Gaya ng maraming kabataan ng dekada 90, naging bahagi ng aking mga karanasan ang mga awitin ng Eraserheads. Minsan ko nang naisulat na “ang mga awitin ng banda ay parang soundtrack ng aking buhay, lalo ng ng aking college life: ‘Minsan’, ‘Sembreak’, ‘Pare Ko’, ‘Yoko’, ‘Overdrive’, ‘Harana’, ‘Para sa Masa’, ‘Tuwing Umuulan at Kapiling Ka’, at marami pang iba.”

Kapag naririnig ko ang kanilang mga kanta, sinusundo ng himig at tinig ng E-heads ang mga alaala ng aking buhay sa Unibersidad ng Pilipinas: ang Kalayaan Residence Hall at mga nakabarkada ko rito, ang mga bakasyon, ang nangagkawala nang college friends; ang masaya ngunit puno ng pakikibaka, makulit at magulong mga kuwentong Peyups; ang mga gunita ng ‘good old days’.

Kaya naman ngayong ipinagdiriwang ang sentenaryo ng UP, isa ako sa mga naghahangad na makitang muling tumugtog nang magkakasama sina Ely Buendia, Raimund Marasigan, Buddy Zabala at Marcus Adoro, na pawang mga taga-UP rin.

Nang mag-post ako sa UPAlumni.net ng download link para sa UP centennial song, ang “UP, Ang Galing Mo!”, sabi ko’y “Naisip ko lang, kung buo pa kaya Eraserheads, sila kaya ang gagawa ng ganito?”

Bago ko pa maisip iyon, noong Disyembre ay nag-post sa Peyups.com ang cyberfriend kong si Erwin Rafael ng ganito:

Pero nung mabalitaan ko na magkakaroon ng UP Centennial concert, napahiling ako na sana, kahit sa nag-iisang gabi lang na iyon, ay magsama-sama muli at tumugtog ang Eraserheads. Maraming bandang nanggaling sa UP, pero ang Eraserheads lang ang banda na automatic na ineequate agad sa pamantasan natin. Naalala ko pa dati na tuwing may nagtatanong sa akin kung saan ako nag-aaral at ang sinasagot ko ay “UP”, halos sigurado na itatanong sa aking susunod ay “E di napapanood mo ang Eraserheads?”

“Kulang kung wala sila,” ayon naman kay Prof. Teodore Te sa kanyang blog:

The centennial tag line is “UP, ang galing mo!” Very apt indeed for the boys who simply wanted to play and sing their own songs, reflective of countless generations of iskolar ng bayan who simply forged ahead, fueled by their dreams of making a difference for their country and their people and, in the process, making an impact, influencing lives, thought and action by simply being who they were trained to be: UP graduates.

Lumipas na ang mismong araw ng senternaryo at naganap ang centennial concent — sa Cultural Center of the Philippines, at di sa UP Diliman campus gaya ng inakala ko — pero walang nangyaring Eraserheads reunion.

Ngunit nitong mga nakalipas na linggo, di pa rin namatay-matay ang isyu ng muling pagsasama-sama ng Eraserheads. Yun pala, may magaganap talagang Eraserheads reunion sa Agosto. Tatalakayin ko ito sa susunod na post.

Manonood ba kayo?

Larawan mula sa the e-site

Bilang paghahanda sa ARMM election at sa 2010 presidential elections, samahan ninyo kami sa Bloggers’ Kapihan sa pagbusisi sa poll automation. Alamin natin kung paano gagamitin ang electronic voting machines at automated counting machines.

Narito ang paanyaya ng Bloggers’ Kapihan:

What: Bloggers’ briefing on poll automation

When: July 19, Saturday, 1:00pm - 3:30pm

Where: COMELEC Automated Electoral System Information Office, ground floor, Palacio del Gobernador Bldg. Intramuros, Manila (near Manila Cathedral)

The Commission on Elections will give a special briefing on poll automation to 20+ bloggers on July 19.

COMELEC and its technology suppliers will conduct actual trainings on the usage of electronic voting machines and automated counting machines. Video presentations and tutorials will also be shown. The voting machines will be used in the ARMM elections next month.

The briefing will also be an opportunity to hear the feedback of voters and bloggers about the poll automation program of Comelec.

