ഡിങ്കന്‍ = എതിരാളിക്കൊരു പോരാളി

ഡീങ്കേ ശക്തി സൈബര്‍ യുഗേ

2011-12-07T02:18:00.005+05:30

ഡിങ്ക ചരണം ശരണം ഡിങ്കാ‌‌ തിരുവാല്‍ ശരണം

ബൈറ്റാണുവിലും നിറയും സൈബര്‍ പൊരുളേ ശരണം

കരുണാമയ ഡിങ്കവരനേ ശരണം ശരണം ശരണം

പങ്കിലമാം മൌനമേ മന്ത്രമേ

കവി അയ്യപ്പന്‍ ഗുരുതരാവസ്ഥയില്‍

2010-10-22T13:15:00.000+05:30

കവി എ അയ്യപ്പനെ തുടര്‍ച്ചയായി രക്തം ഛര്‍ദ്ദിച്ചതിനെ തുടര്‍ന്ന്‌ കോഴിക്കോട്‌ മെഡിക്കല്‍ കോളേജ്‌ ആശുപത്രിയില്‍ പ്രവേശിപ്പിച്ചു. ഗുരുതരാവസ്ഥയില്‍ തീവ്രപരിചരണ വിഭാഗത്തിലാണ്‌ അദ്ദേഹം.

ശത്രു ഞാന്‍ സഖാവു
നീ പിച്ചാത്തി മടക്കുകമിത്രങ്ങളാകാം,
ഹസ്തദാനവുമാകാം തമ്മില്‍
മെതിച്ച കതിരുകള്‍
പതിരിന്‍ കിനാവുകള്

‍ചതുര്‍ഥിയാകുന്നിന്നു
ചുവപ്പു നക്ഷത്രങ്ങള്‍

വേദനകള്‍ വിട തരുമോ?
വേദാന്തങ്ങള്‍ അഭയം തരുമോ?

ഇനിയും ഒരുപാട് വരികള്‍ സമ്മാനിക്കാനായി...

താങ്കള്‍ ഈ അവസ്ഥയില്‍ നിന്ന് പുറത്ത് വരേണ്ടതുണ്ട്.

പ്രാര്‍ഥനകളോടെ

കൂപമണ്ഡൂകോപനിഷത്ത്

2010-04-08T16:54:00.004+05:30

(c)http://brilliantleap.com

ഒരു പഴയ കലാഭവന്‍ തമാശയാണ്‌....

(കിടിലന്‍ ദാര്‍ശനികത്തമാശയാണ്‌‍ അതുകൊണ്ട് തന്നെ അവരിത് വേറെ എവിട്ന്നെങ്കിലും എടുത്ത് താങ്ങിയതാണോ എന്നറിയില്ല)

എങ്ങനെയാണ്‌ പ്രവചനം നടത്തുന്നതെന്ന പത്രക്കാരന്റെ ചോദ്യത്തോട് കാലാവസ്ഥ നീരിക്ഷണ കേന്ദ്രത്തിലെ ശാസ്ത്രജ്ഞന്‍ പതിനാല്‌ ഗ്ലാസ് ജാറുകളിലുള്ള പതിനാലു തവളകളെ കാണിച്ച് കൊടുക്കുന്നു. ശേഷം

"ഓരോ ജാറിലും ഓരോ ജില്ലയിലെ തവളകളുണ്ട്. തിരുവനന്തപുരത്തെ തവള കരഞ്ഞാല്‍ അവിടെ മഴപെയ്യും, തൃശൂരെ തവള അമിതമാറ്റി ചാടിയാല്‍ അവിടെ ഭൂമികുലുക്കത്തിന്‌ സാധ്യതയുണ്ട്. കണ്ണൂരെ തവള കരണം മറിഞ്ഞാല്‍ ഇടിവെട്ടിമഴയ്ക്ക് സാധ്യത. ഈ ശാസ്ത്രനിരീക്ഷണത്തില്‍ എനിക്ക് ഡോക്ടറേറ്റുണ്ട്"

ശേഷം രസകരമായൊരു പരീക്ഷണത്തിന്‌ ശാസ്ത്രജ്ഞന്‍ പത്രപ്രവര്‍ത്തകനെ ക്ഷണിക്കുന്നു. ഒരു ഗ്ലാസ് ജാറിലെ തവളയെ പുറത്തെടുത്ത് മേശപ്പുറത്ത് വെച്ച ശേഷം തള്ളവിരല്‍ കൊണ്ട് അതിനെ അമര്‍ത്തി പിടിക്കുന്നു. തുടര്‍ന്ന് മൂര്‍ച്ചയുള്ള ഒരു കത്തിയെടുത്ത് തവളയുടെ മുന്‍‌കാലുകളില്‍ ഒന്ന് അറുത്തുമാറ്റുന്നു. തവളയെ അമര്‍ത്തിപ്പിടിച്ചിരിക്കുന്ന തള്ളവിരല്‍ എടുത്ത് മാറ്റുന്നതിനോടോപ്പം "ജം‌പ്" എന്ന് അലറുന്നു. പ്രാണവേദനയാല്‍ തവള ചാടുന്നു.

ശാസ്ത്രജ്ഞൻ: "കണ്ടില്ലേ ഞാന്‍ ജം‌പ് എന്ന് പറഞ്ഞപ്പോള്‍ തവള ചാടിയത് ?”

പത്രപ്രവര്‍ത്തകന്‍ തല കുലുക്കുന്നു

...

തവളയുടെ ഓരോ കാലും അറുത്തു മാറ്റിക്കൊണ്ട് പരീക്ഷണം തുടരുന്നു. ഒറ്റക്കാല്‍ അവശേഷിക്കും വരെ തവള ചാടുന്നു

...

അവസാനത്തെ കാലും അറുത്തു മാറ്റിയ ശേഷം തവളയെ ഞെക്കിപ്പിടിച്ച തള്ളവിരല്‍ മാറ്റിക്കൊണ്ട് ശാസ്ത്രജ്ഞന്‍ : "ജംപ്"

പത്രപ്രവര്‍ത്തകന്‍ : "സാര്‍ തവള ചാടിയില്ല"

ശാ: " ഹഹഹ് ചാടില്ല എനിക്കറിഞ്ഞൂടെ?"

പ.പ്ര: "അതെന്താണ്‌ സാര്‍?"

ശാ: "അതങ്ങനെയാണ്‌ അതാണ്‌ എന്റെ പരീക്ഷണത്തിന്റെ രഹസ്യം. ഈ പരീക്ഷണത്തില്‍ എനിക്ക് പേറ്റന്റും ഉണ്ട്"

പപ്ര: "അത് വെളിപ്പെടുത്തൂ സാര്‍"

ശാ: "പറയട്ടേ"

പപ്ര: "പറയൂ സാര്‍"

ശാ: "നാല്‌ കാലും മുറിച്ചാല്‍ തവളയ്ക്ക് ചെവി കേള്‍ക്കില്ല, പിന്നെ എങ്ങനെയാണത് ഞാന്‍ ജം‌പ് എന്ന് പറഞ്ഞാല്‍ അനുസരിക്കുക്ക... അത്താണ്‌"

പപ്ര: !!!!!

--------- ശുഭം ----------

ഡിസ്-കൈമള്‍സ്&സണ്‍സ്

ഇതിന്‌ ഈ പോസ്റ്റോ, ഈ പോസ്റ്റോ ആയി ഒരുവിധ ബന്ധവുമില്ല

ചതുര്‍‌ബാഹു വിഷ്ണുവിന്റെ രൂപമാണ്‌ തവളകള്‍ക്കുള്ളതെന്ന് കൂപമണ്ഡൂകങ്ങള്‍ക്കുണ്ടോ അറിയുന്നു...

ഹും! (ഇതോണ്ടൊന്നും ആര്‍ഷഫാരത‌ഉഡായിപ്പ്സ് അവസാനിക്കില്ല മക്കളേ...)

ആകയാല്‍ സക്കറിയ പറഞ്ഞത്...

2010-01-12T15:39:00.006+05:30

അല്ലെങ്കിലും സക്കറിയ പറയുന്നതും എഴുതുന്നതും മിക്കപ്പോഴും വിവാദമാകാറുണ്ട്. സലാം അമേരിക്ക എഴുതിയത് കേരളത്തിലെ സാഹിത്യ സദസുകളില്‍ മൊത്തം വിവാദമായിരുന്നു. "യേശു ഞങ്ങളിലേക്ക് കടന്നു വന്നത് തുടകള്‍ക്കിടയിലെ സ്വര്‍ഗത്തിലൂടെയല്ല" എന്ന് ന്യായീകരിച്ചെഴുതിയെങ്കിലും യേശുവിനെ മനുഷ്യനാക്കാനുള്ള നസ്രാണിയുടെ ഗൗളിശാസ്ത്ര വിരുതില്‍ ക്രൈസ്തവസഭകളും വിവാദമുണ്ടാക്കിയിരുന്നു. തന്റെ പട്ടേലറെ അടൂര്‍ തിരുത്തിയെന്നും പറഞ്ഞ് ഒരു സിനിമാ വിവാദം. സെന്റ്.തെരേസാസ് കോളേജ് നഗ്നചിത്രവിവാദം ഉണ്ടായ കാലത്ത് "കുറച്ച് പെണ്‍കുട്ടികള്‍ അവരുടെ ഹോസ്റ്റലില്‍ വെച്ച് നഗ്നഫോട്ടോ എടുത്താല്‍ ആര്‍ക്കാണ്‌ ചേതം" എന്ന മട്ടില്‍ സാംസ്ക്കാരിക കേരളത്തിന്റെ കപടസദാചാരത്തിനെതിരെ ലേഖനം എഴുതിയതും വിവാദമായിരുന്നു. സവര്‍ണ്ണ ഹൈന്ദവതയ്ക്കെതിരെ ഉള്ള സക്കേറിയന്‍ നിലപാടുകള്‍ പലപ്പോഴും വിവാദമായിട്ടുണ്ട്, അതുവഴി സംഘികളുടെ ശത്രുവും. എന്നാല്‍ നാഴികയ്ക്ക് നാല്പ്പത്തിമൂന്ന് വട്ടം തന്റെ ഭാര്യയുടെ ബ്രാഹ്മണിക് പാരമ്പര്യം ഏറ്റുപറയുന്നതിനാല്‍ മൃദുഹൈന്ദവവാദിയെന്ന് ആക്ഷേപങ്ങളും, അതെ തുടര്‍ന്ന് സാഹിത്യകോക്കസുകളില്‍ വിവാദങ്ങളുമുണ്ടത്രേ.

ഇങ്ങനെയൊക്കെയുള്ള സക്കറിയയുടെ താഴെയുള്ള പരാമര്‍ശങ്ങളാണ്‌ പയ്യന്നൂരിലെ ഡിഫിക്കാരില്‍ നിന്ന് അദ്ദേഹത്തിന്‌ നേരെയുണ്ടാ പ്രശ്നങ്ങളുടെ കാരണം.

വിവാദ വീഡിയോ

വിവാദ പരാമര്‍ശങ്ങള്‍

<<<

"ഒരു സഖാവ് ഒരു ഭാര്യയെ സ്വീകരിക്കുന്നതിന്റെ രീതി, അല്ലെങ്കില്‍ ഒരു ഇണയെ കണ്ടെത്തുന്നതിന്റെ രീതിയുടെ മേല്‍ വരെ അയാള്‍ യഥാര്‍ത്ഥ സഖാവാണെങ്കില്‍ നിയന്ത്രണങ്ങളുണ്ട് എന്ന് ഞാന്‍ കരുതുന്നില്ല. അതിലെ ലൈംഗീകത. പരസ്യ ലൈംഗീകത ഒരു മുഖം മൂടി മാത്രമാണ് എന്ന് ഞാന്‍ വിശ്വസിക്കുന്നു. വലിയ ഒരു വെള്ള പൂശിയ മുഖം മൂടിയാണ് നിങ്ങള്‍ കാണുന്നത്. അതിലെ രഹസ്യ ലൈംഗീകതയെന്നത് മറ്റാരുടെയും കാര്യം പോലെ സ്വതന്ത്രവും ആനന്ദകരവും സന്തോഷകരവുമൊക്കെയാണ്..."

"വാസ്തവത്തില്‍ ഈ ഇടതുപക്ഷപ്രസ്ഥാനം ഒരു ഒളിപ്രസ്ഥാനമായിരുന്ന കാലത്ത് , ഞാന്‍ മനസ്സിലാക്കിയിടത്തോളം, ഇത്രമാത്രം ലൈംഗീകതയില്‍ , ആ ഒളിവിന്റെ സുഖത്തില്‍, അതിന്റെ മറവില്‍ ഇത്രമാത്രം ലൈംഗീകതയോടുകൂടി പ്രവര്‍ത്തിച്ച മറ്റൊരു പ്രസ്ഥാനമുണ്ടോ എന്ന് സംശയമുണ്ട്..."

