Նորություններ

Ծրագրավորման Python լեզվի նոր՝ 3.2, թողարկում։

Mon, 21 Feb 2011 09:46:34 +0000

Լույս է տեսել Python ծրագրավորման լեզվի 3.2 տարբերակը։ Հիմնական ջանքերը ուղղված են եղել կայունության բարձրացման, ստանդարտ գրադարանի հնարավորությունների լայնացման և Python 2.x գծի ծրագրերի հեշտ տեղափոխման վրա։ Հիշեցնեմ, որ 2.7 տարբերակի թողարկումից հետ, նոր հնարավորությունների ավելացումը 2.x գծում ավարտված են, բայց սխալների ուղղումը կկատարվի մինչ 2015 թիվը։

Հիմնական բարելավումներին կարող եք ծանոթանալ այստեղ։

Wine 1.3.14 փորձնական թողարկում

Fri, 18 Feb 2011 20:00:00 +0000

Թողարկվել է Win32 API-ի բաց իրականացման՝ Wine 1.3.14, փորձնական թողարկումը, որում ուղղված է 26 սխալ։
Հիմնական փոփոխություններն են՝

Կատարվել է կոդի մաքրում, որը վերացնում է Valgrind և Clang ծրագրերի օգտագործման ժամանակ արտածվող զգուշացումները։
Ավելացվել է cab-ֆայլերի ստեղծման հնարավորություն։
Թարմացվել են թարգմանությունների ֆայլերը։

Ներկայացվել է Ubuntu 10.10 թողարկման թեկնածու տարբերակը

Thu, 30 Sep 2010 21:22:54 +0000

Ներկայացվել է Ubuntu 10.10 թողարկման թեկնածու տարբերակը։ Վերջնական տարբերակի թողարկումը նախատեսված է հոկտեմբերի 10-ին։ Ubuntu 10.10-ում կան հետևյալ բարեփոխումները`

իր մեջ ներառում է նոր Ubuntu տառատեսակների շարք, որոնք՝ Canonical-ի պատվերով, հատուկ մշակել է Dalton Maag կազմակերպությունը։

Ավելացվել է ձայնի ապլետի փոխարինման հնարավորություն՝ վիզուալ թեմաների տեղադրման միջոցով։
Օպտիմալացված է տեղադրիչի տեսքը։ Տեղադրիչում ավելացված է Btrfs ֆայլային համակարգում տեղադրելու հնարավորություն։ Իրականացված է տեղադրման գործընթացի տարբեր խնդիրների զուգահեռ կատարում։ Ավելացվել է ժամային գոտու և լեզվի ավտոմատ հայտնաբերումը ըստ IP-հասցեի։
Software Center ծրագրում հայտնվել է deb ֆայլերի տեղադրման հնարավորություն։ Նաև իրականացված է հնարավորություն վճարովի ծրագրերի տեղադրման համար։
Օգտագործվում է GNOME-ի 2.32.0 տարբերակը։

Պաշտոնապես թողարկվել է GNOME 2,32

Thu, 30 Sep 2010 08:09:10 +0000

Պաշտոնապես թողարկվել է GNOME 2,32, որը հանդիսանում է 2.x ճյուղի վերջին թողարկումը։ Ի սկզբանե նախատեսված էր սեպտեմբերին թողարկել GNOME 3.0-ի առաջին թողարկումը, բայց որոշակի ենթահամակարգերի անպատրաստության պատճառով թողարկումը հետաձգվել է մինչև գարուն։ Այսպիսով ներկայացված 2,32 թողարկումը իր մեջ ներառում է ճշգրտումներ։ Սակայն, GNOME 2,32-ը դիտարկվում է որպես անցումային թողարկում, և իր մեջ ներառում է մի շարք տեխնոլոգիաներ GNOME 3.0-ից, որոնք անջատված են, բայց մատչելի են ծանոթանալու համար։

Phoronix Test Suite-ի նոր 2.4 տարբերակ

Thu, 04 Feb 2010 11:31:36 +0000

Թողարկվել է համակարգի արտադրողականությունը ստուգող Phoronix Test Suite փաթեթի նոր 2.4 տարբերակը։ Փաթեթը աշխատում է Լինուք, OpenSolaris, BSD ու Mac OS համակարգերում և տարածվում է ԸՀԱտ3-ով։

Համեմատած նախորդ տարբերակի հետ, այս տարբերակում կատարված են մոտ 180 փոփոխություններ, որոնցից են՝

