Hello

Kutokana na Sayansi ya Mpira Nitamtetea Kocha Romain Folz wa Yanga

2025-09-27T10:29:00.005+03:00

Ameandika Mchambuzi Leo musikula:

“Simtetei kocha wa Yanga bila sababu za msingi, bali hoja zangu zinatokana na sayansi ya mpira wa miguu.” ⚽

1️⃣ Mzigo wa mafanikio ya misimu minne

Yanga imetoka kubeba ubingwa wa Ligi Kuu misimu minne mfululizo. Kila taji limehitaji nguvu kubwa za kimwili na kisaikolojia. Kwenye sayansi ya michezo, wachezaji wanaobeba mzigo mfululizo bila mapumziko ya kutosha huingia kwenye hali ya long-term fatigue – uchovu wa muda mrefu unaohitaji muda kurekebishwa.

2️⃣ Mabadiliko ya wachezaji

Baada ya misimu ya mafanikio, baadhi ya wachezaji wameondoka na wapya kuletwa. Kwenye sayansi ya “team dynamics”, mabadiliko ya nyuso ndani ya timu yanaleta changamoto ya kuunganisha falsafa na mawasiliano. Hii inahitaji muda kabla kikosi kipate muendelezo.

3️⃣ Ulinganisho usioepukika

Mashabiki wanalinganisha kila mechi na Yanga ya misimu iliyopita. Lakini haifai kusahau kwamba “peak performance” huja kwa awamu, na timu inapita kwenye “transition phase” kabla ya kufikia kiwango kipya cha juu.

🔰Hoja ya yangu kuu hapa ni:

Hoja kwamba Yanga haichezi vizuri inaweza ikawa na mashiko kwa jicho la mashabiki, lakini kisayansi, Roman bado yupo kwenye hatua ya kujenga upya mtiririko wa timu baada ya misimu minne yenye mafanikio makubwa na ratiba ngumu. Mchakato huu unahitaji muda, na matokeo kama ushindi wa 3–0 dhidi ya Pamba yanaonyesha bado Yanga ipo kwenye njia sahihi

Fei Toto Awataja Wachezaji Hawa Bora Kwake Ligi Kuu, Ajiweka na Yeye Katika List

2025-06-28T05:38:00.000+03:00

Feisal Salum anasema Mchezaji mwenye matumizi bora ya Mguu wa Kushoto ni Mohamed Hussein (Simba), Mchezaji bora matumizi Mguu wa kulia ni yeye Feisal Salum (Azam FC), Mmaliziaji bora amemtaja Prince Dube (Young Africans), Mchezaji mwenye Ufundi ni Pacome Zouzoua (Young Africans), Mchezaji mwenye chenga zaidi ni Pacome Zouzoua (Young Africans) na Mchezaji mwenye IQ kubwa ya mpira ni Khalid Aucho (Young Africans)

Alichofanya Rais wa RS Berkane ni Uhuni Mtupu, Kwa Mkapa Lazima Tutacheza

2025-05-16T18:23:00.002+03:00

Alichofanya Rais wa RS Berkane ni Uhuni Mtupu, Kwa Mkapa Lazima Tutacheza

Kwa Mkapa hajawahi kutoka mkubwa yoyote, kwa Mkapa kila mtu anajua kuwa Simba anasubiri Fainali tu achukue Kombe. Huyu Berkane amewahi kufa, Al Ahly amewahi kufa, Wydad amewahi kufa kwa kifupi kila Mkubwa wao amekufa kwa Mkapa.

Huyo Muhuni kwenye slide UKIENDA UTAMUONA kuna KUNGUNI wanamsifia sio sababu ya Uhuni na nafasi zake bali wanajua FAOUZ LEKJA ambaye ni Rais wa Shirikisho la Falme za Morocco ndio mwanadamu anayepigana kuhakikisha Simba wanakosa Ubingwa, Nchi inakosa Ubingwa.

Sasa utanielewa, hii vita ni ya wahuni kwa Wahuni, hii vita bado mbichi na mechi bado itapigwa kwa Mkapa, iwe mvua iwe JUA ngoma itapigwa kwa Mkapa……. Hii ndio Moment ya kigezo cha Mvua kitakapokua sio KIGEZO yaani Mvua haitanyesha na ikinyesha itachesha muda wa kushangilia kombe.

Kuweza kufika Fainali ya Vilabu Barani Afrika maana yake na Sisi tumefika LEVO zao za Uhuni, tupo anga moja hivyo hakuna KUPANIKI hadi dakika ya mwisho hii ni VITA ya Kihuni na wahuni wapo kazini. Hii sio Tanzania ya Kifala, hii nchi imetoa mjumbe wa kamati ya Utendaji CAF, Rais wa CECAFA na Tunafuzu MAAFCON…. Sisi pia WAHUNI.

KWA MKAPA WATACHEZA NA WATAKUFA KIHUNI.

NB:Simba na Berkane Simba kubwa, inavutia kwenye macho ya CAF, na ikicheza SUPER CUP kuna faida kubwa zaidi.

RASMI: Mamelodi Mabingwa wa Ligi South Africa....

2025-05-16T17:56:00.002+03:00

𝐑𝐀𝐒𝐌𝐈: Mamelodi Sundowns ni Mabingwa wa Ligi Kuu ya Afrika Kusini kwa msimu wa 2024/25 kufuatia ushindi wa 3-0 dhidi ya Chippa United usiku huu huku wakifikisha 70 baada ya mechi 27.

Kikosi hicho kinachonolewa na Miguel Cardoso kimetwaa ubingwa wa Ligi hiyo kwa mara ya 8 mfululizo na msimu huu wamefunga jumla ya magoli 63 na kuruhusu mabao 13 tu.

FT: Chippa United 0-3 Mamelodi Sundowns

⚽ 11’ Rayners

⚽ 69’ Arthur Sales

⚽ 89’ Arthur Sales

Aman Stadium Haukidhi Viwango vya Fainali CAF

2025-05-16T16:53:00.002+03:00

Ameandika @mzeewajambia Kwa Mujibu wa CAF STADIUM REGURALATIONS uwanja wa Amani Zanzibar haukidhi Kupokea Mchezo wa Fainali..✍️

Uwanja wa Amani Zanzibar upo CATEGORY 3 na ili uwanja uweze Kukidhi Kuchezwa Fainali ya Mashindano ya CAF(Caf Interclub Competitions) unatakiwa Kuwa CATEGORY 4.

