Blue Circle | إدارة الســكــري

حساب البروتين والدهون للسكري - FATS PROTIEN CALCAULTION FOR DIABETICS

bluecircledm@gmail.com (Amr Haggag) — Sun, 26 Nov 2023 05:06:00 +0000

حساب البروتين والدهون

النتائج

السعرات الحرارية للبروتين

السعرات الحرارية للدهون

عدد الجرامات البديلة

جرعة الدهون والبروتين المقترحة

AMR HAGGAG

MARWA YASSIN

نشكركم علي حسن متابعتكم - لا تنسي الأشتراك بصفحات التواصل الأجتماعي ، لتصلكم أخر الأخبار السكرى - المقالات - الأرشادات أولاً بأول من موقعك

أحصل على التحديثات عبر البريد الإلكتروني من

Blue Circle - إدارة السكري

تغذية الطفل السكري

bluecircledm@gmail.com (Amr Haggag) — Fri, 03 Mar 2023 19:24:00 +0000

الطفل الرضيع السكري

نادرًا ما يحدث داء السكري من النوع الأول قبل 6 شهور من العمر. لو حدث في عمر أقل من 6 أشهر غالبا مايكون سكري يسمى "سكري حديثي الولادة" Neonatal Diabetes

هذا النوع من السكر ممكن يكون فتره عابرة أو دائمة

من المهم عمل تحاليل جينيه عند التشخيص بالسكري عند عمر 6 شهور وأقل لأن خطة العلاج تفرق بشده

حديثنا هنا عن الطفل الرضيع المشخص بسكري النوع الأول وكيفية الانتباه لأعراضه الأوليه ثم التعامل معه بعد التشخيص

أعراض السكري

هي بسبب ارتفاع مستوى السكر في الدم:

التبول المتكرر

العطش المستمر

الجوع المستمر

فقدان الوزن

الإرهاق الشديد

اضطراب الرؤية

التهابات المسالك البولية والتناسلية

عدم التئام الجروح

أعراض إضافية خاصة:

التبول اللاارادي لدى الأطفال

نفس سريع متقطع مصحوب برائحة الفاكهة، ويعتبر هذا العرض دليلا على الحماض الكيتوني

أعراض إضافية خاصة بالرضع مستخدمي الحفاض :

امتلاء الحفاض بشده وبسرعه بسبب كثرة التبول

فقد الوزن السريع

تكرر المرض والالتهابات والتهابات الحفاض

النهم الشديد وقت الرضاعه وكثره طلبها بسبب العطش الشديد

نفس سريع متقطع مصحوب برائحة الفاكهة، ويعتبر هذا العرض دليلا على الحماض الكيتوني

جرعة النصف وحده لمستخدمي الانسولين السريع

bluecircledm@gmail.com (Amr Haggag) — Fri, 03 Mar 2023 19:04:00 +0000

الطفل يكون حساس جدا للإنسولين ولأي كميه كارب

استخدام قلم انسولين فيه نصف وحده أو الإنسولين المخفف او مضخه الإنسولين يعطيكي فرص افضل لجرعه ادق

جرعة النصف وحده

الشرح هنا هيكون مبسط ان شاء الله لتسهيل وصول المعلومه

الجزء الاول

● الاطفال في بدايه التشخيص او في مرحله شهر العسل ،يكون الجسم حساس جدا لاقل جرعه انسولين واقل كميه اكل .

في اطفال وقت التشخيص يكون معامل الكارب 50 واعلي ..ومعامل التصحيح 200 واعلي

ده معناه ان لو طفل سكره مزبوط وقت الاكل وهياكل مثلا كوب لبن ..يبقي محتاج اقل من نصف وحده لزبط السكر ..ولو مخدش الجرعه هيعلي جامد.

● النص وحده او الكسور في الجرعات لما تبقي فارقه كده في الجرعات ،نعمل ايه ؟

الحلول بتكون :

استخدام سرنجات فيها تدريج النصف وحده

استخدام اقلام انسولين فيها تدريج النصف وحده

استخدام مضخات الانسولين

استخدام الانسولين المخفف

الطريقه المتداوله (اللي معرفش اصلها وخطر جدا جدا ) ان نستخدم عادي قلم يعطي وحدات كامله لكن لا نضغط للاخر ونرفعه بسرعه ..هي ببساطه ..تهريج ..مقامره ..عبث..لان ولا مره عارفين فعلا اعطينا جرعه كام لطفل حساس جدا للانسولين واي زياده في الجرعه قد تكون قاتله

● ماهو الانسولين المخفف ؟

الانسولين السريع او عادي المفعول المفروض قابل للتخفيف بمحلول مخصص من قبل الشركه المنتجه

الهدف من التخفيف هو اعطاء فرصه استخدامه بتركيز اقل وبالتالي الوحده تنزل رقم اقل للاطفال اللي عندهم حساسيه شديده لعمل للانسولين (يعني الوحده بتنزل السكر جامد)

الطفل في فتره شهر العسل ممكن جدا معامل التصحيح بتاعه يكون 300 واعلي..يعني وحده الانسولين تنزل سكره 300

وده يخليكي ماتعرفيش تعملي تصحيح بالطرق المعتاده حتي ولو نصف وحده

او تكون وحده الانسولين بتغطي كميه كارب كبيره زي 40 او 60 ..وبردو مع طفل وجبته ممكن لا تصل حتي 20 كارب تبقي مش عارفه تدي نصف وحده حتي

هنا الانسولين المخفف بيدي مجال اكتر لتغطيه كميات الاكل البسيطه او عمل تصحيح والحفاظ علي السكر في مستويات طبيعيه

المفروض عمليه التخفيف تتم من قبل الطبيب بنسب معينه ويدربك تاخدي الجرعه الجديده ازاي ..بيدي بيها روشته للصيدلي اللي بيحضرها من محلول التخفيف المخصص للشركه المنتجه لنوع الانسولين المصنع واللي بتستخدميه

ويتم عمل ده في زجاجه بتستلميها وتسحبي منها بالحقنه اي السرنجه عدد وحدات معين بعد مايكون تم شرح الوحده دلوقت بقت تساوي كام في المعاملات.

الانسولين الجديد يكون ابطأ نوعا ما في العمل و حدّته اقل وقت القمه بتاعت مفعوله ..و وقت عمله مختلف عن لو كان محقون بدون تخفيف

كمان صلاحيه المحلول الجديد المخفف هي 15 يوم فقط

طبعا ده كله نادر لو لقيتيه هنا في بلادنا العربيه وكمان في بعض شركات توقفت عن انتاج المحلول المخفف التابع لها خصوصا بعد انتشار مضخات الانسولين

البديل هنا يكون تدريب الطبيب لحضرتك علي التخفيف باستخدام محلول مناسب او محلول الحقن

ساعتها لو مثلا معامل التصحيح مع الجرعه العاديه كان 200 و تم عمل تخفيف للانسولين بنسبه 1:10 ..كده الوحده الجديده المخففه بتنزل السكر 20 فقط

وتقدر لو الطفل سكره 200..تدي 3-4 وحدات من الانسولين المخفف ويرجع سكره تاني يتزبط في مدي ال 120

ونفس التطبيق وقت الوجبات: لو طفل معامل الكارب بتاعه 50..وعايز ياكل وجبه 20 كارب بس..يقدر ساعتها ياخد ٤ وحدات من الانسولين المخفف لتغطيه وجبته

● طيب مافيش اقلام ..ولا مضخه..ولا سرنجات..ولا دكتور يعلمنا التخفيف ؟

ساعتها نرتجل ونتابع حسب التحليل والاكل والجرعه لكن مهم أقول تاني ان سهل تتعلمي وتطبقي تخفيف الانسولين لأن صحة ابنك تستاهل

☆ مثال ☆

لو حد معامل الكارب 50 ومعامل التصحيح 200

الاحتمال الاول السكر مزبوط 100-120

الوجبه 20 كارب مثلا

يعني جرعه 0.4 ..مجازا نص وحده

لو كل من غير جرعه يبقي سكره هيعلي الي 200-220 للاسف

طيب نعمل ايه

لو الطفل يقبل عصير او فاكهه او حاجه تعوض باقي الكارب وياخد وحده كامله يبقي افضل

مش قابل او مش ضامنين ان حتي لو عزمنا كمان شويه يكمل اكله انه يرضي ..يبقي للاسف ان ياخد وحده كامله كده خطر

وللاسف مضطرين ياكل من غير جرعه ساعتها ونتقبل علو السكر

الاحتمال التاني ..سكر 70-90

هنا هياكل ال 20 كارب بدون جرعه ونستخدمهم كتوصيل سكره لمدي في الغالب 160

الاحتمال التالت ..سكر اقل من 70

ده كده هبوط ونتعامل حسب ارشادات التعامل مع الهبوط ومتابعته

الاحتمال الرابع ..سكر اعلي من 120

ليكن 180 مثلا ونفس الوجبه 20 كارب

بنحسب جرعه التصحيح كام لوحدها والاكل لوحده

هنا الاكل 0.4

التصحيح 0.3

يعني كله لسه اقل من وحده ..يبقي نعمل حسابنا هناخد وحدة انسولين ثم لما ندي الوحده هنزود الكارب كمان

لو السكر 250

هنا التصحيح 0.6

يبقي هياخد الوحده وياكل العشرين كارب ومافيش تزويد اكل

سكر عالي ومش هياكل :

لنفرض السكر 250

التصحيح هنا 0.6 لو هدفنا في التصحيح 120 وممكن طبيبك يكون محدد هدف أعلي وبالتالي يقول لك لا تقومي بالتصحيح

يبقي لو ادينا الوحده نعمل حسابنا نحلل كمان ساعه هيكون السكر بدا ينزل وندي كارب علي قد الانسولين المتبقي

يبقي دايما تفاصيل الجرعه حسب الاكل والتحليل هي اللي هتوجهنا نعمل ايه

الجزء الثاني

كيف تتعلم الانسولين المخفف وراجع طبيبك في الجزء ده للأهمية

الانسولين السريع او عادي المفعول المفروض قابل للتخفيف بمحلول مخصص من قبل الشركه المنتجه،وشرحنا سابقا ليه ممكن نحتاج تخفيف الانسولين

الزجاجة الجديده بيكون صلاحيتها اسبوعين فقط في درجه حراره الغرفه حتي ٣٠°

او ٢٨ يوم في درجه حراره ٥° يعني في الثلاجه

الانسولين الجديد بيكون ابطأ نوعا ما في العمل و حدّته اقل وقت القمه بتاعت مفعوله ..و وقت عمله مختلف عن لو كان محقون بدون تخفيف

لو تم تدريبك علي التخفيف باستخدام المحلول الملحي المعقم او استخدام ماء الحقن المعقم ..هنا صلاحيه العبوات ٢٤ ساعه فقط

كيف تخفف الانسولين منزليا بنسبه 1:10 أو مايسمي بانسولين U10 ؟

تعمل التخفيف ازاي بنفسك وقت الحقن علي طول لو مافيش امكانيه تحضير العبوات في صيدليه او تحضير العبوات منزليا وتسأل طبيبك علي محلول يناسب العمليه

تشتري حقن انسولين بطول سن مناسب لعمر الطفل و بنيته الجسمانيه (الحقن طول السن ٦مم او ٨ مم ..لو ٦ مم وطفل رفيع لازم نرفع الجلد وقت الحقن ونحقن عمودي ..لو ال ٨ مم نرفع الجلد و نحقن بزاويه مايله لتجنب الحقن في العضل)

للسهولة اعتمد طريقه التخفيف بنسبه 1:10 = يبقي نسحب الاول 9 وحدات من المحلول ثم وحده من الانسولين ..ثم نغطي السرنجه ونحركها بخفه كأننا بنمزج الانسولين المخلوط ..ثم نخرج في الهواء عدد الوحدات الزياده ونحقن في الجسم عدد الوحدات المطلوب فقط للجرعه

فيديو توضيح لعملية تخفيف الانسولين

https://youtu.be/vyA0Vsqunl4

مثال مهم يوضح فرق التعامل مع الجرعات بعد تخفيف الانسولين

طفل معامل التصحيح 200

معامل كارب 50

× لو لا يوجد قلم فيه نصف وحده أو ليس علي مضخة الانسولين كان روتين حياته اليومي ايه ؟

مايعرفش يصحح الا لما يوصل ٣٠٠ واعلي علشان ياخد وحده !!

مايعرفش ياكل اقل من ٥٠ كارب في الوجبه علشان يعرف ياخد وحده !!

