ವಚನ ಸುಧೆ

ವೀರವಿರಾಗಿಣಿ ಅಕ್ಕಮಹಾದೇವಿಯವರ ಯೋಗಾಂಗ ತ್ರಿವಿಧಿ.

2026-04-07T08:06:00.002+05:30

ವೀರವಿರಾಗಿಣಿ ಅಕ್ಕಮಹಾದೇವಿಯವರ ಯೋಗಾಂಗ ತ್ರಿವಿಧಿ.

ಶ್ರೀ ಮಹಾಮಹಿಮನೆ ಸೋಮಶೇಖರ ಗುರುವೆ,

ಕಾಮಿತ ಫಲವ ಕೊಡು ಕಂಡಾ ಎನ್ನ| ಹೃ

ದ್ವಾಮದೊಳ್ ನಿಂದು ಮೆರೆ ಕಂಡಾ || 1 ||

ಮೊದಲು ಮಾಡುವೆ ನಾನು ಸದಮಲ ಗುರುವಿನ

ಚದುರ ಮತಿಗಳನು ಬಲಗೊಂಡು | ತತ್ವದ

ಪದಗಳನಾಂತು ಮುದದಿಂದ || 2 ||

ಜೀವ ಪರಮರ ಭೇದಭಾವವನರಿವಡೆ

ಆವಾವಮುಖದೊಳಿರುತಿಹುದೊ| ಎನ್ನಯನು

ಭಾವಕ್ಕೆ ಬಂದುದನೊರೆವೆನು || 3 ||

ಶರಣರ ನೆಲೆಗಳನ್ನು ಅರಿವಡೆ ಅಗಣಿತವು

ಹರಿಯಜ ಸುರರಿಗಳವಲ್ಲ | ವೆಂದೆನಲು

ಒರೆದೆನು ಅವರ ಕೃಪೆಯಿಂದ || 4 ||

ಎಲ್ಲ ದೇವರ ದೇವ ವಲ್ಲಭನೆ ಗುರು ಚನ್ನ

ಮಲ್ಲಿಕಾರ್ಜುನನೆ ಮನದೊಳಗೆ| ಇರು ಕಂಡಾ

ಬಲ್ಲಂತೆ ನಿಮ್ಮ ಸ್ತುತಿಸುವೆನು || 5 ||

ಆರು ಭೂತಂಗಳಲಿ ಆರಾರು ತತ್ವದಲ್ಲಿ

ಪೂರೈಸಿ ಇಪ್ಪ ಘನವನ್ನು | ಮನದಲ್ಲಿ

ಆರೈದು ತಿಳಿದಡವ ಮುಕ್ತ || 6 ||

ಮಾಘಮಾಸವುಪೋಗೆ ಮೇಗೆ ಬಂದಿತು ಚೈತ್ರ

ಬೇಗ ಮಾಮರನು ತಣ್ಣೀರೆರೆ | ಅದ ಕಂಡು

ಕೂಗಿ ಕರೆಯಿತ್ತು ಕಳಕಂಠ || 7 ||

ಆಕಾಶದೊಳಗಣ ಜ್ಯೋತಿಯ ಪ್ರಭೆ ಬಂದು

ಲೋಕಂಗಳೊಳಗೆ ಮುಸುಕಲು | ಅದರೊಳಗೆ

ಏಕಾಂಗಿಯಾದಡವ ಯೋಗಿ || 8 ||

ಒಂಬತ್ತು ವೆಜ್ಜದ ತುಂಬಿದ ಕೊಡನೊಳಗೆ

ಸಂಭ್ರಮದ ಮುತ್ತು ಇರುತಿಹುದು | ಅದರನುವ

ನಂಬಿಕಂಡವನೆ ಕಡು ಜಾಣ || 9 ||

ಅಷ್ಟದಳಕಮಲದ ಬಟ್ಟಬಯಲೊಳಗೊಂದು

ಮುಟ್ಟಬಾರದ ಘನವಿಹುದು | ಅದರೊಳಗೆ

ದೃಷ್ಟಿ ಇಟ್ಟವನೆ ನಿಜಮುಕ್ತ || 10 ||

ಕೋಡಗದ ಒಡಗೂಡಿ ಆಡುವ ನರಿನಾಯಿ

ಗೀಡಾದ ಮನೆಯ ಮುರಿದೆನು| ಮತ್ತೊಂದು

ಗೂಡಿನೊಳು ನಾನು ಮೆರೆದೆನು || 11 ||

ಒಡಹುಟ್ಟಿದೈವರ ಒಡನೆ ಶಿರಗಳ ಹರಿದು

ಮಡದಿಯ ಕರವ ಹಿಡಿದೆನು | ಮುಂದಣ

ನಡುಬಟ್ಟೆಯೊಳಗೆ ನಡೆದೆನು || 12 ||

ನುಡಿಯಬಾರದು ಹಣ್ಣು ಕಡೆಯೊಳಗಿರಲಾಗಿ

ಮಡದಿಯೋರ್ವಳು ಅದಕಂಡು | ಗ್ರಹಿಸಿ

ನುಡಿಯೊಳಗಾಗಿ ಮೆರೆಯಿತ್ತು || 13 ||

ನೂರೊಂದು ಮಣಿಗಳನು ಮೂರು ಭಾಗವ ಮಾಡಿ

ಮೂರು ಪುರುಷರಿಗೆ ಅಳವಡಿಸಿ | ಮೂವರನು

ಸೇರಿ ನಾನಳಿದು ಬಯಲಾದೆ ||14 ||

ಒಂದು ರತ್ನವು ತಾನು ಮುಂದೆ ಈರಾರಾಗಿ

ಕುಂದದೈವತ್ತು ತೆರನಾದ | ರತ್ನವು

ಸಂದಿತು ಎನ್ನ ಮನದೊಳಗೆ . || 15 ||

ಊರೊಳಗಾಡುವ ಮಾರಿಯ ಹಿಡಿತಂದು

ಭಾರಿಯ ಕೋಳ ಅಳವಡಿಸಿ | ಆ ಪುರವ

ಮಾರಿದೆ ಒಬ್ಬ ಚದುರಂಗೆ || 16 ||

ಕೋಟಿ ರವಿಶಶಿಗಳಿಗೆ ಮೀಟಿದ ಪ್ರಭೆ ಬಂದು

ನಾಟಿತ್ತು ಎನ್ನ ಕರದೊಳಗೆ | ಅದರಿಂದ

ದಾಟಿದೆನು ಭವದ ಕುಣಿಗಳನು || 17 ||

ಅಂಬರದೊಳಗಣ ತುಂಬಿದ ಕೊಡನುಕ್ಕಿ

ಕುಂಭಿನಿಯ ಮೇಲೆ ಸುರಿಯಲು | ಮಾನವರು

ಶಂಭುಲೋಕಕ್ಕೆ ತೆರಳಿದರು || 18 ||

ಮೊರೆವ ನಾದವ ಕೇಳಿ ಉರಿವ ಜ್ಯೋತಿಯ ನೋಡಿ

ಸುರಿವ ಅಮೃತವ ದಣಿದುಂಡ | ಕಾರಣವು

ತೊರೆದನು ಜನನ ಮರಣಗಳ || 19 ||

ಅಷ್ಟದಿಕ್ಕಿಲಿ ಅಷ್ಟಶಕ್ತಿಯರು ರುದ್ರರು

ಅಷ್ಟದಿಕ್ಪಾಲಗಣಗಳ | ನಡುವಿರ್ದ

ಕಟ್ಟಾಣಿ ಮುತ್ತ ಬರಸೆಳೆದೆ || 20 ||

ಒಂಬತ್ತು ದ್ವಾರದ ಇಂಬುಗಳ ಬಲಿವುತ್ತ

ತುಂಬಿ ಸುಷುಮ್ಮೆಯೋಳು ಮನವ | ನೋಡಿ

ಕುಂಭದೊಳಮೃತ ಸುರಿವುದು || 21 ||

ಆರು ಮುಖ ಮುತ್ತನು ನೀರೊಳಗೆ ಇರಿಸಲು

ನೀರಳಿದು ಮುತ್ತು ಉಳಿಯಲು | ಆ ಮಣಿಯ

ಸೇರಿಸಿದೆನೆನ್ನಯ ಉರದೊಳಗೆ || 22 ||

ಉಪ್ಪರ ಗುಡಿ ಮೇಲೆ ಸರ್ಪನು ಹೆಡೆಯತ್ತಿ

ಎಪ್ಪತ್ತು ಪುರವ ನಲಿದುಂಡು | ದಣಿಯದೆ

ಕಪ್ಪೆಯ ಶಿರವ ಮುರಿಯಿತ್ತು || 23 ||

ಹಿತ್ತಲಬಾಗಿಲ ತೆರೆದು ಸತ್ತವನ ಎಬ್ಬಿಸಿ

ಹೆತ್ತಮ್ಮನ ಕರೆವ ಪಿಡಿಯಲು| ಅವಳೀಗ

ಇತ್ತಳೈ ತನ್ನ ಪದಕವನು || 24 ||

ಕೋಣನ ಕೊಂಬಿನ ಮೇಲೆ ಮಾಣದೆ ಕಪಿಯೇರಿ

ಜಾಣೆಯ ಮನೆಯವೊಳ ಪೊಗಲು| ಅವಳೆದ್ದು

ಕೋಣನ ಕಾಲಮುರಿದಿಹಳು || 25 ||

ಹೇಮಕೂಟದ ತುದಿಗೆ ಆ ಮಹಾ ಗಜವೇರಿ

ಸೋಮನ ಕಳೆಯ ಸವಿದುಂಡು | ಮದವೇರಿ

ಕಾಮನ ಪಿಡಿದು ಬಡಿಯಿತ್ತು || 26 ||

ಪಶ್ಚಿಮ ಕೊಳದಲ್ಲಿ ಅಚ್ಚ ತಾವರೆ ಅರಳಿ

ನಿಶ್ಚಳದ ಗಂಧವೆಸೆಯಲು| ಅದಕಂಡು

ಸಚ್ಚಿತ್ತದ ಭ್ರಮರ ಎರಗಿತ್ತು || 27 ||

ನವಪುರದೊಳಗೊಂದು ನವರತ್ನ ಬೆಲೆಯಾಗೆ

ನವನಾರಿಯರು ಅದಕಂಡು | ಕೊಳಲಿಕ್ಕೆ

ಭವಸೂತ್ರ ಹರಿದು ಬಯಲಾದೆ || 28 ||

ಬೆಟ್ಟದ ಮೇಲಣ ಕಿಚ್ಚು ಸುಟ್ಟಿತು ಕಾನನವ

ಅಷ್ಟಮೃಗಜಾತಿ ಅಳಿದವು| ಅದಕಂಡು

ಬಟ್ಟಬಯಲೊಳಗೆ ಮೆರೆದೆನು || 29 ||

ಕೊಂಡಕ್ಕೆ ಬೀಳ್ವಂತ ಲಂಡಸ್ತ್ರೀಯಳು ತಾನು

ದಂಡೆಯ ಕುಣಿಕೆ ಸಡಿಲಿಸಿ | ಕೊಂಡದ

ಕೆಂಡದೊಳಾಳಿ ಮುಳುಗಿದಳು || 30 ||

ಕುಂಡಲಿಯ ಸರ್ಪನು ತುಂಡ ಮೇಲಕೆ ತೆಗೆಯ

ಮಂಡಲವು ಮೂರು ಬೆಳಗಾಗೆ | ನಡುವಳ

ಖಂಡಜ್ಯೋತಿಯಲಿ ಬಯಲಾದೆ || 31 ||

ಅಷ್ಟಾವರಣದ ಹಣ್ಣು ಬಟ್ಟ ಬಯಲೊಳಗಿರಲು

ಅಷ್ಟಾಂಗಯೋಗಗಳ ಮಾಡಿ | ಬಳಲುವರಂ

ದೃಷ್ಟಿ ಇಡುವುದನ್ನು ಮರೆವರು || 32 ||

ನೆಲನಿಲ್ಲದ ತೋಟದಲಿ ಎಲೆಯಿಲ್ಲದ ಗಿಡ ಹುಟ್ಟಿ

ಫಲವಿಲ್ಲದ ಹಣ್ಣು ತಳೆದಿರಲು| ಅದ ಕಂಡು

ಮೆಲಲಿಲ್ಲದೆ ಹೋಗಿ ಸವಿದೆನು || 33 ||

ಸಪ್ತಸಾಗರ ಬತ್ತಿ ಹತ್ತು ಹಂಸೆಯು ಸತ್ತು

ಮುತ್ತು ಮಾಣಿಕವು ತಲೆದೋರೆ| ಅದ ಕಂಡು

ಸತ್ತವನು ಎದ್ದು ಕುಣಿದನು || 34 ||

ಹತ್ತು ಸಾಗರದಲ್ಲಿ ಮತ್ತೆ ಸ್ನಾನವ ಮಾಡಿ

ಮತ್ತೊಂದು ತೆರದ ಉಣಿಸುಗಳ | ನಾನುಂಡು

ಕತ್ತಲೆಯಳಿದು ಬೆಳಗಾದೆ || 35 ||

ಕರ್ತೃ ಶ್ರೀಗುರುರಾಯ ಮುತ್ತಿನ ಕವಚವ

ಅರ್ತಿಯಿಂದೆನಗೆ ಅಳವಡಿಸೆ | ಅದರಿಂದ

ಕಿತ್ತೆನು ಮಾಯಾಬಲೆಗಳನು || 36 ||

ನಡೆವೆನು ಲಿಂಗದ ಕೂಡೆ ನುಡಿವನು ಲಿಂಗದವೊಡನೆ

ಎಡವಿಡದೆ ಬಪ್ಪ ವಿಷಯದ | ಭೋಗಂಗಳ

ಕೊಡುವೆನು ಲಿಂಗಮುಖಗಳಿಗೆ || 37 ||

ಒಂಬತ್ತು ಚೌಕದಲಿ ಉಂಬುಡುವ ಮನೆಯನ್ನು

ನಂಬದೆ ಕಡೆಗೆ ತೊಲಗಿಸಿ | ಮುಂದಣ

ಸಂಭ್ರಮದ ಮನೆಗೆ ನಡೆದೆನು || 38 ||

ಗುರುವೆನ್ನ ಕಾಯವು ಹರನೆನ್ನ ಮನವಯ್ಯ

ಪರಮ ಜಂಗಮವೆ ಅನುಭಾವ | ಮುಖವೆನ್ನ

ಇರವೆಲ್ಲ ಲಿಂಗಮಯವಯ್ಯ || 39 ||

ಉಟ್ಟ ಸೀರೆಯ ಸೀಳಿ ತೊಡಿಗೆಯ ಮುರಿದು

ಬಿಟ್ಟೆನು ನಾನು ಬಿಡುಮುಡಿಯ | ಎಲೆ ದೇವ

ಕೊಟ್ಟೆನು ಎನ್ನ ತನುಮನವ || 40 ||

ಷಟ್ಕಮಲದೊಳಗಣ ಷಡ್ವಿಧ ಲಿಂಗಕ್ಕೆ

ಷಡ್ವಿಧೇಂದ್ರಿಯಗಳ ಮುಖಮಾಡಿ | ವಿಷಯಗಳ

ಷಡ್ಭಕ್ತಿಯಿಂದ ಕೊಡುತಿಹೆನು || 41 ||

ಆಧಾರದೊಳಗಣ ಆದಿಯ ಲಿಂಗಕ್ಕೆ

ಮೇದಿನೀ ಫ್ಯಾಣಮುಖಮಾಡಿ | ಗಂಧದ

ಮೋದವ ಕೊಡುವ ನಿಜಭಕ್ತ || 42 ||

ಆರೆಸಳ ಕಮಲದಲಿ ತೋರುವ ಲಿಂಗಕ್ಕೆ

ಸಾರಜಿಹೈಗಳ ಮುಖಮಾಡಿ | ರಸಗಳ

ಪೂರೈಸಿ ಕೊಡುವ ನಿಜ ನಿಷ್ಠ || 43 ||

ಹತ್ತೆಸಳ ಕಮಲದಲಿ ಗೊತ್ತಿನ ಲಿಂಗಕ್ಕೆ

ಮತ್ತೆ ನೇತ್ರಗಳ ಮುಖಮಾಡಿ | ರೂಪಿನ

ತುತ್ತುಗಳ ಕೊಡುವ ಅವಧಾನಿ || 44 ||

ದ್ವಾದಶದಳ ಕಮಲದ ಮೋದದ ಜಂಗಮಕೆ

ಸಾದರದ ತ್ವಕ್ಕ ಮುಖಮಾಡಿ | ಸ್ಪರುಶದ

ಸ್ವಾದವ ಕೊಡುವ ಅನುಭಾವಿ || 45 ||

ಷೋಡಶದಳ ಕಮಲದಲಿ ಆಡುವ ಲಿಂಗಕ್ಕೆ

ಗಾಢದ ಶ್ರೋತ್ರ ಮುಖಮಾಡಿ | ಶಬ್ದವ

ನೀಡಿ ಕೊಡುತಿಹನು ಪರಿಣಾಮಿ || 46 ||

ದ್ವಿದಳತ್ರಿಕೂಟದಲಿ ಹುದುಗಿದ ಲಿಂಗಕ್ಕೆ

ಸದಮಲದ ಹೃದಯ ಮುಖಮಾಡಿ | ತೃಪ್ತಿಯ

ಒದಗಿ ಕೊಡುತಿಹನು ಚದುರೈಕ್ಯ || 47 ||

ಅಂಗದಾಶ್ರಯವಳಿದು ಲಿಂಗದಾಶ್ರಯವುಳಿದು

ಲಿಂಗದೊಳು ಮನವು ಒಡವರದ | ಕಾರಣವು

ಅಂಗಗುಣವೆನಗೆ ಇನಿತಿಲ್ಲ || 48 ||

ಗುರು ನಿಮ್ಮ ಚರಣವ ಮರೆಯನು, ಮರೆದಡೆ

ಪರಿಭವದ ಬಾಧೆ ಬರಲಯ್ಯಾ | ಕಡೆಯಲ್ಲಿ

ದೊರೆ ನರಕದೊಳಗೆ ತುಳಿಯಯ್ಯ || 49 ||

ನಡೆವಲ್ಲಿ ನುಡಿವಲ್ಲಿ ಉಡುವಲ್ಲಿ ಉಂಬಲ್ಲಿ

ಬಿಡೆನಯ್ಯ ನಿಮ್ಮ ಚರಣವ | ಈ ಛಲವ

ಕಡೆ ಮುಟ್ಟಿಸೆನಗೆ ಗುರುರಾಯ || 50 ||

ಘನಗುರುವೆ ನೀನೆನ್ನ ಮನದೋಳೇ ಇರು ಕಂಡ್ಯಾ

ಮನವ ಬಿಟ್ಟಿನಿತು ಅಗಲಿದಡೆ | ನಿಮಗಿನ್ನು

ಅನಘ ಶರಣರ ಅಡಿಯಾಣೆ || 51 ||

ಆವಾವ ಭೋಗಗಳ ಜೀವಭಾವದಿ ನಾನು

ಭಾವಿಸಿ ಪಿಡಿದು ಸವಿದಡೆ | ನರಕದ

ಭಾವಿಯೊಳಗದ್ದಿ ತೆಗೆಯಯ್ಯ || 52 ||

ಗುರು ಕೊಟ್ಟ ಭೋಗವನ್ನು ಗುರುವಿಗೆ ನಾನಿತ್ತು

ಗುರುಮುಖದಿಂದ ಒದಗಿದ | ಶೇಷವನು

ಇರದೆ ನಾನುಂಡು ಸುಖಿಯಾದೆ || 53 ||

ಲಿಂಗವು ಬಂದೆನ್ನ ಅಂಗದೊಳು ನೆಲಸಲು

ಅಂಗವು ಲಿಂಗದೊಳಗಾದೆ | ಕಾರಣವು

ಹಿಂಗಿದವು ಎನ್ನ ಭವಗಳು || 54 ||

ನಾನಾ ಜನ್ಮಗಳೊಳಗೆ ನಾ ತೊಳಲುತಿರಲಾಗಿ

ನೀನೆನಗೆ ಬಂದು ಕೃಪೆಯಾದ | ಕಾರಣವು

ನಾ ನಿನ್ನ ಪಾದದೂಳೆಡವರೆದೆ || 55 ||

ಹಿಂದಣ ಭವಗಳೆಲ್ಲ ಸಂದಿತ್ತು ಇಲ್ಲಿಗೆ

ಮುಂದಿನ್ನು ಎನಗೆ ಭವವಿಲ್ಲ | ಗುರುರಾಯ

ಹೊಂದಿದೆನು ನಿಮ್ಮ ಚರಣದೊಳು || 56 ||

ನಿಮ್ಮ ತೊತ್ತಿನ ತೊತ್ತು ನಿಮ್ಮ ಭೃತ್ಯರ ಭೃತ್ಯೆ

ನಿಮ್ಮಡಿಯ ನಾನು ಮರೆಹೊಕ್ಕೆ | ಘನಗುರುವೆ

ನಿಮ್ಮ ಕೃಪೆಯಿಂದ ಸಲಹಯ್ಯಾ || 57 ||

ಎನ್ನ ಕಾಯವೆ ಗುರು ಎನ್ನ ಪ್ರಾಣವೆ ಲಿಂಗ

ಎನ್ನಂತರಾತ್ಮ ಚರಲಿಂಗ | ವಾಗಲು

ಇನ್ನುಂಟೆ ಎನಗೆ ತನುಮನವು || 58 ||

ಜಯ ನಿತ್ಯ ರೂಪನೆ ಜಯ ಸತ್ಯಸದ್ಗುರುವೆ

ಜಯಭಕ್ತರರಸ ಅಘಹರನೆ | ಮದ್ಗುರುವೆ

ಜಯ ಎನ್ನ ಮನದ ತವನಿಧಿಯ || 59 ||

ನಲ್ಲಳು ನಲ್ಲನ ಸುಖವ ಎಲ್ಲರಿಗೆ ಅರುಹುವಳೆ ?

ಬಲ್ಲಡೆ ಅದರ ತೆರನಂತೆ| ಲಿಂಗಸುಖ

ಬಲ್ಲವರು ಪರರಿಗುಸುರುವರೆ || 60 ||

ಚಿನ್ನ ಬಣ್ಣಗಳಂತೆ ರನ್ನ ದೀಪ್ತಿಗಳಂತೆ

ಭಿನ್ನವಿಲ್ಲದೆ ಬೆರೆದಿಹರು | ಲಿಂಗದೊಳು

ಪನ್ನಗಧರನ ಶರಣರು || 61 ||

ಎಲ್ಲ ಭೋಗಂಗಳಲಿ ಪಲ್ಲಯಿಸಿ ಇರುವವರು

ಬಲ್ಲಡೆ ಅವರ ಪರಿಬೇರೆ |

ಶರಣರ ಖುಲ್ಲ ಮಾನವರು ಜರಿವರು || 62 ||

ಭಕ್ತರ ತೊತ್ತಾಗಿ ಇರಿಸೆನ್ನ

ಭಕ್ತರುಂಡುಳಿದ ವರಶೇಷ | ಗಳಕೊಂಬ

ನಿತ್ಯ ಸುಖವೆನಗೆ ಕೊಡು ಗುರುವೆ || 63 ||

ಎನ್ನವಗುಣಗಳ ಇನ್ನು ನೋಡದೆ ಗುರು

ಚನ್ನಮಲ್ಲೇಶ ಕೃಪೆಗೈದ | ಕಾರಣ

ಎನ್ನ ಪರಿಭವವು ಪರಿಯಿತ್ತು || 64 ||

ಬಲ್ಲವರೆ ಬಲ್ಲರು ಎಲ್ಲರಿಗೆ ತಿಳಿಯದು

ಕಲ್ಲೋಳಗೆ ಅನಲ ಇರುವಂತೆ | ಇದರನುವ

ಬಲ್ಲವರಿಗರ್ಥ ತಿಳಿವುದು || 65 ||

ಯೋಗಾಂಗ ತ್ರಿವಿಧಿಯ ರಾಗದಿಂ ಬರೆದೋದಿ

ರೋಗ ಭವಬಾಧೆ ಪರಿವುದು | ಲಿಂಗದೊಳ

ಗಾಗಿ ಸುಖದಿಂದ ಮೆರೆವರು || 66 ||

ಗುರುಚನ್ನಮಲ್ಲನ ವರಕೃಪಾರಸವೆನ್ನ

ಶರೀರವ ತುಂಬಿ ಹೊರಸೂಸೆ | ಅದರಿಂದ

ಬರೆದೆನು ಬಲ್ಲ ಪರಿಯಲ್ಲಿ || 67 ||

ಮಂಗಳಾರತಿ

ಕಂಗಳ ನೋಟವು ಕಾಯದ ಕರದಲಿ

ಲಿಂಗದ ಕೂಟವು ಶಿವ ಶಿವ ಚೆಲುವನು

ಮಂಗಳ ಮೂರುತಿ ಮಲೆಗಳ ದೇವಂಗೆತ್ತುವೆ

ನಾರತಿಯ, ಬೆಳಗುವೆನಾರತಿಯ ||ಪ||

ಜಗವಂದ್ಯಗೆ ಬೇಟವ ಮಾಡಿದೆ ನಾ

ಹಗೆಯಾದೆನು ಸಂಸಾರಕ್ಕೆಲ್ಲಾ

ನಗುತೈದರೆ ಲಜ್ಜೆಯ (ನಾಚಿಕೆಯನು) ತೊರೆದವಳೆಂದೆನ್ನ|

ಗಗನ ಗಿರಿಯ ಮೇಲಿರ್ದಹನೆಂದಡೆ

ಲಗುನೆಯಾಗಿ ನಾನರಸುತ ಬಂದೆನು

ಅಘಹರ ಕರುಣಿಸು ನಿಮಗಾನೊಲಿದೆನು

ಮಿಗೆ ಒಲಿದಾರತಿಯ || 1 ||

ಭಕುತಿ- ರತಿಯ ಸಂಭಾಷಣೆಯಿಂದವೆ

ಮುಕುತಿಯ ಮರೆದೆನು, ಕಾಯದ, ಜೀವದ

ಪ್ರಕೃತಿಯ ತೊರೆದೆನು ಸುತ್ತಿದ ಮಾಯಾಪಾಶವ ಹರಿದೆನಲಾ|

ಸುಕೃತಿಯಾಯ್ತು ನಿಮ್ಮಯ ನೆನಹಿಂದವೆ

ಮುಕುತಿಯ ಫಲಗಳ ದಾಂಟಿಯ ಬಂದೆನು

ಶಕುತಿಯಾದನಾಪ್ರಾಣಲಿಂಗಕೆ

ಮನವೊಲಿದಾರತಿಯ || 2 ||

ಮೆಚ್ಚಿ ಒಲಿದು ಮನವಗಲದ ಭಾವವು

ಬಿಚ್ಚದೆ ಬೇರೆಂದೆನಿಸದ ಪ್ರಾಣವು

ಬೆಚ್ಚಂತಿರ್ದುದು ಅಚ್ಚೊತ್ತಿದ ಮಹಾಘನ ತಾ ನೆಲೆಗೊಂಡು

ಪಶ್ಚಿಮ ಮುಖದಲಿ ಬೆಳಗುಪ್ರಕಾಶವು

ನಿಚ್ಚನಿರಂಜನ ಚನ್ನ ಮಲ್ಲಿಕಾರ್ಜುನ

ದೇವಂಗೆತ್ತುವೆನಾರತಿಯಾ ಮನವೊಲಿದಾರತಿಯಾ || 3 ||

ರಾಯಚೂರು ಜಿಲ್ಲೆಯ ಶರಣರು -4 ಮಹಾಶರಣೆ ಮುಕ್ತಾಯಕ್ಕ.

2026-03-07T20:03:00.001+05:30

🌼ರಾಯಚೂರು ಜಿಲ್ಲೆಯ ಶರಣರು- 4

🔶ಮಹಾಜ್ಞಾನಿ ಶರಣೆ ಮುಕ್ತಾಯಕ್ಕ.

ಅನುಭಾವದ ನೆಲೆಯಲ್ಲಿ ಅತ್ಯಂತ ಉನ್ನತ ಮಟ್ಟಕ್ಕೆ ತಲುಪಿದ ಶರಣೆ, ಇವರ ತವರೂರು ಗದಗ ಜಿಲ್ಲೆಯ ಲಕ್ಕುಂಡಿ,

ಗಂಡನ ಊರು ಹಾಗೂ ಇವರು ಐಕ್ಯವಾದ ಸ್ಥಳ : ಇಂದಿನ ರಾಯಚೂರು ಜಿಲ್ಲೆಯ, ದೇವದುರ್ಗ ತಾಲೂಕಿನ ಮೊಸುಳೆಕಲ್ಲು( ಮೊಸರುಕಲ್ಲು) ಗ್ರಾಮ

ಇವರ ಕಾಲ-1160

ಅಂಕಿತನಾಮ - ಅಜಗಣ್ಣತಂದೆ,

ಪ್ರಸ್ತುತ ಲಭ್ಯವಿರುವ ವಚನಗಳು- 37

ಕಾಯಕ - ಹೈನುಗಾರಿಕೆ.

ಆದ್ಯರ ಅರವತ್ತು ವಚನಕ್ಕೆ

ದಣ್ಣಾಯಕರಿಪ್ಪತ್ತು ವಚನ,

ದಣ್ಣಾಯಕರ ಇಪ್ಪತ್ತು ವಚನಕ್ಕೆ

ಪ್ರಭುದೇವರ ಹತ್ತುವಚನ,

ಪ್ರಭುದೇವರ ಹತ್ತು ವಚನಕ್ಕೆ

ಅಜಗಣ್ಣನ ಐದು ವಚನ,

ಅಜಗಣ್ಣನ ಐದು ವಚನಕ್ಕೆ

ಕೂಡಲಚೆನ್ನಸಂಗಮದೇವಾ,

ಮಹಾದೇವಿಯಕ್ಕಗಳದೊಂದೆ ವಚನ ನಿರ್ವಚನ.

ಅಜಗಣ್ಣನ ವಚನವೆಂದರೆ ಅದು ಅತ್ಯಂತ ಅರ್ಥಪೂರ್ಣ, ಉತ್ಕೃಷ್ಟ ಆಧ್ಯಾತ್ಮಿಕ ನೆಲೆಯ ವಚನಗಳಾಗಿವೆ ಎಂಬುದನ್ನು ಮೇಲಿನ ವಚನದಲ್ಲಿ ಚೆನ್ನಬಸವಣ್ಣನವರು ತಿಳಿಸುತ್ತಾರೆ.

ಅಜಗಣ್ಣ ಮುಕ್ತಾಯಕ್ಕನಿಗೆ ಬರಿ ಅಣ್ಣ ಮಾತ್ರವಲ್ಲ, ಆಕೆಯ ಗುರುವಾಗಿ ನಿಂತವನು, ಐಕ್ಯಸ್ಥಲದ ಶರಣ ಅಜಗಣ್ಣ. ಅಜ, ಎಂದರೆ ಜ್ಞಾನ, ಗಣ್ಣ, ಎಂದರೆ ಕಣ್ಣು, ಅಜಗಣ್ಣ ಅದ್ವಿತೀಯ ಜ್ಞಾನ ಸಾಧಕನಾಗಿದ್ದು ಅಷ್ಟೇ ತನ್ನ ಭಕ್ತಿಯನ್ನು ಹೊರಗಡೆತೋರುಗೊಡದೆ, ನಿರಾಡಂಬರ ಭಾವಲಿಂಗ ಪೂಜಕನಾಗಿ, ಗುಪ್ತಭಕ್ತನಾಗಿದ್ದ, ಆತನ ಅಂತರಂಗವು ಸದಾ ಲಿಂಗಧ್ಯಾನದಲ್ಲೇ ಇರುತ್ತಿತ್ತು

ಅಂಕಿತನಾಮ : ಮಹಾಘನಸೋಮೇಶ್ವರಾ.

ಪ್ರಸ್ತುತ ಲಭ್ಯವಿರುವ ವಚನಗಳು : 10.

ಕಾಯಕ : ವ್ಯವಸಾಯ.

ಸಜ್ಜನವೆ ಮಜ್ಜನ, ಸದಾಚಾರವೆ ಧೂಪಾರತಿ,

ಆ ಗಮನವೆ ಪೂಜೆಯಾಗಿ ಅಂಗವಿರಹಿತವಾದಲ್ಲಿ

ಉದಯಾಸ್ತಮಾನವಿಲ್ಲದ ಲಿಂಗಾರ್ಚನೆ,

ಮಹಾಘನಸೋಮೇಶ್ವರಾ, ನಿಮ್ಮ ಶರಣಂಗೆ.

ಅಂತರಂಗದ ಪೂಜೆಗೆ ಮೀಸಲಾದ ಶರಣರಿಗೆ, ಬಹಿರಂಗದ ಅರ್ಚನೆ ಪೂಜೆ ಬೇಕಿಲ್ಲ, ತಾನು ಕಳೆಯುವ ಸಮಯವೆಲ್ಲವೂ ಲಿಂಗಮಯವಾಗಿ, ಹಗಲು ಇರುಳು ಎನ್ನದೇ ಎಲ್ಲವು ಏಕವಾಗದ, ಶರಣನ ಜೀವನವೇ ಶಿವಯೋಗವು ಎನ್ನುತ್ತಾರೆ ಅಜಗಣ್ಣನವರು. ಇವರ ಸೋದರ ಮಾವನು ತನ್ನ ಮಗಳನ್ನು ಕೊಟ್ಟು ವಿವಾಹ ಮಾಡುತ್ತಾನೆ, ಆದರೂ ಅಂತರ್ಮುಖಿ ಶರಣ, ಅಂತರಂಗದಲ್ಲೇ ಶಿವಧ್ಯಾನ ಮಾಡುತ್ತಿರುತ್ತಾನೆ, ಜನರು ಈತನನ್ನು ಎಷ್ಟೇ ಗೇಲಿ ಮಾಡಿದರೂ ಮೌನವಾಗಿರುತ್ತಿದ್ದ, ಸಾತ್ವಿಕ ವ್ಯಕ್ತಿತ್ವದ ಶರಣ ಅಜಗಣ್ಣ. ಯಾವುದೇ ಬಹಿರಂಗದ ವಿಚಾರಗಳಿಗೆ ಒತ್ತುಗೊಂಡದ ಈತನನ್ನು ಜನ ಬುದ್ದಿಮಾಂದ್ಯನೆಂದು ಭಾವಿಸಿದ್ದರು, ತಮ್ಮ ಕೆಲಸ ಕಾರ್ಯಗಳಿಗೆ ಈತನ ಸಹಾಯ ಕೇಳುತ್ತಿದ್ದರು. ಇನ್ನೊಂದು ಕಡೆ, ತಾನು ಪ್ರೀತಿಯಿಂದ ಸಾಕಿ ಬೆಳೆಸಿದ ತನ್ನ ತಂಗಿಯನ್ನು ಈಗಿನ ರಾಯಚೂರು ಜಿಲ್ಲೆಯ, ದೇವದುರ್ಗ ತಾಲೂಕಿನ ಮೊಸುಳೆಕಲ್ಲು ಗ್ರಾಮದ ವರನಿಗೆ ಕೊಟ್ಟು ವಿವಾಹ ಮಾಡುತ್ತಾನೆ, ತನ್ನ ತಂಗಿ ಊರಿಗೆ ಬಂದು, ತಂಗಿ ಮುಕ್ತಾಯಿಗೆ ಹೈನುಗಾರಿಕೆ ಮಾಡಲು ಉತ್ತೇಜಿಸುತ್ತಾನೆ, ಅಂದಿನ ದಿನಮಾನದಲ್ಲಿ ಮೊಸುಳೆಕಲ್ಲು ಗ್ರಾಮಕ್ಕೆ ಇವರ ಹೈನುಗಾರಿಕೆ ಹೆಸರುವಾಸಿಯಾಗಿತ್ತು, ಹಾಲನ್ನು ಮಾರಾಟ ಮಾಡಿದರೆ, ಬಿಸಿಲ ಜಿಲ್ಲೆಯಾದ್ದರಿಂದ ಮಜ್ಜಿಗೆಯನ್ನು ಜನರಿಗೆ ಉಚಿತವಾಗಿಯೇ ನೀಡುತ್ತಿದ್ದಳು, ಅದಕ್ಕಾಗಿಯೇ ಇವರನ್ನು ಇಂದಿಗೂ ಜನರು ಮಜ್ಜಿಗೆ ಮಾಳಮ್ಮ ಎಂದು ಜನ ಗುರುತಿಸುತ್ತಾರೆ. ಜನಪದರ ಸಾಹಿತ್ಯದಲ್ಲೂ ಇವರ ಬಗ್ಗೆ ಉಲ್ಲೇಖ ಮಾಡಲಾಗಿದೆ.

ಮಾಸಾಳ ಊರಾಗ ಶಿವಭಕ್ತರ ಮನಿಯಾಗ ಖುಷಿಯಾಗಿ

ತಂಗಿಗಿ ಕೊಟ್ಟಾನ | ಮುಕ್ತಾಯಿ ಹಸನಾಗಿ ಬದುಕ ಮಾಡ್ಯಾಳ||"

"ಆಕಳ ಬಿಟಕೊಂಡು ಹೊಲಕ ತಾ ಬರತಾಳ

ಮೂಕಾಗಿ ಆಕಳ ಕಾಯ್ದಾಳ | ಮುಕ್ತಾಯಿ

ಮುಕ್ಕಣ್ಣನ ಧ್ಯಾನ ಮಾಡ್ಯಾಳ" ಎಂಬಲ್ಲಿ ಮುಕ್ತಾಯಕ್ಕ ಹೈನುಗಾರಿಕೆ ಮಾಡುತ್ತಿದ್ದಳು ಎಂಬುದು ಜಾನಪದರಿಂದ ಸ್ಪಷ್ಟವಾಗುತ್ತದೆ, ಅಣ್ಣ ಅಜಗಣ್ಣನು ಮರಳಿ ಲಕ್ಕುಂಡಿಗೆ ಹೋಗುವಾಗ ತಂಗಿ ಕೇಳುತ್ತಾಳೆ, ನೀನೋ ಮೌನವಾಗಿರುತ್ತಿಯಾ, ನಿನ್ನ ಬಗ್ಗೆ ನಿನ್ನ ಆಗು ಹೋಗುಗಳ ಬಗ್ಗೆ, ನನಗೆ ಹೇಗೆ ತಿಳಿಯಬೇಕಣ್ಣ ಎಂದು ಕೇಳಿದಾಗ, ಆಗ, ಅಜಗಣ್ಣ ಹೇಳುತ್ತಾನೆ, “ತಂಗಿ ನಿನ್ನ ಮನಿಯ ಹಿತ್ತಲದೊಳಗೆ ಮಲ್ಲಿಗೆಯ ಗಿಡ ಹಚ್ಚು. ಯಾವಾಗ ಆ ಗಿಡ ಒಣಗುವುದೊ ಆವಾಗ ನನ್ನ ಅವಸಾನ ಅಂತ ತಿಳಿದುಕೋ” ಎನ್ನುತ್ತಾರೆ. ಇದು ಹಲಗೆ ಆರ್ಯನ ಶೂನ್ಯ ಸಂಪಾದನೆ. ಆದರೆ, ಇನ್ನು ಸಿದ್ಧನಂಜೇಶರ ಗುರುರಾಜ ಚಾರಿತ್ರ್ಯದಲ್ಲಿಯೂ ಮುಕ್ತಾಯಕ್ಕ, “ನಿನ್ನ ಅವಸಾನದ ಕುರುಹು ಏನು?” ಎನ್ನುತ್ತಾರೆ. “ನೀನುಟ್ಟ ಸೀರೆಯ ನಿರಿಗೆ ಕಳಚಿದಾಗ, ತೋರಮುಡಿ ಕಳಚಿದಾಗ, ಕಡೆಯುವ ಮೊಸರು, ಕಲ್ಲು ಆದಾಗ ನನ್ನ ಅವಸಾನವಾಯಿತೆಂದು ತಿಳಿ” ಎಂದು ವಿವರಿಸಲಾಗಿದೆ. ಹೀಗೆ ಅಜಗಣ್ಣನು ಲಕ್ಕುಂಡಿಗೆ ಬಂದು ನೆಲೆಸುತ್ತಾನೆ, ಒಂದು ದಿನ, ಭಾರವಾದ ಧಾನ್ಯಗಳ ಮೂಟೆ ಹೊತ್ತು ಮನೆಯೊಳಗೆ ಬರುವಾಗ ಮನೆಯ ಹೊಸ್ತಿಲು ಹಣೆಗೆ ತಾಕಿ, ಆತನ ಬಾಯಿಂದ ನಮಃ ಶಿವಾಯ ಓಂ ಎಂಬ ಮಂತ್ರವು ಹೊರ ಹೊಮ್ಮುತ್ತದೆ, ಆತನ ಗುಪ್ತಭಕ್ತಿಯು ಹೊರಬಂದ ಕ್ಷಣದಲ್ಲೇ ಆ ನಮಃ ಶಿವಾಯ ಓಂ ಎಂದ ಒಂದೇ ಶ್ವಾಸದಲ್ಲೇ ಅವರ ಪ್ರಾಣವು ಮಹಾಲಿಂಗದಲ್ಲಿ ಬಯಲಾಗುತ್ತದೆ, ಇತ್ತ ಮುಕ್ತಾಯಕ್ಕನಿಗೆ ಅಣ್ಣನ ಅವಸಾನದ ಬಗ್ಗೆ ತಿಳಿದು ತಾನು ಹೋಗುವಷ್ಟರಲ್ಲಿ ಅಣ್ಣನ ಪ್ರಾಣ ಮಹಾಲಿಂಗದಲ್ಲಿ ವಿಲೀನವಾಗಿರುತ್ತದೆ, ಇದನ್ನು ಕಂಡ ಮುಕ್ತಾಯಕ್ಕ, ನನ್ನಣ್ಣನ ಅರಿವು ಮತ್ತು ಜ್ಞಾನವನ್ನರಿಯದ ಜನ ಆತನನ್ನು ನೆನೆಸಿಕೊಂಡ ಬಗ್ಗೆ ಬೇಸರ ಪಡುತ್ತಾಳೆ. ಹಾಗೂ ತನ್ನ ಗುರುಸ್ವರೂಪಿ ಅಣ್ಣನ ಜ್ಞಾನದ ಶಿರವನ್ನು ತನ್ನ ತೊಡೆಯ ಮೇಲಿರಿಸಿ ಮಗುವಿನಂತೆ ಮಲಗಿಸಿಕೊಂಡು, ಅಲೌಕಿಕದ, ಆಧ್ಯಾತ್ಮದ ಗುರು ನೀನು ಹೋದರೆ ನನಗೆ ಭಕ್ತಿಯ ಮಾರ್ಗ ತೋರುವವರಾರು ಎಂದು ಅಳುತ್ತಿರುತ್ತಾಳೆ.

ಶೂನ್ಯಸಂಪಾದನೆಯಲ್ಲಿ ಬರುವ ಸನ್ನಿವೇಶದ ವಚನಗಳು ಹೀಗಿವೆ..

ಮುಕ್ತಾಯಕ್ಕ:

ಅರಿವನಣಲೊಳಗಿಕ್ಕಿ ಅಗಿವುತ್ತಿದೆ ಮರ್ತ್ಯಲೋಕವೆಲ್ಲವು.

ಅರಿವು ಉಳಿಯಲರಿಯದೆ ಕೆಟ್ಟಿತ್ತು ಲೋಕವೆಲ್ಲವು. ನಾನೆಂತು ಬದುಕುವೆನಣ್ಣಾ? ಕತ್ತಲೆ ಬೆಳಗ ಕಾಂಬ ಸಂದೇಹಿ ನಾನೊಬ್ಬಳು. ಎನ್ನ ಕಣ್ಣ ಕಟ್ಟಿ ಕನ್ನಡಿಯ ತೋರಿತ್ತೊ ಅಜಗಣ್ಣ ನಿನ್ನ ಯೋಗ.

ಬರಿಯ ಬಾಹ್ಯದ ಭ್ರಮೆಯಲ್ಲಿ ಈ ಲೋಕವೇ ಕೆಟ್ಟಿತ್ತು, ಅಂತರಂಗದ ನಿಜದ ಅರಿವನ್ನು ತೋರುವುದೇ ಎನ್ನ ಅಜಗಣ್ಣನ ನಿಜ ಯೋಗವಾಗಿತ್ತು ಎನ್ನುತ್ತಾ,

ಅಂಧಕನ ಕೈಯ ಅಂಧಕ ಹಿಡಿದಂತಿರಬೇಕು. ಮೂಗನ ಕೈಯಲ್ಲಿ ಕಾವ್ಯವ ಕೇಳಿದಂತಿರಬೇಕು. ದರ್ಪಣದೊಳಗೆ ಪ್ರತಿಬಿಂಬದಂತೆ ಹಿಡಿವರಿಗಳವಲ್ಲದಿರಬೇಕು ಅಣ್ಣಾ, ಕೂರ್ಮನ ಶಿಶುವಿನ ಸ್ನೇಹದಂತೆ ಇರಲೊಲ್ಲದೆ ಆರೂಢಗೆಟ್ಟೆಯೊ ಅಜಗಣ್ಣಾ.

ಇದ್ದು ಇಲ್ಲದಂತೆ, ಸದ್ದುಗದ್ದಲವಿಲ್ಲದೆ ಸಾಧನೆ ಮಾಡಿದ ನಿನ್ನ ಅಂತರಂಗದ ಧ್ವನಿಯೇ ಎನಗೆ ಗುರುವಾಗಿ ಸತ್ಯದ ಮಾರ್ಗ ತೋರುತ್ತಿತ್ತು ಎಂದು ಅಳುತ್ತಿರುತ್ತಾಳೆ.

ಆಗ ಅಲ್ಲಮಪ್ರಭುಗಳು ಹೀಗೆ ಕೇಳುತ್ತಾರೆ,

ಅಂಗೈಯೊಳಗೊಂದು ಅರಳ ತಲೆಯ ಹಿಡಿದುಕೊಂಡು ಕಂಗಳ ಮುತ್ತ ಪವಣಿಸುವಾಕೆ ನೀನಾರು ಹೇಳಾ?

ಸಂದ ಸಂಪಿಗೆಯರಳ ತುಂಬಿ ಬಂದುಂಬ ಭೇದವನರಿಯದೆ ಹಂಬಲಿಸುವ ಪರಿತಾಪವೇನು ಹೇಳಾ? ಒಂದೆಂಬೆನೆ ಎರಡಾಗಿದೆ ಎರಡೆಂಬೆನೆ ಒಂದಾಗಿದೆ ಅರಿವಿನೊಳಗಣ ಮರಹಿದೇನು ಹೇಳಾ? ದುಃಖವಿಲ್ಲದ ಅಕ್ಕೆ ಅಕ್ಕೆಯಿಲ್ಲದ ಅನುತಾಪ.

ನಮ್ಮ ಗುಹೇಶ್ವರಲಿಂಗದಲ್ಲಿ ತೋರುತ್ತಿದೆ, ನೀನಾರೆಂದು ಹೇಳೆ ಎಲೆ ಅವ್ವಾ? ಎಂದಾಗ

ಮುಕ್ತಾಯಕ್ಕ:

ಆರೆಂದು ಕುರುಹ ಬೆಸಗೊಳಲು ಏನೆಂದು ಹೇಳುವೆನಯ್ಯಾ? ಕಾಯದೊಳಗೆ ಮಾಯವಿಲ್ಲ; ಭಾವದೊಳಗೆ ಭ್ರಮೆಯಿಲ್ಲ. ಕರೆದು ಬೆಸಗೊಂಬಡೆ ಕುರುಹಿಲ್ಲ.

ಒಬ್ಬರಿಗೂ ಹುಟ್ಟದೆ, ಅಯೋನಿಯಲ್ಲಿ ಬಂದು ನಿರ್ಬುದ್ದಿಯಾದವಳನೇನೆಂಬೆನಣ್ಣಾ? ತಲೆಯಳಿದು ನೆಲೆಗೆಟ್ಟು ಬೆಳಗುವ ಜ್ಯೋತಿ ಎನ್ನ ಅಜಗಣ್ಣತಂದೆಯ ಬೆನ್ನ ಬಳಿಯವಳಾನಯ್ಯಾ

ಅಲ್ಲಮ ಪ್ರಭು:

ಕಾಣದುದ ಕಂಡೆ ಕೇಳದುದ ಕೇಳಿದೆ

ಮುಟ್ಟಬಾರದುದನ್ನು ಮುಟ್ಟಿದೆ

ಅಸಾಧ್ಯವ ಸಾಧಿಸಿದೆ, ತಲೆಗೆಟ್ಟುದ

ತಲೆವಿಡಿದೆ, ನೆಲೆಗಟ್ಟುದನಿರ್ಧರಿಸಿದೆ

ಗುಹೇಶ್ವರಾ ನಿಮ್ಮ ಶರಣ

ಅಜಗಣ್ಣನಿಗೆ ಶರಣೆಂದು ಬದುಕಿದೆನು

ಎಂಬ ಅಲ್ಲಮರ ನುಡಿಕೇಳಿ

ಎಲ್ಲರಂತೆ ಬಾಹ್ಯ ಆಡಂಬರವಾಗಿ ಬದುಕಲಿಲ್ಲ, ಲೌಕಿಕ ವಿಷಯಂಗಳಿಗೆ ಕುದಿಯದೆ, ಎಲ್ಲರಂತೆ ಐಕ್ಯವಾಗದೇ ಅವಿರಳ ನಿಜೈಐಕ್ಯನಾದ ಎನ್ನ ಅಣ್ಣನನ್ನು ಕಂಡು ಶರಣೆಂಬಾತ ನೀನಾರು ಎಂದು ಕೇಳುತ್ತಾಳೆ ಮುಕ್ತಾಯಕ್ಕ:

ಸಚ್ಚಿದಾನಂದ ಸ್ವರೂಪನಾದ

ವಾಙ್ಮನಕ್ಕಗೋಚರವಾದ

ಜ್ಞಾನಶಕ್ತಿಯನೊಳಗೊಂಡು ನಿಂದ

ಜಂಗಮವೆ ಅಂಗಪ್ರಾಣವಾದ

ಶರಣರನೊಳಕೊಂಡು ಚಿದ್ಘನದೊಳಗೆ

ಅವಿರಳೈಕ್ಯವಾದ ಎನ್ನ ಅಜಗಣ್ಣ ತಂದೆಯನರಿದು

ಶರಣೆಂಬಾತ ನೀನಾರು ಹೇಳಯ್ಯಾ

ಆಗ ಅಲ್ಲಮಪ್ರಭುಗಳು:

ಶರಣು ಶರಣಾರ್ಥಿ ಎಲೆ ತಾಯೆ

ಧರೆಯಾಕಾಶಮನೆಗಟ್ಟದಂದು

ಹರಿವ ಅನಿಲ ಅಗ್ನಿ ಜಲ

ಮೊಳೆದೋರದಂದು ಹುಟ್ಟಿದಳೆಮ್ಮವ್ವೆ

ಅದಕ್ಕೆ ಮುನ್ನವೆ ಹುಟ್ಟದೆ

ಬೆಳೆದೆನೆಮ್ಮಯ್ಯ, ಈ ಇಬ್ಬರ

ಬಸುರಲ್ಲಿ ಬಂದೆನಾನು

ಎಮ್ಮ ತಂಗಿಯರೈವರು

ಮೊರೆಗೆಟ್ಟು ಹೆಂಡಿರಾದರೆನಗೆ

ಕಾಮಬಾಣ ತಾಗದೆ ಅವರ

ಸಂಗವ ಮಾಡಿದೆನು ನಾ ನಿಮ್ಮ

ಭಾವನಲ್ಲಯ್ಯನು ನೀನೆನಗೆ ನೆಗೆವೆಣ್ಣು

ನಮ್ಮ ಗುಹೇಶ್ವರನ ಕೈವಿಡಿದು

ಪರಮ ಸುಖಿಯಾಗಿ ಕಳವಳದ

ಕಂದರವೆಯೇನು ಹೇಳಾ

ಎಂದು ಮಾರ್ಮಿಕವಾಗಿ ನುಡಿಯುತ್ತಾ ಹೀಗೆ ಹೇಳುತ್ತಾರೆ,

ಶಿವಶಕ್ತಿ ಸಂಪುಟವೆಂಬುದೆಂತು ಹೇಳಿರಣ್ಣಾ; ಶಿವನೆ ಚೈತನ್ಯಾತ್ಮಕನು, ಶಕ್ತಿಯೆ ಚಿತ್ತು. ಇಂತು, ಚೈತನ್ಯಾತ್ಮಕನೆ ಚಿತ್‌ಸ್ವರೂಪನೆಂದರಿಯ ಬಲ್ಲಡೆ ಆತನೆ ಶರಣ ಗುಹೇಶ್ವರಾ.

