DUNNISMOR

Til salgs

noreply@blogger.com (DUNNISMoR) — Mon, 29 Oct 2012 09:49:00 +0000

Bilde av altanen

Leiligheita som me har budd i, i litt over fire år, er no til salgs. Det er diverre litt lite bevegelse på markedet no i slutten av oktober, så i kveld vert det andre visningsrunde. Eg held på å rydde og vaske litt...vert ein del fingermerker etter treåringen iløpet av ei veke :) Me har diverre ikkje fått overteke huset enno, men satsar på at dokumenta som ikkje er godkjende, vert stempla i løpet av dei nærmaste dagane...berre eg får overta i god til før jul, så...

Vinter vart det jammen, òg! Men har høyrt rykte om at det ikkje skal vare...

Likar snøen, eg!

Nei, no må eg få svinga meg med vaskekosten, så vert det kanskje tid til litt strikking etterpå :)

For å sjå bilder inne på finn.no klikkar du

her

God mandag!

Me flyttar på landet

noreply@blogger.com (DUNNISMoR) — Thu, 27 Sep 2012 12:34:00 +0000

i heilt nytt hus! Endeleg har draumen om eige hus gått i oppfyllelse. Etter fire år i ei trang leiligheit, var det verkeleg på tide å få noko større...65 kvm delt på fem er ikkje all verda, men det er utruleg kva ein venner seg til, dessutan vert ein ganske god på praktiske løysingar og å stable i høgda :) No vert det andre bollar; alle ungane får eige rom, og det vert slutt på å stå som sild i tønne på badet om morgonen, for me får næmlig to bad...reine luksusen. Loftsstove (les: fars spillebule) og gjesterom (les: mors hobbyrom) får me, òg...og VASKEROM!!!...det er nesten ikkje til å tru :) Framover no vert det mykje arbeid og seine kveldar på meg og mannen; her skal ryddast, sorterast, kastast, gis vekk, pakkast og flyttast, så må det vaskast og stylast, før me kan selga....puh! Mykje å gjere og mykje å tenke på, men eg veit det ordnar seg til slutt...det brukar å gjere det. I dag har eg hatt 3 forskjellige meglarar på befaring, så me er godt i gang. Pakkinga er me så vidt i gang med, også. 8-åringen pakka Briotogbanen sin same dagen me fekk tilslaget på huset, så det lovar godt. Som sagt er det mykje me ikkje kjem til å ta med oss på flyttelasset, for eg har ein visjon om å leve med færre ting...eg drøymer i alle høve om det...spørst om eg får det til...eg som tek vare på det meste...men, og dette er eit stort men, eg har øva meg på å gje vekk, i små dosar, riktignok, men det er no ein begynnelse.

Eg er så glad og gler meg som eit barn!

Draumar går i oppfyllelse!

Noko bilete av Dunnishuset har eg ikkje for handa i dag, så de får kose dykk med nokre Instagram augneblink frå dagane som var.

Ha ein fortreffeleg torsdag!

September og dei små tinga. Sweet Love på ein måte.

noreply@blogger.com (DUNNISMoR) — Tue, 06 Sep 2011 12:05:00 +0000

Det er september og mange månader sidan eg sist posta eit innlegg på bloggen. Ei stund var eg ikkje ein gong innom blogger...eg orka rett og slett ikkje, men etter kvart som tida gjekk kikka eg meg litt meir rundt, la gjerne att ein kommentar eller to, eller vart med på ein og annan giveaway...ja, sånn var det...ikkje nokke meir enn det. Ingen spesielle ynskjer om å skrive sjølv, eller blogge, om du vil. Eg mangla motivasjon og tiltakslyst, og vurderte ofte om eg rett og slett skulle legge ned heile bloggen.

Eg klarer ikkje å bestemme meg, så inntil vidare gjer eg ikkje nokke med det. Kan hende eg friskar opp med eit og anna innlegg i ny og ne.

Fokus i livet mitt no er å vere med familie & vener og å delta på aktivitetar med ungane,

vere ute i naturen og nyte den...suge den inn,

gå tur, trene og komme i enno bedre form,

lage og ete mat som er bra for meg og mine,

finne att gleda i det eg gledde meg over før

kjenne at eg vert ivrig og får lyst til å skape når eg ser eit fantastisk fint garn eller tøystykke.

Kjenner at eg er i bedre form.

Kan jogge til og med :)

Kan hoppe, sprette og springe saman med ungane.

Er friskare enn på lenge.

Kjenner eit lite sug når eg ser fine strikkeoppskrifter eller får hjartebank når eg får auga på eit kult retrostoff.

Forelskar meg att

dei små

tinga.

