Daily Thagaval

TNPSC குரூப் - 4 தேர்வு : 10 ஆயிரம் அரசு வேலைகள்

2012-05-17T23:23:00.000-07:00

தமிழ்நாட்டில் அரசுப் பணிகளில் 10,718 பேர் புதிதாக நியமிக்கப்பட உள்ளனர். இந்தப் பணிகளில் சேர எஸ்எஸ்எல்சி படித்திருந்தால் போதும். இதற்காக தமிழ்நாடு அரசுப் பணியாளர் தேர்வாணையம் நடத்தும் குரூப்-4 தேர்வை எழுத விரும்புபவர்கள் ஆன்லைன் மூலம் விண்ணப்பிக்க வேண்டிய நேரம் இது.

தமிழக அரசின் பல்வேறு துறைகளில் இளநிலை உதவியாளர், வரி தண்டலர் (பில் கலெக்டர்), தட்டச்சர், சுருக்கெழுத்து தட்டச்சர்-நிலை-3, நில அளவர் (ஃபீல்ட் சர்வேயர்), வரைவாளர் (டிராப்ட்ஸ்மேன்) ஆகிய பணிகளில் உள்ள 10,718 காலிப் பணி இடங்களை நிரப்புவதற்காக தமிழ்நாடு அரசுப் பணியாளர் தேர்வாணையம் குரூப்-4 தேர்வுகளை நடத்துகிறது.

இந்தத் தேர்வை எழுத விரும்புபவர்கள் பத்தாம் வகுப்பு தேர்ச்சி பெற்றிருக்க வேண்டும். பத்தாம் வகுப்பு அல்லது அதற்குச் சமமான கல்வித் தகுதியில் தேர்ச்சி பெறாதவர்கள் அதற்கு மேற்பட்ட கல்வித் தகுதியைப் பெற்றிருந்தாலும் விண்ணப்பிக்க முடியாது. தட்டச்சர் பணிக்கு அரசு தொழில்நுட்ப தட்டச்சுத் தேர்வில் தமிழ் மற்றும் ஆங்கிலத்தில் முதுநிலை அல்லது தமிழில் முதுநிலை மற்றும் ஆங்கிலத்தில் இளநிலை அல்லது ஆங்கிலத்தில் முதுநிலை அல்லது தமிழில் இளநிலை தேர்ச்சி பெற்றிருக்க வேண்டும். சுருக்கெழுத்துத் தட்டச்சர் நிலை-3 பணிக்கு அரசுத் தொழில்நுட்பத் தட்டச்சு மற்றும் சுருக்கெழுத்துத் தேர்வில் தமிழ் மற்றும் ஆங்கிலத்தில் முதுநிலை அல்லது தமிழில் முதுநிலை மற்றும் ஆங்கிலத்தில் இளநிலை அல்லது ஆங்கிலத்தில் முதுநிலை மற்றும் தமிழில் இளநிலை தேர்ச்சி பெற்றிருக்க வேண்டும். இடைநிலையில் தேர்ச்சி முதுநிலையில் தேர்ச்சிக்குச் சமமானதாகக் கருதப்படாததால் இடைநிலையில் தேர்ச்சி பெற்றவர்கள் இளநிலையில் தேர்ச்சி பெற்றவர்களுக்கான இடத்தில் பூர்த்தி செய்ய வேண்டும்.

கம்ப்யூட்டர் தகுதி (தட்டச்சர் மற்றும் சுருக்கெழுத்து தட்டச்சர் நிலை-3) பணிக்கு விண்ணப்பிக்கும் விண்ணப்பதாரர்கள், அரசு தொழில்நுட்பக் கல்வித் துறையில் வழங்கப்படும், Certificate course in Computer on office Automation’ல் தேர்ச்சி பெற்றிருக்க வேண்டும். மேற்குறிப்பிட்ட கம்ப்யூட்டர் தகுதியைப் பெறாத விண்ணப்பதாரர்களும் விண்ணப்பிக்கலாம். அவர்கள் பணிக்குத் தேர்வு செய்யப்பட்டால், அவர்களின் தகுதிகாண் பருவத்திற்குள் மேற்குறிப்பிட்ட கம்ப்யூட்டர் தகுதியைப் பெற வேண்டும். நில அளவர் பணியைப் பொருத்த அளவில் அனைத்துத் தகுதிகளும் சமமாக இருக்கும் பட்சத்தில் தொழில் பயிற்சி நிலையத்தில் நில அளவர் பயிற்சி பெற்றவர்களுக்கு முன்னுரிமை வழங்கப்படும். அனைத்துக் காலிப் பணியிடங்களிலும் 20 சதவீத இடங்கள், தமிழ் வழியில் படித்தவர்களைக் கொண்டு முன்னுரிமை அடிப்படையில் நிரப்ப அரசு ஆணை பிறப்பித்துள்ளது.

இந்தத் தேர்வை எழுத விரும்புபவர்களின் குறைந்தபட்ச வயது வரம்பு 18. ஆதிதிராவிடர், ஆதிதிராவிடர் (அருந்ததியர்), பழங்குடியினர் மற்றும் அனைத்து வகுப்புகளையும் சேர்ந்த ஆதரவற்ற விதவைகள் 35 வயது வரை விண்ணப்பிக்கலாம். மிகவும் பிற்படுத்தப்பட்ட வகுப்பினர், சீர் மரபினர், பிற்படுத்தப்பட்ட வகுப்பினர், பிற்படுத்தப்பட்ட வகுப்பினர் (முஸ்லிம்கள்) 32 வயதுக்குள் இருக்க வேண்டும். மற்றவர்கள் 30 வயதுக்குள் இருக்க வேண்டும். நில அளவர் மற்றும் வரைவாளர் பதவிகளைப் பொருத்தவரை தமிழ்நாட்டில் உள்ள தொழில் பயிற்சி நிலையங்களில் பயிற்சி பெற்றவர்களாக இருக்க வேண்டும். அத்துடன் அவர்களது அதிகபட்ச வயது 35க்குள் இருக்க வேண்டும்.

ஆதிதிராவிடர், ஆதிதிராவிடர் (அருந்ததியர்), பழங்குடியினர், மிகவும் பின்தங்கிய வகுப்பினர், சீர்மரபினர், பிற்படுத்தப்பட்டவகுப்பினர், பிற்படுத்தப்பட்ட வகுப்பினர் (முஸ்லிம்கள்) ஆகிய பிரிவுகளைச் சேர்ந்தவர்களும் அனைத்து வகுப்புகளைச் சேர்ந்த ஆதரவற்ற விதவைகள் ஆகியோர் குறைந்தபட்ச பொதுக் கல்வித் தகுதியைக் காட்டிலும் மேற்பட்ட கல்வித் தகுதி பெற்றிருந்தால் அதாவது புதுமுக வகுப்பு, மேல்நிலைப் பள்ளி, பட்டயப் படிப்பு, பட்டப் படிப்பு ஆகியவற்றில் தேர்ச்சி பெற்றவர்களுக்கு உச்ச வயது வரம்பு இல்லை. மாநில, மத்திய அரசுப்பணிகளில் முறையாக ஐந்து ஆண்டுகள் பணிபுரிந்த ஏனையோர் இந்தப் பணிகளில் சேர விண்ணப்பிக்க முடியாது. டான்சி நிறுவனத்தில் பணிபுரிந்து ஆட்குறைப்புக்கு உள்ளான தொழில்நுட்பத் தகுதியுள்ள மற்றும் தொழில்நுட்பத் தகுதியில்லாத பணியாளர்கள், அரசு, கழகங்கள் மற்றும் அரசின் ஆளுகைக்குட்பட்ட நிறுவனங்களில் இதுவரை பணியில் அமர்த்தப்படாமல் இருப்பவர்கள் இந்தப் பதவிக்கு நிர்ணயிக்கப்பட்ட வயது வரம்பு தவிர அனைத்துத் தகுதிகளும் இருக்கும் பட்சத்தில் குறிப்பிட்டுள்ள பதவிகளுக்கு விண்ணப்பிக்கலாம். இவர்களுக்கு வயது வரம்பை அரசு தளர்த்தும்.

அறிவிக்கப்பட்ட காலிப் பணி இடங்களின் எண்ணிக்கை தோராயமானது. காலி இடங்களின் நிலைமைக்கு ஏற்ப எந்த நேரத்திலும் காலி இட மதிப்பீட்டில் மாறுதல் இருக்கலாம். தகுதி வாய்ந்த பெண் விண்ணப்பதாரர்கள் கிடைக்காவிட்டால் அவர்களுக்காக ஒதுக்கீடு செய்யப்பட்ட காலி இடங்கள் அதே பிரிவைச் சேர்ந்த ஆண் விண்ணப்பதாரர்களைக் கொண்டு நிரப்பப்படும். இந்து சமய அறநிலைய ஆட்சித் துறையின்கீழ் வரும் காலிப் பணி இடங்களுக்கு இந்து சமயத்தைச் சேர்ந்த விண்ணப்பதாரர்கள் மட்டுமே விண்ணப்பிக்க முடியும். மாற்றுத் திறனாளிகளுக்கு 3 சதவீத இடங்கள் ஒதுக்கீடு செய்யப்படும். தகுதி வாய்ந்த மாற்றுத் திறனாளிகள் இல்லாத நிலையில் அவர்களுக்காக ஒதுக்கப்பட்ட காலிப் பணி இடங்கள் நடைமுறையில் உள்ள விதிகளின்படி நிரப்பப்படும். ஆதிதிராவிடர் (அருந்ததியர்) வகுப்பினருக்கு ஒதுக்கீடு செய்யப்பட்ட இடங்களில் நிரப்பப்பட்ட பிறகும் (அவ்வகுப்பைச் சேர்ந்தவர்களில்) தகுதி வாய்ந்த விண்ணப்பதாரர்கள் இருந்தால் அந்த விண்ணப்பதாரர்கள் ஆதிதிராவிட வகுப்பைச் சேர்ந்தவர்களுக்காக ஒதுக்கப்பட்ட இடஒதுக்கீட்டிலும் தகுதியின் அடிப்படையில் நிரப்பப்படுவார்கள். அருந்ததியர்களுக்காக ஒதுக்கப்பட்ட காலிப் பணி இடங்களுக்கு தகுதி வாய்ந்த விண்ணப்பதாரர்கள் கிடைக்காத நிலையில், அந்தப் பணி இடங்களுக்கு ஆதிதிராவிடர் வகுப்பைச் சேர்ந்த தகுதி வாய்ந்த விண்ணப்பதாரர்களைக் கொண்டு நிரப்பப்படும்.

இந்தப் போட்டித் தேர்வு எப்படி இருக்கும்?

இத்தேர்வு மூன்று மணி நேரம் நடைபெறும். வினாத்தாளில் இரண்டு பிரிவுகள் இருக்கும். அதாவது பொது அறிவுப் பிரிவில் 100 வினாக்கள் கேட்கப்படும். அடுத்த பிரிவில் பொதுத் தமிழிலோ அல்லது பொது ஆங்கிலத்திலோ 100 கேள்விகள் இருக்கும். அதில் ஏதாவது ஒன்றுக்குப் பதிலளிக்க வேண்டும். பொது அறிவு வினாத்தாள், தமிழ் மற்றும் ஆங்கிலத்திலும் பொதுத் தமிழ் வினாத்தாள் தமிழிலும் பொது ஆங்கில வினாத்தாள் ஆங்கிலத்திலும் இருக்கும். இதற்கான பாடத்திட்டம் குறித்த விவரங்கள் தேர்வாணைய இணைய தளத்தில் வெளியிடப்பட்டுள்ளது. அப்ஜெக்ட்டிவ் முறையில் கேள்விகள் கேட்கப்படும்.

எப்படி விண்ணப்பிப்பது?

அரசுப் பணியாளர் தேர்வாணையம் நடத்தும் தேர்வுகளை எழுத விரும்புபவர்கள் ஆன்லைன் மூலம் மட்டுமே விண்ணப்பிக்க முடியும்.

அண்மையில் எடுக்கப்பட்ட தங்களது புகைப்படம் மற்றும் கையொப்பங்களை ஸ்கேன் செய்து அதன் நகல்களை சிடி அல்லது பென் டிரைவ் போன்றவற்றில் தயாராக வைத்திருக்க வேண்டும். இணைய வழி விண்ணப்பத்தைப் பதிவு செய்ய சரியான இ-மெயில் முகவரியோ அல்லது மொபைல் போன் எண்ணோ அவசியமானது. இ-மெயில் முகவரி பயன்பாட்டில் இருக்க வேண்டியது அவசியம். எழுத்துத் தேர்வில் கலந்து கொள்வதற்கான தேர்வுக் கூட நுழைவுச் சீட்டு, நேர்காணல் தேர்வில் கலந்து கொள்வதற்கான அழைப்பாணை மற்றும் குறிப்பாணை போன்றவை விண்ணப்பதாரர்களின் இ-மெயில் முகவரிக்கு அனுப்பி வைக்கப்படும். அத்துடன் தேர்வாணைய இணையதளத்திலிருந்தும் பதிவிறக்கம் செய்து கொள்ளலாம்.

இணைய வழி விண்ணப்பத்தில் குறிப்பிடப்படும் விண்ணப்பதாரரின் பெயர், விண்ணப்பிக்கும் பதவி, இனம், பிறந்த நாள், முகவரி, இ-மெயில் முகவரி, தேர்வு மையம் உள்ளிட்ட விவரங்கள் அனைத்தும் இறுதியானதாகக் கருதப்படும். இணைய வழி விண்ணப்பிப்பதற்கான கடைசி நாளுக்குப் பிறகு, எந்தவித மாறுதலும் செய்ய அனுமதி கிடையாது. விண்ணப்பத்தில் குறிப்பிடப்படும் முக்கிய விவரங்களை பின்னர் மாற்ற முடியாது என்பதால் விண்ணப்பத்தை நிரப்பும்போது கவனத்துடன் செயல்பட வேண்டும். குறுஞ்செய்தி மூலம் தகவல்களைப் (எஸ்எம்எஸ்) பெற விரும்பும் விண்ணப்பதாரர்கள் தங்களது மொபைல் எண்ணை விண்ணப்பத்தில் தெரிவிக்க வேண்டும்.

விண்ணப்பதாரர்கள் தேர்வாணையத்தின் இணையதளத்தை அணுகி ‘அப்ளை ஆன்லைன்’ என்ற பகுதியை ‘கிளிக்’ செய்தால் ஆன்லைன் விண்ணப்பம் கம்ப்யூட்டர் திரையில் தோன்றும். நீங்கள் விண்ணப்பிக்க விரும்பும் பதவி அல்லது பணித் தொகுதியைத் தேர்வு செய்யவும். ஏற்கெனவே நிரந்தரப் பதிவு முறையின் (ஒன் டைம் ரிஜிஸ்ட்ரேஷன்) மூலம் பிரத்யேக எண் பெற்றிருந்தால் அந்த எண்ணையும் கடவுச் சொல்லையும் (பாஸ்வேர்டு) பதிவு செய்து ஏற்கெனவே உள்ள விவரங்களைக் காணவும். தேவையானால் தகுந்த மாறுதல் செய்யலாம். நீங்கள் ஏற்கெனவே பதிவு செய்து பிரத்யேக எண்ணைப் பெற்றிருக்காவிட்டால் தேவையான அனைத்து விவரங்களையும் பதிவு செய்ய வேண்டும். ஸ்கேன் செய்யப்பட்ட புகைப்படத்தையும் கையெழுத்தையும் விண்ணப்பத்தில் பதிவேற்றம் செய்ய வேண்டும். புகைப்படம் மற்றும் கையெழுத்து இணைக்கப்படாத விண்ணப்பங்கள் நிராகரிக்கப்படும்.

அனைத்துப் பணிகளுக்கும் தேர்வுக் கட்டணம் ரூ.75. விண்ணப்பக் கட்டணம் ரூ.50. அதாவது மொத்தக் கட்டணம் ரூ.125. தேர்வுக் கட்டணம் செலுத்துவதிலிருந்து விலக்கு கோரும் விண்ணப்பதாரர்கள் விண்ணப்பப்படிவக் கட்டணமாக ரூ.50 மட்டும் செலுத்த வேண்டும். நிரந்தரப் பதிவு முறையில் ஏற்கெனவே பதிவு செய்து 50 ரூபாய் பதிவுக் கட்டணமாகச் செலுத்தி பதிவு எண் பெற்றுள்ள விண்ணப்பதாரர்கள், 5 ஆண்டுகளுக்கு தேர்வாணையம் அறிவிக்கும் எந்தப் பணிக்கும் விண்ணப்பிக்கும்போது விண்ணப்பக் கட்டணம் செலுத்த வேண்டியதில்லை. ஆனால் தேர்வுக் கட்டணத்தைச் செலுத்த வேண்டும்.

நெட் பேங்கிங், கிரெடிட் கார்டு, டெபிட் கார்டு ஆகியவற்றின் மூலம் தேர்வுக் கட்டணம் செலுத்தலாம். இதற்காக இணைய தளத்தில் கூறப்பட்டுள்ள விதிமுறைகளைப் பின்பற்றிக் கட்டணத்தைச் செலுத்தவும். கட்டணம் தொடர்பான விவரங்களை ஆன்லைன் விண்ணப்பத்தில் நிரப்பிய உடன் செர்வரிலிருந்து தகவல் வரும் வரை காத்திருக்கவும். இரட்டிப்பாக பணம் செலுத்துவதைத் தவிர்க்கும் வகையில் பேக் (back) அல்லது ‘ரெப்ரஷ்’ பட்டனை அழுத்த வேண்டாம். ஆன்லைன் மூலம் விண்ணப்பத்தைப் பூர்த்தி செய்து முடித்ததும் ஒரு பதிவு எண்ணும் கடவுச் சொல்லும் (பாஸ்வேர்டு) வழங்கப்படும். எதிர்கால தொடர் பயன்பாட்டுக்காக இவற்றைக் குறித்து வைத்துக் கொள்ள வேண்டும்.

நேரடியாகக் கட்டணம் செலுத்த விரும்பும் விண்ணப்ப தாரர்கள் குறிப்பிட்ட அஞ்சலகம் அல்லது இந்தியன் வங்கிக் கிளைகளில் செலுத்தலாம். விண்ணப்பத்தைச் சமர்ப்பிக்கும் போது விண்ணப்பதாரர்களுக்கு ஒரு பதிவு எண்ணும் பாஸ்வேர்டும் வழங்கப்படும். இதைக் குறித்து வைத்துக்கொள்ள வேண்டும். விண்ணப்பத்தை சமர்ப்பித்த உடன் தோன்றும் செலுத்துச் சீட்டை (செலான்) பிரிண்ட் அவுட் எடுத்து அருகில் உள்ள இந்தியன் வங்கிக் கிளைக்கோ அல்லது குறிப்பிட்ட அஞ்சலகத்திற்கோ சென்று கட்டணத்தைச் செலுத்தவும். பின்னர், செலானை வாங்கி , அதில் கையெழுத்து இடப்பட்டுள்ளதா எனப் பார்க்கவும். டிரான்ஸாக்‌ஷன் எண், வங்கிக் கிளையின் பெயர், டி.பி. குறியீட்டு எண், பணம் செலுத்திய நாள் ஆகியவை சரியாகக் குறிப்பிடப்பட்டுள்ளனவா என்பதை உறுதி செய்யவும். ஆன்லைன் மூலம் விண்ணப்பத்தைப் பதிவு செய்த நாளிலிருந்து இரண்டு வேலை நாட்களுக்குள் அஞ்சலகத்திலோ அல்லது இந்தியன் வங்கியிலோ கட்டணம் செலுத்தப்பட்டால் மட்டுமே விண்ணப்பதாரரின் விண்ணப்பம் வெற்றிகரமாக பதிவு செய்யப்பட்டுள்ளதாகக் கருதப்படும்.

தேவைப்பட்டால், பதிவு எண், பாஸ்வேர்டு ஆகியவற்றைப் பயன்படுத்தி விண்ணப்பத்தைப் பதிவிறக்கம் செய்யவோ பிரிண்ட் அவுட் எடுக்கவோ முடியும். விண்ணப்பதாரர்கள் தங்களது ஆன்லைன் பிரிண்ட் அவுட்டையோ அல்லது தொடர்புடைய ஆவணங்களையோ தேர்வாணையத்துக்கு அனுப்பத் தேவையில்லை. விண்ணப்பதாரர்கள் அடுத்த கட்டத்துக்கு தகுதி பெறும் நிலையில் மட்டுமே அவர்களது சான்றிதழ்கள் சரிபார்க்கப்படும்.

