Миний бодлоор...

Ижийтэйгээ байхад баян байсан.

noreply@blogger.com (Дэлгэрмөрөн Пүрэвхүү) — Wed, 08 Feb 2012 10:08:00 +0000

Буурай эмээ /шүлэг/

noreply@blogger.com (Дэлгэрмөрөн Пүрэвхүү) — Mon, 19 Dec 2011 02:14:00 +0000

Буурай эмээ

Насны хярд бээрэн

Нар дагаж гадаалсан

Намрын хяруунд чичрэн

Навч шиг гандан ганцаардсан

Буурай эмээ

Гал дээр цай богшоосон

Гар харж нүд хариулсан

Газар дээр бүхнийг хайрласан

Ганцхан өөрт нь хайр дутсан

Буурай эмээ

Будангийн нар шиг бүдэгнэн

Буцах өдрөө хүлээсэн

Буруугүй атлаа буруудан

Бурхан, чөтгөр хоёулаа мартсан

Буурай эмээ

Үр хүүхдэдээ хоргодож

Үндэс мөчиртөө дарагдаж

Үгээ хүртэл цагдуулахдаа

Үнэхээр жаргадаг болов уу

Хөөрхий эмээ

Хүргэнээ, бэрээ царайчилж

Хүйтэн харцаар ороолгуулж

Хүүхэд шиг гөлөлзөж суухдаа

Хүсэл нь ханадаг болов уу

Хөөрхий эмээ

Арван буянаа өгчихөөд

Аягахан цайны мэдэлгүй

Алгаа үрж холхихдоо

Ач нь баясдаг болов уу

Хөөрхий эмээ

Хаях болсон хувцас

Халаас холгосон төгрөг

Хааяа нэг сарвайлаа гээд

Хайр нь инээдэг болов уу

Хөөрхий эмээ

Хөл нь санаагаа гүйцэхгүй

Хөрлөө зүрх нь даахгүй

Хөсөр балар тавилан

Хөгширлийн баяр гэж байхгүй,

байхгүй ээ байхгүй

Үглэмээр юманд үглэвч

Үг нь ханшгүй, хүн тоохгүй

Үхэхээрээ айлгаж гоморховч

Үүний нь бас хүн тоохгүй,

тоохгүй ээ тоохгүй

Буурай эмээ нэг л өдөр

Буурь арилжиж бурхан болно

Буянтай их насаллаа гэсэн

Буруу ерөөлтэй буцна

буцнаа буцна

Эмээгийн суудал гэрт

Эгнэгт эзэнгүй үлдэнэ

Эцэггүй харуусал зүрхэнд

Эдгэхгүй шархалж үлдэнэ

үлдэнээ үлдэнэ

Өнгөрсөн хойно гэмшиж

Өмөлзөн нулимс унагаж

Өргөж чадаагүйдээ гасалж

Өнчрөлд ухааживч хожимдоно

хожимдоноо хожимдоно

Алаг үрсийнхээ хөлд

Амиа дэвссээр байгаад

Авчиж алгын чинээ болсон

Ачтай эмээ эргэж ирэхгүй

ирэхгүй ээ ирэхгүй

Өрөөлийн төлөө ноцож

Өдөр хоногоор ширгэж

Өчүүхэн голоо шатаасан

Өргөлийн зул дахиад асахгүй

асахгүй ээ асахгүй

Аав, ээжийн ээжийг

Ач, гучийн эмээг

Алдаж халаглахаасаа өмнө

Амьдад нь баярлуулах юмсан

яанам билээ

Амьдралын бөгтөр гэрч

Айлын тэнгэрлэг зарц

Асгарсан ангир уураг

Агуу их сэтгэлийн ариусал

Буян хураасан

Бурхан ээж

Буурай эмээ өршөө!

How To Learn English Very Fast [advice from sharedtalk's friend]

noreply@blogger.com (Дэлгэрмөрөн Пүрэвхүү) — Thu, 13 Oct 2011 05:24:00 +0000

How do you learn English very fast?

it's an interesting question. Is it possible to learn English very very fast?
Is it possible to make massive improvements in only 2-3 months?

The answer is yes.

But of course, to make massive improvements requires massive intensity and effort.

So, how can you do it? How can you improve super-fast? What do I recommend for this kind of goal?
1. Obsession

The first and most important thing you need to achieve this goal is incredible passion. You must have tremendous emotional power to learn super-fast. Why? Because you must study English 8-14 hours a day… and every hour you must be alert, interested, and energetic.

To improve that quickly, you must build emotion. You must be obsessed with English. You must be passionate and incredibly enthusiastic. Remember, Emotion is 80% of success, method is only 20%.

To create passion, you need very compelling reasons to learn English. Just doing well on a test is not a strong enough reason. Just getting a new job is not a strong enough reason. You need HUGE reasons for doing this. Imagine all the incredible benefits you will have as a fluent English speaker. Imagine how your life will change 5 years from now. 10 years from now. 20 years from now.

If you are motivated by money, imagine how English will make you amazingly rich. Visualize your dream house, your dream car, your dream life.

If love motivates you, imagine how English will help you meet incredible people from other countries. Imagine dating beautiful/handsome foreigners! Imagine incredible love and passion– possible because you are a fluent English speaker.

You can also exaggerate the terrible things that will happen if you fail to speak English fluently. Imagine all the jobs you will miss. Imagine all the people you will never meet. Imagine how bad your life will be because you can’t speak English.

Make your reasons bigger! Bigger reasons = Bigger Passion. Bigger Passion = Bigger Success.

Emotions is the key. Make your emotion stronger! Become obsessed with English!
2. Massive Input

The second key to super-fast learning and incredible intensity is to focus on English INPUT. Do not waste time studying grammar or vocabulary. Don’t waste time trying to speak.

You should spend all of your time either listening or reading. This is the fastest and most efficient method for speaking English fluently.

Carry your iPod everywhere. Always have a book with you.

Specifically, you should listen mostly to the Mini-Story Lessons, the Point of View Lessons, and the Main Audio Articles. These are the most powerful lessons and will help you learn the fastest.

You should read easy English novels– starting with novels for children. Absolutely do not waste time reading textbooks!
3. Massive Intensity

To be fluent in only 2-3 months, you must create massive intensity. In other words, you have to listen and read 8-14 hours a day, every day. You must listen constantly to English. You must read constantly.

In fact, I recommend alternating the two activities. Listen for an hour, then read a novel for an hour. Then listen again for an hour. Then another hour of novel reading.

If you are really focused on speaking well, do more listening. But don’t worry, reading will also help your speaking ability.

So that’s it. That’s my simple method for very fast English fluency.

Of course, most people do not need to improve so quickly. For most people, two hours a day of listening and reading is enough.

But if you need or want to improve very quickly, follow this plan.

Good luck!

Зарим Дуртай Үгс

noreply@blogger.com (Дэлгэрмөрөн Пүрэвхүү) — Sun, 04 Sep 2011 13:16:00 +0000

Хамгийн том ялалт бол өөрийгөө ялах юм.

Бусадтай хуваалцаж байгаа болгон чинь өсөн үржиж
Бусдаас нууж байгаа бүхэн чинь хорогдсоор байх болно.