"Vær tro mot de små tingene. Det er i dem styrken din ligger"

Mother Theresa

Tusen takk til alle som har lagt att fine ord til meg under forrige innlegg. Det varmar og eg set verkeleg pris på det:)

Det er godt å kjenne at andre bryr seg.

Håpar du får ein fin dag!

Eit lite hjartesukk, småjusteringar og litt soverom

noreply@blogger.com (DUNNISMoR) — Thu, 20 Jan 2011 21:40:00 +0000

Eg har gjort nokre småendringar i malutforminga på bloggen i det siste; våga meg til å velge ein litt breiare mal...gulp!...og det gjekk heldigvis bra...er så redd for at ting og tang skal forsvinne når eg byrjar med sånne endringar, skjønar du. No får eg endeleg heile bileta med når eg velger ekstra store bilete, også:)

Eg får ikkje bloggtittel og bloggbeskrivelse heilt der eg vil ha dei...skulle gjerne hatt dei meir midt på sida, men kan diverre ikkje dette med html-koding...er ikkje så avansert av meg...skulle ynskje eg var meir datakyndig, altså:)

Dersom det er nokken som har tips om korleis eg kan få plassert bloggtittel og bloggbeskrivelse meir midt på sida, så tek eg meir enn gjerne imot tips om det, altså:)

Vågar meg òg til å fortelje at...

Dagane elles går med til mykje kvile...

Eg har vore sjukemeldt ei god stund no...

aktiv den siste månaden, fordi eg så gjerne VIL jobbe...men kva hjelper det, når kroppen slett ikkje maktar enkelte dagar..?

No er eg så frykteleg sliten, trøtt og lei!

Etter fleire månader med utredning, vert ein så utruleg sliten av å gå rundt sånn i uvisse.

Håpar spesialisten eg skal til i slutten av månaden finn ut av kva det kan vere som ikkje fungerer som det skal...
og at eg kan få svar...

*håper*

*ynskjer*

Eg vil så gjerne fungere og kjenne meg frisk og rask att...
sånn at eg kan hoppe og sprette rundt saman med ungane...

både vél og lenge...

seksåringen

heller spør om me ikkje snart kan ta ein pause...

istaden for å spyrje om eg er sliten, trøtt eller sjuk...

for det skal jo ikkje vere slik at ein nesten ikkje orkar noko som helst...skal det vel?

Sånn flyt dagane stort sett forbi...
Eg vil så mykje, men får gjort så lite. Har mange tankar, idear og planar, men akkurat no vert ikkje så mykje gjort, hverken av det eine eller det andre, og det er på ein måte greit, tenker eg...får ta det att når tida er inne...

Og her på bloggen...
ja, her vara adventskalendaren ifjor til 18 desember...(prøver att i år:) Og stemningsinnlegg frå jul og romjul og planar om årskavalkade vart berre med tanken.
Og som start på det nye året, hadde eg tenkt meg eit sånt:

"Nytt år-

nye mogelegheiter-

omskifningar og planar-om-både-det-eine-og-det-andre-innlegg" ;),

men

istadenfor vart det rett og slett:

Eit lite hjartesukk ifrå meg, altså...

eit aldri så lite "syteinnlegg" i startgropa på det nye året.

Men ikkje utan håp, sjølvsagt...det gjeld å halde håpet oppe og tenke positivt, ikkje sant?

"Every cloud has a silverlining"

"Keep calm and carry on"

Forresten, eg vart ganske fornøyd med småjusteringane på bloggen, kva synest du?

Og jammen fekk de ein liten kikk inn på soverommet, også :)

Straks fredag att!

God fredag og god helg til alle som tittar innom!

Kongerøykelse

noreply@blogger.com (DUNNISMoR) — Sat, 18 Dec 2010 22:59:00 +0000

Lukta av kongerøykelse høyrer med både i adventstida og i jula, synest eg. Eg kjøpte dette røykelsesstativet, med dei hellige tre kongar, på eit apoteket for ti år sidan, og har brukt det kvart år sidan...dette er altså ein ganske ny tradisjon for min del og ikkje ein tradisjon eg vaks opp med.

Eg tok det fram og pussa det 1 desember, men så har eg heilt gløymt å tenne på...

heilt til i kveld...no har lukta av kongerøykelse spredd seg i stova; ei herleg blanding av blomar og krydder...

kjenner eg kjem i julestemning og

gler meg til jul...

Og tenk, no er det ikkje lenge att til julaftan!

Berre 5 heile dagar:)

Nissejenta

noreply@blogger.com (DUNNISMoR) — Fri, 17 Dec 2010 22:59:00 +0000

I dag var det nissefest i barnehagen og Dunnislille var lita rødnissejente. Forklekjole med underkjole og rød fløyelsbukse frå Kappahl, Storesytera si Putti Plutti Pottnisselue, eit par strikkalabbar og storebror sine prinsetøfler...og nisseantrekket var i boks.

