Links are the currency of the web and traffic is money so these are important trends for our portfolio companies and for everyone who does business on the web.” – Fred Wilson

Една од клучните предности на интернет маркетингот секако е можноста за следење на интеракцијата во живо. Постојат голем број алатки кои нудат разни податоци за активностите кои ги преземаат вашите посетители со вашата содржина. Со експлозијата на социјалните мрежи и доминантната улога која тие сега ја имаат во поглед на канали за промоција и дистрибуција на содржина, следењето на интеракциите беше ставено пред нов предзвик.

Колачињата кои досега беа главни веќе не можат да ги прикажат сите детали кои им се потребни на маркетинг специјалистите. И како што веќе напоменав и во самиот наслов но и во првиот цитат, (неговото височество) линкот добива се поголема улога и побогати функции. Во продолжение само 3 алатки кои може да се најдат секому во следната кампања.

URL Builder

Google нуди алатка со која можете да го збогатите вашиот линк со дополнителни информации за медиумот преку кој планирате да го споделите, кампањата, клучните зборови и сл. Целта е подоцна при анализaта на посетеност во Google Analytics да можете да разграничите точно од која кампања слетале посетителите на вашиот сајт и секако што тие правеле таму.

ClickMeter

Станува збор за релативно нова алатка која токму врз основа на потребата од следење на линкови во кампањи нуди широка палета на податоци кои во живо ги прикажува за вашиот линк. Еве само дел од опциите кои ги нуди: Unlimited tracking-links, No expiration for tracking-links, Click-fraud detection, Click distribution on world map, Cumulative tracking-links analysis with a single account, Short URL redirection trough our featured short domain 9nl.com, Link tagging(customizable URL for search engine optimization), Social media measurement

Bit.ly

Овој сервис се наметна како најквалитетен благодарение на раното препознавање на важноста на линк економијата на најпопуларниот микроблогинг сервис Twitter. Отвореното API и големата листа на алатки овозможува употреба на овој севис во рамките на вашиот прелистувач, апликација или директно на самиот сајт. Не нуди богатство на информации како ClickMeter но сепак и тоа што го нуди не е за потценување.

Насловот на постов е директно позајмен од насловот на презентацијата на Jonathan Strauss од Awe.sm сервис кој професионално нуди услуги токму на тема скратување и следење на линкови. Презентацијата еве ја подолу. Задолжително искликај ја и не заборавај следниот пат кога ќе правиш кампања да ставиш линк кој со кој ќе може попрецизно да го утврдиш успехот на истата.

No related posts.

Некако поубаво ми е кога користам локални примери за да истакнам неколку совети кои е добро да се знаат ипрактикуваат. Едноставно овој начин на објавување привлекува повеќе внимание :).

Вака изгледаше пораката која ја добив во моето сандаче. Скратена е сликата, ама тоа е тоа. Надолу има уште малку бело и завршува пораката. Од насловот не ми стана јасно која е оваа групација за која не паметам дека сум се претплатил да добивам e-mail. Дополнително, не само што не ми е позната групацијата туку насловов воопшто не ми кажува ни што нуди. Може да значи се и сешто. А мене најмногу би ми одговарало ако се грижат за моето време со тоа што 1) нема да ми го трошат залудно, 2) ќе земат да ми сработат нешто за да ми остане мене повеќе и 3) ќе ми пласираат корисна и јасна понуда со која навистина ќе заштедам време. Адресата од која ми е испратен овoj e-mail не е од сопствен домен, туку од t-home.mk, а дополнително никаде не гледам опција да се отпишам од листава на која по некоја случајност (или не) сум се нашол.

Нате пред некое време наведе 6 основни трикови за e-mail маркетинг. Број 4. вели:

Внимавајте на дизајнот. Доколку имате слики или било какви визуелни елементи во вашиот e-mail, секогаш треба да внимавате како тој би изгледал доколку mail клиентот на вашата публика ги блокира ваквите елементи. уште поважно е вашата главна порака да ја пренесете во горниот банер на e-mail-от, како читателите веднаш би можеле да добијат претстава за што зборувате.