Maana yake uwanja wa Amani Unakosa Vitu vya Msingi vya Category 4 Kama

1.Eneo na Idadi Kwa Mashabiki

2.Idadi na Eneo Kwa Dressing room

3.Idadi na Eneo kwa Press Conference

4.Idadi kwa Eneo kwa VIP na VVIP

Wafanyabiashara Arusha Wampongeza Mbunge Mrisho Gambo....

2025-05-16T16:45:00.001+03:00

Baadhi ya Wananchi na wafanyabiashara jijini Arusha wameipongeza Miaka mitano ya Mbunge wa Jimbo la Arusha Mjini Mhe. Mrisho Gambo kuwa ya manufaa kwa kuondoa changamoto zao kwenye Soko kuu, Machinga 68, Samunge, Soko la Krokoni na Kilombero.

Wamesema miundombinu mbalimbali ikiwemo mitaro, Vyoo pamoja na miundombinu ya maji na huduma ya maji safi na salama kuwa changamoto kuu ya Masoko yao, kabla ta Mhe. Gambo kuitatua changamoto hiyo kwa fedha zake binafsi kwenye Masoko yote ya Jiji

"wafanyabiashara hasa wa Soko kuu kwa maana kwamba Mwanzoni hata kudeki maduka ilikuwa shida kwani Idara ya maji iliondoa kabida miundombinu ya maji, sasa hilo likawa tatizo kwa wengi na humu ndani huduma ya vyoo ikawa shida. Leo kila soko limeona matunda ya visima hivi hasa kwa wenye mabucha na wananchi wa pembezoni hapa kwenye mtaa wa bondeni wananufaika na maji haya kwasababu ni ya bure, hayauzwi kwahiyo mnyonge, mnyongeni ila haki yake mpeni." Amesema mmoja wa Wafanyabiashara.

Nao wanawake wanaofanya biashara ya vyakula soko la Samunge, wamemshukuru Mhe. Gambo kwa mitaji, elimu pamoja na majiko ya Gesi waliopatiwa bure na Mbunge huyo, kama sehemu ya kuunga Mkono jitihada za Rais Samia Suluhu Hassan

CAF wafanya mabadiliko kwenye website yao mchezo wa fainali Simba

2025-05-16T10:55:00.002+03:00

Updates 👇

➡️ CAF tayari wamefanya Mabadiliko kwenye website yao kuhusu uwanja utakaotumika kwenye mechi ya pili ya Fainali ya Kombe la Shirikisho barani Afrika kati ya Simba dhidi ya Berkane

TANZIA: Prince Dube wa Yanga afiwa na mtoto wake wa kike, Hannah

2025-05-16T08:23:00.005+03:00

Taarifa za majonzi zimeikumba klabu ya Yanga pamoja na mashabiki wa soka nchini Tanzania baada ya mshambuliaji wao, Prince Mpumelele Dube, kutangaza msiba wa mwanawe mpendwa, Hannah. Dube, raia wa Zimbabwe anayekipiga katika klabu ya Yanga, amethibitisha habari hizo kupitia ukurasa wake rasmi wa mtandao wa kijamii wa X (zamani Twitter).

Katika ujumbe wake wa kuhuzunisha, Dube aliandika kwa hisia:

"Kwaheri mtoto wangu kipenzi, nilikupenda ila Mungu amekupenda zaidi, nakupenda sana mwanangu Hannah."

Habari hizi zimepokewa kwa huzuni kubwa na wadau mbalimbali wa soka, wakiwemo wachezaji wenzake, viongozi wa klabu, na mashabiki waliomfariji kwa maneno ya pole na kumuombea faraja katika kipindi hiki kigumu.

Prince Dube, ambaye amejiimarisha kama mmoja wa washambuliaji mahiri katika Ligi Kuu ya Tanzania Bara, amekuwa mfano wa kuigwa ndani na nje ya uwanja kutokana na nidhamu na juhudi zake. Kifo cha mtoto wake Hannah kimegusa mioyo ya wengi, kwani ni pigo kubwa si tu kwa familia yake, bali pia kwa familia kubwa ya soka nchini Tanzania na Zimbabwe.

Viongozi wa Yanga SC kupitia taarifa yao wameeleza masikitiko yao na kutoa pole kwa Dube na familia yake, wakimuombea marehemu apumzike kwa amani na familia yake kupata nguvu za kuvuka kipindi hiki kigumu.

Mashabiki na wapenzi wa soka wameombwa kuendelea kumuombea Prince Dube na familia yake ili wapate faraja na uvumilivu katika kipindi hiki cha majonzi.

Mungu ailaze roho ya marehemu Hannah mahali pema peponi. Amina.

Polisi Yamkamata Tena Mfalme Zumaradi wa Mwanza

2025-05-16T04:45:00.002+03:00

Jeshi la Polisi Mkoa wa Mwanza limesema leo May 15,2025 saa nne asubuhi limemkamata na linaendelea kumhoji Diana Edward Bundala ambaye pia hujitambulisha kwa jina la Mfalme Zumaridi (42) Mkazi wa Mtaa wa Buguku, Kata ya Buhongwa, ambaye ameyageuza makazi yake kuwa Kanisa.

Taarifa iliyotolewa na Kamanda wa Polisi Mkoa wa Mwanza imesema Zumaridi anatuhumiwa kuendesha shughuli za kidini bila usajili pamoja na kufanya mahubiri kwa Waumini wake kwa sauti ya juu katika eneo hilo ambalo ni makazi ya Watu na kusababisha usumbufu kwa majirani wanaoishi karibu na makazi yake.

“Mwanamke huyo anahojiwa pia kuhusiana na taarifa inayoendelea kusambaa katika mitandao ya kijamii akionekana kwenye picha mjongeo (video) akiwa na kundi la Watoto wenye umri mdogo wa jinsia ya kike na kiume akiwaeleza kuwa yeye ndiye Mungu wao ambaye ana uwezo wa kuwatenganisha na kifo”

“Uchunguzi kuhusiana na tukio hili unaendelea, Jeshi la Polisi katika uchunguzi huo litashirikiana na Taasisi nyingine za Serikali, hivyo linawaomba Wananchi wenye taarifa mbalimbali zinazoweza kusaidia uchunguzi wa tuhuma hizi wafikishe kwa Jeshi la Polisi, uchunguzi utakapokamilika hatua za kisheria zinazostahili zitachukuliwa”

Yule Refa Aliyekataa Bao la Aziz K Kwa Mamelodi Apewa Simba Vs RS Berkane

2025-05-16T04:29:00.003+03:00

UNAMKUMBUKA yule mwamuzi aliyekataa bao la Stephane Aziz Ki dhidi ya Mamelodi Sundowns lililozua utata mkubwa hadi kwenda kuangaliwa kwenye VAR? Anaitwa Dahane Beida raia wa Mauritania, huyu ndiye ambaye Shirikisho la Soka Afrika (CAF) limemkabidhi jukumu la kuamua mechi ya fainali ya Kombe la Shirikisho Afrika mkondo wa pili kati ya Simba dhidi ya RS Berkane ya Morocco itakayopigwa wiki ijayo kwenye Uwanja wa New Amaan, visiwani Zanzibar.

