ പുറത്തൊരിടത്ത് ചെരുപ്പ് പൊതി വെച്ചാണ് അലി കടക്കുള്ളിൽ പോയി ഉരുളക്കിഴങ്ങ് തിരഞ്ഞെടുക്കുന്നത്. ഇതിനിടയിൽ അതു വഴി വന്ന അന്ധനായ ഉന്തുവണ്ടിക്കാരൻ കടയിലെ പഴയ പ്ലാസ്റ്റിക് വേസ്റ്റുകൾ പെറുക്കി കൊണ്ടുപോകുന്നതിനിടയിൽ അറിയാതെ ചെരുപ്പിട്ട ബാഗും അതോടൊപ്പം കൊണ്ടുപോകുന്നു. സാധനം വാങ്ങി പുറത്തിറങ്ങിയ അലി തന്റെ ചെരുപ്പ്കാണാതെ ബേജാറായി.താൻ ചെരുപ്പ് വച്ച സ്ഥലത്ത് കൂടുതൽ പരതുന്നതിനിടയിൽ പച്ചക്കറിപെട്ടികൾ താഴെവീണു ചിതറി. കടം പറയുന്നതിനാൽതന്നെ അലിയെ ഇഷ്ടമില്ലാതിരുന്ന കടക്കാരന് ഇതുകൂടിയായപ്പോൾ കലിവന്നു. അയാൾ ചീത്തപറഞ്ഞ് അലിയെ ഓടിക്കുന്നു.

ചെരുപ്പ് നഷ്ടപ്പെട്ടതിന്റെ സങ്കടവുമായാണ് അലി വീട്ടിലെത്തുന്നത്.അപ്പോൾ കേൾക്കുന്നത് വാടക അഞ്ചുമാസം കുടിശികയായതിന് അമ്മയെ വീട്ടുടമ ചീത്തപറയുന്നതാണ്. സാറക്ക് ഒരു ചെരുപ്പ് വാങ്ങിനൽകാനുള്ള പണം വീട്ടിലില്ലെന്നവനറിയാം. തന്റെ ചെരുപ്പ് നഷ്ടപ്പെടുത്തിയാണ് അലി വന്നിരിക്കുന്നതെന്നറിഞ്ഞ സാറ കരച്ചിലിന്റെ വക്കിലാണ്. വിവരം വീട്ടിലറിഞ്ഞാൽ കുഴപ്പമാകുമെന്ന് അലിക്കറിയാം. ഈ കാര്യം ആരോടും പറയരുതെന്ന് അലി സാറയോട് കെഞ്ചുന്നു..
അലി ഒരുപ്രാവശ്യം കൂടി ആ കടയിൽ പോയി നോക്കുന്നു. ഇല്ല എവിടെയും ഇല്ല..അതിനിടയിൽ അലിയെ വീണ്ടും കണ്ടപ്പോൾ കടക്കാരന് ദേഷ്യം വരുന്നു.ഈ കുഴപ്പങ്ങൾക്കിടയിൽ അമ്മയെ ജോലിയിൽ സഹായിക്കനോ കുഞ്ഞിനെ നോക്കാനോ അലിക്ക് പറ്റിയില്ല. അച്ഛൻ തിരിച്ചെത്തിയപ്പോൾ രോഗിയായ അമ്മയെ സഹായിക്കാത്തതിന് അവന് നല്ല വഴക്ക് കിട്ടുന്നു. ഒമ്പത് വയസ്സായ അവൻ കുറേക്കൂറ്റി ഉത്തരവാദിത്വം കാണിക്കണം എന്നാണ് അച്ഛൻ പറയുന്നത്. അമ്മയെ ചികിത്സിക്കാനും കുടുംബം പോറ്റാനുംവേണ്ട പണം തന്റെ ചെറിയ ജോലിയിൽ നിന്നും അയാൾക്ക് കിട്ടുന്നില്ല.

