Culturgal pecha a súa edición 2025 cun balance de asistencia moi satisfactorio, xa que 16.100 espectadores pasaron polo Pazo da Cultura de Pontevedra (a cifra pode aumentar algo xa que o festival pecha ás 20:00 horas).

O director de Culturgal, Camilo Franco, considera que “as cifras de asistencia avalan a forte aposta pola programación deste ano, máis ampla e de maior calidade en todas as disciplinas da cultura”, con outras novidades como o concerto de benvida do xoves (Uxía) e o de peche desta noite no Teatro Principal (Óscar Ibáñez).

Houbo momentos de gran afluencia, como o sábado pola tarde, cando todos os escenarios e espazos do Pazo da Cultura de Pontevedra estaban cheos para asistir aos adiantos teatrais, concertos, a Festa dos Clubs de Lectura, a loita de debuxantes, ou o último do circo galego.

“Ano a ano damos pasos para atraer novos públicos, cunha oferta diversificada e iniciativas como o Teatriño e os espazos para a banda deseñada, o cine e a arte contemporánea, o circo ou o videoxogo galego”, engade o director de Culturgal.

O Culturgal 2025 serviu tamén para comezar outra aposta que a organización do Festival das Culturas Galegas potenciará no 2026. “Queremos levar o Culturgal por outros espazos da cidade durante o mes de novembro, sobre todo aos espazos que non teñen acceso habitualmente aos espectáculos culturais”, explica Camilo Franco.

Na xornada do domingo, consolidouse o Ven e Baila, unha iniciativa para disfrutar e reivindicar o baile a a danza posta en marcha o ano pasado. Centos de persoas asistiron ao espectáculo de Fran Sieira (Un baile ceibe) e bailaron da man de Artur Puga.

Máis de 500 persoas asistiron ao espectáculo ‘Moito Conto’ do sábado pola noite e onte foi protagonista ‘Bibopalula. O espectáculo’, a programación infantil e a homenaxe a Begoña Caamaño nas voces de Ana Romaní, A Pedreira e Mónica Caamaño, que serve como punto de partida das celebracións vinculadas ao Día das Letras Galegas 2026.

O Festival das Culturas Galegas pensa xa nunha próxima edición “para afondar neste obxectivo de poñer en contacto as diferentes culturas de Galicia e ampliar os horizontes, ó tempo que conseguimos que a veciñanza de Pontevedra cruce o río estes días para vir a Culturgal”, remata Camilo Franco.

A literatura compartirá de novo protagonismo coa cultura dixital, a arte, a música, a ilustración, o teatro, o humr, o baile ou o cine, sen pechar a porta a novas disciplinas artísticas.

A edición XVIII de Culturgal abriu as súas portas onte no Pazo da Cultura de Pontevedra, dando comezo a tres días e 225 actividades de literatura, música, teatro, cine, danza, arte contemporánea, baile… o mellor escaparate de todo o que se fai en Galicia.

Onte pola noite, as voces femininas da canción galega encheron o escenario do auditorio coas actuacións de Faia Díaz, A Pedreira e Felisa Segade.

Entre concerto e concerto, xuntáronse para agasallarnos cun momento único,.

Outro dos pratos fortes será a noite de humor galego desta (no auditorio ás 21:00 horas), co espectáculo ‘Moito conto’, creado por Touriñán en exclusiva para Culturgal. Estará acompañado, entre outros, por David Amor, Pablo Meixe, Patricia Castriñón e Marita Martínez.

‘Bibopalula. O espectáculo’ será a última das citas de pago deste Culturgal. Para toda a familia o domingo 30 pola mañá.

Faia Díaz, A Pedreira e Felisa Segade representan tres formas diferentes de entender e interpretar a canción galega, tres sensibilidades artísticas que se xuntan este venres por primeira vez no Culturgal de Pontevedra (21:00 horas no Pazo da Cultura).

“Xuntámonos nunha triada, un concerto no que Faia Díaz e Felisa Segade revisitan as cancións tradicionais galegas e eu vou coas cancións de ‘Basal’, que beben de ingredentes do patrimonio inmaterial noso e doutros lugares”, asegura A Pedreira.

No caso de Faia Díaz, “será unha gran ocasión para escoitar as cancións de ‘Alvela’”, un traballo no que profundiza na súa exploración da música tradicional galega desde unha perspectiva contemporánea e moi persoal.