Fainali hiyo imepangwa kuchezwa siku hiyo, baada ya ile ya kwanza itakayofanyika Jumamosi hii huko Berkane, Morocco ikichezeshwa na mwamuzi Pierre Ghislain Atcho kutoka Gabon akisaidiwa na Boris Marlaise Ditsoga (Gabon) na Eric Ayimavo Ayamr Ulrich (Benin), huku refa wa akiba mezani atakuwa Patrice Tanguy Mebiame wa Gabon.

Dahane Beida anakumbukwa kwa tukio la Aprili 5, 2024 lililozua gumzo baada ya shuti la Aziz Ki alilopiga dakika ya 58 dhidi ya Mamelodi Suondowns waliokuwa wenyeji wa mechi ya pili ya robo fainali ya Ligi ya Mabingwa Afrika uliochezwa Afrika Kusini, kwani licha ya mpira kuonekana kudundia ndani, lakini refa huyo alikataa bao baada ya kwenda kujiridhisha kwenye VAR.

Elie Mpanzu Afunguka Kuhusu Tetesi za Kuondoka Simba na Kujiunga Yanga...

2025-05-15T19:39:00.002+03:00

Katika kipindi hiki cha dirisha kubwa la usajili, habari kuhusu wachezaji wakuu na usajili wao huwa kivutio cha umma. Miongoni mwao ni Ellie Mpanzu, kiungo mahiri wa Simba SC, ambaye hivi karibuni amezungumzia uwezekano wa kuondoka katika klabu hiyo na kujiunga na wapinzani wao wa jadi, Yanga SC.

Katika mahojiano yake, Mpanzu alieleza kuwa amekuwa akipokea shinikizo kutoka kwa mashabiki na wanachama wa timu kuhusu mustakabali wake. Alikiri kuwa, ingawa anaipenda Simba, anahitaji kufanya maamuzi bora kwa ajili ya maendeleo yake binafsi na ya taaluma yake. “Soka ni kazi, na kila mchezaji anahitaji fursa ya kuonyesha uwezo wake,” alisema Mpanzu.

Kuhusu kujiunga na Yanga, Mpanzu alionyesha kuwa anafuatilia kwa karibu mwenendo wa klabu hiyo, ambayo imeonekana kuwa na nguvu na ushindani zaidi katika misimu ya hivi karibuni. Alisema, “Yanga ni klabu kubwa yenye historia na mafanikio. Ni jambo la kawaida kwa mchezaji yeyote kutamani kucheza katika mazingira kama hayo.”

Mpanzu alifafanua kuwa, licha ya uvumi wa kuhamia Yanga, bado ana mkataba na Simba na anaheshimu makubaliano yake. “Nipo na Simba kwa sasa, na niko tayari kusaidia timu yangu kufikia malengo yake msimu huu. Ninajitahidi kadri niwezavyo,” aliongeza.

Katika kipindi cha usajili, wachezaji wengi wamehamia katika klabu mbalimbali, na Mpanzu hakukosekana katika orodha ya wachezaji wanaovutia. Hali hii imeongeza shauku miongoni mwa mashabiki, ambao wana hamu ya kujua hatima yake.

Wakati huo huo, viongozi wa Simba wamesisitiza umuhimu wa kuhifadhi wachezaji muhimu kama Mpanzu, ambao wanaweza kuleta faida kubwa kwa timu. “Tuna mipango mingi ya kuboresha kikosi chetu, na Ellie ni sehemu muhimu ya mpango wetu,” alisema mmoja wa viongozi wa timu.

Kwa upande wa Yanga, mashabiki wameonyesha faraja na matumaini kuwa Mpanzu angeweza kujiunga nao, wakiamini kuwa ujuzi wake utaleta mabadiliko chanya katika kikosi chao. Hali hii inadhihirisha jinsi soka katika Tanzania lilivyo na ushindani mkubwa na jinsi mabadiliko ya wachezaji yanavyoweza kubadilisha taswira ya ligi.

Kwa sasa, mashabiki wanangoja kwa hamu kuona hatima ya Mpanzu. Je, ataendelea na Simba au atachukua hatua ya kujiunga na Yanga? Wakati wa dirisha hili la usajili unazidi kupita, na maamuzi ya wachezaji yanaweza kuwa na athari kubwa kwa timu hizo mbili za jadi.

Ada ya 0% kwa Biashara Zote za P2P: Local Traders Wanatoa Ofa Bora kwa Wapenda Crypto wa Kitanzania.

2025-05-15T18:29:00.004+03:00

Ada ya 0% kwa Biashara Zote za P2P: Local Traders Wanatoa Ofa Bora kwa Wapenda Crypto wa Kitanzania.

Local Traders limekuwa jukwaa linalopendekezwa kwa wafanyabiashara wa Kitanzania wa crypto na muundo wake wa ada ya 0% kwa biashara zote za P2P. Kwa kutoa mazingira ya biashara bila malipo, Wafanyabiashara wa Ndani wanafanya biashara ya cryptocurrency kupatikana na ya gharama nafuu, kuruhusu watumiaji kununua na kuuza mali ya kidijitali bila kuwa na wasiwasi kuhusu ada fiche au ada za juu. Kwa wapenda crypto wa Tanzania wanaotafuta suluhisho la biashara la P2P la kuaminika, salama na la bei nafuu, Wafanyabiashara wa Ndani wanaweka kiwango kipya katika soko la crypto la Tanzania kwa ada ya 0% kwa miamala yote ya P2P, na kufanya biashara kufikiwa zaidi, kwa bei nafuu, na kulenga mtumiaji zaidi.

Kujitolea kwa Local Traders kwa muundo usio na ada kunamaanisha kuwa watumiaji wanaweza kununua na kuuza fedha za siri bila kuwa na wasiwasi kuhusu ada za gharama kubwa. Mbinu hii sio tu kuongeza mapato lakini pia husaidia wafanyabiashara kudhibiti uwekezaji wao kwa ufanisi zaidi, haswa katika soko linalobadilika haraka.

Kuwawezesha Watumiaji na Vipengele vya Ubunifu

Local Traders hutofautiana kutoka kwa ubadilishanaji mwingine kwa kutanguliza uzoefu wa mtumiaji na usalama. Kiolesura cha utumiaji cha jukwaa kinaruhusu watangulizi na wafanyabiashara wenye uzoefu kuabiri mandhari ya crypto kwa urahisi.