Ајде, си велам, ќе ја отворам сликава да видам што се крие зад неа.

Веројатно некој печатен леток, т.н. флаер. Така барем изгледа според дизјанот. Ситни букви, не баш многу читлив текст и тотално неинтерактивно искуство. Нити сликава има линк, нити пак некаде на друго место може да се кликне некаде. Иако реков дека нема да ја впишам адресата, прегризав јазик, и појдов да го видам сајтот.

А таму најдов лого кое не е скроз исто со ова и боја на сајтот која не кореспондира со оваа на летоков. На прва се помислив дали добро сум ја впишал адресата :). Но сепак, да таа е компанијата. Се обидов да најдам и каде тоа може да се претплатам, или уште попрецизно откажам од претплатата на нивните промоции. Но, на сајтот нема никаква можност за претплата, а со закон се задолжени да понудат откажување на самата e-mail порака.  Па се помислив дали да им пополнам и пратам еден Урнек за писмо – одговор на спам (antispam template). Не испратив, туку решив да пишам пост и

да резимирам:

1. Внимавате како изгледа пораката кога mail клиентот на вашата публика ги блокира визуелните елементи;
2. Прилагодете ја содржината на медиумот. Ставете барем еден линк. :)
3. Погрижете се визуелните елементи да соодветствуваат (потсетуваат) на вашиот сајт или корпоративниот имиџ
4. Задолжително оставете можност за отстранување од e-mail листата (законот ве задолжува)

Немам ништо против фирмава, да не бидам сфатен погрешно. Вакви примери стасуваат во нашите сандачиња секој ден. Едноставно овој ми се погоди при рака за да посочам нa некои работи на кои треба да се внимава ако се цели кон постигнување на некаов ефект од e-mail кампања. А за мерењето и следењето на ваквите кампањи, најавувам повеќе дискусија во некој следен пост.

Сподели:

Може да те интересира:

1. 6 основни трикови за e-mail маркетинг

Вака на прв поглед, изгледа многу едноставно. Ајде да направиме еден краток преглед, иако луѓето сè добро си објасниле во нивниот прирачник за корисници:

• Во левото мени се појавува уште еден таб “Tracking”:

• Во овој таб имате можност да креирате нов таг за следење, или да генерирате извештај за веќе постоечките тагови:

• По избирањето на опцијата да генерирате нови тагови за следење, треба да пополните неколку едноставни информации како: име на тагот што ќе следите, категорија која го дефинира вашиот код и вредност на конверзијата (незадолжителна опција која означува колку вредност конверзија од Facebook носи за вашиот бизнис):

• По дефинирањето на горенаведените опции добивате еден едноставен код кој треба да го внесете на вашата целна страница пред </body> тагот.  Вашата целна страница се дефинира според тоа што сакате да постигнете со имањето на Интернет страница (пр. зачленување за новости, регистрации за користење услуга, оставарување контакти и сл.). По страниците каде луѓето можат да ги внесат нивните податоци, обично имате страница за благодарност на која треба да го ставите овој код. Имено, кодот може да се внесе на било која страница на која вие сакате да следите некаква активност:

• По внесувањето на овој код, Facebook е спремен да ги следи вашите конверзии и да вади извештај според ваша желба:

Доколку веќе сте добиле покана да бидете дел од бета тестирањето, ајде сите заедно да тестираме и да видиме каква работа завршил Facebook и дали станува уште посериозен играч во полето на Интернет огласувањето.

Може да те интересира:

1. Внимание: Промени на Facebook Fan Pages
2. 10 корисни совети за користење на LinkedIn
3. Facebook Page vs. Facebook Group (Втор Дел)

Постот е превземен од Mashable, најголемиот извор на информации и новости поврзани социјалните медиуми и се останато што мене лично ме засега, а верувам и вас, и поради темата која што обработува е преведен за наши потреби.