Eg må innrømma at eg vart lettare stressa i går, då eg brått kom på at det skulle vere nissefest fredagen...og eg verken hadde tenkt på eller leita fram nokon av storesøskena sine gamle nisseantrekk...har jo x antal nissepyjamasar i ulike størrelsar og blånisseklede i alle variantar osv, men diverre svært så liten oversikt i år.

Og for å gjere det litt enkelt for meg sjølv, reiste eg rett og slett på Åsane senter og kjøpte litt nytt. Nissekostymar og nissepyjamasar i rette størrelsen var ikkje å oppdrive...litt seint ute, kanskje, men eg fann heldigvis ein kjole som både kan vere nisse- og julekjole...to fluger i ein smekk...hihi! Ganske så fornøyd med det kjøpet.

Bileta er tekne i barnehagen, i ettermiddag, då eg kom for å hente ei glad og utkvilt jente, som slettes ikkje ville gå heim, men heller ville rusle rundt i barnehagen og utforske alt mogeleg.

Nissejenta vart til slutt påkledd under høglytte protestar...og eg gjekk ut av barnehagen med eit litt stivt smil om munnen og ein liten nisse under armen..;)

Sånn er det med den saken!
Heldigvis vart nissejenta fort blid att:)

God natt og sov søtt!

Førjulskos

noreply@blogger.com (DUNNISMoR) — Wed, 15 Dec 2010 22:31:00 +0000

Mor og barn er endeleg friske att etter å ha vore fullstendig slått ut av omgangssjuke...av ein særs hissig variant, òg...huff! Alt vert brått sett på vent, og ein lyt berre finne seg i å halde senga til det verste er over...og slett ikkje tenke på alt ein skal ha gjort til jul...ja, sånn som ørten innkjøp av alle mogelege slag, baking, vasking, pynting og mange andre førebuingar...nei, ein lyt tillate seg å vere sjuk og heller senke på krava.

Og når ein er frisk att...

kan ein koke seg ein god kopp te av beste sort:

Dilmah Green Tea Maroccan Mint...

som faktisk smakar ekstra godt utav ein lyseblå GreenGate kopp med kvite prikkar...

og riktig kose seg:)

Og gjerne pynte berre pittelitt...

med

ein søt liten trefigur av mammabambi og babybambi, som forresten berre kosar seg i denne førjulstida.

Trefiruren av desse søte bambiane, var eg så heldig å finne på eit loppemarked i fjor haust...trur eg betalte eit par kroner for den. Synest den passar fint som pynt i denne årstida me er inne i no, og kanskje spesielt godt som julepynt:)

Ha ei koseleg natt!

Lussekattar

noreply@blogger.com (DUNNISMoR) — Sun, 12 Dec 2010 22:59:00 +0000

I kveld har har eg baka lussekattar til morgondagen. Dunnisguten skal gå i Luciatog på skulen, og då me for ei stund sidan fekk lappe med heim med forespørsel om nokon ville bidra med baking, så meldte eg meg med glede. Eg likar å bake, og spesielt kjekt er det sjølvsagt når ein lykkast med deigen og resultatet vert både fint å sjå på og ikkje minst smakar godt.

Oppskrifta eg har brukt denne gongen, er skulen si...ja, ho fylgde med brevet me fekk. Eg har tidlegare prøvd ut fleire ulike oppskrifter, men no trur eg jammen at eg har fått ei som eg kjem til å bruke i åra framover, for denne var knakande god...og det vart lussekattane, òg:)

Planen for morgondagen, som var Luciafrukost i barnehagen, må diverre gå ut, for Dunnislille har mest sannsynleg fått omgangssjuke...

Eg har heldigvis baka så mykje at me har lussekattar til oss sjølve, også...

så eg får ta Luciafrukosten heime i morgon...

Ha ei god natt!

Ps! Dersom det er nokon som er interessert i oppskrifta eg har brukt, så deler eg ho meir enn gjerne :)

Papirstjerne

noreply@blogger.com (DUNNISMoR) — Fri, 10 Dec 2010 22:37:00 +0000

I vindauga på kjøkenet mitt heng det ei raud papirstjerne, kjøpt på Åhlèns for mange herrens år sidan...eg trur jammen det er ei av dei fyrste papirstjernene som kom på markedet...i alle høve i Noreg. Kvart år heng eg ho opp 30 november, og så vert ho hengande heilt til jula vert heve ut, og det er som oftast ikkje før langt uti januar...så ho er godt brukt, med andre ord...og ganske slitt i kantane etter kvart. Dei to-tre siste åra har eg gått og sett på alle dei fine papirstjernene som etterkvart har kome i butikkane, og tenkt at no er det på tide å kjøpa ei ny...kanskje ei kvit...eller ei lilla...ja, kvifor ikkje ei svart med litt sylv eller gull på?