"ഒരു പക്ഷേ ഏറ്റവും ലൈംഗികതയില്‍ അടിയുറച്ച പ്രസ്ഥാനമാണ് (ചെറുതായി ചിരിക്കുന്നു) രാഷ്ട്രീയ പ്രസ്ഥാനമാണ് ഇടതു പക്ഷപ്രസ്ഥാനം ആ രാഷ്ട്രീയപ്രസ്ഥാനമാണ് ഇന്ന് ഇത്ര ഭീകരമായ സങ്കുചിതത്വത്തിലേക്ക്, ഒരു സ്ത്രീയേം പുരുഷനേം ഒന്നിച്ചു കണ്ടാല്‍ സംശയിക്കണം എന്ന സങ്കുചിതത്വത്തിലേക്ക് മറിഞ്ഞത്..."

"അപ്പോ എനിക്ക് തോന്നുന്നത് ക്രൈസ്തവ പാരമ്പര്യം നമ്മില്‍ അടിച്ചേല്പ്പിച്ച ഒരു യാഥാസ്ഥിതികത്വം ഒരുവശത്തുണ്ട്. മറുവശത്ത്, എനിക്ക് തോന്നുന്നത്, ഇടതു പക്ഷപ്രസ്ഥാനത്തെയും കൂടി ഈ തരത്തിലുള്ള പ്രവര്‍ത്തനത്തിന്റെ വെളിച്ചത്തില്‍ കണ്ടേതീരൂ..."

<<<

മുകളില്‍ പറഞ്ഞ കാര്യങ്ങളോട് പൂര്‍ണ്ണാര്‍ത്ഥത്തില്‍ യോജിപ്പില്ലെങ്കിലും സക്കറിയയുടെ അഭിപ്രായപ്രകടന സ്വാതന്ത്ര്യത്തെ മാനിക്കുന്നു. ഉണ്ണിത്താനെ പോലെ "സൂഫിയ-മദനി-പിണറായി-ഷാനിമോള്‍-മുരളീധരന്‍ etc." എന്നിങ്ങനെ പേരെടുത്ത് അശ്ലീലം പറയുന്ന തരത്തിലല്ല സക്കറിയ പ്രതികരിച്ചിട്ടുള്ളത്. അതുകൊണ്ട് തന്നെ അമിതാവേശത്തിനും, വികാരത്തിനും വിധേയരായി സക്കറിയയെ കൈയ്യേറ്റം ചെയ്യാന്‍ മാത്രമുള്ള പ്രശ്നം മേല്‍ പരാമര്‍ശങ്ങളില്‍ ഉണ്ടെന്നും -വ്യക്തിപരമായി- കരുതുന്നില്ല. എന്നാല്‍ ചുവപ്പ് നിറത്തില്‍ അടയാളപ്പെടുത്തിയ ഭാഗങ്ങള്‍, അത് സക്കറിയക്ക് ഒഴിവാക്കാമായിരുന്നു എന്ന് തോന്നിപ്പോയി. "വേശ്യകളെല്ലാം സ്ത്രീകളാണ്‌, ആകയാല്‍ സ്ത്രീകള്‍ എല്ലാം വേശ്യകളാകാനും സാധ്യതയുണ്ട്" എന്ന കപട ഗണിത-സാമൂഹ്യ യുക്തിയാല്‍ ഒരു പൊതുബോധം സൃഷ്ടിച്ചെടുക്കുന്നത് പോലെ, ഒളിവുജീവിതം നടത്തി സഹനവും, ത്യാഗവും, പീഡനവും സഹിച്ച എല്ലാവരുടേയും ജീവിതം ലൈംഗിക അരാജകത്വത്തിന്റേതായിരുന്നു എന്ന സക്കേറിയന്‍ യുക്തിയോട് കണികപോലും യോജിക്കുന്നില്ല. പക്ഷേ ഇതൊന്നും DYFI ചെയ്തതിന്‌ ന്യായീകരണമാകുന്നില്ല. ഇത്തരം മോബ് ജസ്റ്റിസ് അവസരങ്ങളെ നിയന്ത്രിക്കേണ്ട വിധം രാഷ്ട്രീയം കൈയ്യാളുന്ന ഒരു സംഘടനയില്‍ നിന്ന് ഇത്തരം ബാലിശമായ അമിതവികാര പ്രകടനങ്ങളല്ല ജനങ്ങള്‍ പ്രതീക്ഷിക്കുന്നത്. ഇത്തരം നീക്കത്തെ ശക്തമായി അപലപിക്കുന്നു...

* ഈ സംഭവത്തെ നേരേ കൊണ്ട് പോയി മാംഗ്ലൂര്‍ ശ്രീരാമസേന-പബ് ആക്രമണത്തോട് കൂട്ടിക്കെട്ടാനും, താരതമ്യം ചെയ്യാനും അമിത താല്പ്പര്യമെടുക്കുന്നവരുടെ കപടയുക്തിയും, രാഷ്ട്രീയവും തിരിച്ചറിയാല്‍ കഴിയാത്തവരാണ്‌ ഭൂ/ബൂലോഗത്തുള്ളവരെന്ന് കരുതുന്നുണ്ടെങ്കില്‍, അത്തരക്കാര്‍ക്ക് ദേ ഒരു മുഴുത്ത സ്മൈലി :)

സക്കറിയഡിഫി പ്രശ്നത്തില്‍ കാക്കനാടന്റെ അഭിപ്രായം കൂടെ ചേര്‍ക്കുന്നു

നീ പോടാ കുബേര്‍ കുഞ്ചീ...

2010-01-04T16:15:00.005+05:30

ക്രിസ്തുമസ്-ന്യൂ ഇയര്‍ വെക്കേഷന്‍ ആഘോഷങ്ങളുടെ ഭാഗമായി ഒരു കള്ളുവൈകുന്നേരം.

ബാറില്‍ അടുത്ത ടേബിളിലിരിക്കുന്ന ഒരുവന്‍ തന്റെ കൂട്ടുകാരനെ തെറിയായി വിളിച്ചത്

'നീ പോടാ കുബേര്‍ കുഞ്ചീ'

എന്നായിരുന്നു. എന്താണ്‌ സംഗതി എന്ന് കത്തിയില്ലെങ്കിലും ടിവി ചാനല്‍ ഹണ്ടിംഗിന്റെ ഇടയിലാണ്‌ പിടികിട്ടിയത്. പേരറിയാത്ത ആ മഹാനുഭാവന്റെ നര്‍മ്മഭാവനയോര്‍ത്ത് മനസാല്‍ വണങ്ങി :)

അങ്ങനെ വിളിക്കാന്‍ പുതിയൊരു തെറി കിട്ടി

നീ പോടാ കുബേര്‍ കുഞ്ചീ...

(കോപ്പീറൈറ്റുണ്ട് കേട്ടാ....)

ദിദാണ്‌ കുഞ്ചി => (1) http://www.youtube.com/watch?v=t3weWa0zkF0
(2) http://www.aromafashions.com/product.php?id_product=16

തേക്കും, ഊക്കും, ചക്രംചവിട്ടും കൂടെ ചെയ്യരുത്...

2009-11-17T16:47:00.003+05:30

തേക്കും, ഊക്കും, ചക്രംചവിട്ടും കൂടെ ചെയ്യരുത്...

എന്നത് ഒരു വയനാടന്‍ (അശ്ലീല) ചൊല്ലാണ്‌. അതായത് പാടത്ത് വെള്ളം തേക്കുന്നതിനിടയില്‍, ചക്രം ചവിട്ടുമ്പോള്‍ എന്തായാലും കാലുകള്‍ ഇളകുന്നതല്ലേ, അരക്കെട്ടു ചലിക്കുന്നതല്ലേ എന്ന് കരുതി വരമ്പത്തിരിക്കുന്ന ഏതെങ്കിലും പണിക്കാരി പെണ്ണിനെ വിളിച്ച് മടിയിലിരുത്തരുതെന്നാണ് 'നീതിസാരം'

സമാനമായ ഒരു ഉപദേശമാണ്‌ കെ.പി.സുകുമാരന്‍ അഞ്ചരക്കണ്ടിയ്ക്ക് നല്‍കാനുള്ളത്. ഇങ്ങനെ [http://kpsukumaran.blogspot.com/2009/11/blog-post_17.html] ഒരു പൊസ്റ്റിട്ടാല്‍ അവിടെ ചില കമെന്റുകള്‍ മാത്രം അനുവദിക്കുന്നത് കമെന്റില്‍ പറഞ്ഞ വ്യാജപൊതുബോധനിര്‍മ്മിതിയ്ക്ക് ആക്കാം കൂട്ടുകയേ ഉള്ളൂ എന്ന് ഏത് സുകുമാരനും അറിയാം.

പോസ്റ്റ്/Comment ഡിലീറ്റാന്‍ ബ്ലോഗര്‍ സുകുമാരന്‌ സ്വാതന്ത്ര്യം ഉണ്ട്. പക്ഷേ

>>>

കെ.പി.സുകുമാരന്‍ (K.P.S.) said...

തെറികള്‍ ടൈപ്പ് ചെയ്യുന്നതിനേക്കാള്‍ എളുപ്പമല്ലേ അത് ഡിലീറ്റ് ചെയ്യുന്നത് കുഞ്ഞച്ചാ :)

<<<

എന്ന കമെന്റ് കണ്ടാല്‍ രാധേയനോ, ഡിങ്കനോ എന്തൊ മുട്ടന്‍ തെറി എഴുതിയതിനാലാണ്‌ ഇയാളങ്ങ് ഡിലീറ്റിയൊലത്തിക്കളഞ്ഞത് എന്ന തോന്നലുണ്ടാക്കും. അതിനാല്‍ അവിടെ ഇട്ടകമെന്റ് ഇവിടെ പേസ്റ്റുന്നു

>>>

Dinkan-ഡിങ്കന്‍ said...

ഹതുശരി അപ്പോള്‍ ആരോടെങ്കിലും വിരോധം ഉണ്ടെങ്കില്‍ അവര്‍ക്കെതിരെ അപവാദപ്രചാരണം നടത്താം, കൃത്രിമരേഖകള്‍ ഉണ്ടാക്കാം, വ്യാജമായ പൊതുബോധം സൃഷ്ടിച്ചെടുക്കാം അല്ല്യോ സൂമാരണ്ണാ? കൊള്ളാം... ഗൊഡുകൈ

പിണറയീടെ വീടെന്ന് പറഞ്ഞ് വ്യാജമെയില്‍ സര്‍ക്കുലേറ്റ് ചെയ്തതും അതുമായി ബന്ധപ്പെട്ട് സൈബര്‍ സെല്ല് കേസെടുത്തതും ആയ വാര്‍ത്തയെ പിടിച്ച് നന്ദിഗ്രാം, ഇലക്ഷന്‍ റിസള്‍ട്ട്, ആണവകരാര്‍, ബംഗാള്‍ എന്നിവയെ ചേര്‍ത്ത് കെട്ടിയ ആ കയറാണ് ആശാനേ കയര്‍... ദി ഗ്രേറ്റ് ഇന്ത്യന്‍ റോപ്പ് ട്രിക്കിനെ വെല്ലുന്ന "സുകുമാര കല" :) നമിച്ചിരിക്കുന്നു.

സുകുമാരന്റെ അടുത്ത പരിചയത്തിലോ, ബന്ധത്തിലോ ഉള്ള ഒരു പെണ്ണിന്റെ തുണിയില്ലാ തലവെട്ടി പടം നെറ്റില്‍ കിടന്ന് കറങ്ങുമ്പോള്‍ സൈബര്‍ സെല്ല് കേസെടുക്കുമ്പോളും ഇങ്ങനെ പറയണം "അവള് ആള് മഹാ പെശകാണ്‌. അവളെ കണ്ടാല്‍ തന്നെ എല്ലാര്‍ക്കും ഒന്‍ തുണിയുരിയണമെന്ന് തോന്നും. അതിന് ആരെയും കുറ്റം പറഞ്ഞിട്ട് കാര്യമില്ല. പണ്ട് വിയറ്റ്നാമില്‍ ഏജന്റ് ഓറഞ്ച് ആക്രമണം ഉണ്ടായപ്പോള്‍ ഒരു പെണ്‍കുട്ടി തുണിയില്ലാതെ ഓടുന്നത് എടുത്ത ഫോട്ടോഗ്രാഫര്‍ക്ക് പ്രശസ്തിപത്രോം ഇത് ചെയ്തവന് കമ്പിയഴിയും. എന്തോരു നെറികേടാണ്‌ ഇത്"

>>>

അതുകൊണ്ട് സുകുമാരനോട് ഒരുപദേശം മാത്രം. പോസ്റ്റ് ഇട്ടോളൂ, ഇഷ്ടപ്രകാരം ഡിലീറ്റ് ചെയ്തൊളൂ, പക്ഷേ അത് വ്യാജാരോപണം വഴി ആകരുത്. ചുരുക്കി പറഞ്ഞാല്‍

"തേക്കും, ഊക്കും, ചക്രംചവിട്ടും കൂടെ ചെയ്യരുത്..."

