Причината за ова се појави пред четири дена, кога Нетокрација објави пост за тоа како Горан Пеуца, хрватски дизајнер, се инспирирал од празниците и им подари на твитерашите рачно фотошопирани аватари со божиќна капа. Идејата беше одлична и многу забавна, па ја ретвитав Нетокрација, со цел да споделам како се забавува хрватската твитерска заедница.

Што е уште позабавно, @indog, македонски дизајнер, одма се испирираше од тоа како се забавуваат хрватските твитераши, па предложи да се забавуваме и ние на сличен начин. И од тука се разви една долга дискусија, која заврши синоќа со конечен резултат.

Во прв момент, јас и @indog дискутиравме за некои драфт идеи како на пр. гиф во кој на сите аватари ќе им врне снег, нешто во стилот на Google’s Let it Snow (оваа идеја беше пресложена за брза изработка), или пак на сите аватари да им се монтира бела брада (оваа идеја беше соодветна само за аватари кои имаат лице). Нешто подоцна на @NotSocialMedia, на @drashmk и на @banekoma им се виде интересна идејата, па се вклучија во дискусија, а Бане богами и во работата. Го зеде аватарот на @darko156 и разви неколку идеи:

Кога веќе ги имавме првичните идеи, уште повеќе се загреавме за да се реализира овој мини проект, како што @Necovski го нарече. @banekoma и @indog со взаемна соработка и многу разменети твитови  (на крајот дискусијата ја префрливме на меил за да не го оптеретуваме тајмлајнот) и го средија последното решение на @indog, за да изгледа како што во моментов изгледа мојот аватар:

Истиот си го имам и на мојот Facebook профил. Сега ве повикувам сите твитераши и фејсбукаши да ги направите и вашите аватари и слики на профил како и мојата (доколку ви се допаѓа) и сите заедно да го споделиме новогодишното расположение.

Сликата е додадена на PicBadges, и се што треба да направите е да се логирате со вашите Twitter или Facebook сметки и да го додадете беџот на вашиот аватар.

За крај, сепак ќе го прекршам ветувањето во првата реченица и повторно ќе кажам еден мал совет до сопствениците на бизниси. Вакви мали, слатки идеи се добредојдени за онлајн заедницата и најчесто инстантно ги прифаќа. Добра креативна идеја во вистинско време може всушност да се реализира како фина мини кампања соодветна на актуелните случувања. Ваква едноставна идеја лесно може да резултира со успех.

Дополнување: Уште еден пример како Twitter заедницата лесно се организира за настани со некаква актуелна цел е настанот #елкамк чиј прв дел започнува денес во 12 часот и има вистинска, поголема цел. Сите детали можете да ги прочитате на Facebook.

П.С. @banekoma разви уште една идеја. Кој од вас го следи на Twitter веројатно веќе ја видел, за останатите ќе ја споделиме кога ќе ни дојде идеја како да ја употребиме :).

Најбитните заклучоци кои ги издвојувам во постов покажуваат кои се плановите на компаниите за 2012 во поглед на содржината, и колку се разликуваат нашите компании од оние кои секојдневно се бават со производство на квалитетна содржина. За илустрација, 9 од 10 испитаници во ова истражување ја сметаат квалитетната содржина како едно од најбитните средства при маркетингот на својот бизнис.

Колку вие сте подготвени да потршите четвртина од вашиот маркетинг буџет за производство на квалитетна содржина?

Според моето искуство, ова поле сеуште е во фаза на созревање и раст на нашиот пазар. Свеста за придобивките и употребата на содржината како моќно маркетинг средство е разбудена кај нашите компании, но подготвеноста да се инвестира во истата сеуште спие. Според податоците во истражувањето испитаниците издвојуваат 1/4 од својот буџет за маркетинг и го инвестираат во креирање на квалитетна содржина, што не сум сигурна дека за брзо ќе се случи и кај компаниите на нашиот пазар. Ако во истражувањето се прави споредба во тоа колку пораснала употребата на одредени алатки и форми за креирање на квалитетна содржина во споредба со минатата година, кај нас може да се мери дали минатата година воопшто постоела некаква употреба и дали се појавиле компании оваа година кои ја употребуваат содржината за квалитетен маркетинг.