Program

1:00 Opening remarks - Mr. James Jimenez, Comelec Spokesperson

1:05 Comelec presentation

2:40 Reaction from Bloggers’ Kapihan

2:45 Open Forum

Due to limited seat, we urge the interested participants to send an email to mongpalatino[at]gmail[dot]com.

Mula sa iba pang kasapi ng Bloggers’ Kapihan Crew: Jhay, JM, Sarah, Tonyo.

Nitong nakalipas na finals ng NBA, tinanong ako ng isang katrabaho at Facebook friend: Celtics daw ba ako o Lakers? Kako’y wala akong bet. Dalawang koponan lang sa basketball lang kako ang kilala ko: Ginebra at UP Maroons.

At sino ba naman ang di nakakakilala sa Ginebra? Añejo pa lang iyan noong elementary ako. Weird nga kasi ang mga kaklase ko, puro Purefoods ata at iilan lang kaming kampi sa team ni Coach Jaworski. Pero wala na akong masyadong balita sa kanila ngayon.

Saka di ako magaling sa basketball. Ni hindi nga ako marunong maglaro. Noong high school, sinubukan ng bestfriend ko na turuan ako, at kontodo moral support at mala-cheering squad ang mga kaibigan naming babae, pero hingal ang inabot ko.

Noong nasa kolehiyo na ako, PE 1, chess, camping at bowling ang PE ko. Pero kahit di athletic, siyempre pagdating sa UAAP, gaya ng ibang taga-UP ay makikipagsigawan din ako para sa UP Fighting Maroons — ang koponan ng Unibersidad sa UAAP basketball. Eh ano kung di sila masyadong nananalo?

Noong 2004, nagtala ang UP Maroons ng anim na sunud-sunod na panalo. Kahit hindi pa rin naging matagumpay nang taong iyon, kahit paano’y nagsimulang bumawi ang koponan. Pero, noong isang taon ay walang naipanalo ang team.

Nitong Linggo, napanood ko sa telebisyon ang pinakaunang laro nila sa UAAP ngayong sentenaryo ng pamantasan. Medyo maingay akong manood at napapabulalas ako ng mga salitang karaniwang expresyon sa amin sa Marinduque: “Gama, gama!” “Tingni pa a!” “Yano baya naman, ee!” Saka napadalas ang updates ko sa Twitter.

Lalo akong na-excite nang ang resulta ay tinambakan ng UP Fighting Maroons ang National University Bulldogs, 86-72. Paunang pasabog pa lang iyan ngayong ikasandaan!

Kahit bad trip ako sa GoDaddy dahil ayaw nila dating tumanggap ng mga credit card na galing sa Pilipinas, sinubukan ko ang domain backorder service nila. Mas mura kasi. Di kagaya roon sa malalaking company na kailangan ko ng at least $60. Ang masakit dito, hindi nila nakuha ang domain name ko. Naunahan pa rin ako ng iba. Kaya kung may lumang link kayo papunta sa ederic-dot-net, pakitanggal na lang, para di na makinabang sa backlinks ang damontres na kumuha nito.

Samantala, may isang taon ko na rin yatang pag-aari ang EdericEder.com. Dati ay inire-redirect ko ito sa lumang URL ng blog ko. Dahil nga sa di ko nakuha ang unang domain name ko, ito na lang at ang ederic.org ang puwede kong pagpilian para maging ika nga ni Jeff ay TLD (o top-level domain) na ang URL ng blog ko. Kinunsulta ko si Mhay at ang ilang kaibigan at cyberfriends sa Twitter. Kahit mas maikli ang ederic.org, mas type nila ang EdericEder.com — mas personal kasi. Sabi pa nga ni Tonyo, para pareho na rin kami (na complete name ang TLD). Itong dot-com din ang pinili nina Karla at McBilly.

Naisip ko rin namang para sa mga di masyadong techie na netizen, mas una nila talagang iisipin ang dot-com. Kung ederic.org ang gagamitin ko, baka ederic-dot-com (na nawala na rin sa akin dati pa, at sumuko na akong makukuha ko pa), ang i-type nila sa browser. Saka di naman ako organization para gumamit ng dot-org.

Kaya nga ngayon, nasa EdericEder.com na ang ederic@cyberspace. Nagulat pa nga ako sa bonus, dahil pagkalipat ko ng files sa EdericEder.com, nakita ko sa Google Toolbar ko na mayroon itong Google PageRank 4. Asteeg, di ba?