ಆಗ ಮುಕ್ತಾಯಕ್ಕ:

ದೇವ ದೇವ ಶರಣು ಶರಣಾರ್ಥಿ, ಅವಧರಿಸಯ್ಯಾ.

ಕೇಳಿದ ಸುಖ ಕಿವಿಗೆ ಬೇಟವಾಯಿತ್ತು.

ಕಿವಿಗಳ ಬೇಟ ಕಂಗಳಮುಂದೆ ಮೂರ್ತಿಗೊಂಡಿತ್ತು.

ಕಂಗಳ ಮುಂದೆ ಕಂಡ ಸುಖವು ಮನಕ್ಕೆ ವೇದ್ಯವಾಯಿತ್ತು.

ಶಿವಶರಣರ ದರುಶನದ ಸುಖವೇನೇನೆಂದೆನಬಹುದು?

ಮದವಳಿದು ಮಹವನೊಡಗೂಡಿದ ಎನ್ನ ಅಜಗಣ್ಣನಗಲಿದ ದುಃಖ

ನಿಮ್ಮ ಸಂಗದಲ್ಲಿ ಸಯವಾಯಿತ್ತು ಕಾಣಾ ಪ್ರಭುವೆ.

ಅಲ್ಲಮಪ್ರಭುಗಳು:

ಅರಿವರತು ಮರಹುಗೆಟ್ಟು ತನ್ನಲ್ಲಿ ತಾನು ಸನ್ನಹಿತನಾದವಂಗೆ ದುಃಖಿಸುವರೆ ಹೇಳಾ? ಶೋಕಿಸುವರೆ ಹೇಳಾ? ಒಡಲಿಲ್ಲದಾತಂಗೆ ಎಡೆಯಲೊಂದು ಅಳಿವುಂಟೆಂದು ನುಡಿದು ಹೇಳುವ ಮಾತು ಭ್ರಾಂತು ನೋಡಾ! ಎರಡಿಲ್ಲದ ಐಕ್ಯಂಗೆ ಒಳಹೊರಗಿಲ್ಲ ನೋಡಾ, ಗುಹೇಶ್ವರನ ಶರಣ ಅಜಗಣ್ಣಂಗೆ!

ಮುಕ್ತಾಯಕ್ಕ:

ನೀರಬೊಂಬೆಗೆ ನಿರಾಳದ ಗೆಜ್ಜೆಯ ಕಟ್ಟಿ, ಬಯಲಬೊಂಬೆಯ ಕೈಯಲ್ಲಿ ಕೊಟ್ಟು ಮುದ್ದಾಡಿಸುತ್ತಿರ್ದನಯ್ಯಾ.

ಕರ್ಪೂರದ ಪುತ್ಥಳಿಗೆ ಅಗ್ನಿಯ ಸಿಂಹಾಸನವನಿಕ್ಕಿ, ಅಗ್ನಿ ಕರಗಿ ಕರ್ಪೂರ ಉಳಿದುದಕ್ಕೆ ಬೆರಗಾದೆನಯ್ಯಾ, ಎನ್ನ ಅಜಗಣ್ಣನ ಯೋಗಕ್ಕೆ.

ಅಲ್ಲಮಪ್ರಭುಗಳು:

ಅಳಿವನಲ್ಲ ಉಳಿವನಲ್ಲ, ಘನಕ್ಕೆ ಗಮನನಲ್ಲ, ಮನಕ್ಕೆ ಸಾಧ್ಯನಲ್ಲ, ತನ್ನ ತಪ್ಪಿಸಿ ಇದಿರನೊಪ್ಪಿಸಿಹೆನೆಂಬ ಭಿನ್ನಭಾವಿಯಲ್ಲ, ಗುಹೇಶ್ವರನ ಶರಣ ಅಜಗಣ್ಣನ ಅಂತಿಂತೆನಬಾರದು ಕೇಳಾ ತಾಯೆ.

ಮುಕ್ತಾಯಕ್ಕ:

ಅಂಬರದಲಾಡುವ ತುಂಬಿಯ ಬಿಂಬದ ಕಂಬನಿಯೊಳಗಣ ರತ್ನದ ಬಯಕೆಯಾದ್ಯಂತವನೇನೆಂಬೆನಯ್ಯಾ? ವೇದ ಶಾಸ್ತ್ರ ಶೃತಿ ಸ್ಮೃತಿಗಳು ಸ್ತುತಿಸಲರಿಯವು. ನಾದವಲ್ಲ, ಸುನಾದದ ನಿಲವಲ್ಲ ಭೇದಿಸುವಡೆ ಅಗಮ್ಯ ನೋಡಾ! ಸೋಲಿಲ್ಲದ ಸೊಮ್ಮಿಲ್ಲದ ಘನವನೇನೆಂಬೆನು? ಎಂತು ಮರೆವೆನಯ್ಯಾ ಎನ್ನ ಅಜಗಣ್ಣ ತಂದೆಯನು?

ಅಲ್ಲಮಪ್ರಭುಗಳು:

ಕಂಡೆನೆಂಬುದು ಕಂಗಳ ಮರವೆ, ಕಾಣೆನೆಂಬುದು ಮನದ ಮರವೆ, ಕೂಡಿದೆನೆಂಬುದು ಅರುಹಿನ ಮರವೆ, ಅಗಲಿದೆನೆಂಬುದು ಮರಹಿನ ಮರವೆ, ಇಂತು, ಕಂಡೆ-ಕಾಣೆ, ಕೂಡಿದೆ-ಅಗಲಿದೆ ಎಂಬ, ಭ್ರಾಂತಿಸೂತಕವಳಿದು ನೋಡಲು ಗುಹೇಶ್ವರಲಿಂಗವನಗಲಲೆಡೆಯಿಲ್ಲಾ ಕೇಳಾ, ಎಲೆ ತಾಯೆ.

ಮುಕ್ತಾಯಕ್ಕ:

ಕಣ್ಣ ಮೊದಲಲ್ಲಿ ಕುಳ್ಳಿರ್ದು ಬಣ್ಣದೋರುವ ಪರಿಯ ನೋಡು ಅವ್ವಾ.

ಬಣ್ಣವಿಲ್ಲದ ಬಣ್ಣವನುಟ್ಟು ಸುಳಿದನು. ಈ ಅಜಗಣ್ಣನ ಯೋಗಕ್ಕೆ ಬೆರಗಾದೆನವ್ವಾ.

ಈ ಅರಿವೆಂತುಟೆಲ್ಲವನೊಳಗಿಟ್ಟುಕೊಂಡನು, ಶಿವಗಣಸಂಚ ಶಿವಯೋಗಿ ಅಜಗಣ್ಣದೇವನು.

ಎಂದು ಹೇಳುತ್ತಾ ಮತ್ತೆ ಮುಂದುವರಿದು.

ತನುವಿಡಿದೆನಾಗಿ ಅನುವರಿಯದೆ ಕೆಟ್ಟೆನು.

ಮನವಿಡಿದೆನಾಗಿ ಅರಿವು ಉಳಿಯದೆ ಕೆಟ್ಟೆನು. ಭಾವದ ಬಯಕೆ ಹಿಂಗದಾಗಿ ವಿಯೋಗಿಯಾಗಿ ಕೆಟ್ಟೆನು.

ಅರಿವ ನುಡಿದು ಮರಹಿಗೊಳಗಾದೆನು. ಎನ್ನ ಕಾಣದೆ ಭಿನ್ನಜ್ಞಾನಿಯಾದೆನು. ಅಜಗಣ್ಣನೆಂಬ ಮಹಿಮನು ಘನವೇದ್ಯನಾಗಿ

ಎನ್ನ ಮತಿಗೆ ಮರವೆಯ ಮಾಡಿ ಹೋದನು.

ಅಲ್ಲಮಪ್ರಭುಗಳು:

ತನು ಉಂಟೆಂದಡೆ ಪಾಶಬದ್ಧ.

ಮನ ಉಂಟೆಂದಡೆ ಭವಕ್ಕೆ ಬೀಜ.

ಅರಿವ ನುಡಿದು ಕೆಟ್ಟೆನೆಂದರೆ ಅದೇ ಅಜ್ಞಾನ.

ಭಾವದಲ್ಲಿ ಸಿಲುಕಿದೆನೆಂಬ ಮಾತು ಬಯಲ ಭ್ರಮೆ ನೋಡಾ. ಒಮ್ಮೆ ಕಂಡೆ-ಒಮ್ಮೆ ಕಾಣೆ, ಒಮ್ಮೆ ಕೂಡಿದೆ-ಒಮ್ಮೆ ಅಗಲಿದೆ

ಎಂದಡೆ ಕರ್ಮ ಬೆಂಬತ್ತಿ ಬಿಡದು.

ನಿನ್ನೊಳಗೆ ನೀ ತಿಳಿದು ನೋಡಲು ಭಿನ್ನವುಂಟೆ? ಗುಹೇಶ್ವರಲಿಂಗವನರಿವಡೆ ನೀನೆಂದೇ ತಿಳಿದು ನೋಡಾ ಮರುಳೆ?

ಮುಕ್ತಾಯಕ್ಕ:

ಅರಿವ ನೆಲೆಗೊಳಿಸಿ ಎರಡಳಿದೆನೆಂಬವರು ಶಿಶುಕಂಡ ಕನಸಿನಂತಿರಬೇಕಲ್ಲದೆ, ನುಡಿದು ಹೇಳುವನ್ನಕ್ಕರ ಭಿನ್ನವಲ್ಲದೇನು ಹೇಳಾ?ಅರಿವರತು ಮರಹು ನಷ್ಟವಾಗಿ ಗುರುವ ತೋರಿದೆನೆಂಬರು, ಇದಿರಿಂಗೆ ಕರುಳಕಲೆಯನರುಹುವ ಪರಿಯೆಂತು ಹೇಳಾ? ಮನದ ಕೊನೆಯ ಮೊನೆಯ ಮೇಲಣ, ಅರಿವಿನ ಕಣ್ಣಮುಂದೆ ಸ್ವಯಂಪ್ರಕಾಶ ತೋರುತ್ತಿದ್ದಡೆ ತಾನಾಗಬಲ್ಲನೆ? ನೆರೆಯರಿತು ಮರೆಯಬಲ್ಲಡೆ ಎನ್ನ ಅಜಗಣ್ಣನಂತೆ ಶಬ್ದಮುಗ್ಧನಾಗಿರಬೇಕಲ್ಲದೆ, ಶಬ್ದಸಂದಣಿಯ ಮಾತು ಸಯವಲ್ಲ ನೋಡಯ್ಯಾ.

ಅಲ್ಲಮಪ್ರಭುಗಳು:

ಮಾತೆಂಬುದು ಜ್ಯೋತಿರ್ಲಿಂಗ, ಸ್ವರವೆಂಬುದು ಪರತತ್ವ. ತಾಳೋಷ್ಟ್ರಸಂಪುಟವೆಂಬುದು ನಾದಬಿಂದುಕಳಾತೀತ. ಗುಹೇಶ್ವರನ ಶರಣರು ನುಡಿದು ಸೂತಕಿಗಳಲ್ಲಾ ಕೇಳಾ ಮರುಳೆ.

ಮುಕ್ತಾಯಕ್ಕ:

ತನುವಿನೊಳಗೆ ತನುವಾಗಿ, ಮನದೊಳಗೆ ಮನವಾಗಿ, ಪ್ರಾಣದೊಳಗೆ ಪ್ರಾಣವಾಗಿಪ್ಪುದೆಂದಡೆ ಕೆಲಬರಿಗೆ ಅರಿಯಬಪ್ಪುದೆ? ಅಂತರಂಗದೊಳಗೆ ಅದೆ ಎಂದಡೇನು? ಮನ ಮುಟ್ಟುವನ್ನಕ್ಕರ ಕಾಣಬಾರದು. ವ್ಯಾಕುಲವುಳ್ಳನ್ನಕ್ಕರ ಸಾಧ್ಯವಾಗದು. ಎನ್ನ ಮನದೊಳಗೆ ಘನವನನುಗೊಳಿಸಿ ತೋರುವರಿಲ್ಲದ ಕಾರಣ ಎನ್ನ ಅಜಗಣ್ಣನಿಕ್ಕಿದ ದಸರಿದೊಡಕಿಂಗೆ ಬೆರಗಾದೆ ಕಾಣಾ ಪ್ರಭುವೆ.

ಬಹಿರಂಗದಲ್ಲಿ ಅದೆ ಅಂದಡೇನು? ಪೂಜಿಸುವನ್ನಕ್ಕರ ಕಾಣಬಾರದು. ಸಾಕಾರವಲ್ಲದ ನಿರಾಕಾರ ಲಿಂಗವು

ವ್ಯಾಕುಲವುಳ್ಳನ್ನಕ್ಕರ ಸಾಧ್ಯವಾಗದು. ಎನ್ನ ಮನದೊಳಗೆ ಘನವನನುಗೊಳಿಸಿ ತೋರುವರಿಲ್ಲದ ಕಾರಣ ಎನ್ನ ಅಜಗಣ್ಣನಿಕ್ಕಿದ ದಸರಿದೊಡಕಿಂಗೆ ಬೆರಗಾದೆ ಕಾಣಾ ಪ್ರಭುವೆ.

ಅಲ್ಲಮಪ್ರಭುಗಳು:

ಇಲ್ಲದ ಶಂಕೆಯನು ಉಂಟೆಂದು ಭಾವಿಸಿದಡೆ, ಅದು ಕಣ್ಣ ಮುಂದೆ ರೂಪಾಗಿ ಕಾಡುತ್ತಿಪ್ಪುದು. ಇಲ್ಲದ ತನುವ ಉಂಟೆಂಬನ್ನಕ್ಕರ, ಅದೇ ಮಾಯೆಯಾಗಿ ಕಾಡುತ್ತಿಪ್ಪುದು. ನಿಃಕ್ರಿಯಾಲಿಂಗಕ್ಕೆ ಕ್ರಿಯಾಂತಲ್ಲದೆ ಆಗದೆಂಬವರ ಸಂದು ಸಂಶಯ ಮುಂದುಗೆಡಿಸುತ್ತಿಪ್ಪುದು ಕೇಳಾ, ಮನವ ಮನೆಯ ಮಾಡಿಕೊಂಡಿಪ್ಪ ಲಿಂಗದ ಅನುವನರಿಯಬಲ್ಲಡೆ, ಗುಹೇಶ್ವರಲಿಂಗ ದೂರವಿಲ್ಲ ಕೇಳಾ ಮುರುಳೆ.

ಮುಕ್ತಾಯಕ್ಕ:

ಗುರುವಚನದಿಂದಲ್ಲದೆ ಲಿಂಗವನರಿಯಬಾರದು. ಗುರುವಚನದಿಂದಲ್ಲದೆ ಜಂಗಮವನರಿಯಬಾರದು. ಗುರುವಚನದಿಂದಲ್ಲದೆ ಪ್ರಸಾದವನರಿಯಬಾರದು. ಗುರುವಚನದಿಂದಲ್ಲದೆ ತನ್ನ ತಾನರಿಯಬಾರದು. ಹಿಂದಣ ಜನ್ಮದಲ್ಲಿ ಲಿಂಗವ ಪೂಜಿಸಿ ಇಂದು ಜ್ಞಾನೋದಯವಾದಡೆ ಗುರುವಿಲ್ಲದ ಮುನ್ನ ಆಯಿತ್ತೆನ್ನಬಹುದೆ? ತನ್ನಲ್ಲಿ ತಾನು ಸನ್ನಿಹಿತನಾದೆಹೆನೆಂದಡೆ ಗುರುವಿಲ್ಲದೆ ಆಗದು ಕೇಳಾ, ಎನ್ನ ಅಜಗಣ್ಣನೆಂಬ ಗುರುವಿಲ್ಲದೆ ಆರೂಢಿಯ ಕೂಟ ಸಮನಿಸದು ಕೇಳಾ.

ಅಲ್ಲಮಪ್ರಭುಗಳು:

ಗುರುವಿಂಗೂ ಶಿಷ್ಯಂಗೂ-ಆವುದು ದೂರ? ಆವುದು ಸಾರೆ ಎಂಬುದನು ಆರುಬಲ್ಲರು? ಗುರುವೆ ಶಿಷ್ಯನಾದ ತನ್ನ ವಿನೋದಕ್ಕೆ. ಶಿಷ್ಯನೆ ಗುರುವಾದ ತನ್ನ ವಿನೋದಕ್ಕೆ. ಕರ್ಮವೆಂಬ ಕೌಟಿಲ್ಯ ಎಡೆವೊಕ್ಕ ಕಾರಣ, ಭಿನ್ನವಾಗಿ ಇದ್ದಿತ್ತೆಂದಡೆ, ಅದು ನಿಶ್ಚಯವಹುದೆ? ಆದಿ ಅನಾದಿಯಿಂದತ್ತತ್ತ ಮುನ್ನಲಾದ ಪರತತ್ವಮಂ ತಿಳಿದು ನೋಡಲು, ನೀನೆ ಸ್ವಯಂ ಜ್ಯೋತಿಪ್ರಕಾಶನೆಂದರಿಯಲು, ನಿನಗೆ ನೀನೆ ಗುರುವಲ್ಲದೆ ನಿನ್ನಿಂದಧಿಕವಪ್ಪ ಗುರುವುಂಟೆ? ಇದು ಕಾರಣ, ಗುಹೇಶ್ವರಲಿಂಗವು ತಾನೆ ಎಂಬುದನು ತನ್ನಿಂದ ತಾನೆ ಅರಿಯಬೇಕು ನೋಡಾ.

ಮುಕ್ತಾಯಕ್ಕ:

ತನ್ನ ತಾನರಿದವಂಗೆ ಅರಿವೆ ಗುರು.

ಅರಿವರತು ಮರಹು ನಷ್ಟವಾದಲ್ಲಿ, ದೃಷ್ಟನಷ್ಟವೆ ಗುರು.

ದೃಷ್ಟನಷ್ಟವೆ ಗುರು ತಾನಾದಲ್ಲಿ, ಮುಟ್ಟಿ ತೋರಿದವರಿಲ್ಲದಡೇನು?

ಸಹಜವ ನೆಲೆಗೊಳಿಸುವ ನಿರ್ಣಯ ನಿಷ್ಪತ್ತಿಯೆ ಗುರು ನೋಡಾ.

ಗುರು ತಾನಾದಡೂ ಗುರುವಿಡಿದಿರಬೇಕು ಎನ್ನ ಅಜಗಣ್ಣನಂತೆ.

ಅಲ್ಲಮಪ್ರಭುಗಳು:

ತೆರಹಿಲ್ಲ ಘನ ಕುರುಹಿಂಗೆ ಬಾರದ ಮುನ್ನ ತೋರಿದವರಾರು ಹೇಳಾ ಮಹಾ ಘನ ಲಿಂಗೈಕ್ಯವನು? ಆರೂಢದ ಕೂಟದಲ್ಲಿ ನಾನಾರುವ ಸಾಕ್ಷಿಯ ಕಾಣೆನು, ಬೇರೆ ಮಾಡಿ ನುಡಿಯಬಹುದೆ ಪ್ರಾಣಲಿಂಗವನು? ಅರಿವು ಸ್ವಯವಾಗಿ ಮರಹು ನಷ್ಟವಾದಲ್ಲಿ ಗುಹೇಶ್ವರಾ, ನಿಮ್ಮ ಶರಣನುಪಮಾತೀತನು.

ಮುಕ್ತಾಯಕ್ಕ:

ನಡೆದು ನಡೆದು ನಡೆಯ ಕಂಡವರು, ನುಡಿದು ನುಡಿದು ಹೇಳುತ್ತಿಹರೆ? ನುಡಿದು ನುಡಿದು ಹೇಳುವನ್ನಕ್ಕರ, ನಡೆದುದೆಲ್ಲಾ ಹುಸಿಯೆಂಬೆನು.

ಮಾತಿನ ಮಥನದಿಂದಾದ ಅರಿವು, ಕರಣಮಥನದಿಂದಾದುದಲ್ಲದೆ, ಅನುಪಮ ಸ್ವರಭೇದವಾದ ಪರಿ ಎಂತು ಹೇಳಾ? ಇದಿರ ಗೆಲಬೇಕೆಂದು ನುಡಿದುಕೊಂಡಡೇನು, ಮನಕ್ಕೆ ಮನವೆ ಸಾಕ್ಷಿಯಾಗಿ ನಿಃಪತಿಯಲ್ಲ ನೋಡಾ? ಎನ್ನ ಅಜಗಣ್ಣತಂದೆ ಶಬುದಕ್ಕೆ ಹೇಸಿ ಮುಗುದನಾದನು.

ಅಲ್ಲಮಪ್ರಭುಗಳು:

ತನ್ನ ತಾನರಿದಡೆ ನುಡಿಯೆಲ್ಲ ತತ್ವ ನೋಡಾ! ತನ್ನ ತಾ ಮರೆದಡೆ ನುಡಿಯೆಲ್ಲಾ ಮಾಯೆ ನೋಡಾ! ಅರಿದು ಮರೆದ ಶಿವಯೋಗಿಯ ಶಬ್ದವೆಲ್ಲವು ಉಪದೇಶವಲ್ಲದೆ ಭಿನ್ನವುಂಟೆ? ನಿನ್ನ ಮನದ ಕಳವಳವ ತಿಳುಹಲೆಂದು ಮಾತನಾಡಿಸಿ ನೋಡಿದಡೆ, ಎನ್ನ ಮನದೊಳಗೆ ಕಂದು ಕಲೆ ಎಂಬುದಿಲ್ಲ ನೋಡಾ! ನಮ್ಮ ಗುಹೇಶ್ವರಲಿಂಗಕ್ಕೆ ನೀನು ಕರುಣದ ಶಿಶುವಾದ ಕಾರಣ ಬಾಯ್ದೆಗೆದೆನಲ್ಲದೆ ಭಿನ್ನವುಂಟೆ ಹೇಳಾ ಮರುಳೆ?

ಮುಕ್ತಾಯಕ್ಕ:

ನುಡಿಯ ಹಂಗಿನ್ನೂ ನಿಮಗೆ ಹಿಂಗದು, ನಡೆಯನೆಂತು ಪರರಿಗೆ ಹೇಳುವಿರಿ? ಒಡಲ ಹಂಗಿನ ಸುಳುಹು ಬಿಡದು, ಎನ್ನೊಡನೆ ಮತ್ತೇತರ ಅನುಭವವಣ್ಣಾ? ತಾನಾದಲ್ಲದೆ ಇದಿರಿಂಗೆ ಹೇಳಬಹುದೆ? ಅರಿವ ತೋರಬಲ್ಲಡೆ ತನ್ನನರುಹದೆ ಅರಿವನು ಕಾಣಾ ಎನ್ನ ಅಜಗಣ್ಣತಂದೆ.

ಅಲ್ಲಮಪ್ರಭುಗಳು:

ಅಂಗದ ಕಳೆ ಲಿಂಗದಲ್ಲಿ ಅರತ ಬಳಿಕ, ಅಂಗವೆಂಬ ಶಂಕೆಯಿಲ್ಲ ನೋಡಾ ಶರಣಂಗೆ. ಪ್ರಾಣದ ಕಳೆ ಅರಿವಿನಲ್ಲಿ ಅರತ ಬಳಿಕ, ಶಬ್ದ ಸಂದಣಿಗೆ ಹಂಗಿಲ್ಲ ನೋಡಾ. ಶರಣ ನಡೆದಡೆ ನಿರ್ಗಮನಿ, ನುಡಿದಡೆ ನಿಃಶಬ್ದ! ಗುಹೇಶ್ವರನ ಶರಣಂಗೆ ಕುರುಹಿಲ್ಲ ಕೇಳಾ ಎಲೆ ಅವ್ವಾ.

ಮುಕ್ತಾಯಕ್ಕ:

ಕೈಯದು ಕುರುಹು, ಬಾಯದು ಬೊಬ್ಬೆ. ಉಲಿಯದಿರೊ ಭಾವಾ, ಉಲಿಯದಿರೊ ಭಾವಾ! ವಾರಿಕಲ್ಲ ಕೊಡನಲ್ಲಿ ಮುತ್ತು ಮಾಣಿಕವ ತುಂಬಿ, ಎತ್ತುವರಿಲ್ಲದೆ ಸಖಿಯನರಸುತಿಪ್ಪೆ, ಮನದ ತನುವಿನಲ್ಲಿ, ಆ ತನುವಿನ ಮನದಲ್ಲಿ ತನಗೆ ತಾನೆತ್ತಿಕೊಂಡಡೆ, ಮನ ಮೇರೆದಪ್ಪಿ ಕರಗಿ ಉಕ್ಕಿತ್ತು ನಮ್ಮ ಅಜಗಣ್ಣನ ಯೋಗ.

ಅಲ್ಲಮಪ್ರಭುಗಳು:

ಅರಿವುಗೆಟ್ಟು ಕುರುಹಳಿದು, ಭಾವಭ್ರಾಂತು ನಿಭ್ರಾಂತವಾದವರ ಕೈಯಲ್ಲಿ ಕುರುಹನರಸುವರೆ ಹೇಳಾ? ತಾನಳಿದು ತಾನುಳಿದು ತಾನುತಾನಾದ ನಿಜಶರಣಂಗೆ ಅಂತರಂಗದಲ್ಲಿ ಒಂದು ಅರಿವುಂಟೆ? ಬಹಿರಂಗದಲ್ಲಿ ಒಂದು ಕ್ರಿಯೆಯುಂಟೆ? ಒಳಹೊರಗೊಂದಾಗಿ ನಿಂದ ಗುಹೇಶ್ವರನ ಶರಣರ ನಿಲವು ಕಾಯಗೊಂಡವರ ಕಣ್ಣಿಂಗೆ ಸಂದೇಹವಾಗಿಪ್ಪುದು, ನಿಸ್ಸಂದೇಹಿಗಳಿಗೆ ನಿಜವಾಗಿಪ್ಪುದು ನೋಡಾ ಮುಕ್ತಾಯಿ.

ಮುಕ್ತಾಯಕ್ಕ:

ನುಡಿಯೆನೆಂಬಲ್ಲಿಯೆ ನುಡಿ ಅದೆ.

ನಡೆಯೆನೆಂಬಲ್ಲಿಯೆ ನಡೆ ಅದೆ.

ಭಾವಿಸೆನೆಂಬಲ್ಲಿಯೆ ಭಾವ ಅದೆ.

ಅರಿದು ಮರೆದೆನೆಂಬಲ್ಲಿಯೆ ಅರಿವು ಮರವೆ ಅದೆ.

ಅಂಗದಲ್ಲಿ ಲಿಂಗ ಲೀಯವಾಯಿತ್ತೆಂದಡೆ ಅಲ್ಲಿಯೆ ಅಂಗ ಅದೆ. ಅನಂಗಸಂಗಿಯಾದೆನೆಂಬಲ್ಲಿಯೆ ವಿಷಯ ಸೂತಕ ಅದೆ. ನಾನೆ ನಾನಾದೆನೆಂಬಲ್ಲಿಯೆ ನೀನೆಂಬುದು ಅದೆ.

ಅರಿದು ಮರೆದ ಪರಿ ಎಂತು ಹೇಳಾ? ಅರಿವು ನಷ್ಟವಾಗಿ ಮರಹು ಲಯವಾಗಿಪ್ಪಡೆ ಎನ್ನ ಅಜಗಣ್ಣತಂದೆಯಲ್ಲದೆ ಮಾತ್ತಾರನೂ ಕಾಣೆ.

ಅಲ್ಲಮಪ್ರಭುಗಳು:

ಅಂಗ ಅನಂಗವೆಂಬೆರಡೂ ಅಳಿದು ನಿಜದಲ್ಲಿ ನಿಂದ ಲಿಂಗೈಕ್ಯನ ಅಂಗದಲುಳ್ಳ ಕ್ರೀಗಳೆಲ್ಲವೂ ಲಿಂಗಕ್ರೀಗಳು ನೋಡಾ ಮನೋಲಯವಾಗಿಪ್ಪ ಲಿಂಗೈಕ್ಯನ ಅನುಭಾವವೆಲ್ಲವೂ ಜ್ಞಾನನಷ್ಟ ಶಬ್ದ ನೋಡಾ. ತನ್ನಲ್ಲಿ ತಾನು ತದ್ಗತವಾಗಿಪ್ಪ ಶಿವಯೋಗಿಗೆ ಭಿನ್ನವಿಲ್ಲ ನೋಡಾ ಗುಹೇಶ್ವರ ಸಾಕ್ಷಿಯಾಗಿ.

ಮುಕ್ತಾಯಕ್ಕ:

ಸಿಡಿಲುಹೊಯ್ದ ಬಾವಿಗೆ ಸೋಪಾನವೇಕೋ?

ನೆರೆಯರಿದ ಬಳಿಕ ಮತ್ತೆ ಮತಿ ಹುಟ್ಟಲುಂಟೆ?

ಸೊಡರುಳ್ಳ ಮನೆಗೆ ಮತ್ತೆ ತಮಂಧವೆಂಬುದೇನೋ?

ತನ್ನಲ್ಲಿ ತಾನು ತದ್ಗತವಾದ ಬಳಿಕ ಬೊಮ್ಮ ಪರಬೊಮ್ಮವಾದೆನೆಂಬುದಿಲ್ಲ ನೋಡಾ ಎನ್ನ ಅಜಗಣ್ಣತಂದೆಗೆ.

ಅಲ್ಲಮಪ್ರಭುಗಳು:

ನುಡಿಯಿಂದ ನಡೆಗೆಟ್ಟಿತ್ತು, ನಡೆಯಿಂದ ನುಡಿಗೆಟ್ಟತ್ತು.

ಭಾವದ ಗುಸುಟು ಅದು ತಾನೆ ನಾಚಿ ನಿಂದಿತ್ತು.

ಗುಹೇಶ್ವರನೆಂಬ ಅರಿವು ಸಿನೆ ಬಂಜೆಯಾಯಿತ್ತು.

ಮುಂದುವರಿದು ಅಲ್ಲಮಪ್ರಭುಗಳು:

ದೃಷ್ಟಕ್ಕೆ ದೃಷ್ಟ ಮುಂದಿಲ್ಲ, ಇಲ್ಲ.

ಮಾಡಿದಡೇನಹುದೋ?

ಮಾಡದಿರ್ದಡೇನಹುದೋ?

ಗುಹೇಶ್ವರನೆಂಬ ಅರುಹಿನ ಕುರುಹು ಮುಂದಿಲ್ಲ, ಇಲ್ಲ.

ಮಾಡಿದಡೇನಹುದೋ.

ಮುಕ್ತಾಯಕ್ಕ:

ಅಹುದಹುದು ಶಿವಶರಣರ ಮಹಿಮೆ ಆರಿಗೆಯೂ ಕಾಣಬಾರದು.

ಕಬ್ಬುನ ಉಂಡ ನೀರಿನಂತೆ, ಕಬ್ಬಿಸಿಲುಂಡ ಅರಸಿನದಂತೆ, ಉರಿಯೊಳಡಗಿದ ಕರ್ಪುರದಂತೆ, ಬಯಲನಪ್ಪಿದ ವಾಯುವಿನಂತೆ, ಇಪ್ಪ ನಿಲವ ನುಡಿದು ಹೇಳಿಹೆನೆಂಬ ಮಾತಿಂಗೆ ಅಳವಡುವುದೆ?

ಅರಿವಡೆ ಮತಿಯಿಲ್ಲ, ನೆನೆವಡೆ ಮನವಿಲ್ಲ ಎನ್ನ ಅಜಗಣ್ಣ ತಂದೆಯನೊಳಕೊಂಡಿಪ್ಪ ನಿಮ್ಮ ಮಹಿಮೆಗೆ ನಮೋ ನಮೋ ಎನುತಿರ್ದೆನು.

ಅಲ್ಲಮಪ್ರಭುಗಳು:

ಮುಕ್ತಿಗೆ ಮುಖವಾಗಿ ಯುಕ್ತಿಗೆ ಹೊರಗಾಗಿ ಅರಿವಿಂಗೆ ಅರಿವಾಗಿಪ್ಪ ಭೇದ ಕಾಣಬಂದಿತ್ತು ನೋಡಾ! ಅರಿವರಿತು ಮರಹು ನಷ್ಟವಾಗಿಪ್ಪುದು ನಿನ್ನಲ್ಲಿ ಸನ್ನಹಿತವಾಗಿತ್ತು. ಗುಹೇಶ್ವರನ ಶರಣ ಅಜಗಣ್ಣನ ನಿಲವು ಬಯಲ ಬೆರಸಿದ ಮರೀಚಿಕೆಯಂತಾಯಿತ್ತು, ಬೆರಸಿ ನೋಡಾ ಬೇರಿಲ್ಲದ!

ಮುಕ್ತಾಯಕ್ಕ:

ಘನಮಹಿಮ ಶರಣರ ಸಂಗದಿಂದ ಘನಕ್ಕೆ ಘನ ವೇದ್ಯವಾದ ಬಳಿಕ ಅರಿಯಲಿಲ್ಲ, ಮರೆಯಲಿಲ್ಲ; ಕೂಡಲಿಲ್ಲ, ಅಗಲಲಿಲ್ಲ. ಮನ ಮೇರೆದಪ್ಪಿ ನಿರವಯಲಾದ ಸುಖವ ಶೂನ್ಯ ನಿಶೂನ್ಯವೆಂದು ನುಡಿಯಲುಂಟೆ?

ಶಬ್ದಮುಗ್ಧವಾಗಿ ಎನ್ನ ಅಜಗಣ್ಣತಂದೆಯ ಬೆರಸಿದ ಬಳಿಕ ಉರಿಯುಂಡ ಕರ್ಪೂರದಂತಾದೆನಯ್ಯಾ.

ಅಲ್ಲಮಪ್ರಭುಗಳು:

ಜ್ಯೋತಿಯೊಳಗಣ ಕರ್ಪುರಕ್ಕೆ, ಅಪ್ಪುವಿನ ಕೈಯಲಿಪ್ಪ ಉಪ್ಪಿಂಗೆ, ಶ್ರೀಗುರುವಿನ ಹಸ್ತದೊಳಗಿಪ್ಪ ಶಿಷ್ಯಂಗೆ-ಈ ಮೂರಕ್ಕೆಯೂ

ಬೇರೆ ಕ್ರಿಯಾವರ್ತನೆಯುಂಟೆ ಗುಹೇಶ್ವರಾ?

ಹೀಗೆ ಶರಣೆ ಮುಕ್ತಾಯಕ್ಕ ಹಾಗೂ ಅಲ್ಲಮಪ್ರಭುಗಳ ಸಂವಾದವು ಗಂಧವನ್ನು ತೇಯ್ದು ಪರಿಮಳವನ್ನು ಕೊಂಡಂತೆ ಆಗುತ್ತದೆ, ಇಬ್ಬರು ಜ್ಞಾನಿಗಳ ನಡುವಿನ ಸಂವಾದವೇ ಆಧ್ಯಾತ್ಮದ ಮೇರು ಕೃತಿಯಾಗಿದೆ. ಜ್ಞಾನಸೂರ್ಯ ಅಲ್ಲಮನೊಂದಿಗೆ ಸಂವಾದವ ಮಾಡಿ,

ತನ್ನಲ್ಲಿನ ಸಂದೇಹವೆಲ್ಲವನ್ನೂ ನಿವಾರಿಸಿಕೊಂಡು, ತನ್ನ ಅಣ್ಣನ ಹೆಸರನ್ನೇ ಅಂಕಿತನಾಮವಾಗಿ ಇಟ್ಟುಕೊಂಡು ವಚನ ರಚಿಸಿ, ಸ್ತ್ರೀ ಕುಲದ ವೈಚಾರಿಕ ಜ್ಯೋತಿಯಾಗಿ ಬೆಳಗುತ್ತಿರುವ ಶರಣೆ ಮುಕ್ತಾಯಕ್ಕ, ಮತ್ತೆ ಮರಳಿ ಮೊಸುಳಿಕಲ್ಲಿಗೆ ಬಂದು ,ಕಾಯಕ ಮುಂದುವರೆಸುತ್ತಾಳೆ, ಶರಣ ತತ್ವ ಪ್ರಸಾರ ಮಾಡುತ್ತಾ, ಈಗಿನ ರಾಯಚೂರು ಜಿಲ್ಲೆಯ ದೇವದುರ್ಗ ತಾಲೂಕಿನ ಮೊಸುಳೆಕಲ್ಲು ಗ್ರಾಮದ ಬೆಟ್ಟದ ಮೇಲೆಯೇ ಬಯಲುಂಡ ಕರ್ಪೂರವಾಗಿ ಅಜಗಣ್ಣನೆಂಬ ಪರಮಜ್ಞಾನದ ಮಹಾಲಿಂಗನ್ನು ಕೂಡಿ ಬಯಲಾಗುತ್ತಾಳೆ.

ಇಂದಿಗೂ‌ ಮೊಸುಳೆಕಲ್ಲು (ಮೊಸರಕಲ್ಲು) ಗ್ರಾಮದ ಜನರು ಅತ್ಯಂತ ಭಕ್ತಿಗೌರವದಿಂದ ಶರಣೆ ಮಜ್ಜಿಗೆ ಮಾಳಮ್ಮ ಎಂದೇ ಗುರುತಿಸುತ್ತಾರೆ.

ಜಗತ್ತೇ ಸಾಕ್ಷರತೆಯ ಅಂಬೆಗಾಲಿಡುವ ಕಾಲಘಟ್ಟದಲ್ಲಿ ಅತ್ಯಂತ ಉತ್ಕೃಷ್ಟ ಮಟ್ಟದ ಅರಿವಿನ್ನು ಪಡೆದು, ಮಹಾನ್ ಅನುಭಾವಿಯಾಗಿ, ದಿಟ್ಟ ಶರಣೆಯಾಗಿ, ವಚನಕಾರ್ತಿಯಾಗಿ, ಜನಮನ ಬೆಳಗಿದ ಪರಮಜ್ಞಾನದ ಸ್ತ್ರೀಕುಲ ರತ್ನವೇ ಶರಣೆ ಮುಕ್ತಾಯಕ್ಕ..👏🏻👏🏻👏🏻

✍🏻ವಿಶೇಷ ಲೇಖನ-:

#ಲೋಕೇಶ್_ಎನ್_ಮಾನ್ವಿ.

📞 9972536176

ರಾಯಚೂರು ಜಿಲ್ಲೆಯ ಶರಣರು -3 ವಿಶೇಷ ಲೇಖನ ಲೋಕೇಶ್ ಎನ್ ಮಾನ್ವಿ.

2026-03-01T10:49:00.000+05:30

ರಾಯಚೂರು ಜಿಲ್ಲೆಯ ಶರಣರು- ೦3

ಮಹಾಪ್ರಸಾದಿ ಶರಣ ಬಿಬ್ಬಿಬಾಚಯ್ಯನವರು.

ರಾಯಚೂರು ಜಿಲ್ಲೆ ಬಿಸಿಲನಾಡು ಎಂದೇ ಹೆಸರುವಾಸಿ‌, ಅದರಷ್ಟೇ ಸಾಹಿತ್ಯದಿಂದ ನೆತ್ತಿಯನ್ನು ತಂಪಾಗಿಸಬಲ್ಲ, ಶರಣರು, ದಾಸರು, ಸಂತರು, ಮಹಾಂತರ, ಸಾಹಿತಿಗಳ, ನಾಡು ರಾಯಚೂರು. ಆಂಧ್ರಪ್ರದೇಶದ ಗಡಿಭಾಗಕ್ಕೆ ಹೊಂದಿಕೊಂಡಿರುವ ಗಡಿ ಜಿಲ್ಲೆಯಾದರೂ, ಕನ್ನಡ ಸಾಹಿತ್ಯಕ್ಕೆ ಅಪಾರ ಕೊಡುಗೆ ನೀಡಿದ ಜಿಲ್ಲೆ ಇದಾಗಿದೆ. ಹನ್ನೆರಡನೇ ಶತಮಾನದ ಬಸವಾದಿ ಶರಣರ ಸಾಲಿನಲ್ಲಿ ಕಾಣಸಿಗುವ ಪ್ರಮುಖ ಶರಣರಾದ, ಬಿಬ್ಬಿಬಾಚಯ್ಯನವರು ಕೂಡ ರಾಯಚೂರು ಜಿಲ್ಲೆಯ ಶರಣರೇ ಆಗಿದ್ದಾರೆ.

ಇವರು ಮೂಲತಃ ರಾಯಚೂರು ಜಿಲ್ಲೆಯ ಗಬ್ಬೂರಿನವರಾಗಿದ್ದು, ಪೂರ್ವಾಶ್ರಮದಲ್ಲಿ ಬ್ರಾಹ್ಮಣರಾದರೂ, ಬಸವಣ್ಣನವರ ಪ್ರಭಾವಕ್ಕೆ ಒಳಗಾಗಿ ಕಲ್ಯಾಣಕ್ಕೆ ತೆರಳಿ ಇಷ್ಟಲಿಂಗ ದೀಕ್ಷೆ ಪಡೆದು ಶರಣರಾದವರು, ಅನುಭವ ಮಂಟಪದಲ್ಲಿ ಸಕ್ರಿಯವಾಗಿ ಭಾಗವಹಿಸಿದವರು, 77೦ ಅಮರ ಗಣಂಗಳಲ್ಲಿ ಇವರೂ ಒಬ್ಬರು.

ಅಂಕಿತನಾಮ : ಏಣಾಂಕಧರ ಸೋಮೇಶ್ವರಾ.

ಲಭ್ಯವಿರುವ ವಚನಗಳು : ಪ್ರಸ್ತುತ ಇವರ 102 ವಚನಗಳು ಲಭ್ಯವಿದ್ದು,

ಅವುಗಳು ಪ್ರಸಾದ ಮಹತ್ವವನ್ನು ಸಾರುವ ವಚನಗಳಾಗಿವೆ, ಇನ್ನೂ ಕೆಲವು ಬೆಡಗಿನ ವಚನಗಳಾಗಿವೆ.

ಕಾಯಕ : ಶರಣರು ಕಾಯಕಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ನೀಡಿದ್ದಾರೆ, ಅದು ಯಾವುದಾದರೂ ಸರಿ, ಮೇಲು ಕೀಳು ಎಂಬುದಿಲ್ಲ, ಬಿಬ್ಬಿಬಾಚಯ್ಯ ಶರಣರ ಕಾಯಕ ಮಹಾಮನೆಯಲ್ಲಿ ಅಡುಗೆ ವ್ಯರ್ಥವಾಗದಂತೆ ನೋಡಿಕೊಳ್ಳುವುದು, ಹಾಗೂ ಪ್ರಸಾದದ ಮಹತ್ವವನ್ನು ತಿಳಿಸುವುದು, ಇವರ ಕಾಯಕ‌ವಾಗಿತ್ತು.

ಬಸವಣ್ಣನ ಪ್ರಸಾದವ ಕೊಂಡ ಕಾರಣ

ಎನಗೆ ಭಕ್ತಿ ಸಾಧ್ಯವಾಯಿತ್ತು.

ಚೆನ್ನಬಸವಣ್ಣನ ಪ್ರಸಾದವ ಕೊಂಡ ಕಾರಣ

ಎನಗೆ ಜ್ಞಾನ ಸಾಧ್ಯವಾಯಿತ್ತು.

ಪ್ರಭುದೇವರ ಪ್ರಸಾದವ ಕೊಂಡ ಕಾರಣ

ಎನಗೆ ವೈರಾಗ್ಯ ಸಾಧ್ಯವಾಯಿತ್ತು.

ಇಂತೀ ಮೂವರು ಒಂದೊಂದು ಕೊಟ್ಟ ಕಾರಣ

ಎನಗೆ ಸರ್ವವೂ ಸಾಧ್ಯವಾಯಿತ್ತು.

ಏಣಾಂಕಧರ ಸೋಮೇಶ್ವರಾ,

ನಿಮ್ಮ ಶರಣರೆನ್ನ ಮಾತಾಪಿತರು.

ಮೇಲಿನ ವಚನದಲ್ಲಿ ತಮ್ಮ ಸಮಕಾಲೀನ ಶರಣರಾದ ಬಸವಣ್ಣ ಚೆನ್ನಬಸವಣ್ಣ ಅಲ್ಲಮಪ್ರಭುವರು ಈ ಮೂವರ ಪ್ರಸಾದವನ್ನು ಕೊಂಡ ಕಾರಣವೇ ಎನಗೆ ಭಕ್ತಿ, ಜ್ಞಾನ, ವೈರಾಗ್ಯ, ಪ್ರಾಪ್ತಿಯಾಯಿತು ಎಂದು ಸ್ತುತಿಸಿದ್ದಾರೆ. ಹಾಗೂ ನಿಮ್ಮ ಶರಣರೇ ಎನ್ನ ಮಾತಾ ಪಿತರು, ಎಂದಿದ್ದಾರೆ ಈ ಮೂಲಕ ಶರಣರ ಸಂಗವೇ ತಮಗೆ ಸರ್ವಸ್ವವು ಎಂದು ತಿಳಿಸುತ್ತಾರೆ.

ಇಷ್ಟಲಿಂಗಕ್ಕೆ ದೃಷ್ಟಾರ್ಪಿತ, ಪ್ರಾಣಲಿಂಗಕ್ಕೆ ತೃಪ್ತಿ ಅರ್ಪಿತ,

ಮಹಾಜ್ಞಾನ ಘನಲಿಂಗಕ್ಕೆ ಪರಮ ಪರಿಣಾಮವೆ ಅರ್ಪಿತ.

ಇಂತೀ ತ್ರಿವಿಧ ಅರ್ಪಣದಲ್ಲಿ ಸುಚಿತ್ತನಾಗಿರಬೇಕು,

ಏಣಾಂಕಧರ ಸೋಮೇಶ್ವರಲಿಂಗವನರಿವುದಕ್ಕೆ.

ಸ್ಥೂಲ, ಸೂಕ್ಷ್ಮ, ಕಾರಣದಲ್ಲಿ, ಇಷ್ಟ ಪ್ರಾಣ ಭಾವವನ್ನು ಸಮರ್ಪಿಸಿ, ತ್ರಿವಿಧದಲ್ಲೂ ಶುದ್ಧವಾಗಿರಬೇಕು ಏಣಾಂಕಧರ ಸೋಮೇಶ್ವರ ಲಿಂಗವನ್ನು ಅರಿವುದಕ್ಕೆ ಎನ್ನುವ ವಚನವನ್ನು ನೋಡಿದಾಗ ಇವರು ಪರಮಪ್ರ‌ಸಾದಿ ಶರಣರು ಎಂದು ತಿಳಿಯಬಹುದಾಗಿದೆ.

ಬಿಬ್ಬಿಬಾಚಯ್ಯ ಶರಣರು ಹಾಗೂ ಚೆನ್ನವೀರ ಶರಣರು ಇವರಿಬ್ಬರೂ ತುಂಬಾ ಆತ್ಮೀಯರಾಗಿದ್ದು, ಕಲ್ಯಾಣದಿಂದ ಇಬ್ಬರೂ ರಾಯಚೂರು ಜಿಲ್ಲೆಗೆ ಬರುತ್ತಾರೆ, ಬಿಬ್ಬಿಬಾಚಯ್ಯನವರು ಶರಣರ ಒಕ್ಕುಮಿಕ್ಕ ಪ್ರಸಾದವನ್ನು, ಮಹಾಲಿಂಗ ಪ್ರಸಾದವಿದೆಂದು ಅತ್ಯಂತ ಶ್ರದ್ಧಾ ಭಕ್ತಿಯಿಂದ ಬಂಡಿಯ ತುಂಬಿಸಿಕೊಂಡು , ರುದ್ರಾಕ್ಷಿಗಳಿಂದ ಬಂಡಿಯನ್ನು ಅಲಂಕರಿಸಿ, ಹಾಗೂ ಗೆಜ್ಜೆಗಳನ್ನು ಕಟ್ಟಿ, ಜಲ್ ಜಲ್ ಎನಿಸುತ್ತಾ, ಶಿವ ನಾಮಸ್ಮರಣೆ ಮಾಡುತ್ತಾ, ಗಬ್ಬೂರಿನ ಕಡೆಗೆ ಪ್ರಯಾಣಿಸುತ್ತಾರೆ, ಪ್ರತಿದಿನವೂ, ತ್ರಿಕಾಲ ಇಷ್ಟಲಿಂಗ ಪೂಜೆಯ ನಂತರ ಶರಣರ ಒಕ್ಕುಮಿಕ್ಕ ಮಹಾಲಿಂಗ ಪ್ರಸಾದವನ್ನು ಭಕ್ತಿಯಿಂದ ಸ್ವೀಕರಿಸುತ್ತಿದ್ದರು, ಭಕ್ತರೊಬ್ಬರು ಬಿಬ್ಬಿ ಬಾಚಯ್ಯನವರನ್ನು ಗಬ್ಬೂರಿಗೆ ಕರೆದರು, ಪ್ರಸಾದ ತುಂಬಿದ ಬಂಡಿಯೊಂದಿಗೆ ಗಬ್ಬೂರಿಗೆ ಬರುತ್ತಿರುವಾಗ, ಬಂಡಿಯಲ್ಲಿನ ಪ್ರಸಾದಕ್ಕೆ ಹೊದಿಸಿದ್ದ ವಸ್ತ್ರವು ಜಾರಿ, ಆ ಪ್ರಸಾದವನ್ನು ಕಂಡ ಅಲ್ಲಿನ ವೈದಿಕರು, ಶರಣರು ಊರೊಳಗೆ ಬರದಂತೆ ತಡೆದು ನಿಲ್ಲಿಸಿ, ಇದೇನಿದು ಶಿವನಾಮ ಸ್ಮರಣೆ ಮಾಡುತ್ತ, ರುದ್ರಾಕ್ಷಿಯಿಂದ ಅಲಂಕರಿಸಿದ ಬಂಡಿಯಲ್ಲಿ, ಸತ್ತ ಶವದ ವಾಸನೆ ಬರುತ್ತಿರುವ, ಎಂಜಲನ್ನು ತುಂಬಿ, ಸುಂದರ ಹೊದಿಕೆಯನ್ನು ಹೊದಿಸಿ, ತಂದಿರುವಿರಿ, ನೀವ್ಯಾರು,? ನಮ್ಮ ಅಗ್ರಹಾರಕ್ಕೆ ನಿಮಗೆ ಪ್ರವೇಶವಿಲ್ಲವೆಂದು, ನಿಂದಿಸಿ ಟೀಕಿಸುತ್ತಾರೆ. ಶರಣರು ಮಹಾಪ್ರಸಾದ ಹಾಗೂ ಅದರ ಮಹತ್ವದ ಬಗ್ಗೆ ತಿಳಿಹೇಳಿ ಎಚ್ಚರಿಸಿದರೂ ಕೇಳದ ವಿಪ್ರರು ಬಂಡಿಯಲ್ಲಿ ತುಂಬಿದ್ದ ಪ್ರಸಾದವನ್ನು ಕಟ್ಟಿಗೆಯಿಂದ ಚಿಮ್ಮಿ ನೆಲಕ್ಕೆ ಬೀಳಿಸುತ್ತಾರೆ, ಚಿಮ್ಮಿದ ಪ್ರಸಾದದ ಪ್ರತಿ ಅಗುಳುಗಳು ಬೆಂಕಿಯ ಕಿಡಿಗಳಾಗಿ ವ್ಯಾಪಿಸಿ ಅಗ್ರಹಾರವನ್ನೇ ಸುಡುತ್ತವೆ, ಜೀವ ಉಳಿಸಿಕೊಳ್ಳಲು ಶಿವಭಕ್ತರ ಮನೆಯನ್ನು ಆಶ್ರಯಿಸುತ್ತಾ ವಿಪ್ರರು, ಪ್ರಸಾದದ ಮಹತ್ವವನ್ನು ಅರಿತು ಸೋತು ಶರಣಾಗಿ ಕ್ಷಮಿಸಿ ಎಂದು ಬಿಬ್ಬಿಬಾಚಯ್ಯ ಶರಣರ ಪಾದಕ್ಕೆರಗುತ್ತಾರೆ, ತಾವೂ ಶಿವ ನಾಮಸ್ಮರಣೆ ಮಾಡುತ್ತಾರೆ, ನಂತರ ಸುಟ್ಟ ಮನೆಮಾರುಗಳು ಪುನಃ ಮೊದಲಿನಂತಾಗುತ್ತವೆ, ಇದನ್ನು ಕಂಡ ಅಲ್ಲಿನ ಜನ ಅತ್ಯಂತ ಭಕ್ತಿ ಗೌರವದಿಂದ ಬಿಬ್ಬಿಬಾಚಯ್ಯ ಶರಣರನ್ನು ಗಬ್ಬೂರಿನಲ್ಲಿಯೇ ಉಳಿಸಿಕೊಳ್ಳುತ್ತಾರೆ, ಎಂದು ಪಾಲಪುರ್ಕಿ ಸೋಮನಾಥನು ತನ್ನ ಬಸವ ಪುರಾಣದಲ್ಲಿ ತಿಳಿಸುತ್ತಾನೆ, ನಂತರ ಇವರ ಆತ್ಮೀಯ ಶರಣರಾದ ಚೆನ್ನವೀರ ಶರಣರ ಜೊತೆಗೂಡಿ ಗಬ್ಬೂರಿನಲ್ಲಿ ಕೆಲಕಾಲ ಬಸವ ತತ್ವವನ್ನು ಪ್ರಸಾರ ಮಾಡುತ್ತಾ ಜನರನ್ನು ಸನ್ಮಾರ್ಗದೆಡೆಗೆ ಕೊಂಡೊಯ್ಯುತ್ತಾರೆ, ನಂತರ ಈಗಿನ ಶಕ್ತಿನಗರದ ಸೂಗೂರು ಭಕ್ತರು ಬಂದು ಚೆನ್ನವೀರ ಶರಣರನ್ನು ತಮ್ಮೂರಿಗೆ ಆಹ್ವಾನಿಸುತ್ತಾರೆ, ಚೆನ್ನವೀರ ಶರಣರು ಅಲ್ಲಿ ತೆರಳಿದ ನಂತರ ಅದು ದೇವಸೂಗೂರು ಎಂದು ಪ್ರಖ್ಯಾತಿ ಪಡೆಯುತ್ತದೆ, ಗಬ್ಬೂರಿನ ಬೆಟ್ಟದ ಮೇಲೆ ಚೆನ್ನವೀರ ಶರಣರು ಅಂದರೆ ಈಗಿನ ಸೂಗೂರೇಶ್ವರರು ತಂಗಿದ್ದ ಸ್ಥಳದಲ್ಲಿಯೇ ಇಂದಿಗೂ ಅವರ ದೇವಾಲಯವನ್ನು ಕಾಣಬಹುದಾಗಿದೆ,

ಬಿಬ್ಬಿ ಬಾಚಯ್ಯನವರು ಗಬ್ಬೂರಿನ ಕಟ್ಟೆಯ ಮೇಲೆ ಕುಳಿತು ಜನರಿಗೆ ಶರಣತತ್ವ ಬೋಧಿಸುತ್ತಿದ್ದ ಸ್ಥಳವೇ ಈಗಿನ ಅರ್ಪಣ ಕಟ್ಟೆ. ಅದೇ ಸ್ಥಳದಲ್ಲೇ ಶರಣ ಬಿಬ್ಬಿಬಾಚಯ್ಯನವರು ಲಿಂಗೈಕ್ಯರಾಗಿದ್ದಾರೆಂಬ ಪ್ರತೀತಿ ಇದೆ,

ಅವರ ಅರ್ಪಣ ಕಟ್ಟೆಯಿಂದ ದೇವಸೂಗೂರಿಗೆ ದಾರಿಯೂ ಇದೆ, ಇಂದಿಗೂ ಸುತ್ತಮುತ್ತಲಿನ ಜನರು ಹೊಲಗದ್ದೆಗಳಲ್ಲಿ ಕೆಲಸಕ್ಕೆ ಹೋಗುವಾಗ ಶರಣರ ಅರ್ಪಣ ಕಟ್ಟೆಗೆ ನಮಸ್ಕರಿಸಿಯೇ ತೆರಳುತ್ತಾರೆ, ಸುತ್ತಲೂ ಹೊಲಗಳಿಗೆ ಹೋಗಲು ಜನ ತಮ್ಮ ಪಾದರಕ್ಷೆಗಳನ್ನು ದೂರದಲ್ಲೇ ಬಿಟ್ಟು ಹೋಗುತ್ತಾರೆ, ಇಂದಿಗೂ ಅವರ ತತ್ವಾದರ್ಶಗಳು ನಮ್ಮೆಲ್ಲರನ್ನು ಸೂಜಿಗಲ್ಲಿನಂತೆ ಸೆಳೆಯುತ್ತವೆ, ಇನ್ನು ಅವರ ವಚನಗಳಂಥೂ ಅತ್ಯಂತ ಅರ್ಥಗರ್ಭಿತ ಹಾಗೂ ಬೆಡಗಿನ ವಚನಗಳಾಗಿದ್ದು ಅವುಗಳನ್ನು ಅರ್ಥೈಸಿಕೊಂಡಾಗ ಸಿಗುವ ಆನಂದಕ್ಕೆ ಪಾರವೇ ಇರುವುದಿಲ್ಲ, ಶರಣ ಬಿಬ್ಬಿ ಬಾಚಯ್ಯನವರ ಜೀವನ ನಮಗೆಲ್ಲರಿಗೂ ಆದರ್ಶವಾಗಿದೆ, ಅವರ ವಚನಗಳು ಸದಾ ನಮ್ಮನ್ನು ಜಾಗ್ರತಗೊಳಿಸುತ್ತಿರುತ್ತವೆ, ಬಿಸಿಲನಾಡಿನಲ್ಲಿ ಶರಣ ಸಾಹಿತ್ಯದ ತಂಪೆರೆದವರೇ ಮಹಾಪ್ರಸಾದಿ ಶರಣ ಬಿಬ್ಬಿ ಬಾಚಯ್ಯನವರು. ಪ್ರತಿವರ್ಷ ಹೋಳಿ ಹುಣ್ಣಿಮೆ ದಿನದಂದು ಇವರ ಜಯಂತಿಯನ್ನು ಆಚರಿಸಲಾಗುತ್ತದೆ.