O espectáculo de Felisa Segade “non deixará a ninguén indiferente”, coa súa visión da música tradicional galega, sempre desde o respecto pero á vez buscando “camiños diferentes aos habituais” cos que conectar co público.

As entradas para esta noite tan especial poden comprarse por só 10 euros en www.cultur.gal.

A música gaña este ano protagonismo no gran festival das culturas galegas, que se celebra desde este venres 28 ao domingo 30 no Pazo da Cultura de Pontevedra.

O ‘Ven e baila’ será de novo unhas das grandes citas de Culturgal 2025, “unha chamada colectiva a disfrutar e reivindicar o baile tradicional galego”.

O bailador Artur Puga, coordinador desta iniciativa, e Camilo Franco, director de Culturgal, presentaron hoxe esta convocatoria aberta de baile popular, que se celebrará o domingo 30 ás 13:30 horas no Pazo da Cultura de Pontevedra.

“Queremos dar resposta ao interese da xente máis nova, que reivindica a música tradicional e o baile, con esta actividade comunitaria para pasalo ben e perder o medo a bailar”, explica Camilo Franco.

Ademais do ‘Ven e Baila’, Fran Sieira presentará coa súa compañía de danza o espectáculo ‘Un baile ceibe’ (13:00 horas), estará o colectivo Vacaburra e celebrarase un faladoiro con persoeiros e persoeiras do mundo do baile, como Aida Tarrío, das Tanxugueiras.

As Pegadas do Baile

Artur Puga e Camilo Franco presentaron tamén hoxe en Pontevedra ‘As Pegadas do Baile’, un proxecto pioneiro que nace ao abeiro de Culturgal e estenderase despois polos concellos de toda Galicia para ensinar á xente os pasos básicos do baile galego.

Cunhas pegadas no chan, calquera persoa poderá aprender estes pasos básicos do baile tradicional. “As Tanxugueiras serán as embaixadoras deste proxecto, que espero levar polos concellos de Galicia, polos centros educativos e por todos aqueles lugares que estén interesados, como os centros galegos; que todo o mundo teña nun ‘cachiño’ de chan do seu pobo estes pasos para poder aprender os pasos básicos do baile”, engadiu Artur Puga.

A programación infantil gaña de novo protagonismo na edición 2025 de Culturgal, con numerosos espectáculos e actividades para pasar o día en familia no Pazo da Cultura de Pontevedra.

O prato forte desta programación será o domingo 30 de novembro, cando o espectáculo Bibopalula chega ao Auditorio do Pazo da Cultura de Pontevedra ás 12:00 horas. As entradas poden comprarse por 12 euros en cultur.gal.

Robin, Carpin, Merli e Pegui son A Banda do Bosque, un grupo de paxaros que fan música e se deron a coñecer cunha serie de gran éxito, agora convertida en produción escénica con cancións, coreografías e efectos especiais.

Ademais de Bibopalula, o escenario infantil de Culturgal acollerá desde o venres 28 ás 18:00 horas (Croco) ata o domingo 30 ás 18:30 horas (O extraño caso da pedra Brum Brum) numerosos espectáculos de teatro, contacontos e música para nenos e nenas.

Os bonos familiares xa están á venda en www.cultur.gal por 12 euros os tres días para catro persoas (15 en billeteira).

Culturgal presentou hoxe a súa programación completa, na que destacan os concertos e a noite de humor galego. Outro dos grandes atractivos será a conversa que, despois de moitos anos sen facelo, manterán Manuel Rivas e Suso de Toro (sábado 29 ás 19:00 horas).

“Antes de Culturgal, comezaremos cunha nova aposta para que o festival teña máis presenza na cidade de Pontevedra, en concreto en espazos que non teñen acceso habitualmente aos espectáculos culturais”, anunciou esta mañá o seu director, Camilo Franco, nun almorzo informativo.

“Nesta liña, mañá representarase na Residencia de Maiores de Campolongo a obra de teatro ‘O Novo’ en dúas sesións (18:30 e 19:30h), en colaboración co FIOT de Carballo”, engadiu.

Con respecto aos obxectivos de Culturgal (28-30 de novembro), Camilo Franco falou “da diversidade de propostas e xéneros aos que calquera persoa ten acceso en só tres días, con 225 actividades nas que se pode escoller e tamén probar novas opcións, sempre coa finalidade de pasar un bo rato”.