Hapa kuna baadhi ya vipengele muhimu vinavyotenganisha Local Traders:

Ada Sifuri kwa Miamala
Local Traders wamejitolea kuwapa watumiaji uzoefu wa biashara usio na mshono, na hiyo huanza na sifuri ada za muamala. Hii inamaanisha kuwa unahifadhi pesa nyingi zaidi ulizochuma kwa bidii, ikiruhusu fursa bora za biashara na uwekezaji.

Msaada mpana wa Cryptocurrency

Local Traders huwezesha miamala isiyo na mshono katika anuwai ya sarafu kuu za siri, ikijumuisha:

Bitcoin (BTC)
Tether (USDT)
USD Coin (USDC)
Binance Coin (BNB)
Ethereum (ETH)
Local Traders Coin (LCT)

Uteuzi huu mpana huwapa watumiaji uwezo wa kubadilisha jalada zao na kujihusisha na baadhi ya mali maarufu za kidijitali kwenye soko.

Mbinu Mbalimbali za Malipo

Kwa zaidi ya chaguo la malipo 750+, Wafanyabiashara wa Ndani hutoa unyumbufu usio na kifani kwa watumiaji. Mfumo huu unaauni mbinu mbalimbali za malipo zinazotambulika kimataifa, zikiwemo:

Uhamisho wa Benki
Pochi za Dijitali
Kadi za Zawadi
PayPal
Payoneer
Wise

Aina hii pana hurahisisha watumiaji kutoka kote ulimwenguni kufanya biashara ya fedha fiche kwa urahisi, ikizingatia mapendeleo na mahitaji tofauti.

150+ Fiat Sarafu

Furahia biashara isiyo na mshono katika safu nyingi za sarafu za sarafu-zaidi ya 150 kwa jumla! Iwe uko Afrika, Asia, au popote pengine duniani, Local Traders hukuwezesha kununua na kuuza fedha fiche kwa urahisi. Mfumo wetu unaziba pengo kati ya fedha za kitamaduni na soko la crypto, huku kuruhusu kufanya miamala kwa kutumia sarafu ya nchi yako na kufurahia uzoefu wa kibiashara wa kimataifa.

Hatua za Usalama Imara

Kwa Local Traders, usalama wako ndio kipaumbele chetu kikuu. Tunatumia itifaki za usalama za hali ya juu ili kulinda miamala yako na ufikiaji wa akaunti, ikijumuisha:

Huduma za Juu za Escrow
Uthibitishaji wa mambo mawili (2FA)
Kumbukumbu za IP za Kipindi kwa ufuatiliaji ulioimarishwa
Hifadhi ya Cold Wallet ili kuweka pesa zako salama dhidi ya vitisho vya mtandaoni

Zaidi ya hayo, timu yetu mahususi ya utatuzi wa mizozo inapatikana 24/7 ili kuwasaidia watumiaji na masuala yoyote ambayo yanaweza kutokea, kutoa amani ya akili wakati wa kufanya biashara.

Usaidizi wa Lugha nyingi

Local Traders wamejitolea kuhudumia hadhira ya kimataifa kwa kutoa usaidizi wa lugha nyingi katika zaidi ya lugha 40. Hii inahakikisha kwamba wafanyabiashara kutoka asili mbalimbali wanaweza kuvinjari jukwaa letu kwa urahisi na kufurahia uzoefu wa kibiashara bila mpangilio, bila kujali eneo lao. Tunaamini kuwa lugha haipaswi kamwe kuwa kizuizi kwa biashara, na chaguo zetu pana za lugha zinaonyesha kujitolea kwetu kwa ujumuishaji na ufikiaji.

Mpango wa Wafanyabiashara wa P2P

Mpango wa Wafanyabiashara wa P2P, Local Traders hutoa alama maalum ya kuangalia kwenye wasifu wao, na hivyo kuongeza uaminifu na mwonekano ndani ya jukwaa. Utambuzi huu maalum hauvutii watumiaji zaidi tu bali pia huongeza fursa za biashara, kuwezesha wafanyabiashara kuungana na jumuiya mahiri ya wapenda crypto wanaotamani kufanya miamala.

Tunafurahi kuwatambulisha Wafanyabiashara wa Ndani kwenye soko, kuwawezesha watumiaji na mazingira salama na ya uwazi ya biashara ya P2P," Abdul Rehman, Mwanzilishi wa Local Traders alisema: "Dhamira yetu ni kuleta mapinduzi ya njia ya watu kufanya biashara ya fedha za siri kwa kutoa jukwaa la kuaminika ambalo linatanguliza ada za chini, chaguo kubwa za malipo, na usalama wa hali ya juu. Tunaamini kwamba kila mtu anapaswa kuwa na fursa ya kushiriki katika mapinduzi ya crypto.

Je, uko tayari kufanya Biashara? Hapa kuna Jinsi ya Kuanza

Kuanza kufanya biashara kwenye Local Traders ni rahisi na moja kwa moja. Fuata tu hatua hizi rahisi ili kuanza safari yako ya biashara ya P2P crypto:

Jisajili
Tembelea Local Traders na ufungue akaunti yako kwa dakika chache. Mchakato wa usajili ni rafiki na wa haraka, unaohakikisha kuwa unaweza kuanza kufanya biashara bila ucheleweshaji wowote.
Kamilisha KYC
Thibitisha kwa haraka utambulisho wako kupitia mchakato wetu uliorahisishwa wa KYC. Hii inahakikisha usalama na utiifu, kukupa amani ya akili unapofanya biashara.
Amana Crypto
Weka kwa usalama sarafu ya crypto unayopendelea kwenye pochi yako ya Local Traders. Mfumo wetu unaauni aina mbalimbali za fedha fiche, kwa hivyo unaweza kuchagua ile inayokufaa zaidi.
Anza Uuzaji
Chagua kutoka kwa anuwai ya ofa au unda tangazo lako ili ufanye biashara kwa ujasiri. Gundua soko na uungane na wafanyabiashara wengine wanaoshiriki mambo yanayokuvutia.

Usikose nafasi ya kuwa sehemu ya jambo kubwa linalofuata katika biashara ya crypto ya P2P. Jiunge nasi sasa na ujionee mustakabali wa biashara ya crypto kwenye Local Traders!