ವಿಶೇಷ ಲೇಖನ: ಲೋಕೇಶ್ ಎನ್ ಮಾನ್ವಿ.

9972536176

ರಾಷ್ಟ್ರವಾದಿ ಶರಣ ಹರ್ಡೇಕರ್ ಮಂಜಪ್ಪನವರು.

2026-02-18T09:21:00.003+05:30

#ಹರ್ಡೇಕರ್_ಮಂಜಪ್ಪನವರ

#ಜಯಂತಿಯ_ಹಾರ್ದಿಕ_ಶುಭಾಶಯಗಳು .💐💐

ರಾಷ್ಟ್ರವಾದಿ ಶರಣ
ಹರ್ಡೇಕರ್ ಮಂಜಪ್ಪನವರು.

ಸಮಸಮಾಜದ ಕನಸು ಕಂಡ ಧೀಮಂತರು, ಮಾನವತಾವಾದಿ ಮಂಜಪ್ಪನವರು.

ಕಷ್ಟದಲ್ಲೂ, ಹಸಿವಿನಲ್ಲೂ,

ಊಟವಿಲ್ಲದೆಯೂ, ರಾಷ್ಟ್ರೀಯತೆಯನ್ನೇ, ಉಸಿರಾಗಿಸಿಕೊಂಡು ಬದುಕಿದವರು.

ಶಿಕ್ಷಕರಾಗಿ ಮಕ್ಕಳ ಮನಗೆದ್ದು,

ಅಕ್ಷರ ಕಲಿಸಿದವರು,

ಹರ್ಡೇಕರ್ ಮಂಜಪ್ಪನವರು.

ಸ್ವಾತಂತ್ರ್ಯದ ಕಿಚ್ಚು ಹೆಚ್ಚಿಸಲು,

ಧನುರ್ದಾರಿ ಪತ್ರಿಕೆ ಹೊರತಂದು,

ಪ್ರಖ್ಯಾತರಾದವರು ಶರಣ ಮಂಜಪ್ಪನವರು.

ರಾಷ್ಟ್ರವಾದಿ ಶರಣ, ಹರ್ಡೇಕರ್ ಮಂಜಪ್ಪನವರು.

ಜಗತ್ತಿನಲ್ಲೇ ಮೊಟ್ಟಮೊದಲು ಬಸವ ಜಯಂತಿಯನ್ನು ಆಚರಿಸಲು ಕರೆ ಕೊಟ್ಟವರು,

ಬಸವಪ್ರಿಯ ಮಂಜಪ್ಪನವರು.

ಬಸವಣ್ಣನನ್ನು ಗಾಂಧೀಜಿಗೆ,

ಗಾಂಧೀಜಿಯನ್ನು ಕರುನಾಡಿಗೆ ಪರಿಚಯಿಸಿದವರು.

ಹರ್ಡೇಕರ್ ಮಂಜಪ್ಪನವರು.

ಗಾಂಧಿವಾದದ ಖಾದಿ,

ಬಸವ ತತ್ವದ ವಿಭೂತಿಯನ್ನು ಧರಿಸಿ,

ಶಿಸ್ತಿನ ಜೀವನ ನಡೆಸಿದವರು ಶರಣ ಮಂಜಪ್ಪನವರು.

ಅಥಣಿ ಶಿವಯೋಗಿಗಳಿಂದ ಲಿಂಗ ದೀಕ್ಷೆ ಪಡೆದು,

ನಿಜಾಚರಣೆಯ ಪ್ರತಿಪಾದಿಸಿದವರು ಹರ್ಡೇಕರ್ ಮಂಜಪ್ಪನವರು.

ದಾವಣಗೆರೆಯಲ್ಲಿ ಸತ್ಯಾಗ್ರಹ ಆಶ್ರಮ ಸ್ಥಾಪಿಸಿ,

ಜನಾಂದೋಲನ ರೂಪಿಸಿದ ಹೆಮ್ಮೆಯ ಕನ್ನಡಿಗ ಮಂಜಪ್ಪನವರು.

ಸ್ತ್ರೀ ಸಮಾಜದ ಜಾಗೃತಿಗಾಗಿ

ಅಕ್ಕಮಹಾದೇವಿ ಜಯಂತಿಯನ್ನು ಆರಂಭಿಸಿದ ಮಹಾತ್ಮರು ಮಂಜಪ್ಪನವರು.

ಪ್ರಥಮವಾಗಿ ಗಾಂಧೀಜಿಯ ಚರಿತ್ರೆ ರಚಿಸಿದವರು ಮಂಜಪ್ಪನವರು.

ಬಂಥನಾಳ ಶಿವಯೋಗಿಗಳ ಜೊತೆಗೂಡಿ,

ಬಸವ ತತ್ವವನ್ನು ಹಳ್ಳಿ ಹಳ್ಳಿಗೂ,

ಗಲ್ಲಿ ಗಲ್ಲಿಗೂ, ತಲುಪಿಸಿದವರು ಹರ್ಡೇಕರ್ ಮಂಜಪ್ಪನವರು.

ಕನ್ನಡದಲ್ಲಿ ಮೊಟ್ಟಮೊದಲ ಆತ್ಮಚರಿತ್ರೆ ರಚಿಸಿದ ಮಹಾತ್ಮ ಮಂಜಪ್ಪನವರು.

ಜೀವನದ ಕೊನೆಯ ಕ್ಷಣದಲ್ಲೂ...

ಭಾರತೀಯತನ್ನೇ ಉಸಿರಾಗಿಸಿಕೊಂಡವರು ಶರಣ ಹರ್ಡೇಕರ್ ಮಂಜಪ್ಪನವರು.

ಧೀರರಾಗಿರಿ, ಪವಿತ್ರರಾಗಿರಿ, ಸ್ವತಂತ್ರ್ಯ ರಾಷ್ಟ್ರ

ವೀರರಾಗಿರಿ, ಎಂಬ ಸಂದೇಶವನ್ನು ಕೊಟ್ಟ

ಬಸವ ಬಯಲಿನಲ್ಲಿ ಬಯಲಾದವರು, ಕರುನಾಡ ಗಾಂಧಿ, ಹರ್ಡೇಕರ್ ಮಂಜಪ್ಪನವರು...

ರಚನೆ~ ಲೋಕೇಶ್ ಎನ್ ಮಾನ್ವಿ.

ರಾಯಚೂರು ಜಿಲ್ಲೆಯ ಶರಣರು ಸರಣಿ -೦2, ಶರಣ ದಂಪತಿಗಳಾದ ಆಯ್ದಕ್ಕಿ ಲಕ್ಕಮ್ಮ ಮಾರಯ್ಯನವರು. ವಿಶೇಷ ಲೇಖನ -: ಲೋಕೇಶ್ ಎನ್ ಮಾನ್ವಿ

2026-02-14T21:04:00.002+05:30

🌼#ರಾಯಚೂರು ಜಿಲ್ಲೆಯ ಶರಣರು ಸರಣಿ- 02🌼

━━━━━━━━━━━━━━━━━━━━━━━━

ಶರಣ ದಂಪತಿಗಳಾದ ಆಯ್ದಕ್ಕಿ ಲಕ್ಕಮ್ಮ ಮಾರಯ್ಯನವರು

🔹ಶರಣ ದಂಪತಿಗಳಾದ,
🔶ಆಯ್ದಕ್ಕಿ ಲಕ್ಕಮ್ಮ ಮಾರಯ್ಯನವರು.

ಹನ್ನೆರಡನೇ ಶತಮಾನದ ಬಸವಾದಿ ಶರಣರ, ಸಾಲಿನಲ್ಲಿ ಕಾಯಕ ನಿಷ್ಠೆ , ದಾಸೋಹ ಭಾವ, ಲಿಂಗ ಸಮಾನತೆಗೆ, ಹೆಸರಾದ ಮಹತ್ವದ ಶರಣರೇ, ಆಯ್ದಕ್ಕಿ ಲಕ್ಕಮ್ಮ ಹಾಗೂ ಮಾರಯ್ಯ ದಂಪತಿಗಳು, ಇವರು ಮೂಲತಃ ರಾಯಚೂರು ಜಿಲ್ಲೆಯ ಲಿಂಗಸೂಗೂರು ತಾಲೂಕಿನ, ಅಮರೇಶ್ವರ ಗ್ರಾಮದವರು.

🔹ಆಯ್ದಕ್ಕಿ ಮಾರಯ್ಯನವರ ಅಂಕಿತನಾಮ-: "ಅಮರೇಶ್ವರಲಿಂಗ"

ಲಭ್ಯವಿರುವ ವಚನಗಳು- 31

🔸ಆಯ್ದಕ್ಕಿ ಲಕ್ಕಮ್ಮನವರ ಅಂಕಿತನಾಮ -:

'ಮಾರಯ್ಯಪ್ರಿಯ ಅಮರೇಶ್ವರಲಿಂಗ"

ಲಭ್ಯವಿರುವ ವಚನಗಳು- 25

ಲಿಂಗಸೂಗೂರಿನ ಅಮರೇಶ್ವರ ಗ್ರಾಮದವರಾದ ಶರಣ ದಂಪತಿಗಳು, ಶುದ್ಧ ಭಕ್ತಿ, ಹಾಗೂ ಕಾಯಕ ನಿಷ್ಠರಾಗಿದ್ದು, ಅಣ್ಣ ಬಸವಣ್ಣನವರ ಪ್ರಭಾವಕ್ಕೆ ಒಳಗಾಗಿ ಕಲ್ಯಾಣಕ್ಕೆ ಬಂದರು.

ಕಲ್ಯಾಣ ಅನುಭವ ಮಂಟಪದಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಿದ್ದರು‌. ೭೭೦ ಅಮರ ಗಣಂಗಳಲ್ಲಿ, ಇವರೂ ಪ್ರಮುಖರು.

"ಮಹಾಮನೆ" ಎಂದರೆ ಇದು ಬರಿ ಕಲ್ಲುಗಳಿಂದ ಕಟ್ಟಿದ ಕಟ್ಟಡವಲ್ಲ, ಸಾವಿರಾರು ಜನರು, ಇಷ್ಟಲಿಂಗ ಪೂಜೆ, ಚಿಂತನ ಮಂಥನ, ಹಾಗೂ ಪ್ರಸಾದಕ್ಕೆ, ಒಟ್ಟುಗೂಡುವ ಸ್ಥಳವೇ ಅಣ್ಣ ಬಸವಣ್ಣನವರ ಪರಿಕಲ್ಪನೆಯ "ಮಹಾಮನೆ" ಬೇರೆ ಬೇರೆ ಊರುಗಳಿಂದ, ಬೇರೆ ಬೇರೆ ರಾಜ್ಯಗಳಿಂದ, ಬೇರೆ ಬೇರೆ ದೇಶಗಳಿಂದ ಬಂದ ಅಸಂಖ್ಯಾತ ಜನರು, ಎಲ್ಲರೂ ಕಾಯಕ ಮಾಡಿ, ಸಮಾಜಕ್ಕೆ ವಿನಿಯೋಗಿಸುತ್ತಿದ್ದರು ಅದುವೇ "ದಾಸೋಹ" ಯಾವುದೇ, ಸಂಪರ್ಕ ಸಾಧನಗಳು, ಸಾರಿಗೆ ವ್ಯವಸ್ಥೆಗಳು ಇಲ್ಲದ ಕಾಲದಲ್ಲೂ, ಕಲ್ಯಾಣದಲ್ಲಿ ಲಕ್ಷಾಂತರ ಜನ ಸೇರಿದ್ದು ಅಣ್ಣ ಬಸವಣ್ಣನವರ ವ್ಯಕ್ತಿತ್ವಕ್ಕೆ ಹಿಡಿದ ಕೈಗನ್ನಡಿಯಾಗಿದೆ, ಅಪ್ಪಬಸವರ ಹೃದಯವು, ಲೋಹ ಚುಂಬಕದಂತೆ, ಮಾನವೀಯ ಮೌಲ್ಯಗಳೆಡೆಗೆ ಸೆಳೆದು , ಇವ ನಮ್ಮವ, ಇವ ನಮ್ಮವ, ಇವ ನಮ್ಮವನೆಂದು ಒಪ್ಪಿ ಅಪ್ಪಿಕೊಳ್ಳುವಂತೆ ಮಾಡಿ, ಎಲ್ಲೆಡೆಯಿಂದಲೂ ಬಂದ ಅಸಂಖ್ಯಾತ ಶರಣರ ಜಂಗಮರ ಪ್ರಸಾರಕ್ಕಾಗಿಯೇ ಶರಣರ ಮನೆಯ ಬಾಗಿಲು ಸದಾ ತೆರೆದಿರುತ್ತಿತ್ತು.

ಆ ಮಹಾನ್ ದಾಸೋಹದ ಕಾರ್ಯದಲ್ಲಿ ತೊಡಗಿದವರಲ್ಲಿ, ಶರಣ ದಂಪತಿಗಳಾದ ಆಯ್ದಕ್ಕಿ ಲಕ್ಕಮ್ಮ ಮಾರಯ್ಯ ಕೂಡ ಒಬ್ಬರು.

━━━━━━━━━━━━━━━━━━━━━━━━━━

ಕಾಯಕ:

ಲಕ್ಕಮ್ಮನವರು ಶರಣರ ಮನೆಯಲ್ಲಿ, ಅಕ್ಕಿಯನ್ನು ಅಸನ ಮಾಡುವ ಕಾಯಕ ಮಾಡುತ್ತಿದ್ದರೆ, ಮಾರಯ್ಯನವರು ಭತ್ತದ ಹಾಗೂ ಅಕ್ಕಿಯ ಮೂಟೆಗಳನ್ನು ಹೊತ್ತು ತಂದು ಮಹಾಮನೆಗೆ ತಲುಪಿಸುವುದು ಇವರ ಕಾಯಕವಾಗಿತ್ತು.

ಕಾಯಕದಿಂದ ಬರುವ 'ಸಂಬಳ' ಅಥವಾ ಆದಾಯಕ್ಕೆ (ಆಯಾ) ಎಂದು ಕರೆಯುತ್ತಿದ್ದರು, ಆ ಕಾಲದಲ್ಲಿ ಸಂಬಳವಿರಲಿಲ್ಲ, ಬದಲಾಗಿ ದವಸ ಧಾನ್ಯಗಳನ್ನು ನೀಡುತ್ತಿದ್ದರು, ರಾಶಿ ಮಾಡಿದ ನಂತರ, ಅಳಿದುಳಿದ ಧಾನ್ಯಗಳನ್ನು ಅಲ್ಲಿಯೇ ಬಿಟ್ಟು, ಕೆಲ‌ಸಗಾರರಿಗೆ ಕೂಲಿಯಾಗಿ ನೀಡುತ್ತಿದ್ದರು, ಅದುವೇ ಆದಾಯ (ಆಯಾ) ಸಂಬಳ, ಆ ಸಂಬಳದ ಅಕ್ಕಿಯನ್ನು ನಾನು ಆವಶ್ಯಕ್ಕಿಂತ ಹೆಚ್ಚಾಗಿ ತಂದರೆ, ಮತ್ತೊಬ್ಬರಿಗೆ ಸಲ್ಲಬೇಕಾದ ಆದಾ ಕೂಲಿಯ ಅಕ್ಕಿ ಕಡಿಮೆಯಾಗಬಹುದು ಎಂಬ ಹಿತ ಚಿಂತನೆ ಶರಣೆ ಲಕ್ಕಮ್ಮನದ್ದು,

ಹೀಗಾಗಿಯೇ, ಪ್ರತಿದಿನ ಕಾಯಕದ ನಂತರ ಸಂಬಳದ ಅಕ್ಕಿಯನ್ನು ಅವಶ್ಯ ಇರುವಷ್ಟೇ ತಂದು, ಅದನ್ನು ದಾಸೋಹದಲ್ಲಿ ವಿನಿಯೋಗಿಸುತ್ತಿದ್ದರು ಆಯ್ದಕ್ಕಿ ಲಕ್ಕಮ್ಮ ಮಾರಯ್ಯ ದಂಪತಿಗಳು.

━━━━━━━━━━━━━━━━━━━━━━━━━

ಅಣ್ಣಬಸವಣ್ಣನವರ ಕಲ್ಯಾಣದಲ್ಲಿ,

ಅತ್ಯಂತ ಶಿವಭಕ್ತರೂ, ಜ್ಞಾನಿಗಳಾಗಿದ್ದ ಶರಣ ದಂಪತಿಗಳು, ಅದರಲ್ಲೂ, ಶರಣೆ ಲಕ್ಕಮ್ಮನವರು ಅತ್ಯಂತ ಕಾಯಕ ನಿಷ್ಠೆಯುಳ್ಳ ಶರಣೆಯಾಗಿ,

ಕಾಯಕ ನಿಂದಿತ್ತು ಹೋಗಯ್ಯಾ ಎನ್ನಾಳ್ದನೆ

ಭಾವಶುದ್ಧವಾಗಿ ಮಹಾಶರಣರ

ತಿಪ್ಪೆಯ ತಪ್ಪಲ ಅಕ್ಕಿಯ ತಂದು ನಿಶ್ಚೈಸಿ ಮಾಡಬೇಕು ಮಾರಯ್ಯಪ್ರಿಯ ಅಮರೇಶ್ವರಲಿಂಗಕ್ಕೆ ಬೇಗ ಹೋಗು ಮಾರಯ್ಯಾ.

ಎಂದು ಹೇಳುತ್ತಾ ಪತಿಯನ್ನು ಎಚ್ಚರಿಸುತ್ತಾ.

ಮೈಮರೆದು ಇಲ್ಲಿಯೇ ಕೂಡಬೇಡಿ ಹೋಗಿ ಕಾಯಕ ಮಾಡಿ, ಕೂಲಿಗೆ ತಕ್ಕಷ್ಟೇ ಅಕ್ಕಿಯನ್ನು ಆಯ್ದು ತನ್ನಿರಿ, ಬೇಗ ಬನ್ನಿರಿ, ದಾಸೋಹವ ಮಾಡಬೇಕು, ಎಂದು ಹೇಳುವಲ್ಲಿ.

ಒಂದೊಮ್ಮೆ ಮಾರಯ್ಯನು ಕಾಯಕವ ಮಾಡಿ ಬರುವಾಗ, ಅಣ್ಣಬಸವಣ್ಣನವರು ಹೆಚ್ಚು ಅಕ್ಕಿಯನ್ನು ರಾಶಿಯಲ್ಲೇ ಬಿಟ್ಟು ಬರಲು ಹೇಳಿದ್ದರು, ಮಾರಯ್ಯನವರು ಅಕ್ಕಿ ಬಹಳ ಉಳಿದಿದೆ, ವ್ಯರ್ಥವಾದೀತು ಎಂದು ಭಾವಿಸಿ ತುಸು ಅಕ್ಕಿಯನ್ನು ಆದಾಯಕ್ಕಿಂತ ಹೆಚ್ಚಾಗಿಯೇ, ಗಂಟುಕಟ್ಟಿಕೊಂಡು ತಂದರು.

ಇದನ್ನು ಕಂಡ ಶರಣೆ ಲಕ್ಕಮ್ಮನವರು ಗಾಬರಿಯಾಗಿ, ನೋಡುತ್ತಾ, ಬಾಗಿಲಲ್ಲೇ ನಿಂತು, ಪತಿ ಮಾರಯ್ಯನಿಗೆ ಎಚ್ಚರಿಸುತ್ತಾಳೆ.

ಇಂದಿಗೆ ನಾಳಿಂಗೆ ಎಂಬ ಆಸೆಯು ರಾಜ್ಯವನ್ನು ಆಳುವ ಅರಸನಿಗೆ ಅಲ್ಲದೆ, ನಮ್ಮಂತಹ ಶಿವ ಭಕ್ತರಿಗೆ ಸಲ್ಲುವುದೇ ನೀವು ತಂದ ಅಕ್ಕಿಯು, ಆದಾಯಕ್ಕಿಂತ ಹೆಚ್ಚಿನದ್ದಾಗಿದೆ, ಹಾಗಾಗಿ ಇದು ಮತ್ತೊಬ್ಬರಿಗೆ ಸಲ್ಲಬೇಕಾಗಿದ್ದು,

ಅತಿಯಾಸೆ, ರೋಷ, ಆವೇಶದಿಂದ ತರುವುದು ನಮಗೆ ಸಲ್ಲದು, ಶರಣರಾದವರು ಸೋಹಂ ಎನ್ನದೇ, ದಾಸೋಹಂ ಎನ್ನುವವರು. ಈಸಕ್ಕಿ ಆಸೆ ನಿಮಗೇಕೆ, ಇದು ಮಾರಯ್ಯಪ್ರಿಯ ಅಮರೇಶ್ವರ ಲಿಂಗಕ್ಕೆ ದೂರ ಮಾರಯ್ಯ.

ಆಸೆಯೆಂಬುದು ಅರಸಂಗಲ್ಲದೆ ಶಿವಭಕ್ತರಿಗುಂಟೆ ಅಯ್ಯಾ

ರೋಷವೆಂಬುದು ಯಮದೂತರಿಗಲ್ಲದೆ ಅಜಾತರಿಗುಂಟೆ ಅಯ್ಯಾ

ಈಸಕ್ಕಿಯಾಸೆ ನಿಮಗೇಕೆ ಈಶ್ವರನೊಪ್ಪ

ಮಾರಯ್ಯಪ್ರಿಯ ಅಮರೇಶ್ವರಲಿಂಗಕ್ಕೆ ದೂರ ಮಾರಯ್ಯ.

ಒಮ್ಮನವ ಮೀರಿ ಇಮ್ಮನದಲ್ಲಿ ತಂದಿರಿ

ಇದು ನಿಮ್ಮ ಮನವೊ ಬಸವಣ್ಣನ ಅನುಮಾನದ ಚಿತ್ತವೊ

ಈ ಮಾತು ಮಾರಯ್ಯಪ್ರಿಯ ಅಮರೇಶ್ವರಲಿಂಗಕ್ಕೆ ಸಲ್ಲದ ಬೋನ

ಅಲ್ಲಿಯೇ ಸುರಿದು ಬನ್ನಿ ಮಾರಯ್ಯಾ.

ಎಂದು ಹೇಳಿದಾಗ ಆಯ್ದಕ್ಕಿ ಮಾರಯ್ಯನು ಆದಾಯಕ್ಕಿಂತ ಹೆಚ್ಚಾಗಿ ತಂದಿರುವ ಅಕ್ಕಿಯನ್ನು ಮರಳಿ ಅಲ್ಲಿಯೇ ಸುರಿದು ಬರುತ್ತಾನೆ,

ಕಾಯಕದಲ್ಲಿ ನಿರತನಾದಡೆ,

ಗುರುದರ್ಶನವಾದಡೂ ಮರೆಯಬೇಕು,

ಲಿಂಗಪೂಜೆಯಾದಡೂ ಮರೆಯಬೇಕು,

ಜಂಗಮ ಮುಂದೆ ನಿಂದಿದ್ದರೂ ಹಂಗ ಹರಿಯಬೇಕು.

ಕಾಯಕವೇ ಕೈಲಾಸವಾದ ಕಾರಣ.

ಅಮರೇಶ್ವರಲಿಂಗವಾಯಿತ್ತಾದಡೂ ಕಾಯಕದೊಳಗು.

ಎಂದು ಯಾವ ಕಾಯಕವೂ ಮೇಲಲ್ಲ, ಕೀಳಲ್ಲ, ಎಂದು ಕಾಯಕಕ್ಕೆ ಹೆಚ್ಚಿನ ಮಹತ್ವಕೊಟ್ಟ, ಮಾರಯ್ಯನವರು ಗುರು ಲಿಂಗ ಜಂಗಮ ಈ ತ್ರಿವಿಧಕ್ಕೂ ಕಾಯಕವೇ ಆಧಾರವೆಂದು ಹೇಳಿ.

ಜಗತ್ತಿನಲ್ಲೇ ಪ್ರಪ್ರಥಮವಾಗಿ ದುಡಿಮೆಯನ್ನು ದೈವತ್ವಕ್ಕೇರಿಸಿ , ಕಾಯಕವೇ ಕೈಲಾಸ ಎಂಬ ನುಡಿಯನ್ನು ನುಡಿದು, ಅದನ್ನು ಅನುಷ್ಠಾನಕ್ಕೆ ತಂದವರು ಆಯ್ದಕ್ಕಿ ಲಕ್ಕಮ್ಮ ಮಾರಯ್ಯನವರು.

ಇವರ ಕಾಯಕ ನಿಷ್ಠೆಯನ್ನು ಕಂಡು ಅಣ್ಣ ಬಸವಣ್ಣನವರು ಮೆಚ್ಚಿ ಹೊಗಳುತ್ತಾರೆ, ಹೀಗೆ ಸತ್ಯಶುದ್ಧ ಕಾಯಕವ ಮಾಡಿ ಅದರಿಂದ ಬಂದ ದ್ರವ್ಯವನ್ನು ದಾಸೋಹಕ್ಕೆ ಅರ್ಪಿಸಿ, ಅತ್ಯಂತ ಸಮಾಜಮುಖಿಗಳಾಗಿ, ಆದರ್ಶ ಜೀವನವನ್ನು ನಡೆಸಿ, ನಮ್ಮೆಲ್ಲರಿಗೆಯೂ ಮಾದರಿಯಾಗಿ ಉಳಿದಿದ್ದಾರೆ,

ಇವರ ಕಾಯಕ ನಿಷ್ಠೆ, ದಾಸೋಹ ತತ್ವ, ಸದಾ ಅನುಕರಣೀಯ , ಹಾಗೂ ಸ್ಪೂರ್ತಿದಾಯಕವಾಗಿದೆ, ಇಂದಿನ ದಿನಮಾನಗಳಲ್ಲಿ, ಆಯ್ದಕ್ಕಿ ಲಕ್ಕಮ್ಮನ ನಿಲುವು ಎಲ್ಲೆಡೆಯೂ ಹರಡಿದಲ್ಲಿ, ಲಂಚ ಮುಕ್ತ ರಾಜ್ಯ, ರಾಷ್ಟ್ರ, ನಿರ್ಮಾಣ ಆಗಬಹುದು,

ಗಂಡನಿಗೂ ತಿದ್ದಿ ಬುದ್ಧಿವಾದ ಹೇಳುವ ದಿಟ್ಟ ನಿಲುವು, ಲಕ್ಕಮ್ಮನ ಜ್ಞಾನದ ಉನ್ನತ ಸ್ಥಿತಿಯನ್ನು, ಸೂಚಿಸುತ್ತದೆ,

ಕಲ್ಯಾಣದ ಕಲಶವಾಗಿ, ಕಾಯಕರತ್ನವಾಗಿ, ಸದಾ ಹೊಳೆಯುತ್ತಿರುವ ಅವರ ವಚನಗಳು ಇಂದಿಗೂ, ಎಂದಿಗೂ, ಜೀವಂತವಾಗಿರಲಿವೆ, ಬಸವಾದಿ ಶರಣರ ಜೀವ, ವಚನಗಳಲ್ಲಿ ಮಿಡಿಯುತ್ತಿವೆ ಸದಾ ಓದುಗರಿಗಾಗಿ,.. 👏🏻👏🏻👏🏻👏🏻

ಶರಣು ಶರಣಾರ್ಥಿಗಳೊಂದಿಗೆ.. 🙏🏻🙏🏻

✍🏻ವಿಶೇಷ ಲೇಖನ-:

ಲೋಕೇಶ್ ಎನ್ ಮಾನ್ವಿ.

9972536176

ರಾಯಚೂರಿನ ಶರಣರು. 01. ಉಳಿಯುಮೇಶ್ವರದ ಚಿಕ್ಕಯ್ಯ ಶರಣರು, ವಿಶೇಷ ಲೇಖನ -: ಲೋಕೇಶ್ ಎನ್ ಮಾನ್ವಿ.

2026-02-06T19:33:00.001+05:30

#ರಾಯಚೂರಿನ_ಶರಣರು. ೦1

ಉಳಿಯುಮೇಶ್ವರ ಚಿಕ್ಕಯ್ಯ ಶರಣರು.

ಹನ್ನೆರಡನೇ ಶತಮಾನದ ಬಸವಯುಗದ ಧೃವತಾರೆ,

ಕಾಯಕಯೋಗಿ ಶರಣ ಉಳಿಯುಮೇಶ್ವರ ಚಿಕ್ಕಯ್ಯನವರು.

ಇವರು ಪೂರ್ವಾಶ್ರಮದಲ್ಲಿ ಕಾಳಾಮುಖ ಆಚಾರ್ಯರಾಗಿದ್ದು ,
ಬಸವಣ್ಣನವರ ಪ್ರಭಾವಕ್ಕೆ ಒಳಗಾಗಿ ಶಿವಯೋಗಿಯಾಗಿ ,

ಕಲ್ಯಾಣದಲ್ಲಿ ಕಾಯಕದ ಜೊತೆಜೊತೆಗೆ,

ಶಿವಯೋಗದ ಕುರಿತು ಭೋದಿಸುತ್ತಿದ್ದರು ,

ಅಂಕಿತನಾಮ: ಉಳಿಯುಮೇಶ್ವರ

ಕಾಯಕ: ಕಮ್ಮಾರಿಕೆ, ಮಂಚ, ಬಾಗಿಲು,
ಇತರೆ ಕಟ್ಟಿಗೆಯ ಶಿಲ್ಪಿಕಲೆಗಳನ್ನು ಮಾಡುವುದು ,

ತಮ್ಮ ಒಂದು ವಚನದಲ್ಲಿ ಈ ರೀತಿಯಾಗಿ ಉಲ್ಲೇಖಿಸಿದ್ದಾರೆ,
ಎನ್ನ ಮನವ ಮಂಚವ ಮಾಡಿ,
ತನುವ ಪಚ್ಚಡಿಸುವೆ ಬಾರಯ್ಯಾ!
ಎನ್ನ ಅಂತರಂಗದಲ್ಲಿಪ್ಪೆ ಬಾರಯ್ಯ!
ಎನ್ನ ಬಹಿರಂಗದಲ್ಲಿಪ್ಪೆ ಬಾರಯ್ಯ!
ಎನ್ನ ಶಿವಲಿಂಗದೇವನೆ ಬಾರಯ್ಯ!
ಎನ್ನ ಭಕ್ತವತ್ಸಲನೆ ಬಾರಯ್ಯ!
`ಓಂ ನಮಃ ಶಿವಾಯ' ಎಂದು ಕರೆವೆನು
ಉಳಿಯುಮೇಶ್ವರಲಿಂಗವೆ ಬಾರಯ್ಯ!
ಎಂದು ಕಾಯಕದಲ್ಲೇ ಕೈಲಾಸ ಕಂಡವರು ಚಿಕ್ಕಯ್ಯ ಶರಣರು,

ಬಸವಣ್ಣನೆ ಎನಗೆ ಗುರುಸ್ವರೂಪನಯ್ಯಾ,
ಚೆನ್ನಬಸವಣ್ಣನೆ ಎನಗೆ ಲಿಂಗಸ್ವರೂಪನಯ್ಯಾ,
ಸಿದ್ಧರಾಮಯ್ಯನೆ ಎನಗೆ ಜಂಗಮಸ್ವರೂಪನಯ್ಯಾ,
ಮರುಳಶಂಕರದೇವರೆ ಎನಗೆ ಪ್ರಸಾದಸ್ವರೂಪನಯ್ಯಾ,
ಪ್ರಭುದೇವರೆ ಎನಗೆ ಜ್ಞಾನಸ್ವರೂಪನಯ್ಯಾ.
ಇಂತಿವರ ಶ್ರೀಪಾದದಲ್ಲಿ ಉರಿಯುಂಡ
ಕರ್ಪುರದಂತಡಗಿದೆನಯ್ಯಾ ಉಳಿಯುಮೇಶ್ವರಾ.

ಮೇಲಿನ ವಚನದಲ್ಲಿ ತಮ್ಮ ಸಮಕಾಲೀನ ಶರಣರಾದ, ಬಸವಣ್ಣ,
ಚೆನ್ನಬಸವಣ್ಣ, ಅಲ್ಲಮ, ಶಿವಯೋಗಿ ಸಿದ್ದರಾಮೇಶ್ವರರ,
ಮರುಳ ಶಂಕರದೇವರ ಕುರಿತು ಸ್ತುತಿಸಿದ್ದಾರೆ ,

ವಾರಣಾಸಿ, ಅವಿಮುಕ್ತಿ ಇಲ್ಲಿಯೇ ಇದ್ದಾನೆ.
ಹಿಮದ ಕೇತಾರ, ವಿರೂಪಾಕ್ಷ ಇಲ್ಲಿಯೇ ಇದ್ದಾನೆ.
ಗೋಕರ್ಣ, ಸೇತುರಾಮೇಶ್ವರ ಇಲ್ಲಿಯೇ ಇದ್ದಾನೆ.
ಶ್ರೀಶೈಲ ಮಲ್ಲಿನಾಥ ಇಲ್ಲಿಯೇ ಇದ್ದಾನೆ.
ಸಕಲಲೋಕ ಪುಣ್ಯಕ್ಷೇತ್ರ ಇಲ್ಲಿಯೇ ಇದ್ದಾನೆ,
ಸಕಳಲಿಂಗ ಉಳಿಯುಮೇಶ್ವರ ತನ್ನಲ್ಲಿ ಇದ್ದಾನೆ.

ಎಂಬುದಾಗಿ ಹೇಳುತ್ತಾ ಬಹಿರಂಗದ, ಆಡಂಬರದ ಆಚರಣೆಗಳಿಗಿಂತ, ಅಂತರಂಗದ ಶುದ್ಧಿಯೇ ಶ್ರೇಷ್ಠವೆಂದು ತಿಳಿಸುತ್ತಾ,
ತನ್ನಲ್ಲಿಯೇ ಓತಪ್ರೋತವಾಗಿ ಅಡಕವಾಗಿರುವ, ಚೈತನ್ಯ ಶಕ್ತಿಯು,
ಅರಿವಿನ ಕುರುಹೇ ಅಂಗೈಯಲ್ಲಿ ಇಷ್ಟಲಿಂಗವಾಗಿರಲು,
ಜಡ ಸ್ಥಾವರಕ್ಕೆರಗುವುದು ಬೇಡ ಎಂದು ಚಿಕ್ಕಯ್ಯ ಶರಣರು ತಿಳಿಹೇಳುತ್ತಾರೆ.

ಪೂರ್ವ ಕರ್ಮವ ಕೆಡಿಸಿದನೆನ್ನ ಗುರು
ಉಭಯ ಕರ್ಮವ ಬಿಡಿಸಿ ತೋರಿದಡೆ
ಅವರಿಂದ ಬದುಕಿದನು.
ಉಳಿಯುಮೇಶ್ವರ ಲಿಂಗವೆ
ಗುರುವಿಂದ ಬದುಕಿದನು.
ಸದುಭಕ್ತರಿಂದ ಬದುಕಿದನು, ನಿನ್ನ ಹಂಗೇನು.

ಎಂಬಲ್ಲಿ ಉಳಿಯುಮೇಶ್ವರ ಚಿಕ್ಕಯ್ಯ ಶರಣರು , ಶರಣತ್ವವೆಂಬ ಗುರು (ಜ್ಯೋತಿ) ಮುಟ್ಟಿದಲ್ಲಿಯೇ, ಎನ್ನ ಪೂರ್ವಕರ್ಮವೆಂಬ ಕತ್ತಲೆ ಕಳೆದಿತ್ತು ಎಂದು
ಶರಣರ ಸಾಂಗತ್ಯವನ್ನು ಒಪ್ಪಿ ಅಪ್ಪಿಕೊಳ್ಳುತ್ತಾರೆ,
ಬಸವಾದಿ ಶರಣರೊಂದಿಗೆ
ಅನುಭವ ಮಂಟಪದಲ್ಲಿ ಪಾಲ್ಗೊಂಡು,
ಅನೇಕ ವಚನಗಳನ್ನು ರಚಿಸಿದ್ದಾರೆ,
ಪ್ರಸ್ತುತ ಇವರ ೧೬ ವಚನಗಳು ಮಾತ್ರ ಲಭ್ಯವಿವೆ.

ಶರಣ ಉಳಿಯುಮೇಶ್ವರ ಚಿಕ್ಕಯ್ಯನವರು
ಕಲ್ಯಾಣ ಕ್ರಾಂತಿಯ ನಂತರ
ಇವರು ತಮ್ಮ ಜೀವನದ ಕೊನೆಯ ಕ್ಷಣಗಳನ್ನು ಕಳೆದದ್ದು
ರಾಯಚೂರು ಜಿಲ್ಲೆಯ, ಸಿಂಧನೂರು ತಾಲೂಕಿನ,
'ದೇವರಗುಡಿ' ಎಂಬ ಗ್ರಾಮದಲ್ಲಿ,
ಅಲ್ಲಿಯೇ ಶರಣ ಉಳಿಯುಮೇಶ್ವರ ಚಿಕ್ಕಯ್ಯನವರು ಲಿಂಗೈಕ್ಯರಾಗಿದ್ದಾರೆ ,.

ಇಂತಹ ಅನೇಕ, ಅನೇಕ ಮಹಾನ್ ಶರಣರು,
ಸಂತರು ಮಹಾಂತರು,
ನಮ್ಮೆಲ್ಲರ ಬದುಕಿಗೆ ದಾರಿ ದೀಪವಾಗಿ,
ಹಿತನುಡಿಗಳನ್ನು ಭೋದಿಸಿ,
ಸನ್ಮಾರ್ಗದಲ್ಲಿ ನಡೆದ ಈ ನೆಲವೇ ಕಲ್ಯಾಣ

ಅವರು ನುಡಿದ ನುಡಿಗಳು, ಅವರು ಹಾಕಿಕೊಟ್ಟ ಆದರ್ಶ
ಅವರು ಬದುಕಿದ ಸಾರ್ಥಕ ಜೀವನ ನಮ್ಮೆದುರೇ ಇದೇ
ಇಂದಿಗೂ ಅವರ ವಚನಗಳಲ್ಲಿ, ಜೀವಂತಿಕೆ ತುಂಬಿದೆ,
ಅವರ ಜೀವವೇ ವಚನಗಳಲ್ಲಿ ಅಡಗಿದೆ ,

ಶರಣರ ವಚನಗಳನ್ನು ಓದಿ,
ಅವರ ಹಾದಿಯಲ್ಲಿ ನಾವು ನಡೆದರೆ,
ನಮ್ಮ ಜೀವನವೇ ಸಾರ್ಥಕವಾದೀತು ,.. 👏👏👏

ಶರಣು ಶರಣಾರ್ಥಿಗಳೊಂದಿಗೆ,🙏

✍️ಲೇಖನ: ~ ಲೋಕೇಶ್ ಎನ್ ಮಾನ್ವಿ.

9972536176

'ಬಸವ ಸಂಸ್ಕೃತಿ' ಮಾನವೀಯತೆಯ ಮೇರು ಸಂಸ್ಕೃತಿ. ಲೇಖನ: #ಲೋಕೇಶ್_ಎನ್_ಮಾನವಿ.

2025-07-25T07:46:00.001+05:30

•ಮಾನವೀಯತೆಯ ಮೇರು ಸಂಸ್ಕೃತಿ•

•ಬಸವ ಸಂಸ್ಕೃತಿ•

ದುಡಿಮೆಯನ್ನು ದೈವತ್ವಕ್ಕೇರಿಸಿ

ಕಾಯಕದಲ್ಲೇ ಕೈಲಾಸ ತೋರಿದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ಸರ್ವರಿಗೂ ಸಮಪಾಲು, ಸರ್ವರಿಗೂ ಸಮಬಾಳು, ಎಂಬ ಸಮಾನತೆಯ ಸಂಸ್ಕೃತಿ,

•ಬಸವ ಸಂಸ್ಕೃತಿ•

ಅನ್ನ_ಅರಿವು_ಅಕ್ಷರ ದಾಸೋಹದ ಸಂಸ್ಕೃತಿ

•ಬಸವ ಸಂಸ್ಕೃತಿ•

ಎನ್ನಗಿಂತ ಕಿರಿಯರಿಲ್ಲ, ಎಂಬ ಸರಳ ಸುಂದರ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ಹೆಣ್ಣು ಹೆಣ್ಣಲ್ಲ, ಹೆಣ್ಣು ರಕ್ಕಸಿಯಲ್ಲ,

ಹೆಣ್ಣು ಸಾಕ್ಷಾತ್ ಶಿವನೆಂದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ನುಡಿದಂತೆ, ನಡೆದು ತೋರಿದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ವಿಭೂತಿಯ ಧರಿಸಿ ಹಣೆಯ ಬರಹವನ್ನು ನೆಚ್ಚದೇ ಮುನ್ನುಗ್ಗಿ ಸಾಧಿಸುವ ಸಂಸ್ಕೃತಿ,

•ಬಸವ ಸಂಸ್ಕೃತಿ•

ಅಂಗೈಯಲ್ಲಿ ಲಿಂಗವ ಹಿಡಿದು,

ಹಸ್ತ ರೇಖೆಯ ನೆಚ್ಚದೇ ತೋಳ್ ಬಲದಿಂದ ದುಡಿದು ತಿನ್ನುವ ಸ್ವಾಭಿಮಾನದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ಸ್ವರ್ಗ ನರಕಗಳ ಹಂಗಿಲ್ಲದೇ

ಆಚಾರವೇ ಸ್ವರ್ಗ, ಅನಾಚಾರವೇ ನರಕವೆಂದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ಕಳ್ಳನನ್ನೂ ಕಾಯಕ ಜೀವಿಯಾಗಿಸಿ ಶರಣತ್ವಕ್ಕೇರಿಸಿದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ಹನ್ನೆರಡು ಸಾವಿರ ಪನ್ನಾಂಗಿನಿಯರನ್ನು ಪುಣ್ಯಾಂಗಿನಿಯರನ್ನಾಗಿಸಿದ ದಿವ್ಯ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ಎಲ್ಲರಿಗೂ ಕನ್ನಡ ಕಲಿಸಿ,

ಕನ್ನಡ ಭಾಷೆಯನ್ನು, ದೇವ ಭಾಷೆಯಾಗಿಸಿದ ಮೇರು ಸಂಸ್ಕೃತಿ.

•ಬಸವ ಸಂಸ್ಕೃತಿ•

ನುಡಿಯು ಮುತ್ತಿನ ಹಾರ, ನಡೆದು ಸದ್ಗುಣ ಸಾರವೆಂದು ತೋರಿದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ದೇಹವನ್ನು ದುರ್ವ್ಯಸನಗಳಿಂದ ಮುಕ್ತಗೊಳಿಸಿ ದೇಹ ದೇವಾಲಯವಾಗಿಸುವ ಪರಿಶುದ್ಧ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ದಯೆ_ಕರಣೆ_ಪ್ರೀತಿಯೇ ಧರ್ಮವೆಂದ ಸಾರಿದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ಅಜ್ಞಾನದ ಕತ್ತಲೆ ಕಳೆಯಲೆಂದು

ವಚನ ದೀವಿಗೆಯ ಮುಡಿಸಿ ಜಗವ ಬೆಳಗಿದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ದಣಿದವರು ದಾಹ ನೀಗಿಸುವ ಸಂಸ್ಕೃತಿ,

ಬಿದ್ದವರ ಮೇಲೆತ್ತುವ ಸಂಸ್ಕೃತಿ,

ಹಸಿದವರಿಗೆ ಅನ್ನವನಿಕ್ಕುವ ಸಂಸ್ಕೃತಿ,

•ಬಸವ ಸಂಸ್ಕೃತಿ•

ಎಲ್ಲರನ್ನೂ ನಮ್ಮವರೆಂದು ಒಪ್ಪಿ‌ ಅಪ್ಪಿಕೊಳ್ಳುವ ಸಂಸ್ಕೃತಿ.

ಅರಿವು_ಆಚಾರ_ಅನುಭವ_ಅನುಭಾವದ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ವಿಶ್ವಕ್ಕೆ ಮೊಟ್ಟಮೊದಲ ಪ್ರಜಾಪ್ರಭುತ್ವದ ಪರಿಕಲ್ಪನೆ ಕೊಟ್ಟ ಮಹಾನ್ ಸಂಸ್ಕೃತಿ.

•ಬಸವ ಸಂಸ್ಕೃತಿ•

ಜಾತಿ_ಮತ_ಪಂಥ_ದೇಶ, ಗಡಿ, ಭಾಷೆಯನ್ನೂ ಮೀರಿ ತೊಳಗಿ ಬೆಳಗುವ ಮಹಾಮಾನವೀಯತೆಯ ಮೇರು ಸಂಸ್ಕೃತಿಯೇ ಬಸವ ಸಂಸ್ಕೃತಿ..👏🏻👏🏻👏🏻

✍🏻ರಚನೆ-:#ಲೋಕೇಶ್_ಎನ್_ಮಾನ್ವಿ.

9972536176

ಬುದ್ದಿ ಮಾತಿಗೆ ಮುನಿಯಬೇಡ ಎನ್ನುತ್ತಾರೆ ವಿಶ್ವಗುರು ಅಪ್ಪ ಬಸವಣ್ಣನವರು.👌 ವಿಶ್ಲೇಷಣೆ: #ಲೋಕೇಶ್_ಎನ್_ಮಾನವಿ.

2025-07-19T04:21:00.003+05:30

ಶ್ರೀಗುರುಬಸವಲಿಂಗಾಯ ನಮ:

ಬುದ್ದಿ ಮಾತಿಗೆ ಮುನಿಯಬೇಡ ಎನ್ನುತ್ತಾರೆ ವಿಶ್ವಗುರು ಅಪ್ಪ ಬಸವಣ್ಣನವರು.👌

ತಂದೆ ಮಕ್ಕಳಿಗೆ ಬುದ್ಧಿಯ ಹೇಳುವಲ್ಲಿ ತಪ್ಪಿಂಗೆ ಮುನಿವನಲ್ಲದೆ ಪ್ರಾಣಕ್ಕೆ ಮುನಿಯ. ಲಿಂಗವಂತನು ಲಿಂಗವಂತರಿಗೆ ಬುದ್ಧಿಯ ಹೇಳುವಲ್ಲಿ ಅವಗುಣಕ್ಕೆ ಮುನಿವನಲ್ಲದೆ ಲಾಂಛನಕ್ಕೆ ಮುನಿಯ.

ಲಿಂಗಭಕ್ತನು ಲಿಂಗಪಥವ ಹೇಳಿದಡೆ ಮಚ್ಚರಿಸುವರ ಮೆಚ್ಚ ಕೂಡಲಸಂಗಮದೇವ.