لو ده طفل رضيع او في عمر سنه او سنتين اصلا مستحيل يتحقق ده بكميات الاكل دي

طيب لما يطلب في النص حاجه تاني ب ١٠ ولا ٢٠ كارب هنعمل ايه ..نمنعه من الاكل ؟

لو سكره كان ١٢٠ واكل ٢٠ كارب بدون جرعه لانها مش جايبه حتي نص وحده ..سكره هيبقي ٢٠٠ واعلي

× طيب هنطبق التخفيف مع الطفل ده ..نعمل انسولين U10

يعني انسولين مخفف 10 مرات

يعني 9 اجزاء(وحدات) من محلول التخفيف +جزء(وحده) من عبوه الأنسولين

كده معانا سرنجه فيها 10 وحدات من الانسولين المخفف نشوف هنتعامل معها ازاي كل مره

الان اصبح الوحده المخففه تخفض السكر بمقدار 20 = معامل التصحيح المخفف 20

الان اصبح الوحده المخففه تغطي كميه كارب بمقدار 5 جرام = معامل الكارب المخفف 5

التطبيق وقت التصحيح :

لو السكر 200

هدف التصحيح 120

الوحده الجديده المخففه بتنزل السكر 20 فقط

جرعه التصحيح = 4 وحدات من الانسولين المخفف ويرجع سكره تاني يتزبط في مدي ال 120

يبقي نطلع 6 وحدات في الهوا من السرنجه المخففه المجهزه ..ونحقن الأربع وحدات الباقيين في الطفل

التطبيق وقت الوجبات:

لو وجبه 20 كارب

معامل الكارب المخفف 5

يقدر ساعتها ياخد 4 وحدات من الانسولين المخفف بنفس الشرح اعلاه لتغطيه وجبته

أحصل على التحديثات عبر البريد الإلكتروني من

Blue Circle - إدارة السكري

ﺍﻹﻧﺴﻮﻟﻴﻦ ﺍﻟﺴﺮﻳﻊ ﻭ ﺍﻟﻌﺎﺩﻱ المفعول

bluecircledm@gmail.com (Amr Haggag) — Fri, 03 Mar 2023 09:20:00 +0000

ﺍﻹﻧﺴﻮﻟﻴﻦ ﺍﻟﺴﺮﻳﻊ

◀ أنواع انسولين مهمتها تغطيه اثر هضم الاكل و أيضا وقت ارتفاع السكر وقت الوجبات

◀ مهم أخذها قبل الجرعه بوقت مناسب حسب نوع الانسولين وحسب طبيعه أو سرعه هضم الكارب في الوجبه

لماذا ؟

حتي يكون الانسولين مستعد لاستقبال ناتج هضم الاكل الذي يخرج للدم في صوره جلوكوز

لنفس المبدأ مهم أيضا ان يكون مدة عمله لا تستمر طويلا بعد انتهاء هضم الطعام حتي لا يتسبب في هبوط مستويات السكر في الدم

◀ النوع الأسرع في بدء عمله و الأقصر في مده بقاءه في الجسم هو الانسولين السريع المفعول

يوجد 3 عائلات للانسولين السريع : Aspart – Lispro - Glulisine

هي أنواع تشبه بعضها في التالي :

يبدا الجسم بالشعور بالجرعه خلال 10 د من أخذ الحقنه

تصل قمتها خلال 60 د من اخذ الجرعه

ينتهي عمله في المتوسط بعد 2-4 ساعات من الجرعه

مدة الصلاحيه بعد أول استخدام هي 28 يوم

◀ في المتوسط الهيومالوج أقصرهم في مدة البقاء و الأبيدرا أطولهم لذلك مهم مراعاة مدة بقاء الانسولين عند التغيير لحساب جرعة الانسولين المتبقي بصوره سلميه

تفرق الأنواع عن بعضها في الإضافات المستحدثه علي الانسولين للتحكم في سرعه عمله وامتصاصه

◀ الأنواع الحديثه فائقه السرعه تكون أسرع في بدء عملها عن مثيلها الأقدم في نفس المجموعه و أيضا أسرع في الوصول لقمة عملها

◀ يوجد أيضا فروق فرديه في السماحيه في الاستخدام حسب السن وأيضا لمستخدمي مضخات الانسولين حسب نوع المضخه والانسولين

أبيدرا Apidra ( Insulin Glulisine)

مصرح من عمر 4 سنوات

مسموح مع مضخات الانسولين بعد مراجعة الشركه المعنيه لكن صلاحيته 48 ساعه فقط في أدوات التشريب والخزان

نوفورابيد Novorapid ( Insulin Aspart)

مصرح من عمر 1 سنة

مسموح مع مضخات الانسولين بعد مراجعة الشركه المعنيه لكن صلاحيته 3 أيام فقط في أدوات التشريب و أسبوع في الخزان

Fiasp ( Insulin Aspart)

هذا النوع فائق السرعه

عمله اسرع من النوفورابيد حسب تعليمات الشركه المصنعه بالتالي ممكن اخذه قبل الوجبه مباشره او بعدها ..لكن التجربه الشخصيه هي الفيصل

مصرح من عمر سنتين

مسموح مع مضخات الانسولين بعد مراجعة الشركه المعنيه لكن صلاحيته 3 أيام فقط في أدوات التشريب و أسبوع في الخزان

هيومالوج Humalog (Insulin Lispro)

مصرح من عمر 3 سنوات

مسموح مع مضخات الانسولين بعد مراجعة الشركه المعنيه لكن صلاحيته 3 أيام فقط في أدوات التشريب و أسبوع في الخزان

Admelog (Insulin Lispro)

مصرح من عمر 3 سنوات

مسموح مع مضخات الانسولين بعد مراجعة الشركه المعنيه لكن صلاحيته 3 أيام فقط في أدوات التشريب و أسبوع في الخزان

Lyumjev (insulin lispro-aabc)

مسموح استخدامه من عمر سنه حسب أخر تحديث لموافقه FDA في اكتوبر 2022

لكن وجد ان الأثر الجانبي فيما يشمل التحسس مكان الحقن كان اكثر في الاطفال مقارنه بالبالغين لمستخدمي المضخات )معلومه من موقع الدواء نفسه (لا يعني ان الزامي الكل يحدث له تحسس ..لكن لو ظهر في مكان الحقن/ التركيب يتوقف استخدامه فورا

يمكن استخدام الانسولين تركيز 100 منه في مضخات الانسولين لو الشركه تسمح باستخدامه او علي الاقل تسمح باستخدام هيومالوج سابقا..

صلاحيته في الخزان لا تتعدي ٩ ايام ..اذن يمكن استخدام خزانات المضخه بأمان ضمن الاسبوع المعتادين عليه مع هذا الانسولين

عمله اسرع من النوفورابيد والهيومالوج حسب تعليمات الشركه المصنعه بالتالي ممكن اخذه قبل الوجبه مباشره او بعدها حتي 20 د ..لكن التجربه الشخصيه هي الفيصل

لمستخدمي الاقلام :

يوجد منه لتركيز 100 ثلاث انواع منها نوع فيه تدريج بالنصف وحده للاطفال

ويوجد تركيز 200 للبالغين علي صورة قلم ايضا وممنوع للمضخات

______________________________________________________________

الانسولين عادي- قصير المفعول ﺃﻛﺘﺮﺍﺑﻴﺪ / ﻫﻴﻮﻣﻠﻴﻦ ﺭ

short-regular acting insulin

· لا بيبدأ عمل في الجسم قبل 30 د = هذا الوقت يجب انتظاره مبدئيا قبل أي أكل

· قمته بعد ساعتين من الحقن وتستمر لمده ساعتين اخريين ..ينتهي عمله في المتوسط بعد 5-6 ساعات من الحقن

· هذا النوع من الانسولين غير جيد مع الكارب السريع الهضم لذلك يفضل إستخدامه مع كارب متوسط أو بطيء الهضم

· غير مناسب للتصحيح أي وقت التعامل مع ارتفاع السكر يفضل اخذ انسولين سريع

علي أي أساس تختار نوع انسولين الوجبات / التصحيح ؟

انواع الانسولين لكي نحكم عليها هي جيده ام لا ، هدفنا الوحيد هل تؤدي وظيفتها اقرب ما يكون لما يفعله البنكرياس الطبيعي ..

هل تمنحني ادوات تحكم تمكني من المناوره بالجرعه حسب نوع الاكل وسرعه رفعه للسكر او سرعه هضمه ..هل مناسبه لحالتي الصحيه وسني وطبيعه اكلي .

في ظروف مثاليه من تحليل السكر قبل الوجبه ،اكترابيد او هيومالين ر لا يشعر به الجسم قبل مرور نصف ساعه ..

قمه مفعوله بعد ساعتين من الحقن وتستمر لمده ساعتين اخريين ثم تنتهي الجرعه باكملها في المتوسط بعد 5-6 ساعات ..

اي ان طريقه عمله لا تمت بصله لسرعه هضم اي اكله ما دام تحتوي علي الكاربوهيدرات سريعه أو متوسطه الهضم

استمراره مده طويله يعرض مستخدمه للهبوط ان لم يكن علي درايه بطريقه عمله الصحيحه

لن يكون مجدي ابدا في اخده كجرعه تصحيحه لان ببساطه سرعه انزاله للسكر بطئيه وممتده علي خمس ساعات ،وان حدث وانزل السكر خلال ساعتين فهذا مؤشر ان الجرعه اعلي من تحتياج الجسم وحينها علينا اسفين ان نطعم انفسنا قسرا لتغطيه باقي الجرعه في الجسم !!

هل عرفت الأن لماذا من المنطقي أن نستخدم انسولين سريع لتغطيه الاكل وعند التصحيح

يوصف انسولين عادي المفعول لمن لديهم عسر هضم مشخص طبيا وبالتالي سرعه رفع الطعام للسكر بطئيه وممتده اطول من فترات الهضم العاديه .

او لمن يعانون من بطء افراغ المعده كمضاعفات من السكر في المعده ، حاله مشخصه طبيا .

او علي مضض لطفل صغير السن مشخص حديثا واكله غير مضمون يكمله كله مره واحده او يستمر في طلب الطعام كل فتره ..

لكن فعليا الاستخدام هنا يفشل لان محتاجين الاكل يتقسم كل شويه علي مدار الخمس ساعات ولا نتعدي جرامات كاربوهيدرات تساوي الجرعه المحقونه اصلا ..وفي عالم الاطفال ..هذا مستحيل

اذن اختيار الانواع السليمه اتضح اكثر ،ارجو ان تناقش مع طبيبك تغيير الانواع العاديه الي سريعه وتعلم مهارات حساب الاكل ومحاكاه عمل الانسولين مع سرعه هضم الاكل ،واخيرا مهارات التصحيح

أحصل على التحديثات عبر البريد الإلكتروني من

Blue Circle - إدارة السكري

لماذا نحتاج انواع انسولين مختلفه عند الاصابه بالسكري ؟

bluecircledm@gmail.com (Amr Haggag) — Sun, 05 Feb 2023 05:17:00 +0000

لماذا نحتاج انواع انسولين مختلفه عند الاصابه بالسكري ؟

ﺍﻟﺒﻨﻜﺮﻳﺎﺱ ﺍﻟﻄﺒﻴﻌﻲ ﻳﻔﺮﺯ ﺍﻻﻧﺴﻮﻟﻴﻦ ﻓﻲ ﺻﻮﺭ ﻣﺨﺘﻠﻔﻪ:

× ﺍﻧﺴﻮﻟﻴﻦ ﻳﻔﺮﺯ ﻋﻠﻲ ﻣﺪﺍﺭ ﺍﻟﻴﻮﻡ ﺑﻜﻤﻴﺎﺕ ﺻﻐﻴﺮﻩ ﺟﺪﺍ ﻟﺠﻌﻞ ﻣﺴﺘﻮﻱ ﺍﻟﺴﻜﺮ ﻓﻲ ﺍﻟﺪﻡ ﻓﻲ

ﺍﻟﻤﺴﺘﻮﻱ ﺍﻟﻄﺒﻴﻌﻲ ﺑﺪﻭﻥ ﺃﻛﻞ..ﻳﺴﻤﻲ ﺍﻧﺴﻮﻟﻴﻦ ﻗﺎﻋﺪﻱ

× ﺍﻧﺴﻮﻟﻴﻦ ﻳﻔﺮﺯ ﻣﻊ ﺍﻟﻮﺟﺒﺎﺕ ، ﺣﺴﺐ ﺳﺮﻋﻪ ﺍﻟﻬﻀﻢ ﻭﻛﻤﻴﻪ ﺍﻟﻜﺮﺑﻮﻫﻴﺪﺭﺍﺕ ﻓﻲ

ﺍﻷﻛﻞ..ﻳﺴﻤﻲ ﺍﻧﺴﻮﻟﻴﻦ ﺳﺮﻳﻊ ..