Som du ser, det vart ikkje noko ny stjerne i år heller...eg har fortsatt den gode gamle raude med små hjarter og dråpar på...ho høyrer liksom heime på kjøkenet i advents- og juletida.

Men eg kan jo alltids kjøpe ei ny papirstjerne til barnerommet, ikkje sant? Tenkjer eg må ta meg ein tur innom Åhlèns i morgon.

I morgon skal eg forresten på julebord med jobben, også, og det gler eg meg veldig til, for det er evigheiter sidan eg har vore ute på selskapelegheiter.

I kveld dristar eg meg til å vise litt av kjøkenet mitt, og ser du godt etter, kan du sjå speilbiletet mitt i vindauga, også...og ei diger vaskefille og zaloflaska..hihi! Tenkjer eg må ynskje meg både Durance oppvasksmiddel og Maison belle Dishes pour nöel...eller kanskje Maison Belle Window wash er det eg treng aller mest...hihi!

Ynskjer alle ei riktig god natt!

Svibel

noreply@blogger.com (DUNNISMoR) — Thu, 09 Dec 2010 21:54:00 +0000

Svibel, eller hyacint om du vil, er på plass i heimen. Dette er uvanleg...vanlegvis kjøper eg inn halvdrevne plantar rundt den 21 desember, og ventar ofte til lillejulaftan med å ta dei inn i varmen og sette dei i potter, vasar, dekorasjonar og lignande. Kvifor det? Ja, det kan du sei! Ville vel spare alt til Julaftan og romjula, akkurat sånn som med pinnekjøtet, tenkjer eg.

Men det vert så frykteleg mykje å gjere lillejulaftan, om eg skal vente med alt for å spare lukter og smakar...og berre for å halde på ein tradisjon.

Dessutan, freistinga vart for stor, eg klarte ikkje å stå imot. I går kjøpte eg meg 1! svibel hjå ein blomsterforhandlar i byen...25 kroner betalte eg...heilt sikkert mykje billegare på plantasjen, men eg gidd ikkje reise heilt ut dit for berre 1! svibel, dessutan kunne eg vorte freista til å kjøpe enno fleire, ja, veldig mange;)

Foreløbig held det med ein.

Eg fjerna lett og forsiktig jorda og sette enkelt og greit svibelen

oppi

ja,...

eit

noregsglas.

Pass berre på at vatnet ikkje kjem opp på sjølve løken!(bunnen går fint)

Eg har festa ein god gamaldags pakkelapp rundt glaset med litt hyssing og deretter skreiv eg ut " Svibel" på Dymoen...i juleraudt...og klistra på.

Eg tykkjer dette gjev eit reint, enkelt og naturleg utrykk, dessutan gjev det jo eit litt gamaldags preg, og det likar eg.

Og så er det jo veldig kjekt for Dunnisguten, som held på å lære seg å lese, at mammaen merkar ting og tang i heimen med små lappar med ord.

Ein ung svibel, midt på det gamle respatexbordet,

til

glede og begeistring...

Gler meg til han blømer og sprer herleg lukt i rommet.

God natt!

Vinterbilete frå Nordnes

noreply@blogger.com (DUNNISMoR) — Wed, 08 Dec 2010 22:57:00 +0000

Begge mine to eldste born går på skule ute på Nordnes.

Det er utruleg vakkert i denne lille byen i byen og mange fine motiv å ta bilete av. I dag hadde eg det store speilreflekskamera med meg i veska, og då eg hadde henta Dunnisguten på Sfo, i sjølvaste blåtimen, fotograferte eg i vildens sky på heimvegen.

Her er eit lite knippe.

Jammen er det vakkert med snø i Bergen!

Ei riktig god natt!

Julepynta Noregsglas

noreply@blogger.com (DUNNISMoR) — Tue, 07 Dec 2010 22:53:00 +0000

Ei polkastang, nokre flugesoppar, litt hyssing og eit band med raude striper og...vips så vart Noregsglaset jammen litt "julete"!

Skal sei jula klarer å snike seg inn tidleg i år...

Rosene i "vasen" kjøpte eg på Rema 1000 forrige fredag for kun 69 kroner, og eg må sei eg er imponert over kvaliteten, altså...dei held seg kjempelenge. Forrige gong eg kjøpte roser frå same butikk, held dei seg i nesten fjorten dagar...det er valuta for pengane, det!

Litt gratis granbar ifrå skogen gjorde seg ilag med rosene, tykkjer eg:)

I bakgrunnen kan ein skimte ~~madrassene til prinsessen på erten~~ ein aldri så liten stabel med stoff, som eg har planar om å bruke innen klokka slår tolv lille julaftan;)

God natt og sov søtt...