•ವಿಶ್ವಗುರು ಬಸವಣ್ಣನವರು•

ಭಾವಾರ್ಥ -

•ತಂದೆ ಮಕ್ಕಳಿಗೆ ಬುದ್ಧಿಯ ಹೇಳುವಲ್ಲಿ ತಪ್ಪಿಂಗೆ ಮುನಿವನಲ್ಲದೆ ಪ್ರಾಣಕ್ಕೆ ಮುನಿಯ•

ಹೌದು ಸ್ನೇಹಿತರೇ ಇಲ್ಲಿ ಒಬ್ಬ ತಂದೆ ಆದವನಿಗೆ ಜೀವನದ ಅನುಭವ, ಜವಾಬ್ದಾರಿ, ಕಷ್ಟ ನಷ್ಟಗಳು ಕಲಿಸಿದ ಬದುಕಿನ ಪಾಠವನ್ನು ತನ್ನ ಮಕ್ಕಳಿಗೆ ಹೇಳುತ್ತಾನೆ, ತಿಳಿಸುತ್ತಾನೆ, ಎಚ್ಚರಿಸುತ್ತಾನೆ, ತಿಳಿದೋ ತಿಳಿಯದೆಯೋ ಮಾಡಿದ ತಪ್ಪಿಗೆ ಬೈದು ಕೋಪದಿಂದ ಗದುರಿಸಿ ಬುದ್ಧಿ ಹೇಳಬಹುದು, ಆದರೆ ಆತನ ಕಾಳಜಿಯ ಹಿಂದಿರುವ ಕೋಪ ಸಾತ್ವಿಕವಾದದ್ದೇ ವಿನಃ ತಾಮಸವಾದದ್ದಲ್ಲ.

ಅಂದರೆ, ಆತನ ಮುನಿಸು ಕೋಪ ಸಿಟ್ಟೆಲ್ಲವು ಮಕ್ಕಳ ಮೇಲಲ್ಲ, ಬದಲಾಗಿ ಮಕ್ಕಳು ಮಾಡಿದ ತಪ್ಪಿನ ಮೇಲೆ ಆತನ ಕೋಪ, ಮತ್ತೊಮ್ಮೆ ತನ್ನ ಮಕ್ಕಳು ತಪ್ಪು ಮಾಡದಿರಲಿ ಎಂಬ ಕಾಳಜಿಯೇ ಆ ಸಾತ್ವಿಕ ಕೋಪದ ಹಿಂದಿರುವ ಸದುದ್ದೇಶವಾಗಿದೆ.

ಅದರಂತೆಯೇ

•ಲಿಂಗವಂತನು ಲಿಂಗವಂತರಿಗೆ ಬುದ್ಧಿಯ ಹೇಳುವಲ್ಲಿ ಅವಗುಣಕ್ಕೆ ಮುನಿವನಲ್ಲದೆ ಲಾಂಛನಕ್ಕೆ ಮುನಿಯ• •ಲಿಂಗಭಕ್ತನು ಲಿಂಗಪಥವ ಹೇಳಿದಡೆ ಮಚ್ಚರಿಸುವರ ಮೆಚ್ಚ ಕೂಡಲಸಂಗಮದೇವ•

ತಂದೆ ಮಕ್ಕಳಿಗೆ ಬುದ್ಧಿ ಹೇಳುವಲ್ಲಿ ಇರುವ ಸಾತ್ವಿಕ ಮನೋಭಾವ, ಅರಿವು ಜ್ಞಾನ, ಇಲ್ಲಿಯೂ ಇದೆ, ಲಿಂಗವಂತನು ಲಿಂಗವಂತರಿಗೆ ಬುದ್ಧಿಯ ಹೇಳುವಲ್ಲಿ ಅವಗುಣಕ್ಕೆ ಮುನಿವನಲ್ಲದೆ ಲಾಂಛನಕ್ಕೆ ಮುನಿಯ.

ಇಲ್ಲಿ ಲಿಂಗವಂತ ಎಂದರೆ, ಹಣ ಇರುವವ ಹಣವಂತ, ಗುಣ ಇರುವವ ಗುಣವಂತ, ವಿದ್ಯೆ ಇರುವವ ವಿದ್ಯಾವಂತ, ಜ್ಞಾನ ಇರುವವ ಜ್ಞಾನವಂತ, ಆರೋಗ್ಯಯುಳ್ಳವ ಆರೋಗ್ಯವಂತ, ಮತಿ ಇರುವವ ಮತಿವಂತ, ನೀತಿ ಇರುವವ ನೀತಿವಂತ, ಹಾಗೆಯೇ ಎದೆಯ ಮೇಲೆ ಲಿಂಗವ ಧರಿಸಿ ಅದರ ಬಗ್ಗೆ ಅರಿವುವುಳ್ಳವನೇ ಲಿಂಗವಂತ.

ಇಲ್ಲಿ ನೀತಿವಂತನು ನೀತಿ ತಪ್ಪಿದಾಗ ಅನೀತಿವಂತನಾಗುತ್ತಾನೆ, ಆರೋಗ್ಯವಂತನು ಇಲ್ಲಿ ಆರೋಗ್ಯ ತಪ್ಪಿದಾಗ ಅನಾರೋಗ್ಯನಾಗುತ್ತಾನೆ,

ಅದರಂತೆಯೇ ಲಿಂಗವಂತನು ಅವಗುಣಗಳಿಗೆ, ದುಶ್ಚಟಗಳಿಗೆ, ಸಿಲುಕಿ ಧರ್ಮದ (ದಯೆ,ಕರುಣೆ,ಪ್ರೀತಿಯ,ಕಾಯಕ ದಾಸೋಹದ ) ಅರಿವಿನ ಮಾರ್ಗ ಬಿಟ್ಟಾಗ ಅವನು ಲಿಂಗವಿದ್ದರೂ ಅದರ ಅರಿವು ಇಲ್ಲವಾದ್ದರಿಂದ ಲಿಂಗವಂತ ಎಂದೆನಿಸಿ ಕೊಳ್ಳುವುದಿಲ್ಲ , ಆತನಿಗೆ ಮತ್ತೊಬ್ಬ ಅರಿವುಯುಳ್ಳ ಲಿಂಗವಂತನು ತನ್ನ ಪ್ರೇಮ ಪೂರಿತ ಸಾತ್ವಿಕ ಕೋಪದಿಂದ ಎಚ್ಚರಿಸಿ ತಿಳಿ ಹೇಳಿದರೆ, ಅದು ಅವನಲ್ಲಿರುವ ಅವಗುಣಕ್ಕೇ ಹೊರತು ವೈಯುಕ್ತಿಕವಾಗಿ ಅವನಿಗಲ್ಲ , ಅವನ ಲಿಂಗಕ್ಕೆಯೂ ಅಲ್ಲ. ಇಲ್ಲಿ ಲಿಂಗಗುಣವುಳ್ಳ ( ಸಜ್ಜನ, ಸಾತ್ವಿಕ, ಸನ್ನಡತೆ, ಸಮತೆಯುಳ್ಳ) ಲಿಂಗ ಭಕ್ತನು, ಮತ್ತೊಬ್ಬ ಲಿಂಗವಂತನಿಗೆ ಪ್ರಕೃತಿಯ ಸಹಜ ಸತ್ಯವಾದ ಲಿಂಗದ (ಅರಿವಿನ) ಪಥವನ್ನು ಸನ್ಮಾರ್ಗವನ್ನು ತಿಳಿಸಿ ಹೇಳಿದರೆ ಅದನ್ನು ಒಪ್ಪದೆ ಬರಿದೆ ಟೀಕಿಸುವವರ ಮೆಚ್ಚನು ನಮ್ಮ ಕೂಡಲಸಂಗಮದೇವ ಎನ್ನುತ್ತಾರೆ ವಿಶ್ವಗುರು ಬಸವಣ್ಣನವರು.👏🏻👏🏻👏🏻

ಶರಣು ಶರಣಾರ್ಥಿಗಳೊಂದಿಗೆ 🙏

ವಿಶ್ಲೇಷಣೆ -: #ಲೋಕೇಶ್_ಎನ್_ಮಾನ್ವಿ.

ವಿಶ್ವಗುರು ಬಸವಣ್ಣನವರ ವಚನದಲ್ಲಿ ಆರ್ಥಿಕತೆ ವಿಶ್ಲೇಷಣೆ - #ಲೋಕೇಶ್_ಎನ್_ಮಾನ್ವಿ.

2024-09-29T06:18:00.001+05:30

ಶ್ರಿಗುರುಬಸವಲಿಂಗಾಯ ನಮಃ

•ವಿಶ್ವಗುರು ಬಸವಣ್ಣನವರ ವಚನದಲ್ಲಿ ಆರ್ಥಿಕತೆ.•

ಭಂಡವ ತುಂಬಿದ ಬಳಿಕ ಸುಂಕವ ತೆತ್ತಲ್ಲದೆ ಹೋಗಬಾರದು.

ಕಳ್ಳನಾಣ್ಯ ಸಲುಗೆಗೆ ಸಲ್ಲದು, ಕಳ್ಳನಾಣ್ಯವ ಸಲ್ಲಲೀಯರಯ್ಯಾ.

ಭಕ್ತಿಯೆಂಬ ಭಂಡಕ್ಕೆ ಜಂಗಮವೆ ಸುಂಕಿಗ ಕೂಡಲಸಂಗಮದೇವಾ.

ಭಾವಾರ್ಥ-

ಭಂಡವ ತುಂಬಿದ ಬಳಿಕ ಸುಂಕವ ತೆತ್ತಲ್ಲದೆ ಹೋಗಬಾರದು.

ಬಸವಾದಿ ಶರಣರದ್ದು
ಕಾಯಕ ಮತ್ತು ದಾಸೋಹ ಪ್ರಧಾನವಾದ ಜೀವನ,
ಉತ್ಪಾದನೆ ಮತ್ತು ವಿತರಣೆ ದೇಶದ ಅರ್ಥಿಕತೆಯ ಬಹುದೊಡ್ಡ ಮೂಲ, ಇಲ್ಲಿ ದುಡಿತ ಕೇವಲ ತಮಗಾಗಿ ಮಾತ್ರವಲ್ಲ, ಲೋಕ ಹಿತಕ್ಕಾಗಿ, ತನ್ನೊಂದಿಗೆ ಸಮಾಜದ ಏಳಿಗೆಗಾಗಿ ಶ್ರಮಿಸುವುದೆ ಕಾಯಕ ತತ್ವ, ಭಂಡವ (ತ್ರಿಜೋರಿ) ತುಂಬಿದ ಬಳಿಕ ಅದಕ್ಕೆ ಸುಂಕ (ತೆರಿಗೆ) ಕಟ್ಟಲೇ ಬೇಕು‌. ಇಲ್ಲದಿದ್ದರೆ. ಅದು ಕಪ್ಪುಹಣವಾಗುತ್ತದೆ ಅದು ಹೋಗಲು ಬಾರದು ಚಲಾವಣೆಗೆ ನಿಷಿದ್ಧವೆನ್ನುತ್ತಾರೆ ಬಸವಣ್ಣನವರು,

ಕಳ್ಳನಾಣ್ಯ ಸಲುಗೆಗೆ ಸಲ್ಲದು, ಕಳ್ಳನಾಣ್ಯವ ಸಲ್ಲಲೀಯರಯ್ಯಾ.

ತನಗಾಗಿ ತನ್ನ ಹೆಂಡಿರು ಮಕ್ಕಳಿಗಾಗಿ ಎಂದು ತೆರಿಗೆ ಕಟ್ಟದೆ, ಆದಾಯವನ್ನು ನಾಳೆಗೆಂದು ಕೂಡಿಟ್ಟು, ನಾಳಿನ ದಿನ ದುಡಿಯದೆಯೆ ಕುಳಿದು ತಿನ್ನುವುದು, ದೇಶದ ಅರ್ಥಿಕ ವ್ಯವಸ್ಥೆಗೆ ಅದು ಮಾರಕವಾಗುತ್ತದೆ, ಅಂದರೆ ಹಣ ತ್ರಿಜೋರಿ (ಲಾಕರ್) ಸೇರದೇ ಸಮಾಜದಲ್ಲಿ ಚಲಾವಣೆಯಲ್ಲಿರಬೇಕು.

ನಿತ್ಯ ನಿರಂತರ ಕಾಯಕ, ದೇಶದ ಅಭಿವೃದ್ಧಿಗೆ ಪೂರಕ, ಒಂದು ದಿನವೂ ಒಬ್ಬ ವ್ಯಕ್ತಿಯೂ ಕಾಯಕ ಮಾಡದೇ ಉಣಬಾರದು, ಕಾಯಕ ಮಾಡಿದ ನಂತರ ಇತರರಿಗೆ ಉಣಿಸಿ ತಾನು ಉಣುವುದು. ಇದು ದೇಶದ ಬಡತನ ನಿರ್ಮೂಲನೆಗೆ ಸಹಕಾರಿಯಾಗುತ್ತದೆ ಎನ್ನುವುದೇ ಬಸವಣ್ಣನವರ ದಾಸೋಹ ತತ್ವ‌.

ಈಗಿನ ಸರ್ಕಾರದ ITR ಆದಾಯ ಘೋಷಣೆ, ಮತ್ತು INCOME TAX ತೆರಿಗೆ ಯೋಜನೆಯೇ ಬಸವಣ್ಣನವರ ಅಂದಿನ ಕಾಯಕ-ದಾಸೋಹ ತತ್ವ.

ತಮ್ಮ ಕಾಯಕದಿಂದ ಬಂದ ಆದಾಯದ ಮೌಲ್ಯವನ್ನು ಸ್ವಯಂ ಘೋಷಿಸಿ ದಾಸೊಹದಲ್ಲಿ ವಿನಿಯೋಗಿಸುವುದು, ಅದನ್ನು ಬಿಟ್ಟು ಅಕ್ರಮ ಸಂಗ್ರಹಣೆ ಎಂಬುದು ನಿಷಿದ್ಧವಾಗಿತ್ತು, ಅದು ಕಪ್ಪುಹಣ ಕಳ್ಳನಾಣ್ಯ, ಅದನ್ನು ತೆರಿಗೆ ಕಟ್ಟದೆ ಬಳಸುವುದು ಅಕ್ಷಮ್ಯ, ಕಳ್ಳನಾಣ್ಯ ಸಲುಗೆಗೆ ಸಲ್ಲದು, ಕಳ್ಳನಾಣ್ಯವ ಸಲ್ಲಲೀಯರಯ್ಯಾ. ಕಳ್ಳನಾಣ್ಯವನ್ನು ಬಚ್ಚಿಟ್ಟುಕೊಂಡು ಬದುಕುವುದು, ಕಟ್ಟಬೇಕಾದ ತೆರಿಗೆಯನ್ನು ವಂಚಿಸುವುದು,

ಕಳ್ಳತನದಲ್ಲಿ ಬದುಕಿದಂತೆ. ಅದು ಅಪರಾದ, ಕಳ್ಳನಾಣ್ಯ ಎಂದೂ ನಿನಗೆ ಸಲ್ಲದು ಎನ್ನುತ್ತಾರೆ ಬಸವಣ್ಣನವರು.

ಭಕ್ತಿಯೆಂಬ ಭಂಡಕ್ಕೆ ಜಂಗಮವೆ ಸುಂಕಿಗ ಕೂಡಲಸಂಗಮದೇವಾ.

ನನ್ನಲ್ಲಿ ಇರುವುದು ಸಮತೆ ಪ್ರೇಮ ಭಕ್ತಿ ಜ್ಞಾನವೆಂಬ ಭಂಡಾರ,

ಇದನ್ನೇ ನಾನು ಇಡೀ ವಿಶ್ವಕ್ಕೆ ಹಂಚುತ್ತೇನೆ. ಈ ಇಡೀ ಜಗತ್ತೇ ನನಗೆ ಕೂಡಲಸಂಗಮದೇವನ ಸ್ವರೂಪವಾದ ಕಾರಣ ನನಗೆ ಈ ಚಲನಶೀಲ ಸಮಾಜ-ಪ್ರಕೃತಿಯೇ ಸುಂಕಿಗ ಎನ್ನುತ್ತಾರೆ ವಿಶ್ವಗುರು ಬಸವಣ್ಣನವರು.🙏🏻🙏🏻🙏🏻

✍🏻 ವಿಶ್ಲೇಷಣೆ -

#ಲೋಕೇಶ್_ಎನ್_ಮಾನ್ವಿ.

9972536176

‘ಲಕ್ಷಕ್ಕೊಬ್ಬ ಭಕ್ತ, ಕೋಟಿಗೊಬ್ಬ ಶರಣ’ ಚಿನ್ಮಯಜ್ಞಾನಿ ಚೆನ್ನಬಸವಣ್ಣನವರ ವಚನದ ವಿಶ್ಲೇಷಣೆ-; ಲೋಕೇಶ್_ಎನ್_ಮಾನ್ವಿ ಇವರಿಂದ.

2024-01-08T07:04:00.000+05:30

‘ಲಕ್ಷಕ್ಕೊಬ್ಬ ಭಕ್ತ, ಕೋಟಿಗೊಬ್ಬ ಶರಣ’

ಬಟ್ಟಬಯಲೆಲ್ಲ ಗಟ್ಟಿಗೊಂಡಡೆ ಸ್ವರ್ಗ ಮತ್ರ್ಯ ಪಾತಾಳಕ್ಕೆ ಠಾವೆಲ್ಲಿಯದೊ ? ಮೇಘನಿರ್ಮಳಜಲವೆಲ್ಲ ಮುತ್ತಾದಡೆ ಸಪ್ತಸಾಗರಂಗಳಿಗೆ ಉದಕವೆಲ್ಲಿಯದೊ ? ಕಷ್ಟಜೀವಿ ಮನುಜರೆಲ್ಲ ನೆಟ್ಟನೆ ಶಿವಜ್ಞಾನಿಗಳಾದಡೆ ಮುಂದೆ ಭವದ ಬಳ್ಳಿ ಬೆಳೆಯಲಿನ್ನೆಲ್ಲಿಯದೊ ,? ಇದು ಕಾರಣ ಕೂಡಲಚೆನ್ನಸಂಗಯ್ಯಾ ಲಕ್ಷಕ್ಕೊಬ್ಬ ಭಕ್ತ ಕೋಟಿಗೊಬ್ಬ ಶರಣ,.

ಭಾವಾರ್ಥ-

ಬಟ್ಟಬಯಲೆಲ್ಲ ಗಟ್ಟಿಗೊಂಡಡೆ ಸ್ವರ್ಗ ಮತ್ರ್ಯ ಪಾತಾಳಕ್ಕೆ ಠಾವೆಲ್ಲಿಯದೊ ?

ಎಡೆಯಿಲ್ಲದ ಕಡೆಯಿಲ್ಲದ, ಆರಂಭವೂ ಇಲ್ಲದ, ಅಂತ್ಯವೂ ಇಲ್ಲದ, ಕಾಲಕಲ್ಪನೆಗಳಿಗೆ ಗೋಚರಿಸದ ಖಗೋಳ ವಿಜ್ಞಾನಕ್ಕೂ ನಿಲುಕದ ವಿಸ್ಮಯ ಕೌತುಕ, ಸೂರ್ಯ_ಚಂದ್ರ_ಭೂಮಿಗಳಂಥಹ ಸಹಸ್ರ ಸಹಸ್ರ ಗ್ರಹಗಳನ್ನೊಳಗೊಂಡಿರುವ ಬ್ರಹ್ಮಾಂಡ (Galaxy), ಅಂತಪ್ಪ ಸಹಸ್ರ ಸಹಸ್ರ (Galaxy) ಬ್ರಹ್ಮಾಂಡಗಳನ್ನೇ ತನ್ನೊಳು ಕಿಂಚಿತ್ತಾಗಿ ಇಟ್ಟುಕೊಂಡದ್ದೇ ಶರಣರು ಹೇಳುವ ಬಯಲು_ಬಟ್ಟಬಯಲು,
ಅಂತಹ ಬಟ್ಟಬಯಲು ಭೂಮಿ,ನೀರು,ಅಗ್ನಿ,ವಾಯು,ಆಕಾಶವನ್ನೊಳಗೊಂಡ ಬಟ್ಟಬಯಲು ಪ್ರಕೃತಿಯೇ ಹೆಪ್ಪಾಗಿ ಗಟ್ಟಿಕೊಂಡರೆ, ಉಸಿರಾಟಕ್ಕೆ ಆಮ್ಲಜನಕವಿಲ್ಲ, ಕುಡಿಯಲು ನೀರಿಲ್ಲ, ಚಲನೆಯಿಲ್ಲದ ಆಕಾಶ, ಹೆಪ್ಪುಗಟ್ಟಿದ ಅಂತರ್ಜಲದಿಂದ
ಜಲಚರ_ಕ್ರಿಮಿಕೀಟ_ಪಶುಪಕ್ಷಿ_ಪ್ರಾಣಿ ಸಂಕುಲವೇ ನಾಶವಾಗಿ ಹೋಗುವಂತೆ,.

ಮೇಘನಿರ್ಮಳಜಲವೆಲ್ಲ ಮುತ್ತಾದಡೆ ಸಪ್ತಸಾಗರಂಗಳಿಗೆ ಉದಕವೆಲ್ಲಿಯದೊ ?

ಆಕಾಶದಲ್ಲಿಹ ನಿರ್ಮಲವಾದ ಸಿಹಿ ನೀರಹನಿಗಳೆಲ್ಲವೂ ಮಳೆಯ ನೀರಾಗಿ ಸುರಿಯದೇ, ಮುತ್ತಾಗಿ ಸುರಿದಡೆ,?ಮಹಾಸಾಗರಗಳೆಲ್ಲ ನೀರಿಲ್ಲದೇ ಬರಿದಾಗಿ ಬಿಡುವಂತೆ,.

ಕಷ್ಟಜೀವಿ ಮನುಜರೆಲ್ಲ ನೆಟ್ಟನೆ ಶಿವಜ್ಞಾನಿಗಳಾದಡೆ ಮುಂದೆ ಭವದ ಬಳ್ಳಿ ಬೆಳೆಯಲಿನ್ನೆಲ್ಲಿಯದೊ ,?

ಹುಟ್ಟಿನಿಂದ ನಾನು ನನ್ನದೆನ್ನುವ ಮಾನವ, ರೂಪ_ರಸ_ಗಂಧ_ಶಬ್ಧ_ಸ್ಫರ್ಶಗಳಿಂದ, ಕಾಮ,ಕ್ರೋಧ, ಮೋಹ, ಮಾಯೆ, ಮದ, ಮತ್ಸರಗಳು ಹೆಚ್ಚಿ ಆಸೆ, ಆಮಿಷ,ರೋಷ,ವಿಷಯಾದಿಗಳಿಗಾಗಿ ಬಡಿದಾಡುವ ಕಷ್ಟಜೀವಿ ಮನುಜರೆಲ್ಲರೂ, ನೆಟ್ಟನೆ ಶಿವಜ್ಞಾನಿಗಳಾಗಲು ಸಾಧ್ಯವೇ,? ಆಗಸದಿಂದ ಸುರಿವ ಮಳೆ ಹನಿಗಳೆಲ್ಲ ಮುತ್ತಾಗಲು ಹೇಗೆ ಸಾಧ್ಯವಿಲ್ಲವೋ ಹಾಗೆ ಹುಟ್ಟು ಸಾವುಗಳ ಕಾಲಚಕ್ರದಲ್ಲಿ ಜನಿಸಿ ಬರುವ ಮನುಜರೆಲ್ಲರೂ ಶಿವಜ್ಞಾನಿಗಳಾಗಲು ಸಾಧ್ಯವಿಲ್ಲ,

ಇದು ಕಾರಣ ಕೂಡಲಚೆನ್ನಸಂಗದೇವ ಲಕ್ಷಕ್ಕೊಬ್ಬ ಭಕ್ತ ಕೋಟಿಗೊಬ್ಬ ಶರಣ,.

ಆಗಸದಲ್ಲಿ ಸಾವಿರಾರು ನಕ್ಷತ್ರಗಳಿದ್ದರೂ ಭುವಿಯನ್ನು ಬೆಳಗುವ ಸೂರ್ಯನೊಬ್ಬನೆ ಇರುವಂತೆ, ಕಡಲಾಳದಲ್ಲಿ ಸಿಗುವ ರತ್ನದಂತೆ, ಈ ಭುವಿಯಲ್ಲಿ ಜನಿಸುವ ಸಹಸ್ರಾರು ಜನರಲ್ಲಿ ಲಕ್ಷಕ್ಕೆ ಒಬ್ಬರಂತೆ ಭಕ್ತರು, ಕೋಟಿಗೆ ಒಬ್ಬರು ಶರಣರು ಹುಟ್ಟಿತ್ತಾರೆ, ಮಿಕ್ಕವರೆಲ್ಲರೂ ಡಾಂಭಿಕತೆಯ ಭಕ್ತರು ಜೊಳ್ಳುಜೊಟ್ಟಿಯಂತೆ ಎನ್ನುತ್ತಾರೆ ಚಿನ್ಮಯಜ್ಞಾನಿ ಚೆನ್ನಬಸವಣ್ಣನವರು.👏🏻👏🏻👏🏻

ವಿಶ್ಲೇಷಣೆ-;

#ಲೋಕೇಶ್_ಎನ್_ಮಾನ್ವಿ.

9972536176

ಆಕಾಶವ ನೂಕುತ್ತಿಯ ಹಾಗೆ ಅಟಗೋಲ ಹಂಗುಂಟೆ ? ಹಡಪದ ಅಪ್ಪಣ್ಣನವರ ವಚನದ ಭಾವಾರ್ಥ ವಿಶ್ಲೇಷಣೆ-; ಲೋಕೇಶ್ ಎನ್ ಮಾನ್ವಿ.

2023-08-17T07:28:00.008+05:30

ಓಂ ಶ್ರೀಗುರುಬಸವಲಿಂಗಾಯ ನಮಃ

ಆಕಾಶವ ನೂಕುತ್ತಿಯ ಹಾಗೆ ಅಟಗೋಲ ಹಂಗುಂಟೆ ?

ಏಕ ಮನವ ನಿಲಿಸುವರೆ, ಬೇರೊಂದು ಸಾಕಾರ ಉಂಟೆ ?

ಬೇಕು ಬೇಡೆಂಬವೆರಡಳಿದವಂಗೆ, ಇಹಲೋಕದ ಹಂಗುಂಟೆ ?

ಈ ಜೋಕೆ ನಿಮ್ಮೊಳು ಏಕವಾಗಿಹ ಶರಣಂಗಲ್ಲದೆ, ಲೋಕದ ಮಾನವರಿಗುಂಟೆ?

ನಿಮ್ಮ ನೆಲೆಯನರಿವುದು, ಬಸವಪ್ರಿಯ ಕೂಡಲಚೆನ್ನಬಸವಣ್ಣಾ.

✍🏾-; ನಿಜಸುಖಿ ಹಡಪದ ಅಪ್ಪಣ್ಣನವರು.

ಭಾವಾರ್ಥ-

ಆಕಾಶವ ನೂಕುತ್ತಿಯ ಹಾಗೆ ಅಟಗೋಲ ಹಂಗುಂಟೆ ?

ಈ ಭೂಮಿಯ ಮೇಲಿಹ ಕೆರೆ, ಹೊಳೆ, ನದಿ ದಾಂಟಲು ಅರಗೋಲುಗಳ ಅವಶ್ಯಕತೆ ಇದೆಯೇ ಹೊರತು,

ಆಕಾಶದ ಮೋಡದಲ್ಲಿಹ ಮೇಘಜಲವನ್ನು ದಾಂಟಲು ಯಾವ ಅರಗೋಲಿನ ಅವಶ್ಯಕತೆಯ ಹಂಗಿಲ್ಲ.

ಏಕ ಮನವ ನಿಲಿಸುವರೆ, ಬೇರೊಂದು ಸಾಕಾರ ಉಂಟೆ ?

ಮರೆವು ಅಳಿದು, ಅರಿವಿನ ಕಣ್ತೆರೆದು, ಪಂಚೇಂದ್ರಿಯಗಳೆಲ್ಲ ಜ್ಞಾನೇಂದ್ರಿಯಗಳಾಗಿ ತನ್ನ ಮನಸ್ಸನ್ನು ನಿರಾಕಾರ ಸೃಷ್ಟಿಕರ್ತನ ಬಯಲಲ್ಲಿರಿಸಿದ ಶಿವಶರಣರಿಗೆ ಯಾವುದೇ (ಮನುಜ ಕಲ್ಪಿತ) ಸಾಕಾರದ ಹಂಗಿಲ್ಲ ಅವಶ್ಯಕತೆಯೂ ಇಲ್ಲ.

ಬೇಕು ಬೇಡೆಂಬವೆರಡಳಿದವಂಗೆ, ಇಹಲೋಕದ ಹಂಗುಂಟೆ ?

ಬೇಕು ಬೇಡಗಳಿಂದಾಚೆ, ಆಸೆ ಆಮಿಷಗಳಿಂದಾಚೆ, ನಾನು ನನ್ನದೆಂಬ ಭ್ರಮೆಯಿಂದಾಚೆ, ನನ್ನದು ತನ್ನದೆಂಬ ಮೋಹದಿಂದಾಚೆಗೆ ಇರುವ ಶಿವಶರಣರಿಗೆ ಯಾವುದೇ ಈ ಲೋಕದ ಹಂಗಿಲ್ಲ..

ಈ ಜೋಕೆ ನಿಮ್ಮೊಳು ಏಕವಾಗಿಹ ಶರಣಂಗಲ್ಲದೆ, ಲೋಕದ ಮಾನವರಿಗುಂಟೆ? ನಿಮ್ಮ ನೆಲೆಯನರಿವುದು, ಬಸವಪ್ರಿಯ ಕೂಡಲಚೆನ್ನಬಸವಣ್ಣಾ.

ಇಂತೀ ತನ್ನ ತಾನರಿದು ನಿಮ್ಮೊಳಗೆ ಏಕವಾಗಿ ಬೆರಸಿ ಬೇರಿಲ್ಲದಂತಿಪ್ಪ ಶಿವ ಶರಣರಿಗಲ್ಲದೆ , ಬಸವಪ್ರಿಯ ಕೂಡಲಚೆನ್ನಬಸವಣ್ಣನ ನಿಲುವನರಿಯಲು ಈ ಲೋಕದ ಮರುಳ ಮಾನವರಿಗೆ ಎಂದೂ ಸಾಧ್ಯವಾಗುವುದಿಲ್ಲ ಎನ್ನುತ್ತಾರೆ ನಿಜಸುಖಿ ಹಡಪದ ಅಪ್ಪಣ್ಣನವರು.💐

ಶರಣು ಶರಣಾರ್ಥಿಗಳೊಂದಿಗೆ

✍🏾ಲೋಕೇಶ್_ಎನ್_ಮಾನ್ವಿ.

9972536176

ಸಿದ್ಧಿಪುರುಷ ಸದ್ಗುರು ಯಲ್ಲಾಲಿಂಗಪ್ರಭು ಮಹಾರಾಜರು,

2023-07-12T22:17:00.001+05:30

ಪರಮತ್ಯಾಗಿ ಘನವೈರಾಗಿ, ಅಲ್ಲಮನಂತೆ ಬದುಕಿದ ಯೋಗಿ, ಸಿದ್ಧಿಪುರುಷ ಸದ್ಗುರು ಯಲ್ಲಾಲಿಂಗಪ್ರಭು ಮಹಾರಾಜರು,

ಮುಗಳಖೋಡ ಗ್ರಾಮದ ಸ್ಮಶಾನ ಭೂಮಿಯನ್ನೇ ಮುಕ್ತಿ ಮಂದಿರವಾಗಿದ ಯೋಗಿ,

ಇಂದಿಗೆ 138 ವರ್ಷಗಳ ಹಿಂದೆ

ಶರಣರ ನಾಡು ವಿಜಯಪುರದ ಇಂಡಿ ತಾಲೂಕಿನ ಮಿರಗಿ ಎಂಬ ಪುಟ್ಟ ಗ್ರಾಮದಲ್ಲಿ

ಶಿವಪ್ಪ ಕಾಶಿಬಾಯಿ ಎಂಬ ಪುಣ್ಯ ದಂಪತಿಗಳ ಮಗನಾಗಿ ಜನಿಸಿ ಬಂದ ಮಗುವೇ ಯಲ್ಲಪ್ಪ

ಎಂಟು ವರ್ಷ ಪ್ರಾಯದಲ್ಲೇ ಶಿವ ಧ್ಯಾನ ನಿರತನಾಗಿ ಕುರಿ ಕಾಯುವ ಕಾಯಕ ಮಾಡುತ್ತಿದ್ದರು, ಇಪ್ಪತ್ತು ವರ್ಷ ತುಂಬುವಷ್ಟರಲ್ಲಿ ಗರಡಿ ಮನೆಯಲ್ಲಿ ಪಳಗಿ ಕುಸ್ತಿ ಪಟುವಾಗಿದ್ದ ಯಲ್ಲಪ್ಪ ,

ಮನೆಯವರ ಬಲವಂತಕ್ಕೆ ಒಲ್ಲದ ಮನಸ್ಸಿನಿಂದಲೇ ಹೊನ್ನಮ್ಮ ಎಂಬವರ ಜೊತೆಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು,

ಸಂಸಾರವೂ ಅನ್ಯೂನ್ಯವಾಗಿ ಸಾಗಿತ್ತು ಮಡದಿ ಗರ್ಭವತಿಯಾದಳು, ನವಮಾಸಗಳು ತುಂಬುವಷ್ಟರಲ್ಲೇ ತಾಯಗರ್ಭದಲ್ಲೇ ಶಿಶು ಸತ್ತಿತು ಅದರೊಂದಿಗೆ ಯಲ್ಲಪ್ಪನ ಮಡದಿ ಹೊನ್ನಮ್ಮಳು ಕೂಡ ಕೊನೆಉಸಿರೆಳೆದು ಬಾರದ ಲೋಕಕ್ಕೆ ಹೊರಟಳು, ಸುತ್ತಮುತ್ತಲ ಗ್ರಾಮಗಳಲ್ಲಿ ಕುಸ್ತಿ ಪಂದ್ಯಾವಳಿಗಳನ್ನು ಗೆದ್ದು ಜಗಜಟ್ಟಿಯಾಗಿ ಖುಷಿಯಿಂದ ಬಂದ ಯಲ್ಲಪ್ಪ, ಗರ್ಭಿಣಿಯಾದ ತನ್ನ ಮಡದಿ ಹಾಗೂ ಮಗುವನ್ನು ಕಳೆದು ಕೊಂಡ ಯಲ್ಲಪ್ಪ, ಅದೇ ಚಿತೆಯಲ್ಲಿ ಸಂಸಾರ ಮಾಯಾ ಮೋಹಗಳನ್ನು ಸುಟ್ಟು, ಮೈ ತುಂಬ ಭಸ್ಮ ಧರಿಸಿ ವಿರಾಗಿಯಾಗಿ ಲಚ್ಯಾಣದೆಡೆಗೆ ಬಂದ,

ಅಲ್ಲಿ ಸಿದ್ಧಲಿಂಗ ಮಹಾರಾಜರ ದರುಶನಕ್ಕೆ ಕಾದು ಕುಳಿತರು ಪಾಳೆ ಸಿಗದೇ ಹೋಗಿದ್ದರಿಂದ ಊರ ಹೊರಗಿನ ಗಿಡದ ಕೆಳಗೆ ಕುಳಿತು ಧ್ಯಾನಾಸ್ಥನಾದ ಯಲ್ಲಪ್ಪನ ಶರೀರವು ಗಾಳಿಯಲ್ಲಿ ತೇಲಿದಂತೆ ಕಾಣುತಿತ್ತು ಅಷ್ಟರಲ್ಲೇ ಮೂರು ದಿನ ಕಳೆಯಿತು, ಸುದ್ದಿ ತಿಳಿದ ಸಿದ್ಧಲಿಂಗರೇ ಯಲ್ಲಪ್ಪನನ್ನು ಹುಡುಕಿಕೊಂಡು ಬಂದರು, ಇವನೇ ನನ್ನ ಪರಮ ಶಿಷ್ಯ ಎಂದು ಮನಸ್ಸಿನಲ್ಲಿ ನಿರ್ಧರಿಸಿ, ‘ಇದೋ ಯಲ್ಲಪ್ಪ ನಿನ್ನ ಮೂರು ದಿನ ಮಣ್ಣಾಗ ಮಲಗಸ್ತೀನಿ, ನೀ ಎದ್ದು ಬಂದ್ರ ನನ್ನ ಶಿಷ್ಯ ಮಾಡ್ಕೊಂತೀನಿ, ಸತ್ತಿಯಂದ್ರ ಇಲ್ಲೇ ಮಣ್ಣ ಮಾಡ್ತೀನಿ’ ಎಂದು ಯಲ್ಲಪ್ಪನಿಗೆ ಪರೀಕ್ಷೆಯನೊಡ್ಡಿದರು ಮೂರು ದಿನ ಸಮಾದಿಯಲ್ಲೇ ಧ್ಯಾನಸ್ಥನಾದ ಯಲ್ಲಪ್ಪ ನಾಲ್ಕನೇ ದಿನ ಸಮಾದಿ ಅಗೆದು ನೋಡಿದರೆ ಜೀವಂತವಾಗಿ ಧ್ಯಾನಸ್ಥ ಸ್ಥಿತಿಯಲ್ಲೇ ತಪೋ ನಿರತನಾಗಿದ್ದ, ಇದನ್ನು ಕಂಡ ಸಿದ್ಧಲಿಂಗ ಮಹಾರಾಜರು ಇದೋ ಇವನೇ ನನ್ನ ಪ್ರಿಯ ಶಿಷ್ಯನು ಎಂದು ಜಗತ್ತಿಗೆ ಸಾರಿ ಸಾರಿ ಹೇಳಿ,

ದೀಕ್ಷೆ ನೀಡಿ ಬೆತ್ತ ಜೋಳಿಗೆ ಕೊಟ್ಟು ಯಲ್ಲಪ್ಪ ಇಂದಿನಿಂದ ಯಲ್ಲಾಲಿಂಗ ಮಹಾರಾಜನಾಗಿ ದೇಶದಲ್ಲಿ ಮೆರೆ ಎಂದು ಆಶೀರ್ವದಿಸಿ, ಇಲ್ಲಿಂದ ಮಶ್ಚಿಮಕ್ಕೆ ಪ್ರಯಣ ಬೆಳೆಸು ‘ಏಳು ಹಗಲು, ಏಳು ರಾತ್ರಿ’ ಮುಗಿದ ದಿನದಂದು ಅಲ್ಲೇ ನಿಂತ ಜಾಗದಲ್ಲೇ ನಿನ್ನ ಮಠ ಕಟ್ಟಿಕೊ ಎಂದು ಹರಸಿ ಕಳುಹಿಸಿ ಕೊಟ್ಟರು,

ಯಲ್ಲಾಲಿಂಗರು ಪ್ರಯಣ ಆರಂಭಿಸಿ ಬೆಳಗಾವಿ, ರಾಯಭಾಗ ತಾಲೂಕಿನ ಮುಗಳಖೋಡ ಗ್ರಾಮದ ಸ್ಮಶಾನದಲ್ಲಿ

ಅವರ ಪ್ರಯಣ ಕೊನೆಗೊಂಡಿತು, ಅಲ್ಲೇ ನಿಂತು ಸಿದ್ಧಲಿಂಗರ ಸ್ಮರಿಸಿ ಅಲ್ಲೇ ಗುಡಿಸಲು ಹಾಕಿಕೊಂಡು, ಬೀಕ್ಷಾಟನೆ ಮಾಡಿಕೊಂಡು ದಿನನಿತ್ಯದ ಆಹಾರ ಸಂಪಾದನೆ ಮಾಡಿಕೊಳ್ಳುತ್ತಿದ್ದರು, ಇವರಿಗೆ ಊರಿನ ಕೆಲ ಜನರು ತೊಂದರೆ ಮಾಡಿದರು, ಯಲ್ಲಾಲಿಂಗರು ಅವರಿಗೆ ತಕ್ಕ ಉತ್ತರವನ್ನು ನೀಡಿದರು, ಹೀಗೆ ದಿನ ಕೆಳೆದಂತೆ ಯಲ್ಲಾಲಿಂಗರ ಮಾತುಗಳು ಸತ್ಯವಾಗ ತೊಡಗಿದವು ಸುತ್ತಮುತ್ತಲ ಗ್ರಾಮದ ಜನರೆಲ್ಲ ಇವರನ್ನು ಕಾಣಲು ಬರ ತೊಡಗಿದರು,

ಹಲವು ಕಷ್ಟಗಳ ಮಧ್ಯೆ ಯಲ್ಲಾಲಿಂಗ ಪ್ರಭುಗಳು ಸ್ಮಶಾನ ಭೂಮಿಯನ್ನೇ ಮುಕ್ತಿ ಮಂದಿರವಾಗಿಸಿ ಭವ್ಯ ಮಠವನ್ನು ಕಟ್ಟಿದರು,

ಪ್ರಭುಗಳ ದರುಶನಕ್ಕೆ ಜನ ತಂಡೋಪ ತಂಡವಾಗಿ ಬರತೊಡಗಿದರು, ಇವರು ನುಡಿದ ವಾಕ್ಯಗಳೆಲ್ಲ ಸತ್ಯವಾದವು, ಇವರು ಕಾಲಿಟ್ಟ ಸ್ಥಳವೆಲ್ಲ ಪಾವನ ಸಾನಿಧ್ಯವಾಯಿತು, ರೈತಾಪಿ ಜನರೆಲ್ಲ ಉತ್ತಮ ಮಳೆ ಬೆಳೆ ಕಂಡು, ಭಕ್ತಿಯಿಂದ ಪ್ರಭುಗಳ ಮಠಕ್ಕೆ ತಮ್ಮ ಹೊಲದ ಧವಸಧಾನ್ಯಗಳನ್ನು ಸಮರ್ಪಿಸಿದರು, ಇದರಿಂದ ಮಹಾಮಠದಲ್ಲಿ ನಿತ್ಯವೂ ಶಿವನ ಅಂಬಲಿ ಪ್ರಸಾದ, ಬಂದ ಎಲ್ಲಾ ಭಕ್ತರ ಹೊಟ್ಟೆ ತುಂಬಿಸಿದು, ಹಗಲು ರಾತ್ರಿಯನ್ನದೇ ಶ್ರೀಮಠದಲ್ಲಿ ದಾಸೋಹ ನೆಡೆಯುತ್ತಿರುತ್ತದೇ ಇಲ್ಲಿ ಯಾವುದೇ ಜಾತಿ ಧರ್ಮದ ಸಂಕೋಲೆಗಳಿಲ್ಲ, ಬಂದ ಭಕ್ತರೆಲ್ಲರೂ ರುಚಿಯಾದ ಅಂಬಲಿ ಪ್ರಸಾದ ಉಂಡು ಆನಂದದಿಂದ ತೇಲಾಡಿದರು, ಕರ್ನಾಟಕ ಮಹಾರಾಷ್ಟ್ರ ಸೇರಿದಂತೆ ಎಲ್ಲೆಡೆಯೂ ಯಲ್ಲಾಲಿಂಗರ ಕೀರ್ತಿ ಹೆಚ್ಚಾಯಿತು,

ನುಡಿದ ವಾಕ್ಯವು ತಪ್ಪದೇ ನಡೆದು ಪವಾಡ ಪುರುಷರೆಸಿದರು, ತಮ್ಮ ಗುರುವನ್ನೇ ಶಿಷ್ಯರಾಗಿ ಪಡೆದು ಶಿವಯೋಗಿ ಸಿದ್ಧರಾಮೇಶ್ವರ ಎಂದು ಕರೆದರು,

ಶತಮಾನಕ್ಕೂ ಹೆಚ್ಚುಕಾಲ ಬದುಕಿ ಬಾಳಿ ಭಕ್ತರ ಸೇವೆ ಮಾಡಿದ ಯಲ್ಲಾಲಿಂಗ ಪ್ರಭುಗಳ ದೇಹವು ದಣಿವಾಯಿತು ವಿಶ್ರಾಂತಿ ಬಯಸಿತು, 05/೦2/1986ರ ಬೆಳಗ್ಗೆ 09:೦೦ ಕ್ಕೆ ದೇಹತ್ಯಾಗ ಮಾಡಿ ಕೊನೆ ಉಸಿರೆಳೆದು ,ಅಸಂಖ್ಯಾತ ಭಕ್ತರ ಹೃದಯದಲ್ಲಿ ಅಚ್ಚಳಿಯದೇ ಉಳಿದರು,

ಅಂದು ಯಲ್ಲಾಲಿಂಗ ಪ್ರಭುಗಳು ಹಚ್ಚಿದ ಒಲೆ ಆರದೇ ದಾಸೋಹ ಕಾರ್ಯದಲ್ಲಿ ನಿತ್ಯನಿರಂತರವಾಗಿ, ಭಕ್ತರ ಬರುವಿಕೆಗೆ ಕಾದಿದೆ…

ಶ್ರೀ ಯಲ್ಲಾಲಿಂಗ ಪ್ರಭುಗಳ ದಾಸೋಹದಲ್ಲಿ ಉಂಡವರು ಜಟ್ಟಿಗಳಂತೆ, ಗಡ್ಡಿಯಾಗುತ್ತಾರೆ,

ಯಲ್ಲಾಲಿಂಗರ ಅಂಗಾರವು, ನಂಬಿ ಬಂದ ಭಕ್ತರ ಬಾಳಿಗೆ ಬಂಗಾರವಾಗಿದೆ,

ಅಂದಿನ ಸ್ಮಶಾನ ಭೂಮಿಯೇ ಇಂದು ಭೂ ಕೈಲಾಸವಾಗಿ ಮಿಂಚುತ್ತಿದೆ,…

ಈ ನೆಲದ ಪ್ರತಿ ಕಣದಲ್ಲೂ,

ಯಲ್ಲಾಲಿಂಗರು ಜಪಿಸಿದ ಶಿವನ ನಾಮ ಸ್ಮರಣೆ ತುಂಬಿ ತುಳುಕುತ್ತಿದೆ…

ಈ ಪುಣ್ಯ ಭೂಮಿಯೇ ಪರುಷ,

ಯಲ್ಲಾಲಿಂಗರ ನೆನೆದರೆ ಹರುಷ…

‘ಶ್ರೀಶ್ರೀಶ್ರೀ ಯಲ್ಲಾಲಿಂಗಪ್ರಭು ಮಹಾರಾಜ್ ಕೀ ಜೈ’🙏🏻

✍🏾ಲೇಖನ-; ಲೋಕೇಶ್_ಎನ್_ಮಾನ್ವಿ.

-/ 9972536176

‘ರಾಜ_ಬಿಜ್ಜಳನ_ಸೊಕ್ಕು_ಮುರಿದ_ಶರಣ_ಮಾಚಯ್ಯ’👍🏻👌 ✍🏾ವಿಶೇಷ ಲೇಖನ-;#ಲೋಕೇಶ್_ಎನ್_ಮಾನ್ವಿ.

2023-02-01T12:11:00.002+05:30

‘#ರಾಜ_ಬಿಜ್ಜಳನ_ಸೊಕ್ಕು_ಮುರಿದ_ಶರಣ_ಮಾಚಯ್ಯ’👍🏻👌

ಈ ಭಾವಚಿತ್ರವನ್ನು ಬಹುತೇಕರು ನೋಡಿರುತ್ತೀರಿ ಇದರ ಹಿಂದಿನ ರೋಚಕವಾದ ನೈಜ ಕಥೆನ್ನು ತಿಳಿಯೋಣ ಬನ್ನಿ,

೧೨ನೇ ಶತಮಾನದಲ್ಲಿ ಮಹಾಮಾನತಾವಾದಿ, ವಿಶ್ವಗುರು ಬಸವಣ್ಣನವರು ಕಲ್ಯಾಣ ರಾಜ್ಯದ ಪ್ರಧಾನಮಂತ್ರಿಯಾಗಿರುತ್ತಾರೆ,

ಪ್ರತಿದಿನ ಬಸವಣ್ಣನವರು ರಾಜ ಬಿಜ್ಜಳನ ಸಭೆಗೆ ಹೋಗುತ್ತಿರುತ್ತಾರೆ ಪ್ರತಿಬಾರಿ ಹೋದಾಗಲೂ ಅವರ ವಸ್ತ್ರಗಳು ಪಳಪಳನೆ ಹೊಳೆಯುತ್ತಿರುತ್ತವೆ, ಇದನ್ನು ಕಂಡ ಕೊಂಡೆ ಮಂಚಣ್ಣ ರಾಜ ಬಿಜ್ಜಳನಿಗೆ ಕಿವಿ ಊದುತ್ತಾನೆ, ಪ್ರಧಾನಿ ಬಸವರಸರ ವಸ್ತ್ರಗಳು ಎಷ್ಟು ಶುಭ್ರವಾಗಿವೆ ಪಳಪಳನೇ ಮಿಂಚುತ್ತಿವೆ, ಇದನ್ನು ಒಗೆಯುವಾತ ಮಾಡಿವಾಳ ಮಾಚಿದೇವ ಅವನಿಗೆ ನಿಮ್ಮ ವಸ್ತ್ರವನ್ನು ಒಗೆಯಲು ಕಳಿಸಿದರೆ ನಿಮ್ಮ ವಸ್ತ್ರವೂ ಸುಂದರವಾಗಿ ಕಾಣುತ್ತವೆ ಎಂದಾಗ,

ಬಿಜ್ಜಳ ತನ್ನ ಬಟ್ಟೆಯನ್ನು ಮಡಿ ಮಾಡಿಸಿಕೊಡಲು ಬಸವಣ್ಣನಿಗೆ ದುಂಬಾಲು ಬಿದ್ದ, ಮಡಿವಾಳಯ್ಯ ಪರಮ ಭಕ್ತ , ಅವನನ್ನು ಅಗಸನೆಂದು ಭಾವಿಸದಿರಲು ಬಸವಣ್ಣ ತಿಳಿ ಹೇಳಿದ , ಅದನ್ನು ರಾಜ ಲೆಕ್ಕಿಸದೆ ಮಾಸಿದ ತನ್ನ ಬಟ್ಟೆಗಳ ಗಂಟನ್ನು ಮಡಿ ಮಾಡಲು ಕಳಿಸಿದ ,

ಮಾಚಯ್ಯ ಶರಣರ ಬಟ್ಟೆ ಮಡಿಮಾಡುವಾಗ ಒಂದು ಕೈಯಲ್ಲು ಘಂಟೆ ಇನ್ನೊಂದು ಕೈಯಲ್ಲು ಖಡ್ಗ ವಿರುತ್ತಿತ್ತು, ಭವಿಗಳು ಶರಣರ ಬಟ್ಟೆ ಮುಟ್ಟಲು ಬರಬಾರದು ಎಂದು ಬರುವಾಗಲೇ ಘಂಟೆಯ ನಾದ ಮಾಡುತ್ತಿದ್ದರು ಮಾಚಯ್ಯ.

ಬಸವಣ್ಣನ ಬಟ್ಟೆ ಮಡಿಮಾಡುತ್ತಿರುವಾಗ

ಭವಿ ಬಿಜ್ಜಳನ ಮೈಲಿಗೆ ಬಟ್ಟೆಯ ಗಂಟನ್ನು ಕಂಡ ಮಡಿವಾಳ ಮಾಚಯ್ಯ ಕೋಪಗೊಂಡು ಸಿಟ್ಟಿನಿಂದ ನೋಡಲು ಆ ಕ್ಷಣದಲ್ಲಿ ಗಂಟು ಉರಿದು ಹೋಯ್ತು.