Бурхан минь надад би өөрчилж чадахгүй тэр зүйлийг олж авах амар амгаланг, би өөрчилж чадах тэр зүйлийг өөрчлөх эр зоригийг, тэр хоёрыг өөр хооронд ялгах мэргэн ухааныг бэлэглээч.

Амьдрах урлаг

noreply@blogger.com (Дэлгэрмөрөн Пүрэвхүү) — Sun, 04 Sep 2011 13:12:00 +0000

Амьдрал бол жүжиг. Түүнд гол дүр бүтээх үү? эсвэл туслах дүр бүтээх үү? Эерэг дүр бүтээх үү, эсрэг дүрд тоглох уу? Дүрээ сайн бүтээх үү, муу бүтээх үү?

Бүгд танаас л шалтгаалах болно.

Та тохирох дүрээ олсон уу, хайсаар л явна уу?

Зүрх

noreply@blogger.com (Дэлгэрмөрөн Пүрэвхүү) — Sun, 04 Sep 2011 13:06:00 +0000

Та зүрхэн дээрээ гараа тавь таныг амьдруулах гэж ямар шаргуу ажиллаж байгааг мэдэрч байна уу? Та ч ийм шаргуу байхгүй бол та зүгээр амьд мах болон хувирах болно. Таны зүрх бүхэл бүтэн 60, 70, 80 жилийн турш зосголтгүйгээр дэмий цохилсон хэрэг болно шүү дээ.

Эцсийн зогсоол

noreply@blogger.com (Дэлгэрмөрөн Пүрэвхүү) — Sun, 04 Sep 2011 12:56:00 +0000

Эцсийн зогсоол дээрээс би
Энхрий хайрыг олж харна
Энэрэл халамжийг олж харна
Энэрэнгүй нигүүлсэлийг олж харна
Эцсийн үнэнийг олж харна
Эхний зогсоолыг олж харна
Ээжийгээ олж харна

Явмааргүй байна

noreply@blogger.com (Дэлгэрмөрөн Пүрэвхүү) — Sun, 04 Sep 2011 12:50:00 +0000

Ачаагаа би бэлдмээргүй байна
Алс замд одмооргүй байна
Ачит эмээгээ орхимооргүй байна
Амраг хайртаасаа холдмооргүй байна
     Маргаашийн сайхан амьдралын төлөө
     Магад өнөөдрийг золиослох хэрэгтэй юм уу
     Ирээдүйн сайн сайхны төлөө
     Өнөөдрийн жаргалыг умартах ёстой юм уу

Маргааш явна гэхээр гунигтай байна.
/2010.08.27 22:35/

Ховд-УБ хоёрын хооронд бараг наснаасаа л олон явлаа. Оччихоод буцахдаа иймэрхүү юм бичиж байжээ :)

СЭЗДС-н ном шахах бизнес

noreply@blogger.com (Дэлгэрмөрөн Пүрэвхүү) — Thu, 01 Sep 2011 02:58:00 +0000

Дүү маань энэ сургуульд орсон юм. Их л сайн сургууль, хангамж материаллаг бааз сайн байдаг энэ тэр гэсэн дам яриа их сонсож байсан болохоор ямар ч эргэлзээгүйгээр ийшээ оруулчихсан юм.

Даляний сургуультай хамтарсан хөтөлбөр гээд 2,7 саяын төлбөртэй. Тийм ч бага тоо биш байгаа биздээ. Гэтэл дүү маань хичээлийнхээ анхны өдрөө л 105000 төгрөгний баахан ном тэврээд ирдэг юм байна. Ёстой л мэл гайхаж цэл хөхрөв.

Ойрын хугацаанд мөнгөө өгөөрэй гээд л шууд тараачихсан байгаан. Тэр ангид нь тийм боломжтой хүүхдүүд ордог юм уу, ер нь боломжтой байсан ч гэсэн ингэж болохгүй биздээ. Дөнгөж орсон хүүхдүүд яахав дээ зайлуул ав гэхээр нь л чимээгүй авчихдаг биз.

Номын сангаасаа аваад ашиглаж болдоггүй юм уу? за яахав хүрдэггүй юм аа гэхэд урд жилүүдийн хүүхдүүдээсээ авч болно. Эсвэл бүр хуучин номын дэлгүүрээс ч авч болно шд.
Нэрнүүдийг нь өгчөөд өөрсдөө олоод ав, хүсвэл энд байгаа авч болно, дээд үеийнхнээсээ авч болно гэж сонголт өгөх хэрэгтэй шдээ. Хуучин номоо зардаг өдөрлөг зохион байгуулах хэрэгтэй. 105000 - н номыг 50000 дотор л олж болно гэдэгт итгэлтэй байна.

Хүүхдүүдэд ямар ч сонголт өгөлгүй зүгээр л тараачихсан байгаа юм. Энэ номнуудаас орно ав гээд л. Энэ яах аргагүй бизнес байгаа биз. Эхний өдөр л ингэж байгаа юм чинь хойшдоо яахын байгаа бүү мэд.

Компьютертэй нөхөрлөсөн түүх - 2

noreply@blogger.com (Дэлгэрмөрөн Пүрэвхүү) — Sun, 10 Jul 2011 18:24:00 +0000

Зиа энд бичсэн агуу түүхийнхээ үргэлжлэлийг толилуулъя :).

Төгсөх анги буюу 10р ангид орлоо. Хүүхдүүд конкурс, ирээдүйн мэргэжлээ бодож байхад би гэдэг хүн олимпиад л бодоостой. Цэгмэд багш маань сургуулиас чөлөө авчихсаан бэлтгэлээ хий гээд л бараг бүтэн жил ямар ч хичээл хийлгүй лабораторидоо цоожлуулаал суудаг байлаа.

Өглөө 8с ирээл байнга сонсдог 10аад дуугаа / Болд од болж байсан үе Хайрын хүч, Хайртай хүнийхээ гар луу гүйгээрэй, Камертоны Гоёл, Дурсамж г.м/ тавьчаал бодлогоо бодож өгнө дөө. Өдөр хичээл тарахаар найзуудтайгаа хамт харьж цайгаа уучаад буцаж ирээл суудаг. Ийм л циклээр 8сар явсан байх. Интернэт байсангүй хэдэн олимпиадын цуврал, хүндэвтэр бодлогууд 1, бас нэг зузаан цэнхэр ном ийм хэдэн номоо л эргүүлж тойруулж, ухаж төнхөөд л бэлддэг байлаа.

Өөр юу ч хийдэггүй. Бодлого бодно гэдэг чинь өөрөө их кайф өгдөг шүү дээ. Тийм болохоор тоглоом энэ тэр сонирхох ч гүй. Гэр лүү гээ харих, гэрээсээ ирэх замдаа бодлогоо л бодно. Олсон санаагаа ирээд бичихэд ерөнхий санаа нь зөв л байдагсан. Бүр орондоо хэвтэж байхад хүртэл бодогдоно, санаа орж ирүүл гялс босоол тэмдэглэдэг, зүүдэнд бас орно. Өөр юм хийдэггүй байсан болохоор компьютерийн талын юу ч мэдэхгүй. Ямар сайндаа л багшаа тоглоом яаж суулгадаг юм бэ гэсэн чинь багш "кофидоод нөгөө, кофе шиг найруулаад гэж хүн тавлаж байхав дээ". Суугаал дуугаа тавиал, паскалын цэнхэр дэлгэц гаргаал болоо.