Siyanga pala, dito pa rin magre-redirect ang ederic.org at ederic.tinig.com. Yung Titik ko (Titik ni Ederic), nasa ederic.tk naman.

Maganda at masaya yung kasalan — isang maligayang panimula sa panghabang-buhay nang ugnayan ng magkatipan at isa ring pagkakataon upang muling magkasama-sama ang magkakaibigan. Sa handaan, napuno ang mesa namin ng mga kuwento at pagbabalik-tanaw ng mga kabarkada ng ikinasal.

Nagpapasalamat at masaya ako sa pagdalo sa kasal nina Lou at Kim. Masaya ang pagdalo sa mga kasalan. Nararamdaman mong espesyal ka dahil isinama ka ng mga ikinasal sa kanilang pamilya’t mga kaibigang sasaksi sa napakahalagang araw sa kanilang buhay. Ninais nilang maging kabahagi ka sa kanilang tuwa at pagbubunyi sa pag-angat sa bago at pinakamataas na yugto ng kanilang ugnayan sa mundong ito.

Kina Lou at Kim, congratulations and best wishes! Sabagay, Lou, ako ang iyong special pupil, di ba? At wala kayong choice kundi imbitahan ang iyong bestfriend’s boyfriend, hehe.

Nanonood kami sa Smart Mobile TV ng laban nina Manny Pacquiao at David Diaz habang nasa biyahe papunta sa birthdayhan.

Nagsisimula na ang boksing! Suntukan na! Sana naman, manalo ulit si Pacman para maibsan kahit katiting ang masakit na pag-knockout ni Frank sa ating mga kababayan.

Para sa latest updates sa laban, laging i-refresh ang front page ng GMANews.TV.

Pamilyar sa akin ang pagkapagal, ang kawalan ng katiyakan at kawalan ng pag-asa, at ang sa huli’y napakasakit na pagharap sa katotohanan ng kanilang paglisan. Ang bawat palahaw ay tila sarili kong sigaw ng pighati; ang bawat hikbi ay sarili kong hagulgol.

Sa bawat trahedyang ganito, muli at muling ibababalik ng pagbabalita namin alaala ng sarili kong pagluluksa nang kunin ng dagat ang buhay ng aking ina habang lulan ng M/V Viva Antipolo VII mahigit 13 taon na ang nakakaraan.

Noong nagtatrabaho pa ako sa isang wire agency, may mga pagkakataong pinatitigil ako nang isang gabi ng boss ko sa isang maliit na hotel na malapit sa aming opisina sa Makati. May kalayuan at matrapik kasi ang biyahe sa tinutuluyan ko noong bahay ng tiyo ko sa Novaliches, kaya’t kung maaagang-maaga ang coverage, posibleng mahirapan ako. Ambait, di ba?

Aliw na aliw ako kapag tumutuloy sa hotel na iyon, at wala akong pakialam kung sinu-sino ba at anu-ano ang ginagawa ng mga kalapit-kuwarto ko. Parang bata akong naglalaro ng tubig sa banyo at naglulunoy sa bath tub — wala kasing ganoon sa bahay namin. Sisilipin ko ang Makati skyline sa bintana, titingnan ang palabas sa TV, at kapag nagsawa’y matutulog nang nakatalukbong dahil sa lamig ng aircon. At dahil nasa sentro ng kalunsuran, kinabukasa’y agad akong nakakapunta sa coverage. Kapag sinusuwerte, nakaka-scoop pa.

Ngunit di lang mga tulad kong spoiled na empleyado (noon) ang nakikinabang sa ginahawa ng pansamantalang pagtuloy sa hotel, lalo na sa mga abot-kaya ngunit maganda ang serbisyo. Tinutuluyan din ang mga ito ng mga negosyanteng galing sa probinsiya at mga lokal na turista, at malaking tulong sa mga balikbayan at OFW na walang matutuluyan sa Kamaynilaan. Budget hotels in the Philippines, gaya ng Legend Hotels, ang siguradong hahanapin nila pag-uwi sa bansa.