Но ајде доста зборуваме за тоа колку ние ја употребуваме и искористуваме содржината и да се осврнеме на тоа како развиените компании го прават тоа. Она што најмногу ме радува е што константно расте употребата на отдредени алатки и техники за креирање и дистрибуирање на квалитетна содржина во светот. За илустрација бројот на компании кои имаат свои блогови, или го користат блогот како форма за дистрибуција на содржина пораснал за 27% во однос на истото вакво истражување направено минатата година. Еве како изгледаат резултатите за употреба на останатите форми за креирање и дистрибуција на содржината од страна на компаниите:

Останатите форми завземаат помалку од 30% од испитаниците, па не се вклучени во графикот.

Друга информација од истражувањето која треба да се спомене е дека малите компании во поголем процент експериментираат и ги користат различните облици на креирање и дистрибуција на содржина во споредба со големите компании. И она што е уште поинтересно се индустриите во кои компаниите најмногу ја користат содржината како средство за маркетинг на својот бизнис. Iнтересно е што маркетинг и адвертајзинг индустријата не е со најголем процент :)

Потоа се разгледувано посебно социјалните медиуми како канал за дистрибуција на содржина. Со задоволство можам да кажам дека на нашиот пазар конечно Твитер зеде залет и се користи масовно од индивидуалците. Бизнисите не се толку масовни во употребата, но ако се направи истражување и споредба со минатат година, сигурно ќе има голема процентуална разлика на подобро. А еве како се користат социјалните медиуми од маркетерите според направеното истражување:

Креирањето и диструбицијата на квалитетна содржина компаниите го прават за да ги постигнат своите поставени цели. Секоја компанија има свои различни цели кои сака да ги оствари преземајќи го чекорот на креирање содржина. Според испитаниците неколку цели преовладуваат кај најголемиот број на компании:

Како што и самиот наслов кажува, најголемиот број на компани веќе алоцираат четвртина од својот маректинг буџет за производство на квалитетна содржина и се спремни да ги зголемат своите инвестиции. Дури 60% од испитаниците одговориле дека сè повеќе ќе инвестираат во маркетинг преку содржина во следната година:

Она што е уште поинтересно, компаниите сè повеќе бараат помош од  надворешни компании кои професионално се занимаваат со креирањето на квалитетна содржина, во споредба со минатата година:

Нема повторно да ве убедувам колку квалитетна содржина е клучна за вашиот маркетинг. Истражувањето “B2B Content Marketing” содржи уште неколку интересни статистики и заклучоци кои вреди да ги видите.

Она што јас сакам да го видам е како вие ја користите квалитетната содржина за зголемување на вредноста на вашиот бизнис. Споделете ги вашите искуства со користењето на содржината како средство за маркетинг на вашиот бренд.

Ако сте се обиделе да пребарате одреден термин на Google последниов месец, веројатно сте забележале малку поинаков приказ на оној дел каде што се прикажуваат рекламите, односно Sponsored Ads.

Првото нешто што јас го забележав, е дека рекламите почнале да се прикажуваат и под органските резултати од пребарувањето, како дополнување на оние што се појавуваат од десно или пак над органските резултати.

Следно што забележав е линкот во горниот десен агол, кој ми вели “Зошто овие реклами”?

И освен тоа што ми го кажа она што веќе го знаев, дека овие реклами се соодветни на клучните зборови што сум ги впишала во полето за пребарување, по природа на настаните морав да прочитам што баш намислил Google и ете зошто баш тие реклами ми ги прикажува, па кликнав на линкот во самото прозорче “Ads Preference Manager“. Овој линк носи до посебна платформа која всушност им овозможува на корисниците да ги прилагодат нивните преференци за прикажувањето на рекламите, и да ги отстранат оние категории на реклами или пак огласовучи кои не се релевантни на нивните интереси.

Со персонализирање на реклами, Google овозможува подобрување на искуството со пребарувањето, преку тоа што прикажува реклами кои се поврзани со одредени информации за корисниците, како на пример страниците кои ги посетуваат, нивните последни пребарувања или пак со информации од нивното Gmail сандаче. Всушност оваа опција им прикажува помалку реклами кои се директно поврзани со нивните интереси и се релевантни на нивното пребарување, користејќи ги информациите од нивните претходни акции при пребарувањето.

За да ги персонализира рекламите во резултатите од нивното пребарување, Google ги зема во предвид нивните пребарувања и ги комбинира доколку постои логична поврзаност помеѓу нив. Исто така ја зема во предвид и нивната историја на посетувани страници при што ви овозможува вам како огласувач, чија страница корисниците ја посетиле во минатиот период, да ги таргетирате конкретно овие корисници  со одредени специјални понуди релевантни за нивните интереси.