Аймгийн олимпиад тодорхой гэж бодсон ч муу санаатай юм болохоороо бас л жаахан санаа зовоостой. Тэмцээн эхлээд паскалаа нээтэл ажилдаггүй баахан сандаргалаа. Компьютер сольж суугаад ч амжилт олсонгүй. Багш руугаа ярьтал инстолл нь байгаа суулга гэдэг юм байна. Багшийнхаа суулгаж байсныг харж байснаас цаашгүй би юу ч гэсэн exe нь ажиллуулаад next дарсаар байгаад суулгачихлаа. Санасан ёсоор аймгийн олимпиаданд би 2 бодлого бүрэн нэгийг дутуу бодсон ч багш нарын гараараа шалгасан хэдэн тестийг бүгдийг нь даваад бүх оноогоо авч түрүүллээ.

Мат-д нээрээ бас түрүүлсийн яаж яваад ч юм бүү мэд түрүүлцэн. Улсад ирээд бодолтон дээр нь суусан чинь миний бодолтоос зөв юм бараг байхгүй байсан даг. Мат-н улсын олимпиадын 2 өдрийн 4 цаг 30 минутанд хийх юм олдохгүй бараг л унтах шахлаа. Хоосон цаас хураалгаад 7 алим авлаа, тоосон ч гүй.

Мэдээлэл зүйн тэмцээн эхлэх боллоо. Бүтэн жилийн хөдөлмөрөө дүгнүүлэх цаг ирлээ. Өмнөх шөнө нь нойр хүрдэггүй цурам хийлгүй хонолоо. Эхний өдөр ороод 115 билүү дээ оноо аваад, байр нь 10аадаар байлаа. Заза медаль ч өнгөрлөө гэж бодоод буцах тийзээ бичүүлчвээ. Маргааш нь явж ороод 25 оноо авчээ. Нэг өдөр 150 оноо, 2 өдөр нь нийлээд 300 авах ёстой. Энэ өдөр оноо авсан цөөхөн хэдэн хүүхэд байна. Нийлбэр дүнгээр яг л хамар таслууллаа. 7 дугаар байранд. Эхний 6 нь медальтай.

Шууд өргөдөл бичлээ. Тэр, тэр бодлогуудын бодолтоо бүрэн гэж үзэж байгаа тул хянаж өгнө үү гээд л. Яваад орлоо, нүдэн дээр ажиллуулж үзүүллээ. Тэгсэн 2 тест илүү даваад 10 оноо нэмж аваад хүрлийн хүүхдүүдтэй оноо тэнцлээ.

Комисс хуралдаад л хуралдаад л баахан удлаа. Багш бид 2 догдлоод л хүлээгээстэй, медаль ч яахав сургуулиа л авчих юм сан гэж бодогдоно. Удаж удаж шинэ дүнг хадлаа. 4 хүүхэд хүрэл авахаар болжээ. Ингээд л хүрэл медаль авсан юм даа. Бөөн баяр, багш захирал энэ тэр лүү яриад л. 2 Улаанбаатарын, 2 Дарханы, 2 Эрдэнэтийн, 1 Ховдын би гээд 7 хүүхэд медаль авсан. Төгсөх ангийн 4 билүү дээ хүүхдэд урилга өгөхөд бүгд КтМС-ийг сонгосон. Барааг нь ч хараагүй байж сургаар нь л энэ сургуулийг багш бид 2 зогсож байгаад сонгочихож билээ.

Харамсалтай нь нисэх цаг дүнгийн хуралтай давхцаад медалиа авч амжилгүй явчихсан. Нэлээд хэдэн хүүхэд, багш нар улсаас медаль аваад нэг онгоцонд явж байсан. Буусан чинь бөөн хүн тосоод л, орон нутгийн тв ярилцага аваал сүртэй байлаа шүү дээ хэхэ.

Ингээд л би эргэлт буцалтгүйгээр энэ мэргэжил рүү гүн орсон юм даа. ЭЕШ-нд мат дээрээ 500 гарантай оноо аваад өөр сургууль энэ гэлтгүй бүр ч амар боллоо.

КтМС-ээ төгсөөд сургуульдаа жил багшилж үзээд. Одоо The New Media Marketing Agency - д ахлах программистаар ажиллаж байна даа.

Одоо бодоход сайхан дурсамж. Багш бид 2 хэдэн номоо 2 3 удаа уншаал, Ховд их сургуулийн зарим нэг багш дээр очиж зөвлөгөө авдаг байлаа. Өөр эх сурвалж байдаггүй нет энэ тэрийг сураг сонссон төдий. Багш маань яг мэргэжил нь мат, физик болохоор хамтдаа л алгоритмд суралцдаг байлаа.

Бодоод байхад улсаас медаль авах хэмжээний амжилтанд юу нөлөөлсөн бэ гэвэл. 1рт асар их сонирхолтой байж. Нэг хүндхэн бодлогыг бодсны дараа хичнээн сайхан гэж санана. Жинхэнэ кайф. 2рт сонирхол их байсан учраас юунд ч сатаардаггүй байсных байх. Нетгүй учраас facebook энэ тэрийг мэдэх ч гүй, зөвхөн бодлогоо л бодно. 3т цагаан атаархал байсных.

Одоо тэр үеэ эргүүлж олж авах гээд чадахгүй л мунгинаж байна. Тэр үе шигээ хичээж чадвал мөн ч сайхнаа.

Зиа ингээд л боллоо. Миний бяцхан түүхээр аялсан танд баярлалаа.

Компьютертэй нөхөрлөсөн түүх

noreply@blogger.com (Дэлгэрмөрөн Пүрэвхүү) — Sat, 02 Jul 2011 15:22:00 +0000

Нээх айхтар гоц гойд түүх байхгүй ч бага насаа дурсмаар санагдчихлаа.

Бага ангид байхад компьютер гэдэг зүйлийн сураг сонссон төдий, харах юмсан гэж мөрөөдөөд л үлгэрийн юм шиг л санагддаг байсансан.

4-р ангиас ээжийн ажил компьютертэй болоод очиж бага сага оролддог боллоо. 5-р ангид компьютер мэддэг хүүхэд байна уу? Ангийн булан хийгээд ир гэхэд за гээд л ээжийнхээ ажил руу гүйлээ. Өдөржин оролдож байж арай гэж хийгээд очтол багш гараараа бичээд өлгөчихсөн байсан.

7р ангиас мэдээлэл зүйн кабинетээр үе үе шагайдаг боллоо. Олимпиаданд бэлдэж байгаа ах нар цэнхэр дэлгэцэн дээр юм бичээд л сууж байдагсан.

9р ангид алгоритм ороход их сонирхоод багшийнхаа урд хойгуур гүйж байж нүдэнд нь өртөөд аймгийн олимпиаданд орохоор боллоо. Яг нэг сар дутуу байхад бэлдэж эхлээд бага сага боддог болоод л оролцсон. Ингээд л би энэ мэргэжлийн хүн болох юм байна гэдгээ ойлгосон юм. Хувь тавилантай минь учруулсан Прогресс сургуулийн мат/мэдээлэл зүйн багш Цэгмэд багшдаа баярлаад баярлаад ханашгүй билээ :D.

