Сакаме да ви претставиме повик на независна група на организатори на TEDx настан во Македонија.

Во продолжение прочитајте го нивниот Отворен повик до сите кои се заинтересирани во посериозно приклучување во организацијата:


Ви пренесуваме идеја, мотив и инспирација во која можете слободно да се приклучите

Ова е отворен повик за неформално собирање на зависници на TED настани од Македонија, кои посериозно би сакале да се ангажираат во локализација на TED независен настан.

Целта на оваа е група е да покрене иницијатива која ќе го донесе ТEDx духот во Македонија и ќе адаптира нов начин на креирање во рамките на нашето локално живеење и творење.

Со овој јавен повик се надеваме ќе успееме во пронаоѓање на ентузијасти кои веќе расмислувале на оваа тема или пак можеби и посериозно се влезени во процесот на стекнување TEDx лиценца.

Со цел насочување и здружување на енергиите, би сакале заеднички со сите вас, да креираме концепт за TED настан кој би бил посериозен во обем, промоција и квалитет на говорници.

Што е TED?
TED (читај Технологија, Забава и Дизајн) е независна непрофитна фондација од САД, што во последните 20-тина години успеа да се прошири низ цел свет, анимирајки следбеници со завет за ширење на идеи кои вредат да се споделат (“ideas worth spreading” мисија). Овој концепт како вирален веќе е прифатен од голем број на ралични групи, здруженија и поедници, како основа во формирање на посебен независен формат на локално ниво со етикета TEDx.

Главната цел е да се соберат на едно место неверојатно талентирани ентузијасти кои ќе овозможат креирање на атмосфера за ширење на креативни идеи во рамките на технологија, забава и дизајн кои ќе се применливи во секојдневниот бизнис, поширокото општество, како и разбирање на глобалните прашања. Сите презентации се лимитирани на 18 минути, што всушност го ограничуваат говорникот за многу кратко време да ја презентира својата долгогодишна работа на јазик што ќе биде интересен, разбирлив и прифатлив за публиката.

Значи, кои сме ние…

Моментална конфигурација на тимот:

• Искуство во постојано гледање на TED видеа;
• Искуство во преведување на TED видеа на Македонски јазик;
• Основни познавања за начините и правилата во стекнување на TEDx лиценца;
• Некои од нас веќе имаат присуствувано на TEDx настаните во Сараево и Загреб.

Нашата мисија е да пораснеме и да бидеме:

• позабавни,
• поинспирирани,
• подружељубиви,
• поинформирани,
• покреативни.

Ако некој од вас веќе се пронајде во оваа наша мисија ќе ве замолимe слободно да се приклучите на Гугл групата TEDxSkopje и да пишувате ваши мислења и коментари. Нашата идеја е да ги поканиме сите што се пронаоѓаат во овој концепт за да на најдобар начин создадеме услови во чии рамки ќе можат да проговорат најинтересните, најиновативните говорници во Македонија.

Веб Конференции

Секојдневната потреба од среќавање со повеќе бизнис соработници придонесува за постојано патување, без разлика дали се работи за кратки или долги релации. Каде и да треба да одите, трошоци кои се јавуваат се време и транспорт. Затоа користењето на софтвер за веб конференции може да ви ги реши овие проблеми. Еве неколку предности кои би требало да ве натераат да размислите дали да почнете да комуницирате повеќе онлајн, отколку офлајн.

Намалени трошоци- Значително намалување на трошоци потребни за организирање на еден состанок, посебно кога се работи за состанок кој треба да го одржите надвор од градот во кој живеете. Со ова ќе им заштедите и пари на Вашите клиенти со тоа што ќе им заштедите време.

Практично е – “Физичките” состаноци може да траат многу долго без потреба. Доколку направите веб конференција, состанокот ќе трае многу пократко, никој од учесниците нема да излезе од својата канцеларија, а состанокот ќе биде ефективен.

Бизнис соработниците ќе бидат задоволни -  На почетокот можеби ќе им биде малку чуден овој начин на комуникација на соработниците кои не го користеле досега. Но штом го повторите ова уште некој пат, би требало да почнат да го сметаат како многу удобен и ефикасен начин на размена на информации.