Токму  како што таму наведува и како што веќе имаме кажано, за да можете да имате бизнис на Интернет логично мора да имате и интернет страница. Креирањето на вашата страница воопшто не е едноставен чекор. Таа бара еден куп планирање и одлуки, пред се за информациите кои ќе бидат прикажани, распореденоста на тие информации и поврзувањето на сродните елементи во една логична целина. Во овој пост се наведени неколку основни елементи кои ќе ви помогнат да поставите и одржите успешно присуство за вашиот бизнис на Интернет. Пред да почнете со имплементирањето на наведените елементи, бидете сигурни дека сте го поминале следниов најважен чекор:

Дефинирање цели

Пред да превземете било какви  чекори, дефинирањето на целите на вашето присуство на Интернет е иницијалниот чекор кој во никој случај не смеете да го прескокнете, бидејќи ниту еден следен чекор нема да биде успешен. Уште пред самото креирање на веб страницата мора да имате на ум што би сакале да добиете од нејзиното постоење.  Меѓу најважните цели на кои треба да внимавате доколку сакате вашата веб страница да биде успешна е диференцирањето на својот бизнис од останатите и укажување на она во што вие се разликувате и во што сте успешни за да можете да привлечете клиенти.

За да бидете сигурни дека оставате добар прв впечаток на луѓето кои намерно или случајно ќе наидат на вашата страница мора на ум да ги имате следниве 4 елементи:

1. Вашата интернет страница

Се започнува од вашата интернет страница. Таа е најважниот дел од вашето присуство на Интернет и центар на вашиот виртуелен бизнис, бидејќи е првото нешто на кое корисниците ќе наидат доколку пребаруваат за вас. Следствено на тоа, таа е првиот елемент за контакт со вашите потенцијални клиенти.

За да бидете сигурни да не ги изгубите на првата посета, мора да наведете што е она што го работите и зошто тие да ви веруваат. Одговорите на овие прашања ќе ја донесат одлуката дали вашите клиенти ќе останат на вашата страница и ќе научат повеќе за вашиот бизнис.

Доколку тие одлучиле да продолжат понатаму, следен логичен чекор е да видат детали за вашиот бизнис и по што точно вие се разликувате од другите кои ја работат истата работа. Значи, треба да имате импресивна страница, различна од почетната, која што ќе ја опишува вашата компанија и ќе влијае на одлуката на посетителите да продолжат да читаат за вашиот бизнис.

Потоа, задолжително и неизоставно мора да имате посебна страница за контакт, каде едноставно и кристално јасно ќе им објасните на посетителите како да стапат во контакт со вас. Оваа страница треба да содржи информации за вашата адреса, телефонски број, е-mail и останати информации кои сметате дека се битни за клиентот најлесно да стапи во контакт со вас. Можеби е паметно да вклучите и мапа каде точно се наоѓате со насоки како лесно да ги пронајдат вашите канцеларии.

Овие три страници (почетна страница, страница за вашата компанија и страница за контакт) се основните кои што треба да ги имате за да креирате присуство на Интернет. Меѓутоа доколку сакате едноставно да бидете уникатни и различни од другите, мојот предлог е да креирате блог.

2. Блог за вашата компанија

   Поради некоја причина многу бизнисмени бегаат од блогови. Тие сеуште имаат проблем да ги разберат предностите и придобовките кои поседувањето на блог би можело да им ги донесе.

   • Прво, пишувањето на блог ќе направи да звучите многу поверодостојно пред својата публика и да се афирмирате себеси како експерт и професионалец во областа.
   • Второ, блоговите се ажурираат редовно, што е причина плус посетителите да се навраќаат на вашата страница и да прочитаат што има ново.
   • Трето, пишувањето постови ви дава слобода и простор да го објасните она што го нудите во детали. Посетителите сакаат да знаат како да го користат вашиот производ, да прочитаат примери како другите луѓе го користат и како може да го направите нивниот живот полесен. Ваквата интеракција со вашите посетители значително ја зголемува можноста тие да станат ваши клиенти.