Олимпиадын өдөр тог тасраад кодоо гараараа бичиж, ингэж ажиллана гээд л тайлбарлаж, хэрүүл уруул болж байж түрүүллээ. Зиа тэгээд хотод нэг л догдолсон, их санасан амьтан ирээд долоон алим /0/ авсан даа хөөрхий.

Хотын хүүхдүүд ямар байдгийг, өөрөө хаана байгааг маш сайн ойлгож аваад, бас тэрүүхэндээ хор шартай дараа жилийн олимпиад хол байна даа хол байна гэж бодсоор буцлаа. ...

Найзын шүлэгнүүд

noreply@blogger.com (Дэлгэрмөрөн Пүрэвхүү) — Thu, 16 Jun 2011 04:58:00 +0000

Дорой буурай хүн
Доор байхаас айна
Дээр байгаа хүнээ
Дэндүү ихээр муулна
Мэдлэг чадвартай хүнд
Мундахгүй олон дайсан байна
Мэдлэг чадваргүй хүнд
Мунхаг олон нөхөр байна
Зөв зөв гэж явсаар
Буруу замруу орно
Залхуу хойргоосоо болж
Залуу насаа үрнэ

2009.01.15 О.Эрхбилгүүн

Хүлээлт

Ээлжит эргэцүүлэл
Эргүүлэн бодох хөврөлийг чинь өдөөх хэдэн мөр үг тэрлье
Хүрсэн хүрээгүй хамаагүй
Уншсан уншаагүй хамаагүй би бичнээ.
Хувь заяаны алтан дэнс энд намайг хорих учиргүй
Мунхаг ерөөлтэй бол хамаа алга
Харин ч би энэнд баяртай байна.
Нар гардгаараа гарч
Намар болдгоороо болно
Харин залуу нас минь надаас холдоод явсан ч
Үгнээс өөр зэвсэггүй
Бодохоос цаашаа хэтэрч чадахгүй би
Үг үсэг хоёрыг холбохоос өөр би яах ч билээдээ
Сэтгэл гэдэг хэцүү юм байна!
Яахаа мэдэхгүй төөрч байна
Төөрөгдлөөс аврах хүчийг
Бурхан биш чи л өгөх болохоор
Буцаж иртэл чинь хүлээе дээ чамайг

2011.06.14 О.Эрхбилгүүн

Эхлэлтэйгээ адилгүй төгсгөл

Урьд би жаргалтай байж
Уулзаж учрах, сатаарах зүйлгүй амар байж
Одоо би зовж байна
Орой өнгөрч, өглөө болохгүй хэцүү байна
Сэтгэл хий гомдлоор буцалж
Хэлэх гэсэн үгээр дүүрч байна
Дүүрсэн үг минь дотрыг шатааж
Дэлбэрч хагарахад бэлэн байна
Хэлсэн үгнээс чинь өө хайгаад
Хэнд ч хандаж хэлээгүй ч байсан
Хэтэрхий их зүйл бодож
Хэрэггүй өөрийгөө зовоож байна
Эцсийн эцэст би эмгэнэлт жүжгийн гол дүр шиг
Эв аргаа олохгүй байна
Өөрийн гэсэн ухаангүй болж
Өөрөө өөрийгөө гайхаж байна
Чамд ярьж өгдөг байсан зүйлээ
Чамаас өөр хэнд ч хэлэхгүй
Чамд өгсөн энэ сэтгэлийг
Чамаас өөр хэн ч амсахгүй
Сэтгэлдээ чамайг юу бодож байгааг
Сэм ороод нэг харахсан
Зүрхэндээ чамайг юу шивнэж байгааг
Зүүдэндээ ч болов нэг зүүдлэхсэн
Чамтай анх учрахад хавар байсан
Чамаас харин холдоход зун болов
Чамтай эргэж уулзахад намар болж
Чамаас үүрд салахгүй тэр үе өвөл байгаасай

2010.06.13 О. Эрхбилгүүн

Би аянга болоод чамайг ниргэнэ
Би айдас болж чамайг зовооно
Би там болж чамайг тарчлаана
Би эрлэгийн элч болоод энэ ертөнцөөс удахгүй чамайг авч явна.
Нар гарахгүй сүүдэртэй орчлонд
Насаар чинь би тэнд байлгана
Надаас урвасны чинь шан болгож
Нартад чамайг үүрд харааж байна

2010.12.28 О.Эрхбилгүүн

The New Media Marketing Agency - Introduction video /миний яриа/

noreply@blogger.com (Дэлгэрмөрөн Пүрэвхүү) — Wed, 16 Mar 2011 10:02:00 +0000

noreply@blogger.com (Дэлгэрмөрөн Пүрэвхүү) — Sat, 29 Jan 2011 16:20:00 +0000

Төрсөн өдөр болгоноор чинь
Таагүй зүйл хийж
Тоогүй сэтгэл төрүүлдэг ч
Төөгүй уужим сэтгэлээрээ уучилдаг
Чамдаа би чинь хайртай.

Хэмнэлээ өөрчилнөө...

noreply@blogger.com (Дэлгэрмөрөн Пүрэвхүү) — Thu, 13 Jan 2011 14:37:00 +0000

2 ажлын хооронд явсаар байгаад алинд нь ч олигтой сайн үр дүн гаргалгүй нэлээд хэдэн сарын өнгөрөөчихжээ. Одоо нэг л ажилтай болсон учраас хамаг анхаарлаа төвлөрүүлээд ядаж л автобусанд өдрийн 2 цагийг үрэлгүй сайхан ажиллая :D.

Мөн англи хэл хэрэгтэй, сурна гэсээр байгаад залуу нас дуусах нь. Энэнийг хэрэглээнийхээ хэмжээнд сурчлаа гэж бодох хүртлээ зөвхөн ажил, англи хэл хоёрт л цагаа зарцуулъя.

Нүүрний ном, жиргээ зэрэг нийгмийн сүлжээнүүдэд их донтож цаг алдаж байгаа учир оройд ганц л цагийг зориулж байхаар шийдлээ. Ойлгохгүй байж баахан л шилдэг гэсэн гадаад, дотоод блог, мэдээллийн сайт болгоныг гүүглэ rss - тээ хийснээ ч устгалаа. нийтлэлч.мн - г л уншиж байя. Яахүү мессенжертээ орохоо болилоо, үнэхээр хэрэгтэй байгаа хүмүүс нь утсаар ярина биз.

За тэгээд хааяадаа бодлого бодчихож байя гэснээ ч болилоо. Ажил дээр зөвхөн ажил, гэрт зөвхөн англи хэл гэдэг хэмнэлээр юу ч болсон 6 сар хүртэл амьдрахаар шийдлээ.

Амьдралаа бодъё доо...

noreply@blogger.com (Дэлгэрмөрөн Пүрэвхүү) — Tue, 04 Jan 2011 05:26:00 +0000

Энэ үг их хувиа хичээсэн сонсогдож байна уу? Биеэ засаад гэрээ зас, гэрээ засаад төрөө зас гэдэг үг байдаг даа. Биеэ застлаа би хувиа хичээхээр шийдлээ.