“Queremos chegar a novos públicos, que o Culturgal sexa un festival no que a literatura segue a ser moi importante, pero no que gañan protagonismo outras disciplinas artísticas”, explicou.

O programa musical comeza cun concerto de benvida o xoves 27 ás 21:00 horas no Auditorio do Pazo da Cultura, con Uxía Senlle presentando con varias artistas convidadas o seu último traballo, ‘Será por Flores’. Entrada gratuíta ata completar aforo nun espectáculo organizado polo Concello de Pontevedra.

O venres 28, tamén ás 21:00 horas, as voces femininas da canción galega encherán de novo o escenario do auditorio coas actuacións de Faia Díaz, A Pedreira e Felisa Segade. “Unha oportunidade única de escoitalas na mesma noite e no mesmo escenario”, afirmou Camilo Franco (entradas á venda por 10 euros).

O domingo 30 de novembro, o Teatro Principal de Pontevedra acollerá ás 20:30 horas o concerto de peche do Culturgal con Óscar Ibañez (entradas a 16 euros), tamén con artistas convidados e moitas sorpresas.

Outro dos pratos fortes será a noite de humor galego do sábado 29 (no auditorio ás 21:00 horas), co espectáculo ‘Moito conto’, creado por Touriñán en exclusiva para Culturgal. Estará acompañado, entre outros, por David Amor, Pablo Meixe, Patricia Castriñón e Marita Martínez (entradas a 23 euros).

‘Bibopalula. O espectáculo’ será a última das citas de pago deste Culturgal (12 euros). Para toda a familia o domingo 30 pola mañá.

No almorzo de hoxe para presentar a programación, Camilo Franco destacou tamén o espazo para as artes escénicas (o ‘Teatriño’), os recitais poéticos, a programación infantil e o ‘Vén e Baila’ do domingo.

Entradas

Xa están á venda en www.cultur.gal as entradas para os espectáculos de pago e para entrar en Culturgal, con bonos para os tres días por cinco euros en compra anticipada (9 euros en billeteira). As entradas diarias a 3 euros (5 en billeteira).

Programación completa en Programa – Culturgal

Xa están á venda as entradas para Culturgal. Xa podes reservar a túa anticipada en www.cultur.gal

Lembra que este ano o programa inclúe:

Xoves 27: Uxía presenta ‘Será por flores’. Entrada LIBRE pero podes reservar asento.

Venres 28: Concerto de Faia Díaz, A Pedreira e Felisa Segade.

Sábado 29: ‘Moito conto’, con Touriñán, David Amor, Pablo Meixe, Patricia Castriñón e Marita Martínez.

Domingo 30: ‘Bibopaula. O espectáculo’.

Domingo 30: Concerto de Óscar Ibañez.

As entradas e abonos para entrar no Culturgal manteñen os prezos do ano pasado: por cinco euros, abono para os tres días!

A XVIII edición de Culturgal será “a máis grande e ambiciosa”, xa que reunirá do 28 ao 30 novembro no Pazo da Cultura de Pontevedra a 750 artistas e creadores en 225 espectáculos e actividades para todas as idades.

“A cultura debe ser entretida e útil”, manifestou esta mañá o director do Culturgal, Camilo Franco, nunha presentación da edición deste ano na que tamén interviron Jacobo Sutil, director de Agadic; Natividad González, deputada de Cultura da Deputación da Coruña; Demetrio Gómez, concelleiro de Cultura do Concello de Pontevedra; Rafael Domínguez, vicepresidente da Deputación de Pontevedra; Valentín García, secretario xeral da Lingua da Xunta de Galicia, e Víctor López, presidente de Culturgal.

Víctor López destacou “o número de actividades que este ano organizamos en colaboración con outras asociacións e entidades, como PuntoGal, o Clúster do Audiovisual de Galicia, as asociacións galegas de guionistas e produtores, ou o Festival Internacional de Outono de Teatro (FIOT) de Carballo”.

A música terá un protagonismo especial no Culturgal e unha das novidades deste ano será o concerto de benvida do xoves 27 ás 21:00 horas no Auditorio do Pazo da Cultura, con Uxía Senlle presentando con varias artistas convidadas o seu último traballo, ‘Será por Flores’.

O venres, tamén ás 21:00 horas, as voces femininas da canción galega encherán de novo o escenario do auditorio coas actuacións de Faia Díaz, A Pedreira e Felisa Segade. O domingo 30 de novembro, o Teatro Principal de Pontevedra acollerá ás 20:30 horas o concerto de peche do Culturgal con Óscar Ibañez.