About Local Traders

Local Traders ni soko la kisasa la P2P la crypto lililojitolea kutoa uzoefu salama na usio na mshono wa biashara. Inayoishi Chile, Amerika Kusini, Local Traders SpA ni huluki iliyosajiliwa yenye VAT: 77603426-6. Tunawawezesha watumiaji kwa kutoa miamala inayoweza kufikiwa na bora ya cryptocurrency ambayo inahudumia wageni na wafanyabiashara waliobobea.

Jiunge nasi Leo katika kufafanua upya mustakabali wa biashara ya crypto!

Tovuti: Local Traders P2P Crypto Exchange
LinkedIn: Local Traders

Magori Aomba CAF Ichunguze Swala la Simba Kubadilishiwa Uwanja Fainali ya CAF...

2025-05-15T15:42:00.001+03:00

Kupitia ukurasa wa Magori Mjumbe wa kamati kuu ya Simbasc ameandika haya

Hii inazidi kuwa KASHFA; Berkane alipanga hoteli mjini Zanzibar jana (14/5/25) saa 09 GMT; Simba ilipokea barua ya kupendekeza mabadiliko ya uwanja asubuhi ya leo (15/5/25)!! Inawezekanaje Klabu Mwenyeji na Shirikisho hawakufahamu uamuzi wa CAF kufikia jana lakini Berkane alikuwa amejua!!!!!! Je, Berkane alikuwa sehemu ya mchakato wa kufanya maamuzi wa CAF? Tukio hili haliwezi kupita bila kuangaliwa na chombo huru!! @cafclcc

Ahmed Ally Awatoa Hofu Wana Simba Kuhusu Kuondoka Kwa Mpanzu, Bado Yupo Sana

2025-05-15T14:02:00.002+03:00

Meneja Habari na Mawasiliano wa klabu ya Simba, Ahmed Ally amewatoa hofu mashabiki wa klabu ya Simba kuwa kiungo wao Ellie Mpanzu yupo bado msimbazi kwa msimu mmoja na nusu zaidi.

" Niatoe hofu wana Simba, mpanzu ni mali yetu, ana mkataba wa miaka miwili, hadi hivi sasa ameshatumikia miezi minne, bado msimu mmoja na nusu."

- Ahmed Ally, Meneja Habari na Mawasiliano wa klabu ya Simba.

Simba Yaanza MAMBO Morocco, Fadlu Akitaka Usiri

2025-05-15T12:28:00.003+03:00

Wakati Simba ikianza mazoezi yake ya kwanza jana saa 11:00 jioni kwa saa za Morocco sawa na saa 1:00 usiku kwa muda wa Tanzania, kocha Fadlu Davids amezuia mazoezi hayo ya kwanza kuhudhuriwa na kundi kubwa la watu.

Kocha huyo amezuia waandishi na mashabiki wengine waliosafiri na Simba kuja Morocco kuhudhuria mazoezi hayo akihitaji yawe na usiri.

Ni idadi ndogo ya viongozi ndio walioruhusiwa kutazama mazoezi hayo huku wakikatazwa kuchukua kwa video program za mbinu na ufundi ambazo alikuwa akizitoa.

Wachezaji hao wa Simba walianza na mazoezi ya kunyoosha miili na baadaye kufanya mazoezi ya mbinu.

Sababu ya Fadlu kuzuia mazoezi hayo kuhudhuriwa na idadi kubwa ya watu ni kuzuia uwezekano wa mbinu na mipango yake kwa ajili ya mechi dhidi ya RS Berkane kuvuja.

Simba ipo hapa Morocco ambako Jumamosi, Mei 17, 2025 itacheza na RS Berkane katika mechi ya kwanza ya fainali ya Kombe la Shirikisho Afrika.

Mtikisiko Mkubwa Chadema, Mama Wakimbilia Chama za Chuma...

2025-05-15T12:27:00.002+03:00

Chama cha Demokrasia na Maendeleo (CHADEMA) kinaendelea kukumbwa na mtikisiko wa ndani baada ya mamia ya wanachama wake kuripotiwa kujiondoa kwa hiari, hali inayozua taharuki katika ulingo wa siasa nchini.

Kulingana na jambo TV, habari za kuaminika kutoka duru za kisiasa zinaeleza kuwa wanachama hao huenda wakajiunga na Chama cha Ukombozi wa Umma (CHAUMMA), mojawapo ya vyama 19 vilivyosajiliwa rasmi na Tume ya Taifa ya Uchaguzi.

Ingawa waliohama hawajatangaza hadharani chama wanachokusudia kujiunga nacho, vidokezo vya kisiasa vinaonesha CHAUMMA kama kituo kipya cha matumaini, kikitambulika kwa historia yake ya kukaribisha wanachama kutoka vyama pinzani, wakiwemo waliowahi kutoka ACT-Wazalendo na CUF.

Akizungumza na Mwananchi, Mwenyekiti wa CHAUMMA, Hashim Rungwe, amesema hadi sasa hajapokea taarifa rasmi ya wanachama hao kujiunga, lakini amesisitiza kuwa milango ya chama chake iko wazi kwa Watanzania wote wenye nia ya dhati ya kuleta mabadiliko ya kweli.

“Wana uhuru wa kuchagua chama wanachotaka. Nami nasikia habari hizo kupitia vyombo vya habari. Tukikutana nao, tutajadiliana kwa uwazi,” alisema Rungwe.

Ameongeza kuwa vyama vya siasa ni mali ya wananchi, si viongozi binafsi, hivyo mtu yeyote ana haki ya kuhama chama bila kuzuiliwa au kulaumiwa.

Mtikisiko huu ndani ya CHADEMA unaibua maswali mapya kuhusu uimara wake wa ndani, hasa ikizingatiwa kuwa ni chama kikuu cha upinzani kilichowahi kuongoza vuguvugu la mabadiliko nchini. Je, ni mwanzo wa mwisho au mwanzo wa mageuzi mapya?

CHADEMA Yajibu Mapigo

2025-05-15T12:16:00.008+03:00

Chama cha Demokrasia na Maendeleo (CHADEMA), kimeweka wazi barua ya Februari 20,2025 yenye kumbukumbu C/HQ/ADM/SG/02 waliyomjibu mwanachama wake, Lembrus Mchome, kwamba Baraza Kuu Taifa la chama hicho, lilikuwa halali na akidi ilitimia.

Katika barua hiyo yenye kichwa cha habari cha Malalamiko ya kuthibitishwa/kupitishwa kwa viongozi kinyume na katiba ya chama, imesainiwa na Katibu Mkuu, John Mnyika, akijibu barua yenye Kumb. Na. KM/CDM/A-B/2025 ya Februari 18, 2025.

Chama hicho kimejibu hoja nane za Mchome kwamba hoja sababu zote nilizozitaja hapo juu, malalamiko na maombi yako yote hayana ukweli wala msingi wowote.