Өөрийнхөө хүсэл, өрөөл бусдын зөвлөгөө бүгд л сургуульдаа үлдээд багш болчих гэж шаардаж байлаа. Залуу насны онцлог ч юм уу их л хурдан шийдвэр гаргаж сургуульдаа үлдэхээр шийдсэнсэн. Захирлын зөвлөлийн хурлаар ороход багш нар "Их цалин, сайхан амьдрал амлаад санал тавивал явчихгүй юм байгаа биз дээ?" гэхэд "үгүй ээ" гэж байсан санагдана. Одоо тэр амлалтаасаа буцах гэж байна.

Гэхдээ би эхэлж буцсан юм биш сургууль амлалтаа биелүүлээгүй. Хэн хэн нь сэтгэл хангалуун сайхан байвал хэн явах вэ дээ гэж би тэр хурал дээр хэлж байсан. Би л лав сэтгэл хангалуун байж чадсангүй. Мастер цолгүй, сургууль даа сурна гэхэд төлбөрийн асуудлыг шийдэж өгнө гэчихээд дараа нь та нар анхнаасаа мастер цолтой хүн ажилд авах ёстой байсан гэж манай профессоруудад хэлсэн гэж байна лээ. Бүтэн жил харлаа шийдэж өгсөнгүй.

Урмыг нь хугалахаар, ууцыг нь хугал гэгчээр ажилд орсон анхны 7 хоногоос л эхлээд урмыг минь хугалсан.

Мөн өөр нэг шалтгаан нь багш хэр ирээдүйтэй вэ? гэдэг асуудал. Мэдээж улс орон хөгжихийн хэрээр багш, эмч 2ын нийгмийн асуудлууд шийдэгдэж, цалин нь нэмэгдэх л байх л даа. Гэхдээ надад хүлээх цаг алга. Ахлах багш, бүр доктор болтлоо, насаараа багшилсан мөртлөө унах унаа ч гүй автобусны буудал дээр бээрэгнэж зогсдог багш зөндөө байдаг юм байна лээ.

Бас нэг том шалтгаан нь өөрөө ямар ч туршлагагүй, бодит амьдрал дээр програм яаж бичдэг, хэрэглэгчийн гар дээр очтолоо ямар замыг туулдаг талаар туршлага байтугай, төсөөлөл ч гүй хүн тэрний талаар хичээл заана гэдэг байж болшгүй зүйл юм байна.

Унасан бөхөд шалтаг мундахгүй гэгчээр баахан шалтгаан тооччихлоо. Мэдээж манай сургууль надаар дутахгүй. Гэхдээ юу ч гэсэн үгээ хэлээд гаръя гэж бодлоо.

Жаахан ч гэсэн мэддэг зүйлээ бусдадаа хэлэхийг хүсдэг хүсэл маань хэзээ ч унтрахгүй гэдэгт итгэлтэй байна. Хойшид програмчлалын талаар миний http://delgermurun.newmediamarketingagency.com/ блог дээр уулзаж байя. RSS уншигчдаа хийгээд аваарай :D. Энэ блогоо орхиж байгаа гэсэн үг биш шүү. Мэргэжлийн бус зүйлс буюу үзэл бодлоо энд бичсээр байх болно.

Баяртай багш, оюутнуудаа. Дурсамж, ухаарал дүүрэн 1 жилийн хамт өнгөрөөсөн дөө баяртай байна. Бүгдэд нь амжилт хүсье.

Хүндэтгэсэн П.Дэлгэрмөрөн

Тавтай морил 2011 он

noreply@blogger.com (Дэлгэрмөрөн Пүрэвхүү) — Fri, 31 Dec 2010 17:14:00 +0000

Эх орны маань нийслэлд шинэ он гарсан, төрсөн нутаг Ховдод маань он гарах арай л болоогүй энэ цаг мөчид өнгөрч буй оноо дүгнэж, ирээдүйгээ улам тодруулах үүднээс энэхүү бичлэгийг бичиж байна.

2010 он миний хувьд хамгийн дурсамж дүүрэн, чухал шийдвэрүүд гаргасан, амьдралд томоохон өөрчлөлтүүд гарсан ёстой л үйл явдлаар дүүрэн буцалсан он болж өнгөрлөө.

Яг нэг жилийн өмнө байрандаа ганцаараа он гаргах гээд байж байсан минь өчигдөр л юм шиг тодхон байна. Найз охиноо хүрээд ирэх болов уу хэмээн битүүхэндээ горьдон гиеүрч л суулаа. Хайрт минь ч ирлээ, хармаагаа хоослон байж багахан ширээ засав. Тэр үед би гэдэг хүн ертөнц дээрх хамгийн аз жаргалтай нэгэн байсан юм. Ийм л дүр төрхтэй угтсан шинэ он маань, хуучин он болон улиран одож байна.

2010 он 1 сарын 6-нд дипломынхаа жинхэнэ хамгаалалтанд орж, 1 сарын 20нд ШУТИС-КтМС гэдэг сургуулийг төгсөж бакалаврын дипломаа гардаж авснаар амьдрал минь нэгэн үеийн түүхийг дуусгаад дараагийн үедээ орж, шинэ шинэ боломж, шинэ шинэ дурсамжуудыг амьдралын төөрөг дээр минь зурсаар л.

Сургуульдаа багшлахаар шийдэж 2 улирал хичээл зааж үзлээ. Санасныг бодвол их л хэцүү ажил байна. Энэ онд гаргасан буруу шийдвэрүүдийн нэг нь. Үүний талаар удахгүй дэлгэрэнгүй бичнэ.

6 сарын 23нд бичсэн Twitter - н direct message томоохон эргэлтийг авч ирсэн юм. Агуу бүхэн энгийн зүйлээс эхэлдэг гэгчээр миний хувьд агуу үйл явдал энэ л зурвасаар эхэлсэн. Би үнэхээр хүсэж мөрөөдөж байсан ажилдаа орсон. Монголын төлөө ажиллаж, Монголдоо баялаг бүтээж, Монголдоо сайхан амьдрах боломж надад бүрдэж байна. Соёл-Эрдэнэ ахын "залуу хүнд маш их боломж гарч ирнэ алдалгүй л барьж авах хэрэгтэй" гэсэн жиргээ үнэхээр үнэн болох нь улам бүр батлагдсаар.

11 сарын 2нд хүүтэй боллоо. Амьдралын хамгийн баяр баясгалантай, дурсамжтай өдөр. Үгээр илэрхийлж боломгүй гэдэг шиг тэрхэн цаг мөчид тийм л аз жаргал, амар амгаланд умбаж байлаа. Бичих гэхлээр үнэхээр авьяас дутаж байна.

Хэзээ ч уучилж боломгүй алдаа дутагдал, хэзээ ч мартамгүй сайхан үйл явдал, сайн муу, жаргал зовлон хосолсон нэгэн оныг ардаа үдлээ. Гаргасан алдаагүй давталгүй, амжилтаа ахиулан ҮРГЭЛЖ УРАГШ ТЭМҮҮЛСЭН, аз жаргалыг мэдэрсэн сайхан он байна гэдэгт итгэлтэй байна.

