Dena den, jakinarazten dizuegu albiste kanal hau desaktibatu dugula eta hemendik aurrera gure erakundearen berri izateko albiste atal berri honetara jo behar duzuela. Harpidetza aukera ezberdinak daude eskura.

Behean sinatzen dugunok, Espainiako zinematografia jaialdien zuzendariok, joan den asteburuan prentsan argitaratutako filtrazioaren ondotik, zera adierazi nahi dugu: harrituta gaudela Sitges Kataluniako Nazioarteko Zinema Jaialdiko zuzendari Ángel Salaren aurka abiatutako ekinbide judizialarekin. 2010eko jaialdian batzuen ustez bortizkeria, pornografia eta haurren eskubideen aurkako edukiak erakusten dituen A Serbian Film pelikula helduei bakarrik zuzendutako emanaldietan proiektatzeagatik abiatu dute, hain zuzen ere.

Erantzukizuna kultur programatzaile bati eta ez eduki horien erantzule teorikoei (izatekotan, zuzendariari eta ekoizleei) egotzi izanak eragindako harridura nabarmentzeaz gainera, Ángel Salari babesa adierazi nahi diogu eta azken urtean film hori herrialde askotako zinema jaialdietan ikusi dutela gogorarazi nahi dugu: Brusela, Montreal, Londres, Oporto, Austin, San Frantzisko, Toronto, Sofia, Hanburgo, Helsinki, Puchon (Hego Korea), Ravenna eta Stockholmekoetan.

Bestalde, A Serbian Film munduko bi zinema merkatu entzutetsuenetan eman dute: Canneskoan eta Santa Monicako (Kalifornia) American Film Marketen. Eta, orain arte, inork ez du filmaren, filmaren arduradunen edo programatzaileen aurkako salaketa judizialik egin. Entzute handiko sariak irabazi dituela ere nabarmendu nahi dugu, esaterako, Montrealen irabazi zituen hiru sariak (Pelikula Onenaren Saria, Europako Pelikula Onenaren Urrezko Saria eta Pelikula Berritzaileenaren Saria); Oportoko Fantasporto Zinema Jaialdian (duela astebete eskas) irabazitako Publikoaren Saria; eta Serbiako FIPRESCI Zinemaldian jasotako Gidoi Onenaren Saria.

Era berean, Bartzelonako Fiskaltzaren jokabidea salatu nahi dugu. Izan ere, iraganekotzat jotzen genituen adierazpen askatasunaren eta kultur programazioaren aurkako zentsurazko traben garaiak gogorarazten dizkigu.

Sinatzaileak:

Javier Angulo (Valladolideko Zinema Jaialdia)
Josetxo Cerdán Los Arcos (Ikuspuntua / Iruñea)
José Luis Cienfuegos (Xixongo Zinema Jaialdia)
José Luis Rebordinos (Donostia Zinemaldia)
Carmelo Romero (Malagako Espainiako Zinema Jaialdia)
José Sánchez Montes (Granadako Zinema Jaialdia / Cines del Sur)
Claudio Utrera (Las Palmaseko Zinema Jaialdia)
Javier Martín Domínguez (Sevillako Zinema Jaialdia)
Eduardo Trías (Huelvako Zinema Jaialdia)
Josemi Beltrán (Donostiako Fantasiazko eta Beldurrezko Zinemaren Astea)

Datorren asteburuan, martxoak 4, 5 eta 6,  Victoria Eugenia Antzokiak Els Joglars taldearen 2036 Omena-G lana aurkeztuko du 20:00etan.

Atzera begira jarri ordez, Els Joglars konpainiaren 50. urteurrenerako, Albert Boadellak “anti-omenaldia” dei dakiokeena eratu du. 2036 Omena-G lanak 25 urteko jauzia egiten du gerora: Demagun 2036an, 75. urteurrenean, omenaldia eskaintzen zaiola konpainiari… Zer izango da Els Joglars orduan? Nolakoa izango ote da gizartea 2036an? Els Joglarsek sarkasmo handiz erretratatu du gizarteak azken mende erdian izan duen bilakaera, eta sarkasmo bera erabiltzen du bere buruarekin ere, batere errukirik gabe. Emaitza lan ankerra da, jostagarria, samurra, sarkastikoa eta amore ematen ez duena.