ജീവിതത്തെക്കുറിച്ചു തന്നെ

2009-10-20T18:47:00.001+05:30

ഒരു തരത്തില്‍ പറഞ്ഞാല്‍ രാജകിങ്കരന്മാരുടെ അവസ്ഥ പോലെയാകുന്നു അത്.

മുടിയാനായിട്ട് എല്ലാം തീര്‍ക്കാമെന്ന് കരുതി കഴുത്തില്‍ കയര്‍ മുറുക്കുന്നേരമാണ്‌

"ആരവിടെ ?"

എന്ന് വിളിവരുന്നത്.

താന്‍ തീര്‍ന്നാലും അടുത്തൂണ്‍ മുടങ്ങരുതല്ലോ എന്ന് കരുതി കഴുത്തില്‍ നിന്ന് കയറൂരി ഓടിക്കിതച്ചു ചെന്ന്

"അടിയന്‍ !"

എന്ന് ഓച്ഛാനിച്ച് വളഞ്ഞ് നില്‍ക്കുന്നതോടെ വീണ്ടും അതിലേക്ക്...

ചുറ്റിപ്പറ്റി നില്‍ക്കുന്നവരെ ഓര്‍ത്തുള്ള ചില ചുറ്റിപ്പറ്റലുകള്‍ മാത്രമാകുന്ന അതിന്റെ അവസ്ഥയേക്കാള്‍ ഭീകരവും, അവമതിയും നിറഞ്ഞ മറ്റെന്തുണ്ട്?

Che Guevara

2009-10-09T21:51:00.003+05:30

Exposing the real Che Guevara and the Idiots who Idolize Him, By Humberto Fontova

Che Guevara Recites a poem.

Book review

ചെങ്ങറ...അഭിവാദ്യങ്ങള്‍...

2009-10-05T18:15:00.003+05:30

ഇടതു പാര്‍ട്ടികളുടെ ഹൈജാക്ക് ശ്രമങ്ങളേയും, സമൂഹ്യവിരുദ്ധരുടെ ആക്രമണങ്ങളേയും ഒക്കെ അതിജീവിച്ച ചെങ്ങറ സമരത്തിന്‌ സമവായ-സമവാക്യമുണ്ടാക്കാന്‍ ആത്മാര്‍ത്ഥമായി പരിശ്രമിച്ച എല്ലാവര്‍ക്കും അഭിവാദ്യങ്ങള്‍.

ഉല്‍ക്കാകര്‍ഷണ ഭൈരവ യന്ത്രം

2009-09-24T15:21:00.003+05:30

റോക്കറ്റ് മാതൃകയുമായി ശാസ്ത്രജ്ഞര്‍ ക്ഷേത്രദര്‍ശനം നടത്തി

(മാതൃഭൂമി വാര്‍ത്ത)

റോക്കറ്റിന്റെ മാതൃക തിരുപ്പതി ക്ഷേത്രത്തില്‍ സമര്‍പ്പിക്കുകയും ചെയ്തു. പി.എസ്.എല്‍.വി സി.12 വിക്ഷേപിച്ചശേഷം ഓഷ്യന്‍സാറ്റിനായി തയ്യാറാക്കിയ വിക്ഷേപണ റോക്കറ്റിന് സി 13 എന്ന പേര് നല്‍കാതെ പി.എസ്.എല്‍.വി സി 14 എന്നാണ് പേരിട്ടത്. 13 എന്ന നമ്പര്‍ അശുഭമാണെന്ന് ചില ശാസ്ത്രജ്ഞന്മാര്‍ വിശ്വസിച്ചതിനാലാണ് ഈ ചാട്ടം നടത്തിയത്. പി.എസ്.എല്‍.വി സി 13 എന്നൊരു റോക്കറ്റ് ഇല്ലെന്നും മുതിര്‍ന്ന ഐ.എസ്.ആര്‍.ഒ ശാസ്ത്രജ്ഞന്‍ വാര്‍ത്താ ഏജന്‍സിയോട് വെളിപ്പെടുത്തി..

ഇസ്രോ ശാസ്ത്രജ്ഞര്‍ തിരുപ്പതി ദര്‍ശനം നടത്തി

(ദാറ്റ്സ് മലയാളം വാര്‍ത്ത)

റോക്കറ്റുകള്‍ കുതിച്ചുയരുമ്പോള്‍ പിഴവ്‌ പറ്റാതിരിയ്‌ക്കാന്‍ ഐഎസ്‌ആര്‍ഓയിലെ ശാസ്‌ത്രജ്ഞര്‍ വിശ്വാസമര്‍പ്പിക്കുന്നത്‌ ശാസ്‌ത്രത്തില്‍ മാത്രമല്ല, തിരുപ്പതി ഭഗവാന്റെ അനുഗ്രഹാശ്ശിസുകളില്‍ കൂടിയാണ്‌. ശാസ്‌ത്രലോകത്ത്‌ എത്ര മുന്നേറിയാലും ദൈവത്തെ വിട്ടൊരു കളിയ്‌ക്ക്‌ നമ്മുടെ ശാസ്‌ത്രജ്ഞര്‍ ഇന്നും തയാറാല്ല.

ഓഷ്യന്‍സാറ്റിന്റെ അരയില്‍ "ആറ്റുകാല്‍ രാധാകൃഷ്ണന്‍" വക ഒരു "ഉല്‍ക്കാകര്‍ഷണ ഭൈരവ യന്ത്രം" കൂടെ കെട്ടിക്കായിരുന്നു.

ബ്ലഡി ഫൂള്‍സ്

കൊല്ലന്‍ - സമാസം ബഹുവ്രീഹി

2009-09-10T16:43:00.001+05:30

കൊല്ലന്‍ = കൊല്ലുന്നവന്‍ ആരോ അവന്‍, സമാസം ബഹുവ്രീഹി

ഹാപ്പി ബര്‍ത്ത് ഡേ ഡിയര്‍ മൈക്കേല്‍...

2009-08-29T15:44:00.003+05:30

©http://www.flickr.com/photos/xxsatomii/3866270915/

ഹാപ്പി ബര്‍ത്ത് ഡേ ഡിയര്‍ മൈക്കേല്‍...

I still Love n Remember You...

ഫക്ക് യൂ

2009-08-27T19:52:00.006+05:30

ആരും തെറ്റിധരിക്കണ്ട. നിങ്ങളെ തെറി വിളിച്ചതല്ല. പക്ഷേ ജീവിതത്തില്‍ ഒരിക്കലെങ്കിലും -മനസിലെങ്കിലും- ഈ പ്രയോഗം ഉപയോഗിക്കാതിരിക്കില്ലല്ലോ. പച്ച‌ഇംഗ്ലീഷില്‍ F U C K You എന്നോ, മാന്യമായി FU** You എന്നോ, ചാറ്റിലും മറ്റും FY എന്നോ വിളിക്കുന്ന അതേ തെറി തന്നെ. തെറികള്‍ക്കു പിന്നിലെ ചരിത്രവും, രാഷ്ട്രീയവും തപ്പുകയെന്നത് കേവലം രസകരമായ അനുഭവം മാത്രമല്ല, അതല്‍പ്പം ഗൌരവമാര്‍ന്ന പലവിഷയങ്ങളിലും തൊട്ടുതലോടി പോകുന്ന ഒരനുഭവം കൂടെയാണ്. കൂത്തിച്ചിയായാലും, പുലയാടിയായാലും, കഴുവേറിയായാലും... ചരിത്രത്തിന്, അഥവാ ചരിത്രത്തിലെ ചില ഇരുണ്ട ചെയ്തികള്‍ക്ക് അതില്‍ പങ്കുണ്ട്. (തെറികളുടെ പ്രയോഗാര്‍ത്ഥം, ഉല്‍പ്പത്തി, രാഷ്ട്രീയം എന്നിവ ശേഖരിക്കാന്‍ താല്‍പ്പര്യമുള്ളവരെക്കൂട്ടി ഒരു മെയില്‍ ത്രെഡ്/അല്ലെങ്കില്‍ ഒരു ഇന്‍‌വൈറ്റഡ് ബ്ലോഗ് ഉണ്ടാക്കുക എന്ന ആഗ്രഹം കുറെ കാലമായി ഉള്ളതാണ്. ഇത് വരെ നടന്നില്ല...)

മറ്റുവിരലുകള്‍ ചുരുട്ടി, നടുവിരല്‍ മാത്രം നിവര്‍ത്തിക്കാണിച്ച് വിളിച്ചാലേ ഫക്ക്..യൂ.. തെറിവിളി പൂര്‍ണ്ണമാകൂ. അപ്പോള്‍ പിന്നെ ആംഗ്യത്തിന് പുറകെയായി... അതിനു പുറകിലെ അര്‍ബന്‍‌ലെജന്റ് കൊണ്ടെത്തിച്ചത് ചരിത്ര പ്രസിദ്ധമായ ഒരു യുദ്ധത്തിലേക്ക്. ഇംഗ്ലീഷുകാരും , ഫ്രഞ്ചുകാരും തമ്മിലുള്ള നൂറാണ്ട്-യുദ്ധം ശരിക്കും നൂറ്റിപ്പതിനാറുകൊല്ലമാണ് തുടര്‍ന്നത്. ദീര്‍ഘദൂരം ചെന്നെത്താവുന്ന ആയുധങ്ങളുടെ കൂട്ടത്തില്‍ പ്രധാനമായി ഉണ്ടായിരുന്നത് ആള്‍‌വലിപ്പത്തിലുള്ള വില്ലുകള്‍ ആയിരുന്നു. തൂവലുകള്‍ ഘടിപ്പിച്ച അത്രങ്ങള്‍ അയക്കുന്നതിന് ഉപകരിക്കുന്ന ഇത്തരം വില്ലുകള്‍ പ്രയോഗിക്കാന്‍ സമര്‍ത്ഥരായിരുന്നു ഇംഗ്ലീഷുകാര്‍. ദ്രുതഗതിയില്‍ അസ്ത്രങ്ങള്‍ പെറുക്കിയെടുത്ത് അമ്പെയ്യുന്നതിനെ ‘പ്ലക്കിംഗ് [plucking]’ എന്നാണവര്‍ വിളിച്ചിരുന്നത്. longbow കൊണ്ടുള്ള ആക്രമണത്താല്‍ പൊറുതിമുട്ടിയ ഫ്രഞ്ചുകാരാകട്ടെ തങ്ങള്‍ പിടിക്കുന്ന യുദ്ധത്തടവുകാരില്‍ അമ്പെയ്ത്തുകാരുടെ ചൂണ്ടുവിരലും, മോതിരവിരലും അരിഞ്ഞു കളയുന്ന പതിവ് തുടങ്ങി. പല ഘട്ടങ്ങളിലായി വിജയപരാജയങ്ങള്‍ മാറിമറഞ്ഞ യുദ്ധത്തില്‍ തടവിനു പുറത്തിറങ്ങിയ ഇംഗ്ല്ലീഷ് യോദ്ധാക്കള്‍ ചുരുങ്ങിയ സമയത്തിനുള്ളില്‍ തള്ളവിരലും, നടുവിരലും കൊണ്ട് അസ്ത്രമെയ്യുന്ന രീതി പരിശീലിച്ചു. ഒരു ഘട്ടത്തില്‍ യുദ്ധത്തിന് മുന്നോടിയായി ആഘോഷം നടത്തുന്ന ഫ്രഞ്ച് താവളത്തിലേക്ക് ഇരച്ചു കയറിയ ഇംഗ്ലീഷുകാര്‍ ഫ്രഞ്ച് പടയാളികളെ കൂട്ടക്കൊല ചെയ്തു. ചത്തും, മുറിവേറ്റും കിടക്കുന്ന ഫ്രഞ്ച് പടയാളികളുടെ മുഖത്തിനു മുന്നില്‍ അംഗഭംഗം വന്ന ഇംഗ്ല്ലീഷ് അമ്പെയ്ത്തുകാര്‍ നടുവിരല്‍ മാത്രം ഉയര്‍ത്തിപ്പിടിച്ച് “I can still pluck you... pluck you!“ എന്ന് കൂവിയാര്‍ത്തു. ആ പ്രയോഗം ആണ് പിന്നീട് pluck you ആയും പിന്നീട് FUCK You എന്നുമായി മാറിയത്. അമ്പിന് പുറകില്‍ പക്ഷിത്തൂവലുകള്‍ ഉപയൊഗിച്ചിരുന്നതു കൊണ്ടാണ് Flip the bird / Giving the Bird എന്നീ പ്രയോഗങ്ങള്‍ക്ക് Fuck Off എന്ന പ്രയോഗാര്‍ത്ഥം വന്നത്.