ಇದು ಮಡಿವಾಳಯ್ಯನ 'ಅಹಂಕಾರವೆಂದು' ಭಾವಿಸಿದ ಬಿಜ್ಜಳ ಅವರನ್ನು ಸೆರೆ ಹಿಡಿದು ತರಲು ಕುಂಟ -ಕುರುಡರ ಪಡೆಯೊಂದನ್ನು ಕಳುಹಿಸಿದ. ಮಡಿವಾಳಯ್ಯ ತನ್ನ ಶಕ್ತಿಯಿಂದ ಕುರುಡರಿಗೆ ಕಣ್ಣು ಕಾಣುವಂತೆ ಮತ್ತು ಕುಂಟರಿಗೆ ಕಾಲು ಬರುವಂತೆ ಮಾಡಿ ಅಂಗ ಸೌಷ್ಟ ವರನ್ನಾಗಿ ಮಾಡಿ ಕಳುಹಿಸಿದ. ಇದರಿಂದ ಉರಿದೆದ್ದು ಬಿಜ್ಜಳ 'ಮದೋನ್ಮತ್ತ' ಆನೆಯನ್ನ ಮಾಚಯ್ಯನ ಮೇಲೆ ಹರಿ ಹಾಯಲು ಬಿಟ್ಟ. ಸೈನಿಕರ ತುಕಡಿಯೊಂದನ್ನೂ ಕಳುಹಿಸಿದ. ಆನೆ ಹಾಗೂ ಅವರನ್ನೆಲ್ಲ ಸದೆ ಬಡಿದು ಜಯ ಶಾಲಿಯಾದ ಮಾಚಯ್ಯ, ಅತ್ಯಂತ ರೋಷಾವೇಶದಿಂದ ಬಿಜ್ಜಳನ ಕಡೆಗೆ ಬರುತ್ತಿರಲು ಇದನ್ನು ಕಂಡ ಬಸವಣ್ಣನವರು ಬಿಜ್ಜಳ ರಾಜನಿಗೆ ಎಚ್ಚರಿಸಿ ವೀರಗಣಾಚಾರಿ ಮಾಚಯ್ಯ ಅತ್ಯಂತ ಪರಾಕ್ರಮಿ ಮಿಗಿಲಾಗಿ ದಿಟ್ಟಶರಣ ಇವರ ಮುಂದೆ ನಿಮ್ಮ ಇಡೀ ಸೈನ್ಯವೇ ನಾಶವಾಗುತ್ತದೆಯೇ ಹೊರತು ಶರಣರ ಸ್ವಾಭಿಮಾನ ಗೆಲ್ಲುತ್ತತೆ , ನೀವೇ ಹೋಗಿ ಮಾಚಯ್ಯನ ಪಾಪವಿಡಿದು ಶರಣಾಗಿ ಎಂದು ಹೇಳಲು,

ರಾಜ ಬಿಜ್ಜಳನಿಗೆ ಮಾಚಿದೇವರ ಉನ್ನತ ಮಹಿಮೆ ತಿಳಿದು ತನ್ನ ತಪ್ಪಿನ ಅರಿವಾಗಿ ಬಿಜ್ಜಳ ತನ್ನ ರಾಜಬೀದಿಗೆ ಬರಲು ಅಲ್ಲೇ ಮಾಚಯ್ಯ ರೋಷಾಗ್ನಿಯಿಂದ ಎದುರಾದ ತಕ್ಷಣವೇ ತನ್ನ ರಾಜಬೀದಿಯಲ್ಲೇ ಪ್ರಜೆಗಳ ಮುಂದೆ ಮಂಡಿಯೂರಿದ ರಾಜ ಬಿಜ್ಜಳ, ಮಡಿವಾಳ ಮಾಚಯ್ಯನ ಪಾದವಿಡಿದು ಕ್ಷಮೆ ಕೋರಿದ ಶರಣಾಗತನಾಗುವನು…

ಕಾಯಕ ನಿಷ್ಠರಾದ ಶರಣರು ರಾಜನನ್ನೇ ಎದುರಿಸಬಲ್ಲರಲ್ಲದೇ ಸ್ವಾಭಿಮಾನದ ಕಾಯಕ ಬಿಡರು,

ಇದು ಬಹುತೇಕರ ಮನೆಯಲ್ಲಿ ಕಾಣಸಿಗುವ ಭಾವಚಿತ್ರ ಇದರ ಹಿಂದಿನ ಸನ್ನಿವೇಶ ಅತ್ಯಂತ ರೋಮಾಂಚಕವಾಗಿದೆ ಅಲ್ಲವೇ,…

ಓದಿದ ನಂತರ ಇತರರಿಗೂ ಶೇರ್ ಮಾಡಿ…

✍🏾ಲೇಖನ-#ಲೋಕೇಶ್_ಎನ್_ಮಾನ್ವಿ.

ಕಣ್ಣಿಂಗೆ ಕಣ್ಣು, ಕಣ್ಣೊಳು ಕಣ್ಣು, ಕಣ್ಣೇ ನೇತ್ರ, -: ಅಲ್ಲಮಪ್ರಭುದೇವರ ವಚನ. ✍🏾-;ವಿಶ್ಲೇಷಣೆ- ಲೋಕೇಶ್_ಎನ್_ಮಾನ್ವಿ.

2022-12-07T19:00:00.006+05:30

ಕಣ್ಣಿಂಗೆ ಕಣ್ಣು, ಕಣ್ಣೊಳು ಕಣ್ಣು, ಕಣ್ಣೇ ನೇತ್ರ,
ನೇತ್ರವೆ ಸೂತ್ರ, ಸೂತ್ರವೆ ಲಿಂಗ, ಲಿಂಗವೆ ಗುಹ್ಯ.
ಗುಹ್ಯಕ್ಕೆ ಗುಹ್ಯ, ಗೋಪ್ಯಕ್ಕೆ ಗೋಪ್ಯ, ರಹಸ್ಯಕ್ಕೆ ರಹಸ್ಯ.
ಈ ನೇತ್ರಮಹಿಮೆಯ ಗುಹೇಶ್ವರ ಬಲ್ಲನಲ್ಲದೆ
ಕಣ್ಣುಗೆಟ್ಟಣ್ಣಗಳೆತ್ತ ಬಲ್ಲರು ನೋಡಯ್ಯ.

ವಚನ-;ಅಲ್ಲಮಪ್ರಭುದೇವರು.

ಅಲ್ಲಮರ ಈ ವಚನ ಲಿಂಗಾನುಸಂಧಾನದ ನಂತರ ಅದಕ್ಕೂ ಮೀರಿದ ಪರಿಪೂರ್ಣ ನಿಜ ಸುಖದ ಬಯಲ ಬಿಡಾಡಿಗಳಿಗೆ ಲಭಿಸುವ ಅನಂತತೆಯ ಆನಂದವಾಗಿದೆ.

ಕಣ್ಣಿಂಗೆ ಕಣ್ಣು, ಕಣ್ಮುಚ್ಚಿ ಮಲಗಿದರೂ ಇಡೀ ಜಗತ್ತನ್ನೇ ತಂದು ತೋರುವ ಮನಸ್ಸು, ನೋಡದ ವಸ್ತುವನ್ನು, ಕಲ್ಪಿಸುವಷ್ಟರಲ್ಲಿ ಅದರ ಚಿತ್ರವನ್ನೇ ತಂದಿಡಬಲ್ಲ ಮನಸ್ಸು,

ಕಣ್ಣೊಳು ಕಣ್ಣು, ಕಣ್ಣೇ ನೇತ್ರ, ಅದು ಮನಸ್ಸಿಗೇ ಮನಸ್ಸು ಅರಿವೆಂಬ ಕಣ್ಣು, ಕಂಡಿದ್ದನ್ನು

ಪ್ರಮಾಣಿಸಿ ನೋಡುವ ಅರಿವಿನ ಕಣ್ಣು , ಅದೇ ನೇತ್ರ. ಆ ನೇತ್ರವೇ (ಅರಿವಿನ ದೃಷ್ಠಿಯೇ) ಲಿಂಗವನ್ನು ಅನುಸಂಧಾನಿಸುವ ಸೂತ್ರ, ಆ ಸೂತ್ರವಿಡಿದು ಜ್ಯೋತಿವಿಡಿದು ಜ್ಯೋತಿಯಾದಂತೆ ಸೂತ್ರವೇ ಲಿಂಗ,

ಲಿಂಗವೆ ಗುಹ್ಯ, ಹಿಡಿದ ಸೂತ್ರ ಕಾಣಲಾರದ ಪಟ, ಅದುವೇ ಪ್ರಕೃತಿಯ ಅಗೋಚರ ಸತ್ಯ ಗುಹ್ಯ.

ಗುಹ್ಯಕ್ಕೆ ಗುಹ್ಯ, ಅಗೋಚರಕ್ಕೂ ಅಗೋಚರ ಪರಮ ವಿಸ್ತ್ರುತ ವಿಸ್ತಾರ ಸತ್ಯವದು,

ಗೋಪ್ಯಕ್ಕೆ ಗೋಪ್ಯ, ರಹಸ್ಯಕ್ಕೂ ರಹಸ್ಯ ಸೃಷ್ಠಿಯ ಪ್ರತಿ ಚಲನೆಯೂ ಕ್ಷಣಕ್ಷಣಕ್ಕೂ ಅತೀ ವೇಗ ಅತೀ ರಹಸ್ಯ , ಜಗದಲ್ಲಾಗುವ ಬದಲಾವಣೆಯೂ ರಹಸ್ಯ, ನಮ್ಮ ಈ ಇಡೀ ದೇಹದಲ್ಲಾಗುವ ಬದಲಾವಣೆ, ಭಾವನೆಗಳು ಕೂಡ ರಹಸ್ಯ ನಮಗೂ ತಿಳಿಯದಂತೆ ಕಣ್ಮುಚ್ಚಿದಾಗ ನಿಸರ್ಗದ ಒಂದು ಚಿತ್ರಣವೇ ಎದುರು ಬಂದು ಹೋದಂತೆ ಆಗಬಹುದು ಕಂಡೆನೆಂದರೆ ಕಣ್ಮುಚ್ಚಿದೆ, ಮತ್ತಾವ ಕಣ್ಣು ಕಂಡಿದೆ, ದೇಹ ವಿಶ್ರಾಂತಿ ಪಡೆಯಲು ಸೂಚಿಸುವುದು ಕೂಡ ಮೆದುಳೇ ಪ್ರತಿ ಕಾರ್ಯಕ್ಕೂ ಪ್ರಚೋದಿಸುವುದು ಕೂಡ ಮೆದುಳೇ ಆ ಮೆದುಳಿಗೂ ಮಿಗಿಲಾದ ಮತ್ತೊಂದು ಅಗೋಚರ ಶಕ್ತಿಯೇ ರಹಸ್ಯಕ್ಕೆ ರಹಸ್ಯ ಆತ್ಮ.

ಈ ನೇತ್ರಮಹಿಮೆಯ ಗುಹೇಶ್ವರ ಬಲ್ಲನಲ್ಲದೆ ಕಣ್ಣುಗೆಟ್ಟಣ್ಣಗಳೆತ್ತ ಬಲ್ಲರು ನೋಡಯ್ಯ.

ಇಂತಪ್ಪ ಸದಾ ಜಾಗ್ರತ ಪ್ರಜ್ಞೆಯಲ್ಲಿರುವ ಆತ್ಮದ ಚಿದ್ಬೆಳಕಿನ ಅರಿವನ್ನು, ಕಣ್ಣುಗೆಟ್ಟ (ಅರಿವುಗೆಟ್ಟ)ಅಣ್ಣಗಳೆತ್ತ ಬಲ್ಲರು ನೋಡಯ್ಯ, ಎಂದು ದೇಹಕ್ಕೆ ಆತ್ಮವಿರುವ ತನಕವೂ ಅದರ ಅರಿವನ್ನು ಅರಿಯದೇ ಹೋಗುವ ಅವಿವೇಕಿಗಳಿಗೆ ಅಲ್ಲಮಪ್ರಭುದೇವರು ಈ ವಚನದ ಮುಖೇನ ಎಚ್ಚರಿಸಿ ತಿಳಿ ಹೇಳುತ್ತಾರೆ.🙏🏻

ವಿಶ್ಲೇಷಣೆ-;

ಲೋಕೇಶ್_ಎನ್_ಮಾನ್ವಿ.

-/9972536176

ಅಯ್ಯಾ, ನಿಮ್ಮ ಶರಣನ ಮರ್ತ್ಯಕ್ಕೆ ತಂದೆಯಾಗಿ ನೆನೆನೆನೆದು ಸುಖಿಯಾಗಿ ಆನು ಬದುಕಿದೆನಯ್ಯಾ, ವಚನ- ವಿಶ್ವಗುರು_ಬಸವಣ್ಣನವರು. ವಿಶ್ಲೇಷಣೆ-; ಲೋಕೇಶ್_ಎನ್_ಮಾನ್ವಿ.

2022-12-07T11:44:00.002+05:30

ಅಯ್ಯಾ, ನಿಮ್ಮ ಶರಣನ ಮರ್ತ್ಯಕ್ಕೆ ತಂದೆಯಾಗಿ

ನೆನೆನೆನೆದು ಸುಖಿಯಾಗಿ ಆನು ಬದುಕಿದೆನಯ್ಯಾ,

ಅದೇನು ಕಾರಣ ತಂದೆಯೆಂದರಿದೆನಯ್ಯಾ,

ಎನ್ನ ಕಾರಣ ತಂದೆಯೆಂದರಿದೆನಯ್ಯಾ,

ಅರಿದರಿದು, ನಿಮ್ಮ ಶರಣನು ಆಚರಿಸುವ ಆಚರಣೆಯ ಕಂಡು

ಕಣ್ದೆರೆದೆನಯ್ಯಾ, ಕೂಡಲ ಸಂಗಮದೇವಾ.

✍🏾-; ವಿಶ್ವಗುರು ಬಸವಣ್ಣನವರು.

ಸ್ಥಲ - ಪಿಂಡಜ್ಞಾನಸ್ಥಲ

ವಿಷಯ - ಪುನರ್ಜನ್ಮ

ಭಾವಾರ್ಥ-

ಅಯ್ಯಾ, ನಿಮ್ಮ ಶರಣನ ಮರ್ತ್ಯಕ್ಕೆ ತಂದೆಯಾಗಿ

ನೆನೆನೆನೆದು ಸುಖಿಯಾಗಿ ಆನು ಬದುಕಿದೆನಯ್ಯಾ.

ಅಯ್ಯಾ, ಪರಮದಯಾಮಯಿಯಾದ ನಿರಾಕಾರ ಸೃಷ್ಠಿಕರ್ತನೇ, ನಿಮ್ಮ ಶರಣನ (ಅರಿವಿನ ಸಕಾರ ರೂಪ) ಮರ್ತ್ಯಕ್ಕೆ ತಂದೆಯಾಗಿ ನಾನು ಬದುಕಿದೆನಯ್ಯಾ,

ನೆನೆನೆನೆದು ಸುಖಿಯಾಗಿ ಮರೆವೆಯ ಕತ್ತಲು ಕಳೆದು ಅರಿವಿನ ಚಿದ್ಬೆಳಕ ಮೂಡಿ ಆ ಬೆಳಕಿನ ಪಥದಲ್ಲಿ ಸುಖಿಯಾಗಿ ಬದುಕಿದೆನಯ್ಯಾ,

ಯಾವ ಕಾರಣಕ್ಕಾಗಿ ನಿಮ್ಮ ಶರಣನನ್ನು ಧರೆಗೆ ತಂದೆಯೆಂದರಿದೆನಯ್ಯಾ, ಎನಗಾಗಿಯೇ ತಾನೇ ಎನ್ನ ಅರಿವಿನ ಅನುಸಂಧಾನಕ್ಕಾಗಿಯೇ ತಾನೇ, ಇದನ್ನು ಅರಿತ ನಾನು ನಿಮ್ಮ ಶರಣರ ಅರಿವಿನ ನುಡಿಗಳ ಕೇಳಿ ನಿಜ ಸುಖಿಯಾದೆ ಭವ ಪಾಶ ಹರಿದು, ಭಕ್ತನಾದೆ, ನಿಮ್ಮ ಶರಣರು ಆಚರಿಸುವ ಸದಾಚರಣೆಗಳನ್ನು ಕಂಡು ಕಂಡು ಎನ್ನೊಳಗಿನ ಅರಿವಿನ ಕಣ್ತೆರೆಯಿದು ನಾನು (ಅರಿವಿನ ಸಕಾರ ರೂಪ) ಶರಣನಾದೆ, ಭವಿತ್ವದ ಜಡತ್ವದಿಂದ ವಿಮೋಚನೆಗೊಂಡು, ಸದಾ ಹೊಸತನ ತುಂಬಿದ ಚೈತನ್ಯಾತ್ಮಕ ‘ಜಾತಿರಹಿತ ‘ ಜಂಗಮ ಬದುಕಿಗೆ ಪಾದಾರ್ಪಣೆ ಮಾಡಿದೆ ಕೂಡಲಸಂಗಮದೇವ.

(ಶರಣರ ದೃಷ್ಠಿಯಲ್ಲಿ ಪುನರ್ಜನ್ಮವೆಂಬುದು ಪೂರ್ವಾಶ್ರಮದಿಂದ ಹೊರಬಂದ ಭವಿತ್ವದಿಂದ ಭಕ್ತನಾಗಿ, ಜಡತ್ವದಿಂದ ಚೈತನ್ಯತ್ಮಕನಾಗಿ ಬದುಕುವ ಉತ್ಸಾಹದ ಅನಂತತೆಯ ಆನಂದದ ಬದುಕು)

ವಿಶ್ಲೇಷಣೆ-; ಲೋಕೇಶ್ ಎನ್ ಮಾನ್ವಿ.

ಉಂಬಲ್ಲಿ ಊಡುವಲ್ಲಿ ಕ್ರೀಯಳಿಯಿತ್ತೆಂಬರು, ಕೊಂಬಲ್ಲಿ ಕೊಡುವಲ್ಲಿ ಕುಲವರಸುವರು, -ವಿಶ್ವಗುರು ಬಸವಣ್ಣನವರ ವಚನದ ವಿಶ್ಲೇಷಣೆ -; ಲೋಕೇಶ್_ಎನ್_ಮಾನ್ವಿ.

2022-12-05T08:13:00.005+05:30

ಉಂಬಲ್ಲಿ ಊಡುವಲ್ಲಿ ಕ್ರೀಯಳಿಯಿತ್ತೆಂಬರು,

ಕೊಂಬಲ್ಲಿ ಕೊಡುವಲ್ಲಿ ಕುಲವರಸುವರು,

ಎಂತಯ್ಯಾ ಅವರ ಭಕ್ತರೆಂತೆಂಬೆ?

ಎಂತಯ್ಯಾ ಅವರ ಯುಕ್ತರೆಂತೆಂಬೆ?

ಕೂಡಲಸಂಗದೇವಾ ಕೇಳಯ್ಯಾ,

ಹೊಲತಿ ಶುದ್ಧ ನೀರ ಮಿಂದಂತಾಯಿತ್ತಯ್ಯಾ

✍🏾-ವಿಶ್ವಗುರು ಬಸವಣ್ಣನವರು.

ಭಾವಾರ್ಥ-

ಉಂಬಲ್ಲಿ ಉಡುವಲ್ಲಿ ಕ್ರೀಯಳಿಯಿತ್ತೆಂಬರು.

ಅನ್ನವನ್ನು ಉಣುವಾಗ ಅದು ಯಾವ ರೈತ ಬೆಳೆದದ್ದು ಎಂಬುದು ಮುಖ್ಯವಾಗುವುದಿಲ್ಲ, ಆಗ ಅದನ್ನು ಸಂಸ್ಕರಿಸಿ ಉಣ್ಣುತ್ತಾರೆ ಕಾರಣ ಹಸಿವಿಗೆ ‘ಅನ್ನವೇ ಬ್ರಹ್ಮ’ ತದನಂತರ ಮತ್ತೆ ಜಾತಿಯ ಚರ್ಚೆ.

ಹಾಗೆಯೇ…

ಉಡುವಾಗ ಬಟ್ಟೆ ಯಾವ ರೈತನ ಹೊಲದ ಹತ್ತಿಯದ್ದು ಅದು ಮುಖ್ಯವಾಗಲ್ಲ, ಯಾವ ಜಾತಿಯವ ತಯ್ಯಾರಿಸಿದ ಅದು ಮುಖ್ಯವಾಗಲ್ಲ, ಬಟ್ಟೆ ತೊಳೆದರೆ ಅದು ಮಡಿಯಾಗುತ್ತದೆ, ಹಾಗೆಯೇ

ತಾವು ಧರಿಸುವ ಸತ್ತ ದನದ ‘ಚರ್ಮದ ಪಾದರಕ್ಷೆಯನ್ನು’ ನೀರು ಚುಮುಕಿಸಿ ಶುದ್ಧ ಮಾಡಿ ಧರಿಸಬಹುದಾದರೆ, ಪಾದರಕ್ಷೆಯನ್ನು ತಯ್ಯಾರಿಸಿದ ಜೀವಂತ ಮಾನವನನ್ನು ಜಾತಿವಿಡಿದು ಸತ್ತ ದನಕ್ಕಿಂತ ಜೀಳಾಗಿ ನೋಡುತ್ತಾರೆ,

ರೈತ ಬೆಳೆದ ಅನ್ನವನ್ನೇ ಉಣ್ಣುತ್ತಾರೆ, ಆದರೆ ಅನ್ನ ನೀಡುವ ರೈತನನ್ನು ಕೀಳಾಗಿ ಕಾಣುತ್ತಾರೆ.

ಶಿಲ್ಪಿ ಮಾಡಿದ ಚರ್ಮದ ವಸ್ತುಗಳನ್ನೇ ಬಳಸುತ್ತಾರೆ,

ಆದರೆ, ಆ ಶಿಲ್ಪಿಯನ್ನೇ ಕೀಳಾಗಿ ಕಾಣುತ್ತಾರೆ, ರೈತ ಬೆಳೆದದ್ದು ಉಣುವಾಗ ಇಲ್ಲದ ಜಾತಿ ಉಂಡ ನಂತರವೇಕೆ..?

ಕೊಂಬಲ್ಲಿ ಕೊಡುವಲ್ಲಿ ಕುಲವರಸುವರು,

ಎಂತಯ್ಯಾ ಅವರ ಭಕ್ತರೆಂತೆಂಬೆ?

ಎಂತಯ್ಯಾ ಅವರ ಯುಕ್ತರೆಂತೆಂಬೆ?

ಕೂಡಲಸಂಗದೇವಾ ಕೇಳಯ್ಯಾ,

ಹೊಲತಿ ಶುದ್ಧ ನೀರ ಮಿಂದಂತಾಯಿತ್ತಯ್ಯಾ.

ಎಷ್ಟಾದರೂ ಅವರ ವಸ್ತುಗಳು ಬೇಕು, ಅವರು ಮಾತ್ರ ಬೇಡ, ಅವರೊಂದಿಗೆ ವ್ಯವಹಾರ ಬೇಕು ಲಾಭ ಬೇಕು, ಎನ್ನುವರು, ಆದರೆ ಅವರೊಂದಿಗೆ ಉತ್ತಮ ಸಂಬಂಧ ಬೇಡವೆಂದು ಮಾರುದ್ದ ಹಾರುವರು, ಬರಿಯ ಮಾತಿಗೆ ಜಾತ್ಯಾತೀತರು ಎನ್ನುವ ನಾವುಗಳು , ಸಂಬಂಧದ ವಿಷಯದಲ್ಲಿ ದೂರ ಸರಿವೆವು, ಆದರೆ ಶರಣರ ಸಂಬಂಧಗಳು ಜಾತಿವಿಡಿದು ಆದುದವಲ್ಲ ನೀತಿವಿಡಿದು ಆದುದವು, ಅವರು ಜಾತಿವಂತರಲ್ಲ, ನೀತಿವಂತರು, ಹಂಚಿ ತಿನ್ನಲು ಹೆಸರಾದ ಕಾಗೆಗಳಲ್ಲಿಲ್ಲದ ಜಾತಿ,

ತಿಪ್ಪೆ ಕೆದರಿ ತಿಂದರು ಹಂಚಿ ತಿನ್ನುವ ಕೋಳಿಗಳಲ್ಲಿಲ್ಲದ ಜಾತಿ, ಚಿಕ್ಕ ಜೀವಿಯಾದರೂ ದೊಡ್ಡದನ್ನೇ ಕರಗಿಸಬಲ್ಲ ಅತೀ ಚಿಕ್ಕ ಜೀವಿ ಇರುವೆಗಳಲ್ಲಿಲ್ಲದ ಜಾತಿ ನಮ್ಮಲ್ಲಿದೆ, ಆದ ಕಾರಣ ಮಾನವರು ಎಷ್ಟೇ ಸಂಖ್ಯೆಯಲ್ಲಿ ಬೆಳೆದರೂ ಮಾನವನಿಗೆ ಮಾನವನ ಬುದ್ದಿಯೇ ಶತ್ರುವಾಗಿದೆ, ಅದಕ್ಕಾಗಿ ಒಟ್ಟಿಗೆ ಬಾಳಲು ಮಾದರಿಯಾಗಿ ಚಿಕ್ಕಜೀವಿ ಜೇನನ್ನೇ ಉದಾಹರಿಸುತ್ತಾರೆ,.

ಇಷ್ಟಾದರೂ ತಾನೇ ಶ್ರೇಷ್ಟನೆಂದು ಜಗದಲ್ಲಿ ಮೆರೆಯುವ ಮಾನವನ ಬಾಳುವೆ ಅದು ‘ಹೊಲತಿ ಶುದ್ಧ ನೀರ ಮಿಂದಂತೆ’

ಒಳಮನಸ್ಸಿನಲ್ಲಿ ಜಾತಿ ದ್ವೇಷ, ಧರ್ಮ ದ್ವೇಷ, ಕೆಟ್ಟ ವಿಚಾರಗಳೆಂಬ ಹಾದರ ತುಂಬಿಕೊಂಡು, ನಾನು ಶುದ್ಧನಾದೆ ಎಂದು ನೀರಲ್ಲಿ ಮಿಂದರೆ, ನೀರು ಕೊಳೆಯಾದಿತೇ ವಿನಃ ಭ್ರಾಂತುಳ್ಳ ಮಾನವನ ಮನಸ್ಸು ಶುದ್ಧವಾಗಲಾರದು, ಇಂಥಹಾ ಮಾನವರ ಬಾಳುವೆ ಹೆಂಡದ ಮಡಕೆಯ ಹೊರಗಡೆ ತೊಳೆದಂತೆ ಎಂದು ಇಡೀ ಮಾನವ ಕುಲಕೋಟಿಯನ್ನು ಎಚ್ಚರಿಸ್ಸುತ್ತಾರೆ ವಿಶ್ವಗುರು ಅಪ್ಪಬಸವಣ್ಣನವರು,.

✍🏾ವಿಶ್ಲೇಷಣೆ- ಲೋಕೇಶ್_ಎನ್_ಮಾನ್ವಿ

-9972536176

ಕಾಯ ಬ್ರಹ್ಮಚಾರಿಯಾದಡೇನಯ್ಯಾ ಆಸೆ ಬ್ರಹ್ಮಚಾರಿಯಾಗದನ್ನಕ್ಕರ ? ಚಿನ್ಮಯಜ್ಞಾನಿ_ಚೆನ್ನಬಸವಣ್ಣನವರ ವಚನದ ಭಾವಾರ್ಥ ವಿಶ್ಲೇಷಣೆ- ಲೋಕೇಶ್_ಎನ್_ಮಾನ್ವಿ.

2022-08-27T13:45:00.002+05:30

ಓಂ ಶ್ರೀಗುರುಬಸವಲಿಂಗಾಯ ನಮಃ

ಕಾಯ ಬ್ರಹ್ಮಚಾರಿಯಾದಡೇನಯ್ಯಾ
ಆಸೆ ಬ್ರಹ್ಮಚಾರಿಯಾಗದನ್ನಕ್ಕರ ?

ಶಬ್ದ ಮೌನಿಯಾದಡೇನಯ್ಯಾ
ನೆನಹು ಮೌನಿಯಾಗದನ್ನಕ್ಕರ ?

ತನು ಬೋಳಾದಡೇನಯ್ಯಾ
ಮನ ಬೋಳಾಗದನ್ನಕ್ಕರ ?

ಇದು ಕಾರಣ_ ಕೂಡಲಚೆನ್ನಸಂಗಯ್ಯಾ ನಿಮ್ಮ ಶರಣಸ್ಥಲವಾರಿಗೆಯೂ ಅಳವಡದು,.

ವಚನ-; #ಚಿನ್ಮಯಜ್ಞಾನಿ _ಚೆನ್ನಬಸವಣ್ಣನವರು,

ಭಾವಾರ್ಥ-;

#ಕಾಯ ಬ್ರಹ್ಮಚಾರಿಯಾದಡೇನಯ್ಯಾ

ಆಸೆ ಬ್ರಹ್ಮಚಾರಿಯಾಗದನ್ನಕ್ಕರ ?

ಬ್ರಹ್ಮ+ಚಾರಿ =ಬ್ರಹ್ಮಚಾರಿ, ನಾನು ನನ್ನದೆಂಬ ಆಸೆ_ಆಮಿಷ_ರೋಷ_ವಿಷಯಾದಿಗಳನ್ನು ಬಿಟ್ಟು, ಶ್ರೇಷ್ಠ ಸತ್ ಚಿಂತನೆಗಳನ್ನು ಆಚರಣೆಯಲ್ಲಿ ಮೈಗೂಡಿಸಿಕೊಂಡವನು ಎಂದರ್ಥ,.

ಹೀಗಿರುವಾಗ ನಾನು ಬ್ರಹ್ಮಚಾರಿ ಶ್ರೇಷ್ಠ ಚಿಂತನೆಗಳನ್ನು ಮೈಗೂಡಿಸಿಕೊಂವನೆಂದು ಲೋಕದ ಜನರೆದುರು ಬಿಂಬಿಸಿಕೊಂಡು, ಅಂತರಂಗದಲ್ಲಿ ಆಸೆ_ಆಮಿಷ_ರೋಷ_ವಿಷಯಾದಿಗಳನ್ನು ಬಿಡದೆ, ಉದಾ- ಮಾವಿನ ಹಣ್ಣನ್ನು ಬಿಟ್ಟೆನೆಂದರೂ ಅದರ ಸವಿರುಚಿ ಮತ್ತು ರೂಪಕವನ್ನು ಮನದಲ್ಲಿ ತುಂಬಿಕೊಂಡ ಆಸೆಯಳಿಯದ ಕಪಟಿ ಎಂದೂ ಬ್ರಹ್ಮಚಾರಿಯಾಗಲಾರ..

ಶಬ್ದ ಮೌನಿಯಾದಡೇನಯ್ಯಾ
ನೆನಹು ಮೌನಿಯಾಗದನ್ನಕ್ಕರ ?

ಇನ್ನು ಲೋಕದ ಗೊಡವೆಯೇ ನನಗೆ ಬೇಡೆಂದು, ಮಾತು ಬಿಟ್ಟು ಮೌನಾಚರಣೆ ಮಾಡುವೆನೆಂದರೆ, ಮಾತಿನ ಶಬ್ಧ ನುಡಿಯದೇ ಮೌನಿಯಾಗಬಹುದು,

ಆದರೆ ಮನದ ನೆನಹಿನಲ್ಲಿ ಯಾರನ್ನೂ, ಏನನ್ನೂ, ನೆನೆಯದೆ, ಮನಸ್ಸಿನ ನೆನಪುಗಳಲ್ಲಿ ಮೌನಿಯಾಗಿರಲಾರದು,.

ತನು ಬೋಳಾದಡೇನಯ್ಯಾ
ಮನ ಬೋಳಾಗದನ್ನಕ್ಕರ ?

ತಲೆ ಬೋಳಿಸಿಕೊಂಡರೆ ನಿನ್ನ ತಲೆಯ ತಿಂಡಿ ಹೋಗುವುದಲ್ಲದೆ, ನಿನ್ನ ತಲೆಯಲ್ಲಿರುವ ಕೆಟ್ಟ ಆಲೋಚನೆಗಳು ಹೋಗುವುದಿಲ್ಲ,.. ದೇಹದ ವಸ್ತ್ರಗಳನ್ನು ಬಿಟ್ಟಿರಬಹುದಲ್ಲದೇ, ಮನಸ್ಸಿನ ಕೆಟ್ಟ ಆಲೋಚನೆಗಳನ್ನು ಬಿಟ್ಟು, ಮನಸ್ಸು ನಿರಾಬಾರಿಯಾಗದಿದ್ದರೆ ಅದು ವ್ಯರ್ಥ ಸಾಧನೆ,…

ಇದು ಕಾರಣ_ ಕೂಡಲಚೆನ್ನಸಂಗಯ್ಯಾ ನಿಮ್ಮ ಶರಣಸ್ಥಲವಾರಿಗೆಯೂ ಅಳವಡದು,.

ಇದೇನು ಕಾರಣವೆಂದರೆ, ನಾನು ಭಕ್ತ, ನಾನು ಶರಣ ಎಂದು ಹೆಸರಿಟ್ಟು ಕೊಳ್ಳಬಹುದು, ಆದರೆ ಆಚರಣೆಯಿಂದ ಸಾತ್ವಿಕನಾಗಿ ಶರಣನೆನಿಸಿಕೊಳ್ಳುವುದು ಬಲು ಕಷ್ಟ, ಏಕೆಂದರೆ- ಆಸೆ ಅಳಿದು, ರೋಷವನ್ನು ಬಿಟ್ಟು, ಅಂಗೇಂದ್ರಿಯಗಳನ್ನು ಲಿಂಗೇಂದ್ರಿಯಗಳನ್ನಾಗಿ ಪರಿವರ್ತಿಸಿಕೊಂಡು, ಅಂಗದ ಕ್ರಿಯೆಗಳೆಲ್ಲ ಲಿಂಗದ ಕ್ರಿಯೆಗಳಾಗಿ, ಕೊಂಬುವ ಜಲವೆಲ್ಲ ಪಾದೋದಕವಾಗಬೇಕು, ಜೀವನವು ಜಂಜಡವೆನ್ನದೇ ಕಷ್ಟ ನಷ್ಟಗಳೆಲ್ಲ, ಏಕರೂಪವಾಗಿ ತಗೆದುಕೊಂಡು ತನ್ನ ಬದುಕನ್ನೇ ಲಿಂಗಾರ್ಪಿತವಾಗಿಸಿ, ಉರಿಯೇ ಬರಲಿ ಸಿರಿಯೋ ಬರಲಿ ಏನೇ ಬಂದರೂ ಪ್ರಸಾದೀಕರಣಗೊಳಿಸಿ ಬದುಕನ್ನೇ ಲಿಂಗದಿಚ್ಚೆ ಎಂದು ಸ್ವೀಕರಿಸಬೇಕು ಆದಲೇ ಶರಣ ಸ್ಥಲ ಸಾಧ್ಯವಾಗುವುದು,. ಅದಲ್ಲದೇ ನಾನು ಶರಣನೆಂದು ನಾನೇ ಹೆಸರಿಟ್ಟುಕೊಂಡು ಕರೆಸಿಕೊಂಡರೆ ಅಗ್ನಿಯ ಕೂಡಾಗಿ ಕಾಷ್ಟಂಗಳು ಸುಟ್ಟಂತೆ ಸುಟ್ಟು ಹೋಗುವರು,.. ಹುಲಿಯ ಮೀಸೆಯಲ್ಲಿ ಉಯ್ಯಾಲೆಯಾಡಲು ಹೋಗಿ ಹುಲಿಗೆ ಆಹಾರವಾದಂತೆ, ಆಸೆ_ಆಮಿಷ_ರೋಷ_ವಿಷಯಾದಿಗಳನ್ನು ಬಿಡದೇ, ಕೂಡಲಚೆನ್ನಸಂಗನ ನಿಮ್ಮ ಶರಣನೆನಿಸಿಕೊಳ್ಳಲು ಹೋದ ಹುಲುಮಾನವರು ಸಮಾಜದ ಜನರ ನಾಲಿಗೆ ಆಹಾರವಾಗುವರು, ಎಂಬುದಾಗಿದೆ ಚಿನ್ಮಯಜ್ಞಾನಿ ಚೆನ್ನಬಸವಣ್ಣನವರು ವಚನದ ಭಾವಾರ್ಥ,..

ಶರಣು ಶರಣಾರ್ಥಿಗಳೊಂದಿಗೆ…

ವಿಶ್ಲೇಷಣೆ-; #ಲೋಕೇಶ್_ಎನ್_ಮಾನ್ವಿ.

ಏನಿ ಬಂದಿರಿ ಹದುಳಿದ್ದಿರೆ, ವಿಶ್ವಗುರು_ಬಸವಣ್ಣನವರ ವಚನ ವಿಶ್ಲೇಷಣೆ-

2022-08-05T17:48:00.004+05:30

ಶ್ರೀಗುರುಬಸವಲಿಂಗಾಯ ನಮಃ

ಏನಿ ಬಂದಿರಿ
ಹದುಳಿದ್ದಿರೆ ಎಂದಡೆ ನಿಮ್ಮ ಮೈಸಿರಿ ಹಾರಿ ಹೋಹುದೆ, ಕುಳ್ಳಿರೆಂದಡೆ ನೆಲ ಕುಳಿಹೋಹುದೆ, ಒಡನೆ ನುಡಿದಡೆ ಸಿರ ಹೊಟ್ಟೆಯೊಡೆವುದೆ, ಕೊಡಲಿಲ್ಲದಿದ್ದಡೊಂದು ಗುಣವಿಲ್ಲದಿದ್ದಡೆ ಮೂಗ ಕೊಯ್ವುದ ಮಾಬನೆ ಕೂಡಲಸಂಗಮದೇವಯ್ಯ .

✍🏾-; ವಿಶ್ವಗುರು_ಬಸವಣ್ಣನವರು.

ಭಾವಾರ್ಥ-

ಏನಿ ಬಂದಿರಿ
ಹದುಳಿದ್ದಿರೆ ಎಂದಡೆ ನಿಮ್ಮ ಮೈಸಿರಿ ಹಾರಿ ಹೋಹುದೆ,

ಏನ್ರಿ ಈಗ ಬಂದಿರೆ, ಹೇಗಿದ್ದೀರಾ, ಸೌಖ್ಯವೇ, ಹೇಗಿತ್ತು ಪ್ರಯಾಣ, ಮನೆಯಲ್ಲಿ ಎಲ್ಲರೂ ಹೇಗಿದ್ದಾರೆ, ಮತ್ತೇನು ಸಮಾಚಾರ ಎಂದು ಪ್ರೀತಿಯಿಂದ ಕೇಳಿ ವಿಚಾರಿಸಿದರೇನು ನಿಮ್ಮ ಮನೆಯ ಐಶ್ವರ್ಯ ಸಂಪತ್ತು ಹಾರಿ ಹೋಗುವುದೇ?

ಕುಳ್ಳಿರೆಂದಡೆ ನೆಲ ಕುಳಿಹೋಹುದೆ,

ಮನೆಗೆ ಬಂದ ಅತಿಥಿಗಳಿಗೆ, ಮೊದಲು ಮನೆಯ ಒಳಗಡೆ ಕರೆದು, ಕುಳಿತುಕೊಳ್ಳಿ ದಣಿವಾಗಿದೆಯೇ ನೀರು ಕುಡಿಯಿರಿ ಎಂದು ಉಪಚರಿಸುವುದು ಸಂಸ್ಕೃತಿ,

ಅದನ್ನು ಬಿಟ್ಟು ಬಂದ ಅತಿಥಿಗಳಿಗೆ ಗೌರವಿಸದೇ

ಅವರ ಭಾವನೆಗಳಿಗೆ ಬೆಲೆ ಕೊಡದೇ,

ಮನೆಯ ಅಂತೆಯೇ ನಿಲ್ಲಿಸಿ, ಮಾತಾಡಿ ಕಳಿಸಿದರೇನು.? ಬಂದು,

ಏಕೆ ಅವರು ಬಂದು ಕುಳಿತರು ನಿಮ್ಮ ಮನೆಯ,

"ನೆಲ ತೆಗ್ಗು ಗುಂಡಿ ಬೀಳುವುದೆ",. ?

ಎಂದು ಪ್ರಶ್ನಿಸುತ್ತಾರೆ ಬಸವಣ್ಣನವರು.

ಒಡನೆ ನುಡಿದಡೆ ಶಿರಹೊಟ್ಟೆಯೊಡೆವುದೆ,

ಕೊಡಲಿಲ್ಲದಿದ್ದಡೊಂದು ಗುಣವಿಲ್ಲದಿದ್ದಡೆ,

ಮೂಗ ಕೊಯ್ವುದ ಮಾಬನೆ ಕೂಡಲಸಂಗಮದೇವಯ್ಯ .

ಶರಣು ಬನ್ನಿ, ಕುಳಿತುಕೊಳ್ಳಿ, ಹೇಗಿತ್ತು ಪ್ರಯಾಣ ಮನೆಯಲ್ಲಿ ಎಲ್ಲರೂ ಸೌಕ್ಯವೇ ಎಂದು ವಿಚಾರಿಸಿದರೇನು ನಿಮ್ಮ ತಲೆ ಒಡೆದು ಹೋಗುತ್ತದೆಯೇ.? ಅಥವಾ ನಿಮ್ಮ ಹೊಟ್ಟೆ ಒಡೆದು ಹೋಗುತ್ತದೆಯೇ,?

ಬಂದ ಅತಿಥಿಗಳನ್ನು ಕೂಡಿಸದೇ, ಸರಿಯಾಗಿ ಮಾತಾಡಿಸದೇ, ನಿಮ್ಮ ಒಣ ಪ್ರತಿಷ್ಠೆಯನ್ನು ತೋರಿಸಿದರೆ ಏನು ಫಲ, ಅದು ವ್ಯರ್ಥ, ಆಟಕ್ಕುಂಟು ಲೆಕ್ಕಕ್ಕಿಲ್ಲ, ಪ್ರೀತಿಯಿಲ್ಲದ ಮನೆ ಅದು ಸೆರೆಮನೆ, ಪ್ರೀತಿ ತುಂಬಿದ, ಮನೆ ಅದುವೇ ಮಹಾಮನೆ.

ಬಂದ ಅತಿಥಿಗಳಿಗೆ ಏನನ್ನು ಕೊಡಲಾಗದಿದ್ದರೂ ಇಲ್ಲ, ಕನಿಷ್ಠ ಗೌರವವನ್ನೂ ಕೊಡದಿದ್ದರೆ, ಮೂಗ ಕ್ವೊಯ್ವುದ ಮಾಂಬನೆ ಕೂಡಲಸಂಗಮದೇವಯ್ಯ,

ಇಂದಲ್ಲ ನಾಳೆ, ಸಮಾಜ ನಿನ್ನ ನಿಜ ಮುಖವನ್ನು ನೋಡಿ, ಅಹಂಕಾರಿ ಎನ್ನದೇ ಇರಲಾರದು,

ಸೃಷ್ಟಿಕರ್ತನು ನಿನ್ನ ಅಹಂಕಾರವನ್ನು ಕರಗಿಸದೇ ಬಿಡಲಾರೆ

ಎಂದು ಎಚ್ಚರಿಸುತ್ತಾರೆ ವಿಶ್ವಗುರು_ಬಸವಣ್ಣನವರು,.

ಎಲ್ಲರಿಗೂ ಶರಣು ಶರಣಾರ್ಥಿಗಳೊಂದಿಗೆ,

✍🏾ವಿಶ್ಲೇಷಣೆ-; ಲೋಕೇಶ್_ಎನ್_ಮಾನ್ವಿ,.

‘ನಿಜಸುಖಿ ಹಡಪದ ಅಪ್ಪಣ್ಣನವರು’ ವಿಶೇಷ ಲೇಖನ,.👌🙏🏻

2022-07-12T03:48:00.001+05:30

ಓಂ ಶ್ರೀಗುರುಬಸವಲಿಂಗಾಯ ನಮಃ

‘ನಿಜಸುಖಿ ಹಡಪದ ಅಪ್ಪಣ್ಣನವರು’

ಹನ್ನೆರಡನೇ ಶತಮಾನ ಮೌಢ್ಯತೆಯ ಕಾರ್ಮೋಡದಿಂದ ಸರಿದ ಸುಜ್ಞಾನ ಯುಗ, ಭಕ್ತಿ ಯುಗ, ವೈಚಾರಿಕತೆಯ ಯುಗ, ಸಮಾನತೆ ಸೌಹಾರ್ದತೆಯ ಕಂಡ ಯುಗ, ಅದುವೇ ಬಸವ ಮಹಾ ಯುಗ, ಈ ಬಸವ ಯುಗದ ಉತ್ಸಾಹಿ ಶರಣರೇ ಹಡಪದ ಅಪ್ಪಣ್ಣನವರು, ಅಪ್ಪಣ್ಣನವರ ಜನ್ಮಸ್ಥಳವು ಕೂಡ ವಿಜಯಪುರ ಜಿಲ್ಲೆಯ ಬಸವನ ಬಾಗೇವಾಡಿ ತಾಲೂಕಿನ ಮಸಬಿನಾಳ ಗ್ರಾಮದಲ್ಲಿ ಜನಿಸಿದ್ದಾರೆ ಎಂಬ ಪ್ರತೀತಿ ಇದೆ, ಇದು ಬಸವಣ್ಣನವರ ಜನ್ಮಸ್ಥಳವಾದ ಇಂಗಳೇಶ್ವರದಿಂದ 6 ಕಿ,ಮಿ ದೂರ ಇದೆ. ಹೀಗಿರುವಾಗ ಹಡಪದ ಅಪ್ಪಣ್ಣ ಎಂದೇ ಪ್ರಖ್ಯಾತರಾದ ಶರಣರ, ಕಾಯಕವಾದ ಹಡಪ ಪದಕ್ಕೆ ಎರಡು ಅರ್ಥವಿದೆ, ಹಡಪ ಎಂದರೆ ಡಬ್ಬೆ ಅದು ವೀಳ್ಯೆದ ಡಬ್ಬೆ, ಹಾಗೂ ಕ್ಷೌರ ಸಾಮಗ್ರಿಯ ಡಬ್ಬೆ, ಎರಡಕ್ಕೂ ಹಡಪ ಎಂಬ ಹೆಸರಿದೆ, ಹೀಗಿರುವಾಗ ಅಪ್ಪಣ್ಣನವರು ಅಪಾರ ಭಕ್ತಿ ಜ್ಞಾನವುಳ್ಳವರಾಗಿದ್ದರು ಕಾಯಕ ಜೀವಿಗಳಾಗಿ ಕ್ಷೌರ ವೃತ್ತಿಯನ್ನು ನಡೆಸಿಕೊಂಡು ಹೋಗುತ್ತಿದ್ದ ಶರಣರು, ಮಾಡುವ ಕಾಯಕ ಯಾವುದಾದರೂ ಅದು ಮೇಲೂ ಅಲ್ಲ, ಕೀಳೂ ಅಲ್ಲ, ತನು_ಮನ_ಧನವೆಂಬ ತ್ರಿಕರಣ ಶುದ್ಧವಾಗಿ ಮಾಡುವುದೇ ಕಾಯಕವಾಗಿದೆ, ಕಾಯಕ ನಿಷ್ಠರಾದ ಶರಣ ಹಡಪದ ಅಪ್ಪಣ್ಣನವರು, ಲಿಂಗಮ್ಮ ಎಂಬ ಕನ್ಯೆಯನ್ನು ನೋಡಿ ವಿವಾಹವಾದರು, ಶರಣೆ ಲಿಂಗಮ್ಮನವರು ಕೂಡ ಅಪಾರವಾದ ಜ್ಞಾನವನ್ನು ಹೊಂದಿದವರಾಗಿದ್ದರು, ಆಗಿನ ಕಾಲದ ಜಾತಿ ವ್ಯವಸ್ಥೆಯಲ್ಲೂ ಭೌತಿಕವಾಗಿ ಹಿಂದುಳಿದವರಾಗಿದ್ದೂ, ಮಾನಸಿಕವಾಗಿ ಅತ್ಯಂತ ಸದೃಢ ಮನಸ್ಸಿದನವರಾಗಿ ಮೇರು ಜ್ಞಾನವನ್ನು ಹೊಂದಿದ್ದ ಶರಣ ದಂಪತಿಗಳು,

ಕನಿಷ್ಠದಲ್ಲಿ ಹುಟ್ಟಿದೆ, ಉತ್ತಮರಲ್ಲಿ ಬೆಳೆದೆ
ಸತ್ಯಶರಣರ ಪಾದವಿಡಿದೆ, ಆ ಶರಣರ
ಪಾದವಿಡಿದು ಗುರುವ ಕಂಡೆ, ಲಿಂಗವ ಕಂಡೆ
ಜಂಗಮವ ಕಂಡೆ, ಪಾದೋದಕವ ಕಂಡೆ
ಪ್ರಸಾದವ ಕಂಡೆ, ಇಂತಿವರ ಕಂಡೆನ್ನ ಕಂಗಳ
ಮುಂದಣ ಕತ್ತಲೆ ಹರಿಯಲೊಡನೆ ಮಂಗಳದ
ಮಹಾಬೆಳಗಿನೊಳೊಗೋಲಾಡಿ ಸುಖಿಯಾದೆನಯ್ಯಾ
ಅಪ್ಪಣ್ಣಪ್ರಿಯ ಚನ್ನಬಸವಣ್ಣ

ಎಂದು ಹೇಳುವ ಶರಣ ಹಡಪದ ಅಪ್ಪಣ್ಣನವರ ಧರ್ಮ ಪತ್ನಿ ಶರಣೆ ಲಿಂಗಮ್ಮನವರು,

ಅಪ್ಪ ಬಸವಣ್ಣನವರ ಬಗ್ಗೆ ತಿಳಿದ ಕೂಡಲೇ ದಂಪತಿಗಳಿಬ್ಬರು ಸಂಗಮಕ್ಕೆ ಬಂದು ಬಸವಣ್ಣನವರನ್ನು ಕಂಡರು, ಅಲ್ಲೇ ಕೆಲಕಾಲ ನಲೆಸಿದರು, ನಂತರ ಅಣ್ಣಬಸವಣ್ಣನವರೊಡನೆ ಕಲ್ಯಾಣಕ್ಕೆ ಬಂದರು , ಅಣ್ಣನ ಮೇಲೆ ಅಪಾರವಾದ ಗೌರವ ಮತ್ತು ಭಕ್ತಿಯುಳ್ಳವರಾಗಿದ್ದ ಶರಣ ಅಪ್ಪಣ್ಣ ಮತ್ತು ಶರಣೆ ಲಿಂಗಮ್ಮನವರು ತಮ್ಮ ಒಂದು ವಚನದಲ್ಲಿ ಅವರ ಭಕ್ತಿಯನ್ನು ಹೀಗೆ ಪ್ರಸ್ತುತ ಪಡಿಸುತ್ತಾರೆ,

ಅಯ್ಯಾ ಎನೆಗೆ ಬಸವಪ್ರಿಯನೆಂದರೂ ನೀನೆ,

ಕೂಡಲ ಚೆನ್ನಬಸವಣ್ಣನೆಂದರೂ ನೀನೆ,

ಗುರುವೆಂದರೂ ನೀನೆ, ಲಿಂಗವೆಂದರೂ ನೀನೆ,

ಜಂಗಮವೆಂದರೂ ನೀನೆ, ಪ್ರಸಾದವೆಂದರೂ ನೀನೆ.

ಅದೇನು ಕಾರಣವೆಂದರೆ,

ನೀ ಮಾಡಲಾಗಿ ಅವೆಲ್ಲವು ನಾಮರೂಪಿಗೆ ಬಂದವು.

ಅದು ಕಾರಣ, ನಾನೆಂದರೆ ಅಂಗ, ನೀನೆಂದರೆ ಪ್ರಾಣ.

ಈ ಉಭಯವನು ನೀವೆ ಅರುಹಿದಿರಾಗಿ,

ಇನ್ನು ಭಿನ್ನವಿಟ್ಟು ನೋಡಿದೆನಾದರೆ, ಚನ್ನಮಲ್ಲೇಶ್ವರ ನೀವೆ ಬಲ್ಲಿರಿ.

ಎಮ್ಮ ಬಸವಪ್ರಿಯ ಕೂಡಲಚೆನ್ನಬಸವಣ್ಣನಲ್ಲಿ ಏಕವಾದ ಕಾರಣ,ಎನಗೆ ಭವವಿಲ್ಲ, ಬಂಧನವಿಲ್ಲ, ಅದಕ್ಕೆ ನೀವೇ ಸಾಕ್ಷಿ.