                      നാളെ ചെരുപ്പില്ലാതെ താനെങ്ങനെ സ്കൂളിൽ പോകും എന്ന കാര്യമാണ് സാറയെ കുഴക്കുന്നത്. അച്ഛന്റെയും അമ്മയുടെയും മുമ്പിൽ ഈ കാര്യം ചർച്ച ചെയ്യാനും പറ്റില്ല. അവൾ തന്റെ ഹോം വർക്ക് ചെയ്യുന്നതിനിടയിൽ നോട്ടുബുക്കിൽ ഈ ചോദ്യമെഴുതി ഏട്ടന്റെ മുന്നിലേക്ക് നീക്കി വയ്ക്കുന്നു. മറുപടി അലി അവന്റെ നോട്ടിലേഴുതി അവൾക്ക് തിരിച്ച് നൽകുന്നു. അച്ഛന്റെയും അമ്മയുടെയും മുന്നിൽ അവരറിയാതെതന്നെ കുട്ടികൾ ഈ കാര്യം ചർച്ച ചെയ്ത് ഒരു തീരുമാനത്തിലെത്തുന്നു. തത്കാലം അലിയുടെ ചെരുപ്പ് രണ്ട്പേരും പങ്കുവെക്കുക. സാറക്ക് രാവിലെയും അലിക്ക് ഉച്ചകഴിഞ്ഞുമാണ് സ്കൂൾ. തന്റെ ക്ലാസ്സ് കഴിഞ്ഞാലുടൻ സാറ കഴിയുന്നത്ര വേഗത്തിൽ ഓടിയെത്തി അലിക്ക് ചെരുപ്പ് കൈമാറുക. ഈ ഒത്തുകളി രഹസ്യമാക്കി വെക്കുന്നതിന് കൈക്കൂലിയായി അവന്റെ വലിയ പെൻസിൽ അവൾക്ക് നൽകുന്നു.
                        ഈ ചെരുപ്പ് പങ്കുവെക്കൽ പരിപാടി അവർ വിചാരിച്ചത്ര എളുപ്പമായിരുന്നില്ല. സാറ തിരിച്ചെത്തി ചെരുപ്പ് കൈമാറി,അലി ഓടി സ്കൂളിലെത്തുമ്പോഴേക്കും ബെല്ലടിക്കും. ഹെഡ്മാസ്റ്റർ കാണാതെ എപ്പഴും രക്ഷപ്പെടാനാവില്ല. താക്കീത് കിട്ടീട്ടും വീണ്ടും വൈകി വരുന്ന അലിയെ അച്ഛനെ കൂട്ടി വരാൻ നിർദേശിച്ച് സ്കൂളിൽ നിന്നുംപറഞ്ഞ് വിടുന്നു. അലി കരച്ചിലും നിരാശയുമായി ഗൈറ്റിലെത്തുമ്പോൾ അവനെ ഏറെ ഇഷ്ടമുള്ള ക്ലാസ്സ് ടീച്ചർ കാണുന്നു.അലിയെ കൂട്ടി തിരിച്ച് വന്ന് , ക്ലാസ്സിലൊന്നാമനാണെന്നും അനുസരണയുള്ള നല്ലകുട്ടിയാണെന്നും ഹെഡ്മാസ്റ്ററോട് ശുപാർശ ചെയ്ത് തത്കാലം രക്ഷിക്കുന്നു.
                          പാകമാവാത്ത ചെരുപ്പും ഇട്ടുകൊണ്ടുള്ള ഓട്ടം കുഞ്ഞു സാറക്കും വലിയ പ്രശ്നമാവുകയാണ്. ഒരു ദിവസം ഓട്ടത്തിനിടയിൽ ചെരുപ്പ് കാലിൽ നിന്നും ഊരി ഓടയിലെ ഒഴുക്കു വെള്ളത്തിൽ വീണുപോയി.ഭാഗ്യം കൊണ്ടുമാത്രമാണ് അന്ന് ചെരിപ്പ് തിരിച്ച് കിട്ടിയത്. തനിക്ക് ഈ കള്ളക്കളി തുടരാൻ പറ്റില്ലെന്നും അച്ചനോട് വിവരം പറയാൻ പോകുകയാണെന്നും സാറ ഭീഷണിമുഴക്കി. എങ്കിലും ക്ലാസ്സിലൊന്നാമനായതിന് ടീച്ചർ നൽകിയ സമ്മാനം-സ്വർണ്ണനിറമുള്ള പേന - സാറക്ക് നൽകി അലി അവളെ അനുനയിപ്പിക്കുന്നു.