ലിങ്കുകള്‍
----------
http://en.wikipedia.org/wiki/Finger_%28gesture%29
http://en.wikipedia.org/wiki/Hundred_Years%27_War
http://en.wikipedia.org/wiki/Longbow

മറ്റു വിവരങ്ങള്‍
----------------
ആംഗ്യം - പുരാതന ഗ്രീക്ക് കോമഡി നാടകങ്ങളില്‍ ആളുകളെ കളിയാക്കാനായി ഉപയൊഗിച്ചിരുന്ന വിരല്‍ പ്രയോഗത്തിന്റെ രൂപാന്തരമാണിതെന്നും, അതല്ല മെഡിറ്ററേനിയന്‍ പ്രവിശ്യയില്‍ കണ്ണേറുതട്ടാതിരിക്കാനുള്ള പ്രയോഗമായിരുന്നെന്നും അഭൂഹമുണ്ട്.

ദ്രോണാചാര്യര്‍ പെരുവിരല്‌ തന്നെ ഗുരുദക്ഷിണയായി മുറിച്ച് വാങ്ങിയിട്ടും ഏകലവ്യന്‍ മിച്ചം വിരല്‍ കൊണ്ട് അസ്ത്രവിദ്യ പരിശീലിച്ച് "പ്ലക്ക് യൂ" വിളിച്ചിരുന്നെന്ന് ഇതിഹാസം.

വൈജ്യാത്യം (സഞ്ജയിക)

2009-07-23T14:08:00.002+05:30

വൈജ്യാത്യം (സഞ്ജയിക)

മാണിക്കോത്ത് രാമുണ്ണി നായർ എന്ന സഞ്ജയന് കടപ്പാടോടെ
(ചില മേമ്പൊടി മാറ്റങ്ങൾ സഹിതം)

1. “ചാമീ..”
“ഓ... തമ്പ്രാ...”
“നിനക്കൊന്നും പറ്റീലല്ലോ അല്ലേ?”
“ഇല്ലമ്പ്രാ..”
“അപ്പോൾ വെടി കൊണ്ടത് പന്നിക്ക് തന്നെ. ഇനി നീ അതിനെ തിരഞ്ഞ് പിടിക്ക്”

2. മഠത്തിനടുത്ത് പുതിയതായി താമസത്തിന് വന്നതായിരുന്നു ക്രിസ്ത്യൻ കുടുംബം. അതിരാവിലേ മഠത്തിൽ നിന്ന് കർണ്ണകഠോര ശബ്ദത്തിൽ പട്ടരുടെ സാധകം കേട്ട് ശല്യം സഹിക്ക വയ്യാതെ ഗൃഹനാഥൻ പുറത്തിറങ്ങി. ശബ്ദം കുറയ്ക്കാൻ അപേക്ഷിച്ചു. അതു പറയാൻ “താനാരാ?” എന്നായി പട്ടർ. പുതിയതായി വന്ന ആളായതു കൊണ്ട് തന്റെ പേര് പറഞ്ഞാൽ മനസിലാകില്ലെന്ന് തിരിച്ചറിഞ്ഞ ഗൃഹനാഥൻ
“ഞാൻ അപ്പുറത്ത് താമസിക്കുന്ന ക്രിസ്ത്യാനി”
“അത് നിങ്ങളുടെ വിശ്വാസം അല്ലേ, ഉദ്യോഗം ആണ് ചോദിച്ചത്. ഞാൻ ഒരു ഭാഗവതരാണ്”
“അത് നിങ്ങളുടെ വിശ്വാസം അല്ലേ, ഉദ്യോഗം അല്ലല്ലോ?”

3. വാരം കഴിഞ്ഞ് കിട്ടിയ പണക്കിഴിയുമായി ഇല്ലത്തേക്ക് മടങ്ങുന്നതിനിടയിൽ നമ്പൂതിരി ചെന്ന് പെട്ടത് പിടിച്ചുപറിക്കാരുടെ മുന്നിൽ. കണ്ടതും ഒരു ഇരുപത് വാര അകലെ മാറി നിന്ന് തൊർത്ത് മുണ്ട് നിലത്ത് വിരിച്ച് ഉള്ള പണം മുഴുക്കെ അതിലിട്ട ശേഷം
“ഇതാ കയ്യിലുള്ളതൊക്കെ ഇതിലുണ്ട് ഇനിയെന്നെ വിട്ടയക്കണം”
പിടിച്ചുപറിക്കാരുടെ മൂപ്പൻ നമ്പൂതിരിയോട്
“നമ്പൂരി അത് കിഴികെട്ടിയെടുത്ത് വേഗം ഇല്ലത്തേക്ക് പോകിൻ“
നമ്പൂതിരി പണം കിഴികെട്ടി ഇല്ലത്തേക്ക് നടക്കുന്നതിനിടയിൽ പിടിച്ചുപറിക്കാർ വീണ്ടും പുറകേവന്ന് ചാടി പിടികൂടി നമ്പൂതിരിയെ ഇടിച്ചും, തൊഴിച്ചും താഴെ വീഴ്ത്തി പണം കവർന്നു. നമ്പൂതിരി മൂപ്പനോട്
“അപ്പോൾ നേരത്തേ പറഞ്ഞത്?”
“എടോ പിടിച്ചുപറിയാണ് ഞങ്ങളുടെ തൊഴിൽ. അല്ലാതെ തിരുമുൽ കാഴ്ച വാങ്ങലല്ല. മനസിലായോ?”

4. ക്ഷേത്രദർശനത്തിനായുള്ള ദീർഘയാത്രക്കിടയിൽ നമ്പൂതിരി കഷ്ടപ്പെട്ട് ഒരു നായരുടെ ചായക്കട കണ്ട് പിടിച്ചു. വെപ്പുകാരൻ നായരാണെന്ന് ചോദിച്ച് ഉറപ്പ് വരുത്തിയ ശേഷം ഹോട്ടലിൽ കയറി. സപ്ലയർ പയ്യൻ നമ്പൂതിരിയോട്
“എന്താ കഴിക്കാൻ?”
“ഒരു ചായ. ചായക്കോപ്പയും, അടിപ്പാത്രവും ചൂടുവെള്ളത്തിൽ കഴുകി നല്ല വൃത്തിയില് എടുക്കണം. പാല് കൂട്ടി, പഞ്ചാര കുറച്ച്. ഒരു പ്ലേറ്റ് ഇഡലി. ഇവിടെ പാത്രത്തിലാണോ അതോ ഇലയിലാണോ പതിവ്? ഇലയുണ്ടെങ്കിൽ അത് മതി. വെള്ളം നനച്ച് നന്നായി തുടയ്ക്കണം. ചട്ണി വേണ്ടാ സമ്പാർ മതി”
സപ്ലയർ പയ്യൻ നമ്പൂതിരിയുടെ അടുത്തിരിക്കുന്ന ആളോട്
“എന്താ കഴിക്കാൻ?”
“ഇഡലീം, ചായേം”
പയ്യൻ അടുക്കള വാതിൽക്കൽ ചെന്ന് ഉറക്കെ വിളിച്ചു പറഞ്ഞു.
“രണ്ട് ചായേലൊന്ന് ലൈറ്റ്, രണ്ട് പ്ലേറ്റ് ഇഡലി”

അലമ്പുണ്ടാക്കരുത്

2009-07-02T19:29:00.004+05:30

ആരും അലമ്പുണ്ടാക്കരുത്

സ്വര്‍ഗരാജ്യം നിങ്ങളെടുത്തോ....
പക്ഷേ, സ്വവര്‍ഗരാജ്യത്തില്‍ ആ പാവപ്പെട്ടവര്‍ക്കുള്ള അവകാശത്തിന്മേല്‍ ആണിയടിക്കാന്‍ വരരുത്.

ഹൌ ഐ വണ്ടർ... വാട്ട് യൂ ആർ

2009-06-26T15:06:00.002+05:30

എത്ര പെട്ടെന്നാണ്‌ സ്വപ്നങ്ങളും , ചുമരെഴുത്തുകളും മായ്ക്കപ്പെടുന്നത് :(

ന

2009-06-09T15:02:00.003+05:30

നനയ്ക്കുക = സോഷ്യലിസം സിന്ദാബാദ്

നന്നാറി = സംഘേ ശക്തി കലിയുഗേ

നന്മ = അര്‍ദ്ധ സത്യമേ,അപകടമേ

നീ = ഒറ്റയാള്‍ പട്ടാളം

ന്നാല്‍ ശരി....

അവശേഷിക്കുന്ന മരവും കടപുഴകുമ്പോള്‍

2009-06-05T14:39:00.005+05:30

അവശേഷിക്കുന്ന മരവും കടപുഴകുമ്പോള്‍

അവസാന നദിയും വിഷലിപ്തമാകുമ്പോള്‍

ഒടുക്കത്തെ മീനും വലയിലാകുമ്പോള്‍

പണം തിന്ന് ജീവിക്കാനാകില്ലെന്ന് നാം തിരിച്ചറിയും

ഹന്തൊന്തൊന്ത് മനസിലായോ?

2009-05-29T13:37:00.016+05:30

രംഗം-1 / അമ്പലക്കുളം
(മൈക്കിലൂടെ ഒഴുകിവരുന്ന യേശുദാസ് ഭക്തിഗാനമാണ് ശബ്ദപശ്ചാത്തലം)
{
അമ്പലം കമ്മറ്റി ഈയിടെയാണ് മാറിയത് എന്ന് ഓർമ്മിപ്പിക്കുന്നതായിരുന്നു ഭക്തിഗാനങ്ങളിലെ ചുവടുമാറ്റം. “ഓടിവരും കണ്ണുകളിലും”യും, “പള്ളിക്കെട്ടും“, “ഗുരുവായൂരമ്പല നടയി”ലും ഒക്കെ നടയ്ക്കുപുറത്ത്; പകരം യേശുദാസ് “സാന്ദ്രാനന്ദാവ ബോധാത്മകം...” പാടുന്നു.പാടത്തെ പണി കഴിഞ്ഞ് അന്തി മോന്താൻ പോകുന്നതിനു മുന്നെയായി അമ്പലക്കുളത്തിലൊരു മുങ്ങലും, നടയ്ക്കൽ നിന്നൊരു നീട്ടിവിളിയും, പ്രാർത്ഥനയും താമുവിന്റെ ശീലമാണ്. ഉപ്പൂറ്റിയ്ക്ക് മുകളിൽ വെള്ളമുള്ള ഏത് ജലാശയത്തേയും ഭയപ്പെടുന്ന ഞാൻ വെള്ളത്തിലേക്കുള്ള താമുവിന്റെ ക്ഷണം ഒഴിവാക്കാനാണ് മറുചോദ്യം ആദ്യമേ എടുത്തിട്ടത്.
“താമൂന് ഈ പാട്ട് കേട്ടിട്ട് എന്തു തോന്നുന്നു”
“എനിക്കൊന്നും മനസിലായില്ല കുട്ട്യേ”
}

രംഗം-2 / കള്ളുഷാപ്പ്
{
ഉറുമ്പുകളും, ഈച്ചകളും ചത്തുപൊന്തി കിടക്കുന്ന മട്ട് മാറ്റി മൂന്നാമത്തെ കുപ്പിയിൽ പിടി മുറുക്കിയിരുന്നു ഞാനും, താമുവും.
“ആനയും, കൊതുകും കൂടെ കല്യാണം കഴിച്ചു. ആന കൊമ്പൻ, കൊതുക് ഒരു അനോഫിലിസ് സുന്ദരിക്കുട്ടി. പക്ഷേ ആദ്യരാത്രി കഴിഞ്ഞ് പിറ്റേന്ന് നേരം വെളുത്തപ്പോൾ കൊതുക് കട്ടിലിൽ ചത്തു കിടക്കുന്നു. കാരണം എന്താണ് താമൂ?”
ലിംഗവലിപ്പം എന്ന ഉത്തരം പച്ചമലയാളത്തിൽ പറയുന്നതിന്റെ അശ്ലീലത ഒഴിവാക്കിക്കൊണ്ട് താമു
“അത് പിന്നെ അങ്ങല്ലല്ലേ വരുള്ളൂ കുട്ട്യേ? ആന കൊതൂന്റെ മോളില് കേറിക്കെടന്നോണ്ടാകും“”
“താമു ഉദ്ദേശിച്ചത് എനിക്ക് മനസിലായി പക്ഷെ അതല്ല കാരണം. ഉത്തരം പറ താമൂ”
“എനിക്ക് അറിയില്ല കുട്ട്യേ”
}