ಬಸವಣ್ಣನೇ ಗುರುವಾದನು, ಲಿಂಗವಾದನು ಜಂಗಮವಾದನು, ಪ್ರಸಾದವಾದನು,ಇದೇನು ಕಾರಣವೆಂದರೆ ನಾನು ದೇಹವಾದರೆ, ಬಸವಣ್ಣನೇ ಪ್ರಾಣವಾದನು ಎಂದು ಬಸವಪ್ರಿಯರಾದರು ಅಪ್ಪಣ್ಣನವರು,

ಹೀಗಿರುವಾಗ ಹಡಪದರ ಮುಖ ನೋಡಿದರೆ ಅಪಶಕುನ ಎಂದು ಬೊಬ್ಬಿಡುತ್ತಿದ ಮೇಲ್ಜಾತಿಯವರ ಮೌಢ್ಯತೆಯನ್ನು ದಿಕ್ಕರಿಸಿ ಅಣ್ಣಬಸವಣ್ಣನವರೇ ಹಡಪದ ಅಪ್ಪಣ್ಣನವರನ್ನು ತಮ್ಮ ಆಪ್ತಕಾರ್ಯದರ್ಶಿಯನ್ನಾಗಿ ನೇಮಿಸಿಕೊಂಡರು, ನಂತರ ಜನರ ಮೂಢನಂಬಿಕೆಯನ್ನು ಹೋಗಲಾಡಿಸಲೆಂದೇ ತಮ್ಮನ್ನು ಭೇಟಿಯಾಗಲು ಬರುವ ಯಾರೇ ಆಗಲಿ, ಅವರು ಮೊದಲು ಹಡಪದ ಅಪ್ಪಣ್ಣನವರನ್ನು ಭೇಟಿಯಾಗಿಯೇ ಬರಬೇಕೆಂಬ ನಿಯಮ ಮಾಡಿದರು, ಅದರಂತೆ ಎಲ್ಲರೂ ಅಪ್ಪಣ್ಣನವರನ್ನು ಭೇಟಿಯಾಗಿ ಬರುತ್ತಿದ್ದರು, ಜಾತೀಯತೆ ಮೂಢನಂಬಿಕೆ ರಹಿತ ಸ್ವಾಸ್ಥ್ಯ ಸಮಾಜ ನಿರ್ಮಾಣ ಮಾಡುವಲ್ಲಿ ಹಡಪದ ಅಪ್ಪಣ್ಣನವರು ಸದಾ ಬಸವಣ್ಣನವರ ಬಲಗೈ ಬಂಟರಾಗಿರುತ್ತಿದ್ದರು, ಹೀಗಿರುವಾಗ ಅಲ್ಲಮಪ್ರಭುದೇವರು ಮತ್ತು ಸಿದ್ಧರಾಮೇಶ್ವರರು ಕಲ್ಯಾಣಕ್ಕೆ ಬಂದು ಬಸವಣ್ಣನವರ ಮಹಾಮನೆಗೆ ಆಗಮಿಸುತ್ತಿರುವುದನ್ನು ಗಮನಿಸಿದ ಅಪ್ಪಣ್ಣನವರು ಇಷ್ಟಲಿಂಗ ಪೂಜೆಯಲ್ಲಿ ಮಗ್ನರಾದ ಬಸವಣ್ಣನವರನ್ನು ಜಾಗ್ರತಗೊಳಿಸುತ್ತಾರೆ, ಹೀಗೆ ಅಣ್ಣನವರಿಗೆ ನಿಕಟವರ್ತಿಯಾದ ಶರಣರು, ಪ್ರಪ್ರಥಮ ಸಂಸತ್ತಾದ ಅನುಭವ ಮಂಟಪದಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಿದ್ದರು, ತಮ್ಮ ಅಪಾರವಾದ ಜ್ಞಾನದಿಂದ ಶರಣರ ಮನ್ನಣೆಗಳಿಸುತ್ತಿದ್ದರು, ಸದಾ ಅಪ್ಪ ಬಸವಣ್ಣನವರ ಆಪ್ತ ಒಡನಾಡಿಗಳಾಗಿ ಅನುದಿನ, ಅನುಕ್ಷಣವೂ, ಅಣ್ಣನವರ ದಿವ್ಯ ಸಾನಿಧ್ಯದಲ್ಲಿ ಇರುತ್ತಿದ್ದ ಅಪ್ಪಣ್ಣನವರು ಎಲ್ಲಾ ಶರಣರ ಮೆಚ್ಚುಗೆಗೆ ಪಾತ್ರರಾಗಿ ‘ನಿಜಸುಖಿ ಅಪ್ಪಣ್ಣ’ ಎಂಬ ಬಿರುದನ್ನು ಪಡೆದರು, ಹಡಪದ ಅಪ್ಪಣ್ಣನವರ ಧರ್ಮಪತ್ನಿ ಲಿಂಗಮ್ಮನವರು ಕೂಡ ಮಹಾಜ್ಞಾನಿಗಳಾಗಿದ್ದರು, ಇವರು ‘ನಿಜಮುಕ್ತೆ ಲಿಂಗಮ್ಮನವರು’ ಎಂದೇ ಪ್ರಖ್ಯಾತಿ ಪಡೆದರು, ಅದನ್ನು ತಮ್ಮ ವಚನದ ಮೂಲಕ ತಿಳಿಯಪಡಿಸುತ್ತಾರೆ,.

ಬಸವೇಶ್ವರ ಚೆನ್ನಬಸವೇಶ್ವರ ಮಡಿವಾಳಯ್ಯ ಅಲ್ಲಮಪ್ರಭು

ಚೆನ್ನಮಲ್ಲೇಶ್ವರ ಹಡಪದಪ್ಪಣ್ಣ

ತಮ್ಮೆಲ್ಲರ ತೊತ್ತಿನ ತೊತ್ತಿನ ಪಡಿದೊತ್ತಿನ ಮಗಳೆಂದು

ಹೊತ್ತು ಹೊತ್ತಿಗೆ ಎಚ್ಚರವ ಪಾಲಿಸಿ ರಕ್ಷಣೆಯ ಮಾಡಿದ ಕಾರಣದಿಂದ

ತಮ್ಮೆಲ್ಲರ ಶ್ರೀಪಾದದಲ್ಲಿಯೆ ನಿಜಮುಕ್ತಳಾದೆನಯ್ಯಾಅಪ್ಪಣ್ಣಪ್ರಿಯ ಚೆನ್ನಬಸವಣ್ಣಾ.

ಎಂದು ಬಸವಾದಿ ಶರಣರ ಮನೆಯ ಮಗಳಾಗಿ ನಾನು ನಿಜಮುಕ್ತಳಾದೆನು ಎನ್ನುತ್ತಾರೆ ಶರಣೆ ಲಿಂಗಮ್ಮನವರು, ಹೀಗೆ ಶರಣ ಸತಿಪತಿಗಳಿಬ್ಬರು ಹಿತವಾಗಿ ಬದುಕಿ ಶ್ರೇಷ್ಠವಾದ ಮೌಲ್ಯಗಳನ್ನು ತಿಳಿಸುತ್ತಾರೆ,

ಶರಣ ಹಡಪದ ಅಪ್ಪಣ್ಣನವರ ನಾಮಾಂಕಿತ- ಬಸವಪ್ರಿಯ ಕೂಡಲಚೆನ್ನಬಸವಣ್ಣ,

ಲಭ್ಯವಿರುವ ವಚನಗಳು ಸಂಖ್ಯೆ 251 ಮಾತ್ರ,. ಇನ್ನು ಶರಣೆ ಲಿಂಗಮ್ಮನವರ ನಾಮಾಂಕಿತ- ಅಪ್ಪಣ್ಣಪ್ರಿಯ ಚನ್ನಬಸವಣ್ಣ .

ಸಧ್ಯ ಶರಣೆ ಲಿಂಗಮ್ಮರ 114 ವಚನಗಳು ಮಾತ್ರ ಲಭ್ಯವಿವೆ,.

ಬಸವಣ್ಣನವರಿಗೆ ಅಪ್ಪಣ್ಣನವರು ಆಪ್ತಕಾರ್ಯದರ್ಶಿ ಮಾತ್ರವಲ್ಲ, ತಮ್ಮ ಜೀವದ ಒಡನಾಡಿಯಾಗಿದ್ದರು, ಪ್ರತಿ ಕ್ಷಣದಲ್ಲೂ ಬಸವಣ್ಣನವರಿಗೆ ಪ್ರತಿಯೊಂದು ಮಾಹಿತಿಯನ್ನೂ ಮೊದಲು ತಿಳಿಸುತ್ತಿದ್ದರು, ಕಲ್ಯಾಣಕ್ಕೆ ಬರುವ ಶರಣ ಸಮೋಹಕ್ಕೆ ತಾಂಬೂಲ ಕೊಟ್ಟು ಸ್ವಾಗತಿಸುತ್ತಿದ್ದರು, ಕ್ಷಣವಾದರೂ ಬಸವಣ್ಣನವರನ್ನು ಬಿಟ್ಟಿರಲಾರದ ಜೀವ ಅಪ್ಪಣ್ಣನವರದ್ದು, ಕಲ್ಯಾಣ ಕ್ರಾಂತಿಯ ಕೊನೆಯ ದಿನಗಳಲ್ಲೂ ಇದು ಸಾಬೀತಾಗಿದೆ, ಹರಳಯ್ಯನವರ ಮಗ ಶೀಲವಂತ, ಮತ್ತು ಮದುವರಸರ ಮಗಳು ಲಾವಳ್ಯರ ವಿವಾಹ ಮಾಡಿದ ನಂತರವಂತೂ ಕಲ್ಯಾಣ ಕೆಂಡದುಂಡೆಯಾಗಿತ್ತು,

ಶರಣರಾದ ಹರಳಯ್ಯ_ಶೀಲವಂತ_ಮದುವರಸರಿಗೆ ಎಳೆಹೊಟ್ಟೆ ಶಿಕ್ಷೆಯಾಯ್ತು, ಅಪ್ಪ ಬಸವಣ್ಣನವರಿಗೆ ಗಡಿಪಾರು ಶಿಕ್ಷೆಯಾಯ್ತು, ಕಂಡ ಕಂಡಲ್ಲಿ ಶರಣರ ಹತ್ಯೆಯಾಯ್ತು, ಸಿಕ್ಕ ಸಿಕ್ಕಲ್ಲಿ ಶರಣರ ರುಂಢ ಕಡೆಯುವ ಆದೇಶ ಕೊಂಡೆ ಮಂಚಣ್ಣ ಕೊಟ್ಟಾಯ್ತು, ಶರಣರ ಮೇಲೆ ರಣಭೀಕರ ಹಲ್ಲೆ ಹತ್ಯೆ ಕೊಲೆಗಳಾದವು, ಕಂಡ ಕಂಡಲ್ಲಿ ವಚನ ಸಾಹಿತ್ಯವನ್ನು ಸುಟ್ಟರು, ಆದರೂ ಪಟ್ಟು ಬಿಡದ ಶರಣರು ತಲೆಯ ಮೇಲೆ ವಚನ ಕಟ್ಟುಗಳನ್ನಿಟ್ಟುಕೊಂಡು ಕಲ್ಯಾಣ ತೊರೆದರು, ‘ಪ್ರಾಣ ಬಿಟ್ಟೇವು ವಚನಗಳನ್ನು ಸುಡಲು ಬಿಡುವುದಿಲ್ಲ’ ಎಂಬ ದಿಟ್ಟ ನಿಲುವಿನಿಂದ ಒಬ್ಬೊಬ್ಬರು ಒಂದೊಂದು ಕಡೆ ಹೋದರು, ಅಲ್ಲಮರು ಅಕ್ಕಮಹಾದೇವಿಯವರು ಮುನ್ನವೇ ಶ್ರೀಶೈಲದ ಕದಳಿವನಕ್ಕೆ ತೆರಳಿದರು, ಸಿದ್ಧರಾಮರು ಮತ್ತು ಉರಿಲಿಂಗಪೆದ್ದಿಗಳು ಸೊಲ್ಲಾಪುರದ ಹಾದಿ ಹಿಡಿದರು, ಚೆನ್ನಬಸವಣ್ಣನವರ ಜೊತೆ ಅಸಂಖ್ಯಾತರು ಉಳವಿ ಮಾರ್ಗವಿಡಿದರು, ಆದರೆ ಹಡಪದ ಅಪ್ಪಣ್ಣನವರು ಬಸವಣ್ಣನವರಿಗೆ ವಿಷಯ ತಿಳಿಸಲು ಸಂಗಮಕ್ಕೆ ತೆರಳಿದರು, ಸಂಗಮದಲ್ಲಿ ತಂಗಿದ್ದ ಬಸವಣ್ಣನವರು ಭೇಟಿಯಾದ ನಂತರ ಬಸವಣ್ಣನವರು ತಂಗಡಗಿಯಲ್ಲಿದ್ದ ನೀಲಾಂಬಿಕೆಯವರನ್ನು ಕರೆತನ್ನಿ ಎಂದು ಹಡಪದ ಅಪ್ಪಣ್ಣನವರನ್ನು ಕಳಿಸುತ್ತಾರೆ, ಅಪ್ಪಣ್ಣನವರು ತಂಗಡಗಿ ತಲುಪುವಷ್ಟರಲ್ಲಿ ಕೂಡಲಸಂಗಮದಲ್ಲಿ ಘೋರ ಅತೀಘೋರವಾದ ಘಟನೆ ನಡೆದೇ ಹೋಗಿತ್ತು, ವಿಶ್ವಕ್ಕೆ ಮಾನವೀಯತೆಯ ಸಾರವನ್ನು ತಿಳಿಸಿದ, ಅಹಿಂಸಾವಾದಿ ವಿಶ್ವಗುರು ಅಪ್ಪ ಬಸವಣ್ಣನವರನ್ನು ಕೂಡಲಸಂಗಮದ ಸಮೀಪ ಬಯಲಲ್ಲಿ ಬಯಲಾಗಿರುತ್ತಾರೆ , ತಂಗಡಗಿ ತಲುಪಿದ ಅಪ್ಪಣ್ಣನವರು ನೀಲಮ್ಮನವರಿಗೆ ವಿಷಯ ತಿಳಿಸುತ್ತಾರೆ,. ಅಷ್ಟರಲ್ಲೇ ಬಸವಣ್ಣನವರು ಲಿಂಗೈಕ್ಯರಾದ ಸುದ್ದಿ ತಿಳಿದ ನೀಲಮ್ಮನವರು ತಂಗಡಗಿಯಲ್ಲೇ ‘ಅಲ್ಲಿದ್ದ ಸಂಗಯ್ಯ ಇಲ್ಲಿಲ್ಲವೇ’ ಎಂದು ಹೇಳುತ್ತಾರೆ ಅಲ್ಲೇ ಅಪ್ಪ ಬಸವಣ್ಣನವರ ಧರ್ಮಪತ್ನಿ ನೀಲಮ್ಮ ತಾಯಿಯವರು ಮತ್ತು ಹಡಪದ ಅಪ್ಪಣ್ಣನವರು ಕರಸ್ಥಲದ ಲಿಂಗಮಧ್ಯದಲ್ಲಿ ಅಣ್ಣಬಸವಣ್ಣನನ್ನೇ ಕಂಡು ಅಲ್ಲೇ ತಂಗಡಗಿಯಲ್ಲೇ ಲಿಂಗೈಕ್ಯರಾಗುತ್ತಾರೆ,.

ಹೀಗೆ ಬದುಕಿನುದ್ದಕ್ಕೂ ಅಪ್ಪ ಬಸವಣ್ಣನವರನ್ನೇ ಅವರಿಸಿಕೊಂಡ ಹಡಪದ ಅಪ್ಪಣ್ಣನವರು ಅತ್ಯುನ್ನತ ರೀತಿಯಲ್ಲಿ ಬದುಕಿ ಬಾಳಿ ಮಾದರಿಯಾದರು, ಬಸವಣ್ಣನವರನ್ನೇ ಪ್ರಾಣವೆಂದಿದ್ದ ಹಡಪದ ಅಪ್ಪಣ್ಣನವರು ತಂಗಡಗಿಯ ಬಸವ ಬಯಲಲ್ಲಿ ಬಯಲಾಗಿ ಒಂಬತ್ತು ಶತಮಾನಗಳಾದರೂ ಅಜರಾಮರರಾಗಿ ಉಳಿದಿದ್ದರೆ ನಮ್ಮೆಲ್ಲರ ಹೃದಯದಲ್ಲಿ,

ಅವರ ನಡೆ-ನುಡಿ ಬದುಕು ಆದರ್ಶಮಯ ಸಿದ್ಧಾಂತ ನಮ್ಮೆಲ್ಲರಿಗೂ ಸ್ಫೂರ್ತಿ ಮತ್ತು ಮಾದರಿಯಾಗಿವೆ,.

ಶರಣರು ಅವರ ವಚನಗಳ ಮುಖೇನ ಜೀವಂತವಾಗಿದ್ದಾರೆ, ವಚನಗಳನ್ನು ಓದುವಾಗ ಉತ್ಸಾಹದ ಚಿಲುಮೆಯಾಗಿ , ಅನುಸರಿಸುವಾಗ ಆಶೀರ್ವದಿಸುವ ಗುರು ಹಿರಿಯರಾಗಿ ನಮ್ಮೆಲ್ಲರ ಜೊತೆಗಿದ್ದರೆ ಬಸವಾದಿ ಶಿವಶರಣರು,. 👏🏻👏🏻👏🏻👏🏻

ಲೇಖನ-; ಲೋಕೇಶ್ ಎನ್ ಮಾನ್ವಿ.

-/9972536176

ಎಲ್ಲಾ ಬಸವಾದಿ ಶಿವಶರಣರ ನೆನೆದು

ನಿಜಸುಖಿ ಹಡಪದ ಅಪ್ಪಣ್ಣನವರ ಜಯಂತಿ ಹಾರ್ದಿಕ ಶುಭಾಶಯಗಳು,.💐💐

ಈ ವಿಶೇಷ ಲೇಖನವನ್ನು ಓದಿದ ಸರ್ವರಿಗೂ ಹೃಪೂರ್ವಕ ಶರಣು ಶರಣಾರ್ಥಿಗಳು,..🙏🏻🙏🏻💐💐

ಅಣ್ಣಬಸವಣ್ಣನ ಅನುಭವ ಮಂಟಪ- ಕಲ್ಯಾಣ ಕ್ರಾಂತಿ, ಇದು ಕಲ್ಯಾಣ ಫೈಲ್ಸ್, THE KALYANA FILES..🙏🏻😢

2022-07-01T17:21:00.007+05:30

// ಶ್ರೀಗುರು ಬಸವಲಿಂಗಾಯ ನಮಃ //

~ವಿಶ್ವದ ಮೊಟ್ಟಮೊದಲ ಸಂಸತ್ತು~

‘ಅನುಭವ ಮಂಟಪ’

ಇದು ಕಲ್ಲುಗಳಿಂದ ಕಟ್ಟಿದ್ದಲ್ಲ, ಪವಿತ್ರ ಮನಸ್ಸುಗಳಿಂದ ಕಟ್ಟಿದ್ದು,

The Kalyana Files

ಜಗವೇ ಅಜ್ಞಾನದ ಅಂಧಕಾರದಲ್ಲಿ ಬಿದ್ದಿರಲು

ಬಸವಣ್ಣನವರು ಜ್ಞಾನ ಜ್ಯೋತಿಯಾಗಿ ಬಂದರು

ಈಗಿನ ವಿಜಯಪುರ ಜಿಲ್ಲೆಯ ಬಸವನ ಬಾಗೇವಾಡಿಯಲ್ಲಿ ಬ್ರಾಹ್ಮಣ ಮನೆತನದ ಅಗ್ರಹಾರದ ಒಡೆಯನಾದ ಮಾದರಸ ಮತ್ತು ಪರಮ ಶಿವಭಕ್ತೆ ಮಾದಲಾಂಬಿಕೆಯವರ ಗರ್ಭದಲ್ಲಿ ಬಸವಣ್ಣ ಜನಿಸಿ ಬರುತ್ತಾರೆ, ಇವರ ತಾಯಿಯ ತವರು ಮನೆಯಾದ ಇಂಗಳೇಶ್ವರದಲ್ಲಿ ಬಸವಣ್ಣನವರ ಜನನವಾಗುತ್ತದೆ, ಈ ಸುದ್ದಿಯು ಬಾಗೇವಾಡಿಯಲ್ಲಿರುವ ಅವರ ತಂದೆ ಮಾದರಸ ತಲುಪಿಸುವ ಸಂದರ್ಭದಲ್ಲಿ, ಅಲ್ಲಿ ಒಂದು ಘಟನೆ ನಡೆಯುತ್ತಿರುತ್ತದೆ, ಬಸವರು ಹುಟ್ಟುವ ಮುನ್ನ ಮೇಲ್ಜಾತಿ ಎನಿಸಿಕೊಂಡವರಲ್ಲದೆ ಮತ್ತಾರು ಕೂಡ ಶಾಲೆ ಕಲಿಯಬಾರದು, ಪೂಜೆ ನೋಡಬಾರದು, ನೋಡಿದರೆ ಕೇಳಿದರೆ ಅವರ ಕಿವಿಯಲ್ಲಿ ಕಾದ ಕಬ್ಬಿಣದ ರಸವನ್ನು ಹಾಕುತ್ತಿದ್ದರು, ಕದ್ದು ನೋಡಿದರೆ ಅವನ ಕಣ್ಣನ್ನೇ ಕೀಳುತ್ತಿದ್ದರು, ಹೀಗಿರುವಾಗ ದಲಿತನೊಬ್ಬ. ಗುರುಕುಲದ ಬಳಿ ನಿಂತು ಪಾಠವನ್ನು ಕದ್ದು ಕೇಳಿದನೆಂದು, ಪಂಚಾಯಿತಿ ಸೇರಿಸಿ ಅಗ್ರಹಾರದ ಒಡೆಯನಾದ ಮಾದರಸರನ್ನು ಕರೆಸಿ ಶಿಕ್ಷೆ ವಿಧಿಸುವಂತೆ ಪಟ್ಟು ಹಿಡಿದಿರುತ್ತಾರೆ ಮೇಲ್ಜಾತಿ ಎನಿಸಿದವರು, ಇನ್ನೇನು ಮಾದರಸರು ಶಿಕ್ಷೆ ವಿಧಿಸಬೇಕು ಅಷ್ಟರಲ್ಲೇ ಇಂಗಳೇಶ್ವರದಿಂದ ಒಂದು ಸುದ್ಧಿ ಬರುತ್ತದೆ, ಅದರಲ್ಲಿ ಮಾದರಸರಿಗೆ ಗಂಡು ಮಗುವಾದ ಸುದ್ದಿ ತಿಳಿದು, ಸಂತಸಗೊಂಡ ಮಾದರಸ ಅಂದು ವಿಧಿಸುತ್ತಿದ್ದ ಶಿಕ್ಷೆಯನ್ನು ರದ್ಧು ಮಾಡಿ ದಲಿತನಿಗೆ ಬಿಡುಗಡೆ ಮಾಡುತ್ತಾನೆ, ನೋಡಿ ಬಸವಣ್ಣನವರು ಹುಟ್ಟಿದ ಸುದ್ದಿಯೇ ಎದೆಷ್ಟೋ ಜೀವಗಳಿಗೆ ವರದಾನವಾಗಿಯ್ತು ಅಲ್ಲವೇ, ಮೂರು ತಿಂಗಳಲ್ಲಿ ಮಗುವಿಗೆ ಬಸವಾ ಎಂದು ನಾಮಕರಣ ಮಾಡುತ್ತಾರೆ, ನಂತರ ಮಾದಲಾಂಬಿಕೆಯ ಮಡಿಲಿನಲ್ಲಿ ಬಾಗೇವಾಡಿಗೆ ಬರುತ್ತಾರೆ ಬಾಲ ಬಸವ,

ಚಿಕ್ಕಂದಿನಲ್ಲೇ ಅಹಿಂಸೆಯ ಪರ, ಅಸಮಾನತೆಯ ವಿರುದ್ಧ ನಿಲುವು

ಹೊಂದಿದ್ದ ಬಸವಣ್ಣನವರು, ಅಪಾರವಾದ ಭಕ್ತಿ-ಜ್ಞಾನ ಹೊಂದಿ, ಅತ್ಯಂತ ತೇಜೆಸ್ಸಿನಿಂದ ಕಂಗೊಳಿಸುತ್ತಿದ್ದರು, ಜಾತೀಯತೆ ತುಂಬಿದ ವ್ಯವಸ್ಥೆಯ ಮೌಢ್ಯತೆಯನ್ನು ದಿಕ್ಕರಿಸಿ, ಇತರರನ್ನು ತನ್ನಂತೆ ಕಂಡು ಗುರುಕುಲಕ್ಕೆ ಕರೆದ್ಯೊದರು ಆದರೆ ಜಿಟ್ಟುಗಟ್ಟಿದ ಸಮಾಜ ಅದನ್ನು ಒಪ್ಪದಾಗ ತಾನೇ ಎಲ್ಲರೊಂದಿಗೆ ಬೆರೆತು ಆಟವಾಡುತ್ತಾ , ಜೊತೆಜೊತೆಗೆ ತಾನು ಕಲಿತ ಅಕ್ಷರಜ್ಞಾನವನ್ನು ಇತರ ಮಕ್ಕಳಿಗೂ ಕಲಿಸತೊಡಗಿದರು, ಆ ಚಿಕ್ಕ ವಯಸ್ಸಿಗೆ ಬಡವರ ಬಾಳಿಗೊಂದು ಆಶಾ ಕಿರಣವಾಗಿ ಒರಹೊಮ್ಮಿದ ಬಸವಣ್ಣನವರು, ಜಾತಿ ವ್ಯವಸ್ಥೆಯನ್ನು ಪ್ರಶ್ನಿಸುತ್ತಾರೆ, ಸುತ್ತ ಪ್ರಾಣಿಗಳ ಚರ್ಮ ಸುಲಿದು ಪಾದರಕ್ಷೆ ಮಾಡುವವರು ಕೀಳುಜಾತಿ ಅಂಥವರನ್ನು ಮುಟ್ಟಿದರೆ ಮೈಲಿಗೆ ಎಂದಾದರೆ ಅವರೇ ಮಾಡಿದ ಚರ್ಮದ ಪಾದರಕ್ಷೆಗಳನ್ನು ಹಾಕಿಕೊಂಡು ತಿರುಗುವ ನೀವು ಮತ್ತು ನಿಮ್ಮ ಮನಸ್ಥತಿ ಕೊಳಕು ಮೈಲಿಗೆ ಯಾಗಿದೆ ಎಂದು ಕಟುವಾಗಿ ಟೀಕಿಸುತ್ತಾರೆ, ನೊಂದವರ ಬೆಂದವರ ಕಣ್ಣೀರು ಒರೆಸಿ ಮಮ್ಮಲ ಮರಗುತ್ತಾರೆ , ಅಷ್ಟರಲ್ಲೇ ಬಸವಣ್ಣನವರಿಗೆ 8 ವರ್ಷ ತುಂಬುತ್ತವೆ, ಮನೆಯಲ್ಲಿ ಬ್ರಾಹ್ಮಣ-ವೈಧಿಕ ಸಂಪ್ರದಾಯದಂತೆ ಉಪನಯನ ಜನಿವಾರ ಧಾರಣೆ ಮಾಡಲು ತಯ್ಯಾರಿ ನಡೆದಿರುತ್ತದೆ, ಇದನ್ನು ಕಂಡ ಬಸವಣ್ಣನವರು ಏನು ವಿಶೇಷ ಮನೆಯಲ್ಲಿ ಎಂದು ತನ್ನ ತಾಯಿಯನ್ನು ಕೇಳುತ್ತಾರೆ, ಮಾದಲಾಂಬಿಕೆಯವರು ಕೇಳುತ್ತಾರೆ ಮಗು ಬಸವಾ ನಿನಗೆ ಉಪನಯನ ಮಾಡ್ತಿದಾರೆ ಕಂದ, ಎಂದು ಮರುಕ್ಷಣವೇ ಬಸವಣ್ಣ ಕೇಳುತ್ತಾರೆ ತನ್ನ ಅಕ್ಕನಿಗೆ ಉಪನಯವ ಆಗಿದೆಯೇ.? ಎಂದು, ಅವರ ತಾಯಿ ಉತ್ತರಿಸುತ್ತಾಳೆ ಇಲ್ಲ ಕಂದ ನಾವು ಸ್ತ್ರೀಯರು ಮುಟ್ಟು ಮೈಲಿಗೆ ಇರುತ್ತದೆ ಅದಕ್ಕಾಗಿ ನಮಗೆ ಧಾರ್ಮಿಕ ಸ್ವಾತಂತ್ರ್ಯ ಇಲ್ಲ, ನಾವು ಗಂಡಿಗಿಂತ ಕನಿಷ್ಠರಂತೆ, ಅದಕ್ಕೆ ನನಗೂ ಜನಿವಾರ ಇಲ್ಲ, ನಿಮ್ಮ ಅಕ್ಕನಿಗೂ ಜನಿವಾರ ಧಾರಣೆ ಮಾಡಿಸಿಲ್ಲ, ನಮ್ಮ ಪಾಲು ಎರಡೆಳೆ ದಾರ ನಮ್ಮ ಗಂಡನಾದವನೇ ಹಾಕಿಕೊಳ್ಳಬೇಕಂತೆ ನಾವು ಹೆಣ್ಣಾಗಿ ಹುಟ್ಟಿದ್ದೇ ತಪ್ಪಂತೆ ಹೆಣ್ಣು ಶೂಧ್ರಳಂತೆ ಬಸವಾ ಎಂದು ತಾಯಿ ಅಳುತ್ತಾರೆ, ಅಕ್ಕನನ್ನು ಕೇಳಿದಾಗ -ಹೌದು ಬಸವಾ ಈ ಜಿಡ್ಡುಗಟ್ಟಿದ ವ್ಯವಸ್ಥೆಯ ವಿರುದ್ಧ ಹೋರಾಡುವವರು ಯಾರೂ ಇಲ್ಲವಲ್ಲ ಬಸವ ಎಂದು ಹೇಳಿದ್ದೆ ತಡ, ಬಸವಣ್ಣನವರು ನಾನಿದ್ದೇನೆ ಅಮ್ಮಾ , ನಾನಿದ್ದೇನೆ ಅಕ್ಕ, ನಿಮಗೆ ಇಲ್ಲದ ಜನಿವಾರ ಅದು ನನಗೂ ಬೇಡ, ಇದು ನಮ್ಮ ಸಮಾಜಕ್ಕೆ ಅಂಟಿದ ನೇಣುದಾರ ಕಳಂಕ ಎಂದು ಹೇಳುತ್ತಾರೆ,-

ಹೊಲೆಗಂಡಲ್ಲದೆ ಪಿಂಡದ ನೆಲೆಗಾಶ್ರಯವಿಲ್ಲ ಜಲ-ಬಿಂದುವಿನ ವ್ಯವಹಾರ ಒಂದೇ
ಆಶೆಯಾಮಿಷರೋಷಹರುಷ ವಿಷಯಾದಿಗಳೆಲ್ಲಾ ಒಂದೇ. ಏನನೋದಿ
ಏನ ಕೇಳಿ
ಏನು ಫಲ ಕುಲಜನೆಂಬುದಕ್ಕೆ ಆವುದು ದೃಷ್ಟ ಸಪ್ತಧಾತುಸಮಂ ಪಿಂಡಂ ಸಮಯೋನಿಸಮದ್ಭವಂ ಆತ್ಮಜೀವಸಮಾಯುಕ್ತಂ ವರ್ಣಾನಾಂ ಕಿಂ ಪ್ರಯೋಜನಂ ಎಂದುದಾಗಿ
ಕಾಸಿ ಕಮ್ಮಾರನಾದ
ಬೀಸಿ ಮಡಿವಾಳನಾದ
ಹಾಸನಿಕ್ಕಿ ಸಾಲಿಗನಾದ
ವೇದವನೋದಿ ಹಾರುವನಾದ. ಕರ್ಣದಲ್ಲಿ ಜನಿಸಿದರುಂಟೆ ಜಗದೊಳಗೆ ಇದು ಕಾರಣ ಕೂಡಲಸಂಗಮದೇವಾ
ಲಿಂಗಸ್ಥಲವನರಿದವನೆ ಕುಲಜನು.

ಇಲ್ಲಿ ಜಾತಿ ಅನ್ನೋದೇ ಇಲ್ಲ , ಗಂಡು ಹೆಣ್ಣು ಇಬ್ಬರೂ ಸಮಾನರು ಇಬ್ಬರಲ್ಲಿರುವ ಜೀವ ಚೈತನ್ಯ ಆತ್ಮವು ಒಂದೇ ಆಗಿದೆ, ಮೇಲು ಕೀಳೆಂಬುದು ಹುಸಿ ಎಲ್ಲರೂ ಸಮಾನರೇ ಎಂದು ವಾದಿಸಿ ಮನೆಯಲ್ಲಿ ನಡೆಯುತ್ತಿದ್ದ ಹೋಮವನ್ನು ನೋಡಿ ಅದಕ್ಕೆ ಹಾಕುತ್ತಿದ್ದ ಬಟ್ಟೆ ಅವಲಕ್ಕಿ ದ್ರವ್ಯಗಳನ್ನು ಕಂಡು ಹಸಿದವರ ಹೊಟ್ಟೆಯ ಮೂಲಕ ಶಿವನಿಗೆ ಅರ್ಪಿಸಿ ಎಂದು ತಿಳಿ ಹೇಳುತ್ತಾರೆ, ಇದನ್ನು ಒಪ್ಪದ ವೈದಿಕರು ನಾವು ಅಗ್ನಿಯ ಮೂಲಕವೇ ದೇವರಿಗೆ ಅರ್ಪಿಸುತ್ತೇವೆ ಎಂದಾಗ ಹೋಮ ಮಾಡುತ್ತಿದ್ದ ಪುರೋಹಿತನ ಮನೆಗೆ ಬೆಂಕಿ ಬೀಳುತ್ತದೆ, ಆದರೆ ಆ ಬೆಂಕಿಗೆ ಬೈದು ಬೀದಿಯ ಮಣ್ಣನ್ನು ಬಚ್ಚಲ ನೀರನ್ನು ಸುರಿದು ಹಾಳಾದ ದೇವ್ರು ನಮ್ಮ ಮನೆಗೆ ಬೆಂಕಿ ಬಿಳಿಸಬೇಕಿತ್ತಾ ಎಂದು ಬೈಯ್ಯುತ್ತಾರೆ ಇದನ್ನು ಕಂಡ ಬಸವಣ್ಣನವರು ಈ ಕೆಳಗಿನ ವಚನವನ್ನು ಹೇಳುತ್ತಾರೆ,

ಕಿಚ್ಚು ದೈವವೆಂದು ಹವಿಯನಿಕ್ಕುವ ಹಾರುವರ ಮನೆಯಲು ಕಿಚ್ಚೆದ್ದು ಸುಡುವಾಗ ಬಚ್ಚಲ ನೀರ
ಬೀದಿಯ ದೂಳ ಹೊಯ್ದು ಬೊಬ್ಬಿಟ್ಟೆಲ್ಲರ ಕರೆವರಯ್ಯಾ. ಕೂಡಲಸಂಗಮದೇವಾ
ವಂದನೆಯ ಮರೆದು ನಿಂದಿಸುತ್ತಿದ್ದರು.

ಅಗ್ನಿ ದೇವರಲ್ಲ, ಜಲ ದೇವರಲ್ಲ, ಮರ ದೇವರಲ್ಲ, ಕಲ್ಲು ಕಟ್ಟಿಗೆ ದೇವರಲ್ಲ, ಪಂಚಲೋಹದಲ್ಲಿ ಮಾಡಿರುವುದು ದೇವರಲ್ಲ, ತನ್ನ ತಾನರಿದು ತಾನಾರಂದು ತನ್ನ ನಿಜ ಸ್ಥಿತಿಯನ್ನು ತಿಳಿದವನೇ ದೇವರು, ನಿರಾಕಾರನಾದ ಸೃಷ್ಠಿಕರ್ತನು ಸಕಲ ಜೀವರಾಶಿಗಳಲ್ಲಿದ್ದಾನೆ, ಪ್ರತಿ ಜೀವಿಯ ಅಂತರಂಗದಲ್ಲೇ ಶಿವನಿದ್ದಾನೆ ಎಲ್ಲರನ್ನೂ ಪ್ರೀತಿಸಬೇಕು ಗೌರವಿಸಬೇಕು ಎಲ್ಲರೂ ಭಗವಂತನ ಚೈತನ್ಯದ ಅಂಶವೇ ಆಗಿದ್ದಾರೆ, ಇಲ್ಲಿ ಗಂಡು-ಹೆಣ್ಣು ಜಾತಿ_ಮತ_ಪಂಥ_ವರ್ಗ_ವರ್ಣವೆಂಬ ಭೇದವಿಲ್ಲ ಎಂದು ಹೇಳುತ್ತಾರೆ, ಇದನ್ನು ಒಪ್ಪದ ಅವರ ತಂದೆ ಇಡೀ ಅಗ್ರಹಾರವೇ ನನ್ನ ಮಾತನ್ನು ಮೀರದಿರುವಾಗ ನೀನು ನನ್ನ ಮಾತನ್ನು ದಿಕ್ಕರಿಸುವುದಾದರೆ, ನಿನಗೆ ಇಲ್ಲಿ ಜಾಗವಿಲ್ಲ ಎನ್ನುತ್ತಾರೆ ಮಾದರಸ, ಅಷ್ಟರಲ್ಲೇ ಬಸವಣ್ಣ ಹೆಣ್ಣಿಗೆ ಗೌರವವಿಲ್ಲದ, ಸಮಾನತೆಯಿಲ್ಲದ ಮನೆಯಲ್ಲಿ ಇರಲು ನನಗೂ ಇಷ್ಟವಿಲ್ಲವೆಂದು ಹೇಳಿ, ತನ್ನ 8ನೇ ವಯಸ್ಸಿಗೆ ಮನೆ ಬಿಟ್ಟು ಬರುತ್ತಾರೆ ಬಸವಣ್ಣ, ಆವಾಗ ಅವರ ತಾಯಿ ಮಾದಲಾಂಬಿಕೆಯವರು ಕಂದಾ ಬಸವಾ ಈ ತಾಯಿಗಾಗಿ ಆದರೂ ಸಹಿಸಿಕೊಂಡು ಇರಬಾರದೇ ಕೂಸೆ ಎನುತ್ತಾರೆ, ಆಗ ಬಸವಣ್ಣ ಹೇಳುತ್ತಾರೆ ಅಮ್ಮಾ ನಾನು ಮನೆ ಬಿಟ್ಟಿರುವುದು ನನ್ನ ಇಡೀ ತಾಯಂದಿರ ಪರವಾಗಿ ಸ್ತ್ರೀಕುಲದ ನ್ಯಾಯಕ್ಕಾಗಿ ಹೊರಡುವೆ, ಎಲ್ಲಿ ಹೆಣ್ಣಿಗೆ ಗೌರವ ಇಲ್ಲವೋ ಅದು ಮನೆಯಲ್ಲ ಮಸಣಕ್ಕೆ ಸಮವೆಂದು ಹೇಳಿ ಕಪ್ಪಡಿಸಂಗಮ ಈಗಿನ ಕೂಡಲಸಂಗಮಕ್ಕೆ ಹೊರಟು ಬರುತ್ತಾರೆ,

ಬಸವಣ್ಣನ ಜೊತೆಗೆ ಅವರ ಅಕ್ಕ ಅಕ್ಕನಾಗಲಾಂಬಿಕೆಯವರು ಮತ್ತು ಭಾವ ಶಿವದೇವರು ಬರುತ್ತಾರೆ, ಸಂಗಮದಲ್ಲಿರುವ ಅವರ ಅಕ್ಕನ ಮನೆಯಲ್ಲಿ ವಾಸ್ತವ್ಯ ಮಾಡಿದ ಬಸವಣ್ಣನವರು, ನಂತರ ಸಂಗಮದಲ್ಲೇ ಶಿಕ್ಷಣವನ್ನು ಪಡೆದರು , ಅಲ್ಲಿನ ಕೆಲ ಮೂಢಾಚಾರಗಳನ್ನು ಕಂಡು ಅಲ್ಲಿನ ಜನರಿಗೆ ಹೀಗೆ ತಿಳಿ ಹೇಳಿದರು, -

ನೀರ ಕಂಡಲ್ಲಿ ಮುಳುಗುವರಯ್ಯ, ಮರನ ಕಂಡಲ್ಲಿ ಸುತ್ತುವರಯ್ಯ, ಬತ್ತುವ ಜಲವ ಒಣಗುವ ಮರವ ನೆಚ್ಚಿದವರು ನಿಮ್ಮನೆತ್ತ ಬಲ್ಲರು ಕೂಡಲಸಂಗಮದೇವಾ,

ತಮ್ಮ ಅರಿವಿನ ನುಡಿಗಳ ಮೂಲಕ ಜನರ ಮನ ಗೆದ್ದರು, ತಮ್ಮ ಜ್ಞಾನ ವಿಕಸಿತವಾಗಿ ಸೃಷ್ಠಿ ಸಮಷ್ಠಿಯ ಸಂಕೇತವಾದ ತನ್ನರಿವಿನ ಕುರುಹಾಗಿ ಇಷ್ಟಲಿಂಗವನ್ನು ಆವಿಷ್ಕರಿಸಿದರು, ಎಲ್ಲರಿಗೂ ಲಿಂಗದೀಕ್ಷೆ ಕೊಟ್ಟರು ಪ್ರಥಮವಾಗಿ ತನ್ನ ಅಕ್ಕ ಅಕ್ಕನಾಗಲಾಂಬಿಕೆಯವರಿಗೆ ದೀಕ್ಷೆಯನ್ನಿಟ್ಟು, ಹೆಣ್ಣಿಗೂ ಸರ್ವ ಸಮಾನತೆಯ ಧಾರ್ಮಿಕ ಸ್ವಾತಂತ್ರ್ಯವನ್ನು ನೀಡಿದರು, ವ್ಯಕ್ತಿಯ ಶ್ರೇಷ್ಠತೆ ಹುಟ್ಟಿನಿಂದಲ್ಲ, ಅವನ ಗುಣ ನಡವಳಿಕೆಯಿಂದ ಎಂದು ಸಾರಿದರು, ಎಲ್ಲರಲ್ಲೂ ಸದ್ವಿಚಾರಗಳ ಬಿತ್ತಿ ಶರಣರನ್ನಾಗಿ ಮಾಡುತ್ತಿದ್ದ ಅಣ್ಣಾ ಬಸವಣ್ಣನವರ ಕೀರ್ತಿವಾರ್ತೆ ಕಲ್ಯಾಣಕ್ಕೆ ಮುಟ್ಟುತ್ತದೆ ಬಿಜ್ಜಳನು ಬಲದೇವವರಸರನ್ನು ಕಳಿಸಿ ಬಸವಣ್ಣನವರ ಬಗ್ಗೆ ತಿಳಿದುಕೊಂಡು ಬಾ ಎಂದು ಕಳಿಸುತ್ತಾರೆ, ಅಲ್ಲಿಗೆ ಬಂದ ಬಲದೇವರಸರಿಗೆ ಅಚ್ಚರಿ ಹಾಗೂ ಎಲ್ಲಿಲ್ಲದ ಸಂತಸವಾಗಿತ್ತು ಕಾರಣ, ತಾನು ಹುಡುಕಿಕೊಂಡು ಬಂದದ್ದು ಬೇರಾರನ್ನೂ ಅಲ್ಲ, ತನ್ನ ಸೋದರ ಅಳಿಯನನ್ನೇ ಎಂದು ತಿಳಿದು ಹಿರಿಹಿರಿ ಹಿಗ್ಗಿ , ಬಸವಣ್ಣನವರ ಪಾಂಡಿತ್ಯವನ್ನು ಕಣ್ಣಾರೆ ಕಂಡು ಅಕ್ಕನಾಗಲಾಂಬಿಕೆಯವರ ಬಳಿ ಒಂದು ಬಿನ್ನಹವನ್ನು ಇಡುತ್ತಾರೆ, ಬಸವಣ್ಣನಿಗೆ ತನ್ನ ಮಗಳಾದ ಗಂಗಾಬಿಕೆಯನ್ನು ಕೊಟ್ಟು ವಿವಾಹ ಮಾಡುವ ಇಂಗಿತವನ್ನು ವ್ಯಕ್ತಪಡಿಸುತ್ತಾರೆ, ಆದರೆ ಇದರ ಬಗ್ಗೆ ಬಸವಣ್ಣನನ್ನೇ ಕೇಳಬೇಕೆಂದಾಗ , ಅಕ್ಕನಾಗಲಾಂಬಿಕೆ ಮತ್ತು ಬಲದೇವರಸರು ಬಸವಣ್ಣನ ಬಳಿ ಹೋಗಿ ವಿವಾಹ ಪ್ರಸ್ತಾವನೆಯನ್ನಿಟ್ಟಾಗ ಬಸವಣ್ಣ ಸರಾ ಸಗಟಾಗಿ ನರಾಕರಿಸುತ್ತಾರೆ, ನಂತರ ಅಕ್ಕನ ಮಾತಿನಿಂದ ಪ್ರೇರೇಪಿತರಾಗಿ ಯೋಚಿಸುವುದಾಗಿ ಹೇಳಿ ಒಂದೆರೆಡು ದಿನ ಸಮಯವನ್ನು ಕೇಳುತ್ತಾರೆ, ಹಾಗೇ ಒಂದೆರೆಡು ದಿನಗಳು ಕಳೆದ ನಂತರ ಬಸವಣ್ಣನವರಿಗೆ ಸಂಗಯ್ಯನ ವಾಣಿ ಕೇಳಿ ಬಸವಾ ನೀನು ವಿವಾಹವಾಗು ಸಂಸಾರದಲ್ಲಿದ್ದು ಸದ್ಗತಿ ಹೊಂದು, ನಿನ್ನಂತೆ ನಿನ್ನ ಅನುಯಾಯಿಗಳು ಸಂಸಾರಿಗಳಾಗಿ ಸದ್ಗತಿ ಹೊಂದಲಿ, ಎಂದು ಆಶೀರ್ವಾಣಿ ಕೇಳಿತು, ನಂತರ ಒಪ್ಪಿದ ಬಸವಣ್ಣನವರು,

ಗಂಗಾಂಬಿಕೆಯವರನ್ನು ವಿವಾಹವಾಗಿ ಕಲ್ಯಾಣಕ್ಕೆ ಬರುತ್ತಾರೆ, ಅಲ್ಲಿನ ರಾಜ ಬಿಜ್ಜಣನು ಬಸವಣ್ಣನವರನ್ನು ರಾಜ ಸಭೆಗೆ ಆಹ್ವಾನಿಸುತ್ತಾರೆ, ರಾಜನ ಆಮಂತ್ರಣವನ್ನು ಮನ್ನಿಸಿ ಬಸವಣ್ಣನವರು ಅಲ್ಲಿಗೆ ಹೋದಾಗ ರಾಜಸಭೆಯಲ್ಲಿ ಹಣಕಾಸಿನ ಲೆಕ್ಕ ನಡೆಯುತ್ತಿರುತ್ತದೆ , ಅಲ್ಲೇ ಕುಳಿತ ಬಸವಣ್ಣನವರಿಗೆ ಹಣಕಾಸಿನ ವಿಚಾರದಲ್ಲಿ ರಾಜ್ಯದ ಬೊಕ್ಕಸಕ್ಕೆ ಮೋಸವಾದ ಬಗ್ಗೆ ತಿಳಿದು ಕಳವಳಗೊಂಡು ರಾಜನಿಗೆ ವಿಷಯ ತಿಳಿಸುತ್ತಾರೆ, ದಾರಿತಪ್ಪಿಸಿದ ಲೆಕ್ಕವನ್ನು ಸರಿ ಮಾಡಿ ರಾಜ್ಯ ಬೊಕ್ಕಸಕ್ಕೆ ಅಪಾರ ಉಳಿತಾಯವನ್ನು ಮಾಡುತ್ತಾರೆ, ಇದರಿಂದ ಸಂತಸಗೊಂಡ ಬಿಜ್ಜಳ ರಾಜನು ಭಲೇ ಬಸವಣ್ಣನವರೇ ನಿಮ್ಮ ಬುದ್ಧಿಶಕ್ತಿ ಜ್ಞಾನ ಅಪಾರವಾದದ್ದಾಗಿದೆ ಭಲೇ ಬಸವರಸರೇ ನಮ್ಮ ರಾಜ್ಯದಲ್ಲಿ ಖಾಲಿ ಇರುವ ಹಣಕಾಸು ಖಾತೆಯ ಜವಾಬ್ದಾರಿ ನಿಮಗೆ ಒಪ್ಪಿಸುವೆ, ಇದಕ್ಕೆ ನಿಮಗಿಂತ ಸಮರ್ಥರು ಇರಲಾರರು ಎಂದು ಬಸವಣ್ಣನವರಿಗೆ ಹಣಕಾಸಿನ ಜವಾಬ್ದಾರಿಯುತ ಸ್ಥಾನ ಕೊಟ್ಟನು ಬಿಜ್ಜಳನು , ನಂತರ ಕಲ್ಯಾಣದಲ್ಲಿ ಕ್ರಾತಿಕಾರಿ ಬದಲಾವಣೆಗಳು ಶುರುವಾದವು, ಅಲ್ಲಿನ ಜನರು ಜಾತಿ ಸಂಕರದಲ್ಲಿ ಸಿಲುಕಿರಲು ಬಸವಣ್ಣನವರು ಜಾತೀಯತೆಯ ಬುಡಬೇರ ಕಿತ್ತಿದರು, ಲಿಂಗ_ವರ್ಗ_ವರ್ಣ ತಾರತಮ್ಯವಿರುವ ಸಮಾಜದಲ್ಲೇ ಸಮಾನತೆಯ ಪ್ರೇಮದ ಸಾಮ್ರಾಜ್ಯವನ್ನು ಸ್ಥಾಪಿಸಿದರು, ಎಲ್ಲರನ್ನೂ ಒಪ್ಪಿ ಅಪ್ಪುವ ಬಸವಣ್ಣನವರ ಲೋಹಚುಂಬಕ ವ್ಯಕ್ತಿತ್ವಕ್ಕೆ ಆಕರ್ಷಣೆಗೊಂಡು ಜಗತ್ತಿನೆಲ್ಲೆಡೆಯಿಂದ ಜನಸಾಗರವೇ ಹರಿದು ಬಂದಿತು ಕಲ್ಯಾಣಕೆ, ಅಷ್ಟರಲ್ಲೇ ಬಿಜ್ಜಳನ ಆಸ್ಥಾನದಲ್ಲಿ ಚಿನ್ನದ ಪತ್ರವೊಂದು ಸಿಕ್ಕಿತು ಯಾರಿಗೂ ಓದಲಾಗದ ಪತ್ರವನ್ನು ಬಸವಣ್ಣನವರು ಓದಿ, ಈ ರಾಜ್ಯಕ್ಕೆ ಹಿಂದಿನ ರಾಜರು ಇಟ್ಟ ಬಂಗಾರ ನಿಧಿಯ ಕುರುಹನ್ನು ಪತ್ತೆ ಹಚ್ಚಿದರು, ಅದರಂತೆ ರಾಜನ ಆಸ್ಥಾನದಲ್ಲೇ ಸಹಸ್ರ ಸಹಸ್ರ ಚಿನ್ನದ ನಾಣ್ಯಗಳು ಸಿಕ್ಕವು, ಅವುಗಳನ್ನು ಸಮಾಜಕ್ಕೆ ಜನಸಾಮಾನ್ಯರ ಕಷ್ಟಕ್ಕೆ ರಾಜ್ಯದ ಒಳಿತಿಗಾಗಿ ಬಳಸುವಂತೆ ಬಿಜ್ಜಳ ರಾಜನಿಗೆ ಬಸವಣ್ಣನವರು ಮಾರ್ಗದರ್ಶಿಸುತ್ತಾರೆ ಇದರಿಂದ ಪ್ರೇರೇಪಿತನಾದ ರಾಜ ಸತ್ಕಾರ್ಯಕ್ಕಾಗಿ ಬಳಸುತ್ತಾನೆ, ನಂತರ ತನ್ನ ರಾಜ್ಯದ ಪ್ರಧಾನಮಂತ್ರಿಯಾಗಿ ಜನ ಸೇವೆ ಮಾಡಬೇಕೆಂದು, ಬಸವಣ್ಣನವರಲ್ಲಿ ಕೇಳಿಕೊಂಡಾಗ ಜನ ಸೇವೆಯೇ ಸಂಗಯ್ಯನ ಸೇವೆಯೆಂದು ಬಸವಣ್ಣನವರು ಈ ರೀತಿ ಪ್ರಮಾಣವಚನವನ್ನು ಸ್ವೀಕರಿಸುತ್ತಾರೆ,

ಹೊನ್ನಿನೊಳಗೊಂದೊರೆಯ, ವಸ್ತ್ರದೊಳಗೊಂದೆಳೆಯ

ಅನ್ನದೊಳಗೊಂದಗುಳ

ಇಂದಿಂಗೆ ನಾಳಿಂಗೆ ಬೇಕೆಂದೆನಾದೆಡೆ

ನಿಮ್ಮಾಣೆ! ನಿಮ್ಮ ಪುರಾತರಾಣೆ!

ನಿಮ್ಮ ಶರಣರಿಗಲ್ಲದೆ ಮತ್ತೊಂದನರಿಯೆ

ಕೂಡಲಸಂಗಮದೇವಾ.