× ﺍﻧﺴﻮﻟﻴﻦ ﻳﻔﺮﺯ ﺣﻴﻦ ﺇﺭﺗﻔﺎﻉ ﺳﻜﺮ ﺍﻟﺪﻡ ﻷﻱ ﺳﺒﺐ ﻣﺮﺿﻲ ﺃﻭ ﺗﻮﺗﺮ (ﻳﻜﻮﻥ ﺍﻧﺴﻮﻟﻴﻦ ﺳﺮﻳﻊ) ﺣﻴﻦ

ﻳﺮﺗﻔﻊ ﺍﻟﺴﻜﺮ ﻋﻦ 120 ﻣﻎ / ﺩﻝ.

الجسد البشري يشبه الماكينة الى حد كبير و يحتاج إلى الوقود سواء خلال اليوم أو أثناء النوم .

خلال اليوم لأننا نتحرك و بشكل دائم "المفروض" و نبذل مجهود عضلي وذهني - خلال النوم لأن الجسد البشرى ربنا خلقه مستمر في العمل حتى أثناء النوم لتظل جميع أجهزة الجسم تعمل لضمان بقاءنا أحياء

الهرمون المسؤول عن وصول الطاقة لكل أعضاء الجسد البشرى هو هرمون ألانسولين

الانسولين مسئول عن عمليات البناء في الجسم مثل نمو الخلايا وزيادة عددها، تخليق البروتين وتخزين الدهون.

الأنسولين هو المحرك الرئيسي في تحويل عمليات التمثيل الغذائي من الهدم إلى البناء والعكس

الجسم يوجد به أماكن ممكن نسميها الجمعية الأستهلاكيه التى يخزن فيها الطعام لوقت الطوارئ.

الطوارئ هي فترات الصوم أو وقت عدم الأكل زي النوم أو وقت مجهود عضلي حدث فجأه , تمرين شديدعلى سبيل المثال.

طول اليوم, الدم يخبط علي باب الجمعية يأخد بعض من السكر ويذهب ليوزع تلك الكمية المقننة على كل خلايا الجسم
طول اليوم أو بدون طعام نوع الانسولين المسؤول هو ألانسولين القاعدي أو طويل المفعول

ماذا عن وقت الطعام ؟ "وقت الأكل" المسؤول مع القاعدي بيكون الأنسولين السريع

كل نوع انسولين نحقنه في خواص مهم نعرف معناه ومهم نفهم انها تختلف حسب نوع الانسولين والشخص وكميه الجرعه المحقونه

× Onset

امتي الجسم يشعر بالجرعه بمعني امتي يبتدي يكون في كميه محسوسه من جرعه الانسولين لبدأ عمله

× Peak

قمة أو ذروة عمل الانسولين

فيها يكون الجرعه في أعلي تركيزاتها في الدم وقد تستمر وقت مختلف حسب الانسولين سرع المفعول ولا قاعدي أو أي نوع اخر

× Duartion of action

مدة بقاء الجرعه المحقونه في الجسم

ما وجه الأختلاف بين أنواع الأنسولين من حيث طريقة العمل؟

جرعه الأنسولين تحقن تحت الجلد , تكون مثل قطرة الماء , طول الوقت الدم يمرعليها أثناء دورته العادية مدفوعا من القلب البشرى لا إراديا و يظل طول فترة تأثير الأنسولين يستهلك من تلك القطرة مثل تقشير طبقات خارجيه منها ويذهب بتلك الأجزاء البسيطة من الأنسولين ليوزعها على خلايا الجسد البشرى

الانسولين القاعدي:

مصمم لكى يستهلك ببطء ويظل تأثيره مدة طويله

لماذا ؟

لأن الجمعية الأستهلاكيه تسمح من السكر بكميات قليله علي فترات متقاربة و لذلك نحن لا نحتاجه الا لطاقة تبقى أجهزة الجسم تعمل فقط.

يوجد انواع تسمي مجازا قاعدي لكن هي في الاصل انسولين متوسط المفعول NPH مثل

انسولاتارد

هيومالين ن

الانسولين السريع :
أما إذا كان سكرالدم عالي مرتفع أو وقت دخول كميات جلوكوز كبيره للدم بسبب هضم وجبه ما هنحتاج هنا الانسولين السريع

يبدأ عمله سريعا ويصل لقمته أسرع وينتهي من الجسم أسرع

اذن تفكيرنا يقودنا ان وقت الوجبات أو ارتفاع السكر يجب علينا اختيار انواع انسولين الجسم يشعر بها سريعا عند حقنها ولا تستمر في الجسم فتره اطول من متوسط هضم اي وجبه في المعتاد والتي تكون مده بين 2_3 ساعات ..

ثم بعد ذلك نفكر كيف نقارب بين قمه عمل الانسولين المفعول وسرعه هضم الاكل بحيث يكون هناك انسولين في الدم في انتظار ما يخرج من كميات جلوكوز الي مجري الدم ،ويكون بكميه كافيه مناسبه للاكل بحيث يعمل بسرعه علي ادخال الجلوكوز الي الخلايا علي قدر احتياجها وطلبها من الطاقه ..

الي الان لا يوجد انسولين من صنع الانسان اقرب ما يكون لعمل البنكرياس الطبيعي اللي بمجرد ما يكون الاكل في الفم يفرز البنكرياس انسولين المرحله الاولي ثم باقي مراحل الانسولين حسب سرعه هضم الاكل وخروجه من المعده الي مجري الدم

أنواع الانسولين المختلفه لعلاج السكري :

أنسولين متوسط المفعول - إنسولاتارد / هيوملين ن intermediate-acting insulin

الانسولين القاعدي

الانسولين المستنشق أفريزا AFREZZA® INHALED INSULIN

الانسولين المخلوط premixed insulin

ﺍﻹﻧﺴﻮﻟﻴﻦ ﺍﻟﺴﺮﻳﻊ ﻭ ﺍﻟﻌﺎﺩﻱ المفعول

أحصل على التحديثات عبر البريد الإلكتروني من

Blue Circle - إدارة السكري

الطفل السكري و مناقشات مهمه للأهالي قبل بدء الدراسة

bluecircledm@gmail.com (Amr Haggag) — Sat, 21 Jan 2023 20:25:00 +0000

✿ المفروض من قبل دخول المدارس بشهر أو اسبوعين نبدأ في تنظيم نوم الطفل وتعديل جرعات الاننسولين القاعدي ومواعيد الاستيقاظ و وجبه الافطار وذلك لاختبار المعاملات وان كانت محتاجه تعديل 
✿ التواصل مع اداره المدرسه والمعني بالمتابعه الطبيه للطفل في المدرسه لمناقشه اي معلومه مهمه بخصوص علاج الطفل ومتابعته اليوميه وكيفيه تنظيم مواعيد الاكل و الاشتراك في النشاطات اليوميه المدرسيه 
✿ لا يوجد بديل عن متابعه الطفل في المدرسه اما ان توفر المدرسه ذلك او توفريه انتي كأم ..لكن ممنوع يفضل طفل بدون متابعه سكره كل هذه الساعات الطويله 
 ✿في المدرسه يتساب علبه فيها عصير وبسكوت ومكعبات سكر او جل جلوكوز 
شنطه الطفل فيها علبتين عصير للطواريء في مشوار الباص رايح وجاي ومشرفه للباص تكون عارفه مكانهم
✿ علشان ما يحصلش مفاجاة..ماتعتمدوش ان الطبيب ولا الممرضه يكون ملم بالتعامل مع الهبوط والعلو او اي تفصيله 
نروح قبلها واحنا ندي التعليمات ونعرف الناس ونشوف مين هيحلل او يدي جرعه وكل واي حد يتعامل مع الطفل من مدرسين المباشرين لفصله.. مشرفه الباص.. مدرسه الالعاب او الانشطة والاخصائي الاجتماعي.. دول محتاجين يعرفوا التعامل ازاي في الهبوط والعلو

مضخة 780 : شرح خاصية Temp Target (الهدف المؤقت )

bluecircledm@gmail.com (Amr Haggag) — Sat, 17 Sep 2022 18:00:00 +0000

خاصية Temp Target (الهدف المؤقت ) التي تعمل فقط عند تفعيل خاصيه سمارت جارد Smart Guard

أحصل على التحديثات عبر البريد الإلكتروني من

Blue Circle - إدارة السكري

مضخة 780 : طرق اعطاء البولس والتصحيح المختلفه سواء علي نمط التشغيل العادي أو بعد تفعيل خاصية smart Guard

bluecircledm@gmail.com (Amr Haggag) — Sat, 17 Sep 2022 17:49:00 +0000

طرق اعطاء البولس والتصحيح المختلفه سواء علي نمط التشغيل العادي أو بعد تفعيل خاصية smart Guard

أحصل على التحديثات عبر البريد الإلكتروني من

Blue Circle - إدارة السكري

مضخة ميدترونيك 780 : شرح التصحيح التلقائي Auto correction

bluecircledm@gmail.com (Amr Haggag) — Sat, 17 Sep 2022 17:44:00 +0000

أحصل على التحديثات عبر البريد الإلكتروني من

Blue Circle - إدارة السكري

نصائح لمستخدمين لمضخه ٧٨٠

bluecircledm@gmail.com (Amr Haggag) — Sat, 17 Sep 2022 17:13:00 +0000

نقط مهم تكونوا عارفينها كمستخدمين لمضخه ٧٨٠

نوع الكانيولا وبتحتاج تتملي قد ايه?
 fixed prime 

علشان لخبطه الناس في موضوع fixed prime او fill

ده الزامي يتعمل مع كل مره تركيب للكانيولات البلاستيك 

الكانيولات المعدن مش لازم 

ودي تعليمات الشركه اللي متوضحه في الصور تحت 

لو طول الكانيولا ٦ مم = تتملي 0.3 

لو طول الكانيولا ٩ مم = تتملي 0.5 

لو الكانيولا  طولها ١٣ او ١٧ مم = تتملي 0.7

اماكن تركيب الكانيولات

لازم نغير في الاماكن 

الكانيولا اللي تجيب دم وقت التركيب تتغير فورا ..عكس السنسور بنسيبه نجربه ونتابع قرايته مادام الدم وقف 

لتقليل الألم ممكن استخدام مكعب تلج علي مكان التركيب قبل ما نركب 

لو هنستخدم كريم تخدير لازم نسيبه يمتص ثم نمسحه تماما والمكان يبقي جاف قبل التركيب 

الألم الشديد المستمر  مكان التركيب زي احساس وخز او كهربا بيكون معناه ان لامسنا نسيج عضلي ولازم نغير الكانيولا 

الكانيولا والسنسور ممنوع تركيبهم في مكان جروح او ملتهب او متليف او مكلكع او في علامات تمدد او مكان احتكاك بالهدوم زي حزام بنطلون مثلا ..او مكان ثنيات الجسم اللي ممكن تخربهم او تفكهم 

مكان التركيب مهم جدا يكون جاف ..لو بنستعمل اي كريم مخدر لازم ينشف ونمسحه تماما ..لو بنستخدم تطهير يبقي ينشف تماما ..ممنوع اي كريمات مكان التركيب ..

لو بنستخدم بخاخات حساسيه يبقي لازم قبل التركيب بساعه والمكان يجف تماما 

لو في شعر كثيف يبقي يتقص او يتحلق 

ممنوع نستخدم مزيل عرق جل او كريمي مكان التركيب

أي معايره للسنسور =تحليل بالدم من الاصابع فقط وليس اي مكان بديل ..كذلك عند الشعور بأعراض لا تتوافق مع قراءه السنسور

الجرعات والمعاملات

الجرعه قبل الاكل ب ١٠-٢٠د ..وليس اثناء ولا بعد 

 الحقن قبل الاكل علي طول او بعده بيخلي الجرعه لا تتناسب مع سرعه الهضم والسكر يعلي ..اوك ده عارفينه ..لكن مع سمارت جارد ده بيدخلنا في هجوم تصحيح تلقائي عنيف من المضخه يليه هبوطات ممتده 

يبقي بعد الاكل لو بتواجه تصحيح تلقائي كتير ..عدل وقت الانتظار بين الحقن والاكل قبل تعديل معامل الكارب
 

نصيحتي الشخصيه اهتموا بالوقت ده علي الاقل في اول وجبه لما يصحوا لانها غالبا تصاحب اوقات مقاومه لعمل الانسولين ..