தேர்வுக்கு விண்ணப்பிக்கும் விண்ணப்பதாரர்கள் கடைசி நாள் வரை காத்திருக்காமல் முன்கூட்டியே விண்ணப்பிப்பது நல்லது. விண்ணப்பதாரர்கள் தனியே இ-மெயில் முகவரி வைத்திருக்க வேண்டும். அத்தகைய இ-மெயில் முகவரி இல்லாத விண்ணப்பதாரர்கள், விண்ணப்பிப்பதற்கு முன்பாக தங்களுக்கு என தனியே ஒரு இ-மெயில் முகவரியை உருவாக்கி வைத்துக்கொள்ள வேண்டும். ஆன்லைன் விண்ணப்பத்தில் ஏதேனும் மாறுதல்கள் செய்ய வேண்டி இருந்தால் அவற்றைத் திருத்திக் கொள்ளும் வகையில் ஆன்லைன் விண்ணப்பம் உருவாக்கப்பட்டுள்ளது. எனவே, விண்ணப்பத்தில் மாறுதல் எதுவும் செய்ய வேண்டியதிருந்தால் பதிவு எண், பாஸ்வேர்டு ஆகியவற்றைப் பயன்படுத்தி விண்ணப்பம் பூர்த்தி செய்வதற்கான கடைசி நாள் வரை மாறுதல் செய்துகொள்ளலாம். இறுதி நாளுக்குப் பிறகு எத்தகைய மாறுதல்களும் செய்ய இயலாது. தேர்வுக் கட்டணம் மற்றும் இதரக் கட்டணங்கள் குறித்த விவரங்களை அதற்குரிய கட்டத்தில் கவனத்துடன் பூர்த்தி செய்ய வேண்டும். அதில் மாறுதல் செய்யவோ திருத்தவோ முடியாது. விண்ணப்பத்தில் உள்ள அனைத்துக் கட்டங்களையும் பூர்த்தி செய்த பிறகு, அனைத்தையும் சரியாகப் பூர்த்தி செய்திருக்கிறோமா என்று பார்த்த பிறகே சப்மிட் என்ற பொத்தானை இறுதியாக அழுத்த வேண்டும். தேர்வு குறித்த சந்தேகங்களுக்கு, வேலைநாட்களில் காலை 10 மணி முதல் மாலை 5.45 வரை அரசுப் பணியாளர் தேர்வாணையத்தின் 1860 345 0112 என்ற கட்டணமில்லா சேவை உதவி எண்ணை தொடர்பு கொள்ளவும். இணைய வழி மூலம் விண்ணப்பிக்கும் வசதிச் சேவை மே 28ம் தேதி இரவு 11.59க்கு நிறுத்தப்படும் என்று தேர்வாணையம் தெரிவித்துள்ளது.

இந்து சமய அறநிலைய ஆட்சித் துறையில் செயல் அலுவலர் கிரேடு-4 பணிக்கு குரூப்-8 தேர்வு மூலம் 75 பேர் தேர்வு செய்யப்படுவார்கள். தொகுதி-4 மற்றும் தொகுதி-8 ஆகிய இரு தொகுதிகளிலும் அடங்கிய பணிகளுக்கு விண்ணப்பதாரர்கள் இணைய வழியில் ஒரே விண்ணப்பத்தில் விண்ணப்பிக்க வேண்டும். அந்த விண்ணப்பதாரர்கள் ஜூலை 7ஆம் தேதி முற்பகலில் நடைபெறும் பொது அறிவு மற்றும் பொதுத் தமிழ் அல்லது பொது ஆங்கிலத்தாள் தேர்வை எழுதுவதோடு அன்றைய தினம் பிற்பகலில் நடைபெறும் இந்து மதத்தாள் தேர்வையும் எழுத வேண்டும். இவ்வாறு இரண்டு தேர்வுகளையும் எழுதியவர்கள் மட்டுமே தொகுதி-4 மற்றும் தொகுதி-8 ஆகியவற்றுக்கான பணிகளுக்கு பரிசீலனை செய்யப்படுவார்கள். தொகுதி-8 தேர்வுக்கு மட்டும் விண்ணப்பிப்பவர்களுக்கு விண்ணப்பக் கட்டணம் ரூ.50. தேர்வுக் கட்டணம் ரூ.100. தொகுதி-4 மற்றும் தொகுதி-8 ஆகிய இரு தேர்வுகளுக்கும் விண்ணப்பிப்பவர்களுக்குக் கட்டணம் ரூ.50. தேர்வுக் கட்டணம் ரூ.100.

தமிழ்நாடு அரசுப் பணியாளர் தேர்வாணையத்தின் இணையதளத்தைப் பார்த்து முழு விவரங்களை தெரிந்து கொள்ளலாம்.

தமிழ்நாடு அரசுப் பணியில் சேருவதில் ஆர்வமிக்கவர்கள் ஆன்லைன் மூலம் விண்ணப்பிக்க வேண்டிய நேரம் இது.

பூர்த்தி செய்யப்பட்ட விண்ணப்பங்களைச் சமர்ப்பிக்க கடைசி நாள்: 28-05-2012

வங்கி அல்லது அஞ்சலகங்கள் மூலம் கட்டணம் செலுத்த கடைசி நாள்: 30-05-2012

தேர்வு நடைபெறும் நாள்: 07-07-2012

விவரங்களுக்கு: www.tnpsc.gov.in, www.tnpscexams.net

நன்றி : புதிய தலைமுறை

ஆந்திரா வங்கியில் காலி இடங்கள்

2012-05-02T07:17:00.000-07:00

பொதுத் துறை வங்கிகளில் ஒன்றான ஆந்திரா வங்கிக்கான அடித்தளம் 1923ல் இடப்பட்டது. பின்னர் இந்த வங்கி 1969ல் தேசியமயமாக்கப்பட்டது. இந்த வங்கிக்கு இந்தியா எங்கும் கிளைகள் உள்ளன. இந்த வங்கில் கிளரிக்கல் பதவியில் தமிழ் நாட்டில் உள்ள 30 காலி இடங்களை நிரப்புவதற்கான அறிவிப்பு வந்துள்ளது.

தேவை:

ஆந்திரா வங்கியின் கிளரிக்கல் பதவிக்கு விண்ணப்பிப்பவர்கள் 18 வயது நிரம்பியவராகவும், 28 வயதுக்கு உட்பட்டவராகவும் இருக்க வேண்டும். ஏதாவது ஒரு பிரிவில் அங்கீகரிக்கப்பட்ட பல்கலைக் கழகத்தின் மூலமாகப் பட்டப் படிப்பை முடித்திருக்க வேண்டும். மேலும், கடந்த ஆண்டு ஐ.பீ.பி.எஸ்., நடத்திய பொது எழுத்துத் தேர்வை எதிர்கொண்டு இத் தேர்வில் சில நிபந்தனைகளுக்கு உட்பட்டு தேர்ச்சி பெற்றிருக்க வேண்டும்.
எந்த மாநிலத்தில் உள்ள காலி இடங்களுக்கு விண்ணப்பிக்கிறோமோ, அந்த மாநில மொழியில் திறன் பெற்றிருக்க வேண்டும். எம்.எஸ்., ஆபிஸ் உள்ளிட்ட கம்ப்யூட்டர் பிரிவில் நல்ல தேர்ச்சி கட்டாயம் பெற்றிருக்க வேண்டும். எந்த மாநிலத்திற்கு விண்ணப்பிக்கிறோமோ அந்த மாநிலத்தின் எந்த ஒரு பகுதியிலும் பணி புரியத்தயாராக இருப்பதுடன், குறைந்த பட்சம் அந்த மாநிலத்தில் 5 வருட காலத்திற்கு மாற்றம் எதுவுமின்றி பணி புரிய வேண்டியிருக்கும்.

பிற தகவல்கள்:

எழுத்துத் தேர்வின் ஒவ்வொரு பிரிவிலும் குறைந்த பட்சம் 24 மதிப்பெண்கள் பெற்றுத் தேர்ச்சி பெற்றிருக்க வேண்டும். எஸ்.சி., எஸ்.டி., ஓ.பி.சி., உடல் ஊனமுற்றோர், முன்னாள் ராணுவத்தினர் பிரிவைச் சார்ந்தவர்கள் குறைந்த பட்சம் 21 மதிப்பெண்கள் பெற்றிருக்க வேண்டும். ஆந்திரா வங்கியின் கிளரிக்கல் பதவிக்கு விண்ணப்பிக்க ரூ.150/-ஐ ஏதாவது ஒரு ஆந்திரா வங்கிக் கிளையிலோ அல்லது என்.இ.எப்.டி., மூலமாகவோ செலுத்த வேண்டும்.
இதன் பின்னர் ஆன்-லைன் முறையில் விண்ணப்பிக்க வேண்டும். எழுத்துத் தேர்வு மதிப்பெண் அடிப்படையில் நேர்காணலுக்கான அழைப்பு அனுப்பப் படும். இந்த நேர்காணல் தமிழ் நாட்டில் சென்னையில் நடத்தப்பட உள்ளது. முழுமையான தகவல்களைப் பெற இந்த வங்கியின் இணையதளத்தைப் பார்க்கவும்.

விண்ணப்பிக்க இறுதி நாள் : 05.05.2012

இணையதள முகவரி : www.andhrabank.in/

சச்சின் The Best 100

2012-04-03T01:26:00.000-07:00

சச்சின் 100

1.சச்சினுடைய அப்பாவுக்கு எழுபதுகளில் பிரபலமாக இருந்த இசையமைப்பாளர் சச்சின் தேவ் பர்மன் (எஸ்.டி.பர்மன்!) என்றால் ரொம்பப் பிடிக்கும். அதனால், தன் பிள்ளைக்கு சச்சின் எனப் பெயரிட்டார்.

2.அதிவேக கார்கள் மீது அளவில்லாத ஆர்வம் கொண்டவர். அதிகாலை நான்கு மணிக்கு மும்பையின் சாலைகளில் தன்னந்தனியாக கார் ஓட்டிக்கொண்டிருப்பாராம்.

3.சச்சின் பள்ளியில் படிக்கும்போது சுனில் கவாஸ்கர் கால்களுக்கான பேட்கள் ஒன்றை பரிசாகக் கொடுத்தார். சச்சின் 1989ல் தன் முதல் டெஸ்ட் போட்டியில் அந்த பேட்களை அணிந்துகொண்டுதான் களம் இறங்கினார்.

4.சிறு வயதில் டென்னிஸ் வீரர் ஜான் மெக்கென்ரோவின் தீவிர விசிறியாக இருந்தார் சச்சின். மெக்கென்ரோவைப்போலவே தானும் குடுமி வைத்துக்கொண்டு சுற்றுவாராம். அதனாலேயே, அவருடைய நண்பர்கள் அவரை மேக் என்று செல்லமாக அழைப்பது வழக்கம்.

5.டெஸ்ட் போட்டிகளில் தன்னை அவுட் செய்கிற ஒவ்வொரு பந்து வீச்சாளரின் பெயரையும் அவர் எப்படி தன்னை அவுட் செய்தார் என்பதையும் மறக்கவே மாட்டார். தூங்கும்போது எழுப்பிக் கேட்டாலும் டாண் என்று சொல்லி விடுவாராம்.

6.பள்ளி அணிக்காக ஆடும்போது ஒரு ரப்பர் பந்தை தண்ணீரில் நனைத்து, அதைப் பந்து வீச்சாளரிடம் கொடுத்து பந்துவீசச் சொல்லி பயிற்சி எடுப்பாராம். பந்து, பேட்டின் எந்த இடத்தில் படுகிறது என்பதை அறிந்து அதற்கேற்ப ஆட்டத்தை சரிசெய்து கொள்ள இந்த உத்தியாம்.

7.1987ம் ஆண்டு மும்பை வான்கடே ஸ்டேடியத்தில் நடைபெற்ற இந்தியா- இங்கிலாந்து அணிகளுக்கிடையேயான அரையிறுதிப்போட்டியில், பவுண்டரியில் நின்று பந்து பொறுக்கிப்போடும் பால் பாயாக பணியாற்றினார் சச்சின்.

8.ரன் அவுட் ஆகும்போது தேர்ட் அம்பயர் (டி.வி.அம்பயர்) மூலமாக முதன் முதலாக அவுட் ஆனவர் நம்ம சச்சின்தான்!

9.1998ல் ஆஸ்திரேலியாவோடு இந்தியா விளையாடியது. அப்போது வார்னே ஒரு பேட்டியில், ‘அந்தாளு கனவுல கூட டார்ச்சர் குடுக்கறார்ப்பா... நான் போடற எல்லா பால்லயும் சிக்ஸர் அடிக்கிற மாதிரி கனவு வந்து தூக்கத்தைக் கெடுக்குது’ எனக் கூறியிருந்தார்.

10.நிறைய உடற்பயிற்சி செய்து, உடலை கட்டுமஸ்தாக வைத்துக்கொள்வதில் ஆர்வமுள்ளவர் சச்சின்.

11.சச்சினுடைய முதல் பேட்டினைப் பரிசளித்தவர் அவருடைய அக்கா! காஷ்மீருக்கு சுற்றுலா சென்றவர், அங்கிருந்து வாங்கி வந்த பேட் உடையும் வரை உபயோகித்தாராம் சச்சின்.

12.1983 உலகக் கோப்பை வெற்றிக்குப் பிறகு இந்தியாவுக்கு சுற்றுப்பயணம் செய்தது மேற்கிந்தியத் தீவுகள் அணி. அதன் நான்காவது டெஸ்ட் போட்டிதான் முதன்முதலாக சிறுவன் சச்சின் மைதானத்தில் பார்த்த நிஜ கிரிக்கெட்! அவர் மைதானத்திற்கு சென்ற நாளில் விவியன் ரிசர்ட்ஸ், செஞ்சுரி அடித்தார்.

13.சச்சின் குட்டிப்பையனாக இருந்தபோது குறும்புத்தனம் தாங்க முடியாதாம். மாங்கா பறிக்கப்போய் தவறி விழுந்தவருக்கு தண்டனையாக கிரிக்கெட் கோச்சிங்பயிற்சியில் சேர்த்துவிட்டார் அவருடைய அண்ணன் அஜித் தெண்டுல்கர். அதுதான் சச்சினின் வாழ்க்கையையே மாற்றியது.

14.விஸ்டன் நிறுவனம் வெளியிட்ட உலகின் மிகச் சிறந்த டெஸ்ட் போட்டி வீரர்கள் பட்டியலில் முதலிடம் சர்.டான் பிராட்மேனுக்கு, அடுத்த இடம் நம்ம சச்சினுக்கு.

15.விஸ்டன் நிறுவனம் வெளியிட்ட உலகின் மிகச் சிறந்த ஒருநாள் போட்டி வீரர்கள் பட்டியலில் முதலிடம் விவியன் ரிசர்ட்ஸ், இரண்டாமிடம் நம்மாளு!

16.பள்ளிக்காலத்திலேயே சச்சின், மும்பையில் இருந்த பதின்மூன்று அணிகளுக்காக விளையாடினார்.

17.17 வயதிற்குட்பட்டோருக்கான ஹாரிஷ் ஷீல்ட் என்னும் உள்ளூர்ப் போட்டியில்தான் சச்சின் தன் முதல் கிரிக்கெட் சதத்தினை அடித்தார்!

18.மும்பையிலிருந்து வெளிவரும் ‘மிட் டே’ நாளிதழ், சச்சினின் முதல் பேட்டியைப் பிரசுரித்தது. அப்போது அவருக்கு வயது 12! பேட்டியின் பல கேள்விகளுக்கும் பதில் கொடுத்தவர், அவருடைய அண்ணன் அஜித் தெண்டுல்கர்.

19.சச்சினும் காம்ப்ளியும் பள்ளி அணிக்காக ஆடி, இருவருமாக சேர்ந்து எடுத்த 664 ரன்கள், கின்னஸ் சாதனைப் புத்தகத்தில் இடம் பிடித்துள்ளது.

20.1988ல் குஜராத் அணிக்கெதிராக தன் முதல் ரஞ்சி டிராபி போட்டியில் விளையாடினார் சச்சின். தன் முதல் போட்டியிலேயே சதம் அடித்து, இளம் வயதில் முதல் போட்டியில் சதமடித்த வீரர் என்கிற சாதனையைச் செய்தார்.

21.சர்.டான் பிராட்மேன் தன்னுடைய உலக டெஸ்ட் அணிக்கான பட்டியலில் சேர்த்துக்கொண்ட ஒரே இந்தியர் சச்சின் மட்டும்தான்.

22.தனது பத்தொன்பதாவது வயதில், 1992ம் ஆண்டு தன் முதல் உலகக் கோப்பை போட்டிகளில் விளையாடினார் சச்சின்.

23.சச்சினுடைய மனைவி பெயர் அஞ்சலி. சச்சின் தம்பதிக்கு ஒரு மகள் சாரா, ஒரு மகன் அர்ஜூன்.

24.சச்சின் தனது முதல் எழுபது ஒருநாள் போட்டிகளில் ஐந்தாவது அல்லது ஆறாவது பேட்ஸ்மேனாகவே விளையாடினார்!

25.130 ஆண்டு கால பாரம்பரியமிக்க இங்கிலாந்தின் கவுண்டி அணியான யார்க்சயர் அணிக்காக விளையாடத் தேர்ந்தெடுக்கப்பட்ட முதல் வெளிநாட்டு வீரர் சச்சின்தான். கவுண்டி அணிக்காக ஆடுவதா, வேண்டாமா என கவாஸ்கரிடம் சென்று அனுமதி வாங்கிவிட்டுத்தான் விளையாடினார் சச்சின்.

26.1995ல் மும்பையில் நடந்தது சச்சினின் திருமணம். அவருடைய மனைவி அஞ்சலியைக் காதலித்து, திருமணம் செய்துகொண்டார். அஞ்சலி ஆங்கிலோ இந்தியப் பெண். அவருக்கு சச்சினை விட ஐந்து வயது அதிகம்.

27.தன் மனைவி அஞ்சலியை திருமணத்திற்குமுன் தீவிரமாகக் காதலித்தார் சச்சின். அப்போது ஓரளவு பிரபலமாகிவிட்டதால், ஒட்டுத்தாடி, தொப்பி, கண்ணாடி சகிதம் காதலியோடு பார்க், பீச், தியேட்டர்களில் சுற்றுவாராம்!

28.சச்சினின் குழந்தை முகம்தான் குழந்தைகள் டாக்டரான அஞ்சலியைக் கவர்ந்திருக்க வேண்டும் என கவாஸ்கர் ஒரு பேட்டியில் கிண்டலாகக் கூறியுள்ளார்.

29.இந்தியாவின் முக்கிய உள்ளூர்ப் போட்டிகளான ரஞ்சிக் கோப்பை, துலீப் டிராபி, இரானி டிராபி என மூன்று போட்டிகளிலும் தன் முதல் ஆட்டத்திலேயே சதம் அடித்த ஒரே வீரர் சச்சின் மட்டும்தான்.

30.சச்சின் உலக கிரிக்கெட் வரலாற்றில் தன் முதல் சதத்தினை பதிவு செய்தபோது அவருக்கு வயது பதினேழுதான்! இங்கிலாந்து மான்செஸ்டர் ஓல்டு டிரப்ஃபோர்ட் மைதானத்தில் 1990ல் தொடங்கியது செஞ்சுரி வேட்டை.

31.சுதீர்குமார் கௌதம், சச்சின் தெண்டுல்கரின் நம்பர் ஒன் ரசிகர்என அழைக்கப்படுபவர். சச்சின்விளையாடுகிற எல்லா ஆட்டங்களிலும் கலந்து கொள்ளும் இவருக்கு, சச்சினே தன் போட்டிகளுக்கான டிக்கெட்டுகளையும் கொடுத்து விடுகிறார்.

32.சென்னையைச் சேர்ந்த 87 வயது சரஸ்வதி என்கிற பாட்டிதான் சச்சினுடைய வயதில் மூத்த ரசிகர்எனச் சொல்லப்படுகிறது. சச்சினைப்பற்றி அனைத்தையும் அறிந்து வைத்திருக்கிறார் இந்த சச்சின் பாட்டி!

33.டுவிட்டர் இணையதளத்திலும் சச்சின்அவ்வப்போது ரசிகர்களோடு உரையாடுகிறார். அவருக்கு டுவிட்டரில் 23 லட்சம் ரசிகர்கள்! https://twitter.com/sachin_rt

34.விளம்பரங்களில் நடிப்பதிலும் செஞ்சுரி அடித்து சாதனை படைத்தவர் சச்சின். நூற்றுக்கும் மேற்பட்ட வெவ்வேறு பொருட்களுக்கான விளம்பரங்களில் நடித்திருக்கிறார் சச்சின்.

35.சச்சினின் செல்லப்பெயர் டென்ட்லியா! அதுபோக லிட்டில் மாஸ்டர், மாஸ்டர் பிளாஸ்டர், லிட்டில் சாம்பியன், கிரிக்கெட்டின் கடவுள் என்றெல்லாம் கூட அவருடைய ரசிகர்கள் அழைக்கின்றனர்.

36.சச்சின் ஒரே ஒரு பாலிவுட் படத்தின், ஒரே ஒரு காட்சியில் நடித்திருக்கிறார். 2003ம் ஆண்டு வெளியான அந்தப் படத்தின் பெயர் ‘ஸ்டம்ப்ட்’.

37.திகார் ஜெயிலில் இருக்கிற இரண்டு வார்டுகளுக்கு, கிரிக்கெட் வீரர்களின் பெயர்கள் சூட்டப்பட்டுள்ளன. ஒன்று,வினோத் காம்ப்ளியின் பெயரில். இன்னொன்று, சச்சினின் பெயரில்!

38.இந்திய விமானப்படை குரூப் கேப்டன் பதவி வழங்கிய விமானப் பயிற்சி பெறாத ஒரே ஆள் சச்சின் மட்டும்தான்.

39.ஹாக்கி வீரர் தியான் சந்த்துக்குப் பிறகு,இந்தியாவில் விளையாட்டுக்காகத் தரப்படுகிற எல்லா விருதுகளையும் வென்ற ஒரே விளையாட்டு வீரர் சச்சின்தான்.