За оваа потреба има повеќе компании кои нудат софтвер за одржување на веб конференции. Цената зависи од повеќе фактори, меѓу кои се бројот на учесници на секоја веб конференција, бројот на одржани состаноци, колкав период ќе го користите софтверот.

Пробајте на овој начин да комуницирате со вашите бизнис соработници и споредете ги ефектите и трошоците после одреден временски период, сигурен сум дека ќе бидете задоволни.

Задоволство ми е да објавам дека Интернет Маркетинг Агенција го спонзорира претстојниот вебинар организиран од е-Невладина на тема “еМаркетинг вебинар : Имате вебсајт и што да правите со него?”

е-Маркетинг Вебинар – Имате вебсајт и што да правите со него?

На вебинарот ќе бидат разработени темите на Оптимизација за пребарување, начини на рекламирање на Интернет и последниот дел, интеракција со посетителите т.е  call to action. Бидејќи еден вебинар е премалку за да се покријат овие теми, овој вебинар ќе претставува вовед во серијата наредни вебинари, каде ќе биде организиран по еден вебинар посебно за секоја од наведените теми. На крајот на серијата вебинари, сите оние кои биле дел од сите вебинари ќе добијат сертификат од е-Невладина за професионален развој во областа на Интернет Маркетингот.

Па побрзајте и резервирајте го вашето место на претстојниот вебинар на следниов линк : Регистрирај се за првиот еМаркетинг вебинар. За повеќе детали и информации посетете го веб сајтот на е-Невладина.

Се гледаме на вебинарот, а во меѓувреме може да ги оставите вашите мислења, коментари и прашања за кои сакате да се дебатира на вебинарот.

Изгледа дека ми стана интересно да си пишувам на блогов.

Темата за денеска ми е “Заврши си го домашното пред да почнеш со какви и да било работи поврзани со Интернет маркетинг”.

Што всушност треба да се направи???

Ова што ќе го споделам не е некоја шема и се надевам дека секој од вас има различни пристапи кон ова што сакам да го потенцирам.

Значи имате веб страна(сајт) и не е важно дали е бизнис ориентиран. Сакате да си го зголемите присуството на најголемите пребарувачи како Биг-Џ и Џаху. Еве ја мојата постапка која што ја нарекувам домашна задача.

Најпрво се размислува што всушност треба да истакне вашиот сајт. Значи кои зборови или кои фрази се важни и го опишуваат најдобро. На еден лист хартија запишете ги сите зборови кои што мислите дека ја опишуваат вашата веб страна и сите фрази кои што мислите дека се најдобри за вас. (добра практика е да се ориентирате спрема себе, значи ако вие сте независен посетител на сајтот и се прашувате како да дојдете до него преку некои од големите пребарувачи тогаш тоа се зборовите што ви требаат во моментот). Откако ќе си направите една листа од 20 збора и 10 фрази следи најинтересниот момент за мене, а се надевам и за вас. Значи одите во Google и пребарувате колку индексирани страни (значи конкуренција која што се гледа во горниот десен агол од Биг-Џ) имате за тој збор или фраза. Совет на многумина искусни интернет маркетери е да се таргетираат зборови кои што имаат минимум 10 илјади, а максимум 100 000 индексирани страни или конкуренција во Биг-Џ. Откако ќе направите листа на најидеалните (макар што не постои идеален збор или фраза) почнете да ја оптимизирате вашата веб страна за тој збор или фраза. Што треба да се направи за да се биде ПРВ на Гугл зависи од многу многу фактори.

Густина на зборовите, линкови од надвор(DoFollow или пак NoDoFollow), платени линкови, маркетинг на Facebook или на Google Adwords. Итн…

Ова беше само почеток.. Приказната продолжува….

Здраво. Официјално ова е мојот прв пост на овој блог. За да не должам многу веднаш ќе започнам со она што го замислив како прв пост.

Според моето мислење ова би бил пост за оние корисни Add-ons за Firefox кои треба да ги користи секој интернет маркетинг професионалец.

На прво место би го ставил Seo-quake

1.Seo-Quake

Превземете го од https://addons.mozilla.org/en-US/firefox/addon/3036

Значи овa е мојот омилен додаток за Firefox без кој навистина не можам да си го замислам сурфањето на Интернет.

-Што е целта на овој додаток?