Откако ќе имате страница полна со вредни информации и блог кој постојано го ажурирате, ќе се соочите со пораст на посетите на вашата страница и секако зголемен број на потенцијални клиенти. Е сега како навистина да ги претворите посетителите во потенцијални клиенти?

3. Форма за зачленување

За да можете всушност да го продадете она што го нудите, треба редовно да информирате за новостите. Но новите информации не секогаш стигаат до старите посетители на вашата страница. Луѓето можеби еднаш ја посетиле страницата, но потоа не се сетиле да се вратат назад и да видат што е ново. За да бидете сигурни дека новите информации ќе стигнат и до старите посетители ставете форма за зачленување на вашата почетна страница, каде посетителите ќе ја остават својата email адреса. Со оваа форма всушност добивате дозвола да им испраќате нови информации на адресите коишто луѓето доброволно ги оставиле.

За уште повеќе да ви се олесни работата, на пазарот постојат повеќе алатки кои ќе ви овозможат да испраќате убаво дизајнирани нови информации на сите луѓе наеднаш. Некои од нив се: Vertical Response, MailChimp, Constant Contact, Aweber. Пробајте некои од нив и направете избор на оној што најмногу ви одговара. Инвестицијата во ваква алатка ќе ви се врати дупло, бидејќи маркетингот преку email е можеби еден од најефикасните начини да придобиете клиенти.

Собирање на email адреси на посетителите ви овозможува да реагирате проактивно. Не мора веќе да чекате клиентите да дојдат кај вас, туку можете вие да стигнете до нив.

4. Профили на социјалните медиуми

Уште еден проверен начин за генерирање потенцијални клиенти се социјалните медиуми. Социјалните мрежи ви овозможуваат директен и најлесен начин за контакт со потенцијални клиенти. Facebook Fan page или Twitter профил веќе стануваат неизоставен дел од секој бизнис. Доколку се дел и од вашата маркетинг стратегија, тогаш нивната застапеност на вашата страница е логичен чекор. Имплементирајте опција за посетителите да можат да станат фанови на вашиот Facebook Fan Page или да ве следат на Twitter директно од вашата страница. Овие два елементи ќе ви помогнат да останете во контакт дури и со оние луѓе кои само еднаш ја посетиле вашата страница.

Ова не се единствените елементи коишто би требало да ги проследите при максимизирање на вашето присуство на Интернет. Се пишувало за нив во минатите постови, а ќе се пишува уште многу и во идните. На вас останува да ги споделите своите совети и искуства со водењето бизнис преку интернет.

Извор: http://mashable.com/2010/02/10/business-web-presence/

No related posts.

Како петти најкористен друштвен медиум, LinkedIn заслужува еден ваков пост кој ќе ви помогне успешно да го менаџирате вашето присуство таму.

Прво и основно мора да сфатите дека ова не е Facebook. Внимавајте на кого ќе му дозволите да биде дел од вашата мрежа на контакти, а воедно и вие да бидете во неговата. LinkedIn ви овозможува дополнителна можност за создавање клиенти, но примарната цел овде не е продажбата, туку остварување вредни контакти. LinkedIn се базира на максимална доверба. Најверојатно е и најпозната платформа која што е базирана на доверба.

Е кога веќе сфативме дека LinkedIn е многу посериозна платформа каде што професионалците ги шират своите мрежи на контакти, можеме да продолжиме понатаму со неколку корисни факти коишто го карактеризираат овој медиум:

1. Основното што мора да го направите е да го исполните вашиот профил:
   • Внимавајте како ќе ја дефинирате вашата професија, бидејќи покрај вашето име тоа е првото нешто што го забележуваат посетителите вашиот профил. Освен вашиот работен назив, можеби би сакале да додате и неколку главни карактеристики што ве дефинираат вас како професионалец;
   • Слика – задолжително! Во никој случај не смеете да имате несериозна слика (некоја од вас со друштвото или сл.). Повторно, ова не е Facebook, овие луѓе на прво место се ваши професионални контакти, а не пријатели;
   • Внимателно дефинирајте што ќе напишете во кусиот преглед за вашата професија. Ова секако мора да се однесува на вашите главни карактеристики и работни обврски. Размислувајте што некој би сакал да прочита доколку сака да соработува со вас или да ве ангажира како професионалец;
   • Наведете информација за контакт. Олеснете им на вашите контакти да ве пронајдат доколку имаат било каква понуда за вас;
   • Соберете препораки, но не од секого, туку од луѓето на коишто вашите клиенти би им верувале. Не барајте од непознати да ви напишат препорака. Тоа би изгледало како чиста измама;
2. Запомнете: можноста да контактирате луѓе не е ваше право, туку дозвола од нивна страна. Не ја упропастувајте со праќање сувопарни промоции се со цел да продадете;
3. Не праќајте анонимни мејлови, барајќи од луѓето да ви пратат покана;
4. Ако прифаќате премногу контакти, вашиот профил станува премногу актуелен и мамка за спам;
5. Станете познати со активно учество и без спам, вклучувајќи се во дискусии, постирајќи вредни новости и сл. Луѓето ќе го ценат знаењето и вредноста која што ја придавате во нивната мрежа;
6. Искоритете ги препораките, маркетинг материјали, интернет страница, блог…Ќе влеете доверба кај идните клиенти;
7. Не барајте од луѓето кои се занимаваат со работа конкурентска на вашата да ве претстават пред нивните клиенти. Тоа е глупаво;
8. Повеќето највлијателни директори се таму. Однесувајте се со нив исто како што би се однесувале во физичкиот свет, за да можете да остварите некој бенефит;
9. Приклучете се на групи само според вашиот интерес; помалку спам – повеќе вредни информации;
10. Како да добиете повеќе членови во вашата група? Едноставно прашајте: пратете мејл и линк со учтива покана. Повеќето од нив ќе прифатат и ќе бидат почестени.

Листава без сомневање може да стигне до 101. За препораки и совети за користење на LinkedIn се пишува на големо. Споделете се’ што сте читале или што ќе ви падне на ум за поефикасно и професионално користење на оваа вредна платформа.

Може да те интересира:

1. Facеbook следи конверзии
2. Внимание: Промени на Facebook Fan Pages
3. Твитологист – нова работна позиција

Тука никако не ги изоставуваме и линковите коишто водат до вашата страница, бидејќи Google обрнува големо внимание во нивната анализа кога ги рангира страниците. Но доколку имате релевантна и добро оптимизирана содржина на вашата страница, линковите сами ќе си дојдат.

Е сега да се вратиме малку назад, пред вашата одлична содржина да си ги добие заслужените линкови. “Одлична содржина” во интернет маркетинг речникот е еднакво на “релевантна и добро оптимизирана содржина”. За да стигнете до оваа релевантна и добро оптимизирана содржина, еве еден план во 5 чекори, кој лесно можете да го адаптирате за да одговара на целите на вашата страница:

• Чекор бр. 1: Најдете ја трендовската клучна фраза (трендовска заради некој настан, актуелна ситуација или можеби зборови актуелни за сезоната) соодветна за вашиот бизнис, со помош на Google Trends.  На пр. доколку имате туристичка агенција, сега е правото време агресивно да ја таргетирате  фразата зимовање.  Доколку ја определивте вашата клучна фраза подготвени сте за следниот чекор.

• Чекор бр.2: Со помош на Google keyword tool ќе ги најдете останатите зборови или фрази кои се блиску поврзани со вашата иницијално определена клучна фраза, а воедно и обемот на пребарување на соодветните клучни зборови на светско и локално ниво. На пр. доста пребарувани клучни зборови релевантни на зимовање се: агенција, хотели, Копаоник, Боровец, смештај и сл. Изберете ги клучните зборови кои сметате дека се најрелеванти и продолжете на следниот чекор.

• Чекор бр. 3: Пребарајте колку се зборува на Twitter за клучните зборови избрани во вториот чекор. Twitter е непресушен извор на новости и идеи кои многу лесно ќе ви помогнат да ја дефинирате вашата содржина според актуелните теми во моментот. Користејќи ги темите на коишто корисниците на Twitter дискутираат, многу лесно ќе ги задоволите интересите на вашите таргетирани клиенти.