Доколку корисниците не сакаат да ги споделат своите информации за да бидат дел од персонализирањето на рекламите, тогаш ја имаат опцијата “Opt out”. По избирањето на оваа опција Google ќе им ги прикажува сите реклами соодветни на моменталното пребарување.

Она што е уште поважно да се спомене е дека Google овозможи употреба на опцијата  “Blocked Advertisers” во “Ads Preference Manager”, преку која корисниците преку својата Google сметка можат да ве блокираат вас како огласувач, и вашите реклами да не им се прикажуваат никогаш повеќе додека се логирани со својата сметка.

Погледнете го официјалното видео на Google за тоа како работи “Ads Preference Manager”.

Во меѓувреме Google направи одредени промени и со органските резултати од пребарувањето. Малa најава е сликата подолу, а за повеќе детали ќе ве оставам да читате на Инетрнетмаркетинг.ком.мк.

Новите опции на Google креираат уште поголем предизвик за вас како огласувачите, токму поради фактот што сега, уште повеќе од порано, многу е важно огласувачите да бидат ектремно внимателни со задоволување на интересите на корисните преку нивните реклами.Доколку не успеете да ја постигнете оваа крајна цел, тогаш ризикувате корисниците да ги блокираат вашите реклами, и да не можете да стигнете до вашата идеална публика.

Тие во обид за максимална заштита на корисниците, транспарентност и зголемување на кредибилитетот на медиумите и огласувачите воведоа едноставни правила (напатствија) со кои секоја платена промоција на социјалните медиуми мора јасно да биде означена.

Ако сакате подетално да ги разгледате напатствијата и примерите симнете PDF верзија.

IAB Македонија е во фаза на подготовка, а беше најавена и од претставникот на IAB Европа на воведната сесија на Webit. Улогата на оваа организација е токму таа, да го регулира, но пред се да го стимулира пазарот да се развива во позитивна насока, за на крајот сите да бидат среќни. Здравје боже, за година или две (оптимистички) се надевам дека и ние ќе ги дискутраме овие теми.

Патем, би сакал да го издвојам решението за спонзорирани твитови каде се вели:

A Twitter user is paid by a brand owner or marketing practitioner specifically to use Twitter to promote a brand, product or service. The brand owner or marketing practitioner should ensure that the Twitter user discloses the payment by including ‘#ad’ within their tweet.

И моментот дека спонзорирани објави од каков било тип не се дозволени на Facebook затоа што тоа ги нарушува правилата за користење на овој сервис.

A brand owner or marketing practitioner should not consider paying individuals to promote brands, products or services on the individuals’ pages or profiles on Facebook, even with disclosure, as doing so would contravene Facebook’s terms of service.

Via

Извор: HubSpot

Имајќи своја страница на Goggle+ како компанија и воопшто неговото користење за било каква активност и не е мала работа, земајќи го во предвид фактот дека Goggle+ веќе има 40 милиони корисници од јуни до сега.

Сo неговото појавување и со промените кои ги предизвикува континуирано, на многу начини влијае врз генерирањето посети на вашата страница преку пребарувачот на Google,  поради фактот што има огромно влијание врз позицијата на вашата страница при пребарување на Google и врз вашите шанси корисниците да кликнат токму на вашата страница.

Главните фактори за тоа како Google+ влијае врз пребарувањето на Google, HubSpot ги сумира во 5 точки во својата најнова електронска книга “Google+ за бизниси”:

1. Google+ ја подобрува интелегенцијата на Google 

Со појавувањето на Google+, на Google му станува многу полесно да анализира на кој начин луѓето споделуваат и комуницираат за заедничките интереси. Анализирајќи ја вашата активност на Google+, сега е во состојба да ви пласира резултати од вашите пребарувања кои се директно поврзани со вашите интереси и се многу порелевантни од порано. Не само што може да анализира што споделувате и кои се вашите интереси, туку врз основа на круговите на вашите пријатели, анализира со кои луѓе најчесто комуницирате и кои се најважните пријатели од вашите кругови. Така при вашето пребарување, прво ќе ги земе во предвид резултатите кои се поврзани со овие луѓе, бидејќи ќе знае дека ним најмногу им верувате и се потпирате на нивните совети.