Со самото инсталирање на овој додаток (за оние кои веќе го употребуваат верувам се добро запознаени) се појавува едно мало информативно делче во горниот дел од самата веб страна која што сте ја отвориле и е предмет на обработка.

Еве како изгледа овој додаток кај мене и се разбира за Интернет Маркетинг Агенција

Seo Quake

Опциите се многу интересни. Започнува од прикажување на PageRank-от на веб страната па следи колку страни од истиот домен се индексирани во Биг-Џ(Google) па колку во Yahoo или пак во Bing. Има податоци кога е регистриран домeнот, кој ранк го има во Alexa(иако тоа е многу релативна работа), колку пати е додаден во delicious.com . Дали има sitemap сајтот што го проверувате. Потоа кои се зборовите што се таргетирани на сајтот (пр. густина на зборовите и сл) итн.

Оставам на Вас да проверите кои други опции ги нуди овој додаток.

2.Следен додаток коj што сакам да го претставам е NoDoFollow

https://addons.mozilla.org/en-US/firefox/addon/5687 од тука може да се симне овој додаток.

Што е целта на овој додаток? Целта е да проверите кои од линковите на веб страната на која што сте е DoFollow,  а кој е  NoDoFollow. Се надевам дека го знаете значењето на DoFollow и на NoDoFollow. Тоа всушност значи дали линковите кои што се DoFollow ќе бидат следени од Биг-Џ или пак преставуваат ќорсокак NoDoFollow. Ова е посебно важно затоа што Биг-Џ сака повеке линкови кои што се DoFollow. Се активира со десен клик на кој и да било дел од веб страната која што е предмет на истражување.

3.Следен додаток без кој што не можам да преживеам е proxy surfing (кој според мене е и најквалитетен)

https://addons.mozilla.org/en-US/firefox/addon/2275 од тука се симнува.

Целта на овој додаток е да овозможи со еден клик да почнете да сурфате на интернет анонимно, и на пример, може веднаш детално да ја проверите конкуренцијата, поради тоа што овој плугин ја менува ip адресата често, па затоа не остава никакви траги.

4.И последниот додаток кој што мислам дека вреди да се напомене е FireBug.

https://addons.mozilla.org/en-US/firefox/addon/1843 од тука се симнува.

Овој додаток е добар за да проверите некој елемент на веб страната од каде потекнува, како е направен и каде се наоѓа. Можеби повеќе овој додаток е дизајнерски, но сепак може да се искористи и во маркетинг цели.

Се надевам дека ќе најдете корист од овие додатоци и дека ви се допадна овој мој прв пост.

Во претходниот пост прикажување на резултатите во Google ги објаснив елементите на резултатите од пребарувањето и како вие може да влијаете на тоа како вашиот веб сајт е прикажан во страната со резултати во google.  Наредно прашање кое се поставува е: од што зависат овие резултати, односно како google одредува кој да биде прв,втор, трет итн во листата со резултати?

Веќе споменав 2 работи од кои директно зависат резултатите во google во како да бидам прв на google? а тие беа:

• Оптимизација на самата веб страна  и
• Создавање на линкови или врски од други веб страни до вашатa

До скоро резултатите практично зависеа само од оптимизацијата и создавањето на линкови. И за наша среќа можеме директно да влијаеме на истите, и нашите резултати директно зависеа само од нас. Денес google, полека но сигурно се повеќе и повеќе почнува да ги користи повратните информации од своите корисници, односно оние кои ги вршат пребарувањата, со цел резултатите да бидат што е можно по прецизни и релевантни. Исто така се поголем акцент се става на локацијата од каде се врши пребарувањето, односно предност во резултатите добиваат оние бизниси кои се наоѓаат на иста локација или во близина на локацијата од каде што се врши пребарувањето.

Значи кон претходните две точки може да ги додадеме и следниве:

• Повратни информации од корисниците  и
• Локација од која се врши самото  пребарувањето

За да можете да му кажете на google што вие мислите за резултатите, најпрво треба да сте логирани во google/gmail. Еве како изгледаат резултатите откако ќе се логирате:

Повратни информации за резултатите во Google

Вие можете да оставите коментар за секоја предложена страна, да ја унапредите т.е да се искачи погоре во резултатите, а подоцна можете и да ја вратите на местото каде што оригинално била, или доколку сметате дека предложената страна не е релевантна на вашето пребарување да ја отстраните од резултатите. На овој начин му кажувате на google кои страни вие сметате дека најмногу одговараат на пребарувањето.  Со ова google останува верен на својата филозофија, корисниците се најважни и во иднина токму тие ќе одлучуваат за ранкингот во резултатите.