• Чекор бр. 4: Дефинирајте ја содржината користејќи ги клучните зборови избрани во чекор бр.2,  имајќи го во предвид и истражувањето од чекор бр.3.  Исто така ќе биде корисно доколку прегледате што во моментот е популарно на Digg или Delicious, за да добиете идеја која содржина поврзана со вашите клучни зборови предизвикува најголемо внимание кај корисниците.

• Чекор бр. 5: Содржината е спремна и достапна на вашата страница, но тука не завршува вашата работа. Во овој чекор треба да им дадете до знаење на луѓето дека имате нова или променета содржина на вашата страница, многу пред да чекате да ја пронајде Google сам. Дефинирајте конкретен начин на дистрибуција за секое парче содржина што сте го напишале. Најлесен начин за брзо пренесување на ваква информација се друштвените медиуми. Па засукајте ракави и кажете им на луѓето дека сте работеле нешто :).

Може да те интересира:

1. Конвертирајте повеќе посетители – Сега!

Деталите на примерот:

- реклама поставена на Facebook, која води до интернет страницата на компанијата која се рекламира. Еве ислустрација. Станува збор за извесна фирма Axis која рекламира обука.

Сајтот на Axis.com.mk и нивниот оглас на Facebook

1. Линкот на огласот треба да води до конкретната понуда

Бидете сигурни, оној/онаа што ќе кликне на огласот веќе покажал/а иницијален интерес. Мора да го дочекате со содржина која ќе соодветсвува со пораката која го донела таму. Покажете дека е на вистинското место и дека токму тоа што го бара, вие го нудите. Во ниту еден случај не го носете посетителот на насловна страна, каде меѓу другото се наоѓа и она за што дошол. Патем, ниту еден посетител нема од прва да види реклама на Facebook и да сврти одма на телефон за да дознае повеќе за понудата. Секогаш прво ќе кликне. Каков впечаток ќе добие понатаму и што ќе прави….

2. На својата страница понудете повеќе инфорамации од самиот оглас

Една од причините зошто е добро огласувањето на интернет е токму (условно речено) неограничениот простор кој може да си го дозволите на својот сајт.  Токму затоа самиот оглас треба да биде интересен, провокативен да го натера корисникот да кликне за потоа на „свој терен” да му „продадете” се што сакате :). Во спротивно, доколку на рекламата некоја информација е појасна и подостапна отколку на самиот сајт, посетителот ќе треба да чека повторно да му е појави истата на Facebook.

3. Користете кирилица

Нема потреба да се појаснува зошто. Македонски се пишува на кирилица, толку.  Ако ова не е доволно… еве уште една причина: на Facebook секој клик се менуваат голем број оласи од страна, локалните се издвојуваат и по кириличното писмо. Затоа ако сакате да ви биде позабележлив огласот покрај забележлива но не премногу драстично невообичаена слика (како за FB) користете и кирилица.

Може да те интересира:

1. За што користат Интернет македонците?

А зошто воопшто да се двоумите? Доколку се наоѓате во ваква ситуација и не сте сте сигурни кој е вашиот победнички дизајн, распоред или содржина на страницата време е да ги засукате ракавите и да почнете со тестирање. Оптимизацијата на вашата страница и тестирањето на различни варијанти на страницата се 2 најважни елементи кои можат да направат огромна разлика во сумата на вашиот профит, конвертирајќи што повеќе посетители во ваши клиенти. Но како да бидете сигурни дека дизајнот и содржината на вашата страница ќе бидат доволно привлечни за вашите посетители да станат ваши клиенти?

Google Website Optimizer е многу едноставна алатка која што ќе ви помогне да ги решите вашите дилеми. Скоро и да ќе ја донесе одлуката за најдобрата страница место вас. Спремете различни дизајни  или пак различна содржина (2-3 е оптималниот број на варијанти) и спремни сте да почнете со екпериментот. Во зависност од тоа дали сакате да тестирате различен дизајн или пак различна содржина, треба да го изберете и соодветниот екперимент (A/B experiment или  Multivariate Experiment).