Uro

noreply@blogger.com (DUNNISMoR) — Mon, 06 Dec 2010 22:02:00 +0000

Fire av konglene eg plukka i skogen, heng no og dinglar på ein uro, saman med nokre origamifuglar i grått, lilla og lys rosalilla, som forresten er fargane eg har valgt å bruke elles på uroen, også.

Eg laga fyrst ein ring av litt tjukk ståltråd, og rundt denne surra eg glitrande lilla blomstertreng, som eg samstundes tredde perler innpå og plasserte med passeleg avstand. Rundt der att surra eg eit tynt band og laga til oppheng med same bandet.

Eg festa blomstertråd rundt stilken på konglene, pynta med nokre perler og festa dei i ringen...med sånn ca. lik avstand...for å skape likevekt;)

Origami er ein favoritt. Eg begynte så smått med enkle figurar for ti år sidan og har i løpet av åra lært å brette mykje forskjellig av ulik vanskelegheitsgrad.

Då eg byrja med origami, var det veldig vanskeleg å få tak i skikkeleg origamipapir, hugsar eg...eg brukte både printepapir, matpapir og anna papir av litt tynn kvalitet eg kom over.

Etter kvart vart det heldigvis lettare å få kjøpt ekte origamipapir i Noreg, òg, og no får ein det nesten overalt. Eg har kjøpt mitt på Mint(ein butikk som diverre vart nedlagt) og på Panduro, trur eg.

Eg har sydd med vanleg sytråd (dobbel) gjennom Origamifuglane, berre festa ei litt stor perle både under og over for å halde dei på plass på tråden, og denne er så festa i eit band av same type band som opphenget er laga av og så festa i midten av dette.

I enden av uroen er det perler og ei lita sylvbjelle...

*klinge-linge-ling*

Trådendane har eg valgt å la vere litt sånn tilfeldig klypt av, likar det sånn, eg:)

Som de ser har eg hengt uroen opp på vitrineskapet mitt, mest fordi det var der det var best fotolys. Det er ikkje lett å få gode bilete no i denne mørke årstida, så bileta vert deretter.

I dag rakk eg rett og slett ikkje dagslyset. For det fyrste sov eg faktisk heilt til tolv...vel, eg var oppe halv sju for å hjelpe Dunnismannen med å kome seg avgårde med Dunnislille, men med dundrande migrene, måtte eg berre gå å legge meg att...og for det andre så var der berre tre timar att med dagslys då eg fyrst hadde stått opp...sånn er det med det:)

Tenker eg får finne ein meir egna stad til uroen i morgon, men inntil vidare får han henge på skapet og dingle.

Ei riktig god natt til alle!

Kongler

noreply@blogger.com (DUNNISMoR) — Sun, 05 Dec 2010 22:57:00 +0000

Då eg var på tur i skogen hin dagen plukka eg med meg desse konglene.

Konglene skal brukast i ein adventsdekorasjon saman med ulike perler, silkeband og Origamifuglar som eg har bretta.

Tenkte eg skulle lage ein uro...

Resultatet får du sjå i morgon...fylg med!

Sånn ser det ut utanfor vindauga mitt akkurat no.

Det vart visst eit kort innlegg i dag...vert trøytt av søndagshandling;)

Ha ei god natt!

Julekalendar og sjokolade

noreply@blogger.com (DUNNISMoR) — Sat, 04 Dec 2010 22:53:00 +0000

I år som i fjor og året før har dei to største ungane fått pakkekalendar. Klok av skade, kjøpte eg ein del småting på salg allereie i januar i år, så siste veka av november vart ikkje like kaotisk og kavete som tidlegare år.

Dunnisguten har adventsskap kor han finn ei pakke kvar dag. Eg måla eit gamalt nøkkelskap frå Ikea, pussa det litt ned og découperte(kan ein skrive det, mon tru?)det med eit glansbilete.

Dunnisjenta sin kalendarløpar med påsydde lommer er kjøpt på Kremmerhuset for mange år sidan...eg skal ikkje skryte på meg at eg har sydd han sjølv;)

Tidlegare har eg pakka inn gåvene i gråpapir eller heilt kvitt innpakningsspapir, men i år har eg slått til med polkadots...skikkeleg julete:)

Dunnislille får ikkje pakkekalendar enno, det tykkjer eg ho er for lita til. Ho er sjølvsagt veldig glad i pakker, det er ikkje det, men det er no enno slik at ho er mest glad i å pakke opp og rive papiret i tusen bittebitte små betar, for deretter å strø dei rundt overalt. Det som er inni pakken er slett ikkje alltid like spanande og kjekt, kan skjøne.

Men...

Ho har fått sjokoladekalendar!