️مدة بقاء الانسولين النشط الصارمه اللي بتكون ساعتين ..خطر في الاطفال لانها بتعرضهم لهبوطات اكتر ..كذلك الهدف الصارم ١٠٠ احيانا 

نصيحتي الشخصيه في الاطفال ماتبتدوش ابدا بوقت انسولين نشط اقل من ٣ ساعات ..ولا هدف اقل من ١٢٠ ..لما يتزبط سمارت جارد قللوا الهدف لو تحبوا ..والانسولين النشط نقدر نقلل او نزود كل ١٥ د بلاش تغيرات عنيفه فيه ايضا .

️وقت المجهود البدني او الذهني ..استخدم الهدف المؤقت قبل الحدث بساعه علي الاقل لتجنب تراكم التصحيح التلقائي 

تقارير المضخه علي برنامج كير لينك 

لما نتابع تقارير المضخه هنستفيد ايه بتحليل تقارير TIR 
 قسموا الاهداف في المضخه للتالي 
سكر فوق ٢٥٠ بكون أقل من ٥%
سكر فوق ١٨٠ يكون اقل من ٢٥%
سكر في نطاق ٧٠-١٨٠ يكون ٧٠% 
سكر أقل من ٧٠ يكون ٤%
سكر أقل من ٥٤ يكون أقل من ١% 

طيب لو لقيت نفسك بيطلع سكرك فوق المطلوب كتير يبقي  تاخد بالك او تعدل ايه ؟

تستني مده أطول بين الحقنه والاكل 

ماتاكلش من غير جرعه 

لو بعد ساعتين من الوجبه سكرك عالي عن ١٨٠ مع وقت انتظار يصل الي ٢٠ د قبل الاكل وحساب كارب مزبوط = قلل معامل الكارب

طيب لو لقيت نفسك بيطلع سكرك أقل من المطلوب كتير يبقي تاخد بالك او تعدل ايه ؟

لو بتنتظر ٢٠ د خليهم ١٠ د 

راجع حساب الكارب مزبوط 

لو عملت اول خطوتين  ولسه بتهبط =زود معامل الكارب 

لو الهبوط بين الوجبات او بدون اكل =ارفع التارجيت بتاع سمارت جارد 

لو الهبوط بعد التصحيح التلقائي = زود وقت بقاء الانسولين النشط 

لو هبوط متكرر بسبب مجهود يبقي استخدم temp target صح 

لو بتهبط اثناء النوم يبقي قلل جرعه اخر وجبه قبل النوم ..ونصيحتي الشخصيه اشتغلوا بالتارجيت المؤقت قبل النوم بساعه الي ساعتين علشان تكونوا انتم المتحكمين في التصحيح ولحد ما سمارت جارد يزبط البيزل وقت النوم 


 نظام التشغيل سمارت جارد وكيف تصل لأقصى استفاده منه في وقت مناسب 
https://youtu.be/tTn4F7-TNKs
سمارت جارد عايز صبر 
بياخد اسابيع حتي يصل لمستويات من البيزل شبه سليمه تزبط السكر 

يساعد علي تسريع المده دي عده عوامل 
ان يكون نمط الحياه للطفل مستقر ،يعني ضبط مواعيد نوم وصحيان ومواعيد الوجبات قدر المستطاع 
لو احنا لسه محولين من اقلام للمضخه ..يبقي اصلا لسه بيزل المضخه والمعاملات هتتزبط وده بياخد فتره لا تقل عن شهر ..اصعبهم اول ٧-١٠ أيام 
بره اول اسبوع ده المفروض بيكون متابعه في المستشفي أصلا للطفل السكري 
والمده دي تقصر او تزيد حسب خبرتك في التعامل مع حساب الكارب وتعلمه ..والتصحيح 

ايضا بيفيد جدا جدا لو اصلا اول مره نستخدم المضخه ٧٨٠ نفسها  ،ان نطول مده استخدامها بدون سمارت جارد لحد مايستقر السكر ونوصل لمعاملات علي المضخه وبيزل مزبوط ..
ده لا يحدث في اسبوع او اثنين من التركيب للاسف ومعظم الدكاتره تستعجل في تفعيل السمارت جارد


طيب ركبنا المضخه ..انتظرنا وفت مناسب ..فعلنا سمارت جارد..هنواجه ايه اول كام اسبوع ؟
اما ارتفاعات او هبوط ..
وانت كمستخدم ليس عندك امكانيه تعديل البيزل او معامل التصحيح مع سمارت جارد لانها اصبحت مهمته ..لكن مهم تعرف بعض النصائح 

 الاطفال اللي حساسه للانسولين بمعني معاملات الكارب والتصحيح عاليه نوعا ما ..لو لاحظتي تكرار هبوط بعيد عن أثر جرعه الوجبات ناقشي طبيبك لرفع مده الانسولين النشط 

الارتفاع سيبي المضخه  تتعامل هي معاه الا لو متكرر في خلال ٣ ساعات من وجبه مع تأكدنا من حساب الكارب صح ..ساعتها اولا نراجع ان المضخه بتعطي الجرعه فعلا سليمه علي حسب معامل الكارب اللي احنا كاتبينه في الاعدادات 
ثانيا لو بتدي الجرعه صح وحساب الوجبه سليم اذن نناقش الطبيب لتعديلات طفيفه في معامل الكارب وده وارد جدا يحصل 

لو في وقت بدايه التركيب والمضخه بتدي تصحيح تلقائي كتير ومتكرر ونتعرض بعده لهبوطات شديده 
بيكون مهم تفعيل خاصيه temp target قبل النوم بساعه او ساعتين لتفادي الهبوط أثناء النوم ..وبنقدر احنا اللي نتحكم في جرعه التصحيح امتي

أحصل على التحديثات عبر البريد الإلكتروني من

Blue Circle - إدارة السكري

نصائح للسيدات والفتيات مستخدمي مضخه ٧٨٠ علي نظام سمارت جارد

bluecircledm@gmail.com (Amr Haggag) — Sat, 17 Sep 2022 17:03:00 +0000

البوست مخصص فقط  للسيدات والفتيات مستخدمي مضخه ٧٨٠ علي نظام سمارت جارد 

مع المضخات العاديه بنتعامل مع الدوره الشهريه بنفس بروتوكول أيام المرض بتعديل كميات البيزل اليوميه وأحيانا المعاملات 
بعض السيدات والفتيات بيكونوا عاملي basal pattern مخصص لمثل هذا الوقت شهريا ويتم تفعيله قبلها بيوم او إثنين ..او لما تبتدي ..ولحد نهايتها 

غالبا الأثر بيكون هو زياده معدلات الضخ بسبب مقاومه الانسولين نتيجه تغير كميه وعمل الهرمونات في الوقت ده ،بالاضافه للألم وتغير عادات الأكل 

فئة أقل بتواجه هبوطات وقت الدوره الشهريه ،ليس الأثر الغالب والشائع لكنها فئه موجوده بالفعل ..وهنا بيكون التعديل بتقليل معدلات الضخ 

طيب واحنا علي نظام سمارت جارد مافيش اي وسيله لتعديل الضخ اليومي للبيزل ولا تعديل في جرعات التصحيح ..
في سيدات بيفشل سمارت جارد في مواكبه التغير السريع المفاجئ ده  ..او يعتبره تغير دائم ونواجه هبوطات بعد انتهاء الدوره 

البوست هنا لمناقشه حلول للناس اللي بتواجه المشكله دي 

 ------------------------------------------------------------------------

التوصيات وقت المرض مع ٧٨٠  ان لو المضخه مش هتقدر تتعامل مع التغيرات السريعه دي ان نخرج الي المانيوال مود

وهنا نظام تشغيل يدوي +السنسور شغال  

 (سمارت جارد يتدخل  في تعديل للبيزل التلقائي و موضوع التصحيح التلقائي )
لما بنوقفه واحنا لسه مشغلين السينسور لسه عندنا كل خواص تقليل الضخ قبل الهبوط ثم توقيفه عند الهبوط وحتي عوده السكر لمستويات مقبوله 
اذن عنصر الامان وقت الهبوط مازال موجود+متاح لينا تعديل معدلات الضخ بالزياده والنقصان 

------------------------------------------------------------------------

نناقش حلول ممكن  نتبعها مع سمارت جارد لو منفعتش يبقي لازم تنقلي مانيوال 

لو بنواجه حدوث الهبوط اثناء الدورة الشهريه 
يبقي اولا نفعل temp target علي مدار اليوم لتجنب التصحيح التلقائي ونكون احنا المتحكمين في جرعات التصحيح +بيخلي هدف المضخه في التصحيح ١٥٠ 

ثانيا لو بنحتاج نعدل وقت الانسولين النشط ..ده سهل يتعمل وقتها ويرجع تاني بعدين 

لو محتاجين نعدل معامل الكارب ايضا سهل يتعمل مدتها ويرجع تاني بعدين 
لو الهبوط خلال ٣-٤ ساعات من الاكل بس =نزود المعامل

المهم تكوني مسجله كل البيانات دي لسهوله الرجوع ليها لاحقا

او لو انتي عارفه نسبه التعديل كام تحايلي عليها بكميه الكارب اللي بتتكتب ومش هي اللي بتتاكل فعليا ghost carb 

زي مثلا لو محتاجه تقللي جرعات الاكل بنسبه ٢٥% 
يعني كده محتاجين نغطي بس ٧٥% من كميه الاكل 

لو الوجبه هتاكل فعليا ٤٠ كارب ..اكتبي علي المضخه ٣٠ كارب بس ..بس البنت تاكل ٤٠

يبقي ملخص الخطوات اللي نجربها  وقت الهبوط لو حابه تفضلي علي اوتو موود 

تفعيل temp target طول اليوم 
استخدام ghost carb وقت الوجبات لو محتاجين 
تعديل active insulin time لو محتاجين

لو بنواجه حدوث ارتفاعات اثناء الدورة الشهريه 

اولا من عمر عشر سنوات ممكن نستشير الطبيب في اضافه ميتفورمين وقت البريود اول ما يبدأ اثر الهرمونات والعلو ولحد نهايه الدوره 

لو التصحيح التلقائي غير قادر علي سد فجوه علو السكر بين الوجبات واثناء النوم ..ممكن نستخدم ghost carb لوجبات متفرقه تسجل علي المضخه لكن لا تؤكل بالفعل 

تقليل وقت active insulin لكن بحذر ..نقلل ربع ساعه في كل مره تغيير 

تغيير معامل الكارب  لو العلو خلال ٣-٤ ساعات من الاكل بس =نقلل المعامل

أحصل على التحديثات عبر البريد الإلكتروني من

Blue Circle - إدارة السكري

التعامل مع هبوط السكر لمستخدمي المضخه

bluecircledm@gmail.com (Amr Haggag) — Sat, 17 Sep 2022 16:45:00 +0000

التعامل مع الهبوط مع المضخه 
اولا لازم تتاكد بتحليل الدم وتتابع علاج الهبوط بتحليل الدم 

التعامل لو لا يوجد جرعة انسولين نشط : 
ان ناخد كارب ترفعنا الي ٩٠-١٠٠ مج/دل ونحلل بعد ١٠دقايق نتاكد ان بنعلي ثم كمان ١٠ د نتاكد وصلنا لرقم أمان 
ساعتها ناخد أي قطعه بروتين أو بيضه أو اي كارب بطئ مايخليناش نعدي ١٢٠-١٤٠ مج/دل 

التعامل لو في جرعه انسولين نشط :
لازم ناخد كارب تعوض الجرعه المتبقيه +كارب ترفعنا الي ١٠٠ 

بعد ارتفاع السكر لازم اجباري تحليل كل نصف ساعه لحد ماتنتهي جرعه الأنسولين النشط وكمان ساعه بعده (الجرعه الكبيره الغلط بتفضل وقت أطول من المعتاد)

لو الهبوط كان بعد مجهود بدني او ذهني ..هنزود كارب اكتر وتكون سريعه الهضم الزامي 

طيب بالنسبه للتعامل مع البيزل ؟

البيزل تخيلوه جرعات بولس صغيره كل عدة دقايق ليها أثر وقتي وأثر كمان ممتد لمده ساعتين تقريبا 
يبقي لما نختار نعمل ايقاف suspend للمضخه يدوي ..مهم مايطولش  واول ما السكر بتحليل الدم يبدا يعلي ويستقر نرجع نستانف ضخ البيزل تاني 

لو المضخه بتعمل ايقاف اوتوماتيك بناء علي قراءه سنسور،لازم زي ما وضحنا نتاكد بالدم ولو هبوط فعلا نسيب المضخه توقف البيزل ولو السكر زبط بالدم لكن لسه السنسور مازبطش ..نستأنف احنا ضخ البيزل يدوي 

نخلي بالنا لما نعمل كده بعض المضخات هيكون خاصيه التوقف قبل الهبوط او عند الهبوط ساعتها معطله مؤقتا 

 لأي سبب اضطريت تفصل المضخه أكثر من ٣٠-٦٠ د بسبب علاج الهبوط والسكر خلاص زبط ..لما تستأنف ضخ البيزل ممكن تعمل temp basal مؤقت بالزياده لو اتكرر انك تواجه ارتفاع للسكر 

هام جدا  لتجنب ارتفاعات شديده بعد نوبه هبوط وعلاجها

بلاش بسبب الخوف ندي كارب كتير غير محسوب 

او نختار كارب من النوع الغلط ومايرفعش معانا بسرعه صح 

بلاش نعتمد فقط علي قرايه السنسور في علاج الهبوط او متابعته حتي يرتفع السكر

نراجع بوست الانخفاضات الكاذبه هنا :https://www.edart-alsukkary.com/2022/09/blog-post_91.html

بلاش نفضل فاصلين البيزل كتير بعد استقرار السكر 

لو اضطرينا نستخدم جلوكاجون ..نعرف ان الوجبات بعدها ندي جرعات اقل من المعتاد لان الجسم هياخد.جزء من الكارب دي مباشرة لتعويض المخزون اللي فقده بسبب الحقنه

التعامل وقت الهبوط مع مضخة 780  عند تشغيل المضخه بالنمط المعتاد او عند تفعيل Smart Guard

أحصل على التحديثات عبر البريد الإلكتروني من

Blue Circle - إدارة السكري

اجهزة القياس المستمر و انخفاضات السكر الكاذبه

bluecircledm@gmail.com (Amr Haggag) — Sat, 17 Sep 2022 16:34:00 +0000

لمستخدمي اجهزة القياس المستمر بانواعها سواء سينسور المضخه او الفريستايل ليبر او الديكس كوم .