രംഗം-3 / വീട്ടിലേക്കുള്ള ഒറ്റയടിപ്പാത
{
ഇരുളിലൂടെ വേച്ചുവേച്ച് നടക്കുമ്പോൾ ഞങ്ങൾക്ക് എതിരേ വരുന്നയാൾ
“ഇതെന്താ താമൂവേട്ടാ ഇന്ന് ചേലായിട്ടുണ്ടല്ലോ?”
“അല്ല ആരാത്?”
“ഞാനാ താമുവേട്ടാ”
“ആരാ വേണുവാണോടാ? “
“അല്ല രവിയാണ് താമുവേട്ടാ”
“ഇരുട്ടത്ത് പെട്ടെന്നങ്ങട് മനസിലായില്ലടാ. ഇന്ന് ഈ കുട്ടീടെ നിർബ്ബന്ധം കൊണ്ട് ലേശം അതികായി.“
}

അപ്പോൾ പറഞ്ഞുവരുന്നതെന്തെന്നാൽ...
അറിയില്ലായ്മയും, മനസിലാകായ്മയും രണ്ടാണെന്നാണ് ഞാൻ മനസിലാക്കിയിരിക്കുന്നത്. പക്ഷേ, ‘മനസിലാകായ്മ എന്നൊന്നില്ല‘ എന്നത് പലപ്പോഴായി കടുത്ത നിലപാടോടെ വെള്ളെഴുത്ത് ഉയർത്തിക്കൊണ്ട് വരാറുള്ള ഒരു ആശയമാണ്. പോസ്റ്റ്-1 , പോസ്റ്റ്-2 എന്നീ പോസ്റ്റുകളും, തുടർന്ന് വന്ന കമെന്റുകളും ശ്രദ്ധിച്ചാൽ നിഘണ്ടുവിൽ നിന്ന് കാലഹരണപ്പെട്ട ഒരു വാക്കാണ് “മനസിലായില്ല” എന്നതെന്നാണ് നമ്മൾ മനസിലാക്കേണ്ടത്.

സംഗതികളെ ചിരിച്ചു തള്ളാൻ വരട്ടെ. നിഘണ്ടുവിനെക്കുറിച്ച് ഇത്തരത്തിൽ ഒരു പോസ്റ്റ് എഴുതിയ വെള്ളെഴുത്ത് “മനസിലായില്ല” എന്ന പദത്തെ കാള്‍‌വിന്‍ ശൈലിയില്‍ നിഘണ്ടുവിൽ നിന്ന് നിഷ്ക്കാസനം നടത്തുന്നത് തീർത്തും ഏകപക്ഷീയമായ വാദത്താലാണ്. “എല്ലാം ലളിതമല്ല, ലോകം സങ്കീർണ്ണമയമാണ്“ / "ലളിതം എന്നത് എന്താണെന്ന് നിര്‍വചിക്കേണ്ടി വരും അതു ബുദ്ധിമുട്ടാണോ അല്ലയോ എന്നു തിരിച്ചറിയാന്‍" എന്നീ മുഖവുര അദ്ദേഹം നൽകുന്നുണ്ടെങ്കിലും - കെ.പി.എ.സി ലളിതയുടെ അഭിനയലാളിത്യത്തേക്കാൾ - ‘ലളിത‘മായ ലോജിക് വെച്ചാണ് “മനസിലാകാത്തവരുടെ സംഘത്തെ” വെള്ളെഴുത്ത് മൌലികവാദികളും, വൈവിധ്യത്തെ അംഗീകരിക്കാൻ മടിക്കുന്നവരും, സർവ്വോപരി വായിച്ചതിനെ “ഇല്ലാതാക്കാൻ” ബോധപൂർവ്വമായി നടത്തുന്ന ഇടപാടുകാരുടെ ഉപജാപ സംഘമായും ചിത്രീകരിക്കുന്നത്.
“നിങ്ങൾ ഇസ്ലാമാണ്
ഇസ്ലാമിൽ കൂടുതലും തീവ്രവാദികളാണ്
അതിനാൽ നിങ്ങളും തീവ്രവാദിയാണ്”
എന്നതിനോട് നേരിട്ട് താരതമ്യം ചെയ്യാൻ കഴിയില്ലെങ്കിലും ഏതാണ്ട് സർക്കുലാർ തിയറിയുടെ അതുപോലൊരു ലളിതലോജിക്ക് വെച്ചാണ് മനസിലാകാത്തവരുടെ മനശാസ്ത്രം വെള്ളെഴുത്ത് നോക്കിക്കാണുന്നത്.

ഒരു വാക്കിന് തുല്യം ആ വാക്കുമാത്രം എന്ന ആപ്തവാക്യത്തെ മാനിച്ചു കൊണ്ട് പറയട്ടെ; “അറിയില്ല/മനസിലായില്ല/അംഗീകരിക്കുന്നില്ല” എന്നത് വ്യത്യസ്ഥാർത്ഥത്തിൽ തന്നെയാണ് മലയാളി പ്രയോഗിക്കുന്നത്. അജ്ഞാതമായതിനേയോ, അംഗീകരിക്കാൻ മടിയുള്ളതിനേയോ ആണ് ഒരു “മനസിലാകായ്മ“കൊണ്ട് മറയ്ക്കുന്നതെങ്കിൽ പ്രയോഗിച്ചവനെ/ളെ യാഥാസ്തികനെന്നോ, മൌലികവാദിയെന്നോ, വിഢിയെന്നോ ഒക്കെ വിളിക്കാം. മനസിലാകായ്മ “അറിവി“ന്റെ പ്രശ്നമാണെന്നാണ് പോസ്റ്റ് 2ന്റെ കമെന്റുകളിൽ വെള്ളെഴുത്തും, *ഗുപ്തനും സമർത്ഥിക്കുന്നത്. എന്നാൽ പിന്നെ അതൊന്ന് “അറിഞ്ഞിട്ടു” തന്നെ കാര്യം. മുകളിലെ മൂന്ന് രംഗങ്ങളിലേക്ക് മടങ്ങിപ്പോകാം. മൂന്നിലും താമുവിന്റെ “അറിവ്” തന്നെയാണ് പരാമർശവിധേയമാക്കുന്നത്.

രംഗം-1 : ‘മനസിലായില്ല’ => താമുവിന് സംസ്കൃതമോ, മണിപ്രവാളമോ അറിയില്ല, അയാളത് അഭ്യസിച്ചിട്ടില്ല. അതുകൊണ്ട് തന്നെ സംസ്കൃതപദങ്ങൾ നിറഞ്ഞ ഭക്തിഗാനം താമുവിന് ആസ്വദിക്കാൻ കഴിയുന്നില്ല.

രംഗം-2 : “അറിയില്ല” => കുസൃതിച്ചോദ്യത്തിന്റെ ഉത്തരം ചോദ്യകർത്താവിന് മാത്രമേ അറിയാവൂ എന്ന് മനസിലാക്കിയ താമു ഉത്തരം തനിയ്ക്കറിയില്ലെന്ന് പറഞ്ഞ് കീഴടങ്ങുന്നു.

രംഗം-3 : “മനസിലായില്ല” => കഴിഞ്ഞ 25 വർഷമായി താമുവിന് രവിയെ അറിയാം. പക്ഷേ ഉള്ളിലെ കള്ളിന്റേയും, ഇരുളിന്റേയും സാന്നിദ്ധ്യം കൊണ്ട് രവിയെ പെട്ടെന്ന് “തിരിച്ചറിയാൻ” താമുവിനായില്ല. എതിരേ വന്ന ആളാകട്ടെ താൻ “രവി” ആണെന്ന് വ്യക്തമാക്കുന്നുമില്ല. പക്ഷെ താമുവിന്റെ ‘മനസി‘ൽ അപ്പോൾ ഒരു അൽഗോരിതം പ്രവർത്തനക്ഷമമാകുന്നുണ്ട്.
1) “താമുവേട്ടാ” എന്ന് തന്നെ സംബോധന ചെയ്യാൻ സാധ്യതയുള്ളവരുടെ വലിയ പട്ടിക.
2) ആ പട്ടികയിൽ / ആ നേരത്ത് / ആ വഴിയിലൂടെ സഞ്ചരിക്കാൻ സാധ്യതയുള്ളവരെ മാത്രം തിരഞ്ഞെടുത്ത ചെറിയ പട്ടിക.
3) ചെറിയ പട്ടികയിലെ സാധ്യതയുള്ളവരുമായുള്ള ശബ്ദതാരതമ്യത്തിൽ കൂടുതൽ അടുത്തു നിൽക്കുന്ന ‘വേണു‘ എന്ന അനുമാനം / പക്ഷെ ഉറപ്പില്ലാത്തതിനാൽ ‘ആണോടാ?‘ എന്ന സംശയം.
(സംഗതി ചില്ലറ കളിയല്ല; സാധ്യതകളുടേയും, തിരഞ്ഞെടുപ്പുകളുടെയും ഇത്തരം സങ്കീർണ്ണപ്രക്രിയകൾ നടത്തിയിട്ടു തന്നെയാണ് താമു രവിയെ ‘മനസിലാക്കാതിരിക്കു‘ന്നതെന്ന് എന്നെങ്കിലും മനസിലായല്ലോ? ഒരുപക്ഷെ, മനസിലാക്കലോളം തന്നെ സങ്കീര്‍ണ്ണമാണ്‌ മനസിലാകാതിരിക്കലും. )

അറിവ്, തിരിച്ചറിവ് എന്നിവയ്ക്ക് വ്യത്യസ്താർത്ഥങ്ങൾ വെള്ളെഴുത്ത് നൽകുന്നുണ്ടെങ്കിൽ തീർച്ചയായും ആ ആനുകൂല്യം “മനസിലായില്ല” എന്ന് പറയാനുള്ളവരുടെ അവകാശത്തിനും നൽകേണ്ടതാണ്; ചുരുങ്ങിയ പക്ഷം തമസ്ക്കരണാർത്ഥത്തിൽ അത് പ്രയോഗിക്കാത്തവർക്കെതിരെയെങ്കിലും. കാരണം മനസിലായില്ല എന്ന വെളിപ്പെടുത്തൽ എല്ലായ്പ്പോഴും അലസമായ ഒരു ഒഴിഞ്ഞുമാറലോ / ഇല്ലായ്മചെയല്ലോ / അംഗീകരിക്കാൻ മടിക്കലോ അല്ല എന്നെങ്കിലും മനസിലാക്കേണ്ടതുണ്ട്.
“എല്ലാം നിങ്ങൾ മനസിലാക്കിയിരിക്കണം“ എന്ന് പറയുമ്പോൾ -എത്രതന്നെ ഇല്ലെന്ന് ശഠിച്ചാലും - “എല്ലാം നിങ്ങൾ അംഗീകരിക്കണം“ എന്നൊരു ഫാഷിസ്റ്റ് ധ്വനികൂടെ അതിൽ കടന്നുകൂടുന്നുണ്ട്.
എല്ലാം നിങ്ങൾ കേൾക്കണം / എല്ലാം നിങ്ങൾ മനസിലാക്കണം / എല്ലാം നിങ്ങൾ അംഗീകരിക്കണം. സാഹിത്യത്തിലെ മനസിലാകാതിരിക്കലിനെ പ്രതിരോധിക്കാനായി വെള്ളെഴുത്ത് ആശ്രയിക്കുന്ന സങ്കേതം ശാത്രമാണ്‌. "ശാസ്ത്രം വികസിച്ചെന്നും നാള്‍ക്കുനാള്‍ സങ്കീര്‍ണ്ണമാവുന്നെന്നും നമുക്കറിയാം" എന്ന പരിചയെടുത്ത് അദ്ദേശം ആയിരപ്പടയ്ക്ക് നേരേ നിലകൊള്ളുന്നുണ്ടെങ്കിലും മനസിലാക്കേണ്ട ചിലതുണ്ട് . "ഗണിതശാസ്ത്രം അറിയാത്തവര്‍ക്ക് ഇവിടെ പ്രവേശനമില്ല" എന്ന ബോര്‍ഡ് തൂക്കിയ ശാസ്ത്രജ്ഞര്‍ പോലും ഗണിതശാസ്ത്രം മനസിലാകാത്തവര്‍ക്ക് പ്രവേശനമില്ലെന്ന് പറഞ്ഞിട്ടില്ല :) . ശാസ്ത്രത്തിലാണെങ്കില്‍ മനസിലാക്കല്‍ ശരികളിലൂടെ മാത്രമല്ല തെറ്റുകളിലൂടെയുമാണ്‌ നടക്കുന്നത്. നീല്‍സ് ബോറിന്റെ ദ്വിമാന ആറ്റം ഘടന തെറ്റാണെന്ന് അറിഞ്ഞുകൊണ്ട് തന്നെയാണ്‌ ശാസ്ത്രപരിചയം നടത്തുന്ന വിദ്യാര്‍ത്ഥിക്ക് അത് മനസിലാക്കി കൊടുക്കുന്നത്. ആറ്റത്തിന്റെ ത്രിമാന-ഊര്‍ജ്ജ സങ്കീര്‍ണ്ണ സങ്കേതങ്ങള്‍ മനസിലാക്കാന്‍ ആ തെറ്റായ വഴിയിലൂടെയാണ്‌ നീങ്ങേണ്ടത്.

