Cyxob'a žurnals

Anālais sekss 2

cyxob — Mon, 06 Sep 2010 17:31:50 +0000

LOL! Nazkas LV teiklā nūteik :) Šudiņ nekur.lv popularōkais roksts ir: “Kāpēc vīriešiem patīk anālais sekss”. Tipiski. Bet roksts nav par tū, ka veirim pateik dyrsā bōzt (nu kurāņi taidi dati?), bet gon tys ir reklāmroksts jaunam resursam analaissekss.org.

Saceišu gūdeigi, ka resursā nabeju, ibo par dyrsā bōšanu nazaintereseju. Bet nūtykums nav apgōjs ari maņi. Jaunō resursa veidōtōjs ir pazacentīs un pamūciejs googli. Beja maņ raksteņš par smīkleigu atgadiejumu LTV, kurā ir īkomentiejs arī jaunais censūņs. :)

Anālis
Nu ko var ņemties ! Uzpied uz mona nika un viss anālais būs te. Laba anālā sekskoola

Vot tev i SEO latvīšu gaumē.

Doks. Apple Mac Doks

cyxob — Sun, 05 Sep 2010 15:46:58 +0000

Pamozam apdzeivoju sovu Mac’u. Pīrast ir dyžan vīgļi. Par tū, ka nu Linux uz Mac porīt ir stypri pateikamōk, kai nu lūgim. Nikaidu “lomku”. Strōdoj i vyss. Laikam par tū, ka Gnome ir jāmuse vysu tū lobōkū nu Mac i izmontoj. Nazynu, kai byutu, ka es byutu KDE fans.

Sazaskōrūs ar problemu, ka doks aizaug ar ikonom brīsmeigā ōtrumā, kas maņ na dyžan pateik. Drusku pamūcieju Googli un sataisieju, kap lobōk byutu.

Pa sūļim:

Sōkumā beja vasala kopona ar ofisa ikonom:
Sōku reikōtīs. Sataisieju katalogu Stacks sovā sātas katalogā. Nūsaukumam nav nikaidas nūzeimes.
Itymā katalogā vāļ vīnu katalogu Ofiss, kuramā sasvīžu maņ vajadzeigūs ofisa aplikāceju eisynōjumikonas (shortcut, alias)
Vyss! Ņiuļa izvylku katalogu Ofiss uz doka un maņ pazarōdēja steks ar ofisa ikonom. Viņ jis na vysai labi izaver :(
Lai vyss byutu “pa smukū” var pajimt taidas kai kasteites ikonu stekim. Kasteites ir tematiski nūformietas. Sataisiejs vīns japōņs. Lopas angļu verseja vaira naeksistej, bet japōniski vāļ ir pīejama. Te es ari pajiemu kasteites. Pajem ari tu. Tagad ikonu steks ir stypri lobōkā paskotā:

Lai veicās! Pats mūciešu maku tōļōk…

Fucking rudens

cyxob — Thu, 26 Aug 2010 10:01:34 +0000

Vys vaira i vaira var just rudiņi. Pec pōrs dīnom jau sōksīs jaunais mōceibu gods :( Vosora proskrāja kai vīns strāčeits. Jau divejis nedeļas strōdoju. Ja tū var nūsaukt par dorbu. Škola vāļ nav kōrteibā — vysur bardaks, ceļtnīki raun, putekļi, krōsas smoka. Vysi datori un goldi munā kabinetā stōv manis īpakōti pļāvī. Kod vareišu izpakōt un gatavōt jaunajam godam — nazynu. Naīšu jau īspringt. Nav i navajag.

Progōjušā nedeļī siedieju kursūs. Tai i ir — siedieju. Švakōkī kursi, kaidūs asu bejs. Lekceja 4 dīnu garumā. Tēmai ar mani un klōtasušajim školotojim nikaida sakara. Iznīkōtas vysmoz 720 cylvākstundes. Vāļ vīna nadyžan gudra bōba, kurai sakōps golvā vysu laiku apsauce klōtasūšūs, ja gribēja izasaceit, voi vīnkōrši pa klusū pazarunōt ar kolēģim. Kurva, bļa!

Niuļa, gaidūt uz sovu kabinetu, taisu papeirus stipendejai uz 3.kvalitātes pakōpi. Ls 400 ari nauda. Vāļ asu nūspiers ideju nu IKEA kataloga un seikajam taisu krāslu. Nu ūša. Vīgls i smuks. Cerams, ka byus ari ārts un praktisks.

Nu tai. Niuļa “ēterā” byušu cieškōk. Maņ ir daudzi jaunumu, par kū pastōstēt, bet vajag nūbrīst.