2. Google+ го подобрува квалитетот на резултатите од пребарувањата

Google+ му ја олеснува работата на Google при идентификување на вистински профили или спамери. Профили кои се базираат исклучиво на споделување и фаворизирање на линкови од 1 страница, или профили на кои единствена активност е +1, тогаш може да станат сомнителни за Google и да бидат обележани како спамери. Исто така ако профилите следат профили кои се карактеризирани како спамери, исто така ризикуваат да бидат ставени во истиот кош. Активноста на ваквите профили нема да влијае врз резултатите од пребарувањата, при што значително се подобрува квалитетот на истите.

3. Google+ го изменува начинот на генерирање посети

Копчето +1 ја игра главната улога во оваа точка. Постои веднаш до резултатите од пребарувањата на Google, и секако може да се додаде на било која интернет страница. Копчето +1 во позадина се врзува со URL-то,

односно адресата на страницата, па при креирање или менување на истата бидете многу внимателни, бидејќи ќе го ресетирате бројот на +1. +1 има огромно влијание врз оценките за квалитетот на страницата при рангирањето на истата, и затоа е од исклучителна важност да се насочите кон стимулирање на активноста на истото. Страниците кои имаат додадено +1 копче, според HubSpot добиваат 3,5 пати повеќе посети од Google од оние кои немаат.

4. Google+ ја подобрува стапката на кликови

Копчето +1 има директно влијание врз одлуката на луѓето дали да кликнат на вашата страница или не. Уште пред да кликнат, тие во резултатите од пребарувањето имаат информација колку луѓе го кликнале +1 за вашата страница, што всушност им дава индикација колку е истата популарна. Со овие информации на посетителите сега им е поелсно да ги избегнуваат страниците кои не се популарни и да ги посетуваат оние кои всушност им се допаѓаат на останатите корисници.

5. “Direct Connect” или директно поврзување

Петтата точка се однесува на директната интеграција помеѓу новите Google+ страници наменети за бизнисите и резултатите од пребарувањето на Google. Со пуштањето на страниците во употреба, Google ја пушти и новата опција “Direct Connect”, која автоматски ги интегрира овие 2 работи.

Опцијата се рефлектира на пребарувањето на тој начин што им овозможува на корисниците кои пребаруваат страници на Google+ едноставно да ги пронајдат и на Google.com. За да ги прескокнат редовните резултати од пребарувањето, тие едноставно треба да го додадат знакот + пред името на фирмата/брендот кој што сакаат да го пронајдат.

Доколку веќе креиравте Google+ страница за вашиот бренд и сакате да го искористите овој начин на пребарување, прво мора да ја активирате  ”Direct Connect” опцијата, која се наоѓа на вашата Google+ страница. Со кликање на “connect your website” линкот, ќе бидете однесени на посебна страница за прилагодувања, каде со внесување на потребните информации и инсталирање на прикажаниот код на вашата страница,  ќе можете да ја активирате бараната опција. Сепак, со активацијата не сте ја завршиле целата работа. Google алгоритмите прават селекција за тоа кои страници ќе бидат вклучени, затоа погрижете се да ја промовирате вашата страница на повеќе начини и да си обезбедите поголеми шанси за вклучување.

Последниве промени на Google, ни даваат до знаење дека начинот на кој што се рангираат страниците во резултатите од пребарувањето воопшто не е ист како порано. Сега, уште повеќе од порано, корисниците имаат огромно влијание врз тоа како се рангираат нашите страници, преку своите активности на социјалните мрежи. Ако порано знаевме добро да се испотиме за да ја оптимизираме нашата страница користејќи ги сите посочени практики и совети, сега дополнително треба да се испотиме да им дадеме вредност на нашите посетители кои всушност стануваат клучната алка за успешноста на нашето присуство на Интернет. Навиките за пребарување се менуваат, исто како што се менува и начинот на рангирање, и сега е многу важно да не ги испуштаме од вид интересите на нашите корисници и да правиме се за да ги задоволиме. На крајот, корисниците се тие кои одредуваат колку вреди нашиот бренд.

Проследувајќи ги сумираните статистики од инфографикот во постот, ќе ја добиете вистинската слика за нивните разлики и предностите на новиот маркетинг. Во основа главната порака која што треба да ја пренесе овој инфорграфик, е дека корисниците денес контролираат кои и колку информаци добиваат, за разлика од минатото кога тие помалку или повеќе ги примаа информациите кои компаниите беа решени да им ги сервираат.