Погледнете ја разликата во резултатите при пребарување за “интернет маркетинг” во google.mk i google.bg :

google.mk

и

google.bg(забележете колку платени резултати има во Бугарија)

Дефинитивно локацијата од каде се врши пребарувањето има голема улога во резултатите кои се прикажани. Имајќи го ова во предвид доклку вашиот таргет е Македонија, мој предлог е да регистрирате .мк домен, а доколку сакате да го освоите светот земете си .com домен.

Сакам само накратко да објаснам, откако ќе направите некое пребарување преку Google, од што се состојат понудените резултати од страна на Google. И како вие може да влијате/промените како се појавува вашата веб страна/блог во резултатите при пребарувањето.

Во SEO/Оптимизацијата за пребарување, прикажаните резултати од некое пребарување се наречени SERP или Search engine results page, така доколку го сретнете овој поим да знаете за што се мисли.

Еве како изгледа тоа при пребарување за клучните зборови “Интернет Маркетинг” во Google.com :

SERP - страна со резултати во Google

1.Наслов на веб страната – првата линија од резултатот секогаш е резервирана за насловот на веб странта

Насловот на Веб Страната

За да го промените истиот треба да направите промена на <title>  ознаката во html кодот.

<title> во HTML кодот

2.Исечокот (Snippet) – Описот на веб страната

За описот на веб страната google најчесто ја користи описната мета ознака или во html <meta name=“description” > тоа изгледа вака:

Како изгледа описната мета ознака

Доколку немате дефинирано описна мета ознака google автоматски ќе избере дел од содржината на самата веб страна што ќе го користи како исечок.

3. URL адреса – Адресата  на веб страната

URL адреста на веб страната

Сите овие 3 елементи се многу важни при оптимизацијата за пребарување, насловот треба да е уникатен за секоја веб страна, описната мета ознака треба да ја објасни самата веб страна и да е релевантна со содржината која се наоѓа на истата, url адресата исто така треба да е оптимизирана и јасна.

Многу повеќе за овие и останатите елементи веќе во наредните постови.

Бирајте многу внимателно за што ќе се одлучите. Од овој избор зависи иднината на вашата компанија и вашите идни успеси. Доколку ме прашувате мене што да одберете, кој и да е вашиот избор нема да погрешите. Интернет Маркетинг и еМаркетинг се синоними и значат една иста работа а тоа е Маркетинг! За мене кога некој ќе спомне Маркетинг, единствено што ми паѓа на памет е Интернет Маркетинг. Со целосна почит кон останатите медиуми и канали за комуникација и пренесување на маркетинг пораките, но мислам дека за брзо време за повеќето компании, професионалци и индивидуалци под маркетинг ќе се подразбира Интернет маркетинг.

Голем дел од извештаите за маркетингот во рецесијава која не снајде, укажуваат на тоа дека маркетинг буџетите беа први на удар, и дека со помали и потесни буџети се бараат повеќе резултати од било кога. И не ми е чудно што во време на вакви услови, се повеќе и повеќе компании ги насочија своите маркетинг активности кон Интернетот. Знаејќи ги можностите и предностите на Интернет Маркетингот, време беше и компаниите да почнат по сериозно да го користат интернетот како медиум за да дојдат до потенцијалните клиенти.

Кои се тие предности ? Катерина веќе направи споредба помеѓу рекламирањето со Билборди и рекламирањето на Facebook. Како прва и за многумина многу важна работа, интернет маркетингот е многу поефтин во споредба со класичниот маркетинг на ТВ,радио или принт. Секако овде не мислам на рекламирање со банери на сајтовите за “губење време”(кои за жал, ги имаме највеќе во МК) каде еден банер знае да чини и 200,500 па и 1000 евра неделно. Да се изедначи Интернет маркетингот со банер маркетинг е многу не сериозно, поготово денес кога сите зборуваат за конкретни резултати, конверзии, интеграција на маркетингот и продажбата и создавање и негување на лидови или потенцијални клиенти.  Бидејќи сеуште многу малку компании кај нас го користат Интернет Маркетингот, условите за рекламирање на Facebook и Google се многу поволни, да не речам за џабе. Пример за $10 на Facebook, добивате околку 300-350 кликови, т.е исто толку нови посети на вашата веб страна. И доколку имате 1% конверзија, имате 3 нови клиенти за само $10. Мислам дека поефтино од ова неможе да најдете, освен на Бит Пазар