Hoja za Mchome ni kwamba idadi ya wajumbe halali wa Baraza Kuu waliohudhuria kikao hicho ni 234, ambayo ni sawa na asilimia 56.8 ya wajumbe wote; Kwamba kwa mujibu wa Katiba yetu ya Chama ibara ya 6.2.2(a), kikao halali cha ngazi ya kawaida, kama vile Baraza Kuu, kinahitaji akidi ya asilimia 50 ya wajumbe wote wa kikao hicho;

Kwamba, kikao halali cha maamuzi ya kisera, au cha uchaguzi, au cha kurekebisha Katiba ya Chama, kama vile Mkutano Mkuu wa Chama Taifa, kinahitaji akidi ya asilimia 75 ya wajumbe wote wa kikao hicho;

Kwamba. Kikao cha Baraza Kuu unachokilalamikia hakiwezi kuwa kikao cha maamuzi ya kisera au kikao cha uchaguzi au cha kubadilisha Katiba bali kilikuwa kikao cha kawaida cha Baraza Kuu kwa ajili ya kutekeleza majukumu ya kawaida ya Baraza Kuu yaani kuthibitisha jina la Katibu Mkuu, Manaibu Katibu Wakuu na wajumbe wa Kamati Kuu walioteuliwa na Mwenyekiti wa Chama:

Kwamba, Lilian Masiaga na Injinia Dk. Nyamatari Tengecha, unaodai walikuwepo ndani ya ukumbi wa kikao cha Baraza Kuu sio wajumbe na hawapo kwenye orodha ya mahudhurio ya wajumbe wa Baraza Kuu.

“Kwa hiyo kuwepo au kutokuwepo kwao hakuwezi kuathiri akidi ya kikao cha Baraza Kuu wala kubatilisha maamuzi yaliyofanyika katika kikao tajwa,”amejibu.

Kwamba, kwa mujibu wa kumbukumbu za kikao cha Baraza Kuu unachokilalamikia, wewe mwenyewe hukuhudhuria kikao hicho.

“Kwa hiyo, inaelekea malalamiko yako yametokana na maneno ya kuambiwa ama ya kuhisi, lakini yasiyokuwa na ukweli au msingi wowote,”amefafanua Mnyika kwenye barua hiyo.

“Ingependeza sana kama mwanachama na kiongozi wa chama kama ungetafuta ukweli wa jambo hili kwenye ofisi yangu kwanza kabla ya kuandika na kusambaza uzushi huu mitandaoni na kwenye vyombo vya habari na hivyo kuleta taharuki ya bure kwa wanachama na wananchi,”amesema.

HATIMAYE Harmonize Afunguka Kuhusu Ibraah, Kauli ya Kumuita Chumbani na Kumsamehe

2025-05-15T11:43:00.003+03:00

Kwa mara ya kwanza tangu lianze sakata la Mwimbaji #Ibraah kutaka kujiondoa kwenye Label ya Konde Gang, C.E.O na Mwanzilishi wa Konde Gang, Staa wa Bongofleva #Harmonize amejirekodi video fupi akielezea sakata hilo na kukiri kwamba hajamdai Ibraah shilingi bilioni moja kama alivyodai.

“Nikiri kwamba Mdogo wangu alinitumia msg na kuniomba kwamba anataka kutoka kwenye Label na kwenda kujitegemea nami nilimjibu moja kwa moja kwamba nakutakia kila la kheri, kaa chini na Viongozi wa Konde Gang soma mkataba wako muone mnafanyaje, mkataba unasema endapo atataka kuvunja mkataba na kumiliki nyimbo zote hata zile alizozifanya na mimi ili ziwe zake milele ziwe zinaingiza kwake inatakiwa alipie hicho kiasi cha pesa kilichotajwa miaka minne iliyopita”

“Hayo ndio yalikuwa mazungumzo sijui nini kimetokea kwake baadae akaja kusema kwenye mitandao yake kwamba nimemdai kiasi cha shilingi BILIONI MOJA, nikiri kwamba sijamdai kiasi cha BILIONI MOJA na nisingependa pesa yangu tena ije kunichafua mwenyewe, namtakia kila la kheri, kuanzia sasa yeye ni Msanii anayejitegemea Promoters mkiwa na show muiteni apate rizki aisaidie familia yake”

“Kuhusu kauli yake ya kusema kwamba nilimuita chumbani, kwamba nimemwambia amtoe Mama yake Mzazi inahuzunisha, sina namna Mtoto akiunyea mkono huwezi kuukata, nimemuachia Mungu, nimemsamehe na ninamuombea, sihitaji msamaha wowote kutoka kwake akiona kuna tija sawa, akiona kuna haja ya kuomba msamaha Watu waliosikia maneno hayo ni sawa lakini anayestahili kuombwa msamaha zaidi ni Mwenyenzi Mungu” ——— Harmonize.

VIDEO: TRAORÉ Amlipua Jenerali wa Marekani "Yote Aliyosema ni ya Uongo, Ajitazame Kwenye kioo, Aone Aibu"

2025-05-15T11:32:00.005+03:00

TRAORÉ Amlipua Jenerali wa Marekani "Yote Aliyosema ni ya Uongo, Ajitazame Kwenye kioo, Aone Aibu"

Sakala la Elie Mpanzu Kuwa Simba Kwa Mkopo, AS Vita Kumuuza Kwingine

2025-05-15T09:30:00.000+03:00

EditSakala la Elie Mpanzu Kuwa Simba Kwa Mkopo, AS Vita Kumuuza Kwingine

Sakala la Elie Mpanzu Kuwa Simba Kwa Mkopo, AS Vita Kumuuza Kwingine

Inasemekana uongozi wa simba unawasumbua sana Klabu ya As Vita Club kutaka kumsajili moja kwa moja Elie Mpanzu

Klabu ya As Vita imesha wajibu mara kadhaa kwamba kijana huyo wameshafanya biashara yake mapema sana.

Ila kinacho wachanganya Viongozi wa Simba awajui iyo biashara As Vita Club wameifanya na timu gani hapo ndipo wanachanganyikiwa

Kiufupi tu Elie Mpanzu yuko kwa Mkopo wa miezi 6 pale msimbazii sasa na biashara ya kuuza Elie Mpanzu ishafanyika

Kwaiyo kilicho baki hapo ni mwishoni mwa msimu huu Elie Mpanzu ataenda kujiunga na hiyo timu yake mpya,

NB! Haijafahamika ameuzwa kwenda timu gani lakini uongozi wa Msimbazi unapambana kutaka kumsajili moja kwa moja, lakini As Vita club wamesema huyo siyo mchezaji wao tena

Staa wa Yanga Aziz K Aitabiria Simba Kuchukuwa Ubingwa Mwaka Huu....