Og det elskar ho!

Altså det som er inni...

Sjokolade!

Og når ho har opna ei luke og verkeleg kosa seg med sjokoladebeten...ja, for ho puttar ikkje heile inn i munnen i eit jafs...åh nei, ho tek bittesmå bet om gongen,...vel, kor var eg?...Ja, så ropar ho: Mei, mei!(det betyr altså meir, men det skjøna du sikkert;)

Det er jammen ikkje lett å forklare ei sjokoladehekta tulle på seksten månader at ho berre kan få ein gong kvar dag...

Stadig vekk er ho å finne i gangen, ho klatrar opp på krakken som står under kalendaren, strekker seg så lang ho er og ropar:

Mei!

Sjokolade kan ho ikkje sei enno, men me øver kvar dag;

Eit smil seier meir enn tusen ord!

Ha ei god natt!

Og hugs å pusse tennene;)

Frostvinter

noreply@blogger.com (DUNNISMoR) — Fri, 03 Dec 2010 18:37:00 +0000

I ettermiddag kjende eg at eg berre måtte ut...

Ut på tur i skog og mark.

Det har vorte mykje innetid i det siste med mykje sjukdom og mangel på energi, men i dag trossa eg både kulde og "vondter" og gjekk meg ein runde i ein times tid...

i bitande kulde

skarp luft...

i eit fantastisk lys

ein blendande solnedgang.

Sjå berre sjølv!

Eg luska rundt inne i skogen på jakt etter kongler, mose og anna eg kanskje kunne ta med meg heim, då eg kom over denne vakre isskulpturen...det ser nesten ut som eit Norgesglas der det står og så vakkert reflekterer sollyset.

No ser det jammen ut som det vert ein aldri så liten julekalendar her i år...eg kan ikkje love at det vert innlegg kvar dag, men ein kan alltid håpe:)

Ha ein fin fredagskveld!

Gyngehestar

noreply@blogger.com (DUNNISMoR) — Thu, 02 Dec 2010 22:53:00 +0000

Hugsar du gyngehestane som såg på meg med store, blanke augo då eg pakka opp av adventskassen i går?

Eg hadde jo ikkje hjarta til å hive dei opp att på det iskalde loftet, så no heng den eine på den gamle speigelen eg har arva etter far min..."ungkarsspeigelen" hans, faktisk:)

Eg veit diverre ikkje kor han har fått tak i det eller kor gamalt det er, men han hadde det i alle fall då han møtte mamma...og eg overtok det då eg fekk eige rom i femteklassen. Synest det er fantastisk fint, trass i at det ikkje gjev heilt riktig speilbilete;)

Gyngehesten på Ungkarsspeigelen kjøpte eg på Birte Bo i Bergen for mange år sidan...sånne gyngehestar burde i grunnen vere enkle å lage tenker eg her eg sit...men eg har diverre ~~heldigvis~~ ikkje sirkelsag...eller er det stikksag det heiter?;)

Gyngehesten på biletet under, kjøpte eg faktisk på Sparkjøp i fjor og han står veldig lageleg til for Dunnislille...er ikkje så mykje han har fått stått i ro i dag, egentleg ;)

Adventsstaken bak er kjøpt på Åhléns for nokre år sidan, og er verkeleg etter min smak. Eg har i grunnen ikkje så sansen for desse tradisjonelle i tre med plastmansjettar.

Eg har så smått byrja å tenke på årets julekort og knipsar bilete i alle situasjonar for tida. I dag tok eg ein del bilete av Dunnislille då ho sov middagsluren sin...ho sov forresten heilt til halv fire i dag...ho er ikkje heilt i form, så eg lot ho sove heilt til ho vakna av seg sjølv...og det var ikkje så lurt, for ho sovna ikkje før nærmare halv elleve att i kveld.

I fjor rigga eg til eit aldri så lite og enkelt "fotostudio" på foreldresoverommet; med kvite laken, saueskinn og lysslynger...og dei to eldste ungane hadde på seg raude strømpebukser og nisseluer og Dunnislille hadde englevinger og greier...ja det vart ein del artige bilete, men kanskje litt tradisjonelt og oppkonstruert...

I år har eg lyst til å lage litt utradisjonelle julekort og held på å øve meg litt på redigering og montasje...vert spanande.

Ha ei fin natt!

Og sov søtt!

Adventspynt

noreply@blogger.com (DUNNISMoR) — Wed, 01 Dec 2010 18:56:00 +0000

Då var desember over oss og ventetida er i gang...like tidleg, om ikkje enno tidlegare enn nokon gong...

Eg brukar vanlegvis ikkje å pynte så mykje i adventstida, bortsett frå adventsstakar, julestjerner i vindaugo, nokre lysslynger og ungane sine julekalendarar, er det ikkje så mykje pynt å oppspore før rett oppunder jul.