ഇതിനിടയിൽ ഒരു ദിവസം അസംബ്ലിക്കിടയിൽ മറ്റൊരു കുട്ടിയുടെ കാലിൽ തന്റെ നഷ്ടപ്പെട്ട ചെരുപ്പ് സാറ കണ്ടുപിടിക്കുന്നു. ആ കുട്ടിയുടെ വീടും അവൾ രഹസ്യമായി മനസ്സിലാക്കി.ചെരുപ്പ് തിരിച്ച് വാങ്ങാൻ ഏട്ടനേയും കൂട്ടി അവൾ ആ വീട്ടിനു മുന്നിലെത്തി. പക്ഷെ അന്ധനായ ഉന്തുവണ്ടിക്കാരന്റെ മകളാണ് ആ കുട്ടി എന്നറിഞ്ഞപ്പോൾ ഒന്നും പറയാതെ അവർ തിരിച്ച് പോരുന്നു.
പള്ളിയിലെ മതപ്രസംഗ സമയത്ത് ഭക്തർക്ക് ചായ പാർന്ന് കൊടുക്കുന്ന പണിയാണ് അലിയുടെ അച്ഛന്. തുച്ഛമായ വരുമാനം മാത്രം. അയാൾ പുതിയ തൊഴിൽ തേടുകയാണ്. സുഹൃത്ത് കടം നൽകിയ ചില പണിയായുധങ്ങളും ചെടികൾക്ക് മരുന്നടിക്കുന്നതിനുള്ള ഒരു ഹാന്റ് പമ്പും ഒക്കെയായി അലിയേയും കൂട്ടി അയാൾ നഗരത്തിലേക്ക് സൈക്കിളിൽ പുറപ്പെടുന്നു. ടെഹ്രാനിലെ സമ്പന്നർ ജീവിക്കുന്ന പ്രദേശത്ത് വലിയ മാളികകളുടെ ഗൈറ്റിനു പുറത്തെ ഇന്റെർകോമിലൂടെ തോട്ടപ്പണി അന്വേഷിക്കുകയാണു അയാൾ. വിദ്യാഭ്യാസവും പരിചയവും ഇല്ലാത്ത നാട്ടുമ്പുറത്തുകാരനായ അയാൾക്ക് ആശയവിനിമയം വലിയ പ്രശ്നമാണ്. എല്ലാ വീട്ടുകാരും ഈ പാവത്തെ ഒഴിവാക്കുകയാണ്. അവസാനം അലി വീട്ടുകാരോട് സംസാരിക്കുന്നു. അങ്ങിനെ ഒരു പണക്കാരനായ വൃദ്ധൻ അവരെ ജോലി ഏൽ‌പ്പിക്കുന്നു. അച്ഛൻ തോട്ടാത്തിൽ പണിയെടുക്കുന്ന സമയമത്രയും അവിടത്തെ കുട്ടിക്കൊപ്പം കളിക്കാൻ അലിയെ വിടുന്നു. ജോലി കഴിഞ്ഞപ്പോൾ പ്രതീക്ഷിക്കാത്ത കൂലിയും കിട്ടുന്നു.പുതിയ പ്രതീക്ഷകളും സ്വപ്നങ്ങളും പരസ്പരം പങ്കുവെച്ച് സന്തോഷത്തോടെ ആ അച്ഛനും മകനും സൈക്കിളിൽ തിരിച്ച് നാട്ടിലേക്ക് വരികയാണ്. ഇതേപോലെ പണി കിട്ടുകയാണെങ്കിൽ സാറക്ക് ചെരുപ്പ് വാങ്ങാൻ അച്ഛനോട് പറയാമെന്ന ഭാവമുണ്ട് അലിക്ക്. പക്ഷെ യാത്രക്കിടയിൽ സൈക്കിൾ ബ്രേക്ക് പൊട്ടി ഇരുവരും വീണു പരിക്ക് പറ്റുന്നു. .വിശാലമായ നഗരത്തിരക്കുകൾക്കും വാഹനക്കൂട്ടങ്ങൾക്കും ഇടയിലൂടെ ഹൈവേയിലെ ഒരു വണ്ടിയിൽ പൊളിഞ്ഞ സൈക്കിളും കയറ്റി മുറിവുകളിൽ വെച്ചുകെട്ടുമായി നിശബ്ദം നീങ്ങുന്ന ആ അച്ഛനും മകനും വല്ലാത്തൊരു ദൃശ്യമാണ്.

സ്കൂളിൽ ആയിടക്കാണ് ഒരു മാരത്തോൺ ഓട്ട മത്സരത്തിൽ പങ്കെടുക്കേണ്ടവരുടെ തിരഞ്ഞെടുപ്പ് നടന്നത്. അലി അതത്ര കാര്യമാക്കിയിരുന്നില്ല.തിരഞ്ഞെടുക്കപ്പെട്ടവരുടെ പട്ടികയോടൊപ്പം വിജയികൾക്കുള്ള സമ്മാനം പ്രസിദ്ധീകരിച്ചപ്പോഴാണ് അലി ഒരു കാര്യം ശ്രദ്ധിച്ചത് . മൂന്നാം സ്ഥാനക്കാരന് രണ്ടാഴ്ച വെക്കേഷൻ ക്യാമ്പും കൂടെ ഒരു സ്പോർട്സ് ഷൂവും ആണ് സമ്മാനം. സ്കൂളിലെ കായികാദ്യാപകനോട് അവൻ കരഞ്ഞ് പറഞ്ഞു- തനിക്കും പങ്കെടുക്കണമെന്ന്. അവൻ ജയിക്കുമെന്ന് വാ‍ക്ക് നൽകിനോക്കി. അലിയുടെ നിർബന്ധം സഹിക്കാനാവാതെ അവസാനം അവനെയും ഓടിച്ച് നോക്കി ,കുഴപ്പമില്ലെന്നു കണ്ട് തിരഞ്ഞെടുക്കുന്നു.