ಎಂದು ಅತ್ಯಂತ ಕಾಯಕ ನಿಷ್ಠರಾಗಿ ಜನಾನುರಾಗಿಗಳಾಗಿ ಜನ ಮಾನಸದಲ್ಲಿ ಹೆಸರಾಗುತ್ತಾರೆ, ಅಲ್ಲಿನ ಜಾತಿ ವ್ಯವಸ್ಥೆಗೆ ಸೆಡ್ಡು ಹೊಡೆದು ಸರ್ವರಿಗೂ ಲಿಂಗದೀಕ್ಷೆಯನಿಟ್ಟು ಲಿಂಗಗುಣ ಸಂಪನ್ನ ಶರಣರನ್ನಾಗಿ ಮಾಡುತ್ತಿದ್ದರು,

ನೆಲವೊಂದೆ ಹೊಲೆಗೇರಿ ಶಿವಾಲಯಕ್ಕೆ
ಜಲವೊಂದೆ ಶೌಚಾಚಮನಕ್ಕೆ
ಕುಲವೊಂದೆ ತನ್ನ ತಾನರಿದವಂಗೆ
ಫಲವೊಂದೆ ಷಡುದರುಶನ ಮುಕ್ತಿಗೆ
ನಿಲವೊಂದೆ ಕೂಡಲಸಂಗಮದೇವಾ ನಿಮ್ಮನರಿದವಂಗೆ ,

ಮೇಲ್ಜಾತಿ ಕೀಳು ಜಾತಿ ಎಂಬುದನ್ನು ಒಪ್ಪದ ಬಸವಣ್ಣನವರು,

ಬೀಸುವ ಗಾಳಿ_ ಕುಡಿವ ನೀರು, ದೇಹದಲ್ಲಿ ಹರಿವ ರಕ್ತಕ್ಕೆ ಜಾತಿಯುಂಟೆ ? ಎಂದು ಪ್ರಶ್ನಿಸಿ ವರ್ಣಾಶ್ರಮ ಪದ್ದತಿಯನ್ನು ಕಟುವಾಗಿ ವಿರೋಧಿಸಿ, ಸ್ತ್ರೀಗೆ ಸಿಗದ ಧಾರ್ಮಿಕ ಸ್ವಾತಂತ್ರ್ಯವನ್ನು ಆಕೆಗೆ ನೀಡಿ, ಜಾತಿ ಭೇದವಿಲ್ಲದೆ, ಲಿಂಗ ಭೇದವಿಲ್ಲದೇ ಸಕಲರಿಗೂ ಇಷ್ಟಲಿಂಗವನ್ನು ದಯಪಾಲಿಸಿ, ಸರ್ವರನ್ನೂ ಶರಣರನ್ನಾಗಿ ಮಾಡಿದರು, ವಯಸ್ಕರ ಶಿಕ್ಷಣವನ್ನು ನೀಡಿ ಎಲ್ಲಾ ಕಾಯಕ ಜೀವಿಗಳಿಗು ಜ್ಞಾನ ದಾಸೋದಗೈದರು, ಕಲ್ಯಾಣದಲ್ಲಿ ಅಪ್ಪ ಬಸವಣ್ಣನವರು ಸ್ಥಾಪಿಸಿದ ಅನುಭವ ಮಂಟಪಕ್ಕೆ ಎಲ್ಲೆಡೆಯಿಂದ ಜನ ಸಾಗರವೇ ಹರಿದು ಬಂದಿತು, ಅಣ್ಣಾ ಬಸವಣ್ಣನವರು ಇಟ್ಟ ಪ್ರತಿ ಹೆಜ್ಜೆಯೂ ಕ್ರಾಂತಿಕಾರಕ ಹೆಜ್ಜೆಗಳಾಗಿ ಉಳಿದವು ಅದರಲ್ಲಿ ಒಂದು ಅಣ್ಣಾ ಬಸವಣ್ಣನವರು ಸ್ಥಾಪಿಸಿದ ವಿಶ್ವದ ಮೊಟ್ಟಮೊದಲ ಸಂಸತ್ತು

‘ಅನುಭವ ಮಂಟಪ’ ರಚಿಸಿ ವೀರವೈರಾಗ್ಯ ಮೂರುತಿ ಅಲ್ಲಮಪ್ರಭುದೇವರನ್ನು ಅನುಭವ ಮಂಟಪಕ್ಕೆ ಅಧ್ಯಕ್ಷರನ್ನಾಗಿ ಮಾಡಿದ ಬಸವಣ್ಣನವರು, ಪ್ರತಿದಿನವೂ ಸಕಲ ಕಾಯಕ ಜೀವಿಗಳನ್ನು ಒಟ್ಟುಗೂಡಿಸಿ ಅವರಲ್ಲಿದ್ದ ಅಂಧಶ್ರದ್ಧೆ ಮೂಢನಂಬಿಕೆ ಕಂದಾಚಾರಗಳನ್ನು ಕಿತ್ತೊಗೆದು, ವೈಚಾರಿಕ ಚಿಂತನೆಗೈಯುತ್ತಿದ್ದರು, ಅರಿವೆಂಬ ಕಿಡಿ ಮುಂದೆ ಜ್ಞಾನಾಗ್ನಿಯಾಗಿ ಎಲ್ಲಡೆಯೂ ವಿಸ್ತರಿಸಿತು, ಜನರನ್ನು ಅಜ್ಞಾನದಿಂದ ಸುಜ್ಞಾನದೆಡೆಗೆ ಕೊಂಡೊಯ್ವ ಮಹಾ ಕ್ರಾಂತಿಯೇ ಅದಾಯಿತು, ಅಪ್ಪ ಬಸವರು ಸ್ಥಾಪಿಸಿದ ಅನುಭವ ಮಂಟಪವು ಜಗತ್ತಿನ ಮೊಟ್ಟಮೊದಲ ಪಾರ್ಲಿಮೆಂಟ್ ಆಗಿತ್ತು ಅಲ್ಲಿ ಪರಿಪಕ್ವಗೊಂಡ ಶರಣ ಜೀವಿಗಳು , ಬಸವಣ್ಣನ ಗರಡಿ ಮನೆಯಲ್ಲಿ ಪಳಗಿ, ಕಾಯಕದ ಮಹತ್ವವನ್ನು ಅರಿತ ಜನರು ತಮ್ಮ ದುಡಿಮೆಯನ್ನು ಪ್ರೇಮಿಸತೊಡಗಿದರು, ಮಾಡುವ ಕಾಯಕ ಯಾವುದಾದರೇನು ಅದರ ಶ್ರೇಷ್ಠತೆ ಘನತೆ ಹೆಚ್ಚುವುದು , ಹಂಚಿಕೊಂಡು ತಿನ್ನುವುದರಿಂದ ಎಂದು ಹೇಳಿ, ಅನುಭವ ಮಂಟಪದ ಮುಖೇನ ದಾಸೋಹ ತತ್ವವನ್ನು ಜಾರಿಗೆ ತಂದರು ಅಪ್ಪ ಬಸವರು, ದುಡಿದು ಸಂಪಾದನೆ ಮಾಡಿದ ಬಹುಪಾಲು ಸಮಾಜಕ್ಕೆ ಅರ್ಪಿಸಿ ಎಲ್ಲರೂ ನಿರಾಭಾರಿಗಳಾಗಿ, ಮತ್ತೆ ಕಾಯಕಕ್ಕೆ ಅಣಿಯಾಗುತ್ತಿದ್ದರು, ಜಗವೆಲ್ಲ ಇತ್ತ ಕಲ್ಯಾಣದತ್ತ ಆಕರ್ಷಣೆಗೊಂಡು ನೋಡುತ್ತಿತ್ತು, ಅತ್ತ ಕಾಶ್ಮೀರದ ಅರಸು ಮಹಾದೇವ ಭೋಪಾಲ, ಬಂದು ಕಟ್ಟಿಗೆ ಹೊರುವ ಕಾಯಕ ನೆಚ್ಚಿಕೊಂಡು ಮೋಳಿಗೆ ಮಾರಯ್ಯನಾಗಿ ಹೆಸರುವಾಸಿಯಾದ, ಅದೇ ರೀತಿಯಾಗಿ ದೂರದ ಅಫ್ಘಾನಿಸ್ಥಾನದಿಂದ ಬಂದ ಸೂಫಿ ಸಂತರು, ಮರಳ ಶಂಕರದೇವರಾಗಿ ಅಜರಾಮರರಾದರು, ಉಡುತಡಿಯಿಂದ ಅಕ್ಕಮಹಾದೇವಿ, ಗುಜರಾತಿನಿಂದ ಆದಯ್ಯ ಶರಣರು, ಆಂದ್ರಪ್ರದೇಶದಿಂದ ತೆಲುಗೇಶ ಮಸಣಯ್ಯ, ತಮಿಳುನಾಡಿನಿಂದ ಮಾದಾರ ಚೆನ್ನಯ್ಯ, ದಿಕ್ಕು ದಿಕ್ಕಿನಿಂದ ಬಂದರು 770 ಅಮರಗಣಂಗಳು , ಲಕ್ಷದ ಮೇಲೆ ತೊಂಬತ್ತಾರು ಸಾವಿರ ಅನುಯಾಯಿಗಳು ಸೇರಿದರು ಇದನ್ನು ಕಂಡ ಅಲ್ಲಮಪ್ರಭುದೇವರು ತಮ್ಮ ವಚನದಲ್ಲಿ ಹೀಗೆ ಹೇಳುತ್ತಾರೆ,

ಕಲ್ಯಾಣವೆಂಬ ಪ್ರಣತೆಯಲ್ಲಿ ಭಕ್ತಿರಸವೆಂಬ ತೈಲವನೆರೆದು
ಆಚಾರವೆಂಬ ಬತ್ತಿಯಲ್ಲಿ ಬಸವಣ್ಣನೆಂಬ ಜ್ಯೋತಿಯ ಮುಟ್ಟಿಸಲು ತೊಳಗಿ ಬೆಳಗುತ್ತಿದ್ದಿತ್ತಯ್ಯಾ ಶಿವನ ಪ್ರಕಾಶ ! ಆ ಬೆಳಗಿನೊಳಗೆ ಒಪ್ಪುತ್ತಿದ್ದರಯ್ಯಾ ಅಸಂಖ್ಯಾತ ಭಕ್ತಗಣಂಗಳು. ಶಿವಭಕ್ತರಿರ್ದ ಕ್ಷೇತ್ರವೆ ಅವಿಮುಕ್ತಕ್ಷೇತ್ರವೆಂಬುದು ಹುಸಿಯೆ ? ಶಿವಭಕ್ತರಿರ್ದ ದೇಶ ಪಾವನವೆಂಬುದು ಹುಸಿಯೆ ? ಗುಹೇಶ್ವರಲಿಂಗದಲ್ಲಿ ಎನ್ನ ಪರಮಾರಾಧ್ಯ ಸಂಗನಬಸವಣ್ಣನ ಕಂಡು ಬದುಕಿದೆನು ಕಾಣಾ ಸಿದ್ಧರಾಮಯ್ಯಾ. ಎಂದರು ಅಲ್ಲಮಪ್ರಭುದೇವರು,

ಇನ್ನು ಅಕ್ಕಮಹಾದೇವಿಯವರು

ಕಲ್ಯಾಣ ಕೈಲಾಸವೆಂಬ ನುಡಿ ಹಸನಾಯಿತ್ತಯ್ಯಾ.

ಒಳಗೂ ಕಲ್ಯಾಣ, ಹೊರಗೂ ಕಲ್ಯಾಣ. ಇದರಂತುವನಾರು ಬಲ್ಲರಯ್ಯಾ ?

ನಿಮ್ಮ ಸತ್ಯ ಶರಣರ ಸುಳುಹು ತೋರುತ್ತಿಹುದಯ್ಯಾ.

ನಿಮ್ಮ ಶರಣ ಬಸವಣ್ಣನ ಕಾಂಬೆನೆಂಬ ತವಕವೆನಗಾಯಿತ್ತು ಕೇಳಾ ಚೆನ್ನಮಲ್ಲಿಕಾರ್ಜುನಾ.

ಕಲ್ಯಾಣವು ಕಾಯಕ ಜೀವಿಗಳ ಕೈಲಾಸವಾಯಿತು, ಎಲ್ಲಿ ನೋಡಿದರಲ್ಲಿ ಕಾಯಕ, ದಾಸೋಹ, ಜಂಗಮ ಸೇವೆ, ಜನ ಮಾನಸದಲ್ಲಿ ಬಸವಣ್ಣನೇ ಗುರು, ಬಸವಣ್ಣನೇ ಲಿಂಗ, ಬಸವಣ್ಣನೇ ಜಂಗಮ, ಇದನ್ನು ಕಂಡ ಮಾಡಿವಾಳ ಮಾಚಿದೇವರು ಹೀಗೆ ಹೇಳುತ್ತಾರೆ,

ಬಸವಣ್ಣ ಮಾಡಲಿಕ್ಕೆ ಗುರುವಾಯಿತ್ತು.
ಬಸವಣ್ಣ ಮಾಡಲಿಕ್ಕೆ ಲಿಂಗವಾಯಿತ್ತು.
ಬಸವಣ್ಣ ಮಾಡಲಿಕ್ಕೆ ಜಂಗಮವಾಯಿತ್ತು.
ಬಸವಣ್ಣ ಮಾಡಲಿಕ್ಕೆ ಪ್ರಸಾದವಾಯಿತ್ತು.
ಬಸವಣ್ಣ ಮಾಡಲಿಕ್ಕೆ ಈರೇಳುಲೋಕವಾಯಿತ್ತು.
ಬಸವಣ್ಣನಿಂದಾದ ಕಲಿದೇವಯ್ಯ.

ಎತ್ತೆತ್ತ ನೋಡಿದಡೆ ಅತ್ತತ್ತ ಬಸವನೆಂಬ ಬಳ್ಳಿ,
ಎತ್ತಿ ನೋಡಿದಡೆ ಲಿಂಗವೆಂಬ ಗೊಂಚಲು.
ಒತ್ತಿ ಹಿಂಡಿದಡೆ ಭಕ್ತಿ ಎಂಬ ರಸವಯ್ಯಾ.
ಆಯತ ಬಸವಣ್ಣನಿಂದ, ಸ್ವಾಯತ ಬಸವಣ್ಣನಿಂದ, ಸನ್ನಿಹಿತವು ಬಸವಣ್ಣನಿಂದ,
ಗುರು ಬಸವಣ್ಣನಿಂದ, ಲಿಂಗ ಬಸವಣ್ಣನಿಂದ, ಜಂಗಮವು ಬಸವಣ್ಣನಿಂದ,
ಪಾದೋದಕ ಬಸವಣ್ಣನಿಂದ,ಪ್ರಸಾದ ಬಸವಣ್ಣನಿಂದ
ಅತ್ತ ಬಲ್ಲಡೆ ನೀವು ಹೇಳಿರೇ, ಇತ್ತ ಬಲ್ಲಡೆ ನೀವು ಕೇಳಿರೇ
ಬಸವಾ ಬಸವಾ ಬಸವಾ ಎಂದು ಮಜ್ಜನಕ್ಕೆರೆಯದವನ ಭಕ್ತಿ,
ಶೂನ್ಯ ಕಾಣಾ, ಕಲಿದೇವರದೇವಾ.

ಎಲ್ಲೆಲ್ಲೂ ಬಸವಣ್ಣನವರ ಕೀರ್ತಿವಾರ್ತೆ ಕೇಳುತಲಿತ್ತು, ಕಳ್ಳರು ವ್ಯಸನಿಗಳು ಕೂಡ ತಮ್ಮ ವೃತ್ತಿಯನ್ನು ಬಿಟ್ಟು ಕಾಯಕ ಜೀವಿಗಳಾಗಿ ಶರಣರಾಗಿ ಅನುಭಾವಿಗಳಾದದ್ದು ಇತಿಹಾಸ,

ಹೀಗಿರುವಾಗ ವರ್ಣಾಶ್ರಮ ಪದ್ಧತಿಯನ್ನು ತೀವ್ರವಾಗಿ ಪ್ರತಿಪಾದಿಸುತ್ತಿದ್ದವರಿಗೆ ಹಿನ್ನಡೆಯಾಯ್ತು, ಅಣ್ಣಾಬಸವಣ್ಣನವರ ಮಾನವೀಯ ಮೌಲ್ಯಗಳ ತತ್ವ ಎಲ್ಲೆಡೆಯೂ ಪ್ರಬಲವಾಗಿ ಹಬ್ಬಿತು, ಹೀಗಿರುವಾಗ ಸಹಿಸಲಾಗದ ಕುತಂತ್ರಿಗಳು ಬಿಜ್ಜಳ ರಾಜನಿಗೆ ಬಸವಣ್ಣನವರ ಬಗ್ಗೆ ಛಾಡಿ ಹೇಳಿದರು, ರಾಜ ಬಿಜ್ಜಳನು ಅದನ್ನು ಒಪ್ಪಲಿಲ್ಲ, ರಾಜನು ಕೂಡ ಬಸವಣ್ಣನ ತತ್ವಕ್ಕೆ ಮಾರು ಹೋಗಿದ್ದ, ಬಸವಣ್ಣನವರ ಕಾಯಕ ತತ್ವದಿಂದ ಕಲ್ಯಾಣದಲ್ಲಿ ಅತ್ಯಧಿಕ ತೆರಿಗೆ ಸಂಗ್ರಹವಾಗಿತ್ತು, ದಾಸೋಹ ತತ್ವದಿಂದ ಕಲ್ಯಾಣ ಹಸಿವು ಮುಕ್ತ ರಾಷ್ಟ್ರವಾಗಿತ್ತು, ಕಲ್ಯಾಣವು ಬೇಡುವವರಿಲ್ಲದಂತಾಗಿತ್ತು, ಎಲ್ಲರೂ ಸ್ವಾಭಿಮಾನಿ ಕಾಯಕ ಜೀವಿಗಳೇ ದಾಸೋಹ ಪ್ರೇಮಿಗಳೇ ಆಗಿದ್ದರು ಹೀಗಿರುವಾಗ ತನ್ನ ಪ್ರಧಾನಮಂತ್ರಿಯಾದ ಬಸವಣ್ಣನವರ ಬಗ್ಗೆ ಮಹಾರಾಜನಾದ ಬಿಜ್ಜಳನು ಹೇಗೆತಾನೆ ಕ್ರಮ ಕೈಗೊಳ್ಳುತ್ತಾನೆ, ಹೀಗಿರುವಾಗ ಅಣ್ಣ ಬಸವಣ್ಣನವರು ಪಾದರಕ್ಷೆ ತಯಾರಿಸುವ ಹರಳಯ್ಯನವರ ಮನೆಯಲ್ಲಿ ಪ್ರಸಾದಕ್ಕೆ ಹೋಗಿದ್ದರು ಪ್ರಸಾದ ಮುಗಿಸಿಕೊಂಡು ಹೊರಡುವಾಗ ಹರಳಯ್ಯನವರು ಶರಣು ಎನ್ನೊಡೆಯ ಎಂದರೆ, ಬಸವಣ್ಣನವರು ಅದಕ್ಕೆ ಪ್ರತಿಯಾಗಿ ತಲೆಬಾಗಿ ಶರಣು ಶರಣಾರ್ಥಿ ಎಂದು ಎರಡು ಬಾರಿ ವಂದಿಸುತ್ತಾರೆ. ಆಗ ಹರಳಯ್ಯನವರು- ಬಸವಣ್ಣನವರು ತನಗೆ ತೋರಿದ ಅತೀವ ಗೌರವ, ಪ್ರೀತಿಗೆ ಮನಸೋತು ಹರಳಯ್ಯನವರು, ಹೆಚ್ಚಿನ ಶರಣಾರ್ಥಿಯ ಭಾರಕ್ಕೆ ಹೇಗೆ ಮರಳಿಸಬೇಕು ಪ್ರತಿ ವಂದಿಸಬೇಕೆಂದು ಚಿಂತಿಸುತ್ತಾ ಈ ಘಟನೆಯನ್ನು ತನ್ನ ಪತ್ನಿ ಕಲ್ಯಾಣಮ್ಮನ ಬಳಿ ಹೇಳಿದರು. ಬಸವಣ್ಣನವರ ಪ್ರೀತಿಗೆ ಏನಾದರೂ ಉಡುಗೊರೆ ಕೊಡಲೇ ಬೇಕೆಂದು ಕಲ್ಯಾಣಮ್ಮ ಚಿಂತಿಸಿ ತಮ್ಮ ತೊಡೆಯ ಚರ್ಮ ತೆಗೆದು ಚಮ್ಮಾವುಗೆ ಮಾಡಲು ಗಂಡನಿಗೆ ಹೇಳುತ್ತಾಳೆ. ಹರಳಯ್ಯರು ಇದಕ್ಕೆ ಒಪ್ಪಿಕೊಂಡು ಹಲವು ದಿನಗಳ ಕಾಲ ಹಗಲು ರಾತ್ರಿ ಶ್ರಮಿಸಿ ತನ್ನ ಹಾಗು ತನ್ನ ಪತ್ನಿಯ ಮೈ ಚರ್ಮವನ್ನು ತೆಗೆದು ಸುಂದರವಾದ ಒಂದು ಜೊತೆ ಪಾದರಕ್ಷೆಯನ್ನು ತಯಾರು ಮಾಡಿ,

ಅವುಗಳನ್ನು ಶ್ವೇತ ವಸ್ತ್ರದಲ್ಲಿ ಸುತ್ತಿ, ಎದೆಗವಚಿಕೊಂಡು ಆಸ್ಥಾನಕ್ಕೆ ತೆರಳಿ ಬಸವಣ್ಣನವರಿಗೆ ಕೊಟ್ಟು, ಇವುಗಳನ್ನು ಧರಿಸಿ ತಾವು ಈ ಧರೆಯ ಮೇಲೆ ಓಡಾಡಿದರೆ ನನ್ನ ಜನ್ಮ ಸಾರ್ಥಕ ಎಂದು ಹರಳಯ್ಯ ದಂಪತಿಗಳು ಬಸವಣ್ಣನವರಲ್ಲಿ ಭಿನ್ನವಿಸಿಕೊಳ್ಳುತ್ತಾರೆ. ಹರಳಯ್ಯನ ಪ್ರೀತಿ, ಕಂಡು ಅಚ್ಛರಿಗೊಳಗಾದ ಬಸವಣ್ಣನವರು, ಈ ಪಾದುಕೆಗಳನ್ನು ಕಾಲಲ್ಲಿ ಧರಿಸುವಷ್ಟು ಯೋಗ್ಯ ನಾನಲ್ಲ, ಶರಣರ ಚರ್ಮದಿಂದ ಮಾಡಿದ ಚಮ್ಮಾವುಗೆಗಳು ದೇವರಿಗೆ ಮಾತ್ರ ಮೀಸಲು ಎಂದು ತಿಳಿಸಿ,

ಅವುಗಳನ್ನು ತನ್ನ ಶಿರದ ಮೇಲೆ ಹೊತ್ತುಕೊಂಡು ಮರಳಿ ಕೊಡುತ್ತಾರೆ.

ಹರಳಯ್ಯ ಚಮ್ಮಾವುಗೆಗಳನ್ನು ಮನೆಗೆ ತೆಗೆದುಕೊಂಡು ಹೋಗುವಾಗ ಬ್ರಾಹ್ಮಣರಾದ ಮಧುವರಸರು ಎದುರಾಗಿ ಸುಂದರವಾದ ಚಮ್ಮಾವುಗೆ ನೋಡಿ ಕೇಳಿ, ಕೊಡದಿದ್ದಾಗ ಅವುಗಳನ್ನು ಕಸಿದುಕೊಂಡು ಧರಿಸಿಕೊಳ್ಳಲು ಪ್ರಯತ್ನಿಸಿದಾಗ ಅವರ ಮೈಯಲ್ಲಾ ಉರಿ ಪ್ರಾರಂಭವಾಗುತ್ತದೆ. ಹರಳಯ್ಯನವರ ಮನೆಯ ಚರ್ಮ ತೊಳೆದ ನೀರಿನಿಂದ ಸ್ನಾನ ಮಾಡಿದಾಗ ಮೈ ಉರಿ ಕಡಿಮೆಯಾಯಿತು. ಈ ಘಟನೆಯಿಂದ ಶರಣರ ಮಹತ್ವವನ್ನು ಅರಿತ ಮಧುವರಸರು ಇಷ್ಟಲಿಂಗ ದೀಕ್ಷೆ ಪಡೆದು ಶರಣರಾದರು.

ಸಮಗಾರ ಹರಳಯ್ಯನವರು ಮತ್ತು ಬ್ರಾಹ್ಮಣ ಮಧುವರಸರು ಇಷ್ಟಲಿಂಗ ದೀಕ್ಷೆ ಪಡೆದ ಕಾರಣ ಜಾತಿಸಂಕರಗೊಂಡು ಬಸವಣ್ಣನವರ ಜಾತ್ಯತೀತ ಧರ್ಮವಾದ ಲಿಂಗವಂತ ಧರ್ಮದ ಭಾಗವಾದರು. ನಡೆ ನುಡಿ ಸಿದ್ಧಾಂತದ ಶರಣರು ’ಜಾತಿ ನಿರರ್ಥಕ, ನೀತಿ ಲೋಕರಕ್ಷಕ’ ಎಂಬ ತತ್ತ್ವದಲ್ಲಿ ನಂಬಿಕೆ ಇಟ್ಟವರಾಗಿದ್ದರು. ಪ್ರತಿಯೊಬ್ಬರು ಸಕಲ ಜೀವಾತ್ಮರಿಗೆ ಲೇಸನೇ ಬಯಸುವ ನೀತಿವಂತರಾದಾಗ ಅವರ ವರ್ಣ, ಜಾತಿ ಮತ್ತು ಉಪಜಾತಿಗಳು ನಿರ್ನಾಮವಾಗಿ ಕೇವಲ ಶರಣರಾದರು. ಜಾತಿ ಮತ್ತು ಅಸ್ಪೃಶ್ಯತೆಯ ವಿಷವನ್ನು ನಮ್ಮ ಸಮಾಜದಿಂದ ಹೊರಹಾಕಿ ಎಲ್ಲರೀತಿಯ ಸಮಾನತೆಯನ್ನು ಸಾಧಿಸುವುದು ಶರಣರ ಉದ್ದೇಶವಾಗಿತ್ತು. ಇಂಥ ಘನ ಉದ್ದೇಶದಿಂದಲೇ ಹರಳಯ್ಯ ಮತ್ತು ಮಧುವರಸರ ಮಕ್ಕಳ ಮದುವೆಯನ್ನು ಶರಣರು ಏರ್ಪಡಿಸಿದರು. ವರ್ಣ ಮತ್ತು ಜಾತಿಪದ್ಧತಿಯ ಮೇಲೆ ನಿಂತ ಮನುಧರ್ಮದ ಸಮಾಜಕ್ಕೆ ದೊಡ್ಡ ಸವಾಲು ಒಡ್ಡಿ ಸಮಾನತೆಯ ಕ್ರಾಂತಿ ಕಹಳೆಯನ್ನು ಊದಿದರು. ಹರಳಯ್ಯನವರ ಮಗ ಶೀಲವಂತನ ಜೊತೆ ಮಧುವರಸರ ಮಗಳು ಲಾವಣ್ಯಳ ಮದುವೆ ಆಯಿತು.

ಆದರೆ ಮನುವಾದಿಗಳು ರೊಚ್ಚಿಗೆದ್ದರು. ಸಮಗಾರ ವರನಿಗೆ ಬ್ರಾಹ್ಮಣ ಕನ್ಯೆಯನ್ನು ಕೊಡುವುದು ಧರ್ಮಬಾಹಿರವಾದ ಅನುಲೋಮ ವಿವಾಹ ಎಂದು ಕಲ್ಯಾಣದ ದೊರೆ ಬಿಜ್ಜಳನ ಕಿವಿ ಚುಚ್ಚಿದರು. ಶರಣರು ಸಾವು ನೋವು ಮತ್ತು ಕಷ್ಟ ನಷ್ಟಗಳನ್ನು ಅನುಭವಿಸದರೂ ತಮ್ಮ ನಡೆ ನುಡಿ ಸಿದ್ಧಾಂತವನ್ನು ಬಿಡದೆ ಅದಕ್ಕಾಗಿ ಅವರು ಎಂಥ ತ್ಯಾಗಕ್ಕೂ ಸಿದ್ಧರಾದರು. ಅದಕ್ಕಾಗಿ ನಾಡು ಎಂದೂ ಕಂಡರಿಯದಂಥ ದುರಂತವನ್ನು ಅನುಭವಿಸಿದರು.

ಕಣ್ಣು ಕೀಳಿಸಿಕೊಂಡು,

ಎಳೆಹೂಟ್ಟೆ ಶಿಕ್ಷೆ ಅನುಭವಿಸಿದ ಹರಳಯ್ಯ, ಶೀಲವಂತ ಮತ್ತು ಮಧುವರಸರು ಹುತಾತ್ಮರಾದರು. ಮನುವಾದಿ ಭಯೋತ್ಪಾದಕರಿಂದಾಗಿ ಕಲ್ಯಾಣದಲ್ಲಿ ಅಸಂಖ್ಯಾತ ಶರಣರ ಹತ್ಯಾಕಾಂಡವಾಯಿತು. ಶರಣರ ಸಹಸ್ರಾರು ವಚನ ಕಟ್ಟುಗಳನ್ನು ವೈದಿಕಶಕ್ತಿಗಳು ಸುಟ್ಟು ಹಾಕಿದವು, ಸಹಸ್ರಾರು ವಚನಕಟ್ಟುಗಳು ಬೆಂಕಿಗೆ ಆಹುತಿಯಾದವು. ಸಕಲ ಮಾನವರನ್ನು ವಿಮೋಚನೆಗೊಳಿಸುವಂಥ ವಚನಸಾಹಿತ್ಯವನ್ನು ಶರಣರನ್ನು ಮನುವಾದಿಗಳು ಸಂಪ್ರದಾಯವಾದಿಗಳು ಕಂಡಲ್ಲಿ ನಾಶ ಮಾಡ ತೋಡಗಿದರು. ಶರಣರು ಮತ್ತು ಬಿಜ್ಜಳನ ಸೈನಿಕರ ನಡುವೆ ವಚನ ಸಾಹಿತ್ಯಕ್ಕಾಗಿ ಹೋರಾಟ ನಡೆಯಿತು, ನಂತರ ನಡೆದ ದಂಗೆಯಿಂದ ಕೊಂಡೆ ಮಂಚಣ್ಣನ ಕಡೆಯಿಂದ ಬಿಜ್ಜಳನು ಕೊಲ್ಲಲ್ಪಡುತ್ತಾನೆ. ಆಗ ಬಿಜ್ಜಳನ ಮಗನ ಅಧಿಕಾರದಲ್ಲಿ ೧೨ನೇ ಶತಮಾನದ ಕಲ್ಯಾಣ ಕ್ರಾಂತಿಯಾಗುತ್ತದೆ , ಅವರ ಸೈನ್ಯ ಶಸ್ತ್ರಾಸ್ತ್ರಗಳಿಂದ ಶರಣರ ಮೇಲೆ ದಾಳಿ ಮಾಡಿದರು ಕೂಡ ಶರಣರು ಅಹಿಂಸಾ ವಾದಿಗಳಾಗಿ ಪ್ರತಿಕೋಧ ವ್ಯಕ್ತಪಡಿಸಿದರೂ ಶಸ್ತ್ರಾಸ್ತ್ರ ಬಳಸದೇ ಪ್ರಾಣ ತ್ಯಾಗ ಮಾಡಿದರು ಶರಣರು, ಈ ಅನಿರೀಕ್ಷಿತ ಕ್ರಾಂತಿಯಿಂದ ಶರಣರು ಚೆಲ್ಲಾಪಿಲ್ಲಿಯಾಗುತ್ತಾರೆ. ಬಸವಣ್ಣನವರಿಗೆ ಗಡಿಪಾರು ಶಿಕ್ಷೆ ವಿಧಿಸವಾಗುತ್ತದೆ, ರಾಜನಿಗಿಂತ ಜನಪ್ರಿಯರಾದ ಬಸವಣ್ಣನವರು ಹಗಲು ಕಲ್ಯಾಣ ತೊರೆದರೆ ಪ್ರಜೆಗಳೆಲ್ಲ ದಂಗೆ ಏಳುತ್ತಾರೆ ಎಂದು,

ಮಧ್ಯೆರಾತ್ರಿ 12ಕ್ಕೆ ಬಸವಣ್ಣನವರನ್ನು ಗಡಿಪಾರು ಮಾಡಲಾಗುತ್ತದೆ, ಎಲ್ಲಾ ಇದ್ದರೂ ರಾಜಾಜ್ಞೆ ಮೀರದೆ ಕೂಡಲಸಂಗಮದತ್ತ ತೆರಳಲು ಸಿದ್ಧರಾದ ಬಸವಣ್ಣನವರನ್ನು ಕಂಡು ವೀರಗಣಾಚಾರಿ ಮಾಚಯ್ಯನವರು ಹೇಳುತ್ತಾರೆ, ಅಣ್ಣ ನೀವು ಒಂದು ಮಾತು ಹೇಳಿದರೆ ನನ್ನ ಗಣಾಚಾರದ ಖಡ್ಗದಿಂದ ಕಲ್ಯಾಣದ ಸೈನ್ಯವನ್ನೆಲ್ಲ ನಿರ್ನಾಮ ಮಾಡುತ್ತೇನೆ ಎಂದರು, ಇದಕ್ಕೆ ಒಪ್ಪದ ಬಸವಣ್ಣ ಬೇಡ ಮಾಚಿದೇವರೆ ಈ ಕ್ರಾಂತಿ ಶರಣರ ಸಮಾನತೆಯ ಅಸ್ಮಿತೆಯ ಕ್ರಾಂತಿಯಾಗಬೇಕೆ ವಿನಃ ರಕ್ತ ಕ್ರಾಂತಿಯಾಗಿ ಶರಣರನ್ನು ಗುರುತಿಸುವುದು ಬೇಡ ಎಂದರು, ಆಗ ಬಸವಣ್ಣನವರು ಕೂಡಲಸಂಗಮಕ್ಕೆ ಹೋದರು, ನಂತರ ನಡೆದದ್ದೇ ಬೇರೆ, ಕಲ್ಯಾಣದ ಕ್ರಾಂತಿಯು ಶರಣರ ರಕ್ತದಲ್ಲಿ ಕೊನೆಗೊಂಡಿತು, ಕಲ್ಯಾಣ ಕ್ರಾಂತಿ ಸಾಮಾಜಿಕ ಆರ್ಥಿಕ ಸಾಹಿತಿಕ ವೈಚಾರಿಕ ಹೀಗೆ ಎಲ್ಲಾ ಕ್ರಾಂತಿಗಳನ್ನು ಮಾಡಿ ಸಮಗ್ರ ಕ್ರಾಂತಿಯ ಅಂತ್ಯಕ್ಕೆ ರಕ್ತ ಕ್ರಾಂತಿಗೂ ದಾರಿಯಾಯಿತು. ಕಲ್ಯಾಣದಿ೦ದ ಉಳವಿಯ ಮಾರ್ಗದವರೆಗೆ ಹೊರಟಿದ್ದ ಅನೇಕ ಶರಣ-ಶರಣೆಯರು ತಮ್ಮ ತಲೆಯ ಮೇಲೆ ವಚನ ಕಟ್ಟುಗಳನ್ನು ಹೊತ್ತು, ಕಲ್ಲು ಮುಳ್ಳುಗಳ ಹಾದಿಯಲ್ಲಿ ನಡೆದರು, ಗುಡ್ಡ ಬೆಟ್ಟ ದಟ್ಟಾರಣ್ಯದಲ್ಲಿ ಮುನ್ನುಗ್ಗಿದರು, ಶರಣರಿಗೆ ಕಾಡು ಪ್ರಾಣಿಗಳಿಂದ ತೊಂದರೆ ಆಗಲ್ಲಿಲ್ಲ, ನಾಡಿನ ಕಾಡುವ ಪ್ರಾಣಿಗಳಿಂದ ತುಂಬಾ ಸಾವು ನೋವು ಅನುಭವಿಸಿದರು. ಶರಣ-ಶರಣೆಯರು ಬಿಜ್ಜಳನ ಮಗ ಸೋವಿದೇವನನ್ನು ಎದುರಿಸುತ್ತ ಪ್ರತಿರೋಧ ಒಡ್ಡಿ ಶರಣರ ಅಮೂಲ್ಯ ಸಾಹಿತ್ಯ ವಚನಗಳನ್ನು ಹೊತ್ತು ಅವರೊಂದಿಗೆ ಸೆಣಸಾಡಿ ನಡೆದ ಐತಿಹಾಸಿಕ ರಕ್ತ ಸಿಕ್ತ ಕ್ರಾಂತಿಯಲ್ಲಿ ಶರಣರು ಕಲ್ಯಾಣ ತೊರೆದು ಮೂರು ತಂಡಗಳಾಗಿ ಬೇರೆ ಬೇರೆ ಕಡೆಗೆ ಹೊರಟರು ಅಲ್ಲಮ ಪ್ರಭು ಶ್ರೀಶೈಲ ಕಡೆಗೆ, ಸಿದ್ಧರಾಮ, ಉರಲಿಂಗ ಪೆದ್ಧಿ ಸೊಲಾಪೂರ, ಲಾತುರ ಕಡೆಗೆ ಇನ್ನು ಅನೇಕ ಶರಣರು ಯುವ ಕಣ್ಮಣಿ ಚೆನ್ನಬಸವಣ್ಣನವರ ನೇತ್ರತ್ವದಲ್ಲಿ ಉಳವಿಯ ಮಾರ್ಗಕ್ಕೆ ಹೊರಟರು

ಬೆಳಗಾವಿ ಜಿಲ್ಲೆ ಕಲ್ಯಾಣ ಕ್ರಾಂತಿಯ ರಕ್ತದ ಕಲೆಗಳನ್ನು ಈಗಲೂ ಗುರುತಿಸ ಬಹುದಾದ ಭೂ ಪ್ರದೇಶ 'ಖಾನಾಪುರ ಉಳವಿ' ಇದು ಕದ೦ಬರ ಆಡಳಿತಕ್ಕೆ ಒಳಪಟ್ಟಿತ್ತು. ಕದ೦ಬರ ವಿಕ್ರಮಾದಿತ್ಯ , ಕಲಚೂರ್ಯರ ನೂರ್ಮಡಿ ತೈಲಪ ಅರಸನ ದಾಯಾದಿಗಳು. ಬಿಜ್ಜಳನ ವಿರುದ್ಧ ಕದ0ಬರು ಶರಣರಿಗೆ ಆಶ್ರಯ ನೀಡಲು ಯೋಚಿಸಿದರು. ಹಿರೆಬಾಗೆವಾಡಿ, ಚಿಕ್ಕ ಬಾಗೇವಾಡಿ, ಮುರಗೋಡ , ಹುಣಶಿಕಟ್ಟಿ, ಮುರಗೋಡ , ಕಾದ್ರೋಳಿ, ಜಗಳ ಬೆಟ್ಟ, ಲಿಂಗನಮಠ , ಹೆಣ ಕೊಳ್ಳ ದಾಟಿ ಕೊನೆಗೆ ಉಳವಿಗೆ ಒಂದು ತಂಡ ಹೋಯಿತು. ಮುರಗೋಡದಲ್ಲಿ ಅರಿವಿನ ಮಾರಿ ತಂದೆಯ ಸಮಾಧಿ ಮತ್ತು ೨೦೦ ಶರಣರ ಅಜ್ಞಾತ ವಚನಕಾರರ ಸಮಾಧಿಗಳಿವೆ. ಮುರುಗೋಡ- ಇದು ಉಳವಿಯ ಹೆಬ್ಬಾಗಿಲು. ಚೆನ್ನ ಬಸವಣ್ಣನ ಸಹಾಯಕ ರುದ್ರಮುನಿ ದೇವ ಹುಣಸಿಕಟ್ಟಿಯಲ್ಲಿ ಐಕ್ಯನಾಗುತ್ತಾರೆ. ಕಾದ್ರೋಳಿಯಲ್ಲಿ ರಣಭೀಕರ ಯುದ್ಧವಾಗುತ್ತದೆ. ಕಾದಹಳ್ಳಿ ಯುದ್ಧ ಮಾಡಿದ ಹಳ್ಳಿ ಕಾದ್ರೋಳಿ . ಇಲ್ಲಿಯೇ ಮುಗುಟಖಾನ ಹುಬ್ಬಳ್ಳಿಯಲ್ಲಿ ಗಂಗಾಂಬಿಕೆ ಮತ್ತು ಬಾಲ ಸಂಗಯ್ಯನವರ ಸಮಾಧಿ ಇದೆ. ತಿಗಡಿಯಲ್ಲಿ ಹರಳಯ್ಯನವರ ಪತ್ನಿ ಕಲ್ಯಾಣಮ್ಮನವರ ಸಮಾಧಿ . ಕಕ್ಕೆರಿಯಲ್ಲಿ ಬಿಷ್ಟಾದೆವಿ ಹಾಗು ಕಕ್ಕಯನವರ ಸಮಾಧಿ . ಒಂದು ತಂಡ ಕಕ್ಕೇರಿ ಲಿಂಗನ ಮಠ ಮಾರ್ಗವಾಗಿ ಉಳವಿಗೆ ಹೋದರು. ಕೂಗು ಮಾರಿಯ ತಂದೆಯ ಕೂಗು ಮೈಲು ಮೈಲು ದೂರದ ಶರಣರ ಬಿಡಾರಗಳಿಗೆ ಕೇಳುತಿತ್ತು. ಕಾದ್ರೋಳಿಯ ಯುದ್ಧ ನಂತರ ಮಡಿವಾಳಯ್ಯ ಮುರಗೋಡದಲ್ಲಿ ಯುದ್ಧ ಮಾಡಿ ಅಲ್ಲಿಯೇ ಖಡ್ಗ ತೊಳೆಯುತ್ತಾನೆ, ಅದುವೇ ಕೆಂಗೇರಿ ಕೆಂಪಾದ ಕೆರೆ . ಮುಂದೆ ಕೆಲ ಶರಣರು ತೊರಗಲ್ಲ ಮುನವಳ್ಳಿ ಸವದತ್ತಿ ಹುಬ್ಬಳ್ಳಿ ಧಾರವಾಡ ಉಣಕಲ್ಲಕೆರೆ ಅಲ್ಲಿಯೇ ಚೆನ್ನಬಸವಣ್ಣ ಕೆಲ ಕಾಲ ತಂಗಿದ್ದರು. ನಂತರ ಅಲ್ಲಿಂದ ಒಂದು ತಂಡ ಹಳಿಯಾಳ ಮಾರ್ಗವಾಗಿ ಉಳವಿಗೆ ತಲುಪಿದರು. ಹುಬ್ಬಳಿಯಲ್ಲಿ ೩೦೦೦ ಸಾವಿರ ಶರಣರು ವಾಸ್ತವವಾಗಿದ್ದರು... ಹೀಗಾಗಿ ಅಲ್ಲಿ ಮೂರು ಸಾವಿರ ಮಠ ಮುಂದೆ ಚಾಲ್ತಿಗೆ ಬಂತು. ಅಲ್ಲಿಂದ ಅಕ್ಕ ನಾಗಮ್ಮ ಎಣ್ಣೆ ಹೊಳೆ , ಅಂಬಿಗರ ಚೌಡಯ್ಯನವರು ಚೌಡಯ್ಯದಾನಪುರದಲ್ಲಿ ಐಕ್ಯ ರಾಗುತ್ತಾರೆ. ಸಾವಿರಾರು ಶರಣರು ಕಲ್ಯಾಣದಿಂದ ಹೊರಟಿದ್ದರು ಕೊನೆಗೆ ಉಳವಿಯಲ್ಲಿ ಉಳಿದದ್ದು ಕೇವಲ ಬರಿ ನೂರು ಇನ್ನೂರು ಜನರು ಮಾತ್ರ . ಉಳವಿಯಿಂದಾ ೫ ಕಿಮಿ ದೂರದಲ್ಲಿ ಹೆಣಕೊಳ್ಳದ ಹತ್ತಿರ ಅನೇಕ ಶರಣರು ಸಾಯುತ್ತಾರೆ. ಆಗ ಅಲ್ಲಿದ್ದ ಕಂದಕಕ್ಕೆ ಅವರನ್ನು ತಳ್ಳುತ್ತಾರೆ ಅದಕ್ಕೆ ಅದನ್ನು ಹೆಣಕೊಳ್ಳ ಎಂದು ಕರೆಯುತ್ತಾರೆ. ಎಚ್ಚರಕಾಯಕದ ರಾಮಿ ತಂದೆ ,ಎತ್ತಿನ ಕಾಯಕದ ಬಸಪ್ಪ ಮತ್ತು ಕೆಲ ಶರಣರು ಉಳವಿಯಲ್ಲಿ ಉಳಿಯುತ್ತಾರೆ, ಚಿನ್ಮಯಜ್ಞಾನಿ ಚೆನ್ನಬಸವಣ್ಣನವರು ತಮ್ಮ 24ನೇ ವಯಸ್ಯಿನಲ್ಲಿ ಉಳವಿಯಲ್ಲಿ ಐಕ್ಯರಾಗುತ್ತರೆ. ಈ ಕ್ರಾಂತಿಯು ಹೆಣ್ಣು_ಹೊನ್ನು_ಮಣ್ಣಿಗಾಗಿ ನೆಡೆದ ಕ್ರಾಂತಿಯಲ್ಲ, ಮಾನವೀಯತೆ ಸಮಾನತೆಯ ಅಸ್ಮಿತೆಗಾಗಿ ಲೋಕೋದ್ಧಾರಕ್ಕಾಗಿ ನಡೆದ ಜಗತ್ತಿನ ಬಹುದೊಡ್ಡ ಕ್ರಾಂತಿ ಇದಾಗಿದೆ, ವಿಶ್ವದಲ್ಲೇ ಮೊಟ್ಟಮೊದಲ ಸಂಸತ್ತು ಅನುಭವ ಮಂಟಪ ನಿರ್ಮಿಸಿ, ಸರ್ವರಿಗೂ ಸಮಾನತೆ ನೀಡಿದ ನಮ್ಮೆಲ್ಲರ ಅಭಿವ್ಯಕ್ತಿ ಸ್ವಾತಂತ್ರ್ಯಕ್ಕಾಗಿ ಮೂಲಭೂತ ಹಕ್ಕಿಗಾಗಿ ಮಾನವ ಸಂಕುಲಕ್ಕಾಗಿ ಶರಣರು ನೆತ್ತರು ಚೆಲ್ಲಿದರೂ ವಚನ ಸಾಹಿತ್ಯವನ್ನು ಉಳಿಸಿದರು, ಶರಣರು ತಮ್ಮ ಪ್ರಾಣ ಬಿಟ್ಟರೇ ವಿನಃ ತಲೆ ಮೇಲೆ ಹೊತ್ತ ವಚನಗಳ ಕಟ್ಟನ್ನು ಬಿಡಲಿಲ್ಲ, ರಕ್ತಸಿಕ್ತರಾಗಿ ಪ್ರಾಣ ಬಿಟ್ಟರು, ಅವರು ಬಿಟ್ಟ ಪ್ರಾಣ ಇಂದು ವಚನ ಸಾಹಿತ್ಯದಲ್ಲಿದೆ, ಅದನ್ನು ಓದಿದರೆ, ನಮಗಾಗಿ ಪ್ರಾಣತ್ಯಾಗ ಮಾಡಿದ ಶರಣರನ್ನು ಸ್ಮರಿಸಿದಂತೆ, ವಚನಗಳನ್ನು ಓದಿ_ಅನುಸರಿಸಿದರೆ ಆ ರಕ್ತಸಿಕ್ತ ಕ್ರಾಂತಿಯಲ್ಲಿ ಮಡಿದ ಶರಣರನ್ನು ಗೌರವಿಸಿದಂತೆ,.

ಜಗಜ್ಯೋತಿ ಬಸವಣ್ಣನವರ ಹಾಗೂ ಅಸಂಖ್ಯಾತ ಶರಣರು ಮಡಿದ ಕಲ್ಯಾಣ ಕ್ರಾಂತಿಯು ಈ ಇಡೀ ಜಗತ್ತು ಕಂಡ ಕಾರಳತೆ ಸಾಕ್ಷಿಯಾಗಿದೆ,ಹಾಗು ಮನುಕುಲಕ್ಕಾಗಿ ನಡೆದ ಸಾಮಾಜಿಕ ನ್ಯಾಯದ ಶ್ರೇಷ್ಠ ಕ್ರಾಂತಿಯಾಗಿ ಇತಿಹಾಸದ ಪುಟಗಳಲ್ಲಿ ಅಚ್ಚಳಿಯದೇ ಉಳಿದಿದೆ, ದಯವೇ ಧರ್ಮದ ಮೂಲವೆಂದ ಸಮಾಜಿಕ ನ್ಯಾಯದ ಹರಿಕಾರರಾದ ವಿಶ್ವಗುರು ಬಸವಣ್ಣನವರನ್ನೇ ಗಡಿಪಾರು ಮಾಡಿ, ಶರಣರನ್ನು ಬೀಕರವಾಗಿ ಕೊಂದ ಕರಾಳ ಸತ್ಯವೂ ಈ ನೆಲದಲ್ಲಿ ಹುದುಗಿ ಹೋಗಿದೆ,

ಮರಣಕ್ಕೂ ಮುನ್ನ ಬಸವಣ್ಣನವರು ಕಲ್ಯಾಣದಲ್ಲಿ ನಡೆದ ಕ್ರೌರ್ಯವನ್ನು ಈ ಕೆಳಗಿನ ವಚನದಲ್ಲಿ ಹೇಳುತ್ತಾರೆ,

ನಾನು ಬಂದ ಕಾರ್ಯಕ್ಕೆ ನೀವು ಬಂದಿರಯ್ಯ ನೀವು ಬಂದ ಕಾರ್ಯಕ್ಕೆ ನಾನು ಬಂದೆನಯ್ಯ
ನಾನು ನೀವು ಬಂದ ಕಾರ್ಯಕ್ಕೆ ಪ್ರಭುದೇವರು ಬಂದರಯ್ಯಾ, ಕಲ್ಯಾಣವೆಂಬುದು ಪ್ರಣತೆಯಾಗಿತ್ತು ನಾನು ತೈಲವಾದೆನು ನೀವು ಬತ್ತಿಯಾದಿರಿ
ಪ್ರಭುದೇವರು ಜ್ಯೋತಿಯಾದರು ಪ್ರಣತೆ ಒಡೆದಿತ್ತು ತೈಲ ಚೆಲ್ಲಿತ್ತು ಬತ್ತಿ ಬಿದ್ದಿತ್ತು ಜ್ಯೋತಿ ನಂದಿತ್ತಯ್ಯಾ ನಮ್ಮ ಕೂಡಲಸಂಗನ ಶರಣರ ಮನ ನೊಂದಿತ್ತಯ್ಯಾ.

ಇವೆಲ್ಲವನ್ನೂ ಕಂಡ ಈ ನಾಡು, ಬಿಕ್ಕಿ ಬಿಕ್ಕಿ ಅತ್ತಿದೆ, ಕಣ್ಣೀರು ಬತ್ತಿ ಕಣ್ಣಲ್ಲಿ ರಕ್ತವೇ ಹರಿದಿದೆ, ನೊಂದ ಜೀವಗಳ ಆರ್ಥನಾದ ಮುಗಿಲು ಮುಟ್ಟಿದೆ, ರಕ್ತಸಿಕ್ತ ಕಲ್ಯಾಣವು ಸ್ಮಶಾನವಾಗಿ ಬದುಕುಳಿದವರಿಗೆ ರಣಭೀಕರ ನೋವನ್ನುಂಟು ಮಾಡಿದೆ, ಇದೆಲ್ಲವನ್ನೂ ಕಣ್ಣಾರೆ ಕಂಡ ಮೋಳಿಗೆ ಮಾರಯ್ಯನವರು ನೊಂದು ನುಡಿದ ವಚನ-

ಊರು ಕೆಟ್ಟು ಸೂರೆಯಾಡುವಲ್ಲಿ ಆರಿಗಾರೂ ಇಲ್ಲ. ಬಸವಣ್ಣ ಸಂಗಮಕ್ಕೆ, ಚನ್ನಬಸವಣ್ಣ ಉಳುವೆಗೆ, ಪ್ರಭು ಕದಳಿಗೆ, ಮಿಕ್ಕಾದ ಪ್ರಮಥರೆಲ್ಲರೂ ತಮ್ಮ ತಮ್ಮ ಲಕ್ಷಭಾವಕ್ಕೆ ಮುಕ್ತಿಯನೆಯ್ದಿಹರು. ನನಗೊಂದು ಬಟ್ಟೆಯ ಹೇಳಾ, ನಿಃಕಳಂಕ ಮಲ್ಲಿಕಾರ್ಜುನಾ.