Բարելավված է համատեղելիությունը հետևյալ համակարգերի հետ՝ OpenSolaris, FreeBSD 8.0, OpenBSD և NetBSD։ Ավելացված է բջջային համակարգեր՝ Palm webOS և Optware, նաև ավելացված է սկզբնական ապահովվումը Microsoft Windows 7-ի համար։
Ավելացված է նոր ստուգումների հնարավորություն՝ GCrypt, Bullet Physics Engine, Himeno Pressure Solver, FS-Mark, CompileBench, Unpack-Linux, Unigine Heaven, Battery-Power-Usage, Idle-Power-Usage, x264 և VDrift FPS Monitor։

Նոր ClamAV 0.95.3 139 ուղղումներով

Tue, 03 Nov 2009 08:56:22 +0000

Թողարկվել է ազատ տարածվող անտիվիրուսային ClamAV ծրագրի 0.95.3 նոր տարբերակը, որում կատարվել են 139 ուղղումներ։ Նոր տարբերակում կարելի է նշել հետևյալ օգտակար բարելավումները․

Բարելավված է աշխատանքը Windows ՕՀ-ոի հետ։ Կանգնեցված է OS/2 ՕՀ-ի սպասարկումը։
Ավելացված է նոր կատարվող ֆայլերի ապահովումը՝ 64 բիթանոց ELF, Mach-O, UB (Universal Binaries) և IS (IS-cab և IS-msi):
Ավելացված է cpio և 7z արխիվների ապահովումը։
cvd ֆայլերը բեռնվում են միանգամից՝ առանց ժամանակավոր ֆայլում պահպանվելու։
Բարելավվել է PDF ֆայլերի ստուգման կոդը։
30%-30% բարելավված է PE ֆորմատի մեծ ֆայլերի ստուգման արագությունը։

Ինտուզիաստները իրենց ձեռքն են վերցրել ZFS-ի ինտեգրումը MacOS X-ում

Mon, 02 Nov 2009 09:02:31 +0000

Անցիալ շաբաթ Apple կազմակերպությունը փակել է zfs.macosforge.org բաց նախագիծը, որը զբաղվում էր ZFS ֆայլային համակարգի ներդնումով MacOS X ՕՀ-ում։ Փակումը բերեց նրան, որ որոշ ինտուզիաստներ ստեղծեցին նոր բաց նախագիծ MacZFS, որը հիմնված է Apple-ի կոդի վրա, բայց տարբերվում է ինտեգրման մեխանիզմով։ MacZFS-ը չի կատարվում միջուկի մակարդակի վրա այլ օգտագործողի մակարդակի վրա՝ օգտագործելով MacFUSE։
MacOS X-ի այն օգտագործողները, որոնք ուզում են օգտագործել ZFS նոր մոդուլը կարող են օգտագործել պատրաստված երկուական փաթեթից։

Խոցելիություններ squidGuard, Snort ծրագրերում և OpenBSD ՕՀ-ում

Mon, 02 Nov 2009 08:10:04 +0000

Մի քանի նոր հայտնաբերված խոցելիություններ

squidGuard-ում հայտնաբերվել է մի քանի խոցելիություն, որը օգտահործողին թույլ է տալիս շրջանցել ֆիլտրացիայի օրենքները և իրավունք ստանալ արգելված URL-ներին։ Օգտագործելով հասցեներ, որոնց սիմվոլների քանակը 4096 է կամ որոնց հասցեն պարունակում է // սիմվոլները։ Ուղղման համար թողարկվել է երկու ուղղում squidGuard 1.4-ի համար։
Snort 2.8.5.1-ում ուղղված է խնդիրը, որը հնարավորություն էր տալիս ստեղծել պրոցեսի վթարային անջատմանը՝ ուղարկելով հատուկ մշակված IPv6 փաթեթ։ Հարձակումը կատարելու համար snort-ը պետք է հավաքել (compile) --enable-ipv6 օրենքով և ծրագիրը աշխատեցնել -v (verbose) ռեժիմում։
OpenBSD-ի ցանցային ստեկում հայտնաբերվել է սխալ, որը թույլ է տալիս անվանափոխել NULL ցուցիչը, որը թույլ է տալիս տեղային օգտագործողին բերել միջուկի վթարային անջատմանը կանչելով getsockopt() ֆունկցիան որոշ նշված պարամետրերով՝ IP_AUTH_LEVEL, IP_ESP_TRANS_LEVEL, IP_ESP_NETWORK_LEVEL և IP_IPCOMP_LEVEL սոկետների համար։

VirtualBox 3.0.10, որում ուղղված են 30 սխալներ

Fri, 30 Oct 2009 14:38:23 +0000

Թողարկվել է VirtualBox-ի ուղղումներով 3.0.10 տարբերակը, որում ուղղված են 30 սխալներ։
Որոշ ուղղումներ․