മനസിലാക്കലും, അംഗീകരിക്കലും രണ്ടാണെന്ന മറുവാദം വരാം. ‘മനസിലാക്കി‘യതിനു ശേഷം വേണമെങ്കിൽ മാത്രം ‘ആസ്വദിക്കു’കയോ, ‘അംഗീകരിക്കു‘കയോ ചെയ്താൽ മതിയെന്ന യുക്തിയെ മാനിച്ചു കൊണ്ട് തന്നെ പറയട്ടെ. മനസിലാകാതിരിക്കലെന്നത് എല്ലായ്പ്പോഴും ആസ്വദിക്കാനോ, അംഗീകരിക്കാനോ പാകപ്പെടും വരെയുള്ള ഒരു "ഇടവേള/താൽക്കാലിക അവസ്ഥ" മാത്രമാകണമെന്നില്ല.
"ചേട്ടന്‍ സൂര്യേടെ ഗജിനി കണ്ടിട്ടുണ്ടോ?"
"അയ്യേ, ഇല്ല... ശേ.."
"എന്നാല്‍ പോട്ടെ അമീര്‍ഖാന്റെ ഗജിനി കണ്ടിട്ടുണ്ടോ?"
"പോ പെണ്ണേ, എനിക്ക് കണ്ട അവന്മാരുടെയൊക്കെ 'ഗജിനി' നോക്കലല്ല പണി."
എന്ന് സുരാജ് വെഞ്ഞാറമൂട് സ്ക്രീനില്‍ തമാശ പറയുമ്പോള്‍ അത് മനസിലാകാതെ മിഴുങ്ങസ്യ ഇരിക്കുന്ന ശുദ്ധഗതിക്കാരെ കണ്ടിട്ടുണ്ട്. അവരാകട്ടെ രണ്ട് ഗജിനിയും കണ്ടിട്ടുമുണ്ട് :)

രംഗം-3 പ്രകാരം ഇരുൾ/കള്ള്/ വേണു-രവി എന്നിവരുടെ ശബ്ദസാദൃശ്യം എന്നിവ സൃഷ്ടിച്ച ഒരു ഇടവേളയിൽ മാത്രമാണ് താമുവിന് രവിയെ മനസിലാകാതിരിക്കുന്നത് എന്ന് സമർത്ഥിക്കുന്ന “സ്ഥലത്തെ പ്രധാന ബ്ലോഗന്മാ“ർക്ക് രംഗം നാലിലേക്ക് സ്വാഗതം.

രംഗം-4 / ഗ്രാമീണ വായനശാല
{
അക്ഷരമറിയാത്ത താമുവിന് ഞാൻ ബഷീറിന്റെ ‘സ്ഥലത്തെ പ്രധാന ദിവ്യൻ‘ വായിച്ചു കേൾപ്പിക്കുന്നു. ഗ്രാമത്തിലെ ആഞ്ഞിലിത്തടി കാണാതായതിനെക്കുറിച്ച് തിരക്കാൻ മാന്ത്രികനായ കണ്ടമ്പറയനെ കാണാൻ പോയി മടങ്ങി വരുകയാണ് ആനവാരി, പൊൻ‌കുരിശ്, മുത്തപ്പ, പോക്കർ തുടങ്ങിയ ബഷീറിയൻ സംഘം. കാണാതായ തടിയെക്കുറിച്ച് ചോദിച്ചപ്പോൾ കണ്ടമ്പറയൻ അവർക്കരുളിയ മാന്ത്രിക അടയാളവാക്യം “ഹന്തന്തൊന്ത്” എന്നത് മാത്രമായിരുന്നു. ഒന്നും മനസിലാകാതെ അവർ തിരികെ വരുന്നേരം അവരിലൊരാൾ മാത്രം അത് ‘മനസിലാക്കുന്നു‘
ഹന്തൊന്തൊന്ത് = അതവിടെയുണ്ട് = അത് അവിടെ തന്നെ ഉണ്ട്
ഹന്തൊന്തൊന്ത് = ആഞ്ഞിലിത്തടി അത് കിടന്ന മണ്ണിനടിയിൽ തന്നെ ഉണ്ട്
ഹന്തൊന്തൊന്ത് = ആഞ്ഞിലിത്തടി മോഷ്ടിക്കാൻ ശ്രമിച്ചവർ അത്രയും വലിയ തടി ആരുടേയും കണ്ണിൽ പെടാതെ പെട്ടെന്ന് കടത്തുന്നത് ഒഴിവാക്കാനായി തടി കിടന്നതിന് അടുത്തായി കുഴിയെടുത്ത് മൂടുന്നു.
“അല്ല കുട്ട്യേ, അതെങ്ങന്യാണ് ഹന്തെന്തൊന്ത് എന്ന് പറഞ്ഞാൽ ഇത്രയൊക്കെ മനസിലാകണത്?”
“ഇത് കഥയല്ലേ, കഥയിൽ ചോദ്യമുണ്ടോ താമൂ?”
“അത് ശര്യാണ്. പക്ഷേ ഹന്തൊന്തൊന്ന് എന്ന് കേട്ടപ്പോൾ എനിക്കൊന്നും മനസിലായില്ലെന്റെ കുട്ട്യേ”
}
മനസിലാക്കലുകളുടെ വൈജ്യാത്യത്തെ സാഹിത്യസൂഫി ബഷീർ ഇത്രയേറെ ലളിതമാർന്ന നർമ്മത്താൽ അവതരിപ്പിച്ചിരിക്കുന്നത് നമ്മുടെ വെള്ളെഴുത്തിന് മനസിലാകുമെന്നിരിക്കേ;
മൈ ഡിയർ താമൂ, ഇനി നിങ്ങൾക്ക് ആരുടെ മുഖത്തും നോക്കി ധൈര്യമായി പറയാം
“എനിക്ക് മനസിലായില്ല”

** പോസ്റ്റ് ലെതീഷ് മോഹന്റെ കവിതയെക്കുറിച്ച് വെള്ളെഴുത്ത് എഴുതിയ പഠനത്തെക്കുറിച്ചല്ല , മറിച്ച് വെള്ളെഴുത്തിന്റെ “മനസിലാക്കൽ” നിലപാടുകളെക്കുറിച്ചാണെന്ന് ഓർമ്മപ്പെടുത്തുന്നു.

*** ആ ഇനി കമെന്റുകളാകാം. വായിച്ച ശേഷം ഞാൻ ‘മനസിലാക്കി‘യതനുസരിച്ച് മറുപടി തരും. [ഹാ! അത്രയ്ക്കായോ]

================================

Off.To.

* കവിത മനസിലായില്ലെന്ന് പറഞ്ഞ എസ്. ജെ. ഗ്രാമത്തിനെ രസക്കൂട്ടൊരുക്കുന്നതില്‍ രീതിശാസ്ത്രങ്ങള്‍ക്ക് വഴങ്ങിക്കൊടുക്കാത്തതുകൊണ്ട് / ധ്വന്യാത്മകമായ ജീവന്‍ പരമാത്മാവുപോലെ ഉദാത്തമായ എന്തോ തത്വമല്ല വാക്കുകളുകളുടെ രസതന്ത്രത്തിന്റെ സൃഷ്ടിയാണെന്നുള്ള കാഴ്ചപ്പാടാണ് ആധുനികകവിതയിലെ ഭൌതികവാദം എന്നതുകൊണ്ട് ഉദ്ദേശിച്ചത് / ശരീരം ആത്മാവ് പോലെയുള്ള സമഷ്ടിതത്വങ്ങളില്‍ ഊന്നിയുള്ള ആസ്വാദനം അസാധ്യമാവുന്നു ഇത്തരം പ്രയോഗങ്ങളാൽ ഗുപ്തൻ വശം കെടുത്തുന്നത് കണ്ടപ്പോൾ പെട്ടെന്ന് മനസിലോടിയെത്തിയത് ബ്ലോഗിൽ തന്നെ പലപ്പോഴായി ഉപയോഗിക്കപ്പെട്ട “സന്ദേശം-ആർ.ഡി.പിയുടെ തോൽ‌വി-പ്രതിക്രിയാവാദം-റാഡിക്കലായുള്ള മാറ്റം” തമാശയാണ് :) വായനയ്ക്ക് പരിമിതികളുണ്ട് എന്ന് ഇവിടെ തുറന്ന് സമ്മതിച്ച ഗുപ്തന്‍ തന്നെയാണ്‌ എസ്.ജെ.യെ ഒരുമാതിരി "സന്ദേശം ഉത്തമനെ"പ്പോലെ അടിച്ചിരുന്നത്.

വേണമെങ്കിൽ ബലാത്സംഗം ചെയ്തോളൂ; പക്ഷേ ലൈംഗികവിദ്യാഭ്യാസത്തെക്കുറിച്ച് മിണ്ടിപ്പോകരുത്

2009-04-17T09:41:00.007+05:30

വെങ്കായം നായിഡു&ടീംസിന്റെ പുതിയ കസർത്ത്.

വാർത്ത :=> സ്‌കൂളില്‍ ലൈംഗിക വിദ്യാഭ്യാസം വേണ്ട: പാര്‍ലമെന്റ്‌ സമിതി

പ്ലസ്‌ ടുവിനു മുമ്പുള്ള ക്ലാസുകളില്‍ ലൈംഗികവിജ്‌ഞാനം നല്‍കുന്ന അധ്യായങ്ങള്‍ പാഠ്യവിഷയത്തില്‍ ഉള്‍പ്പെടുത്തരുതെന്നും വിവാഹത്തിനു മുമ്പു ലൈംഗികബന്ധത്തില്‍ ഏര്‍പ്പെടുന്നത്‌ അധാര്‍മികവും അനാരോഗ്യകരവുമാണെന്ന സന്ദേശം സ്‌കൂള്‍ വിദ്യാര്‍ഥികള്‍ക്കു നല്‍കണമെന്നും സമിതി വ്യക്‌തമാക്കി............. 16 വയസില്‍ താഴെയുള്ളവരുടെ ലൈംഗികബന്ധം ബലാല്‍സംഗമായി കണക്കാക്കുമെന്നും കുട്ടികളെ ബോധ്യപ്പെടുത്തണം.

അതെങ്ങനെയാണ് അണ്ണന്മാരേ ഈ ടെൿനിക്ക്?

പുതിയ ഭക്ഷണ/ജീവിത ശീലങ്ങളനുസരിച്ച് പെൺകുട്ടികളും, ആൺകുട്ടികളും നേരത്തേ തന്നെ പ്രായപൂർത്തിയാകുന്നു എന്ന് റിപ്പോർട്ടുകൾ പുറത്തു വന്ന സാഹചര്യത്തിൽ, അതിന്റെ ഏറ്റവും ശ്രദ്ധേയമായ 11-16 വയസ്സുകാലത്ത് നൽകാതെ പിന്നെ പേരക്കുട്ടിയുടെ നൂലുകെട്ടിന്റെ അന്നാണോ മേൽ‌പ്പറഞ്ഞ വിദ്യാഭ്യാസം നൽകേണ്ടത്?