Outra novidade musical será o regreso de Magín Blanco á música adulta. Dará un concerto o sábado ás 20:00 horas no escenario principal do recinto ferial e presentará o libro ‘Percorrido’.

Outro dos pratos fortes será a noite de humor galego do sábado 29 (no auditorio ás 21:00 horas), co espectáculo ‘Moito conto’, creado por Touriñán en exclusiva para Culturgal. Está acompañado, entre outros, por David Amor, Pablo Meixe, Patricia Castriñón e Marita Martínez.

Audiovisual

Proxectaranse no Culturgal as películas máis importantes do cinema galego no ano 2025 e os adiantos de series e películas que se estrearán no ano 2026. Habera tamén unha selección das curtametraxes do ano e a presentación da serie ‘Pensión incompleta’, que se gravará nas catro linguas oficiais do Estado.

Outra novidade será un ciclo de narrativa oral no que directores, realizadores e guionistas galegos explicarán os seus próximos proxectos como se fora un conto.

Nas Artes Escénicas, o Culturgal acollerá os adiantos das montaxes de obras que chegarán no 2026 de Chévere; Centro Dramático Galego; Talía teatro; Bengala teatro, ou Morra o conto.

A literatura será como cada ano protagonista, cun acto de peche do Culturgal o domingo pola tarde (19:00 horas) no que actrices e cantantes galegas lerán fragmentos da obra de Begoña Caamaño, á que se adica o Día das Letras Galegas 2026.

Polo culturgal pasarán Manolo Rivas, Suso de Toro e a escritora vasca Oihane Amantegui, entre outros moitos autores e autoras.

Repite o ‘Vén e baila’ do domingo pola mañá (13:30 horas), con varias actividades de baile arredor desta iniciativa coordinada por Artur Puga, como o espectáculo de danza ‘Ceibe’ de Fran Sieira (13:00 horas).

Programación infantil

A Programación Infantil tamén medra para facer do Culturgal unha festa familiar. Como novidade, o sábado pola mañá haberá un Festival de grupos infantiles de escolas de teatro de toda Galicia.

No Culturgal terán tamén protagonismo para os artistas e creadores de Ribeira, onde celebrouse este mes o Culturgal Expandido, e este ano habilitarase un Punto Lila.

Máis de 100 stans ou expositores estarán presentes no Culturgal, con editoriais, artesanía, xoguetes, e postos institucionais.

Entradas

Xa están á venda en www.cultur.gal as entradas para os concertos principais e para entrar no Culturgal, con bonos para os tres días por cinco euros.

Cartaz

O proxecto Perpetuando, desenvolvido dende o CIFP Imaxe e Son da Coruña, é o responsable da creación da imaxe do cartaz do Culturgal 2025, nunha actividade coordinada por Olaia Sendón, Ana Monteagudo e Elisa Vecino co alumnado do ciclo de Imaxe.

A proposta leva por título ‘Cooltura’ e quere representar unha cultura aberta, diversa e próxima, afastada de calquera elitismo.

O Culturgal Expandido celebrado esta fin de semana no Auditorio Municipal de Ribeira deixa un balance moi satisfactorio, cun programa para todas as idades que serviu para poñer en contacto a cultura local coa do resto de Galicia.

O director do Culturgal, Camilo Franco, califica de “moi positiva” a resposta “a esta festa da cultura”, xa que o conxunto das actividades reuniu a 2.000 espectadores en Ribeira, “o que demostra a forza dos creadores e artistas locais e o interese dos diferentes públicos do Barbanza”.

A organización do Culturgal Expandido manifestou na inauguración do sábado o seu interese en converter Ribeira nunha sede permanente deste festival cultural, unha opción que estudarán co concello.

Ribeira volverá a ser protagonista no Culturgal de Pontevedra do 28 ao 30 de novembro, grazas á presenza dos seus creadores.

Onte, o peche do Culturgal Expandido reuniu a centos de persoas no Auditorio para ver primeiro as ‘Fantasmas Familiares’ de Quico Cadaval, que lembrou a súa infancia en Ribeira.

Posteriormente, a gala final, coa actriz Susana Sampedro de mestra de cerimonias, foi un escarapate das diferentes formas de entender a creación musical cunha orixe en común: Ribeira. Actuaron Nan Îllonia, Lau Panicanela, xeVA & Mon-O e Os Liantes.