Compression Lows 
القراءات الخطأ اللي بتحصل هي القراءات المنخفضة نتيجه الضغط علي مكان تركيب .

بتحصل امتي ؟

•وقت النوم لو اتقلبنا علي مكان التركيب

•استخدام لاصق ضاغط او لفه بإحكام شديد  علي السينسور للتثبيت .

•التركيب قريب من عضله او عند الضغط علي السينسور يقترب من نسيج عضلي 

 بتظهر ازاي علي الجهاز ؟

•تنبيه سريع بانخفاض شديد او توقع انخفاض في وقت قصير 

•تنبيه بالهبوط الشديد 

•تنبيه بعدم وجود قرايه للسكر متاحه حاليا 

•بنلاحظ بدأ شكل مميز علي شاشه العرض لمنحني الهبوط كأنه نزول من علي قمه او ارتفاع اسمه Cliff Drop 

نعمل ايه وقتها ؟

•اول حاجه نعدل الجسم في وضع صح او نرخى اللاصق سبب المشكله 

•ثانيا نحلل السكر باستخدام الاصابع والجهاز العادي بالدم نتأكد من ان السكر مزبوط 

•نعطي وقت للسينسور للرجوع لحالته المستقره والثبات .

•لمستخدمي المضخات اللي بتاخد قرار ايقاف الضخ بناء علي قرايه السينسور نتاكد انها اعادة الضخ مره اخري .

 اسباب اخري قد تؤدي لقراءات متذبذبه وغير مستقره ؟

•الجفاف ونقص شرب المياه 

•التركيب بجوار مكان حقن الانسولين 

•التركيب في نسيج عضلي 

•استخدام بعض الادويه المنصوص علي تأثيرها في دقه قراءه السينسور  (موديلات الديكسكوم القديظه وبعض انواع سينسور المضخه )

•التغير المفاجئ في نمط المجهود ومايصاحبه من تغير سريع في مستويات السكر في السائل البين الخلوي اللي بيتم القياس منه .

الصوره لتوضيح الفرق في مده لا تتجاوز ال ٢٠ دقيقه بسبب التفاف الطفل والنوم علي الذراه اللي تم فيه تركيب الفريستايل ليبر

أحصل على التحديثات عبر البريد الإلكتروني من

Blue Circle - إدارة السكري

تعليمات السفر مع مضخات الانسولين

bluecircledm@gmail.com (Amr Haggag) — Sat, 17 Sep 2022 16:30:00 +0000

 تعليمات السفر مع مضخات الانسولين بانواعها متوضحه في الصور و مرفق صوره لكل نوع جهاز فحص علشان نبقي عارفينه 
اللي نوع مضخته هيكون ممنوع من المرور في جهاز معين زي ميدترونيك مثلا يبقي لازم يكون معاك جواب او تقرير طبي واضح عربي وانجليزي ومختوم بيطلعوا عليه في المطار 
بيتاخد من فرع شركه ميدترونيك القريب منك او من فريقك الطبي لو بتابع في البلاد العربيه 

رابط الخطاب 

https://www.dropbox.com/s/si39qo9mlredb1f/Airport-Security-Letter%20%20E%20and%20A%20.doc%20%281%29.docx?dl=0&fbclid=IwAR0wKT-PVGXslvihokzerhzBJ3YMfjQWgwUyjMX0GUxUftLBjI_GE1pMHkM

عندنا ٣ انواع اجهزه ناخد بالنا منهم :

metal detectors

️بوابات الامن اول ما ندخل المطار ودي عاديه 

x-ray machines 
بوابه سير اللي بيعدي عليها الشنط ودي فحص اكس راي ممنوع يبقي فيها المضخه لو انت مش لابسها (ميدترونيك)

metal detectors

 بوابات امن اخري كاشفه للمعادن او الضابط يستخدم عصاة كشف المعادن 

full-body scanners
 بوابات فحص الجسد بالاشعه ودي ممنوعه مع ميدترونيك المضخه والسنسور كمان 

في البوابه دي بنختار ان يتم الفحص الأمني  باليد من قبل الضابط المختص 

تعليمات تواجدك علي الطائره :

 بالنسبه لمضخه ميدترونيك:
 واحنا علي الطائره 
اول ما تبدأ مرحله الاقلاع بنعمل وقف للضخ ونفصل الخرطوم 

نعيد تركيب الخرطوم تاني بعد عمل prime او اعاده ملئ للخرطوم للتاكد من خروج كل الفقاعات اللي تكونت بسبب فرق الضغط الجوي 

نعيد تركيب الخرطوم لما يستقر الضغط الجوي اي تقفل علامه ربط الاحزمه في الطائره او نشعر باستقرار الضغط علي الأذن 

يتفك الخرطوم قبل الهبوط ايضا ولا يعاد تركيبه الا بعد استقرار الطائره مع اعاده ملئ الخرطوم 
ليه بنفصل المضخه ؟
فرق الصغط الجوي والمضخه متصله بالجسم ممكن يسبب وصول جرعه زائده بسبب الضغط علي المكبس ،او ارتفاعات لاحقه بسبب تكون فقاعات هواء كبيره 

بالنسبه للسينسور 
ولانه يعمل بالبلوتوث ومتصل بالتليفون والمضخه ،التعليمات منقسمه بين انك تطفئ البلوتوث والانترنت وقت الاقلاع مع غلق التليفون ..وعند تشغيل مره تانيه بتعرف المضيفه 

تعليمات اخري تعرف المضيفه ولا تغلق الاجهزه 
تعليمات تالته لو المضيفه طلبت تغلقهم لتخوفها من اي تعارض مع أجهزه الطياره يبقي تعمل ده ..وده ناس بتواجهه في الطيران الامريكي

المضخات الحديثه فيها خاصيه وضع الطيران والسينسور ممكن تقفله من المضخه مؤقتا 

نصائح مهمه 
خصص شنطه من ال carry on اللي بتطلع معاك الطياره يبقي فيها مستلزمات المضخه والانسولين والسينسور 

خلي معاك جهاز تحليل الدم واقراص جلوكوز وقلم انسولين سريع بالسن بتاعه  وحقنه الجلوكاجون وسرنجه 

خلي معاك غيار احتياطي لأداه التشريب والريسرفوار والسنسور وعلبه شرائط تحليل الدم

أحصل على التحديثات عبر البريد الإلكتروني من

Blue Circle - إدارة السكري

مضخه الانسولين معناها ايه ؟

bluecircledm@gmail.com (Amr Haggag) — Sat, 17 Sep 2022 16:18:00 +0000

مضخه الانسولين معناها ايه ؟

■ هي ببساطه جهاز يوضع فيه خزان انسولين سريع ويتم توصيله بالجسم عن طريق ابره بلاستيكيه او معدنيه حسب نوع الجهاز..
الانسولين السريع يوصل (عن طريق المضخه للجسم )عن طريق الابره اللي تحت الجلد ..

■ بتدي الانسولين بطريقتين : 
اما علي دفعات صغيره كل عده دقائق وده مايسمي انسولين قاعدي او البيزل او basal insulin ..وده بيستمر علي مدار ال 24 ساعه اما بمعدل ثابت لكل ساعه او مختلف علي حسب حاله الشخص السكري 
الطريقه الثانيه دفعه كبيره مره واحده وهي اما جرعه اكل او جرعه تصحيح وتسمي هنا البولس او bolus 
عند الاكل ممكن تختار اما تعطي الجرعه مره واحده او علي مرتين متقسمه او الجرعه مفروده علي دفعات لمده عده ساعات وذلك حسب نوع الطعام وسرعه هضمه 

البيزل ممكن تعدل فيه كل نصف ساعه 

■ بتحتاج منك انك تكون عارف حساب الاكل ..ووقت التدريب بتتعلم ذلك وتتعلم كيفيه التصحيح بيها ..
وقت المتابعه مع بدايه التدريب بيتزبط مع الفريق وطبيبك معاملات الاكل والتصحيح والجرعه 

■ بتحتاج نفس عدد مرات التحليل المعتاده من 
صائم 
قبل اي وجبه وبعدها بساعتين 
قبل النوم 
مازاد عن ذلك هو حسب الشخص واحتياجه 

■ وقت الاكل ..بتحلل وتحسب كام جرام كاربوهيدرات في اكلك وعلشان المضخه تديك جرعه بتطلب منك تدخل الرقمين دول

■ يوجد انواع من المضخات تسمح بتركيب جهاز قياس السكر المستمر ..وده بيكون جهاز بابره منفصله تركب علي الجسم وتقيس الدم وترسل قراءه للمضخه وجهاز اخر منفصل كل 5 دقائق ..وحتي مع وجوده فهو يحتاج لمعايره مرتين يوميا علي الاقل بقراءه من اصابع اليد ..وينصح قبل اجراء تصحيح لقراءه سكر مرتفعه ظاهره علي جهاز القياس المستمر ..ينصح ان نتاكد منها بقراءه تحليل عاديه 

بالنسبه لمضخه ميدترونيك ٧٨٠ 

ينطبق عليها تعريف مضخه الانسولين بصفه عامه المشروح أعلاه 

 مضخه ميدترونيك ٧٨٠ دي ممكن تشتغل ب ٣ طرق :

مضخه ٧٨٠ وهي بدون سينسور (نظام التشغيل الاول)

هي نفس خواص مضخات ميدترونيك المعتاده للمضخه

علي نظام التشغيل ده وقت الاكل بندخل تحليل دم من الاصبع +كميه الكارب في الوجبه

لما بنركب السينسور بيكون  عندنا نظامين تشغيل زياده :

المضخه +السنسور (نظام التشغيل الثاني)

هنا المضخه نفس الخواص اللي فوق ويزيد انها بتستخدم قرايه السنسور علشان  بتقلل ضخ البيزل قبل الوصول لحد السكر الموجود فيها كرقم للهبوط 
وتوقف البيزل واي ضخ انسولين وقت الهبوط 

ترجع تستأنف الضخ تاني لما السكر يرتفع 
 طبعا مع انذار هبوط وارتفاع 

علي نظام التشغيل ده وقت الاكل بندخل تحليل دم من الاصبع +كميه الكارب في الوجبه 

  المضخه +السنسور +تفعيل خاصيه سمارت جارد(نظام التشغيل الثالث)

 سمارت جارد ده خاصيه فقط في ٧٨٠ (متاحه من سن ٧ سنوات او جرعات انسولين كليه ٨ وحدات واكتر )

يعني ايه   "سمارت جارد " او نظام الحلقه المغلقه في مضخه ميدترونيك 780G؟

دي المضخه بتتحكم بنفسها في ضخ جرعات البيزل وتعديله حسب قراءات السينسور اللي بتوصل لها علي مدار اليوم 

كمان فيها خاصيه اعطاء تصحيح تلقائي علشان تفضل مخليه مستويات السكر في النطاق المطلوب 

تقليل الضخ عند الاقتراب من الهبوط 
ايقاف الضخ عند الوصول للحد الادني للسكر في الاعدادات 
اعاده الضخ عند استقرار مستويات السكر