Еве некои од најзначајните негативни статистики кои се презентирани во инфорграфикот:

1. 86% од корисниците денес ги прескокнуваат ТВ рекламите. Ова во превод значи дека 86% од парите на компаниите алоцирање за ТВ рекламирање се залудно потрошени.
2. 91% од корисниците не сакаат веќе да примаат мејлови за кои претходно самите се зачлениле. Ова во превод значи дека мејловите кои ги испраќаат компаниите се далеку од интересите на нивната публика и не ги почитуваат нивните потреби.
3. 44% од мејловите кои ги испраќаат компаниите никогаш не се отворени од страна на корисниците. Ова во превод значи дека корисниците воопшто не се ни обидуваат да проверат дали во мејлот има нешто што би ги заинтересирало, поучени од нивното претходно искуство со добивање нерелевантна пошта.

Ајде сега да зборуваме малку за позитивни статистики:

1. 61% од маркетерите се спремни да инвестираат во “заслужено” внимание од страна на корисниците. Ова во превод значи дека се повеќе компании се соочуваат со фактот дека маркетингот се менува и дека корисникот ја има контролата во свои раце.
2. 83% од компаниите сметаат дека Facebook е критичен медиум за нивниот бизнис. Ова во превод значи дека влијанието на Facebook се помести од точката на “само за забава и персонална употреба” до точката на “значајно влијание за таргетираната публика”.
3. 67% од компаниите кои продаваат на крајни корисници, и 41% од компаниите кои продаваат на бизниси, придобиле клиент преку Facebook. Ова е уште една потврда дека Facebook е канал кој ако се искористи правилно, може да ги оставри целите на бизнисот.
4. 57% од компаниите придобиле клиент преку својот корпоративен блог. Ова е уште една потвда дека квалитетната и динамична содржина е круцијална за маркетингот на еден бизнис и неизбежно им носи на компаниите нови клиенти.
5. 42% од компаниите придобиле клиент преку Twitter. Ова значи дека компаниите се грижат да бидат достапни и да се вклучат во динамична конверзација со своите корисниците.

На крајот мора да се истакне и најсензитивната категорија во овие статистики – парите:

1. Интернет маркетингот чини 62% помалку од традиционалниот маркетинг. 
2. 3 од 4 нови маркетинг канали чинат помалку од било кој традиционален маркетинг канал.

Останатите статистики ве оставам сами да ги анализирате во инфографикот на Voltier Digital и да размислите колку пари ќе потрошите и колку ефект ќе имате пред следната ваша кампања.

1. настанот беше скоро тројно поопширен и визуелно попривлечен од минатите 2 години
2. годинава во фокусот беше посетеноста на настанот во бројки
3. се повеќе земји се вклучуваат во настанот; според организаторот имаше посетители од 47 земји
4. квалитетот беше на нешто пониско ниво од минатите 2 години
5. техничката организација на настанот воопшто не ги исполни очекувањата – настанот помина во знакот на немање квалитетна интернет конекција
6. гостите од медиумите скоро и да немаа услови за работа во салите.

И покрај тоа што имам доста негативни коментари (што не беше случај во минатите 2 години), на крајот повторно сум задоволна што бев дел од настанот, и потврдувам дека и следната година ќе учествувам. Ако минатите години бев импресионирана од презентациите и содржината, годинава сум импресионирана од волјата и желбата на “дигиталните номади” да бидат дел од вакви настани и меѓусебно да се поврзуваат и да разменуваат искуства. Како што знаете само од Македонија имаше преку 6о присутни, и бевме уредно и официјално поздравени уште на отворањето од самиот организатор Пламен Русев.

Годинава бев поканета како официјален блогер на настанот. Додека траеше, не си ја исполнив уредно должноста да пренесувам што се случува, што од немање услови, што од неиспиративни презентации. Меѓутоа, вака со прибрани впечатоци, верувам дека ќе следат низа постови и од мене и од Дарко, кои ќе ви доближат што точно се случување таму.