ഓട്ട മത്സരം വളരെ വിശദമായാണ് സിനിമയിൽ കാണിച്ചിരിക്കുന്നത്.വളരെയധികം സ്കൂളുകളിൽ നിന്നും കുട്ടികൾ പങ്കെടുക്കുന്നുണ്ട്. ദീർഘമായ ഓട്ടത്തിനിടയിൽ അലി ഓർക്കുന്നത് സാറയെ മാത്രമാണ്. അവന് മൂന്നാം സ്ഥാനം കിട്ടിയേ പറ്റൂ . ദിവസവും സ്കൂളിലേക്ക് അവൻ ഓടിയതിന്റെ അനുഭവവും സാറയോടുള്ള അവന്റെ സ്നേഹവും കാലിൽ കുതിപ്പായി മാറുന്നുണ്ട്. ഇഞ്ചോടിഞ്ച് പൊരുതിയുള്ള മത്സരത്തിൽ അപ്രതീക്ഷിതമായ അന്ത്യമാണ് ഉണ്ടായത്. അലി ഒന്നാം സ്ഥാനക്കരനായിപ്പോയി. ജനക്കൂട്ടവും സ്കൂൾ അദ്യാപകരും സന്തോഷത്തിൽ അലിയെ വാരിപ്പുണരുമ്പോൾ അലി സങ്കടത്തിലാണ്. താൻ തോറ്റുപോയതിൽ.
വീട്ടിൽ തിരിച്ചെത്തിയ അലിയുടെ തളർച്ചയും നിരാശയും നിറഞ്ഞ മുഖം കണ്ടപ്പോൾ സാറ ഒന്നും ചോദിക്കുന്നില്ല. അലി ഒന്നും പറയുന്നുമില്ല. സാറയും പോയിക്കഴിഞ്ഞപ്പോൾ തന്റെ പൊള്ളികുമിളിച്ച കാൽ പാദങ്ങൾ വെള്ളടാങ്കിലേക്ക് ഇറക്കിവെച്ച് അലി വെറുതെ ഇരിക്കുകയാണ്.. അവനെ ആശ്വസിപ്പിക്കാനെന്ന വണ്ണം കാലിൽ തഴുകുന്ന വർണ്ണ മത്സ്യങ്ങളിൽ ഈ സിനിമ അവസാനിക്കുന്നു.

മാർക്കറ്റിൽനിന്നും തന്റെ സൈക്കിളിൽ സാധനങ്ങൾ വാങ്ങി വരുന്ന അച്ചന്റെ ഹ്രസ്വമായ ഒരു ദൃശ്യം ഇതിനിടയിൽ കാണാം.സൈക്കിളിൽ പൊതിഞ്ഞ് വെച്ചിരിക്കുന്നവയുടെ കൂട്ടത്തിൽ പൊതിയിൽ ഒരു ജോഡി കുഞ്ഞു ചെരുപ്പും .സാറക്കായി വാങ്ങിയ പുത്തൻ ചെരുപ്പ്.ഈ ദൃശ്യം കാണാതെപോയാൽ മാജിദിയുടെ ശുഭാപ്തിനിറഞ്ഞ ജീവിത വീക്ഷണം നാം തിരിച്ചറിയാതെ പോകും

നന്മയുടെ പ്രകാശം പ്രസരിപ്പിക്കുന്നതാണ് ഈ സിനിമയിലെ ഓരോ ദൃശ്യവും.പരസ്പരം ഇഷ്ടപ്പെടുന്ന ,മനസ്സിലാക്കുന്ന,സഹായിക്കുന്ന, അലിയും സാറയും.ഇവർ തമ്മിൽ പിണങ്ങിനിൽക്കുന്നതു പോലുമില്ല.. ദാരിദ്രത്തിനിടയിലും സ്നേഹം നിറഞ്ഞ കുടുംബാന്തരീക്ഷം. തന്നെ വിശ്വസിപ്പിച്ചേൽ‌പ്പിച്ച പഞ്ചസാര കട്ടകളിലൊന്നുപോലും സ്വന്തം ചായയിലിടാത്ത സത്യസന്ധനായ അലിയുടെ അച്ഛൻ ,തനിക്ക് വീണുകിട്ടിയ സാറയുടെ പേന തിരിച്ച് നൽകുന്ന അന്ധനായ ഉന്തുവണ്ടിക്കാരന്റെ മകൾ തുടങ്ങിയ നിരവധി കഥാപാത്രങ്ങൾ പ്രത്യാശനിറഞ്ഞ ലോകത്തിന്റെ സൂചകങ്ങളാണ്. കുട്ടികൾക്കെന്നപോലെ മുതിർന്നവർക്കും ഈ സിനിമ അത്രമാത്രം ഇഷ്ടമാകുന്നതിന് ഒരു കാരണം അവതരണത്തിലെ ലാളിത്യമാണ്. ഇത്രമാത്രം ഋജുവായ വിഷയം യാതൊരുവിധ വെച്ചുകെട്ടലുകളുമില്ലാതെ യഥാതഥമായ രീതിയിൽ അവതരിപ്പിക്കുകയാണ് മാജിദി ചെയ്തിരിക്കുന്നത്. ദൃശ്യങ്ങളുടെ സ്വാഭാവികതക്കായി അദ്ദേഹം തെരുവുകളിൽ ഒളി കാമറ വച്ചാണ് പല സീനുകളും ചിത്രീകരിച്ചിരിക്കുന്നത്. ‘ശുദ്ധവും പൂർണ്ണവുമായ-കുട്ടികൾക്കുള്ള സിനിമ‘ എന്നാണ് റോഗ്ഗർ എബേർട്സ് എന്ന സിനിമ നിരൂപകൻ ഈ സിനിമയെ വിശേഷിപ്പിച്ചത്.