Ang isa ay anak ng pulis mula sa Leyte, ang isa ay anak ng fishball vendor sa Maynila, at ang pangatlo ay anak ng jeepney driver. Sila ang mga kabataang tunay na maituturing na iskolar ng bayan, sa isang pamantasang unti-unting napupuno na ng mga maykayang mag-aaral mula sa mga exclusive high school.

Makikita natin ang unti-unting paglaki ng kanilang mundo sa pagkilala ng mga bago nilang kaklase at sa pagharap nila sa ilang di inaasahang pangyayari. Ginulat sila ng mga ralyista sa kanilang freshman orientation. Ito ang tila naging hudyat ng magiging buhay nila sa pamantasan.

Danasin ang buhay ng mga “Iskolar ng Bayan” sa dokumentaryo ni Howie Severino mamayang hatinggabi sa I-Witness.

Balak ko sanang yayain si Mhay sa kampus pagkauwi ko galing opisina kagabi, pero kahapong umaga ko lang nalaman na ang Pamantasang Hirang centennial concert pala ay hindi sa UP gagawin, kundi sa Cultural Center of the Philippines. Eh kung sumugod man kami roon kagabi, baka pagdating namin ay puno na lahat ang 1,800 na upuan. Di na nga napagbigyan ang lahat ng mga hinihinging tiket ng mga opisina sa Diliman. Sabagay, hanggang bukas na gabi pa naman iyan.

Kaso lang, mas masaya sana kung yung concert ay gaya nung centennial kick-off party sa UP Diliman Amphitheater noong Enero. Bukas at libre para sa lahat. Wish ko pa nga, makatugtog ang reunited Eraserheads sa ganoong klase ng concert para sa sa sentenaryo. Yung nga lang, imahinasyon ko lang pala ang concert na yun, at mukhang wala na rin namang pag-asang magbalikan ang Eraserheads.

Kaya, tingnan na lang natin sa official calendar of events kung alin sa iba pang mga gawain kaugnay ng senternaryo ang puwede nating lahukan. At siyangapala, extended ang deadline sa pagpapadala ng pictures at video sa aming proyektong UP@100: Capturing 100 UP Moments.

Anu’t anuman, marami pang mga mahahalagang bagay at usaping dapat pag-usapan ngayong ika-100 taon ng pamantasan, tulad ng bagong charter, ang 300% tuition increase, ang mababang suweldo ng mga guro, ang mababang pondo ng UP, commercialization ng university assets, ang binagong curriculum, ang pagbulusok ng ranking natin, ang muling pangunguna ng mga aktibistang estudyante, at ang nagbabagong katangian ng mga taga-UP.

Sa gitna ng lahat ng yan, patuloy na kinikilala ng buong bansa ang di-matatawarang papel ng UP sa kasaysayan at pagsulong ng Pilipinas. Maligayang sentenaryo, mga kapwa ko Iskolar ng Bayan!

Sana ay makatulong kayo sa layuning ito. Kung wala ka pang Firefox, dapat mo itong subukan. Kung meron ka na naman, aba’y mag-upgrade na, i-click lamang ang banner sa ibaba:

1. Among Ed - Blog ni Among Ed Panlilio, ang paring naging gobernador ng Pampanga matapos talunin ang mga kilalang traditional politicians. Samahan natin siya sa pagsusulong ng mabuting pamamahala. Tumulong ang aming grupo, ang Bloggers’ Kapihan, sa paglulunsad ng blog ni Among Ed sa Pampanga.
2. Jun Lozada - Ang “probinsyanong Intsik” na umamin sa mga sariling pagkakamali at ibinisto ang kabulastugan sa NBN-ZTE deal. Niyanig ng mga pahayag ni JLo ang trono ng reyna sa Palasyo. Daan-daang mga komento, kapwa papuri at panunuligsa, ang sumasalubong sa mga blog entry niya. Tumulong din ang BK Crew sa paglulunsad ng blog ni Among Ed sa Pampanga.
3. Bloggers’ Kapihan - Pagkatapos ng tatlong kapihan at dalawang blog launch, patuloy pa ring nagpaplano ang BK Crew — na kinabibilangan ko — ng mga susunod naming gawain. Sa pagitan ng mga kapihan, nagba-blog muna kami.
4. Mar Roxas for President in 2010 - Bilib ako sa dedikasyon ni Kevin Ray Chua, ang may-ari ng blog na ito, sa kanyang pagsuporta sa kababayan at idolo niyang si Mar Roxas. Walang pagod si Kevin sa pagpo-promote kay Roxas at sa kanyang campaign blog na trailblazer sa niche na ito.
5. Missing Carlo - Di rin naman masusukat ang pagmamahal ni Mica Rodriguez sa kanyang kapatid na si Carlo. Bukod sa pagiging talaarawan ng kanyang pangugulila sa kapatid, ang blog ay nagiging resource site rin para sa kondisyong autism. Ang Missing Carlo ay hosted ng aking proyektong Filblogs.com.
6. You Got Tech - Isang collaborative sa pangunguna ng 2007 No. 1 Emerging Influential Blogger, ang Bb. Google-Earth Pilipinas Aileen Apolo, layunin nitong ipaunawa sa mga simpleng tao ang mga techie stuff na kadalasa’y mahirap intindihin.
7. Sam Juan - Isang nakakaaliw na blog ng mga pakikipagsapalaran ng isang OFW sa Amerika. Dito niya inilalahad ang kanyang mga karanasan, mga kalokohan, mga kaisipan at mga aral na natutunan mula sa kabilang ibayo ng mundo. Malayo man si Sam Juan, tila iniwan niya ang kanyang puso sa Pilipinas, at sa gitna ng baliktatakang Inglesan sa cyberspace, gaya ko’y nagsusulat din siya sa wikang sarili.
8. Filipino Voices - Kahit may mga kakaiba sa bloggers nila, o dahil sa mga kakaiba, lumilikha sila ng ingay sa Philippine blogosphere. Pero asteeg pa rin ang nauna ritong Tingog.com, na kapangalan ng Tinig.com.
9. Brain Farts by teknostik - personal blog ni Jeff Villafranca, isang matapat na tagasunod ni Steve Jobs at kamakaila’y napilit kong lumabas sa Kapuso Mo, Jessica Soho. Isa rin siya sa mga may pakana ng sikat na sikat nang VisitSagada.com.
10. MakaPalm - Ayoko sanang magbuhat ng sariling bangko — baka mabigat, pero naisip kong kailangan ko rin for exercise. Ang MakaPalm ay ang blog ko tungkol sa aking Treo 650 at mga balita, tips, applications, reviews at iba pa tungkol sa Palm devices at Palm OS. May sideblog din ito para sa ibang topic. Minsan na itong na-cite sa isang diskusyon sa Mapalad.org, ang Palm users group sa bansa, kaya’t naisip kong, pwede na ring akong mabuhat ng sariling Palm.

Ang proyektong ito ay sinuportahan ng major sponsor na YesPinoy, at ng sumusunod na minor sponsors: PRC Board Exam Results RegaloService.com, and Fil-Am Yellow Pages

Maaaring may mabawas at may madagdag pa sa aking nominees bago sumapit ang deadline ng The Top 10 Emerging Influential Blogs in 2008.

Ilan sa mga pwede ko sanang isama ay ang blogs ng ilang celebrity bloggers na tinutulungan ko: sina Cesar Apolinario (TV reporter/ film director), Andrew Wolff (model / athlete) at Mia Howell, (athlete) kaso lang, yung unang dalawa ay konti pa lang ang posts na sila ang nagsulat, at ang huli naman ay di pa nakapagsisimulang mag-blog.

Kung sa pagbubuhat naman ng sariling blog, pwede rin sana ang Marinduqueno.com ko, kaya lang wala pang masyadong activity, so di pa ito influential. :p

Sa mga hindi pa nakakasali, sali na kayo. Pumili lang ng gusto ninyong 10 blogs na sinimulan noong Hulyo 1, 2007. Ang pagpapasa ng lahok ay hanggang 5 p.m. ng July 26 pa.

“The CBCP statements from the year 2004 to 2008 showed the end of the era of the CBCP’s political activism, in the sense of organizing rallies, that has blurred the line separating the Church and the State. The era of political activism faded away with the passing away of Cardinal Sin,” dagdag pa niya.

Hindi ko maintindihan kung paanong ang pakikiisa ng Simbahan sa mga kilos-protesta laban sa katiwalian — sa mga kademonyohan ng ating mga lider — ay magiging isyu ng pagkakahiwalay ng Simbahan at Estado. Sa tingin ko, kung sinasamahan o pinamumunuan lamang ng Simbahan ang mga kasapi nito sa pagsasabuhay ng karapatan nilang humingi ng isang mabuti at makatarungang pamamahala, sakop ito ng Bill of Rights ng ating Saligang Batas. Ang masama ay kung tuwirang didiktahan ng Simbahan ang pangulo na ipatupad sa gobyerno ang mga utos ng Simbahan.

Tungkol sa EDSA 2, ganito ang sabi ng paper:

The current direction of the CBCP to strengthen political institutions to solve and prevent political crises is a kind of a corrective measure of EDSA II which weakened political institution in the sense that it did not wait for the verdict of the Senator-Judges in the impeachment case against Pres. Estrada. It did not respect the rule of law. It did not give the duly instituted political institution a chance to assert itself and prove its strength to handle such a political turmoil. For this reason, the CBCP did not mention EDSA II, for it did not help strengthen our political institutions. The parliament of the streets, also known as mob rule instrumental in the ouster of Erap Estrada was a shortcut to achieve political change. It was counterproductive, for it weakened our political structures.

Sa aking opinyon, na ibinahagi ko sa mga mambabasa ng Pinoy Gazette, “ang People Power 2 ay hindi ginawang mali ng mga kamalian ni Ginang Arroyo, na nakinabang sa pag-aalsa. Kung humina man ang mga institusyon, hindi ito dahil sa EDSA 2. Ito ay dahil sa ginapang ang mga ito ni Ginang Arroyo sa pagtataguyod niya ng kanyang sariling kapakanan — sa tulong na rin ng ilang mga kaibigan niyang pulitiko at ilang taong-simbahan!”

May ilang taon na ang nakalilipas, may isang website na nag-o-offer ng libreng hosting at iba pang serbisyo. Nayon.com ang pangalan nito. Kapag sinabi ang salitang nayon, ang maiisip mo ay ang kabukiran. Maaaring sabihing ang nayon ay village o barangay sa probinsya. Kung tama pa ang pagkakaalala ko, ang nais palabasing konspeto ng website na ito ay isang online community — isang online village, to be particular. Kaya lang, kalaunan ay nawala ang website na ito. Kapag pinuntahan mo ang domain ngayon, may for-sale offer na.

Marami na ngayong ibang website na may kaparehong konsepto, at isa sa mga ito ang FilipinoVillage.com. Tinatawag ang FilipinoVillage.com ng mga may-ari nito na “the Global Filipino Village Online.” Isa itong portal “built like a digital village with buildings representing commerce, finance, education, information, philanthropy, social interaction and community.”

Gaya ng alinmang community, may puwang ang FilipinoVillage.com para sa mga anunsyo at patalastas. Tinutulungan nito ang mga Pilipino — lalo na iyong mga nasa ibang bansa — na ipagmalaki at ipamalita ang kanilang mga gawain at pinagkakaabalahan, produkto, serbisyo, balita, at iba pa.

Kaya kung may event kang pinaghahandaan, huwag nang mahiya. Add your Filipino event to the website’s listings. Libre naman iyan.

Ginagawa na raw ng ABS-CBN News ang lahat upang matulungan ang mga pamilya ng mga mamamahayag na nakidnap. Pero, susundin daw ng ABS-CBN News ang policy nito na hindi pagbabayad ng ransom upang di na lalong lumakas ang loob ng mga kidnapper na mangidnap ng iba pang mga mamamahayag.

Nakidnap din daw kasama rin daw nina Drilon ang university professor na si Octavio Dinampo.

Abu Sayyaf ang pinaghihinalaan ng pulisya na kumidnap kina Drilon. Ayon sa report ng GMANews.tv, hinarang at kinuha sina Drilon sa Barangay Kulasi, Maimbung, Sulu, noong Hunyo 8 habang papunta sa isang lihim na panayam kay Radulan Sahiron, isang lider ng Abu Sayyaf na nagbabalak na raw sumuko.

Noong Setyembre 28, 2002, nawala rin sa Sulu ang mga Kapusong sina Carlo Lorenzo at Gilbert Ordiales.

Kung gusto ninyong basahin, narito ang discussion thread sa PinoyExchange. Salamat kay aajao, na nagbahagi ng link.

Kahapon, kasama kami ni Mhay sa lakad ng Bloggers’ Kapihan at mga kapwa bloggers sa Pampanga para sa paglulunsad ng blog ni Among Ed. Nagagalak ako’t nakita at nakausap namin siya nang personal. Natutuwa rin ako’t nakakuwentuhan namin nina Mhay at Jon ang ilang mga kabataang lider at estudyante ng Pampanga.

Sa susunod na update ay isasama ko ang mga larawang kuha noong blog launch.

SEAOIL Philippines Inc., the largest independent retailer of petroleum products in the country, has introduced an industry-first prepaid card that pegs a customer’s gasoline purchase at P53.50 per liter.

Company officials explained that the Price Lock Prepaid Fuel Card can be used to buy 20 liters of gasoline (G5 X-treme and Unleaded) from any SEAOIL participating stations. The selling period is from June 10-22, 2008. Each card costs P1,070 and is valid for 10 weeks (June 10 up to August 22, 2008).

Since the price has been fixed, cardholders will have an easier time budgeting their fuel expenses as they will be insulated from further spikes in gasoline costs during the promo period.

In the less likely event of a price rollback also during the period, i.e. the price goes down to less than P53.50 a liter, SEAOIL will refund unused (unscratched) fuel prepaid cards.

The Price Lock Prepaid Fuel Card will be made available at the following participating SEAOIL stations:

1. Buendia - Buendia Extension, Makati City
2. Commonwealth - Lot 13, Block 23, Project 8, Brgy. Pasong Putik, North Fairview, Novaliches
3. EDSA - 843-845 EDSA, Brgy. South Triangle, Diliman, Quezon City
4. E. Rodriguez - E. Rodriguez Sr. Avenue, Dona Josefa, District 4, Quezon City
5. Imelda - Lot 1, Block 1, Tatlong Kawayan, Brgy. San Isidro, Cainta, Rizal
6. Malabon - Rizal Avenue Extension, Malabon
7. Maybunga - 479 Dr. Sixto Avenue, Maybunga, Pasig City
8. Merville - Km.14, West Service Road, Brgy. San Dionisio, Merville, Paranaque City
9. Mindanao Avenue - Brgy. Bahay Toro, Tandang Sora, Quezon City
10. Paco - Penafrancia st. corner San Gregorio st., Paco, Manila
11. Panaderos - Old Panaderos corner new Panaderos st., Sta. Ana, Manila
12. Paraluman - Paraluman corner Paraiso st., Brgy Parang, Marikina City
13. Pasig Blvd - Pasig Blvd., Barrio Bagong Ilog, Pasig City
14. P. Tuazon - P. Tuazon corner EDSA, Cubao, Quezon City
15. Tandang Sora - Tandang Sora Avenue corner Cenacle Drive, Quezon City

SEAOIL will also be selling the prepaid card in the following offsite points:

1. Tiendesitas - June 20 to 21 (5pm to 11pm); June 22 (11am to 5pm)
2. Shopwise - June 20 to 22 (1pm to 7pm)
3. Metrowalk - June 20 to 21 (5pm to 11pm)
4. Greenhills (Peri Peri, beside Teriyaki Boy Promenade) - ongoing daily till June 22 (1pm to 7pm)
5. Greenhills (V-Mall) - June 20 to June 22 (1pm to 7pm)

The card is valid for a single transaction only, which means customers should use up its entire 20-liter value since any unconsumed amount, such as a 19-liter purchase, will forfeit the remaining card value.

Only SEAOIL station attendants are authorized to scratch the silver coating of the prepaid card upon purchase and claim the same card after the customer fills up.

About Sea Oil

Formed in 1997, SEAOIL is the first independent fuel company to put up a gasoline retail station, following the deregulation of the country’s downstream oil industry. It has since aggressively expanded, becoming the largest petroleum firm outside the Big 3 of Petron, Shell and Chevron (Caltex) with over 130 outlets nationwide and about 3 percent share of the retail market.

Consistent with its thrust of innovation, the company pioneered the promotion of biofuels and other alternative fuels in the country, being the first to introduce the use of ethanol as a gasoline blend. In 2005, two years before the implementation of the Biofuels Act, SEAOIL already offered the first 10-percent ethanol blended gasoline or E10, now available in its nationwide retail station network along with the similarly mandated 1 percent biodiesel blend.