Новата главна мерка се интеракциите

Главна тема на настанот беше огласувањето, што во дигитален, што во традиционален формат, како и метриките за мерење на ефективноста од огласувањето. И покрај тоа што настанот е посветен на луѓето од интернет маркетинг светот, годинава имавме можност да проследиме серија на добро интегрирани кампањи, служејќи се со алатките на традицоналниот и интернет маркетингот. Скоро во секоја презентација посебно внимание се посвети на интеракциите, како нова неопходна мерка (замена за кликовите) која ќе ја мери успешноста на секоја една активност. Сите предавачи со посебен жар зборуваа за важноста на корисниците во целокупната комуникација. Не дека ова е нешто што не го знаеме и не сме го чуле безброј пати до сега, ама како што Новица зборува во својот пост, фино е да слушнеш како некои светски имиња сакаат да ги поттикнат маркетерите во овој дел од светот да го применуваат она што веќе одамна се прави на запад. Иако кај нас има видно будење на темава, сепак сме далеку од имплементација на трендовите кои на големо се зборуваат на ваквите настани. Ние сме на почетокот на убедувањата дека огласувањето треба да се сведе на CPM моделот, а светот веќе го напушта и овој пристап и измислува нови метрики како што е стапката на интеракции и вклученост од страна на корисниците.

Вреди да се издвои…

За издвојување се презентациите на Marc Bresseel – Microsoft,  Gillian Muessig – SeoMoz, Plamen Russev – eAcademy, Russ Lidstone – Euro RSCG London. Особено добри презентери, кои она што веќе стотици пати сме го слушале успеаја да ни го донесат од поинаков агол и повторно да не натераат да размислиме дали добро го познаваме. Не дека само овие предавачи имаа добри презентации, меѓутоа мене ми се допадна стилот и темите за кои зборуваа. Ниту еден од нив не употреби потрошени мотивирачки фрази без да даде конкретни примери за тоа како да се стават во употреба работите кои сите веќе знаеме дека треба да ги правиме. И ниту еден од нив немаше презентација од типот “многу сме јаки” (како што милува Дарко да ги нарекува комерцијалните презентации). Microsoft меѓу останатите примери, ја истакна кампањата на Jay-Z, преку која ја покажа важноста на интегрираните кампањи и чекор-по-чекор покажа како се спроведува исклучително успешна кампања за нов производ. SeoMoz секогаш има одлична презентација, а годинава особено интересна тема “Crowdsourcing”, за што смета дека всушност е вистинската насока за развивање на маркетинг кампањите во иднина. Тука особено беше истакната важноста на корисникот и неговите потреби, како главен фактор во креирањето на понудата за него. Организаторот на Webit, Plame Russev, ја промовирање својата книга “Power to the people” на многу фин и суптилен начин, преку добро склопена презентација со совети и идеи. Особено кај него ми се допадна што на неколку моменти, кога очекуваш дека ќе каже некоја стотици пати помината мисла, тој вметна неколку фини нови мотивирачки фрази, кои всушност ја одбежаа неговата презентација. Russ Lidstone имаше сосема поразлична презентација од останатите, и како што прокоментиравме со Дарко, потсетуваше на TED презентација. Зборуваше за ставањето на брендот во улога на глагол, односно поистоветување на брендот со видот на комуникација која ја спроведува.  Разочарување беше презентацијата на Facebook, неочекувано, бидејќи презентацијата им се сведе на многу основни совети за тоа што за брендот значат фан страниците и како може компанијата да се рекламира на Facebook.

Фотографии од настанот можете да гледате каj:Ivan Minic (burek.com) еден од официјалните блогери: Webit 2011 (Прв ден) и Webit 2011 (Забава за доделување награди и втор ден); 4ward: Our Webit 2011; InternetMarketing.mk: Webit Congress 2011.

Иако не бевме претерано многу инспирани да пишуваме сепак најавуваме дека ќе следуваат уште постови во следниве неколку дена.

Една од највредните работи кои ги нуди огласувањето на Интернет е можноста за попрецизно таргетирање и мерење на ефектот од кампањата додека трае. Ова значи дека секогаш треба да се планира можност да се интервенира во истата ако не ги остварува очекувањата. За да се врши таргетирање потребни се податоци, потребно е добро да го познавате пазарот и публиката. А за тоа се потребни агенции кои прават истражувања и агенции кои нудат соодветни системи кои овоможуваат таргетирање. Кај нас не можеме да се пофалиме со развиена структура на ова тема, но сепак, може да очекуваме дека наскоро работите ќе почнат побрзо да се менуваат. Интернет страниците се префрлаат кон моделите за продавање број на прикажувања на реклама наместо временски закуп, а најавени се и истражувања и статистики кои ќе ги прошират можностите за квалитетно таргетирање.