1998 ൽ അന്യഭാഷാചലചിത്രത്തിനുള്ള ഓസ്കാർ നോമിനേഷൻ നേടിയ ഈ സിനിമ ഇറ്റാലിയൻ ചലചിത്രമായ ‘ലൈഫ് ഈസ് ബ്യൂട്ടിഫുളി’നോട് പരാജയപ്പെട്ടെങ്കിലും ലോകത്ത് ഇറാനിയൻ സിനിമയുടെ വെണ്ണിക്കൊടി പാറിച്ചു.നിരവധി പുരസ്കാരങ്ങൾ നേടുകയും ചെയ്തു. ഈ സിനിമ കണ്ട് വർഷമെത്ര കഴിഞ്ഞാലും അലിയായി അഭിനയിച്ച അമീർ ഫാരൂഖ് ഹാഷ്മിയൻ എന്ന ഒമ്പതു വയസ്സുകാരന്റെ നിഷ്കളങ്കതയും,ദൈന്യതയും,നന്മയും നിറഞ്ഞ കണ്ണുകളുടെ ഓർമ നമ്മോടൊപ്പമുണ്ടാകും. അതുകൊണ്ടു കൂടിയാകാം ഈ സിനിമയെ അടിസ്ഥാനമാക്കി ഇപ്പഴും സിനിമകൾ ഉണ്ടായിക്കൊണ്ടിരിക്കുന്നത്. ഏറ്റവും അവസാനമായി പ്രിയദർശനും ‘താരേ സമീൻ പർ’ ഫൈം ദർഷീൽ സഫാറേയെ അലിയാക്കി ‘ബംബം ബോലെ’ എന്ന പേരിൽ ഹിന്ദിയിൽ ‘ഈ സ്വർഗ്ഗ കുഞ്ഞുങ്ങൾക്ക്‘ പുതിയ പതിപ്പുകൾ ഒരുക്കുന്നത്.

enteym ninteyum

noreply@blogger.com (vijayakumarblathur) — Sat, 09 Oct 2010 01:27:00 +0000

വയൽക്കിളി പാടുന്നു

noreply@blogger.com (vijayakumarblathur) — Thu, 07 Oct 2010 23:54:00 +0000

Trailer for "Children of Heaven"

noreply@blogger.com (vijayakumarblathur) — Wed, 15 Sep 2010 16:21:00 +0000

കുമ്മാട്ടി

noreply@blogger.com (vijayakumarblathur) — Wed, 25 Aug 2010 01:17:00 +0000

കുട്ടികളെ കേന്ദ്ര കഥാപാത്രമാക്കിക്കൊണ്ട് മിത്തുകളും യാഥാര്‍ത്ഥ്യങ്ങളും കൂട്ടിക്കുഴച്ച് 1979 ല്‍ ജി.അരവിന്ദന്‍ സംവിധാനം ചെയ്ത ‘കുമ്മാട്ടി’എന്ന മലയാള സിനിമ ചിണ്ടന്‍ എന്ന കുട്ടിയുടെ മനസ്സിലൂടെയാണ് വികസിക്കുന്നത്. സൂര്യനുദിച്ചുയരുന്ന ദീര്‍ഘമായ ഒരു ഷോട്ടില്‍ പഴയകാലത്തിന്റെ തുടിപ്പുകളെല്ലാം ഒരു വായ്ത്താരിയില്‍ സംവിധായകന്‍ ഉള്‍ചേര്‍ത്തിട്ടുണ്ട്. ഗ്രാമത്തിലെ കുടിലില്‍ നിന്നും സ്കൂളിലേക്ക് കൂട്ടുകാര്‍ക്കൊപ്പം നടക്കുന്ന ചിണ്ടന്‍ സംസാരിക്കുന്നത് അമ്പലത്തിലെ മുത്തശ്ശി പറഞ്ഞ കാര്യങ്ങളെക്കുറിച്ചാണ്. ‘കുമ്മാട്ടി’ വന്നാല്‍ കുസൃതികളായ അവരെ പിടിച്ച് കൊടുക്കുമെന്നവര്‍ പറഞ്ഞിട്ടുണ്ട്. മന്ത്രവാദവും ബാധയൊഴിക്കലും പഴയ വിശ്വാസങ്ങളും നിറഞ്ഞ ഗ്രാമാന്തരീക്ഷത്തില്‍ അവര്‍ക്ക് കുമ്മാട്ടിയെ ഭയമുണ്ട്. എങ്കിലും കുമ്മാട്ടിപ്പാട്ട് പാടി അവര്‍ തമാശ നൃത്തം ചെയ്യുന്നുമുണ്ട്.