പകരം ജീവശാസ്‌ത്ര വിഷയത്തിന്റെ കരിക്കുലത്തില്‍ ഇതു സംബന്ധിച്ച അധ്യായങ്ങള്‍... എന്ന ലൂപ്പ് ഹോളിൽ കടിച്ച് തൂങ്ങി മാന്താൻ വരുന്നവരുടെ പ്രത്യേക ശ്രദ്ധയ്ക്ക്

“കടൽ വെള്ളം വറ്റിച്ചാൽ ഉപ്പായി മാറും”
“ഇന്ത്യയുടെ തലസ്ഥാനമാണ് ഡെൽഹി”
“യെൻ ജപ്പാന്റെ കറൻസിയാകുന്നു”
“Sine = Opposite/Hypotenuse"

എന്ന മട്ടിൽ “അണ്ഡവും പുംബീജവും സംയോജിച്ച് സിക്താണ്ഡം ഉണ്ടാകുന്നു. സിക്താണ്ഡം ഗർഭാശയത്തിൽ വളർന്ന് സന്താനമാകുന്നു“വെന്ന് കാണാപ്പാഠം പഠിക്കുന്നതാണോ ലൈംഗിക വിദ്യാഭ്യാസമെന്ന് ചിന്തിക്കേണ്ടതാണ്; പ്രത്യേകിച്ചും ഈ സാഹചര്യത്തിൽ.

അല്ല അറിയാൻ മേലാഞ്ഞിട്ട് ചോദിക്കുകയാണ് ഈ “രാജ്യസഭാ പെറ്റീഷന്‍സ്‌ കമ്മിറ്റി“യിൽ തലയിൽ അൽ‌പ്പമെങ്കിലും വിവരമുള്ള ആരുമില്ലേ?

സദാചാരം മൂത്തുമൂത്ത് "ഇനി ക്ലോണിംഗ് മാത്രം മതി"യെന്ന് ഉറഞ്ഞുതുള്ളുന്നവരോട് എന്ത് പറയാൻ?

നമുക്ക് തൽക്കാലം ചെയ്യാനാകുന്നത് ചെയ്യുക

2009-04-15T22:19:00.002+05:30

പോസ്റ്റര്‍ ഡിസൈന്‍ : പരാജിതന്‍

ഹൈന്ദവഫാസിസ്റ്റുകൾ അധികാരം കൈയ്യാളാതിരിക്കാൻ.
ഹൈന്ദവഫാസിസത്തിന് നിലവിലുള്ള ബദലായ
കോൺഗ്രസ് (എന്ന തമ്മിൽ ഭേത തൊമ്മൻ) ഒറ്റയ്ക്ക്
ഭൂരിപക്ഷം നേടുകയെന്ന അവസ്ഥയില്ലാതിരിക്കാൻ
നമുക്ക് തൽക്കാലം ചെയ്യാനാകുന്നത് ചെയ്യുക...

ഗൂഗിൾ ന്യൂസ് വിനോദങ്ങൾ

2009-04-13T09:55:00.006+05:30

ഗൂഗിൾ ന്യൂസ് സ്ക്രീൻ ഷോട്ട്

ഹോ, യെന്തോരം വിനോദങ്ങൾ ?

മിസാരു, മിക്കസാരു, മസാരു

2009-04-07T14:42:00.003+05:30

~~മിസാരു, മിക്കസാരു, മസാരു~~

ഇനിയിൽ‌പ്പോൾ പേരുകൾ മാറ്റേണ്ടിയിരിക്കുന്നു.
മുന്‍‌തദാര്‍അല്‍സെയ്ദി, മുതുവം‌ ഷാജി, ജർണയിൽ സിംഗ്

*ഇത്തരം പ്രതികരണങ്ങോട് യോജിപ്പില്ല്ലെന്ന് ഇവിടെ അറിയിച്ചതായിരുന്നു.
പക്ഷേ നിരയിൽ ആളുകൾ കൂടിവരുന്നുവെന്നത് ഓർമ്മപ്പെടുത്താതെ വയ്യ.

സ്ത്രീ - മദീനയായാലും മാംഗളൂരായാലും മയാമിയായാലും നീതി ഒന്നാണ്

2009-04-06T09:47:00.007+05:30

ഖദീജാ മുംതാസിന്റെ ‘ബർസ’ വായിക്കുമ്പോൾ മക്കയിലോ, മദീനയിലോ ഉള്ള മുത്തവ്വമാരുടെ നേരെ ഇങ്ങനെ സ്ത്രീകൾ പ്രതികരിക്കുമെന്ന് ഒരിക്കൽ പോലും കരുതിയിരുന്നില്ല. ഇന്നത്തെ പത്രവാർത്തകളിൽ ഞെട്ടിച്ചതെന്ന് പറയാവുന്ന ഒന്നാണ്

മദീനയില്‍ സ്ത്രീകള്‍ സദാചാര പൊലീസ് ഓഫിസ് ആക്രമിച്ചു

News : Click Here

ഒരു സ്ത്രീയും പുരുഷനും ഒരുമിച്ചു നടക്കുന്നത് (കിടക്കുന്നതല്ല്ല, നടക്കുന്നത് പോലും) സദാചാരലംഘനമായി കരുതി അറസ്റ്റ് ചെയ്യുന്ന ഒരു നാട്ടിൽ ഇങ്ങനെയെങ്കിലും പ്രതികരിച്ച,ഇത്രയെങ്കിലും ചെയ്ത ചെയ്ത ആ സ്ത്രീകളെ അഭിനന്ദിക്കാതെ വയ്യ. പക്ഷെ, തുടർവിചാരണകളിൽ അവർക്കെന്താണ് ശിക്ഷവിധിക്കുകയെന്ന് ആലോചിക്കുമ്പോൾ ആശങ്കകളുമുണ്ട്. എങ്കിലും മുതലിക്കുമാരുടെ മുഖത്ത് പിങ്ക് ജെട്ടികളും, മുത്തവ്വമാരുടെ മുഖത്ത് മൂടുപടങ്ങളും ഊരിയെറിയുന്ന -സ്വയം തിരിച്ചറിഞ്ഞ- സ്ത്രീകളെ അഭിനന്ദിക്കാതെ വയ്യ.

ബർസ എഴുതിയ ഖദീജാ മുംതാസ് 5 വർഷത്തോളം മക്കയിലും, മദീനയിലുമെല്ലാം ഗവണ്മെന്റ് ആശുപത്രികളിൽ ഗൈനക്കോളജിസ്റ്റ് ആയി സേവനമനുഷ്ഠിച്ചിരുന്നു.

നോവലിലെ ഒരു കഥാസന്ദർഭത്തിൽ രോഗം ബാധിച്ച് ആശുപത്രിയിലെ മെയിൽ വാർഡിൽ കിടക്കുന്ന ഭർത്താവിന്റെ കണ്ട് ഒരു വൈകുന്നേരം കാറിൽ വീട്ടിലെ വേലക്കാരനോടൊപ്പം മടങ്ങുന്ന സ്ത്രീയെ സദാചാരപ്പോലീസ് അറസ്റ്റ് ചെയ്യുന്നത്. വൈകുന്നേരം ഒരു കാറിൽ ഭർത്താവോ, സഹോദരനോ, പിതാവോ, മകനോ അല്ലാത്ത പുരുഷനുമായി യാത്ര ചെയ്തു എന്ന “ഭീകര സദാചാര ലംഘന“ത്തിനാണ്. പോലീസ്റ്റ് സ്റ്റേഷനിൽ വെച്ച് ഒരുപോലെ അപമാനിതരാകുന്ന ആ സ്ത്രീയും-അവർ ഒരു ഡോക്ടറാണ്- വേലക്കാരനും... സൌദി അറേബ്യയിലെ നിയമങ്ങളെക്കുറിച്ച് കേട്ടിട്ടുണ്ടെങ്കിലും ഇത്രയൊക്കെ നടക്കുമോ എന്ന് സംശയം പ്രകടിപ്പിച്ചിരുന്നു . എന്നാൽ ഈ പത്രവാർത്ത കണ്ടതോടെ സത്യമാണെന്ന് മനസിലായി; മാത്രമല്ല മൂടുപടമറവിൽ നിന്ന് മുഖം തെളിച്ച് സ്ത്രീകൾ പ്രതികരിക്കാൻ തുടങ്ങിയെന്നും.

(ബർസയെക്കുറിച്ച് ഒരു പോസ്റ്റ് ഇടണമെന്ന് കരുതി കുറെ കാലമായി പാതിയിൽ ഡ്രാഫ്റ്റ് ആക്കിവെച്ചതാണ് താഴെ കാണുന്നത്. ഇപ്പോഴല്ലാതെ പിന്നെ എപ്പോഴാണ് അത് പോസ്റ്റുന്നത്. )

“ബർസ എന്നാൽ മുഖം തുറന്നിട്ടവൾ എന്നാണർത്ഥം. ഖദീജാ മുംതാസിന്റെ ഈ നോവലിലെ നായിക മുഖം തുറന്നിട്ടവളാണ്. ഈ മുഖം തുറന്നിടലിലൂടെ മനസു തന്നെ തുറന്നിടാനാണ് സബിത ആഗ്രഹിക്കുന്നത്. തുറന്നിട്ട മനസുമായി ഇസ്ലാമിലൂടെ ഒരു യാത്ര നടത്തുകയാണ് സബിത ചെയ്യുന്നത്”
- പുസ്തകത്തിന്റെ പിൻ‌കുറിപ്പ്

പുസ്തകത്താളുകളിലൂടെ….

ഹറമിൽ നമസ്ക്കാരത്തിനു മുട്ടുകുത്തുമ്പോൾ സ്ത്രീകളും പുരുഷന്മാരും സംഘങ്ങളായി വേർതിരിഞ്ഞു നിൽക്കുമെങ്കിലും ക‌അബയ്ക്കു ചുറ്റുമുള്ള എഴുവട്ടം നീളുന്ന തവാഫിൽ അത്തരം വേർത്തിരിവില്ല.അതു പ്രായോഗികവുമല്ല. കുടുംബം ഒന്നിച്ച് കൂട്ടംതെറ്റിപ്പോകാതിരിക്കാൻ ശ്രദ്ധിച്ചാണ് പ്രദക്ഷിണം ചെയ്യുക. സദാചാരസംരക്ഷകനായ ‘മുതവ’ കൂർപ്പിച്ചകണ്ണുകളോടെ, സദാ ജാഗരൂകനായി ക‌അബയ്ക്കു ചുറ്റും വിശ്വാസികളുടെ വലയത്തിനകത്തായി റോന്തുചുറ്റുന്നുണ്ടായിരിക്കും. മറൂൺ കള്ളികളുള്ള ശിരോവസ്ത്രത്തിന്റെ വലയത്തിനകത്തും നീണ്ടതാടിക്കുമിടയിലൂടെ പ്രതിഫലിക്കുന്ന മുഖഭാവങ്ങളിലൂടെ, കണ്ണുകളിലൂടെ, കയ്യിലുള്ള നീളൻ വടിയിലൂടെ വെറും മനുഷ്യരെ നിയന്ത്രിച്ചുകൊണ്ടിരിക്കും. ഒരിക്കൽ സബിതയുടെ നേരെയും നീണ്ടു ആ വടിപ്രയോഗം.

‘യാ ഹരീം , മുഖം മറയ്ക്ക്”

എന്ന ആക്രോശം സബിതയെ ഞെട്ടിച്ചു. പള്ളിപ്പോലീസിന്റെ നരച്ച താടിരോമങ്ങളിലൂടെ വഴിഞ്ഞൊഴുകുന്ന പുച്ഛം. ‘അഴിഞ്ഞാടി നടക്കല്ലേ പെണ്ണേ” എന്നാണ് പറയുന്നതെന്ന് ഞെട്ടിത്തിരിഞ്ഞ സബിതയ്ക്കു തോന്നി. അവളുടെ ആത്മാവിനേറ്റ രണ്ടാം പ്രഹരം. മേക്കപ്പുകളൊന്നുമില്ലാത്ത, മുടിയിഴകൾ ശ്രദ്ധാപൂർവ്വം ഒതുക്കി മറച്ചുകെട്ടിയ, ഒരു കുഞ്ഞിനെപ്പോലെ നിഷ്ക്കളങ്കമെന്ന് റഷീദ് ഇടയ്ക്കിടെ പറയാറുള്ള ഈ മുഖവും മറച്ചുകെട്ടണമെന്നോ! ഇതു കണ്ടു പോയാൽ ഭക്തിയുടെ പാരമ്യത്തിൽ പുണ്യ ക‌അബയെ വലംവെയ്ക്കുന്ന പുരുഷന്മാരിൽ കാമമിളകുമെന്ന് ഇയാൾ ഭയപ്പെടുന്നോ? സബിതയ്ക്ക് തന്റെ സ്ത്രീ ശരീരത്തെപ്പറ്റി ആദ്യമായി പുച്ഛം തോന്നി. എത്ര നികൃഷ്ടമാണ് സ്ത്രീ ജന്മം! പുരുഷന്റെ വികാരങ്ങൾക്കും സൌകര്യങ്ങൾക്കും ആഗ്രഹങ്ങൾക്കുമൊത്ത് ചിട്ടപ്പെടുത്തി വെയ്ക്കേണ്ട രണ്ടാം കിട ആശ്രിതജന്മം. കറുത്ത തട്ടത്തിന്റെ നീണ്ടു കിടക്കുന്ന കോൺ വളച്ച്, മൂക്കിനു കുറുകെയൊരു മറ, സേഫ്റ്റിപിന്നിന്റെ സഹായത്തോടെ തിടുക്കത്തിൽ പിടിപ്പിച്ച് സബിത കുറെ മുന്നിലെത്തിപ്പോയ റഷീദിന്റെ പിന്നാലെ ഏന്തി വലിഞ്ഞു നടന്നു. കൃഷ്ണമണികളെ മറയ്ക്കാനെത്തിയ കണ്ണീരിന്റെ മറയ്ക്കപ്പുറം അമർഷവും, സങ്കടവും തിളയ്ക്കുന്നുണ്ടായിരുന്നു അപ്പോൾ.