Informazio gehiago victoriaeugenia.com webgunean dituzue, Donostia Kultura erakundearen arte eszenikoen atarian, dossierren atalean.

Sarrerak 22, 16 eta 10 euro, salgai daude Victoria Eugenia eta Antzoki Zaharreko leihatiletan, baita Kutxaren ohiko kanaletan ere (Telekutxan, Servikutxan eta kutxa.net webgunean).

Ólöf Arnalds musikari islandiarrak emanaldia eskainiko du martxoaren 8an Victoria Eugenia Antzokiko Club Aretoan, arratsaldeko 20:00etan.

Islandian agertu berri den izar hau deskribatzeko, hauxe esan du Björk herrikideak Ólöf Arnaldsi buruz: “Neskato baten eta andre zahar baten artean, hor nonbait dabilen ahots bat”. The New York Timesek “beste mundu bateko ahots bat” zela esan zuen. Iruzkin horiek sustraiak Islandian dituen folk-aren bidez eragin ditu (islandieraz eta ingelesez kantatzen du), bere eztarri apartaz lagunduta, eta hari-tresnak (biolina, biola, gitarra, txarangoa, koto japoniarra) paregabeki menderatzen dituelarik.

Sarrerak (15 euro) salgai daude Victoria Eugenia eta Antzoki Zaharreko leihatiletan, baita Kutxaren ohiko kanaletan ere (Telekutxan, Servikutxan eta kutxa.net webgunean).

Argazkiak eta dossierra victoriaeugenia.com webgunean dituzue, dossierren atalean.

Datorren apirilaren 2 eta 3an, Victoria Eugenia Antzokiak Alicia Amatriain-en Alicia y las maravillas del ballet gala aurkeztuko du 20:00etan.

Alicia Amatriain donostiarrak, Stuttgarteko Balleteko Dantzari Nagusia, zortzi pieza aurkeztuko ditu gala honetan, besteak beste La fierecilla domada, La Dama de las Camelias, Two pieces for Het eta La muerte del Cisne. Marianela Núñez eta Thiago Soares – Londoneko Royal Balleteko Dantzari Nagusiak-, eta Suzanna Kaic eta Juanjo Arqués – Amsterdameko Het Nationale Balletekoak-, izango ditu bidaide ikuskizun honetan.

Argazkia eta dossierra victoriaeugenia.com webgunean dituzue, dossierren atalean.

Sarrerak bihar bertan jarriko dira salgai 30, 22 eta 16 eurotan, Victoria Eugenia eta Antzoki Zaharreko leihatiletan, baita Kutxaren ohiko kanaletan ere (Telekutxan, Servikutxan eta kutxa.net webgunean).

Almudena Cid gimnasta ohia eta Cecilio Alonso eskubaloi-jokalari ohia izango dira Gorputza bere mugaraino eramanik izeneko eztabaida-elkarrizketan parte hartuko duten espainiar kirolari ezagunak. dFERIA 2011ko jarduera paraleloen barnean kokatutako ekintza hau, martxoaren 16ko 17:00etan ospatuko da, Victoria Eugenia Antzokiko Txina Aretoan. Jarduera honek aurrez aurkeztutako ekintzekin bat egingo du, hala nola, “Gorputz asegabea” eztabaida-elkarrizketa, Clara Obligado eta Belen Altunarekin baita hitzaldiak izango diren toki berean, jorratutako gaiei buruzko erakusketa bat ere. Honetaz gain, Manta ikuskizunaren ostean, eztabaida-solasaldia izango da Eric Lamoureux, zuzendari eta koreografoa, eta Héla Fattoumi dantzariak parte hartuko dutelarik. Natxo Montero eta Noemí Viana dantzariekin ere workshop-ak antolatu dira eta baita Besteok antzerki banatzaile, konpainia eta ekoizleen elkartearen aurkezpena.