2025-05-15T06:51:00.002+03:00

Staa wa Yanga SC anayemaliza mkataba wake, Stephane Aziz Ki, ametoa kauli ya kushangaza lakini ya kiungwana baada ya kuisifia klabu hasimu ya Simba SC na kutabiri kuwa inaweza kutwaa ubingwa wa Kombe la Shirikisho Afrika (CAF Confederation Cup) msimu huu.

Katika mahojiano na waandishi baada ya hafla ya jana usiku, Aziz Ki alionyesha heshima kwa wapinzani wao wa jadi, akisema kuwa Simba imeonesha kiwango kikubwa na cha kuvutia barani Afrika msimu huu.

“Ni wazi kabisa Simba wamekuwa bora sana kwenye michuano ya CAF msimu huu. Wanacheza kwa kujiamini, wanajua wanachokifanya na wameonyesha ukubwa wao. Kwa kiwango hiki, si jambo la kushangaza wakitwaa ubingwa,” alisema Ki kwa msisitizo.

Ki ambaye amekuwa akiongoza safu ya kiungo ya Yanga kwa kupachika mabao, alisema licha ya kuwa ni wapinzani wa jadi, mafanikio ya Simba katika anga za kimataifa ni fahari kwa soka la Tanzania kwa ujumla.

“Mwisho wa siku, wanabeba bendera ya taifa. Simba wakifanya vizuri, soka la Tanzania linaonekana. Kama watatwaa ubingwa, itakuwa historia kubwa kwa nchi,” aliongeza.

Kauli hiyo ya Aziz Ki imeibua mjadala mpana kwenye mitandao ya kijamii huku mashabiki wa pande zote mbili wakitoa maoni yao. Wengi wamepongeza ukomavu wa Ki, wakisema ameonyesha mfano mzuri wa jinsi wapinzani wanavyoweza kuheshimiana bila uhasama.

Pigo Kubwa Kwa Lissu, Mwenyekiti wa Chedema Kinondoni Henry Kilewo Ajiondoa Chadema

2025-05-15T06:10:00.003+03:00

Aliyekuwa Mwenyekiti wa CHADEMA mkoa wa kichama wa Kinondoni na mmoja wa waanzilishi wa kundi la G-55, Henry Kilewo, ametangaza rasmi kujiondoa ndani ya chama hicho, akitoa sababu nzito zinazohusiana na mwelekeo wa kiuongozi na hali ya demokrasia ya ndani ya chama.

Akizungumza na wanahabari jijini Dar es Salaam, Kilewo alieleza kuwa mazingira ya sasa ndani ya CHADEMA yamepotoka kwa kiasi kikubwa, na kuwa chama kimegeuka kuwa taasisi isiyovumilia tofauti za kimawazo, hali inayominya misingi ya haki, usawa, na uhuru wa kujieleza. Alisisitiza kuwa viongozi wa juu wa chama wamekuwa wakiongoza kampeni za kulipiza visasi dhidi ya wanachama wanaotoa maoni tofauti, badala ya kujenga hoja.

“Badala ya kusikiliza mapendekezo tuliyotoa kama kundi la G-55, tumegeuzwa maadui wa chama. Sasa hoja zinajibiwa kwa vitisho na mipango ya kuwahujumu waliotoa mawazo tofauti,” alisema Kilewo kwa masikitiko.

Aidha, alieleza kuwa ndani ya chama kuna ukosefu mkubwa wa uongozi wa maadili na uwazi, huku akimnyoshea kidole Mwenyekiti wa sasa wa chama kwa kile alichodai kuwa ni kutoa kauli za kashfa dhidi ya chama chake mwenyewe hadharani. Alionya kuwa kama hali hiyo itaendelea, kuna hatari ya hata viongozi wa juu kufukuzwa chama kwa sababu ya mitazamo yao.

Kujiondoa kwa Kilewo kunajiri wakati ambapo alikuwa akitakiwa kujieleza kwa tuhuma mbalimbali ikiwemo usaliti, kuhujumu shughuli za chama na kushawishi wanachama kuondoka. Hata hivyo, hatua yake ya kujiondoa kabla ya kujibu barua ya wito imeibua tafsiri kuwa tayari amechukua msimamo wake kwa vitendo.

Hatua hii inaweza kuwa na athari kwa ndani ya chama hicho, hasa kwa wale ambao walikuwa wakiiunga mkono hoja za G-55, na huenda ikafungua ukurasa mpya wa mjadala kuhusu uhuru wa wanachama kueleza mitazamo yao bila hofu ya kuadhibiwa. Hali ndani ya CHADEMA inaonekana kuingia katika kipindi cha tafakari na msukosuko wa ndani, huku wachambuzi wa siasa wakisubiri kuona ni hatua gani zitachukuliwa na uongozi wa chama baada ya matamko haya mazito.

Manara Yamkuta Makubwa, Afungiwa Ofisi za Manara TV na GSM Baada ya Kuvujisha Siri, Minyororo Yapigwa

2025-05-14T21:21:00.003+03:00

Sakata la aliyekuwa msemaji maarufu wa klabu ya Yanga SC, Haji Manara, limechukua sura mpya baada ya taarifa kuibuka kuwa ofisi za Manara TV, zilizokuwa zikitumika katika ghorofa ya tano ya jengo la Salamander Tower, zimefungwa kwa minyororo kufuatia mvutano wa kimahusiano kati yake na Tajiri GSM, mmiliki wa jengo hilo.

Kwa mujibu wa chanzo cha karibu na tukio hilo, inadaiwa kuwa Manara alikuwa akikaa bure kabisa katika ofisi hizo kwa muda mrefu bila kulipa kodi, gharama ya umeme, huduma ya WiFi, wala huduma nyinginezo, huku akifurahia ukarimu wa GSM aliyekuwa akimpa nafasi hiyo kama ndugu.

Hata hivyo, hali ilibadilika ghafla baada ya madai kuibuka kuwa Manara alivujisha siri nzito zinazomhusu GSM, hali iliyosababisha uhusiano wao kuvurugika vibaya. Baada ya sakata hilo, Manara alipewa ‘notice’ rasmi ahame ofisini hapo, au, kama ana nia ya kuendelea kutumia ofisi hizo, basi alipie kodi ya mwaka mzima papo hapo.

Taarifa zinaeleza kuwa tangu atumiwe taarifa hiyo ya kuhama, Haji Manara hajafanya malipo yoyote wala kutoa majibu yoyote rasmi, jambo ambalo liliwafanya wamiliki wa jengo hilo kuchukua hatua kali ya kufunga kabisa ofisi hizo kwa makufuli na minyororo, huku baadhi ya vifaa vya Manara TV vikiwa bado ndani.