40.சச்சின்தான் உலகிலேயே அதிக எடை கொண்ட கிரிக்கெட் பேட்டினைப் பயன்படுத்துகிறார். அவருடைய பேட்டின் எடை 1.42 கிலோ! சாதாரண பேட்டின் எடை ஒரு கிலோதான்!

41.சச்சின் பந்து வீசுவதற்கும் பேட்டிங் செய்வதற்கும் வலது கையையே பயன்படுத்தினாலும் அவர் எழுதுவதும், சாப்பிடுவதும் இடது கையில்தான்!

42.பத்து வயதில் வேகப்பந்து வீச்சாளர்ஆகவேண்டும் என்கிற ஆசையில், எம்ஆர்எஃப் பேஸ் ஃபவுண்டேஷனில் செலக்ஷனுக்காகச் சென்று, டென்னிஸ் லிலியின் அறிவுரையால் பேட்டிங்கை தேர்ந்தெடுத்தார்.

43.சச்சினுக்கு காயமெல்லாம் கமர்கட் மாதிரி! சின்ன வயதில் அவருடைய உடம்பில் பேண்ட் எய்டு எப்போதுமே இடம் பிடித்திருக்குமாம். அவர் முதன்முதலாக நடித்த விளம்பரமும் பேண்ட் எய்டுதான்!

44. ராஜீவ் காந்தி கேல் ரத்னா விருது பெற்ற முதல் விளையாட்டு வீரர் சச்சின்தான்.

45.டெஸ்ட் போட்டிகளில் இலங்கை அணியின் முத்தையா முரளீதரன்தான் சச்சினை அதிக முறை அவுட்டாக்கிய பெருமையைப் பெற்றவர் (எட்டு முறை).

46.ஒருநாள் போட்டிகளில் சச்சினை அதிக முறை அவுட்டாக்கியவர், ஆஸ்திரேலியாவின் அதிவேகப் பந்து வீச்சாளர் பிரட்லீ (9 முறை).

47.ஏகப்பட்ட மேட்ச்கள் ஆடியிருந்தாலும் சச்சின் இதுவரை ஒரே ஒரு சர்வதேச டி20 போட்டியில் மட்டுமே விளையாடியுள்ளார். 2006ல் தென்னாப்ரிக்காவுக்கு எதிராக!

48.டெஸ்ட் மற்றும் ஒருநாள் போட்டிகள் இரண்டிலுமே இரட்டை சதமடித்தவர் சச்சின்! ஒரு நாள் போட்டிகளில் இரட்டை சதமடித்த முதல் ஆளும் அவர்தான்.

49.ஒரு நாள் போட்டிகளில் ஆறு முறை 200க்கு அதிகமான பார்ட்னர் ஷிப்களில் பங்கு பெற்றுள்ளார். அவரோடு ஆடியவர்கள் இரண்டே பேர். ஒருவர் கங்குலி, இன்னொருவர் டிராவிட்.

50.மற்ற எந்த அணிகளையும் விட ஆஸ்திரேலியாவோடு விளையாடும்போது சச்சினுக்கு ஆக்ரோஷம் அதிகமாகி விடுகிறது. அவர் அடித்த நூறு நூறுகளில் இருபது, ஆஸியுடன்தான்.

51.கிரிக்கெட் புத்தகத்தின் எல்லாவகை ஷாட்டுகளும் விளையாடினாலும் சச்சினுக்குப் பிடித்தது ஸ்ட்ரைட் டிரைவ்தானாம்! (எங்களுக்கும்தான்!).

52.சச்சினுக்குப் பிடித்த கிரிக்கெட் மைதானம் மும்பை வான்கடேவும் ஆஸ்திரேலியாவின் சிட்னி எஸ்சிஜியும்தான்.

53.கடல் உணவுகளை விரும்பி உண்பாராம் சச்சின்! அதிலும் நண்டு மற்றும் மீன் என்றால், ஒரு பிடிபிடிப்பது சச்சினின் வழக்கம்.

54.சச்சினிடம் ராசியான பேட் ஒன்று இருந்தது. அதை வைத்து 14 நான்கு செஞ்சுரிகள் அடித்திருக்கிறார். அது உடைந்துபோக, வல்லுநர்களை வைத்து சரிசெய்து கடந்த உலகக் கோப்பை போட்டிகள் வரைக்குமே அதை உபயோகித்தாராம்!

55.சச்சின் கிரிக்கெட்டுக்கு வெளியே, இரண்டு உணவகங்களை மும்பையிலும் பெங்களூருவிலும் நடத்தி வருகிறார்.

56.சச்சின் தன் பள்ளிப்படிப்பைத் தொடங்கியது நியூ இங்கிலாண்ட் ஸ்கூலில்தான் என்றாலும் கிரிக்கெட்டுக்காக அவருடைய பயிற்சியாளர் ரமாகாந்த் அச்ரேக்கரின் உத்தரவின்படி சாரதாஸ்ரமம் வித்யா மந்திர் பள்ளியில் படித்தார்.

57.உலகம் முழுக்க இருக்கிற 90 கிரிக்கெட் மைதானங்களில் பேட்டிங் செய்து சாதனை படைத்துள்ளார் சச்சின்!

58.சச்சின் கிரவுண்டில் விளையாடும் போது எதையும் சாப்பிடவோ, குடிக்கவோ மாட்டார் அவருடைய மனைவி அஞ்சலி! திருமணமானதிலிருந்து இதை விரதமாகவே கடைபிடிக்கிறார்.

59.நிறைய செண்டிமெண்ட் பார்ப்பாராம் சச்சின். எப்போதும் தன்னுடைய இடது கால் பேடையே முதலில் அணிந்துகொள்வதை வழக்கமாக வைத்திருக்கிறார்.

60.மேடம் டுசாட்ஸ் என்கிற பிரபலமான மெழுகு சிலை மியூசியத்தில் அவரைப்போலவே ஒரு சிலைவைக்கப்பட்டுள்ளது. இந்த மியூசியத்தில் இடம் பிடித்த ஒரே இந்திய விளையாட்டு வீரர் சச்சின்தான்!

61.கங்குலியோடு இணைந்து ஆறாயிரம் ரன்களை ஒப்பனிங் இறங்கிக் குவித்தது, கிரிக்கெட் வரலாற்றில் யாருமே செய்திடாத சாதனையாக கருதப்படுகிறது!

62.சச்சினை சூப்பர் ஹீரோவாக்கி, மாஸ்டர் பிளாஸ்டர் என்கிற பாத்திரத்தை உருவாக்கி காமிக்ஸ் ஒன்றை வெளியிட்டது விர்ஜின் காமிக்ஸ் என்னும் நிறுவனம்.

63.சச்சின் சிறந்த பேட்ஸ்மேனாக இருந்தாலும் இக்கட்டான சூழல்களில் இந்தியாவுக்காகப் பந்து வீசி அசத்திஉள்ளார். டெஸ்ட்டிலும் ஒரு நாள் போட்டிகளிலும் 199 விக்கெட்டுகள் வீழ்த்தியுள்ளார்!

64.பத்தாயிரம் ரன்களைக் கடந்து சாதனை படைத்தபோது மும்பை கிரிக்கெட் அசோசியேஷன், சச்சினுக்கு பத்து கிலோ எடையுள்ள வெள்ளி பேட் ஒன்றை பரிசாகக் கொடுத்தது!

65. ‘டைம்’ இதழ், சச்சினை ஆசியாவின் ஹீரோ எனப் புகழ்ந்து எழுதியது!

66.உலகக் கோப்பை போட்டிகளில் அதிக ரன்களைக் குவித்தவர் என்கிற சாதனை செய்துள்ளவர் சச்சின்.

67.சச்சினுக்கும் சென்னைக்கும் நெருங்கிய தொடர்பு உண்டு. இந்திய மண்ணில் சச்சின் அடித்த முதல் செஞ்சுரி, சென்னைசேப்பாக்கத்தில்தான்! (இங்கிலாந்துக்கு எதிராக 165 ரன்கள்!)

.
68.1995ல் சச்சின், ஐந்தாண்டுக்கான விளம்பர ஒப்பந்தம் ஒன்றில் கையெழுத்திட்டார். ஒப்பந்தத் தொகை என்ன தெரியுமா? 30 கோடி!

69.டெஸ்ட் போட்டிகளில் விளையாடுகிற எல்லா அணிகளோடும் இரண்டுக்கும் மேற்பட்ட சதங்களை அடித்திருக்கிறார்.

70.2006ல் விளம்பர ஒப்பந்தம் ஒன்றில் கையெழுத்திட்டார். ஒப்பந்தத் தொகை 180 கோடி! இதன் மூலம் உலகிலேயே அதிகம் சம்பாதிக்கிற விளையாட்டு வீரராக உயர்ந்தார்.

71.சச்சின் மூன்று முறை 99 ரன்களுக்கு அவுட்டாகியிருக்கிறார். 90-99 ரன்களுக்குள் அவுட்டானது 28 முறை!

72.2008ம் ஆண்டு பிரிட்டிஷ் பிரதமர் கார்டன் பிரவுன், சச்சினுக்கு சர் பட்டம் கொடுக்க பரிந்துரைத்தார். ஆனால், வழங்கப்படவில்லை.

73.இதுவரை ஒருநாள் போட்டிகளில் 56 முறை ஆட்ட நாயகன் விருது பெற்றுள்ள சச்சின், இந்திய அணி தோற்றபோதும் 5 முறை இவ்விருதினைப் பெற்றுள்ளார்!

74.மிகுந்த கடவுள் பக்தி கொண்டவர் சச்சின். புட்டபர்த்தி சத்யசாயி பாபா கோயிலுக்கு அடிக்கடி போய்வருகிறவர். மேட்ச் இல்லாத காலங்களில், சச்சினை இந்தியாவின் பிரபலக் கோயில்களில் அடிக்கடி பார்க்கலாம்.

75.அண்மையில் புற்றுநோய் விழிப்புணர்வுக்காக ஒரு தன்னார்வத் தொண்டு நிறுவனத்துக்கு நிதியுதவி கேட்டு, டுவிட்டர் இணையதளத்தில் வேண்டுகோள் விடுத்தார் சச்சின். குவிந்தது ஒரு கோடி!

76.‘சின்னப் பையன் வேணாம்ப்பா’ எனப் பலர் தடுத்தும் சச்சினை 1989ல் இந்திய அணிக்காகத் தேர்ந்தெடுத்தவர் ராஜ் சிங் துங்கர்பூர்!

77.‘கிரிக்கெட் மதமாக இருந்தால், சச்சின்தான் கடவுள்’ என்கிற வாக்கியம் கிரிக்கெட் உலகில் மிகப் பிரபலம். ஒருமுறை ஆஸி அணி முன்னாள் வீரர் மேத் ஹெடன் ஒரு பேட்டியில், ‘நான் கடவுளைப் பார்த்திருக்கிறேன், அவர் இந்திய அணியில் விளையாடுகிறார்’ என்றார்.

78.திரைப்படங்கள் பார்ப்பது சச்சினுக்குப்பிடித்த பொழுதுபோக்கு. அவருக்குப் பிடித்த நடிகர் அமிதாப்பச்சன்! படம் பார்க்க தியேட்டருக்குச் செல்லும்போது விக்கு வைத்துக்கொண்டு மாறுவேடத்தில் செல்வாராம்.

79.சச்சின் தன் முதல் டெஸ்ட் போட்டியில் விளையாடியது பாகிஸ்தானுடன் என்பது தெரியும். அந்த மேட்ச்சில்இந்தியாவுக்கு கேப்டனாக இருந்தவர் யார் தெரியுமா? நம்மூர் ஸ்ரீகாந்த்!

80.எந்த நாட்டிற்கு விளையாடச் சென்றாலும் அதற்குமுன் தன்னுடைய குரு ரமாகாந்த் அச்ரேக்கரை சந்தித்து ஆசி பெற்று விட்டுத்தான் செல்வார்.

81.மல்யுத்தம் என்றால், சச்சினுக்கு உயிர். இந்திய அணியில் புதிதாக நுழைந்தபோது திலீப் வெங்சர்க்கார், அங்கோலா, மனோஜ் பிராபகரோடெல்லாம் ஜாலியாக மல்யுத்தம் போட்டு ஜெயிப்பாராம். ‘அவருடைய கைகள் மிகவும் வலுவானவை’ என்று ஒரு பேட்டியில் கூறுகிறார் திலீப் வெங்சர்க்கார்.

82.சச்சின் பேட்டிங்கில் மட்டுமல்ல, சமையலிலும் கில்லாடி. வீட்டில் இருக்கும்போது கத்திரிக்கா ரொட்டி, சப்ஜியெல்லாம் செய்து அசத்துவாராம்.

83.மனதை ரிலாக்ஸ் செய்துகொள்ள, எப்போதும் சச்சின் காதுகளில் இசை ஒலித்துக்கொண்டேயிருக்கும். பாப் இசையும் கிஷோர் குமார் பாடல்கள் என்றாலும் உயிர்.

84.சச்சின் தன்னால் விளையாடவே முடியாத ஒரு பந்து வீச்சாளர் எனக் குறிப்பிடுவது, மறைந்த தென்னாப்ரிக்க அணியின் ஹன்சி குரோன்யேவையே!

85.சச்சினுக்கு இரண்டு முறை கேப்டன் பதவி வழங்கப்பட்டது. ஆனால், இரண்டு முறையும் இந்தியா அதிகப் போட்டிகளில் தோல்வியடைந்தது. அந்தச் சமயத்தில், தானாகவே தன் கேப்டன் பதவியைத் துறந்தார் சச்சின்.

86.டான் பிராட்மேனின் 29 டெஸ்ட் சத சாதனையை சச்சின் முறியடித்தபோது, ஃபார்முலா ஒன் ஃபெராரி நிறுவனம் ரேஸ் சாம்பியன் மைக்கேல் சூமேக்கர் கையால், அதிநவீன கார் ஒன்றை பரிசளித்தது.

87.1999ல் சச்சினின் உருவம் பொறித்த 24 காரட் தங்க நாணயங்களை இந்தியாவின் கார்ப்பரேஷன் பேங்க் வெளியிட்டது.

88. சச்சினுடைய மகன் அர்ஜூன் டெண்டுல்கரும் பள்ளி அணிக்காக கிரிக்கெட் ஆடி வருகிறார். அப்பாவைப்போல இல்லாமல், இவர் ஒரு ஆல்ரவுண்டர். இடது கை ஆட்டக்காரர்!

89. சச்சினின் ரத்தத்துளியில் அச்சிடப்பட்ட (ஒரு துளிதான்) அவருடைய வாழ்க்கை வரலாற்றுப் புத்தகம் ஒன்றை, இங்கிலாந்து பதிப்பகம் வெளியிட்டது. அதில் சச்சினின்டிஎன்ஏ வடிவமும் வெளியிடப் பட்டது. விலைதான் கொஞ்சம் ஜாஸ்தி, ஒரு புத்தகத்தின் விலை முப்பது லட்சம் ரூபாய்! இந்தப் பணம் இந்தியாவில், ஏழைகளுக்கான பள்ளி ஒன்றைக் கட்ட செலவிடப்பட்டது.

90.சச்சின் வசித்த காலனியின் வாட்ச்மேன் பையன் ரமேஷ். சச்சினின் இளம் வயதுத் தோழன். இருவரும்தான் எப்போதும் கிரிக்கெட் ஆடுவது வழக்கம். இப்போது அவர்தான் சச்சினின் பர்சனல் செக்ரட்டரியாக இருக்கிறார். இப்போதும் நண்பர்களாக!

91.சொந்த வீட்டுக் கனவு அனைவருக்கும் உண்டு. மும்பையிலிருக்கும் பாந்த்ராவில் அண்மையில் சச்சின்,5 அடுக்குகள் கொண்ட 40 கோடி ரூபாயில் கட்டப்பட்ட தன் புதிய வீட்டில் குடியேறினார்.

92.சச்சின் விளையாடுவதை கிரவுண்டிற்குச் சென்றோ, டி.வி.யிலோ லைவ்வாகப் பார்க்க மாட்டாராம் அவருடைய அண்ணன் அஜித். ரெக்கார்ட் செய்துதான் பார்ப்பது வழக்கமாம்! அவர் பார்த்த ஆட்டங்களில், சச்சின் சரியாக ஆடுவதில்லை என இப்படி ஒரு நம்பிக்கை!

93.மும்பையில் மேட்ச் நடந்தால், போட்டிக்கு முன்னால் தன் வீட்டுக்குச்சென்று, பெற்றோரின் கால்களில் விழுந்து ஆசி பெற்ற பின்பே ஆட்டத்திற்கு கிளம்புவார் சச்சின்.

94. டெல்லியின் முக்கியப் பகுதியான சாந்த்னி சவ்க்கில், ஒரு சாலைக்கு சச்சின் பெயர் சூட்ட பரிந்துரைக்கப் பட்டுள்ளது.

95. ‘கொலவெறி’ பாடல் ஹிட்டான கையோடு நடிகர் தனுஷை அழைத்து, அதே பாணியில் சச்சினுக்கும் ஒரு பாட்டு போட்டு ஹிட்டடித்தது பூஸ்ட் நிறுவனம்! அது சச்சின் ஆன்த்தம் (கீதம்) என அழைக்கப்பட்டது.

96.2008ம் ஆண்டு, பத்ம விபூஷன் விருது சச்சினுக்கு வழங்கப்பட்டது. சென்ற ஆண்டு, பாரத ரத்னா விருது கொடுக்கவேண்டும் என்கிற கோரிக்கை வைக்கப்பட்டது. ஆனால், விருது தரப்படவில்லை.

97.ஆஸ்திரேலிய முன்னாள் வீரர் ஷேன் வார்ன், உலக அளவில் டாப் 50 கிரிக்கெட் வீரர் பட்டியல் ஒன்றை உருவாக்கினார். அதில் சச்சினுக்கே முதலிடம்.

98.சச்சினுக்கு புகைப்பழக்கமோ, குடிப்பழக்கமோ கிடையாது. அதோடு சிகரெட், குடி மாதிரியான விளம்பரங்களிலும் நடிப்பதில்லை.

99.20 கோடி ரூபாய் தருவதாகக் கூறிய ஒரு பீர் கம்பெனியின் ஆஃபரை வேண்டாம் என நிராகரித்தார் சச்சின். காரணம், ‘என்னுடைய ரசிகர்களில் பெரும்பாலானோர் குழந்தைகள்... அவர்களை தீய பழக்கங்களுக்கு இட்டுச்செல்லும் எந்த விளம்பரத்திலும் நடிக்க மாட்டேன்’ என்றார்.

100.ஆண்டுதோறும் 200 குழந்தைகளின் கல்விக்கு, ‘அப்னாலயா’ என்னும் அமைப்பின் மூலமாக உதவி வருகிறார் சச்சின்.

AIEEE நுழைவுத்தேர்வு மாணவர்களுக்கு சக்ஸஸ் டிப்ஸ்

2012-04-03T00:58:00.000-07:00

என்.ஐ.டி. உள்ளிட்ட பல்வேறு பொறியியல் கல்வி நிலையங்களில் 40 ஆயிரம் இடங்களுக்கு பத்து லட்சத்திற்கும் மேற்பட்ட மாணவர்கள் அகில இந்திய பொறியியல் நுழைவுத் தேர்வை எழுத இருக்கிறார்கள். இந்த நுழைவுத் தேர்வை எழுதும் மாணவர்களுக்குப் பயன்படும் வகையில் சில யோசனைகள்....

நாட்டில் உள்ள முக்கியப் பொறியியல் கல்வி நிறுவனங்களான என்ஐடி எனப்படும் நேஷனல் இன்ஸ்டிட்யூட் ஆஃப் டெக்னாலஜி, ஐஐஐடி எனப்படும் இந்தியன் இன்ஸ்டிட்யூட் ஆஃப் இன்பர்மேஷன் டெக்னாலஜி போன்ற கல்வி நிறுவனங்களிலும் சில நிகர்நிலைப் பல்கலைக்கழகங்களிலும் சேருவதற்கு அகில இந்திய பொறியியல் நுழைவுத் தேர்வை (ஏஇஇஇ) எழுத வேண்டும். இந்த நுழைவுத் தேர்வை மத்திய செகண்டரி கல்வி போர்டு நடத்துகிறது. இந்தத் தேர்வில் இரண்டு தாள்கள் உண்டு. பி.இ., பி.டெக். படிப்புகளில் சேர விரும்பும் மாணவர்கள் முதல் தாளை எழுத வேண்டும். பி.ஆர்க்., பி.பிளான், பில்டிங் டெக்னாலஜி, இன்டீரியர் டிசைன் உள்ளிட்ட படிப்புகளில் சேர விரும்பும் மாணவர்கள் இரண்டாவது தாளை எழுத வேண்டும். இந்த இரண்டு பிரிவுப் படிப்புகளிலும் சேர விரும்பும் மாணவர்கள் இந்த இரண்டு தேர்வுகளையும் எழுத வேண்டும். மாணவர்கள் விரும்பினால் ஆன்லைன் தேர்வை எழுதலாம் அல்லது எழுத்துத் தேர்வை எழுதலாம்.