Informazio gehiago: www.dferia.com

Bihar larunbata, otsailak 26, Ernest Lluch K.E. ak Txotxongillo Taldearen Elurrezko panpinaren estreinaldia aurkeztuko du 18:00etan.

Enkarni Genua eta Manolo Gómezek sortutako Txotxongillo Taldeak 40 urte betetzen ditu aurten, denbora honetan txotxongilo antzerkiaren erreferente nagusia bilakatu delarik Euskal Herrian eta Euskal Herritik kanpo: 22 izan dira estreinatutako lanak, 15 plazaratutako ipuin liburuak eta 21 diskak.

Hiru urtetik gorako txikientzat, Elurrezko panpina neguko ipuin goxo eta beroa da, elkarrekin jolastu eta eskuzabalak izaten ikasten duten neska-mutil eta elurrezko panpin baten istorioa.

Argazkiak eta dossierra victoriaeugenia.com webgunean dituzue, Donostia Kultura erakundearen arte eszenikoen atarian, dossierren atalean.

Bihar larunbata, otsailak 26, Gazteszenak (Egia K.E.) Mopa Producciones-en Espérame despierto dantza ikuskizuna aurkeztuko du 20:00etan.

Historia handiak zerik ñimiño eta sinpleenetik sortzen dira maiz, egunerokotik, ikus-entzulea leku ustekabeko batera eramanez, gozamenezko bahituran. Espérame despierto, abre esa puerta lanak bi pertsonaiaren artean eratzen den harreman misteriotsuaren voyeur bihurtzera gonbidatzen gaitu; Juan Luis Matilla eta Eloísa Cantón dira antzezleak. Sentsualtasunaren, gogortasunaren eta umorearen artean igeri dabiltza bi pertsonaiak pieza honetan, non musika gorpuztu egiten dela baitirudi, eta haiekin hirukotea osatzen duela. 2009an Biran den Dantza Ikuskizunik Onenari emandako saria, Huescako Nazioarteko Antzerki eta Dantza Ferian.

Argazkiak eta dossierra victoriaeugenia.com webgunean dituzue, Donostia Kultura erakundearen arte eszenikoen atarian, dossierren atalean.

Sarrerak,  10 eurotan, salgai daude Victoria Eugenia eta Antzoki Zaharreko leihatiletan, Gazteszenako leihatilan emanaldi egunean, baita Kutxaren ohiko kanaletan ere (Telekutxan, Servikutxan eta kutxa.net webgunean)

Museoaren leloa den Zatoz zuganaren ildotik, museoaren erakusketa iraunkorreko Erronkak izeneko atalaren bideoinstalazioko bi ikusentzunezko hiritarren partehartzeari esker burutuko dira. Horretarako, bi ekimen desberdin jartzen dira martxan eta ohar honen bitartez horietako batean, Kulturartekotasuna erronkarekin lotuta dagoen horretan, parte hartzeko gonbitea luzatu nahi du museoak.

Kulturartekotasuna

Deialdi publiko baten bitartez, hiritar guztiak ikusentzunezko honetan parte hartzera gonbidatu nahi ditugu. Horrela, gure gizartearen familia argazki bat egitea lortu nahi dugu, bere aniztasuna islatuko duena arraza, sexu, adin, kultura eta kondizio sozial ezberdinetako pertsonak bilduz, gutxiengoengan arreta berezia jarrita.