                 ആയിടക്കാണ് സഞ്ചാരിയായ കുമ്മാട്ടി കുന്നിറങ്ങി അവരുടെ ഗ്രാമത്തിലുമെത്തുന്നത്. “മാനത്തെ മച്ചോളം തലയെടുത്ത്...
പാതാള കുഴിയോളം പാദം നട്ട്...
മാല ചേല കൂറ കെട്ടിയ കുമ്മാട്ടി...”
   എന്നവര്‍ ഭയത്തോടെ ഓര്‍ത്തിരുന്ന മുത്തശ്ശിക്കഥയിലെ കുമ്മാട്ടി അവിടെയെത്തുന്നു. ചെമ്പട്ട് കോത്തുടുത്ത്, അരമണി കിലുക്കി,വെപ്പു താടി വെച്ച്, മൃഗങ്ങളുടെ മുഖരൂപങ്ങല്‍ കെട്ടി ഞാത്തിയ തണ്ട് ചുമലില്‍ വെച്ച്, തുന്നികൂട്ടിയ മാറാപ്പുമായി, കൈയിലെ വാളും കിലുക്കി, നാടുണര്‍ത്തുന്ന പാട്ടുറക്കെ പാടി , നൃത്ത ചുവടുകളോടെ വരുന്ന കുമ്മാട്ടിയെ കണ്ട് കുട്ടികള്‍ പേടിക്കുന്നു. എങ്കിലുമവരുടെ ജിജ്ഞാസ കുമ്മാട്ടിക്കൊപ്പം തന്നെയുണ്ട്.
                      “ആരമ്പത്തീരമ്പത്തൂരമ്പം-
                       ആലേലുല ചേലുല പാലുല
                       കിഴക്ക് നേരെ -മലക്കുമേലെ
                       പഴുക്ക പാക്കിന്റെ പഴുപ്പും കൊഴുപ്പും മുഴുപ്പും”-
ഉള്ള സൂര്യബിംബത്തെക്കുറിച്ചാണ് കുമ്മാട്ടിയുടെ പാട്ട്. അമ്പലത്തിനടുത്തുള്ള അരയാല്‍ ചോട്ടില്‍ തന്റെ ഭാണ്ഡമിറക്കി കുമ്മാട്ടി വിശ്രമിക്കുന്നത് കുട്ടികള്‍ ഒളിഞ്ഞ് നോക്കുന്നു. അതിമാനുഷനായ കുമ്മാട്ടിയാണവരുടെ സങ്കല്‍‌പ്പത്തിലുള്ളത്. പരുന്തിനെപോലെ പറക്കാനും ,മീനിനെ പ്പോലെ നീന്താനും,സ്വയം രൂപം മാറാനും,മറ്റുള്ളവരുടെ രൂപം മറ്റാനും കഴിയുന്ന ആള്‍. പക്ഷെ അവര്‍ കാണുന്നതോ‌‌- താടി അഴിച്ച് വെച്ച് ക്ഷീണം തീര്‍ക്കാന്‍ ബീഡി വലിച്ച് കിടക്കുന്ന ഒരു വൃദ്ധന്‍ കുമ്മാട്ടിയെ. അമ്പലക്കുളത്തില്‍ നീന്തിക്കുളിക്കുകയും ഷേവ് ചെയ്യിക്കുകയും,അടുപ്പ് കൂട്ടി കഞ്ഞി വെച്ച് കുടിക്കുകയും ചെയ്യുന്ന കുമ്മാട്ടിയുടെ കാഴ്ചകള്‍ അവരെ ആശയക്കുഴപ്പത്തിലാക്കുന്നുണ്ട്. ക്ലാസ്സ് നേരത്ത് സ്കൂള്‍ പരിസരത്തെത്തിയ കുമ്മാട്ടിയുടെ പാട്ട്കേട്ട് കുട്ടികളെല്ലാം അയാള്‍ക്ക് ചുറ്റും കൂടുന്നു. ചന്തയില്‍ നിന്ന് സന്ധ്യക്ക് മടങ്ങുമ്പോള്‍ വിജനമായ പെരുവഴിയില്‍ ചിണ്ടന്‍ കുമ്മാട്ടിയുടെ മുന്നില്‍ പെട്ടുപോകുന്നു. മദ്യപിച്ച് കാലിടറി നടന്നു വരികയാണ് കുമ്മാട്ടി. ചിണ്ടന്‍ ഭയന്നത് പോലെ ഒന്നും സംഭവിച്ചില്ല. ചിണ്ടനോട് പോയ്കൊള്ളാന്‍ കുമ്മാട്ടി ആംഗ്യം കാട്ടി. ഈ സംഭവം ചിണ്ടന്‍ കൂട്ടുകാരോട് പറയുന്നുണ്ട്. പക്ഷെ ആരും വിശ്വസിക്കുന്നില്ല. കുമ്മാട്ടി ആവിയായി പോകുന്നത് താന്‍ കണ്ടുവെന്നും അവന്‍ പറയുന്നുണ്ട്. ഒരിക്കല്‍ കുമ്മാട്ടി അവന് ആകാശത്ത് നിന്ന് ഒരു ഈത്തപ്പഴം ഉണ്ടാക്കി തിന്നാന്‍ കൊടുത്തത്രേ.