Се што треба да направите е да имплементирате краток код на различните варијанти; да ја определите целта на ваквиот екперимент (страница до која посетителот треба да стигне за да ја оствари вашата цел) и да имплеметирате код и на оваа страница. Потоа оваа алатка напоредно ќе ги прикажува различните страници и ќе го мери нивниот преформанс. По одредено време (оптимално, 200 остварени цели – во зависност од она што вие сте одлучиле дека ви е цел на страницата) алтката ви кажува која од различните варијанти е вашата победничка, т.е подобро си ја остварува целта.

Она што скоро секогаш го заклучувам од ваквите екперименти е дека можно е најдобриот и најпрекрасниот дизајн на светот да не ја исполнува вашата цел , туку сосема обична страница со добро испланиран распоред на елементите и добро обмислена и прикажана содржина може да направи бум за вашиот профит. Како маркетинг човек, секогаш земајте ги за приоритетни распоредот на елементите и содржината и не најстојувајте на силно впечатлив дизајн кој ќе биде најубав на светот, а сепак нема да ја содржи посакуваната комбинација на содржината и нејзиниот распоред.

Е сега фатете се за работа и тестирајте колку одредена промена на вашата страница влијае или не влијае на остварувањето на вашата цел и споделете ги вашите искуства.

Може да те интересира:

1. 5 чекори до подобра содржина

• Дали сакате да се поврзете со пријатели и роднини?
• Дали сакате да споделите важни информации и новини со вашите клиенти?
• Дали сакате да привлечете нови клиенти и да им објасните зошто тие би требало да го користат вашиот производ или услуга?

Јасно е дека доколку целта ви е да контактирате со пријателите и роднините воопшто не ви ни треба професионален профил. Но, доколку вашата цел е некоја слична на останатите две, тогаш би требало да знаете неколку основни чекори кои ќе ви помогнат да го менаџирате вашето присуство на Twitter:

1. Уникатен дизајн. Аплицирајте уникатна позадина на вашиот профил. Дифолтната ја користат премногу индивидуалци и бизниси, па нема ништо оригинално во тоа. Има повеќе алатки кои ќе ви помогнат во креирањето на ваша позадина, а притоа се бесплатни, како на пример Twitbacks.

2.  Лични информации за контакт. На тој начин ќе им овозможите на оние кои ве следат на Twitter да ги поврзат вашите твитови со реален човек. Ова им нуди многу повеќе персонализација и им влева доверба. Луѓето сакаат да знаат дека позади брендот постои реален човек, сакаат да го запознаат тој човек и да се потпрат на него за сите проблеми и совети во врска со брендот. На тој начин и вашата поддршка на вашите клиенти е многу полична.

3.  Професионални твитови. Луѓето ве следат со причина. Дали причината е нови понуди или промени во вашите производи и услуги, тие ве следат токму заради тоа. Еднаш кога ќе одлучите да ја промените темата на комуникација, вие ризикувате да ги изгубите. Затоа секогаш пред да постирате некој твит запрашајте се зошто луѓето ве следат и дали содржината на твитот е она што тие очекуваат да го прочитаат. Ако одговорот на овие прашања е не, тогаш воопшто не го постирајте тој твит.

4. Зачестеност на твитање. Твитајте редовно. Луѓето кои ве следат очекуваат редовни информации за вашиот бренд. Но внимавајте да не претерате. Доколку постирате 20 твита наеднаш очекувајте дека дел од луѓето нема да ве следат повеќе. Никој не сака да го пренатрупате со информации и да го спамирате. Доволни се неколку твита дневно за на професионален и уреден начин да им ги пренесете информациите на луѓето.