Амьдралын хүрдэнд ТАВТАЙ МОРИЛ 2011 ОН.

Хэцүү

noreply@blogger.com (Дэлгэрмөрөн Пүрэвхүү) — Mon, 20 Dec 2010 12:34:00 +0000

Хүн чамайг ойлгохгүй байх хэцүү
Хүүхэн хүнд тоогдохгүй байх бүрч хэцүү
Амь тавьж тангараг өргөх хэцүү
Адгийн бэртэгчинтэй нүүр тулах бас хэцүү
   Хэцүү зүйл их байна
   Хэлэхэд амар хийхэд хэцүү л зүйл ч бас байна
   Хэцүүг дардаг нь амархан
   Хэцүүг хурцалдаг нь хялбархан
Амар хялбар гэдэг хоёр үгнээс
Хэцүү гэдэг үг тасарсан юм
Аав ээжийнхээ амин биенээс
Хэрсүү зан минь нахиалсан юм
   Хэцүү байнаа хэцүү байна
   Хэлэхээс цайшгүй байгаа маань хэцүү байна
   Хийсэн бодсон минь бүтэхгүй байгаа нь хэцүү байна
   Хэнд ч хэрэггүй үлдсэн мэт санагдаад надад бүр ч хэцүү байна
Биеийн биш үгийн шарх
Үхэлд хүргэх хортой байдаг юм байна
Үүрдийн биш зуурдын нөхөд
Өөрийг чинь зарахаас ч буцахгүй байдаг юм
   Насны залууд шаналсан сэтгэл
   Нартад харин жаргал болоосой
   Насны багад хайрласан хайр минь
   Насаараа ханилах хань минь байгаасай

2010.12.20 О.Эрхбилгүүн

Жавхаа

noreply@blogger.com (Дэлгэрмөрөн Пүрэвхүү) — Fri, 17 Dec 2010 07:37:00 +0000

Холоос харсан чамайг
Ойроос харахыг хүсэв
Ганц удаа хараад
Гав гинж шиг хүлэгдэв
Жавхаа бүсгүйг харвал
Уруул дээрээ мэнгэтэй
Урагшаа унжсан үстэй
Уран гуалиг биетэй
Ухаан билэг төгөлдөр
Бурхан байдаг бол хармалмаар
Буг чөтгөрөөс нуумаар
Бусдын нүд унагалгүй
Бурхан шиг тахимаар эмэгтэй
Цагаа олж төрөөгүй намайг
Цаашаа гэж түлхэлгүй уулзсан
Цамайн зан гаргалгүй зөвшөөрсөн
Цадиггүй түүхийн гэрчүүдэд баярлалаа
Үдэш оройн цагаар
Ганц бие хүлээлгэсэнд уучлаарай
Үнэнийг хэлэхэд би
Ганцхан чамтай уулзах гэж явсан юм шүү
Харах тусам нүдийг баясгаж
Хаашаа ч харсан чи харагдаад
Төгс бүтээгдсэн дагина юмаа чи
Төгөлдөр сайхны бүрдэл юмаа чи
Дахиж учрахыг мэдэхгүй ч
Даварсан би уулзмаар л байна
Уулзах ёстой хүмүүс уулзаж
Учрах ёстой хүмүүс учирдаг юм бол
Дахиад нэг уулзахсан
Үүнийг л чамаас хүсч
Үнэн үгээ хүргэж
Эл захидлаар
Эрхбилгүүн хүү гарыг чинь атгав.

2010.12.17 О.Эрхбилгүүн

Би

noreply@blogger.com (Дэлгэрмөрөн Пүрэвхүү) — Wed, 15 Dec 2010 09:29:00 +0000

Та хэзээ нэгэн цагт би гэж хэн бэ? Юуны тулд амьдарч, юуны тулд оршин байна вэ гэж өөрөө өөрөөсөө асууж байсан уу. Магадгүй хүн болж төрсөн минь аз гээд тэр талаар бодох хүсэлгүй байна уу? За аль ч байсан яахав. Гэхдээ би гэж хэн бэ гээд асууж байгаагүй бол дахиад нэг асуугаад үзээрэй хариулт нь тодорхойгүй боловч, тодруулж олж харсан хүн нь амжилтанд заавал хүрдэг гэдэг нь гарцаагүй үнэн болохийг дэлхийн бүх суутнууд өөрийн туршлагаараа нотлож байна. Жишээ нь Эйнштэйн, Томас Эдисон, Шекспир гээд тоочоод байвал дуусахгүй мэт...
Алдарт Эйнштэйний гол зарчим нь би л хийнэ, би л чадах ёстой. Бид биш би гэдэг ганцхан зүйл дээр тогтдог байж. Энэ нь өөрийнхөө чадвар, мэдлэг, туршлагадаа найдаж байгаагийн шинж байх. Тэр үедээ энэ хүн энэ зангаасаа болж элдвээр хэлүүлж байсан гэдэгт би үлдсэн амьдралаа дэнчин тавиад мөрийцөхөд бэлэн байна. Гэхдээ тэр муугаар хэлүүлж байсан ч мундаг хүн болж суу билэгт хүнээр тодорсон нь энэ би гэх дотор байгаа хэн ч үл олж таних бас үл мэдэх орон зайгаа зөв мэдэрснийх биз.
Та хамт олонтойгоо, найз нөхдөөрөө, гэр бүлийнхээ хамт авахуулсан зургаа харахдаа хамгийн түрүүнд хэнийг эхэлж хайдаг вэ? Мэдээж өөрийгөө л хардаг энэ чинь таны би гэх тэр хүч оршин тогтнож байгаа, арилаагүй гэдгийг нотолж байна. Та үүнийг огт анзаарахгүй байж магадгүй. Гэхдээ таны оюун бодолд програмчлагдсан мэт оршисоор байх болно.
Америкийн утасны компаниас хүмүүсийн хооронд ярьж байгаа үгэнд судалгаа хийж хамгийн түгээмэл хэрэглэгдэж байгаа үгийг тодорхойлоход би гэдэг үг хамгийн ихээр давтагдаж байв. Бас л хүний үнэлэмж хаашаа чиглэж хаана юу г эрхэмлэдэг бэ гэдгийг харуулсан судалгаа.
Би ч мөн өөрийгөө таних гэж тэнэж будилж тэмтжиж яваа хүн. Үг минь мөнх бие минь хэврэг болохоор үгээ хүргэж бусдад таниулах гэсэн эгэл хүн. Хийж бүтээхэд би гэдэг үгний утгыг таньж, учгыг тайлах чухал мэт санагдсан учир үзэг үсэг хоёрыг холбож сууна. Бүхэл цаг үед асуулт хэвээрээ хариулт нь тодорхойгүй би... гэж хэн бэ гэж өдөр бүхэн өөрөөсөө асууж байгаарай...