Втора исто така многу важна работа, Интернет маркетингот нуди најголеми можности за најпрецизно таргетирање. Погледнете кои се опции ги нуди Facebook :

Оции за избор на посакуваниот таргет

Кој офлајн медиум нуди толку многу и вака прецизни опции за таргетирање? Од друга страна Google ви ги носи на послужавник потенцијалните клиенти според она што тие го бараат и што ги интересира. Веќе почнав да пишувам за ова во делот како да бидам прв на google.

Трето и според мене најважно, резултатите од Интернет Маркетингот може многу полесно и поедноставно да ги измерите, за разлика од  било која офлајн кампања. А тие ситни мали бројки, т.е резултатите се најважното нешто за секоја Маркетинг кампања. Нив ги добивате веднаш, во реално време и имате голема флексибилност за промени и прилагодувања. Со тоа драстично ви се зголемуваат шансите за позитивни резултати.

Многу ме интересира што мислите вие на оваа тема, и кое е вашето искуство? Ги очекувам вашите мислења.

Најпрво би сакал да започнам со дефиницијата на зборот блог, која ја најдов на Википедија. Според Википедија под блог се подразбира :

“Терминот блог е скратеница од веб-лог (weblog, web log), термин чие буквално значење е „дневник на веб“. Пишување или одржување на блог, или додавање на напис се нарекува „блогирање“. Одделните написи на блог се нарекуваат „постови“, а личноста која ги објавува се нарекува „блогер“. Блог може да се состои од текст, хипертекст, слики, линкови, како и можност за оставање коментари. Често даден блог има посебна тема или област која ја покрива, додека пак некои се наменети за дискутирање на лични искуства.”

За многумина блогот е место каде слободно може да се изразат и да ги искажат своите ставови,перцепции и размислувања и секако да добијат повратен одговор од своите читатели, да отворат дискусија или дебата. Блогот може многу лесно да создаде една мрежа на исто мисленици, кои ќе разменуваат мислења и информации.

Пред се блогот е една многу лична и интимна работа, па зошто сега и комапниите би се мешале во блогосферата. Бидејќи е во мода? Бидејќи прочитале во некој туторијал во 5 чекори ? Бидејќи некој консултант им рекол дека е добра практика да се има блог ?

Некој ќе рече “Но јас веќе имам веб сајт, и таму посетителите може да прочитаат се што ги интересира!” . Токму така и  моето лично искуство во разгледување на веб сајтовите на многу македонски компании, го потврдува истото. Но до кога така, до кога еднонасочна комуникација, до кога веб сајтовите се изедначуваат со проширен билборд или бизнис картичка ?  Или можеби вработените во оделот за маркетинг сеуште ги интересира само колку луѓе го виделе/посетиле веб сајтот/билбордот, т.е бројот на импресии. Дали се плашат од реални и точни резултати ? Но за ова повеќе во некој нареден пост, во меѓу време прочитајте што мисли Катерина за оваа тема.  Се извинувам за излегувањето надвор од темата,еве сега веднаш се враќам назад кон блоговите.

Ќе се задржам на две според мене многу важни точки, како аргументи зошто една компанија треба да има свој блог.

• Блогот ви нуди двонасочна комуникација и интеракација со останатите блогери, кои најчесто го креираат јавното мислење за темата на која пишуваат т.е се opinion leaders.
• Google едноставно ги обожава блоговите, ако може да се изразам така.

Прв чекор е идентификација на блогерите кои пишуваат за вашата индустрија или вашиот бизнис. Прочитајте што имаат тие да кажат, можеби уште во старт ќе дознаете што правите добро а што не. Следете ја дискусијата која се одвива на тие блогови и вклучете се активно во истата. Оставете коментар, одговорете на поставените прашања, покажете им дека сте тука за нив и дека се грижите.  Потрудете се блогерите да имаат позитивно мислење за вас. Напишете и вие пост на таа тема и префлете ја дискусијата на вашиот блог. Верувајте ми има многу што да научите од блогерите.