എന്താണ് സംഭവിച്ചതെന്ന് സബിത തിരിച്ചറിയും മുമ്പേ ദക്തൂർ(ഡോക്ടർ)) ഹാഷിം ഒരു ഇന്തോനേഷ്യക്കാരിയുടെ ചുണ്ടിൽ തേച്ച ലിപ്സ്റ്റിക് ക്രൂരവും, ധൃതവുമായ ഒരു കൈവിരൽ ചലനത്തിലുടെ മായ്ച്ചു കളയുന്നു. ആകെ വിരണ്ടു പോയ അവൾ പെട്ടെന്ന് നെറുകയിലേക്കു മടങ്ങിയിരുന്ന മുഖപടം വലിച്ചു താഴ്ത്തിയിട്ടു. “ഇനിയും ഇതണിയരുത് മനസിലായോ?” ദക്തൂർ ഹാഷിമിന്റെ നിരോധനാജ്ഞ. ലിപ്സ്റ്റിക്കിടുന്നതും, ഒരുങ്ങുന്നതുമൊക്കെ ഒരു സ്ത്രീയുടെ മാത്രം അവകാശം. മെഡിക്കൽ പരിശോദന നടത്തുന്ന ഒരു ഡോൿടർ അതിൽ കൈകടത്തേണ്ട ആവശ്യമെന്താണ്. ഇവിടെ എത്രയോ സ്ത്രീകൾ ലിപ്സ്റ്റിക് മാത്രമല്ല കണ്ണിനുചുറ്റും മസ്ക്കാരയണിഞ്ഞ് , ഐലീനർ കൊണ്ടുള്ള ചമയങ്ങളുമൊക്കെയായാണ് പലപ്പോഴും വരാറുള്ളത്. അപമാനിതയായ ഇന്തോന്യേഷ്യക്കാരി ഇറങ്ങിപ്പോയപ്പോൾ സബിതയ്ക്ക് പറയാതിരിക്കാനായില്ല

“ദക്തൂർ ഹാഷിം, നിങ്ങളീ ചെയ്തതു ശരിയായില്ല. അവൾ ലിപ്സ്റ്റിക്കിടുന്നെങ്കിൽ അതിൽ നിങ്ങൾക്കെന്തു കാര്യം?”

“ദക്തൂറാ, അവളൊരു ഖദ്ദാമയാണ്(മെയ്ഡ് സെർവെന്റ്). അവളുടെ ഭർത്താവ് അവളുടെ കൂടെയില്ല. സ്ത്രീകൾ ഭർത്താക്കന്മാർക്ക് കാണാൻ വേണ്ടി മാത്രമേ ഇങ്ങനെ ചമയങ്ങളണിയാവൂ..”

ഓ അപ്പോൾ അതാണ് കാര്യം. പെണ്ണ് സ്വന്തം ആണിന് കണ്ടും കൊണ്ടും രസിക്കാനുള്ള സ്വകാര്യഭോഗവസ്തു മാത്രമാണെന്ന ഊന്നിയുറപ്പിക്കൽ.

***

ഇറാക്കിലെ കർബലയിൽ കൂട്ടക്കൊല ചെയ്യപ്പെട്ടവരാണ് നബിയുടെ പേരമകൻ ഹുസൈനും കുടുംബവും. ഇസ്ലാമിക ചരിത്രത്തിലെ ഏറ്റവും കറുത്ത ഒരേട്. അന്ന് കൂട്ടക്കൊലയിൽ നിന്നു രക്ഷപ്പെട്ട ഹുസൈന്റെ സ്വാതന്ത്രദാഹിയായ മകൾ സുകൈന(സക്കീന)യെപ്പറ്റി സബിത ഇന്നലെ വായിച്ചതേയുള്ളൂ. തീഷ്ണമായ ജീവിതാനുഭവങ്ങളാകാം അവളെയൊരു തീപ്പൊരിയാക്കിയതും. നാലോ,അഞ്ചോ വിവാഹം കഴിച്ച് അവൾ പുരുഷ സ്വേച്ഛാദിപത്യപ്രവണതയെ വെല്ലുവിളിച്ചു. അതി സുന്ദരിയും, പണ്ഡിതതുമായ അവളെ മോഹിച്ചെത്തുന്ന പുരുഷന്മാരിൽ നിന്ന് അവൾ വിവാഹത്തിനുമുമ്പ് ബഹുഭാര്യാത്വം വിലക്കുന്ന കരാർ ഒപ്പിട്ടുവാങ്ങി. അവരിൽ ചിലരെ പിന്നീട് വിശ്വാസ വഞ്ചനയ്ക്ക് കോടതി കയറ്റി. വിചാരണവേളയിൽ അവരെയെല്ലാം തൊലിയുരിച്ചുകാട്ടി പരിഹസിച്ചു. പുരുഷന്മാരോട് അവൾ സ്വതന്ത്രമായി ഇടപെട്ടു, തർക്കങ്ങളിൽ അവരെ തറപറ്റിച്ചു. ചരിത്രാന്വേഷികൾ ഗൂഡമായ ആഹ്ലാദത്തോടെ ഖണ്ഡികകളും പേജുകളും സുകൈനയെ വർണ്ണിക്കാൻ മാറ്റിവെച്ചിരിക്കുന്നു. അറബിഭാഷയിൽ അവർ അവളെ “ബർസ” എന്നു വിളിച്ചു. മുഖം മറയ്ക്കാത്തവൾ! തലകുനിക്കാത്തവൾ…ചോദ്യങ്ങൾ ചോദിക്കുന്നവൾ…

****

സുഡാനി സ്ത്രീകൾ വളരെ സൌമ്യരാണ്. പക്ഷേ ഡ്യൂട്ടിക്കെത്തുമ്പോൾ സുഡാനി സ്ത്രീയെ പ്രസവമുറിയിൽ കണ്ടാൽ ഡോക്ടർമാരുടെ ചങ്കിടിയ്ക്കും. എന്റെ ഡ്യൂട്ടി ടൈമിലെങ്ങാനും ഇവൾ പ്രസവിച്ചു കളയുമോ? കാരണം സുഡാനി സ്ത്രീയുടെ പ്രസവമെടുക്കുന എന്നത് അത്ര നിസാരമായ കാര്യമല്ല. 98% സുഡാനി സ്ത്രീകളും കുട്ടിക്കാലത്ത് “ഫീമെയിൽ സർക്കംസിഷൻ” എന്ന കിരാതത്വത്തിനു വിധേയമായവരായിരിക്കും. ബാലികയുടെ ജനനേന്ദ്രിയത്തിലെ പ്രധാനഭാഗങ്ങളായ ലാബിയയും , ക്ലിറ്റോറിസും വളരെ ക്രൂരമായി ചേദിച്ചു കളയുന്നു. അതിനാൽ ജനനേന്ദ്രിയഭാഗം ഇടുങ്ങിയതും, വികലവുമായിരിക്കും. പഴയമുറിവുകൾ ഉണങ്ങിവരുമ്പോൾ മുൻഭാഗത്ത് മൂത്രദ്വാരത്തെ മറച്ചുകൊണ്ട് ഒരു തൊലിപ്പാട വന്നുമൂടിയിട്ടുണ്ടാകും. പ്രസവത്തിൽ കുഞ്ഞിനെ പുറത്തെടുക്കണമെങ്കിൽ ഈ തൊലിപ്പാട മുറിച്ച് ഇരു വശത്തേയ്ക്കും വകഞ്ഞുമാറ്റണം. സാധാരണസ്ത്രീകളിൽ വേണ്ടിവരാറുള്ള “എപ്പിസിയോട്ടമി” എന്ന മുറിച്ചു തുന്നൽ വേറെയും. പ്രസവവമയത്ത് യോനിയിൽ ഉണ്ടാകുന്ന മുറിവുകൾ ശരിയായവിധത്തിൽ പരിശോദിക്കാനോ, തുന്നാനോ അനുവദിക്കത്തവിധം ഇടുങ്ങിയതായിരിക്കും ജനനേന്ദ്രിയദ്വാരം.

*****

മരണമേ വരേണമേ...

2009-03-29T12:34:00.000+05:30

സിൽ‌വിയാ പ്ലാത്തിന്റെ മകൻ മരിച്ചെന്ന വാർത്ത അറിഞ്ഞപ്പോഴാണ്. അവരുടെ ഭർത്താവും കവിയും, ബാലസാഹിത്യകാരനുമായ Ted Hughesന്റെ ഫാമിലി ട്രീ ഒന്നെടുത്ത് നൊക്കാമെന്നു വെച്ചത്.

ബെസ്റ്റ് കണ്ണാ ബെസ്റ്റ് !

എന്ന് പറയാൻ തൊന്നിപ്പോയി.

മരിച്ചവർ
------------

ആദ്യ ഭാര്യ Sylvia Plath:
മക്കളെയെല്ലാം നനഞ്ഞതുണികൊണ്ട് പുതപ്പിച്ച് മുറി പൂട്ടിയശേഷം അടുക്കളയിൽ ചെന്ന് കത്തുന്ന ഗ്യാസ് ഓവണിൽ തലവെച്ചു മരിച്ചു.
- February 11, 1963

രണ്ടാം ഭാര്യ Assia Wevill :
അടുക്കളയിലെ ഗ്യാസ് സ്റ്റൌ തുറന്നിട്ട ശേഷം വിസ്ക്കിയിൽ സ്ലീപ്പിംഗ് പിൽ‌സ് ചേർത്ത് കുടിച്ചുകൊണ്ട് നാലുവയസുകാരി മകളോടൊപ്പം ചേർന്നുകിടന്ന് തീപ്പെട്ടു മരിച്ചു.
- March 23, 1969

മകൾ Shura :
അമ്മയുടെ(Assia Wevil) ആത്മഹത്യാശ്രമത്തിനിടെ കൊല്ലപ്പെട്ടു.
- March 23, 1969

മകൻ Nicholas Hughes :
സിൽ‌വിയാ പ്ലാത്തിലുള്ള മകൻ. ഡിപ്രഷൻ മൂത്ത് നാല്പത്തേഴാം വയസിൽ അലാസ്കയിലെ വീട്ടിൽ വെച്ച് തൂങ്ങി മരിച്ചു.
-March 16, 2009

ജീവിച്ചിരിക്കുന്നവർ
------------------------
മൂന്നാം ഭാര്യ Carol Orchard , സിൽ‌വിയയിലുള്ള മകൾ Frieda Hughes

Ted Hughes എന്തായാലും ആത്മഹത്യ ചെയ്യുകയായിരുന്നില്ല; ഹാർട്ട് അറ്റാക്കായിരുന്നു മരണ കാരണം.
-October 28, 1998

കവിതാ ശകലങ്ങൾ

Ted Hughes
-----------------------------------------
Something tries to save itself-searches
For defenses-but words evade
Like flies with their own notions
Old age slowly gets dressed
Heavily dosed with death's night
Sits on the bed's edge
Pulls its pieces together
Loosely tucks in its shirt

Sylvia Plath
---------------------------------------------------------
In Brueghel's panorama of smoke and slaughter
Two people only are blind to the carrion army:
He, afloat in the sea of her blue satin
Skirts, sings in the direction
Of her bare shoulder, while she bends,
Finger a leaflet of music, over him,
Both of them deaf to the fiddle in the hands
Of the death's-head shadowing their song.
These Flemish lovers flourish;not for long.
Yet desolation, stalled in paint, spares the little country
Foolish, delicate, in the lower right hand corner

Nicholas Hughes
-----------------------------------
Your son's eyes.... would become
So perfectly your eyes,
Became wet jewels
The hardest substance of the purest pain
As I fed him in his high white chair
. . . . . .
O love, how did you get here?
O embryo..
In you, ruby.
The pain
You wake to is not yours.