Эх сурвалж baterdene.posterous.com

Интернэтийн үнэнч фенүүдээ удахгүй уулзъя

noreply@blogger.com (Дэлгэрмөрөн Пүрэвхүү) — Wed, 01 Dec 2010 08:08:00 +0000

2008 оны 1 сарын 12 нд энэ блогийг нээснээс хойш юу ч гэсэн мартчихалгүй ганц 2 зүйл бичсээр өдийг хүрчээ. Юм бичихээсээ илүү Монгол блогчидоо унших дуртай лдаа. Бараг бүгдий нь Google Reader-тээ хийчихээл шинэ бичлэг орохыг нь тэсэн ядан хүлээж байн байн reader-ээрээ шагайна. Шүлгэн бороо - ны гайхалтай шүлгүүдэд мөн ч их дуртайсан ойрд харин шүлэг их бага нийтэлж байгаа.

Ингээд Монголын шилдэг блог шалгаруулах анхдугаар наадам дээр уулзацгаая.
Архаг блогчидтой уулзана гэхээр догдлоод тэсэн ядан хүлээж сууна :D. Мөн жиргээ, нүүрний номын найзуудтайгаа уулзана гэж найдаж байна.

Наадмын талаар товч мэдээлэл :

Хүссэн хүн бүр МОНГОЛ БЛОГЧИД 2010 Ёслолын ажиллагаанд хүрэлцэн ирж, үүднээсээ таксаа \5000₮- Уух зүйл дагалдана\ аваад шууд оролцох боломжтой. Таксын орлогоор хөгжлийн бэрхшээлтэй 2 иргэнд тусламж үзүүлэх юм.

Та онлайнаар олон жил харилцаж, үзэл бодлоо солилцсон хүмүүстэйгээ нүүр тулан уулзаж танилцаж, хамтран ажиллах сайхан боломжийг ашиглаж олон жил хүлээсэн найзтайгаа уулзахад төрдөг сайхан мэдрэмжийг мэдрээрэй.

Ёслолын ажиллагааг онлайнаар дэлхий даяар цацах тул дэлхийн өнцөг буланд байгаа найз нартайгаа шууд холбогдож мэндчилээрэй.
Мөн сонирхолтой тэмцээнд оролцож шагналын эзэн болох, машины уралдаан, нүүрэн дээр зуруулах, фудболк дээр өөрийн онлайн хаягаа бичүүлэх, twitter, facebook, blogspot-ийн баатруудтай зурагаа татуулах зэрэг олон сонирхолтой үйл ажиллагаанд оролцоорой.

Онлайн ертөнцийнхний 2010 оны хамгийн том цугларалт facebookчид, twitterчид, youtubeчид, gogoчид, банжигчид, бизнетвокчид, блогчид хамтдаа МОНГОЛ БЛОГЧИД 2010 дээр уулзацгаая.

Уулзах газар
iLoft Function House (“Хас” банкны төв байрны ард)
2010.12.03-ны 19:00 цагт
Лавлах утас: 88708980, 91006960, 99278174
Видео: http://ht.ly/3eHZt

Англи хэл сурах бүтэлгүй оролдлогууд

noreply@blogger.com (Дэлгэрмөрөн Пүрэвхүү) — Sat, 16 Oct 2010 01:29:00 +0000

Англи хэл сурах нь ямар чухал болохыг энд нуршаад илүүц биз. Товчхондоо та дэвжье, дээшлэе; сайхан амьдаръя; дэлхийн төрөл нэгтнүүдтэйгээ хөл нийлүүлэн алхая гэж боддог бол танд ганц л гарц байна. Энэ бол мэдээж Англи хэл.

Зарим нэгэн хүмүүст сонирхолтой байж магадгүй гэж бодоод Англи хэл сурах яаж бүтэлгүйтэж яваагаа бичлээ.

Би гэдэг хүн Англи хэл сурах гэж хичнээн ч олон удаа эхлүүлэв дээ сүүлдээ бүр тоогоо алдаж байна. Зарим санаж байгаагаа доор жагсаав.

Хамгийн анх 3-р ангид байхдаа цэцэрлэгийн ажилчдын хүүхдүүдэд явуулсан сургалтанд суусан юм байна (ээж маань ня-бо байсан юм). Юу ч гэсэн тоолж, уншиж сурсан юм даг.
8-р ангиас Англи хэл орж эхэлсэн гэхлээр 10-р анги төгстлөө 4 жил үзсэн юм байна.
Их сургуульд ороод КТМС-д Англи хэл 1-4 хүртэл нь 2 жил үзлээ.
Англи хэлийг маш чухал мэдэрсэн оюутан хичээлийнхээ зай завсраар Golden Bridge гэдэг сургалтын төвд хямдарлаа гэхээр нь явж үзлээ. Бараг бүтэн жилийн хугацаатай сургалтанд 1 сар суугаад л орхичихсон. Унасан бөхөд шалтаг мундахгүй гэгчээр Диплом бичих энэ тэр гээд завгүй гэдэг шалтгаанаар. Тэгээд ч их сонирхолгүй байсан юм.
Саяхан буюу энэ (2010 оны) намар нутагтаа амарж ирчихээд, за одоо л сурахгүй бол оройтлоо шүү гэж өөртөө өдөр болгон үглэж явсаар ерөөсөө л сайн сургалтанд явъя гэж шийдлээ. Мастер, ажил бас дахин ажил гээд маш завгүй байна гэдгээ мэдсээр байж нүдээ аниад найзуудын зөвлөснөөр JET-д элсчихлээ. Ахаасаа 340.0 төгрөг аваад шүү бүр. Эхэндээ ч яахав дажгүй л байлаа. Яваандаа нэг л бишээ амжихгүй шинжтэй, тэгээд ч ингэж оромдоглож байхаар ерөөсөө болъё гэж шийдээд хаячихлаа. Одоо сураггүй оюутнуудын тоонд орчихсон байгаа байх. JET-с над руу та яасан бэ? гээд нэг ч удаа залгаагүй жаахан гомдолтой л байгаа :D. Надад энэ арга тохирохгүй юм байна өөрөө л бие дааж сурах хэрэгтэй юм байна гэдгийг л мэдэж авсан даа.
Дээрх хэд ч яахав бодитой эхлэлүүд байсан. Харин өөрөө өөртөө "За одооноос л эхлэе"хичнээн хэлснээ мартаж орхиж.

Одоо ч гэсэн би эхэлж байна :P. Энэ удаа харин ёстой жинхэнэ эхлэл гэдгийг амлъя. Зөвхөн өөртөө хэлэхээр өөртөө үнэнч байж чаддаггүй ээ. Тийм болохоор блогтоо, бас уншиж байгаа танд амлачихъя :). Блогоор минь хаяа зочилж энэ нөхөр хэл сурж байна уу? үгүй юу? гэдгийг шалгаж бас сануулж байвал зөндөө их баярлана шүү.

Хэрхэн сурах талаар санал, туршлагаа солилцоорой гэж хүсье.

Цаана чинь таниас илүү хэл сурах авьяасгүй нөхөр (би) сурах гээд үзээл байна. Та бол гялс сурчихна дөө:D.

Keep going forward (манай найзын дуртай үг нь)
Never Never Never Give UP !!!