Tukio hilo limeibua hisia kali mitandaoni huku baadhi ya wafuasi wa Manara wakimpa pole kwa alichokutana nacho, na wengine wakisema ni “funzo kwa wale wanaochanganya urafiki na kazi bila maandalizi ya kisheria.”

GSM, ambaye ni mwekezaji mkubwa wa Yanga SC na mfanyabiashara maarufu nchini, hajazungumza rasmi kuhusiana na tukio hilo, lakini wachambuzi wa masuala ya michezo na mitandao wanadai hili ni anguko la wazi kwa Manara TV, hasa kipindi hiki ambacho Manara alikuwa akijitahidi kujiimarisha upya baada ya kutoka Yanga SC.

Je, hili ni pigo kwa Manara au mwanzo wa ukurasa mpya? Mashabiki wake sasa wanasubiri kwa hamu kuona atajibu vipi kadhia hii.

Dili la Mchezaji Inonga Yanga Laingia Kidudu Mtu Kisa Simba, Mabosi Watunishiana Misuli

2025-05-14T20:17:00.003+03:00

DILI la beki wa kati wa zamani wa Simba anayekipiga FAR Rabat ya Morocco, Henock Inonga kutua Yanga limeibua mvutano mkali baada ya kutokea mgawanyiko kwa mabosi wa klabu hiyo, huku baadhi wakitaka asisajiliwe.

Katika hoja mbili zinazovutana juu ya dili hilo, wanaosema asisajiliwe wanasisitiza kwa sasa hawataki kuona wanamsajili mchezaji ambaye amepita Simba, huku wale waliopendekeza asajiliwe wanasimamia kwenye msimamo wao kwamba ni mchezaji mzuri atawasaidia.

Hivi karibuni, ilisemekana Yanga iko mbioni kufanya makubaliano na Mkongomani huyo aliyewahi kuitumikia Simba kabla ya kutimkia FAR Rabat ya Morocco aliko sasa.

Baada ya kuwepo kwa taarifa hizo, ishu mpya ni kwamba mabosi wa klabu hiyo wamegawanyika, huku wengine wakitaka usajili huo ufanyike na wengine wakigomea.

Mtoa taarifa kutoka ndani ya Yanga, amesema kuwa: “Baadhi ya mabosi wamechoka mazoea ya kuchukua wachezaji kutoka kwa wapinzani wetu wakubwa wakati mastaa wapo wengi tu.

“Lakini sababu nyingine kubwa ni kuwa mastaa hao wakitua Yanga hawana makali kama walivyodhania, hivyo ni bora kwa sasa kuangalia wachezaji kutoka sehemu nyingine na sio waliopita Simba,” kilisema chanzo hicho na kuongeza;

“Wanaopinga wanataka atafutwe beki mwingine, lakini sio Inonga kwani anaweza kuja kufanya makosa ikatafsiriwa ni kwa sababu amewahi kucheza Simba hivyo amekuja kutuhujumu.”

Kocha wa timu hiyo, Miloud Hamdi aliweka wazi kuwa msimu ujao Yanga inahitaji beki, kiungo mkabaji, namba kumi na mshambuliaji wa mwisho.

Lakini inadaiwa, Yanga bado hawajasemehe kilichotokea kwa Inonga, kwani wakati anatua kwa mara ya kwanza nchini msimu wa 2021-2022 pamoja na Fiston Mayele, wote walitakiwa kusaini Yanga, lakini yeye akatimkia Simba.

Rekodi za Inonga kwa msimu huu zinaonyesha katika mechi za hivi karibuni amekuwa akikaa benchini, huku katika michuano ya Ligi ya Mabingwa Afrika akicheza mechi moja tu dhidi ya Pyramids kwa dakika 30.

Wakati hayo yakiendelea, kumekuwa na kawaida ya wachezaji kuhama kutoka Simba kwenda Yanga na kinyume chake huku wapo waliofanikiwa kufanya vizuri na wengine kufeli.

Kwa miaka ya hivi karibuni, Yanga imefaidika na huduma ya Kelvin Yondani, Athuman Idd ‘Chuji’, Amissi Tambwe na sasa Israel Mwenda waliofanya vizuri Simba na kutua Yanga wakiendeleza makali yao.

Wachezaji waliowahi kupita Simba na kutua Yanga kwa miaka ya hivi karibuni walioshindwa kucheza kwa kiwango kikubwa kama ilivyotarajiwa ni pamoja na Jean Baleke, Clatous Chama, Jonas Mkude na Augustine Okrah.

Ibraah Afunguka: Tumefika Pazuri, Mengi Watasema Basata

2025-05-14T19:12:00.005+03:00

MWIMBAJI Ibraah ameondoka muda huu kwenye ofisi za Baraza la Sanaa la Taifa (BASATA) , huku akisema kuwa wamezungumzia migogoro iliyopo kati yake na Bosi wake Harmonize na kwamba mam-bo yameenda freshi tu, bila kufafanua kwa kina.

Ibraah amezungumza na waandishi wa habari muda huu mara baada ya kutoka ofisi za Basata alizoitwa yeye na Harmonize ili kujadili sakata lao linaloendelea na amesema anashukuru mambo yanaenda vi-zuri na kila kitu amewaachia uongozi wa BASATA watatoa majibu.

"Nashukuru Mungu mambo yanaenda vizuri, na sababu ya kuitwa ni kuzungumzia migogoro inayoen-delea, hivyo tumefanya mazungumzo na BASATA tumewaachia uongozi washughulikie wao watatoa majibu," amesema Ibraah.

Kwa upande wa Mwanasheria wa Ibraah amesema, BASATA watakapotoa majibu juu ya kinachoen-delea Ibraah ataendelea kufanya kazi zake kama kawaida.

"Kuhusu Ibraah kuendelea kufanya kazi kama kawaida, tunasubiri majibu ya BASATA ,baada ya hapo Ibraah ataendelea na yake," amesema mwanasheria huyo wa Ibraah bila ya kutaja jina lake.

Ibraah na Harmonize wamekuwa wakilumbana mtandaoni, kutokana na msimamo wa mwimbaji huyo kutaka kujiondoa katika Lebo ya Konde Gang na kudai anatakiwa kulia Sh 1 Bilioni na mzozo huo uliufanya uongozi wa Basata kuwaita Jumatatu iliyopita, lakini mambo hayakuenda sawa na leo ime-waita tena na kumaliza kika muda mchache uliopita.