இந்த ஆண்டு ஆன்லைன் தேர்வு விரிவாக்கப்பட்டுள்ளது. தமிழ்நாட்டில் சென்னையிலும் மற்ற மாநிலங்களில் 21 நகரங்களிலும் ஆன்லைன் தேர்வு மட்டுமே நடத்தப்படும். பழைய முறையிலான எழுத்துத் தேர்வு (ஆஃப் லைன்) தமிழ்நாட்டில் கோவையிலும் மதுரையிலும் மற்ற மாநிலங்களில் 61 நகரங்களிலும் நடத்தப்படும். அத்துடன் துபாய், ரியாத் ஆகிய இடங்களிலும் இத்தேர்வை எழுதலாம். “இந்த நுழைவுத் தேர்வின் இரண்டு தாள்களிலுமே இந்த ஆண்டில் பாடத்திட்டத்தில் மாற்றம் செய்யப்படவில்லை. வினாத்தாளின் அமைப்பிலும் மாற்றம் இல்லை. முதல் தாளில் கணிதம், இயற்பியல், வேதியியல் பகுதி ஒவ்வொன்றிலும் 30 கேள்விகள் அப்ஜெக்ட்டிவ் முறையில் கேட்கப்படும். கடந்த ஆண்டில் காம்பிரிஹென்சன் அல்லது மேட்சிங் வகை கேள்விகள் கேட்கப்படவில்லை. ஸ்டேட்மெண்ட் - ரீசன் வகையில் மட்டும் இயற்பியலில் மூன்று வினாக்களும் கணிதத்தில் ஐந்து வினாக்களும் இருந்தன. இந்த முறையும் அப்படியே இருக்கலாம். தவறான விடைகளுக்கு நெகட்டிவ் மதிப்பெண்கள் உண்டு” என்கிறார் அண்ணா பல்கலைக்கழக நுழைவுத் தேர்வுகள் பிரிவின் முன்னாள் இயக்குநர் ப.வே. நவநீதகிருஷ்ணன்.

“கடந்த ஆண்டில் கணிதத்தில் கேட்கப்பட்ட கேள்விகளின் எண்ணிக்கையைப் பார்க்கலாம். அனலிட்டிக்கல் ஜாமெட்ரியில் 6 கேள்விகள், புராபிலிட்டி மற்றும் ஸ்டாட்டிஸ்டிக்ஸ், டிபரன்சியல் ஈக்குவேஷன் ஆகியவற்றில் ஒவ்வொன்றிலும் மூன்று வீதம் ஆறு கேள்விகள். பங்ஷன்ஸ் அண்ட் ரிலேஷன்ஸ், காம்ப்ளக்ஸ் நம்பர்ஸ், வெக்டர்ஸ் இன்டகிரேஷன் அண்ட் அப்ளிக்கேஷன் ஆகியவற்றில் ஒவ்வொன்றிலும் இரண்டு வீதம் எட்டுக் கேள்விகள் கேட்கப்பட்டன. கன்டினியுட்டி, லிமிட்ஸ் மேட்ரிக்ஸ், சீரிஸ், டிரிகிரினாமெட்ரி, டிபரன்சியேஷன் அண்ட் அப்ளிக்கேஷன்ஸ், பெர்முட்டேஷன் அண்ட் காம்பினேஷன்ஸ், பய்நாமியல் எக்ஸ்பேஷன், சிஸ்டம் ஆஃப் லீனியர் ஈக்குவேஷன், மேத்தமேட்டிக்கல் ரீசனிங் ஆகியவற்றில் தலா ஒரு கேள்வி வீதம் பத்து கேள்விகள் கேட்கப்பட்டன. பாடத்திட்டத்தின் பகுதி முக்கியத்துவம் ஆண்டுக்கு ஆண்டு மாறுபடலாம்” என்கிறார் அவர்.

“ பிஆர்க் உள்ளிட்ட பாடங்களில் சேருவதற்கான நுழைவுத் தேர்வு இரண்டாம் தாளில் பகுதி ஒன்றில் கணிதத்தில் 30 அப்ஜெக்ட்டிவ் வகைக் கேள்விகள் இருக்கும். ஆப்டிட்யூட் தேர்வுப் பகுதியில் 50 ஆப்ஜெக்ட்டிவ் கேள்விகள் இருக்கும். இதில் எழுதுவது, தீட்டுவது அனைத்தையும் பால் பேனாவால்தான் எழுத வேண்டும். பகுதி மூன்றில் டிராயிங் தேர்வில் இரண்டு கேள்விகள் இருக்கும். பகுதி ஒன்றில் கணிதப் பாடப்பிரிவின்கீழ் கடந்த ஆண்டில் கேட்கப்பட்ட கேள்விகள் எதிலிருந்து என்பதைப் பார்க்கலாம். அனலிட்டிக்கல் ஜாமெட்ரியில் 6 கேள்விகளும் இன்டகிரேஷன் அண்ட் அப்ளிக்கேஷனில் 4 கேள்விகளும் ஸ்டாட்டிஸ்டிக்ஸ் அண்ட் புராபபிலிட்டி, ரிலேஷன்ஸ், டிரிகினாமெட்ரி ஆகியவற்றில் தலா 2 கேள்விகள் வீதம் 6 கேள்விகளும் கேட்கப்பட்டன. பெர்முட்டேஷன் மற்றும் காம்பினேஷன், டிபரன்சியலிபிட்டி, மேட்ரிக்ஸ், குவாட்ரட்டிக் ஈக்குவேஷன்ஸ், பய்நாமியல் எக்ஸ்பேன்ஷன், காம்ப்ளக்ஸ் நம்பர்ஸ், அல்ஜிப்ரா, பங்ஷன்ஸ், லிமிட்ஸ், டிட்டர்மினன்ட்ஸ், வெக்டர்ஸ், சிஸ்டம் ஆஃப் ஈக்குவேஷன்ஸ், அப்ளிக்கேஷன் ஆஃப் டிஃப்ரன்சியேஷன், டிபரன்சியல் ஈக்குவேஷன்ஸ் ஆகியவற்றில் தலா ஒரு கேள்வி வீதம் 14 கேள்விகள் கேட்கப்பட்டன. இந்த ஆண்டும் இதையொட்டியே கேள்விகள் இருக்கலாம் அல்லது சிறிது மாறுபடலாம்” என்றும் அவர் குறிப்பிட்டார்.

“இரண்டாம் தாளில் பகுதி இரண்டில் கொடுக்கப்பட்ட 3-டி பட உருவத்தின் பக்கங்களின் எண்ணிக்கை காணலில் 5 வினாக்கள் இருக்கும். படத் தொடரை முடித்தலில் 3 வினாக்களும், 3டி பட உருவத்தின் முன்பக்கத்தைக் காணலில் 7 வினாக்களும், 3டி பட உருவத்தின் மேல் பக்கத்தைக் காணலுக்கு 5 வினாக்களும், தரப்பட்ட சமதளப் படத்தில் உள்ள முக்கோணங்களின் எண்ணிக்கை காணலுக்கு 2 வினாக்களும், படத்தின் கண்ணாடி பிரதிபலிப்பை காணுதலுக்கு 3 வினாக்களும், படத்தில் சதுரங்களை எண்ணுவதற்கு ஒரு வினாவும் கேட்கப்பட்டன. பொருந்தாத படத்தைக் குறித்தலில் 2 வினாக்களும் மறைந்திருக்கும் ஒரேமாதிரி உருவத்தை காணலில் 2 வினாக்களும் 3டி உருவத்தின் திறந்த படத்தைத் தேர்ந்தெடுத்தலில் 3 வினாக்களும் மேல் பக்கத்திலிருந்து முழு உருவத்தையும் தேர்ந்தெடுத்தலுக்கு 2 வினாக்களும் அப்ஜெக்ட்டிவ் முறையில் மொத்தம் 35 வினாக்கள் இந்தப் பகுதியில் இடம் பெறும். ஆக்கிடெக்ச்சர், பில்டிங் மெட்டிரியல்ஸ், லைட், சவுண்ட், வாட்டர் வேஸ், ஹீட் அண்ட் ரேடியேஷன் பை பில்டிங்ஸ், புராபர்ட்டிஸ் ஆஃப் ஆர்க்கிடெக்ச்சுரல் மெட்டீரியல்ஸ், ஆர்க்கிடெக்ட்ஸ் ஆகியவை குறித்து 15 வினாக்கள் அப்ஜெக்ட்டிவ் முறையில் இருக்கும். மூன்றாவது பகுதியில் இரு டிராயிங் கேள்விகளும் இருக்கும் என்று இந்தத் தேர்வு முறையில் உள்ள முக்கிய அம்சங்களை விளக்கினார் பேராசிரியர் நவநீதகிருஷ்ணன்.

“நுழைவுத் தேர்வைப் பொருத்தவரை இந்தப் பாடம் முக்கியம், இது முக்கியமல்ல என்று சில பாடங்களை விட்டு விட்டுப் படிக்கக்கூடாது. ஒவ்வொரு பாடப்பிரிவிலும் உள்ள அடிப்படைக் கோட்பாடுகளையும் விவரங்களையும் நன்கு படிப்பதுடன் அதன் பயன்பாடுகளைப் பொருத்திப் பார்க்கவும் தெரிந்திருக்க வேண்டும். ஓராண்டில் குறிப்பிட்ட பாடங்களுக்கு முக்கியத்துவம் கொடுத்து தேர்வில் வினாக்கள் கேட்கப்பட்டிருக்கும். அதேபோல மற்ற ஆண்டுகளிலும் அந்தப் பாடங்களுக்கு அதே அளவு முக்கியத்துவம் கொடுக்கப்படும் என்று எதிர்பார்க்க முடியாது. தேர்வுகளில் கேட்கப்படும் கணிதம் தொடர்பான வினாக்களுக்கு விரைவில் சரியாக பதில் அளிக்கும் திறனை வளர்த்துக் கொள்ள வேண்டும். யூகத்தின் அடிப்படையில் பதில் எழுத முயற்சிப்பது நல்லது அல்ல. இந்தத் தேர்வில் நான்கு வகைக்கு குறையாமல் உள்ளடக்கம் மாற்றி அச்சடிக்கப்பட்ட வினாத்தாள்கள் பயன்படுத்தப்படும். எனவே, காப்பி அடித்தல் சபலமே எந்த மாணவருக்கும் வரக்கூடாது” என்கிறார் அவர்.

“ஆன்லைன் தேர்வு முறையில் தேர்வு எழுதும் மாணவர்கள் கம்ப்யூட்டரில் நல்ல பரிச்சயத்தை ஏற்படுத்திக் கொள்ள வேண்டும். ஆன்லைன் மூலம் நடத்தப்படும் மாதிரித் தேர்வுகளை எழுதி தங்களை இந்தத் தேர்வு முறைக்கு நன்கு பரிச்சயப்படுத்திக் கொள்வதன் மூலம் இந்த ஆன்லைன் தேர்வை எளிதாக எழுதி விட முடியும். பி.ஆர்க். உள்ளிட்ட பாடப்பிரிவுகளில் சேர விரும்பும் மாணவர்களுக்கான இரண்டாம் தாளை எழுதும் மாணவர்கள் கணிதப் பாடத்தில் காட்டும் அக்கறையை படங்களை வரைவதில் உள்ள திறனை மேம்படுத்திக் கொள்வதிலும் கவனம் செலுத்த வேண்டும். கோச்சிங் மையங்களுக்குச் சென்று பயிற்சி பெறுபவர்கள் வீட்டிலும் பாடங்களில் கவனம் செலுத்துங்கள். வீட்டிலேயே படிக்கும் மாணவர்கள், தங்களுக்கு ஏற்படும் சந்தேகங்களை ஆசிரியர்களிடமோ சக மாணவர்களிடமோ கேட்டுத் தெளிவு பெறுவது நல்லது.

பாடங்களைப் படித்திருந்தாலும்கூட, விடைகளைக் கண்டறிய பல்வேறு வழிமுறைகளை யோசித்து பயிற்சி செய்து பாருங்கள். இதுபோன்ற பயிற்சித் தேர்வில் குறித்த நேரத்தில் விடைகளைக் கண்டறிய உதவியாக இருக்கும். மாதிரி தேர்வுகளை எழுதிப் பார்ப்பது ஒரு கேள்விக்கு எவ்வளவு நேரம் ஒதுக்க முடியும் என்பதைப் புரிந்துகொள்ள உதவும். தெரியாத கேள்விகளுக்கு அதிக நேரத்தைச் செலவிடக்கூடாது. தெரிந்த கேள்விகளுக்கு முதலில் விடை அளித்து விட்டு, பிறகு தெரியாத கேள்விகளுக்கு விடை அளிக்க முயலலாம்” என்கிறார்கள் சில கல்வியாளர்கள். நன்றாகப் படியுங்கள். தன்னம்பிக்கையுடன் தேர்வு எழுதுங்கள். வெற்றி நிச்சயம்!

நன்றி :

ஜென் தத்துவக்கதைகள் 6

2012-04-03T00:50:00.000-07:00

அப்படியா?

ஜென் குருவான ஹகுயின் எல்லோராலும் தூய்மையானவர் என்று புகழப்பட்டு
பெரிதும் மதிக்கப்படுபவர். ஜப்பானிய அழகி ஒருத்தி அவர் வாழும் இடத்திற்கு அருகில் உணவு விடுதி வைத்திருந்த தம்பதிகளுக்கு ஒரே புதல்வி. திடீரென்று ஒரு நாள் அவள் கர்ப்பமுற்றிருப்பதைக் கண்ட பெற்றோர் திகைத்தனர். கோபம் மேலிட இதற்குக் காரணமானவன் யார் என்று பெற்றோர் அவளைக் கேட்டனர். பதில் வரவில்லை. உடனே மிகவும் அவளை வற்புறுத்தவே அவள் ஹகுயின் பெயரைக் கூறினாள். கோபமடைந்த பெற்றோர் ஹகுயினை அணுகிக் கத்தினர்.

"அப்படியா?" என்றார் ஹகுயின்.

குழந்தை பிறந்தவுடன் அதை ஹகுயினிடம் கொண்டு வந்து விட்டனர் பெண்ணின்
பெற்றோர். அவரது நல்ல பெயருக்குக் களங்கம் ஏற்பட்டது. அதைப் பற்றி அவர் அலட்டிக் கொள்ளவே இல்லை. குழந்தையைச் சீராட்டி நன்கு வளர்க்க ஆரம்பித்தார். அண்டை அயலாரிடம் பால் வாங்கி குழந்தைக்குக் கொடுத்து வரலானார்.

ஒரு வருடம் கழிந்தது. குழந்தையின் தாயான அந்தப் பெண்ணால் பொறுத்துக்
கொள்ள முடியவில்லை. மீன் சந்தையின் மீன் விற்பனை செய்யும் இளைஞன் ஒருவனே குழந்தையின் தகப்பன் என்று அவள் உண்மையைப் பெற்றோரிடம் கூறினாள். உடனே பெண்ணின் பெற்றோர் குழந்தையைத் திரும்பப் பெற வேண்டி ஹகுயினிடம் விரைந்தனர். குழந்தையைத் திருப்பித் தர ஹகுயின் இசைந்தார்.

தங்கள் செயலுக்கு மன்னிப்பு அளிக்குமாறு அவரைப் பெண்ணின் பெற்றோர் மன்றாடிக் கேட்டுக் கொண்டு குழந்தையின் தந்தை யார் என்பதையும் கூறினர்.

ஹகுயின் கூறினார்: "அப்படியா?"

ஜென் தத்துவக்கதைகள் 5

2012-04-03T00:42:00.000-07:00

மாணவன் ஒருவன் வேலை நிமித்தமாக பக்கத்து ஊருக்குப் பயணப்பட்டான். பயணத்தில் ஒரு ஆறு குறுக்கிட்டது. ஆற்றில் வெள்ளம் சுழித்துச் சுழித்து ஓடிக் கொண்டிருந்தது. அகண்ட ஆறு அது. ஆற்றைக் கடக்கத் தயங்கி நின்று கொண்டிருந்தான். ஆற்றின் அக்கறையில் துறவி ஒருவர் நின்று கொண்டிருந்தார்.

உரத்த குரலில் அவரைக் கூப்பிட்டான் மாணவன், “ஐயா... நான் ஆற்றின் அக்கரைக்கு வருவது எப்படி?’’

குரு சத்தமாகச் சொன்னார்.. மகனே... நீ ஆற்றின் அக்கறையில்தான் இருக்கிறாய்...

விழித்திறன் அற்ற ஒருவன் தன்னுடைய நண்பனைப் பார்க்க பக்கத்து கிராமத்துக்குப் போயிருந்தான். பேசிக் கொண்டே இருந்தார்கள். மாலை வரை பேசிக் கொண்டு இருந்தார்கள். இருட்டத் துவங்கியது. நண்பன் தன்னுடைய விடைபெற்றுக் கொண்டு கிளம்பினான்.

“இருட்டி விட்டது. இதற்கு மேல் எங்கே போகிறாய்? காலையில் போய்க் கொள்ளலாம் என்றான்.

எனக்குப் பகல் இரவு எல்லாம் ஒன்றுதான். ஒளி என்ன, இருள் என்ன இரண்டும் ஒன்றுதான் கவலைப்பட வேண்டாம் என்றான் நண்பன்.

எதற்கும் இதை நீ எடுத்துக் கொண்டு போ என்று ஒரு லாந்தர் விளக்கை நண்பனிடம் கொடுத்தான்.

இது எனக்கு எந்த வகையில் பயன்படும்? நான் போய்க் கொள்கிறேன் என்றான்.

உனக்குப் பயன்படவில்லை என்றாலும் இருட்டில் பார்வை உள்ளவர்கள் உன்மீது மோதிக் கொள்ள மாட்டார்கள் இல்லையா? அதற்காக எடுத்துக் கொண்டுபோ என்று வலியக் கொடுத்து அனுப்பினான் நண்பன்.

லாந்தர் விளக்கை எடுத்துக் கொண்டு காட்டு வழியே பார்வையற்றவன் போய்க் கொண்டிருந்தான். பின்னால் இருந்து குரல் கேட்டது..

ஐயா எங்கே போகிறீர்கள்? கையில் விளக்கு இருக்கிறதே... உனக்கும் தெரியவில்லையா என்று ஆச்சரியத்துடன் கேட்டான் பார்வையற்றவன்.

லாந்தரில் பொருத்தப்பட்ட மெழுகுவர்த்தி தீர்ந்து விட்டது சகோதரனே... என்றான் பின் தொடர்ந்து வந்த அந்த வழிப்போக்கன்.

Dailythagaval இப்போது ANDROID மொபைலிலும்

2012-03-15T10:03:00.001-07:00

Click to Download Android Application

விண்டோஸ் 8 இயக்க என்ன என்ன தேவை?

2012-03-14T06:11:00.000-07:00

விண்டோஸ் 8 இயங்க எத்தகைய ஹார்ட் வேர் அமைந்த கம்ப்யூட்டர் தேவையாய் இருக்கும்? இந்த கேள்வி நம் அனைவரின் மனதிலும் இருக்கும். இதற்கான பதில் மிகவும் எளியது. விண்டோஸ் 7 சிஸ்டம் இயங்கும் அனைத்து பெர்சனல் கம்ப்யூட்டர்களிலும், விண்டோஸ் 8 இயங்கும். கீழ்க்காணும் ஹார்ட்வேர் தேவைகளை இதற்கெனப் பட்டியலிடலாம்.

1. ப்ராசசரின் இயக்க வேகம் 1 கிகா ஹெர்ட்ஸ் அல்லது அதற்கும் மேலாக.

2.கம்ப்யூட்டர் 32 பிட் எனில் ராம் மெமரி 1 ஜிபி; 64 பிட் எனில் ராம் மெமரி 2 ஜிபி குறைந்தது இருக்க வேண்டும்.

3. எப்போதும் தேவையான காலி டிஸ்க் இடம், 32 பிட் எனில் 16 ஜிபி. 64 பிட் எனில் 20 ஜிபி.

4. டைரக்ட் எக்ஸ்9 கிராபிக்ஸ் டிவைஸ் WDDM 1.0 உடன் இருக்க வேண்டும். அல்லது இதனைக் காட்டிலும் உயர்வாக இருக்க வேண்டும்.

விண்டோஸ் 8 சிஸ்டம் தரும் சில வசதிகளைப் பயன்படுத்த, சில கூடுதல் ஹார்ட்வேர் தேவைகள் அவசியம். அவை, Snap feature பயன்படுத்த வேண்டும் எனில், உங்கள் கம்ப்யூட்டரின் ரெசல்யூசன் குறைந்த பட்சம் 1366x768 என இருக்க வேண்டும். நீங்கள் தொடுதிரை பயன்பாட்டினை மேற்கொள்வதாக இருந்தால், மல்ட்டி டச் ஏற்கக்கூடிய லேப்டாப், டேப்ளட் அல்லது டிஸ்பிளே திரை கொண்ட மானிட்டர் இருக்க வேண்டும்.

விண்டோஸ் 8 சிஸ்டம், ஒரே நேரத்தில் ஐந்து டச் பாய்ண்ட்களை இயக்கும் திறன் கொண்டது என்பதனைக் கருத்தில் கொள்ள வேண்டும். விண்டோஸ் ஸ்டோர் பயன்படுத்த கட்டாயம் இன்டர்நெட் இணைப்பில் இருக்க வேண்டும்.