علي نظام التشغيل ده وقت الاكل بندخل فقط كميه الكارب في الوجبه لان قرايه السكر المضخه بتاخدها هي نفس قرايه السنسور 

شرح سمارت جارد

 السنسور مع مضخه ٧٨٠ هو جارديان ٣ او جارديان ٤ 

جارديان ٣  
يستمر لمده اسبوع 
بيتم معايره بالدم بعد تركيبه بساعتين ثم كل ٦ ساعات اول يوم فقط 
باقي الأيام المعايره كل ١٢ ساعه ،مالم تطلب المضخه عكس ذلك 

جارديان ٤  
يستمر لمده اسبوع 
لا يحتاج المعايره اليوميه مثل النوع السابق ،مالم تطلب المضخه
 عكس ذلك  

أحصل على التحديثات عبر البريد الإلكتروني من

Blue Circle - إدارة السكري

تطبيق كيرلينك

bluecircledm@gmail.com (Amr Haggag) — Sat, 17 Sep 2022 16:06:00 +0000

مهم جدا وحضرتك بتقبل علي خطوة شراء مضخه ميدترونيك 780 ،ان نكون فاهمين ان في تطبيقات محدده لازم هتنزل علي التليفونات للاستفاده من خصائص المضخه
وان الام او الاب اللي يتابعوه لازم تليفونهم بكون من اصدارات محدده سواء لنوع الموبايل او اصدار السوفت وير

🔸️لازم موبايل مع المستخدم اللي مركب المضخه مايبعدش عنه اكتر من ١٠-٢٠ متر اللي هو مدي اشاره البلوتوث لاستقبال قراءه السنسور وتنبيهات المضخه ..ثم ارسالها للمتابعين

يعني الطفل هيكون معاه جهاز تليفون محمول طول الوقت من موديلات معينه

وموجود علي موقع ميدترونيك قائمه كامله بأنواع الموبايلات اللي ينفع ينزل عليها حسب آيفون ولا أندرويد
علي الكومود او المكتب جنبه وهو في البيت

🔸️تطبيق تاني ينزل علي تليفون أي شخص مهتم بمتابعه الطفل علشان تستقبلي القراءات والانذارات كامله اللي بتطلقها المضخه

🔸️الدعم الفني في أي بلد غير مسئول لو موبايل حضرتك خارج القائمه دي ولا يتطابق ..لكن يقدر يساعدك في أي مشكله تقنيه لبدء تفعيل التطبيقات لو أصلا الموبايل متطابق مع التطبيق وينفع ينزل عليه
لو موجوده لكن اصدار الاندرويد محتاج تحديث ده تقدر تعمله في اي توكيل موبايلات

البرامج نوعين
تطبيق هينزل مع موبايل ملازم للطفل اللي مركب المضخه ،والتليفون لازم فيه انترنت لمده ٢٤ ساعه وبلوتوث جيد
وموجود علي موقع ميدترونيك قائمه كامله بأنواع الموبايلات اللي ينفع ينزل عليها حسب آيفون ولا أندرويد
مش لازم يبقي ماسكه
ممكن في شنطه تحليل السكر جنبه
في شنطه المدرسه
علي الكومود او المكتب جنبه وهو في البيت
تطبيق تاني ينزل علي تليفون أي شخص مهتم بمتابعه الطفل علشان تستقبلي القراءات والانذارات كامله اللي بتطلقها المضخه
وده موجود بردو قائمه بالموديلات المتطابقه معاه حسب آيفون او أندرويد
الدعم الفني في أي بلد غير مسئول لو موبايل حضرتك خارج القائمه دي ولا يتطابق ..لكن يقدر يساعدك في أي مشكله تقنيه لبدء تفعيل التطبيقات لو أصلا الموبايل متطابق مع التطبيق وينفع ينزل عليه
التطبيقات دي ملهاش دعوه بالبلد اللي مركبين المضخه فيها ..ليها دعوه فقط بتطابق بين جهازك الشخصي و للتطبيق
لو التليفون مش في القائمه يبقي هتشتروا واحد جديد للي هيتابع او الطفل
لو موجوده لكن اصدار الاندرويد محتاج تحديث ده تقدر تعمله في اي توكيل موبايلات

🟠️الموقع 🟠
https://www.medtronic-diabetes.com/en-gb/insulin-pump-therapy/minimed-780g-system?fbclid=IwAR2ff_q9EHZ-vT4W3a4uUXMn7QaX_NrAsMHJisoXZMBd5_Mr0wuKRF04OKc

تنزل تحت لحد ماتلاقي
App compatibility
تضغطي علي ➕
هتفتح قائمه الموبايلات المطابقة قارن جهازك بها قبل خطوه الشراء

أحصل على التحديثات عبر البريد الإلكتروني من

Blue Circle - إدارة السكري

صلاحيه الانسولين في الريسيفوار والانفيوجين سيت والكانيولا

bluecircledm@gmail.com (Amr Haggag) — Sat, 17 Sep 2022 15:55:00 +0000

 بوست هام جدا لمستخدمي المضخات والدكاتره والمثقفين السكريين المعنيين بالتدريب ومتابعه المضخات

 بخصوص صلاحيه الانسولين في الريسيفوار والانفيوجين سيت والكانيولا

الريسفوار   reservoir :

 بيختلف حسب نوع الانسولين المستخدم

نوفورابيد وهيومالوج اقصي مده ٧ ايام لذلك بيكتب يتغير كل ٦-٧ايام 

أبيدرا اقصي مده ٤٨ ساعه يعني مش بيكمل اليوم التالت اصلا 

 الكويك سيت  quick set/infusion set   والتيوب tube  :

حسب الإنسولين المستخدم بردو ينطبق نفس صلاحيه الخزان ومن هنا جاءت تجارب عمل الكانيولا الجديد اللي بتفضل اسبوع 

ابيدرا الزامي ٤٨ ساعه وتتشال 

نوفو وهيومالوج التعليمات المعتادة للتغيير كل ٣ ايام في الانواع المعتاده بسلب مادة الكانيولا نفسها القديمه ..لكن النوع الجديد هيتغير كل اسبوع 

 ️ليه ابيدرا بالذات ؟

الانسداد بيكون من زياده نسبه insulin crystallization which leads to clogs 
يعني في زي تكون لكريستالات بتتراكم لحد مايحدث انسداد

ال FDA بحثت تحديث للمده دي واقترحت استمرار الاسبوع لكن مافيش كلام مثبت لان تجارب الناس الفعليه اليوم الثالث السكر بيعلي بسبب الانسداد 

والمعلومات الموضحه موجوده في نشرات الإنسولين الدوائيه كمان و اونلاين بسهوله تتجاب

أحصل على التحديثات عبر البريد الإلكتروني من

Blue Circle - إدارة السكري

دقة المعاملات وتوقيت الجرعه

bluecircledm@gmail.com (Amr Haggag) — Sat, 17 Sep 2022 15:52:00 +0000

 بالنسبه للمعاملات وتوقيت الجرعه 

وارد جدا تختلف معاملات الكارب علي مدار اليوم لنفس الشخص 
ممكن يكون اول وجبه  بس اول ما يصحي ليها معامل 
ممكن يبقي اول فتره في اليوم ليها معامل 
ممكن كمان معامل لكذا فتره في اليوم 

لو احنا مثلا وجبه الساعه ٧ ص او اول وجبه لما بصحي  بحتاج ليها معامل مختلف ..يبقي ماينفعش اعمل المعامل من اول الساعه ٧ ص 

لازم اعمل اعداداته علي المضخه من قبلها بنصف ساعه او ساعه علشان اضمن وجبتي اللي هاكلها الساعه ٧ الا دقيقه مثلا ماتبقاش غلط !
وعلشان اكون مدي نفسي سماحيه لوقت الجرعه قبل الاكل والانتظار 

نقدر مع اي موديل لميدترونيك ولحد ٧٨٠ لو علي التشغيل التيدوي ان نعدل جرعه الوجبه بالجرعه الصح لو  الفرق مننا في دقيقه او اثنين مثلا 

لكن مع سمارت جارد مش هنقدر 

علشان كده لازم نخلي بالنا من وقت الاعدادات للمعاملات

حاجه تانيه مهمه 
لو انت اول وجبه فقط اللي طفلك بيحتاج فيها معامل مختلف  وباقي اليوم عادي 
يعني مثلا معامل كارب اول وجبه لما يصحي ١٠ وباقي اليوم ١٥..تمام ممتاز وعادي 

بيصحي مابين ٦ و ٧ ص ..تمام 

عملما معامل كارب ١٠ علي المضخه من ٥ ونص الي ٨ ص  مثلا 

يبقي كده خلي بالك اي وجبه في الوقت ده جرعتها هتتحسب علي معامل ١٠ 
يعني لو ابنك اكل الساعه ٦ ..جرعته تمام مزبوط 

حب ياكل الساعه ٨ الا ربع مثلا ..يبقي كده هياخد جرعه زياده غلط 

ده مثال بس يوضح اهميه تحديد توقيت المعامل علي المضخه ونبقي مركزين بناخد الجرعه فيه صح ولا ايه

أحصل على التحديثات عبر البريد الإلكتروني من

Blue Circle - إدارة السكري

برامج بديله لمتابعة سكر طفلك

bluecircledm@gmail.com (Amr Haggag) — Sat, 17 Sep 2022 15:45:00 +0000

اتكررت مشاكل وشكاوي من تطبيق carelink connect االي بنتابع بيه كأهالي اطفالنا عن بعد 

🟧🟧ماهي الفائدة من هذه البرامج ؟🟧🟧 🔸️البرامج التاليه تتيح متابعه اكثر من طفل علي تليفون واحد لأهالي أبطال السكري اللي ربنا رزقهم بأكثر من طفل سكري 🔸️برنامج الاندرويد ممكن ينزل كمان علي الساعات الذكيه التي تدعم تشغيل الاندرويد وبها شريحه انترنت ..هتكون الساعه وسيله عرض سهله للطفل لو مش عايزينه كل شويه يطلع تليفونه 🔸️التطبيقات بتقرا من سيرفر كير لينك ،بمعني الطفل لازم معاه تليفون عليه تطبيقه الخاص بيه كمستخدم ..احنا هنا بنوجد حلول لينا كمتابعين لاستقبال القراءات 🔸️التطبيقات ممكن تكون حل مؤقت بديل علي تليفونك كمتابع لو التليفون لا يدعم نسخه كيرلينك الحاليه حتي توفر تليفون يدعم ذلك 🔸️التطبيقات تقدر تفعل فيها التالي حسب نظام التشغيل علي هاتفك : انذارات الهبوط والارتفاع انذار توقع الهبوط انذار عدم وصول قراءه لمده معينه (مشابه لانذار فقد الاشاره او الاتصال علي كير لينك) يقدر يعرض الجرعات / جرعات التصحيح التلقائي /كميه الانسولين النشط ------‐---------------------------------------------------------------- 🔵الأندرويد 🔵 النسخه التاليه من برنامج xdrip بتسمح لمستخدمي الأندرويد انهم ينزلوه وبخطوات بسيطه يصلهم اشعارات المتابعه من تليفون الطفل واللي اهمها تنبيهات الهبوط

https://github.com/benceszasz/xDripCareLinkFollower

الفيديو شارح طريقه تحميل البرنامج و ضبط الاعدادات للاندرويد

https://fb.watch/fBF3mOH587/

-------------------------------------

🔵🔵الأيفون🔵🔵

مستخدمي الايفون يمكن تحميل البرنامج ده كبديل للطوارئ ايضا نختار البلد الاتحاد الاوربيEU وتدخل بياناتك انت كمتابع لطفلك

https://apps.apple.com/sa/app/guardian-monitor/id1546989938?l=ar

أحصل على التحديثات عبر البريد الإلكتروني من

Blue Circle - إدارة السكري

التعامل مع أيام المرض مع مضخه 780 علي نظام تشغيل سمارت جارد

bluecircledm@gmail.com (Amr Haggag) — Fri, 16 Sep 2022 18:33:00 +0000

بالنسبه لأيام المرض امتي نوقف  سمارت جارد ونرجع لتشغيل المضخه العادي  

●1●
لو عندنا تعب يسبب خلل في انتظام الهضم وهنتعرض لهبوطات متكرره 

•نخرج من نظام تشغيل سمارت جارد ونرجع للتشغيل العادي مع بيزل مؤقت بنسبه منخفضه او ايقافه تماما المده اللي محتاجينها 
•السينسور مازال يعمل ومازال متفعل خاصيه التحذير قبل الهبوط وتوقف الضخ عند الهبوط 