ಚೆಲ್ಲಾಪಿಲ್ಲಿ ಕಲ್ಯಾಣ, ಎಲ್ಲೆಲ್ಲೂ ಚೆಲ್ಲಿದ ರಕ್ತ, ಎಲ್ಲರಲ್ಲೂ ಮಡುಗಟ್ಟಿದ ಶೋಕ, ಬಿಕ್ಕಿ ಬಿಕ್ಕಿ ಅಳುತ್ತಿದೆ ಕಲ್ಯಾಣ, ಕಣ್ಣೀರೊರೆಸುವ ಬಸವನ ಕಳೆದುಕೊಂಡು ಅನಾಥವಾಗಿದೆ ಕಲ್ಯಾಣ, ನೋವಲ್ಲಿ ಬಿದ್ದು ಒದ್ದಾಡುತ್ತಿದೆ ಕಲ್ಯಾಣ, ನೊಂದರ ಬೆಂದವರ ಸಾತ್ವನಿಸುವ ಬಸವಪ್ಪನ ಕಳೆದುಕೊಂಡು, ಎದೆ-ಎದೆ ಬಡೆದುಕೊಂಡು ನೆಲ್ಲಕ್ಕೆ ಬಿದ್ದು ಒದ್ದಾಡುತ್ತಿದ್ದಾರೆ ಅನುಯಾಯಿಗಳು, ದಿಕ್ಕಾಪಾಲಗಿ ಹರಿದು ಹಂಚಿ ಹೋಗಿವೆ ವಚನಗಳು,. ಇಂದು ಮರಳಿ ನಮ್ಮೆಲ್ಲರ ಕೈಯಲ್ಲಿ ವಚನಗಳು ಸಿಕ್ಕಿವೆ ಅವುಗಳ ಅಸ್ಮಿತೆಯಲ್ಲಿ ಬಸವಣ್ಣನಿದ್ದಾನೆ, ಅಲ್ಲಮ, ಸಿದ್ಧರಾಮ, ಚೆನ್ನಬಸವಣ್ಣ, ಅಕ್ಕಮಹಾದೇವಿ, ಅಕ್ಕನಾಗಾಯಿ, ಎಲ್ಲರೂ ವಚನಗಳಲ್ಲಿ ಜೀವಂತವಾಗಿದ್ದಾರೆ, ಮರಳಿ ಅವರ ತತ್ವಗಳನ್ನು ಅನುಷ್ಠಾನಕ್ಕೆ ತರುವುದೇ ನಮ್ಮೆಲ್ಲರ ಗುರಿಯಾಗಬೇಕಿದೆ, ನನ್ನ ಅಪ್ರಮಾಣ ಚಿನ್ಮಯಲಿಂಗನ ಸಾಕ್ಷಿಗೂ ಎಂದಿಗೂ ಶರಣರ ತ್ಯಾಗ ಬಲಿದಾನ ವ್ಯರ್ಥವಾಗದು, ಅವರ ತತ್ವಗಳು ಇಂದಲ್ಲ ನಾಳೆ ಜಗತ್ತಿನಾದ್ಯಂತ ವಿಸ್ತರಿಸಲಿವೆ, ಜಗತ್ತಿಗೆ ಅವರ ವಚನಗಳೇ ಆದರ್ಶವಾಗಲಿವೆ, ಜಗತ್ತಿಗೆ ಬಸವಣ್ಣನ ಕಲ್ಯಾಣವೇ ಮಾದರಿಯಾಗಲಿದೆ, ಜಗವೇ ಕಲ್ಯಾಣವಾಗಲಿದೆ,.

ಮತ್ತೆ ಮೆರೆಲಿದೆ ಕಲ್ಯಾಣ ಇಂದಲ್ಲ ನಾಳೆ, ಇದು ಸತ್ಯ, ಇದು ಸತ್ಯ, ಇದು ಸತ್ಯ,.👏🏻👏🏻👏🏻

ಕಲ್ಯಾಣದ ಶರಣರ ನೆನಹಿನಲ್ಲಿ,.

✍🏾-;ಲೇಖನ- #ಲೋಕೇಶ್_ಎನ್_ಮಾನ್ವಿ,.

-9972536176

ಈ ಲೇಖನವನ್ನು ಓದಿದ ಎಲ್ಲರಿಗೂ ಧನ್ಯವಾದಗಳು ,..🙏🏻❤️

ಆದಷ್ಟು ನಿಮ್ಮೆಲ್ಲ ಸ್ನೇಹಿತರಿಗೆ ಶೇರ್ ಮಾಡಿ ಹಂಚಿಕೊಳ್ಳಿ,…🙏🏻🙏🏻

‘ಗುರುವಿಲ್ಲದ ಗುಡ್ಡ ಬಸವಣ್ಣ’ ವಿಶ್ಲೇಷಣೆ- ಲೋಕೇಶ್ _ಎನ್_ಮಾನ್ವಿ.

2022-05-31T20:27:00.009+05:30

ಅಣ್ಣ ಬಸವಣ್ಣನವರ ವಚನದಲ್ಲಿ ‘ಗುರು’

ಎನ್ನ ಗುರು ಪರಮಗುರು ನೀವೆ ಕಂಡಯ್ಯ,

ಎನ್ನ ಗತಿಮತಿ ನೀವೆ ಕಂಡಯ್ಯ,

ಎನ್ನ ಅರಿವಿನ ಜ್ಯೋತಿ ನೀವೆ ಕಂಡಯ್ಯ,

ಎನ್ನಂತರಂಗ ಬಹಿರಂಗದ ಮಹವು ನೀವೆ ಕಂಡಯ್ಯ.

ಕೂಡಲಸಂಗಮದೇವಾ,

ನೀವೆನಗೆ ಗುರು, ನಾ ನಿಮಗೆ ಶಿಷ್ಯನೆಂಬುದನು

ನಿಮ್ಮ ಶರಣ ಸಿದ್ಧರಾಮಯ್ಯದೇವರೆ ಬಲ್ಲರು.

-; #ವಿಶ್ವಗುರು_ಬಸವಣ್ಣನವರು.

ಭಾವಾರ್ಥ-

ಲಿಂಗಾಯತ ಧರ್ಮದಲ್ಲಿ ಅಷ್ಟಾವರಣ ಎಂಟು ಆವರಣಗಳು ಪ್ರಮುಖವಾಗಿವೆ,

ಇದರಲ್ಲಿ ಮೊದಲನೆಯದು ‘ಗುರು’

ಪರಮ ಜ್ಞಾನಿಗೆ ತನ್ನ ಅರಿವೇ ಗುರು, ಸಾಧಕನಿಗೆ ತನ್ನ ನಿಜದ ನಿಲುವನ್ನು ತೋರಬಲ್ಲವನೇ ಗುರು,

ಇನ್ನು ಬಸವಣ್ಣನವರಿಗೆ ಯಾರು ಗುರು..? ಎಂದರೆ ತನ್ನರಿವೇ ಗುರು, ಗುರುವಿಲ್ಲದ ಗುಡ್ಡ ಬಸವಣ್ಣ, ಜಗತ್ ಗುರುವಾದ ಬಸವಣ್ಣ,

ತನಗೆ ಯಾರು ಗುರು ಎಂಬುದನ್ನು ಮೇಲಿನ ವಚನದಲ್ಲಿ ಹೇಳಿದ್ದಾರೆ,.

‘ಎನ್ನ ಗುರು ಪರಮಗುರು ನೀವೆ ಕಂಡಯ್ಯಾ’

ಇಲ್ಲಿ ಬಸವಣ್ಣನವರು ತಮ್ಮ ಗುರು ಪರಮಗುರು ಯಾರೆಂದರೆ ಕೂಡಲಸಂಗಮದೇವನಿಗೆ ಗುರುವೆಂದು ಕರೆಯುತ್ತಾರೆ,

ಬಾಲ್ಯದಲ್ಲೇ ಮನೆ ಬಿಟ್ಟ ಅಪ್ಪ ಬಸವರು ಕೂಡಲಸಂಗಮದಲ್ಲಿ ಗುರುಕುಲದಲ್ಲಿ ವಿದ್ಯಾಭ್ಯಾಸ ಮಾಡಿದರೂ ಅವರು ತಮ್ಮ ಚಿಕ್ಕ ವಯಸ್ಸಿನಲ್ಲೇ ಸಕಲ ಭಾಷ ವಿದ್ಯಾ ಪಾರಂಗತರಾಗಿದ್ದರು, ಅವರ ಪ್ರಕಾರ ಕೂಡಲಸಂಗಮದೇವ ಎಂಬುದು ತನ್ನ ತಾನರಿದವನ ಸ್ವಯಂ ಅರಿವು ಮತ್ತು ಜ್ಞಾನವಾಗಿದೆ,

ತನ್ನ ಅರಿವಿನ ಮೂಲ ವಸ್ತು ‘ಅರಿವಿನ ಬೀಜ’ವೇ ತನ್ಮ ದೈವವಾದ ಸಂಗಯ್ಯನೇ ಬಸವಣ್ಣನಿಗೆ ‘ಗುರು’ ಈ ಅರಿವೆಂಬ ಗುರುವೇ ಬಸವಣ್ಣನವರಿಗೆ ಗತಿಯು, ಮತಿಯು, ತನ್ನ ಅರಿವಿನ ಜ್ಯೋತಿಯೆಂದು ಹೇಳುತ್ತಾರೆ,

ಮತ್ತೆ ಮುಂದುವರೆದು ಎನ್ನ ಅಂತರಂಗದ ಮಹವು ನೀನೇ ಕಂಡಯ್ಯ ಎನ್ನುತ್ತಾರೆ ಎನ್ನ ಅಂತರಂಗದಲ್ಲಿ ಮತ್ತು ಈ ಇಡೀ ಸೃಷ್ಠಿಯಲ್ಲಿ ಓತಪ್ರೋತವಾಗಿ ತುಂಬಿದ ಅಸಾಧ್ಯವಾದ ಅಧ್ವಿತೀಯ ಅಮೋಘ ಶಕ್ತಿಯು ನೀವೆ ಕೂಡಲಸಂಗಮದೇವ ಎನ್ನುತ್ತಾ,.

ನೀವೆನಗೆ ಗುರು, ನಾ ನಿಮಗೆ ಶಿಷ್ಯನೆಂಬುದನು

ನಿಮ್ಮ ಶರಣ ಸಿದ್ಧರಾಮಯ್ಯದೇವರೆ ಬಲ್ಲರು.

ಸೃಷ್ಠಿಕರ್ತನಾದ ನಿರಾಕಾರ ದೇವನೇ ನಿನ್ನ ನಿಜ ಸ್ಥತಿಯ ಅರಿವು, ಎನಗೆ ಗುರುವಾಗಿ ಉಪದೇಶಿಸುತ್ತಿದೆ, ನೀವೆನಗೆ ಗುರುವಾಗಿ ಅರಿವಾಗಿ, ವಿದ್ಯೆ, ಬುದ್ಧಿ, ಜ್ಞಾನ ಸಿದ್ಧಿಯಾಗಿ ಬಂದೆನ್ನ ಸಲಹಿದಿರಿ ನಾನು ನಿಮ್ಮ ಶಿಷ್ಯನೆಂಬುದ ನಿಮ್ಮ ಶರಣ ಸಿದ್ಧರಾಮಯ್ಯರೇ ಬಲ್ಲರು, ಎಂದು ತನಗೆ ತನ್ನಾತ್ಮದ ಅರಿವೇ ತನ್ನ ನಿಜವಾದ ಗುರುವೆಂಬುದನ್ನು ತಿಳಿಸುತ್ತಾರೆ,.

ವಿಶ್ಲೇಷಣೆ-; ಲೋಕೇಶ್_ಎನ್_ಮಾನ್ವಿ

-/ 9972536176

ಕಟ್ಟೇ ಕಟ್ಟುತ್ತೇವೆ ಕಲ್ಯಾಣ, ನಾವ್ ಮತ್ತೆ ಕಟ್ಟುತ್ತೇವೆ ಕಲ್ಯಾಣ, ✍🏾-ಲೋಕೇಶ್ ಎನ್ ಮಾನ್ವಿ.

2022-05-28T14:48:00.001+05:30

ಕಟ್ಟೇ ಕಟ್ಟುತ್ತೇವೆ ಕಲ್ಯಾಣ,

ನಾವ್ ಮತ್ತೆ ಕಟ್ಟುತ್ತೇವೆ ಕಲ್ಯಾಣ,

ದುಷ್ಟರ ದೂಳೆಬ್ಬಿಸಿ, ಭ್ರಷ್ಟರ ಬಡೆದೋಡಿಸಿ, ಜಾತಿ ಬೇಧಗಳ ಬೇಲಿ ಸುಟ್ಟು ಸ್ವಚ್ಚ ಮಾಡುತ್ತೇವೆ ಕಲ್ಯಾಣ,

ನಾವ್ ಮತ್ತೆ ಕಟ್ಟುತ್ತೇವೆ ಕಲ್ಯಾಣ,

ನಾವ್ ಕಟ್ಟೇ ಕಟ್ಟುತ್ತೇವೆ ಕಲ್ಯಾಣ,

ಮೌಢ್ಯತೆ ಅಸಮಾನತೆಯ ಅಡ್ಡ ಗೋಡೆ ತಗೆದು,

ಕಟ್ಟುತ್ತೇವೆ ಕಲ್ಯಾಣ,

ನಾವ್ ಮತ್ತೆ ಕಟ್ಟುತ್ತೇವೆ ಕಲ್ಯಾಣ,

ಮತ್ತೆ ಬರುತಾರ ಅಮರ ಗಣಂಗಳು,

ಒಟ್ಟುಕೂಡುತಾರ ಸರ್ವ ಶರಣ ಬಂಧುಗಳು,

ಕಟ್ಟೇ ಕಟ್ಟುತ್ತೇವೆ ಕಲ್ಯಾಣ,

ನಾವ್ ಮತ್ತೆ ಕಟ್ಟುತ್ತೇವೆ ಕಲ್ಯಾಣ,

ಬಂದೇ ಬರುತಾರ ಬಸವಣ್ಣ ಮತ್ತೆ ಬರುತಾರ ಚೆನ್ನಬಸವಣ್ಣ,

ಗುಡುಗುತ ಬರುವ ಮಾಚಯ್ಯ,

ಸಿಡಿಯುತ ಬರುವ ಚೌಡಯ್ಯ,

ಪ್ರಸಾದವ ತರುವ ಚೆನ್ನಯ್ಯಾ,

ಚಂಡಮಾರುತವಾಗಿ ಬರುವ ಅಲ್ಲಮ ಪ್ರಭುರಾಯ,

ಕಟ್ಟೇ ಕಟ್ಟುತ್ತೇವೆ ಕಲ್ಯಾಣ,

ನಾವ್ ಮತ್ತೆ ಕಟ್ಟುತ್ತೇವೆ ಕಲ್ಯಾಣ,

ಮತ್ತೆ ಕಾಣುವೆವು ಅನುಭವ ಮಂಟಪ , ಅರಿವಿನ ಮನೆ, ಅಪ್ಪಬಸವನ ಮಹಾಮನೆ,

ಕಟ್ಟೇ ಕಟ್ಟುವೆವು ಕಲ್ಯಾಣ ನಾವ್ ಮತ್ತೆ ಕಟ್ಟುವೆವು ಕಲ್ಯಾಣ,

ಸೂರ್ಯ ಚಂದ್ರರ ಸಾಕ್ಷಿಗೂ ಮತ್ತೆ ಬಸವಣ್ಣ ಬರುವ ಬಂದೇ ಬರುವ,,

ಅಪ್ರಮಾಣ ಚಿನ್ಮಯಲಿಂಗದಿ ಅಸಂಖ್ಯಾತ ಅನುಯಾಯಿಗಳ ಹೃದಯದಲ್ಲಿ ಹುಟ್ಟಿ ಬರುವ ನಮ್ ಬಸವಣ್ಣ,

ರಚನೆ-; ಲೋಕೇಶ್ ಎನ್ ಮಾನ್ವಿ.

ಅಂತರಂಗ ಶುದ್ಧವಿಲ್ಲದವರ ಭಕ್ತಿ ಹೆಂಡದ ಮಡಿಕೆಯ ಹೊರಗೆ ತೊಳೆದಂತೆ ಎನ್ನುತ್ತಾರೆ ವಿಶ್ವಗುರು ಬಸವಣ್ಣನವರು, ವಿಶ್ಲೇಷಣೆ- ಲೋಕೇಶ್_ಎನ್_ಮಾನವಿ

2022-05-14T17:24:00.003+05:30

ಓಂ ಶ್ರೀಗುರುಬಸವಲಿಂಗಾಯ ನಮಃ

ಗಂಡ ಶಿವಲಿಂಗದೇವರ ಭಕ್ತ,ಹೆಂಡತಿ ಮಾರಿ ಮಸಣಿಯ ಭಕ್ತೆ. ಗಂಡ ಕೊಂಬುದು ಪಾದೋದಕ-ಪ್ರಸಾದ ಹೆಂಡತಿ ಕೊಂಬುದು ಸುರೆ-ಮಾಂಸ. ಭಾಂಡ-ಭಾಜನ ಶುದ್ಧವಿಲ್ಲದವರ ಭಕ್ತಿ ಹೆಂಡದ ಮಡಿಕೆಯ ಹೊರಗೆ ತೊಳೆದಂತೆ ಕೂಡಲಸಂಗಮದೇವಾ.

-;ವಿಶ್ವಗುರು ಬಸವಣ್ಣನವರು

ಭಾವಾರ್ಥ-

ಶರಣರ ದೃಷ್ಠಿಯಲ್ಲಿ ಅರಿವು ಪತಿಯಾಗಿ, ಮನಸ್ಸು ಸತಿಯಾಗಿ ಬದುಕು ಅರಿವಿನ ಮಾರ್ಗದಲ್ಲಿ ನಡೆಯಬೇಕು ಎಂಬುದಾಗಿತ್ತು,

ಗಂಡ ಶಿವಲಿಂಗದೇವರ ಭಕ್ತ

ಹೆಂಡತಿ ಮಾರಿ ಮಸಣಿಯ ಭಕ್ತೆ.

ಇಲ್ಲಿ ಗಂಡ ಎಂದರೆ, (ಅರಿವು) ಎಂದರ್ಥ, ಅಂತಃಕರಣದ ಅರಿವು ಇಷ್ಟಲಿಂಗದ ಭಕ್ತನಾಗು ಎನ್ನುತ್ತಿದೆ, ಆದರೆ ಹೆಂಡತಿಯಾದ ಮನಸ್ಸು ಮಾರಿಮಸಣಿಯ ಭಕ್ತನಾಗು ಎನ್ನುತ್ತಿದೆ, ಏಕಾಗಿ ಹೀಗೆ,? ಮುಂದೆ ನೋಡೋಣ ಬನ್ನಿ…

ಗಂಡ ಕೊಂಬುದು ಪಾದೋದಕ-ಪ್ರಸಾದ

ಹೆಂಡತಿ ಕೊಂಬುದು ಸುರೆ-ಮಾಂಸ.

ಗಂಡ-(ಅರಿವಿನ) ಹಾದಿಯಲ್ಲಿ ಹೋದರೆ ಲಭಿಸುವುದು ಪಾದೋದಕ ಪ್ರಸಾದ, ಪಾದೋದಕ ಕೊಂಬುದು ಎಂದರೆ ಅದೊಂದು ಚೈತನ್ಯ ಕಾರುಣ್ಯ ಪಡೆದಂತೆ, ಇನ್ನು ಪ್ರಸಾದವೆಂದರೆ ಬಂದುದನ್ನು ಸಂತೃಪ್ತಿಯಿಂದ ಸ್ವೀಕರಿಸಿ ಆನಂದಿಸುವ ಪರಿ ಬದುಕೇ ಪ್ರಸಾದಮಯ,. ಇಲ್ಲಿ ಸಂತೃಪ್ತ ಜೀವನಕ್ಕೆ ಬೇಕಾದ ಮೌಲ್ಯಯುತ ಜ್ಞಾನದ ಅರಿವಿದೆ ಅದುವೇ ಪತಿ,

ಹೆಂಡತಿ ಕೊಂಬುದು ಸುರೆ-ಮಾಂಸ.

ಹೆಂಡತಿ ಎಂದರೆ- (ಮನಸ್ಸು) ಇಲ್ಲಿ ಮನಸ್ಸು ಬಯಸುವುದು ಮದ್ಯ ಮಾಂಸ, ಇಲ್ಲಿ ಮದ್ಯವೆಂದರೆ ಕುಡಿತದ ಅಮಲು ಮಾತ್ರವಲ್ಲ, ಇದಕ್ಕಿಂತ ವಿನಾಶಕಾರಿ, ಜಾತಿ ಧರ್ಮ ಅಂತಸ್ತು ಪ್ರತಿಷ್ಠೆಯ ಅಮಲು ಕೂಡ ಬಹಳ ಡೇಜರ್, ಇವು ಕೂಡ ಅತ್ಯಂತ ವಿನಾಶಕಾರಿಯಾಗಿವೆ, ಮತ್ತು ಮಾಂಸವೆಂದರೆ ಕೇವಲ ಸತ್ತ ಪ್ರಾಣಿಯ ದೇಹವಲ್ಲ, Negative things ಕೆಟ್ಟ ಆಲೋಚನೆ ಕೂಡ ಸತ್ತ ಪ್ರಾಣಿಯ ದೇಹಕ್ಕಿಂತ ಕೊಳಕಾಗಿರುತ್ತವೆ, ಮನಸ್ಸಿನಲ್ಲಿ ಇಂಥಹಾ ಆಲೋಚನೆಗಳಲ್ಲಿ ಬಿದ್ದರೆ ಅದು ಬದುಕಿನ ವಿನಾಶಕ್ಕೆ ನಾಂದಿ ಹಾಡಿದಂತೆ,

ಭಾಂಡ-ಭಾಜನ ಶುದ್ಧವಿಲ್ಲದವರ ಭಕ್ತಿ ಹೆಂಡದ ಮಡಿಕೆಯ ಹೊರಗೆ ತೊಳೆದಂತೆ ಕೂಡಲಸಂಗಮದೇವಾ.

ಹೆಂಡ ತುಂಬಿದ ಮಡಕೆಯನ್ನು ನೀರಿನಿಂದ ಅದೆಷ್ಟೇ ತೊಳೆದರೂ, ಮಡಕೆಯ ಮೇಲೆ ಹಾಲು ಸುರಿದರು, ಮಡಕೆಯ ಸುತ್ತ ಜೇನು ಚೆಲ್ಲಿದರೂ , ಅದರಲ್ಲಿನ ಸುರೆ ಹೆಂಡದ ಗುಣ ಮಾತ್ರ ಕಿಂಚಿತ್ತೂ ಕಡಿಮೆಯಾಗುವುದಿಲ್ಲ, ಅದರಂತೆಯೇ ಮನುಷ್ಯನೊಳಗಿನ ಅಂತರಂಗದಲ್ಲಿ ಹತ್ತು ಹಲವಾರು ದುರ್ವಿಚಾರ ತುಂಬಿದಾಗ ಮನಸ್ಸು ಸದಾ ಕೊಳಕಾಗಿರುತ್ತದೆ, ಈ ಮನಸ್ಸನ್ನು ಶುಚಿಗೊಳಿಸಬೇಕೆಂದು ಹೊರಗಿನ ದೇಹವನ್ನು ತೊಳೆದರೆ ಅಂತರಂಗ ಶುದ್ಧಿಯಾಗುವುದಿಲ್ಲ, ಅದು ಹೆಂಡದ ಮಡಕೆಯನ್ನು ಹೊರಗೆ ತೊಳೆದಂತೆ ಅಷ್ಟೇ, ಅದನ್ನು ಬಿಟ್ಟು ಮನಸ್ಸೆಂಬ ಹೆಂಡತಿಯು, ಅರಿವೆಂಬ ಗಂಡನ ಕೈಯಿಡಿದು ಅಂತರಂಗ ಶುದ್ಧರಂಗ ಬಹಿರಂಗ ಶುದ್ಧರಾಗಿ ಶರಣ ಪಥದಲ್ಲಿ ಮುನ್ನಡೆಯಲು ಸದಾ ಉತ್ಸುಕರಾಗಿರಬೇಕೆನ್ನುತ್ತಾರೆ ಅಪ್ಪ ಬಸವಣ್ಣನವರು,..👏🏻👏🏻

✍🏾ವಿಶ್ಲೇಷಣೆ-; ಲೋಕೇಶ್_ಎನ್_ಮಾನ್ವಿ

-/9972536176

ಅಂದಣವನೇರಿದ ಸೊಣಗನಂತೆ, ವಿಶ್ವಗುರು ಬಸವಣ್ಣನವರ ವಚನದ ವಿಶ್ಲೇಷಣೆ -; ಲೋಕೇಶ್ ಎನ್ ಮಾನ್ವಿ.

2022-05-11T17:36:00.003+05:30

ಶ್ರೀಗುರುಬಸವಲಿಂಗಾಯ ನಮಃ

ಅಂದಣವನೇರಿದ ಸೊಣಗನಂತೆ
ಕಂಡರೆ ಬಿಡದು ತನ್ನ ಮುನ್ನಿನ ಸ್ವಭಾವವನು
ಸುಡು, ಸುಡು; ಮನವಿದು ವಿಷಯಕ್ಕೆ ಹರಿವುದು,
ಮೃಡ, ನಿಮ್ಮನನುದಿನ ನೆನೆಯಲೀಯದು.
ಎನ್ನೊಡೆಯನೇ, ಕೂಡಲಸಂಗಮದೇವ,
ನಿಮ್ಮ ಚರಣವ ನೆನೆವಂತೆ ಕರುಣಿಸು,
ಸೆರಗೊಡ್ಡಿ ಬೇಡುವೆ ನಿಮ್ಮ ಧರ್ಮ.

✍🏾-ವಿಶ್ವಗುರು ಬಸವಣ್ಣನವರು.

ಭಾವಾರ್ಥ-

#ಅಂದಣವನೇರಿದ ಸೊಣಗನಂತೆ

#ಕಂಡರೆ ಬಿಡದು ತನ್ನ ಮುನ್ನಿನ ಸ್ವಭಾವವನು

#ಸುಡು, ಸುಡು; ಮನವಿದು ವಿಷಯಕ್ಕೆ ಹರಿವುದು,

ಅಂದಣವೆಂದರೆ ಪಲ್ಲಕ್ಕಿ, ಒಂದೊಮ್ಮೆ ಬಂಗಾರದ ಪಲ್ಲಕ್ಕಿಯಲ್ಲಿ ಕೂಡಲು ಯೋಗ್ಯವಾದ ಆಮಂತ್ರಿತ ವ್ಯಕ್ತಿ ಬರದಿದ್ದಾಗ (ಸೊಣಗ) ನಾಯಿಯೊಂದನ್ನು ತಂದು ತರತರದ ಬಣ್ಣಗಳನ್ನು ಹಚ್ಚಿ ಸುಂದರವಾದ ವಸ್ತ್ರಗಳನ್ನು ಹೊದಿಸಿ, ಮೇಲೆ ಆಭರಣಗಳನ್ನು ಹಾಕಿ,

ಯಾರಿಗೂ ಅದರ ಗುರುತು ಸಿಗದ ಹಾಗೆ ಅಲಂಕರಿಸಿ ಪಲ್ಲಕ್ಕಿಯಲ್ಲಿ ಕುಡಿಸಿ ಇದೋ ಮೆರವಣಿಗೆ ಆರಂಭವಾಗಬೇಕು ಎನ್ನುವಷ್ಟರಲ್ಲಿ ,

ಅಲ್ಲೇ ರಸ್ತೆಯ ಪಕ್ಕದಲ್ಲಿ ಬಿದ್ದಿದ್ದ ಸತ್ತ ಪ್ರಾಣಿಯ ಮೂಳೆಯನ್ನು ಕಂಡ ತಕ್ಷಣ ನಾಯಿ ತನ್ನ ಮುನ್ನಿನ ಸ್ವಭಾವವನ್ನು ಬಿಡದೇ ಬಂಗಾರದ ಪಲ್ಲಕ್ಕಿಯಲ್ಲಿ ಕುಳುತಿದ್ದರೂ, ಮೂಳೆಯತ್ತ ಟಣಕ್ ಎಂದು ಜಿಗಿದು ಹೋಗುವಂತೆ,

ಇನ್ನೊಂದೆಡೆ ಅಧಿಕಾರವೆಂಬ ಪಲ್ಲಕ್ಕಿಯಲ್ಲಿ ,

ಯೋಗ್ಯರಲ್ಲದವರು ಕುಳಿತರೂ ಹಾಗೇ,.

ಸುಡು ಸುಡು ಮನವಿದು ವಿಷಯಕ್ಕೆ ಹರಿವುದು,

ನಾಯಿಯನ್ನು ತಂದು ಪಲ್ಲಕ್ಕಿಯಲ್ಲಿ ಕೂಡಿಸಿದ್ದರೂ ಮೂಳೆಯನ್ನು ಕಂಡಾಗ ಅದು ತನ್ನ ಸ್ವಭಾವ ಬಿಡದೇ ಜಿಗಿದು ಹೋಗುವಂತೆ,

ಮನುಷ್ಯನಿಗೆ ಎಂಥಹಾ ಹಿತನುಡಿಗಳನ್ನು ಹೇಳಿದರೂ, ಉಪದೇಶವಿತ್ತರೂ, ದೀಕ್ಷೆ ಕೊಟ್ಟರೂ, ಸಂಸ್ಕಾರವಿಲ್ಲದಿದ್ದಡೆ ನಾಯಿ ಮೂಳೆಯನ್ನು ಕಂಡಾಗ ಜಿಗಿದಂತೆ, ಮನುಷ್ಯನ ಮನಸ್ಸು ಲೋಕದ ಆಕರ್ಷಣೆಗೆ ಸುಳ್ಳು-ಮೋಸ, ಲಂಚಾ-ವಂಚನೆಗೆ,ಆಕರ್ಷಿತವಾಗಿ ವಿಷಯವಾಸನೆಯಲ್ಲಿ ಸುಡುತ್ತದೆ,

#ಮೃಡ, ನಿಮ್ಮನನುದಿನ ನೆನೆಯಲೀಯದು.

ಎನ್ನೊಡೆಯನೇ, ಕೂಡಲಸಂಗಮದೇವ,

ನಿಮ್ಮ ಚರಣವ ನೆನೆವಂತೆ ಕರುಣಿಸು,

ಸೆರಗೊಡ್ಡಿ ಬೇಡುವೆ ನಿಮ್ಮ ಧರ್ಮ.

ಮೃಡ, ಎಂದರೆ ಮೃತ್ಯೂ ಭಯವಿಲ್ಲದ ಪರಮಚೈತನ್ಯಾತ್ಮಕ ಸರ್ವವ್ಯಾಪಿಯಾದ ನಿಜ ದೇವನೇ, ಈ ಮನಸ್ಸು ನಿನ್ನನ್ನು ಅನುದಿನವು ಅನುಕ್ಷಣವೂ ನೆನೆಯಲು ಬಿಡದೇ ಲೋಕದ ಭ್ರಮೆಯಲ್ಲೇ ಮುಳುಗುವಂತೆ ಮಾಡಿದೆ ದೇವ, ಹೇ ಎನ್ನೊಡೆಯನೇ ಕೂಡಲಸಂಗಮದೇವ, ಈ ಲೋಕದ ಭ್ರಾಂತಿಯ ಬಿಡಿಸಿ , ಎನ್ನ ಮನವು ಸದಾ ನಿಮ್ಮ (ಸದಾಚಾರದಲ್ಲಿ) ಚರಣವ ನೆನೆವಂತೆ ಕರುಣಿಸು ದೇವ ಕರುಣಾಕರನೇ ಸೆರಗೊಡ್ಡಿ ಬೇಡುವೆ, ಕಾಯುವುದು ನಿಮ್ಮ ಧರ್ಮವೆಂದು ಬಿನ್ನಹಿಸುತ್ತಾರೆ ಅಪ್ಪ ಬಸವಣ್ಣನವರು,..👏🏻👏🏻

✍🏾ವಿಶ್ಲೇಷಣೆ-;

ಲೋಕೇಶ್_ಎನ್_ಮಾನ್ವಿ.

-/ 9972536176

ಅರಿವಿನ ಮಾರಿತಂದೆಗಳ ವಚನದಲ್ಲಿ ಗುರು-ಶಿಷ್ಯರ ಸಂಬಂಧ, ವಿಶ್ಲೇಷಣೆ ಲೋಕೇಶ್ ಎನ್ ಮಾನ್ವಿ.

2022-04-05T15:56:00.002+05:30

ಶ್ರೀಗುರುಬಸವಲಿಂಗಾಯ ನಮಃ

ಗುರುಶಿಷ್ಯನ ಇರವಿನ ಸ್ಥಲವೆಂತುಟೆಂದಡೆ:

ಮಣಿ ದಾರವ ನುಂಗಿ ಸರವಾಗಿ ನಿಂದು ಕಾಣಿಸಿಕೊಂಡಂತಿರಬೇಕು,

ರತ್ನಪುಂಜ ಕುಂದಣದ ಮೇಲೆ ನಿಂದು ಚಂದವ ಕಾಣಿಸಿಕೊಂಡಂತಿರಬೇಕು,

ಶಂಖದ ಮೇಲೆ ಸಂಭ್ರಮದ ಜಾತಿ ಉತ್ತರ ನಿಂದು ತೋರಿದಂತಿರಬೇಕು,

ಇಂತೀ ಭೇದ.

ಘಟ ಗುರು, ಆತ್ಮ ಶಿಷ್ಯನಾಗಿ ತೋರುವ ಬೆಳಗು ತಾನೆ,ಸದಾಶಿವಮೂರ್ತಿಲಿಂಗವು.

✍🏾-#ಶರಣ_ಅರಿವಿನ_ಮಾರಿತಂದೆಯವರು,

ಭಾವಾರ್ಥ-

ಮೇಲಿನ ವಚನದಲ್ಲಿ ಶರಣರು ಶ್ರೀಗುರು-ಶಿಷ್ಯರ ಶ್ರೇಷ್ಠ ಸಂಬಂಧದ ಬಗ್ಗೆ ತುಂಬಾ ಸೊಗಸಾದ ಹೊಂದಿಕೆಯೊಂದಿಗೆ ತಿಳಿಸಿದ್ದಾರೆ,

#ಗುರುಶಿಷ್ಯನ ಇರವಿನ ಸ್ಥಲವೆಂತುಟೆಂದಡೆ: ಮಣಿ ದಾರವ ನುಂಗಿ ಸರವಾಗಿ ನಿಂದು ಕಾಣಿಸಿಕೊಂಡಂತಿರಬೇಕು,

ಮುತ್ತು ಮತ್ತು ಹವಳದ ಮಣಿಗಳು ಹೇಗೆ ದಾರವನ್ನೇ ಹಿಡಿದು, ಆ ದಾರವನ್ನೇ ನುಂಗಿ, ದಾರದಲ್ಲಿಯೇ ಬೆರಸಿ ಬೇರಿಲ್ಲದಂತೆ ತಾವು ಮುತ್ತಿನ ಹಾರವಾಗುತ್ತವೊ ಹಾಗೇ ಇಲ್ಲಿ ಮಣಿ ಎಂದರೆ (ಸಾಧನೆಯ ಆಕಾಂಕ್ಷಿ - ಶಿಷ್ಯ,) ದಾರ ಎಂದರೆ (ಸಾಧನೆಗೆ ಬೇಕಾದ ಸನ್ಮಾರ್ಗ ಅರಿವು-ಗುರು,) ಸಾಧನೆಯ ಆಕಾಂಕ್ಷಿಯಾದ ಶಿಷ್ಯನು ಸಾಧನೆಯ ಮಾರ್ಗವೇ ಆದ (ಅರಿವು) ಗುರು ತತ್ವವನ್ನೇ ಬೆನ್ನತ್ತಿ, ಅರಿವನ್ನು ಅನುಕರಿಸಿ, ಅರಿವನ್ನು ಆಸ್ವಾಧಿಸಿ, ಅರಿವನ್ನೇ ಆನಂದಿಸಿ, ಆ ಅರಿವನ್ನೇ ಆವರಿಸಿಕೊಂಡು, ಗುರುವೆಂಬ ಜ್ಯೋತಿ ಮುಟ್ಟಿ ತಾನೂ ಪ್ರತಿಜ್ಯೋತಿಯಾಗಿ ಪ್ರಜ್ವಲಿಸಿ, ಶ್ರೀಗುರು ಶಿಷ್ಯರು ಬೆರಸಿ ಬೇರಿಲ್ಲದಂಗ ಒಂದಾಗಬೇಕು,

#ರತ್ನಪುಂಜ ಕುಂದಣದ ಮೇಲೆ ನಿಂದು ಚಂದವ ಕಾಣಿಸಿಕೊಂಡಂತಿರಬೇಕು,

ರತ್ನಪುಂಜವೆಂದರೆ; ಹಲವಾರು ರತ್ನಗಳಿರುವ ಒಂದು ಅಮೂಲ್ಯವಾದ ‘ವಜ್ರದ ಗಟ್ಟಿ’

ಕುಂದಣವೆಂದರೆ; ರತ್ನವನ್ನು ಚಿನ್ನದಲ್ಲಿ ಕೂಡಿಸುವ ಸಾಂಪ್ರದಾಯಿಕ ವಿಧಾನ ಇದು ರತ್ನಗಳಿಗೆ ಒಂದು ಆಕಾರ ಕೊಡುತ್ತವೆ, ರತ್ನಗಳು ಮತ್ತು ಚಿನ್ನದ ನಡುವೆ ಚಿನ್ನದ ತೆಳುಹಾಳೆಯನ್ನು ಕೂಡಿಸಿ ಆಭರಣಗಳಿಗೆ ಜೋಡಿಸಿ ರತ್ನವನ್ನು ಒಂದು ಆಕಾರಕ್ಕೆ ತಂದು ಅದರ ಸೌದರ್ಯವನ್ನು ಮತ್ತಷ್ಟು ಹೆಚ್ಚಿಸಿ ಚೆಂದ ಕಾಣುವಂತೆ ಮಾಡುತ್ತದೆ,

ಅದರಂತೆ; ಶ್ರೀಗುರು ಕುಂದಣದಂತಾಗಿ ತನ್ನ ಶಿಷ್ಯನ ಬದುಕಿಗೊಂದು ಸುಂದರ ರೂಪ ಕೊಟ್ಟು ಅವನೊಳಗಡಗಿದ ಪ್ರತಿಭೆಯನ್ನು ಹೊರ ತಂದು ಸಮಾಜದಲ್ಲಿ ಅವನನ್ನು ಸುಂದರ ವ್ಯಕ್ತಿತ್ವಯುಳ್ಳ ಸಾಧಕನನ್ನಾಗಿ ಮಾಡಿ, ಶಿಷ್ಯನೂ ಗುರುವಾಗಿ ಬೆರೆಯುವ ಪರಿಯದು,

#ಶಂಖದ ಮೇಲೆ ಸಂಭ್ರಮದ ಜಾತಿ ಉತ್ತರ ನಿಂದು ತೋರಿದಂತಿರಬೇಕು,

ಶಂಖದಲ್ಲಿ ಶಬ್ಧವಿದ್ದೂ ನಿಶಬ್ಧವಾಗಿರುವಂತೆ, ಶಿಷ್ಯನಲ್ಲೂ ಗುರುವಿದ್ದು ಅಗೋಚರನಾಗಿದ್ದನೆ, ಅವನಲ್ಲಿನ ಗುರು ತತ್ವ (ಅರಿವನ್ನು ) ಜಾಗ್ರತಗೊಳಿಸಿದಾಗ, ಶಂಖದಲ್ಲಿನ ಶಬ್ಧವು ಗಾಳಿಯ ಸಹಾಯದಿಂದ ಮಾರ್ಧ್ವನಿಸಿದಂತೆ, ಸಾಧಕ ಶಿಷ್ಯನಲ್ಲಿನ ಅರಿವೆಂಬ (ಗುರುತತ್ತ್ವವು) ಬಸವಾದಿ ಶರಣರ ಸದ್ವಿಚಾರಗಳಿಂದ ಜಾಗತ್ರವಾಗಿ ಜಗತ್ತಿನ ಮುಂದೆ ಜ್ಞಾನಿಯೆನಿಸಿ ಹೊರಹೊಮ್ಮುತ್ತದೆ.

ಇಂತೀ ಭೇದ. ಘಟ ಗುರು, ಆತ್ಮ ಶಿಷ್ಯನಾಗಿ ತೋರುವ ಬೆಳಗು ತಾನೆ,ಸದಾಶಿವಮೂರ್ತಿಲಿಂಗವು.

ಇನ್ನು ಎರಡೂ ಒಂದೇ ಆಗಿ ಭೇದವೇಕೆ? ಎಂದರೆ,

ಭೇದಿಸಲಾಗದ ಘಟ ಗುರುವಾದರೆ, ಅವನೊಳಗಡಗಿದ ಚೈತನ್ಯವೇ ಶಿಷ್ಯನಾಗಿ ತೋರಬೇಕು, ಗುರುವೆಂಬ ಜ್ಯೋತಿ ಮುಟ್ಟಿ, ಪ್ರತಿ ಜ್ಯೋತಿಯಾದ ಶಿಷ್ಯ, ಇವರಿಬ್ಬರಲ್ಲಿ ಬೆಳಗುವ ಜ್ಯೋತಿಯೊಂದೆ, ಅದು ಅಗಮ್ಯವಾದ ಅಪ್ರತಿಮ ಅಧ್ವತೀಯ ಬೆಳಕು ಅದುವೇ ಸದಾಶಿವಮೂರ್ತಿಲಿಂಗವು ತಾನೆ, ಎಂಬುದಾಗಿದೆ ಮೇಲಿನ ವಚನದ ಭಾವಾರ್ಥ,.👏🏻👏🏻

ಶರಣು ಶರಣಾರ್ಥಿಗಳೊಂದಿಗೆ,

✍🏾-; ಲೋಕೇಶ್ ಎನ್ ಮಾನ್ವಿ.

-/ 9972536176

ವಚನ ಸುಧೆ

ವೀರವಿರಾಗಿಣಿ ಅಕ್ಕಮಹಾದೇವಿಯವರ ಯೋಗಾಂಗ ತ್ರಿವಿಧಿ.

ವೀರವಿರಾಗಿಣಿ ಅಕ್ಕಮಹಾದೇವಿಯವರ ಯೋಗಾಂಗ ತ್ರಿವಿಧಿ.

ರಾಯಚೂರು ಜಿಲ್ಲೆಯ ಶರಣರು -4 ಮಹಾಶರಣೆ ಮುಕ್ತಾಯಕ್ಕ.

🌼ರಾಯಚೂರು ಜಿಲ್ಲೆಯ ಶರಣರು- 4

🔶ಮಹಾಜ್ಞಾನಿ ಶರಣೆ ಮುಕ್ತಾಯಕ್ಕ.

ರಾಯಚೂರು ಜಿಲ್ಲೆಯ ಶರಣರು -3 ವಿಶೇಷ ಲೇಖನ ಲೋಕೇಶ್ ಎನ್ ಮಾನ್ವಿ.

ರಾಯಚೂರು ಜಿಲ್ಲೆಯ ಶರಣರು- ೦3

ಮಹಾಪ್ರಸಾದಿ ಶರಣ ಬಿಬ್ಬಿಬಾಚಯ್ಯನವರು.

ರಾಷ್ಟ್ರವಾದಿ ಶರಣ ಹರ್ಡೇಕರ್ ಮಂಜಪ್ಪನವರು.

ರಾಷ್ಟ್ರವಾದಿ ಶರಣಹರ್ಡೇಕರ್ ಮಂಜಪ್ಪನವರು.

ರಾಯಚೂರು ಜಿಲ್ಲೆಯ ಶರಣರು ಸರಣಿ -೦2, ಶರಣ ದಂಪತಿಗಳಾದ ಆಯ್ದಕ್ಕಿ ಲಕ್ಕಮ್ಮ ಮಾರಯ್ಯನವರು. ವಿಶೇಷ ಲೇಖನ -: ಲೋಕೇಶ್ ಎನ್ ಮಾನ್ವಿ

🌼#ರಾಯಚೂರು ಜಿಲ್ಲೆಯ ಶರಣರು ಸರಣಿ- 02🌼

🔹ಶರಣ ದಂಪತಿಗಳಾದ,🔶ಆಯ್ದಕ್ಕಿ ಲಕ್ಕಮ್ಮ ಮಾರಯ್ಯನವರು.

ರಾಯಚೂರಿನ ಶರಣರು. 01. ಉಳಿಯುಮೇಶ್ವರದ ಚಿಕ್ಕಯ್ಯ ಶರಣರು, ವಿಶೇಷ ಲೇಖನ -: ಲೋಕೇಶ್ ಎನ್ ಮಾನ್ವಿ.

ಉಳಿಯುಮೇಶ್ವರ ಚಿಕ್ಕಯ್ಯ ಶರಣರು.

'ಬಸವ ಸಂಸ್ಕೃತಿ' ಮಾನವೀಯತೆಯ ಮೇರು ಸಂಸ್ಕೃತಿ. ಲೇಖನ: #ಲೋಕೇಶ್_ಎನ್_ಮಾನವಿ.

ಬುದ್ದಿ ಮಾತಿಗೆ ಮುನಿಯಬೇಡ ಎನ್ನುತ್ತಾರೆ ವಿಶ್ವಗುರು ಅಪ್ಪ ಬಸವಣ್ಣನವರು.👌 ವಿಶ್ಲೇಷಣೆ: #ಲೋಕೇಶ್_ಎನ್_ಮಾನವಿ.

ವಿಶ್ವಗುರು ಬಸವಣ್ಣನವರ ವಚನದಲ್ಲಿ ಆರ್ಥಿಕತೆ ವಿಶ್ಲೇಷಣೆ - #ಲೋಕೇಶ್_ಎನ್_ಮಾನ್ವಿ.

•ವಿಶ್ವಗುರು ಬಸವಣ್ಣನವರ ವಚನದಲ್ಲಿ ಆರ್ಥಿಕತೆ.•

ಭಂಡವ ತುಂಬಿದ ಬಳಿಕ ಸುಂಕವ ತೆತ್ತಲ್ಲದೆ ಹೋಗಬಾರದು.

ಕಳ್ಳನಾಣ್ಯ ಸಲುಗೆಗೆ ಸಲ್ಲದು, ಕಳ್ಳನಾಣ್ಯವ ಸಲ್ಲಲೀಯರಯ್ಯಾ.

ಭಕ್ತಿಯೆಂಬ ಭಂಡಕ್ಕೆ ಜಂಗಮವೆ ಸುಂಕಿಗ ಕೂಡಲಸಂಗಮದೇವಾ.

ಭಾವಾರ್ಥ-

ಭಂಡವ ತುಂಬಿದ ಬಳಿಕ ಸುಂಕವ ತೆತ್ತಲ್ಲದೆ ಹೋಗಬಾರದು.

ಕಳ್ಳನಾಣ್ಯ ಸಲುಗೆಗೆ ಸಲ್ಲದು, ಕಳ್ಳನಾಣ್ಯವ ಸಲ್ಲಲೀಯರಯ್ಯಾ.

ಭಕ್ತಿಯೆಂಬ ಭಂಡಕ್ಕೆ ಜಂಗಮವೆ ಸುಂಕಿಗ ಕೂಡಲಸಂಗಮದೇವಾ.

‘ಲಕ್ಷಕ್ಕೊಬ್ಬ ಭಕ್ತ, ಕೋಟಿಗೊಬ್ಬ ಶರಣ’ ಚಿನ್ಮಯಜ್ಞಾನಿ ಚೆನ್ನಬಸವಣ್ಣನವರ ವಚನದ ವಿಶ್ಲೇಷಣೆ-; ಲೋಕೇಶ್_ಎನ್_ಮಾನ್ವಿ ಇವರಿಂದ.

‘ಲಕ್ಷಕ್ಕೊಬ್ಬ ಭಕ್ತ, ಕೋಟಿಗೊಬ್ಬ ಶರಣ’

ಬಟ್ಟಬಯಲೆಲ್ಲ ಗಟ್ಟಿಗೊಂಡಡೆ ಸ್ವರ್ಗ ಮತ್ರ್ಯ ಪಾತಾಳಕ್ಕೆ ಠಾವೆಲ್ಲಿಯದೊ ?

ಮೇಘನಿರ್ಮಳಜಲವೆಲ್ಲ ಮುತ್ತಾದಡೆ ಸಪ್ತಸಾಗರಂಗಳಿಗೆ ಉದಕವೆಲ್ಲಿಯದೊ ?

ಕಷ್ಟಜೀವಿ ಮನುಜರೆಲ್ಲ ನೆಟ್ಟನೆ ಶಿವಜ್ಞಾನಿಗಳಾದಡೆ ಮುಂದೆ ಭವದ ಬಳ್ಳಿ ಬೆಳೆಯಲಿನ್ನೆಲ್ಲಿಯದೊ ,?

ಇದು ಕಾರಣ ಕೂಡಲಚೆನ್ನಸಂಗದೇವ ಲಕ್ಷಕ್ಕೊಬ್ಬ ಭಕ್ತ ಕೋಟಿಗೊಬ್ಬ ಶರಣ,.

ಆಕಾಶವ ನೂಕುತ್ತಿಯ ಹಾಗೆ ಅಟಗೋಲ ಹಂಗುಂಟೆ ? ಹಡಪದ ಅಪ್ಪಣ್ಣನವರ ವಚನದ ಭಾವಾರ್ಥ ವಿಶ್ಲೇಷಣೆ-; ಲೋಕೇಶ್ ಎನ್ ಮಾನ್ವಿ.

ಸಿದ್ಧಿಪುರುಷ ಸದ್ಗುರು ಯಲ್ಲಾಲಿಂಗಪ್ರಭು ಮಹಾರಾಜರು,

‘ರಾಜ_ಬಿಜ್ಜಳನ_ಸೊಕ್ಕು_ಮುರಿದ_ಶರಣ_ಮಾಚಯ್ಯ’👍🏻👌 ✍🏾ವಿಶೇಷ ಲೇಖನ-;#ಲೋಕೇಶ್_ಎನ್_ಮಾನ್ವಿ.

ಕಣ್ಣಿಂಗೆ ಕಣ್ಣು, ಕಣ್ಣೊಳು ಕಣ್ಣು, ಕಣ್ಣೇ ನೇತ್ರ, -: ಅಲ್ಲಮಪ್ರಭುದೇವರ ವಚನ. ✍🏾-;ವಿಶ್ಲೇಷಣೆ- ಲೋಕೇಶ್_ಎನ್_ಮಾನ್ವಿ.

ಏನಿ ಬಂದಿರಿ ಹದುಳಿದ್ದಿರೆ, ವಿಶ್ವಗುರು_ಬಸವಣ್ಣನವರ ವಚನ ವಿಶ್ಲೇಷಣೆ-

‘ನಿಜಸುಖಿ ಹಡಪದ ಅಪ್ಪಣ್ಣನವರು’ ವಿಶೇಷ ಲೇಖನ,.👌🙏🏻

ಅಣ್ಣಬಸವಣ್ಣನ ಅನುಭವ ಮಂಟಪ- ಕಲ್ಯಾಣ ಕ್ರಾಂತಿ, ಇದು ಕಲ್ಯಾಣ ಫೈಲ್ಸ್, THE KALYANA FILES..🙏🏻😢

‘ಗುರುವಿಲ್ಲದ ಗುಡ್ಡ ಬಸವಣ್ಣ’ ವಿಶ್ಲೇಷಣೆ- ಲೋಕೇಶ್ _ಎನ್_ಮಾನ್ವಿ.

ಅಣ್ಣ ಬಸವಣ್ಣನವರ ವಚನದಲ್ಲಿ ‘ಗುರು’

ಕಟ್ಟೇ ಕಟ್ಟುತ್ತೇವೆ ಕಲ್ಯಾಣ, ನಾವ್ ಮತ್ತೆ ಕಟ್ಟುತ್ತೇವೆ ಕಲ್ಯಾಣ, ✍🏾-ಲೋಕೇಶ್ ಎನ್ ಮಾನ್ವಿ.

ಅಂದಣವನೇರಿದ ಸೊಣಗನಂತೆ, ವಿಶ್ವಗುರು ಬಸವಣ್ಣನವರ ವಚನದ ವಿಶ್ಲೇಷಣೆ -; ಲೋಕೇಶ್ ಎನ್ ಮಾನ್ವಿ.

ಅರಿವಿನ ಮಾರಿತಂದೆಗಳ ವಚನದಲ್ಲಿ ಗುರು-ಶಿಷ್ಯರ ಸಂಬಂಧ, ವಿಶ್ಲೇಷಣೆ ಲೋಕೇಶ್ ಎನ್ ಮಾನ್ವಿ.

ಶ್ರೀಗುರುಬಸವಲಿಂಗಾಯ ನಮಃ

ರಾಷ್ಟ್ರವಾದಿ ಶರಣ
ಹರ್ಡೇಕರ್ ಮಂಜಪ್ಪನವರು.

🔹ಶರಣ ದಂಪತಿಗಳಾದ,
🔶ಆಯ್ದಕ್ಕಿ ಲಕ್ಕಮ್ಮ ಮಾರಯ್ಯನವರು.