எனது ஆங்கில தளம்

Earn Money Click Register The Site : http://signup.wazzub.info/?lrRef=934ecbcd

படங்களைக் கையாள புதிய தளம்

2012-03-14T05:54:00.000-07:00

போட்டோக்கள், படங்கள் ஆகியவற்றை உருவாக்குவதற் கும், உருவாக்கியவற்றை நம் விருப்பப்படி கையாளவும் பல இணைய தளங்கள் உள்ளன. சிலவற்றின் பார்மட்டினை மாற்ற முயற்சிப்போம். சிலவற்றின் இயல்புகளைச் செறிவாக அமைக்க எண்ணுவோம். படங்களில் அல்லது போட்டோக்களில் உள்ள தேவையற்ற பிக்ஸெல்களை நீக்க திட்டமிடுவோம். படங்களைத் தலை கீழாகவோ, ஒரு கொலாஜ் ஆகவோ, சில சிறிய துண்டுகளாகவோ மாற்றி அவற்றிற்கு புதிய வடிவம் தரவும் சிலர் விருப்பப் படுவார்கள். இவர்களின் அனைத்து எண்ணங்களுக்கும் வழி காட்டும் வகையில் அண்மையில் ஓர் இணைய தளத்தைக் காண நேர்ந்தது. அதன் பெயர் இமேஜ் ஸ்பிளிட்டர்.

இந்த புரோகிராம் கிடைக்கும் முகவரி http://imagesplitter.net/.

இந்த தளத்திற்குச் சென்றவுடன், நாம் எந்த படத்தில் மேலே சொன்ன மாற்றங்களை ஏற்படுத்த விரும்புகிறோமோ, அந்த பட பைலை அப்லோட் செய்திட வேண்டும். பைலின் அளவு 20 எம்பிக்கு மிகாமல் இருக்க வேண்டும் பின்னர், என்னவகையான செயல் பாட்டினை மேற்கொள்ள விரும்புகிறோமோ, அதற்கான பட்டனைக் கிளிக் செய்தால், உடன் அந்த செயல் மேற்கொள்ளப்பட்டு படம் உங்களுக்கு டவுண்லோட் செய்திடக் கிடைக்கும். இதனை நாம் தேர்ந்தெடுக்கும் டைரக்டரியில் சேவ் செய்து பயன் படுத்தலாம்.

இதில் என்ன என்ன வேலைகளை மேற்கொள்ளலாம்? பார்மட் மாற்றலாம். jpeg, jpg, bmp, png, gif, ico ஆகிய பார்மட்கள் கையாளப்படுகின்றன. பார்மட் மாற்றுவதில் மட்டுமின்றி, படங்களின் அளவுகளை மாற்றுகையிலும், நெட்டு மற்றும் குறுக்காகப் படங்களை வெட்டிப் பெறுவதிலும் கூட, உங்களுக்கு எந்த பார்மட்டில் தேவையோ, அந்த பார்மட்டில் கேட்டு வாங்கிக் கொள்ளலாம்.
படம் ஒன்றை ரீசைஸ் செய்வதற்கு, எந்த அளவில் புதிய சைஸ் இருக்க வேண்டுமோ, அந்த அளவினை தந்தால் போதும். அளவுகளைத் தந்த பின் “Resize image” என்ற பட்டனில் கிளிக் செய்தால், அந்த அளவிற்கான படம் கிடைக்கும். இதில் என்ன சிறப்பு எனில், நீங்கள் அகலத்தினை 50 பிக்ஸெல் அளவிற்கு மாற்றினால், அதற்கேற்ற வகையில் நீளம் சரி செய்யப்பட்டு படம் கிடைக்கும்.

இந்த தளத்தின் பெயர் படங்களை வெட்டுவது (imagesplitter) என உள்ளது. அதற்கேற்ற வகையில், நாம் தரும் வரையறைகளின் படி, ஒரு படத்தை மிகச் செம்மையாக வெட்டிப் பல பைல்களாக இந்த தளம் தருகிறது. பட பைல் ஒன்றை அப்லோட் செய்துவிட்டு, எத்தனை நெட்டு வரிசை மற்றும் படுக்கை வரிசை (Rows & Columns) என மட்டும் கொடுத்தால் போதும். உடன் ஒரு ஸிப் பைலாக இது தரப்படும். அதனை விரித்து, பல துண்டுகளாக அழகாக இவற்றைப் பெறலாம். எடுத்துக்காட்டாக, நான்கு சம துண்டுகளாக ஒரு படம் வெட்டப்பட வேண்டும் என்றால், 2 படுக்கை வரிசை மற்றும் 2 நெட்டு வரிசை எனத் தர வேண்டும். நான்கு சரியான துண்டுகளாகக் கிடைக்கும். இதற்குப் பதிலாக, 4 நெட்டு துண்டுகளாக வேண்டும் எனில், 1 row and 4 columns எனத் தர வேண்டும். இதில் என்ன சிறப்பு எனில், படங்கள் வெட்டப்பட்ட பின்னர் எப்படி காட்சி அளிக்கும் என முன் தோற்றக்காட்சி காட்டப்படுகிறது. அதனைப் பார்த்த பின்னர், நமக்கு ஓகே என்றால், வெட்டுவதற்கு ஓகே சொல்லலாம்.

இதே போல படங்களின் அளவினைச் சரி செய்திடலாம்.
மேலே குறிப்பிட்ட வேலைகளை மிக நேர்த்தியாக இந்த தளத்தில் மேற்கொள்ளலாம். எந்த புரோகிராமினையும் தரவிறக்கம் செய்து பதிய வேண்டியதில்லை. அக்கவுண்ட் எதனையும் திறக்க வேண்டியதில்லை. பாஸ்வேர்ட் எதுவும் கிடையாது. போகிற போக்கில் தளம் சென்று, நமக்கு வேண்டிய செயல்பாட்டினை மேற்கொண்டு சென்று கொண்டே இருக்கலாம்.

எனது ஆங்கில தளம்

Earn Money Click Register The Site : http://signup.wazzub.info/?lrRef=934ecbcd

தமிழக சுற்றுலா துறையின் இணைய தளம்

2012-03-13T20:38:00.001-07:00

தலங்கள் முக்கிய பங்கு வகிப்பதை மறுக்க முடியாது. அதே வேளையில் ஓர் இன்பமான சுற்றுலா அனுபவம் கிடைக்க சிறந்த சுற்றுலா வழி காட்டுதல் அவசியம் .

இக்குறையை போக்கி வருவதுதான் தமிழக சுற்றுலா துறையின் இணைய தளம் .

இத்தளத்தில் தமிழகத்தில் ஒவ்வொரு மாவட்டத்திலுமுள்ள முக்கிய வழிபாட்டு தலங்கள் ,பூங்காக்கள், நினைவிடங்கள்,கடற்கரைகள் உள்ளிட்ட அனைத்து சுற்றுலா தலங்கள் பற்றிய முழு விபரமும் உள்ளது .

தமிழ் நாடு சுற்றுலா வழிகாட்டுதலுக்கு இதைவிட சிறந்த தளங்கள் இல்லை எனலாம் .

தமிழக சுற்றுலா துறையின் தளத்திற்கு செல்ல இங்கே சுட்டவும்.

எனது ஆங்கில தளம்

Earn Money Click Register The Site : http://signup.wazzub.info/?lrRef=934ecbcd

First மவுஸ்

2012-03-13T03:57:00.000-07:00

1972: The First Mouse Ball

மைக்ரோசாப்ட் நிறுவனம் 1983ல் தன்னுடைய முதல் மவுஸை வடிவமைத்தது. முதலில் தயாரித்த ஒரு லட்சம் மவுஸ்களில், 5,000 மட்டுமே விற்பனையானது.

ஓராண்டு க்குப் பின் மேக் இன்டோஷ் கம்ப்யூட்டர் வந்த பின்னரே, மக்கள் மவுஸின் தகவல் உள்ளிடும் திறனை அறிந்து அதிக அளவில் பயன்படுத்தத் தொடங்கினார்கள்.

1952: The First Trackball

Earn Money Click Register The Site : http://signup.wazzub.info/?lrRef=934ecbcd

வியப்பைத் தரும் WINDOWS 8

2012-03-13T03:23:00.001-07:00

மைக்ரோசாப்ட் தன் விண்டோஸ் ஆப்பரேட்டிங் சிஸ்டத்தின் அடுத்த பதிப்பின் சோதனைத் தொகுப்பினை, சென்ற பிப்ரவரி 29 அன்று, நுகர்வோர்களுக்கு வெளியிட்டுள்ளது.

வெளியான முதல் நாளே, பத்து லட்சத்திற்கும் அதிகமான எண்ணிக்கையில் இத்தொகுப்பு தரவிறக்கம் செய்யப்பட்டுள்ளது.

இதனைப் பெற விரும்புபவர்கள் http://windows.microsoft.com/ enUS/windows8/download என்ற முகவரியில் உள்ள இணைய தளத்தில் இருந்து பெற்றுக் கொள்ளலாம். தங்களிடம் உள்ள கம்ப்யூட்டரில் இந்த சோதனைப் பதிப்பினைப் பதிந்து இயக்க முடியுமா என்று அறிந்துகொள்ள விரும்புபவர் களுக்குப் பல இணைய தளங்கள் பதில் அளித்துள்ளன. அவற்றில் http://news.cnet.com/830110805_35738793375/canmypcrunthewindows8betatestbuild/ என்ற முகவரியில் உள்ள தளத்தில் தெளிவாகத் தகவல்கள் உள்ளன.
சென்ற செப்டம்பரில், இந்த சிஸ்டத்தின் சோதனை பதிப்பு, விண்டோஸ் இயக்கத்திற்கென அப்ளிகேஷன் புரோகிராம்களைத் தயாரிப்பவர்களுக்கென தரப்பட்டது. இருப்பினும், விரும்பும் யார் வேண்டுமானாலும், இறக்கிக் கொள்ளும் வகையில் இந்த பதிப்பு கிடைத்தது.

விண்டோஸ் 8 சிஸ்டம் தரும் புதிய வசதிகள் எவை என இங்கு பார்க்கலாம்.
ஒரு முற்றிலும் புதிய கம்ப்யூட்டிங் அனுபவத்தினைத் தருவதாக விண்டோஸ் 8 இருக்கும் என மைக்ரோசாப்ட் அறிவித்தது போலவே அனைத்தும் புதிய, எதிர்பாராத அனுபவங்களே இந்த சிஸ்டம் மூலம் நமக்குக் கிடைக்கின்றன. கடந்த இருபது ஆண்டுகளில் விண்டோஸ் சிஸ்டத்தில் நாம் கற்பனையில் கூட பார்க்க இயலாத விஷயங்கள் இப்போது கிடைக்கின்றன.

ஸ்டார்ட் பட்டனுடன் ஸ்கிரீன், வால் பேப்பர், பைல்களுக்கான ஐகான் என இருந்து வரும் டெஸ்க்டாப் முற்றிலும் மாற்றம் ஒன்றை மேற்கொண்டுள்ளது. இதனை மெட்ரோ (Metro) என மைக்ரோசாப்ட் அழைக்கிறது. சிறிய ஓடுகள் அடுக்கி வைக்கப்பட்டது போல தோற்றத்திரை கிடைக்கிறது. இதனை கீ போர்ட், மவுஸ் வழியாக மட்டுமின்றி, தொடுதிரையாகவும் இயக்கலாம். இதனால் இந்த இன்டர்பேஸ் வகையை, டெஸ்க்டாப் பெர்சனல் கம்ப்யூட்டர் மட்டுமின்றி, மொபைல் சாதனங்களிலும் பயன்படுத்தலாம். இதுவரை கீ போர்ட், மவுஸ் இயக்கியவர்கள், இனி படிப்படியாக தொடுதிரைக்கு மாறிவிடு வார்கள். ஸ்டார்ட் பட்டனுக்குப் பதிலாக, ஸ்டார்ட் ஸ்கிரீன் கிடைக்கிறது. இடது கீழாக முன்பு ஸ்டார்ட் பட்டன் இருந்த இடத்தில், மவுஸின் கர்சரைக் கொண்டு சென்றால், சிறிய ஸ்டார்ட் ஸ்கிரீன் பாப் அப் ஆகிறது.

அல்லது அந்த இடத்தில் ரைட் கிளிக் செய்தால், ஏற்கனவே நாம் பழகிப் போன Programs and Features, Network Connections, Device Manager, Command Prompt, Task Manager, Control Panel, Windows Explorer, Search, மற்றும் Run ஆகிய பிரிவுகள் கிடைக்கின்றன.

சார்ம்ஸ் பார் (Charms Bar):

விண்டோஸ் 8 இயக்கத்தின் அடிப்படைக் கட்டமைப்பில் ஒன்று சார்ம்ஸ். சிஸ்டம் கமாண்ட்ஸ் மற்றும் செட்டிங்ஸ் அண்ட் சர்ச் (Settings, Search, Devices) என முக்கிய கட்டளைப் பெட்டிகள் இங்கு கிடைக்கின்றன. உங்கள் விரலை அல்லது மவுஸ் கர்சரை, திரையின் மேல் வலது மூலைக்குக் கொண்டு சென்றால், சர்ச் மற்றும் ஷேர் வசதியுடன், மற்ற சாதனங்கள் மற்றும் செட்டிங்ஸ் மேற்கொள்ள வழி கிடைக்கிறது. இவை உங்கள் அப்ளிகேஷன்களை இணைத்தும் இயக்குகிறது. எடுத்துக்காட்டாக, நீங்கள் இணையத்தில் உலா வந்து கொண்டி ருந்தால், அதில் கிடைக்கும் லிங்க் ஒன்றை உங்கள் நண்பர்களுக்குத் தெரிவிக்க எண்ணினால், இந்த சார்ம்ஸ் மீது தடவினால் போதும். உடனே உங்கள் இமெயில் கிளையண்ட் புரோகிராம் திறக்கப்படும். அல்லது பேஸ்புக், ட்விட்டர் போன்ற புரோகிராம்கள் இயக்கப்படும். வழக்கமான இடது புறம் கீழாக உள்ள ஸ்டார்ட் பட்டன் இல்லை.

செட்டிங்ஸ்:

இதுவரை இல்லாத அளவிற்கு அதிக எண்ணிக்கையில் நமக்கு பலவகை யான செட்டிங்ஸ் வழிகள் கிடைக்கின்றன. குறிப்பாக டேப்ளட் பிசிக்களில் கிடைப்பது போல இவை தரப்பட்டுள்ளன.

கேம்ஸ்:

இரண்டு கேம்ஸ் இணைந்து தரப்படுகின்றன. பின்பால் (Pinball FX 2) மற்றும் சாலிடேர் கிடைக்கின்றன. சாலிடேர் விளையாட்டை திரையைத் தொட்டு விளையாட முடிகிறது. ஆனால் பலரும் விரும்பும் மைன்ஸ்வீப்பர் (Minesweeper) இல்லை.

எக்ஸ்புளோரர்:

பழைய வகை டெஸ்க்டாப் இன்னும் கிடைக்கிறது. குறிப்பாக எக்ஸ்புளோரர் மிக வேகமாக இயங்குகிறது.

எக்ஸ்பாக்ஸ் லைவ்:

சில எக்ஸ்பாக்ஸ் கேம்ஸ், லைவ் ஹப் என நம்மை இழுக்கும் விஷயங்கள் இதில் கிடைக்கின்றன. முழுமையாக வெளியிடப்படுகையில் இன்னும் அதிகமாக இதில் கிடைக்கும் என எதிர்பார்க்கலாம்.

சீதோஷ்ணநிலை:

அன்றைய சீதோஷ்ண நிலை காட்டும் வசதி, சிஸ்டத்தில் இணைந்து கிடைக்கிறது. சீதோஷ்ண நிலை வரும் நேரத்தில் எப்படி இருக்கும் மற்றும் சீதோஷ்ண நிலைக்கான மேப் ஆகியவையும் அழகாகக் காட்டப்படுகின்றன. இதே போல மேப்ஸ் வசதியும் தரப்பட்டுள்ளது. இதில் இன்னும் முன்னேற்றம் தேவை.
பி.டி.எப். மற்றும் எக்ஸ்.பி.எஸ். பைல்களைக் கையாள, இதனுடன் ஒரு ரீடர் தரப்படுகிறது. சில அடிப்படை வசதிகளை மட்டுமே கொண்டி ருந்தாலும், சிஸ்டத்தில் இணைத்துத் தரப்படுவது குறிப்பிடத்தக்கது.

அப்ளிகேஷன்களுக்கான டைல்ஸ் திரையை ஆக்ரமித்துக் கொண்டிருந்தால், நாம் இயக்கும் அப்ளிகேஷன் புரோகிராம்களை எங்கு பார்ப்பது? ஒன்றுக்கு மேற்பட்ட அப்ளிகேஷன் புரோகிராம் களை இயக்குகிறீர்களா! அவற்றைப் பார்க்க வேண்டுமா? சிலவற்றின் இயக்கத்தினை நிறுத்த வேண்டுமா? உங்கள் விரலை அல்லது கர்சரை திரையின் இடது மேல் மூலைக்குக் கொண்டு செல்லுங்கள். கிளிக் செய்தவுடன், அப்போது நீங்கள் இயக்கிக் கொண்டிருக்கும் அப்ளிகேஷன் புரோகிராம் கள் காட்டப்படும். எந்த புரோகிராமினை நிறுத்த வேண்டுமோ, அதனை இழுத்து வந்து கீழாக விட்டுவிட்டால் போதும். நிறுத்தப்படும்.

செமாண்டிக் ஸூம் (Semantic Zoom):

நீங்கள் இயக்கும் புரோகிராம்கள் குறித்து இன்னும் அறிய வேண்டுமா? கண்ட்ரோல் பட்டனை அழுத்திக் கொண்டு, மவுஸ் வீலைச் சுழற்றுங்கள். உங்களுக்கு செமாண்டிக் ஸூம் கிடைக்கும். உங்கள் அனைத்து அப்ளிகேஷன்கள் குறித்தும் ஒரு மேம்போக்கான தோற்றம் கிடைக்கும்.

இவற்றைக் குழுவாக அமைக்கலாம்; அவற்றின் பெயரை மாற்றலாம்.
உங்களுடைய அப்ளிகேஷன்கள் குறித்த அண்மைக் காலத்திய மாற்றங்கள் குறித்த அறிவிப்புகள் Toast notifications எனத் தரப்படுகின்றன. இதில் கிளிக் செய்தால், நேரடியாக அவற்றிற்குச் செல்லலாம். அல்லது கவனிக்காமல் விட்டுவிட்டால், சிறிது நேரத்தில் தானாகவே மறைந்துவிடும்.
போட்டோ லைப்ரேரி: போட்டோஸ் அப்ளிகேஷனில் கிளிக் செய்தால், பிரபலமான பேஸ்புக் மற்றும் பிளிக்கர் (Facebook and Flickr) தொடர்பு ஏற்படுகிறது. ஸ்கை ட்ரைவும் இதில் காட்டப்படுகிறது.

எங்கு உங்கள் போட்டோக்கள் இருக்கின்றன வோ, அங்கு சென்று தொட்டு தடவி, அல்லது மவுஸ் கிளிக் செய்து, தேவைப்பட்ட மாற்றஙக்ளை மேற்கொள்ளலாம்.
விண்டோஸ் 8 சிஸ்டம் காட்டும் பைல் ட்ரான்ஸ்பர் டயலாக் பாக்ஸ் சிறப்பான மாற்றங்களைக் கொண்டுள்ளது. பைல் மாற்றப்படும் வேகம், மாற்றுவதற்கு எடுத்துக் கொள்ளப்பட்ட நேரம் எனக் காட்டுவதோடு, டூப்ளிகேட் பைல்களைக் கண்டறிய சிறப்பான வசதிகளையும் கொண்டுள்ளது.

விண்டோஸ் 8 சிஸ்டத்துடன் கிடைக்கும், இன்டர்நெட் எக்ஸ்புளோரர் 10, முற்றிலும் புதிய தோற்றம் மற்றும் பயன்பாட்டுடன் உள்ளது. திரையின் முழு இடமும் நம் இணைய தளப் பக்கங்களுக்கே தரப்பட்டுள்ளது. டேப்களும் மற்ற கண்ட்ரோல் ஸ்விட்ச்களும் நமக்குத் தேவைப்படும் போது தலையைக் காட்டிப் பின்னர், பின்னணியில் சென்று விடுகின்றன. பிரவுசரின் இயங்கும் வேகம் இதுவரை இல்லாத அளவில் உள்ளது. புதிய பிரவுசர்களுக்கான தரம் மற்றும் வரையறைகளுடன், எச்.டி.எம்.எல்.5 சப்போர்ட் செய்திடும் வகையில், இது இயங்குகிறது.

கம்ப்யூட்டர் இயக்கத்தில் பிரச்னை ஏற்பட்டு, விண்டோஸ் புதியதாகப் பதிந்து இயக்கப்பட வேண்டும் என்றால், சிஸ்டம் சிடி தேடி அலைய வேண்டியதில்லை. எந்த பைலையும் இழக்காமல், மீண்டும் இன்ஸ்டால் செய்திட, இந்த சிஸ்டத்திலேயே வசதி தரப்பட்டுள்ளது.
இதில் தரப்பட்டிருக்கும் விண்டோஸ் டிபன்டர் (Windows Defender) கெடுதல் விளைவிக்கும் புரோகிராம் எது நுழைந்தாலும், உடனே அதனை அறிந்து நீக்கிடும் வேலையை மேற்கொள்கிறது. நம்மிடம் வேறு ஆண்ட்டி வைரஸ் தொகுப்பு இருந்து, நாம் அதனை இயக்கினால், விண்டோஸ் டிபன்டர் பின்னணிக்குச் சென்று அமைதியாக இருந்து விடுகிறது. இப்போது நமக்குக் கிடைத்திருக்கும் விண்டோஸ் 8 ஒரு சோதனைப் பதிப்புதான். இறுதி வெளியீட்டிற்கு முன்னர், நிச்சயம் பயன் தரும் மாற்றங்கள் சில இருக்கும்.