പതുക്കെ കുട്ടികളുടെ ഭയം മാറുകയും അവര്‍ കുമ്മാട്ടിയുമായി കൂട്ടാകുകയും ചെയ്യുന്നു. കുമ്മാട്ടിക്കൊപ്പം അവര്‍ പാട്ടുപാടി നാടുചുറ്റുന്നുമുണ്ട്. കുമ്മാട്ടി അവര്‍ക്ക് മൃഗരൂപങ്ങളുള്ള കുഞ്ഞ് ബിസ്കറ്റുകള്‍ കൊടുക്കും.ഒരിക്കല്‍ പനിപിടിച്ച് അരയാല്‍ ചുവട്ടില്‍ അവശനായിക്കിടക്കുന്ന കുമ്മാട്ടിയെ നോക്കാന്‍ വൈദ്യരെ കൂട്ടി വരുന്നത് ചിണ്ടനാണ്.
കൊയ്ത്ത് കഴിഞ്ഞു. വരണ്ടുണങ്ങിയ ഗ്രാമത്തില്‍ നിന്നും കുമ്മാട്ടി പോവുകയാണ്.പോവല്ലേ എന്നു പറഞ്ഞ് കുട്ടികള്‍ കൂടെ തന്നെ ഉണ്ട്. പോവും മുമ്പ് നിങ്ങള്‍ക്ക് ഞാനൊരു ചെപ്പടിവിദ്യ കാണിച്ച് തരാം എന്നു പറഞ്ഞ് - അവര്‍ക്ക് തന്റെ കൈയിലെ മൃഗമുഖമ്മൂടികള്‍ കുമ്മാട്ടി നല്‍കുന്നു. മുഖമ്മൂടിയണിഞ്ഞ ഒരോ കുട്ടികളെയും അതാത് മൃഗങ്ങളും പക്ഷികളുമാക്കി കുമ്മാട്ടി മാറ്റുന്നു. അവര്‍ക്കൊപ്പം നൃത്തം വെക്കുകയാണു കുമ്മാട്ടി. ചിണ്ടനു കിട്ടിയത് നായയുടെ മുഖം മൂടിയായിരുന്നു. നായായി മാറിയ ചിണ്ടന്‍ കൂട്ടം തെറ്റി ഓടിപ്പോക്കുന്നു. കളിക്കുശേഷം മറ്റുള്ളവരെയെല്ലാം പൂര്‍വരൂപത്തിലേക്ക് മാറ്റി കുമ്മാട്ടി എങ്ങോ പോയ്ക്കഴിഞ്ഞു. രാത്രി മുഴുവന്‍ നാട്ടുകാര്‍ ചിണ്ടനെത്തേടി നടക്കുകയാണ്.

വഴിതെറ്റിയ ചിണ്ടന്‍ (ഇപ്പോഴവന്‍ നായയാണ്.) നഗരത്തിലെത്തുകയും ഒരു വീട്ടില്‍ ചങ്ങലയിലാവുകയും ചെയ്യുന്നു. നാടന്‍ പട്ടിയായതിനാല്‍ ആ വീട്ടുകാര്‍ അഴിച്ച് വിട്ടപ്പോള്‍ അവന്‍ നേരെ ഗ്രാമത്തിലേക്ക് ഓടിവരുന്നു. അവന്റെ അമ്മയ്ക്കും തത്തയ്ക്കും ഒക്കെ ചിണ്ടനെ തിരിച്ചറിയാനാവുന്നുണ്ട്. നായ രൂപത്തില്‍ വന്ന മകനെ വാരിപ്പുണരുന്ന അമ്മ- അനിയത്തിക്കൊപ്പം പ്ലേറ്റില്‍ കഞ്ഞി വിളമ്പിവെച്ച് അവനെ ഊട്ടുന്നുമുണ്ട്. മകന്റെ രൂപം തിരിച്ച് കിട്ടാനായി നേര്‍ച്ചകളും പൂജകളും ചെയ്യുകയാണവര്‍ പിന്നീട്. പക്ഷെ നായ ജീവിതം ചിണ്ടന്‍ തുടരുകയാണ്.

ഊഷരമായ കാലത്തിനു ശേഷം ഋതുക്കള്‍ മാറിവരുന്നു. തകര്‍ത്ത് പെയ്യുന്ന മഴക്ക് ശേഷം പച്ചപ്പ് പരന്ന ഗ്രാമം. ഏതോ ശബ്ദം കേട്ട് ,ഇറയത്ത് കിടക്കുന്ന ചിണ്ടന്‍ ചെവി കൂര്‍പ്പിച്ച് പിടിക്കുന്നു,.അവന് ഒരു ശബ്ദമേ കേള്‍ക്കേണ്ടതുള്ളു.... “ആരമ്പത്തീരമ്പത്തൂരമ്പത്ത്...”.അതാ കുന്നിറങ്ങി വരുന്ന കുമ്മാട്ടിയുടെ ശബ്ദം...ചിണ്ടന്‍ പുല്‍‌പ്പരപ്പുകളിലൂടെ ശബ്ദം കേട്ട സ്ഥലത്തേക്ക് കുതിച്ചോടുകയാണ്. കുമ്മാട്ടി അവനെ കണ്ടു. സങ്കടം വിങ്ങുന്ന ശബ്ദത്തോടെ കുമ്മാട്ടി “ചിണ്ടാ..ചിണ്ടാ എന്റെ മോനേ ..”എന്ന് ഉറക്കെ വിളിച്ചു. ഓടിഅടുത്ത ചിണ്ടനെ കുറ്റബോധത്തോടെ മാറോടടുക്കിപ്പിടിക്കുന്നു കുമ്മാട്ടി. ചിണ്ടന് സ്വന്തം രൂപം തിരിച്ച് കിട്ടി.പുരുഷാരമത്രയും ഈ അത്ഭുതം കേട്ട് അവിടേക്ക് ഓടിക്കൂടി.
ചിണ്ടന്‍ തന്റെ വീട്ടില്‍ തിരിച്ചെത്തി.കൂട്ടില്‍ ചിലക്കുന്ന തത്ത...ചങ്ങലയില്‍ കിടന്ന ഓര്‍മയാല്‍ ചിണ്ടന്‍ തത്തയെ കൂട്ടില്‍ നിന്നും പുറത്തെടുത്ത് ആകാശത്തേക്ക് പറത്തി വിടുന്നു. വിശാലമായ മാനത്ത് ഒഴുകിപ്പറക്കുന്ന പക്ഷികളുടെ ദീര്‍ഘമായ ഒരു ഷോട്ടില്‍ “കുമ്മാട്ടി” എന്ന സിനിമ അവസാനിക്കുന്നു.