Då eg henta ned adventskassen ifrå loftet i går kveld, dukka det opp både bambiar, gyngehestar og raude flugesoppar...hmm! trur eg tenkte at desse skulle det pyntast med tidlegare neste år då eg pakka dei ned i fjor...har nok heilt sikkert vorte dueleg inspirert og påvirka av alle bloggane der ute...hihi!

Både bambiane, gyngehestane og soppane fekk kome inn i varmen...dei såg på meg med store, blanke augo, så eg hadde ikkje hjarta til å putte dei ned att i kassen...vel soppane såg ikkje akkurat på meg, dei liksom nikka til meg, så eg har midlertidleg hengt dei opp på ein snau orkidée:)

Dei fine soppane på bileta fann eg hin dagen, inne på den fine og kjekke butikken Alveslottet, då eg var på jakt etter julekalendergåver til ungane...

men desse kjøpte eg berre til meg sjølv ;)

Synest dei passa godt på kjøkkenbordet og som litt ekstra oppfriskning på norgesglaset med frukostblanding...ikkje sant?

Det lilla bivokslyset laga Dunnisguten med litt hjelp av Dunnismor på det årlege julemarkedet på Nordnes skole i går ettermiddag.

Fin form!

Nydeleg farge!

Nydeleg lukt!

No har eg sett fyrste episode av Jul på Månetoppen saman med Dunnisbabyen, som eg heretter for kallar Dunnislille...er jo snart 16 månader. Eg har jo sett Jul på Månetoppen tuuusen gongar før, men koseleg å sjå det att, likevel. Fekk til og med vere med på grisefødsel...akkurat det hadde eg gløymt...greit med litt oppfriskning :)

No er det straks leggetid for Dunnislille,

deretter vert det sein middag og tv-seriar...det siste om eg klarar å halde meg vaken ;)

Ein fin fyrste desemberkveld til alle som kikkar innom!

Snø og lause trådar

noreply@blogger.com (DUNNISMoR) — Wed, 20 Oct 2010 18:56:00 +0000

I ettermiddag kom den fyrste snøen. Litt tidleg, kanskje...synest ikkje det er så lenge sidan eg sat ute på altanen i berre t-skjorta og vifta med tærne, men med tanke på at 14 oktober var fyrste vinterdag, så er det kanskje på sin plass med litt snø..?

Eg kjenner at eg er klar for vinter no...klar til å pakke kroppen inn i lag på lag med gode og varme ullplagg...det beste som finst for både store og små! Eg gler meg til dagar med tussmørke og kulde ute og varme og hygge inne, med fyr i omnen, masse stearinljos og noko varmt i koppen...og rom for småsysling.

Dei fleste plantane mine står fint enno...vel, dei takkar nok for seg no når snø og kulde har meldt sin ankomst. Eg har hatt lyst til å kjøpe både lyng og andre høst-og vinterplantar ei god stund allereie, men synest det ville vere synd å kaste plantar i full bløming, så eg har utsete og utsete innkjøpa...håpar berre eg får tak i det eg hadde tenkt meg, no då:)

Det vert nok ein tur på hagesenteret ganske snarleg, tenker eg...deretter kan eg kose meg med årets siste planteøkt ute.

Plenklypping, derimot, vert det fint lite av framover...heldigvis.

No får graset gå i dvale, tenker eg...

Eg får heller nøye meg med...

å feste og klyppe trådar...

Å feste lause trådar er noko av det kjedelegaste eg veit...

...noko alle dei ferdigstrikka smetteskjerfa i "Bestemorkorga", vitnar om...hihi:)

Eg har samla opp ein heil haug av desse skjerfa no, så det er vel på tide å gjere dei heilt ferdige, sånn at dei kan brukast av nokon. Har lyst til å pynte dei litt, på ein eller annan måte, også...vel, eg har ikkje nokon bestemte planar...får sjå kva eg finn på.

Så i kveld er det opp i sofaen og fram med nål og saks, for her skal alle trådar festast og klyppast av!

Og sjølvsagt skal det slappast av, også!

Ha ein fin vinterkveld der ute!

En smak av sommar

noreply@blogger.com (DUNNISMoR) — Sun, 29 Aug 2010 18:38:00 +0000

I føremiddag tok eg meg ein herleg strekk i sola. Etter at skydekket endeleg hadde letta litt og sola skein på altanen, var eg ikkje sein om å installere meg der ute...strak ut, rett på terasseborda...enkelt og greitt! Planen var å få lest litt, men eg vart heller liggande å nyte synet av blå himmel og lette skyer, og ja, berre absorbere varmen frå sola. Og sjølvsagt beundre blomsterprakten...