Earn Money Click Register The Site : http://signup.wazzub.info/?lrRef=934ecbcd

ஜென் தத்துவக்கதைகள் 4

2012-03-13T03:12:00.000-07:00

ஓவியரான ஒரு ஜென் குரு தன சீடரைப் பக்கத்தில் வைத்துக் கொண்டு ஒரு ஓவியம் தீட்டிக் கொண்டிருந்தார்.சீடரும் அவ்வப்போது ஓவியத்தை விமரிசித்துக் கொண்டிருந்தார்.குரு எவ்வளவோ முயற்சி செய்தும் ஓவியம் சரியாக வரவில்லை.சீடரும் சரியில்லை என்று சொல்லிக் கொண்டிருந்தார்.

அப்போது வண்ணப்பொடிகள் தீரும் நிலையில் இருந்ததால் குரு சீடரை வண்ணப்பொடிகள் வாங்கி வர அனுப்பினார்.சீடர் வெளியே சென்றார்.குருவும் இருக்கும் வண்ணங்களைக் கொண்டு ஓவியத்தை மாற்றிக் கொண்டிருந்தார்.வெளியே போய் வந்த சீடர் வந்ததும் அசந்து விட்டார்.குரு மிக அற்புதமாக ஓவியத்தை முடித்து வைத்திருந்தார்.

ஆர்வத்துடன் குருவிடம் அது எப்படி சாத்த்யமாயிற்று என்று கேட்க குரு சொன்னார்,”பக்கத்தில் ஒரு ஆள் இருந்தாலே ஒரு படைப்பு ஒழுங்காக உருவாகாது.உள்ளார்ந்த அமைதி உண்டாகாது.நீ அருகில் இருக்கிறாய் என்ற உறுத்தல்தான் ஓவியத்தைக் கெடுத்தது.நீ வெளியே சென்றதும் எனக்கு தடை நீங்கியது.ஓவியமும் ஒழுங்காக உருவானது.சிறப்பாக அமைய வேண்டும் என்ற நினைப்பே சிறப்பாக இல்லையோ என்ற குறைபாட்டை ஏற்படுத்தி விடும்..குறைபாடு என்ற நினைவே ஒரு குறைபாடுதான்.அது இருக்கும்வரை முழுமைத்தன்மை வராது.குறை மனதோடு எதையும் அணுகக்கூடாது.இயல்பாகச் செய்யும் செயலே முழுமையைத் தரும்.”

Earn Money Click Register The Site : http://signup.wazzub.info/?lrRef=934ecbcd

ஒரு மூச்சு விடும் நேரம்

2012-03-13T00:28:00.000-07:00

புத்தர் தன சீடர்களிடம்,”ஒரு மனிதனின் ஆயுட்காலம் எவ்வளவு?”என்று கேட்டார்.ஒரு சீடர் எழுபது என்றார்,இன்னொருவர் அறுபது என்றார்,மற்றொருவர் ஐம்பது என்றார்.அனைத்துமே தவறு என்று புத்தர் சொல்ல,சரியான விடையை அவரே சொல்லும்படி அனைத்து சீடர்களும் வேண்டினர்.

புத்தர் புன் முறுவலுடன் சொன்னார்,”ஒரு மூச்சு விடும் நேரம்,” சீடர்கள் வியப்படைந்தனர்.”மூச்சு விடும் நேரம் என்பது கணப் பொழுதுதானே?” என்றனர்.”உண்மை.மூச்சு விடும் நேரம் கணப்பொழுதுதான்.ஆனால் வாழ்வு என்பது மூச்சு விடுவதில்தான் உள்ளது.ஆகவே ஒவ்வொரு கணமாக வாழ வேண்டும்.அந்தக் கணத்தில் முழுமையாக வாழ வேண்டும்.”என்றார் புத்தர்.
பெரும்பாலானவர்கள் கடந்த கால மகிழ்ச்சியிலே மூழ்கியிருக்கிறார்கள். பலர் எதிர் காலத்தைப் பற்றிய பயத்திலும்,கவலையிலும் வாழ்கிறார்கள். நிகழ காலம் மட்டுமே நம் ஆளுகைக்குட்பட்டது.அதை முழுமையாக வாழ வேண்டும்.

Earn Money Click Register The Site : http://signup.wazzub.info/?lrRef=934ecbcd

உயிருள்ள புத்தர் ஜென் கதைகள் 3

2012-03-12T23:58:00.000-07:00

கடுங்குளிரில் வந்த வயது முதிர்ந்த ஒருவருக்கு புத்த விஹாரத்தில் தங்க இடம் கொடுக்கப்பட்டது.

அன்று இரவு கடுங்குளிர்..கிழவரால் குளிரைத் தாங்க முடியவில்லை.மரத்தால் செய்யப்பட ஒரு புத்தர் சிலையை எடுத்து அதை எரித்து குளிர் காய ஆரம்பித்தார்.

மரம் எரியும் சப்தம் கேட்ட விஹாரத்தின் குரு ஓடிவந்து புத்தர் சிலை எரிவதைப் பார்த்து அதிர்ச்சி அடைந்தார்.கிழவரிடம்,”நீங்கள் என்ன செய்கிறீர்கள்?உங்களுக்குப் பைத்தியமா?தெய்வத்தையே எரித்து விட்டீர்களே”என்று கோபத்தில் கதறினார்.

உடனே கிழவர் ஒரு குச்சியைக் கொண்டு சாம்பலைக் கிளறினார்.அவர் என்ன செய்கிறார் என்று குரு கேட்டபோது,அக்கிழவர் சொன்னார்,”நான் எலும்புகளைத் தேடுகிறேன்.நான் எரித்தது புத்தரை என்றால் எலும்புகள் இருக்க வேண்டுமே?”கோபத்துடன் குரு அவரை மடத்தை விட்டு வெளியே தள்ளி விட்டார்.மறுநாள் காலை அக்கிழவர் என்ன ஆனார் என்று வெளியே சென்று பார்த்தார்.

அக்கிழவர் அங்குள்ள ஒரு மைல் கல்லின் முன் அமர்ந்து பூக்களைத் தூவி,”புத்தம் சரணம் கச்சாமி,”என்று பிரார்த்தனை செய்து கொண்டிருந்தார்.குரு அவர் அருகே சென்று,”என்ன செய்கிறீர்கள்?மைல் கல்தான் புத்தரா?”என்று கேட்டார்.கிழவர் சொன்னார், ”மரம் புத்தராகும்போது மைல் கல் புத்தராகக் கூடாதா?நேற்று நான் புத்தர் சிலையை எரித்து குளிர் காய்ந்தது,என்னுள் இருக்கும் புத்தரைக் காப்பாற்றத்தான்.அந்த மரச்சிலைகள் உயிரற்றவை.அந்த மரப் புத்தரை எரித்ததற்காக நீங்கள் உயிருள்ள புத்தரை வெளியே துரத்தி விட்டீர்களே?’

Earn Money Click Register The Site : http://signup.wazzub.info/?lrRef=934ecbcd

Reserve bank கிளார்க் பணிவாய்ப்பு

2012-03-12T21:42:00.000-07:00

1935ல் நிறுவப்பட்ட பாரத ரிசர்வ்வங்கிக்கு நாட்டின் சில நகரங்களில் கிளைகள் உள்ளன. இந்த வங்கியில் உதவியாளர்கள் பிரிவில் 846 காலி இடங்களை நிரப்புவதற்கான அறிவிப்பு வெளியாகியுள்ளது. இந்த காலியிடங்களுக்கு எஸ்.சி., எஸ்.டி., ஓ.பி.சி., பிரிவினருக்கு அரசு நிபந்தனைகளின்படி இட ஒதுக்கீடும் உள்ளது.

தேவைகள் என்னென்ன:

ஆர்.பி.ஐ.,யின் உதவியாளர் பதவிக்கு விண்ணப்பிக்க 01.03.2012 அன்று 18 வயது நிரம்பியவராகவும் 28 வயதுக்கு உட்பட்டவராகவும் இருக்க வேண்டும். அதாவது 02.03.1984 முதல் 01.03.1994க்குள் பிறந்தவராக இருக்க வேண்டும். குறைந்த பட்சம் 50 சதவிகித மதிப்பெண்களுடன் ஏதாவது ஒரு பிரிவில் பட்டப் படிப்பை முடித்திருக்க வேண்டும். கம்ப்யூட்டர் தொடர்புடைய வேர்டு பிராசஸிங் திறனும் தேவைப்படும். முழுமையான தகவல்களுக்கு இணையதளத்தைப் பார்க்கவும்.

இதர தகவல்கள்:

ரிசர்வ் வங்கியின் உதவியாளர் பதவிக்கு எழுத்துத் தேர்வு மூலமாக தேர்வு செய்யப்படும் என்று அறிவிக்கப்பட்டுள்ளது. எழுத்துத் தேர்வை தமிழ் நாட்டில் சென்னை, மதுரை, கோவை ஆகிய மையங்கள் உள்ளிட்ட பல்வேறு மையங்கள் ஏதாவது ஒன்றில் மேற்கொள்ளலாம்.
ரிசர்வ் வங்கியின் உதவியாளர் பதவிக்கு விண்ணப்பிக்க ரூ.385/-ஐ டவுண்லோடு செய்து பெறப்பட்ட சலானின் மூலமாக பாங்க் ஆப் பரோடா, பாங்க் ஆப் இந்தியா, இந்தியன் ஓவர்சீஸ் வங்கி, சென்ட்ரல் பாங்க் ஆப் இந்தியா, பஞ்சாப் நேஷனல் பாங்க், யுனைடெட் பாங்க் ஆப் இந்தியா ஆகிய ஏதாவது ஒரு வங்கிக் கிளையில் செலுத்தலாம்.

முதலில் ஆன் லைனில் பதிவு செய்த பின்னரே இந்தக் கட்டணத்தை செலுத்த வேண்டும். பதிவு செய்த மூன்று பணி நாட்களுக்குள் கட்டணத்தை செலுத்திவிட வேண்டும்.

கட்டணத்தை செலுத்துவதன் மூலம் ரெஜிஸ்ட்ரேஷன் முழுமையடையும். ஆன்-லைன் முறையில் பதிவுகளை மேற்கொள்வதால் உங்கள் மொபைல் எண் மற்றும் இ-மெயில் முகவரியை தவறில்லாமல் பதிவு செய்வது அவசியத் தேவையாகும். முழுமையான விபரங்களை அறிய இணையதளத்தைப் பார்க்கவும்.

விண்ணப்பிக்க இறுதி நாள் : 25.03.2012

இணையதள முகவரி : www.rbi.org.in

Earn Money Click Register The Site : http://signup.wazzub.info/?lrRef=934ecbcd

State bank கிளார்க் பணிவாய்ப்பு

2012-03-12T06:09:00.002-07:00

பாரத ஸ்டேட் வங்கியில் நாட்டின் பல்வேறு பகுதிகளில் உள்ள கிளரிகல் காலி இடங்களை நிரப்புவதற்கான அறிவிப்பு வெளிவந்துள்ளது. இதில் தமிழ் நாட்டில் மொத்தம் 525 இடங்களும், கேரளாவில் 199 இடங்களும், புதுச்சேரியில் 15 இடங்களும் அடங்கும்.

தேவைகள்:

பாரத ஸ்டேட் வங்கியின் கிளரிகல் பதவிக்கு விண்ணப்பிக்க விரும்புவோர் 01.12.2011 அன்று 18 வயது நிரம்பியவராகவும் 28 வயதுக்கு உட்பட்டவராகவும் இருக்க வேண்டும். அதாவது 30.11.1983 முதல் 01.12.1993க்குள் பிறந்தவர்கள் விண்ணப்பிக்கலாம். பிளஸ் 2 அளவிலான படிப்பில் குறைந்த பட்சம் 60 சதவிகித மதிப்பெண்களுடன் தேர்ச்சி பெற்றவர்களும், பட்டப் படிப்பு முடித்தவர்களும், பத்தாம் வகுப்பிற்குப் பின்னர் முழு நேரப் படிப்பாக டிப்ளமோ படித்தவர்களும் இந்தப் பதவிக்கு விண்ணப்பிக்க முடியும். முழுமையான தகவல்களுக்கு இந்த வங்கியின் இணையதளத்தைப் பார்க்கவும்.

இதர தகவல்கள்:

ஸ்டேட் வங்கியின் கிளரிகல் பதவிக்கு விண்ணப்பிக்க ரூ. 350/-ஐக் கட்டணமாகச் செலுத்த வேண்டும். எஸ்.சி., எஸ்.டி., உடல் ஊனமுற்றோர், முன்னாள் ராணுவத்தினர் ரூ.50/- மட்டும் செலுத்தினால் போதுமானது. எழுத்துத் தேர்வு, நேர்காணல், உடல் தகுதித் தேர்வு போன்ற முறைகளில் இந்தப் பணி இடங்கள் நிரப்பப்படும். எழுத்துத் தேர்வை தமிழ்நாட்டில் சென்னை, கோவை, மதுரை, திருச்சி ஆகிய மையங்களிலும், புதுச்சேரியிலும் எதிர்கொள்ளலாம்.

இது தவிர நமது அண்டை மாநில மையங்களான கொச்சி, கோட்டயம், கோழிக்கோடு, திருவனந்தபுரம், பெங்களூரு, மைசூர், மங்களூருவிலும் எழுதலாம். ஸ்டேட் வங்கிக்கான கிளரிகல் விண்ணப்பங்களை ஆன்-லைன் முறையிலேயே சமர்ப்பிக்க வேண்டும். ஆன்-லைன் முறை பதிவு என்பதால் முதலில் உங்களுக்கான உபயோகத்தில் உள்ள பிரத்யேக
இ-மெயில் முகவரி இருப்பதை உறுதி செய்யவும். முழுமையான தகவல்களை அறிய இந்த வங்கியின் இணையதளத்தைப் பார்க்கவும்.

ஆன்-லைனில் பதிவு செய்ய இறுதி நாள் : 26.03.2012

எழுத்துத் தேர்வு நடைபெறும் நாள் : 27.05.2012 மற்றும் 03.06.2012

இணையதள முகவரி : www.sbi.co.in

Earn Money Click Register The Site : http://signup.wazzub.info/?lrRef=934ecbcd

இந்தியாவுக்கு மிக எளிதாய் பணம் அனுப்ப புதிய வசதி

2012-03-11T22:41:00.002-07:00

Money2India.காம் மூலம் இந்தியாவுக்கு பணம் அனுப்புவது எளிதானது, வசதியானது மட்டுமல்ல, செலவும் குறைவானது.

Money2India.காமில் ஆன்லைன் ரிஜிஸ்ட்ரேசனை ஒரே ஒரு முறை செய்துவிட்டால் போதும், இந்தியாவில் நீங்கள் விரும்புவோருக்கு உடனடியாக பணம் அனுப்பலாம்.

Money2India சேவையை சுமார் 10 லட்சம் பேர் பயன்படுத்தி வருகின்றனர். பணத்தை அனுப்புவதோடு மட்டுமல்லாமல், அந்த பரிவர்த்தனை எந்த நிலையில் உள்ளது என்பதை எப்போது வேண்டுமானாலும் உடனுக்குடன் தெரிந்து கொள்ளும் வசதியும் இதில் உள்ளதால், உலகெங்கும் இந்த சேவையை மிக விரும்பி பயன்படுத்துகின்றனர்.

Money2India.காம் சேவையின் வசதிகள் இதோ:

1. உலகின் எந்த வங்கியிலிருந்தும் மிகப் பாதுகாப்பான முறையில் பணத்தை அனுப்பலாம்

2. இந்தியாவில் அந்தப் பணத்தைப் பெற பல வகையான வசதிகள்

3. குறைந்த செலவு, சிறந்த எக்ஸ்சேஞ் ரேட்

4. ஆன்லைனிலேயே பண பரிவர்த்தனை நிலையை அறியும் வசதி, இ-மெயில் மூலம் தகவலும் பெறலாம்

5. வாரத்தில் 7 நாட்களும், 24 மணி நேரமும் சேவை

மேலும் Money2Indiaவில் 'பிக்ஸட் ரேட்' ரூபாய் பரிமாற்ற வசதியும் இதில் உண்டு. இதன்மூலம்,

பணத்தை அனுப்பும்போதே உங்கள் கரன்சிக்கு இணையான இந்திய பணத்தை உறுதி செய்து கொள்ளலாம்.

அனுப்ப நினைக்கும் பணத்தை மிகச் சரியான அளவிலும் அனுப்பலாம்.

பில்களுக்கு கட்டணம் செலுத்துவது, லோன்களுக்கு இ.எம்.ஐ. செலுத்துவது ஆகியவையும் இதில் சாத்தியம்.

மேலும் Money2India வின் மொபைல் போன்களுக்கான இணையத்தளமும் உண்டு. இதன் மூலம்,

உங்கள் ஜி.பி.ஆர்.எஸ். மொபைல் போன் மூலமே பணத்தை அனுப்பலாம், பரிவர்த்தனையின் நிலையை மொபைலிலேயே அறியலாம்.

மொபைல் போன் மூலமே எந்த நேரத்திலும் எந்த இடத்திலும் இருந்தும்Money2India.காம் இணையத்தளத்தை தொடர்பு கொள்ளலாம்.

உடனடியாக Money2India. காமில் பதிவு செய்து, மிக எளிதான சிரமமற்ற முறையில் பணம் அனுப்பி மகிழுங்கள்.

இந்தத் திட்டம் விதிகளுக்கு உட்பட்டது

Earn Money Click Register The Site : http://signup.wazzub.info/?lrRef=934ecbcd

ஜென் தத்துவக்கதைகள் 2

2012-03-10T21:31:00.003-08:00

ஒரு ஜென் குருவிடம் பல சீடர்கள் இருந்தனர்.அவர்கள் தங்கள் பொருட்கள் அடிக்கடி திருடு போவதை அறிந்து,தங்களுக்குள் யாரோ திருடுகிறார்கள் என்று தெரிந்து,ஒரு நாள் திருடிய சீடனைக் கையும் களவுமாகப் பிடித்து குருவின் முன் நிறுத்தினார்கள்.

குரு அமைதியாக இருந்ததைப் பார்த்து அவரிடம் அந்த சீடனை வெளியே அனுப்பக் கோரினர்.குரு சிறிது நேரம் ஒன்றும் சொல்லாமல் இருந்துவிட்டுப் பின்னர் அவனை வெளியே அனுப்ப முடியாதெனத் திட்டவட்டமாகக் கூறினார்.

கோபமுற்ற சீடர்கள் அவனை வெளியே அனுப்பாவிட்டால் தாங்கள் அனைவரும் வெளியேறி விடுவோம் என்று கூறினர்.குரு அவர்களைப் பார்த்து அமைதியாகச் சொன்னார்,''நீங்கள் அனைவரும் வெளியே போவதாக இருந்தாலும் ,நான் அவனை வெளியே அனுப்ப முடியாது.''சீடர்கள், குரு தவறு செய்தவனுக்கு ஏன் அவ்வளவு பாதுகாப்புக் கொடுக்கிறார் என்று புரியாமல் விழித்தனர்.

குரு மீண்டும் அவர்களிடம் பேசினார்,''உங்கள் அனைவருக்கும் உலகில் நல்லது எது,கெட்டது எது என்பது நன்றாகத் தெரிகிறது எனவே நீங்கள் வெளிய சென்றாலும் எந்தப் பிரச்சினையும் இல்லை.ஆனால் இவனுக்கு சரியான செயல் எது,தவறான செயல் எது என்பது இன்னும் தெரியவில்லை.இவனுக்கு நான் உதவாவிட்டால் வேறு யார் உதவுவார்கள்?அவனுக்கு நல்லது எது,கெட்டது எது என்று நான் தான் சொல்லித்தர வேண்டும்.

எனவே அடுத்து என்ன செய்ய வேண்டும் என்பதை நீங்களே முடிவு செய்து கொள்ளுங்கள்.''என்றார்.சீடர்கள் கண்களில் கண்ணீர் வழிய குருவிடம் மன்னிப்புக் கேட்டனர்.

Earn Money Click Register The Site : http://signup.wazzub.info/?lrRef=934ecbcd

ஜென் தத்துவக்கதைகள்

2012-03-10T09:05:00.001-08:00

“ஜென்” பற்றி அறிந்துகொள்ள அறிஞர் ஒருவர் ஜென் குருவிடம் சென்றார். அப்பொழுது குரு அவரை உபசரித்து அறிஞரிடம் கோப்பையைக் கொடுத்து, குரு அதில் தேநீரை ஊற்றினார்.

கோப்பை நிரம்பி வழியும் பொழுதும் குரு நிறுத்தவில்லை. அறிஞர், “கோப்பை நிறைந்து விட்டது. இதற்கு மேல் கொள்ளாது” என்று கூறினார். குருவும் பாத்திரத்தைக் கீழே வைத்துவிட்டு, “உங்கள் மனதில் வாதப் பிரதி வாதங்களும் தத்துவக் குப்பைகளும் நிரம்பியிருக்கின்றன. உங்கள் கோப்பை காலியாக இருந்தால்தான் ஜென் பற்றிய உணர்வு பெற முடியும்?” என்று கூறினார்.