•جرعه الوجبه بعد الاكل لو في ترجيع ولا تؤخذ كامله 

•تعويض سوائل لو في ترجيع /اسهال مع مراقبه الاسيتون حتي لو ارقام سكر مزبوطه

●2●
لو ايام المرض بنحتاج اجراءات اكتر من اللي عاملها سمارت جارد ومش زابطه سكرنا ( اللي هو ضخ اعلي معدل بيزل max basal يليه بدء التصحيح التلقائي ) 

نخرج من سمارت جارد  ونشغل المضخه علي النظام المعتاد ونعمل بيزل مؤقت بالزياده ونكرره حسب الحاجه 

●3●
ايام المرض لو في اسيتون (الكيتون) نخرج من سمارت جارد ونطبق الخطوه ٢ مع متابعه الاسيتون 

●4●
لو اضطرينا نعطي جرعه انسولين بالقلم لاي سبب ..لا نفعل سمارت جارد الا بعد مرور ٤ ساعات من جرعه القلم
 

●5●
لو ادويه علاج التعب فيها باراسيتامول وهو مسكن وخافض حراره شائع استخدامه مع السكريين 

•الدوا ده بيؤثر علي دقه قراءه السينسور (يعطي قراءه عاليه زائفه) وبالتالي دقه قرارات المضخه من تعديل الضخ التلقائي والتصحيح التلقائي 

•ساعتها بنخرج من سمارت جارد ونتابع السكر بالدم واحنا علي وضع التشغيل العادي 

 التعامل مع قراءه سكر عاليه ومتي تغيير الكانيولا   

● السكر فوق 250 بدون اسيتون :
قبل التصحيح بنقيس الاسيتون لو لا يوجد اسيتون = نعطي تصحيح بالمضخه

•لو كمان ساعتين السكر  نزل =يبقي البامب  شغاله 

•لو كمان ساعتين السكر عالي + مافيش اسيتون= تصحيح بالمضخه تاني 
لو  بعد ساعتين كمان مازال السكر عالي او ظهر اسيتون =نغير الكانيولا +نعطي تصحيح بالقلم نتبع النصائح اعلاه لمستخدمي سمارت جارد 

●السكر ٢٥٠ ويوجد  اسيتون بسيط او اول درجه  :

•لو مستخدمي سمارت جارد نتبع النصايح اعلاه 

•لو على نظام التشغيل العادي
ممكن تصحيح بالمضخه مره واحده فقط لو لم ينخفض السكر او يختفي الاسيتون = نغير الكانيولا

●السكر ٢٥٠ واعلي واسيتون عالي :

ايا كان نظام التشغيل 
حالة طوارئ تستدعي  الذهاب لمستشفي مع تغيير الكانيولا 
ايقاف نظام سمارت جارد 
شرب سوائل وتقليل مجهود حتي الوصول للمستشفي 

لو اخذنا جرعه تصحيح نبلغ الطبيب بكميتها ومعادها ونوع الانسولين

أحصل على التحديثات عبر البريد الإلكتروني من

Blue Circle - إدارة السكري

التعامل مع ارتفاع السكر بكل انواعه وأسبابه مع انواع المضخات المختلفه

bluecircledm@gmail.com (Amr Haggag) — Fri, 16 Sep 2022 18:25:00 +0000

بوست مخصص للتعامل مع ارتفاع السكر بكل انواعه وأسبابه مع انواع المضخات المختلفه 

اسباب ارتفاع السكر كتير ،لكن مع المضخات هنناقش اهمها وهو التالي :

أيام المرض ،سواء المرض  وجود التهاب وتغيرات في الجسم او الأدويه بترفع السكر 

ممكن يكون مرض غير ظاهر لينا اعراضه زي التهاب مجري البول او مشكله في الأسنان 

او بسبب جرعة اكل خطأ 

او بسبب هضم متأخر للوجبه لاحتوائها علي نسب عاليه من الدهون او البروتين 

او مشكله فعليه في الكانيولا سواء انسدت او حصل انها انعكاف

او خزان الانسولين عدي عليه اكثر من ٧ ايام لو بنستخدم نوفو رابيد او هيومالوج 

او مكان التركيب في تليف او مشكله

ارتفاع السكر أيام المرض 

نتابع الاسيتون من اول سكر ١٥٠ مج /دل 

لايوجد او خفيف trace :

نعطي جرعه تصحيحيه معتاده 
وجرعه الطعام المعتاده لو هيكون في وجبه 

نتابع الاسيتون كل ٢-٤  ساعات

يوجد اسيتون أول او  ثاني درجه :

سكر من ١٥٠-٢٥٠ ..نعطي تصحيح بالمضخه مع مراعاة زياده التصحيح لتغطيه جرعه الأسيتون 

سكر أعلي من ٢٥٠ = مؤشر خلل في الكانيولا حتي لو ايام المرض 

نعطي تصحيح بالقلم مع مراعاة زيادة جرعته لتغطية الاسيتون + نغير الكانيولا 

نشرب علي الاقل ١٠٠ مل( يعني نصف كوب )من  سوائل خاليه من الكارب كل ٣٠-٦٠ د 
نتابع الاسيتون حتي يختفي ثم كل ٢-٤ ساعات 

متي نتجه للمستشفي ؟
لو عالجنا الارتفاع مرتين منزليا او الاسيتون مرتين منزليا ومحصلش استجابه = تحرك للمستشفي فورا  مع تبلغيهم بأي جرعة تصحيح كانت كام وامتي
يعني عدي ٤ ساعات من التعامل منزليا بدون نجاح 

لو السكر عالي جدا واسيتون عالي جدا من الاول مع او بدون ترجيع و وجع عضلات = تحرك للمستشفي مع تبلغيهم بأي جرعة تصحيح كانت كام وامتي  

جرعة الاسيتون لو طبيبك مش محدد لك تكون كام هتعمل ايه ؟

اولا تعرف ان التصحيح يكون بالانسولين السريع 

لو اسيتون أول درجه = 
جرعة التصحيح للاسيتون تكون ٥% من الجرعه اليوميه الكليه 

الجرعه اليوميه الكليه تعرفها من علي المضخه وتضربها في 0.05 ..الناتج هيكون الزياده اللي محتاجين نضيفه لجرعه التصحيح 

لو اسيتون متوسط الي عالي =
جرعة التصحيح للاسيتون هيكون ١٠% من الجرعه الكليه 
يعني لما نعرف الجرعه الكليه نضربها في 0.10 وده الزياده المحتاجين نضيفها لجرعه التصحيح 

في بروتوكولات تانيه تقول الأسيتون المتوسط نتعامل معاه بزياده ١٠ % ..اما الأسيتون العالي  نتعامل بزياده ٢٠%

بروتوكولات ثالثه تطبق ايضا بيزل مؤقت temp bassl 
لو اسيتون متوسط يكون بيزل مؤقت بالزياده ٣٠% لحد ما يرجع السكر مزبوط 

لو اسيتون عالي يكون بيزل مؤقت بالزياده ٥٠% لحد مايرجع السكر مزبوط 

 ترجمه تحليل الاسيتون بالدم :

لا يوجد اقل من 0.6 mmol/L

اول درجه 0.6-0.9 mmol/L

متوسط 1.0-1.5 mmol/L

عالي1.6-3.0 mmol/L

عالي جدا وفورا مستشفي 3.0 mmol/L

لو لاي سبب لا تستطيع معرفه جرعتك اليوميه الكليه من المضخه 
استخدم الجدول التالي في الصور كمقترح  لجرعه التصحيح في حال وجود الاسيتون حسب الوزن 

 لو سكر مرتفع و لا يوجد مرض ظاهر 

سكر ٢٥٠ واعلي ولا يوجد  ️اسيتون 

هنصحح بالمضخه ونشوف كمان ساعتين لو سكر زبط يبقي تمام 

لو مازبطش وعلي أكثر او تكون اسيتون يبقي نصحح بالقلم ونغير الكانيولا ونتابع السكر 

سكر ٢٥٠ واعلي ويوجد اسيتون 

نصحح بالقلم مع جرعه زياده لتغطيه الاسيتون ونغير الكانيولا 

نتابع السكر والاسيتون كل ١-٢ ساعه 

التصحيح بالقلم مسموح يتعاد كل ساعتين ومسموح فقط التعامل منزليا مرتين يعني يعدي ٤ ساعات نتعامل منزليا لو السكر لم ينخفض يبقي التوجه الي المستشفي فورا 

ارتفاعات تغيير مكان التركيب 

تم مناقشتها سابقا في الرابط التالي 
https://www.edart-alsukkary.com/2022/09/blog-post_5.html 

###########################################################################

تعليمات أكثر خاصه بمضخة ٧٨٠ 

ارتفاع السكر ايام المرض 

لو سكر عالي بدون اسيتون :

لو في ايام المرض والتصحيح التلقائي مش قادر يغطي علي ارتفاعات السكر =نقفل سمارت جارد وننقل للتشغيل اليدوي مع تفعيل البيزل المؤقت بالزياده لو احتاج الامر 

لو في الادويه بناخد باراسيتامول ،ده بيخلي السينسور يقرأ السكر عالي بالغلط ويدي تصحيح تلقائي غلط .
يبقي اما نقفل خاصيه التصحيح التلقائي لمده ٨ ساعات من وقت أخذ جرعة الدواء ..او نفعل الهدف المؤقت علشان نكون احنا المتحكمين في جرعات التصحيح

ولازم نعتمد علي قراءات جهاز التحليل بالدم من الأصابع  وليس السنسور 

لو سكر عالي واسيتون :

هنقفل سمارت جارد 

هنرجع للمضخه لمعرفه الجرعه اليوميه الكليه TDD 

نحسب ١٠% منها لو اسيتون متوسط ونعطيه كجرعه تصحيحيه بالمضخه مع زياده في البيزل ٣٠% 

نحسب ٢٠% منها لو اسيتون عالي ونعطيه كجرعه تصحيحه بالمضخه مع زياده في البيزل ٥٠% او اكثر

نراعي ان لو سمارت جارد فضل شغال وقت المرض ، لما نخف ممكن نواجه هبوطات بسبب تعود المضخه علي مستويات معينه من البيزل اكبر من احتياجنا الفعلي الحالي ،والمضخه هتحتاج وقت لتعيد ظبط نفسها 

الافضل دائما استخدام التشغيل اليدوي وليس سمارت جارد ايام المرض 

 ارتفاع السكر بدون سبب واضح : 

نتعامل ازاي مع ارتفاع السكر بدون سبب ظاهري معلوم؟

لو لايوجد مرض واضح ولا يوجد اسيتون ..هنسيب المضخه تتعامل بالتصحيح التلقائي او التصحيح  واقصي مده ٤ ساعات لو مازبطش السكر او ظهر اسيتون اذن يوجد احتمال مشكله في الكانيولا= هنغيرها ونتابع السكر 

لو عند التغيير  اعطينا تصحيح بالقلم يبقي نقفل التصحيح التلقائي لمده ٢-٤ ساعات لتجنب تراكم جرعات التصحيح مابين القلم والمضخه

لكن لو في اسيتون اذن ده مؤشر ان الكانيولا فيها مشكله ونغيرها فورا ونتبع نفس التعليمات لو اخترنا نصحح بالقلم وقت التغيير 

ارتفاعات خاصه بمضخه ٧٨٠ 

Safe basal 

لاي سبب المضخه ماشيه عليه بسبب عدم وجود قراءه متاحه للسينسور 
اذن الافضل غلق سمارت جارد لكي يتم تشغيل الوضع اليدوي في المضخه ويكون هناك بيزل معلوم ومتجرب يتم ضخه للمضخه 

Sensor Warm up 

لو بنواجه ارتفاع في مستويات السكر خلال ساعتين الاحماء بعد تركيب السنسور الجديد ،نغلق سمارت جارد الفتره دي ونعمل تصحيح لو يحتاج الامر 

###########################################################################

ماذا تفعل لو توقفت المضخه عن العمل لأي سبب 

من الافضل كل شهر علي الاقل تكون محدث بياناتك ومحتفظ بنسخه من جرعتك الكليه اليوميه 
جرعة البيزل 
معامل الكارب 
معامل التصحيح 
مدة بقاء الانسولين 

اعطال المضخه ممكن تبقي انواعها كتير ،مؤقته تمتد كام ساعه وهتشتغل تاني ..او لا قدر الله هتستدعي التبديل 

لو عطل يستمر مده لا تتعدي ٦-٨ ساعات تقدر تغطي المده دي بجرعات من الانسولين السريع كل ٣ ساعات حسب معاملاتك وتحليل سكر الدم 

لو عطل هيستمر اكثر من كده أو المضخه هيتم تبتديلها اذن عليك البدء في أخذ جرعة انسولين قاعدي 

جرعه الانسولين القاعدي تكون نفس جرعه البيزل كبدايه 
تكون جرعه واحده لو انواع الانسولين ترسيبا /توجيو 
جرعه واحده من لانتوس لو اقل من ٣٠ وحده 

تكون جرعتين (نقسم جرعة البيزل لجرعتين متساويتين كل ١٢ ساعه ) لو :
لانتوس وجرعتك اكثر من ٣٠ وحده ..او لو قبل المضخه الطفل كان يواجه هبوط في اول ١٠ ساعات مع الجرعه حتي القليل منها 
ليفيمير 

جرعة الانسولين تخفض بنسبه ٢٠% لو هنستخدم نوع الانسولين NPH اللي هو انسولاتارد وتقسم الجرعه كل ١٢ ساعه 

بالنسبه للوجبات والتصحيح يستخدم انسولين سريع بنفس المعاملات 

مستخدمي مضخة ٧٨٠ ،عند استلام مضخه جديده بعد التصليح يفضل تركها علي وضع التشغيل اليدوي مده لا تقل عن اسبوع قبل تفعيل سمارت جارد لان المضخه تحتاج بناء ذاكرة جديده بنمط السكر 

ايضا لو الشركه وفرت لك مضخه ٧٨٠ مستعمله كبديل وقت التصليح ،لا تتعجل بتشغيل سمارت جارد لان المضخه تحتاج ان تبني ذاكرة بنمط سكرك انت وليس الشخص السابق ..