WTF Is The Semantic Web? (Infographic)

noreply@blogger.com (Дэлгэрмөрөн Пүрэвхүү) — Sat, 18 Sep 2010 11:20:00 +0000

via focus.com

Semantic Web

noreply@blogger.com (Дэлгэрмөрөн Пүрэвхүү) — Sat, 18 Sep 2010 11:20:00 +0000

Web 2.0 - н ачаар интернэт хэрэглэгч бүр мэдээлэгч болж, үүний ачаар асар их мэдээлэл бий болсон. Энэ их мэдээлэл дундаас хэрэгтэй зүйлээ хайж олоход хүндрэлтэй болохоос гадна, хэрэгтэй хэрэггүй, давхардсан мэдээллүүд онлайнд дэмий байршин нөөцийг үргүй зарж байна.

Өнөөдөр вэб зөвхөн бичиг баримт л байгаа, HTML тагууд нь хэрхэг харуулахыг л тайлбарлахаас юуг харуулж байгаагаа мэддэггүй.

Web 3.0 илүү ухаалаг болох тал дээр түлхүү хөгжих болно гэж мэргэжилтнүүд үзэж байгаа бөгөөд идэвхитэй хөгжил нь одооноос буюу энэ оноос эхэлж байна гэж үзжээ.

Semantic Web :

- Юу үзүүлж байгаагаа машин өөрөө ойлгоно.

- Тодорхой стандартын дагуу өгөгдлийг дүрсэлж хүн, машин аль аль нь ойлгодог болгож хэлбэржүүлэх.

- Уг мэдээллээ бусадтай хуваалцаж хамтран эзэмших.

Семантик вэб нь өнөөгийн вэб сайтаас олон давуу талыг гаргасан хэрэглээг бий болгож байна. Эдгээрийн заримаас нь танилцууллаа:

- Мэдлэг боловсруулах

Тухайн агуулгын хүрээнд боловсруулалт хийж мэдлэгийг зохион байгуулах.

Асуулгын хариулга нь зөвхөн нэг вэб хуудсаар хязгаарлагдахгүй үргэлжилсэн олон хуудас документ байж болдог. Энд хэн ямар документийг харсан бэ? гэдгийг тогтоох боломжтой.

- Электрон арилжаа

Үнэ болон бүтээгдэхүүний мэдээллийг үнэн зөвөөр авч ирэх, бусад бүтээгдэхүүнтэй харьцуулж, тайлбар хийгдсэн тул хэрэглэгчийн шаардлагыг хангасан бүтээгдэхүүн байх боломжтой.

Үргэлжлэл бий...

“I have a dream for the Web in which computers become capable of analyzing all the data on the Web.” Tim Berners-Lee, 1999 /Inventor of the Web/

Одооноос биеллээ олж байна.

Facebook application хэрхэн бичих вэ?

noreply@blogger.com (Дэлгэрмөрөн Пүрэвхүү) — Sat, 18 Sep 2010 11:20:00 +0000

500 сая хэрэглэгчтэй энэ их айлаас Facebook-с гадна олон компани, хувь хүмүүс ашиг олж байдаг нь ойлгомжтой. Тэгвэл програмист бид нарт ямар боломж байна вэ?

Хэрвээ та facebook хэрэглэдэг бол "facebook application" гэж мэдэх байх. Үнэхээр хэрэгтэй, гоё програм /application/ хийж чадвал насныхаа хоолыг оллоо л гэсэн үг :-).

Шаардагдах мэдлэг :

- Мэдээж програм бичиж чаддаг байх. Ямар ч хэл дээр хамаагүй гэхдээ C# , PHP 2 хэл дээр Facebook - н албан ёсны API байдаг.

- Англи хэлээр тодорхой хэмжээнд уншаад ойлгодог байх.

Хэрэглэгдэх зүйлс :

- Facebook бүртгэл.

- Хэрвээ вэб хийх гэж байгаа бол байрлуулах web hosting.

Програм бичих алхамууд :

1) Мэдээж та facebook дээр бүртгэлтэй төдийгүй нэлээд сайн мэддэг, хэрэглэдэг байх хэрэгтэй. Хэрэв та бүртгэлгүй бол яг одоо www.facebook.com руу ороод бүртгүүлээд идэвхитэй, арай өөр нүдээр буюу програм зохиогчийн нүдээр харж дор хаяж 7 хоног хэрэглэсний дараа энэ бичлэгийн 2 дахь алхамаас нь үргэлжлүүлэн уншина уу гэж зөвлөмөөр байна.

2) http://www.facebook.com/developers/ - рүү орж Developers application-г өөрийнхөө facebook-д суулгана. /allow хийнэ/

Хэрвээ таны бүртгэл батлагдаагүй байсан бол доорхи хуудас руу очно.

Эндээс гар утсаараа баталгаажуулах буюу your mobile хэсэг дараад амьдарч байгаа улсаа сонгоод утасныхаа дугаарыг оруулаад confirm-г дарна.

Хэсэг хугацааны дараа таны утсанд facebook-с баталгуужуулах кодтой SMS ирнэ.

Кодоо хийгээд confirm дарахад баталгаажуулалт амжилттай болсон бол :

4) http://www.facebook.com/developers/createapp.php рүү орно.

Application-ыхаа нэрийг өгөөд Agree-г сонгоод Create Application.

Application-ыхаа нэрэн дарахад тухай app-н тохиргооны хэсэг гарч ирнэ.

Edit Setting гэсэн хэсэг рүү орж тохиргоонуудаа хийж өгнө.

Хамгийн чухал тохиргоонууд Facebook Integration гэдэг хэсэгт байрладаг.

5) Тохиргоо хийх

Canvas page : Таны програмын үндсэн URL. Жишээ нь : examleapp

Canvas URL : Дээрхи үндсэн URL - д дуудагдах вэб-н хаяг. Та програмаа бичээд хостинг хийгээд байрлуулчихсан бол тэрний хаяг байна. Localhost байж болно. Жишээ нь : http://www.examle.com/fb_examle_app/

Canvas Type : Төрлөө сонгоно. Энэ оны сүүлчээр Facebook FBML-г дэмжихээ болих /илүү мэдээллийг эндээс/ учраас IFrame-г сонгосон нь дээр.

Profile Tabs гэдэг хэсэгт таны прорамыг суулгасан хэрэглэгчдийн tab-ууд дээр таны програмын tab нэмэгдэхэд шаардлагатай мэдээллүдийг бөглөнө.

Tab Name : Таb-ийн нэр

Tab URL : Таны програмын tab-г сонгоход ачааллах хуудас. Жишээ нь : tab.php гэвэл http://www.examle.com/fb_examle_app/tab.php хуудсыг ачааллана.

Бусад дурьдагдаагүй талбаруудыг эхний энгийн түвшинд бөглөх шаардлагагүй.

Бүгдийг бөглөөд хадгалсан бол http://apps.facebook.com/[CANVAS_URL] гээд ороход л ажиллаж байгаа.

Бидний хийсэн анхны app http://www.facebook.com/pages/RestaurantBARcom/102271633167422?v=app_146777775344154 энд байгаа сонирхож үзээрэй. Add to your tab гэдэг хэсгийг бөглөөд Subscribe хийгээрэй. Тэнд бас нэг app холбогдсон байгаа ашиглаж үзээрэй.

Өөр асуух болон бусаддаа /бас надад/ хэлэх зөвлөгөө, мэддэг зүйлсээрээ сэтгэгдэл үлдээнэ үү.

Монголын facebook-чид маш олон болтугай :D .