Немањето доволно податоци и системи кои ќе не поттикнуваат повеќе да се грижиме за ефектот на интернет реклaмите веќе со години резултира со релативно слабо развиен пазар на интернет огласување и ниско ниво на креативност. Како резултат на тоа, поголем дел од локално имплементираните кампањи се третираат како т.н. брендинг кампањи. Кај овие кампањи во фокус е промената на перцепцијата за брендот, а не целта да се предизвика некоја конкретна реакција како клик, конверзија или конверзација.

Виновници за доминацијата на овие кампањи има во сите табори, но тоа не ги решава проблемите. Наместо обвинувања, подобро е да се зафатиме за работа и да го туркаме овој дел од маркетинг индустријата побрзо напред. Во основа, нема ништо лошо да се работи брендинг-кампања на Интернет, иако тој нуди далеку повеќе, но и кога се работaт овие кампањи мора да се внимава на некои важни работи.

Сепак треба да таргетирате

Не е најважен дел од целиот процес, но сепак, не можете да одите на сите интернет страници. Секако дека сакате што е можно поголем број ваши потенцијални корисници да ја видат рекламата, но внимавајте, тоа може да значи и премногу преклопувања. Не практикувајте да ставате огласи на голем број интернет страници кои имаат иста или слична публика. Практиката “сите со еден удар“ не е толку многу позитивна кога станува збор за интернет-огласувањето. На тој начин вашиот оглас ќе им се појавува пречесто на едни исти луѓе, а со тоа ризикувате да предизвикате негативен ефект. Одберете по 1-2 страници од различен жанр со публика која има различни очекувања и не ги заборавајте помалите страници кои имаат полојална публика.

Дали се грижите за контекстот?

Веќе реков, целта на брендинг кампањата е промена на перцепцијата, па оттаму, мора да се внимава во кој контекст ќе биде примeна пораката. Дали посетителите на страницата ќе бидат во вистинската умствена состојба за вашата порака или ќе бидат зафатени со кликање на друг дел од страницата?

Дали се грижите каде ќе бидат поставени вашите реклами, не позициски, туку во поглед на содржината која ги опкружува? Секако, ефектот не е еднаков доколку објавите реклама за туристичка агенција, а текстот до неа зборува за некоја измама или болести во местото на кое вие сакате да ги испратите вашите корисници. Нивото на квалитетот на уредувачката политика на локалните интернет-страници е релативно ниско, па мора да се внимава и на тоа каква се содржина може да “улета” во периодот кога се рекламирате. Често младите интернет претприемачи немаат никакво претходно искуство со уредување медиуми, па занесени од популарноста на одредени содржини, создаваат контекст во кој ниту една порака не може да се сфати со висока доза сериозност. Во оваа насока, мора да се внимава и дали вашата порака ќе може да дојде до израз или ќе се стопи со останатата содржина. Тука мора да се внимава и на другите реклами – ако ги има премногу, ефектот на вашата, секако, ќе биде помал. Бирајте страници каде што има соодветен распоред на позициите за огласување и каде што публиката не очекува премногу реклами. Токму рекламите на тие страници можат да ви обезбедат поголемо препознавање и да остават впечаток дека добро сте ја сработиле кампањата.

Проверете колку плаќате?

Иако во ваквите кампањи нема да се грижите за тоа колку ве чини секој посетител кој ќе дојде на вашата страница и ќе преземе некоја акција, сепак, тоа не значи дека треба да се расфрлате премногу. Потребно е да водите евиденција и да го следите ефектот на кампањата со еднаков интензитет. Ако истата трае подолго, испланирајте неколку различни креативни решенија. Тестирајте и испробувајте додека трае самата кампања, извлечете го максимумот за парите кои ќе ги платите.

На Интернет можете да го следите однесувањето на вашиот потенцијален купувач со многу повеќе детали. Може да ја видите неговата директна реакција, брзо и едноставно да почнете некој вид директна комуникација за да му понудите нешто повеќе или поразлично. Секој дел од интернет-присуството е еднакво важен. Често една посета на потенцијален корисник почнува токму од рекламата која ја објавувате. Затоа, внимавајте, целокупната стратегија за настап на Интернет на вашата компанија мора да биде како симфониски оркестар. Која мелодија ја свири вашиот оркестар?

Во постот посветен за првиот ден на конференцијата Webfest.me споделив дека Недим имаше забележителен настап на тема основи за оптимизација за пребарувачи (SEO). Недим (@neximuss) ќе зборува и на кратката програма на BlogOpen овој викенд, па ова кратко интевју може да послужи како загревање за претстојниот настан.