5. Луѓе кои ги следите. Најлесен и најприменуван начин за што повеќе луѓе да ве следат, е вие да следите еден куп луѓе. Но, тоа не е правилниот начин, затоа што нема да ви ги донесе очекуваните резултати од вашето присуство на Twitter. Следете само луѓето чии твитови се од ваш интерес и кои можат да придонесат вредност за вашиот бренд. Доколку некој кој не ве следи го посети вашиот профил и види дека вие следите 3000 луќе а ве следат 300, нормално е да помисли дека немате доволно вредна содржина на вашиот профил и да се одлучи да не ве следи. Доколку ситуацијата е обратна, 300 луќе следите, 3000 ве следат, овие 3000 многу лесно се зголемуваат се повеќе. Но сепак, мора да се трудите да бидете што поинтересни за да ги придобиете луѓето да ве следат.

Овие чекори ќе ви помогнат да ја поставите основата за професионално водење на Twitter профилот. Се надевам дека секој оној кој што поседува профил на Twitter, веќе на памет ги знае и применува. Но тука не завршува работата. Секој има свои тајни на успех за водење на профилот. Па ве повикувам сите да ги споделите вашите!

Сподели:

Може да те интересира:

1. Твитологист – нова работна позиција

Во што е штосот? Сите оние коишто малку повеќе се позанимавале со своите страници и ги менаџираат попрофесионално од додавање само на статус, линк и слики, ќе мора да се придржуваат кон одредени правила:

1. “Boxes” /”Application” табови. Што значи ова? Сите вие кои користите “Boxes” (се појавуваат лево на fan страницата или во еден од табовите), спремете се за нивно исчезнување. Тие веќе нема да постојат и целата содржина која што ја имате во нив ќе исчезне. Она што може да направите е да се фокусирате на “Applications” (се појавуваат десно на страницата или во еден од табовите). Сите промоции, настани, видеа, купони или било каква друга адаптирана содржина сега ќе може да додавате само преку “Applications”.

“Boxes”



“Applications”



2. Ограничување на ширината. Досегашните дозволени 760 пиксели, сега се ограничуваат на 520 пиксели, заради најавениот нов дизајн на личните профили од страна на Facebook. Ова ќе ги принуди сите сопственици на Facebook Fan Page, кои што користат “Applications” и имаат свој дизајн на овие табови, да ги редизајнираат  и да ги адаптираат на новата дозволена ширина. Дури и Facebook ќе мора да го редизајнира сопствениот Fan Page :).
3. Fan Page содржината во News Feed на фановите. Е ова веќе сите ги боли, знам. За да се појави содржината од вашата страница во News Feed на вашите фанови, прво ќе мора да го заслужите тоа. Ова веќе нема да биде право на сопствениците на страници, туку привилегија. Се зависи од тоа колку вашата страница е атрактивна за фановите, колку често тие ја посетуваат и колку многу се вклучуваат во дискусии, коментираат или постираат на вашата страница. Според свој алгоритам, Facebook ќе одлучи колку вие сте заслужиле содржината на вашата страница да се појави во News Feed на вашите фанови.
4. Собирање e-mail адреси од фановите. Ова мислам дека на сите ќе им се допадне по горенаведените ограничувања кои Facebook ги воведува. Сопствениците на Facebook страници ќе бидат во можност со 1 клик да собираат e-mail адреси од своите фановите користејќи ново e-mail API од Facebook.

Овие промени со сигурност ќе го променат начинот на кој брендовите се промовираат на Facebook, но нема да ја намалат ефективноста на промоцијата. Брендовите сеуште ќе бидат во можност да бидат присутни на Facebook и да ги собираат бенефитите од најголемата двонасочна комуникациска платформа во светот, можеби и на дури поефективен начин од сега. Овие промени секако ќе ве принудат да посветите уште повеќе внимание на вашите страници, со цел да ги направите поефективни и поатрактивни за вашите фанови. Па, засукајте ракави и почнете со подготовки за промените.

Може да те интересира:

1. Facebook Page vs. Facebook Group (Втор Дел)
2. Facebook Page vs. Facebook Group
3. Зошто Facebook Page, а не личен профил за твојот бренд