കാവാലം നാരായണപ്പണിക്കരാണ് കുമ്മാട്ടിയുടെ കഥയും ഗാനങ്ങളും ഒരുക്കിയിരിക്കുന്നത്. അതീന്ദ്രിയമായ കഴിവുകളുള്ള കഥാപാത്രങ്ങളെ കുറിച്ചുള്ള നമ്മുടെ നാട്ടുസങ്കല്‍‌പ്പങ്ങള്‍ എങ്ങനെയാണ് രൂപം കൊള്ളുന്നതെന്നും കുഞ്ഞു മനസ്സുകളില്‍ മിത്തുകള്‍ എങ്ങനെ പ്രവര്‍ത്തിക്കുന്നുവെന്നും ഈ സിനിമ ചര്‍ച്ച ചെയ്യുന്നുണ്ട്. യഥാര്‍ത്ഥത്തില്‍ ഈ സംഭവങ്ങളൊക്കയും ചിണ്ടന്റെ ഒരു പേക്കിനാവാണ്. കുമ്മാട്ടിയെക്കുറിച്ച് അവന്റെ മനസ്സിലെ ഭയവും മതിപ്പും രൂപം കൊടുത്ത സങ്കല്‍‌പ്പലോകം...അതു കൊണ്ടാണ് രൂപം മാറി തിരിച്ചെത്തിയ ചിണ്ടനെ വീട്ടിലാരും ശ്രദ്ധിക്കുന്നതായി സംവിധായകന്‍ കാണിക്കാത്തത്. തന്റെ സ്വപ്നത്തിലെ അസ്വതന്ത്രാനുഭവമാണ് തത്തയെ തുറന്ന് വിടാന്‍ ചിണ്ടനെ പ്രേരിപ്പിക്കുന്നത്.താന്‍ കണ്ടത് സ്വപ്നമാണെന്ന് ചിണ്ടനെ പോലെ പ്രേക്ഷകരും സംശയിക്കും.

മുത്തശ്ശിക്കഥകളിലും നാട്ടുപാട്ടുകളിലും ആചാരങ്ങളിലും പഴഞ്ചൊല്ലുകളിലും ചടങ്ങുകളിലും വിശ്വാസങ്ങളിലും ഉള്ള ചില നിഗൂഡ സങ്കല്‍‌പ്പങ്ങള്‍ അറിയാതെ നമ്മുടെ മനസ്സുകളിലും ഇടം നേടുന്നുണ്ട്.. സാങ്കേതികമായ പല പരിമിതികള്‍ ഉണ്ടെങ്കിലും ഗ്രാമത്തിന്റെ നൈര്‍മല്യവും ബാല്യത്തിന്റെ കുതൂഹലവും പഴമയുടെ നിഗൂഡതയും വിശ്വാസാചാരങ്ങളിലെ വൈവിധ്യവും ഘൃതുചക്രങ്ങളുടെ വര്‍ണ്ണവിസ്മയങ്ങളും നാടന്‍ പാട്ടിന്റെ ഇളനീര്‍ രുചിയും ഈ സിനിമയുടെ ഓരോ ഫ്രയിമിലും നമുക്ക് അറിയാനാകും. 1979 ലെ ഏറ്റവും നല്ല കുട്ടികളുടെ സിനിമ പുരസ്കാരം നേടിയ കുമ്മാട്ടി അരവിന്ദന്റെ മറ്റു സിനിമകളെപ്പോലെ ഗഹനമായ ചര്‍ച്ചകള്‍ക്ക് വിധേയമായില്ല. കുട്ടികളുടെ സിനിമ എന്ന ലേബലില്‍ വന്നതായിരിക്കാം ഒരു കാരണം.എന്തായാലും ഈ സിനിമയുടെ ഓരോ കാഴ്ച്ചയും പുതിയ പുതിയ അനുഭവങ്ങളുടെ അടരുകള്‍ സൃഷ്ടിക്കും തീര്‍ച്ച.