բարձրացված է SMP ռեժիմում աշխատող ՕՀ-ի կայունությունը,
Mac OS X ՕՀ-ում վերացված է հիշողության կորուստը,
ուղղված են որոշ սխալներ Windows 7 ՕՀ-ի ապահովման համար,
ուղղված է Solaris 10-ում DVD-ով աշխատելու հետ կապված սխալը,
ստուգված է աշխատանքը Linux 2.6.32rc4-ի վրա,
բարձրացված է USB 2.0 սարքերի հետ աշխատանքի կայունությունը։

Նոր Ubuntu 9.10

Fri, 30 Oct 2009 10:37:08 +0000

Թողարկվել է Ubuntu ՕՀ-ի 9.10 (Karmic Koala) տարբերակը, որը հասանելի է դեսկթոփ, սերվերային, cloud-շրջապատի (UEC և EC2 սպասարկիչների համար) և նեթբուքերի համար։ Զուգահեռ թողարկվել են հետևյալ տարբերակները՝ Kubuntu (KDE 4.3), Xubuntu (XFCE 4.6), Mythbuntu և Ubuntu Studio։

Բարելավվումներից կարևորներն են․

Դեսկթոփ․
- Անցում է կատարվել հետևյալ ծրագրերի՝ Լինուքսի միջուկը՝ 2.6.31, Firefox 3.5, GNOME 2.28, KDE 4.3, XFCE 4.6.1, Apache 2.2, PostgreSQL 8.4, PHP 5.2.10, LTSP 5.1, GCC 4.4.1, glibc 2.10, Python 2.6.3: Բացի դրանից սկսվել են GNOME 3-ին անցնելու աշխատանքները։
- Ավելացված է ubuntuone.com սպասարկիչի հետ աշխատելու հնարավորություն։ Apache CouchDB-ի հիման վրա իրականացված է օգտագործողի հասցեների գրքի, Tomboy գրառումների և Firefox-ի էջանշանների սինխրոնիզացիան UbuntuOne առցանց շտեմարանի հետ, որտեղ բոլոր օգտագործողները ունեն 2 ԳԲ անվճար տարածություն։
- Kubuntu-ի հիման վրա ստեղծված է նոր հավաքածու՝ Kubuntu Netbook Edition, որը նախատեսված է փոքր էկրան ունեցող սարքերի համար։
- Pidgin-ի փոխարեն օգտագործված է Empathy-ն։
- Intel վիդեոսարքերի համար միացված է UXA (UMA Acceleration Architecture) համակարգը, որը հիմնված է GEM հիշողությունը ղեկավարող համակարգի վրա։
Տեղադրումը և փաթեթների ղեկավարումը․
- Տեղադրման ժամանակ ինքնաբար առաջարկվում է ext4 ֆայլային համակարգը։
- Թողարկման բաղադրության մեջ ավելացված է նոր համակարգ, որը ղեկավարում է փաթեթները և համակարգի թարմացումը( Ubuntu Software Center )։
Սպասարկիչ․
- Հասանելի են Ubuntu Enterprise Cloud (UEC) և Amazon EC2 միջավայրերում տեղադրելու պատկերները։
- Բարելավված է տեղադրման ընթացքը՝ iSCSI-ի օգտագործմամբ։ Այժմ տեղադրման համար անհրաժեշտ չէ օգտագործել iscsi=true հրամանը ։
Բեռնում․
- Օգտագործված է բեռնման GRUB 2 համակարգը։ Այն օգտագործվում է միայն նոր տեղադրված համակարգերի համար։ Այսինքն՝ եթե դուք թարմացնում եք հին տարբերակը , ապա կօգտագործվի GRUB-ի հին տարբերակը։
- 9.10-ը արդեն օգտագործում է Upstart բեռնման համակարգը։ 10.4 թողարկման համար նախատեսվում է բեռնման ժամանակը քչացնել մինչև 10 վարկյան։
- Բարելավված է բեռնման պրոցեսի նոր գրաֆիկական ձևավորումը (Ubuntu Splash screen)։ Օգտագործողը հնարավորություն ունի հետևել բեռնման ընթացքին ավելի մանրամասն՝ անցնելով առաջին կոնսոլին։
Ապահովություն․
- Ավելացված է ռեժիմ, որը չի թողնում կորիզի մոդուլների բեռնումը՝ համակարգի բեռնման պրոցեսից հետո։
- Կատարված են մեծ աշխատանքներ AppArmor համակարգի օգտագործման համար, որը ավելի հասարակ է քան SELinux-ը։
Թողարկման ներքին կազմակերպումը․
- Փաթեթների հավաքման համար օգտագործվել է GCC-ի 4.4 տարբերակը։