Krīze beigusies!

cyxob — Mon, 09 Aug 2010 11:55:19 +0000

Tai ir dāmas un kungi. Gribieju pazavērt, cik moksoj tumbeņas un izarōdēja, ka pierktōkōs moksoj 25’999.00 Ls voj 21’486.78 bez PVN. Tai, ka dzeive īt kolnā :)

Vasara

cyxob — Thu, 15 Jul 2010 09:57:42 +0000

Sōkumā par īprīkšejā īrokstā īlyktū meikļi. Atrysinōjums ir dyžan sprosts. Īvītōtais “teksts” eisteneibā ir sankrīvu raksteibas skaitļi. Un skaitlis ҂АЦОЗ ir muns dzimšonas gods 1977. IMHO prikoļnō tēma tetoviejumim. Krīvim.

Jau 3 nedeļas dzeivoju derauņī. Laime. Laiceņš perfekts. Koč i pyrmō nedeļa beja dīzgon troka. Vysu laiku leja leits un nabeja saules. Vyspōr. Vysu laiku vīnaiži palāks i nikaidas nūjāgas, cik niuļa laika i kurā dabasu pusī ir saule. Ņiuļa rikteiga vosora. +30°C ir labi, bet pi +32°C gon nazagrib nikō, viņ guļāt ānā. Tai slopstutīs nu korstuma, asu izlasiejs vīnu grōmotu. Buržuju volūdā. Sparkes kundzes sarakstietū “The Genius of Design” (256 lpp.). Brīsmeigi interesanti. Maņ, kai СССР īdzeivōtōjam nebeja nikaidas saprašonas par dizaina atteisteibu “за бугром”. Pi mysu to nikō nabeja — vīns vīneigs ширпотреб’s un breinumi Dzintarā. Grōmotu, kai jau vysi pādejā laikā, pajiemu bookdepository.co.uk grōmotneicā.

Vyspōr dzeivōt derauņī var ar lelu komfortu. Pa TV var bļisineitīs uz National Geographic, ka nav žāļ Ls 3,50 mienesī. Kai ari šļiukōt pa internetu. Sōkumā gon beja tehniskas problemas. Jau ūtrū godu maņ ir Okartes interneta puļķeits. Zona viņ švaka. Loksta nu EDGE 5 streipeņom un 3G 1 streipi un atpakaļ :( Dagō pīlikt USB vodu un izlaist puļķeiti breivdobā :) Pec “operacejas” loksta nu 3G 1 streipes uz divejom. Ōtrums lobs! Var youtubē vidzikus tiemēt.
Lelais paļdis ari @OKarte_lv twittera konta apkalpei. Strōdoj — capuri nūst! Paleidzēja maņ ar puļķeiša darbynōšonu Linux’ā. Atsyutēja vajadzeigū softu. Un nu es varu kleist pa internetu ari nu Linux’a.
Pōrs īstatiejumu (deļ sevi, kap navaicōt pa lītōtōja pamōceibom):

Taidi ir muni prōtojumi itymā korstajā dīnā. Ānā ir +33°C un svīdri leist aumaļom. Zīmā byus par kū skumt.

Kas tas ir?

cyxob — Tue, 06 Jul 2010 11:41:10 +0000

Derauņī atrodu jautru grōmotu. Tī vyss kas interesants. Vysaidas meiklis. Interesnai!
Ņiuļa vaicojums vysim, kas losa: “Kas tas ir?”

Nauda seko skolēnam

cyxob — Thu, 17 Jun 2010 10:24:42 +0000

No Money, No Funny…

Taida ir situaceja myuslaiku Latvejā. Vajag, kap školā byutu daudzi bārnu. Kur bārni tī nauda. BET, kai sacietu Godmanis, nav vyss tik sprosta. Vaļsts pa druskai pīgrīž skōbekli :) Niuļa ir taidi MK nūteikumi, ka porceļt uz nōkušū klasi pamatškolā (5. … 9.kl.) var ar divejom nasekmeigom atzeimem (1 … 3 balles), bet vydusškolā (10. … 12.kl.) ar nivīnu taidu atzeimi. Itymā godā kryta pyrmī upuri. Vysas progresivōs ciļviecis drauds matematika, izsyta nu īrindas daudzus jaunūs cansūņus. Vysu godu dzyna luņi un beigōs – BĀC!
Tai vīnkōrši jau nav, ka īlyka “2″ i staigoj. Sōkumā školānam ir dūta īspieja vysu lobōt. 2 nedeļu laikā jōīzavīca vysa goda mōceibu vīla un jōnukōrtoj pecporbaidejums. Pecporbaudiejuma atzeimi pīleidzynoj goda atzeimei! Kruta! Eksterns slāptā formā.
Loģiski, ka matematiku nūkōrtō viņ pōreits bārnu. I tod sōkās… Vasals bors aizīs nu školas. Nabyus vīnas klases. Nabyus stundžu, kū strōdōt školōtōjim. Nabyus €£$!!!
Nu kō, atroda tymūs nūteikumūs rindu, ka var kōrtōt ekspertu sastōdeitus uzdavumus. Nabadzeņi matematiķi izdūmō super-puper uzdavumus, kū lelōkō daļa ari semeigi nūkōrtō.
I deļ kō itī cyrki? Es parreizi pascieju, ka školānus jaunajūs laikūs jōuztver navys kai personeibas bet staigojušus naudas maisus. Kam vaira maisu – tys kruts! I ka dabōji sev tū naudas maisu, turi da gola, naizlaid nu rūku! Lai ir pi teva da 12.klases beigu. A ar kaidim rezultatim jis nūliks eksamenus, по барабану! Golvanais, kap vysi byutu paāduši.