Во книгата “What Would Google Do?” авторот, дава пример за тоа како Dell на почетокот одбивала да ги слуша блогерите,но откако во еден момент кога во Google при пребарувањата за Dell голем дел од резултатите воделе кон негативни постови на блогери, сфатиле колку се важни блогерите и комуникацијата со нив, ја промениле својата страгегија. И од компанија која била пред банкрот ,денес се она што се . Доколку знаете некој сличен пример за Македонска компанија ве молам обавезно споделете го со нас!

Ова води кон втората точка .  Велат дека содржината е крал, кога станува збор за оптимизација за пребарување и вашите резултати во Google. За разлика од статичната компаниска веб страна која, во повеќето случаи, едвај еднаш годишно се ажурира со нови податоци, блогот секојдневно има нови и уникатни содржини, а токму тоа е она што Google го прави среќен. Во превод тоа значи можност за да бидете пронајдени по повеќе клучни зборови, и секако подобри позиции во резултатите при пребарувањата.

Дали и твојата компанија има блог? Доколку да, те молам во делот за коментари  сподели го линкот со нас. Доколку не, дали мислиш дека веќе е време да го започнете вашиот компаниски блог? Сите мислења и коментари се добредојдени.

Зависник од Твитер во Затвор

За секоја работа што ја правиме во животот сигурно ќе се прашаме: Дали работам правилно? Дали можам да ја направам работава подобро? Каде грешам? Каде да најдам повеќе информации на темата?
Со моето присуство на Твитер, си ги поставив истиве прашања. И нормално е со тек на време да добиете искуство и да можете да споделите некоја мисла.
Еве неколку мои мислења за тоа како подобро да го користите Твитер:

За компании:
1. Користете го Твитер како човек, а не како машина за СПАМ
2. Ставете го Вашето лично име за да ја зголемите персонaлизацијата на комуникацијата (на пример, во делот Bio напишете кој стои позади профилот)
3. Кога ставате линк од блог пост, објаснете малку повеќе за постот или најавете го следниот пост (не ставајте само линк до постот)
4. Твитајте нешто што е корисно за луѓето кои Ве следат (совети, попусти, видео материјали…)
5. Доколку имате лична комуникација со еден корисник, правете го тоа преку DM, доколку сметате дека другите корисници не ги засегаат информациите кои ќе ги размените
6.Мерете колку пати Ви кликнале на линковите и во кој дел од денот го прават тоа.
7.Мерете и колку пати е направен ре-твит, и кој тип на пораки најмногу се ре-твитувани. (@iskra , фала многу за советов)
8.Со користењето на Твитер, Вашата компанија е отворена на многу потранспарентна и подиректна критика споредено со другите медиуми.
9.Никогаш не е вистинското време да почнете со Твитер(сепак, отворете профил)

За физички корисници

1.Користете го Твитер како човек, а не како машина за СПАМ
2.Ставете фотографија. Kорисниците сакаат да видат кој стои позади профилот.
3.Пополнете го делот Bio
4.Следи корисници што твитаат работи од Ваш интерес, и види кого следат овие корисници
5.Не замарај со ствари кои те интересираат само тебе(барем не премногу )
6.Твитовите кои не содржат линкови, мора да имаат интересна содржина (типичен позитивен пример е @sead93)
7.Не твитај додека возиш ( ова го потврди и @dasaf во еден од неговите твитови)
8.Многу твои пријатели те гледаат бледо кога ќе кажуваш колку си фасциниран од можностите на Твитер
9.Групирај ги професионални/ниш интереси наспроти понуди/услуги од компании кои те интересираат(@iskra , фала уште еднаш)

Како и да е, нема дефиниција за тоа како е правилно да го користите овој сервис. Во наредниот пост ќе разгледаме дополнителни начини за користење на Твитер. Сеуште се поставува прашањето и има поделени мислења за тоа дали Твитер е одлична маркетинг алатка и може да се користи како начин за брзо добивање информации, или пак е залудно потрошено време.
Затоа, ќе прашам, што мислите вие?