அறிதலற்ற நிலையிலிருந்தால் அறியலாம்: நிறையச் செய்திகளைக் கற்றும் கேட்டும் அறிந்து மூளையில் நிறைத்து வைத்திருக்கும் அறிவாளிகளை ஜென் பொருட்படுத்துவதே இல்லை.

நிறையச் செய்திகளை அறிந்து கொண்டு சுமந்துகொண்டு அலையாமல் இருத்தலே நல்லது என்கிறது ஜென்.

Earn Money Click Register The Site : http://signup.wazzub.info/?lrRef=934ecbcd

நிறுவனங்கள் பெயர் பெற்ற வரலாறு

2012-03-10T05:35:00.004-08:00

தகவல் தொழில் நுட்பம் மற்றும் கம்ப்யூட்டர் துறையில் பல நிறுவனங்கள் இயங்கி வருகின்றன. ஒரு சில நிறுவனங்களின் பெயர்கள் நாம் அன்றாடம் சொல்லும் நிறுவனப் பெயர்களாக மாறி உள்ளன. ஆனால் எந்தக் கணமேனும் இந்த நிறுவனங்கள் எப்படி அந்தப் பெயர்களைப் பெற்றன என்று யோசித்துப் பார்த்திருப்போமா! இதோ இப்போது பார்ப்போமா!

1.அடோப் (ADOBE): இந்த பெயர் ஒரு நதியின் பெயர். இந்த நிறுவனத்தைத் தொடங்கியவர்களின் ஒருவரான ஜான் வார்நாக் அமெரிக்காவின் கலிபோர்னியாவில் லாஸ் ஆல்டாஸ் என்ற பகுதியில் வசிக்கிறார். இவரின் வீட்டிற்குப் பின்புறம் இந்த அடோப் நதி ஓடுகிறது.

2. ஆப்பிள் (APPLE): ஆப்பிள் நிறுவனத்தின் முதல் இலச்சினை வாசகம் என்ன தெரியுமா! – “Bite into an Apple” என்பதுதான். இதுதான் இந்நிறுவனத்தின் ஸ்லோகன் ஆக இருந்தது. ஆனால் இந்நிறுவனத்தின் மிகப் புகழ் பெற்ற ஸ்லோகன் “Think Different” என்பதே. எனவே இரண்டையும் கலந்து, வித்தியாசமான முறையில் இருக்க வேண்டும் என்பதற்காக, ஆப்பிள் நிறுவனத்தை நிறுவிய ஸ்டீவ் ஜாப்ஸ் அவரின் நிறுவனத்தை ஆப்பிள் கம்ப்யூட்டர்ஸ் என வைத்திருக்க வேண்டும். ஜாப்ஸ் மற்ற நண்பர்களுடன் சேர்ந்து ஆப்பிள்களை உற்பத்தி செய்திடும் பண்ணையில் முதலில் வேலை பார்த்து வந்தாராம். அவர் நண்பர்களுடன் தன் புதிய கம்ப்யூட்டர் கம்பெனிக்குச் சரியான பெயரை அவரின் நண்பர்கள் தரவில்லை என்றால் கம்பெனிக்கு ஆப்பிள் கம்ப்யூட்டர்ஸ் என்று பெயர் வைத்து விடுவேன் என்று செல்லமாகவும் வேடிக்கைக்காகவும் மிரட்டி உள்ளார். ஆனால் அவரின் நண்பர்களால் வேறு எந்த மிக நல்ல பெயரையும் கொடுக்காத நிலையில் ஆப்பிள் கம்ப்யூட்டர்ஸ் என்பதே பெயரானது. அதுவே சரித்திரத்திலும் நிலைத்துவிட்டது என்பது நாம் அறிந்த வரலாறு.

3. கூகுள் (GOOGLE):சர்ச் இஞ்சின் கொண்ட நிறுவனத்தை நிறுவிய போது, இதில் தேடப்படும் தகவல்களின் எண்ணிக்கை 1 போட்டு அதன் பின் 100 சைபர்கள் கொண்ட எண்ணாக இருக்க வேண்டும் என்ற எண்ணத்தில் “Googol” என்ற சொல்லை முதலில் வைத்தனர். இந்த சொல் நம் ஊர் லட்சம், கோடி என்பது போல, மேலே சொன்ன எண்ணைக் குறிக்குமாம். ஆனால் இந்த சொல்லை எழுதுகையில் அதில் ஸ்பெல்லிங் மிஸ்டேக் ஏற்பட நமக்கு “Google” என்ற பெயர் கிடைத்தது. அது கூட இந்நிறுவனத்தை ஏற்படுத்தியவர்களால் ஏற்படுத்தப்பட வில்லை. ஸ்டான்போர்டு பல்கலைக் கழகத்தில் படித்த செர்ஜி பிரின் மற்றும் லாரி பேஜ் ஆகியோரால் தான் கூகுள் தொடங்கப்பட்டது. இவர்கள் இதனைத் தொடங்குவதற்கான ப்ராஜக்ட் ரிப்போர்ட்டினைத் தயாரித்து, ஒரு முதலீட்டாளரிடம் கொடுத்து நிதி உதவி கேட்டுள்ளனர். அவர் நிதி உதவி வழங்குகையில் தந்த செக்கில் “Google”" எனத் தவறாக எழுதப்போய், தானம் கொடுத்த மாட்டின் பல்லைப் பிடித்துப் பார்க்க வேண்டாம் என இருவரும் நினைத்து அந்த தவறான ஸ்பெல்லிங்குடனே நிறுவனத்தைத் தொடங்கி இன்று மனித இனத்தின் சிந்தனைப் போக்கினையே மாற்றிவிட்டனர்.

4.ஹாட் மெயில் (HOTMAIL) இந்த நிறுவனத்தைத் தொடங்கியவர் ஜாக் ஸ்மித். இணையம் வழியாக இமெயில்களைப் பெறும் வழி குறித்து முதலில் யோசித்துள்ளார். அதாவது இணைய இணைப்பு தரும் இன்டர்நெட் சர்வீஸ் புரவைடர் துணையின்றி, அவர்கள் சர்வரில் இடம் கேட்டு வாங்கி, இமெயில் பெறும் பழக்கத்தை மாற்றி வெப் சர்வரை அடைந்து மெயிலைப் பெறும் வழி குறித்துப் பல காலம் சிந்தித்து ஹாட்மெயிலை வடிவமைத்தார். ஹாட் மெயிலின் இன்னொரு நிறுவனரான, இந்தியரான, சபீர் பாட்டியா இதற்குப் பல பெயர்களை எழுதிப் பார்த்தார். எந்த பெயராக இருந்தாலும் அது மெயில் (MAIL) என முடிய வேண்டும் என்பதில் தீர்மானமாக இருந்தார். இறுதியாக HOTMAIL என்ற பெயரே போதும் என முடிவுக்கு வந்தார். ஏனென்றால் இணையத்தில் வெப் பக்கங்களில் பயன்படுத்தப்படும் புரோகிராமிங் மொழியினை HTML Hyper Text Markup Language என அழைக்கிறோம். HOTMAIL என்பதில் HTML இருப்பதால் அதுவே இருக்கட்டும் என முடிவு செய்து ஹாட் மெயில் என அழைத்தார். 1996 ஜூலை 4ல் இது அறிமுகம் செய்யப்பட்டது. முதலில் இது HoTMaiL என சின்ன எழுத்தும் குறிப்பிட்ட சில பெரிய எழுத்துமாக அமைக்கப்பட்டே பயன்படுத்தப்பட்டு வந்தது. பின் நாளில் இது வழக்கமாக எழுதும் முறையில் அமைக்கப்பட்டது.

5. இன்டெல் (INTEL): இந்த நிறுவனத்தை நிறுவியவர்கள் பாப் நாய்ஸ் மற்றும் கார்டன் மூர் (Bob Noyce and Gordon Moore) என்பவர்களாவர். அவர்கள் தங்களின் புதிய நிறுவனத்தை “Moore Noyce” என அழைக்க முதலில் முடிவு செய்தனர். ஆனால் பின்னர் பார்க்கையில் இந்த பெயர் ஹோட்டல்கள் பல அடங்கிய ஒரு குரூப்பிற்கு இருப்பது தெரியவந்தது. அந்த பெயர் அந்த நிறுவனத்தால் பதியப்பட்டது தெரியவந்ததால் வேறு பெயரைச் சிந்திக்கத் தொடங்கினார்கள். அப்போது to ‘more noise’ என இருக்கட்டுமே என்று யோசித்தனர். ஆனால் ஒரு செமி கண்டக்டர் நிறுவனத்திற்கு இந்தப் பெயர் தவறான பொருளைத் தரும் என தவிர்த்துவிட்டனர். பின் முதல் ஓராண்டிற்கு NM Electronics என்ற பெயரைப் பயன்படுத்தினர். அதன் பின் Integrated Electronics என்ற பெயரைச் சுருக்கி NTEL எனப் பெயர் வைத்தனர். அப்படியே அந்தப் பெயர் இன்றளவும் உலகில் புகழ் பெற்ற ஒரு பெயராக இருந்து வருகிறது.

6. மைக்ரோசாப்ட் (MICROSOFT): பில் கேட்ஸின் இந்த நிறுவனம் மைக்ரோசாப்ட் எனப் பெயர் பெற்ற நிகழ்ச்சி மிகச் சாதாரணமான ஒன்றாகும். Microcomputer மற்றும் Software என்ற இரண்டையும் இணைத்து இந்த பெயர் உருவாக்கப்பட்டது. முதலில் பில் கேட்ஸ் தன் சகா பால் ஆலன் என்பவருக்கு 1975 ஆம் ஆண்டு நவம்பர் மாதம் 29ல் எழுதிய கடிதத்தில் MicroSoft எனப் பிரித்து இடைக் கோடிட்டு எழுதினாராம். அதன் பின் இருவரும் சேர்ந்து தங்கள் நிறுவனத்திற்கு இன்றைய பெயரை 1976 நவம்பர் 26ல் பதிவு செய்திருக்கின்றனர். இடையே இருந்த இடைக்கோடு காலப்போக்கில் நீக்கப்பட்டு MICROSOFT என ஒரே பெயராகப் பின்னர் உருவானது. அதுவே உலக மக்களின் வாழ்க்கையைப் புரட்டிப் போட்ட நிறுவனத்தின் பெயராக அமைந்தது.

7. யாஹூ (YAHOO): தொடக் கத்தில் இந்த நிறுவனத்தின் பெயர் “Jerry and David’s Guide to the World Wide Web” என்பதாக இருந்தது. 1994ல் யாஹூ என்ற பெயருக்கு மாறியது. ஜொனதன் ஸ்விப்ட் என்பவர் எழுதிய கல்லிவரின் பயணங்கள் என்ற நாவலில் “Yet Another Hierarchical Officious Oracle” என்ற சொல் தொடரின் சுருக்கமாக YAHOO என்பதைப் பயன்படுத்தினார். இந்த பெயர் மிக முரட்டுத்தனமான, நாகரிகம் மற்றும் பண்பாடு தெரியாத இளைஞனைக் குறிக்கும். யாஹூ நிறுவனத்தைத் தொடங்கிய ஜெர்ரியங் மற்றும்டேவிட் பைலோ ஆகிய இருவரும் தாங்கள் அப்படிப்பட்ட இளைஞர்கள் என்று தங்களைத் தாங்களே வேடிக்கையாகக் குறிப்பிட்டுக் கொண்டு இந்த பெயரையே தங்கள் நிறுவனத்திற்கும் தேர்ந்தெடுத்தனர்.

எனது ஆங்கில தளம்

Earn Money Click Register The Site : http://signup.wazzub.info/?lrRef=934ecbcd

தில்லையாடி வள்ளியம்மை

2012-03-10T03:42:00.000-08:00

தனது பதினாறாவது வயதிலேயே ஆங்கிலேயர்களுக்கு எதிராகப் போராடி உயிர்நீத்த ‘முதல் விடுதலைப் போராளி’ வள்ளியம்மை, ஒரு தமிழ்ப் பெண்

வாழ்கை வரலாறு

வெள்ளையர்கள் தென்னாப்பிரிக்காவை அடிமைப்படுத்தி, தங்கள் ஆதிக்கத்தை விரிவுபடுத்திக் கொண்டிருந்த காலம். தென்னாப்பிரிக்க மண்ணில் கரும்பு போன்றவற்றைப் பயிரிட விரும்பிய வெள்ளையர்கள், பயிர்த்தொழில் தெரிந்த அடிமைகளைத் தேடினர். அங்கிருந்த தென்னாப்பிரிக்க நீக்ரோ தொழிலாளர்களோ அடிக்கடி வெள்ளை முதலாளிகளோடு முரட்டுத்தனமாக சண்டையிட்டனர். அதனால் தங்களது ஆதிக்கத்தில் இருந்த இந்தியா போன்ற பிற காலனி நாடுகளிலிருந்து பண்ணைத் தொழிலுக்கேற்ற கூலிகளை இறக்குமதி செய்துகொண்டனர்.

அப்படி ஒரு கூலித் தொழிலாளியாக தஞ்சை மாவட்டம் மயிலாடுதுறையை அடுத்த தில்லையாடி என்ற கிராமத்திலிருந்து கப்பலேறி தென்னாப்பிரிக்காவிற்கு தன் மனைவி மங்களத்துடன் சென்றவர்தான் முனுசாமி.

முனுசாமிக்கு தென்னாப்பிரிக்காவில் 1898_ஆம் ஆண்டு பிறந்தவள் வள்ளியம்மை.

எதிர்கால இன்பக் கனவுகளோடு சென்ற இந்தியத் தொழிலாளர்கள் அங்கே வெள்ளையர்களால் அடிமைகளாக நடத்தப்பட்டனர். இந்தியர் ஒவ்வொருவரும் அங்கே வாழ 3 பவுன் தலைவரி கட்ட வேண்டும். வாக்குரிமை கிடையாது. அனுமதியின்றி குறிப்பிட்ட பகுதிகளுக்குள் நுழையக்கூடாது. வெள்ளையர் பள்ளிகளில் படிக்கமுடியாது. வெள்ளையர்களுடன் சமமாக அமர்ந்து பயணம் செய்யக்கூடாது. இவ்வாறெல்லாம் ஒடுக்கப்பட்ட இந்தியக்குடிகள் வாழும் பகுதிகள் சேரிகளாகப்பட்டன. சுகாதார வசதியின்றி நோய்களும் பரவின.

இந்தச் சூழலில்தான் 1893_ஆம் ஆண்டு மோகன்தாஸ் கரம்சந்த் காந்தி தென்னாப்பிரிக்காவுக்கு வந்தார். தாதா அப்துல்லா கம்பெனிக்கான வழக்குகளை ஓராண்டிற்குள் முடித்துத் திரும்பும் எண்ணத்துடன் வந்தவர், அங்கே இந்தியர்களுக்கு இழைக்கப்படும் கொடுமைகளைக் கண்டு மனம் பதறினார். அதை எதிர்த்துப் போராடவும், இந்தியர்களின் உரிமைகளை மீட்டுத் தரவும் துணிந்தார். ஓராண்டல்ல; ஈராண்டல்ல; _ இருபத்தியிரண்டு ஆண்டுகள் (நடுவில் 2 ஆண்டுகள் நீங்கலாக) தென்னாப்பிரிக்காவிலேயே தங்கி விட்டார்.

இந்தியர்கள் மேல் விதிக்கப்பட்ட 3 பவுன் தலைவரி ரத்து செய்யப்பட வேண்டும் என்ற கிளர்ச்சியைத் துவக்கினார். அப்போது தென்னாப்பிரிக்க ‘கேப்’ உச்சநீதிமன்ற நீதிபதி ஒரு தீர்ப்பு கொடுத்தார். அந்த நாட்டில் இனி ‘கிறிஸ்தவ சடங்குப்படியும், திருமணப் பதிவாளர் சட்டப்படியும் நடக்கும் திருமணங்கள் மட்டுமே செல்லும். மற்ற எந்தத் திருமணமும் செல்லாது’ என்பதே அந்தத் தீர்ப்பு.

இதனால் அங்குள்ள இந்திய மக்கள் தங்கள் மத வழக்கப்படி செய்து கொண்ட திருமணங்கள் அனைத்தும் செல்லாது என்றும், அவர்கள் குழந்தைகளுக்கும் சட்டப்படியான வாரிசு உரிமை இல்லை என்றும் ஆயிற்று.

இத்தீர்ப்பினைக் கண்டு இந்திய வம்சாவளியினர் கிளர்ச்சியில் இறங்கினர். காந்திஜி இவர்களை ஒன்றிணைத்து இயக்கமாக்கி, போராட்டத்தை வளர்த்தார்.

அந்தச் சமயத்தில் இந்தியர்கள் சார்பில் நடத்தப்பட்ட எல்லா பொதுக்கூட்டங்களுக்கும் தன் தாயாருடன் சிறுமி வள்ளியம்மை சென்று வந்தாள். காந்தியின் சொற்பொழிவுகள் வள்ளியம்மை நெஞ்சில் ஆழப்பதிந்தன. விடுதலைக் கனலை விரைந்து மூட்டின.

புதிதாக இந்தியர்கள் குடியேறுவதைத் தடுக்க டிரான்ஸ்வாலுக்குள் குடியிருந்த ஒவ்வொரு இந்தியரின் விரல் ரேகையும் பதிவு செய்யப்பட்டது. இது வள்ளியம்மையின் தன்மான உணர்வைத் தாக்கியது.

வெள்ளையரின் நிறவெறியை எதிர்த்து அண்ணல் காந்தியின் அறப்போரில் தன்னையும் இணைத்துக் கொண்டாள் வள்ளியம்மை, அப்போது அவளுக்கு வயது பதினாறுதான்!

அதுவரை, போராட்டங்களில் பெண்கள் ஈடுபட வேண்டாம் என்று தடுத்து வந்த காந்திஜி, இந்தப் போராட்டத்தில் பெண்களையும் சேர்த்துக் கொண்டார். ஏனெனில், ‘‘இந்த திருமணச்சட்டம் பெண்களை நேரடியாக பாதிக்கக் கூடியது. கட்டிய மனைவியையே அங்கீகாரமில்லாத நிலைக்கு ஆளாக்கி, குழந்தைகளின் வாழ்வுரிமையையும் பறிக்கும் வன்கொடுமைச் சட்டம் இது!’’ என்றார் காந்தி.

1913 _ ஜோகன்ஸ்பர்க் நகரில் பெண்களின் சத்தியாகிரகப் போர்ப்படை கூடியது. ஆவேச முழக்கத்துடன் ஆங்கில அரசின் நிறவெறித் திமிருக்கு எதிராக அணி திரண்டு கிளம்பியது. அணியின் முதல் வரிசையில் நின்ற மூன்று பெண்மணிகள் _ கஸ்தூரிபா, வள்ளியம்மை, வள்ளியம்மையின் தாயார்.

‘வெள்ளை ஏகாதிபத்தியத்தின் விலங்கொடிப்போம் வாருங்கள்!’ என்று வள்ளியம்மை முன் வரிசையில் நின்று முழங்கிய முழக்கம் ஏனைய சத்தியாகிரகிகளை எழுச்சிகொள்ளச் செய்தது! ‘எங்கள் தேசத்தில் சூரியன் அஸ்தமிப்பதில்லை’ என்று பிரிட்டிஷ் அரசு பேசி வந்த ஆணவத்திற்கு அன்றுதான் அஸ்தமனம் தொடங்கியது! காலனி ஆதிக்கத்தின் கட்டுப்பாட்டில் அழுந்திக் கிடந்த ஒரு சமூகம் அன்றுதான் வீறிட்டெழுந்தது!

ஊர்வலம் ஜோகன்ஸ்பர்க் நகரிலிருந்து நியூகாசில் நகருக்கு வள்ளியம்மையின் சங்கநாத முழக்கத்துடன் முன்னேறியது.

நியூகாசில் போகும் வழியில் சார்லஸ் டவுன், டண்டி, லேடிமிஸ்த், மாரிட்ஸ் பர்க், டர்பன் போன்ற முக்கிய இடங்களில் சத்தியாக்கிரகிகள் தங்கிச் சென்றபோது, தன் இளவயது காரணமாக ஓடியாடி, தன் உடன் வந்த சத்தியாகிரகிகளுக்கு வள்ளியம்மைதான் இயன்றவரை தொண்டு செய்தாள்.

நியூகாசில் நகர நிலக்கரிச் சுரங்கத் தொழிலாளர்களில் பெரும்பாலோர் தமிழர்கள். அவர்களை வேலை நிறுத்தம் செய்யுமாறு முழங்கினார் காந்தி. உடனடியாக வேலை நிறுத்தம் செய்தனர். தமது தமிழ்மக்களின் ஒத்துழைப்பைக் கண்டு மேலும் உற்சாகமானாள் வள்ளியம்மை.

போராட்டப் பெண்கள் தடையை மீறி டிரான்ஸ்வால் நகர எல்லைக்குள் நுழைந்தபோது, எல்லோரும் கைது செய்யப்பட்டனர்.

மூன்று மாதக் கடுங்காவல் தண்டனை விதிக்கப்பட்டு அனைவரும் சிறையில் அடைக்கப்பட்டனர்.