Biļde nu ChicagoGeek

Par lobu Latveju!

Ētikas kodekss

cyxob — Mon, 07 Jun 2010 08:01:13 +0000

Niuļa siežu matematikas eksamenā pi 9.^b klases. Brīsmeigi garš laiks. Jau izlasieju vysu twitteri un pōrlopōju Rīgas laiks maja numeri. Eksamens до безобразия sprosts. Bet jaunō paaudze mūkās kai suneits, kurais grib dierst, bet navar!
Nu poša reita pyrms eksamena maņi jau paspēja sadusmōt školas direktore. Es, redz, asu īzarads šortūs. Nu da – ōrā korsts. A sutynōt kuļi garōs jiuzōs es nazataisu. Tys nav veseleigi, a maņ varbyut vāļ kaidu bārnu sazagribēs saimī. Bōbas var staigōt sukņōs, svōrkūs a es nā? WTF? Kai cītumā.

“Skolas ētikas kodeksā rakstīts…”

Nu i? Tī ir ari raksteits, ka:

Skolotāju ētikas pamatprincipi (…) cienīt skolēnu savdabību, kopt to, radināt audzēkņus patstāvīgi, brīvi un atbildīgi lemt un rīkoties

A par munu savdabeibu vysim nūzašpļaut. Naasu ari nikō dzierdiejs, ka kaids byutu aizrōdiejs īspiejamīm misionarim, ka jī staigoj uz dorbu apsaģierbuši tik pat breivi kai es. I kas svareigōks, breivs un zynūšs pedagogs voi nabreivs nalaimeigs cylvāks, kuru īmīguši ētikas kodeksa žņaugūs?
Byušu runōjs.

p.s. Breineigō fotka nu http://twilightearth.com/activism/womens-cycling-clothing-no-shorts-no-sports-bra-just-two-pasties/
. Kas autors, nav nikaidas poņas…

Sūrā skolas dzīve

cyxob — Fri, 04 Jun 2010 08:41:26 +0000

Vakar gōju uz autobusu un piļneigi sastyngu pi izejas nu školas. Es īraudzieju ITŪ:

Vasalas 8 kastes ar “Plakal” :) Tai jau školā syudeigi, a te 8 kastes “Plakal” :D
Pazzzzitifffff…

Tautas skaitīšana

cyxob — Mon, 24 May 2010 11:51:43 +0000

Dreiži byus tautas skaiteišona, un aktivisti ir pacāluši vaicojumu par latgalīšu un līvu volūdu. MK nūsacejumi par 2011.goda tautas skaiteišonas programu (Nr. 384) vaicuojumā „Kādu valodu jūs lietojat mājās” ir viņ četri atbiļdis varianti: „latviešu, krievu, baltkrievu vai citu (īroksta kaidu)”. Un izarōda, ka 2000. goda tautas skaiteišonā īraksteitō latgalīšu volūda tyka ignorieta. Par tū ņiuļa „Latgalīšu volūdys, literaturys, kulturviesturis školuotuoju asociaceja”, Latgolys Studentu centrs, bīdreiba „Kukuži”, bīdreiba „Latgalīšu Etnokulturys centrs”, bīdreiba „Es Latgalei”, Latgolys tradicionaluos kuļturys centrs „Latgaļu sāta”, bīdreiba „Upītes jauniešu folkloras kopa”, Latgolys producentu grupa i.c. īsnādz prīšklykumu papyldynōt atbiļdis variantus ar līvu, latvīšu/latgalīšu, poļaku, ukraiņu i lītuvīšu volūdu.
Es atbolstu taidu akceji! Gona myusus turāt par puscylvākim, i „tumsoņām no „platā gala””. Koč ar prōtu saprūtu jūs motivus. A ka, nadūd Dīvs, n tyukstuši skaiteišonā pasceis, ka runoj latgaliski? 3,14zdec! Sōks vāļ „pravas kačōt”.
Losi Jureiša rokstu lakugā un īsnīgumu Valdim Dombrovskim.

Iīsnāguma teksts: