Bloga RSS - Garoa liburu-denda

Paralisi Zerebrala dut baino ez nago gaixorik

Sun, 08 Jan 2012 10:15:00 +0100

Hau izan da 2012 urtean Enekok eta Imanolek irakurri dugun lehengo liburua. Liburuxka hau ez du Seix Barral argitaletxeak argitaratu, ez Blackie Booksek ez eta Acantilado argitaletxeak. Liburu hau Budyk argitaratu du. Liburu hau Budyk kontatzen digu. Budyren bizitza da liburua. Budyk paralisi zerebrala du baino ez dago gaixorik.

Top Toalla 2011

Sun, 11 Sep 2011 18:55:00 +0200

Ekuazioa errepikatu egin da aurtengo udaran ere kamarada; liburu-denda baten salmenta bolumena irakurtzen den liburu kopuruarekin alderatuz gero, txikiagoa da itsasbehera eta eguzki betea diren heinean. Zarautzen lorentzok bete-betean ematen badu hondartza leporaino jartzen da. Uretan nahiz eta olaturik ez pinguinoen antzera milaka surflari eta hondarretan toalla gainean libururen bat irakurtzen duen bat edo beste.

Ezer gehiago ez, baina ezta ezer gutxiago ere

Sun, 03 Jul 2011 23:40:00 +0200

Arraro xamar sentitzen gara urte terdiko isiltasunaren ostean post bat idatzi nahiean. Denbora guzi honetan gauza asko gertatu dira. Etxeko hautsa harrotu duen gene madarikatu batek bete-betean izorratu gaitu. Atzerabueltarik gabe, isilik geratu gara, mutu.

55.000 liburu 120 hizkuntzetan, zenbat euskaraz?

Wed, 24 Feb 2010 20:58:24 +0100

Liburugintza interes korrelazio bat da merkatuari begira eta logikoa denez zaila egiten da euskarazko liburuak aurkitzea atzerrian. Irakurlerik ezean, merkaturik ez dago eta beraz, ezta lekurik ere euskarazko liburuentzat. Erresuma Batuan hizkuntzetan espezializaturik dagoen liburu dendarik handienera sartu gara, 55.000 liburu 120 hizkuntza ezberdinetan. Ezetz asmatu zenbat liburu topatu ditugun euskaraz?

Nork ezartzen ditu ebooken prezioak?

Thu, 04 Feb 2010 20:46:49 +0100

Badirudi iPad eta Kindle irakurgailu elektronikoen aurkezpenen ostean eztabaida teknologikoak behingoz albo batera utzi eta orain hizka-mizka guztiak eduki digitalek dituzten edo izan beharko lituzketen salneurrietan oinarritzen direla, eta honek asko axola gaitu! Egunak pasa ahala Sarean aurki daitezkeen ebook zerbitzari berriak gero eta gehiago dira eta galdera berri asko sortzen zaizkigu: Nork ezartzen ditu ebooken prezioak? Zein da hartu beharreko jarrera egokia? Uste baino ibilbide laburragoa geratzen al zaio liburuen prezio bakarrari?

Irakurketak, liburuak eta kafe bat

Mon, 25 Jan 2010 12:23:50 +0100

Ez dakit zein definizio erabili, kafetegiz mozorrotzen den liburu denda edo liburuak saltzen dituen kafetegia. Konbinazio erakargarri hau argitu beharrean aurkitzen naizenez, Foyles liburu dendara hurbildu naiz, Charing Cross Road, London. Azken liburu nobedadeak ikusi, pare bat liburu erosi, kafe bat hartzeko eseri eta doako Internet konexioaz baliatuz, portatila piztu dut artikulu hau idatzi asmoz. Liburu dendaren apustua gailentzen hasi denean, dendariak kikara txukun batean kafetxoa luzatu dit. Harrigarria bada ere, kafe edangarri bat Londonen!

Zer da liburu bat? (I)

Fri, 15 Jan 2010 01:04:00 +0100

Proba ezazue oinarrizko lau elementu hauetatik bat kentzen: autorea, editorea, banatzailea edo liburu dendaria. Berehala atzemango duzue erantzuna: irakurlearengana kate osoa ordezka dezaketen talde handiak soilik iritsiko dira. Talde handi hauek ordea, oraingoz, ez dute bat-batean katea eten nahi, oso argi baitute beharrezko garela. Euren interesa beste bat da: katea osatzen dugun lau elementuei sinestaraztea batak bestea baztertu eta ordezkatu genezakeela, eta lortzen ari dira.

Zergaitik eskeini beharko liratekeen ebookak liburu dendetan

Thu, 07 Jan 2010 22:05:26 +0100

Gero eta sarriagoak dira liburu denden desagerpena iragartzen dituzten artikuluak. Aditu askok deritzote eduki digitalak zuzenean jaitsiko direla eta zalantzan jartzen dute, negozio digitalean behintzat, bitartekarien beharra, liburu denden beharra. Beraien aurreusteak ulertzen ditugu, noski, baina baita ere zilegi eta bidezko iruditzen zaigu estatuan aurkitzen diren 3.500 liburu dendak ez direla bitartekari soil bat adieraztea, kultura arloko webguneek beraien eduki digitalentzako erabili beharko lituzketen erakusleiho aproposak baizik.

John Lennon

Tue, 22 Dec 2009 17:09:29 +0100

Iván Alonsoren lehen erreseina aurkezten dizuegu. Kritiko literario gazte nahiz bikaina, 'El Correo' aldizkarian kolaboratzaile da berau. Iván Alonso Philip Normanen azken eleberriarekin datorkigu, John Lennon gurasoen axolagabekerian ondorioz ziurtasunik gabeko haur bat bezala azaltzen digun eleberria, maitasun faltak taxututako izarra. XX. mendeko mitoaren alargunak irudi beatifikatu bat azaldu arren, pakearen aldeko irudi alboratzen lagunduko digu biografia berezi honek. Gabon hauetan zerbait ezberdina irakurri nahian bazabiltza, heldu Philip Normanen lanari.