Og blomkarsen blømer som aldri før. Bløminga kom riktignok noko seint igang i år; frøa kom i jorda fyrst i slutten av mai, og sommaren har jo, som kjent, ikkje vore av dei varmaste...

Med god drenering, godt med gjødning og litt varme i ny og ned, har eg likevel fått ein pitteliten oase med både blomkarse, hengepelargonium, klematis, lobelia, voksblomar, stemorsblomar, lavendel, eføy og jordbærplantar på altanen min i sommar.

I morgon diskar eg kanskje opp med salat med blomkarse...etter det eg har høyrt, kan ein ete både blad, knoppar og blomar.

Plukke og setje i vase...det skal eg...det er heilt sikkert!

1 år

noreply@blogger.com (DUNNISMoR) — Thu, 05 Aug 2010 21:51:00 +0000

DUNNISbabyen er slett ikkje nokon baby lenger...

eit heilt år har gått sidan ho kom til verda.

Kjennes ut som om det var i går...

ja, eg hugsar det som om det var i går.

Tankane mine har naturleg nok vore mykje attende i tid i dag...til dagen då DUNNISbabyen kom til verda, og når eg let att augo, er det nesten som om eg både kan sjå, kjenne og lukte den vesle nyfødte jenta som vart lagt opp på magen min...

heilt ny

heilt perfekt

heilt nydeleg.

Eit år etter, er du like

perfekt

nydeleg,

berre litt større.

Gratulera med dagen, kjæraste gullet mitt!

Markblomar

noreply@blogger.com (DUNNISMoR) — Sun, 04 Jul 2010 18:29:00 +0000

Her er det på tide med litt oppfrisking, ser eg.

Då passar det absolutt med ein frisk bunt med markblomar, tenker eg. Markblomar er desidert min favoritt no om sumaren...vilt og vakkert...og heilt gratis.

Smørblom, Blåklokke, Enghumleblom, Hundekjeks, Storknebb, Marikåpeblom og Forglemmegei er nokre av dei eg likar aller best...sikkert fleire, òg, men det var desse eg hugsa mamna på no i kveldinga.

Den rosa blomen på bileta over, hugsar eg derimot ikkje namnet på...kanskje nokon kan hjelpe meg?

Yndig er han, i alle høve.

Lille solstrålen...

noreply@blogger.com (DUNNISMoR) — Fri, 21 May 2010 15:07:00 +0000

er litt over ni månader no.

Hei, kor tida flyg!

Eg har byrja i jobb att, og tida går berre enno fortare...

Våren var her ein liten augneblink...

No er sumaren her;

deileg varm og solfylt.

Vonar det varer lenge...

er så deileg å endeleg kunne sprelle med tærne i nyslått gras.

God helg til alle som svippar innom!

Løvetann til mamma

noreply@blogger.com (DUNNISMoR) — Wed, 28 Apr 2010 09:27:00 +0000

"Denne er til deg, mamma!", ropte DUNNISguten til meg då han kom heim att frå barnehagen i går ettermiddag.

Ein liten løvetann

med ein kort stilk

akkurat passeleg stor

nesten passeleg lang

til mamma sin minste vase.

Ein akkurat passeleg stor løvetann, plukka av ein 5-åring på veg heim ein ettermiddag.

Mammahjarta vart

stort

varmt

Augo vart

blanke

våte

Finst det noko vakrare enn eit barn med ein liten løvetann i handa?

*smelt*

Har du fått blomar frå nokon du er glad i i det siste?

Ha ein fin dag!

Heldige meg!

noreply@blogger.com (DUNNISMoR) — Tue, 27 Apr 2010 12:22:00 +0000

Hurra!

I den store giveawayen til FruFly, var eg ein av dei heldige vinnarane som vart trukke ut.
Eg vann eit gavekort frå En gul knapp
og gjett om eg er glad...ja, hoppande glad, faktisk!
En gul knapp er ein av favorittbutikkane mine her i Bergen, så dette var midt i blinken:)
Då eg vart med på giveawayen tenkte eg, at om eg skulle vere så heldig å ha vinnerlukka med meg denne gongen, ville eg nok aller helst vinne dette gåvekortet ...og slik skulle det gå...det hadde ikkje eg trudd...

Jippi!

Takk til HerrFly som sa nummeret på min kommentar!
Og ikkje minst takk til FruFly som hadde denne flotte giveawayen med så mange fantastisk flotte premiar!
Om du ikkje allereie har vore på besøk hjå kreative FruFly, så anbefalar eg deg å ta ein tur...absolutt verdt eit besøk!
Fantastisk inspirerande, givande og fin blogg!

I'm happy today!
Je suis heureuse!
La, la, la...

Foto: Weheartit

Fiiin dag til alle som kikkar innom!