Ако некои прашања не ви се вклопуваат, тука пред се мислам на последното, погледнете ја целата презентација и делот со прашања и одговори и ќе ви стане јасно :)

Еден од документите презентира метод за групирање на информации, кој што е стар веќе 11 години, но јас не сум имала прилика да го сретнам до сега како термин. Методот оригинално се нарекува “Card Sorting” и се дефинира како техника за истражување како луѓето групираат предмети, преку што може да се донесат логични заклучоци за развој на структура на информации која ќе биде прилагодена на корисничките навики и ќе го олесни пребарувањето на информации.

Оваа техника особено се користи за дефинирање на структурата на интернет страниците.  Колку многу сте мачеле да ја дефинирате мапа на страницата за најлесна навигација? Колку пати сте се двоумеле која е најдобрата структура за вашите внатрешни страници и како да им обезбедите најлесно пребарување на посетителите? Со оваа техника ќе можете барем да добиете претстава од каде да почнете со вашите одлуки и истовремено да се забавувате.

Како се спроведува?

1. Изберете го начинот преку кој сакате да анализирате: директно (лице-в-лице); преку пошта; преку електронска пошта; преку други електронски канали (на пр. социјални медиуми); за време на работилници, настани и сл.

2. Направете листа од предмети/информации за кои што сакате да направите анализа како корисниците логично би ги групирале. На пример, ако се работи за структура на вашата страница, внесете имиња на страниците во кои што треба да се имплементира содржината на страницата.

3. Внимателно одберете ги учесниците во процесот. Ако се работи за вашата интернет страница, тоа секако треба да бидат претставници на вашиот идеален посетител, т.е. да бидете сигурни дека тие се луѓето кои навистина ќе бидат посетители на вашата страница и ќе ги користат вклучените информации. Постојат различни препораки за бројот на учесниците. Според JUS (Journal of usability Studies), подобро да учествуваат поголем број на корисници, меѓутоа колку повеќе се, толку ќе биде потешко да ги анализирате резултатите. Главниот заклучок е дека е дека оптимален број на учесници е 25-30.

4. Изберете го начинот на спроведување. Постојат два типа на “Card Sorting” , отворен и затворен. Отворениот тип им дозволува на корисниците самостојно да ги дефинираат и групираат категориите на предметите/информациите. Затворениот тип им дозволува на корисниците да групираат веќе дефинирани и именувани категории на предмети и информации на начин што им е најлогичен ним.

5. Овозможете им доволно време на корисниците за групирање. Како што прочитав во документот од Econsultancy, за групирање на 50 поими треба на учесниците да им се дозволи околу половина час.

6. Кога ќе добиете посакуван број на одговори, завршете го процесот и приберете ги информациите. Потоа споредете ги резултатите од секој поединечен одговор и направете анализа колку од нив се поклопуваат. Веројатно за категориите ќе имате исти одговори од повеќе учесници. На пример ако се работи за структура на вашата интернет страница, на овој начин ќе им овозможите на вашите посетители да ви го дефинираат главното навигационо мени. Веројатно скоро сите учесници ќе ги групираат Контакт страницата заедно со страниците за Често Поставувани Прашања, Техничка Поддршка, Документи и сл.

7. Обрнете особено внимание на именуваните поими за кои не постои консензус во одговорите. На пример ако се работи за имињата на ванатрешните страници, можеби преименување на истите би довело до преклопување на мислењата на учесниците при групирањето.

Оваа техника е одлична за да си дадете одговор на прашањата кои верувам дека редовно ве засегаат:

• Дали корисниците сакаат да видите информации групирани според предметот, процесот, бизнис групата, типот на информацијата или некоја друга категорија?
• Колку се слични потребите на различни групи на корисници?
• Како различни се нивните потреби?
• Колку потенцијални главни категории постојат? (обично се однесува за навигација)
• Како треба да се именуваат категориите?

Со помош на вашите корисници ќе ги разрешите дилемите и ќе бидете сигурни дека одлуките што сте ги донеле соодвествуваат на нивните потреби. Оваа техника ви е одличен прв чекор во креирање на успешна структура на страницата.

Се надевам дека доста од вас ќе ја пробаат или можеби веќе ја имаат испробани оваа техника, па очекувам да го споделите вашето искуство за упешноста или неуспешноста на методот.