Parte hartzeko deialdia irekita dago eta otsailaren 28tik martxoaren 5era bitartean burutuko da Baiona, Bilbo, Donostia, Iruñea eta Gasteizen. Egun bakoitzean, grabaketa talde bat dagokion hirian egongo da eta set-ak prestatuko dituzte gune publiko edo kultur etxeetan gizarte mosaiko honetan parte hartu nahi duen guztia grabatzeko. Datozen astelehen eta asteartean Donostian izango dira eta hau izango da egutegia:

2011-02-28 Donostia – Casares-Tomasene Kultur Etxeko musika aretoan (10:00-14:00) eta Okendo Kultur Etxeko ekitaldi aretoan (16:00-20:00).
2011-03-1 Donostia – EHUko Aularioan (10:00-14:00) eta Udal Liburutegiaren San Jeronimo kaleko ekitaldi aretoan (16:00-20:00).

Hortik aurrera beste hirietan egingo dira grabaketak:

2011-03-2 Iruñea Centro Comunitario Auzoenea (10:00-14:00).
2011-02-3 Bilbo – “La Bolsa Ibaiondo” zentro zibikoa (10:00-14:00) eta Alhondiga (16:00-20:00).
2011-02-4 Gasteiz – Aldabe Zentro Zibikoa (10:00-14:00 eta 16:00-20:00).
2011-02-5 Baiona – Baionako Euskal Museoa (10:00-14:00).

Parte hartzaileek segundu batzuz kamera aurrean egon beharko dute soilik, ezer egin gabe. Ohiko kaleko edo laneko jantziekin etortzea eskatu nahi diegu, bereziki prestatu gabe.

]]> http://www.donostiakultura.com/albisteak/2011/02/25/san-telmo-museoko-erronkak/feed/?lang=es 0 http://www.donostiakultura.com/albisteak/2011/02/25/bularretik-mintzora-haurrak-eta-irakurketaren-inguruko-hitzaldiak-donostian/?lang=es http://www.donostiakultura.com/albisteak/2011/02/25/bularretik-mintzora-haurrak-eta-irakurketaren-inguruko-hitzaldiak-donostian/?lang=es#comments Fri, 25 Feb 2011 10:00:49 +0000 donostiakultura idazleak, euskaraz izango den ikastaroa emango du, “Nola kontatu, irakurri [...]]]>

Liburutegi Nagusiaren Haur Sailean laister izango dira guraso eta hezitzaileentzat antolatu diren Bularretik Mintzora programaren ikastaroa eta hitzaldiak.

Galtzagorri elkarteak eta Donostia Kulturak hitzarmena sinatu dute egitasmo hau Donostian egin dadin. Aldi honetan, haur irakurketaren alorrean eskarmentu handiko hainbat profesionalek parte hartuko dute. Pello Añorga/strong> idazleak, euskaraz izango den ikastaroa emango du, “Nola kontatu, irakurri eta begiratu liburu bat, eta honetarako gune aproposak sortu”, gaiaren inguruan, datorren martxoaren 15, 17, 22 eta 24an, arratsaldeko 17:30-19:30 ordutegian.

Jarraian Juan Kruz Igerabide idazlearen txanda etorriko da, “Haur literatura eta hizkuntza afektiboaren arteko lotura” gaiarekin. Bigarren hitzaldi hau ere euskaraz izango da, martxoaren 30ean, asteazkenean, arratsaldeko 18:00-19:00 ordutegian.

Azkenik Juan Karlos Alonso psikologoak “Irakurketaren garrantzia haurraren garapen emozional eta intelektualean” gaia landuko du. Hitzaldia gaztelaniaz izango da, apirilak 1ean, ostiralean, arratsaldeko 18:00-19:30 bitartean.

Hitzaldi guzti hauetarako sarrera dohainik izango da baina aldez aurretik parte hartu nahi den hitzaldi bakoitzean izena eman behar da, Bibliotecas Públicas izeneko webgunean, lineazko zerbitzuak atalean edo e-mail bat bidali haurliburutegia [a bildua] donostia.org. helbidera.

]]> http://www.donostiakultura.com/albisteak/2011/02/25/bularretik-mintzora-haurrak-eta-irakurketaren-inguruko-hitzaldiak-donostian/feed/?lang=es 0