أحصل على التحديثات عبر البريد الإلكتروني من

Blue Circle - إدارة السكري

أماكن تركيب الكانيولا وأثرها علي مستويات السكر في الدم مع المضخات

bluecircledm@gmail.com (Amr Haggag) — Fri, 16 Sep 2022 18:14:00 +0000

اتفقنا سابقا أن يوجد فرق في امتصاص الانسولين حسب مكان حقنه في الجسم 
الأسرع امتصاصا هو البطن والذراع..يليه الفخذ ..يليه المؤخرة 

نفس الامر ينطبق لسرعه امتصاص الانسولين حسب مكان  تركيب كانيولا المضخه

اشخاص كتير بتحتاج تعديل للبيزل اما مؤقتا اول ساعات التركيب او تعديل لوقت اطول يستمر فترة تركيب الكانيولا في هذا المكان 

مع المضخات العاديه :

 اما عمل بيزل مؤقت بالزياده لو نقلنا لمكان الامتصاص بطئ وبنلاحظ ارتفاع السكر اول ساعات التركيب بسبب بطء عمل الانسولين 

او عمل نمط لمكان التركيب ده من الاول basal pattern نفعله وقت مانركب فيه وده لأن بنواجه ارتفاع غير معتادين عليه طول اليوم ..وده مش عيب كانيولا ..ده بطء اكتصاص انسولين بسبب المكان 

مضخة 780:

لكن مع اي مضخه فيها auto mode ومنها ال ٧٨٠ بيكون تعديل البيزل والبيزل المؤقت غير متاح 

بالتالي الحلول هي 

لو الارتفاع مجرد اول ساعات التركيب =نخرج من سمارت جارد علشان نقدر نفعل خاصيه البيزل المؤقت زي ما نحب 

لو الارتفاع اتزبط بتاع اول كام ساعه ..لكن لسه بعد الوجبات محتاج تعديل طفيف ..ممكن وقت الوجبه نطلع للخظات من سمارت جارد لتعديل الجرعه ونرجع تاني 

لو الارتفاع ممتد طول أيام التركيب بين الوجبات وبعد الوجبات يبقي الافضل هنا ان site rotation يكون شهري ..يعني نركب شهر في البطن ..شهر في الذراع ..وهكذا ..نلف في المكان عادي ..لكن مثبتين انه الذراع مثلا ..لان سمارت جارد بيحتاج ٧٢ ساعه علي الاقل لبناء ذاكره جديده من نمط السكر المتغير والتأقلم عليها

أحصل على التحديثات عبر البريد الإلكتروني من

Blue Circle - إدارة السكري

معلومات عن سينسور Guardian 3 المستخدم مع مضخه MM 780G

bluecircledm@gmail.com (Amr Haggag) — Fri, 16 Sep 2022 17:49:00 +0000

معلومات عن سينسور Guardian 3 المستخدم مع مضخه MM 780G

يتم تغييره كل ٧ ايام 
يقيس الجلوكوز في السائل الخلالي(البين خلوي) لذلك تختلف قراءته عن سكر الدم 

يقوم الترانزميتر الخاص به بعرض قراءات السكر علي مدار اليوم ،كما يقوم بالتنبيه قبل الهبوط او الارتفاع و وقت الهبوط والارتفاع

تعتمد المضخه على قراءاته للتعامل مع توقع الهبوط بايقاف للمضخه حتي استقرار السكر مره اخري في المدي المطلوب وذلك عندما تكون المضخه في خاصيه Auto Mode 

تعتمد المضخه علي قراءاته في تعديل الضخ التلقائي (البيزل) وايضا التصحيح التلقائي(auto correction) وايضا ايقاف الضخ عند توقع الهبوط واعاده الضخ عند استقرار السكر ..وذلك عندما تكون المضخه في خاصيه سمارت جارد Smart Guard SG

بعد تركيبه يكون هناك فتره احماء warm up لمده ساعتين 
ثم تطلب المضخه قراءه دم من الاصبع للمعايره 
ثم تطلب قراءه اخري بعد ٣ ساعات 

يعرض قراءات السكر وبجوارها سهم يدل على "نمط"  مستويات السكر الحاليه 
يعني الجلوكوز يرتفع بمعدل ١ مج/دل لكل دقيقه او اكتر
 الارتفاع بمعدل ٢مج /دل 
الارتفاع بمعدل ٣ مج /دل

وتظهر اسهم كذلك لتوضيح الانخفاض 




مكان التركيب للسينسور ممكن يفرق في دقة القراءه أو ثبات عمل السينسور ..وأيضا مدة بقائه انه يكمل الأسبوع كامل 

لو بيتكرر في مكان ما بعد التركيب  ان السينسور مش بتكمل الاسبوع او بيطلب معايرات كثير حتي والسكر مستقر  ده بيكون دلاله ان المكان فيه مشكله أو مش بنركب السينسور صح 

 ايه ممكن تكون انواع المشاكل ؟
السنسور منتهي الصلاحيه 
مهم لما تشتريه مايتعرض للحر ولا الشمس خالص
لو في تليفات داخليه نتيجه تكرار حقن الانسولين 
 لو في  scar tissue ظاهري او داخلي ،يعني مانركبش مكان جرح حالي او قديم 
لو مكان stretch marks ،علامات التمدد بكل انواعها ودرجاتها 
لو مكان التركيب حتي لو سليم بس السنسور بيتحرك بسبب نوم او الملابس او حركه الطفل 
لو الترانزميتر أو مايسمى  الصدفه غير ثابته وبتتحرك هتحرك معاها السينسور 

تجربتنا الشخصيه :
لما بنركب في البطن (بطلناها خلاص ) دايما اخطاء معايره متكرره ومش بيكمل ٤-٥ ايام 

لو ركبنا في الذراع في مكان مش مسطح شويه ،بردو ممكن يفك اسهل 

وضع لاصق خلرجي بيقلل خطوره الحركه العشوائي وتلف السنسور 

تركيب الصدفه بالشكل اللي في الصوره بيقلل توقف  عملها نتيجه تجمع اي دم لو ظهر بعد التركيب

أحصل على التحديثات عبر البريد الإلكتروني من

Blue Circle - إدارة السكري

كيفيه استخدام مضخة ٧٨٠ أثناء شهر رمضان

bluecircledm@gmail.com (Amr Haggag) — Fri, 16 Sep 2022 17:40:00 +0000

كيفيه استخدام مضخة ٧٨٠ أثناء شهر رمضان ؟

مهم أن نتفق ان الاصل لسكري النوع الأول هو رخصة الافطار لاسباب كثيره تم مناقشتها اكثر من مره علي الموقع  وأطباء أفاضل سبقونا لذلك بسبب المخاطر التي يتعرض لها السكري مع الصوم .

اذن  الزامي اشتراط موافقه الطبيب للصوم وده بيتم لما نتابع قبل رمضان بفتره علشان يقدر ياخد القرار السليم .

وبما ان الطبيب تابعك و وافق بالتالي حضرتك معاك بالفعل خطه علاجيه معدله بمواعيد الوجبات والجرعات واي ادويه 

وايضا الزامي تجرب الخطه العلاجيه دي قبل رمضان ده بيسهل انك تبتدي الشهر علي روتين يومي مجرب بالفعل

هنا بنناقش فقط التعامل مع المضخه ٧٨٠  وقت الصوم :

لو لسه في بدايه التشغيل ولم يفعل سمارت جارد بعد ،بيتم التعامل زي باقي الموديلات بتعديل معدلات البيزل اثناء ساعات الصيام لتجنب الهبوط 

هنطبق اي تعليمات افطار فورا عند سكر ٧٠ وهبوط ..او عالي واعراض جفاف 

وقد نحتاج تعديل معاملات وبيزل من وقت الافطار حتي السحور 

مراعاة اي مجهود مثل وقت صلاه التراويح  وتعديل البيزل او جرعه الوجبه الموجوده في وقته

التساؤل الحقيقي هنا ،لو احنا مفعلين سمارت جارد هنعمل ايه ؟

الاول هندي فرصه للسمارت جارد انه يتصرف علي مدار اليوم عادي 

هنطبق اي تعليمات افطار فورا عند سكر ٧٠ وهبوط ..او عالي واعراض جفاف 

قد نحتاج تعديل معاملات الوجبات من الافطار للسحور 

نشغل temp target عند القيام بمجهود وخصوصا وقت صلاه التراويح

ايضا نشغل temp target لو لقينا المضخه هتبتدي تدي تصحيح تلقائي من اول ١٢٠ واحنا صايمين لتجنب الهبوط
 

لو سمارت جارد فشل انه يزبط السكر مع التغيير المفاجئ ده في الروتين اليومي يبقي ننقل علي التشغيل العادي
ونطبق تعليمات الصوم العاديه مع المضخات 

تجارب الناس مع الصيام الاسلامي (منع طعام ومياه) لساعات ١٢-١٦ ساعه ،مافيش لسه فيها تجارب كتير لان اصلا ٧٨٠ او ٧٧٠ ملهاش لسه وقت طويل بره او في البلاد العربيه 

أحصل على التحديثات عبر البريد الإلكتروني من

Blue Circle - إدارة السكري

كيف تتعامل مع المضخة البديله في حالة عطل مضختك الأصليه

bluecircledm@gmail.com (Amr Haggag) — Fri, 16 Sep 2022 17:35:00 +0000

معلومه مهمه للناس اللي بتغير مضخه ٧٨٠ بأخري جديده لأي عطل أو كسر 
او بتوقف استخدام سمارت جارد مده طويله 

لما نحب نرجع سمارت جارد مره اخري  لازم ناخد بالنا من الخطوات التاليه :

أولا ندخل اعدادات كامله للمضخه الجديده من معدلات الضخ الاساسيه والمعاملات و وقت الانسولين النشط و المدي المقبول للارتفاع والهبوط 

الاستمرار علي التشغيل العادي بالسينسور مده لا تقل عن اسبوعين وقد تزيد الى شهر ويكون الهدف هو اعطاء المضخه فرصه لاعاده تكوين ذاكره جديده لمستويات ضخ سليمه تتعلق بك 

ثانيا عند تفغيل سمارت جارد لن يتم تشغيله فورا بل عند منتصف ليل اليوم الثالث من أمر تفعيله 
وكن صبورا بعد تفعيله سياخذ وقته في مجاراة مستويات السكر وضبط معدلات ضخ الانسولين التلقائي ومعامل التصحيح  

ملاحظات هامه 

الشرح اعلاه لا ينطبق علي عدة ساعات في اليوم بدون سمارت جارد لاي سبب ..او حتي  يوم كامل 

احرص علي اغلاق خاصيه سمارت جارد في اي وقت ترغب في عدم تفعيلها حتي تضمن ان المضخه تعطي مستويات ضخ البيزل المعتاد المدخله في الاعدادات  

المضخه بدون تفعيل نظام سمارت جارد تفقد فقط خاصيه التصحيح التلقائي 
كما انك تحتاج ادخال رقم السكر وقت الاكل حتي لو السينسور موضح قراءه السكر ولا يوجد هنا اختيار ان لا تكون القراءه رقم معايره للسينسور ايضا

أحصل على التحديثات عبر البريد الإلكتروني من

Blue Circle - إدارة السكري