பதினாறு வயது வள்ளியம்மையும் கடுங்காவல் தண்டனையை ஏற்று சிறை ஏகினாள். ஆனால் சிறை அதிகாரிகளோ அவளிடம் கடுமையாக வேலை வாங்கினார்கள். சிறையிலே சுகாதாரக் கேடான சூழ்நிலை. சிறை அறையில் தலைமாட்டிலே ஒரு மண்சட்டி, அதற்கொரு மூடி, அதிலேதான் மலஜலம் கழித்துக்கொள்ள வேண்டும். காலையில் தூங்கி எழுந்ததும் அதைக்கொண்டு போய் போட்டுவிட்டு, சட்டியைச் சுத்தம் செய்துகொண்டு வரவேண்டும். தகுந்த மருத்துவ வசதியும் இல்லை.

மெலிந்த தேகம் கொண்ட வள்ளியம்மை நோய்க்கு ஆளானாள். உடல்நலம் பாதிக்கப்பட்டாள். ‘‘உரிய அபராதத் தொகை கட்டிவிட்டு சிறையிலிருந்து விடுதலை பெற்றுச் செல்’’ என்றான் வெள்ளைக்கார சிறை அதிகாரி.

‘‘அது சத்தியாகிரகப் போராளிக்கு இழுக்கு. செத்தாலும் சிறையிலேதான் சாவேன். அரசு விதித்த அபராதத் தொகையைக் கட்டமாட்டேன்’’ என்று மறுத்துவிட்டாள் வள்ளியம்மை.

அடுத்த சில நாட்களில் அவளது உடல்நிலை மேலும் மோசமடைந்தது. அவள் கவலைக்கிடமான நிலைமைக்கு ஆளாகி விட்டதாக மருத்துவர்கள் எச்சரித்தனர். அதனால், தண்டனைக் காலம் முடியும் முன்பே, அவசரம் அவசரமாக வள்ளியம்மை 1914_பிப்ரவரி 11_ஆம் நாள் சிறையிலிருந்து விடுவிக்கப்பட்டாள்.

மிகவும் பலவீனமான நிலையில் இருந்த அவளை ஒரு ஜமுக்காளத்தில் கிடத்தி வீட்டிற்குக் கொண்டு சென்றனர்.

வீட்டில் கந்தல் துணி போலக் கிடத்தப்பட்ட வள்ளியம்மை அடுத்த பத்து நாட்களில் 22.2.1914 அன்று இறந்து போனாள்.

வள்ளியம்மையின் மரணம் காந்தியின் உள்ளத்தை உலுக்கிவிட்டது.

‘இந்தியன் ஒப்பீனியன்’ பத்திரிகையில் காந்தி ‘‘இந்தியாவின் புனிதமகள் ஒருத்தியை இழந்துவிட்டோம். ஏன், எதற்கு என்று கேட்காமல் தனது கடமையைச் செய்தவள் அவள். மாதர்களுக்கே உரிய _ துன்பத்தைச் சகிக்கும் மனோபலமும், தன்மானமும் கொண்டவள்! அவளது தியாகம் இந்திய சமூகத்திற்கு நிச்சயம் பலனளிக்கும்!’’ என்று மனமுருகி எழுதினார்.

ஆம். அந்தப் போராட்டத்தின் காரணமாக இந்தியர்களின் மேல் விதிக்கப்பட்ட 3 பவுன் தலைவரி ரத்து செய்யப்பட்டது. எல்லாத் திருமணங்களும் சட்டப்பூர்வமாக அங்கீகரிக்கப்பட்டன.

ஜோகன்ஸ்பர்க்கில் வள்ளியம்மை அடக்கம் செய்யப்பட்ட இடத்தில் நினைவுச் சின்னம் ஒன்றை எழுப்பினார் காந்தி.

தனது சுயசரிதையில் பல இடங்களில் வள்ளியம்மையை நினைவுகூர்ந்து துக்கம் தாங்காமல் எழுதுகிறார் காந்தி.

தன் உயிரைக் காத்த வள்ளியம்மையை காந்தியால் எப்படி மறக்கமுடியும்? ஆம்! ஒருமுறை சத்தியாகிரகப் போராட்டத்தின்போது, வெறிபிடித்த வெள்ளையன் ஒருவன் காந்திஜியைச் சுட துப்பாக்கியை உயர்த்திய போது, வள்ளியம்மை திடீரென்று ஓடிவந்து காந்தியின் முன்னால் நின்று கொண்டு, ‘‘இப்போது காந்தியைச் சுடு, பார்க்கலாம்!’’ என்றாள் ஆவேசமாக! அவளது நெஞ்சுரம் கண்டு அந்த வெள்ளையனே திகைத்துப்போனான்; திரும்பிப் போனான்.

காந்திஜி தமிழகத்தில் சுற்றுப்பயணம் மேற்கொண்டபோது எல்லாக் கூட்டங்களிலும் வள்ளியம்மையின் தியாகத்தைக் குறித்துப் பேசினார். அவள் பிறந்த தில்லையாடி கிராமத்திற்குச் சென்று, அவளது உறவினர்களைச் சந்தித்துப் பேசினார்.

‘‘தென்னாப்பிரிக்காவில் வெள்ளையனின் துப்பாக்கி முன்பாக துணிச்சலுடன் எதிர்நின்று அன்று தன்னைக் காப்பாற்றிய வள்ளியம்மை _ இன்று இந்தியன் கோட்ஸே சுட்டுக் கொல்லும்போது _ குறுக்கே பாய்ந்து காப்பாற்ற நம்மருகே இல்லையே....!’’ என்று காந்தி தனது கடைசி மூச்சின்போது நினைத்திருப்பாரோ...?

1997_ல், வள்ளியம்மையின் நூற்றாண்டின்போது ஜோகன்ஸ்பர்க் நகரில் நெல்சன் மண்டேலா முயற்சியால் வள்ளியம்மையின் கல்லறை புதுப்பிக்கப்பட்டு, விழா எடுக்கப்பட்டது.

ஆங்கிலேயர்களுக்கு எதிராகப் போராடி உயிர்நீத்த ‘முதல் விடுதலைப் போராளி’ வள்ளியம்மை, ஒரு தமிழ்ப் பெண் என்பது நமக்கு மற்றொரு பெருமைதானே!

நினைவு மண்டபம்

தமிழ்நாடு அரசு தில்லையாடி வள்ளியம்மையின் தியாகத்தைப் போற்றும் வகையில் நாகப்பட்டினம் மாவட்டம் தரங்கம்பாடி வட்டம் தில்லையாடி கிராமத்தில் தில்லையாடி வள்ளியம்மை நினைவு மண்டபம்அமைத்துள்ளது. அண்ணல் காந்தியடிகள் தில்லையாடிக்கு 1-5-1915 அன்று வருகை தந்து அமர்ந்த இடத்தில் நினைவுத் தூண் கட்டப்பட்டுள்ளது. அதன் எதிரில்தான் தில்லையாடி வள்ளியம்மை நினைவுமண்டபம் கட்டப்பட்டுள்ளது. இங்கு தில்லையாடி வள்ளியம்மை அவர்களின் மார்பளவு சிலை ஒன்று முன் மண்டபத்தில் அமைக்கப்பட்டுள்ளது. இங்கு பொது நூலகத்துறை மூலம் ஒரு நூலகம் செயல்பட்டு வருகின்றது

10 ஆம் வகுப்பு பொதுத்தேர்வு மாதிரி வினாத்தாள் 2012

2012-03-09T22:37:00.001-08:00

10 ஆம் வகுப்பு பொதுத்தேர்வு எழுதப்போகும் மாணவ மாணவிகளுக்காக

Tamil Nadu 10th SSLC Model Question Paper 2012

Tamil 1st Paper

Tamil 2nd Paper
English First Paper
English Second Paper
Maths in Tamil & English Language
Science in Tamil & English Language
Social Science in Tamil & English Language

SSLC EXAMINATION 2010

Subjects
Tamil	Paper I Paper II
English	Paper I Paper II
	Medium of Instruction
Mathematics	English & Tamil
Science	English & Tamil

SSLC EXAMINATION 2008

Subjects
Tamil	Paper I Paper II
English	Paper I Paper II
	Medium of Instruction
Mathematics	English Tamil
Science	English Tamil
Social Science	English Tamil

இந்த பதிவை உங்கள் நண்பருக்கும் share செய்யவும்

ஒபாமாவுக்கு 80 சதவீத இந்தியர்கள் ஆதரவு

2012-02-29T00:49:00.000-08:00

அமெரிக்காவில் அதிபர் தேர்தலில், தற்போதைய அதிபர் பராக் ஒபாமாவிற்குத் தான், அங்குள்ள இந்தியர்கள் அதிகளவில் ஓட்டளிப்பர் என, கருத்துக் கணிப்பில் தெரியவந்துள்ளது.

அமெரிக்காவில், இந்தாண்டு நவம்பரில், அதிபர் தேர்தல் நடக்க உள்ளது. அதில், ஆளும் ஜனநாயகக் கட்சி சார்பில், தற்போதைய அதிபர் பராக் ஒபாமா வேட்பாளராக நிற்கிறார். எதிர்க் கட்சியான குடியரசுக் கட்சி சார்பில், மிட் ரோம்னி, ரோன் பால் மற்றும் ரிக் சான்டோரம் ஆகியோருக்கு இடையில், பலத்த போட்டி நிலவுகிறது.இந்நிலையில், பாஸ்டன் நகரில் இயங்கி வரும், ஐ.என்.இ., மீடியா என்ற நிறுவனம், சமீபத்தில் தேசிய அளவில், கடந்த 22 முதல் 26 வரையிலான தேதிகளில், "ஆன்-லைனில்' ஒரு கருத்துக் கணிப்பை நடத்தியது.இதில், குறிப்பிடத்தக்க விஷயம் என்னவெனில், இந்தக் கருத்துக் கணிப்பில், அமெரிக்கா வாழ் ஆசியர்களும் சேர்த்துக் கொள்ளப்பட்டுள்ளனர் என்பது தான்.

இந்நிறுவனம், இதுகுறித்து வெளியிட்ட கருத்துக் கணிப்பு அறிக்கையில் கூறியிருப்பதாவது:மாசாசூசெட்ஸ் முன்னாள் கவர்னர் மிட் ரோம்னி, தனது போட்டியாளர்களான ரோன் பாலை விட, 24.1 புள்ளிகள் வீதமும், ரிக் சான்டோரமை விட, 33.4 புள்ளிகள் வீதமும், முன்னிலையில் உள்ளார்.அதே நேரம், இன்றே அதிபர் தேர்தல் நடக்குமானால், 80 சதவீத அமெரிக்க இந்தியர்கள், அதிபர் பராக் ஒபாமாவுக்குத் தான் ஓட்டளிப்பர்.இவ்வாறு, அந்த அறிக்கையில் தெரிவிக்கப்பட்டுள்ளது.

கருத்துக் கணிப்பில், மொத்தத்தில், 80 சதவீதம் பேர் ஒபாமாவிற்கு ஆதரவாகவும், 14.7 சதவீதம் பேர் ரோம்னிக்கு ஆதரவாகவும் கருத்து தெரிவித்துள்ளனர். அதே நேரம், குடியரசுக் கட்சி வேட்பாளர்களில், ரோம்னிக்கு 51.9 சதவீதம் பேர் ஆதரவு தெரிவித்துள்ளனர்.

பெருந்தலைவர் காமராஜர்

2012-02-29T00:39:00.000-08:00

வாழ்க்கை வரலாறு

பெருந்தலைவர் காமராஜர் அவர்கள் விருதுநகரிலே ஒரு வியாபாரக் குடும்பத்திலே பிறந்தவர் ஆவார். அந்தக் காலத்தில் அந்த ஊருக்குப் பெயர் விருதுப்பட்டி.

காமராஜர் தாயார் பெயர் சிவகாமி அம்மாள். தந்தையின் பெயர் குமாரசாமி நாடார். அவர் விருதுப்பட்டியிலே தேங்காய் மொத்த வியாபாரம் செய்து வந்தார். சிவகாமி அம்மாளுக்கு இரண்டு சகோதரர்கள். ஒருவர் கருப்பையா நாடார். – இவர் துணிக்கடை வைத்திருந்தார். மற்றொருவர் பெயர் காசிநாராயண நாடார். இவர் திருவனந்தபுரத்திலே மரக்கடை வைத்து நடத்தி வந்தார்.

1903- ஆம் வருடம், ஜுலை மாதம் 15-ஆம் தேதி, காமராஜர் பிறந்தார். அவருக்கு குல தெய்வமான காமாட்சியம்மாளின் பெயரையே முதலில் சூட்டினார்கள்.

கண்ணனைப் பாரதி ”கண்ணம்மா” ஆக்கி அழைத்துப் பாடிப் பரவசப்பட்டதுபோல் ஆணாகப் பிறந்த காமராஜரை ”காமாட்சி” ஆக்கி அனைவரும் அழைத்து மகிழ்ந்தார்கள்.

தாயார் சிவகாமி அம்மாள் மட்டும், தன் செல்லக் குழைந்தையை ”ராஜா” என்றே அழைத்து வந்தாள். நாளடைவில் காமாட்சி என்ற பெயர் மாறி, ‘காமராஜ்’ என்று ஆனது.

காமராஜருக்குப் பின்னர், சிவகாமி அம்மாள் ஒரு பெண் குழந்தையைப் பெற்றெடுத்தார்.நாகம்மாள் என்று அந்தக்குழந்தைக்குப் பெயர் சூட்டினார்கள். காமராஜரும் தங்கையிடம், அன்பும் பாசமும் கொண்டிருந்தார்.

காமராஜர் தனது பள்ளிப் படிப்புக்காலங்களிலேயே, இளம் வயதிலேயே, விருதுப்பட்டியில் நடந்த பொதுக்கூட்டங்களுக்குப் போகலானார். ஆங்கிலேயர்கள் இந்தியாவை அடிமைப்படுத்தி ஆண்டு கொண்டிருந்த காலம் அது. காமராஜர் இளம் வயதில் கேட்ட பொதுக் கூட்டங்களே அவரைப் பிற்காலத்தில் சுதந்திரப் போராட்ட வீரராகக் மாற்றியது.

”தந்தையொடு கல்விபோம்” – என்பதற்கு ஒப்ப, காமராஜரின் தந்தை குமாரசாமி நாடாரின் மறைவிற்குப் பின் காமராஜரின் பள்ளிப்படிப்பு முற்றுப்பெற்றது. வியாபாரங்களில் ஈடுபட்டார். முதலில் துணிக்கடையிலும், பின்னர் திருவனந்தபுரத்தில் மரக்கடை வைத்து நடத்திய காசியாராயண நாடார் மரக்கடையிலும் சிறிது காலம் வியாபாரத்தில் ஈடுபட்டார். அவரது கவனமெல்லாம் தேச விடுதலையிலேயே இருந்தது. வைக்கம் போராட்டத்தில் கலந்து கொண்டார். உப்புச் சத்தியாகிரகத்தில் பங்கு பெற்றார்.

காலப்போக்கில் காமராஜர், சத்தியமூர்த்தி தொண்டனாகி, காங்கிரஸ் பேரியக்க உறுப்பினராகி முழு நேரத் தேசப்பணிக்குத் தன்னை அர்ப்பணித்துக்கொண்டார். விடுதலைப் போரில் தன்னை ஈடுபடுத்திக்கொண்டார்.

கள்ளுக்கடை மறியல், அந்நியத் துணிகள் பகிஷ்காரம், கொடிப் போராட்டம், உப்பு சத்தியாக்கிரகம், சைமன் கமிஷன் எதிர்ப்பு ஆகியவற்றில் காமராஜர் பங்கேற்றுச் சிறை தண்டனை பெற்றார்.. அடுத்தடுத்துப் போராட்டங்கள் அனைத்திலும் ஈடுபட்டு பலமுறை சிறை தண்டனைகளை அனுபவித்தார் காமராஜர்..

தமிழ்நாடு காங்கிரஸில், ”காமராஜர் காங்கிரஸ்” என்ற நிலை உருவாகியது. காமராஜர் தனது தியாகத்தாலும், சலியாத உழைப்பாலும், தொண்டுகளினாலும் உயர்ந்த நிலையை அடைந்தார்.

1952-ஆம் ஆண்டு நடந்த நாடாளுமன்றத் தேர்தலில் காமராஜர் சாத்தூர் தொகுதியில் நின்று வெற்றி பெற்றார். சுமார் பன்னிரண்டு ஆண்டுகாலம் தமிழ்நாடு காங்கிரஸ் கமிட்டியின் தலைவராக இருந்து தமிழ்நாட்டிலே காங்கிரஸ் பேரியக்கத்திற்குப் பெரும் செல்வாக்கை ஏற்படுத்தித் தந்தார்.

1954- ஆம் ஆண்டு காமராஜர் தமிழ்நாட்டின் முதல் அமைச்சர் ஆனார். தலைவர் பதவியைத் துறந்தார். நாடாளுமன்ற உறுப்பினர் பதவியையும் துறந்தார். குடியாத்தம் தொகுதியில் சட்டசபைக்குத் தேர்தலில் நின்று வெற்றி பெற்றார். மேல்சபை உறுப்பினராகி அவர் முதல் அமைச்சர் பதவியை வகித்திருக்கலாம். குறுக்கு வழியில் உள்ளே புகுந்து கொள்ள என்றும் விரும்பாத பெருந்தலைவரே கு. காமராஜர்.

இங்கே நான் காமராஜர் தமிழ்நாட்டின் முதல் அமைச்சராகிச் செய்த சாதனைகளையே பட்டியலிட்டு காட்ட முன் வந்திருக்கிறேன். அதிகம் படிக்காத பெருந்தலைவர் காமராஜர் கல்விக்குச் செய்த சாதனைகள் எண்ணிலடங்காதவைகளாகும். ஏழை, எளியவர், உயர்ந்தவர், தாழ்ந்தோர், ஆக எல்லோருக்கும் கல்வி-இலவசக் கல்வி – பட்டி, தொட்டிகளில் எல்லாம் பள்ளிக்கூடங்கள் – இலவச மதிய உணவுச் சீருடைகள், இப்படிப் பலதிட்டங்களைத் தீட்டி அமுல்படுத்தினார் காமராஜர். தமிழகத்தில் கல்விச் செல்வம் பெருகியது. கிராமங்கள் தோறும் ஓராசியர் பள்ளிகள் திறக்கப்பட்டன.

கல்விக் கேள்விகளில் மட்டும் சிறந்து விளங்கினால் போதுமா? நாட்டிலே பஞ்சம், பசி, வேலையில்லாத் திண்டாட்டங்கள் விலகி விடுமா? சிந்தித்தார் காமராஜர். திட்டங்கள் தீட்டினார். நாட்டிலே புதுப் புதுத் தொழிற்சாலைகளை நிறுவச்செய்தார். தொழிற்கல்விக்கு முக்கியத்துவம் கொடுத்தார்.

காமராஜரின் திட்டங்களால் தமிழ்நாடு முன்னணியில் நின்றது. காமராஜரின் கல்வித் திட்டங்கள் நிறைவேற உடனிருந்து பாடுபட்டவர் அந்நாள் பள்ளிக் கல்வி இயக்குனர் திரு.நெ.து. சுந்தரவடிவேலு ஆவார்.

அதேபோல், காமராஜரின் தொழிற்திட்டங்கள் நிறைவேறக் காரணகர்த்தாவாக இருந்தவர் அன்றைய தொழில் அமைச்சர் திரு. ஆர். வெங்கட்ராமன் ஆவார்.

1957 – ஆம் ஆண்டு பொதுத் தேர்தலிலும் தமிழ்நாட்டில் காங்கிரஸ் அமோக வெற்றிப்பெற்றது. பெருந்தலைவர் காமராஜரே மீண்டும் தமிழ்நாட்டின் முதலமைச்சரானார்.

ஒன்பது ஆண்டுகாலம் தமழக முதலமைச்சராக இருந்த பெருந்தலைவர் காமராஜர், தான் கொண்டு வந்த கே. பிளான் மூலம் தானே முதலமைச்சர் பதவியைத் துறந்தார். அகில இந்திய காங்கிஸ் தலைவரானார்.

பெருந்தலைவர் காமராஜர் ஆண்ட காலத்தைத் தமிழ்நாட்டின் பொற்காலம் என்பார்கள்.

காமராஜரின் சாதனைகள்” என்னும் இந்த நூலினைக் காமராஜர் நூற்றாண்டு விழா, ஆண்டிலே வெளியிட்டு இருப்பது குறிப்பிடத்தக்கதும், பெருமைக்கு உரியதுமாகும்.

பெருந்தலைவர் காமராஜர் சாதனைகளைப் பிள்ளைகள் மட்டுமின்றிப் பெரியவர்களும் படித்துத் தெரிந்து கொள்ள வேண்டும் என்பதே என்னுடைய ஆசை.

முதலமைச்சராகக் காமராஜர் தமிழகத்தில் ஒன்பது ஆண்டுகாலம் நல்லாட்சி புரிந்தார். கல்விக்கும், தொழிலுக்கும்,காங்கிரஸ் கட்சிக்கும் அவர் செய்த சாதனைகள் கணக்கில் அடங்காதவைகளாகும்.

விருதுநகரிலே ஒரு சாதாரணக் குடும்பத்தில் பிறந்து, போதிய கல்வி கற்கவும் வசதியற்ற சூழ்நிலையிலே வளர்ந்து, வாழ்ந்து, பின்னர் அரசியலிலே தொண்டராக ஒரு மாபெரும் கட்சியிலே இணைந்து, தனது உழைப்பால், தொண்டால் படிப்படியாக உயர்ந்தவர் தான் பெருந்தலைவர் காமராஜர். அவரது சாதனைகள் யாவுமே சரித்திர முக்கியத்துவம் வாய்ந்தவைகள்.